غيرك ما يحلالي الجزء 21

حلا ( بتشجيع ) هااا...على سلامتك و اخيرراااا...

خلود ( بصدمة عينيها بغاو يخرجو ) كيفاش الطلاق...حمقة انسيم الطلاق نتي و يحيى..داك الحب لي عشتوه كامل تبخر....قصتكم كيضربو بيها المثال و توخرتو فالطلاق....قولي شنو وقع...حتى هو عاود بغى يجيب عليك الضرة ؟

نسبم ( رسمات ابتسامة باهتة ) شكون عرف شحال من وحدة عندو ...

دخلات حميدة مبتسمة لابتسامة نسيم تتشوفها ولات لباس تتفرح...

_ نوض ندوشليك الحبيبة ديالي و بدل عليك و مشط شعرك...

نسيم ( غمضات عينيها بتعب ) وخا....

تلهات معاها حميدة و حلا دوشو ليها و نقااوها و مشطو ليها شعرها لبسات من حوايج حلا بيجامة قصيرة فالعسلي و شعرها مظفور ضعافت و عينيها نشفو بالبكاء....هبطات للصالون وولادها معاها تتحرك بهدوء و مرة مرة تسهى و تفكر باغية تشوف الطبيبة و تفقد حالتها هازة هم الحمل و الخنقة تتشدها منو تتحس براسها هازة شكاير السيما فوق ظهرها غا بسباب الحمل ...حسات بحريق فبطنها كيشبه حريق العادة الشهرية...طلعات لبيتها تتأكد ولات مشكاكة و تتقلب فراسها و تسول على اعراض الاجهاض الصامت حيت قضية العشوب شككتها.....لقات فعلا جاتها العادة بقات مصمرة تتسول كيفاش ؟ تزاد هم على هم خافت تتسول راسها و تقلب واش دم العادة هذا ولا الاجهاض شنو هادشي الاجهاض مكيكونش هكا....دخل ليها الشك و ترونات فعقلها مرة اخرا و تتنهد دقيقة ورا ختها...مشوشة....قررات تعلم خلود عاودات ليها كلشي و حتى العشوب لي شربااات غوتاات علبها و نقات ليها ودنيها مزيان ..

خلود :متأكدة شفتي جوج خطووط....

نسيم ( ملامحها ذابلة )جوج خطوط مصورين فعقلي مايتنساوش...

خلود ( بشك ) شربتي العشووب و القرفة تتغلي و زيت الكااافور و ماحسيتي بوالو ؟ يعني ماكاين لا حمل لا والو ...كون راه دايزة بالدم و وقعات ليك شي مصيبة ...نووض على سلامتك فلتي منها ...

نسيم ( الامل خلى عينيها يبرقو ) انا فيا اعراض الحمل اخلود...

خلود : و كاين الحمل الكادب تتحس باعراض الحمل كاملة و تتصدق ماحاملة ما حتى وزة و نتينا كتزيد توسوس عقلك حتى عقلك وهم ليك شفتي حوج خطوط ...95٪ ماحاملاش غا رتاح غدا ان شاء الله و نشوفو الطبيبة...

رجع اللون لوجه نسييم و تعمق الحزن فعينيها....عقلها خدام تتفكر و تنهد كانت تتمنى تكون تتحلم و مايكونش الحمل ماتوقعاتش هاد الامنية تحقق تتدعي من قلبها مايكونش حمل حقيقي...هبطات التحت جالسة ...كانت ضامة امير لحضنها مزيرة عليه بحنية حتى سمعات صوتو تيدوي مع عبد الله داخلين زيرات على عينيها و قلبها قفز و تزير عليها كتموت عليه و تتبغيه حب جنوني وخا تقول تتكرهو تيبقى معشش ليها فالعقل..وخا هكاك غتجرب تبعد على الله تلقى راحتها فالبعد و تنسى بالنسبة ليها عداب عام او عاماين ولا حياتها كاملة هكاك.......طل عليها بوقفتو الصارمة لابس الازرق و الاسود و لحيتو ماشي مرتبة شاف فيها النظرة الاولى بعفوية و رحع بعد عبنبه ..ماكلش جةج قواني و رجع شاف فيها ماحسابلوش هي ماردس البتل حتى...من اللون العساي لي لابسة مامولفوش عليها...شافها هادية حانية عينيها من. بغى يسلم عليها بعدات بحركة مفروشة...جمع القمعة و جلس شافوه الولاد طارو لعندو تيتسابقو وهو تيشوف فنسيم باهتمام ...: كيف بقيتي شوية ؟

نسيم ( بهدوء ) حسن من قبل...

حميدة ( بابتسامة ) فين هي اتلة حسنية و الحاج اولدي...

يحيى : مشاو لطنجة لالة حميدة بعد يوماين غيرجعو ان شاء الله....

عبد الله شاف فنسيم بجدية : يلااه انسيم ها الراجل ديالك و هانتينا فالدار د باك هدر مهاه و نعلو الشيطام و الله يصلح بيناتكم ...

ناض من قدامهم مخلينهم على خاطرهم بقات حميدة تتؤمش و تشوف فيهم ناطقة بامل...

_ طلعو الفوق اولادي و هدرو بالراحة ديالكم الظواج هو هءا المر و الحلو الله ينعل الشيطان و صافي...

ناضت نسيم واقفة غادية حداه وتبعها هو طلعات للبيت الفوق ووقفاات جنب السرجم مربعة يديها تتسمع حركاتو وراها.....حتى نطق بجدية

_ مرتاحة ملي بعدتي انسيم ؟ قادرة نهدرو ...

دارت شافت فيه تتأمل ملامحو خافت عينيها يفضحوخا وهرباتهم ناطقة بهداوة و كلام جرحها هي قبل ماتخرجو ....

_ بغيت نهدرو ....يقدر تكون اخر مرة مهدرو فيها.....

يحيى جلس على طرف الناموسية مشبك يديه بجدية ...

_ جلسي حدايا و شوفي فيا نهدرو حتى للصباح الا بغيتي ...

دارت شافت فيه ضاربة فيه الشمس مكمشة حجبانها بحزن واضح....

_ تقدر تكون نتينا كرهتيني و حاسبني فحياتك زايدة ناقصة...لكن عندي انا عزيز و غالي مانقدرش نكره واحد والدة معاه جوج بحال الى غنكره فيك ولادي ..كنشوف هاد الزواج وصل للنهاية ديالو ايحيى نتا ماباغينيش و انا مانبقاشي مع واحد ماحاملنيش.... مابغيتش نكرهك ولا تكرهني من بعد ..نتفارقو خوت و نوقفو حد هنا...

يحيى ( تصدم ) كتلمحي للطلاق ولا شنو ؟

حنات عينيها منو خاطرها مزير...

_ سي الطلاق....

يحيى ( قلب وجهو تيضحك باستهزاء ) الطلاق دقة وحدة ؟ حتى لدابا عاد نشوفو الطلاق انسيم...حتى درنا جوج ولاد....

نسيم ( عينيها تعكرو بالدموع ) ماعندنا مانديرو مانتعدبش معاك كثار و حتى نتا عيش حياتك مع وحدة تكون مرتاح معاها....نتا ولد الناس و قلبك كبير انا ماننساش خيرك عليا و سترتيني و حتارمتيني قدام عائلتي و قدام عاىلتك وخا الغلط لي درتو ندمت عليه حتى بغيت نموت و من حقك...

يحيى ( حك بين عينيه مزير غيطرطق ) يرحم جدك انسيم سكتييي....

نسيم ( قلبات وجهها تتبكي في صمت ) انا ماظلمني حد ظلمت راسي بيدي...نتفارقو و كل واحد.يعيش حياتو مرتاح...نتا ترتاح مع وحدة تتبغيها حيت تستاهل كل الخير....مابغيتش نوليو عديان من بعد و ندمو...خلينا نوقفو هنا....ولدنا جوج وليدات و فرحت بييهم و صبرت على شحال من حاجة ..حيت انا بغيت نصبر ماشي غي على قبلهم....( تنهدات تتسمح عينيها ) الله يعاونك كل واحد يشد طريقو بغيت نرتاح..نقدر نعيش هكا مرتاحة حسن ......

زير على سنانو منيرغي معصب تقول سبااتو بغى يتسطى ماعمرها جبدات حس الفراق ولا الطلاق بعد ماتزادت أزهار نساو شي حاجة سميتها الطلاق هي تتهدر وهو تيعض فلسانو و يهز فراسو ...غي سالات نطق باندفاااع...

_ فرعتي لينا راسنا كنكرهك كنكرهك ...شكون كدب عليك و قاليك كنكرهك و ماحاملكش.. علاش انا نعيش مع وحدة ماحامل فيها حتى شعرة ؟...شديتي فيها مابقيتي طلقي منها....و بربي ماكنكرهك انسيم فهميها ...

صعر تيجمع الكلمة من طرف لسانو و يردها ...ملي تيتعصب تيجلس يسب و معروف بديك *لللل * بحال الله ينعل لللل تيشدها مكيكملش مكيعرفو حد شكون باغي ينعل المهم لي يفهم راه لباس معاه....ناض ساخط قالب وجهو ...وهي تتبكي فصمت ..

_ انا بغيت الطلاق ايحيى....صافي عييت و تقهرت باغية نبعد غنتهناو بجوج....

جامع لسانو حاط يديه على حافة السرجم شوفاتو معصبين تينفخ غا بوحدو...تتدوي بحال داوية مع الحيط.....

_ انا قلت لي عندي ...الولاد فوقاش مابغيتي اجي شوفهم ولفو دايما غايب مغاديش يحسو....

يحيى ( معصب ) انا ماباغيش الطلاق من الاخر....نتي بغيتيه طيري بوحدك من عندي انا والله لا طلقتك....

نسييم ( قربات منو مكمشة حجبانها بضعف ) انا عارفة تتبغي ولادك و خايف يتشتتو و يتأزمو وتنا كنخاف عليهم... فكرت نتفارقو دابا حسن مم بعد دابا صغار مكيعرفوش ....

ماجاوبهاش و حتى هي سكتات و جلسات على طرف الناموسية تتشوف فيه عاطيها بالظهر...شوفاتها ليه دايما مفضوحة من عينيها تتبان تتعشقو و الفراق معاه تيقتلها و مع دلك مكابرة....

_ بغيت نهدرو انا قلت لي عندي ايحيى و ساليت....عيش حياتك حتى نتا تظلمتي معايا و غلطت فحقك ...الله يسهل عليك...هادشي لي عندي ...

هزات راسها و خرجات من البيت عينيها مدمعين ...دخلات لبيت خلود لقاتها جالسة مع بنتها...شافتها هكاك سولات بلهفة...

_ شنو هدرتو ؟

ترماات نسييم فحضنها تتبكي ...

_ بقيت معاه كنتعدب و الا بعدت كنتقطع اخلود ....

خلود ( بعدم فهم ) شنو عندك معاه ؟ مافهمت والو مايمكنش هاد الحالة كاملة بسباب الغيرة ديالو ...عندكم شي حاجة فشكل مافهمتش...

نسيم زيرات عليها اكثر تتبكي...

_ مانقدرش نهدر مانقدرش....انا ظلمتووو معايا و ظلمت راسي معاااه.....كنبغيه اخلوود قلبي كيتقطع سبع سنين و هو محفور فقلبي مانقدرشي ننساه مشيت للعافية برجليي غي حيت مانقدرش نشوفو متزوج بوحدة اخرا.... فضلت الشوهة و الموت ولا نتفارق معاه ...و دابا تفارقت معاه بيدي حيت عييت غنتفارقو غيتزوج غنشوفو مزوج بوحدة اخرى واخدة بلاصتي و غيدير ولاد اخريين معاها و غنبقى نطرطق و نتشوااا.....

خلود تشوشات و تبرزطات لحالة ختها مافهمات والو هزات ليها راسها تتسكت فيها باغية. تفهم...

_ و اش هدرة جوج اابكاء...كيفاش ظلمك ولا ظلمتيه..ودابا جاية باغية الطلاق ؟ انا ماعمرني ننصح شي وحدة بالطلاق فحالة الخيانة و الضرة و العنف هادي الا ماطلباتش الطلاق نسميها حمارة...ولكن نتي اشنو دار ليك بحيى ؟ فهمني انسيم واش ضربك ؟ غدرك ..قول شنو المشكل نفهم..واش باغية نخرجي على دارك وولادك....

جاوباتها نسيم وسط بكاها...

_ ماضربنيش و ماشفت منو الخيانة...يحيى كيفضل ولادو عليا انا عندو بحال داك المربية تيخدمها عندو و يخلصها و الغيرة ديالو رجعات كتقتلني بعض المرات كنحسو كيشك فيا ..مرة علاش كنجي انلقاك دايما مدوشة شنو كتكوني كديري و مرة تيشك فيا مع خوك صدمني اخلود حشمت حتى نشوف فصفوان و لا نهدر معاه و حتى هو هرب عينو مني فخطرة....

خلود : و هادشي داز ؟ على هادشي طحتي فالفراش بالاعصاب ؟

نسيم ( شدات راسها تتحاول تشرح لبها ) تصوري كنت خارجة مع خوتو و مرات ولد عمو و خالتي حسني و وقفني واحد تيسول خالتي حسنية عليا واش بنتها باغي يخطب ..جينا للدار قالت ليه نادية مراتك كيخطبو فيها و نتا ماسايق خبار...تعصب عليها و دابزو و جينا للدار كمل عليا انا...شنو درت ليه ؟ انا كيلقاني يغوت عليا ..ولا كمملها قالك فين تتعرفيه ..مايمكنش غي شافك دايزة بغى بخطبك نيشان للزواج....تتعرفبه و علاش شافك غي نتي..بنتي ليه غي نتي و علاش مالابساش الخاتم...خنقني و كرهت راسي معاه عييت نصبر و ماقدرش....

خلود ( عقلها تشوش ) غي بشوية عليك احبيبة ديالي...و زهرك طاح معاه هكا مغيار تقول غي هو لي مزوج ...انا مانسميش هذا شك...تنسميه غيرة مريضة خصو يتعالج ...كلامو على الدوش غلط فيه وحتى حنا النساء و كنغلطو و كنشكو فيهم بالعلالي...لكن ديال صفوان من حقو دايما خارجة معاه و مسافرين نتي و ياه لطنجة كثار من ساعة ديال الطريق و التصاور فالانستاغرام...بقى تيجمع حتى تفركع صافي من حقو غي هو مكيعرفش يهدر و يخرج شنو عندو ...

