غادية فالطريق برزانة ...كلمات الغزل تيترماو عليها و شلا هدور....! تتعقد حجبانها و تزيد ! حتى وصلات لدار خالها و دقات ...!
هبط عندها ولد خالها واحد المراهق عينيه زايغة كثر من حلا...
عصام تيمشط شعرو بيديه مغوبش : شكاين فرع الباب نتينا كاع....
حلا هزات حاجب : لسانك طوال منك البعلوك ! فيا هي خلود و ديك فاطمة الزهراء هنا ؟
عصام : لا مشاو عند عمتي ...
حلا قندشات : شنو دابا كيتفلاو عليا و لا شنو ! المرض ...مرة مع خالي مع مع خالتي يشدو بلاصة وحدة ....
عصام : و مالك كتغوت علينا ..و مخرجة عينيك فيا ...سير عندي نغلط فيك....
حلا جراتو من قميصو مغوبشة : جمع داك السان عندي نلويه ليم ..يخ توحل غا مع البراهش ...بحالك طلعو ليا فالراس....!
عصام دفع يديها : غا جيتني مراة والله حتى نخرج عليك....
دفعاتو بسخرية حتى رجع باللور و طاح على قزيتو فوق الدرحة...! و خرجات تتلوي فمها. و تمتم بين سنانها مغددة على خلود ...!!
دازت مع حومة خالتها ....! طالع ليها الدم و خجبانها قراب يطلو للسماء....! حتى تكوانسات ملي شافت طيف شاب هاز بنت صغيرة طويل و وسيم ملامحو مسرارة ...! كمشات عينبها لي برقو و جيبوب انفها فرفرو ...و سنانها تحكو ...! كمارتو مستحيل تنساها...! غا شافتو بحال تخشى فيها الموس....!
على عكسو هو ! لي هز العين فيها و ثبتها عليها ماعاود حيد عينيه....مصدوم ! مندهش !
_ حلا !
جمعات راسها و هزات داك النيف و رموشها كيفرفرو ....دازت من حداه لا حواب ولا عاودات رمات العين ليه...خلاتو كيطلع و يهبط فيها و يرمش مصدوم ...! و بنتو فيديه تتكمش ييها على فمو. ..!
كانت حبيبتو وهي مراهقة ! شعرها كان دايما قصير و ملامحها كانت بريئة ! دابا كيشوف جسد و ملامح مراة فاتنة و ناضجة...! غا شافها صعبة المنال ..و عاىلتها رفضوه حيت ماعندو دار و لا خدمة ....تصرف بتهور و قطع الخيط بيناتهم بمرة !
الخالة تتضحك : و مشات مع فاطمة الزهراء عيات تستنى فيك ماجيتيش ....
حلا صعرات : و العياقة هاذي نبقى نلحق عليها من دار للدار....تفو هاذي ختي دابا ! غا تتشوف ديك فاطنة الزهراء تتقلب عليا ....! وااله مامنظر هذا ...!
الخالة : و زيد دخل منها تجلس معايا شوية توحشناك ...
حلا زادت معاها عاقدة حجبانها ..! جبدات تليفونها صيفطات مبساج لخلود شبعات ليها سبان و معيور ...و طفات تليفونها ! مخها مقلوب مع سعد لي شافتو و النار شاعلة فيها ماكرهات تنقز عليه و تشعل فيه العافية لي تتحرقها....!
دوزات سويعات مع خالتها !
خرحات من الكوزينة تتمشى فالدار حفيانة ...! دخلتت لبيت وئام بالحس لقاتها مقلوبة على كتاب تتقرا مخشعة غا شافتها قفزاا و جلسات حالسة ...
_ بسم الله الرحمان الرحيم...
حلا مضيقة عينيها فالكتاب : شنو كتقرا...
وئام بصوت خافت و حماس : اجي تقرا ..اجي ...قالك عذا واحد الكتاب اسمو فنون في غرفة النوم....
حلا خطفات ليها الكتاب تتشوف فيها و رجعات شافت فوئام معلية حاحبها .
_ مضيعة وقتك مع هاد التخربيق ! سير قرا قرايتك اابعلوكة....ولا قرا شي كتاب انجلزية تعلم غا اللغة الكلخ....
وئام تتجنن باغية تاخد الكتاب : مابغيتس نقرا لغيت نتزوج ...ماعندي غرض فالقراية ! غنقراه كامل !
حلا خنزرات فيها و حمعات الكتاب عندها : مضروبة على راسك ! باقي مافقصتي من البيضة و معشوقة فالزواج ! و لا جالسة كتقرا فهاد المنكر ...ثقل شوية ثقل....
حلا شطحات رموشها تتقرا العنوان : الحمد لله خرجت ليكم من الحنب التاصيلة كاع معشووقة فالزواج و تفرش الحرير للراجل ...! مالو هو ليما يتعلم كي يدير يرضيك و يخليك فرحانة و يمتعك ...!
وئام : اوا تيقولو الراجل كلشي الا كرشو و تحت كرشو ...نقصتي يقلب عليك...
حلا دفعاتها بنفور : ريحة الذل فيك قهراتني...! بزاف عليه ...هو ليخصو يتعلم و يبحث كي يدير يخليني نبقى معاه و يمعتني و عيني ماتشوفش غيرو ...! كيف هو باغي وحدة بلارة و نقية و تمتعوو...يمتعني تنا و يتنقى و يدور بحالتو ...و يخاف لا نطلقو ...
وئام : و عطيني الكتاب نرحعو للعايلة ...
حلا خنزرات فيها : سير والله لا خديتيه....قرا قرايتك و رمي الزواج من عقلك البرهوشة ...مكتقنعش حتى الشوفة..قالك الزواج....!
مشات وئام تتنكر ....! مخلية حلا تتشوف فالكتاب بنص عين...! فتحاتو حاضية مع الباب لا تدخل ..! و استغلت الفرصة ! تتدوز صفحاتو بنوع من الفضول .....و تعاود العنوان باستغراب ...
_ ويلي على فنون غرفة النوم
شافت يمين شمال و خشاتو في صاكها.... نطقات معلية صوتها...
_ خالتي انا مشييت !
خرجات من الشارع تتدوي مع خلود فالتليفون بصوت خافت حيت ماتتبغيش تغوت فالزنقة ..
_ ماشي منظر ...كدوخ عليا !
خلود : و نتينا تعطلتي ...باقي مامشينا للصالون طلعت لتطوان لشي شغل مع فاتي انا فالدار دوز نمشيو مع بعضنا...
حلا لوات فمها ماتقدرش تزيد تعفر ...حيت ماتقدرش تفلت الفابور....! تتمسكن حتى تمكن...!
زادت مع طريقها ....جنب المقاطعة واحلة مع داك السالف تيديه الريح ...!
حتى خرج ليها عبد الصمد فالطريق....! شافت فيه بدوك العيون المجبدة و زادت مع طريقها ...حتى تلمس مرفقها موقفها متمتم بخشونة حدا ودنيها....
_ سپيرا مومينتو ....
كمشات عنقها و سلتات خطوة للور هازة نيفها و رامية تليفونها فالصاك...شادة عليه حيت ولفات غا تتلاقا معاه تليفونها تيطيح فيديه....! بصوت أنثوي رقيق ردت
_ ماتبقاش طول يديك....
الصمدي جمع يديه فجيبو وعينيه شبه مبسمين...
_ مزيان دابا !
حلا تتشوف فبه من بين رموشها : شنو بغيتي !
الصمدي بهدوء : نهدرو !
طولات شوفاتها فيه ...! تتعرف ديك النبرة عندو ...معناها غيهدر غيهدر...سوا بالخاطر سوا بالزز كي مولف يدير....!
شافت جنبها شكون كيشوف و ردت بصوت ملحن...
_حتى فرحات تطوان و من دخانك قالت تهنات ...! ( هزات حاحب ) رجعتي دغيا !
بابتسامة ماكرة و عينيه كلاوها رد : بقى عقلي مع شي ناس....! على بالي كان يحسبو نهار و ليل !
حلا حركات رموشها بحركة تفتن : كانو يحسبو ليل و نهار عسى ربي يقبل دعاوي اليل و النهار و الطريق لي تديك ماتعاود ترجعك...ساعة دعاويهم ماتقبلوش....!
حلا شافت فساعتها الانيقة جاية مع يديداتها البيضين ...
_ عطيتك دقيقة من وقتي !( تخطاتو باغية دوز وقفها بيديه لي تلمسو يديها و صوتو وهو كيقول بنبرة واثقة ) كثر من ساعة و ربع مانزيدش من وقتك !
حلا هزات حاجب : زعما بزز؟
الصمدي بتمهل : بالخاطر !
حلا طولات فيه الشوفة و ردت : اخر ساعة غنعطيها ليك من وقتي !
الصمدي لعب بلسانو ففمو و عينيه ماكرة : مع المكتاب....!
فتح ليها الطريق حتى زادت قدامو و خرجو للشارع ...فتح ليها باب الرونج حاضية جنابها ...غا تيدوز من حداها تتشم ريحتو تتحك نيفها مبرزطة ...
شافت شكون كيشوف...لقات غا صاحب الوكالة مشغول مع زبناء ديالو ....و البلاصة قليل فين تتعمر !
طلعات بهدوء تتمطئن على سلاحها في صاكها ... ركب حداها شغل الاوطو و زاد ....! الاوطو زادتو فخامة من نوع اخر ! و كثر حاجبو المطلع و حركاتو ..مرة تيشوف قدامو مرة معاها و نبرتو الثقيلة...
_ حاضنة على المقص !
حلا تتشوف فيه بنص عين : طول يدبك و تعرف علاياش حاضنة !
الصمدي ( بشبح ابتسامة ) : شنو بان ليك نعطيك وعد الرجال مانقيس منك شعرة وحتى نتي تعطينا نيتك ..!
حلا ( مثبتة عينيها عليه و الصمت فقط )
الصمدي ( شاف فيها ) : فين الخاتم !
حلا ( بنص عين ) : بعتو ! ودخلت بيه قفة على المساكين في رمضان....!
الصمدي (عقد حجبانو ) : فين الخاتم احلا ؟
حلا (قلبات عينيها ): جمعت بيه حسناات...
رفع حاجبو تيشوف فيها شحال عاد نطق : سبحان الله....
حلا بهدوء : و نعم بالله ! انا قلت ليك فلوسك شايطة عليك....و اه حتى تليفونك صدقتو ...خدينا شوية حسنات هاد رمضان ....
الصمدي هز حاجبو : مزيان...! الله يقبل !
فالكورنيش.... الصيف والجو حار و ريح قدام البحر تترفع ليها شعرها...! دايرة نظارات الشمس ! و يديها فيديه بزز منها عيات تعافر مابغى يفكها !بالسندالة شوية عالية و بزز واصلة ليه مع كتفو...!
_ فين غاديين بعدا ! فك يدي شوية و حتارم راسك !
الصمدي زير على صبيعاتها : نمشيو lorizon
هزات حاجبها و سكتات ! لييشوفهم يقول هاد كوبل واعر و متفاهم تيحيبو العين من الشوفة اللولى !
المواج تتضرب فالحجر ! و الناس تيتصور بالنوبة حدا lorizon ...! جوح ديال السكيريتي عرض و كول لابسين النواغ ...واقفين فالدخلة !
دازو من قدام شي بنات تيتصورو و يوشوشو عليهم و جات الهدرة فودنين حلا ....
" هي كتحمق زايدة عليه .."
الكلام لي خلى حلا تهز داك النيف و يعجبها الحال تتنفخ على الصمدي ...!
الايكيب فالاستقبال ...و ابتسامة بشوشة واحواءجميلة ...! موسيقى كالم و اجواء صيفية و زرقة البحر تتفتح ااشهيةة!
و حلا جالسة دايرة رحل على رجل و زروقية البحر مع لون عينيها تتبان تتحمق !
حلا هربات عينيها منو تتشوف فالبحر و تجمع سالفها تيطير مع الريح ....بقات ساكتة حتى شافت فيه بنظرة واثقة....
_نقولك جوج هدرات ..انا ماعنديش الزواج فبالي ! و حتى اذا تزوجت مايمكنش نتزوج بهاد الطريقة ؛ نتا كتعرفني ؟ ( حواجبها تيتحركو ملامحها جدية ...عجباتو ) لا مكتعرفنيش....و لا انا كنعرفك ..مانقدرش نقول اه وخا نتزوج بيك و انا ماتنعرف عليك والو ...ديك زواج الصالونات مشاو مع ناسهم....انا مستحيل نتزوج بديك الطريقة.....اذا ماعرفتش الراجل و عقليتو و اقتنعت بيه مانتزوجش...! و نتا جيتي نيشان زواج ....واش زواج عندك لعب ! مثلا انا نقدر مانصلحش ليك !حيت طبعي يقدر بكون مامناسبش مع طبعك ...مانتفاهموش ...! ( هزات حاحب تتشوف فيه بوك العيون مجبدة لقاتو تبشمع ليها مبسم نص تبسيمة ) هادشي اذا بصح غرضك زواج ماشي تفلية وخا م ماتيقتش هادشي ديالك....
تمعم في كلامها مزيان ..حتى سالات و رد بخشونة
_ اذا كان بالك مزال مع ليوقع قبل ! راني نسيو و قلت هانية دازت ....لو بغيت ندير شي حاجة غنديرها و ماعندي مشكل ! ( هز خاجبو و كمل ) بنت المراة لي باغيها للحلال ماني ولد الحرام نلعب معاها.......عليها كنقول نتي مزهارة ! وحدة اخرى غيرك مانرحمهاش....
تحط الاكل و سكتو عن الكلام ...! غا حلا كدور دوك العينين زيرها بكلامو ...
_ تنا دويت و قلت شنو عندي ...مانقدرش نتزوج بواحد مكنعرف عليع والو ...و ماعرفاش طبعو كي داير !
الصمدي بتمهل و بالثقالة تيجاوب
_ تعرفيه مع الوقت ...
حلا : وقتي غيضيع باش نعرف طبعك !
الصمدي ببرود : سمعي ابنت الريفي كنعرف حاجة وحدة ( بجراة كمل ) انا باغيك ...
حلا شافت فيه بدوك العبن كي الذيبة ..! و نظراتو الماكرة ماكنتش اقل منها.....!!
حنات عينيها تتكمل اكلها بهدوء ...! حتى رن تليفونها و خرحاتو من صاكها ببرود ..لقاتها خلود ناضت من بلاصتها وقفات تتطل على اابحر يد شادة تليفونها و يد تترد بيه شعرها للور ...
_ شنو !
خلود : فينك تعطلتي عيت نستناك !
حلا : ماغادياش ...تبعي فاطنة الزهراء خليني عليك !
خلود : ماما كتسول عليك ! واش نتينا فكورنيش
حلا ببرود : اه تنشم هواء سيدي ربي....
خلود : و ردي بالك رضا و حنان حتى هوما تما ....
حلا ماتهزات فبها حتى شعرة : سير قضي شغلك بعد مني ...و عقل على المنظر د اليوما...
قطعات عليها و زمات شفايفها حاضية زرقة البحر !
رجعات بلاصتها تتشوف فيه بشك وووسواس...رفعات داك النيف و هزات صاكها تتفحصو لايكون خشى ليها تما شي عجب يوحلها فيه....!
حركتها خلات ابتسامة غير مرحة ترسم على وجهو ....بدون اي تعليق ! تأكد ان نيتها مستحيل تعطيها ليه ...!!
حلا : غنمشي ! مرة اخرى ماتبقاش تعرض ليا فالطريق بديك الطربقة !
حلا هزات صاكها تتشوف فيه بنص عين : اذا كتاب و جات ماكلتي ففمك ..حسب راها موافقة مني عليك...
دارت نظاظرها و خرجاات بمشيتها الانثوية قدام عينيه و ريحتها بقات كدور حداه.....! جلس معلي حاجبو رجل على رجل بفخامة.....صحتو كي السبع ..جيبو عامر فلوس....! القلب هاني مبرد ...!!
دار الكتامية قربات تريب بغواتها ...تتدعي و تعاود مغددة.....ملي جابت ليها سكينة شنو لقات فبيت الصمدي و عيشة النار شاعلة فيها ...بلا الهرس لي مرضها و خلاها غا تتنكر و ماتحمل حد ...
_ عقلو خرج ...لمن جاب هاد الزبل كون ماشي لديك المونيكة....
سكينة مفرشة ليها اش لقاات ملي كانت تتظنف و تشمش البيت...! ساعة فيرساك دورجين و حقيبة يد جلد التمساح دوريجين فالازرق فاتح فيه فراشات مزينة الحجارو اللؤلؤ ...حمق صفاءليتتشوف بحسرة ...
_ سير شغلك ...سير الله يشوي عظومك....دخل هاد الزبل للبيت ديالي و شد عليه والله مانكون عيشة اذا خليتو بعطيهوملا اليهودية ...
____
عوينات مجبدين بايلاينر ...! و شعر محموع بمشبك فضي ..! معلية القندورة حتى للركاب .....! العين عندها تتشطح و تميل يمين و شمال...! تتحضي باها....شافتو دخل للصالة هاز شي وراق فيديه و هي تطيح ديك القندورة و تبعاتو تتبسم ابتسامة درويشة ...
_ بابا وخا نهدر معاك....
عبد الله ( مشغول مع خدمتو ) : همم شنو...
حلا حاضية مع الباب و عينيها تيغلييو ...: و عطيني شوية وقت نهدر ابابا ...
عبد الله هبط نظاظرو على ارنبة انفو تيشوف فيها ...
_ شنو تما احلا....
حلا بللات شفايفها و تبسمات : الهدرة لي غنقول بيني و بينك ...بغيتي هو هذاك مابغيتشي ماتقولاشي لرضا و لا لخلود....و حتى ماما حيت مكتخبع والو على رضا ...
عبد الله عقد حجبانو : دخل نيشان و قول شنو كاين....
حلا تتلوي صبعان يديها بأمل ردت ..
_ شوف ابابا انا خصني نعمل مشروع ديالي ...و خصني اول حاجة الفلوس ...انا جامعة شيحاجة و نتينا سلفني ماشي تعطيني غا نوقف على رجلي و كلشي يمشي مزيان و نرجع الفلوس....!
عبد الله حط من يديه و نطق باهتمام...
_ مشروع ! مزيان...شنو غدير فيه زعما بيع و شرا الحوايج ! شحال بغيتي ! خمسة مليون كافية !
حلا تبسمات مخبية احباطها
_ لا ابابا ...نيشان مشى عقلك تما.....! و خمسة دمليون ماتعملي والو فداكشي ليفبالي...انا باغية مشروع كبير يعني كابيطال خصو يكون كبيير ....
عبد الله هز حاجبو بتركيز : شحال ؟ شنو هاد المشروع فبالك ...
حلا تترمش : و المشروع خصو الارض و تبنى من القاع و شلا مصاريف....! يعني حتى اذا مانجحش ياك ..الارض عمرنا نخسرو فيها....! وخا عارفاه غينجح ....!
عبد الله هز حاجبو : داخلة محهدة ابنتي ...ماتعلقش فاين تفلق ...شوف على قدك حانوت بيع و شرا و خدم عقلك فيها...عاد شوف الفوق ....
دخلات حلا من الخدمة...! جات قبل الظهر ! عيانة و رجليها ضارينها بداك الطالون...! تتشوف القيامة نايضة من البارح و حميدة فرشات طابي غوج على الدروج من الراس حتى القاع ....بمعاونة خلود...!عرفاات ضيف جاي ...هاذي عادة حميدة !
حميدة خرجات عينيها : و شكون يعاونب باقي ماوجدت والو ...
خلود : قول لحلا تكلف دور معاها غا بشي الف درهم تحمر ليك وجهك هاذيك ماشي ممتعرفش ...هاذي غا معجازة و كتمشي غي بالفلوس شفتي ديك المرة على عراضة دارت خلات عمتي فمها مفتوح ..انا و مانعرفش نعدل هيداك......عطيها تعمر الحوت هي تتقنو ...ماتعملشي الدجاج و اللحم....ماباقشي تيتفتح العين....!
حميدة بهمس : وااله و تعرف عبد الصمد لي ماجي لاحطات يديها معايا....
خلود : هاء ! و مالو ضيف ديالها....ضيف بابا ! بان ليا تصاحبو ! و بحالو والو يجيب حتى يماه و يفتح موضوع الزواج عاود عاد المرة كلشي رسمي......
حميدة : والفهيمة ..علاش حسابليك هاد الحالة غا ضيف الله ! راه الهدرة دايزة...! و حتى عبد الله ععرف شنو كاين...! ديك المرة عرضو عبد الصمد للشاون و تغدا معاه فاارياض ديالو ..وعبد الله فبالو يرجع ليه العراضة و يكبر بيه....!
