حلا قلبات عينيها يمين شمال ...و غمزات لمهدي يتكلف...كتمتم بين سنانها...
_ صبحنا على الشارفة و مسينا بولدها ....
طار مهدي لعندو و ابتسم....
_ مرحبا ...
الصمدي شاف فمهدي شوفة خلعاتو : فين مول شي ؟
تجرأت حلا و قربات لعندو تتلف الشوفة منو و عينيها تيغليو ...
_ .مرحبا بيك...جلس....
الصمدي مشطها بعينيه...تكى بيديه على الزاجة ورد
_ ثمن الذهب عندكم شحال سنيورا ؟
حلا شافت مهدي خارج خنزرات فيه حتى تكمش بلاصتو و دارت شافت فالصمدي هازة نيفها للسماء...
_ للبيع و لا للشراء ؟
الصمدي (سلبوه عينيها ) : البيع !
حلا ( تزيرات ) : عطينيى نشوف ! نوزنها....
الصمدي نزل الخاتم فوق الزاجة حداه...! وهز عينيه فيها...
_ خاتم بغيت نبيعو ...
حلا كدور عينيها يمين شمال تتقلب على مهرب....! زعمات و مدات يديها هزاات الخاتم و عينيه على صبعانها....بيضين و مصاوبين...!! محاصرها بعينيه و غادي معاها فطريقها....! تتصرف عادي حتى هو يتصرف عادي يشوفها غين غتوصل....!
وزنات شحال فيه و هزات حاحبها تترد معفرة....
_ فيه ثلاث غرام ...ماثقيلش خفيف ماوازن والو ...
الصمدي عض فكو من الداخل و رد بصوت مبيبح
_ الثمن اسنيوريتا ؟
حلا عينيها غي كيدورو و عقلها خدام ...
_ الف و مية درهم....
الصمدي بشبح ابتسامة متوعدة : شحال للغرام ؟
حلا شافت فيه بنص عين : 370 درهم للغرام ...و الخاتم فيه ثلاثة غرام و شي حاجة قليلة .....
الصمدي هاز حاحبو : 370 درهم !! الذهب طاح !
حلا جاو عينبها فعينيه ..: الذهب كيهبط و يطلع ....
الصمدي شاف فالموديلات المحطوطين حداه ..و نطق مثقل مبرد مع راسو و راسو عامر عليها .: هذا شحال فيه من غرام...
حلا حنات رموشها بحركة تتسلب و الاخضر الملكي عليها زادها جمالية ...تتشوف فيه كي الذيبة و نظرتو ليها كي الثعلب.....!
_ و القياس ؟
الصمدي : القياس قياسك !!
مهدي فتح العين و طول ودنييه و على كلام حلا عساس و حاضي...!
حلا لي ظلات ثابتة عويناتها عليه تزيرات وتعصرات...راسها تقلب عليها و ريحة الزواج شماتها...و الخلعة منو بداتها و كملات على لي بيها ..!لكن فضلات دير هبل و ساير تربح....!
كمشاتو دوك الحجبان و دارت لي طلب ...! هزات أغلى واحد ثقييل ووازن نييت و تيحمق من الشوفة....! وزناتو و عطاتو الثمن...؛
كانت مستنياه يتصدم...كان العكس...! خلص كاش....و حطات ليه البواطة قدامو و المهدي عينبه كيخرجو القلوبة....!
_مهدي : الخطيبة غتفرح بيه و يعجبها....سيكورو ...!!
الصمدي حرك راسو بتمهل و خشى يديه فجيبو و هز عينيه كيدور فالمحل....و يشوف ليزاغتيكل وحدة بوحدة....! و غي يدور فحلا كتحمع عينيها و تكمش فمها تتمتم لينها و بين راسها ....حتى نطق
_ فايت لاقاتنا الطريق شي مرة من غير طريق داركم ؟
حلا ( الريق بلعاتو بصعوبة و عقلها تيقلب على حيلة ) : ...نتا الكليون بيناتنا بيع و شرا ...هادشي خلييه برا ....
الصمدي (دار شبح ابتسامة و رد ): وخا نخليواه برا سنيوريتا....پيردونا...
صونا تليفونو....شافتو حلا خارج تبعاتو بالعين حاسباه خارج غي يرد على الاتصال ....لكن وقع العكس خرج ماعاود رجع و لا طل و خاتم الرشام بقى عند مولاتو.....!
مهدي كي النحلة فوق راسها....
_ مارجعش...اختي حلا شنو المعمول ؟
حلا رخات راسها على الكرسي تتسوط و تنفخ ....و تكمش عينيها بتفكير و تتهز رجليها بالزربة
_ ولد الحمارة باغي يدخلني فشي مشكل ...شميت ريحة ماعجباتنيش....هادشي ماعجبنيش...ماعجبنيش.....غنصوني لبابا هو يتكلف....! قالك القياس قياسي...انا ماعندي قياس...
مهدي : جيرانكم هو ولا كذبت ؟
حلا رموشها تيشطحو : مكنعرفوش عمرني دويت معاه و لا عرفتو حتى لدابا.....
معهدي: و علاش كيشوف فيك هكاك...
حلا ( قندشات ) : و نتااا مالك الشريف شد فمك و قرم...
صونات لعبد الله و جا لعندها خبراتو بلي كاين و ليوقع ...! ريح تيشرب فكاس اتاي بالنعناع ...
_ هذا ماكان...ساعة ندوز ليه ورى الصلاة و نشوف القضية كيفاش...!! عطيني امانتو نديها فيدي ....
حلا تتدور فعينيها : هذا ابابا كيقلب على من يتبوهل كاين شي حد تينسى الذهب و حاط فلوسو عليها....مارتاحيتش لهادشي....ماتبقاشي تطول معاه فالهدرة...و لا بلاش صوني عليه غي فالتليفون و علمو و راه هو غيتفكر و يرجع ورى رزقو ....هادشي فشكاال ابابا انا مارتاحيتش....
عبد الله بجدية : شنو لي فشكال الولد كنعرفو شفتو شحال من مرة و كنتلافاه فااصباح و انا خارح عارفنا حيران مانسرقو ليه رزقو ....
حلا تتلوي فديك العين د المش ...
_ ابابيتو راهم غراب ماعرفناهم شمن قرينة كحلة جاو و طاحو قدامنا ...يقدر يكون داخل فشي عصابة ...تمشي نتا تعطيه رزقو و يتعرضو ليك الشفارة ويكون هو لي مصردهم و ياخد الذهب و يجي يحيح علينا عطيوني ديالي و نصدقو فالمشاكل.....
حلا ابتسمت و باست ليه يديه : الله يطولنا فعمرك ابابا...
عيد الله : الله يرضى عليك....اوا فين خليناها البارح...
حلا ناصت من حداه تتلف...: و بابا الخدمة بوحدها و داك الموضوع خصو بلاصة بوحدها ... بلا مانهدرو هنا على هادشي....!
بعد يومين...!!
تحضيرات لرمضان بانت فدار لالة عيشة الكتامية ...!! عريساتها كل وحدة فين سالتة و هاربة ...ها ليمشات عند ختها و هالي لصقات فراجلها يخرجها ..كل وحدة فين هربات و تلفات على الشقاء....!
تحلفات عليهم لالة عيشة و تغددات عليهم مزيااان...! وفبلاصتها جلسات مهدنة بعد ماجاب لبها الصمدي جوج نساء تيسيقو و يرتبو و يحمعو ويخملو و شغل الكوزبنة و الطياب حتى هو....!!!
هزات تليفونها تتشوف فالساعة...! تتسنى أم سليمان تجي باش يروحو عند لالة حميدة...!
سمعات صوت سليمان و عبد الصمد داخلين ..ريحات و طمرات و ولات تتشوف بحاحب مرفوع....ساكتة على تحرميات تتخبز ورى ولدها....
جلس حداها و فرش يديه ورى المخاد....تيشوف فمو شوفة ثقييلة
_ عيشششة....كيف الحال....
عيشة قصحات الشوفة : و نتينا مابغيتي دوز معانا رمضان و كيف غيكون الحال....
سليمان ضحك : سعيد و يحيى و سليم ماقنعوكش امراة عمي ؟
عبد الله راس حرقو : كنا فثلاثة ولاو اربعة كيف جاك الراجل ؟ ردينا الامانة صدقنا فحس الزواج !!
حميدة : كيف غيجيني اعبد الله و هاهو عحبني و قلت عليه ولد واعر مخير ...حلا ماغراضاشي فالزواج......لا لول و لا ثاني و لا ثالث و لا رابع ...خصنا نعلقوها فباب الدار ماعندنا بنات للزواح ...كنتحاشم. مع الناس وصافي...و تسمع الهدرة ليكيقولو فبها....اعبد الله هدر مع بنتك.....
عبد الله : اهاد المراة شنو غنقول ....
حميدة : كبرتي اعبد الله و عييتي مابقيتي تقد على ولادك....حلا من مصلحة ديالا تزوج انا بغيتا مع راحل ديالا و بولادا....غتدخل لثلاثين و مامزوحاشي شنو غتمعل فحياتا.....بغيت نشوفا مرتاحة و مستقرة فدارها...وااه هادشي بزاااف.. .
عبد الله : صافي قلب علينا هاد الهدرة... انا خارج....!!
خرج عبد الله راسو عمر بالتفكير و التخمام....! مخلي حميدة فالدار تتفكر في مستقبل بنتها و تهز ليها الهم.....!!
سمعات الصوني فالباب...! و ماكانت غي لالة عيشة و أم سليمان....! ابتسمت حميدة ابتسامة معكرة و مشوشة....و رحبات بيهم بادبها و صوابها المعروف....بعد اخد و رد....!!
نطقاات لالة عيشة ...: فين واحد هالة ماببقيتشي نشوفا .....
حميدة ابتسمت : فتطوان اختي عيشة مشغولة اليوم ...
عيشة شافت فسعيدة تبادلو النظرات و دخلات عيشة فالموضوع ....
_ ماعندي مانخبع اختي حميدة و مانعرف نزوق عندي نيشان ..... العايلة ديالك هالة عجبات سعيدة و حمقاتا و ماكرهاتا عروسة للعزري ديالا....ياك مامخطوبة مامربوطة ؟عندا الغرض فالزواج ولا مابالاشي ؟
ام يليمان تتحسر عليها : لا ابنتي الله يكثر خيركم....نمشييو دابا صافي مشى الحال....
حلا : اوا لواه جلسو موال عاد جيت مادوينا والو ....خالتي عيشة شحال مادزتي لعندي للمحل ماكاين لي يعرف قيمة الذهب غيرك نتي....مانعاودلكشي واحد الهمزة دايرينها مع هاد العواشر ...ضروري تجي لعندي ....
عيشة من فوق قلبها : ييه يييه ان شاء الله.....
ناضو غاديبن بحالهم....!و حلا مادبة معاهم و عطاتهم حقهم و الصواب و الزين تيقطر منها...خلات عيشة تلوي فمها منفخة...عجبها الحال ملي طلبات متها السماحة....! اما سعيدة ام سليمان تتشوف فيها و تحسر ....!!
مشاو بحالهم...! و غي عتبو باب برا....طاحت حلا فوق الكنابي تتسوط مغوبشة ...
_ شنو بغات ديك الكتامية ؟علاش جات.....
حميدة تتلف : جاو زيارة وااه علاش غيجييو ......
دخلتت عيشة للدار تتسوط و تنفخ...! طالعة فالدروح تتزرب ...طيارة فالدروج مزال شادة فراسها و قافزة و مطورة ...الجلابة الرفيع لابساها و الذهب مغطيها يديها و حواجبها تسلقو جبهتها....النار تتخرج من عينيها.....تتعيط للخدامة....
_ سلوى ...سلوووى....
سلوى تلاقاتها فالدروح ...
_ نعام اخالتي....
عيشة تتغلي : فاين هو عبد الصمد..؟
سلوى تتشوف فيها بغرابة مامولفاش معاها...
_ مارجعش للدار اليوم....
ام سليمان تتهدن : و اختي عيشة نعل الشيطان و جلس و ريح ....صافي فيها خير....
عيشة تتغوت و بلالط عينيها المدورين بالكحل خارجين تيخلعو ...
_ لاااا للااا مامريحااش انا....العايل ديالي بغا نسخط عليه...العزري ديالي اسعيدة خصو نسخط عليه... دايما كيعملي ايمة من هنا دازو....قولبني...قولبنيبي.....فاين نعدل وجهي مع الناس......
أم سليمان : و عبد الصمد هيدا عامل شنو غديرلو ليفيه طبيعة عمرو يبيعا....و صافي هو عجباتو العايلة و مشى دوا فيها مع باها......
أم سليمان شهقات بفوع : بزق من دقمك ...داك العايل دايما ساخطة عليه و مكيدير والو ...شنو دار ؟ شنو فيها ...بغاهاو عحباتو و مشى لباها...واش حسابليك غي اجي و سخط...نعل الشيطان اعيشة و ريح مع مخك ....
جلساتها سعيدة بزز ...! تتطبخ ليها حدا راسها و عيشة تتغلي...مزيرة على دك الفم ...! و حواجبها تلاقاو ...تيتحركو غا بوحدمهم معصبة ...تتنفخ و تسوط....و تغزز فسنانها و على الصمدي محلفة......!!
داز العشية كحلة على عيشة...! ...عريساتها كل واحدة فين غابرة و الدار علبها خاوية....! حتى قرباات العشاء و دخل الصمدي راسو قرب يضرب فالباب الطولة ليفيه تتجيب الاستغراب و الدهشة.....كثر من الاعجاب....!!
شافتو عيشة ناضت ليه كي الجروة المصعورة....
_ ياك انا يماك تقولبني...تمشي تخطب العايلة و انا مافخباريشي....ياك انا يماك ...سمحت ليك مرة لول و ثانية و الثالثة قلت انا خصني نزوجك كي بغيت...مشيتي لعند هاذيك ...ياك قلت صافي مابقيتشي بغيت ديك للعايلة....عملتي فراسك.....
_ معاااك المسخوط معااك...كيفك كيف باك....خرجتو عليا....انا جروة انا ...ياك انا ولدتك و كبرتك و نتيتا العزري الكبير ديالي نتينا المرضي ديالي العزيز عليا....غملتي فراسك و خسرتيلي خاطري...ياك المسخووط....
عيشة ( عقلها ولاو مع الطنوبيل تتفرنس و عجبها الحال...) : و يانا ديك العايلة ماعجباتنيشي اصمدي ...عملي خاطري و حيدا من عقلك ....
الصمدي عطاها بالظهر تيخربق فتليفوتو مغوبش ..
_ ولات ساكنة فعقلي بالماء و الظوء ايمة....خلينا موقرين و بلاش دوك الفعايل .....غنوصي كريم يولفك السوݣان على مانرجع ..ندير لك الشيفور.....
عيشة مزيرة على فمها بردات...
_ علاش باش مزوقة عليا لالهم سعدية ...دارت بيرمي غنديرو حتى انا ....
الصمدي هز راسو مسايرها حتى سكتات و مشات شافتها واقفة حدا الباب ...ضيقات عينبها فيها و غوبشااات...
_ هاد الحديد ماشي جديد كتقولبني اعبد الصمد ؟
الصمدي حك حاجبو تيتلفها ...
_ جديدة الالة يمة من الدار حتى لعندك ....
عيشة قرمات مكمشة عينيها...و الفرحة فيها تتخلي راسها يسخن....! نسات حلا و نسات غضبها من الصمدي ...! كي كل مرة كيدير ليها ...كيعصبها حتى كتبغي تحرقو و بلان واحد كينسيها غضبها....!
صبح الصباح...! فتحات عينيها على النبوري ..! هزات تليفونها غا وصل اشعار اليوم عيد ميلادها ...غوبشات و رمات التليفون حجبانها تيطلو على السماء....
_ 27 سنة الكلبة و مزال لا دار لا طنوبيل .....
رمات من عليها الغطاء و ناضت تتلبس عليها ! ماليها كانة...فشلانة و غي تتفكر. دارت 27 سنة و مزال مادارت والو في حياتها تتزيد تأزم ...!
صبحات على مها و ختها ...كانو كيهدرو غا شاوفها سكتو و قرمو...!
_ صبحاتو لله ..كنعلمكم معصبة حد مايدوي معايا باش مانغلط في حد....
خلود تتدهن بان كيك بالنوتيلا و تفرنس ..
_ ذكرى ميلاد سعيدة افليفلة ....درتي27 سنة و العقل مزال ....
حلا زامة شفايفها : اذا وصلت لثلاثين و باقي لا دار لا طنوبيل غننتاحر.....
حميدو بصيق : و الزواج ماعليه هدرة و لا شنو ؟
حلا هزات صاكها و تمات خارجة...
_ هانتو تتطلعو ليا قنديشة ....ماكاين شي حد يتفكرني هاد النهار و يحط ليا شي كادو مفركع...و لا فيكم غا الهدرة........
خلود معلية حاجبها : نديرو ليك الالة حفلة تنكرية كي ديك المرة غا ضحك و فرنس .....
خرجات حلا من الدار ...مطلعة نظاظرها و حاجبها .....فتحات الباب خارجة و ماجاو عينيها غا على عيشة راكبة فداك الكاطكاط واحلة مع كريم المعصر معاها...فايق على الصباح على قبلها....!
_ خالتي عيشة ريح بلاصتي انا نوريك ...
عيشة ضرباتو بصاكها للراس..
_ الكاطكاط ديالي انا نعرف نسوگا شد دقمك صدعتيني ....
كمشات حلا عينيها و زمات شفايفها حابسة اابكية مفقوصة....
لوات فمها و كملات طريقها مغوبشة ..تقيسها تنفاجر فيك...! كملات شغلها غا بزز و رحعات بحالها مامعاها هدرة و لا ضحك....!
بدلات عايها و تمات خارجة.....! طلعات الفوق غا قشعات بيت باها و مها مردود علات حاجب...شمات الموضوع فيه نقاش جدي ...!
قربات تتصنت و تدور عينبها....! و تمنى مايكونش تيدويو عليا...لكن فعلا كانت الهدرة عليها.....!!
عوجات الوقفة و علات حاجب و دنيها مطلوقيين....!
حميدة : عبد الله كنا فاربعة ولاو فستة ...غنتزوج ديك البنت قبل مايتعكسلا كلشي ....عيبب علينا كل مرة رادين واحد و كل مرة كنقولو البنت مابغاشي تزوج...شفتي بنت خاي فاطمة الزهراء كانت كثر من حلا ثلاثةةخطاب فالنهار و هاهي محمقة على اازواج و حتى واحد مادق بابها.....
عبد الله تنهد : و تنا بغيت نزوجها و نرتاح ...ولايني حلا نتيا تعرفيها....
حميدة : حمر فيها اعبد الله....قصح مغاها هي كتحشم منك و تسمع كلامك....قولا واحد فيهم لي غتختار....ماكاينشي لا و لا ماباغاشي.....
عبد الله : غنهدر معاها هاد العشية و ان شاء الله يكون خير ...هاد المرة لابد تختار واحد فيهم و توكل على الله...هادشي لي كدير فيه مايبغيه حد....
حميدة : و عنداك تخربقلك مخك بالتلحليح ديالا....عندك اعبد الله ... لسانك غتقلبو ليك لصالحها ...بنتي و كنعرفا......!
حلا العين توسعلت و الفم تحمع و تكمش....!
تكركبات بحالها لبيتها و شدات عليها ...تتمشي و تجي معلية حاجبها....
_ يعني الزواج مامنو هروب....!
تركنات فوق ناموسيتها تتفكر ...! سمعات باها جاي و تصاوبات فالجلسة موجدة راسها للهدرة....!
دخل لعندها و جلس حداها...
_ هربتي و تلفتي و دابا غنهدرو ابنتي حلا.....
حلا تتمسكن...
_ ليبغيتي ابابا.....
عبد الله....: تبارك الله كثر الخير ...ولاد الناس فيك طامعين الحلال ....بنت وحدة بقيتيلي و مابغيتشي نزوجك صغيرة شحال جاو و مابغيت ...غا نسيم و زوجات وهي بنت عشرين و شحال بكيت عليها....مابغيتا تزوج فداك العمر ولايني هي بغاتو ....! ولكن نتي احلا قولي ابنتي واش ماباغياشي تزوج ؟غا هدر و جاوب بلا ماتحشم....
حلا تتشوف فيه من التحت التحت ...