نسيم ( تتمسح دموعها مقهورة ) لاا تيشك فيا ...

خلود : انا تنعرف الراجل لي تيشك فمراتو مايخليهاش حتى تخرج للحانوت تسخر ولا تمشي تقرا و تخالط مع الرجال..نتي خلاك تقراي و درتي سطاجات الراس فالراس مع عباد الله و خدمتي و عاطيك طموبيل تتحركي فيها...لي تيشك تيقص جنيحات مراتو و يشد عليها الباب بالقفل و كاين لي مريض تيشك حتى فولادو واش منو هو ولا تتخليه حتى يغبر و تطيح غالفراش مع حد اخور.ولاادو و مكيحملهش تيشك واش ديالو ...انا والله مانسمي هذا شك...يحيى بربري شوية و متيعرفش يتعامل و غيرتو مريضة خصو يتبدل و يبرد شوية و عوض الغوات يخدم العقل و الهدوء.....

خلود تتدوي بحرقة ماباغياش ختها طلق من راجلها عند بالها مشكلتهم الوحيدة هي هادي...ماعارفاش المخبي هي تتدوي و نسيم تتطيحهم كبار من عينيها ...

_ مافهمتينيش اخلود مافهمتي والو ...انا مانبقاش معاه باغية نبعد نلقى راحتي هكا....وليت مرعوبة منو...التليفون و كنخاف نهزو غي كنشوفو داحل تنرميه وخا ماعمرو قااي شي حاجة تنخاف يفهم شي حاجة من عقلو ..عقلو مريض وو كرهت الغيرة ديالو مرضاتني خنقاتني كنحسو مكيبغينيش...ماعرفتش نشرح ليك ...

خلود ( بعدم فهم ) انا كنشوفو عادي ..كاين مليون راجل بحالو ...بغيتيه يقولك كنبغيك فالدخلة و الخرجة اييه من حقك ولكن ماشي سبب للطلاق...

نسيم شدات راسها معصبة...

_ و ماشي هكاك مغتفهميش و لهلا تفهمي......

هزات راسها و خرجات من بيت خلود مخلياها تترمش هازة ليها الهم...تلاقات بحلا و جرااتها حتى هي لبيتها تتعمر ليها راسها بحال السوسة...تسمعها حميدة طيح الروح و تسخط عليها فالطلعة و النزلة....

حلا ( بجدية ) شووف مامرتاحاش يعني الطلاق...الحياة كنعيشوها مرة وحدة نعيشوها مرتاحين و كيف باغين حنا...مرتاحة معاه بقاي مامرتاحاش الطلاق وخا تكون والدة عشرين ولد معاه...الولاد غيكبرو و يتزوجو و يعيشو حياتهم يديرو ولادهم و مايفكروش لا فيك لا فيه...و عندك تعاودي لخلود شنو وقعلك مع يحيى و الروينة ديالكم...

نسيم ( بتعب ) علاش ؟

حلا ( بضيق ) حيت خلود شكارة متقوبة تتعمر و تمشي عند حميدة تخوي ليها كلشي و حميدة غتوصلها لبابا...و تما لاحلمتي بالطلاق هاوجهي غتولي نتي الغالطة وهو يديروه الملك ويبوسو ليه يديه و رجليه...عقلية بابا و خويا هي هادي .مايشوفوش اغلاطو...غيوليو يقدسوه استغفر الله ....

تشوش عقل نسيم و تخنقات ..كل واحد منيين تيحر فيها وهي فبالها غي الفراق باغية تبعد و ترتاح ...يحيى ملي خرح جااعر من الفيلا خلا هدرة فودن عبد الله تتحرق..

_ دوي مع بنتك دير عقلها...ماتزوجتش بيها انا باش نطلقها...

بحال الى تكب الماء طايب على راس عبد الله تشوط و طلع تيقلب عليها بغى ياكل جناابو ..

_ نسيبم..نسيم خلود اجي ليماكم...اجييو لهنا....الزواج د بريكيتوس عندكم....

جمعهم فالصالون معصب و ماعاجبو حال...نسيم حانية عينيها تتسمع و خلود هازة بنتها عاقدة حجبانها و حلا تتبغي تهدر تينقز عليها رضا تتشد فمها اما حميدة دايرة يد فوق يد تتسمع و ساكتة لخطاب عبد الله الصارم...معمر مزيان من عند رضا ...

_ دار بااكم كبيرة تكفيكم نتونا و ولادكن ...غضبو فيها حتى تعياااو و اجيييو وقت ليبغيتو...( بجنووون ) الا الطلاق مانسمعوش منكم...صافي زغتوو..هاا هدرة جوج الطلاااق...كزواج هذا كاللعب...والله ياباباكم و تجي وحدة فيكم تقولي الطلاق حتى نشد عليها ااباب بالقفل الضو دبرا ماتشوفوش....مزيان الطلاق قالك دقة وحدة...درتو العيال عاد جاكم الطلاق..ماااكاين صرب ماكاين عنف ماكاين غدر...و جاكم الطلاااق فالبال....صافي قنطتو وبغيتو تبدلو...اللعب هذا....

نقزات حلا تتدوي مغوبشة...

_ حمزة بغى يجيب عليها الضرة و بغيتي ترجعلو الحماق هذا...و نسيم قهرها بالاعصاب و الغيرة و الشك مابقاتشي بعاتو خصا طلق قالك لا الطلاق ممنوع شنو هاد التخربيق...

طاار فيها عبد الله مغدد..

_ سكووت نتينا ا سوسة الكرموس. .سكوووت يقطع حسك....تزوج عليها ؟ ياك الراجل عاد كيتشاور على نيتو ماقالشاااي افلانة انا غنتززج بغيتي ولا كرهتي ( صعر ) فاااش منقص منها فااش...واش قال الحرام ياك التعدد حللو علسه الله...

تقرسو اابنات لسيرة التعدد و حمعو فمهم ساكتين تيعرفو عبد الله تيبقى مهدن حتى تيصعر مايبردش دغيا...حميدة شافت فيه بنص عين و سكتات و رضا ساكت جاعر على حلا لي تطرطق غي بوحدها باغية تهدر تيطيرو فيها بجوح....

رضا ( شاف فنسيم بجدية ) و نتي لاااش باغية طلاق...شنو عمل هاد الراجل ؟

نسيم ( حنات عينيها ) بيني و بينو هو عارف علاش ...

طار فيها رضا معصب كيعرعر...حتى قفزات خايفة منو...

_ كيفاش بيني و بينو ! هو كيقول ماغيطلقكش و نتينا كتقول بيني و بينو...عيط ليحيى يجي دابا نشوفو شنو وقع بيناتهم لعب د البراهش تفوو...

عبد الله ( بصرامة ) غيجي للعشاء هو و والديه...و غيجي حمزة و خلود غتحمع بنتها و ترجع مع الراجل ديالها...جرجاتو و ندماتو حتى ندم و كره سيرة التعدد...تجلس تفهمو يالعقل مامزوحاشي واحد فتح عينيه مسلم نهار الاول قالت بغات تزوج بيه ݣاوري حد ما دوا معاها و قاليها لا...كبيرة تقد مسؤولية اختيارها...و كلام الحق كنشوفو راحل نية و ماشي خبييث تنوض تجمع دارها و تكبر بنتها قدام باها...الطلاق رجع موضة عندكم....( شاف خلود غتدوي علا صوتو بصرامة ) حتىىى هدرة.....وقفنا معاك و جينا من جيهتك و غضبتي فدار باك حتى تفشيتي ...ماتعيقشي على الراجل ...

خلود زمات شفايفها تتنفخ و تسوط و نسيم ساكتة موسوسة مع راسها...طاحت فبالها يحيى يقول شنو اشنو المشكل و يفضح السر بعد هاد المدة كاملة خافت و تكمشاات وولادها تيلعبو فصالة اخرا خاصة بيهم فيها الالعاب ديالهم و التلفازة شاعلة ملاهيين.....!

تغداو و بداو تيوحدو للعشاء...معاهم حتى نعيمة المساعدة ....جات زوجة رضا حنان بجلابة انيقة و حجاب مستور تتشبه للتركيات زوينة و هادية كيموت عليها رضا و صوتو مايقدرش يعليه عليها داخلة سوق راسها ماتجبد حد و حميدة عندها عزيزة وخا لويساتها صعاب و خاصة حلا ماعمرها بان عيبها شارية راحتها منغوزة غي من موضوع الولاد لي شحال من سنة وهي مزوحة و باقي ماحملات و تبعات مع شكال من طبيبة عسى تكون نتيحة....سلمات على عبد الله و حميدة و تعاونات معاهم بلا هدىة بلا حوج حميدة دور دورو تمشي عند عبد الله تنكر...

_ الفيلا كبيرة و انا بعيت مراة ولدي تسكن معايا ...واش الديور و الفيلا اعبد الله و ولدك مرزي فالكراء.....

هاد الموضوع فتحاتو معاه من نهار بدا يبني الفيلا و هي تتنكر عليه حتى لدابا عاد فكر فيه عبد الله و قرر يسكن معاه ولدو و مراتو حيت الفيلا كبيرة و بناتو مزوجااات كاملين و مايبقاش هو و حميدة ففيلا كبيرة قنطانين....!

جا حمزة و خوه و يحيى و الحاج ...جلسو مع عبد الله وورضا كيهدرو و يتناقشو ...اما حميدة فالكوزينة شافت حمزة و يحيى جاو و مشات تتسول حلا...

_ اجي نتينا فاينو عبد الصمد ؟ مابقاشي كيجي لعندنا والو ..

حلا : مشغول اماما ..بعض المرات تيغبر بلا هدرة لا جوج تنصوني مكيشدش ....

حميدة ( ماعجبها حال ) راجلك بانلي فيه الكبيرة و عاجبو راسو ماشي بحال حمزة و يحيى لا فشكل عليهم....

حلا ( باستغراب ) شوفلك على حميدة دابا عاد مابقاش كيعجبك ؟ ياك فرعتي ليا راسي بيه حتى تزوحت بيه عاد مابقاشي عاجبك...

حميدة ( خرجات عينيها ) شكون قاليك ماعاجبتيشي لهلا ينزل علينا الباطل ...السيد مصواب و مأدب و لكن كتحس بيه مكبر شوية هذا ماكان....

حلا ( مارضاتش ) اوا صافي ماعحبكش نتينا عحبني يانا ...

خرجات من الكوزينة تتلوى مخلية حميدة تتهز فراسها....

_ و شوفلك هادي رجعات مكترضاشي عليه ...

خلود ( وخا معصبة ضحكات ) قريبة دير معاه الولاد و بغيتي ترضى يتقال عليه العيب...

حميدة ( بقلق ) و شي نهار غيحمع معاها عبد الله الحساب داك النهار بلا حشمة بلا حياء قالك غنبات معاه...دابا تعمر الوالدة و تعمل بالناقص من شي عرس و هاد العرس دايما معكس مابغى يتعدل بالمشاكيل لي واقعة....

تجمعو الحباب و الازواج فالصالون البلدي الهماوي...خلود لابسة جلابة خفيفة و شال رطب مرمي على شعرها الوحم باين عليها من وجهها لي ضعاف جالسة قالبة وجهها من على حمزة لي بغا ياكلها بعينيه هاز بنتو موحشها زعرة بحالو تتحمق بالزين وهي باقية فالخروق جايبة العين فعوينات الملونين و ضحكتها الحلوة...فرحات بشوفة حمزة لي هزها تيوقفها بزز على صبيعات رجليها تتضحك و تغرغر و تعري السنينات التحتين ...

_ ببب..بب غغررىغ...

حمزة ( تيبوس فيها بحال الحمق ) شنوو بابيتو...بابيييتو....

تتشوف فيهم خلود بنص عين و تتقلب فعينيها ماحاملة تكمل الشوفة فيه ...عاد زاد تكلضم و تنور و اللحية نقص منها شوية و ريحة المسك فايحة منو باقية لاصقة فيديها ملي سلمات عليه فوق قلبها....يحيى حجبانو ماتفكوش و عينيه مظلمين و هدرتو تتشم فيها ريحة الجدية بزز من الطرف الاخر يرد عليه بجدية حتى هو.... جالسين كاملين من حنان و جبد ناقصة غي نسيم لي هبطات اخر وحدة هازة أزهار فيديها مخلية امير ناعس...لابسة جلابة حلا فالرمادي و شعرها محموع عالي ...رمات السلام و طبطب الحاج حميد حداه ببشاشة...

_ اجي ابنتي نسيم حدايا...

لبات طلبو و جلسات حداه مدات ازهار ليحبى شدها تتضحك توحشاتو....دارت رجل على رجل بديك الجلسة ديالها تيبانو الفخاض عامرين من تحت ديك الجلابة و الشعر مسرح محموع ورا ظهرها....تنهد الحاج تيشوف فالعائلة مبسم...

_ تبارك الله اسي عبد الله الولاد و الحفايد كبرو...الله يخليهم ليك هوما زينة الحياة...

عبد الله ( بجدية ) اللهم امين...كتولدهم و تبعهم و تحضيهم و تهز همهم بحال الولاد بحال البنات ...

الحاج : و حنا فالدنيا و غي بنادم من عظم و لحم كنغلطو و نعاودو ربي يهدينا و يهدي اولادنا...( شاف فنسيم مبسم ) خويتي علينا الدنيا دابا صافي مابغيتيش ترجعي...رجعي معانا للرياض الا غضبانة من يحيى...خليه مطوي بوحدو فدارو و عيشي معانا نتي حتى تريحي دماغك والنفسية تولي لباس ....الطلاق لا ابنتي الا الطلاااق مابغيتوش ليك ولا لولدي حفادي غيتشتو و هونا باقين صغار فكرو فولادكم و كبرو عقلكم...

نسيم حنات راسها ساكتة خاطرها مزير و كمل عليها حنى عقد اللع تيقنعوها يحيى ساكت قال لي عندو و سالى...الطلاق مغيطلقهاش زاد تيعصبها بسكاتو تبين ليها انو هدرتو لي خصها تكون و هي لي غنكون و هي ماعندها هدرة ولا كلمة...و تتحسو مامسوقش ليها خاطرها زاد نفر فكرة تجرع معاه دابا و لديك الدار لي تتفكرها تتخنق عاشت فيها غي فالبكاء ...ماخلاوش ليها تجبد كلمة الطلاق على فمها تعصب الحاج و عبد الله و حنى حد فيهم مارضى بالطلاق مصدومين من المواصيل لي وصلو ليها تيبانو هانين ماعندهم مشاكل ...مافهمو شنو وقع بين ليلة و نهار...شي جوج ساعات د الهدرة ونسيم تزيرات و حسات بالضيقة و البكية شاداها....شافوها قلبات وجهها و عينيها مدمعين حن قلب عبد الله و قال...

