غيرك ما يحلالي الجزء 20

حسنية ( باعجاب ) غزالة تبارك الله مزوجة ياك...

نسيم : مات ليها الراجل و خلا ليها جوج ولاد مسكينة...

حسنية ( بشفقة ) الله مسيكنة و شحال فنة هادي غتعيش العداب مع هاد المجتمع ميخليوهاش بخاطرها تلئى عائلتها باغين يزوجوها دغيا حيت الزين ديالها فتنة ياصلاة على النبي....

نسيم ( بهدوء ) و هي ماعايشاش مع عاىلتها عندها مشاكل معاهم جامعة ولادها و ساكنة بوحدها حيت واحد بغى يتزوج بيها و دوا مع باباها وهي باقية فالعدة و مابغاتش حيت كبيير بزاف و عندو جوج نساء غيرها بغاو يزوجوها بزز ...

حسنية ( تنهدات ) لاحولا ولائوة الا بالله...واش الزواج كيكون بزز غي ئووولييي نفهم ...

شحال من راجل صادفاتو خولة... داخل للفيلا و شاف فيها باعجاب و ماشي اي راجل ..غا صحاب عبد الله و اولاد اصدقائو اغلبهم تجار و فيهم لي برلماني و كاين لي عندو قصر اعراس فمرتيل و الطموبيلات الرفيعة واخدة حدا الفيلااا...كاين لي شافها و عجباتو و سول عليها باهتمام لكن غي عرفوها ارملة بجوج ولاد تراجعو ...لولا علاقتها مع بنات حميدة ماعمرها تشوف هاد الاجواء و ماتلاقاش بدوك الانواع ...تنسمعو فتاة عادية مستوى عادي خداتو رجل اعمال...ولا مغربية عايشة على قدها تزوجاتو خانز فلوس بشي جنسية اخرى و تيلقاو يسولو هاد الناس كيفاش دارو ليها اشمن زهر عندهم...كبفاش تلاقاتو وهو فين وهي فين ...شحال من وحدة بحال خولة غا بالواسطة و المعارف و تتعاشر اصدقاء من دوك الفئة و كثار لا كانت مميزة غتاخد قلب شحال من واحد من داك النوع....! جالسة هادية جامعة ولادها عندها درواش ماشي مصعوربن تيحشمو بحالها و النساء تيشوفو فيها عجباتهم.....تتشوف فالاجواء و الابتسامة تتهدا ليها غا حييت عرفاتهم نسيم على انها صديقة حلا كون عرفاتهم على انها خدامة عندهم مرة مرة غتكون نظرة غيير...تيعطيو قيمة غا لي عندو الفلوس و صحاب ولد فلان بنت فلان...ماعمرها كانت عندها ديك القيمة بحال الى عندها دابا...عجبها الحال و ابتسمت فرحانة...و تزادت الثقة فراسها ....

دازت القصارة على حقها و طريقها و العائلة كاملة محموعة...رجال فقنت و النساء فقنت ...خولة مابغاتش تعطل هزات ولادها و مشات فطاكسي بالزربة ...نسيم عياات و طلعات للبيت نعسات مهنية مع الولاد حيت يحيى كاين....اما حلا و خلود ظلو قصارين مع الجماعة و الضحك و عيشة ماتبلعاتش ليها الفيلا ديال عبد الله جاتها الغيرة .....

لالة مليكة : الراجل ديالك احلا ماجاشي ...

حلا ( بابتسامة ) لاا اخالتي مليكة فاسبانيا مشغول شي شوية...

لالة فاطمة : و فوقاش عندكم العرس...

حلا : حتى يجي ان شاء الله و نبداو نوجدو ....

خلود هزات بنتها و ناضت بابتسامة. .

_ انا غنمشي حمزة صدعلي راسي باغي يمشي عياان ...

حلا ( كمشات حجبانها ) و بقاي شوية مابقيتش كاع كنشوفوك بحال قبل واش مكيخليكش تخرحي...

خلود : و من بعد نهدرو و نتعاودو ...غدا حايين صحاب حمزة للغداء و خصني نشبع نعاس ...

حلا ( عوجات فمها ) ياك ما دوك الفوقهة موالين الجلالب و اللحية و العقل طاير على الطرف ...

خلود رجعات جلسات مخشعة فالحديث و حمزة كل شوية يصوني .

_ الفقيه كتبان من وجهو سبحان الله لي كيكون شاد دينو نيشان و معقول كيكون منور ماشي كلهم بحال بحال ولكن هاذو لي مصاحب مع حمزة كيخلعوني تنا بعدا وخا عمرني شفتهم تنسمع غا الاديوهات ديالهم راه العحب. ...

حميدة : و خلود سمع حمزة ابنتي...

ناضت خلود طايرة عندو و جلسات حلا مكملة الجماعة...لقب مزوجة هاهي عندها و مابقات تتسمع داك الكلام فوقاش غتزوج و مالك ماتزوحتي ياكما فيك شي عكس...دابا تزوجات تهنات و عايشة بحال الى مامزوجاش راجلها خدام فاسبانيا لا مسؤولية لا جوج ...

كلشي رد ليها البال ...بانو فيها الفلوس تبدلات حتى عقليتها....ملي كانت تتجمع الفلوس و تخزن درهم ورا درهم تموت و ماتصرفهمش الا بالضرورة تتطمح دير مشروعها و تكبر دارها و تشري فالاراصي و تيجيها صعيب تشري شي حاجة غالية بيهم لراسها مثلا صاك او لبسة ساوية ثمن...اما دابا ثلاثة مليون تتجيها دقة وحدة و بلا مشاريع عبد الله لي شادة فيهم النص فلوسها كاع تتصرفهم فالحوايج و الصيكان و مبردة حيت غا تعطاو ليها ماشقاتش عليهم...الدار تتبنى ليها باابارد و كاط كاط كحلة تتبري عندها و الحوايج المخيرة عندها و الخدمة مع عبد الله مربحة مابقاتش مهتمة دير مشروعها عجبوها الفلوس الباردين و حياتها حاليا مابقاتش حلا لي تتنعس و تفيق باغية دير مشروع احلامها تتخطط باليل و النهار و تجمع سنتيم وا سنتيم...تبدلات و نسات المشروع من بالها والفلوس غيرو فيها بزاف زادوها واحد الثقة كثار ملي كانت عندها و زادت زيانت و بانت عليها فخامة غير على خوتها و تزادت قيمتها عند عائلتها من صغيرها لكبيرها...عمها ولا تيرطب معاها من اخوالها و لادهم و نساواتهم تيديرو ليها كي الماء القليل...و حتى بعض منهم ولى تيقول حلا تبدلات ولات متكبرة دخلات ليها الكبيرة و غروها الفلوس.....وخا عبد الله تاجر ميسور و لباس عليه لكن عبد الله تقولو عطيني مليون نشري ساعة من تما للسبيطار بازمة قلبية...عندو كارثة ضيع مليون فساعة يموت فيها ماعندوش داك الافراط و عايش حياتو ببساطة كبيييرة و نسيم تتشبه فهاد الصفة....

وجدات خلود الغداء لضياف حمزة عطات وقتها و تفننات بغات تحمر ليه وجهو العجز تتعطيه قتلة ولايني تتقضي و تتسلك راسها مع الضياف....الدنيا مزال نقية و معطرة...خرجات من الكوزينة مقزبة و شعرها مسرح و العيون مزينة هازة بنتها تتغوغوغ فيديها و شافت فحمزة ...

_ حمزة شد غرام حتى نبدل عليا ...واش قربو ؟

رد حمزة بالدرجة معكلة..: سي سي قربو غطي شعرك اخلود و ماتجلزيش معانا و الماكلة انا نحطها...

خلود هزات كتافها و قلبات عينبها ...مشات لبسات عباية سوداء و شال اسود رطب رماتو على شعرها باين شوية من خصلاتو الشقراء و قوة شخصيتها القيادية باين من ملامحها و نظرة عينيها.....سمعات حمزة كيعيط عليها خرجاتو لعندو ...

_ مالها كتبكي..

حمزة : ماعرفتش مابغاتش تسكت ؟ ياكما مريضة ؟

هزاتها خلود تتهز فيها و تبوس حتى سكتات و حطاتها تتلعب

_ كتخلعها بديك اللحية نقص منها اصاحبي شوية مالك على حالتك ...

حمزة حك لحيتو تيسولها...

_ زعما ؟ ماجاتش معايا...ماعجباتكش نحيدها ههه...

خلود ضحكات ولعبات فلحيتو بدلال : و هي اللحية زوينة غا نتا مازوينش ...

قلبها لعندو شاد ليها يديها للور تيمزاحها وهي تتغوت و تضرب فيه ...

_ حمزة يديي يدي المسخوط غيتهرس...و مالك على هاد اللعب الباسل و يديييي....

عضها فشحمة ودنيبها حتى هرها و قلباتها ضحك و الشال طاح و شعرها ترون : و ها المنكر بعينيه....بغيتي نكدب عليك يزيييغو عينيك و تعجب براسك...و راك مازوينش انا حسن منك الف درجة راك عارفني عندي نيشان نيشان النفاق اوهو.....راحلي و كنبغيك مي انا زوينة عليك بالرجولة اعترف ...

هز فيها حاجبو تيعبر ملامحها الجميلة غينيه مبتسمة قاطع لحضاتهم صوت رسالة لتليفون حمزة و وصول الضياف...قلبها جدية و شاف فيها ...

_ ستر شعرك اخلود ....

هزات الشال بالزربة رماتو و شي ماسترات و تحنات هازة بنتها ....دخلو صحاب حمزة شي جوج رجال واحد اربعيني و الاخر ثلاثيني لابسين عادي غي اللحية طوييلة و كحلة و واحد منهم عينيه كيدورو غا بوحدهم سميتو ايوب....اكتفت خلود بتحية غي بعينيها و خرجات غابرة من قدام عينيهم مخلية حمزة يتكلف هو حط ليهم الغداء هو لي قابلهم و هي ملي تتحتاج شي حاحة كدوز تجيبها و الصالة شوية تتبين لي غادي و لي جاي و ايوب ملي شافها حط عينيه عليها و تيسرق الشوفة كل مرة...ملامحو منفرة وماتيدخلش للخاطر....بنبرة حانية نطق و كلامو غالب عليه الفصحى...

_ أخي حمزة شنو قررتي دير مع الزوجة ديالك الاولى...

حمزة ( هز حاجبو ) و هاد الساعة ماكايناش اونا و دوس ( وحدة و جوج ) عندي غي وحدة ...

ايوب : و باشر اخي حمزة خير اابر عاجله اجرك عظييم و نخلة عالية فالجنة كتكبر مع اجرك فالدنيا ...

حمزة ( بحدية ) عيت ناقش مع نفسي و قررت نناقش مع الزوجة ديالي هي صديقة ديالي قبل ماتكون مراتي و مكنرتاح نعاود غي ليها وهي مسلمة و من عائلة مسلمة و عارفة اكثر مني...

ايوب ( عقد حجبانو ) الصديقة غير و الزوجة غير الصداقة بين الرجل و المراة ماكايناش فالدين ديالنا مراتك طيعك و تفهمك و ترضيك و هادشي مذكور فالقران و السنة سنة النبي صلى الله عليه و سلم النساء عليهم الطاعة و الرجل فيدو العصمة هو رب الاسرة و حاكمها ...النساء ناقصات عقل و دين ...و التعدد من حقك و الاجر عندك و عندها حتى هي و زوجتك فالاصل مسلمة و عارفة التعدد حلاااال مطلق لانقاش فيه الا اذا كانت جاهلة لدينها....

نطق صديقو التاني بابتسامة...

_ ربي كيبغيك فتح ليك طريق الخير و سهل عليك الوصول للجنة...قال رسول الله صلى الله عليه وسلم " أنا و كافل اليتيم في الجنة هكذا " وأشار بالسبابة و الوسطى وفرّج بينهما شيئا ..."

انا و انت يااخي المسلم خلقنا لعبادة الله و تتبع سنة الرسول صلى الله عليه و سلم ...

بقااو شي ساعة محمعين عليه تما كيهدر واحد و يكمل الثاني لقاوه مكيعرفش بزاف على الدين عاد تيشد من عندهم حاجة و يعاشر ناس اخرين تيلقى حاجة اخرى فشكل و تيقرا فكوكل و النقاشات مختلفة...راسو ترون و كيتيق فهاد صحابو و تجمعو عليه بجوح...اي سؤال جاه تيطيرو يجاوبوه و الجواب على طرف اللسان...

اما مزوج بارملة و باب الرزق تفتحات بوجهنا .. نتا تزوج و كفل اليتاما و ستر ارملة......ملي كيقول ليهم ماكاينش غي الزواج كاين طرق اخرى كيقنعوه بانو الزواج بحد داتو اجر كبيير و مايمكنش يظل يصرف على مراة ارملة فمجتمع محافظ وعندها عائلة شكون غيتيق بيها نقية والراجل لي كيصرف عليها نيتو صافية و باي حق ؟...غياكلو ليها لحمها بالهدرة و القدف فعرضها و شرفها .... غتنقدها من داك العالم الزواج سترة و اجر عظييم تزوج و شوف الخير لي غتلقى فوجهك ...ماتفرقش بين ولادك و ولادها ..غتنقص من الفاحشة و المنكر لي كثرو فالمجتمع ديالنا...غتنقدها من ارتكاب الزنا و المعصية و تنقدها من التحرش و الاغتصاب و نظرة الرجال البغالية ...و لك اجر و لزوجتك الاولى اجر....و شروط التعدد كلها فيك...ميسور و محترم و صحة جيدة و قادر تفتح جوج بيوت و كثار وهي ارملة و جوج يتاما فكر يااخي المسلم....ممكن نتزوج بيها انا و غيرك و غيرنا لكن ياخي حمزة ريش الحمامة وقع داخل منزلك انت ربك اختارك انت....

عمرو ليه الراس مزيان حتى اقتنع و ناض مع صحابو للباب تيودعهم و ايوب عينيه لصقات فخلود غا تتبان تيسكانيها عجباتو و مااهتم لا ان راجلها صاحبو لا والو ...العين عشقاتها...دوز يديه على لحييتو شحال و ودع حمزة و خرج....عاد تفرع لخلود و جلس ناطق بجدية...

_ خلود اجي نتشاورك معاك....

خرجات لعندو طالقة الشعر جالسة حداه هازة حجبانها بذكاء...

_ حسيت بيك هادي جوج سيمانات و نتا مشوش و عقلك مرون و عندك شي هدرة و تترجعها دابا عاد هداك الله نتشاور معايا ؟ شنو كاين قولي ياك تترتاح تعاودلي و اسرارك كاملة عندي ؟ عندك شي مشكل فالخدمة ....

حمزة شد يديها عندو و رد بجدية...

_ بغيت نتشاورك معاك اخلود ...( بزعامة كبيرة كمل )كنفكر نتزوج بخولاااه اخلود..

خلود طلقاتها بضحكةعالية....

_ شي نكتة هادي الزمر نوض بحالك تكى نووض...قالك خولااه عرف غا تنطق خولة خولة ماشي خولاااه....

حمزة بجدية...

_ خولااه خولاه هكا مزيان ...انا كندوي بصح معاك اخلود والله...

كانت مستحيل تيقو وتاخد هدرتو جدية حتى حلف ليها...و عرفاتو مايحلفش مزاج...دخل معاها الصح الصحيح و قلبها ضرب بالزربة و ترعدات عليها لحمها ...نطقات كي المصدومة

_ حمزة عارف شنو كتقول...باغي تزوج عليا ؟ بخولة ؟ واش مخور فعقلك ولا مالك....

قبل ماتنفاجر فيه بشي غوتة من ملامحها المصدومة توقعها...نطق ..

_ مابغيتيش انا مغندير والو ...راحتي معاك غي نتي و ماعندي ماندير بغيرك و نتي مامعاياش ....

