يديه فجياب جاكيط كان لابس كولشي كحل فحالها تقول غير متافقين ! عينيه عليها متزعزوش عاقد حجبانو وداير فيها شوفة فشكل جابت ليه ضحكة كل مرة فين كتهرب عينيها والهضرة كتخرج ليها بزز فحال الى حاط سيف على عنقها ...
صلاح : ( دار لها براسو مالك وحرك حواجبو مع الحركة ) مالك ؟
بسمة : ( دورات وجهها لقات رحمة رجعات دخلات كتقلب عليها .. وقفات حداها يلاه غاتقول ليها يلاه ولاحضات انها كتهضر مع صلاح يلاه كانت غاتمشي تخليهم يهضرو وهي تشدها من يديها وبقات مزيرة عليها ) أ ؟ لا والو
صلاح : صڤا عليك ؟ لاباس بيخير
بسمة : ( رجليها حساتهم فشلو عليها علات راسها فيه بحكم طويل عليها حتى تقابلو عينيهم هو داير فيها نضرة ديال مالك هضري ! وهي كتشوف فيه ببلاهة غفلها ومضناتش غاتلاقا معاه ) حمد الله بيخيرر
صلاح : ( دوز يديه على لحيتو ونقل نضرو لرحمة لي كانت منزلة راسها وكتشوف ناحية باب لكافي ) معامن ؟ مع العائلة
صلاح : شنو زعما من نهار دفنوه مازاروه هدى تضل تسولك عليك فيما دور بسمة بسمة مي حتى هي كتسول عليك
بسمة : ( دوزات يديها على حناكها لي غايطرطقو بالحمورية ) لا ماشي هكاك غير مع الوقت والخدمة ماكيبقاش لي لوقت وكنجي عيانة كيدايرة بعدا هدى وخالتي مبيريكة ياك كولشي مزيان سلم عليهم
صلاح : ( تبع حركة يديها بعينيه ) الله يسهل .. لاباس عليهم علاش مدزتيش عندهم ؟ كتر من شهر هادي مجيتيش
بسمة : ( رحمة كدير لها بعينيها سربي تعطلنا وهي كتضغط على يديها بمعنى واخا بلاتي ) إن شاء الله ندوز غير مع الوقت والخدمة كيف قلت ليك إن شاء الله نجي نطل عليهم شي نهار
صلاح : واخا يلاه الله يعاون
دار شير لواحد من دراري لي كان جالس معاهم وخرج من كافي وبقات بسمة موراها كتبلع ريقها ورحمة جراتها من يديها حتى خرجو ضرب فيهم برد دخل ليهم مع العضام رحمة تكمشات فمونطوها وبسمة لبسات دغيا مونطو وسنانها كيترعدو
رحمة : مابقات وقت طاكسي هادي زيدي زيدي توصلنا بنت ختي معاها راهم سبقونا وخرجو من لباب تاني
حركات لها راسها بالإيجاب وتمشات تابعاها وسوط كعبها كيتسمع مع كل خطوة كتخطيها .. بعيد عليهم شوية كان واقف صلاح ولحق عليه دري لي شار ليه بيدو
صلاح : ( شير ليه بالفن على بسمة بلا مايعيق ) شفتي هاديك مولات نواغ تبعووها عرفو فين ساكنة وفين خدامة وكولشي نبغي غدا نعرفو
دري : ( دار بشوية وضرب عليها بنص عين ) واخا كون هاني
خلاه وزاد جيهة طموبيلتو حلها أوتوماتكمون من بعيد حتى تشعل فيها ضو مجهد بالبيض لفت نضر رحمة لي تبعات ليه لعين حالة فمها حتى ركب
رحمة : ( عينيها باقي عليه ) اجي نقوليك شكون هداك بعدا ونتي غير شفتيه وبديتي تفتفي ياك ماصاحبك المسخوطة
بسمة : ( تبعات عينيها فين كتشوف حتى ركزات فطموبيلتو غير قشعاتها واش تاعو دارت دغيا عندها كأنها مكانتش كتشوف ) خو صاحبتي هو لي قلت ليك وقف معايا هو وصاحبو لي هو راجل هدى
رحمة : ( حطات يديها على خدها ) واهانتي اختي على حديدة عندو طيرات لي لعقل ( ضرباتها لكتفها ) ونتي كتعرفيه مال مك ماتوقفيه يوصلنا راه راكب غير بوحدو منتقلوش عليه
بسمة : ولد ناس ولد ناس ارحمة غير هو ركبي مع بنت ختك الله يهديك انا هزيت فيه تا عيني بقا غير نشير ليه باش ركب معاه وخا نعرف نمشي من إنزگان تالأيت ملول على رجلي ..
طرطقات رحمة عليها بضحك وجات ختها وبنتها ركبو فلقدام وهما تزاحمو مع صحباتها بجوج لور كل وحدة لاصقة فلوخرة وسدو لباب غير بزز حيت رحمة مشاء الله خيورات ربي .. رد ليهم لبال حتى طلعو كاملين مزاحمين فديك طموبيل بعدها تحركو وتبعهم تاهو غادي لدار ..
طلع فدروج دغيا نيشان عند بيت مو طل عليها لقاها ناعسة ومكمشة فمانطة زاد عليها ايزار آخر سخون لايجيها لبرد وداز نيشان بغا يطلع لبيتو حتى نتابه لصالون مسدود او جاي ضو منو ، عقد حجبانو وتاجه نيشان ليه ماحدو كيقرب كيسمع صوت بكا زادو تعقدو حجبانو فاش فرز شكون غايكون ! وشكون من غيرها هدى .. حل باب بشوية وطل براسو لقاها معنقة مخدة وشاعلة تلفازة مخدمة فيها يوتيب وغير كدور معارفة شكادير
صلاح : ( شعل ضو ودخل ) مالنا على هاد لبكا ؟ شكاديري هنا فينو فريد
هدى : ( وجهها غايطرطق بالحمورية بقوة ماكتبكي قربات تجيف .. هزات فيه عينيها عامرين بدموع نطقات بصوت منغنغ ) متجبدش ليا سميتو باقي
صلاح : هضري شكاين ونتي حادگة غا فدموع آش دار ليك ؟
داخل مع لباب دلقهوة هز عينو فطبقة تانية كيبان ليه جالس ساهي ورجليه كيحركها بسرعة .. طلع عندو وحط تلفون فوق طبلة وشار لسيرفور يجيب ليه قهوة كحلة
صلاح : ( تكا بيدو على الفوتوي وعينيه عليه ) بدا الموضوع من لول
فريد : ( ملامح وجهو غاااضبة وعرق مطراسي فجبهتو ) آش غانبدا ( دوز يديه على وجهو وساط بجهد ) عندي شي وراق خاص نقادهم وقلت ليها غانمشي لسبانيا نقاد أموري دغيا ونجي وسيدة دارت فيها ليدين ورجلين لا غير كتكذب ونتا غادي توصل لحشيش كنقول ليها ابنت ناس داك زبل تفكيت منو خمسة سنين هادي قالت ليك والو غير كتكذب
صلاح : ( حط ليه نادل قهوتو وشعل گارو .. هز فيه عينيه مبرد ونطق بصوت خشن هادئ ) هادشي دغيا طاح على غفلة
فريد : ( دوز يديه على لحيتو وتكا بضهرو على الفوتوي ) عيط لي المحامي على غفلة قالي دار لي بغيت نبيع تماك ضروري نحضر باش نسني شي وراق كون كنت عارف هادشي منيمتا راه نقاد لها وراقها نطلعها معايا منها نيت دور شوية واش أنا نبغي نطلع ونخليها بوحدها هنا مكرهتش كون طلع ليا فيزة مابين نهار وليلة ولكن راني ماشي هو محمد سادس كيندير لها
صلاح : ( بخ دخان لبعيد ورشف من قهوتو ) دابا من لخر شنو قلتي ليها
فريد : ( هز يديه بقلة صبر ) قلنا ليها عفا علينا الله شحال هذا مابقينا نوصلو لداك زبل ولكن معامن غدوي لي فراسها فراسها
صلاح : ( قهقه بخشونة ودوز يديه على شعرو الأسود لكتيف ) واش خوها باقي خدام فهادشي وغاتيقك اصاحبي انك عفا عليك الله
فريد: ( تنهد بقوة ) اودي واش داز علينا قليل ..
صلاح سهى تيفكر فلي مر وهو تيشعل كاروو
** فلاش باك **
كأي أسرة عادية معندهمش ومخاصهمش الأب المسؤول على الأسرة خدام فسكك الحديدية كيشد بركة دلفلوس ويخسرهم على عائلتو مبيريكة كانت قليلة صحة كل مرة مريضة وشادة الفراش .. صلاح كيقرا فلافاك وهدى طفلة صغيرة .. واخا خلصتو على قد الحال ولكن مهتم بدارو كيصرف على مرتو وعلى دواياتها وعلى بنتو وحتى ولدو .... يخلص الما وضو وقبل مايكمل شهر يتقداو فلوس ولكن مع ذلك كان راضي بلقليل وحامد ربي وشاكرو ، دار فيها غير سفلي ولكن جامعاهم ومهنياهم من لكرا ..
صلاح ! لي كان كيشوف كولشي بعينيه وكان مراضيش على الوضع نهاااائيا فحالو فحال دراري مكرهش حياة مزيانة يكونو عندو فلوس ويخسر عليه وعلى عائلتو قد مابغا .. كان فعمر 21 عام خاصو فلوس لقرايتو وشحال من حاجة ولكن مكيرضاش يمد يديه لباه ويقوليه عطيني وهو ولا طول منو ! كان هو وفريد عشران من صغر كل واحد عارف حالة لاخر مزيان كانو واكلين شاربين لابسين وبيخير ولكن دارتها زيغة ! واحد عينو فبرا وتاني كيهمو غا لفلوس مشغلوش فبرا بداو كيبيعو لحشيش غير بيناتهم ويصورو فلوس قلال ماشي شي حاااجة ، طول وقتهم تقريبا كانو يجلسو فواحد قهوة معروفة عندهم فدرب مولاها كيكون فسبانيا و كيدخل لملاين صحااااح خدام فلكوكا والقهوة ديما عندو مروجة وسلعة تما كدور مرة مرة كاين يجي يطل على لقهوة وتما زعم صلاح ودوا معاه تفاهمو وخلاه شاد القهوة حيت قاري وعندو مع الحساب اما فريد قاليه باغي نحرگ وافق وقاليه صباح تصبح فسبانيا ونشوفو شي گاورية طلع بيها لوراق غير هو تبقا تسخر ليا وتجيب سلعة ! وافق دغيا وقاليه يدخل معايا صاحبي دازت موووووودة نيت جمعو فلوس صحيحة وساقو لخبار لداك سيد مات مقتول فسبانيا .. صلاح شد القهوة واخا ماعينوش فيها عينو فسلعة تما كدور والكليان .. وفريد خدم معاها لواحد مدة بسيطة وبعدها قاليه الله يعاون وخرج من هادشي وبنا حياتو بعيد ..
صلاح : ( حرك لو راسو ) الله يوصلك على خير نوض دابا بات عدنا تعطل لوقت
فريد : ( ناض وناض معاه صلاح ) لا بلا منصدعكم ليل هدا غاتشوفني وتنوض تغوت خالتي ناعسة بلاش غادي غير نطل عليها ونزيد فحالي ..
خرجو بجوج كل واحد فطموبيلتو زادو حتى لقدام دار نزلو بجوج صلاح طلع لبيتو وخلا فريد وقف قدام غرفة هدى حل باب بشوية وطل بعينيه حتى تأكد انها ناعسة ودخل جر كرسي حتى لحدا ناموسيتها وجلس مقابل معاها ، عينيه عليها مبتاسم واخا تعصب من هضرتها وبقا فيه الحال حيتاش غايمشي وهي مقلقة منو ولكن مطاوعوش قلبو يمشي بلا مايودعها ، قرب حتى باسها فوق راسها ودوز يديه على شعرها بحنان وعينيه على وجهها وملامحها الهادئة وهي ناعسة كتبان كيوت ومهدنة عكس فاش كتعصب كتولي غير تغوت او مكتفاهمش دغيا ولا مشات حتى تقلقات أجا ما يراضيها .. وقف وعينيه على الساعة غطاها مزيان لا يضربها البرد وسد شرجم لي خلاتو مفتوح كيدخل منو برد قاصح جبد من جيب جاكيط 3000 درهم حطها فوق كوافوز لي حدا راسها ولقا عليها نضرة أخيرة مسخاش يمشي ويخليها غايتوحشها .. تنهد بقوة وخرج ساد موراه لباب بشوية ..
_ فاليوم التاني وفجواية العشرة هكاك فاقت كتكسل وتفوه ناضت بشوية حاسة براسها كيضرها شوية شافت شمس طالعة وسوط دراري صغار كيلعبو فزنقة مجهد عقدات حجبانها ولقات نضرة على الساعة حتى لقاتها العشرة وتضهشرات
هدى : ( جبدات حنكها ) اويلي على العشرة مصليتش الفجر بكري ( شدات فراسها ) بسيف دارها داك البكا كامل ودوا لي شربت لبارح درولاكسون بففف ( ناضت جمعات ناموسية ونقلات نضرها لكوافوز حتى بانو لها لفلوس ) شهادشي !
هزاتهم كتشوف غير زرقات عضات على شفتها سفلية بفقصة عرفات مولاهم شكون وفنفس الوقت ستغربات آش جابهم لحدا راسها واينتا غايكون جا طل عليها وهي محساتش بيه .. ضربات بيهم حتى تشتتو فوق ناموسية ودارت مخنزرة توضات وصلات وخرجات وعينيها منفوخين لقات مها ورقية لي جات هادي يوماين .. جالسة حدا مها وكيتعاودو بيناتهم
صلاح : ( قهقه بسخرية ونطق بحدة ) ريحي لارض راجلك مخليك عدنا أمانة مغاتبقايش دوري وتخرجي وقت مابغيتي باغا تشوفيها 3 ندوز عندك وديك ساع شوفيها ولا تشوفك ..
قطع فوجهها وخلاها مصمرة كتشوف فلخط تقطع عضات فلسانها بفقصة وناضت طافجة لبيتها مخليا مبيريكة وراها كتعيط عليها
هدى: الله يعطيهم مصيبة بجوج
فقهوة ديالو جالس فطبقة تانية غير بوحدو وگاع الكليان لتحت .. مسرح رجل ورجل تانية حاط عليها يدو ، شاد گارو فيديه وصاقل متعرف فاش كيفكر ولا شكايدور ليه فداك دماغ ، طلع فدروج دري لي واقف ليه على خدمة وجلس قدامو فوق الفوتوي
صلاح : ( جمع حجبانو حتى طلاقاو و فنفس الوقت ملامحو جامدة ، نطق بصوت بارد خشن خلا لاخر غير كيشوف فيه ) شكاين
دري : ( حك عنقو ونطق بتوتر ) سلعة تشدات قبل ماتوصل من كتامة وحتى شيفور معاها
صلاح : ( مسد جبهتو راخي أعصابو ) سيمانة هادي وسلعة لي خرجات تشد شي واحد كيلعب معانا لعب خااايب
دري : ( ركز فيه شوفة ) شنو المعمول دابا ؟
صلاح : آش غادير ! شيفور لول وتاني لي تشدو فلحبس مايخصهم حتى غير شوفو لاعندهم شي عائلة مصروف يوصلهم وداخل لحبس تهلاو فيهم ( حرك ليه راسو بالإيجاب ) والخدمة وقفوها هاد الوقت حتى نشوف شكون هدا لي سخن عليه راسو
غير ناض دري نزل طلع واحد من دراري من لي خدامين عندو فالقهوة او وقف وفيديه طبلة عليها كيسان
دري : صلاح جا الكونطابل على ود ضريبة
صلاح : ( ناض راسو مفروع هز تلفونو لي كان كيصوني فيديه وداير لو صيلونص ) صافي حنا نخدمو غير على هاد دولة نبقاو حنا غا مقابلين هاد ضريبة كل مرة خارجة شي حاجة من جنب
نزل يتفاهم معاه طالع ليه دم كل مرة كيغزز سنانو فشفته سفلية ويزير على قبضة يديه ، هضر مع سيد وخلص لي عليه وفنفس الوقت رد لبال لتفون لقاها نمرة هدى وجاوبها معصب ونبرة صوتو قوية وحادة
صلاح : ( ركب فطموبيل وداز نيشان لدار لي كانت قريبة ) قلنا ليك هاحنا جايين غاتبقاي فارعة ليا مخي
قطع فوجهها خلاها غير كتشوف فتلفون معاجبها حال ، بقاات جالسة حدا لباب دايرة يديها على خدها وكتسناه ، مدازت حتى خمسة دقايق كان موقف طموبيل حدا رجليها ناضت ركبات حداه مكتشوفش فيه وعينيها على زاج
صلاح : ( نهض فيها مخنزر ) زوفري نتيا تجلسي حدا لباب تسنايني دار كلها مقداتكش معندك فين تجلسي
ديمارا طموبيل وشد طريق نيشان لدرب فين ساكنة دور عينيه مزيان فزناقي وقدام لباب مبانتش ليه وشاف ساعة فتلفون لقاها قريبة ربعة اونص وقت خروجها .. قلب دورة وزاد نيشان لمخبزة فاش خدامة
صلاح : ( عينيه على طريق مخنزر ) آخر مرة راجلك مخليك هنا أمانة كون بغاك تبقاي طوطحي فزناقي كون خلاك فدارك
هدى : ( ستغفرات فداخلها وتنهدات ) فين شفتي بسمة
صلاح : شفناها فكافي فإنزگان واقلة كانت مشات لعيد ميلاد دشي وحدة
هدى : ( شافت فيه بنص عين ) مزيااان ( سكتات لثواني ) مصوناش ليك فريد
صلاح : فريد مسالي ليا ولا انا مسالي ليه سيد غادي يقضي غراضو راه مغايباتش تماك
يلاه جا يدور على رومبوان ولقا طريق عامرة طموبيلات واقفين كولشي كيطل ناس كيطلو من شراجم مخلوعين وشي ناس دايزين وقفو يشوفو شنو واقع .. دخاخن طالعة مع سما والعافية شاعلة فشي بلاصة ، لومبيلونص واقفة او سيارة الإطفاء كذلك وحتى من البوليس كاينين ممخليين حتى شي حد يدوز ..
صلاح : ( عقد حجبانو من المنضر الضاهر انو شاعلة العافية فشي بلاصة ومكانتش خفيفة حيت دخاخن طالعة مع سما من بعيد يبان ليك دخان كحل .. نقل نضرو لهدى لي كانت دايرة يديها على قلبها وكتدور عينيها تشوف شنو واقع ولكن قوة طموبيلات ودخاخن حاجبين الرؤية ) جلسي هنا المخبزة فاش خدامة راه كاينة هنا انا نجيبها ونجي
خرج وقفل عليها طموبيل باش متخرجش وداز مابين طموبيلات وناس لواقفين ، لكل كان يقول جملة وحدة ! مساكن البنات لي خدامين فالمخبزة تحرقو .. دق قلبو بسرعة وضربها بجرية حتى وقف قريب المخبزة حاول يتخطا البوليس ولكن منعوه ومخلاوهش يدخل ، ورجال الإطفاء كانو تدخلو كيطفيو الحريق لي دار حالة فالمخبزة وكولشي رجع كحل !
صلاح : ( كيبان على وجهو الخوف المنضر لي شاف قدامو والعافية لي نشبات فالمخبزة خلاو تخيلات خايبة فعقلو .. حاول يدخل ودفع البوليسي ولكن جاو جوج شدوه ممخليينوش يخطي خطوة لداخل ) حيدو وحدة من العائلة خدامة هنا
البوليسي : ( تبتو من دراعو ) الى خدامة فسربيس ديال صباح او وقت خروجها هدا تبعها لسبيطار دإنزگان
طلق منو دغيا وجرا لطموبيل ركب وهدى كتشوف فيه مخلوعة عيات تسول فيه وهو منطق بحتى كلمة كتافا بصمت ورجع طموبيل لور دغيا وكسيرا بجهد حتى تحكو روايض طموبيل وصدرو صوت مزعج كيخلع
كان غادي بسرعة كبيرة لدرجة هدى تخلعات وحسات بشي حاجة ماهياش ربطات الأحداث فعقلها بين الحريق لي نايض حدا المخبزة او بسمة لي مجابهاش معاه او الزربة باش كان جاي او حتى سرعة لي غادي بيها طاحو دموعها بلا ماتحس تقبط قلبها وتفزعات خافت من فكرة لي طاحت فبالها .. تكون تحرقات ! طرات ليها شي حاجة ! گاع دوك البوليس ورجاال الإطفاء وحتى لومبيلونص كانو جواب كاافي لأسئلتها ..
صلاح : ( عاقد حجبانو بجههههد ويديه مزيرين على الڤولون دطموبيل ) صمت
هدى : ( تهزات بشهقة ورجات تبكي ) صلاح فين غاديين نقص سرعة
صلاح : ( نطق بصوت عالي قفزها وخلاها مكمشة على بعضها وتخشات فكرسي ) سكتي الخرا حادگة غا فلبكا
وقف حدا سبيطار نزل وسد عليها الطموبيل بعد ماقال ليها غانشوف شنو كاين وغارجع .. دخل مخسر سيفتو العفن وبنادم طايح سخفان وحد مامديها فيه ! هما طالبين غير يخوا داك سبيطار شوية من البشار كل شومبر مخشيين فيها خمسة .. ستة ناس الغوات والبكا او دمايات كيخلي الواحد يتلف ويشد راسو ويجلس لارض ، الطبة واخا تبغيهم بدوا ميبانوش ليك كاينين غير الفرمليات وحتى هما ممسوقينش ! قليل لي تلقايه خدام بنيتو الأغلبية لامخشيتي ليهم شي زرقة فيديهم ميتحركوش غير كيشوفو وصافي ! والخدمة يديروها عوجة وفلخر لي تلف فشي حاجة يبقا واحد يصايفطك لاخر وغاديين هكاك كيلعبو بيك ..
