صفحة القصةقصة زواجي التالي
مؤلف القصةقصص Iman Ouss
ودن العشا وناضت توضات وصلات .. مشات الكوزينة غسلات شي ماعن وسمعات صوت سوارت كيدورو فلباب .. دارت كتمسح يديها من لما ولقاتو داخل وفيديه 4 كسكروطات ديال الحوت و 2 كانيطات دلموناضا ، عقدات حواجبها بالستغراب آش جاه ؟ وشنو فكرو فيها
عماد : ( حط داكشي فوق بوطاجير وقرب ليها باسها فحنكها ) توحشتك العمر
بسمة : ( كحزات من حداه ) داخل ناشط هاد المرة
عماد : ( جرها من يديها لصالة وخدا داكشي لي جاب ) عندي هاد زين كامل وندخل معصب ( جلسها حداه وقرب حداهم الميدة ) نهار كامل كنفكر فيك
بسمة : ( شافتو كحز ليها جوج كاسكروطات وكانيطة تاعها وبدات تاكل متجاهلة هضرتو ) الحوت زوين عند مول قهوة نيت لي حدانا
عماد : ( حرك راسو بالإيجاب ) اه هو
هزات حاجبها كتشوف طريقة معاملتو ليها غير .. للحضة وقفات على الأكل وفهمات شنو باغي كل مرة كيبغي حاجتو فيها كيدير ليها هكا يا إما يجيب سقاطة كتيرة ولا شي نص دجاجة مشوية ولا بيتزا .. كيدير فيها الزوج صالح ليوم فقط نهار تاني كينوض يتقلب عليها كي زمان
بسمة : ( بتاسمات بالستهزاء وهزات عينيها فيه ) خاصني شي بيجامة الحال بارد دابا
عماد : ( غمض عينيه وحك حاجبو ) واخا إن شاء الله
بسمة : ( سرطات دغمة مخسرة سيفتها فيه ) وشي تقاشر فحال توعك دوك طوال البيضين
عماد : ( هز حاجبو فيها طالب سلاك ) انا نعطيهم ليك عندي تماك شي وحدين جداد
بسمة : ( لوات شفايفها فحال الى كتفكر ) ممم و شي بانطوفة
هز فيها راسو عاقد حجبانو فحال الى كيگول ليها شي دگة دلعصا لا .. فهمات نضراتو وضحكات مكملة ماكلتها
بسمة : ياك ما كترت عليك ؟
عماد : لا تانتلخص ونجيهم ليك
دورات راسها بحركة دائرية وكتقول فداخلها : واخا والله لا شميتهم يقضي غراضو وصباح ينكرني .. أنا قلت ليك غانجيب ليك ؟ حرام منين جبتي هاد الهضرة ؟ اصلا عندي كريديات حتى نخلصهم ونجيب ليك لي بغيتي
رجعات لور شبعانة وناضت غسلات سنانها وتبعها تاهو غسل وجهو وسنانو مشات لبيتهم وتبعها وسد وراه لباب
عماد : توحشتك ! ونتي متوحشتينيش
گلسات فوق ناموسية و بقات ساكتة كتشوف فيه شغاتقول ليه ؟ عايفاك ومحاملة شعرة فيك ندمت على نهار لي سنيت على ديك لورقة ، كارهة راسي وعيشتي وكارهاك نتا بضوبل ..
حيد حوايجو قدامها بقا غير بشورط وصدرو عاري وقرب ليها حتى باسها فحنكها وبقا لدقائق كيداعبها وكل مرة يبوسها فبلاصة حيد ليها بيجامة وبقات تحتو غير بسليب اما حتى سوتيانات مكانتش دايراهم .. خلاتو يدير مابغا وهي تحتو فحال شي صنم مكرهاتش دفعو عليها وتقول ليه بعد مني ولكن ماتقدرش ! حقو هداك مزوجين إذا حقو شرعي ومتقدرش تعارض ولا ترفض .. تنهدات تنهيدة من قلبها على إثرها نتابه ليها انها مكتفاعلش معاه كي كانت فأيامهم لولة واخا كانت كتكون مبادرة صغيرة منها يا إما تبادلو القبلة ولا تعنقو حيتاش معارفة شنو دير ولكن دابا فقط جماد ! معارش للأمر إهتمام وحيد ليها سليب هز ليها رجليها ودخلو فيها بشوية مستمتع بديقها وبديك لحضة هز راسو لفوق مغمض عينيه وعاض على شفايفو وبدا يخبطو فيها بجهد حتى حسات بجنابها ضروها وضغطات على يدو بمعنى بشوية ! وهو مكاينش هنا غارق فبحر شهواته ومستمتع بلذة ديك لحضة
بسمة : ( مخسرة سيفتها بألم ) مم بشوية ( زعزعاتو بيديها حتى حس بيها ) بشوية ضريتيني
عماد : ( نزل كيقبل فصدرها ويمصو وهز راسو فيها عينيه منيمين ) كنغيب عليك يوماين دغيا كيضياق شغاندير خليتيني بلا عقل !
هز رجليها حاطهم على كتافو ورجع دخلو وهو كيتأوه حاس براسو طاير فسما فديك لحضة عكسو هيا لي كانت كل مرة تغمض عينيها بألم ولا تخسر سيفتها فيه محاملاهش ومكتحس معاه بوالو ! مشاعرها بااردة من جيهتو .. بقا معاها على داك لحال لمدة حتى فزغ شهوتو فيها وناض لبس عليه شورط وتكا حداها معنقها بيد ومغطيين بكاشة ، هو نعس وهي حالة عينيها ونضراتها فارغة تماما كتقول فراسها علاش كيوقع معايا هكا ؟ لا حياة مقادة لا زوج مقاد لا ماكلة مقادة أبسط حقوقي مواخداهمش هو خدا لي بغا بلا ميعيرها إهتمام لرغبتها هي من ديما كان معاها هكا فلفراش هو لي عندو لحق فيها وهي لا .. بتاسمات بالستهزاء وهي عايفاه مكرهاتش تخرج تخدم وطلق ولكن فين غاتمشي غير أجي وطلق وهادشي لا قبل ؟ فينهم فلوس محاكم وطلع وهبط اول حاجة غاتلقاها فوجهها هي زنقة لا خرجات لي عندها فدار أرحم من لي كاينين فزنقة تفضل تغتاصب مرة وحدة فنهار ولا 20 مرة فزنقة !
حلات عينيها كتكسل بلاصتها حاسة بعضامها مدگدگين .. دارت شافت بلاصتو خاوية وهزات راسها فساعة لقاتها علاين 9 تعجبات من راسها مولفة غير كينوض كتحس بيه وتنوض معاه ولكن بسيف دوزات ليلة سهرات فيها وعضامها مكتحسش بيهم .. ناضت بشوية عليها لبسات عليها بيجامة طويلة على لحم مشات عمرات گدرة ديال لما وشعلات لبوطة حطاتها عليها .. جمعات لبيت وقادات لفراش ورجعات لكوزينة لقات لبوطة طافية
بسمة : ( عقدات حجبانها كتفكر واش شعلات لبوطة ولا لا ) واقلة مشعلتهاش
رجعات تشعلها كدير البريكة أو والو ضحكات بفقصة مابغاش تيق داكشي لي طاح ليها فراسها ! لبوطة خوات وغاتبقا بجنابتها
بسمة : ( جبدات البوطة وحطاتها على جنب تشوف واش فيها شي شوية تقضي غا بگدرة وحدة دلما ) الله ياربي خاوية مافيها والو ( بغات تبكي بالفقصة ) ولد لحرام فاق على صباح دوش وشاف لبوطة تقادات مقال مع راسو نخلي لها فلوس على الأقل نجيب بوطة صغيرة رجلة دآخر زمان أربي لحبيب شندير أنا
بلا متحس طاحو دموعها واش غاتگلس بوسخها لا فجر صلاة ولا ضهر غاتصليه تسناه حتى يجي ويجيب لها البوطة واخا متأكدة والله لا شماتها غايقول ليها دوشي بلما بارد معنديش !
مشات كتجري حلات شرجم كطل على برا ولقات الجو مغيم وسميقلي ديال البرد وقطرات ديال شتا خفيفة كطيح بنادم دايز مكبط او فيديه مضلة .. سدات شرجم بملامح يائسة وگلسات شادة فراسها كتبكي
بسمة : ولد لحر*ام انا بغيت ليك تشتيتة ميلقاو ميجمعو فيك اربي وشحال صبرت كون معارفة زنقة لي غالقا وينهشوني دياب منزيد دقيقة فهاد دار .. أربي الحبيب عييت وتهديت باقي صغيرة 22 عام باقي مشفت متشوفت حاسة أربي غانموت بالفقصة
شدات على قلبها لي ضرها ونفسها ضياقت كل مرة كتبكي يديها كيترعدو وكتحس براسها غاطيح
بسمة : ( هزات راسها فسقف ورفعات يديها لفوق ) أربي شي موتة راني عييت ( تهزات بتنخصيصة ) أربي راه شي نهار نطيح بالأعصاب ولا نتعوج من شي قنت غايلوحني ديك ساع بلا ميشوف كمارتي ، ( شدات مخدة كتعض فيها تخوي فيها الأعصاب لي شدوها ) أعباد الله طلاب كون تزوجت بيه ميدير ليا هاد الحالة زهر اسيدي ربي تفرق على بنادم جا تالعندي سرفقني وزاد ( ضربات على صدرها ) حتى 7 يام دلباكور معشتهم دخلني دخلة دلكلاب بارك عليا حبيبة وكبيدة وندورك ومنخليو فين نمشيو غاشافني سنيت على ديك لورقة قفل عليا فدار لي ( بصوت ضعيف ) لي فحالي راهم كيدورو وشمنك يا حوايج ويا خدمة وانا خور*ني دايرني خدامة تاع دار
ناضت لبسات عليها جلابيتها بحرقة وباقي كتهضر مسكتاتش حاسة براسها غاتفرگع : اعباد الله شافني يتيمة بلا والدين وقالي هادي هي لي تصلاح ليا نقتلها وميسيقو ليها خبار نضربها وميسول فيها حد نخليها بجوع وتبقا فدار معندها فين تمشي حاطني مونيكة يخوي فيا زبلو ويخليني بلا بوطة نغسل غا حالتي يتاقا فيا غا وجه الله يدير غا بدين وشنو قال اما انا لهلا يقلب ..
