زواجي التالي الجزء السادس

وصل لعريس جايب معاه دفوع مطرطق مخلا ماجاب ها تواب لغاليين ها تكاشط ولقفاطن .. صنيدلات .. بيجامات .. ذهب .. شكال ونواع فلكسيوات لي كتلبس او زيوف او البرقع .. قوة ليباخك ومستحضرات العناية بالبشرة او لميكاب كولشي غير ليمارك لي تشها لخاطر كاين وبزيادة مبرعها وممخصصها من والو بالعكس مكبر بيها قدام عائلتها ولي شاف داك لخير يحسدها ..

جلسو مع رجالة فصالون لي فلتحت وبعد مدة جا العدول والعيالات فلفوق كل وحدة شدات بلاصتها وسقلو .. طلع فريد مع صلاح لفوق عند هدى لي كانت يلاه حيدات لحنة بزهر وجالسة بلاصتها باينة وسط صالون وبسمة جنبها .. جبدات خالتو لخواتم ومداتهم ليهم بابتسامة واسعة فرحانة من قلبها لولد ختها

خالتو : ( مداتو بواطة دلخاتم ) خود ركب لها لخاتم الله يسهل عليكم ياربي

خدا من عندها خاتم لي جابو لهدى كان شكلو سامبل كيف طلبات .. أنيق وفخم كتوسطو جوهرة كبيرة شوية وفجنبو جواهر صغيرة كتبان كتبري فصبع وعاطية منضر زوين لخاتم .. ناقش معاها موضوع لخاتم من قبل ورفضات تمشي معاه تختار فقط قالت ليه شي حاجة خفيف وصافي ..

فريد : ( عينيه هايمين فيها .. مد ليها يديه وتسناها تعطيه يديها ) يديك

مداتلو يديها وهي حاسة بغصة فقلبها ممرتاحاش نهائيا .. ركب لها لخاتم وجا دورها خدات دغيا لخاتم ودارتو لو فيدو بنفخة عينيها فلأرض وهازة قنانفها لفوق منفخة ومعبسة .. شاف حركتها وكمدها فقلبو ماهضرش نهائيا بقا محافض على بتسامتو ليها وجرها من دراعها بلطف حتى باسها فوق راسها والعيالات بداو يزغرتو فرحانين ليهم .. دارت لها خالتو شي دبالج دذهب فيديها وباستها حتى هي فحنكها وباركات ليهم .. مبيريكة مجلسينها فوق كرسي متحرك كتشوف فيهم وعينيها مدمعين مقدراتش تحبس دموع وبداو يطيحو لها قد مامثلات أنها صابرة فداخلها كتبكي ومحروقة على بنتها سنين وهي مكتفارقهاش تصبح عليها وضحك معاها وكل مرة تعصب عليها فاش كتعطل على دواها .. ذكرايات زوينين جامعاهم غير غاتمشي غاتخلي بلاصة كبيرة فدار بلا بيها دار هادئة وصقيييل فيها فحال الى مساكنها حد .. رد لها صلاح لبال وقرب ليها باس راسها ومسح لها دموعها وهو كيطبطب على ضهرها ...

طلع العدول لصالون خاوي فطبقة فاش كانو علمهم صلاح بأنو العدول كيتسناهم .. خرجات هدى ودموع حابساهم غير بزز بسمة فجنبها كتصبرها ومبيريكة وراها جارها صلاح حتى لصالون فين كاين العدول .. كان ديجا فريد سْنا قبل منها هي لي بقات عطاوها ستيلو وكحزو حداها لورقة .. تحنات بشوية كتشوف فتوقيع فريد لي كان خفيف وراقي .. هزات عينيها بتردد جيهة مها وبعدها نقلات نضرها لبسمة لي غمضات لها عينيها مبتاسمة وبعدها وقعات دغيا وناضت لاحت ستيلو ويديها كيترعدو حاسة بنفسها وقعات على حياتها على مصيرها من هنا لقدام ماشي مجرد ورقة عادية بالعكس قيمتها بنسبة ليها كبيرة وبزاف

بسمة : ( قربات لها معنقاها بحب وعينيها دمعو معاها ) مبروك احبيبتي الله يسهل عليكم ياربي ( بعدات عليها مبتاسمة ودوزات يديها على كتافها بحنان .. نقلات نضرها لفريد ونطقات بصوت هادئ) مبروك عليكم

فريد : ( بتاسم لها وحرك لها راسو ) الله يبارك فيك اختي

تحط العشا ورجعو دراري لتحت مجموعين مع رجالة والعيالات لفوق لخدامة كيحطو فلعشا والحركة قوات فدار .. هدى غير وقعات طارت مع بسمة دخلات لبيتها وسدات عليها وقاعدة تبكي الماكياج كامل تجخلط فوجهها

بسمة : ( جراتها عندها معنقاها ) اهدى اختي حشومة تبكي ونتي عاد عقدتي

هدى : ( تبكي وتعاود يديها على صدرها حاسة بالعافية شاعلة فيه وعينيها حمرين فحال جغمة ددم ) بسمة مي مامهنياش عليها شكون يقابلها غانموت مصبرة راسي بزز جالسة على شوك كل مرة ندور وجهي عندها لقاها تمسح فدموع ( شهقات حتى تهز صدرها بتنخصيصة ) اختي مي لي عندي ماعندي حد هي الحنينة فيا هي لي تفكر فيا هي لي عندي

بسمة : ( نيفها حمار حابسة دموع بزز تأثرات وتفكرات نهار كانت فموقفها مكانش شي حد علامن تبكي مكانش شي شخص لي توحشو وتمنا تبقا معاه بالعكس كانت باغا غير تفك من العافية لي كانت وسطها ساعة لقات راسها فماكفس .. نطقات بصوت منغنغ بلبكا وكل مرة يتقطع صوتها بتنخصيصة ) أنا نقابلها اختي غير كوني هانيا غانبقا معاها واحد المدة حتى تلقاو شي بنت ناس مزيانة ولا ترجع رقية ( دوزات يديها على راسها كتحاول تهدنها ) خلي بالك هاني من جيهتها غانبقا نفيقها صباح تفطر ونبدل ليها ونتسنا وقت لبنت لي كدير لها ترويض ومتخافيش حافضة سيستيم ديالها ( جراتها حتى تقابلات معاها ومسحات لها دموع من وجهها ) نبغيك ديها فدارك وراجلك راه والله حتى ولد ناس متلقايش حسن منو سمعي لهضرتو ومتقصحيش راسك مع لوقت فاش تشوفي هادشي لي كانقول ليك بعينيك غاتبغيه بلا ماتحسي

هدى : ( جلسات على كرسي كان فجنب لباب وعينيها علخاتم ) تهلاي فيها عفاك ويلا تلفتي فشي حاجة صوني ليا من تلفونها ( هزات عينيها فيها مدمعين ) غانتوحشك حتى نتي مدوزناش لقليل

بسمة : ( بتاسمات عيات تمسح فدموع قبل مايطيحو على وجهها فلخر طرطقات بدموع وقربات عندها جالسة فالأرض حدا رجليها ) حتى أنا غاتخلي بلاصتك فدار و نقولها ونعاودها ليك منساش ليك خيرك مشفت منك لا نتي لا خوك لا راجلك لا مك غير لخير الله يسهل عليكم كاملين ونتي بلخصوص ياربي تفاهمي مع فريد ويسهل عليكم ربي بشي وليدات الله يعطيكم ماتمنيتو ياربي

هدى : ( جراتها معنقاها ) الله يسهل عليك تانتي احبيبتي ونشوفك عروسة ونحضر لعرسك قلبك بيض وتستاهلي كل خير

بسمة : ( مسحات دموعها كضحك ) نوضي نوضي تلقاي راجلك كيقلب عليك هههه يقول هادي هربات ( دورات عينيها فلبيت ) ياك منسيتي شي حاجة جمعيها ؟

هدى : ( شافت فجوج باليزات كبار حدا ناموسية ) لا كولشي جمعتو خليت ليك فلماريو شي حوايج وبيجامات وگاع داكشي ددوش والماكياج راه بلاصتو خوديهم

بسمة : ( شافت ناحية كوافوز لي فيه لمراية بصح مكانت هازة والو ) لا لا اويلي هزيهم اش غاديري نتي

هدى : ( طبطات لها على يديها ) صلاح جاب لي ضوبل حتى ملقيت فين نحط باليزة عامرة غير بيهم وخلي عليك دفوع داكشي ديالك خوديهم ..

قاطع حديثهم صوت الباب لي كيتدق بجهد ناضت بسمة دغيا كتمسح تحت عينيها ومتاجهة جهة لباب تفتحو حتى وقفاتها هدى بيديها

هدى : ( بصوت عالي ) هااااحنا جااايين

بنت عمتها : ( من ورا لباب ) سربي اهدى ضلينا نقلبو عليك مشفناكمش فاش دخلتو لبيت لعشا ناس تعشاو وبداو يخرجو وراجلك كيقلب عليك تمشيو لداركم

هدى : واخا هانا جايا ( ناضت كتمسح عينيها وكتشوف فيديها لماسكارا ساحت ) اجي نغسلو وجهنا هي لولة

غسلو وجههم بجوج بسمة مدارت والو لوجهها وهدى دارت ماكياج خفيف دغيا .. قدام ناس مجاتش تخرج صفرة خرجو بجوج نازلين لتحت مخليين صلاح داز من حداهم يهبط شانطات ديولها .. كاع عائلتها لي حضرو ليها واقفين حدا لباب كيتسناوها تنزل وتمشي مع راجلها .. كان فريد وخالتو واقفين حدا طموبيل ديالو كيتسناوها ومبيريكة حاطينها فكروصة وجالسة حدا لباب وجنبها خالتها وعمتها وبناتهم ..

هدى : ( دورات عينيها كتشوف فدروج دارهم مكرهاتش طلع لبيتها .. تنفسات ونطقات بصوت خافت ) الله يدير لي فيها الخير

نزل صلاح وفيديه شانطات ديولها حطهم فكوڤر دطموبيل فريد وبعدها وقف كيشوف فيها حتى قرب ليها وجرها معنقها ، وكيطبط على ضهرها

صلاح : ( باسها فوق راسها وشد فوجهها ) مبروك عليك ديري عقلك

كتافات تحرك راسها بآه مبلوكية عينيها على مها وخاطرها مزير عليها عمرها فكرات شي نهار غاتفرق عليها .. قربات منها بشوية وعنقاتها وعينيها كينزلو بدموع

هدى : ( نطقات بصوت مرتجف ) متغفليش على دواك بسمة غاتقابلك لمدة مابين ماتجي رقية

مبيريكة : ( عنقاتها بيد لي كتقدر تحركها وتاهي كتبكي مساخياش بيها ) متشطنيش عليا ديها فراسك وراجلك والله يسهل عليكم ابنتي

وقفات كتمسح عينيها وسلمات على خوالاتها وعماتها وبناتهم ودارت كتشوف فبسمة بعينين مغرغرين بدموع فتحات لها يديها حتى جات لخرا عنقاتها كتبكي وفخاطرها كدعي ربي يسهل عليها هي وراجلها

بسمة : ( قربات لودنيها ونطقات بصوت خافت ) تهلاي فراسك وخالتي متهزيش لهم من جيهتها الى معاها انا فحال الى كاينة نتي متخافيش

هدى : ( زيرات عليها كتر كتشكرها ) شكرا ابسمة لخير لي ديري فيا مي تهلاي فيها ونا عارفاك بنت ناس متفوتيهاش

ودعاتهم او قربات من فريد وقفات حداه وهي حادرة عينيها حتى شير ليها تركب سلمات على خالتو و ركبات فلور او بقات ساقلة كتشوف فمها من زاج

صلاح : ( ضرب ليه على كتفو بشوية ونطق وهو عينيه على هدى ) تهلا فيها هي لي عندي راها فحال بنتي

فريد : ( شاف فيه بنضرة دمنيتك ) كتگولها ليا انا اصاحبي فحال الى راك معارفنيش متخافش راها فعيني

سلم عليهم او دار ركب فطموبيلتو او خالتو غايوصلها صلاح حيت رفضات يوصلها ... ديمارا طموبيل نيشان لاباخطمون لي شرا ، طول طريق كان سقيل تاواحد فيهم ماهضر هي ساكتة ساهية فزاج وهو مرة مرة يهز عينيه فلمراية لي كاينة لفوق كيشوف فيها ويرجع يشوف فطريق ..

وقف طموبيل قدام برطمة نزل او حل ليها لباب حتى نزلات .. هز شانطات ديولها او وقف قدام لباب حلو بساروت او طلعو فدروج ..

