كيف عادتو فاق بكري غسل وجهو خاسر معندو خاطر لبس حوايجو وهو مخسر سيفتو من روينة لي فيها دار تحت ناموسية حاط طبلة عليها بقايا الأكل مگجگج عليها ناموس .. دار مقلوبة سفاها على علاها ريحة خانزة الحوايج مشتتين فلارض موسخين الكوزينة مقلوبة بالماعن وناموس عليهم ودبان داير حالة فدار ولا عايش فكوري ديال البهايم مكاينش لي يغسل ليه وسخو !
رش ريحتو ودار مگانة فمعصمو لاح عليه مونطو من البرد وليگات فيديه زفر نفس سخون وحل بزطامو لقا فيه غير عشرين درهم ! معندو حتى ريال فجيبو شغاياكل ؟ واينتا يسالي شهر ودوز ليه خلصة يديباني بيها شوية اما تاهي كتاكلها لبانكة لكريديات فوق راسو كل شهر كيقطعو ليه فلوس مكيبقا شايط ليه والو !
خرج ومضلة فيديه شتا مجهدة وزنقا عامرة بلما و لموت دلبرد تنهد بعمق ملقا ميدير وشد طاكسي حتى لبانكة طريق كاملة كيفكر شغايدير بقات فجيبو عشرة دراهم غايشد بيها طاكسي فاش يرجع آش غايدير من شكون يسلف شكون غايبغي يعطيه ؟ .. حل مضلة وخرج من طاكسي كيجري حتى لباب بنكة دخل وگاع الأعين عليه ! ستغرب وعقد حجبانو فاش بانت ليه بلاصتو گالس فيها شخص آخر طلعات معاه سخونية ودغيا ودنو حمارو فكرة أنو جابو لي يرومبلاصيه كتجيب ليه شلل .. وقف دغيا على شخص لي جالس بلاصتو وجرو من قاميجتو بعنف
دري دفعو وبقا كيشوف فيه بغضب مابغاش يتهور ويصدق ضاربو ولا يدابزو وصت البانكة وبنادم كيشوف غايخسر صورتو قدام ناس وهو باقي جديد ويقدرو حتى يجريو عليه ! جلس بلاصتو وحاول يتهدن كمل خدمتو ممسوقش ليه هو لي واقف على راسو وعينيه شاعلة فيهم العافية وصدرو كيطلع وينزل گاع لي خدامين معاه حاضينو بنص عين تاواحد مناض يشرح ليه شنو واقع من غير واحد من صحابو لي خدامين معاه فلكيسيي
حمزة : ( جرو من دراعو ) تهدن غاتصدق جايبها غير فراسك دير عقلك وسير هدر مع المدير راه جابو داك دري وداروه بلاصتك متنوضش روينة وتصدق فمشاكل يصايفطو ليك لبوليس يجيو يهزوك قدام بنادم
عض لسانو من لداخل مرضاااااش ومتقبلش أنو يتطرد من خدمتو توجه نيشان لمكتب لمدير بخطوات سريعة او وقف قدامو كيتنفس بزربة وقلبو حاس بيه غايسكت
عماد : ( شير ليه بيديه لدري لي جالس بلاصتو ونطق بإنفعال وصوت عالي ) شكون هداك لاش جالس بلاصتي
المدير : ( مسرح ضهرو على لكرسي بأريحية وجامع يديه فوق كرشو الكبيرة وعينيه على عماد بسخرية .. دوز يديه على شاربو ونطق بصوت هادئ وبارد ستفزو كتر ) نقص من صوتك راه مكاينينش فكوري دلبهايم وداك لي جالس بلاصتك من ليوم هو لي غايخدم فديك البلاصة هو لي مستحقها
المدير : ( ناض من على كرسيه بغضب وعلى ملامحو تعابير صاااارمة ) شوف الله يرحم باك فلوس سرقتيهم وتهزو من حسابك وغايرجعو لمراة ضرب لباب منبقاش نشوف كمارتك عندي
عماد : ( مزير على قبضة يديه حتى بياضو ) غي...
المدير : ( قاطعو من جديد وشير ليه جيهة لباب بيديه ) تضرب لباب هو هداك مغاتخرجش برجليك تخرج مجرور قدام بنادم
خرج من عندو معصب وهز شانطة ديالو وحط وراق لي عندو وضرب لباب .. شد طاكسي حتى لدار خالتو وبدا يدق فلباب بجهد حتى بغا يهرسو نزلات بنتها لكبيرة كتجري وحلات ليه وهي مخنزرة
خولة : آش هاد دقان دق بشوية ابنادم معارف لي ناعس ولا لي مريض
عماد : ( متسوقش لهضرتها عينيه على دروج ) مك كاينة ولا مشات لخدمة ؟
خولة : ( ميقات فيه ) مامشاتش مريضة
طلع فدروج دغيا ومشا نيشان لبيتها شعل عليها ضو حتى فتحات عينيها لحمرين وناضت بشوية هازة راسها فيه بالستغراب
ناضت على سعدها او وعدها كتجر فرجليها حتى لصالة ذاتها كتفور بسخانة وراسها عاطيها لحريق
زهرة : ( جلسات مسرحة على المخدة ) آشمن مصيبة تاني
عماد : فيما نجي عندك تقولي ليا مصيبة ؟
زهرة : ( بصوت مبحوح ) وراه عارفة أولد ختي كيجيبوك عندي غا لمصايب مالك جاي موحشني على صباح فين عمرك جيتي سولتي فيا غير هكاك
عماد : ( حك راسو مخنزر وتكا على ضهرو عارف عندها الحق داكشي علاش ضرب طم ) جراو عليا من الخدمة ديكلاراو بيا بسباب ديك لمراة لي طيحات عليا باطل شافر ليها ألفين درهم
زهرة : ( ضحكات بإستهزاء ) واش ماعييتش من لكذوب راه هما لي خارجين عليك أولد ختي كل مرة طايح فمصيبة كتر من لي قبلها واينتا غاتجمع راسك ؟ حتى تشيب وماتلقا لي يهزك ( خنزرات فيه ) مادرتي لخير فحد حتى من مراتك عطيتيها قتلة لعصا ومخرجها فنصاصة ليل واش رجال يديرو هكا ؟ مناش مصنوع
عماد : ( غا جبدات ليه حسها فحال لا شعلات فيه العافية .. نطق بإنفعال وصوت عالي غاضب ) تاديك مراة ؟ تحمد الله حيت باقي مشوهتها تستاهل كتر كتخرج تق•حب حشاك وتجمع فلوس من ورا ضهري دايراني حمار أنا وتادابا راه غبرات الله وعلم فإنا دار من الكليان لي عندها محشية عندو
زهرة : ( ضحكات وخا مافيها لي يضحك صحتها كتحس بيها مدگدگة وكمل عليها رواح ) بزاف عليك ديك البنت خرجات تخدم بدراعها كضرب جفاف على قلبها وتسكت باش تشد جوج دريال تلقا متاكل معيشها فجوع وتسد عليها وتمشي بالك هاني نتا ضرب غا ليمارك فلحوايج وهي شرويطة دستمية متشريها لها باش بغيتيها تعيش بلما ؟ ( حاسة براسها غاتفرگع طلع لها فراسها هو ومشاكلو ) فين ما تجي تشكا ليا انا شغاندير ليك كولشي خايب غانتا لي زوين كولشي كيطيح عليك الباطل نتا لي درويش إوا الله يمسخك أولد ختي
عماد : ( وقف جاعر يديه كيترعدو ضرب بالمخدة حتى وصلات لمراح ونطق بنبرة غاضبة هزات دار كاملة ) ياك نتي لي مخرجاها تخدم وهادشي كامل ورا ضهري ونا نقول مال سيدة تعنگرات ومابقات مسوقة ليا گول نتيا لي مضسراها دخلو لها لفلوس دارت لگرون ( كيهز فيديه ويغوت وهي قدامو وجهها زاد حمار وعينيها كي لقرطاس عليه ) شكون شكا عليك تخرجيها تخدم معامن تشاورتي
زهرة : ( وقفات بزز وهزات عليه صبعها صوتها مجروح ومقاداش تدوي ) متغوتش عليا فوصت داري تقادو لكتاف وليتي تهز عليا فصوتك سير عند مك هي لي تعرف ليك كلمة جوج تدور فيك سري أنا لي گالسة نسمع ليك ونتا قربتي تضربني
عماد : ( ضرب لحيط بيديه وخرج فيها عينيه كيدوي بجهالة ودفال كيتطاير من فمو ) ماشي بعيد تكوني نتي لي مخبياها فينها لحمارة ؟ من نهار تزوجت ونتي غاتابعاهااا تعمري لها راسها مي بزااااااف عليك داخلة سوق راسها متوصلنيش ونتي كل نهار هازة گفة وجايا عندها ديها فبناتك وقيلي عليك بنادم
عماد : ( هز تلفونو كلو كيڤيڤري عينيه ضلامو ) عمرك توصليني مانتي خالتي ما انا ولد ختك من ليوم متعرفيني منعرفك ودعاوي لي كدعي شي نهار يخرجو فيك ترجعي معوقة تشدي الفراش
على آخر كلمة خرجات بنتها الكبيرة خولة مخرجة فيه عينيها او دايرا يديها على جنابها
خولة : ( شيرات عليه بكاس دزاج كان حداها ) ياك اشماااااتة كتعلي صوتك على مي وكدعي فيها وصت دااااااارها محشمتيش درك زلافتك ولا بربي حتى نجيب ليك لبوليس يهزوك
خولة : ( القرودة كيشطحو فوق راسها مكتحملووووش وزادت جعرات دابا ودعاويه على مها مطلعو منزلو ) الله ينعل دلمك الحمااار الخاااانز المعفووون بزاف عليك تكون راجل معندش دلمك لمراگة علاش تحشم سي...
قبل ماتكمل هضرتها تقدم عندها بخطوات سريعة وغاااضبة نزل عليها بتصرفيقة دورات لها لحنك وزهرة غوتات ربي لي خلقها جراتو من دراعو وبقات كدفعو جيهة دروج
زهرة : ( غوتات ربي لي خلقها دموع عند عينيها شوفة تضببات ليها وركابيها فشلو عليها ) وكلت عليك الله خرج من داري كتهز يديك على بناتي يصحاب ليك مقطوعين من شجرة تضرب فيهم قدامي ونسكت ليك والله حتى نجيب ليك لبوليس يهزوك تكمش فلحبس يصحابك كاينة سيبة فلبلاد غا أجي وضرب
تهزات خولة من لارض شادة فحنكها وطاحت عليه بتصرفيقة وجبدات ليه عنقو كتقمش وتسب وتغوت محاساش براسها .. زهرة تفك وتبكي وعماد مد يدو تاهو عليها قلبوها مدابزة وزهرة وسطهم كتبكي وتدعي عليه بگاع لحوايج لخايبين .. فكاتو عليها ودفعاتو فدروج حتى كان غايتكركب نزل كيسب ويعرق ليهم وضرب لباب وخرج
غير خرج طلعات دغيا زهرة هزات تلفونها مدورة الخط لختها وبنتها حداها كتشوف فعنقها فلمراية لي تطراساو فيه صباعو
زهرة : ( غير شافت لخط داز تطلقات كي شي كاسيطة ) أختي شدي علينا ولدك جاي محيح علينا على صباح انا مريضة وكيسب فيا عارف معندي راجل ولا دراري لي يحاميو عليا وناض بغا يضربني .. تشاد ليا مع خولة وصرفقها وناضو مقاجين انا وصطهم كنبكي ( تهزات بتنخصيصة ) والله ويقرب لبناتي حتى ميفرقوني عليه غير البوليس
مو : ( شدات فراسها ونطقات بصوت غاضب ) أنا مبرية منو ما أنا مو ماهو ولدي أنا بالله وبشرع معاه يعطيني تيقار هربات ليه لمراة وناض يخوي سمو فلي لقا بسيف تخرج انا لي مو وماقديت عليه محاساك درية لا قرب ليك تاني نوضي ديكلاري بيه مانقول ليك والو اختي بغيتو يغبر عليا شي عامين نتهنا من كمارتو طلع ليا فصحتي فيا سكار فيا الأعصاب غايركب فيا الملحة ويصايفطني بلا وقت
زهرة : ( تنهدات شادة على صدرها وطلبات من بنتها تجيب لها كاس دلما ) جنون أختي هداك جنون مايقد عليه غير لي خلقو عدبني فصحتي بغيت لي يعدبو فصحتو قهرني أختي مخلا فيا عضم صحيح شوهني مع جيران كل نهار ناس يهضرو فيا وكلت عليه الله حتى من البانكة فاش خدام جراو عليه هاهو بقا على ضس ياكل الحجر دابا
مو : ( ضربات على فخاضها ) أويلي علمسخوطة أويلي لحاجة زينا لي عندو مشات تاهيا هاهو غايبقا شومور ويقلب فين يخلص ديك دار لي كاري والله ويجريو عليه مايعتب عندي
كيدور فزناقي كي لهبيل معارف فين غادي تقاداو ليه كولشي تجمع فوق راسو حاس براسو تضغط لواحد درجة ميمكنش كولشي ضلام فعينه .. فنفس الوقت كان فريد جالس فقهوة مع المقدم
فريد : ( حط كاس قهوتو ) السمية والكنية راها عندك هاد سيدة بغينا نطلعو لها شهادة سكنة ولاكارت جديدة
المقدم : ( رشف من كاسو ) قوليها تصور وتجيب عقد الإزدياد
فريد : هنا فين كاين المشكل سيدة مزيودة فبوجدور ومعندها حتى ورقة فجيبها دابا
المقدم : ( دوز يديه على لحيتو طويلة بتفكير ) ضربها على حسابي انا نهضر ليك مع شي معارف عندي فمقاطعة دبوجدور يوصلوك غدا گاع
فريد : صافي وفلوسك يجيوك بضوبل يكون غا كولشي هو هداك ميخصك معايا خير
المقدم : ضربها على حسابي مالنا كالعبو هنا !
شكرو و ناض حط فلوس فوق طبلة .. خلاص قهوتهم بجوج وزاد مع طريق ودوز الخط لهدى
فريد : ( وقف وخدا نفس طويل كيتسناها تجاوبو .. بعد ثواني داز الخط ) ألو هدى دي درية تصور
ناضت كتفوه كملات معاه هضرة وفيقات بسمة ناضت لبسات نفس البرقع ولثمات تاني مخلية غير عينيها لي كيبانو خرجو نيشان عند مصور تصورات ورجعو تاني لدار
"بعد مرور أسبوع"
شادة بين يديها روسي لي خدات من لكوميسارية باش تجيب لاكارط لي غاطلع لها نهار تاني بحكم المعارف لي كتار فريد دار تصالاتو وحرك الفلوس وبهكا لاكارط غاتخرج لها ف 24 ساعة فقط .. هدى جنبها وفريد واقف وراهم وكل خطوة كانت كتوصل لصلاح بتفصيل ..
المحامي : ( عطاها ورقة تسني فيها ) مدام دابا باغا طلقي من راجلك شنو غاطلبي منو ؟
بسمة : ( سنات فديك لورقة وكحزاتها ليه ) ماباغا والو سامحة فكولشي عالله غير نطلق منشوفش وجهو باقي
المحامي : ( رمقها بنضرة جادة ) عندي ليك جوج دلحلول .. الحل الأول طلاق الضرر وهاد طلاق مزيان ليك غير هو خاص تبتي الضرر يكونو عندك شهود لي غادي يشهدو معاك وصت المحكمة ولا شي شهادة طبية لي غاتبين الضرر والعنف لي تعرضتي ليه من طرف الزوج ديالك .. ولكن هنا غاتكون المسألة شوية طويلة ويلا بغيتي تعويضات هاد طلاق مزيان ليك غايخرج ليك مبلغ كبير وبالنسبة لحل الثاني إلى كنتي باغا غير تفكي فاعليك بطلاق الشِقاق وهاد الحل مزيان ليه هو حيت غاتنازلي ليه على المتعة يعني مكيعطيكش واحد تعويض ولكن كيطلقك ويعطيك مستحقات ديالك فلفترة ديال العدة
بسمة : ( طول الفترة لي كان كيهضر فيها كانت كتسمع ليه بتمعن وبتركيز ) بغيت دغيا نطلق ومابيت لا تعويضات لا حتى حاجة غير تتفك فأسرع وقت إذن طلاق الشقاق أحسن ليا
فريد : إمتا توصلو دعوة طلاق ؟
محامي : دعوة نوصلها لو ف 48 ساعة ولا قل گاع خاص غير العنوان ( شاف فبسمة ) لي غاتعطيني لقاه فيه دغيا توصلو اما الى ملقيتوش فداك العنوان غايخص مدة نقلبو عليه
بسمة : كاري دار ف.... ولكن مع يقدر معندوش فلوس دابا يكون خرج منها ويمشي عند مو ساكنة ف.... وخالتو ف.... وكيخدم فبنك الشعبي لي كاين فأيت ملول حدا شانطي دتيزنيت
كملوا حوارهم وعلمهم المحامي فاش توصلو دعوة غايقولها ليهم .. خرجو أو وصلهم فريد تالدار طلعو سخفانين هدى طلات على مها ياك ماخصها شي حاجة ولحقات على بسمة لي كانت بدلات حوايجها ب بيجامة وگالسة كتشوف جيهة شرجم بعيون لامعة سعيدة وبتسامة غزيولة رجعات فيها الروح !
بسمة : أمين ياربي أمين هاديك هي دنيا ومافيها يجي يدوي معايا بعد طلاق غايكون عندي حق انني نغوت فوجهو ونجري عليه گاع داك الخوف لي كان فيا ناحيتو كنحس بيه بدا يتبخر كنتفكر داك الرعب لي كنت عايشاه من جيهتو كتشدني الخنقة ( خسرات سيفتها ) من ليوم عمري نخاف منو باقي غانواجهو ونريح راسي منو ونشوف حياتي وطموحاتي نعيش بيخير ولراسي !