ناضت واقفة شادة شعرها غلباتها الضحكة مع الفقصة كترمش و صدرها طالع نازل ...خرجات فيه عينيها بحال الحمقة و الدمامع مجمعين تيحرقو

_ حمزة قلبي غيسكت احممزة قولب غي كتكدب عليا ...كيفاش زواج و خولة ؟ كيفاش اازواج و انا ......

حمزة : خلوود انا ماشي قررت تانا كنشاورك ااذا مابغيتيش مانديرهاش .....

غوتات عليه بالجهد حتى قفزات بنتها من نعاسها و طلقات للغوات دفعااتو من صدرو تتبكي مجننة...

_ واش حمق ..ها حمق والله حتى حمق مصطي مخور فعقلك انا خلود تزوج عليا ...حمزة تكون كضحك معاك ندبحك كتعرفني كي دايرة...

عقد حجبانو و ردة فعلها جاتو فشكل حسساتو بحال خانها وهو جبد ليها غا التعدد ياك التعدد فلاسلام حلال ماشي حرام او كارثة وخا متوقع ماتبغيش كان متوقع تقولو لا و صافي انا ماوفقاش ماشي هاد الحالة و العنف و البكاء و السبان وهو جابد عليها موصوع التعدد و تيشاورها ...حسساتو بحال تيخونها لو واحد مغربي ماكانش يتجرأ يوقف قدامها و يقولها و مايكونش عندو حتى نص زعامة حمزة...حمزة لي اقتنع ان التعدد حلال و حق فالاسلام و كاملة فيه الشروط...تيشوف راسو ماشي دار كارثة او خيانة....نطق بضبق من عنفها...

_ خلووود بشوية سمعي ...خلووود ...

طرشاااتو حتى تسمع الصوت و غوتاات. و معرعرة عليه...

_ ال"*را ماشي خلووود عاود شنو قلتي...تزوج هاا ؟ تشاور معايا...باغي تزوج و بمن بخولة...بقات فيك الحماار الكلب....

شد ليها يديها حمر و حجبانو معلييم مكيحملش العنف ..غوت عليها بصوتو الغلييض معصب كينفخ ...

_ خللووود ماتغوتيش...انا ماخنتكش و ماغضرتك انا كنبغيييك و جييت نشاااورك ماشي درت مصيبة...

بعيون معصرة بالدمووع و الغواات و النار غتخرج من عينيها بغيرة و حرقة غتسطى تتجبد معاه و يديها معصرين بيديه تتدفل و تجنن و تضرب فرجلييه صاعرة بالجهد...

_ و سكوووت سكوووت ينعل والدييبك الحماار...تفووو عليك...تزوج الكلب انا الحمارة و الكلبة لي خليت جيبك عاامر و ماتقبتوش ليبك ..انا الحمارة تقت وتزوحت بيك وانا عارفاك فيك عرق زهوااني ...نهار لولاني عرقتك شفتك ومدور بربعة زعرات ...السكايري.....طلق مني تفووو تفووو ...

غوت عليها حتى هو شادها عندو و غرام تتبكي فالبيت وخلود عقلها بغا يخرج ...

_ ماتغوتيششش...خللووود رجعي لعقلك....فين الحواررر...هذ حوار عندك ...شنووو قلت حرااام انا فاتحتك عااادي اخاود ماغضرتكش و ماعمرني شفت هاد خولاااه ...

غي نطق سميتها طارت بعضة لصدرو عضاتو حتى جبدات لحمو بين سنانها و غوت مقصح وهي لاصقة فيه كي الكلبة ...تتعض و هو كيغوت ببحة...

_ خلووووود ...طلقييي غنضربك ..والله حتى نصرب....

ركلاتو. و عضاتو و عاودات و طرشاتو و جمع ليها يديها عندها وهي تتجبد و تسب فيه عرقاتو هو و تاصيلتو ....

_ افووو تفوو على كمارتك....ماتجبدهاش على فمك....تفووو...

حمزة شحف و عرق معاها فتح باب الجحيم فوجهو تصدم فيها...

_ مافهمتش اخلود مافهمت فبك والو اشنو درتليك.....انا نيتي فالاجر حتى هي مكتعرفهاش عمرني شفتها انا ناخد الاجر وحتى نتي مابغيتيش مابغيتس تنا...

دفعااااتو بالجهالة و شعرها مشنتف مقزبة عليه و مخرجة عبنبها...تشكلو ركابيها و طاح على الكنابي وراه حا جالس عرقان مصدووم تينهج...مشاات طاايىرة للكوزبنة ماجا يتبعها حتى كانت جات تتجري فيديها الموس طلعات فوق صدرو و دفعاتو حاطة الموس على عنقووو مخرحة عينيها كي الجنية بحرقة و غصب و غير ة وقوة ناطقة تيبعد ليها يديها وهي لاصقة فحبة عنقو ...

_ شكوون قاليك بااغية الاجر اسيدي هاا....انا شكيت عليك ...بقات فيك كتب ليها **لاويك نتا كااع دير ليك كونط سييغ كاغني نتا كاااع اشفيها......الزهواني السكايري...انا نوريك لالاهم خلوود كتعرف هاد الكمارة ولا غي سامع بيها...

تصدم فيها و فتح عينبه الزرقين و بحة صوتو رجولية شاد يدييها تيحاول يحيد ليها الموس وهي لاصقة فيه كي العلقة...

_ حيدي الموس اخلو د فين عقلك...حيدي المووس...اتفووو مريضة ولا مالك...

لصقات الموس فعنققو مصدوم منها حمرا بالاعصاب و بجنون هاتفة ...

_بغيتي الجنة الحبيب ديابي...هاا...انا ندوز على واليدك بموس ماضي و هانتا طاكسي كوورسا للجنة ....هادشي لي شديتي من الدين الزهواني...السكايري...توحشتي ايامات التخلاط و الزهو ...هاا قولي انا اميغا ديالك زعما...( غرسات سنانها فشفايفها بحرقة و زادت غرسات الموس و شوية دم سال قلبها و جا فوقها كيغوتو بجوح رامي ليها الموس وهي تتدفل و تعض و تسب ) توحشتي تشوبا بيني ...مم مالقيتيش شكون يديرلك تشوبا تي بيني السلكووط....انغلي الزيت و نحرقلك **لاوييك لي زايغ بييهم مابقات لا تشوبا بيني لا تشوبا تشوب....

ترعدات و تجننات و بكات و عضات و سبات و دفلات و نفسها بغات توقف الحرقة تتشوي فقلبها و كلامو طالع مازل معاها ...قلباتها بكاء و نواااح و قلبات وجهها منو فخطرة تتشهق مصدومة صدمة عمرها....هو ناض طاير يشوف الجرحة فعنقو لقى الامر خفيف ماشي شي كارثة ...هز بنتو تيسكت فيها جالس عاقد حجبانو تيسمع صوت بكاها و تهديدها و هو ساكت و الجرحة تتشوط فعنقو .....بكات و مابغات تبرد شي حاجة واقفة ليها فحقلها وخا تبكي و تغوت ماتهبط ولا تبلع ليها...ضربات على قلبها و عاودات بغات تسطى....ناضت تتجري لبيتها جمعات لبسات علبها عباية و جمعات شعرها عالي ...و تماات خارجة لعندو بنظرات نارية...

_ عطيني بنتي...والله لا سمحت ليها احمزة...ماعمرني ننساها ليك.....

هزات بنتها من عندو وهو كيشوف مصدوم...

_ خولاه ديري عقللك ...

سمعات سمية خولة هبطو دماع سخان كيجريو و غوتااات مزيرة على بنتها..

_ خلووووود .معاااك خلوود الكلب ماشي خولة.....خلووود الله بعطيك الموووت...

فطن على راسو مصدوم و تم مقرب منها بعدات منو تتشهق...

_ بعد مني ماتقيسش فيا ....فاش نقصت معاك انا ؟ قولي فاش غلطت معاك....كون ماخفت من الاخرة نقتلك والديك و نكمل حياتي فالحبس.....

دفعاتو غادية وهو لاصقها معصب ...

_ خلود سمعيني...خلوود فين غادية....

غوتات عليه حتى بكات اابنت ...

_ غادية لدارنا ...حيد من قدامي احمزة والله لاعاودتي شفتي هاد الوجه...

فتحات الباب و هبطات تتجري و البنت فيديها وهو طار حاب المفاتيح و تبعها كيجري ...لقاها ركبات فطاكسي وزاد طااير بيها للمضيق و من تما شدات طاكسي اخور لبوز اغلال و دخلات للفيلا هازة بنتها تتبكي و خجبانها ملاقيين و قلبها مشوي ...فتحات ليها نعيمة و كانو تما سي جوح بنات اخرين و حتى خولة...شافت فيها خلود و قلبات كمارتها باازربة كارهة تشوف كمارتها...طلعات الفوق تتبكي و تنادي لمها...

_ ماااما....ماااماا....

شافتها حميدة تصدمات جراتها للبيت تتسول و خلود غي شافتها ترمات فحصنها كتبكي و تغوت و تضرب على قلبها...

_ انا تصدمت اماما...تصدمت والله ماكنت كنتصور نسمع منو هاد الهدرة....صدمة حياتي لقيتها اليوم..

حميدة ( عينبها دمعو بخوف ) مالك شنو عندك ...خلعتيني اخلود عمرني شفنك كتبكي هكا شعندك الحبيبة ديالي ...

خلود ( دموع تتحر ق هابطة مع عبنبها ) حمزة خصو يتزوج عليا ( شهقات حميدة شهقة طوييلة و زادت الثانية ملي كملات خلود بحرقة ) و بمن ؟ بخوووولة اماما بخوووولة لي دخلتا للدار ديالي بيدي عقلي غيخرج .....

حميدة جلسوت جالسة بالصدمة هازة غرام غيديها تتلعب...

_ الله اكبر شني هادشي كنسمع كنحلم وقيلة ...فاين شاف خولة...

خلود ( شادة رايها بغات تحماق ) ماعرفتشي كيقول عمرو شافها حرقلي قلبي حمزة كيفكر يتزوج ماعمرني تصورتا حتى فالاحلام ماحسابليش عندو ديك العقلية ...شوطني و ماعمرني ننساهالو ...

نعيمة واقفة. تتسنط على برا بفضول سمعات الحوار كلو من الالف حتى الياء...تصدمات و خرجو عينيها و هبكات تتجري عند خولة للكوزينة حاقدة ...شافتها جاية هكاك سولات باهتمام..

_ مالك اختي...

نعيمة ( بصدمة ) و عاملة راسك مافخبارك والو اسراقة الرجال....هااا نعلة الله عليك يانكارة الخيير....

خولة صفر وجهها و دغيا دمعو عينبها بخوف ..

_ شني عدلت ماعدلت والو ....

نعيمة ( بغضب ) كالراجل د خلود خصو يتزوج بيك و نتينا كتقول مافخبارك والو الكدابة يالغدارة ماجبرتيش شكون تغدر غي هاد الناس كتاكل معاهم لقمة الخبز...كتبان درويشة و نتينا غدااارة....

خولة ( خرجات عينيها باااكية ) والله ماعمرني شفتو ولا عرفتو والله مادرت شي حاجة...حرام عليك شنو عملت انااا.......

نعيمة : سكوووت الكدابة علم الله شنو كنتي كدير معاه بانلك غي فالݣاوري بغى يدخلك شريكة الخوف فهاد الزمان ياربي السلامة...

شبعاتهم ليها نعيمة مراة متزوجة و جاتها الغيرة و بقات فيها خلود و تحرقات بلاصتها خولة خبات وجهها بين يديها تبكي مصدومة كثار من خلود...مابقات حتى دقيقة فالفيلا هزات صاكها و خرجات طايرة كتجري....حتى تلاقات مع حمزة فالباب لا هو عرفها ولا هي عرفاتو....

تلاقات مع حمزة فالباب لا هو عرفها ولا هي عرفاتو....حتى سمعات نعيمة تتعيط ليه حمزة...دارت لعندو تتجري موقفاه و عينيها العسليين مدمعين...

_ اخاي اخاي....

سمع صوتها و دار لعندها مستغرب...وقفات حداه بنظرة تتحرق و الشهقة غالباها...

_ نتا حمزة راجل خلود...

هز راسو بالايجاب ..

_ سي هو انا...

خولة ( تتدوي وسط بكاها ) و قولهم مااادرت والو. ...انا عمرني عرفتك ولا شفتك ظلماااتني والله حتى مظلومة انا ماخصني والو كنت مرتاحة كنخدم على راسي حتى خرحتو فيا العيب الله ياخد الحق فلي كان السباب انا عمرني نفرح فحياتي ....

حمزة شافها تتبكي عقد حجبانو ..

_ شكون نتي ؟ خولاااه لاا....

حشمات منو و عطاتها للبكاء و ندمات حتى علاش هدرات معاه...عطاتو بالظهر كتجري و تبكي ..طارت لدارها و شدات عليها كتبكي و تضرب راسها...

_ شكون قالو بغيت نتزوج...كيفاش غنشوف فيهم ماين غنخدم و نجيب الفلوس عاود ماين غنجبر بحال دوك الناس...انا عمرني نفرح فحياتي....

تجمع حمزة مع عبد الله و رضا تيشرح ليه لي وقع و كيف وقع مشبك يديه و معلي حجبانو صوتو مبحوح...

_ انا ماقلت حتى عيب نقولها و نعاودها ما عمرني غدرتها ولا خنتها وماقلتش حاجة حرام نتا اعمي مسلم و حتى نتا ارضا ...عندكم الهدرة كيف على هاد الموضوع كارثة و مصيبة و فاشحة....

عبد الله تنهد تيهز راسو ..

_ فاحشة فاحشة كنقولو ماشي فاشحة....الله ينجينا و ينجيكم منها ...شوف احمزة ماقلتي حتى هيي و ماكاين حرام فهدرك نتا قلتي غي تشاورتي معاها و من حقك ...

رضا ( عاقد حجبانو ) و علاش باغي تزوج عليها فاش منقصة عليك ختي....

حمزة مسح وجهو شحفان ..

_ انا نويت اجر و الخير ماعمرني شفت هاد خولااااه باغي نتزوج بيها نتكفل بيها و بولادها بحوج و قادر عليهم....

عبد الله بجدية : سمع سمع احمزة...من الاخر بغيتي تزوج بخولة ملي هدرتي مع خلود علمتيها ولا تشاورتي معاها ؟

حمزة : تشاورك معاها مابغاتش هي تنا مابقيتش باغي خلود مانبدلهاش ...ماعرفتش علاش غضبات هكا و انا ماقلتش حرام...

رضا ( بغضب ) وهي مابغاتش صافي نسى عليك هاد السيرة اصاحبي ..عطى الله كيفاش دير الخير بالك غي الزواج....خلود مابغاتش...

حمزة كمش ححبانو تيتفكر خولة...

_ انا عندي مراتي و بنتي حاحة كبيرة فحياتي ولكن مابغيتش وحدة تظلم بسبابي ..خولااه علاش جريتو عليها انا ماعرفتها و ماشفتها سمعت سيرة ديالها من عندكم ...

عبد الله : سمع احمزة...خولة ماحرا عليها حد البنت معقولة عرفناها ماشي من داك النوع هي براسها خرجات و بيني و بينك حسن كاع ملي مشات حيت خلود مبقاتش حاملة تشوفها بسبابك و بسباب هدرتك خرجتي على المراة وولادها و قطعتي ليها رزقها...و حتى هي راه مغترجعش غتحشم ترجع وخا مادارت لابديها لا برجليها....

تزاد الثقل على ظهر حمزة. هز ليها الهم و تحرك ضميرو مابقاش مرتاح و غي منغوز فخاطرو ...تنهد تيمسح فلحيتو..

