غيرك ما يحلالي الجزء 22

هبط التحت بالجلابة البلدية و الطربوش فراسو النظر نقص ليه و الصوت مشى ليه و السمع ماعليه هدرة.....هبطات من وراه نسيم مخلية يحيى جالس مظلم عينيه شوية وقت و تبعها هابط لعندهم و العائلة غي شافتهم بغاو يعرفو شنو وقع و شنو قالو و حد مارحمهم بحتى كلمة....جلسو فالصالة كلشي لابس البلدي و التصاور و هذا كيطاكي هذا ...و كملات الجلسة ملي جابو للسهرة كوميدي مغربي معرووف تيضحك فيهم شي تيضحك منيتو و شي بزز منو و شي ماتيسمعش اصلا شنو تيقول ...بحال نسيم لي حاطة يديها على فخاضها تتشوف فساعتها بعفوية و النعاس غالبها...و ازهار لي بقات فايقة تتنقز حداهم هزها داك الكوميدي تيصور فيديو معاها تيضحكو وهي حشمانة تتفرنس و تشوف راسها فالكاميرا ....هرباات منو و تخبات عند يحير تتفرنس..

_ بابي اي لافيو ...

يحيى ضحك من قلبو ..

_ مزال مابغيتي تنعسي...نطلعو نعسو حدا أمير ابابا !

ازهار ( تتجبد ) نوو نووو ععع...

شدها عندو حتى رصاتت تتفرج بعويناتها و القصارة طولااات و الحدييث كثااار و الضحك مسموع...و نسيم غلبها النعاس على كتف يحيى لي حس بيها و دور يديه على كتافها تفيق فيها عند ودنييها...

_ يلاه نطلعو....

هزات راسها فيه دايخة بالنعاس و ناضت هازة تليفونها اعتذرت و سبقات يحيى لي هز أزهار و نطق ...

_ تصبحو على خير....

الحاج ( هز راسو مغوبش ) الله يشافي اولدي....

قلب يحيى وجهو منو و تبع نسيم اما حسنية سمعات هدرة الحاج و سولات بقلق..

_ شنو عندو ؟ مائالي والو باش مريض....

الحاج ( هز عنقد العنب تياكل منو ) ولدك احسنية ماعرفتي تسلتي لسانو و تشوفي مرضو ...خير خير ان شاء الله....

طلعات نسيم للبيت بدلات عليها و تكات ناعسة ماعقلات على حد مخلية يحيى سهران مع أزهار تينعس فيها وهي حالفة حتى تشد الضد شبعات النعاس بالنهار ماحاها نعاس دابا...عياتو و هلكاتو بالهدرة و الضحك عاد تكرمات و نعسات و نعس هو ضامها لعندو تيشوف فنسيم لي عاطياه بالظهر ناعسة و أمير ناعس مع زاينة....حتى صبح الصباح و فاقت نسيم قبل منهم كان السكات باين كلشي صابح ناعس...توضات و عطرات راسها و لبسات قميص فصالة مخزنية عندو العقاد مفتوحين مبينين سيقانها عطاتو ليها حسنية كلشي عيبو و ماعجبوش الا هي و لبنى ...و لكن حسنية سبقات مراة ولدها و عطاتو ليها هي ..لبسات سوتيامات تيبينو اللبسة هماوية ويزينو شكل صدرها....مالقاتش مساحيق تجميل ديالها كاملة خلاتهم فدارها...اكتفت بلي عندها و رشات عطر لشعرها ...خرجات تتطل على أمير لقاتو ناعس و زاينة تتشخر...رجعات لبلاصتها طلعات فوق الناموسية ميلة سيقانها تتهدر مع حلا فالواتساب حس بيها يحيى و فتح عينيه عليها.....هبط عينيه منها و باس راس بنتو نايض للحمام ...بعد ربع ساعة وقف عليها محيد ليها التليفون ناطق ببحة صباحية و نبرة جدية....

_ ماكاين لا حاج لا حاجة لي عندك قوليه ليا فوجهي ! طلقي لسانك معايا انسيم...

نسيم جلسات و سيقانها مايلين و عينيها مكحلن كحل أسود زاد من سواد عيونها ....

_ يعني باغي نهدرو ! بلا غوات و بلا قميع....

جلس قدامها يحيى و هدرتو جدية للغاية...

_ شنو طالبة مني ابنت الناس ! فهميتي هدري....الشك ماكنشكش فيك و الغيرة ماعندي عليها حكااام ماشي بيدي ماعندي جهد عليها....شنو طالبة غير هادشي ...

نسيم ( كمشات حجبانها بحزن و ردت )تتسول شنو طالبة ؟ نسولك انا ايحيى واش ماتتحسش بالنقص فهاد العلاقة....عاجبك العيشة هكا...

يحيى ( جمع حجبانو بجدية ) انا ولفت حياتي هكا انسيم ماكنشوفش كاين نقص واجبي كنديرو معاك و اذا كان شي نقص حسيتي بيه نتي ماشي عن قصد ...( سكت تيشوف فيها و رجع كمل بنبرة لاتخلو من الجدية ) شوف انسيم انا ماكنكرهكش ...

قاطعاتو نسيم بعيون مجروحة...

_ و شنو انا بالنسبة ليك ايحيى ...فهمني نعرف راسي شنو انا كنحس براسي كوادرو عندك فدارك

يحيى : نتي مراتي و مامات ولادي ...كنحتارمك و ولفتك معايا ...ماعندي علاش نكرهك انسيم مرتاح معاك و عايش حياتي عادية ...كنعرفك نتي مراتي و هاذوك وليداتي و هادي داري ( كمل بجدية و صدق ) الطلاق حيدتو من مخي نهار ولدتي أزهار ...و حيدناه بجوج و كملنا نسيت كلشي و كلها فين سرح فبالو و فهم من خيالو ...السنين كتبدل انسيم....( شافها تتشوف فيه قلبها مزير كمل هو ) جهدي كامل درتو فهاد العلاقة حتى تكمل ...ماعندي مانعطيك ...الا على كلام الغزل و الشعر مابقى ليا جهدو وتمحاو من دمااغي ....

قاطعااتو بهدوء حانية عينيها منو..

_ ماكنهدرش على هادشي ...عارفة مشى الغرام و الحب و مشى كلشي ( كملات بحرقة ) بقى الولف نص الازواج عايشين و بينااتهم غي الولف حاجة عادية بالنسبة ليا.....

يحيى هزها ليها ذقنها بصبعو السبابة حتى شافت فيه و رد...

_ و شنو طالبة مني...انا ماباغيش الطلاق ! مرتاح معاك و مولفك ...شنو طالبة نديرو حل وسط ...

كرهات كلمة الولف من فمو و كرهات تسمعها كون غي بقى ساكت و ماقالهاش ماعجباتهاش و حرقاتها هي مزال تتموت عليه و تتبغيه اكثر من قبل و باين من عينيها شحال تتعشقو غي الا كان عور ...و هو تيقول ان العلاقة بيناتهم ولات ولف....شنو الفرق بين الحب و الولف...تتسنع الولف تيقولوها الازواج ضربو عشرين سنة مع بعض ...يعني هو تيحس انهم مزوحين هادي عشرين سنة و لا كثار...مات الحب و الشغف والعشق و بقى الولف.....صافي حيدها من قلبو و ولات غي ولف....سمعات بلي الرجال ماتتغلبش عليهم العاطفة عكس البنات و ماعندهمش مع الاحساسيس و المشاعر و تيفكرو بالعقل ماشي بالقلب...هادشي كانت تيقو و تقبلو لو ماكانتش تتعرف يحيى قبل.....ابتسمت فوجهو بزز و ردت على كلامو...

_ ماعرفتش و نتا كتدوي .. ماعمرنا هدرنا هكا....مولفك تتغوت ...تنا ولفتك ايحيى

قلبات وجهها منو حابسة البكية مبتسمة بزز تتسمع كلامو ...

_ اوا شنوو انسييم !! علاااش الطلااق...

نسيم : باغية تجلس حدا ولادك و تعاوني عليهم ...دخل للمغرب و هنيني و ريح ولادك معاك ماباغياش الغوات و الغيرة و الشك ماحاملاش الصداع ايحيى كرهتو ...تقدر !!

يحيى ( بتفكير ) كنت كنفكر قبل ماتدوي نتي...غنفتح معرض فطنجة اذا كتاب ...

نسيم ( باستفهام ) معرض طموبيلات !!

يحيى : سيي ...( بحدية ) مافخبار حد من غيرك و ماباغياش تعرف حتى تكون شي حاجة ...هادي من جهة!! اما الغوات و الغيرة ماشي بيدي ...فوق جهدي انسيم....نقصو منها نحاولو ولايني كلشي دقة وحدة صعييب....مهم عندي بقاي فدارك و حدا ولادك و ليبغيتيها تكون....شي حاحة اخرى الغالب الله....هادشي لي عندي....

حبسات البكية بزز و نطقات بهدوء...

_ باغية نكمل الماستر و نخدم جلست و مليت و كرهت الجلاس...

يحيى ( بتفكير ) الخدمة اذا كتاب غتخدميها عندي غنتحتاج كونطابل و نتي ديجا عندك اكسبيغيونس...يعني الا المعرض تحل غنتحولو لطونجي الا قدرتي تإيكيليبغي بين الدار و الخدمة و القراية من طونجي لتطوان ماعنديش مشكل.....

سكتات حانية عينيها تتفكر هدرتو كاملة شدات منها غي كلمة الولف....مافهماتش علاش ماعجباتهاش و طاحت عليها قاصحة....سولها مرة اخرى مستني جوابها بامل...

_ دابا هانية انسيم !!!

تنهدات بعمق و هزات راسها ...

_ غنعطي فرصة لهاد الزواج ايحيى ماعندي ماندير ...

تنهد بحال كان هز حمل ثقييل و جرها لعندو باسها فراسها بلا حتى كلمة...طيحات دميعة صغيرة مسحاتها بالزربة مخشية فصدرو تتشم ريحتوو بحب....و قبلاتو غزات عنقها و يديه عراو سيقانها باعجاب ونيفو شمو ريحتها بهوس ...سلماتو راسها و طاحت عارية فاحضانو استقبل جسدها و نعومتها و شعرها الاسود كيتسارا معاها....تتحاول تنسى كلمة الولف لي قالها حساتها ظلم لمشاعرها اتجاهو....زطمات على راسها و رمات داك الكلمة من عقلها و غطسو فبحر الشهوة على الصباح الباكر ...كمشات حجبانها هاتفة بالم...

_ يحيى....

رد عليها مسلوب العقل لا حكام على لسانو زهقات ليه بلا مايحس....

_ احبيبة ديالي....

حسات بهمسو عند ودنيها تبروشااات وصبعانها خداو طريق لشعرو تتطبع قبلاااتها العاشقة على خدو و تحسس لحيتو بيشرتها تيعحبو الحال و تعحبو بحركاتها وخا مافيهاش الزعامة عليه و ماتجرأش منها لراسها فشي حوايج حتى تتشوفو هو كان بدا ...توحشو بعض و طاح فيها ماناض...و الراحة تتغيب عليهم ملي كيتفكرو انهم ماشي فدارهم و ازهار تقدر تفيق فاي لحضة...لكن تيرجعو يغيبو ضاربين كلشي بركلة الشميسة داخلة تتظوي كثار جسدها عاري تحت جسدو عرقانة تترغبو يوقف و ماسمعش منها ...تيعجبو يطول فالمعاشرة و ملي ماكتكونش الظروف ملائمة تيتبرزط و يتعصب...تيعجبو ياخد راحتو و حتى يبرد و يداعبها باعجاب و ملي كيعيى و تحرف ليه مابقالو جهد تيشوف غا بعينيه تتعجبو حيت نقية و ريحتها زوينة و حنيينة ....

ضربات العشرة عاد كتاب الفكاك ناضت طااايرة للدوش مابغات تتنسنى حتى دقيقة ...بقى هو ناعس على ظهرو لابس الشورط ..حتى فاقت أزهار مغوبشة غا شافتو هو فرنسات ...

_ باابي....

بغات تخشى فيه هرب ليها حيت عرقان ناض واقف عينيه ضاحكين...

_انا جاي انا حاي مي برنسيسا....

ناضت لعندو تتجمع شعرها مبرزطة...باغية تفتح الباب تخرج

_ ميمة زاينة و عمو صفوان ابابا...

يحيى ...: ناعسين يفيقو و نهبطو داكووغ !!

خلاها مغوبشة زامة شفايفها حدا الباب و دخل للحمام عند نسيم ...خرجاات هي مدوشة لبسات حوايجها و جمعات شعرها كعكعة مزيرة حيت فازك ماصالحش تطلقو و مالقات كيف تنشفو و ماعندهاش الوقت ينشف راسو...لبسات لبنتها و خرجات مصبحة عليهم مبتسمة و أمير غي شافها طار لعندها مخبي فحضنها.....

_ صباااح الخير .

حسنية ( بابتسامة ) صباااح النور و النواار و الخير و الربح....زيدو تفطرو الحاج كيتنسى فين هو يحيى...

نسيم : هاهو هابط اخالتي....

جلسات دايرة بلاصتها هي وولادها و هبط يحيى مدوش حتى هو ...شاافتو زاينة و ابتسمت مع نسيم .....عرفات نسيم سبب ابتسامتها حيت دايما تتقول ليها جملة معروفة عندها...

" طول مالسرير بيتهز ..البيت هيظل ثااابت..."

