غيرك ما يحلالي الجزء الرابع

قالتها و قلباتها بكاء هستيري...شادة فيد حميدة شدة العمى بالظلمة...تتبكي و تهرنن ...

_ ساخطة عليا ياك احميدة....عمرك رضيتي عليا.......

حميدة قلبها غيوقف ...تتهز ليها راسها و عيشة و خلود تيشوفو معجبين...

_ حلا ابنتي بسم الله عليك...ماتخلعنيشي احلا ...مالك...( شافت فعيشة مخلوعة ) عفا اختي كاس د الماء اخر ...بنتي مالها...

عيشة بحجبان معقودين مستغربة حتى هي....جابت ليها الماء و دفعات حميدة بلطف ..مشمرة يديها و على حلا محزمة...

_ حيد شوية احميدة نشوف مالا....

حيدات حميدة و عينيها تيبان فيهم القلق على بنتها.....تقابلات عيشة مع حلا لي تتبكي و تضحك فنفس الوقت كي الحمقة....

دفلات فيديها المطلسين بالحناء و جمعات مع حلا بتصرفيقة ...حتى قفزات مفزززوعة....و شهقات خلود مخرجة عينيها ....

حلا شدات حنكها تتشوف فيهم بعوينات مبللة بالدموع....كأنها عاد استوعبت و فطنات على راسها....دورات عينيها بيناتهم و عقلها كيدي و يجيب فالافكار و الفهامات ....كمشات دوك الحواجب غالباها اابكية.....

علات ليها حميدة راسها مشوشة ...: شنو وقع ليك ...هدر العايلة هدر غتخرحلي عقلي....

عيشة بشك : مالك اهالة ...

حلا تتشوف فيهم و تفتفت غي بوحدها مية كذبة طاحت ليها فراسها ماعرفات شكون فيهم لي تسبق....غي فمها لي سلت و طلقات سلوكيتها تترمش و تدمع

_الدار مسكونة اماما......تخلعت....

خلود غوتاا مغزوعة : بسم الله الرحمان الرحيم....

عيشة جلسات حدا حلا مدهوشة : كيفاش مسكونة .....

حلا تتبكي و دور عينيها ...قلبها باقي كيضرب بالخلعة..و السلوكية مطلوقة...

_ حسيت بيهم طرشوني...شبرت فيك هيدا بغيت نهدر و ماقدرتشي بحال متحكمين فاللسان ديالي ( غرسات ظفارتها فيد عيشة مغددة عليها ) و من بعد حسيت بشي حد طرشني ...و سخفت....

طلقات منها و ناضت من بلاصتها بالزربة باغية غي تخرج من تما تتدمع عليهم : مابقيتشي غنزل رجلي هنايا....الدار مسكونة فيها الجنون ..طرشوني خصكم تديرو طلبة يقراو القران و تزربو بالشوك .......يلاه اماما نخرجو من هنا......بسم الله الرحمان الرحيم.....اعود بالله نن الشيطان الرجيم ...

خرجوها من تما و حميدة الدمعة فعينيها....!

دخلوها لبيتها و مارتاحو حتى نعسات ....طالقين القران حداها....! !

و في دار لالة عيشة الكتامية ...تتمشى و تجي مطلعة حاجب و منزلة الاخر....مغوبشة فسعيد....

_ فاين كيطير هذاك فاين مشا....

سعيد باستغراب : عبد الصمد عندو شغلو ايمة ماشي مسالي....

عيشة بأمر : عيطلو دابا....دابا يحضر عندي....كيضحك عليا انا عيشة الكتامية ....

سعيد ساط معصب ماعاحبو الحريرة لي تحرحرات....صونا لعبد الصمد ومادازت ربع ساعة حتى كان قدام لالة عبشة...جالس و فوق حجرو جوج مخاد عمرو يجلس مقاد و يحلي المخاد بلاصتهم......محاصر بنظرات عيشة ...

_ فاين شفتيها...و ماين كتعرفا....و كيفاش....و اذا ماكنت يماك كذب عليا....

الصمدي جاوبها مبرد ...: شكون هي ؟

عيشة مجننة : عبد الصمد....باك خرج عليا و تكمل عليا نتينا..بغيتني نتبعو ياك اكبدي....هالة بنت الجيران ...

عبد الصمد بتحايل : والله القسم ماكنعرف شي هالة ...

عيشة ناضت واقفة مخرجة عينبها فيه معصبة ....

_ هاذيك لي كانت سخفانة.....

عبد الصمد عض فكو من الداخل كيحك رقبتو مبرد...و عينيه كيغليو

_ عجباتني ايمة ...و بغيتا ...

عيشة قردات حداه محمرة عينيها عصبها

_ فايت شفتيها و ماتقوليشي لا ...

عبد الصمد مسايرها : سيي ...

عيشة على اعصابها : فاين؟

عبد الصمد هز يد عيشة كيبوسها ....: قلنا عيشة رتاحت ولات ترونكيلا......

عيشة بنص عين : كانت مرتاحة و ناشطة حتى كتركب فيا الاعصاب. ..

الصمدي ضحكو عينبه ...

_ و لالة يمة....شفتا واحد الخطرة مع اميݣا ديالها فالپلايا ...

عيشة بدات تيق ..: مم شكون كانت لابسة ؟ باش كتعوم ديك اللحلاحة....

عبد الصمد داير عقلو فيها : كي كيعومو البنات....

عيشة همهمات و جمعات فمها تتفكر و تربط شي مع شي ...قالت فعقلها تما شاف الشامة بين بزولها.....

شافها قارمة و عينيها كيدورو ...ضحك و ناض سالت....

_ نمشي دابا ...

عيشة مغوبشة : علاش ماشي

عبد الصمد هاز حاجبو نعت ليها لبيتو ....

_ مرة جاية بغيتا جالسة تما الالة يمة....الله يعاون.....

رمى ليها الهدرة و خرج.....محلف و شاري بلاصة لحلا فعقلو...و حالف منها لاتفك ....

و عيشة تتخيط و تربط و تفصل مع عقلها.....!

ظلات تتفصل و تخيط حتى نفرات و ناضت جامعة جلايلها مغوبشة...

_ نفرتا نفرتا مابقيتشي بغيتا لعبد الصمد....

سعيد حداها كيسمع : هو بغاها !

عيشة تتلوي فمها : و انا مابغيتا ....

سعيد كيسوط : مرة بغيتيها و مرة مابغيتيها...شد الواليدة فهدرة وحدة ....

عيشة طفجات و ناضت بحالها تنعس....! بايتة تتقلب و تتفكر....و حجبانها غي معقودين....! نعساات غا بزز ... و فاقت ليهم على النبوري تتغوت عليهم يفيقو معصبة تتغلي....!

خرج سعيد مقلب بالنعاس..

_ صباح لله ايمة ...

عيشة جالسة شادة الركنة مغوبشة ...: حلمت ديك اللحلاحة كتجرني من رجلي و ربطاتني مع الشجرة ...دوك العينين د المشة شفتوم فالحلمة كيغلييو ....

سعيد غلياتو الضحكة : الله يهديك ايمة....

__

فتحات حلا عينيها كي طلعات الشمس...!

منقدشة و مغوبشة و مامعاها هدرة..و على ناموسية شادة الركنة و مربعة ...تتفكر و تدي و تجيب مع راسها و عينيها كيغليو بالخوف ...

_ ماشي هو....لا انا ماشي مسخوطة ....

(ميلات شفايفها غالبها البكية ...) كنت عارفة ماعندي زهر فهاد الدنيا.....كلشي محلف فيا و كيكرهني.....هوما لي كيجبدوني....! كان خاصني نصوم شهراين ماشي سيمانة....ربي غضبان عليا الدعاوي ديالي ماتقبلوش.....و انا كانت نيتي نصوم و نتقرب من الله ....

شدات راسها تغزز شفايفها تتفكر....: السرجم قدام ااسرحم احلا....شنو غنعمل ياربي.....كلشي غرضو فيا....شنو عملت ...علاش الدنيا حازقة عليا....!!

ناضت واقفة على ناموسية عينيها منفوخين بالبكاء مغوبشة ....فدار لالة عبشة ..

_ يعطيها ريبة ...ياربي تريب ياربي ...

دخلات عليها حميدة تشوفها كيف بقاتها لقاتها واقفة كي الحمقة فوق الناموسية تتشوف فدار لالة عيشة ...

_ خلا....مالك على هاد الشوفات....واش خصك تخرجلي عقلي...

حلا مضيقة عينيها على الدار و شفايفها محموعين ...

_ ديك الشارفة د عيشة طرشااتني....

حميدة : نعل الشيطان و زيد تفطر.....من بعد نهدرو على الحيحة لي درتي البارح....

تبعاتها ...ماراشقة ليها و ماعاطياها عقلها....ساهية تتفكر و شفايفها غي محموعين حاقدة على الوضعية و على زهرها...! جلسات تفكر....حتى سالاو و ناض عبد الله كيشوف فحلا...

_ مغتمشيش ولا !

حلا زامة شفايفها بغات تشكي و تعاود لي عندها و خافت يلصقو فيها كلشي....

_ لا مافياش ابابا....

زاد عبد الله و رضا لشغلهم....! و حلا بقات جالسة قدام الطبلة كي المسكينة....ساهية و شفايفها مدلين بحال شادة البكية ....!

حتى ناضت نوضة وقفة ...و دخلات للكوزبنة......جمعات المواعن كاملين لي تما....شمرت على يديها و طاحت تتحك بالحلفة ماشكات مانكرات...و ماقالت ليها حميدة نوض دير ....تتحك و تبركم مغددة....

_ حكروني حيت انا بنت سبع شهور....و لا حسدوني على ثمانية مليون لي جامعة...يكونو ساحرين ليا ...كلشي كيكره حلا و كيحسدا ...تابعيني البلوطة....

شافتها خلود و فتحات عبنيها نعجبة ...

_ شي يهودي سلم....

حلا فين هي ...تتحك و تهرد فالمواعن....عراقات و تسخسات و عقلها غايبب....!

سالات الكوزينة رداتها تتشعل و سيقات الدروح من الفوق حتى التحت و دخلات لبيتها شادة الركنة و يد على حنكها ...تتخمم...و تدوي مع راسها

_ انا اصلا عمري شفتو ...و ماعمرني تلاقيتو ...شكون يكون كاع......نتينا مكلحة احلا علاش سخفتي...كون بقيتي عادي ...خلق من الشبه اربعين....كاينة غي انا فهاد الدنيا و يقدر بكون ماعرفنيشي ...انا صبغت شعري ....كون عرفني كون فضحني و حاب البوليس...و لكن ماعندوشي الدليل....

ناضت واقفة قدام المراية مضيقة عينيها فيها و سفايفها مزمومين كي تقبة الفروج :

باقي خصني نشري الطنوبيل و الدار و نطرطق المرارة لرضا و نجلسلو هنايا على قلبو ...مغيتهناوشي مني دابا ...

تينا داك القرع عمرك شفتيه احلا ..حتى شفتيه مع عيشة صافي هيدا غنقول غننكر ...و لي كيعرف بابا يمشي يدعيه...انا حلا بنت الريفي الذهايبي البوليسي كيضربلي السلام ....نخاف من ميني شمكار...عندو نص حاجب...

خرجات من بيتها على الصباح....! ببنطلون دجينز و شوميزة بيضة طوييلة ...شعرها جمعاتو بالمقبض و خلات القصيصة طايحة مع وجهها ...! و جلسات مصبحة عليهم تتفطر ...

_ صباح الخير ...بابا خرج ؟

خلود تتشوف فيها لتعجب : صباح النور....شي حمار تدردب ملي حلا لابسة الطويل ...فين غادية ...

حلا كتلوي فمها : مالي كيف كنلبس دايما...ماتخلينيشي عليك هاد الصباح معصبة و طالع لي الدم و كارها حياتي...

خلود تتشد فيها : و تزوج ليك تنور حياتك....

حلا حطات الكاس مقندشة و ناضت واقفة تتسوط ...

_ صبحاتو لله...قلت ليك خليني عليك ماراشقاش ليا ...عطيوني شيويش التيساع...كتجبدوني و تقولو حلا خايبة و مكتسواش......

حنان تمات حاية هازة طباسل الحلوى....

_ حلا سلمات عليك بنت عمي قالت ليك شي مرة نعاودو ديك القصارة....

حلا كنشات عينبها مقندشة : شمن قصارة...ماعقلت انا حتى على قصارة....( هزات صاكها ) يلاه بسلامة انا خارجة...