_ دابا شنو غدير ؟ باش غتصرف على الولاد.....

رضا ( بضيق ) شوف مشكلتك مع خلود عاد شوف المراة اش بيها....هز مراتك و بنتك و راضيها ....

حمزة ( بجدية ) غي فهموني واش قلت عيب فين العيب لي قلتو و درتو معاها نقول ليها انا غالط اوك....من حقها...

عبد الله : بالمعقول احمزة راك ماغالط والو و ماقلتي والو حرام ...النساء كيسمعو التعدد كيطيرو فالسماء وخا عارفين حلال ...تفكير ديالهم ماشي ديالنا نتا هدرتي معاها بحال الى تتشاورها فالصلاة ولا فشي سنة باش تفهمها ..راه يفهمو فكلشي و يدوزوه الا التعدد كيرجعو صمكيين ....

رضا ( قلب وجهو تيشوف فحميدة جاية جابس الضحكة ) ماكدبتيش....

حمزة ( تيفكر و يخمم ) دابا غلطنا فجوج جهات شنو الحل اعمي قولي نديرو مابقيتش مرتاح عولت على الاجر خربقت على السيدة حياتها....

عبد الله ( كمش فحميدة عينيه حتى مشات و رجعات شافت فحمزة ) دابا غي بيني و بينك و راجل لراجل كنعرفو بعضنا و كنفهمو اولدي وخا تشوف الشيب و داكرة الدبان...نتينا سمعتي التعدد عجبك و زاد عجبك كثار ملي سمعتيه من حقك و حلال عندك غرض فالاجر و ماتكدبش انك ماعندكش الغرض فيها حتى هي...راك شفتيها غي دابا ! و فاهمني احمزة ياك فهميتي...راك تبارك الله الدرجة عندك حسن من ديالي انا....

حمزة وخا عجباتو ضربها بنكرة..

_ انا ماشفتها حتى دقيقة كاملة اعمي و ماعمرني عرفتها قبل ...بفف هادشي ماكنت ناوي عليه ماعجبنيش هاد الحالة ...غتبقى دعي فيا تما و انا نيتي والله الا كانت صافية....

عبد الله ( بتفكير ) خلود هادي سيمانة وهي كتشكى من صحابك و افكارهم و تصرفاتك معاها فالدار....قولي واش هاد صحابك هوما لي دخلو ليك الفكرة لراسك...

حمزة ( هز راسو ) صحابي عاماين دابا...

عبد الله ( كمش عينيه بتفكير ) شوف احمزة عمرك تسمع من اي دوا معاك بقال و قال ارسول و يحولو القولة على هواهم و تمشي معاهم فالخط ...و ماتيقيش بزاف فهاد النوعية غنجيببو الفقيه صديق قدييم و كنعزو و رجل دين اي حاجة مرونة عقلك قولهالو و مايكون غي الخير ...هذا من جهة و من جهة اخرى التعدد انا مانرضاهش لوحدة لبناتي....دار باها كبيرة و عريضة تهزهم هوما وولادهم مابغاتش التعدد من حقها و حتى نتا حيد الفكرة من راسك...راه صعييب وغتاخد دنوووب...و لن تعدلوووو ....

حمزة ( بجدية ) ماقلتي حتى عيب ....

دخلاو حلا و نسيم للفيلا صوت ضحكهم مسموع ...شافو حمزة جالس وسط رضا و عبد الله فجلسة جدية استغربو ..نطقات حلا قالبة عينيها من رضا المخنزر فيها و من لباسها...

_ سلااام ...

عبد الله : و عليكم السلام....الخلود الفوق طلعو عندها باغياكم....( شاف فنسيم ) فينو يحيى و العيال....

نسيم : فتطوان هو و خالتي حسنية مع صاحبو ..

البنات دخل معاهم القلق و الاستغراب غا جاوبات عبد الله طلعو عندها بالزربة لقا وها جالسة فوق الناموسبة تتبكي و حميدة هازة غرام تتنعسها ...نقزو لعندها كل من وحدة من جهة مشوشين...

حلا ( بغصب ) ويييلي مااالك ضربك حمزة....ماتقوليشي ضربك....

نسيم ( قضبات جبينها مشوشة ) و هدر اخلود تخاصمتو ...

خلود ( تتدوي مخنوقة ) كون غي تخاصمنا...قالك حقا ماحقا اجي ابنت الناس انا كنبغيك ولكن بغيت نتشاورك خصني نديرالتعدد...( شهقو بجوح و كملات الصدمة ملي كملات كلامها ) و بمن ؟ ياالاه قولولي نتوما .....بخووولة يماها د غزلااان خووولة انا عقلي غيخرج ....

صعرات حلا و حكها قلبها تتضرب حكنها مصدومة...

_ حمزةة...حمزة...اويييلي دغيا وصل لدرس التعدد وللاااد الحرااام ...

نسيم قلباتها غي بكاء بقات فيها ..ناضت حلا تتمشيو تجي صاعرة و زادت عاودات لبههم خلود الحوار كلو بالتفاصيل بقاات حلا غطرطق معصبة عليه و على الرجال كاملين و كارهة تاصيلتهم و زادت عليهم حتى عبد الصمد ...تغددات مزيان تتسمع نسيم تتبكي عصباتها ضرباتها لراسها مخنزرة...

_ علاش كتبكي نتينا عاود مريضة ولا مالك....

نسيم بعدات ليها يديها مخنزرة...

_ حمع يديك بعد مني....

حلا قلبات وجهها واقفة عند السرجم تيطل على الجردة مكمشة حجبانها زامة شفايفها و عينبها كيدورو ترجع ترحع تسب حمزة و عبد الصمد و بحيى جمعاتهم كاملين وخا مادارو والو ....

_ ولد الحرام باغي الاجى قالك...الاجر....ممم مزيان والله الى الراجل عندك قلبو كبير اخلود...كبير بلاتي على والدبه كرهتو كرهتو....الاجر مزيان والله الى مخيرة بانلو الاجر غي مع هاد الزعرة وخا على يماه....

بقات ساكتة تتسوف فنقطة ساهية حتى دخلات نعيمة جايبة الرضاعة لغرام شافتها حلا طولات فبها الشوفة مزيااان و تفكرااات سلييمة ختها ارملة و عندها جوج وليدات صغااار واحد الشاطا ماطا قبييبحة...غي خرجات طارت حلا جالسة قدام خلود بعصبية نطقات...

_ نووض قووولو انا معاك عندك الحق بغيتي التعدد بنية الاجر انا فهمتك و كلامك هو الكبير...غزوجك انا بيدي لوحدة ارملة و جوج ولاد و حالتها تتقطع فالقلب كثار من خولة...

شافو فيها كاملين مصدومين..غوتات عليها حميدة

_ حلاااا جمع دقمك...شكتقول...

حلا ( بضبق ) و مالو بغى الاجى ياك...وخا غي بلعاني خليه يتزير و يحصال ..خولة انا غنتكلف بيها يرتاح و يخوي سوقها ..بغى الاجر قولو تزوج بسلييمة خت نعيمة عندها جوج ولاااد صغاار كيقطعو فالقلب......

نسيم ( بصدمة ) علاش سليمة هي خولة...سليمة غليضة و سمرا و الاخرا زعرة و زوينة...

حلا : و هنا يبان اش غرضو ..بغى يتزوج بيها خليه والديه يتزوج بيها و بصحتو بالبقرة د هولندا حتى هي قبيحة تطويه على جوج و طلق الزمر و طلع بحالك لاسبانيا عندك وراقك ....مابغاشي عرف راه كان خصو غي الزين و الزعورية السلكوط غيبقى لا هادي لا االاخرا...

خلود ( بتعب) بغيتلو الموت حرقني مابقيت كنفكر فوالو ...( رجعو دموعها هبطو ) و المصيبة هي وقيلة انا حاملة ....

تأسفو الكل لحالتها قطعات ليهم فالقلب ...جراتها نسيم لعندها تترمش برموش مبللة بالدموع و الصدمة غـالبة عليها...

_ واش متأكدة حاملة ؟ ماكديري حتى احتياط !

حميدة ( تولول ) و ها لي كان ناقص شفتو دابا هاهي كملااات...

حلا : الحمارة طالقاها تسرح و نتينا عاد ولدتي...

خلود ( ببكاء ) عندي 34 عاااام وقييلة ماشي 24 و ماحملت بغرام حتى كان عقلي غيخرج و ماخليت حتى طبيبة باش حملت ...( بحرقة كملات ) السيد معاشراه كثار من عشر سنين قبل الزواج و من بعد شعرفني انا يخرج منو هادشي انا تصدمت صدمة حياتي عمرني ننساها....

حلا ( بغضب ) و نووض نوووض هدر معاه كرهت حتى ندكر سميتو الغداااار. .الرجال كاملين طينة وحدة كااااملين ولاد ااحرااام شفتييي راه حتى بابا و ماكرهش يتزوج بوحدة اخرا غي خاف من حميدة تقسموعلى اربعة و نكملو عليه حناااا....

حميدى ( تتنهد بهم ) وهادي عاد فيها الشك الله يصاوب ....

جلسات خلود جالسة تتسمح دموعها و شعرها مرون طايح مع وجهها شدات العباية على مفاتينها و جمعات شعرها متوسط الطول عالي و هبطات بعيون لبوة باغية تفتارس....شافها عبد الله و ناض واقف تيتنهد هاز ليها الهم و مارضاهاش ليها اما رضا مخنزر فالتريكة كاااملة ...شافهم حمزة كيشوفو و دار يشوف وراه لقاها هابطة ملاقية حجبانها جاية لعندهم تتشوف فيه بكره....

عبد الله ( بقلق ) سيير اخلود الله يرضى عليك رتاحلك و خوي بالك ..

خلود ( بحدة ) لااا باغية نهدر معاه ..عندي شي هدرة نقوليه....و قدامكم كاملين....

حمزة ( تيشوف فيها باسف ) كنسمعك....

جلسات حداهم تتهز فرجليها بحرقة و الهدرة تتخرجها بزز و الدموع على سبة ...

_ قدامي و قدام باباو خويا قولي ...من لول تشاورتي معايا تزوج بنية الاجر ياك ماكاينة حتى حاجة اخرا....

حمزة تيهز فراسو و يسمع تيمشطها بعينيه ندماااان اشد الندم ماباغيش يخسرها كزوجة و كصديقة ...اما عبد الله و رضا غا كيشوفو و ساكتين....

خلود : اوا مزيان باغي الاجر ..انا قابلة بكلامك باغي تزوج على حسب الاجر و تكفل باليتامى انا قابلة نوض تزوج من دابا .......

حمزة ( مسح لحيتو تيتنهد ) خلووودد مابقيت باغي والو مابغيتش نتزوج لا بيها لا بغيرها كانت فكرة. اقترحتها عليك و عرفت حوابك انا مغنبدلكش....

وقفاتووو بحدة...

_ سكوووت احمزة...ياك باغي تزوج ؟ و انا مواقفة تزوج بيها نخطبها لبك انا....حسبني ماشي مراتتك صديقة ديالك ماشية تخطب ليك من حقك اصلا...

حمزة قلب وجهو تيسمح فلحيتو و يعاود ندم على الساعة لي فكر فالموضوع تيحس براسو تيخسرها و ماباغيش يبدلها بحتى وحدة ....عبد الله تدخل ناطق بجدية...

_ خلود شنو هاد الهدرة عاااود....

رضا ( بعضب ) خلووووود....

خلود ( غوتااات ) شنووو خلووود قلت العيب عاود....الراجل خصو يتزوج نمنعوه لااا...اما غنزوحو بيدي ...

قبل ماتكمل كلامها ناض حمزة واقف معصب عاقد حجبااانو كيغوووت و ناض حتى رضا كيعرعر و يطرطق بحال الذرة و خلود قالبة وجهها مقندشة....

_ و مااابغيتش نتزوج...اخلووود مابغييتش و فهموووني انا عمرني قرررت نديرها غي شاورتها و نددددمت......

خلووود ( وقفات تتعرعر حتى هي ) و من الاووول دييررها قبل مايزهق ليك عقلك و تجي تشاورني الحماااار....خولة جاوها الخطاب غتزوج سبقوووك الحبيب ديالي و مشات خوولة

كاينة سليييمة عندها يتاما وخدة كنعرفوها من زمان خير كااع من جديدة....

حمزة ( عض فكو باغي ياكل جناابو بالاعصاب و بقى غي كيغوووت معصب ) و خلوووود و مابعيتش نتزوووج مابغيتتش ....

ناضت خلود واقفة تتتغوت عليه حتى هي....

_ كتشووف هاد الوجه الا شفتيه انا حماااارة وبنتك نساااها...مشي تزوج حتى مية والله لا نسبتها ليك..انا كرهتك و العشرة بيناتها تسالااات صااافي ...مانتا راحلي ماانا مرااتك مابغيت حاملة كمااارتك ...

هزات جلايلها و طلعااات لبيتها تتسوط و تنفخ و صدرها طالع نازل قلبها بغى يوقف ملي طلعات فالدروج و تحشات فبيتها مع البنااات تيواسيوها و حميدة وجهها ولات صفراء بالتفكير و التخمام.....سمعو حدييثها كلو و بقات فيهم و تعصبو لهاد الحالة لي وصلات ليهااا ..و حميدة بقى فيها حتى حمزة لي جلس التحت كيغوت معصب جعرررر باغي يتسطى..

_خلوووود...و خلووووود سمعينييي....

عبد الله هز راسو بقلة حيلة ..

_ لاحولا ولاقوة الا بالله.....

رضا ( جر حمزة بحال الى كيجر بطموبيل مابغا يتحرك ) و بدل ساعة باخرا اصاحبي دابا تبرد.....

حمزة شاد راسو عبنيه حمربين.

_ والله لا طلقتها....مانطلقهاااش. ..قولوها تسمع و خلوووود....

بقى تما شي نص ساعة و الفيلا تقلبااات بغواااتو من التحت و هي كترد عليه من فوق الدرووج... تتبكي و تسب فيه و حميدة تتجرها و رصا غينفاجر بالاعصاب و عبد الله هاز الهم معصب....حتى جا أخ حمزة عيطو ليه و جروو من تمااا بستة و ستين كشييفة خلود سخفاات بين يدين حميدة و طلقاتها للغوات و بنتها تتغوت رجعات زرقااا ...و نسيم عاطية غي البكاء و الشهيق حلا تتسوط معصبة تيصوني عليها عبد الصمد و تتقطع حتى عصبها و تكمشات فالقنت رادة عليه مقندشة ..

_ عرفتو نتوما الرحال ولاد الحرااام مقطرييين تفووو....و الله ينعل الرجال فاين ماكانوو....

عبد الصمد ( ببرود ): وخا على يماك ابوووتا انا جاااي نوريك تفووو.......

حلا ( صعر ااات ) و بوووتا نتا عارف شكووون بلا مانقوولك كتسمع ....

عبد الصمد ( نطق جملةوحدة بنبرة حادة و قاصحة و قطع ) انا جاي نبكي والديك ...

قطع عليها وماتسوقاتش ليه تتغلي غي بوحدها تقيسها تفركع ....رضا سمع الطلااق ما الطلاق صعر و عبد الله كثار منو ..مابغاوهاش طلق قالوها تنعل الشيطان و ترتاح حتى تبرد الوقت لي بغااات...غا تتجبد الطلاق تيطير فيها رضا و تتلاقى ليه حلا تيجمع معاها حتى تتكمش و تينوض الصداع ثاااني و الغوووات و شي كيسخف وشي كينوووض الفيلا تقلبات سفاها على علاها داك النهار حتى الغد ليه و جاااا الفقيه داخل بنورو و البشاشة و الايمان من وجهو باين ياسبحان الله تترتاح ليه بسهولة...لبسو كاملين الحجاب و العبايات و جا حتى حمزة تحت عينبه كحلين ماناعسش تيعض فالحجر ناادم وخا يجيبو ليه ملكة جمال العالم و يقولو ليه ختاار هي ولا مراتك يختااار مراتو و بنتو وخا تعجبو الاخرا و يعتارف بينو و بين نفسو يلي عجبااتو و لكن الخيار غيختار خلووود بلا مايفكر مايقدرش يكمل بلا بيها وخا يعشق زين الف وحدة غيرها غيختار يبقى مع مراتو و بنتو و عائلتو الاولى...