_ خشات صندالة دلميكة فرجليها وهزات سوارت دار وخرجات متسوقاتش لا شعرها لي طالع لسما كتبان فحال الى ريشها شي واحد ولا لوجهها لي رجع حمر او عينيها منفوخين باالبكا
موقفات حتى لقدام دار خالتو ودقات دلباب كتمسح فعينيها وبنادم دايز من حداها كيصحاب ليه غا شي هبيلة مشا لها لعقل ! لي داز من حداها كيقول : الله يسهل عليها مسكينة زوينة وصغيرة ومشا لها لعقل
متسوقاتش لهضرتهم ! حدها كتسنا زهرة تحل عليها لباب واحد شوية بانت ليها طلات فشرحم حركات ليها تنزل وزهرة لاحت ليها ساروت مخلوعة من حالتها وكتقول ليها طلعي
بسمة : ( حركات لها راسها بنفي وكدوي بصوت مرتافع باش تسمعها ) لا نزلي منقدرش نطلع جاية بوسخي
زهرة : ( خرجات فيها زهرة عينيها كتولول ونزلات حلات عليها ) اويلي ابنيتي زنقة هادي وبنادم كيدوز يسمعك شي واحد وكيفاش بوسخك امالك ؟
بسمة : ( هزات كتفها كتمسح فعينيها درية لي كانت تحشم ومتعليش صوتها دابا فحال لا تخوطرات فعقلها ) غا حشمت نقوليك بجنابتي منقدرش نطلع نبقا ندور بيها حشومة ( بصوت مخنوق ) اخالتي كملات لبوطة ومفكرش فيا خلاني كنبكي كي الهبيلة ملقيت كي ندير نصلي بنتي ليا غانتي قدامي
زهرة : ( حركات راسها بلا حول ولا قوه الا بالله وشدات فيديها مطلعاها معاها ) انا نسخن ليك لما دوشي وتهدني مديريش هاد لحالة فراسك
بسمة : معنديش حوايج هادشي لي فوق ضهري لابسة غا لتحت بيجامة ديال دار
دخلاتها لبيت تلفازة ومشات سخنات لها جوج گدرات كبار ديال لما وجات گلسات حداها وكتشوف فيها بأسف بقات فيها
زهرة : انا نعطيك شي حاجة من حوايج بناتي راه حوايج لكبيرة يجيو قدك ( حطات يديها على فخدها ) تهدني وبشوية عليك رتاحي
بسمة : ( فحال الى قلتي ليها بكي بكثرة ماكتشكي على لحيوط ولات حاسة راسها بحال شي كلب سادين عليه ) اخالتي مكنحرموش من حقو شرعي ولي قالها كنديرها ونغسل ليه ونصبن ونجمع ونعس بجوع ( طاحو دموعها ونطقات بصوت منغنغ بالبكا ) ولكن يخليني بلا بوطة وعارف راه فايقة بجنابتي ويسمح فيا ويمشي بحال لا مخلي كلب وراه ( غطات وجهها بيديه كتبكي وتقول مابكيت ) بحال ماشي بنادم أنا
زهرة : ( مسحات دمعة طاحت ليها بكاتها معاها ) نوضي دوشي ونكملو هضرة
ناضت معاها عطاتها لما غسلات الحوايج لي كانت لابسة ونشراتهم عاد دوشات لقات كولشي فطواليط شومبوان،صابون البلدي،باندوش،كريمات ... فرحات وهي كتشوف قدامها داكشي غسلات مزيان ودارت الوضوء الكبير وصغير وعطاتها زهرة بينوار لبساتو وداتها لبيت بنتها لكبيرة لي مكانتش فدار لاهيا لا صغيرة .. عطاتها سليب وسوتيام جداد وديباردو مع بيرميدة تاعو وبيجامة سخوووونة عاد مشاو لصالة گلسو فيها وعمرات زهرة براد دآتاي مشحر وحطات ليها فطور تفطر
بسمة : ( حشمات منها ) سمحي لي صدعتك كل مرة توقع شي مصيبة نجي عندك وقولي لخولة ( بنتها لكبيرة ) تسمح ليا واخدة ليها حوايجها بلا خبارها غير رجع لدار نغسلهم ونجيبهم ليها
زهرة : ( كتاكل فلفقاص ودوز بأتاي ) مكاين صداع أبنتي بالعكس مرحبا بيك وخولة راك عزيزة عليها وعارفة كولشي غير خليهم عندك راه بالفرحات عليها لا شديتيهم
بسمة : ( حنات راسها كتاكل ) الله يسهل عليك ويعطيك شي حجة ( رجعات لور كتلعب بصباعها ) خالتي زهرة نطلبك طليبة مارديهاش فوجهي ديريني فحال بنتك تاخدي فيا غا الأجر
زهرة : ( حطات كاس آتاي من يديها ) لا كنت قادة ابنتي على شنو بغيتي بالفرحات عليا نعاونك شنو بغيتي ؟
بسمة : ( شافت فيها بعيون مدمعين ) هالعار ماشوفي ليا شي خدمة لوزين ولا شي مرة شارفة مسكينة ندوش ليها ونبدل ليها ليكوش ونگابلها ولا شي دار نجفف ليهم ونغسل ماعن ونخمل ( شدات ليها فيديها بترجي ) الله يرحم ليك الوالدين اما عاونيني واخا غير نمشي نجفف فديور ناس نشد غا 50 درهم منقولها لحد انا راه منعرف فين نمشي ندق على ديور ناس تاواحد مغايبغي يخدمني هالعار شوفي ليا هالاكارط ناسيونال عندي قولب لهم بنت ختي ولا بنتي ولا شي حاجة ندير لي كان نجيب غا ماناكل ونصرف على راسي
زهرة : أبنتي لوزينات ماشي أجي ودخل ليهم كل لوزين ولوقت فاش خدام كاين لي مع 7 صباح حتى 6 دلعشية كاين لي من 10 دليل حتى 4 صباح كاين لي من 12 حتى 7 صباح وكل لوزين وخدمتو خاص تكوني معلمة وعارفة لخدمة ولا يجريو عليك ولحال صعيب لي قديم معاهم بحالي راه كل 5 سنين كتزاد لو خلصة ويطلعو لو نقاط اما لي دخل جديد مكيحسبش على شركة وكيسنيو معاهم كونطرة فأي لحضة لباب ألحباب
شدات راسها معرفات متقول لها وفهاد لحضة سمعات صوت لباب كيتدق ناضت طلات فشرجم ولاحت ساروت لمرة لي دقات حتى طلعات عندهم سخفانة من دروج
زهرة : ( سلمات عليها كضحك ) مرحبا مرحبا بلالة رقية غبورات هادو
رقية : ( حيدات زيف كضحك ) إوا الأشغال راك عارفة مكلقا فين نحك راسي
زهرة : ( حركات ليها راسها بالإيجاب ) الله يعاون معندك ماديري لواحد يجري على طرف دلخبز يلقا مياكل
رقية : داكشي لي كاين جيت عندك لا مسالية عرفت واش شادة روبو مع إصلاحات لي عندكم فلوزين قلت لا بغيتي تخملي معايا دار لي عاودت ليك عليها راه يتهلاو فيك مع البرد دخل باغيين يجمعو روينة راك عارفة لبنت كتقرا ومها مسكينة شادة الفراش مكاين لي يعاون او وصاتني نقلب على شي مرة تعاوني قلت نجي عندك نتي لولة ويلا ماعندك وقت ندوز عند لعيالات
شافت زهرة فبسمة كضحك فحال الى كتقول ليها زهرك جا تالعندك
زهرة : ياه مرحبا غير هو ( شيرات ليها على بسمة ) خودي مرات ولد وختي هي تعاونك وتهلاي فيها
رقية : ( شافت فبسمة وبتاسمات ليها ) ياه ماشي مشكل الى مسالية دابا نيت ؟
شافت زهرة فبسمة وحركات ليها راسها بالإيجاب وناضت معاها عطاتها زهرة زيف طويل لواتو على راسها من لبرد وكبوط تاعها تخشات فيه واخا كبير عليها سلكات بيه وتبعات رقية حتى لدار وهي فطريق كتشرح ليها شنو غايديرو
رقية : مالين دار راه مخاصهم خير خدمي بنيتك ويدورو معاك غادي نخملو واحد جوج صالونات صافي ونطلعو لفراش لصطاح نخليو داكشي تالمورا ضهر ونشروه يضرب فيهم غا البرد ونحيدوهم دغيا لا طيح شتا
بسمة : واخا إن شاء الله لهلا يحاشمنا
حلات باب دار ودخلاتها معاها وهي غا حالة فمها فدار شمنك ياتواسع ويا ديكور خافت لا تهرس شي ويقولو لها حطي 20 ألف بقات غا كتشوف وتقول تبارك الله حتى قالت لها رقية انهم غايخملو سفلي تاع دار بداو بصالة لولة حيد طلامط ولمضارب وديكورات كولشي خرجوه وخلاوه فالمراح وبداو يحكو فزربية وطلامط مسالاو حتى بغاو يسخفو دازو لصالة تانية فاشلات وجمعوها تاهيا .. فيما كتحس بسمة براسها فشلات كتفكر الفقصة تاع صباح وتحك وتبرد غدايدها فالفراش ولحكان .. سيقو الصالات و خلاوها حتى تنسف ودخلو لمضارب لصالة لولة اما لفراش جمعوه فبانيو حتى يطلع لسطاح وصالة تانية حتى هي نفس الحاجة .. گلسو كيرتاحو ويمسحو فاالعرق وكل وحدة فيهم رجليها ماتو عليها
رقية : تبارك الله عليك حارة مكتحيدي من الحاجة حتى ترجع تشعل
بسمة : ( بتاسمات ليها ) إوا داكشي لي تبغيه لفراش دارك تبغيه لناس نية هي كولشي
حركات ليها رقية راسها بالإيجاب وسمعات صوت بنت كتعيط عليهم من طاج تانية يطلعو يتغداو
رقية : ( ناضت شادة فركابيها ) نوضي نتغداو ترجع فينا روح شوية
بسمة : حشومة منقدرش ياك ماكاين شي راجل لفوق !
رقية : ( جراتها معاها طالعين فدروج ) لا كوني هانية كاينة غا بنت تكون قدك تقريبا او مرا كبيرة الله يعمرها دار
حركات ليها بسمة راسها بالإيجاب مستغربة بنت او مرة لي فدار فقط او ماشاء الله تواسع تقول ساكن معاهم جيش .. طلعو تاصالة فين كانت مرة كبيرة گالسة كتاكل فطبسيلها بوحدها وبنت حداها بزيف لاوياه عليها او بيجامة سخونة كتكب لعصير فالكيسان .. دخلو وسلمات بسمة عليهم مبتاسمة وحشمانة وگلسات حدا رقية لي قطعات الخبز ليهم وبدات تاكل
رقية : يلاه باسم الله .. ( شافت فمبيريكة ) جمعنا لتحت اخالتي المرة جاية نجمعو هنايا ( شافت فبسمة ) درية تبارك الله حادگة جمعات معايا كولشي وعاوناتني مشاء الله عليها
هزات هدى راسها فيها وبتاسمات : خالتي رقية بنتك هادي ؟
رقية : ( كتاكل وتهضر ) لا هاد البنية كتجي لزهرة راه تعرفيها لي ساكنة حدا لحمام سيدة لي كتخدم فلوزين دلحوت
هدى : ( حركات ليها راسها بإيجاب بمعنى عرفتها ) اه عرفتها بنتها كتقرا معايا فلافاك نيت
مْبِيرِيكَة : ( شافت فبسمة منزلة راسها وكتاكل بشوية ) إيلي تْسَنت تاشلحيت ( بنتي كتعرفي لشلحة )
بسمة : ( هزات فيها بسمة عينيها مبتاسمة ) شوية كنفهمها ولكن مكنهضرش بيها حدي شي كلمات بساط وصافي
مْبِيرِيكَة : اه يعني نتي ماشي سوسية
بسمة : ( شربات شوية من كاس دلما ورجعات لور ) لا أنا من بوجدور تزاديت تما وبابا حتى هو يعني صحراوية ولكن غير دوزت تماك شي 3 شهور وجينا لأگادير 22 عام وانا هنا ( ضحكات حتى بانو سنيناتها ) ولكن مشديت شلحة هههه حدي كنفهم بعدا ( حركات كتفها بحركة كيوت وتطلقات فالهضرة ) ويلا دوا شي حد بزربة مكنفهم والو
مْبِيرِيكَة : هههه إوا أبنيتي نعلموك ماشي مشكل مزوجة ولا باقي ماجاب ليك الله شي ولد ناس
بسمة : ( تلغات بتسامتها ودوات بنبرة خافتة لاحضاتها هدى ) اه مزوجة
مْبِيرِيكَة : ( بابتسامة بشوشة ) سعداتو بيك خدا زين تبارك الله ولحداگة مشاء الله ( شافتها رجعات لور ) كولي ابنتي متحشميش ديري راسك فحال الى فدارك
بسمة : لا شبعت الله يخلف شكرا
رجعات لور هدى تاهيا شبعات وهزات عينيها فبسمة لي كانت كتلعب بصباعها وكتشوف فالأرض
هدى : ( بابتسامة ودودة ) بسمة واخا تجي معايا لبيتي نجمعو شوية لابغيتي ؟
بسمة : ( هزات عينيها فساعة كانت 1 وربع قالتها فراسها باقي مغايجي ) واخا
ناضت تبعاتو حتى عيطات عليها مْبِيرِيكَة ورجعات عندها كتشوف فيها بالستغراب حتى جبدات يديها عندها وحطات ليها 300 درهم
مْبِيرِيكَة : ( جمعات ليها يديها وطبطات على كتفها ) الله يسهل عليك ابنيتي
باست ليها بسمة راسها وشكراتها وتبعات هدى حتى لببتها دخلات معاها كتشوف لبيت واسع وعريض ديكور تاعو بناتي بالبيض ولغوز وفوق ناموسية نينوسات
بسمة : ( عجبها لبيت وديكورات ) بيتك زوين ( دارت كتشوف فهدى لي سدات لباب ) فحال ديال دراري صغار
هدى : ( حيدات زيف وبان شعرها طويل واصل لخصرها دايرالو ضفيرة ) حيت أنا صغيرة داكشي علاش بيتي داير هكا ( جرات بسمة من يديها وجلساتها فوق ناموسية ومشات لماريو ديالها فتحاتو ودارت عندها ) تقبلي لا عطيتك شي حوايج ؟
بسمة : ( حركات ليها راسها بلا ) لا زين شكرا بلا متعدبي راسك
هدى : ( متسوقاتش لها وبدات تجبد فالحوايج حطات حطاها 4 بيجامات او 2 جلابات باينة خياطة تاعهم غالية او طالعين بتمان غالي ) هانتي خودي غير هادو انا اصلا كنلبس لبرقع بزاف او كساوي عراض قليل فاش كنلبس شي جلابة غادي غير يقدامو عندي هنا
بسمة : ( شافت فجلالب عجبوها مكرهاتش تاخدهم ولكن لاشافهم عماد يدير ليها روينة فين جبتي فلوس وهادشي غالي .. ) لا زين شكرا سمحي لي منقدرش ناخدهم من عندك
ناضت جمعاتهم ليها وزادتها 2 زيوفة جداد عاد خداتهم وگلسات حداها مبتاسمة بتسامة من قلبها
هدى : متقوليش ليا ديريني ختك وخوديهم آش فيها لا خديتيهم
بسمة : ( بتاسمات بإحراج ) سمحي ليا ولكن راجلي ميبغيش
عقدات هدى حجبانها كان عندها عدة تساؤلات فراسها وزادتها هي فاش شافتها بيجامة لي لابسة كاشفة حتى لون مشا منها وكتبان قديييمة فحال الى عندها شي 5 سنين وصندالة ميكة فرجليها كتبان معدبة وماشي حالة مزوجة
هدى : علاش ميبغيش ؟
بسمة : ( ترددات تهضر فالأخير تنهدات وبدات تعاود ليها حيت قلبها رتاح ليها) يقدر يهزهم ويبيعهم كولشي نتوقعو منو داكشي علاش غير خليهم عندك غاضيعي فيهم
هدى : ( خدات مخدة وحطاتها فوق رجلها متكية عليها ) سمحي لي نسولك ولكن علاش مزوجة فسن صغير ومعدبة راسك فخدمة عند ديور واش قارية ؟ تخدمي فبلاصة حسن
بسمة : لا اختي مقارياش شي قراية لي توصلني شي منصب زوين ( حدرات راسها بحزن ) مي ماتت صغيرة وبا تزوج بمرة خرا عندها دار داني معاه عندها وعشت معاهم حتى مات وبقيت معاها حتى زوجاتني
هدى : راجلك زعما خدام شي خدمة على قد لحال ؟
بسمة : خدام فبنكة وكيشد صالير مزيان غير كيمشيو فلوسو فكريديات كل شهر كينقصو ليه من خلصتو او لي شاط ليه كيخسرهم على راسو وعلى حوايجو ( ضحكات بفقصة ) كيلبس غير لي مارك !