_ و بابا راه ماكنرتاح لحتى واحد ....ماشي لخاطري...و يانا عندي شروط فعقلي خصني يكونو فهاد الراجل لغنتزوج بيه ....
خلود و حميدة ورى الباب كيتصنتو ..و يتهامسو ...
_ خلود : غرام د الحشمة ماعنداشي ياويلي.....
حميدة تتنهد : الله يهديها....
عبد الله باهتمام : و تبارك الله شلا رجال بغاوك للزواح ...و راه مايمكنشي مايكونش واحد فيهم نصيبك و ترتاح ليه ....( كمل بجدية و نبرة صارمة ) و ان شاء الله واحد من هاد الرجال غتزوج بيه.....
عبد الله : وخا الفقيه لا ...كاين هشام كليان ديالنا كيعرفك و يعرفني و حتى ولد عمك و صاحب رضا ....
حلا عقلها خدام و حاجبها مطلع للسماء ماعجبها حد فيهم....
_ داك هشام مابغيتوشي..كان مصاحب مع صحبتي ابابا...و يانا ماشي حمارة ولا بنت الحرام نشوف فيه ...و العائلة مغنتزوجشي بيها...و صاحب رضا نفس كراكتير د رضا بغيتوه يقتلني و لا نقتلو ...؟ حتى واحد فيهم مارتاحيت ليه....
عبد الله باقتناع : ولد ساكن في فرنسا حتى هو بغى معاك الحلال ! و سي عبد الصمد ولد الجيران الجداد.....
غا جبد سميتو تكوانسات و السخانة طلعات معاها...فتحات عينيها وووسعاتهم و ودنيها تشوطو...
شافها عبد الله و ابتسم...
_ هاذو مكتعرفيهش ماعندك عليهم عيب حتى انا نسول عليهم مزيان و نشوفهم واش ولاد الناس و معاهم الحلال .....غا هو ولد الجيران تكون كتعرفو ...قالو اصلهم من الكتامة هو كبر فسبتة و خدم فسبانيا مع شي نصراني ....و كبر المشاريع ديالو ...و جمع ورث باه.....و لايني مزال نسول عليه مزيان .....
_ ابابا...بابا....سمعني سمعني....دابا هو ...كيف....
عبد الله ضحك على ملامحها : بسم الله عليك ابنتي ...برد راسك برد...وحهك مشوطة...
حلا كمشات عينبها حاصلة ....تتقلب على مهرب
_ ابابا ...سمعني نقولك. ..يانا الراجل اذا ماكانشي حافظ ستين حزب كاملة والله لا تزوحت بيه...خصني راجل يكوم حافظ ستين حزب كاملة صافي قررت....حيت اذا كان تيحفظ القران و قاري كلام الله غيتاقي فيا الله....و يحتارمني...! من غير الفقيه هذا شطبت عليه......
خلود و حميدة غا سمعوها اش قالت تصدمو و شافو فبعضهم تيرمشو...
خلود بهمس : بركاتك ياشيخة ...
حميدة جلسات شادة راسها...
_ و الله يهديها و يعطيها العقل...حالفة حتى تخرجو لينا حنا هاد العقل...و عبد الله كدير راسو فيها و يفشسها.....
اما عبد الله ...غا سمع شرطها ضحك و هز راسو....
_ و هنا ابنتي هدا عليا.....طالبة راجل حافظ ستين حزب و نتي ماحافظة حتى حزب ؟ هادشي عادل عندك ؟
حلا تتدور عينيها باغية غي تفك ...
_ و مالها شنو فيها ؟ انا هذا هو شرطي ...تكون عيني قابلاه وحافظ كتاب الله.....و اذا ماكانشي انا مامزوجاشي و هانا ماشي طلب السيد عندو الملايين بغيتو حافظ كتاب الله ماقلت عيبب.....
عبد تنهد :لاحولا ولاقوة الا بالله ....باغية تعجزنا بهاد ااشرط زعما ؟ وخا نشوفو هاد الراجل لي حافظ ستين حزب فعاد الوقت و ماشي غقيه....الله يهديك و صافي ...عيب كل مرة ترد الخطاب وولاد الحلال احلا عييب كنقولا و نعودا ..عيب غتاخد الذنوب ....
حلا تتشوق غي من التحت التحت كي اللفعة...
_ ماشي عيب ...انا مكنتفلا على حد ! و اازواج حصو يكون عن قبول ...
خرج عبد الله تيهز و راسو و يتنهد....جلس فبيتو و دخلات لعندو حميدة تتمط شفايفها...
_ قلت ليك هاذ اللحلاحة غتلوي ليك اللسان.....
عبد الله : نوض جبلي دوك الوراق غنطلع لطنجة حتى ورى رمضان و نشوفو هاد الحريرة و نرد على الناس....
حميدة شادة راسها و ضحكة الفقصة غالبها..
_ هاويلي يسمعو الناس ..اش شرطات حتى يشدوها عليها هدرة....البنت مكتشوف فالقرآن غي من رمضان لرمضان و ماحافظة حتى حزب طالبة راحل حافظ ستين حزب كاملة....! غا لييحنتها شي حد و يطلع حافظ ستين حزب و شوف عاود شنو غتشرط....عندي الاميرة انا....كتعيب و تعلب بولاد الناس كي حبااات.....لاحولا ولاقوة الا بالله .....
عبد الله تيخمم : عجبني ولد الجيران...عبد الصمد بانلي فيه ولد معقول....
حميدة علات حاجب : ولايني اعبد الله حنا مكنعرفوهمش مزيان عاد جيران جداد و زيد اصلهم من كتامة يعني ريحة الحشيش منهم فايحة.....
عبد الله : اوا احميدة كل ارض و شنو تتعطي إذا كانت ارضهم عطاتهم الكيف ..؟ و زيد على ذلك شفتيهم بعينيك ؟! الراجل ورث من باه هو و خوتو و دخل شركة مع شي نصراني عندو مشاريع ديالو .....
حميدة تنهدات : ماشفت بعيني والو ....و العلم لله....داك الولد تلاقيتو مرة وحدة مصواب و مأدب.....
غا خرح عبد الله من البيت عندها...! طلعات فوق ناموسية مربعة رجلييها معلية حاجبها للسماءو رموشها كيفرفرو كي الفرفارة....تتبلاني و تفكر و تخمم....و حواجبها تيطلعو و يهبطو ...الفشلة شداتها ملي سمعات طلب الزواج ديالو ....
_ شنو هاد الكارثة طحتي فيها احلا.... عوال عليك ماشي معشوف فيك....جا ياخد قياسك و شميتي ريحة كان خصني نتيق فاحساسي ....حالف حتى يخرج عليا....
زمات فمها و عينيها كيدورو كي الذبيبة....
_ شعندو مايدير....لو كان قاد عليا كون قتلني ملي تلاقينا....و لدابا مادار والو يعني مافجهدو والو ..خصو حتى يتزوج بيا باش يقد عليا و داك الزواج وخا نبقى غي اانا و ياه....ويانا نحلف داك راس البطيخة لا تزوجت بيه...!
سمعاا ت دقان فالباب و خلود تتغوت من برا...
_ حلا نوض مرات خالي و فاطمة الزهراء جاو ...انا خارجة...
حلا غا سمعات فاطمة الزهراء...طلعات حاجبها و خرجات من بيتها كدور بكسوة الدار مقزبة ...!!
بشرتها بيضة كي الحليب و صدرها مهزوز تيبان من تحت الكسوة ....! و سنسلة ذهب ابيض تتبري فعنقها .... سلمات عليهم و جلسات معاهم فالصالون ...جميدة غي شافت خلا طلقات سىاح لسانها...
_ ايييه على ستين حزب ...هاذي ماركة ليتطلب راحل حافظ ستين حزب .....
مراة الخال تتضحك : و طلب معقول شنو مالو ؟
فاطمة الزهراء بنت خال حلا....تتشوف فحلا و تعوج ...شعرها طويييل و كحل تيوصل لتحت مؤخرتها و صدرها تيبان كبيير من تحت الشوميز لي لابساها...دايرة رجل على رجل تترمش ...
_ حلاولاو سمعت خطبك شي فقيه....
حلا عوحات فمها هي و فاطنة الزهراء مكيتحاملوش .....
_ حتى يانا سمعت هكا اختي ....
مراة الخال تتلف خايفة يبادوها مدابزة ...
_ زيانيتي يابنتي كتفتن ...جاك الشعر هيدا فن فن ....
حميدة : والله اختي حرت معاها عذباتني عذباتني ....كثر من خمسة خطبوها غي هاد السيمانة و خرجات ليك شرط من الجنب.....منين كيطيحو عليها هاد الفهامات منعرف....خرحات عليا بالتشراط....
حلا تتعوج و تفرش زينها مكتبغيش تدخل هدرة مها لعقلها و تتقلبها تعواج و طنز ...حسن ماتقلبها اعصاب ....
_ اوا علاش مانطلبشي راجل حافظ كلام الله....كل واحد و شنو كيشرط..و يانا بنت الخير زعما ...مابغيت راجل عندو زبابل الفلوس وماشي طماعة....بغيتو مقبول فعيني و لكلام الله خافظ....باش يحافظ على هاد الزين لي غياخد ...( تتلعب بشعرها و ترمش و تلوي عنقها كي المشة ) مزهار هاد الراجل ليغيتزوج بيا....سعداتو حسدتو عليا.....
حميدة و مرات خالها ضحكو على كلامها تيهزو فريوسهم...
مراة الخال : و علاش كذبتي سعداتو بيك ..اللسان حلو يالعفرتية والله داكشي لييصلاح للرحال عينيه يبغي يحطهم ليه و كيدوخو دغيا بحلاوة اللسان...و التلحيح....وخا يكون هاذ الرجل حجر....
_ وي بصح كنقرا اللغات ياختي انا خدامة مع بابا و كيجيو النصارا ضروري خصني اللغة ...!!و نتينا باقي مافتحي الصالون ديالك ؟ ..
فاطمة الزهراء كمشات فمها مغوبشة ..
_مزال ...
حلا : بصح كملتي نتينا دابا كملتي 29 ياك ؟
فاطمة الزهراء : لا اختي 28 سنة ...
حلا تتفرنس تقول هاد البنت البرائة و النية الصافية : كي 28 كي 29 المهم الصحة و السلامة ...
حميدة تتغمز حلا تسكت و مابغات تسكت ليها...عارفة اخر هاد الهظرة غتقلب معااركة بينها و بين فاطمة الزهراء....حيت كيعرفهم اكثر جوج لفعات معروفين فالعائلة....! فاتي محسادة و مغيارة و كلامها سم من دايما تتحكر على حلا و تتبدا الهجوم بالكلام....حتى حلا تتعطيها علاياش قدات و ماتخلي من جهدها ...
حميدة : قلت ليك اختي جاوها كثر من خمسة ...واحد كليان شافا حمقاتو و عيا يهدر مع باها ...و الفقيه عيسى و صاحبو درضا و ولد عمها نيت و واحد من فرنسا ...و واحد نيت جيران الجداد ساكنين فهاد العمارة قدامنا....اصلهم من كتامة
مراة للخال : و هانتينا ياختي قدامك و حدا عينيك حسن ....
_ لااااا امراة خالي اويلي لا ....مالي نسكن مع العحوزة !!..
حميدة : و دابا مابقاتشي هنا...بقات فديك الشرط دلالة مولاتي...صدماتني انا بعدا قالك ستين حزب .....
حلا هزات كاس اتاي تتشرب و دور عبنبها من تحت القصة متحملة غا بزز ... الحق يتقال زينها قتااال انيقة ملي تتخرج و فالدار اميرة ...
مراة الخال ضحكات و نطقات بعفوية....
_ و ياك قلتي ولد الكتامة كون راه ختم القرآن وهو صغير ...ولاد دوك المناطق بزز منهم يحفظو القرآن وخا قبل مايدخلو المدرسة ...شكون عرف يكون حافظو و يحنت لينا لالة حلا...
الهدرة لي ضربات حلا للراس خلات رموشها يطيرو .. و وحلات ليها مع الشهقة الخافتة لي دارت ... طاحت ليهم مخرجة عينيها تتسعل تتجيييف ولات حمراء روحها بغات تخرج ...
نقزات حميدة مفزوعة تتضرب ليها ضهرها ...
_ خير ...خير ....الماء افاطمة الزهراء للماااء.....
الشميسة كانت حاارة ...! و ااسماء زرقاء صافية....!!
حميدة : سقي الورد و عاوط ديك الجلسة تما مزيان ...عبد الله و راجل ختك غيجيو يطلعو لتما ملي تغيب الشمس ....و هبط طلع النشير نشر ...يلاه طلق يديك دغيا ....
لوات فمها و كملات طريقها ...!...و تحنات جالسة على طابي فالرمادي دايرين تما طيراس مغطي من الفوق و مهوي ...و الورد و المحابق زايد ين جمالية للمكان....! ثانية رجلييها البيضين كي قوالب السكر ...لابسة غا كسيوة حد الركبة نص كم عنقها واسع و شعرها مجموع بمقبض تيطيح زغيات على وجهها الدائرية و عويناتها مجبديين مزنكة بالشميسة....!
تتسقي الورد و الزرع حاضية لا تخسر الشغل و تخسر ليها حميدة كمارتها....!! واخدة وقتها تتفكر و تخمم غي مع راسها....
_ دوك الماركة كيكون راسهم قاصح مكيشدو حتى حاجة فراسهم....محال يكوم حافظ حتى حزب باقي ليه غا ستين حزب.....الفاتحة ومحال يكون حافظها .....و يانا اذا دارو راسهم فيا غنخرج على يماهم واحد بواحد....يعطيوني التيساغ نعطيهم التيساع....باغية غي نعيش فشي قرينة مايعرفني فيها حد .....مايجبدني حد.....غا لي يصربها بشي تزوجية بشي نصراني سبانيولي نغبر كمارتي نوضل لتما نكركب يناه و نعيش خياتي هانية......غا لي يديرها بصح و ديك ساعة مايحكم فيت لا رضا و لا بوركابي.....
لالة عيشة واقفة ليها فالسطيحة على كريسي ديالها المعروف...تتطل و تكمش عينيها حاضية حلا.....! و عباد الله داكشي لي مقابلة....
كمشات حواجبها و علات صوتها....
_ العايلة هيي....معاك معاك.....هالة ....
حلا سمعات صوت عيشة كمشات حواجبها و تجاهلاتها....ماعندها كانة ليها....كملات شغلها تتسقي وتنقي البلاصة ....! و عيشة نفخات ماعجبها حال....هبطات من السطح تتلوي طرافها....مغوبشة ...تلاقات بمراة ولدها صفاء و خنزرات فيها....
حلا كي الذويبة تتدور دوك العوينات على السطح و تنفض الحوايج و تنشرهم ...!ملي رتاحت انه ماكاينش خدات راحتها ...تحنات تتهز ملابسها الداخلية تتنشر فيهم.....سوتيان فالموف و الكريمي تتهزهم من السمطة و تعلق....! و الشمس تتحرق فيها مكمشة عينيها مبرزطة.....غا هز و علق مستفين حدا بعضهم بحال تتبيع فيهم...وحميدة تتذب و تولول....
_ منزلاهم للبييع....حمع دوك الشراوط و لا فرقهم
حلا تتشطح رموشها ...
_ السطح ديالنا و الرزق رزقنا و لي حشم يكمش عينيه ...و هاد الشراوط شارياهم ب200 درهم ( تتفحص حوايجها مغوبشة ) صافي مابقيت نحط حوايجي يتصبنو فلابادورا كتخرج عليهم......غنصبنهم بيدي و نشفهم بيدي .....
حميدة هزات العين شافت الصمدي عاطيهم بالجنب كيدوي بالتليفون...نغزات حلا تسكت ...حيت مامولفينش دار تكون تتطل عليهم كانو هو ليتطلو على الناس و دارهم اكبر دار تما ...عالية و مايلحق ليها حد ...
_ شد دقمك ....
حلا شافت فدار عيشة حاو عينيها على الصمدي ....!! قلباات عينيها تتدوي بين سنانها...
_ علاش مانبيغوشي هاد الدار و نشيرو فيلا مايطلو علينا مانطلو عليهم.....!!
خرجات من بيتها لابسة لون صيفي ...! و سعرها محموع ...!
جالسة عيشة مع لالة مليكة تترحب بيها و تضايفها....!
نطقات مليكة بعد ماشربات شريبة من كاس
اتاي...
_ لا عندك الحق اختي هذا الزواج ماشي لعب مابغينا زربة ...هاد الامور خصا العقل و ترزن...
عيشة بمرارة : عبد الصمد عاجبتو ماعندي مانقول ....
مليكة تتبسم و تسبل عويناتها...
_ غي هو اختي عيشة ...حلا بنت سي عبد الله جاوها كثر من خمسة خطاب هاد السبمانة....
عيشة غوبشات : ممم خمسة ....
مليكة : تبارك الله...عاطية العين و زينها قتال....و اصلها حتى هو عليها العمدة راها بنت ذهايبي ....كيف قلت ليك جاوها كثر من خمسة و ماكتعرف حد فيهم و باها صافي قال بنتو وصلات لسن الزواج شاف مناسب ليها الزواج دابا ...حلفات ليه ماتزوج غي اذا كان راجل حافظ ستين حزب من غير فقيه.....
عيشة جبهتها تكمشاات ..زيرات على سنانها و ردت...
_ ستين حزب قلتي ....
مليكة تتبسم : نتو من كتامة ياك ولدك حافظ القرآن ؟
عيشة سكتات تتضيق عوينااتها ...عاد ردت تتبسم و تحت سنها سم ...
_ العزري ديالي كبر فسبتة دخلو باه يحفظ القرآن ضرب الفقيه و بسبابو دار شحال من غرزة فراسو ...تعذب معاه المرحوم و داك القرآن مابغى يحفظو...كيهربلو و يسرقلو الحديدة و يخرح هارب من المدينة .....( سرحات عينيها و نطقات بكذب ) ماحافظشاااي ستين حزب كاملة....قولي لالة هالة خصا راحل حافظو كامل و زينة عندا هاد الفهامة ....
صفاء جات سلمات و دارت الصواب و عمرات التبركيكة و دخلات لبيتها تتحلف....
_ الشارفة مغروس فيها الكذوب ....
صونات لراجلها و ترمات فوق النانوسية تتوصل ليه التبركيكة...كيف وصلات ليه ليقبل غتوصل ليه دابا ...
_ سعيد خالتي عيشة حالفة حتى تكحلا مع الصمدي ...ديك المرة مشات تخطلبلا سليمان و دابا كتقول لالة مليكة شرط حلا ماعندناشي.....ياك عبد الصمد سالا القرآن و نعقل قلتو باك دارو صدقة قدها قداش....
سعيد : قطع قطع اصفاء انا ماجي...يمة غترونا مع الصمدي بالمعقول.....
جالسة فالبيرو ديالها...رجل على رجل و ملامحها صارمة تتشوف فمهدي....
_ غتمشي تسلتلو لسانو و تسولو كيفاش عانل هاد الراجل و تجي تقولي ....عندك تقولو حلا سولاتك ماتكبرشي الموضوع....
مهدي بانصياع خايف متها...
_ وخا هي لولة.....
خرج مهدي خلى حلا تتفتح البواط تتشوف داك الدوبياس كلو خيوط و عقيق تيضر فالعين....!! بلعات ريقها و هزات عينيها للكامبرا...! شدات علييه دلكات راسها تتسوط ..
_ هشام ماشي هشام...مايقدرش يعملا....غيكون ولد الغولة ....حالف يخرج عليا...يمشي مهدي يوصلا لرضا و لا توصل لبابا ...غيذبحوني......ولا يكون رضا باغي يطيحني....
دخل مهدي لعندها تيسايس و يهدن
_ ختي حلا سولتو قال عمرو شافو هنا ضعيف شوية و شعرو كحل ....
حلا شادة راسها مغمصة عينيها تتفكر....
_ خرج عليا امهدي ....
خرج مهدي بالزربة ...!! وقت لي دخل فيه رضا بلا مايعلم....مغوبش فيها تيخلع
_ مالك !!!
غا شافتو يديها بالزربة تحطو على البواطة تدور عينيها ...
_ شنو غيكون عندي...نهار تغبر من قدامي غنكون سوبيير....
رضا قرب منها عاقظ حجبانو ...ضرب على البواطة جرها ليها من تحت يديها ديك الحرة خلات قلبها يطيح ...