صلاح : ( وقف كيدور فعينيه ويشوف معامن يدوي ، البنت لي كاينة فلغيسبسيون ناس دايرين بيها او حتى واحد مايوقف ليك كولشي كيجري ! بسيف وكل دقيقة يجي ليهم واحد محلولة ليه كرشو ولا راسو ، توجه نيشان عند واحد سوكيرتي وخشا ليه ربعالاف فيديه ) واحد لومبيلونص يلاه تكون وصلات بشي ربع ساعة فيها بنات تحرقو فين لقاهم
تبع نعت لي عطا ليه حتى وقف قدام غرفة كانو يلاه كيدخلو بنات لي حالتهم أكثر خطورة ومخليين لي حالتهم خفيف شوية حدا الباب ومن بينهم كانت بسمة ! لي كلها كترعد وتبكي العرق نازل مع وجهها سطل دلما وكبيتيه عليها شعرها لاصق عليها وكلها كتفتف وتشهق بالبكا .. منضرها قطع ليه قلبو ! حالتها حالة وجهها حمررررر او شفايفها رجعو زورق بالخلعة كانت لابسة فقط تيشورت وكان محروق من جنب كرشها او الحرقة كانت واضحة وضوح الشمس كلها حمر او الجلدة بدات تزراق ليها .. قرب منها حتى وقف حداها وهي غير شافتو زادت من حدة بكاءها كان كيبان ليها فحال المنقذ وهي فديك الحالة كتحس بالعافية كتنهش فلحمها مكرهاتش تصرخ بأعلى صوتها وتقول ليهم قطعوو ليا هاد جنب لي محروق حيدوه متخلونيش هكا كولي كنتشوا ! ولي زاد عدبها كترة وخلاها غير كتبكي المعاملة تعاملو معاها كأنها مابيها والو وخلاوها حدا الباب كتشوا وتبكي ، حاولات تمشا عندو ولكن قوتها خارت حاسة برجليها فشلو عليها ومابقاتش قادة تهز رجليها قلبها كيضرب فتسعين وكلها كترعد ، الرؤية تضببات ليها او من قوة الألم كتحس أنها فأي اللحضة غاطيح مغشي عليها
صلاح : ( عض فشفته السفلية بقات فيه .. طبطب على كتفها بحنان او قبطها من كتفها باش طيح مخليها مسندة عليه ) بسمة بشوية عليك انا نديك لكلينيك بلاتي نجيب أومبيلونص ينقلوك وغانجيب عندك هدى تقابلك مابين مانجي
حطها بشوية فوق كرسي وخرج بزربة كيجري ناحية سيارة مكرهش يهزها يديها ولكن خاف لاطيح ليه تماك ومغايعرفش يتعامل معاها لاهم لومبيلونص ! حل على هدى لباب حتى خرجات مخلوعة وغير كتفتف شير ليها فين تمشي ومشا خلص لومبيلونص لي غاتديها لكلينيك لي كان قريب ليهم شوية ، رجع عندهم لقا هدى كتبكي معاها او كتحاول تهدنها وتعاونها توقف ، ولوخرا الخلعة لاعبة عليها غير دموع كيطيحو لها او كترعد مقادراش تنزل عينيها تشوف الحرقة كتحس بالعافية شاعلة فجنبها كاملة بقات غير موقفة ضهرها كل حركة كديرها كتوعت كتر
بلا حتى كلمة قرب ليها وهزها بشوية راد لبال مع جنبها تحرك بيها حتى لخارج او حطوها فوق الباياص وبعدها طلعوها لومبيونص او تحركو او موراها طموبيل دصلاح .. بعد دقايق وقفو قدام لكلينيك نزلوها او جراو بيها حتى لواحد لغرفة دخلوها او دغيا جا طبيب فحصها او الفرمليات دارو بيها كل وحدة كتحاول ضحك معاها وتهدنها ، شافو الحرقة ولقاوها من درجة الأولى نضفوها ليها بشوية او دارو ليها بوماضة ديال الحرق ..
بعد دقائق خرج طبيب عندهم وقربو ليه صلاح وهدى بجوج
رجع بعد ماخلص تكاليف دلكلينيك ، لقا هدى كتعاون فيها تنوض او لبسات ليها لكويرة لي كانت لايحة عليها .. اوطبيب كان واقف على راسها كيقيد دوايات لي غايعطيها
صلاح : ( شد لورقة لي مدها ليه طبيب ) شنو غاتحتاج دابا ؟ والحرقة واش غاتبقا ديما داراها فحال هكا متحتاجش شي كالمون دلحريق ؟
طبيب : ( قاد نضاضرو ونقل نضرو ليها , هي لي كانت كتبكي ) فلورقة غاتلقا بوماضة دلحريق مزيانة ليها او كالمون الى تجهد عليها لحريق بزاف .. ويلا كان فالإستطاعة تقدر تجيب لها شي فرملية لي تقابل لها لحرقة لا تلتاهب ولا ينوضو لها دوك الفقاعات وتمشي طرطقهم .. اما الى كان شي واحد فدار عندو خبرة ويقدر يوجهها ويقول ليها شنو دير راه مزيان ، والحرقة كيف قلت ليك راها من درجة الأولى حمد الله دغيا غاتبرا لها وحتى ليطخاس مع المدة يمشيو كون كانت من درجة التانية غاتحتاج حتى دوا دلميكروب حيت لحم كيولي يبان وغاتگيح لها وهدا عداب آخر وسيكاتريس كيبقا صعيب يتحيد اما درجة تالثة ياربي سلامة راه خايبة بزاف ..
صلاح : ( حرك راسو بالإيجاب ونطق وعينيه على هدى ) أنا نتسناكم فلتحت
عاوناتها هدى حتى وقفات وخرجو بجوج وبسمة مسندة عليها وعينيها باقي كيقطرو بدموع فعقلها ممستوعباش نهائيا انها كانت على خطوة من الموت .. كانت خدامة فأمان الله حتى تفرگعات عليهم البوطة بالخلعة جرات بغات تخرج ومحسات غير بشي حاجة لصقات على جنبها شوطاتها معرفات واش تساطحات مع فران ولا طارت عليها شي حاجة ولكن بنادم بدا كيجري ويغوت وكاين حتى لي شدات فيه العافية ! دوزات يديها على وجهها وخاطرها دارها دور دور وتقول ماعندي زهر ! الخدمة لي شحفت حتى لقيتها وكون ماشي رحمة لي قلباات ليا ودوات مع صاحبتها لي خدامة فالمخبزة كون راها فزنقة حمدات ربي وشكراتو فاش قبلوها بلا حتى ديبلوم فقط يديها كانت خفيفة ودغيا كتعلم ودير بحالهم وأصلا تبارك الله حادگة .. ساطت وركبات لور دطموبيل مع هدى شدات فرجلها وكرزات عليها بألم الحرقة كتحس بيها شاعلة فيها العافية وغير تحرك تعگر .. ديمارات طموبيل وسهات فطريق ، عضاات على شفتها سفلية ومسحات دموعها بألم وخيبة أمل فنفس الوقت حسات براسها فحال مصيبة متنقلة ! فيما مشات طرا شي حاجة وديما دقة تجي فيها عمرها شافت نهار زين ولا غاتشوفو فنضرها .. تنفسات بعمق وردات لبال لطريق لي كانت غاديين نيشان جهة دار صلاح ...
بسمة : ( رفعات فيه عينيها المدمعين ونطقات بصوت خافت مبحوح وباين عليه العياء ) خويا صلاح عفاك ماشي طريق داري هادي
صلاح : ( هز فيها عينيه فالمراية وراقب عيونها الباكية بصمت ، رفعات عينيها المراية حتى تلاقاو عيونهم وهز حاجبو فيها بعدها خنزر وخلاها حدرات عينيها بتوتر ) صمت
هدى : ( غوبشات ) فين غاتمشي ونتي فهاد الحالة !
بسمة : ( حطات يديها على جنبها سليم وتكات بضهرها على لكرسي حاسة بذاتها كلها مدگدگة فحال الى دايز عليها رموك ) راني كارية واحد دار وساكنة معايا واحد المراة
هدى : ( حطات يديها على حنكها ) وشكون غايقابلك زيدي وكان وسكتي
بعد محادثة طويلة بينها وبين هدى محسوش بالوقت حتى وقف طموبيل أمام المنزل نزل حتى حل ليهم لباب هما طلعو وهو بقا فطموبيل ، دازو نيشان ناحية صالة لي كانت فيها مبيريكة كيف العادة ، غير شافت بسمة او وجهها لي حمر ومشيتها البطيئة حطات يديها على قلبها بخوف
مبيريكة : ( حيدات المخدة من فوق رجليها ) مالك ابنيتي آش طاري ليك
هدى : ( بنضرة عتاب ) تحرقات امي فجنبها المخبزة لي خدامة فيها تفرگعات ليهم بوطة تماك
مبيريكة : ( خرجات عينيها بخوف ) ياربي سلامة الله يحفض ، ( لقات نضرة على جنبها لي كان مغطي بالكويرة ) ودابا درتو لها شي حاجة ؟
هدى : ( جلسات بعد ماجلسات حداها بسمة ) عاد جينا من لكلينيك
مبيريكة : الله يشافيك ابنتي الله يشافيك ( شافت فيها ونزلات عينيها حشمانة منها ) سمحي لي ابنيتي لادرت شي غلاط فحقك فاش مشيتي والله تاخويتي علينا دار
بسمة : ( هزات فيها عينيها طافيين باغا غااتنعس العياء متملك منها ) لا اخالتي متقوليش هكاك مشفت منكم غالخير سمحو لي انا لي رجعت عاوتاني موصيبة لي طرات ليا كلقاكم غانتوما فجنبي
مبيريكة : ( حركات يديها المشلولة وقرباتها ليديها سليمة ) متقوليش ابنتي هكاك راه بلاصتك فحالها فحال هدى جلسي قد مابغيتي ميجري عليك حد
هدى : ( غير سمعات ديك ميجري عليك حد فحال لا درتي لها بريز وخدمتيها ) كون ماشي ديك العقروشة دخالتي مايطرا هادشي كامل هي لي تكون جرات عليها انا عارفاها مزيان فمها مبري منها وشوفاتها معجبونيش صحابكم غاجالسة ومرديت لبال عارفاها علاياش مطوية وشنو باغا دير كون عرفت غاتجري عليها كنت نهز جلابيتي ونجي نجري عليها هي وخا خالتي ولكن عيقات نعيا صابرة ونميك على هضرتها ولكن تقادا صبر
مبيريكة : المسامحة ابنتي شغاديري لها بنادم كيكبر ويهتر راها ختي وكبيرة عليا حشومة نقلقها وميصحابنيش غايطرا هادشي قلت ندير خاطرها ونمشي عندها وبسمة تيقتها فاش قالت غاتمشي عند مرات باها ميصحابنيش معندها فين تمشي گاع ، ( حدرات راسها بقا فيها الحاال حسات بلومة عليها ) صحابني فاش رجع وتمشي ختي غاتبقا معايا ساعة المكتاب ابنتي المكتاب سمحي ليا لا درت ليك شي حاجة والله ماقصدت
بسمة : ( بزز باش كتهضر جهد تقادا ) حاشا اخالتي مشفت منك غالخير وختك ماقالت عيب كولشي لي قالت صحيح ولي فات مات انا مهازة فخاطري من جيهت حتى واحد حمد الله قلب صافي من جبهتكم ومن جيهة حتى ختك
هدى : ( خنزرات جامعة حجبانها حتى تلاقاو ) متبقاش توصلنا على هاد لحساب الى غا صداع بناقص كنقولو حشومة العائلة ث من شي عائلة مابقا حترام بنادم ولا يخرج عينيه فدار مديالوش
مبيريكة : ( عقدات حجبانها من طريقة لي دوات بيها ) نوضي اهدى دي البنت تنعس قريبة طيح ليك هنايا خليها ترتاح ونتي طبختي لها راسها بالهضرة
ناضت هدى بزعاف معاجبها حال فعلة خالتها مطلعات منزلات لها .. دات بسمة لبيت قدات لها فراش وعطاتها كينة دراس باش ترتاح وخلاتها نعسات على جنبها سليم وغفاات فلحين كان يووم طوييييل عليها لعيا دلخدمة والأحداث لي طراو وحتى بالها لي هنا مابقاتش دايرة بالها مع خدمة خاصها تفيق بكري ولا نوبتها فشقا ولا طيب لعشا دابا رتاحت ونعسات مرتاااااحة ..
** فاليوم التالي **
فصباح مع جواية 9 هكاك كانت فايقة مرتاحة الحرقة مابقاتش كضرها بزاف بعد ماجات عندها فرملية حتى لبيت وطلات عليها وجهاتها شنو دير ودارت لها بوماضة دوزاتها على لحرقة وخلاتها تهوا المدة عاد لبسات عليها تيشورت طويل وخرجات ناحية صالون نيشان لقات هدى يلاه حطات الفطور وتسناتها حتى جات
بسمة : ( بتاسمات من منضر الطبلة لي كان كيشهي ) كون بديتو بلا ماتسناو
تبسمات من معاملتها الحنونة ليها كانت ونعمة صديقة بنسبة ليها عمرها حن فيها شيواحد بهاد طريقة ولا تهلا فيها وخاسم عليها على ود مصلاحتها .. تبسمات بفرحة وكلات حتى شبعات ومبيريكة وهدى كل مرة يدفعو حداها طبسيل دلبغرير ولا يعمرو لها كاسها الى خوا ..
جمعات هدى طبلة ومشات لكوزينة كتوجد لغدا بشوية عليها وفبالها دير شي حاجة صحية لبسمة من حوت مشوي او شلاضات او عواصر او حتى خضرة مصلوقة مزيانة ليها وتنفعها ..
فصالون كانت متكسة بجنبها سليم على لمخدة وشادة جماعة مع مبيريكة لي لجلسة معاها زوينة كتحسيها حنينة فيك وضريفة ودغيا كدخل لخاطر
مبيريكة : خدمة ابنتي فمخبزة كانت عاجباك كيعجبك تقادي حليوات او تزوقيهم كيف بغيتي
بسمة : ( حركات راسها بنفي) صراحة نقوليك غير خدمة وصافي لقيت راسي محتاجة خدمة وهي لي لقيت قلت بسم الله وتوكلت على الله
هدى : ( ضحكات ) معنديش الحق اختي نخرج الى مزاد معايا قاليك حتى يجي راجلك وخرجي فيما بغيتي ( قلبات عينيها ) غايكون غا فريد لي وصاه
مبيريكة : ( دارت يديه على حنكها ) وراه عندو الحق جابا غضبانة وكتبكي نوضتيها معاه وبغيتيه يخليك تخرجي بلا خبارو فين جا هادشي فدين ابنت كرشي !
هدى : ( غوبشات وقلبات موضوع ) انا نحط لغدا
ناضت قدات شلايض فطباسل وجابت كولشي حطاتو فوق طابلة .. تجمعو على لغدا وتغداو على خاطرهم وكل مرة بسمة تشكر فطيابها وتعاود عجبها الحوت وحتى طريقة طيابو كولشي متول ونقي وكتحط الحاجة مزوقة ماشي غير كتلوح كتحس براسك كتاكل براحة المذاق كاين وحتى المنضر ..
هدى : ( مسحات فمها بكنينكس وهزات عينيها فبسمة ) انا نطل على صلاح ونهضر معاه راه جاالس غير فطموبيل لتحت غايكون يلاه جا
بسمة : واخا سيري
كيف ناضت هدى ناضت بسمة كتمشا بشوية عليها حتى لبيت دهدى وجلسات حدا شرجم كتسناها طلع تجاوبها .. فلتحت كانت نزلات لقاتو يلاه نزل من طموبيل كيف وقفات حدا لباب طلع فيها عينيه مخنزر وباينة فيه على نقشة
هدى : ( بصوت هادىء وعينيها عليه ) صلاح بغينا نمشيو انا وبسمة لدار فين كانت ساكنة لقديمة تشوف المراة لي كانت كارية معاها
صلاح : ( خنزر فيها حتى نزلات عينيها لأرض ) فين باغيين تمشيو .. غير طاجين ولقا غطاه وحدة جنبها مسلوخ وماباغا تشد لارض وتانية فيها دودة حاضية غا زنقة مغاتريحيش حتى تجي راجلك راه فرعتي ليا كر*ي ( حمر فيها عينيه ونطق بحدة وبنبرة صوت مافيهاش نقاش ) طلعي لدار !
طلعات وجهها حمر معجباتهاش هضرتو عرفاتو معصب وقالت لي ليها ليها غير نهضر ماحدي لقيتو قدامي قبل مايغبر تاني صدقات سامعة لي ميعجبهاش .. فلفوق وفبيت هدى كان الحوار كامل داز على ودنيها وخا كانت فلبيت ولكن شرجم كيطل عليهم والهضرة كاملة وصلاتها من طاق طاق حتى سلام عليكم ..
بسمة : ( عوجات فمها وغوبشات ) كيغوت معاجبو حال تقول انا لي لصقت فيه بزز وجيت لدارو ماشي هو لي مسمعش لهضرتي وجابني بزز
واقف مع سمسار وكيتسوامو على طموبيل ، دوز يديه على جبهتو من شمس المجهدة حاس براسو زند عليه .. او صوت طموبيلات وصداع فشارع كمل عليه
صلاح : ( حط يديه على جنبو وعينيه على طموبيل ) لا فيها شي حاجة ماهياش راه رجعها ليك
سمسار : ( حيد كاسكيط ودوز يديه على راسو الأصلع ) اصاحبي كيف قلتي لينا طموبيل ديال طريق تشد بيها طريق ليل ونهار متوقف ليك وصبارة ومزيانة راك شفتيها كولشي فيها مقاد مناقصها والو عارفين كتبغي حاجة جديدة مداز عليها حد وهاهي حديدة مخيرة
صلاح : ( لقا نضرة على ساعة فتلفونو وبلا مايهز فيه عينيه نطق ) فلوسك غايوصلوك عشية ( رفع عينيه ) غاناخدها دابا ونشوف واش مزيانة
سمسار : ( حرك راسو بالموافقة ) وعليه خود راحتك
حرك ليه راسو مصدع مع تلفون كل مرة كيصوني فيديه ويقطع ماعندو خاطر يجاوب الخدمة طلعات ليه فراسو او كمل عليه بنادم ، ركب فطموبيل جديدة لي شرا وداز نيشان لدار بعد ماتفكر شقالت ليه هدى صباح ، بعد دقائق وقف قدام دار ودق فلباب حتى طلات هدى من شرجم ، دار ليها حركة بيديه بمعنى نزلو وركب كيتسناهم
هدى : ( سدات شرجم ولقات نضرة على بسمة لي كانت شادة تلفونها كتفرج فيه ) نوضي نوضي دغيا بدلي عليك ونزلو راه كيتسنانا لتحت
بسمة : ( كانت مركزة مع تلفون .. هزات فيها راسها مغوبشة ) شكون !
هدى : ( حطات يديها على جنبها ) صلاح شكون منغيرو
بسمة : ( دورات عينيها ) مغاديين اختي فين ياك غاصباح كيغوت ومباغيش يوصلنا لالا غير خلينا هنا والمراة نولي بيخير نمشي عندها راسي وأصلا انا مغانبقاش هنا غانمشي فحالاتي
هدى : ( جابت لها ضحكة .. رفعات حاجبها ونطقات بطنز ) ايه إن شاء الله غاتمشي نوضي دابا لبسي حوايجك خلينا نزلو لا يصدق غادي ومخلينا هنا
بسمة : ( ناضت من فوق سرير بشوية ) مكنضحكش اصاحبتي سيد معصب غابوحدو يرجع يغوت علينا تاني
هدى : ( كتلبس حوايجها وفنفس الوقت كتهضر ) خويا هكاك داير يكون معصب قلبي دورة ويلا كان مكالمي تاكليه بحوايجو لي بيتيها تحضر خاص غا تكوني كتسمعي الهضرة اما شدان ضد مكينفعش معاه
هدى : ميخلينيش نعتب لباب بلا ميمشي معايا محد فريد مكاينش والله لا عتبت داك لباب بوحدي ( حركات راسها بأحياني ) هادوك كيتفاهمو غا بلعينين الله يستر
بدون نفس تمشات بشوية حتى خدات كسوة وكولون لي حطات لها هدى لبساتهم غير بزز وهدى عاوناتها غير ترفع شي يد تكمش لها الحرقة وترجع تنفس بجهد وترتاح وتنوض تاني تكمل ، جمعات شعرها ذيل حصان او دارت إكخون لوجهها او مرطب فشفايها ، خدات صنيديلة صيفية من عند هدى ولبساتها ، وهدى لاحت عليها برقع دغيا او صندالة فرجليها ، نزلو بجوج تالتحت .. هدى حلات ليها باب طموبيل وتسناتها حتى جلسات وتبعاتها حتى هي جلسات حداها فلور ، كان الجو مكهرب بيناتهم تاحد مكيدوي صلاح مركز مع طريق او هدى شادة تلفون اما بسمة غير كدور فعينيها وكتحاول ما امكن متشوفش فيه ولكن عينيها كيديوها تالعندو وترجع تهربهم !
مدازش بزاف دلوقت حتى وقف طموبيل قدام دار فين كانت ساكنة هزات عينيها بالستغراب كتشوف فدار وفبالها عدة تساؤلات ! نسات متقوليه فين ساكنة ولكن صدمها انو عارف فين وبضبط دار ..
بسمة : ( قربات لودن هدى ونطقات بشوية ) فين كيعرف دار لي كارية !
هدى : ( رفعات عينيها فيها وحيدات ليكيت لي كانت دايرة فودنيها .. و بصوت خافت نطقات ) سكتي سكتي وخلينا نزلو
بسمة : ( هزات عينيها فلمراية ولقات عينيه عليها داير فيها شوفة فشكل ومزعزعش شوفة من عليها ! حدرات عينيها دغيا وحنحنات ) مغاتكونش دابا فدار واخا تمشي لحمام ...