_ نسيم ابنتي حنا باغين مصلحتك....

نسيم ( تغلبات على اابكية بصعوبة عصبها سكات يحيى ) انا مابغيتش نرجع معاه العيشة حرارت معاه غي لا بغيتو ترجعوني بزز هاديك هدرة اخرى....

تدهشو من كلامها و عنادها ..مامولفينهاش هكا...

الحاج : لاحولا ولا قوة الا بالله....

يحيى تعصب و حمع ححبانو حتى جمعات معاه ازهار بضربة قاصحة لفمو لعبها باسل...ضحكات حميدة بزز منها و جراتها لعندها..

_ اجي التفاحة ديالي اجي...

جلساتها فحجرها تتلاعبها و الرجال تيهدرو و نسيم مصرة على كلامها ماعاوداتش شافت ناحية يحيى..و ازهار تتهدر بالجهد مع حميدة و هدرتها محربقة تتمشي تتسارا بين الرجلين تتضرب واحد بواحد شداتها حلا تتضربها لقزييتها بالضحك....حتى تتهرب و مشات تتجري عند الحاج حميد ناطقة بالجهد ...

_ زديدو انكولك انكولك ارفتي مامي تت نو باابيتو كيضرب مامي فالزكيكة هكا ( ضربات قزييتها تتوريه كيفاش )

غراقو بالحشمة و طلعات معاهم السخانة جراتها حميدة مخرجها من تما هاربة من بشاعة الموقف ...يحيى جمع حجبانو تيحك لحيتو حشم قدامهم بلا نسيم لي عينيها عمارو بالدموع حشمات حتى بغات تهرب و رجعات تبتات تترمش مزنكة و مشوطة ..كلشي غراق فبلاصتو و حشم و نسيم كلات الضربة كثار منهم حتى لسانها تكمش ....كلمة *الزكيكة * لي شداتها مابغات تطلق منها و لسانها ولى مسرح على ديك الكلمة تتفطر بيها و تعشى بيها و عارفاها شنو تتعني و عارفة بلي عيب و تتزيد تقولها ضد فكلشي ... نسيم حشمات قدام باباها و قدام شيخها و خوها و راجل ختها...لسانها تقطع و ضرباتها بقرمة بقات غي حميدة تتلف و تبدل الهدرة و كلشي قلبها هدرة حتى ينساو الموقف.......رجعو للموضوع الاساسي متلفين الحشمة وخا شي مانساوه..بقاو غي كيدورو فعينيهم ماعرفو ضربة ضربة ديال العنف ولا الضربة الاخرى...كل واحد و شنو كيدور فعقلو و كاملين بانت التزنيكة على وجهم و نسيم مزيرة خاطرها هارب.......شادة فكلامها شدة صحيحة كان ممكن تحني الراس و تسمع لكن سكاتو عصبها و استفزها لصقات فالفراق و مابغات دير معاهم حتى حل ..منافقة حتى بينها و بين راسها..لاصقة فالطلاق و داخلها كارهة الفراق....تعصب عبد الله و ظلامو عيون يحيى كثار و الحاج على فمو غي لا حولا ولاقوة الا بالله....سكتوو شحال تيخممو و يعاودو و يتنهدو بقاو فيهم دوك الولاد و الاسرة تشتت ....عاودو سولوها نطقات برجفة بكاء...

_ مغنرجعش معاه ...

تتقطع ليهم الياس بكلامها و تيزيد يحيى يكتم داخلو قريب ينفاجر تعصب و ناض واقف...

_ مابغاتش ترجع لهلا ترجع....

ناضو الرجال تيذكرو الله و جروه بزز يجلس و تزير قلب نسيم مارضاتش و شدات فهدرتها كارهة الشوفة فيه ...حتى نطق عبد الله بصرامة...

_ الطلاق صعيب بجوج ولاد نعلو الشيطان...مابغاتش ترجع خليها واحد المدة شهر شهراين حتى ترجع من السفر تكون رتاحت و دارت عقلها عاد نشوفو اش غيكون ...و تمناو يحصل خيير....

الحاج : كلام معقول... نتمناو...لاحولا ولاقوة الا بالله...

ناضت نسيم خارجة تتزرب حابسة البكية و طلعات لبيتها تتبكي على راحتها ...من تما ماعاودات هبطات ...مشى يحيى بحالو و خلود مع راجلها بقات نسبم فبيتها تتزير على فراش الناموسية معصبة ...

باقت نسبم فالفيلا مراقبة من عبد الله و رضا... حلا مسخنة كتافها بعبد الصمد ليىدوا معاها تتقوليه ماشي شغلكم و خلود مع راجلها نسيم لي حصالت وسطهم حاضينها فالصغيرة و الكبيرة....لكن مع دلك فدار باها معززة مكرمة مرتاحة و الخير فايض....

خلود ملي رجعات مع حمزة وهي مجرجراه وهو بغى يتسطى تابغها من قنت للقنت...

_ خلود مي برينسيسا عطيني فرصة....

خلود ( بعيون نارية ) حمزة بعد مني ....وضحتي شنو عندك و فهمتك و رجعت معاك لكن باش ننسى مانقدرش ندوزها ....

جرها لصدرو مزير عليها تيبوس فراسها بحب...

_ علاش اخلود قاصحة هكا...علاش...على قبل غرام نساي...بور فابووور ميامور....

كمشات عنقها تتدمع ..

_ انا حاملة احمزة مابقاش غي غرام .....

دخلات معاه الفرحة و وجهو تنور...بغى يتسطى ظل تيبوس فراسها و جهها فرحااان و على فمو غي ميامور مي فيدا مي برنسيسا...وهي تتبعد منو منفخة هازة فخاطرها منو...ظل النهار غيطير بالفرحة داير ليها الخاطر فوق القياس و فرح بالحمل...شحال وهوما مزوجين مشوقين فالولاد و بغى يتسطى ملي حملات بغرام و دابا الحمل الثاني حمد لله و فرح للنعمة ....غا تيشوفها تعصبات تيقلب ساعة بالاخرى داير ليها الخاطر ....مرة مرة تتجي حميدة تزورها تيبقى فيها و تظل توصي فبنتها...

_ و تهلى فيه اخلود راه ضريف و حنين مسكين و قلبو كبير ..

خلود ( بغيرة ) مم قلبو كبير يقدر يهز جوح دقة وحدة انا تصدمت فيه مانقدرش نعطيه الثقة ديالي يعاود يصدمني....

حلا خرجات من البوتيك بأناقة شعرها حرير تيلعب وراها من البوتيك للطموبيل مابقاتش تتقدر تحرك بلا طموبيل و تمشي بوحدها فتطوان وهي بداك اللباس و ريحة الفلوس تتشمها فيها من بعيد...نهار تعرف راها تمشى على رجليها تتلبس ملابس عادية و تخبي فلوسها و دهبها....تحركات من تما و دخلات وسط الاحياء الشعبية واقفة بالطموبيل فراس الدرب خبات صاكها و ذهبها تما عاد خرجات تتقلب على دار خولة ...عقلات عليها بصعوبة و وقفات تتدق و تعاود و البركاكة تيطلو عليها من السراجم....فتحات ليها خولة بعد ماعرفات شكون غي شافت حلا حنات راسها حشمانة منها...

حلا ( بابتسامة مجاملة ) و على سلامتك اختي ماعرفناك حية ولا ميتة....

خولة ( رحبات بيها حشمانة ) مرحبا اختي حلا....دخول غي سمحلي على الروينة كنت كنخمل ...

دخلات حلا تتقرقب بالبوط عالي فخم و مونطو تابعو فالسواد و صاك ديال الجلد فالاحمر غامق....جلسات على المطربة تتبسم بمجاملة ..و خولة تتزرب حداها لابسة بيحامة ديال نسيم مزيرة عليها و شعرها حامعاه بزيف حياتي ....

_ حلا : غي خلي اخولة و اجي نهدرو توحشت الجموع معاك...شنو كتعاود و فاين غبرتي و شنو كتعمل غزلان...فين الوليد ؟

خولة جلسات حداها حشمانة تتشوف فحلا دايرة كي البلار انيقة و دفرانها مصاوبين و عايشة فالنعيم و الفيلا بقوامها تتبهر العين جاية لعندها و جالسة فوق مطاربها البالين....

_ ناعس...غزلان فالمدرسة ...نتينا شنو كتعاود عملتي العرس و لا باقي....

حلا : لا الحبيبة باقي ماكتابشي نديرو و مغنديرش العرس غي حفلة صغيرة و تصيورات و صافي ....

خولة ( ابتسمت ) الله يكمل عليكم بالخير....

حلا ( حطات صاكها حداها تتبسم و تتصرف بعفوية ) نتينا عارفة علاش حيت اخولة...عارفة وقع مشكل بين ختي و راجلها...هو تيدوي ليها على خولة بنت عمي وهي حساب ليها نتي...

خولة ( بدهشة ) نعيمة قالتلي انا و سباتها فيا و انا والله مكنعرفو ولا شفتو فوجهو ...

حلا ( بجدية ) شوف اخولة...انا عارفة طينتك نتي زوينة و خا هكاك مابعتيش زينك و رميتي راسك للواد الخانز الله ينجينا منو...ختارتي الرزق الحلال تكبر بيهم ولادك ...و انا عارفة الولاد و مصاريفهمم و الحياة صعيبة و البشر كاين المزيان كاين العيان...لو كانت واحد الشاطا ماطا كانت خدامة عند نسيم غتكون دخلات السوسة بين العائلة بكمالها و سرقات الراجل مراتو ...

خولة ( بخوف ) الله يسترني اختي انا ماشي هيداك...

حلا : و انا عرفتك ماشي هكاك عليها دخلتك لعائلتي و لداري و ماما ملي وقع داك المشكل و بالها مسكينة معاك و مع ولادك بقاو فيها....شوف انا بعد الحفلة ان شاء الله غنمشي انا و عبد الصمد لليونان و ملي نرجع غتبقاي تتعاونيني انا مرة مرة ملي نحتاجك...و تنعرف كليانة ديالي مرا كبيرة عندها دار فبوز اغلال نييت محتاحة شكون يعاونها تتطيح غي فالحرايميات و تيسرقوها وهي نية مسكينة...غتهلا فيك مزيان حيت ماعندها حد هنا...ولادها عايشين على برا و مراة حنينة بزاف كتموت على الولاد صغار...

خولة ( فرحو عينيها ) الله يكبر بيك الله يكثر من خيرك اختي و يخلي ليك سي عبد الصمد و يفرحكم ياربي لهلا يحشمنا....

تهنات حلا من ناحية خولة و خرجات من عندها سارقة العين فالحومة..... طرقات مسمار خولة بقى ليها تشوف الحفلة ديالها و تفرغ ليها...

"البشر" انواع ..ماشي كاع البشر خايبين و ماشي كلهم مزيانين...فرق بين بديعة و خولة...كل وحدة و ايمانها و تربيتها و قناعاتها ...و ماشي اي ارملة او مطلقة سراقة الرجال و خارجة الطريق و طماعة ...كاين لي غرضها فهاد الحياة هوما ولادها تقطع حتى تكبرهم...لو تقدم ليها واحد بحال حمزة عازب كانت تقبل على قبل ولادها لكن متزوج من وحدة ماشافت منها غي الخير تموت و ماتعضش يديها....!

سالات خدمتها و مشات تزور لالة عيشة ملي سكنو فالفيلا ماعاودات شافتها...فتحات ليها صفاء و طلعو تيضحكو فالدروج ...

_ عيشة غتحماق بالفقصة خصها تعيش ففيلا ...

حلا ( هزات حاجب ) و من حقها مسيكنة تفرح براسها حتى هي شنو تبقى غي تفرج فصحاب الفيلات وهي عندها باش دير جوج هههه لااا..

سمعاتهم عيشة من الفوق و طلقاتها للنكير...

_ عاد دابا تفكرتي يماه د الراجل و ماجا طلل عليا و تربية هادي مربية ...

باستها حلا فخدها تتبسم و تفكر السليبات لي دارت ليها الشوك فيهم ماسمعات عليهم والو واش لبساتهم ولالاء واش جابتهم من كتامة مافكراتش فالموضوع ...

_ ولاهيلا فبالي...مع الخدمة و المشاكل ماساليناش...

جلسات عيشة منفخة شحال و ناضت للكوزينة تتشوف فسكينة تتوحد فالمشروبات مشات دفلات فكاس العصير د البرتقال جوح دفلات و خلطاتهم مخلية سكينة مخرجة عينيها ماعندها القدرة تهدر...معروفة حلا تتشرب غي عصبر البرتقال دايما....خرجات عيشة من الكوزينة و جلسات هازة تليفون كبيير فالبرتقالي تتلعب فيه و تحركو بصبعها السبابة تتبان بيه قدام حلا و حلا مصغرة عقلها معاها...

_ غزال هاد اللون كيحمق ..بصحتك اخالتي...

عيشة ( بنص عين ) ممم شوية و غيتهرس....

حلا ( ضحكات ) لالا ماشفتو غي بعين الرحمة...قولي صيفطتلك ابوني فانستاغرام ديالك نتابعك مابغيتيشي تابعني حتى انا...

عيشة ( علات حاجب للسماء منفخة ) كيفاش عاود...

نقزات صفاء كتوريها حابسة الضحكة...

_ هيدا كتعمل ..و هاهي احلا صيفطاتلك ابوني قبل نتينا عاملة كونط بريفي...دابا اخالتي عيشة غنشوف تصاور حلا كاملين و فين مشات و فين جات و مع من مشات...كدير التحركات ديالها فالستاتي...

عيشة ( بعجب ) العجب...وخا تكون مع عبد الصمد غطعللي ...

حبسو الضحكة بجوج ..و ردت صفاء...

_ بعض المرات نتينا و زهرك ...هاك طلع تشوف فالتصاور ديالا ...