رضا بعناد البغال : حلاااا عينيك كيغليو الكذوب ديالك حافظهم ....( خدا ليها البواطة و فتحها شاف شنو فيها و هز حاحبو مكتيقش فيها و مشكاك غا بوحدو....هز العين حمراء و رد )
_ شكون جابو !!.
حلا بنظرة قاصحة و لسان حرايقي
_ صاحبي !!
دفع الكرسي برجلسيه و طار ليها كيغوت.
_ حلاااا بربي اليوما حتى غنقتلك....شكون جابها.....
حلا تتدفع فيه و تدوي ببرود كيقتلو....
_ شنو هاد الهمح بلاصة الخدمة هاذي بيغيتي تشوه بالمحل ....فين عقلك فيق الشريف فيييق.....حنا ماشي فالدار . والله و توصل لبابا حتى يقلبها معاك.....
رضا خرج تليفونو و الغيرة و الشك تيغلي فيه....
_ غندوي معاه و نشوفو شكون هاد ولد **بة ....
حلا خافت ...و مخها تقلب....تتدورعبنبها هنا و لهيه بالزربة باغية كي تفك ...و تهرب راسها......!!
قرمات و شدات حنكها ...! حتى جا عبد الله و عاود ليه رضا ...عبد الله شد راسو و تحنى تيتنهد...
ناضو خارجين...! حلا تتسوط و ترمش ماعارفة كيف غتخرج راسها...من هادشي....فجميع الحالات غتصدق هي الكذابة...و حتى اذا جات تقول ماعارفاش شكون غيقولو راها دايرة شلا رجال و طالقة معاهم العحب حنى ولاو يبعثو ليها داكشي.....!!
ركبات اللور و طلعات نظاظرها تتدوي بين سنانها....
_ بغيت لهذا لي دارليا هاد المصيبة ربي يبليييه نحلف عليها حتى دار بلعاني باش يخرح عليا...!! ياربي بليه بشي مصيبة يعطيني التيساااع و يخليني علييه شكون ماكان .....
وصلات للدار ...حواجبها ملاقيين ساخطة و ماعاجبها حال و رضا وراها كيدوي و يعرعر...حميدة ماعرفات باش تبلات و لا شنو وقع..
_ الله ياربي....شنو وقع شنو كاين عاود ...ياربي السلامة....
عبد الله جلس تيمسح وجهو عياان...!! نطق غا رضا مغدد
_ ديك الكلبة كترون ورى ظهرنا .....
حلا بغضب : حتارم راسك ماتقولش عليا الكلبة ....صبرت ليك بزاف زدتي فيه و كغيتي عليا.....
رضا بالغوات تيدفع فيها معصب...
_ شكون ولد الكلبة لي صيفط ليك اللفعة ....غنحرك احلا والله حتى نخرج عليك....
رضا فك حلا و قلب وجهو كيعض قشاشفو صاعر و حلا دخلان لييتها شادة عليها الباب بالجهد تتمشي و تجي و تنفخ....شاعلة فيها العافية فريية طرطق ملي تيظلموها تتبغي تحماق...
رضا طار لعندها تيرفع ليها راسها فاشلة و يديها مرخيين....خرح عينيه و نطق ...سخفات ليهم تما و عينيها شدات ...
_ خلود ... سبقني للطنوبيل...
خلود تتبكي...: وخا وخا...!!
عبد الله غاشافت حالة بنتو....زادت وجهو صفارت ..و شد على قلبو ...
هزها رضا فيديه مرخية و حميدة من وراه تتغوت....
_ رجليها تعوجو ...فيقها عاد ديها...بلاتي ارضا كب عليها الماء ...تفييق......
ماسنعش ليها...طار هابط بها و عبد الله من وراه و خلود شغلت السيارةة...! خرج بيها هكاك فالزنقة ....راسها مايل كي الفلوس و يديها طايحبن تيمشيو و يجبو مع خلفة رضا.....! قدام عيون كرييم و سلييمان ليعاد نزلو من السيارة....! ظلو تيشوفو حتى غبرات سيارة خلوود و طلعو بحالهم للدار....!!
سليمان عينيه وراه ...
_ الدرايم عندكم هنا اصاحبي....
كريم : الداريم و حبستي ...زيد تعطلت على خالتي عيشة ...( تنهد ) الصبر ياربي ...
طلعو للدار.....تجمعو للغذاء....! عاد جات لالة عيشة تتشالي و تشوف فالصمدي و تعوج فمها عليه ....
_ صافي عولتي ماشي ...
الصمدي بنظرة قاصحة : اذا بغى الله ...
صفاء جاية و هازة فيديها الديسير : شفتو قبيلة شنو وقع فدار سي عبد الله ...
كريم : سي شفت واحد هاز وحدة سخفانة ....ديك الدار مضخمة دراما....
_ شش ماما ...ماعندا والو تكون تعصبات نتي عارفة حلا ...كتقلب كلشي ضحك و تبوهيل و لكن راه تتجمع فقلبا ...و رضا عيق عليها والله ماتصرف هذا....حلا كبيرة باقي ليها ثلاث سنين و دير ثلاثين راها وحدة راشدة و نتوما تتعاملو معاها بحال شي برهوشة.....
حميدة تمسح دموعها : انا خايفة عليها ...حلا عاطية العين و لسانها حرايقي ...و الدنيا مخلطة...العيان و المزيان....و عين الرجال غي تابعينها و رضا كيصعر و دايما مشاكل معاها....باك شي نهار غيطيح بمشاكل ديالوم...
نسيم قطبت جبينها : رضا يجمع راسو و يخليها عليه....اذا بقى كيتبع حلا غتخرج عليه و تخرج على راسها...واش منيتو يتدخل ليها فهادشي و يا تح ليها كادو جاها ليها.....واش ماعندا خصوصية !!
حميدة تتشهق : باقي ماتبلعتلو داك الشاوني شنو عمل فحلا ...واللع ماينسى و يسامحلا....مكيتيقشي فيها و رضا مغيار نتينا كتعرفو ...و كتعرف ختك...حلا زهوانية كتجيها ديك الحالة كيسخن عليها راسها.....و ملي سولوها منين حاك ...كل مرة سنو كتجاوب و تلف فالهدرة....مرة قالت صاحبتها و مرةرجعاتا فوئام و مرة كتقول معارفاشي و مرة ترجعا فرضا ...هي براسا ماشادة حتى هدرة....
_ كثار الصداع و العياط....فين مانسمحلا كتخرج مشكلة اخرى....حلا مايصلحلها غا الزواج...دير دارها تلهى معاها....و رضا يهز مراتو يسكن بعيد علينا مايقرب لختو ولا يمس منا زغبة...
حميدة : قلتا لك قبل....هي و رضا غيخرجو على بعضوم....
عبد الله قصخ فيها الشوفة : رضا يعطيها التيساع ....وصل لولدك نعاود نسمعو كيزبل فختو و يخسر كلامو ماهو ولدي و لا أنا باه ....
حميدة تتغطي عليه : و هو عصبي و لسانو كيزلق...الديور كاينة علاش يهز مرااتو و يتكرفسو فالكراءو ديور باه كاينين.....
عبد الله بغضب : مانعطي دار لحد فيهم ...حتى نموت و كلها ياخد حقو ....شكون عطاني حتى درت الدار ؟ حتى حد ....كيف تكرفست يتكرفس هو ....بغى بتزوج زوجتو ...الخدمة خدام معايا ....الطموبيل سبقتلو النص ...الدار سكنتو معايا و عطيتو طبقة كاملة....صافي يعول على راسو و يحمع لدارو ...و حلا غتزوج....!!
جمعات حميدة كلامها و لكلام راحلها رضات و مازادت معاه هدرة....!خرجات تتنهد و تجمع الدار....شافت رجال بناتها داخلين مع ااباب مثقيلن بالخير والتقدية...! تبسمات محشمة تتغرق بالحشمة قدامهم و كثر راجل نسيم....
دخلات لبيت خلود لقاتها محمعة مع نسيم ....شافت فنسيم و نطقات
طلعات جلسات فوق ناموسيتها بالطالون ..تتستناها....! حتى خرحات مدوشة تتنشف شعرها....غا سافت نسيم خرحات عينيها وقندشات...
_ حشاااك طالعة بصباطك على فراشي تنعس عليه.....يخخ نوض نوض حيد من رجللك .....
نسيم هزات تليفونها تتفرنس .و توريها الطالون...
_ زوين ...مالو ..نقي عاد جدبد...شريتو 700 درهم ....جبلتيك واحد بحالو ...
حلا رملت الفوطة تتجرها معصبة ...
_والدة جوج براهش و باقة برهوشة.....رطعي اختي لكوكب زمرة منين حيتي هنا غا درواش د الله. ...( نيضاتها بالسخط و نسبم عاطيااها للضحك و خلا تتبدل الفراش و تبركم من الابرة لدكو ليها) طالعة لراس الناموسية بالطالون....ماتكون غي كتنعسي بيه و ت**ي بيه حتى هو .....
نسيم حيداتو بزز منها و ربعات لبها فوق الناموسبة ...
_ مابقيتش خاملة العيشة هنا....مغنتفك حتى تزوح و انا مبغيتش نفك راسي من حبس و ندخل لحبس اخر.....
نسيم تتشوف فيها بغير تصديق .
_ اهاه يالمطورة ديالنا....تمشي تزوجي بهاد السيد و مايبغيش يفكك ولا يلصق فيك ...!! راه مخيرة ليه هو ...مراة تتفتن و تزويجة باطل و زايداها بالفلوس ...فين يلقى هكا....! و نتي باغية تزوجي على قبل تبعدي....تزوحي بهذاك من فرنسا ....
حلا : مالك مكتفهميش...مابغيتش واحد غرضو زواج و الدوام...انا ماباليش فالزواج....!
نسيم : اذا درتي بالك فهادسي والله حتى تخوري احلا....جمعي يديك و تعقلي...! نتينا باينة عقلك غايب و مكتفكريش راك ماناعساش....تمشي طيحي بواحد يلصق فيك بيديه و سنانو....! بعدا هذا باغيك...عطيه فرصة و جربي....و ختى لا مشيتي معاه ماعجبكش الوضع طلقي.......( كملات بتردد ) اصلا بابا قرر يزوجك سوا بهذا سوا حد اخر.....
حلا كمشات حاجبها تتلعب فيد نسيم و دور صبعها على الساعة فيديها : عندهم الزواج هو الحل لكلشي.....باغين يتفكو مني...
نسيم : لا بابا ميظلمكش احلا ...نتينا عارفة بابا غندو كي البنت كي الولد....و هاهو رضا غيجري عليه يسكن بعيد...تصوري...ديور باه قدها قداش غيتكرفس بالكراء فديور عباد الله ......
حلا بنظرة الذيبة ...: عبر عليه....خصني نشوف كمارتو ملي يعرف ...مكلخ داك السيد شحال وهو خدام ماجامع حتى فرنك....العرس دارو ليه بابا والكراء مهني منها و حتى الطنوبيل عاونو فيها بابا....و ماحامع والو ....علاش عايش هاد السيد....!!!
حلا كدور فعينيها تتلفها : شمن فلوس ! انا ماعندي ريال واحد.. انا غي كنخربق و صافي و عمل عقلك فيا ....
خلات نسيم تتشوف بشك...! تلفاتهت حلا و ناصت تتدور فعبنيها و ترجع شعرها ورى وددنيها و ساعة فضية فيديها تتبري عاطية العين تتحمق....
_ تشهيت البسطيلة ...نشوف واش باقي شوية بغيتي !!
نسيم غا شافت الساعة ...خرحات عينبها و حناتهم بالزربة تتشوف فيديها ...مالقات الساعة فيديها...رمشات حتى عياات و ضيقات العين فحلا...
_ زعما نتينا واحد اللفعة جوح منك والله ماكاين....هادشي غا مازمة و حزينة و ماراشقاش ليك و سالتة ليا الساعة من يدي ..
حلا تتبسم بمياعة...: كنتي حدايا ملي هزيتها من يديك هاذي ماشي سرقة....و مالها غا ساعة عزيتيها فختك....تنا نيت كنت محتاجة شي ساعة هكا ...مافيا مانسعى الف درهم اخرى من حميدة......
حلا رشات ريحتها و هزات صاكها تتسول نسيم ..مكيعرفوها واش هبيلة و لا تتبوهل عليهم متيفهمو فبها والو ...
_ كي جيت...! جا معايا الحمر ! نبدل الشوميز ؟
نسيم : لا زويينة...
حميدة : بدلا ..ماعجباتنيش مزيرة على صدرك....
حلا : صافي نخليها....
خرجات مع نسيم و خلود ...! و حميدة متبعة ليهم العين...وخا تتعصب عليهم فرحانة ببناتها و بالزين لي والدة....!!
عيشة شادة السراجم تتطل و تعبر فيهم...!!
طلعو للمدينة...! كيدورو موانسين مع بعضهم....و حلا وسطهم عينيها تتمشي غا للغلا و تلصق فخلود تخلص عليها ...مرة تبغي مرة لا ...عاد تتدور عقلها ناحية نسيم تاكل ليها راسها بجوج كليمات و تشري لي بغات ...!!
خرجو من البوتيك وجلسو فكافي ...
خلود تتنكر على حلا...
_ سندالة 900 درهم مالي تن**را الفلوس اختي !!
حلا شدات فيها تتسايس و دور عقلها معاها
_ و هاذي الرخصية ديالهم زعما....ياك 900رهم جاتك غالية عليا....قلتي غديري ليا حفلة تنكرية ماشفت لا حفلة لا كادو...غا واحد المسخوط الوالدين تفكرني بالكادو دارو ليا فضيحة ماعرفت حتى شكون مولاه....
خلود : كثرو عليك الحباب حتى نتي مروناها تصاحيب اللفعة و كتنكري....
حلا ميلات فمها : والله مامصاحبة كون غي كنت مصاحبة بعدا مانسمعش الهدرة غي هكاك....طلعو ليا الرجال فراسي مابقيت متحملة تعناب حتى حمار فيهم....قالك بغاو بزوجوني....راه اذا كملت مع هاد ااراجل غي شهر راني مرصية ...و شاكة فيها ...عارفة راسي مسخوطة و حميدة كترضى عليا حتى تتشوفني فالكوزينة....
_ عارفة بابا مايزوجنيشي بزز مني ...غا معصب ساعة يبرد ....على الله يجري على رضا قبل مايبرد و يندم .....
خلود : فك حريرتك غي نتينا هاد فكر فرضا
حلا تتضحك : شوف شحال فساعة خصني نوصل للدار قبب مايجي هو باش نسمع و نشوف بعوينااتي.....
نسيم هزات العين بصدفة لقات شاب جالس فالطبلة جنبهم عينيه كلاو حلا....حنات عينبها و نطقات بين سنانها...
_ حلا بلا ماتعيفي ...واحد جالس حدانا كتعرفيه....!!
حلا دورات عينيها تتشوف بنص عين : شكون ! فين هو !!
نسيم : لابس شوميز نواغ ...عينين ماحيدهمش عليك....
حلا هزات حاجبها بغرور ..و دورات عينيها بلا ماتعيق....غا شافتو و تلاقات عينيهم...قلبات عينيها هازة نيفها ...
_ لا ممنعرفوش شفتو مرة وحدة فالحومة قدام دار لالاهم عيشة ...
خلود : مسرار ياختي.....!
حلا تترد شعرها ورى ودنيها ماعاوداش سافت فبه...
_ مسرار ايه ولايني قصير ...
خلود : عورة ولا مالك...منين جاتو قصير هذاك !
حلا ميقات فيها : دابا ماعرفت شكون المزوجة فينا ...نتوما و لا أنا !! تتقولو حلا الزاهونية و عينيها كيشطحو غيبوحدهم....حنعو عينيكم شوية.....بلا عياقة ...!!(جبدات صاكها تتقلب على تليفونها لكن مالقاتوش...خرجات عينيها و قلبها قفز ) تليفوني خليتو ليك انسيم عندك ؟
نسيم تتقلب في صاكها : لا ماعنديش ...وقيلة خليتو فالبوتيك....ويلي نسيتو تما ....
حلا زفرات بغصب : و فين عقلك....ماعرفت مال حسي ماعندي زهر مع التليفونات ....ثلاثة مشاو ورى بعضهم هاد العام....
خلود : يكون مزال فالبوتيك..مايهزو حد تما الكاميرا....
حلا ناضت واقفة تتنفخ : و ها لي يدير عقلو فيكم....غنمشي نسول واش تما...بفف...
خرجات من الكافي مثقلة و مرزنة...! و حاجبها مطلع....! دازت من قدام الصمدي لخارح من مرسيديس داير يتلاقا مع سليمان هنا....! ماشافتو و ماجات عينيها عليه...شافها و تبعها بعينيه...حتى دخلات للبوتيك ! هبط نظاراتو الشمسية و خشى يديه فحيبو ....داخل وراها ...!!
___
حلا : اه ديالي اخويا ...شكرا لهلا يخطيك....
هزات تليفونها و تمات غادية بحالها الدورة ليغدور ...جات فوجهو ...!رجعات للور تترمش و تدور عينبها...! جات تجاهلو و تخطاه دوز ...وقفها ملي شبك يديه مع يديها ناطق بشبح ابتسامة كسولة ..
_ أووو لااا سنيوريتا.....
...تتدور عينيها و تفلت يديها تيزيد يزيرهم ....حنات عينبها تتدوي بخفوت بلا ماتعيق...جبهتها حاات فكتافو لو حنى راسو غا شوية كان شعرها تشبك مع لحيتو ....ريحتو جابت ليها العطسة......!!و البوتيك عامر بالبشر ...
_ مالك الشريف مضروب بمغرفة مقلوبة ...( غمضات عينيها عطسات جوح و نبفها ولا حمر تتدوي مغنغنة ) طلق من يدي.....
جالسة حميدة مع لالة ميلكة مفرشة ليها الخير و مرحبة بيها....
_ مرحبا بيك اختي مليكة....نورتينا.....
مليكة : والله الا دايما كنقول غنجي و كيخرجليالشغل من الجنب....فين حلا....!
حميدة : خرجو طلعات للمدينة مع نسيم و خلود....
مليكة : علاه نسيم حات...
حميدة : ايه جات ...غدوز معانا رمضان اذا بغى الله....
مليكة تتبسم : اوا شكون بحالك....تشبعي متها و تشبع منك....اوا الالة حميدة جيت على قبب بنتك حلا....عارفة ولد عيشة الكتامية جيرانكم الجداد دار العين فبنتكم حلا ...
حميدة تتهز راسها : اييه قالها ليا عبد الله و لكن نتينا عارفة حلا شنو طلبات ....
مليكة ضحكات : و حلا هاذي ليطلباتو من حقها....و هاالبشارة ...ولدها قالك حافظ ستين حزب كاملة ملي كان صغير ...كي شفتي فاللول قالت خاجة و من بعد صونات ليا قالتلي لا غبد الصمد حافظ و دارو ليه صدقة قدها قداش والتصاور ....
حميدة بدهشة : مشاء الله.....نهار شفتو عرفتو ولد معقول...( كملات بفضول ) بيني و بينك الولد عندو شغل فالحشيش !
مليكة ضحكات : اختي الله اعلم....لي نحلف عليعا هو باه كان بزناز هاذي معروفة و باين عائلة بزنانة...ولايني عبد الصمد عندو المطاعم و ديور على اابحر و القهاوي كيكريهم....ورث من باه هو و خوتو.....
مليكة : حيت الولد مامستقرش قال حتى يجي لبلادو فخطرة و يتزوج و يجلس فيها و غا شاف بنتكم صافي عول ....
حميدة : سبحان الله ....اوا اختي بنت وحدة باقي عندي مانزوجاشي بمن كان ...الخطاب عليها كل نهار باغين غا رضاها .....وهي والو حتى واحد مامعمر لها العين.....
____
_ مالك الشريف مضروب بمغرفة مقلوبة ...( غمضات عينيها عطسات جوح و نبفها ولا حمر تتدوي مغنغنة ) طلق من يدي.....
زير على يديها خارج بيها من المحل ...غاديبن وسط الناس كيعض فكو مبرد ...وهي تتقمش فيه و تخبي وجهها بشعرها....
_ هداي بلا قباحة.....
حلا تتدوي مزيرة و عينيها كيدورو على الناس تتخاف شي حد يكون كبعرفها....
_ حاسب السبىة ولا مالك....فك يدي بلا شوهة.....
تبسم بالجنب و نطق مثقل...
_ عندا شي هدرة خصنا نهدروها.....