فريد : ( دخل شانطات او سد موراه لباب مخليها دخلات كدور عينيها فدار ) مرحبا بيك كيجاتك ؟

هدى : ( وقفات كتشوف فصالونات او كوزينة كيبان لها فيها نص واسعة او زوينة .. بتاسمات عجبها لفراش او حتى الألوان مبهجة ) زوينة

جرات وحدة من شانطات لي فيها حوايجها او خلات تانية وراها فوقها صاكها .. بلا متسولو فين كاينة لبيت قلبات بنفسها حتى لقاتها او دخلات جبدات بيجامة طويلة او عباية وزيف باش كتصلي او ديماكيون او الجيل باش كتغسل سنانها مع معجون الاسنان ..

دخلات لدوش لي كاين فلغرفة نيت سدات وراها لباب ومسحات ماكياج من وجهها وغسلاتو وبعدها مشطات شعرها وغسلات سنانها .. حيدات داك القفطان او لبسات بيجامة ولاحت عليها عباية وزيف .. خرجات من لبيت كدور فعينيها هزات صلاية وفرشاتها وبقات واقفة لثواني كتسناه واش يجي زعما يصلي معاها .. دخل وبقا واقف كيشوف فيها وبعدها مشا جلس فلمراح لي كانو فيها فوتويات .. تنهدات وبدات تصلي مخلياه هو جالس شاد تلفون فيديه حتى سمع صوت الڤيڤرور ديال شي تلفون دور عينيه جيهة صاك ديالها وتوجه ليه على بالو شي حد من العائلة كيصوني .. قال فراسو نجاوب .. حل صاك هز تلفون فيدو عقد حجبانو فاش شاف نمرة معليهاش إسم يلاه غايدوز الخط وتقطع .. طلع ليه تلفون بالكود ملقاش كيدير يحلو يلاه غايرجعو بلاصتو سمع صوت ميساج وصل

فريد : ( دور تلفون كيقرا فلميساج لي طلع فشاشة بعيون حادة .. مزير على قبضة يدو حتى بياضت وتطراساو فيها العروق .. عض على ضروسو حتى تسمع منهم صوت مزعج نفس كيطلعو سخون وصدرو تزير عليه حاس براسو غايتفرگع من قوة الغضب لي حاس بيه ) هدى أنا يوسف جاوبيني .. الله يرحم بيها الواليدين الى مجاوبيني قبل ماديري شي حاجة

زير على تلفون فيديه وعض على شفته سفلية كيغزز فيها سنانو حواجبو معقودين وعينيه مضلمين .. توجه عندها لبيت بخطوات بطاء كيحاول يكالمي راسو ويدوي معاها بشوية حيت الغضب لي حاس بيه فصدرو غايخليه يطرطق عليها وهادشي هو لي ماباغيش .. دفع باب لبيت لي كان مردود شوية او بقا واقف وقفة مستقيمة يديه فجيبو واليد تانية شاد بيها تلفون .. وعينيه مصوبين عليها وهي كطوي السجادة .. لاح تلفونها جيهة ناموسية وجا فطرف كون جا فالأرض كون تشتت كامل

هدى : ( شافت ناحية تلفون بالإستغراب ونقلات نضرها ليه .. من الهيئة لي عليها عرفاتو معصب ) مالك شنو كاين ؟

فريد : داك سيد شنو باقي بينك وبينو ؟

هدى : ( عقدات حواجبها بالستغراب معارفاهش علامن كيدوي غير فكرة ان يوسف علامن كيدوي مجاتش فبالها حيت نساتو شحال هادي وحتى آخر هضرة بيناتهم سيد خطب ) شمن سيد ؟ شكون هدا

فريد : ( تكا بكتفو على لباب ) نسولك نتي ؟ هداك لي يضل يصايفط ليك فلميساجات ويصوني ( سكت لثواني ) .. واش حرافت لي نخرج نقلب عليه فينما كان نجبدو نقتلو وندوز عليه

هدى : ( تعابير وجهها كلها تساؤلات ) فهمني غير دابا آشنو كاين علامن كدوي ؟ أنا مكنعرف حد !

فريد : ( تبسم بجنب فمو بالإستهزاء وعينيه على صلاية لي حطات ) هاد صلاة لي كتصلي وهاد صلاية لي كطوي دابا قبل متوجهي للله صفي راسك

هدى : ( حمارت ودم تجمع فوجهها متسرطاتش لها لهضرة لي قال .. كورات قبضة يديها ونطقات بصوت مرتجف ) كيفاش نصفي راسي على مالك شنو شفتي فيا ؟

فريد : مدام انك باقي كتهضري معاه والميساجات والإتصالات بيناتكم يعني أنك باقي على علاقة معاه ومدام انك كتخافي الله ونوبل لولة كنتي رافضاني بصفة دين وهو قبلتي بيه وقابلتيه بدين كيفاش كيصوني على مراة مزوجة !

هدى : ( بقات غاكدور فعينيها ملقاتش حتى وقت تفكر علامن كيدوي .. وفنفسها كتقول شكون هدا انا مكنهضر مع حد ) غا فهمني علامن كدوي شرح ليا غ...

فريد : ( قاطعها ) معندي مانشرح ليك واخا نشرح معارفش اشنو فدماغك واش محاسبانيش راجل قدامك ؟

هدى : ( جلسات فوق ناموسية رجليها فشلو عليها ) واش متأكد من هضرتك ؟ اشنو شفتي عليا باش تجي تحاسبني بهاد طريقة

فريد : ( راسو غايتفرگع عليه قال ليها هضرة وحدة وخلاها كتشوا من هضرتو ) لا ماقديتش انا نحاسبك ربي فوق مني ومنك هو لي غايحاسبك

خرج منيرڤي هز تلفونو وسد موراه لباب .. نزل مع دروج حتى لتحت وركب فطموبيلتو وبقا جالس فيها وعينيه فشاريع مخنزر ومعاجبو حال مكالمي راسو غير بزز وحاول ماأمكن يهضر معاها غير بشوية مايقيصها مايغوت عليها ..

فدار كانت جالسة كتاكل فدفارها بالفقصة ... ناضت دغيا حتى لساكها كتقلب على تلفونها وتفكرات فاش لاحو على ناموسية ورجعات ليه هزاتو كتقلب فيه حتى كتلقا نمرة ممقيداهاش صونات شحال من مرة .. حققات فيها وتفكرات نمرة لي كانت تصوني عليها شي ربع ايام هادي

هدى : ( حطات صبعها الإبهام على فمها مخنزرة وكتقرا فلميساجات ) عاد جاي مفكرني سبحان الله حتى تزوجت وقلت نسيتك نحاول رضى بلي كتاب عليا ونعيش حياتي خرجتي ليا فطريق ( عضات على صبعها بلا ماتحس ) فيما ندور لقا مشاكل تابعيني ( سكتات لثواني) على آخر يامي راجلي يولي يشك فشرف ديالي كون غا درتها مايبقاش فيا الحال

طلعات نمرة ناوية تصوني عليه .. وتراجعات فآخر لحضة بقات كتشوف فنمرة وصبعها على زر الإتصال

هدى : مدام عايرني عايرني وقاليك انا كلعب من موراه خليه حتى نهضر قدامو

بقات شادة راسها تالفة ناضت كدور فدار وكتسناه يطلع حوالي ساعة وهي كدور او والو باقي مطلع .. تأفأفات او دازت لبيت حيدات عليها ديك العباية او زيف او خلات شعرها مجموع او مضفور واصل لتحت ضهرها قريب لمؤخرتها .. جلسات فوق ناموسية دايرة يدها على خدها ساهية شي نص ساعة هكاك وسمعات صوت لباب تحل ناضت بشوية او تكات على كادر لبيت بقات تشوف فيه هو لي غير دخل لاح تلفون فوق الفوتوي وداز نيشان لطواليط حيد صباطو عيان .. غسل رجليه او يديه او دوز لما على وجهو وعنقو .. خرج وفيديه منشفة كيمسح وجهو وتكا على الفوتوي ، لمح طيفها ودور وجهو جيهتها وحقق شوفة فشعرها وفلگصيصة لي مطلوقة على وجهها .. عجباتو بداك المنضر ولكن فالأخير دور وجهو فحال مشافهاش حتى تمات جايا عندو وقلبها كياكلها محاملاش ياخد عليها شي نضرة خايبة ..

هدى : ( جلسات مقابلة معاه ) شوف نقوليك انا داك سيد طلاقيت معاه جوج مرات وربي شاهد عليا لمرة لولة فاش قالي باغي نتزوج بيك والمرة تانية فاش قلت ليه اولد ناس سير الله يعاوني ويعاونك منصلاحش ليك ( دور عينو لجيهتها مركز معاها عارفها متكدبش وتايق فيها كيتسناها غير تنوض تبرر ماشي تسكت وترجع لور ) وراك حضرتي وشفتي كولشي بعينيك اما تاهمني وتقولي باقي كنهضر معاه وانا مزوجة منسمحش ليك لا ممتيقنيش ( مدات لو تلفون ) هاك تلفون قلبو معنديش مشكل نمرة وحدة لي كنت نعرفو بيها راه بلوكيتو منها ومصايفت لي من نمرة جديدة ممقيداش گاع عندي

فريد : أنا ماشي من نوع لي نبدا نقلب ليك فتلفونك ونفتش ! لا كنت تايق فيك منقيصش ليك گاع حوايجك ( عقد حجبانو ) لالقيت شي حاجة معجباتنيش راه نجيك نيشان

هدى : تانا نجيك نيشان راه دابا فاش خرجتي كنت غانصوني ليه ( دار فيها شوفة دلموت حتى طيح منها نص وسكتات لثواني وكملات هضرتها ) ولكن مابيتش نديرها مه موراك انا نصوني ليه قدامك

فريد : ( بنضرة عميقة ) متأكدة ؟ لاصونيتي ليه دابا وسمعت شي حاجة ماهياش ولا تكشفات شي حاجة هاد ليل ميدوزش بيخير هانا قلتها ليك !

هدى : ( شداتها الرعدة من هضرتو واخا مدارت والو ) انا نصوني ليه ( دوزات لخط كدور فعينيها .. دازو ثواني وجاوبها ) ألو !

يوسف : ( لهفة واضحة فصوتو ) ألو هدى بيخير ؟ وأخيرا جاوبتيني شحال من مرة كنصوني عليك مكتجاوبيش .. هدى كنبغيك واخا خطبت ولكن والله منسيتك غير ضدد فيك ومن ديك شمتة نضت خطبت نتسناك حياتي كاملة غير تكوني ليا فلخر

هدى : ( نقلات نضرها لفريد لقاتو مغزز سنانو فشفته سفلية .. يلاه كان ناوي يهضر وهزات يديها بمعنى لا هي تهضر ) سمع اخويا تفارقنا الله يسهل عليك تزوج ولا خطب شغلك هداك موصلناش لشي مواصل باش تقولي شمتك ولا ضحكت عليك انا مرات راجل دابا كيف عرفتيني لمرة لولة معقولة وجيتك نيشان وقلت ليك لي عندي حتى دابا متبقاش تصوني عليا وبلوكي هاد نمرة الله يخليك ونساها .. دابا مابقيتش تاع راسي وليت مراة مزوجة دير راسك بلاصت راجلي وشوف واش هاد تصرف تقبلو ..

قطعات عليه وبلوكات نمرة باش مصوني ليها ومسحات گاع ميساجات لي صافت ليها .. بعدها مد لها فريد يدو بمعنى اري تلفون .. عطاتو ليه وبقات ساكتة كتشوف فيه ، وهو قلب على نمرة حتى لقاها وهزها من عندها قيدها فتلفون بلا مايعيق وهي على بالها انو كيقلب صافي !

