صفحة القصةقصة المنبوذ
مؤلف القصةقصص Imane Ezz
مرر يدو على خدها بلطف ماسح دمعتها و عينو عليها مبتااسم بهدوء... هبط على جبهتها طبع قبلة عميييقة و هو كيتنهد حاس بالنار شااعلا فيه حيت ما كملش على قبل بشما يفورصيش عليها....
بعد عليها و هي تحل فيه عنيها وااسعين و مدمعين كياخدو لحقل بزرقتهم و ديك اللمسة لقهوية فيهم... و لحيتها كتترعد خلاتو يتبسم و عينو كتتسارا في جمالها البربري... و نطق بصوت خااتر و هو كيرد عليهم لحاف: تقصحتي بزاف....
دلات شفايفها بحركة طفولية و حركات راسها بالإجاب و نطقات بصوت هامس: اه بزاف....
وسع ابتسامتو تا بانو سنانو لمستفين و هبط داعب نيفها بنيفو بحركة شقية خلاتها تغمض عينها و تتبسم وسط ألمها و بعد عليها و حد يدو على كرشها من تحت لحاف و نطق: ماشي مشكل ديما لمرة لولا كتكون قاصحة.... من هنا لقدام مغتبفايش تقصحي...
جبدات فيه عنيها موسعاهم من كلامو متفاجئة و هو غمزها و اشار ليها للمشوار ديال التوب لي فيه دم عذريتها و نطق: غدا هبطي معاك هادا عطيه للواليدة باش متبفاش كتنكر علينا...
حركات راسها بالإجاب و هي مبتااسما كتتأمل فملامحو الرجوولية و الوسيمة... و هو جرها عندو معنقها و حط راسو على لمخدة كيحس بأنفاسها عند عنقو الطويل... معارفش اشنو بيه و اش هاد الإحساس لي جاه.... عاشر لعيالات تا عيا ولكن كيف هادي عندها طعم خااص... و كيف كيقولو للحلال طعم آخر....
صبــــــاح جــــديد...!!!
فاقت ما لقاتوش حداها عرفاتو مشا لخدمة... ناضت خدات دوش حيدات ريحة السخانة حسا بدوخة فشيي شكل.. لبسات عليها و يديها فشلانين عليها... هبطات لقات لفطور واجد فطرات و هزات طيليفونها دوزات نمرتو...
في حين هو كان جالس في لبيرو كيطالع على شي وراق تا كتطلع ليه نمرتها... دوز الخط و هو يسمع صوتها الرنان: ألو قـادر... احم صباح لخير....
قادر: وي صباح لخير... كي صبحتي...؟!
يافا: احم بيخير ما بقاتش فيا السخانة... احم بغيت عافاك نخرج نتقدا شي حوايح خاصيني و نتلاقا مع سناء نبدل لجو شويا قنطت في الدار...
قـادر: صافي خرجي لكارد غيمشيو معاك...
يافا: نو بلاش غناخد طوموبيلتك بغيت ناخد راحتي... لله يخليك...
قـادر: صافي سيري... "ستك ورجع نطق بتحذير" واياك تاني تلاقاي نتي و ديك المخلوق و تنوضو تباوسو في الزنقة تا طلعو في تريند... راه بربي تا نطحنكم بجوج...
يافا: "بملل" ففف صافي ما تخافش يالله بسلامة...
قطعات معاه بالزربة ما تسناتوش يدوي... و صونات على سناء دير معاها يتلاقاو... عيااات ما تصوني طيليفون طااافي... تنهدات بحزن... و هزات صاكها خارجا واخا غير راسها لموهيم تخرج تبدل لجو...
ركبات في طوموبيل و هي ضربها ريحتو لي في كل مكان ستشقاتها تا تغمضو عنيها و تنهدات تنهيدة حاارة... و ديمارات... غاديا للمول تدير شوبينك كما على لله تفوج شي شويا....
بقات من بوتيك لبوتيك كتشري و تختار و تتخير واخا غير بوحديتها تا خدات ديك شي لي خاصها و شي لي عاحبها عاد خرجات لطوموبيل... دارتهم في لكوفر و رجعات للمول تتغدا حسا براسها جيعانة بزااااف... دوموندات بلا ديال لحم مدخن مشهياه و حسا بمداقو في ريقها كيف كتصاوبو ماماها...
حطو ليها من فوق الطبلة غير شمات ريحتو و هي تبلع ريقها حسا بقلبها طلع... بعدات و كحزاتو عليها بطرف اصابعها محاملاهش.... شربات غير كاس دلما و حطات لفلوس و خرجات... ديمارات طوموبيل و مزال مداق اللحم لي مشهياه في ريقها و علاين تصعر عليه...
يافا: ففففف مشهياه من يد ماما... هي لي كتعرف تقادو مزيان... غنصوني عليها توجدو ليا نمشي ناكلو عندها... معندو مين يعرف اني مشيت عندها... "علات كثفها" اصلا ماشي سوقو كيبقاو عائلتي...
دوزات نمرة مها صونات لكن لقاتو مشغول... دازت واتساب سردات ليها فوكال... و كملات طريقها لدار دايرا موسيقى مجهدااا و عاايشااا معاها...
[] و ماشي بعيد عليها يزااف سطالات طوموبيل مراقباها من لي خرجات من دارها... هز طيليفونو دوز النمرة و هو كيشوفها داخلا لدارهم...
"ألو وي سي اسحاق راها وصلات عند دار وليديها"
اسحاق: اه و شحال من مرة دخلات لحمام لا...؟! يا ولد لقح... بة انا كنقوليك صوني عليا على صحيح و نت كتنقل ليا روتينها ليومي... ق... ود عليا....
قطع عليه خلاه كيبلع في ريقو و عينو على باب دار مسالينها تخرج...
عند يـافـا....!!
جالسا كتاكل فديك اللحم و محورجا عليه مامخليا تا حد ياكل معاها و تاكل و تتنهد و تشكر في مها... هاد الأخير لي من لي بدات تاكل و هي مضيقا فيها عنيها و كتلاحض في تصرفاتها الغريبة...
نادية: غير بشويش ابنتي ماكيجري عليك حد...
يـافـا: "كتدوي و تمدغ" واااعر اماما لله يعطيك الصحة.. طلبتو فريسطو دلمول مي طلع ليا قلبي ريحتو خااانزة...
نادية: "بريبة" ااه اوا بالصحة و الراحة ابنتي...
تنهدات بضيق و هي مزاال حاطا عينها على تصرفاتها.. تا كتبان ليها سلمى هابطا في دروح بالشويا... و في يدها صندوق صغيور...
قربات عندهم سلمات على يافا و جلسات بحذر كتبلع في ريقها و حنيكاتها مزنكين... عيات ساكتا و حشمانة و على تالي و هيا تنطق: احم خالتي...
نادية: نعام ابنتي... ياك ما بيك شي حاجة شتك كتتمشاي بالشويا و مكبطة واش ضاربك لبرد...
سلمى: "بلعات ريقها و مدات ليها الصندق" احم لا انا بيخير... هاكي...
نادية "بإستغراب" اش هادا ابنتي...
سلمى: احم ه ه هداك.. اخم فتحيه...
شداتو بين يديها و فتحاتو كتلقا فيه دم مزال حمررر في الزيف... ضربات ليها طرن في الراس... طلعات فيها راسها مصدومة و ابتسااامتها كتوساع و نطقات: لله يا ربي لله يرضي عليك ابنتي.. و اخييييرا فرحتو قلبي...
سلمى كتفات بالإبتسام حنيكاتها حمرين غيطرطقو بالحشمة
نادية: لله هادي هي لوحيبة فين نفرق الحلوة دمولاي دريس... اندوموندي على شي براكة و نفرقوها في الجوامع...
يافا: "مزال كتاكل" هههه صافي فرقعتو لبشونة...
سلمى هبطات راسها كتضحك حشمانة و هي تنطق نادية: يا ولاه مالو ولدي ماشي را... جل... لعقبا ما تحيبو ليا شي حفيد يااا ربي و نفرح بوليداتكم يااا ربي... و تكمل فرحتي و تطلقي نتي من ديك الكلوشار دلخلا يااا ربي...
يافا كانت كتاكل و تتلدد تا سمعات كلام مها و هي تحط ديك شي من فمها و بلعات ريقها حاسا براسها تدعزات و قلبها طلع... حطات يديها على فمها و خرحات عنيها.. و ناضت كتجري في إتجاه الحمام تفرغ هادشي لي كلات تاني...
مخليا مها وراها مخرجا عنيها و كتبلع في ريقها و كتطلب ربي ما يكونش ديك شي لي طاح في بالها....
خرجات من الحماام السخفة شاداها الراس دلقلب كتحس بالدنيا كتدور بيها... تا كتحس بمها شداتها من يدها... متكياها عليها... و نطقات: لله يا بنتي لله... زيدي كلسي لهيه ترتاحي كاااع ديك شي لي كليتيه رديتيه....