هدى : ( شافت فيه بصدمة ) وعلاش هادشي كامل واش واليديه بززوه ياش ياخدك هو يلبس لي مارك ونتي لا ؟ شحال صابرة معاه
بسمة : ( تنهدات ) اختي يلاه دازت تقريبا 7 شهور على زواجنا ما بزز عليه حد يتزوج بيا بالعكس جا خطبني وضحكة من ضرسة حتى لتانية ( بتاسمات بسخرية ) عرف آش ختار ( هزات راسها فيها ) وحدة يتيمة يدير فيها مابغا وميقول ليه حد شحال فساعة اول مرة شافني طلاقينا فبنكة فاش خدام جيت مع مرات با تخرج شي فلوس وصلوها من ختها فبرا وداتني معاها نخرجهم ليها ( دارت يديها على حنكها ) شافني وعجبتو وسول مرات با واش مزوجة قالت لو لا ! وفيما ولات تجي لبنكة يسولها عليا بضحك حتى قاليها واحد نهار باغي نخطب بنتك وعاودات ليه كولشي بلي معندي واليدين ولحالة المادية وكولشي هو بجرا گال ليها معنديش مشكل وجاب واليديه خداوني بزغاريت عشت 7 يام دلباكور فبرطمة زوينة على قد لحال مفرشة وكولشي وفلخر مدازت حتى 3 شهور مقادة وخداني لهاد لحومة كرينا فواحد دار قريبة لداركم نيت غير هي حاشة واش تقولي عليها دار براكة اختي هاديك لا صباغة مقادة ولا بيبان مقادين ( تنهدات وسدات لموضوع ) خويت عليك قلبي غا سمحي ليا
شدات لها هدى فيديها ونطقات : لا حول ولا قوه الا بالله رجلة دآخر زمان الله يسهل عليك ازين دخلتي لي لخاطري باينة فيك درويشة ربي غايخلصو مايبقاش فيك لحال
بسمة : امين ياربي هادشي لي كنتمنا نشوفو قدامي كيتعدب كيما عدبني ( تغرغرو عينيها بدموع وتهزات بالبكا مقدراتش تحبسهم رجعات تبكي وغطات وجهها بيديها فيما كتفكر داكشي لي كيدير ليها وانها معندها حد علامن تسند وتشكي ليه كتزيد تبكي وتشهق ) ياربي تشوف منحالي انا بغيتو يموت ألف مرة وميلقا لي يحن فيه اهئ اهئ انا بغيت كيف عدب يتيمة معندها واليدين يتعدب ويبكي على ماعز عليه
هدى : ( عنقاتها متأثرة وكدوز على ضهرها بحنان ) دابا يدير ربي شي تاويل دلخير ميبقاش فيك لحال ربي كبير ( مسحات لها دموعها ) مكتفكريش طلقي منو ؟
بسمة : لا معندي فين نمشي ومعندي فلوس دلمحاكم على الأقل تانجمع فلوس ويحن الله انا اول مرة نزعم نخدم نتوما اول دار نخدم عندها
هدى : لا محتاجة شي حاجة قوليها ليا الى بغيتي فلوس نعطيك ونعاونك حتى طلقي منو ؟
بسمة : لا شكرا الله يسهل عليك والله يجيب ليك شي ولد ناس يتهلا فيك ويحن عليك ويتاقا فيك الله ( عنقاتها ) الله ينور ليك طريقك ويعطيك ماتمنيتي
هدى : ( بادلاتها العناق ) امين ياربي ويسهل عليك تانتي ويجيب ليك ماحسن منو
مسحات وجهها من دموع وناضت قدات جلابتها وزيف : انا غانمشي دابا هادي هي وقتو فاش غايجي مابيتش نتعطل بزاف
هدى : ( هزات ساشية فاش حطات لها لحوايج ) دي معاك هادو عفاك مترضيهاش فوجهي
_ خداتهم من عندها وجبداتهم من ساشية حطات 2 بيجامات فساشية وخلات ليها لباقي فوق ناموسية
بسمة : كتر من هكا منقدرش ناخد شكرا وسمحي ليا غانمشي دابا
هدى : متقوليش هكاك ويلا قدرتي بقاي دوزي عندي مرة مرة ولا عطيني نمرتك نهضرو فواتساب
بسمة : ( شافت فيها بحزن ) معنديش تلفون إن شاء الله لابغيتو تخملو ولا شي حاجة عيطو عليا خالتي رقية راه تقولها لخالتي زهرة وهي توصلها ليا ونجي
حركات ليها هدى راسها بحزن عليها وعلى حالها وخرجات معاها حتى لباب دار ودعاتها وطلعات وبسمة مشات عند زهرة حتى لدار دقات عليها وحلات ليها طلعات عندها لقاتها كتغدا هي وبناتها
سلمات عليهم بسمة وجلسات حدا زهرة لي حطات لخبز من يديها ودارت عندها
زهرة : كي جاتك لخدمة ياك ما خملتو بزاف
بسمة : خملنا جوج صاالات تبارك الله كل وحدة ساوية دار بوحدها
زهرة : دوزي تاكلي بعدا يكون فيك جوع
بسمة : لا غابصحتكم راه كليت معاهم الله يخلف عليهم ( حلات يديها ) وعطاوني ستالاف
زهرة : حمد الله بعدا تهلاو فيك سيري شري بيها لي عجبك وتهلاي فراسك
بسمة : داكشي علاش جيت عندك نعطيك 200 درهم تخبيها عندك وهاد بيجامات عطاتهم لي لبنت لي ساكنة فديك دار مابغيتش نشدهم وحلفات منردهم او 100 درهم نخليها عندي نجيب لي خاصني
زهرة : اهاه واخا ماشي مشكل
_ عطاتها بسمة لفلوس وخرجات واحد بيجامة من ساشية كانت فتوب حريري وباينة عليها غالية باقي بتيكيتة تاعها جديدة وناضت لبنت لكبيرة عند زهرة
بسمة : هادي تاعك سمحي ليا لبست ليك حوايجك بلا خبارك
خولة : لا والله اختي منشدها من عندك مابيناتناش
بسمة : ( حطات لها بيجامة فحجرها ) متقوليش ليا لا عتابريه كادو من عندي الى مابيتيش تشديها ( شافت فزهرة ) يلاه نخليكم بصحتكم )
نزلات مع دروج كتزرب فلمشية وفيديها 100 درهم فرحانة مقاداها فرحة فحال شي بنت صغيرة عطيتيها بيمو ودانون هاديك هي حالة بسمة غادا فطريق وكضحك لأي واحد شافتو بتسامتها رقيقة فحال ديال دراري صغار غير تشوفيها تعرفيها نية والله يعمرها دار ... مشات لواحد سوبير مارشي صغيرة تقدات لي تشهاتو خاطرها من فرماج وكوفيتير وشكلاط وزبدة وسقاطة عمرات واحد لميكة كبيرة وخلصات وهي مبتاسمة لفرحة باينة فعينيها لا سولوها شنو احسن نهار عندك تقوليك ليوم .. رجعات لدار كتزرب وحلات لباب حطات تقضية كتقلب فين تخبيها حتى دارت كرسي وطلعات فوق بوطاجي عند لمسترة وهزات شي طناجر مغلفين بسولوفان على ود لغبرة وخشات فيهم داكشي لي شرات ورجعات سولوفان ونزلات بقات كتشوف فيهم تماك لبلاصة لوحيدة لي ميوصلهاش اما دار صغيرة معندها فين تخبي
وصلات وقيتة فاش كيجي حل لباب كيحك فراسو دارو من قوة الخدمة
عماد : بسماااا
كانت جالسة كتفرج لقات فتلفازة فيلم مغربي فدوزيم وحطات حداها زريعة وكاوكاو غير سمعاتو دخل جمعات داكشي فميكة كانت حداها وحلات لمخدة حشاتو فيها ومسحات فمها فحال ماكلات والو
بسمة : ( ناضت حدا باب صالة ) نعام شنو ؟!
عماد : ( طلعها ونزلها ) كاين شي غدا
بسمة : ( عقدات حجبانها ) والو دنيا كتصفر
مشا يبدل حوايجو ورجع عندها لقاها كتفرج ممسوقاش ليه تكا على مخدة وبقا يتفرج معاها
عماد : فين داك العدس ولوبية لي جابت خالتي
بسمة : ( معنقة المخدة لي فيها كاوكاو وزريعة ) جيب الخضرة باش نطيبو مكاينة عطرية مقادة فدار ولا خضرة ( فخاطرها ) غانطيبو بزكي واقلة
عماد : ( ناض محامل هضرتها ) بلاش نمشي غانعس ( شافها باقي بلاصتها ) نوضي تانتي تنعسي
بسمة : مافياش نعاس وفيلم باقي ماكمل
طفا تلفازة شاد ضد قالها نوضي تنعسي هي نوضي وتاهيا شدات مخدة وتسرحات كتشوف فيه
بسمة : فيا صهد غانعس هنا
عماد : ( ضحك بسخرية ) صهد وسميقلي فزنقة نخرجك تنعسي حدا لباب واقلة
ناضت جابت كاشة ورجعات نعسات فوق لبنج محاملة تشوف فيه باقي الشمتة دصباح واحلة فيها وهو شاف تاعيا وطفا ضو ومشا تسرح فوق ناموسية بوحدو
دازت سيمانة ونفس روتين كيتعاود عماد كيجي من الخدمة ويقول ليها لعشا ولا لغدا وهي نفس الهضرة مكاين والو جيب باش نطيب وهي كتاكل من داكشي لي جابت ويلا خصاتها شي حاجة كتسلت تجيبها من لحانوت وتاكل حتى تعمر كرشها وتغسل لماعن غير كيجي كيلقا دنيا ناشفة ...
كانت يلاه خارجة من دوش جات من لافاك عيانة دارت روتينها كيف لعادة وگلسات شادة تلفون متبعة مسلسل حتى طلعات ليها نمرتو كتصوني عليها وشكون من غيرو يوسف جاوباتو وبقات ساكتة حتى هضر
يوسف : ألو هدى بيخير
هدى : حمد الله ونتا لاباس
يوسف : حمد الله هاحنا غاديين يسول فيك لخير راني وصلت لأگادير
هدى: ( بقات شادة تلفون لثواني تفافات معرفات متقول ) اااه على سلامتك
يوسف : الله يسلمك بغيت نشوفك وراه عندي ليك مفاجئة
هدى : ( قلبات لموضوع ) ااا حليتي مشكل ديالك فلخدمة كنتي قلتي لي بلي جاي مورا يوماين ومابقيتيش جيتي على ود شي مشكل
يوسف : لا حمد لله كولشي مقاد غا كانت عندي شي حاجة قاديتها دغيا وهانا جيت دابا مهم شنو قلتي ؟
هدى : ( حكات راسها بحيرة ) واخا إن شاء الله
يوسف : قولي ليا فإنا بلاصة بغيتي وغانجي تالعندك ( حس بترددها من صوتها ) إلى ممستعداش هانيا ماشي مشكل لابغيتي نجيب معايا ختي هاكا ترتاحي كتر ؟
هدى : ( حكات جبهتها بإحراج ) لا هانية ماشي مشكل مهم عطيني شوية دلوقت حيت قلتي لي الى غاتجي غاتعلمني وقولي إنا بلاصة
يوسف : فيما عجبك انا نتسناك نهار كامل تاتجي على خاطرك وكولشي جا على غفلة معولتش نشد طريق غا واحد صاحبي كان نازل لأگادير وقالي نجو بجوج ( ضحك كيحاول يلطف لجو حيت حس بتوترها ) مهم الله يعاون نخليك حتى تفكري على خاطرك
فنهار تاني كيف عادتها كانت فلافاك يلاه خارجة مع 12:30 .. شتا مجهدة وكولشي كيجري شاد مضلة وهي واقفة خاشية يد فجيب جاكيط واليد تانية شادة بيها مضلة وعينيها كيدورو فطريق تشوف شي طاكسي توصلها للمكان للقائهم ، بعد مدة من تفكير قررات انها تلاقا معاه وتشوفو وتعرف عليه كتر مدام انو علاقتهم فحدود وغاتلاقا معاه فمكان عام عامر بناس مكاين حتى مشكل وأخيرا بعد دقائق وقفات ليها طاكسي ركبات وعطاتو سمية دلكافي لي غاتمشي ليها .. حلات ساكها لي كان متوسط الحجم فيه دفتار ومقلمة صغيرة هزات مراية وبقات مدرگاها بصاك مخرجاتهاش شافت فوجهها ياك ماتخسرات ليها ماسكارة ولا بان شعرها ورجعات دخلاتها بهدوء ورجليها كتحركها بتوتر .. وقفات طاكسي وخلصات سيد ونزلات كانت لبلاصة فين غايتلاقاو من إختيارها حيت عارفاها عائلية وبلاصة هادئة وكالم كيف كتبغي والأهم فهاد الوقت مغاتكونش عامرة .. تنفسات كتبعد عليها توتر ودخلات بملامح هادئة معليها حتى تعبير دورات عينيها فالأرجاء حتى بان ليها گالس فطبلة بعيدة شوية على ناس لابس سيرڤيت بالكحل عبارة على قبية وسورال و جاكيط عريضة من لفوق ومدور على عنقو كاشكول دلخيط و سبرديلة فرجليه ... تقدمات بخطوات بطيئة عندو وهي كتلاحض أدق تفاصيل فيه من جلستو متكي على كرسي براحة ومفرق رجليه يد على فخضو وتانية شاد بيها تلفون كان كيبان هادئ ممسوقش لناس لي حداه .. حدرات عينيها او وقفات عليه شيء لي خلاه يهز عينو فيه غير عرفها بتاسم
هدى : ( بابتسامة لطيفة لقات عليه سلام بلا متمد يديها وجلسات قدامو ) السلام عليكم
يوسف : ( رد ليها لبتسامة و جمع تلفون دغيا عاطي هتمامو ليها ورد عليها سلام محتارم رغبتها ) عليكم السلام
يوسف : ( شير لنادل بعينيه وجا وقف وفيديه لموني ) بغيت قهوة كحلة ( هز عينو فهدى ) شنو بغيتي ؟
هدى : حليب بشكلاط
حرك ليهم النادل راسو بإيجاب وخلاهم كيشوفو فبعضياتهم هي حدرات عينيها دغيا وهو بقا كيشوف فيها مبتاسم
يوسف : الواقع أجمل بكثير ( رد لبال لتوترها وضحك مبدل لموضوع ) كي غادة مع قراية مزيان غاتكونو بديتو إمتحانات ؟
هدى : ( حركات ليه راسها بالإيجاب وكحزات حداها كاسها بعد ماجاب ليهم النادل طلبيتهم ) حمد الله مزيان .. وي بدينا
يوسف : ( قاد طاگية دلخيط على راسو ) مزيان بتوفيق شنو ناوية ديري مورا لافاك
هدى : كنقرا قانون باقي محددتش بضبط ولكن نقدر نقوليك محامية
يوسف : ( حط يديه فوق طبلة مستعد يدخل معاها فموضوع ) مهنة زوينة الله يسهل عليك ( شرب من كاسو شوية ) كما تيقولو ماتتعاود غير صلاة عىى النبي ( بصوت منخفض صلات على نبي ) طريقة تعارفنا كانت مكتابة ، ماعمرني ضنيت القى البنت لي باغي الحلال فالفيس ، ولكن راه تكنولوجيا نعمة و نقمة ! من لاخر انت لمست فيك صدق و مولات العقل و الصبر و الا حتى نتي تتشوفي فيا السيد صالح ليك راه نجيب والديا
هدى طول هضرتو كانت مرة تنزل عينيها ومرة تشوف فيه كانت حاطة ودنيها معاها كتشوف طريقة هضرتو معاها وكيفاش كيتعامل وكيفاش كيشوف فيها وأي حاجة قالها كانت كتقول : إن شاء الله
هدى : ديجا قلت ليك انو معنديش با عندي غامي الله يخليها ليا ( هزات عينيها فيه ) خويا هو لي واخد بلاصة با فدار هو لي كيصرف وكولشي ( سكتات لثواني ملاحضة هتمام لي عاطيه ليها والمجال لي مخلي ليها فين تهضر كيسمع بدون ميقاطعها ) إن شاء الله لا كتاب مرحبا بيك
يوسف : ( حرك راسو فرحان بهضرتها عجباتو لا فشكل ولا طريقة لباسها لي كانت محتارمة وفنفس لوقت أنيقة وباينة مهلية فراسها وحتى هضرتها لي تخليك تسكت وتبقا كتسمع ليها ) الله يصاوب
هدى : ( جمعات حجبانها فاش تفكرات لمفاجئة لي كان قاليها ) كنتي قلتي لي عندي ليك مفاجئة شنو هي ؟
يوسف : ( حرك ليها راسو ضاحك فرحان ) ديجا قلت ليك خدام مع صاحبي حتى ندبر على راسي ونتقبل فالخدمة لا كتاب وحمد الله تقبلت
هدى : ( بتاسمات فرحانة ليه .. كتشوف لفرحة فعينيه ) مبروك عليك الله يسهل ، فاش تقبلتي ؟
يوسف : فجوندارم
_ كانت شربات من كاسها شوية غير سمعاتو خرجات عينيها بصدمة او وحلات ليها خرج ليها لحليب من نيفها ونزلات راسها مجيفة وكتكح .. وجهها حمر وعينيها مدمعين ..