حميدة مطات شفايفها : شش ...قطع حسك....تنوض تصعر علينا هنايا...!خليها تعاوني فالكوزينة....مالو جا عندا ضيف عبد الله ...!
خرجات خلود مع راجلها ! ...بقات حميدة تتنكر على حلا ! و مرة تسايس معاها حتى دخلاتها للكوزينة...و تحزمات حلا ! جمعات داك الشعر و خشات جناب القندورة مع السليب ...! كدور فالكوزينة تتشوف التقضية ...!
خرجات حلا من الكوزينة تتلوي فمها...! دخلات لبيتها دوشات و دارت بحالتها معطرة كي عادتها فالدار تتكون زايدة جمال على الزنقة ! غا سالات ترمات فوق ناموسيتها شادة التليفون من هنا لهيه حتى غمضات عبنبها و نعسات بالعياء...! مافيقاتها غا حميدة لي دخلات عليها تتولول....
_ نوض احلا ...الضياف وصلو ! نوض شوف ديك العجب لي درتي ...انا اليهودية عولت عليك ....
حلا جلسات عينيها مفلوبين بالنعاس...
_ و صافي اماما غا الصلصة ديريها بوحدها ماتخليطش داكشي و نزل ...انا فيا النعاس ..!
ناضت حلا بزز منها...! صحصحات و مشطات شعرها حمعاتو بمشبك فضي ..شعرها حرير و رطب هابط ورى ظهرها سالف تيشطح معاها ... زادت قندورة فالنواغ فيها لمسة فليسطنية خفيفة و صيفية ....! جاية مع بياض بشرتها تتحمق !
دخلات للكوزينة تتقاد داكشي على مايوصل وقت الماكلة...! حتى صيفطات ليها جميدة اوديو فالواتساب تتقول ليها طلع الماكلة للطبقة الثانية فيها غا الصالون و خصيصا للضياف مفرشة على حقها و طريقها...! و دايما محهزة بالرفيع و التاويل ...!
طلعات فالدروج هازة فيديها و حاضية لا تقلب داكشي ...! تلاقاها رضا هابط يعاونها غا شافها طلعها و هبطها و غوبش...
_ قول السلام بفمك و قلب الروايض تجلس معانا نقطعلك رجلك .....!
قلبات عينيها عليه ..جات يكمل طريقو ..وقفها وهو كيخنزر فيها غياكلها بالفلي و التبحصيص و الغيرة تتشوي فيه....القندورة جاية مع بياض بشرتها شي حاجة بزاف اي رجل غيرد البال...!
_اجي...سير بدل ديكشي لي لابسة...
حلا غوبشات فيه تتدوي لين سنانها ..عرفات ان الضيف شاب عليها رضا داير هاد الحالة ...
_ سير تقلب عليا و الا قسما بالله حتى نقلب عليك هاد الماكلة...خليني عليك...المرض !
خلاتو تيسب بين سنانو ...و طلعات مكملة طريقها مثفلة بيديها ...المشية الرزينة و التبسيمة على الوجه ...! تتبان لالة و مالي ..تقول مراة الدار صافي !!
عيشة الكتامية غا وصلات ليها خبار عبد الصمد ...! شعلات فيها العافية...تامشي و تجي غا بيد وحدة الاخرى مهرسة ماتتحركها...!
_ علاش ..من فوقاش عبد الله كيعرف عبد الصمد ...! مشى ياكل من عندهم...! ماعندو دار ياكل فيها.....! كيدورو العزري ديالي بيناتوم....علاش ماعرضونيش انا ...
سعيد تيسايس : و عبد الله غا بغى يرد ليه العراضة ...شنو فيها! عبد الله عرض عبد الصمد يعني رجل مع راجل ...شنو غتبغي تعمل الواليدة تنا....
سعيد : غا بغيتي تخسرا مع الصمدي ...! شفتبه ميك على الصاك و الساعة عندك و ماهدرش معاك خلاك بخاطرك بغيتي تقيم العافية. ...
عيشة بنظرة قاصحة : شد دقمك نتينا شد...علاش كتهدر معايا هيدا ..علاش ..! انا يماك المسخوط يماك......مع من تشاور عبد الصمد مشى يشريلا داكشي هذاك....مع من تشاور شنو كتجيه...ماهي خطيبتو و ماشي مراتو ....علاش يصرف عليها.....خصو يتشاور معايا ....!
سعيد كيهدن : و لالة يمة يهديك الله...و حنا عرفنا داكشي ديالمن....الله يهديك و صافي ...!
عيشة صعرات عليه : نتا يالفولة متقوبة ...كلشي كتمشيي توصلو...تقولا لديك فرفارة د مراتك و مراتك تقولك لمرات خاك و خاك يقولا لخاه و كدوروني بيناتكم....كتافقو. عليا يالمساخيط...يانا والدة غا المساخيط.....!
______
خلاتو تيسب بين سنانو ...و طلعات مكملة طريقها مثفلة بيديها ...المشية الرزينة و التبسيمة على الوجه ...! تتبان لالة و مالي ..تقول مراة الدار صافي !!
ختى وقفات على صوت الصمدي...! صوتو هو عرفاتوو طيراتو فالسماء....!
جالس مع عبد الله تيرحب بيه و يعاود و الصمدي كي الوزير...جالس بفخامة غا حشم يفرش المخاد مع يديه و يرون داكشي....! اما هو البلاصة لي يجلس فيها يخليها مرونة و المخاد كاع دايرين معاه....!
توقفات بلاصتها تتأكد من صوتو و تعاود و تتمم مع راسها...
_ اري نزل هاذي...طلع نقش المنديل و كيسان العصير ....
حلا مزيرة على الصنية و عينيها كيدورو ودنيها سخنو عليها
_ شكون هنا !
حميدة بصوت خافت : ولد عيشة الكتامية...طلق نحط للناس و هبط طلع ليقلت ليك...
حلا بلالط عينيها بغاو يخرجو و يديها زيرو على الصنية ...تفتفت ماتعرف شنو تتخرح
_ شكون عيشة ! الكتامية! عبد الصمد !
حميدة غوبشات : طلق نحط للناس و سير طلع لي بقى ...هو شكون غيكون...
حبسات اابكية و من الصنيىة ماطلقات ...خاجبها تيشطح غا بوحدو ...
_ و ماما سمعني...بلاتي نقولك....طلق الصنية نقولك...دابا عرفتي...
حميدة (عقدات خجبانها ) : شنو غتقولي ...طلق نحط للراجل دايا عبد الله ينوض ينكر ...!
حلا (بحال الا ضربها شي حمق بالشمال مصدومة... حميدة تجر و هي تجر ) : لا ...ماتعملشي فيا هيدا....لا اماما....غا بلاتي شويش نقولك....
حميدة صعرات عليها و جرات الصنية من يديها تتنكر : هز من الصنية الصلصة ديرا بوحدها هاهي غتكركب هنايا ...و تبعني نزل و رجع هبط ورى النقش طلعو و لا عطيه لرضا يطلعو دغيا...!
حلا تتبلع الشمتة بزز منها...! هزات الصلصة و تبعات حميدة تترمش و تميل شفايفها حابسة البكية مع الفقصة ! ناعلة راسها و هاد الزهر لي ولى عندها...!
سبقات حميدة لي حطات الحوتة تتشهي على حقها و طربقها....! و عبد الله تيفرنس...
_ الله يعطيك الصحة....يلاه اسي عبد الصمد بسم الله ...
حميدة : الله يعطي الصحة لحلا هي لي دارت القوام و قامت بالواجب ......
وقفات حلا غا جنب الصالون تتشوف فالصمدي بنص عين و عينيه اصلا كانو كيقلبو عليها وخا جات مخبية من عينبه و عذباتو باش يشوف...! مالمح غا داك الثوب الاسود و يديها الملسين بيضين كي الحليب ...
تمتمات بصوت خافت بزز منها...
_ السلام عليكم....
عبد الصمد ببحة و نظرة مبتسمة ماكرة : و عليكم السلام....( شاف فحميدة مكمل بادب ) الله يكثر الخير ...
حميدة خدات الصلصة من يد حلا الواقفة مخبية تقول منقبة و حطاتها على الطبلة ...
_ بالصحة و الراحة....
عبد الله بعفوية تيمعن على حلا : و نهار كبير هذا لالة حلا ..! الله يعطيك الصحة ....!
حلا جات تقول بصحتكم....تغرسو سنانها على لسانها حتى حسات لسانها تقسم ...و الظوء ضربها....! شدات فمها و الدموع خرحو من عينيها .....! سلتات من قدامهم و هبطات للدروج تتمشي و تجي و تشطح تتبرد العضة ..بغات تموت بالحريق الريق سايل مع فمها....!
حميدة بقلق : حيد يديك نشوف اويلي ...هاد اللسان حتى هو طويل بزاف....( تتشوفها تتبكي بقات فيها ) احح ياربي ...زيد قدامي نشوف شنو وقعلو زيد....!
هبطات مع حميدة وهي ساكتى غا شادة فمها و عينيها حمرين و مدمعين....!! العضة برداتها ...و لايني الصدمة و الشمتة لي باقة تتطلع و تنزل فيها....!
دخلاتها للكوزينة بالزربة تتحيد ليها يديها من على فمها...
_ حيد يديك...خرج لسانك نشوف..دغيا !
حلا قلبات وجهها من عليها تتدوي بين سنانها ..و لسانها مابغى يتوب...
_ قولبتيني احميدة...كتعمل راسك ماعارفاشي شكون الضيف المصون...شنو فيها اذا قلتي شكون ماجي و انا بحال الحمارة طالعة كنفرنس....
حميدة قلباتها تخنزير : مزال زايدة فيه ...جمع داك اللسان...و تركن...مالو غياكلك ...واش جا عندك...حا عند باك...السيد ماهزشي حتى عينو فيك.....!
حلا : زعما ماجاشي يهدر مع بابا عليا ؟
حميدة : شكون مشوق فيك...مالو غيجي كي المقطوع من شجرة...حتى حد لا مو لا خااه...
خرجات حلا من الكوزينة منفخة زامة داك الفم تغزز فسنانها ...دخاات لبيتها مرة تنعس مرة تتجلس و مرة تمشي يمين مرة شمال و تطرطق فدوك الصبعين....و حاجبها مطلع للسماء...! غا تتخايلو جالس تيفرنس و يدير فيها دوك الشوفات ديال عقلي على كلامك ...تتبغي تموت و تخشي راسها تحت التراب...! و كثر ملي تتخايبلو تيغمس و ياكل ويشرب من ماكلتهاو يذوق ملح دارهم....!
جلسات فوق ناموسيتها تتطحن فدوك السنان : على قلة الملح في دارهم....! كون ماقولبتنيش حميدة كون درت ليه غبرة سريسرا....!...انا اصلا غا مراة ماشي راجل...الكلمة كتكون عند الرجال ماشي عند النساء....النساء ناقصات عقل...! و النية هي الغالبة ...!و اذا كيعرف بابا يمشي يدعيني ( كمشات حجبانها حابسة البكية ) ماكانش كيعرف بابا ...ولى تيعرفو و دخل لوسط دارنا ولد الجلبانة.....مال هاد الزهر ناعس مابغاش يفيق و يترجل معايا ...!
حلا ماراشقاش ليها : سير غوت عليه الحمار ...هو لي هرسو ..و هرب باش نسمع انا الهدرة...!
خرجات حلا من الكوزينة طالعة ليها قنديشة ...! جات تشد الباب ...! قشعات الصمدي و عبد الله هابطين...! لقطها بعينيه ...هزات داك النيف و شدات الباب بحركة مسموعة....! خلات حميدة من وراها تتولول حشمانة....
_ شديتي الباب على الرجل.....ماعرفتش واش وجهك هذاك و لا قفاك...شنو هاد التبرية عندك ...واش علمتك انا هيدا....! فوقاش غتبرباو فوقاش.....! صافي احميدة ماولدتي ماربيتي...! حتى واحد فيهم ماكيحمر الوجه...
سعيد تيسايس مع عيشة و ياكل ليها دماغها بالهداوة...
_ ايمة...الصمدي ماشي تحرفلو فصاك و ساعة يعاود يشريهم....! والله حتى يمشي ياخد ليها اخرين زايدين على هاذو ...
صفاء تتفرنس. : اما حسن اخالتي...هاذو ولا يصرف شي ثلاثة مليون اخرى ؟و لا زايدة ؟
عيشة مكمشة فمها منفخة و راسها يابس
_ يشريلا حتى القصر ...انا عجبوني غنلبسوم انا ...!يماه هي الاولى عاد يشوف لمن يصرف فلوسو....
سعيد تنهد : وخا الالة يمة على خاطرك...
عيشة تتشوف فيهم بنص عين و غا منفخة ....
_ ماتسالوني حلوف ...حتى هاد عينين الجنون غتخرج على عبد الصمد و تاكلو عقلو ...بالحق خليه ...خليه يتبع التشاشا و يتبعو سخط يماه.....!
صفاء حبسات الضحكة تتشوف فسكينة : التشاشا....
بعد اسبوع !
خارجة لالة عيشة من اابيت ..! يد مهزوز مهرس و اليد الاخرى راها معمرة بشلا ذهوباات خدات حق اليد المهرسة و دارتهم تما...! و سكينة قدامها تتصاوب ليها جلابتها ! وهي تتلوي داك الفم مطلي فاحمر شفاه معيق ...! عريساتها حابسين الضحكة و تيجاملوها...!وهي تتمشي و تجي للسرجم تتطل و تبركم...
_ فاينو سعيد تعطل....
صفاء : هاهو ماجي اخالتي...شوية يكون هنايا...خالتي انمسحلك شوية عكار ترون ليك و هبط تحت الشفة التحتية....
عيشة قلبات كمارتها تتمشي و تحي بديك الجلابة ديال العرايس ..! و تشمر كمام يديها السليم...المعمر بالذهب و محمل حتى بالساعة لي خدات للصمدي...ساعة خسرات جماليتها فيديها المصفر بداك الذهب مشعشع و كملاتها ملي خنزرات في صفاء و نطقاات...
_ جيبلي الصاك نديرو حتى هو....
صفاء : اخالتي صاك فاين غتعقلو و عندك غا يد وحدة و عمرتيها بالذهب و الساعة....
جلسات عيشة فوق كنابي تترمش برموش شبه باينين اصلا...! حتى ناصت نوضة وحدة تتغوت...
_ نوص جيبلي الصاك ...غنلبسو ..
مشات صفاء تتحسر و تسوط تتشوف فداك الصاك هكاك انيق و تيحمق و نادر ماتلقاه عند شي حد....؟ خطفاتو ليها عيشة من يديها و خشاتو في معصمها ..و خرجات منفخة تتبركم ..الذهوبات تيشاليو و الساعة و الصاك طالبين الشرع معاها ...!!!
ركبات مع سعيد تتدوي عاقدة حجبانها....
_ دوز عند بنت ذهايبي ....!
سعيد بلع بيقو : شنو عندك معاها ايمة....
عيشة الصاك ماحيداتوش من معصم يديها
_ سير و ماشي شغلك.....!
دخلات للمحل ! صوت الذهب تيجيب حريق الراس و الصفر تيضر فالعين...! دخلات تتنفخ على مهدي ليشافها عقل عليها ...!
دخلها تجلس و رحب بيها و طار لعند حلا لي جالسة فالبيرو مشغولة ! مركزة مع خدمتها...!
خرجات حلا من المكتب... تتمشى باناقة مع لون الاخضر الملكي لي لابسة ...!
راسمة واحد الضحكة تتقطر بالصباغة و النفاق ..! كانت تتقول ماتعاود تدوي مع عيشة مزيان...ولايني الفضية فيها البيع و الفلوس و الذهب ...! ماتقدر تصعر و لا تخسرها معاها داخل المحل ...
_ مرحبا بخالتي عيشة نهار كبير هذا...
عيشة تتمشطها بعنيها و تهز بيديها العامرة الذهب تتشالي بيهم : همم ...
حلا جلسات حداها تتبسم و تسرح عينبها على الذهب فيديها غا قشعات ساعة فيرساك و الصاك العاطيين للعين تيحمقو ...تحكات مزيان و شطح حاجبها ...حتى قلباتها تفرنيس...
_ كيف بقات الصحة اخالتي عيشة ! مزيانة....يديك شوبة ؟خفف عليها و تهلاي فالصحة....
عيشة منفخة : نحمدوه و نشكروه .....
حلا عينيها على الصاك : جاك الصاك تيحمق مع اللبسة فن فن ...ياخالتي عبشة تتباني صغر بعشرين سنة لي يشوفك مايقولش والدة واحد قد عبد الصمد ....!
عيشة ودنيها تجبدو ملي ذكرات سمية ولدها.... : حيت كابرة في راحة و فالخير الحمد لله ....( هزات يديها تتقيس في شعر حلا ) هذا ملصق و لا شعرك هيدا طوال ...مالو هيدا محروق ...شلا !!!
حلا بابتسامة تتخلي عيشة تقلى : شعري بقيت عليه بالوصفات و التهلية حتى طوال هكا فشهراين.....ساعة نعطيك الوصفة تنفعي بها حتى نتينا.... اوا شنو حاب خاطرك ....نوريك شكيلات الجداد ....تعشقهم عينيك و تعطي فلوسك فيهم و نتينا فرحانة....
عيشة غا تتنفخ عليها : وري نشوف شنو عندك ....
احتفظت حلا بالابتسامة ديالها ! حتى ناضت تتجبد ليها الموديلات و عطاتها بالظهر و قلباتها تخنزير زامة شفايفها تتمتم ...
_ جلبانة لاوية ...
قشعاتها عيشة من المراية تتلوي فمها و تعوج....خرجات عنيهاا و طلقات حلقها
عيشة قتلاتها بداك البرود....اصلا جات عوالة على الصداع معاها...
_ انا عارفاك للفعة عينيك على عبد الصمد و كتجرو عندك و تاكلو عقلو ...و طامعة فالفلوس ديالو ....عبد الصمد بزااف عليك ماهو ساهل ليك....!وخا تسطح الدلاحة ماتقلبلو عقلو ....! ولدي ماثغرو لا زين لاا زعورة....!
حلا عوحات نصها و غمزات مهدي يدخل بحالو ..عاد شافت فعيشة مبردة تتبغي عيشة تسطى ....
_ شنو غنعمل قلبو بغاني و يانا عاود ماعندي مانعدل ...هو عينو عليا ... و عندو الحق الحب مكيشاروشي اخالتي...برد برد و اجي قولي ...باش بغيتي تبرد و تنعل الشيطان....شي كويس العصبير ليمون بارد ولا شي شرتلة ذهب مضخمة ....!
عيشة العافية شعلات فيها تخنقات و تجننات تقيسها تفركع....!
صعرات على سعيد مزيان و جات للدار صاعرة عليهم.....لي دوا نعاها يندم و حفايدها كيتخباو منها و زادت شخصيتها تتمرض مع الهرس ! ولات لا تطاق...! و بزز مستحملينها....!
حتى ورى المغرب جا الصمدي و ناضت من الصالة سنانها كيتقرقبو بالغدايد ...تلاقاتو محلفة ...
...باسها فراسها و حنى راسو لعندها حيت قصيرة عليه بزاف....
_اينا لفعة من اللفعات لالة يمة....!
عيشة : هاذيك الشطابة ...! هالة بنت الذهايبي ...مشيت على سعدي نشري و نفرح راسي ..ناضت كتعرعر عليا ...لواه انا و ولدك كنحماقو على بعضنا و الحب مكيشاور وهو كيبغيني انا كنبغيه ....قلة الحياء ! ماتحشم ماترمش....هاذي ماتكون عروستي يانا....!
الصمدي حك لحيتو الخفيفة مبرد : وريني اشنو شريتي !
عيشة صافي لي خلات حلا كمل عليها الصمدي...غوتات و صعرات نييت....
_اناا فاييين و نتا فاييين....غتحموقني...انا غنموت دابا ...لحمي كتغلي......خرحتو عليا....والدة المساخيط....وحدة فالصباح و اخور باليل ...
تحنى الصمدي هزها كي الريشة وهي تتغوت و تسخط ...و الصمدي مبرد
دخل عيشة لبيتها و سايسها حتى بردات ! و الغد ليه جات اختها نبيلة لزيارتها ....؛و عريساتها شادين الحديث تتعصبهم و مابقاوش قادرين يستحملوها...!
صفاء : غا تموت و تزهى علينا ...
سكينة ميلات شفايفها : مابغيتالاشي تموت و مانتهناش لبها الشر ولكن غي تغبر وجها علينا واحد العام غي نتوحشوها....! عيت و تهديت و هي حاطة غي عليا ..عبد الصمد جاب حوج خدامات رجعاتوم قالت ليك ماعجبوهاشي و الماكلة ديالوم ماتاكلاشي.