هدى : ( جراتها عندها حتى حطات راسها على فخضها وبدات دوز صباعها بحنان على فروة راسها ) إن شاء الله كولشي غايولي مزيان ( سكتات لثواني ) شنو لعام لي خرجتي فيه من القراية ؟
بسمة : ( سدات عينيها براحة من ملمس صباعها ) آخر عام كانت تاسعة دوزت الجهوي ونجحت كنت طالعة ليسي وخرجاتني مراة با مخلاتنيش نكمل وليت أنا لي هازة دار وهي مكتحطش يديها فلما حتى طلاقيت مع داك الحمار وزوجاتني بيه
هدى : ( كتسمع لها بتمعن ) شنو المواد لي كانو عندك معاها
بسمة : ( بتاسمات لدوك الذكريات جاها الحنين ليهم ) الفرنسية كانت كتعجبني بزااااف ولماط شوية
بسمة : ( حلات عينيها كتشوف فيها ) حتى نتفك منو ونفكر شنو غاندير بعدا هي لولة غانخدم ونجمع فلوس ويحن الله ديك ساع
هدى : الله يسهل عليك باقي ديري لي كتحلمي بيه وتوصلي لحاجة لي نفسك فيها غير بقاي متفائلة وصبري
بسمة : إن شاء الله ( ناضت من على فخضها ورمقاتها بنضرة جدية ) ونتي كيفاش باغا تكملي حياتك ؟ باقي كتفكري فيوسف ؟
هدى : ( تنهدات ورجعات راسها على لمخدة ) نكذب عليك لا قلت ليك كنبغيه هداك غير إعجاب لمدة تلاثة شهور هو شاف حياتو وتانا غانشوف حياتي الله يسهل عليه وعلى لجميع
بسمة : باقي كتفكري فيه ؟ كون مكانش فريد تزوجي بيه ؟
هدى : ( سهات فلفراغ ) حتى كون مكانش مكنتش غانتزوج بيه حيت ميمكنش نتجمعو
بسمة : ( عقدات حجبانها ) علاش ؟
هدى : ( حاولات تبدل الموضوع باش متزيدش تخلعها من خوها ) مابقيتش باغا نفكر فيه الله يسهل عليه .. مهم دابا نوض نشوف مي ياك ماخصها شي حاجة
بسمة : ( ناضت تابعاها ) أنا جايا معاك
نهار تاني كانو ناضو لبسو حوايجهم ومشاو مع فريد لكوميسارية حتى جابو لها لاكارط ورجعهم من جديد حتى لدار .. طلعو فدروج تالبيت هدى وجلسو مجمعين
خرجات وخلاتها مسرحة فوق ناموسية وكتشوف فلاكارط بابتسامة واسعة
بسمة : ( زيرات عليها بيديها وتنهدات ) وأخيرا غانتهنا منك لاكارط او تقادات خاص غير توصلو دعوة طلاق وديك ساع محكمة بيناتنا
بعد دقائق دخلات هدى جارة طبلة وحطاتها فوسط لبيت وجابت كراسة كبار وبعدها حطات لفطور
هدى : ( ضحكات من قلبها على حالها ) حطي لاكارط تنفس شوية راك غاتهرسيها ههه
بسمة : ( دغيا طلقاتها من يديها تخلعات لا تهرس بصح ) لا صافي اختي هاهيا حطيتها تهرس نعواج ليك هنا !
هدى : ( كحزات لها كاس عصير دليمون ) شربي هدا يرجع فيك لون راه وليتي صفرة .. وراه مباردش محطيتوش فثلاجة
بداو كيفطرو وفنفس لوقت مجمعين وكيضحكو حتى سمعات هدى تلفونها كيصوني .. ناضت حتى جابتو ورجعات بلاصتها
هدى : ( يلاه كانت غاتجاوب وتقطع الخط وفنفس لوقت وصلها ميساج فواتساب وقراتو ) هدى راه راجل ديك لبنت وصلاتو دعوة ديال طلاق هاد صباح
بسمة : ( هزات فيها عينيها متفاجئة ) دغيا ؟
هدى : ( هزات فيها عينيها بفرحة ) مبروك ازين مابقا قد مافات هاهو وصلاتو والجلسة لولة ديالك معاه فالمحكمة قريبة أنا غانسول فريد إمتا وإن شاء الله تفكي منو دغيا بلا مشاكل
بسمة : ( حطات يديها على قلبها كدعي وتعاود وتحمد ربي وتشكرو ) حمد الله حمد الله والله مامتيقة غانتفك منو دغيا ( سكتات لثواني كتفكر ) خايفة غير يتعكس فالمحكمة ولا يسيق لخبار انني جالسة معاكم ويحيح عليكم حدا دار
هدى : ( ضحكات من قلبها وشدات كاس دلقهوة بالحليب سخون كترشف منو ) لا بغا يموت غايديرها إلا مقتلو صلاح عصا وعلقو قدام باب دارو أجي عكري ليا ههههه
هدى : ( بتاسمات على هضرتها عارفة خوها ميحطش گاع فيه يديه يصايفت ليه غير لي قتلو عصا ) فطري فطري خلينا من سيرتو غا....
باقي حتى ماكملات هضرتها تسمع صوت لباب دبرا كيتضرب بجهد
هدى : ( خرجات عينيها من هاد صوت معرفاتش شكون غايكون داير هاد لحالة ولباب عندهم عمر وصل ليه شي حد ولا دق فيه محاساك هاد دقان فحال دلبوليس ! ) اويلي شهادشي
بسمة تزيرات خافت لا يكون عماد تصمرات فبلاصتها وهدى ناضت حلات شرجم كطل بان ليها راجل عاطي بضهر وكيمشي ويجي باينة فيه منيرڤي
بسمة : ( قلبها طاح عند كرشها فشلات وفمها رجع بيض خرجو عينيها فيها وناضت كترعد لجيهة شرجم وكطلب الله ميكونش هو تحاشمات مع ناس بما فيه الكفاية وغاتزيدهم بشي شوهة اخرى .. خشات راسها فشرجم كطل بنص عين ونطقات برهبة ونبرة سريعة ) اويلي هو هو هو هو هو
مع نطقات ديك هو هز عينو فشرجم ودغيا نزلات تخبات ورا لحيط وقلبها كيضرب كيضرب كيضرب كتسمع صوت دقاتو فودنيها .. هدى عقدات حجبانها فيه وخنزرات فيه يلاه كانت غاتهضر وبانو لها جوج دراري جايين لجيهتو بخطوات سريعة ..
عماد : ( العافية شاعلة فيه من صباح مرضاش توصلو دعوة ديال طلاق منها .. غير شدها فصباح ستغرب منين جابت لفلوس ؟ شكون عاونها ؟ فين كاينة ؟ گاع هاد الأسئلة تضاربو فعقلوا وناض كيسول عليها ويقلب حتى وصلات ليه لخبار من جيران نيت انو كاينة فدار فلان .. بنبرة غاضبة نطق بصوت عاااالي ) بسماااااااا بسماااا نزلو ليا مرااااتي والله حتى ندعيكم ونجيب ليكم البووووليس بسماااااااااااااااااااااااا ال....
قبل ميكمل هضرتو تحطات على كتفو يد قوية زيرات عليه ويد تانية جبداتو من دراعو تانية بجهد جابتو مخبوط فلارض ..
عماد : ( شد فكتفو كلا فيه دقة خايبة حس بالعضم تزعزع ... هز عينو مضهشر فيهم معرفهمش كيبانو ليه كل واحد فيهم تبارك الله الجثة قداش دراع واحد فيهم دايرين منو زوج .. العرق كيضرب فجبهتو بالخلعة .. نطق بصوت مرتجف مخلوع وبنبرة مهزوزة ) شكوو ن ن ن نتوما آ آش ب بغيتو عندي
بلا حتى كلمة ! عارفين خدمتهم موصيين شحال هادي من طرف صلاح لي وصل لباب ولا حيح عطوه قتلة دلكلاب .. كان عارف ولا نقولو متأكد ! من الخطوة لي كان غايدير عماد داكشي علاش دار حتياط وخلا دراري لي يحضيو دار من بعيد ...
واحد فيهم خشا ليه گروشي فعينيه خلاه تزدح مع لارض ورجع نوضو وتاني دخل فيه بروسية لنيف جابو مخبوط فلارض شاد نيفو لي كيشرشر بدم وكيغوت
عماد : ( لخلعة راكباه عينو عليهم كيقربو ليه وهو كيزحف فلارض هارب ) وعتقوو روووووووح وبغااااو يتعدااااو عليااااا وعتقوووو روح
جرو واحد فيهم من رجليه ونزل عليه بگروشيات كيدخل ليه فوجهو وعماد دموع كيطيحو من عينيه كيبكي ويغوت وحتى واحد متجرأ يقرب ليهم ! تاواحد متدخل جيران كاملين كيطلو فشراجم ويبرگو .. وكاين لي واقف كيتفرج فيه كياكل لعصا ..
هدى كطل من شرجم لفوق دايرة يديها على فمها تخلعات من الحالة لي راه فيها قتلوه عصا وخلاو ليه كمارتو مكرفصة ورجل شاد فيها وكيغوت ودموع تخالطو ليه مع دم .. طلات على بسمة لقاتها گالسة بلاصتها تحت شرجم وكتسمع لغواتو
هدى : ( من جيهة بقا فيها على لحالة لي دارو فيه ومن جيهة كتقول كون غير زادوه يخليوه شاد ركنة مينوضش .. نزلات عينيها فيها ) قتلوه عصا !
بسمة : ( ناضت كطل وتشوف فحالتو واخا مقدراتش تكمل فيه شوفة ولكن قلبها كتحس بيه برد گاع ديك العصا لي كلاتها ودعاوي لي كتعطيه حسات جاو فيه .. سكتات لثواني ونطقات بنبرة خافتة ) معرت شكون غايكون سلف ليه ومردش ليهم فلوس وعطاوه سلخة دابا
هدى : ( دورات راسها بحركة دائرية بمعنى احياني على سلف هدا غير خويا موصي عليه ) جابها فراسو عبرو عليه
مفرش فلارض شاد فيدو وكيتنفس بجهد صدرو كيطلع وينزل بعنف هز عينيه فشراجم د ديور لي مقابلة معاه لقا بنادم باقي كيتفرج فيه .. ناض بشوية كيكحب وجهو حمر او غادي بدمايات عين عندو زرقة او حنك دايرة عليه زروقية من جناب وحمر ..
عماد : ( وقف مسند على لحيط شاد فيدو ليسرية ورجليه عاطياه الحريق .. هز عينو فجيران لي كيطلو ونطق بصوت عالي غاضب ) داكشي لي كتعرفو أولاد لق•حاب طلو فشراجم وتفرجو فبنادم الله ينعل دلمك كاملين ( هز عينو فدار صلاح بغل وبتوعد ونطق بصوت خافت ) واخا مخبيينها عندكم ومصايفت ليا ولاد لق•حاب يضربوني إلى مجاو جمعوكم البوليس راني ماشي راجل
دار مع دورة غادي لكوميسارية على رجليه معندوش فلوس طاكسي .. كيتمشا ويعرج رجل عاطياه الحريق وصابر حالتو حالة لي داز من حداه يوقف ويتبع ليه لعين
عماد : ( وقف كيشوف طريق طويلة قدامو وهو الخطوة كيخطيها بزز ) قلا•وي مافجيبي حتى ربعة دريال
وقف كيتنفس بجهد وكمل طريقو وكل مرة يوقف ويجلس يرتاح ويرجع ينوض حتى وصل قدام لكوميسارية دخل وبان ليه بوليسي خارج او وقفو بزربة
عماد : ( خدا نفس طويل ) مراتي شي جوج سيمانات وهي غايبة على دار معرفتها فين مشات وصلاتني دعوة طلاق منها او فنفس لوقت وصلاتني خبار من جيران أنها كاينة فدار واحد البزناز نضت مشيت عندو لدار كندق فلباب ونعيط عليها او جاو واحد جوج مدواو ماهضروا معايا نزلو عليا نيشان بالعصا
عماد : ( تخطف منو لون ملقا ميقول ) آااا تناقشنا شوية وخرجات غضبانة يصحابني مشات لدار عند واليديها ساعة مشات عندو لدار ( سكت لثواني ) أنا سيدي بغيت نديكلاري بمول دار هو مورا هادشي كامل راه معروف هنا فأگادير سميتو صلاح الدين ....
الضابط : ( غير سمع سمية ولكنية شداتو ضحكة وزرب عليه دغيا ) عندك شي شهود على هادشي ولا غير جاي تاهم عباد الله بلا دليل بلا شهود
عماد : كاينين جيران راه شافو كولشي
الضابط : ( ناض وقف ودار ليه إشارة لباب ) سيري أسيدي حتى تجيب شهود ورجع ميمكنش ندير محضر بسيد بلا دليل ولا شهود شكون گال ليا أنا مرتك عندو فدار بصح ومالو هو لي ضربك ياك گلتي شي دراري شكون قاليك هو لي مصيفطهم ( هز شي وراق من فوق لمكتب وتم غادي خارج ) سير حتى تجيب معاك لي يشهد وأجي ودوك لي ضربوك قلب على سمياتهم وفين ساكنين
خرج شاد ضحكتو عارف واش صلاح مورا هاد لبلان ولكن تدويرة صحيحة غايشدها داكشي علاش سرسبو دغيا .. ناض عماد كيعرج ورجع تاني لدار غير بزز ودم طالع ليه لي تلاقا معاه يدور فيه .. لبوليس ومخداو منو لا حق ولا باطل آش عندو مايدير باقي ؟ يمشي يطلب جيران يشهدو معاه ؟ متأكد تواحد مغايتجرأ يمشي معاه فدقيقة ينكروه هو وطاسيلتو تواحد مكيحملوا فداك درب كولشي باغي واينتا غير يخرج كل نهار كيتشكاو منو على صداع لي كيدير فنصاصة ليل ..
وقف طموبيل قدام دار عاقد حجبانو من لخبار لي وصلاتو من دراري .. حل لباب وطلع جوج درجات وتكا بكتفو على لحيط
صلاح : ( بنبرة صوت عالية كتزعزع ) هدااااااااااااااا
كانت قاعدة مع بسمة كتهدن فيها غير سمعات خوها كيعيط تهزات دغيا جيهة لباب مخلية بسمة زادت فحدة بكائها .. مخلوعة وحشمانة منهم
صلاح : ( بالستفسار ) هانيا ؟ ياك ما داك الكلب لي جا كيحيح علينا هنا سمعاتو مي ؟
هدى : ( نزلات عينيها ) لا كانت ناعسة دارها راسها شوية شربات دوليبران وتكات ماسمعات والو
تخطاها وطلع بخطوات متسارعين تالبيت مو حلو بشوية باش ميفيقهاش .. طل عليها لقاها ناعسة مرتاحة ورجع نزل وعيط تاني على هدى لي رجعات لبيتها
صلاح : ( دق عليها فلبيت ) هدى
هدى : ( حلات لباب كتشوف فيه بالستغراب ) نعام !
صلاح : ردي لبال لمك لافاقت حطي لها تغدا ويلا باقي دارها راسها علميني نديها سبيطار
هدى : واخ
تبعاتو بعينيها حتى نزل ورجعات دخلات لبيت وعينيها على بسمة لي من صباح وهي كتبكي وجهها حمر وعينيها جفو من دموع .. كنينيكس حداها وكل مرة تمسح نيفها حتى طيباتو
هدى : ( جلسات حداها ودارت يديها على حنكها ) أويلي براكا من دموع من صباح ونتي حيط حيط ماعيتيش ؟
بسمة : ( مسحات نيفها ونطقات بصوت منغنغ بالبكا ) ولد لحرام ديما مشوهني آش جابو لعندكم دارلي شوهة معاكم باز لخوك صابر عليا معاكم أما يجري عليا من زمان تلقايه ماكرهش يديرها غير على وجهك شاد راسو
هدى : ( ضربات لرجليها بشوية ) الله يهديك مغايجري عليك حد خويا تلقايه گاع ممسوق لي هامو هو مي متسيقش خبار وحتى كون سمعاتو داير روينة مغايهضرش معاك غايصايفط ليه لي يعلقو من رجليه يولي يزحف فلارض وتهناي منو
بسمة : ( حركات راسها بلا ) غاسمحو ليا بزاف هادشي على مشاكل مجرجراكم معايا فلمحاكم ومدخلاكم فصداعات من المحكمة وغاديين معايا
هدى : ( حركات راسها بلا حول ولا قوة إلا بالله و جبدات مانطة تغطات بيها وحطات مخدة على وجهها ) مامعاك هضرة دوزي تنعسي
بعد سيمانة وفوسط قاعة المحكمة كانت هي مقابلة معاه كترمقو بنضرة مشمئزة كلها حقد وهو عينيه ثابتين عليها وملامح وجهو ماعليها حتى تعبير فقط ..
القاضية : ( شافت فبسمة من تحت نضاضر ونطقات بجدية ) شنو سبب لي خلاك ترفعي دعوة طلاق على زوج ديالك ؟
بسمة : ( فركات يديها بتوتر وهزات عينيها فيه بثقة تشجعات وحطات بين عينيها فكرة إلى مهضراتش دابا عمرها تفك منو ) سيادة القاضية بالنسبة ليا مابقات عشرة مع هاد سيد من نهار تزوج بيا وهو كيكذب أي حاجة كيقولها كنلقاها كذوب بالإضافة أنو كل مرة كيجي من خدمتو كيفرغ الغضب ديالو فيا بمعنى كيعنفني نفسيا وجسديا الزواج كيكون على أساس حب ومودة بين الطرفين ولكن علاقة لي كتجمعنا عكس هادشي كيعاملني فحال عبدة عندو فدار ماشي زوجة .. ( سكتات لثواني كتلتاقط أنفاسها ورجعات هزات عينيها فلمحامي لي بتاسم ليها بمعنى واصلي ) معندوش حس المسؤولية و مقادرش على زواج كيصرف على راسو ويلبس غير ليمارك وأنا معنديش حتى جوج بياسات كيخليني بلا حوايج فهاد البرد وكيقتلني بجوع فيما نقوليه تقدا شوية الخضرة لدار يقولي معنديش أبسط متطلباتي كزوجة معنديش فيما نهضر معاه يقولي عندي كريديات خاص نخلصهم معنديش فلوس دابا كنسولو لاش هاد كريديات شنو درتي بفلوسهم جواب واحد ديما عندو كنصرف عليك وعلى دار ( ضحكات بالستهزاء ) عمرو صرف عليا درهم كيسد عليا فدار بالأيام بلا ماكلة فحال إلى مخلي كلبة حشاكم لقوة القهرة نضت نقلب على خدمة وخدمت فلميناج وليت نجيب شوية فلوس وصرفت على راسي جا واحد نهار معصب ولقا عندي 200 درهم وتاهمني انني فاسدة واخا هادشي مكاينش وخالتو شاهدة انني كنخدم بعرق كتافي تعصب وناض كيضرب فيا بلا رحمة بلا شفقة ( دورات راسها لجهة لمحامي ) وراه درت سرتافيكا هي تبين ليكم مصداقية كلامي ( شيرات القاضية لمحامي باش يعطيها سرتافيكا وناض عطاها ليها فجوا ) موراها جرا عليا فنصاصة دليل مع 4 صباح تقريبا ولتاجئت لواحد صاحبتي سكنت عندها وفاش ستجمعت صحتي شوية نضت رفعت عليه دعوة طلاق
القاضية : ( حطات سرتافيكا وجمعات يديها وعينيها على عماد لي رجع وجهو حمر ) شنو كتقول فهادشي ؟
عماد : ( حس بذاتو كتفور تنفس بزز وعينيه كي لقرطاس عليها ) أنا أسيادة القاضية كنبغي مراتي ( هز عينو فبسمة لي وجهها تخطف منو لون ) ومابغيتش نتفرق عليها فگاع العلاقات الزوجية كينوض صداع مابين الزوجين وهادشي عادي
القاضية : هدوووء معندكش الحق تهضري حتى يسالي هضرتو
عماد : ( تبسم براحة ورمقها بنضرة مستفزة ) كيف قلت قبل المشاكل كيكونو بين أي زوجين وبصح عندي كريديات ومكنصرفش على دار مزيان ولكن لي كيكون عندي فجيبي كنخسرو على تقضية لي كنجيب كل سيمانة والقضية تاع كلبس غير ليمارك وهي معندهاش حوايج مكايناش قبل كنا كاريين فبرطمة وفاش جرا علينا مولاها بقاو حوايجها لداخل ومخلانيش ناخدهم ..