فريد : ( شير ليها جيهة لبيت ) سيري نعسي رتاحي تعطل لوقت انا نخرج نقضي واحد غرض ونجي

بقات مدة كتشوف فيه حتى لبس سبرديلتو وهز جاكيط بالكحل سخوونة لاحها على كتافو وخرج .. نزل نيشان حتى طموبيل ركب وتاجه نيشان عند صلاح ودوز ليه لخط وهو عينيه على طريق .. قدامها دار راسو فحال الى نسا الموضوع ولا داز عادي ولكن من لداخل متسرطاااتش ليه ومحلفها فيه مايتهنا حتى يلقاه

فريد : ( سمع الخط تفتح ونطق ) ياك مافيقتك ؟

صلاح : ( شاد گارو بين يديه وكاس ويسكي منغم بيه ) لالا باقي ( عقد حجبانو كيشوف فساعة ) ياك شي باس ماكاين

فريد : راني فطموبيل جاي عندك دابا مهم داك الق*واد ديال يوسف داك جدارمي صونا على هدى وبارك عليها بكنبغيك ومنسيتكش وخا خطبت نتي لي بيت ( تبسم بالستهزاء ) لقاه نجبد لمو مصارنو

صلاح : ( ناض وبخ دخان من فمو لبعيد ونطق بصوت خشن حاد ) هانا خارج نجيبو دلمو فينما كاين

وقف طموبيل حدا دار .. حل شرجم وطل براسو بان ليه صلاح متكي على باب دار شاد گارو بين يديه او لابس قبية سخون او لايح عليها كويرة كحلة وكاسكيط فراسو على ود شتا لي كانت مجهدة والجو بار وريح مجهد

فريد : ( شير ليه بيديه يطلع وحل لباب ) زيد اصاحبي

صلاح : ( لاح گارو وركب .. سد لباب وقلب كاسكيطة لور ) عندك شي تصويرة ديال داك الق*واد

فريد : ( حل تلفونو وجبدها ) عندي حتى نمرتو وتصويرة قلبت فتلفون هدى لقيتها دايرة لو بلوك فلفايس خديتها من بروفيل

صلاح : ( حرك راسو بمزيان ) صايفطها هي ونمرة انا نجبد مو فينما كاين يكون حتى فطاليان نشدو على بوه طيارة

صايفطها ليه هي ونمرة وصلاح هضر مع دراري لي كيعرف وراهم طوف وقال ليهم يعرفو فين كاين .. خداو قهوة أومبورطي دوزو بيها لوقت .. حتى دازت ساعة تقريبا او صونا تلفون صلاح ..

صلاح : إنا مدينة كاين ؟ .. واه غير فأگادير .. شمن بلاصة ؟ .. ( قطع و خشا تلفون فجيبو ) سيد كاين غير حدانا دوز لسلام قدام *** فعمارة ***

ديمارا طموبيل مكسيري مدازت حتى ربع ساعة مقادة كانو واقفين قدام لعمارة فين كاين .. تاكدو من البرطمة وطلعو نيشان حتى قدام لباب , دق فريد جوج دقات بجهد وهو كيغزز فشفته السفلية بقلة صبر وتكا على لحيط مكروازي رجليه كيتسنا يحل

فلداخل كان فسابع نومة حتى سمع صوت دقان مجهد فحال دقان لبوليس .. ناض بشوية مستغرب من شكون يكون كيدق فهاد لوقت ! 4 صباح .. صاحبو مول برطمة خدام بليل ومكيجي حتى 7 وعندو سوارت ! شكون كيدق

يوسف : ( خشا فرجليه بانطوفة رجالية ودخل يديه فجياب قبية .. توجه نيشان بعيون معمشين حتى لباب وحلو بشوية كيطل بعينيه بان ليه صلاح وعقد حجبانو معرفوش شكون زاد حل لباب ولمح فريد داير فيه شوفة ديال حصلتي ! كحل بالعما رجع بغا يسد لباب ودفعو صلاح هو ولباب حتى جا مخبوط فلارض

فريد : ( دخل وجرو من قب القبية حتى خرجو من دار ونطق بصوت بارد نبرتو باين فيها معول على خزيت ) زيد نهضر معاك جوج كلمات وطلع كمل نعاسك هادشي لابقيتي قادر تنوض

يوسف : ( جسدو رجف من هضرتو تفكر غير العصا لي عطاه آخر مرة جلدو شوك عليه .. سكت لثواني كيتنفس بجهد او هو يغوت بجهد ونطق بصوت عالي قاصد يفيق جيران باش يعتقوه ولا يصونيو على البوليس ) حيد يديك عليا باشمن حق تهجم عليا فنصااصة ليل شنو بغيتي

فريد : ( خشا ليه كروشي جنب فمو حتى خرج عينيه شاد على فمو وجهو رجع حمر ودم نزل جنب فمو ) سكت الق*واد دابا عضيتي فلسانك نزل نهرس لمك ضلوعك

بقا شادو من القب ومنزلو وصلاح وراهم نازل بشوية عليه وعينيه كيدورو فلمكان ياك ما شيحد فايق ولا شافهم .. ضربو دورة مورا العمارة كانت بلاصة مافيهاش بوطو ديال ضو مضلمة ولحس فيها مقطوع ..

فريد : ( طرطق عنقو وعينيه عليه .. واقف قدامو الخلعة كتبان فوجهو وفعينيه لي كيدورهم كي البي .. فغفلة منو جمعو بنص خلاه مجبد فلارض نزل عندو وجبدو من شعرو ) كتصوني على مراتي القو**د فنصاصة ليل

يوسف : ( وجهو رجع شاحب .. الخلعة لاعبة عليه وقلبو كيضرب فتسعين خايف من لي غايطرا ليه كل مرة كيدور فعينيه من فريد لصلاح ويرجع يدقق شوفة فصلاح ويسترجع الهضرة لي كانت قالت ليه هدى بأنو خوها شابع حباسات ) طلق مني بنادم كيهضر غا بشوية ماشي بالعصا باش غانعرفها انا مراتك ؟ فاش كنت معاها مكانتش مزوجة

غير سمع ديك كنت معاها خشا ليه وجهو فلما الموسخ لي كان فلارض .. خلاها شحال كيبقبق مخنزق ورجع طلع ليه راسو مغدد .. كل مرة يرجع يخشي ليه راسو ويهزو حتى ترخا ومابقاش كيطلع نفس عينيه تقلبو والما محبوس فصدرو

فريد : ( ناض عطاها دقة لصدرو حتى تهز وخوا شوية لما من فمو ) نوض تق*ود باقي مدوينا

يوسف : ( شد فعنقو كيكح بجهد تجيف لما واحل ليه وضروسو غير كيتحاكو مع بعضهم كيديرو صوت مزوج .. فمو عمر طراب وحجر صغير ) بعد مني بربي حتى نصايفتك فين تربا راك معدي على جدارمي ( تسمعات صوت قهقهة بعيدة .. كحز راسو شوية وبان ليه صلاح متكي على حيط وشاد گارو بين يديه كيكمي ) علاش كضحك ؟ شنو فهضرتي كيضحك

صلاح : ( قرب ليه كيدوز يديه لحيتو ) قالت ليك هدى عندها واحد خوها بزناز داكشي علاش ميمكنش تزوج بيها ( شافو موسع عينيه ونزل تالعندو بخ دخان فوجهو وطفا ليه گارو فحنكو ) نشوف ديلمك كدور بيها باقي نطفي ليك شي عين ولا نغبر مك

تسمعات صرخة عالية دليل على ألم رهيب كيحس بيه .. كيحس بالعافية شاعلة فحنكو رغم البرد القارص وقطرات الندى لي كطيح على وجهو .. مطفاوش نهائيا ولو لقليل من الألم حاس بحال العافية شاعلة تم .. بلا مايزيد يغوت عفط ليه فريد على وجهوو وبدا ينزل عليه كل ركلة جسدو كيتهز ويرجع يتخبط مع الأرض الباردة حالتو كلها توسخات او وجهو تجرح بكترة الإحتكاك مع الأرض لي عامرة بحجر صغير .. نزل عندو او جبدو من القبية لي كانت بالبيض رجعات بالبني من كترة الوسخ دخل فيه بروسية خلاه دايخ ولا يشوف منهم جوج الرؤية تضببات مابقاش كيسمع حتى حاجة حداه من غير صوت خفيف .. گاع الأعصاب والحرقة لي كانت فيه والغيرة لي شعلات فيه من الميساج لي قرا وطريقة هضرتو ونطقو سميتها .. رجعهم بالعصا بقا غير كيخبط فيه كيهز يديه حتى لسما ويعطيه حتى مابقاش كيتحرك عينيه تسدو وحتى صوت مابقا يصدر منو

فريد : ( وقف على ركابيه كينهج وجرو من القبية ونطق حدا كمارتو ) لقا ديلمك باقي كدور بيها نصايفتك لقبر قبل الوقت ..

لاحو وخلاه منشور فالأرض فحال شي جثة ! دم داير بيه او وجهو مابقاش يبان من كترة العصا .. ركبو فطنوبيل وزادو ..

وصلو حتى لباب دار خلاه طالع ينعس وهو قلب دورة لدارو مرتاح عاد برد فاش دگدگ مو عصا كون لقاه حتى فشي قرينة كحلة كان يشد عليه طريقة مايرجعش ينعس حتى يلقاه هضرتو مطلعات منزلات ليه طريقة باش نطق هدى منطقها حتى هو لي راجلها وقاعد عليها بكنبغيك حتى يكون شما*تة ويخليه بلا مايتحاسب معاه على كل حرف خرج من فمو ..

طلع دار وسد موراه لباب دخل دوش فدوش خارج الغرفة باش مايفيقهاش .. لوا على نصو فوطة وداز لبيت دور عينيه لجيهتها لقاها ناعسة براحة مكمشة فمانطة وشعرها مخربق على وجهها .. بتاسم بحب وهز من حوايجو سيرڤيت لبسها وداز نعس حداها ومد يديه لضفيرتها كيشم ريحة شعرها بالبتسامة مكرهش كون كانت ليلتو سبيسبال غير هكا ولكن كيقول فخاطرو مع الوقت غاتبدل رأيها غير بشوية عليها حتى وكان تحنن قلبها

حلات عينيها كتكسل وتفوه براحة .. جات تقلب لجيهة تانية كانت غاتحط يديها عليه جمعاتها دغيا مخرجة عينيها وحمارت فلبلاصة من فكرة انو نعسو فنفس السرير .. ناضت بشوية بلا مادير لحس تمشات على صباع رجليها حتى وصلات لباليزتها جراتها حتى لمراح برا حطاتها وخدات منها بيجامة جديدة وملابس داخلية جداد .. هزات مستلزمات لي تحتاج لدوش .. سدات شانطة ودخلات لدوش غسلات شعرها بشامبو فيه ريحة الڤانيلا و غسلات بجيل دوش فنفس نكهة شللات دغيا وتوضات وغسلات وجهها وسنيناتها ودارت سيروم لشعرها .. رطبات وجهها وشفايفها باش ماينشفوش لها دغيا فهاد البرد .. وبعدها خدات كريم بنفس نكهة دوزاتو على لحمها كامل رطباتو وبعدها رشات سبرايت ولبسات ملابس داخلية فلون أحمر وبيجامة كيوت تروا بياس بالغوز بيبي .. خشات فراسها طويگية مقطنة من البرد وخرجات كتسلت تاني باش متفيقوش حتى لقاتو فايق متكي وشاد تلفون فيدو

فريد : ( هز عينو فيها حاضي أدق تفاصيل فيها ريحتها عطات فلغرفة كاملة .. بتاسم بشوية ونطق بصوت مبحوح من نعاس ) صباح الورد والياسمين

هدى : ( تزنگو حنوكها كتر ) صباح الخير أنا نمشي لصالون نصلي

فريد : ( شاف ساعة فتلفون كانت 8 عرفها كتفيق بكري ) واخا سيري

هزات نفس عباية وشال دلبارح .. ومصلة وقرآن صغير فيديها .. صلاة وقرات شوية من القرآن سداتو وناضت يلاه بغات دور لقاتو متكي على لحيط وكيشوف فيها بحب تلبكات ونزلات عينيها دغيا من صباح وهي كتحاول تأقلم شوية ولكن والو غير كتشوف فيه وتشوف نضراتو ليها لي كانو هازين كمية كبيييرة من المشاعر دغيا كتلخبط وقلبها كيبقا يضرب يضرب كتلف ومكتبقا عارفة مادير

فريد : الله يتقبل

هدى : ( حنات عينيها ونطقات بصوت مرعود ) ااا شكرا ن ندير فطور ؟

فريد : ( شداتو ضحكة من تلبكها وعينيها لي كل مرة تحنيهم مكتقدرش تكمل فيه شوفة ) لي بغيتي إلى عندك خاطر تقادي فطور انا نزل لسوبر مارشي نجيب ليك تقضية ويلا عيانة نجيب لفطور ونفطرو

هدى : ( هزات فيه عينيها بخجل ) ماكرهتش نمشي عند ماما نشوفها

فريد : ( تقدم حتى لعندها وجرها من يديها جلسو بجوج وشد فيديها وهو كيدوز بصبعو الإبهام عليهم ) مجاتش تمشي على صباح من العادة هما لي غايجيو عندك تسنايهم حتى يجيو ويلا قنطتي باغا تخرجي نخرجك نفطرو برا ( شاف ناحية شرجم كانت شتا مجهدة ) واخا الجو بارد عليك ولكن خاطرك لي عجبك ولي مرتاحة فيه أنا معاك

هدى : ( جات تسحب يديها وزير عليهم تلبكات كتر والهضرة تسرطات ليها حسات بجسدها كيرجف من لمستو الحنونة على يديها .. حكات حاجبها بإحراج وهزات فيه عينيها مطولة فيه شوفة ومحققة فعينيه لي لونهم فحال حبات القهوة ) ااا صافي نفطرو غير فدار باش حتى لاجاو يلقاونا

حرك ليها راسو بالإيجاب وقرب منها حتى باس حنكها ورجع لور مكرهش يتكيها تماك مسخاش من ملمسهم رطب جاوه فحال المارشميلو رطيطبين ديول العضان .. تبسم من الفكرة لي جاتو فبالو وناض هاز فيديه تلفون غمزها وخلاها موراه مزنگة وقلبها قرب يوقف أنفاسها تحبسو وملامحها جمدو على حركة وحدة .. حشمات من حركتو الجريئة بنسبة ليها مولفاتش هاد كمية الحب والحنان من طرف شي حد وجودو جنبها حسسها بأحاسيس جداد عليها معرفاتش كيفاش غاتولف على شخص جديد فحياتها والأهم تحت سقف واحد راس فراس والحاجة لي كتخليها غير دور فعينيها وتعض فشفتها بتوتر هو أنه راجلها وعندو حق فيها ! متقدرش تمنعو ولا تغوت عليه عارفة انه حقو شرعي .. ناضت دغيا وخوات راسها من هاد الأفكار دخلات الكوزينة كدور عينيها فيها عجباتها متيسعة وديكوراها غزاال بقات كتقلب فكل بلاصة باش تعود عليها .. دازو دقائق حتى تم طالع فدروج وفيديه عدة أكياس بلاستيكية جايب معاه لي تشها نفس من عواصر وحلويات و كرواصون وكوكيز وتقضية لدار وبزاااف دسقاطة حيت عارفها تموت عليها .. حط ليها داكشي فوق بوطاجي وبدا يعاونها وينقلو لي جاب لصحون جبد معاها موضوع كيهضرو عليه ومرة مرة يضحكها كيحاول ما أمكن يخليها تندامج معاه ومتحشمش منو .. حطو فطور فوق طبلة وكل مرة كيكحز ليها شي حاجة قدامها ويقول ليها كولي عندو دايرة فحال طفل صغير يتهلا فيها وميخلي مايجيب ليها غير تبقا على خاطرها ...