صفاء تتسوط : شفتي هاد الفشوش و الضسارة كاملة بسباب ولادها...غي تغضب تيفرشو ليها الذهب و الحديد و الخناث و مي لالة....؛ و عبد الصمد يديه مثقوبة يحط مليون ينطح مليون و الله ماتهز فيه شعرة ...غا تبدا عبشة تنكر يخوي جيبو. ..! انا بغيتلو شي مسخوطة تشد داك الجيب بالقفل و يسكت من الضسارة ديال عيشة ....
سكينة بشفقة : وهي اصفاء راه ولادها اذا جينا نشوفو من جهة...عرفتي شحال تعذبات معاهم ...الراجل مات و كانت صغيرة مخلي الطماعين عينيهم كيغليوم و كان اصلا خانز فلوس طمع فيها خاه قالك تزوج بيا حسن مايدخل البراني ...و مع من جا...! جاب الله عبد الصمد كان كبير شوية هو لي شد الحكام و جمع خوتو البنات و قراهم و زوجهم و رد بالو مع خوتو الولاد ....! وخا كان رجل فالمغرب و رجل فاسبانيا ....!
صفاء هزات كتفها : هادشي عارفاه انا قبل منك ماشغليش ... هي عاشت زمانها صافي تجلس تركن و تهدا و ترريح شوية تخلينا غي نتفنسو نتينا كدافع عليها هيدا حيت جامعة ذهيبات مع راسك و كل مرة كتشري ليك انا شادة معايا الضد العقروشة ...!
صفاء تتقلب فعينيها : كتعحبني ديك البنت ! واعرة و كتعرف تلبس شي لباس عندا خطيير خطير كيفاش كتواتي و كيفاش كتمشي و تهدر و شادة محل ذهب على قدو كتبان مطورة الواحد هو لي يتصاحب مع لي يوكدو و يزيد القدام ...و شكون عرف تولي مراة عقد الصمد انا مابغبت نكير و لا عداوة ...و مبينة ليها السن الابيض ...!
سكينة ميقات فيها : سبحان للله الله يحعلني نتيق....؛
صفاء تتراري ببنتها فيديها : عرفتي والله حتى تصدق مزهارة اذا تزوحات بعبد الصمد....اذا كان مطورة دير لباس و فوق لباس غي من وراه ....و زيد مع يديه كتعرف غي عطي عطي....اذا كان غا مسافر و شاف شي سندالة و لا صاك عجبوه يشريه وخا يكون ساوين معرفت شحال......ديك غزل كانت عايشة معاه اميرة ....شلا ذهب و شلا ساعات و الحوايج و الخروج و الدوران كل مرة فين ....تفتح محل بكثرة الحوابج لي تيجيب ليها ..مامخليها مخصوصة من حتى حاجة...! وهو ذواق ولد الحرام ...الحاجة لي كبشريها دايما كتكون واعرة ...! غا هي شوية مكخلة لي يعطيها تتسلتو ليها صحبتها و خوتها البنات ...و ماجمعات حتى سنتيم عندا غي صرف و فرق ...كون بديك الخير لي كانت عبشة فيها كون دارت فيلا و لا شي مشروع مضخم....
سكينة كدور فعبنيها :ياختي سعداتها...هاهو خاه مزوجة بيه ياختي سنتيم مايخرج مرة فشهراين يخرجني و يشري ليا لي بغيت داك المرة كنكون فيها طايرة بعدا. ..و حتى سعيد شوية ...مكيتشابهوش....
صفاء : تت لا مكيتشابهوش....حتى سغيد بخبيزتو خازن الفلوس و مزير غليهم مكيطلقش....لي خرج فيهم كريم و سخي هو عبد الصمد الفلوس مكيضربش ليها الحساب ...!
سكيمة : و هاذي باينة و معروفة...! غي شنو جاب لحلا ديك الساعة و الصاك و هي ماهي خطيبو ولا مراتو ....خويا عبد الصمد صافي عقلو مشى مع ديك الريفية.....
صفاء تتضحك : اذا مشى تردو ليه خالتي عيشة ...حسابليك تخليك هانية....والله تكون عيشة ...اذا خلاتهم ليها..! ولات حاضياه بالدخلة و الخرجى لي دخل فيديه وليخرجو.....كتخاف يكون شاري ليها شي حاجة من ورا ظهرا ههههه
سكينة: هي كانت ميتة تزوجو بيه ادابا تقلبات عليها
صفاء سمعات الصوت برا خفضات صوتها ...
_ حيت شافت السيدة كتزيد غي تزيان و عاطية العين و زادت كرهاتها ملي شافت عبد الصمد عجباتو و قالا بغيتا جالسة فالبيت ديالي....وهو كان فالاول صارب على الزواج كاع ماعندو بيه غرض ...عيشة تغددات و دخل معاها الشك....كتخاف تكون هدرة الناس صحيحة و يصدق عبد الصمد هو شبيه جدو ...جدو كان بحالو ....كيعجبو الزين و الزعورية و كيموت على اابناات فوق الخمسة و عشرين و فلوسو كاع تيخسرهم عليهم....حتى حصل مع وحدة سكناتو و قلباتو قلبة وحدة بحال هزيتي راجل و حطيتي راجل....هذا قصتو كانت معروفة و من دايما كيقولو عبد الصمد عندو طباع جدو الله يرحمو.....
عيشة جالسة كي الملكة فالصالة مع ختها نبيلة ...! تتشكي ليها و تخوي عليها قلبها مغددة....!
_ مامزوج بها ماخاطب و خاسر عليها زبابل الفلوس....
نبيلة هزات حاجب : و صافي مشيتو خلا ...كانو كيقولوها و مابغيتي تيق...عبد الصمد كيشبه لجدو فلوسو كاملين صرفوم على النساء ديالو ...و مايعرفش يشد الجيب و هيداك هو ! و نتينا اعيشة العزري ديالك و عارفاه...مانقولكشاي انا فيه.....
عيشة تتحك و تغدد : عبد الصمد يدو سخية الفلوس ماشي فقلبو كان كيصرف على كلشي ماشي غي على المراة ديالو ...( قندشات ) مالو عندو القرون...ياك اختي رجعتي عبد الصمد بو قرون .....هو هيدا عامل الوحدة مايعرفا و يصرف عليها ...و غلطة وحدة طلقا باش تعرف العزري ديالو ماتجي شي شطاحة تشللو فمو ..! ( تتتفخ و تسوط ) عبد الصمد كريييييم ماشي بوقرون...
نبيلة تتسوط : و صافي اعيشة ماقلت والو بلا ماتقلب علينا عينيك و تجري علينا ..خلينا غا نجلسو معاك مراشقين ....؛ وقول الحمد لله عندك العزري الكبير هيدا و حتى مراة مكتحكم فيه ...و دعي ماتحي شي لفعة تشدلو داك الجيب بالقفل ماتخليه يخرج عليكم سنتيم واحد .....
عيشة تتقلى و تغدد...ناضت واقفة تتغوت و تقندش : كنقولك انا والدة الراجل ماشي بو عيلات....والله يخليها سلعة .....سلعة ناقصة نوض من قدامي ....
نبيلة بدهشة : اويلي اعيشة بسم الله عليك ...
عيشة بلالط عينبها خرجو : لفعة بغيتا تسلط عليك...والدة شمايا ...انا والدة رجال....لهلا يحي هاذي لي تجي تحكم فيهم....! تدوزا على النار حامية حتى يشواو رجليها و لسانا نشوطو بيدي كيف كيشوطو راس الحولي....!
نبيل. تصدمات فيها هزات صاكها و صفاء و سكينة تيرمشو ساكتين...
نبيلة :بسم الله اعيشة....ماقلتش عبد الصمد بو غيالات ..الله يهديك اعيشة....بفف ...لاحولا ولاقوة الا بالله.....هانا خليت ليك الراحة....!هذا هو جزايا جيت نطل عليك....الله يعاون...!
خرجات من تما تتنكر ..تبعاتها صفاء تتهدن فيها...
_ اويلي انبيلة كتعرف خالتي عيشة هيدا عاملة ...
نبيلة وقفات فنص الدروج مقندشة ...دارت صبع ففمها و طبعاتو على الحيط تتسمع لعيشة
_ هافين قلتها...هاهي.....اخيرة عبد الصمد بحال جدو ...و عاودو سمعوها ليها تشوا ولا تقلى ...انا ملي كنقول الهدرة كتكون....و الله يطول لينا فالعمر نشوفو داك النهار....!
هبطات بحال تتنكر ...و صفاء وراها تترمش....هبطات معاها حتى فتحات ليها الباب ...و شافو حلا مخرجة الطموبيل من الݣراج ...دايرة نظارات الشمس و لابسة الابيض و ساعة انيقة فيديها شعرها مسرح مصفف بعناية....
صفاء بهمس : هاهي عدوة خالتي عيشة ...تهدر عليها تشعل فيها العافية....
نبيلة متبعة حلا بالعين.....حمقاتها : و هاذي لييقولو عليها الناس كتفتن....
صفاء : و خصك تسمعيها كتدوي ...فشكل لكنة ديالها.....و لسانا حلو ...دوز عندا المحل جلس معاها غا ربع ياعة تخرج حاطة فلوسك كاملين بلا ماتحس ....
دازت خلا من قدام مهبطة زاجة الطنوبيل ...تبسمات مع صفاء حياتها و زادت مخلية نبيلة تتشكر فيها و تعاود.....!و تسول بفضول ..
_ شحال فعمرا....
_ الطنوبيل ديالها !
_ علاش باقي ماتزوجات...
_ فاين خدامة...فين جا المحل !
_ غزالة ...فنة......
_ سلحان الله عرفوها كتطلع ليهم البنت كتحمق عليها سماوها حلا.....
صفاء تتضحك : بنات حميدة كاملين كيحمقو....غا حلا زايدة عليهم بديك العينين مجبدين و ملونين ......! و صافي كليتي البنت بعينيك....الحفيظ الله....
دازت حلا من قدام ورشة النجارة....!تتسوق بالهداوة و ثقة و فخامة تتبان عليها وهي تتسوق.....!
مولفة تتدوز من تما كانت بالاوطو او بلا بيها...العيون د الرجال لي تما كاع تيكونو عليها ..عندها شلا معجبين و عشاق تما....! لكن دابا لي شاف مرة وحدة ماهز العين و كاين لي غي شاف الاوطو حتى العين حيت عرفو ياهي يا باباها.....! مايعاودو يشوفو فيها حيت وصلات ليهم الهدرة...و عرفو لي عليهم و لي خصو يكون....! و الصمدي نهار نبه كريم ...وصلات الريحة ليهم كاملين و غا لي مسخوط هو لي يعاود يهز فيها العين مرة اخرى ....!
حتى من سليمان و كريم ...تيشوفو غا بنص عين....! و يتغامزو على عمال الورشة ...!
كريم حابس الضحكة : فخبارك والله العظيم كنت حاسب خاي الصمدي غا كيضحك والله ماعارف هادشي عندو بصح ....
سليمان تنهد : و خسرناها معاه...ماكنتش عارف هاذيك العايلة ديالو ....! شفتا عجباتني ماعرفت اسما غي بالصدفة....وقفتا هدرت معاها ماعطاتنيش حتى دقيقة من وقتا.....
كريم حبس التفرنيسة : السيدة فيها ريحة الاجرام....و بيني و بينك خطيرة فاتك سطوريا ديالها مع عبد الصمد....دوزو الاكشن ..! لي عمر دارتو بنت المراة دارتو ليه هي.......
سليمان بحسرة : معاه جات...الله يهنيهم....
كريم حك بين عينيه تيضحك بشوية حتى قلبها ضحك محهد تيضحك بهسترية...ملي تيتفكر مكيقدرش يشد فمو...مخلي سليمان تيضحك حتى هو وخا ماعرف علاش...
_ سي كريم ريح ...مالك اصاحبي.....!
دخلات للمحل ...! و بدات شغلها بحماس كدور فالمحل بحال الفراشة....! بديك الشوميز فالابيض قصير مع جينز ضيق ....محمقة تضعاف باغية تولي رشيقة كي العود الفرنسي ولكن تتنقص شوية تتزيد ...و تيعامرو حنابها ! و خدودها...!
مهدي تيدور حداها كي الذابانة برزطها...
_ مهدي شد فمك شوية ...!
مهدي : ختي حلا غديري لايف دابا ولا شوية ....
حلا تعلات تتجبد موديلات العريسات لي باغية تبارطاحي ...و تتوجد و تستنف داكشي باي تزهى فالعين...
_ جيب الموديلات اخرين ...غتجي عندي واحد الكليانة ساعة ندير لايف....!وليت كنكره نديرو ..كل مرة خارجة لي شي مسمومة تتعيب فيا....بنت الحرام غا جاتني عيب نخسر قدام الكليان اما والله حتى نحرحرها ....!
صاوبات داكشي و نقات و عطرات و جلسات فالبيرو محيدة المقبض الفضي من شغرها ...و سرحاتو مع وجهها ...!
طلعات لايف و تبسمات طالقة لسانها....
_ سلام البنات ...معاكم حلا من مجوهرات الريف بتطوان و مضيق و فنيدق ..اختصاص ديالنا بيع الذهب 18 كارا ...جبت ليكم اليوم همزة و شمن همزة....خصيصا لكليانات ديالي الغزالات ....يلاه نستناو حتى يتحمعو البنات و نوريكم شنو عندي ...
ظلات محتفظة بابتسامة ديالها جلسة انيقة و حركات مدروسة تتبان معقولة و رزينة...! تيكتبو ليها البنات كومونطيرات جهد سبع دقائق كانو تجمعو البنات و حتى الرجاال ...!
حلا : بون ...العريسات ...يلاه فينكم بانو عندي هنا فرحو ليا مع رساتكم ...( تتقرا ااتعاليق )
_ عفاك بغيت اونسومبل العريسات يحمرو الوجه....
شافت فمهدي غمزاتو و جاب ليها لي طلبات تتفرش ليهم و تشكر و لسانها تيقطر بالحلاوة....تتجاهل تعليقات بعض المسمومات...و بعض الانتقادات و تلبي رغبة الكليان و توسع خاطرها
( نو انا بغيتو عامر و ثقيل ..ماشي هكا...)
حلا تبسمات حتى تغمضو عينيها ونطقات :
صديقة الوفاء ...انقولك الحبيبة ديالي عرفتو الغلط لي كيديروه العريسات شنو هو...سمع مني اختي والله نصيحة مني....ماتشريش اختي المشارجي و الثقيل....عرفتو علاش ...! و خصكم تعرفو علاش ...هاذي حطوها حلقة فودينكم....ديك انسومبل الثقيلة هاذي غتشريها تلبسيها مرة فعرسك و تحطيها عندك ...مغتعاوديش تلبسيها علاش ؟ حيت صافي تتصلاح غا للمناسبات الكبار....! واش دايما غيكون عندك مناسبات لا ! طبعا .....تيكونو مرة مرة...تتصدقي نتي خاسرة الفلوس و الذهب محطوط....(تتضحك ) و حتا لو كانو تبارك الله مناسبات...واش غتبقاي تلبسيهم غا هو ...كل مرة نفس الشيء ...تيجيو فشكل حسب راي انا طبعا....! شكون بحالي البناات....عليها تنقول الوحدة تخدم مطورة...راه داكشي مشارجي ييجي والو عكس السامبل تعشقيها للشوفة ....تلبسها ملي تخرجي ..شي ضيافة هكا ...مناسبة خفيفة عراضة....! بيان سيغ فالعراضات مغتبلسيش ليهم داكشي ثقييل ...! هذاك تيشريه غا لي بغى يخبع فلوسو فيه...ماشي للباس حيت قليل فين تحتاجيه...تصدقي نتي دافعة فلوس و نهار تحتاجي حاجة خفيفة هكا ماتقدريش تلبسيه ..فهمتو........
مهدي من ورى التليفون تيهز راسو و يبركم ..
_ قوليهم ماعندناش هنا ..عند محل رضا وبلا دوران اختي حلا ...هانية والله حتى هانية....
حلا هزات العين فيهم بلا تعيق و حكات حاجبها كإنذار....خلاتو يفهم و يشد فمو كيتفرج فيها ....!
ماشي غي هو لي كان كيتفرج...حتى سي الصمدي جالس فرياض ديالو فشفشاون ...! شاد الشومبغ تيتفرج فيها و حجبانو كيتعقدو...شوية ورى شوية....!
كانت غادية مزيان تتسلت راسها و تلبي رغبات البنات...حتى قلبوها بنات سبان فالتعابيق...
_ مالك كتعوجي اختي ...
_ ملصقة الرموش...
_ ويلي مالك ماتقدريش تكوني طبيعة دايرة العدسات ...و الرموش...و منفخة شفايفك ...حيدي الفلتر ....
تجاهلاتهم حلا و حافظات على ابتسامتها ...! حتى عصبوها و بانت عليها بوضوح...حجبانها طلعو للسماء....حبسات راسها غا بزز تتجاوب بين سنانها و تفرنس و ترمش....حركة خلات الصمدي يتبع الايف و على فمو شبح ابتسامة...مستني يشوف صبرها ...!عرفها قندشات كدور دوك العينين و ترمش و تفرنس و داخلها تيغلي....!
حلا : لالا اختي هبة غي خليهم....ماعليش من حقهم يعبرو و يقولو لي بغاو....وخا بغيتو نحيد الفلتر عصبكم ...نحيدو...! نتوما غي طلبو و انا نفد......لا احبيبة ديالي انا هكا طبيعية ماملصقة والو ...( تتضحك بزز ) اويلي خلينا البنات فالمهم ساعة نقلبوها مهاودة و الحديث....دابا الخدمة...فاليل نديرو دردشة هكا...صافي كونو هانين.......مهدي عفاك اخويا جيب للالة غيثة شي خاتم يعمر العين فيه الحجيرات....
مهدي حبس الضحكة و ناض تينفد ...دايما فالايف تتقول ليه غي عفاك ..الله يخليك...خويا....تتكبر بيه و تشكر فيه...غا تيكونو لوحدهم تتقلب فيه...ولف عليها ...و خا هكاك ولات عندو عزيزة...دغيا تتدخل الخاطر و الجلسة معاها مكتخليكش تحس بالملل....!
رتاحت شوية و هزات التليفون تتقرا الميساجات بعد الايف...! بزاف ميساجات و هي لي مكلفة بالادارة و تجاوب فالواتساب و الفايس و الانستاغرام....! من ميساج لميساج....حتى عيات و عطات لمهدي يجاوب...
_ هاك كمل نتا....و لي مافيه نفع بلوك.....( حركات حاجبها ) ولالا غي خليهم يعمرو ليا الكونط شحال غنبلوكي دا ساعة غيخوا الكونط....
مهدي تيضحك : برد اختي حلا ...اري نرد عليهم ..
تكلف مهدي تيرد و يكمل شغل حلا...! حتى توقف عند ميساج كونط قديم و مافيه حتى 20 ابوني ولا حتى صورة وحدة محهول.....كاتب في الرسالة...
" سخية مع راسك...المرة الجاية ورينا الغوج سنيوريتا ......"
_ لا زيد قرب...قرب لصق فيا نتا نييت.....سير بشغلك....بشر كي داير...!
خلاتو حتى مشا و ناضت تتشوف فالمراية و تفقد راسها...لقات سمطة السوتيان فالبلو تتبان ملي تتحرك مع عنق الشوميز واسع ...!
هزات داك الحاجب و رجعات جلسات دايرة رجل على رجل ..تتبركم...
_ خصني نبخر راسي ...شديت العين هاد النهار....!
هزات تليفونها و دخلات تتكتب ليه و تعوج فمها....
_ ايه على الراس و العين ...مجوهرات الريف كتقدم ليكم افضل الخدمات....
توصل بردها ...حجبانو ملاقين تيلعب بلسانو ...خلاها هكاك و حط التليفون داير مرفقو على جبهتو طاوي رجليه متكي على المخاد....! تيرتاح و يخوي راسو....!! الغرفة لي تيجلس فيها دايرها لراسو بعيد على السياح و الاجانب لي تيجلسو فالرياض ....!
بقا سيمانة على هاذ الحال...ساكت و مريح مخو تيفكر شحال...! حتى لواحد العشية جالس كيتنغم بكاس اتاي منسم بالنعناع ...ححبانو ملاقين و غا ساكت...قليل فين تيدوي...! تيشوف و قارم ...ليدوا معاه مايحاوبو و مايرد عليه باين فيه ماشي على بعضو و مرون مع راسو..... حتى هز تليفونو بحركة مدروسة و سريعة...دخل لتصاور حلا مسحهم من تليفونو ...سالا و رمى التليفون حداه تكى على مرفقو و شعل ݣارو تيكمي فيه ...ماشي مبلي بيه غا مرة مرة تتجيه عليه ديك الكانة....!