حيدات ليها عيشة التليفون شاداه بيديها بجوح تتطلع و تطلع فالتصاور الزين منشور حتى توقفات عند اخر تصويرة ديالها مع عبد الصمد و فوطو ملي هاز ليها صباطها...خرجو عينيها و قندشات...

_ هذا ماشي عبد الصمد ديالي هذا شي واحد اخور ماشي عبد الصمد مباينشي وجهو...

حلا طلات عليها تتشوف حابسة الضحكة...

_ واش هذا لي هز الصباط هو اخالتي شوف الساعة ديالو ...

قندشات عيشة و قلبها كحها ركابيها فشلو ..عندها الراجل يهز صباط مراتو مصيبة و كارثة صفارت و حقدات وهي مكمشة عينيها تتحاول تهجى شنو مكتوب تما مافهمات والو ...و عيطات لصفاء بنبرة قاسية...

_ اجي قرالي شنو هادشي مكتوب...

حلا : انقرى ليك اخالتي...

بعدات عيشة تليفونها مخنزرة....و عطاتو لصفاء تتقرا ليها بشر...

_ كاتبة لا أحب آن أضع السكر لقهوتي

يكفي آن اتلو إسمك ثلاث مرات على فنجان قهوتي... فيحلو هو وآذوب انا...

عيشة فهمات غي الحب ما الحب و القهوه...غوبشات و نطقات...

_ شنو كيعني هاد الفجور....

حلا حبسات ضحكتها تتسمع صفاء تتشرح ليها...

_ كيعني بلي عبد الصمد كيجيها حلو كثار من السكر اخالتي ( حبسات الضحكة و عينيها عمارو بالدموع و كملات تتشوف وجه عيشة المخنزر ) و هنا كتقول مكتبغيشي تعمل السكر فالقهوة غي اسمو كافي يرجع القهوة حلوة و يدوبها...

عيشة ( بقسوة ) الفجوور يخخ ...قلة الحياء بالعلالي...تفو تفو....يحخ تربية ناقصة مشات الحشمة ...

شربات حلا من العصير تتجاوبها...

_ و كنبغيه اخالتي شنو عندي ماندير....ماكرهتشي المغرب تعرف ...

تغددات عيشة حتى بداو الطبايع زرقين خارجين من لحمها من نهار تزوج عبد الصمد بيها وهي من فقصة لفقصة و تتبردها بالدفال فعصيرها...شربات حلا من العصير تتبرد بيه...و بقات معاهم دايرة الصواب حركاتها و تصرفااتها و حلاوة صوتها و لسانها تتجيب لعيشة الفقصة...حتى كيفاش تتصرف بحال مولات الدار نييت ماشي عيشة...تتحسسها مالكة المكان و مالكة قلب عبد الصمد ...لي دخل تيزور عيشة عاد حا من مراكش و جلس حدا حلا جارها لصدرو تيلعب فصبعانها باعجاب و تيجاوب مو لي غطرطق حداه...

_ تنا يانا خصني نمشي لمراكش ..

عبد الصمد ( هز عينيه فعيشة و يديه تيلعب فخصر حلا ) فوقاش بغيتي تمشي ؟ نشوفو مع كريم مسالي...

عيشة ( كمشات فمها ) نتوما بعد العرس لاين غتمشيو ...

حلا ( يديها على صدر عبد الصمد و مرة مرة تتلعب فالسنسلة فعنقو مبتسمة ) غنمشيو لليونان اخالتي ....كنت باغية نمشي لدومينيكان و عملت بالناقص حتى لشهر 6 و نمشي اذا بقينا فالحياة...

عيشة ( بغباء ) ماعمرني سمعت بيهم فاين جااو...

حلا( شافت فيها ) جاو فالخريطة اخالتي...

زير عبد الصمد على خصرها بصرامة حتى قلباتها ضحك و تحلوين...

_ خسارة كون مشيتي معانا اخالتي عيشة ...

عيشة ( نفخات ) غنمشي عند العايلة ديالي لبلجيكا ....

عبد الصمد : وخا الالة يما....

بقاو مع بعض تيهدرو و حلا في صدر عبد الصمد مخشية تيقوليها تبات معاه اليلة ماتتبغيش ...جا سعيد و ناض عبد الصمد خارج معاه....بقات حلا مع صفاء و سكينة تيهدرو و بنت صفاء تتلصق فحلا باغية تبوسها تتعيط ليها مرات عمي عطاتها حلا الخاطر شوية...حتى تقلبات عليها مابقاتش ليها كانتها...عيشة مخشية فالتليفون تتفليه و طالعة نازلة فالانستاغرام من هنا و تخربق لهيه حتى لقات راسها طالعة لايف و ماسايقة خبار تتشوف فكمارتها حساب ليها تتصور....وهي طالعة لايف تتغوت على حلا...

_ هالة جبلي نشرب....

جابت ليها حلا تشرب و جلسات حداها تتشوف فتليفونها و تدوي مع خلود فالواتساب....و عيشة تتشرب و تقاد الزغب الحمر خارج ليها من الفولار عجبها راسها تما و جاها وجهها تيبان زوين و مطلوق ...حتى شافت الكتبة تتطلع ليها و غي الرجال تيموتو بالضحك...

_ الميمة دوزي بريفي....

_ الزين فالخمسين ...هازة ثروة فيد و ختها فيد اخور شمن جهة ساكنة الزين....

تغزلو بيها و شدو فيها عيااو وهي تتهجى تتحاول تقرا تخلعات و حسات بشي حاحة ماشي هي هاديك خنزرات فحلا و نطقات...

_ هالة اجي دغيا اجي شنو هادشي...

حلا شافت فالتليفون فعفوية و شهقات بالزربة خاطفة ليها التليفون موقفة الايف...

_ كنتي طالعة لايف اخالتي دوك 200 لي عندك كاملين تفرجو فيك...

عيشة ( صفارت بالخلعة ) علااه كيفاش تفرجو فيا كيراقبو فيا ولا ...

حلا ( عاقدة حجبانها تتشوف فالميساحات ) و البراهش حق الله دارو ليك السكرين كااع حايين عندك بريفي واحد قالك خصو يتزوج و كيموت على الميمات...تفو يخليها سلعة...

نقزات عندها عيشة تتشوف ..

_ فين هو فين...فاين شافني و علاش شافني...كيراقبو فيا هادشي ماعحبنيشااي ....

حلا :انا غنقي ليك الكونط و نديرو بريفي و ماتقبل حتى واحد فيه و سول صفاء اللول...عرفتي راه شي براهش فهاد الانستا خصهم غا يطلعو وخا على ظهر غيرو ...يهزو تصيورتك و ينشروها و يقولو ها واحد الميمة لباس عليها بغات تبنى واحد صغير و عندو مؤهلات عالية و غتهلا فيه و الصورة ديالك غتنشر و تشوه....

تخلعات عيشة بقات غي تترمش ...

_ مسح مسح تفو ...

حلا ( تتشوف فيها بنص عين ) وهانا كنمسح...و خالتي نتينا زوينة الصراحة شحال من راجل يكون شافك و بغاك ...اجي ماعمرك مافكرتي تعاود تزوج و تعيش الحب و تسخن جنابك .....

شعلات فيها عيشة و ناضت تتغوت و تنفخ...

_ و ماشي شغلك ماشي شغلك كاحمقة مامسطية...

تجمعو صفاء و سكينة كيشوفو و حلا جمعات الوقفة تترمش...

_ و ماحسابليشي غتغوت هيدا صافي غي برد اخالتي برد...

صعرات عيشة و كبرات المشكل و ناضت تتعرعر ليهم تما و غي جا عبد الصمد تلاقاتو تتغوت و تشكي و تعاود اش قالت....مخلية حلا مخرجة عينيها...

_ جمع المرا ديالك اعبد الصمد قالك خصا تزوحني ...قلة الحياء واش صاحبتا انا تهدر معايا هيداك بنت يماها انا....

عبد الصمد ( عقد حجبانو مقصح الشوفة ) بردي الالة يمة...بشوية عليك ...

عيشة ( بالغوات) علااش تقولي هيداك خيااار قالك ماخصكشي تزوج....ماتهدرشي معايا بحال العايلة د يماها...

حلا تدخلات تتلطف الحو هاربة من شوفات عبد الصمد...

_ ماقلت والو فهمتيني غلط اخالتي...

غوتات عليها عيشة مقصحة الشوفة...

_ سكووت سكووت ...

عبد الصمد ( حرك السوارت فجيبو و ظلم الشوفة فحلا ) سبقيني للطموبيل....

حلا ( تترمش ) عبد الصمد سمعني...

عبد الصمد ( بحدة ) حلاااا ....

مشات حلا تتدور فعينيها هزات صاكها و خرجات تتفكر فشي حل يفلتها من نكيرو اليلة...طلعات للاوطو و ستناتو حتى هبط ركب و قلع شاعل...

_ عبد الصمد انا ماقصدتش شي حاجة...انا نفهمك شنو كاين...

غوووت عليها حتى قفزاات ...

_ شد فممممك ....

مارضاتش يغوت عليها و قلباتها غوات حتى هي...

_ علااش غنشد فمي ماساكتاش انا...الا كتعرف تغوت تنا كنعرف...

جرها من رقبتها لعندو وهي تتغوت وهو بحال الثور...

_ لسااانك نقيييه ماتخدميش فهايمك على يمااا....انا كنجمع ليك

حلا : طلق منيي الزمر...

عبد الصمد ( بحدة ) والله ابوتا حتى نقلب جدك وماتزيري معانا...

عضااتتو فرقبتو تتغوت معصبة

_ طلق مني بوتا نتا عارف شكون بلا مانقول انا بزاف عليك....الحمااار...

وقف الاوطو حدا دارووو و تقلب لعندها تتغوت وهو جامع حجبانو مزير على ذقنها بنظرة تهديد...

_ الا كتقول ولداتك يماك بلا عداب...قولي شكون هاد بوتاا....

حلا ( حمرات عينيها فعينيه ) هي هاديك لي فبالك....و الا عاودتي قولتيلي ديك الكلمة غنحطها ليك فوسط كمااارتك و نقوليك شكون هي البوتااا....

زير على ذقنها حتى غوتاات تتدفع فيبه ..قلبوها صباااط و سبااان ومابغاتش تطلع معاه للدار بغات تمشي لدارهم...طلعها بحال الحولي صباح العيد تتجبد و تسب و الشارع خاوي ...طلعات تتعض فيه و تجبد حتى هزها مخليها غتجنن...

_ طلق منيي....الزبل ولد كتامة زبااالة شنو غنستنى منك...وخا تعيش مع الݣور غتبقى مبربر جبلي ريفي مغربي حمق مخلخل ...

عرقاتهم ليه حتى دخلها لبيت النعاس و رماها على الناموسية راسها حساتو تزعزع....تجننات من برودة دموو و بدات تتسب فيه....

_ مغنباتشي معاك...غنمشي لدارنا...ماحاملاشي نشوف فالكمارة ديالك...كاين شي قمقوم بعقلو كيقولو لمراتو بوووتا الهمجي البربري الطونطو....أوونكي لا مونا سي ڤيسطا دي سيدا ..مونا سي كييدا.....

( المعنى القرد وخا يلبس الحرير غيبقى قرد )

ظلامو عينيه و زيرها وسط الناموسية بغات تسطى بالغوات و السبان و الاسبانية العوجة...ماعرفها عايراتو هو و لا عايرات مو بالقردة ...

زير على فمها مخسر كمارتو...

_ يما عطيها التيقار ماضحكي معاها ماضحكي عليها....الفهايم العامرة ديالك خويهم فلافابو ماشي على راس يماااا......

كمشات ليه وجهو بيديها تتجبد و تعض فيديه على فمها حتى صعر و حمع ليها يديها الفوق تتجبد تحتو و تسب وتركل ...

_ يمااااك كان خصهااااا تشد على همها بالقفل و ماتولدشي قرد بحاااالك....

ميل شفايفو بابتسامة غير مريحة و زاد زير على يدييها فوق منها حتى طلقات حلوقها للغوات...

_ باغية ت**وديها معايا ...

حلا حسات بصدرها تسحق بصدرو و يديها فوق راسها مقصحة مامولفاش العنف و تتكرهو...شافت فيه بعيون حمراء و حجبانها طالعين للسماء...

_ ماتقولييشي بوووتاااا...انااا ماشي بوووتاااا ...

فتح ليها سنسلة السروال تيدوي بالثقالة وهي تتركلو و تغووت....

_ خوي راسك من يما و ديها فشغالك و هني بالك منها مي بوووتاا....

شافت الغواات و التسطنيح ماعندو نفع معااه و قلباتها بكاااء تتركل برجلييها و تتكمش حجبانها من اصابعو المتمردة على انوثثها تتهز بوحدها...

_ انا ماتقوليشي بوتاا و هانا بخيير....يماك انا ماهدرتشي معاها...كانت عاملة لايييف و جاو كيخطبو فيها فبريفي والله ..( غمضات عينيها ) ايييي لااااا زووول يدييييك تفووو ...

سمع كلامها تكى حداها و قلبها لصدرو تتبكي...

_ شمن لايييف هذاا !!

حلا ( تتدمع ) لاايف فانستا يماك مكتعرفشي و طلعات لايف و جاو الزلالة كيتززلو عليها و كيخطبو فيها...فبريفي و انا قلتلا اي واحد غيشوفك غيبغي يتزوج بيك وهي ناضت تتغوت عليا و كبرات الموضوع ..

عبد الصمد سخط مزيااان حس بالعافية...مو تيتزللو عليها الشمااايت....قلبها من فوقو و ناض تيقلب على تليفونو تيعض فكو مغدد....تقلبات حلا على ظهرها تتنهج و سترات ثدييها و طلعات سنسلة البنطلون تتحمع فشعرها و تسمح فدموعها منفخة تتشوف فيه عاطيها بظهرو العريض تيدوي مع سعيد بين سنانو معصب...

_ شد ليها الزمر و هنينا ...لاا بلا ماتعيق غا شد و قوليها طار ولا تبخر لبق شي كدبة ....

بقى شي ربع ساعة تيهدرو وهي حاضياه حتى سالا و دار شاف فيها لقاها قالبة وجهها منو رمى التليفون و جرها لعندو تيعض فودنييها وهي تتغوت و تدفع فييه...

_ واللله و تعاود تقولي بوووتا حتى نطيرر مانعاود نرجع ....

عبد الصمد ( بالثقالة ) بغيتي نموت ؟

حلا ( عينيها فعينيه حمرااا ) نعرف نحرق الدار و نحرق راسي معاااها....و اقسم باالله حتى نديرها الا عاودتييها....

