غيرك ما يحلالي الجزء 18

طريق كانت طويلة و متعبة الجو سخون شوية ..حلا مزال معصبة من رضا و من غواتو مربعة يديها و مغوبشة تتشوف فالطريق من الزاجة ماهدرات ماشاركات معاهم الهدرة ...عبد الصمد تيشوف فيها مرة مرة تيرمي ليها غمزة فيها شلا معاني ...تتحني عينيها و تلف فالتليفون تغداو و رجعو كملو الطريق و حلا ضرباتها ناعسة هاد المرة ...حتى قربو يدخلو للكتامة عاد فاقت تتفرج فالطريق شحال ماجات من هنا ملي كانت صغييرة عاد بنت خمس سنين ناسية الطريق ..تفوهات و عينيها مجبدين تتشوف فالطريق و الطموبيلات رباعية اادفع عالية تيطيرو من حداها وحدة ورا وحدة تيمشيو بسرعة خيالية هوما غادين و الديور تيبانو مفارفين تحشم تسميهم ديور الفيلات و البني فخم و الحديد الواعر دايز من تما ...و العشبة خضرااا مزوقة الدنيا والطنوبيل لي داز تتشوف يد مخرجة من الزاجة تيحيي عبد الصمد و تيرد عليه بنفس الطريقة ...حتى توقفات عيونها على صف من الطموبيلات تيطيرو وحدة ورا وحدة و دارو ورا واحد الدار مدورة بالشوك تيتواصلو بالاشارات و الظوء ضارب خضر تعجبات و شدها الفضول و عجباتها الاجواء ... داز عبد الصمد بسرعة من تما و دخلو من طريق عامرة حجار و الطموبيل طاحنة الارض بروايضها ...عيشة خافت من السرعة و هتفت

_ غا بشوية بشوية قلبي غيوقف خصاك طير ولا بشوية......

عبد الصمد ( عاقد حجبانو تيسوگ ) خفتي الالة يما ...ها حنا نقصنا مرتاحة دابا...

نقص السرعة شوية و رجع لعوايدو ماوصلو حتى كان قلب عيشة غيوقف ...سبق سعيد و خوه ووصل قبل منهم ...! نزل من الاوطو لابس سروال دجينز و شوميز فالازرق خفيفة و تبعاتو عيشة تتنكر عاد نزلات حلا تتصاوب سالفها المطلوق و شداتو بمقبط لابسة بنطلون اسود كلاسيكي و شوميز حريرية فالاحمر غامق قصيرة خاشياها مع البنطلون لي السمطة ديالو واصلة ليها للخصر ..عبد الصمد طلعها و هبطها و نطق منيرفي..

_ هبطي داك الزمر...

حلا ( شافت فعيشة لي تتسمع و نطقات مغوبشة ) مافهمتش لاش تتغوت ؟

عبد الصمد ( مبرزط ) ستري راسك احلا ...

عيشة ( بسم ) ستر راسك كاصمكة سمع كلامو....

نفخات حتى هي و علات حجبانها ماعجباتهاش طريقتو فالهدرة و ماشي غريب عليه ملي تتدير لايف ولا تتلبس شي حاحة ماعجباتوش تيولي هكاك و كثار....

لبسات فيسط اسود كلاس ساتر فخاضها و زادت تابعاه بالطالون و الفولار فيديها ....عطاها يديه ملاقي حجبانو...

_ عنداك طيحي...

شدات فيديه منفخة و جر عيشة لعندو و دخلو لدار كبيرة بابها مفتوح و الكراسا على برا مستفين و البراهش كيلعبو و ينقزو تقول عندهم عرس.....قربو للدار و سترتات حلا شعرها بالشال و الرجال غي شافو عبد الصمد سلمو عليه و ماهزوش العين فحلا سمعوه تزوج تاني و عرفوها غتكون غي مراتو و عارفينو كي داير وخا حياتو غا بين الݣور ..دمو حار و مغيار على خوتو البنات و النساء ديالو تيبغي سمعتهم تكون بحال الجوهر ...لذلك حناو العين غي البعض هزها مسروقة تيشوفو زوجة عبد الصمد كي دايرة بنظرة فضولية ذكورية...!

حنى عبد الصمد راسو عند حلا ...

_ التليفون بيناتنا جلسي مع النساء وقعات شي حاجة دوزي ليا لابيل ...

حلا ( هزات عينيها فيه مغوبشة ) ندوز لابيل باش تغوت عليا تاني ...نتا من النوع لي كيعجبك تبان قدام تاصيلتك و تقمع فيا قدامهم...

حك لحيتو تيدوي قريب من وحهها و حجبانو ملاقيين ...

_ حتى اليل و نوريك شمن نوع انا ....

حلا ( عقدات حجبانها فيه ) و يانا بغيت هاد ليل مايجيش ...

شافتهم حلا عند الباب تيهدرو محني راسو لعندها حساب ليها معرفت شنو تيقولو تما...جرات لعندهم و بصرامة العحوز نطقات..

_ هالة...اجي لهنا زيد قودااامي......

قلبات حلا وجهها من على عبد الصمد و تبعات عيشة بداك الشال تيزهق على شعرها و اناقتها الباينة و اطلالة الاسود الفخم ...طلات على مجلس النساء المخلط شابات فعمر الزهور و نساء كبار و براهس صغار...الكنازة كانت البارح و الميت طمروه ولايني الحباب مزال محمعين و البكاء على الميت ضروري حرقة قلبهم زوجة المروحوم لابسة البيض تتبكي في صمت و البقية تعلقات عينيهم على حلا بفضول كانو كيستناو غا يشوفو مرات عبد الصمد كي دايرة و ملي شافوها مع عيشة و هادي تتسول هادي...شكون هاديك لي مع عيشة ؟ واش مرات عبد الصمد هاديك ؟ واش سميتها حلا ولا هالة..؟ كنت حاسبة غيكون تزوج بشي زعرة عاود ؟ سمعت ريفية بصح ...؟ الصراحة عبد الصمد خدا الزين اختي....

ماخلاو ماقالو عين تبكي و تواسي و عين حاضية حلا...حتى جات صفاء و سكينة بالجلالب ووالحجاب حتى هوما و طاحو فالمقارنات و التبركيك ...

_ كانت صفاء هي الغزالة ديالوم دابا حلا لاتبان غزالة علييهم باربعة عبد الصمد دجوج بالزاين ....

_ حشمو مادكارهوشي النويطات مع بعطوم العايلة كاملين لايحمقو بالزاين صلاة على نبي ...

الدار من الداخل بحال القصر تتحمق مفرشة على حقها و طريقها ولايني ناسها لاعلاقة ...عيشة جالسة الوسط و عريساتها حداها صفاء و سكينة مع بعضهم من جهة و حلا حداها من الجهة الاخرى تتشوف و ساكتة و جو الكنازة كيمرضها و تتسهى و تفكر و تنهد ساكتة و حسها مقطوع و عيات بالطريق ...عكس صفاء تتهاود و ترد و تضحك مع هادي و الاخرى و ولات عندهم حلا المكبرة و المعفرة غي القليل لي قال العروسة جديدة حشمانة مامولفاش...ناضت عبشة عند صحاباتها شادين للهدرة...حتى جبدو ليها الهدرة على حلا...و نطقاات بحقد ...

_ الزمر هيداك كدكون قارمة و معفرة لاتحسب فراسا شي حاجة انا مانحملا مانقبلا فيها الكبيرة بزاااييف ....

بغاو يحطو الماكلة و ناضو البنات تيعاونو و عيشة خنزرات فعريساتها يفهمو راسهم...صفاء دارت راسها ماشافتهاش و سكينة لي حشمات و ناضت تتعاونهم مولفة معاهم اما حلا قلبات عينيها منها عين باين و لي بغات ديرو ديرو ...فين ماترمي العين تتلقى شي وحدة تتشوف فيها و يتحللو و يفصلو فيها و ينعتو عليها بحال الى مراة الوزير....تحطات الماكلة و تجمعو تياكلو و حلا مارتاحتش عافت ديك الماكلة و حاضية غي مع حنابها تتخاف بزاف من السحور ....كلات غا بزز باش مايحسوش و رجعات اللور عيانة ...

نطقات فتاة فالعشرينات تتبسم مع حلا...

_ عيتي الغزالة دخول تكى شوية فالبيت ...( شافت فعيشة ) احبابي غتباتو هنا نوجد البيوت ؟

عيشة : لا غنمشيو لدار ديالنا خاوية لاتعدبشي راسك...

الفتاة : ماكاين عداب باتو معانا ولاهيلا الدار ديالكم خاوية و باقا ماتخملات و عامرة غبرة شحايلو ماتفتحات و هنايا كوشي موجد البيت ديالك وصفاء و سكينة ( اضافت بابتسامة ) و د العرايس عطيناهم الغرفة الكبيرة غا يكونو مرتاحين ...

عيشة( غوبشات ) : ماسوقيش انا عبد الصمد غيرود علينا و نشوفو المرضية ...

ضحكات عمة عبد الصمد و ردات...

_ و تهلاو فالعروسة د عبد الصمد لايعيط علينا العايلة .....( تتبسم مع حلا )شعندا العروسة حشمانة لادحشمشي منا المرضية.....

حلا ( تبسمات طالقة عليها لسانها ) بارك الله فيك اعمتي ماخليتو ليا مانقول اصلا الله يكبر بيكم ...

العمة ( ضحكات ) و شوف على صويت عندا شعال غزال و حلو ...قولت غا حشمانة ...

حلا ( تبسمات ) الجو د الموت كيمرضني و كيمشيلي الخاطر هذا ماكان....

العمة طبطبت عليها برضى و شافت فعيشة تتضحك...

_ الحلاوة عند عبد الصمد اعيشة الله يفرحك بحفايدو ياربي....

عيشة زيرات سنانها معصبة تتغدد ملي تيشكروها قدامها ...تتهززفراسها و تهمهم و صفاء و سكينة حسو بالعيون كلها على حلا و الاهتمام كامل واحداه هي حسو بالغيرة ...و عيشة راسها عمراتو ليها واحد الشارفة بحالها و مسمومة و فمها تينقط غي سم كثر من عيشة...

_ رود بالك اعيشة النويطات عمرو يكونو مفاهمين مع بعطوم لاينوضو عليك بالضر ماشي بالنفع يحفرولك الحفرة و يطايحوك فيها لادخليهومشي مفاهمين فراق بيناتوم ...

بالشعيور مصبوع بالزعيعر مجموع لابسة كسيوة طويلة لاصقة على جسمها جسمها ناضج ماهي ضعيفة ولا غليضة ماطويلة ماقصيرة ...هازة بنتها فيديها ناعسة و دخلات لدارها لقاتها حالتها و مرونة حطات بنتها ففراشها تنعس و هزات تليفونها ايفون فالغوز بيبي تتصوني و تعاود حتى شد الخط و نطقات بابتسامة...

