كتب الميساج و ستنى ترد عليه كيف العادة تتقراه وتخليه كثر من دقيقة عاد تيجيه ردها....
_ انا وردة
زفر ماعاحبو حال و سجل اوديو بصوت مبحوح...
_ سميتك وردة ولا زهرة مايهمش....شوفي اربع ايام و أنا تندوي معاك ...غا هكاك بحال تندوي مع راسي...ماعارفك واش نيت سميتك زهرة و لا خربة و ماعارفك واش فعلا بنت ولا مطلعاها عليا ...و ماشايفك ماسامع صوتك.....يا تدوي ابيل فيديو نشوفك و نسمعك و يا صافي ..هادشي طلع ليا فالراس......
دار ليها إرسال و ستنى ديك الدقيقة المرة لي تتخليه تيستنى.....تيهز فرجليه و حاجبو مرفوع قربو يتلصقو مع شعرو ...
زفر و حط تليفونو تيتفرج فالتلفازة .....منغم مع رساتو ...ساكت ...و الصمت فالدار.....حتى اهتز تليفونو ...!
هزو و تفتحات زواية عينيها...ملي لقاها بعثاث اوديو ....صبعانو كلاوه مافكرش جوج مرات فتح الاديو تيسمع...صوت ضحكتها الرقيقة و صوتها فيه بحة عجباتو ...
_ و دابا تأكدي انا بنت اسي هشام ؟
عاود سمع الاوديو كثر من حوج مرات و من ديك اليحة ماسخاش....طريقة نطقها للحروف زويينة ....
سجل اديو تيدوي معلي حاجبو ..
_و شكون عرف واش نتي لي سجلتي الاديو و مالصقتيش لشي بنت اخرى....
ردها : و المطلوب...؟
هو : دوي ابيل فيديو....!
ردها باختصار : لا ...
غزز شفايفو و ضحك باستهزاء : علاش ! ياكما شي خيبوعة ..! معقدة....ماراضياش براسك سنانك مكركبين و صفريين و شعرك حرش .....و موسطاجة !
طلعات ليه تتكتب ...ستنى شوية و صل ليها جوابها....عبارة عن ملصقات و ضحكة طوييلة ....فقط مازادت كلمة اخرى.....
فتح الكلافي تيكتب : هي بصح طلعتي هكاك عليها كضحكي....! دايرة صورة انجيلينا جولي فالبروفيل ماتيديروها غا الخيبوعات.....
طلعات ليه vu و غبرات ...ستناها تجاوبو ماجاوباتوش....! عض فكو من الداخل و خسر عليها بلوك على الواتساب و الفايس
حط التليفون مرة اخرى و ناض تيمدد فيديه و يتجبد....دار و دار و لقى ودنييه مشتاقين لسماع داك الرنة في صوتها.......! تأكد من نبرة صوتها انا فعلا شمالية كيف قالت ليه و ساكنة في نفس المنطقة....!
حيد ليها البلوك و عاود بعث ليها طلب صداقة.....! خلاتو منشور ثلاث ايام...تيبعث ليها فالبريفي ماتتحاوبوش....! عاود و عاود....لا فايس و لا واتساب و لا تتجاوب على اتصالاتو ....ثلاث ايام و ردات عليه....
_ هشام ؟
كتب ليها ماعاحبو حال : موسطاجة و دافعة كبير ؟جاوبي مالكي !قبلي الانفيط ...
تغدد على ديك الدقيقة ليخلاتو تيستنى جوابها....ستنى و ستنى و عاد ردات عليه...
هي : انا غي موسطاجة بطالية جالسة فالدار لا شغل و لا عمل و لا حرفة و نتا مالك مقابلني !
هشام تعود يدوي معاها مابغى يبين....باغي غي يرضي فضولو و يتأكد واش بنت بعدا و كي دايرة...غر غوشيغش على نمرتها مالقى عليها والو ...
_ مانقدرش نكمل هكاك لا صوت لا صورة بغيت نعرفك....
كتبات ليه
_ و المطلوب !
هو حاجبو و كتب : نتلاقاو...
ماجاوباتوش داك النهار و لا لي بعدو حتى لبعد اربع ايام....عاد كتبات ليه.....
_ وخا.....
حط التليفون و ناض نافخ صدرو عاجبو راسو....! حتى جات الساعة لي غيتلاقاو..فيها ...ماضيعش الوقت على راسو ...بنطلون لي تيلبس ديما و شوميز فالشيبي ...حتى سنانو عكز يغسلهم....! تغدا خرج هكاك.....!
دخل للكافي و شد الطابل تيكتب ليها داوي معاها....و عينيه على الباب...
_ انا جهة الزاج...على اليسر ..فينك نتي !
ماجاوباتوش...هز عينيه فالباب و رجع هبطهم تبكتب....
_ فينك ! شنو لابسة باس نعرفك...شفتي على حالة تتديري لينا اشمن قرن نتي مزاال عايشة .....
هو تيكتب معلي دوك الحجبان....و عطر صيفي رحتو زوينة دخلات مع جيوب نيفو....وقفات قدامو ..سابقاها ريحتها هز عينبه فيها..تيطلع و يهبط.....تكوانسا....!
وقف ودنييه حمارو و عبنه عليها....مرة يبتاسم مرة يحك ودنيه...تصدم....
_ وردة ؟
ردات شعرها الرطب ورى ودنيها مبسمة ..: نجلس ؟
عرى سنانو ضاحك تيدوي بالزربة : مرجبا ..جلسي. .
جلسات حاطة صاكها فكرسي حداها دايرة رجل على رجل ببنطلون رمادي اميق....! حلقات ذهبية فودنيها و ساعة فضية فيديها ....تتشوف فيه معلية خاجبها....كيف ملبك مصدوم....!
_ مالك ؟
هشام ضحك بحرج : مامتيقش نتي وردة ؟
علات دوك العوينات الرماديين ...مجبديبيين بالعرض ...: لا انا حلا....
ضحكات برقة تتشوف فدوك العيون الرمادية....: لا حلا....
هشام حك بين عينيه شدهم و رحع حلهم متنهد : ماتيقتش عطيني لاكاغاط ناسيونال نشوف ...
بحركات ثقيلة محسوبة ...و ضحكة ماهي صافية جبدات ليه بطاقتها الوطنية و وراتها ليه مبتسمى...
_ حلا و لا ماشي حلا....
قرا اسمها و فرنس عاجباه و محمقاه...حالف حتى يشد فيها بيديه و بسنانو....: اسم على مسمى....الله يرحم لي سماك....
طلعاتو بدوك العيون د المشة...بلا ماتعيق و لا تعطي اش تحت راسها....! مبسمة و تتشوف فيه ...! الزين زين ...ولكن مابقى زينو يبان قدامها هي....! دك العجرفة و التكبر و الغرور لي كان فيه تهرس ملي جلسات قدامو....! ندم كااع علاش مالبس و تسكسف و دار بالحالة كما يجب.....! تيبان ناقص قدام اناقتها و حركاتها المتولة و زينها الباين....كثر بدوك العيون المجبديين ....
هشام ضرسة د العقل تتبان من الضحك : حلا يا حلا ...هاد الزين كامل كنتي مخبياه علينا ...
حلا تتمعن عليه : الصور خداعة كتشوف صورة فالفايس الواقع تبان وحدة اخرى....
هشام ضحك تيهز راسو : حلاااا ( طول على سميتها ) ... حمقتيني....
حلا اكتفت بضحكة تتسكانيه بعينيها.....
هشام شبك يديه فوق الطبلو تيدوي باعحاب : بغيت نوليو انوكوبل تقولي ليا لا نحماق ليك هنا...
حلا شافت فيه بين رموشها تتلفو : نتا منين بالضبط ؟
هشام : من سلا....نتي شماليية بييييغ ؟
حلا بتبسيمة : أنا ريفية ....
هشام ضحك : الزين الريفي ....
حلا شافت في ساعتها و نطقت تتشوف فيه بين رموشها : غنمشي دابا ....فرصة سعيدة...!
حلا قشعات العماش فعينيه ... لوات فمها و هزات صاكها تتدوي : من بعد ...!
هزات صاكها و خرجات من الكافي....مخلياه كي اليتيم واقف تيشوف فيها...كي تتمشي ....!
مامتيقش هاد الزين كان تيدوي معاه هو و كانت جالسة معاه هو ....!!
حلا غي خرجات من الكافي...زفرات بضيق تلاقات بصديقتها و شدات فيه معلية حاجبها....
_ ضيعت نص ساعة من حياتي مع واحد ماتيغسل حتى وجهو ....
عبير صديقتها : و نتييينا شدييتي الهدرة معاااه ماعندك شغلة و لا عملة ...باز احلا باز كيعجبك تخلي بنادم فاتح دقمو فيك ....
حلا ريح تتضرب في وجهها ملوية شفايفها : مليييت و قنطت و جا هذا في طريقي....( عوجات فمها تسيفات ) المورو كان فرحان بزينو ...قلت انشوف فين غيوصل....و تشوفيه كي كان.....عينيه معمشيين و سنانو المرقة لاصقة فيهم عيفني ...
عبير تتشوف فيها بيأس : بعد سيمانة عندكم الخطوبة ....عاود علاش ماعجبكشي إياك شنو عندو ؟ الراجل كامل مكمول .....حلا زدتي فيه....
حلا ببرود : ماعندو والو ...كون كان فيه النقص مانكملش معاه....غي قنطت و شديتها هدرة مع هذا......
عبير وقفاتها تتدوي معاها بجدية : حلا عارفة راسك غتزوج بعد عام بالكثيرة ! عارفة شنو غتزوج احلا...يعني نسا عليك دخول و خروج و دوك الشبوقات ديالك و حيد منك التزهوانيت....انا عارفة واقفتي عليه حيت عندو الفلوس و ماماك بغاتولك و عارفة عقلية عندك يهودية ياختي مافيك امان...تكون مزوجة و ياكلوك يديك تهدر مع راحل اخر.....كيعجبك تشوف الرجال كيحماقو عليك و نتينا هي الكل فالكل ....
حلا مبسمة : و علاش هو بغى يتزوج عليا ؟ زعما كيموت عليا ؟ ( رمات شعرها الرطب ورى ظهرها تتوريها عاحبها زينها ) على هادشي ....عجبو زيني يالحبية ديالي شاف الترمة و البزول و الزين وقال باغي نتزوج.....
عبير بقلة حيلة : زعما مايكيعجبكش ؟غا على فلوسو
حلا سرحات داك اللسان
__ على الفلوس كوم تزوجت الشيباني دمنصور شحال هاذي و هانا وارثة الخير ....انا بغيت الزين و العضلات و الفورمة بغيييت راجل لي يلبس اللبسة يبان هو لابسها ماشي هي لي لابساه ...يضحك يقلب ليا عيني بالسنينات البضين....و هادشي كاين فإياد ! و هانا اش بغيت كثر ....! لحد الان ماشفت فيه حتى نقض ....نشوف غا سي حاجة ماعجباتنيش نقلب على مو ......! ( هزات تليفونها تتشوف فبه مضيقة عينيها ) لا هو فالصراحة هاز نييفو واحد الشوية عليا ولكن ماعليش حلا تعرف كي دير تهرس ليه منو شوية .....شوفي عينيه تيبانو زرقين فالشمس ....
ترمي عينيها للسقف ...و مرة للزرابي لي فالغرضو مرة تسرحهم على الفراش.....تتفلي و تبحصص و تشووف و تقول ماشافت.....حاضية على الدار و الفراش ...و تدور عينيها....تتدوي مع جارتها بلهجة شمالية....
_ هادشي عندوم وااعر ....حمقني الفراش
ردت عليها الجارة : و حبيبة ديالي لالة حميدة و اجرك على الله .....فين ماتزوج وحدة من بناتها كتنوض هي هي تبدل الفراش......و الرويقات و الثريااات و الطبالي د الخشب منحووتين و منقوشيين الصنعة د اليد الحرررة.....وخا تزل خمسة د المليون حاارة مهم عندا مايعاودوشي الناس يشوفو نفس الفراش....
تحركت الغيرة و الحسد داخلها دور عينيها على النساء و المعروضين ....حتى وقفات بعينيها على بنت زوينة محجة داخلة تتسلم ...شافت فجا رتها تتنغزها تقوليها شكون حيت عاد جديدة فالحومة ...
_ شكون هاذيك ؟.
الجارة : هاذيك العروسة د لالة حميدة هي لي عندا بوحدا.....
سلمى : واش حتى هي ريفية ؟
الجارة : لا لا جبلية ...
سلمى بعجب : كيفاش دارو ليها...ريفي مع جبلية اواعدي باز ليها مسكينة ....
الجارة علات فيها حاجبها تتهمس : شش اسلمى يسمعوك .. و شوف الريافة على حقهم و طريقه...
الجارة مطولة بالها : مولات الشعر الكحل لي دافعة صدرهاو مخرجى قزيبتها هاذيك بنت لالة حميدة الكبيرة.....و الثانية لابسة قفطان د.الجوهرة فاابيج نسيييم حتى هي بنت لالة حميدة الصغيرة فيهم مزوجة بفاسي....
سلمى تتطلع و تهبط فنسيم : مزوييينة تبارك الله ....
الحارة : و بنات لالة حميدة كاملين غزالات ....خلود الكبيرة مزوجة بنصراني و وراها حلا هي العروسة و الخطبة ديالا اليوما و الصغيرة ديك الغزالة نسيم خداها الفاسي عندا جوج د العيال .....
سلمى : اواعدي ...الصغيرة تزوحات قبل الوسطية ...
الجارة تتهز راسها و تبسم : احيااااني على هاذيك الوسطية حلا ....شحال خطبو فيها و عاودو و ماهزاتم من ارضم تتشرط بزااااااف ياختي بزااااف كنت كنقول عمرا تزوج بهاد التشراط ديالا ساعة سمعنا قنعات بواحد و رضات بيه ....
سلمى جاها الفضول تشوف العروسة : كاع مكتبان العروسة ..ياختي انا جالسة و حشمانة ..مكنعرف هنايا حتى واحد و هنا غا العائلة ملي عرضاتني لالة خميدة حشمت مانجيشي...
الجارة : و صافي ابنتي حنا كاع الجيران هنا هكا عاىلة وحدة و حتى نتينا منا و فينا.....
لالة حميدة مولات الري و ااشوار ...و القد و الوقفة و الشوفة صحيحة....بااشعر مقطع مصبوغ بالماغون كتدور على الشغال بيديها....بقفطين ديالها و الذهوبات ديالها .....! ريييفية حرة ....! و ذوااااقة و بناتها كاع تيشبهو ليها.....!!
واقفة قدام المراية الطويلة لي شاداها من رجليها لراسها.......
قفطانها البيض محني مع رجليها و كيتجرجر وراها....طالقة شعرها على كتافها و مجبدة دوك للعيينين كثر ماهو مجبدين كتشوف في راسها قدام المراية فرحانة بزينها.....تميل شفايفها و تدوي مع بنات خالتها ....
_ نتوما قلبكم كان كيضرب و كنتو حشمانين علاش انا ماضرب قلبي لا قاعي....
بنت خالتها وضعات الثاج على راسها تتضحك : قلبك وخا و قاعك علاش ؟ جيتي كتحمق مشاء الله ..
ابتسمت حلا رامية شعرها لجنب واحد ....تتميل فدوك الحجبان و تذبل رموشها ملامح وجها خداعة ....!
زينات يديها ببراصلي مغزول بالذهب تتدوي بثقة :
_ حلا هاذي و اجرك على الله ....
ضحكو البنات لي فيهم صحاباتها و كاين لي بنات خالاتها كي الخوت بيناتهم ....!
نطقات وحدة فيهم ضاربة يد فوق يد و تهز راسها كانه مكاينش امل تتبدل ولو شوية..
_ عندك يبغي إياد يقولك هدرة غزييولة و يتزلل عليك شوية و تجاوبو هيدا ؟
.... ضحكو البنات على هدرتها و ردت فتاة اخرى على كلامها ...:
_اوى اختي حشمى الحشمة زيينة جات معاك
وخا نتي ماعندكشي وجه الحشمة...حني عينيك و تبسمي حشمانة ماتبينيش ليه وجهك من الاول خلي حتى من بعد و يتحيد الزواق لراسو هههه
حلا دورات عينيها للمراية تتفقد زينتها.....!
مامخلوعة ماحشمانة....ماتتفكر لا فالمستقبل لا فالماضي عندها غي تعيش الحاضر....مها بغاتها تزوج بيه غتزوج بيه ...و مولاها ربي....! غي حيت ماشافت فيه عيب بالعكس عجبها و مابغات تبين ....ماشافت فيه عيب....!
نطقات بنت خالتها رادة شعرها القصير ورى ودنيها مبينة حلقتها الفضية : يا سبحان الله عيتي تختاري و تزعلي صافي هذا شدك و مابغى يطلقك .....
حلا المعنية بالامر سكتات و ماحاوباتها عينيها على شكلها فالمراية....
نطقات صاحبتها لمقربة بنبرة قلق كتوصبها : ياخوفي غي تمشي تقلبي عليه حتى هو.... يا حلا يكفي غي داك الراجل لي خرج من باب داركم و عينو حمرين...حيت عيبتيه
حلا دارت شافت فيها كي المشة : ماشي لخاطري نتي عارفة ااراجل لي بغيتو خص عيني تبغيه قبل من قلبي ...ماشفتيشي هذاك كيف كان كيترعد و ماعندوش شخصية كتحسو ماواثقش من نفسو واش العروسة لي تكون متوترة و حشمانة و لا العريس ..؟
ردت بنت خالتها بقلة حيلة لتفكيرها : طبيعي الرجل يتوتر راه الرجال كاملين كيتوترو فاي خطوة جدية في حياتهم غي هو كاين الفرق بين الراجل لي كيعرف يخبي توترو و لي لا كيبان على وجهو و تصرفاتو ...الولد كان زوين من برا من الداخل غي هو كان باين فيه شوية خشمان و متوتر شوية هذا ماكان و عادي عند اارجال ....
ابتسمت حلا بهدوء و حاوبتها بنفس النبرة : مستحيل...اذا شفت فيه حاجة واحدة نافصة و ماعجباتنيش مانقدرش نكمل معاه مرتاحة....انا بغيت الالة داك الراجل لي ميتوترش و مايبانش. عليه شنو كيدور فراسو ...بغيتو واثق ماشي يترعد عليا و نترعد عليه.....و اصلا ماشي على هاذ ااسية باش مابقيتش باغية نتزوج به( عوحات ملامح وجهها بقرف ) بان ليا صبعان يديه موسخين و فيه قاعدة تيحك فنيفو بزاف ...( شافت فيهم ببرائة كيف كل وحدة كتشوف فيها كانهم كيسمعو لوحدة كتفتتي عليهم بلغة خارجة عن المالوف....تاففت بنعومة و كملات ) علاش كتحسسوني انا خايبة و مامزياناش انا هكا ااسيد شفتو معفون و ناقصو ثقة فراسو مانقدرش نكمل معاه هو حاي يشوف عاىلتي و ماقدر حتى يغسل ظفرانو عيفني ...شنو نتوقع من هذا ؟كون راه ماتيحسنش كاع واكشي عندو مشوك و معفن ....
دخلات بنت خالتها الكبرى مراة متزوحة و كرشها باينة حداها....عبراتها بابتسامة اعحاب و نطقات نفس الحملة لي قالوها اابقية كانها ناقصة اعحاب بالنفس حتى يزيدوها : اش هاذ الحلاوة كاملة بغيتي تسيطي ااسيد....
ضحكات صديقتها و ردت : دعي الله حتى هذا يبقى موقر و داير فيها شخصية و مايتوتر و لا يرتابك و ماتهز فيه شعرة و ظفرانو نقيين و مايحكش نيفو و الا حلا تتقلب من ااحلاوة للقباحة ....؛
هزو اابقية اكففهم ضاحين جماعة : اميين ...
تاففت خلا بضجر و قلبات وجهها منهم كثيري الكلام و حتى وحدة ماكتفمها و تحس بها ....!
دخلات عليهم لالة حميدة : يلاه البنات يلاه دابا ماتخروجش كاملات مع بعضكم يخرجو سوية و يسلمو و يجلسو ...عاد تجي بنتي حلا و شي جوج معاها ....( شافت فسميرة و نعتات ليها مففعة و متوترة كيف كل فرح فهاذ الدار خصها يكون كلشي عالي العال و و ماياخد حد عليها و يدوي عليها كلمة ناقصة ... " سميرة يلاه ابنتي هبطي معايا التحت نشوف الحاج شنو دار ...."
خطوة ورى خطوة ....يديها الرقيقة مزينة برراصلي رقيق ذهبي قد سنها مدور على معصمها باناقة...معلية جلايلها من على رجليها باش تتمشى براحة...الفتحة د القفطان مبينة رجيلاتها البيضين جسدها ممتلىء نوعا ما ...تابعينها البنات و و النساء مرافقين بااصلاة و السلام على النبي وهي محنية عينيها مرزنة و متبتة كتظوي بضحتكها الناعمة ...!
ناضو اهل العريس واقفين و منهم العريس لي وقف مصاوب بدلتو الرسمية طولتو دير منها جوج و هذا كان طلبها....!
عريض و بعضلات و هذا كان طلبها ....
ابتسامة ثقة و غرور وخا مابغاتوش مغرور معاها لكن ماعليش تشفع ليه هاذي....! حتى اسمو عجبها " اياد " ولد الوقت و شخصية كيف كبين ليها و خدام و بسيارتو و دارو و ناسو ناس الاصل .....!
مد ليها يديه يسلم عليها و لبات طلبو ...حطات يديها فراحة يديه و تلمسها باعجاب و النساء وراهم حشمانين و كاين لي كيطل بعيون وقحة و صريحة يشوفو شنو كيديرو و....سلم عليها فوجهها و جلسوها حداه.....و تعالات الزغاريت ...
ام العريس دور دور و تضحك عجباتها بل حمقاتها عروستها....على قولتها هي " وهاذي عروسة تحمر الوجه "
....ولدها خدا الزين و شكون بحالو ...!
العائلات دخلو في حديث طويل كيتعارفو على بعض النساء محمعين كيضحكو و هدرة النساء معروفة و الرجال كذلك....حطو ليهم صنية كتربي و منقوشة فيها كيسان الحليب و الثمر و الورد حمر مفرش عليها .... ! كلشي تيشعل مذذهب تيضرب فالعين.....
شربو العرسان و ووكلو بعضهم و حلا عينيها المزينة بشكل فتان غي كيدور بتفحص و تمعن لحركاتو لي عجباتها....! و لابتسامتو لي عحباتها حتى هي....! قلعات حتى كيفاش مسح الحليب لي بقى على فمو ....حاضياة الصغيرة و الكبيرة....حتى لدابا كلشي مزيان و قانعة بيه ....!
نطقات ام العريس الضحكة و الصواب : و دابا يركبو الخواتم الالة حميدة.... ضحكات حميدة حتى هي مبادلاتها الصواب و الرجال سكتو ملي دواو النساء على هاذ الامور هوما لي يعرفو ليهم ...
_ " اييه الالة فوزية يركبو الخواتم و نصليو على النبي "
ركب ليها الخاتم بطريقة راقية زاد اعجباها بيه....! الخاتم و كولي د الذهب بحلقات ديالهم و ساعة ديال الذهب الابيض و براصلي حتى هو ....و المصورة تتلقط ليهم صور و تسجل اللقطات .....و حلا عايشة الدور تيعجبها تكون تحت الاظواء و كلشي معجب بها ...تتطلع داك الصدرو تسوط بطنها باش تبان مسطحة و صدرها مخرج ......!
البنات كيتغامزو عليها....و يضحكو ....
_شوف حلا كي كدير !
بنت خالتها حابسة الضحكة : فتنات السيد ....
و كاين لي خايف غي تشوف فيه شي عيب و تضرب ديك الفرحة كاملة.... و كاين لي شاد عليها الهدرة ماعاجبهم حال ....
" ياختي باز تقول هي كاملة مكولة مافيها عيب "
ردت عليها الاخرى بضيق : مالك غي مابغات تزوج بخوك صافي تخرجي فيها العيب علاه اشمن عيب فيها غزالة و مسرارة و قلبها بيض بلا مانديرو فيها ملائكة و معرت شنو ...هي زوينة و باغية حد معمر ليها عينيها...ماشي تزوج بواحد معفون و نفر منو خاطرها....غي هي شنو ماتوقرش ماعجبهاش كتضرب عليه و صافي ماتفكر باش يحس هو ماوالو ...هذا الخايب فيها صافي...."