دارت يديها على صدرها كتكح حاسة مصارنها غايخرجو وهو تخلع مد ليها دغيا كنينيكس وشداتو مسحات نيفها وفمها .. يديها كانو كيترعدو وفعز لبرد تعرقو لها متيقاتش داكشي لي سمعات ودنها هزات راسها فيه وعلى وجهها تعبير صدمة
يوسف : واش راك بيخير ؟ تنفسي غا بشوية عليك .. گلت شي حاجة ماشي هيا ديك ؟
هدى : ( حنحنات ) حمد الله غير وحل ليا ، مهم مبروك عليك لا مقلتي حتى حاجة دلعيب الله يسهل عليك إمتا دفعتي
يوسف : ( شابك صباعو ) دفعت شحال من مرة وتقبلت حمد الله ورضات لوالدين وقفين معانا .. دابا عندي واحد عامين علاما نتخرج لاقبلتي نجي نخطبك وبعدها لا كتاب نعقدو انا حياتي حمد الله راه باينة دابا عندي دار وطموبيل قاد نتزوج ولا نقول ليك قاد على مسؤولية
هدى : إن شاء الله الله يسهل والله يلاقينا فصواب
أي حاجة قالها لها كانت كتكتافي بإن شاء الله وتفرك يديها بتوتر حاسة انها گالسة على شوك ممرتاحاش كيف قبل باغا واينتا غير ترجع لدار
يوسف : الله يصاوب ويلا عندك شي شرو ( قبل مايكمل هضرتو قاطعاتو وهي كتشوف فساعة فتلفونها )
هدى : ( كدور فعينيها ) ااا هادي وقت فاش كيجي خويا خاص نوصل لدار قبل منو نوجد لو لغدا لا سمحتي غانمشي ( بابتسامة صفرة ) مرة خرا إن شاء الله نكملو هضرتنا
حرك ليها راسو بالإيجاب حس بشي حاجة ماشي هي هاديك ومع ذلك قال فخاطرو أول لقاء داكشي علاش ..
يوسف : واخا إن شاء الله الى بغيتي نوصلك باش متعطليش بزاف
هدى : ( ناضت هازة صاكها وتلفونها وفليد تانية مضلة ) لا شكرا بلا منعدبك أنا نشد طاكسي
قبل ميقاطعها تمشات بخطوات سريعة خارجة من لكافي كانت شتا تقطعات وشمس طلعات .. لحسن حضها دازت من حداها طاكسي او شيرات بيديها وقفات ليها ركبات وعينيها على زاج كان خارج داير يديه فجيابو وعينيه عليها ، شير ليها بيديها بمعنى بسلامة ودارت نفس شيء مبتاسمة وتكات على لكرسي مرجعة راسها لور .. بعد دقائق وقفات طاكسي فشانطي حدا دربهم وخلصاتو ونزلات تاجهات نيشان لدار حلات لباب بسوارت وگلعات لبوط مخلياه حدا لباب حيت عامر بالغيس وطلعات بتقاشر بحكم دروج نقيين .. مشات طلات على مها لقاتها كتغدا مع رقية فصالون
هدى : ( سلمات على رقية وكلسات حدا مها معنقاها ) تاحْنِينْتِيو ( الحنينة ) كي بقيتي شوية
مبيريكية : لاباس ابنتي الله يرضي عليك ( باست ليها راسها ) دوزي تغداي
هدى : لا غابصحتكم دارني راسي نمشي رتاح شوية
ناضت من حداهم وسمعات مها قالت ليها ياك ماشداتك شتا بزاف جاوباتها من بعيد : لا جيت فطاكسي
حلات بيتها وقفلات لباب موراها لاوحات صاكها بإهمال وبدلات حوايجها وعينيها مغرغرين بدموع جبدات كاس حطات فيه كينة دراس وگلسات معنقة مخدة وكتبكي... تتحس بعالمها تينهار دقة دقة ! تتشوف بعيون مليئة بالحزن كل شبر فغرفتها ، فراش اخر موديل و كليماتيزور معلق فاليحط اي حاجة تحتاجها شابة فسنها موفرة ليها ! لكن هيا تتمنى حاجة اخرى ، تتمنى البساطة و الحلال
هدى : ( بانهيار و بؤس وصوت مجروح ) ياربي شدرت فحياتي حتى سيد لي بغيت و تمنيت طلع خدان فالمخزن ؟ عمرها كانت ولا اتكون ! خويا بزناز و راجلي جدارمي يرفضو ليه ضوسي زواج من كنية خويا لي مدوز الحبس و معاود
بعد أيام قليلة كانت واقفة فلكوزينة دارت كرسي وطلعات فوق بوطاجير نزلات طناجر لي مخبية فيهم سقاطة وداكشي لي جابت معاها كانت حاجة قليلة لي بقات .. رجعاتهم بلاصتهم دايرة فراسها غاتمشي عند زهرة تاخد من عندها ديك ربعالاف وتقدا داكشي لي خاصها .. لبسات جلابتها وكلاكيطة فرجليها كيبينو رجليها بيضين وصغار وظفيرات نقيين .. خدات مشطة او مشطات شعرها وجمعاتو ب بانضة لتحت وخرجات وفيديها ساروت قفلات موراها لباب وتاجهات لدار زهرة وعينيها على طريق دراري صغار كيلعبو كورة او عيالات كل وحدة كتنشر حوايج حدا لباب ولا كتسيق .. خدات نفس طويلة عاجبها الجو الشميسة طالعة واخا غير فليل صبات شتا ولكن فأگادير الجو متقلب ..
يلاه دقات باب دار وهي تلاقا مع خولة جايا من لافاك حلات لباب وطلعو بجوج مجمعين حتى عند زهرة لي كانت فلكوزينة مقابلة طاجين وبنتها تانية حداها كطيب لخبز
بسمة : السلام عليكم ( بتاسمات من ريحة طاجين ) الله على رويحة على مزيناتها
زهرة : ( ضحكات وسدات على طاجين ) هي لا گلستي تغداي معانا
بسمة : لا اخالتي غا بصحتكم جيت غير ناخد من عندك داكشي لي بقا لي فلفلوس نتقدا مناكل
زهرة : ( مسحات يديها بفوطة ) هي لولة
مشات جابت ليها ديك 200 درهم وبيجامة لي خلات عندها ومداتهم ليها
زهرة : هاهما ابنيتي دي معاك بيجامتك بقاي تلبسيها فدار ولا قاليك شي حاجة قوليه جابتها ليا خالتي زهرة وسكتي
بسمة : ( شداتهم من عندها ) أودي على مكيعرفش فليمارك غير يشوفها يعرفها غالية ( مشات تالعند آية وحطاتها حداها ) هادي تاعك أزين كنت غانعطيها ليك غير داك نهار كنت زربانة ونسيت
آية : ( هزاتها حاطاها ليها فيديها وكتحرك راسها بلا واخا عجباتها ) اويلي اختي والله منشدها خوديها لبسيها وفرحي بيها والله تاعندي جابت لي مي وحدة غا لبارح
زهرة : بسمة ابنتي غاشديها راه آية عندها وكيف قالت غا لبارح جبت ليها هي وخولة بيجامة لوحدة
رداتها ليها بسمة حداها وخا يقولو ليها لي قالو مغاديش تشدها تا لامشداتها آية غاتخرج وتصدقها بيجامة ماشي تاع 50 درهم باش دخلها لدار وتقول ليه خالتك عطاتني غاتصدق فما هي وما لونها منين جاتك وخالتي متخسرش داك تمان على بيجامة وشكون نتي بسلامة باش تكسيك .. ناقصينك حوايج وغادا عندها طلبيها كي طلابة ... هضرة كتيرة غاتسمعها ويساليو حديثهم بشي دقة يعطيها لها ويعطبها من شي قنت وهي هادشي لي مابغات
بسمة : هضرة وحدة قلتها ليك خوديها بصحتك ( دارت عند زهرة وخولة ) يلاه الله يعاونكم نمشي نتقدا يلاه لحق نطيب مناكل
زهرة & خولة : الله يعاونك
نزلات مع دروج كتنهد وتقول فراسها شكون كره يبرع راسو يلبس بيجامات لغاليين وميتسوق بشحال ثمانهم تجيه لماكلة حتى لعندو ومينوضش يخدم عليها ويتكرفص على ود 2 دريال ولكن لي بغاها ربي هي لي غاتكون .. راضيين بما قسم الله
تاجهات لنفس سوبر مارشي وهي حادرة راسها كتشوف فيديها ديك ربعالاف حتى سمعات سميتها كتكرر شحال من مرة
بسمة : ( بتاسمات ) هدى ؟
هدى : ( لحقات عليها كتمشا بزربة وسلمات عليها بالوجه ) كيدايرة لاباس عليك شفتك من بعيد وتبعتك
بسمة : حمد الله ونتي بيخير عاد جيتي من لافاك
هدى : اه يلاه حطني طاكسي واش مسالية دوزي عندي لدار ؟
بسمة : بغيتي نعاونك فشي حاجة ولا غاتخملو طاج لولة
هدى : ( حركات راسها بنفي وهي كتقاد فزيفها ) لا بغيتك تونسيني الى كنتي مسالية
بسمة : والله مكرهت أزين ولكن داك الگنس باش مزوجة ميخلينيش
هدى يلاه بغات تجاوب بسمة وشافت ضل طويل وراها يلاه بغات دور وهي تلقا خوها وقف عليها وداير فيها تخنزيرة دلموت !
صلاح: آش موقفك هنا ؟ ( خنزر فبسمة نزلت راسها بخلعة )
بسمة : ( غير شافت نضرتو ليها حدرات راسها بتوتر ونطقات مخاطبة هدى ) بسلامة هانا مشيت
هدى : بسلامة مرة وخرا ونتشاوفو
دارت غادة وهو تبع ليها العين عاقد حجبانو معرفهاش شكون وشاف فختو لي سبقاتو لدار وتبعها حتى لحق عليها
صلاح الدين : شكون هاديك
بلا متجاوبو حلات باب دار مخنزرة ودخلات وتبعها هو ساد لباب وراه هي تاجهات لبيتها تبدل حوايجها وهو داز عند مو لصالة لقاها گالسة كتفرج بوحدها
صلاح الدين : ( باس راسها ) لواليدة لاباس
مبيريكة : ( طبطبات على كتفو ) حمد الله اوليدي بيخير يلاه جيتي من الخدمة يكون فيك جوع ( عيطات بصوت عالي ) هدى اجي ابنتي حطي لغدا خوك فيه جوع
صلاح الدين : خليها حتى تسالي ( دوز يديه على لحيتو كيشوف تلفونو ) خالتي رقية خلاتك بوحدك ليوم
مبيريكة : عندها شي شغال وقلت ليها غاسيري قضيهم مكاين لاش نشدها على والو دارت لغدا ومشات راه نقصات عليه باش ميتحرگش عارفة وقيتة دهدى معاش تجي
حرك راسو بالإيجاب فصمت وعينيه مفيكسيين فطبلة حتى جات هدى قالبة عليه وجهها وحطات گصعية دطعام ولبن وجبانيات .. وزادت خلاتهم بجوج
صلاح الدين : ( شافها غادة ونطق ببرود وهو ضاغط على الملعقة ) دوزي تغداي
هدى : ( دارت عندو وجهها عابس ) مابغيتوش بصحة
مشات وهو متبعها بعينيه هاز حاجبو ومبرد ودار شاف فمو لي كتاكل فهدوء رادة لبال لنضرات لي كيتبادلو هو وبنتها
صلاح الدين : ( شرب من كاس لبن ) كيفاش قضية هاد لخطاب لي بنتك باغا تجيبهم لنا شكون هاد لگنس لي باغيها
مبيريكة : ( حطات لملعقة من يديها وشافت فيه ) إوا حتى لين أولدي غاتبقا هاد لبنت بلا زواج شافت شي ولد ناس بغاها وبغاتو مافيها عيب تمشي لزمانها دارها هي دار راجلها اما واليديها غا ضيفة
صلاح الدين : ( ضحك بسخرية ) اياه الله أودي وفين كتعرفو بسلامة
فلاش باك 🔙
عطاتها دوا ديالها وغطاتها وگلسات حداها كتفرك فيديها بتوتر وتشوف فيها حتى قررات تفتح معاها لموضوع
هدى : مي جاني واحد ولد ناس بغا يخطبني
مبيريكة : ( هزات راسها من على مخدة كتشوف فيها بالستغراب ) شكون هدا وفين كتعرفيه ابنتي كيعرفو خوك ؟
هدى : ( حركات راسها بنفي ) لا مكيعرفوش هدا خو صاحبتي كتقرا معايا وشافني واحد لمرة وقال لختو عجبتو وبغا يجي يخطبني
نهاية فلاش باك 🔙
صلاح الدين : ( حك حاجبو مخنزر ) اهاه إوا نعرفوه بعدا ونشوفو أصلو وفصلو منين عاد نشوفو واش نوافقو عليه
على إثر آخر جملة نطق دخلات هدى لصالة ونطقات وهي كتشوف فخوها بوجه عابس : أنا باغاه إذن أنا موافقة عليه
هز راسو فيها بملامح جامدة متعرفي آش ردة فعلو من بعد .. فقط من برا كيبان مبرد ولكن من تخنزيرة لي داير ويدو لي كيضغط عليها مرة مرة حتى كيبانو عروق مطراسيين فيها كتعرفي انو إعصار كاين فالداخل ديالو
صلاح الدين : ( مخنزر فيها وعاض على لسانو من لداخل كيحاول يكالمي راسو ) وفاش خدام هاد سيد لي جايبة لنا
هدى : ( بلعات ريقها و تنفسات كتشوف فشوفة لي داير فيها متنكرش انها تخلعات واقفة غا بزز ولكن قالت فخاطرها لي ليها ليها ونطقات بزربة ) جدارمي
للحضة فيكسا عينيه فيها وديك كلمة جدارمي كتعاود ليه فودنيه فحال شي مقطع صوتي .. تهز من بلاصتو بزربة وبرجل وحدة قلب ديك طابلة كاملة لدرجة داك طعام رون زربية كاملة وهدى سدات عينيها ورجعات بلور كتحس بطعام لي جا فيها سخووون على جلدها
صلاح الدين: جدارمي لامو و اباه اما ليك عمرك تحلمي بيه !