قبل حتى ماتكمل هضرتها حرك طموبيل وتوجه نيشان لحمام المقصود ، بقاات غا كتشوف مصدومة منين عرف حتى لحمام ! دارت يديها على حنكها وعقدات حواجبها مفاهمة والو
صلاح : ( هز عينو فلحمام او وقف طموبيل .. رفع عينو لفوف فلمراية كيشوف فيها ونطق ببرود ) مدخليش عندها حمام سخون ، هدى تعيط عليها ونا غانتسانكم فلكافي لي هنا
خرج وتوجه نيشان لكافي كانت مقابلة مع لحمام وخلاهم وحدة تشوف فلخرا فالأخير نزلات هدى تعيط على لمراة وخلات بسمة كتشوف فيه من زاج بنص عين .. دورات عينيها ناحية لحمام ولقات هدى خارجة ومعاها رحمة دايرة زيف حياتي على راسها ولابسة بيجامة ولايحة عليها بينوار وصندالة لميكة فرجليها فازگة بالما
بسمة : ( بتاسمات وشدات فيديها ) اختي ملخاطريش راه تكون وصلاتك خبار مخبزة
رحمة : ( جمعات شفايفها بأسف ) وصلاتني اختي وتخلعت خرجت من لحمام كنجري ونقلب عليك ملقيتك مشيت تلسبيطار إنزگان وملقيتك غير لبنات لي كانو معاك قالو ليا جا خداك شي راجل او بنت قلت واقلة سيد لي تلاقينا معاه فلكافي ( هزات عينيها فهدى لي كتشوف فيهم وساكتة ) وهاد البنية زينة
هدى : ( بتاسمات بلطافة ) هما اختي
بسمة : هما ارحمة عاونوني وداوني لكلينيك كون بقيت تم ياكلني دم واخا غا محروقة تبقاي توجعي بساعات ينوض فيه عجب آخر ربي لطف وخرجت سالمة اما لبناات لوخرين لي معايا مساكن كاينة لي تحرقات حتى فوجهها بقاو فيا
رحمة : ( على وجهها ملامح الإستغراب ) اه راه سولت اشنو طرا كل واحد يگول حاجة ها لي يقول تفرگعات بوطة صغيرة وها لي يقول لكبيرة كاين لي قال تهجم شي واحد على لمخبزة ومعرت شنو طرا كل واحد كيخربق من جيه
بسمة : اختي شغانقول ليك كنا خدامين بيخير معرت آش طرا فواحد لفران كبير يلاه تبدلات ليه البوطة البنت لي كانت كتاخد منو الخبز لي طاب غير حلات لفران طارت العافية على وجهها وتشدات حتى فشي زيوف كيغيطو بيهم الخبز غير كوتات البنت شافها بنادم كولشي بدا يجري يخرج شي كيدفع فشي هالي تكب عليه ماسخون غير بسباب داك دفيع كل واحد شطرا ليه وكان لي نجا ماوقع ليه والو
رحمة : ( جبداتها عندها عنقاتها بقات فيها وعينيها تغرغرو بدموع ) اح ازغبية حمد الله حرقة وغاتمشي إن شاء الله .. سمحي ليا اختي دخلتك لديك المخبزة اما مايوقع ليك هادشي
بسمة : يهديك الله ارحمة ماتمشي غا فين مشاك الله مكتاب معدنا منديرو الواحد يحمد الله ونتي ماشفت منك غير الخير الله يسهل عليك بشي راجل تهناي من تمارة ( دورات عينيها جيهة لكافي لقات صلاح وقف وخارج ) نقوليك الله يعاون نتلاقاو فساعة الخير
رحمة : ( عنقاتها وباستها فحنكها ) تهلاي فراسك ماكرهت تجي تسكني معايا ولكن حالتك خاص لي يقابلك حتى تبراي إن شاء الله ويحن الله ، خلي ليا نمرتك ولا شي حاجة نتواصلو بيها ( سكتات لثواني) اااه نسيت معندكش تلفون
هدى : ( مدات لها تلفونها ) قيدي نمرتك لاكانت شي حاجة صوني ليا
وقفات جنبهم ، نزل منها وهدى غير لمحاتو نزلات دغيا من طموبيل ودخلات لدار متجاهلاه ومعبراتوش ! تبعها فريد بعينيه وسد موراه لباب توجه لعند صلاح لي كان كيتسناه وفنفس الوقت مخنزر معجبوش تصرف ختو
صلاح : ( تعناقو وطبطب على كتفو ) على سلامتك
فريد : الله يسلمك ( هز عينيه فبسمة لي خرجات من طموبيل وكتمشا عندو بشوية وخدودها مزنگين ) ختي لاباس
بسمة : ( شدات فصبع فيديها ليمنية وفركاتو بتوتر من نضرات صلاح الموجهة ليها ) حمد الله اخويا على سلامتك
بتاسمات ليه وتمشات ناحية باب دار وفريد تبع ليها العين بالستغراب من مشيتها البطيئة
فريد : ( شاف فيه مستغرب ) مالها تاني !
صلاح : ( ضحك على طريقة باش نطقها وحط يديه على طموبيل متكي عليها ) تحرقات فجنبها
فريد : ( بأسف ) مسكينة تابعينها مشاكل
صلاح : ( حك حاجبو ) خلينا منها ، قضيتي غراض ؟
فريد : ( تنهد بقوة ) نصو زربت على داكشي لي خصو حضور ضروري
صلاح : ( حرك لو راسو ) مزيان طلع تعشا معانا الواليدة تضل تسول فيك
مشا فريد حتى لطموبيلتو خدا شي أكياس عامرين بسقاطة جابهم معاه من سبانيا وخلا لي كادو لي جايب الهدى فجنب حتى يعطيهم ليها فدار .. دخلو لدار و طلعو بجوج تالصالون كانت جالسة بسمة جنب هدى او مبيريكة قريبة ليهم ، و عينيها على تلفازة لي كيوذن فيها العشا .. قرب لعندها فريد باس فوق راسها ونقل نضرتو لهدى لي كانت دايرة راسها كتشوف فتلفازة وهي حاضياه بنص عين ، كتسناه واش يجي يسلم عليها ولا يتجاهلها !
فريد : ( ضغط على نفسو ومد يدو يسلم عليها ) لاباس عليك ؟
هدى : ( قلباات عينيها معفرة او ناضت مخليا يدو بلاكة ) حمد لله
تبع لها العين مخنزر معجباتوش طريقة باش هضرات ولا نخال لي عاطياه على والو ! حط أكياس لي جاب فوق طبلة وجلس وفنفس لوقت ناضت بسمة تبعات هدى حشمات تجلس بيناتهم بتلاثة وهدى مكايناش
مبيريكة : ( تنهدات كانت رادة لبال لكولشي .. تبسمات ببشاشة ) على سلامتك اوليدي توحشناك خليتي بلاصتك
فريد : ( تكا على المخدة ) الله يسلمك اخالتي والله تانا راه زربت على شغلي دغيا وجيت
مبيريكة : كنتي تجلس حتى تسالي على خاطرك وديك ساع جي ويبقا بالك هاني
فريد : ( دوز يديه على وجهو ) مابقينا تاع راسنا اخالتي دابا ولات عدنا مسؤولية ماكرهت نديها معايا ولكن الغالب الله
مبيريكة : تجلس فدار باها اوليدي مافيها عيب مهم واش شفتي خالتك لا تكون مشوشة عليك
فريد : ( لقا نضرة على تلفونو ) دزت عندها هي لولة سلمت عليه وجيت نيشان
مبيريكة : ( بصوت عالي ) رقييية وااا رقيييييية
فلكوزينة كانت رقية قدات طباسل لي فيهم شلايض وطفات على طاجين كبير كيشهي بلحم دلمعزي والبرقوق وزبيب ريحتو كتشهي وباينة فيه بنين ، هدى حطات العواصر فوق طبلة كبيرة وهزات قراعي دموناضة باردين من تلاجة
رقية : ( غير سمعات مبيريكة كتعيط عليها مسحات يديها دغيا فالفوطة ) هدى ابنتي قطعي الخبز وقاديه
خلاتها كتقطع فلخبز وتوجهات لصالون سلمات على فريد وهزات داكشي لي جاب فيديها
مبيريكة : حطي عفاك لعشا وقولي لهدى تعاونك
رقية : ( قدات زيف فوق راسها ) هي لي كتعاوني انا دابا نحطو
حطات العشا فوق طبلة هي وهدى خلاتهم تجمعو عليه ومشات لدارها .. وهدى توجهات لبيتها طلات براسها بانت لها بسمة بدلات حوايجها ب بيجامة وجالسة قدام شرجم ساهية
هدى : ديك المعدة عندك معرت مالها نفعك دوا لي كان عطاك صلاح ديك لمرة ؟
بسمة : ( حنحنات ) اه مزيان
هدى : ( وقفات باش تسد عليها لباب ) صافي انا نقول ليه يجيب ليك بحالو
بسمة : ( خرجات عينيها قلبها طاح بين رجليها ) هدااا هدااا ( حلات لباب طلات عليها ) لا لا راه راه ( لولبات عينيها ) باقي عندي باقي واقلة كنت خليتو فلمجر اه تماك دابا نهزو متقولي ليه والو
بعد ماتعشاو بقاو مجمعين ومدوزين الوقت ببراد دأتاي منعنع او شي تقيوتات او حليوات
فريد : ( حط كاس من يديه او وجه نضرتو لهدى ) هدى يلاه نمشيو تعطل لوقت
هدى : ( شافت فمها لي كتغمز فيها بمعنى نوضي سيري مع راجلك ) لا انا مغانمشيش معاك مخلية ب...
صلاح : ( بملامح جامدة او بنبرة صوت حادة زعزعاتها ) نوضي دگعدي
بلا متعاود معاه لهضرة ناضت غادة لبيتها معبسة ومعاجبها حال متقدرش تقول لا فوجهو ! غاينوض يكركب مها من دروج يصايفتها عندو عرجة ، حلات لبيت بشوية وصوت شخير خفيف مسموع فلغرفة بتاسمات وعرفات انو المخدة ممقداش لها ، تمشات عندها بشوية حتى قداتها لها وبدلات حوايجها ببرقع أسود او سبرديلة فرجليها ، خرجات من لبيت نيشان لدروج تمات نازلة بلا متقول ليه يلاه ! وحتى هو غير شافها ودعهم وناض ساخط تصرفاتها معجبوهش نهائيا وغير ساكت وصابر مابغاش يهضر معاها قدام مها وخوها ..
نزل فدروج وسد باب دار موراه توجه نيشان لسيارتو حلها وطلعات حداه .. الصمت كان سيد المكان هي متجاهلاه وكتسناه يحزرها ويهضر معاها وهو عينو على طريق وساكت راسو كيطبخ مشاكل وصداع طالعين ليه فراسو باغي الكااالم ويرتاح ، وقف طموبيل قدام برطمة نزلو بجوج حل لها لباب ودخلات نيشان لبيتها مخلياه متبع لها لعين بنفاذ صبر
فريد : ( جلس فوق الفوتوي وداير يديه على راسو ) هدى ( سكت لثواني ) هدااا
فريد : ( شار لها تجي تجلس حداه وقربات حتى جلسات قدامو رافعة حاجبها .. بلا مايحس خنزر فيها ونطق بهدوء معندوش مع الغوات وصداع ) شوفي ابنت ناس ديك الخدمة لي كدوي عليها راني تفكيت منها خمسة سنين هادي عفا عليا الله حمد الله منها بغيت تيقي هو هداك مابغيتيش شغلك هداك متسنايش مني نبرر ليك ونقوليك شي أسرار على ديك الخدمة ونتي معندك حتى شغل فيها مغاتنفعك مغاضرك بغيتي غير صداع ومشاكل انا مقاد عليهم طلعو ليا فراسي تقادا جهد ( رفع يديه ) مباغيش لي تغضب على والو وتهز خنافرها ونجي من آخرة دنيا كنجري غير على ودها وفلخر شوفة متخسرها عليا ونمد يدي نسلم عليها غا صواب وفلخر تنفخي !!
هدى : ( غوبشات ونطقات بصوت هادئ حتى هي ) كيفاش بغيتيني نتيقك وحنا تزوجنا دغيا معارفة عليك والو حدي عارفك كتخدم فلحرام وغادي لسبانيا فجأة ناس عندهم شغل كيعلمو بكري ماشي حتى تكون عندك طيارة لغد ليه
فريد : ( زير على قبضة يديه وفنفسو كيستفغر الله مباغي يغوت عليها ولا يقلقها ولكن كتخرجو على طوعو وتخليه يتنيرڤا ) تزوجنا دغيا انا معاك فهادي مشيتي لسبانيا كانت على ود خدمة قلنا ليك دار وبغيت نبيعها وكان خاص حضوري ضروري ( ركز فيها شوفة ) كان بإمكانك تقولي ليا وريني لوراق نتأكد ولا تصوني عليا ونوريك كولشي ماشي تغضبي وتهزي خنافرك حتى تلفون قاطعاه عليا ! متأكدة انك مزوجة ؟ كتبان لي قدامي وحدة طايشة وباقي حاسبة راسها بلا راجل .. لا قلنا گاع خدام فلحرام واش نتي لي غاتحاسبي بلاصتي ! قبرك معزول وقبري معزول .. معجبك حال هزي يديك ودعي الله يعطيه موصيبة موكلني فلوس لحرام ، واخا كتاكليهم حلال
فريد : ( تبسم بسخرية داخلو كيغلي وحاس براسو غاينفاجر فأي دقيقة ) واش عارفة راسك شكتقولي ولا غاكتهضري ( نطق بصوت عالي بلا مايحس خلاها تقفز وتشوف فيه مضهشرة ) مشفتيش راسك عيقتي وكترتي انا نجي نحزرك انا نجي نضحكك انا نجي نفرحك ونتي ؟ شنو دور ديالك فحياتي داير عيني ميكة ولكن بزاف راه معنديش خاطر نبقا نحزر فيك كل مرة ! راك ماشي دري صغير لي نبقا ندور ونراري بيه ( ناض ساخط ) كبري عقلك شوية وشوفي واش هادشي لي كديري فيه مزيان ولالا تضلي تقراي فلقرآن ومشديتي والو ( تاجه ناحية الباب ) البنت قبل متزوج كتسمع الهضرة واليديها ويلا تزوجات كتسمع لراجلها هي دايرة لعكس
خرج و ضرب بالباب حتى غمضات عينيها مفزوعة دار تهزات ، حلاتهم وبقات غير ترمش عرفات قصد فاش هضر معاها ومسمعاتش لهضرتو وكي نطق صلاح تهزات دغيا ، عضات على شفايفها كدور هضرتو مزيااان فعقلها فلخر تكات بضهرها على الفوتوي ساهية فنقطة وحدة وهضرتو قد ماكانت معقولة ضراتها حسات بتأنيب ضمير وأنها مدايراش واجبها كزوجة .. حطات يديها على حنكها وتفكرات أول نهار تزوجو فيه هز ليها لخاطر وبرعها كادوات قبل متقول بغيت يجيب ليها عارفها تموت على سقاطة ومسلسلات تركية غير كانت دخل لصالون كانت تلقاه معمر لها طبلة سقاطة من حلويات او شيبسات او شكلاط .. شكال ونواع ويدير لها مسلسل فتلفازة ويجلسو يتفرجو ، باغيها بهبالها وفشوشها
هدى : ( خاطرها ضرها وعاد حسات بشنو دارت ) شاندير دابا ( هزات عينيها فساعة كانت 1 دليل ) فين غايمشي فهاد الوقت .. نوض نعس حتى لصباح ونقوليه سمح ليا !
بقات جالسة لدقائق حتى تمات نايضة ناوية تنعس وصباح تعتاذر منو وتصالحو ، تاجهات لبيت ودورات وجهها صدفة لفوتوي كان قريب لها شوية وعقدات حجبانها مستغربة
هدى : ( قربات منهم كيبانو لها أكياس كتيرة كل واحد عليه اسم شي ماركة معروفة .. كل ما كتقرب قلبها كيزيد يتعصر ) اويلي واش جابهم ليا !
جلسات حداهم دغيا وبدات تهز شنو داخل لكيس لقاات 2 صنيدلات صيفية وحدة بالبيج وتانية بزرق خدات الكيس تاني لقات فيه بيجامات قصار حتى هما صيفيين غير شويرطات او لفوقي ديالهم على شكل تيشورت قصير كيبين الكرش .. لمعو عينيها بفرحة وهزات لكيس لاخر بحماس لقات فيه برودكان بالبيض وفيه ريش من جناب شكلو غزاال وكيوت .. كملات لباقي بفرحة وآخر كيس كان فيه سقاطة
واقفة قدام المراية بسوميج دونوي مشبك من جيهة صدر او جاي خويطات فضهر لونو الأصفر عكس لون بشرتها القمحي لأول مرة تجرأ على هاد لون ولي غير شافتو عشقاتو من شوفة وتخايلاتو فيها كانو بزاااف دليسوميج شكال ولوان ولكن هو لي حطات عليه العين ولونو حمقها خصوصا مع لون بشرتها كانت تبان سيكسي !
هدى : ( دارت تشوف مؤخرتها ) ويلي هادشي مكروز غير نحيدو حسن ملابسة والو ( تأفأفات ) حاسة غاندم دايرة فيها زاعمة ( هزات عكر أحمر فحال لون دم ) زيدك تا هذا
سطرات شفايفها بقلم درجتو غامقة على لعكر بعدها دوزات لعكر على شفايفها وفوقو گلوص كيلمع خلا منضر شفايفها مثير وزاد كبرهم .. كتافات دير ماسكارة طلعات شفارها حتى بانو عينيها كبار وشكلهم فحال القطة زادت أحمر خدود بلون بينك بارد وطلقات شعرها بعد مادارت لو كورلي ، لاحتو لجنب وخلات لگصة طايحة على عينيها
هدى : ( قاصت بيديها سنسلة لي هداها ليها ولي عليها اسمها ) لا جيت زوينة ( دورات عينيها ناحية ساعة ) ساعتين دازت وباقي مااجا !!
صبغات دفار رجليها او يديها بلون حمر غامق .. نزلات تالعند رجليها ودارت خلخال ديال ذهب كان من بين الكادوات لي جاب لها فدهازها .. رشات سبراي على لحمها بنكهة الفريز وجلسات دايررة رجل على رجل بأنوثة والمراية قدامها كل مرة تهز عينيها وتشوف راسها ممتيقاش أنها هي ! عمرها شافت راسها بهاد المنضر ديما زيف ولا برقع وحوايج واسعين حتى لالبساات مقزب كتلبس غير شورط فبيتها وصافي ! اما فدار ديما شي حاجة واسعة ، بتاسمات عجبها راسها فداخلها كتقول واش نقدر نوقف قدامو هكا ؟ توردو خدودها من هاد الفكرة وغير كي فكرات فيها سمعات صوت لباب تحل ناضت قافزة شداتها خلعة وبعدها سرطات ريقها وحاولات تطرد الحشمة او الخجل من داخلها
هدى : ( تقادات فوقفتها ولقات نضرة على الغرفة بعدها تمشاات على رؤوس أصابعها بمشية أنثوية وبدلال بعدات شعرها على كتفها العاري حتى بان جنب من صدرها من تحت سوميج المشبكة ) ياك غير راجلي لاش نحشم
مع كل خطوة كان يتسمع صوت الخلخال ، برقة ودلال خرجات من الغرفة او وقفات قدامو دايرة فيه شوفة دلبراءة بدوك عيون القطة بجرأة حطات يديها على صدرو وقربات ليه كتر خلاتو غير رافع حاجبو فيها مفاهم والو ! وبالأحرى تضهشر ومضنش منها هاد طريقة باش تصالحو .. من عيونها عرفها ندمات على هضرتها وطالبة سماحة منو
فريد : ( غمض عينيه من ريحة الفريز المنباعثة منها ، وتنفس بقوة من صدرها الملصقاه معاه او شدة لي دايرة ليه ) شنو لي ماقصدتيش ؟
هدى : ( بغات تبعث عليه حتى حسات بيديه دارو على خصرها العاري ولصقها معاه كتر , بتاسمات ونطقات بصوت بريء محلون ) منعاودش سمح لي
فريد : ( تبسم بمكر ودوز بصباعو على عنقها من لور ) شنو لي مغاتعاوديش
هدى : ( سدات عينيها مبورشة ديك البلاصة بضبط كتجيب لها هر ، غوبشات بكياتة وجمعات وبعدات عليه جمعات شفايفها على شكل بوسة وهزات حاجبها ) قلت ليك منعاودش لاش كدير ليا هكا صافي عارفة راسي غالطة
فريد : ( بلا مايحس ضحك على الحركة لي دارت بوجهها .. عض على شفته السفلية ونزل عينيه بشوية كيشوف فرزقو .. جرها لعندو بغفلة وقرصها بلطف فصرة ديالها حتى كمشات كرشها ) شهاد الزين
هدى : ( لولبات عينيها ) صمت
هزها دغيا حتى شهقات مخرجة عينيها وتعلقات فيه فمها عند عنقو ويديها معنقينو .. بتاسمات كدور فعينيها وحطات شفايفها على عنقو حتى حساتو تبورش وبعدات دغيا كضحك فداخلها
فريد : ( حطها فوق ناومسية وحيد جاكيط لايحها لبعيد بقا غير بتيشورت مزير على درعانو ) كتقلبي عليا اممم
طلعها ونزلها بنضرات منحرفة الصفر حمقو عليها لون شفايفها الأحمر الدموي سطاه وخلاه بلا عقل ! كولشي فيها كيسطي ، أنثى متكاملة فنضرو هو فقط رغم العيوب لبسيطة لي عندها فحال كريشة لي خارجة شوية وشريطات لي عند فخاضها علامة على الوزن لي كيتزاد وينقص وحتى لون عند ركبة لي كان غامق شوية رغم ذلك حبو ليها مخليه يشوف غير زوين فيها وميتسوقش لعيوب لوخرين لأن الكمال لله وحده !