غمزاتها الاخرى و نطقات : دابا حضي حضي معاه السيدة كتفرنس عجبها و مالو مايعحبها ياختي بغاتو طويل عليها و لقاتو بغاتو عريض و كيعرف يلبس وو لقاتو جاتو االبسة من ديكشي و هذا كيبان بعدا لابس اللبسة ماشي اللبسة لي لابساه و ماعندو كتاف....خلاتها حلا داك النهار "
ضحكو على كلامها بالدموع ملي تفكرو كلامها ....وسكتو فور ماغمزاتهم حميدة يسكتو...شدو فهم و ظلو غي كيشوفو بعويناتهم ...
كلشي متول و متقون شغل لالة حميدة واقفة عليه بنفسها ...المهم عندها بنتها دير عقلها و تقناع بهاد السيد ....تتعرفها مايقد عليها حد و كطير و باغية تسابق مع الطيور ...!
جمعو و طواو و جلسو العائلتين مع بعض صالة كانت كبييرة و مفرشة على خقها و طريقها فراش ثقيل و وواعر....!
ناضت حلا تتميل فدوك العينين تتخدع بنادم ببرائة وجهها....! جلسات مع اياد في صالة اخرى تيهدرو براحتهم ....منفردين ببعض ....!
كتبتاسم و تشوف فيه من غي التحت التحت خاضية شغلها....ثلاث اشهر كانت غير كافية تعرف عليه بزاف د الحاجات لذلك علات راسها فيه برقة و بطريقة انثوية خلاتو يبتاسم حتى هو : جلس ...!
هز سروالو من ركابو شوية و جلس جلسة رجولية ناطق بابتسامة مسرراة : ايه نجلسو علاش لا....
جلسات حداه جلسة انثوية و قفطانها مفرش حداها ...تتشوفو تيشوف فيها مزنك...
يلاه غتدوي سبق هو مقرب منها باغي يبوسها في ففمها متمتم بنفاد صبر : جيتي كتحمقي مابيلا ...
رجع بعد منها مبتاسم بحرج بان فيديه لي كيسرحهم على فخاضو ...و نطق باستسلام : نصبرو علاش لا...
شعرها المموج ورى ظهرها بخيلاء و ردت برقة : ان الله يحب الصابرين صبر صبر....
ضيق عينيه فيها ..: ها حنا صابرين حتى للنهار لي يتقادا فيه الصبر ...
علات حاجبها بذكاء و ابتسامة هادىة على ثغرها : شنو غدير اذا تقادا صبرك ؟
مسح على وجههو ضاحك و سنانو بيضين مستفين زينو ضحكتو : وحدة من الجوج يا عارفة الجواب شنو و بغيتيني نعري الوراق و نقولها ليك فوجهك يا بصح نية و مافراسك والو....
ابتسمت برقة بدون ماتحمر خدودها او تبان ليها الحشمة ...هاتفة برقة زادت لهفتو عليها : لا الاولى و الا الثانية تعلم تتحكم شوية فراسك !
اياد على حاجبو فيها من كلامها : دايرة لي لونتي ؟
حلا تتحلون : لا ....
إياد تيشوف فيها باعجاب : باغي نبوسك ماترويناش....
حلا ضحكات برقة : باش نرويك ؟ كاس عصير و لا كاس ماء مبررد....
نفخ صدرو عاجبو زينو حتى هو : تتبوهلي علينا .....ماناخدوش منك شي بوسة !
حلا تتشوف فيه بين رموشها : لا ...
شافتو سكت و هزات عينيها فيه لاحظاتو ماشي على بعضو ...!
إياد وجهو حماارت تيهز فرجليه و يبتاسم : كاين الصهد فتحي السرجم شوية لا !
حلا ثبتات العين فيه و تعلاو دوك الحواجب للسماء....جيبوب نيفها تيفرفرو و الريحة الحزاق خنقاتها.....!
موقف مايرضاه حد ...! غي هي و ياه لي كاينين...هي عارفة راسها مادايرة والو...اذن الحزاق هو هاد القلدة لي حداها نافخ عليها صدرو....!
شافت فيه مجبدة عينيها مارضات و ماحملات الموقف ...تتفرفر دوك الرموش و تشوف فيه ...كملات لي عليه.....!عارف راسو اش داير ...و طالقها خانزة عليها.....!
العريس رجع مطلع حاجبو ماراشقاش ليه....! و كلشي تيسول على العروسة....جاو عائلة العريش يمشيو بحالهم و العروسة غايبة....!
لالة حميدة تتدرق عليها و داخلها حلفانة فيها...طلعات الفوق تلاقات مع بنتها نسيم الصغيرة : فين ديك المسخوطة ؟
نسيم : ماشفتهاش ...
لالة حميدة : وفينها تهبط تسلم على ناسها ....اش نقول ليهم جاتها الحالة ثاني الغنان د جدودها فيها يالطيييف.....
نسيم تتهدن السوق : و صافي اماما تكون شافت شي حاجة ماعجبتاشي خليها دابا ...قولوم كرشا مريضة ماتقدرشي ....
هبطات لالة حميدة ماعندها وقت محلفة فيها ماكرهات تغزز عليها سنانها....! ودعو الضياف و تخوات الدار و تكبو كاملين على بيت حلا....مهرسين عليها الباب.....!!
لقاوها ناعسة على ظهرها كتصور راسها و تبتاسم و تاخد صور ماعلى بالها بوالو ....
لالة حميدة ضربات صدرها بخوف و قربات منها كتسولها و تعاود : شنو وقع ؟ علاش ماخرجتيش تسلمي على ناسك ؟ مادريش عقلك احلا ...
نطقات بنت خالتها سميرة بقلق : بشوية عليها اخالتي...( شافت فحلا و نطقات بفضول ) نتي نوضي جلسي و قولي شنو وقع...
نقزات بنت خالتها : شفت العريس جلس وجهو حمر و عينيه مبلقين غي كيتمتم و حاني راسو عكس كيف دخل ....
لالة حميدة شافت فبنتها مكمشة فمها بغضب و طلعات معاها بتفرفيسة لفخاضها من فوق القفطان....: نوض يا قشور البنان لي حط رجلو عليك يزهق ....نوض الله ينوض فيك الشوك ....
.. جلسات حلا متألمة من حركة امها كتحك على فخضها ...هاتفة بصوتها الناعم : شنو اماما شنو....صافي يغضب هو و لا تغضب تاصيلتو مابغيتش نتزوج بيه ....
شهقو كاملين دقة وحدة و ها لي كانو خايفين منو....
الالة حميدة وجهها مشى منها الدم ضرباتها لراسها معلية على كمامها بقسوة : يا ويلي على غدايدي و على كارث والدة ....كيفاش مابغيتيشي تزوحي بيه علاش كتلعبي على الناس تاخدي ذنوب الناس..
حلا حلا جلسات جالسة تتدوي بجدية : ماما علاش
مكتفهمونيش...اشمن ذنوب غناخد ها ؟ ( مطات شفتيها الممتلئة بضيق و كملات ) من حقي اذا شفت حاجة فيه ماعجباتنيش نتراجع هذاك ...ماما يلاه غي نتي تشوفي ظفرانو موسخين علم الله فاش كان كيحك ؟ و بغيتي نبقى نفكر فيه مزال و نتزوج به مع معفون !!!
ردت عليها لالة حميدة بعدم اقتناع : و هذا شنو لي معيبو ابنت كرشي ها ؟ اش معيبو واش نعض فلحمي انا معاك ...باباك فرحان و عجبو ناسو الولد كامل مكمول اش عيبو غي فهميني ؟
تجمعو عليها بنات خالتها و حلسو قدامها فوق الناموسية ....
هتفت واحدة منهم بفضول و عينيها كيغلييو باعحاب : واش بحال داك الطولة و زين ااسمية يرفضوه الناس يالحمقة !
حلا ( جاها حريق الراس معاهم ) : زوين و طويل و سميتو فنة و كلشي فيه واعر ...و لكن حزاق اسامية حزاااق ....!
نقزات عليها سميرة شادة ليها فمها و عينيها موسعين بصدمة : اويلي على الشوهة راه باك على برا يسمعك المصيبة ...
لالة حميدة ( عينيها توسعات و عقدات حجبانها بذهول ) : و اش فيها ؟
فكتها سميرة شي لي خلاها ترمي شعرها مور ظهرها بغضب ناطقة بنفور متشددة على الحروف: مايمكنشششيييي نكمل مع واحد طاح من عيني اماما....واش حنا جالسين عليك ياللله هدرة من هنا و من لهيه كيبان عليا بالسفر ها اسبانيا ها فرنسا ها زبااوية ...و طالقها عليا بحزقة خانزة سحابليه مكنشمش....و باش كملها ( عوجات فمها كتقلد صوتو بتقزز ) اووه مابيل اذا بغيتي تفتحي السرجم الصهد نو ....
حبست سميرة ضحتكها لكن فضحتها عيونها العامرة دموع شي لي خلى حلا هي الاخرى تفلت منها ضحكة انثوية رامية عليها مخدة ناعمة : ضحكي نتي شفتي علاش مابقيتش باغياه ...
سامية شافت فيهم باستغراب : و مالو ماشي بنادم ؟ علاش نتي ماكديريهاش ؟ راكم غتزوجو هادشي لي تتقول فيه غي تخربيق....و تبرهيش راه بشر مابغيتي لا يحزق لا يخرى ....
شافو فيها المتزوجات و منهم سميرة معلية حاجبها باستنكار : ولكن غي يحشم على كمارتو شوية ماحتارمهاش ملي حزق قدامها....
.....( شافت في حلا لي تتشوف فيها و فراسها فراسها ) ازين ديالي احلاولاو د العائلة غي غطي ليه على هاذي و ديري يدك فيد الله ...راه يكون مسكين مريض و لا ماقدرش يتحكم فيها راه حتى واحد مايقدر يتحط فالوقف تحط فيه هو ...و باين فيه ولد محترم و لباس و ولدالوقت و نيفو غي مرفوع راه ماشي لخاطرو ....!
حلا ابتسمت فوجههم ببلاهة و ردت ببساطة : لا الراجل لي يحزق عليا و باقي عاد في فترة الخطوبة ماشي راجل ولى كيبان ليها مشوه وطاح من عيني......ماشي اول مرة ولد الكلبة ديك المرة كنا فالطنوبيل و شميت ريحة الحزاق و بدا تيتلف قالي دزنا حدا كولينور الريحة هنا خايبة تيقتو وهو غي حزقتو لي قتلات الطيور فالسماء و دوخاتهم ....
شافت فسامية و هتفت باندفاع قبل ماتنطق ) و نتي حتى هدرة ...عطى الله الحمامات تحس براسك مزير فرغ خاحتك فيه و احترم لي قدامك انا ماما و مانرضاش نحزق قدامها عاد راجل دارها قدامي كيف بغيتوني نشوف فيه ؟ علاش ماتفهمونيش علاش....راه فين مانشوفو غنعاود نشم ديك الريحة الخانزة لي طلقها عليا ....وخا يغطي عليها ميات ريحة و ريحة .... و يتغطس بالمسك .
تنهدات لالة حميدة و شافت في بنتها الوحيدة بقلق : ابنتي راكي ماشي صغيرة و بزاف على هادشي حتى واحد مامقنعك....على حزقة تفتركي المحمع ...راك 26 سنة تبارك الله ماشي صغيرة ...
حلا ردت عليها بتعب : اماما راه 26 صغيرة مالكي مكبراني ؟ هذا ماشي داك الوقت ليكانت فيه البنت تكمل العشرين ولات بايرة .....و كايديها فيه حد ....
لالة حميدة راسها يابس و مادات في هدرتها والو مزال عند كلامها : يلاه الزين لي عطاني الله ...شكون من عائلتك لي فاتت خمسة و عشرون و مزال ماتزوجات ؟
تدخلت سامية ناطقة بعفوية : راه هاذوك احلا بعدا قاريين و ماتوخرو على الزواج حتى كملو قرايتهم و نتي بقيتي واحلة غي مع الباك شحال من عام حتى لافاك مكتمشي ليها ؟
ابتسمت حلا ابتسامة باردة مستفزة و فداخلها غير راضية حيت جبدات ليها نقطة ضعفها لي العيب الوحيد فيها هو انها كسولة و ماعندهاش حتى شهادة جامعية و كارهة حتى تحط رجليها فيها تتقرص ملي تيجبدو ليها عيبها و ماتترضاش نهائيا ....
__ ياك قلت ليكم جوابي و قلت ليكم مابقيتش باغية نتزوج بيه و يلاه ماتجبدوش ليا الهدرة عليه مرة اخرى ....!
ظلت مبتسمة فوجههم مبردة
__ قلت لي عندي و بابا اذا قلت لا مايقدر يبزز عليا ....اللهم نتزوج بخاطر و براجل معمر لي العين و ماننفر منو لا نرجع ليك مطلقة ....
حميدة شادة راسها قربات تاكلها و تغززها بسنانها : واالله يابنتي حتى تاخديه هو ...عيت معاك هذا تبرهيش.... هذاك لي غتزوحي بيه ماشي نصرف زبالة الفلوس على الخطبة و مايكون والو...
حلا زمت شفافيها بضيق واضح : قلت لي عندي اماما حزاق مانتزوحش به مايمكنش نتزوج بواحد خاطري نافرة منو ...( علات عنيها فنسيم لي دخلات مهدودة باغية غي تنعس ) نسيم نتي تتفهميني دوي مع ماما فهميها ! ...
نسيم تتمسد راسها بصداع : حلا ماليا خاطر ليك تزوجي و لا جلسي اخر همي ...( شافت فمها و كملات بجمود ) ماما غنبات هنا اليوم ....
تنهدت حميدة و خرجات تتسوط لاحيلة لها معاها.....الوحيدة لي حياتها مسكدة هي بنتها الكبيرة فقط....حلا واحلة معاها لاقراية لا زواح و نسيم ليتتعيش مشاكل زوجية هازة ليها الهم ...
جلسات لالة حميدة جنب ختها و مرات ولدها تتشكي و تبكي شادة راسها ....
_ خايفة عليهها اختي ...قلبي معلق معاها كطيير كطييير و ماميعجبا العجب ....خوها شي نهار يقتلها ليا و نبقى نتحصر عليهم بجوج....
مرات ولدها : و خالتي قول هي لي غتخرح عليه و تقتلو بالاعصاب ....
الخالة تتضحك : و قلت لكم زوجوها لابراهيم هو لي يعرف ليها...
لالة حميدة غلباتها الضحكة مع البكية : مابغاتوش قالتليك كبير عليها غي باربع شهور كتحسبو بحال ولدها .....
الخالة تتضحك و تهز راسها : لاحولا ولاقوة الا بالله و الله يهديها و صافي و يرجعها لعقلها ....
لالة حميدة تتنهد : والله الا خايفة عليها كنخاف طيح فيد شي حد لي يخرج عليها ..الدنيا دواارة اختي....
مرات ولدها تتطبطب عليها : خالتي ماتعملشي فبالك ..حلا مايقد عليها حد و مطورة و كتعرف فاين تنزل رجلا ....
لالة حميدة بهم : طيح فيد شي ذيييب و قولي تعرف فاين تنزل رجلا الطيران ديالا غيخرج عليها قلبي و منغوز عليها....
الخالة : و حتى نتينا عاود احميدة خليها على خاطرا باقي صغيرة و العمر طويل ...
حميدة مغوبشة : هاذيك كتكبر كيكبرو لها الجناح باغية توصل الفضاء تما تلقى هذا لي بغاات....اختي حلا فيها غي الزين و الزين كيموت و كيذبل ...لا قراية تنفعا و لا مستقبل زين تتصنعو كون كانت كتقرا والله لا هدرت معاها على الزواج ....!
سكتو مطمرين ملي سمعو صوت رضا ولدها الوحيد داخل تيميل بدوك الكتاف و صوتو غليض معلي حاجبو فيهم....
_ مالكم ؟
حميدة تتنهد : حلا قالك مابغاتش تكمل مع السيد ....
رضا مغوبش و حجبانو ملاقين : لعب البراهش ؟ بنتك اشنو باغية تصنع الواليدة نقتلها عاد تهنى القبيلة و لا شنو ....
حميدة ناضت واقفة تتسكتو قربات تبكي حلا قهراتها : غتخرجو عليا بجوج بيكم ...هالعار اولدي خليها عليك و نقص من هاد الاعصاب و خلي عليك حلا راه اولدي غتخرج غي عليك مابقات تنفع معاها هدرة ...
رضا عاقدهم رافع صوتو داير كي القط والفار هو و حلا تيطيح مريض بالاعصاب بسبابها
_الواليييدة واش كدوخ علينا هاد الشكارة خاوية البارح مجففة القهاوي معاه و دابا قالك مابقاتش باغياه....علاش مابغاتوش اشنو دار ليها....
الخالة ناضت تتهدن السوق اذا قالت ليه على فبل حزقة غيحزق حلا نييت ...
_ و بيناتهم داكشي اولدي رضا ...خرج سوق حلا و خليها بخاطرا مابقاتش صغيرة هي تعرف راسا....
رضا دمو تيغلي : هاذيك الكلبة غنمشي عليها للحبس .....فين هي ؟
خرج من الصالة تيعرعر بصوتو : حلااااااا.....حلاااا....
سمعو صوتو جاي و طارو كل وحدة فين جالسة ...و خلا واقفة فوق الناموسية تتمشي و تجي ....غا شافتو دخل للبيت مدرم ...نقزات تتغوت ....
_ و بااااااباااااااا .....غيقتلنييييي........
نقزو النساء على رضا شاديينو وهي تتغوت و باقي ماحط يديه عليها حيت محربة دقتو و حلفان فيها عارفاه اذا شدها غيقتلها و يسخسخها .....خارجة ليه من الجنب تيشم فيها ريحة الزهو و الدوران و الزيغة وخا عمرو حصلها و كيستنى غيي يحصلها حتى يخرج عليها ......!
رضا تيمد يدييه باغي غي يشدها يفرعها : ال**بة حالف بحلوفي حتى نخرج عليك ...علاش ماباغاش تزوجي بيه حيت شميتي ريحة المعقوول .. مولفة اللعب الكلببة.......اابارح راكبة معاه فالطنوبيل و اليوم مابغيتش ناخدو ......
حلا وجهعا حمراء تتشوف فيه بكره : ااااه مابغييييتوشييي والله لا تزوجت بيييه و مووووت و نطح راسك البخريرو ....اذا درتي راسك فيا غنخرج عليك انا ماشي نتيينا....انا بزاااف عليك......انا ماشي خلود و لا نسييم ...مشي حكم فمراتك و بعد مني انا.......
حميدة تتضرب حناكها و تغوت على حلا : سكتيييي يسكت حسسسسك يالكلبببة .....
رضا حمار و تحنن و صدرو تيطلع و يهبط ....دفع خالتو و مرتو و طااار عليها شدها من عنقها خانقها كي الفروج وهي تتجبد و تصرب و تركل ....
_ الفاااااجرة حالف بحلوفي حتى غنقتللللك .....
تحمعو عليه تيفكو ...حميدة سخفات و نسيم تتبكي من بعييد....!
تيشوفو حلا بين يديه خانقها و عينيها خاررجيين....! جا الاب جرو من عليييها و عطاااه بونية لكمارتو حتى دارت ....و حلا لاوية كي الفلفل فيد خالتها ....تتشوف فيه عينيها مقلوبيين وجهها مدمعة ...دفلات عليييه تتدوي ببزز....
_ تفووو الجيييفة......
الاب جر ولدو كي الحولي نهار العييد ....وهو كيعرعر عليها....
حلا بعناد البغال : و علاااش هذاك خصو غي يشد معايا الضد....كيعمل راسو كيغير بالعكس كاستي ياخو كيجيو لعندي غي النساء يشوفو الذهب و يتحسرو مساكن ماعندهم باش مزوحين غا بالمزالييط ...فتطوااان كنحصال مع النصارا مكنعرف حتى شنو كيقولو و يخرقبو عليا تما...كنعرف غي سبييرا سبييرا .....و مكنتفاهمشي مع الحاج مفضل كيشوف الكليان كيجيو غي عندي و يظل يتمتم علينا تما ...عينيو كيغليوو بالحساااد ....
حميدة بقلة خيلة : مابقى عندي جهد معاك ....
خلود تدخلت : خليها براسها مالها باقية صغييرة ....منها تعلم و تجلس تشد فرع ديالها .. ..
حميدة شادة راسها : غتعلم التسلكييط هاذي ...ديك المرة جى السيد ياخد الذهب لمراتو و لصق فيها باغي يزوج بها يدخلا ضرة عل. السيدة ....ستين كلو د المشاكل كتمشى على راجلا...
حلا تتذبل دوك العوينات مبردة : 62 كيلو امااما......
حميدة جلسات تتنهج مفقوصة معاها...: عمل عقلك و خدم حلاوة االسان مع الكليان و غطي على ديك السم شوية ....
حلا تترمش : وخا اماميتا ...ايمن غيكون تما ماشي بوحدي ...غنسالي و نمشي للصالون ظفراني ولاو حالتهم...و من بعد غنمشي مع عبير للمقابر تزور باها....
خرجات من الدار ...تتمشى بالهداوة و ترمش بدوك العوينات ...! بداك اللون الصفر تيبان من بعييد .....و شال تيزهق بالرطوبية فالموف مدور مع عنقها......! تلاقات بصحبتها و مشاات معاها تقضي شي شغل في مونيغرام....! التليفون تيصوني في صاكها وهي ولا على بالها...من البارح إياد كيصوني و قاطعة الهدرة معاه....!
عبير بارتباك تتشوف داخل الاجونس : كاين هو احلا قلبي كيضرب....
حلا شافت سةفة وحدة داخل الاجونس طلعاتو. هبطاتو و قلبات عينيها : مزال بنفس الشوميز خنازت عليه ....
عبير وحهعا تزنكات بلا ولاو ...: يلاه ندخلو نوبتنا.....
دخلات عبير لاجونس تتشوف شوفات خب في شاب عشريني متول و مقبول ...حب صامت عام وهي تتشوفو غي من بعيد و مخبياه فقلبها ...حتى حاتها الفرصة اليوم ....!
نطقت عبير بصوت انثوي خافت : السلام عليكم...
الساب ( عيين فحلا و بالو مع عبير ) : و عليكم السلام ...مرحبا...عطيني لاغاط ناسيونال
عبير ( شافت شوفاتو زيرات على صاكها و ابتسمت بحرقة و استهزاء على مشاعرها عطات ليه بطاقتها الوطنية ...)
شدها من عندها و عينيه تيهربو لحلا....ناطق بابتسامة : وخا دقيقة جلسي....
عبير واقفة حداه غي بزز.....دايرة ابتسامة استهزاء....حتى هو طلع كيف البقية ...! بالرغم من أن عبير انسانة مثقة و قارية و تتجري ورى مستقبلها ...لكن دايما الرجل لي تيعحبها تتلقى عينيه حوالو ناحية حلا....وخا هي سطل محطوط فيها غي الزوتق ...عقلها خاوي ...عين الرجل تتجري ورى الزواق و البرييو و الجمااال ....!
كمداتها عبيير و ظلت بملامح جامدة....! حتى عطاها الفلوس و جباتهم ...و شافت فحلا لي مامعبرا حد فداك الاحونس .
_ حلا يلاه....
سبقاتها عبيير تتضحك فينفسها عليه....مافخباروش ان حلا مستحيل تهزو من ارضو ...ماشي نوعها ابدا.....بحالو ماتكملش فيه حتى نص شوفة.....!
دخلات حلا للصالون....تتدزي بالزربة ...
_ حناان عتيقي دغيا مزروبة ....!
حنان ناضت لعندها تتضحك و يضحكو معاها خيراتها...
_ وقول غي السلام عليكم هاي هاي على الصفر ...الجو د الشتاء الكارثة ....
حلا : شي صوان لشعري و بروشينغ مرة جاية نجي ندير بلاياج صافي عولت ....
حنان تتضحك : ان شاء الله يجيك فن و كثر اذا كان مديغرادي ..( علات صوتها ) مهديي تهلا لينا فهاد الحلاوة.....
بعد فترة قصيرة....!
عاطياه شعرها مرخية ...! و تليفونها فيصاكها محطوط فوق كنابي قرب يتفرع بلي زابيل د إياد....!
مهدي تيشكر في شعرها فيها حلاوة لسان كثر مههة هي : حرير ياختي حريير....
حلا تتشوف فيه مخسرة ملامح وجهها : اويلي مالك كتعوج هدرتك هكا....
مهدي تعلم مايردس الهدرة و يسايس الكليان و هدرتهم كاملة خصها على تكون اوامر ...
_ بشوية الالة حلا ماتكميش حجبانك.....
نطقات وحدة حالسة تتصاوب شعرها حداها ...: مشاء الله زويينة....
حلا شافت فيها بنص عين ...: ربي يخليك....