دازت سيمانة ! عاد رجع عبد الصمد....! جالس كعادتو هاز بنت خوه تيعبز فيها و يبكي حتى تتغوت و تهرب لعند مها تتشهق....! و عيشة تتنكر و تغوت من الصداغ ...
_ و صافي اوا علاش كتهرنن ....
عبد الصمد عطاها تليفونو كيراضيها ...هدرتو ثقيلةو مكسلة باين عليه تعب السفر...
_ عموووو..اجي نتصالحو صافي المسامحة ....
صفاء تتضحك : غي كتشوفك كتخبع منك....!
جلس معاهم شوية عاطي الخاطر للالة عيشة ...! لي فمها حار على حلا غي تجيها الفرصة تتجبدها....
_ بنت عبد الله سيرتا معيابة عند الناس و حنا ماسايقين خبار....
سعيد سمع السيرة دور عينيه تيشوف فعبد الصمد تياكل مامسوقش....!
عيشة : قالك الراجل لي جا يخطب كيرجع من الباب....و يتعكس عليها وخا يكون معشوق فيها....خطبا ولد عما مابغاتوش و عيا يرون الدنيا عليها ساعة هو تقلب عليها و قالت حليمة خطبا واحد اخر و دارو الخطبة و هو تفرق معاها و قلب عليها ...و شي اربعة د المرات كتوقعلا هيدا....و زيد عليها المنحوسة خطبا واحد و ناس جاو يهدرو فيعا دار كسيدة و ماتت ختو....( مغوبشة و محقادة على حلا ) يخخ النحس كيمشي على على رجلو ...مونيكة عاشورا و فيها نفع عليها.....
سعيد : و لالة يمة ..نقص من الجماعة مع الجيران ...عيب...
_ وخا الالة كلامك هو الكبير ......( ناض واقف حتى قفزات بنت خوه مخبية فمها خلاتو يضحك و يغمز خوه ) هدر مع الفرخة تحتارم عمها اصاحبي.....بوعو انا ...! عيييب اعمو عيبب....( خطفها من يد صفاء خلاها تتغوت و تفركل و طلعها للسطح تيبوس فيها وهي تتحنن ...)
_ نو نو...ماما....غرغر....لوليا ....
مخلي عيشة و صفاء تيدورو هدرتو بعجب ودهشة !
هزها بيد وحدة تيلبسها سلسلة ذهب صغيرة فعنقها....! و كملها ببوسة فخدها حتى ضرباتو لراسو و قندشات....! ماطلق ليها للارض حتى طلقاتها للبكاء صدعاتو فراسو و حطها تتبوطر فالسطح و تلعب ...!
رن تليفونو و فتحو تيجاوب و عينيه بدون قصد جات على سطح دار عبد الله...و صوت انثوي جاي منو...! قلب وجهو بلا مايشوف و رد على الاتصال ....!!
صاحبة الاصوت تتسقي الورد ...! بقندورة مميزة بلمسة فلسطنية تيعجبوها...! حد الركاب و درعانا عرياين ...! شعرها محموع بمقبض فضي...! تتسقي ودندن...غي جيب يافم و غني و قول....!
_ بااالي معاك....بالي بالي معاك ...و حياة سواد عينيك ياحبيبي ...غيرك مايحلالي....عمري ماراح يرتاح ياحبيبي و الشوق في قلبي ....
حميدة شافت الصمدي فالسطح عاطيهم بالظهر...! غمزات حلا تتدوي بين بين سنانها...
خلود ميقات فيها : تمشي بلا عراضة...فين النفس عندك....
عوحات عليها حلا فمها...و خرجات من عندها داخلة لبيتها...! قنطات و ملات و ناضت حتى هي تتلبس ...! حتى خرجات بكامل اناقتها ..! جلابة انيقة و سندالة مبينة ظفيراتها ...! شعرها مسرح مع ظهرها ....شدات فحميدة و خرجو ...!
فالورشة ...!
عبد الصمد تيغزز فالعود حجبانو ملاقين تيشوف فتليفونة و كريم فوق راسو تيدوي مكيسكتش...
_ دابا اخاي الصمدي علاش تيحكروني انا زعما...البنت لي شفت فيها مراتي كتعفر علينا....باغي نتزوج و ندير دار و ليداات....
عبد الصمد هز فيه حاجبو ...: و نتا كيعجبوك البخاخش ...شوف لك وحدة بعقلها المورو ..
كريم تيفرنس : كيعجبوني العويتقات...تكون عاد كملات العشرين ..طرية و فتية اصاحبي...
عبد الصمد ببرود : صيدها و تسابق مع الصيادة عليها و خودها فتية و طرية....
كريم جا يرد شاف حميدة و حلا دايزين...! شاف فالصمدي لقاه تيشوف فالتليفون ماهزش راسو كاع....! حنى راسو حتى هو و ميك ...!!
دازت سيمانة اخرى....! عبد الصمد غا تيسمع سيرة حلا كيقلب ...! عنييه ماحطها عليها هادي كثر من 15 يوم....! ومع ذلك مبرزط و باين مرون و ماعاجبو حال ...! ملي عقلو تيعمار و افكارو تتشووش تيبعد كاع من ديك الحاجة لي تترون. و تتقلب ليه عقلو....حتى تيريكل راسو و يتهنى و يرتاح......! 15 يوم ملي قرر يضرب عليها فمرة ...! عطاها التيساع ....! و هي جاتها من الجنة و الناس....! عاد تتفنس و تفرنس براحة....!و تخرج و تدخل ...حيت شحال ماشافت كماىتو و ماوقف عليها كي ملك الموت....!! و كثر ملي سمعاتو سافر و سفرو هاد المرة طال لشهر....؛
غبر هاد المرة كثر من شهر....! شهر ماحط رجليه فالمغرب...! و حتى لالة عيشة ماكانتش من العاجزين فهاد الشهر...دارت شلا صحبات....و اليوم عارضة على صحبتها عتيقة معرفة جديدة و بنتها ياسمين ..! شافتها عيشة و حطات العين على بنتها....فين يبان زين حلا....! شافتها عيشة بحال شافت الكنز....؛ و بالعناد لي فيها حالفة تجيب وحدة زايدة على حلا درجااات حلا بنفسها و تشوف راسها كي والو قدامها....!!
حزمات و ناضت تتلوي فداك الخير ..مقدة و شادة فراسها....جايبة جوج خدمات بزز منها ...جابهم ليها الصمدي و مع ذلك ماتتحملهم ولفات على عريساتها هوما يطيبو و يحطو ....!
_ صفاء...تسمع صوني هبط لاقيهم و طلعوم للصالة عندي ..و حضي مع هاد جوج شنو كيديرو....عمر الطبلة حتى تفيض. ..!
صفاء : وخا اخالتي كوني هانية....!
غي مشات قلبوها هي و سكينة تبركيك....
_ اوا اليوم كتاب نشوف هاد ياسمين كيف دايرة ...حضي حضي مع عيشة تمشي تدفل ليها فالكاس حتى هي ههه....
غا سمعات صفاء الصوني...! هبطات تتسقبلهم...! غي جات عينيها على ياسمين عينين صفاء تفتحو و قلباتها تفرنيس....
_ مرحبا و الف مرحبا...نهار كبير هذا الابة عتيقة....
عتيقة : ترحب بيك الجنة المرضية....
طلعاتهم للصالة عند عيشة ...! و جلسو تيتبسمو و ياسمين...رمات السالف الزعر ورى ظهرها و دارت رجل على رجل بابتسامة زوينة و عينيها كبار خضرين تيحمقو....تتدوي بادب
_ كيف بقيتي شوية اخالتي عائشة.....
عيشة زمات شفايفها من ديك " عائشة " مولفة غي بعيشة....بلعاتها و ردات...
_ شوية الحمد لله ...ربي هو لي كيحفظ باقي العمر طويل...
عتيقة : و خلاص اختي عيشة مزال صغيرة والله مانتيق عندك ولد قد عبد الصمد تبارك الله....جا ولا باقي ...
عيشة منفخة تتفلي ياسمين بعينيها : لا جا اليوما للمغرب....دابا شوية يكون وصل لهنا...اذا مانزل فرياض ديالو فالشاون يوصل هنا يرتاح.....
عتيقة : تبارك الله....الله يوصلو على خير يارب....
عيشة : اللهم امين....( قلباتها شوفة فياسمين ) و نتينا ابنتي كيف ماشا فديك الخدمة ...
سكينة بغيرة : شفتها....تتعوج فالهدرة زعما بعقلها و حشومية ...و بيني و بينك مامقبولاشي وخا فيها الزين....
صفاء تتضحك عليها : كاع هاذي غيرة فيك....ديك الزين كامل مابانش ليك فيه...و اصلا باينة صغيرة تكون ديك 24 عام....زينها طبيعي غزالة وصوتها حليلو ....
سكينة لوات فمها : مامقببولاشي......و فيها الطمع شفتي كيف كتشوف فالفراش و تاكل الدار بعينيها....حلا مقبولة عليها ...
صفاء : و دابا حلا خلاص...!حلا زينها ريفي و شخصيتها زوينة..وخا معفرة شوية و عاجبها زينها ....هاذي حشومية مسكينة.....
سكينة تتهز راسها : خالتي عيشة تتجيب نقطة ضعف الصمدي...يشوف الزعورية و الشعر مسبسب و الفورمة يلصق فيها......
صفاء قلباتها ضحك : و ماشفتي نتي اذا لصق فيها الصمدي و عيق عيشة تقلب على ياسمين حتى هي ...والله الا عيشة واحلة مع راسها.....
شدات عيشة ضيافها حتى للمغرب....! عتيقة باغية تمشي و عيشة لاصقة والو ماتفكاتش....! حتى جا الصمدي ...! محمل بالهدايا ...سمع صوت النساء كمل عادي رمى السلام و هز عينيه فالصالة ...
_ السلام عليكم....
عيشة فرحات ناضت لعندو تتفرنس ...و ياسمين حطات العين عليه ماهبطاتهاش...ردات السلام بصوت مسموع...
_ و عليكم السلام....
هز فيها عينيه و طول الشوفة فيها ...!
هز فيها عينيه و طول الشوفة فيها ...عاد قلب وجهو و كمل طريقو ...!
ناضت عتيقة واقفة تتقاد جلابتها : عيشة نتلاقاو في ساعة د الخير....
ياسمين وقفات و بان طول شعرها تتدوي مبسمة : دغيا داز الوقت ماحسيناشي ...
عيشة شفايفها اغلب الوقت غي مزمومين
_ مزال الحال باقي....كمل اعتيقة كاس اتاي....
عتيقة بحرج : لوالو هذا الجهد و المرة الجاية نتينا غتجي لعندنا ان شاء الله ...
عيشة هزات حاحب : ان شاء الله ..بلاتي نقول لعبد الصمد يوصلكم ...ليل نزل ...
عتيفة سرعات ترفض : لا لا اختي عيشة بلاش...طاكسي موجود ..
عيشة راسها قاصح و ماعزيزش عليها العناد..
_ لا لوالو ...ضياف ديالي مانرتاح حتى يوصلكم عبد الصمد....!
خرجات من الصالة تتلوي ..! مخلية عتيقة و ياسيمن تيشوفو فالاثاث على راحتهم...
.ياسمين عينيها مع الباب لي دخل منها الصمدي..تتدوي بين سنانها...
ياسمين غوبشات : هانتينا ثقلتي فاين توخرتي...تزوجتي من واحد ماكيعرف يقرا حتى سميتو....ياكما حساب ليكم انا نتزوج بيه كيف ماكان ....علاش ربي عطاني هاد الزين...باش نعيش مرتاحة مانتزوجشي باي واحد ....هاد الزين ماعطاهشي ربي لكلشي...
عتيقة حمرات فيها مغددة ... تتقلى غي بوحدها...ياسمين فعمرها 21 سنة مزال صغيرة و تفكيرها محدود....باغية راجل خانز فلوس مابغاتش واحد ماعندوش....!بحال تتبيع زينها بالفلوس...!و الحق يتقال...زينها ماشي عادي و العين لي جات عليها مايمكنش مايشكرش فيها و يسبح الخالق.....!
عيشة دقات على بيت الصمدي تتدوي من ورى الباب...
_ عبد الصمد دغيا المرضي وصل الضياف ليل نزل ...
ماجاوبهاش...عاودات كلامها للمرة الثانية...
_ هانا غنقولوم يستناوك ....
حطاتها ليه فراسو و خرجات من تما....! العين دارتها على ياسمين ..عجباتها حيت سكوتية و لسانها ماشي طويل ....و حشومية و هدرتها حنينة...!
حتى خرج الصمدي و هز عينيه فيهم كانو خارجين من الصالة....سبقات عتيقة دوات حشمانة...
_ على سلامتك اولدي....
عبد الصمد تيدور عينيه لعيشة تيدوي بصح غليض
_ بارك الله فيك ...
عيشة بنظرة صارمة : خارج خارج وصلوم بيديك اولدي......
عبد الصمد شاف فياسمين لي نزلات عليه العين ماهبطاتهمش...شافتو شاف فيها ضحكات ليه...!
غيرك ما يحلالي الجزء السابع
محتوى القصة
غادية فالطريق برزانة ...كلمات الغزل تيترماو عليها و شلا هدور....! تتعقد حجبانها و تزيد ! حتى وصلات لدار خالها و دقات ...!
هبط عندها ولد خالها واحد المراهق عينيه زايغة كثر من حلا...
عصام تيمشط شعرو بيديه مغوبش : شكاين فرع الباب نتينا كاع....
حلا هزات حاجب : لسانك طوال منك البعلوك ! فيا هي خلود و ديك فاطمة الزهراء هنا ؟
عصام : لا مشاو عند عمتي ...
حلا قندشات : شنو دابا كيتفلاو عليا و لا شنو ! المرض ...مرة مع خالي مع مع خالتي يشدو بلاصة وحدة ....
عصام : و مالك كتغوت علينا ..و مخرجة عينيك فيا ...سير عندي نغلط فيك....
حلا جراتو من قميصو مغوبشة : جمع داك السان عندي نلويه ليم ..يخ توحل غا مع البراهش ...بحالك طلعو ليا فالراس....!
عصام دفع يديها : غا جيتني مراة والله حتى نخرج عليك....
دفعاتو بسخرية حتى رجع باللور و طاح على قزيتو فوق الدرحة...! و خرجات تتلوي فمها. و تمتم بين سنانها مغددة على خلود ...!!
دازت مع حومة خالتها ....! طالع ليها الدم و خجبانها قراب يطلو للسماء....! حتى تكوانسات ملي شافت طيف شاب هاز بنت صغيرة طويل و وسيم ملامحو مسرارة ...! كمشات عينبها لي برقو و جيبوب انفها فرفرو ...و سنانها تحكو ...! كمارتو مستحيل تنساها...! غا شافتو بحال تخشى فيها الموس....!
على عكسو هو ! لي هز العين فيها و ثبتها عليها ماعاود حيد عينيه....مصدوم ! مندهش !
_ حلا !
جمعات راسها و هزات داك النيف و رموشها كيفرفرو ....دازت من حداه لا حواب ولا عاودات رمات العين ليه...خلاتو كيطلع و يهبط فيها و يرمش مصدوم ...! و بنتو فيديه تتكمش ييها على فمو. ..!
كانت حبيبتو وهي مراهقة ! شعرها كان دايما قصير و ملامحها كانت بريئة ! دابا كيشوف جسد و ملامح مراة فاتنة و ناضجة...! غا شافها صعبة المنال ..و عاىلتها رفضوه حيت ماعندو دار و لا خدمة ....تصرف بتهور و قطع الخيط بيناتهم بمرة !
دخلات حلا لدار خالتها تتغلي ..من الداخل و راسمة قناع ساخر .. !
خرحات خالتها لعندها تتبسم : حلا زيد ..
حلا باينة ماراشقاش ليها : عيط لخلود اخالتي ...
الخالة تتضحك : و مشات مع فاطمة الزهراء عيات تستنى فيك ماجيتيش ....
حلا صعرات : و العياقة هاذي نبقى نلحق عليها من دار للدار....تفو هاذي ختي دابا ! غا تتشوف ديك فاطنة الزهراء تتقلب عليا ....! وااله مامنظر هذا ...!
الخالة : و زيد دخل منها تجلس معايا شوية توحشناك ...
حلا زادت معاها عاقدة حجبانها ..! جبدات تليفونها صيفطات مبساج لخلود شبعات ليها سبان و معيور ...و طفات تليفونها ! مخها مقلوب مع سعد لي شافتو و النار شاعلة فيها ماكرهات تنقز عليه و تشعل فيه العافية لي تتحرقها....!
دوزات سويعات مع خالتها !
خرحات من الكوزينة تتمشى فالدار حفيانة ...! دخلتت لبيت وئام بالحس لقاتها مقلوبة على كتاب تتقرا مخشعة غا شافتها قفزاا و جلسات حالسة ...
_ بسم الله الرحمان الرحيم...
حلا مضيقة عينيها فالكتاب : شنو كتقرا...
وئام بصوت خافت و حماس : اجي تقرا ..اجي ...قالك عذا واحد الكتاب اسمو فنون في غرفة النوم....
حلا خطفات ليها الكتاب تتشوف فيها و رجعات شافت فوئام معلية حاحبها .
_ مضيعة وقتك مع هاد التخربيق ! سير قرا قرايتك اابعلوكة....ولا قرا شي كتاب انجلزية تعلم غا اللغة الكلخ....
وئام تتجنن باغية تاخد الكتاب : مابغيتس نقرا لغيت نتزوج ...ماعندي غرض فالقراية ! غنقراه كامل !
حلا خنزرات فيها و حمعات الكتاب عندها : مضروبة على راسك ! باقي مافقصتي من البيضة و معشوقة فالزواج ! و لا جالسة كتقرا فهاد المنكر ...ثقل شوية ثقل....
وئام : الثقالة منك كتفرق...عطيني نتعلم ليينفعني...!
حلا شطحات رموشها تتقرا العنوان : الحمد لله خرجت ليكم من الحنب التاصيلة كاع معشووقة فالزواج و تفرش الحرير للراجل ...! مالو هو ليما يتعلم كي يدير يرضيك و يخليك فرحانة و يمتعك ...!
وئام : اوا تيقولو الراجل كلشي الا كرشو و تحت كرشو ...نقصتي يقلب عليك...
حلا دفعاتها بنفور : ريحة الذل فيك قهراتني...! بزاف عليه ...هو ليخصو يتعلم و يبحث كي يدير يخليني نبقى معاه و يمعتني و عيني ماتشوفش غيرو ...! كيف هو باغي وحدة بلارة و نقية و تمتعوو...يمتعني تنا و يتنقى و يدور بحالتو ...و يخاف لا نطلقو ...
وئام : و عطيني الكتاب نرحعو للعايلة ...
حلا خنزرات فيها : سير والله لا خديتيه....قرا قرايتك و رمي الزواج من عقلك البرهوشة ...مكتقنعش حتى الشوفة..قالك الزواج....!
مشات وئام تتنكر ....! مخلية حلا تتشوف فالكتاب بنص عين...! فتحاتو حاضية مع الباب لا تدخل ..! و استغلت الفرصة ! تتدوز صفحاتو بنوع من الفضول .....و تعاود العنوان باستغراب ...
_ ويلي على فنون غرفة النوم
شافت يمين شمال و خشاتو في صاكها.... نطقات معلية صوتها...
_ خالتي انا مشييت !
خرجات من الشارع تتدوي مع خلود فالتليفون بصوت خافت حيت ماتتبغيش تغوت فالزنقة ..
_ ماشي منظر ...كدوخ عليا !
خلود : و نتينا تعطلتي ...باقي مامشينا للصالون طلعت لتطوان لشي شغل مع فاتي انا فالدار دوز نمشيو مع بعضنا...
حلا لوات فمها ماتقدرش تزيد تعفر ...حيت ماتقدرش تفلت الفابور....! تتمسكن حتى تمكن...!
زادت مع طريقها ....جنب المقاطعة واحلة مع داك السالف تيديه الريح ...!
حتى خرج ليها عبد الصمد فالطريق....! شافت فيه بدوك العيون المجبدة و زادت مع طريقها ...حتى تلمس مرفقها موقفها متمتم بخشونة حدا ودنيها....
_ سپيرا مومينتو ....
كمشات عنقها و سلتات خطوة للور هازة نيفها و رامية تليفونها فالصاك...شادة عليه حيت ولفات غا تتلاقا معاه تليفونها تيطيح فيديه....! بصوت أنثوي رقيق ردت
_ ماتبقاش طول يديك....