_ آلو خولة ياك ...اه انا ختها خلود صافي ياك علماتك وخا اختي انا فالدار دابا و راجلي ماكاينش بارك الله فيك نهارك مبروك انا نستناك...

رمات التليفون بعد ماسالات معاها الهدرة و ناضت تتبدل حوايجها حتى جات خولة بعد ساعة و عيون خلود تتفحصها عجباتها و عجبها زينها ابتسمات معاها و رحبات لبها واخدة بالها معاها و مطرقة باب بيتها بعد تعارف و كلام بداو الشغول و الصح الصحيح ...خولة بواحد القندورة ديال الدار و محزمة الفولار على راسها عرقانة تتخدم و تضرب تمارة خدامة بجد نيتها مراة معقولة و همها غا تعيش ولادها و تدخل ليهم طرف د الخبز حلال....عياو و سخفو بحوح مع الشقاء و فراش خلود تقييل و فخم خلود جلسات تنرتاح وخولة ماقدرت تجلس تتعرف خدمتها خصها تساليها شافتها خلود و نطقات ...

_ خولة جلس اختي نرتاحو شوية....

خولة : خصني نسالي دغيا اختي خلود العايلة ديااي غتجي من المدرسة دابا ...

خلود ( تتطلعها و تهبطها )وخا نتي تعرفي...

تحنات خولة تتجر فالكنابي و تنقي تحتو و و بانو سيقانها بيضين و عامرين كيحمقو و فولارها تيزهق من شعرها زعر و رطب باين طوويل مكمش تحت داك الفولار و العوينات عسلين دابلين و بشرتها تحرقات بالشمس زينها تيتلف بتمارة و الشقا والهم و التحمام.....دخلات خلود لبيتها و جبدات حوايجاتها مزال تتلبسهم و زوينين بغات تعطيها سي حاجة منهم ....جبدات بنطلون واسع فالابيض و شوميز عسلية و كسيوات طوال اغلب ملابس خلود طوال راجلها تيغوت عليها ومشاكلها معاه غي على اللباس و الزواق و المكياج لي كدير ...كانو اصدقاء و عشرة سنين هي مسلمة وهو نصراني حتى ولا معاشر غا مع المغاربة و بغى يسلم و تعلم الدرجة تيدوي بيها مزيان و قرا على الاسلام و قلب و سول و عندو عقل تيوازن و يفهم ...تزوج بخلود وخا مكدير لا حجاب ماتتلبس الطويل و الصلاة عندها شبه مقطوعة تتصلي و تقطع عكسو هو الصلاة فالوقت و الفجر فالوقت و تيحاول يكمل اسلامو و يدير الخير و تعاشر مع ناس الدين و الفقه و ولى هو و خلود غا الصداع و المشاكل على لباسها هو تيقوليها هذا ماشي لباس وهي تتقولو نهار الاول تزوجتي بيا كنت هكا ماعندي مانغير....مفشسها و تيعزها و تيموت عليها و كثار ملي ولدات ليه بنوتة و سماوها غرام ولكن ماكايناش حياة بدون مشاكل...

خرجات من بيتها بابتسامة بطبعها ذكية بنادم تتعرفو من عينيه و شخصيتها غير على خوتها ...جلسات فوق كنابي تتطوي دوك الحوايج وتدوي مع خولة...

_ انا و ياك كنلبسو قد قد يمكن...خودي هاذو مني يجيواك زونين ...

خولة ( بفرحة ) بارك الله فيك اختي...

خلود : شحال كتلبس فرجليك ..انا كنلبس 39 شوف واش يجيو قدك......

فرحات خولة بدوك الحوايج و علاش ماتفرحش وهي محتاجة و مزال صغيرة الشقاء و تمارة و الهم ماخلاو ليها بلاصة فين تفرح لراسها تتقلب غا تستر ولادها و توكلهم و تشربهم عاىلتها تيعرفوها من العيد للعيد غا اذا هداهم الله و فرحوها بشي حاجة......هزات خلود صاكها خرجات الفلوس تتحسب شحال تعطيها على تمارتها اليوم جبدات 700 درهم هي لي لقات عندها مصرفة و مداتها ليها...

_ هاكي اختي سمحلي عدبتك معايا ...

شدات خولة الفلوس بابتسامة و عويناتها العسلين برقو بفرحة 700 درهم عندهت هي 7000 درهم تعيشها شهر ...

مشات لدارها طايرة جابت ولدها من عند الجارة رضعاتو و شد البزولة بلهفة و خرحات تتجرجر فداك البلغة قديمة فرجليها و جلابة مكشوفة و بزطام صغير مقشر جابت بنتها من المدرسة وتقدات و عمرات الثلاجة صغيرة و تكمشات فدويرتها فرحانة .....

دخل راجل خلود لقى الدار تتشعل نقية و خلود جالسة فالدار تتلعب مع بنتها و تضحك معاها ابتسم و رشقات ليه ملي لقاها فالدار مولفها كطير و كل مرة فين خارجة....شافتو و ناضت لعندو هازة غرام تتضحك...

_ ها بابا جاا...غغغغرغر ...قولي بابا...

حمزة ( هزها لعندو فرحان بيها ) بابا....( شاف فخلود ) شكون عاونك فالجميع ؟

خلود : جبت وحدة عاوناتني...

حمزة ( بعبوس ) شكون هي ...

خلود ( باستو من خدو تتضحك ضاسرة عليه ) و علاش تتسول اصاحبي...غي وحدة تتعرفها حلا مسكينة مات ليها الراجل و خلا ليها جوح ولاد خدامة عليهم بعرق كتافها و حارة فشغلها و درويشة و معقولة مزال صغيرة و التمارة خرحات عليها....( شافت راسها عيقات فوصفها و حمزة طالق ودنيه تيسمع جمعات حجبانها تتلف ) شوف غرام كي تتشوف فيك...

حمزة ( باسف ) و شكون كيصرف عليهم...

خلود : على ماسمعت هي العائلة ماتعولش عليها الحبيب ديالي ...( ضماتو تتضحك ) شنو عاود بقات فيك قلبك حنين الحبيب ديالي ...

حمزة : شحال عطيتيها ؟

خلود : 700 درهم هي لي لقيت عندي ...و صافي ربي يفرجها عليها كلها و شنو مكتب ليه ربي ...

جراتو لعندها تتدور بيه و باستو من فمو تجاوب معاها بحب و اعجاب و تكاها تما مخلين غرام فايقة تتشوف فيهم و تمص فاللهاية تتطيح ليها و طلقها بغوتة ....

خارجة مع صفوان و الولاد تيشوفوه كبحماقو عليه...وهي معاه جامعة شعرها عالي و لابسة فيسط ازرق سماوي و سندال عالي مع بنطلون ابيض تتشوف فصفوان هاز امير فوق كتافو و ازهار تتنقز حداه و تغوت بالجهد فوسط الزنقة...

_ عمو بالونا ...

صفوان : شنو اعمو ..بغيتي بالون ياك عاد فركعتي مها قبيلة مابردتيش ..

نسيم تتضحك و ريح البحر ضارب فيها...

_ لا ماتسمعش ليها اصفوان بلا ضسارة...صافي يلاه نرجعو للدار....

صفوان ( تيشوف فازهار ضاحك ) نتعشاو برا عاد نتكمشو فالدار .....شي ريسطو د الحوت زوين هنا والو !

طلعو لطموبيل صفوان و نسيم جالسة حداه القدام وهو مقاتل معاهم اللور خاطرو موسع و تيموت على ولاد خوه كيتوحشهم و يجي طاير لعندهم يخرجهم و يتهلا فيهم...طلع حداها منتوف و حوايجو ترونو ...ضحكات نسيم على تعابير وجهو...

_ و فشسهم كنقولك ماتعلمهش الضسارة عليك ...

صفوان : اهانية خليهم بصحتهم...ياك غي عمهم ! و هانية...

نسيم : و شفتي دابا غتخليهم كيبكيو و يمرضوني انا فصحتي فين عمو عمو.....

طلقها بضحكة و الموسبقى مجهدة فالطموبيل. تيغني معاها و ازهار تتموت بالضحك اللور ...خدا سيلفي جامعهم كاملين و حطها فانستاغرام.....حتى ووقف الطموبيل حدا مطمع عاىلي ..اهتز تليفونو على صوتورسالة صوتية شاف شكون لقاه يحيى...فتح الرسالة حدا نسبم بعفوية مبسم تيسمعو ...

_ ياولد ال**رة ينعل طواسلك ال**ل مسح داك المرض....لللل

قطه الرسالة الصوتية بالزربة حشمان من السبان قدام نسبم و نسيم قلبات وجهها مصدومة من كمية الشتائم و دخلات معاها الحلعة منو ...يولات بقلق..

_ واش تعصب على الصورة !راك مابانش وجهي كامل...

صفوان ( مبرد ) و حتى نتي انسيم...ماكتعرفيش يحيى تيشدو الحماق مرة مرة...

نسيم : لا غي مسحها اصفوان انا عندي عادي ماشي اول مرة و ماحسابليش غيتعصب هكا...

صفوان : داك خينا مقلوب فعقلو ..ماكانش هكا والله لا ماكان هكا ...العجب يااخي.....

صونا عليه يحيى و رد عليه صفوان معصب مارضاش و قلبوها غوات ..

_ و ماتسبش اصاحبي ماتسبش...مي هي مك نتا معايا مرتك وولادك عرف شنو كتخرح من فمك ....( ضرب على الفولا معصب ) وصافي صافي نتا باغي ااصداع مفهووم....و سمعني..سمعني يحيى سمع سمع...شوف الفوطو مرتك مابايناش وجهها كلها كااع...وماحسابليش غتمرضنا بالناقص...صافي بدل الساعة باخرى....

بداوها غوات مع بعهضم مابغاو يسكتو و صفوان صعر مارضاتش و ماعحبوش الحال تقلب دمو ولى حمر و طالعة ليه قنديشة الولاد سمعو غواتو خافو و تكمشو و نسيم قرمات و ضربات الطم ...دخلات تتشوف فالفوطو. قبل مايمسحها لقاتها فيها عدد لاباس بيه من لايكات و تعليقات قليلة دخلات تتقرا لقات وحدة علقات ضاحكة...

" ههه صفوان طلعتي مزوج ووالد العفريت..."

رمشات نسيم بالزربة ملي قراتو داك التعليق حتى لقاتو طار و طار حتى البوسط و خرج صفوان تينفح و يسوط و تليفون نسبم تهز على اتصال يحيى ردات عليه و قلبها شوية و يقفز من بلاصتو ....

_آلو ...

يحيى ( بحدة) فينك !

نسيم ( عقدات حجبانها ) خارجة مع صفوان ...

يحيى ( بغضب )رجعي للدار انسييم و جلسي حدا ولادك ممنوع تخرجي معاه صايي ضربي عليه ...

نسيم ( بضيق ) بقى ليك حتى صفوان تشك فيه ماشفتيش راسك زدتي فيه...