هدى : علاش بسلامة ؟ راه الحلال
صلاح الدين : راكي قارية واعية وعارفة القانون كاين شي واحد اباها ولا خوها ولا عمها الا خاااالهااا !! مدوز حبيبيس و عطاوه الموافقة؟
هدى : ( بدموع فعيونها ) شنو سبابي انا ! ( تتاكد كلامها قاصداه ) آخويااا ! آولد مي و باااا
فاش قالت بسلامة لهدى مشات لسوبر مارشي وهي كتقول فراسها شكون هداك وعلاش داير ديك تخنزيرة كاملة باينة معصب عليها .. ساست دوك الأفكار من راسها ودخلات هازة سليلة صغيرة كتهز داكشي لي خاصها من بيموات ودانون ، فرماج ، كوفيتير ، ليباط .. لي تشهات خاطرها تهزها وعينيها فيهم لقلوبة سالات وهي معمرة سلة ومشات خلصات ودازت لدار حتى لميكات فلوكزينة وهزات لبوطة صغيرة لي تقادات تاني من بعد آخر مرة عمراتها رجعات تاني عند مول حانوت عمراتها وهزاتها معنقاها حتى لعند مول دجاج خدات 5 دراهم ددجاج او تقدات شي خضرة من عندو او مشات عند مول لحم خدات 10 دراهم كفتة او 20 درهم دلحم دلغنمي ورجعات لدار متقلة بيهم وعلى وجهها بتسامة كبيرة مبينين سنيناتها لبويض وعينيها فيهم واحد لحماس وخا واخدة مهم دراجل فهاد لحضة ولكن ممسوقاش فقط حاسة بواحد الإنجاز دايراه .. دخلات داكشي لدار وخبات صرف لقليل لي شاط ليها لبوطة قاداتها وحطاتها جنب تلاجة او سقاطة حطاتها فدوك طناجر وحطاتهم لفوق ولخضرة لي تكفيها تقريبا مدة تلتيام خدات منها لي غاطيب او جمعاتهم فبانيو كبير وغطاتو مدخلاه فمجر تحت بوطاجير و مدرگاع او لكفتة ولحم دارتهم فميكة وحشاتهم فلڤريكو او حطات حداه ميكات كتار فحال الى فريگو خاوي او نصبات لها طاجين على حقو وطريقو كيف تشهاتو ببصلة معسلة وزيتون ولخضرة وزبيب ريحتو على مزيناتها مابين مايطيب عجنات 4 لخبزات دلفران وحطاتهم .. طفات على طاجين وگلسات كتاكل ودوز بموناضة كل دغمة كتبنن .. غير سالات جمعات ديك روينة وغسلات لماعن فاش كلات وغبرات لبلاستيكات فاش جابت تقضية ومشات تنعس مرتاحة وشابعة فكرشها
فوقت متأخر على غير عادتو دخل لقاها مجبدة فصالة كتفرج فتلفازة .. تكا على لحيط كيشوف فيها هاز فيها حاجبو وهي طلعاتو ونزلاتو بنص عين وشافت فساعة لي ملعقة فسقف كانت 12 دليل بلا متسوق ليه دورات عينيها كتفرج قلبها بارد من جيهتو مسولاتو لا فين كنتي ولا شهاد الوقت فاش جاي حدها ضربات طم وسكتات
عماد : ( شاد فيديه ميكة دليمون جايبها معاه وشي ماطيشة وقزبور وشعيرية ) نوضي طيبي لينا لعشا وقطعي لينا هاد دلاحة
ناضت بشوية عليها وحطات تلكموند بلاصتها كتشوف فيه بنص عين ودخلات لكوزينة حاطة داكشي كتشوف فيه مافيها لي يدير شي حاجة هي تعشات وشبعات وهو گاعلا يوكلو ليه .. ستغفرات فخاطرها وهزات ماطيشة تحكها حتى وقف عليها عاقد حجبانو حتى تلاقاو
عماد : ( ودنيه حمارو بالأعصاب وكيتنفس بجهد وفيديه قاميجة ) لدلمك حاطة ليا قاميجة مع حوايجك لموسخين كنقول ليك لبياسة لي توسخات ليا عزليها وصبنيها دغيا
بسمة : ( حطات ديك ماطيشة من يديها كتشوف فيه ونطقات بصوت هادىء عارفاه على سبة ) راه كنت غانصبنها ومشات من بالي حطها ليا انا نصبنها دابا
عماد : ( فغفلة منها جرها من شعرها وقربها لوجهو وغوت صاعر ) كتخلصي لفلوس لي خاسر عليهم ( حشا ليها ديك قاميجة فوجهها ) واش عارفة لدلمك شحال ساوية ( طلقها ودفعها حتى تزدح لها راسها مع لحيط وشدات فراسها عاضة على شفايفها بألم ودمعة سخونة نازلة مع عينيها ..
عماد : ( حيد سمطة من سروالو ولواها فيديه ) بسيف متعرفي تمانها على منين جاية نتي بسلامة بزاف عليك هاد لقاميجة يبيعوك نتي ومتجيبي ثمانها
على إثر هضرتو هزات فيه عينيها حمرين كتنخصص فصمت شافت فيه بخيبة أمل ونطقات
بسمة : ( بانفعال ) كتقارني بشرويطة انا لي صابرة على هبالك وكنقول دابا يهديه الله انا لي صابرة على عيشة ديال دل وصابرة على جوع وكنقول دابا يدخل شي نهار وفيديه تقدية ساعة نتا والو مفضي
هي كدوي وصدرها كيطلع وينزل وهو قدامها جامع قبضة يدي ومزير عليها حتى عطاها بضهر يدو لوجه خلاها نازلة لارض وكتغوت ودمايات من نيفها كيتشرشرو
عماد : طوال ليك لسان ياك ؟ علموك وليتي تحلي فمك يا الخانزة يا لي متسوا ربعة دريال الله ينعل طاسيلتك كاملة من طرف ( ناضت شادة فنيفها ولارض عامرة دم ونزل عليها بدقة دلموت بديك سمطة جابها ليها فدرعاها تصورات ليها فلبلاصة ولات حمرة ) حتى لطرف
بسمة : ( كترعد كلها وتفتف ديك دقة كتحس بيها فحال الى حاطين عليها موس طااايب وجلدها تسلخ ) دعيتك الله اهئ اهئ ( كانت ديك لميكة دليمون فوق لبوطاجي بجهد لي بقا عندها هزاتها خابطاها مع لارض) بعد مني اهئ اهئ دعيتك الله ( بصوت مرتافع ) دعيتك الله
خرج عينيه فليمون مشتت حداه بفقصة وجرها من يديها حتى تعكلات بدم ديالها وطاحت فلارض
عماد : ( عينيه خارجين وجهو حمر كيخلع وشعر مشنتف وصدرو كيطلع وينزل ) خرجي تق***ودي عليا
ناضت سادة عينيها وجامعة شفايفها بألم كلات دقة قاصحة من ديك الخبطة لي تخبطات مع لارض .. تحركات بشوية حتى لكوزينة وگلسات فوق لكورسي مقابلة مع دم ديالها لي فلارض فيكسات عينيها فيه يديها كيترعدو وجهها كلو غادي بالعرق ! للحضة دخلات فدوامة تفكير كبيرة ! كتقول مع راسها نخرج ندرگ زلافتي ميشوفش كمارتي باقي نخدم وندق ديور ناس دار بدار ونحك ليهم كواشهم ونطيب ليهم ندير لي كاين نجمع فلوس نكري شي دار على قد لحال فيها غا بيت ونعيش فيها ونجمع تاني فلوس ونمشي نطلق منو ويلا مابغاش نشد محامي وهي كتفكر حركات راسها كي الهبيلة كضحك ! كضحك على راسها دغيا تخايلات فيلم قدامها ! فيلم خيالي مواخد من الواقع حتى حاجة لا جرا عليها وخرجات بصح من دار أول حاجة غاتواجهها تشرد فهاد لبرد وشتا وهي غابنت كلشي غايطمع فيها فين غاتمشي عند زهرة ؟ ولا عند مرات باها ؟ زهرة فرعات ليها راسها بالمشاكل أي حاجة تطرا ليها تجري عندها كأنها هي لي ولداتها بنادم قد ماصبر شي نهار غايعيا ويقوليك أفلانة راك عيقتي ! اما مرات باها هاديك متفكرش گاع فيها عاد ماتهنات منها وخرجات ليها من دارها ترجع عندها تجري عليها ببساطة غاتقول ليها نتي لي معرفتيش لراجل كون كنتي مرة وقادة تولدي ليه تشديه بالولاد غايحن قلبو ويصرف عليكم بطبيعة الحال كيبقاو ولادو هادوك ! نفات دوك الأفكار من راسها وهي كتقول فخاطرها صرف عليا بقاو ليه غا الولاد هادي هي حالة لي ما عندو والدين ولا خوت كيبقا منبوذ لي جا يعفط عليك معليك غا تسكتي وتشوفي طلبي سلاك لي يرفع ليك راسك لسما مكاينش لا عائلة لا فلوس ولإنسان بلا هادو والو !
بسمة : ( وقفات مسندة على لحيط شاداها دوخة طلات على لباب لقاتو مشرع وكيبان ليها گالس وبَارْك گارو مورا گارو لبرد مجهد وهو غا بتيشورت محاسش بالبرد فقط الأعصاب لي شادينو ) سد لباب ناس كيطلو من شراجم
هز عينو فشراجم ديور لي كانو مردودين وباينة لعما وراهم شي حد كيطل يا إما مرا ولا راجل .. تلفت ليها مخنزر كتبان ليه غا ينوض يسلخها يكمل عليها لگارو مدار ليه والو مقادرش يتهدن لامشا حتى تعصب صعيب يتكالما أبسط لحوايج كيتنيرڤا عليهم لاح گارو من يديه وعفط عليه خلا الباب مشرع ودخل لي داز كيطل عليهم كانت فديك الوقت قريبة 4 صباح زنقة خاوية ناس قلالو لي كيدوزو لي خدام فديك الوقت .. وبنادم لي فاق بلهلا يطريه ليه بداك صداع لي فدرب
عماد : لا معجباتكش هاد دار خرجي يلاه الباب وسع من كتافك ( شافها متحركاتش گالسة بلاصتها فوق لكرسي وشادة فراسها ) نوضي تهزي باش لقا نيت انا راحتي 18 الف لي كنخسر كل شهر دايزة فيا انا نيت نمشي نعيش مع واليديا سيليباطير تاع راسي حسن من هاد زبل هدا
بسمة : ( هزات راسها فيه بعيون حمراء بقوة لبكا ) واش مغاتمشيش تنعس طلعتي لي فصحتي عييت عييت من نگير ديالك كل نهار نفس كاسيطة كتعاود كتخرج ضاحك وترجع معصب تقول غير كيشارجيوك قبل مادخل
عماد : ( رفع صوتو وضرب لحيط بيديه حتى تسمعات فدار كاملة ) وغانبقا نگر كل نهار غانطلع ليك فوق راسك غانخرج فدلمك سكار ونزيد لملحة ( ضرب فلحيط ضربات متتاالية ) وهنا غانبقا على قلبك مغاتهنايش مني غارتاحي تصبحي وتنعسي على هاد لكمارة
ناضت كتشوف فيه بصدمة ويديها كيترعدو حاسة براسها قريب طيح بالأعصاب وجهها حالتو مخلط بدم والبكا كتبان فحاال شي وحدة مغتاصبينها غير هي غتصاب نفسي !
بسمة : وكلت عليك الله هادشي لي عندي منقول ليك هو لي قاد عليك اما انا غير ولية كتستقوى عليها سير خرج برد حرك فزنقة متجيش عندي انا برد غدايدك فصحابك
قبل متكمل هضرتها عطاها تصرفيقة حتى دار وجهها وجرها من بيجامتها حتى تقطعات عليها من جيهة العنق لاحها فزنقة كيغوت وبجهد وصوتو عالي وهي فديك اللحضة مكرهاتش الأرض تشق وتبلعها ولا ديك شوهة ولا بنادم يطل فشراجم او يوشوش ولي دار يقول لا حول ولا قوة الا بالله ويدوز كأن حتى حاجة مشافها كلشي كيطل من شراجم ويشوف ! يشوفها هي لي مليوحة فلارض فحال شي كلب حادرة راسها من قوة الإحراج لي محطوطة فيه ديك ساع حتى حد مغايحس بيها فديك اللحضة من غير لاتحط فموقفها غمضات عينيها بألم كتشهق وتبكي ربي لي خلقها معندهاش لوجه لي يرفع راسها .. زيرات على يديها ونطقات بصوت خفيف مجروح : دعيتك الله ! .. كيف نطقاتها ودن الفجر ورجال دايزين فزنقة كيشوفو فعماد كيسب فيها وهي وقفات على رجليها باغا تهرب من ديك تحشيمة ماحسات غير مجموعة من رجال وقفو عليهم ونطق واحد فيخم لعماد
_ نعل شيطان اولدي ليل هدا ! حشومة دير لمراتك هكا ونتا زعما مكتسكر مافيك بلية خدام وعندك فلوسك وقاري وعارف دين ودير فمراتك هاد الحالة
دغيا تزنگ من هضرتو ومرداش وجرها دخلها حتى كمل معاهم لهضرة وهو كيسايس فيهم مدة كينصحو فيه ومشاو كيحركو راسهم بلا حول ولا قوة إلا بالله وهو دخل دار سد لباب ولقاها سادة عليها فطواليط
عماد : ( دق لباب ) حلي ندوي معاك ( كان فقط صمت من طرفها وصوت أنفاسها العالية كيتسمع ) سمحي ليا مغانبقاش نعاودها الف مرة كنقول ليك متزيديش معايا الهضرة ولي فراسك فراسك ( سكت كيشوف واش تهضر وكان فقط الصمت ) خرجي ندويو وزيدي تنعسي ليل هدا
بسمة : ( بصوت ضعيف وبنبرة جافة ) سير تنعس !