ق : ( قاطعاتو هازة حاجبها ) شنو سبب لي يخليه يجري عليك ويحجز على شي حاجة ماشي ديالو ؟
عماد : ( حنحن ونطق بثقة فنفس ) السيد لي كنت كاري عندو كان كيتسالني خلاص شهر واحد طلبتو يصبر عليا حتى نتخلص ونجيب ليه فلوسو مابغاش قالي حط فلوس دابا ولا خرج فاش جيت نجمع حوايجو خديت نص من الأثات لي فدار ونص لاخر بقا عندو ومابغاش يخليني ناخدو
القاضية : شنو كتقول على هاد العنف لي هضرات عليه الزوجة ديالك
عماد : ( عض لسانو ) كيف قالت لقيت عندها فلوس وكأي رجل شرقي كيغير على مراتو غايدير ديك ردة الفعل
القاضية : هادشي كامل ردة فعل ؟ قتلتيها عصا ماشي من حقك تعنف زوجة ديالك واخا تلقاها زانية قدامك القانون كاين
القاضية : ( شافت جهة بسمة لي كانت كتبكي ) بالنسبة ليك واش مكاين مجال لصلح ؟ نتوما معندكم لا ولاد ومدوزتوش مدة طويلة فزواجكم عام مكملتوها واش تقدري تعطيه فرصة يتبدل ؟
بسمة : ( حركات راسها بلا بهيستيرية ) لا لا منقدرش تحملت كتر من القياس نفسيتي تدمرات منقدرش نزيد نعيش معاه تحت سقف واحد غانموت غ... ( تقطع صوتها بلبكا مقدراتش تزيد طلع نفس وجهها حمار )
المحامي دبسمة : سيادة القاضية سمحي ليا نتدخل الموكلة ديالي تضررات بزاف من هاد زواج وشهادة طبية لي خرجات ليها تشرح كولشي تعدبات من طرف زوج ديالها نفسيا وجسديا ( بصوت قوي جاد ) الزوج ديالها عديم المسؤولية ومكنضنش انو كشخص مستاعد لزواج مسؤولية كبيرة عليها وصمعة ديالو خايبة بزاف فلحي فاش عايشين تاواحد مكيدكرو بزوين وكولشي شاهد على العنف لي كتعرض ليه الموكلة ديالي فنصاصة ليل ومدام باقي معندهم حتى ولاد فاطلاقهم غايكون بلا أضرار
عماد : ( عينيه خرجو عليه مكرهش ينقز ويشنق عليهم بجوج .. زير على قبضة يدو بالنفعال ونطق بصوت عالي غاضب ) هادشي كولشي كدوووب معندكش الحق تلفق ليا تهم ماعندكش عليهم أدلة مغ...
بسمة : ( مسحات دموعها كتحاول تهدن ) لا بغيت نطلق هدا قراري النهائي ومعمري غادي نتراجع عليه والهضرة لي كيقول بأنو كيبغيني وبغا رجع ليه كولشي كدوب حيت غير رجع بين يديه أول حاجة غايدير غايضربني حيت تجرأت ورفعت عليه دعوة طلاق
القاضية : ( شافت جهة عماد لي كان مخنزر فيها وعينيه مجموع فيهم حقد وكره .. ) لآخر مرة غانكرر سؤال ديالي واش متأكدين من طلاق ؟
عماد : ( رمق بسمة بنضرة كلها توعد ) أنا باغي مراتي ومتأكد أنو غير معصبة داكشي علاش رفعات دعوة طلاق
بسمة : ( خنزرات فيه بعيونها المحجرين بدموع ) وأنا رافضة نهائيا رجع لهاد سيد حيت لا رجعت تجمعت معاه غانتاحر
القاضية : هضرو بيناتكم وحاولوا توصلو لقرار نهائي سليم .. غاتأجل الجلسة لتاريخ قادم ( شافت جيهة لبنت لي حداها وحركات ليها راسها باش تبدا تكتب ) بعد دراسة الملف تم تأجيل النطق بالحكم للجلسة القادمة بتاريخ 25/1/2022 الساعة العاشرة ونصف ..
حرك ليها المحامي راسها باش يخرجو وتبعاتو دغيا متفادية تلاقا وجهها مع عماد
المحامي : ( بالبتسامة ) مرحبا الواجب ديالي هدا وتبارك الله عليك متخلعتيش منو وقلتي لي عندك رتاحي دابا الجلسة التانية بعد 15 يوم وإن شاء الله غاطلقي منو
بسمة : ( ضحكات بفرحة ) واخا شكرا مرة خرا
خلاها ومشا لسيارتو يلاه دارت تركب فطموبيل فريد لي كان كيتسناها هو وهدى وسمعات عماد كيعيط وراها
عماد : ( كيجري ) وقفي بسماااا نهضر معاك
بسمة : ( غوتات صاعرة ) مكنعرفكش بعد مني
ركبات دغيا فطموبيل مخلياه تابعهم كيجري حتى عيا ونزل شاد على ركابيه كينهز ويتنفس بعنف
عماد : ( بصوت غاضب ) واخا باغا طلقي لا تفكيت مع ديلمك أجي دفلي عليا خاصهم غير يرفضو طلاق بربي حتى نعيشك فلعداب نوري مك أنا تسنطيح ولغوات
بسمة : حمد لله دابا تأجلات الجلسة لمورا 15 اليوم المدة دصلح كيف قالت القاضية
هدى : الله يدير لي فيها الخير
فريد : ( عينيه على طريق ) الخايبة كون كان عندكم لولاد غاتبقاي ديما تابعاه على نفقة او واحلة فولادك ولا يهرب ويخليك كتقلبي عليه باش طلقي متبقاي عارفة راسك واش من المزوجين ولا المطلقين
هدى : الله يحضر السلامة باينة فيه يديرها ويفوتها ربي نجاها
بسمة : ( بصوت هادئ ) كون عندي لولاد يهرب ويخليني واحلة فيهم ديك ساع نضبر راسي معاهم
وقف طموبيل حدا دار صلاح نزلات بسمة وبغات تبعها هدى او وقفها فريد
هدى : ( بالستغراب ) شكادير بغيت نزل
فريد : عندي شي هضرة معاك ( نزل زاج لي فجيهة هدى وطل على بسمة ) دخلي أختي هدى واحد شوية نجيها
فريد : ( متبع لعين لأصغر تفاصيل فيها بحب ) غاتبقاي هكا حتى طيحي شي نهار بفقر دم ولا بوصفير ( سكتات مجاوباتوش وبقا ساكت تاهو كيدوز يديه على عنقو بتعب حتى رجع نادل وحط لكل واحد فيهم طبق ديالو ) كولي مزيان
مدات يديها غير كتنقب وتشوف فيه بنص عين كياكل براحة وبشوية عليه تقيل و مرزن فأي حاجة كيديرها
فريد : ( رشف من عصير ديالو ) شباليك نديك تشوفي البرطمة لي غانسكنو فيها خديتها قريبة لداركم باش تبقاي تجي طلي على مك وقت ما بغيت
هدى : ( حركات راسها بلا وعينيها فلأرض مقدراتش تحط عينيها فعينيه ) لا بلاش
فريد : ( عقد حجبانو وتنهد مسايس معاها ) نمشيو نختارو الفراش على دوقك ؟
هدى : ( كدوز بالفرشيط على صلاد .. ونطقات بنفي قاطع ) لا غير شوف لي عجبك
فريد : ( مشات ليه شهية رجع لور مفيكسي عينيه عليها ونطق بنبرة جادة ) هدى معندي فكاك عليك غير تهناي بغيتي نعاونك طلق صاحبتك راه عاونتها الجلسة التانية غاطلق هادي مافيهاش شك وخا كون مكانتش صاحبتك نعاونها في سبيل الله ونتي لي بغيتها تحضر ولكن راسك مقصحاه علاش الله وعلم
هدى : ( تنهدات وحطات فورشيط من يديها وشافت ليه فعينيه ) ماباغا والو ولكن نجيك تاانا من لخر حاجة بزز مكنحملهاش
مبيريكة : ( ضحكات من قلبها ) ياك ابنتي الله يدير لي فيها الخير مابقا قد مافات
بسمة : داكشي لي كاين غير نطلق منو لي تشهات شي حاجة نطيبها ليها ( ضحكات برقة ) فرحت من قلبي فاش قالي المحامي متخافي والو الجلسة تانية غانطلق
على آخر جملة نطقات كان صلاح داز من حدا صالون خطف شوفة فيهم وبتاسم فاش شاف مو وختو كيضحكو من قلبهم ومجمعين
دازو أيام على آخر جلسة لبسمة .. فصالون كانت جالسة مبيريكة وحداها ختها وبنتها وفجنبها هدى وجالسة حداها نگافة كتوريها فصور دنقش وبعض القفاطن
نگاڤة : ( وراتها طوف فيها شي قفيطنات دلحنا ) هانتي شوفي هادو واخا ماشي شي حاجة لي طوب ولكن زوينين دابا وقت البرد مكتكونش الخدمة بزاف كون جيتيني فصيف تلقاي موديلات دخلو جداد واعرين
هدى : ( كتشوف فتصاور عجبها واحد فيهم جاها سامبل ومستور ) ماشي مشكل أنا أصلا غاندير غير حاجة خفيفة فدار بيناتنا مكاين لا عرس لا حتى حاجة
خالتها : إوا أبنتي الله يسخر ليك فرااااحت فاش قالت ليا ختي راه تخطبتي وغدا العقد الله يسهل عليك ونحضرو فسبوعك إن شاء الله
هدى : ( بتاسمات لها ) إن شاء الله اخالتي
بنت خالتها : ( قدات شال ديالها ونطقات بالبتسامة ) لابغيتي نعاونك فشي حاجة قوليها ليا
هدى : ( دارت سيلونص لتلفون وحطاتو حداها ) لا غير واحد صاحبتي واحد شوية ونصوني عليها
ناضت طل على لغدا لا يتحرق وبالها غير مع بسمة وشنو تكون دارت .. طفات على طاجين وداقت من البلول لقاتو هو هداك قدات شلايض بزربة وحطات ديسير وغسلاتو .. قدات عاصير دليمون او دلفواكه مخلطة او حطات حداهم جوج قراعي دلموناضة وحدة فانتا وتانية بومس
هدى : ( حلات على طاجين كتشوف فيه عجبها منضرو كان غير بالبصلة معسلة ولحم لمعزي وزبيب والبرقوق .. قطعات تلاثة بيضات مصلوقات ودوراتهم عليه ورجعات سدات عليه ) الله على مزيناتو
بدات تهز وتحط كولشي فوق طبلة حتى سالات وجابت المغسل والفوطة عطات لخالتها وبنتها ومها يغسلو وگلسو مجموعين على لغدا
خالتها : ( داقت من طاجين ) الله على مزيناتو طاجين ابنتي بصحتك
هدى : ( بتاسمات ) الله يعطيك صحة بصحتك
قطعات لهم لخبز ومبيريكة كل مرة تقول لهم كولو فرحانة بختها لي شحال هادي مشافتها بحكم بعادين على بعضهم هي فأگادير وختها فرباط
هدى : ( شربات شوية من الموناضة وعينيها على تلفونها لي كان كيصوني بإسم فريد .. هزات تلفون وجاوبات فلحين ) ألو ؟
بسمة : ( الفرحة كتبان فصوتها غوتات بصوت عالي بلا ماتحس ) وا طلقت طلاااااااااااااااقت
"فلاش باك"
أمام قاعة المحكمة لي كانو فيها أشخاص قلال وبعض طلبة دلقانون كانت جلسة مفتوحة للعموم عكس غرفة لي كانو فيها قبل فالجلسة لولة لي هي غرفة المشورة .. واقفين مقابلين مع بعضياتهم كاينة مسافة بيناتهم .. هو ملين شوفة فيها وهي كتشوف فيه ببرود فحال إلى كتقول ليه مغارجعش ليك وأخيرا تفكيت منك ! مغارجعش نشوف كمارتك ! فرحة كبيرة فداخلها مكرهاتش تنقز بالفرحة وتعنق أي واحد قدامها .. واخا مزال ماتنطق الحكم ولكن متأكدة غايطلقو حيت طمأنها المحامي من قلب وقال ليها حتى إلى محضرش فلجلسة تانية غاطلقي غاطلقي غير كوني هانيا ...
عماد : ( شافها بغات تهضر وزرب عليها دغيا ) لا أنا مموافقش على طلاق مرتي وكنبغيها منقدرش نتفرق عليها
بسمة : ( دورات عينيها لجيهتو لقاتو كيطلبها بعينيه متوافقش على طلاق .. حرك ليها راسو بلا و خنزرات فيه وتبسمات بالستهزاء .. بعدها نطقات بصوت هادئ خلا قلبو كيفور ) وأنا باقي عند قراري باغيا نطلق من هاد سيد
القاضية : ( تنهدات بأسف و لقات نضرها على عماد ) فاش خدام وشنو راتبك الشهري
عماد : مخدامش حاليا ومعندي حتى راتب شهري تطردت من البنك لي كنت خدام فيه
القاضية : ( قدات نضاضرها ) عندك مسكن آخر لي تخليها فيه طول مدة العدة لي هيا 3 شهور ؟
عماد : ( تنفس بضيق ) لا غير كاري
القاضية : ( حركات راسها بالإيجاب ونطقات بصوت عالي ) تبين لنا أنه تعدر الصلح بين الطرفين رغم المحاولة التي قمنا بها في جلسة الصلح الأولى .. ومع إصرار الزوجة على إنهاء رابط الزوجية تقرر إقرار الطلاق الشقاق بين المدعية بسمة الشفيعي والمدعي عليه عماد بلقاسم وذلك بتاريخ 25/1/2022 مع الحكم بتعويض عن فترة العدة التي ستقضيها المطلقة بسمة الشفيعي وتم تقدير المبلغ ب 700 درهم لكل شهر .. ورفعت الجلسة
بسمة : ( بتسامتها وساعت وهي كتسمع الحكم .. حطات يديها على قلبها لي كيضرب بجنون ونطقات بصوت خافت باينة عليه الفرحة ) حمد الله حمد الله حمدتك ياربي وشكرتك
نتهت الجلسة الثانية بطلاق بسمة من عماد .. خرجات هي والمحامي على برا مكتشوفش نهائيا فعماد لي كان متبع لها العين بحزن دفين فصدرو وتبعها كيجري حتى جرها من دراعها
عماد : ( شاف فعينيها نيشان ) علاش درتي فيا هكا علاش متصبريش معايا حتى نوقف على رجلي ورجع مزيانين كي لول
عماد : ( كيحاول يستعطفها ) عفاك متخلينيش بوحدي والله حتى كنبغيك مدوزناش لقليل سمحي ليا والله مارجع نضربك
المحامي : ( دفعو من عليها ) أشريف باش من حق تحط يديك عليها
بسمة : ( تبسمات بالستهزاء لحالتو قلبها كتحس بيه كيبرد ونار لي شاعلة فيه كتخمد ) تقرب ليا نعيط على لبوليس
كانو آخر كلمات تنطقهم ودور تعطيه بضهر مخلياه وراها كيشوف فيها بتمعن وداير يديه فجيبو مكرهش يشدها بزز ويديها معاه لدار ولكن معندوش لحق يقيصها مابقاتش مراتو مابقاتش على سميتو ! ولف يهضر معاها وتحدر عينيها تسمع ليه وتنفذ دغيا متطلباتوا برحابة صدر ولكن دابا شنو تبدل ؟ .. ماينكرش أنو الشيء لي جذبو ليها من أول نهار شافها زينها وحشمتها وسمعها لكلامو مكانتش كتعارض فقط كتنفذ وهادشي لي خلاه يزيد يتعلق بيها ومايبغيش يتفرق عليها ..
بسمة : ( خلاتو وراها متبع لها لعين وهي دارت غادة مع المحامي حتى لقدام سيارتو .. تبسمات برقة ونطقات بصوت حماسي وهي كضحك بشوية ) شكرا ليك بزاف منساش ليك خيرك
المحامي : ( ضحك لفرحتها ) مرحبا ورقة طلاقك غاتخرج ليك بعد 15 يوم ولارجع تعرض ليك بلغي عليه البوليس حيت دابا معندوش نهائيا الحق يدوي معاك
بسمة : ( غير كتفرنس ) واخا شكرا بزاف غ..
قاطع حديثها صوت الكلاكصون دارت كتشوف فريد شير ليها بيديها تسربي .. شكرات المحامي دغيا وجرات لطموبيل ركبات لور كدور فعينيها .. و صلاح كيشوف ففرحتها الكبيرة من المراية لي لفوق وفريد دار عندها كيبارك لها طلاق وهو كيضحك ..