جرها العندو منغامس معاها فقبلة كيعبر فيها على شوق ديالو من جيهتها ، دورات يديها على عنقو وسدات عينيها حنيتو عليها ولمساتو لحنونة كيخليوها طايرة فسما وطالبة المزيد
فريد : ( بعد شفايفو على ديولها بعد ماحس بالنفس تقطع فيها .. دور عينيه بصدفة وشاف الشموع لي حاطة فجناب النموسية وحتى الورد الأحمر ! كان شكل الغرفة زوين وفنفس الوقت رومانسي .. بتاسم وخشا وجهو فعنقها كيهرها ) الورد او شموع لمك
هدى : ( كتلوا تحتو وضحك ) هههه عاد شفتيهم فين مشاو عينيك من لول
فريد : ( دوز بقبلات على وجهها كامل ) فهاد زين والفريز لي قدامي
بقات ساكتة كتشوف فيه دم تجمع فخدودها رمشات فيه بثقالة خلاتو متبع ليها العين بحب وعشق كبيير ، مد يدو فتح لها خويطات ديال سوميج حتى تعرا لها ضرها او جرو بشوية حتى حيدو .. دوز بلسانو على حلمتها خلاها ساد عينيها وضاغطة على يديها رعشة سراات معاها وسخونية كتحس بيها فسائر جسدها .. بقا المدة كيعض ويمص ويدير لي عجبو فيهم وهي تحتو كل مرة كتأوه وتصدر أصوات دالة على متعتها الكبيرة وعلى رغبتها فيه
فريد : ( باس صدرها بقوة ) احح على سنطرال ديالي
بلا متحس طرطقات بضحك مقداتش تحبسها ، كضحك حتى دمعو عينيها هزات عينيها فيه مدمعين وبعدات شعر على وجهها
فريد: مهم عرفتي اش ديري؟ تمرضني الالة مع راسك ولكن صالحيني بهادشي الاحمر وللابيض هههه
داز أسبوع تحسنات فيه شوية الحرقة مابقاتش كضرها بزاف أو بدات تبرا لها ..
حطات يديها على خذها بملل او ناضت من بلاصتها حتى لقدام لكوافوز لي عليه الميكاب ، هزات مشطة او مقبط ديال شعر ذهبي وعليه حجيرات كيبريو .. مشطات شعرها وجمعاتو بيه خلات فقط الگصيصة لقصيرة جنب عينيها ..
ناضت بدلات بيجامتها بسيرڤيت عبارة على قبية عريضة او سروال مزير بلون أحمر او وسط القبية مكتوبة نايك كبيرة .. توضات او صلات الضهر لي كان ودن قبل دقائق ورجعات جلسات قدام شرجم كتشوف ناس غاديين جايين حتى سمعات لباب كيتدق او دورات وجهها ناحيتو
بسمة : نعام
رقية : أنا ابنتي نوضي تغداي راه حطيت الغدا وغانخرج دابا
بسمة : ( بصوت لطيف ) واخا اخالتي هاني جاية
تمشات ببطئ حتى لباب فتحاتو ودازت لصالون لقات مبيريكة حاطة طبسيل قدامها وكتاكل فخضرة مخلطة او مدوزة بعصير
مبيريكة : ( هزات فيها عينيها وحطات عصير فوق طبلة ) كتبرد لي لقلب لموت أودي صهد فبرا مقادة على شي حاجة سخونة ( شافت فطاجين قدامها ) هاهو دابا هدا شكون ياكلو عييت مع رقية قلت لها دير طويجين صغير غا ليك او قالت لي والو لكبير
بسمة : ( ضحكات او قطعات الخبز ) بغات مصلاحتك كولشي شوية خضرة مزيانة غير هو متكتريش منها
مدة وهما مجمعين وكيضحكو تغداو بجوج وناضت بسمة هزات الماعن وغسلاتهم وخا عيات فيها مبيريكة تجلس حتى تجي رقية تغسلهم ومابغاتش .. كيف سالات رجعات جالسة حداها كتفرج فدوزيم
بسمة : ( دورات وجهها لعند مبيريكة لي كانت مركزة مع المسلسل ) خالتي
بسمة : ( بتوتر ) غارجع لدار لي كارية ( شافتها دورات وجهها عندها مستغربة ) ورجع نخدم الله يسهل عليكم لخير لي درتو فيا عمري نساه الله يجعل لبركة بقيت بزاف
مبيريكة : ( حطات يديها على حنكها ) عارفة راسك شكاتقولي ابنتي ؟ راك مريضة ولحرقة باقي مابرات باقي كضرك
بسمة : ( بتاسمات لها ) حمد الله ماشي فحال لول دابا كنقدر ندير كولشي بوحدي غير كتعگرني شوية بوماضة لي كندير نفعاتني وإن شاء الله دغيا تبرا ليا
مبيريكة : ( حركات راسها برفض ) لا ابنتي جلسي حتى تجي تهضري مع هدى اما انا نخرج بيناتكم غاتمشي ترجع لديك دار وتجي هي تغني فرق راسي راكي عارفة هدى مزيان تغضب عليا وعلى رجلها وتهز خنافرها لسما
صلاح : ( طلعها ونزلها وشير لها بعينيه لفوق ) طلعي لفوف على جيهتك ليمنا غاتلقايها فصالة
خلاها طلعات وداز لقهوة مقابلة مع باب دارهم شد قهوة كحلة وشعل گارو وعينيه على لباب كيتسنا واش غاتنزلها معاها وتديها ولا غاتخرج بوحدها ..
طالعة فدروج وعينيها على صالونات لي دازت عليهم الأثات او زليج او حتى من دروج وزواقهم كولشي كيشقشق ويلمع بنقاوة بقاات طالعة ودور فعينيها حتى سمعات صوت ميخفاش عليها تبعاتو حتى وقفات قدام صالون حيدات صابوها ودخلات وعينيها على مبيريكة
زهرة : سلااام عليكم سمحولي داخلة مهجمة عليكم ( شافت ناحية مبيريكة لي كتشوف فيها بالستغراب وتقدمات عندها مسلمة عليها بالوجه ) تلاقيت مع ولدك عند لباب قلت ليه جاية نسول فبسمة وقال ليا طلعي لفوق عندها
بسمة : ( شافت فيها بصدمة ) زهرة !
زهرة : ( قربات عندها حتى باستها وجلسات حداها كتشوف فيها من صبع رجليها صغير حتى لزغبة راسها ) ايه زهرة ابنتي غير جيتي هنا نسيتينا مابقيتي تسولي .. كيدايرة بعدا وصلوني خبار تحرقتي درب كامل كيهضر على نفس الحاجة مخبزة **** تحرقات وتحرقو فيها شي بنات وشي وحدين عرفوك خدامة تماك
بسمة : ( توسعو عينيها كتر مضناتش خبارها توصل عندهم وخا عارفة راه قراب ومابعيداش عليهم وحتى مخبزة كانو يتقداو منها ناس كيسكنو فدرب ) حمد الله تحرقت فجنبي حدا كرشي ولكن حمد الله مع بوماضة لي كاندير لها راه وليت بيخير ماشي فحال قبل
زهرة : ( دورات عينيها كتشوف فلفراش او طبالي دزاج ) حمد الله مكتابة ليك معندك ماديري ( بفضول ) إوا ابنتي شكاديري دابا لقيتي شي خدمة ولا والو
زهرة : ( شافت ناحية مبيريكة لي غير كدور عينيها بيناتهم وساكتة ) آه إوا مزيان حسن من والو ( شافت فساعة معلقة فلحيط ودارت جيهة بسمة ) إوا نخليكم عاد جيت من الخدمة وقلت ندوز نشوفك ( وقفات ) الله يشافيك ابنتي ودوزي عدنا متغبريش واخا طلقتي راه كتبقاي بحال بنتي مدوزناش لقليل
بسمة : ( بتاسمات غير بزز واخا هكاك معجبوهاش نضراتها ) إن شاء الله
نزلات فدروج كدور فعينيها وتقول فخاطرها تبارك الله ناس لي عايشين .. خرجات ودازت نيشان لدارها ، وفنفس الوقت كان حاضيها صلاح وكي خرجات رد لها لبال .. خلص لكافي لي خدا وتاجه نيشان لدار طلع حتى لصالون ودخل كانت غير مو جالسة ودايرة يديها على خدها وساهية فتلفازة
صلاح : ( دور عينيه ناحية غرفة هدى لقاها مسدودة عرفها فلبيت ) لواليدة
مبيريكة : ( دارت عندو ) نعام اولدي
صلاح : ( حط دراعو على لمخدة تعابير وجهو جامدة وبدون مقدمات نطق نيشان ) تقبلي امي ببسمة عروسة لولدك
هدى : ( توسعو عينيها وحطات يديها على فمها ) صلاح صلاح ؟!
مبيريكة : ( ضحكات ) ايه هو يلاه قالها ليا وتم نازل مع دروج
هدى : ( نزلات من فوق بوطاجي وخرجات الحلوة كتزين فيها ) ايهاي هاي هانا جاية دابا
قطعات الخط قبل متجاوبها مها ودخلات الحلوة لثلاجة .. جرات لبيتها جبدات كسيوة طويلة وعريضة لبساتها دارت زيف او لبسات ليبة مع صندالة فرجليها ، قلباات على تلفونها حتى لقاتو ودوزات الخط لفريد وهي كتعض فضفارها كتسنا يجاوب
هدى : ( كي سمعات صوتو نطقات دغيا ) فريد بغيت نمشي عند مي دابا
فريد : ( بنبرة صوت حادة ) تعتبي باب دار منتافهموش ريحي واحد نص ساعة هاني عندك
هدى : ( عضات فشفتها السفلية ) واخا هاني كنتسناك
بقات جالسة كدور فدار وتجمعها ولي بان ليها ممقادش تقادو متلفة الوقت مابين مايجي .. فالأخير جلسات دايرة رجل على رجل حتى سمعات لباب تفتح وناضت دغيا توجهات عندو وسبقاتو نازلة مع دروج خلاتو غير متبع لها العين مفاهم والو ! تنهد وتبعها حتى لتحت ركبو بجوج فطموبيل وداز نيشان لدار عندهم ..
هدى : ( كي وصلها باستو فحنكو ونزلات كتجري ناحية لباب دقات ودارت كتشوف فيه لقاتو حاضيها من زاج ) فاش نبغي رجع نصوني ليك صافي
فريد : ( عقد حواجبه ) تقولي ليا نبات نجي نجيبك واخا تكوني ناعسة
هدى : ( حلات لها رقية لباب ) لالا واحد شوية ونصوني ليك ( صايفتات لو بوسة فالهواء ودخلات مخلياه كيضحك وديمارا طموبيل .... سلمات على رقية وطلعو فدروج بجوج ) كيدايرة اخالتي لاباس واحد مي نعسات ولا باقي فايقة
رقية : فايقة فايقة راه مولفة تنعس مورا لغدا غير هاد العشية منعساتش
خلاتها ودازت نيشان لبيتها .. سلمات على مها من بعيد وجرات لعند بسمة دقات لباب او دخلات لقاتها كتمشط شعرها قدام المراية
هدى : ( سدات لباب وحطات يديها على خصرها ) هانا على زين هانا
بسمة : ( دارت كتشوف فيها بالبتسامة ) هدى جيتي
هدى : ( الفرحة غاتخرج لها من الودنين ) جيت جيت ناري كي سمعت الخبار اختي وجيت نجري حتى فريد بقا غير كيشوف مفهم والو مسكين .. فرحت ولاهيلا فرحت شحال كنت نتمناها فخاطري وكنت نقول ميمكنش
بسمة : ( حطات المشطة من يديها وشافت فيها بالستغراب ) إنا خبار
هدى : ( غمزاتها ودارت فيها شوفة أحياااني ) إناا خباااار هههه أحياني عليك على ماشي صلاح باغي يتزوج بيك وقالها لمي ومي صونات ليا وجيت نجري
بسمة : ( بملامح جامدة نطقات بعدم تصديق ) كضحكي معايا اصاحبتي اويلي إنا زواج تغالطت ليك مع شي وحدة
هدى : ( حيدات صندالة وتكات براحة على ناموسية ) والله داوية معاك هادشي فيه ضحك راه سيد ناوي معاك الحلال وقالها بفمو راه صدمني انا براسي بقيت غاكنشوف ونقول واه واش مي كطنز عليا
بسمة : ( شداتها لقوة ) صمت
هدى : ( ركزات مع ملامحها او نطقات بجدية ) بسمة متخافيش من خويا حيت كيغوت علينا ولا شي حاجة راه غير مصلاحتنا والله حتى الله يعمرها دار ضريف او حنين عرفتي تكوني معاه مزيان ميخصك حتى خير
بسمة : لا ماقصدتش هكاك أنا أنا منقدرش عاد طلقت يستاهل حسن مني
هدى : ( جراتها من يديها خارجين من لبيت او متوجهين لصالون فين جالسة مبيريكة ) بلا هضرة خاوية ميلقاش فحالك
مبيريكة : ( كي شافتها بتاسمات او شارت لها لبلاصة حداها ) اجي ابنتي حدايا اجي
هدى : ( تنهدات ) فكري ولي بغيتيها حنا معاك مايبزز عليك حد شي حاجة غير هو تفكري هضرة لي قلتي ليا متعرفي الحاجة لي راك مصرة عليها متكون فيها خير والحاجة لي رافضاها يكون فيها خير وتفاهمو متعرفي ! كولشي ممكن
مبيريكة : ( قدات نضاضر شوف فعينيها ) منشكرش ليك ولدي ولكن راه حنين ومايمد يدو على نسا يتهلا فيك ومايخليك مخصوصة من حتى حاجة
بسمة : ( ناضت وقالت آخر معندها ) الله يجيب ليه شي بنت ناس حسن مني
دخلات نيشان لبيت وهزات صاك صغير ديال الخيط حطات فيه الحوايج باش جات نهار لول او هزات من عند هدى عباية لاحتها عليها او زيف
هدى : ( واقفة حدا لباب كتشوف فيها ) فين غادة !!
بسمة : ( دارت عندها وحطات الصاك على كتفها ) انا نمشي لدار فين كنت كارية مع رحمة وسمحي لي هزيت ليك عبايتك حتى نجيبها ليك
رجعات عنقااتها وخرجات مخلياها متبعة لها العين حتى دارت مورا دار وسدات لباب متنهدة .... فطموبيل قريبة لدار كان صلاح شاد گارو فيديه وعينيه على طريق وفيديه تانية شاد تلفونو ، كي خرجات بسمة من دار مشافهاش وفاش دازت من حدا طموبيل تبع لها العين ومع ذلك معرفهاش ! بعد ثواني رجع تاني شاف فيها وعقد حجبانو نطق بصوت عاااالي بإسمها
بسمااااااا
مسمعاتوش و ديمارا طموبيل دغيا لحق عليها
صلاح : ( شد فران سيك حدا رجليها او نزل زاج طموبيل .. هز عينو فيها مطلعها ومنزلها ونطق بصوت بارد مهيب وعينيه عليها حواجبو معقودين وداير فيها شوفة لي كتخلعها ! ) طلعي
زواجي التالي الجزء السابع
محتوى القصة
يديه فجياب جاكيط كان لابس كولشي كحل فحالها تقول غير متافقين ! عينيه عليها متزعزوش عاقد حجبانو وداير فيها شوفة فشكل جابت ليه ضحكة كل مرة فين كتهرب عينيها والهضرة كتخرج ليها بزز فحال الى حاط سيف على عنقها ...
صلاح : ( دار لها براسو مالك وحرك حواجبو مع الحركة ) مالك ؟
بسمة : ( دورات وجهها لقات رحمة رجعات دخلات كتقلب عليها .. وقفات حداها يلاه غاتقول ليها يلاه ولاحضات انها كتهضر مع صلاح يلاه كانت غاتمشي تخليهم يهضرو وهي تشدها من يديها وبقات مزيرة عليها ) أ ؟ لا والو
صلاح : صڤا عليك ؟ لاباس بيخير
بسمة : ( رجليها حساتهم فشلو عليها علات راسها فيه بحكم طويل عليها حتى تقابلو عينيهم هو داير فيها نضرة ديال مالك هضري ! وهي كتشوف فيه ببلاهة غفلها ومضناتش غاتلاقا معاه ) حمد الله بيخيرر
صلاح : ( دوز يديه على لحيتو ونقل نضرو لرحمة لي كانت منزلة راسها وكتشوف ناحية باب لكافي ) معامن ؟ مع العائلة
بسمة : ( فهمات انو قال ليها معامن جيتي .. حركات لو راسها بتوتر ونطقات بصوت مرعود وهضرة تسرط ليها وترجع تهضر ) اه فحال هكاك
صلاح : شنو زعما من نهار دفنوه مازاروه هدى تضل تسولك عليك فيما دور بسمة بسمة مي حتى هي كتسول عليك
بسمة : ( دوزات يديها على حناكها لي غايطرطقو بالحمورية ) لا ماشي هكاك غير مع الوقت والخدمة ماكيبقاش لي لوقت وكنجي عيانة كيدايرة بعدا هدى وخالتي مبيريكة ياك كولشي مزيان سلم عليهم
صلاح : ( تبع حركة يديها بعينيه ) الله يسهل .. لاباس عليهم علاش مدزتيش عندهم ؟ كتر من شهر هادي مجيتيش
بسمة : ( رحمة كدير لها بعينيها سربي تعطلنا وهي كتضغط على يديها بمعنى واخا بلاتي ) إن شاء الله ندوز غير مع الوقت والخدمة كيف قلت ليك إن شاء الله نجي نطل عليهم شي نهار
صلاح : واخا يلاه الله يعاون
دار شير لواحد من دراري لي كان جالس معاهم وخرج من كافي وبقات بسمة موراها كتبلع ريقها ورحمة جراتها من يديها حتى خرجو ضرب فيهم برد دخل ليهم مع العضام رحمة تكمشات فمونطوها وبسمة لبسات دغيا مونطو وسنانها كيترعدو
رحمة : مابقات وقت طاكسي هادي زيدي زيدي توصلنا بنت ختي معاها راهم سبقونا وخرجو من لباب تاني
حركات لها راسها بالإيجاب وتمشات تابعاها وسوط كعبها كيتسمع مع كل خطوة كتخطيها .. بعيد عليهم شوية كان واقف صلاح ولحق عليه دري لي شار ليه بيدو
صلاح : ( شير ليه بالفن على بسمة بلا مايعيق ) شفتي هاديك مولات نواغ تبعووها عرفو فين ساكنة وفين خدامة وكولشي نبغي غدا نعرفو
دري : ( دار بشوية وضرب عليها بنص عين ) واخا كون هاني
خلاه وزاد جيهة طموبيلتو حلها أوتوماتكمون من بعيد حتى تشعل فيها ضو مجهد بالبيض لفت نضر رحمة لي تبعات ليه لعين حالة فمها حتى ركب
رحمة : ( عينيها باقي عليه ) اجي نقوليك شكون هداك بعدا ونتي غير شفتيه وبديتي تفتفي ياك ماصاحبك المسخوطة
بسمة : ( تبعات عينيها فين كتشوف حتى ركزات فطموبيلتو غير قشعاتها واش تاعو دارت دغيا عندها كأنها مكانتش كتشوف ) خو صاحبتي هو لي قلت ليك وقف معايا هو وصاحبو لي هو راجل هدى
رحمة : ( حطات يديها على خدها ) واهانتي اختي على حديدة عندو طيرات لي لعقل ( ضرباتها لكتفها ) ونتي كتعرفيه مال مك ماتوقفيه يوصلنا راه راكب غير بوحدو منتقلوش عليه
بسمة : ( خرجات فيها عينيها ) زيدي اختي ركبي فطموبيل دبنت ختك البرد هدا تزاحمو تراحمو
رحمة : ( دورات عينيها جيهة سناك بانت ليها ختها وبنتها وصحاباتها خرجو وفيديهم عشاء امبورطي ليهم ) اشمن تزاحمو بغيت نشر رجلي اختي وحنا فصيف وكنتزاحمو والبرد ونتزاحمو ميجيش نهار لي نجلسو مفسحين بحالنا بحال ناس ( ضربات كتفها بكتف بسمة ) سيري شيري ليه اصاحبتي قولي ليه وصلنا ملقيناش طاكسي براكة من حشمة ونتي كلك كتقفقفي راه عادي ياك ولد ناس
بسمة : ولد ناس ولد ناس ارحمة غير هو ركبي مع بنت ختك الله يهديك انا هزيت فيه تا عيني بقا غير نشير ليه باش ركب معاه وخا نعرف نمشي من إنزگان تالأيت ملول على رجلي ..
طرطقات رحمة عليها بضحك وجات ختها وبنتها ركبو فلقدام وهما تزاحمو مع صحباتها بجوج لور كل وحدة لاصقة فلوخرة وسدو لباب غير بزز حيت رحمة مشاء الله خيورات ربي .. رد ليهم لبال حتى طلعو كاملين مزاحمين فديك طموبيل بعدها تحركو وتبعهم تاهو غادي لدار ..