حنات عينيها مابينات والو و جلس يحيى قدامها باينة فيه مرتاح و حجبانو مرخوفين تيمد لولدو يفطر ...الحاج سالا الماكلة ديالو عاد دوااا الهدرة فوسط ااكلام ممنوعة...

_ صباااح الخير اسي حمورابي....

يحيى ( بانزعاج ) الخير خيرررك علينا الحاج....

حميد ( ضحك وخا مافاهم والو ) و واعرة هادي.. حمورابي فايت ليا سامعها و نسييت فين..

نسييم تتاكل ساكتة حاسة بالشوفات ديالهم عليها و على يحيى و غي تحس بالحاج شاف فيها تتبهط عينيها حشمانة....باغين البشارة و اي اشارة تتدل بلي الخواطر تصفاااات تيلاحظة اي حركة ا. اشارة تيقراو جنى سوفات عينيهم لبعض....مكاااين واااالو....

فطرو و ناضو الرجال عاد ناضا حشنية جاارة نسيم تتسول فيها باهتنام...

_ ئولي و ريحيني صافي تصالحتو الخواطر تصفااات ...

نسيم : تصفات اخالتي غا ريحي بالك...

الحسنية رسمات بسمة عريضة مجبدة شدات صدرها تتفرنس...

_ و الحمد للله الحمد لله ئطعو ليا الولاد فئلبي ..الله يكملكم بعئلكم و يكثر المحبة ...

نسيم ( بابتسامة ) اميين ....

فرحات حسنية و نشطات و عجبها الحال كدور بحال الفراشة و تهز الحفايد و تبوس فيهم حتى كيبكيو عاد تحطهم و تكملها بجملتها المعتادة...

" انا بغيييت ليه الخير فايض معاك و الزلط مع غيرك "

...من فرحتها عرفو شنو كاين و تهناو عليهم و فرحو ليهم حتى هوما ... حضرو الوليمة بقوامها و الفرحة تتغلي فالقليب جاو الرجال و ابتسمو برضى على الخبر جاابو الطبلة و قراااو القرآن و دبحو البقرة تشاركو فيها الجد و الحاج حميد ...الطرب الاندلسييي و الضحك و الولاد كيجريييو فاركان البيت ..امير ولى حركي و كينقز و يجري و يجر ازهار من شعرها كيموت على جران الشعر...تتغوت و تضربو و يقيموها صداع تتفكهم زاينة بزز....و تكمل عليهم نسيم بالتوبييخ حتى تتضحك عليها حسنية...

_ هذا غوات عندك ؟ حمر عينيك فيهم و ئوي الشوفة ابنتي ولايني الضرب لااا خلي هدرتك مسموعة و زيري معاهم شوية...

نسيم : أمير كيخاف نغووت ازهار لا تغوتي حتى للصباح والله لا سمعاتك راسها قاصح و خسرها يحيى بالفشوش...

زاينة ( تتهز فراسها و تنهد ) ربنا يخللى لنا عئولنا .. لغاية ما نوصل لئبورنا ياااارب ...

حسنية ( خنزرات فيها تتعيبها ) ننن لالة زاينة بنت المحروس عئلك غيحفىى غا بالتحرميات السطل متئوب ...

زاينة ( هزات كتافها تتشالي بسالفها ) ناس من لحمك ودمك بايعينك .. ماتلومش بئى

اللى لسه امبارح عارفينك.....

حسنية ( غوبشات فيها تتعصبها كي تتعوج ) و نوووض نووض ستر هاذوك زغيبات الفار و تحجب و ئراي كلام سيدي ربي راكي شرفتي مابىيتي صغييرة ....

تتزيد زاينة تفقصها بداك السالف و الصويت و التحلوين ...صحة حسنية لي مشاااات حيت ربااات الولاااد كاملين من يحيى و صفوان اما زاينة مزااال صغيرة تتظوي بالزين حاضية غي راسها و التساافير و الحوايج مفششة عند الحاج حميييد كثار من القياس تيبغييبها و يمووووت عليها ملي كانو شباب لدابا ... تتقتلو بالاعصاب و الجواب على نابها و التحرميااات و يحلف عليها حتى يعيى و يلقى راسو مسامحها ...اما حسنية عندو عزيزة والد معاها جوج بناات كيحتارمها و "مولفها" ....

كانو جالسين النسااء فصالة بلدية تيضحكو كاين لي شحال ماشاف الاخر عاد دابا تلاقاوو.....و الولاد برا كيلعبو و يجريو ...تما غا الولاد اما البنت الوحيدة هي أزهار ...الجنس الخشن كيطير و تتسابق معاهم ازهار فالطيران كيحكروها و يجريو عليها و يجرو أمير ..حتى امير سمح فختو وتبع الولاد بحااالو مخليها زامة شفايفها مكمشة غينيهة غطرطق...تتدوي بين سنانها...

_ أمير....انغطب عليك ....أميييير تفوو أمير ازيييي ...انكولاااا لماااامااا ...( ماكيجاوبهاش مخشع مع اللعب ضربات رجليها فالارض معصبة ) اميير.....

شاف فيها و رد مغوبش ...

_ سنووو.....

هزات كتافها منفخة علييه

_ بويس نادا ...( والو )

مااهتمش بيها و كمل لعبو مع الحلالف كباار منو و كاين لي صغر منو وواحد كبر من أزهار سميتو عمااد عاد خارح من الطواليط كيلبس سروالو و الفليفلة ديالو باينة شافتو ازهار قلبات عبنيها معصبة عليهم كاملين غي يجي يحيى غتقولها ليه ...تتشوف فيهم مرة مرة تتلقى عماد تيلبس سروالو و يغوت على أمير خدا ليه العابو دابزو و ناض الصداع و لعب الدراري خاايب ضرب أمير حتى طااح باااكي تيغوووت بالجهد من الطرشة طااارت ازهار على عماااد تتغوت و تجنن و هو كيضربها طيحهااا تيعض فيها و هي مشااات نيشااان عضاااتو من العضو ديالو داير كي كاوكاوة....عضااااتو عضة حتى حس بالموت و زرق و طلق غووتة هزات جدران البيت و تهز قلب نسيييم و لبنى و هبطووو طايرين وحدة تتدفع الاخرى.....وجههم صفر....

_ ولللدييي فين هو...عمااااد...

كلشي مخلووغ و اارجال هبطو مصدومين من الغوااات و الصداااع و جا حتى يحيى عينيه تيقلبو على ولادو حتى يرتاح و نسيم ماتسوقات لحد جرات ولادها لعندها امير كيبكي من حر الطرشة و أزهار مخبية فيها خايفة....و لبنى تتشوف ولدها شاد بين رجليه كيبكي ....

_ حسااام اجي شوف ولدي...حسااااام. ولدي....

يحيى جر امير لعندو تيسكت فيه و يشوف الطرشة و يرجع يشوف فعماد تيبكي و ازهار مخبية فنسييم ...و كل وحدة جرات ولدها عندها مخلوعين على عمااد لي هزو باه طااير للكلينيك و لبنى سخفااات شدوها غي النساء ...

نطق ولد عمو تيشكي بازهار شاد بين رحليه حتى هو خايف على رزقو...

_ ازهار عضات عماد من هنا..

طلقاتها ازهار ببكية مخبية فحضن نسييم...

_ هو ضرب أمير....و ضربني....

شهقو كاملين من الصدمة و يحيى خسر ملامح وجهو من حجم الكارثة و الولاد زيرو على مسائلهم خايفين .....شاف بنتو مرعوبة تتبكي و نسيم تتبكي معاها جر بنتو لعندو تيسكت فيها...

_ شش ماوقع والو ..صاايي ابابا.. علاش كتبكي ....

تخشات فيه مخلوعة تتشكي ليه وهو جبد تليفونو تيصوني على حساام و يعاود و الرجال كاملين تيصونييو مشوشين و النساء مع لبنى سخفانة غي فاقت علموها بلي ازهار عضاتو من تما...بكااات حتى غياات و صونات لحسام يطمئنها ماتيجاوبس ناضت بعيون غاصبة تتقلب على ازهار...

_ فين هي...فين هي بنت الحمااارة الكلبة بغات تقتل ليا ولدي....قليلة التربية....

شافتها مخشية فحضن يحيى و كي الحمقة شافت امير واقف حدا نسيم جراتو و طرشاااتو بغفلة من كلشي و طلقها للغواات ...

نسيم بحال الى قستيها فعينيها....ناضت صاااعرة و طرشاااتها حتى دار وجهها ....

_ علااااش ضربيه...علاش شكون نتينا ضربلي ولدي...الحمااارة ....

يحيى معصب كثااار منها و عينبه حمرااا تيزير ولدو عندو تييغوووت مزعزع الدار...

_ حمقة ولاا ماالكي...علاااش تقيسييه ...

لبنى تتغووت : قلالين التربية ربيييو ولادكم كان غيقتليا ولدي ...مارمبيينش. و غنزيدو كثااار...

صعر يحيى و كان غيخسرها بشي هدرة جرو صفوااان مصدووم و نسييم عطااات جوااابها للبنى قلبها تيغلي على الطرشة لي عطاتها لولدها وهي تتشوف...

_ مربييين كثااار منك...ماتقيسيش ولدي ...مااضربوش تقطعت عليه باش ضربيه نتييي ...ازهار غلطااات تغلطي نتي مولاات العقل زعمااااا.....( تحنننات علييبها تتغوت بحر جهدها ) علاااااش طرشتيييه علاااش شنو دار ليك ولدي.....

ناادية جاات من حهة مراة خووها تتغوت علييها حتى هي...و تسب وحسنية تتفك و يحيى خرح ولادو طلعهم البيت معصب دمو كيغلي على ولادو كيبكيو بجووج و امير وجهو مطبوعة بالتصرفيقة ....لبنى بقات تتبكي كلشي داار فيها و قالو الدرية بلا عقل و نتي شنو شنو دار ليك هو.....سخفاات ليهم تماا مرة اخرى و قامت القيامة وقلبوها بكاااء على هاد المصيبة ...طلعات نسيم تترعد لبيت هزاات ولدها تتبوس فيه و تسكت فيه تتشوف طابع الطرشة تتبكي معاه...

_ حبيب ديالي....صافي امامي ماتبكيش دابا تبرااا ...

يحيى ( هاز أزهار تيمشي و يجي معصب ) بنت الكلب ضرب ليا ولدي و انا حااضر ....صااييي مابقات عائلة مابقى زمر المرض بعينيه ...( كمل مفقوص ماقادر يدير والو حيت مراة ولد عمو مايقدر يضربها ولا يسبها) مصيبة هادي....

شافت فيه تتبكي بحرقة ..

_ شنو دار ليها مافهمتش علاش ضربو هو ...ماكيادي حد و ساكت بان ليا غي ولدي مانسهاهاش ليها ماعمرني نسمح ليها....

هز يحيى تليفونو بيد واحد عاقد حجبانو معصب...صونا على حسااام جاوب بعد محاولتبن...

_ فين احسام ؟ شنو عندو ياك لباس بعدا.....

حسام : صافا صافا الحمد لله غيشدوه اليلة ( تنهد براحة ) طيرها مني خلعة....

يحيى : الحمد لله على سلامتو الله يشافي.......

دوزو داك اليلة بستة و ستين كشيفة كلها فين مخشي ..لبنى حتى طمنها حسام عاد رتاحت على ولدها قلبها كان غيسكت...نعسات براحة بعد ماسمعات خبارو ...اما نسيم ليل كلو مانعساتش تتقلب بوحدها و تبكي ملي تحس بولدها فاق مرعوب حتى تيرحع ينعس ...طار عليهم النعاس لا هي لا يحيى قدرو يغمضو العين ...شافها تتبكي نطق بدفىء ..

_ نعسي انسيم نعسي نسااي ...

نسيم ( بحرقة ) مانقدرشي ننسى ايحيى...صرباتو ضربة كبيرة عليه تخايل يكون راسو تزعزع و تخلخل وهو صغير هكا تينعس و يفيق مخلوع ...عنفاااتو وهو صغير مامولفش غا ملي كنغوت عليه كيخاف ... ازهار بلا عقل غلطاات تغوت و تلوم من حقها و لكن امير شنو دار ليها ضرباتو و انا كنشوووف....

سكت كيتنهد بين كل دقيقة مرض فخاطرو ولادو عمرو غوت عليهم و لا عنفهم جات وحدة طرشاات ولدو قدام عينيه تتجيه مصيبة يضرب ولد صغير عاد لاكان ولدو ...زير على ازهار مخشية فصدرو نااعسة تيبوس فيها ....

بقاو ديك اليلة فايقين حتى صبح الصباح و مع العصر جا حسام مع ولدو و تجمعو كاملين لبنى ضمات ولدها تتبكي وهو تيرمش مخلوع حتى رتاحو على حالتو عاد نطق يحيى بانزعاح...

_ بنتي غلطاات غنوبخها بطريقتي و نفهمها بلي هذا غلط و ماخصهاش تعاودو البنت صغيرة ماعندها غرام عقل و لكن توصل بمراتك تضرب ليا ولدي خارج مظلوم من هاد الروينة كاملة لا...مابلانش احسام....

حسام ( تيشوف فمراتو بنص عين ) عرفت لي وقع البارح و حتى تنا ماعجبنبش الحال..ولدك هو ولدي و نتا خويا ماشي غي ولد عمي...بنتك غلطات ماندويش معااها ندوي معاه نتاا علمها ماتعاودش...و مراتي غلطااات غتطلب السماحة و ننساو لي وقع...

