فاليوم تالث بعد ولادتها عرضات مبيريكة على ختها ملعيد وعلى بنتها وحتى ختها تانية جاو شي ناس أخرين من العائلة او حتى هدى عرضات على خالة راجلها .. مع أذان الضهر تجمعو على واحد گصعية ديال رفيسة على حقها وطريقها بالمسمن او جوج دجاجات بلديات أو لمساخن ، ريحة كانت يا سلام ولمة كانت زوينة ..
حاطة ولدها على رجليها وعاطياه بزولتها يرضع ومغطية بشال .. بعد ماكلات شوية رجعات لور وخلاتهم كيتغداو فجو زوين خالقينها ومنشطينها فنفس لوقت ، مبيريكة حاولات تنسا غياب ولدها وضحكات شوية او لي حاضرين من عائلتها جاو باركو لبسمة زيادة وحطو زرورة ديالهم .. درها راسها بداك صداع وشدات فنواضرها كتمسدهم كي ردات ليها هدى لبال قربات عندها ونطقات بهدوء
هدى : نوضي رتاحي فبيتك راه غاتكوني عيانة لولد كينعس صباح ويفيق بليل
تمشات حتى لبيتها وفيديها ولدها سدات لباب وحطات طفل على ناموسية ، ضلمات لبيت وسدات شراجم ودوزات ريدوات .. تخشات فناموسيتها وغمضات عينيها قوة صداع درها فراسها وتجمعات مابقاش عندها لخاطر ليهم ! ولات كترتاح بوحدها وفجو يكون هادئ تريح فيه أعصابها وتبقا طرونكيل مايعصبها حد متصدع حد !
زيرات على مخدتها وتنهدات قربات ولدها حداها وبقات ساهية فعينيه لي كان معلقهم فيها ، طاحو دموعها لي كانت حابساهم وبدا صوت تنخصيصها كيتسمع كتر ! هي كتبكي فلداخل وهما مجمعين وكيضحكو برا ، خشات وجهها فلمخدة وبكات حتى تفشات ، تقهرات وحاسة براسها مقجوجة نفس ولات صعيبة عليها طلعها ، شدات فيد ولدها وقربات حتى باستهم ليه وبعدها رجعات لور كتمسح فعينيها ..
على برا وفصالون فين كانو مجموعين كانت ملعيد كتكور واحد دغمة وعينيها على هدى لي كانت شادة مسمنة وكدهن ليها نيوتيلا وبعدها حطات عليها فرماج محكوك .. غير هي وشنو قال ليها عقلها وآش تشهات !
ملعيد : ( غمزات مبيريكة ونطقات بمزاح ) بطبيعة لحال مغاتشهاي والو فريد مسكين قايم بلواجب غير كيجري معاك هازك بهبالك الله يرضي عليه ههه
هدى : ( قلبات عينيها وشافت بنص عين ناحية بنات خوالاتها لي كانو كيتغامزو عليها ) إوا أخالتي شحاال عندو من هدى ؟ مم غير وحدة ميلقاش بحالي أصلا
بنت ملعيد : ( ميقات فيها ) إوا الله يخليه ليك
هدى : ( بتقالة جغمات من كاس عصير ديالها ولاحت عينيها على تلفونها ) أمين احبيبة
ناضت كتقاد فشال ديالها ونطقات بعد ماهزات تلفونها فوق طبلة : أنا نخليكم نزل نشوف فريد شنو بغا ونجي
ملعيد : ( بتاسمات ) سيري يالحبيبة شوفي زمانك شنو بغا ( تبعات ليها لعين حتى مشات ودورات عينيها ناحية غرفة بسمة ) بنتك أمبيريكة ما شاء الله دايرة لراجلها فحال لما وتاهو نفس لحاجة الله يخليهم لبعضياتهم متفاهمين وعايشين بيخير ( سكتات لثواني ) ماشي فحال ديك زغبية ديال مرات ولدك مسكينة صفارت او لولادة قضات عليها ولات غير تجلس بوحدها ومتبقات تحمل جماعة ( بتحسر ) إوا مسكينة بسيف تلقايها حازنة على صلاح ( بتساؤل وفضول ) ولكن كون غير ترجع لدارها دير خير نتي اختي ترتاحي فدارك وهي راه عندها طبقة خاصة بيها معرت علاش هاد تبذير فلفلوس على والو ( دورات عينيها فلبرطمة ) تكون ساوية زبالة لفلوس مخلية دارها وساكنة فديور لكرا
حنحنات مبيريكة وتنهدات أما بنات لخوال غير كيتغمازو وطالقين ودنيهم يسمعو شنو كيتقال ، و خالة فريد حشمات وناضت لكوزينة مخلياهم مجموعين على ناميمتهم
مبيريكة : شغانقول ليك اختي راحتها هي لولة ! ولفلوس خنز دنيا يمشيو ويجيو وبنادم آخرتو تراب مغانديوش معانا لفلوس وديور ، راجلها كيحط عليها دم جوفو بصحتها هي لي عندو ويلا مخسرهم عليها وعلى ولدو علامن يخسرهم ؟
دخلات هدى مع إنتهاء حديث مها ، جلسات فبلاصتها وعقدات حجبانها كتسمع لهم
ملعيد : ( حنحنات كدور فعينيها ) أنا مقصدتها هكا اختي مديريهاش مني قلة صواب ولكن دارها أحسن ليها منها تعاونيها فلولد ومنها متبقايش تمشي وتجي كل مرة فين ساكنة أختي عارفاك عزيزة عليك دارك ومتحملي تنعسي إلا فيها هي راها باقي صغيرة وباقي مشافت والو فزمان نتي ديري لها عقلها دار على مزيناتها ويجري فيها لخيل تخليها وتجي لهاد 100 مترو ولا معرت شحال فيها !!
مبيريكة : مابقاتش فدار بقات فلواحد وخاطرو فين بغات أنا معنديش مشكل واخا ولفت داري ولكن راها مراة ولدي ومشفت منها غالخير نبقا معاها حتى ترجع لدارها ويلا بغات تبقا هنا شغلها هداك مدام راجلها مخليها دير مابغات أنا معندي كلمة فوق كلمتو ! هو لي مزوج بيها ماشي أنا
الخالة التانية : ( نضراتها على مبيريكة ) ملعيد أختي فاهماك غير هو هدا كيبقا فشوش واه واش دار فين كانت ساكنة مناقصاها والو وتجي تكري فبلاصة فين كرات هدى فحال إلى معاندة معاها ؟!
هدى : ( خنزرات فخالتها ) معامن معاندة ؟ أنا لي قلت ليها أجي سكني فلبرطمة لي فوق مني أما هي گاع مدارتها فبالها وعاد لبنت مجاتش وبغات تبعد من ديك دار غير هكاك ! آش باقي غادير فيها وهي مشافت فداك درب غير لكوارث .. راجلها لول وساكن تم نهار يتلاقا معاها يتشفا فيها خالتو ومو كذلك تاهما لفعات زيدها فيما دوز شي سطافيط من حدا دار درية كتفكر آش طرا وقلبها كيتهز بالخلعة .. الله يحسن لعوان اخالتي تاحد ملقاها كيف بغاها
وحدة من بنات خالتها : ( قدات زيفها ) إوا الله يحسن لعوان مسكينة بقات فيا كتقطع فلقلب
هدى : ( طلعاتها ونزلاتها ) تانتي أحبيبة بقيتي فيا كيدرتي مع راجلك لي هرب لبرا هادي ستة شهور وخلاك موراه
خالتها تانية : ( حمارت فبلاصتها ) شكاتقولي اهدى مشا غير يقضي شي أغراض عندو ويرجع ( دارت رجل على رجل وحركات يديها حتى تسمع صوت دبالج دذهب فيديها ) عندو تما شلا أراضي وبغا يبيعهم
مبيريكة : ( بتاسمات لها ) إن شاء الله كاين نتافقو على شي نهار ونبداو نوجدو ليه
ملعيد : ( زمات فمها ) إوا هاد طفل باقي ملقيتو ليه سمية ؟ كون جيتو عليا تسميه مبيريكة على سمية لمرحوم راجلها
هدى : ( طلعات لها فراسها ) خالتي دخلي سوق راسك مو لي غاتسميه هي لي توجعات عليه تسع شهور
مبيريكة : معدنا غراض بسمية عالله غير تبرا ويكون دري فصحة مزيانة هدا هو ربح !
فهاد الأثناء كانت هي حدا لباب سمعات نص حديثهم .. كانت خارجة تمشي لطواليط تقضي حاجتها حتى سمعات لهضرة عليها بقات حتى تنفخ قلبها بقوة نميمة ورا ضهرها وتمات خارجة وفيديها ساشية ، بلا ماتعير لحتى واحد أي إهتمام توجهات نيشان لطواليط دخلات قضات حاجتها غير بزز لغراز وجعوها ومكتقدرش تضغط عليهم .. كي سالات نشفات ديك لبلاصة ودارت ليها دوا وهزات حواجيها وخرجات بنفس طريقة ودخلات لبيتها ساداها عليها
نعسات بلاصتها وتغطات وبقات لمودة وهي ساكتة وكتشوف فنقطة وحدة ..
بسمة : ياربي دير شي تاويل دلخير
"بعد أسبوع"
فصباح الباكر حلات عينيها كتجبد بلاصتها ناضت بشوية من حدا ولدها وهزات عينيها فساعة لقاتها سبعة دصباح .. مشات وجدات فطور على قدها فطرات دغيا ورجعات لبيت جمعات حوايج لحمام او لمستلزمات لي غايخصوها ، قدات كولشي ولبسات عليها سيرڤيت سخونة او لاحت على كتافها جاكيط .. هزات ولدها بشوية وداتو تالعند غرفة فين ناعسة مبيريكة حطاتو حداها وفيقاتها علماتها أنها غاتمشي
تدبح داك لحاولي على إسم إلياس تقطع وتنقا وقادو لحمو باش يكون كولشي واحد للغد ليه فسبوع ، جابو دجاج تاهو مقاد وعيطات مبيريكة على واحد جوج خدامات كتعرفهم جمعو دنيا وجمعو دار وردوها كتشعل وتشقشق بنقاوة .. خرج فريد وجاب گاع تقضية لي تخصو لهاد نهار وصلاح يضل يصوني عليه ويوصي يجيب من لحاجة جوج باش كولشي يكون على حقو وطريقو ومتخص تاحاجة ..
فلعشية كانت جالسة بسمة وهدى ومبيريكة على كسكروط هزات هدى كاس دأتاي ونطقات وهي كتشوف فبسمة لي كانت كتاكل من بريوات بلوز
هدى : ( تنهدات ) فرحي براسك ابسمة وضحكي ونشطي متخليش حاجة معندك يد فيها تبكيك وتبقاي حازنة عليها .. عارفة انو ضروري ومن لحزن فهاد لحضة وميمكنش داك لموضوع يجيك عادي ( كتلمح لصلاح لي فلحبس ) ولكن كلشي مكتب من عند سيدي ربي دوزي غدا بيخير وعلى خير وضحكي ونشطي وشطحي غدا غايبقا ذكرة وغايبقاو تصاورو ( سكتات لثواني ) تبغي يشوف ولدك فاش يكبر تصاور مو كاعية نهار سبوع ديالو ؟
بسمة : ( حركات راسها بنفي ) صمت
هدى : إوا هكاك نقاشة نجيبها دابا نقشي وحتى من تكشيطة دابا ندوموندي ليك عليها
مبيريكة : ( تدخلات ) بسمة ابنتي شحال داز على هاد لموضوع ؟ مقلنا شهر مقلنا شهرين راه قريبة لعام ونتي باقي على حالتك تانا انا مو ومعاجبني حال ولكن كيبقى قضاء وقدر معندي مندير من غير نهز يديه ونطلب ربي يفك سراحو ندعي ربي يخرج قبل هاد عام ونص لي محكوم بيها
بسمة : ( بتاسمات وهي حادرة راسها ) واخا اخالتي الله يفك سراحو ويدير لي فيها لخير
مبيريكة : هكاك ابنيتي
هدى : ( هزات تلفونها ) عندي واحد صاحبتي نقاشة نصوني عليها دابا تجي عدنا متردهاش ليا فوجهي واخا مكتفوتش سبعة دلعشية فلخدمة ولكن راني معرفة معرفة ماشي مشكل ( طلعات نمرتها ) وحتى تكشيطة على حسابي نوريك تكاشط لي يلاه خارجين دابا وتشوفيهم انا مولفة نتقضا عند واحد سيدة عندها داكشي واعر نصوني عليها تاهيا وتورينا لجديد
بسمة : واخا زين
فنهار سبوع كانت واقفة قدام لمراية مبتاسمة بعد ماقدات ماكياج خفيف برز ملامحها وبين جمالها كتر وكتر ، رجعات لور بفرحة كتشوف فراسها جات زوينة توحشات تحط شي حاجة فوجهها ولمودة طويلة كانت هاملة نفسها لواحد درجة كبيرة خصوصا مع لحمل وتقل زادت تكفسات حالتها والحمد لله بعد ولادتها وتشجيع لي طلقاتو من هدى ومبيريكة خلاها ترجع شوية كيف كانت وترجع لإبتسامة مضوية وجهها
بسمة : ( خدات گلوص ودوزاتو على شفايفها حتى بانو منفوخين وشكلهم زاد بان ) ممم صافي هكا
خدات قفطان لي جابت ليها هدى ولي ختاراتو لبارح ، بعد ماشافت گاع ليكوليكسيون لي كاينين دابا عشقات هاد لقفطان حيت كان خفيف وفنفس لوقت غزال .. كان فلون شويبي فاتح وفيه طرز ديال وريدات على صدر وعندو حزام خفيف وسلهام وكيجي نازل حتى لتحت .. بقد ماكان بسيط كان كيبان هماوي وأنيق
لبساتو وهزات صنيديلة فلون لبيج بطالون قصير لبساتها ، وطلقات شعرها ومشطاتو دارت لو سيروم وخلاتو مطلوق وريحتو كتعطعط على مزيناتها .. خدات سنسلة لي كان جاب ليها لي عليها سميتها دارتها ، وبراصليات ديال ذهب فليد ليمنية وليد ليسرية دارت ساعة ذهبية رولكس بتابلو بلو خدات خاتم زواجها لبساتو ودارت حلقات خفاف ذهب فودنيها .. رجعات لور كتشوف راسها من لفوق حتى لتحت وبتاسمات لمنضرها ، قربات حتى لكوافوز ديالها خدات عطر من أجود العطور عندها .. كان عطر لعود أصيل وريحتو كتحمق رشات منو تلاثة رشات وريحت لبارفان ملات لغرفة فلبلاصة
قربات من إلياس لي كانت حاطاه فوق ناموسية بدلات ليه حوايجو بدراعية صغيورة وكيوت لبساتها ليه ودارت ليه معاها تقيشرات بيضين وبليغة صفرة غزيولة وعلى مزيناتها .. سرحات لولدها شعرو بمشيطة صغيورة ورطيطبة او هزاتو كتبوسو وتعنق فيه او هو كيغنغن عليها ويتجبد فرحان
دخلات عليها هدى لبيت وهي لابسة قفطان مشابه لديالها شوية ومختالفين غير فرشمة ولون ، قربات من ولد خوها هزاتو وباستو بقوة فحنكو
هدى : ( باستو فوق نيفو ) مزيناتو ولد ياربي
( هزات عينيها فبسمة ) هاي هاي هاي على لجمال تاني إوا شفتي ها بسمة لي كنعرف
هدى : منكونش بحالك أزين قراي عليك المعوذتين عاد خرجي ههه راه وئام وغزلان وحتى خديجة جيرانا جاو أما لعائلة خلاص هما لولين ( دورات عينيها حتى لقات تلفونها لي نسات فين حطاتو ) أجي أجي نتصور معاك
قربات بسمة مبتاسمة وتصورات معاها وهدى بالخف صايفتات تصويرة ليها ولإلياس وتصويرة فيها غير بسمة معنقة إلياس وكضحك ، وهو فلبلاصة صايفتهم لصلاح
بعد دقائق خرجو بجوج وجلسو فصالون مع خالاة هدى وجيران لي كتعرفهم بسمة وهدى بجوج وحتى من خالة فريد كانت حاضرة .. كانت جماعة زوينة بيناتهم لعبو وهزو طعارج فرحانين لبعض لوقت كل واحد نسا همو ونسا لي بيه وفرحو مجموعين فجو غزال ..