المراة : مزوجة ياك ؟
حلا ورات ليها الخاتم معفرة : مخطوبة.... علاش تتسولي عندك سي خوك باغي يتزوج ؟ عندي واحد بنت عمتي حتى هي تتقلب على راجل....
المراة تحرجات : سعداتو بيك الله يحفظك....مزال صغيرة...ساليتي قرايتك ؟
حلا تتشطح رموشها : عندي ستة و عشىين عام ...ساليت قرايتي و شديت الماستر و دابا تنقرا اللغات ....
المراة باعجاب : والله ماتتبان فيك ستة و عشرين نعطيك عشرين عام هكا....
حلا قلبات عينيها و هزات عبنبها تتحك ودتنيها دايرة ليها خمس و خميس بيديها بلا ماتعييق....!و تقرا على راسها سورة الفلق....!
بعد العصر ..!
جالسة تتشتف لي كولي د الذهب و البراصليات....تتنظف و تمسح الواجهة بماء الزجاج....! تتبان مقدة و عارفة شغلها....! نقات و عطراات المحل ....و أيمن واقف مع الكليان ....
جلسات فالبييرو تتلبس الذهب فدييها و تجرب كاع لي موديل و تصور كثر من مىة تصويرة فيهم غا يديها....!
اياد تتقلتو ببردة اعصابها : واش انا قريب ننفاجر بالاعصاب و نتي تتجاوبي بهاد لافاصون احلا.....من البارح و انا كنصوني مكاين لا جواب لا ميساج .....
حلا قطعات عليه و حطات تليفونها تتسوط : دابا كي ندير نكركب هاذ الزمر.....
دخلات لعندها هبيير تتضحك : مالك تتسوط ؟
حلا : الزمر ماتحكم حتى في حزقتو يتتحكم فيا انا....
عبيير : عييب احلا ...يقدر يكون مريص ؟
حلا : و هنا الشككل انا مانتزوج بواحد مريض...
عبير تتنهد : مايمكنش احلا رجل كامل مكمول...إاياد حتى هو فين غتجبر دابا راجل كيحمق طويل و عريض قرااي و خداام و عندو دارو بوحدا و طنوبيلتو و ماماه غزالة و ظريفة و خواتو البنات كاملين مزوحات.....فين غتجبرو ؟ بقات فعيبو الحزاق ؟ شنو فيها ..فكر بلي ربي حطلك هذا في طريقك غيرك ماجبروشي ....
حلا هردتهت دخلاتها من جيه و كركباتها من جهة اخرى : عجبك إاياد خوديه نتي هنيني منو ....
عبيير تتهز راسها : لاحولا ولاقوة الا بالله زعما ماينحركش عندك داك القلب و تبغي شي واحد حتى ماتشوفيش عيبو ....
حلا شداتها العطسة....عطسات و عاودات تتحك نيفها حمر....: تفوو جبتلي العطسة.....اختي شمن حب و زميرة ....انا حتى كنسكانيه فعينيا مزيااان عاد كنتشاور مع عقلي واش نكركبو لقلبي يسخن تما و لا نخليه يتجمد على برا........
عبيير غلباتها الضحكة : يعني خصك تكوني عورة عاد تهبطي شي حد لقلبك....و لا ديري عين ميكة و على شي حوايج و نتي النظر عندد عشرة على عضرة بسم الله مشاء الله......
حلا بضحكة جمييلة : نتوما غي ولفتو الرجل لي كيتشرط و كنجبكم انا غريبة ....الرجل يظل يعبر انا بغيتا زوينة و قارية و كتعرف تشطح و تعرف طيب و تعرف تربي الولاد و تكون عندا لو تيغمة و عندا البزول و نقية و كتحمق بالزين و بغيتا زعرة و عينيا كباار و عمرا تصاحبات و لا عرفات راجل اخر و تلقاه هو دوزهم بخمسطاش......و النساءاذا تخيرو و تشرطو كيتسماو مامويانيش ....
عبير : كاين فرق احلا نتينا كتعيب بنادم ...دابا إياد شنو عيبو من غير الحزاق ..كلشي كيحزق هاذي طبييعة فينا نموتو الا ماحزقناش....و تلقاه مسكين غي بالغلط و ماشي بلعاني......وباين فيه كيبغييك....
حلا تتسوف فيها عند بالها تتسمع ليها وهي تتفكر فموضوع اخر....
عبير : لا غي مشي نتلاقاو حدا بومبا د ايسو نسالي تما شغلي و نهبطو ....
خدات طاكسي و حطها فالشلال ...!
نزلات تتشوف فالسماء فيها الغيوم و الريح تتحرك جلابتها..! صاوبات حالتها و شدااتها طريق ...تتمشى تقول هاذي ملاك كيمشي على رجلييه....هادية و ساكتة فين ماتشوف شي قطة تتكمش منها تخاف ...تيرعبوها القطوط ....الهدرة التطوانية غي هي تتسمع....فين مامشيتي و فين مارميتي عينيك يبان ليك الزين التطواني ....!
حطات صاكها و جلسات تتسوط ...واقفة مع باها تتعلم و تشوف و تسجل عندها...ملي كدير بالها تتولي مطووورة و حد مايسبقها ولايني راسها خاوي من القراية ....! خلاها باها بوحدها فالمحل ....معاها غا متعلم مراهق ...!
دخل عندها رجل خمسيني ...تيضحك كرشو تتضحك معاه......
مفضل جلس تما تيضحك ...: والله يابنتي ساعات مكنحملش مكنقبلك ساعات كنتوحشك ...
حلا ضحكات حتى بانو سنيناتها بيضين نقيين : حيت الكليان تيهربو منك و يجيو لعندي...شفتي جيت غي البارح و تقنت التجارة ....
الحاج مفضل : وهنا هدا عليا...التجارة جبه و الحرفة جيه .....
حلا ضحكات برقة و بالهداوة : و نتا لي هدا و توخر ...دابا يجي المعلم عيسى يقولنا لي جا ورانا ياكل عشانا....قاليك حنايا ماخصناشي نتسماو بالذهايبية ...حنا غي كنتاجرو ...المعلميين هو لي ذهايبية.......
الحاج مفضل تيضحك بالثقالة : و شنو قال غي الحق المعلمية قلبهم محروق....هوما كيعرفو الصنعة و شغللهم حر و متقوون عياااو و تعببو ملي بداو يعرفو ....تيعرفو غا الذهب
حلا بنظرة ماكرة : اوى انا الذهب تنشمو و نعشقو و نشوفو شوفة وحدة نقوليه هذا ذهب حر ....داكشي ماشي بالحرفة ...خص غي تكون تتعرف و تقدر الذهب اسي المفضل...انا نفوت معلم عيسى لي سابقني فالحرفة ....
المفضل هاز حاجبو فيها : سيكورو ؟
حلا : و شنو تنلعبو هنا ؟
المفضل حط ليها براصلي مذهب على الزاجة معرق بيديه : ...نجربو فيك نشوف شطارتك الريفية...نشوفو واش غتمش فيه ريحة الذهب ولا مغشش ...
حلا هزاتو من عندو تتشوف فيه بمكر : شحال تحط اذا جبتها هي هاذيك ؟
لمفضل ضرب على كرشو : اربعمية دريال ...
حلا معلية حاجبها فيه : دوي بالدرهم اش من ريال ....قول ميتين درهم....
مفضل : وهي هاذيك ...يلاه ورينا شنو عندك....
حلا هزات البراصلي تتشم فيه و تجبد فدوك العيونات ....كطنز عليه : و ريحة الذهب قتلاتو ريحة عرق يديك ....الذهب خصو يتحط فبواطة و قيسو غي بصبع يديك و نتا مكمشو فيديك معرقهم ....اشنو هادشي الحاج ....
الحاج طلقها بضحكة زعزعات البلاصة...: و دابا شنو درتي ذهب ولا ماشي ذهب....
حلا تتشوف فالبراصلي و تضيق عينيها كدير راسها خبييرة....: بلاتي الحاج نشوف ...
ظلات تتقلب فيه و تحكو بصبعانها زعما السيدة حرفة ....! دورات عينبها يمين و شمال و نطقات تتحفر عليه.....
_ واش شي حد باغي يبيعو ؟
الحاج : غي جبرتو مع شي كرواج فالماريو ...
حلا غي سمعات اش قال نطقات بتأكيد : نو نو سييكورو ماشي ذهب ....!
الحاج تيضحك : معلمة مع راسك ...
حلا رمات شعرها ورى ظهرها قالتها غي بالزهر ...حيت تتعرف النساء الذهب عندهم محطوط فعينيهم ماشي مع الكرواج....: يلاه اري ديك الزرقة الحاج....رخف عليهم شوية....
الحاج خرجها مزير....حطها ليها من فوق قلبو : هاهي ...بصحتك الريفية ....
حلا : شفتي ريفية حنتات جبلي...جبالة فيهم غي الفهامات و انا و انا.....
الحاج قندش : ماتنساشي خير الجبالة على الروافة....العناد منكم كيتفرق و نكران الخير...
حلا قندشات حتى هي : بزاف عليكم....تعطيو طرف الخبز تبرحو بيه كيعجبكم تبانو .....شلل فمك بماءزمزم عاد جبد ريافة ...
الحاج عاقد حجبانو : عطيني ربعمية ريال ديالي...
حلا خباتها في صاكها تترمش : و سير برح بها برا ....الريفية خدات لي فلوسي...الكاميرة مسجلة كلشي نتا عطيتيها لي....
الحاج خنزر فيها و خرج تيميل كرشو سابقاه بحال داخل لشهرو ....الحاج المفضل مع حلا حال و احوال كل مرة و كيف دايرين....مرة سمن على عسل و مرة عدياااان كيتقلبو فدقيقة....هذا تيعاير اصل اخر .....!! و العناد فيهم بجوح ....!!
خرج الكرسي ديالو و جلس حاضي لي غادي و لي جاي....!!
دخل اب حلا للمحل اب بشوش و راخف على بناتو ....! هزات حلا صاكها و خرجات...رمات العين للحاج مفضل و نطقات معفرة ...
_ تقيل على خير الحاج ....
الحاج كيبركم : لي يجلس معاك غا دقيقة يخرج خاسر ...
رن تليفونها مرة اخرى ..لقاتها ختها خلود جاوبات تتمشى بالهداوة و الثقالة و الرزانة...تتخدع بنادم..
_ الو ...
خلود : حلا طلعتي للمدينة ؟
حلا : مم شنو انا هابطة ؟
خلود : ماجة ماريا و لورا ( عاىلة زوجها الاسباني )
حلا قندشات تتدوي بشوية ماعندهاش مع الشوهة فالزنقة ...
_ و انا مالي عاود خصني نصبر لبلا بلا ديالوم....مشي اختي هز النصارا ديالك و كري ليهم فشي رياض ...
خلود تتغوت : و الزمر غا سمع شنو بغيت...جيب معاك شي خاجة.. ريكالو ( كادو ) و لا شي لعيبة ماريا كيعحبوها الشاشيات...مشي فاين قصر الملك غتجربهم.....و نتينا تعرف مهم نعول عليك....
حلا تتسوط : ماعنديشي الفلوس حسابلك انا خدامة...
خلود : و غنرجعهم ليك مالك هيدا...
حلا تتشرط : و بغيت ترجعهم ليا بالاورو ماشي بالدرهم...
قطعات عليها و كملات طريقها تتبركم.....دخلات مع الدرب فين تتخرج قدام قصر الملك ...الدنيا عامرة بياعة ...و الطرييق ضيييقة ....ها الشينوا و ها الاسبان الدنيا مخلطة...!
دارت نظارتها الشمسية و صاوبات شعرها ...عاد قربات للخانوت فين تيبيع ملابس تقلدية قشابات ..بلاغي ...و أتزار...مخطط بالاحمر و الابيض....! دارت راسها من الداخل و غريبة باش يتعاملو معاها و يكبرو بيها تيعجبها تلعب على بنادم....و حتى البياعة داكشي لي خصهم....تيشوفو البراني ...تيرحبو و يعاودو و يفرشو ماكرهو يحطو عينيهم....!
دارت راسها تتشوف فالثوابات و الشاشيات....تتسول مول الحانوت....
_ الله يخلييك...ݣول ليا شنو كتمسيو هاذ اللعيبات عندكم هنا....
البائع كيفرنس : القشابات اختي ...دخل دخل شوف هنا ...هاذو القشابات و هاذو الشاسيات و هاذو السباني هيدا كيعتدلو ...
حلا تتسول عايشة الدور : كيتعدلو فوق الراس كي الفولار عادي ؟
بقات تتلوى تما و دور غايشة الدور بالمعقول....حتى شرات لي طلبات منها خلود ...و خرجات من تما....محملة .....!! كبرو بيها و فرحو بها....كون عرفوها من تما مايتسوق ليها.....!!
عطات لي كادو لخلود و عاودات خرجات....!
مكتجلس فالدار حتى ساعة مكمولة ...ملي تكون حلا جالسة فالدار تعرف ...يا خوها تما و يا دايرة شي زبلة على برا....!
لالة فطيمة : ابنتي بسم الله عليك....كتخاف من القطة....
حلا مكتحملهمش : هاذي ديك الحنية د نسيم لي حمعاتهم هنايا.......مكنحملهمش....( القطة تتقرب و حلا تتخبى بزز متحكمة في راسها ماتغوتش.....!!) و نسيم لي معشوقة فالقطوط يعطيهم قطيعة....
دخلات التقضية مع لالة فطيمة و خرج ليهم ولدها ...غا شاف حلا ترجل و تحنى تيشد من عندها....
لالة فطيمة : الله يرضي عليك ابنتي و يفرشك بالرضى....دخل جلس معانا شوية...
حلا معفرة : لا مزروبة...
طلعات لالة فطيمة و نقز ولدها على حلا قبل ماتمشي...: حلا لباس...
حلا طلعاتو و هبطاتو ...و قلبات وجهها مكملة طريقها....مازوينش ...مافيهمش شي حاجة تعجبها ...و الاكثر ...جبلي ....و حلا تتكره الجبالة ماعندهاش معاهم و كثر الرجال.....!!
قدام المقابر.....
الشتاء رقيقة مزال ماتجدهات...و الرييح تيهزز وراق الشجااار تتعكيرثتت تيخلللع....!! ملوية شال على راسها تيحركو الريح و يهزو وهي تترجعوثبتو ...ماقدرات تدخل و لا تعتب رجليها الداخل ...تتشتف المقابر تتخاف و لحنها تتبورش....!
ظلات واقفة حاضية عبيير ...ولي داز تيتسبل عليها ..و كثر المقربة حات على الشارع ....!!
الشاب هز بديه طالب السماحة و بعد من تما....! مخليها تتخنزر فيه مغوبشة تتكح....!! صوت الرعد خلعها و الريح هزات ليها دبك الجلابة....واحلة مع جلايلها و الشال تيهزق مع شعرها....!! غافلة على العين لي تحطات عليها المرة الاولى....و عاود رجعهم للمرة الثانية ...و عاودهم للمرة الثالثة ....! و تما ثبت عينيه تيشوف فيها......!! من داخل طنوبيلنو ...مخرج يديه ايكمي و عينيه كي عيون الذييبب عليها .....!!
كان كيستنى صاحبو مريكل و منغم تيكمي....حتى هربات عينيه و حات علييها....!
قلب وجهو لصاحبو لي ركب حداه ..مبسم ...: ياكما تعطلت عليك اصمدي....
صمدي ماحاوبوش مخرج يديه برا الزاج ...ضارب ساعة ذالذهب حاحبو مضروب و عينيه على حلا....!
صاحبو شافو فين تيشوف و ضحك : تنغم ليا مع راسك....و بياااسة شمن بياسة
الصمدي شعل كارو اخر و خرج يديه برا الزاج تيدوي معاه مخسر
_ خونا مات
كريم وجهو صفارت : و السلعة ؟
الصمدي ساخط : الصنادق فلت ليهم الحبل ...ينعل *بة لي ولداتم عمروه بالحجر و رماوه قاع البحر مفلتين الحبل....ناض هو رمى راسو للبحر ...ولد الكلبة عارف نجبرو غنخشيه لمعدة الحوت.....
حلا تحركات من تما ساخطة عييات كتستنى ...دازت من قدام طنوبيلتو طلعات معاها ريحة الكارو ...خسرات ملامح وجهها و نطقات ساخطة ..
_ تفو الله يخلييها سلعة ...شماكرية خنقونا بالكارو ....
الصمدي هز حاجبو المضروب و شاف فيها غادية بحالها بشوفة بزناز خاااسر ....!
خرج ليها صاحبو كريم عاقدهم منفخ صدرو عليها...
_ مالنا العايلة شكاين كتبزق علينا ؟
حلا طلعات و هبطاتو و علات حاجبها كدوي بهدوء : شكون دوا معاك باغي تهدرني صحااا.....
جات عبير لعندها تتجري ...تتشوف حلا تتدوي مع كريم معلية حاجبها و الصمدي مريكل داخل مرسيديس تيشوف فحلا ...
_ حلا صافي يلاه ...
خلا خنزرات فكريم : اوا بنادم مايخليكشي بخيير مع راسك ...كينقز من المقلة.......
دخلات للدار مع المغرب ...رجليها عيااو بالدوران و الجلابة من التحت توسخات و شعرها تفزك....! تتطل بعويناتها حاضية مع الاصوات تتاكد واش تما رضا....تنفسات بارتياح ملي مالقاتوش...! كان غيقتلها ضرب لو شافها داخلة مع المغرب و فعز الشتوية ....
نسيم هادية و ساكتة ...الشموع مشععولين و ريحة الورد فاييحة ...البيت معطر و نقي ...وهي كي الاميرة فوسطو .....هزات عينيها فحلا و نطقات ...
_ على تفكير عندك...جاهلة
حلا طفات ليها دوك الشموع مغوبشة : سيري ديري داك العمق ديالك على لي بحالك....شي نهار تسكت لي القلب ...قلد تما ديك المسكونة دايمان بطمة خرجات عليك....
نسيم تجاهلاتها و خلاتها تتدوي بوحدها و خرجات من البيت كاع كدور بواحد البيجامة انيبقة فالكريمي ...!
نسيييم عكس حلا في كلشي...هي الصغييرة دخوتها و هي المفششة ...و هي القراية د العائلة......أنيييقة و دايما كتخلي الناس تاخد عليها انطباع على انها هادية و رقيقة ...و العكس تماما....تقيسها تطير فيك كي العفرييت...عيشوورية ...!!
ستايلها بوحدو دايما الطالون فرجلييها وخا تمشي لحي شعبييي فيه جوج حيوط ضيققيين...و شرجم تيطل على شرجم الطالون هو لي ماتحيدوش من رجلييها....!
انيقة في جميع حالتها....تقول كابرة وسط عائلة بورجوازية من لباسها لتصرفاتها لحركاتها.....!
معرروفة فالعائلة " بأميرة بيتها " حيت في دارها كتكون اميرة ....مهوسة بالبيحامات د الحرير ....كل مرة منووعة و كل مرة شكل جديد و لون اخر...تتبدل ثلاث مرات فالنهار.... و غي الحرير تتلبس ...! حط ليها الحرير تحطهم صحاح وخا ماخدامة ماردامة ...غي ربة بيت ...شادة الاجازة و تتربي جوج ولاد .....! ماكاينش لي يدخل لدارها و مايسولهاش منين ديك اابيجامة لي لابسة و مايعبرش على اعجابو بيها و بذوقها....!
هبطات فالدروج تتنادي لمها : ماااما..
حميدة طلات عليها : نسيم !
نسيم : أمير و ازهار نعسو ؟( ولادها )
حميدة : نعسسو غي هني بالك...
تنهدت نسيم بارتياح و رجعات طلعات ...جالسة قالصالون مع حلا و خلوود....!!
حلا مخشية فتليفونها...إياد قرب يتسطى معاها ...نهار وهي تتقطع عليه..و هشام حمقها بالميساجات ...بلوكات نمرتو و عاود دخل عليها بنمرة اخرى....تبلوكي هذا و تمسح هذا و يعاود يبان ليها من جهة اخرى و من نمرة اخرى قربات طج معاهم......!!
خلود تتمدد : تابعني الفياق بكري ...خصني نوجد البغرير هو لي باقي ناقص....
حلا شافت فيها معلية حاجبها : طلق الفلوس لي قلتي غترجعهم لي....
خلود : فوقاش قلتها...
حلا : خلوود الابيل عندي مسحلة ...حط الاورو هنا ...
خلود هزات صاكها مخرجة الفلوس تتسوط : بنادم مكيفكرشي الخير شحال من خاجة كنعطيها ليك بلا مقابل...
خلود ماموسقاش : و شوفي مع بابا...عزيزة عليه نتينا يبغي......
حلا ( دارتو في راسها ) : خصني نهدر معاه بلا مايعرف رضا غياكلو دماغو ...
جالسين تيفطرو....محموعين !
رضا و مراتو ...و لالة حميدة و بناتها و راجلها....!على االنبوري و بوصبييح ...حيت عاىلة زوج خلود جايين...!
حلا جالسة قارمة تتسنى غي رضا يتكركب باش تكركب من وراه....! ماتهنات حتى خرج....! و دخلت للصالة عند باها تتدورش و تمسكن....!
_ بابا ...
الاب : حلا شنو عندك ؟
حلا جلسات حداه كدور فعنيها : نتا عارفني كيف عاملة و عارفني بنادم نكرهو مانعاود نشوف فيه نص شوفة...
الاب على حاجبو : حلا شكاين ؟
حلا تتشوف بنص عين : قلتها و نعاودا مابقتيتشي بغيت إياد....
الاب حمر فيها عينيه : حلا قالتلي يماك علاش... و مادخلاتش لراسي ديك التخربيق ديالك...
حلا خرجات عنيها ...بقات تتشوف فيه شحاال عاد نطقات تتدور فدوك العيون : انا لي عايرني مانرضى بيه راجلي ابابا....تينا عارفني نفسي حاارة و ماخلاق لي يعايرني و يهز صبعو و ينعت فيا....
الاب غوبش : شنو قال ؟
حلا بلعات ريقها : قال عليا بايرة و غي جالسة مثقلة على والديك شكون تتينا لي تخير و تعزل و شكون يقبل بيك .و ماقارية ماخدامة.....حسابلو انا شايطة و يزطم عليها بصباطو و لي يقول نقول اه....و لي شفت عيبو نميك عليه...و ماليا شوار و لا خيااار ...و غي مونكية ....
الاب عقد حجبانو : إياد قالها ؟ لاحولاو لاقوة الا بالله......مشاااكييل...
حلا شافت فيه بنص عين : حتا مانكونش حلا لي نبقى معاه...وخا نكون ضاربة معاه الكاغيط والله مانبقى معاه.....رضا كان غيقلتي حيت قلت مابقيت بغيتو ...و ماما ماسمعاتش مني...حيت ماما كتعرف غي بناتا يتزوجو ...و لكن نتا ابابا لي علمتينا... لي يعزك تعزو و لي يردك ردو....و لي مافيه نفع دفع....و ماخلاق لي يفهم علينا و يطيح منا ...
الاب تنهد : اشنو غنقوليك مابقييشااي صغغيرة حياتك احلا و نتا تعرف ( هز صبعو بتحذير ) و لكن ياحلا اقسم بالله و نلقى عليك شي حاجة وخا صغغغيرة مانعقل عليك ابنتي....
حلا ابتسمت و حنات تتبوس ليه يديه : الله يطول فعمرك ....
الاب تيطبطب على راسها : الله يرضى عليك......
ترمات عليه ضاماه لعندها وهو تيبعد تيحشم ...: و بعد احلا و صافي....
حلا بعدات منو تتدور عنيها : نمشي معاك ابابا ...
الاب تيصاوب حوايجو : تعاوني مع ختك خولد ...
حلا ناضت واقفة : لا ابابا انا باغية ندخل معاكم....نيتنا كتعرفني عزيز عليا التحارة ...و فالذهب..و سوق النساء ماتتوقفو غي عليا ..و ماتتنكرشي شحال نفعتهم وخا كنحصال مع نصارا ....وخا بابا تدخلني معاكم انا صافي تعلمت ....
الاب كمش عينيه فيها : فين عمرك شفتي شي مراة بوحدا شادة تجارة ذهب ؟
حلا تتدور عينها : شنو فيها...سكيريتي و الكاميرا و كاين مهدي ......
الاب هز راسو : حتى نشوف.....
خرجات حلا لعندهم تتلوى ....وقفات ليهم عند باب الكوزينة و عوحات نصها : تفكييت من إياد....
عبد الله مغوبش : فين هاذ الظلم ؟ لي ضرب تمارة و خدم يستاهل....خلود فين عمرا دارت يديها معانا و هانا عطيتا ...خلود دارت دارها فاسبانيا ...و نسيم مابينها و بين التجارة غي الخير ...و التجارة خصا العقل و المهل و توسع خااطرك و تكون ذيب مايديرا بيك حد ...