الحاج ( تيشوف فلبنى و نسيم ) لبنى ضربات أمير و نسيم ضربات لبنى ...لبنى عقلها غايب مع ولدها ماعرفاتش راسها شنو كدير و نسيم كذلك عقلها تلف مع ولدها المعنف و ضرباتها الضرب على الوجه محررم حتى البهيمة وصى الروسول صلى الله عليهم سلم مانضربوهاش للوجه .....السماحة يطلبهم بجوج و ربيو ولادكم باللتي هي احسن الا شافو الكبار متسامحين الصغار غيتبعو طريق الكبار.....الخصام مابغيتوش يطول ...

يحيى ( بانزعاح ) ماجاتش و ضرباتها غي هكاك منها لراسها الحاح ....

الحاج : بني ادم اناني وقت نتا بالك مع ولدك المعنف بال لبنى و حسام مع ولدهم لي كانت روحو غتطلع بسباب بنتكم...و مع ذلك حسام و لبنى غيطلبو السماحة و نتا ماباغيش مرتك تطلب السماحة ؟؟ غي نتا لي مزوج و والد احمورابي !!

شافو ساكت جامع حجبانو و زاد كمل...

_ نتا معروف مضروب من صغرك و ااسماحة ماطلبهاش...مراتك لااا غادية فطريق الحق و طلب ااسماحة ماتنقص منها وتلو ...كاينة ولالا ابنتي نسيم ...

نسيم ( بقات ساكتة )

الحاح ( حرك العصى تيشوف فلبنى ) بداي البنى طلبي السماحة و كبري عقلك ماتخليش الشيطان يغلبك...

لبنى ( بندم ) انا كنت مخلوعة على ولدي ماعرفتش شنو وقعلي و غلطت ملي ضربت وليد صغري سمحوليا ماكنتش فوعيي و كنعتارف بلي غلطت ....

الحاج شاف فيها برضى و ستنى جواب نسيم لي بقات ساكتة لفترة عاد ردت ...

_ الله يسامح ...( كملات من فوق قلبها ) و سمحليا حتى نتي ...

تسامحو و تحل الصدااع و الحاج يدور يدور و يكبر بيهم و يرضى عليهم و ينغز بكلامو يحيى ضروري مايجبدو مايخليهش هاني و من ديك اليلة ولات سميتو عندو حمورابي مابقاش تيعيط ليه يحيى كلشي تيسول علاش سماه هكاك و شنو القصة من السمية و مالقاو جواب...! تعشاااو كااملين و رجعات العائلة للتحمعات و الضحك و النكت و الالعاب و الحاج شااد ازهار فوق رجلييه تيلاطفها..و يوريها بصبعو ولاد العائلة...

_ نتي البنت وسط هاد الصبياان لازم عليهم يديروك فوق ريوسهم و كلامك عندهم مسموع....

عماد تيشوفها تيتكمش ولا تيخاف منها ضحكو البقية و نطق صفوان ضاحك..

_ أزهار ازهار شكون نمبر وان عندك ماما ولا پاپا...

أزهار ( تتفرنس و تشوف فيحيى و نسيم ساكتة...)

صفوان : سياسية خطيرة عندكم هاد البنت ..قدام مها كتقول بابا نمبر وان و قدامهم بجوج كتضربها بسكتة.....

ضحكو عليها و على سكاتها فحجر الحاج لابسة الخواتم و سنسلة فيها سميتها ديال الذهب صاوبها ليها عبد الله و فين ماتكون معاه تيعطيها شي حاجة يا سوار يا خاتم يا سنسلة يا حلقات قد عمرها الحفيدة الاولى دايما عزيزة و غالية ...جبد ليهم يحيى موضوع المعرض لي ناوي يدير و بداو التشجيعات و المباركات و الافكار و المساعدات ...وهو جالس تيلعب بتليفونو بعفوية حتى حطو شاف يد نسيم محطوطة غلى فخاضها دايرة خاتم الزواج .. تقصد العفوية و شبك يديه مع يديها تيتلمس الخاتم بلا مايشوف فيها ...صدمها بالحركة ماتوقعاتهاش جاتها على غفلة منو حساتو دارها بعفوية مولف تيلعب باي حاجة جات حداه ملي كيكون كيدوي...سكتات تتسمع كلامهم ...

يحيى ( بحدية ) لا كلشي واجد الحمد لله صافي عولنا نبداو من غدا لابغينا....

صفوان : والله الا واعرة ! شحال من مترو ..شي بلاصة زوينة

يحيى : من ناحية زوينة زوييينة نييت ( ضحك ) حطيناهم صحااح فوق 90 مترو و فيها ثلاث فتحات تعرض فيها كثار من حديدة دقة وحدة و شي ستة على برا ...

حميد ( بتفكير ) عرفتي شحاال غتخسر مع التجهيزات !! ...الفلوس لي جامعهم حطهم فيه و رجع اللور هههه....

يحيى : كاين الواليد الحمد لله قادر على التمويل بلا كريدي....

الحاج : الله يوفق و يسير ليك امورك .....

يحيى حيد يديه من فوق يديها و ناض واقف...

_ امين... غنمشييو دابا الحاج ...

حسنية ( باستغراب ) فين غاديين ...مزال اولدي حتى لغدا ...

ناضت نسيم واقفة هازة تليفونها ماعارفاش فين غادين..ماقاليها والو حتى تتسمعو دابا ناطق...

_ غنمشيو شي يوماين نريحو بالنا شوية فشي جهة....فيقي امير نمشيو...

حميد : و فين معول ان شاء الله ...

يحيى ( تيحك لحيتو و يتفقد السوارت فجيبو ) قصبة تمادوت نواحي مراكش ....تمشيوو ...

حسام ( هز راسو ضاحك ) غاا بصحتك اخوويا بصحتك بزاف عليا 10000 درهم ليلة وحدة انا غا موظف درويش ...مي البلاصة تما واعرة تقنوووه....

يحيى ( بعفوية ) وييه غالي شوية و لكن ماعليش حتى نسيم كيعجبوها دوك البلايص و لي في تما زعما واعرين حسن ماتضربها تسافيرا على برا ....

حسنية : بصحتكم و راحتكم ... غي هو زير اولدي شوية زير و نتا غي طالئهم حتى تكمل المشروع ديالك و دير لي بغيتي....

صفوان ( بمزاح ) و هني بالك الالة حسنية ...كنقول ليك هذا عندو الفلوس كثار من الوليد غا مكيبانش عليه و ماتعرفش شحال راس مالو ....لو كان ماعندوش مايشد بياتة بمليون الفوق البلاصة كيجيو فيها غي مشاهر العالم ...

ضحك يحيى تيهز فراسو هز أزهار و هبطات نسيم هازة امير شد من عندها الصاك و توادعو مع العائلة و مشااو دازت يوماين تيوجدو راسهم للسفر و حميدة فرحات ليها و تهنات عليها عاد شدو الطريق لمراكش و بالضبط لقرية اسني و لقصبة تمادوت الخضورية و الطبيعة و منظر القصبة من برا عالم اخر....و اغلب الزوار تما من الاغنياء واكثرهم الكور...مع الدخلة شافت نسييم اسم القصبة محفووور و اسم المالك حتى هو طويييل بريطاااني صوراااتو عندها و تبسمات تلاقات عينيها مع يحيى وحناتهم لأمير داير نضيضرات الشمس دافع الكريشة غادي جنب ازهار تيضحكو فرحانين....و يحيى و ازهار للور....استقبلهم استقبال ملكي يليق بالمكان تلاقاو فالدخلة براحل و مراة لابسين البلدي بجوج و الراحل داير طربوش حمر هازين الضياافة و اتاي فكيسان ملونين حمر و زرق ...نسيم تتشوف بعينيها تترتاح فهاد البلايص و تيعجبوها لابسة الكلاس و شعرها مطلوق ...

...حط يحيى يديه ورا ظهرها بعفوية و دخلو للقصبة فعااالم الف ليلة و ليلة قصر الاحلام بالنهار عالم و باليل عالم اخر تماما...... كان حاجز يحيى سويت دلوكس فيها جوج ناموسيااات وواسعة و محهزة لقاو فيها جوج شاشيات فيهم لمسة مغربية و خيمة بيربير مع حاكوزي بريفي ....علات نسيم عينيها تتشوف فالديكورات و اللوحات المعلقة كان فيها راجل شواربو كثيفة جالس حلسة الملوك و لوحة اخرى غامضة ...صورات البلاصة و صيفطاتها فالقروب...و الولاد تيطلو على برااا تيشوفو الطااوووس بريشو الملون و الخضورية تتخضر ...

شافت فيحيى و نطقات..

_ زوينة بلاصة هنا....

يحيى ( تيخوي جياابو ) زوينة باليل كثار ...

نسيم( ابتسمت ) : كطيح الثلج هنا نو !!

يحيى : سي كيطيح لكن ماشي دابا مزال الحال شوية...بدلي عليك نشوفو البلاصة كاين مطمع فالسطح و السبا و ملعب تينيس و صال دوسبوغ ....

جلسات على الناموسية تتشوف الورد الاحمر منشور و ابتسمت ...بدلات علبها و لبسات الكلاس ناشرة البياض و الهدوء بالوانها خلات يحيى مع الولاد و خرجااات للمسبح الداخلي كلو مغطي بالورد الاحمر و الابيض ماتيبانش الماء كااع...مدور باربعة د الفيلة صغار محطوط فالقنات لعبات بالماء بيدها شوية و خرجات للخيمة على برااا قدام شجرة كبيييرة مايلة باينة بلي قديمة بجليسة بلدية بالمخاد و طبيلة فالارض حانية ....متكية على المخااد و ميلة شعرها معاها مرتاحة وابتسامة مزينة شفايفها.......و الموظفين ساهرين على راحتها باكمل وجه لاحظات بلي بعض النساء العاملات هنا محجبااات و ابتسماتهم بشوشة وخا الانجلزية على قد الحال ...من الموسيقى و المكان و الافرشة و الاشحار والطعاام و طريقة تقديييم تتحس بالفخامة و طابع الملكية فالقصر ...

جات العاملة حطاات سلة الفواكه مغربية مستوكية و ديكورات مزينة الطبلة مرافقة للسلة ....شافت فيها نسيم و شكراتها بالعربية حيت شافتها محجبة و ردات عليها العاملة بالعربية حتى هي ...

جا يحيى و الولاد و انضمو للخيمة ...ازهار هازة وريدة تتفرنس

_ بابي صورني....

هز يحيى التليفون خدا سيلفي جامعهم كاملين حتى من نسيم لي ماعاقت بيه تيصور حتى صور الفوطو الاولى و حات قالبة عينيها.....جلسو تما حتى للعشية و بدلو البلاصة طلعو لمطعم فالسطح بجلسة اخرىو اطلالة اخرى عالم خيااااالي اسطووري ....نشرات بضع تصيورات على حسابها ...فجلسة ملكية تتلعب بريشة الطااوس و وردة حمرا مع ودنيها صورها يحيى بنفسو و ماعلماتوش بلي غتحطها...و صورة اخرى تتشوف فصنم الخرووف بالقرون حدااها فجلسية فالسطح تتبان الخضورية و راها و زروقية السماء .....كومونطات ليها خلود و حلااا و نادية و هبة و لبنى و القلوبة تيشيرو حمااقو على البلاصة ......

دوزااات يوماين في راحة فوجات و نشطات عاجبها الحال يحيى التليفون ماهزوش فخطرة عكسها هي منشغلة بيه تتهدر مع البنات ...رجعو لفاس و بداو تيوجدو للسفر مرة اخرى...جمعات حويجااات كثااار و جويجات الولاد سخااان و شدو الطريق للشمال جلسو فكاستي ياخو فدار حميد و يحيى مرة مرة تيطلع لطنجة يقابل شغلو مشغووول النهار كلووو بالخدمة....

جهز الطابق الارضي بالسيراميك و الصباغة بلون مفتوح و الظوااو كااان كبييير وواسع دااير مكتب فيه ارضية د الخشب و الكراسا د الحلد فالاسود باش يستقبل الكليان و غرفة اخرا حتى هي بالبيرو على حساب العمال لي غيخدم معاه والكليما و الكاميرا من برا و من الداخل و جهاز امني واسم المعرض بواجهة الكلادينج وخاا مكلفة على غيرها حط فلوسو فيها و عطا و زااد حتى جهز المعرض و دخل الطموبيلااات فضل يدخل الطنوبيل نقيية و زوينة شي حاحة تتمشى استهدف الطبقة المتوسطة ماهي غالية ديال الاغنياء و لا رخيصة مخرششة ...عرض ثلاثة الداخل تتبان من الواحهة الزجاحية فيها ثلاث فتحات و ستة على برا حديد نقي كيبري و خدم بنت خبيرة فنفس السيكتور تتسقبل الكليان انيقة و لبقة فالكلااام و نسيم خداات بلاصتها حتى هي كونطابل عندو الولاد دخلو ليكول و الماستر دفعات الضوسي ديالها...تتدوز نهارها من هنا لهيه ماعندها وقت الجلاااس حركية و نشطة و خفيفة و احتكاكها مع يحيى زااد وخا علاقتو معاها جدية قدام العمال حتى داك المكلفة بالكليان ماعارفاش راها مراااتو ....!

حلا دوزات شهر و نص العسل على حقو و طريقو تتسارا بين دول شينغن جاات المغرب و استقبلتهم عيشة عندها تتحضي حلا لي تبدلات ولات مكتعقلش جالسة جنب عبد الصمد جامعة رجليها للجنب مبتسمة لابسة لبسة ماركة دروجين تتنقط بالاناقة و الفخامة و شعرها فلون الشكلاط تقطيعة ايفيلي قوي و فيه لمعة زوينة و مكانة رقيقة شييك فمصمعها تتبسم بأناقة و حمال...