بعد مانشطو وضحكو ولعبو ناضت هدى علمات لخدامات باش يحطو لغدا لي كان مع جوايه لعصر ، جاو لخدامات وحطو مالذ وطاب أشمنك يا لحم بالبرقوق ولحم مشوي ودجاج مقلي وحتى مشوي ، شمنك يا بسطيلات بدجاج ولحوت ما خلاو ماحطو كولشي كان غزال وكيشهي وكولشي كان أنيق طبلة مزوقة وديزاين كان رائع ، حطو مشروبات من عصائر ومشروبات غازية ولكل كان منباهر من لي كيشوفوه مبيريكة كانت واقفة على كولشي وماخلات مجابت ردات لبال لأدق تفاصيل من لحم ومن عطرية وحتى لماعن كان كولشي غزال وفالأخير وفاش سالا سبوع كولشي شكر لماكلة وخواتاتها طلبو رقم طيابة وتريتور ..
داز نهار غزال نشطو فيه وحيدو طاقة سلبية ، وفالأخير فاش خرجو لمعروضين جاو لخدامات وجمعو دار ونزلو عند فريد لي خلصهم ومشاو فحالهم
بسمة : ( فتحات حزام قفطان ) عييت من هاد طالون ولكن عجبني مع لقفطان جا زوين
هدى : ( كتمسد فرجليها ) وي جاو مواتيين لابغيتي شي حاجة من عندها لمرة جاية قوليها ليا نعطيك نمرتها
بسمة : اوكي إن شاء الله
"بعد مرور شهرين"
ساعة تشير الى الخامسة صباحا ، صوت بكاء طفل مزعزع لاباخطمون وهي هازاه وكطبط على ضهرو بحنية كتحاول تسكتو ومايبقاش يبكي .. ولكن بدون جدوى طفل غير مزاد فحدة بكاءو شيء لي خلاها تخلع وتوتر خصوصا وأنها بوحدها ومامعاها حد
إلياس : ( فكو كيترعد ومكمش على عويناتو او وجهو حمرررر ) انننننن
رجعات هزاتو كتراري بيه ودري مابغاش يسكت مخلات مدارت ليه مسدات ليه كرشو قلباتو ياك مابيه شي حاجة ، دارت بيه لاباخطمون كاملة أو والو ... تنفسات بقوة قربات تبكي معاه تخلعات عليه ساعة مابغاش يسكت من لبكا او وجهو لي كيحمار ويزرق مخلي قلبها غايسكت ، ولي زاد كمل عليها معرفات مادير مبيريكة مكايناش فدار وحتى هدى ! بجوجهم مسافرين ومشاو عند وحدة من بنات خوال هدى حيت عندها مناسبة وعرضات عليهم سيمانة هادي ..
بعد عناء طويل وأخيرا سكت وتهدن شوية بقاات كطبطب عليه حتى حط راسو صدرها كأنو باغي ينعس ، مجات تحطو وترتاح حتى هي حتى غوت دري وقفزات هي بالخلعة رجع كيبكي وهي قربات تبول فحوايجها بالخلعة حطاتو فوق سرير وجلسات قدامو كتحاول تلعب معاه وضحكو باش يتهدن ولكن بدون جدوى كتحط حداه ألعابو وهي كتبكي كتلعب معاه ودموعها كيطيحو شلال من عينيها
تربيتو كانت صعيبة من يلاه تزاد وهو كيخليها سهرانة ليل كامل تبات هازاه وتراري بيه او وياااها تحطو ناس كينعسو بليل هو عاد كترشق ليه يفيق ويلعب ويضحك وهي فداك لوقت كتكون مهدودة وباغا غاتنعس ولكن هو مامخليهاش .. مرضة ديالو واعرة وغير يضربو لبرد شوية كتوصل عليه لسبيطارات وكتشوف لويل لكحل دغيا كيمرض و إلى بيه شي حاجة كتبقا تلتيام وهي مناعساش تبات حاضياه غير هو .. طالع صعيب أو واعر فتربيتو
بسمة ( كتنخصص ) عفاك أولدي إلى ماسكت ( مسحات نيفها لي رجع حمر ) ياربي مالو هاد لولد
شدات فراسها تلفانة وناضت حتى لشرجم طلات منو لقات زنقة خااوية فيها غير لعساس وطموبيلات قلال دايزين .. أذن لفجر وهي شادة فحنكها وكتبكي كتقول مع راسها نمشي نشد طاكسي لسبيطار ولكن فينهم طاكسيات فهاد لوقت ؟ بيرمي معندهاش تصوني لهدى فهاد لوقت غادي غير تخلعها وهي حاملة ومعندها مادير ليها وهي بعييدة عليها ! تصوني لفريد حشمات تفيقو فهاد لوقت ..
مشات نيشان لاحت عليها عباية وشال وهزات صاك صغير حطات فيه شي حوايج لإلياس والمستلزمات ديالو .. توجهات لعندو ولبساتو مونطو ديالو على برد ومسحات ليه وجهو من دموع ، تنفسات ودارتها فيد الله ودوزات لخط لفريد بقات لمودة وهي شادة لخط حتى فقدات لأمل وقطعات ورجعات تصوني من جديد وهاد لمرة جاوبها بصوت نعسان
فريد : ألو !
بسمة : ( حشمات ) خويا فريد
فريد : ( حل عينو فاش سمع صوتها وناض ) بسمة كاين شي مشكل ( عاد سمع صوت بكاء إلياس ) مالو إلياس ؟
بسمة : اخويا معرفتش عييت معاه باش يسكت إو والو كيبكي حتى حلقو تجرح
لاح عليه جاكيط فوق ديك سيرڤيت لي لابس وخدا سوارت دار وكونطاكط طموبيل دغيا وتم نازل مع دروج ، جاب طموبيلتو او تسناها حتى نزلات او ركبات لور مع ولدها او ديمارا
فريد : ( هز عينو فمراية لي مقابلة معاها ) شنو وقع ليه واش طالعة لو سخانة ؟
بسمة : ( حركات راسها بنفي ) لا معرفت مالو عييت معاه يتهدن ولكن شي حاجة داراه ( شافت طريق ) دينا عفاك لشي كلينيك يكون مزيان مقادة على شي تجرجير على صباح
فريد : ( حرك لها راسو بالإيجاب ) واخا كوني هانيا
دخلو لكلينيك وبداو يقلبو على شي طبيب دلأطفال فداك لوقت ، نص ساعة عاد تم جاي واحد دوز ليها لاڤيزيت بطناش ألف ريال وخدا من عندها إلياس باش يفحصو ..
بعد مودة وبعد مدوز ليه قاليها عندو ليگاز عطاه دوا باش يتهدن وقاليها تراقب رضاعة ديالو وترد ليها لبال واش نقية وتبقا تبدل كل مرة وقاليها تلبس ليه لحوايج مزيان باش مايضربو لبرد وغير من تعليمات ..
كي خدات إلياس لي نعس لها على كتفها مشا خلص فريد وتمو غاديين ورجعهم حتى لدار .. خرجات من طموبيل أو تحنات حتى هزات صاكها
بسمة : ( حركات ليه راسها بواخا ) وعفاك بلا متقول هادشي لهدى ولا خالتي بلا متشطنهم على والو مشاو يبدلو لجو شوية يصدقو راجعين
فريد : كون غير مشيتي معاهم بلا متبقاي بوحدك
بسمة : ( حركات راسها بنفي ) ولدي راه نعاس ممقادلوش وراك شايف كل مرة مريض مجاتش نمشي عند ناس عندهم فرح ونصدعهم مرة خرا إن شاء الله
كي طلع لدار حيد ديك جاكيطة ولاحها فوق فوتوي ، تاجه لكوزينة قاد ليه قهوة ورجع متكي بلاصتو وفنفس لوقت دوز نمرة صلاح .. بعد ثواني تفتح لخط
صلاح : ( بنبرة هادئة ) فريد هانيا ؟
فريد : ( مأكد عليه قبل أي حاجة ولو بسيطة توصل ليه ديك ساع داكشي علاش فضل يعلمو ) كنت باغي غير نعلمك أنو ديت إلياس مع بسمة لكلينيك ودابا راه جبتو
صلاح : ( قلبو تهز وبان على صوتو لخوف ) مالو ؟ أشنو بيه
فريد : متخافش ماشي شي حاجة راه دابا مزيان مادير فبالك والو
بعد دقائق وهما كيهضرو قطع عليه صلاح وتكا على دراعوو وبين يديه تلفون كيدوز تصاور ولدو ، كل تصويرة كيزومي عليها وكيستغرق مودة طويلة وهو كيتأمل فيها .. كان كأنو باغي يحفض أي تفصيلة ولو صغيرة فوجه ولدو ! فكل مراحل لي داز منهم .. وهو بيبي صغيرة غير لحيمة حمرة وهو بعد أيام وبعد شهور وفسبوع وفالختانة وهو ضاحك وهو كيبكي وهو مخنزر كيف كيدير هو .. كل نهار كتوصلو عشرات صور والڤيديوات ليه ولكن مع ذلك مدارو ليه والو لهفتو وشوقو ليوم لقائو باقي هما هما ! مكرهش يضمو ويعنقو ويشم ريحتو ويقوليه أنا باباك ...
دوز تصويرة وبانت ليه تصويرة ليها وهي عاطية بضهر كيبان غير نص وجهها ضاحك مع إلياس وصورة تانية بالغفلة كانت مخنزرة ومغوبشة وزامة شفايفها .. شعرها مشعكك وحمرة وفيديها إلياس كيبكي ، بتاسم وهو كيحقق فديك تصويرة متخيل لمشهد قدامو ..
دازو يومين رجعو فيها مبيريكة وهدى من سفر وجابو لبسمة حقها من لگاطو .. مبيريكة رجعات لدارها ورقية مقابلاها وهدى زادت كبرات ليها لكريشة أو ولات باينة ..