حميدة مخنزرة : و بان ليك غي الذيبة د حلا ؟ والله ياعبد الله حتى يتعبوك المشاكل من وراها ..بنتي و عجيينة يدي و عارفة شنو ساوية .....
عبد الله ضيق عيينيه تيسمع ..خلاها حتى سالات و نطق : يالالة هاحنا نجربوها هاد الشهر ...و نصرد رضا لتطوان و حلا كاستي ياخو و نشوفو شنو غتصنع و شنو غيخرج منها ...شكون الذيب فيهم و الشطااايري و للحرفة سااابق....مابقاتش هذا ولد و هذا بنت احميدة...بقاات فالعقل شنو فييه.....
حميدة تتسوط :و مانعرف الله يخرج هادشي على خير.....
عبد الله تنهد : اميين...و هادشي بيني و بينك مابغيتوشي يخرج لا لحلا و لا لرضا.....
السامع و لي عليه الهدرة سمع و جمع ودنيبه و ضحكو عينيه....! و تعلاو دوك الحجبان حتى قربو يطلو للسماء.....! بعدات من قدم باب بيتهم و هبطات تتمتم مبسمة...
_ وخا الالة حميدة.....
خرجات من الدار ...! تتمشى باناقة لابسة مونطو فالاسود بحال لون شعرها ...كترمش و دور عويناتها المرمديين تيفتنو مجبديبين و رموشها كحلييين .... دازت قدام ورشة النجاارة عاد تتجهز ...فيها غي اارجال...خلاو اش فيديهم و قابلوها غي هي تابعينها بالعين ...
نطق واحد فيهم مبسم ...: أبا على عينين....
طلعاتو و هبطاتو بنص عين عندها النظر عشرة على عشرة تتسكاني و تحفظ ...الزين زيين حرش و ووسامتو طاغية ....! لكن ضروري من التعفار...
دورات وجهها و غبرات من عينبهم.....!!!
رمى ليها واحد اخر الهدرة ...تيطلع و يهبط في شكلها...شعرها رطب و بشرتها حليبية ...نطق كيفرنس...
_ الكورية ...
خنزرات فيه و ردت : هي يماك.......
وقفات الطاكسي و ركبات اللور....عينيها على التليفون...مخشعة
_ زيد لكابو نيكرو ...نخلص البلايص بلا مانستنى....
السائق ملي دخلات و عينيه عليها....! حرك الطاكسي و زاد تيشوف فيها من المراية و عينيه عامرين خبث.. بقات ملهية ميساجات .. لفترة حتى علات راسها و شافتو دخل بها لمرتيل....غوبشات و نطقات ..
_ اخاي الله ياخاي قلت ليك حد كابو نيكرو ...ففف..
السائق تيشوف فيها بعيون خبيثة : وخا الغزالة...
حلا زفرات مغوبشة ماعاجبها حال....خشات تليفونها في صاكها ناطقة نعفرة...
_ و صافي وقف انشبر طاكسي اخر يرجعني...
السائق : وخا وخا...
شافتو مكمل فالطريق غادي بيها جهة المقبرة ...و الطريق خااوية ...فيها مدرسة عاد تتبنى و غي الخلا....
طلعات معاها الخلعة...مخنرزة تتغوت...: قلت ليك وقف نخررج....وقف مالك...
السائق تيحك لحييتو ..و السخانة طالعة معاه....: نتينا شمالية من هنا ....
حلا صعرات ...تتضرب فالزااج و تغوووت : وقققف....
ماوقفش ...مزال داخل بيها ...للخلا....! و حتى طنوبيل مكدور تما.....صهدات و طلعات معاها السخانة....كمشات دوك العيون د المشة و ضربااتو بالصااك....تتغووت شانقة علييه ...
_ تفووو الشاارف...الموسخ....وقف ينعل **بة لي ولداتك.....والله حتى يالخنزيرو حتى ندمك....وقف الكللللب...
تتقمش فييه من اللور....قلبها قرب ينزل مع رجلييها...تيضرب بالجهد...عاطيتها للسبان و الغواات و تتقمشو تعض و تضرب بصاكها فين ماجات....الساىق انحرف على الطريق ووقف السياارة...بزز منو .. جا يشدها .... سلتات ليه و خرجات تتجري من الطااااكسيي.....مزيرة على صاكها و عاطية رجليها للريح.....تتجري وخا ماعارفة شمن طريق تسلك ...!حتى هو ماتحركش تابعها...
خرجات للشارع و العمران و الناس غاديين جايين عاد تهناات....!
جلسات على كرسي عمومي ...تترد النفس و تنهج.....! ردات راسها اللور شادة صدرها تيطلع و يهبط....! دفلات فالارض ...ملي حسات بطعم الدم في فمها....خسرات ملامح وجهها و فتخات صاكها تتقلب مخسرة و طالع ليها الدم....ماكرهاتش ترجع ليه و تغرس فيه سنانها...تتفكر داك المعفون كان باغي يقرب منها كتبغي ترد....!!
دفلات مخسرة سيفتها....و سدات صاكها ..صاوبات حالتها و ناضت كي الثور مخنزرة....! دخلات لكافي ...طلبات باش تبرد و جلسات ركابيها مفشولين....!
لقات ميساح من اياد باغي يدوي معاها ...صبفطات ليه فين هي و جلسات تتسناه....! حتى دخل مع باب المقهى ...الطولة و العرض الكتاف...مونطو نوااغ طوييل و كلاسيكي.....! قلبات عينيها منو كتمتم....: بقات فاللباس....
جلس حداها سابقاه ريحتو ..مخنزر ماعاحبو حال ...: عاجبك هاد الحالة ؟ ليني داك الراس شوية احلا....
حلا ماراشقاش ليها : إياد انا و ياك صافي سالينا....الله يرحم باك خليني عليك ..انا مابغيتكش و فهم راسك شوية...
إياد مقصح زير على يديه و نطق : حلا ماشي كنلعبو هنا ...راك خطيبتي ماشي صاحبتي..
إياد كيضحك بالفقصة : و ييه سي فغي ...نتي بنت الخير...و لي جات معاك تشرطي...نتي إنسانة فاشلة احلا ...كبرنا بيك شوية و بغيتي ترفعي....
حلا قندشات : كتعايرني ؟؟
إياد مغدد : تقرصتي ! ماعجبكش الحال...و هاذي هي لا غياليتي....شنو كتصنعي في حياتك ...؟ لا بغيت نعرف جواب على سؤالي ...!!شنو كديري في حياتك ؟
حلا كمشات فمها و نفخات حتى طارت القصة من على وجهها ...
_ سير عالج مصيرناتك عاد اجي دوي عليا انا.....
إياد مخنزر : رجعي الذهب لي عطيتك....
حلا هزات صاكها معفرة : دوز عندي لتطوان و شبع عينيك فالخير و شوف الذهب ديالك شحال تيسواو عندي انا.....
صاوبات مونطز ديالها و خرجات من تما ...مخلياه تيشوف فيها و يتحسر ...كانت عاجباه و بالجهد .....!!
دوزات العشية مع عبيير ...!! دوزوها دوران و ضحك ...نساو راسهم ...و نسات خوها اليوم غي قريب و مامسافرش ...! ضاربة الدنيا بركلة و حياتها هانية كون ماكان رضا لي واقف ليها فالطريق كي العلقة ....!
تتكرهو كره غرريب وخا تشوفو ميت ماتحزن عليه و ماتدمع ليها العين عليه.....محقادة و لي تيضرها تتكرهو و تحقد عليه فمرة....!
فبوتيك ملابس نسائية....تتختارو تعزل ...شادة الهدرة مع عبير...
حلا : نو بصح ...ماما بغات تربطني بالزواج باش خويا ياخد راحتو فالدار مع مراتو ....مافخبارهاش مغنمشي حتى نطرطقلو المرارة ....كيقولو غي عليا انا فاشلة و مادايرة حتى حاجة في حياتي...و هو لي دايما تابع في بابا و طامع غي فيه....كيسايس معاه...العرس بابا دارو ليه و الدار بابا لي عاطيه الدار ...و الخدمة ..تجارة بابا لي كبرها ...اشنو دار هاد رضا ..والو حاضي غي حلا شنو كتصنع في حياتا.....بالحق بلاتي ها حلا غتخرج شطاااحة تسكتلو القلب....
عبير تتشوف فيه مصدومة : شنو هاد الكره كامل ...الله يستر معاك....مراتو عايش معاها مزيان ؟
حلا ضحكات باستهزاء : بزز عليها مسكينة....كتعصبني بالكلاخ ديالها....عاملة كي مونكية لي قال تقول اه ...كيحركا كي بغى ...خارج عليها حتى هي بالغيرة....وهو لا زين لا فورمة ....بلاصتا مانديروشي حتى العساس د الباب....
عبير غلباتها الضحكة : محقادة ياختي ...
حلا شافت في ساعتها مغوبشة : العشاء قربات ....
عبير بدهشة : تبارك الله الوقت طاار....
حلا تبرزطات : يلاه نخلصو ...تفو الحياة غتكون ساهلة و هانية بلا داك الزمر......
خرجو من تما محملين....! دخلو مع الشارع لي فيه الطاكسياات....الليل و السماااء عامرة نجووم شعلات ظواها....!
حلا وقفات حدا الطاكسي تتبلع ريقها....كرهات الطاكسيات و مايجي منهم...! وقف عليها واحد باغي النمرة ...
رضا شاف فيها مغوبش و رجع حنى راسو ...قربات منو نسيم و ضماتو من كتافو تتبوسو ...
_ باركة من الاعصاب ارضا....
عارفاه مفششها و عندو عزييزة وخا حتى هي دوزها عليها في صغرها ولكن كتبقى الصغيرة القريبة لقلبو و كي بنتو .....!!
خنزر فحلا و نطق محلف : غتبقاي حتى نزوجك لشمكار يخرج عليك....
حلا تتفقصو : مولفة بالعيشة مع الشماكرية ....
رضا حا ينوض ليها شداتو مو ...شاف فيها و نطق معرعر ...: ولد الحاج مفضل باغي يتزوج بها...زوجوها لو نتهناو من مصايبها....
حلا خرجات عينيها : والله مانتزوج واحد كيسوك سيارة نقل الموتى ....و جبلي من الفوق كيربط سروالو بخيوط صبااطو ...
خلود تتغمزها : سكوووت....
رضا بغضب : حتى يكون بخاطرك....يجي الواليد و تفتح دك التليفون قدام عينيه و نشوف شنو اخرتك يالكلبة ......( دور راسو كيقلب غليه ) فين هو التليفون...شكون خداه.....
قشعو تحت الطبلة و هزو خشاه فجيبو ...صونا لباه و خبرو يجي الليلة....وكان ذلك....!
جا سي عبد الله...و تحمعو فالصالة...و حلا تتدور فعينيها هي لي عارفة اش عندها فديك التليفون.....!
ذبلات عينيها تتمسكن على باها...: عندي ستة و عشرين عام ماشي ست سنين تعملولي هيدا....
رضا ماكره ينوض ليها : الواليييد مروناها و تتفلى عليك.....الكلبة انا لي عارف شنو كتصنع.....
عبد الله...مخنزر و خاجبو مطلع ..: دير الكود احلا....
ملي دوا باها يعني صافي غرقات....! شافت بنص غين فنسيم و خلود لي ماعرفو يضحكو و لا يبكيو عليها....و طاحت فيد باها و خوها....!
حلا حنات عينيها تتبكي و دور عينيها كي الذيب....كتعمل فالكود بالغلط...بلعاني...مرة ورى مرة ....باغية تبلوكيييه.....!!
عاق بيها رضا و حيدو ليها معرعر...: والله الليلة اخرتك....بيا و لا بيك هاد التليفون غتفتحو ....!
عبد الله حمر عينيه فيها : حلااااا...
حنات عينيها مرة اخرى للتليفون و شعلاتو ...و تفتح قدامهم.....خداه رضا بين يديه بحال خدا الكنز.....شدها من رقبتها كي الحولي ودخل للواتساب.....ماكاين غا اسماء الرجال عندها تما .....و كاملين مصيفطين ليها...فينك ...كوكو.....و شحال من ابيل ...و ماتتجاوب حتى واحد معفرة عليهم كاملين...و كلين لي بلوكاتهم و رحعو داخلين لعندها بنمرة اخرى بينهم داك هشاام....لي كتب ليها ..
" والله ماكنقدر ننعس بالليل حمقتيني احلا "
الجمل و الرسائل لي قراهم رضا بحال شعلو فيه العافية و حلا بحال دخلات ليها الموت....سخفااات ليهم تما و طاارو خواتاتها تيغووتو .....!! و عبد الله و رضا تيشوفو فالصور و الرسائل مصدومييين و عينيهم ولات حمراء بالاعصاب.....!!
فتحات عينيها لقات وجه مها قدامها...تتبكي و تنكر....
_ صافي باك لي كان كيوقف معاك خسرتيها معاه....
حلا جلسات جالسة وجهها صفراء...: شنو قال بابا....
خلود بشفقة : غيزوجك لولد الحاح مفضل.....
غوتااات حلا مجننة : لااااااا وخا تحلمووو مابغييبتشي.....مابغيييتوشييي جبلييييي و كثر هذااااك من تاصيلة الحااااج مفضل....
عبد وقف عند الباب مخنزر فيها : جمع حلوقك و تحزم احلا....هذاك لي غتزوج به ...غذا نوصل الموافقة للحاج....
حلا غرسات صبعانها فوق فراشها ...مخنزرة ماتقدر تغوت على باها و لا تقول والو ...حتى غبر عبد الله و شافت فحميدة و عينيبها مجبديبن كيخلعو ...
_ ولد الحااااج مغنديهشي.....حلا مغتزوجشي بواحد كيسوك بالموتىىىى.....
قصة غيرك ما يحلالي
محتوى القصة
سولها : شنو العيب لي فيا !
ضحكات بينها و بينها و هبطات عينيها سكتااات ..و كي فطال سكاتها قاليها ...قولي عليك الامان....هزات عينيها و قالت ليه عيبك مافيك امان.....
الامان مافيه لا هو و لا هي ....! كاينة بنت الحلال لي تحبك و تصونك و كاينة بنت الحرام لي تخونك و تضرب ليك جيبك.....
قصة واقعية خفيفة ظريفة بقلمي نسيم الصباح ( النوار )
❤❤
فينك ؟
كتب الميساج بالزربة و عينيه فالتلفـازة....تيقشر فالتفاح و ياكل ....
يد الاخرى مشغولة تيدي و يجيب معاها فالهدرة ..غي تتعطل تيصدعها ميساجات كل دقيقة....ميساج
..فينك ..
علاش ماتتجاوبيش
...ينعلها ساعة هاذي....طلع ليا هادشي فراسي....!
حط الموس و هز التليفون تيشوفها تتكتب حجبانو قراب يطلو على السماء
.جوابها مختصر دايما ...عمرو سمع صوتها و لا شافها و لكن تيحس بيه بااارد بااااارد و مستفز ...
_ غي هنا....
غزز شفايفو و طوى رجل و طلق رجع و فرغ ليها اش عندو ....تيكتب منزفر...
_ علاش ماباغيش تسمعيني صوتك ؟ نتي بان ليا فوكونط ...ماوردة مازهرة....
كتب الميساج و ستنى ترد عليه كيف العادة تتقراه وتخليه كثر من دقيقة عاد تيجيه ردها....
_ انا وردة
زفر ماعاحبو حال و سجل اوديو بصوت مبحوح...
_ سميتك وردة ولا زهرة مايهمش....شوفي اربع ايام و أنا تندوي معاك ...غا هكاك بحال تندوي مع راسي...ماعارفك واش نيت سميتك زهرة و لا خربة و ماعارفك واش فعلا بنت ولا مطلعاها عليا ...و ماشايفك ماسامع صوتك.....يا تدوي ابيل فيديو نشوفك و نسمعك و يا صافي ..هادشي طلع ليا فالراس......
دار ليها إرسال و ستنى ديك الدقيقة المرة لي تتخليه تيستنى.....تيهز فرجليه و حاجبو مرفوع قربو يتلصقو مع شعرو ...
زفر و حط تليفونو تيتفرج فالتلفازة .....منغم مع رساتو ...ساكت ...و الصمت فالدار.....حتى اهتز تليفونو ...!
هزو و تفتحات زواية عينيها...ملي لقاها بعثاث اوديو ....صبعانو كلاوه مافكرش جوج مرات فتح الاديو تيسمع...صوت ضحكتها الرقيقة و صوتها فيه بحة عجباتو ...
_ و دابا تأكدي انا بنت اسي هشام ؟
عاود سمع الاوديو كثر من حوج مرات و من ديك اليحة ماسخاش....طريقة نطقها للحروف زويينة ....
سجل اديو تيدوي معلي حاجبو ..
_و شكون عرف واش نتي لي سجلتي الاديو و مالصقتيش لشي بنت اخرى....
ردها : و المطلوب...؟
هو : دوي ابيل فيديو....!
ردها باختصار : لا ...
غزز شفايفو و ضحك باستهزاء : علاش ! ياكما شي خيبوعة ..! معقدة....ماراضياش براسك سنانك مكركبين و صفريين و شعرك حرش .....و موسطاجة !
طلعات ليه تتكتب ...ستنى شوية و صل ليها جوابها....عبارة عن ملصقات و ضحكة طوييلة ....فقط مازادت كلمة اخرى.....
فتح الكلافي تيكتب : هي بصح طلعتي هكاك عليها كضحكي....! دايرة صورة انجيلينا جولي فالبروفيل ماتيديروها غا الخيبوعات.....
طلعات ليه vu و غبرات ...ستناها تجاوبو ماجاوباتوش....! عض فكو من الداخل و خسر عليها بلوك على الواتساب و الفايس
حط التليفون مرة اخرى و ناض تيمدد فيديه و يتجبد....دار و دار و لقى ودنييه مشتاقين لسماع داك الرنة في صوتها.......! تأكد من نبرة صوتها انا فعلا شمالية كيف قالت ليه و ساكنة في نفس المنطقة....!
حيد ليها البلوك و عاود بعث ليها طلب صداقة.....! خلاتو منشور ثلاث ايام...تيبعث ليها فالبريفي ماتتحاوبوش....! عاود و عاود....لا فايس و لا واتساب و لا تتجاوب على اتصالاتو ....ثلاث ايام و ردات عليه....
_ هشام ؟
كتب ليها ماعاحبو حال : موسطاجة و دافعة كبير ؟جاوبي مالكي !قبلي الانفيط ...
تغدد على ديك الدقيقة ليخلاتو تيستنى جوابها....ستنى و ستنى و عاد ردات عليه...
_ علاش ! ياك كنتي معايا فلي زامي...
هشام مكمش جبهتو : بلوكيتك و حيدت ليك البلوك قبلي ...
هي : انا غي موسطاجة بطالية جالسة فالدار لا شغل و لا عمل و لا حرفة و نتا مالك مقابلني !
هشام تعود يدوي معاها مابغى يبين....باغي غي يرضي فضولو و يتأكد واش بنت بعدا و كي دايرة...غر غوشيغش على نمرتها مالقى عليها والو ...
_ مانقدرش نكمل هكاك لا صوت لا صورة بغيت نعرفك....
كتبات ليه
_ و المطلوب !
هو حاجبو و كتب : نتلاقاو...
ماجاوباتوش داك النهار و لا لي بعدو حتى لبعد اربع ايام....عاد كتبات ليه.....
_ وخا.....
حط التليفون و ناض نافخ صدرو عاجبو راسو....! حتى جات الساعة لي غيتلاقاو..فيها ...ماضيعش الوقت على راسو ...بنطلون لي تيلبس ديما و شوميز فالشيبي ...حتى سنانو عكز يغسلهم....! تغدا خرج هكاك.....!
دخل للكافي و شد الطابل تيكتب ليها داوي معاها....و عينيه على الباب...
_ انا جهة الزاج...على اليسر ..فينك نتي !
ماجاوباتوش...هز عينيه فالباب و رجع هبطهم تبكتب....
_ فينك ! شنو لابسة باس نعرفك...شفتي على حالة تتديري لينا اشمن قرن نتي مزاال عايشة .....
هو تيكتب معلي دوك الحجبان....و عطر صيفي رحتو زوينة دخلات مع جيوب نيفو....وقفات قدامو ..سابقاها ريحتها هز عينبه فيها..تيطلع و يهبط.....تكوانسا....!
تبسطو دوك الشفايف الملونين بالزهري و طلعو دوك الخدود بابتسامة ناطقة برنة : هشام صافا....
وقف ودنييه حمارو و عبنه عليها....مرة يبتاسم مرة يحك ودنيه...تصدم....
_ وردة ؟
ردات شعرها الرطب ورى ودنيها مبسمة ..: نجلس ؟
عرى سنانو ضاحك تيدوي بالزربة : مرجبا ..جلسي. .
جلسات حاطة صاكها فكرسي حداها دايرة رجل على رجل ببنطلون رمادي اميق....! حلقات ذهبية فودنيها و ساعة فضية فيديها ....تتشوف فيه معلية خاجبها....كيف ملبك مصدوم....!
_ مالك ؟
هشام ضحك بحرج : مامتيقش نتي وردة ؟
علات دوك العوينات الرماديين ...مجبديبيين بالعرض ...: لا انا حلا....
هشام تيشوف فيها حمقاتو ...: كيفاش حلا ! ماسميتش وردة ....
ضحكات برقة تتشوف فدوك العيون الرمادية....: لا حلا....
هشام حك بين عينيه شدهم و رحع حلهم متنهد : ماتيقتش عطيني لاكاغاط ناسيونال نشوف ...
بحركات ثقيلة محسوبة ...و ضحكة ماهي صافية جبدات ليه بطاقتها الوطنية و وراتها ليه مبتسمى...
_ حلا و لا ماشي حلا....
قرا اسمها و فرنس عاجباه و محمقاه...حالف حتى يشد فيها بيديه و بسنانو....: اسم على مسمى....الله يرحم لي سماك....
طلعاتو بدوك العيون د المشة...بلا ماتعيق و لا تعطي اش تحت راسها....! مبسمة و تتشوف فيه ...! الزين زين ...ولكن مابقى زينو يبان قدامها هي....! دك العجرفة و التكبر و الغرور لي كان فيه تهرس ملي جلسات قدامو....! ندم كااع علاش مالبس و تسكسف و دار بالحالة كما يجب.....! تيبان ناقص قدام اناقتها و حركاتها المتولة و زينها الباين....كثر بدوك العيون المجبديين ....
هشام ضرسة د العقل تتبان من الضحك : حلا يا حلا ...هاد الزين كامل كنتي مخبياه علينا ...
حلا تتمعن عليه : الصور خداعة كتشوف صورة فالفايس الواقع تبان وحدة اخرى....
هشام ضحك تيهز راسو : حلاااا ( طول على سميتها ) ... حمقتيني....
حلا اكتفت بضحكة تتسكانيه بعينيها.....
هشام شبك يديه فوق الطبلو تيدوي باعحاب : بغيت نوليو انوكوبل تقولي ليا لا نحماق ليك هنا...
حلا شافت فيه بين رموشها تتلفو : نتا منين بالضبط ؟
هشام : من سلا....نتي شماليية بييييغ ؟
حلا بتبسيمة : أنا ريفية ....
هشام ضحك : الزين الريفي ....
حلا شافت في ساعتها و نطقت تتشوف فيه بين رموشها : غنمشي دابا ....فرصة سعيدة...!
هشام وقف واقف ماساخيش : علاش ؟ مزال الحال...حلا ستناي شوية....
حلا قشعات العماش فعينيه ... لوات فمها و هزات صاكها تتدوي : من بعد ...!
هزات صاكها و خرجات من الكافي....مخلياه كي اليتيم واقف تيشوف فيها...كي تتمشي ....!
مامتيقش هاد الزين كان تيدوي معاه هو و كانت جالسة معاه هو ....!!
حلا غي خرجات من الكافي...زفرات بضيق تلاقات بصديقتها و شدات فيه معلية حاجبها....
_ ضيعت نص ساعة من حياتي مع واحد ماتيغسل حتى وجهو ....
عبير صديقتها : و نتييينا شدييتي الهدرة معاااه ماعندك شغلة و لا عملة ...باز احلا باز كيعجبك تخلي بنادم فاتح دقمو فيك ....
حلا ريح تتضرب في وجهها ملوية شفايفها : مليييت و قنطت و جا هذا في طريقي....( عوجات فمها تسيفات ) المورو كان فرحان بزينو ...قلت انشوف فين غيوصل....و تشوفيه كي كان.....عينيه معمشيين و سنانو المرقة لاصقة فيهم عيفني ...
عبير بضيق : ماتقوليشي عاود تخاصمتي مع خطيبك.....