يحيى ( بصرامة ) ماتصعريش دي**مي ممنوع تخرجي معاه بوحدك و ممنوع التصاور بغا ولادي بجي يخرجهم بلا ماتخرحي معاه نتي ...مسحي داك الزبل لي ناشرة مانبغي حتى تصيورة ديالك محطوطة فشي قنت والا بالله حتى نرونها معاك انسييم....

نسيم حبساتها البكية و الشهقة من غواتو و حسات بالحكرة فهمات انه تيشك فيها و فصفوان نطقات و البكية غالباها ...

_ قولها ايحيى تتشك فيا و فخوك...وصلتي لهاد الدرجة...

غوت عليها حتى قفزات ..

_ اشمن شك ولا ز** بلا ماتفركي لينا المرارة من حقي الالة من حقي خويا ماتصويرش معاه ماتخرجيش معاه بوحدكم ماكاين لا شك لا مرض ....

نسيم ( تتبكي ) وخا ايحيى بسلامة...

سمعاتو رد معصب ..

_ دابا مالكي هدرة جوح طيحي الدموع انسييم ...

نسيم ( مسحات عينيها تتشهق ) بسلامة ايحيى...

قطعات عليه بلا ماتسمع حتى حرف منو خبات وجهها ببن يديها تتبكي عيات تحبسها ماقدراتش مارضاتش و ماحملاتش كلامو كي غدير تشوف فصفوان و صفوان كي غيدير يشوف فيها تتقول فعقلها علم الله شنو فهم ...هكا يحيى خلق حساسية بيناتهم هذا ماكيشوف فالاخر ..نسيم قالبة وجهها تتشوف فالطريق مزيرة و باكية في صمت و صفوان بقى فيه الحال بالجهد و هاز فخاطرو من يحيى ماعجبوش كلامو مابقا قادر يهز حتى العين فنسيم و حشم منها كثار ماهي حشمانة منو.....ماعاودش عينو جات فيها ولا لسانو خاطبها وصلها حتى لباب دارها و عاونها مع الولاد و تسالامو باليدين سلتات نسيم يديها بالزربة تعقداات منو و من كلام يحيى و هو ندم و جمع صبعانو عندو كانو عادي و النية صافية حتى تخلقات حساسية بيناتهم ...و اي شوفة بيناتهم تتجيب الشك و مابقاوش كاع مرتاحين لا فالهدرة لا فالشوفة....ماعمرو شاف فيها شي شوفة خايبة عندو عزيزة و تيترتاح ليها و تيعاود ليها كاع اسرارو و يشاركها صورو مع البنات لي كان مصاحب معاهم و شحال مرة طلب منها تعاونو تختار ليه كادو لصحبتو ولا يتشاور معاها فشي حاجة و ماتتبخلش عليه تتحسبو خوها و هي حاطها فعينيه هي وولادها ..حتى لدابا مرضاتو هدرة يحيى فراسو و تعصب و حرم حتى الشوفة فيها طالع ليه الدم....

دخلات لدارهم بوجه محمر تلاقاها رضا و غوت عليها حتى قفزات من بلاصتها...

_ ماشفتيش راسك زدتي فيه بالدخول و الخروج معاااه...

نسبم شدات قلبها خلعها و هي تتخاف منو تيهبط فيها الماء...

_ توحش ولاد خوه و خرجت معاهم مافيها والو ...

رضا ( بقات فيه ملي شافها قفزات هكاك ) راجلك خلاك تخرجي معاه ؟

نسيم حنات راسها بتعب مافيها ماتناقش معاه ....

_ اه هدرت معاه....

هز يديه بعفوية تيحك رقبتو حتى قفزاات مخلوعة عند بالها غيضربها...عقد حجبانو فيها و جرها لعندو محني صوتو ناطق برفق..

_ عمرني ضربتك حتى نديرها دابا كاع هادي خلعة فيك ههه...

نسيم ( حنات عينيها و تبسمات ) و ماعرفت هزيتي يديك خلعتيني...

جرها لعندو مبسم ..

_ نتي بوحدك لي كنغوت عليك و كيضرني خاطري من بعد ...

تبسمات و جلسات معاهم شوية حتى ناضت بدلات لولادها و بدلات هي و تكات تتفكر و تخمم فحياتها المرونة....فتحات التليفون و طلع ليها يحيى طالع لايف فالفايسبوك دخلات تتفرج فيه مكمشة فشعرها الاسود و عيونها تتبرق بالدموع....كان تيهدر بالانجليزية بطلاقة و التعليقات كذلك كلها بنفس اللغة و كل واحد و شنو كيسول فيه و تعليقات الشكر و المدح كثيبرة معروف يحيى باستاذ خطير ففهم لغة الخيول و متعمق فدراسة نفسية الحيل و الظاهر موضوع اللايف على الاخطاء الشائعة لدى الفرسان و الاهتمام و الاعحاب و القلوبة مشيرين فالتعليقات كاين مهوسين فالخيل لدرجة غريبة و كيموتو على داك المجال و كل حاجة تتعلق بيه تيموتو على يحيى لمجرد انه تيقريهم و يقربهم اكثر من الخيل و داك العالم بعض الاعضاء تيكونو فايتين 25 سنة تيظلو يمجدو فيه و مرات تيتوصل بهدايا غالية و فخمة ليه و لمراتو و ولادو ...و عندو معارف كثيرة و اصدقاء بلا حساااب داخل المغرب و خارح المغرب مصر دبي اوكرانيا اسبانيا فين مامشى تيدير بلاصتو تتحصال غا نسيم ملي تيجيو للمغرب و تيكونو فضيافة يحيى باغين يجربو اكل مغربي منزلي تقليدييي و يتعرفو على التقافة المغربية ....

طلع ليها تعليق وحدة سميتها كلارا دايرة قلوبة كثااار غرقاتو بالقلوبة و زايداها باي لوف يو ..حمار وجهها بغضب و جلسات جالسة تتستناه يوصل لتعليقها و تشوف باش غيجاوبها...عيات تساين فيه و التعليقات تيطلعو بالزربة وهو تيتمهل بالاجابة و يشرح بالثقالة و مرات تيضحك برزانة نقز تعليق البنت و جاوب لي بعدها و عاودات البنت كررت نفس المنظر حتى انزعج يحي و عطى تنبيه للحميع مايخرجوش على موضوع لايف ....

دخلات نسيم عند داك البنت تتفتش فبروفيلها لقاتها واحد الزعرة فرنسية فالعشرينات عايشة الحياة طول و عرض و مصورة مع الخيول باين نفس المجال...تعصبات و طفات تليفونها مغوبشة تتحرق بالغيرة ...ماعندهاش راجل يوسفي الجمال حتى يهاتفو عليه المعجبات رجل بملامح شرقية عادية عندو جادبية خاصة من حركاتو الرجولية و طرييقة كلامو الرزينة و سمورية محببة خشنة ... ماكاين لا وسييم حتى فات الجهد ولاعينين كزرقة البحر حتى يغراقو فيه ... ماعرفات كي دارت و غرقات فيه و عشعش ليها فالعقل و العقل بغات يحيى القديم يحي الشاب الحنون لي كان صديق قبل من حبيب اما يحيى الحالي غريب عليها و مكتعرف عليه والو تبدل و تبدلات عقليتو و شخصيتو ماعرفات واش غي هو ولا كاع الرجال بعد الزواج و الاولاد كيتبدلو هكاك....حاسة براسها معاشرة مع رجل غريب عاد تتعرف عليه و البرود فعلاقتهم خلاها تحشم منو فبزاف د المواقف ماتتصرفش معاه بحال الى راجلها من اربع سنين و طالعين لخمس سنين....

دخلات للانستاغرام ديالها طلع ليها حلا ناشرة فوطو ديالها مع عبد الصمد من ايامات اسبانيا وخا حاولات حلا تخبي الخلفية ..الصورة تيبانو فيها ضاحكين الكونط ديالها عامر بتصاورها و كل مرة طالعة لايف عكس نسيم عمرها طلعات لايف فحياتها حيت عارفة يحيى غيصعر عليها ماتتفهموش و عقليتها ماتقبلاتش يحيى الحالي ..تتسول مع راسها علاش عبد الصمد عاطيها حريتها دير لي بغات و ماعندوش مشكل تحط تصاورها و تبين كمارتها لمية الف واحد تيتفرج فيها....طلع ليها اشعار بلي يحيى نشر شي حاجة دخلات تتشوف لقاتو نشر صورة ليه لابس كاسكيط عليها شعار المركز مع فتاة شقراء و وجهها عامرة بالنمش تتضحك واقفين حدا خيل اسود تحت عبارة

Strive to progress , not perfection ...new student , new chapter ...""

سهات فالصورة تتفكر هو عايش الحياة طول و عرض يتصور مع الزعرة ولا السمرا و معاهم عشرين بنت حد مادوا معاه ولا حاسبو و عاتبو حتى غيرتها المريضة قامعاها الداخل ....بطبعها مسالمة ماتمشيش تعاند معاه و تحط تصاورها حتى هي ولا يقوليها ماتخرجيش و تخرج غي ضد فيه ...قاليها ماتحطيش تصاورك ماتتحطش ماتخرجيش ماتخرجش ولفات ليه هكا من الاول و باش تجي دابا بين ليلة و نهار تغير القاعدة غتجيه صدمة غير متوقعة منها....

دخلات حلا مع حفصة بنت عم عبد الصمد وراتها فين تبدل و ترتاح شكراتها و خرجات مخلياها كدور فالبيت ...تكات رتاحت شوية تتسمع القرآن مطلوق جهد جوج ساعات عاد ناضت بدلات عليها و لبسات جلابة خفيفة و بليغة موديرن رمات الشال على شعرها المطلوق و تلاقى الحرير مع الحرير و زلق شي مع شي....خرجات كدور و تشوف فالدار و تلاقات مع صفاء و سكينة و شدوها جموع و ضحك بيناتهم جايبين العين حتى قفز قلب عيشة ملي شافتهم و حكات سنانها تتدور فعينيها ..ناضت لعندهم مكفضة كمامها و نطقات بحدة ..

_ زيدو قودامي عاونو الناس كاخدامين عليكم ؟ولا يديكم محنية ؟ ( غوتات بالجهد حتى خرجات رحيمو تتجري ) ها يانا الالة عيشة ...

عيشة ( بصرامة ) رحيمو غسلو القشوع كاباقي ...

رحميو : باقي الالة عيشة دابا نتحزم عليهم انا و مراة ابراهيم...

عيشة ( تتشوف فعريساتها ) بلاش هالة دحك و صفاء تصافي و هاهوما سالاو ....

رحيمو ( حشمات ) لا ياعيشة والله مايعدلو يدوم معانا ...هالة عاد عروسة مسكينة...

حلا ( هزات حجبانها بدات تعصبها عيشة ) سميتي حلا اخالتي حلا ماشي هالة...

رحيمو : خيااار يانا حسبتك مسمية هالة ...