فريد : ( كحز ليها حليب بشكلاط دافي ) شربيه الحال بارد ينفعك حسن من عاصير حاطينو فتلاجة مامزيانش ليك فهاد الجو ..

هدى : ( شدات عندو الكاس وبدات تشرب منو ) واخا شكرا

فريد : ( بنبرة مازحة ) عفوااا ههه مابيناتناش

ناضت جمعات طبلة خلاتو متكي فليفوتوي لي فلمراح شاد تلفون فيديه وكل مرة يهز عينو فيها .. بعد ماغسلات لماعن جمعات بيتهم وقداتها ودهنات يديها مرطباهم باش ميحراشوش ليهم ويبقاو رطبين .. جلسات فوق سرير كدور فعينيها آشنو غادير دابا واش تمشي تجلس حداها ولا تهز تلفون تلف بيه لوقت ولا تشعل تلفازة وتفرج فشي مسلسل تركي .. وهي كتفكر عيط عليها

فريد : ( بصوت عالي شوية ) هداااا

هدى : ( بدات تلولب فعينيها وناضت توجهات لعندو غير شافتو ناض من على لمخدة جلسات هي ) نعام ؟

فريد : ( هز بواطة سوداء أنيقة كتلمع من حداه مدها ليها بالبتسامة ) حلي شوفي شنو فيها

هدى : ( لمعو عينيها بحماس تموت على الكدوات وعلى لي يدلعها ) واخا

حلاتها دغيا كانت فيها سنسلة رقيقة ذهب محفورة فيها إسمها 𝐻𝑜𝑢𝑑𝑎 بخط جميل وكلها محجرة وكتلمع عاطية العين .. وحداها خاتم كيبان وازن وشكلو غزال لمعو عينيها بفرحة وهزاتو كتشوف فيه ركزات على لكتبة رقيقة لي كاينة وسطو كان منقوش عليه سمياتهم بجوج .. تبسمات على الجيست لي دار معاها وهزات فيه راسها بتاسمات حتى بانو غمزاتها وضحكات بكياتة خلاتو متبع ليها العين فحال شي مسطي مركز شوفة فيها ..

هدى : ( بنبرة صوت رقيقة أنثوية ) شكرا بزاف حمقوني زوينين بزاف

فريد : ( دار يديه على حنكو مبتاسم بتسامة رجولية ) ماشي فحالك نتي زوينة عليهم

تزنگات ودم تجمع فحنوكها غرقات فحوايجها من نضراتو ليها رجعات تاني غاكدور فعينيها والهضرة تلفات ليها حلقها سرطاتو خصوصا منين شافتو قرب ليها خدا من عندها سنسلة ودورها عندو بعد ليها شعر على عنقها وركبها ليها وبعدها باسها بوسة مطولة فعنقها خلاها سدات عينيها بلا ماتحس ومبورشة وإحساس جديد عليها حساتو معاها ..

فغفلة منها دورها عندو وهزها دغيا فحال ريشة فرق لها رجليها وحطها على رجليه قرب منها بشوية وعينيه فعينيها لي ساداهم حاس برجفة جسدها وسط يديه تبسم بشوية وحط شفايفو على ديالها مخليهم لمدة وهو حاضي ردة فعلها كانت كتنفس بزربة وقلبها كيضرب حس بيها مرافضاش قربو ليها .. هنا تبسم ولصق شفايفو مع ديولها قبلها قبلة حارة وحارقة لطالما كان متمني هاد لحضة شحال وهو كيتسنا نهار لي تكون على سميتو حلالو وحتى حد ديك ساع معندو الحق يبعدها عليه .. وقف وهي تعلقات فيه بلا مايفصل لقبلة توجه بيها ناحية سرير حطها بلطف محاول عليها دايرها فحال شي ألماسة وكتر باهضة ثمن عندو مايبغيش لي يقلقها ليه ولا يبكيها تقيصو فعينيه ومتقيصوش فهدى !

_ رجع كيقبل فيها وهي تحتو متوترة ومزيرة على يديها خايفة .. فعقلها تساؤلات كتيرة كيفاش غايتعامل معاها واش يحن فيها ويتعامل معاها غير بشوية ولا لعكس لطالما كاتسمع قصص بنات وصلو لمستشفى بسباب عنف أزواجهم فليلة دخلة هادشي لي مخليها خايفة لدرجة كبيرة ومزيرة على فخاضها .. بدا كيحيد ليها حوايجها بشوية وبلا ماتحس بحركاتو مخليها سايحة بين يديه كيف زبدة .. لمساتو كانو حنان عليها وفنضرو كانت فحال شي ملاك برائتها وجمالها وتعاملها وحسن نيتها طيحوه فيها من نهار بغاها مابقا يشوف فغيرها فقلبو أنثى وحدة متربعة على عرش قلبو ومامخلية حتى وحدة تشد بلاصتها واخا كاين جانب سلبي فشخصيتها ولي هو قصوحية راس ومكتبغيش لي يمشي هضرتو عليها كدير غير لي فراسها .. مع ذلك كيشوف غا الإيجابي فيها ومن كترة عشقو ليها حتى سلبي بغاه فيها !

مغطيها بجسده الضخم ..العرق نازل مع كتافو العراض حاط يديه على جنابها ومزير عليهم بشوية عينيه كيمشطو جسدها العاري قدامو كانت فعينو فحال شي لوحة متفنن رسامها فرسمها ومداير حتى غلط ! واخا حتى هي بشر عندها عيوب ولكن فنضرو هو أحسن وحدة شافها فحياتو ومكاينش لي تجي قدامها ولا تنافسها ! .. دوز صباعو على أنوثتها حتى تنفض جسدها وحلات فيه عينيها معسلين ومنيمين حاسة بشعور جديد عليها بحركاتو ولمساتو لحنونة خلاها طالبة متعطشة لمزيد .. شهوتها غلباتها مقدراتش تقاوم كتر وطلقات ااااه خفيفة بصوت مثير خلاتو ميزيدش يصبر باقي وهز رجليها مفرقهم وحطهم على كتافو نزل بوجهو حتى لعندها وفرق قبلات على ذقنها وهو نازل مع عنقها صم لها جلدة وطلقها ليها حمرة حتى حلات فيه عينيها بخجل وحنوكها حمرييييين وسخااان صهدة طلعات معاها وتيار كهربائي ضرب فتحتها غطات وجهها بخجل غارقة فحوايجها .. شاف حركتها وقهقه بخشونة حتى بعد ليها يديها ونطق بصوت خفيف حدا ودنها

فريد : ( عضلها ودنها حتى بعدات راسها مبورشة .. صبرو تقادا حاس بيه غايطرطق ) اححح عليك وعلى الحلاوة لي فيك

هدى : ( كيهضر ونفس سخون كيضرب حدا عنقها خلا الفراشات كيلعبو فبطنها ) مممم

نزل براسو حتى لصرتها باسها لها حتى كمشات كرشها ورجعات طلقاتها دوز لسانو بشوية عليها مخليها معلية راسها لفوف ونطقات اححح مجبدة ... صمها ليها حتى تهزات وتحطات جرها بشوية لعندو وقاد رجولتو على أنوثتها دخلو بشوية .. حسات بحاجة صلبة كدخل فيها بشوية فتحات عينيها مرعوبة والخلعة بدات طلع معاها وفنفس الوقت حشمات معرفاتش واينتا وصلو لهاد مواصل لعب بيها كيف بغاها وردها كي العجينة تحتو نساها فلي داير بيها ..

فريد : ( حس بيها تخلعات ) متخافيش صبري شوية مغاتقصحيش

زاد دخلو فيها شوية حتى غمضات عينيها وحطات يديها على يديه بلا متحس غرسات فيه ضفارها .. بقا كيديه وجيبو بشوية حتى دخلو دقا وحدة مخليها مغوتة وفنفس الوقت فض بكرتها .. خرجو منها بشوية وهز كنينيكس كان فوق كوافوز حدا سرير مسح ديالو ومسح شوية دم لي كان تحتها بتاسم بحب وفرحة وعينيه على ليزار بيض لي تطبعات عليه بقعة حمراء .. تحنا عندها باسها فجبينها وجرها عندو ضامها معنقها وخاشيها فصدرو .. مسح دميعات على خدها وباسهم فحنوكها بقوة مساخيش بيها ..

فريد : ( بنبرة كلها حب وحنان ) سمحي لي اكبيدة لا قصحتك

فاقت بكري سيقات دار وغسلات الماعن وقدات الفراش اي حاجة بانت ليها ماشي هي هاديك كتقادها .. واقفة فلكوزينة لابسة كيطمة puma مقطنة ولايحة عليها بينوار .. صهدات وحيداتو بقات فقط بكيطمة سروال مزير عليها مبين فصالتها والقبية لي لفوق قصيرة فوق مؤخرتها .. جامعة شعرها لفوق كوب شوڤال .. قدات البغرير او المسمن او الحرشة فطباسل كبار ديال طاوس وحطاتهم

بسمة : ( وجهها سخن واخا الحال بارد الكوزينة رجعات كتفور الفران مشعول البوطة كذلك .. مسحات العرق على وجهها وهي كدور عينيها تشوف شخاصها ) ااه الحلوة فثلاجة

هزات الحلوة لي صيباتها بالعشق شكلها غزاااال وفوسطها حاطا 2 سيگار دشكلاط وجناب فايح منو الكراميل .. تبسمات حباتها وعجباتها الكوزينة مطرطقة بتقضية لي بغيتيها تلقايها وبزيادة متحتاجش تخرج تقدا .. قدات حلوة وقطعاتها طريفات فطبسيل وغطاتهم كاملين باش تديهم معاها عند هدى .. سمعات ضهر كيودن مسحات يديها دغيا وتوجهات بخطوات سريعة ناحية غرفة مبيريكة باش تعلمها الأذان ودن وخاصها تصلي ..

بسمة : ( حلات باب دغيا ) خالتي خالتي

كانت اخت مبيريكة وبنتها فلبيت كيجمعو الكدوات لي جابو ليها هما والعائلة الأغلبية كان جايب ليها بواطات ديول ذهب سنيسلات ودبالج وگورميطات وطوانگ وخواتم .. صلاح كان جالس حدا مو مرة مرة يهضرو وخالتو مجمعة مع ختها

بسمة : ( هزو فيها عينيهم وخصوصا خالتو لي طلعاتها ونزلاتها مخنزرة .. نطقات بصوت مرتجف وعينيها فالأرض ) سمحو ليا

سدات لباب وتكات على الحيط عاضة على شفتها السفلية بإحراج حشمات من الموقف .. بينما فداخل كانت خالتو متبعة ليها العين معاجبها حال

خالتو : ( دارت عند ختها لي جلسها صلاح فوق الكروسة بعد مالبسوها حوايجها ) اربي اختي هادشي عاجبك سيدة كانت لايحة عليها بينوار ساترها غير سمعات صلاح جا حيداتو ودارت راسها مفخبارهاش انو كاين فلبيت ( حطات يديها على خدها ) احياني فعايل هاد لبنات ميخفاو عليا بغات تلصق ليك فولدك صحة ( دارت حركة بصبعها لا ) لالالا هادي ماااعجباتنيش

گاع لي قالتو سمعاتو بالحرف لاحضات فاش كانت كتشوف فيها بكره مكرهات تنقز عليها تقجها .. كانت عارفة غاتقول شي حاجة من ورا ماتخرج ! داكشي علاش بقات حدا لباب حتى سمعات على ودنيها وبعدها زادت لبيت هدى دخلات ليه فنفس الوقت صلاح غير سمع ديك الهضرة دوز يديه على راسو وخرج بعد مالقال ليهم هاني فلتحت ساليو وعيطو عليا ..