خرجات من الدار...مخلية حميدة تتنهد و تسايس مع حنان....

_ معصبة هاد الصباح ماديش عليها....

وقفات حلا قدام الباب كدوى عينيها على باب دار لالة عيشة...تتسبق رجل و توخر رجل....كتدوي بين سنانها....

_ تفو على زهر عندي ...

دارت نظيظرات د الشمس و ز عمات طالقة رجليها تتمشى بالزربة مكتشوفش وراها....دازت من قدام الورشة و سمعات الهدرة و ماهزات العين...باغية غي تخرج من ديك الحومة وتخشى وسط عيباد الله....بديك الشوميز طويلة محضية فخاضها ...

تلاقات بعبير و كملو الطريق تيهدرو .

عبير : جيتيني فشكل اليوما...مالك...

حلا : ماعندي والو ...سيري نتينا لشغلك ياك ..غندوز لبانكة و نتلاقاو. ..

عبير شافت فالساعة فيديها : اوك نتلاقاو مع العصر هكاك ..

تفارقو و كل وحدة شدات قنت....!

حلا تتخلف بالزربة باغية تحط فلوسها و تتهنى ...الصاك كبير فيديها لاعلاقة له مع االباس...مكاين لا شيكي لا تعواج....

توقفات فنص الطريق مقطبة جبينها تتفكر واش نسات البطاقة الوطنية ..فتحات الصاك بالزربة تتقلب و مالقاتهاش....جبدات تليفونها تتسوط و تصوني على خلود...

_ كلشي عاطيني ب*كو ...

داز من قدامها واحد لابس كاسكيط عينيه كيغليو و يديه خفيف ....طار لصاك حلا وسلتو حتى غوتاااات من يديها لي حسات تلواات....

_ عععع يديييييي... ياربي يدييي...

طاحت للارض تتغوت....والسراق سرق الصاك و طار بحال عمرو كاان ....!!

_ يدييييي ياربي ...تفووو الله يعطيك الموت الحمار......

تحنعو عليها الناس...تيولولو ويضربو فحنكهم....! وهي تتدمع يديها حرقاتها....

_ ولد الحرام سرق ليا الصاك لوى ليا يدي ..كتحرق....

نطقات واحد المراة كبيرة بقات فيها. : اري نشوف يديك ماتخافشي ابنتي...لاحولا ولاقوة الا بالله ..شفتي وجهو ....عيط للبوليس....ياك ماكان فيه الفلوس...

حلا غي شداتها المراة فيديها قفزاات

_ لا اخالتي...ماتقسينيشي ..حتى نبرد ...اووف...هوووف...قلبي غيسكت بالخلعة....شكون شاف كمارتو اصلا حتى نعقل عليها تفو ...ياربي تعطيه كسييدة. ...

المراة باهتمام : الله ياخد الحق...و علاش ابنتي داخلة من هاد الدرب ..ياك مكانو غيه الففوس ..

حلا حجبانها مطلعين للسماء تتحك سنانها مغددة ...

_ و انا دايما كندوز من هنا...ماكنبغيشي ندوز قدام القهاوي....انا كنت عارفة تابعاني البلوطة و شي حد ناويها فيا....هادشي فيه العين ولا السحور ......

تاسفت المراة لحالها ...و مشات بحالها....ناضت حلا تعوج و تسوط و تسب قلبها مزال كيضرب و يديها كيترعدو ..تحنات هزات تليفونها معصبة ...شافت يمين شمال....و علات الشوميز تتأكد واش فلوسها فالجيب و شفايفها مزمومين كي النقطة ....حتى تهنات وعوجات فمها تتشفى

_ ولاد الحرام....مالقاو مايديرو بغاو يسرقو حلا.....باقي ناقصهم شحال حتى يقدو على لالاهم ....كون تسرقو نمشي نذبح راسي ...شحال و انا كنحمع فيهم درهم بدرهم و نصبغ فالبنادم و يجي واحد من تاصيلة الك**ب يرزيني فيهم....بزاف عليه والله لا كانت ليه...

مسحات ركابيها من الغبرة مزيرة على سنانها معصبة ...صونات على عبير و تلاقات معاها تتعاود ليها و نخوي قلبها...

_الغدايد اعبير الغدايد...هيدا خطفلي الصاك من يدي ..لكن مع من حا الحماري كون راه طلع معاه ااصبع ملي جبر الصاك مافيه حتى ريال...يلقى تما عكار يعكر ليه شوية و يبدل الحرفة يولي شطاح ....

_ عبير بدهشة : ياختي على هاد الزهز لي عندك....

حلا طلقات شعرها مغوبشة : مالي اختي مضروبة بمغفرة ...هازة الفلوس و نحطهم فالصاك ...و انا عارفة زهري هاد الايام غضبان عليا و عاطيني ب*كو ....عمرك تنزل فلوسك فالصاك..و دير هاذي فبالك...قولبو قبل مايقولبك....

عبير طلقاتها بضحكة : مسخوووطة و انا كنقول مالها لابسة الطويل ماولفاش ليك .....

كملو طريقهم ...غادين بحالهم...! دخلو مع الشارع لي تيمشيو منو دايما...تلاقاو مع الصمدي و كريم قدام ورشة النحارة...واقفين...!

قشعاتو حلا كمشات عنقها كدور عينيها تزيرات.....! : نهرب من كلب نتلاقا بكلب اخر ...

حنات راسها و زادت ماعلات عاد عينيها الملونين فيه...غا هوما تيدورو بوحدهم تقيسها تقفز ...حساتو متبعها بالعين عينيه لصقو عليها ..و مابغا يحيدهم... على فمو تبسيمة ثقييلة حد ماعرفو علاياش ناوي غا تيشوف و يطلعها و يهبطها ..من الشوفة الاولى دارها فيها عجبو زينها بانت ليه زوينة و تتبان بعقلها من النوع لي تيعحبو و ينغمو باين من وجهها ماشي بنت عشرين و انما كثر ... لكن غا دوات و دفلات قدام طنوبيلتو...كحل قلبو عليها ....!

خرج المتلوف كريم لباب الورشة كيطل و يشوف فحلا غادية حنب صحتها تتزرب ..و ير جع يشوف فالصمدي مصدوم...

_ هاذيك حلا !!

عبد الصمد منغم بواحد الكارو مثقل : شكون حلا !

كريم بدهشة : حلا اصاحبي نسيتي بلان الجبل ...!

_الصمدي ( هاز حاحبو بنظرة الذيب ) : شمن بلان...

كريم ضيق عينيه فيه : بالله مكنفهمك ...( قلبها ضحك ) و حق الله الزين كيقطر منا حمقاتني اخاي الصمدي ...

نقز واحد من العمال : شنو فيها ابا كريم بان ليك البلان فبنت عبد الله ...

كريم : كتعرفا !

العامل : و شكون مايعرفاشي...بنت الذهايبي عبد الله الريفي ساكنة حدا المقاطعة غي فهاد الشارع

كريم ضحك و حك صدرو : طلع داك الزين ريفي ...

العامل كيضحك : الزين نافخ ريشو و العين اذا حطتيها على بنت عبد الله ضرب على جيبك وبين خيرك ..كاملين عجباتنا و مالقينا ليها جهد ....

كريم شاف فالصمدي ضاحك : العين درناها...

رمى الصمدي الكارو من يديه و قرب من كريم مدور يديه الثقيلة على كتفو كيطبطب عليه....

_ نقولك حاجة ؟

كريم بايتغراب : شنو !

الصمدي( قارن حواجبو) : لي ديالك ديه و لي ديالي خلييه....

كريم دورها فعفلو وفهم بلا مايزيد معاه ...بلعها و قرم و عرف لي عليه و لي فيه....!

رجعات للدار تتسوط و تنفخ....! طارت لبيتها و ربعات فوق ناموسيتها شادة حنكها تتفكر ...طلات عليها حميدة مستغربة...

_ حلا انا كندير عينيك عليك و رادة البال هاد الايام مالك....ماعحبانيشي..غي من ديك التربعية لي دايرة عارفك ساكتة على مصيبة ...

حلا تترمش : هدرت معايا مشكل ..سكت مشكل...ماعندي والو ...حاسة اماما كلشي معكسلي ...مابقاشي عندي الزهر كيف كان.....زعما تكون ديك اللفعة د فاطمة زهراء بنت خالي ساحرالي....

حميدة خرحات عينيها فيها تتضرب حنكها : و قداش هاد التهمة ياربي يلطف......

حلا معلية خاحجبها : و علاش لا ! شفتبها شحال محسادة و عينيها كيغلييو غي بوحده...مكتبغبشي الخير للناس...و نهار الخطيبة ديالي مع داك الحزاق...كانت عاملة العين على راجل حليمة ...شفتا و سكت ..البنت اماما ..خصا تزوج و حد ماشاف فيها و ماقرب ليها و مابغي يتزوج بيها ....وهي محمقة تزوج وخا تدخل ضرة ماعندا نفس ديك الكرموسة ...

حميدة شدات راسها و قلبت الدورة خارحة بحالها تتولول...

_ ياربي يستر ...يتربي ...دعي ربك مايبليك بديك االلسان....

حلا ترمات على ظهرها كتمتم مغوبشة : بلاني الله و لي عطى االله عطاه....!

دوزات العشية غي فبيتها...شادة الركنة و ناعسة على جنب ...! تتبلاني و تخطط و تفكر ...ظلات فالدار اربع ايام مكتدخل مكتخرح ....! حتى السرجم مكطل منو ...غي تتشوف فدار عيشة تتمشي ليها الكانة و تغوبش ....تتزيد غي تخنق ...!

خرجات من بيتها تتزطم فسروال بيحامتها...

دخلات لعند حميدة هي الاولى تتشكي ...

_ اماما ...علاش عاطين البيت المخير لخلود وهي مزوحة ماساكناشي هنايا عندا دار ديالا فاسبانيا ....انا بغيت نبدل الدار ...

حميدة : براسك معاها ..ماشي تزوجات مابقى عندها بيت معانا ...

حلا عوجات نصها : و مالي انا كتحركوني عاطيني بيت صغيير ....

حميدة بغضب : عاد دابا بان ليك بيت صعير ...نتينا لي ختارتيه اول مرة نسيتي نفكرك....براسك مع ختك هدر معاها هي ماشي معايا....

خرجات حلا من الكوزينة تتدور عبنبها ...سمعات باها طالع و ذبلاات حواجبها دايرة راسها مريضة. ..

عبد الله : حلا علاش مامشيتي للمحل !

حلا شادة نصها تتمسكن : اذا مشيت غنسخف تما ابابا ...مريضة و ماعندي خاطر ...و عاد زهري هاد الايام عاطيني بظهرو ..اذا خرجت غتوقع لي شي كارثة ...اللهم نبقى مركنة هنا واحد السيمانة حتى نرجع كي كنت و نتريكل مع مخي و نتصالح مع زهري....

عبد الله كيهز راسو : لاحولا ولاقوة الا باله...اشمن زهر ابنتي الله بهديك...كاين القضاء و القدر ...لي مكتب ليك غيكون...سير ريح راسك سير ...

مشات من قدامو عينيها كيدرو غي بوحدهم...دخلات عند خلود تتشوف فيها مصيقة عينيها تتبلاني ...

خلود شافتها هزات فيها حاجب : شنو مالك...

حلا رخفات حواجبها و قربات متها تتحلون و تفرنيس ...: خلود علاش ماعنديش الزهر دبالك اختي ...

خلود : اوا ماجاتش الخواتات كاملين يطلعو مزهارات...

حلا جلسات حداها تتفرنس و ترمش : زعما ماتزوجينشي بخاه دراحلك يطلعني لاسبانيا ..

خلود بنص عين : حلا انا ماشي ماما دوخي عليا بجوج هدىات ...شنو خصك..الفلوس ماعنديشي...

حلا : اوا على هكاك ...بغيت البيت ديالك ....

خلود : و علاش..!

حلا : و نتينا عترفة دوك الكتامين جاو قدام سرحم اابيت ديالي و انا كنوض معطلة و عاد داخلين فالصهد و رمضان قرب...كنصبح مركنة تما و السرحم محلول فيا غيتفرحو غيا ...نتينا ماشا بحالك لاسبانيا ...خليني ننعس فاابيت ديالك ...

حلود برفض قاطع : باش نسهل عليك و بلا من هدرة كثيرة ...البيت ديالي مغنعطيه لحد نكون مسمومة و لا محقادة ...البيت ديالي غنشدو بالساروت...حد مايحلم بيه....