رن تليفون حلا و سلتات من قدامهم تترد مخلية صفاء حاصلة فالمواعن...النساء كاع دارو يديهم و تعاونو على الشقاء مكايناش شي وحدة جالسة و حلا غي سالات الهدرة مع حميدة لقات صفاء تتغسل فجبل د القشوع تتحك و ترمي بالزعقة طالع ليها الدم تتعاونها رحيمو حشمانة ...دخلات عندها حلا تتدور فعينيها...الكوزينة كبيرة و واسعة و المواعن كثااار و الدار عامرة كاملين ناقصهم غسييل ...

حلا : الدار بحال القصر و ماعندكمش لافيسيل ...

صفاء ( مغوبشة تتنفخ ) علاش كيعرفو شنو هي لافيسييل ...تخبع من خالتي عيشة تشوفك تلصق فيك شي شغلة فلتي قبيلة...

جمعات حلا بشعرها بداك الشال و شداتو اللور و هزات كمايم جلابلتها ..

_ هانا غندير يدي معاكم دغيا نساالييو ...

خرجات رحيمو تشوف شغل اخر بقاو غي بجوح ...

صفاء ( تتبركم ) جينا نعزييو ولا نغسلو القشوع د صدقة ...كلشي من لالاهم عيشة ( تتعيبها ) لااا عريساتي بحالهم بحال بناتكم كاملين يديرو يديهم فالشقاء...

حلا ( تتصفي المواعن و تضحك ) اجي خوات عبد الصمد حتى وحدة ماجات ماعمرني عرفتهم...

صفاء : وحدة فبلجيكا و جوج ففرنسا قالو غتجي حكمة من بلجيكا و ماجاتش ....

ظلو على الحديث و الضحك بيناتهم حتى طلات عيشة و لقاوهم محمعين تاني...غوتات على صفاء و خرجات لعندها مغوبشة مخلية حلا بوحدها تتغسل فالمواعن....جرات عيشة صفاء للقنت تتدوي معاها...

_ سيير شوف العايل ديالك خصو يبوول...

صفاء لقاتها من الجنة و الناس طارت ماعاوداتش زطمات تما....رحيمو تلهات برا مع شغلها ..بقات غا حلا مشمرة على كمامها و السالف مربوط بالشال و حوايجها توسخو و الظفران مشاااو ...تشفات فيها عيشة مزيان و دخلات كي القايدة تتهز الطناجر و تفليهم بعينيها و ترميهم حداها مخنزرة ..

_ شغلة ناقصة ..شمو علماتك يماك حتى القشوع ماتعرف تغسلوم ...

حلا مبرزطة وماعجبهاش الحال حالتها توسخات و شعرها ترون مع داك الشال حرير تيفلت من شعرها و يطيح ...عيات تشد فمها و عيات توصي لسانها يسكت و تمنع يديها مايهزوش البرمة و ترميها ليها على كمارتها...حتى كان صبرها تسالا و غترونها مع عيشة مع البراني و غتشير عليها لشي طبسيل لقاتها خرجات كتنفخ و تنكر ...

زوجة العم جرات عيشة تتدوي حشمانة...

_ باقا عروسة و لصقتيها فالقشوع الحشومة هادي اعيشة..

عيشة ( خنزرات فيها ) ديها فراسك ماتقوليشي شنو نعمل ولا فاينو المزيان و العيان انا عندي كيف كيف صفاء و سكينة يشقاو و لالاهم هالة تجلس كتفرج ماين جبتي هادي غا قولي ماين ...خليه باباها تضرب تمارة هالكة المرضي ديالي ماكاين غا الفلوس خارجة منو مسكنا فالدار فيها ثلاثة طبقات و مفرشاها بفراش د القصورا و الملوك ( حجبانها تيتحركو مع هدرتها معصبة غنجنن) و عطاها كاط كاط جديدة ماشي بحال لي عطاني انا حديد قديم خلي يماها تضرب تمارة و تسخر عليكم بحالا بحال غيرها ...

زوجة العم ( بهمس ) و عيشة خفنا لايتقلق عبد الصمد و مايحبشي انصرد تورية تكمل و خلي العروسة انا حشمت بلاصة ديالك اختي...

عيشة ( حمرات فيها ) ماشغلكش الالة ماشغلكشاااي عروسة ديالي شغولي فيها انا مانديرشي الفرز بحالا بحال صفاء و سكينة حتى هي تعمل يدا معاهم .. اخرين عندو الترابي و كيشقاو وهي شنو عندا ...خليها بوحدا مايعاونا حد ...مراات العايل ديالي و يانا حرة فيها ماشكات عليكم ماشكيت عليكم انا ...يلاااه سير ديها فشغلك سلعة ناقصة طوال لسانك عاود هااي هاي....

دفعاتها مخلياها تتشوف و ترمش و كملات عيشة طريقها تتشوف واش مزال شي شغلة تلصقها فحلا ..هبطات الكوزينة التحت لقات الهندي البلدي تيشهي محطوط تما عاد جاوبوه من الجبل الفوق وشي جوح ديال النساء تيقشروه و ينقييوه و يحطو فالبانيو تيقشرو بمهارة وحاضين مع الشوك ..دخلات تتتعوج فمها دايرة عليهم الملكة...

_ شنو كديرو الشرفة....ارا البانيو نعطي للمراة تغسلو لي عندو شي حاجة موسخة يعطيهالي ...

المراة : الخير موجود الالة عيشة هاك قولا فيهم شوك الهندي تصفيهم لول لايعمارو يدا بالشوك ...

جمعات عيشة المواعن ديال البلاستيك تقشرو فيهم الهندي و الشوك دايع شدااتهم من برا بحدر و طلعات عند حلا تتشوف فيها بسم نزلاتهم ليها تما و نطقات بصرامة...

_ سبق هاذو دغيا باش نهبطوم للناس....

حلا ( زيرات على واحد الموس فيديها و نطقات بغضب ) خالتي بغيتي شي شوهة هنا مع البراني؟ انا كنتعصب و كنتجنن مسكونة .. فيا الحنون ملي كنتعصب كيخرحو و كندير سي حوايج مكندرش ليهم البال....خلينا هانين بلا مشاكل من دابا راني موقراك و صبري قريب يتسالا...

عيشة ( شهقااات و ضربات صدرها ) هييي شوووف على يهودية شوووف ضربني المرضية يالاااه ضرب يماه د راجلك يلااااه ضرررب .....

هزات حلا دوك المواعن تتسوط معصبة ماباغياش تخرج العيب مع الناس و عاد جديدة ماعارفينها حتى كي دايرة و مافيها ماتناقش معاها و تهز الضد دابا باغية غا تغبر كمارتها حتى تكون بخاطرها و تفرغ ليها ...طاحت تتغسل فيهم مغددة تتخايلهم عيشة و تبرد جنونها فيهم و يديها عمارو بالشوك غا تيتلاقاو صبعانها تتشوك و تقفز و تبعد يديها ...كمشات حجبانها و غسلات بديها بالزربة ووالو ...يديها مشوكين و فين ماقاست تتحس بشوكة...حبسات البكية مجننة...

_ الشووووك يدي فيهم الشوووك....

عيشة ( تتبركم ) البجوق الخاوي فاينو هاد الشوك

غوتااات حلا تتغسل يديها و تعاود و دوز على صبعانها تتبكي معصبة و يديها مستوكين بالشوك رقيق فين ماقاست تتقفز و تشوك سالف تدلى مع كتافها و الشال طاح وعينيها مدمعين رمات دوك المواعن تتدفع فيهم برجليها و تكركب كلشي فالارض و خرجات تتسوط من الكوزينة تلاقات مع حفصة تتسولها بخوف...

_حلا شعندك اختي...

تجاهلاتها حلا و طلعات للبيت تتجري و صفاء وقفاتها مخلوعة...

_ اويلي حلا مالك ...

حلا ( خرجات فيها عينيها معصبة ماتقدرش تقيس والو بيديها) بعد منيي ماتهدرش معايا شفتك واحلة بوحدك مع المواعن قلت نعاونك جاتك غي الفرصة هربتي و خليتيني مطمرة وسطهم و غبرتي...كاع هادي انانية فيك بالحق انا الحمارة ماشي نتينا . .

صفاء ( بقلق ) ويلي حلا شنو هاد الهدرة...

قاست فيها وهي طير عليها حلا معصبة اول مرة تشوفها هكاك..

_ بعد مني عرفتكم على حقيقتهم ماتهدر معايا مانهدر معاك الخير فيك ضااايع....

شدات داك الباب عليها مخلية النساء تيتفرجو مصدومين....

_ اواعدي هاد كانو سمينة على عسيلة كيفاش دابزو عاود....

صفاء ( تترمش ) شنو عملت عاود ....

بقات حلا فالبيت مربعة تحت السرجم منين داخل الظوء ديال برا...جايبة النتاف رقيق تتنتف الشوك من يديها و عينيها حمارو بالبكاء برزطها داك الشوك و خرج عليها و عصبها كثار ماقصحها حتى لا قاست شي حاجة تتبغي تحماق ..شعرها مايل على كتافها مطلوق و نيفها محمر و حجبانها ملاقيين و جبهتها مكمشة بالتغوبيشة لي دايرة صونا عبد الصمد ماجاوباتوش و مارداتش عليه شي ثلاث مرات ماهزاتش التليفون مخلياه يصوني و يعاود حتى قطع لراسو و كملات هي تتحيد داك الشوك مغددة عليهم كاملين ..مانزلاتش لعندهم و ماكلات حتى لقمة من عندهم تتسمع غوات عيشة التحت على حفايدها تتزيد تكرهها و تجنن عليها...طلعات ليها فالراس و جاتها مع هاد الايام معصبة من رضا و كملات عليها عيشة ماعندها الخاطر ليها....طاح اليل و دقات عليها زوجة العم حشمانة ..فتحات ليها حلا الباب بهدوء..

_ هبط تعشا الغزالة كنستناوك...

حلا ( معلية حجبانها ) مابغيتش امراة عمي بصحتكم ...

مشات زوجة العم تتنهد و تهز فراسها...

_ الله يهديك اعيشة الله يهديك....

الليل طاح و لي عندو شي دار تخشى فيها بقات عيشة تتعزل فالبيوتة و تفصل و تختار ..

_ بغيت هذا موسع و حلا و صفاء و سكينة ينعسو التحت الرجال غينعسو بوحدوم...

زوجة العم ( بخفوت ) و العرايس ؟

عيشة : العروسة تنعس مع صفاء و سكينة علاش الفجور الزايد ؟ كا غي هي لي مزوجة ؟ شوفتيها كيفاش منفخة علينا نهار كامل و مابغات تشارك معانا حتى لقمة ...

حفصة ( بتردد ) : سقسيتي عبد الصمد امرات عمي...

عيشة : هدرت معاه قالي غي نباتو هنا معاكم...

فرشات ليها حفصة البيت لي ختارتو عيشة و هبطات عند مها تعاونها حتى دخل العم و دوا مع مرتوو...