طلع فدروج دغيا نيشان عند بيت مو طل عليها لقاها ناعسة ومكمشة فمانطة زاد عليها ايزار آخر سخون لايجيها لبرد وداز نيشان بغا يطلع لبيتو حتى نتابه لصالون مسدود او جاي ضو منو ، عقد حجبانو وتاجه نيشان ليه ماحدو كيقرب كيسمع صوت بكا زادو تعقدو حجبانو فاش فرز شكون غايكون ! وشكون من غيرها هدى .. حل باب بشوية وطل براسو لقاها معنقة مخدة وشاعلة تلفازة مخدمة فيها يوتيب وغير كدور معارفة شكادير
صلاح : ( شعل ضو ودخل ) مالنا على هاد لبكا ؟ شكاديري هنا فينو فريد
هدى : ( وجهها غايطرطق بالحمورية بقوة ماكتبكي قربات تجيف .. هزات فيه عينيها عامرين بدموع نطقات بصوت منغنغ ) متجبدش ليا سميتو باقي
صلاح : هضري شكاين ونتي حادگة غا فدموع آش دار ليك ؟
هدى : ( لاحت مخدة ومسحات نيفها بجهالة ) مدار ليا والو خليني بوحدي
صلاح : ( عض على شفته سفلية بفقصة ) صاحبتك تلاقيت معاها ليوم فواحد كافي
هدى : ( هزات فيه عينيها دغيا ) بسمة فيناهيا ؟
صلاح : ( خرج وقبل مايسد لباب كيما كان نطق ) من بعد ونهضرو
طلع نيشان لبيتو وسد لباب موراه توجه لبالكون شعل گاع وجلس مدوز الخط لفريد
صلاح : ( سمع صوت طموبيل فطريق وعرفو سايق ) ألو شكاين ؟ مالها كتبكي
فريد : ( بقوة الأعصاب غاكيدور معارف فين غادي ) مسافر ضروري لسبانيا على ود شي وراق قلناها ليها ( تبسم بسخرية ) قالت ليك غادوز لحشيش
داخل مع لباب دلقهوة هز عينو فطبقة تانية كيبان ليه جالس ساهي ورجليه كيحركها بسرعة .. طلع عندو وحط تلفون فوق طبلة وشار لسيرفور يجيب ليه قهوة كحلة
صلاح : ( تكا بيدو على الفوتوي وعينيه عليه ) بدا الموضوع من لول
فريد : ( ملامح وجهو غاااضبة وعرق مطراسي فجبهتو ) آش غانبدا ( دوز يديه على وجهو وساط بجهد ) عندي شي وراق خاص نقادهم وقلت ليها غانمشي لسبانيا نقاد أموري دغيا ونجي وسيدة دارت فيها ليدين ورجلين لا غير كتكذب ونتا غادي توصل لحشيش كنقول ليها ابنت ناس داك زبل تفكيت منو خمسة سنين هادي قالت ليك والو غير كتكذب
صلاح : ( حط ليه نادل قهوتو وشعل گارو .. هز فيه عينيه مبرد ونطق بصوت خشن هادئ ) هادشي دغيا طاح على غفلة
فريد : ( دوز يديه على لحيتو وتكا بضهرو على الفوتوي ) عيط لي المحامي على غفلة قالي دار لي بغيت نبيع تماك ضروري نحضر باش نسني شي وراق كون كنت عارف هادشي منيمتا راه نقاد لها وراقها نطلعها معايا منها نيت دور شوية واش أنا نبغي نطلع ونخليها بوحدها هنا مكرهتش كون طلع ليا فيزة مابين نهار وليلة ولكن راني ماشي هو محمد سادس كيندير لها
صلاح : ( بخ دخان لبعيد ورشف من قهوتو ) دابا من لخر شنو قلتي ليها
فريد : ( هز يديه بقلة صبر ) قلنا ليها عفا علينا الله شحال هذا مابقينا نوصلو لداك زبل ولكن معامن غدوي لي فراسها فراسها
صلاح : ( قهقه بخشونة ودوز يديه على شعرو الأسود لكتيف ) واش خوها باقي خدام فهادشي وغاتيقك اصاحبي انك عفا عليك الله
فريد: ( تنهد بقوة ) اودي واش داز علينا قليل ..
صلاح سهى تيفكر فلي مر وهو تيشعل كاروو
** فلاش باك **
كأي أسرة عادية معندهمش ومخاصهمش الأب المسؤول على الأسرة خدام فسكك الحديدية كيشد بركة دلفلوس ويخسرهم على عائلتو مبيريكة كانت قليلة صحة كل مرة مريضة وشادة الفراش .. صلاح كيقرا فلافاك وهدى طفلة صغيرة .. واخا خلصتو على قد الحال ولكن مهتم بدارو كيصرف على مرتو وعلى دواياتها وعلى بنتو وحتى ولدو .... يخلص الما وضو وقبل مايكمل شهر يتقداو فلوس ولكن مع ذلك كان راضي بلقليل وحامد ربي وشاكرو ، دار فيها غير سفلي ولكن جامعاهم ومهنياهم من لكرا ..
صلاح ! لي كان كيشوف كولشي بعينيه وكان مراضيش على الوضع نهاااائيا فحالو فحال دراري مكرهش حياة مزيانة يكونو عندو فلوس ويخسر عليه وعلى عائلتو قد مابغا .. كان فعمر 21 عام خاصو فلوس لقرايتو وشحال من حاجة ولكن مكيرضاش يمد يديه لباه ويقوليه عطيني وهو ولا طول منو ! كان هو وفريد عشران من صغر كل واحد عارف حالة لاخر مزيان كانو واكلين شاربين لابسين وبيخير ولكن دارتها زيغة ! واحد عينو فبرا وتاني كيهمو غا لفلوس مشغلوش فبرا بداو كيبيعو لحشيش غير بيناتهم ويصورو فلوس قلال ماشي شي حاااجة ، طول وقتهم تقريبا كانو يجلسو فواحد قهوة معروفة عندهم فدرب مولاها كيكون فسبانيا و كيدخل لملاين صحااااح خدام فلكوكا والقهوة ديما عندو مروجة وسلعة تما كدور مرة مرة كاين يجي يطل على لقهوة وتما زعم صلاح ودوا معاه تفاهمو وخلاه شاد القهوة حيت قاري وعندو مع الحساب اما فريد قاليه باغي نحرگ وافق وقاليه صباح تصبح فسبانيا ونشوفو شي گاورية طلع بيها لوراق غير هو تبقا تسخر ليا وتجيب سلعة ! وافق دغيا وقاليه يدخل معايا صاحبي دازت موووووودة نيت جمعو فلوس صحيحة وساقو لخبار لداك سيد مات مقتول فسبانيا .. صلاح شد القهوة واخا ماعينوش فيها عينو فسلعة تما كدور والكليان .. وفريد خدم معاها لواحد مدة بسيطة وبعدها قاليه الله يعاون وخرج من هادشي وبنا حياتو بعيد ..
** نهاية فلاش باك **
صلاح : ( هز كونطاكط دطموبيل وتلفونو ) دابا معاش عندك طيارة
فريد : غدا صباح مع تمنية خاص نكون تم
صلاح : ( حرك لو راسو ) الله يوصلك على خير نوض دابا بات عدنا تعطل لوقت
فريد : ( ناض وناض معاه صلاح ) لا بلا منصدعكم ليل هدا غاتشوفني وتنوض تغوت خالتي ناعسة بلاش غادي غير نطل عليها ونزيد فحالي ..
خرجو بجوج كل واحد فطموبيلتو زادو حتى لقدام دار نزلو بجوج صلاح طلع لبيتو وخلا فريد وقف قدام غرفة هدى حل باب بشوية وطل بعينيه حتى تأكد انها ناعسة ودخل جر كرسي حتى لحدا ناموسيتها وجلس مقابل معاها ، عينيه عليها مبتاسم واخا تعصب من هضرتها وبقا فيه الحال حيتاش غايمشي وهي مقلقة منو ولكن مطاوعوش قلبو يمشي بلا مايودعها ، قرب حتى باسها فوق راسها ودوز يديه على شعرها بحنان وعينيه على وجهها وملامحها الهادئة وهي ناعسة كتبان كيوت ومهدنة عكس فاش كتعصب كتولي غير تغوت او مكتفاهمش دغيا ولا مشات حتى تقلقات أجا ما يراضيها .. وقف وعينيه على الساعة غطاها مزيان لا يضربها البرد وسد شرجم لي خلاتو مفتوح كيدخل منو برد قاصح جبد من جيب جاكيط 3000 درهم حطها فوق كوافوز لي حدا راسها ولقا عليها نضرة أخيرة مسخاش يمشي ويخليها غايتوحشها .. تنهد بقوة وخرج ساد موراه لباب بشوية ..
_ فاليوم التاني وفجواية العشرة هكاك فاقت كتكسل وتفوه ناضت بشوية حاسة براسها كيضرها شوية شافت شمس طالعة وسوط دراري صغار كيلعبو فزنقة مجهد عقدات حجبانها ولقات نضرة على الساعة حتى لقاتها العشرة وتضهشرات
هدى : ( جبدات حنكها ) اويلي على العشرة مصليتش الفجر بكري ( شدات فراسها ) بسيف دارها داك البكا كامل ودوا لي شربت لبارح درولاكسون بففف ( ناضت جمعات ناموسية ونقلات نضرها لكوافوز حتى بانو لها لفلوس ) شهادشي !
هزاتهم كتشوف غير زرقات عضات على شفتها سفلية بفقصة عرفات مولاهم شكون وفنفس الوقت ستغربات آش جابهم لحدا راسها واينتا غايكون جا طل عليها وهي محساتش بيه .. ضربات بيهم حتى تشتتو فوق ناموسية ودارت مخنزرة توضات وصلات وخرجات وعينيها منفوخين لقات مها ورقية لي جات هادي يوماين .. جالسة حدا مها وكيتعاودو بيناتهم
رقية : ( هزات عينيها فيها ) سيري ابنتي الفطور فلكوزينة مابغيتش نفيقك بنتي ليا عيانة قلت خليها ترتاح
هدى : ( حكات فروة راسها ) شكرا اخالتي انا نمشي نفطر
دازت لكوزينة لقاتها حاطة طاجين فوق بوطة ناصبة لغدا ودايرة خضرة مصلوقة مع لحم مفور لمبيريكة .. عرفاتها عندها شي شغل فكل مرة كطيب غدا بكري كيكون عندها شي غراض ، جلسات فطرات ورجعات لبيتها جمعات دوك الفلوس ورجعات حطاتهم فوق الكوافوز ممسوقاش بيهم بقات مووودة جالسة بوحدها كتشوف فشرجم ساهية وكل مرة تهز تلفون وترجع تحطو حتى سمعات دقان فلبيت ورقية حلات لباب
رقية : هدى نوضي ابنتي تغداي مع مك راني حطيت لغدا وغانمشي نقضي واحد غراض
هدى : واخا هاني جاية
ناضت بدلات ديك بيجامة ومشطات شعرها لي كان طالع لسما وغسلات وجهها ودارت لو مرطب .. دازت لصالون فين جالسة مها وجلسات حداها
مبيريكة : ( كتاكل من طبسيلها وعينيها عليها ) صونا ليك فريد ؟
هدى : ( شربات من كاس عاصير دليمون وداقت من طاجين ) دايرة موداڤيون لتلفون تا إلى صونا مغانعرفش
مبيريكة : ( حركات راسها بلا حول ولا قوه الا بالله) سولي فراجلك ابنتي واش وصل واش كلا واش شرب واش حي ولا ميت اويلي
هدى : ( معندها خاطر ) مي كولي عفاك مناقشين انا وياه يسول هو ( طاحت فبالها هضرة صلاح لبارح ) فراسك قالي صلاح لبارح شاف بسمة فواحد كافي
مبيريكة : ( هزات راسها متفاجئة ) اربي وفين كاينة تجي نشفوها
هدى : معرفتش انا نصوني ليه قالي لبارح من بعد ونهضرو فهاد موضوع
هزات تلفون كتقلب على نمرتو حتى لقاتها و دوزات ليه لخط .. بعد ثواني جاوبها
صلاح : ( شاف نمرتها طالعة لو فشاشة تلفون وتبسم بجنب فمو عمرها هزات تلفون سولات فيه كتصوني غا لاكاينة شي موصيبة ) ألو شكاين
هدى : ( رشفات من كاس عاصير وحطاتو ) عارف فين كاينة بسمة ياك هي بيخير
صلاح : ( عينو على طريق وشاد تلفون فيديه ) لاباس عليها مناقصاها لا رجل لايد وعارف فين ساكنة وفين خدامة
هدى : ( علات حواجبها ) فين ساكنة ؟
صلاح : ( عقد حجبانو ) علاش كتسولي !
هدى : ( خنزرات وزيرات على يديها ) بغيت نمشي نشوفها
صلاح : ( قهقه بسخرية ونطق بحدة ) ريحي لارض راجلك مخليك عدنا أمانة مغاتبقايش دوري وتخرجي وقت مابغيتي باغا تشوفيها 3 ندوز عندك وديك ساع شوفيها ولا تشوفك ..
قطع فوجهها وخلاها مصمرة كتشوف فلخط تقطع عضات فلسانها بفقصة وناضت طافجة لبيتها مخليا مبيريكة وراها كتعيط عليها
هدى: الله يعطيهم مصيبة بجوج
فقهوة ديالو جالس فطبقة تانية غير بوحدو وگاع الكليان لتحت .. مسرح رجل ورجل تانية حاط عليها يدو ، شاد گارو فيديه وصاقل متعرف فاش كيفكر ولا شكايدور ليه فداك دماغ ، طلع فدروج دري لي واقف ليه على خدمة وجلس قدامو فوق الفوتوي
صلاح : ( جمع حجبانو حتى طلاقاو و فنفس الوقت ملامحو جامدة ، نطق بصوت بارد خشن خلا لاخر غير كيشوف فيه ) شكاين
دري : ( حك عنقو ونطق بتوتر ) سلعة تشدات قبل ماتوصل من كتامة وحتى شيفور معاها
صلاح : ( مسد جبهتو راخي أعصابو ) سيمانة هادي وسلعة لي خرجات تشد شي واحد كيلعب معانا لعب خااايب
دري : ( ركز فيه شوفة ) شنو المعمول دابا ؟
صلاح : آش غادير ! شيفور لول وتاني لي تشدو فلحبس مايخصهم حتى غير شوفو لاعندهم شي عائلة مصروف يوصلهم وداخل لحبس تهلاو فيهم ( حرك ليه راسو بالإيجاب ) والخدمة وقفوها هاد الوقت حتى نشوف شكون هدا لي سخن عليه راسو
غير ناض دري نزل طلع واحد من دراري من لي خدامين عندو فالقهوة او وقف وفيديه طبلة عليها كيسان
دري : صلاح جا الكونطابل على ود ضريبة
صلاح : ( ناض راسو مفروع هز تلفونو لي كان كيصوني فيديه وداير لو صيلونص ) صافي حنا نخدمو غير على هاد دولة نبقاو حنا غا مقابلين هاد ضريبة كل مرة خارجة شي حاجة من جنب
نزل يتفاهم معاه طالع ليه دم كل مرة كيغزز سنانو فشفته سفلية ويزير على قبضة يديه ، هضر مع سيد وخلص لي عليه وفنفس الوقت رد لبال لتفون لقاها نمرة هدى وجاوبها معصب ونبرة صوتو قوية وحادة
صلاح : ( ركب فطموبيل وداز نيشان لدار لي كانت قريبة ) قلنا ليك هاحنا جايين غاتبقاي فارعة ليا مخي
قطع فوجهها خلاها غير كتشوف فتلفون معاجبها حال ، بقاات جالسة حدا لباب دايرة يديها على خدها وكتسناه ، مدازت حتى خمسة دقايق كان موقف طموبيل حدا رجليها ناضت ركبات حداه مكتشوفش فيه وعينيها على زاج
صلاح : ( نهض فيها مخنزر ) زوفري نتيا تجلسي حدا لباب تسنايني دار كلها مقداتكش معندك فين تجلسي
هدى : ( مافيها لي يتجاحد معاه عرفاتو معصب ) يلاه نزلت أصلا فاش صونيت ليك
ديمارا طموبيل وشد طريق نيشان لدرب فين ساكنة دور عينيه مزيان فزناقي وقدام لباب مبانتش ليه وشاف ساعة فتلفون لقاها قريبة ربعة اونص وقت خروجها .. قلب دورة وزاد نيشان لمخبزة فاش خدامة
صلاح : ( عينيه على طريق مخنزر ) آخر مرة راجلك مخليك هنا أمانة كون بغاك تبقاي طوطحي فزناقي كون خلاك فدارك
هدى : ( ستغفرات فداخلها وتنهدات ) فين شفتي بسمة
صلاح : شفناها فكافي فإنزگان واقلة كانت مشات لعيد ميلاد دشي وحدة
هدى : ( شافت فيه بنص عين ) مزيااان ( سكتات لثواني ) مصوناش ليك فريد
صلاح : فريد مسالي ليا ولا انا مسالي ليه سيد غادي يقضي غراضو راه مغايباتش تماك
يلاه جا يدور على رومبوان ولقا طريق عامرة طموبيلات واقفين كولشي كيطل ناس كيطلو من شراجم مخلوعين وشي ناس دايزين وقفو يشوفو شنو واقع .. دخاخن طالعة مع سما والعافية شاعلة فشي بلاصة ، لومبيلونص واقفة او سيارة الإطفاء كذلك وحتى من البوليس كاينين ممخليين حتى شي حد يدوز ..
صلاح : ( عقد حجبانو من المنضر الضاهر انو شاعلة العافية فشي بلاصة ومكانتش خفيفة حيت دخاخن طالعة مع سما من بعيد يبان ليك دخان كحل .. نقل نضرو لهدى لي كانت دايرة يديها على قلبها وكتدور عينيها تشوف شنو واقع ولكن قوة طموبيلات ودخاخن حاجبين الرؤية ) جلسي هنا المخبزة فاش خدامة راه كاينة هنا انا نجيبها ونجي
خرج وقفل عليها طموبيل باش متخرجش وداز مابين طموبيلات وناس لواقفين ، لكل كان يقول جملة وحدة ! مساكن البنات لي خدامين فالمخبزة تحرقو .. دق قلبو بسرعة وضربها بجرية حتى وقف قريب المخبزة حاول يتخطا البوليس ولكن منعوه ومخلاوهش يدخل ، ورجال الإطفاء كانو تدخلو كيطفيو الحريق لي دار حالة فالمخبزة وكولشي رجع كحل !
صلاح : ( كيبان على وجهو الخوف المنضر لي شاف قدامو والعافية لي نشبات فالمخبزة خلاو تخيلات خايبة فعقلو .. حاول يدخل ودفع البوليسي ولكن جاو جوج شدوه ممخليينوش يخطي خطوة لداخل ) حيدو وحدة من العائلة خدامة هنا
البوليسي : ( تبتو من دراعو ) الى خدامة فسربيس ديال صباح او وقت خروجها هدا تبعها لسبيطار دإنزگان
طلق منو دغيا وجرا لطموبيل ركب وهدى كتشوف فيه مخلوعة عيات تسول فيه وهو منطق بحتى كلمة كتافا بصمت ورجع طموبيل لور دغيا وكسيرا بجهد حتى تحكو روايض طموبيل وصدرو صوت مزعج كيخلع
كان غادي بسرعة كبيرة لدرجة هدى تخلعات وحسات بشي حاجة ماهياش ربطات الأحداث فعقلها بين الحريق لي نايض حدا المخبزة او بسمة لي مجابهاش معاه او الزربة باش كان جاي او حتى سرعة لي غادي بيها طاحو دموعها بلا ماتحس تقبط قلبها وتفزعات خافت من فكرة لي طاحت فبالها .. تكون تحرقات ! طرات ليها شي حاجة ! گاع دوك البوليس ورجاال الإطفاء وحتى لومبيلونص كانو جواب كاافي لأسئلتها ..
هدى : ( دورات وجهها عندو دغيا .. دموع معمرين عينيها او وجهها دغيا تزنگ ) صلاح آش طاري عفاك بسمة مالها
صلاح : ( عاقد حجبانو بجههههد ويديه مزيرين على الڤولون دطموبيل ) صمت
هدى : ( تهزات بشهقة ورجات تبكي ) صلاح فين غاديين نقص سرعة
صلاح : ( نطق بصوت عالي قفزها وخلاها مكمشة على بعضها وتخشات فكرسي ) سكتي الخرا حادگة غا فلبكا
وقف حدا سبيطار نزل وسد عليها الطموبيل بعد ماقال ليها غانشوف شنو كاين وغارجع .. دخل مخسر سيفتو العفن وبنادم طايح سخفان وحد مامديها فيه ! هما طالبين غير يخوا داك سبيطار شوية من البشار كل شومبر مخشيين فيها خمسة .. ستة ناس الغوات والبكا او دمايات كيخلي الواحد يتلف ويشد راسو ويجلس لارض ، الطبة واخا تبغيهم بدوا ميبانوش ليك كاينين غير الفرمليات وحتى هما ممسوقينش ! قليل لي تلقايه خدام بنيتو الأغلبية لامخشيتي ليهم شي زرقة فيديهم ميتحركوش غير كيشوفو وصافي ! والخدمة يديروها عوجة وفلخر لي تلف فشي حاجة يبقا واحد يصايفطك لاخر وغاديين هكاك كيلعبو بيك ..
صلاح : ( وقف كيدور فعينيه ويشوف معامن يدوي ، البنت لي كاينة فلغيسبسيون ناس دايرين بيها او حتى واحد مايوقف ليك كولشي كيجري ! بسيف وكل دقيقة يجي ليهم واحد محلولة ليه كرشو ولا راسو ، توجه نيشان عند واحد سوكيرتي وخشا ليه ربعالاف فيديه ) واحد لومبيلونص يلاه تكون وصلات بشي ربع ساعة فيها بنات تحرقو فين لقاهم
سوكيرتي : ( خشا فلوس فجيبو ونعت ليه فين بضبط ) تماك يلاه جات بيهم لومبيلونص
تبع نعت لي عطا ليه حتى وقف قدام غرفة كانو يلاه كيدخلو بنات لي حالتهم أكثر خطورة ومخليين لي حالتهم خفيف شوية حدا الباب ومن بينهم كانت بسمة ! لي كلها كترعد وتبكي العرق نازل مع وجهها سطل دلما وكبيتيه عليها شعرها لاصق عليها وكلها كتفتف وتشهق بالبكا .. منضرها قطع ليه قلبو ! حالتها حالة وجهها حمررررر او شفايفها رجعو زورق بالخلعة كانت لابسة فقط تيشورت وكان محروق من جنب كرشها او الحرقة كانت واضحة وضوح الشمس كلها حمر او الجلدة بدات تزراق ليها .. قرب منها حتى وقف حداها وهي غير شافتو زادت من حدة بكاءها كان كيبان ليها فحال المنقذ وهي فديك الحالة كتحس بالعافية كتنهش فلحمها مكرهاتش تصرخ بأعلى صوتها وتقول ليهم قطعوو ليا هاد جنب لي محروق حيدوه متخلونيش هكا كولي كنتشوا ! ولي زاد عدبها كترة وخلاها غير كتبكي المعاملة تعاملو معاها كأنها مابيها والو وخلاوها حدا الباب كتشوا وتبكي ، حاولات تمشا عندو ولكن قوتها خارت حاسة برجليها فشلو عليها ومابقاتش قادة تهز رجليها قلبها كيضرب فتسعين وكلها كترعد ، الرؤية تضببات ليها او من قوة الألم كتحس أنها فأي اللحضة غاطيح مغشي عليها
صلاح : ( عض فشفته السفلية بقات فيه .. طبطب على كتفها بحنان او قبطها من كتفها باش طيح مخليها مسندة عليه ) بسمة بشوية عليك انا نديك لكلينيك بلاتي نجيب أومبيلونص ينقلوك وغانجيب عندك هدى تقابلك مابين مانجي
حطها بشوية فوق كرسي وخرج بزربة كيجري ناحية سيارة مكرهش يهزها يديها ولكن خاف لاطيح ليه تماك ومغايعرفش يتعامل معاها لاهم لومبيلونص ! حل على هدى لباب حتى خرجات مخلوعة وغير كتفتف شير ليها فين تمشي ومشا خلص لومبيلونص لي غاتديها لكلينيك لي كان قريب ليهم شوية ، رجع عندهم لقا هدى كتبكي معاها او كتحاول تهدنها وتعاونها توقف ، ولوخرا الخلعة لاعبة عليها غير دموع كيطيحو لها او كترعد مقادراش تنزل عينيها تشوف الحرقة كتحس بالعافية شاعلة فجنبها كاملة بقات غير موقفة ضهرها كل حركة كديرها كتوعت كتر
هدى : ( هزات عينيها لقات خوها كيقرب ليهم ) مقادراش نوض عييت نحاول معاها
بلا حتى كلمة قرب ليها وهزها بشوية راد لبال مع جنبها تحرك بيها حتى لخارج او حطوها فوق الباياص وبعدها طلعوها لومبيونص او تحركو او موراها طموبيل دصلاح .. بعد دقايق وقفو قدام لكلينيك نزلوها او جراو بيها حتى لواحد لغرفة دخلوها او دغيا جا طبيب فحصها او الفرمليات دارو بيها كل وحدة كتحاول ضحك معاها وتهدنها ، شافو الحرقة ولقاوها من درجة الأولى نضفوها ليها بشوية او دارو ليها بوماضة ديال الحرق ..