داخل البيت جالسة و مرنكة...شادة الركنة و مع راسها قارمة....!

محتاجة تجلس مع راسها واحد السيمانة و ترتاح نفسيتها.....!

لكن القنط و قلة مايدار مصيبة ...!

فتحات تليفونها تتفرج ...الفايس و الواتساب و انستا....! توحشات تسمع كليمات حلوة من الرجال و تعفر عليهم.....! و جاب ليها الله واحد داخل عليها بميساج فالواتساب...!

عقدات حجبانها و صاوبات الجلسة ...اول خاجة فوطو بروفيل عاد تفكر واش تخليه و تعطيه قت ولا بلوك...

كانت صورة شاب وسيم و انيق. باين ولد الوقت و ضحكتو زوينة...زوماتها حلا و صغراتها تتعوج فمها...

_ مم عينيه زرقين ...

دخلات تتجاوب على ميساجو ..دايرة رحل على رجل و مخاد دالريش مدروين عليها تترمش من تحت ديك القصة كي المشة ...

_ و عليكم السلام...

طلع ليها vu ديك الدقيقة و حاوبها...

_ ممكن نتعارفو ...

حلا خلات ليه vu كثر من خمس دقائق ..تتعفر و تتحاوب باختصار ...!

_ منين جبتي نمرة ديالي ؟

رد : صدفة كتبتها من راسي و طحت فيك باش تعرف المكتاب و الطريق غتجمعنا ..

جواب ورى جواب و عطاها الفايس ديالو و دخلات تتأكد و تبركك...الفايس من 2016 ...كونط اكتيف وولد المنطقة نيت....!

ظلات تتدوي معاه و نيتها ماعاطياهاش....! تتجرجرو و مع ذلك لاصق فيها ...مغرقها هدرة حلوة و غزل ...حتى قاليها " بغيت نشوفك "

خلات ليه vu و خرجات تتعاون حميدة ...و دور و دور ...حتى لليل عاد حاوباتو ...

" نتشاوفو فالجنة "

رد عليها بملصقات ضاحكة و كتب ...

_ غي صورة وعد ...ماعندك حتى فوطو فالفايس...اجي ماعندكش انستاغرام ؟

حلا عوحات فمها و كتبات لبه...

_ لا ماعنديش ...

رد : سمعني صوتك !

هزات حاجبها مضبقة عينبها....خلاتوو هكاك و دخلات تتفرج فيتصاور عجبها...و مع هي زهوانية تتعشق الزين ...جاها على كانتها و فوقتو ...!

دوز معاها ثلاث ايام ...! كيكتب ليها الشعر و القصايد و لعيونها باغي يشوف و لصوتها يسمع....!

دوزات بيه ديك ثلاث ايام و ماشاف منها لا صوت ولا صورة ...!!

حتى طلع الصباح و خرحات حلا لابسة و حاهزة ...صونات لطاكسي حتى لقدام الدار من الباب لباب طاكسي ماعلات عينيها فدار عيشة ...ركبات ..و مشات لشغلها...!

دخلات للمحل ..قشعها مهدي حكل بالعمى...

_ ختي حلا جيتي...

حلا حيدات نظارتها الشمسية كتقرقب بالطالون و تميق فيه...

_ قلت ليك مادموزيل حلا ماشي ختك انا ...

مهدي طار لعندها بالزربة كيسايس ...

_ تشرب شي حاجة ..توحشناك كلشي كيسقسي فيك كنتي مريضة ؟

حلا ضيقاات عينيها فيه : يمرض عدويا....كاملين باغينها فيا....وصلات لي خبارك كتمشي دوز السوايع مع الحاج المفضل ..

مهدي قرد حداها : كذووب كذوب كذبو عليك....ختي حلا كان هنا سي رضا هاد الايام والله اختي مابغيتش نتصنت ولكن نتصنت...كان كيعمر راس سي عبد الله عليك....

حلا( عينيها برقو ..).: شنو قال ليه داك ااكلب ...هدر ...ياك كنتهلى فيك و كنديرك بحال خويا الصغير ..فين تلقى باطرونة بحالي...

مهدي على حاجبو : قال ليه حلا ماصالحاش لهاد الخدمة...

حلا معصبة : هدر ..كمل مالك كتنقط عليا....

مهدي (حنى لعندها كيدوي بخفوت...)

_ قاليه تبادلات الذهب و دارت الحرام....عطاك الذهب و عطتيه ذهب ...

حلا حجلانها طلعو للسماء : و لهلا بنزل علينا سي باطل ...( ناضت واقفة كتسوط ) شنو باغي عندي...كينزل عليا الباطل الحمار ....كيتحارب معايا...الشماتة....و نتا شنو قلتي !

مهدي : قلت غي الحقيقة ماشفت ماريت....و حتى سي عبد الله ماقال والو بلا ماتعصب ...

حلا بغضب : مابقاتشي فقال و لا مقالشي ...بقات فداك الك*ب باغي يطيحني و يكره بابا فيا ...اذا كان هو معاشر مع الذهالية وهو صغير و داخل للدومين قبل مني...انا راني حلا....ماشي جاهلة بحالو. ...ماعارفاش تبادل الذهب حرااام.......

مهدي كيهدنها : انا غي بغيت نقولك لي كاين ...حتى سي عبد الله ماقال والو...و الكاميرة مسجلة كلشي ....

حلا (قربات تفركع عينيها محجرين فبهم الدموع) : مكنحملش ينزل عليا الباطل...كيعمر راس بابا عليا ....كيرحعني ق*بة جاهلة ماعارفة والو ...باغي يبدا معايا الحرب الك*ب ...( رجعات شافت فمهدي ساخطة ) شنو قال اخر ...

مهدي اول مرة يشوف عينيها مدمعين : قال المعلمية الرجال كيتشكاو منك...كتمشي نتي برجليك لعندهم و تدخل وسطهم...

حلا ودنيها سخنو تتزير على سنانها معصبة : فين عمرني عتبت رجلي لعندهم....ياك كنصبيفطك غي نتينا......

ظلات كدور فالمحل غتنفاجر...! و مهدي حداها كيهدن و يسايس....!!

و كملات ملي دخلات لعندها بنت خالتها وئام تتنهج مراهقة زعرة و زوينة فوجها ...

_ ختي حلا....مانقدرشي نسكت خصني نقولك....

حلا ناصت من البيرو لعندها مستغربة : مالك ..كنتي فالمدرسة ؟

وئام جلسات تتنهج و تغوبش فهمدي ..: جبلي نشرب قبل مانسخف و مانقول والو لحلا...

مهدي خرج من تما ...عاد دارت وئام عند حلا تتدوي بالزربة ...

_ حيت عطيتيني ديك المرة ديك بلانشا د الشعر و جاكيط فالغوز ...و دايما كتهلا فيا....مانقدرشي نسكت ...بقيت شادة دقمي حتى خرحت من اليسي و حيت لعندك..كنجري ..

حلا قندشات : و هي اذا هدرتي و حزقتي اش عندك...

وئام : داك خوك رضا....عوال يخرج عليك....سمعتو كيهدر مع خويا كيقولو بغيت شي كونط فايس يكون بصح ماشي فوكونط و يكون قديم شوية باغي يطيحك و يجربك منو ...والله العظيم اذا سمعتو بوذني و البغل ودخويا نتينا عارفة مع البغل دخاك رضا كبفاش عاملين مكيخبعو على بعضهم حتى خاجة مشى جابلو كونط دصاحبو ....

حلا جلسات مصمرة تتفرفر برموشها مصدومة....

_ بغى يخرج عليا....صدق هو الك*ب....!!

وئام تتشوف فخاتم حلا و تلوي فمها : زوين هاد الخاتم عطيهلي...

حلا علات حجبانها الشمتة طالعة نازلة فبها ..: خوديه...( شافت فيها بتحذير ) وخا يقتلوك ماتقولشي قلتي ليا شي حاجة ...

وىام تتفرنس : انا ماجيت لعندك ماريتك اصلا ماسمعت والو ....

عطاتها الحاتم و ناضت شادة راسها تتمشي و تجي و تغزز ظفرانها ...جاوها الدقاات وحدة ورى وحدة ....

_ الحمار ...باغي الحرب ...باغي يطيحني فااشبكة....

رن تليفونها ...هزاتو لقات اتصال دايز لنمرة لي حاطاها فاانستا كونط لي خدامة بيه فالمحل....!

تنفسااات تتبرد راسها و رسمات تبسيمة زوينة نااطقة بادب و رقة ...

_ آلوو...

كأن المتصل كان باغي غي يتأكد من الصوت...رد بصوت مااكر ...

_ حلي حلاوة....

تيبسات يديها على التليفون ..وجلسات فوق الكرسي تترمش مصدومة...ثلاث صفعات ورى بعضهم...ماخلاوها حتى ترتاح و تريكل امورها...قلبها بدا يضرب بالزربة ...! احساسها قاليها هو هاد الهدرة سمعتها منو ديك المرة و عاودها دابا ....دورات عينيها يمين شمال وعلات حاجبها ناطقة

_ آلوو وي بيجوتري الريف ...مرحبا ...

شافت عبد الله داخل جاها بحال الرحمة...عطاتو التليفون و غمضات ليه..بمعنى كليان ..!

بقات واقفة تتسمع و تبلع ريقها....و عبد الله تيفرنس فرحان ....

_ الله ياودي مرحبا....

_ اه وخا ...خاتم مارياج 18 كارا...

_ الله ياودي لي بغات خاطرك تلقاه معانا....دوز شوف بعينبك.....اااه يمكن يمكن تكتب فيه السمية مغانا معلمين فالحرفة ....

_ و الله يكمل بالخير ...و اييه وخا ماعليش ...بعد رمضان ان شاء الله ....عواشرك مبروكة ....الله يعاون....

قطع عليه و شاف فحلا كيفرنس و عينبه كيلمعو...

_ الله يكمل عليه بالخير و هاذي بيعة صحيحة....

حلا تترمش : شنو طلب !

عبد الله : طلب الذهب شنو غيطلب...قال غيخطب بعد رمضان و باغي شي حاجة تحمر الوجه وخا يحط فلوس صحاح. ...

رطعات بالور تتدور فعينيها ...و تترمش غبرات من قدام عين عبد الله و جلسات تتبلاني مغددة..تتفتف و تمتم...

_ كلشي عندو حرب معايا....*لب من الداخل و *لب من برا....كيف غندير ليهم...تافقو عليا...باغيين يطيحوني....خصني نجلس مع راسي نفكر....خصني نفكر ...جوج احلا جوج.....انا داخلة سوق راسي و كيجبدوني ..و من بعد يقولو حلا *حبة...غندمهم اذا دارو راسهم فيا...وخا يديرو عليا ميات حيلة و حيلة غندمهم ...غا يرخف عليا واحد باش نقد على اخر .....!!

ماكملات كلامها حتى سمعات صوت مألوف...طلات بنص عين لقات عبد الله كيرحب فشاب طويل .عاطيها بالظهر ..غا عطاها بالحنب قشعاتو و خرجو عينيهااا...متمتمة ...

_هشااااام......

خرجاات عينيها مصدومة و تركنات الداخل...تترمش مصدومة...

_ شنو هاد المناكر كاحو عليا كاملين دقة وحدة....يهداو عليا غي شوية.....

غززات سنانها في شفايفها تتسوط و تضرب بصبعانها فوق البيرو و عينبها كيدورو....مية كذبة و مية فكرة و مية حيلة...راسها عامر و تتفكر بالمشاكل و المصايب و شلا فهايم و تحرميات فبه.....عليها ملي تتحصال الكذبة تتلقاها واجدة على طرف لسانها....!

غمضات عينيها تتنفس ببطىء و رجعات تكات على الكرسي مرخية تتهدن راسها...

_ ريحي راسك احلا ...غتشيبي و تكمشي و حد مايقول احح حنا سبابها مسكينة....يمشي حمار و يجب حمار ...المهم نتي دايما راكبة ..حد مايقد عليك غي تنفسي و رتااااحي ...

( تنفسااات بعمق و ناضت وقفة تتصنت عليهم بعين ثاقبة )

هشام كيفرنس سنانو بيضين نقيين و حالتو مقادة....تيشوف فعبد الله حشمان ..

_ سي عبد الله ياك ؟

عبد الله بأدب : اييه هو اولدي ..مرحبا

هشام : ترحب بيك الجنة ...شفت ليزاغتيكل ديالكم فانستا....