بسمة : ( جلسات فوق ناموسية كدور عينيها فلبيت متنكرش انو بقا فيها الحال حيت فهماتها غلط ولا نقولو طيحات عليها لباطل ! ولكن عدراتها بلاصتها أي وحدة غتفكر نفس تفكيرها ) خاصني نخرج من هاد دار حشومة بقيت فيها كتر من القياس بنادم قد ماصبر عليك يجي نهار لي طلعي ليه فراسو ويقوليك برا

تنفسات بقوة مكرهاتش تهز حوايجها وتمشي فخطرة ولكن واعدات هدى غاتحضر لها وحتى واعداتها تقابل مها لمدة مابين متلقا شي خدمة وتجمع فلوس باش تكري ولكن معندها مادير غاتمشي قبل لوقت .. ناضت كدور فلبيت كتقلب فين دير حوايجها حلات ماريو لقات واحد جوج صيكان كبار ديول لحمام هزات واحد وحطات فيه لحوايج لي عطاتها والبيجامات وتقيشرات .. حطات صاك فوق ناموسية وتقدمات لكوافوز لي كان عامر بالماكياج وروايح خلات داكشي كيما هو هزات غير إكخون دشمس غسلات وجهها ودارتها وحطاتها فصاك مقدراتش تهز شي حاجة خرا حيت عارفة غير تمشي طلع خالتها تقلب لبيت غاتقول سرقاتها وهربات ..

خبات داك صاك فلماريو وبدلات حوايجها بجلابة مخزانية بالمارون خشات فرجليها شربيل ومشطات شعرها وجمعاتو لتحت .. لاحت عليها زيف خفيف فوق راسها مقادة على هضرة خرا بعدها بدقائق دقات عليها بنت خت مبيريكة ..

بنتها : ( دقات جوج دقات ) بسمة يلاه راه كولشي نزل لتحت

خرجات دغيا هزات جوج طباسل فيديها وطبسيل لخر هزاتو هي سبقاتها و تبعاتها لقات جوج عمات هدى جايين راكبين فطموبيل دصلاح مع مو او خالتو وطاكسي جنبهم فيه جوج بنات باينة بناتهم .. لحقو عليهم وركبو فطاكسي ..

دخلو عليها بتعشاق على نبي مكبرين بيها وفرحانين ليها خالتها هازة گصعية كبيرة ديال تاگلا ( العصيدة ) دايرين حفرة وسطها وحاطين زلافة عامرة بزيت أرگان ومزوقينها بتمر ولوز ولگرگاع .. خرجات عندهم لابسة قفطان جوهرة بالغوز بيبي وشال بالبيض وفرجليها بلغة ذهبية عليها حجيرات صغار وعالية .. فرحات برؤية مها سلمات عليهم وعنقات مها كتبوس فوق راسها وتسولها على صحتها دخلاتهم كاملين لصالون وبقات بسمة فلخر كتشوف فيها بابتسامة حطات طباسل وتقدمات عندها معنقاها بجهد كأنها كتودعها

بسمة : ( معنقاها وفخاطرها كتشكرها على أي حاجة دارت معاها ) توحشتك خويت علينا دار وليت غاكندور فلبيت لحس مقطوع

هدى : ( ضحكات مزيرة عليها تاهيا ) شفتي دايرة لكم لومبيونص فديك دار بصداعي

بسمة : ( شداتها فيديها بجوج ونطقات بشكر ) عدبتي راسك والله مكانش عليك تح...

هدى : ( قاطعاتها ) راني فحال ختك بلا متجبدي حسهم دابا دوزي دوزي دخلي صالون ( شافت جيهة طباسل ) وعدبتي راسك تانتي

بسمة : ( بتاسمات وهزات هي واحد وهدى واحد حطوهم فلكوزينة ) مكاين عداب أقل حاجة نديرها

تجمعو على ديك العصيدة كياكلو ومجمعين بنات عمتها غير كيدورو عينيهم فدار ويشوشو مع بعضياتهم كل وحدة شنو كتقول .. سعدااتها دار على مزيناتها .. شوفي راجل كي شاد لها لخاطر من صباح وهو يدفع لها لماكلة ويقول ليها كولي كولي .. باينة كيبغيها غير من شوفاتو

تبرگيك مخطا حتى مجمع ياكلو ويدورو عينيهم حاضيين صغيرة ولكبيرة ومتفوت عليهم حتى حاجة شدوها جماعة بين العيالات وصلاح وفريد خرجو مخليينهم على خاطرهم .. حتى لوقت لعشا ودخلو جايبين معاهم عشا طايب من برا قادو كولشي فطباسل وناضو بنات عماتها وخالتها وهي وبسمة معاونين كيستفو كولشي ويقادو لحم فطبسيل ودجاج فآخر حطو لعواصر فقنينات زجاجية وستفو الديسير فطباسل كولشي قادوه على حقو وطريقو وبعدها حطو العشا يتعشاو إلا بسمة لي بقات فلكوزينة كتغسل الماعن عيات معاها هدى تزيد تعشا ولكن رفضات بحجة ضراتها معدتها .. هي مابقات حاملة تگلس معاهم شوفات خالتها معجبوهاش وبنات عماتها خلاص كل مرة تشوف وحدة توشوش لتانية فودنيها .. تنهدات وقالت فخاطرها بسيف ! راك ماشي وصت عائلتك شنو بغيتي يقولو بقات تغسل فدوك طباسل ساهية كتخمم حتى سمعات شي حد كيعيط بسميتها

مبيريكة : ( قطعو الخبز وبداو ياكلو .. شافتها مكايناش وعيطات بصوت عالي ) بسمااااا زيدي تعشاي ابنتي

ختها : ( ميقات كتشرب من كاس عصيرها ونغزات ختها ونطقات بصوت خافت ) خليها تغسل لماعن آش بيتيها

بسمة : ( سمعاتها ونطقات بصوت عالي وهي كتشلل لماعن ) غا بصحة اخالتي ضراتني معدة

كيف سمعها صلاح ناض بلا مايدوي خرج جاب لها دوا من فارماسيان كاين غير قدام دار ورجع طلع تاني مدو ليها قدامهم .. بقاو كيشوفو فبعضياتهم حتى قال ليهم راني كنتسناكم لتحت وزاد مع فريد نزلو بجوج .. و هدى جمعات لماعن مع بنات عمتها وتعاونو فلكوزينة كيغسلوهم ..

بنت خالتها : ( دورات عينيها وكحازت حدا مها والهضرة كلها كتسمعها مبيريكة ) والله امي حتى بيناتهم شي حاجة نزل حتى جاب ليها دوا ورجع طلع !!

مها : ( ميقات وشافت فختها كتهضر بشوية باش ميسمعوهاش عمات هدى لي كل وحدة ملاهية فتلفون ) ها لي قلنا جالسة ليك فديك دار حتى تلوات ليك على دري ولا ينوض من وسط الماكلة باش يجيب لسيادتهم دوا ( بغل وحقد ) تاكل فيه جغديد إن شاء الله

بنت خالتها : ( عوجات فمها ) متكونش ساحرة ليه امي ديرها وتفوتها تشوف لفلوس تشد فيه شدة العما فضلمة

مها : فحال هادوك كيديرو لعجب ( دارت بوجهها عند ختها لي حداها ونطقات بتساؤل ) زعما عمركم قلبتو حوايجها فحال داك نوع تلقايه معلق شي صرة فسوتيام ديال القبول ولا شي حجاب ولا شي مصيبة ( دورات راسها ) بسيف ما بنتك امبيريكة غالاصقة فيها دوخاتها تلقايها كتسناكم حتى تنعسو وتنوض هي ترش فدار ياربي سلامة من نهار شفتها محملتها

مبيريكة : ( عقدات حجبانها ) امْلْعِيد الله يهديك غامطيحة باطل على درية من نهار جات عدنا متكساب ريال عاد يكونو عندها فلوس سحور ياربي سلامة البنت اختي كتصلي وفاش دخلات لبيتي صباح راه ودن الضهر وبغات تعلمني نصلي انا لي قلتها ليها حتى من الفجر صليناه بجوج

وصل عماتو وبنااتهم حتى لديورهم وبعدها رجع ليهم تسناهم فلتحت حتى نزلو وزاد بيهم لدار .. خالتو وبنتها هزو فراش ونعسو فصالون لتحت او بسمة طلعات لبيت هدى ترتاح .. اما صلاح هز مو مطلعها لبيتها حطها فوق ناموسية يلاه كان ناوي يخرج او وقفاتو

مبيريكة : اجي ندوي معاك

صلاح : ( وقف بالستغراب ) نعام ؟

مبيريكة : ( هزات حاجبها فيه ) لاعينيك فبسمة تزوج بيها كتبقا غا بنت يتيمة معندها واليدين بلا شوهة اولدي

صلاح : ( عقد حجبانو فكلامها ودوا مبرد ) رتاحي رتاحي الواليدة من بعد ونهضرو انا نعيط عليها تبدل ليك حوايجك وتنعسي تصبحي على خير

خرج ضارو راسو معندوش مع سوق العيالات عارف خالتو لي دخلات ليها هاد الفكرة غير من هضرتها فصباح .. دق على باب غرفة هدى جوج دقات ونطق دغيا قبل ماتحل

صلاح : مي كتسناك فلبيت

طلع دغيا لغرفتو مخليها هي واقفة حدا لباب تسناات حتى مابقاتش كتسمع صوت خطواتو وخرجات فتجاه بيت مبيريكة .. لقاتها گالسة ساهية شافتها باقي بحوايجها وبدلاتهم ليها عطاتها تياموم عاوناتها حتى توضات بيه او جلسات تسناتها حتى صلاة وغطاتها طفات عليها ضو وخرجات ..

_ مع جوايه 8 تقريبا فاقت كتكسل ناضت بلا عگز غسلات وجهها وسنانها وخرجات كتجمع شعرها غير تفكرات هضرة ملعيد لبارح ( خالة هدى ) رجعات تاني لبيت هزات بينوار لاحتو عليها وخا صهدها صبراات .. تاجهات نيشان لكوزينة قلبات لخبز لقاتو تقادا جبدات گصعية بدات تعجن خبز دلماقلة .. خلاتو يخمر او قدات بغرير دغيا وحطاتو فطبسيل كبير ديال طاوس .. شعلات على البوطة وطيبات الخبز خرجو ليها 12 الخبزة كبارات ورطبين مفشفشين .. عمرات براد دأتاي منعنع قدات صينية بكيسانها او عمرات بريق دلقهوة جبدات ليدام لي كاين حطاتو فطبيسيلات من زيت او عسل أو آملو وزيت أرگان ... فرماج او كاشير لي بان لها حطاتو .. مشات لصالون شطباتو وقدات الفراش ، حطات الفطور فوق طبلة ومشات ناحية بيت مبيريكة فيقاتها وبدات تلبس ليها حوايجها

بسمة : ( بتاسمات ) يديك ورجليك حمد الله دابا وليتي تحركيهم مزيان إن شاء الله تولي تمشاي

مبيريكة : إن شاء الله ابنيتي إن شاء الله

جمعات ليها بيتها وقدات لها فراشها .. لبسات لها تقيشراات سخان يدفاو ليها رجليها ولاحت على كتافها بينوار يلاه بغات تخرج تشوف لي عاونها لقات ختها وبنتها طالعين مع دروج ..