فريد : ( ديمارا طموبيل ) فرحانة دابا
بسمة : ( تبسمات بحشمة ونطقات بهدوء ) بزاف
فريد : على سلامتك هانتي تفكيتي
وصلها فريد حتى لدار نزل صلاح من طموبيل حتى حل ليها لباب ورجع وهي طلعات لفوق كتنقز فدروج بفرحة حتى لصالون لي كانو مجموعين فيه كاملين حاطين صوينية دأتاي وحليوة ومجمعين .. بلا مدور عينيها لضياف لي كاينين تلاحت نيشان بتعنيقة على هدى كضحك
بسمة : ( سلمات عليها وعلى بنتها وهي ممرتاحاش لنضراتها وبعدها باست راس مبيريكة وجلسات حداها ) الله يسهل عليك اخالتي ويعطيك شي حجة وتشفاي دغيا خيرك عمري نساه
مبيريكة : ( طبطات على يديها ) متقوليش هكاك الله يسهل عليك ابنيتي طلاق ماتبغيه لحد ولكن مع داك عيفة رجال راه اللهم لموت ولا تبقاي معاه
بسمة : ( نطقات بهدوء ) الحمد الله على كل حال لي بغاها ربي هي لي غاتكون
مبيريكة : داكشي لي كاين ابنيتي مايبقاش فيك لحال إن شاء الله تخدمي وتعولي على راسك ويجيب ليك الله شي ولد ناس لي يقدرك
بسمة : ( بالبتسامة لطيفة ) إن شاء الله
الخالة : ( حطات رجل على رجل ونطقات بفضول ) واش طلقتي أبنتي
بسمة : ( حدرات عينيها ونطقات بخفوت ) اه
بنتها : ( طلعاتها ونزلاتها ) مممم إوا الله يجيب ليك ماحسن واخا لمراة لي طلقات مكيبغيها حد باقي كولشي كيشوف فلي باقي مامدات يديها لحنا
هدى : ( عقدات حجبانها فيها .. دورات راسها جيهة بسمة لقات وجهها حمر مع بيضة دغيا بانت فيها الحمورية ) يجيب ليها ربي سيد رجال مداتوش ديك لي مادة يديها لحنا ( جرات بسمة من يديها ) يلاه معايا لبيتي نوريك شي حاجة
تبعو لهم لعين حتى دخلو لبيت ودارت خت مبيريكة عند ختها وهي مربعة يديها معاجبها حال
الخالة : إوا اختي شكون هادي على آخر يامك دخلو لبراني لدار مالكم عندكم خيرية لي جا يدخل
مبيريكة : ( بلهجة سوسية ) ديك لبنت الله يعمرها دار وهي صاحبة هدى واش تجيبها عندها ونجري عليها متربيناش على هادشي اختي
الخالة : ( عوجات فمها وتكات على لمخدة ) إوا غير قلت ليك اختي راه الخوت ومابقات فيهم تيقة محاساك البراني تشوف دار على مزيناتها تلاثة طاج وزرابي والفراش على مزيناتو محطوط فيهم الملاين صحاح يغرها شيطان تنوض تشفركم ولا دور ليك بالولد ( عقدات حجبانها ) تمشي تسحر ليه حتى يولي يهتهت بسميتها
مبيريكة : ( حطات يديها على خدها ) كون بغات تشفر كون شفرات شحاال هدا درية متحرك دجاجة على بيضها تحطها فبلاصة تبقا جالسة متنوضش فحال الأمانة صواب مشاء الله والحداگة وتاويل وجهها ماشي وجه سحارات وشفرة اما الى غير على صلاح مكرهت دور عليه شي بنت ناس ويتزوج بيها طبعو صعيب مكايناش شي وحدة تصبر عليه يضل مخنزر نهار يفك ديك الغوباشة راه مات شي حمار
الخالة : إوا شغانقول ليك اختي نتي تعرفي اما من جيهة صلاح عارفة طبعو صعيب ولاد ليوم هما هادو ( شافت جيهة بنتها ) هاهية نيت مابغات تزوج ولد عمها غادي جاي غادي جاي وتالعرس مدرناه ليها مقاد
بنتها : ( بصوت هادئ ) أنا مي مابغيت شي عرس يكون هو غير ولد ناس ونتفاهمو الله يجعل البركة ولبنت باقي مشفتو فيها والو تقدر تكون الله يعمرها دار كي قالت خالتي
الخالة : ( قلباات عينيها ) إوا غير گلنا
مبيريكة : درية الله مشفنا فيها گرام دلعيب إوا حنا غير درنا فيها خير وصافي ربي كيشوف وجات فوقيتة هدى كانت غاسادة على راسها ومكتهضر ودابا حمد الله راه مزيانة
مبيريكة : ( حركات راسها بلا حول ) ابنيتي هدى حال وحوال دغيا يتقلب ليها المزاج وراسها قاصح آش ندير ليها خوها وديما مجاكرة معاه عمرهم متفاهمو
كملو حديثهم موضوع يجبد موضوع مرة يهضرو على العائلة ومرة على ولادهم ... فبيت عند هدى جالسة بسمة وحداها هدى كتوريها نقش لي بغات دير والقفطان لي وصات تجيب لها وحتى من الحليوات لي وصلوهم ليوم وگاع تحضيرات الخطبة ورات لها كولشي
بسمة : ( حركات لها راسها بنفي ) لا أنا نبقا غا ب بيجامة غانعاون لخدامة لي جاب خوك هاد صباح وإن شاء الله نحضر ليك حتى تعقدي كيف واعدتك ونمشي
هدى : ( كانت تشوف فتلفون غير سمعاتها هزات عينيها فيها بسرعة ) فين تمشي ؟
بسمة : هدا هو جهد الله يجعل لبركة طولت بزاف فكيتوني من داك الحمار بغيت ربي الحاجة لي تمنيتو تحقق الله يسهل عليكم ويسهل عليك نتي بالخصوص حني ففريد راه والله .. الله يعمرها دار ولد ناس وشاريك بالغالي ومايخصر ليك خاطر أما أنا غانوض أختي نقلب على راسي رجع عند ديك لمراة لي كنت خدامة معاها فديور ولا نطلب خالة داك الحمار دعماد ونخدم فشي لوزين ونهز راسي
على صباح كان الجو زوين شميسة طالعة والجو بارد ريح خفيف ومكاينش البرد بزاف فقط هواء منتعش .. جمعو بلاصتهم فين نعسو وحلات بسمة شرجم باش تهوا البيت وفنفس الوقت متكية ومستمتعة بنسمات الهوا لي كضرب فوجهها المنور على صباح .. فايقة ناشطة والفرحة كتبان فوجهها فحال إلى هي لي غاتزوج ! ولكن لي مفرحها حريتها لي شداتها بيديها بعد معاناة أشهر عديدة داقت فيهم المرار وجوع وتكرفيص ودابا كتحاول ما أمكن تفائل وتستعد الحياة جديدة لي خاص تعول فيها على راسها وتقوى بنفسها وتواجه أي حاجة جات قدامها ومتخافش !
هدى : ( حالة باب ديال دوش كتشوف فيها وفنفس الوقت كتغسل وجهها بجيل ) صابحة ناشطة
بسمة : ( دارت عندها مبتاسمة حتى برزو حنيكاتها المطيبزين ) احح اقلبي واش غا ناشطة فيا واحد طاقة عجيبة ههههه
هدى : ( غسلات وجهها بلما وشافت فلمرايا كان طايح عليها سر العرايس حنيكات حمرين او وجهها تنور فحال قبل ) دوزي غسلي وجهك وسنانك ويلاه ندوشو بجوج
بسمة : ( قربات عندها وشدات يديها كتشوف فيها ) ياك ماباقي جلدك كيضرك من لاصير
هدى : لالا حمد الله ماشي فحال لبارح دابا مزيان
بسمة : ( دورات عينيها فقوة الكريمات لي فدوش ) فينها تبريمة لي جبنا لبارح ؟
بسمة : لا لا غير خليه هكا حتى ينشف غايولي رطب بوحدو
هدى : ( جراتها حتى جلساتها فوق لكرسي ) تبقاي ديما بشعر رطب انا نبوكليه ليك نشوف كيغايجيك
بسمة : ( بتاسمات كتشوف فيها من المراية خدمات سوشوار كتنشف لها شعرها ) معرفتش شكون لي عروسة انا ولا نتي راه انا لي خاصني نقاد ليك
هدى : براكا غير ديك الفركة لي درتي ليا سْسْت ليك كتافك ( شافت فوجهها وبتاسمات ) حمد الله وجهك رجع صافي كي لول ولحمك مبانت ليا حتى طبعة فيه نفعاتك لكريم لي كدهني بعدا
بسمة : ( بتاسمات كتشوف فوجهها لي حمقها طيبز ورجعات على مزيناتها ) اه حمد الله مشاو بقات طبعة صغيرة زرقة فدراعي قريبة تمشي مكتبانش مزيان
هدى : ( جبدات البلاكة كتسرح لها شعرها وسمعات لباب كيتدق ونطقات بصوت عالي ) نعاااام ؟
بنت خالتها : انا اهدى خرجو تفطرو
هدى : واخا شوية هاحنا جايين ( شافت فيها فلمراية ) مزيان حمد لله غاندير ليك شوية ماكياج ومتقوليش ليا لا غاندير لعقد وصاحبتي لابسة بيجامة ونازلة صفرة كي درتي ليها
بسمة : ( حركات لها راسها بلا ) لالا والله مندير شي حاجة أصلا غانبقا فلكوزينة نعاون
هدى : ( شافت فساعة لي فسقف ) العشرة هادي ديك 12 يجيو تريكة تاع مي وبا غاتجي خالتي وراجلها او ولادهم وعماتي وراجلها او خوالي مهم دار غاتعمر ويبانو ليك بنات عماتي وخوالاتي كل وحدة ضاربة قفطان وتكشيطة والماكياج جوج كيلو ( ميقات فيها ) ونتي تنزلي بلا والو كوزينة خليها لخدامات ضروري غايجيبهم صلاح نتي جلسي حدايا
بسمة : ( بتاسمات بحشمة وتمشات حتى لمراية طويلة وهي كتقرقب بطالونها .. وقفات كتشوف فراسها من الفوق حتى لتحت وبتاسمات عجبها راسها بزاف اول مرة تشوف راسها هكا كتبان طايتها فداك القفطان كتحمق مع الحزام لي مزير على الخصر مبين تضاريس جسمها بامتياز .. ) حبيت راسي
هدى : ( قربات حداها ورشاتها من عطر العود رشة وحدة خلات ريحة غزالة عاطية فلبيت ) على مزيناتك بنية الله يحجبك
خرجو بجوج كيضحكو حتى لصالون دخلو وگاع الأعين تحولو عليهم وبالخصوص بسمة ! لي جاتهم غريبة ومعرفوهاش شكون كولشي كيوشوش ويبرگگ سلمو عليهم غير من بعيد و جلسو حدا بعضهم ونقاشة قدام هدى وراتها شكل لي بغات وبدات تنقش ليها كيف بغات وغير سالات قالت لها تنقش حتى لبسمة رغم إعتراضها أسراااات عليها حتى نقشات غير يد وحدة ورجعات لور خلات بنات عائلتها كل وحدة دارت نقيشة خفيفة فيديها ..
داز الوقت والعيالات مجمعين مع بعضياتهم سدو باب باب صالون باش ميتسمعش صوت بزاف فلتحت وبداو يلعبو بيناتهم ها لي هزات طعريجة وها لي هزات طارة ولوخرا صينية ومعالق .. خالقين جو زوين بيناتهم
زواجي التالي الجزء الخامس
محتوى القصة
كيف عادتو فاق بكري غسل وجهو خاسر معندو خاطر لبس حوايجو وهو مخسر سيفتو من روينة لي فيها دار تحت ناموسية حاط طبلة عليها بقايا الأكل مگجگج عليها ناموس .. دار مقلوبة سفاها على علاها ريحة خانزة الحوايج مشتتين فلارض موسخين الكوزينة مقلوبة بالماعن وناموس عليهم ودبان داير حالة فدار ولا عايش فكوري ديال البهايم مكاينش لي يغسل ليه وسخو !
رش ريحتو ودار مگانة فمعصمو لاح عليه مونطو من البرد وليگات فيديه زفر نفس سخون وحل بزطامو لقا فيه غير عشرين درهم ! معندو حتى ريال فجيبو شغاياكل ؟ واينتا يسالي شهر ودوز ليه خلصة يديباني بيها شوية اما تاهي كتاكلها لبانكة لكريديات فوق راسو كل شهر كيقطعو ليه فلوس مكيبقا شايط ليه والو !
خرج ومضلة فيديه شتا مجهدة وزنقا عامرة بلما و لموت دلبرد تنهد بعمق ملقا ميدير وشد طاكسي حتى لبانكة طريق كاملة كيفكر شغايدير بقات فجيبو عشرة دراهم غايشد بيها طاكسي فاش يرجع آش غايدير من شكون يسلف شكون غايبغي يعطيه ؟ .. حل مضلة وخرج من طاكسي كيجري حتى لباب بنكة دخل وگاع الأعين عليه ! ستغرب وعقد حجبانو فاش بانت ليه بلاصتو گالس فيها شخص آخر طلعات معاه سخونية ودغيا ودنو حمارو فكرة أنو جابو لي يرومبلاصيه كتجيب ليه شلل .. وقف دغيا على شخص لي جالس بلاصتو وجرو من قاميجتو بعنف
عماد : ( رجليه فشلو عليه ويديه مزيرين على قاميجة دري .. نطق بصوت مرتجف وغاضب ) آش كادير نتا بلاصتي
دري دفعو وبقا كيشوف فيه بغضب مابغاش يتهور ويصدق ضاربو ولا يدابزو وصت البانكة وبنادم كيشوف غايخسر صورتو قدام ناس وهو باقي جديد ويقدرو حتى يجريو عليه ! جلس بلاصتو وحاول يتهدن كمل خدمتو ممسوقش ليه هو لي واقف على راسو وعينيه شاعلة فيهم العافية وصدرو كيطلع وينزل گاع لي خدامين معاه حاضينو بنص عين تاواحد مناض يشرح ليه شنو واقع من غير واحد من صحابو لي خدامين معاه فلكيسيي
حمزة : ( جرو من دراعو ) تهدن غاتصدق جايبها غير فراسك دير عقلك وسير هدر مع المدير راه جابو داك دري وداروه بلاصتك متنوضش روينة وتصدق فمشاكل يصايفطو ليك لبوليس يجيو يهزوك قدام بنادم
عض لسانو من لداخل مرضاااااش ومتقبلش أنو يتطرد من خدمتو توجه نيشان لمكتب لمدير بخطوات سريعة او وقف قدامو كيتنفس بزربة وقلبو حاس بيه غايسكت
عماد : ( شير ليه بيديه لدري لي جالس بلاصتو ونطق بإنفعال وصوت عالي ) شكون هداك لاش جالس بلاصتي
المدير : ( مسرح ضهرو على لكرسي بأريحية وجامع يديه فوق كرشو الكبيرة وعينيه على عماد بسخرية .. دوز يديه على شاربو ونطق بصوت هادئ وبارد ستفزو كتر ) نقص من صوتك راه مكاينينش فكوري دلبهايم وداك لي جالس بلاصتك من ليوم هو لي غايخدم فديك البلاصة هو لي مستحقها
عماد : ( حط يديه على فكو ممتيقش وضرب يديه بجهد على لمكتب ) كضحك معايا ؟ مخرجيني على ود ديك ألفين درهم ( عينيه خارجين وقلبو حاس بيه غايسكت ) قلت بيكم مشفرتهاش واش غانبقا نعاو...
المدير : ( ناض من على كرسيه بغضب وعلى ملامحو تعابير صاااارمة ) شوف الله يرحم باك فلوس سرقتيهم وتهزو من حسابك وغايرجعو لمراة ضرب لباب منبقاش نشوف كمارتك عندي
عماد : ( مزير على قبضة يديه حتى بياضو ) غي...
المدير : ( قاطعو من جديد وشير ليه جيهة لباب بيديه ) تضرب لباب هو هداك مغاتخرجش برجليك تخرج مجرور قدام بنادم
خرج من عندو معصب وهز شانطة ديالو وحط وراق لي عندو وضرب لباب .. شد طاكسي حتى لدار خالتو وبدا يدق فلباب بجهد حتى بغا يهرسو نزلات بنتها لكبيرة كتجري وحلات ليه وهي مخنزرة
خولة : آش هاد دقان دق بشوية ابنادم معارف لي ناعس ولا لي مريض
عماد : ( متسوقش لهضرتها عينيه على دروج ) مك كاينة ولا مشات لخدمة ؟
خولة : ( ميقات فيه ) مامشاتش مريضة
طلع فدروج دغيا ومشا نيشان لبيتها شعل عليها ضو حتى فتحات عينيها لحمرين وناضت بشوية هازة راسها فيه بالستغراب
زهرة : ( قالت فخاطرها سبحنا عالله ورجعات حطات راسها ) آش كاين تاني مالك ؟
عماد : ( داز لصالون ) أجي اخالتي بيت ندوي معاك
ناضت على سعدها او وعدها كتجر فرجليها حتى لصالة ذاتها كتفور بسخانة وراسها عاطيها لحريق
زهرة : ( جلسات مسرحة على المخدة ) آشمن مصيبة تاني
عماد : فيما نجي عندك تقولي ليا مصيبة ؟
زهرة : ( بصوت مبحوح ) وراه عارفة أولد ختي كيجيبوك عندي غا لمصايب مالك جاي موحشني على صباح فين عمرك جيتي سولتي فيا غير هكاك
عماد : ( حك راسو مخنزر وتكا على ضهرو عارف عندها الحق داكشي علاش ضرب طم ) جراو عليا من الخدمة ديكلاراو بيا بسباب ديك لمراة لي طيحات عليا باطل شافر ليها ألفين درهم
زهرة : ( ضحكات بإستهزاء ) واش ماعييتش من لكذوب راه هما لي خارجين عليك أولد ختي كل مرة طايح فمصيبة كتر من لي قبلها واينتا غاتجمع راسك ؟ حتى تشيب وماتلقا لي يهزك ( خنزرات فيه ) مادرتي لخير فحد حتى من مراتك عطيتيها قتلة لعصا ومخرجها فنصاصة ليل واش رجال يديرو هكا ؟ مناش مصنوع
عماد : ( غا جبدات ليه حسها فحال لا شعلات فيه العافية .. نطق بإنفعال وصوت عالي غاضب ) تاديك مراة ؟ تحمد الله حيت باقي مشوهتها تستاهل كتر كتخرج تق•حب حشاك وتجمع فلوس من ورا ضهري دايراني حمار أنا وتادابا راه غبرات الله وعلم فإنا دار من الكليان لي عندها محشية عندو
زهرة : ( ضحكات وخا مافيها لي يضحك صحتها كتحس بيها مدگدگة وكمل عليها رواح ) بزاف عليك ديك البنت خرجات تخدم بدراعها كضرب جفاف على قلبها وتسكت باش تشد جوج دريال تلقا متاكل معيشها فجوع وتسد عليها وتمشي بالك هاني نتا ضرب غا ليمارك فلحوايج وهي شرويطة دستمية متشريها لها باش بغيتيها تعيش بلما ؟ ( حاسة براسها غاتفرگع طلع لها فراسها هو ومشاكلو ) فين ما تجي تشكا ليا انا شغاندير ليك كولشي خايب غانتا لي زوين كولشي كيطيح عليك الباطل نتا لي درويش إوا الله يمسخك أولد ختي
عماد : ( وقف جاعر يديه كيترعدو ضرب بالمخدة حتى وصلات لمراح ونطق بنبرة غاضبة هزات دار كاملة ) ياك نتي لي مخرجاها تخدم وهادشي كامل ورا ضهري ونا نقول مال سيدة تعنگرات ومابقات مسوقة ليا گول نتيا لي مضسراها دخلو لها لفلوس دارت لگرون ( كيهز فيديه ويغوت وهي قدامو وجهها زاد حمار وعينيها كي لقرطاس عليه ) شكون شكا عليك تخرجيها تخدم معامن تشاورتي
زهرة : ( وقفات بزز وهزات عليه صبعها صوتها مجروح ومقاداش تدوي ) متغوتش عليا فوصت داري تقادو لكتاف وليتي تهز عليا فصوتك سير عند مك هي لي تعرف ليك كلمة جوج تدور فيك سري أنا لي گالسة نسمع ليك ونتا قربتي تضربني
عماد : ( ضرب لحيط بيديه وخرج فيها عينيه كيدوي بجهالة ودفال كيتطاير من فمو ) ماشي بعيد تكوني نتي لي مخبياها فينها لحمارة ؟ من نهار تزوجت ونتي غاتابعاهااا تعمري لها راسها مي بزااااااف عليك داخلة سوق راسها متوصلنيش ونتي كل نهار هازة گفة وجايا عندها ديها فبناتك وقيلي عليك بنادم
زهرة : ( صدمة شللاتها عارفاه شلاهبي وأكبر كذاب ومنافق ولسانو ماضي ولكن عمرها تخايلات يوصل معاه لهاد مواصيل ) فين خبيتها ؟ دريا هربات بجلدها بسيف ماتهرب ونتا عاطيها قتلة دلكلاب ( غوات صاعرة ويديها كيترعدو ) شماااااتة ماشي راجل كتخرج عينيك على لعيالات ناكر خيري وجاي جاعر على صباح سير انا وكلت عليك الله بغيت عمرك تشوف نهار زين واخا تسطا وتخرج عريان فزناقي والله لاحنيت فيك تستااااهل
عماد : ( هز تلفونو كلو كيڤيڤري عينيه ضلامو ) عمرك توصليني مانتي خالتي ما انا ولد ختك من ليوم متعرفيني منعرفك ودعاوي لي كدعي شي نهار يخرجو فيك ترجعي معوقة تشدي الفراش
على آخر كلمة خرجات بنتها الكبيرة خولة مخرجة فيه عينيها او دايرا يديها على جنابها
خولة : ( شيرات عليه بكاس دزاج كان حداها ) ياك اشماااااتة كتعلي صوتك على مي وكدعي فيها وصت دااااااارها محشمتيش درك زلافتك ولا بربي حتى نجيب ليك لبوليس يهزوك
عماد : ( خوا ليها وجا لكاس فلارض ) قلبي زلافتك نتي لي بقيتي ليا
خولة : ( القرودة كيشطحو فوق راسها مكتحملووووش وزادت جعرات دابا ودعاويه على مها مطلعو منزلو ) الله ينعل دلمك الحمااار الخاااانز المعفووون بزاف عليك تكون راجل معندش دلمك لمراگة علاش تحشم سي...