مفرقة رجليها وكريشتها مكورة قدامها ، شادة گلاص فبواطة قدامها وگالسة تاكل فيه وبسمة قدامها شادة حنكها وحاطة قدامها تاهيا بواطة وعينيها مرة مرة كيفلتو لولدها لي ناعس فبيتها
هدى : ( حكات كرشها ) مالو إلياس مسكين گال ليا فريد هادي يوماين ديتوه لكلينيك مع خمسة صباح
هدى : مسكين شغاديري ليه كل طِفل وكيفاش كيكون ( حدرات عينيها لكرشها ) عالله غير هاد لبنت عندي مطلعش حارة تاهيا ولا غانصدق مشيرة بحوايجي
بسمة : ( ضحكات ) إن شاء الله طلع مهدنة أما إلى طلعات فحال إلياس هزك لما وضربك ضو
هدى : ماعليش دابا يكبر ويهز راسو
بسمة : إن شاء الله ( دام صمت لثواني ) غانتسنا إلياس غير حتى يدير ديك ربعة شهور ولا خمسة وغانوض ندير بيرمي ( تنهدات ) هادشي بزاف كل مرة مريض كل مرة غايخصو تلقيح كل مرة كيخصو دوا فنصاصة ليل وكيخصني نطلع حتى فرماسيان لي فشاريع لكبير هاديك كتبقا حالة وفريد مسكين صدعتو حشومة كل مرة نوضو من نعاس فنصاصة ليل
هدى : فريد راه داير إلياس فحال ولدو ومتقلتي عليه بوالو ولكن إلى بغيتي ديري بيرمي علمي أختي راجلك
غطات بسمة وجهها حابسة دموعها ولكن فلأخير مقدراتش وطرطقات كتبكي شهيقها كان مسموع وصوت تنخصيصها كيضر فلقلب .. هدى ناضت عندها كتحاول تعرف مالها وسبب هاد تقلب لمفاجئ وهي مراضياش تهز راسها وغير كتخوي قلبها لي عمر ومابقاش قادر يهز دقة بوحدو
هدى : ابسمة يهديك الله مالك ؟
بسمة : ( مسحات عينيها وهزات راسها كتنفس ) صمت
هدى : واش قلت شي حاجة ماهياش ؟ سمحي ليا اختي والله مقصدت
بسمة : ( حركات راسها بنفي ) مقلت حتى حاجة دلعيب ( خدات كنينيكس جنبها ومسحات نيفها ) أنا أختي لي معرفت فين نحط راس معامن غاندوي ؟ فينو أختي هاد راجل ؟ مابقيت عارفة راسي واش من لمزوجين ولا من لمطلقين
هدى : ابسمة راه تا صلاح ربي لي عالم بيه مشفتيش حالتو كي دايرة راه محروم من ولدو
بسمة : قلت ليك راه ناشط وضاحك فداك لحبس ؟ راني عارفة لي كاين ولكن اختي هادشي بزاف مكيسول مكيدوي فحال إلى غير حجة باش يقلب عليا وجهو وصافي
هدى : ( تنهدات وحركات راسها بنفي ) كره هو يهدر معاك ؟ شكون قاليك مكيسولش فيك ؟ على شكون عاطي فلوس لفريد وشكون كيوصيه عليك وعلاش حنا رادين ليك لبال وكل مرة نطلعو عندك ؟ احنا عارفين كون مكان هو نديرو جهدنا وكتر ولكن هو لي يضل يوصي عليك ويقول لينا ردو ليها لبال وتهلاو فيها
بسمة : ( هزات حاجبها ) صحابك هادشي معارفاهش اهدى ؟ ناعسة على ودني أنا ؟ مقصدتش هكا هو مبعدني عليه كيهتم بيا بطريقة غير مباشرة كيوصيكم عليا اه ولكن فينو هو من هادشي كامل ؟ أنا قادرة نهز راسي أو ولدي وميخاف من والو ولكن علاش مكلفش راسو هاد شهورة كاملين غير يسول فيا ولا غير يخليني نجي عندو
هدى : واش يرضا أبسمة كيصحابك صلاح يخليك تجي لديك لبلاصة راه ميرضاش ( حطات يديها نيفها ) نفسو هنا ويخليك تجي عندو نتي وإلياس ؟
بسمة : نجي غير أنا إلياس نخليه عندكم حتى رجع راه راجلي وأنا مراتو مهدر معايا ماحتى حاجة معارفة راسي واش مزوجة ولا لا ! قريبة لعام وعمرو هدر معايا ! حطي راسك بلاصتي
هدى : ( تنهدات ) الله يطلق سراحو ابسمة وإن شاء الله ترجعو تجمعو .. حاولي تهدري معاه نتي وصوني عليه ؟
بسمة : لهضرة مغاتخرجني لا أنا لا هو من هاد لحالة يدبر راسو مابغاش يهضر معايا خليه ! شحال ونتوما طلبو وتزاوگو فيه يهضر أو والو راسو قاصح خليه تا أنا مغانصدعوش ومغانهضرش معاه ( سكتات لثواني حتى تنفسات ) براكا عليا غير نقابل ولدي أو خالتي ونتي نوقف معاك حتى تولدي ، كتر من خمسة شهور لي عندك دابا مابقا ليك والو الله يعاونك ويعطيك وقفة ساهلة
بسمة : مهم وصلي هضرة ديال لبيرمي لفريد بغيت نتعلم فأقرب وقت
هدى : ( وقفات ناوية تنزل لدارها ) واخا إن شاء الله
بعد ساعات وتحديدا مع العاشرة ليلا كانت جالسة كتفرج فمسلسل تركي حتى سمعات لباب تحل ، هزات راسها ولقاتو داخل وفيديه ساشيات .. حطهم حداها وتكا جنبها فوق لفوتوي ودرعها بيديه
هدى : ( تنخشات فيه كتشم ريحتو من لقاميجة لكحلة لي لابس ) لحب كي داز نهارك
فريد : ( باس فراسها ) حمد الله مزيان ( شاف فتلفازة كيضحك ) شحال هادي مرجعتي تفرجي فتواركا
هدى : ( جبدات صاشيات عندها وعينيها بان فيهم لقلوبة كي بانت ليها بزاف من شيبس لي كتعجبها ) اححح اقلبي شحال توحشتها
فريد : ( حرك ليها راسو وهو باقي خاري بضحك على تعابير وجهها ، فغلفة هزها حتى طاحت شيبس من يديها وشهقات مخرجة عينيها فيه ) أجي نديرو أكبيدة لمسخ راه توحشت سنطرال ديالي
مخلاهاش تزيد تهضر وخداها لغرفتهم حطها فوق سرير وتلاح عليها ببوابل من القبل ولمسات والهمسات ساخنة ، مخليها كيف كل مرة سايحة فيدو كي زبدة وهو كيشكلها كيف بغا .. دوزو ليلة حمراء بيناتهم عبر ليها فيها على شوقو ليها وتعامل معاها بحنية محاول على لبيبي وفنفس لوقت مخليها طايرة فسما وطالبة لمزيد وفنفس لوقت ولات جريئة معاه لدرجة كبيرة هادشي لي مخليه هابل عليها وديما موحشها
فصباح بكري ناض دوش ودوش ليها حتى هي .. هو بدل حوايجو بحوايج لعمل وهي وجدات ليه الفطور كيف عادتها كل نهار .. تسناتو حتى سالا وجلسو فطرو بجوج وفالأخير ناض هز كونطاكط طموبيل ودار تلفونو فجيبو وقرب باسها فشفايفها توجه عند لباب
فريد : واخا إلى قنطتي طلعي جلسي مع بسمة وفالعشية نخرجو بجوج
هدى : ( صايفتات لو بوسة فاالهواء ) واخا الله يسهل عليك
بعد ماطلع وخدا من عند بسمة داكشي لي غايحتاج باش يسجلها نزل وركب فطموبيلتو وتوجه نيشان لمدرسة تعليم سياقة قيدتها وشرط عليهم لمونيتور تكون مراة وتم خارج يقضي شغالو ويتوجه لخدمتو
مر شهر وقعو فيه تغيرات بسيطة .. إلياس ولات عندو تلاثة شهور فهاد لوقت قطعات ليه بسمة لبزولة حيت سالا ليها لحليب أو ولا كيشرب غير حليب إصطناعي ، بسمة قدات وقتها وتافقات مع هدى أنها تخلي ليها إلياس فلعشية ساعتين وداك لوقت فاش كان كينعس إلياس باش ميعدبهاش ومع تاهي حاملة ودخلات لشهرها سادس زادت تقلات او ولات بزز باش كتكافا مع راسها .. لحبالة معدباها وتقل غلب عليها داكشي علاش ولات تاهيا كتفيق بكري ودير رياضة لحوامل غير فدار ومتبعة مع كوتش من تلفون .. فهاد ساعتين لي كتخلي عندها بسمة ولدها كتمشي لبيرمي فالأيام لأولى كانت متوترة ولكن دغيا شجعات نفسها ومع سيدة لي كدربها كتخلص مزيان أو موصية باش تعلمها دغيا وترد ليها لبال كانت عاطية جهدها كامل معاها شادة ليها لخاطر وكي تجي كتسبقها هي لولة .. وحتى بسمة كان عقلها خفيف كتسمع ليها وفبالها غير تشد هاد لبيرمي وربي كبير
فيوم لإمتحان لي غادوز بسمة ولي غايبان من خلالو واش غاتشد لبيرمي ولا نو كانت واقفة شادة صف ويديها متعرقين بالخلعة هدى جنبها كتشجعها وفريد تاهو واقف معاها ومدور لفلوس مع لمونيتور باش دوزها وترد ليها لبال مع لخلعة .. قبل كانو عطاوها شي وراق تعمرهم عمراتهم وركزات معاهم وبقاات واقفة كتسنا نتيجة
هدى : ( طبطبات على كتفها ) إن شاء الله غاتشديه بلا متخافي
بسمة : ( حركات لها راسها بالإيجاب مخلوعة او وجهها صفر ) إن شاء الله ياربي
تنهدات كدعي فخاطرها ربي يوقف معاها وتقبل وماطراش شي حاجة لي تخليها ترفض وتعاود تاني لخدمة من جديد .. كانت راضية على نفسها وعلى شنو حافضة وشادة كل مرة كانت كترجع من لبيريمي كانت كتدرب بوحدها وتفرج فڤيديوات وكتزيد تعلم كتر وفنهار تاني فاش تمشي كتفاجئ لمونيتور أنها شادة كولشي وباقي عارفة معلومات جداد لي غاتوريهم ليها هي ديك فبقا ليها غير تطبيق لي كانت مركزة عليه كتر ..
عيطو عليها ومشاات دوز لإختبار ركزات وخا كانت متوترة ولكن قدرات دوز مزيان على حد قولها ، كي سالات ناضت وتسنات حتى عيطو عليها وقالو لها أنها نجحات ، مقداتها فرحة ونقزات معنقة هدى لي كانت مايتة عليها بضحك وكتبارك ليها
دوزات آخر حاجة بقات ليها و خرجو لشاريع وركبات فطموبيل كطبق گاع داكشي لي شادة فراسها فالأخير نزلات ورجعات فرحانة عندي هدى وفريد لي كانو كيتسناوها
هدى : ( بتاسمات ) على سلامتك
بسمة : ( الفرحة غاتخرج من عينيها ) الله يسلمك والله مقاداني فرحة ياختي
فجنبهم كان فريد كيهضر مع صلاح لي طول لوقت كان كيصوني على فريد باش يطمأن واش شدات لبيرمو ولا نو .. كي علمو فريد وبشرو أنو خداتو رجع عندهم أو وصلهم حتى لدار
كي وصلهم هو مشا لخدمتو وهما طلعو بجوج حتى لدار عند بسمة لي كانت فيها مبيريكة شادة ليها إلياس لي واخا مشاغب ولكن كيرتاح لجداه وحتى هدى .. دخلو ومشات نيشان بسمة عندو بالفرحة هزاتو وعنقاتو وبعصات لي حنكو بوسان حتى بدا كيضحك معاها كأنو حاس بفرحتها
مبيريكة : ( من الفرحة لي بانت لها فوجهها عرفاتها خداتو ) إوا مبروك أبنتي مبروك الله يسهل عليك ياربي ( هزات يديها لسما ) الله يفرحك ويكون معاك ياربي يسهل عليك ويعطيك مانويتي فخاطرك
بسمة : ( حطات إلياس ومشات عندها عنقاتها وباستها فحنكها ) أمين أخالتي ويسهل عليك حتى نتي ( تحنات حتى باست لها يديها و رجليها ) ويشافيك ياربي
مبيريكة : ( دموع لفرحة فعينيها ) أمين أبنتي أمين دابا رجعت كي قبل ولين نوض ونتعگز عليها حمد الله دابا مابقيت كيف كنت
نضمات ليهم هدى وجلسو مجمعين ومبيريكة غير كتشوف فيهم فرحانة لبسمة حيت كتشوفها بدات كتخرج من القوقعة لي كانت فيها مابقاتش منغالقة على راسها وحتى من إلياس مابقاتش كتخاف عليه كي قبل ولات كتخليه ليها ولا لهدى عادي يكفي تسول وتطمأن عليه ، تنهدات ومسحات دمعة طاحت ليها بالخف ودعات من كل قلبها ربي يوقف مع ولدها وتخرجو من داك لحبس لي فيه
خرجات من دوش كتنفش شعرها بفوطة ، دارت روتينها بعد دوش ديال ديما ولبسات سروال سيرڤيت عريض بارد وطوب لاصق بيج فالفوق .. نشفات شعرها بشوشوار وكان إلياس فاق فهاد الأثناء ، هزاتو كضحك وتلعب معاه ونعسات حداه كتحك لو فضهرو حتى تنيمو عينيه ورجع نعاس ..