بسمة : وخا تعاونوني نهزوها لصالون ؟

شارت ملعيد لبنتها تعاونها وهزوها حتى صالون .. جلسو مجموعين على لفطور وملعيد غير تشوف فطبلة وتميق فيها

ملعيد : ( هزات بغريرة كدور فيها ونطقات بلهجة سوسية ) معاش فقتي ابسمة

بسمة : ( هزات فيها عينيها مفهماتهاش ) مفهمتكش ؟

بنتها : ( هزات كاس قهوة كتشرب منو ) قالت ليك معاش فقتي

بسمة : فقت بكري مع جوايه الفجر صليت مع خالتي وبعدها رجعت نعست حتى لتمنية

ملعيد : ( حركات لها راسها ودارت عند ختها وبقات كتهضر بشلحة ) فايقة على صباح باش توجد هادشي تلقايها دايرة لنا شي مصيبة .. قاعدة تبحلس زعما شوفوني حادگة نصلاح لولدكم

مبيريكة : ( حركات راسها بلا حول وحتى هي نطقات بشلحة ) كولي اختي كولي متخافي من شاي درية قلنا ليك مافيهاش هاد الفعايل

ملعيد : ( ميقات فيها ) بسيف لقااتك حنينة دارتها بيك تكون موكلاك شي حاجة نوض جري على راسك اختي تشوفي آش وكلاتك

بنتها : ( شافة جيهة بسمة لي حادرة راسها وجهها حمر وخا مافهماش ولكن قلعات شي كليمات وعرفات مها ستغلات فرصة انها مكتفهمش شلحة ) إنا فيس هاتي تسن إس أفلاس تسوالت ( مي سكتي راه عاقت بيك كتهضري عليها )

ملعيد : ( هزات كتافها وطلعات حاجبها ) وتعرف مزيان نيت تفهم راسها تنوض تجمع قلوعها ( نطقات بدارجة باش تفهمها .. كتحشي لها لهضرة ) هدى اختي قالت لنا لبارح يمكن غاتسافر غاتبقاي غا بوحدك هنا ! ( شربات من كاس أتاي ) منخليكش بوحدك يلاه معايا دوزي واحد تلتيام بنتي راجلها عندو شي خدمة مغايكونش او عگوزتها غاتجي عدنا يلاه غاتنزل من لخاريج إوا نتجمعو نقشبو مع بعضياتنا شحال هادي ماتلامينا

مبيريكة : ( تنهدات ) واخا إن شاء الله

بسمة بقات كارزة على يديها من تحت طبلة فهمات قصدها من لخر كتقول ليها لباب اختي .. تنفسات كتحاول تبين راسها عادي كأنها مفهماتش ناضت وهي حادرة عينيها دموع تحبسو فيهم او وجهها رجع حمر ..

الحگرة !

هي لي كتحس بيها دابا و لطالما كتحس بنفس شعور .. ديما كتشوف عائلات ضاحكين ومهليين فولادهم دايرين ليهم لخاطر مخرجينهم ومفرحينهم وهي معندها لي يفرحها ! صغرها كامل حتى لكبرها مدوزاه عداب وعصا وسبان ومعيار .. شعورها بنقص وانها معندها علامن تسند وتحط راس كاين غير لي خبط فيها ويتعدا عليها ويسممها بهضرتو كيخليها تهرس من لداخل وأي حاجة ضراتها تردها لقلبها وتسكت وتكمدها !

جمعات لماعن وغسلاتهم مخلياهم فصالون مجمعين نصبات لغدا دغيا وقدات شلايض وحطات كولشي فوق بوطاجي .. خلات طاجين يطيب ومشاات لبيت هدى دوشات محيدة عليها ريحة طياب والعروقات .. لبسات جلابة طويلة بالكحل وصنيديلة بلا فرجليها جمعات شعرها الفازگ ودورات على راسها زيف باش ميضربهاش البرد .. وهزات صاك لي فيه حوايجها على كتافها بقات لمدة واقفة كتشوف فلبيت بالبتسامة دوزات فيه أيام زوينين عمرها تنساهم ، تنهدات وخرجات ناحية صالون

بسمة : ( وقفات عليهم وصاك فوق كتافها تبسمات وشافت ناحية مبيريكة ) الله يعاونكم انا غانمشي نتلاقاو إن شاء الله فساعة الخير تهلاي فراسك اخالتي وردي لبال لدواك هدى تضل توصي فيك

مبيريكة : ( عقدات حجبانها بالستغراب ) فين عندك تمشي ابنتي ؟

بسمة : غانمشي عند مرات با بلا متشطني عليا

مبيريكة : ( ملقات لها جهد حتارمات رغبتها ونطقات بالبتسامة عزات عليها ) الله يسهل عليك وينور ليك طريقك

بسمة : امين ياربي

تقدمات تالعندها عنقاتها وباستها فوق راسها اما ملعيد وبنتها كتافات تودعهم من بعيد وزادت نازلة مع دروج ويديها على صدرها كتأكد من رزمة دلفلوس واش باقة تم فنفس الوقت تبسمات فاش تفكرات لي طرا معاها لبارح فاش كانت كتجمع حوايجها ..

"فلاش باك"

بدات تجبد فالحوايج وكتحط فصاك هزات واحد شال وطاحت منو شي حاجة ملوية فزيف صغير .. هزاتو كتشوف فيه بالستغراب حلات العقدة ولقات فلوس كتيرة مجموعة تم وحداهم ورقة بيضة

بسمة : ( حلاتها كتقرا فيها ) خلي عندك هاد الفلوس دنيا وزمان هادي متعرفي تمرضي ولا توقع ليك شي حاجة ياربي سلامة.. متقوليش خلصتك ولا شي حاجة لا غير معزتك عندي كبيرة ودايراك فحال ختي تهلاي فراسك

ودارت لها إيموجي مبتاسم لتحت .. دمعو عينيها من الجيست لي دارت معاها باها لي ولدها وميفكر فيها هكا ولا يعطيها شي ربعة دريال .. حسبات دوك الفلوس دغيا ولقاتها ألفين درهم ..

"نهاية فلاش باك"

طلعات لأيت ملول على رجليها او وقفات حدا أسايس بقاات تسول على شي أوطيل حتى نعتوها لواحد مشات تسول ولقات ثمن ل ليلة رخيص بزاف عجبها الحال ولكن غير شافت الأشكال لي نزلو منو رجعات لور .. عامر غير بالباطرونات .. أوطيل رخيص شنو غاتسنا منو من غير الخنز والأمان مكاينش

رجعات كتقلب حتى عيات ودن العصر وهي باقي كدور شافت واحد الحمام ودخلات ليه لقات واحد الكسالة جالسة حاضية سيكان دعباد الله

بسمة : ( عيات وجلسات قريب لها ) ختي نسولك عفاك

الكسالة : ( هزات فيها عينيها ) اهاه اختي مرحبا

بسمة : معارفاش شي أوطيل هنا نقي ولا شي دار صغيرة على قد الحال بغيت نكري دابا معندي فين نمشي

الكسالة : ( تقعدات جلسات مبتاسمة ) مرحبا اختي متجيش تسكني معايا ؟ ساكنة فدار فيها بيت وكوزينة وطواليط على قد الحال ولكرا غالي عليا شوية نقسمو انا وياك خلاص لكرا وكل وحدة تخلص نص ( طلعاتها ونزلاتها ) ولكن بوحدك ! وتكوني بنت ناس ماشي تصلگيط ولا دخلي عليا شي واحد لدار

بسمة : ( فرحات من قلبها كانت داخلة غير تسول صدقات غاتكري ولخلاص ميتقامش عليها خالي ) متخافيش اختي انا مراة مطلقة ومعندي حد وخدامة بدراعي دابا خرجت من الخدمة ولكن غانقلب على شي حاجة

_______

جمعات ملعيد وبنتها حوايجهم وجمعات حتى ديال ختها بقاو جالسين حاطين صينية ديال أتاي وحليوات مدوزين بيهم لوقت حتى تم طالع صلاح فدروج

صلاح : ( عقد حجبانو من الحوايج لي مجموعين ودخل لصالون ) غاديين اخالتي نوصلكم ؟

ملعيد : لاجات على خاطرك اولدي وراه غاتمشي معانا مبيريكة دابا مكاين لي يقابلها لاهم تجي معايا واحد تلتيام

صلاح : ( دور عينيه جيهة غرفة هدى ) فينها بسمة ؟

مبيريكة : ( هزات فيه عينيها ) مشات

صلاح : ( حرك ليها راسو فصمت وعينو على تلفون ) عندي شي شغال انا نشد ليكم طاكسي يوصلكم حتى لباب دار

ملعيد : اياه صافي اولدي

هزو حوايجهم ونزل مو حتى لتحت مع لكروسة .. شد ليهم طاكسي او دور مع مولاه تدويرة صحيحة باش يوصلهم حتى لباب دار او مايطلع معاهم حد ..

زاد بطموبيل وعينيه على تلفون حتى طلعات ليه نمرة دهبة صونات عليه كتر من 15 مرة رجع صونا عليها وقلب دورة نيشان لبرطمة عندها

صلاح : ( دار هوت باغلوغ ) شنو كاين ؟ خاصك شي حاجة

هبة : ( حنحنات ونطقات بصوت رقيق ) صلاح واخا دوز عندي ( بصوت متوتر ) عندي واحد مشكل ه...

عقد حجبانو و قطع عليها قبل ماتكمل هضرتها .. توجه نيشان لعندها ، بعد دقائق وقف طموبيل قدام العمارة ، طلع حتى البرطمة ديالها ودق جوج دقات .. حلات ليه وخلات باب مفتوح وتمشات قدامو بتمختر جلسات فوق الفوتوي ببينوار مقطن قصير وطويگية دريش فوق راسها وشعر حريري كيلعب مورا ضهرها .. ضفيرات مقادين او بانطوفة على شكل أرنوب فرجليها

صلاح : ( طلعها ونزلها وجلس قدامها براحة مفرق رجليه ومسرح وحدة .. حرك ليها راسو بمعنى شكاين ) إنا مشكل عندك ؟

هبة : ( بتاسمات و دوزات لسانها على شفايفها المنفوخين وسبلات فيه عينيها ) صلاح أنا حاملة

صلاح : ( قهقه بصوت عااالي خلاها غير متبعة ليه العين وعاضة على شفايفها بتوتر من ردة فعلو .. خايفة غير ينقز عليها بشي قجة ) داويا منيتك ابنت الق*حبة كضحكي معايا

هبة : ( تقادات فالجلسة حتى تعراو فخاضها كتر ونطقات بصوت محلون كتحاول تستعطفو ) وراه غلطت فلكينة نسيت مكليتها حتى صدقت حاملة

صلاح : ( تهز منيرڤي حتى رجعات لور بخوف .. نطق بسخرية وعينيه كي لقرطاس عليها ) وأنا مالي لاش كتعاودي ليا هاد الخرا ديالك شكون قال لدلمك تنساي

هبة : ( وقفات وهي حاطة يديها على كرشها تنفسات بقوة خايفة من شوفات لي كيدير فيها داير فحال إعصار و غايضرب فيها ) صلاح غير تهدن نهضرو غير بالعقل

كانت واحد بلازما جنبو محطوطة فوق كوافوز ، ضربها برجليه حتى تشخشخات حداهم .. هي رجعات بلور خايفة وكترعد وهو كيقرب ليها بعيون مضلمة وملامح جامدة

صلاح : ( صرخ فوجهها حتى بعدات كتفتف ) نهار لول فين شفتك ؟ ياك فبار علاياش تافقنا ؟ ( ضرب طبلة دزاج برجليه حتى تشتات فلارض ) كتجمعنا آباخطمون كتهزي رجليك وكنخلصك بيناتنا عطيني نعطيك .. كون بغيت لولاد راه نتزوج وتولد ليا مراة مسالي انا لكري معارف حتى واش غانبقا عايش من هنا لغدا وتجي تقولي ليا ولاد

هبة : ( بان الخوف فعينيها ومع ذلك ناضت وسبلات فيه عينيها ) صلاح عارفني كنبغيك مديرش ليا هكا راني مدرتهاش بلعاني ( شدات لو فيديه ) والله حتى غير نسيت او هاد الولد مسكين معندو حتى ذنب خ...

صلاح : ( نطر يديه من يديها وشاف فيها شوفة دمنيتك فهمها وعارفها لاش باغا توصل ) داك ت*قحبين ديالك خليه عندك ولا ديريه على شي دمدومة .. ( طلعها ونزلها وخسر سيفتو ) نهار لول ابنت لق*حبة مديتكش عند مي ولا ديتك تزوري با فلقبر مابيناتناش معقول نهار طلعي ليا فك*ري غانسوسك

هبة : ( تنفسات غير بزز وجهها حمار فلبلاصة وبانت فوجهها معاجبها حال .. مع ذلك قالت فخاطرها ياربحة يا ذبحة لا خلاتو دابا يطير من يديها خسرات كولشي ) حبيبي متفهمنيش غلط عارفة هادشي كاملة لي قلتي ولكن شغاندر بغيتك من قلبي ومتلقاش حسن مني نهار لول لي طلاقينا شرطي عليا نكون ليك بوحدك ( حطات يديها على صدرو وشافت فعينيه نيشان بجرأة ) ولحد دابا راني ديالك لي بغيتيه راه فيا متلقاش لي تبغيك قدي

صلاح : ( عض على شفته سفلية شاد يديه بزز عليها عارف راسو لاحط فيها يديه يخسر لها لافليشور دكمارتها .. ضربها بجوج صباع لجبهتها حتى تراجعات لوراء وهزات يديها كتحك مكان ضربة ) هاد كاسيطة ديالك كوليها غدا طيحيه متقوليش ليا يوماين ولا سيمانة ( شدها من رقبتها وزير عليها حتى تطراساو صباعو فعنقها ) غدا صوني عليا فاش تكوني طيحتيه تفوت عشرة دليل غانجي نعلق طب*ون مك من رجليك ( هز راسو فترية معلقة فسقف وطلع لها راسها حتى شافتها ) تماك يلقاو دا مول أمانة أمانتو ( حيد يدو عليها مخليها طايحة فلارض شادة عنقها وكتكح فنفس لوقت هزات فيه عينيها مدمعين و رمقها بنضرة فشلات لها ركابي ) وراك عارفاني نديرها ونفوتها

هبة : ( خشات ضفارها فيديها حتى زراقت بلاصتهم و عضات على شفايفها بفقصة كانت عارفة ردة فعلو غاتكون هكا ) واخا غانطيحو خاصني فلوس !