خلود صفرا و الشال سلتان مع سعرها الرطب قالية وجها منو و البنات تيشوفو فيه باغين يقتلوه بشوفاتهم...تدخل الفقيه بجلسة صلللح طويييبلة جداااا شي اربعة ساعات وهو معاهم كلااامو حكيييم و قفييل و رزين و تيريح اربعة د ساعات و هو تيصلح فيهم و يهدن الحو و ينعل الشيطااان العديان بكلامو و يوليييو حباب الا خلود طارت معزة نزلات معزة مابقات غترجع ليببه غي تتقول هكاك و حمزة تيفشل و يخواو ليه الركابي ......الفيقه مسكين شحف و خلود راسها قصح من الحجرة شابهة فجدها تقرا القران لفترة طوييلة و تحط الغداء على حقو و طريقو و ناض الفقيه عادي بحالو بعد ماعمر ليه عبد الله جيبو ....طلعات خلود لبيتها برموش مبللة بالدموع....تتخوي قلبها بالبكاء...

_ مانرحعشي لعندو غنطلع بحالي لسبانيا نعيش تما....تفوو حتى الخدمة ديالي خرجت منها و الطموبيل بعتها قبل مانجي للمغرب ندمت....

حلا ( عقدات حواجبها ) و طلع بحالك حسنلك اذا بقيتي هنا غيرجعوك لعندو بزز منك شفتي بابا مابغاشي طلق ...

حميدة غوتاات على حلا معصبة ..

_ دييها فراسك نتينا ديها فراسك و نتينا كدخل غا بخيط كحل المسمومة....

دق عبد الله تيعيط لنسييم...

_ نسييم سمع راجل ديالك ....

ناضت نسيم هازة صاكها و علقاتو فكتافها ماساخياش ...ضمات خلود لعندها بحنية...

_ ماتعملش فبالك اخلود و تأكد واش حاملة هو الاول ...

خلود ( بتعب ) بقى معانا فاين ماشا دابا قولو يخليك معانا هاد السيمانة ...

نسيم : مايبغيش باغي يرجع لفاس عارضين على شي صحابو من السويد ....

خلود ( بترجي ) قولو يخليك غي هاد النهار ....

نسبم ( تنهدات ) انا نقولها ليه و نشوف محال يبغي موجد راسو للسفر غدا ...

هبطات نسيم لعندو كان مع عبد الله و حسنية و الولاد كينقزو خالقين جو.....يحيى شافها جاية و وقف وقفة رجولية...

_ يالله....سي عبد الله نتشاوفو فشي ساعة اخرى....

هو كيسلم على عبد الله و نسيم سارطة الهدرة باغية تهدر و تقوليه باغية تبقى اليوما مع ختها كتخاف من شي قمعة قدامهم...كمداتها عندها و قلبها ضرها على خلود تتعطيها عي البكاء.....جات تركب اللور نطقات حسنية....

_ جلس حدا الراجل ديالك انا نجلس اللور ....

نسيم ( حابسة البكية ) لااا غي جلس انا خصني نجلس للور...مع الولاد...

بقاو مني منك حتى جلسات نسبم القدام و مشات حسنية اللور ...قال يحيى دعاء السفر و سمى الله و زاد يلاه خرجو من المضيق شافها تتبكي و تهز حداه...نطق باستغراب...

_ مالكي ؟

نسيم ( مسحات دموعها ) خلوود نفسبتها مرييضة و عيات ترغبني نبقى معاها اليوما بغيت نبقى ...

حسنية ( باسف ) مسييكنة ...

يحيى ( بجدية ) مايمكنش ...ضروري نسافرو ....

كمداتها عندها و قلبات وجهها تتبكي فصمت ...هزات تليفونها الزهري تتكتب لخلود و الدموع فعينيها...

_ ديري التيست و ردي عليا بالي غيبقى معاك ...

رجعات نسيم مع يحيى رتاحو داك النهار و الغد ليه تحزمو للضياف...عاوناتها حسنية و شقات معاها حتى عياات يحيى يتقدا و يتسخر و يعمر و صفوان جالس مربع فالصالون شاد الولاد تيطلعو ليه فوق ظهرو و يطيحو كيموتو بالضحك...الدار عند نسيم عامرة تتحمد لله معاها حسنية اما هي تحصال و تلف و تبقى غا دايخة شنو دير شنو طيب و على من توصي....حات حتى بنت عم يحيى متعلمة الطبخ المغربي و الغربي طباااخة ماهرة هي لي عاوناتهم و عطاتهم افكااار للمة و العراضة ......

نسيم ( خرجات عند يحيى تتسولو ) نوجدو الطبلة لي فالجردة ؟

يحيى ( بتفكير ) الجردة صغييرة تقد للطبلة ؟

نسيم : نو غتجي صورتها فعقلي...غنحيد الورد وطموبيل ازهار من تما و ندبرو طبلة تما...

دورها يحيى فعقلو و عطاها الاوكي....جهزو الجردة وخا صغيرة كتحمق محهزة بعناية من عند نسييم الخضورية و الورد و الشميسة حنينة ....

فرشاااات واحد الطبلة طويييلة و تكلفات بتجهيز الاطباق و الورد وو معروفة نسيم بداكشي فالعاىلة تجهز الطبلة بطريقة مبهرة تتناسق نوعية الاكل مع الاوااني الصحون و المعالق و شكل التقديم و السرييت حتى هوما...تتعشق المواعن و الصحون مكاين غي اليلار و الكريستال و معالق فيها ريشة مذهبة من التحت شكلهم غير على على المعتاد لي شافهم عندها تيطلبهم منها و تتحشم تقول لاااا....الطبلة تتبري و تشعل و الوان متناسقة و الورد الملونة من كل جهة دايرة ....

مشاو البنات وجدو راسهم نسيم لبسات جلابة مغربية زويينة و قصيرة شوية و شعرها طلقاتو رشات ريحتها و جهزات ولادها وو عطرات الدار ...جاو ضياف يحيى كانو جوج رجال وسيدة كبيييرة فالعمر كيموتو على الثقافة المغربية ..ونسيم دارها مافيهاش البلدي قالت ليهم حسنية غتاخدهم عندها لرياض فرحو وعحبهم الحال ...و دازو للجردة يتغداو اكل مغربي بقواامو كلاو حتى شعبو و شاط الخير و مشااو فرحانين مخلين الدار غطرطق بالهدايا ديالهم.....و الولاد تينقزو و يغوتو ...جلسة محمعين و نطقات حسنية تتنهد..

_ و عييينا...فيهم الهدرة بزااايف...

يخيى ( موسع يديه على المخاد تيهز فرجليه جالس فوقها امير ) ماعنديش معاا داك خيناا كيلصق عرضنا على صاحبو جايني هو ...

صفوان ( بحدية ) كان يهودي داك الزمر عرفتو كان مع الحاجة جنان ياك ...

يحيى : وي هوو ...

صفوان : و عفتو اليهود صغااب و فكشل ماتعرفش كيفاش كيفكرو......

حسنية : اودي تعاشر يهودي و ماتعاشر مع شي مغاربة هنا الله يتبئى الستر....( بفضول ) وفتحو نشوف شنو جااابو ...داك النهار برعتيهم نتايا بالهدايا....

يحيى ( تكسل غيطرطق عظامو ) ماتخليش الولاد يقربو ليهم حتى نشوفو اش تما....

دوزو وقيت تيهدرو و نسيم تتهدر مع خواتها فالواتساب مامعاهمش...حتى نعسو الولاد و حسنية مشات مع صفوان و ناض يحيى فاتح الهدايا و الصنادق و الكراطن ...شاف فنسيم و نطق بعفوية..

_ نسيم الموس...

ماسمعاتوش ملهية فالنليفون...عقد حجبانو وناض للكووينة حابو لراسو عاد ردات ليه نسيم البال و ناضت تتعانو و تفتح معاه...لقات داك المراة جايبة دي بخودوي للعناية بالبشرة و المعطرات و ديكوارت منزلية و الراجل جاب العاب وملابس غالية للاولاد شم فيهم يحيى مزيااان و قلب و فتش مكتيقش بيهم وخا صاااحبو و عشرة سنين ....حتى دوك المنتوحات مافرحاتش بيهم نسيم حيت غيرميهم ...فتحو الصاك الاخر ديال اليهودي و بانو الالوان و الحرير و ملابس نسائية باين لنسيم فقط ...طلعاات مع يحيى السخانة و الغيرة تتحرق فيه.....

_ شهااد الزببببل. ..

نسيم ( بعدم فهم ) شنوو شفتي...

جبد يحيى دوك الحوايح بالزعفة تينفخ كسااوي كيحمقو غا هزهم يحيى عرفهم ايجيو لنسيم عباااار تقول عبرهم و قيسهم ليها قنت بقنت...غووتت حتى قفزات نسيم مخلوعة ..

_ رمي هاد الزبللل برااا....

نسيم ( باستغراب ) مالك ايحيى...

يحيى ( بعصبية ) نسيييم كدوخي عليا ولا مااالك.....

كان غيزبلها بواحد الشتيمة كيغلي و بدا يشوف برحليه فدوك الحوايح معصب و نسيم عحبوها نفس ستايلها و الوانها و ثوب ملابسها.....تعصب يحيى حتى تقلب ليه الحو ورجع غا مخنز بوحدو و رمى دوك الحوايج كاملين برااا للزنقة ...و نسيم تتبلع فريقها ...

_ علاش رميتيهم ...خليييهم...

غوت عليها .

_ غنرميك وراهم الا ماسكتيش......

نسيم ( عقدات حواحبها ) علاش كتغوت مافتهمتش عطيهم بعدا لشي حد محتاج لرحمة و لولادها محتاحين و نتا تترمي ....

يحيى ( قلب وحهو منها معصب ) غبري من قدامي انسيم غبريييي يرحم جدك...

نسيم ( بعناد ووصوتها هادي ) علاش شنو قلت عزيز عليك الغوات بلا والو ...مافهمتش علا تعصبتي مابغاتش تدخلي لعقلي زدتي فيه بزاااف ايحيى ...

يحيى ( حنر فيها عينيه ) زدت فيه.....الكلب عابرك قنت بقنا و شاري ليك شوارط على ذوقو هو ينعل دي**مو اا حمار انا ..! عندي القرووون ......

نسيم ( كمشاات ححبانها من صداعو ) الحمار ماعندوش القررون....

قلب وجهو منها ماعرف يتعصب و لا يضحك عض لسانو كيتنهد.....مشات من حداه بهدوء و نعسات حدا ولادها مخلية الروينة فالدار حتى هو ماكلفش راسو يحمع تكى نااعس غا تيتفكر دوك الحوايح كيسخط....

باليل متكية ففراشها و البرد بدا يدخل ...ضو الكمرة تيظوي فالبيت شاعلة تليفونها تتدوي مع نسيم ليكتسولها على خلود ...سجلات ليها حلا اوديو ...

_ نتي شمن اليوما طلعات لطنجة مع بابا شبعات دوران و بدلات لاكوب جاتها غزالة...

نسيم : واش حاملة ؟ مارداتش عليا....

حلا : و مابغاتشي تعرف قالتلك و لي كيجبدلها سميتو كطير فيه بدلاات النمرة حتى مابقى كيف يتواصل معاها جا لهنا باغي يهدر معاها مالقاش بابا و رضا غي ماما و انا كنت خارجة قالت ليه ماكايناشي مشات مع عبد الله لطنجة ...

توصلت برد نسيم ديك الدقيقة...

_ خلود صعيبة مكتسماحش دغيا و يمكن تكون حاملة و جاها الوحم عليه كملااات....

حلا ( تتسجل اوديو معرية الصدر و التعليقة د السنسلة تتلوى فالشقة و الشعر مسبسب حرير ) و المسخوط انا و غددني و نحلف بالله حتى عجباتو خولة و كيكدب ...

نسيم : وهادي فيها الشك...خولة زوينة و عين الرجل تتزهق دغيا وخا يشوفها و تعجبو و تكون مراتو زوينة كيموت عليها غيشوف غيشوف....

حلا ( صعرات ) سكوت عندي نبلوكيك...شاف فبها عجباتو يعني ماعندو حتى وحدة فقلبو ...

نسيم : و عايشة فالاحلام ...حنا و كنديروها و حسابليك الرجال لا...ياك ملي كنا فاصيلة شحال شديتو الهدرة فدوك الرجال و خلود عجبها و قالتلك تيتيز و طياااح و زويين....و كيف النساء كيف الرجال طل غي على قروبات البنات كاينين المتزوجات تيحطو صور رجال و تيتعنبو عليه وخا غي هدرة ولكن الرجال يقراو بحال هادشي و يشوف مراتو تتشكر فيه وخا غي بالضحك راه يقتلها و مايبردش....تخايل نتينا تدخل هكا للقروبات والرجال و تلقى راجلك تيقول على شي ممتلة قرطااسة و شادين علبها الهدرة بالضحك و راه نفس الشيء.....

حلا ( بعدم اقتناع ) اختي الزين حبو مولانا و نتي كثار فيك التفلسيف تعلمتي العربية و النقاش هاي هاي مابقيتيش تعقلي....

ردات نسبم بعد دقيقتين....

_ و كندوي معاك بشوية أزهار ناعسة مابغيتهاش تنوض....قولي شنو جا عبد الصمد...

حلا تقلبات على جنبها معصبة...

_ ماتجبدليش السيرة ديالو ...جا اليوما و ماهدرشي معايا و ماصيفط والو عرفتو حا عي من بابا قالي غنبداو نوجدو العرس و زيد هو حلفان فيا عاودلتك شنو وقع ليماه ماهدر معايا ماوالو و البارح سبيتووو و سبني و قالي غنجي نبكيك....تما عرفتتو غيجي للمغرب....

نسيم : كيف تتعاملي معاه غيعاملك هو ...نني هجمتي على السيد كتقولو الله ينعلكم ماعرف باش تبلى و حمد لله مبرد و موسع خاطرو ...

حلا : مبرد !! انا والله مكنتيق فالبرود ديالو كيجي حااامي و حااار كيشوط و عارفة كيجمعلي وخا انا مكندير والو....

نسيم : سبحان الله مكديري والو ...شنو درتي مع خولة...

حلا : غنمشي لعندها غدا نشوف معاها شي حل وخا تنصوني عليها مكتجاوبش مابغاتش براسها ماعندي ماندير ليها....

نسيم : يلاه غننعس دابا تصبح على خير غذا و نكملو.....

حطات حلا تليفونها ساهية فظوء الكمرة و يديها غطسو فشعرها تتحسس نعومتو حتى لاطرافو ..اهتز تليفونها على صدرها هزاتو لقاتو عبد الصمد تيصوني ابيل فيديو...علات حجبانها و ردات عليه معرية عليه صدرها و طالقة الشعر و العوينات ملونين.....وهو متكى على ظهرو تيشوف فيها بنظرة مظلمة...

_ هانية مع مخك ؟

حلا حطات التلبفون مكالياه مع المخدة و جلسات تتلعب فشعرها لابسة بيجامة نعاس مقزبة ...

_ و عليكم السلام ...

عبد الصمد ( بالثقالة ) خليتي شي سلااام ماباغياش ديري عقلك احلااا باغياني نخسر معاك قوليها من الاخر ...

حلا ( هزات حاجبها ) شوف انا كنت معصبة و ىديت عليك هكاك و نتا زدتي شعلتي فيا العافية تتقولي بوتا واش نتا شوية لباس....