يافا جلسات بالشويا حاسا براسها مرخية و راسها كيدور... و هي تجي سلمى في يدها كاس دلماء مدات لنادية...
نادية: "كتشربها لماء" شربي يا بنت كرشي شربي و عنداك يكون ديك شي لي فبالي... و يا ربي لهلااا تكتبها على راسي يااا ربي...
سلمى: اخالتي راه وقيلا حاملا هاكدا مرات خويا كان كيوقع ليها فاش كانت كتتوحم...
نادية: "ندبات حناكها" اويلي على حاملة يا ويلي... و يشويني فيك نتي ويااااها... انا كنقول بالله و بالله نسلكها منو و هي حلاا ليه رجليها... و عنداكي يا بنت كرشي تكوني حاملا و يااا ويلك...
يافا وقفات كتبلع في ريقها مورالها مخصر و حاسا براسها عيااانة و نطقات: سكتي اماما راه مكاين والو... اصلا لبارح بايتا مريضة بالسهانة... و كليت داب بزااف ديك شي علاش...
نادية: على لله يا بنت كرشي على لله... شوفي... متخليهش يقيسك وياااك ابنتي وااياااك... خوك راه تحرك... و قاليا غادي يطلقك منو و يرجعو فين كان...
يافا: "قلبها تدعززز" كيفاش...
نادية: ااايه... غير سايريه داب و تا لا بزز عليك راسو ما تخليهش يفرغ فيك... تا نسلو الشوكة بلادم... و ولد خالت راه حاااامق عليك... نتي تطلقي من هنا و هو يديك من هنا... هو لي يستاهلك...
يافا: ماما واش حنا فولد خالتي ولا ماعرت.. حيدي عليا... انا راه غنحماق... ما خيلتي ليكم ما حيليتي ليه هو... حياتي كنحس بيها كضييع
نادية: غير صبري عافا بنتي...
يافا: صافي تبقاو على خير غنمشي لدار نرتاح...
نادية: صبري ندير ليك شويا لحم ديه معاك...
يافا: "خصرات سيفتها عايفا" لاء بلاش طلع ليا قلبي...
نادية: " بلعات ريقها كتدعي ربي يكون غا كتتوهم ولا غا مريضة هاكداك " صافي سيري... و الا لقيتي شي فلتة دوزي عندي لله يرضي عليك....
يافا حركات راسها بالإجاب و خرجات هااربا من كلشي كون لقات تهرب من راسها و تمشي لشي قنت لي ترتاااح فيه.. حاسا براسها غتحماق مخها غيطرطق من كثرة التفكير... و هضرة مها زااادت رعداات قلبها و تأكدات انو خوها ما كيضحكش و تا كوابيسها ماشي عبثا....
وصلات لدار كتهز رجل و تحط رجل مرخية و وجها صفررر في طريق لدار تاني ردات... و هاد العلامات كلهم دخلو ليها الشك في راسها...
لقات ضواو مشعولين عرفاتو جاا... تنهدات بهدوء و حيدات جاكيطتها و سباردي ديالها و تكات في لكانابي... تا كيبان ليها هابط مع دروج... كيدوي في طيليفون... بقات كتشووف فيه و هضرة مشا كتمشي و تحي في بالها...
في حين هو قرب عندها جلس حداها بهدوء... و قربها لعندو خدا منها قبلاااات عميفة مخليها تسيح معاه و ترتااح بعض الشيء في حضنو الدافي... بقا كيشزف فيها و هي ايضا كتبادلو نفس النضرات تا نطق بهدوء: اش قلت ليك انا مممم..؟!
بلعات ريقها و رمشات بهدوء و هو كمل كلامو مكااالمي: قلتي ليا غتمشي عند صاحبتك قلبتيها عند مك سخن عليك راسك...
تنهدات بضيق و بللات شفايفها و نطقات: صونيت على سناء ما جاوباتنيش... و خرجت راسي تقديت لي خاصني.. تشهيت لحم مدخن من يد ماما و مشيت عندها... سي تو...
قـادر: "شاف فيها مطولا ملاحض التعب لي بادي على وجها و عويناتها الدابلين لي كتشوف فيه بيهم و نطق" متكونيش غير كتنوعري نتي وياها شي تنوعيرة من ورا ضهري... انا مغنجحرمكش من عائلتك... واخا ولاد لقـ... حاب لكن يدوزو فوجهك...
تبسمات بإستغراب و حركات راسها يمين و شمال و تخشات فيه.. كتتصنت لعضامها... تا نطق: نوضي نخرجو...
يافا: "طلعات فيه راسها" ما فياش اصلا مشا لحال....
قـادر: مكنشاوركش....
كمل كلامو و وقف و جرها بالجهد تا هزها من فوق كثفو و هي كتفركل و تضحك: ولاء اقادر حطني اويلي حطني... انا نمشي على رجلية....
قادر طلع معاها بصلية لطرمة تا غوتات مقصحة و خرج بيها لطوموبيل...
__مورررك على لكسيراتور... و يدو في يدها مشابكين... و هي الريح كيداعب خصلاات شعرها و شدا طيفونها كتصور في يديهم مشابكين و تتصور هي وياه عاايشا اللحظة...
حطات الطيليفونها من بعدما شبعات سطوريات.... و هو مساايرها و نطقات: فين غنمشيو...
قـارد: نتعشاو فواحد ريسطو زوين...
يـافـا حركات رايها بالإجاب و هي كتشوف فيه كيفاش مركز مع الطريق و واحد الإبتسامة هادئة مرسومة على شفايفو و حجبانو كاعما مشنجينش مرتـاح... بلعات ريقها و ابتسامتها كتتلاشا فاش تسلل لأفكارها شبح كلام مها و خوها... غمضات عنيها كتحاول تهدن راسها و تدبط أعصاابها و لبرد كيضرب فيها... و هي مزيرااا على يدو فكرة انو يمـ. ـوت او توقع ليه شي حاجة كتخلي قلبها يبغي يوقف... ما عندها تا تفسير لهاد شي... من غير انها خاايفة عليه.. و نا باغيااهش يخطاها
بعد مرور يومين...!!
يومين دازو كلهم شك و حيرة و مرض عند يافا غير كترد و مورالها مخصر بزااف... حاسا برلسها فدواامة بووحديتها و هازا جبل فوق ضهرها أكثر من طاقتها...
حاطا راسها على صدرو عريانين.... من بعد ليلة أخرى من لياليهم الجااامحة....
كتسمع غير انفاسو المنتاضما دليل على نومو... و هي عنيها محلولين تقول واش النعاس داها الشك قتلها و تفكير حمقها ما بقاتش قادرها مزال نفسيتها في الحضيض...
ما عمر وصلات لهاد الدرجة من الضياع و الخوف من المستقبل... من جيهة مها و خوها لي كيخطط يرجعو قادر للحبس و هي مكثفا بين مارين ما قادرا دير والو... و من جيهة قادر لي ولات معاملتو ليها فشييي شكل... و من جيهة هاد الأعراض لي فيها لي فعلا دخلو ليها الشك...
نسلات من بين يديه... لبسات عليها شوميز ديالها و ناضت للحمام و هزات طيليفونها معاها...
دخلات سدات عليها و تكات على الباب كتنهج... حلات طيليفونها على ابليكاسيون ديال الحساب ديال ليغيكل لي موالفا كتحسب بيها...
بلعات ريقها ببطء و عضات على شفايها و نطقات: معطلا.... ففف يا ربي متكون تا حاجة يا ربي...
تنهدات بضيق كدوز على صدرها لي ضاق عليها و مشات غسلات وجها.... و رجعات تكات حداه لكن النعاي مزارهاش نهااائيا
صبـــاح جـــديد...!!!
حلات عويناتها كيف العادة كتفيق بكري... لقاتو قدامها ناااعس و رجليه داخلين فرجليها و قرييب ليها بزاااف... تبسمات و هي كتتأمل في ملامحو الوسيمة و شعرو لي هابط على جبهتو... ومدات يدها كتدوز بأطراف اصابعها على خدو بهدوء حاضيا لا يفيق... و عويناتها كيبرقو... كيبان فيهم حبها الكبيييير ليه... قربات ببطء و طبعات قبلة خاطفة على شفايفو و بعدات كتبتاسم و حشمااااانة و نطقات بهمس: كنبغييك....
كلمة كنبغيك...!!! كلمة صغيييرة قدام حبها ليه... و هي هدا باش عرفات تعبر ليه... عارفاه مكيسمعهاش ديك شي لاش خدات راحتها...
بعدات عليه بالشويا كتسل رجليها محاولا ما تفيقوش... و ناضك دارت رتينها الصباحي و هبطات لكوزينة توجد ايه فطورو بيديها...
بعدر سـاعـات...!!!