_ ها الريكالو ديالك اخالتي عيشة ...

مدات ليها كرطونة كبيرة شوية و هزات من عندهة بالنفخة مافتحاتهاش...

_ ممم فلوس العايل ديالي كاديالك ...

حلا ( ضحكاات و مداات لصفاء و سكينة ) ها التفكيرة ديالكم و قولو لي كيف جاكم الذوق ديالي....

صفاء ( فتحاتو بفرحة لقات اسكاغبان روبيرتو احمر اللون حمقها ) زوييين كيحمق ...ذوقك خطير ....

عبد الصمد ( موسع يديه و رجليه باينة فيه مرتاااح و راشقة ليه ) اش فيها اعيشة كي خليني ناس بلجيكا عاجبك الحال معاها....

عيشة ( عينيها ماقدروش يبعدو من حلا جاتها زيانت بزاف تتفتن زادت تغددات تتجاوب بين سنانها ) كيف ماكان الحال العايلة ديالي ماشي هي البرانية ...شوفت الحفايد و حيدت الشوق ديالي فيهم ...( كملات ضاربة المعون ) و الا كتقول انا يماك و عزيزة عندك ولدلي حتى نتينا الحفايد باقي نتينا بوحدك فخوتك ...انا بغيت نشوف الحفايد اعبد الصمد ماشغليشي....

صفاء و سكينة تيحشمو من هاد السيرة قدام عبد الصمد حناو راسهم حشمانين و عبد الصمد تيجاوب بتحايل...

_ ان شاء الله ان شاء الله...

حلا ( ردت بابتسامة جميلة ) مع المكتاب اخالتي عيشة نهار يكتااب...

دوزو معاها العشية و نكير عيشة معروف ماعمرها تسكت...حمعو الوقفة غادين عند حميدة عارضة عليهم للعشاء....مشاو للفيلااا و استقبلوهم بالزغاريت و الحليب و الثمر و حميدة ضمات بنتها تتدمع و كانت نسيم و خلود و وئام واحبابها كاملين فرحانين.....جلسوها وسطهم وىام تتشوف فيها باعحاب و تقيس شعرها و حوايجها مندهشة....

_ تبدلتي بزااف احلااا عرفتي كي وليتي كتحمقي كيجي معاك جو برا...

حلا ( رمات شعرها اللور ضاحكة ) زعما زعما كلشي قالها ليا ...عرفتي توحشتكم والله ماكان حسابلي كنتوحشكم هكا تصدمت فراسي....

نسيم ( ضماتها مبتسمة ) بقات بلاصتك حميدة حنا كاع مابقينا كنبانو ليها هههه..

خلود ( هازة بنتها فححرها باينة تتضحك ) ولاهيلا....فين الريكالو ديالي بعدا و دبنتي حتى هي ..

حلا ابتسمت حتى ترفعو خدودها و سنانها بيضيين تيشعشعو

_ جبت ليكم كاملين الصغير للكبير مانسيت حتى واحد خليتهم عندي فالدار بالتلفة ...غدا ان شاء الله نديرو شي جميعة كاملين فداري ماتقوليشي شي واحد الراجل ما الراجل غنباتو فايقين كنتحتحو ..

خلود ( باعحاب ) والله الا زيانيتي تبدلتي فشكل ...

حلا ( هزات حجبانها ) خمسة فعينيك حضيوني حضيوني....

جات حميدة و حنان انضمو للجلسة ضاحكين و منشطين و الرجال جالسين هدرتهم على السياسة و التجارة و السلعة و هذا طاح هذا تزاد ...حتى صدموها ملي قالت حميدة...

_ و مافخباركش وئام غتزوج حتى هي...

حلا ( وجهها صفار بالصدمة ) اواااعدي ياااانا شنو كنسمع...

وئام ( غوبشاات ) و مالك شعندي انا مانتزوجشي اذا ماتزوحتشي نحماق ...

خلود ( بسخرية ) : و قولي بمن ؟ بمهدي البرهوش حتى هو

حلا وسعات عينيها و طارت عند وئام تتجبد ليها ودنيها مصدومة...

_ واش باغية طير ولا مالك...و باقا صغيرة المصيية ماعملتي حتى عشرين سنة و مع من الحمارة المكلخة مع مهدي ماكمل حتى 24 سنة و كيفااش خالتي رضات تزوجها كيفاش واش حماقيتو ...

وئام ( تتغوت ) بعد مني ماشغلكش فيا انا ماشي صغيرة ...

حميدة ( تتنهد ) و بغات ننتاحر شدوها غي بزز قالك كيموتو على بعضهم و الا ماتزوجاتش فيه تقتل راسها خالتك مرضات معاها و مالقاو حل غي الزواج ...

حلا ( شدات راسها بعدم تصديق ) يالحمارة غتندم باقا صغيرة واش نتي قادرة على الزواج و الولاد باقية صغيرة قد صبعي الصغير.....ديها فالقراية ديالك و نساي عليك الزواج الحب غيمشي و غتبقى غي نتينا مع مهدي عايشين مع يماه و كتستناه يدخل جوح دريال يصرف عليك فالاول غتعيشو بخير فالاخر غتندمو لا نتي لا هو...مهدي صغيير صغير واش حماقيتو....

وئام ( صعرات ) ماشي شغلك...ديها فراسك مابغيتش نتسمى بايرة بحالك و نسمع الهدرة فالعائلة عاد نتزوج على ثلاثين و براجل فيه الشيب و مزوج حوج قبل ...انا بغيت الناس يقولو عليا شوف وئام دغيا طارت و تزوحات مانبقاش نسمع الهدرة دبايرة مابايرة و انا كنبغيه و بغيت نتسمى مزوجة ماسوقكش....

حلا ( جعرات ) بزاااف عليك و على والديك انا نهار تزوجت تزوجت بالطليب و الرغيب و كون بغيت نتزوج كون درتها ملي كنت قد و صغر منك انا الزواج ماكنتش تنفكر فيه و نهار تزوحت ماجيتش و تزوجت بواحد ماعندو حتى دار يسكن فيها ....تزوحتو بخيرو و بعقلو يكون حتى شايب فرحااانة بيه و مقنعني اللهم هو ولا برهوش عاد تيسلت درهم من عند يماه يخلص القهوة عليك .. المكلخة الحب و الزهو حدو العام لول من بعد قولي يما ضربوني الحيوط ...هو صغير غيكبر و يندم عاد غيوصل لثلاثين و يفتح عينو و يشوف الدنيا و يقول ندمت علاش وحلت راسي هو ملي يوصل لثلاثين غيكون بصحيحتو كي العود عاطي للعين و نتي عرفتي كي غتكون ؟ هاااا جاوبي الخانزة...سنانك مدريين بالوحااام و الحبالة و شعرك طايح و بزازلك مدلين و معصبى مع العيشى و الولاد و قلة الشيء مكلخة....مانزيدش نحرق راسي معاك ....

وئام ( بالغوات ) مالك نتينا كتعلم الغايب ولا شني ...انا قانعة بيه كنبغيه علاش كتبغي تكرهني فيه....كنموتو على بعضنا و نتينا لي فرحانة بالراجل ديالك لاتفرحشي بزااف غا بزناز مورق من الشوفة غيعيى منك و يبدلك و غتكون شرفتي مايبقى حتى واحد يشوف فيك....

تعصبات حلا و مارضاتش جراتها من شعرها تتسب فيه مغددة و تتغوت و وئام تتبكي و نسيم و حميدة تيفارقو بقات خلود تتشفى ..

_ عطيها احلا عطيها برهوشة حنا كنبغيو المصلحة ديالا وهي كطير عطيها راها فقصات خالتي مسكينة....

عطاتها حلا علاياش تتقلب هزات صاكها و طلعات لبيتها تتدوي بين سنانها مغددة...

_ الحمارة تتعايرني انا بزاف على حسها برهوشة وخا على يماها....

بقاو ديك الليلة تيهدرو على موضوع وئام واكلين ليها الهم...نسيم مشات مع يحيى لكاستي ياخو و عبد الصمد مشى عند عيشة بقات حلا بايتة مع حميدة فالفيلا توحشاتها...تتسول على اخبارها و زواجها...

_ كيعاملك مزيان ؟ مرتاحة معاه قولي ...

حلا لابسة شوميز دونوي معري فخاضها بيضين معرين و صدرها باين باغراء الانوثة زايدة فيها بالجهد ...

_ مزيان اماما مرتاحة علاش مانكونش مرتاحة....

حميدة ( باهتمام ) انا عارفاك ابنتي تزوحتي بيه غا مدرمة لا حب لاحب ملوك.....شنو دابا ؟ رجعتي كتبغيه عاودلي انا يماك....

حلا ( ضحكاات تتلعب فشقة صدرها بعفوية ) هاي هاي على حميدة تتعرف الحب و داكشي ...مانعرف ليماه مهم مرتاحة انا الحب ماعارفاهشي كيفاش عامل حتى نقول مولفاه عاجبني الحال معاه صايي هذا المهم ....

حميدة : و الولاد ؟ نتوما ماشي صغارين فوقاش عوالين عليهم...

حلا ( قلبات عينيها ) اوا اماما واش غي احي وولد ...لا انا لا هوما باغين دابا....حتى نعرف بعدا فين حاطة رجلي عاد نحمل....

حميدة : الله يسهل عليكم و يفرحكم دير عقلك معاه احلا ...نمشي ننعس حتى انا تصبح على خير...

حلا : تصبح على خير ماميتا ....

غي خرجات حميدة ناضت حلا مبرزطة للحماام علات رجل خاشية صبعها تتحتها مكمشة حجبانها تتجيد الحلقة المطاطية بعد مابقات فيها ثلاثة د السيمانات ...حيداتها و رمااتها تتغسل يديها مخسرة ملامح وجهها معصبة من المنظر.....

نعسات و كيف فتحات عينيها فالصباح مشات لخدمتها ...صبحات على مهدي و صوفيا مخنزرة ... شيرات لمهدي بصرامة..

_ مهدي تبعني للبيرو...

تبعها تيحك رقبتو عارف اش تابعو ...جلس قدامها وهي تتشوف فيه معصبة ..

_ قلت ليك وئام عطيها التيساع علاش مزال لاصق فيها...واش باغين تخرحو على راسكم عاد صغار بانلكم فالزواج ؟؟.

مهدي ( بجدية ) انا كنبغيها اختي حلا شنو ندير ؟ قصدنا الحلال ماشي الحرام...

حلا ( صعرات ) شووف وئام كابرة فالفشوش بنت الفشوش طبسيل ماتغسلوش و لي طلباتها تحضر ماتقدش عليها و على مصروفها و زيد قرايتها ؟ مافكرتيش نتا فقرايتها كي غدير معاها غي كترونو....

مهدي بقى ساكت مابغاتش يتناقش معاها ولا يزيد معاهاا فالهدرة و لي فراسو فراسو مابقاتش تيتصرف براحة قدام حلا ولى تيدير ليها الحساب مضوبل و قيمتها تزااادت عندهم كاملين و حتى عند عائلتها الفلوس كدير قيمة و دير ليك طريق وسط البحر و هاد القيمة تعطات ليها غي حيت تزوجات بيه خانز فلوس و شافوها حتى هي بانو فيها و تبدلات حتى تصرفاتها و شخصيتها الفلوس بدلو فيها بلا ماتحس....! طلبات من مهدي ينصرف لشغلو و بقات جالسة فالبيرو تتكمل شغلها و تجاوب كليانات ديالها لي توحشوها...حتى دخل كليان و استقبلو مهدي بعملية و ترحيب ...علم حلاا و خرجات لعندو ببدلة أنيقة و ابتسامة جميلة ...ابتسامتها بدات تتمحى شوية ورا شوية ملي شافت الشاب لي دخل و عيونها توسعو و برقو باعجاب ماقدراتش تخبييه....كان شاب فالثلاثينات يوسفي الجمال وسييم لدرجة لاتصور داك الزين لي تتشوفو و تتقول عليه زوين مايختالفوش عليه جوح....ردات البال لراسها و رحبات بيه بابتسامة و عبنيها تيشوفو فيه باعحاب ...

_ بونجووغ....

الشاب ( بابتسامة جدابة خطيرة ) بونجووغ ...نتي مولات الشي

حلا : وي باغي شي حاحة شي استفسار ..

الشاب : سي سي باغي شي انسومبل للواليدة تكون شي حاجة زوينة و ثقييلة خدمة متقوونة ....

حلا : داكوغ ! نوريك لي كاين حاليا ولا عندك شي موديل باغي بحالو يتصاوب !!

الشاب ( تيشوف فيها باعجاب ) نشوفو الموجود الاول...

ناضت حلا من قدامو تتدور بداك الطالون و الشعر بحال لون الشكلاط طايح على ظهرها واقفة باستقامة و حركاتها جميلة عرضات عليه الموجود و اقتنع بوحدة عجباتو تساومو على الثمن و قال غياخدو و يرجع وراه غدا ....خرج من المحل مخلي عيون البنات عليه من حلا و جبد صوفيا تتشوف فخياالو بصدمة...

_ 24 عاام و فحياتي حيااااتي كاملة ماشفت فحال هاد الزين راه كيحمق كيحمق مايمكنش ...عمرني حسابلي كاين بحال هاد الزين فالشمال.....