قبل ماتكمل هضرتها تقدم عندها بخطوات سريعة وغاااضبة نزل عليها بتصرفيقة دورات لها لحنك وزهرة غوتات ربي لي خلقها جراتو من دراعو وبقات كدفعو جيهة دروج
زهرة : ( غوتات ربي لي خلقها دموع عند عينيها شوفة تضببات ليها وركابيها فشلو عليها ) وكلت عليك الله خرج من داري كتهز يديك على بناتي يصحاب ليك مقطوعين من شجرة تضرب فيهم قدامي ونسكت ليك والله حتى نجيب ليك لبوليس يهزوك تكمش فلحبس يصحابك كاينة سيبة فلبلاد غا أجي وضرب
تهزات خولة من لارض شادة فحنكها وطاحت عليه بتصرفيقة وجبدات ليه عنقو كتقمش وتسب وتغوت محاساش براسها .. زهرة تفك وتبكي وعماد مد يدو تاهو عليها قلبوها مدابزة وزهرة وسطهم كتبكي وتدعي عليه بگاع لحوايج لخايبين .. فكاتو عليها ودفعاتو فدروج حتى كان غايتكركب نزل كيسب ويعرق ليهم وضرب لباب وخرج
غير خرج طلعات دغيا زهرة هزات تلفونها مدورة الخط لختها وبنتها حداها كتشوف فعنقها فلمراية لي تطراساو فيه صباعو
زهرة : ( غير شافت لخط داز تطلقات كي شي كاسيطة ) أختي شدي علينا ولدك جاي محيح علينا على صباح انا مريضة وكيسب فيا عارف معندي راجل ولا دراري لي يحاميو عليا وناض بغا يضربني .. تشاد ليا مع خولة وصرفقها وناضو مقاجين انا وصطهم كنبكي ( تهزات بتنخصيصة ) والله ويقرب لبناتي حتى ميفرقوني عليه غير البوليس
مو : ( شدات فراسها ونطقات بصوت غاضب ) أنا مبرية منو ما أنا مو ماهو ولدي أنا بالله وبشرع معاه يعطيني تيقار هربات ليه لمراة وناض يخوي سمو فلي لقا بسيف تخرج انا لي مو وماقديت عليه محاساك درية لا قرب ليك تاني نوضي ديكلاري بيه مانقول ليك والو اختي بغيتو يغبر عليا شي عامين نتهنا من كمارتو طلع ليا فصحتي فيا سكار فيا الأعصاب غايركب فيا الملحة ويصايفطني بلا وقت
زهرة : ( تنهدات شادة على صدرها وطلبات من بنتها تجيب لها كاس دلما ) جنون أختي هداك جنون مايقد عليه غير لي خلقو عدبني فصحتي بغيت لي يعدبو فصحتو قهرني أختي مخلا فيا عضم صحيح شوهني مع جيران كل نهار ناس يهضرو فيا وكلت عليه الله حتى من البانكة فاش خدام جراو عليه هاهو بقا على ضس ياكل الحجر دابا
مو : ( ضربات على فخاضها ) أويلي علمسخوطة أويلي لحاجة زينا لي عندو مشات تاهيا هاهو غايبقا شومور ويقلب فين يخلص ديك دار لي كاري والله ويجريو عليه مايعتب عندي
كيدور فزناقي كي لهبيل معارف فين غادي تقاداو ليه كولشي تجمع فوق راسو حاس براسو تضغط لواحد درجة ميمكنش كولشي ضلام فعينه .. فنفس الوقت كان فريد جالس فقهوة مع المقدم
فريد : ( حط كاس قهوتو ) السمية والكنية راها عندك هاد سيدة بغينا نطلعو لها شهادة سكنة ولاكارت جديدة
المقدم : ( رشف من كاسو ) قوليها تصور وتجيب عقد الإزدياد
فريد : هنا فين كاين المشكل سيدة مزيودة فبوجدور ومعندها حتى ورقة فجيبها دابا
المقدم : ( دوز يديه على لحيتو طويلة بتفكير ) ضربها على حسابي انا نهضر ليك مع شي معارف عندي فمقاطعة دبوجدور يوصلوك غدا گاع
فريد : صافي وفلوسك يجيوك بضوبل يكون غا كولشي هو هداك ميخصك معايا خير
المقدم : ضربها على حسابي مالنا كالعبو هنا !
شكرو و ناض حط فلوس فوق طبلة .. خلاص قهوتهم بجوج وزاد مع طريق ودوز الخط لهدى
فريد : ( وقف وخدا نفس طويل كيتسناها تجاوبو .. بعد ثواني داز الخط ) ألو هدى دي درية تصور
ناضت كتفوه كملات معاه هضرة وفيقات بسمة ناضت لبسات نفس البرقع ولثمات تاني مخلية غير عينيها لي كيبانو خرجو نيشان عند مصور تصورات ورجعو تاني لدار
"بعد مرور أسبوع"
شادة بين يديها روسي لي خدات من لكوميسارية باش تجيب لاكارط لي غاطلع لها نهار تاني بحكم المعارف لي كتار فريد دار تصالاتو وحرك الفلوس وبهكا لاكارط غاتخرج لها ف 24 ساعة فقط .. هدى جنبها وفريد واقف وراهم وكل خطوة كانت كتوصل لصلاح بتفصيل ..
المحامي : ( عطاها ورقة تسني فيها ) مدام دابا باغا طلقي من راجلك شنو غاطلبي منو ؟
بسمة : ( سنات فديك لورقة وكحزاتها ليه ) ماباغا والو سامحة فكولشي عالله غير نطلق منشوفش وجهو باقي
المحامي : ( رمقها بنضرة جادة ) عندي ليك جوج دلحلول .. الحل الأول طلاق الضرر وهاد طلاق مزيان ليك غير هو خاص تبتي الضرر يكونو عندك شهود لي غادي يشهدو معاك وصت المحكمة ولا شي شهادة طبية لي غاتبين الضرر والعنف لي تعرضتي ليه من طرف الزوج ديالك .. ولكن هنا غاتكون المسألة شوية طويلة ويلا بغيتي تعويضات هاد طلاق مزيان ليك غايخرج ليك مبلغ كبير وبالنسبة لحل الثاني إلى كنتي باغا غير تفكي فاعليك بطلاق الشِقاق وهاد الحل مزيان ليه هو حيت غاتنازلي ليه على المتعة يعني مكيعطيكش واحد تعويض ولكن كيطلقك ويعطيك مستحقات ديالك فلفترة ديال العدة
بسمة : ( طول الفترة لي كان كيهضر فيها كانت كتسمع ليه بتمعن وبتركيز ) بغيت دغيا نطلق ومابيت لا تعويضات لا حتى حاجة غير تتفك فأسرع وقت إذن طلاق الشقاق أحسن ليا
فريد : إمتا توصلو دعوة طلاق ؟
محامي : دعوة نوصلها لو ف 48 ساعة ولا قل گاع خاص غير العنوان ( شاف فبسمة ) لي غاتعطيني لقاه فيه دغيا توصلو اما الى ملقيتوش فداك العنوان غايخص مدة نقلبو عليه
بسمة : كاري دار ف.... ولكن مع يقدر معندوش فلوس دابا يكون خرج منها ويمشي عند مو ساكنة ف.... وخالتو ف.... وكيخدم فبنك الشعبي لي كاين فأيت ملول حدا شانطي دتيزنيت
كملوا حوارهم وعلمهم المحامي فاش توصلو دعوة غايقولها ليهم .. خرجو أو وصلهم فريد تالدار طلعو سخفانين هدى طلات على مها ياك ماخصها شي حاجة ولحقات على بسمة لي كانت بدلات حوايجها ب بيجامة وگالسة كتشوف جيهة شرجم بعيون لامعة سعيدة وبتسامة غزيولة رجعات فيها الروح !
هدى : ( حيدات البرقع ) هاي هاي هاي ناس عاد طلقو البشرة وبداو يضحكو
بسمة : ( شاف ناحيتها بسعادة كبيرة وقلبها كتحس بيه تفاجا ) كنحس بواحد شعور زوين حاسة راسي فحال داك العصفور لي سادين عليه فقفص لأشهر كتييييرة ودابا حلو عليه لقفل بقا غير يدفع لباب ويخرج
هدى : ( بتاسمات لفرحتها .. لبسات بيجامتها وجمعات شعرها شفنجة لفوق ) دابا تهناي منو مابقا قد مافات
بسمة : أمين ياربي أمين هاديك هي دنيا ومافيها يجي يدوي معايا بعد طلاق غايكون عندي حق انني نغوت فوجهو ونجري عليه گاع داك الخوف لي كان فيا ناحيتو كنحس بيه بدا يتبخر كنتفكر داك الرعب لي كنت عايشاه من جيهتو كتشدني الخنقة ( خسرات سيفتها ) من ليوم عمري نخاف منو باقي غانواجهو ونريح راسي منو ونشوف حياتي وطموحاتي نعيش بيخير ولراسي !
هدى : ( جراتها عندها حتى حطات راسها على فخضها وبدات دوز صباعها بحنان على فروة راسها ) إن شاء الله كولشي غايولي مزيان ( سكتات لثواني ) شنو لعام لي خرجتي فيه من القراية ؟
بسمة : ( سدات عينيها براحة من ملمس صباعها ) آخر عام كانت تاسعة دوزت الجهوي ونجحت كنت طالعة ليسي وخرجاتني مراة با مخلاتنيش نكمل وليت أنا لي هازة دار وهي مكتحطش يديها فلما حتى طلاقيت مع داك الحمار وزوجاتني بيه
هدى : ( كتسمع لها بتمعن ) شنو المواد لي كانو عندك معاها
بسمة : ( بتاسمات لدوك الذكريات جاها الحنين ليهم ) الفرنسية كانت كتعجبني بزااااف ولماط شوية
هدى : ( حركات راسها وعينيها عليها ) علاش مترجعيش لقراية وديري باك ليبغ ؟
بسمة : ( حلات عينيها كتشوف فيها ) حتى نتفك منو ونفكر شنو غاندير بعدا هي لولة غانخدم ونجمع فلوس ويحن الله ديك ساع
هدى : الله يسهل عليك باقي ديري لي كتحلمي بيه وتوصلي لحاجة لي نفسك فيها غير بقاي متفائلة وصبري
بسمة : إن شاء الله ( ناضت من على فخضها ورمقاتها بنضرة جدية ) ونتي كيفاش باغا تكملي حياتك ؟ باقي كتفكري فيوسف ؟
هدى : ( تنهدات ورجعات راسها على لمخدة ) نكذب عليك لا قلت ليك كنبغيه هداك غير إعجاب لمدة تلاثة شهور هو شاف حياتو وتانا غانشوف حياتي الله يسهل عليه وعلى لجميع
بسمة : باقي كتفكري فيه ؟ كون مكانش فريد تزوجي بيه ؟
هدى : ( سهات فلفراغ ) حتى كون مكانش مكنتش غانتزوج بيه حيت ميمكنش نتجمعو
بسمة : ( عقدات حجبانها ) علاش ؟
هدى : ( حاولات تبدل الموضوع باش متزيدش تخلعها من خوها ) مابقيتش باغا نفكر فيه الله يسهل عليه .. مهم دابا نوض نشوف مي ياك ماخصها شي حاجة
بسمة : ( ناضت تابعاها ) أنا جايا معاك
نهار تاني كانو ناضو لبسو حوايجهم ومشاو مع فريد لكوميسارية حتى جابو لها لاكارط ورجعهم من جديد حتى لدار .. طلعو فدروج تالبيت هدى وجلسو مجمعين
هدى : ( بدلات حوايجها بابيجامة مقطنة وسخونة ) نجيب لفطور لبيت نفطرو ؟ مي جات عندها لبنت لي كدير لها ترويض ومشات ورجعات تاني نعسات عطيتها دوليبران دارها راسها
بسمة : ( ناضت وفيديها لاكارط مزيرة عليها ) انا نوض نعاونك
هدى : ( تاجهات جيهة لباب ) لالا غا گلسي هنا جايا
خرجات وخلاتها مسرحة فوق ناموسية وكتشوف فلاكارط بابتسامة واسعة
بسمة : ( زيرات عليها بيديها وتنهدات ) وأخيرا غانتهنا منك لاكارط او تقادات خاص غير توصلو دعوة طلاق وديك ساع محكمة بيناتنا
بعد دقائق دخلات هدى جارة طبلة وحطاتها فوسط لبيت وجابت كراسة كبار وبعدها حطات لفطور
هدى : ( ضحكات من قلبها على حالها ) حطي لاكارط تنفس شوية راك غاتهرسيها ههه
بسمة : ( دغيا طلقاتها من يديها تخلعات لا تهرس بصح ) لا صافي اختي هاهيا حطيتها تهرس نعواج ليك هنا !
هدى : ( كحزات لها كاس عصير دليمون ) شربي هدا يرجع فيك لون راه وليتي صفرة .. وراه مباردش محطيتوش فثلاجة
بداو كيفطرو وفنفس لوقت مجمعين وكيضحكو حتى سمعات هدى تلفونها كيصوني .. ناضت حتى جابتو ورجعات بلاصتها
هدى : ( يلاه كانت غاتجاوب وتقطع الخط وفنفس لوقت وصلها ميساج فواتساب وقراتو ) هدى راه راجل ديك لبنت وصلاتو دعوة ديال طلاق هاد صباح
بسمة : ( هزات فيها عينيها متفاجئة ) دغيا ؟
هدى : ( هزات فيها عينيها بفرحة ) مبروك ازين مابقا قد مافات هاهو وصلاتو والجلسة لولة ديالك معاه فالمحكمة قريبة أنا غانسول فريد إمتا وإن شاء الله تفكي منو دغيا بلا مشاكل
بسمة : ( حطات يديها على قلبها كدعي وتعاود وتحمد ربي وتشكرو ) حمد الله حمد الله والله مامتيقة غانتفك منو دغيا ( سكتات لثواني كتفكر ) خايفة غير يتعكس فالمحكمة ولا يسيق لخبار انني جالسة معاكم ويحيح عليكم حدا دار
هدى : ( ضحكات من قلبها وشدات كاس دلقهوة بالحليب سخون كترشف منو ) لا بغا يموت غايديرها إلا مقتلو صلاح عصا وعلقو قدام باب دارو أجي عكري ليا ههههه
بسمة : ( عقدات حجبانها ) أويلي نجبد ليكم صداع بسبابي يدابز خوك معاه
هدى : ( بتاسمات على هضرتها عارفة خوها ميحطش گاع فيه يديه يصايفت ليه غير لي قتلو عصا ) فطري فطري خلينا من سيرتو غا....
باقي حتى ماكملات هضرتها تسمع صوت لباب دبرا كيتضرب بجهد
هدى : ( خرجات عينيها من هاد صوت معرفاتش شكون غايكون داير هاد لحالة ولباب عندهم عمر وصل ليه شي حد ولا دق فيه محاساك هاد دقان فحال دلبوليس ! ) اويلي شهادشي
بسمة تزيرات خافت لا يكون عماد تصمرات فبلاصتها وهدى ناضت حلات شرجم كطل بان ليها راجل عاطي بضهر وكيمشي ويجي باينة فيه منيرڤي
هدى : ( حققات فيه شوفة شكات واش راجلها ) بسمة اجي شوفي واش عماد هدا
بسمة : ( قلبها طاح عند كرشها فشلات وفمها رجع بيض خرجو عينيها فيها وناضت كترعد لجيهة شرجم وكطلب الله ميكونش هو تحاشمات مع ناس بما فيه الكفاية وغاتزيدهم بشي شوهة اخرى .. خشات راسها فشرجم كطل بنص عين ونطقات برهبة ونبرة سريعة ) اويلي هو هو هو هو هو
مع نطقات ديك هو هز عينو فشرجم ودغيا نزلات تخبات ورا لحيط وقلبها كيضرب كيضرب كيضرب كتسمع صوت دقاتو فودنيها .. هدى عقدات حجبانها فيه وخنزرات فيه يلاه كانت غاتهضر وبانو لها جوج دراري جايين لجيهتو بخطوات سريعة ..
عماد : ( العافية شاعلة فيه من صباح مرضاش توصلو دعوة ديال طلاق منها .. غير شدها فصباح ستغرب منين جابت لفلوس ؟ شكون عاونها ؟ فين كاينة ؟ گاع هاد الأسئلة تضاربو فعقلوا وناض كيسول عليها ويقلب حتى وصلات ليه لخبار من جيران نيت انو كاينة فدار فلان .. بنبرة غاضبة نطق بصوت عاااالي ) بسماااااااا بسماااا نزلو ليا مرااااتي والله حتى ندعيكم ونجيب ليكم البووووليس بسماااااااااااااااااااااااا ال....
قبل ميكمل هضرتو تحطات على كتفو يد قوية زيرات عليه ويد تانية جبداتو من دراعو تانية بجهد جابتو مخبوط فلارض ..
عماد : ( شد فكتفو كلا فيه دقة خايبة حس بالعضم تزعزع ... هز عينو مضهشر فيهم معرفهمش كيبانو ليه كل واحد فيهم تبارك الله الجثة قداش دراع واحد فيهم دايرين منو زوج .. العرق كيضرب فجبهتو بالخلعة .. نطق بصوت مرتجف مخلوع وبنبرة مهزوزة ) شكوو ن ن ن نتوما آ آش ب بغيتو عندي
بلا حتى كلمة ! عارفين خدمتهم موصيين شحال هادي من طرف صلاح لي وصل لباب ولا حيح عطوه قتلة دلكلاب .. كان عارف ولا نقولو متأكد ! من الخطوة لي كان غايدير عماد داكشي علاش دار حتياط وخلا دراري لي يحضيو دار من بعيد ...