دقات يافا في لباب بالشويا يديها فااشلين عليها و ملامحها ذاابلين بزااف مدايرا تا قطرة دلماكياج في وجها جامعا شعرها لفوق و لابسا كسوة طويلة في لأحمر.... حلات نادية عليها لباب و هي تفاجئ فاش شافتها...
نادية: يـافـا بنتي...
يافا تقدمات عندها سلمات عليها... و نطقات نادية و هي كتتفحص وجها بقلق: بنتي ياك لاباس... واش واقعا شي حاجة... وجهك صفر و حالتك ما عاجبانيش....
يـافـا: "بلعات ريقها و نطقات" زيدي اماما لداخل ندويو...
جلسو في صالون... و نادية غير كتشوف بعينيها و قلبها مزيرر عليها حاااسة بشي حااجة وااقعا و حالت بنتها ماشي تا لهيه....
نادية: "بخوف" بنتي ياك لاباس... نطقي اشنو طاري معاك... مال حالتك ولات هاكدا... واش دار ليك داك لكلوشار شي حاجة دوي...
يافا: لاء اماما مدار ليا والو...
نادية: و نطقي اولي اشنو طاري....
يـافـا خدات نفس عمييق و نطقات : يمكن انا حاملة....
"يمكن أنا حاملة" "يمكن انا حاملة" "يمكن انا حاملة"
عبارة تعاودت في مسمع ناادية عدة مرات صداها كان مألم و مفزع... الضوء ضربها... ضربات في فخضها غير ضربة و نطقات: اويلي يا بنت كرشي... اش كتقولي... منين عرفتيها...
يافا: فففففف مزالا ما متأكداش... ولكن...
نادية: "قاطعاتها بحدة" اشنو لي ولكن اشنو... ااااشنو... هادشي غير لي وصيتك... هادشي غير عارفاه ما حاملش خوك و يقدر في أي لحضة يآديه....
يـافـا: فففف اماما براكا ما ضغطي عليا راني حاسا براسي غيطرطق من كثرت الضغط... عيييت....
نادية: يشويني فيك يا بنتي و يعطيك دل... عيييت منوصي فيك عتيييت....
يـافـا: ماما براااكا لله يخليك برااكا... انا جيت عندك نقوليك تعاونيني... راه مزاال متأكدت مزااال... لا ليغيكل لي ماجاتني ولا هاد المرض لي فيا مأخرا... اكد ليا ديجا ديما كتتخربق... و لمرض راه يقدر تكون غير النزلة جاتني مجهداا...
نادية: احيااااني يا حياااني... نووضي وقفي دااب نمشيو عند الطبيب نتأكدو.... ميمكنش تحملي من ديك المجرم ما يمكنش....
يـافـا: صافي غير سكتي اماما ديك شي لاش جيت عندك انا....
طلعات نادية لبسات عليها بالزربة عقلها خااارج.... خرجو بجوج و نادية ما ساكتااش من النكير...
وصلو قدام لوبيطال... نزالو بجوج... في إتجاه الجناح الخاص بالنساء....
دخلات يافا دارت التحليلة ديال الدم و مها واقفا عند راسها...
الذكتورة: "دارت ليها لقطن لبلاصة مين خداو الدم" صافي امدام... غدا غتكون النتيجة واجدة فنفس لوقيتة....
يـافـا حركات راسها بالإجاب و هي مها تنطق بنفاد صبر: مكاينش شي وسيلة اخرى نقدرو نعرفو بيها و تكون اسرع...
الذكتورة: وي كاين لا كنتو متأكدين من الحمل نقدرو نديرو ليكوكرافي....
نادية: "شافت في يافا لي بدورها كتشوف فيها و نطقات" اه أذكتورة نديروهم داب نيت....
يـافـا: "بصخط" ماااماااا....
نادية: "خنزرات فيها و نطقات" سكتي و وقفي ديري ليكوكرافي يالله....
يافا غمضات عنيها بصخط و ناضت على سعدها وعدها تا هي مكرهاتش تعرف ليوم قبل غدا....
تصطحات فوق الباياص و صدرها كيطلع و يهبط من كثرة الخلعة قلبها كيضرب في التسعين و نادية ماشي قل منها هي الأخرى...
عرات ليها الذكتورة كرشها و دارت ليها واحد الجيل عليها... و بدات كتدوز عليها بواحد لاباراي سكان... شويا و هي ابتسامة الذكتورة تتوسع فاش بان ليها ديك شي في الشاشة... و نطقات: مبروك عليك الالة... نتي حاملة....
يافا عنيها خرجو من الخبر... بلاما تحس لإبتسامة تسللات ل شفايفها و نطقات بهمس: ك ك كيفاش...
نادية هي الأخرى عنيها خرجو و تصعقات ديال بصح من الخبر ونطقات: اويلي على حاملة... واش متأكدة أذكتورة...
الذكتورة: اه متأكدة... راها قريب دخل على شهرها الثاني.. مبروك عليكم امادام
يافا الصدمة زيزناتها و ابتسامتها وساعت تدريييجيا حاسا بقلبها كيضرب بالجهد... حطات يدها على كرسها بالشويا كتتحسسها و نطقات و هي مبتاسما....: حاملة...
نادية بلعات ريقها و هبطات عينها لكرشها و نطقات: كيمكنش.. لاء، ميمكنش... مخاصكش تحملي... هاد الحنين ماخاصوش يتزاد...
يافا طلعات فيها راسها و نطقات: اش كتقولي اماما....
نادية: "حركات رايها بإصرار" خاصك طيحيه ضروووري خاصك طيحيه... ميمكنش يبقا....
يـافـا تصعقات من كلام مها عنبها دمعو و نطقات: كيفاش...
نادية بلعات ريقها حاسا بقلبها كيتعصر... نطقات و عينها على كرش يافا : مستحييييل هاد الجنين يتزاد....!!
جبد طيليفونو و هو مخبي فكوان تحت دروج... و دوز نمرة: ألو سي أسحاق... راه مشات هي مها لسبيطار للجناح الخاص بالنسا...
إسحاق ضيق عنيه مع واحد الإبتسامة جانبية و نطق: كيفاش الخاص بالنساء..
الشخص: جناح الحوامل اسيدي.. كتضن مرات لباشى حاملة...
إسحاق: مممم هادي خبار نااضية عندك... صافي عينك ما تحيدش عليها...
الشخص: كون هاني اسيدي...
قطع معاه و هوما يبانو ليه خارجين بجوج... يافا مزنكا و عنيها منفوخين بلبكا و نادية غير كدور في عنيها....
صغر عينو فيهم... و هي تبان ليه واحد الورقة صغيرة طاحت من صاك يافا... خلاهم غير خرجو مع ديك الكولوار و مشا هزها... تبسم بجنب و هو كيشوف فلورقة لي بين يديه... و هز طيليفونو دوز نمرة نمرة تاني....
عند يافا...!!
دموع كيتلاقاو في لحيتها... و يدها محطوطة على كرشها...
و نادية حداها.... !! حدرات عنيها ليدها لي حاطاها على كرشها و بلعات ريقها قلبها كيتقطع على حالة بنتها ولكن ما عندها ما دير هي كتشوف هدا هو أنسب حل بالنسبة ليها: يافا بنت لله يرضي عليك سكتي من لبكا باراكا... لولد لي فكرشك داب يعوضك عليه ربي... فكري في مستقبلو لا ولدتيه... واش ما كتشوفيش باه كيفاش، داير...؟!! واحد مجـ.. ـرم مقطر... مكيسوااش... مسمعتيش ديك نهار قاليا يقطعك و يصيفطك فماكي... هادا عاد تعاشريه...
يـافـا: "بنفاد صبر" صافي اماما براااكاا صااافي واش ما حاساااش بيا هاه... ماحاااسااااش...
نادية: ابنتي انا باغيا غير راااحتك.. و راحتك ماشي مع هاداك الكلوشااار....
يـافـا: "بأسى" واش عارف راسك اش كتقولي لياااا.. عارف راسك كطلبي مني نقـ. ـتل ولدي.. طرف مني...
نادية: غتريحييييه ابنتي غترحيييه من عيشة حاارة مع اب... يقدر يبات ما يصبح... في أي لحضة يقدر يموت اولا يتشد... و هو غيعيش بلا أب ابنتي...
يافا بلعات ريقها و قلبها تزعز من بلاصتو بمجرد تفكير في الفكرة و ولدها يعيش بلا باه.... زااادت زيرات على كرشها و كأنها ضاما جنينها و نطقات: ولدي مغنقتلوووش... كتفهمي... ولدي غنولدو... و باه معاه... هو قاليا مغيرجعش للحبس...
نادية: هاهو تاما رجعش... يقدر في أي لحضة يتقتل...
يـافـا: "حطات يدها على ودنها كتبكي بإنهيار " صااافي اماما براااكااا سكتييي... سكتيييي... هو مغيموووتش مغيموووتش... مغيموووتش.... هو قالها ليا... مغيمووتش...