بعد دقائق خرج طبيب عندهم وقربو ليه صلاح وهدى بجوج
رجع بعد ماخلص تكاليف دلكلينيك ، لقا هدى كتعاون فيها تنوض او لبسات ليها لكويرة لي كانت لايحة عليها .. اوطبيب كان واقف على راسها كيقيد دوايات لي غايعطيها
صلاح : ( شد لورقة لي مدها ليه طبيب ) شنو غاتحتاج دابا ؟ والحرقة واش غاتبقا ديما داراها فحال هكا متحتاجش شي كالمون دلحريق ؟
طبيب : ( قاد نضاضرو ونقل نضرو ليها , هي لي كانت كتبكي ) فلورقة غاتلقا بوماضة دلحريق مزيانة ليها او كالمون الى تجهد عليها لحريق بزاف .. ويلا كان فالإستطاعة تقدر تجيب لها شي فرملية لي تقابل لها لحرقة لا تلتاهب ولا ينوضو لها دوك الفقاعات وتمشي طرطقهم .. اما الى كان شي واحد فدار عندو خبرة ويقدر يوجهها ويقول ليها شنو دير راه مزيان ، والحرقة كيف قلت ليك راها من درجة الأولى حمد الله دغيا غاتبرا لها وحتى ليطخاس مع المدة يمشيو كون كانت من درجة التانية غاتحتاج حتى دوا دلميكروب حيت لحم كيولي يبان وغاتگيح لها وهدا عداب آخر وسيكاتريس كيبقا صعيب يتحيد اما درجة تالثة ياربي سلامة راه خايبة بزاف ..
صلاح : ( حرك راسو بالإيجاب ونطق وعينيه على هدى ) أنا نتسناكم فلتحت
عاوناتها هدى حتى وقفات وخرجو بجوج وبسمة مسندة عليها وعينيها باقي كيقطرو بدموع فعقلها ممستوعباش نهائيا انها كانت على خطوة من الموت .. كانت خدامة فأمان الله حتى تفرگعات عليهم البوطة بالخلعة جرات بغات تخرج ومحسات غير بشي حاجة لصقات على جنبها شوطاتها معرفات واش تساطحات مع فران ولا طارت عليها شي حاجة ولكن بنادم بدا كيجري ويغوت وكاين حتى لي شدات فيه العافية ! دوزات يديها على وجهها وخاطرها دارها دور دور وتقول ماعندي زهر ! الخدمة لي شحفت حتى لقيتها وكون ماشي رحمة لي قلباات ليا ودوات مع صاحبتها لي خدامة فالمخبزة كون راها فزنقة حمدات ربي وشكراتو فاش قبلوها بلا حتى ديبلوم فقط يديها كانت خفيفة ودغيا كتعلم ودير بحالهم وأصلا تبارك الله حادگة .. ساطت وركبات لور دطموبيل مع هدى شدات فرجلها وكرزات عليها بألم الحرقة كتحس بيها شاعلة فيها العافية وغير تحرك تعگر .. ديمارات طموبيل وسهات فطريق ، عضاات على شفتها سفلية ومسحات دموعها بألم وخيبة أمل فنفس الوقت حسات براسها فحال مصيبة متنقلة ! فيما مشات طرا شي حاجة وديما دقة تجي فيها عمرها شافت نهار زين ولا غاتشوفو فنضرها .. تنفسات بعمق وردات لبال لطريق لي كانت غاديين نيشان جهة دار صلاح ...
بسمة : ( رفعات فيه عينيها المدمعين ونطقات بصوت خافت مبحوح وباين عليه العياء ) خويا صلاح عفاك ماشي طريق داري هادي
صلاح : ( هز فيها عينيه فالمراية وراقب عيونها الباكية بصمت ، رفعات عينيها المراية حتى تلاقاو عيونهم وهز حاجبو فيها بعدها خنزر وخلاها حدرات عينيها بتوتر ) صمت
هدى : ( غوبشات ) فين غاتمشي ونتي فهاد الحالة !
بسمة : ( حطات يديها على جنبها سليم وتكات بضهرها على لكرسي حاسة بذاتها كلها مدگدگة فحال الى دايز عليها رموك ) راني كارية واحد دار وساكنة معايا واحد المراة
هدى : ( حطات يديها على حنكها ) وشكون غايقابلك زيدي وكان وسكتي
بعد محادثة طويلة بينها وبين هدى محسوش بالوقت حتى وقف طموبيل أمام المنزل نزل حتى حل ليهم لباب هما طلعو وهو بقا فطموبيل ، دازو نيشان ناحية صالة لي كانت فيها مبيريكة كيف العادة ، غير شافت بسمة او وجهها لي حمر ومشيتها البطيئة حطات يديها على قلبها بخوف
مبيريكة : ( حيدات المخدة من فوق رجليها ) مالك ابنيتي آش طاري ليك
هدى : ( بنضرة عتاب ) تحرقات امي فجنبها المخبزة لي خدامة فيها تفرگعات ليهم بوطة تماك
مبيريكة : ( خرجات عينيها بخوف ) ياربي سلامة الله يحفض ، ( لقات نضرة على جنبها لي كان مغطي بالكويرة ) ودابا درتو لها شي حاجة ؟
هدى : ( جلسات بعد ماجلسات حداها بسمة ) عاد جينا من لكلينيك
مبيريكة : الله يشافيك ابنتي الله يشافيك ( شافت فيها ونزلات عينيها حشمانة منها ) سمحي لي ابنيتي لادرت شي غلاط فحقك فاش مشيتي والله تاخويتي علينا دار
بسمة : ( هزات فيها عينيها طافيين باغا غااتنعس العياء متملك منها ) لا اخالتي متقوليش هكاك مشفت منكم غالخير سمحو لي انا لي رجعت عاوتاني موصيبة لي طرات ليا كلقاكم غانتوما فجنبي
مبيريكة : ( حركات يديها المشلولة وقرباتها ليديها سليمة ) متقوليش ابنتي هكاك راه بلاصتك فحالها فحال هدى جلسي قد مابغيتي ميجري عليك حد
هدى : ( غير سمعات ديك ميجري عليك حد فحال لا درتي لها بريز وخدمتيها ) كون ماشي ديك العقروشة دخالتي مايطرا هادشي كامل هي لي تكون جرات عليها انا عارفاها مزيان فمها مبري منها وشوفاتها معجبونيش صحابكم غاجالسة ومرديت لبال عارفاها علاياش مطوية وشنو باغا دير كون عرفت غاتجري عليها كنت نهز جلابيتي ونجي نجري عليها هي وخا خالتي ولكن عيقات نعيا صابرة ونميك على هضرتها ولكن تقادا صبر
مبيريكة : المسامحة ابنتي شغاديري لها بنادم كيكبر ويهتر راها ختي وكبيرة عليا حشومة نقلقها وميصحابنيش غايطرا هادشي قلت ندير خاطرها ونمشي عندها وبسمة تيقتها فاش قالت غاتمشي عند مرات باها ميصحابنيش معندها فين تمشي گاع ، ( حدرات راسها بقا فيها الحاال حسات بلومة عليها ) صحابني فاش رجع وتمشي ختي غاتبقا معايا ساعة المكتاب ابنتي المكتاب سمحي ليا لا درت ليك شي حاجة والله ماقصدت
بسمة : ( بزز باش كتهضر جهد تقادا ) حاشا اخالتي مشفت منك غالخير وختك ماقالت عيب كولشي لي قالت صحيح ولي فات مات انا مهازة فخاطري من جيهت حتى واحد حمد الله قلب صافي من جبهتكم ومن جيهة حتى ختك
هدى : ( خنزرات جامعة حجبانها حتى تلاقاو ) متبقاش توصلنا على هاد لحساب الى غا صداع بناقص كنقولو حشومة العائلة ث من شي عائلة مابقا حترام بنادم ولا يخرج عينيه فدار مديالوش
مبيريكة : ( عقدات حجبانها من طريقة لي دوات بيها ) نوضي اهدى دي البنت تنعس قريبة طيح ليك هنايا خليها ترتاح ونتي طبختي لها راسها بالهضرة
ناضت هدى بزعاف معاجبها حال فعلة خالتها مطلعات منزلات لها .. دات بسمة لبيت قدات لها فراش وعطاتها كينة دراس باش ترتاح وخلاتها نعسات على جنبها سليم وغفاات فلحين كان يووم طوييييل عليها لعيا دلخدمة والأحداث لي طراو وحتى بالها لي هنا مابقاتش دايرة بالها مع خدمة خاصها تفيق بكري ولا نوبتها فشقا ولا طيب لعشا دابا رتاحت ونعسات مرتاااااحة ..
** فاليوم التالي **
فصباح مع جواية 9 هكاك كانت فايقة مرتاحة الحرقة مابقاتش كضرها بزاف بعد ماجات عندها فرملية حتى لبيت وطلات عليها وجهاتها شنو دير ودارت لها بوماضة دوزاتها على لحرقة وخلاتها تهوا المدة عاد لبسات عليها تيشورت طويل وخرجات ناحية صالون نيشان لقات هدى يلاه حطات الفطور وتسناتها حتى جات
بسمة : ( بتاسمات من منضر الطبلة لي كان كيشهي ) كون بديتو بلا ماتسناو
هدى : ( طبطات على بلاصة حداها ) دوزي تاكلي وماتنوضي حتى تكملي هاد جوج مسمنات ( كحزات حداها كاس عاصير وحطات حداه ڤيتامين ) وشربي هادو ينفعوك تصحي وتبراي دغيا
تبسمات من معاملتها الحنونة ليها كانت ونعمة صديقة بنسبة ليها عمرها حن فيها شيواحد بهاد طريقة ولا تهلا فيها وخاسم عليها على ود مصلاحتها .. تبسمات بفرحة وكلات حتى شبعات ومبيريكة وهدى كل مرة يدفعو حداها طبسيل دلبغرير ولا يعمرو لها كاسها الى خوا ..
جمعات هدى طبلة ومشات لكوزينة كتوجد لغدا بشوية عليها وفبالها دير شي حاجة صحية لبسمة من حوت مشوي او شلاضات او عواصر او حتى خضرة مصلوقة مزيانة ليها وتنفعها ..
فصالون كانت متكسة بجنبها سليم على لمخدة وشادة جماعة مع مبيريكة لي لجلسة معاها زوينة كتحسيها حنينة فيك وضريفة ودغيا كدخل لخاطر
مبيريكة : خدمة ابنتي فمخبزة كانت عاجباك كيعجبك تقادي حليوات او تزوقيهم كيف بغيتي
بسمة : ( حركات راسها بنفي) صراحة نقوليك غير خدمة وصافي لقيت راسي محتاجة خدمة وهي لي لقيت قلت بسم الله وتوكلت على الله
مبيريكة : ( حركات راسها بتفهم ) فين كنتي ساكنة فهاد شهر
بسمة : فأسايس راه دار قريبة لهنا تلاقيت مع واحد مراة الله يعمرها دار سكنت معاها وراني نيت خليتها دابا بوحدها خاص نمشي نطل عليها
هدى : ( دخلات نيشان مع هضرتها .. مسحات يديها بالفوطة وحطاتها ) فين غاتمشي ونتي مريضة
بسمة : ضروري نطل على امراة حشومة نبقا هنا ونخليها واحلة ومعارفة فين انا غاتكون ساقت خبار مخبزة لي تحرقات
هدى : ( عرفاتها مصرة على هضرتها ) واخا نتغداو ونقولها لصلاح يوصلنا
بسمة : ( دورات عينيها ) بلا منعدبوه نشدو غاطاكسي
هدى : ( ضحكات ) معنديش الحق اختي نخرج الى مزاد معايا قاليك حتى يجي راجلك وخرجي فيما بغيتي ( قلبات عينيها ) غايكون غا فريد لي وصاه
مبيريكة : ( دارت يديه على حنكها ) وراه عندو الحق جابا غضبانة وكتبكي نوضتيها معاه وبغيتيه يخليك تخرجي بلا خبارو فين جا هادشي فدين ابنت كرشي !
هدى : ( غوبشات وقلبات موضوع ) انا نحط لغدا
ناضت قدات شلايض فطباسل وجابت كولشي حطاتو فوق طابلة .. تجمعو على لغدا وتغداو على خاطرهم وكل مرة بسمة تشكر فطيابها وتعاود عجبها الحوت وحتى طريقة طيابو كولشي متول ونقي وكتحط الحاجة مزوقة ماشي غير كتلوح كتحس براسك كتاكل براحة المذاق كاين وحتى المنضر ..
هدى : ( مسحات فمها بكنينكس وهزات عينيها فبسمة ) انا نطل على صلاح ونهضر معاه راه جاالس غير فطموبيل لتحت غايكون يلاه جا
بسمة : واخا سيري
كيف ناضت هدى ناضت بسمة كتمشا بشوية عليها حتى لبيت دهدى وجلسات حدا شرجم كتسناها طلع تجاوبها .. فلتحت كانت نزلات لقاتو يلاه نزل من طموبيل كيف وقفات حدا لباب طلع فيها عينيه مخنزر وباينة فيه على نقشة
هدى : ( بصوت هادىء وعينيها عليه ) صلاح بغينا نمشيو انا وبسمة لدار فين كانت ساكنة لقديمة تشوف المراة لي كانت كارية معاها
صلاح : ( خنزر فيها حتى نزلات عينيها لأرض ) فين باغيين تمشيو .. غير طاجين ولقا غطاه وحدة جنبها مسلوخ وماباغا تشد لارض وتانية فيها دودة حاضية غا زنقة مغاتريحيش حتى تجي راجلك راه فرعتي ليا كر*ي ( حمر فيها عينيه ونطق بحدة وبنبرة صوت مافيهاش نقاش ) طلعي لدار !
طلعات وجهها حمر معجباتهاش هضرتو عرفاتو معصب وقالت لي ليها ليها غير نهضر ماحدي لقيتو قدامي قبل مايغبر تاني صدقات سامعة لي ميعجبهاش .. فلفوق وفبيت هدى كان الحوار كامل داز على ودنيها وخا كانت فلبيت ولكن شرجم كيطل عليهم والهضرة كاملة وصلاتها من طاق طاق حتى سلام عليكم ..
بسمة : ( عوجات فمها وغوبشات ) كيغوت معاجبو حال تقول انا لي لصقت فيه بزز وجيت لدارو ماشي هو لي مسمعش لهضرتي وجابني بزز
واقف مع سمسار وكيتسوامو على طموبيل ، دوز يديه على جبهتو من شمس المجهدة حاس براسو زند عليه .. او صوت طموبيلات وصداع فشارع كمل عليه
صلاح : ( حط يديه على جنبو وعينيه على طموبيل ) لا فيها شي حاجة ماهياش راه رجعها ليك
سمسار : ( حيد كاسكيط ودوز يديه على راسو الأصلع ) اصاحبي كيف قلتي لينا طموبيل ديال طريق تشد بيها طريق ليل ونهار متوقف ليك وصبارة ومزيانة راك شفتيها كولشي فيها مقاد مناقصها والو عارفين كتبغي حاجة جديدة مداز عليها حد وهاهي حديدة مخيرة
صلاح : ( لقا نضرة على ساعة فتلفونو وبلا مايهز فيه عينيه نطق ) فلوسك غايوصلوك عشية ( رفع عينيه ) غاناخدها دابا ونشوف واش مزيانة
سمسار : ( حرك راسو بالموافقة ) وعليه خود راحتك
حرك ليه راسو مصدع مع تلفون كل مرة كيصوني فيديه ويقطع ماعندو خاطر يجاوب الخدمة طلعات ليه فراسو او كمل عليه بنادم ، ركب فطموبيل جديدة لي شرا وداز نيشان لدار بعد ماتفكر شقالت ليه هدى صباح ، بعد دقائق وقف قدام دار ودق فلباب حتى طلات هدى من شرجم ، دار ليها حركة بيديه بمعنى نزلو وركب كيتسناهم
هدى : ( سدات شرجم ولقات نضرة على بسمة لي كانت شادة تلفونها كتفرج فيه ) نوضي نوضي دغيا بدلي عليك ونزلو راه كيتسنانا لتحت
بسمة : ( كانت مركزة مع تلفون .. هزات فيها راسها مغوبشة ) شكون !
هدى : ( حطات يديها على جنبها ) صلاح شكون منغيرو
بسمة : ( دورات عينيها ) مغاديين اختي فين ياك غاصباح كيغوت ومباغيش يوصلنا لالا غير خلينا هنا والمراة نولي بيخير نمشي عندها راسي وأصلا انا مغانبقاش هنا غانمشي فحالاتي
هدى : ( جابت لها ضحكة .. رفعات حاجبها ونطقات بطنز ) ايه إن شاء الله غاتمشي نوضي دابا لبسي حوايجك خلينا نزلو لا يصدق غادي ومخلينا هنا
بسمة : ( ناضت من فوق سرير بشوية ) مكنضحكش اصاحبتي سيد معصب غابوحدو يرجع يغوت علينا تاني
هدى : ( كتلبس حوايجها وفنفس الوقت كتهضر ) خويا هكاك داير يكون معصب قلبي دورة ويلا كان مكالمي تاكليه بحوايجو لي بيتيها تحضر خاص غا تكوني كتسمعي الهضرة اما شدان ضد مكينفعش معاه
بسمة : ( عقدات حجبانها ولوات شفايفها ) منشدوش طاكسي ! يدينا
هدى : ميخلينيش نعتب لباب بلا ميمشي معايا محد فريد مكاينش والله لا عتبت داك لباب بوحدي ( حركات راسها بأحياني ) هادوك كيتفاهمو غا بلعينين الله يستر
بدون نفس تمشات بشوية حتى خدات كسوة وكولون لي حطات لها هدى لبساتهم غير بزز وهدى عاوناتها غير ترفع شي يد تكمش لها الحرقة وترجع تنفس بجهد وترتاح وتنوض تاني تكمل ، جمعات شعرها ذيل حصان او دارت إكخون لوجهها او مرطب فشفايها ، خدات صنيديلة صيفية من عند هدى ولبساتها ، وهدى لاحت عليها برقع دغيا او صندالة فرجليها ، نزلو بجوج تالتحت .. هدى حلات ليها باب طموبيل وتسناتها حتى جلسات وتبعاتها حتى هي جلسات حداها فلور ، كان الجو مكهرب بيناتهم تاحد مكيدوي صلاح مركز مع طريق او هدى شادة تلفون اما بسمة غير كدور فعينيها وكتحاول ما امكن متشوفش فيه ولكن عينيها كيديوها تالعندو وترجع تهربهم !
مدازش بزاف دلوقت حتى وقف طموبيل قدام دار فين كانت ساكنة هزات عينيها بالستغراب كتشوف فدار وفبالها عدة تساؤلات ! نسات متقوليه فين ساكنة ولكن صدمها انو عارف فين وبضبط دار ..
بسمة : ( قربات لودن هدى ونطقات بشوية ) فين كيعرف دار لي كارية !
هدى : ( رفعات عينيها فيها وحيدات ليكيت لي كانت دايرة فودنيها .. و بصوت خافت نطقات ) سكتي سكتي وخلينا نزلو
بسمة : ( هزات عينيها فلمراية ولقات عينيه عليها داير فيها شوفة فشكل ومزعزعش شوفة من عليها ! حدرات عينيها دغيا وحنحنات ) مغاتكونش دابا فدار واخا تمشي لحمام ...