حلا شطحات رموشها تتلوى : كتشوفي عندي شي خاتم ها ؟ مازال ماولى خطيبي ازين ديالي ...!
عبير تتشوف فيها بيأس : بعد سيمانة عندكم الخطوبة ....عاود علاش ماعجبكشي إياك شنو عندو ؟ الراجل كامل مكمول .....حلا زدتي فيه....
حلا ببرود : ماعندو والو ...كون كان فيه النقص مانكملش معاه....غي قنطت و شديتها هدرة مع هذا......
عبير وقفاتها تتدوي معاها بجدية : حلا عارفة راسك غتزوج بعد عام بالكثيرة ! عارفة شنو غتزوج احلا...يعني نسا عليك دخول و خروج و دوك الشبوقات ديالك و حيد منك التزهوانيت....انا عارفة واقفتي عليه حيت عندو الفلوس و ماماك بغاتولك و عارفة عقلية عندك يهودية ياختي مافيك امان...تكون مزوجة و ياكلوك يديك تهدر مع راحل اخر.....كيعجبك تشوف الرجال كيحماقو عليك و نتينا هي الكل فالكل ....
حلا مبسمة : و علاش هو بغى يتزوج عليا ؟ زعما كيموت عليا ؟ ( رمات شعرها الرطب ورى ظهرها تتوريها عاحبها زينها ) على هادشي ....عجبو زيني يالحبية ديالي شاف الترمة و البزول و الزين وقال باغي نتزوج.....
عبير بقلة حيلة : زعما مايكيعجبكش ؟غا على فلوسو
حلا سرحات داك اللسان
__ على الفلوس كوم تزوجت الشيباني دمنصور شحال هاذي و هانا وارثة الخير ....انا بغيت الزين و العضلات و الفورمة بغيييت راجل لي يلبس اللبسة يبان هو لابسها ماشي هي لي لابساه ...يضحك يقلب ليا عيني بالسنينات البضين....و هادشي كاين فإياد ! و هانا اش بغيت كثر ....! لحد الان ماشفت فيه حتى نقض ....نشوف غا سي حاجة ماعجباتنيش نقلب على مو ......! ( هزات تليفونها تتشوف فبه مضيقة عينيها ) لا هو فالصراحة هاز نييفو واحد الشوية عليا ولكن ماعليش حلا تعرف كي دير تهرس ليه منو شوية .....شوفي عينيه تيبانو زرقين فالشمس ....
ترمي عينيها للسقف ...و مرة للزرابي لي فالغرضو مرة تسرحهم على الفراش.....تتفلي و تبحصص و تشووف و تقول ماشافت.....حاضية على الدار و الفراش ...و تدور عينيها....تتدوي مع جارتها بلهجة شمالية....
_ هادشي عندوم وااعر ....حمقني الفراش
ردت عليها الجارة : و حبيبة ديالي لالة حميدة و اجرك على الله .....فين ماتزوج وحدة من بناتها كتنوض هي هي تبدل الفراش......و الرويقات و الثريااات و الطبالي د الخشب منحووتين و منقوشيين الصنعة د اليد الحرررة.....وخا تزل خمسة د المليون حاارة مهم عندا مايعاودوشي الناس يشوفو نفس الفراش....
تحركت الغيرة و الحسد داخلها دور عينيها على النساء و المعروضين ....حتى وقفات بعينيها على بنت زوينة محجة داخلة تتسلم ...شافت فجا رتها تتنغزها تقوليها شكون حيت عاد جديدة فالحومة ...
_ شكون هاذيك ؟.
الجارة : هاذيك العروسة د لالة حميدة هي لي عندا بوحدا.....
سلمى : واش حتى هي ريفية ؟
الجارة : لا لا جبلية ...
سلمى بعجب : كيفاش دارو ليها...ريفي مع جبلية اواعدي باز ليها مسكينة ....
الجارة علات فيها حاجبها تتهمس : شش اسلمى يسمعوك .. و شوف الريافة على حقهم و طريقه...
سلمى عوجات فمها : ياختي مابغيتشي ..توريني فيهم انا.....( شافت شي بنات داخلين انيقين عاطيين للعين ) و هاذو عاود شكون...قولي عرفني غنبقا نسقسيك غي انا....
الجارة مطولة بالها : مولات الشعر الكحل لي دافعة صدرهاو مخرجى قزيبتها هاذيك بنت لالة حميدة الكبيرة.....و الثانية لابسة قفطان د.الجوهرة فاابيج نسيييم حتى هي بنت لالة حميدة الصغيرة فيهم مزوجة بفاسي....
سلمى تتطلع و تهبط فنسيم : مزوييينة تبارك الله ....
الحارة : و بنات لالة حميدة كاملين غزالات ....خلود الكبيرة مزوجة بنصراني و وراها حلا هي العروسة و الخطبة ديالا اليوما و الصغيرة ديك الغزالة نسيم خداها الفاسي عندا جوج د العيال .....
سلمى : اواعدي ...الصغيرة تزوحات قبل الوسطية ...
الجارة تتهز راسها و تبسم : احيااااني على هاذيك الوسطية حلا ....شحال خطبو فيها و عاودو و ماهزاتم من ارضم تتشرط بزااااااف ياختي بزااااف كنت كنقول عمرا تزوج بهاد التشراط ديالا ساعة سمعنا قنعات بواحد و رضات بيه ....
سلمى جاها الفضول تشوف العروسة : كاع مكتبان العروسة ..ياختي انا جالسة و حشمانة ..مكنعرف هنايا حتى واحد و هنا غا العائلة ملي عرضاتني لالة خميدة حشمت مانجيشي...
الجارة : و صافي ابنتي حنا كاع الجيران هنا هكا عاىلة وحدة و حتى نتينا منا و فينا.....
لالة حميدة مولات الري و ااشوار ...و القد و الوقفة و الشوفة صحيحة....بااشعر مقطع مصبوغ بالماغون كتدور على الشغال بيديها....بقفطين ديالها و الذهوبات ديالها .....! ريييفية حرة ....! و ذوااااقة و بناتها كاع تيشبهو ليها.....!!
واقفة قدام المراية الطويلة لي شاداها من رجليها لراسها.......
قفطانها البيض محني مع رجليها و كيتجرجر وراها....طالقة شعرها على كتافها و مجبدة دوك للعيينين كثر ماهو مجبدين كتشوف في راسها قدام المراية فرحانة بزينها.....تميل شفايفها و تدوي مع بنات خالتها ....
_ نتوما قلبكم كان كيضرب و كنتو حشمانين علاش انا ماضرب قلبي لا قاعي....
بنت خالتها وضعات الثاج على راسها تتضحك : قلبك وخا و قاعك علاش ؟ جيتي كتحمق مشاء الله ..
ابتسمت حلا رامية شعرها لجنب واحد ....تتميل فدوك الحجبان و تذبل رموشها ملامح وجها خداعة ....!
زينات يديها ببراصلي مغزول بالذهب تتدوي بثقة :
_ حلا هاذي و اجرك على الله ....
ضحكو البنات لي فيهم صحاباتها و كاين لي بنات خالاتها كي الخوت بيناتهم ....!
نطقات وحدة فيهم ضاربة يد فوق يد و تهز راسها كانه مكاينش امل تتبدل ولو شوية..
_ عندك يبغي إياد يقولك هدرة غزييولة و يتزلل عليك شوية و تجاوبو هيدا ؟
حلا تتشطح رموشها : خصني نحشم زعما ؟ كي ندير هكا ( حنات عينيها و شبكات يديها تتدير راسها حشمانة )
.... ضحكو البنات على هدرتها و ردت فتاة اخرى على كلامها ...:
_اوى اختي حشمى الحشمة زيينة جات معاك
وخا نتي ماعندكشي وجه الحشمة...حني عينيك و تبسمي حشمانة ماتبينيش ليه وجهك من الاول خلي حتى من بعد و يتحيد الزواق لراسو هههه
حلا دورات عينيها للمراية تتفقد زينتها.....!
مامخلوعة ماحشمانة....ماتتفكر لا فالمستقبل لا فالماضي عندها غي تعيش الحاضر....مها بغاتها تزوج بيه غتزوج بيه ...و مولاها ربي....! غي حيت ماشافت فيه عيب بالعكس عجبها و مابغات تبين ....ماشافت فيه عيب....!
نطقات بنت خالتها رادة شعرها القصير ورى ودنيها مبينة حلقتها الفضية : يا سبحان الله عيتي تختاري و تزعلي صافي هذا شدك و مابغى يطلقك .....
حلا المعنية بالامر سكتات و ماحاوباتها عينيها على شكلها فالمراية....
نطقات صاحبتها لمقربة بنبرة قلق كتوصبها : ياخوفي غي تمشي تقلبي عليه حتى هو.... يا حلا يكفي غي داك الراجل لي خرج من باب داركم و عينو حمرين...حيت عيبتيه
حلا دارت شافت فيها كي المشة : ماشي لخاطري نتي عارفة ااراجل لي بغيتو خص عيني تبغيه قبل من قلبي ...ماشفتيشي هذاك كيف كان كيترعد و ماعندوش شخصية كتحسو ماواثقش من نفسو واش العروسة لي تكون متوترة و حشمانة و لا العريس ..؟
ردت بنت خالتها بقلة حيلة لتفكيرها : طبيعي الرجل يتوتر راه الرجال كاملين كيتوترو فاي خطوة جدية في حياتهم غي هو كاين الفرق بين الراجل لي كيعرف يخبي توترو و لي لا كيبان على وجهو و تصرفاتو ...الولد كان زوين من برا من الداخل غي هو كان باين فيه شوية خشمان و متوتر شوية هذا ماكان و عادي عند اارجال ....
ابتسمت حلا بهدوء و حاوبتها بنفس النبرة : مستحيل...اذا شفت فيه حاجة واحدة نافصة و ماعجباتنيش مانقدرش نكمل معاه مرتاحة....انا بغيت الالة داك الراجل لي ميتوترش و مايبانش. عليه شنو كيدور فراسو ...بغيتو واثق ماشي يترعد عليا و نترعد عليه.....و اصلا ماشي على هاذ ااسية باش مابقيتش باغية نتزوج به( عوحات ملامح وجهها بقرف ) بان ليا صبعان يديه موسخين و فيه قاعدة تيحك فنيفو بزاف ...( شافت فيهم ببرائة كيف كل وحدة كتشوف فيها كانهم كيسمعو لوحدة كتفتتي عليهم بلغة خارجة عن المالوف....تاففت بنعومة و كملات ) علاش كتحسسوني انا خايبة و مامزياناش انا هكا ااسيد شفتو معفون و ناقصو ثقة فراسو مانقدرش نكمل معاه هو حاي يشوف عاىلتي و ماقدر حتى يغسل ظفرانو عيفني ...شنو نتوقع من هذا ؟كون راه ماتيحسنش كاع واكشي عندو مشوك و معفن ....
دخلات بنت خالتها الكبرى مراة متزوحة و كرشها باينة حداها....عبراتها بابتسامة اعحاب و نطقات نفس الحملة لي قالوها اابقية كانها ناقصة اعحاب بالنفس حتى يزيدوها : اش هاذ الحلاوة كاملة بغيتي تسيطي ااسيد....
ضحكات صديقتها و ردت : دعي الله حتى هذا يبقى موقر و داير فيها شخصية و مايتوتر و لا يرتابك و ماتهز فيه شعرة و ظفرانو نقيين و مايحكش نيفو و الا حلا تتقلب من ااحلاوة للقباحة ....؛
هزو اابقية اكففهم ضاحين جماعة : اميين ...
تاففت خلا بضجر و قلبات وجهها منهم كثيري الكلام و حتى وحدة ماكتفمها و تحس بها ....!
دخلات عليهم لالة حميدة : يلاه البنات يلاه دابا ماتخروجش كاملات مع بعضكم يخرجو سوية و يسلمو و يجلسو ...عاد تجي بنتي حلا و شي جوج معاها ....( شافت فسميرة و نعتات ليها مففعة و متوترة كيف كل فرح فهاذ الدار خصها يكون كلشي عالي العال و و ماياخد حد عليها و يدوي عليها كلمة ناقصة ... " سميرة يلاه ابنتي هبطي معايا التحت نشوف الحاج شنو دار ...."
خطوة ورى خطوة ....يديها الرقيقة مزينة برراصلي رقيق ذهبي قد سنها مدور على معصمها باناقة...معلية جلايلها من على رجليها باش تتمشى براحة...الفتحة د القفطان مبينة رجيلاتها البيضين جسدها ممتلىء نوعا ما ...تابعينها البنات و و النساء مرافقين بااصلاة و السلام على النبي وهي محنية عينيها مرزنة و متبتة كتظوي بضحتكها الناعمة ...!
ناضو اهل العريس واقفين و منهم العريس لي وقف مصاوب بدلتو الرسمية طولتو دير منها جوج و هذا كان طلبها....!
عريض و بعضلات و هذا كان طلبها ....
ابتسامة ثقة و غرور وخا مابغاتوش مغرور معاها لكن ماعليش تشفع ليه هاذي....! حتى اسمو عجبها " اياد " ولد الوقت و شخصية كيف كبين ليها و خدام و بسيارتو و دارو و ناسو ناس الاصل .....!
مد ليها يديه يسلم عليها و لبات طلبو ...حطات يديها فراحة يديه و تلمسها باعجاب و النساء وراهم حشمانين و كاين لي كيطل بعيون وقحة و صريحة يشوفو شنو كيديرو و....سلم عليها فوجهها و جلسوها حداه.....و تعالات الزغاريت ...
ام العريس دور دور و تضحك عجباتها بل حمقاتها عروستها....على قولتها هي " وهاذي عروسة تحمر الوجه "
....ولدها خدا الزين و شكون بحالو ...!
العائلات دخلو في حديث طويل كيتعارفو على بعض النساء محمعين كيضحكو و هدرة النساء معروفة و الرجال كذلك....حطو ليهم صنية كتربي و منقوشة فيها كيسان الحليب و الثمر و الورد حمر مفرش عليها .... ! كلشي تيشعل مذذهب تيضرب فالعين.....
شربو العرسان و ووكلو بعضهم و حلا عينيها المزينة بشكل فتان غي كيدور بتفحص و تمعن لحركاتو لي عجباتها....! و لابتسامتو لي عحباتها حتى هي....! قلعات حتى كيفاش مسح الحليب لي بقى على فمو ....حاضياة الصغيرة و الكبيرة....حتى لدابا كلشي مزيان و قانعة بيه ....!
نطقات ام العريس الضحكة و الصواب : و دابا يركبو الخواتم الالة حميدة.... ضحكات حميدة حتى هي مبادلاتها الصواب و الرجال سكتو ملي دواو النساء على هاذ الامور هوما لي يعرفو ليهم ...
_ " اييه الالة فوزية يركبو الخواتم و نصليو على النبي "
ركب ليها الخاتم بطريقة راقية زاد اعجباها بيه....! الخاتم و كولي د الذهب بحلقات ديالهم و ساعة ديال الذهب الابيض و براصلي حتى هو ....و المصورة تتلقط ليهم صور و تسجل اللقطات .....و حلا عايشة الدور تيعجبها تكون تحت الاظواء و كلشي معجب بها ...تتطلع داك الصدرو تسوط بطنها باش تبان مسطحة و صدرها مخرج ......!
البنات كيتغامزو عليها....و يضحكو ....
_شوف حلا كي كدير !
بنت خالتها حابسة الضحكة : فتنات السيد ....
و كاين لي خايف غي تشوف فيه شي عيب و تضرب ديك الفرحة كاملة.... و كاين لي شاد عليها الهدرة ماعاجبهم حال ....
" ياختي باز تقول هي كاملة مكولة مافيها عيب "
ردت عليها الاخرى بضيق : مالك غي مابغات تزوج بخوك صافي تخرجي فيها العيب علاه اشمن عيب فيها غزالة و مسرارة و قلبها بيض بلا مانديرو فيها ملائكة و معرت شنو ...هي زوينة و باغية حد معمر ليها عينيها...ماشي تزوج بواحد معفون و نفر منو خاطرها....غي هي شنو ماتوقرش ماعجبهاش كتضرب عليه و صافي ماتفكر باش يحس هو ماوالو ...هذا الخايب فيها صافي...."
غمزاتها الاخرى و نطقات : دابا حضي حضي معاه السيدة كتفرنس عجبها و مالو مايعحبها ياختي بغاتو طويل عليها و لقاتو بغاتو عريض و كيعرف يلبس وو لقاتو جاتو االبسة من ديكشي و هذا كيبان بعدا لابس اللبسة ماشي اللبسة لي لابساه و ماعندو كتاف....خلاتها حلا داك النهار "
ضحكو على كلامها بالدموع ملي تفكرو كلامها ....وسكتو فور ماغمزاتهم حميدة يسكتو...شدو فهم و ظلو غي كيشوفو بعويناتهم ...
كلشي متول و متقون شغل لالة حميدة واقفة عليه بنفسها ...المهم عندها بنتها دير عقلها و تقناع بهاد السيد ....تتعرفها مايقد عليها حد و كطير و باغية تسابق مع الطيور ...!
جمعو و طواو و جلسو العائلتين مع بعض صالة كانت كبييرة و مفرشة على خقها و طريقها فراش ثقيل و وواعر....!
ناضت حلا تتميل فدوك العينين تتخدع بنادم ببرائة وجهها....! جلسات مع اياد في صالة اخرى تيهدرو براحتهم ....منفردين ببعض ....!
كتبتاسم و تشوف فيه من غي التحت التحت خاضية شغلها....ثلاث اشهر كانت غير كافية تعرف عليه بزاف د الحاجات لذلك علات راسها فيه برقة و بطريقة انثوية خلاتو يبتاسم حتى هو : جلس ...!
هز سروالو من ركابو شوية و جلس جلسة رجولية ناطق بابتسامة مسرراة : ايه نجلسو علاش لا....
جلسات حداه جلسة انثوية و قفطانها مفرش حداها ...تتشوفو تيشوف فيها مزنك...
يلاه غتدوي سبق هو مقرب منها باغي يبوسها في ففمها متمتم بنفاد صبر : جيتي كتحمقي مابيلا ...
قلبات وجهها منو بابتسامة جميلة هاتفة بنعومة : نو اياد مالك زربان ....
رجع بعد منها مبتاسم بحرج بان فيديه لي كيسرحهم على فخاضو ...و نطق باستسلام : نصبرو علاش لا...
شعرها المموج ورى ظهرها بخيلاء و ردت برقة : ان الله يحب الصابرين صبر صبر....
ضيق عينيه فيها ..: ها حنا صابرين حتى للنهار لي يتقادا فيه الصبر ...
علات حاجبها بذكاء و ابتسامة هادىة على ثغرها : شنو غدير اذا تقادا صبرك ؟
مسح على وجههو ضاحك و سنانو بيضين مستفين زينو ضحكتو : وحدة من الجوج يا عارفة الجواب شنو و بغيتيني نعري الوراق و نقولها ليك فوجهك يا بصح نية و مافراسك والو....
ابتسمت برقة بدون ماتحمر خدودها او تبان ليها الحشمة ...هاتفة برقة زادت لهفتو عليها : لا الاولى و الا الثانية تعلم تتحكم شوية فراسك !
اياد على حاجبو فيها من كلامها : دايرة لي لونتي ؟
حلا تتحلون : لا ....
إياد تيشوف فيها باعجاب : باغي نبوسك ماترويناش....
حلا ضحكات برقة : باش نرويك ؟ كاس عصير و لا كاس ماء مبررد....
نفخ صدرو عاجبو زينو حتى هو : تتبوهلي علينا .....ماناخدوش منك شي بوسة !
حلا تتشوف فيه بين رموشها : لا ...
شافتو سكت و هزات عينيها فيه لاحظاتو ماشي على بعضو ...!
إياد وجهو حماارت تيهز فرجليه و يبتاسم : كاين الصهد فتحي السرجم شوية لا !
حلا ثبتات العين فيه و تعلاو دوك الحواجب للسماء....جيبوب نيفها تيفرفرو و الريحة الحزاق خنقاتها.....!
موقف مايرضاه حد ...! غي هي و ياه لي كاينين...هي عارفة راسها مادايرة والو...اذن الحزاق هو هاد القلدة لي حداها نافخ عليها صدرو....!
شافت فيه مجبدة عينيها مارضات و ماحملات الموقف ...تتفرفر دوك الرموش و تشوف فيه ...كملات لي عليه.....!عارف راسو اش داير ...و طالقها خانزة عليها.....!
مع ذلك نطق بحال ماوقع والو : حلا مالك ؟
حلا زمات دوك الشفايف ولاو كي ثقبة الدجاج : والو ....طولنا هنا....!!غنخرج....
هزات دوك الجلايل و خرجات تتسوط ماعاجبها حال.....!
طلعات لبيتها مدرقة من الضياف لكن قشعوها ...!
العريس رجع مطلع حاجبو ماراشقاش ليه....! و كلشي تيسول على العروسة....جاو عائلة العريش يمشيو بحالهم و العروسة غايبة....!
لالة حميدة تتدرق عليها و داخلها حلفانة فيها...طلعات الفوق تلاقات مع بنتها نسيم الصغيرة : فين ديك المسخوطة ؟
نسيم : ماشفتهاش ...
لالة حميدة : وفينها تهبط تسلم على ناسها ....اش نقول ليهم جاتها الحالة ثاني الغنان د جدودها فيها يالطيييف.....
نسيم تتهدن السوق : و صافي اماما تكون شافت شي حاجة ماعجبتاشي خليها دابا ...قولوم كرشا مريضة ماتقدرشي ....
هبطات لالة حميدة ماعندها وقت محلفة فيها ماكرهات تغزز عليها سنانها....! ودعو الضياف و تخوات الدار و تكبو كاملين على بيت حلا....مهرسين عليها الباب.....!!
لقاوها ناعسة على ظهرها كتصور راسها و تبتاسم و تاخد صور ماعلى بالها بوالو ....
لالة حميدة ضربات صدرها بخوف و قربات منها كتسولها و تعاود : شنو وقع ؟ علاش ماخرجتيش تسلمي على ناسك ؟ مادريش عقلك احلا ...
نطقات بنت خالتها سميرة بقلق : بشوية عليها اخالتي...( شافت فحلا و نطقات بفضول ) نتي نوضي جلسي و قولي شنو وقع...
نقزات بنت خالتها : شفت العريس جلس وجهو حمر و عينيه مبلقين غي كيتمتم و حاني راسو عكس كيف دخل ....
لالة حميدة شافت فبنتها مكمشة فمها بغضب و طلعات معاها بتفرفيسة لفخاضها من فوق القفطان....: نوض يا قشور البنان لي حط رجلو عليك يزهق ....نوض الله ينوض فيك الشوك ....
.. جلسات حلا متألمة من حركة امها كتحك على فخضها ...هاتفة بصوتها الناعم : شنو اماما شنو....صافي يغضب هو و لا تغضب تاصيلتو مابغيتش نتزوج بيه ....
شهقو كاملين دقة وحدة و ها لي كانو خايفين منو....
الالة حميدة وجهها مشى منها الدم ضرباتها لراسها معلية على كمامها بقسوة : يا ويلي على غدايدي و على كارث والدة ....كيفاش مابغيتيشي تزوحي بيه علاش كتلعبي على الناس تاخدي ذنوب الناس..
حلا حلا جلسات جالسة تتدوي بجدية : ماما علاش
مكتفهمونيش...اشمن ذنوب غناخد ها ؟ ( مطات شفتيها الممتلئة بضيق و كملات ) من حقي اذا شفت حاجة فيه ماعجباتنيش نتراجع هذاك ...ماما يلاه غي نتي تشوفي ظفرانو موسخين علم الله فاش كان كيحك ؟ و بغيتي نبقى نفكر فيه مزال و نتزوج به مع معفون !!!
ردت عليها لالة حميدة بعدم اقتناع : و هذا شنو لي معيبو ابنت كرشي ها ؟ اش معيبو واش نعض فلحمي انا معاك ...باباك فرحان و عجبو ناسو الولد كامل مكمول اش عيبو غي فهميني ؟
تجمعو عليها بنات خالتها و حلسو قدامها فوق الناموسية ....
هتفت واحدة منهم بفضول و عينيها كيغلييو باعحاب : واش بحال داك الطولة و زين ااسمية يرفضوه الناس يالحمقة !
حلا ( جاها حريق الراس معاهم ) : زوين و طويل و سميتو فنة و كلشي فيه واعر ...و لكن حزاق اسامية حزاااق ....!
نقزات عليها سميرة شادة ليها فمها و عينيها موسعين بصدمة : اويلي على الشوهة راه باك على برا يسمعك المصيبة ...