نادية: "فرانات ودارت عندها جراتها لعندها معنقاها و نطقات" شششش صافي ابنتي تهدني صااافي... تهدني يدير ربي خير غير تهدني...
يافا: "بصوت مخنوق" هو مغيموتش و مغيرجعش لحبس... مغيخلينيش...
نادية بعدات عليها شويا و نطقات و هي كتبلع ريقها و تتمنى ميكونش لي فبالها: وليتي كتبغيه....؟!!
يافا هبطات راسها كتبكي بحرقة و هي عاود نطقات بحدة: جاااوبني يا هاد لبنت جاااوبيني... كتبغييييه ياك كتبغيه....
تنهدات بحقة و نطقات بهمس: معرفتش... تيقني ما عرفتش....
طلقات منها بالنترة واصلا لطوووب ديالها الأمور كلها تخربطات و خرجات على السيطرة... ماشي هاكدا عولو نهار...
نهار لول كانو دايرين شهر او شهرين يطلقوها منو كي الشعرة من لعجين ولكن كلشي تقلب...
تنهدات يافا بحرقة و بلعات ريقها بمرارة و حاضنا كرشها بيديها و مزيرا عليها... 100 فكرة كي لمطرقة كيطرقو ليها فراسها... حاسا براسها غينفاجر من قوة التخمام....
وصلات بيها قدام باب دارها... و شدات يدها قبلما تنزل و نطقات: بنتي فكري فمصلاحت الجنين لي فكرشك متكونيش أنانية و تضيعي ليه حياتو... فكري فمستقبلك نتي... هاد الراجل غتطلقي منو قريب و ما ماخاص تبقا بينك و بينو حتى شي صلة...
يـافـا تنهدات و هبطات من طوموبيل بالصمت حاسا بروحها كتحرق... حاسا بالجنين لي فكرشها لعنة عليها... كارها راسها و كارها كل لي حوليها...
دخلات لدار لقات غير لمرا لي كتعاونها في شقا.. دارت لميناح لدار و كتقاد لعشا... و هو ما كاينش... طلعات لبيتهم... دخلات لحمام خدات دوش... و عقلها كيدي و يجيب في الأفكار علاين يطرطق...
خرجات لدريسينغ... لقات شوميز فلزرق سمازي زوييينة بزااف... كانت شراتها آخر مرة... فمفتوحة من لور... لبساتها واخا ما عندها كانة لحتاحاااجة مي كتعاول تموتيفي راسها شويا...
نشفات شعرها و مشات تكات فوق الناموسية و حطات يديها على كرشها كتمررها على عليها بلطف... حاسا بقلبها كيغلي.. مجرد فكرة انو عندها جنين كيكبر داخلها كتخلي قلبها يفرفر... زيرات على كرشها محتاضناه... و نطقات بصوت رقيق و دمعتها تسسلات: يا ربي عاوني يااا ربي... يا ربي رشدني لطريق الصحيح....
تكورات على نفسها بوضعية الجنين و بدات كتبكي بحرقة كلما كتتفكر لوضع لي فيه كتحس راسها ضااايعة و لحبل ضاااق على عنقها....
طاح الضلام و الذيب ستر ضهرو.. و الشطا خيط من السما...!!
كيتأمل غي الشتا فديك البيت الوااااسع ملامحو جاااامدة و باااردة و قاااسية... كتحسي بيه فاااارغ جسد بلاررووح...
جبد من سيكار ديالو جبدة طوييييلة... تا حلقو تشحرج و طلق الدخان في الهوا... مستمتع بأنغام الأوبيرا الصاااخبة و المجهدة... منشويييي
تبسم بدفء و عينو على الجردة من برا و رجعات بيه ذاكرتو لأكثر من 30 سنة... كان تا هو شاب نشيط باغي يعيش الحياة قرا و تزوج بلبنت لي كيبغي و كون معاها أسرة صغيرة زوييينة... و كان عندو حلم يتوغل في المنضمة و يدير بلاصتو... مكانش عارف بزاااف دلحوايج... و كان فدار غفلون....
تبسم ابتسامة باااردة و حزييينة و رمش ببرود كيتذكر على شحال من حاجة تخلا عليها و ضحا بيها فقط باش تكون عندو بلاصة بحال هادي... لدرجة معقاش على مرتو و ولادو...
جبد جبدة أخرى من لكارو و هي دخل عندو وحدة من المساعدات ديالو و نطقات بصوت رقيق: سي معتز لعشا واحد تبغي نحيبو ليك هنا و لا تهبط لتحت تتعشا..
معتز تبسم بإسنهزاء و نطق بجمود: تقدري تمشي...
حنات راسها بطاعة و خرجات مزادتش معاه كلمة وحدة... و خرجات وخلاتو... نطق بفتووور و صوت فيه بحة: خسرت الغالي و النفيس باش نوصل ل لي أنا فيه... "زير على فكو بقسوة تا لمعو عنيه القاتمتان و نطق" و غنمحي أي واحد فكر يطيحني....
تنفس بعمق و تحولت تاني ملامح للبرود منغم مع ديك الموسيقى... و عايش على ذكرياتو القديمة الحلوة و المرة....
"الوحدة قــــالة 💔✨"
عنـد قــادر...!!!!
دخل لدار فازك بعض الشيء من الشتا لي كتصب...
دخل كيقلب عليها بعينيه مبانتش ليه..
بانت ليه غير لخدامة كتخطوي في دار... شافتو و هي تتبسم و نطقات: سي قادر على سلامتك مادام يافا جات هادي شي 4 دسوايع طلعات لبيتها مشيت ليها على قبل لعشا ما بغاتوش... راها ناعسا داب....
قادر: ممم اوكي وجدي لينا بلاطو غنتعشاو لفوق...
الخدامة: واخا اسيدي داب...
حرك ليها قادر راسو بالإجاب... و حيد لكويرة ديالو و سلت تيشورت بقات بصدرو عريان...
غير شويا و جابت ليه بلاطو كبير فيه عشاهم بجوجهم...
شدو من عندها و هي حالا فمها فصدرو الضخم لمبرونزي و ديك لوشام لي مزين دراعو...
طلع مع درزج و عينها ماحيداتش عليه غير غبا و هي تتبسم و عضات على شفايفها و نطقات: اااححح شحال غزاال و حرش سعداااتها ليه يكون مبرعها من جميع النواحي...
ضحكات على عقلها السافل و مشات لكوزينة تكمل شغالاتها...
و هو وصل لباب حلها و دخل... و هي تبان ليه نااااعسة بهدوء و يدها من فوق كرشها و لابسا ديك شوميز... باينا زوينة مثيييرو بزاااف... عض على شفايفو و تبسم بجنب مشهيها لأبعد الحداد...
حط لعشا فوق لكوافوز و وقف كيعبر في منضرها المغري بحال شي اميرة ناعسة مع ديك اللون ليلابسا و ديك الضوء الخافت لي كتخليه شاعل حيت كتخافمن الضلام...
نزل لمستواها كيساري عينو من كدامها لحمرين طالع مع سيقانها لموقولبين... و فخاضها مع ديك الشوميز بديك لفصالة تقول تدارت غير ليها...
غرس راسو في عنقها كيفرق عليه موجة من القبلات الحااارة و أنفاسو سخوونة كتخرق بنار شهوتو فيها و إحاسيسو اتجاها...
بداك كتتحرك مبووورشااا من قبلاتو و لمساتو.. عند بالها كتستحلم بيه تاني... تا هبك عند ودنها و نطق بصوت هااامس ساااخن و غليض: يــافــا... يــافــا...
و كانت أول مرة ينطق إسمها من لي عرفاتو... وسط نعاسها كتسمعو كيهمس بإسمها... حلات عنيها في عنيه نيشان... كتلقاه كيدوز على شعرها بالشويا و عنيه معسلين فيها...
تباسمان بلاما تشعر و نطقات بصوت رقيق و خافت: أول مرة تنطق سميتي من نهار تزوجنا....
قادر بلل شفايفو بهدوء و نطق: نوضي تتعشاي...
يافا طولات عنيها ل لبلاطو و خصرات سيفتها كارها لماكلا: لاء ما فيا لي يتعشا... غير، تعشا نت...
قادر بدات ابتسامتو كتختافي و نطق و هو مضيق عنيه فيها: المرض، ديالك ماشي طول بزاف...
يـافـا: "بلعات ريقها و نطقات" النزلة كتجيني قااصحة ديك شي علاش كتتسد ليا الشهية... احم...
قادر حرك راسو بالإجاب و عنينو عليها... هز لبلاطو و حطو في الأرض و جرها تا نزلات عندو طايحا فوق حجرو و نطق: دوزي تاكلي براكا من لفشوش...
يـافـا: "كترمش بعويناتها فيه و حناكها تزنكو" احم اوكي صافي خليني نتقاد في بلاصتي باش ناكل...