دازو أيام على آخر مدابزة طرات بيناتهم نسات شنو وقع ولا نقولو حاولات تناسا وكدير جهدها باش ميشدش عليها شي حاجة لي تنوض صداع بيناتهم وتعيش بيخير ! أكثر حاجة كتفكر فيها دابا وهي تلقا خدمة وتجمع لفلوس وهادشي لي دارت وصات زهرة فيما تجيها شي خبار على خدمة ولا شي حد بغا شي وحدة دير ليه لميناج تقولها ليها
سادة عينيها ودايرة راسها ناعسة وهي كتسمع ليه كيجبد حوايجو يبدل باش يمشي لخدمة .. بقات فبلاصتها حتى خرج وناضت دغيا دايرة فبالها انها مخاصهاش تعطل على لوقت لي دارت مع لمرة .. غسلات وجهها وسنانها وبقات كتشوف فوجهها مابقاش كيف كان رجع فيها لون شوية ولات تبان كي ناس بتاسمات ومشطات شعرها طلعاتو لفوق كوب شوڤال وخلات گصيصة مطلوقة على عينيها بييناتها كيوت مشات لماريو حلاتو معرفات متلبس والحال بارد عضات على شفايفها كتفكر حتى هزات بيجامة لي كانت عطاتها ليها خولة لبساتها هي بعدا دافية ماشي فحال جلابة وجاتها عبار بانت فصالتها فيها صدرها لي كان مهزوز ولكريشة كانت عندها شوية وعندها حقها من ليهونش ولور .. جسد متناسق ، بقات كدور فعينيها معرفات متلوح عليها وحلات ماريو عندو هزات كبوط بالكحل لبساتو وشافت راسها فالمراية جاها اوڤر سايز ولكن مع ذلك كيبان فيها زوين وفحال الى تاعها .. خدات تقاشر بيضين لبساتهم كان ديجا عطاهم ليها وبقات كتشوف حايرة شنو غاتلبس فرجليها حتى خدات ليه صندالة اديداس ولبساتها واخا جاتها كبيرة متسوقاتش وخرجات من دار فيديها 20 درهم فلوس طاكسي لي غاتشد .. دارت يديها فجيب لكبوط وسدات لباب مشات تالدار زهرة لقات لمرة لي غادير معاها لميناج حدا لباب كتسناها ودارو يتلاقاو تما
بسمة : ( لگصيصة كطير من على وجهها ونيفها حمر ) سعدية لاباس عليك ياك ما تعطلت
سعدية : ( لاوية عليها زيف وخاشية يديها فكبوط ) لا لا اختي يلاه جيت يلاه نشدو طاكسي باش منتعطلوش نديرو خدمتنا دغيا ويجي مول لڤيلا يلقانا سالينا
بسمة : ( حركات ليها راسها بالإيجاب) اه واخا قلتي لي نجمعو صالونات لي فالتحت و2 بيوت لفوق ياك
سعدية : ( كتشير على طاكسي ) اه مهم طااج لتحتانية نفليوها كاملة حيت جايين عندو ضياف غدا ولفوق يتجمعو غا جوج بيوت يدوز ليهم جفاف ويتحكو طواليطات
طلعو بجوج لطاكسي مكملين حديثهم وبعد مدة حطهم أمام ڤيلا فخمة خلصوه وخرجو
بسمة : ( كدور عينيها فيها منباهرة ) تبارك الله زوينة وكبيرة
سعدية : ( شيرات لحارس لي مقابلها غير شافها وعرفها وجا فتح ليهم لباب ودخلو ) تشوفي لداخل تحلي فمك فيها زوينة
بسمة : هي ماشي أول مرة تخدمي فيها
سعدية : لا مولفة تقريبا كل شهر كنجي يا إما بوحدي ولا معايا شي بنت
حركات ليها بسمة راسها بالإيجاب وتبعاتها حتى لداخل كانو جوج صالونات كبار حيدات هي وسعدية لكبوط وتقاشر وگفضو على دراعهم تعاونو حتى خرجو الأثات لي كاين وجابت سعدية أدوات تنضيف وبداو بصالون لول وتبعوه تاني كان عندهم غير مهمة تنضيف فقط ويمسحو الغبرة من زاج ويسيقو .. غير سالاو دوزو شيفون لمراح ومسحو المرايات
سعدية : ( شادة سطل فيه سانيكروة وجاڤيل ) طلعي نتي لفوق بداي بالبيت لي على ليسر غير سيقى ولا لقيتي شي حوايج طويهم انا نغسل هاد 2 طواليطات ولحق عليك نعاونك
بسمة : ( هزات سطل وشيفون وشطابة ) واخا
طلعات فدروج كتنهج رجعات حمرة بالعيا يديها حمرين او وگدام رجليها كدلك .. شافت لبيت لي قالت ليها سعدية ودخلات ليها حطات سطل من يديها .. وجمعات ناموسية لي كانت مرونة وشي حوايج طواتهم وبدات تشطب حتى جمعات زبل وجبدات شيفون كدوزو كانت لبيت بلا زربية ناموسية على ضس .. نزلات على ركابيها طوات سروال حتى ركبة وبدات دوز شيفون تحت ناموسية فديك لحضة تحل لباب وبقا واقف شخص مبلوكي وهو كيشوف قدامو بنت بداك شكل رجيلات بيضين و مطبزين لگدام حمرين وكيشعلو بنقاوة وديك لوضعية لي كانت فيها عاطية لباب بترمتها وسروال مزير عليها خلاه يحك تبو بلا مايحس وهو عاض شفايفو كيحس بيه كيزدح ! مكرهش يتكيها تماك ويتمتع بيها على خاطرو ! غير جات هاد الفكرة فبالو سد لباب وراه مبتاسم وهي غير سمعات صوت لباب تسد هزات راسها دغيا جيهة لباب مخلوعة وقلبها كيضررب حاسة بيه غايوقف
بسمة : ( مخرجة عينيها بصدمة وشادة على قلبها ) شكون نتا ؟
شاف فيها داك شخص كيضحك ولاح كونطاكط تاع طموبيل فوق ناموسية وقرب ليها وعينيه كيجردوها من حوايجها كيشوف فيها بنضرة شهوانية .. دوز يديه على لحيتو البيضاء ونطق : مول لڤيلا
بسمة : ( تهزات بخوف مقادة حوايجها ونزلات سروال دغيا خبات رجليها حاسة بدوك نضرات وفهمات شنو باغي ) سمح ليا انا نخرج دابا
تخطاتو ورجعها بيد وحدة حتى زدحها مع لحيط كيشوف فشفايفها صغار المنفوخين تشهاهم مكرهش يعضهم ويدير فيهم مابغا : نجيك المفيد ازوينة ( قرب يديها بلا مايحشم كيتلمس فصدرها ) بغيتك ونعطيك لي بغيتي
فديك لحضة بسمة فعالم تاني ! صدمة جلطاتها رجليها مابقاوش هازينها حاسة بقوتها كتنقص تدريجيا قلبها كيضرب بجهد ويديها كيترعدو بالخوف
بسمة : ( كتفتف فالهضرة ) لا لا لا ب بعد من ي
دفعاتو من عليها مخلوعة ومشات جيهة لباب بغات تحلو حتى حسات بشعرها تجبد وطيحها فلارض وطلع فوقها جاهل كتبان ليه فحال شي لحمة فتية بيضة ونقية كتشهي والأهم صغيرة وزوينة تلاح على فمها وهو كيحك همو على منطقتها بتحديد تعسلو عينيه دغيا مكرهش يدخلو فيها ولكن فاق من بحر شهواته على إثر دقة جاتو نيشان لمعلم كانت هيا مخرجة عينيها بصدمة وشعرها منتوف كتقطر بالعرق بلا ماتحس كانت دافعاه من عليها وعطاتو بركبتها ليه نيشان خلاتو طايح كيتلوا قدامها وخرجات كتجري حتى لتحت لقات سعدية طالعة فدروج مخلوعة من بعد ماسمعات غواتها
بسمة : ( كتبكي بهستيرية وشفايفها كيترعدو ) بغا ب غا يتعدى عليا كي قولي فلوس نع طيهم ليك
سعدية : ( شافتها فديك لحالة تخلعات درية قريب طيح بشي كريز كلها كتفتف وتشهق بالبكا ) صافي صافي سكتي سكتي خرجي برا نشد ليك طاكسي وبقاي فيه حتى نجي
خرجاتها برا بعد مالبسات ليها كبوطها وتقاشر وخرجاتها گلسات حدا لڤيلا كاتنفس او وجها حمر تحبس فيها نفس للحضة طاحت فلارض او وجها زراق كتحاول تنفس او مقداتش يديها كضربهم فلارض وسعدية كتشوف فيها مخلوعة خايفة لا تموت فيديها
سعدية : ( طلقاتها دغيا وجرات تا جابت ليها لما كتشربو ليها وترفع ليها راسها لفوق حتى تنهدات وبقات حاطة راسها عليها بلا هضرة ) صافي غا بشوية عليك هاني دابا نجي
وقفات قدام شانطي حتى شدات طاكسي وطلعاتها ليه وتفاهمات مع مول طاكسي نص ساعة وترجع ليها مشات كملات ديك روينة وجمعات لبيت تانية ومول دار كان واقف كيتسناها حتى تسالي
مول دار : ( جبد فلوس من جيبو حسب 500 درهم ومدها ليها بنضرة حادة ) هاكي هادي عطيها ليها وقولي لها لا حلات فمها وجبدات هادشي لشي واحد راني نغبرها ونتي اكتر وحدة عارفة هادشي
سعدية : ( شداتهم فيديها وتسنااتو حتى مد ليها خلاصها هي ) واخا ميكون غا خاطرك
خرجات بزربة حتى لطاكسي وركبات طلات على بسمة لقاتها قالبة وجهها لجهة شرجم بنضرة باردة او عينيها حمرين
سعدية : ( مدات ليها 500 درهم فيديها ) هاكي فلوسك وعنداك تجبدي حس هادشي لشي واحد راه يدو واصلة تجيبيها غا فراسك نتي
بسمة : ( دورات وجهها ليها ) مولف كيدير هكا ياك ونتي كتغطي عليه
سعدية : لا عجباتو شي وحدة اه ونا معندي مندير ياك كنتخلص مزيان نجمع فمي ونسكت اختي مشغليش ونتي لابغيتي تخرجي على راسك غير سيري ديكلاري أصلا معندك حتى دليل !
قلبات بسمة وجهها مجاوبتهاش حاسة بالفشلة داكشي لي شافت ليوم عمرها شافتو فحياتها صحابها تخدم فديور ناس وعمرها تصادف فحال هادشي وخصوصا انها مامشاتش بوحدها ولكن كانت غالطة ليوم تفكات منها حيت كان شارف ولكن كون تلاقات مع شخص باقي صغير ! ( غمضات عينيها بألم ) كان غايتغتاصبها وفلخر معندها مادير ! تمشي ديكلاري مثلا ؟ فينو دليل يكفي انو يحط فلوس فوق طبلة وغايخرج منها فحال شعرة من العجينة وفالأخير هي غاتشوه ولي داز ينعتها بقح*_بة وخا مدارت لا بيديها ولا برجليها ( تنهدات ومسحات دمعة طاحت من عينيها وقالت فخاطرها ) دنيا صعيبة مشيت نخدم بدراعي فعز صباح ولي كان غايطرا ليا عمر تصورتو فحياتي ! كون خرجت فنصاصة ليل لزنقة نگلس بوحدي تحت لحيوط متأكدة مغايصبح صباح حتى روحي طلع عند مولاها
حلات باب دار ودخلات مسحات ليه صندالتو تارجعات نقية كيف كانت ورداتها بلاصتها مع لكبوط وگلسات كتنهد وفكل مرة كيرجعو ليها فدماغها لقطات من الأحداث لي طراو ليها .. طاحو دموعها بلا متحس وفيديها ديك 500 درهم كتشوف فيها بعمق حاسة بالحگرة وأن تاواحد مواقف جنبها معندها لا راجل ولا عائلة مقطوعة من شجرة ومكتعرف حد لا صحاب ولا خدمة وحيدة كتشكي همومها لحيوط .. تنهدات ومسحات عينيها كتحمد الله حيت ماطرا ليها والو وحشات يديها فصدرها حاطة فيهم الفلوس وزيرات سوتيامات باش ميطيحوش وناضت طيبات ليها متاكل وبقات متلفة لوقت حتى لعشا تفوهات ولاحت تليكموند من يديها ناضت صلات وجمعات صلاية .. دارت ولقاتو وراها عاد دخل بلا ميهضر معاه حيد قاميجة دغيا لاحها كيبان فيه معصب على فين عمرو دخل ضاحك .. متسوقاتش ليه ومشات گلسات فصالة قدام تلفازة وكدعي فخاطرها متنوض شي مدابزة هاد ليلة مقادة على صداع ونفسيتها تحت صفر
عماد : ( گلس جنبها مغمض عينيه وحاط راسو على لمخدة ) نوضي تهزي تبعيني لبيت
بسمة : ( هزات حاجبها فيه ) شنو بغيتي
عماد : ( دور عينيه فيها حمرين معصب وغير على نقش ) بغيت حقي
بسمة : ( تخلعات ) واخ !
ناضت سبقاتو وتبعها كيعبرها من لور وهي كتنهد فداخلها مقاداش على شي علاقة دابا بغات غاتنعس ترتاح
وقفات حدا ناموسية كتشوف فيه حيد تيشورت لي كان لابس بقا بشورط
عماد : ( حجبانو معقودين فيها ) گلعي حوايجك !