ضحك حتى عصبها و جلسات جالسة منفخة مرة كيعجبها و مرة كيفقصها.....سمعاتو نطق عند ودنيها مبرد..

_ على بالك راك شارية بلاصة فقلبي التحف ديالي....

حلا ( شافت فيه بنص عين اول مرة يقولها ليها ) معرفت شحال من بلاصة عندك للبيع فداك القلب.....

عبد الصمد ضحك بالثقالة تيراضيها بالدلال و لمسات حنونة من يديه الحرشة عندو عزيزة و غالية و معجب بيها لدرجة كبيرة ولكن غا تيوصل الموضوع لمو مايعقلش عليها ....خلاتو تيشم فشعرها و يداعب ثدييها بيديه حتى سخنات و ضربات يديه تتفك راسها منو خلاتو منشور و ناضت تتسوط و تنفخ و دخلات نعسات فبيت اخووور شادة عليها الباب...تكات تتنهد و تحلف فعيشة...

_ غاااا هو لي عندو يمااه...الشارفة د خلااا....

باتت تما مخشية تتدعي و تسب فيه و فتاصيلتو...حتى للصباح لقاتو خرج مخلي ليها المونطو ديالها و صاكها...لبسات عليها و شدات طاكسي لدار عيشة خدات طموبيلتها و زادت للفيلااا دوزات النهار مغوبشة و ساخطة...جلسات معاهم للغداء كانت تما حنان و نسيم و حميدة الرجال خارجين...نطقات نسيم بعد فترة صمت..

_ نخرجو اليوما ؟

حلا ( الا الخروح ماتقولش لا ) فين بغيتي تمشي ؟

نسيم : فين مابغيتي...

واقفات حلا و حنان علمات رضا قاليها وخا و خلود رفضات تخرج مريضة ... ناضو تيلبسو و يتزينو حنان بلباس محجبات مستور و انيق ونسيم بملابس جديدة عاد شراتهم غوب سخونة فالابيض و بوط أسود طالقة شعرها حر و زوين مع ظهرها جبدات عينيها حتى هي و عكار خفيف مخلية الاولاد مع حميدة ..و سبقو حلا لبرا كيستناوها خدات وقتها فالكامل عاد هبطات لالاهم حلا بنطلون أسود كلاسيكي و شوميز منمر مستيلية و شعر مطلوق كانت فكامل اناقتها خلات حميدة غا تولول ...

_ حيد داك المنمر الشيخة....

حلا ( علات حاجب ) عرفتيها شحال ساوية خليني ساكتة بلا مانصدمك هاذي ماشي جلابة د النمر ديال مية دريال تيلبسوها الشيخاتتت ...بحال هادي تيلبسها غا شكون شكون و لي كيعرف با يمشي يدعيه...

شدات فمها تتشوف فبناتها و مراة ولدها خارجين تتدعي معاهم فقلبها... مشاو لطنجة دارو شوبينغ و نسيم فين ماتشوف الابيض تتبغي تشريه حتى تعصبات حلا و بزز منها خدات ليها الوان عاطية للعين منهم واحد الكسوة فالاحمر بحال لون الدم ...

_ عرفتي الاحمر كيف كيجيك انسيم كيحمق ..

حنان ( بتأكيد ) سي غيجيها زوين بزاف غا هي مامولفاشي غيقولا عقلها كلشي كيشوف فيها ملي تلبسو ...

بقاو معاها حتى قنعوها و خداتها و خدات حويجات اخرين حوايجها خلاتهم ففاس و بدات تتشري كلشي من اول و جديد ..بيجامات و قنادر و جلالب وكساوي ماخلات من حتى حاجة و اغلبهم مفروضين عليها من حلا و حنان حيت ألوان جدابة و عاطية العين و قليل فين تتلبسهم و كاين الوان عمرها لبساتهم ولفات تيعبجها الابيض و لي تابعو تتموت عليه ...عمرو طموبيل حلا و نسات شوية همها مع الدوران و البشر و فطنجة الحديد واعر مشيير و المشاريع الكبرى و الزحاام و حوادث السير تتكون زايدة على تطوان كملو الدوران ديالهم و حلا التصوير عندها فالدم صورات تصيورة جماعية و غطات وجه حنان و نشراتها جلسو يتغداو و نسيم جبدات تليفونها تتسول حميدة على الولاد..رتاحت علبهم و بدات طالعة نازلة فالانستاغرام وهي تلمح صورة يحيى قلبها قفز و اصابعها تمردت و دخلات لحسابو شافت اخور الصور لقات صورو ضاحك و باينة من عينيه فرحان...تيقطع طارطة مكتوبة فيها تانكيو بالاسود و المتدربين مدورين حدااه كاتب تحت الصورة من حفل ختام الدورة و ناشر صور اخر فيهم بطاقات الشكر ليتكتبات ليه....ماكاين غا التمجيد و الشكر وحدة كاتبة ليه بخط يديها مثلي الاعلى و كلمة الشكر لا تساوي ثمن مجهودتك ادام الله صحتك و وقعات التحت باسمها مهرة ....

ححبانها كانو كيتكمشو بلا ماتحس والشهية تسدات ليها حطات التليفون و حطات يديها تحت خدها ساهية....عيااو معاها تاكل مابغاتش و غي ساكتة و عينيها غراقو بالتفكير و الحزن ..بغات ترجع بحالها دغيا و لباو طلبها راجعين بحالهم....باليل تكات نسيم مع ولادها فوق الناموسية...لابسة بيجامة مزيرة سخونة و شعرها مطلوق كيدفيها و الولاد فايقين كيستناو اتصال يحيى ...اتصل بيها وناضت بالزربة حطات ليهم التليفون مكالي بنونوس ازهار و فتحات عليه مخلية الكاميرا تبين غي ازهار و امير و بداو كيضحكو وكيهدر معاهم و ازهار بدات تبكي عليه و تجبد و نسيم خيالها مكيدورش قدامو حتى صوتها مقطوع ...غي سالات المكالمة هزات تليفونها و نعسات ولادها فرحانين حيت هدرو معاه...بقات ليل كلو تتقلب و ترجع تشوف فالتصويرة الوحيدة لي بقات ليها من زمان ..كانو في طنجة عاد تخطبو مدرعها من اللور تيبوس فراسها ضاحك و عينيه كيبرقو وهي كثار منو....

دمعو عينيها من الصورة و حسات بالحسرة على دوك الايام....حطات تليفونها و تقلبات تتقلب على النعاس...مانعساتش تتفكر و تعاود فحياتها السهرو الارق ثلاث ايام وهي النعاس هارب عليها باغية تفكر لراسها صافي علاش تتخبي الحاجة عندها...علاش تتعمر قلبها و تتمرض راسها علاش المكتاب هو لي غيوقع وخا طبر اذن لاش تتفكر و تخمم....نعسات و قلبها معلق....

الايام دازت تتطير و حلا تتجري و طير معاها شحال وهي تاجل و توخر الحفلة حيت عاحباها حياتها الحالية نهار تعصب من عبد الصمد تجلس فدار والديها و نهار تعصب من واليديها تجلس فدارها و هذا ماعندو الحق يديوي...بداو تيوحدو للحفلة ديالها بغات حفلة تلبس غي لاغوب فقط مابغات عمارية لا والو عيااات ترغبها حميدة وهي راسها قاصح...ختارت غوب زوينة فخمة و عاطية العين تيشهقو ملي كيشوفوها و خواتاتها و بنات خالاتها وبنات عماتها قررو يلبسو فساتين ملونة باش تبقى العروس الوحيدة بالابيض....عجبانهم الفكرة و تحمسو ليها ....نسيم وقتها عماار هاد الايام متبعة مع كوتش لطيفة تتمارس اليوغا و منخرطة فنادي فتطوان تيديرو رحلات للطبيعة و للبحر و يتأملو طاردين الطاقة السلبية ...و اليوغا على الصباح مع اصوات الطبيعة و الخضورية ولات من افصل الاوقات عند نسيم ولات هادية كثار و خفيفة ولفات كل نهار فالصباح تتجلس فالرملة و تمشى فيها حافية القدمين تيكون السكات و صوت امواح اابحر و التأمل و طرد الطاقة السلبية اثرات هاد العادة بزاف على نفسيتها ولاو عينيها تيضحكو و تتفكر بايجابية و هادية بطريقة تتجيب الراحة للطرف الاخر ... ولادها دخلاتهم لاكخيش بموافقة يحيى ولاو كيعرفو يهدرو شوية و امير ولا اجتماعي مابقاش منعزل و خواااف ... يحيى من داك الوقت ماشاف وجهها ولو بالصدفة ...تتغبر خيالها من قدام عينيه ....صباح صباح السبت و العرس يوم الاحد...فاقت كيف كل نهار مع 7 صباح ...تتصلي و تمشي للبحر تتحيد من رحليها و تمشى فالرملة هاد الثلاث الايام لي دازت كانت الشتاء و مامشاتش للبحر حتى طلعات الشميسة اليوم و عجبها الحال......ربعات رحليها فوق الرميلة و خدات تصويرة ليها ضاربة فيها الشمس و عينيها ضاحكين حطاتها فالستوري فالواتساب و الانستاغرام محددة الساعة و الدقيقة .....قليل فين تتحط شي حاجة و حسابها شبه خاوي تصويرة و لا جوج ديالها من الجنب و البقية تصاور الطبيعة و البحر و الورد ....

ماعاوداتش هزات تليفونها بقات جالسة تتأمل البحر و كانو تما النساء تيحريو و وحدة هازة كانيش ماشي غي هي لي حسات بسحر البحر على الصباح و الشميسة سخوونة....كانت راحعة بحالها تتشوف فتليفونها تتجاوب حميدة اوديو..

_ انا راجعة اماما راجعة دابا ...مالو امير كيبكي...

حميدة : فاق و مالقاكش و ماتعطلشي ابنتي باش نفطرو...

خرجات من الواتساب حتى تيوصل ليها اشعار بلي يحيى حط صورة جديدة وقفات بملامح هادية تتشوف شنو نشر...لقات صورة من حفل التكريم..تيباركو ليه فالتعليقات حتى صفوان كومونطا لييه و نادية و نجلاء و زاينة و لبنى و هبة و اصدقائو و حتى من خلود كتبات ليه....

طفات التليفون وكملات طريقها تتشم الهوا ديال الصباح نقي و الشميسة سخوونة....مشات للفيلا عرقانة طارت دوشات هو الاول عاد هبطات عند ولادها و بنت خلود تتغوت تتمشي من يد ليد ...فطرو مع حلا لي صابحة منورة تهلات فوجهها و شعرها و لحمها كلو ماخلات حتى قنت لابسة بيجامة بيضة مزيرة على صدرها و مؤخرتها و خاتم الزواج فيديها و شعرها الاصلي اسود لامع ولى تيوصل ليها لنص ظهرها...لي شحال ماشافها و شافها دابا يتعجب...و منهم بنت خالتها هيام...

_ العجب شعرك بدا يطوال...

حلا ( رجعات للور فرحانة بيه ) تهليت فيه اختي و شبع خنااث و فشوش كثار من وجهي بالسيف عليه يطوال و هاهو طوال نهار نمل غنقطع يماه للكتاف....

نسيم ( دايرة رجل على رجل تتبسم معاهم ) و فين عمرك خليتيه يطوال فين مايوصل لظهرك تتقطيه ....

خلود ( شافت بعفوية فشعر نسيم ) شعرك نتي انسيم سبحان الله دغيا كيطوال ..اجي بدل شوية اللون مثلا فالشكلاطي ....

نسيم ( بتفكير ) ماعرفتش راه تتجيني فشكل نبدل لون شعري ماعمرني مادرتها...

حميدة ( بضيق ) و سمع نتينا لهادو خلي كون كان يجي معاك الشكلاطي كون ربي خلقك بيه....

بقاو تيتناقشو على الشعر و الحوايح و الموضة و اللباس و السفر و غي البنات محموعين تما...بنات الخالة و بنات العم و العمة و الخالات والعمات الفيلا عامرة منشطين فرحانين و الزين و الاناقة مشيييرة و العمال على برا تيوجدو الجردة و الاضواء و الديزاين.....فعز النقاش صونا تليفون نسيم فيد ازهار غي شافت صورة باباها صاحت بفرحة تتوريه لنسيم...

_ باااابييي...

كلهم شافو فنسيم و من نسيم للتليفون...مابانتش ردة فعل قوية على ملامحها وخا قلبها الداخل قفز حيت ملي تيبغي يصوني على الاولاد تيصوني ابيل فيديو هزاتو و جاوباتو بهدوء ..

_ آلو يحيى..

ماسمعاتش ردو مع الجماعة و خرحات للجردة ..

_ ماكنتش تنسمعك الداخل...دابا مزيان ؟ كيف داير لباس عليك....

يحيى ( بدفىء ) الحمد لله و نتي صافا ؟ رتاحيتي شوية ؟

نسيم ( بهداوة ) انا مزيانة ايحيى الحمد لله ....

يحيى ( قلبها جدية ) انا جاي الاثنين ان شاء الله باغي نشوف الولاد ...

كتمت قساوة كلامو بصعوبة و ردت محافظة على هداوتها...

_ مزيان الله يوصلك على خير حتى هوما توحشوك بزاف ....

يحيى : تنا توحشتهم...( تنحنح و كمل ) صيفطي ليا تصاورهم فالحفلة...

نسيم : وخا ان شاء الله ضروري..

طول المكالمة عن قصد تيسول...

_ امير ولف صحابو ؟ مزال كيخاف ...

نسيم : غادي و كيتطلق معاهم وولف صاحبو إياد و تعلم ينطق سميتو صحيحة و سمية أزهار حتي هي مابقانش تيعيط ليها أزا...ولا تيقول أزهااا ....

ضحك يحيى ضحكة خشنة ...

_ و فين الراء ؟

نسيم ( قلبها بغى يخرج تتجاوبو بهدوء ) ماعرفت فين تلفها ....مهم بسلامة ايحيى مشغولة شوية حتى لغدا و نصيفط ليك تصاورهم..