عبد الصمد ( يديه تحت صدرو تيشوف فيها بالثقالة ماتعرفش شنو تحت راسو ) صبري عليك قرب يتفيبلا احلاااااا....

حلا ( تكات على ظهرها هازة التليفون تتصرف حداه براحتها ) شوف اعبد الصمد انا متندير والو عاطياك عقلي كلو ولكن تقولي بوتا نوو. ....

شافتو ساكت و من حجبانو و ثقالتو عرفاتو معمر مزيااان غليها...تلفات عينيها منو و نطقات..

_ و ماقلتيش ليا قداش هاد الصبر باقي ليك عليا..نفهم راسي...

عبد الصمد ( عاقد حجبانو ) قد راس بز**لتك اليسرية ....

حطات يديها على صدرها قالبة وجهها منو...تفكرات جوح ليالي لي دوزاتهم معاه و عرفاتو حتى هو تيفكر فاش تتفكر هي ...حنات عينيها قاطعة الحس حتى سمعات صوت عبد الله و حلود برا بيتها ...عاد قطعات الخط عليه و لبسات عليها خارجة لعندهم .....نعسات مع خلود ديك اليلة و الغد ليه مشات لخدمتها و عوالة غي تسالي تمشي عند خولة....!

اما نسيم خرجات مع حسنية و بناتها و معاهم حتى لبنى و هبة ...الراحة و السياحة فوجود يحيى الولاد معاه ماتتسوقش خارجة مرتاحة حيت عارف راها مع حسنية كون بقى كل دقيقة تيبرزطها......حسنية القدام مع نجلاء و لبنى و هبة و نادية و نسيم اللور....شراو حويجات لي خاصينهم و مشااو تغداو فطمعم عائلي ...

جلسات نسيم قدام هبة تتختار شنو غتاكل...دايرة رجل على رجل و جلستها تتبين فخاضها العامرين و شعرها مصفف بعناية و اناقة و السندال مبينين صبيعاتها النقيين لابسة أزرق بلون السماء لون باااين وواضح و ثوب القميص حريري براااق و بنطلون كلاسيكي أبيض ناااصع ..لون القميص بااان مزيااان مع اللون الابيض و عطا للعين و جاا زوين معاه....لابسة اكسسوارات عادية و مالابساش خاتم الزواج فيديها قليل فين تتلبسو حتى هي و كانتها تتبقى غي تتلعب بيه و تسلتو من يديها و شحال من مرة تيصيع ليها....

هبة ( تتودد لنسيم عاد عروسة باغية دير بلاصتها ) كيف دازت العراضة البارح....

حسنية نقزات تتحاوب...

_ واااعرة واعرة بئاو فاتحين فمهم....غي يحيى ماخلانيش نشوف شنو جابو ...

نسيم رمات خصلات شعرها الاسود بأنوثة ورا ظهرها تتحاوب بعفوية...

_ رماهم كلهم ماخلا والو ...

نادية و نجلاء شهقو بصدمة و لبنى ساكتة تتسمع...

هبة ( باستغراب ) و علااش....

نسيم ( اكتفت بهزة خفيفة من راسها ) ماعرفتش ...شنو غتاكلو نتوما ؟ الدجاج...

تشاورو مع بعض و طلبو شنو بغاو ...و بقاو حديث يجبد حديث و طاولة عامرة بنااات فالعشرينات معلوم العيون عليهم ....هزات نسيم عينيها بعفوية ناحية رجل ثلاثيني جالس مقابل معاها انيق و مهدب و بعص الشيب فراسو شوفاتو ليها باين فيها اعجاب لتميزها على غيرها ...ماشافتش فهبة الزعرة و الجميلة و ماشي فنجلاء الانيقة ونادية المبتسمة و لا لبنى شعرها القصير الحريري و أنيقة حتى هي كاملين زويناات وكاينة لي فاتت نسيم...لكن عيونو جات عليها هي كيفاش تتدوي و كيفاش تتضحك و تبسم و حركاتها الثقيلة الهادية و الوانها الجميلة و قصة شعرها الانيقة....شافتو نسيم كيشوف فيها و هبطات عينيها بالزربة مابغاتش تعيق لا يشوفوه البنات و توصل ليحي....ماعاوداتش شافت فيه فمرة...حتى ناضت تغسل سنانها و تلاقاو فالطريق تخطاتوو عادي ماهزاتش فيه العين و عينبه تبعوها ماتجرأش يدوي ....

كلاو و شبعو و نظفو حالتهم و خرجو ...سبقات نسيم شادة فيد حسنية بحال الام و بنتها تيضحكو ووقف عليبهم داك الشاااب الثلاثيني...شافتو نسيم قلبها زهق و هبط خاافت تتخايل غا يحيى قدام عينيها....البنات شافوه وبقاو اللور تيسمعوه تيدوي مع حسنية بنبرة مهدبة و ابتسامة جميلة...

_ دقيييقة من وقتك لاغير الحاجة ...

حسنية ( عقدات حجبانها ) اهاه اولدي خير...

نسيم ( بخفوت ) خالتي يلاااه بحالنا ...

الشاب ( بجراة ) خير ان شاء الله ...المادموزيل لي معاك بنتك ؟

حسنية ( فهمات منحى حديقو قندشاات ) مزوجة اولدي مزوحة لاحولا ولاقوة الا بالله ....مراة ولدي هااادي مراة ولدييي...

نسيم انسحبت من قدامها و مشات عند البنات مخلوعة...شبعاتهم ليه حسنية مزيان عاد جات لعندهم مقندشة على نسبم...

_ فين خاتم الزواج نتيا....

نسيم : مالبستوش اخالتي ...

نادية( بغيرة ) واش مكيعرفو المزوجة و لي لا ...!

نسيم : عصبني...

لبنى ( هزات حجبانها ) و باين زعما بلي مزوجة و والدة جوج ولاد غا لا بغى يتفلى و يدير راسو عور ....

هبة ( على نيتها ) و مايكونش عارف مابايناش فيها والدة...

هاد الهدرة كاملين عارفينها و عارفين نسيم بعد الولاد خسراات فلووس على راسها باش رجعات الفورمة مع ذلك لبنى تتدوي بغيرة هي و نسيم ماشي دايما متفاهمين....

نسيم مابقاتش مرتاحة...

_ يلااه نمشيوو صافي ..

حسنية ( بغضب ) والله و نشوف الخاتم مزول من يديك يانسيم حتى نغززك بسناني....

وصلو للرياض مع العشية كان تما يحيى و الحاج و الولاد كيلعبو ...جلسو عادي الحاج ناض خارح بقى يحيى جالس تيتفرج ووصفوان تيلعب فتليفونو ....نسيم حسبات كلشي تنسى كلشي بقى برا غي سوء فهم و وقع ماتوقعاتش من نادية تجبد الهدرة مع يحيى بمزااااح ..

_ ماشفتيش مراتك اسي يحيى كيخطبو فيها فوسط الشارع نووض حضي رزقك ...

يحيى ركز عينيه فيها بالزية ضربها ليها بتخزيرة كتزلزل...

_ شنوو كتقول هاد المرض ...

حسنية قلبها قفز و نسيم شداتها ااساكتة مااتوقعاتش من نادية تحبد الهدرة حساب ليها صافي دازت ووتنسات و امر عادي تيوقع ..

نادية قفزات من غواتو

_ مالك تعصبتي ايحيى غي ضاحكة معاك....

يحيى وقف ساخط عليها صوتو مجهدد ....

_ شحال عندك من عام ؟ شحاال انادية هادي هدرة د البراااهش...مرييضة فمخك ولا ماالك ماتخليوش بنادم هاديي... ....

نادية مارضااتش وعلات صوتها عليه حتى هي

_ بلا ماتزيد فيه عاود شنو قلت ايحيى...وصلت غي لي شفت ماقلت والوو....

يحيى ( بغيرة ) ماقلتي والو ! هاديك هدرة تقااالل ... ( شاف فمو مخسر كماارتو و نسيم قارمة ) ربيييها عندي نطويها على ربعة ....

جات ترد عليه نادية شدها صفواان شاد ليها فمها عندو تتحبد و تغدد و معروفة فمها حاميي ماسكتاتش جاوباتو ساخطة تتفلت فمها من يد صفوان...

_ رييي راسك هو الاول ..مكتخليناش نحتارموك ايحيى والله الا وليتي مريض ....

يحيى عض فكو تيشوف فيها شوفات القتيلة عرفو صفوان غيخسر معاها الهدرة طار لعندو تيجر فيه ووهو بحال الحيط لاصق....تدخلات حسنية تتهدن السوق و نادية تتبرح و معصبة مارضاتش ...

_ الغيرة دياالك ديرررها على مرتك ماشي عليا انا شنو درت مالي شنو قلت.. واش كدبت ؟ ..مارضيتش....ايييه كيخطبو فيها بحال ماعندها راااجل .....

زادت كفساتها على نسيم بهدرتها و شعلات حتى يحيى لي كان يكمد الغيرة بلا صداع و لكن هدرة نادية و طريقة جبدات معاه الموضوع عصباتو ...

بغى يمشي ليها يبرد جنونو..طلقاتها نادية بالغوات قبلة مايشدها و حسنية تتولول و تفك و صفوات تيحر يحيى بحال الثور...حياتو كاملة ضربها مرة وحدة فايام المراهقة كانت مصاحبة مع راحل مزوج عرفها قتلها بالدق و تكمشاات ماعندهم الخصام و السبان فالعاىلة عييب غي ناادية فمها مبري وخارجة عيشوورية كل مرة مشوهة حسنية

حستية : و ماوئع والو ايحيى الله يرضى عليك اسيدي يحيي يحيى....و ماهدرشااي معااها هدر معايا اما و ئتلو مززوجة و مراة ولدي....

نسيم تخلعات من ردة فعل يحيى خافت من شي قمعة منو ..خلاتو بينو و بين ختو و طلعات للبيت عند ولادها و كل وحدة مشات لدارها بقى غي صداع نادية و يحيى التحت و تولويل حسنية و صفوان كيهدن السوق

_ مكتعرفش نادية كي دايرة صافي خلييها...زيد ويد بدل ساعة باخرا...

يخيى ضرب شوفة. قاصحة فيها لي تتبكي مارضاتش يغوت عليها دوز عينيه بالزربة مالقاشش نسيم ...جرو صفوان بلا هدرة بلا جوج و خرجو من تما تيتسمع غا صوت يحيى المجهد صعراتو نادية و الغيرة كلاتوو ...

_ المرض شارفة و ماتعرفش تدوي ..ماتلقا غا لي يعصبك اصاحبيي...تفوو ....

بقات تتبكي و تشهق بقى فيها الحال ...

_ الشارفة ...سماني ااشارفة اماما صدمني

شنو قلت من هادشي كلو ؟ واش كدبت...مراتو حاو فيها الحطاب...مالي فاتليه مراتك سلكوطة. ....شداتو الغيرة يحرقني اما بيها...مانسمحش ليه...عايرني بالشارفة ....

خوات نادية قلبها مزيان بغى تسطى بالبكاء و حلفات حتى يجي الحاج و تغرقهم ليه و تزيد فيه قدامو... السبان و المخاصمة بين الخوت فالعاىلة مصيبة عليها يحيى كان شاد لسانو ماخسرش الهدرة و ماقالش كلام قبييح حيت عييب عندهم ماشي بحال عاىلة سي عبد الله ..السبان بين رضا و حلا خدام و قدام الوالدين عياو يعاقبو و يسكتو فيهم و يربيو تيجيو قدام عبد الله و ماكاين غي الله يعطيك صحيحتك فالسبان..عطيني نعطيك....ولفو هكاك و رجع عندهم عادي الاخت تضرب خاها و الاخ يضرب ختو...و عاديي تفارقو و يرجعز ....لكن يحيى و عائلتو لااا...ممنوع الخصام بين الخوت ..و العاىلة لازم تبقى متماسكة و الفراق بين الراجل و مراتو غير مسموح بسهولة...شحال من واحد من ولاد العم بغا يطلق مراتو و تحمع كبتر العائلة كاملين تيصلحو فالمشكل و يحاول يرجعوهم مع بعض و تدخل حتى الجد الكبير بالحكمة ديالو و تم الصلح و دارو صدقة وا داك الصلح .. .

يحيى غبرو صفوان و عيا معاه ينسى وكلام نادية ...مادازت حتى عشرة دقايق تم طالع تيجري للبيت عند نسيم شافتو حسنية تنهدات..

_ و اشنو دارت هي مادارت والو.صافي غيغوت عليها عاود لاحولا ولا ئوة الا بالله ...( خنزرات فبنتها ) و بكي ليماك بكي هاديك هدرة تئال لخووك كاين شي وحدة بعئلها تجي عند خوها تئولو مراتك حاوها الخطاب...غي لابغيتي الصداع و صافي ...دابا يجي الحاج و نىولو كلشي يكمل عليك ....

نسيم غي طلعات لبيتها لقات الولاد ناعسين...طارت جمعات شعرها و لبسات الخاتم و حلسات حاطة يديها تحت حنكها تتسناها نوبتها .....و ماتنهنات فالتفكبر حتى دخل عليها بحيى للبيت معصب من الشوفة لي كيدير فيها...نطق بخفوت على قبل الولاد...

_ حمعي حوايح الولاد...

هز سوارتو و تليفونو وهز ازهار .و هي هازة خوايجهم و امير ناعسين عياات معاهم حسنية يبقاو و مابغاش يحيى...مشاو لدارهم و حطو الولاد ينعسو و سدو عليهم الباب عاد حط عينيه على نسبم و جرها من دراعها للببيت معصب...

_. شكووون هذااك ...منين كتعرفيه..و فين شافك و فين عرفك...و شنو قال ليك....

عقدات حجبانها بتعب من مشاكلو ...

_ مكنعرفوش و ماعمرني شفتو قبل ماعندي مانزيد كثار من هكا بغيتي تصعب تصعب مادرت والو حتى تغوت عليا و تجرني بهاد الطريقة....و حني صوتك الولاد ناعسين ...

بغات تخطاه غادية للحمام جتى جرها من دراعها معصب كيغووت...

_ و ماتصعريناش انسييم...شننو قاليك...فين تلاقاك و فين شاافك....غي حا و دوا معااك على الزوااج ..هدرة حوج للزواااج...شافك من قبل ماشي مكللخ و لا تنفكر من نييفييي.....

كمشات خجبانها من غواتو تتدوي بهدوء تيعصبو ..

_ ماقالي والو ماهدرشي معايا ...مالك مكتيقش ....

كلاها بعينبه.معصب و تتعصبو بالهدوء ديالها...

_ و مع من هدر ...فين كنتي نتي ! مع من دوا و شنو قال...و علاااش بنتي ليه غي نتي...فين كانو البنااات....و علااااش ملي دخلتي ماكانش الخاتم و دابا عاد درتيبه....يلاه فهميني نتي غي هادي ....

حطهم ليها وحدة ورا ختها و تزيرات فقضية الخاتم ماعارفاش راه عينيه تيفليوها فالصغيرة و الكبيرة و تغيير بسيط تتديرو تيعيق بيها و يطلعو فثانية ...قبل ماتخرج عبرها من رجليها لراسها...كانت جامعة الشعر غي خرجاتو طلقاتو و لكن اصابهها خاوين من الخااتم تيعرفها من قبل الزواج وهي و الخواتم عديان مرة تتديرو مرة لا..سكت مادواش حتى لدابا تيشوف الخاتم فيديها....

بقات حاصلة بين يديه دوزات اصابعها على شعرها بعفوية تتبعدو للور ناطقة تحت غواتو و صداعو ...

_ كنت دايراه ايحيى ...و ماتغوتش عليا باركة من الصداع عييت من صداعك و غوااتك...الخاتم كان فيدي ماشي حتى دخلت عاد درتو....