ناضت كدور فدار وهي خاوية شدها لملل حيت مبيريكة كان رجعها فريد لدارها وبقات بوحدها ، مشات لكوزينة قدات كابتشينو ورجعات لبيتها حتى سمعات صوت دقان فلباب وتوجهات ليه وحلات لباب
بسمة : ( هزات عينيها فيها بتفاجئ ) كتر من هادشي ياختي ؟ شنو هي
هدى : ( بتاسمات عارفاها غاطير بالفرحة ) سدي عينيك
حطات طبسيل من يديها وسدات عينيها وهي فرحانة .. حتى حطات ليها هدى قدامها كونطاكط ديال طموبيل ورجعات لور باش تشاهد ردة فعلها
هدى : حلي عينيك
حلات عينيها كتشوف فيها حتى بانت ليها كتشير بعينيها لطبلة وهي تحدر عينيها ، تفاجآت ودارت يديها على فمها بصدمة محساتش براسها حتى طلقاتها بغوتة ونقزات على هدى بفرحة
تنهدات هدى وجراتها حتى لشرجم شيرات ليها بعينيها باش طل وتحنات كتشوف حتى كتبان ليها سيارة مزوقة ب بابي كادو وعليها بابيونة كبييرة وكانت باقي جديدة وكتلمع
بسمة : ( دارت يديها على فمها ) ناري حمقاتني شكرا بزااف اهدى والله
هدى : ( كتشوف فطموبيل لتحت ) ماشي أنا لي جبتها ليك أبسمة
بسمة : ( حركات ليها حاجبها بمعنى شكون واخا الإجابة كانت فعقلها ولكن مرضاتش تقولها ) شكون ؟
هدى : ( شدات فيديها ) صلاح كي شديتي لبيرمي وصا فريد يجيب ليه طموبيل وشراها من عندو راك عارفة خدمة فريد ختار هو طموبيل أو وصاه يزوقها ويقادها ويفاجئك
بسمة : ( حنحنات وحكات ودنها بتوتر وحيرة ) صمت
هدى : وي هو بلاصت متشكريني أنا دوي معاه وشكريه بنفسك ( عوجات عنقها كتشوف فيها ) شباليك
بسمة : ( سرطات ريقها ونطقات بصعوبة ) واخا إن شاء الله
هدى : ( توسعو عينيها بفرحة منتيقاش أنو المبادرة غاتجي منها ) هكا نبغيك أبسمة صلاح والله حتى كيبغيك وأكبر دليل هو أنو كيهتم بأبسط تفاصيل كيتعلقو بيك متيقيش شحال كيضل يوصي ففريد عليك مكرهش مسكين يشاركك فرحتك دابا ولكن خلا ليك كادو زوين
بسمة : ( بعد تفكير لثواني نطقات وهي شاردة ) واخا اهدى غانحاول
طبطات هدى على كتفها وخرجات مخلياها بوحدها مقابلة مع شرجم وكتشوف فديك طموبيل ، فلحضة توجهات لتلفونها هزاتو وبقات تقلب على نمرة لي كان صونا عليها بيها عام هادي بقات لدقائق حتى لقاتها وجبداتها كتشوف فيها ..
سوط أنفاسها غادي وكيتعالا ، دقات قلبها كيتسمعو بجهد ويديها كيترعدو .. وجهها ضهر عليه توتر وحلقها شحف وعرق خفيف نازل مع جبهتها .. بقات لمودة شادة تلفون ويديها كيترعدو لخلعة شداتها وصوت كتسمعو فوذنيها كيشجعها على أنها تصوني وصوت تاني كيقول ليها لعكس ! معرفاتش شنو تبع فهاد لحضة واش عقلها ولا قلبها ! فالأخير نتاصر القلب على لعقل او ضغطات بزربة على نمرة حتى طلعات ليها كتصوني ، دارت تلفون على وذنها حتى كتسمع صوت تيييت دليل على أنو بدات كتصوني عليه .. شدات فلحديد دشرجم بقوة وحيدات تلفون من ودنيها دغيا ودارت صبعها باش تقطع لإتصال حتى فلحضة لخط داز وتشدات لمكالمة !
قلبها ضرب بقوة ومابقاتش قادرة تحكم فجسدها ، طاحت على ركابيها فاشلة ودمعة سخونة طاحت من عينيها .. شهقات ومجات تسد فمها حتى تسمع صوت تنخصيصها بقوة فلمكالمة ، مقدراتش تحبس راسها ! مقدراتش تكبح أحاسيسها ومشاعرها دموعها خانوها وصوت قلبها غدرها .. رجعات بلور وتكات على لجدار وطلقات لعنان لدموعها بقات حاطة تلفون على وذنها وكتبكي ربي لي خلقها حتى فلحضة قطعات صوتها لا إراديا وعضات بقوة على يديها باش تحبس من لبكا وتسمع داك صوت لي كدبوه ودنيها ..
تنفسات بقوة ودارت هوت باغلوغ حتى كتصدم بصوت بكاء خفيف ورجولي هرس قلبها وخلاها تبكي دم فديك لحضة ، شدات راسها ودارت يديها على رجليها وتكورات على بعضها .. فديك لحضة كانو بجوج كيبكيو بجوج كيترجمو أحاسيسهم ومشاعرهم لبعضهم بالبكاء بجوج كيعبرو على شوقهم وإحتياجهم لبعض بجوج كانو نادمين على الحواجز لي كانو دايرينها طول هاد لمدة بين بعضياتهم ..
بسمة : ( جسمها كلو كيترعد وعينيها عمرييين ومنفوخين بالبكا نيفها كيسيل ويديها حمرين بقوة ماعضات فيهم .. سدات عينيها بوجع ونطقات بصوت ضعيف ومرعود بالكاد تقدر تسمعو ) ألو
صلاح : ( بنبرة خافتة و صوت مجروح ) علاش تتبكي دبا ؟
صلاح : هااا شتي شحال من مرة صونيت عليك ومكتجاوبيش وخليتك على خاطرك حتى وكان تجي لبادرة منك حسن ( دام صمت لثواني ) وهاحنا عفا علينا الله وحن قلبك علينا
بسمة : ( بصوت حنون ) من ديما حنينة غير كنت مقصحة راسي شوية
صلاح : وعلاش هادشي كامل ؟
بسمة : من داكشي كامل لي دزنا منو ومن داك لخبر لمفاجئ لي طاح عليا فحال صاعقة ( فاش تشد فلحبس ) وحتى مع لحمل او بعد لولادة كنت مخربقة مهم نسا عليا هاد لموضوع كولشي داز
صلاح : ( كيسمع لها بتركيز ) دابا مرتاحة ؟ تصفاو لخواطر ؟
بسمة : ( بتفكير ) أحنا مزيان دابا غير هو متسنانيش نصوني عليك باقي هاد مرة حتى نتا سول ومتغبرش
صلاح : ( بنبرة رجولية وببحة خطفات لها قلبها ) واخا ألالة ميكون غير خاطرك
بسمة : ( بدون تفكير ) صلاح صايفت لي فوطو ديالك ديال دابا
صلاح : ( ستغرب من طلبها ) ضلام أشوا غاتشوفي ( تنهد وقرر يلبي طلبها ) واخا تسناي شوية
بقاو لمدة طويلة وهما كيدويو .. گاع داك شوق لي كانو هازينو لبعضياتهم بديك لمكالمة غير مزاد شعل أكثر وأكثر ومخمدش نهائيا ، لمهم أنهم صارحو بعضياتهم وصفاو لخواطر ..
بعد دقائق من نقطاع لمكالمة بيناتهم صايفت ليها صورتو وهي دخلات لطوف دغيا وزومات عليها ، برقو عينيها بدموع لحالتو كانو عينيه طافيين ومغوبش من لفلاش ومبتاسم فنفس لوقت .. لابس قبية سخونة بالكحل وداير لقب شعر طايح على عينيه ولحيتو زادت طوالت .. بتاسمات وباست تصويرة وعنقات تلفون وحطات راسها عالمخدة باش تنعس .. قلبها كان كينبض بجنون وفنفس لوقت بندم وشعور ضرها مكانتش عارفاه صابر لهادشي كامل وكانت هي زايداه وضاغطة عليه من لفوق ...
دازو أيام بسمة ولات تسوگ فيهم مزيان وطلقات يديها فصوگان بفضل لمونيتور لي كانت درباتها .. فهاد سيمانة كانت كطلاقا معاها وتجلس معاها فطموبيل وتوريها كيفاش تعامل فطريق حتى تدربات مزيان وخلصاتها على وقتها او مجهوداتها معاها ، بسمة فسيمانة لأخيرة عمرات دار بتصاور صلاح وشرات كادرات ودارت فيهم تصاورو لي طلباتهم من عند هدى وأكدات عليها يكونو تصاور ديالو وهو كبير ماشي صغير ، جابتهم ليها وخرجاتها وعلقاتهم فغرفتها ..
بسمة وصلاح كل نهار كانو كيهضرو وبضبط مع طناش دليل كيصوني عليها مع مابقاش كيقدر يهضر صباح فراحتو حيت لجنة حاطة عليهم هاد ليامات ومراقبة شكون لي مدخل تلفون ولا عندو أسلحة وحتى مخدرات لي وصلاتهم لخبار دخلو وبكميات كبيرة شوية أو ولاو كيتباعو وسط لحبس .. داكشي علاش وكل مرة يا إما فصباح ولا فنصاصة ليل كيدخلو ويديرو تفتيش ويقلبو كولشي ! داكشي علاش مابقاش كيخاطر بزاف وفضل أنو يخلي صورة مزيانة طول مدة لي مسجون فيها فالحبس ! مناقصوش شي ستة شهور أخرى ولا مدة تزاد على لمدة لي عندو ، حيت كل جريمة يا إما يحصلو عندك تلفون ولا سلاح مقادو داخل لحبس ( موس ) ولا أي حاجة حادة ويمكن تعرض شخص آخر لخطر كتعاقب عليها عقوبات طالعة يا إما بسجن إنفرادي لواحد لمدة وكيضاعفو ليك حتى مدة لي غاتجلس فيها باقي فالسجن ...
شميسة طالعة والجو كان سخون شوية ومع ذلك كان الجو برا غزال وغير ديال دوران وتفواج .. وهي كتفكر طاحت فبالها هاد لفكرة وناضت كتكسل وتجبد فعضامها هزات تلفونها ودوزات لخط لهدى وطلباتها أنهم يخرجو بجوج ويدوزو عشية أونصومبل .. هضرات هدى مع فريد أو طلباتو أو رفض فلول حيت حاملة او فشهرها سادس .. أصرات عليه وبقات تبكي وتشكي عاد خلاها تخرج ورجعات صونات على بسمة فرحانة وعلماتها أنها غاتخرج معاها .. قالت ليها بسمة توجد راسها دابا وقطعات مخلياها كتوجد راسها
تاجهات لماريوها ختارت منو سروال بيج او بقات واقفة شحال كتشوف شنو غاتلبس فالفوق مع صهد مابغاتش تعدب وتلبس شي حاجة سخونة ، فالأخير هزات شوميز بيضة بلا كمام او طالعة شوية من جيهت لعنق وفيها سنسلة .. خداتهم ولبساتهم ودارت فرجليها سبرديلة نايك باش ترتاح فلمشية وفنفس لوقت متعدبش مع إلياس .. مشات قدات ليه دغيا حليب فرضاعة وعطاتها ليه كيرضع وهي جلسات حدا لكوافوزة عين فالماكياج وعين عندو رادة معاه لبال لايشرگ ليه لحليب .. قدات ميكاب خفيف عتامدات فيه على بلاش او ماسكارا وعكر خفيف فقط ..
خلات شعرها مطلوق سامبل او دارت ساعتها فيديها او ديزاكسيسوار فليد تانية وعنقها كيف ديما مكتحيدش منو ديك سنسلة لي جاب ليها صلاح وحتى خاتم كيبقا فيديها ديما حتى كاتبغي تشقا وتحيدو ..
جرات واحد لمجر وخدات منو قرعة بارفان بتاسمات وهي كتشوف وكانت ديك ريحة من أفضل روايح عند صلاح هي لي كايدير ديما وملي نتاقلات لهاد دار هزاتها معاها ، رشات منها شوية وحطاتها بلاصتها وبدلات لولدها حوايجو لبساتو سيرڤيت مبردة شوية أو سبرديلة فرجليها ودارت لو كاسكيطة فوق راسو .. قدات لو صاك فيه ليكوش ومستلزمات ديالو وهزات نضاضر شمس دارتهم فوق راسها وحطات تلفون فبوشيط وكونطاكط دطموبيل فيديها .. لبسات ركاب لي فين غاتحط إلياس وحطاتو تماك وهي كضحك معاه وهو غير مغوبش وهاز خنافرو لسما ..