لالة حميدة ( عينيها توسعات و عقدات حجبانها بذهول ) : و اش فيها ؟
فكتها سميرة شي لي خلاها ترمي شعرها مور ظهرها بغضب ناطقة بنفور متشددة على الحروف: مايمكنشششيييي نكمل مع واحد طاح من عيني اماما....واش حنا جالسين عليك ياللله هدرة من هنا و من لهيه كيبان عليا بالسفر ها اسبانيا ها فرنسا ها زبااوية ...و طالقها عليا بحزقة خانزة سحابليه مكنشمش....و باش كملها ( عوجات فمها كتقلد صوتو بتقزز ) اووه مابيل اذا بغيتي تفتحي السرجم الصهد نو ....
حبست سميرة ضحتكها لكن فضحتها عيونها العامرة دموع شي لي خلى حلا هي الاخرى تفلت منها ضحكة انثوية رامية عليها مخدة ناعمة : ضحكي نتي شفتي علاش مابقيتش باغياه ...
سامية شافت فيهم باستغراب : و مالو ماشي بنادم ؟ علاش نتي ماكديريهاش ؟ راكم غتزوجو هادشي لي تتقول فيه غي تخربيق....و تبرهيش راه بشر مابغيتي لا يحزق لا يخرى ....
شافو فيها المتزوجات و منهم سميرة معلية حاجبها باستنكار : ولكن غي يحشم على كمارتو شوية ماحتارمهاش ملي حزق قدامها....
.....( شافت في حلا لي تتشوف فيها و فراسها فراسها ) ازين ديالي احلاولاو د العائلة غي غطي ليه على هاذي و ديري يدك فيد الله ...راه يكون مسكين مريض و لا ماقدرش يتحكم فيها راه حتى واحد مايقدر يتحط فالوقف تحط فيه هو ...و باين فيه ولد محترم و لباس و ولدالوقت و نيفو غي مرفوع راه ماشي لخاطرو ....!
حلا ابتسمت فوجههم ببلاهة و ردت ببساطة : لا الراجل لي يحزق عليا و باقي عاد في فترة الخطوبة ماشي راجل ولى كيبان ليها مشوه وطاح من عيني......ماشي اول مرة ولد الكلبة ديك المرة كنا فالطنوبيل و شميت ريحة الحزاق و بدا تيتلف قالي دزنا حدا كولينور الريحة هنا خايبة تيقتو وهو غي حزقتو لي قتلات الطيور فالسماء و دوخاتهم ....
شافت فسامية و هتفت باندفاع قبل ماتنطق ) و نتي حتى هدرة ...عطى الله الحمامات تحس براسك مزير فرغ خاحتك فيه و احترم لي قدامك انا ماما و مانرضاش نحزق قدامها عاد راجل دارها قدامي كيف بغيتوني نشوف فيه ؟ علاش ماتفهمونيش علاش....راه فين مانشوفو غنعاود نشم ديك الريحة الخانزة لي طلقها عليا ....وخا يغطي عليها ميات ريحة و ريحة .... و يتغطس بالمسك .
تنهدات لالة حميدة و شافت في بنتها الوحيدة بقلق : ابنتي راكي ماشي صغيرة و بزاف على هادشي حتى واحد مامقنعك....على حزقة تفتركي المحمع ...راك 26 سنة تبارك الله ماشي صغيرة ...
حلا ردت عليها بتعب : اماما راه 26 صغيرة مالكي مكبراني ؟ هذا ماشي داك الوقت ليكانت فيه البنت تكمل العشرين ولات بايرة .....و كايديها فيه حد ....
لالة حميدة راسها يابس و مادات في هدرتها والو مزال عند كلامها : يلاه الزين لي عطاني الله ...شكون من عائلتك لي فاتت خمسة و عشرون و مزال ماتزوجات ؟
تدخلت سامية ناطقة بعفوية : راه هاذوك احلا بعدا قاريين و ماتوخرو على الزواج حتى كملو قرايتهم و نتي بقيتي واحلة غي مع الباك شحال من عام حتى لافاك مكتمشي ليها ؟
ابتسمت حلا ابتسامة باردة مستفزة و فداخلها غير راضية حيت جبدات ليها نقطة ضعفها لي العيب الوحيد فيها هو انها كسولة و ماعندهاش حتى شهادة جامعية و كارهة حتى تحط رجليها فيها تتقرص ملي تيجبدو ليها عيبها و ماتترضاش نهائيا ....
__ ياك قلت ليكم جوابي و قلت ليكم مابقيتش باغية نتزوج بيه و يلاه ماتجبدوش ليا الهدرة عليه مرة اخرى ....!
ظلت مبتسمة فوجههم مبردة
__ قلت لي عندي و بابا اذا قلت لا مايقدر يبزز عليا ....اللهم نتزوج بخاطر و براجل معمر لي العين و ماننفر منو لا نرجع ليك مطلقة ....
حميدة شادة راسها قربات تاكلها و تغززها بسنانها : واالله يابنتي حتى تاخديه هو ...عيت معاك هذا تبرهيش.... هذاك لي غتزوحي بيه ماشي نصرف زبالة الفلوس على الخطبة و مايكون والو...
حلا زمت شفافيها بضيق واضح : قلت لي عندي اماما حزاق مانتزوحش به مايمكنش نتزوج بواحد خاطري نافرة منو ...( علات عنيها فنسيم لي دخلات مهدودة باغية غي تنعس ) نسيم نتي تتفهميني دوي مع ماما فهميها ! ...
نسيم تتمسد راسها بصداع : حلا ماليا خاطر ليك تزوجي و لا جلسي اخر همي ...( شافت فمها و كملات بجمود ) ماما غنبات هنا اليوم ....
حلا بتعب : حتى انا بغيت ننعس راسي طاب بديك الهدرة باركة صافي ....
تنهدت حميدة و خرجات تتسوط لاحيلة لها معاها.....الوحيدة لي حياتها مسكدة هي بنتها الكبيرة فقط....حلا واحلة معاها لاقراية لا زواح و نسيم ليتتعيش مشاكل زوجية هازة ليها الهم ...
جلسات لالة حميدة جنب ختها و مرات ولدها تتشكي و تبكي شادة راسها ....
_ خايفة عليهها اختي ...قلبي معلق معاها كطيير كطييير و ماميعجبا العجب ....خوها شي نهار يقتلها ليا و نبقى نتحصر عليهم بجوج....
مرات ولدها : و خالتي قول هي لي غتخرح عليه و تقتلو بالاعصاب ....
الخالة تتضحك : و قلت لكم زوجوها لابراهيم هو لي يعرف ليها...
لالة حميدة غلباتها الضحكة مع البكية : مابغاتوش قالتليك كبير عليها غي باربع شهور كتحسبو بحال ولدها .....
الخالة تتضحك و تهز راسها : لاحولا ولاقوة الا بالله و الله يهديها و صافي و يرجعها لعقلها ....
لالة حميدة تتنهد : والله الا خايفة عليها كنخاف طيح فيد شي حد لي يخرج عليها ..الدنيا دواارة اختي....
مرات ولدها تتطبطب عليها : خالتي ماتعملشي فبالك ..حلا مايقد عليها حد و مطورة و كتعرف فاين تنزل رجلا ....
لالة حميدة بهم : طيح فيد شي ذيييب و قولي تعرف فاين تنزل رجلا الطيران ديالا غيخرج عليها قلبي و منغوز عليها....
الخالة : و حتى نتينا عاود احميدة خليها على خاطرا باقي صغيرة و العمر طويل ...
حميدة مغوبشة : هاذيك كتكبر كيكبرو لها الجناح باغية توصل الفضاء تما تلقى هذا لي بغاات....اختي حلا فيها غي الزين و الزين كيموت و كيذبل ...لا قراية تنفعا و لا مستقبل زين تتصنعو كون كانت كتقرا والله لا هدرت معاها على الزواج ....!
سكتو مطمرين ملي سمعو صوت رضا ولدها الوحيد داخل تيميل بدوك الكتاف و صوتو غليض معلي حاجبو فيهم....
_ مالكم ؟
حميدة تتنهد : حلا قالك مابغاتش تكمل مع السيد ....
رضا مغوبش و حجبانو ملاقين : لعب البراهش ؟ بنتك اشنو باغية تصنع الواليدة نقتلها عاد تهنى القبيلة و لا شنو ....
حميدة ناضت واقفة تتسكتو قربات تبكي حلا قهراتها : غتخرجو عليا بجوج بيكم ...هالعار اولدي خليها عليك و نقص من هاد الاعصاب و خلي عليك حلا راه اولدي غتخرج غي عليك مابقات تنفع معاها هدرة ...
رضا عاقدهم رافع صوتو داير كي القط والفار هو و حلا تيطيح مريض بالاعصاب بسبابها
_الواليييدة واش كدوخ علينا هاد الشكارة خاوية البارح مجففة القهاوي معاه و دابا قالك مابقاتش باغياه....علاش مابغاتوش اشنو دار ليها....
الخالة ناضت تتهدن السوق اذا قالت ليه على فبل حزقة غيحزق حلا نييت ...
_ و بيناتهم داكشي اولدي رضا ...خرج سوق حلا و خليها بخاطرا مابقاتش صغيرة هي تعرف راسا....
رضا دمو تيغلي : هاذيك الكلبة غنمشي عليها للحبس .....فين هي ؟
خرج من الصالة تيعرعر بصوتو : حلااااااا.....حلاااا....
سمعو صوتو جاي و طارو كل وحدة فين جالسة ...و خلا واقفة فوق الناموسية تتمشي و تجي ....غا شافتو دخل للبيت مدرم ...نقزات تتغوت ....
_ و بااااااباااااااا .....غيقتلنييييي........
نقزو النساء على رضا شاديينو وهي تتغوت و باقي ماحط يديه عليها حيت محربة دقتو و حلفان فيها عارفاه اذا شدها غيقتلها و يسخسخها .....خارجة ليه من الجنب تيشم فيها ريحة الزهو و الدوران و الزيغة وخا عمرو حصلها و كيستنى غيي يحصلها حتى يخرج عليها ......!
رضا تيمد يدييه باغي غي يشدها يفرعها : ال**بة حالف بحلوفي حتى نخرج عليك ...علاش ماباغاش تزوجي بيه حيت شميتي ريحة المعقوول .. مولفة اللعب الكلببة.......اابارح راكبة معاه فالطنوبيل و اليوم مابغيتش ناخدو ......
حلا وجهعا حمراء تتشوف فيه بكره : ااااه مابغييييتوشييي والله لا تزوجت بيييه و مووووت و نطح راسك البخريرو ....اذا درتي راسك فيا غنخرج عليك انا ماشي نتيينا....انا بزاااف عليك......انا ماشي خلود و لا نسييم ...مشي حكم فمراتك و بعد مني انا.......
حميدة تتضرب حناكها و تغوت على حلا : سكتيييي يسكت حسسسسك يالكلبببة .....
رضا حمار و تحنن و صدرو تيطلع و يهبط ....دفع خالتو و مرتو و طااار عليها شدها من عنقها خانقها كي الفروج وهي تتجبد و تصرب و تركل ....
_ الفاااااجرة حالف بحلوفي حتى غنقتللللك .....
تحمعو عليه تيفكو ...حميدة سخفات و نسيم تتبكي من بعييد....!
تيشوفو حلا بين يديه خانقها و عينيها خاررجيين....! جا الاب جرو من عليييها و عطاااه بونية لكمارتو حتى دارت ....و حلا لاوية كي الفلفل فيد خالتها ....تتشوف فيه عينيها مقلوبيين وجهها مدمعة ...دفلات عليييه تتدوي ببزز....
_ تفووو الجيييفة......
الاب جر ولدو كي الحولي نهار العييد ....وهو كيعرعر عليها....
_ فوقاش غتوبييي يالكلبة كدفلي عليا.....عليا كدفلي......
خرجوه بزز....و دارو على حلا تيبكييو مخلوعين.....! و حلا تتنهج و تدور عينيها فالسقف ...
_الكلب كان غيقتلني ونمشي لا إياد لا غيرو....
نسيم جالسة حداها تتضحك و تبكي فنفس الوقت ...
_ مكتوبيش اختي ....
خلود اختها الكبيرة : مشاااكييل تزوجي احلا تهناي منو...إذا بقيتي هنا غيخرج عليك....
بنت خالتها تتبكي : علاش كيحكر عليك هيدا مع خلود و نسيم ماكانش كيعدل هيدا.....
حلا معلية حاجبها : بغيتلو الموووت .....هنا غنبقى جالسة على قلبو ....بغا يزوحني و يكركبني باش ياخد راحتو مع مراتو هنا.....عايقة بيه الكلب....
نسيم هزات عينيها فمراة رضا واقفة تتشوف و تسمع و ساكتة ....ماحاوباتهاش....!!
خرجات من بيتها سابقاها ريحتها....! لابسة جلابة مخزنية فالاصفر و الموف ...! خلخال تيبري فرجلييها...و شعرها القصير رطب تيتلوى مع كتافها.....! كدور فدوك العيون مجبدة و تصاوب البراصلي ....
_ ماما انا خارجة ....!
خرجات لالة حميدة من الكوزينة معلية حجبانها مهومة مع بنتها....
_ فين ماشٓا صبحاتو لله ....
حلا تتقتلهم غي بالبرود : خارجة نشم هواء د دسيدي ربي....فين داك ولدك ؟
حميدة تتطلعها و تهبطها مغوبشة : حتارم خاك ياهاد المسخوطة...و دير عقلك عندك تزبلا مع خطيبك ....
حلا تتلوي فمها و تشوف في ظفرانها : مامخطوباش انا ؟
حميدة قربات تعض فلحمها بالفقصة : و داك الخاتم فيديك ؟ هاا....احلا رجع لعقلك....
حلا تتدوي مبردة و داك العيون رمادية مجببدة ...الحق يتقال زينها قتااااال....
_و دابا اماميتا قولي فين هو أخي رضا.....
حميدة تتنهد.: مشى لسبتة العشية غيرجع ....
حلا هزات صاكها صغييور بزز خاشية فيه تليفونها....تتمتم : مشية بلا رجعة ....
حميدة جلسات تتطلع و تهبط : فاين ماشة تجمع الناموس عاود بديك الصفر ....
حلا تتشوف فيها كي المشة : غندوز لكاستي ياخو ....
حميدة خرجات عينبها : خاك ماتماشي غتجلس تما بوحدك تجري على الكليان ...
حلا تتمسكن : و انا قنطت اماما نمشي نخضر عيني شوية بالذهوبات....
حميدة تتضرب حنكها : يعطيك قطعة يابنتي ...طلع لعند باك لتطوان و جلس معاك تما تعلم غي الحرفة ياقشور البنان.....
خلود جالسة فالصالة تتسمع و تضحك... : فتطوان فاين ماعلات راسا غتجي غي فالشيباني ...كاستي ياخو زاهية شباب .....
حميدة بقلق : يعرفك رضا فتحي محل دكاستي ياخو يقتلك ياحلا ....
حلا بعناد البغال : و علاااش هذاك خصو غي يشد معايا الضد....كيعمل راسو كيغير بالعكس كاستي ياخو كيجيو لعندي غي النساء يشوفو الذهب و يتحسرو مساكن ماعندهم باش مزوحين غا بالمزالييط ...فتطوااان كنحصال مع النصارا مكنعرف حتى شنو كيقولو و يخرقبو عليا تما...كنعرف غي سبييرا سبييرا .....و مكنتفاهمشي مع الحاج مفضل كيشوف الكليان كيجيو غي عندي و يظل يتمتم علينا تما ...عينيو كيغليوو بالحساااد ....
حميدة بقلة خيلة : مابقى عندي جهد معاك ....
خلود تدخلت : خليها براسها مالها باقية صغييرة ....منها تعلم و تجلس تشد فرع ديالها .. ..
حميدة شادة راسها : غتعلم التسلكييط هاذي ...ديك المرة جى السيد ياخد الذهب لمراتو و لصق فيها باغي يزوج بها يدخلا ضرة عل. السيدة ....ستين كلو د المشاكل كتمشى على راجلا...
حلا تتذبل دوك العوينات مبردة : 62 كيلو امااما......
حميدة جلسات تتنهج مفقوصة معاها...: عمل عقلك و خدم حلاوة االسان مع الكليان و غطي على ديك السم شوية ....
حلا تترمش : وخا اماميتا ...ايمن غيكون تما ماشي بوحدي ...غنسالي و نمشي للصالون ظفراني ولاو حالتهم...و من بعد غنمشي مع عبير للمقابر تزور باها....
خرجات من الدار ...تتمشى بالهداوة و ترمش بدوك العوينات ...! بداك اللون الصفر تيبان من بعييد .....و شال تيزهق بالرطوبية فالموف مدور مع عنقها......! تلاقات بصحبتها و مشاات معاها تقضي شي شغل في مونيغرام....! التليفون تيصوني في صاكها وهي ولا على بالها...من البارح إياد كيصوني و قاطعة الهدرة معاه....!
عبير بارتباك تتشوف داخل الاجونس : كاين هو احلا قلبي كيضرب....
حلا شافت سةفة وحدة داخل الاجونس طلعاتو. هبطاتو و قلبات عينيها : مزال بنفس الشوميز خنازت عليه ....
عبير وحهعا تزنكات بلا ولاو ...: يلاه ندخلو نوبتنا.....
دخلات عبير لاجونس تتشوف شوفات خب في شاب عشريني متول و مقبول ...حب صامت عام وهي تتشوفو غي من بعيد و مخبياه فقلبها ...حتى حاتها الفرصة اليوم ....!
نطقت عبير بصوت انثوي خافت : السلام عليكم...
الساب ( عيين فحلا و بالو مع عبير ) : و عليكم السلام ...مرحبا...عطيني لاغاط ناسيونال
عبير ( شافت شوفاتو زيرات على صاكها و ابتسمت بحرقة و استهزاء على مشاعرها عطات ليه بطاقتها الوطنية ...)
شدها من عندها و عينيه تيهربو لحلا....ناطق بابتسامة : وخا دقيقة جلسي....
عبير واقفة حداه غي بزز.....دايرة ابتسامة استهزاء....حتى هو طلع كيف البقية ...! بالرغم من أن عبير انسانة مثقة و قارية و تتجري ورى مستقبلها ...لكن دايما الرجل لي تيعحبها تتلقى عينيه حوالو ناحية حلا....وخا هي سطل محطوط فيها غي الزوتق ...عقلها خاوي ...عين الرجل تتجري ورى الزواق و البرييو و الجمااال ....!
كمداتها عبيير و ظلت بملامح جامدة....! حتى عطاها الفلوس و جباتهم ...و شافت فحلا لي مامعبرا حد فداك الاحونس .
_ حلا يلاه....
سبقاتها عبيير تتضحك فينفسها عليه....مافخباروش ان حلا مستحيل تهزو من ارضو ...ماشي نوعها ابدا.....بحالو ماتكملش فيه حتى نص شوفة.....!
دخلات حلا للصالون....تتدزي بالزربة ...
_ حناان عتيقي دغيا مزروبة ....!
حنان ناضت لعندها تتضحك و يضحكو معاها خيراتها...
_ وقول غي السلام عليكم هاي هاي على الصفر ...الجو د الشتاء الكارثة ....
حلا ضحكات برقة : و غي عتقينا...فين مولات الصالون ماكيناش ؟
حنان : كاينة الفوق....شنو غديري دابا ؟
حلا : شي صوان لشعري و بروشينغ مرة جاية نجي ندير بلاياج صافي عولت ....
حنان تتضحك : ان شاء الله يجيك فن و كثر اذا كان مديغرادي ..( علات صوتها ) مهديي تهلا لينا فهاد الحلاوة.....
بعد فترة قصيرة....!
عاطياه شعرها مرخية ...! و تليفونها فيصاكها محطوط فوق كنابي قرب يتفرع بلي زابيل د إياد....!
مهدي تيشكر في شعرها فيها حلاوة لسان كثر مههة هي : حرير ياختي حريير....
حلا تتشوف فيه مخسرة ملامح وجهها : اويلي مالك كتعوج هدرتك هكا....
مهدي تعلم مايردس الهدرة و يسايس الكليان و هدرتهم كاملة خصها على تكون اوامر ...
_ بشوية الالة حلا ماتكميش حجبانك.....
نطقات وحدة حالسة تتصاوب شعرها حداها ...: مشاء الله زويينة....
حلا شافت فيها بنص عين ...: ربي يخليك....
المراة : مزوجة ياك ؟
حلا ورات ليها الخاتم معفرة : مخطوبة.... علاش تتسولي عندك سي خوك باغي يتزوج ؟ عندي واحد بنت عمتي حتى هي تتقلب على راجل....
المراة تحرجات : سعداتو بيك الله يحفظك....مزال صغيرة...ساليتي قرايتك ؟
حلا تتشطح رموشها : عندي ستة و عشىين عام ...ساليت قرايتي و شديت الماستر و دابا تنقرا اللغات ....
المراة باعجاب : والله ماتتبان فيك ستة و عشرين نعطيك عشرين عام هكا....
حلا قلبات عينيها و هزات عبنبها تتحك ودتنيها دايرة ليها خمس و خميس بيديها بلا ماتعييق....!و تقرا على راسها سورة الفلق....!
بعد العصر ..!
جالسة تتشتف لي كولي د الذهب و البراصليات....تتنظف و تمسح الواجهة بماء الزجاج....! تتبان مقدة و عارفة شغلها....! نقات و عطراات المحل ....و أيمن واقف مع الكليان ....
جلسات فالبييرو تتلبس الذهب فدييها و تجرب كاع لي موديل و تصور كثر من مىة تصويرة فيهم غا يديها....!
صدعها تليوفنها بالصومي...هزاتو منفخة تترد ..
_ آل. شكون ؟
إياد بعصبية : فينك علاش مكتجاوبيش احلا ؟
حلا تتدور بالكرسي و تشوف فيدييها المزينة بالذهب تتجاوب ببرود : انا هنا...
أياد كيعرعر عليها : و علاش مكتحاولش....حلا اخر مرة قسما بالله اخر مرة ندوزها ليك.....نشدها عليك مرة اخرة مغنتحكم فاشنو غنقول...
حلا تكات يراسها على الكرسي تتدوي مبردة : ممم....
إياد قريب يتفركع عليها : دابا مالكي ؟ شنو باغية الصداع....جاوبب ...فين نتي بعدا نجي لعندك....
حلا مضيقة عينيها تتدوي بهدوء : ملاحظ راسك تتغوت عليا ؟
اياد تتقلتو ببردة اعصابها : واش انا قريب ننفاجر بالاعصاب و نتي تتجاوبي بهاد لافاصون احلا.....من البارح و انا كنصوني مكاين لا جواب لا ميساج .....
حلا قطعات عليه و حطات تليفونها تتسوط : دابا كي ندير نكركب هاذ الزمر.....
دخلات لعندها هبيير تتضحك : مالك تتسوط ؟
حلا : الزمر ماتحكم حتى في حزقتو يتتحكم فيا انا....
عبيير : عييب احلا ...يقدر يكون مريص ؟
حلا : و هنا الشككل انا مانتزوج بواحد مريض...
عبير تتنهد : مايمكنش احلا رجل كامل مكمول...إاياد حتى هو فين غتجبر دابا راجل كيحمق طويل و عريض قرااي و خداام و عندو دارو بوحدا و طنوبيلتو و ماماه غزالة و ظريفة و خواتو البنات كاملين مزوحات.....فين غتجبرو ؟ بقات فعيبو الحزاق ؟ شنو فيها ..فكر بلي ربي حطلك هذا في طريقك غيرك ماجبروشي ....
حلا هردتهت دخلاتها من جيه و كركباتها من جهة اخرى : عجبك إاياد خوديه نتي هنيني منو ....
عبيير تتهز راسها : لاحولا ولاقوة الا بالله زعما ماينحركش عندك داك القلب و تبغي شي واحد حتى ماتشوفيش عيبو ....
حلا شداتها العطسة....عطسات و عاودات تتحك نيفها حمر....: تفوو جبتلي العطسة.....اختي شمن حب و زميرة ....انا حتى كنسكانيه فعينيا مزيااان عاد كنتشاور مع عقلي واش نكركبو لقلبي يسخن تما و لا نخليه يتجمد على برا........
عبيير غلباتها الضحكة : يعني خصك تكوني عورة عاد تهبطي شي حد لقلبك....و لا ديري عين ميكة و على شي حوايج و نتي النظر عندد عشرة على عضرة بسم الله مشاء الله......
حلا بضحكة جمييلة : نتوما غي ولفتو الرجل لي كيتشرط و كنجبكم انا غريبة ....الرجل يظل يعبر انا بغيتا زوينة و قارية و كتعرف تشطح و تعرف طيب و تعرف تربي الولاد و تكون عندا لو تيغمة و عندا البزول و نقية و كتحمق بالزين و بغيتا زعرة و عينيا كباار و عمرا تصاحبات و لا عرفات راجل اخر و تلقاه هو دوزهم بخمسطاش......و النساءاذا تخيرو و تشرطو كيتسماو مامويانيش ....