عبد الله (لسان بياااع محترف) : تفتح ليك بوابها ان شاء الله...ريح اولدي ..!مرحب

هشام كيدور عينيه تيقلب على حلا شاف لايف ديالها و سول عليها و هوما غا منطقة صغيرة قلعها شكون و بنت من و فين تتسكن....!

...فرنس لسي عبد الله و جلس ...و عبد الله تيوريه ليزاغتيكل لي طلب ...و يدي و يجيب معاه فالهدرة...! لكن سي هشام ماشرا من عندو والو حدو شاف ...و سرح عينيه على المحل و خرج كيدور فالمدينة ...!

عاد تنفسات حلا بارتياح ورمات شعرها اللور معفرة ...

_ نمشيو نتغداو بسي رضا قبل مايتعشى بينا. ...

هزات تليفونها تتفقد الميساجات و تمسح ليخصو يتمسح ....! حتى وصل ليها ميساج منو...

_ و الله يهديك صيفطلي فوطو ديالك غا نشوفو عويناتك ...

فرنسات و هزات نيفها معفرة ...و شيطانها كيفتي عليها....دخلات للصور تتقلب و تقلب ...على لقات صورة مرتو حنان قطعات راسها منها و خلات غي صورة حنان و صيفطااتها ليه....!

_كيف جيتك زوينة ؟قولي رأيك بصراحة ....

خلاتو حتى شافها و مسحاتها من عندها و خرجات تتميل بديك المؤخرة...كدور عينيها و تمسكن تتتزرب عليه قبل مايجي رضا يقتلها....

_ عييت ابابا من هاد الدنيا ...مابقاتليشي الكانة لحتى حاجة ...كلشي كيكرهني و غرضو فيا ....

عبد الله غوبش : استغفري الله و حمدي الله احلا هاد الهدرة مانعاودشي نسمعا...اشنو ناقصك ؟ معطوبة ناقصة يد و لا رجل مالاقية طرف خبز ؟ قول الحمد الله و تركني ابنتي.....

ذبلات حواجبها و ردت ...

_ ماعرفتش علاش خويا كيكرهني هيدا....انا عارفة شنو كيقول رضا عليا ورى ظهري...انا تربية يديك و عارفني وخا غلطت بزااف قبل ولكن كنت صغيرة و ماكانش عندي العقل....( تزيرات ملي تفكرات الماضي عينيها ولاو تيغلييو ) ولكن علاش رضا كيعمر قلبك عليا....

عبد الله حنى عينيه ساكت شحال عاد رد : كنتي صغيرة و قلنا الله يعفو و الله يسامح ...لي داز تنسى ....و رضا الله يهديه كيبقى خاك الكبير و عليه حكام عليك حتارميه احلا...

حلا بلعات المرار و بقات شحال تفرفر بديك الرموش ... حتى قلباتها بكاء و تدرويش بدل ماتعصب ....

_ نحتارمو اذا كان كيحتارمني ....نتا مول العقل ابا و نتا كبير والحكيم ديالنا...نتا حكم و خودلي حقي ...نسى لي درت و خود حقي منو...بغيتوه يخرج عليا عاد ترتاحو ...( غلبوها الدموع بصح ) واش عارف ابابا رضا شنو دار....عارف دخل عليا بنمرة كيتزلل و يقولي كلام نحشم نقولو...خاي كيتزلل عليا باغي يلقط عليا مناكر باش يوريه ليك و نصدق انا خارحة الطريق و مانستاهلش....

عبد الله حمر عينيه فيها : شنو كتقول ياهاد العايلة شنووو....كنعرفك ياحلا و كنعرف كذووبك ...

حلا جلسات حداه تتنخسس ...تتجبد ليه التليفون....: والله مكنكذب ...اجي تشوف...غي قولي باش غنحس و انا كنقرا هاد الهدرة و نعرف خاي المحترم خاي الكبير العقلاني...كيقولي هاد الهدور ...هاك قرا نتينا ماتقولشي كنكذب و لا كنزيد فيه ....

مدات ليه التليفون و بعدات اللور تتدور فعينيها ...تتشوف فعبد الله لي تيقرا فالميساجات و حواجبو تلاقاو مع بعضهم ...باين تزير و حشم من داك الكلام ....حط التلليفون و بقى ساكت تيسمح وجههو مصدوم....

_ لاحولا ولاقوة الا بالله.....لاحولا ولاقوة بالله ....رضا هذا ؟

حلا (مسحات دمعتها) : هو اذا مابقيتشي كتيق فيا و كذبتيني مشي شوفلو تليفون ديالو مشى بلا عجز جاب النمرة و جاب تصاور صاحب ولد خالتي فاطمة ....وتافقو عليا...تصور ابابا مشى عند ولد خالتي كيقولو عطيني باش نتفلا على حلا...باش كنحس ابابا ...شفتي نتا و تصدمتي....رضا حرايمي و باغي غي راسو و اناني....انا مغندير والو و مغنقول...نتا فيديك كلشي. ...اذا سكتيلو على هاذي صافي غي نرمي راسي للبحر.....

عبد الله ناض واقف عينيه حمرة معصب ...جبد تليفونو تيصوني عليه ..شافتو حلا فرنسات وسط دموعها تتمتم ...

_ غي بلا ماتصوني شوية تلقاه هنا ابابيتو ....

دخلات للبيرو جالسة دايرة مبردة ..! تتشوف فالمراية و تمسح دموعها لي غلبوها تتبركم....

_ ناقص حسك غي الدموع الكلبة .....علاش تتبكي ....( كمشات عينيها تتعوج) جييت قرطاسة و عيني مدمعين....عميييقة....

دخل رضا للمحل كي الثور ...! تيسوط و ينفخ....! تلاقاه عبد الله فالباب معصب كثر منو...

رضا بين سنانو : فين ديك الكلبة...خصك تشوف بنتك شنو دايرة ...علاش كتقولك الشطاح عمرو ينسى هزة الكتاف.....

عبد الله شبك يديه وراه كيدوي بهمس ماباغي فضيحة : للدار ارضا و نتفاهمو ...عرفت راسي ماربيت والو ...وصيتك على خوتك و طلعتي كتفلى عليهم....هاذي هي وصيتي اولدي.....

رضا احمرت وجهو مافهم والو ...: الواليد !

عبد الله جرو من يديه معصب : زيد تبعني للدار ....!

خرجو من تما ...و رضا عبنبه وراه على حلا لي واقفة ورا الواجهة الزجاجية للمحل تتصبع ليه...و تفقصو ...!

تحلف فيها و هز راسو عليها و تبع باه ...كيغلي سخون كيفووور.....!تغدات بيه قبل مايتعشى بيها.....و قلبات عليه القفة ...دارت ليه من هنا دازو ....!

ظلات مكونة قالمحل ..!

راشقة ليها وخا تهنات من كلب واحد على قولتها ..بقاو ليها جوح....!

جلسات دايرة رجل على رجل ...تتشد فالمهدي...

_ دابا نتا كتحتارمني و لا تتخاف مني....

مهدي الواحد البحلاس كثر منها....قرب منها تيفرنس...

_ نتي بحال ختي الكبيرة كنحتارمك و عزيزة عليا والله اختي حلا....

حلا ميقات فيه : كيعجبك الحال معايا و لا مع رضا....

مهدي ضاحك : معاك اختي حلا ...طلب عبني نعطيهاليك...

حلا لوات فمها : مم ...بغيتك ترجع عيني و ودني ملي مانكونش هنا....صافي !!

مهدي : بلا توصية اختي ديالي ..!!

سالات حلا شغلها و خرجات كيضرب فيها برد تطوان....! غادية بداك الطالون و أناقتها و رزانتها تتجلب العين...لييشوفها يقول ثقييلة و بعقلها و كاملين كيتخدعو فيها.....تتبان ناضجة و بنت معقولة و درويشة ...!

دازت من قدام قصر الملك...! مغوبشة من الزحام لي تما....! دخل فيها واحد الشينوي غوبشات فيه ...

_ الحلوف ...مخليين بلادكم حايين تزاحمو معانا...

شاف فيها مسكين مافهم والو ....كملات طريقها ..حتى خرحات من داك الزحام و علات راسها...قشعها هشام لي كان مزال كيدور تما....تبعها و الطريق لي دازت منها هو وراها....محمقاه و مخرحة ليه العقل...ملي شافها عينيه حوالو و صورتها مابغات تحيد من بالو ...!

بقى وراها حتى وصلات للشلال ...هابطة فالدروج تعرض ليها كيفرنس....

_ الزين....!!

هزات فيه دوك العيون مجبدييين تيخليو الواحد يستغرب منهم و يسبح الخالق...شافت يمين و شمال و حيدات نظارظها معلياهم فوق راسها ...تتحاوب...

_ حيد من طريقي ندوز....

هشام (تلفاتو بعينبها ) : عينين المشة عندك تلفوني احلا....توحشتك ماشي حشومة عليك تقلبي علينا....

حلا بابتسامة ملونة ردت...

_ حيد من طريقي اخويا الله يخليك....

ضربات فكتو باش تخطاه دوز...شدها من يديها حتى قفزات و رجعات اللور مخنزرة فبه ...و الناس طالعين هابطين...تيشوفو .. .

_ حمع يديك شنو هاد قلة الحياء فيك....

هشام ( قرب يحماق ) : وخا غي تهدني...نحلسو فشي كافي نهدرو....

حلا : مابغيتش غي بعد مني ....مانقدرشي نبقى واقفة معاك هنا ...سير اذا عندك شي شغل قضيه. ...

هشام : غندوي مع باباك احلا....عارف داركم و كارفك فين تتسكني...والله مانتفك منك....

حلا ببرود : ممم ايييه و شنو غتقول لبابا ؟

هشام : بغيت نتزوج ببنتك ...بنتك سكاتني و خرحات ليا عقلي دوخاتني بعينيها و هربات ....

حلا علات حاجبها ببرود : اوك الطريق كتعرفها و بابا و دارنا كتعرفها...سير قول لبابا و خويا هاد الهدرة ....ولكن لقيتي راسك تتهز سنانك من الارض و تحسبهم ماتقولش حلا مكتسواش....!

دفعاتو من كتافو و طلعات نظاظرها هابطة بحالها ...و ااصاك فيديها و الحالة و الشعر رطب كيبري مانقة و المشية الرزينة و الطالون مواتي مع االلبسة و الساعة فيديها ....تقول غا سيدة اعمال ...!!

جالسة عيشة الكتامية كي الملكة....! عريساتها تيجيبو الضيافة لضيفتها....! و كانت ضيفة و شمن ضيفة ..كانت لالة مليكة...غي تشوفها دخلات عند شي وحدة لدارها يعرفو راه تابعها شي عراسية و يسمعو وراها سي زغروتة....! هي ليتتدخل لشي حد اذا بغى يتزوج...و تتدخل بخيط بيض بين المخاصمين....!

لالة مليكة ( حطات كويس اتاي تتبتاسم مخشعة بالحديث مع لالة عيشة ) : بنت سي عبد الله خير البنات تبارك الله ....تعشقيها غي هي من وسط البنات ....

عيشة بنص عين : مم الزين زينة و لسانا حلو ماقلناشي العكس ....و لايني ماتكون من العايلات لي كتعري فخاضها و بزولها فالبحر ....

مليكة ( ضحكات وسط استغرابها ) : لالا اختي عيشة ....هاذوك روافا خاها والله حتى يقتلا ...كنعرفا وهي بنت عشر سنين ...وخا كتعري الشعر و اللباس و كدا ...ولكن ناس محافظين...و روافا اختي ...نتونا تعرفوهم خسن مني ...

عيشة تتخمم : ممم و اجي عمرك سمعتي عليها شي فضيحة و لا شي منكر كانت عاملة الصاحيب ؟

مليكة( تتطول بالها و تزوق فالهدرة ) : انا كنقولك كنعرفا وهي بنت عشر سنين ...

عيشة : و علاش ماتزوحاتشي وهي قد هاد العمر....

مليكة : الالة عيشة ...البنت زينها فتاااان و باها تاجر الذهب عندو شلا ديور و لالة حميدة بنت عائلة ...يعني البنت كابرة فالخير....مايمكنشي يزوجوها لمن كان ...!( بلعات ريقها و كملات ) احم...دابا ولدك سي عبد الصمد فاش خدام تبارك الله حتى طلع هاد الدار....