حلا ( عجبها حتى هي تتموت على الزين ملامحو بقات محفورة قدام عينبها...) صوفيا حبيبة قابلي شغالك اليوم نتي غديري لايف....

صوفيا : ختي حلا راه الكليانات باغينك نتي كومونطيرات تيسولو غي فيك ماشي على سلعة ...

حلا ( تتشوف فساعتها ) نقدر ندير لايف من دابا نص ساعة حطو لي زاغتيكل الجداد قريب من البيرو ....

وجدات ليها صوفيا لي زاغتيكل و طلعات حلا لايف بعد فترة طويلة ماطلعات...تبسمات تتشوف تعليقات طالعين ...

_ كووكو مي زاموغ اش خباركم صافا كي دايرين احوالهم مزيانة جيسبيغ تكونو مزيانين ...اهلا ام ضياء مرحبا احبيبة حتى تنا توحشتك ...بوينو البنات يطلعو لي في شوية و نبداو داكوغ ....

بداو تيطلعو الكومونطيرت و القلوبة دايعين ماكاين غي توحشناك فين غبرتي عطينا كونط انستاغرام ديالك علاش دايراه بريفي قبلينا واش تزوحتي ...خرجو على موضوع لايف حتى بدات تعصب حلا و كتمات عصبيتها بمهارة....و جراتهم للموضوع بالتكنيك وراتهم لي زاغتيكل و طلع اللايف بحماس تيسولو وهي تجاوب دقة دقة عاطية الخاطر.....و التعنات فبريفي خدام على الجهد معجبين رجال مسااليين لراسهم..مكاين غي جاوبني الزين كنموت عليك الصويت الحلاوة انا بغيتك نتينا ماشي الدهب الزين د تطوان السكر الفانيلا و التوت و كاين لي داخل يقوليها تشهيتك فالفراش و تخايلتك تترضعو و ها لي تشهى صدرها...اغلب المرات تتعطي البنات يجاوبو بريفي لكن غا دخلات اليوم و شافت دوك الرسائل طلع ليها القلب ... طالعة تتبلوكي و تمسح مقندشة حتى طلع ليها كونط واحد سميتو سليم شاب عشريني ضعيف البنية و زينو عادي كاتب هادي عااام مهوووس بيها كل مرة كيصيفط ليها...تيقول انه من سلا و غيجي لتطوان و المحل غي يحقق حلمو و يدوي معاها .... تصدمات حلا من هاد الشخص بلوكاتو فالبلاصة و حطات التليفون تترمش...تتخايل غي وجه عبد الصمد وهو تيقرا هاد الميساجات حياتها المهنية و لي بناتو كامل غيمشي فالزيرو و يمنع عليها كلشي.....و دايما كينبهها من قضية لايف و هي كدير لي فراسها.....

هزات صاكها و خرجات من المحل للبوتيك مقابلة الشغل تما ...و مرة مرة تيبان ليها كريم دايز من تما بكاط كاط كحلة ...فين مامشات تتشوفو قدام عينيها بحال الا كيتبعها.....

حيدات دوك الافكار من راسها و تلهات مع خدمتها مع سالات و مشات لدارها توحشاتها...هزات التليفون تتصوني على عبد الصمد مبتسمة رد عليها ببحة ...

_ مي روسا فينك..( الوردة ديالي )

حلا : ان لاكاسا ( فالدار ) و نتا فينك ماغتجيش ؟

عبد الصمد : اسبيرا مي ( تستنايني ) شوية و نوصل....

سالات المحادثة معاه و عيطاات لخولة و جات لعندها طايرة ..زيانت حتى هي و المراة لي خدامة عندها مهلية فيها لابسة مونطو سخون و حجاب على طريقة تركية ساترة مفاتينها لكن وجهها بحد داتو فتنة و داير مشاكيل كثييرة بزااف فوق طاقتها....تعاونات مع حلا فالشقا و جمعات ليها الدار و تهلات فيها حلا فالخلاص...غي سالات هبطات بحالها طايرة و ماتلاقات غي مع كريم بواحد الكاسكيط مقلوبة و سنسلة فالعنق...شافها و تبث الشوفة فيها مزياااان و قال منها نخلااق كان مزوجة يبردها كانت ديال راسها تلصق السماء مع الارض غتكون ديالو ...كريم ميني بزنااز عندو مشاريع و ديور و ميسور وعشاق الزييين ....تبعها بعيون الصياااد حتى دخلات لحومتها و تخشات فدارها و من تما مابقى يعرف غا داك الطريق......! عرفها تتجي عند حلا يوم الخميس و الاحد ..ولى كل خميس و احد شاد بلاصة تما....كان تيستناها تبهط لكن تفاجىء بوحدة لابسة النقاب تيبانو غي عينيها الملونين ...غادية تتزرب....حيد الكاسكيط تيمسح شعرو كي المبوهل...

_ و فين هي الروسية .....

البانيو معمر بالورد الاحمر و الابيض حتى للفم جالس فيه عبد الصمد و حلا جالسة ليه على رجلو لحم على لحم طالقة شعرها على صدرو تيتسمع غا صوت ضحكتها و حركاتها الانثوية الشموع شاعلين و سلة العنب قدااامهم تتمد العنقد و تعطي ليه ...

_ و ماتعضنيش فيدي اعبد الصمد ...هادي اخر وحدة...

عبد الصمد ( جرها لعندو كثااار راشقة ليه هدرتو ثقييلة ) سيير على الله...

حلا ( الضحكة خارحة من عينيها ) و عندك تعض صبعاني...و لا عرفتي انا نرمي حبة العنب خصني نجيبها فدقمك نيشان و الا جبتها تخليني نبات مع خلود غدا....

عبد الصمد رجع راسو اللور ضاحك و سنانو بيضين مستفييين مع لحية كحلة حرشة ماشي مصففة مرونة ....

_ مشات الالة الا جبتيها سيري ...ماجبتيهاش تكمشي....

حلا ( عضات شفايفها بحمااس ) و يلاه شوف فيا مزيااان و عوط راسك ماتغش اعبد الصمد ....حلف بالله ماتغش....

شاف فريوس صدرها لاصق فيهم الورد الاحمر و شعرها حتى هو تلمس فيها باعجاااب تيمتع حتى صبعانو بجسدها و انوثثها...غوتااات عند ودنييها تتهز فوق رجليه معصبة...

_ و انا كنقولك صبعانك لااا لااا كنتقصح ... حيد يديك....ايييي...

ضربها لجبهتها هي معصبة وهو مبرد...

_ كنقول لجدك ماتغوتيش ...

حلا ( قندشاات ) صاافي بعد مني مانشطوش معاك نتا...و حتى داك الخاتم ماغنديروش مرضت فخاطري ...حيدتو ماغنرجعوش...

عبد الصمد ( جرها لصدرو مقبل رقبتها منغم ) حيديييه باغي نعمرو الكريشة ....

قرمااات تتدور فعينيها و تكمش عنقها من بوساتو سخنهااا و حركها مرة اخرى تتحسو تيدوز يديه على كرشها ..دوزات صبعانها على كتااافو و ولات تتدوز سديعا كامل عليه من كتافو لصدرو تتلمسو كامل و تطبع قبلاااتها عليه و تتسايس...

_مزال الحال على الولاد دابا ..انا بعدا ماباغياش دابا ...

عبد الصمد حك نيفو نيفها و عينيها فعينيه ...

_ نتي ماباغياش انا باغي ...طلعي معاك مول الدار وشدي الباب على الخاتم برا ...

حلا ( تتدور فعينيها ماعمرهم ماتناقشو فهادشي عند بالها حتى هو ماباغيش حاليا ...) انا ماباغياش الولاد دابا اعبد الصمد ...كنخاف مانتفاهموش و نتفارقو و يبقاو الولاد بيناتنا ضايعين ...

عبد الصمد تيشوف فيها عند بالها تيسمع ليها وهو عينيه معسلين تيهز فراسو و لي عندو فبالو راه فبالو ..باغيها تحمل يعني غتحمل وخا تخطب عليه حتى للصباح ...شافتو تيهز فراسو حساب ليها اقتنع ...رجعات تتبسم و تلعب بلحيتو و تبوس فشفايفو و تحاك صدرها مع صدرو شدها من شعرها مقربها منووو تيبادلها القبل العنييفة حتى تيندمها و تصعر و يقلبوها غوااات فعز العلاقة الحميمة....كلشي عندو محهد و عنيف و مرون حتى ملي كيبغي يعمق القبلة تيغرس صبعاانو فشغرها حتى تيتشعكك و بعض مرة تتحس بيه تيتقلع من بلاصتو قد ماكيعحبها قد ماكيقصحها طلقاتها للغوات داخل الحمام تتغوت تيخشي ليها العنب من ففمها حتى تتبزقو عليه و تعض فيه و تقمش....الحمام كلو تقلب سفاه على علااه العنب طايح من الارض و الفواط مرمين داخل الماء بقاو غي دوك الشموع جالسين بلاصتهم تيتفرحو فالسخونية لي شاعلة فدوك الحوج فاتت سخونيتهم....انتهى بيهم الحال فوق الناموسية راجع ليها من جديد فوضعية اخرى غير على الوضعية المعروفة التقليدية هاديك شبه منعدمة فعلاقتهم ...تيتسمع غا نكير حلاا علييه و غواااتها وهو تيقتلها غي بالبارد و بتصرفات تتعصبها....ماكاين غا....عورتيني برحليبك....جاتني الدوخة صافي ...ملي مكتعحلهاش شي حاجة تتقولها ليه ماتتبقاش ساكتة و يتمتع هو على حسابها يا بجوح يا بلاااش.....

نطق عند ودنيببها جااهل...

_ ديري اكس برجليييك ...

تعصباات و ركلاااتو رحلييها شعرها مرون بحال المشعودة...شدها من رجبييها و تكاها تيجنن فيها وهي تتغوت...

_ و كرهت المااااط كثار ماكنت كارهاها...ديري اكس ديري زاوية فائمة......واش قالو ليك عليا البركار جالس كتفتح فياا...

عضها فودنييهاجنناتو...

_ مالك جدك كيشدك الصعر....نجلس يماك على ركابيك !!!!

دخلات معاها الحلعة

_ والله لا درتها...جربتها معاك كنتي غتقتلني ....

عبد الصمد ( صعراتو ) و شنووو الحل معاااك نتي....كلشي لاا كلشي غوااات....نفيضو ففمك تموتي ليا هناا...

حلا ( هزات حجبانها ) المشكل ماشي فيا المشكل فيك نتاا.....كنقولك بشوية و نتا للا مكتسمعش...واش انا نمووت باس تكون نتا مرتاح....شعري كتبغي تقلعو من بلاصتو و داك الوصعية هادبك دقبيلة حاتني الدوخة و الدم طاح على عيني ...

عبد الصمد ( بغضب ) ولفتي *وية الماء بحال الݣرانة....

دفعااتو ساترة راسها معصبة ..

_ نتا مولف بالݣراين و الجناااون هاديك حاجة اخرا....حسابليك انا العايلة د اابريكيتوس انا غي بنادم تتجبد فيا بحال تشكلي ....( العلكة )

جرها لعندو مرة اخرى تيبرد السوق و حاول يمشي على قد جهدها باستو من شفايفو تتراضيه بطريقتها و قبل طلبها الغير المباشر و غرقها بجنونو و عدبها بخيرو ولاو سمينة على عسيلة كيفاش دارو ليها ماعرفوش ....نعسات على صدرو تتلعب فيه بحرية و عينيها ضاحكين نهار على نهار تتولفو بنكيرو و برودو و عصبيتو مابقاتش تحشم منو تتصرف معاه بطبيعتها و بعفوية....هزات راسها فيه لقاتو مدوخ بالنعاس ...

_ نبات مع خلود غدا ؟

عبد الصمد هز راسو بالايجاب حتى باستو فلحيتو تتبسم ...كمش ليها راسها تحت دراعو و باسها فراسها بمعزة كبييرة عندو ...يمكن مايسميهاش حب حيت عبد الصمد داك النوع لي ماكيسميش مشاعرو ...عندو بنادم عزيز ولا مكروه صاييي باش يقولك كنبعيك و كنموت فيك و المشاعر و الشغف و العشق هادي ماكايناش ...يكون كيموت عليها و يعشقها غيسميها عندو عزيزة و غالية فقط .....نهار يقول على شي حد غاااالي راه غااالي وبالجهد لدرحة لا تصور....

صبحات على الصباح ناشطة لابسة بيجامة منزلية أنيقة ثمنها غالي و ثقيييل شعرها مطلوق معطر بعطر نارسيسو ...حطات الفطور على الطبلة و ناض يفطر مجلسها فوق رجلييه تتوكلو بيديها.....

_ كوول اولد عيشة قول حلا ماتتهلاش فيك ...بغيت نعرض خالتي عيشة غدا للغداء ماعرفتش واش تبغي !

تيرجع ليها شعرها ورا ودنييها عاجبينو الحلقات لي دايرة تيرد البال للصغيرة و الكبيرة فيها وتيفليها فلي ....

_ عرضيها بغات مزيان مابغاتش بلاش عليك.....( هز حاجبو بتنبيه ) حاجة وحدة لي نقوليك و نوصيك عليها...فهايميك عارفة فين تخويهم نوو ؟؟؟

ضحكات رامية عليه شعرها...نايضة من فوق حجرو

_ فلافابو صافي حفظنا الدرس ...اصلا ماماك عزيزة عليا و كنبغيها غي هي كتفهمني غلط...مكيعجبنيش شي حد يهز فقلبو عليا ....