حلا غادية جنبو تتوصل تحت كتافو بشوية ..شعرها كيديه الريح واحلة مع صاكها كيطيح باغية تلبس نظارظها لايعرفها حد و قلبها تيشطح قدامو بالخلعة...
_ لا والله حتى حاسب السيبة كاينة فالبلاد.....غنغوت نحمع عليك الناس....كاملين كيعرفوني...فك يدي خليني عليك...واش مكتقهمش نتا و لا مالك...خطيبي كيستناني ..غدير ليا مشاكل معاه.....( معافرة معاه تتقمش و تزير ) فك يدي ....
تحاهلها مبرد ...و صبعو الابهام كيتحسس بيه العرق النابض تتعصب ..وحلات و حصلات و تزيرات....اذا غوتات تحمع الناس و كثر قدام المحالات التجارية اغلبهم تيعرفو سي عبد الله .... غتفضح و يكبر المشكل و توصل لباها و خوها و يخرجو العيب منها ....و اذا سكتات و زادت معاه غيمشي هاد المرة يكركبها فالبحر عوض الجبل......كمشات حجبانها تتسايس
جات تدوي وقف عليهم راجل كبير باين تيعرف الصمدي....نزل على حلا كي الرحمة...!! قمشاتو وغرسات ظفرانها فيه مزيان عاد طلق من يد حلا و الراجل حاي تيشوف فحلا مستغرب.....!
_ سي الصمدي....
سلتات من حداهم ورجعات للور مكملة طريقها تتزرب...يديها حمرين مزال عليهم طبايع يدبه و ريحتو تتخلي نيفها يغلييو و يحمارو ....!!
كانت تتزرب حنى قلباتها جري ملي شافت ولد عمها....!
غبرات من قدامهم تتنهج و تمتم بين سنانها..
_ علاه باقية نخرح انا من الدار.....مابقيت نعتب باب برا......و ديك الصدفة عمرها تكون ختى ااسطح ماليا طلعة ليه.....
دخلات للكافي حالتها حالة...حمراء و مزنكة بالجرا....! جلسات تتنهج...
_ شفتي هذاك لي دخل هو ليباغي يتزوج بحلا ولد عيشة الكتامية.....
حلا بحال جالسة على الشوك....ناضت واقفة تتحمع صاكها
_ يلاه تعطلنا...صافي مابقى وقت خروج هذا المغرب علاين....و ماما غتبقى تغوت.....!! و بدلو السيرة عندكم غي حلا فلسانكم.....!!
جمعات صاكها و خرجات من كافي هي و نسيم مستغربين منها....! مخليين غا خلود تتخلص...!!
وصلات للدار طارت لبيتها....؛ حتى رضا غايب ديك اليلة و مزال مارجع.....شدات عليها الباب بدلات ونعسات ...مغمضة عينيها تتبلاني و تخمم مع راسها ....
_ علاش غيتزوج بيا....باش يخرج عليا....! ماعندو حتى سبب اخر كاين شي واحد يبغي يتزوج من وحدة كركباتو فالجبل مايمكنش.....( شدات راسها تتنهد ) كيفاش نتفك من هاد المصيبة.....
فتحات عينيها و جلسات شادة مخدتها شعرها مربوط طالع للسماء.....تتفكر...
_ و اذا كرهاتني مو خص حتى هو مايعاود يشوف جيهتي....خص عيشة الكتامية ملي تشوفني تكحل بالعمى و تقوليه ها السخط و ها الرضى اذا عاودتي دورتي بيها... هو غيخاف من السخط و يقلب عليا ...غنبدا بيها هي باش يطير هو ...!!
غيرك ما يحلالي الجزء الخامس
محتوى القصة
حلا قلبات عينيها يمين شمال ...و غمزات لمهدي يتكلف...كتمتم بين سنانها...
_ صبحنا على الشارفة و مسينا بولدها ....
طار مهدي لعندو و ابتسم....
_ مرحبا ...
الصمدي شاف فمهدي شوفة خلعاتو : فين مول شي ؟
تجرأت حلا و قربات لعندو تتلف الشوفة منو و عينيها تيغليو ...
_ .مرحبا بيك...جلس....
الصمدي مشطها بعينيه...تكى بيديه على الزاجة ورد
_ ثمن الذهب عندكم شحال سنيورا ؟
حلا شافت مهدي خارج خنزرات فيه حتى تكمش بلاصتو و دارت شافت فالصمدي هازة نيفها للسماء...
_ للبيع و لا للشراء ؟
الصمدي (سلبوه عينيها ) : البيع !
حلا ( تزيرات ) : عطينيى نشوف ! نوزنها....
الصمدي نزل الخاتم فوق الزاجة حداه...! وهز عينيه فيها...
_ خاتم بغيت نبيعو ...
حلا كدور عينيها يمين شمال تتقلب على مهرب....! زعمات و مدات يديها هزاات الخاتم و عينيه على صبعانها....بيضين و مصاوبين...!! محاصرها بعينيه و غادي معاها فطريقها....! تتصرف عادي حتى هو يتصرف عادي يشوفها غين غتوصل....!
وزنات شحال فيه و هزات حاحبها تترد معفرة....
_ فيه ثلاث غرام ...ماثقيلش خفيف ماوازن والو ...
الصمدي عض فكو من الداخل و رد بصوت مبيبح
_ الثمن اسنيوريتا ؟
حلا عينيها غي كيدورو و عقلها خدام ...
_ الف و مية درهم....
الصمدي بشبح ابتسامة متوعدة : شحال للغرام ؟
حلا شافت فيه بنص عين : 370 درهم للغرام ...و الخاتم فيه ثلاثة غرام و شي حاجة قليلة .....
الصمدي هاز حاحبو : 370 درهم !! الذهب طاح !
حلا جاو عينبها فعينيه ..: الذهب كيهبط و يطلع ....
الصمدي شاف فالموديلات المحطوطين حداه ..و نطق مثقل مبرد مع راسو و راسو عامر عليها .: هذا شحال فيه من غرام...
حلا : ستة غرام....
الصمدي محاصىها بعينبه : يعني 2220 درهم
حلا تتقلب عينيها هازة حجبانها : لا هذاك ماشي ثمنو ...
الصمدي كيتبوهل عليها : علاش !! ستة غرام و للغرام 370 درهم قلتي ! هكا قلتي نو !!
حلا تتهرب عينيها منو متوقعة منو كلشي : لا ...للبيع 370 درهم اما الشراء 450 درهم.....و لي ماعندو فلوس الذهب بلا مايقرب ليه.....
الصمدي ضرب بيديه على الزاجة ميل عنقو ...و عينيه كلاوها....
_ و علاش البيع بثمن و الشراء بثمن....
حلا هزات حاحبها : وخا تشري خاتم دابا و تمشي للدار و تجي تبغي تبيعو غنخسبو ليك بثمن البيع حيت قميتو طاحت ولو عاد شريتيه....
الصمدي حك ودنيه مثقل : اااه ...فهمنا
حلا هزاتو تتشوف فيه مضيقة عبنبها ...فين ماتهز عينيها فيه تتلقاه تيشوف فيها...تتخنزر فيه و تهبطهم....!
حتى علات حاجبها و نطقات ...
_ عندك الغيسي ديالو....
الصمدي كيعض فكو : لا ...
حطاتو هازة نيفها : مانقدرش نشريه ....متنبغيوش نطيحو راسنا فمشاكل...بكون مسروق ولا ضايع لشي حد ؟
الصمدي هز حاجبو فيها مبرد : انا سرقتو زعما !
حلا قلبات عينبها منو باغية غي تفك منو : جيب الطابع و نشريه منك ....
الصمدي : بغيت خاتم على ذوقك ...
حلا حنات رموشها بحركة تتسلب و الاخضر الملكي عليها زادها جمالية ...تتشوف فيه كي الذيبة و نظرتو ليها كي الثعلب.....!
_ و القياس ؟
الصمدي : القياس قياسك !!
مهدي فتح العين و طول ودنييه و على كلام حلا عساس و حاضي...!
حلا لي ظلات ثابتة عويناتها عليه تزيرات وتعصرات...راسها تقلب عليها و ريحة الزواج شماتها...و الخلعة منو بداتها و كملات على لي بيها ..!لكن فضلات دير هبل و ساير تربح....!
كمشاتو دوك الحجبان و دارت لي طلب ...! هزات أغلى واحد ثقييل ووازن نييت و تيحمق من الشوفة....! وزناتو و عطاتو الثمن...؛
كانت مستنياه يتصدم...كان العكس...! خلص كاش....و حطات ليه البواطة قدامو و المهدي عينبه كيخرجو القلوبة....!
_مهدي : الخطيبة غتفرح بيه و يعجبها....سيكورو ...!!
الصمدي حرك راسو بتمهل و خشى يديه فجيبو و هز عينيه كيدور فالمحل....و يشوف ليزاغتيكل وحدة بوحدة....! و غي يدور فحلا كتحمع عينيها و تكمش فمها تتمتم لينها و بين راسها ....حتى نطق
_ فايت لاقاتنا الطريق شي مرة من غير طريق داركم ؟
حلا ( الريق بلعاتو بصعوبة و عقلها تيقلب على حيلة ) : ...نتا الكليون بيناتنا بيع و شرا ...هادشي خلييه برا ....
الصمدي (دار شبح ابتسامة و رد ): وخا نخليواه برا سنيوريتا....پيردونا...
صونا تليفونو....شافتو حلا خارج تبعاتو بالعين حاسباه خارج غي يرد على الاتصال ....لكن وقع العكس خرج ماعاود رجع و لا طل و خاتم الرشام بقى عند مولاتو.....!
مهدي كي النحلة فوق راسها....
_ مارجعش...اختي حلا شنو المعمول ؟
حلا رخات راسها على الكرسي تتسوط و تنفخ ....و تكمش عينيها بتفكير و تتهز رجليها بالزربة
_ ولد الحمارة باغي يدخلني فشي مشكل ...شميت ريحة ماعجباتنيش....هادشي ماعجبنيش...ماعجبنيش.....غنصوني لبابا هو يتكلف....! قالك القياس قياسي...انا ماعندي قياس...
مهدي : جيرانكم هو ولا كذبت ؟
حلا رموشها تيشطحو : مكنعرفوش عمرني دويت معاه و لا عرفتو حتى لدابا.....
معهدي: و علاش كيشوف فيك هكاك...
حلا ( قندشات ) : و نتااا مالك الشريف شد فمك و قرم...
صونات لعبد الله و جا لعندها خبراتو بلي كاين و ليوقع ...! ريح تيشرب فكاس اتاي بالنعناع ...
_ هذا ماكان...ساعة ندوز ليه ورى الصلاة و نشوف القضية كيفاش...!! عطيني امانتو نديها فيدي ....
حلا تتدور فعينيها : هذا ابابا كيقلب على من يتبوهل كاين شي حد تينسى الذهب و حاط فلوسو عليها....مارتاحيتش لهادشي....ماتبقاشي تطول معاه فالهدرة...و لا بلاش صوني عليه غي فالتليفون و علمو و راه هو غيتفكر و يرجع ورى رزقو ....هادشي فشكاال ابابا انا مارتاحيتش....
عبد الله بجدية : شنو لي فشكال الولد كنعرفو شفتو شحال من مرة و كنتلافاه فااصباح و انا خارح عارفنا حيران مانسرقو ليه رزقو ....
حلا تتلوي فديك العين د المش ...
_ ابابيتو راهم غراب ماعرفناهم شمن قرينة كحلة جاو و طاحو قدامنا ...يقدر يكون داخل فشي عصابة ...تمشي نتا تعطيه رزقو و يتعرضو ليك الشفارة ويكون هو لي مصردهم و ياخد الذهب و يجي يحيح علينا عطيوني ديالي و نصدقو فالمشاكل.....
عبد الله ضحك حتى عيى و طبطب على راسها...
_ هدور عندك هاذو ههههه لاحولاولاقوة الا باالله....واش مغتحيدش منك هاد سوء النية....
حلا ابتسمت و باست ليه يديه : الله يطولنا فعمرك ابابا...
عيد الله : الله يرضى عليك....اوا فين خليناها البارح...
حلا ناصت من حداه تتلف...: و بابا الخدمة بوحدها و داك الموضوع خصو بلاصة بوحدها ... بلا مانهدرو هنا على هادشي....!
بعد يومين...!!
تحضيرات لرمضان بانت فدار لالة عيشة الكتامية ...!! عريساتها كل وحدة فين سالتة و هاربة ...ها ليمشات عند ختها و هالي لصقات فراجلها يخرجها ..كل وحدة فين هربات و تلفات على الشقاء....!
تحلفات عليهم لالة عيشة و تغددات عليهم مزيااان...! وفبلاصتها جلسات مهدنة بعد ماجاب لبها الصمدي جوج نساء تيسيقو و يرتبو و يحمعو ويخملو و شغل الكوزبنة و الطياب حتى هو....!!!
هزات تليفونها تتشوف فالساعة...! تتسنى أم سليمان تجي باش يروحو عند لالة حميدة...!
سمعات صوت سليمان و عبد الصمد داخلين ..ريحات و طمرات و ولات تتشوف بحاحب مرفوع....ساكتة على تحرميات تتخبز ورى ولدها....
جلس حداها و فرش يديه ورى المخاد....تيشوف فمو شوفة ثقييلة
_ عيشششة....كيف الحال....
عيشة قصحات الشوفة : و نتينا مابغيتي دوز معانا رمضان و كيف غيكون الحال....
سليمان ضحك : سعيد و يحيى و سليم ماقنعوكش امراة عمي ؟
عيشة خنزرات فيه : ونتا علاش ماشي تخلي يماك بوحدا مافكرتي فيها.....
سليمان : انا مزال ماقلت غنمشي محال نقدر مانمشيش...يمة بوحدا....
عييشة برضى : و هيداك ظل مع يماك تربح رضاها ( شافت فالصمدي بنص عين ) خلي شي وحدين يديرو لي فراسوم و ينخلو كلام يماهم...و يتلاقاو مع الغدارة ..
سليمان شاف فالصمدي كيضحك : كلامك معقول تلقى الغدر من كلشي الا يماك ....
الصمدي تبسم و شاف فيها هاز حاجبو : و اذا غدراتك الوالدة غا حفر حفيرة و عطي راسك فيها...ياك الالة يمة ؟
عيشة ( تتسرق الشوفة فيه و تقلب عينيها ) : و مشي قضي شغلك مشيي انا مانشدكش على شغلك.....
جلس عبد الله كيتنهد
_ فين حلا مشات ؟
حميدة : خرجات مع الظهر ...العايلة باين هربانة مابغاتشي تجبدلا حس الزواج.....
عبد الله راس حرقو : كنا فثلاثة ولاو اربعة كيف جاك الراجل ؟ ردينا الامانة صدقنا فحس الزواج !!
حميدة : كيف غيجيني اعبد الله و هاهو عحبني و قلت عليه ولد واعر مخير ...حلا ماغراضاشي فالزواج......لا لول و لا ثاني و لا ثالث و لا رابع ...خصنا نعلقوها فباب الدار ماعندنا بنات للزواح ...كنتحاشم. مع الناس وصافي...و تسمع الهدرة ليكيقولو فبها....اعبد الله هدر مع بنتك.....
عبد الله : اهاد المراة شنو غنقول ....
حميدة : كبرتي اعبد الله و عييتي مابقيتي تقد على ولادك....حلا من مصلحة ديالا تزوج انا بغيتا مع راحل ديالا و بولادا....غتدخل لثلاثين و مامزوحاشي شنو غتمعل فحياتا.....بغيت نشوفا مرتاحة و مستقرة فدارها...وااه هادشي بزاااف.. .
عبد الله : صافي قلب علينا هاد الهدرة... انا خارج....!!
خرج عبد الله راسو عمر بالتفكير و التخمام....! مخلي حميدة فالدار تتفكر في مستقبل بنتها و تهز ليها الهم.....!!
سمعات الصوني فالباب...! و ماكانت غي لالة عيشة و أم سليمان....! ابتسمت حميدة ابتسامة معكرة و مشوشة....و رحبات بيهم بادبها و صوابها المعروف....بعد اخد و رد....!!
نطقاات لالة عيشة ...: فين واحد هالة ماببقيتشي نشوفا .....
حميدة ابتسمت : فتطوان اختي عيشة مشغولة اليوم ...
عيشة شافت فسعيدة تبادلو النظرات و دخلات عيشة فالموضوع ....
_ ماعندي مانخبع اختي حميدة و مانعرف نزوق عندي نيشان ..... العايلة ديالك هالة عجبات سعيدة و حمقاتا و ماكرهاتا عروسة للعزري ديالا....ياك مامخطوبة مامربوطة ؟عندا الغرض فالزواج ولا مابالاشي ؟
حميدة بقات غي تتشوف مافهمات والو : اختي بارك الله فيك ..و مرحبا بيك ولايني سمحلي مافهمت والو ....
عيشة غوبشات : شنو مافهمتيشي اختي حميدة ؟كلشي مفهوم ...
حميدة مستغربة : و اختي عيشة ماعرفت واش فخبارك ولكن الهدرة من ولدك تعطات ؟ و كيف دابا باغينها لولد عمو ؟ مافهمت والو ....
عيشة بحال لي رميتي عليها جمرة حامية حجبانها تسلقو جبهتها ...و الحروف تزيرو بين سنانها....
_ شكون ولدي ؟ عبد الصمد ؟
حميدة تحاشمات و ترونان ماعجبها الموقف و هاد الروينة ...
_ ايه قالها لي الراجل البارح دوا معاه ولدك و قال طامع فالحلال مع بنتي حلا ....و دازت مع عبد الله حلسة طوييلة وهوما كيهدرو فالقهوة ...
عيشة بحال الى تقطع لسانها عينيها حمرة وكيخلعو ملامح وجها تخسرو ...بقات غي سعيدة تتجمع و تلف ...
_ و سبحان الله...سبحان الله....
حميدة حشمات بلاصتهم....
_ و نعم بالله اختي سعيدة ...كتوقع عادي حنا غي فالدنيا و لي مايجي لبالك يوقع .....
عيشة السم تيقطر من نيفها ...دوات غي بزز ..
_ كاااينة.....كااينة.....
حميدة بحال جالسة على الشوك...حشمات بلاصتهم و ترونات و الجلسة مابقات مرتاحة ليها غا تتبسم و دوز المركة بكويس اتاي مشحر...!
عيشة صوتها تقطع ..تتغلي من الداخل و رموشها كحليين كيفرفرو ....
و كملات ملي جات حلا تتطقطق داك الطالون ...!
_ مااميتا....
حميدة ( تتدوي من الصالة ) : انا هنا احلا معانا الضياف اجيي....
سمعات الضياف ....رسمات تبسيمة حلوانية و دخلات تتفرنس...غا شافت عيشة عوجات فمها
_ السلام عليكم.....
عيشة ( الصمت عينيها تيحرقو )
ام سليمان ( حمقاتها حلا ) : و عليكم السلام ابنتي ...
حلا دخلات تتسلم و تطلق لسانها عليهم ...باغية تصالح مع عيشة ...
_ الدار منورة بيكم...كون عيطتيلي اماما قبل كون جييت ...مايمكنش نعرف خالتي عيشة هنايا ونسبق الخدمة عليها ....
عيشة ( تتشوف فيها شوفات مسمومة ) : كيف كيف ....حتى يماك ماخلاتشي من جهدا ....
حلا جلسات حدا عيشة تتفرنس و تسبل رموشها طالقة عليها زينها و لسانها....
_ كان خصني ندوز لعندك نطل عليك ...ساعة اخالتي والو مزال مخلوعة نعتب رجلي عندكم من داك النهار ...مزال فيا الرعدة....
حميدة بحرج : و صافي احلا غا تخايلتي يمكن ...
حلا تتفرنس : اييه يمكن سبحان اااه....قولي اخالتي عيشة ياكما هزيتي فقلبي مني داك الصباح....ولاهيلا بقيتي فبالي و مرضت علاش قلت ليك هكاك ...بقات فيا و مابغات الصحكة دوز ليا ....كنت صابحة معصبة و ماليا كانة.....
عيشة مغوبشة تتلوي فمها : شمن صباح ؟ ماعقلتشاااي .....
حميدة ( بعدم فهم ) : حلا شنو وقع ...
حلا ناضت واقفة تتلف : وااالو....نكب لخالتي عيشة أتاي.....
عيشة برفض : لا انا غنمشي صافي هذا الجهد...