بسمة : مالك غير هاز عليا خنافرك مالنا منخافوش
إلياس : ( بصوت طفولي ) اغغغغغ
بتاسمات وخداتو حتى لواحد تصويرة معلقة ديال صلاح كان فيها ضاحك ومبتاسم لكاميرة
بعد مدة وهي كدور بيه فدار خرجات و نزلات حتى لعند هدى ودقات عليها لقاتها تاهيا لبسات برقع ديالها ودارت ميكاب خفيف وهزات صاكها ولكن بقات واحلة مع سبرديلة معرفاتش تلبسها وفيما كتبغي تحنا تلبسها كرشها كتمنعها ، بتاسمات بسمة على داك لمنضر وتفكرات راسها كانت كتعيا متجابد معاها وفلخر تلوحها وتلبس كلاكيطة .. قربات لعندها ولبساتها ليها وتمو خارجين بجوج نزلو فدروج وركبو فطموبيل بسمة
أول حاجة دارتها بسمة مشات شرات كرسي مخصوص لإلياس باش تبقا تحطو فيه فاش يكونو بجوج فطموبيل وختارت واحد جا قدو وقادوه ليها مع لكرسي عاد خلصاتهم وتحركات من تم
دازو لمول تقداو لي خصهم .. هدى خدات حوايج لبنتها وختارت شي بيجامات ليها عراض وترتاح فيهم مع لحمل ، بسمة مخلات مخدات من بيجامات مقزبين وصيفيين وحوايج لصيف كسيوات او صنيدلات .. أو أهم حاجة كانت جاية على ودها خدات باخك من ماركة لي بغات فيه عطر او كريم ديالو للجسم او سبراي مع بعض لميكاب او منتجات للعناية بالجسم ، ومنساتش إلياس خدات ليه تيشورتات وسراول وكاسكيطات باش تولي تخرجو معاها ..
بعد ساعات وهما كيتقداو دازو لسبا بسمة دارو ليها ماسك لشعرها وعتاناو ليها بوجهها حتى رجع كيشقشق ورطب .. كي غسلو ليها شعرها قادو ليها تقطيعة وقصرو ليها لگصة كيف بغات و قادوه ليها بالبلاك ودارو ليها بوكلي على حسب طلبها وهدى طلبات غير يقادو ليها ضفار رجليها ويديها ويخليوهم بلا صباغة
رجعو لدار هدى طلعات لقات فريد رجع وكيتسناها من قبايلة وبسمة هزات ولدها وشدات فيديها داكشي لي خدات وبقات معافرة معاهم حتى طلعاتهم ودخلات لدار ، عطات لولدها ياكل وجلسات حداه كتلعب معاه حتى داه نعاس من لعيا وهي ستاغلات لوضع ودخلات خدات دوش دغيا بلا متقيص شعرها وخرجات نشفات لحمها لي رطب ونقي مافيه ولا زغبة .. رطبات جلدها ورشات سبراي من لباخك لي شرات خدات بيجامة من لبيجامات لي شرات ليوم ولبساتها .. كانت عبارة على شورط قصير حد لفخاض او تيشورت مين ڤونطخ كريشتها كلها معرية .. طلقات شعرها ودارت روتينها ليلي لوجهها وفالأخير رطباتو ودارت ملمع شفاه وسيروم لشفارها ..
تاجهات لمطبخ قدات ليها نودلز دغيا هي لي تشهاتها وحطاتها فبلاطو مع موناضة بومس وتمات راجعة لبيت طلات على إلياس لقاتو ناعس وشعلات تلفازة نقصات ليها وخدمات يوتيب وتمات جالسة كتفرج فمسلسل كوري وتلفون مخلياه جنبها ودايرة لو صوت
ضربات طناش أونص دليل وسمعات صوت هاتفها كيصوني فتحات عينيها وشافت بنص عين فأبيل ڤيديو لي كان كيصوني عليها صلاح ، تفوهات وحكات عينيها حيت كان داها نعاس لنص ساعة مع لعيا تاع نهار كامل وليل لي مكتنعسش دغيا شدها نعاس
بسمة : ( ناضت تكات على فوتوي وشعلات ضو فجنب مضوي غير عليها والغرفة بقات مضلمة باش إلياس يبقا ناعس .. دوزات لخط بابتسامة ونطقات بنبرة حنونة كي شافتو ) لاباس عليك
بقا كيشوف فيها لثواني بلا مايجاوبها حتى حشمات وقلبات لكاميرة شاداها ضحكة وفنفس لوقت تدعقات وحشمات
صلاح : ( تنهد من قلبو ) كنت لاباس وفاش شفتك مابقيتش
صلاح : ( خرج فيها عينيه حتى طرطقات بضحك وناضت وقفات وحطات تلفون قدامها حتى بانو فخاضها عريانين وكرشها كلها باينة ) داك لي كيخليك توحوحي ويخليك بلا نعاس ( كي شافها دار يديه على عينيه ونطق بالنفعال ) لدلمك تستري لبسي حوايجك واش كتقلبي عليا ولا شنو
بسمة : ( هزات يديها لفوق دايرة راسها كتجبد وفيها نعاس حتى طلع ليها تيشورت وبان شوية من صدرها حيت مكانتش لابسة سوتيانات ) صهد هدا خليني لبس لي بغيت
صلاح : ( بنفاذ صبر ) فيك نعاس تق•ودي تنعسي جهلتيني لدلمك فهاد ليل نح•وي لحيوط أنا دابا ؟ ( دار صبعو يقطع لمكالمة حيت مابقاش صابر او وجهو حمار )
بسمة : ( كي شافتو غايقطع رجعات نعسات او خشات وجهها فلاكام ولا يبان غير وجهها ) صافي صافي منعاودش هههه غير متقطعش
صلاح : ( صغر فيها عينيها ) لامشيت حتى شديتك غايدوك لمقبرة نيشان هاني فين قلتها ليك
بسمة : ( خنزرات فيه ) ماحنا على فالك ياربي سلامة باش كتفايل عليا !
صلاح : ( قهقه بصخب ونطق بنبرة لعوبة ناوي يرد ليها صرف ) غانمحنك ابنتي يطيبو جنابك ون...
بسمة : ( غطات وجهها حشمانة من هضرتو وقاطعاتو بزربة ) وصافي صافي كون تحشم ن...
صلاح : ( بنبرة غاضبة ) لي ماعجبو حال يقلب فين يسكن ولدي يبكي حتى يصبح لحال حد ماشغلو فيه
بسمة : ( هزات حاجبها ) لا طلاقيتو نتوما بجوج نخلي ليكم لبيت ونهرب ديك ساع يطلق زواكتو عليك تالصباح أما أنا ودني طابو بالغوات
صلاح : ( بطنز ) ديري لقطن فودنيك ونعسي
بسمة : ( كانت غاتسب وسرطات لهضرة ) غاندير زمر
( باست إلياس فحكنو ودورات ليه لكاميرة ) ها بابا
إلياس : ( كيحاول يشد تلفون ) اغغغغ
جلسات وحطاتو فوق رجليها وخلاتو شاد تلفون بيديه وهي معاوناه باش ميطيحوش ، خلات صلاح كيدوي معاه وهي بقات كتفرج فيهم مبتاسمة لإنسجامهم مع بعض
دازو أيام إلياس كيكبر فيهم أو ولا عارف شنو داير بيه وحتى من باه بكثرة ما ولا كيهضر معاه فتلفون ولا كي يشوفو فتصاور يضحك ليه ويتجبد عندو واخا بعيد عليه ولكن عندو إحساس طفولي أنو داك شخص باه .. هدى لكريشة كتكبر والحمل مسخفها او قاتلة فريد بالفشوش ولغوات هي تقول ليه بغيت هادي وترجع تقول ليه لا بغيت لخرا تبقا مشحفاه حتى تهز شنو بغات وفلخر تحط كولشي وتقول معجبني والو ، هادي عادتها فهاد الأيام ومتلفة لوقت برياضة باش متقلش وتكون عندها ولادة طبيعية وبطبيعة لحال متبعة مع طبيبة وكتاخد بنصائح لي كتعطيها وكل مرة كتمشي تطمأن على بنتها وتشوف شنو عندها وياك كولشي بيخير ..
بسمة مدوزة وقتها غير مع إلياس وصلاح فتلفون ، وتضل خارجة وقت مارشقات ليها تهز ولدها وضرب خلفة مع لباب تمشي فيما بغات ومترجع حتى يقولها ليها راسها ، وبهاد الحياة لي ولات عايشاها حسات براسها أنها رجعات مسؤولة وقادة براسها او بولدها حتى هو .. فالأواخر وبكثرة مكتشوفش بوسطات فلفايس وآنسطغرام وخصوصا ديال طبخ رجع ليها شغف لي كان فطفولة ولي هو أي حاجة كتعلق بالمطبخ وخصوصا حلويات ولاو كيراودوها أفكار ومنهم تكون ذاتها ودخل لشي سونطر خاص تعلم لباتيسري وبحكم عندها تجربة طويلة وبشهادة ناس گاع لي كطيب بنين وحتى زواق على حقو وطريقو قررات أنها غير دخل تعلم الأساسيات وتشوف شنو ناقصها وتاخد ديبلوم ديالها دغيا ومن بعد تفكر شنو دير بيه وترجع تبني أحلامها وتكون إنسانة مستقرة فحياتها ومعولة على راسها وعندها مدخول شهري ..
رغم گاع هاد الأفكار لي راودوها فالأواني لأخيرة كانت مقابلة مبيريكة ورادة ليها لبال وقايمة بالواجب معاها كتهلا فيها وتقاد ليها حليوات خاصين بيها وتصايفتهم ليها مع فريد وحتى أنها كطرافقها عند طبيب وكترد لبال لصحتها لي ولات بيخير رجعات توقف على رجليها وتمشا بيها شوية وفاش تعيا تعكز على لحيط يديها ولات تهزها ودير بيها مابغات غير مكتهزش تقل بيها بزاف حيت كتفشل ولكن بطبيعة الحال ماشي فحال قبل وكان واضح تطور كبير فحالتها .. مع ستمرار ترويض لي ولات حافضة لحركات لي كانت كدير معاها طبيبة ولا ديرهم معاها بسمة ولا هدى ولا غير هي مرة مرة كتحاول وكتبقا تحرك رجليها ويديها وتنوض تمشا بيهم شوية ...
مع أذان لعشاء كانت واقفة فالكوزينة كطل على لعشا لي وجدات بمناسبة هدى لي ولات عندها سبعة شهور كانت جاتها هاد لفكرة مدة هادي وقالت كيف تولي عندها سبع شهور نعرض على لعائلة ونتجمعو فدار على شي عشا .. كيف شافت كولشي واجد خلات داكشي فلكوزينة وجرات لبيت خدات دوش خفيف بلا متقيص شعرها لي كانت مقاداه غير صباح .. كي خرجاات دارت روتينها بعد دوش وخلات لحمها رطب وفيه رويحة زوينة .. خدات قفطان فراشة خفيفة بحزامها هماوية وديال عراضات لبساتها ودارت ذهبها فيديها وعنقها خلات شعرها مطلوق ورشات عليه سبراي فيها رويحة زوينة ، ودارت ميكاب خفيف ديال دار ..
كي سالات لبسات شربيل فرجليها وتمات خارجة من لبيت شادة فراشتها ومشات عند ولدها بدلات ليه حوايجو وحطات لعاب حداه مخلياه كيلعب وهي ضربات طلة دغيا على صالون لي كان مقاد على حقو وطريقو ولي أصلا فرشاتو على دوقها بأجود أنواع الأتواب وآخر مكاين فليموديل ، خلات كولشي مقاد وبخرات دار ببخور إماراتي بريحة لعود وفالأخير جلسات كتسنا ضياف يوصلو ..
بعد دقائق جات هدى ومبيريكة ودخلو جلسو فصالون وبعدها بمدة قليلة سمعات بسمة صوت طموبيلات لتحت وصوت ناس كتار عرفاتهم وصلو بقات جالسة حتى دقو فلباب و ناضت بنخوة وبتقالة حلات باب دار وسلمات على خالة فريد لي كانت عارضة عليها ولي تلاقات نيشان حدا لباب مع خوالات هدى وبناتهم .. دخلو تاهما وسلمات عليهم وهما غير كيطلعو وينزلو فيها..