دار شبح ابتسامة شبه واضحة و ناض تيغسل فمو......و حلا تابعاه تتهدر و دور حداه ناشرة زينها...

_ غنسالي الخدمة و ندوز عند خلود غنبات معاها انا و نسيم قلتها ليك البارح...

هز راسو بالايجاب تيمسح وجهو بالفوطة حتى سالا و خرج من الدار مسكسف على الحالة ...حتى هي ماتتبقاش فالدار جمعات و نقات الحالة و ضربات لبسة ديال الفريع و مشاات لخدمتها....دارت لايف و تعاود نفس السيناريو الغزل و كلماات طايحة و المهووس ديال سلا رجع بكونط اخور كاتب ليها كلمات غزل و اشعار بحال ماعندو شغول مقابل غي حلا ...رجعات تتبرزط من هاد الاشكال و تتبين خاتم الزواج قدو. السخط فيديها ديال الدياموند و بلعاني تتجبد عرسها و زواجها مرة مرة ...فلانة فعرسي لبسات هاد السنسبة جاتها زاعرة فلانة شرات من عندي فلانة داؤت و حضرات لعرسي ...و مع ذلك ماعرفو لا مزوجة لا ميتة ....قطعات لايف بكري على غير العادة دغيا تعصبات ...و مهدي عاطيها التيساع مابغاش يجبد معاها الهدرة....

دخل داك الشاب يوسفي الجمال لابس سروال العسكر و تيشرت نوااغ مطرطقة عليه و لحيتو مطراسية و تيبتاسم زينووو طيااااح بالجهد....استقبلاتو حلا بابتسامة عريضة و العاملات تيشوشو عليه....

_ بونجوع مسيو نزار ...

نزار ( تيشوف فيها باعحاب ) بونجوغ لباس مادموزيل حلا الامانة واجدة...

حلا( ضحكات عادي و ناضت جابدة ليه لونسومبل لي بغى ) مدااام حلاا اموسيو نزار.....

نزار ( عض شفايفو مبسم ) المسامحة و صافي ..

حلا : عادي ماشي مشكل .. هاهو طلبك بصحة ماماك الله يطول ليها فالعمر ...

خلص كاااش زرقة تابعة لختها و مشى بحالو سارق العيون مرة أخرى....

سالات خدمتها و مشات للفيلا تلاقات أزهار فالدخلة هزاتها تتبوس فيها و تضحك...

_ طبوزة ديالي ...شنو هاد الزين كامل شنو...

أزهار ( تتفرنس ) زين ميمة زينة....

حلا : زين خالتو حلا...زين ماماك ...زين ديالنا ماشي زين زاينة...الطبوزة......

نسيم : و راه تتشبه لزاينة كلشي تيقولها....

جلسات معاهم محمعة مع خوتها و حميدة فرحانة ببناتها...حتى جبدو الهدرة على نسيم و مشروع يحيى...و نقزات حلا ناطقة...

_ انا بلاصتك مانخدمش مع راجلي حيت بحال كنكب الماء فاارملة...ماكاين لا استقلالية لا والو ...تتبقاي مرتبطة بيه حياتك العملية ماشية على طريقو هو ...كنتي تشوف بعيد حسن بحال مادرتي والو ...غا لا تخاصمتو ولا قدر الله و تفارقو تلقاي راسك والو كلشي مضروب فالزيرو...غا تتروني ....

نسيم ( مارضاتش ) و حتى تكوني بلاصتي و قرري نتي...

حلا ( عقدات حجبانها ) و طرطقي نتي كاااع هدرت معاك عادي تنفختي و مارضيتيش...اه الخدمة مع راجلك فااالصووو سيرو ...مشى هو ضربك الريييح غتبقاي كي ورقة الشجرة فالخريف ...تتعصبيني بهاد العقلية ديالك...

نسيم ( عقدات حجبانها بانزعاج ) ماتدويش معايا بهاد الطريقة و انا ماطلبتش رأيك ...تتهدري بحال نتي محققة انجاااز كون ماكانتش تجارة بابا ماكنتي غديري والو....بزز خديتي دوك ديالك

حلا ( شعلات فيها ) و نتي شمن انجااااز محققة !! تتعايريني دابا ولا شنوو......حسابليك بقات فالدوك ولا الدكتورة ...بقات شنو عندك فالراس وشنو قادرة ديري....ولا نتي مكترضايش بالحق...تنغزتي حيت عندي الحق لاصقة فيه و نجاحك مرتبط بيه هو...شلااا خدمة هادي بالناقص...

نسيم ( غوتاات عليها حتى هي )انا ماعمرني دخلت فيك ولا قلت ليك ديري ماديريش حتارميني نحتارمك...ماشي شغلك ديها فراسك ...نتي باغية طيري و تاكلي الدنيا و مادايرة والو فحيااتك حتى نتي تتقارني راسك بيا ...شنو عندك نتي ؟ الا دويت عندي ديبلومات ديالي نخدم وقت لي بغييت ...ماواقفاش على الخدمة معاه ولا على فلوسو ...بقرايتي و خدمتي نصرف على راسي و ولادي ....و هاديك التجااارة ديال باااباااا ماحققتي والو لراسك .....

حميدة جراتها مصدومة...

_ نسييم حتااارم ختتتك المساخيط ناضت فيكم الصعرة.....

خلود ( تتجر حلا مصدومة) صافي احلااا نعلو الشيطان....

حلا ( تصدمات فيها و بقى فيها الحال بالجهد ) حسااابليكم شمتكم ...تحارة باباك هااا تحارة باباك من غدا دير بيرو عندو و شد التجارة امولات الديببلووومااات و الا قدتي تصبري غا سيمانة ندير ليك تمثااال الا صبرتي على نكير الكليانات و حافظتي عليهم بحال ذهبك وعطيتي ليهم الخاطر فوق خااطرك انا نبوس ليك رحلييك كاااع...الا سميتك لالة و مالي امولات المااستر و الوراق و الديبلوومات و اللغات و الفرونسي العوحة شدي محل ذهب على قدو و بوتيك د الحوايح قد السخط و الطرارن ديال الكليانات و النوامر و الصداع و المشاااكل و ماتشكييييش ....

نسيم ( بانزعااج ) انا ماقصدتش هادشي ! و ماباغياش ندخل مع بابا فالتجارة و ماقلتش ليك راها ساهلة...نتي لي جاية عندي انجاز ماانجاز وضحت ليك راه حتى نتي مادايرة والو ماتجيشي تقوليا غي كتروني و ضحكي عليا و تروني فالهدرة...حتى نتي غي تتكبي الماء فالرملة كضبعي صحتك و خاطرك مع التجارة لي اصلا ماشي ديالك دياااال بااابا ...

حلا مارجعاتش سمعات لبها ولا رداات هزاات صاكها باغية تخرج بحالها شداتها حميدة عاقدة حجبانها...

_ فين ماشا فاين.....

حلا ( بالغوات ) ماشيا بحااالي و الا عاودتو شفتو هاد الوجه دفلو عليا...

نسيم : و شنو قلت ليك انا شنو ؟ نتي دويتي و انا رديت عليك علاش تنا مانغصبش و نتنفخ....

خلود ( بصدمة ) نسييم صااافي خلييها خلييها راها معروفة غي كتدوي ويلي مالكم على هاد الحالة و التبرهيش كامل....

حميدة : و كون كنتي تتدخلي سوق راسك كون راك مخيرة مع راساتك...ديها فراسك احلا ديها فراسك ...اشداك فيهم...مرة وئام مرة نسيم ديها فراسك .....

حلا (شافت فيهم بجوج مزيرة على سنانها )حييت باغية ليهم الخير حيت عزاز عليا مانقدرش نسكت طبيعة فيا نبدلها حتى دخلت لثلاثين غي اجي و تبدل.....( شافت فخواتاتها ) نتوما دايما تتجيو مع بعضكم ...دايما نتوما ضدي و انا مخرجيني لبرااا عند بالكمم ناسية شنو كنتو كديرو ليا...ننسى انا ملي كنتو تتديرو اليد فاايد و هانتوما فالشاون و اصيلة مسارين مبرعين و انا بايتة معاكم بحال الحمارة ماسايقة لوالو حتى للصباح تنسول فين هوها تتقولي ماما هاهوما فالشاون...تترجعوني جروة و لصقة و كتعايرو فيا حتى تعياو و شكون دواا معاكم ولا قال ليكم علااش...تتشوفوني غي انا لي مكنسواش شحال من مرة عايرتو فيا و درتو مناظر دالعديااان و ميكت و سكت و قلت عادي عادي دابا غي نصحتها عادي بعفوية ماقصدت والو عايراتني ....الا مادويت براحتي حدا ختي قدام من غندوي !! يعني صافي مابقات لا ختي لا زمر كلها يشد تقارو و هاد حلا غتعطيكم التقار.....

بقاتو تبشوفو فيها مصمرين جات تدوي حميدة لقاتها طااات خارجة من الفيلا ركبات طموبيلتها و زااادت طااااحنة الطريق ...

حميدة ( شدات راسها بقلق ) و هاهي مشات معصبة و كطير مع الطريق ياربي تستر ...عاجبكم الحال دابا كينوض فيكم الصعر ربيتكم انا على هاد الخصايل هدرو ؟ تتعاير ختك عينيك فعينيك دوييي اللفعة نتييي دوييي الفليفلة....

نسيم ( شدات نواظرها حانية راسها تتبكي ) انا ماقصدت والو اماما مافهمتش كيف جاوباتني جاوبتها ...

خلود ( شادة بنتها تتسكت فيها مبرزطة ) و نتي تتعرفي حلا تتغضب كثار من نهار ! ..غدا تلقايها جاية بالعجاج و جايبة الخبيرات و النميمة و التبركيك و مصدعة الدنيا بفهايمها الخاوية.....حلا ماتتغضبش كثار من نهار.....

نسيم ( بصوت مخنوق ) انا بقى فيا الحال مابغيتش تفهمني غلط ماكنحملش بنادم يبقى هاز عليا فخاطرو ...حلا غضبااات هاد المرة وماعجباتهاش الهدرة ديالي...

خلود ( قلبات عينبها مغوبشة ) و حتى نتي الصوت كيتعالى غي على خوتك قدام الغريب لسانك كيتقطع.....مشيتي لنقطة الضعف ديالها و بيني و بينك رراه ماغلطاتش فكلامها و حتى نتي ماقلتي والو غلط ماكاين لاش واحد يتنفخ على لاخور ولا يغضب حلا دايما كدير هكا ملي تتخاصم مع شي واحد تتحسو بتأنيب الضمير باش تجي مبادرة الصلح منو هو.....! و بلا هكا راها ختك كبر منك خصك نتي تبداي تقولي ليها سمحلي و تحتارميها و ميكي ماتهزي فقلبك عليها ولا هي خصها تهز فقلبها عليك ...الا مشات ليك ختك شوفي فالسماء و تفرحي فالطيور مع راسك....

لعبات ليها خلود على النفسية مزيااان و خلاتها تندم على كلامها و مشات تتصوني على حلا و حلا تتقطع عليها ....اما حلاااا جالسة فدارها شاعلة التلفازة تتشوف فيها صافي اما عقلها تيفكر فحاجات اخرى.....تجارة عبد الله و خدمتها معاه و حياتها و طموحها و المشروع و الديور و الولاد و المستقبل كلشي ماخلات والو تتفكر و تعاود و تعاود حتى سلوكة راسها تحرقو....حتى لفين غتبقى خدامة مع باباها...الموت علينا خق كدور وتاخد الصعير قبل الكبيركااع ...لاقدر الله و مشااا الاب الحامي و رب الاسرة كلشي غيرجع بالتساوي على الاخوة و رضا غياخد النصيب الاكبر من التجارة هي لي كبراتها و حفات معاها و تعباات حتى تكبرات و بشهادة عبد لله......كانت تتخايل و تفكر و قلبها تزير من فكرة الموت....تتقدر تخايل راسها مزلوطة لا درهم لا حوج و ماتخايلش حياتها بلا والديها نقطة ضعفها هو عبد لله شحال من مرة فكرات تحرك و نهرب ملي كان تيبزز عليها الزواج و تتنوي عليها و تراجع حيت ماتقدرش تخسر علاقتها مع باباها وخا يوقع لي يوقع اسرتها عندها رقم واحد فحياتها ماتعيش اصلا بلا داك الجو الاسري ولفات و كبرات هكاك وحا تتعصب على حميدة و بين خواتاتها و تيتناكرو تيرجعو يتصالحو ...تزير عليها الحال و بدات تتبكي بينها و بين راسها شاعلة موسيقى درامية تتمسح فالدموع و تاكل فاالوز و تفرج و مرة مرة تسب فكلشي معصبة على كلشي و مرونة فحياتها.....و حال نسيم ماكانش قل منها...كانت جالسة خدامة تتشوف فشاشة الانترنييت شبه غايبة و تتسهى...يحيى لابس بنطلون اسود كلاااس و قميص أزرق و ساعة انيقة و الشعر مصفف كحل كيبري و لحيتو مزينة وجهو...كيتحرك بين السيارات المركونة و مستفة وحدة حدا وحدة تيشعلو...كيدوي بجدية و صوتو مسموع بالجهد و العاملة الانيقة غادية معاه حتى هي تيهدرو مع الكليان من وجهو باين الحديث سخووون و شاااخض و القضية فيها الملايين .....حنات عينيها لشغلها تتوجد الكونطرا وتجمع الوراق و الفاكتورات لي تراكمو تما حتى تيدوخو بنادم....اخيب حاجة هي كثرة الوراق و الوثائق و هادي احتفظ بيها فجيه و الاخرا فجيه هادي ديال هاد كليان و هادي ديال الضرييبة تيترماو شحال من ورقة بالغلط حتى تيفوت الفوت و تبقى تعض فيديك....جمعات المكتب كلشي فبلاصتو و عينيها مرة مرة تتمشي لعند يحيى و لديك العاملة ...كانت مراة انيقة و عندها تجربة فالضومين فايتة الخمسة و الثلاثين فالعمر سميمرة و شعرها دايما مجموع تتعرف تهدر و تصرف ....تمت عملية البيع بنجاااح و ظهرت الابتسامة على وجه يحيى و العاملة.....قرب عند نسيم و نطق ...