ضحك تا بانو سنانو لمستفين على تزنيكتها... لي غير كتجي بين يديه كطلع على حناكها... هبط عند عنقها بهدوء... مدوز عليه بلسانو تا رجفااات و زيراااا على يدو بيدها... و طلع عند ودنها جر شحمتها و نطق بصوت سخووون: هادشي لي كيعجبني فيك كطيبي دغيااا...
حطها حداه.. و بداو كياكلو بهدوء قادر من النوع لي ما عزيزش عليه يهضر و هو كياكل...
سلا ماكلتو و هي حداه غير كتنقب و قلبها طااالع...
ناض هو لحمام يغسل يديه... و عي غير مسحاتهم حيت ما كلاتش شي ماااكلة... بقات جالسا في لأرض و ساااهيا تا جا كلس حداها...
دارت عندو بهدوء... و مدات يدها كتمررها على جدو بهدوء و في عينها لمعة خااصة كتكون غير فاش كتكون معاه... و نطقات: احم باقي باغيني نحمل.. باقي باغي ولد مني...
قادر عينو لمعات و تبسم بدفء و جرها عندو ملسقها معاه و نطق و عينو في عينها: بـاغيه...
زيرات على اللحاف بيديها بالجهد و صدرها طالع و داتها كلها كترجف... آهاتها علاو و هي واصلا لقمة نشوتها معاه حاسا راسها فوق السحاب...
و هو لا يقل عليها نشوة... هبط على داتها كلها بقبلات حااارة مخلي آثارو على عنقها و صدرها... كان كيمارس معاها بكل جوارحو و هي كذلك غااايبين عن الوعي... كتسمع غير تنهيداتو الحااارة و هو خداام... و هي آهاااتها عاالية و دلعهاا لي كيجيب ليه دبوح...
طلقات تنهيييدة عاالية و هي كتنق إسمو... و هدا كان بمتابة وقود يزيييييد يزند ليه المجمررر.. عنقها بالجهد و هو كيتنهد و راسو مغروس في عنقها... مخليه يتخوا داااخلها...
بعد عليها عرقاااان و كينهج... و هي كذلك شعرها لسق على وجها من كثرة لعرق... عنيهم معسلييين في بعضياتهم... الرغبة باااديال عليهم...
هبط على شفايفها كيفلورطي معاها بلهفة و هي كذلك مبادلاه نفس اللهفة كتحس براسها باااغاااه لأقصى الحدود هو لي كوصلها للحقيقة و يخليها طااايرا لسما مكتتخايلش شي نهار انو تبعد عليه و يجي شي حد بعدو...
بعد عليها بإبتسامة ثملة و نطق ببحة رجووولية حااارقة: طلعي ركبيه المطرمة...
تبسمات على لقبها لي كيخرج من فمو بديك الطريقة... و بالخف قلبها فوقو... خلاها تشهق بالجهد... مع واحد القهقهة مقـ. ـحبنة ما عرفاتش كيفاش دارت خرجات ليها...
بقات كتشوف فيه كيفاش واااصل معاها لطوووب و عنيه سكرااانين تقولو غا سكران نيت و نطقات و عينها في عبنو بنضرة جريئة و سخووونة: وليت كنسكرك الباشى...
ضحك بفتوووو و يدو على طرماحتها و هزها تا لفبن علات و جبد معاها بصلية تا غضااات علا شفايفها منتااااشيا بديك الألم لحلوووو لي كيخليها طاالبااا كثر... و هو نطق بصوت خااااتر: ويسكي حلال ألمطرمة....
وسعات ابتسامتها و قبطاتو من حماكو مفيكسيا وجهو و هبطات لشفايفو بلهفة...
و بدات كتتحرك فوقو بعذوبة ووبطريقة خلاتو يغمض عنيه واااصل لفوق السحاب... و هي آهاتها بدات تعلا....
حل عنيه كيساريهم فقوامها المنحوووث.... و كيلاحض فكرشها لي خرجات شويا و جنابها لي عمرو... وزنها تزاااد... شي لي زااادها جمااال و أنوووثة
فاش حس بيها بدات كتعيا.. حط يديهم على جنابها و بدا كعاونها بيديه... محبس تاجابوه بجوج فدقة وحدة... تلاحت على صدرو كتنهح و الصحتها كلها كلها كتنتافض و ترعش...
بعد الشعر من على وجها كيلقا عنيها مغمضين... تبسم بجنب و طبع قبلة على شعرها تا تبسمات و زير عليها في حضنو محسسها بدفء زوييين...
دقائق من الصمت فقط صبيعاتها لي كيدرو على صدرو و صباعو لي ميدوزو بين خطوات شعرها... تا كسر هو الصمت و نطق: شنو باغيا تقولي...
يـافـا بلعات ريقها و نطقات و راسها مزال على صدرو كتسمع لدقات قلبو الهادئة و المعتدلة: احم واش بالصح يقدرو يرجعوك للحبس فين كنتي...
قـادر: "ببرود" ماشي بعيد...
يـافـا طلعات راسها فيه عويناتها كيلمعو و نطقات: و علاش باغيني نحمل و نت عارف راسك مغتكونش معايا...
قـارد: نتي غير حملي و يحن ربي... و ما تبقايش تعمري راسك بشغالي...
يـافـا: لاء شغالك هوما شغالي حنى راه مزوجين... و نت باغي لولاد... و نت ما ضامنش تا راسك... فين ليوجيك فهاد شي...
قـادر: "غمض عنيه بصخط هاهي تاني غتقلب ليه لمارا دعقلو" غتزيدي بحال هاكدا... مك مغتوليش تعتبي عندها حيت هي لي كدخل ليك هاد الأفكار دز. ب...
يـافـا تنهدات بنفاد صبر و بعدات عليه و عطانو بالضهم و جرات لحاف عليها... مخلياه غير كيتعجب لهاد الطبع لدخرا لي ولا عندها... عاد كانت صحة سلام كتهاتي غا بيه... و داب تقلبات....
تأفف بصخط و ناض كيلبس في لبوكسر ديالو... و خرج للبالكون فيدو باكية دلكارو....
صبـــاح جــــديد...!!!
و بالضبط في مطار نيويرك الدولي... خرج الفريق الوطني لمشارك في بلطولة العالم للفن النبيل "لبوكس"
و من بينهم مصطفى... بلباسهم الموحد...
تبسم مصطفى دفىء فاش دخل لكونفي لي بينو و بينها... كيلقاها مصيفطا ليه تصويرتها في المطار و معاها ميساج "منقدرش منجيش نشجعك الروبوط ديالي"
عض على شفايفو و هو كيزومي على الصورة... تا وقف عليه الكوتش تا هو خشا عنيه معاه في طيليفون... و نطق: شتي اساط لا تبعتي هادي برب تا غتخرج عليك... و نسا عامة غيخرجو عليك و نت عاد بادي...
مصطفى طفا طيليفونو و خنزر فيه و نطق: دخل اسيدي غا سوق كرك.. الدرية ديالي هادي عندك شي مانع طلعو معاك...
الكوتش: معندي تا مانع كندوي على مصلاحتك... لي غتلهيك عليها هي....
مصطفى: ما عندها ما تلهيني.. غا كون هاني يا رول ما عندو بتكاج...
دخلو بجوجهم انسونبل لكار لي غيديهم لوطيل... لكوتش شاد طيليفون و كيفيلمي لحضة بلحضة و فرحاااان حيت مصطفى جابو معاه... كمدرب شخصي ابار ديال المنتخب...
مصطفى كانو عنيه على الجو البارد و لبنايا الطويييلة لي بهراااتو ديال بصح ولف غا بلياجور فدروبا و شانطي محشر... تبسم بحزن و زير على سنسلة لي فعنقو فاش تفكر مو... و قال مع راسو يا ترى تكون كتشوفني داب.. تكون عارف اني كنقرب من حلمنا و غنخققو بإذن لله...
خدا نفس عمييق و العزيمة باينا على ملامحو... عازم على لفوز...
عند يـافـا و قـادر...!!!
حل عنيه على صوت لقطوط... ستغرب ناض كيدور عنيه و هي تبان ليه في لبالكون مقرمزة و جامعا عرااام ديال لقطوط الصغار عليها... حاطا ليهم طبسيل ديال لفرماج و جوج طباسل غارقين دلحليب... لابسا شرط ديال نعيجة قصير بزاف... و تيشورت قصير... ووجامعا شعرها على شكل دفيرة و شي خصلات هابطين على وجها...
هازا واحد لقطة صغيورا في يدها وكتبوس فيها و دوز ليها على ضهرها و تهضر معاهم من جدور عقلها بحال شي أم كتهضر مع وليداتها و تبزز عليهم ياكلو و تعطي الحنان لكل واحد فيهم من صغيرهم تا لكبيرهم...
تبسم و هو كيشوفها كتوسع في إبتسامتها و تقول ميو كيف كيديرو هوما... منظر دااافىء و زوين....
حيد عليه لغطا من عليه و لبس سروالو لي كان مليوح في الأرض و بقا بصدرو عريان...