تجمعو كاملين فصالون على ضحك وتقشاب ونميمة فبنات لعائلة ولمعارف مخلاو علامن دواو ومنساو حد .. بسمة كانت جالسة وحاطة فوق رجليها إلياس لي كان داير يدو فصبعو وكيضحك مع مو وخولات هدى وبناتهم عينيهم عليه بغاوه يهزوه وبسمة مطلقش منو غير حاطاه على رجليها
ملعيد : ( كطلع وتنزل فبسمة ) إوا يابنتي متحطيش داك لولد يلعب شويا ونتي غير خاشياه فيك
بسمة : ( بتاسمات ليها ودارت رجل على رجل حتى زادو تعراو صيگانها وبانو بلقين ونقيين وخلخال كيبري فيهم وباين ذهب ) بصحتنا اخالتي لافينا شيكي جات معانا او ولدي هدا لبسو لي بغيت مالي فين غانحط هاد لفلوس لا محطيتهم فيه هو
ملعيد : ( دارت حركة دائرية براسها ) وراكي حاطاهم فذهب ( دارت يد على يد معاجبها حال ) لي شافك يقول مزوجة بشي واحد عندو محال دذهب
بسمة : ( تبسمات بالستفزاز ) الله يخلف على راجلي اخالتي حسن من شي ذهايبي ( عطات ولدها لهدى وناضت ) أنا نحط ليكم لعشا
خالة فريد : ( بالبتسامة ) أنا نوض نعاونك احبيبة
بسمة : غير خليك ازين
ملعيد : ( صرفقات حنكها ) ويلا على زين لمراة قد موك مابقيتي تحشمي يابنتي حتارمي لي كبر منك
بسمة : ( ضحكات بالستهزاء ) مالها عندها سبعين عام باش نقول ليها جدة ولا خالتي راها باقي جون ( بتاسمات ) وماشاء الله أنيقة متعطيهاش 49 عام
خالة فريد : ( بتاسمات بزز لملعيد ) عادي غير مجاملة مافيهاش شي حاجة
خرجات سبقات بسمة لكوزينة باغا غير تفك وبسمة تبعاتها مخليين ملعيد كتبرگم وتقول لعقل مكاين تاعند صغار بقاو غير لقبار من لول مكانتش عاجباها خالة فريد شافت شعر زعر او الأناقة وليبيجو او صيكان غا ليمارك محملتهاش وجاتها معياقة وتقيلة علقلب وفاش لاحضاتها كتبقا غير ساكتة وتسمع زادت كرهاتها ودور دور تميق فيها
فالكوزينة كانت بسمة مشمرة على دراعها وكتحط لحم بالبرقوق لي وجدات فطبسيل كبير ومزوق ، جبدات گاع لماعن لي عندها وناسقات الأطباق وحطات كولشي فبلاصتو .. لحم مشوي فطبق كبير وطويل ودجاج محمر فطبق آخر وشلايض فنوواع وشكال وعواصر كذلك .. عاوناتها خالة فريد حتى حطات كولشي فوق طابلة لي كانت عريضة وطويلة وفلخر جلسات بسمة بنخوة ومدات يديها لعاصير ليمون وكبات لمبيريكة كاسها وحطاتو قدامها بالبتسامة .. كل خطوة كانو خوالات هدى وبناتهم كيشوفو ويميقو فيها البعض حسدوها على لعگوزة وكولشي على لخير لي عايشة فيه ولفلوس لي كيبانو فحوايجها وما تاهما ممخصوصينش ولكن سم ولحسد فكمارتهم
بسمة : ( بالبتسامة واسعة ) مرحبا بيكم دوقو وقولو لي كيجاكم هادشي لي طيبت
ملعيد : ( وحلات ليها زيتونة ) طيبتي ؟ آش طيبتي أبنتي قولي جبدتي كولشي موجد من برا ( كتشوف فضفار مقادين ) هادي ماهي حالة مطيبة هاد لخير كامل
مبيريكة : ( تنهدات من حشيان لهضرة ) كتعرف طيب املعيد ومشاء الله عليها حسن من ليشيف
خالة فريد : ( كتبنن ) ما شاء الله والله إلا تبارك الله عليك طيابك بنين وماشي هادي لولة لي ندوق ماكلتك متولة ماشاء الله
أخت ملعيد : إوا لاواه أبنتي نقاوة هي لولة وتبارك الله هادشي زين غير هو فين تعلمتي هاد لخير تبارك الله
بسمة : ربي خليك ومع لوقت كنت كنتعلم وصافي كل مرة كندير شي حاجة وعقلي خفيف دغيا كنشد فراسي لحاجة
خالة فريد : تبارك الله عليك كون ديري شي ريسطو ديالك غايصدق ليك والله
ملعيد : ( ميقات فيها ) ريسطو ؟ لعيالات حدهم دارهم او ولادهم تخشا وسط زوافريا وتبدا طيب معندهاش دارها
خالة فريد : ( حنحنات بإحراج ) احم
بسمة : ( هزات فيها حاجبها ) مشات ديك هضرة ديال لمراة بلاصتها لكوزينة تا حنا حمد الله كنبغيو مشروع ديالنا نعاونو بيه راسنا منبقاوش جالسين غير فدار وفكرة دريسطو زوينة غير أنا كنفضل شي باتيسري تكون غزالة
هدى : ( دارت يديها على كرشها ورجعات لور راسها تنفخ بهضرتهم ) عندك لحق دار غير كتخنق بنادم لاهم لالقا مايدير يشوف
ملعيد : ( حطات يديها لغلاض على فخاصها بفقصة وزمات شفايفها رقاق ) إنا خنقة لي عايش فهاد لخير يتخنق حنا قداكم كنا غير فبيت وكوزينة وحامدين الله حتى تزوجنا امالكم باغيين طيرو
بسمة دارت راسها مسمعات والو وكملات ماكلتها بشوية عليها وكل مرة كانت تلفت لإلياس لي كان ناعس هادي هي وقيتة لقيلولة ديالو ..
ماكملو داك لعشا حتى كان قلب هدى غايتنفخ مابقات قادة على صداع وراسها درها ، بسمة كانت دايرة ودن سمعات او ودن لا ولي هضر معاها دور فيه سنطيحة دفعاتهت ورجعات تكلم على حقها عرفات إلا مدوات هي مكاين لي يدوي عليها وشحال قد لواحد يدافع عليها اللهم لي عطاها تعطيه ! مبدلوهاش لفلوس كي ضنو هما إنما لواحد بكثرة لمشاكل وتجارب كيتبدل لأحسن وشخصيتو كتقوى كيعرف شحال من حاجة وعينيه كيتحلو كيولي يفرق مابين صح ولغلط كيولي يدافع على حقو ويدوي حيت مناقصاه حتى حاجة فحالها فحالهم وعاد دابا ولات حسن منهم براجلها وطموبيلتها وعايشة بيخير وباغيا دير شي حاجة فحياتها .. علاش مدويش على حقها ؟ تالين تبقا ساكتة وترد لقلبها ؟
دازو سوايع تعشاو فيهم وجمعات بسمة طبلة وحطات ليهم باش يحليو كانو حليوات صغار لكل شخص وكل وحدة بديزاين مختلف ومذاق آخر ..
كلاو وشبعو وناضو يمشيو وفنفس لوقت داو معاهم باش يجمعو وكان موضوع ليلة بسمة لا فطيابها ونقاوتها وتاويلها لي كان باين غير من مضهرها ونضافة دار وحتى من طيابها وعاد ذهوبات لي كانت لابسة والخير لي باين فوجهها ..
خرجو كيسلمو عليها ويديرو ضحكة صفرة وهي كتر منهم محاملة شي حد غا دايرة صواب وصافي وحشمات متعرضش عليهم وهي عمرها دارت شي حاجة فدارها ولا عيطات عليهم ..
نزلات هدى لدارها ومبيريكة بقات مع بسمة فدار ، قدات ليها غرفتها ونعسات فيها وهي شمرات على دراعها وجمعات لكوزينة بقات ساعتين وهي حاصلة تحك وتعاود مسالات غير بزز ويلاه كانت غادوز لصالون وشافتو مرون بزاف قالت تايصبح لحال وتقادو .. بدلات حوايجها وتخشات حدا ولدها بعد ماقاديت ليه رضاعة لحليب وحطاتها حدا راسو حيت عارفاه دابا ينوض
زواجي التالي الجزء 12
محتوى القصة
فاليوم تالث بعد ولادتها عرضات مبيريكة على ختها ملعيد وعلى بنتها وحتى ختها تانية جاو شي ناس أخرين من العائلة او حتى هدى عرضات على خالة راجلها .. مع أذان الضهر تجمعو على واحد گصعية ديال رفيسة على حقها وطريقها بالمسمن او جوج دجاجات بلديات أو لمساخن ، ريحة كانت يا سلام ولمة كانت زوينة ..
حاطة ولدها على رجليها وعاطياه بزولتها يرضع ومغطية بشال .. بعد ماكلات شوية رجعات لور وخلاتهم كيتغداو فجو زوين خالقينها ومنشطينها فنفس لوقت ، مبيريكة حاولات تنسا غياب ولدها وضحكات شوية او لي حاضرين من عائلتها جاو باركو لبسمة زيادة وحطو زرورة ديالهم .. درها راسها بداك صداع وشدات فنواضرها كتمسدهم كي ردات ليها هدى لبال قربات عندها ونطقات بهدوء
هدى : نوضي رتاحي فبيتك راه غاتكوني عيانة لولد كينعس صباح ويفيق بليل
بسمة : ( حركات لها راسها بالإيجاب ) واخا
( جمعات لوقفة وقبلات متاجه لبيتها نطقات بصوت هادئ حيت الأنضار كانو عليها ) خليت ليكم راحة بصحتكم
ملعيد : ( حنحنات ) الله يعطيك صحة سيري رتاحي
لكل : الله يعطيك صحة
تمشات حتى لبيتها وفيديها ولدها سدات لباب وحطات طفل على ناموسية ، ضلمات لبيت وسدات شراجم ودوزات ريدوات .. تخشات فناموسيتها وغمضات عينيها قوة صداع درها فراسها وتجمعات مابقاش عندها لخاطر ليهم ! ولات كترتاح بوحدها وفجو يكون هادئ تريح فيه أعصابها وتبقا طرونكيل مايعصبها حد متصدع حد !
زيرات على مخدتها وتنهدات قربات ولدها حداها وبقات ساهية فعينيه لي كان معلقهم فيها ، طاحو دموعها لي كانت حابساهم وبدا صوت تنخصيصها كيتسمع كتر ! هي كتبكي فلداخل وهما مجمعين وكيضحكو برا ، خشات وجهها فلمخدة وبكات حتى تفشات ، تقهرات وحاسة براسها مقجوجة نفس ولات صعيبة عليها طلعها ، شدات فيد ولدها وقربات حتى باستهم ليه وبعدها رجعات لور كتمسح فعينيها ..
على برا وفصالون فين كانو مجموعين كانت ملعيد كتكور واحد دغمة وعينيها على هدى لي كانت شادة مسمنة وكدهن ليها نيوتيلا وبعدها حطات عليها فرماج محكوك .. غير هي وشنو قال ليها عقلها وآش تشهات !
ملعيد : ( سرطات ديك دغمة وتبعاتها كاس دأتاي منعنع ) إوا يا هدى إمتا يسالي منك هاد لوحم ( صمات صباعها ) فوتي عليك واااحد گصعية على حقها وطريقها حنا كناكلو ونتي كتشوفي فينا
هدى : ( جمعات ديك لمسمنة وعضات منها ) بصحتكم اخالتي أنا أصلا معنديش مع لعشوب ورفيسة فيها لمساخن معندي مندير بيها ونا حاملة
الخالة التانية : غير غايقبطك لوجع لاهم بلاش براكا عليك مسمنة تاعك ويلا مشهية بنت ختي شي حاجة نوض نطيبها ليها
هدى : ( بالبتسامة ) الله يسهل عليك اخالتي مامشهية والو وأصلا مافياش جوع غادايرة يدي معاكم
ملعيد : ( غمزات مبيريكة ونطقات بمزاح ) بطبيعة لحال مغاتشهاي والو فريد مسكين قايم بلواجب غير كيجري معاك هازك بهبالك الله يرضي عليه ههه
هدى : ( قلبات عينيها وشافت بنص عين ناحية بنات خوالاتها لي كانو كيتغامزو عليها ) إوا أخالتي شحاال عندو من هدى ؟ مم غير وحدة ميلقاش بحالي أصلا
بنت ملعيد : ( ميقات فيها ) إوا الله يخليه ليك
هدى : ( بتقالة جغمات من كاس عصير ديالها ولاحت عينيها على تلفونها ) أمين احبيبة
ناضت كتقاد فشال ديالها ونطقات بعد ماهزات تلفونها فوق طبلة : أنا نخليكم نزل نشوف فريد شنو بغا ونجي
ملعيد : ( بتاسمات ) سيري يالحبيبة شوفي زمانك شنو بغا ( تبعات ليها لعين حتى مشات ودورات عينيها ناحية غرفة بسمة ) بنتك أمبيريكة ما شاء الله دايرة لراجلها فحال لما وتاهو نفس لحاجة الله يخليهم لبعضياتهم متفاهمين وعايشين بيخير ( سكتات لثواني ) ماشي فحال ديك زغبية ديال مرات ولدك مسكينة صفارت او لولادة قضات عليها ولات غير تجلس بوحدها ومتبقات تحمل جماعة ( بتحسر ) إوا مسكينة بسيف تلقايها حازنة على صلاح ( بتساؤل وفضول ) ولكن كون غير ترجع لدارها دير خير نتي اختي ترتاحي فدارك وهي راه عندها طبقة خاصة بيها معرت علاش هاد تبذير فلفلوس على والو ( دورات عينيها فلبرطمة ) تكون ساوية زبالة لفلوس مخلية دارها وساكنة فديور لكرا
حنحنات مبيريكة وتنهدات أما بنات لخوال غير كيتغمازو وطالقين ودنيهم يسمعو شنو كيتقال ، و خالة فريد حشمات وناضت لكوزينة مخلياهم مجموعين على ناميمتهم
مبيريكة : شغانقول ليك اختي راحتها هي لولة ! ولفلوس خنز دنيا يمشيو ويجيو وبنادم آخرتو تراب مغانديوش معانا لفلوس وديور ، راجلها كيحط عليها دم جوفو بصحتها هي لي عندو ويلا مخسرهم عليها وعلى ولدو علامن يخسرهم ؟
دخلات هدى مع إنتهاء حديث مها ، جلسات فبلاصتها وعقدات حجبانها كتسمع لهم
ملعيد : ( حنحنات كدور فعينيها ) أنا مقصدتها هكا اختي مديريهاش مني قلة صواب ولكن دارها أحسن ليها منها تعاونيها فلولد ومنها متبقايش تمشي وتجي كل مرة فين ساكنة أختي عارفاك عزيزة عليك دارك ومتحملي تنعسي إلا فيها هي راها باقي صغيرة وباقي مشافت والو فزمان نتي ديري لها عقلها دار على مزيناتها ويجري فيها لخيل تخليها وتجي لهاد 100 مترو ولا معرت شحال فيها !!