حلا ( شافت فأم سليمان ) و نتينا اخالتي نزيدك.....
ام يليمان تتحسر عليها : لا ابنتي الله يكثر خيركم....نمشييو دابا صافي مشى الحال....
حلا : اوا لواه جلسو موال عاد جيت مادوينا والو ....خالتي عيشة شحال مادزتي لعندي للمحل ماكاين لي يعرف قيمة الذهب غيرك نتي....مانعاودلكشي واحد الهمزة دايرينها مع هاد العواشر ...ضروري تجي لعندي ....
عيشة من فوق قلبها : ييه يييه ان شاء الله.....
ناضو غاديبن بحالهم....!و حلا مادبة معاهم و عطاتهم حقهم و الصواب و الزين تيقطر منها...خلات عيشة تلوي فمها منفخة...عجبها الحال ملي طلبات متها السماحة....! اما سعيدة ام سليمان تتشوف فيها و تحسر ....!!
مشاو بحالهم...! و غي عتبو باب برا....طاحت حلا فوق الكنابي تتسوط مغوبشة ...
_ شنو بغات ديك الكتامية ؟علاش جات.....
حميدة تتلف : جاو زيارة وااه علاش غيجييو ......
دخلتت عيشة للدار تتسوط و تنفخ...! طالعة فالدروح تتزرب ...طيارة فالدروج مزال شادة فراسها و قافزة و مطورة ...الجلابة الرفيع لابساها و الذهب مغطيها يديها و حواجبها تسلقو جبهتها....النار تتخرج من عينيها.....تتعيط للخدامة....
_ سلوى ...سلوووى....
سلوى تلاقاتها فالدروح ...
_ نعام اخالتي....
عيشة تتغلي : فاين هو عبد الصمد..؟
سلوى تتشوف فيها بغرابة مامولفاش معاها...
_ مارجعش للدار اليوم....
ام سليمان تتهدن : و اختي عيشة نعل الشيطان و جلس و ريح ....صافي فيها خير....
عيشة تتغوت و بلالط عينيها المدورين بالكحل خارجين تيخلعو ...
_ لاااا للااا مامريحااش انا....العايل ديالي بغا نسخط عليه...العزري ديالي اسعيدة خصو نسخط عليه... دايما كيعملي ايمة من هنا دازو....قولبني...قولبنيبي.....فاين نعدل وجهي مع الناس......
أم سليمان : و عبد الصمد هيدا عامل شنو غديرلو ليفيه طبيعة عمرو يبيعا....و صافي هو عجباتو العايلة و مشى دوا فيها مع باها......
عيشة عينيها تيخلعو ماتسرطاتش ليها : خرج عليا ..خرج عليا ...ماظنيتا فيييه ....انا يماه يقولبني....قولبني ...انا ساخطة عليه. صافي كحل قلبي عليه.......
أم سليمان شهقات بفوع : بزق من دقمك ...داك العايل دايما ساخطة عليه و مكيدير والو ...شنو دار ؟ شنو فيها ...بغاهاو عحباتو و مشى لباها...واش حسابليك غي اجي و سخط...نعل الشيطان اعيشة و ريح مع مخك ....
جلساتها سعيدة بزز ...! تتطبخ ليها حدا راسها و عيشة تتغلي...مزيرة على دك الفم ...! و حواجبها تلاقاو ...تيتحركو غا بوحدمهم معصبة ...تتنفخ و تسوط....و تغزز فسنانها و على الصمدي محلفة......!!
داز العشية كحلة على عيشة...! ...عريساتها كل واحدة فين غابرة و الدار علبها خاوية....! حتى قرباات العشاء و دخل الصمدي راسو قرب يضرب فالباب الطولة ليفيه تتجيب الاستغراب و الدهشة.....كثر من الاعجاب....!!
شافتو عيشة ناضت ليه كي الجروة المصعورة....
_ ياك انا يماك تقولبني...تمشي تخطب العايلة و انا مافخباريشي....ياك انا يماك ...سمحت ليك مرة لول و ثانية و الثالثة قلت انا خصني نزوجك كي بغيت...مشيتي لعند هاذيك ...ياك قلت صافي مابقيتشي بغيت ديك للعايلة....عملتي فراسك.....
الصمدي دخل للكوزينة مبرد تيميل بدوك الكتاف وعيشة وراه تتغوت ...!!
_ معاااك المسخوط معااك...كيفك كيف باك....خرجتو عليا....انا جروة انا ...ياك انا ولدتك و كبرتك و نتيتا العزري الكبير ديالي نتينا المرضي ديالي العزيز عليا....غملتي فراسك و خسرتيلي خاطري...ياك المسخووط....
الصمدي فتح الثلاجة خدا تفاحة تيعض فيها...
_ عيشة بخيير ....
عيشة بغضب : سير انا ساخطة عليك مانتا ولدي ومانا يماك ...هدرة يماك زايدة ناقصة وخااااا ....
دار شبح ابتسامة و جبد مفاتيح سيارة و رفعها قدام وججها تتمشيو ويجيو .
_ عيشة ماعندكش غرض فشي كاطكاك....
عيشة عضبها بدا يهدا ...تتدور دوك البلالط و حجابنها بدا. يتفكو...
_ كاطكاط ليلي ؟
الصمدي بلل شفايفو ضاحك على ردة فعلها
_ اذا حبات لالة يمة....
عيشة هدات و غضبها تطفى ...عينيها حوالو ...
_ نسيت كيف كيسوݣو ولايني نعاود نتفكر ....اري اري دوك المفاتح ....
الصمدي عطاهم ليها داير شبه ابتسامة ..
_ تطفيتي ! نشعل انا ؟ بغيتي تقولبيني اعيشة .....
عيشة ( عقلها ولاو مع الطنوبيل تتفرنس و عجبها الحال...) : و يانا ديك العايلة ماعجباتنيشي اصمدي ...عملي خاطري و حيدا من عقلك ....
الصمدي عطاها بالظهر تيخربق فتليفوتو مغوبش ..
_ ولات ساكنة فعقلي بالماء و الظوء ايمة....خلينا موقرين و بلاش دوك الفعايل .....غنوصي كريم يولفك السوݣان على مانرجع ..ندير لك الشيفور.....
عيشة مزيرة على فمها بردات...
_ علاش باش مزوقة عليا لالهم سعدية ...دارت بيرمي غنديرو حتى انا ....
الصمدي هز راسو مسايرها حتى سكتات و مشات شافتها واقفة حدا الباب ...ضيقات عينبها فيها و غوبشااات...
_ هاد الحديد ماشي جديد كتقولبني اعبد الصمد ؟
الصمدي حك حاجبو تيتلفها ...
_ جديدة الالة يمة من الدار حتى لعندك ....
عيشة قرمات مكمشة عينيها...و الفرحة فيها تتخلي راسها يسخن....! نسات حلا و نسات غضبها من الصمدي ...! كي كل مرة كيدير ليها ...كيعصبها حتى كتبغي تحرقو و بلان واحد كينسيها غضبها....!
صبح الصباح...! فتحات عينيها على النبوري ..! هزات تليفونها غا وصل اشعار اليوم عيد ميلادها ...غوبشات و رمات التليفون حجبانها تيطلو على السماء....
_ 27 سنة الكلبة و مزال لا دار لا طنوبيل .....
رمات من عليها الغطاء و ناضت تتلبس عليها ! ماليها كانة...فشلانة و غي تتفكر. دارت 27 سنة و مزال مادارت والو في حياتها تتزيد تأزم ...!
صبحات على مها و ختها ...كانو كيهدرو غا شاوفها سكتو و قرمو...!
_ صبحاتو لله ..كنعلمكم معصبة حد مايدوي معايا باش مانغلط في حد....
خلود تتدهن بان كيك بالنوتيلا و تفرنس ..
_ ذكرى ميلاد سعيدة افليفلة ....درتي27 سنة و العقل مزال ....
حلا مغوبشة : هاد العام مامحسوبش غنحيدو ..عندي غا 26 .....
خلود تتضحك : حلا تأزمات....
حلا زامة شفايفها : اذا وصلت لثلاثين و باقي لا دار لا طنوبيل غننتاحر.....
حميدو بصيق : و الزواج ماعليه هدرة و لا شنو ؟
حلا هزات صاكها و تمات خارجة...
_ هانتو تتطلعو ليا قنديشة ....ماكاين شي حد يتفكرني هاد النهار و يحط ليا شي كادو مفركع...و لا فيكم غا الهدرة........
خلود معلية حاجبها : نديرو ليك الالة حفلة تنكرية كي ديك المرة غا ضحك و فرنس .....
خرجات حلا من الدار ...مطلعة نظاظرها و حاجبها .....فتحات الباب خارجة و ماجاو عينيها غا على عيشة راكبة فداك الكاطكاط واحلة مع كريم المعصر معاها...فايق على الصباح على قبلها....!
_ خالتي عيشة ريح بلاصتي انا نوريك ...
عيشة ضرباتو بصاكها للراس..
_ الكاطكاط ديالي انا نعرف نسوگا شد دقمك صدعتيني ....
كمشات حلا عينيها و زمات شفايفها حابسة اابكية مفقوصة....
_ الشارفة باقيلا شبر للقبر كتسوك كاطكاط ....و تفقص نتينا احلا تفقص.....!
لوات فمها و كملات طريقها مغوبشة ..تقيسها تنفاجر فيك...! كملات شغلها غا بزز و رحعات بحالها مامعاها هدرة و لا ضحك....!
بدلات عايها و تمات خارجة.....! طلعات الفوق غا قشعات بيت باها و مها مردود علات حاجب...شمات الموضوع فيه نقاش جدي ...!
قربات تتصنت و تدور عينبها....! و تمنى مايكونش تيدويو عليا...لكن فعلا كانت الهدرة عليها.....!!
عوجات الوقفة و علات حاجب و دنيها مطلوقيين....!
حميدة : عبد الله كنا فاربعة ولاو فستة ...غنتزوج ديك البنت قبل مايتعكسلا كلشي ....عيبب علينا كل مرة رادين واحد و كل مرة كنقولو البنت مابغاشي تزوج...شفتي بنت خاي فاطمة الزهراء كانت كثر من حلا ثلاثةةخطاب فالنهار و هاهي محمقة على اازواج و حتى واحد مادق بابها.....
عبد الله تنهد : و تنا بغيت نزوجها و نرتاح ...ولايني حلا نتيا تعرفيها....
حميدة : حمر فيها اعبد الله....قصح مغاها هي كتحشم منك و تسمع كلامك....قولا واحد فيهم لي غتختار....ماكاينشي لا و لا ماباغاشي.....
عبد الله : غنهدر معاها هاد العشية و ان شاء الله يكون خير ...هاد المرة لابد تختار واحد فيهم و توكل على الله...هادشي لي كدير فيه مايبغيه حد....
حميدة : و عنداك تخربقلك مخك بالتلحليح ديالا....عندك اعبد الله ... لسانك غتقلبو ليك لصالحها ...بنتي و كنعرفا......!
حلا العين توسعلت و الفم تحمع و تكمش....!
تكركبات بحالها لبيتها و شدات عليها ...تتمشي و تجي معلية حاجبها....
_ يعني الزواج مامنو هروب....!
تركنات فوق ناموسيتها تتفكر ...! سمعات باها جاي و تصاوبات فالجلسة موجدة راسها للهدرة....!
دخل لعندها و جلس حداها...
_ هربتي و تلفتي و دابا غنهدرو ابنتي حلا.....
حلا تتمسكن...
_ ليبغيتي ابابا.....
عبد الله....: تبارك الله كثر الخير ...ولاد الناس فيك طامعين الحلال ....بنت وحدة بقيتيلي و مابغيتشي نزوجك صغيرة شحال جاو و مابغيت ...غا نسيم و زوجات وهي بنت عشرين و شحال بكيت عليها....مابغيتا تزوج فداك العمر ولايني هي بغاتو ....! ولكن نتي احلا قولي ابنتي واش ماباغياشي تزوج ؟غا هدر و جاوب بلا ماتحشم....
حلا تتشوف فيه من التحت التحت ...
_ و بابا راه ماكنرتاح لحتى واحد ....ماشي لخاطري...و يانا عندي شروط فعقلي خصني يكونو فهاد الراجل لغنتزوج بيه ....
خلود و حميدة ورى الباب كيتصنتو ..و يتهامسو ...
_ خلود : غرام د الحشمة ماعنداشي ياويلي.....
حميدة تتنهد : الله يهديها....
عبد الله باهتمام : و تبارك الله شلا رجال بغاوك للزواح ...و راه مايمكنشي مايكونش واحد فيهم نصيبك و ترتاح ليه ....( كمل بجدية و نبرة صارمة ) و ان شاء الله واحد من هاد الرجال غتزوج بيه.....
حلا كمشات حاحبها : شكون هاذو ؟
عبد الله : الفيقه عيسى ...
حلا عقدات حجبانها ساخطة : اويييلي ...من نيتو هذااك المنافق ...والله لاخديتو ...النفاق كيمشي على رجلو ...قلتلكم الفقيه ديرو بكلامو و ماديرو بافعالو....
عبد الله : وخا الفقيه لا ...كاين هشام كليان ديالنا كيعرفك و يعرفني و حتى ولد عمك و صاحب رضا ....
حلا عقلها خدام و حاجبها مطلع للسماء ماعجبها حد فيهم....
_ داك هشام مابغيتوشي..كان مصاحب مع صحبتي ابابا...و يانا ماشي حمارة ولا بنت الحرام نشوف فيه ...و العائلة مغنتزوجشي بيها...و صاحب رضا نفس كراكتير د رضا بغيتوه يقتلني و لا نقتلو ...؟ حتى واحد فيهم مارتاحيت ليه....
عبد الله باقتناع : ولد ساكن في فرنسا حتى هو بغى معاك الحلال ! و سي عبد الصمد ولد الجيران الجداد.....
غا جبد سميتو تكوانسات و السخانة طلعات معاها...فتحات عينيها وووسعاتهم و ودنيها تشوطو...
شافها عبد الله و ابتسم...
_ هاذو مكتعرفيهش ماعندك عليهم عيب حتى انا نسول عليهم مزيان و نشوفهم واش ولاد الناس و معاهم الحلال .....غا هو ولد الجيران تكون كتعرفو ...قالو اصلهم من الكتامة هو كبر فسبتة و خدم فسبانيا مع شي نصراني ....و كبر المشاريع ديالو ...و جمع ورث باه.....و لايني مزال نسول عليه مزيان .....
حلا تتفتف و ترمش تزيرات طلعات معاها التزنكية ماشي الحشمة ولايني الحصلة. ...
_ ابابا...بابا....سمعني سمعني....دابا هو ...كيف....
عبد الله ضحك على ملامحها : بسم الله عليك ابنتي ...برد راسك برد...وحهك مشوطة...
حلا كمشات عينبها حاصلة ....تتقلب على مهرب
_ ابابا ...سمعني نقولك. ..يانا الراجل اذا ماكانشي حافظ ستين حزب كاملة والله لا تزوحت بيه...خصني راجل يكوم حافظ ستين حزب كاملة صافي قررت....حيت اذا كان تيحفظ القران و قاري كلام الله غيتاقي فيا الله....و يحتارمني...! من غير الفقيه هذا شطبت عليه......
خلود و حميدة غا سمعوها اش قالت تصدمو و شافو فبعضهم تيرمشو...
خلود بهمس : بركاتك ياشيخة ...
حميدة جلسات شادة راسها...
_ و الله يهديها و يعطيها العقل...حالفة حتى تخرجو لينا حنا هاد العقل...و عبد الله كدير راسو فيها و يفشسها.....
اما عبد الله ...غا سمع شرطها ضحك و هز راسو....
_ و هنا ابنتي هدا عليا.....طالبة راجل حافظ ستين حزب و نتي ماحافظة حتى حزب ؟ هادشي عادل عندك ؟
حلا تتدور عينيها باغية غي تفك ...
_ و مالها شنو فيها ؟ انا هذا هو شرطي ...تكون عيني قابلاه وحافظ كتاب الله.....و اذا ماكانشي انا مامزوجاشي و هانا ماشي طلب السيد عندو الملايين بغيتو حافظ كتاب الله ماقلت عيبب.....
عبد تنهد :لاحولا ولاقوة الا بالله ....باغية تعجزنا بهاد ااشرط زعما ؟ وخا نشوفو هاد الراجل لي حافظ ستين حزب فعاد الوقت و ماشي غقيه....الله يهديك و صافي ...عيب كل مرة ترد الخطاب وولاد الحلال احلا عييب كنقولا و نعودا ..عيب غتاخد الذنوب ....
حلا تتشوق غي من التحت التحت كي اللفعة...
_ ماشي عيب ...انا مكنتفلا على حد ! و اازواج حصو يكون عن قبول ...
خرج عبد الله تيهز و راسو و يتنهد....جلس فبيتو و دخلات لعندو حميدة تتمط شفايفها...
_ قلت ليك هاذ اللحلاحة غتلوي ليك اللسان.....
عبد الله : نوض جبلي دوك الوراق غنطلع لطنجة حتى ورى رمضان و نشوفو هاد الحريرة و نرد على الناس....
حميدة شادة راسها و ضحكة الفقصة غالبها..
_ هاويلي يسمعو الناس ..اش شرطات حتى يشدوها عليها هدرة....البنت مكتشوف فالقرآن غي من رمضان لرمضان و ماحافظة حتى حزب طالبة راحل حافظ ستين حزب كاملة....! غا لييحنتها شي حد و يطلع حافظ ستين حزب و شوف عاود شنو غتشرط....عندي الاميرة انا....كتعيب و تعلب بولاد الناس كي حبااات.....لاحولا ولاقوة الا بالله .....
عبد الله تيخمم : عجبني ولد الجيران...عبد الصمد بانلي فيه ولد معقول....
حميدة علات حاجب : ولايني اعبد الله حنا مكنعرفوهمش مزيان عاد جيران جداد و زيد اصلهم من كتامة يعني ريحة الحشيش منهم فايحة.....
عبد الله : اوا احميدة كل ارض و شنو تتعطي إذا كانت ارضهم عطاتهم الكيف ..؟ و زيد على ذلك شفتيهم بعينيك ؟! الراجل ورث من باه هو و خوتو و دخل شركة مع شي نصراني عندو مشاريع ديالو .....
حميدة تنهدات : ماشفت بعيني والو ....و العلم لله....داك الولد تلاقيتو مرة وحدة مصواب و مأدب.....
غا خرح عبد الله من البيت عندها...! طلعات فوق ناموسية مربعة رجلييها معلية حاجبها للسماءو رموشها كيفرفرو كي الفرفارة....تتبلاني و تفكر و تخمم....و حواجبها تيطلعو و يهبطو ...الفشلة شداتها ملي سمعات طلب الزواج ديالو ....
_ شنو هاد الكارثة طحتي فيها احلا.... عوال عليك ماشي معشوف فيك....جا ياخد قياسك و شميتي ريحة كان خصني نتيق فاحساسي ....حالف حتى يخرج عليا....
زمات فمها و عينيها كيدورو كي الذبيبة....
_ شعندو مايدير....لو كان قاد عليا كون قتلني ملي تلاقينا....و لدابا مادار والو يعني مافجهدو والو ..خصو حتى يتزوج بيا باش يقد عليا و داك الزواج وخا نبقى غي اانا و ياه....ويانا نحلف داك راس البطيخة لا تزوجت بيه...!
سمعاا ت دقان فالباب و خلود تتغوت من برا...
_ حلا نوض مرات خالي و فاطمة الزهراء جاو ...انا خارجة...
حلا غا سمعات فاطمة الزهراء...طلعات حاجبها و خرجات من بيتها كدور بكسوة الدار مقزبة ...!!
بشرتها بيضة كي الحليب و صدرها مهزوز تيبان من تحت الكسوة ....! و سنسلة ذهب ابيض تتبري فعنقها .... سلمات عليهم و جلسات معاهم فالصالون ...جميدة غي شافت خلا طلقات سىاح لسانها...
_ ايييه على ستين حزب ...هاذي ماركة ليتطلب راحل حافظ ستين حزب .....
مراة الخال تتضحك : و طلب معقول شنو مالو ؟
فاطمة الزهراء بنت خال حلا....تتشوف فحلا و تعوج ...شعرها طويييل و كحل تيوصل لتحت مؤخرتها و صدرها تيبان كبيير من تحت الشوميز لي لابساها...دايرة رجل على رجل تترمش ...
_ حلاولاو سمعت خطبك شي فقيه....