واحد فيهم خشا ليه گروشي فعينيه خلاه تزدح مع لارض ورجع نوضو وتاني دخل فيه بروسية لنيف جابو مخبوط فلارض شاد نيفو لي كيشرشر بدم وكيغوت
عماد : ( لخلعة راكباه عينو عليهم كيقربو ليه وهو كيزحف فلارض هارب ) وعتقوو روووووووح وبغااااو يتعدااااو عليااااا وعتقوووو روح
جرو واحد فيهم من رجليه ونزل عليه بگروشيات كيدخل ليه فوجهو وعماد دموع كيطيحو من عينيه كيبكي ويغوت وحتى واحد متجرأ يقرب ليهم ! تاواحد متدخل جيران كاملين كيطلو فشراجم ويبرگو .. وكاين لي واقف كيتفرج فيه كياكل لعصا ..
هدى كطل من شرجم لفوق دايرة يديها على فمها تخلعات من الحالة لي راه فيها قتلوه عصا وخلاو ليه كمارتو مكرفصة ورجل شاد فيها وكيغوت ودموع تخالطو ليه مع دم .. طلات على بسمة لقاتها گالسة بلاصتها تحت شرجم وكتسمع لغواتو
هدى : ( من جيهة بقا فيها على لحالة لي دارو فيه ومن جيهة كتقول كون غير زادوه يخليوه شاد ركنة مينوضش .. نزلات عينيها فيها ) قتلوه عصا !
بسمة : ( ناضت كطل وتشوف فحالتو واخا مقدراتش تكمل فيه شوفة ولكن قلبها كتحس بيه برد گاع ديك العصا لي كلاتها ودعاوي لي كتعطيه حسات جاو فيه .. سكتات لثواني ونطقات بنبرة خافتة ) معرت شكون غايكون سلف ليه ومردش ليهم فلوس وعطاوه سلخة دابا
هدى : ( دورات راسها بحركة دائرية بمعنى احياني على سلف هدا غير خويا موصي عليه ) جابها فراسو عبرو عليه
مفرش فلارض شاد فيدو وكيتنفس بجهد صدرو كيطلع وينزل بعنف هز عينيه فشراجم د ديور لي مقابلة معاه لقا بنادم باقي كيتفرج فيه .. ناض بشوية كيكحب وجهو حمر او غادي بدمايات عين عندو زرقة او حنك دايرة عليه زروقية من جناب وحمر ..
عماد : ( وقف مسند على لحيط شاد فيدو ليسرية ورجليه عاطياه الحريق .. هز عينو فجيران لي كيطلو ونطق بصوت عالي غاضب ) داكشي لي كتعرفو أولاد لق•حاب طلو فشراجم وتفرجو فبنادم الله ينعل دلمك كاملين ( هز عينو فدار صلاح بغل وبتوعد ونطق بصوت خافت ) واخا مخبيينها عندكم ومصايفت ليا ولاد لق•حاب يضربوني إلى مجاو جمعوكم البوليس راني ماشي راجل
دار مع دورة غادي لكوميسارية على رجليه معندوش فلوس طاكسي .. كيتمشا ويعرج رجل عاطياه الحريق وصابر حالتو حالة لي داز من حداه يوقف ويتبع ليه لعين
عماد : ( وقف كيشوف طريق طويلة قدامو وهو الخطوة كيخطيها بزز ) قلا•وي مافجيبي حتى ربعة دريال
وقف كيتنفس بجهد وكمل طريقو وكل مرة يوقف ويجلس يرتاح ويرجع ينوض حتى وصل قدام لكوميسارية دخل وبان ليه بوليسي خارج او وقفو بزربة
عماد : سلام عليكم عفاك بغيت نديكلاري بشي دراري تعداو عليا ( شير ليه على حالتو ) هانتا كتشوف عطبوني ومخلاو فيا عضم صحيح
البوليسي طلعو ونزلو وشير ليه لمكتب يمشي ليه وخرج وخلاه غادي كيعرج وكيمسح نيفو من دم .. گلس فلكراسا لي برا لمكتب كيتسنا نوبتو توصل عينيه مفيكسيين فلارض وصدرو العافية شاعلة فيه مرضااش ياكل سلخة دلكلاب قدام بنادم وكولشي كيتفرج فيه ويتشفا .. بنادم غادي جاي من حداه وهو عقلو مكاينش دازت ساعة تقريبا او وصلات نوبتو دخل لمكتب وجلس فوق لكرسي قدام الضابط
الضابط : ( هز عينو من على شي وراق وشاف فيه بالستفهام وفنفس الوقت مستغرب من الحالة لي جاي بيها ) آش كاين أشريف شكون دار فيك هاد الحالة ؟
عماد : ( تطلق كي الكاسيطة ) تعداو عليا شي دراري أشاف جيت ناخد مرتي وناضو كيضربوني مخلاو فيا حتى عضم صح...
الضابط : ( هز حاجبو فيه ونطق بحدة ) أشريف أشريف غا بشوية عليك منين جاي تاخد مراتك ؟ شكون هاد دراري لي ضربوك ؟
عماد : ( خدا نفس طويل ) مراتي شي جوج سيمانات وهي غايبة على دار معرفتها فين مشات وصلاتني دعوة طلاق منها او فنفس لوقت وصلاتني خبار من جيران أنها كاينة فدار واحد البزناز نضت مشيت عندو لدار كندق فلباب ونعيط عليها او جاو واحد جوج مدواو ماهضروا معايا نزلو عليا نيشان بالعصا
الضابط : ( تكا بضهرو على الكرسي داير باتسامة جانبية ) شنو سميت هاد البزناز ؟ عارف دراري لي ضربوك ؟ شكادير مراتك عندو فدار ؟ وعلاش هربات بعدا آش داير ليها
عماد : ( تخطف منو لون ملقا ميقول ) آااا تناقشنا شوية وخرجات غضبانة يصحابني مشات لدار عند واليديها ساعة مشات عندو لدار ( سكت لثواني ) أنا سيدي بغيت نديكلاري بمول دار هو مورا هادشي كامل راه معروف هنا فأگادير سميتو صلاح الدين ....
الضابط : ( غير سمع سمية ولكنية شداتو ضحكة وزرب عليه دغيا ) عندك شي شهود على هادشي ولا غير جاي تاهم عباد الله بلا دليل بلا شهود
عماد : كاينين جيران راه شافو كولشي
الضابط : ( ناض وقف ودار ليه إشارة لباب ) سيري أسيدي حتى تجيب شهود ورجع ميمكنش ندير محضر بسيد بلا دليل ولا شهود شكون گال ليا أنا مرتك عندو فدار بصح ومالو هو لي ضربك ياك گلتي شي دراري شكون قاليك هو لي مصيفطهم ( هز شي وراق من فوق لمكتب وتم غادي خارج ) سير حتى تجيب معاك لي يشهد وأجي ودوك لي ضربوك قلب على سمياتهم وفين ساكنين
خرج شاد ضحكتو عارف واش صلاح مورا هاد لبلان ولكن تدويرة صحيحة غايشدها داكشي علاش سرسبو دغيا .. ناض عماد كيعرج ورجع تاني لدار غير بزز ودم طالع ليه لي تلاقا معاه يدور فيه .. لبوليس ومخداو منو لا حق ولا باطل آش عندو مايدير باقي ؟ يمشي يطلب جيران يشهدو معاه ؟ متأكد تواحد مغايتجرأ يمشي معاه فدقيقة ينكروه هو وطاسيلتو تواحد مكيحملوا فداك درب كولشي باغي واينتا غير يخرج كل نهار كيتشكاو منو على صداع لي كيدير فنصاصة ليل ..
وقف طموبيل قدام دار عاقد حجبانو من لخبار لي وصلاتو من دراري .. حل لباب وطلع جوج درجات وتكا بكتفو على لحيط
صلاح : ( بنبرة صوت عالية كتزعزع ) هدااااااااااااااا
كانت قاعدة مع بسمة كتهدن فيها غير سمعات خوها كيعيط تهزات دغيا جيهة لباب مخلية بسمة زادت فحدة بكائها .. مخلوعة وحشمانة منهم
هدى : ( نزلات تاقربات عندو ونطقات بصوت هادئ ) نعام ؟
صلاح : ( بالستفسار ) هانيا ؟ ياك ما داك الكلب لي جا كيحيح علينا هنا سمعاتو مي ؟
هدى : ( نزلات عينيها ) لا كانت ناعسة دارها راسها شوية شربات دوليبران وتكات ماسمعات والو
تخطاها وطلع بخطوات متسارعين تالبيت مو حلو بشوية باش ميفيقهاش .. طل عليها لقاها ناعسة مرتاحة ورجع نزل وعيط تاني على هدى لي رجعات لبيتها
صلاح : ( دق عليها فلبيت ) هدى
هدى : ( حلات لباب كتشوف فيه بالستغراب ) نعام !
صلاح : ردي لبال لمك لافاقت حطي لها تغدا ويلا باقي دارها راسها علميني نديها سبيطار
هدى : واخ
تبعاتو بعينيها حتى نزل ورجعات دخلات لبيت وعينيها على بسمة لي من صباح وهي كتبكي وجهها حمر وعينيها جفو من دموع .. كنينيكس حداها وكل مرة تمسح نيفها حتى طيباتو
هدى : ( جلسات حداها ودارت يديها على حنكها ) أويلي براكا من دموع من صباح ونتي حيط حيط ماعيتيش ؟
بسمة : ( مسحات نيفها ونطقات بصوت منغنغ بالبكا ) ولد لحرام ديما مشوهني آش جابو لعندكم دارلي شوهة معاكم باز لخوك صابر عليا معاكم أما يجري عليا من زمان تلقايه ماكرهش يديرها غير على وجهك شاد راسو
هدى : ( ضربات لرجليها بشوية ) الله يهديك مغايجري عليك حد خويا تلقايه گاع ممسوق لي هامو هو مي متسيقش خبار وحتى كون سمعاتو داير روينة مغايهضرش معاك غايصايفط ليه لي يعلقو من رجليه يولي يزحف فلارض وتهناي منو
بسمة : ( حركات راسها بلا ) غاسمحو ليا بزاف هادشي على مشاكل مجرجراكم معايا فلمحاكم ومدخلاكم فصداعات من المحكمة وغاديين معايا
هدى : ( حركات راسها بلا حول ولا قوة إلا بالله و جبدات مانطة تغطات بيها وحطات مخدة على وجهها ) مامعاك هضرة دوزي تنعسي
بعد سيمانة وفوسط قاعة المحكمة كانت هي مقابلة معاه كترمقو بنضرة مشمئزة كلها حقد وهو عينيه ثابتين عليها وملامح وجهو ماعليها حتى تعبير فقط ..
القاضية : ( شافت فبسمة من تحت نضاضر ونطقات بجدية ) شنو سبب لي خلاك ترفعي دعوة طلاق على زوج ديالك ؟
بسمة : ( فركات يديها بتوتر وهزات عينيها فيه بثقة تشجعات وحطات بين عينيها فكرة إلى مهضراتش دابا عمرها تفك منو ) سيادة القاضية بالنسبة ليا مابقات عشرة مع هاد سيد من نهار تزوج بيا وهو كيكذب أي حاجة كيقولها كنلقاها كذوب بالإضافة أنو كل مرة كيجي من خدمتو كيفرغ الغضب ديالو فيا بمعنى كيعنفني نفسيا وجسديا الزواج كيكون على أساس حب ومودة بين الطرفين ولكن علاقة لي كتجمعنا عكس هادشي كيعاملني فحال عبدة عندو فدار ماشي زوجة .. ( سكتات لثواني كتلتاقط أنفاسها ورجعات هزات عينيها فلمحامي لي بتاسم ليها بمعنى واصلي ) معندوش حس المسؤولية و مقادرش على زواج كيصرف على راسو ويلبس غير ليمارك وأنا معنديش حتى جوج بياسات كيخليني بلا حوايج فهاد البرد وكيقتلني بجوع فيما نقوليه تقدا شوية الخضرة لدار يقولي معنديش أبسط متطلباتي كزوجة معنديش فيما نهضر معاه يقولي عندي كريديات خاص نخلصهم معنديش فلوس دابا كنسولو لاش هاد كريديات شنو درتي بفلوسهم جواب واحد ديما عندو كنصرف عليك وعلى دار ( ضحكات بالستهزاء ) عمرو صرف عليا درهم كيسد عليا فدار بالأيام بلا ماكلة فحال إلى مخلي كلبة حشاكم لقوة القهرة نضت نقلب على خدمة وخدمت فلميناج وليت نجيب شوية فلوس وصرفت على راسي جا واحد نهار معصب ولقا عندي 200 درهم وتاهمني انني فاسدة واخا هادشي مكاينش وخالتو شاهدة انني كنخدم بعرق كتافي تعصب وناض كيضرب فيا بلا رحمة بلا شفقة ( دورات راسها لجهة لمحامي ) وراه درت سرتافيكا هي تبين ليكم مصداقية كلامي ( شيرات القاضية لمحامي باش يعطيها سرتافيكا وناض عطاها ليها فجوا ) موراها جرا عليا فنصاصة دليل مع 4 صباح تقريبا ولتاجئت لواحد صاحبتي سكنت عندها وفاش ستجمعت صحتي شوية نضت رفعت عليه دعوة طلاق
القاضية : ( حطات سرتافيكا وجمعات يديها وعينيها على عماد لي رجع وجهو حمر ) شنو كتقول فهادشي ؟
عماد : ( حس بذاتو كتفور تنفس بزز وعينيه كي لقرطاس عليها ) أنا أسيادة القاضية كنبغي مراتي ( هز عينو فبسمة لي وجهها تخطف منو لون ) ومابغيتش نتفرق عليها فگاع العلاقات الزوجية كينوض صداع مابين الزوجين وهادشي عادي
بسمة : ( مقدراتش تسكت دموع كيطيحو شلال من عينيها .. نفاعلات وغوتات فوجهو ) واش لي كيبغي كيدير هاد لحالة فمراتو كذااب ومنافق
القاضية : هدوووء معندكش الحق تهضري حتى يسالي هضرتو
عماد : ( تبسم براحة ورمقها بنضرة مستفزة ) كيف قلت قبل المشاكل كيكونو بين أي زوجين وبصح عندي كريديات ومكنصرفش على دار مزيان ولكن لي كيكون عندي فجيبي كنخسرو على تقضية لي كنجيب كل سيمانة والقضية تاع كلبس غير ليمارك وهي معندهاش حوايج مكايناش قبل كنا كاريين فبرطمة وفاش جرا علينا مولاها بقاو حوايجها لداخل ومخلانيش ناخدهم ..
ق : ( قاطعاتو هازة حاجبها ) شنو سبب لي يخليه يجري عليك ويحجز على شي حاجة ماشي ديالو ؟
عماد : ( حنحن ونطق بثقة فنفس ) السيد لي كنت كاري عندو كان كيتسالني خلاص شهر واحد طلبتو يصبر عليا حتى نتخلص ونجيب ليه فلوسو مابغاش قالي حط فلوس دابا ولا خرج فاش جيت نجمع حوايجو خديت نص من الأثات لي فدار ونص لاخر بقا عندو ومابغاش يخليني ناخدو
القاضية : شنو كتقول على هاد العنف لي هضرات عليه الزوجة ديالك
عماد : ( بابتسامة جانبية ) هادشي مكاينش مكنهزش يدي عليها
القاضية : ( هزات ليه ورقة سرتافيكا ) شنو معنى هادي ؟
عماد : ( عض لسانو ) كيف قالت لقيت عندها فلوس وكأي رجل شرقي كيغير على مراتو غايدير ديك ردة الفعل
القاضية : هادشي كامل ردة فعل ؟ قتلتيها عصا ماشي من حقك تعنف زوجة ديالك واخا تلقاها زانية قدامك القانون كاين
القاضية : ( شافت جهة بسمة لي كانت كتبكي ) بالنسبة ليك واش مكاين مجال لصلح ؟ نتوما معندكم لا ولاد ومدوزتوش مدة طويلة فزواجكم عام مكملتوها واش تقدري تعطيه فرصة يتبدل ؟
بسمة : ( حركات راسها بلا بهيستيرية ) لا لا منقدرش تحملت كتر من القياس نفسيتي تدمرات منقدرش نزيد نعيش معاه تحت سقف واحد غانموت غ... ( تقطع صوتها بلبكا مقدراتش تزيد طلع نفس وجهها حمار )
المحامي دبسمة : سيادة القاضية سمحي ليا نتدخل الموكلة ديالي تضررات بزاف من هاد زواج وشهادة طبية لي خرجات ليها تشرح كولشي تعدبات من طرف زوج ديالها نفسيا وجسديا ( بصوت قوي جاد ) الزوج ديالها عديم المسؤولية ومكنضنش انو كشخص مستاعد لزواج مسؤولية كبيرة عليها وصمعة ديالو خايبة بزاف فلحي فاش عايشين تاواحد مكيدكرو بزوين وكولشي شاهد على العنف لي كتعرض ليه الموكلة ديالي فنصاصة ليل ومدام باقي معندهم حتى ولاد فاطلاقهم غايكون بلا أضرار
عماد : ( عينيه خرجو عليه مكرهش ينقز ويشنق عليهم بجوج .. زير على قبضة يدو بالنفعال ونطق بصوت عالي غاضب ) هادشي كولشي كدوووب معندكش الحق تلفق ليا تهم ماعندكش عليهم أدلة مغ...
القاضية : ( بنبرة حادة وعالية ) سكتنا اسيدي ( شافت جهة عماد مخنزرة ) متعاودش تهضر حتى نعطيك الإذن .. ( جمعات يديها عندها وخاطبات بسمة ) متعطيهش فرصة ؟
بسمة : ( مسحات دموعها كتحاول تهدن ) لا بغيت نطلق هدا قراري النهائي ومعمري غادي نتراجع عليه والهضرة لي كيقول بأنو كيبغيني وبغا رجع ليه كولشي كدوب حيت غير رجع بين يديه أول حاجة غايدير غايضربني حيت تجرأت ورفعت عليه دعوة طلاق
القاضية : ( شافت جهة عماد لي كان مخنزر فيها وعينيه مجموع فيهم حقد وكره .. ) لآخر مرة غانكرر سؤال ديالي واش متأكدين من طلاق ؟
عماد : ( رمق بسمة بنضرة كلها توعد ) أنا باغي مراتي ومتأكد أنو غير معصبة داكشي علاش رفعات دعوة طلاق
بسمة : ( خنزرات فيه بعيونها المحجرين بدموع ) وأنا رافضة نهائيا رجع لهاد سيد حيت لا رجعت تجمعت معاه غانتاحر
القاضية : هضرو بيناتكم وحاولوا توصلو لقرار نهائي سليم .. غاتأجل الجلسة لتاريخ قادم ( شافت جيهة لبنت لي حداها وحركات ليها راسها باش تبدا تكتب ) بعد دراسة الملف تم تأجيل النطق بالحكم للجلسة القادمة بتاريخ 25/1/2022 الساعة العاشرة ونصف ..