هزات عينيها فيه بصدمة شللاتها بقات معلقة عينيها فيه وكتقول فراسها واقلة مسمعتوش مزيان ! ولكن خاب ضنها فاش خنزر فيها .. نزلات راسها ودوزات يديها على لگصة مرجعاها لور وحيدات لبيجامة بمشاعر باردة بقوة ماقلبها برد من جيهتو مابقاتش كتحشم قدامو ولا عندها أي مشاعر تجاهو .. هزات عينيها فيه بعد مابقات غا بسليب او سوتيامات او فوقهم ضوني سماطي وشير ليها بعينيه جيهة ضوني وهو داير يديه على جنابو .. حيداتو وهي مديقة عينيها معاجبهاش لحال فحال الى كدير شي إستعراض إب**ا*حي قدامو قرب ليها وزدحها معاه بعنف حتى حسات بضلوعها غايتهرسو وخسرات سيفتها هز ليها وجهها عندو و لتاهم شفايفها كيمص شفة الفوقانية وينزل لوخرا وجرها معاه حتى لناموسية وهو فنفس الوقت كيحيد شورط ديالو وتاكاها
وجرها من شعرها بجهد لعندو حتى غوتات شاهقة ونزل لشفايفها كيمصهم بعنف ويعض وهي تحتو كضرب فصدرو مخرجة عينيها بألم جر ليها سليب حتى تقطع ودخلو فيها كيضربو فيها بجهد وبوتيرة سريعة فديك اللحضة كتحس بمصارنها غايخرجو جنابها ضروها طاحت دمعة من عينيها وتبعوها دموع حتى ولات تبكي وتشهق حساتو كيغتاصبها محاسش بيها ولا بكمية الألم لي سبب ليها .. هزات عينيها فيه كدفعو عليها وهو مكاينش فهاد العالم مطلع راسو لفوق بنشوة وكيخوي فيها سمو كامل گاع الأحداث لي طراو ليه ليوم وخلاوه يتنيرڤا بعنفو معاها كيحس براسو كيتكالما ! مد يدو لوستيام كيحيدو ليها وهي فديك لحضة خرجات عينيها مخلوعة والعرق نازل مع وجهها ليلتها كحلة لا شافهم ! طاحو حداها وغطاتهم بيديها .. نزل وجهو عندها وهز يديها لفوق وهي شدات فلفلوس شدة العما فضلمة مزيرة عليهم وكارزة على يديها طلع ليها يديها لفوق جامعهم بقبضة وحدة فيديه ونزل لصدرها كيدوز بلسانو على راس صدرها حتى رجع كيمصو ويعض وهي قالبة وجهها كتبكي فصمت محاملاش راسها ولا شنو كيدير دابا حاسة بقلبها غايسكت وروحها غاتزهق !
عماد : مالكي باردة طلقي يديك
بسمة : ( بخوف ) واخ ...
سلات ليلة بيناتهم وكل واحد عاطي لاخر بضهرو هو مغمض عينيه براحة بعد ماخوا فيها أعصابو كاملة وهي خاشية وجهها فالمخدة كتبكي فصمت وحاطة يديها على تحت كرشها بألم و اليد اخرى مخبعة فيها الفلوس و فعقلها حاجة وحدة باغة تهرب من هاد العذاب
بسمة : ( فخاطرها ) يااااربي شوف من حالتي
مدورة بيها السقاطة وشادة مسلسل تركي فتلفازة بين يديها تشيبس ومضلمة صالة وسادة عليها الباب باش ميتسمعش صوت المسلسل .. معلقة عيونها فشاشة تلفاز باهتمام وحماس وحداها تلفون كيصوني ودايرة لو صيلونص دورات وجهها بصدفة جيهتو وحبسات المسلسل كانت طالعة ليها أبيل ڤيديو فواتساب ساست يديها دغيا ودارت القب دبيجامة مغطية بيه شعرها وناضت شعلات ضو ورجعات جاوبات وحطات تلفون قدامها فوق طبلة
هدى : ( كيبان ليها خاشي وجهو فمخدة ) سلام لاباس عليك
يوسف : ( هز راسو دغيا فاش سمع صوتها ) وأخيرا جاوبتي قلت يمكن ناعسة يلاه كنت ناوي نقطع
هدى : ( حاطة يديها على عنقها ) لا كنت كنتفرج فمسلسل تركي ومرديتش لبال تلفون كنت دايرة لو صيلونص ( دورات ليه لكاميرة لتلفازة )
يوسف : ( بتاسم عجباتو بالبيجامة لقب على شكل أرنب وعندو ودينات ) ماشي مشكل ياك منكون ديرونجيتك ؟
هدى : لا مكاين تا مشكل عادي
يوسف : مهم غا سمحي لي صونيت فهاد الوقت تلفون كان خاسر ومقدرتش نصوني فصباح مهم كنت باغي نسولك شنو رأيك من آخر مرة تلاقينا ( حك حاجبو ) مقلتيش ليا واش موافقة نجي لداركم ولا لا ؟
هدى : ( دورات عينيها بتوتر وسكتات بضع ثواني ) ااا مرحبا بيكم فأي وقت
يوسف : ( غير سمعها ناض من الفرحة وحط تلفون قبالتو ) يعني معندك حتى مشكل ؟
هدى : ( بابتسامة لطيفة ) لا مرحبا بيكم
يوسف : ههه فراسك فرحتيني راني علمت حتى الواليدة قبل متجاوبيني وتاهي متشوقة تعرف عليك
هدى : ( جمعات شفايفها كتفكر الوقت لي ميكونش خوها فدار ونطقات بهدوء ) لا بغيتي نتعارفو هي لولة وديك ساع لا عجبتها ( ضحكات كتشوف فيه بتسامتو كتوساع تدريجيا ) هههه مرحبا بيكم تاني
يوسف : واخا إن شاء الله نديرو شي وقت ونجيو عندكم لدار ؟
هدى : اجيو بعد غدا
يوسف : ( كيشوف فيها فرحان ) واخا إن شاء الله يلاه نخليك تنعسي الله يعاون
هدى : ( حركات ليه يديها ) الله يعاون
قطعات وجرات حداها عاصير كتشرب فيه وفنفس الوقت كتفكر
هدى : ( حلات شرجم حتى ضرب فيها البرد وضحكات منتاعشة ) الله .. ( خدات نفس طويل ) غدا صلاح مسافر عالله غا مايجيش بعد غدا ويغبر شي يوماين
سدات شرجم وجمعات روينة لي دارت ومشات لبيتها تخشات ففراشها مرتاحة ..
صبح صباح كانت فاقت بحماس على غير عادتها تجبدات ففرشاها لفترة وناضت بدلات حوايجها دغيا ومشات شدات طاكسي ل لافاك دوزات حصصها ورجعات لدار حلات لباب وهي تلاقاه نازل عينيه على تلفون عاقد حجبانو كيف ديما
صلاح الدين : ( هز راسو فيها وزاد عقدهم ونطق بصوت خشن ) تهلاي فمك حتى نجي لا خصاتها شي حاجة صوني ليا
هدى : ( بلا متجاوبو طلعات فدروج ممسوقاش ليه حتى سمعات سميتها تنطقات بصوت زعزها وهي دور دغيا ) نعام !
صلاح : ( بنبرة تهديد ) آخر مرة نهضر معاك ومتجاوبيش ودابا طلعي عند مك قبل منكركبك من هاد دروج
زدح لباب ساخط وهي طلعات بزربة بدلات حوايجها ومشات لصالة كانت عارفة غاتكون فيها كيف ديما
هدى : ( باست راسها ) لحنينة شوية ؟ دازت عندك لبنت لي كدير ليك ترويض
مبيريكة : ( حركات ليها راسها بالإيجاب وجبدات ليد لي مكتقدرش تحركها مزيان حطاتها على فخضها ) جات ابنتي حمد الله شوية گلسي حتى تجيب رقية لغدا خوك راه عاد نزل مغايتغداش معانا
هدى : ( گلسات كدور فعينيها ) اه مسافر شحال غايتعطل ؟
مبيريكة : إوا معرفت راك عارفة ميعلمكش بالوقت بضبط حتى تلقايه واقف عليك تالاگاليك غدا يوقف عليك اليوم
هدى : ( عضات على شفايفها بتوتر كتمنا ميجيش ) مي بغيت نقول ليك شي حاجة
مبيريكة : ( شافت فيها بالستغراب ) خبار الخير ؟
هدى : لا كل خير ( حنحنات ) اا غدا إن شاء الله غايجيو عدنا شي ضياف
مبيريكة : ضياف ؟ شي صحباتك
هدى : ( كتفرك فيديها ) لا سيد لي قلت ليك بغا يخطبني غايجي هو ومو او واقلة ختو يتعرفو علينا
مبيريكة : ( كمشات عينيها بصدمة ) كدوي بصح ابنيتي ؟ خوك عاد مشا شكون غايوقف معاك ؟ ( شافت فيها بشك ) ولا قولي هادشي علاش مسولاني واينتا غايجي مورا ضهرو اهدى ؟
هدى : ( شداها الفقصة ) وامي فحال كان فحال مكانوش راه غير تعارف لخطبة إن شاء الله ويحضر راه واحد ساعة دغيا ويمشيو ناس
مبيريكة : حكوك جنابك ابنتي كتقلبي على شي دگة دلعصا لاساق لخبار يعوقك من شي قنت
هدى : ( هزات كتافها بلا مبالاة ) واش فيها ناس بغا يتعرفو علينا دغيا ويلا تفاهمنا يحضر ديك ساع
مبيريكة : ( شدات فراسها ) بينك وبينو انا راه غا تجلطوني بجوج عارفة كولشي ومعكسة ابنتي معكسة ضوسي غايدفعوه ويترض عارفة هادشي وباقي راسك قاصح
هدى : ( ناضت ) غدا أمي جايين ناس قولي رقية جايين شي صحباتي وطيب شي حاجة متولة ليهم علميها
مشات لبيتها وخلات مها وراها كتشوف فيها بصدمة عارفاها مجكارة وخوها كتار منها قاليها متعرفي نتي والو ...
فاقت بكري ضرباتها بتدويشة تبرد لقلب وخرجات لاوية عليها بينوار او فوطة على شعرها او مشات جيهة كوافوز جلسات على لكرسي وقدامها مراية نشفات شعرها بفوطة وخدمات سوشوار حتى نشفاتو وخلاتو مطلوق على راحتو واصل لخصرها ورطب متحتاجش تبلاكيه .. هزات مرطب دلوجه ودارتو وتبعاتو مرطب دلفم حلات مجر فكوافوز وخدات مستحضرات التجميل ديولها وحطاتهم قبالتها نشفات لحمها او دارت كريم مرطب بنكهة الفريز دوزاتو على جسمها كامل وكل بلاصة عاطياها حقها وغا بشوية عليها واخدة وقتها بلا متعگز كيعجبها تهتم براسها وتدللها واخا كتلبس الحجاب ولكن هادشي مكيمنعهاش انها متهتمش بنفسها بالعكس الحجاب مساعدها فحماية جسمها من شمس .. كملات ترطيبها ورشات سبرايت للجسم فنفس نكهة الكريم ..
كملات روتينها ودارت ماسكات لوجهها معتانية بيه وقدات ضفار يديها ورجليها نقاتهم وخلاتهم بلاصباغة او ناضت لبسات دوبياس بلون أحمر دموي جا معا لون بشرتها قمحي للحضة وقفات قدام المراية مبتاسمة وعاجبها راسها طايتها زوينة مرقيقاش بزاف كريشة معندهاش وصدر متوسط الحجم والحاجة لي مزيناها ليهونش والمؤخرة عندها باينين بطريقة مثيرة ..