_ نسييم شي ستييلو ...

عطاتو قلم ازرق و كتب فورقة بيضة بالزربة ارقااام كثااار و اسماء قدام الارقام و عطااهم للعاملة...

_ هاذو لي عقلت لحد الساعة...عاودي سجليهم عندك ودوي معاهم و ركزي مع موسيو تازي هذاك تهالاي ليا فيه مزيااان .....

نجوى ( بجدية ) لي فهمت خصني نكون بحال سمسار ...

يحيى : فهاد الضومين خصك تكون سمسار ديال راسك امدام انجوى.....عرضي و فرشي السلعة قرصي الودن سوا فالواقع ولا فلي غيزو سوسيو ...فين وصلو الاعلانات ؟؟ دخلو بياسات طموبيلات ....!!

ظلو تيهدرو و يتناقشو حداها فحديث طويييل كانت تتسمع و تسجل عندها و تحضيه كيفاش كيتعامل و كيفاش كيتصرف ماكرهاتش توقفو حداها و تبقى تسول فيه ...تجارة السيارات ماكانش عندها محببة ولا اي اهتمام بيه حتى تزوجات بيه باغية تعلم و تعرف و تولي بحالو و كثااار تاخد من تجاربو و معارفو ...شكون يعرف تنافسو شي نهار ...و تولي حسن من مدام نجوى باش فايتاها العقل عندهم بجوج غي الاخرى عندها خبرة و نسيم عاد فالبداية ....باغية تدخل لهاد الضومين وتعمق فيه باغية تعاند معااه و تكون حسن منوو .....لكن هاد الضومين محكورة فيه المراة و بزاااف ....

دخلات نجوى للبيرو ديالها تتكمل شغلها و يحيى وقف على نسيم محني ظهرو لعندها مقرب لعندها كثار بدون اي حساسية و متكي بيديه على البيرو تيشوف فالوراق...

_ حطيهم فشي ضوسي انسيم ...و ديري فوطوكوبي على هادي ضرورية .....( شاف فالساعة عاقد حجبانو ورجع حط يديه على كتافها ناطق ) يلااه نمشيو الولاد غيخرحو من ليكول....

نسيم (دارت شافت فيه وجهها قريبة من وجهو ) مزال الحال شوية..باغية نشري شي حاجة لازهار من بوتيك غي قريب عاد نشدو الطريق....

نجوى هزات عينيها لعندهم لقاتو محني عندها تيهدرو و تيقيس ظهرها استغربت و دخل معاها العجب.....شافتهم خارجين من المعرض و يديه على خصرها و ركباااات معااه فالطموبيل ...غابو نص ساعة و رجعو ..هو خرج وهي بقات جالسة فالاوطو ...

يحيى : مدام نجوى قيدتي !! كلشي هو هذاك !!

نجوى ( هزات صاكها تتجمع خارجة) كلشي هو هذاك ان شاء الله....بون ويكااند ......

___

مخشية فحضنو مخنوقة و نيفها حمر....و هواء البحر ضارب فيها....و الطبلة عامرة حداهم و ريحة فايحة تتشهي.....حك ليها راسها و نطق...

_ تعشااي احلا نمشيوو نبقاو هنا....

حلا ( بزز ردات ) مافياش مابغيتش نتعشى....

عبد الصمد ( المشاكل بين الخوات تيجيواه تافهة عاوداات ليه بلي مخاصمين و تعايرو و تعصبو على بعض و عاودات غيى لي بغات طبعا) و دابا مالنا على هاد الحالة المشة ديالي .....

حلا ( تتنهد ) مخنوقة اعبد الصمد مانقدرش نهدر الا هدرت غنبكي و مابغيتش نبكي ....عقل كيقولي نوقف الخدمة و نهني راسي من الصداع و المشاكل و من حريق الراس....و لكن انا مانقدرش نبقى جالسة باغية فاش نتلهى ولفت الخدمة ...

عبد الصمد ( حط ذقنو على راسها تيلعب بصبعانو فكتافها و البرد محرك ) و ديري فاش تلهاي ...مالقيتيش ولدي ليا ولادي و تلهاي معاهم عطا الله فاش ...

حلا ( هزات كتافها تتنهد ) مخنوقة بزاااف طايح عليا الضيم ماقادرة نفكر فوالو دابا ....

عبد الصمد تيشوف فتليفونو و يحك لحيتو مع وجهها مدللها و مفششها المطعم عامر غي بالكور كون ....

_ حسن ليك ماتفكري فوالو عطي الراحة شوية لدمااغك هلكتي البشري بفهايميك....

ضحكات بزز منها حاطة راسها على كتافو و رامية شال لوي فيتون على كتافها من البرد تتشم ريحتو داير الريحة لي تتعجبها ماشي الاخرى....

_ والله ماكنكدب عليك بصح عقلي حبس و تبلوكااا و كرهت هاد الجو...

عبد الصمد ( دوز صبعو على خدها ناطق بااثقالة )دوزي شي سيمانة فرياض مراكش نتي و صفاء و فكري ليا مع راااسك ...ماعاش لي يعصب مراة عبد الصمد....نجي من اسبانيا نديرو ليك فاش تلهاااي....صاافي !!

حلا ( تبسمات ) صافي وخا.....

مشى عبد الصمد لاسبانيا مخليها ناعسة ففراشها عريانة بعد ليلة حرب بيناتهم.....فيقها صوت تليفونها تحاهلتو و عاود صونااا هزاتو لقاتها نسيم حطاتو بلا ماتحاوب و عاودات صونات خلود برزطوها و تعصبات طافية التليفون...رجعات تنعس وخا الظهر ادن ...تتقلب عريانة تحت الغطا ريحتو مزال لاصقة فيها وففراشو ...شعرها مرون مقتولة بالنعاس نعسات جوج ساعات اخرى و سمعاات ثاني صوت الانتيرفون ناضت تشوف شكون ملوية عليها ليزااار مقلوبة بحال السكايرية...بانت لبها خلود و نسيم عند الباب ...فتحات ليهم و رجعااتت رامية عليها بينوار على اللحم جامعة شعرها غسلات وجهها و تلاقات ليهم للباب طالعين بعجاجتهم....خلود دفعاات حلا و دخلاات مدرمة عارفة ماكاين حد و عبد الصمد سافر اليوما و نسيم داخلة حانية راسها ...

خلود ( تتشوف فيها) مابغيتيش تحاوب انا جيت بيدي....

حلا ( سترات صدرها مزيرة حزام اابينوار مدوخة بالنعاس ) مامسالياش ليك..مسافرة ...

خلود : فين ؟

حلا( قالبة وجهها ) : لمراكش الا بغى الله ....

نسيم ( باسف ) حلاا جيت ندوي معاك مزال مقلقة مني لهاد الدرجة...

حلا ( بجدية ) ماعندي علاش نتقلق اصلا انا لي خصني ندخل سوق راسي دايما ماما تتقولها ليا و بابا تيقولها و عبد الصمد تيقولها انا لي كندخل سوق الغريب و كنتسوق لبنادم و انا ماشي شغلي فيه...

ناضت لعندها نسيم درعاتها بزز تتبكي بجد نيتها و تشهق و حلا قالبة وجهها...

_ علااش كتعملي هكا عارفاني مانقدرش ننسى و غيضرني خاطري مابغيتش تبقاي معصبة مني احلا سمحليااا انا ماقصدت والو حياتي مرونة و مبرزطة و هدرتك حكاتليا على الضبرة....انا ماعندي حتى واحد من غيركم حتى صديقة ماعندي من غلطة وحدة قلبتي عليا وجهك...و ماكنت قاصدة فيها والو ...

حلا ( فرفرات برموشها تتسكت فيها ) و صافي صاافي ابنت الفشوش....تتبكي تقول قتلناااك....

خلود ( تتضحك ) والله حتى بقات مهمومة و بالها معااك تتقولي صوني عليها انا مكتحاوبنيش و البكية غالباها....

حطات نسيم راسها على صدر حلا تتبكي و تشرح ليها ...تيبقى فيها الحال ملي كيقلب عليها بنادم وجهو و لا يهز فقلبو عليها ماعندهاش داك القضية ديال بنادم قلب عليك وجهو قلبيه حتى نتي....و كثار لو كان داك بنادم وحدة من خوتها ..ماعندها لاصديق لا صديقة و ملي تتعيى بالجهد تتخوي قلبها على حلا....حلا و خلود تيعرفو هاد القضية فنسيم كانو تيتعايرو و وهي تتراد معاه فالهدرة و ترد عليهم بطريقتهم...و تيغضبو عليها بحال الا هي الظالمة تيحسسوها بتانيب الضمير حتى تتجي تطلب السماحة هي و تبكي عليهم....

خلود ( ناضت حاطة بديها على كرشها مقربة منهم ) خليها تمشي دوش من الجنابة ساعة كمل البكا و هدرو حتى للصباح ...حتى هادي يبكيو عليها الناس......

نسيم ( مسحات دموعها تتبسم ) ماشفتيش حميدة ليلة العرس البكاء لي بكاتو عليها صدماتنا.....

حلا ( ناضت تتجمع فشعرها ) قالت ليا حنان حتى بابا بكااا ...انمشي ندوش و نجي نكملو ....

تصالحو الخواتات و رجعات العلاقة بيناتهم بحال عمرهم تعايرو لا تخاصمو من دايما هكا مرة مصالحين مرة مخاصمين.....خرجات معاهم حلا داك العشية دارو شوبينغ و تعشاو برا و كل وحدة مشات لدارها بعد ماودعوها حيت عندها الطيارة غدا لمراكش....قالت ليهم يمشيو معاها و كل وحدة فاش مشغولة ماقدرو يمشيو ...مشات غي حلا و صفاء بقات سكينة كي الامانة فالدار تتشوف تصاورهم و تغوبش ماخلاهاش راجلها تمشي ..دوزات اسبوع ديال المسارية و الدوران و نسات الهم نيييت و زيانت كثااار و عمارو الخدود و البشرة صافية خاسرة زبالة د الفلوس عليها و على شعرها و جسمها كلو و الحوايح بلا حساب خدمات الرياض كلهم فااابور غا تبرع و تريح بالها و تاكل لي طلبات و لي تشهااات خاطر خاطرها هاهي عند يديها و التعامل ديال الملكة دايرين ليها تتسهر بالليل و تخرج مع مرافق بالطموبيل هي و صفاء و يرجعو للرياض و الغد ليه تيديرو شوبينغ ...فوجات مزيااان و عجبها الحال فمراكش و كل ليلة تتهدر مع عبد الصمد ابيل فيديو و تيسولها واش ناقصاك شي حاحة باغية شي حاجة واش مرتاحة واش عاحبك الحال تهلاي ليا فراسك.....الحب عندو هكا تيتنغم هو قبل منها هي المهم يشوف الانثى حداه تتفشش عليه و تدلل و يفشسها هو و يمتع عينيه بيها لابسة و مقادة و زوينة و حلوة و اهم حاجة ماتردش عليه الهدرة و مايشمش فيها ريحة الخيانة و الغدر و الزهو و تعطي لمو التيقااار و يكون مرتاح معاها فالفراش ...الفراش نقطة ضعف اي رجل وخا بكون كيف مابغا يكون .....انتهى الاسبوع و رجعات بحالها حلا بحلة جديدة و نفس حديد و حماااس للعمل و عبد الله نݣار عليها على التهاون ديالها مؤخرا ...بدات الخدمة ديالها بفرحة هي تترتاح فالخدمة غيرها تيشوفها مشقة هي لااا وخا تتعيى بالهدرة و الخاطر فوق خاطرها تتعجبها التجارة و تتعطي فيها عندها دماغها و حلاوة لسانها ...ماكتشوفش راسها غي جالسة فالدار مكدير والو ماشي من داك النوع...تفوح شوية و تخدم شوية هكا و هكا......

جلسات فكرسي اخضر ملكي فخم بحال فخامة لباسها...

_ صوفيااا غندير لايف دابل و فالعشية ديري نتي الجلالب وخا ؟

صوفيا ( وخا مافيها ماتبقى تلبس و تجرب ردات بزز ) وخا اختي حلا ان شاء الله....

طلعات حلا لايف بابتسامة جميلة و اابنات توحشوها مهتمين بيها هي كثار من المحتوى ديالها ماكرهوش لو ترجع الكونط ديالها بيبيلك مايبقاش بريفي و يتابعو حياتها الخاصة و يشوفو راجلها كي داير ...لكن حلا ماباغياش الشهرة و يدخل ليها بنادم غريب فحياتها الخاصة عندها غي عائلتها فالكونط ....كان كلشي تيتفرج فالايف كلشي مسالي صفاء و سكينة وخلود و حتى عيشة مرة مرة تتطل بنص عين على تليفون صفاء و تتعوج فمها...