_ قول لمراة عبد الصمد تهبط كيعطلا....

حفصة : و قوولو يدخل ابا ياك غيباتو هنايا...

العم : لا قال غيعبيها و يمشي....

طلعات حفصة الفوق تتسول فين حلا لقاتها جالسة فالبيت مع سكينة تتفرش بلاصتها و فين تحس بشي شوكة تتنتفها قالبة وجهها عليهم كاملين و الحالة فيديها معصبها...

_ ختي حلا سمع الراجل ديالك قالك هبط مغيباتش هنايا ...

حلا ( بجمود ) قولو مابغاتشي تهبط ...

حفصة ( بصدمة ) علاش غيتعصب هو مزروب غا ساعفو بلا صداع ...

حلا ( معلية حجبانها للسماء ) و يتعصب ولا يتفركع ماهابطاشي لعندو سير قولو حلا مابغاتشي تهبط ...

مشاات حفصة بوجه مصفر قالتها لمها و دخل عبد الصمد تيسول على حلا ..جاباتو حفصة بحياء...

_ قالت غتبات هنايا معانا اخاي عبد الصمد غي خليها ....

عبد الصمد ( عقد حجبانو ) عيطي ليها قوليها تهبط ندوي معاها....

مشات حفصة طايرة عند حلا لقاتها جالسة و سكينة محنية تتنقي ليها يديها لي مابغى يتنقى...

_ ختي خلا قالك هبط لعندو يهدر معاك ....

حلا شافت فسكينة و سلتات يديها...

_ صافي شكرا ...

ناضت جمعات شعرها بزز و لبسات جلابة اخرى نقية ..هزات صاكها و هبطات لعندو ملاقية حجبانها و نيفها حمر تتقيس صاكها بطراف صبعانها تعقدات من الشوك و من داك الملمس الخايب شافتها عيشة و قشعات عبد الصمد التحت سولات حفصة....

_ فاين مشا هاديك..

حفصة : عبد الصمد قالا هبط مابغاشي يبات هنايا وخصو يعبيها معاه....

عيشة ( خرجات عينيها ) خيااار...و تنا غنمشي مابغيتشي نبات هنا اراولي الصاك ديالي ...

هزات جلايلها و خيرات ربي تتهز وراها هبطات لعندهم...

عبد الصمد غا شاف حلا قرب لعندها بينو و بينها و نطق...

_ فين تليفونك احلا...

حلا رفرفات برموشها حابسة البكية جاتها الحكرة وسطهم بغات تجاوبو و غلباتها الشهقة...وقلبات وجهها منو تتبكي مارضاتش...عقد حجبانو و جر ليها وجهها لعندو بقلق...

_ علاش كتبكي ؟ شنو كاين...شي حد دوا معاك !

حلا ( تتبكي ) حكروني هنايا ندمت علاش جيت و علاش تزوجت بيك و عرفتك نتا و تاصيلتك...

طلع ليه الدم و حمارو عينيه حنى راسو لعندها تيسول معصب وهي تتبعد وجهها باكية مارضاتش تبكي عليه...تتبغي تخرح سي كلمة تتشدها الشهقة و تتهز بالبكاء....غوت بنفاد صبر و بحدة

_ بلا مرض احلااا...دوي شكون دوا معاك و حكرك شكون يقدر عليها....

شافت عيشة داخلة و تخشات فصدرو تتدمع و تشهق و تبكي و تشكي عليه و عينيها تيشوفو فعيشة لي تتدور فعينيها مغوبشة ...

_ تعداو عليا هنايا داروني برانية اعبد الصمد و حكروني ...

حط يديه على كتافها منيرفي معصب مافاهم والو

_ سكتي من البكاء و فهمينا يرحم جدك شنو وقعليك ...( بحدة )شكون حكرك المشة ديالي ....

عيشة دخلات للصالة معلي حجبانها حس بيها عبد الصمد و دار شاف فيها معصب و حلا مخشيه فيه تتبكي...

_ شنو وقع اعيشة ؟؟ مال حلا باكية ؟ شكون دوا معاها و حكرها ( معرعر )مراة عبد الصمد يحكروها و جاتهم ساهلة قدو عليها مم ؟؟ شكون فيهم لي دوا معاها اعيشة....

عيشة ( باندفاع ) مالا مالا على هاد الكدوووب تفوو ...كطلع الدم الفشوس الخاوي غسلات القشوع و دافنات مع صفاء و ناضت لالة و مالي كترمي فالقشوع و تشوط فيهم و تهرس البيبان و تهز عليا الشفرة خصا دبحتي يانا .....

عبد الصمد : تدبحك كااع !! هاد الحالة كاملة على صفاء !!

عيشة : و كثاار ماتعرفشي السم بين النويطات ماتعرف والو اعبد الصمد العجز فيها كيقطع و مابغات تسخر على حد و مجوابة تعايرات معايا قدام البراني ...

حلا هزات راسها فعبد الصمد مخنزرة و الدمامع كبار فعينيها...

_ شوف الشوك فيدي نص نهار و انا تنفي فيهم فين ماقست تنحس بالشوك و نقفز كرهت حياتي معاهم علاش شنو درت ليها ! سارقة ليها رزقها ولا قتلت لبها العزيز ! عطاتني نغسل المواعن فيهم شوك الهندي قلبا حجر لهاد الدرجة......

شاف يديها حمرين قطب جبينو منيرفي دوز صباعو على صبعانها حتى حسات بشوكة قفزات مبعدة يديها تتبكي...

_ نهار و انا تنقي فيه كرهت حياااتي معاهم و كرهت النهار لي عرفتك فيه....

عيشة ( بخوف ) لاااا يانا بيدي مافخباريشي كاين فيهم الشوك ماين غنعرف انا كنعرف الغيب ولا....بالحق اللسان ديالا سبابها ربي جازاها ....

لي سمع كلامها ماتيق بيها و كثار لي تيعرف حلا...منهم عبد الصمد تيعرف حلا عدوها و كتاكلو بحلاوة اللسان و عيبها مكتبغيش تخرجو وخا مع عديانها و كيف مع البراني ...دخلات زوجة العم و بنات عمو وصفاء و سكينة كلشي تيشوف فعبد الصمد طالع ليه الدم و حلا مخشيه تتبكي و عيشة تتعرعر ....تدخلات زوجة العم تتهدن السوق...

_ ماكاين والو اعبد الصمد هادشي كيوقع غا هي مسكينة حسات براسا برانية معانا و مارتاحتشي

عبد الصمد : نتي فين و حنا فين ؟؟ شفتي يديها واكلينهم الشوووك...ناضو ليها الشوك فيديها حيت حسات براسها برانية يااك ! ( بغضب )..تخرببق هذا...

حفصة ( تترمش ) اعبد الصمد دابا نمشي نسقسي حورية هي لي كانت كتقشر الهندي و نسقسيها شكون طلع القشوع الموسخين الفوق عند حلا ...غا بلا ماتعصب يرحم يماك اعبد الصمد ...

عبد الصمد ( بعصبية ) و علاش تعطيوها تغسل الݣرواج من الااخر.....

عيشة ( بغضب ) علااش كتغووت ؟؟ و علاش ماتغسل مع خوتها باش زايدة تبقى حالسة بحال الوزيرة عليناااا....

حلا زيرات على عبد الصمد مخشيه فصدرو و عينيها مدمعين تيشوفو فعيشة مغددة عليها تتزيد تبكي و تفشش على عبد الصمد هي محكورة ايبه ولايني ضروري تزيد نغيزة ...تتخشي راسها فعنقو و تبكي بقهر و عينيها على عيشة ...

_ جيت نعزي و نديرو الصواب صدقو مغطسيني فالشوك حسبي الله و نعم الوكيل ...

جات حفصة و معاها حورية تتفتف و دور فعينيها ...

_ اشنو كاين الشرفة ..شعندا احلا اعبد الصمد .

حفصة : اخالتي حورية شكون جا عندك و قالك طلع القشوع الفوق يتغسلو نتينا طلعتيهم بيديك ؟

حورية ( بعدم فهم ) لالة عيشة جات عندي و قالتلي الا كاين شي وسخ اراه لي و عطيتا البناول فيهم شوك الهندي بالحق قلتلا تصفيهم لول فيهم الشوك ....

عيشة ( حمرات عبنيها تتشوف فعبد الصمد طالع ليه الدم ) انااا...الله يعطيك الشوك الكدابة باقا فيك هاد الفعايل السلعة الناقصة ...

سعيد تيشوف بدهشة...

_ لاحولا ولاقوة الا بالله....

صفاء تتهمس ليه مخلوعة...

_ انا مادرت والو اسعيد و ربي شاهد عليا.....

من الحوايح الصعيبة ممكن توقع للرجل هو يتحط بين مو و مراتو و قدام الناس....مو هاديك كيف مابغات تكون سواء حنينة و لا قبيحة و هاديك مراتو المظلومة...مايقدر يغوت على مو قدام الناس و يبهدلها.... سكت و دمو تيشوي و يفور مارضاش و ماعحبوش الحال ..حدو شاف فيها بعتاب و نطق...

_ جمعي حوايجك اعيشة غنمشيو لدار الواليد....

عيشة ( تتشوف فيه جنب عينيها ) محموعين غا يلاه ...

زوجة العم ( حشمانة ) و رجعو تفطرو معانا اعبد الصمد عمك غيبقى فيه الحال ...

عبد الصمد اكتفى بهزة من راسو ماعرفاتو قال اه ولا حاوب بالرفض...خرج مع حلا من تما و تبعاتو عيشة تتغزز فسنانها و تكمش عينبها ...طلعو للطموبيل و لصقات عيشة فعبد الصمد القدام حلا اللور قاطعة الحس و زامة شفايفها مطلعة حواجبها للسماء...وصلو للدار كانت كبيرة و وواسعة و السراجم مفتوحين تتهوا وصى عليها النساء ينظفوها و يجهزوها قبل باش يبات فيها...دخلات عيشة مقدمة مغوبشة و حلا اختارت اقرب بيت و دخلات ليه غا تشد الباب نطق عبد الصمد بحدة ..

_ عيشة كتقلبي عليااا ..باغياني نقلبو الكارا فمرة !! كتجري عليا اعيشة بهاد الفعايل ...علااااش كتمرضينا اعيشة واش عدوك انا....

عيشة ( تتدمع ) يااك تقلب عليا وجهك على قبل مراة...ربيتك و كبرتك و تقطعت عليك باش تقلب عليا...

عبد الصمد ( بعصبية ) طيحتي بياااا قبل منها هي مافخباركش هادي !! لاا...مافاهماش نتي....يما على عيني و راسي و بلاصتك عالية و مايوصلها حد كنقوليك لالة يما سميتك و ووزنتك عنددي....باغياني نقلب وجهي نغبر !! قولي حاوبني كنسمع اعيشة ...

عيشة كمشات عنقها تتدمع و ترمش بغات تدوي غلبوها الدموع و طاحت تتبكي و تمسح بفولارها...