عيشة عاقت بيها لاياش تتلمح : العزري ديالي عندو القهاوي و المطاعم شلا فاسبانيا كان خدام مع النصارا تما ...و عندو عمارات فالصويرة و فمرتيل كيكريهم ...و عندو رياض فمراكش و الشاون.... كيدخل فلووس صحيحة فالصيف ..اللهم بارك و زيد ...

مليكة وسعات عينيها : اللهم بارك......

مليكة وسعات عينيها : اللهم بارك....و شحال فعمرو ...

عيشة : ستة و ثلاثين عام ...

مليكة مزال ودنيها سخان من الاملاك لي عندو غا تتفرنس...: احم ..دابا هو الناس كيقولو كتاميبن صافي خداميين فالحشبش ...

عيشة علات فيها حاجب : واااايلي الالة مليكة...شافونا بعينهم اذا شافونا يمشيو يدعيونا ...التكوليخة هي هاذي ...عبد الصمد من صغرو وهو كيخدم فاسبانيا هو و العايل د.عمو ...و باه الله يرحمو خلالو شلا اراضي و فلوس ليه و لخوتو ماناقصين من والو ...و شرا بورصة ...

لالة مليكة تتبسم : زعما شرا اسهم فالبورصة ؟ ياك الالة عيشة ....و ليسمعت قلتو الله يهدي ماخلق و صافي ....اوا انا نفتح الهدرة مع لالة حميدة و نرجع عليك.....

صفاء و سكينة فالكوزنية كيتصنتو...و يتناقشو ...

صفاء بهمس : فخبارك تلاقيت مع غزل طليقة عبد الصمد ....

سكينة : حتى انا شفتا ديك النهار كنت مع عماد فالكافي كانت جالسة مع ختاها ...زيانت ياختي غزالة ....

صفاء تتضحك : و دابا نشوفو واش هاد حلا كيف لالاهم غزل ....غزل ماقدراتشي تلف عقل عبد الصمد...نهار قالا غنتزوج ضرباتو ( عينيها دمعو بالضحك ) تصور وجه خالتي عيشة كيف كان...ضرباتو و عضاتو و جات خالتي عيشة كملات عليها....حتى وقفا عبد الصمد شوف ياختي ماضربا مامد يدو عليها حيت ضرباتو ...نيشان طلقا و صيفطا بحالها ....

سكينة : حشومة عليك علاش كضحك عليها...تصور نتينا الراجل ديالك يقولك غنتزوج عليك....

صفاء غوبشات : وا ختي سمحلي خاي عبد الصمد ماشي تفلا عليها ولاقولبا ...قالها ليها من الاول قبل ماتزوج بيه...قاليها افلانة انا مغنخونكش ولكن تعجبني شي وحدة غنتزوج بها....وهي شافت الطول و العرض و الديور و الفلوس قالت وخا ...و ملي جات للصح الصحيح ضرباتو ....

سكينة : وييه وحتى هو شحال كان كيفشش فيهم حتى خالتي عيشة كانت كتبغي طرطق ....

صفاء بنفور : وخا كان مزيان معاهم و كيفششهم ولكن راه صعيب تكمل معاه الصراحة...الراجل عندو فكرة التعدد فمخو لاصقة ...يعني خصو شي وحدة تشدو و تسكنلو فعقلو و فقلبو و تنسيه سميتو كااع و شوف و شوف....و كاع غزل و سامية كانو مكلخات و بكايات ياربي شنو كيديرو للبكاء و الفشوش ....خصو شي لفعة تلوى بيه و تعميلو العين .....ساعة هو ذييب والله ماديرا بيه شي وحدة.....

سمعات بنتها تتبكي حطات الموس من يديها تتسوط....

_ هاهو جا كيبكيها عاود ..ياربي بزز سكتات.....

سكينة تتضحك : يبوس و يعحن فحناكها ملي تبكي ليه يغوبش فيها.....

بعين حمرة ..معصب و مخنزر كي الثور ..! جر حنان و دخلها للبيت تيحاول مايغوتش عليها وهي تتكمش خايفة منو ..

_ رضا مالك شنو درت....

رضا بحال المكروش معصب حلفان فحلا ...

_ تصاورك جمعيهم ماتيقيش فحلا ماتبقاش تصور معاها....

حنان تتشوف فيه بقلق : وخا غي تهدن رضا خلعتيني ...شنو وقع حلا ختك ...

وقفها رضا عرقو محبدين ..

_ هاذي لفعة....ماشي ختي ....لفعة كلبة هاذيك.....

حنان تكمشات فراسها و سكتات غلبوها الدموع...كيفششها ومكيبغيش يغوت عليها....! شافها هكاك خرج ضارب الباب ...! حتى تلاقا بحلا واقفة معوحة نصها تتشوف فيه و تشطح رموشها....

_ واحلة ليك حلا فحلقك.....

طار ليها جارها من شعرها تيسب الغضب عمى ليه العين....

_ كتقولبني الحمارة ...

زيرات على سنانها تتدفعو و تشوف فيه بحقد ..

_ جاتك النفس على المدام و ختك غي ق**بة ياك العزري د يماه....اوا انا غنخرج ليها نيشان و غنولي قااااح**يبة بالعلالي اش فجهدك مادير .....

جمع معاها بطرشة للكمارة قلبات ليها وجهها ....بحال شعل العافية ....خلاها تتفركل فيه و تغوت...تتعض وتسب. وهو كيضرب و يحمع ليها رحلييها...!

_ والله حتى نقتلك الكلب....تفووو عليك كتحكرني ..تمد يديك عليا ..غتندم ارضاا. .ععع..

طلعها كي الحولي للطبقة الثانية و شد عليهم الباب و غواتهم ااصل لبرا...! و حميدة شادة قلبها جالسة فالدروج كتبكي..و تغوووت....

_ رضاااا فتح الباب ...رضاااا.....خلووود جيب السااروت....خلود عتق ختك ...

خلود يديها تيترعدو ...و تتنهج طالعة هابطة فالدروج من طبقة لطبقة...

_ و فين هو...ماجبروتشي....عندو يكون عباه ابا.....ياربي شي حد غيخرج مقتول....ياهي يا هو مافيهاش....غيقتلها.......

حميدة تتضرب فالباب تتغوت....

_ رضاااااا ها السخط ها اارضا....فتح الباب....رضااا خلي ختك....اخلووود عيط لباك. ..عيطلو ...غيخرجو عليا.....غيقتلي بنتي...غيقتلها....!

حلا من الداخل تتجبد ..

_ طلق مني ...الحمار تفوو ...

رضا جلس مريح تيشوف فيها بعين حمرة : بغيتي تخرح نيشان ق**بة يالكلبة....نقتل الدودة ليفيك عاد نفتحو يماها ديك الباب ...

حلا رفعات شعرها ولات حمراء تتسوط ...: نتينا كتجبدني...انا عاطياك التيساع....علاش ماشي كتزلل عليا الشماتة فالواتساب....و طلعت صعيبة و حسيتي طلع معاك الصبع....

رضا ناض لعندها حامع كمشة د الشعر فيديه حاعر ...

_ كون قتلت جدك ديك المرة و دخلت للخبس ....

حلا تتفقصو ببرودها : و ديرها دابا شنو كتستنى....

دغعاتو من عليها تتصاوب شعرها مخنزرة.....!!

_ دابا غتفتح داك الباب و تعطيني شبر التيساع ...و حسن ليك ماتبقاش تجبدني....سير خدم على راسك شوية و بركة من الحسد و الغيرة...ماراضيش ختك تتنافسك العزري.....

جمع معاها بتصرفيقة اخرى حتى تصورات يديه فوجهها....جعررات و حمارت عينيها و طارت للطالون المرمي فالفقنت هزاتو و طارت عليه تتضرب لراسو ....!

_ كنقولك جمع يدك....يديك حمعا...بزاف عليك حلا طرشها....حلا تخلقات باش تخرح على حسكم ماشي ضربوها ......

بقات تتضرب وهو كيجرها من عليه علقات كي العلقة شابطة فيه..... حتى جاتو ضربة خايبة وسط السنطيحة...!

الديكوارت تقلبو و الصداع خلا قلب حميدة غيوقف....طلعات خلود بالمفتاح تتجري فتحات الباب ...لقات رضا خارج

شاد جبهتوو هابط فالدروج سيور صباطو مدلين مع رحلييه كيسب معرعر ...

حميدة شهقااات : اشنو درتي لخاااك ....رضا جمع السيور اولدي غطيبح ....

حلا فراس الدروح معوحة نصها و شعرها مشعكك مرون تتشبع ليه دعاوي....

_ ضربتو حيت طرشتي ثقبت ليه داك السنطيحة....بغيت داك اليد تقطع و يااااربييي....

غي كملات كلامها...سمعو صوت ارتطام فالدروج....! طلو لقاو رضا مكربع فالدورح شاد راسو مقصح كيعرعر....

_ ينعلها سااااعة هاذي ........

لالة فطيمة واقفة عند الباب تتسمع مصدومة....!

_ الله يهديكم اولادي ...الله ينعل الشيطان..

راه كبرتو...عيب عيب...

الناس كيطلو من ورا سراجمهم....! غا شافو رضا خارج شاد جبهتو راكب طنوبيلتو...شهقو و خرجو عينيهم و داعت الهدرة بيناتهم....هذا تيقولها لهذا...

_ حلا ضربات خاها.....

لالة عيشة جالسة مع ولادها و كريم جالس ضيف معاهم مولفهم كيتغداو .....دخلات عندهم صفاء فاتحة عينيها مصدمة...

_ سمعتي شنو وقع....حلا بنت الريفي طربقاات سنطيحة خاها يارسول الله....

كريم شاف فالصمدي بنص عين و شد الضحكة...

_ بالرجولة طلعات مجرمة........

عيشة قندشات : لواه تضرب خاها العزري طول منها و عرض منها.....

صفاء : والله هيدا كيقولو حلا ضربات خاها و خرج كيشد فجبهتو مقصح....

عيشة عوحات فمها ماعجبها حال : شلا جنية ماشي البنت ....

شافت بنص عين فالصمدي لي مفرش المخاد كاملين حداه كي السلطان...داير راسو ماسمع والو ....! غا كريم كيكيكي حداه كي الدجاحة....!ماقدرش يحبسها عينيه عمرو بدموع الضحك و حد ماعرف مالو ....!!

__

حلا خرجات من الدوش...هازة نيفها تتنهد...

_ الله على راحة....

حميدة مخنزرة : عاجبك الشوهة ؟ واش باقين صغار احلا الشوهة الشوهة هي هاذي....

حلا ببرود : انا مكندير والو هوما كيجبدوني ....مطلعني كي المعزة الفوق باش يدير عليا راجل زعما....حتى انا مكنحملشي الشوهة حتى ملي كنمشي فالطريق مكنحمل لا ندوي بالجهد و لا نضحك بالجهد ...شادة تيقاري ولايني بقى يضربني و يطرشني لا....زعما ساهلة ليه......

حميدة تتنهد : حاب الله باك طلع لطنجة كون راه مرضتوه و طلعتو ليه السكر....نوض معايا لعند خالتك زيارة ..نوض....لاحولا ولاقوةالا بالله.....

حلا قربات منها تتحايل : ماميتا شنو قال بابا لرضا ملي جاو ؟

حميدة (ضربات يد على يد ملاقية حجبانها ) : تغاوتو بجوح وخرج باك معصب. ... عاجبك تشيطينك احلا...مغتهداشي و تركن....

حلا ببرود : هو ليكيبداني....داخل عليا للواتساب...بفين الزين و الشعر و القصايد عند بالو انا محرومة عاطفيا لي دوا معايا هكاك غنتحل ليه و نقول ليه مرحبا....

حميدة شادة راسها تتنهد : الله يخرج هادشي على خير ياربي....سير بدل عليك سييير ...!! شوهتونا مع الجيران ....

درجة ورى درجة كانت واقفة فباب الدار...اناقتها تتجلب العين من دايما ...! خرجات من الدار كدور عينيها....شادة فيد حميدة لي تتسلم على جارتها....و حلا واقفة تترمش و تسرح عينيها على دار لالة عيشة...لقات شلا طموبيلات واقفين جنب الدار...!

زيرات على يد مها تتعوج فمها زعما تفهم راسها و يتحركو من تما....! ساعة حميدة شداتها هدرة ...مابغات تحرك...!

_ و ماما انا غنسبقك.....

حميدة شافت فيها بصرامة. ...

_ شد الارض و تركن رجلي برجلك...