قبل حتى ماتكمل هضرتها حرك طموبيل وتوجه نيشان لحمام المقصود ، بقاات غا كتشوف مصدومة منين عرف حتى لحمام ! دارت يديها على حنكها وعقدات حواجبها مفاهمة والو
صلاح : ( هز عينو فلحمام او وقف طموبيل .. رفع عينو لفوف فلمراية كيشوف فيها ونطق ببرود ) مدخليش عندها حمام سخون ، هدى تعيط عليها ونا غانتسانكم فلكافي لي هنا
خرج وتوجه نيشان لكافي كانت مقابلة مع لحمام وخلاهم وحدة تشوف فلخرا فالأخير نزلات هدى تعيط على لمراة وخلات بسمة كتشوف فيه من زاج بنص عين .. دورات عينيها ناحية لحمام ولقات هدى خارجة ومعاها رحمة دايرة زيف حياتي على راسها ولابسة بيجامة ولايحة عليها بينوار وصندالة لميكة فرجليها فازگة بالما
بسمة : ( بتاسمات وحلات باب طموبيل طلات منو ) رحمة ياختي توحشتك
رحمة : ( جرات عندها وعنقاتها بحب ) ياختي وغبرتي عليا ومعرفتك فين مشيتي وخليتيني بوحدي وتاحوايجك موراك
بسمة : ( بتاسمات وشدات فيديها ) اختي ملخاطريش راه تكون وصلاتك خبار مخبزة
رحمة : ( جمعات شفايفها بأسف ) وصلاتني اختي وتخلعت خرجت من لحمام كنجري ونقلب عليك ملقيتك مشيت تلسبيطار إنزگان وملقيتك غير لبنات لي كانو معاك قالو ليا جا خداك شي راجل او بنت قلت واقلة سيد لي تلاقينا معاه فلكافي ( هزات عينيها فهدى لي كتشوف فيهم وساكتة ) وهاد البنية زينة
هدى : ( بتاسمات بلطافة ) هما اختي
بسمة : هما ارحمة عاونوني وداوني لكلينيك كون بقيت تم ياكلني دم واخا غا محروقة تبقاي توجعي بساعات ينوض فيه عجب آخر ربي لطف وخرجت سالمة اما لبناات لوخرين لي معايا مساكن كاينة لي تحرقات حتى فوجهها بقاو فيا
رحمة : ( على وجهها ملامح الإستغراب ) اه راه سولت اشنو طرا كل واحد يگول حاجة ها لي يقول تفرگعات بوطة صغيرة وها لي يقول لكبيرة كاين لي قال تهجم شي واحد على لمخبزة ومعرت شنو طرا كل واحد كيخربق من جيه
بسمة : اختي شغانقول ليك كنا خدامين بيخير معرت آش طرا فواحد لفران كبير يلاه تبدلات ليه البوطة البنت لي كانت كتاخد منو الخبز لي طاب غير حلات لفران طارت العافية على وجهها وتشدات حتى فشي زيوف كيغيطو بيهم الخبز غير كوتات البنت شافها بنادم كولشي بدا يجري يخرج شي كيدفع فشي هالي تكب عليه ماسخون غير بسباب داك دفيع كل واحد شطرا ليه وكان لي نجا ماوقع ليه والو
رحمة : ( جبداتها عندها عنقاتها بقات فيها وعينيها تغرغرو بدموع ) اح ازغبية حمد الله حرقة وغاتمشي إن شاء الله .. سمحي ليا اختي دخلتك لديك المخبزة اما مايوقع ليك هادشي
بسمة : يهديك الله ارحمة ماتمشي غا فين مشاك الله مكتاب معدنا منديرو الواحد يحمد الله ونتي ماشفت منك غير الخير الله يسهل عليك بشي راجل تهناي من تمارة ( دورات عينيها جيهة لكافي لقات صلاح وقف وخارج ) نقوليك الله يعاون نتلاقاو فساعة الخير
رحمة : ( عنقاتها وباستها فحنكها ) تهلاي فراسك ماكرهت تجي تسكني معايا ولكن حالتك خاص لي يقابلك حتى تبراي إن شاء الله ويحن الله ، خلي ليا نمرتك ولا شي حاجة نتواصلو بيها ( سكتات لثواني) اااه نسيت معندكش تلفون
هدى : ( مدات لها تلفونها ) قيدي نمرتك لاكانت شي حاجة صوني ليا
قيدات نمرتها وتوادعو ، رحمة رجعات لحمام وهدى طلعات لطموبيل جلسات جنب بسمة .. وصلاح غير شاف لمراة دخلات لحمام توجه عندهم لطموبيل
وقف طموبيل قدام دار وفنفس الوقت كانت سيارة فريد
وقفات جنبهم ، نزل منها وهدى غير لمحاتو نزلات دغيا من طموبيل ودخلات لدار متجاهلاه ومعبراتوش ! تبعها فريد بعينيه وسد موراه لباب توجه لعند صلاح لي كان كيتسناه وفنفس الوقت مخنزر معجبوش تصرف ختو
صلاح : ( تعناقو وطبطب على كتفو ) على سلامتك
فريد : الله يسلمك ( هز عينيه فبسمة لي خرجات من طموبيل وكتمشا عندو بشوية وخدودها مزنگين ) ختي لاباس
بسمة : ( شدات فصبع فيديها ليمنية وفركاتو بتوتر من نضرات صلاح الموجهة ليها ) حمد الله اخويا على سلامتك
بتاسمات ليه وتمشات ناحية باب دار وفريد تبع ليها العين بالستغراب من مشيتها البطيئة
فريد : ( شاف فيه مستغرب ) مالها تاني !
صلاح : ( ضحك على طريقة باش نطقها وحط يديه على طموبيل متكي عليها ) تحرقات فجنبها
فريد : ( بأسف ) مسكينة تابعينها مشاكل
صلاح : ( حك حاجبو ) خلينا منها ، قضيتي غراض ؟
فريد : ( تنهد بقوة ) نصو زربت على داكشي لي خصو حضور ضروري
صلاح : ( حرك لو راسو ) مزيان طلع تعشا معانا الواليدة تضل تسول فيك
مشا فريد حتى لطموبيلتو خدا شي أكياس عامرين بسقاطة جابهم معاه من سبانيا وخلا لي كادو لي جايب الهدى فجنب حتى يعطيهم ليها فدار .. دخلو لدار و طلعو بجوج تالصالون كانت جالسة بسمة جنب هدى او مبيريكة قريبة ليهم ، و عينيها على تلفازة لي كيوذن فيها العشا .. قرب لعندها فريد باس فوق راسها ونقل نضرتو لهدى لي كانت دايرة راسها كتشوف فتلفازة وهي حاضياه بنص عين ، كتسناه واش يجي يسلم عليها ولا يتجاهلها !
فريد : ( ضغط على نفسو ومد يدو يسلم عليها ) لاباس عليك ؟
هدى : ( قلباات عينيها معفرة او ناضت مخليا يدو بلاكة ) حمد لله
تبع لها العين مخنزر معجباتوش طريقة باش هضرات ولا نخال لي عاطياه على والو ! حط أكياس لي جاب فوق طبلة وجلس وفنفس لوقت ناضت بسمة تبعات هدى حشمات تجلس بيناتهم بتلاثة وهدى مكايناش
مبيريكة : ( تنهدات كانت رادة لبال لكولشي .. تبسمات ببشاشة ) على سلامتك اوليدي توحشناك خليتي بلاصتك
فريد : ( تكا على المخدة ) الله يسلمك اخالتي والله تانا راه زربت على شغلي دغيا وجيت
مبيريكة : كنتي تجلس حتى تسالي على خاطرك وديك ساع جي ويبقا بالك هاني
فريد : ( دوز يديه على وجهو ) مابقينا تاع راسنا اخالتي دابا ولات عدنا مسؤولية ماكرهت نديها معايا ولكن الغالب الله
مبيريكة : تجلس فدار باها اوليدي مافيها عيب مهم واش شفتي خالتك لا تكون مشوشة عليك
فريد : ( لقا نضرة على تلفونو ) دزت عندها هي لولة سلمت عليه وجيت نيشان
مبيريكة : ( بصوت عالي ) رقييية وااا رقيييييية
فلكوزينة كانت رقية قدات طباسل لي فيهم شلايض وطفات على طاجين كبير كيشهي بلحم دلمعزي والبرقوق وزبيب ريحتو كتشهي وباينة فيه بنين ، هدى حطات العواصر فوق طبلة كبيرة وهزات قراعي دموناضة باردين من تلاجة
رقية : ( غير سمعات مبيريكة كتعيط عليها مسحات يديها دغيا فالفوطة ) هدى ابنتي قطعي الخبز وقاديه
خلاتها كتقطع فلخبز وتوجهات لصالون سلمات على فريد وهزات داكشي لي جاب فيديها
مبيريكة : حطي عفاك لعشا وقولي لهدى تعاونك
رقية : ( قدات زيف فوق راسها ) هي لي كتعاوني انا دابا نحطو
حطات العشا فوق طبلة هي وهدى خلاتهم تجمعو عليه ومشات لدارها .. وهدى توجهات لبيتها طلات براسها بانت لها بسمة بدلات حوايجها ب بيجامة وجالسة قدام شرجم ساهية
هدى : ( بتاسمات ) نوضي تعشاي
بسمة : ( حشمات تجلس معاهم ) غاسيري والله مافيا جوع معدتي كضرني
هدى : ديك المعدة عندك معرت مالها نفعك دوا لي كان عطاك صلاح ديك لمرة ؟
بسمة : ( حنحنات ) اه مزيان
هدى : ( وقفات باش تسد عليها لباب ) صافي انا نقول ليه يجيب ليك بحالو
بسمة : ( خرجات عينيها قلبها طاح بين رجليها ) هدااا هدااا ( حلات لباب طلات عليها ) لا لا راه راه ( لولبات عينيها ) باقي عندي باقي واقلة كنت خليتو فلمجر اه تماك دابا نهزو متقولي ليه والو
هدى : ( ضحكات على ردة فعلها ) ههه واخا يلاه رتاحي شوية
بعد ماتعشاو بقاو مجمعين ومدوزين الوقت ببراد دأتاي منعنع او شي تقيوتات او حليوات
فريد : ( حط كاس من يديه او وجه نضرتو لهدى ) هدى يلاه نمشيو تعطل لوقت
هدى : ( شافت فمها لي كتغمز فيها بمعنى نوضي سيري مع راجلك ) لا انا مغانمشيش معاك مخلية ب...
صلاح : ( بملامح جامدة او بنبرة صوت حادة زعزعاتها ) نوضي دگعدي
بلا متعاود معاه لهضرة ناضت غادة لبيتها معبسة ومعاجبها حال متقدرش تقول لا فوجهو ! غاينوض يكركب مها من دروج يصايفتها عندو عرجة ، حلات لبيت بشوية وصوت شخير خفيف مسموع فلغرفة بتاسمات وعرفات انو المخدة ممقداش لها ، تمشات عندها بشوية حتى قداتها لها وبدلات حوايجها ببرقع أسود او سبرديلة فرجليها ، خرجات من لبيت نيشان لدروج تمات نازلة بلا متقول ليه يلاه ! وحتى هو غير شافها ودعهم وناض ساخط تصرفاتها معجبوهش نهائيا وغير ساكت وصابر مابغاش يهضر معاها قدام مها وخوها ..
نزل فدروج وسد باب دار موراه توجه نيشان لسيارتو حلها وطلعات حداه .. الصمت كان سيد المكان هي متجاهلاه وكتسناه يحزرها ويهضر معاها وهو عينو على طريق وساكت راسو كيطبخ مشاكل وصداع طالعين ليه فراسو باغي الكااالم ويرتاح ، وقف طموبيل قدام برطمة نزلو بجوج حل لها لباب ودخلات نيشان لبيتها مخلياه متبع لها لعين بنفاذ صبر
فريد : ( جلس فوق الفوتوي وداير يديه على راسو ) هدى ( سكت لثواني ) هدااا
هدى : ( خرجات عندو بملامح جامدة وجمعات شفايفها كتسناه يهضر ) صمت
فريد : ( شار لها تجي تجلس حداه وقربات حتى جلسات قدامو رافعة حاجبها .. بلا مايحس خنزر فيها ونطق بهدوء معندوش مع الغوات وصداع ) شوفي ابنت ناس ديك الخدمة لي كدوي عليها راني تفكيت منها خمسة سنين هادي عفا عليا الله حمد الله منها بغيت تيقي هو هداك مابغيتيش شغلك هداك متسنايش مني نبرر ليك ونقوليك شي أسرار على ديك الخدمة ونتي معندك حتى شغل فيها مغاتنفعك مغاضرك بغيتي غير صداع ومشاكل انا مقاد عليهم طلعو ليا فراسي تقادا جهد ( رفع يديه ) مباغيش لي تغضب على والو وتهز خنافرها ونجي من آخرة دنيا كنجري غير على ودها وفلخر شوفة متخسرها عليا ونمد يدي نسلم عليها غا صواب وفلخر تنفخي !!
هدى : ( غوبشات ونطقات بصوت هادئ حتى هي ) كيفاش بغيتيني نتيقك وحنا تزوجنا دغيا معارفة عليك والو حدي عارفك كتخدم فلحرام وغادي لسبانيا فجأة ناس عندهم شغل كيعلمو بكري ماشي حتى تكون عندك طيارة لغد ليه
فريد : ( زير على قبضة يديه وفنفسو كيستفغر الله مباغي يغوت عليها ولا يقلقها ولكن كتخرجو على طوعو وتخليه يتنيرڤا ) تزوجنا دغيا انا معاك فهادي مشيتي لسبانيا كانت على ود خدمة قلنا ليك دار وبغيت نبيعها وكان خاص حضوري ضروري ( ركز فيها شوفة ) كان بإمكانك تقولي ليا وريني لوراق نتأكد ولا تصوني عليا ونوريك كولشي ماشي تغضبي وتهزي خنافرك حتى تلفون قاطعاه عليا ! متأكدة انك مزوجة ؟ كتبان لي قدامي وحدة طايشة وباقي حاسبة راسها بلا راجل .. لا قلنا گاع خدام فلحرام واش نتي لي غاتحاسبي بلاصتي ! قبرك معزول وقبري معزول .. معجبك حال هزي يديك ودعي الله يعطيه موصيبة موكلني فلوس لحرام ، واخا كتاكليهم حلال
هدى : ( سرطات ريقها وبعدات عينيها عليه ) متردش لومة عليا
فريد : ( تبسم بسخرية داخلو كيغلي وحاس براسو غاينفاجر فأي دقيقة ) واش عارفة راسك شكتقولي ولا غاكتهضري ( نطق بصوت عالي بلا مايحس خلاها تقفز وتشوف فيه مضهشرة ) مشفتيش راسك عيقتي وكترتي انا نجي نحزرك انا نجي نضحكك انا نجي نفرحك ونتي ؟ شنو دور ديالك فحياتي داير عيني ميكة ولكن بزاف راه معنديش خاطر نبقا نحزر فيك كل مرة ! راك ماشي دري صغير لي نبقا ندور ونراري بيه ( ناض ساخط ) كبري عقلك شوية وشوفي واش هادشي لي كديري فيه مزيان ولالا تضلي تقراي فلقرآن ومشديتي والو ( تاجه ناحية الباب ) البنت قبل متزوج كتسمع الهضرة واليديها ويلا تزوجات كتسمع لراجلها هي دايرة لعكس
خرج و ضرب بالباب حتى غمضات عينيها مفزوعة دار تهزات ، حلاتهم وبقات غير ترمش عرفات قصد فاش هضر معاها ومسمعاتش لهضرتو وكي نطق صلاح تهزات دغيا ، عضات على شفايفها كدور هضرتو مزيااان فعقلها فلخر تكات بضهرها على الفوتوي ساهية فنقطة وحدة وهضرتو قد ماكانت معقولة ضراتها حسات بتأنيب ضمير وأنها مدايراش واجبها كزوجة .. حطات يديها على حنكها وتفكرات أول نهار تزوجو فيه هز ليها لخاطر وبرعها كادوات قبل متقول بغيت يجيب ليها عارفها تموت على سقاطة ومسلسلات تركية غير كانت دخل لصالون كانت تلقاه معمر لها طبلة سقاطة من حلويات او شيبسات او شكلاط .. شكال ونواع ويدير لها مسلسل فتلفازة ويجلسو يتفرجو ، باغيها بهبالها وفشوشها
هدى : ( خاطرها ضرها وعاد حسات بشنو دارت ) شاندير دابا ( هزات عينيها فساعة كانت 1 دليل ) فين غايمشي فهاد الوقت .. نوض نعس حتى لصباح ونقوليه سمح ليا !
بقات جالسة لدقائق حتى تمات نايضة ناوية تنعس وصباح تعتاذر منو وتصالحو ، تاجهات لبيت ودورات وجهها صدفة لفوتوي كان قريب لها شوية وعقدات حجبانها مستغربة
هدى : ( قربات منهم كيبانو لها أكياس كتيرة كل واحد عليه اسم شي ماركة معروفة .. كل ما كتقرب قلبها كيزيد يتعصر ) اويلي واش جابهم ليا !
جلسات حداهم دغيا وبدات تهز شنو داخل لكيس لقاات 2 صنيدلات صيفية وحدة بالبيج وتانية بزرق خدات الكيس تاني لقات فيه بيجامات قصار حتى هما صيفيين غير شويرطات او لفوقي ديالهم على شكل تيشورت قصير كيبين الكرش .. لمعو عينيها بفرحة وهزات لكيس لاخر بحماس لقات فيه برودكان بالبيض وفيه ريش من جناب شكلو غزاال وكيوت .. كملات لباقي بفرحة وآخر كيس كان فيه سقاطة
هدى : ( عضاات على شفتها سفلية بندم على هضرتها ) تفكرني وجاب هادشي كامل ( لولبات عينيها ) مرديتش لبال فاش طلعهم معاه ( ضربات جبهتها بيديها ) بسيف ونا طالعة مدرمة وعيني فسما مكيشوفوش لارض
واقفة قدام المراية بسوميج دونوي مشبك من جيهة صدر او جاي خويطات فضهر لونو الأصفر عكس لون بشرتها القمحي لأول مرة تجرأ على هاد لون ولي غير شافتو عشقاتو من شوفة وتخايلاتو فيها كانو بزاااف دليسوميج شكال ولوان ولكن هو لي حطات عليه العين ولونو حمقها خصوصا مع لون بشرتها كانت تبان سيكسي !
هدى : ( دارت تشوف مؤخرتها ) ويلي هادشي مكروز غير نحيدو حسن ملابسة والو ( تأفأفات ) حاسة غاندم دايرة فيها زاعمة ( هزات عكر أحمر فحال لون دم ) زيدك تا هذا
سطرات شفايفها بقلم درجتو غامقة على لعكر بعدها دوزات لعكر على شفايفها وفوقو گلوص كيلمع خلا منضر شفايفها مثير وزاد كبرهم .. كتافات دير ماسكارة طلعات شفارها حتى بانو عينيها كبار وشكلهم فحال القطة زادت أحمر خدود بلون بينك بارد وطلقات شعرها بعد مادارت لو كورلي ، لاحتو لجنب وخلات لگصة طايحة على عينيها
هدى : ( قاصت بيديها سنسلة لي هداها ليها ولي عليها اسمها ) لا جيت زوينة ( دورات عينيها ناحية ساعة ) ساعتين دازت وباقي مااجا !!
صبغات دفار رجليها او يديها بلون حمر غامق .. نزلات تالعند رجليها ودارت خلخال ديال ذهب كان من بين الكادوات لي جاب لها فدهازها .. رشات سبراي على لحمها بنكهة الفريز وجلسات دايررة رجل على رجل بأنوثة والمراية قدامها كل مرة تهز عينيها وتشوف راسها ممتيقاش أنها هي ! عمرها شافت راسها بهاد المنضر ديما زيف ولا برقع وحوايج واسعين حتى لالبساات مقزب كتلبس غير شورط فبيتها وصافي ! اما فدار ديما شي حاجة واسعة ، بتاسمات عجبها راسها فداخلها كتقول واش نقدر نوقف قدامو هكا ؟ توردو خدودها من هاد الفكرة وغير كي فكرات فيها سمعات صوت لباب تحل ناضت قافزة شداتها خلعة وبعدها سرطات ريقها وحاولات تطرد الحشمة او الخجل من داخلها
هدى : ( تقادات فوقفتها ولقات نضرة على الغرفة بعدها تمشاات على رؤوس أصابعها بمشية أنثوية وبدلال بعدات شعرها على كتفها العاري حتى بان جنب من صدرها من تحت سوميج المشبكة ) ياك غير راجلي لاش نحشم
مع كل خطوة كان يتسمع صوت الخلخال ، برقة ودلال خرجات من الغرفة او وقفات قدامو دايرة فيه شوفة دلبراءة بدوك عيون القطة بجرأة حطات يديها على صدرو وقربات ليه كتر خلاتو غير رافع حاجبو فيها مفاهم والو ! وبالأحرى تضهشر ومضنش منها هاد طريقة باش تصالحو .. من عيونها عرفها ندمات على هضرتها وطالبة سماحة منو
هدى : ( حطات راسها على صدرو وعنقاتو ) سمح ليا ! ماقصدتش
فريد : ( غمض عينيه من ريحة الفريز المنباعثة منها ، وتنفس بقوة من صدرها الملصقاه معاه او شدة لي دايرة ليه ) شنو لي ماقصدتيش ؟
هدى : ( بغات تبعث عليه حتى حسات بيديه دارو على خصرها العاري ولصقها معاه كتر , بتاسمات ونطقات بصوت بريء محلون ) منعاودش سمح لي
فريد : ( تبسم بمكر ودوز بصباعو على عنقها من لور ) شنو لي مغاتعاوديش
هدى : ( سدات عينيها مبورشة ديك البلاصة بضبط كتجيب لها هر ، غوبشات بكياتة وجمعات وبعدات عليه جمعات شفايفها على شكل بوسة وهزات حاجبها ) قلت ليك منعاودش لاش كدير ليا هكا صافي عارفة راسي غالطة
فريد : ( بلا مايحس ضحك على الحركة لي دارت بوجهها .. عض على شفته السفلية ونزل عينيه بشوية كيشوف فرزقو .. جرها لعندو بغفلة وقرصها بلطف فصرة ديالها حتى كمشات كرشها ) شهاد الزين
هدى : ( لولبات عينيها ) صمت
هزها دغيا حتى شهقات مخرجة عينيها وتعلقات فيه فمها عند عنقو ويديها معنقينو .. بتاسمات كدور فعينيها وحطات شفايفها على عنقو حتى حساتو تبورش وبعدات دغيا كضحك فداخلها
فريد : ( حطها فوق ناومسية وحيد جاكيط لايحها لبعيد بقا غير بتيشورت مزير على درعانو ) كتقلبي عليا اممم
طلعها ونزلها بنضرات منحرفة الصفر حمقو عليها لون شفايفها الأحمر الدموي سطاه وخلاه بلا عقل ! كولشي فيها كيسطي ، أنثى متكاملة فنضرو هو فقط رغم العيوب لبسيطة لي عندها فحال كريشة لي خارجة شوية وشريطات لي عند فخاضها علامة على الوزن لي كيتزاد وينقص وحتى لون عند ركبة لي كان غامق شوية رغم ذلك حبو ليها مخليه يشوف غير زوين فيها وميتسوقش لعيوب لوخرين لأن الكمال لله وحده !