_ مابغيتشي تغبر عليا يانا كنحلم بولادك باليل و نهار شكون غيكون ليا لاغبرتي عليا هذا مانسوى عندك انا....قلت ليك ديك هالة مانحملهاش شنو ندير نفرشلا الذهب و يانا مانحملا مانقبلا....

عبد الصمد ( قلب وجهو كيتهند ) تحتارمك و حتارميها ماتزيد معاك فالهدرة ماتحفري ليها ( كمل منيرفي ) مايبقاش بنادم بخاطرو معاكم بالله....

عيشة ( تترطب و تدوي بسم ) و صافي صافي الا على المراة ديالك نطلبو منا السماحة و ترتاح ؟ ترتاح نطلب السماحة وخا ..هي دابا نبوسلا يدا و رجلا تسمحلي ( تمات نايضة تتبركم ) اخر الساعة ا والله....

خرجات حلا لعندهم مغوبشة نيفها حمر و عينبها مدمعين....شافتها عيشة غوبشات و نطقات بكره...

_ المسامحة اهالة ..المسامحة يانا غا شارفة والدة الرجال ...شارفة و غنموت ساخطة عليهم باربعة ...قلبي كيقولي غنموت اليلة و غنموت غضبانة على ولادي كاملين المسامحة ....

عبد الصمد قلب وجهو تيحك لحيتو ماراشقاش ليه ..اما حلا شافت فيها بنص عين و نطقات ...

_ ماعرف حد شكون السابق الالة عيشة...انا عمرني صرفت فيك العيب و حاسباك بحال ماما و عزيزة عليا بالجهد طلبتي السماحة الله يسامح دنيا و اخرة و حتى انا اذا عصبتك فشي هدرة سمحلي السان مافيه عظم...نتي على راسي من الفوق ...

عيشة ( تتدور فعينيها ) همم وخا وخا مسامحاك ...( شافت فعبد الصمد ) و رتااحتي دابا و نمشي نغبر الكمارة ديالي ننعس و تهناو مني و ياربي يعيبيني عندو نرتاح و ترتاحو ....

ناضت تتلوي خيراتها و تبركم و شعطات عليهم الباب...حتى حلا رجعات للبيت تتعوج فمها و تبعها عبد الصمد ...لقاها جالسة قالبة وجهها مطلعة حجبانها للسماء...جر ليها يديها تيسول بحدة...

_ مزال حاسة بالشوك؟!

حلا سلتات يديها منو طالع ليها الدم صافي كرهات و مابقات مرتاحة باغية تفرتك كلشي و ماسوقها فحد قالتها و عاوداتها البلاصة مالقات فيها راحتها ماتكملش و على شوية تتضرب على كلشي و تبغي تبعد و ماسوقها فحد....

تلمس ذقنها الاملس بصبعو الخشن وهزات عينيها فعينيه ناطقة بغضب...

_ عارف علاش ماكملتش مع هذاك لي تتسميه نتا مخيي...حيت ولد مو و حيت يماه مكتسواش تقطع صباطو غادي و جاي لدارنا طالب السماحة و ماخلى ماقال ووعد باش نرجع معاه و مابغيتش نفرتو و فضلت نتسمى مطلقة ولا نخسر خاطري معاه....و حتى دابا مانضرب حساب لحتى قمقوم حيت حتى حد مايعيش حياتو جوج مرات و انا مانصبرش على هاد العيشة و ماعمرني غننساها اعبد الصمد مابقيتش مرتاحة معاك....

تمهل تيشوف فملامحها عن قرب غضبها و هدوئها و غرورها و الكبرياء لي فيها...و تمعن حتى فكلامها بملامح رجولية خشنة هادية...لكن جدية كلامها قابلها بضحكة ثقيلة شعلاتها و خلاتها ترد باندفاع...

_ هدرتي ضحكاتك...حسابليك مانديرهاش ...الطلاق عندي سهل من شربة الماء ...

ضحكة رجولية مستفزة كميشات خفاف مع عينيه وهوليود سمايل عاطياه ضحكة خطييرة تيحك لحيتو بصبعو

حتى سكت من الضحك و تملك شفايفها بيديه و ببحة رجولية قابل اندفاعها...

_ الطلاق كلمة ثقيلة على شفايفك التحف ديالي...

سخن الدم فيها بغضب ودفعات ليه يديه

_ مالك شكون تكون ؟ السيبة فالبلاد مافيها قانون يحكم .....علاش كضحك ؟

رجع تلمس رقبتها و طبع قبلة فعنقها

_ اذا مافلتش انا الخيط ماتحلميش بطلاقك ...الطلاق معايا صعيب وكيكرفس و مانبغيش ليك التكرفيس....

قلبات وجهها منو تتبعد ليه يديه

_ ماتجربنيش العناد انا موولاتو....

حسات بالشوك ضربها فيديها...حنات عينيها تتشوف فصبعانها بتعب....

_ هادشي لي شفت من وراك غي الشوك ...

ناضت من قدام عينيه و السالف من وراها تيطير هزات صاكها تتجبد النتاف و جلسات مربعة رجليها تتجبد و تسوط و تنفخ جرها لعندو و شد النتاف من عندها ببحة قال...

_ عطيني نعاونك ..ظوي بتليفوني....

شد صبعانها عندو بتركيز تينقي ليها الشوك و يتلمس حتى الا حسات بالشوك يحيدو مضوية بتليفونو على صبعانها حيت ظوء البيت خافت مكافيش فين مايقيسها تتقصح و تشدو من يديه

_ تتغرس فيا النتاف نتا ..بشوية....

هز عينيه فيه ...

_ ياك غرسنا غي النتاف ماشي حاجة اخرى ...

حنات عينيها تترد شعرها ورى ودنيها و يديه تيتساراو فيديها و يتفحصهم بشوفات اعجاب واضحة ملمس يديها رطب و بيضين باين مهلية فيهم كيف تتهلى فوجهها و خاتم الدياموند لي خدا ليها محلي صبيعاتها...فلحضة تشهى يشوف يديها عامرين خواتم فكل صبع خاتم ولا جوج ماعرفش علاش المهم جاتو عليهم و عقلو شنو فتى عليه ......

تلاقات عينيها بعينيه قلباتهم هي منو قرب منها تيلعب فشعرها و نيفو كيتسارا تما حكمها من خصرها و صبيعاتها تحطو على صدرو تتبعدو معفرة والسخانة طالعة معاها حتى هي باغية و مابيناتش....

_ بعد مني جبتيني عند عائلتك يتكرفسو عليا و دابا جاي كتشمشم فيا....

زير على جنابها و قلبها عليه تيقيس شعرها و يرجع يقيس رموشها و يتلمس بشرتها الرطبة ...

_ منين سارقة هاد سالف هاينة....

حلا ( عينيها تعسلو ) هذا سالف حلا ماشي د هاينة ملي كترشقلي كنطولو و ملي كنمل كنقصرو مرة تجيني على كحل و مرة على زعر كنتشاور انا و عقلي و كانتي داك الساعة....

حك نيفو مع نيفها و يديه زلقو فشعرها...

_ و الرموش حتى هوما ؟

علات حجبانها و ردت...

_ فخبارك الرجال كاع متيردو البال فهاد الحوايح نتا فيه فعايل النساء حنا بيناتنا لي كنردو البال هادي غلاضت ها نقصات هاذي لصقات زغبرة هادي كبرات الشعر هادي نفخات هادي فشات ..و على بالك هاذو شفراني ماسارقاهم من حد كندير زيت الخروع ....

كمش حجبانو فيها...

_ دابا انا فيا فعايل النساء ؟؟

حلا ( قلبات عينيها ) و غي قلت ليك.....

عبد الصمد : و تنا اجي نقوليك ....

حلا : لا مابغيتش غنمشي ننعس حدا خالتي عيشة اللهم هي ولا نتا ...اجي بعدا كيفاش هاد كلمة الطلاق ثقيلة على شفايفك ياكما القاضي تتحركو بصبعانك ...

عبد الصمد ( بالو مامعاهش ) حاشا انا قلتها ؟

قلبها تحتو و ترمى ششعرها حداها تتشوف فيه فوقها هربات منو حتى عيات وسلتاات و رفضاات و رجع دوخها و طاحت معاه فالفراش عارية قدام عنييه كانت منسجمة و عاحبها الحال كاتمة رغبتها القوية الداخل و تتحاول تحكم فكلامها و شنو تتخرج من فمها قدامو ماتترضاش و تتحشم باسها فشفافيها بجنون ولهفة و تحولات المداعبة من الحنية للعنف المحبب غطسات يديها فشعرو الاسود و هبطاتهم مع ظهرو العريض حتى هتفت تتنهج ...

_ قسمتيني اعبد الصمد ثقيييل ...

قلبها فوقو مسكر فيها و عينيها تيشوفو فكلشي الا فيه .. تنفس حدا ودنيها و نطق بحراة و رغبة تتحرق فيه ...كمشات عنقها مزنكة و صدرها تيتحاك مع صدرو ..

_ مانقدرش....

عبد الصمد ( زعمها بدييه تيبوس فرقبتها ) لمصلحتك ...

حلا : اي يدي تشوكو اعبد الصمد حسيت بشي شوكة باقا فصبعاني...

باسها فيديها و دوخها مرة اخرى حتى نسات سميتها و رجع زعمها بيديه حتى دارت لي قال ليها و هبطات يديها ..تشعلات فيها العافية كثار و الخلعة ملي حاي ...زير على مفاتينها هاتف باسمها بجنون وصلات حتى لعيشة فالبيت لي حلسات جالسة تتنفخ و تسب و تنعل.....!

غرسات ظفرانها فظهرو مغمضة عنيبها مقصحة..

_ وقف اعبد الصمد لااااا غنموووت ماقدرتش ماقدرتش....

بعد شعرها من على وجهها تيداعبها مزير..

_ صبري وغتولفي غتوساعي ....

حلا (عضاتوو فكتافو بالم ) مابغيتش نوساع صافي عبد الصمد صااافيييي....

تقحصات وتهلكات كثار من ليلتهم الاولى حتى باقي جرحها جديد و مسبقة الخلعة قبل و التعليقات لي قرات كملات عليها دايرة عقلها معاهم...هلكها و كانت غتقول ليه على احتياط الحمل لقاتو فاهم شغلو ...طلع قلبها و عافت تتسمح بطنها مخسرة ملامح وجهها ...ماخلاتوش يتمتع بيها كي بغى سبقات البكاء و الغوات و ظهرو و كتافو كلاو الدق بظفرانها و سنانها

....هزها عندو تتبكي عريانة غادي بيها للحمام...

_ ماقدرتش اعبد الصمد ...

شد باب الحمام و نطق موسع خاطرو

_ نجربو فالماء ...تحكمي فيه نتي ...

كان حمام عادي تقلييدي بحال ديال برا....جلس على كرسي و جلسها فحجرو تيهدنها ...

_ جربي جلسة العرش ...