لبسات وحدة من المخاور لي عندها جايينها من الإمارات كيعجبوها بزاف شكلهم أنيق وفنفس الوقت زوين .. دارت فرجليها بانطوفة وشعرها جمعاتو شفنجة وخرجات عند مها لبيت لقات رقية والمروضة كيتعاونو يهزوها حتى لصالة عاونات رقية فبلاصة البنت وشكراتها ومشات .. حطو الفطور وبداو يفطرو وهدى هزات عينيها فمها وبتاسمات بإعجاب كانت لابسة جلابة بالأخضر الملكي أنيقة ودايرة على رجليها كاشة صغيرة مغطياهم
هدى : ( شافت فرقية ) ياك ماخاصة شي حاجة نجيبها ؟
رقية : لا كولشي كاين فدار ياك غاندير بسطيلة دلحوت او دجاج او جوج دجاجات نحمرهم او شلايض ياك ؟
هدى : اه الله يجعل البركة
حركات ليها رقية راسها بواخا وناضو جمعو طبلة ومشات معاها عاوناتها فشي حاجة خفيفة وقادات عواصر وخرجات باش متشدش فيها ريحة طياب .. مشات لصالة فين گالسة مها وهي فين غايجيو ضياف قدات الفراش ومسحات الغبرة من شرجم وشطباتها سالات ودازت لبيتها وهزات تلفون لقاتو مسايفط لها ميساج ( غانجيو إن شاء الله مع ديك 2 فاش نشدو طريق نصوني ليك تنعتي ليا دار ) جاوباتو بواخا و حطات تلفون كتعض فشفايها بتوتر وتدعي ميجيش صلاح حتى يخرجو فلخر ناضت شافت ساعة كانت 11 تشهات تقاد شعرها وجبدات لبلاك بدات تسرح فيه بشوية ومع طويل عدبها بقات فيه ديك ساعتين وناضت دغيا جبدات كسيوة بزرق مزيرة من لفوق وعريضة من لتحت فيها عقيق كيبري جيهة صدر او فليدين مشدودة وداير عليها لعقيق قدات مكياج خفيف وعكر فلون شفايفها ودارت زيف فزرق بارد وخلاتو مرخوف وفرجليها خدات صندالة بيضة بطالون قصير وأنيقة لبساتها كتشوف راسها فلمراية كانت راضية على شكلها مئة فلمئة بتاسمات وخرجات من لبيت لقات رقية سالات وحطات كولشي مقاد فوق بوطاجي
هدى : ( كتشوف ساعة وصلات جوج خافت يجيو ويتلاقاو معاها نيشان وتوصلها لصلاح ) اا صافي اخالتي غا سيري انا نكمل
رقية : ( شافتها مقادة ومتوترة ) لاواه حشومة سيري گلسي يجيو صحباتكم نحط ليكم هاد لخير
هدى : لا لا غاسيري انا نتكلف شكرا بزاف وسمحي لي عدبتك
رقية : ( هزات ملحافها كتلبسو ) هانيا ابنتي مرحبا
نزلات رقية مشات وهدى صونا لها تلفون جاوبات كان يوسف لي خرج من دار هو ومو وتبعاتهم ختو كتبان فيها تالفة
يوسف : ( تلفون فيديه وعاقد حجبانو من شمس لي جايا على عينو نيشان ) مالكي علاش كتقلبي
ختو : سوارت دطموبيل ! ( يلاه جات دخل لدار وخرج راجلها مادهم ليها )
راجلها : راك نسيتي مهزيتيهم قلت ليك خليتهم ليك فوق كوافوز ونسيتي
هدى : اوكي شكرا يلاه بسلامة هاحنا شوية ورجعو
حرك ليها رجلها راسو بالإيجاب وطلعو طموبيل متبعين نعت لي عاطا ليهم هدى حتى وقفو حدا شانطي جنب دارهم وعلمها و جاوباتو بهانا خارجة ونزلات بجرا حدا لباب شيرات ليه بيديها و دخل لدرب بعد ماشافها وقطع .. هزات عينيها فشراجم ديور لي حداهم لقات كولشي كيطل ولعيالات حدا لباب كيشوفو ويتغامزو دورات وجهها ممسوقاش او وقفات حداها طموبيل رونج بالبيض نزل منها لابس كومبلي بزرق غامق وقاميجة بيضة حال 2 صدافي لولانيين و فيديه بوكي دوفلوغ و بواط كريم باتيسري بتاسمات فاش شافتو كان كيبان زوين والوقفة وتگلضيمة .. نزلات من جنبو مرا كبيرة فالعمر لابسة جلابة أنيقة بالموڤ وزيف موڤ بارد ولور شابة فثلاثينات بجلابة مخزانية بالحمر قصيرة شوية وفرجليها صندالة طالون مجوهرة بالبيض وطالقة شعرها وفيديها بنت كتبان عندها 6 سنين لفوق .. دخل هو لول ومد ليها لورد مبتاسم بطريقة رجولية وفعينيه فرحة كبيرة وتبعاتو مو لي كانت كتشوف فيها من بعيد بإعجاب وطلعات راسها فدار وكتقول فخاطرها مشاء الله تبارك الرحمان
مو : ( سلمات على هدى بالوجه ) سلام ابنتي لاباس عليك
هدى : ( بابتسامة لطيفة ) حمد الله اخالتي دخلو متبقاوش حدا لباب
ختو : ( طلع يوسف ومو وبقات هي مع هدى ) : هانا على زين ياختي مشاء الله حسن من تصاور ( سلمات عليها وعنقاتها )
هدى : ( تزنگات ونطقات بحشمة ) ربي خليك اختي نتي لي زوينة مشاء الله ( شافت فبنتها ) والفنكوشة كتر
طلعو بجوج مجمعين لاحقين دغيا على يوسف ومو او وراتهم صالون دخلو وسلمو على مها وگلسو مجمعين كيتعارفو على بعضياتهم
مو : ( كتشوف فمبيريكة ) إوا جينا نتعرفو على بعضياتنا وزيارتنا قصيرة وإن شاء الله المرة جاية خطبة لا كتاب ( كتشوف فهدى بإعجاب كتبان ليها داخلة سوق راسها )
مبيريكة : ( بضحكة صفرة ) مرحبا بيكم والله يدير لي فيها الخير ياربي ( شافت جهة هدى لي كانت حادرة راسها ) راجل ديال دار هو خوها ومسافر خرجات ليه شي خدمة ومقدرش يحضر
مو : لا هانيا ماشي مشكل مرة جاية إن شاء الله نتعرفو عليه ( سكتات لثواني ) لولد عندي خدام فجوندارم الى كتاب راه يدفع ضوسي وعلى مايتقبل حنا نديرو خطبة وإن شاء الله العقد مورا مايدوز معاهم المدة لي دايرين لا كنتو قابلين على هادشي نتوكلو على الله ويلا عندكم شي شروط قولوهم لينا
مبيريكة : ( شافت جهة هدى بإحراج ملقات متقول مكرهاتش تقول ليهم لي كاين ولكن حشمات لاش جايين من لول علاش ميعلموهم قبل ) إوا الموافقة كتبقا البنت هي لي غاتزوج ( سرطات ريقها كتشوف فيها شداها الفقصة وكتقول فخاطرها واخا تايسيق لخبار )
هدى : ( هزات راسها كتشوف كولشي كيشوف فيها ويوسف مصوب نضراتو عليها نيشان كيتسنا جوابها ) اا احم موافقة ومعندي حتى شروط من غير ديروني وحدة منكم
تسمعات تزغريتة خلاتهم كيضحك ودارو جيهة ختو لي كانت فرحانة لخوها لفرحة كتبان فعينيه باين او واضح انو عجباتو وحتى هي نفس لحاجة دخلات لخاطرها وحتى مها نفس شيء او من الفوق مصوابين .. ناضت من حداهم هدى بهدوء وبدات تحط ليهم فداكشي لي طيبات رقية .. عمرات طبلة مخلات حتى بلاصة كان كولشي على حقو وطريقو العواصر مشكلين عصير ليمون او فواكه مخلطة او لفريز ... او مونضاات لي تشهات خاطرك كاينة او ريحة ياسلام
مو : ( بتاسمات عاجبها الحال دار على مزيناتها ونقا وتاويل شكوون كره يتناسب معاهم ) عدبتو راسكم غير زيارة خفيفة وكنا نمشيو
مبيريكة : إوا لاواه حشومة عدابكم راحة متقوليش هكاك
بداو ياكلو وفنفس لوقت مجمعين وكيضحكو بيناتهم ويوسف طول لوقت يا إما كان يشارك معاهم الحديث ولا يسها فهدى
مو : تبارك الله مشاء الله كولشي بنين ( هزات عينيها فهدى ) بصحتك ابنتي طيابك بنين
هدى : ( شافت فيها بدهشة ونقلات نضراتها لمها لي شداتها ضحكة ) الله يعطيك صحة
مو : إوا ابنتي كتقراي ولا غير دار ؟
هدى : لا كنقرا فلافاك
مو : ( شربات من كاس عاصير ) الله يعاونك ( دارت جيهة مها ) شحال ونتوما ساكنين فأگادير
مبيريكة : أصلنا من أگادير تزادو وترباو لولاد هنا
مو : اه يعني سوسيين حنا من رباط وساكنين فطنجة بنتي لي مزوجة فأگادير
كملو حديثهم وكل مرة كتشكرها مو على طياب وهي كدير ضحكة صفرة معرفات منين خرجات ليها ديك بصحتكم كأنها هي لي طيبات ولكن حسات بالإحراج وسلكات راسها بهكاك .. جمعات طبلة وناضو بغاو يمشيو
مو : ( ناضت كتقاد فجلابتها ) يلاه الله يعاونكم ومرحبا بيكم عندنا إن شاء الله غانوليو عائلة نسولو فيكم وتسولو فينا غير يجي ولدكم من سفر الله يوصلو على خير اجيو مرحبا بيكم
مبيريكة : امين ترحب بيك جنة ياربي وگلسو معانا نعمرو واحد كويس دأتاي
يوسف : ( دوز يديه على شعرو ونطق ببحة رجولية وعينيه كيفلتو ليها ) الله يكبر بيك اخالتي الله يجعل لبركة شكرا ليكم وسمحو لنا عدبناكم
مبيريكة : مكاين عداب اولدي الله يعاونكم ( شافت جهة هدى ) نوضي ابنتي وصليهم حتى لتحت مكرهت نزل ولكن ( شيرات على يديها ورجليها ) عندي واحد يد
ورجل مشللة فيهم صعيب نوض نتمشا كنحركهم غير شوية
مو : ( حركات راسها بأسف وقدات نضاضرها دشوف ) الله يشافيك ياربي إن شاء الله ترجعي توقفي على رجليك فأقرب وقت
مبيريكة : امين ياربي
نزلات معاهم هدى حتى لتحت مودعاهم ويوسف مكرهش يجرها يعنقها ولا يديها معاه غا مصبر راسو وكيقول دابا تولي ليا إن شاء الله
ودعاتهم وجات دخل لدار وشافت رقية جايا من بعيد تسناتها حتى جات ودخلات معاها طالعين لفوق
رقية : ( شافت ناس من بعيد وبدات تفهم لاش هاد لعراضة ) هدى ابنتي شكوون دوك ناس
هدى : ( حكات حاجبها بإحراج ) غير شي ناس بغاو يخطبوني وصافي سمحي لي معلمتكش ولكن مابغيتش صلاح يسيق لخبار
يلاه جبدات سميتو وتسمع فران طموبيل مجهد حدا لباب خرجات عينيها بخوف وطلعات هاربة عند مها لصالون ورقية وراها شادة على قلبها وكتقول الله يخرج طرح على خير ..
زدح باب طموبيل بجهد وصدرو كيطلع وينزل بالأعصاب كيتنفس بجهد وشمتة شداه غفل على دار 2 دقايق يسمع من لبراني شي ناس جاو يخطبو ختك ! حل باب بسوارت وطلع بجرا وهو كينقز جوج درجات مشا نيشان لبيتها زدح لباب برجليه ملقاهاش وداز لصالة لقا مو شادة راسها ورقية حداها كطبط على كتفها وهدى من جهة لوخرا مخشية فمها وضاربة طم
صلاح : ( بعيون مشتعلة عينيه نيشان عليها لاح كونطاكط دطموبيل ونطق بسخرية ) مزوقاااا گالو ليا جاو فيك الخطاب ( طلع حاجبو ) تااااااالداار ( ضرب يدو مع لحيط حتى تهزات من بلاصتها او مها كتشوف فيهم بخوف ) كتستحمريني اهدى ياك ؟ حمار انا مدخلة بنادم ورا ضهري صافي غير خويا سافر راه مغايوقفش عليا ندير لي بغيت
مبيريكة : ( بنبرة حنينة كتحاول تستعطفو ) اوليدي عفاك غا برد برد كولشي كيتحل بالعقل
صلاح : ( بلا ميدور عند مو تقدم عند هدى وشدها فكتفها مورك عليها حتى غمضات عيونها بألم ) كتحدايني ولا شنو بلانك نتي عارفة ضوسي غايتدفع ويترفض فلبلاصة شكون غايقبلو بسلامة عزرائيل ( رفع من حدة صوتو ) عارفة كولشي ودايرة راسك معارفة والو كتقلبي على المشاكيل
هدى : ( منزلة راسها لارض ولخلعة شاداها من صبعها صغير عارفاه ميضربهاش عمرو حط عليها يدو ولكن تهديد لي كتحسو من صوتو فشلها .. هزات عينيها فيه بشوية ونطقات بصوت بالكاد يقدر يسمعو ) مدرت والو شنو دنبي انا فهادشي
طلق منها جعراتوو وبعد عليها محيد جاكيطة وبقا غير بتيشورت كحل صهدة طالعة معاه او لعرق نازل مع عنقو
صلاح : ( غزز سنانو فشفايفو عاقد غوباشتو وعينيه حمرين ومعرقين ) واش باغا تزوجي زواج الفاتحة باغا دوز واحد سيمانة ولا 2 وينكرك تجي عندي ديك ساع كتبكي وتشكي واش تقاداو رجالة هداك بوحدو لي كاين
هدى : ( وقفات دموع كيطيحو ليها ونطقات بصوت متغنغ بالبكا وبحرقة ) انا باغا غا نعيش فحالي فحاال ناس واش انا لي ختاريتو جدارمي مكنتش عارفة
هي كتهضر بحرقة وتبكي وهو واقف قدامها صبر وصل لحدو يديه مزير عليهم وعضلاتو كيحس بيهم تشنجو .. دار فحال لبرق جبد لبلازمة بجهد حتى تحيدات من الحيط وهزها حتى لسما وردخها مع لارض عينيه خارجين وكيتنفس بجهد عرق مطراسي فجبهتو كيضرب او ودنيه حمرين .. تسمعات غوتة بجهد كانت مو لي شادة على راسها كتبكي خايفة لا يدير شي حاجة لراسو ولا يتآدى اما بنتها عارفة ميقربش ليها وخا يعرف يخوي أعصابو فراسو وهي ميقيصهاش !
رقية : ( معنقة مو كتصبرها ونطقات بترجي مخلوعة منو ) عفاك اولدي غا على وجهك مك هالعار اولدي غا على وجه مك غا يطيح لها طونسيون
صلاح : ( لتوى فمه بغضب ونطق بصوت خشن جامد وحاد ) بربي ولقا عندي شي قواد هنا فدار حتى نفرعو غا جيبيهم المرة جاية تلقايه مليوح من طروازيام إيطاج راس فجيه ولكسدة فجيهة خرا ..واحد الحبس واحد للقبر جلسي مع قبك هانية
هدى : ( بحرارة ) هداااك سيد لي ختاريت و بغيت
صلاح: ( تيحرك راسو بغضب ) وهضرتي لي تكوووون برب العالي لا كنتي ليه المراة ! نتي ختي وانا مسؤول عليك ! جربي ديري لي فراسك اهدى بربي تانحرررر_ك
هز كونطاكط دطموبيل وجاكيط ديالو ولقا نضرة أخيرة على هدى لي كانت گالسة حدا مها وجهها حمر وكتشهق بالبكا
صلاح : ( لبس جاكيطتو دغيا وشاف فهدى بنضرة زعزعاتها ) من لاخر ماعندي بنات للزواج..
نزل مع دروج وموراها ناضت رقية بجرا تجيب لمو تشرب وهدى حداها كتهدن فيها وتبوس فيديها خايفة عليها طونسيون طاح ليها او رجعات كلها كترعد
هدى : امييي اممممممي اااا امي !
الام : راسك قااااصح اهدى ! لقيت سلاك مع لولد مالقيتو معاك
هدى: امي فلوس خويا حراااام
الام: طلبي العفووو ! طلبي ساااااهلة !! ياااربي راك شايف و عالم ماتحنن قلوبهم راه هما عينيا
يتبع...
واش مغيتحطش الجزء ٣ علا حساب المعلومات عارفة بلي كيتحطو لأجزاء مع ١٠ أدبا راه ١١
هاد الجزء حطيتو اليوم قبل العشرة