الصمدي جمع يديه فجيبو وعينيه شبه مبسمين...
_ مزيان دابا !
حلا تتشوف فبه من بين رموشها : شنو بغيتي !
الصمدي بهدوء : نهدرو !
طولات شوفاتها فيه ...! تتعرف ديك النبرة عندو ...معناها غيهدر غيهدر...سوا بالخاطر سوا بالزز كي مولف يدير....!
شافت جنبها شكون كيشوف و ردت بصوت ملحن...
_حتى فرحات تطوان و من دخانك قالت تهنات ...! ( هزات حاحب ) رجعتي دغيا !
بابتسامة ماكرة و عينيه كلاوها رد : بقى عقلي مع شي ناس....! على بالي كان يحسبو نهار و ليل !
حلا حركات رموشها بحركة تفتن : كانو يحسبو ليل و نهار عسى ربي يقبل دعاوي اليل و النهار و الطريق لي تديك ماتعاود ترجعك...ساعة دعاويهم ماتقبلوش....!
الصمدي( تحك لحيتو الخفيفة بالثقالة ) : النية اسنيورا النية !
حلا شافت فساعتها الانيقة جاية مع يديداتها البيضين ...
_ عطيتك دقيقة من وقتي !( تخطاتو باغية دوز وقفها بيديه لي تلمسو يديها و صوتو وهو كيقول بنبرة واثقة ) كثر من ساعة و ربع مانزيدش من وقتك !
حلا هزات حاجب : زعما بزز؟
الصمدي بتمهل : بالخاطر !
حلا طولات فيه الشوفة و ردت : اخر ساعة غنعطيها ليك من وقتي !
الصمدي لعب بلسانو ففمو و عينيه ماكرة : مع المكتاب....!
فتح ليها الطريق حتى زادت قدامو و خرجو للشارع ...فتح ليها باب الرونج حاضية جنابها ...غا تيدوز من حداها تتشم ريحتو تتحك نيفها مبرزطة ...
شافت شكون كيشوف...لقات غا صاحب الوكالة مشغول مع زبناء ديالو ....و البلاصة قليل فين تتعمر !
طلعات بهدوء تتمطئن على سلاحها في صاكها ... ركب حداها شغل الاوطو و زاد ....! الاوطو زادتو فخامة من نوع اخر ! و كثر حاجبو المطلع و حركاتو ..مرة تيشوف قدامو مرة معاها و نبرتو الثقيلة...
_ حاضنة على المقص !
حلا تتشوف فيه بنص عين : طول يدبك و تعرف علاياش حاضنة !
الصمدي ( بشبح ابتسامة ) : شنو بان ليك نعطيك وعد الرجال مانقيس منك شعرة وحتى نتي تعطينا نيتك ..!
حلا ( مثبتة عينيها عليه و الصمت فقط )
الصمدي ( شاف فيها ) : فين الخاتم !
حلا ( بنص عين ) : بعتو ! ودخلت بيه قفة على المساكين في رمضان....!
الصمدي (عقد حجبانو ) : فين الخاتم احلا ؟
حلا (قلبات عينيها ): جمعت بيه حسناات...
رفع حاجبو تيشوف فيها شحال عاد نطق : سبحان الله....
حلا بهدوء : و نعم بالله ! انا قلت ليك فلوسك شايطة عليك....و اه حتى تليفونك صدقتو ...خدينا شوية حسنات هاد رمضان ....
الصمدي هز حاجبو : مزيان...! الله يقبل !
فالكورنيش.... الصيف والجو حار و ريح قدام البحر تترفع ليها شعرها...! دايرة نظارات الشمس ! و يديها فيديه بزز منها عيات تعافر مابغى يفكها !بالسندالة شوية عالية و بزز واصلة ليه مع كتفو...!
_ فين غاديين بعدا ! فك يدي شوية و حتارم راسك !
الصمدي زير على صبيعاتها : نمشيو lorizon
هزات حاجبها و سكتات ! لييشوفهم يقول هاد كوبل واعر و متفاهم تيحيبو العين من الشوفة اللولى !
المواج تتضرب فالحجر ! و الناس تيتصور بالنوبة حدا lorizon ...! جوح ديال السكيريتي عرض و كول لابسين النواغ ...واقفين فالدخلة !
دازو من قدام شي بنات تيتصورو و يوشوشو عليهم و جات الهدرة فودنين حلا ....
" هي كتحمق زايدة عليه .."
الكلام لي خلى حلا تهز داك النيف و يعجبها الحال تتنفخ على الصمدي ...!
الايكيب فالاستقبال ...و ابتسامة بشوشة واحواءجميلة ...! موسيقى كالم و اجواء صيفية و زرقة البحر تتفتح ااشهيةة!
و حلا جالسة دايرة رحل على رجل و زروقية البحر مع لون عينيها تتبان تتحمق !
الصمدي هز حاجبو : تاكلي من الطبخ الاسياوي !
حلا بهدوء : مايهمش..! قول شنو بغيتي عندي الشغل
الصمدي بهدوء و بثقة : نعاود كلامي زعما ! عارفة شنو باغي !
حلا هربات عينيها منو تتشوف فالبحر و تجمع سالفها تيطير مع الريح ....بقات ساكتة حتى شافت فيه بنظرة واثقة....
_نقولك جوج هدرات ..انا ماعنديش الزواج فبالي ! و حتى اذا تزوجت مايمكنش نتزوج بهاد الطريقة ؛ نتا كتعرفني ؟ ( حواجبها تيتحركو ملامحها جدية ...عجباتو ) لا مكتعرفنيش....و لا انا كنعرفك ..مانقدرش نقول اه وخا نتزوج بيك و انا ماتنعرف عليك والو ...ديك زواج الصالونات مشاو مع ناسهم....انا مستحيل نتزوج بديك الطريقة.....اذا ماعرفتش الراجل و عقليتو و اقتنعت بيه مانتزوجش...! و نتا جيتي نيشان زواج ....واش زواج عندك لعب ! مثلا انا نقدر مانصلحش ليك !حيت طبعي يقدر بكون مامناسبش مع طبعك ...مانتفاهموش ...! ( هزات حاحب تتشوف فيه بوك العيون مجبدة لقاتو تبشمع ليها مبسم نص تبسيمة ) هادشي اذا بصح غرضك زواج ماشي تفلية وخا م ماتيقتش هادشي ديالك....
تمعم في كلامها مزيان ..حتى سالات و رد بخشونة
_ اذا كان بالك مزال مع ليوقع قبل ! راني نسيو و قلت هانية دازت ....لو بغيت ندير شي حاجة غنديرها و ماعندي مشكل ! ( هز خاجبو و كمل ) بنت المراة لي باغيها للحلال ماني ولد الحرام نلعب معاها.......عليها كنقول نتي مزهارة ! وحدة اخرى غيرك مانرحمهاش....
تحط الاكل و سكتو عن الكلام ...! غا حلا كدور دوك العينين زيرها بكلامو ...
_ تنا دويت و قلت شنو عندي ...مانقدرش نتزوج بواحد مكنعرف عليع والو ...و ماعرفاش طبعو كي داير !
الصمدي بتمهل و بالثقالة تيجاوب
_ تعرفيه مع الوقت ...
حلا : وقتي غيضيع باش نعرف طبعك !
الصمدي ببرود : سمعي ابنت الريفي كنعرف حاجة وحدة ( بجراة كمل ) انا باغيك ...
حلا شافت فيه بدوك العبن كي الذيبة ..! و نظراتو الماكرة ماكنتش اقل منها.....!!
حنات عينيها تتكمل اكلها بهدوء ...! حتى رن تليفونها و خرحاتو من صاكها ببرود ..لقاتها خلود ناضت من بلاصتها وقفات تتطل على اابحر يد شادة تليفونها و يد تترد بيه شعرها للور ...
_ شنو !
خلود : فينك تعطلتي عيت نستناك !
حلا : ماغادياش ...تبعي فاطنة الزهراء خليني عليك !
خلود : ماما كتسول عليك ! واش نتينا فكورنيش
حلا ببرود : اه تنشم هواء سيدي ربي....
خلود : و ردي بالك رضا و حنان حتى هوما تما ....
حلا ماتهزات فبها حتى شعرة : سير قضي شغلك بعد مني ...و عقل على المنظر د اليوما...
قطعات عليها و زمات شفايفها حاضية زرقة البحر !
رجعات بلاصتها تتشوف فيه بشك وووسواس...رفعات داك النيف و هزات صاكها تتفحصو لايكون خشى ليها تما شي عجب يوحلها فيه....!
حركتها خلات ابتسامة غير مرحة ترسم على وجهو ....بدون اي تعليق ! تأكد ان نيتها مستحيل تعطيها ليه ...!!
حلا : غنمشي ! مرة اخرى ماتبقاش تعرض ليا فالطريق بديك الطربقة !
الصمدي ناض واقف حركاتو جنتلمانية بطريقة تتجيب ليها الشك ماشي العكس...
_ المرة الجاية نتعرض ليك فداركم...و الماكلة ناكلها من طيابك ....نذوقو الملح عندكم !
حلا هزات صاكها تتشوف فيه بنص عين : اذا كتاب و جات ماكلتي ففمك ..حسب راها موافقة مني عليك...
دارت نظاظرها و خرجاات بمشيتها الانثوية قدام عينيه و ريحتها بقات كدور حداه.....! جلس معلي حاجبو رجل على رجل بفخامة.....صحتو كي السبع ..جيبو عامر فلوس....! القلب هاني مبرد ...!!
دار الكتامية قربات تريب بغواتها ...تتدعي و تعاود مغددة.....ملي جابت ليها سكينة شنو لقات فبيت الصمدي و عيشة النار شاعلة فيها ...بلا الهرس لي مرضها و خلاها غا تتنكر و ماتحمل حد ...
_ عقلو خرج ...لمن جاب هاد الزبل كون ماشي لديك المونيكة....
سكينة مفرشة ليها اش لقاات ملي كانت تتظنف و تشمش البيت...! ساعة فيرساك دورجين و حقيبة يد جلد التمساح دوريجين فالازرق فاتح فيه فراشات مزينة الحجارو اللؤلؤ ...حمق صفاءليتتشوف بحسرة ...
_ هذا دورجين اخالتي ...نقولك شحال كيعمل قلبك غيوقلك هنايا ...
سكينة بتمتمة ماسمعها حد : عندو الذوق ولد الحرام....
عيشة دفعات الصاك باليد السليمة طالعة ليها عيشة قنديشة للراس....
_ سير شغلك ...سير الله يشوي عظومك....دخل هاد الزبل للبيت ديالي و شد عليه والله مانكون عيشة اذا خليتو بعطيهوملا اليهودية ...
____
عوينات مجبدين بايلاينر ...! و شعر محموع بمشبك فضي ..! معلية القندورة حتى للركاب .....! العين عندها تتشطح و تميل يمين و شمال...! تتحضي باها....شافتو دخل للصالة هاز شي وراق فيديه و هي تطيح ديك القندورة و تبعاتو تتبسم ابتسامة درويشة ...
_ بابا وخا نهدر معاك....
عبد الله ( مشغول مع خدمتو ) : همم شنو...
حلا حاضية مع الباب و عينيها تيغلييو ...: و عطيني شوية وقت نهدر ابابا ...
عبد الله هبط نظاظرو على ارنبة انفو تيشوف فيها ...
_ شنو تما احلا....
حلا بللات شفايفها و تبسمات : الهدرة لي غنقول بيني و بينك ...بغيتي هو هذاك مابغيتشي ماتقولاشي لرضا و لا لخلود....و حتى ماما حيت مكتخبع والو على رضا ...
عبد الله عقد حجبانو : دخل نيشان و قول شنو كاين....
حلا تتلوي صبعان يديها بأمل ردت ..
_ شوف ابابا انا خصني نعمل مشروع ديالي ...و خصني اول حاجة الفلوس ...انا جامعة شيحاجة و نتينا سلفني ماشي تعطيني غا نوقف على رجلي و كلشي يمشي مزيان و نرجع الفلوس....!
عبد الله حط من يديه و نطق باهتمام...
_ مشروع ! مزيان...شنو غدير فيه زعما بيع و شرا الحوايج ! شحال بغيتي ! خمسة مليون كافية !
حلا تبسمات مخبية احباطها
_ لا ابابا ...نيشان مشى عقلك تما.....! و خمسة دمليون ماتعملي والو فداكشي ليفبالي...انا باغية مشروع كبير يعني كابيطال خصو يكون كبيير ....
عبد الله هز حاجبو بتركيز : شحال ؟ شنو هاد المشروع فبالك ...
حلا تترمش : و المشروع خصو الارض و تبنى من القاع و شلا مصاريف....! يعني حتى اذا مانجحش ياك ..الارض عمرنا نخسرو فيها....! وخا عارفاه غينجح ....!
عبد الله هز حاجبو : داخلة محهدة ابنتي ...ماتعلقش فاين تفلق ...شوف على قدك حانوت بيع و شرا و خدم عقلك فيها...عاد شوف الفوق ....
حلا باحباط واضح على وجهها جالسة حداه غي بزز : مم بصح ..يانا مانقدش على داكشي الكبير. ...وخا ابابا نمشي نعاون ماما ...كمل شغلك.....
خرجات من عندو بهدوء و دخلات لبيتها شادة عليها ...دايرة يديها تحت حنكها تتمتم ...
_ حاسة دودة الحماس كتموت فيا شوية ورى شوية ...حيت مالقاتش الفلوس تاكل منها ..و يانا بالروح بالدم غنوريهم هاد المشروع شنو غيخرج منو ...!
بعد اسبوع ...!
دخلات حلا من الخدمة...! جات قبل الظهر ! عيانة و رجليها ضارينها بداك الطالون...! تتشوف القيامة نايضة من البارح و حميدة فرشات طابي غوج على الدروج من الراس حتى القاع ....بمعاونة خلود...!عرفاات ضيف جاي ...هاذي عادة حميدة !
هزات حاجب مستغربة : مالكم جايين الضياف ؟
خلود تتنهج سخفات : ايه ضياف بابا ...! ياربي نصي تقسم.....جيتي بكري اليوم...
حلا جلسات تتريح رجليها : عييت و جيت بحالي...! ندخل نتكى شوية !
هزات صاكها و دخلات لبيتها تتدوش ...!
خلود : غنزيد معاك غي هاذي الاخيرة و غنخرج حمزة كيستناني....
حميدة خرجات عينيها : و شكون يعاونب باقي ماوجدت والو ...
خلود : قول لحلا تكلف دور معاها غا بشي الف درهم تحمر ليك وجهك هاذيك ماشي ممتعرفش ...هاذي غا معجازة و كتمشي غي بالفلوس شفتي ديك المرة على عراضة دارت خلات عمتي فمها مفتوح ..انا و مانعرفش نعدل هيداك......عطيها تعمر الحوت هي تتقنو ...ماتعملشي الدجاج و اللحم....ماباقشي تيتفتح العين....!
حميدة بهمس : وااله و تعرف عبد الصمد لي ماجي لاحطات يديها معايا....
خلود : هاء ! و مالو ضيف ديالها....ضيف بابا ! بان ليا تصاحبو ! و بحالو والو يجيب حتى يماه و يفتح موضوع الزواج عاود عاد المرة كلشي رسمي......
حميدة : والفهيمة ..علاش حسابليك هاد الحالة غا ضيف الله ! راه الهدرة دايزة...! و حتى عبد الله ععرف شنو كاين...! ديك المرة عرضو عبد الصمد للشاون و تغدا معاه فاارياض ديالو ..وعبد الله فبالو يرجع ليه العراضة و يكبر بيه....!
خلود : حسابليك غا هكاك ...الراجل عينو فحلا كيدير بلاصتو عند بابا....و نبصم عايها غيعاود يهدر فحلا هاد اليلة....! مشي قولا لحلا عندا تبان كي المصدومة ملي تشوفو ......
حميدة مطات شفايفها : شش ...قطع حسك....تنوض تصعر علينا هنايا...!خليها تعاوني فالكوزينة....مالو جا عندا ضيف عبد الله ...!
خرجات خلود مع راجلها ! ...بقات حميدة تتنكر على حلا ! و مرة تسايس معاها حتى دخلاتها للكوزينة...و تحزمات حلا ! جمعات داك الشعر و خشات جناب القندورة مع السليب ...! كدور فالكوزينة تتشوف التقضية ...!
حميدة بتوصية : الله يرضى عليك احلا....عمل داكشي متقون نعول عليك....عندك تحشمني !
حلا : دابا شنو غنديرو الحوت ؟شحال بيهم !
حميدة : ايه الحوت راهو شوف نتينا و عقلك...حيد العجز و طلق يديك ابنتي ...نمشي نكمل شغلي و نرجع نعاونك....الله يرضى عليك
حلا : وخا احميدة وخا ...الرضى عندك غا كيتشتت ملي كندخل للكوزينة....
خرجتت حميدة من الكوزينة مخلية حلا ! طالقة يديها تتفنن...!! و حاجبها مطلع دليل على انها مخشعة ....!
بدات بشوربة الحوت و الخضر ...! و دازت للحوتة نقاتها ليها حميدة وهي عمراتها بالكروفيت و الشعرية ودخلاتها للفران....!
و كملاتها بااسيكار معمر بالسبانخ و السلمون....! و داند بالشاركوتري و بيض السلمون مع الصلصة....!
دوزات كثر من ثلاث ساعات فالكوزينة....! و حميدة دور دور و طل عليها
_ ساليتي ! هيداك ...حادكة حادكة الله يفرشك بالرضى ....
حلا بعياء : باقي خصني شي سلاد غويال و هانا ساليت ...و فالاخير نكرني قول حلا ماعاوناتني ....
حميدة : مالي بهودية...قبل مانحط هادشي على الطبلة ...نكبر بيك قدام الناس و نشكر فطيابك بنتي حلا هي لي طيباتو ...
حلا : بعدا شكون جاي ! ( غوبشات )عندو غا يكون الحاج مفضل ...
حميدة : تت ...لالا الحاج مفضل مابقى مع باك كيف قبل...!
حلا : و شكون !
حميدة تتلف : و انا عرفت ! صحاب باك كثاار نعقل عليهم انا واحد بواحد ...! لي عارفة عمرو جا و عتب باب دارنا اول مرة .....
حلا باين العياء فوجهها : نمشي ندوش توسخت و تعرقت هنا...!
حميدة تتبسم : سير الله يرضى عليك....دوش و لبس عليك شي حاجة مستورة عندو يدور فيك رضا ....
حلا هزات حاجب : علاش رضا حتى هو غيجي ! حتى تهنيت سكن بعيد مابقيت نشوف كمارتو شفتو غا جالس معانا و مقصر كل ليلة ...
حميدة بغضب : سير قلب عليا عندي نخسر معاك ماتخليشي بنادم مزيان والو ....!
خرجات حلا من الكوزينة تتلوي فمها...! دخلات لبيتها دوشات و دارت بحالتها معطرة كي عادتها فالدار تتكون زايدة جمال على الزنقة ! غا سالات ترمات فوق ناموسيتها شادة التليفون من هنا لهيه حتى غمضات عبنبها و نعسات بالعياء...! مافيقاتها غا حميدة لي دخلات عليها تتولول....
_ نوض احلا ...الضياف وصلو ! نوض شوف ديك العجب لي درتي ...انا اليهودية عولت عليك ....
حلا جلسات عينيها مفلوبين بالنعاس...
_ و صافي اماما غا الصلصة ديريها بوحدها ماتخليطش داكشي و نزل ...انا فيا النعاس ..!
حميدة بغضب : نوض صحصح ...بدل عليك هاد التقزيبة ...شكون غيعاوني نحط الماكلة ! خلود ماكايناش......
ناضت حلا بزز منها...! صحصحات و مشطات شعرها حمعاتو بمشبك فضي ..شعرها حرير و رطب هابط ورى ظهرها سالف تيشطح معاها ... زادت قندورة فالنواغ فيها لمسة فليسطنية خفيفة و صيفية ....! جاية مع بياض بشرتها تتحمق !
دخلات للكوزينة تتقاد داكشي على مايوصل وقت الماكلة...! حتى صيفطات ليها جميدة اوديو فالواتساب تتقول ليها طلع الماكلة للطبقة الثانية فيها غا الصالون و خصيصا للضياف مفرشة على حقها و طريقها...! و دايما محهزة بالرفيع و التاويل ...!
طلعات فالدروج هازة فيديها و حاضية لا تقلب داكشي ...! تلاقاها رضا هابط يعاونها غا شافها طلعها و هبطها و غوبش...
_ قول السلام بفمك و قلب الروايض تجلس معانا نقطعلك رجلك .....!
قلبات عينيها عليه ..جات يكمل طريقو ..وقفها وهو كيخنزر فيها غياكلها بالفلي و التبحصيص و الغيرة تتشوي فيه....القندورة جاية مع بياض بشرتها شي حاجة بزاف اي رجل غيرد البال...!