خرج عندها لاتيراس بهدوء تا وقف عليها مدرق الشمس عليها...
طلعات فيه راسها و هي تبتاسم و نطقات: لقيت هاد القطة والدا لهيه... شوف شحال عندها دلولاد...
قدر هبط لمستواها و بدا هو الآخر كيداعب فدوك لقطوط و نطق: تقدري بواحد فيهم تربيه...
يافا: "باست لي كان فيدها و حطاتو و نطقات" نوو خليهم مع ماماهم حسن ترضعهم و تتهلى فيهم... و انا غنبقا نعطيهم ياكلو ديما...
قادر حرك راسو بالإجاب و وقف و نطق: ليوم عندي بلان برا لمدينة... غنتعطل بليل...
يـافـا: "وقفات بالزربة كترمش فيه بعويناتها بعفوية و نطقات" فين غتمشي...؟!
قـادر: "عض على شفايفو من ديك العفية الجميلة ديالها و جرها عندو تا لسقات فيه و هبط على شفايفهت سفهم ليها مزياااان تا فشلو عليها رجليها و بعد وونطق" عندي شي شغال ماعندك لاش فيهم المطرمة...
يـافا بلعات ريقها وحركات راسها بالإجاب و نطقات: رد لبال لراسك...
قادر: "هبط طبع قبلة على جبينها و طول فيها و دخل يلبس عليه...
في حين هي بقات متبعا ليه العين تا غبا و تنهدات حاطا يدها على فلبها لي حساه كيضرب بجهد...
بعد. مرور ساعات...!!!
عند قادر لي كان خارج لمدينة مكسيري في لوتوروت و عينو على لمراية كتبان ليه نفس طوموبيل لي لاحض مأخرا كيلقاها تابعاه لبزاف دلبلايص... تبسم بجنب مع بواحد النضرة شيطااانية و قلب الدورة مع واحد طريق كدخل لواحد من الدواور....
عند يــافــا...!!!
غرقات بين كتوبها و بيليكوباتها... ما داياهاش في شحال دلوقت و هي بيناتهم...
تا وقفات عليها الخدامة: مدام يافا عندك. ضياف... سي سمير لأخ ديالك كيتسناك لتحت مي لكارد ما خلاوهش يدخل بأوامر من سي البـاشى...
يـافـا خرجات فيها عنيها و وقفات: اويلي على ما خلاوهش يدخل... هادو هبلو... حيدي من قدامي...
هبطات بلا عقل كتجري ترحب بيه و تستقبلو و تدارك لموقف... كتلقا لكارد واقفين في لباب و هو واقف حدا طوموبيلتو كيتسنا...
يـافـا: سمير خويا أجي...
وقف في وجها واحد من لكارد: مدام ميمكنش سي لباشى مانعنا نخليوه يدخل...
يـافـا كشرات على نيابها و دفعاتو من قدامها و نطقات: غتحيد من قدامي و لا غنفرسك... هاداك خويا انااااا و ما ممنوعش يجي لداري... يالله تحررررك من قدامي...
لكادر بلع ريقو من عصبيتها و بعد عليها.... و هي رجعات عيطات لسمير لي كان مشغول بالطيليفون: سميييير خويااا اجي..
قطع طيليفون و مشا عندها تعانقو و زيرااات عليه علاقتهم ما يهزها ريح واخا يدير لي يديرو غيبقا خوها لي مفششها و ما عمر حرمها من شي حاجة... و هي كذلك واخا دير لي ديرو غتبقا ختو لوحيدة لي يقدر يحرق لعالم على قبلها...
بعدات عليه و هي مبتاسما و حراتو من يدو: زيد دخل اخويا مرحبا بيك ما محتاجش اصلا لعراضة دخل مرحبا بيك...
سمير: ههه لباشى ديالك الالة مانعني منك...
يافا تبسمات بحرج و زادو دخلو لداخل و هو ينطق: بغيت ندوي معاك فواحد الموضوووع مهم ايافا...
يـافـا بلعات ريقها من جدية كلامو: اه اخويا زيد بعدا نكلسو و نجيب ليك شي حاجة تشربها...
سمير: ما يحتاجش اختي جلسي و سمعيني مزيااان...
يافا حركان راسها بإحاب و قلبها بدا يتزير عليها و هو ينطق و عينو على كرشها: نتي حاملا داب...
يافا تبسمات و حطات يدها على كرشها: اه حاملا قريب شهرين داب....
سمير: احم مزيان..."سكت شويا و كمل" عارف هادشي لي غنقوليك غيجيك صعيب بزاااف حيت ما كاينش شي أم في دنيا كتتخلى على ولادها واخا غير فكرشها ولكن لضرورة أحكام...
يـافـا: حتى نت اسمير نفس لهضرة نت و ماما واش عارغين راسكم أش كنقولو...
سمير: تيقيني قلبي كيقطع و انا كنقول هاد الهضرة لوكان فشي ضروف أخرى حملك كان غيفرحني كثر ما تتصوري... ولكن حملك فزواج بحال هادا و من راجل بحال هادا... غيحل عليك بيبان جاهنام
يـافـا: "عنيها غرغرو بالدموع" سمير انا عارفاك كدير هاكدا حيت كتره قادر.. معرفتش علاش
سمير: مغنكرش كرهي ليه.. و منكرهش نقـ.. ـتلو كاع... بديت كنتحرك و كنوجد فأوراق الطلاق ديالك منو ياك تزوج بيك بزز و نتي مكتبغيهش.. طلاقك منو غيكون أنسب حل ليك نتي... باش تكملي حياتك مع شخص حسن منو...
يـافـا: "دموعها طاحو" علاش هو بالضبط...
سمير: "شاف لنقطة بعيدة لوهلة و سكت و رجع شاف فيها و نطق: حيت مجـ. ـرم ما عندوش قلب... قاتـ.. ل اكثر من روح يتم شحال من عائلة... و لأهم انو خاااائن... فاش دوي معاه سوليه علاش دخل للحبس... و شوفي باش غيجاوبك...
يـافـا حطات يدها على قلبها لي حساتو كيضرب بالجهد و هو كمل: هاد الجنين لي فكرشك مخاصوش يبقا... غادي تتعذبي نتي وياه... و اكيد غادي يعيش بلا باه... حيت حياة داك السيد عمر ما كانت مستقرة... و تازواجو منك كان غير باش ينتاقم مني...
يافا ذاتها رجفات من هضرتو و رجليها فشلو عليها... و دموعها تلاقو عند لحيتها... و سمير كمل كلامو بنفس الجدية ما ناوي يمشي حتى يطرق ليها لمسمار: معندك لاش تصدمي حيت الطريقة باش تزوج بيك كتوضح كلشي... مبغيتش نشوفك كضمري حياتك مع شخص بحال هادا... غدا غنتسناك انا و لواليدة فلوبيطال... تافقنا...
يـافـا غمضات عنيها بحرقة و لعااافية شعلات في قلبها و نطقات: علاش انا كيوقع ليا هاكدا علاش....
قربها عندو قلبو ضارو عليها عنقها مزيرر علبها نا عندو ما يدير هو كيشوف انو هاهو هو الحل اي غيرضيه هو و يرضي مو و في مصلحتها هي: شششش صافي عارف هادشي صعيب عليك...
زيرات عليه و صوت بكاها مسموع: صعيب بزاااف...
بعد عليها و مسح دموعها و حاوط وجها بين يديه و نطق: اي حاجة كنديروها لا انا لا لواليدة فراه غير على قبل مصلحتك...
يافا هبطات راسها ما لقات ما تقول دموعها كافيين يكرجمو ألمها و روحها لي كتتحرق...
بلاصة أخرى...!!!
دوز نمرة و حط طيليفون على ودنو و عينو على هاداك لي قدامو روحو خرجات و صدرو مفرع كولو بالقرطاس...
غير تفتر الخط نطق: اجي هز عليا واحد لكـ. ـلب...
معتز: قادر... فينك نت و شكون هاد لكـ. ـلب
قـادر: "كيشلل يدو من الد. م" معرفتوش شكون.. ولا شكون مصيفطو راه متايلك كثار اسي معتز... متكثرش لهضرة و صيفط لي يهزو ولا خليه...
معتز تنهد بنرفزة من اي بلان كيديرو قادر كيبداو يجمعو موراه لاقيها تليق: صافي كون هاني....
قـادر تبسم بإستهزاء، و قطع معاه و مشا لطوموبيلوتو كسيييرا قاصد شغلو و بقا هاداك مليوح تماك تا جاو داوه بقات غا طوموبيلتو تماك مافيها تا دليل...
نرجعو لقدام دار البــــاشى...!!!
خرج سمير ركب في طوميبلتو غادي بحالو بعدما خدا جوابو و سمع قرارها... و هادشي كااامل داز على عنين داك لي دارو اسحاق يتبع يافا فينما مشات... جبد طيليفونو و صونا عليه: أألو سي اسحاق....