صلاح : ( جبد بسطامو ولاح گاع الفلوس لي فيه على وجهها ) ها لفلوس ولا سقت لخبار منزلتيهش انا نجي نزلو ليك

هز كونطاكط دطموبيل وخرج وزدح لباب موراه مخليها هي متبعة ليه العين العافية شاعلة فصدرها ولي بغات موصلات ليه .. ناضت شعلات گارو وهزات تلفون مدوزة أبيل ڤيديو لصاحبتها

هبة : ( دارت گارو فمها وشعلاتو ببريكة .. هزات عينيها فتلفون لقااتها مجبدة فوق ناموسية كتشوف فيها ) داك طبيب واجد ؟

صاحبتها : ( قهقهات و دوزات يديها على شعرها الأشقر ) واجد واجد .. هههه متشدش ليك

هبة : ( عقدات حجبانها وناضت عمرات لها كاس ويسكي ) ولد الق*حبة عارف شكايدير قاليا نزليه كنت عارفة هاديك هي ردة فعلو داكشي علاش درت مع طبيب نزلو

صاحبتها : إوا كتبان فيه ضريف او ماشي شي واحد لي رعواني

هبة : ( رشفات من كاسها ودورات راسها بمعنى احيااااني ) يبان ليك ساكت ومبرد وهو ولد لق*حبة راه ساكت على خزيت راد لبال لكولشي نهار تلعبي معاه يتقلب عليك يولي يبان ليك وحش ماشي بنادم سوليني انا لي شفت وجهو تاني ( وراتها عنقها ) شوفي صباعو لحمار جيفني كون زدت معاه لهضرة تحضري لجنازتي

صاحبتها : ( ناضت من فراشها كضحك ) اربي هههه معندك زهر غير شوفي فشي شارف حسن ليك دابا عندك لفلوس وكتغني بيخير ولكن راه 27 عام آش بقا ليك ل30 مغاتبقايش حياتك كاملة كتغني يلقاو صغر منك يكركبوك

هبة : ( زگفات داك لكاس كامل وسدات عينيها من مروريتو ) متفكرينيش حتى قلت غانتهنا ونتزوج بيه يهنيني من شي غنا ونجلس حتى انا نلعب بالفلوس قاليك سيد ماعينوش فزواج زعما واخا حاملة بولدو ههه قاليك طيحيه معندو قلب

صاحبتها : ماشي گاع لبزنازة فحال فحال لاتعقلي على سوسن راها هزات فكرشها توام غير ساق لها داك لبزناز لخبار تزوج بيها سيد كان يموت على لولاد وحتى هي بنت الق*حبة شكادير لتحلوين كاتخليه غير تابعها وحال فمو

هبة : ( زيرات على تلفون وغوبشات ) ماشي گاع لبزنازة بحال بحال كاين لي يديها ق*حبة وعادي معندوش مشكل ولي فحال هدا لي عندي راه متعرفيه علاش مطوي تعياي تحلوني عليه ياخد لي بغا ويسوسك فلخر

______

فاليوم التالي ومع أذان المغرب كان جالس فلبالكون لي فبيتو قدامو طبلة عليها كاس قهوة كحلة وفيديه گارو .. ستنشق كمية كبيرة من دخان حتى تغلغل فصدرو ، تبسم من الجو كان بارد نوعا ما وقطرات الندى كيطيحو عاطيين نسمة زوينة لجو

صلاح : ( صونا تلفونو .. وقلبو جاوب بعد ماشاف نمرتها .. نطق بصوت مبحوح وتكا على لكرسي ) طيحتيه ؟

هبة : ( بصوت باين عليه تعب ) وي طيحتو صافي

صلاح : ( لاح گارو فطفاية وشعل واحد آخر ) متعاوديش دوري بساحتي نشوفك قدام وجهي راك عارفة شغايطرا ليك

قطع عليها ومسح نمرتها شرب من كاسو و دوز الخط لمو يسول على أحوالها ويطمأن عليها ..

"بعد مرور شهر"

وصلات ربعة ونص دلعشية الوقت لي كتخرج فيه ديما .. حيدات طابلية باش كتخدم وخرجات كتمسح العرق من على وجهها تگهمات من ريحة الحلوة ، ويديها ضروها كل مرة كتشكل شي نوع ديال حلوة جديد .. مسحات وجهها بيديها وخرجات عند باطرون وقفات مع ليكيب لي كتخدم معاهم تسنات حتى عطاها خلاصها لي كتشدو كل سيمانة .. خشات ديك ربعمية درهم فبسطامها وخرجات كضحك ومجمعة مع بنت كتخدم جنبها

البنت : ( كدخل فلوس فجيبها ) شفتي الڤيديو لي حطوه شوف تيڤي صباح تاع داك الهبيل لي ساكن فلكويت حدا سوق أرگانة أصاحبتي نزل على باه بجنوية لراس دابا راه هارب والبوليس تابعينو

بسمة : ( عقدات حجبانها وعينيها على طريق كتسنا شي طاكسي توقف ) ياربي سلامة الله يحفض مشفتش الڤيديو معنديش تلفون راه ديجا قلتها ليك

البنت : ااه نسيت وهانتي تخلصتي دبا جمعي هادو مع خلصة تاع ديك سيمانة وشري شي واحد قديم معرت كي كاديري تجلسي بلا تلفون

بسمة : نخلص لكرا ونجيب تقضية ونخلي شوية تحتي لدواير زمان توقع شي حاجة شنو غانلقا من غير فلوس لي نجمع ( شيرات لطاكسي ) مخاصنيش تلفون معندي معامن ندوي

البنت : إوا ياختي ينفعك غير لهاد الأخبار بعدا راه داك زمر هبيل وشحال من مرة كيجي يجلس قدام مخبزة غا واقلة مكتشوفيهش حضي راسك منو

بسمة : عمرني شفتو أصلا من دار لخدمة ومن الخدمة لدار مكنخرج فين گاع لاخرجت حدي سوق ورجع لدار تاني ( وقف طاكسي وحلات لباب ) يلاه الله يعاونك انا مشيت

البنت : بسلامة

وقفاتها طاكسي قدام دار خلصاتو ونزلات حلات لباب بساروت ودخلات .. مشات نيشان عمرات سطل بسانيكروا او جاڤيل او هزات شيفون وسياق ، حيدات الحصيرة وزربية لديك لبيت فاش كينعسو وخرجاتهم حدا لباب علقاتهم يتشمسو ، ضرباتها بتسييقة لديك البيت او الكوزينة او لمراح صغير لي عندهم وبعدها ساست لفراش مزيان ورجعات فرشات .. حلات شرجم لي فلبيت خلاتها تهوا ودوزات ماعن لي فلكوزينة بعدها جلسات كترتاح نعسات واحد ساعتين وناضت تاني هزات فيديها 100 درهم وخرجات تقضات شي خضرة او ديسير او جابت واحد فروج وشعرية ورجعات حاطة كولشي فوق بوطاجي ستفات الخضرة او غسلات الفروج قطعاتو وخلاتو مرقد فلحامض وسكينجبير بعدها دارت ديك شعرية فكوكوت مع صدر ديال دجاج وخلاتو يطيب .. أذن المغرب بدلات حوايجها ببيجامة او توضات صلات ديك 3 ركعات وجلسات كتقرا قرآن فالمصحف حتى سمعات صوت لباب كيتحل

بسمة : ( سدات المصحف ) صدق الله العظيم ( هزات عينيها فلباب ) تعطلتي ليوم ارحمة

رحمة : ( جلسات حداها وتحنات كتمسد فرجليها تنفخو ليها ) ديك لي كنتناوب معاها تعطلات صافي بقيت جاالسة حتى جات ونا نتم جاية

بسمة : ماشي مشكل راني جبت الخضرة لي خاصانا ودرت شعرية لعشا

رحمة : واخا زين سيمانة جاية عليا ( دوراتها راسها فلبيت ) سيقتي الله يسهل عليك تبارك الله حادگة ومكتحمليش تجلسي فلوسخ بحالي الله يجيب ليك شي ولد ناس باقي صغيرة وزوينة تستاهلي لي يخليك مرتاحى من تمارة

بسمة : ( بتاسمات لها ونطقات بصوت هادئ ) اختي مقادة على زواج براكة داك كحل راس لي طلقت منو تهنيت اختي مابغيت نتزوج نعيش فلعداب تاني

رحمة : ماتبقايش تقولي قدام شي حد طلقت يطمعو فيك ولا يعرف شي حد راك يتيمة حتى فلمخبزة قولي لهم واليديا فشي مدينة وجيت نخدم ومعايا خويا مزوج فأگادير ولا شي كدبة مهم ميعرفوش معندك لا حنين لا رحيم ( بتاسمات وضرباتها لرجليها كضحك ) أصلا راك فنة وألف واحد يتمناك غانساي الحمار لي كنتي مزوجة بيه ماشي گاع رجال فحال فحال كاين لي ولد ناس وكاين لي ولد لحرام

بسمة : ( تكات على مخدة ) معارف حد أصلا مدايراش صحابات حدي نخدم نكمل سوايعي ونخرج ( تنهدات بقوة ) مقادة على صداع ولا مشاكل براكة عليا نبقا وحدانية

رحمة : ( شدات فضهرها بألم ) اختي هاديك غا هضرة شوفيني أنا عندي 30 عام باقي متزوجت ماطلقت شكون كره ينعس وتجيه لماكلة حتى لعندو ماشي نضرب عليها تمارة حتى كتافي تساسو نبدا نفرك لبنادم ونحضي سيكان لعباد الله وفلخر نشد جوج دريال ونخسرها فلكرا حمد الله فاش طلاقيت معاك وفرقنا تمان على جوج ولات تشيط ليا ديك تمنالاف انا نحط كل شهر 16 ألف اختي بزاف لخر دشهر كنولي عايشة بخبز وأتاي

بسمة : الله يسهل عليك ازين بشي راجل مزيان تعيشي بيخير اما انا تقهرت منهم غا لي كنت مزوجة بيه كرهني فيهم ( شافت ناحية كوزينة ) انا نوض نحط العشا وكان

بعد يوم شاق ومتعب خرجات من الخدمة ضهرها مهرس من قوة الوقوف .. دوزات يديها على ضهرها مخسرة سيفتها مكرهاتش شي مساج ترتاح ولا ترجع لدار ضربها بشي نعسة

بسمة : ( شافت يديها لي دروها ) احح اقلبي من صباح ونا نشكل فلحلاوي ضهري تْقَوَس

شدات طاكسي كيف عادتها حيت مخبزة فاش كتخدم بعيدة شوية على دار .. وصلات وحلات لباب وحطات ساشية فوق الميدة فيها شي كرواصة وحليوات جابتهم معاها .. يلاه جات تكا تحل لباب بجهد ناضت قافزة كتشوف شكون

رحمة : ( دايرة يديها على رجليها ) الله ياربي رجلي .. نوضي نوضي دغيا يلاه نضربوها بشي تحمحيمة

بسمة : ( رجعات تكات وغمضات عينيها ) والله مافيا غاسيري نتي بصحة بغيت غانعس

رحمة : ( دخلات وسدات لباب ) انوضي اصاحبتي بلا عگز ( دورات عينيها ) نسيت مقلت ليك صونات ليا بنت ختي لبارح مع ديك 12 دليل قالت ليا دايرة عيد ميلاد فواحد كافي فإنزگان بقات عليا طلب وتزاوگ والو نجي ، وراني خليت السيدة لي كديبلاصيني جات باش ندوشو انا وياك ونمشيو

بسمة : ( تگعدات وحلات فيها عينيها ) غاسيري اختي عرضات عليك نتي حشومة نمشي مكتعرفني مكنعرفها عاد الكافي تكون عامرة بصحاباتها وانا معندي مالبس وماوجدت حتى كادو