_اجي...سير بدل ديكشي لي لابسة...
حلا غوبشات فيه تتدوي لين سنانها ..عرفات ان الضيف شاب عليها رضا داير هاد الحالة ...
_ سير تقلب عليا و الا قسما بالله حتى نقلب عليك هاد الماكلة...خليني عليك...المرض !
خلاتو تيسب بين سنانو ...و طلعات مكملة طريقها مثفلة بيديها ...المشية الرزينة و التبسيمة على الوجه ...! تتبان لالة و مالي ..تقول مراة الدار صافي !!
عيشة الكتامية غا وصلات ليها خبار عبد الصمد ...! شعلات فيها العافية...تامشي و تجي غا بيد وحدة الاخرى مهرسة ماتتحركها...!
_ علاش ..من فوقاش عبد الله كيعرف عبد الصمد ...! مشى ياكل من عندهم...! ماعندو دار ياكل فيها.....! كيدورو العزري ديالي بيناتوم....علاش ماعرضونيش انا ...
سعيد تيسايس : و عبد الله غا بغى يرد ليه العراضة ...شنو فيها! عبد الله عرض عبد الصمد يعني رجل مع راجل ...شنو غتبغي تعمل الواليدة تنا....
عيشة جلسات تتبلع الفقصة : يوكلوه العحايب و يحمقولو عقلو...مانتيقشي انا فديك المونيكة .....
سعيد : غا بغيتي تخسرا مع الصمدي ...! شفتبه ميك على الصاك و الساعة عندك و ماهدرش معاك خلاك بخاطرك بغيتي تقيم العافية. ...
عيشة بنظرة قاصحة : شد دقمك نتينا شد...علاش كتهدر معايا هيدا ..علاش ..! انا يماك المسخوط يماك......مع من تشاور عبد الصمد مشى يشريلا داكشي هذاك....مع من تشاور شنو كتجيه...ماهي خطيبتو و ماشي مراتو ....علاش يصرف عليها.....خصو يتشاور معايا ....!
سعيد كيهدن : و لالة يمة يهديك الله...و حنا عرفنا داكشي ديالمن....الله يهديك و صافي ...!
عيشة صعرات عليه : نتا يالفولة متقوبة ...كلشي كتمشيي توصلو...تقولا لديك فرفارة د مراتك و مراتك تقولك لمرات خاك و خاك يقولا لخاه و كدوروني بيناتكم....كتافقو. عليا يالمساخيط...يانا والدة غا المساخيط.....!
______
خلاتو تيسب بين سنانو ...و طلعات مكملة طريقها مثفلة بيديها ...المشية الرزينة و التبسيمة على الوجه ...! تتبان لالة و مالي ..تقول مراة الدار صافي !!
ختى وقفات على صوت الصمدي...! صوتو هو عرفاتوو طيراتو فالسماء....!
جالس مع عبد الله تيرحب بيه و يعاود و الصمدي كي الوزير...جالس بفخامة غا حشم يفرش المخاد مع يديه و يرون داكشي....! اما هو البلاصة لي يجلس فيها يخليها مرونة و المخاد كاع دايرين معاه....!
توقفات بلاصتها تتأكد من صوتو و تعاود و تتمم مع راسها...
_ ياربي نكون كنحلم....
تعرضات ليها حميدة مصاوبة حجابها باينة حشمانة...!قربات تتدوي بالحس مع حلا
_ اري نزل هاذي...طلع نقش المنديل و كيسان العصير ....
حلا مزيرة على الصنية و عينيها كيدورو ودنيها سخنو عليها
_ شكون هنا !
حميدة بصوت خافت : ولد عيشة الكتامية...طلق نحط للناس و هبط طلع ليقلت ليك...
حلا بلالط عينيها بغاو يخرجو و يديها زيرو على الصنية ...تفتفت ماتعرف شنو تتخرح
_ شكون عيشة ! الكتامية! عبد الصمد !
حميدة غوبشات : طلق نحط للناس و سير طلع لي بقى ...هو شكون غيكون...
حبسات اابكية و من الصنيىة ماطلقات ...خاجبها تيشطح غا بوحدو ...
_ و ماما سمعني...بلاتي نقولك....طلق الصنية نقولك...دابا عرفتي...
حميدة (عقدات خجبانها ) : شنو غتقولي ...طلق نحط للراجل دايا عبد الله ينوض ينكر ...!
حلا (بحال الا ضربها شي حمق بالشمال مصدومة... حميدة تجر و هي تجر ) : لا ...ماتعملشي فيا هيدا....لا اماما....غا بلاتي شويش نقولك....
حميدة صعرات عليها و جرات الصنية من يديها تتنكر : هز من الصنية الصلصة ديرا بوحدها هاهي غتكركب هنايا ...و تبعني نزل و رجع هبط ورى النقش طلعو و لا عطيه لرضا يطلعو دغيا...!
حلا تتبلع الشمتة بزز منها...! هزات الصلصة و تبعات حميدة تترمش و تميل شفايفها حابسة البكية مع الفقصة ! ناعلة راسها و هاد الزهر لي ولى عندها...!
سبقات حميدة لي حطات الحوتة تتشهي على حقها و طربقها....! و عبد الله تيفرنس...
_ الله يعطيك الصحة....يلاه اسي عبد الصمد بسم الله ...
حميدة : الله يعطي الصحة لحلا هي لي دارت القوام و قامت بالواجب ......
وقفات حلا غا جنب الصالون تتشوف فالصمدي بنص عين و عينيه اصلا كانو كيقلبو عليها وخا جات مخبية من عينبه و عذباتو باش يشوف...! مالمح غا داك الثوب الاسود و يديها الملسين بيضين كي الحليب ...
تمتمات بصوت خافت بزز منها...
_ السلام عليكم....
عبد الصمد ببحة و نظرة مبتسمة ماكرة : و عليكم السلام....( شاف فحميدة مكمل بادب ) الله يكثر الخير ...
حميدة خدات الصلصة من يد حلا الواقفة مخبية تقول منقبة و حطاتها على الطبلة ...
_ بالصحة و الراحة....
عبد الله بعفوية تيمعن على حلا : و نهار كبير هذا لالة حلا ..! الله يعطيك الصحة ....!
حلا جات تقول بصحتكم....تغرسو سنانها على لسانها حتى حسات لسانها تقسم ...و الظوء ضربها....! شدات فمها و الدموع خرحو من عينيها .....! سلتات من قدامهم و هبطات للدروج تتمشي و تجي و تشطح تتبرد العضة ..بغات تموت بالحريق الريق سايل مع فمها....!
رضا تلاقها مستغرب : مالك....
حلا الدموع فعينيها لسانها واكل الدق بزز تتدوي : لساني...اح لساني..لساني...عضيييتو....عضييتو.....لساني مشاا اححح ....
حميدة هبطات تتسمع صوت الشهيق ...
_ حلا مالك...
رضا ( مد ليها السلطة ) : عضات لسانا ...( خنزر فحلا )هبط بحالك ....شنو كتستنى....
حميدة بقلق : حيد يديك نشوف اويلي ...هاد اللسان حتى هو طويل بزاف....( تتشوفها تتبكي بقات فيها ) احح ياربي ...زيد قدامي نشوف شنو وقعلو زيد....!
هبطات مع حميدة وهي ساكتى غا شادة فمها و عينيها حمرين و مدمعين....!! العضة برداتها ...و لايني الصدمة و الشمتة لي باقة تتطلع و تنزل فيها....!
دخلاتها للكوزينة بالزربة تتحيد ليها يديها من على فمها...
_ حيد يديك...خرج لسانك نشوف..دغيا !
حلا قلبات وجهها من عليها تتدوي بين سنانها ..و لسانها مابغى يتوب...
_ قولبتيني احميدة...كتعمل راسك ماعارفاشي شكون الضيف المصون...شنو فيها اذا قلتي شكون ماجي و انا بحال الحمارة طالعة كنفرنس....
حميدة قلباتها تخنزير : مزال زايدة فيه ...جمع داك اللسان...و تركن...مالو غياكلك ...واش جا عندك...حا عند باك...السيد ماهزشي حتى عينو فيك.....!
حلا : زعما ماجاشي يهدر مع بابا عليا ؟
حميدة : شكون مشوق فيك...مالو غيجي كي المقطوع من شجرة...حتى حد لا مو لا خااه...
خرجات حلا من الكوزينة منفخة زامة داك الفم تغزز فسنانها ...دخاات لبيتها مرة تنعس مرة تتجلس و مرة تمشي يمين مرة شمال و تطرطق فدوك الصبعين....و حاجبها مطلع للسماء...! غا تتخايلو جالس تيفرنس و يدير فيها دوك الشوفات ديال عقلي على كلامك ...تتبغي تموت و تخشي راسها تحت التراب...! و كثر ملي تتخايبلو تيغمس و ياكل ويشرب من ماكلتهاو يذوق ملح دارهم....!
جلسات فوق ناموسيتها تتطحن فدوك السنان : على قلة الملح في دارهم....! كون ماقولبتنيش حميدة كون درت ليه غبرة سريسرا....!...انا اصلا غا مراة ماشي راجل...الكلمة كتكون عند الرجال ماشي عند النساء....النساء ناقصات عقل...! و النية هي الغالبة ...!و اذا كيعرف بابا يمشي يدعيني ( كمشات حجبانها حابسة البكية ) ماكانش كيعرف بابا ...ولى تيعرفو و دخل لوسط دارنا ولد الجلبانة.....مال هاد الزهر ناعس مابغاش يفيق و يترجل معايا ...!
سمعات غوات رضا ...! ناصت خارجة لعندو تتعوج
رضا : شد عاوني ...
حلا قلبات عينيها عليه : هزهم نتا ....ولا فيك غا الهدرة...!
تجنن عليها حتى رمى الكرسي برجلييه و دخل تيسب فيها مغدد ..! جا يحط فوق الطبلة تقلب ليه كاس و طاح ...!
دخلات تتجري لقات الكاس طاح....لوات فمها بسخربة ...
_ والله لا بقات فيك....و ماما تخورلا عينا و ماتهرس ليها مواعنها......!
رضا معصب غا مع حوايجو : يخليها عيشة ...!
هبطات حميدة على نيتها تتسمعهم تيوشوشو...!
_ مالكم عاود...
رضا تم خارح مخنزر : المخلخلة ديالك هرسات الكاس....!
حميدة قشعات الكاس طايح و هزات عينيها فحلا تتشوف شوفات القتيلة فرضا .....ضربات حنكها تتولول
_ صافي ...هرستو كلشي بقا غا مواعني....واش مغتكبروشي...مالي انا والدة الجنون...
حلا ماراشقاش ليها : سير غوت عليه الحمار ...هو لي هرسو ..و هرب باش نسمع انا الهدرة...!
خرجات حلا من الكوزينة طالعة ليها قنديشة ...! جات تشد الباب ...! قشعات الصمدي و عبد الله هابطين...! لقطها بعينيه ...هزات داك النيف و شدات الباب بحركة مسموعة....! خلات حميدة من وراها تتولول حشمانة....
_ شديتي الباب على الرجل.....ماعرفتش واش وجهك هذاك و لا قفاك...شنو هاد التبرية عندك ...واش علمتك انا هيدا....! فوقاش غتبرباو فوقاش.....! صافي احميدة ماولدتي ماربيتي...! حتى واحد فيهم ماكيحمر الوجه...
حلا تترمش : غا شديتا ماشي بلعاني ماشفتوشي هابط....!
سعيد تيسايس مع عيشة و ياكل ليها دماغها بالهداوة...
_ ايمة...الصمدي ماشي تحرفلو فصاك و ساعة يعاود يشريهم....! والله حتى يمشي ياخد ليها اخرين زايدين على هاذو ...
صفاء تتفرنس. : اما حسن اخالتي...هاذو ولا يصرف شي ثلاثة مليون اخرى ؟و لا زايدة ؟
عيشة مكمشة فمها منفخة و راسها يابس
_ يشريلا حتى القصر ...انا عجبوني غنلبسوم انا ...!يماه هي الاولى عاد يشوف لمن يصرف فلوسو....
سعيد تنهد : وخا الالة يمة على خاطرك...
عيشة تتشوف فيهم بنص عين و غا منفخة ....
_ ماتسالوني حلوف ...حتى هاد عينين الجنون غتخرج على عبد الصمد و تاكلو عقلو ...بالحق خليه ...خليه يتبع التشاشا و يتبعو سخط يماه.....!
صفاء حبسات الضحكة تتشوف فسكينة : التشاشا....
بعد اسبوع !
خارجة لالة عيشة من اابيت ..! يد مهزوز مهرس و اليد الاخرى راها معمرة بشلا ذهوباات خدات حق اليد المهرسة و دارتهم تما...! و سكينة قدامها تتصاوب ليها جلابتها ! وهي تتلوي داك الفم مطلي فاحمر شفاه معيق ...! عريساتها حابسين الضحكة و تيجاملوها...!وهي تتمشي و تجي للسرجم تتطل و تبركم...
_ فاينو سعيد تعطل....
صفاء : هاهو ماجي اخالتي...شوية يكون هنايا...خالتي انمسحلك شوية عكار ترون ليك و هبط تحت الشفة التحتية....
عيشة قلبات كمارتها تتمشي و تحي بديك الجلابة ديال العرايس ..! و تشمر كمام يديها السليم...المعمر بالذهب و محمل حتى بالساعة لي خدات للصمدي...ساعة خسرات جماليتها فيديها المصفر بداك الذهب مشعشع و كملاتها ملي خنزرات في صفاء و نطقاات...
_ جيبلي الصاك نديرو حتى هو....
صفاء : اخالتي صاك فاين غتعقلو و عندك غا يد وحدة و عمرتيها بالذهب و الساعة....
عيشة من بين سنانها : يشوط عظومك سير جيبلي الصاك .....( مشات صفاء رجعاات وقفاتها عيشة نغوبشة ) صافي بلاش ....
جلسات عيشة فوق كنابي تترمش برموش شبه باينين اصلا...! حتى ناصت نوضة وحدة تتغوت...
_ نوص جيبلي الصاك ...غنلبسو ..
مشات صفاء تتحسر و تسوط تتشوف فداك الصاك هكاك انيق و تيحمق و نادر ماتلقاه عند شي حد....؟ خطفاتو ليها عيشة من يديها و خشاتو في معصمها ..و خرجات منفخة تتبركم ..الذهوبات تيشاليو و الساعة و الصاك طالبين الشرع معاها ...!!!
ركبات مع سعيد تتدوي عاقدة حجبانها....
_ دوز عند بنت ذهايبي ....!
سعيد بلع بيقو : شنو عندك معاها ايمة....
عيشة الصاك ماحيداتوش من معصم يديها
_ سير و ماشي شغلك.....!
دخلات للمحل ! صوت الذهب تيجيب حريق الراس و الصفر تيضر فالعين...! دخلات تتنفخ على مهدي ليشافها عقل عليها ...!
دخلها تجلس و رحب بيها و طار لعند حلا لي جالسة فالبيرو مشغولة ! مركزة مع خدمتها...!
مهدي : ختي حلا ...ديك الكليانة العزيزة عليك جاات ..
حلا (هزات العين فيه ) : شكون ! كليان ديالي كاع عزاز عليا....
مهدي : عيشة ماخفت نكذب....!
حلا ( فرنسات ) : فين هي ؟ جات بوحدها...جبتي ليها تشرب شي حاحة....
مهدي : بلا توصية....اختي حلا !
خرجات حلا من المكتب... تتمشى باناقة مع لون الاخضر الملكي لي لابسة ...!
راسمة واحد الضحكة تتقطر بالصباغة و النفاق ..! كانت تتقول ماتعاود تدوي مع عيشة مزيان...ولايني الفضية فيها البيع و الفلوس و الذهب ...! ماتقدر تصعر و لا تخسرها معاها داخل المحل ...
_ مرحبا بخالتي عيشة نهار كبير هذا...
عيشة تتمشطها بعنيها و تهز بيديها العامرة الذهب تتشالي بيهم : همم ...
حلا جلسات حداها تتبسم و تسرح عينبها على الذهب فيديها غا قشعات ساعة فيرساك و الصاك العاطيين للعين تيحمقو ...تحكات مزيان و شطح حاجبها ...حتى قلباتها تفرنيس...
_ كيف بقات الصحة اخالتي عيشة ! مزيانة....يديك شوبة ؟خفف عليها و تهلاي فالصحة....
عيشة منفخة : نحمدوه و نشكروه .....
حلا عينيها على الصاك : جاك الصاك تيحمق مع اللبسة فن فن ...ياخالتي عبشة تتباني صغر بعشرين سنة لي يشوفك مايقولش والدة واحد قد عبد الصمد ....!
عيشة ودنيها تجبدو ملي ذكرات سمية ولدها.... : حيت كابرة في راحة و فالخير الحمد لله ....( هزات يديها تتقيس في شعر حلا ) هذا ملصق و لا شعرك هيدا طوال ...مالو هيدا محروق ...شلا !!!
حلا بابتسامة تتخلي عيشة تقلى : شعري بقيت عليه بالوصفات و التهلية حتى طوال هكا فشهراين.....ساعة نعطيك الوصفة تنفعي بها حتى نتينا.... اوا شنو حاب خاطرك ....نوريك شكيلات الجداد ....تعشقهم عينيك و تعطي فلوسك فيهم و نتينا فرحانة....
عيشة غا تتنفخ عليها : وري نشوف شنو عندك ....
احتفظت حلا بالابتسامة ديالها ! حتى ناضت تتجبد ليها الموديلات و عطاتها بالظهر و قلباتها تخنزير زامة شفايفها تتمتم ...
_ جلبانة لاوية ...
قشعاتها عيشة من المراية تتلوي فمها و تعوج....خرجات عنيهاا و طلقات حلقها
_ كتعوج عليا داك الفم ..جيت نسعاك ...!
حلا تترمش : اويلي اخالتي نعلي الشيطان ...جيتك فرحات ليا القلب ..و نتي تتقولي هيدا....حشومة....
عيشة ناضت واقفة مخنزرة : لا كتعوج عليا و تزبل فيا هيدا قلبك كيغلي عليا ماحاملانيش وماكرهتيشي تشوفني ميتة ....انا العينين كنقراهم عينيك د اللفعة....
حلا (قلبات عنييها ): خالتي عيشة الاعصاب لا...بردي بردي ...مهيدو جيب للعزيزة ديالنا ماتبرد ....!
عيشة قتلاتها بداك البرود....اصلا جات عوالة على الصداع معاها...
_ انا عارفاك للفعة عينيك على عبد الصمد و كتجرو عندك و تاكلو عقلو ...و طامعة فالفلوس ديالو ....عبد الصمد بزااف عليك ماهو ساهل ليك....!وخا تسطح الدلاحة ماتقلبلو عقلو ....! ولدي ماثغرو لا زين لاا زعورة....!
حلا عوحات نصها و غمزات مهدي يدخل بحالو ..عاد شافت فعيشة مبردة تتبغي عيشة تسطى ....
_ شنو غنعمل قلبو بغاني و يانا عاود ماعندي مانعدل ...هو عينو عليا ... و عندو الحق الحب مكيشاروشي اخالتي...برد برد و اجي قولي ...باش بغيتي تبرد و تنعل الشيطان....شي كويس العصبير ليمون بارد ولا شي شرتلة ذهب مضخمة ....!
عيشة العافية شعلات فيها تخنقات و تجننات تقيسها تفركع....!
_ بلاتي عليك ياللفعة...اذا ماندمتكشااي مانيش عيشة ....!
خرجات من المحل تتنفخ و تسب و تشتم ...!!
صعرات على سعيد مزيان و جات للدار صاعرة عليهم.....لي دوا نعاها يندم و حفايدها كيتخباو منها و زادت شخصيتها تتمرض مع الهرس ! ولات لا تطاق...! و بزز مستحملينها....!
حتى ورى المغرب جا الصمدي و ناضت من الصالة سنانها كيتقرقبو بالغدايد ...تلاقاتو محلفة ...
_ ديك لداللفعة ماتدخلشي عندي للدار....! زبلات فيا و جرات غليا....بحال كنسعاها..
...باسها فراسها و حنى راسو لعندها حيت قصيرة عليه بزاف....
_اينا لفعة من اللفعات لالة يمة....!
عيشة : هاذيك الشطابة ...! هالة بنت الذهايبي ...مشيت على سعدي نشري و نفرح راسي ..ناضت كتعرعر عليا ...لواه انا و ولدك كنحماقو على بعضنا و الحب مكيشاور وهو كيبغيني انا كنبغيه ....قلة الحياء ! ماتحشم ماترمش....هاذي ماتكون عروستي يانا....!