إسحاق: وي كاين شي جديد..
الشخص: اه اسيد راه لبناني كان عند مرت لباشى ختو.. احم و ما خلاوهش لكارد يدخل و خرجات دخلاتو...
إسحاق: مزيااااان قولي تا هو دااخل في لمعمعة.. صافي متحيدش عينك عليها... بقا على لقرص...
الشخص: صافي اسيدي كون هاني....
ضلام الحال و السما مغيماااا... و هي غير فديك لبيت عنيها منفووووخييين و حمرين... و لوحم مسااالي معاها كل مرة كتنوض كتجري ترد لمرااار من مصارنها تا كتبغي روحها تفلت...
غرجات للبالكون كتمسح في دموعها وكاس دلقهوة مرة قاااصحة فيديها كتجغم منو و ساااهيااا... شافت في الساعة كانت 1 و هو مزال ما دخل... بلعات ريقها بمراارة... مكرهاااتش يجي داااب و ياااخدها فيحضنو و تحس بدفااا ديالو...
بقات مركزا مع لباب و دموعها دايزين... تا كيبان ليها لباب تحل و دخل هو... عنيها تحلو و تبسماات وسط دموعها... و ما تحكماتش في نفسها و قفات و عيطااات ليه بالجهد: قااااادر....
كان داخل و هو يسمع صوتها كتناديه طلع فيها راسو مستغرب و لقاها كتشير ليه و شير ليها هو الآخر و دخل...
اول ما حل باب البيت طارت عليه بتعنيقة معلقااا فيه... ما عارفاش لاش كدير هاكدا...
تبسم من تصرفاتها مستغرب... و باادلها العناق... هازها من لأرض
و دخل ببها هاكداك معنقها و نطق: واقعا معاك شي حاجة...
يـافـا: "طبعة قبلة على عنقو تا تبورش و نطقات" باغياك... باغياك تعنقني بردت...
قـادر عض على شفايفو من ديك التبوربشا و غرس راسو في عتقها كيستنشق ريحتهااا... و نطق: نبدل عليا و نجي...
يافا زاااادت زيرات عليه و أنفاااسها الحارة كتضرب في نحرو تحت ودنو مبااااشرة تا لحمو كيتشوك: لاااء بقا معايا خليك معايا...
تنهد بقلة حيلة مسايرها من هاد النوبة دلحنااان لي جاتها... و هاد النفسية لمزفتة لي ولات عندها... مشا بيها لسرير تكا و هي فوق صدرو و زيرها مزيااان و نطق: شنو جا خوك يدير هنا...
يـافـا: "بلعات ريقها فاش تفكرات اش جا قاليها و نطقات" احم جا يشوفني و صافي...
قـادر: "بشك" مممم مزيان...
سكنو موووودة... تا بدا نعاس كيديه... و هي فوق صدرو حاسا بدفا ديالو و الأمان و نطقات: قـادر... قـادررر...
قـادر: "حل عنيه" مممم مالنااا...
يـافـا: "كدور في عنيها" شنو هي التهمة لي دخلتي عليها للحبس...
قـادر: "رمشش ببرود و نطق مع واحد. الإبتسامة باااردة فاش تفكر دوك لأيام و نطق" الخـ. ـيااانة العضمى...
يــافــا طلعات غيه راسها مخرجااا عنيها.. و نطقات: واااش بصاااح...؟! و نت درتيها...؟!
قـــادر: "بلل شفايفو ببرود و نطق" شهدو فيا 10 درجال اذن درتها...
يــافــا: كندوي معاك من نيتي جاوبني. .
قــادر: "هبط ليها راسها ردو على صدرو و نطق ببرود" تكاااي و سكتينيا راسي زند عليا...
تكات و سكتات مصدووووومة... متخيلاتش التهمة تكون هاااكدااا... الخـ. ـيانة العضمى... كيمشي مولاها للإعـ. ـدام بعينيه مغمضين... كيفاش هو ما تعـ. دمش
في حين هو طاااار نعاسو... و عنيه بقاو محلولين... و لحمووورة طلعاات عليهم... و بانت القسوة فيهم... كلما تفكر دوك ليام... و شحال من رعوااني دورها بيه و كيفاش صاحبو لي كان من روح لروح شهد فيه و زااااد غرق ليه شقف...
غمض عنيه كاااتم غضبو ما باغيش يحرمها من هاد العناق و هو كيحس أنفاسها منتاضمين دليل على نومها... هي لحاجة لوحيييدة لي ولا كيحس معاها بالراااحة...
صباك جديد...!!!
طار عليها النعاس كيف لعادة و في نفس لوقيتة ل 5 نييشااان.. دنيا عاد كتضوا شويا... ناضت من على صدرو مخلياه ناااعس
و خرجات للبالكون حاسا بقلبها غيسكت و نفس ضاااقت فيها... زيراااات على عنيها و حطان يدها على فمها كااتما شهقاااتها لي بداو كيعلاووو... و نطقات بهمس و ديها على كرشهااا: سمح ليا اولدي عنحرمك من هاد الحياة... سمح ليا على هادشي لي غندير فيك....
تنهدات بحرقة... و زيراااات على كرشها بيديها... و بقات تماك الحال كان بااارد بزاااف لكن ما حساتش بيه من عافيا لي شاعلا فيها...
دخلات لبيت كتجري فاش طلع قلبها تاني... و مشات لحمام كترد...
فاق هو الآخر لبس عليه و هبطها بسيف عليها فطرو انسومبل... هي غير كتسرط بزز و عنيها كيدورو في راسها...
بقات متبعا ليه العين من لبالكون البيت كيبان ليها ديمارا بطوموبيل و خارج.... بلعات ريقها حاسا بالرعدة شاداها من قوة الخلعة... تا فيبرا التيايفون فيدها خلعهااا... شافت نمرة و تنهدات و جاوباتها: وي ماما...
نادية: بنتي فينك... اجي باش نمشيو نطرقو هاد المسمار لله يرضي عليك..
يـافـا تنهدات بعيااااء و نطقات: صافي اماما شويا و نكون عندك...
قطعات عليها في وجها ماتسنتتش جوابها... و دخلات غسلات وجها... و بقات كنشوف في إعكاسها الشاحب في لمراية و نطقات: يااا ربي عطيني القوة نستحمل لي جايني يا ربي راني عيييت...
خرجات بخطوات ثقييلة... لبسات عليها و هزات صاكها و طيليفونها و خرجات...
ما هزات حتى طوموبيل سدات طاكسي لدار وليديها...
حطا راسها على زاج دالصرجم مراقبا قطرات المطر لي كتنزل على زاج بعبنيها الشااااحبين و دايرا لحمورية بيهم... و لمعة الحزن باااينا فيهم... رمشات ببطء و هي كتسمع صوت مولا طاكسي: وصلتي الالة...
يافا حركات راسها بالإجاب و جبدات لفلوس من صاكها حطاتها ليه فيدو و خرجات مخلياه كيعيط ليها على الصرف...
وصلا لدار لقات نادية و سمير كيتسناوها...
نادية بلعات ريقها و هي كتشوفها فديك الحالة... و قربات عندها سلمات عليها: بنتي ماديريش فراسك هاد الحالة... داب يخلف ليك ربي هاد لولد بتوام إنشاء، لله و مع الشخص المناسب الحبيبة ديالي...
يافا تبسمات بسخرية: مزال مغنمشيو...
سمير قرب عندها شد في يدها مزيير عليها باغي يحسسها انو وااقف معاها و نطق: الوليدة عندها الحق ايافا داب ربي يخلف ليك هاد لولد...
يـافـا جبدات يدها من يدو و عطاتهم بااضهر خارجا: باراكا من الضغط لي فيا كافيني...
شافو في بعضياتهم بأسى على حالتها و خرجو تبعوها هوما ذلك...
مسافة الطريق و كانو قدام لوبيطال فيه غيديرو لبيراسيون...
و ماشي بعيت عليهم كان عينيه عليهم و هو كيدوي في طيليفون: وي سيدي.. راهم وصلو قدام لوبيطال...
إسحاق تبسم بإنتصتاار و نطق: مزياااان عنيك ماتحيدش عليهم نهااائيا...
الشخص: كون هاني اسيدي...
قطع معاه و جغم من كاسو كيحس بواحد النشوة فشيييي شكل... تا كيدخل عليه واحد من الكارد... شاف فيه بمعنى نطق اش عندك و هو يبدا يدوي: سيدي لكارد لي درتيه كان كيتبع لباشى... لقاو غير طوموبيلتو في الخرجة دلمدينة خاااوية ما فيها واالو...
إسحاق بلع ريقو و عقد حجبانو و نطق: غيكون غير لباشى عاق بيه و قتلو... صافي تقدر تمشي...
حنا ليه راسو بطاااعة و خرج مخليه ميتاااسم ابتساامة شيطااانية و نطق: لازم عليا نعلم عشيري بلا مرتو دارت كورطاااج...