حلا عوحات فمها هي و فاطنة الزهراء مكيتحاملوش .....
_ حتى يانا سمعت هكا اختي ....
مراة الخال تتلف خايفة يبادوها مدابزة ...
_ زيانيتي يابنتي كتفتن ...جاك الشعر هيدا فن فن ....
حميدة : والله اختي حرت معاها عذباتني عذباتني ....كثر من خمسة خطبوها غي هاد السيمانة و خرجات ليك شرط من الجنب.....منين كيطيحو عليها هاد الفهامات منعرف....خرحات عليا بالتشراط....
حلا تتعوج و تفرش زينها مكتبغيش تدخل هدرة مها لعقلها و تتقلبها تعواج و طنز ...حسن ماتقلبها اعصاب ....
_ اوا علاش مانطلبشي راجل حافظ كلام الله....كل واحد و شنو كيشرط..و يانا بنت الخير زعما ...مابغيت راجل عندو زبابل الفلوس وماشي طماعة....بغيتو مقبول فعيني و لكلام الله خافظ....باش يحافظ على هاد الزين لي غياخد ...( تتلعب بشعرها و ترمش و تلوي عنقها كي المشة ) مزهار هاد الراجل ليغيتزوج بيا....سعداتو حسدتو عليا.....
حميدة و مرات خالها ضحكو على كلامها تيهزو فريوسهم...
مراة الخال : و علاش كذبتي سعداتو بيك ..اللسان حلو يالعفرتية والله داكشي لييصلاح للرحال عينيه يبغي يحطهم ليه و كيدوخو دغيا بحلاوة اللسان...و التلحيح....وخا يكون هاذ الرجل حجر....
حلا : امرات خالتي غي كيعيجبي نضحك و صافي ...يانا ماعينيشي فالزواج دابا.....
فاطمة الزهراء هازة نيفها للسماء ..:.....اه سمعناك كتقرا اللغات فين وصلتي ؟
حلا دارت رحل على رجل تتضحك ضحكة مسمومة ...
_ وي بصح كنقرا اللغات ياختي انا خدامة مع بابا و كيجيو النصارا ضروري خصني اللغة ...!!و نتينا باقي مافتحي الصالون ديالك ؟ ..
فاطمة الزهراء كمشات فمها مغوبشة ..
_مزال ...
حلا : بصح كملتي نتينا دابا كملتي 29 ياك ؟
فاطمة الزهراء : لا اختي 28 سنة ...
حلا تتفرنس تقول هاد البنت البرائة و النية الصافية : كي 28 كي 29 المهم الصحة و السلامة ...
حميدة تتغمز حلا تسكت و مابغات تسكت ليها...عارفة اخر هاد الهظرة غتقلب معااركة بينها و بين فاطمة الزهراء....حيت كيعرفهم اكثر جوج لفعات معروفين فالعائلة....! فاتي محسادة و مغيارة و كلامها سم من دايما تتحكر على حلا و تتبدا الهجوم بالكلام....حتى حلا تتعطيها علاياش قدات و ماتخلي من جهدها ...
مراة الخال : قولي احميدة شكون هاد الناس لخطبو فحلا كنعرفهم انا ؟
حلا ناضت تتبسم الصواب تعطيه قتلة : نكب ليك امراة خالي اتاي ...
مراة الخال : وخا كبي الله يرضى عليك......
حميدة : قلت ليك اختي جاوها كثر من خمسة ...واحد كليان شافا حمقاتو و عيا يهدر مع باها ...و الفقيه عيسى و صاحبو درضا و ولد عمها نيت و واحد من فرنسا ...و واحد نيت جيران الجداد ساكنين فهاد العمارة قدامنا....اصلهم من كتامة
مراة للخال : و هانتينا ياختي قدامك و حدا عينيك حسن ....
حلا غا تيجبدو سيرة تتكوانسا و تزنك حاصلة تتخاف غي يفرشها ...
_ لااااا امراة خالي اويلي لا ....مالي نسكن مع العحوزة !!..
حميدة : و دابا مابقاتشي هنا...بقات فديك الشرط دلالة مولاتي...صدماتني انا بعدا قالك ستين حزب .....
حلا هزات كاس اتاي تتشرب و دور عبنبها من تحت القصة متحملة غا بزز ... الحق يتقال زينها قتااال انيقة ملي تتخرج و فالدار اميرة ...
مراة الخال ضحكات و نطقات بعفوية....
_ و ياك قلتي ولد الكتامة كون راه ختم القرآن وهو صغير ...ولاد دوك المناطق بزز منهم يحفظو القرآن وخا قبل مايدخلو المدرسة ...شكون عرف يكون حافظو و يحنت لينا لالة حلا...
الهدرة لي ضربات حلا للراس خلات رموشها يطيرو .. و وحلات ليها مع الشهقة الخافتة لي دارت ... طاحت ليهم مخرجة عينيها تتسعل تتجيييف ولات حمراء روحها بغات تخرج ...
نقزات حميدة مفزوعة تتضرب ليها ضهرها ...
_ خير ...خير ....الماء افاطمة الزهراء للماااء.....
الشميسة كانت حاارة ...! و ااسماء زرقاء صافية....!!
طلعات حلا تتعجز فالدروج هازة هازة السقاية و حميدة التحت تتنكر ...
_ لبس عليك ياهاد المتلوفة ...يشوفك رضا يخرج بلالط يماك تما.....
حلا وقفات فراس الدروح تترد ...
_ ماتبقاشي اماما تجبدل ليا حس ولدك ....راه انا مكنخافش منو.....
حميدة : سقي الورد و عاوط ديك الجلسة تما مزيان ...عبد الله و راجل ختك غيجيو يطلعو لتما ملي تغيب الشمس ....و هبط طلع النشير نشر ...يلاه طلق يديك دغيا ....
لوات فمها و كملات طريقها ...!...و تحنات جالسة على طابي فالرمادي دايرين تما طيراس مغطي من الفوق و مهوي ...و الورد و المحابق زايد ين جمالية للمكان....! ثانية رجلييها البيضين كي قوالب السكر ...لابسة غا كسيوة حد الركبة نص كم عنقها واسع و شعرها مجموع بمقبض تيطيح زغيات على وجهها الدائرية و عويناتها مجبديين مزنكة بالشميسة....!
تتسقي الورد و الزرع حاضية لا تخسر الشغل و تخسر ليها حميدة كمارتها....!! واخدة وقتها تتفكر و تخمم غي مع راسها....
_ دوك الماركة كيكون راسهم قاصح مكيشدو حتى حاجة فراسهم....محال يكوم حافظ حتى حزب باقي ليه غا ستين حزب.....الفاتحة ومحال يكون حافظها .....و يانا اذا دارو راسهم فيا غنخرج على يماهم واحد بواحد....يعطيوني التيساغ نعطيهم التيساع....باغية غي نعيش فشي قرينة مايعرفني فيها حد .....مايجبدني حد.....غا لي يصربها بشي تزوجية بشي نصراني سبانيولي نغبر كمارتي نوضل لتما نكركب يناه و نعيش خياتي هانية......غا لي يديرها بصح و ديك ساعة مايحكم فيت لا رضا و لا بوركابي.....
لالة عيشة واقفة ليها فالسطيحة على كريسي ديالها المعروف...تتطل و تكمش عينيها حاضية حلا.....! و عباد الله داكشي لي مقابلة....
كمشات حواجبها و علات صوتها....
_ العايلة هيي....معاك معاك.....هالة ....
حلا سمعات صوت عيشة كمشات حواجبها و تجاهلاتها....ماعندها كانة ليها....كملات شغلها تتسقي وتنقي البلاصة ....! و عيشة نفخات ماعجبها حال....هبطات من السطح تتلوي طرافها....مغوبشة ...تلاقات بمراة ولدها صفاء و خنزرات فيها....
_ نبقى نشوفك شاعلة الظاو فالليالي غنشد الرتاحة ....الضيوووغ لااااا ...
صفاء ضحكة صفراء : وخا اخالتي مايكون غي خاطرك ....
عيشة : فاينو عبد الصمد جا ؟
صفاء : جا راه جالس مع سعيد فالصالة التحت....
تكركبات عيشة مكملة طريقها ....!! جلسات حداه منفخة ..شافها ضحك و نطق بصوت مدعدع ...
_ عيشششة هانية ....
عيشة تتلوي فمها....: انا العايلة ماعجباتنيشي مامصوابا ماذواقة....عيينا بحال القطوك كيخلعو و مافيها لا زين ولا سر ...غا داك الحلق كيشطح عندا ...ملي تبغي تسمع كتسنع وملي مكتبغيشي كتطمس و تغلق ودنا عيطتلا العايلة العايلة و واقفة فالسطح تحت الحريقة وسمعاتني الحية و مارجعات عليا.....
الصمدي هاز تليفونو تيدورو فيديه ...مكسل و هدرىتو ثقيلة و غليضة ...
_ سبحان الله ....
دخل سعيد كيدور فعينيه و يفرنس ...شافتو عيشة زمات شفايفها مغوبشة. .
_الفولة مثقوبة ....
سعيد ضحك : و ماحشوماش عليك اعيشة تقولب ولدك ...قال بغاها صافي بغاها ....
عيشة بضيق : و يانا مابغيتااااااشي ...
الصمدي نطق بعد فترة صمت ...
_ من الاخر لالة يمة عوالة تشعل الميتشا نو !!! ....
عيشة بغضب : لااااا انا ماجبت والو من عندي سليمان قال عجباتو العايلة.....
الصمدي عض فكو من الداخل و سرح يديه كيتكسل ....ماردش على كلامها و لا علق .... دلك عنقو...و ناض بديك الطولة تتجيب الرهبة ...
_ خارج عندي شي شغل فسبتة ....
غبر من عيون عيشة و تبعو سعيد خارح بحالو ....و عيشة نايضة فيها العافية ...غوتات لسكينة معصبة ...
_ طلع شوفلي عبد الصمد واش طلع للسطح.....اذا تبع رحلو و طلع لتما وجهك طمرو علياااا....و اذا رجلو تبعو باب الدار مالواهم للسطح غيكون مرضي يماه و راجل ماتسرق عقلو مراة.....
طلع فالدروج كتافو تيمييلو من تخت شوميز صيفية فالشيبي و سنسلة نقرية فعنقو ...!! وقف جنب الصور ..طالق عينيه وودنييه معاها.....عاطياه بالظهر هازة محابق تتبدل ليهم البلاصة ....تيوصل ليه غناها مخشعة ...
_ ابابا الكيف عملاتا .... الراجل زوج بثلاثة ...يابابا .... الثانية جابا رومية و الثالثة جابا من سباتة يابابا .....باع العشبة و ترفح ماعرفتوشي شنو جاه يابابا.....الطنوبيل و البنات حداه يابابا ...مابقاشي يديها فيا عينو فديك العصرية جابلا شرتلة ذهبية و انا عندو منسية يابابا.....كيدوز عينو محنية و يطلع عند الفوقية يابابا.....كيسبقا هي لولية و اذا هدرت يدور فيا يابابا.....
خشى يديه فجيبو داير شبح ابتسامة وشوفاتو شوفات الثعلب ....مثقل و مكسل بحال ماتابعو شغل...!!
شافتو سكينة خرجات عينيها ...و هبطات بالحس توصلها لعيشة ...!!
_ خالتي عيشة...خالتي عيشة....عبد الصمد رجلييه خداوه للسطح و عينيه عساسين على بنت الريفي .....!!
عيشة حجبانها تلاقاو ...و السم داخلها تجمع....!! ناضت واقفة تتمشي و تجي مغددة ....
_ تلفاتو بنت الريفي ....انا والدة مسخوط ...
طلعات حميدة تتنهج....شافت الصمدي فالسطح و حلا طالقة حلقها ...غوبشات و نطقات بخفوت...
_ شد حلقك وغطي عنقك اجي نشر معايا ...بنادم كيتفرج فيك.....
حلا سمعات كلامها شافت بنص عين ناحية السطح....شافتو واقف تما قالب وجهو من عليهم...جمعات حواجبها تتدور عينيها مفقوصة.....
_ انا هابطة بحالي ....قول لبابا يجيب الرخصة يزيد الطبق مابقينا ناخدو راحتنا....
حميدة تتكمش عينيها من الشمس تتدوي بين سنانها ...
_ شكون داها فيك...سيى ستر عنقك و اجي نشر معايا ..القايلة دوخاتني ....
سلتات حلا معلية حاجبها و رموشها تيرفرفو ...! سترات عنقها و طلعات تتدور عبنيها على السطح لقاتو غبر ...! تحنات تتنشر بالزربة و مها تتنكر فوق راسها....
_ بشوية ...غيطيحو من يدبك....سبق البيضين ...قلب ديك الكحلة من الشمس غتكشف....فين عقلك.....شبر الحوايج من التحت ....
حلا تتحاول ماتعصبش....
_ وخا اماميتا...بغيتي هيدا هاهوما هااه دابا مزيااان.....
حميدة :هيداك الله يرضي عليك......
حلا كي الذويبة تتدور دوك العوينات على السطح و تنفض الحوايج و تنشرهم ...!ملي رتاحت انه ماكاينش خدات راحتها ...تحنات تتهز ملابسها الداخلية تتنشر فيهم.....سوتيان فالموف و الكريمي تتهزهم من السمطة و تعلق....! و الشمس تتحرق فيها مكمشة عينيها مبرزطة.....غا هز و علق مستفين حدا بعضهم بحال تتبيع فيهم...وحميدة تتذب و تولول....
_ منزلاهم للبييع....حمع دوك الشراوط و لا فرقهم
حلا تتشطح رموشها ...
_ السطح ديالنا و الرزق رزقنا و لي حشم يكمش عينيه ...و هاد الشراوط شارياهم ب200 درهم ( تتفحص حوايجها مغوبشة ) صافي مابقيت نحط حوايجي يتصبنو فلابادورا كتخرج عليهم......غنصبنهم بيدي و نشفهم بيدي .....
حميدة هزات العين شافت الصمدي عاطيهم بالجنب كيدوي بالتليفون...نغزات حلا تسكت ...حيت مامولفينش دار تكون تتطل عليهم كانو هو ليتطلو على الناس و دارهم اكبر دار تما ...عالية و مايلحق ليها حد ...
_ شد دقمك ....
حلا شافت فدار عيشة حاو عينيها على الصمدي ....!! قلباات عينيها تتدوي بين سنانها...
_ علاش مانبيغوشي هاد الدار و نشيرو فيلا مايطلو علينا مانطلو عليهم.....!!
خرجات من بيتها لابسة لون صيفي ...! و سعرها محموع ...!
_ بابا اايوم ماشي لشي بلاصة ...عطيني الطموبيل اليوما ...تسخست بالطاكسيات....
عبد الله خارج من بيت الصلاة...
_ صليتي الظهر ! صلي و تيسر لشغلك....
حلا : صليتو ابابا ...
هزات طموبيل عبد الله و زادت لشغلها....!
دخلات للمحل تتمشى باناقة ....شافها مهدي فرنس ليها....
_ ختي حلا توحشناك....
حلا تتحرك بعملية : جبلي اونسومبل دالعريسات و ديال الكلو حتى هوما ...غندير لايف.....
مهدي دخل للبيرو بواطة فالغوز كبيرة.....خرج تيفرنس و يدور عينبه....
_ ختي حلا جاك شي ريكالو ....
حلا هزات عينيها فيه عاقدة حجبانها...
_ نتا جبتيه ؟
مهدي حطهم ليها قدامهم و مسح رقبتو ...
_ فالحقيقة لا ...ماشي انا جابهم العساس قال عطاهم ليه واحد قالو السخرة لحلا....
حلا جمعات يديه مقطبة جبينها بشك....
_ فتحتيها؟
مهدي بكذب : لا اختي مافتحت والو ...
حلا تتشوف فالبواطة مشكاكة ...: سير سير كمل شغلك.....
غبر مهدي لشغلو ..خلى حلا تتفتح البواطة و حاجبها مطلع .....!
_ و يكون عاملين ليا هنا شي قنبلة ..لي جا تتهزو كي البهايم.......
مهدي من الداخل ترد : و اختي انا وصلت ليك امانتك ...شنو غنرجعا ...؟
غا فتحاتها و شافت شنو فيها ....شهقات و بلالطها خرجو عينيها زادو تجبدو ...شدات عليها بالزربة تترمش و تفرفر برموشها و تغوتت على مهدي....
_ مهديييي اجييي ...خرح لعندي خرح ...
مهدي خرج لعندها بالزربة ....: هانا اختي...
حلا بعصبية : شكووون كااان هنا ملي جات كان بابا !!
مهدي : لا اختي ... رضا كان هنا قلتي طالعة مشى هو .....
حلا تترمش بالزربة و شلا افكار طاحو ليها فراسها : ماشافش البواطة.....!!
مهدي : لا ماشاف والو ....
حلا بغضب : عيط لداك العساس....يجي لعندي ....اخر مرة اخر مرة....باغيين تحرجو عليا ...واحلة ليكم حلا فالحلق...و كان شافها بابا فين غنوصل....
مهدي مشى خرج وقفااتو بغواتها ...
_ حلللف النمس مافتحيها حلللف ....
معدي بكذب : اختي بالله ماشفت شنو فيها.....
حلا عاقت بيه تيكذب ...خرجات لعندو جاراه من الكول القميجة....
_عليا انا ...كنبان ليك حمارة انا ...كون كنتي مافتحتيهاش كون راك واقف ليا فوق راسي تتسولني شنو فيها.....تبان ليك انا حمارة ياك....!!! شميت فيك شي ريحة.....مهدي غنخسرها معايا ....
مهدي حصل و تزير تتخلعو ملي تتعصب ...
_ نعيط للعساس و نتفاهمو اختي ...ريح بالك ....
جالسة عيشة مع لالة مليكة تترحب بيها و تضايفها....!
نطقات مليكة بعد ماشربات شريبة من كاس
اتاي...
_ لا عندك الحق اختي هذا الزواج ماشي لعب مابغينا زربة ...هاد الامور خصا العقل و ترزن...
عيشة بمرارة : عبد الصمد عاجبتو ماعندي مانقول ....
مليكة تتبسم و تسبل عويناتها...
_ غي هو اختي عيشة ...حلا بنت سي عبد الله جاوها كثر من خمسة خطاب هاد السبمانة....
عيشة غوبشات : ممم خمسة ....
مليكة : تبارك الله...عاطية العين و زينها قتال....و اصلها حتى هو عليها العمدة راها بنت ذهايبي ....كيف قلت ليك جاوها كثر من خمسة و ماكتعرف حد فيهم و باها صافي قال بنتو وصلات لسن الزواج شاف مناسب ليها الزواج دابا ...حلفات ليه ماتزوج غي اذا كان راجل حافظ ستين حزب من غير فقيه.....
عيشة جبهتها تكمشاات ..زيرات على سنانها و ردت...
_ ستين حزب قلتي ....
مليكة تتبسم : نتو من كتامة ياك ولدك حافظ القرآن ؟
عيشة سكتات تتضيق عوينااتها ...عاد ردت تتبسم و تحت سنها سم ...
_ العزري ديالي كبر فسبتة دخلو باه يحفظ القرآن ضرب الفقيه و بسبابو دار شحال من غرزة فراسو ...تعذب معاه المرحوم و داك القرآن مابغى يحفظو...كيهربلو و يسرقلو الحديدة و يخرح هارب من المدينة .....( سرحات عينيها و نطقات بكذب ) ماحافظشاااي ستين حزب كاملة....قولي لالة هالة خصا راحل حافظو كامل و زينة عندا هاد الفهامة ....
صفاء جات سلمات و دارت الصواب و عمرات التبركيكة و دخلات لبيتها تتحلف....
_ الشارفة مغروس فيها الكذوب ....
صونات لراجلها و ترمات فوق النانوسية تتوصل ليه التبركيكة...كيف وصلات ليه ليقبل غتوصل ليه دابا ...
_ سعيد خالتي عيشة حالفة حتى تكحلا مع الصمدي ...ديك المرة مشات تخطلبلا سليمان و دابا كتقول لالة مليكة شرط حلا ماعندناشي.....ياك عبد الصمد سالا القرآن و نعقل قلتو باك دارو صدقة قدها قداش....
سعيد : قطع قطع اصفاء انا ماجي...يمة غترونا مع الصمدي بالمعقول.....
جالسة فالبيرو ديالها...رجل على رجل و ملامحها صارمة تتشوف فمهدي....