مبيريكة : مابقاتش فدار بقات فلواحد وخاطرو فين بغات أنا معنديش مشكل واخا ولفت داري ولكن راها مراة ولدي ومشفت منها غالخير نبقا معاها حتى ترجع لدارها ويلا بغات تبقا هنا شغلها هداك مدام راجلها مخليها دير مابغات أنا معندي كلمة فوق كلمتو ! هو لي مزوج بيها ماشي أنا
الخالة التانية : ( نضراتها على مبيريكة ) ملعيد أختي فاهماك غير هو هدا كيبقا فشوش واه واش دار فين كانت ساكنة مناقصاها والو وتجي تكري فبلاصة فين كرات هدى فحال إلى معاندة معاها ؟!
هدى : ( خنزرات فخالتها ) معامن معاندة ؟ أنا لي قلت ليها أجي سكني فلبرطمة لي فوق مني أما هي گاع مدارتها فبالها وعاد لبنت مجاتش وبغات تبعد من ديك دار غير هكاك ! آش باقي غادير فيها وهي مشافت فداك درب غير لكوارث .. راجلها لول وساكن تم نهار يتلاقا معاها يتشفا فيها خالتو ومو كذلك تاهما لفعات زيدها فيما دوز شي سطافيط من حدا دار درية كتفكر آش طرا وقلبها كيتهز بالخلعة .. الله يحسن لعوان اخالتي تاحد ملقاها كيف بغاها
وحدة من بنات خالتها : ( قدات زيفها ) إوا الله يحسن لعوان مسكينة بقات فيا كتقطع فلقلب
هدى : ( طلعاتها ونزلاتها ) تانتي أحبيبة بقيتي فيا كيدرتي مع راجلك لي هرب لبرا هادي ستة شهور وخلاك موراه
خالتها تانية : ( حمارت فبلاصتها ) شكاتقولي اهدى مشا غير يقضي شي أغراض عندو ويرجع ( دارت رجل على رجل وحركات يديها حتى تسمع صوت دبالج دذهب فيديها ) عندو تما شلا أراضي وبغا يبيعهم
هدى : ( دارت ضحكة صفرة ونطقات بصوت خافت تحت سنانها ) امم واخا يبيع راسو مايفوت جوج سيمانات
الخالة : ( عقدات حواجبها ) قلتي شي حاجة اهدى ؟
هدى : ( بتاسمات لها ) لا اخالتي الله يجيبو مسكين على خير راه تعطل لا وصل عام ديروه فمختفون
خالة فريد : ( معجبهاش نهائيا لجو بتاسمات ونطقات باش تلطف لجو ) إوا مكاينش شي سبوع ؟
مبيريكة : ( بتاسمات لها ) إن شاء الله كاين نتافقو على شي نهار ونبداو نوجدو ليه
ملعيد : ( زمات فمها ) إوا هاد طفل باقي ملقيتو ليه سمية ؟ كون جيتو عليا تسميه مبيريكة على سمية لمرحوم راجلها
هدى : ( طلعات لها فراسها ) خالتي دخلي سوق راسك مو لي غاتسميه هي لي توجعات عليه تسع شهور
مبيريكة : معدنا غراض بسمية عالله غير تبرا ويكون دري فصحة مزيانة هدا هو ربح !
فهاد الأثناء كانت هي حدا لباب سمعات نص حديثهم .. كانت خارجة تمشي لطواليط تقضي حاجتها حتى سمعات لهضرة عليها بقات حتى تنفخ قلبها بقوة نميمة ورا ضهرها وتمات خارجة وفيديها ساشية ، بلا ماتعير لحتى واحد أي إهتمام توجهات نيشان لطواليط دخلات قضات حاجتها غير بزز لغراز وجعوها ومكتقدرش تضغط عليهم .. كي سالات نشفات ديك لبلاصة ودارت ليها دوا وهزات حواجيها وخرجات بنفس طريقة ودخلات لبيتها ساداها عليها
نعسات بلاصتها وتغطات وبقات لمودة وهي ساكتة وكتشوف فنقطة وحدة ..
بسمة : ياربي دير شي تاويل دلخير
"بعد أسبوع"
فصباح الباكر حلات عينيها كتجبد بلاصتها ناضت بشوية من حدا ولدها وهزات عينيها فساعة لقاتها سبعة دصباح .. مشات وجدات فطور على قدها فطرات دغيا ورجعات لبيت جمعات حوايج لحمام او لمستلزمات لي غايخصوها ، قدات كولشي ولبسات عليها سيرڤيت سخونة او لاحت على كتافها جاكيط .. هزات ولدها بشوية وداتو تالعند غرفة فين ناعسة مبيريكة حطاتو حداها وفيقاتها علماتها أنها غاتمشي
مبيريكة : ( حلات عينيها كتفوه ) واخا ابنتي سيري وفطري بعدا ماتمشيش بجوع
بسمة : فطرت اخالتي وخليت ليك فطور فوق طبلة ( شيرات ليها لطبلة جنبها ) ولحليب ورضاعة وتيرموس فيه لما سخون كولشي حداك الى فاق عطيه حليب وسكاتة راه جنبو
مبيريكة : ( حركات لها راسها بالإيجاب ) واخا ابنتي الله يرضي عليك
بسمة : أمين
خرجات وسدات وراها لباب توجهات نيشان لصاكها هزاتو وهزات تلفونها وسوارت دار ، خدات بسطامها وعمراتو بلفلوس عاد تمات خارجة ..
نزلات لتحت ولقات هدى كتصوني عليها ، قطعات ونزلات عندها سلمات عليها وحطو بجوجهم صيكان فطموبيل ، وصلهم فريد حتى لقدام لحمام ونزلو بجوج .. خلصو ودخلو حطو صيكانهم وتمو داخلين لحمام فداك لوقت كان دافي ومسخونش بزاف وداكشي لي كانت باغا بسمة حيت خافت على لغراز
دوشو بجوجات وكل وحدة حكات لتانية ضهرها كي سالاو دارو مقشرات لحمهم وعتاناو بيه ، خلطات هدى ماسك لشعر وداروه بجوج .. تسناو مودة وغسلو شعرهم وكملو تدواشهم .. بعد مدازت ساعتين خرجو بجوجات سخفانات هدى مع لحمل دغيا ولات تعيا وبسمة جهد مابقا عندها ، بعد مارتاحو رطبو جلدهم ولبسو حوايجهم وكل وحدة دارت زيفها وطاگية فوق راسها وخرجو بعد ماصونات هدى على فريد وعلماتو أنهم سالاو ..
خرجو بجوج وطلقا ليهم فريد حدا لباب ، نعتات ليه هدى سْبا لي غايمشيو ليها او وصلهم حتى لقدام لباب
فريد : ( دار كيشوف فهدى نازلة ) الى ساليتو عيطو عليا ومتعطلوش بزاف
هدى : واخا
دخلو بجوج وهتمو بيهم لبنات بسمة دارو ليها ماسكات لوجهها ونقاوه ليها من ليبوان نواغ وبلونش وعتاناو ليها برجليها ويديها وقدات دفارها وخلاتهم بلا صباغة وهدى نفس الحاجة تاهيا .. كي سالاو قادو شعرهم بسمة خلاتو مطلوق وهدى جمعاتو وقدات زيفها وتمو خارجين ومع لعشرة ونص رجعهم فريد لدار
بسمة : ( طالعة فدروج وجنبها هدى ) الله عاد رتاحيت وحسيت براسي رجعت بنادم
هدى : إوا ياختي بسيف عداب دلولادة والأيام لولة مكتبقايش مفكرة راسك دابا جاتك لفرصة غدا سبوع درتي بالحالة ومابقيتيش كي لول
بسمة : ( حلات باب دار بساروت ) مكان عندي خاطر لشي حاجة كنت ندوز غدا بلا حمام بلا حتى حاجة غير دوش ددار قاضي لغراض غير خالتي مسكينة لي رغباتني
هدى : بنادم ينسا شنو بيه ويفكر فراسو شوية شحاال قدك تبقاي هاكة
كي دخلو سمعو صوت ولد بسمة كيبكي جرات عندو لبيت مبيريكة لقاتها معافرة معاه كتحاول تسكتو أو والو وهو كيبكي ويتجبد
بسمة : ( هزاتو كتراري بيه ) من إمتا كيبكي اخالتي
مبيريكة : غير هادي خمسة دقايق ابنتي فاق وعطيتو لحليب ورجع نعس وفاش فاق تاني بدا يبكي
بسمة : ( بقات طبطب عليه لمودة حتى تهدن ) صافي هاهو سكت
مبيريكة : ( بتاسمات ) ولفك ابنيتي لي هزو يبكي ليه
تسمع صوت دقان برا وتم داخل فريد حتى لعندهم ، دور عينيه بيناتهم ونطق وعينيه على مبيريكة
فريد : خالتي لحاولي هاهو فسطح لابغيتي تشوفيه قبل مايتدبح ( هز عينو فبسمة ) ختي بسمة شنو غاتسميه
بسمة : ( نزلات عينيها كتشوف فولدها لمودة وهزات عينيها فمبيريكة لي معلقة فيها عينيها .. تغرغرو عينيها وحاولات تكبح دموعها ومشات تالعند مبيريكة مدات ليها لولد ونطقات بنبرة حنونة ) لولد حفيدك اخالتي سميه لي بغيتي
مبيريكة : ( الفرحة ضهرات على وجهها وتبسمات ببشاشة وفرحة كبيرة بانت فوجهها ) بصح ابنتي ؟
بسمة : ( بتاسمات لفرحتها ) اه اخالتي
مبيريكة : ( تنهدات ونزلات باستو فحكنو ونطقات حدا ودنو بصوت مسموع للكل ) إلياس .. إلياس .. إلياس
تدبح داك لحاولي على إسم إلياس تقطع وتنقا وقادو لحمو باش يكون كولشي واحد للغد ليه فسبوع ، جابو دجاج تاهو مقاد وعيطات مبيريكة على واحد جوج خدامات كتعرفهم جمعو دنيا وجمعو دار وردوها كتشعل وتشقشق بنقاوة .. خرج فريد وجاب گاع تقضية لي تخصو لهاد نهار وصلاح يضل يصوني عليه ويوصي يجيب من لحاجة جوج باش كولشي يكون على حقو وطريقو ومتخص تاحاجة ..
فلعشية كانت جالسة بسمة وهدى ومبيريكة على كسكروط هزات هدى كاس دأتاي ونطقات وهي كتشوف فبسمة لي كانت كتاكل من بريوات بلوز
هدى : منجيبش ليك شي نقاشة تنقشي ابسمة ؟ ( سكتات لثواني وهي وتنطق كأنها تفكرات شي حاجة ) اه وشنو غاتلبسي ؟
بسمة : ( حطات كاس دأتاي من يديها ودورات عينيها كتشوف فشرجم بسهو ) صمت
هدى : ( تنهدات ) فرحي براسك ابسمة وضحكي ونشطي متخليش حاجة معندك يد فيها تبكيك وتبقاي حازنة عليها .. عارفة انو ضروري ومن لحزن فهاد لحضة وميمكنش داك لموضوع يجيك عادي ( كتلمح لصلاح لي فلحبس ) ولكن كلشي مكتب من عند سيدي ربي دوزي غدا بيخير وعلى خير وضحكي ونشطي وشطحي غدا غايبقا ذكرة وغايبقاو تصاورو ( سكتات لثواني ) تبغي يشوف ولدك فاش يكبر تصاور مو كاعية نهار سبوع ديالو ؟
بسمة : ( حركات راسها بنفي ) صمت
هدى : إوا هكاك نقاشة نجيبها دابا نقشي وحتى من تكشيطة دابا ندوموندي ليك عليها
مبيريكة : ( تدخلات ) بسمة ابنتي شحال داز على هاد لموضوع ؟ مقلنا شهر مقلنا شهرين راه قريبة لعام ونتي باقي على حالتك تانا انا مو ومعاجبني حال ولكن كيبقى قضاء وقدر معندي مندير من غير نهز يديه ونطلب ربي يفك سراحو ندعي ربي يخرج قبل هاد عام ونص لي محكوم بيها
بسمة : ( بتاسمات وهي حادرة راسها ) واخا اخالتي الله يفك سراحو ويدير لي فيها لخير
مبيريكة : هكاك ابنيتي
هدى : ( هزات تلفونها ) عندي واحد صاحبتي نقاشة نصوني عليها دابا تجي عدنا متردهاش ليا فوجهي واخا مكتفوتش سبعة دلعشية فلخدمة ولكن راني معرفة معرفة ماشي مشكل ( طلعات نمرتها ) وحتى تكشيطة على حسابي نوريك تكاشط لي يلاه خارجين دابا وتشوفيهم انا مولفة نتقضا عند واحد سيدة عندها داكشي واعر نصوني عليها تاهيا وتورينا لجديد
بسمة : واخا زين
فنهار سبوع كانت واقفة قدام لمراية مبتاسمة بعد ماقدات ماكياج خفيف برز ملامحها وبين جمالها كتر وكتر ، رجعات لور بفرحة كتشوف فراسها جات زوينة توحشات تحط شي حاجة فوجهها ولمودة طويلة كانت هاملة نفسها لواحد درجة كبيرة خصوصا مع لحمل وتقل زادت تكفسات حالتها والحمد لله بعد ولادتها وتشجيع لي طلقاتو من هدى ومبيريكة خلاها ترجع شوية كيف كانت وترجع لإبتسامة مضوية وجهها
بسمة : ( خدات گلوص ودوزاتو على شفايفها حتى بانو منفوخين وشكلهم زاد بان ) ممم صافي هكا
خدات قفطان لي جابت ليها هدى ولي ختاراتو لبارح ، بعد ماشافت گاع ليكوليكسيون لي كاينين دابا عشقات هاد لقفطان حيت كان خفيف وفنفس لوقت غزال .. كان فلون شويبي فاتح وفيه طرز ديال وريدات على صدر وعندو حزام خفيف وسلهام وكيجي نازل حتى لتحت .. بقد ماكان بسيط كان كيبان هماوي وأنيق
لبساتو وهزات صنيديلة فلون لبيج بطالون قصير لبساتها ، وطلقات شعرها ومشطاتو دارت لو سيروم وخلاتو مطلوق وريحتو كتعطعط على مزيناتها .. خدات سنسلة لي كان جاب ليها لي عليها سميتها دارتها ، وبراصليات ديال ذهب فليد ليمنية وليد ليسرية دارت ساعة ذهبية رولكس بتابلو بلو خدات خاتم زواجها لبساتو ودارت حلقات خفاف ذهب فودنيها .. رجعات لور كتشوف راسها من لفوق حتى لتحت وبتاسمات لمنضرها ، قربات حتى لكوافوز ديالها خدات عطر من أجود العطور عندها .. كان عطر لعود أصيل وريحتو كتحمق رشات منو تلاثة رشات وريحت لبارفان ملات لغرفة فلبلاصة
قربات من إلياس لي كانت حاطاه فوق ناموسية بدلات ليه حوايجو بدراعية صغيورة وكيوت لبساتها ليه ودارت ليه معاها تقيشرات بيضين وبليغة صفرة غزيولة وعلى مزيناتها .. سرحات لولدها شعرو بمشيطة صغيورة ورطيطبة او هزاتو كتبوسو وتعنق فيه او هو كيغنغن عليها ويتجبد فرحان
دخلات عليها هدى لبيت وهي لابسة قفطان مشابه لديالها شوية ومختالفين غير فرشمة ولون ، قربات من ولد خوها هزاتو وباستو بقوة فحنكو
هدى : ( باستو فوق نيفو ) مزيناتو ولد ياربي
( هزات عينيها فبسمة ) هاي هاي هاي على لجمال تاني إوا شفتي ها بسمة لي كنعرف
بسمة : ( بتاسمات بلطف ) يخليك ليا حتى نتي جيتي زوينة
هدى : منكونش بحالك أزين قراي عليك المعوذتين عاد خرجي ههه راه وئام وغزلان وحتى خديجة جيرانا جاو أما لعائلة خلاص هما لولين ( دورات عينيها حتى لقات تلفونها لي نسات فين حطاتو ) أجي أجي نتصور معاك
قربات بسمة مبتاسمة وتصورات معاها وهدى بالخف صايفتات تصويرة ليها ولإلياس وتصويرة فيها غير بسمة معنقة إلياس وكضحك ، وهو فلبلاصة صايفتهم لصلاح
بعد دقائق خرجو بجوج وجلسو فصالون مع خالاة هدى وجيران لي كتعرفهم بسمة وهدى بجوج وحتى من خالة فريد كانت حاضرة .. كانت جماعة زوينة بيناتهم لعبو وهزو طعارج فرحانين لبعض لوقت كل واحد نسا همو ونسا لي بيه وفرحو مجموعين فجو غزال ..