جرها العندو منغامس معاها فقبلة كيعبر فيها على شوق ديالو من جيهتها ، دورات يديها على عنقو وسدات عينيها حنيتو عليها ولمساتو لحنونة كيخليوها طايرة فسما وطالبة المزيد
فريد : ( بعد شفايفو على ديولها بعد ماحس بالنفس تقطع فيها .. دور عينيه بصدفة وشاف الشموع لي حاطة فجناب النموسية وحتى الورد الأحمر ! كان شكل الغرفة زوين وفنفس الوقت رومانسي .. بتاسم وخشا وجهو فعنقها كيهرها ) الورد او شموع لمك
هدى : ( كتلوا تحتو وضحك ) هههه عاد شفتيهم فين مشاو عينيك من لول
فريد : ( دوز بقبلات على وجهها كامل ) فهاد زين والفريز لي قدامي
بقات ساكتة كتشوف فيه دم تجمع فخدودها رمشات فيه بثقالة خلاتو متبع ليها العين بحب وعشق كبيير ، مد يدو فتح لها خويطات ديال سوميج حتى تعرا لها ضرها او جرو بشوية حتى حيدو .. دوز بلسانو على حلمتها خلاها ساد عينيها وضاغطة على يديها رعشة سراات معاها وسخونية كتحس بيها فسائر جسدها .. بقا المدة كيعض ويمص ويدير لي عجبو فيهم وهي تحتو كل مرة كتأوه وتصدر أصوات دالة على متعتها الكبيرة وعلى رغبتها فيه
فريد : ( باس صدرها بقوة ) احح على سنطرال ديالي
بلا متحس طرطقات بضحك مقداتش تحبسها ، كضحك حتى دمعو عينيها هزات عينيها فيه مدمعين وبعدات شعر على وجهها
هدى : ( بالستغراب ) سنطرال اويلي هههههه
فريد : شفتي شحال فرحانين؟ شنو خسرتي الا درتي عقلك ديما هاكا؟ ولي عليا اني نواعدك نكون معاك راجل عيني وقلبي مايشوفوش غيرك
هدى: ( نزلت راسها بخجل ) انا هكا !
فريد: مهم عرفتي اش ديري؟ تمرضني الالة مع راسك ولكن صالحيني بهادشي الاحمر وللابيض هههه
داز أسبوع تحسنات فيه شوية الحرقة مابقاتش كضرها بزاف أو بدات تبرا لها ..
حطات يديها على خذها بملل او ناضت من بلاصتها حتى لقدام لكوافوز لي عليه الميكاب ، هزات مشطة او مقبط ديال شعر ذهبي وعليه حجيرات كيبريو .. مشطات شعرها وجمعاتو بيه خلات فقط الگصيصة لقصيرة جنب عينيها ..
ناضت بدلات بيجامتها بسيرڤيت عبارة على قبية عريضة او سروال مزير بلون أحمر او وسط القبية مكتوبة نايك كبيرة .. توضات او صلات الضهر لي كان ودن قبل دقائق ورجعات جلسات قدام شرجم كتشوف ناس غاديين جايين حتى سمعات لباب كيتدق او دورات وجهها ناحيتو
بسمة : نعام
رقية : أنا ابنتي نوضي تغداي راه حطيت الغدا وغانخرج دابا
بسمة : ( بصوت لطيف ) واخا اخالتي هاني جاية
تمشات ببطئ حتى لباب فتحاتو ودازت لصالون لقات مبيريكة حاطة طبسيل قدامها وكتاكل فخضرة مخلطة او مدوزة بعصير
بسمة : ( بتاسمات او جلسات حداها ) ولفتي خضرة مخلطة هاد ليامات
مبيريكة : ( هزات فيها عينيها وحطات عصير فوق طبلة ) كتبرد لي لقلب لموت أودي صهد فبرا مقادة على شي حاجة سخونة ( شافت فطاجين قدامها ) هاهو دابا هدا شكون ياكلو عييت مع رقية قلت لها دير طويجين صغير غا ليك او قالت لي والو لكبير
بسمة : ( ضحكات او قطعات الخبز ) بغات مصلاحتك كولشي شوية خضرة مزيانة غير هو متكتريش منها
مدة وهما مجمعين وكيضحكو تغداو بجوج وناضت بسمة هزات الماعن وغسلاتهم وخا عيات فيها مبيريكة تجلس حتى تجي رقية تغسلهم ومابغاتش .. كيف سالات رجعات جالسة حداها كتفرج فدوزيم
بسمة : ( دورات وجهها لعند مبيريكة لي كانت مركزة مع المسلسل ) خالتي
مبيريكة : ( دورات عينيها عندها او رجعات كتفرج ) نعام ابنتي
بسمة : ( بتوتر ) غارجع لدار لي كارية ( شافتها دورات وجهها عندها مستغربة ) ورجع نخدم الله يسهل عليكم لخير لي درتو فيا عمري نساه الله يجعل لبركة بقيت بزاف
مبيريكة : ( حطات يديها على حنكها ) عارفة راسك شكاتقولي ابنتي ؟ راك مريضة ولحرقة باقي مابرات باقي كضرك
بسمة : ( بتاسمات لها ) حمد الله ماشي فحال لول دابا كنقدر ندير كولشي بوحدي غير كتعگرني شوية بوماضة لي كندير نفعاتني وإن شاء الله دغيا تبرا ليا
مبيريكة : ( حركات راسها برفض ) لا ابنتي جلسي حتى تجي تهضري مع هدى اما انا نخرج بيناتكم غاتمشي ترجع لديك دار وتجي هي تغني فرق راسي راكي عارفة هدى مزيان تغضب عليا وعلى رجلها وتهز خنافرها لسما
بسمة : ( بعدات الگصة على عينيها ) انا نقولها ليها اخالتي متخافيش
مبيريكة : ( تنهدات ) فين غاتمشي ابنتي ولفناك ماكرهت تبقاي معايا معمرة عليا
كيف نطقات مو كان نازل مع دروج سمع هضرتها او وقف لثواني يسمع جوابها ويتأكد من الهضرة
بسمة : تانا اخالتي ولفتك ولكن ( نزلات عينيها لأرض بإحراج ) طولت بزاف ونتوما لي كتصرفو عليا وهازيني
نزل فدروج بملامح جامدة كي حل لباب لقا مراة قدامو يلاه ناوية دق لباب عقد حواجبو وتخطاها
المراة : اولدي جيت نسول فبسمة قالو ليا تحرقات وجيت نسول فيها
صلاح : ( طلعها ونزلها وشير لها بعينيه لفوق ) طلعي لفوف على جيهتك ليمنا غاتلقايها فصالة
خلاها طلعات وداز لقهوة مقابلة مع باب دارهم شد قهوة كحلة وشعل گارو وعينيه على لباب كيتسنا واش غاتنزلها معاها وتديها ولا غاتخرج بوحدها ..
طالعة فدروج وعينيها على صالونات لي دازت عليهم الأثات او زليج او حتى من دروج وزواقهم كولشي كيشقشق ويلمع بنقاوة بقاات طالعة ودور فعينيها حتى سمعات صوت ميخفاش عليها تبعاتو حتى وقفات قدام صالون حيدات صابوها ودخلات وعينيها على مبيريكة
زهرة : سلااام عليكم سمحولي داخلة مهجمة عليكم ( شافت ناحية مبيريكة لي كتشوف فيها بالستغراب وتقدمات عندها مسلمة عليها بالوجه ) تلاقيت مع ولدك عند لباب قلت ليه جاية نسول فبسمة وقال ليا طلعي لفوق عندها
بسمة : ( شافت فيها بصدمة ) زهرة !
زهرة : ( قربات عندها حتى باستها وجلسات حداها كتشوف فيها من صبع رجليها صغير حتى لزغبة راسها ) ايه زهرة ابنتي غير جيتي هنا نسيتينا مابقيتي تسولي .. كيدايرة بعدا وصلوني خبار تحرقتي درب كامل كيهضر على نفس الحاجة مخبزة **** تحرقات وتحرقو فيها شي بنات وشي وحدين عرفوك خدامة تماك
بسمة : ( توسعو عينيها كتر مضناتش خبارها توصل عندهم وخا عارفة راه قراب ومابعيداش عليهم وحتى مخبزة كانو يتقداو منها ناس كيسكنو فدرب ) حمد الله تحرقت فجنبي حدا كرشي ولكن حمد الله مع بوماضة لي كاندير لها راه وليت بيخير ماشي فحال قبل
زهرة : ( دورات عينيها كتشوف فلفراش او طبالي دزاج ) حمد الله مكتابة ليك معندك ماديري ( بفضول ) إوا ابنتي شكاديري دابا لقيتي شي خدمة ولا والو
بسمة : ( فهمات قصدها ) خدامة هنا كنعاون خالتي مبيريكة
زهرة : ( شافت ناحية مبيريكة لي غير كدور عينيها بيناتهم وساكتة ) آه إوا مزيان حسن من والو ( شافت فساعة معلقة فلحيط ودارت جيهة بسمة ) إوا نخليكم عاد جيت من الخدمة وقلت ندوز نشوفك ( وقفات ) الله يشافيك ابنتي ودوزي عدنا متغبريش واخا طلقتي راه كتبقاي بحال بنتي مدوزناش لقليل
بسمة : ( بتاسمات غير بزز واخا هكاك معجبوهاش نضراتها ) إن شاء الله
نزلات فدروج كدور فعينيها وتقول فخاطرها تبارك الله ناس لي عايشين .. خرجات ودازت نيشان لدارها ، وفنفس الوقت كان حاضيها صلاح وكي خرجات رد لها لبال .. خلص لكافي لي خدا وتاجه نيشان لدار طلع حتى لصالون ودخل كانت غير مو جالسة ودايرة يديها على خدها وساهية فتلفازة
صلاح : ( دور عينيه ناحية غرفة هدى لقاها مسدودة عرفها فلبيت ) لواليدة
مبيريكة : ( دارت عندو ) نعام اولدي
صلاح : ( حط دراعو على لمخدة تعابير وجهو جامدة وبدون مقدمات نطق نيشان ) تقبلي امي ببسمة عروسة لولدك
مبيريكة : ( بقاات معلقة فيه عينيها بصدمة فمها محلول شوية ويديها جمدات بلاصتها .. نزلات فيه راسها شوية ونطقات بالستغراب ) بسمة ؟
صلاح : ( بلا مايهضر حرك لها راسو بالإيجاب مأكد على كلامها ) الصمت
مبيريكة : ( بهدوء ) إوا لابيتيها أولدي وبغاتك معندي منقول ليكم أنا من غير الله يسهل عليكم
صلاح : سولتك امي حيت نتي لي غاتبقا معاك فدار لامرتاحة معاها مزيان لا معجباتكش شي حاجة فيها قوليها
مبيريكة : ( حركات راسها بنفي ) بنت الله يعمرها دار مخلقة ومربية وحادگة ومشفنا منها حتى عيب
كي هضر معاها نزل لتحت وخلاها متبعاه بعينيها غير سمعات صوت لباب دزنقة تسد عيطات على رقية لي كانت جات بشي عشرة دقايق
مبيريكة : ( دايرة يديها على حنكها ) رقية رقيااااا وا راقيااا
رقية : ( جات وفيديها كاصرونة ) هانا اختي
مبيريكة : ( جبدات تلفونها من جيب طابلية لي مدورة على كرشها ) هاكي جبدي ليا نمرة هدى راه منعرفش نطلع نمرتها
جلسات حداها وطلعات ليها نمرتها ورجعات لكوزينة خلاتها حاطة تلفون على وذنها كتسنا تجاوبها ..
مبيريكة : ( كي سمعات الخط داز نطقات ) تصالحتي مع راجلك ولا باقي شادة زكاير
هدى : ( جالسة فوق بوطاجي بكسيوة قصيرة وحاضية قدامها حليوة فلفران وطالقة موسيقى فباف .. ضحكات بصوت عالي ونطقات ) لا لا تصالحنا راه بيخير دابا
مبيريكة : ( تنهدات ) إوا مزيان نقصي عليا داك الحرام ندوي معاك
هدى : ( ناضت حتى طفات الباف ورجعات جلسات ) هانا شنو كاين ؟
مبيريكة : ( جبداتها ) إوا خوك قاليك باغي يتزوج ببسمة
هدى : ( توسعو عينيها وحطات يديها على فمها ) صلاح صلاح ؟!
مبيريكة : ( ضحكات ) ايه هو يلاه قالها ليا وتم نازل مع دروج
هدى : ( نزلات من فوق بوطاجي وخرجات الحلوة كتزين فيها ) ايهاي هاي هانا جاية دابا
قطعات الخط قبل متجاوبها مها ودخلات الحلوة لثلاجة .. جرات لبيتها جبدات كسيوة طويلة وعريضة لبساتها دارت زيف او لبسات ليبة مع صندالة فرجليها ، قلباات على تلفونها حتى لقاتو ودوزات الخط لفريد وهي كتعض فضفارها كتسنا يجاوب
هدى : ( كي سمعات صوتو نطقات دغيا ) فريد بغيت نمشي عند مي دابا
فريد : ( بنبرة صوت حادة ) تعتبي باب دار منتافهموش ريحي واحد نص ساعة هاني عندك
هدى : ( عضات فشفتها السفلية ) واخا هاني كنتسناك
بقات جالسة كدور فدار وتجمعها ولي بان ليها ممقادش تقادو متلفة الوقت مابين مايجي .. فالأخير جلسات دايرة رجل على رجل حتى سمعات لباب تفتح وناضت دغيا توجهات عندو وسبقاتو نازلة مع دروج خلاتو غير متبع لها العين مفاهم والو ! تنهد وتبعها حتى لتحت ركبو بجوج فطموبيل وداز نيشان لدار عندهم ..
هدى : ( كي وصلها باستو فحنكو ونزلات كتجري ناحية لباب دقات ودارت كتشوف فيه لقاتو حاضيها من زاج ) فاش نبغي رجع نصوني ليك صافي
فريد : ( عقد حواجبه ) تقولي ليا نبات نجي نجيبك واخا تكوني ناعسة
هدى : ( حلات لها رقية لباب ) لالا واحد شوية ونصوني ليك ( صايفتات لو بوسة فالهواء ودخلات مخلياه كيضحك وديمارا طموبيل .... سلمات على رقية وطلعو فدروج بجوج ) كيدايرة اخالتي لاباس واحد مي نعسات ولا باقي فايقة
رقية : فايقة فايقة راه مولفة تنعس مورا لغدا غير هاد العشية منعساتش
خلاتها ودازت نيشان لبيتها .. سلمات على مها من بعيد وجرات لعند بسمة دقات لباب او دخلات لقاتها كتمشط شعرها قدام المراية
هدى : ( سدات لباب وحطات يديها على خصرها ) هانا على زين هانا
بسمة : ( دارت كتشوف فيها بالبتسامة ) هدى جيتي
هدى : ( الفرحة غاتخرج لها من الودنين ) جيت جيت ناري كي سمعت الخبار اختي وجيت نجري حتى فريد بقا غير كيشوف مفهم والو مسكين .. فرحت ولاهيلا فرحت شحال كنت نتمناها فخاطري وكنت نقول ميمكنش
بسمة : ( حطات المشطة من يديها وشافت فيها بالستغراب ) إنا خبار
هدى : ( غمزاتها ودارت فيها شوفة أحياااني ) إناا خباااار هههه أحياني عليك على ماشي صلاح باغي يتزوج بيك وقالها لمي ومي صونات ليا وجيت نجري
بسمة : ( بملامح جامدة نطقات بعدم تصديق ) كضحكي معايا اصاحبتي اويلي إنا زواج تغالطت ليك مع شي وحدة
هدى : ( حيدات صندالة وتكات براحة على ناموسية ) والله داوية معاك هادشي فيه ضحك راه سيد ناوي معاك الحلال وقالها بفمو راه صدمني انا براسي بقيت غاكنشوف ونقول واه واش مي كطنز عليا
بسمة : ( شداتها لقوة ) صمت
هدى : ( ركزات مع ملامحها او نطقات بجدية ) بسمة متخافيش من خويا حيت كيغوت علينا ولا شي حاجة راه غير مصلاحتنا والله حتى الله يعمرها دار ضريف او حنين عرفتي تكوني معاه مزيان ميخصك حتى خير
بسمة : لا ماقصدتش هكاك أنا أنا منقدرش عاد طلقت يستاهل حسن مني
هدى : ( جراتها من يديها خارجين من لبيت او متوجهين لصالون فين جالسة مبيريكة ) بلا هضرة خاوية ميلقاش فحالك
مبيريكة : ( كي شافتها بتاسمات او شارت لها لبلاصة حداها ) اجي ابنتي حدايا اجي
هدى : ( جلسات حدا بسمة ونطقات بالبتسامة ) عاد لقيتيني كندوي معاها
مبيريكة : ( بالبتسامة بشوشة يرتاح لها لواحد هزات عينيها فبسمة لي كتشوف فالأرض ودوزات على ضهرها بحنان ) راك عارفة بلي دايراك فحال بنتي وراه تكون قالت ليك هدى لي كاين لا قبلتي بولدي شكوون بحالي
بسمة : ( حمارت او رجعات تفتف معرفات متقول ) أنا اخالتي ماشي ديال زواج راكم عارفين كولشي مطلقة او معندي واليدين او منصلاحش ليه يستاهل حسن مني
مبيريكة : ( عقدات حواجبها ) حنا عائلتك او طلاق ماشي عيب مطلعش ولد ناس او طلقتو صافي نساي وعمرك تقولي هاد هضرة مخصاتك لا رجل لا يد باش تحگري راسك
بسمة : ( حكات عنقها بتوتر ونطقات برفض تام للفكرة ) اخالتي ماباغاش نتزوج مقادة على شي زواج دابا
هدى : ( تنهدات ) فكري ولي بغيتيها حنا معاك مايبزز عليك حد شي حاجة غير هو تفكري هضرة لي قلتي ليا متعرفي الحاجة لي راك مصرة عليها متكون فيها خير والحاجة لي رافضاها يكون فيها خير وتفاهمو متعرفي ! كولشي ممكن
مبيريكة : ( قدات نضاضر شوف فعينيها ) منشكرش ليك ولدي ولكن راه حنين ومايمد يدو على نسا يتهلا فيك ومايخليك مخصوصة من حتى حاجة
بسمة : ( ناضت وقالت آخر معندها ) الله يجيب ليه شي بنت ناس حسن مني
دخلات نيشان لبيت وهزات صاك صغير ديال الخيط حطات فيه الحوايج باش جات نهار لول او هزات من عند هدى عباية لاحتها عليها او زيف
هدى : ( واقفة حدا لباب كتشوف فيها ) فين غادة !!
بسمة : ( دارت عندها وحطات الصاك على كتفها ) انا نمشي لدار فين كنت كارية مع رحمة وسمحي لي هزيت ليك عبايتك حتى نجيبها ليك
هدى : ( تجاهلات هضرتها ) جلسي فين غادة راك باقي مريضة
بسمة : حمد الله وليت بيخير بوماضة نفعاتني وغانبقا متبعاها حتى تبرا ( نزلات راسها ) متفكريش انني غانمشي على ود ديك الهضرة اصلا كنت معولة نمشي كنتسنا غير تجي نسلم عليك
هدى : ( تنهدات ) معندك حتى تلفون باش نهضر معاك ولا شي حاجة نتواصلو فيها
بسمة : عندك نمرة ديال رحمة صوني عليها طلع ليها نمرتك وناخدها من عندها نبقا نهضر معاك فتلفونها وغير نشري تلفون نتواصلو فيه
هدى : ( حدرات عينيها مابغاتهاش تمشي ) واخا إن شاء الله
تقدمات عندها بسمة وجراتها من يديها حتى لعند مبيريكة دخلات عندها وباستها فوق راسها وجلسات حداها
بسمة : انا نمشي اخالتي حتى لشي نهار وندوز نشوفكم
مبيريكة : ( لقات نضرة على هدى لقاتها كتشوف فيهم او باينة فيها مقلقة ) صافي صخيتي بينا ابنتي
بسمة : والله ماهكاك اخالتي تلفون بيناتنا غير غارجع لديك دار ومنها نشوف شي خدمة
مبيريكة : الله يسهل عليك ابنتي ومتقلقيش من هضرت**
بسمة : ( قاطعاتها بالبتسامة وناضت مستعدة للمغادرة ) لا لا ويلي اخالتي دوينا وقلت ليك كنتسنا غير هدى تجي نسلم عليها ونمشي الله يعاونكم داابا
سلمات عليها ونزلات مع هدى حتى لعند باب دزنقة عنقاتها او باستها فحنكة بقوة من وجهها عرفاتها مقلقة او مابغاتهاش تمشي
بسمة : ( ضحكات ) وراه غانمشي غير لدار قريبة ليكم ممسافرة ماحتى حاجة طلقي البشرة
هدى : ( بتاسمات بزز ) نخرج نشد معاك طاكسي تسنايني لبس صندالتي
بسمة : لا لا هازة معايا فلوس بلا متعدبي راسك
رجعات عنقااتها وخرجات مخلياها متبعة لها العين حتى دارت مورا دار وسدات لباب متنهدة .... فطموبيل قريبة لدار كان صلاح شاد گارو فيديه وعينيه على طريق وفيديه تانية شاد تلفونو ، كي خرجات بسمة من دار مشافهاش وفاش دازت من حدا طموبيل تبع لها العين ومع ذلك معرفهاش ! بعد ثواني رجع تاني شاف فيها وعقد حجبانو نطق بصوت عاااالي بإسمها
بسمااااااا
مسمعاتوش و ديمارا طموبيل دغيا لحق عليها
صلاح : ( شد فران سيك حدا رجليها او نزل زاج طموبيل .. هز عينو فيها مطلعها ومنزلها ونطق بصوت بارد مهيب وعينيه عليها حواجبو معقودين وداير فيها شوفة لي كتخلعها ! ) طلعي
يتبع...
التنقل بين الأجزاء