الصمدي حك لحيتو الخفيفة مبرد : وريني اشنو شريتي !
عيشة صافي لي خلات حلا كمل عليها الصمدي...غوتات و صعرات نييت....
_اناا فاييين و نتا فاييين....غتحموقني...انا غنموت دابا ...لحمي كتغلي......خرحتو عليا....والدة المساخيط....وحدة فالصباح و اخور باليل ...
تحنى الصمدي هزها كي الريشة وهي تتغوت و تسخط ...و الصمدي مبرد
_ نزلني المسخوط...نزلني......قالك كنبغيه و كيبغيني...تبغيها ݣرانة ياربي ....! جنية !
دخل عيشة لبيتها و سايسها حتى بردات ! و الغد ليه جات اختها نبيلة لزيارتها ....؛و عريساتها شادين الحديث تتعصبهم و مابقاوش قادرين يستحملوها...!
صفاء : غا تموت و تزهى علينا ...
سكينة ميلات شفايفها : مابغيتالاشي تموت و مانتهناش لبها الشر ولكن غي تغبر وجها علينا واحد العام غي نتوحشوها....! عيت و تهديت و هي حاطة غي عليا ..عبد الصمد جاب حوج خدامات رجعاتوم قالت ليك ماعجبوهاشي و الماكلة ديالوم ماتاكلاشي.
صفاء تتسوط : شفتي هاد الفشوش و الضسارة كاملة بسباب ولادها...غي تغضب تيفرشو ليها الذهب و الحديد و الخناث و مي لالة....؛ و عبد الصمد يديه مثقوبة يحط مليون ينطح مليون و الله ماتهز فيه شعرة ...غا تبدا عبشة تنكر يخوي جيبو. ..! انا بغيتلو شي مسخوطة تشد داك الجيب بالقفل و يسكت من الضسارة ديال عيشة ....
سكينة بشفقة : وهي اصفاء راه ولادها اذا جينا نشوفو من جهة...عرفتي شحال تعذبات معاهم ...الراجل مات و كانت صغيرة مخلي الطماعين عينيهم كيغليوم و كان اصلا خانز فلوس طمع فيها خاه قالك تزوج بيا حسن مايدخل البراني ...و مع من جا...! جاب الله عبد الصمد كان كبير شوية هو لي شد الحكام و جمع خوتو البنات و قراهم و زوجهم و رد بالو مع خوتو الولاد ....! وخا كان رجل فالمغرب و رجل فاسبانيا ....!
صفاء هزات كتفها : هادشي عارفاه انا قبل منك ماشغليش ... هي عاشت زمانها صافي تجلس تركن و تهدا و ترريح شوية تخلينا غي نتفنسو نتينا كدافع عليها هيدا حيت جامعة ذهيبات مع راسك و كل مرة كتشري ليك انا شادة معايا الضد العقروشة ...!
سكينة ضحكات : اجي بعدا شفتك وليتي نتبنا و حلا صحابات شنو قضيتكم.....
صفاء تتقلب فعينيها : كتعحبني ديك البنت ! واعرة و كتعرف تلبس شي لباس عندا خطيير خطير كيفاش كتواتي و كيفاش كتمشي و تهدر و شادة محل ذهب على قدو كتبان مطورة الواحد هو لي يتصاحب مع لي يوكدو و يزيد القدام ...و شكون عرف تولي مراة عقد الصمد انا مابغبت نكير و لا عداوة ...و مبينة ليها السن الابيض ...!
سكينة ميقات فيها : سبحان للله الله يحعلني نتيق....؛
صفاء تتراري ببنتها فيديها : عرفتي والله حتى تصدق مزهارة اذا تزوحات بعبد الصمد....اذا كان مطورة دير لباس و فوق لباس غي من وراه ....و زيد مع يديه كتعرف غي عطي عطي....اذا كان غا مسافر و شاف شي سندالة و لا صاك عجبوه يشريه وخا يكون ساوين معرفت شحال......ديك غزل كانت عايشة معاه اميرة ....شلا ذهب و شلا ساعات و الحوايج و الخروج و الدوران كل مرة فين ....تفتح محل بكثرة الحوابج لي تيجيب ليها ..مامخليها مخصوصة من حتى حاجة...! وهو ذواق ولد الحرام ...الحاجة لي كبشريها دايما كتكون واعرة ...! غا هي شوية مكخلة لي يعطيها تتسلتو ليها صحبتها و خوتها البنات ...و ماجمعات حتى سنتيم عندا غي صرف و فرق ...كون بديك الخير لي كانت عبشة فيها كون دارت فيلا و لا شي مشروع مضخم....
سكينة كدور فعبنيها :ياختي سعداتها...هاهو خاه مزوجة بيه ياختي سنتيم مايخرج مرة فشهراين يخرجني و يشري ليا لي بغيت داك المرة كنكون فيها طايرة بعدا. ..و حتى سعيد شوية ...مكيتشابهوش....
صفاء : تت لا مكيتشابهوش....حتى سغيد بخبيزتو خازن الفلوس و مزير غليهم مكيطلقش....لي خرج فيهم كريم و سخي هو عبد الصمد الفلوس مكيضربش ليها الحساب ...!
سكيمة : و هاذي باينة و معروفة...! غي شنو جاب لحلا ديك الساعة و الصاك و هي ماهي خطيبو ولا مراتو ....خويا عبد الصمد صافي عقلو مشى مع ديك الريفية.....
صفاء تتضحك : اذا مشى تردو ليه خالتي عيشة ...حسابليك تخليك هانية....والله تكون عيشة ...اذا خلاتهم ليها..! ولات حاضياه بالدخلة و الخرجى لي دخل فيديه وليخرجو.....كتخاف يكون شاري ليها شي حاجة من ورا ظهرا ههههه
سكينة: هي كانت ميتة تزوجو بيه ادابا تقلبات عليها
صفاء سمعات الصوت برا خفضات صوتها ...
_ حيت شافت السيدة كتزيد غي تزيان و عاطية العين و زادت كرهاتها ملي شافت عبد الصمد عجباتو و قالا بغيتا جالسة فالبيت ديالي....وهو كان فالاول صارب على الزواج كاع ماعندو بيه غرض ...عيشة تغددات و دخل معاها الشك....كتخاف تكون هدرة الناس صحيحة و يصدق عبد الصمد هو شبيه جدو ...جدو كان بحالو ....كيعجبو الزين و الزعورية و كيموت على اابناات فوق الخمسة و عشرين و فلوسو كاع تيخسرهم عليهم....حتى حصل مع وحدة سكناتو و قلباتو قلبة وحدة بحال هزيتي راجل و حطيتي راجل....هذا قصتو كانت معروفة و من دايما كيقولو عبد الصمد عندو طباع جدو الله يرحمو.....
عيشة جالسة كي الملكة فالصالة مع ختها نبيلة ...! تتشكي ليها و تخوي عليها قلبها مغددة....!
_ مامزوج بها ماخاطب و خاسر عليها زبابل الفلوس....
نبيلة هزات حاجب : و صافي مشيتو خلا ...كانو كيقولوها و مابغيتي تيق...عبد الصمد كيشبه لجدو فلوسو كاملين صرفوم على النساء ديالو ...و مايعرفش يشد الجيب و هيداك هو ! و نتينا اعيشة العزري ديالك و عارفاه...مانقولكشاي انا فيه.....
عيشة تتحك و تغدد : عبد الصمد يدو سخية الفلوس ماشي فقلبو كان كيصرف على كلشي ماشي غي على المراة ديالو ...( قندشات ) مالو عندو القرون...ياك اختي رجعتي عبد الصمد بو قرون .....هو هيدا عامل الوحدة مايعرفا و يصرف عليها ...و غلطة وحدة طلقا باش تعرف العزري ديالو ماتجي شي شطاحة تشللو فمو ..! ( تتتفخ و تسوط ) عبد الصمد كريييييم ماشي بوقرون...
نبيلة تتسوط : و صافي اعيشة ماقلت والو بلا ماتقلب علينا عينيك و تجري علينا ..خلينا غا نجلسو معاك مراشقين ....؛ وقول الحمد لله عندك العزري الكبير هيدا و حتى مراة مكتحكم فيه ...و دعي ماتحي شي لفعة تشدلو داك الجيب بالقفل ماتخليه يخرج عليكم سنتيم واحد .....
عيشة تتقلى و تغدد...ناضت واقفة تتغوت و تقندش : كنقولك انا والدة الراجل ماشي بو عيلات....والله يخليها سلعة .....سلعة ناقصة نوض من قدامي ....
نبيلة بدهشة : اويلي اعيشة بسم الله عليك ...
عيشة بلالط عينبها خرجو : لفعة بغيتا تسلط عليك...والدة شمايا ...انا والدة رجال....لهلا يحي هاذي لي تجي تحكم فيهم....! تدوزا على النار حامية حتى يشواو رجليها و لسانا نشوطو بيدي كيف كيشوطو راس الحولي....!
نبيل. تصدمات فيها هزات صاكها و صفاء و سكينة تيرمشو ساكتين...
نبيلة :بسم الله اعيشة....ماقلتش عبد الصمد بو غيالات ..الله يهديك اعيشة....بفف ...لاحولا ولاقوة الا بالله.....هانا خليت ليك الراحة....!هذا هو جزايا جيت نطل عليك....الله يعاون...!
خرجات من تما تتنكر ..تبعاتها صفاء تتهدن فيها...
_ اويلي انبيلة كتعرف خالتي عيشة هيدا عاملة ...
نبيلة وقفات فنص الدروج مقندشة ...دارت صبع ففمها و طبعاتو على الحيط تتسمع لعيشة
_ هافين قلتها...هاهي.....اخيرة عبد الصمد بحال جدو ...و عاودو سمعوها ليها تشوا ولا تقلى ...انا ملي كنقول الهدرة كتكون....و الله يطول لينا فالعمر نشوفو داك النهار....!
هبطات بحال تتنكر ...و صفاء وراها تترمش....هبطات معاها حتى فتحات ليها الباب ...و شافو حلا مخرجة الطموبيل من الݣراج ...دايرة نظارات الشمس و لابسة الابيض و ساعة انيقة فيديها شعرها مسرح مصفف بعناية....
صفاء بهمس : هاهي عدوة خالتي عيشة ...تهدر عليها تشعل فيها العافية....
نبيلة متبعة حلا بالعين.....حمقاتها : و هاذي لييقولو عليها الناس كتفتن....
صفاء : و خصك تسمعيها كتدوي ...فشكل لكنة ديالها.....و لسانا حلو ...دوز عندا المحل جلس معاها غا ربع ياعة تخرج حاطة فلوسك كاملين بلا ماتحس ....
دازت خلا من قدام مهبطة زاجة الطنوبيل ...تبسمات مع صفاء حياتها و زادت مخلية نبيلة تتشكر فيها و تعاود.....!و تسول بفضول ..
_ شحال فعمرا....
_ الطنوبيل ديالها !
_ علاش باقي ماتزوجات...
_ فاين خدامة...فين جا المحل !
_ غزالة ...فنة......
_ سلحان الله عرفوها كتطلع ليهم البنت كتحمق عليها سماوها حلا.....
صفاء تتضحك : بنات حميدة كاملين كيحمقو....غا حلا زايدة عليهم بديك العينين مجبدين و ملونين ......! و صافي كليتي البنت بعينيك....الحفيظ الله....
دازت حلا من قدام ورشة النجارة....!تتسوق بالهداوة و ثقة و فخامة تتبان عليها وهي تتسوق.....!
مولفة تتدوز من تما كانت بالاوطو او بلا بيها...العيون د الرجال لي تما كاع تيكونو عليها ..عندها شلا معجبين و عشاق تما....! لكن دابا لي شاف مرة وحدة ماهز العين و كاين لي غي شاف الاوطو حتى العين حيت عرفو ياهي يا باباها.....! مايعاودو يشوفو فيها حيت وصلات ليهم الهدرة...و عرفو لي عليهم و لي خصو يكون....! و الصمدي نهار نبه كريم ...وصلات الريحة ليهم كاملين و غا لي مسخوط هو لي يعاود يهز فيها العين مرة اخرى ....!
حتى من سليمان و كريم ...تيشوفو غا بنص عين....! و يتغامزو على عمال الورشة ...!
كريم حابس الضحكة : فخبارك والله العظيم كنت حاسب خاي الصمدي غا كيضحك والله ماعارف هادشي عندو بصح ....
سليمان تنهد : و خسرناها معاه...ماكنتش عارف هاذيك العايلة ديالو ....! شفتا عجباتني ماعرفت اسما غي بالصدفة....وقفتا هدرت معاها ماعطاتنيش حتى دقيقة من وقتا.....
كريم حك رقبتو : هانية... تنا حرقاتني بديك اللسان عندها ..طلبنا غي النمرة صبناتنا ...
سليمان تيضحك : دوزتيها ...
كريم حبس التفرنيسة : السيدة فيها ريحة الاجرام....و بيني و بينك خطيرة فاتك سطوريا ديالها مع عبد الصمد....دوزو الاكشن ..! لي عمر دارتو بنت المراة دارتو ليه هي.......
سليمان بحسرة : معاه جات...الله يهنيهم....
كريم حك بين عينيه تيضحك بشوية حتى قلبها ضحك محهد تيضحك بهسترية...ملي تيتفكر مكيقدرش يشد فمو...مخلي سليمان تيضحك حتى هو وخا ماعرف علاش...
_ سي كريم ريح ...مالك اصاحبي.....!
دخلات للمحل ...! و بدات شغلها بحماس كدور فالمحل بحال الفراشة....! بديك الشوميز فالابيض قصير مع جينز ضيق ....محمقة تضعاف باغية تولي رشيقة كي العود الفرنسي ولكن تتنقص شوية تتزيد ...و تيعامرو حنابها ! و خدودها...!
مهدي تيدور حداها كي الذابانة برزطها...
_ مهدي شد فمك شوية ...!
مهدي : ختي حلا غديري لايف دابا ولا شوية ....
حلا تعلات تتجبد موديلات العريسات لي باغية تبارطاحي ...و تتوجد و تستنف داكشي باي تزهى فالعين...
_ جيب الموديلات اخرين ...غتجي عندي واحد الكليانة ساعة ندير لايف....!وليت كنكره نديرو ..كل مرة خارجة لي شي مسمومة تتعيب فيا....بنت الحرام غا جاتني عيب نخسر قدام الكليان اما والله حتى نحرحرها ....!
صاوبات داكشي و نقات و عطرات و جلسات فالبيرو محيدة المقبض الفضي من شغرها ...و سرحاتو مع وجهها ...!
طلعات لايف و تبسمات طالقة لسانها....
_ سلام البنات ...معاكم حلا من مجوهرات الريف بتطوان و مضيق و فنيدق ..اختصاص ديالنا بيع الذهب 18 كارا ...جبت ليكم اليوم همزة و شمن همزة....خصيصا لكليانات ديالي الغزالات ....يلاه نستناو حتى يتحمعو البنات و نوريكم شنو عندي ...
ظلات محتفظة بابتسامة ديالها جلسة انيقة و حركات مدروسة تتبان معقولة و رزينة...! تيكتبو ليها البنات كومونطيرات جهد سبع دقائق كانو تجمعو البنات و حتى الرجاال ...!
حلا : بون ...العريسات ...يلاه فينكم بانو عندي هنا فرحو ليا مع رساتكم ...( تتقرا ااتعاليق )
_ عفاك بغيت اونسومبل العريسات يحمرو الوجه....
شافت فمهدي غمزاتو و جاب ليها لي طلبات تتفرش ليهم و تشكر و لسانها تيقطر بالحلاوة....تتجاهل تعليقات بعض المسمومات...و بعض الانتقادات و تلبي رغبة الكليان و توسع خاطرها
( نو انا بغيتو عامر و ثقيل ..ماشي هكا...)
حلا تبسمات حتى تغمضو عينيها ونطقات :
صديقة الوفاء ...انقولك الحبيبة ديالي عرفتو الغلط لي كيديروه العريسات شنو هو...سمع مني اختي والله نصيحة مني....ماتشريش اختي المشارجي و الثقيل....عرفتو علاش ...! و خصكم تعرفو علاش ...هاذي حطوها حلقة فودينكم....ديك انسومبل الثقيلة هاذي غتشريها تلبسيها مرة فعرسك و تحطيها عندك ...مغتعاوديش تلبسيها علاش ؟ حيت صافي تتصلاح غا للمناسبات الكبار....! واش دايما غيكون عندك مناسبات لا ! طبعا .....تيكونو مرة مرة...تتصدقي نتي خاسرة الفلوس و الذهب محطوط....(تتضحك ) و حتا لو كانو تبارك الله مناسبات...واش غتبقاي تلبسيهم غا هو ...كل مرة نفس الشيء ...تيجيو فشكل حسب راي انا طبعا....! شكون بحالي البناات....عليها تنقول الوحدة تخدم مطورة...راه داكشي مشارجي ييجي والو عكس السامبل تعشقيها للشوفة ....تلبسها ملي تخرجي ..شي ضيافة هكا ...مناسبة خفيفة عراضة....! بيان سيغ فالعراضات مغتبلسيش ليهم داكشي ثقييل ...! هذاك تيشريه غا لي بغى يخبع فلوسو فيه...ماشي للباس حيت قليل فين تحتاجيه...تصدقي نتي دافعة فلوس و نهار تحتاجي حاجة خفيفة هكا ماتقدريش تلبسيه ..فهمتو........
مهدي من ورى التليفون تيهز راسو و يبركم ..
_ قوليهم ماعندناش هنا ..عند محل رضا وبلا دوران اختي حلا ...هانية والله حتى هانية....
حلا هزات العين فيهم بلا تعيق و حكات حاجبها كإنذار....خلاتو يفهم و يشد فمو كيتفرج فيها ....!
ماشي غي هو لي كان كيتفرج...حتى سي الصمدي جالس فرياض ديالو فشفشاون ...! شاد الشومبغ تيتفرج فيها و حجبانو كيتعقدو...شوية ورى شوية....!
كانت غادية مزيان تتسلت راسها و تلبي رغبات البنات...حتى قلبوها بنات سبان فالتعابيق...
_ مالك كتعوجي اختي ...
_ ملصقة الرموش...
_ ويلي مالك ماتقدريش تكوني طبيعة دايرة العدسات ...و الرموش...و منفخة شفايفك ...حيدي الفلتر ....
تجاهلاتهم حلا و حافظات على ابتسامتها ...! حتى عصبوها و بانت عليها بوضوح...حجبانها طلعو للسماء....حبسات راسها غا بزز تتجاوب بين سنانها و تفرنس و ترمش....حركة خلات الصمدي يتبع الايف و على فمو شبح ابتسامة...مستني يشوف صبرها ...!عرفها قندشات كدور دوك العينين و ترمش و تفرنس و داخلها تيغلي....!
حلا : لالا اختي هبة غي خليهم....ماعليش من حقهم يعبرو و يقولو لي بغاو....وخا بغيتو نحيد الفلتر عصبكم ...نحيدو...! نتوما غي طلبو و انا نفد......لا احبيبة ديالي انا هكا طبيعية ماملصقة والو ...( تتضحك بزز ) اويلي خلينا البنات فالمهم ساعة نقلبوها مهاودة و الحديث....دابا الخدمة...فاليل نديرو دردشة هكا...صافي كونو هانين.......مهدي عفاك اخويا جيب للالة غيثة شي خاتم يعمر العين فيه الحجيرات....
مهدي حبس الضحكة و ناض تينفد ...دايما فالايف تتقول ليه غي عفاك ..الله يخليك...خويا....تتكبر بيه و تشكر فيه...غا تيكونو لوحدهم تتقلب فيه...ولف عليها ...و خا هكاك ولات عندو عزيزة...دغيا تتدخل الخاطر و الجلسة معاها مكتخليكش تحس بالملل....!
غا سالات الايف...! رمات التليفون تتسوط
_ تفو على كمامر....تفو تفو ...الحسد ..كلاوني بالعين ..خصني نبخر راسي....
رتاحت شوية و هزات التليفون تتقرا الميساجات بعد الايف...! بزاف ميساجات و هي لي مكلفة بالادارة و تجاوب فالواتساب و الفايس و الانستاغرام....! من ميساج لميساج....حتى عيات و عطات لمهدي يجاوب...
_ هاك كمل نتا....و لي مافيه نفع بلوك.....( حركات حاجبها ) ولالا غي خليهم يعمرو ليا الكونط شحال غنبلوكي دا ساعة غيخوا الكونط....
مهدي تيضحك : برد اختي حلا ...اري نرد عليهم ..
تكلف مهدي تيرد و يكمل شغل حلا...! حتى توقف عند ميساج كونط قديم و مافيه حتى 20 ابوني ولا حتى صورة وحدة محهول.....كاتب في الرسالة...