_ غتمشي تسلتلو لسانو و تسولو كيفاش عانل هاد الراجل و تجي تقولي ....عندك تقولو حلا سولاتك ماتكبرشي الموضوع....
مهدي بانصياع خايف متها...
_ وخا هي لولة.....
خرج مهدي خلى حلا تتفتح البواط تتشوف داك الدوبياس كلو خيوط و عقيق تيضر فالعين....!! بلعات ريقها و هزات عينيها للكامبرا...! شدات علييه دلكات راسها تتسوط ..
_ هشام ماشي هشام...مايقدرش يعملا....غيكون ولد الغولة ....حالف يخرج عليا...يمشي مهدي يوصلا لرضا و لا توصل لبابا ...غيذبحوني......ولا يكون رضا باغي يطيحني....
دخل مهدي لعندها تيسايس و يهدن
_ ختي حلا سولتو قال عمرو شافو هنا ضعيف شوية و شعرو كحل ....
حلا شادة راسها مغمصة عينيها تتفكر....
_ خرج عليا امهدي ....
خرج مهدي بالزربة ...!! وقت لي دخل فيه رضا بلا مايعلم....مغوبش فيها تيخلع
_ مالك !!!
غا شافتو يديها بالزربة تحطو على البواطة تدور عينيها ...
_ شنو غيكون عندي...نهار تغبر من قدامي غنكون سوبيير....
رضا قرب منها عاقظ حجبانو ...ضرب على البواطة جرها ليها من تحت يديها ديك الحرة خلات قلبها يطيح ...
_ طلق دياليييي....
رضا بعناد : حيد يديك ...شنو هنا....!؛ شنو كتروني احلا ...!!!
حلا جراتها لعندها تتغوت
_ و نتا مالك سوقك...كادو عيد ميلاد ديالي ....
رضا بعناد البغال : حلاااا عينيك كيغليو الكذوب ديالك حافظهم ....( خدا ليها البواطة و فتحها شاف شنو فيها و هز حاحبو مكتيقش فيها و مشكاك غا بوحدو....هز العين حمراء و رد )
_ شكون جابو !!.
حلا بنظرة قاصحة و لسان حرايقي
_ صاحبي !!
دفع الكرسي برجلسيه و طار ليها كيغوت.
_ حلاااا بربي اليوما حتى غنقتلك....شكون جابها.....
حلا تتدفع فيه و تدوي ببرود كيقتلو....
_ شنو هاد الهمح بلاصة الخدمة هاذي بيغيتي تشوه بالمحل ....فين عقلك فيق الشريف فيييق.....حنا ماشي فالدار . والله و توصل لبابا حتى يقلبها معاك.....
رضا خرج تليفونو و الغيرة و الشك تيغلي فيه....
_ غندوي معاه و نشوفو شكون هاد ولد **بة ....
حلا خافت ...و مخها تقلب....تتدورعبنبها هنا و لهيه بالزربة باغية كي تفك ...و تهرب راسها......!!
قرمات و شدات حنكها ...! حتى جا عبد الله و عاود ليه رضا ...عبد الله شد راسو و تحنى تيتنهد...
_ لاحولا والاقوة الا بالله....
حلا ( بقى فيها باباها ) : بابا انا مانسمحش ينزل عليا هاد الباطل.....
عبد الله كتافو ولاو ثقال بمشاكيلهم...و الدم فيه سخون تيغلي....
_ سبقوني للطموبيل.....
خرجات تابعة رضا تتغمز لمهدي و تعطيه نظرة قاصحة....! فهمها و لقطها طايرة ...شدو المحل و مشاو لقهوة قريبة ...!
حلا قالبة وجهتا تتدوي بنبرة قاصحة ...
_ انا ماشي بنت الزنقة يقولي دوك الهدور ابابا....عمري 27 ماشي 16 يدير ليا بحاا هادشي ....
رضا بغضب : نقتلو و نشرب من دمو و نعرفو شكون ...حتارم راسك يحتارموك الكلبة .....
عبد الله شاف فحلا بغضب : منين جاك !!
حلا تتشوف فعبد الله تتبلع ريقها : وئام ابابا
... والله الا زدتو فيه حق الله ماعندوشي الحق يتدخل فهادشي .....خصوصيات ديالي ....
رضا لقى الناس تنا كون ناض ليها...شد راسو و نطق
_ سولتا قالت صاحبا ...و شافتني خبعاتو مني مرعوبة.....الكذوب قريتهم فعينا.....
حلا بغضب : الهدرة مع بابا ماشي معاك...وخا هاد المنظر مكيدارش بحال ماعرفت شنو حصلتوني كندير...عيب وااله حتى حشومة...بنت خالتي جابتلي كادو ...ماتيقتونيش سولوها...
رضا ماتيقهاش...: نشوفو تسجيل الكاميرا ..واش وىأم حات اليوم لعندك ولا كتكذب...داك الزبل لتما ساوي فلووس ماشي بهيمة الكلبة تفلى عليا...ماعارفش شنو فالسوق....ديك البرهوشة ماين غتجيب فلوسو .....
حلا تقضاو ليها و...شافت راسها حصلات...شافت فعبد الله زيراها بشوفاتو ...حنات راسها تتدوي و تمسكن...
_ انا ابابا كنت كنهدر مع وئام البارح قالتلي خصني نتفكرك هاد المرة بشي كادو باش تفكريني ...و قالت غنجيب ليك هاذوك ( حشمات تقولهم قدام باها ) و عليها ملي جيت اليوم مهدي قالي جاك واحد ريكالو ...قلت صافي هي جابتو و خلاتو مع العساس...حيت عندا السوايع ....( شافت فرضا بنظرة كره و كملات ) ماعرفتش دخت و تلفت ....عرفتي شنو كنتمنى ابابا....غا نصدق انا كاذبة و مكنسوا والو ولا يصدق رضا عاملي هاد البلان بحال ديك المرة....ديك الساعة غيهرسني بهاد المنظر.....
عبد الله مسح وجههو تيخمم و رضا صعر و تم نايض ليها شدو غي عبد الله مخنزر....
_ ريح بلاصتك...
حلا تتمسكن : شفتيه ابابا كيفاش خصو يحصلني شوف غي تصرفات ديالو معايا ....و السيد عارفو غالي و ساوي فلوس...و كيدوي و مأكد.....
عبد الله الواد لي جا كيديه....مرة يتيق فرضا مرة فحلا بيناتهم كي الكرة....! هاز همومهم و عيا منهم....! شد راسو و ناض ...
_ غذا نعرفو شنو وقع ....لكاميرا مسجلة كلشي غنتأكد انا هاد المرة و ليهدر مزال هدرة اخرى غندير معاه تصرف اخر......!
ناضو خارجين...! حلا تتسوط و ترمش ماعارفة كيف غتخرج راسها...من هادشي....فجميع الحالات غتصدق هي الكذابة...و حتى اذا جات تقول ماعارفاش شكون غيقولو راها دايرة شلا رجال و طالقة معاهم العحب حنى ولاو يبعثو ليها داكشي.....!!
ركبات اللور و طلعات نظاظرها تتدوي بين سنانها....
_ بغيت لهذا لي دارليا هاد المصيبة ربي يبليييه نحلف عليها حتى دار بلعاني باش يخرح عليا...!! ياربي بليه بشي مصيبة يعطيني التيساااع و يخليني علييه شكون ماكان .....
وصلات للدار ...حواجبها ملاقيين ساخطة و ماعاجبها حال و رضا وراها كيدوي و يعرعر...حميدة ماعرفات باش تبلات و لا شنو وقع..
_ الله ياربي....شنو وقع شنو كاين عاود ...ياربي السلامة....
عبد الله جلس تيمسح وجهو عياان...!! نطق غا رضا مغدد
_ ديك الكلبة كترون ورى ظهرنا .....
حلا بغضب : حتارم راسك ماتقولش عليا الكلبة ....صبرت ليك بزاف زدتي فيه و كغيتي عليا.....
رضا بالغوات تيدفع فيها معصب...
_ شكون ولد الكلبة لي صيفط ليك اللفعة ....غنحرك احلا والله حتى نخرج عليك....
حميدة دخلتت بيناتهم تتولول قلبها تيبغي يزقف ملي كيتعاركو..
_ شنو وقع نو كاين....اعبد الله شنو كاين فك ولادك....واش دايما صداع شنو دارت حلا...
حلا وجها لات حمراء تتغوت بالجهد معصبة...
_ مادرت والو ...والله مادرت شي حاجة هاد ولدك مريض فعقلو ...حاني كادو دوبياس ناض لاصق فيا مينن جاك و شكون هاد ولد الكلبة صيفطو ليك.....
عبد الله غوت بالجهد فاقد ععصابو ...
_ رضااااا فك ختك.....صااافي صاافي ينعلها عيشة معاكم......
رضا فك حلا و قلب وجهو كيعض قشاشفو صاعر و حلا دخلان لييتها شادة عليها الباب بالجهد تتمشي و تجي و تنفخ....شاعلة فيها العافية فريية طرطق ملي تيظلموها تتبغي تحماق...
_ اوووف ..وووف.... الصبر...الصبر...احلا....ماتعصبيش ...هوووف....
جات خلود و راجلها و نسيم و راجلها تحمعو فديك الدقيقة...حميدة غي شافت نسابها حشمات و بدات غيتتلف و تبسم...! ماعلموها ...!و عاد راجل نسيم تتحشم منو....!
دخلو البنات عند حلا تيشوفو مستغربين....!
نسيم جلسات حدى حلا تتسولها باهتمام صوتها حامي و هادىء
_ حلا شنو وقع ...مالك مع رضا هاد المرة ...
حلا مزيرة على المخدة بيديها باغية تفركع تتدخل اقلبها و تشد عليه و تجبد دوك العيون...الحرارة داحلها تتحرق ..حرقاتها حاسة براسها غتنفاجر
خلود رفعات ليها وجهها بقلق : حلا طلقي من المخدة...فكي يديك...حلااا....
حلا وجهها ولات مزنكة حمراء تتعصر و تزير على يدييها...و صبعان رجلييها تعوجو و تلولاو ....حتى خلعاتهم و ناضو تيطلقو ليها صباعها و يرفعو ليها شعرها وهي عروقها بغاو يطرطقو ....
_ كنكرهو ...كنكرهو.....يبعد مني...يعطيني التيساااع بغاو يخرجو عليااا....
نسيم حابسة البكية : حلاا..ويلي مالها....
خلود قلبها بغى يوقف تتشوف حلا تترعد ليها و رجلييها تيعواجو....!! خرجات تتجري لعندهم مخلوعة...
_ مااماا حلاااا اماما.......
ناضو الكل تيجريو و حميدة تتضرب وجهها ...
_ بنتي ...مالها...
رضا كان هابط بحالو غا سمع كلام خلود رجع كيجري....!
دخل لبيت حلا...لقاها تتلوى و تجبد فيد.حميدة و خلودو نسيم واقفو بعيد تتسوف و ترمش.....و حميدة تتغوت و تبكي...
_ مالها بنتي....عببد اللله....اعبد الله.....بنتي غتمشيي ليااا.....
رضا طار لعندها تيرفع ليها راسها فاشلة و يديها مرخيين....خرح عينيه و نطق ...سخفات ليهم تما و عينيها شدات ...
_ خلود ... سبقني للطنوبيل...
خلود تتبكي...: وخا وخا...!!
عبد الله غاشافت حالة بنتو....زادت وجهو صفارت ..و شد على قلبو ...
هزها رضا فيديه مرخية و حميدة من وراه تتغوت....
_ رجليها تعوجو ...فيقها عاد ديها...بلاتي ارضا كب عليها الماء ...تفييق......
ماسنعش ليها...طار هابط بها و عبد الله من وراه و خلود شغلت السيارةة...! خرج بيها هكاك فالزنقة ....راسها مايل كي الفلوس و يديها طايحبن تيمشيو و يجبو مع خلفة رضا.....! قدام عيون كرييم و سلييمان ليعاد نزلو من السيارة....! ظلو تيشوفو حتى غبرات سيارة خلوود و طلعو بحالهم للدار....!!
سليمان عينيه وراه ...
_ الدرايم عندكم هنا اصاحبي....
كريم : الداريم و حبستي ...زيد تعطلت على خالتي عيشة ...( تنهد ) الصبر ياربي ...
طلعو للدار.....تجمعو للغذاء....! عاد جات لالة عيشة تتشالي و تشوف فالصمدي و تعوج فمها عليه ....
_ صافي عولتي ماشي ...
الصمدي بنظرة قاصحة : اذا بغى الله ...
صفاء جاية و هازة فيديها الديسير : شفتو قبيلة شنو وقع فدار سي عبد الله ...
كريم : سي شفت واحد هاز وحدة سخفانة ....ديك الدار مضخمة دراما....
عيشة خرجات عبنيها : فين...ماشفت والو ...كيفاش فاين كنت انا ....
صفاء : عاد دابا شوية اخالتي...قلت وقيلة هاذيك حلا هي لي شعرها مزعر شوية....
عيشة شافت فالصمدي ليجالس مكالي بالمخدة تياكل معجز مامسوقش....ميقاات فيه و ردات مغوبشة ...
_ زينا مغشوش ديك العايلة....دغيا كتسخف ...يخخ المونيكة ماشي بنادم.....
كريم حبس ضحكتو بصعوبة ...! طمرها و حنى راسو تياكل ...!!
____
حميدة تتضرب فخاضها و تبكي ...
_ عيط لباك انسيم عيط...شوفلي بنتي مالا....
نسيم تتسرح يديها على كتف حميدة تتسايسها..
_ شش ماما ...ماعندا والو تكون تعصبات نتي عارفة حلا ...كتقلب كلشي ضحك و تبوهيل و لكن راه تتجمع فقلبا ...و رضا عيق عليها والله ماتصرف هذا....حلا كبيرة باقي ليها ثلاث سنين و دير ثلاثين راها وحدة راشدة و نتوما تتعاملو معاها بحال شي برهوشة.....
حميدة تمسح دموعها : انا خايفة عليها ...حلا عاطية العين و لسانها حرايقي ...و الدنيا مخلطة...العيان و المزيان....و عين الرجال غي تابعينها و رضا كيصعر و دايما مشاكل معاها....باك شي نهار غيطيح بمشاكل ديالوم...
نسيم قطبت جبينها : رضا يجمع راسو و يخليها عليه....اذا بقى كيتبع حلا غتخرج عليه و تخرج على راسها...واش منيتو يتدخل ليها فهادشي و يا تح ليها كادو جاها ليها.....واش ماعندا خصوصية !!
حميدة تتشهق : باقي ماتبلعتلو داك الشاوني شنو عمل فحلا ...واللع ماينسى و يسامحلا....مكيتيقشي فيها و رضا مغيار نتينا كتعرفو ...و كتعرف ختك...حلا زهوانية كتجيها ديك الحالة كيسخن عليها راسها.....و ملي سولوها منين حاك ...كل مرة سنو كتجاوب و تلف فالهدرة....مرة قالت صاحبتها و مرةرجعاتا فوئام و مرة كتقول معارفاشي و مرة ترجعا فرضا ...هي براسا ماشادة حتى هدرة....
نسيم بضيق : ماشي شغلو براسها يكون كاع راجل جابو ليها...واش غتحكمو فيها....وااه راها راشدة اماما....
حميدة بنظرة فاصحة : زيد زيد هدر ..عقلك تقلب ...كيفاش عادي....ماعاديش والله حتى يقتلا رضا ...باك عيا معاهم....و خاك كيقول هاذي سلعة ماشي المغرب....داك السلعة مصرية غالية ساوية فلوس ....!!
دازت اربعة و عشرون ساعة....! !
جابو حلا للدار...! شادة الركنة فبيتها...! قاطعة الكلام و الهدرة....!
حميدة مقابلاها غي هي ...تتبكي عليها...
_ مالك الحبيبة ديالي ...شنو خصك ...كتخلعني احلا....
حلا عاطياها بالجنب راسها على المخدة مغمضة عبنيها...تتدوي بين سنانها ..
_ والو ...
خرحات حميدة من عندها تتنهد ! دخلات للبيت لقات عبد الله جالس شاد راسو تيخمم....
جلسات عليه و نطقات..
_ فاينو رضا ...
عبد الله : رضا فطنجة....( تنهد بعمق ) دزت للمحل ماجات لا وئام لا صاحبتا ...جابو راجل عطاه للعساس....
حميدة حبسات البكية : كتحلف بلي مكتعرفوشي ....حلا متكذبشي عليك....
عبد الله نطق بعد فترة صمت...
_ كثار الصداع و العياط....فين مانسمحلا كتخرج مشكلة اخرى....حلا مايصلحلها غا الزواج...دير دارها تلهى معاها....و رضا يهز مراتو يسكن بعيد علينا مايقرب لختو ولا يمس منا زغبة...
حميدة : قلتا لك قبل....هي و رضا غيخرجو على بعضوم....
عبد الله قصخ فيها الشوفة : رضا يعطيها التيساع ....وصل لولدك نعاود نسمعو كيزبل فختو و يخسر كلامو ماهو ولدي و لا أنا باه ....
حميدة تتغطي عليه : و هو عصبي و لسانو كيزلق...الديور كاينة علاش يهز مرااتو و يتكرفسو فالكراءو ديور باه كاينين.....
عبد الله بغضب : مانعطي دار لحد فيهم ...حتى نموت و كلها ياخد حقو ....شكون عطاني حتى درت الدار ؟ حتى حد ....كيف تكرفست يتكرفس هو ....بغى بتزوج زوجتو ...الخدمة خدام معايا ....الطموبيل سبقتلو النص ...الدار سكنتو معايا و عطيتو طبقة كاملة....صافي يعول على راسو و يحمع لدارو ...و حلا غتزوج....!!
جمعات حميدة كلامها و لكلام راحلها رضات و مازادت معاه هدرة....!خرجات تتنهد و تجمع الدار....شافت رجال بناتها داخلين مع ااباب مثقيلن بالخير والتقدية...! تبسمات محشمة تتغرق بالحشمة قدامهم و كثر راجل نسيم....
دخلات لبيت خلود لقاتها محمعة مع نسيم ....شافت فنسيم و نطقات
_ خرج جلس مع راحلك ..مالكم جالسين هنا...
نسيم ببرود : راجلي طلعلي فالراس دايما جالسة معاه....
خلود حبسات الضحكة : حداه مكتقدرشي تهدر ...كيطوال اللسان غا ورى ظهرو ...
نسيم : حلا ماخرجاتشي !!
حميدة غا جبدو سيرتها تمحات بسمتها ...
_ باك عول يزوجا و رضا غيعزل علينا ...
خلود : و كان دارها شحال هاذي ...عبر عليه...كيترجل و يتنفخ علينا و هو مزال ساكن فدار باه.....والله الا تقنو ....
نسيم بهدوء : نتوما كتقلبو على حلا....هاذيك مسخوطة متعقل على حد فيكم ...اذا ماعحبهاش والله لا تزوحاتو ...
حميدة بهم : اوا بغات سخط باها ..هاذيك مانعرف...
خلود : بلا ماتهدرو معاها دابا ...خليها حتى تريكل ...مزال معصبة ....
نسيم : انا غنمشي لعندا ...!
دخلات لبيت حلا تتقرقب بداك الطالون ... ! لقات فراشها خاوي....عرفتها فالحمام...!
طلعات جلسات فوق ناموسيتها بالطالون ..تتستناها....! حتى خرحات مدوشة تتنشف شعرها....غا سافت نسيم خرحات عينيها وقندشات...
_ حشاااك طالعة بصباطك على فراشي تنعس عليه.....يخخ نوض نوض حيد من رجللك .....
نسيم هزات تليفونها تتفرنس .و توريها الطالون...
_ زوين ...مالو ..نقي عاد جدبد...شريتو 700 درهم ....جبلتيك واحد بحالو ...
حلا رملت الفوطة تتجرها معصبة ...
_والدة جوج براهش و باقة برهوشة.....رطعي اختي لكوكب زمرة منين حيتي هنا غا درواش د الله. ...( نيضاتها بالسخط و نسبم عاطيااها للضحك و خلا تتبدل الفراش و تبركم من الابرة لدكو ليها) طالعة لراس الناموسية بالطالون....ماتكون غي كتنعسي بيه و ت**ي بيه حتى هو .....
نسيم حيداتو بزز منها و ربعات لبها فوق الناموسبة ...
_ يلاه نخرحو ماقنطتيش فهاد البيت ...