حرك ليها المحامي راسها باش يخرجو وتبعاتو دغيا متفادية تلاقا وجهها مع عماد
بسمة : ( خرجو برا المحكمة ) شكرا بزاف حيت وقفتي معايا
المحامي : ( بالبتسامة ) مرحبا الواجب ديالي هدا وتبارك الله عليك متخلعتيش منو وقلتي لي عندك رتاحي دابا الجلسة التانية بعد 15 يوم وإن شاء الله غاطلقي منو
بسمة : ( ضحكات بفرحة ) واخا شكرا مرة خرا
خلاها ومشا لسيارتو يلاه دارت تركب فطموبيل فريد لي كان كيتسناها هو وهدى وسمعات عماد كيعيط وراها
عماد : ( كيجري ) وقفي بسماااا نهضر معاك
بسمة : ( غوتات صاعرة ) مكنعرفكش بعد مني
ركبات دغيا فطموبيل مخلياه تابعهم كيجري حتى عيا ونزل شاد على ركابيه كينهز ويتنفس بعنف
عماد : ( بصوت غاضب ) واخا باغا طلقي لا تفكيت مع ديلمك أجي دفلي عليا خاصهم غير يرفضو طلاق بربي حتى نعيشك فلعداب نوري مك أنا تسنطيح ولغوات
دورات راسها جهة شرجم لقاتو واقف كيشوف فطموبيل .. تنفسات ورجعات دارت براحة
هدى : كولشي داز مزيان ؟
بسمة : حمد لله دابا تأجلات الجلسة لمورا 15 اليوم المدة دصلح كيف قالت القاضية
هدى : الله يدير لي فيها الخير
فريد : ( عينيه على طريق ) الخايبة كون كان عندكم لولاد غاتبقاي ديما تابعاه على نفقة او واحلة فولادك ولا يهرب ويخليك كتقلبي عليه باش طلقي متبقاي عارفة راسك واش من المزوجين ولا المطلقين
هدى : الله يحضر السلامة باينة فيه يديرها ويفوتها ربي نجاها
بسمة : ( بصوت هادئ ) كون عندي لولاد يهرب ويخليني واحلة فيهم ديك ساع نضبر راسي معاهم
وقف طموبيل حدا دار صلاح نزلات بسمة وبغات تبعها هدى او وقفها فريد
هدى : ( بالستغراب ) شكادير بغيت نزل
فريد : عندي شي هضرة معاك ( نزل زاج لي فجيهة هدى وطل على بسمة ) دخلي أختي هدى واحد شوية نجيها
هدى : فين غادخل معندهاش ساروت ( حلات صاكها ومداتهم ليها ) ردي لبال عفاك لمي حتى نجي
بسمة : ( شداتهم فيديها ) متوصيش راها فحال مي
دخلات هي لدار وفريد ديمارا طموبيل حتى لواحد لغيستوغون .. نزلو بجوج وجلسو فطبلة بعيدة على بنادم شوية
فريد : ( شير لسيرفور ) شنو تاخدي ؟
هدى : غير شي عاصير شحفت
فريد : ( طلب على دوقو ليه وليها) وقت لغدا هدا مغاتكونيش فطرتي مزيان
هدى : ( سمعات تلفونها كيصوني هزاتو لقات نمرة غريبة طفاتو ممسوقاش وتكات على لكرسي ) معندو منين يدوز
فريد : ( متبع لعين لأصغر تفاصيل فيها بحب ) غاتبقاي هكا حتى طيحي شي نهار بفقر دم ولا بوصفير ( سكتات مجاوباتوش وبقا ساكت تاهو كيدوز يديه على عنقو بتعب حتى رجع نادل وحط لكل واحد فيهم طبق ديالو ) كولي مزيان
مدات يديها غير كتنقب وتشوف فيه بنص عين كياكل براحة وبشوية عليه تقيل و مرزن فأي حاجة كيديرها
فريد : ( رشف من عصير ديالو ) شباليك نديك تشوفي البرطمة لي غانسكنو فيها خديتها قريبة لداركم باش تبقاي تجي طلي على مك وقت ما بغيت
هدى : ( حركات راسها بلا وعينيها فلأرض مقدراتش تحط عينيها فعينيه ) لا بلاش
فريد : ( عقد حجبانو وتنهد مسايس معاها ) نمشيو نختارو الفراش على دوقك ؟
هدى : ( كدوز بالفرشيط على صلاد .. ونطقات بنفي قاطع ) لا غير شوف لي عجبك
فريد : ( مشات ليه شهية رجع لور مفيكسي عينيه عليها ونطق بنبرة جادة ) هدى معندي فكاك عليك غير تهناي بغيتي نعاونك طلق صاحبتك راه عاونتها الجلسة التانية غاطلق هادي مافيهاش شك وخا كون مكانتش صاحبتك نعاونها في سبيل الله ونتي لي بغيتها تحضر ولكن راسك مقصحاه علاش الله وعلم
هدى : ( تنهدات وحطات فورشيط من يديها وشافت ليه فعينيه ) ماباغا والو ولكن نجيك تاانا من لخر حاجة بزز مكنحملهاش
فريد : ( هز حاجبو ورمقها بنضرة حادة ) هادشي لي عندك ماتگولي
هدى : ( توترات من نضرتو وحدرات عينيها كتسترجع هضرة بسمة كاملة فالأخير تنهدات من قلبها ودارتها فيد الله) دابا علاش جايبني لهنا
فريد : ( رمقها بنضرة باردة ونطق بجمود ) من لخر فوقاش غانديرو العقد وتمشي لدارك
هدى : شوف نتا لي بغيتي !
فريد : ( حك جبهتو بيديه ) أنا راه من دابا واجد
هدى : ( حركات راسها بنفي ) لا أنا مواجداش
فريد : ( تنهد شاد كتر من صبر معاها ) من هنا لكانز جوغ ؟
هدى : ( نطقات بسرعة باغا غير تنوض تفك ) صافي موافقة
فريد : شنو باغا ديري ؟ عرس ولا شي حاجة خفيفة بين العائلة
هدى : لا معندي مندير بشي عرس غير شي حاجة خفيفة وصافي
فريد : متأكدة مغاتراجعيش على قرارك ؟ لواحد كيتزوج مرة فالعمر
هدى : ( حركات راسها بآه ) متأكدة
ناضو بجوج هدى ركبات فطموبيل وفريد مشا خلص ورجع .. وصلها حتى لدار دقات فلباب ونزلات حلات ليها بسمة لي كانت جامعة شعرها لفوق شفنجة وحنكها فيه دقيق
هدى : ( دوزات بصبعها على حنكها ) هاي هاي لحداگة
بسمة : ( تبسمات كضحك ) تقولي ليا دابا طيبي لعرس نطيب ليك لعشرة
طلعو كيضحك وجلسات هدى حدا مها كترتاح وبسمة رجعات لكوزينة جابت المسمن والحرشة والملوي وجوج كيكاات فشكل مختالف وعمرات براد دأتاي منعنع على طريقة صحراوية .. جابت گاع لي فثلاجة من عاصير وحليب وكاشير وزيتون كحل ومشرمل وقدات كولشي فطباسل .. قلبات شي مجورة ولقات زيت لعود وأرگان او أملو حطات كولشي فطبيسيلات وحطاتهم فوق طبلة فصالة ورجعات جابت لما وجلسات حداهم كتمسح وجهها لي رجع حمر وشعرها لصق على وجهها بقوة العرق
مبيريكة : ( كتشوف فطبلة إعجاب ) مشاء الله عليك أبنتي حادگة وحارة فشغلك
بسمة : ( كحزات حداها طبسيل حاطة فيه مسمنة وحريشة ) بصحتك اخالتي الله يعطيك لخير
هدى : ( شافت طبلة وتحلات لها شاهية ) ناس فرحانين امي داكشي علاش حداگت
مبيريكة : ( ضحكات من قلبها ) ياك ابنتي الله يدير لي فيها الخير مابقا قد مافات
بسمة : داكشي لي كاين غير نطلق منو لي تشهات شي حاجة نطيبها ليها ( ضحكات برقة ) فرحت من قلبي فاش قالي المحامي متخافي والو الجلسة تانية غانطلق
على آخر جملة نطقات كان صلاح داز من حدا صالون خطف شوفة فيهم وبتاسم فاش شاف مو وختو كيضحكو من قلبهم ومجمعين
دازو أيام على آخر جلسة لبسمة .. فصالون كانت جالسة مبيريكة وحداها ختها وبنتها وفجنبها هدى وجالسة حداها نگافة كتوريها فصور دنقش وبعض القفاطن
نگاڤة : ( وراتها طوف فيها شي قفيطنات دلحنا ) هانتي شوفي هادو واخا ماشي شي حاجة لي طوب ولكن زوينين دابا وقت البرد مكتكونش الخدمة بزاف كون جيتيني فصيف تلقاي موديلات دخلو جداد واعرين
هدى : ( كتشوف فتصاور عجبها واحد فيهم جاها سامبل ومستور ) ماشي مشكل أنا أصلا غاندير غير حاجة خفيفة فدار بيناتنا مكاين لا عرس لا حتى حاجة
خالتها : إوا أبنتي الله يسخر ليك فرااااحت فاش قالت ليا ختي راه تخطبتي وغدا العقد الله يسهل عليك ونحضرو فسبوعك إن شاء الله
هدى : ( بتاسمات لها ) إن شاء الله اخالتي
بنت خالتها : ( قدات شال ديالها ونطقات بالبتسامة ) لابغيتي نعاونك فشي حاجة قوليها ليا
هدى : الله يكبر بيك اختي شكرا غير رتاحي
نگاڤة : ( وراتها ليها شي تصاور دنقش ) شوفي لي عجبك
هدى : بغيت غير شي حاجة خفيفة متكونش تقيلة بزاف ( دورات تصاور كتشوف فيهم ) هدا زوين
تافقات مع نگافة على النقش لي غادير لها والقفطان لي تجيب لها وناضت مشات حتى ترجع عندها لغد ليه ..
خالتها : أحسن مادرتي ابنتي جماعة خفيفة غير بيناتنا وسيري لدار راجلك لعراسات مابقا فيهم نفع غير العين وتنوض شي وحدة تسحر ليك ياربي سلامة
هدى : ( شربات من كاس دلما ) من الأول مكنتش باغا لعرس فيه غير قوة الهرج وصداعات وخسران لفلوس ولعين بغيت غا حاجة خفيفة وصافي
تسمعات رنة تلفونها هزاتو ولقات نمرة ممسجلاهاش وقطعات ورجعات حطات تلفون حتى عاود صونا تاني عقدات حجبانها بالستغراب وعاودات قطعات وفخاطرها كتساءل شكون كيصوني بغات تجاوب وحشمات قدامهم
مبيريكة : جاوبي أبنتي ياك مافريد
هدى : ( دارت سيلونص لتلفون وحطاتو حداها ) لا غير واحد صاحبتي واحد شوية ونصوني عليها
ناضت طل على لغدا لا يتحرق وبالها غير مع بسمة وشنو تكون دارت .. طفات على طاجين وداقت من البلول لقاتو هو هداك قدات شلايض بزربة وحطات ديسير وغسلاتو .. قدات عاصير دليمون او دلفواكه مخلطة او حطات حداهم جوج قراعي دلموناضة وحدة فانتا وتانية بومس
هدى : ( حلات على طاجين كتشوف فيه عجبها منضرو كان غير بالبصلة معسلة ولحم لمعزي وزبيب والبرقوق .. قطعات تلاثة بيضات مصلوقات ودوراتهم عليه ورجعات سدات عليه ) الله على مزيناتو
بدات تهز وتحط كولشي فوق طبلة حتى سالات وجابت المغسل والفوطة عطات لخالتها وبنتها ومها يغسلو وگلسو مجموعين على لغدا
خالتها : ( داقت من طاجين ) الله على مزيناتو طاجين ابنتي بصحتك
هدى : ( بتاسمات ) الله يعطيك صحة بصحتك
قطعات لهم لخبز ومبيريكة كل مرة تقول لهم كولو فرحانة بختها لي شحال هادي مشافتها بحكم بعادين على بعضهم هي فأگادير وختها فرباط
هدى : ( شربات شوية من الموناضة وعينيها على تلفونها لي كان كيصوني بإسم فريد .. هزات تلفون وجاوبات فلحين ) ألو ؟
بسمة : ( الفرحة كتبان فصوتها غوتات بصوت عالي بلا ماتحس ) وا طلقت طلاااااااااااااااقت
"فلاش باك"
أمام قاعة المحكمة لي كانو فيها أشخاص قلال وبعض طلبة دلقانون كانت جلسة مفتوحة للعموم عكس غرفة لي كانو فيها قبل فالجلسة لولة لي هي غرفة المشورة .. واقفين مقابلين مع بعضياتهم كاينة مسافة بيناتهم .. هو ملين شوفة فيها وهي كتشوف فيه ببرود فحال إلى كتقول ليه مغارجعش ليك وأخيرا تفكيت منك ! مغارجعش نشوف كمارتك ! فرحة كبيرة فداخلها مكرهاتش تنقز بالفرحة وتعنق أي واحد قدامها .. واخا مزال ماتنطق الحكم ولكن متأكدة غايطلقو حيت طمأنها المحامي من قلب وقال ليها حتى إلى محضرش فلجلسة تانية غاطلقي غاطلقي غير كوني هانيا ...
القاضية : ( جمعات يديها قدامها ) باقي مصرين أنكم طلقوا ؟
عماد : ( شافها بغات تهضر وزرب عليها دغيا ) لا أنا مموافقش على طلاق مرتي وكنبغيها منقدرش نتفرق عليها
بسمة : ( دورات عينيها لجيهتو لقاتو كيطلبها بعينيه متوافقش على طلاق .. حرك ليها راسو بلا و خنزرات فيه وتبسمات بالستهزاء .. بعدها نطقات بصوت هادئ خلا قلبو كيفور ) وأنا باقي عند قراري باغيا نطلق من هاد سيد
القاضية : ( تنهدات بأسف و لقات نضرها على عماد ) فاش خدام وشنو راتبك الشهري
عماد : مخدامش حاليا ومعندي حتى راتب شهري تطردت من البنك لي كنت خدام فيه
القاضية : ( قدات نضاضرها ) عندك مسكن آخر لي تخليها فيه طول مدة العدة لي هيا 3 شهور ؟
عماد : ( تنفس بضيق ) لا غير كاري
القاضية : ( حركات راسها بالإيجاب ونطقات بصوت عالي ) تبين لنا أنه تعدر الصلح بين الطرفين رغم المحاولة التي قمنا بها في جلسة الصلح الأولى .. ومع إصرار الزوجة على إنهاء رابط الزوجية تقرر إقرار الطلاق الشقاق بين المدعية بسمة الشفيعي والمدعي عليه عماد بلقاسم وذلك بتاريخ 25/1/2022 مع الحكم بتعويض عن فترة العدة التي ستقضيها المطلقة بسمة الشفيعي وتم تقدير المبلغ ب 700 درهم لكل شهر .. ورفعت الجلسة
بسمة : ( بتسامتها وساعت وهي كتسمع الحكم .. حطات يديها على قلبها لي كيضرب بجنون ونطقات بصوت خافت باينة عليه الفرحة ) حمد الله حمد الله حمدتك ياربي وشكرتك
نتهت الجلسة الثانية بطلاق بسمة من عماد .. خرجات هي والمحامي على برا مكتشوفش نهائيا فعماد لي كان متبع لها العين بحزن دفين فصدرو وتبعها كيجري حتى جرها من دراعها
عماد : ( شاف فعينيها نيشان ) علاش درتي فيا هكا علاش متصبريش معايا حتى نوقف على رجلي ورجع مزيانين كي لول
بسمة : ( نطرات يديها منو بجهد وخرجات عينيها فيه ) فين غانصبر معاك صبر لراسك تعاود تقيسني ندير صبعي فودني ونجمع عليك بنادم
عماد : ( كيحاول يستعطفها ) عفاك متخلينيش بوحدي والله حتى كنبغيك مدوزناش لقليل سمحي ليا والله مارجع نضربك
المحامي : ( دفعو من عليها ) أشريف باش من حق تحط يديك عليها
بسمة : ( تبسمات بالستهزاء لحالتو قلبها كتحس بيه كيبرد ونار لي شاعلة فيه كتخمد ) تقرب ليا نعيط على لبوليس
كانو آخر كلمات تنطقهم ودور تعطيه بضهر مخلياه وراها كيشوف فيها بتمعن وداير يديه فجيبو مكرهش يشدها بزز ويديها معاه لدار ولكن معندوش لحق يقيصها مابقاتش مراتو مابقاتش على سميتو ! ولف يهضر معاها وتحدر عينيها تسمع ليه وتنفذ دغيا متطلباتوا برحابة صدر ولكن دابا شنو تبدل ؟ .. ماينكرش أنو الشيء لي جذبو ليها من أول نهار شافها زينها وحشمتها وسمعها لكلامو مكانتش كتعارض فقط كتنفذ وهادشي لي خلاه يزيد يتعلق بيها ومايبغيش يتفرق عليها ..
بسمة : ( خلاتو وراها متبع لها لعين وهي دارت غادة مع المحامي حتى لقدام سيارتو .. تبسمات برقة ونطقات بصوت حماسي وهي كضحك بشوية ) شكرا ليك بزاف منساش ليك خيرك
المحامي : ( ضحك لفرحتها ) مرحبا ورقة طلاقك غاتخرج ليك بعد 15 يوم ولارجع تعرض ليك بلغي عليه البوليس حيت دابا معندوش نهائيا الحق يدوي معاك
بسمة : ( غير كتفرنس ) واخا شكرا بزاف غ..
قاطع حديثها صوت الكلاكصون دارت كتشوف فريد شير ليها بيديها تسربي .. شكرات المحامي دغيا وجرات لطموبيل ركبات لور كدور فعينيها .. و صلاح كيشوف ففرحتها الكبيرة من المراية لي لفوق وفريد دار عندها كيبارك لها طلاق وهو كيضحك ..