الجارة تتضحك : العايلة مزروبة احميدة....سير لشغلك شي نهار اجي لعندي زيارة نوريك الفراش لي درت و عطيني رايك ...كنعرفك ذواقة ياختي....

حلا قشعات باب دار لالة عيشة تفتحات عينيها حوالو و كثر ملي شافت عيشة خارجة و وراها الصمدي و كريم....قلبات وحهها بالزربة و كمشات عينيها حاصلة تتجر حميدة بلطف ...

: ان شاء الله...ان شاء االه اذا بقينا فالحياة...اخالتي....و ان شاء الله نبقاو فالحياة ..نجييو علاش لا.......

حميدة صحكات بزز منها حتى مشات الجارة و دارت خنزرات فحلا تتمتم بين سنانها : يشوي عضومك ...اقشور اابنان ....

حلا ( حاسة بعيون الصمدي ثقبوها تتدوي بين سنانها و تخبي وجهها بشعرها ) : ماتبقاشي تقولي قشور البنان قدام الناس بلا شوهة .....

حميدة ( شافت عيشة و فرنسات دايرة الواجب و تمتم بين سنانها ) : زيد سلم على الناس....و بلا كثرة هدرة....

حواجب حلا قربو يطلو على السماء...؛ وهي تتشوف حميدة غادية لعندهم تتسلم على صفاء و عيشة ...و الصمدي هاز بنت خوه كيفتح باب الاطو....و عينيه عليها...شافت فيه حميدة و ابتسمت معاه....: كيف الصحة اولدي ...

الصمدي ببحة : الحمد الله ...بارك الله فيك ....

حلا .بقات واقفة كدور عينيها هنا ولهيه و رجليها راجعين اللور......

_ كلب اخر احلا....

سلمات حميدة على عيشة و دارت تتشوف تتفرنس و تلف ...

_اوا غي البنت حشماات و صافي .....

عيشة تتعوج فمها و تغوبش فحلا : اجي سلم... مالك العايلة ....غضبانة علينا و لا شيينو....

خيااااار ( طولات عليها)

زادت حلا خطوات لعندهم بحال تتخلف على الشوك ...تتدور فديك العينين المجبدبن....

سسلمات على عيشة و صفاء ....ماشافت لا فالصمدي و لا كريم....بحال كاع ماشافتهم...و لا عمرها عرفاتهم....و بحال كاع ماكاينين....!

_ حاشة اخالتي مانسلم عليك و نمسي عليك...غبرتي علينا و تو حشناك ...

عيشة ( عين معاها و عين مع الصمدي الواقف تيشوف فحلا بلا مايحشم و لا يرمش ) : مم يتوحشك الخير و الربح ....شنو كان عندكم قبايلة خييير اختي خميدة ...

حلا سبقات الحواب تتفرنس و قلبها كيشطح : وااالو اخالتي....رضا كان كيدافن مع مراتو...الشيطان حضر و صافي ...و عادي المرا و الراجل يدافنو و يرجعو... الحياة الزوجية ضروري فيها الصبر و الكفة تميل ....

صفاء معلية حاجبها : عندك الحق اختي ...

عيشة : مم الصبر و الرزانة و الثقالة و المراة تحتارم الراجل ديالا و تديرو سيييدها....

حلا باغية غي تسلت نظرات الصمدي خلعوها : اييه اخالتي الله ياودي....سيييد سييدها....راه حتى هو مو تعذبات عليه و تكرفسات باش جات داك المراة لقات راحل كامل مكمول و خداتو باابارد ....خصها تصبر و ماتشكي و ماتقول اح عييت....و عمرها ترفع صوتها عليه ...اوا نخلييواك...الهدرة مكتسالاش....نتلاقاو في ساعة الخير....اخالتي....

حميدة( تصدمات فبنتها بقات غي تتشوف تسلاو ليها معاها )...: بسلامة اختي....بسلامة.....

جالسة حميدة عند ختها تتشكي و تعاود ...

_ عييبت معاهم....خرحو عليا......كيقولو البنات ساهلات....و سعداتك عندك البنات...يحيو يشوفو وحدة بقات لي....خرجات عليا.....

الخالة تتضحك : حلا الفنة هاذيك عشرتها خلوة اختي حميدة ...شكون يسخى بيها....

حميدة تتهز راسها و تنهد : صعيب صعيبة....هي و رضا ملي كيتلاقاو....اليوما كانو غيقتلو بعضهم...كنقول صافي العايل يمشي يقتلي بنتي و نبقى هازة يدي للسماء.....خرج هو مبوقل فالسنطيحة.....

الخالة طلقاتها بضحكة : يارسول الله.....و هدى مع ولدك اختي يبعد من العايلة شوية خصو يخرج عليها ولا....

حميدة : و خرحو على بعضهم...رضا كيغيير بزااف

الخالة خفضات صوتها تتدوي بقلق : داك ولد الحرام الشاوني رجع اابارح....!

حميدة صفارت وجهها : ماتقولااااااشي اختي هاالعاااار....قلت تهنينا شنو حا يدير....

الخالة : رجع عندو العايلة عاد كتمشي....وست سنين ثاني اختي صافي كلشي داز و تنسى.....

حميدة بخوف : رضا مانساشي ...غيقتلو اذا شافو ....

الخالة بشك : حلا مكتعاود لك والو زعما....عندها تكون باقا كتبغيه عليها ضاربة رجال كاملين و شادة على الزواج....

حميدة بغضب : لااا هذاك ماتحمل السيرة ديالو ...كنبغي هيدا نجبدلا لسانها كتقولك انا كنت كنبغي داك النصراني حلفتو ماتزوجوني لبه....عمرا جبدات داك المسخوط على فما...

الحالة تنهدات : الله ياخد فيه الحق ....! و لله يستر و صافي ....بلاتي نوض نجيب ليك الخلوى اللوز كتعجبك.....و نكملو البنات الداخل ضاحكين مع راسهم.....

دخلات الخالة للكوزينة تتستف الحلوى و وئام حداها كدور كي الجنية ...

_ ماما ولد حسنية مالو مع حلا ...مافهمت والو ...

الخالة بهمس : ماتبقاشي تحبدو ...نقولك و شد دقمك.....

وئام بغضول : والله مانقولها لحد ....

ااخالة : كان عينو فحلا شحااال هاذي ...تصاحبات معاه و جا يخطبا مابغاشي عبد الله و رضا حيت صغيرة و حيت ماعندوشي الدار فاين يسكن غي كيبيع الفريز و ماقاري ماوالو ...وماعندها معاه مستقبل بنتهم شافوها غتكرفس .....و ناض كيطلب و يرغب و يحيح قدام الدار ديالا....( تنهدات ) كان ولد تعشقيه وسط العزارا. ..خرح للشراب و عييى يبرح حدا دار د حلا....وخرج رضا اعندو بالشفرة ....كان عملها الشوهة....وملي شاف والو غي كيحلم و صافي و عمرهم يزوجوها ليه ...ناض كيشوه فبها ...و قاليهم بنتكم لعبت فيها...كانت كتشري من عندي الفرييز و ناكل ليها الخوخ......! رضا طاح على وقفتو بقى شحال ناعس فالسبيطار...و حلا كانت غترمي راسها من السطح.....خداوها بزز يقلبوها واش لعب فيها ولا غي كيذكب...و صدق كيكذب...و هو غبر كمارتو حتى عرفناه حرك لاسبانيا.........

وىام فتحات فمها بصدمة : حلاااااااا.....

الخالة غوبشات فيها : عليها كنقواك بالفلفلة الحارة تركن و ترزن و شوف بنت خالتك شنو وقع معاها ...انا نقتلك و نحصلك مصاحبة...نقتلك.....

وئام بصدمة : و لا بلاتي ..كيفاش....انا مصدومة...حلا ضاربة الدنيا بركلة كانت غترمي راسها من السطح....اوييلي.....و على قبل جبلييي.....غنسخف....

الخالة ( نظرة تهديد ) : قلت ليك هادشي باش تعلم و ترد بالك ولاد الحرام كثااارو ابنتي.....

تسمع الضحك من بيت البنات ...! و ناضت لعندهم وئام تتطل...

_ ماجاكمش الجوع زيدو تشربو اتاي...

حلا خرجات تتعوج : اوا اخالتي كاين شي تيتيز هنا ...نخضرو عينيها شوية غي انا مابغيتو جبلي مابغيتو ريفي يكون شي فاسي يشبعني هدرة حلوة.....

الخالة تتضحك : موجود الخير....! عندنا عرس فالحومة....عرفتو شكون...

حميدة : شكون كنعرفوها ؟

الخالة : سميرة تزوج عليها ااراجل ...

حميدة بصدمة : ولد الحرام.....

وئام....: ولد الحرام كاااع....

حميدة :؛ لي تدخل ضرة على مراة اخرى و تسرق ليها الراجل ماشي حرام عليها .....

بنت الخالة : اودي صعييبة ...

حلا دايرة رجل على رجل تتكب اتاي معلية حاحبها : و ها علاش تنقول ليكم بغيتو زوين ....و عندو الفلاليس...حيت ولاد الكلاب عشقهم التعدد اللهم واحد بعدا زويين تزوج عليك فيه الظوء....اييه جات معاه....ولا واحد راسو مربع و سنانو مخربيين يجي يشنشن عليك و الدفال خارح من فمو....يجيب عليك ضرة.....!! كايين فرق......

الخالة تتضحك :و ماكذبتي فهادي كاع الرجال ماكرهوشي التعدد.....دابا هاذي مسكينة غتموت غي بالفقصة.....و حتى مراتو ااثانية العروسة غي درويشة مسكينة.....

حلا تتعوح فمها : اوا لهلا يحيه هذا لي يخليني نتفقص.....علاش حيت جات عليك الضرة !! نتوما فشكاااال ياربي على. تفكير عندكم......

وىام : جاب عليها عدوة ولد الحرام عارفة شيني

حلا تتشطح رموشها : و ولد الحرام عرفناه....كنكره ديك المنافسة على ااراجل....اييه داكشي تيعيف مرة خاشيه فيك مرة فاخرى...( دورات عبنبها تتشوف فحميدة ) اعتذر اماميتا لساني فلت....

حميدة تتهز رايها : زيد ابو فهايم زبد...زعما كتحشم....

حلا تخشعااات : و سنو كذبت...! الطلاق حالو ساهل ولكن غتخرجي خاسرة و هو يتمتع مع عروستو الجديدة....و نتي تتخنقي فراسك و عمرها تنسى ليك ديك الشمتة...

الخالة : الراجل خانز فلوس جاب الثانية يجيب الثالثة و الرابعة....

حلا تفقصااات : تفوو ماكرهت دابا نمشي عندهم و نجلسهم حدايا نقرييهم و نحفضهم.....يتافقو على يماه يخرجولو العقل. و يصيفطوه لسبيطار الحماق......

الخالة طلقاتها بضحكة : الله يستر من فهايمك....

حلا عوحاات فمها : و ياك مشاركين الراجل و داك الراحل ولد الحرام كيتعحبو يشوف النساء مداافنين عليه عل زينو و كحل عيونو ....؛ و علاش هاد البهلات مايديرو يد فيد و يضربو فيماه حتى يتكور يشد الركنة و يكرهوه فحس الناس....كيقتلوك بالخنانين و البكاء.....مشاركين الراحل تشاركو المغامرات و المصايب.....صيفطوه للركنة و تعيشو الحياة بالفلوس و سافرو ليا مع راسكم ....و تبعو ااراجل راه عقلو فهمو....!

الخالة تتشوف معجبة : و عقلية زينة هاذي....

حلا تتسوف في ظفرانها و تفرفر رموشها : نتي انثى وهي انثى ولايني هو راحل كلابييي قرداااوي....يعني هو العدو ...كرهيهو كاع لا تكرهبها شغلك هذاك....ولكن باش تنوضي نتي تعري ليه و تقيمي القيامة و تعلمي تشطحي باش يقضي ليلة معاك و ماينعسش مع الاخرى و لا تنوضي الالة تقلبي فقوقل كي الحمقة...كيف احعل زوجي يعشق معاشرتي....!و الاخرى حتى هي تتقلب كيف اغلب ضرتي عدوتي و تنوضو بجوكم تبدلو فوطو بروفيل...زوجي قرة عييني....! و تنافسو شكون دارها قبل.....! انووضو تجمعو على سلامتكم.....اذا ماخرجتو ليه العقل راه مانساء ماحتى زفتة....غا كوميرة مخروقة.....

حميدة ضحكات : الهدرة ساهلة ....