قهقه بصوت عااااالي و لكاس كيدور بين يديه...
نرجعو عند يــافــا...!! كانت متكيا فوق لبياص لابسا لحوايج ديال المستشفى و كنشوف في السقف ساااهيا مكتحرك ما كتململ غير صدرها لي كيطلع ويهبط بهدوء و عينها مرة مرة كترمش...
كانت الذكتورة واقفا مع نادية و كيشوفو فيها من الزاج و نطقات الذكتورة: مدام بناني مزال لحال باش تتراجعي راكي كترتاكبي خطأ كبييير غتقـ. ـتلو روح....
نادية: شنو كتقول نتي شنووو... كيفاش خطأ... الخطأ هو لا خليت بنتي هازا فكرشها مصيبة... دير لي عليك لله يخليك و فلوسك غيوصلوك مديريشي فيها ضميرك حيا...
الذكتور: "تنهدات و نطقات" مدام يافا ما باغاش نتوما كتبززو عليها... لا عرف راجلها غيقلب الدنيا فيق راسنا...
نادية عنيها بداو كيدورو في راسها و الخلعة كتركبها فاش تذكرانو: معندو مين يعرف نتي دير شغلك و لباقي علينا...
بقاو واقفين وهي نجي عندهم وحدة الممرضات: ذكتزرة غرفة العمليات واجدا....
ذكتورة: واخا دخلو جيبو لمدام...
عند يــافــا... كسر صمت الغرفة و سهوتها دخول لممرضات و معاهم الذكتورة و مها... اه جاو يديوها... جاو يديوها تقتل ولدها...
عنيها عمرو بالدموع و خصرات ملامحها مقهورة و حطات يدها على كرشها و تمتمات بصوت باكي: ولدي....
بقات كتبكي بصوت مرتافع تا جات عندها نادية شدات فيدها هي لأخرى دموعها كيسيلو: صافي ابنتي لله يرضي عليك ربي يعوضت ابنتي ربي يعوضك...
يافا نزلات من البياص: ولدي اماما... انا غنقـ. ـتل ولدي..
نادية: "قلبها كينقطععع على حالتها" ششش مغتقتليهش ابنتي غتهنيييه الحبيبة غتهنيه...
كلام مها مكان كيزيد غير يحرقها و كيدخل كي سممم مع عروقها... تصطحات فوق النقالة مسلما أمرها ل لله و ما سكتاتش من لبكا و يديها محطوطين فوق كرشها...
دخلات للغرفة دلعميات... و بين عنيها قــادر... تفكرات نهار قال ليها بغيت ولد منك... نعيشو ديك شي لي ما عشتوش... قلبها تحرق ولاا رماااد و هي بيدها غتحرمو من هاد الفرحة و هي شـافت ديك اللمعة لي كانت في عنيه و هو كيقولها ليها.... و تذكرات تعاملو معاها كيف ولا مأخرا... عضااات على شفايفها كتمااا شهقتها ا وقفات عليها الذكتورة... : مدام يافا لا بغيتي نحبسو هنا نحبسو... لا ما كنتيش قادرا نحبسو...
يـافـا بقات شحااال ساكتا و في الأخير حركات راسها بالإجاب و نطقات بصوت بااح: كملي...
تنهدات الذكتورة بحصرة و دارت ليها البنج... مغلوووب على أمرها...
عنــــد قــــــادر...!!!
دخل لدار ما لقاهاش لقا غير الخدامة لي ما عرفاتش فين مشات حدها شافتها خارجا في الصبـاح...
تنهد بضيق حاس بشي نخصة فصدرو ما عرفش مناش... و جبد طيليفونوو دوز نمرتها لقا طيليفونها طافي... زفر بصخط: فين مشات تاني هادي بلا خباري...
شغل لوكال دوحدة من طوموبيلات لقاهم في دار اذن ما داهمش... حك على راسو و صدرو مزاال مزير تا كبصوني طيليفونو... طلع حاجب فاش شاف شكون المتصل... دوز الخط و نطق: ش باغي از.. بي...
إسحاق: "بمكر" ابشويا عليك اعشيري...
قـادر: قـ. ـود عليا بحالك...
إسحاق: اصبر صبر... بغيتي تعرف فينها مرتك...؟!!
هنا قـادر قرن حجبانو مقندششش نييت: اش قربك لمرتي اولد از....
إسحاق: دوز عندي ل *** و تعرف...
قطع ليه فوجهو مخلي ريتووو تفووور و دمو. يغلي... اش لمرتو شغل مع قـ. ـواد بحال هادا و آش قربو ليها... خرج بلا عقل... كيغلي بالأعصاب واصل لطوب... كسبراا حااارق روايد... عندو لبلاصة لي قال ليه...
غير وصل حلو ليك لباب لكبير بسرعة حيت كان غيدوز فيه... خرج و سلاحو فيدو ناوي على لقـ. ـواااادة زين و مليح...
تعرضو ليه الكارد في الدخلة موجهين سلاحهم ليه و نطق واحد فيهم: حط سلا. حك...
قادر: كلمو ليا ديك لقـ. ـواد لي مخدمكم يالله تحرررركوووو...
بقاو محاصرينو هاكداك تا كيبان ليه إسحاق نازل مع دروج بالشويااا عليه و كيشوف فيه و مبتاسم بإستفزاااز...
إسحاق: امرحبا بالباشى عندي فداري..."شاف فلي كارد وما ليهم باش ينزلو سلاحهم.. و نطق" تسابقتي مع لوقت فرمشة لعين الباشى... تا لهاد الدرجة سكناتك...
قادر معطلوش غا وصل عليه دخل فيه بدماغ جابو طاايح و طاح عليه بلكروشيا كيدخل ليه: دوي اولد لقـ. ـحبة اش فربك ليها... فينهاااا دويييي...
جاو الكارد فكوه من فوقو و هو كيتصرفع في السمااا واصل لطوووب ديالو... و كيغوت: طلقو يا ولاد لقـ. ـحاااب طلقوووو....
ناض إسحاق كيمسح نيفو من دم و دفل دم تا من فمو: تهدن الباشى... مرتك مكايناش عندي ولكن عارفها فين كاينا... "اشار للكارد" طلقوه...
طلقو منو لكارت و هو نشل يديه و نطق: نطق ربك ما حدي مكالمي راه غنزهق روحك...
إسحاق جبد من يدو ورقة و مدها ليه: شد هاك شوف هادي...
قادر شاف فيه بشك و شدها من عندو... حلها كتبان ليه اكوكرافي دجنين طلع فيه راسو لقاه كيشوف فيه و مبتاسم و نطق: ولدك... لباشى صغيور.. كيف جاك...؟!
قــادر تحولو نضراتو و ولا كيخللع و نطق: فينها.... واياكم تمسو شعرة وحدة منها...
إسحاق: تيقني لا قلت ليك تا حد ما قرب لمرتك غير مها و خوها....
قــادر: "قرب عندو كي شي رعدة شنق عليه من لكول ديالو" اش كتقووول نت...
إسحاق: "بهدوووء" ما كفاهش شهد فيك و غرق ليك الغار في الحبس و ضيع ليك 8 سنين من حياتك..
قــادر كيحس بلعروق ديالو كلهم كيتجبدو واصل لقمة العصاب ديالو و لاخر كمل كلامو بهدوء: مكفاهش دخلك لحبس... و داب زاد قتـ. ـل ليك تا ولدك.... و هو باقي ما زاد..
"قتـ. ـل ليك تا ولدك" "قتـ. ـل ليك تا ولدك"
كلامو بقا كيتعاود في ودنو بحال صدى الصوت فوق شي جبل... حس بطعنة خااايبة و هو كيشوف فديك ليكو كرافي بين يديه... هادبيك صورة ديال طرف منو لي شاق ليه... و بغاه بغا يسمع منو كلمت بابا... و يعوض فيه خرمااانو من الدفىء العائلي.....
زير عليها مكمشهااا و عينو السوداوية حماااارت و لعروق في جبهتو برزو و الغضب بااان فيه...
و إسحاق ما ساكتش كزيييد زيت فوق النار: غتلقاهم فكلينيك ***... الا كسيريتي غتلقاها يالله فاقت من لبنح...
قادر صافي دنيا ولات كتبان ليه كلها دم... و ملامحو مكانتش كتبشر بالخير... كيحس بعروقو كيموتو عرق بعرق...
نساحب من بيناتهم بخطوات بهدوء مخييييف... كيحس بدمو كيفووور... و لغنااجر كينغزو في قلبو
.. و كلمة وحدة كتتعاود في بالو "قتـ. ـل ليك ولد"
ديمارا خارج من قصر اسحاق... و وجهتو معروووفة... تمتم بكلام مرعب كتشم فيه ريحة القسوة و رجلو كتورك على لكسيراتور: ليوم غتفديو ولدي بروحكم
يتبع...
Zidina bliiiz
ختي بليز عفاك كمالة