حلا جلسات ضامة مخدتها رافعة حواجبها ..ناطقة باصرار
_ بغيت نخرج من المغرب ...اذا بقيت هنا انا **بة.....
نسيم ويعت عيونها بدهشة ..
_ مضروبة على راسك و لا مالك !
حلا هزات عيوناتها فيها نظرتهم تتحرق ...
_ بغيت تنفس براحتي ...تخنقت ...مابقيتش حاملة العيشة فالمغرب....غنترككب بحالي لاسبانيا و نهني مخي...
نسيم تتشوف فيه بصدمة...
_ اجي و طلع لاسبانيا ...!! كيف غدبري...كون كانت عندك تجارة فسميتك ديري رخصة و تخرح ليك الفيزا.....ولكن ماعندك حتى حاحة فسميتك ...
حلا بعناد....
_ غنتزوج بشي كلب ...زواج صوري نعطيه الفلوس نوصل لتما الله يعاونو ....
نسيم بهدوء : واش منيتك ؟ شنو ناقصك هنا ...حلا كتروني !
حلا رطعات راسها اللور تتنهد ..
_ مابقيتش خاملة العيشة هنا....مغنتفك حتى تزوح و انا مبغيتش نفك راسي من حبس و ندخل لحبس اخر.....
نسيم تتشوف فيها بغير تصديق .
_ اهاه يالمطورة ديالنا....تمشي تزوجي بهاد السيد و مايبغيش يفكك ولا يلصق فيك ...!! راه مخيرة ليه هو ...مراة تتفتن و تزويجة باطل و زايداها بالفلوس ...فين يلقى هكا....! و نتي باغية تزوجي على قبل تبعدي....تزوحي بهذاك من فرنسا ....
حلا : مالك مكتفهميش...مابغيتش واحد غرضو زواج و الدوام...انا ماباليش فالزواج....!
نسيم : اذا درتي بالك فهادسي والله حتى تخوري احلا....جمعي يديك و تعقلي...! نتينا باينة عقلك غايب و مكتفكريش راك ماناعساش....تمشي طيحي بواحد يلصق فيك بيديه و سنانو....! بعدا هذا باغيك...عطيه فرصة و جربي....و ختى لا مشيتي معاه ماعجبكش الوضع طلقي.......( كملات بتردد ) اصلا بابا قرر يزوجك سوا بهذا سوا حد اخر.....
حلا كمشات حاجبها تتلعب فيد نسيم و دور صبعها على الساعة فيديها : عندهم الزواج هو الحل لكلشي.....باغين يتفكو مني...
نسيم : لا بابا ميظلمكش احلا ...نتينا عارفة بابا غندو كي البنت كي الولد....و هاهو رضا غيجري عليه يسكن بعيد...تصوري...ديور باه قدها قداش غيتكرفس بالكراء فديور عباد الله ......
حلا بنظرة الذيبة ...: عبر عليه....خصني نشوف كمارتو ملي يعرف ...مكلخ داك السيد شحال وهو خدام ماجامع حتى فرنك....العرس دارو ليه بابا والكراء مهني منها و حتى الطنوبيل عاونو فيها بابا....و ماحامع والو ....علاش عايش هاد السيد....!!!
نسيم عاد دوراتها فراسها : اجب نتي منين جاوك الفلوس ؟
حلا كدور فعينيها تتلفها : شمن فلوس ! انا ماعندي ريال واحد.. انا غي كنخربق و صافي و عمل عقلك فيا ....
خلات نسيم تتشوف بشك...! تلفاتهت حلا و ناصت تتدور فعبنيها و ترجع شعرها ورى وددنيها و ساعة فضية فيديها تتبري عاطية العين تتحمق....
_ تشهيت البسطيلة ...نشوف واش باقي شوية بغيتي !!
نسيم غا شافت الساعة ...خرحات عينبها و حناتهم بالزربة تتشوف فيديها ...مالقات الساعة فيديها...رمشات حتى عياات و ضيقات العين فحلا...
_ زعما نتينا واحد اللفعة جوح منك والله ماكاين....هادشي غا مازمة و حزينة و ماراشقاش ليك و سالتة ليا الساعة من يدي ..
حلا تتبسم بمياعة...: كنتي حدايا ملي هزيتها من يديك هاذي ماشي سرقة....و مالها غا ساعة عزيتيها فختك....تنا نيت كنت محتاجة شي ساعة هكا ...مافيا مانسعى الف درهم اخرى من حميدة......
نسيم : زعما نتينا هاد الراجل ليغيطيح معاك ....يقدر يعطيك غينيه بلا مايحس براسو ....
وقفات قدام الماريو ديالها ...تتختار و تعزل....! حوايحها كاع خرحاتهم ...تتختار تقول هاذي ماشي هي لي كانت ميتة البارح....!
بحال كانت غي تتكذب...!
حميدة واقفة ليها عند راسها تتشوف و تعجب..
_ قولا لباباك عاد خرج...واش المشكل باقي كيخرج العافية و نتينا خارجة.....
حلا تتشوف شكلها النهائي مقتنعة...
_ قولها ليه نتي...اصلا خصني نرجع بكري باش نشوف كمارة ولدك ملي يسمع اش تقال ...
حميدة بضيق : عمل عقلك احلا ....
حلا رشات ريحتها و هزات صاكها تتسول نسيم ..مكيعرفوها واش هبيلة و لا تتبوهل عليهم متيفهمو فبها والو ...
_ كي جيت...! جا معايا الحمر ! نبدل الشوميز ؟
نسيم : لا زويينة...
حميدة : بدلا ..ماعجباتنيش مزيرة على صدرك....
حلا : صافي نخليها....
خرجات مع نسيم و خلود ...! و حميدة متبعة ليهم العين...وخا تتعصب عليهم فرحانة ببناتها و بالزين لي والدة....!!
عيشة شادة السراجم تتطل و تعبر فيهم...!!
طلعو للمدينة...! كيدورو موانسين مع بعضهم....و حلا وسطهم عينيها تتمشي غا للغلا و تلصق فخلود تخلص عليها ...مرة تبغي مرة لا ...عاد تتدور عقلها ناحية نسيم تاكل ليها راسها بجوج كليمات و تشري لي بغات ...!!
خرجو من البوتيك وجلسو فكافي ...
خلود تتنكر على حلا...
_ سندالة 900 درهم مالي تن**را الفلوس اختي !!
حلا شدات فيها تتسايس و دور عقلها معاها
_ و هاذي الرخصية ديالهم زعما....ياك 900رهم جاتك غالية عليا....قلتي غديري ليا حفلة تنكرية ماشفت لا حفلة لا كادو...غا واحد المسخوط الوالدين تفكرني بالكادو دارو ليا فضيحة ماعرفت حتى شكون مولاه....
خلود : كثرو عليك الحباب حتى نتي مروناها تصاحيب اللفعة و كتنكري....
حلا ميلات فمها : والله مامصاحبة كون غي كنت مصاحبة بعدا مانسمعش الهدرة غي هكاك....طلعو ليا الرجال فراسي مابقيت متحملة تعناب حتى حمار فيهم....قالك بغاو بزوجوني....راه اذا كملت مع هاد ااراجل غي شهر راني مرصية ...و شاكة فيها ...عارفة راسي مسخوطة و حميدة كترضى عليا حتى تتشوفني فالكوزينة....
نسيم : و العجب مبردة !!
خلود : ولاهيلا قلت تفرع ليما راسنا غوات مابغيت نتزوج مابغيت نتزوج....!!
حلا دارت يديها تخت ذقنها تتشطح رموشها...
_ عارفة بابا مايزوجنيشي بزز مني ...غا معصب ساعة يبرد ....على الله يجري على رضا قبل مايبرد و يندم .....
خلود : فك حريرتك غي نتينا هاد فكر فرضا
حلا تتضحك : شوف شحال فساعة خصني نوصل للدار قبب مايجي هو باش نسمع و نشوف بعوينااتي.....
نسيم هزات العين بصدفة لقات شاب جالس فالطبلة جنبهم عينيه كلاو حلا....حنات عينبها و نطقات بين سنانها...
_ حلا بلا ماتعيفي ...واحد جالس حدانا كتعرفيه....!!
حلا دورات عينيها تتشوف بنص عين : شكون ! فين هو !!
نسيم : لابس شوميز نواغ ...عينين ماحيدهمش عليك....
حلا هزات حاجبها بغرور ..و دورات عينيها بلا ماتعيق....غا شافتو و تلاقات عينيهم...قلبات عينيها هازة نيفها ...
_ لا ممنعرفوش شفتو مرة وحدة فالحومة قدام دار لالاهم عيشة ...
خلود : مسرار ياختي.....!
حلا تترد شعرها ورى ودنيها ماعاوداش سافت فبه...
_ مسرار ايه ولايني قصير ...
خلود : عورة ولا مالك...منين جاتو قصير هذاك !
حلا ميقات فيها : دابا ماعرفت شكون المزوجة فينا ...نتوما و لا أنا !! تتقولو حلا الزاهونية و عينيها كيشطحو غيبوحدهم....حنعو عينيكم شوية.....بلا عياقة ...!!(جبدات صاكها تتقلب على تليفونها لكن مالقاتوش...خرجات عينيها و قلبها قفز ) تليفوني خليتو ليك انسيم عندك ؟
نسيم تتقلب في صاكها : لا ماعنديش ...وقيلة خليتو فالبوتيك....ويلي نسيتو تما ....
حلا زفرات بغصب : و فين عقلك....ماعرفت مال حسي ماعندي زهر مع التليفونات ....ثلاثة مشاو ورى بعضهم هاد العام....
خلود : يكون مزال فالبوتيك..مايهزو حد تما الكاميرا....
حلا ناضت واقفة تتنفخ : و ها لي يدير عقلو فيكم....غنمشي نسول واش تما...بفف...
خرجات من الكافي مثقلة و مرزنة...! و حاجبها مطلع....! دازت من قدام الصمدي لخارح من مرسيديس داير يتلاقا مع سليمان هنا....! ماشافتو و ماجات عينيها عليه...شافها و تبعها بعينيه...حتى دخلات للبوتيك ! هبط نظاراتو الشمسية و خشى يديه فحيبو ....داخل وراها ...!!
___
حلا : اه ديالي اخويا ...شكرا لهلا يخطيك....
هزات تليفونها و تمات غادية بحالها الدورة ليغدور ...جات فوجهو ...!رجعات للور تترمش و تدور عينبها...! جات تجاهلو و تخطاه دوز ...وقفها ملي شبك يديه مع يديها ناطق بشبح ابتسامة كسولة ..
_ أووو لااا سنيوريتا.....
...تتدور عينيها و تفلت يديها تيزيد يزيرهم ....حنات عينبها تتدوي بخفوت بلا ماتعيق...جبهتها حاات فكتافو لو حنى راسو غا شوية كان شعرها تشبك مع لحيتو ....ريحتو جابت ليها العطسة......!!و البوتيك عامر بالبشر ...
_ مالك الشريف مضروب بمغرفة مقلوبة ...( غمضات عينيها عطسات جوح و نبفها ولا حمر تتدوي مغنغنة ) طلق من يدي.....
الصمدي عينيه مبتسمين : رحمك الله....!!صحة صحة.....
جالسة حميدة مع لالة ميلكة مفرشة ليها الخير و مرحبة بيها....
_ مرحبا بيك اختي مليكة....نورتينا.....
مليكة : والله الا دايما كنقول غنجي و كيخرجليالشغل من الجنب....فين حلا....!
حميدة : خرجو طلعات للمدينة مع نسيم و خلود....
مليكة : علاه نسيم حات...
حميدة : ايه جات ...غدوز معانا رمضان اذا بغى الله....
مليكة تتبسم : اوا شكون بحالك....تشبعي متها و تشبع منك....اوا الالة حميدة جيت على قبب بنتك حلا....عارفة ولد عيشة الكتامية جيرانكم الجداد دار العين فبنتكم حلا ...
حميدة تتهز راسها : اييه قالها ليا عبد الله و لكن نتينا عارفة حلا شنو طلبات ....
مليكة ضحكات : و حلا هاذي ليطلباتو من حقها....و هاالبشارة ...ولدها قالك حافظ ستين حزب كاملة ملي كان صغير ...كي شفتي فاللول قالت خاجة و من بعد صونات ليا قالتلي لا غبد الصمد حافظ و دارو ليه صدقة قدها قداش والتصاور ....
حميدة بدهشة : مشاء الله.....نهار شفتو عرفتو ولد معقول...( كملات بفضول ) بيني و بينك الولد عندو شغل فالحشيش !
مليكة ضحكات : اختي الله اعلم....لي نحلف عليعا هو باه كان بزناز هاذي معروفة و باين عائلة بزنانة...ولايني عبد الصمد عندو المطاعم و ديور على اابحر و القهاوي كيكريهم....ورث من باه هو و خوتو.....
حميدة بارتياح : اوا صافي ...و علاش باقي ماتزوجش لدابا !
مليكة : حيت الولد مامستقرش قال حتى يجي لبلادو فخطرة و يتزوج و يجلس فيها و غا شاف بنتكم صافي عول ....
حميدة : سبحان الله ....اوا اختي بنت وحدة باقي عندي مانزوجاشي بمن كان ...الخطاب عليها كل نهار باغين غا رضاها .....وهي والو حتى واحد مامعمر لها العين.....
____
_ مالك الشريف مضروب بمغرفة مقلوبة ...( غمضات عينيها عطسات جوح و نبفها ولا حمر تتدوي مغنغنة ) طلق من يدي.....
الصمدي عينيه مبتسمين : رحمك الله....!!صحة صحة.....
حلا خشات ظفارنها فصبعو تتدوي بين سنانها ...
_ فك يدي مريض و لا مالك....طلق مني....
زير على يديها خارج بيها من المحل ...غاديبن وسط الناس كيعض فكو مبرد ...وهي تتقمش فيه و تخبي وجهها بشعرها....
_ هداي بلا قباحة.....
حلا تتدوي مزيرة و عينيها كيدورو على الناس تتخاف شي حد يكون كبعرفها....
_ حاسب السبىة ولا مالك....فك يدي بلا شوهة.....
تبسم بالجنب و نطق مثقل...
_ عندا شي هدرة خصنا نهدروها.....
حلا غادية جنبو تتوصل تحت كتافو بشوية ..شعرها كيديه الريح واحلة مع صاكها كيطيح باغية تلبس نظارظها لايعرفها حد و قلبها تيشطح قدامو بالخلعة...
_ لا والله حتى حاسب السيبة كاينة فالبلاد.....غنغوت نحمع عليك الناس....كاملين كيعرفوني...فك يدي خليني عليك...واش مكتقهمش نتا و لا مالك...خطيبي كيستناني ..غدير ليا مشاكل معاه.....( معافرة معاه تتقمش و تزير ) فك يدي ....
تحاهلها مبرد ...و صبعو الابهام كيتحسس بيه العرق النابض تتعصب ..وحلات و حصلات و تزيرات....اذا غوتات تحمع الناس و كثر قدام المحالات التجارية اغلبهم تيعرفو سي عبد الله .... غتفضح و يكبر المشكل و توصل لباها و خوها و يخرجو العيب منها ....و اذا سكتات و زادت معاه غيمشي هاد المرة يكركبها فالبحر عوض الجبل......كمشات حجبانها تتسايس
_ وقف نقولك ...سمعني....وقف اخويا طلق يدي الهدرة ماشي هكا....انا مخطوبة...خطيبي بوليسي غتلقى ورايا غي المشاكيل.....
وقفو قدام مرسيديس ديالو فتح ليها الباب و شاف فيها رافع حاجبو : نمشيو لشي كافي نلاقيو الكلام !!
حلا تتبلع ريقها : كلامنا عمرو يتلاقا اخاي ...فك يدي واااه مكتفهمش....!!
الصمدي كلاوه بديه تيقيس شعرها تيرفعو من على وجهها كمشات عنقها تتبعد وجهها تترمش و تمسكن...خايفة غا تحصال
_ ساهل نحمع عليك الشوهة...هادشي لكدير فيه اخويا مدايزش...مايمكنش تجبر راشدة تطلع معاك فالطنوبيل....راه ماشي عايشين فالغابة...هذا اختطاف....
الصمدي رخف على يديها و مال بوجهو مبرد...
_ مخلوعة ؟ عطينا نيتك...عليك الامان...
حلا( عينيها محبدين حمقوه تيسرقو العين...)
_ نتا مافيك امان.....
ضحك ضحكة كسولة...
_ التاقة قدام التاقة و الدار على الدار و طريقنا ملاقية ..باش غنأديك !! مابيناتنا حساب !
حلا بلعات ريق مر تترمش...
_ مابيناانا حساب و مكنعرفكش ...ولد جيرانا و كليان عندنا....و هادشي مكيعنيش عندك الحق تصرف معايا هكا....
الصمدي تيشوف فعينيها عحبوه ...
_ ركبي ..عاطيك وعد ....صوري ماتريكيل الاوطو ضمانة....!
شافت فالصمدي بين رموشها الطوال
_ ممكن تفك يدي شوية....لا جات على خاطرك زعما و حتارمتي راسك...!
فك يديه و هرباتهم بالزربة...تتدوي و رجليها راحعين باللور ...!
_ ماعندي مناش نخاف ...غي طريقتك هاذي ماعجباتنيش ...مالك تتأمر فيا هكا....
قاري حركاتها و عارفها فاش تتفكر...دار شبه ابتسامة و شد يديها
_ الكلام غنلاقيواه ...سوا اايوم سوا غدا....تهربي دابا تجيبها الصدفة من بعد....!
جات تدوي وقف عليهم راجل كبير باين تيعرف الصمدي....نزل على حلا كي الرحمة...!! قمشاتو وغرسات ظفرانها فيه مزيان عاد طلق من يد حلا و الراجل حاي تيشوف فحلا مستغرب.....!
_ سي الصمدي....
سلتات من حداهم ورجعات للور مكملة طريقها تتزرب...يديها حمرين مزال عليهم طبايع يدبه و ريحتو تتخلي نيفها يغلييو و يحمارو ....!!
كانت تتزرب حنى قلباتها جري ملي شافت ولد عمها....!
غبرات من قدامهم تتنهج و تمتم بين سنانها..
_ علاه باقية نخرح انا من الدار.....مابقيت نعتب باب برا......و ديك الصدفة عمرها تكون ختى ااسطح ماليا طلعة ليه.....
دخلات للكافي حالتها حالة...حمراء و مزنكة بالجرا....! جلسات تتنهج...
_ انا مسخوطة....حميدة ساخطة عليا.....اذا عاودت خرجت انا يهودبة....
نسيم : لقيتيه !!
حلا تتنيش على وجهها ...
_ سخفت بالجرا.....وي لقيتو ...غنطلب شي حاجة باردة اوف سخفت....
دورات وجهها تتفخ....و عينيها تيغليو ماجاو غي على الصمدي داخل للكافي تيميل بدوك الكتاف بلعات ريقها بصعوبة ...و قلبات وجهها بالزربة تتسمع كلام خلود ...
_ شفتي هذاك لي دخل هو ليباغي يتزوج بحلا ولد عيشة الكتامية.....
حلا بحال جالسة على الشوك....ناضت واقفة تتحمع صاكها
_ يلاه تعطلنا...صافي مابقى وقت خروج هذا المغرب علاين....و ماما غتبقى تغوت.....!! و بدلو السيرة عندكم غي حلا فلسانكم.....!!
جمعات صاكها و خرجات من كافي هي و نسيم مستغربين منها....! مخليين غا خلود تتخلص...!!
وصلات للدار طارت لبيتها....؛ حتى رضا غايب ديك اليلة و مزال مارجع.....شدات عليها الباب بدلات ونعسات ...مغمضة عينيها تتبلاني و تخمم مع راسها ....
_ علاش غيتزوج بيا....باش يخرج عليا....! ماعندو حتى سبب اخر كاين شي واحد يبغي يتزوج من وحدة كركباتو فالجبل مايمكنش.....( شدات راسها تتنهد ) كيفاش نتفك من هاد المصيبة.....
فتحات عينيها و جلسات شادة مخدتها شعرها مربوط طالع للسماء.....تتفكر...
_ و اذا كرهاتني مو خص حتى هو مايعاود يشوف جيهتي....خص عيشة الكتامية ملي تشوفني تكحل بالعمى و تقوليه ها السخط و ها الرضى اذا عاودتي دورتي بيها... هو غيخاف من السخط و يقلب عليا ...غنبدا بيها هي باش يطير هو ...!!
يتبع...
التنقل بين الأجزاء