مافهماتش غاتتشوف فيه حشمانة منو هو مولف و محرب و عارف لي خصو يدار هي لا وراها و علمها و جريات معاه حتى عمارت الدنيا رغوة و ماء و لحمها ولات تتزلق و ولات هي المتحكمة و الجهد لي قدات عليه تتكمل بيه عاد حسو بالمتعة الحقيقة و عجبها الحال ... فتناتو و حمقاتو و فلسانو غي سميتها ...تيشوفها انثى كاملة مكمولة و مفاتينهاخرحو ليه العقل نطق فلحضة حنونية عقلو غايب معاها ...

_يرجم جد هذا لي سماك احلييي ....

لصق شعرها مع صدرها مبللة بالكامل فلوحة متكاملة لأثنى فاتنة رغبة شعلاتهم بحوح و بين فترة لفترة تيهتف بببحة رجولية مجنونة...

_ نتي لي يقولو عليك مرااا...

شدد على كلمة مراة و عاودها ...ملي قالها عناها و عتارف بيها و شدد عليها مرة بعد مرة ...اول مرة تعيش تجربة واقعية كاملة مع رجل قنعها و فات و خيرو شايط تيعجبها الشوفة لكن ملي تتقيس تتخاف و تردد و رجليها تيرجفو عقلها تيصور ليها شلا حوايج هاهي غتوساع و غتبقى واسعة غتجبد و ترخى قبل الوقت غتقصح ماعاطيهاش جهدو كلو ماتقدش عليه تتحس بالمتعة فالاول حتى كيتحول لالم و الالم حساتو خفاف ملي كب عليهم الرغوة و ولات تتزلق و تشوطات من التحت ...اذا سولها شي حد كي حاتك اول معاشرة حقيقة غتجاوب بمنعرف ...ماعارفاش بين المتعة و الخوف و الالم و شعور واحد محدد ماتقدرش توصفو ...

صبح الصباح و دخلات الشميسة على حديث حلا و عبد الصمد فاقت حلا مدكدة و مهلوكة لحمها واكل العصا و معقرة لابسة شوميز عسلية رطبة و شعرها مطلوق نصو نشف و نصو بدا ينشف تتهرب عينيها منو و التزنيكة تتسارا فوجهها تتوريه تليفونها المهرس...

_ تعصبت و رميتو تشقق كامل ...

عبد الصمد ناعس على ظهرو تيسمع ليها راشقة ليه...

_ خودي ديالي حتى تشوف اخر...

هزات تليفونو ايفون فالرمادي عجبها ...

_ شنو عندك فيك ....

عبد الصمد : هاهو ببن يديك قلبيه ...

فتحاتوو تتقلب فيه لقاتو شبه خاوي دايرو على حسب الواتساب اما الاتصالات اايومية العملية عندو فنوكيا ...لقات عندو حتى انستاغرام و دخلات تتقلب فيه لقاتو داير ابوني للصفحات الخاصة بالمشاريع ديالو القهاوي و الديور و كراء السيارات و رياض شاون و مراكش....هزات حجبانها و نطقات بلا ماتشوف فيه مخلياه تيقيس فشعرها و يشم مابحالو حد ....

_ ماحسابليس عندك اجونص تتكري طموبيلات ....

شافتو ماحاوبهاش عينيه معسلين بالنعاس فاق بكري و رجع تكى حداها ...قبل مايغمض عينيه زربات و طلبات لاول مرة ...

_ خصني نشري واحد الكريم من تركيا كيخلي اللحم رطبة كتزلق بوحدها.....

جرها لعندو خاشي نيفو بين ثدييها حشمات و بعدات منو شادة البينوار على صدرها تترمش ...شاف فيها بنص تبسيمة عاق بيها تتحشم منو ...

_ يولي لحمك رطب من دابا مايمكنش...

دورات عينيها تتشوف فبه بنص عين...

_ يمكن...و لحمي ماشي رطبة كي بغيت هذا كيخليها كتزلق بحال الى كتقيس فالحرير...ولكن غاالي بزاف...

عبد الصمد رجع ليها شعرها ورا ظهرها معري رقبتها تيعبرها بعينيه ..

_ باغية كريم صافي ؟

حلا ( رموشها شطحو ) خصني ندير لايزر

عبد الصمد ( ببحة ) و اجي نقولك...

حلا ( هزات عينيها فيه ) شنو...

عبد الصمد : علاش حشمانة مني و مهربة عينبك طلعتي كتحشمي الذهايبية...

حلا ( هزات كتافها حانية عينيها ) لو جا سي حد قالي غتزوج بعبد الصمد ولد عيشة بخاطرك كانت غتشدني سكتة قلبية فداك الوقت....كنت نفضل نتزوج بيهودي و مانتلاقاش بيك و مانشوفش كمارتك ...

عبد الصمد ( دوخو النعاس و ماسخاش من كلامها ) حلفت نجيبك بالخاطر و درتها وخا جرجتينا ثلاث سنين....

كمشات عينبها فيه ونطقات..

_ حيت صعيب عليا تجيبني بزز حسابليك انا هي دوك الجنيات لي كتعرف ...( هزات حجبانها ) حلف بالله ماكانت بينك و بين جنة شي حاجة....

عبد الصمد ضحك بالثقالة مخدر بالنعاس...

_ بالله ماكانت فعقلي شي وحدة غيرك....

حلا ( هزات نيفها بغرور ) مم ياربي نتيق...( تتشوف فيديها ) مزال حاسة بالشوك فيدي....

عبد الصمد ( تفكر كلامها البارح و طلع حاحبو ) زعما هدرة جوج كيبان ليك الطلاق قدام عينيك...

حلا ( طلعات ححبانها فيه حتى هي ) انا قلت ليك البلاصة لي ماكنتش فيها مرتاحة مانكملش وخا نعرف خويا يدبحني مانبقاش معاك لو غلطتي فحقي مرة وحدة ماندوزهاش ليك....

قطب جبينو ناطق بحدة..

_ لسانك حاار و فيه الشوك ردي بالك معايا و سيري على هوايا و طلاقك مني ماتحلميش بيه غي بخاطري انا .. ( ضربها لنيفو بصعبو ) خلينا ولاد حلال....

قندشات فيه مارضاتش ..

_ شنو زعما ؟ تتبان لي حاسب فراسك بزاف ...زايغ بفلوسك ؟ انا راني بنت عبد الله و الحاجة اذا درتها فراسي نموت اذا ماكانتش....

تقلب على كرشو حداها و الشمس ضاربة فيه تيدوي ببحة شمات فيها ريحة الغورو و التهديد و التحدي عضباتها ..

_ جربي و حكمي ...هبطي معاك الريدو باغي ننعس ..

ظلات جالسة تتشوف فيه معلية حجبانها حركاتو تتبان عليه مامسوقش فالبشري و فيه ريحة التعفار و الغرور بلا مايحس تتبان عليه.. راسو قصح من الحجرة و دمو حامي وخا تيبان مبرد بحال الثلج ..يوقف حدا مية رجل كلهم لابسين الكلاس و الاناقة و يمشي هو وسطهم بحال الى مسخر للحانوت بديك النايكة و العود تيغزز فيه و هانية عندو ماشغلوش و مرات تيبان بحال الوزير ملي كيضرب الحطة الواعرة....قلبها حسسها نهار العقد ملي سنات قالت موت وحدة لي كاينة من دايما وهي حاسة نهار تدخل معاه لخانة الزواج غتربط و يصعب عليها تفك داك الرباط عليها كانت تتأجل العقد ملي تخطبو فالاول كل مرة تيقولو ليها وجدي راسك العقد قرب قلبها كيغي يوقف ماعرفاتش علاش و لدابا دخلات معاها الحلعة منو ...تأملات ظهرو و شعرو وصوتو الخشن وهو مخدر بالنعاس تيدوي معصب ...

_ هبطي الريدو احلااا....

ناضت واقفة تتهبط الريدو معصبة...

_ مالك كتغوت ...تنعس ماتنوض ....

تحركات من قدام الناموسية و ضربات رجليها بعفلة منها مع خشب ناموسية تقلبو عينبها و حمارت ..شدات رجليها بالزربة تتغوت مقصحة...

_ رجلييي اوف اوف رجليييي ياربي...

بدات تتنفز و تنفخ حتى بردات الدقة عاد رتاحت شافت فيه لقاتو ناعس مامسوقش...بغات تدعي فيه خافت من شي دقة اخرى خرحات بداك الشوميز كدور فالدار بمشية الحمامة لقات الدار خاوية مافيها حد لاعيشة لاغيىرها عرفاتها طارت تنشر سمها فشي قنت...بغات دخل للكوزينة وهي تحس بسائل هابط معاها و السليب توسخ دخلان تتبدل معصبة و مرونة تتسول شنو هادي كانت حاضية مايفرغش فيها و ديالاش هاد الافرازات....تعصبات و نقات حالتها و بدلات عاد خرجات....

فطرات و بقات كدور فالدار و تدوي مع حميدة ماعاودات ليها والو حيت غتغوت و تقوليها كون سمعتي هدرة خوك مايوقع ليك والو ...بقات تتدور بداك القميص مستور ...حتى قشعات بيت عيشة مفتوح و تما شيطانها فاق ماتقدرش تسامح و تعيش هانية بلا ماتذوقها من المرار لي شربات....

دخلات لبيت عيشة حاضية مع عبد الصمد لايفيق لقات البيت مجموع نقي قشعات باليزة عيشة محطوطة فتخاتها بالزربة جبدات سليبات عيشة كاملين كبار و واسعين و مزوقين بالالوان ..تمتمات بين سنانها...

_ ناقصك غا الالوان الشارفة....

خرجاتهم و شدات الباب و بقات تتقلب فالدار و تفليها لقات مبيد الحشرات محطوط فبلاصة جنب الطواليط تما حتى غبرة د الفيران و دياال سراق الزيت... حطات دوك السليبات فبانيو وكبات عليهم ديك الغبرة و مشات طايرة خبات داك البانيو لايشوفو شي حد ....

جات صفاء و سكينة و حفصة و زوجة العم ومعاهم مراة اخرى هازة فيديها شبكة د الهندية عاد مجنية مغلفة بميكة كحلة غليضة دخلاتها للكوزينة....رحبات بيهم حلا بابتسامة واسعة عكس البارح رتاحو لديك التبسيمة و انزاح الهم....جلسات معاهم دايرة رحل على رحل تتحسسهم انها ملكة المكان لابسة قميص فالازرق و شعرها محموع تتبسم ...

_ لا هانية امراة عمي الشيطان تيحضر فهاد المواقف ....

حفصة : فينو عيد الصمد باقي ناعس ولا...

حلا( هزات حجبانها فيها مبسمة ) ناعس احبيبة ...

صفاء ( بتردد ) ختي حلا انا مادرتهاش بلعاني و ربي شاهد عليا صدمتيني البارح..