حلا مبردة : الحياااة سااهلة غانتوما تتعقدوها.....

وقف الطاكسي حتى قدام باب الدار....! الاناقة لا حديث عليها.....تتسبق راسها على كلشي و زينها عاطي و لباسها تيجدب....! ولات تتنزل قدام باب الدار....تتخاف تلاقا الصمدي....وخا رتاحت ملي ميك عليها....!

خلصات الطاكسي و هزات صاكها خارحة...! عينيها فلتو ناحية دار لالة عيشة....لفتت انتباهها سيارة فخمة فالاسود...! ومولاها واقف عند بابها شاب مقبول و باين فيه الفلوس....! هز عينيه فيها و خناتهم هي...هازة تيفها معفرة...! طلعها و هبطها و عينيه عليها بقااو عحباتو....!

ستناها حتى طلعات و طلع لدار لالة عيشة ....!!

في خين حلا غي دوشات خرجات متكية فوق ناموسية تترتاح ..

_ رجلييي عياااااو ياررربييي ....

دخلات لعندها حميدة باين عليها الجدية...

_ حلا سمع باك.....

حلا جلسات جالسة تتشوف بشك : شنو غيقولي....عارفة نتينا ؟

حميدة : و نوض سمع باك براسو معاك.....

حلا بعجب : و شنو فيها اا قلتي علاش بغاني....

خرجات حميدة تتسوط...! و تبعاتهت حلا تتزطم فسروال بيحاماها ...دخلات لصالة فين جالس عبد الله و سلنات عليه ..

_ بابا على سلامتك ...فوقا وصلتي ....

عبد الله رضى غليها : مع الظهر ...و سمعني ابنني نهدر معاك و خليني حتى نسالي ..

حلا شمات ريحة الزواج فالموضوع....علات حاحب و قرماات....!

عبد الله : فخبارك عييب و مامزيانش ترد الخطاب ...و اذا جينا نحسبوه شحال رفضتي مغنساليوش...

حلا تتمسكن : اوا الزواج قبول ابابا شنو غندير....

عبد الله تنحنح :ا و سمعني قلت ليك....!

حلا : و هانا كنسمع كنسمع ابابا ....

عبد الله : هدرو معايا ثلاث خطاب عليك هاد السيمانة ..ولاد الناس و محترمين....واحد فيهم تلاقيتو ثلاث مرات فالجامع....و الثاني حكيييم و بعقلو و كلشي كيدير بحسابو ...و الثالث ثلاث مرات هو يدوي معايا عليك....و بثلاثة كتعرفيهم....

حلا زمات شفايفها و فتحات مخها معاه...! دوخها ! و قلب ليها دماغها.....! شكون هاذو !!!

طلات عليهم حميدة....و نطقاات

_ عبد الله سمع شي راجل بغاك ....

عبد الله ناض واقف : يالله ...نمشي نقضي شي شغل مع السيد و نرجع نهدرو ..

حلا ( بغات غي تفك) : اه وخا وخا ابابا ....شغلك هو الاول.....

خرج عبد الله لشغلو و ظلات حلا جالسة عينيها كيدورو و مخها خدام ...! و حميدة تتشوف فيها بنص عين....و تنهد....

_ وخا يجيب ليك الله راجل كامل مكمول نتينا عمرك تشوفيه مكمول ...باز ابنتي باااز....

حلا شطحات رموشها : مابغيتش نتزوج يكون مكمول ولا لاء .....انا ماعندي غرض فالزواج....

هزات صاكها و دخلات لبيتها...سالتة من كلام حميدة ...! لبسات عليها جلابتها وطلقات شعرها و خرجات كتلوي طرافها...

_ ماما انا ماشية عند عبيير ...باها كان مريض مسكينة ماعرفت كيف بقى....

حميدة باهتمام : علاه مالو مسكين.....

حلا : طاح فالخدمة....ندوز نطل عليها شحال ماجلسنا مع بعضنا كي الناس....

حميدة بتهديد : تفوت المغرب و نتينا باقي ماجيتي غينطلق عليك خاك والله مايفكك منو حد....

حلا هدرة مها سراا معاها كي السم....قابلاتها ببرود و التعواج و تبقى ترفرفر بداك الرموش...بحال ضاربة كلامها فالحيط و مبردة وهي غي تتحمع عندها و تميك ...!

سلتات من الحومة كي الهرابة....! تتشوف بين رموشها و حاضية يمينها و شمالها....! بضع دقائق و كانت واقفة جنب دار عبير...لقات بابها مفتوح و البراهش داخلين خارجين....!

دقات و رجعات اللور ...البراهش كيدخلو فيها وهي تغغوبش و تنكر...

_ العايل بعد لعب فالتيساع اوبلي شنو هاد الهجيح طالع.....

عوجات فمها باستغراب من الضجة لي كاينة و حد ماهبط لعندها...! قالت يكون غيرعائلتها جاو يطلو على باها ....قشعات ولد صغير مطبز و حناكو حمرين كي ماطيشة ....

_ اجي الغزال قولي عبير كاينة فالدار ؟

الولد تيهرس فالحلوة فمو و ينهج بالجري : ممم كاينة اخالتو ...

حلا دوزات يديها على شعرو : وطلع اخالتو قولا سمع حلا....

الولد : خالتو نعيمة ماتبغيشي نهدرة مع العروسة....

حلا ( عقدات حواجبها ) : شكون العروسة ؟ علاش عندكم العرس !

الولد : خالتو عبير العروسة عندا الخطيبة اليوما....جابو بزاف حلاوي و مونادا ....

رفرات حلا برموشها مصعوقة....: عبيير !!!

هزات تليفونها تتصوني عليها مكيشد ليها بمرة..... ! و الصدمة الكبرى ملي جات تصيفط ليها فالواتساب لقات راسها مبلوكية ....بقات تتشوف فالتليفون شحاال عينيها مثبتين على التليفون و الريح تيضرب فشعرها....! بلعاتها و رجعات باللور....ماعاودتش شافت وراها ..!! اخر حاجة كانت توقعها من عبير ....! الصديقة الوحيدة لي عندها فحياتها...

رجعات بحالها للدار ...رموشها تيتهزو و حاجبها مطلع مزال مصدومة.....و زادت كمل عليها كلام حميدة و رضا فالصالة ...

حميدة تتسايس مع رضى : و الله يرضي عليك عطيها التيساع....ماتبقاشي تدور بيها هي غتزوج اليوم و لا غدا ...و غتلهى مع ولادها و كلشي غيبقى ليك ...علاش كتعمل راسك فيها.....

رضا بغضب : عاجبك الشوهة لي دارت فينا....

حميدة : و ماعندها عقل ...لسانها غالبها شنو غنديرو ليها....ميك عليها و عطيها التيساع ....( تنهدات بهم ) هاد البنت خارجة عليا....لا قراية لا زواج قراناتها وصلو ها لي محامية و ها استاذة والدة جوح ولاد و دارت طنوبيلتها و دارها ....جبتها تخرج عليا بالاعصاب و الهم.....الله يهديها ياربي.....و الله يرضي عليك ارضا خليها عليك عندكم تقتلو بعضكم ...دابا تزوج و تهناو

الهدرة دخلاتها حلا لراسها و هبطات معاها كي الثلج بااردة و قاااصحة....!! كملات طريقها معلية حاجبها ...وحهها بارد و صفر ...! دخلات لبيتها و شدات عليها الباب و تكمشات في فراشها مغمضة عليها و طافية الظوء....! و عينبها فالظلام تيغليو ...فلتات دمعة ماشاورتها ..مابغات تبكي على حد و ماتبغي تبكي بسباب حد...دموعها عزاز عليها و ماترضى حد يشوفها تتبكي...وخا تتعصب تتدير هبل تربح....و تقتلهم غي بالفقصة و التعواج....!

و هوما تيزيدو بالهدرة تيقولو ... "هي اصلا كاع مكتعصب وولفات الهدرة....."

كل مرة تتسمع عليها حاجة و تبلعها و تضحك عليها فوجههم....! و غي تيشوفو بنادم ضارب كلشي بركلة ...و عندو هاني وخا تقتلو بالهدرة و كيدير راسو ماسمع ولو و مامسوقش....كيزيدو يهدرو بلا فرانات....حيت ولفو الهدرة ....!

تكمشات فراسها و مسحات دموعها ....تمتمم وسط شهقتها....

_ لي ماقراش يقتل راسو و ماعندوش الحق يعيش فهاد الدنيا.....

ظلات تما مكورة ...جا عبد الله و ماخرجات لعندو....! مكمشة فراسها و فاتحة عينيها فالظلام....! تتفكر و تراجع حياتها....!!

ليوقع ليها قبل خلاها تنفر راسها لايام....! هدرة الناس و العائلة....كلشي تيهزو صبعو. ينعت فيها....! عيات تحلف بلي كيكذب و مادارت والو ...و حد ماتاق فيها حتى تأكدو من عند الطبيبة....! و مع ذلك كلشي هدر فيها و الهدرة تبعاتها حتى لليسي ..!

صداع فالدار و تزيار رضا عليها....خانقها و دار فيها راسو ...القراية نفراتها و الكانة مشات ليها بعد ماكانت مستواها جيد ....! حتى نهار الوطني...نيضها معاها رضا بالصداع و االسبان و ضربها ضرب خايب حلفان حتى يقتلها و يتهنى منها طاحت ليهم بالاعصاب و البكاء و مشى ليها العام ....و عاودات الباك و زادت حقدت على وضعيتها ...! و خرحات ليها القراية من بالها....و المعون عليها ..." تتقرا مع حفايدها...." ..." صافي خرجات الطريق و عطاتها للتسلكيط عليها عاودات العام "

كان حلمها غي تخرح من ديك المدينة و تسمن في دار لوحدها ..لا نكير مها و لا صداع رضا و كرهو ليها....! دخلات للحياة الجامعية ...رضا زير معاها كثر و ولى تيمشي معاها و يدخل يحضر معاها المحاضرة ...تخرج تتلقاه فوجهها ...عا سي ولد معاها فالفوج طلب منها بوليكوب او درس....تيندمها...و شحال من مرة دار ليها شوهة وسط الطلبة ....! كرهها و كرهاتو و كرهات القراية و كرهات داك الكلية لي تشوهات فيها بسبابو. ...هربات ليها الكانة و مابقى ليها غرض فشي قراية....!

___

على طبلة العشاء....!

عبد الله هز غينيه فحميدة بقلق...

_ مالها حلا ماحاتش تعشى ؟.

حميدة تتنهد : هاربة من سيرة الزواج....قالت مابغاتش تزوج....

عبد الله : حتى لين ؟ مابقاتشي صغييرة احميدة غذا تعمل 27 سنة ....

حميدة : 27 سنة و غرام العقل ماعندها....

خلود : هاذيك تتبوهل عليكم و كدير داك هبل تربح ....خليوها بخاطرها و 27 صغيرة مزاال عاد نوارة فتية خليها حتى تزوج بخاطر خاطرها باش ماتجيش شي نهار تقول ليكم نتوما السباب زوجتوني......

عبد الله : و ترد ولاد الناس عيبب ...انا وليت كنحشم نقول لا مابغاتش.....

حميدة : و نتا لي خدمتيها معاك....كثرو عليها الخطاب و كلشي ولا باغيها.....و لي ماعمرو شافها شافها دابا ....

خلود بفضول : شكون هاذو كتعرفوهم.....

عبد الله : ماهو غريب عليها....ولد عمها نييت و الثاني الفقيه عيسى قال غرضو فحلا.....

خلود غلباتها الضحكة : الفيقة عيسىىى !!!!! بغى حلا !! حلا ابابا....ياك كان كيشوفها كيظل يتمتم غا بوحدو و ينكر على لباسها ( تتقلدو ) اللهم هذا منكر....هذا منكر.....

عبد الله غوبش فيها : السيد باغي الحلال ابنتي علاش الضحك....

خلود : و بلا ماتقولها لحلا والله حتى تعرعر علينا و تمشي تكمل عليه....راه مكتحملوش....و عاد تقول عليه منافق....بغاها هكاك بالشعر معري و اللباس و غي يتزوح بيها يشرط عليها الخمار و تستر....كون مشى نيشان لمولات الخمار و الصون و العفاف....شكون الثالث ؟

عبد الله : سميتو هشام تلاقيتو فالجامع ثلاث مرات و مرة كان فالمحل قال تيعرفها من المحل.....عجبني ولد الناس و محترم....

خلود : و براسكم معاها....بانلي ماتبغي حد فيهم.....