عبير : كاين فرق احلا نتينا كتعيب بنادم ...دابا إياد شنو عيبو من غير الحزاق ..كلشي كيحزق هاذي طبييعة فينا نموتو الا ماحزقناش....و تلقاه مسكين غي بالغلط و ماشي بلعاني......وباين فيه كيبغييك....
حلا تتسوف فيها عند بالها تتسمع ليها وهي تتفكر فموضوع اخر....
_ دابا باش غنعرف الرجل عمرو نعس مع شي وحدة ؟
رن تليفونها و حاوبات ...كان اتصال من باها....!
هزات صاكها و شافت فعبير تتدوي هادية : بابا عيطلي نطلع لعندو لتطوان ..حتى انا قنطت هنايا يلاه معايا....
عبير : لا غي مشي نتلاقاو حدا بومبا د ايسو نسالي تما شغلي و نهبطو ....
خدات طاكسي و حطها فالشلال ...!
نزلات تتشوف فالسماء فيها الغيوم و الريح تتحرك جلابتها..! صاوبات حالتها و شدااتها طريق ...تتمشى تقول هاذي ملاك كيمشي على رجلييه....هادية و ساكتة فين ماتشوف شي قطة تتكمش منها تخاف ...تيرعبوها القطوط ....الهدرة التطوانية غي هي تتسمع....فين مامشيتي و فين مارميتي عينيك يبان ليك الزين التطواني ....!
حطات صاكها و جلسات تتسوط ...واقفة مع باها تتعلم و تشوف و تسجل عندها...ملي كدير بالها تتولي مطووورة و حد مايسبقها ولايني راسها خاوي من القراية ....! خلاها باها بوحدها فالمحل ....معاها غا متعلم مراهق ...!
دخل عندها رجل خمسيني ...تيضحك كرشو تتضحك معاه......
_ نورتينا الريفية....توحشناك...
حلا تتلوي فعينيها تتدوي برزانة و هدووء : فين عمر جبالة كيتوحشو ريافا ....سير سير قضي شغلك دابا يهربو عليك الكليان....الحاج مفضل....
مفضل جلس تما تيضحك ...: والله يابنتي ساعات مكنحملش مكنقبلك ساعات كنتوحشك ...
حلا ضحكات حتى بانو سنيناتها بيضين نقيين : حيت الكليان تيهربو منك و يجيو لعندي...شفتي جيت غي البارح و تقنت التجارة ....
الحاج مفضل : وهنا هدا عليا...التجارة جبه و الحرفة جيه .....
حلا ضحكات برقة و بالهداوة : و نتا لي هدا و توخر ...دابا يجي المعلم عيسى يقولنا لي جا ورانا ياكل عشانا....قاليك حنايا ماخصناشي نتسماو بالذهايبية ...حنا غي كنتاجرو ...المعلميين هو لي ذهايبية.......
الحاج مفضل تيضحك بالثقالة : و شنو قال غي الحق المعلمية قلبهم محروق....هوما كيعرفو الصنعة و شغللهم حر و متقوون عياااو و تعببو ملي بداو يعرفو ....تيعرفو غا الذهب
حلا بنظرة ماكرة : اوى انا الذهب تنشمو و نعشقو و نشوفو شوفة وحدة نقوليه هذا ذهب حر ....داكشي ماشي بالحرفة ...خص غي تكون تتعرف و تقدر الذهب اسي المفضل...انا نفوت معلم عيسى لي سابقني فالحرفة ....
المفضل هاز حاجبو فيها : سيكورو ؟
حلا : و شنو تنلعبو هنا ؟
المفضل حط ليها براصلي مذهب على الزاجة معرق بيديه : ...نجربو فيك نشوف شطارتك الريفية...نشوفو واش غتمش فيه ريحة الذهب ولا مغشش ...
حلا هزاتو من عندو تتشوف فيه بمكر : شحال تحط اذا جبتها هي هاذيك ؟
لمفضل ضرب على كرشو : اربعمية دريال ...
حلا معلية حاجبها فيه : دوي بالدرهم اش من ريال ....قول ميتين درهم....
مفضل : وهي هاذيك ...يلاه ورينا شنو عندك....
حلا هزات البراصلي تتشم فيه و تجبد فدوك العيونات ....كطنز عليه : و ريحة الذهب قتلاتو ريحة عرق يديك ....الذهب خصو يتحط فبواطة و قيسو غي بصبع يديك و نتا مكمشو فيديك معرقهم ....اشنو هادشي الحاج ....
الحاج طلقها بضحكة زعزعات البلاصة...: و دابا شنو درتي ذهب ولا ماشي ذهب....
حلا تتشوف فالبراصلي و تضيق عينيها كدير راسها خبييرة....: بلاتي الحاج نشوف ...
ظلات تتقلب فيه و تحكو بصبعانها زعما السيدة حرفة ....! دورات عينبها يمين و شمال و نطقات تتحفر عليه.....
_ واش شي حد باغي يبيعو ؟
الحاج : غي جبرتو مع شي كرواج فالماريو ...
حلا غي سمعات اش قال نطقات بتأكيد : نو نو سييكورو ماشي ذهب ....!
الحاج تيضحك : معلمة مع راسك ...
حلا رمات شعرها ورى ظهرها قالتها غي بالزهر ...حيت تتعرف النساء الذهب عندهم محطوط فعينيهم ماشي مع الكرواج....: يلاه اري ديك الزرقة الحاج....رخف عليهم شوية....
الحاج خرجها مزير....حطها ليها من فوق قلبو : هاهي ...بصحتك الريفية ....
حلا : شفتي ريفية حنتات جبلي...جبالة فيهم غي الفهامات و انا و انا.....
الحاج قندش : ماتنساشي خير الجبالة على الروافة....العناد منكم كيتفرق و نكران الخير...
حلا قندشات حتى هي : بزاف عليكم....تعطيو طرف الخبز تبرحو بيه كيعجبكم تبانو .....شلل فمك بماءزمزم عاد جبد ريافة ...
الحاج عاقد حجبانو : عطيني ربعمية ريال ديالي...
حلا خباتها في صاكها تترمش : و سير برح بها برا ....الريفية خدات لي فلوسي...الكاميرة مسجلة كلشي نتا عطيتيها لي....
الحاج خنزر فيها و خرج تيميل كرشو سابقاه بحال داخل لشهرو ....الحاج المفضل مع حلا حال و احوال كل مرة و كيف دايرين....مرة سمن على عسل و مرة عدياااان كيتقلبو فدقيقة....هذا تيعاير اصل اخر .....!! و العناد فيهم بجوح ....!!
خرج الكرسي ديالو و جلس حاضي لي غادي و لي جاي....!!
دخل اب حلا للمحل اب بشوش و راخف على بناتو ....! هزات حلا صاكها و خرجات...رمات العين للحاج مفضل و نطقات معفرة ...
_ تقيل على خير الحاج ....
الحاج كيبركم : لي يجلس معاك غا دقيقة يخرج خاسر ...
رن تليفونها مرة اخرى ..لقاتها ختها خلود جاوبات تتمشى بالهداوة و الثقالة و الرزانة...تتخدع بنادم..
_ الو ...
خلود : حلا طلعتي للمدينة ؟
حلا : مم شنو انا هابطة ؟
خلود : ماجة ماريا و لورا ( عاىلة زوجها الاسباني )
حلا قندشات تتدوي بشوية ماعندهاش مع الشوهة فالزنقة ...
_ و انا مالي عاود خصني نصبر لبلا بلا ديالوم....مشي اختي هز النصارا ديالك و كري ليهم فشي رياض ...
خلود تتغوت : و الزمر غا سمع شنو بغيت...جيب معاك شي خاجة.. ريكالو ( كادو ) و لا شي لعيبة ماريا كيعحبوها الشاشيات...مشي فاين قصر الملك غتجربهم.....و نتينا تعرف مهم نعول عليك....
حلا تتسوط : ماعنديشي الفلوس حسابلك انا خدامة...
خلود : و غنرجعهم ليك مالك هيدا...
حلا تتشرط : و بغيت ترجعهم ليا بالاورو ماشي بالدرهم...
خلود :؛ غي جيبيهم الثمن ديالهم نعطيهم ليك بالضوبل....
قطعات عليها و كملات طريقها تتبركم.....دخلات مع الدرب فين تتخرج قدام قصر الملك ...الدنيا عامرة بياعة ...و الطرييق ضيييقة ....ها الشينوا و ها الاسبان الدنيا مخلطة...!
دارت نظارتها الشمسية و صاوبات شعرها ...عاد قربات للخانوت فين تيبيع ملابس تقلدية قشابات ..بلاغي ...و أتزار...مخطط بالاحمر و الابيض....! دارت راسها من الداخل و غريبة باش يتعاملو معاها و يكبرو بيها تيعجبها تلعب على بنادم....و حتى البياعة داكشي لي خصهم....تيشوفو البراني ...تيرحبو و يعاودو و يفرشو ماكرهو يحطو عينيهم....!
دارت راسها تتشوف فالثوابات و الشاشيات....تتسول مول الحانوت....
_ الله يخلييك...ݣول ليا شنو كتمسيو هاذ اللعيبات عندكم هنا....
البائع كيفرنس : القشابات اختي ...دخل دخل شوف هنا ...هاذو القشابات و هاذو الشاسيات و هاذو السباني هيدا كيعتدلو ...
حلا تتسول عايشة الدور : كيتعدلو فوق الراس كي الفولار عادي ؟
البائع : بحالو غي ديالنا زاايد كيطيح عليك السر....
حلا في نفسها : يطيح عليك السقف قاليك السر....
بقات تتلوى تما و دور غايشة الدور بالمعقول....حتى شرات لي طلبات منها خلود ...و خرجات من تما....محملة .....!! كبرو بيها و فرحو بها....كون عرفوها من تما مايتسوق ليها.....!!
عطات لي كادو لخلود و عاودات خرجات....!
مكتجلس فالدار حتى ساعة مكمولة ...ملي تكون حلا جالسة فالدار تعرف ...يا خوها تما و يا دايرة شي زبلة على برا....!
تلاقات بجارتهم لالة فطييمة هازة التقدية مثقلة بيها....شافت حلا و نادات عليها....
_ حلا الغزالة اجي هز معايا المرضية....
حلا مشات لعندها و هزات معاها....: علاش ماشبرتيشي طاكسي اخالتي....هادشي ثقييل...
لالة فطيمة : مابقات لي حتى سنتيم في الصاك .....
حلا قشعات قطة جاية تتجري لعندهم ...و بعدات مخلووعة......: قوليها تبعد...عععع...
لالة فطيمة : ابنتي بسم الله عليك....كتخاف من القطة....
حلا مكتحملهمش : هاذي ديك الحنية د نسيم لي حمعاتهم هنايا.......مكنحملهمش....( القطة تتقرب و حلا تتخبى بزز متحكمة في راسها ماتغوتش.....!!) و نسيم لي معشوقة فالقطوط يعطيهم قطيعة....
دخلات التقضية مع لالة فطيمة و خرج ليهم ولدها ...غا شاف حلا ترجل و تحنى تيشد من عندها....
لالة فطيمة : الله يرضي عليك ابنتي و يفرشك بالرضى....دخل جلس معانا شوية...
حلا معفرة : لا مزروبة...
طلعات لالة فطيمة و نقز ولدها على حلا قبل ماتمشي...: حلا لباس...
حلا طلعاتو و هبطاتو ...و قلبات وجهها مكملة طريقها....مازوينش ...مافيهمش شي حاجة تعجبها ...و الاكثر ...جبلي ....و حلا تتكره الجبالة ماعندهاش معاهم و كثر الرجال.....!!
قدام المقابر.....
الشتاء رقيقة مزال ماتجدهات...و الرييح تيهزز وراق الشجااار تتعكيرثتت تيخلللع....!! ملوية شال على راسها تيحركو الريح و يهزو وهي تترجعوثبتو ...ماقدرات تدخل و لا تعتب رجليها الداخل ...تتشتف المقابر تتخاف و لحنها تتبورش....!
ظلات واقفة حاضية عبيير ...ولي داز تيتسبل عليها ..و كثر المقربة حات على الشارع ....!!
شمات ريحة الكاارو قويية وراها خنقاتها..دورات راسها مغوبشة ....
_ اخااي مشي كمي فالتييساااع....
الشاب هز بديه طالب السماحة و بعد من تما....! مخليها تتخنزر فيه مغوبشة تتكح....!! صوت الرعد خلعها و الريح هزات ليها دبك الجلابة....واحلة مع جلايلها و الشال تيهزق مع شعرها....!! غافلة على العين لي تحطات عليها المرة الاولى....و عاود رجعهم للمرة الثانية ...و عاودهم للمرة الثالثة ....! و تما ثبت عينيه تيشوف فيها......!! من داخل طنوبيلنو ...مخرج يديه ايكمي و عينيه كي عيون الذييبب عليها .....!!
كان كيستنى صاحبو مريكل و منغم تيكمي....حتى هربات عينيه و حات علييها....!
قلب وجهو لصاحبو لي ركب حداه ..مبسم ...: ياكما تعطلت عليك اصمدي....
صمدي ماحاوبوش مخرج يديه برا الزاج ...ضارب ساعة ذالذهب حاحبو مضروب و عينيه على حلا....!
صاحبو شافو فين تيشوف و ضحك : تنغم ليا مع راسك....و بياااسة شمن بياسة
الصمدي شعل كارو اخر و خرج يديه برا الزاج تيدوي معاه مخسر
_ خونا مات
كريم وجهو صفارت : و السلعة ؟
الصمدي ساخط : الصنادق فلت ليهم الحبل ...ينعل *بة لي ولداتم عمروه بالحجر و رماوه قاع البحر مفلتين الحبل....ناض هو رمى راسو للبحر ...ولد الكلبة عارف نجبرو غنخشيه لمعدة الحوت.....
حلا تحركات من تما ساخطة عييات كتستنى ...دازت من قدام طنوبيلتو طلعات معاها ريحة الكارو ...خسرات ملامح وجهها و نطقات ساخطة ..
_ تفو الله يخلييها سلعة ...شماكرية خنقونا بالكارو ....
الصمدي هز حاجبو المضروب و شاف فيها غادية بحالها بشوفة بزناز خاااسر ....!
خرج ليها صاحبو كريم عاقدهم منفخ صدرو عليها...
_ مالنا العايلة شكاين كتبزق علينا ؟
حلا طلعات و هبطاتو و علات حاجبها كدوي بهدوء : شكون دوا معاك باغي تهدرني صحااا.....
جات عبير لعندها تتجري ...تتشوف حلا تتدوي مع كريم معلية حاجبها و الصمدي مريكل داخل مرسيديس تيشوف فحلا ...
_ حلا صافي يلاه ...
خلا خنزرات فكريم : اوا بنادم مايخليكشي بخيير مع راسك ...كينقز من المقلة.......
كريم عجبو زينها بدا كيرطب : وسنيوريتا ديالنا صافي هنيها .....بلا ماتعصب مكيجيش معاك الاعصاب....
حلا شافت فيه باستخفاف و رجعات خنزرات فالصمدي لي كلاها بعينو متمتة بين سنانها : العوارة....!!
جراتها عبيير و بعدو من تما......! مخلي كرييم تيضحك : لسانا ماضي ...
ركب حدا الصمدي لي حرك الطنوبيل متمتم....
_ حلِي حٓلاوة....
عبير تتجرها من يديها باغية تلحق عليها....: حلا و ستنى ...
حلا قندشات : طلعلي الدم خصني نمشي نريح راسي شوية....شفتي داك القرع لي كان فطنوبيل كيشوف فيا بحال غياكلني ....
عبير خسرات ملامح وجهها : من شوفة لولى خلعني ...قرع كي الدوزي ... شفتي الضربة في حاجبو باين شي حد مدوزها حبس...و نتينا كتعلق فين تفلق ....كنقوليك يلاه و نتينا مكتسمعشي....
حلا ماراشقاش ليها : ناقصني غا جبلي د الخلا يعصبني .......
دخلات للدار مع المغرب ...رجليها عيااو بالدوران و الجلابة من التحت توسخات و شعرها تفزك....! تتطل بعويناتها حاضية مع الاصوات تتاكد واش تما رضا....تنفسات بارتياح ملي مالقاتوش...! كان غيقتلها ضرب لو شافها داخلة مع المغرب و فعز الشتوية ....
ولكن تلاقات مع نكيير لالة حميدة.....
_ كون زدتي تعطلتي شوية ...
حلا تتنشف شعرها القصير مبردة تتقهرهم : كان عندي شي شغل....
حميدة مضيقة عينيها فيها : ملي يكون خوك هنا كظل محزمة فالبيت و ملي كيغبر كطير من وراه....اشمن شغل عندك و باك هبط قبييلة ....
حلا تتشوف في شعرها الاسود قصير حد كتافها معبسة :
_ الحبس هو هذا...دابا علاش مانقدرش نصبغ شعي زعر اماما ...غي حيت المعقد دولدك عندو لي صبغات شعرها زعر راها *بة....نخاف و نكمش يدي
حميدة غوبشات فيها : شش قطع داك الصوت يسمعك باك...ينعل والديك ...
حلا زفرات و دخلات لبيتها معلية داك النيف تتلوى كي الحية فالمشية....و مها تتنكر وراها ..
_ تلواي تلواي الحية ......!
دخلات لبيتها ...بدلات عليها وخرجات كدور فالدار ...لا شغلة لا عملة....
حلا : فين نسيم ؟
حميدة : فالبيت الفوق....ديك اابنت حالها ماعجبنيش....
حلا علات حاجبها : مالها ...تكون مخاصمة مع الفاسي ديالها ؟ شفتا طولات هنا.....
حميدة بهمس : شش قطع دك الحس تسمعك تدمع لينا هنا.....عطي لختك التيساع احلا....
حلا : شنو كندير ليها ؟ والو ! ...نسيم مفششة بلا قياس و حتى داك الفاسي ديالها مزعوط فيها يقلقها يجيب ليها وريدة حمرة تفرنس ليه ...هبيلة عندك ديك البنت.....
حميدة قندشات : حسن منك هاذيك المرضية ...قارية عليك و على خلود و على رضا فين توصلو ليها ....تزوجات و ولدات و ماسمحات في قرايتا.....
حلا لوات فمها و طلعات بحالها مقروصة.....! كلشي الا القراية تتكرهها ...!
طلعات للطبقة الثانية تتمشى بالحس كي الحية نييت....طلات على نسييم وغوبشات ملي شافت الشموع مشعولين ....ونسيم واقفة حداهم كي الجنية....
_ بسم الله الرحمان الرحيم كنقووولوم عندكم هاد الزمر مسكووونة ....طيرتيها مني خلعة....طفي دوك الشموع....
نسيم هادية و ساكتة ...الشموع مشععولين و ريحة الورد فاييحة ...البيت معطر و نقي ...وهي كي الاميرة فوسطو .....هزات عينيها فحلا و نطقات ...
_ على تفكير عندك...جاهلة
حلا طفات ليها دوك الشموع مغوبشة : سيري ديري داك العمق ديالك على لي بحالك....شي نهار تسكت لي القلب ...قلد تما ديك المسكونة دايمان بطمة خرجات عليك....
نسيم تجاهلاتها و خلاتها تتدوي بوحدها و خرجات من البيت كاع كدور بواحد البيجامة انيبقة فالكريمي ...!
نسيييم عكس حلا في كلشي...هي الصغييرة دخوتها و هي المفششة ...و هي القراية د العائلة......أنيييقة و دايما كتخلي الناس تاخد عليها انطباع على انها هادية و رقيقة ...و العكس تماما....تقيسها تطير فيك كي العفرييت...عيشوورية ...!!
ستايلها بوحدو دايما الطالون فرجلييها وخا تمشي لحي شعبييي فيه جوج حيوط ضيققيين...و شرجم تيطل على شرجم الطالون هو لي ماتحيدوش من رجلييها....!
انيقة في جميع حالتها....تقول كابرة وسط عائلة بورجوازية من لباسها لتصرفاتها لحركاتها.....!
معرروفة فالعائلة " بأميرة بيتها " حيت في دارها كتكون اميرة ....مهوسة بالبيحامات د الحرير ....كل مرة منووعة و كل مرة شكل جديد و لون اخر...تتبدل ثلاث مرات فالنهار.... و غي الحرير تتلبس ...! حط ليها الحرير تحطهم صحاح وخا ماخدامة ماردامة ...غي ربة بيت ...شادة الاجازة و تتربي جوج ولاد .....! ماكاينش لي يدخل لدارها و مايسولهاش منين ديك اابيجامة لي لابسة و مايعبرش على اعجابو بيها و بذوقها....!
هبطات فالدروج تتنادي لمها : ماااما..
حميدة طلات عليها : نسيم !
نسيم : أمير و ازهار نعسو ؟( ولادها )
حميدة : نعسسو غي هني بالك...
تنهدت نسيم بارتياح و رجعات طلعات ...جالسة قالصالون مع حلا و خلوود....!!
حلا مخشية فتليفونها...إياد قرب يتسطى معاها ...نهار وهي تتقطع عليه..و هشام حمقها بالميساجات ...بلوكات نمرتو و عاود دخل عليها بنمرة اخرى....تبلوكي هذا و تمسح هذا و يعاود يبان ليها من جهة اخرى و من نمرة اخرى قربات طج معاهم......!!
خلود تتمدد : تابعني الفياق بكري ...خصني نوجد البغرير هو لي باقي ناقص....
حلا شافت فيها معلية حاجبها : طلق الفلوس لي قلتي غترجعهم لي....
خلود : فوقاش قلتها...
حلا : خلوود الابيل عندي مسحلة ...حط الاورو هنا ...
خلود هزات صاكها مخرجة الفلوس تتسوط : بنادم مكيفكرشي الخير شحال من خاجة كنعطيها ليك بلا مقابل...
خلا هزات فلوسها تترمش : هاذي نتينا ماشي انا....انا اختي غي بطالية....
خلود تتضحك : سبحان الله ...نتينا المرفحة فينا ...عتارف شحال جامعة د الفلوس ؟
خلا (دارت رجل على رجل و الخير عندها فايض ) : شي بركة ....
خلود ميقات فيها : مم و نتينا لي جات معاك باك كيصرف عليك من الحوايج للماكلة للسكن و كل مرة مضبرة على راسك بالفلوس ماعندك فاين تصرفهم....
حلا عوجات فمها تتشوف في ظفرانها : دابا اذا عطاني بابا محل ذهب د تطوان تسمحولي فيه نتوما ....
خلود باستهزاء : حلمي ...نبغيو حنا رضا مايبغيش....
نسيم ابتسامة مسمومة : حتى انا مانبغيشي....اذا عطاك نتينا حتى انا بغيت...نتينا مزوقة ولا ؟
حلا صبعات ليها : ..اذا درتو فراسي والله حتى نديه .....
نسيم بغيرة : اذا خلاك رضا غي ديه....
حلا بكره : رضا مقرووص غا بوحدو هادشي مناش خايف ...خايف بابا يدخلني معاهم و يبان والو حدايا.....
خلود ماموسقاش : و شوفي مع بابا...عزيزة عليه نتينا يبغي......
حلا ( دارتو في راسها ) : خصني نهدر معاه بلا مايعرف رضا غياكلو دماغو ...
جالسين تيفطرو....محموعين !
رضا و مراتو ...و لالة حميدة و بناتها و راجلها....!على االنبوري و بوصبييح ...حيت عاىلة زوج خلود جايين...!
حلا جالسة قارمة تتسنى غي رضا يتكركب باش تكركب من وراه....! ماتهنات حتى خرج....! و دخلت للصالة عند باها تتدورش و تمسكن....!
_ بابا ...
الاب : حلا شنو عندك ؟
حلا جلسات حداه كدور فعنيها : نتا عارفني كيف عاملة و عارفني بنادم نكرهو مانعاود نشوف فيه نص شوفة...
الاب على حاجبو : حلا شكاين ؟
حلا تتشوف بنص عين : قلتها و نعاودا مابقتيتشي بغيت إياد....
الاب حمر فيها عينيه : حلا قالتلي يماك علاش... و مادخلاتش لراسي ديك التخربيق ديالك...
حلا خرجات عنيها ...بقات تتشوف فيه شحاال عاد نطقات تتدور فدوك العيون : انا لي عايرني مانرضى بيه راجلي ابابا....تينا عارفني نفسي حاارة و ماخلاق لي يعايرني و يهز صبعو و ينعت فيا....