حلا : اويلي حتى نتينا اصفاء البارح البارح و اليوم حاجة اخرى حنا ولاد اليوم و لي فات مات المسامح كريم....نسيت كلشي احبيبة ماكنديرشي فقلبي دغيا كننسى سبحان الله و مكنحقدش...

المراة ( حشمانة ) جبت حقكم د الهندي وصاتني ثورية بقيتي فيها بزاف البارح والله الشوك عمار فيديك و مادقتي منو والو ...

حلا ( بابتسامة واسعة ) بارك الله فيك اخالتي الله يكثر الخير...

الظهر ادن و النساء مشاو بحالهم بعد ماصفاو الخواطر بقات غا صفاء و سكينة ناعسين فالبيت الاخر ...سلتات حلا من قدامهم ومشات خرحات داك البانيو د السليبات ....هزات واحد ورا واحد بطراف صبعانها تتنفض منهم ديك الغبرة شوية باش مايبانوش هزات مغرفة طويلة و كبيرة و هزات الهندية وحدة ورا وحدة و حطاتهم وسط دوك السليبات تتسمح بيهم الشوك و تهز بحدر تمسح بيهم الشبكة و الميكة حتى عمارو بالشوك و بقات تتحرك فيهم بحال الى تتحرك فالحريرة ....

سالات و مشات طايرة لبيت عيشة تتهز سليب و ا اخر بطراف صبعانها و خشاتهم فااباليزة فبلاصة خاصة بملابسها الداخلية كيف كانو عندها عمرات سليبات عيشة بالشوك و تقاست حتى هي ناضت على سعدها ووعدها تتنف و تحيد قدام السرجم منين داخل الظوء

دارت لي دارت و تكمشات تتفرج و تلعب فالتليفون جديد فرحانة بيه و تجرب التصاور منو ...حتى سمعات عيشة تتغوت عند الباب معلنة عن قدومها صوتها مزعج و منفر ...

_ و صفاااا صفااااا شوف العايلة بدلا حوايجا شنو هاد قلة الترابي فيكم كتولدو و تسمحو فيهم ...

ناضت صفاء طايرة لعندها هزات بنتها و دخلات بدلات ليها و دخلات عيشة جالسة قدام حلا تتعقلب عليها عينبها و تعبرها و حلا تتاكل فالفتاح و البطيخ مقطع حداها....و حات حتى صفاء تتوكل بنتها و ولدها صغير كيطير حداهم ...

عيشة بقات ساكتة ساكتة حتى نطقات بسم...

_ كالتليفون د عبد الصمد هذاك علاش كتفتشلو فديالو ...

حلا ( بابتسامة ) بحال دعبد الصمد بحال ديالي انا و ياه واحد اخالتي عيشة و غي رتاح وهني بالك ديالي تهرسلي البارح و عطاني ديالو زوين ياك ؟

عيشة كمشات فمها و قلبات كمارتها ماحاوبتهاش بقات غي صفاء تتشوف فالتليفون عجبها...

_ زوين و حتى الكولور ديالو كيحمق بصحتك تنا خصني نشري بحالو ...

حلا دارت رجل على رجل بانو فخاضها عامرين و التبسيمة مجبدة ..

_ الله يعطيك الصحة احبيبة ديالي و حتى التصاور ديالو خطيريين...

بقات عيشة تتشوف فداك التليفون كلاتو بعينيها و مابغات تحيدو من بالها ...جا سعيد جلس معاهم و حتى ناض عبد الصمد مدوش و مبدل عليه و جلس حدا حلا مدور يديه وراها بعفوية تيقيس شعرها و يسرحو بيديه ...

_ كاين شي غدا ..فينا الجوع...

عيشة ( حمعات فمها مخنزرة ) عرضانا مراة عمك مصطفى...

عبد الصمد ( هز يديه بضيق ) ماكاين عراضة سدينا ...

عيشة ( بغضب ) وصلات بيك ترحع عراضة عمك ؟ شحال ماشفتيه حاوبني قرابت لعاماين نكرتي اصلك و ناسك اعبد الصمد ...الحاج مريض واش هو يجي لعندك يشوفك من الجبل لهنا ؟

عبد الصمد قلب وجهو معلي حاجبو

_ دابا مانتغداوش ولاشنو....

سعيد ( بجدية ) و لاا اعبد الصمد عرفناك مكتفاهمش مع عمي مصطفى ولايني الحاح شنو دار ماقدرش حتى يحضر للكنازة الطريق بعيدة و السيد مسكين باقي ليه شبر للقبر و بغى يشوفك و يشوف حلا ماكيعرفهاش و حتى سارة بنتي ماعمرو شافا...

عبد الصمد : اصاحبي شفتي الطريق لتما كي دايرة بغيتي ولادك يموتو بالخلعة...

سعيد ( ضحك ) و راه غي نتا زمان ماشديتي داك الطريق ..راها تصلحات وولات حسن من المدينة...

بقاو مني منك نقاشات رحولية على الطريقة والبسيتا و الطموبيل صالحة مالصالحاش حتى قررو يمشيو برغبة جماعية عيشة شادة تيقارها منفخة و حلا تتبسم و عينيها كيلمعو طاح شي سر داك النهار ماعرفو حد ديالاش ولايني فخاضها كلاو الدق و اللحم تقطعات فيها مزيان بسباب وضعية البارح فالصباح كانت مزيانة دابا عطاوها للحريق واقفة هاهي مزيانة ولكن جالسة تتجلس بالكشايف عذباتها و سخسخاتها و عياتها بقد ماحسات بالمتعة ..الكرش تتحسها مقروطة و مطوية و مقطعة طراف طراف حتى ندمات علاش دارتها و سمعات ليه و حلفات لا بقات عاوداتها.....

لبسات ملابس رياضية فالرمادي و سبرديلة و حمعات شعرها بمقبض مامخلية حتى زعبة طايحة ووحها نقية من المكياج راشة غي ريحتها كاملين قلبوها ملابس رياضية من عبد الصمد و جبد بالكاسكيط من الشمش لحذاء رياضي تحسبا لاي حاجة ممكن توقع ...من غير عيشة الوحيدة لي مغلفة بواحد الجلابة كتجرجر مابدلاتش حوايجها الدخلانين غيرات غي الجلابة ...و زادو مع الطريق بعد ماعمرو الطموبيل بالسخرة طلعو غي جوج ديال سعيد و د عبد الصمد ركبات معاه حلا القدام و عيشة جرها سعيد معاه بحجة عبد الصمد غيوقف ليها قلبها فالطريق حيت سوݣانو كيمرض...!

طلعو مع الجبل و بعدو شوية على المنطقة الخضورية و الريح والسكات و الغبرة تتطلع بسباب روايض الطموبيل ...شافت فيه حلا و سولاتو ..

_ واش بعيدة بزاف ؟

عبد الصمد : غي شوية و صافي ..ديري السمطة...

دارت السمطة وتبعات مع الطريق سكينة وراهم قلبها غيخرح تتغوت...

_ عبد الصمد يرحم يماك اخاي غي بشوية...

حلا ( دارت شافت فيها تتبسم ) ديري السمطة هذا ناوي يكركبنا من هاد الجبل ....

سكينة ( شادة قلبها ) باز لك اختي كتركب معاه دايما قلبي غيوقف...

عبد الصمد ( غمز حلا و رجع شاف قدامو ) نرجع ليك الصرف اش بان ليك...

قلبات وجهها منو ضاحكة و هزات كتافها...

_ اذا قدرتي ديرها مامنعك حد ...

ضحك بدون مايرد عليها و سكينة تتشوف فيهم مثل الاطرش فالزفة...

سكينة بغات دمع بالخلعة نطقات بالزربة ) انا صافي قلبي غيوقف ..خصني ننزل...

حلا : نزلو ؟ زعما نلحقو على الرجل ؟

عبد الصمد : و عندك السوفل تكملي ؟

حلا : انا لي فيا الجهد فخوتي كاملين و عندي السوفل...خصني نخلف شوية و نطلق عضامي كنحس براسي مدكدكة....

كانت تتدوي عادي حتى حسات بيه يشوف فيها بنظرة ماشي بريئة و بلا ماتحس تذكرات كلامو البارح ملي كانو فديك الوضعية ...وقف الاوطو ورا الدار من التراب و شجرة قديمة تما ...نزلات حلا من الاوطو نغزوها فخاضها حتى وقفات عادي باغية تحرك باش ماتبقاش لحمها ضرها ...كمل سعيد الطربق بالطموبيل و لحقو عليه عبد الصمد و حلا و سكينة....تلاقا ليهم كلب فالطريق طارت حلا من بلاصتها و شدات فعبد الصمد ...

_ مكيعرفناش غيبقى يغوت علينا...

عبد الصمد ( جرها لعندو ) ماتشوفيش فيه و ماتهربيش غيتبعك الا تجاهلبه غيبعد منك...

سكينة سبقاتهم مخلياهم جايين بشوية عليهم ضاربين الطريق كيهدرو ...وقفات حلا تتقيس فخاضها و تزير عليهم عاطينها للحريق بالجهد

_ وقف بلاتي غا غتنطوي رجلي لحمي تتقطع بفف...

عبد الصمد ( بمكر ) حتى توصلي و ريحي رجليك هذاك ثقل البارح....

سكتات حلا بانت فيها الحشمة ..كملو طريقهم تيهدرو حتى وصلو ... طلعات نيت عندها الجهد عكس سكينة لي قربات تموت وصلو عطشانين تلاقاتهم مراة عمو بزغروتة على العرسان و قابلاتها حلا بابتسامة براقة....ضايفوها و رحبو بيها و رتاحت معاهم كثار من الدار الكبيرة و المفرشة لي كانت فيها البارح وخا هادي على قد الحال حسات بالراحة فيها واحد الجلسة على برا مدورة بالخضورية و الهواء النقي و الماكلة بلدية و اتاي تيتعمر بالشاشية ديالو ...صورات حلا اللقطات و شاركاتها مع خوتها دايرين قروب بثلاثة تيهدرو فيه ....

زوجة العم ( بفرحة ) كول المرضية العسل حرة ...

حطات حلا تليفونها حداها بينها و بين صفاء و مدات يديها تتقيس و تفلي بعينيها يد المراة واش نقية ولا فيها الحناء لقات يديها نقيين تيشعلو ....كياكلو و يضحكو و عبد الصمد من دايما مكيتفاهمش مع عمو بدون سبب غا الصواب و صافي و الحاج جالس معاهم فرحان باين فيه المرض دوزو عشية ولا اروع ..ولاد سكينة و صفاء كينقزو حداهم حتى جات بنت صفاء و هزات تليفون حلا و مشات تتلعب بيه...شداتها عيشة و حيدات ليها التليفون مغوبشة ...

_ ارا اعزيزة تليفون نقول الو لعمو...

حيدات ليها التليفون و دخلات تتلوي للدار هزات صاك صفاء و خشاتو ليها تما عن قصد عاد خرجات و جلسات معاهم تتنفخ بحال الديناصور....

يتبع...

‎