_ قلة ترابي مراة د الراحل كدوري كمارة ديالا للبشر....

ماجاوبتتهاش صفاء ولا سكينة ...شافت صفاء خاتم زوين عرضاتو حلا عجبها و صيفطات بريفي ليه بلي غتاخدو عحبها .....التعليقات كثيرة داك النهار يمكن حيت الاحد كلشي مسالي و تيتفرح فيها ...قشعااات صفاء تعليقات الغزل و الحب و الغرام وواحد داخل باسم فاحش كاتب لبها كلاااام سوووقي صدمها و خلاها تشهق مذعوورة و سكينة حتىى هي يديها يبسو ماعمرها سمعات بحال داك الكلام و حسااتو كااارثة و مصيبة ...و حتى حلا تصدمااات و بانت فيها و خرجاات دغيا من لايف مصدومة ...و عيشة شافت صفاء شهقااات بقات تتسول فيها...

_ شنو قالت عاود مال حسهم مشى منكم لاون....صبغوكم بالزعفران...

صفاء ( بصدمة ) والو اخالتي عبشة عرفتي واحد الخاتم داير خمسة مليون لا عشرة عشرة د مليون...تصدمت...

عيشة ( طولات ودتيها) خاتم بعشرة منيون شعال كدبرح فيه هي 15 منيون ....و علاش كداكل ىزق العايل ديالي الا عندا هاد الفلوس كاملة....( بحيرة ) و لاهياا كون ماكنو عندوم الفلوس يديرو داك الفيلا كاملة ....

كريم كان مراقب الوضع و عينيه على حلا فين مامشااات و راد ليها البال من علي لي شحال مرة حصلو تيحوم جيهتها....كان جالس فالكاط الكاك ضارب واحد التغوبيشة مخسرة و خايبة ...تيشوف فالسكرين ديال لايف حلا و بالصبط تعليق داك الشمكار كلو اغلاط و كلام سوقي تعصب بلاصة عبد الصمد و طلع ليه الدم ...حاير واش يصيفطو ليه ولا لاء مايقدرش يدير بحال ماشاف والو و فنفس الوقت عبد الصمد خصو يعرف و ماشي اول مرة تتوقع ...لذلك قرر يكمل الخدمة ديالو على اكمل وجه و صرد ليه السكرينات كاملين لي خدا كل لايف دار لي عليه و رجع اللور ماسوقوش.....

صيفط ليصيفط و جمع يديه ...اما حلا غي قطعات لايف بدات تتنقي داك الكونط سالات و خرجات غادية لمحل عند عبد الله لقاتو خارج تما غي الكونطابل ...شافها الحاج مفضل وشير ليها ضاحك...

_ احلا...الريفية و غبوراة هادي العايلة ...

مشات لعندو حلا للمحل مولفاه من الصغر وخا تيتناكرو ولفاتو ...جلساه حداه تيضحك و يطبطب عليها وهي شادة الحديث غادية معاه فالخط....

_ و مالو سعداتو بيا عند بالك كاين غي ولدك...عطا الله الرجال الحاج...

الحاج ( تيشوف فعينيها مجبدين جداابين ) كاينة عطا الله الرجال الريفية ديالنا ....

حلا غرسات يديها فشعرها تتسرحو بعفوية و رقبتها بيضة باينة و البنطلون مزير على فخاضها و كثار فالجلسة تتجاوبو و تضحك ضحكتها فتانة دايرة توريد شفايف و غسيل الاسنان و بشرتها بلارة ...تتصرف حداه بحال الى قدام عبد الله و ماعرفات كي وقع و فوقاش لقات قبلة من الحاج مفضل على فمها ...قلبه قفز بصدمة و يديها تحركو بالزربة طرشاااتو و دفعاااتو بحر جهدها مصدومة تتغوت......

_ اويييييلييي الكلب...شنو درتي الخانز اشاارف اتفووو. تفوو

بدات تتبكي و تترعد مصدومة باغية تهز صاكها تحرج وهو جرها حمر مزير تيشوف فالكاميرات مصدوم فراسو متمنى الموت...

_ ابنتي سمعني حلا الشيطان احلا الشيطان ....

دفعاااتو حلا تتبكي و ضربااتو لراسو مغددة تتسب و تدفل مصدومة...

_ الله ينعلك الكلب...ياربي نكون كنحلم ياربي مايمكنش ....

خرجات تتجري من عندو باكية تترعد باغية تموووت فديك اللحضة....

خرجات تتجري من عندو باكية تترعد باغية تموووت فديك اللحضة....مشات لدارها و شدات عليها و جلسات تبكي و تبكي و تعاود و تمسح فمها و ترد و تقييى مسارنها تحطو ...رجعات صفراء و البكاء على الجهد و عايفة فمها و كارهة راسها و تتشم فراسها ريحة مقرفة وخا مافيها لا ريحة لا والو ....نعسات و الدمعة فعينيها و عبد الصمد صونا عليها فالصباح جاوباتو غي بزز عادي و رجع قطع مافتحش الواتساب و ماكلفش راسو يدخل ليه مشغوول مامساليش....بقات حلا فدارها نهار كلو مأزمة و قلبها مزير عليها ...حتى لليل و مشات باتت مع حميدة تتحاول تنسى شنو وقع معاها و زادت كرهااات جنس الرجال و رداتهم كاملين ولاد الحراام من الطرف للطرف راحل قد باها و طمع فيها و باسها وهو مزوج وهي مزوجة ....بقات يوماين مع حميدة تتسولها مالك تتقوليها توحشت عبد الصمد و يقلبوها عليها ضحك ...حتى للنهار الثالث و مشات لخدمتها تتحاول تنسى لي وقع صونا عليها عبد الصمد تيسول فيها و يقطع ...اما كريم مشى يحضي الغزالة المنقبة ديالو كي سماها...عرف عليها الصغيرة و الكبيرة طاح فيها طيحة وحدة و قال طيح روح راها ديالو ...شافها خارحة هازة ولدها بين يديها زعر بحالها وهي لابسة النقاب وقف عليها بعيون صقريىة...

_ خولة ديالي....

خولة طاح القلب بين رجليبها و تخلعات منو ماهدرات مانطقات تتشوف غا بعينيها الملونين برعب بغات تزيد خايفة من الناس و الشوهة و من الصداع وقفها بعيون متملكة...

_ علاش هاربة مني...ماتفارقني عليك غي الموت الروبيا ديالي....

ماسمعاتوش صوتها غا عينيها مخلوعين تتمشي يمين تيتعرض ليها مشات يسار واقف ليها تما و الدرب خاوي بدات تتبكي و ترغب خلعها...

_ انا مزوجة و عندي حوج عواول ختارم راسك و بعد مني ....

سمع صوتها و طاح تيفرنس تما ....

_ مزوحة دير التعدد ماشغليش العايلة ديالي ...بيا ولا بيك...غنتزوج بيك و نديرك الملكة فداري نعبيك لفرنسا لهولندا و لروسيا عند خوتك الروبيا ديالي....

باليل شاف عبد الصمد السكرينااات و قيم القيااامة على حلااا بالغوااات و السباااان و لسانو بحال الخنجر تتسمع لكلامو معصبة ...

_ ماتغوتشي عليا ماتغوتشي واش انا قلتلو قول هيداااك...

عبد الصمد ( بغضب ) كون لقيتك قدامي نطحنك ....اللايف ممنوع ابنت الكلبة منننوع لد**ك ممنوع باش تهميها ليماك ينعل د***ك ...نغبر وحهك مايسوف الظو ستناي نحي لوالديييك الكلبة.....

حلا ( بغضب ) من الاول قلت ليك لايف غنديرو يعني غنديرررو كتفهم و لي فجهدك ديرو طرطق لا بغيتي بحال انا لي قلت ليه قولي هكاك عقلية مزمرة...

قطعااات عليه معصبة و زادت كحلات الضوسي عندو شعلاااتو و بغى يطيير لعندها وهي استغلت الفرصة انه مكاينش حداها و عطاتو حتى هي مولفاه تيبرد دغيا ...بقا تيصوني تتجاهلو حتى جهلاتو و تعمر عليها مزياان....مشات لخدمتها عادي و كانت مفاجأة احرى كتستناها....وقف عليها فباب البوتيك المهووس السلاوي تيشوف فيها شوفات مهووسة عرفاتو ماشي بعقلو ...بغات تخطاه و دوز لطموبيلتها وقفها بحال المسطي من النوع لي تيقول للبنات انا الكلب ديالك ...

_ كننموت عليك لا بغات الموت تجي ديريني عبد و خدام عندك ...الحلم ديالي تحقق كنشوفك قدامي احلا.....

حلا ( شافت فيه باستغراب و خوف ) واش شوية لباس ماسميتيش حلا الشريف راك غالط....

شد ليها يديها بالجهد بغى يتسطى و غوتااات مبعدة منو...

_ سميتك حلا محفورة فقلبي ...

عرا ليها الشوميز فين واشم سميتها و شوفاتو مزعزعة خلعها بغات تركب بالزربة جر ليها يديها عندو باعي يبوس يديها غوتااات بالجهد حتى جاو الرجااال تيغوتو عليه وهو لاصق فيها...خرح صاحب االاثاث بواحد الدبوزة و تعاونو عليه وهو فمو غي حلا كنموت عليك كنتسطى علبك ديريني الكلب ديالك ....ركبات بالزربة تترعد شادة عليها مصدومة...وهو لاصق ليها فزاجة الطموبيل باغي ياكلها و الرجال تيسبو معصبين ...و ففهم غي لا حولا ولاقوة الا بالله ...

حلا تكوانسات بقات غي تتشوف من الشوهة لي دار ليها حتى بعدوه من تما بزز و شدات راسها تترعد

_ بسم الله الرحمان الرحيم ياربي ماشي حقيقة حقيقة كنحلم ....

مهدي ( دق عليها مخلوع فتحات لبه تترعد ) حلا ختي ماتخافي والو تكلفو بيه الدراري ...غي بشوية عليك ...

مشى طاير جاب ليها تشرب و شدات من عندو تتبكي...

_ تشوهت امهدي تشوهت خلعني مايمكنش جابلي الله غي كنحلم ...

مهدي ( باسف ) قادرة تسوكي ؟ نوصلك انا ! ولا دخول جلس حتى ترتاح يجي وراك سي عبد الصمد ولا سي عبد الله...

خرجات تترعد و صوفيا حات شادة فيها دخلات الداخل مدورين بيها مصدومين كثار منها....و حسو بالخطر و الخوف من هادشي ...رجل غريب جاي من سلاا تيقلب عليها و على المحل حتى لقاه و غير من لايفات ديالها لصق فيها لو كان شي قتال او سحار او شي شخص خبيث كون خطفها لشي قنت و دار فيها لي بغى...جاب الله غي مبوهل و عقلو متابتش....الخبار وصلات لعبد الله طايرة و بدات دور فالنواحي...مشات معاه للفيلا و قلبها مزير اذا عرف عبد الصمد غيشد عليها بستة و ستين قفل ...سمعات التقريع من عبد لله و رضا دمو غلى ..

_ فين هاد الحمار ؟ علااش ماتصونيش عليا علاش....نصرب يماك الكلب حتى يتقلى ...جلس فالدار ماكاين خروج حتى نتيي ....

حلا ( بغضب ) ماشي شغلك نجلس ولا نخرج اخر واحد يتحكم فياا...

عبد الله ( غووت عليها بالجهد ) حلااا شد فمك قطع الحس مانسمعش صاوتك حتى يجي الراحل ديالك و نشوفو هاد المصيبة...

و المصيبة ولات كارثة ملي المهووس مشى لشوف تيفي و عاودليهم حبهم الاسطوري و الوشام لي واشم سميتها و عنوانها فين كاينة و القصة كاملة من الاول لااخر و مع شوف تيفي ياسلام الراعي الرسمي لقصص الحب الاسطوري فالمغرب قالو ليه يزيدو اضافات من عندو حتى يتأثرو الناس و يتزادو المتابعين و دارو ليه مقابلة تيعاود و يحكي على حب المقموع...يوليو الناس يهدرو عليه بحال دنيا و احساس و قال ليهم كانو غيتزوجو و سمحات فيه و تزوجات بواحد لباس عليه و دار لبها تجارة فتطوان وبقاو الصفحات تيقلبو على اي صورة ليها مابغاوش ياخدها من عندها خدااو صورة قديييمة جداا ملي تخطبات بعبد الصمد المرة الاولى و تسربات ليهم داك الصورة فالقروبااات ولاو كيديرو بيها الفال و يطلبو زهرها ...عطاوها لواحد الباج معروفة بالتخلويض تحط داك التصويرة و ضربو على عبد الصمد و لصقو صورة داك المهووس و نشروها و نشرات من وراها الفيديو ديال المهووس تيعاود الحكاية و دااارت بووم بين الاستهزاء و السخرية و السبان ...

_ و شهادشي شنو استفدنا حنا الله يعطيك الموت نتا و ياها فرعتو لينا **رنا.....

_ هادي كنعرفا و التجارة ماشي ديالا د باها شكتخورو نتوما البنات سينياليو هاد الزمر كيكدبو اخبار كادبة المراة مزوحة غديرولها مشكل من والو ...خصا تدعي هاد الباج علاش دهز تصويرة د المخلوقة ....

جاوباتها وحدة تتضحك..

_ حيت بنت الشمال بحالك كدافعي علبها....نتوما السراقات الرجال الخانزات و هاد الصورة اصلا كانت دايعة هادي عماين فالقروبات ....

يتبع...

‎