ودعها بجمود بحال مارضاش ..! ماعارفش راه تتعاود تسمع مكالمتو المسجلة كل ليلة ...دخلات للفيلا و جلسو شوية حتى وصل الموعد و مشااو دارو بحالتهم نهار كلو قابلو غي راسهم ...دارو حمااام تركي على اصووولو بالبخار و العطوور و االاسترخاء...ووىام وسطهم كي الفرفارة...عحبها الحمام و الديكور و الشموع و الحيوط و السقوفة و الورد مغطس فالماء عاشت الدور مع راساتها... دور دور و تقول تنتخايل راسي السلطانة هيام ..شوف شوف هادشي بحال ملي كانو الجاريات كيدخلهم يدوشو باش يمشيو عند السلطان للخلوة......

دوزو نهار على برا و دخلو عيانين و صبحو على اابنوري...حيت الحفلة بالنهار....المباركات و الزغاريت و العائلة و اللمة الحلوة و التكاشط منشورين ووالسوالف مطلوقين و عقل لالة حميدة تالف....العائلة محموعة التحت الفخامة و الاناقة و عائلة عبد الصمد حتى هوما وخا حات غي عيشة و عريساتها و عمة عبد الصمد صافي حيت حتى هو غيحي ورا العروسة يتصور و يزيد خلفة.....اغاني رومانسية و الثرياااات طوااال و الكريستال تيبري...والكاميرا تتصور ....هبطااات حلاا من الدورح مزوق بالورد و الضواو ملونين شادة بوكي دالورد فدييها غي شافوها المعازيم شي شهق شي سبح الخالق...من حمال الكسوة و حمال العروس حمقاتهم و سطاتهم بالضحكية ديالها و عويناتها القتالين و الابيض مع سواد شعرها حكاية اخرى...عجبهم الديكور و عحبهم الحفل ماعرفو يشوفو فحلا و لايشوفو فخواتها و بنات خالاتها هابطين من وراها بطريقة منظمة و مدروسة كل وحدة لابسة لون خلود ختارت البنفسي و نسيم لصقو ليها الاحمر و البقية الوان اخرى....بابتسامة هبطو مع ختهم ...و بدا الحفل كان غي بالعائلة فقط و ماكاين لا عمارية لا فال الحناء حتى الحناء مانقشاتهاش......شطحو على اغاني اسبانية مرة رومانسية و مرة حماسية و مرة حزينة بالجهد....مابكى حد قد نسيم حتى حميدة شدات دموعها بزز.....اما حلا تتبغي تبكي تتحمعها و تتغلب عليهم حتى تترحعهم و ترسم ضحكية فتانة....داااز العرس زوين فرحو و نشطو و دارو الاازم شي راضي و شي ماعحبوش غي تينكر و يعيب ...المهم حلا دارت لي فبالها و رضات على حفلة زواجها...ودعات احبابها بالزربة ماباغياش تبكي و الدموع..لكن بكات بزز منها ملي ضمها رضا و باسها فراسها بقات تتبكي بالجهد حتى صدماتهم.......ماعرفاتش شنو حاها حتى بكات على صدر رضا لي ضمها حتى هو تيرضي عليها...تقول عمرهم تخانقو و لا تقاتلو ...

خوااات الفيلا و كلها مشى بحالو بقاو غي سكانها حاسين بالحزن و السكاات وخا نسيم و خلود و حنان كاينين وولادهم السكااات و الحس مقطوع ...بكاات حميدة حتى تفشاات و حمارو عينيها و عبد الله طلع الفوق تيبكي بينو و بين راسو اما رضا غبر....دوزو ليلة د البكاء تقول عندهم كنازة...حتى نطقات خلود تتمسح دموعها...

_ و صافي بقيتو عليها تزوج تزوج و ملي تزوجات تتبكيو عليها....و ماتهناشي هاديك غي يحيو من السفر غتلقاها خيطي بيطي لعندك....

حميدة ( تتشهق ) جاتني صعيبة صعيبة بزاف ...ولفت عليها.....

نسيم ( هزات ولدها ناعس فححرها ووقفات ) غنطلع نعس أمير بلاصتو تصحبو على خير...

طلعات لبيتها شادة عليها...كانت باقية بفستانها الاحمر و شعرها مطلوق و عقد الؤلؤ فعنقها و سندال عالي فرجليها ...تكات جنب ولادها مكملة و هزات تليفونها تتراسل يحيى..صيفطات ليه تصويرة أزهار بكسيوة الاميرات حمراء بحالها و شعرها مولولب أسود كسواد عيونها لابسة الخواتم و السنسلة فعنقها و صورة أمير ببدلة حتى هو حا مفركس و زوين متول و شوفاتو حنينة و بريئة...تليفونها عمر غي بتصاور ولادها و شي ثلاث تصاور فيهم هي معاهم... صورات وحدة فالجردة مع الورد و الخضورية عاطية بالظهر للكاميرا محنية عند أزهار تتضحك تتركب ليها الوردة فودنيها و شعرها الاسود مدلي مع كتافها و الفستان الاحمر طوييل مفرش ورااها نفس لون فستان ازهار حاتهم صورة زوينة و كاليطي ديالها عالية وواضحكة و الاحمر تيبرق فالعين ...صيفطات ليحيى غي تصاور الولاد فقط بلا تصاورها هي معاهم وورد عليها ديك الدقيقة برسالة صوتية ...

_ غي هادو ؟

نسيم جلسات جالسة باقية بالسندال تتكتب ليه

_ لي صورت هوما هاذو ...

طلع ليها فيي و بقى فاتح و حتى هي فاتحة داخلة خارجة للواتساب حتى صيفط ليها ثاني ..

_ الولاد نعسو ؟ باغي نشوفهم...

كانت فاليوتوب حتى طلع ليها ميساحو ..دخلات سمعاتو و ردت عليه على نيتها...

_ سي نعسو حتى لغدا ان شاء الله...

خلى ليها في مرة اخرى ...و خرحات هي من الواتساب و بمشاورة مع مخها نشرات تصويرتها مع ازهار فالانستا ..و ماكملات جوح دقايق كان تيصوني ابيل فيديو ......

استغربت ماتوقعاتوش يعاود يصوني بقات تتأمل اتصالو...ماقادراش تحاوب مابغاتش تسمع نكيرو و تعليقاتو و صداعو على التصيورة لي حطات قلبها حسسها غيغوت و يعرعر عليها و مابغاتش تنعس مخسرة...خلاتو كيصووني و قالت انشوفو شنو غيدير الا ماحاوباتش..هي تتعرفو و حافظاه اذا صونا و مجاباوتاش و تجاهلاتو والله مايعاود يصوني تيتنفخ و يقلب وجهو مايعاودش....خلاتو تيصوني بدون رد...حتى قطع لراسو ومن تما ماعاود ...بقات تتلعب فشعرها باصابعها النحيلة و عينيها المشتاقة تتأمل صورو وحدة بوحدة...الطلاق حاها ساهل فالفم و اثرو على قلبها اصعب من التخيلاااات مابقاتش غتخمم و تفكر غتخلي كلشي يمشي كي كتب الله...و لي عندها غتقولو ليه ملي يجي ....من صورة لصورة تتكبر فيها و تاأمل عينيه و لحيتو و حجبانو و ابتسامتوو مرة تتمشي تسمع صوتو من المكالمات المسجلة...تتدخل للواتساب تتلقاه فاتح و حتى هي طالعة ليه فاتحة...بقاو نص ساعة فاتحين بجوج....بدا يدوخها النعاس حتى طيرو ليها هو باتصالو و اسمو مزين الشاشة....تصاوبات فالجلسة و شعرها مقلوب ثقييل على كتافها قلبها ضرب و صبعانها ردو عليه بسرعة....و بان وجهو قدامها ناعس على ظهرو و يديه تحت رقبتو عاقد حجبانو فيها ...

_ علاش ماجاوبتيش...

نسيم ( بهدوء ) على هادشي ماجاوبتش...حيت مابغيتش نسمع غواتك...

مارضاش و بقى تيعقد فحجبانو ..

_ مسحي تصاورك غيتهزو و يديعو فالمواقع....

نسيم : اذا ضربتي طليلة غتلقى وجهي ماباينش....و معايا غي العائلة....

يحيى ( عينيه تيعبروها ) وجهك نتي لا و بنتي باين ..مسحيها ماتنشريش تصاورها ...

فاق أمير تيقلب عليها ..جراتو لحضنها و مارتاح حتى دخل يديه لثديبها و نعس...حطات التليفونها قدامها تتطبطب على أمرر ينعس و هزات عينيها فيحيى مكملة الحديث...

_ الا كان غرضك فتصاور بنتك ...مسحهم نتا الاول من عندك حيت متابعينك كثار ماتهدرش عليا انا و نتا مخليهم عندك مافهمتش شنو هاد التناقض...

سكت حتى سكت و نطق منيرفي..

_ غدا غنجي غتجمعي حوايحك و غتمشي معايا ...ريحتي بالك و فتي الراحة لهيه حتى بغيتي طيريها ليا...

نسيم ( كمشات حجبانها من عصبيتو ) انا ماطيرت راحة حد و متيبانش فيك مامرتاحش تبارك االله الضحكة فالتصاور من الطرف للطرف....انا مغنرجعش معاك حيت بانلي ماتبدل فيك والو و ماغنرميش راسي للاعصاب و الغيرة و الطاقة السلبية....

يحيى ( كلاها بعينيه ) شنو غيتبدل مثلا انسيم ..قولي ليا نفهم ؟ شنو غندير كثار مافهمتش شنو باغية مني شنو طالبة ....واش كنسبك ؟ ضربتك ؟ غدرتك منقص معاك فشي حاجة....مخي رونتيه ماعرفتش شنو باغية....

نسيم : ماباغية منك والو غي تنقص من الغوات و العصبية و الشك ديالك...و عصبيتك ماتخويهاش فيا...باغية الراحة و الاحترام...( كمشات حجبانهتا ) عرفتي هزيت منك واحد الطاقة سلبية خااايبة ...

جلس جالس مغوبش مارضاش...

_ دابا انا وليت تتنشر الطاقة السلبية.....

نسيم ( حنات عينيها باعتدار ) انا ماقصدتش هكاك ايحيي....

يحيى ( بجدبة ) و شنو قصدتي

حنات عبنيها ساكتة ماجاوباتوش....حتى رد هو بحدة...

_ انا باعي ولادي و مراتي فالدار ..مانبقاش انا شهر مرون....

بقات غي تتشوف بدون جواب...يحيى دابا عاد حس بغيابها و غياب ولادو ملي جا من السفر و لقى دارو خاوية كيدور بوحدو كي البوهالي...هاهو عند حسنية هاهو عند زاينة مرة خارح مع صحابو و مرة مع صفوان بحال الزوفري دارو باردة لا مراة لا ولاد...و فراشو خاااوي و تزاد اعصاب لا اعصاب محتاج مراتو حداه دفئها و دفئ ولادو زائد العلاقة الجنسية اذا مابردش يطرطق.....خازن عندو و ماكيقول والو ..هدرة وحدة تيعبر بيها...باغي مراتي وولادي فداري...مايعبرش اش عندو بالتدقيق....

انتهى الاتصال بيناتهم خلاتو معصب و مبرزط.....!

ناضت بدلات عليها و تعطرات ماتتبغيش تفكر فهدرتو باش ماتنعسش مريضة فخاطرها لكن ماقدراتش...ليل مزال طويل بزااف و الشياطين تتوسوس ليها فعقلها مابقاتش مرتاحة....صغرات عقلها و تبعات أفكارها الصبيانية....جلسات جالسة حتى تقدر تركز و تأكدت واش فاتح لقاتو فاتح حتى هو....دارت كونط انستاغرام جديد باسم مستعار و صورة فتاة شقراء زوينة و الكونط عاد جديد ليزابوني قلال نص ساعة وصلات لثلاثين اغلبهم اجانب ...دارتو بريفي و دخلات تتصرد ليه لحسابو و ختارت دخلة معقولة تتكتب بالعربية باش مايعيقش تتحاول تكتبها صحيحة

_ مرحبا ....

لا رد منو...

عاوداتو للمرة الثانية...

_ مرحباا سيد يحيى ممكن اجابة على رسالتي لامر جدي..

بقات خمسة دقايق ماجابوش و رحعات صردات ليه...

_ بدون تجاهل رجاءا....الامر ضروري للغاية ...

ضربات الحداش د اليل و مزاال مارد...طالع ليها فاتح بقات تتستنى فيه حتى جاها الرد بعد سااعة د الانتظار...ردو مختاصر و قصير...

_ نعم ؟

بللت شفايفها و حطات التليفون مارتاحاش..

_ شنو هاد التبرهيش انسيم...بفف....

يلاه عزمات تمسح الكونط و تتراجع ماعجبهاش هاد التبرهيش و حسات براسها مراهقة مبرهشة و ماشي ديالها هادشي و ماعمرها فكرات هكا...لكن شيطانها غلب و كملات معاه تتحس براسها غريبة ماعمرها دارت هاد التصرفات...

_ شكرا سيد يحيى...أريد ان أسالك بخصوص الدكتور فهمي و عن تأجيل الدورة الخامسة ل****** هذا العام...

تتكتب الزربة عاد تصحصح و تصرد و كملات..

_ هل الاعلان الذي نشره صحيح...

بقات تتنسى فيه شحال عاد رد باختصار...

_ ارسلي له رسالة فالخاص ..

نسيم : أحس انك منزعح من المحادثة ؟ أنا نجاة عضوة نادي ثقافة عفوا ان كنت اتطفل بك...

كتباتها و ستنات ردو حتى جاها مباشرة...

_ نقول اتطفل عليك ليس بك ياعضوة نادي الثقافة و مرحبا لا إزعاج بالموضوع....

قمعها و سرطاتها عاود سردات ليه ماجاوبش شي نص ساعة عاد رد

_ نتي مغربية ؟

نسيم ( حافظات على هدوئها و ردت ) اه مغربية....

رد هو : بغيت نسولك...

بفضول كبير ردت..

_ نعم تفضل...؟شنو ؟ كنستنى سؤالك...

تيدير ليها جادوغ و القلوبة و ماكيردش تشوشات و كتبات ليه...

_ انا انتظر سؤالك و انت تتعمد التجاهل...

ماجاوبهاش عاودات كتبات واخدة راحتها...

_ صراحة بديت نشك واش بصح فعمرك 34 تصرفاتك لاتدل على ذااللك سالت سؤال و انت تتجاهل لااعرف مقصدك من ذلاك ( عاودات صححتها ) من ذالك...

رد عليها ديك الدقيقة...

_ شحاال فعمرك الزين ...

تجاهلات سؤالو مبرزطة و ردت..