رحمة : ( قربات ليها نوضاتها ) نوضي نوضي الكافي مشداتهاش كاملة راه غاتكون حاضرة غير هي ومها وجوج صحاباتها داكشي خفيف ضريف بيناتهم وراني قلت ليها غانجيب معايا صاحبتي يلاه ندوشو ونسخنو عضيماتنا نفوجو شوية وحنا محشيين فخدمة من صباح حتى ليل ( جبدات صاك دلحمام ) شبابك كامل فنيتيه بين ربعة الحيوط خرجي اصاحبتي شوية فوجي فحالك فحال البنات شري حوايج تمشي بيهم شي سروال وتريكو جداد فرحي راسك دابا وليتي خدامة وكتخلصي خسري شوية على راسك وفرحي شحال قدك ديري نفس روتين نهار كامل بنادم كيمل

بسمة : ( تبسمات من الفكرة ومكرهاتش تخرج تفوج شوية ) واخا انا نهز حوايج ديال دوش وندوز على سوق نشري شي حاجة

رحمة : ( بتاسمات .. هزات حوايجها فصاك وگاع مستلزمات دياال دوش مع ليبخودي لي كتستعمل واخا كانت غير كسالة ولكن مهلية فراسها وعزيز عليها نشاط ) إوا هانتي دويتي وقت ماتخلصتي شري شي كريم .. بارفان .. عكر شوية بشوية يوليو عندك حوايج كي البنات

بسمة : ( هزات ساك حطات فيه سيرڤيت مقطنة مع تقيشرات او بينوار او زيف .. ) واخا الالة يلاه راني تشهيت نيت الحمام عضامي كنحس بيهم مدگدگين

رحمة : ( ضحكات بجهد ) إوا ازين حسبيني كسالتك ليوم واحد الفركة غانديرها ليك وسخ شهر يخرج

خرجو بجوح تالحمام فاش كتخدم دخلو بلا ميخلصو جبدات رحمة تبريمة دارتها وعطات البسمة .. وكانت قدات وصفة لشعر فيها الحنة والعشوب وزيوت طلساتها لشعرها وشهر بسمة .. جبداتها عندها وفركات ليها من قلبها تفكر وتعاود حتى رجعات بسمة حمررررة مع بيضة ولات مطيشة .. غسلات حتى هي وخرجو بجوج لكريم لي دارتو تمدو لبسمة فلخر خرجو وتاجهو لدار لي كانت قريبة ..

رحمة : سيري دابا شري شي حاجة تلبسيها ومتخسريش تاني فلوس بزاف راه عيد ميلاد بسيط كولشي تلقايه لابس سروال ولا كسيوة مهم نتي خودي لي عجبك ( غمزاتها ) فاش ترجعي تلقايني عند كوافورة لي فدورة ندير بروشينگ ونقاد حجبان

بسمة : ( توسعات بتسامتها وضحكات بخفوت ) هانا على رحمة وبروشينگ

رحمة : ( ضربات بشعرها الفازگ ) ومالني اختي نتقادو شوية نبقا ديما رحمة الكسالة شعري غمل فزيف حياتي ومتعرفي نلقا شي ولد ناس نعجبو ونتزوج ونتهنا من هاد الخدمة كتافي تساسو معاها ( هزات فيها عينيها كضحك ) ولا منستاهلش زعما شرفت ؟

بسمة : ( هزات بزطامها و ضرباتها لكتفها بلطف ..حطات يديها على خصرها وطلعاتها ونزلاتها ) أنا لي شرفت شوفي زين والبيوضة وشعورات ولاااطااي الله يسهل عليك ازين بشي ولد ناس باقي تزوجي وتولدي وتكرهي زواج هههه الولاد يشيبوك

رحمة : ( بتاسمات لهضرتها ) ياك اختي يخليك ليلي نتي لي فنة وغير يجيو لولاد انا قابلة يشيبوني ههه ( حركات لها يديها ) يلاه يلاه سربي سيري تقداي ولحقي عليا عند كوافورة ديري حتى نتي شي بروشينگ واخا شعرك مشاء الله رطب ولكن يبان زوين كتر

هزات بزطامها وخرجات نيشان لسوق لي كان حداها دخلات كدور فالمحالات كتقلب على شي حاجة تكون سامبل وفنفس الوقت زوينة .. عجبها منضر واحد المحال كان أنثوي وكلو ضواو دخلات كتشوف فقاميجات وسراول طاحت عينيها على سروال با تلفون دجلد وبالكحل عجبها وقالت لمول المحال يعطيها قياسها وفنفس الوقت هزات تريكو كحل كول قصير كان توبو غليض شوية جاي مزير او يديه شبكة منفوخة شوية كتبين لحم .. ختارت قياسها وخلصات سيد وخرجات فطريقها دازت على محال دلماكياج ، دخلات كدور فعينيها وكتشوف داكشي لي عندو كولشي عجبها مكرهاتش تهز المحال كامل معاها .. هزات ماسكارة وگلوص غوز قريب للون شفايفها وخرجات بخطوات سريعة ناحية محل الكوافورة باش متزيدش تعطل على رحمة ..

بسمة : ( دخلات لمحل لي كان صغير او فيه بنت وحدة كتسنا رحمة تسالي ) سلام عليكم

رحمة : ( كانت قدات حجبانها والكوافورة كتقاد لها شعرها بشوشوار ) اجي شوفي حجباني كي جاوك انا كنبغيهم غلاض شوية وعامرين

بسمة : ( طلات عليهم عجبوها ) زوينين هما هادوك بصحتك

رحمة : الله يعطيك صحة غير نسالي دوزي قادي شعرك باش منتعطلوش

بسمة : ( جلسات فوق الكنبة ) واخا غير دوز هاد البنت لي سبقاتني ونقاد موراها

رحمة : ( هزات فلبنت عينيها وعرفاتها ) سارة حبيبة واخا دوز قبل منك عدنا مناسبة وتعطلنا بزاف

سارة : ( لقات نضرة على بسمة وهزات عينيها فرحمة ) واخا اختي غير متعطلش

سالات رحمة وقدات موراها بسمة شعرها خلاتو مسبسب فوق كتافها حريري وخفيف زوين .. خرجو بجوج ناحية دار دخلات رحمة هي لولة وهزات من مجر سروال دجين مزير او قاميجة طويلة شوية حد الفخاض .. بالحمر وفيها حزام وجوج صديفات دهبيين الفوق .. لبسات معاها بوط طالون قصير بالكحل وهزات مونطو كحل فيديها على ود البرد كيتحرك شوية بليل .. دارت مكياج خفيف وطلقات شعرها مخلياه سامبل فوق كتافها .. وبسمة لبسات حوايج لي شرات وهزات بوط كحل طالون ديالو شوية عالي ( خلاتو لها هدى ) ، خلات شعرها مطلوق ودارت إكخون لوجهها وماسكارة طلعات بيهم شفارها وگلوص زينات بيه شفايفها بانو منفوخين وشكلهم كيوت وغزال خدات فغاجو من عند رحمة وحمرات الحنيكات شوية .. كان لوك طبيعي وزوين كتبان غزالة وبلا كترة الماكياج لبسة بقد ماكانت سامبل كانت تبان فيها فنة

رحمة : ( دارت طلعاتها ونزلاتها وصفرات ) بابابا على بسمة طلقات علينا زين فين كنتي مخبية علينا اختي هادشي لا سمحي ليا ولكن داك لي طلقتي منو حمار ضيع عليه الوز

بسمة : ( دارت فحال الى مسمعاتش هضرتها اللخرة عليه و دارت عندها عاجبها راسها تأنتكات ) ياك اختي جيت زوينة ؟ عمري فرحت براسي وشريت شي حاجة عاجباني

رحمة : والله تافنة مشاء الله ، الله يحجبك من العين ( هزات عينيها فساعة ) اويلي على تمنية واينتا غانوصلو زيدي زيدي دغيا ( هزات رحمة كادو لي جابت لبنت ختها صباح ) سربي نشدو طاكسي يوصلنا

بسمة : ( هزات مونطو شكلو غزال برمادي وفيه ريش فليدين وجهة العنق حطات على دراعها حتى يتحرك لبرد وتلبسو .. وخدات 100 درهم من بسطامها وحطاتها فيد رحمة ) هاكي هادي عطيها البنت ومتقوليش ليا لا

رحمة : ( بغات تردها ليها ) والله منشدها من عندك كادو واحد براكة

بسمة : ( حركات راسها بنفي ) لا عطيها ليها راه كنت غانجيب ليها شي حاجة معايا فاش مشيت لسوق ولكن معارفاش شحال فعمرها

خرجات سبقاتها شدات طاكسي كان دايز وتسناتها حتى جات ركبو بجوج وعطاتو رحمة اسم الكافي ، بعد دقائق وصلهم خلصوه ونزلو .. دخلو كانت الكافي كبيرة مروجة وعامرة شوية فيها سفلي وطبقة الفوق كطل على التحت .. كل جوج ولا تلاثة ولا عائلة شادين طبلة الحركة كتيرة وسرباية كيسربيو كولشي

رحمة : ( دورات عينيها حتى بانت ليها ختها وبنتها جالسين فطبلة بعيدة شوية وجاية فبلاصة كالم شوية ) هاهما يلاه

تقدمو عندهم رحمة باست بنت ختها لي كانت فعمر 27 عام عطاتها لكادو ومية درهم لي عطاتها بسمة و دارت عند ختها كتسول على أحوالها وسلمات على صحابات بنت ختها

بسمة : ( سلمات على مها وصحاباتها ودازت عند مولات العيد ميلاد ) عيد ميلاد سعيد ازين

البنت : ( بتاسمات وشكراتها ) شكرا ازين جلسي رتاحي

حاطة يديها على خدها وكدور عينيها فالكافي عجباتها وجاتها مفوجة .. رحمة كانت منساجمة مع بنت ختها وصحاباتها فطبعها إجتماعية تهضر مع هدا وهاديك وتجمع وطلقها تسرح عكس بسمة لي فاش كتكون وسط جماعة مكتعرف حد فيها كتبقا غير ساكتة وكتشوف فحال حالتها دابا ! واخا كانو الله يعمرها دار عجبوها كيبانو متواضعين واخا باين فيهم الفلوس من جلستهم وحديثهم عرفات ان بنت خت رحمة لي كيعطو لها بسارة خدامة بطموبيلتها وكولشي فحال صحاباتها ومع ذلك كانت بإطلالة خفيفة وماشي شي حاجة أوڤر .. واخا هكاك وهي وسطهم ملقات متقول بقاات غير كتشوف فناس لي جالسين حتى عيات وهزات عينيها فطبقة لي لفوق كانو فيها طبالي متباعدين الجليسة فيها زوينة حسن من التحت كانت كالم كتر وهادشي لي كيعجبها

خرجات من سهوتها فاش جاو جوج سربايا واحد حط قراعي دموناضة وعواصر وقاد طبلة بكسيان وطباسل لكل شخص .. عاد حط سرباي تاني حليوة فيها تلاثة طبقات كبيرة وعليها تصويرة مولات عيد ميلاد .. دارو صحاباتها ڤيديو ليها ولكل كيقول جملة وحدة " joyeux anniversaire sara.." فرحو بيها ونفخات هي على شمع .. صفقو لها وقطعات الحلوة ، كل واحد تحط ليه طرف منها

ناضت رحمة وبسمة او ودعوهم بعد ماكانت ساعة العشرة دليل ولازادو تعطلو صعيب يلقاو شي طاكسي فهاد الوقت .. سبقاتها رحمة خارجة و هزات بسمة مونطوها وتبعاتها بخطوات سراع حتى سمعات صوت ماغريبش عليها نطق بسميتها ...

_باااسماااااااا

_دارت بالعرض البطيء وهزات عينيها فيه كترمش بشوية

بسمة: اءءءء

_كان جالس فطبقة الفوق مع شي دراري عندو خدمة معاهم او طول الفترة لي كانت جالسة فيها رد معاها البال .. طلعها ونزلها لاحض تغير كبير فيها زادت زيانت شدات صحتها او تغيرات مابقاتش ديك لي كانت كلها واكلة دق او حالتها حالة دابا ولات شابة زوينة وعاطية العين مهلية فراسها وفنفس الوقت بقات على طبيعتها وبرائتها .. قرب ليها كتر حتى تراجعات لوراء او نطق بصوت مدعدع او عينيه فعينيها ) سلام

بسمة : ( حسات بتوتر كبير وحشمات فنفس الوقت غير كتشوفو كتحس بهيبة دايرة بيه مكتقدرش تهز فيه العين تخنزيرتو ونبرة صوتو الغليضة والمهيبة كتخلعها ) أ اا نعام..سلام

يتبع...