فريد : ( ديمارا طموبيل ) فرحانة دابا
بسمة : ( تبسمات بحشمة ونطقات بهدوء ) بزاف
فريد : على سلامتك هانتي تفكيتي
وصلها فريد حتى لدار نزل صلاح من طموبيل حتى حل ليها لباب ورجع وهي طلعات لفوق كتنقز فدروج بفرحة حتى لصالون لي كانو مجموعين فيه كاملين حاطين صوينية دأتاي وحليوة ومجمعين .. بلا مدور عينيها لضياف لي كاينين تلاحت نيشان بتعنيقة على هدى كضحك
بسمة : ( مزيرة عليها بيديها ) تهنيت أختي تهنيت مابقيتش نشوف وجهو
هدى : ( زيرات عليها حتى هي كضحك ودوزات يديها على ضهرها بحنان ) على سلامتك أزين حمد الله ربي مخيبكش
بسمة : ( دورات عينيها بصدفة وشافت خالتها وبنتها او وقفات مبتاسمة بإحراج ) سمحولي مرديتش ليهم لبال
الخالة : ( بالبتسامة صفرة كطلع وتنزل فيها ونطقات باللهجة سوسية ) ماشي مشكل
بسمة : ( توردو حنوكها كتر وحشمات ) سمحي ليا ولكن مكنفهمش شلحة
الخالة : ( ميقات فيها ) قلت ليك ماشي مشكل
بسمة : ( سلمات عليها وعلى بنتها وهي ممرتاحاش لنضراتها وبعدها باست راس مبيريكة وجلسات حداها ) الله يسهل عليك اخالتي ويعطيك شي حجة وتشفاي دغيا خيرك عمري نساه
مبيريكة : ( طبطات على يديها ) متقوليش هكاك الله يسهل عليك ابنيتي طلاق ماتبغيه لحد ولكن مع داك عيفة رجال راه اللهم لموت ولا تبقاي معاه
بسمة : ( نطقات بهدوء ) الحمد الله على كل حال لي بغاها ربي هي لي غاتكون
مبيريكة : داكشي لي كاين ابنيتي مايبقاش فيك لحال إن شاء الله تخدمي وتعولي على راسك ويجيب ليك الله شي ولد ناس لي يقدرك
بسمة : ( بالبتسامة لطيفة ) إن شاء الله
الخالة : ( حطات رجل على رجل ونطقات بفضول ) واش طلقتي أبنتي
بسمة : ( حدرات عينيها ونطقات بخفوت ) اه
بنتها : ( طلعاتها ونزلاتها ) مممم إوا الله يجيب ليك ماحسن واخا لمراة لي طلقات مكيبغيها حد باقي كولشي كيشوف فلي باقي مامدات يديها لحنا
هدى : ( عقدات حجبانها فيها .. دورات راسها جيهة بسمة لقات وجهها حمر مع بيضة دغيا بانت فيها الحمورية ) يجيب ليها ربي سيد رجال مداتوش ديك لي مادة يديها لحنا ( جرات بسمة من يديها ) يلاه معايا لبيتي نوريك شي حاجة
تبعو لهم لعين حتى دخلو لبيت ودارت خت مبيريكة عند ختها وهي مربعة يديها معاجبها حال
الخالة : إوا اختي شكون هادي على آخر يامك دخلو لبراني لدار مالكم عندكم خيرية لي جا يدخل
مبيريكة : ( بلهجة سوسية ) ديك لبنت الله يعمرها دار وهي صاحبة هدى واش تجيبها عندها ونجري عليها متربيناش على هادشي اختي
الخالة : ( عوجات فمها وتكات على لمخدة ) إوا غير قلت ليك اختي راه الخوت ومابقات فيهم تيقة محاساك البراني تشوف دار على مزيناتها تلاثة طاج وزرابي والفراش على مزيناتو محطوط فيهم الملاين صحاح يغرها شيطان تنوض تشفركم ولا دور ليك بالولد ( عقدات حجبانها ) تمشي تسحر ليه حتى يولي يهتهت بسميتها
مبيريكة : ( حطات يديها على خدها ) كون بغات تشفر كون شفرات شحاال هدا درية متحرك دجاجة على بيضها تحطها فبلاصة تبقا جالسة متنوضش فحال الأمانة صواب مشاء الله والحداگة وتاويل وجهها ماشي وجه سحارات وشفرة اما الى غير على صلاح مكرهت دور عليه شي بنت ناس ويتزوج بيها طبعو صعيب مكايناش شي وحدة تصبر عليه يضل مخنزر نهار يفك ديك الغوباشة راه مات شي حمار
الخالة : إوا شغانقول ليك اختي نتي تعرفي اما من جيهة صلاح عارفة طبعو صعيب ولاد ليوم هما هادو ( شافت جيهة بنتها ) هاهية نيت مابغات تزوج ولد عمها غادي جاي غادي جاي وتالعرس مدرناه ليها مقاد
بنتها : ( بصوت هادئ ) أنا مي مابغيت شي عرس يكون هو غير ولد ناس ونتفاهمو الله يجعل البركة ولبنت باقي مشفتو فيها والو تقدر تكون الله يعمرها دار كي قالت خالتي
الخالة : ( قلباات عينيها ) إوا غير گلنا
مبيريكة : درية الله مشفنا فيها گرام دلعيب إوا حنا غير درنا فيها خير وصافي ربي كيشوف وجات فوقيتة هدى كانت غاسادة على راسها ومكتهضر ودابا حمد الله راه مزيانة
بنتها : هدى اخالتي نضل نصايفت ليها فواتساب ومكتبغيش تجاوب
مبيريكة : ( حركات راسها بلا حول ) ابنيتي هدى حال وحوال دغيا يتقلب ليها المزاج وراسها قاصح آش ندير ليها خوها وديما مجاكرة معاه عمرهم متفاهمو
كملو حديثهم موضوع يجبد موضوع مرة يهضرو على العائلة ومرة على ولادهم ... فبيت عند هدى جالسة بسمة وحداها هدى كتوريها نقش لي بغات دير والقفطان لي وصات تجيب لها وحتى من الحليوات لي وصلوهم ليوم وگاع تحضيرات الخطبة ورات لها كولشي
هدى : ( زومات على طوف ) كيجاك قفطان
بسمة : ( بتاسمات عجبها ) غزال أنيق وفنفس لوقت سامبل كيبان هماوي
هدى : ( حطات تلفون ) شنو بغيتي تلبسي نتي
بسمة : ( حركات لها راسها بنفي ) لا أنا نبقا غا ب بيجامة غانعاون لخدامة لي جاب خوك هاد صباح وإن شاء الله نحضر ليك حتى تعقدي كيف واعدتك ونمشي
هدى : ( كانت تشوف فتلفون غير سمعاتها هزات عينيها فيها بسرعة ) فين تمشي ؟
بسمة : هدا هو جهد الله يجعل لبركة طولت بزاف فكيتوني من داك الحمار بغيت ربي الحاجة لي تمنيتو تحقق الله يسهل عليكم ويسهل عليك نتي بالخصوص حني ففريد راه والله .. الله يعمرها دار ولد ناس وشاريك بالغالي ومايخصر ليك خاطر أما أنا غانوض أختي نقلب على راسي رجع عند ديك لمراة لي كنت خدامة معاها فديور ولا نطلب خالة داك الحمار دعماد ونخدم فشي لوزين ونهز راسي
على صباح كان الجو زوين شميسة طالعة والجو بارد ريح خفيف ومكاينش البرد بزاف فقط هواء منتعش .. جمعو بلاصتهم فين نعسو وحلات بسمة شرجم باش تهوا البيت وفنفس الوقت متكية ومستمتعة بنسمات الهوا لي كضرب فوجهها المنور على صباح .. فايقة ناشطة والفرحة كتبان فوجهها فحال إلى هي لي غاتزوج ! ولكن لي مفرحها حريتها لي شداتها بيديها بعد معاناة أشهر عديدة داقت فيهم المرار وجوع وتكرفيص ودابا كتحاول ما أمكن تفائل وتستعد الحياة جديدة لي خاص تعول فيها على راسها وتقوى بنفسها وتواجه أي حاجة جات قدامها ومتخافش !
هدى : ( حالة باب ديال دوش كتشوف فيها وفنفس الوقت كتغسل وجهها بجيل ) صابحة ناشطة
بسمة : ( دارت عندها مبتاسمة حتى برزو حنيكاتها المطيبزين ) احح اقلبي واش غا ناشطة فيا واحد طاقة عجيبة ههههه
هدى : ( غسلات وجهها بلما وشافت فلمرايا كان طايح عليها سر العرايس حنيكات حمرين او وجهها تنور فحال قبل ) دوزي غسلي وجهك وسنانك ويلاه ندوشو بجوج
بسمة : ( قربات عندها وشدات يديها كتشوف فيها ) ياك ماباقي جلدك كيضرك من لاصير
هدى : لالا حمد الله ماشي فحال لبارح دابا مزيان
بسمة : ( دورات عينيها فقوة الكريمات لي فدوش ) فينها تبريمة لي جبنا لبارح ؟
هدى : ( دورات عينيها فلبيت ) راه حطيتها فوق لمجر
بسمة : خلي دوش يسخن ونضرب ليك شي حكة تبرد القلب ترجعي تشقشقي
هدى : ( ضحكات على هدرتها ) لا ويلي بلا متعدبي راسك
والو متفكاتش معاها هزات تبريمة وقدات لها وصفة كانت كديرها فصغر لشعرها وبقات عليها غير طلي طلي وهدى طالبة شرع معاها .. تحط الحاجة وتنوض تهز شي بواطة خرا وتسولها ديالاش وطلي ليها حتى سالات وفركات ليها مزيان وخلاتها تغسل شعرها ودوشات تاهيا .. غير سالاو خرجو بجوج بحنيكات حمرين من سخونية لي فدوش .. جبدات هدى كريمات لي كدير لجلدها وسيروم ديال شعر وسبرايت دلجسم .. كل حاجة كديرها كتعطي لبسمة وتقول ليها لاش تصلاح وفلخر جبدات هدى جوج فراشات فنفس شكل وحدة برمادي عطاتها لبسمة وتانية بالغوز بيبي لبساتها هي
هدى : ( حلات شعرها عوالة تنشفو ) نشيشواري ليك شعرك ؟
بسمة : لا لا غير خليه هكا حتى ينشف غايولي رطب بوحدو
هدى : ( جراتها حتى جلساتها فوق لكرسي ) تبقاي ديما بشعر رطب انا نبوكليه ليك نشوف كيغايجيك
بسمة : ( بتاسمات كتشوف فيها من المراية خدمات سوشوار كتنشف لها شعرها ) معرفتش شكون لي عروسة انا ولا نتي راه انا لي خاصني نقاد ليك
هدى : براكا غير ديك الفركة لي درتي ليا سْسْت ليك كتافك ( شافت فوجهها وبتاسمات ) حمد الله وجهك رجع صافي كي لول ولحمك مبانت ليا حتى طبعة فيه نفعاتك لكريم لي كدهني بعدا
بسمة : ( بتاسمات كتشوف فوجهها لي حمقها طيبز ورجعات على مزيناتها ) اه حمد الله مشاو بقات طبعة صغيرة زرقة فدراعي قريبة تمشي مكتبانش مزيان
هدى : ( جبدات البلاكة كتسرح لها شعرها وسمعات لباب كيتدق ونطقات بصوت عالي ) نعاااام ؟
بنت خالتها : انا اهدى خرجو تفطرو
هدى : واخا شوية هاحنا جايين ( شافت فيها فلمراية ) مزيان حمد لله غاندير ليك شوية ماكياج ومتقوليش ليا لا غاندير لعقد وصاحبتي لابسة بيجامة ونازلة صفرة كي درتي ليها
بسمة : ( حركات لها راسها بلا ) لالا والله مندير شي حاجة أصلا غانبقا فلكوزينة نعاون
هدى : ( شافت فساعة لي فسقف ) العشرة هادي ديك 12 يجيو تريكة تاع مي وبا غاتجي خالتي وراجلها او ولادهم وعماتي وراجلها او خوالي مهم دار غاتعمر ويبانو ليك بنات عماتي وخوالاتي كل وحدة ضاربة قفطان وتكشيطة والماكياج جوج كيلو ( ميقات فيها ) ونتي تنزلي بلا والو كوزينة خليها لخدامات ضروري غايجيبهم صلاح نتي جلسي حدايا
بسمة : ( عرفاتها مصرة على رأيها ) مانعيقش تاني غاشوية صافي ؟
هدى : ( بتاسمات بفرحة ) كوني هانية
قدات لها شعرها وبوكلاتو ونشفات ديالها وسرحاتو ودارت ليها ولبسمة ماكياج خفيف مابين ماتجي نگافة وتقاد ليها .. خرجو من لبيت كل وحدة جامعة شعرها باش ميخسرش وتاجهو نيشان لصالون لقاو خالت هدى مها وبنتها مجموعين فصالون حاطين فطور
خالتها : ( نطقات بلهجة سوسية حرة وهي مكتشوفش فبسمة عينيها على هدى ) سر ومعامن جا مشاء الله على بنت ختي
هدى : ( بابتسامة صفرة ) ربي خليك اخالتي
مبيريكة : ( شيرات ليها تجي تجلس حداها و عينيها لمعو بفرحة وهي كتشوف كبدتها غاتعقد ليوم وتخوي عليها دار ) الله على بنتي غاتخوي عليا دار وتخليني
هدى : ( جرات بسمة مجلساها جنبها وعنقات مها و عينيها كيلمعو بدموع ) غاندير بناقص أمي
مبيريكة : ( عنقاتها بيديها لي كتحركها ) متقوليش هكاك ابنتي لبنت آخرتها دار راجلها الله يسهل عليك نتي وياه ويفرحكم ياربي ويطول ليا ربي فلعمر حتى نشوف ولادكم ونلعب معاهم
هدى : ( طاحو دموعها وهي خاشية وجهها فصدر مها ) أمين أمي الله يخليك ليا ديها فدواك وكل صباح تلقايني عند راسك
مبيريكة : ( هزات لها راسها كضحك ) نوضي ابنتي تفطري قاليك كل نهار تصبحي عليا الله يهديك بقاي مع راجلك حتى يجيبك
الخالة : ( مدات يديها كتخلف أتاي ) ولفاتك امبيريكة صعيب تفرق عليك ( شافت فهدى ) دابا تولفي غاشوية بشوية
فطرو وجمعات بسمة وبنت خالة هدى الطبلة .. فنفس الوقت سمعو حس شي ناس طالعين فدروج كانو شي عيالات منهم لي غايجمعو دار ويغسلو الماعن ومنهم لي غايطيبو لضياف .. بعد ساعتين تقريبا بداو كيدخلو ضياف لي هما عائلتهم نيت ستقبلهم صلاح بسروال توب زرق غامق كلاص وقاميجة كحلة تاني يديها وفاتح صديفات لولين .. نقص من لحيتو شوية وخلاها مخربقة مكتعجبوش فاش كيطراسيها وشعرو طلعو الفوق بجيل وفمعصو ساعة رولاكس فضية ..
رجال كيدوزو نيشان لصالون لي فطبقة سفلية والعيالات كيطلعو لفوق عند مبيريكة وختها وبنت ختها تزادو عليهم فصالون وبقاو مجمعين وهدى وبسمة ناضو سادين عليهم فلبيت حتى طلعات عندهم نگاڤة لبسات ليها لقفطان لي وصات عليه هو وشالها والإكسسوارت وصنيديلة دطالون .. قدات لها ميكاب خفيف برز جمالها كتر .. دارت لها أيلاينر وزادت ليها رموش كيبانو طبيعيين وعكر خفيف .. لوك كان طبيعي وفنفس الوقت أنيق وراقي
هدى : ( شافت وجهها فلمراية وتبسمات بإعجاب ) حبيت ( دارت مبتاسمة عند نگافة ) شكرا زين
نگافة : مرحبا جاك لميكاب زوين مشاء الله فنة متحتاجيش ( شيرات ليها جيهة لباب ) نقاشة راه كتسناك فصالون
هدى : ( قدات طرف دزيف ) واخا شوية وهاني خارجة ( جرات بسمة وجلساتها فوق لكورسي ) زين قادي ليها شي ميكاب بحالي يكون خفيف ( حسات بيها غاتنوض وحركات ليها حاجبها بلا ونطقات برفض قاطع قبل ماتهضر ) غاجلسي حتى تقاد ليك
نگافة : ( بتاسمات وعاودات حلات لماطريال ) مرحبا أنا نقاد لها دابا ( نزلات بوجهها عندها كتشوف إنا درجة دفوندوتان تجي معاها )
بسمة : ( توردو حنيكاتها بحشمة ) عفاك شي حاجة خفيفة
كيف ماطلبات دارت ليها ماكياج خفيف وعكر فلون كاشيري بارد وفلخر رشات لها مثبت لميكاب
نگافة : ( بتاسمات ) مشاء الله حتى نتي على مزيناتك
بسمة : ( ضحكات كتشوف فراسها فلمراية عجباتها خدمتها بقد ماكان لميكاب خفيف ولكن كان مقاد بتحرافية ) شكرا زين و تبارك الله عليك خدمتك زوينة
نگافة : بصحتك ازين
خرجات وخلاتهم بجوج ناضت هدى جبدات لها قفطان بلموڤ بارد بحزام عليه حجيرات بالبيض صغيورين و سفيفة بذهبي وفجيهة صدر حجيرات بالموڤ غامق ولخضر ملكي .. هزات حلقات صغار يجيو مع لقفطان وساعة ذهبية وصندالة بكعب متوسط فنفس لون خياطة قفطان ..
هدى : ( حطاتهم على ناموسية ) نوضي لبسي هادو وطلقي شعورات نشوف زين
بسمة : ( ميلات راسها معاها وعينيها على قفطان وداكشي لي حاطة معاه ) ستعمرتك اهدى ولاهيلا بزاف
هدى : واعدتيني ازين تحضري نهار ندير العقد يلاه نوضي لبسي باش منتعطلوش
ناضت بلا هواها لبسات عليها داك القفطان وصنيديلة فرجليها البويض .. القفطان كان محلول شوية من جناب مبين صيگانها المطيبزين كان ديجا محيدة زغب يديها ورجليها مع هدى لبارح داكشي علاش ملقاتش مشكل
هدى : ( سفقات بالنبهار وصفرات كضحك ) ايهاي هاي مابقيتيش ساهلة مانكان صافي هههه
بسمة : ( بتاسمات بحشمة وتمشات حتى لمراية طويلة وهي كتقرقب بطالونها .. وقفات كتشوف فراسها من الفوق حتى لتحت وبتاسمات عجبها راسها بزاف اول مرة تشوف راسها هكا كتبان طايتها فداك القفطان كتحمق مع الحزام لي مزير على الخصر مبين تضاريس جسمها بامتياز .. ) حبيت راسي
هدى : ( قربات حداها ورشاتها من عطر العود رشة وحدة خلات ريحة غزالة عاطية فلبيت ) على مزيناتك بنية الله يحجبك
خرجو بجوج كيضحكو حتى لصالون دخلو وگاع الأعين تحولو عليهم وبالخصوص بسمة ! لي جاتهم غريبة ومعرفوهاش شكون كولشي كيوشوش ويبرگگ سلمو عليهم غير من بعيد و جلسو حدا بعضهم ونقاشة قدام هدى وراتها شكل لي بغات وبدات تنقش ليها كيف بغات وغير سالات قالت لها تنقش حتى لبسمة رغم إعتراضها أسراااات عليها حتى نقشات غير يد وحدة ورجعات لور خلات بنات عائلتها كل وحدة دارت نقيشة خفيفة فيديها ..
داز الوقت والعيالات مجمعين مع بعضياتهم سدو باب باب صالون باش ميتسمعش صوت بزاف فلتحت وبداو يلعبو بيناتهم ها لي هزات طعريجة وها لي هزات طارة ولوخرا صينية ومعالق .. خالقين جو زوين بيناتهم
العيالات : أمولاي أوا وسكر طموبيلنكا ماساتسيت أتبير لي دارونا أمولاي أوا ..
زوند لبراد دلكسا يان إران يان إمون ديس أورادحلنا أمولاي أوا
لوحات لوز إميما أولا تيني هاني لفرح إلا دارونا أمولاي أوا
لس أجلابينونا دوجنوي أهيا قلب إدوكانا أمولاي أوا ...
يتبع...
التنقل بين الأجزاء