" سخية مع راسك...المرة الجاية ورينا الغوج سنيوريتا ......"
قراها المهدي و مافهم والو ...شاف فحلا...
_ ختي حلا شوف هاد الميساج....
حلا بتعب : شنو فيه اري نشوف....
شدات التليفون ...تتقرا فالميساج...غا قرات ديك سنيوريتا ضيقات عينيها عرفاتو ...تفتفات بيديها على رقبتها...و شلا فهامات طاحت عليها ...شمن غوج تيدوي عليه....!
هزات حاجب فمهدي لقاتو واقف عليها تيشوف بفضول...
_ لا زيد قرب...قرب لصق فيا نتا نييت.....سير بشغلك....بشر كي داير...!
خلاتو حتى مشا و ناضت تتشوف فالمراية و تفقد راسها...لقات سمطة السوتيان فالبلو تتبان ملي تتحرك مع عنق الشوميز واسع ...!
هزات داك الحاجب و رجعات جلسات دايرة رجل على رجل ..تتبركم...
_ خصني نبخر راسي ...شديت العين هاد النهار....!
هزات تليفونها و دخلات تتكتب ليه و تعوج فمها....
_ ايه على الراس و العين ...مجوهرات الريف كتقدم ليكم افضل الخدمات....
توصل بردها ...حجبانو ملاقين تيلعب بلسانو ...خلاها هكاك و حط التليفون داير مرفقو على جبهتو طاوي رجليه متكي على المخاد....! تيرتاح و يخوي راسو....!! الغرفة لي تيجلس فيها دايرها لراسو بعيد على السياح و الاجانب لي تيجلسو فالرياض ....!
بقا سيمانة على هاذ الحال...ساكت و مريح مخو تيفكر شحال...! حتى لواحد العشية جالس كيتنغم بكاس اتاي منسم بالنعناع ...ححبانو ملاقين و غا ساكت...قليل فين تيدوي...! تيشوف و قارم ...ليدوا معاه مايحاوبو و مايرد عليه باين فيه ماشي على بعضو و مرون مع راسو..... حتى هز تليفونو بحركة مدروسة و سريعة...دخل لتصاور حلا مسحهم من تليفونو ...سالا و رمى التليفون حداه تكى على مرفقو و شعل ݣارو تيكمي فيه ...ماشي مبلي بيه غا مرة مرة تتجيه عليه ديك الكانة....!
دازت سيمانة ! عاد رجع عبد الصمد....! جالس كعادتو هاز بنت خوه تيعبز فيها و يبكي حتى تتغوت و تهرب لعند مها تتشهق....! و عيشة تتنكر و تغوت من الصداغ ...
_ و صافي اوا علاش كتهرنن ....
عبد الصمد عطاها تليفونو كيراضيها ...هدرتو ثقيلةو مكسلة باين عليه تعب السفر...
_ عموووو..اجي نتصالحو صافي المسامحة ....
صفاء تتضحك : غي كتشوفك كتخبع منك....!
جلس معاهم شوية عاطي الخاطر للالة عيشة ...! لي فمها حار على حلا غي تجيها الفرصة تتجبدها....
_ بنت عبد الله سيرتا معيابة عند الناس و حنا ماسايقين خبار....
سعيد سمع السيرة دور عينيه تيشوف فعبد الصمد تياكل مامسوقش....!
عيشة : قالك الراجل لي جا يخطب كيرجع من الباب....و يتعكس عليها وخا يكون معشوق فيها....خطبا ولد عما مابغاتوش و عيا يرون الدنيا عليها ساعة هو تقلب عليها و قالت حليمة خطبا واحد اخر و دارو الخطبة و هو تفرق معاها و قلب عليها ...و شي اربعة د المرات كتوقعلا هيدا....و زيد عليها المنحوسة خطبا واحد و ناس جاو يهدرو فيعا دار كسيدة و ماتت ختو....( مغوبشة و محقادة على حلا ) يخخ النحس كيمشي على على رجلو ...مونيكة عاشورا و فيها نفع عليها.....
سعيد : و لالة يمة ..نقص من الجماعة مع الجيران ...عيب...
عيشة تتشوف فالصمدي : انا كنهدر مع هذاك القالب علينا وجهو....انا يماك كنعرف مصلحة ديالك....هاذيك اللفعة مابغيتاشي عروسة ديالي.....
الصمدي هز عينيه فيها و نطق تيمسح فمو ..
_ وخا الالة كلامك هو الكبير ......( ناض واقف حتى قفزات بنت خوه مخبية فمها خلاتو يضحك و يغمز خوه ) هدر مع الفرخة تحتارم عمها اصاحبي.....بوعو انا ...! عيييب اعمو عيبب....( خطفها من يد صفاء خلاها تتغوت و تفركل و طلعها للسطح تيبوس فيها وهي تتحنن ...)
_ نو نو...ماما....غرغر....لوليا ....
مخلي عيشة و صفاء تيدورو هدرتو بعجب ودهشة !
هزها بيد وحدة تيلبسها سلسلة ذهب صغيرة فعنقها....! و كملها ببوسة فخدها حتى ضرباتو لراسو و قندشات....! ماطلق ليها للارض حتى طلقاتها للبكاء صدعاتو فراسو و حطها تتبوطر فالسطح و تلعب ...!
رن تليفونو و فتحو تيجاوب و عينيه بدون قصد جات على سطح دار عبد الله...و صوت انثوي جاي منو...! قلب وجهو بلا مايشوف و رد على الاتصال ....!!
صاحبة الاصوت تتسقي الورد ...! بقندورة مميزة بلمسة فلسطنية تيعجبوها...! حد الركاب و درعانا عرياين ...! شعرها محموع بمقبض فضي...! تتسقي ودندن...غي جيب يافم و غني و قول....!
_ بااالي معاك....بالي بالي معاك ...و حياة سواد عينيك ياحبيبي ...غيرك مايحلالي....عمري ماراح يرتاح ياحبيبي و الشوق في قلبي ....
حميدة شافت الصمدي فالسطح عاطيهم بالظهر...! غمزات حلا تتدوي بين بين سنانها...
_ شد حلقك....!
حلا (هزات الغرس بلاصتو ): خليني نغني....كون غي خرجت شيخة ولا مغنية تصدق ليا واعرة احميدة....!
حميدة غوبشات فيها : شد فمك ...الناس فااسطح...!
دورات حلا راسها لدار عيشة ! قشعاات الصمدي قلبات عينيها ...و هبطات بحالها من السطح !
حتى هو غا سلا المكالمة...هز بنت خوه و هبط ! تيميل بدوك الكتاف ؛ حطها عند مها و وقفاتو عيشة مكمشة فيه دوك العينين...
_ كلامي هو الكبير ...هي اذا عطيتي لبنت عبد الله التيساع....!
عبد الصمد تبسم : جاتك الالة...
عيشة عينيها تفتحات و دخلات معاها الفرحة : هي مابقيتيشاي باغيها ...
عبد الصمد : لا ...
قالها و خرح من الدار ....مخلي عيشة تتمشي و تجي و بلالطعا خرحو تيلمعو بالفرخة....!! و تنهد و تعاود ...!
_ قولتا ...البنت منحوسة ...زينا باسل ...ݣرانة الاخرى.....تمشي تلصق النحس ديالا على تاصيلتها......
هبطات حلا للدار...لقات خلود مقوسة على مراية بينها تتماكي...!
_ خلود فين ماشية....
خلود : عارضاتني واحد صحبتي ...
حلا ميلات شفايفها : فوقاش غتبدا تفرش الدار ديالك...
خلود : حمزة قال حتى نهبطو فالصيف لي جاي ان شاء الله ...دابا الوقت ماعندوشي ...يطلع من مراكش يتقيد بالخدمة...
حلا تتدور عليها : نمشي معاك ! شحال ماتعرضت لشي بلاصة....واش ماعلياش انا الله....
خلود ميقات فيها : تمشي بلا عراضة...فين النفس عندك....
عوحات عليها حلا فمها...و خرجات من عندها داخلة لبيتها...! قنطات و ملات و ناضت حتى هي تتلبس ...! حتى خرجات بكامل اناقتها ..! جلابة انيقة و سندالة مبينة ظفيراتها ...! شعرها مسرح مع ظهرها ....شدات فحميدة و خرجو ...!
فالورشة ...!
عبد الصمد تيغزز فالعود حجبانو ملاقين تيشوف فتليفونة و كريم فوق راسو تيدوي مكيسكتش...
_ دابا اخاي الصمدي علاش تيحكروني انا زعما...البنت لي شفت فيها مراتي كتعفر علينا....باغي نتزوج و ندير دار و ليداات....
عبد الصمد هز فيه حاجبو ...: و نتا كيعجبوك البخاخش ...شوف لك وحدة بعقلها المورو ..
كريم تيفرنس : كيعجبوني العويتقات...تكون عاد كملات العشرين ..طرية و فتية اصاحبي...
عبد الصمد ببرود : صيدها و تسابق مع الصيادة عليها و خودها فتية و طرية....
كريم جا يرد شاف حميدة و حلا دايزين...! شاف فالصمدي لقاه تيشوف فالتليفون ماهزش راسو كاع....! حنى راسو حتى هو و ميك ...!!
دازت سيمانة اخرى....! عبد الصمد غا تيسمع سيرة حلا كيقلب ...! عنييه ماحطها عليها هادي كثر من 15 يوم....! ومع ذلك مبرزط و باين مرون و ماعاجبو حال ...! ملي عقلو تيعمار و افكارو تتشووش تيبعد كاع من ديك الحاجة لي تترون. و تتقلب ليه عقلو....حتى تيريكل راسو و يتهنى و يرتاح......! 15 يوم ملي قرر يضرب عليها فمرة ...! عطاها التيساع ....! و هي جاتها من الجنة و الناس....! عاد تتفنس و تفرنس براحة....!و تخرج و تدخل ...حيت شحال ماشافت كماىتو و ماوقف عليها كي ملك الموت....!! و كثر ملي سمعاتو سافر و سفرو هاد المرة طال لشهر....؛
غبر هاد المرة كثر من شهر....! شهر ماحط رجليه فالمغرب...! و حتى لالة عيشة ماكانتش من العاجزين فهاد الشهر...دارت شلا صحبات....و اليوم عارضة على صحبتها عتيقة معرفة جديدة و بنتها ياسمين ..! شافتها عيشة و حطات العين على بنتها....فين يبان زين حلا....! شافتها عيشة بحال شافت الكنز....؛ و بالعناد لي فيها حالفة تجيب وحدة زايدة على حلا درجااات حلا بنفسها و تشوف راسها كي والو قدامها....!!
حزمات و ناضت تتلوي فداك الخير ..مقدة و شادة فراسها....جايبة جوج خدمات بزز منها ...جابهم ليها الصمدي و مع ذلك ماتتحملهم ولفات على عريساتها هوما يطيبو و يحطو ....!
_ صفاء...تسمع صوني هبط لاقيهم و طلعوم للصالة عندي ..و حضي مع هاد جوج شنو كيديرو....عمر الطبلة حتى تفيض. ..!
صفاء : وخا اخالتي كوني هانية....!
غي مشات قلبوها هي و سكينة تبركيك....
_ اوا اليوم كتاب نشوف هاد ياسمين كيف دايرة ...حضي حضي مع عيشة تمشي تدفل ليها فالكاس حتى هي ههه....
غا سمعات صفاء الصوني...! هبطات تتسقبلهم...! غي جات عينيها على ياسمين عينين صفاء تفتحو و قلباتها تفرنيس....
_ مرحبا و الف مرحبا...نهار كبير هذا الابة عتيقة....
عتيقة : ترحب بيك الجنة المرضية....
طلعاتهم للصالة عند عيشة ...! و جلسو تيتبسمو و ياسمين...رمات السالف الزعر ورى ظهرها و دارت رجل على رجل بابتسامة زوينة و عينيها كبار خضرين تيحمقو....تتدوي بادب
_ كيف بقيتي شوية اخالتي عائشة.....
عيشة زمات شفايفها من ديك " عائشة " مولفة غي بعيشة....بلعاتها و ردات...
_ شوية الحمد لله ...ربي هو لي كيحفظ باقي العمر طويل...
عتيقة : و خلاص اختي عيشة مزال صغيرة والله مانتيق عندك ولد قد عبد الصمد تبارك الله....جا ولا باقي ...
عيشة منفخة تتفلي ياسمين بعينيها : لا جا اليوما للمغرب....دابا شوية يكون وصل لهنا...اذا مانزل فرياض ديالو فالشاون يوصل هنا يرتاح.....
عتيقة : تبارك الله....الله يوصلو على خير يارب....
عيشة : اللهم امين....( قلباتها شوفة فياسمين ) و نتينا ابنتي كيف ماشا فديك الخدمة ...
ياسمين ابتسمت حتى بانو غمازاتها ضحكتها تتفتن...
_ شوية...الدراري الصغار خصهم الخاطر .....
جات صفاء جلسات حداهم تتشارك معاهم الحديث ..
_ سوليني انا...عندي جوج قربت نتقسم على جوح....نتينا مربية اطفال ياك !
ياسمين تتدوي بنعومة : اه مربية....
صفاء : مزيان ولاهيلا ...تنفعني بعدا شي نصائح شي معلوماات فيدي ختك..راني تقسم....
عيشة تتغمزها : صفاء فين سكينة ....
صفاء فهمات راسها و تجمعات : انا نعيط ليها اخالتي ...
ناصت تتعوج فمها و سلتات عند سكينة تتسوط...
_ هاد عيشة خطار ...جايبة قنبلة اختي ...شفتيها شحال كتحمق ....
سكينة بغيرة : شفتها....تتعوج فالهدرة زعما بعقلها و حشومية ...و بيني و بينك مامقبولاشي وخا فيها الزين....
صفاء تتضحك عليها : كاع هاذي غيرة فيك....ديك الزين كامل مابانش ليك فيه...و اصلا باينة صغيرة تكون ديك 24 عام....زينها طبيعي غزالة وصوتها حليلو ....
سكينة لوات فمها : مامقببولاشي......و فيها الطمع شفتي كيف كتشوف فالفراش و تاكل الدار بعينيها....حلا مقبولة عليها ...
صفاء : و دابا حلا خلاص...!حلا زينها ريفي و شخصيتها زوينة..وخا معفرة شوية و عاجبها زينها ....هاذي حشومية مسكينة.....
سكينة تتهز راسها : خالتي عيشة تتجيب نقطة ضعف الصمدي...يشوف الزعورية و الشعر مسبسب و الفورمة يلصق فيها......
صفاء قلباتها ضحك : و ماشفتي نتي اذا لصق فيها الصمدي و عيق عيشة تقلب على ياسمين حتى هي ...والله الا عيشة واحلة مع راسها.....
شدات عيشة ضيافها حتى للمغرب....! عتيقة باغية تمشي و عيشة لاصقة والو ماتفكاتش....! حتى جا الصمدي ...! محمل بالهدايا ...سمع صوت النساء كمل عادي رمى السلام و هز عينيه فالصالة ...
_ السلام عليكم....
عيشة فرحات ناضت لعندو تتفرنس ...و ياسمين حطات العين عليه ماهبطاتهاش...ردات السلام بصوت مسموع...
_ و عليكم السلام....
هز فيها عينيه و طول الشوفة فيها ...!
هز فيها عينيه و طول الشوفة فيها ...عاد قلب وجهو و كمل طريقو ...!
ناضت عتيقة واقفة تتقاد جلابتها : عيشة نتلاقاو في ساعة د الخير....
ياسمين وقفات و بان طول شعرها تتدوي مبسمة : دغيا داز الوقت ماحسيناشي ...
عيشة شفايفها اغلب الوقت غي مزمومين
_ مزال الحال باقي....كمل اعتيقة كاس اتاي....
عتيقة بحرج : لوالو هذا الجهد و المرة الجاية نتينا غتجي لعندنا ان شاء الله ...
عيشة هزات حاحب : ان شاء الله ..بلاتي نقول لعبد الصمد يوصلكم ...ليل نزل ...
عتيفة سرعات ترفض : لا لا اختي عيشة بلاش...طاكسي موجود ..
عيشة راسها قاصح و ماعزيزش عليها العناد..
_ لا لوالو ...ضياف ديالي مانرتاح حتى يوصلكم عبد الصمد....!
خرجات من الصالة تتلوي ..! مخلية عتيقة و ياسيمن تيشوفو فالاثاث على راحتهم...
.ياسمين عينيها مع الباب لي دخل منها الصمدي..تتدوي بين سنانها...
_ مافهمتشي علاش فيك اغنان...قالت عبد الصمد يوصلنا خليه يوصلنا....مافيا مانتجرحر فالطاكسي....
عتيقة خنزرات فيها : ثقل شوية و بركة من الخفة ....
ياسمين غوبشات : هانتينا ثقلتي فاين توخرتي...تزوجتي من واحد ماكيعرف يقرا حتى سميتو....ياكما حساب ليكم انا نتزوج بيه كيف ماكان ....علاش ربي عطاني هاد الزين...باش نعيش مرتاحة مانتزوجشي باي واحد ....هاد الزين ماعطاهشي ربي لكلشي...
عتيقة حمرات فيها مغددة ... تتقلى غي بوحدها...ياسمين فعمرها 21 سنة مزال صغيرة و تفكيرها محدود....باغية راجل خانز فلوس مابغاتش واحد ماعندوش....!بحال تتبيع زينها بالفلوس...!و الحق يتقال...زينها ماشي عادي و العين لي جات عليها مايمكنش مايشكرش فيها و يسبح الخالق.....!
عيشة دقات على بيت الصمدي تتدوي من ورى الباب...
_ عبد الصمد دغيا المرضي وصل الضياف ليل نزل ...
ماجاوبهاش...عاودات كلامها للمرة الثانية...
_ هانا غنقولوم يستناوك ....
حطاتها ليه فراسو و خرجات من تما....! العين دارتها على ياسمين ..عجباتها حيت سكوتية و لسانها ماشي طويل ....و حشومية و هدرتها حنينة...!
حتى خرج الصمدي و هز عينيه فيهم كانو خارجين من الصالة....سبقات عتيقة دوات حشمانة...
_ على سلامتك اولدي....
عبد الصمد تيدور عينيه لعيشة تيدوي بصح غليض
_ بارك الله فيك ...
عيشة بنظرة صارمة : خارج خارج وصلوم بيديك اولدي......
عبد الصمد شاف فياسمين لي نزلات عليه العين ماهبطاتهمش...شافتو شاف فيها ضحكات ليه...!
شاف فمو شحال و هز راسو بدون كلام...!
هبط بحالو خارج.... تبعاتو عيشة تتودع عتيقة و ياسمين وراهم حاضية غا سالفها...تتصاوب جلايلها ...
الصمدي غبر ماعاود رجع .....! ماطل عليهم غي كريم هاز الكونطاكط ...تيدوي مسلوب ملي شاف ياسمين...
_ غنوصلهم انا اخالتي عيشة...صمدي ماكاينش ...
عيشة تحكات و تغددات مويان...مارضاتش ...! نفخات و همهمات : همم....
طلعات ياسمين للور عينيها تيخرجو القلوبة اول مرة تجرب الركبة فالرونج.....! وخا تفقصات ملي عرفات ماشي الصمدي ليغيوصلهم...! عجبها و بدات دوخ فيه.....!
عيشة ستنات الصمدي حتى رجع ! و ناضت لعندو مفقوصة...
_ فين كنتي ! و علاش حشمتيني مع الناس....علاش كتعملي هيدا دايما.
عبد الصمد تيجاوب ببرود ..
_ شنو كتروني لالة يمة....
عيشة ضيقات فيه عينيها بنظرة صارمة ..
_ اذا كتقول يماك ولداتك بلا حريق نكر و قولي ماعحباتكشي.....
الصمدي هز حاجبو ...ووسع يديه ورا المخاد...
_ شحال فعمرها ؟
عيشة بردات و دخلات معاها شوية الفرحة...جلسات حداه تترطب...
_ 21 و لايني سبحان الله اقول عندا 27 ماتبانشي صغيرة ...العزبة بعقلا و رزينة....و يماها كنعرفا و صحبة انا و ياها....عجباتك ؟
عبد الصمد تيسايرها ..: شنو سميتها...
عيشة ( عاد رتاحت ) : عندا جوج سميات ياسمين و سارة ....عجباتك ؟
عبد الصمد حك حاجبو : شنو كدير هاد الياسمين !
عيشة : مربية العواول الصغار.....عليها كنقولك العايلة بعقلا و فهيمة....( كررت سؤالها للمرة الرابعة ) عجباتك ؟
عبد الصمد شاف فمو شحال و التزم الصمت......
يتبع...
التنقل بين الأجزاء