فاقت حلا على الصباح ...عينيها منفوخين و مجبدين بالنعاس و شعرها مرون...! طلعات الريدو و فتحات السرجم مقلوبة بالنعاس....دخلات شميسة سخونة...كمشات عينيها من الظوء...!

قشعات لالة عيشة تتطل من السرجم مخنزرة فيها ...ناطقة بصوت عالي كون كانو الناس فايفين كون سمعها الشارع كلو ...

_ اصباااح الخير هذا وقت يفيقو فيه البنات ...

.حلا مقندشة و طالع ليها الدم

_ تفووو على كمارة....صبحت عليها....شغللللك ؟؟؟

هيطات داك الريدو بالزعفة مخلية فم عيشة مفتوح و بلالط عينيهت خرجو مصدومة....

_ قالت تفو اليهودية.....قالت تفوو.....بزقات عليا......

دخلات تتهز و تميل و حجابنها تسلقو جبتها....تتغزز سنانها مغددة تتحلف..

_ بزقات عليا....الخامجة الخانزة....قالت لي تفووو....

مشات لبيت صفاء تتضرب و تهرس فالباب ....

_ نووووض نوووض حماضو فيك البول....نوض اللفعة نوووض.....وقت النعاس هذاا.....علاش مزرقة الباب علااااش

قفزات صفاء عريانة تتجر عليها الغطاء و تدفع فسعيد.....!

_ سعيد نوض شوف يماك انا والله مانخرج لعندا تغضب و تبرد فيا الغدايد....نوض هدر شوية انا مراتك و نخلي يماك تحكرني....كتحكرني اسعيد عاحبك الحال .....

سعيد دار راسو تحت المخدة و كمل نعاسو ...! بقات صفاء زامة شفايفها مغددة...! تقلبات حتى هي ناعسة كتمتم...

_ غنسمع الهدرة عنسمعها حتى نفيق على خاطري هااء....ولادي باقين ناعسين و راجلي ناعس تمشي تيفق عروستها الكبيرة كاينة غي صفاء ...

عيشة ظلات كي الكورة تتمشي دق من بيت لبيت....و تغوت و تسب مقندشة و معصبة ....

_ يشوط عضومكم فجهنم ياربي. ...نوضو الخانزات... نوووضوو....سكييينة....صفااااء....شيماااء....

خرجات لعندها سكينة تتدور عينيها و تمسكن....

_ خالتي عيشة صباح الخير ...

عيشة عينيها تيخلعو : فين سليمان ( ابن عم الصمدي ) بات هنا البارح ولا مشىى ...

سكينة : خرج مع الصمدي.....

عيشة سنامها قد خيزو على حلا : جيبلي تليفون دباا دابا.... دااابا طير طير جيبولييي ...دااابااااا

سكينة قفزات و تخلعات من الغضب فعينيها : وخا اخالتي انا غنطير....

رجرات سمينة طالعة فالدورج جابت ليها تليفونها و رجعات االلور تتصنت ...

عيشة دوزات الخط لام سليمان تتصوني وتعاود....حتى دوات معاها وجلسات مركنة فراس الصالة كي الملكة...! مضيقة عينيها و مكمشة حواجبها و ضامة يديها فححرها ....! ساكتة و علاياش مطوية حد ماعرف ...!!

صونات على لالة مليكة و علماتها ماتدويش مع لالة حميدة ...ساالات و جلسات و فدارها تركنات حتى جات ام سليمان

مراة نية صغر من عيشة عاشو مع بعض شحال تحت رحمة عجوزتهم...!كلها فين تفرق و عاش...!

جلسات مع عيشة بعد اخد و رد ...! خنزرات عيشة فعريساتها و ترككبو بحالهم بقات مع سعيدة ام سليمان تتدوي بنبرة قاصحة. ..

_ جبرتي عزبة لسليمان و لا باقي !

سعيدة على نيتها تتجاوب و لي عندها تتحطو

_ باقي اختي باقي ...

عيشة : تخاف سليمان مايبغاشي ولا ؟؟

سعيدة : لااا لا سليمان مرضي و هو بغى يتزوج بنت نختارا انا و تعجبني انا تعجبو هو ....قلتلو تزوج بهاذي غيتزوح بيها مايقول لا و لا كيفاش....

عيشة غززات سنانها : و عزري واحد لي عندك خصك تهلى فيه و تجيبلو عزبة تفرح و يعشقا من الشوفة لولا....غي شفت بنت الجيران قلت هاذي تصلاح لسليمان...كيف شفتي مابقاليشي العزري نزوجو الصمدي ما غرضوشي فالزواج ...

سعيدة بفرح : شكون هاذي ماين هوما ؟

عيشة : بنت تاجر ذهايبي ريفية مسمية حلا. ..تقدر تكون شفتبها ملي درنا صدقة دك ليلة ....

سعيدة : ماشفتو اختي مارديت البال....شحال فعمرا ....

عيشة : 26 سنة ماتخافشي كتبان صغييرة و بزاف ...و بعقلا و ثقيلة و لسانا حلو و مصوابة و سليمان يشوفا غيلصق فيها مانكونشي عيشة اذا ماعجباتوشي.....

سعيدة تتفكر : و بغيت نشوفا ماكرهت نزوج ولدي و نتهنى عليه و نشوف ولادو اختي....بغيت درويشة و داخلة سوق راسا نديرا فعيني و بنتي ربي مارزقني بنات نديرا هي بنتي .....

عيشة نظرة الافعى : صفااااااء.....

صفاء كانت تتصنت غا نادات ليها قفزات و خرجات لعندها تتبسم...

_ نزيدكم اتاي....

عيشة تتشوف فيه بنظرة تحذير : كيفاش كنتو كتفرجو فحلا ديك المرة كيفاش عملتو...

عملي نتفرح دابا ....

صفاء : لايف اخالتي عيشة ماعرفتشي واش عندا مسجل ندخل نشوف و نوريلك ....

دخلات لانستا تتقلب و لقاتو فيدوهات وراتتهم لعيشة و تخشات سغيدة معاهم تتفرج ...!

الهدرة متولة و ووازنة و تبسيمة و الزين عاطي و تيسلب العين....!

ابتسمت سعيدة و نطقت : غزالة اختي غزاالة ...شنو هذا قناة فالبوتوب ولا عاود هيدا مابغيتشي.....

صفاء : لا اخالتي ماشي يوتوب هاذي كتعمل اشهار و كدا كتبيع الذهب داخلة فالخدمة ديالها.....

سعيدة عجبها زينها : الزين زينة فتااانة مشاء الله......

عيشة ردات التليفون لصفاءو خنزرات فيها تمشي. ..! رجعات شافت فسعيدة و نطقاات....

_سليمان غتعجبو و العزبة حادكة و داخلة سوقا....! هدر مع والديها قبل رمضان العزبة عاطية العين و كاملين عندوم الغرض فيها ....

سكتو ملي دخل سليمان لقى التحية و جلس مع مو ...شبابي و حيوي و ظريف....

_ يمة نمشييو !!

سعيدة ابتسمت : غنبقى شوية مشي لشغلك المرضي....

سليمان حك لحيتو السوداء و رمى العين للسرجم....ناطق بفضول

_ كتعرفو الجيران ليقدامكم منين ؟

عيشة شافت فسعيدة و علات حاجب....

_ اييه روافا......

سليمان جا يسول على البنت لي شافها داخلة للديك الدار سكت و قرم ...كيدور فعينيه....! و مو و عيشة الكتامية كيدورو فعينيهم....!

___

صفاء و سكينة شادين الحديث فالصالة مصدومين....

_ خالتي عيشة حالفة حتى تبعد عين الصمدي على حلا....ماتقدرشي تقولو لا مغتزوجشي بهاديك مابغيتاشي غتعملو شغل د العديان ....غا الله يستر ملي يعرف علاياش عيشة ناوية....راه مسخوط متيخافشي

سكينة : اذا مشات خالتي سعيدة هدرات مع لالة حميدة على حلا الصمدي غيقلب وجهو عليها حيت هو و سليمان صحاااب بزاااف ....

صفاء : و باقي مكتعرفشي خاي عبد الصمد ماسمعتيشس شنو قال ليماه بلا حشمة و بلا حياء ...قالك مرة جاية بغاها تكون عندو جالسة فاابيت ديالو ...يعني دارا فبالو ...

سكينة ضحكات : و اذا بغاو يقارنو سليمان و الصمدي يختارو سليمان زين و مسرار على الصمدي...الصمدي كيخلع و صعيب معاه الهدرة ...سليمان ضريف عليه و ضحوكي ....

بعد الظهر...!

خرجات من الدار ..! مامعاها هدرة ...! هزات عينيها جاو فعبير جاية بجلابة و الحناء فيديها باينة من بعيد...! تعانقو العيون...!

حلا حنات عينبها ببرود بحال عمرها عرفاتها و عبير وججها ولات مشوطة مخلط عليها كلشي حشمة مع ندم ...!

لحقات عليها تتنادي عليها...

_ حلااااا.......

وقفات حلا و شافت فيها مبسمة...

_ كلشي جا على غفلة ياك ؟

عبير مالقات ماتقول....: حلا بدلت النمرة غنعاود ندخل عليك بنمرة اخرى و نهدرو ....

حلا هبطات نظارتها الشمسية على عينبها و ردات ببرود....

_ ماعندي هدرة معاك...واش حسابليك انا بنت الحرام زعما خفتي ندير عيني على خطيبك ؟ و ناخدو ليك....نوض احبيبتي على سلامتك...كون بغيت نتزوج كون درتها من دابا......

عبير : و سمعني حلا....

حلا شافت فساعتهت اليدوية الانيقة : مشى الحال عندي الخدمة....بصحتك الحناني ...!!

كملات طريقها هازة حاجبها ! رامية الهم وراها ..! وقفات قدام الطاكسي ! شافها السائق كان شاب زوين...

_ لتطوان اختي طلع !

حلا ( تتخرج تليفونها تتجاوب معفرة ) : وي لتطوان...

خلاتو تيشوف و مشات صورات ماتريكيل الطاكسي و صيفطاتو لخلود ... عاد خشات تليفونها فالصاك هازة نيفها للسماء و ركبات

_ غنخلص البلايص غي زيد....

السائق قشع البلان و تبسم...: مطورة مع راسك...

حلا ( ماعندها كانة ليه خلاتو بلاكة وقلبات وجهها للزاجة ساهية ...)

وصلها لفين بغات و نزلات !

دخلات للمحل و شدات بلاصتها فاابيرو ...! خدامة ماعندها كانة ضحك ولا تفلية ...مقندشة بالمعقول....!حتى مهدي مادارش لجيهتها عطاها التيساع....!

كليان ورى كليان...تتعمل معاه الواجب ..!

دخل لعندها الحاج مفضل ضحكو تيتسمع من بعيد و تهز داك البطن عندو ...

_ الريييفية مساء الخير ...

حلا هزات عبنبها فيه و رجعات هبطاتهم ماعندها كانة...

_ الجبلي اش بغى عندي....

الحاج بمزاح : توحشتا نتمازحو معاك...مالك غصبانة مازوجناك لولدي نزوح بيك انا...

حلا تتدور عينيها و تبسم : الحاج دخلتو شي موديلات هاد الشهر !

الحاج ضرب على الزاجة و هز حاجب فيها : درتيها بيا مرة الذويبة ماتعاودشي سير هانبة....

حلا تتحرك حداك باناقة و اللون الاخضر الملكي جاها تيحمق...

_ حرام علبك الحاج تقول عليا هيدا....

الحاج : يانا ديك اربعمية ريال لي خديتي عمرا تنسالي....

حلا ساف الكليان داخل كركبات الحاح : سير الحاج قبل ماتحطهم كاملين و نتا كتفرنس.......

مشى الحاج المفضل تيشطح بديك الكريشة ...و كملات حلا شغلها ! دارت المعارف و النساء تيجيو تيسولو عليها هي خصيصا....! و الرجال خلاص نصهم عجباتهم و لعيونها كيجيو ...!

جلسات سخفاانة تتدلك راسها ..: عيييت ..

سمعات مهدي تيعيط ليها

_ ختي حلا تكلم....

ناضت بزز منها الطالون ضرها فرجليها و بزز رسمات ديك الابتسامة الزوينة. ...! غا شافت شكون تمحات و طارت و رموشها ولاو تيشطحو.....

طل عليهم بطولتو و عرض اكتافو ...! ناطق بصوت قوي ..تيشوف فحلا

يتبع...

‎