الاب غوبش : شنو قال ؟
حلا بلعات ريقها : قال عليا بايرة و غي جالسة مثقلة على والديك شكون تتينا لي تخير و تعزل و شكون يقبل بيك .و ماقارية ماخدامة.....حسابلو انا شايطة و يزطم عليها بصباطو و لي يقول نقول اه....و لي شفت عيبو نميك عليه...و ماليا شوار و لا خيااار ...و غي مونكية ....
الاب عقد حجبانو : إياد قالها ؟ لاحولاو لاقوة الا بالله......مشاااكييل...
حلا شافت فيه بنص عين : حتا مانكونش حلا لي نبقى معاه...وخا نكون ضاربة معاه الكاغيط والله مانبقى معاه.....رضا كان غيقلتي حيت قلت مابقيت بغيتو ...و ماما ماسمعاتش مني...حيت ماما كتعرف غي بناتا يتزوجو ...و لكن نتا ابابا لي علمتينا... لي يعزك تعزو و لي يردك ردو....و لي مافيه نفع دفع....و ماخلاق لي يفهم علينا و يطيح منا ...
الاب تنهد : اشنو غنقوليك مابقييشااي صغغيرة حياتك احلا و نتا تعرف ( هز صبعو بتحذير ) و لكن ياحلا اقسم بالله و نلقى عليك شي حاجة وخا صغغغيرة مانعقل عليك ابنتي....
حلا ابتسمت و حنات تتبوس ليه يديه : الله يطول فعمرك ....
الاب تيطبطب على راسها : الله يرضى عليك......
ترمات عليه ضاماه لعندها وهو تيبعد تيحشم ...: و بعد احلا و صافي....
حلا بعدات منو تتدور عنيها : نمشي معاك ابابا ...
الاب تيصاوب حوايجو : تعاوني مع ختك خولد ...
حلا ناضت واقفة : لا ابابا انا باغية ندخل معاكم....نيتنا كتعرفني عزيز عليا التحارة ...و فالذهب..و سوق النساء ماتتوقفو غي عليا ..و ماتتنكرشي شحال نفعتهم وخا كنحصال مع نصارا ....وخا بابا تدخلني معاكم انا صافي تعلمت ....
الاب كمش عينيه فيها : فين عمرك شفتي شي مراة بوحدا شادة تجارة ذهب ؟
حلا تتدور عينها : شنو فيها...سكيريتي و الكاميرا و كاين مهدي ......
الاب هز راسو : حتى نشوف.....
خرجات حلا لعندهم تتلوى ....وقفات ليهم عند باب الكوزينة و عوحات نصها : تفكييت من إياد....
حميدة شهقات : صافي مامشيتي حتى عدلتي لي فراسك...
حلا مغوبشة : شنو نتزوج انا بحزااااق....
حميدة تتضرب حناكها : ياربي اش ندير انا...مع هاد الكارثة اش ندير....
خلود تتضحك بالدموع : دعي مع هاد المسخوط الوالدين لي ساخطة عليه يماه لي غيطيح فيها......هادشي اذا مابقاتش بايرة تظفر الشيب حداك....
حلا تتشوف ظفارها معلية حاجبها : داك اياد كان قريب يكون كامل مكول حتى خورها بديك الحزقة.....
خلود مسحات دموعها : و مشي قضي شغلك مشيي ....غتبقى تشرط تشرط حتى تزهق بيك رجليك ....
حلا طلات على الدار لي قدامهم...عمارة من ثلاث طبقات و الرابعة تتبنى....غوبشات و شافت فيه مخنزرة...
_ دابا هاذوما كيتعاندو معانا....فاين طالعين بديك الطبقااات ....
حميدة : ايبه تبارك الله داار و اشمن دااار....غا من الزاج لي دايرينو ...
خلود طلات تتشوف بفضول : باقي ماجاو مواليها يسكنو ...عاماين و هي تتبنى ؟
حميدة : باقي ماسكنو ...عمرني شفت فيها شي وحدة...غي الرجال كينزلو الفراش و يفرشو السفلي ...
حلا مغوبشة : و دابا شكون ماكانو الله يعطيها ريبة ...بسبابهم داك الزمر د رضا غيبني الحيط و يغلقلي السرجم د البيت ديالي ...ديك الغيرة المريضة فيه....كنا قد قد حتى زادو علينا بطبقة ولاو كيطلو علينا.حتى السطح مانبقاشي نطلع نتشمش على خاطري....
حميدة تتنهد : لاحولا ولاقوة بالا بالله.....كتكون بابنتي غزالة حتى كتدوي ...مصاب غا تبقى ساكتة ....قول خيير ياقشور البنات لي قرب ليك يزهق ....
بعد العصر !
خرجات من بيتها و ريحتها سابقاها...! مأنقة و عاطية العين....! طولات ودنيها لبيت مها و باها ووقفات تتسمع...ملي سمعات سميتها على فم مها....
وقفات جنب الباب طالقة ودنييها تتغزز شفايفها....تتسمع مها تتقول...
_ غيطمعو فيها اعبد الله ....خليها حتى تزوج و عطيها لي بغيتي ...هيدا غيطيح فطريقا غي الطمااعين و يدخلو مغاها بنية الطمع ...
عبدالله ( راسو قاصح ) : غنعطيها د كاستي ياخو ...تشاركو مع رضا.....
حميدة ضربات حنكها : بغيتي شي نهار نسمعو خبار الموت...ياغيقتلا ياغتقتلو . ..اعبد الله ياهاد الراجل سمع مني ...ماتنيضشي العداوة ..رضا مغيهجبو حال.....و خلود و نسيم غظلمهم...
عبد الله مغوبش : فين هاذ الظلم ؟ لي ضرب تمارة و خدم يستاهل....خلود فين عمرا دارت يديها معانا و هانا عطيتا ...خلود دارت دارها فاسبانيا ...و نسيم مابينها و بين التجارة غي الخير ...و التجارة خصا العقل و المهل و توسع خااطرك و تكون ذيب مايديرا بيك حد ...
حميدة مخنزرة : و بان ليك غي الذيبة د حلا ؟ والله ياعبد الله حتى يتعبوك المشاكل من وراها ..بنتي و عجيينة يدي و عارفة شنو ساوية .....
عبد الله ضيق عيينيه تيسمع ..خلاها حتى سالات و نطق : يالالة هاحنا نجربوها هاد الشهر ...و نصرد رضا لتطوان و حلا كاستي ياخو و نشوفو شنو غتصنع و شنو غيخرج منها ...شكون الذيب فيهم و الشطااايري و للحرفة سااابق....مابقاتش هذا ولد و هذا بنت احميدة...بقاات فالعقل شنو فييه.....
حميدة تتسوط :و مانعرف الله يخرج هادشي على خير.....
عبد الله تنهد : اميين...و هادشي بيني و بينك مابغيتوشي يخرج لا لحلا و لا لرضا.....
السامع و لي عليه الهدرة سمع و جمع ودنيبه و ضحكو عينيه....! و تعلاو دوك الحجبان حتى قربو يطلو للسماء.....! بعدات من قدم باب بيتهم و هبطات تتمتم مبسمة...
_ وخا الالة حميدة.....
خرجات من الدار ...! تتمشى باناقة لابسة مونطو فالاسود بحال لون شعرها ...كترمش و دور عويناتها المرمديين تيفتنو مجبديبين و رموشها كحلييين .... دازت قدام ورشة النجاارة عاد تتجهز ...فيها غي اارجال...خلاو اش فيديهم و قابلوها غي هي تابعينها بالعين ...
نطق واحد فيهم مبسم ...: أبا على عينين....
طلعاتو و هبطاتو بنص عين عندها النظر عشرة على عشرة تتسكاني و تحفظ ...الزين زيين حرش و ووسامتو طاغية ....! لكن ضروري من التعفار...
دورات وجهها و غبرات من عينبهم.....!!!
رمى ليها واحد اخر الهدرة ...تيطلع و يهبط في شكلها...شعرها رطب و بشرتها حليبية ...نطق كيفرنس...
_ الكورية ...
خنزرات فيه و ردت : هي يماك.......
وقفات الطاكسي و ركبات اللور....عينيها على التليفون...مخشعة
_ زيد لكابو نيكرو ...نخلص البلايص بلا مانستنى....
السائق ملي دخلات و عينيه عليها....! حرك الطاكسي و زاد تيشوف فيها من المراية و عينيه عامرين خبث.. بقات ملهية ميساجات .. لفترة حتى علات راسها و شافتو دخل بها لمرتيل....غوبشات و نطقات ..
_ اخاي الله ياخاي قلت ليك حد كابو نيكرو ...ففف..
السائق تيشوف فيها بعيون خبيثة : وخا الغزالة...
حلا زفرات مغوبشة ماعاجبها حال....خشات تليفونها في صاكها ناطقة نعفرة...
_ و صافي وقف انشبر طاكسي اخر يرجعني...
السائق : وخا وخا...
شافتو مكمل فالطريق غادي بيها جهة المقبرة ...و الطريق خااوية ...فيها مدرسة عاد تتبنى و غي الخلا....
طلعات معاها الخلعة...مخنرزة تتغوت...: قلت ليك وقف نخررج....وقف مالك...
السائق تيحك لحييتو ..و السخانة طالعة معاه....: نتينا شمالية من هنا ....
حلا صعرات ...تتضرب فالزااج و تغوووت : وقققف....
ماوقفش ...مزال داخل بيها ...للخلا....! و حتى طنوبيل مكدور تما.....صهدات و طلعات معاها السخانة....كمشات دوك العيون د المشة و ضربااتو بالصااك....تتغووت شانقة علييه ...
_ تفووو الشاارف...الموسخ....وقف ينعل **بة لي ولداتك.....والله حتى يالخنزيرو حتى ندمك....وقف الكللللب...
تتقمش فييه من اللور....قلبها قرب ينزل مع رجلييها...تيضرب بالجهد...عاطيتها للسبان و الغواات و تتقمشو تعض و تضرب بصاكها فين ماجات....الساىق انحرف على الطريق ووقف السياارة...بزز منو .. جا يشدها .... سلتات ليه و خرجات تتجري من الطااااكسيي.....مزيرة على صاكها و عاطية رجليها للريح.....تتجري وخا ماعارفة شمن طريق تسلك ...!حتى هو ماتحركش تابعها...
خرجات للشارع و العمران و الناس غاديين جايين عاد تهناات....!
جلسات على كرسي عمومي ...تترد النفس و تنهج.....! ردات راسها اللور شادة صدرها تيطلع و يهبط....! دفلات فالارض ...ملي حسات بطعم الدم في فمها....خسرات ملامح وجهها و فتخات صاكها تتقلب مخسرة و طالع ليها الدم....ماكرهاتش ترجع ليه و تغرس فيه سنانها...تتفكر داك المعفون كان باغي يقرب منها كتبغي ترد....!!
دفلات مخسرة سيفتها....و سدات صاكها ..صاوبات حالتها و ناضت كي الثور مخنزرة....! دخلات لكافي ...طلبات باش تبرد و جلسات ركابيها مفشولين....!
لقات ميساح من اياد باغي يدوي معاها ...صبفطات ليه فين هي و جلسات تتسناه....! حتى دخل مع باب المقهى ...الطولة و العرض الكتاف...مونطو نوااغ طوييل و كلاسيكي.....! قلبات عينيها منو كتمتم....: بقات فاللباس....
جلس حداها سابقاه ريحتو ..مخنزر ماعاحبو حال ...: عاجبك هاد الحالة ؟ ليني داك الراس شوية احلا....
حلا ماراشقاش ليها : إياد انا و ياك صافي سالينا....الله يرحم باك خليني عليك ..انا مابغيتكش و فهم راسك شوية...
إياد مقصح زير على يديه و نطق : حلا ماشي كنلعبو هنا ...راك خطيبتي ماشي صاحبتي..
حلا قلبات عينيها منو : هانتا قلتيها...خطيبك ماشي مرتك....باقي مادرنا في الطاجين مايتحرق.....
إياد ساط ماعاجبو حاال : غي فهميني ...واش شفتي مني تصرف ماعجبكش ؟اشدرت معاك ابنت الناس....حيت جيتيك للمعقول و مالعبتش معاك ؟؟ ماجرجرتك ماخورتك ؟
حلا خنزرات فيه : ماتدويش معايا بهاد الطريقة ....
إياد كيضحك بالفقصة : و ييه سي فغي ...نتي بنت الخير...و لي جات معاك تشرطي...نتي إنسانة فاشلة احلا ...كبرنا بيك شوية و بغيتي ترفعي....
حلا قندشات : كتعايرني ؟؟
إياد مغدد : تقرصتي ! ماعجبكش الحال...و هاذي هي لا غياليتي....شنو كتصنعي في حياتك ...؟ لا بغيت نعرف جواب على سؤالي ...!!شنو كديري في حياتك ؟
حلا كمشات فمها و نفخات حتى طارت القصة من على وجهها ...
_ سير عالج مصيرناتك عاد اجي دوي عليا انا.....
إياد مخنزر : رجعي الذهب لي عطيتك....
حلا هزات صاكها معفرة : دوز عندي لتطوان و شبع عينيك فالخير و شوف الذهب ديالك شحال تيسواو عندي انا.....
صاوبات مونطز ديالها و خرجات من تما ...مخلياه تيشوف فيها و يتحسر ...كانت عاجباه و بالجهد .....!!
دوزات العشية مع عبيير ...!! دوزوها دوران و ضحك ...نساو راسهم ...و نسات خوها اليوم غي قريب و مامسافرش ...! ضاربة الدنيا بركلة و حياتها هانية كون ماكان رضا لي واقف ليها فالطريق كي العلقة ....!
تتكرهو كره غرريب وخا تشوفو ميت ماتحزن عليه و ماتدمع ليها العين عليه.....محقادة و لي تيضرها تتكرهو و تحقد عليه فمرة....!
فبوتيك ملابس نسائية....تتختارو تعزل ...شادة الهدرة مع عبير...
_ ماما دايما عزاز عليها الولاد ...كتفضل العزري ديالا علينا حنا....
عبير : غي كيبان لك و صافي ...
حلا : نو بصح ...ماما بغات تربطني بالزواج باش خويا ياخد راحتو فالدار مع مراتو ....مافخبارهاش مغنمشي حتى نطرطقلو المرارة ....كيقولو غي عليا انا فاشلة و مادايرة حتى حاجة في حياتي...و هو لي دايما تابع في بابا و طامع غي فيه....كيسايس معاه...العرس بابا دارو ليه و الدار بابا لي عاطيه الدار ...و الخدمة ..تجارة بابا لي كبرها ...اشنو دار هاد رضا ..والو حاضي غي حلا شنو كتصنع في حياتا.....بالحق بلاتي ها حلا غتخرج شطاااحة تسكتلو القلب....
عبير تتشوف فيه مصدومة : شنو هاد الكره كامل ...الله يستر معاك....مراتو عايش معاها مزيان ؟
حلا ضحكات باستهزاء : بزز عليها مسكينة....كتعصبني بالكلاخ ديالها....عاملة كي مونكية لي قال تقول اه ...كيحركا كي بغى ...خارج عليها حتى هي بالغيرة....وهو لا زين لا فورمة ....بلاصتا مانديروشي حتى العساس د الباب....
عبير غلباتها الضحكة : محقادة ياختي ...
حلا شافت في ساعتها مغوبشة : العشاء قربات ....
عبير بدهشة : تبارك الله الوقت طاار....
حلا تبرزطات : يلاه نخلصو ...تفو الحياة غتكون ساهلة و هانية بلا داك الزمر......
خرجو من تما محملين....! دخلو مع الشارع لي فيه الطاكسياات....الليل و السماااء عامرة نجووم شعلات ظواها....!
حلا وقفات حدا الطاكسي تتبلع ريقها....كرهات الطاكسيات و مايجي منهم...! وقف عليها واحد باغي النمرة ...
_ الزين...
قلبات عبنيها منو معفرة : سير اخاي قضي شغل لراسك ...
لصق فيها لصقة وحدة مابغى يتحرك...حتى حا السائق طلعات ركبات اللور ...وفنفس الوقت تفتح الباب لي حداها ركب خوها رضا قدامها....خرجااات عيينيبها ودورااات وجهها بالزربة تترمش......!!
رضا نطق بصوت غلييض : صافي زيد المعلم...
حلا تكوانسات....ولات تتشوف فجهة وحدة....تتخبي صاكها و دور فعبنيها عندو يعقلها.....! حتى النفس و ماكرهات تحبسو ...!
الليلة يدير فيها شي كارثة ...و حتى باباها ماكاينش لي يوقفو ...نهار كيغيب كيلقى راحتو و يدير فيها الراجل د الدار .......!!
بلعات ريقها و قرمات ....تتسب راسها و تسبو فييه....! مادورات وجهها لعندو و لا تحركات....حتى الخلاص خلصات عبيير لي شافتو و تصدمات حتى هي....!
عنقها تكوانسا ...و عيباااات تتشوف غي جهة وحدة.....حتى قفزات ملي حسات بيديه مزيرييين على كتافها كيدوي بين سنانو عرفات نهايتها الليلة ...: السلكوطة....
بعدات يديها من يديه مخنزرة كدور دوك العيون....هزات يديها و صبعاات ليه حتى غرس سنانو في شفايفو مغدد عليها...
_ وخ وخ حتى للدار يالكلبة ...
تكمشات لاصقة فالباب....تتدورفعينيها...!
مول الطاكسي : نحطكم هنا ؟
رضا مخنزر : زيد المعلم زيد ...
حطهم قدام باب الدار....عبير تكركبات لدارها و حلا طلعات كتجري للدار ...و رضا كيتحاسب مع مول الطاكسي....
طلع لحق عليها كيعرعر بداك الصوت....
_ حلااااااااا.....
حلا تخبات ورى مها مرعوبة....: شد داك الكلب المصعور...
حميدة قلبها غيخرج : قلتها ليك ..قلت ليك قبل المغرب ...تكون فالدار....غتخرجو عليا ...
رضا دخل كي الثور ...عينيه كيغلييو : شنو كان كيقول ليك داك ال** ل...
حميدة ضربات حنكها كتولولو و نسبم و خلود مخرجين عينيهم من الكلمة لي قال.....!
حلا تتغوت : و بعد منيييي ...كون سولتيييبه.....
رضا طار لشعرها و حكمو بين يديه....وهي تتغوت كي الدجاجة....
_ طلق مني....و بغى النمرة و ماعطيتهالوش...والله ماعطيتالو ....
رضا بالغوات...الغيرة فيه مريضة : فين كنتي دايعة الكلبة....
حلا تتبكي مرعوبة منو ...: كنت فمرتيل ...والله حتى كنت مع عبيير .....
رضا زير على شعرها كيغلي ...فيه الاعصاب كيبغي يطيح ماكرباتهم فيه غي حلا...: فتح داك التليفون...
حلا خرحات عينيها تتغوت : لاااااا ماااما دوي معاه....ماشي برهوشة كنرضع صبعي يقلب لي تليفوني......
مراتو دخلات تتفك مخلوعة : رضا طلق منا ...رضا خليها صافي...
رضا دفعها فوق الكنابي و طااار لصاكها مخرج تليفونها ....كيغوت : الكوود....!!
نسيم تتشوف و ترمش مخلوعة : قفراتها ...
خلود خافت : الواتساب عندا زاهي المسخوطة....
جرها من شعرها مخرج عينو فيها : ديري الكود ..
حلا بعناااد : والله لا عطيتو ليك....
جمع معاها بظهر يدييه لكمارتها طلقاتها بغووتة...تتضرب فيه و تركل....و حميدة وسطهم تتفرق و تبكي....!
حلا تتضرب و تركل و تسب ...و رضا تيحمع ليها يديها و رجليييها....كيغووت دارو الشوهة فالحومة...
_ فكرشك العجييينة....فين الكووووود...فتح هاد الزبل....ينعل حسك يالكلبة.....فتتتتح يال****
بعدوه من علييها بالكشايف.....و جلس قدامها كينهج.....و حلا تتحمع شعرها مغوبشة و رجليييها طولاتهم للتليفون المرمي فوق الطابي....جابتو تخت رجلييها و صبفطاتو يتخبى تحت الطبلة ......! جلسات تتنهج وجهها حمراء....و حميدة شادة راسها وسطهم...
_ ياك ارضا ...بغيتي تهنى مني و تصيفطني للقبر ...بغيتو تخرجو عليا...
رضا شاف فيها مغوبش و رجع حنى راسو ...قربات منو نسيم و ضماتو من كتافو تتبوسو ...
_ باركة من الاعصاب ارضا....
عارفاه مفششها و عندو عزييزة وخا حتى هي دوزها عليها في صغرها ولكن كتبقى الصغيرة القريبة لقلبو و كي بنتو .....!!
خنزر فحلا و نطق محلف : غتبقاي حتى نزوجك لشمكار يخرج عليك....
حلا تتفقصو : مولفة بالعيشة مع الشماكرية ....
رضا حا ينوض ليها شداتو مو ...شاف فيها و نطق معرعر ...: ولد الحاج مفضل باغي يتزوج بها...زوجوها لو نتهناو من مصايبها....
حلا خرجات عينيها : والله مانتزوج واحد كيسوك سيارة نقل الموتى ....و جبلي من الفوق كيربط سروالو بخيوط صبااطو ...
خلود تتغمزها : سكوووت....
رضا بغضب : حتى يكون بخاطرك....يجي الواليد و تفتح دك التليفون قدام عينيه و نشوف شنو اخرتك يالكلبة ......( دور راسو كيقلب غليه ) فين هو التليفون...شكون خداه.....
قشعو تحت الطبلة و هزو خشاه فجيبو ...صونا لباه و خبرو يجي الليلة....وكان ذلك....!
جا سي عبد الله...و تحمعو فالصالة...و حلا تتدور فعينيها هي لي عارفة اش عندها فديك التليفون.....!
ذبلات عينيها تتمسكن على باها...: عندي ستة و عشرين عام ماشي ست سنين تعملولي هيدا....
رضا ماكره ينوض ليها : الواليييد مروناها و تتفلى عليك.....الكلبة انا لي عارف شنو كتصنع.....
عبد الله...مخنزر و خاجبو مطلع ..: دير الكود احلا....
ملي دوا باها يعني صافي غرقات....! شافت بنص غين فنسيم و خلود لي ماعرفو يضحكو و لا يبكيو عليها....و طاحت فيد باها و خوها....!
بلعات ريقها وهزات التليفون تتبكي دموع مزورة....تتلفهم....
_ تتحكروني هنا.....
عبد الله بصرامة : حلاااا الكووود...
حلا حنات عينيها تتبكي و دور عينيها كي الذيب....كتعمل فالكود بالغلط...بلعاني...مرة ورى مرة ....باغية تبلوكيييه.....!!
عاق بيها رضا و حيدو ليها معرعر...: والله الليلة اخرتك....بيا و لا بيك هاد التليفون غتفتحو ....!
عبد الله حمر عينيه فيها : حلااااا...
حنات عينيها مرة اخرى للتليفون و شعلاتو ...و تفتح قدامهم.....خداه رضا بين يديه بحال خدا الكنز.....شدها من رقبتها كي الحولي ودخل للواتساب.....ماكاين غا اسماء الرجال عندها تما .....و كاملين مصيفطين ليها...فينك ...كوكو.....و شحال من ابيل ...و ماتتجاوب حتى واحد معفرة عليهم كاملين...و كلين لي بلوكاتهم و رحعو داخلين لعندها بنمرة اخرى بينهم داك هشاام....لي كتب ليها ..
" والله ماكنقدر ننعس بالليل حمقتيني احلا "
الجمل و الرسائل لي قراهم رضا بحال شعلو فيه العافية و حلا بحال دخلات ليها الموت....سخفااات ليهم تما و طاارو خواتاتها تيغووتو .....!! و عبد الله و رضا تيشوفو فالصور و الرسائل مصدومييين و عينيهم ولات حمراء بالاعصاب.....!!
فتحات عينيها لقات وجه مها قدامها...تتبكي و تنكر....
_ صافي باك لي كان كيوقف معاك خسرتيها معاه....
حلا جلسات جالسة وجهها صفراء...: شنو قال بابا....
خلود بشفقة : غيزوجك لولد الحاح مفضل.....
غوتااات حلا مجننة : لااااااا وخا تحلمووو مابغييبتشي.....مابغيييتوشييي جبلييييي و كثر هذااااك من تاصيلة الحااااج مفضل....
عبد وقف عند الباب مخنزر فيها : جمع حلوقك و تحزم احلا....هذاك لي غتزوج به ...غذا نوصل الموافقة للحاج....
حلا غرسات صبعانها فوق فراشها ...مخنزرة ماتقدر تغوت على باها و لا تقول والو ...حتى غبر عبد الله و شافت فحميدة و عينيبها مجبديبن كيخلعو ...
_ ولد الحااااج مغنديهشي.....حلا مغتزوجشي بواحد كيسوك بالموتىىىى.....
يتبع...
التنقل بين الأجزاء