صعراتو بكدوبها بغى يتجنن و يعض ففكو...

_ و الله ينعل...ينعل للل ( حبس لبساتو تيعض فيه مجنن ) علاااش كتكدبي علااش.....السيد عوور حمق وقيلة...شايف الخاتم و جاي داوي معاك....علاااش كتكدبي...فراسك شي حاجة ملي كدبتي....عندك شي حاجة مخبياها ....علاش كدبتي ...

دفعاتو باغية دوز غلباتها البكية و الحصلة و كرهات الصداع و المشاكل...شدها من شعرها و جرها لعندو حتى غوتاات مصدومة غيه...

_ شعري ايحيى...شعررري....

يحيى ( بالغوات ) كندوي معاك و نتي خارحة....مع من تتندوي انسيم...هاد التجاهل ديالك كيقتلني ماساليناش و ماكملتش و مافهمت منك والو و نتي هازة راسك خارجة....شنو انا قدامك انا تلفازة شاعلة....

شدات فيديه لي على سعرها تتبكي....

_ طلق من شعري ....قصحتيني...انا ماعندي مانقولك...الموضوع مافيه مايتشرح و ماكاين مايتقال ...انا مكنعرفوش...و علاش دوا معايا غي انا سير قلب عليه و سولو شنو عندير ليه تنا.......( كملااات تتبكي بصدمة من تصرفو ) ناقص غي ضربني....ماعرفتش شنو درت غي قولي شنو غلطي نفهم منك بشوية و بلا غوات و نتا ماتتعرف غي الغوات...انااا عييت منك...و طلعتيلي فالراااس........قد ماكنت تنبغيك كرهتك ايحيى و مابفيتش حاملة حتى كمارتك نشوفها....دايما صداع و مشاكل ليل و نهار و الغيرة ديالك المريضة .....كنعييى نصبر و نسكت على قبل ولادي و نتا كتجرجني كيف بغيتي....

زاد تعصب و شعل و قلبها غوات و زادت تتبكي و تضرب فيه يطلق من شعرها ... .طااحت على الناموسية طالق من شعرها بقااات تنوض رجع حاصرها تيغووت وهي تتدفع فيه و تبكي...

_ مغندويش معاك...مابفيتس غنزيد حتى هدرة...صافي فهم كي بغيتي....بحال انا قلت ليه افلان احي دوي معايا....شنو درت انا...غي فهمي نفهم و نقولك عندك الحق ..( تتشهق ) قهرتيني معاك ايحيى و مابقيتش قادرة نصبر ليك....عقدتيني فحيااتي التليفون و تنخاف نشعلو حداااك و لا نهز و حداك و ندوي مع خوتي حدااك....عرفتك مكتيقش فيا و عقلك كيمشي لبعيد و تتخايل سي حوايح مكاينشي...مابقيتش تنتصرف معاك براحتي خرحتي عليااا و مرضيتي ...( شافتو تيشوف فيها عاقد حجبانو تينهج و حوايحو مرونين...غطات وجهها بيديها تتبكي بقهر و تعب عيااات بالجهد) انا عارفة كتكرهني و مكتحملنيش...و كنت كنصبر معاك حيت كنت كنبغيك كندير السقة بالولاد و انا بالي معااك نتاا....ماعمرني بغيت سي واحد قدك فضلت نعيش حيااتتي مع واحد ماحاملنيش ولا نبعد و صبرت علبك و على التصرفات ديالك و خليت فقلبي و مابقيتس قدرت نصبر...مابفيتش كنبغيك اصلا....كرهتك و صبري تسالااا معاك......

خوات قلبها تتبكي و تشهق و كلامها كلو مارد عليها حتى هدرة حدو ناض من فوقها جاالس عاقد حجبانو معصب ماهدر حتى هددرة ..بقى فيها الحال و زادت تتبكي بحرقة و نطقات فوسط بكاها....

_ علاش كتكرهني هكا ايحيى...واش انا مامزياناش عندك لهاد الدرجة.....علاااش عايش مع وحدة تتكرهها و خانق راسك معاها....كلشي هاني فحياتووو و مرتاح الا انا عايشة مع واحد كارهني....

ماحاوبهاش بحال الى كتدوي مع ااحيط تعصبات وبكااات بكية بالشهيق قلبها كيحرق....فوسط شهيقها و بكاها نطقات ...

_ كون عطيت راسي للموت و ماتزوجتش بيك...كون غي مت و ماتلاقيتشي بيك......

تقلبات على جنبها تتبكي وتشهق و الدموع تيتعصرو مع عينيها الحرقة فقلبها بوحدها عمرها تنسى...العداب و البكاء لي بكاتو بسبابو مابكاتوش حتى مع مخدتها ايام الاغتصاب....بقات تتبكي حداه شادة بطنها بوجع حتى نعسات و الدموع مبللين رموشها...هو بقى جالس عينبه مظلمة و حواحبو الكحلين حرشين ملاقين عاطيه نظرة قاسية مظلمة....ماتحركش من بلاصتو وخا نعسات و دازت ساعة على نعاسها ....حتى ناض واقف حالتو مرونة و كيتنهد كل دقيقة ...شافها نعسات مكمشة فشعرها و خرج بحالو من تما نعس مع ولادو.....

باناقة و جمال و حيوية و ابتسامة رزينة و حلوة بحال سميتها...ودعات كليانة عزيزة وغالية عندها ملي تتقول غالية عند حلا يعني لباااس عليها بالجهد ....عرضاتها للغداء يوم السبت و قبلات عراضتها....

هزات صاكها و علات حجبانها فصوفيا...

_ صوفيا غدا غديري الايف مع مهدي انا مامسالياش....

صوفيا : وخا اختي حلا...

حلا ( بجدية ) غدا نتي و مهدي و بعدو حرية و من بعد كوثر و شادية ...بالنوبة و اللايف يوميا يكون....و لي شفتها تتقمع شي كليانة و ماعطاتهاش وقت غنتفاهم معاها....

صوفيا ( خرجات عينيها ) لااا اختي انا متنقمعش و تنعطي الوقت لكلشي هاديك كوثر المعصبة غي بوحدها...

حلا ( بصرامة ) معصبة تبرد اعصابها برا الكليانات تعطيهم الخاطر و الوقت ماشي كيسعاونا سولات حاوبها مافهماتش عاودي ليها...مفهووم...

صوفيا : مفهووم.....

هزات حلا مونطو اسود فخم فيديها و خرجات باناقة من البوتيك و الزين تيقطر منها ....كانت غتركب فطموبيلتها حتى سمعات اتصال من تليفونها لقاتو عبد الصمد...جاوبات عليه تتقاد شعرها فمراية الطموبيل...

_ الو عبد الصمد...كاينة شي حاحة ماقلتيهاش ليا البارح ...

عبد الصمد ( ببحة رجولية عجباتها ) فينك نتي ؟ خرجتي الا مزال انا جاي عندك....

حلا : اوك انا نستناك ...

قطعات عليه و دخلات الطموبيل صاوبات شعرها مزيان و جبدات عينيها الفتانين و رشات ريحتها و عاد خرجات ...لمحات سيارتو الفخمة جاية من الشارع الكبيير واسع و الجو مغيم بارد....وقف الطموبيل قريب شوية من محل اادهب و خرج لعندها ضارب الاسود حتى هو و الاناقة و الحطة صدمها تتعرفو كل مرة و كيف تيكون مرة انيق مرة غا تيلوح فالحوايج و يلبس مامسوقش....هز عينيه فيها بعيون مبتسمة مكاارة...و تقدمات لعندو بابتسامة فالتة ليها....

_ باين من عينيك مابقيتيش معصب...

ضحك بالثقالة و جرها من رقبتو لعندو وهي تتنكر بشوية ...

_ ماشي هكاك طلق مني يديك ثفييلة و كتااافي .....

رخف عليها بشبح ابتسامة و ضمها لصدرو موحشها ....

_ هانية الوقت ! بخييير مرتاحة التحف !

بادلاتو العناق بابتسامة و العيون براقة...

_ لي يشوفك يقول توحشيتيني....

كمش ليها راسها فصدرو محلف و عينيه ضاحكين ...

_ وخليهم يقولو شنو مشى لينا حنا .....

هزات عينيها فيه حنى قاست جبهتها لحيتو و تبسمات ...

_ انا بعدا ماتوحشتكش....كون غي طولتي شوية ...

عض شفايفو مزير على رقبتها حتى غوتاات ضاحكة حتى تيرخف عليها موحشها وخا قاليها والو و حتى هي توحشاتو وولفاتو معاها ...دازو مع الكنيسة ضامها لعندو و غاديين بين شوارع تطوووان الباردة العيون مبتسمة و القلب مرتاااح....تتعاود ليه شنو دارت فغيااابو طبعا تتعاود غي لي بغات و تتكدب فشحال من حاجة....

تغداو برا و دخلو لدارهم موحشين فبعض...حلا التزنيكة شاداها و حتى هي باغياه و موحشاه....... دخل للحمام ودخلات هي للبيت تتحيد حوايجها ...علمات حميدة بلي هي مع عبد الصمد و وقفات حدا المراية تتحيد الساعة من يديها و الإكسسوارات فرحانة بالهدايا ليجايب ليها من الاسبانيا دايما مفكرها و من النوع لي تيعشق الرفيع فقط مغطسة بالحوايج و الصيكان و الساعات اليدوية و الاحدية و هاد المرة جايب ليها ملابس شتوية يلااه خرجااات فخمة و غالية...خرح من الحمام نقي و مدوش و جرها لعندو تتضحك و تسلت ليه حتى طاحت معاه فالفراش و تشعلات العافية فالبيت و زاد غواتها و بكاااها....مابين الالم و المتعة و بعض المراات الحربق تيغلب و تتبغي دير بالناقص فرعااات الدنيا غوااات و بكااء....ماشي من النوع الصبااار تجرح غي شوية تتبكي و تنوووح تقول دبحوها بمووس....قاليها تعاود نفس الوضعية السابقة مابغاتش حيت عيااتت فيها و جاتها متعبة و لحمها غتنمل عليها ....

نطق مبرزط تينهج و الرغبة شواتو...

_ تجربي الخاتم هادشي مامسلكش معاك ...

حلا ( حطات راسها على صدرو تتبكي ) لااا الخاتم ديرو نتاا.....مانقدرشي نخشيه فيا هكاك كيبرزط نبقى غا تندخل فيه و ملي تقرب الغيكلا عاود نحيدو و ندخل يديي... تفوو تيغلفت....

غطس راسو فعنقها برغبة تتشوي ...

_ صبري هاد المرة التحف ديالي و نديرو باباه هاد الخاتم ....

رخاها مرة اخرى و تتعجبها المداعبة و تتستمتع بالجهد تيبغي عقلها يخرج غي تتحس بيه اخترقها تتخلط عليها المتعة مع الالم....و طريقتو عنيفة نوعا مااا...تيعحيو العنف المحبب و هي لاااا تتموت على الحنية و الدلال وكلشي بشوية و بالحنان غا تتحس بيه تمجهد تتقلبها غوااات ....دازت ثالث معاشرة جنسية بيناتهم تكرفس عليها و عدبها مزيااان و عدباتووو حتى هي بالعضااان و التقماااش ظهرو و صدرو هبطاتهم بظفرانها.....جسدها و صوتها و حركاتها كيفتنوووه تتحمقو و تسطيه حتى تيبغي يجهل عليها و تتقلبها غوااات و بكاااء و مرات تتبغي ترد عليييه ...المرة خرجات من فمها ""تفوو"" وهي تتسمح بطنها ...و المرة الثانية دارها ليها على قد فمها و فرغ الفوق ...حتىى غوتااات مخسرة كماارتها عايفة تتمسح عنقهااا و رقبتها معصبة....

_ بلعاااني اعبد الصمد بلعااني درتيها.....ععععع ....غنرد اواعدي غنرد....

عبد الصمد ( ببرود ) عاودي ديك تفوو و نشوفو حاجة اخرا زوينة حتى هي....

دوزات معاه العشية بحال القط و الفار هاهي مقندشة هاهي طالقة عليه حلاوة لسانها ...الفشوش لي كيفششها ماعمرها عاشتو حتى مع عبد الله....تيدير ليها بحال شي مشيشة صغيرة تتجيه على كانتو و مرتاح معاها عاجباه و اعترف انها دخلات ليه مع العروق ثلاث سنين و ماقدر يحيدها من عقلو....البلازما مغلقة فااحيط كبيرة و هي مخشية فيه تيتفرجو فالتلفازة و مرة تتوريه التصاور فتليفونها...و تتشاور معاه شنو غدير فالعرس و شنو غتلبس ...و فين غيمشيو بعد العرس مرة .تيعطيها فالخاطر و يجاوبها و مرة تيميك و يعجز يرد ماعندوش مع داكشي....!

باتت معاه ديك الليلة مخشية فاحضانو تتلعب فصدرو مبتسمة هاد الساعة راها مرتاحة معاه و فاتت الراحة لهيه....و القلب عندها بدا يميل ليه و العين بدات تعشقو و تعشق ملامحو.....سكراتو بحلاوتها و حديثها و دوخو النعاس وهي فتحات تليفونها مخشية فصدرو و الشتاء برا مجهدة....لقاات ميساحات كثيرة و واحد من صفاء فتحاتو تتقراه

_ دير ابوني لخالتي عيشة دارت انستاغرام....

قالتها وهي تتموت بالضحك ...ضحكات حتى حلا و كتبات ليها...

_ عطيني نشوف شنو دايرة...

عطاتها انستاغرام عيشة و دخلات للكونط لقاتو بيبليك و عندها 100 ابوني و ماحاطة حتى تصويرة ضحكات و صردات ليها ميساج بالعربية وخا عرفاتها شي تفهمو و شي لاا..ماقارياش شي قراية ....

_ خالتي عيشة هادي انا حلا عرفتيني مراة ولدك عبد الصمد درتلك ابوني ...

دارت ارسال و ضحكات عليها حتى شبعات و عبد الصمد تيدوي بالثقالة مغمض عينيه...

_ طفي التليفون و نعسي....

حلا ( مكمشة عينيها فالتليفون تتدوي مع صفاء)علاش باقي مانعستي نتا... وخا انا غننعس دابا .....

جرها عبد الصمد لصدرو تقول باعي يسرطها ...زيرات عليه حتى هي تتبسم و دوز يديها على لحيتو وهو مخدر بالنعاس ...حتى غطس نييت فالنعاس ...حيدات ليه يديه من على كرشها و هزات تليفونها تتقلب فتصاورها معاه ختارت تصويرة تصوروها ملي كانو فخيريس كان هاز صباطها و باينة الساعة و يديه السمراء و جزء من بنطلونو ....و تصويرة اخرى معاه مدرعها لعندو مغمضة عينيها و حاطة راسها تحت ذقنو جاتهم ديك التصويرة زوينة تقول غي عشااق تيموتو على بعص....نشراتهم بجوج فانستاغرام....و كتبات تحتهم ...