حسنا كما تريد الوقت تعطل و ماشي من المحترم نهدرو فهاد الساعة...تصبح على خير ..

حطات التليفون ندمانة على هاد التصرف و يديها كلاوها تبزرطات و شداتها الغيرة من كلامو تيقول ليها الزين و هي مراتو ماسمعاتهاش منو ...

عاودتت هزات تليفونها لقاتو خلى ليها فيي بقات شوية و صرد ليها ...

_ نسيم ؟

التليفون و طاح من تيلفونها بالصدمة كتبات ليه بالزربة تتغلط و تصيفط و ترجع تكتبها صحيحة..

_ مافهمتش ؟

رد هو : مالكي مضاربة مع الحروف ؟ رسالة رسلتها بالغلط...

بوجه مصفر ردت..

_ اه تليفون جديد مامولفاش عليه شكون نسيم ؟

رد بكل وقاحة..

_ نسيم بنت ختي...

غمضات عينيها من الفرشة لي تفرشات مارضاتش اكتفت تكتب ليه ..

_ الله يخليها ليك...

رد بآميييين و طول فيها مزيااان...ماعاوداتش صردات مسحات الكونط و طار كلشى و طار عليها النعاس ندمانة من هاد التصرف و الفرشة ماشي من عوايدها...و ماحاملاش راسها ...

طفاات كلشي وجلسات غضبانة من راسها و ماعجبهاش الحال باينة من ملامحها و عينيها فاضحين عدم رضاها على نفسها...نعسات بصعوبة تتفكر شنو دارت و انه عرفها تتبرزط ..كمداتها فقلبها حتى طلع النهار مشاات دوزات ساعة فالبحر و رجعات تتفطر و توكل ولادها...و حميدة تتعبرها بعينيها و تسول..

_فوقاش غيجي يحيى ؟ باقي ماهداكم الله تنعلو الشيطان..

نسيم : جاي اليوم اماما دابا شوية غيجي ورا ولادو ...

حميدة ( تنهدات ) الله ينعل الشيطان و يخزيه......مشي مع الراجل ديالك موحشك عاد ماجي من السفر واش مطلقين جاي يشوف غي ولادو ؟والله و يعرف عبد الله حتى يبهدلك...

نسيم : علاش غيبهدلني ؟ هو قال باغي يشوف ولادو ماشي انا...( ناضت من فوق الطبلة ) غنوض ندوش ليهم ...

طلعاتهم و دخلاتهم للدوش تتدوش فيهم و تنقيهم و حالتها كاملة عامرة ماء ..خرحاتهم مخشين فالبينوار ديالهم ازهار بالغوز و أمير بالازرق ...نشفات ليهم شعرهم وهوما تينقزو حدا رجلييها و مسلسل هندي مع أزهار باش تلبس ليها...سبقات امير لبسات ليه تتبسم معاه وهو تيلعب فشعرها و يبوسها فوجهها مخليها تلبس ليه و مهدن مشطات ليه شعرو متول و نقي و زوين فوجهو ...عاد تفرغات لالة و مالي و حبساتها عندها وهي تتغوت و قزبتها الصغيرة معرية ...

_ ععع مابغيتس...ععع ليييش موااا ...

نسيم ( بتهديد ) صافي بقى عريانة نمشيو انا و امير عند يحيى و نتينا بقاي معرية هنا الارنوبة...

ازهار ( حبسات البكية ) نووو ماامي ..

نسيم : و الا نوو خليني نلبس ليك والا غنخليك مع حبيبو رضا يغوت عليك....

سمعات ازهار الهدرة و خلاتها تلبس ليها وهي مدمعة و عينيها كحلين كبار شافت فامير ساكت تيتفرج فيهم و عصبها..دفلات علبه و سباتو..

_ تفوو زكيكة...

غوتات عليها نسيم حتى قفزاات..

_ أزهاااار الناس كيقولو كيكة ماشي زكيكة...كيكة غيسمعها نصير و انس و محمد غيضحكو عليك تتنطقيها غلط..

ازهار : نو زكيكة زكيكة امامي...

نسيم ( بصرامة ) لاا كيكة كيكة كيكة عاوديها واش بغيتي نصير يقولك مكلخة ..

بقات تتعاودها ليها حتى تمشي من بالها و تعوضها بكيكة و لكن لالة ازهار ماعحبناش ايقاع الكيكة عجباتها الزكيكة ولات تتغنيها كاع تتهز المغرف و الطنجرة و تجلس طبل و تغنيها و دور بحال الطبال ملي تيفيق الناس للسحور.....

لبساتها كسيوة بيضة ومونطو صغيور بالريش رطيطب فالغوز بيبي و طلقات ليها الشعيور و الصاك غوز صغيور ديالها... لبساتهم حوايج الرفيع و نقاتهم عاد خلاتهم يهبطو فرحانين.... لحقات عليهم نسيم لابسة بحال بنتها الابيض و الغوز و شعر اسود مجموع عالي ...

_ مااما فين ازهار ؟

حميدة : كانت مع حنان تتخبر عليها لسانها طويل طالعة ديك العايلة ...

نسيم ( ابتسمت ) لسانها طويل و سكتي ؟ الله يرزق الصبر و صافي....ماشبهات لا فيا لا فباباها...

حميدة ( هزات حاجب ) علاش نتي نسيتي الطيران ديالك و التقزقيز كتقول للطيور نزلو نطير بلاصتكم...حتى عملتي 13 سنة عاد بديت كترزن و تعقال و تهديتي دقة وحدة...

نسيم قلبات الهدرة و مشات تتقلب عليها لقاتها مع حنان فالجردة ديك الدقيقة صونا عليها يحيى و دخل للفيلا ...شافو أمير طيح المونيكة من يديها و مشات لعندو تيتبوطر...و يعيط لازهار ..

_ ازهااازهاااا...

سمعات ازهار صوت أمير و ضحك يحيى المسموع قفزات طايرة تتقلب علىيه و قفز حتى قلب نسيم معاهااا....دخلات حتى هي للفيلا تتقرقب بداك الطالون تتقرب من الصالة البلدية فين جالس يحيى مع حميدة حشمانة منو ...

دخلات نسيم رامية السلام بهدوء....

_ سلاام عليكم...

حميدة ( تمات نايصة ) اجي انسيم اجي انا نشوف حنان فين هي...

ناضت تتغمز فنسيم تعمل عقلها و خرحات مخلياهم بجوج...ناض يحيى واقف سلم عليها من الوجه تيسول على احوالها و تترد بهدوء ندمانة على شنو درات البارح اشد الندم...جلسات دايرة رجل على رجل تتبسم مع ولادها حانية عينيها منو ....

ازهار ( شادة فلحية يحيى تتعاود ليه وهو تيسمع ليها ضاحك ) نسوفو ميمة حونسية ااببابي و ميمة زاينة و زديدو و عمو صفوان و انا و أمير و مامي و بابي و امير عمل هكا بصاحبو و كالو تفوو ...

ضحكاتهم بجوج و كثار يحيى لي جر امير لعندو حتى هو تيخربق ليه فالهدرة لاصقين فيه..هز عينيه فنسيم و نطق بنبرة متملكة...

_ يلاه انسيم نمشيو دابا ؟

نسيم ( بانزعاح ) هدرت معاك البارح ايحيى ...

يحيى ( هز حاجبو ) فوقاش ؟ ملي قطعنا لابيل ؟ كملتي الهدرة بنجاة ...كنتي باغية تهدري لاش طولتي عليك الطريق جيني نيشان و لا كانت نيتك تجربيني ؟شنو هاد التصرفات انسيم...

تمنات الارض تبلعها فديك اللحضة ..

_ ماشي وقت هاد الهدرة ايحيى ...قلت ليك البارح الا كنتي غتبقى تعاملني بحال هكا نبقى فدارنا حسن ليا ...

يحيى ( تعصب ) كيفاش بحال هكا مافهمتش ؟كي كنعاملك انا ....

بانزعاح ردت..

_ خرج ولادك و شبع منهم توحشوك انا ماراجعاش معاك...و خصني نقولك غنكمل الماستر ديالي هنا تهزيت من ليست داطونت مغنضيعش الفرصة ...

عقد حجبانو مندهش..

_ علاش ماعلمتيش قبل...نتي مستقرة ففاس شنو غديري هنا !!! و قولي علاش كنتعصب !!

نسيم : و هاهي فخبارك...انا ماغاديش نجلس فالدار لاقراية لا خدمة ..ماكايناش خدمة غنكمل قرايتي ...

يحيى ( صعر ) ماعرفتش ؟ شنو نفهم من هاد التصىرفات! جيني من الاخر ! خليه ديري ماستر بريييفي ولا نتي باغية الضد !

نسيم ( بعناد ) انا ماباغياش بريفي ..اي واحد بلاصتي غيشد فهاد الفرصة بيديه و سنانو ...و انا نسمح فيها...انا غنحط الضوسي ديالي و ماعندي حتى هدرة اخرى على هادي....

جمع الوقفة ماعحبوش انها ماشاوراتوش ...

_ غنشوفو هادشي ديالك فين غيوصل انسيم ....غدا الحاح جامع العائلة ملي تبغي تمشي قوليها ليا باليل مابغيتيش ضبري راسك....

هز ولادو و خرج معصب ماراشقاش ليه...! باليل رجع ولادو و مشا لكاستي ياخو و حميدة دايرة لنسيم تأنيب الضمير ..

_ ماعرفتش واش مخاصمين ولا متفارقين ولا مطلقين...راحلك شهر غايب عليك شهر بلا مراتو و سامحة فيه مامسوقاشيي .. فراشو شهر وهو خاوي ...الا مامشيتيش غدا غتسخر مع الحاج قد ماكان كيعزك غيقلب عليك....

نسيم : ماعرفتش واش نمشي ولا لاء...كنخاف نمشي و نندم ...و الا مامشيتش نندم...الحاج نهار يحمع ولادو و حفايدو بزز منهم يجييو و غيكون عرف الروينة لي واقعة مغيسكتش ليلة كاملة ....

بقات ديك الليلة مشوشة و حايرة مرة يصوني عليها سي حميد و مرة حسنية و مرة نجلاء كلهم تيقولو ليها ضروري تجي و عيب ماتجيش و لي كمل عليها هو الجد لي اتصل بيها بنفسو و هضرتو صارمة و حازمة فهاد الامور و كلامو مسموع عندو وقار ماكاينش عند غيرو ....حشمااات منو و لقات راسها تتكتب ليحيى انها غتمشي ....

طلع ليها في و تكات تتفكر و حالفة داك الماستر غتقراه سواء بغى ولا مابغاش.....دخلات للانستا طالع ليها تصاور حلا فاليونان وبالضبط فاثينا...ماكاين غي المطاعم و السهر و التصاور و الفيديوهات هاهي فالمارشي واقفة مع بياعين السمك هازة حوتة كبيرة تتصور بعفوية...وهاهي راكبة فالدراجة الالكترونية و اغلب الصور على الاساااطير التاريخية و المتاحف و متاجر قديمة و محلات الحرف اليديوية ...و مرة هاهي لابسة لبسة الطباخين فالمطعم تتطيب حداها الشااف ببشاشة تيوريها كيفاش دير حتى نهات الطبق ديالها بنكهة يونانية و صورات راسها تتاكلو تيبان يد عبد الصمد بساعتو الفخمة....و صور اخرى فحمااام بلمسة يونانية تركية تقليدية معروف تمااا و محبب عند الكل ...تتصور الاعشاب و العطور و الورد بعد مادارت جلسة استرخاء و تقشيير للجسم و تعطير و طقوس الحمام التركي التقليدي ...و كملات باتاي شرقي احمر اللون ...التعليقات فيهم غي القلوبة و بصحتك وسعداتك و توحشناك و الله يخليكم لبعضياتكم ....و صورة اخرى عاد تحطات دابا لابسة الاخضر و شعرها خصلاتو مزعرين مصورة بالجنب كاتبة كلمات حب و غرام بالاسبانية تحت الصورة ضحتكها باينة انها طايرة فالسماء و عايشة الحياة لي كانت تتحلم تعيشها ...

محمعين كيتغداو مع الحاج الكبير شيب الشعر ...لابس البلدي و بلغة فرجليه نظراتو فيها شوية من الصرامة و شوية من البشاشة ماهو معقد و قبييح و ماهو ضحوكي و تيتهز غا بوحدو كلمتو مسموعة و عزيز عليهم كاملين...الماكلة تتشهي فوق الطبلة و لكن داكشي كان حدو قدو ماكاين لا افراط و لا تفريط و ممنوع كليا شي حد يحط فطبسيلو كثار من جهدو و لا يحلي لقمة د الخبز محطوط حداه عيببب عندهم و غيسمع تبهديلة على النعمة لي غترمى....كاملين فالاول كان مشهين و طاحو كيعمرو فالاطباق من كل حاجة حتى وحلو فالاخير ملي الكرش شبعات...زاينة بسالفها الاسود الشيب ماوصلش ليه مزال لابس جلابة مغربية هاد المرة و الحاج حميد فرحان بيها تتحمقو بالجلابة....وهي معفرة و مفششة عمد كلسي...كلات و شبعات و بقى لبها الخبز فيديها رماتو تحت الطبلة تتبسم بلا ماتعيق...و ماشي غي هي ...كاين لي تيمد لولدو ياكلو و ها لي تيقرب الشياطة للشخص لي جنبو غا بالتخبية و كلها فين واحل ..و هذا مايقدر باكل شياطة الاخر..كاين لي كيتزير و ياكلها فوف السبعة و كاين لي كيرميها تحت الطبلة بدون اي ذرة خوف. كايم لي كيخبيها حتى ينوض بحالو و يحطها فالكوزنية....و هذا تيتبسم مع هذا العديان و تيوليو الحباب فديك اللحضة...سالاو الغداء و تجمعو فالجليسة البلدية بالمخاد فالارض و الزرابي وهواء دسيدي ربي مهوي الدنيا.......

نطق الحاج الكبير ...

_ فين تعطل يحيى و مراتو ؟ قالو جايين ولا ودنيا كدبات عليا....

حسنية : راه حاو الحاج جاو ..غي أمير نعس ليها حتى يفيئ و يجيو مع العشاء ...

اهتزت العيون الفضولية هذا تيشوف فهذا و يسول...و لبنى الفضول واكلها قربات عند نادية تتسولها

_ يحيى و نسيم رجعو مع بعضهم ؟

نادية ( حطات الفاكية من يديها تتعوج ففمها ) ماكانتش غتجي بقينا معاها حتى تواضعات معانا...ماتصالحو ماوالو باينة...

لبنى ( باستفهام ) انا مابغيتش ليهم الطلاق صعيب دوك الوليدات تيبقاو فيا ...قولي واش ناض ليهم الصداع بسباب هدرتك داك المرة ؟

نادية : انا ماعندي دخلة اختي تلصقو فيا التهمة نصدق انا سباب فراقهم ....

لبنى : انا بعدا فرحت ملي عرفتهم رجعو والله ...وخا ماعنديش معاها ولكن الفراق مع الوليدات ماتمنايهش لعدوك....

تدخلت هبة ناطقة باسف...

_ كتوقع عادي الخصام و الشيطان كيحضر...

لبنى : انا غي سمعتها تصدمت راه كانت باينة عليهم مفاهمين و مواتين زعما عايشين الحياة السعيدة و باش تزوج بيها بغى يعطيها عينيه ...

هبة ( ابتسمت بفضول ) ماعمرني سمعت قصتهم كنت حاسبة تزوجو زواج تقليدي...

نادية ( ضحكات ) خويا يتزوج زواج تقليدي ؟ عندك تشوف هاد يحيى دابا يحسابليك هو لي كان قبل ...الزواج التقليدي و الشوفة الاولى و نيشان فتح دار وولد زعما بحال هكا ...تتت ماتحلميش ...ماما شحال بقات معاه تتحفر عليه واش عندك شي وحدة نشوف لك شي وحدة و خالتي زاينة لصقات فيه بنت ختها وهو قالك كااره التريكة ديالها ريحة المصريات مكيحملهاش...

هبة : بحال صفوان زعما حتى هو عندو هاد العقلية ...

نادية : كثاار ...مشى للشمال واحد الشهر و رجع تيفرنس بوحدو و من تما وهو تيعرف غا ديك الطريق و مرة غلط ليا فسميتي عيط ليا نسيم و تما شدااتو زاينة و حسنية و بقاو معاه حتى طلعو هادي شكون وشافو حتى تصاورها معاه كانو دوزو شي عاماين مع بعض عاد عاقو بيه ( غلباتها الضحكة )زاينة ملي عرفاتها مغربية بقات مريضة سيمانة غضبانة وماما فرحات و تشفات فيها مزيان..

ضحكو على زاينة حتى شبعو ..و بقاو على الحديث حتى دخلات نسيم مع و الولاد قدامهم لابسة جلابة انيقة خداتها من بوتيك حلا عاد جديدة و موديل جديد واعرة باين عليها فخمة و غالية فاللون الاحمر الغامق و شعرها مجموع عالي و يحيى قدامها حتى هو لابس البلدي ....استقبلتهم زاينة تتضحك...و حسنية تتسابق معاها..طلقاتها بزغروتة طوييلة خلات امير غا تيشوف فيها ببرائة....

رحبو بيهم بحال الى عاد عرايس حشمات نسيم ز هبطات عينيها حسات براسها دارت خطوة للقدام و صعيب ترجع للور...

حسنية : و على سلامتكم نورتونا العرسان ...

يحيى ( حك رقبتو بحرج ) و صافي الواليدة صافي...

دخلات نسيم مع زاينة شادة فيها تتبسم والعائلة شافتها ابتسمت سلمات على شيخها و الحاج و تبعها يحيى هاز امير مغوبش و ازهار تتنقز حدا رجليه باغياه يهزها....جلسو و انضمو للجلسة مشاركين الضحك و الفرحة فرحتين.....

هبة ( باعجاب ) جلابتك زوينة ..خيطتيها ؟

نسيم ( ردت عليها بابتسامة ) عويناتك احبيبة .. لاا هادي شريتها...ختي عندها بوتيك تتبعيهم فتطوان..

لبنى بقات تتعبرها بنص عين و عينيهم كاملين هاد المرة كانو على يحيى و نسيم تيحاولو يلاحظو اي حاجة يا مصالحين يا مزاال مخاصمين و ماقدرو يشدو والو...هي شادة تيقارها جالسة باناقة تتهدر مع هبة و يحيى قدامها مرة تيهدر مع ولادو و مرة مشارك الهدرة مع عمو مخشعين....بقاو هكاك حتى طاح االيل و صلاو الرجال مع بعض العشاء وجمع الحاج نسيم و يحيى عندو فالصالة الراس فالراس ...بحال الا غيقاضيهم و يحاكمهم....تييشوف فيهم بجدية...

_ ساليتو جميع الحلول ؟ بقالكم الطلاق فقط !

يحيى ( جالس واخد راحتو تيشوف فنسيم لي مهبطة عينيها ودنيها حمرين ) انا ماباغي طلاق ماجبدت حس الطلاق...و لي فجهدها ديرو ...

الحاج ( مركز شوفاتو فنسيم ) تكلمي ابنتي هدري شوية شنو عندك ...شنو دار ليك ؟ شنو السبب علاش باغية الطلاق...فهمينا نفهمك و انا بنفسي نطلقك منو ....هدرتك غتبقى هنا ماتوصل لمسمع حتى ادمي من غير راجلك...اليلة بغيت الخاطر يصفى ...

نسيم تتكره هاد السؤال حيت وخا تهدر حد مايفهمها لانهم ماعايشينش معاها و ماعارفينش قصتهم ....سكتات حتى عيات و ردت بهدوء و احترام

_ انا لو كنت معاه مرتاحة مانفكرش فالطلاق اجدي...بحال عايشة مع صنم ...

فتح فيها عينيه مغوبش جا يدوي وقفو الحاج ..

_ كملي كنسمعك...

نسيم ( باتزان ) مابقاتش عاجبني هاد العيشة بحال الى عايشة بوحدي...هو دايما مسافر و المسؤولية كاملة عليا...يجي سيمانة و يغبر ثلاثة سيمانات ...سمحت فقرايتي و خدمتي و جلست مع ولادي و ماعمرني شكيت صبرت و سكتت اي حاجة نديرها نقولها ليه ..وهو العكس الحاج ! ( بجدية ) كان عندو حفل التكريم فاوكرانيا هادي عاماين ماعرفت غي من التصاور....مانهدرش على هاد الموضوع نعاودلك على الغيرة و الشك ديالو كيغبر حتى يغبر و يجي يشك فيا و ينوض صداع من والو ...كيوقع شي سوء تفاهم غيردها غي للغوات و الصداع شمن حياة مع هذا....انا مكنحملش الغوات و الصداع ماباغياش نكبر ولادي فهاد الجو....

قابل يحيى عينيه فيها ورد ..

_ حيت نتي مامسوقاش !

بنظرات مصدومة ردت...

_ دابا رجع كلشي انا سبابو ! كيفاش مامسوقاش؟؟...فين عمرك ايحيى شاركتي معايا شي حاجة ناوي ديرها حتى تنعرف من البراني و لا من لي غيزو سوسيو...

يحيى ( بجدية ) و فين عمرك سولتي افلان اش كدير ! فين غادي ! شنو كدير ملي كتسافر فين غادي علاياش عوال ...حلفتك بالله قوليا واش عمرك سولتيني ولا تسوقتي من الاخر...

الحاج رجع للور تيحاول يقرا الشفايف و يسمع حيت سمعو نقص... مخلينهم فساحة المواجهة و عيون نسيم مصدومة فيه...

_ صدمتيني ايحيى والله الا صدمتيني دابا المشكل كلو و هاد الروينة لي واقعة انا سبابها.....

يحيى ( شبك يديه منيرفي ) داك التخربيق ديال كنخبي عليك ماكنخبي عليك غا تخربييق مخربق مزمر للل لل...لو سولتيني نجاوبك و تعرفي كلشي نتي مامسوقاش ....

رمشات فيه ببلاهة و قلبات وجهها تتنفس محافظة على هدوئها...

_ وخا ايحيى وخا...عندك الحق انا الغالطة...

يحيى ( عاقد حجبانو ) لا انا الغالط ماشي نتي انا...نتي ماعمرك غلطتي ...علااااش دفعتي لماستر تطوان و حتى تهزيتي من ليست داطونت عاد قلتيها...! اذا كانت تصرفي انا غالط و عارفاه غالط قابلتيه بنفس التصرف...يعني راك غي كتخوري من الاخر...

الحاج ( كمش حجبانو ساكت )

نسيم ( بانزعاج ) يحيى احترم راسك و ماتبقاش تعوح الهدرة ...

يحيى ( هز يديه ) هاهو ساكت دوي نتا الحاج ...قدامك عاد تحل ليها اللسان حدايا انا لسانها مسروط مكتعرفش تهدر العربية عندها تالفة ...هدري غا بالشنوية وخا نفهوك...

استفزها و نطقات بضيق و صوتها هادي ماعلاتش صوتها عكسو هو

_ يحيى شوف راسك كيفاش تتدوي و كيفاش تتصرف هدرة جوح تتعوجها من عندك كيفاش بغيتي ندوي معاك و نتا هكا....

يحيى ( بغى ينتف راسو ) وخا وخا...الله ياودي ...دابا من الاخر ! بلا دخول و خرج ...المشكل لي عندك معايا هو هذا صافي ؟؟

نسيم ( شافت فالحاج ) مانقدرش نكمل الهدرة معاه الحاج مامعاه نقاش مامعاه هدرة....

صعراتو و استفزاتو هو معصب وهي تتقتلو بهدوئها وصل لقمة الاستفزاز شفايفو و قشرهم ...سكت ماجاوبهاش قلب وجهو و عينيه مظلمة و حجبانو محموعين ..و الحاج نطق بعد صمت...

_ المشكل ديالها فهماتو ليك من الاول ايحيى...هدرتو فالاول ندوزو للثاني...الغيرة و الشك.... الغيرة نفهموها و الشك ؟؟ واش كتشك فيها !

يحيى (بجدية ) الحاج قلتها ليها عدد زغب راسي لي غنتفو معاها و مافهماتش...انا مكنشكش فيها ...و هي عارفة غا لا بغات تكدب على راسها...

الحاج ( شاف فنسيم الصامتة ) شنو كتقولي فهادشي ...

نسيم : انا متنكدبش على راسي يرد البال غا لتصرفاتو ...اخر مرة وقع مشكل ماعندي فيه حتى دخلة...و رجع كلشي فيا ...راحل ماكنعرفو مكيعرفني وقف علينا كنت مع خالتي حسنية سولها واش بنتها و حاوباتو عادي...كلشي عادي عرف بلي مزوحة حتى وصلات لعندو قالك علاش شافك عي نتي و فيه تتعرفين و بنتي ليه غي نتي و غي شافك مرة لولى صافي عول...يقول شنو قصد من هدرتو يعني انا تنعرفو من زمان زعما ! هذا قصدو...واش هادي نسميها غيرة مريضة ولا شك ...

الحاج ( تنهد و شاف فيحيى ) فين لسااانك اولد حميد ...شنو تيتسمى هاد الفيلم عندك ؟

يحيى هز يديه معصب كيبركم ...حتى نطق الحاج بحدة ...

_ مكنسمعش علي صوتك شنو كتقول...شنو كتسمي هادشي لي درتي ...

يحيى ( بعصبية ) سميه مريض بيها...صافي انا مريض بيها.....ماعجبتهاش هاد السمية سميه حمورابي....

نسيم : حمورابي !!

الحاج ( هز راسو ) لاحولا ولا قوة الا بالله حتى بنادم فقبرو دخلتيه فمرضك ...

يحيى عندو غا جيب يافم و قول يقدر يكون معصب و يسب لي جا فلسانو تيخرجو يا حمار يا حيوان ياحزقة الفيل حتى اسماء الخضر و الفواكه تيسرسبو على فمو ...بعض المرة تيعصب و مرات اخرى تيضحكك فعز الغوات....سكت هو قارم و الحاج تيهدر بحدة...

_ واعرة هادي...والله الا واعرة...حمورابي قالك ...قديتي عليه نتا ...

نسيم سكتات قاطعة الحس و ملامحها تتبين على الانزعاج و الحرج من الحاج تتشوف فيحيى تتلاقاه عاقد حجبانو و الحاج كيستفز فيه بكلامو.....و يعلق على ديك مريض بيها تيزيد يغرق نسيم حشمانة منو...و الحاج ماحشم ..و يحيى تيزيد غا يظلم فعينيه ...حتى ناض الحاح واقف شحفان و عيان ...

_ ماتقصحش راسك اولدي... رطب رطب و حلي لسانك و عطي وقت لمراتك...بانلي الجلسة طولاات و فتحنا باب خاص بيكم بجوج.....نشدوه و نفتحو باب اخور نلقاو فيه طريق الحل....ماكاين عنف ماكاين خيانة اذن كاين حل ...واحد فيكم واكل الدق كثار من الاخر حتى ظهرو عيى و طاح و مابقاش عندو الصبر يزيد و لي واكل الدق كان عليه العمدة وهو سباب حتى كمل هاد الزواج خمس سنين....و دابا عيى و ماقدرتش يزيد يصبر على الدق و العصا...كلامي ماهواش على العصا بالمعنى الحرفي...( شاف فيهم بصرامة ) نتي ماشي جاهلة وهو ماشي حاي من ورا الشمس...فاهمين كلامي و عارفين حكااامو....يحيى هدرة وحدة نقولها ليك...لا افراط ولا تفريط....نقص من العصبية و الصداااع و تهلى فمرتك عطاتك جوج ولاد و صبرات معاك و انا شاهد الى يوم الدين ....عطي اهتمام لمراتك و نقص من النفخة و العناد و نتي ابنتي حضري عقلك ماتضربيش بسلاحو ( هز حاجبو مخنزر فيحيى) الا كان هو مريض و تالف مع حوايجو و لسانو مقصوص مايعرف يشارك معاك مايعرف يدوي حتى نتي تكوني بحالو....! جوج حجرات و تلاقاو ...الله يهدي الجميع ...

يحيى جا يدوي وقفو بعكازو...

_ ساليت هدرتي الليلة و الجلسة الاولى انتهت غذا و نديرو جلسة اخرى بعقلها ....( تم خارج تيشوف فيحيى معلي حاجبو ) الله يشافيك اولد حميد...

قلب يحيى وجهو منو و نسيم حشمات ضرب الحاج بعكازو و خرج كيبركم ..

_ قالك مريض بيها....حمورابي قالك....

يتبع...

‎