" لا أحب آن أضع السكر لقهوتي

يكفي آن اتلو إسمك ثلاث مرات على فنجان قهوتي... فيحلو هو وآذوب انا "

فتحات عينيها فالصباح هازة هموم الدنيا فوق كتافها و الدموع مابغاوش يتسالاو و العياء و التعب و النفور لي شدها من راسها و منو و كمارتو و من البيت و الدار كلها....مخنوقة ومزيرة و عيات تحملات فوق عمرها و فوق جهدها...قراناتها عايشين حياتهم لا راجل لا ولاد لا مسؤولية ...و هي مقهورة و هازة مشاكل و خازنة هموم مرة مرة تتفكر حياتها تتبكي مع مخدتها بينها و بين نفسها....ناضت جالسة و راسها دايخ و قلبها طالع و تزاد هم على هم....هادي اسبوع وهي تتفكر و تتبغي تنسى خايفة تلقى راسها حاملة تما تموت و تشدها الساكتة فخطرة....الحمل رعب فالنسبة ليها....ماعندهاش دكريات زوينة معاه...غي البكاء و تمارة و الصبر و تكمد لقلبها....شكات هادي اربع شهور و بغات تحماق خايفة تكون حاملة شداتها الحمى و السخانة و الهلوسة باليل وهي تتفكر...زعمات و دارت التيست و ملي ماكانش الحمل بالفرحة قربات تسخف ...و هاد المرة الشك تكرر و الاعراض واضحة و تتدير راسها عمية و تطرد الشكوك...و كثار مع الازمة النفسبة لي عايشاها...ماعندها القوة لطفل اخر ولا الجهد ليه.....خرجات تتنهد صفرا و باكية لابسة بيحامة منزلية رطبة و شعرها مطلوق عحزات تحمعو ...لقات الولاد ناعسين و يحيى خارج.....

بقات كدور فالدار بوحدها حتى فاقو الولاد و دارت ليهم يفطرو ...و يحيى غابر عليها النهار كلو و حتى هي ماسولاتش فيه جا باليل نعس حدا ولادو و الهدرة مقطوعة...تتنعس بوحدها فاابيت نافرة ريحتو فالمخاد....و ريحتو تتشمها حتى فراسها ....

الصباح صباح يوم الجمعة...الغدا كان عند حسنية ...مشاو لعندها للرياض فالسكات وهي غي دايخة و مهلوكة و مريضة...جات تخرح من الاوطو هزات راسها بالزربة و ثقال عليها حسات بالدوخة و الكحولية شد فيها يحيى ناطق بصوت مدعدع...

_ مالكي ؟ فيك الدوخة ؟

فلتات راسها منو تتزير على عينيها حتى مشاات داك الكحولية و قلبها مغيلف مبرزطة و الهم و التفكير باين فيها...سمحات فيه و دخلات للرياض ...كلشي كيتغدا الا هي...مابغاتش تاكل لا تتنوض تتطير ترد .....

حسنية ( بضيق ) و كووول كلشي داير يديه معانا و نتي لااا كول...

حميد ( باهتمام ) ياكما مريضة ابنتي...

نسيم ( بتعب ) كليت اعمي ...صافي ماقديتش نزيد طالعالي السخانة مافياش مانزيد....

يحيى ( شاف فيها بجدية ) طلعي للبيت ترتاحي....

انسحبت بهدوء و طلعات للبيت ترتاح نعسات مافاقتش حتى لليل مرخية و فاشلة ...جلسات حداها حسنية تتسولها باهتمام...

_ واش مخاصمين ؟ غوت عليك ؟

نسيم ( بهدوء) لااا مريضة شوية وصافي...فين هو يحيى ؟

حسنية : خرج هو و صفوان و الرياض خاوي غي الحبايب د ئلبي كيلعبو الله يحفظهم ..

بقات نسيم تترتاح بحال الى عمرها نعسات الهلكة و الفشلة و خاطرها مزير...ناضت صاوبات حالتها و هزات صاكها و هبطات التحت بوجه مصفر ...

_ خالتي انا غنمشي للدار...

حسنية ( باستغراب ) علااش....بئى حتى يجي يحيى...فين غتمشي ...

نسيم ( برفض قاطع) غنمشي و صافي غتحي نادية و ماباغياش نتلاقا معاها ...غنشد طاكسي.

حسنية ( بقلق ) و علاش العكوسات...مولفة نتي بالطاكسيات و الولاد...جلس الارض...

نسيم ( بغضب ) لاا غنمشي تخنقت هنايا تبرزطت....

ماهي الا دقايق و كانت طلعات فطاكسي دايرة لي فراسها حطها قريب من دارها شدات فيد ولادها و شرات التيست من الفارماسي و كملات على رجليها تتمشى غي بزز ...دخلات للدار و شدات عليها تلهات مع الولاد حتى نعسو و نعسات حتى هي ...مخلية تليفونها فالكوزينة كيصوني و يعاود خلاها فالرياض جا لقاها خرجات بلا ماتعلم ...جا للدار عاقد حجبانو لقى السكاات وهي ناعسة و الولاد ناعسين....بقى ليل كلو كيخمم و ساكت حتى وصلات الجوج عاد دخل لبيتو و تكى حداها النعاس مابقى ينعسو فخاطرو و غي كيتنهد بحال الى قاتل شي حد و هاز همو ...مامرتاح لا هو و لا هي....شاف فيها ناعسة بحال الى مانعساتش عام اعراض الحمل كلهم باينين فيها و كيف هي شكات حتى هو شك و حس لي يشوفو غي ساكت تيقولو ماراد البال لوالو و هو تيعبر الحاجة و يعيق بيها و يسكت.....شعرها حداه مطلوق مرون و ملي تتنعس تتعوج راسها بحال راس الاوزة مكسور....هز يديها بقى متلمس شعرها و حجبانو مللاقيين تيفكر شحاال حتى نعس....

صبحات واقفة فالحمام هازة اختبار الحمل تترعد و الدموع تيشويو هابطين من عينيها....عام و نصف ملي ولدات أمير و كل شهر تتدوزو مرعوبة و خايفة كل شهر تيدوز بلا حمل تتحمد لله و تبكي بفرحة عام و نصف من الرعب و الاحتياطات ..لكن هاد المرة كتاب الحمل فعلا ...حنااات راسها تتبكي بالجهد باغية تسطى....

_ ياربي نكون كنحلم...ياربي نكون كنحلم ....

بكااات بالجهد مزيرة على. بطنها بغات تسطى و تحماااق تتمنى من قلبها تكون غي تتحلم دايما تتحلم راسها حاملة تتفيق مجعورة تتحمد لله ملي تتلقى راسها كانت تتحلم...دابا شكون يفيقها بالواقع.....بلا مشاكلها مع يحيى مابقاتش ليها القدرة تهز طفل اخر ماعندهاش جهدو. لا عقلو و غيتكرفس و يتعدب ....بقات فالحمام شي ساعة تتبكي بالجهد ...حتى سمعات أزهار كدق عليها تتبكي...

_ مااامي....

جمعات نسيم راسها و رمات الاختبار تتغسل وجهها و يديها و خرجات لعندها فاشلة...هزاتها و رجعات نعسات معاها ...كان يحيى خارج و حمدات الله ملي خرج ماحاملاش تشوفو....رجعات ازهار تنعس وناضت للكوزينة بانف محمر و وجه مصفر و الفشلة و السخفة و الهلكة و النفسية تحت الصفر كارهة حيااتها و عيشتها بغات تموووت....مافكراتش جوج مرات ولا فالعواقب تتعرف الحمل مابغاتوش ماتقدر عليه ماعندها جهدو عقلها بغى يتسطى غي مع حوح....فين غيجي لهاد العيشة ليولات كارهاها.....

غلاات القرفة مع الحليييب سخوووونة و شرباتها بلا تفكير .....هبطات معاها سخونة و بلا عقل غلاات العشوب لي عندها كلو و كملاتها بالمعدنوووس غا تتشرب و تزير على بطنها تتمنى يطيح و تموت هي ماسوقاش كرهات كلشي .....

عمراتها عشوب و السخون و دخلات لفراشها مريضة سخفانة....عينبها تتحسهم سخان تيحرقو و راسها كيشوط بالحرارة...يديها مطيحين معاها سخفانة ...عينيها مشدودين و عقلها مع ولادها تتسمع غواتهم وهي فاشلة تتبغي تهدر ماقادراش....بحال شي حد بارك فوقها خانقها تنوض.....عقلها غادي جاي...ولادي غيموتو...قتلت واحد منهم...ماتو...؟ماكنتش حاملة...ماحاملاش....ماطاحوووش.......

تتنين عرقااانة مدكدكة مرخية الوجع فكرشها بدا يخفاف و يمشي غايبة ماعرفات راسها بصح ولا تتحلم....لقات راسها ماحاملاش و الاختبار ماشي صحيح و ماكاينش الحمل هي دايرة احتياط ...و ماشرباتش العشوب و ماتزوجاتش و ماعرفاتش بحيى...مشىىى عقلهااا بعيييد لايام مراهقتها....غابت عن الواقع تتهلوس غي بوحدها ...هاهي وسط الربيع تتحسب فالبيض ثلاث بيضااات وحدة تهرسات ليها...و مرة تتشوف أمير واقف فراس الدروج تكركب و طااح حتى لعند رجلييها....تتنين و تبكي وهي فاشلة...و كل مرة تتحلم واحد من ولادها ماات و تقطعات باابكاء عليه واحد الحرقة تتشدها وخا تبكي و تغوت شهراين ورا بعضها ماتبردش....مرة امير مرة ازهار .....عقلها غاايب والحريق فكرشها تهدن عكس المتوقع.....تتسمع صوت يحيى و يديه تتجيه باردة على وجهها تتبغي تفيق ماقدراتش تفيق و تفتح عينيها شي حد بارك فوقها مانعها و النفس تتحسو مقطوووع....حاسة بكلشي قدامها و تتسمع و الصوت غااايب و بعيد تتبغي تجاوب و ماقدرااتشي...بالها مع الدم و الحريق و الموووت و ولادها...و ماحسات لا بالدم ولا بالحريق.....وقلبها تشوى غي مع ولادها .....

كانت فعالم اخور و عقلها غايب الحرارة و العرق و جسدها مرخييي...شافها يحيى ناعسة مزيرة على كرشها العرق مع وحهها جالس حداه تيحرك فيها و يفيقها...

_ نسييم....

حط يديه باردة على وجهها لقاها باردة وهي تتقفق حداه و رموشها تيتهزو و يديها مزيرين على كرشها و ماعايقاش براسها....هز ليها راسها تيفيق فيها بقلق ..

_ نسييم ...نسيم....

تتفتح عينيها فيه نص فتحة و ترجع تشدهم و تزير عليهم عامرين دموع و رموشها فازيكين تتزير علر كرشها و تتنين و تهلوس و لسانها ثقييل...و على فمها غي ولادي ولادي مااتو.....خلعاتو ماعرف باش تبلى و شنو وقع ليها...طلع حداها هزها لعندو تيجلس فيها و يبعد لبها يديها من كرشها و يضرب وجهها....

_ ما مات حد ...نسييم فيقي راكي كتحلمي....

فتحات عينيها ولاو صغااار عرقااانة بين يديببه فاشلة .....تتشوف فيه تتلقى غي ضبابة فدام عبنبها...رجعات لواقعها عبنبها مفتوحة فيه تتبكي بتعب و حرقة موت واحد من ولادها باقي تتشوي فيها ...

_ أزهار...فين هي...فين هو أمير....

حط ليها راسها على المخدة تيقيس حرارة جبهتها و صدرها مشوس...

_ ناعسين انسبم..غي هني بالك.كنتي كتحلمي...

نسيم ( غمصات عينبها تتعصر الدموع ) بعد يديك مني....

تجاهلها و يديه تيتفحصوها باهتمام... تعصباات و بعدات ليه يديه ناطقة وسط دموعها ...

_ بعد مني مكتسمعش بعد مني ... ماتقيسش فيا بعد يديك....

يحيى ( بعد منها بعصبية و عينبه مظلمة ) لازم شوفي الطبيبة تقدري تكوني حاملة ....

تفكرات غمامة الحمل و الكابوس لي عاشتو فالحمام جوط خطووط هكا مصورين قدام عينيها مايتحيدوش مصورين فراسها و حدا عينيها محفووظين ماتتشوفش شي حاجة اخرى من غيرها....تكمشات فراسها تتبكي ماجاوباتوش...! خلاها على خاطرها و تكلف بالولاد و الدار ...شاعل ليهم الاغاني تيشطحو و يضحكو و امير الوحيد لي سول على ماماه و بدا تيقلب عليها بديك المشية العجيبة قاليه يحيى راها ناعسة و لهاه بالالعاب و الضحك و الاغاني حتى نسى عاجبهم الحال مع يحيى فرحانين تيتسمع غا صوت ضحكهم ...خلاهم ملهين و دخل تينظف فالحمام و يجمع لقى اختبار الحمل مرمي فالسلة ...جمع حجبانو و هزو بالزربة تيشوف فيه كان مهرس و مشفف شوية و النتيجة تتبان خط واحد فقط عرف ماكاينش حمل....رماه و قطب جبينو ماعارف مالها...خرج لعندها تيفيق فيها مرة اخرى تتجاهلو و ماتتجاوبوش تتحس بالردان و الدوخة و صدرها تيضرها ...

رجعات سدات عينبها هاربة من الواقع و عقلها امتنع النسيااان...تتفكر شربات العشوب سخااان و ماوقع والو ماحسات لا حريق لا دم هابط معاها بحال الى ماشربات والو عاد رخاوها ورخاو عظاامها حتى ولات مهدودة ناعسة عرقااانة...رجعات ثاني غابت و تكرر نفس الاحداث و نفس الشعور...تتبكي و تقطع فالحلم و تتحس بالحريق وخا مكاينش الحريق...عقلها تيكدب عليها ...عاشت ليلة فكابوس مرعب...جا يحيى ينعس حداها جرات عليها...قاليها تشوف الطبيب غوتااات عليه بانهيااار ..مالاقية راحتها لا فالواقع لا فالحلم...الواقع تتبكي و الحلم تتقطع بالحربق و تتشوف ولادها ميتين...لدرجة تتفيق تتلقى راسها مزيرة على المخادة مغرسة غيها صبعان يديها بحال الكبدة ديالها تتقطع و تشوا.......و غي تفيق تتفكر الحمل و الاعشاب تتبغي تموووت ...حالتها ولات مأساوية تأنيب الضمير كياكل فيهااا و حرقة فقدان واحد من ولادها تتكمل عليها...تتقول ربي غيعاقبها و يموت واحد من ولادها حيت مابغاتش هاد الحمل ... فين ماتنعس تتحلم بالموت مرة ازهار مرة امير مرة بجوج مابقى حتى واحد فيهم....اكفس ثلاث ايام دوزاتهم و اكفس الم عاشتو...تانيب الضمير و التخمااام و الواقع المر...نفس السواد لي كانت تتعيش ايامات زواجها الاولى ...تانيب الصميرة التفكير و الهلوسااات...ضعافت و سمحات فحالتها ...تتنوض تاكل جوج لقيمات و تجلس ساهية تتفكر ...يحيى ولا غي غالدار مكيخرجش و مكيتفارقش مع ولادو و حتى هوما ولفوه تيقلبو على حنانو و عطفو تيخليو نسيم و يتخشاو فيه هو....بغى يخرجهم مابغاتش تخرج معاه ماجوباتوش اصلا....حاول معاها يسافرو مابغاتش... قاطعة الكلام و عينبها حمرين تتحس براسها غادية للهاوية نفسيتها مأزمة...و كارهة كلشي....جات عندها حسنية جلسات معاها مصدومة ماشي نسيم لي كيعرفو لا شكلها ولا اناقتها ولا هداوتها ....حتى الهدرة تتخرجها بزز ...دخلات عند ولدها للكوزينة مصدومة...

_ ماتكونش حاملة اولدي...

يحيى ( بتفكير ) لااا دارت التست ماكاينش الحمل....

حسنية ( بقلق ) و النفسية ديالها مسكينة مأزمة بزاااف واش تخاصمتو غوتي عليها ؟ نسيم حنينة و ئلبها كبير الا كنتو مخاصمين حن عليها شوية ايحيى راها مسيكنة ماعندها حتى واحد هنا من غيرنا ...و ماتلئاش بحالها بنت الناس و حنينة عليك و على ولادك ..بحالها ئلالو فهاد الزمان شوف نادية كبر منها و العئل الله يجيب والو مفضية و شوف مراة ابراهيم سامحة فالولاد و مفكرة غي راسها......( بحزن ) بئات فيا ئطعاتلي فئلبي....

يحيى ( صوتو مبيبح ) حاولي معاها تخرج انا كندوي معاه مكتردش عليا....

حسنية تنهدات و خرجات لعندها لقاتها رجعات لبيتها شادة عليها ناعسة ...هزات راسها تتنهد...

_ لاحولا ولاقوة الا بالله...

دوزات نسيم نهارها بحال لي سبقو....تتسمع ضحك الولاد برا و صوت يحيى معاهم عايشين بخيير ماناقصهم والو ناشطين تقول عندهم حفلة...أمير مرة مرة تيطل عليها تيلقاها ناعسة و يرجع كيطير عند يحيى ...ليلها بحال نهارها لا جديد يدكر...طاحت طيحة وحدة و كرهات كلشي عقل تيقولي نوصي حرقي الدار و حرقي راسك معاها....اوهام و ووساويس و اعراض الحمل الكادب تيبانو فيها ..فاليل هزات تليفونها و عينيها تيقلبو على رقم عبد الله...دوزات ليه الاتصال مع الجوج د اليل فاشلة و مأزمة....صونات جوج مرات عاد جاوب عبد الله مخلوع...

_ نسيم بنتي هادي نتي....

نسيم ( تتدوي بزز فاشلة لاقصى درجة ) اجي ورايا ابابا...انا كنموت هنا.....

عبد الله ناض من فراشو مفزوع ..

_ شنو عندك انتي...شنو وقعلك ...فين هو يحيى.

نض باليل النعاس مابقاش تيشوفو...طل عليها شافها واش ناعسة لقاها عاد حطات التليفون من يديها و عطاتو بالظهر مزال الدمع تيقطر من رموشها....تنهد معصب غي مع حوايجو و مامرتاحش...تكى حداها و جرها لعندو تيحاول معاها باي طريقة.....نعسات على صدرو مغمضة عينيها تتحس بيه تيزير عليها وهي غي مازادت تتبكي ...حس بيها تتشهق وسط صدرو ضمها لعندو أكثر ....

_ مالكي ...! شنو وقع ليك...هدري معايا انسيم الخروج لا السفر لا...باغية تبقاي هنا كتحضي الشمس من السرجم

نسيم ( تكلمات وسط بكاها ) مابغيت والو ...بغيت غي نعرف علاش تتكرهني....

ااسكات و النص د اليل الشوفة ظيالو مظلمة كثار من ظلام اليل....بغات تبعد منو جرها لصدرو مزير عليها بيديه و رجلييه ...نطقات وسط بكاها فاشلة ...

_ بعد مني....

بعناد البغال جرها لعندو أكثروهي نتبكي بقهرة مفزكة ليه حوايجو بالبكاء ديالها فاشلة لا يد لا رجل...تتسمعو تيدوي عند ودنيها نعصب ..

_ و بربي ماكنكرهك انسيم.....

غمضات عينيها شبه فاقدة وعيها فاشلة و مهلوكة.....

_ بعد مني ماحاملاكش...بعد مني...

هي تتبكي باغية يبعد منها وهو كيزيد يزير عليها بلا حتى هدرة.....بكاات بكاء هستيري بحال الى عمرها بكات قبل غا تتشوفو تتجيها البكية مابقاتش حاملاه و ماحاملاش الدار ولا الولاد...ماحاملة حتى حد.....انهااارت بين يديه و بقى تيحاول يكالميها طالق القرآن حتى بدا يطلع الصباح عاد نعسات و نعس هو وراها ماسمعش تليفونو تيصوني من عبد الله......فاقت فالصباح حاضية الشمس ...بقات نص ساعة ساكتة تتأمل فيها...ناضت فاشلة شادة فكرشها تتحس بالحمل و باعراضو كلها.....تتشوف جوج من الحاجة شدات فراسها غادية و رجليها منملين...لبسات عليها عبايتها كحلة عادية سترات بيها راسها...كلشي ناعس غارق فنعاسو وهي تتستنى عبد الله يجي ...حتى ضربات العشرة علمها راه وصل و قرب للدار و غي وصل للدار هزات راسها بزز و هبطااات لعندو تتجرجر فديك العباية الكحلة واقفة غي بزز...غي شافها عبد الله هكاك تخلع و طار لعندها مصدوم...

_ شنو وقعلك انسيم...خلعتيني شنو كاين...علاش يحيى مكيجاو يش واقعة شي حاجة....

ترمات فصدرو مزيرة عليه تتشهق بحال تتشكي ليه بداك البكاء...صدماتو و خلعاتو حس بركابيه فاشلين....دخل معاها للدار قلبو غيخرج....ناض يحيى من نعاسو بالزربة على صوت الباب حساب لبها نسيم خرجاات.....تيلقى عبد الله و نسيم مخشية فيه هاتفة بتعب..

_ مابغيتش نبقى هنا....

يحيى ( مسح وجهو ماعرف باس تبلى...) سي عبد الله...على سلامتك مرحبا....

عبد الله ( هز راسو صفر بالخلعة ) شمن سلااامة بقات ايحيى شمن سلامة هادي ! معيطة فالجوح داليل اجي انا غنموت كنصوني عليك ماكتحاوبش....شنو وقع مالكم انا راه راسي ثقل عليا بالتخمام....

يحيى ( بجدية) جلس اسي عبد الله جلس....

جلسو جميع مع الصباح كلشي باقي ناعس...نسيم رتاحت فصدر عبد الله و يحيى مبرزط و مظلم الشوفة و عبد الله مشوش...

_ ها حنا جلسنا وخا مابقات راحة ...فهمونا شنو كاين...تخاصمتو ؟

يحيى : ريح بالك اسي عبد الله ماتخلعش...

عبد الله ( بوجه صفر ) شمن راحة ايحيى...الله يهديك اولدي...ماعمرني شوفت بنتي هيدا و نتا كتقولي ريح ماتحلعش....نسكت على كلشي الا على هاد الحالة...ماعمرها وقعات و ماكتبكي حتى تكون واصلة بيها للعضم......

قاطعو يحيى بجدية...

_ نسيم نفسبتها عيانة هاد الايامات ....

عبد الله ( تيتنهد ) و ساعتو لله.....بنادم من لحم و عظم و كاملين كتوقعلنا ...( طبطب على ظهرها متنهد بعنق ) خلعاااتني عليها...شوف فيا انسيم هز عبنيك فيا و قولي...واش ضربك ؟ حط يدو عليك...هدر....

يحيى ( جمع حجبانو ساكت تيشوف فيها )

نسيم ( شداتها الخنقة الهدرة تتخرجها بزز ) الله يعطيك ماتمنيتي ابابا خرحني من هنا...مابغيت والو ..غنموت غنتخق هنا....

تزاد القلق عند عبد الله و فهم بلي مخاصمين...بغى يحاول يتدخل بيناتهم و يفهم المشكل و يتم الصلح مابغاتش تزيد تما دقيقة....ناض يحيى واقف تيشوف معصب...

_ مغتمشيش انسييم....ماحاملاش تشوفي كمارتي نخرج انا و ها الدار بقاي فيا....

عبد الله لقى صعوبة ففهم المشكل و حد مابغى يدوي شنو كاين.....عييى يحاول معاها مابغاتش...غي تتقولو مانبقاش تيصعر يحيى و يمنع عليها تمشي معاه ...حتى صدماتهم نسيم ملي بدات تتغوت و تجر فشعرها لو كان عندها القوة كون دفعات الكراسا و الطبالي...تتبكي بهستررية والخنقة شاداها بغاات تسطى....تخلعو عليها بجوح و طار يحيى لعندها شادها زادت تتغوت و تبكي بحال الى تيحرقها فلحمها بيديه....دازت نص ساعة غواات و الولاد فاقو و ناضو يبكيو حتى هوما و يحيى كيحلف و يغوت ماغتمشيش....غا تيقرب منها تتزيد فالبكاء رمات عليه فااز كان غيجي فيه....تما تصدمو و دخل معاهم المعقول.....و عبد الله دار شغلو و جرخها معاه مخرجها من الدار ...

_ من بعد و نهدرو اولدي من بعد لاحولا ولاقوة الا بالله....

ركبات مع عبد الله ..فاتحة العباية تتنفس و سنانها كيتقرقبو ..خلات ليه الدار و الولاد حوايجها و الطموبيل خلات ليه كلشي جرات غا عباية كحلة خفيفة ساترة بيه راسها و مشاات مع عبد الله.....

وصلات للفيلا ناااعسة تيفيقها بيد و يد الاخر تيدوي مع يحيى كل شوية تيصوني عليه حتى قتليه وصلو و علمو بلي غيجي جتة هو ...دخلات نسيم متحنية تحت جناح عبد الله...كانت حميدة جالسة على اعصابها تتمشي و تجي تتسنى فيهم و خلود و حلا جالسين مشوشين على نسيم شنو وقع ليها...غا شاوفوها داخلة طارو لعندها حميدة تتسول بخوف والدموع فعينيها و خلود تتاسف و حلا تتغوت غي بوحدها تتحلف...

_ ضربك يااك...حط يدو عليك الحمار...

شافت فيهم نسيم بتعب بلا حتى هدرة...جراتها حميدى لعندها تتسول : شننو عندا...شنو مالها دوي تعبد الله ( درعات نسبم تتبوس فيها مشوشة ) شنو عندك الحبيبة ديالي....اجي اجي ترتاح الحبيبة و كيف نتينا صفرا و عيانة....الحنينة ديالي....

طلعات للبيت محمعين عليها بثلاثة ناعسة وسطهم كل وحدة فين تتبوس و تدرع ترخاات و تهدنااات معاهم...بغا يخبيوها وسطهم مخلوعين عليهااا حميدة تتبوس فراسها قطعات ليها فالقلب و خلود تتحك ليها راسهاو درعها من اللور ...وحلا باغية طير و طرطق خصها تعرف شنو وقع ليها...تتشوف وجه يحيى قدامها تتبغي طير عليه .....جمعات فمها و سكتو كاملين حتى نعسات نسيم وسطهم ...ناعسة براااحة حنان امها و خواتاتها ريحوها ...بقاااو معاها تيخممو و يهدرو مشوشين....

_ طيراتا منا خلعة البارح ...ماخلانيش حتى نمشي معاه....

خلود ( باسف ) و شنو غيكون عندا زعما تتبان لي مرتاحة فحياتها و تتبغيه و كيبغيها و ماعندهاش مشاكل مع عائلتو.....

حميدة ( تتفكر ) الله اعلم ...يكونو تخاصمو و ماصبراتش نسبم مفششة عندي ماتصبرش للغوات ( تنهدتت )هذا غي العين بدات فيك و كملاتت بيها...العين هادي نحلف عليها هكا كدير....

حلا ( حابسة الهدرة غي بزز ) ممم العين...مم...

بقات معاها خلود تتمسح ليها دموعها و تلعب ليها فشعرها و غرام لاصقة فيها باغية تخشى معاهم...حميدة و حلا خرجو يشوفو العشاء....غيجي يحيى و عائلتو ...عبد الله و رضا مناقشين فالصالون على الموضوع...ماعرفو شنو وقع فبناتهم...ها حمزة تيرغب و يزاوك باغي يهدر مع خلود ...مشى عبد الله عطاه نمرتو و عييى يغووت على خلود تدوي مع راجلها و ترجع معاه تسمح ليه تتقولو لااا تيبقى عيد الله غي يغوت و تابعو رضا بجوجهم صد الطلاق و الفراق.......تعاونات حميدة مع حلا و جاات حتى مراة رضا حنان...مع العشرة د اليل جااا جا يحيى و الولاد و معاه حسنية و الحاج و تجمعو فواحد الصالة كبييرة فنقاش جدي....

_ الحاج ( بجدية ) كتوقع فاحسن العائلات لاحولا ولاقوة الا بالله اش فجهدنا ماندبرو و الله الا دايرها فعيني كثار من بنتي ناديى و نجلاء...

عبد لله : الله ياودي عارفين لي كاين الحاج....اذا كان هادشي من ربي قابلين و الا كان من العبد حسبي الله و نعم الوكيل...نسييم مريضة كتفيق دقيقة و تنعس ثلاثة سوايع....الهدرة مقطوووعة غي نفهم. شنو وقع و شنو المشكل مافهمنا والو ...

نطقات حلا بحدة...

_ حالتها ديال وحدة معنفة ولا غدرها راجلها...ماشي محاصمة عادية نسيم كنعرفها....

يحيى ( موسع يديه على المخاد بنتو على صدرو ناعسة و أمير جالس فيد حميدة كيدوي بجدية ) ربي شاهد عليا...متقي فيها الله و ماعمر يدي جات عليها و لا عنفتها خمس سنين زواج وقعو مشاكل و خصام و صداع و بنادم كيغلط و ماعمرني فكرت نضربها و ماعمرني خنتها ...و مانفكرش فيها مانضيعش زواجي وولادي ننقطع على قبلهم ....

حسنسة ( تترمش ) يهديك الله ابنتي شمن خيانة ولا عنف...نسبم بنتي بنتي والله الا حاسباها بنتي ومايفكرش حتى يعوت عليها ئدامنا ولا يضربها....( تنهدات ) فين هي فين...نشوفها....ماتبهطش لعندنا تدوي معانا و تشوف ولادها كيبكيو علبها....

حميدة ( بهم ) مابغاتش الالة حسنية نخليوها على خاطرها حتى تبغي هي....الله يدير الخير و صافي...غذا و يحين الله....

تعشاااو و الماكلة بزز تتهبط ليهم...يحيى كلى لقمة و بعد بقى غي الحاج حميد تياكل. الا كرشو مايفرطش فيها....ناض الحاج مع حسنية و يحيى خلى الولاد معاهم...

نطقات حلا بضيق...

_ قالت مابغاتك لا نتينا لا ولادك ...

غوت عليها عبد الله حتى تكمشاات و يحيى رد

_ غتغيق تبغي تشوفهم....

مشا لدارهم فكاستي ياخو حتى لغدا و يرجعو....شدو الحاج للقنت تسسول فيه و يعاود مالها نسيم شنو درتي ليها واش ضربتيها...واش قستيها...علااش غضبااانة منك....علاش نفسيتها عيانة...واش حاملة...اسئلة كثيرة هاجموه بيها كيقتلهم غي بالسكااات....هو براسو ماعارف شنو يقول...شنو يعاود ؟

تحمعو فالصباح الثاني و ماببغاتش تهبط لعندهم....خلاوها على خاطرها تترجع صحتها وولادها مخشيين فيها تتبوس فيهم و تنهد ...

_ حبايب ديالي توحشتكم.....

دخللات عليها خلود مبسمة تقول ماعايشة هم هازة طلعات حاملة فعلا و ساكتة ....

_ صباااحو......ها مراة ولدك جاات...غنزوجها لامير ياك اخالتو تزوج بغرام ديالي....

امير تيشوف فيها و يرمش و يتخبى فصدر نسيم...و ازهار لاصقة فنسبم من جهة اخرى تتبوس فيها و تخربق فالهدرة...ضحكاات معاهم نسيم داك الصباح ضحكة ذابلة حزينة....و لي منغزها كثار هو الحمل الوهمي عند بالها حاملة تتخمم و تعاود فيه.....

دخلات عندهم حلا لقاتهم مجمعين و الولاد كينقزو....

_ نسييم كيف بقيتي شوية ؟

نسيم ( بصوت خافت ) الحمد لله شوية...

جلسات حداها فاتحة الموصوع باهتمام...

_ شنو عندك معاه...واش ضربك غي قول...

سكتات نسيم فترة عاد نطقات بصوت ثقييل هادي رجعات لوعيها و مشات منها داك هستربة د البكا...عارفة شنو تتقول و شنو تيدور حداها و مقتنعة بكلامها....

_ بغيت الطلاق ...

يتبع...

‎