بعد مانشطو وضحكو ولعبو ناضت هدى علمات لخدامات باش يحطو لغدا لي كان مع جوايه لعصر ، جاو لخدامات وحطو مالذ وطاب أشمنك يا لحم بالبرقوق ولحم مشوي ودجاج مقلي وحتى مشوي ، شمنك يا بسطيلات بدجاج ولحوت ما خلاو ماحطو كولشي كان غزال وكيشهي وكولشي كان أنيق طبلة مزوقة وديزاين كان رائع ، حطو مشروبات من عصائر ومشروبات غازية ولكل كان منباهر من لي كيشوفوه مبيريكة كانت واقفة على كولشي وماخلات مجابت ردات لبال لأدق تفاصيل من لحم ومن عطرية وحتى لماعن كان كولشي غزال وفالأخير وفاش سالا سبوع كولشي شكر لماكلة وخواتاتها طلبو رقم طيابة وتريتور ..
داز نهار غزال نشطو فيه وحيدو طاقة سلبية ، وفالأخير فاش خرجو لمعروضين جاو لخدامات وجمعو دار ونزلو عند فريد لي خلصهم ومشاو فحالهم
بسمة : ( فتحات حزام قفطان ) عييت من هاد طالون ولكن عجبني مع لقفطان جا زوين
هدى : ( كتمسد فرجليها ) وي جاو مواتيين لابغيتي شي حاجة من عندها لمرة جاية قوليها ليا نعطيك نمرتها
بسمة : اوكي إن شاء الله
"بعد مرور شهرين"
ساعة تشير الى الخامسة صباحا ، صوت بكاء طفل مزعزع لاباخطمون وهي هازاه وكطبط على ضهرو بحنية كتحاول تسكتو ومايبقاش يبكي .. ولكن بدون جدوى طفل غير مزاد فحدة بكاءو شيء لي خلاها تخلع وتوتر خصوصا وأنها بوحدها ومامعاها حد
بسمة : ( حطاتو فوق سرير وقاست حرارتو لقاتها عادية ) ياربي شغاندير ليه
إلياس : ( فكو كيترعد ومكمش على عويناتو او وجهو حمرررر ) انننننن
رجعات هزاتو كتراري بيه ودري مابغاش يسكت مخلات مدارت ليه مسدات ليه كرشو قلباتو ياك مابيه شي حاجة ، دارت بيه لاباخطمون كاملة أو والو ... تنفسات بقوة قربات تبكي معاه تخلعات عليه ساعة مابغاش يسكت من لبكا او وجهو لي كيحمار ويزرق مخلي قلبها غايسكت ، ولي زاد كمل عليها معرفات مادير مبيريكة مكايناش فدار وحتى هدى ! بجوجهم مسافرين ومشاو عند وحدة من بنات خوال هدى حيت عندها مناسبة وعرضات عليهم سيمانة هادي ..
بعد عناء طويل وأخيرا سكت وتهدن شوية بقاات كطبطب عليه حتى حط راسو صدرها كأنو باغي ينعس ، مجات تحطو وترتاح حتى هي حتى غوت دري وقفزات هي بالخلعة رجع كيبكي وهي قربات تبول فحوايجها بالخلعة حطاتو فوق سرير وجلسات قدامو كتحاول تلعب معاه وضحكو باش يتهدن ولكن بدون جدوى كتحط حداه ألعابو وهي كتبكي كتلعب معاه ودموعها كيطيحو شلال من عينيها
تربيتو كانت صعيبة من يلاه تزاد وهو كيخليها سهرانة ليل كامل تبات هازاه وتراري بيه او وياااها تحطو ناس كينعسو بليل هو عاد كترشق ليه يفيق ويلعب ويضحك وهي فداك لوقت كتكون مهدودة وباغا غاتنعس ولكن هو مامخليهاش .. مرضة ديالو واعرة وغير يضربو لبرد شوية كتوصل عليه لسبيطارات وكتشوف لويل لكحل دغيا كيمرض و إلى بيه شي حاجة كتبقا تلتيام وهي مناعساش تبات حاضياه غير هو .. طالع صعيب أو واعر فتربيتو
بسمة ( كتنخصص ) عفاك أولدي إلى ماسكت ( مسحات نيفها لي رجع حمر ) ياربي مالو هاد لولد
شدات فراسها تلفانة وناضت حتى لشرجم طلات منو لقات زنقة خااوية فيها غير لعساس وطموبيلات قلال دايزين .. أذن لفجر وهي شادة فحنكها وكتبكي كتقول مع راسها نمشي نشد طاكسي لسبيطار ولكن فينهم طاكسيات فهاد لوقت ؟ بيرمي معندهاش تصوني لهدى فهاد لوقت غادي غير تخلعها وهي حاملة ومعندها مادير ليها وهي بعييدة عليها ! تصوني لفريد حشمات تفيقو فهاد لوقت ..
مشات نيشان لاحت عليها عباية وشال وهزات صاك صغير حطات فيه شي حوايج لإلياس والمستلزمات ديالو .. توجهات لعندو ولبساتو مونطو ديالو على برد ومسحات ليه وجهو من دموع ، تنفسات ودارتها فيد الله ودوزات لخط لفريد بقات لمودة وهي شادة لخط حتى فقدات لأمل وقطعات ورجعات تصوني من جديد وهاد لمرة جاوبها بصوت نعسان
فريد : ألو !
بسمة : ( حشمات ) خويا فريد
فريد : ( حل عينو فاش سمع صوتها وناض ) بسمة كاين شي مشكل ( عاد سمع صوت بكاء إلياس ) مالو إلياس ؟
بسمة : اخويا معرفتش عييت معاه باش يسكت إو والو كيبكي حتى حلقو تجرح
فريد : واخا واخا لبسي عليك ونزلي لتحت أنا نجيب طموبيل دابا
لاح عليه جاكيط فوق ديك سيرڤيت لي لابس وخدا سوارت دار وكونطاكط طموبيل دغيا وتم نازل مع دروج ، جاب طموبيلتو او تسناها حتى نزلات او ركبات لور مع ولدها او ديمارا
فريد : ( هز عينو فمراية لي مقابلة معاها ) شنو وقع ليه واش طالعة لو سخانة ؟
بسمة : ( حركات راسها بنفي ) لا معرفت مالو عييت معاه يتهدن ولكن شي حاجة داراه ( شافت طريق ) دينا عفاك لشي كلينيك يكون مزيان مقادة على شي تجرجير على صباح
فريد : ( حرك لها راسو بالإيجاب ) واخا كوني هانيا
دخلو لكلينيك وبداو يقلبو على شي طبيب دلأطفال فداك لوقت ، نص ساعة عاد تم جاي واحد دوز ليها لاڤيزيت بطناش ألف ريال وخدا من عندها إلياس باش يفحصو ..
بعد مودة وبعد مدوز ليه قاليها عندو ليگاز عطاه دوا باش يتهدن وقاليها تراقب رضاعة ديالو وترد ليها لبال واش نقية وتبقا تبدل كل مرة وقاليها تلبس ليه لحوايج مزيان باش مايضربو لبرد وغير من تعليمات ..
كي خدات إلياس لي نعس لها على كتفها مشا خلص فريد وتمو غاديين ورجعهم حتى لدار .. خرجات من طموبيل أو تحنات حتى هزات صاكها
بسمة : ( بشكر ) شكرا أخويا وسمح لي فيقتك فهاد لوقت
فريد : واجب أختي الى كاينة شي حاجة صوني ليا
بسمة : ( حركات ليه راسها بواخا ) وعفاك بلا متقول هادشي لهدى ولا خالتي بلا متشطنهم على والو مشاو يبدلو لجو شوية يصدقو راجعين
فريد : كون غير مشيتي معاهم بلا متبقاي بوحدك
بسمة : ( حركات راسها بنفي ) ولدي راه نعاس ممقادلوش وراك شايف كل مرة مريض مجاتش نمشي عند ناس عندهم فرح ونصدعهم مرة خرا إن شاء الله
كي طلع لدار حيد ديك جاكيطة ولاحها فوق فوتوي ، تاجه لكوزينة قاد ليه قهوة ورجع متكي بلاصتو وفنفس لوقت دوز نمرة صلاح .. بعد ثواني تفتح لخط
صلاح : ( بنبرة هادئة ) فريد هانيا ؟
فريد : ( مأكد عليه قبل أي حاجة ولو بسيطة توصل ليه ديك ساع داكشي علاش فضل يعلمو ) كنت باغي غير نعلمك أنو ديت إلياس مع بسمة لكلينيك ودابا راه جبتو
صلاح : ( قلبو تهز وبان على صوتو لخوف ) مالو ؟ أشنو بيه
فريد : متخافش ماشي شي حاجة راه دابا مزيان مادير فبالك والو
بعد دقائق وهما كيهضرو قطع عليه صلاح وتكا على دراعوو وبين يديه تلفون كيدوز تصاور ولدو ، كل تصويرة كيزومي عليها وكيستغرق مودة طويلة وهو كيتأمل فيها .. كان كأنو باغي يحفض أي تفصيلة ولو صغيرة فوجه ولدو ! فكل مراحل لي داز منهم .. وهو بيبي صغيرة غير لحيمة حمرة وهو بعد أيام وبعد شهور وفسبوع وفالختانة وهو ضاحك وهو كيبكي وهو مخنزر كيف كيدير هو .. كل نهار كتوصلو عشرات صور والڤيديوات ليه ولكن مع ذلك مدارو ليه والو لهفتو وشوقو ليوم لقائو باقي هما هما ! مكرهش يضمو ويعنقو ويشم ريحتو ويقوليه أنا باباك ...
دوز تصويرة وبانت ليه تصويرة ليها وهي عاطية بضهر كيبان غير نص وجهها ضاحك مع إلياس وصورة تانية بالغفلة كانت مخنزرة ومغوبشة وزامة شفايفها .. شعرها مشعكك وحمرة وفيديها إلياس كيبكي ، بتاسم وهو كيحقق فديك تصويرة متخيل لمشهد قدامو ..
دازو يومين رجعو فيها مبيريكة وهدى من سفر وجابو لبسمة حقها من لگاطو .. مبيريكة رجعات لدارها ورقية مقابلاها وهدى زادت كبرات ليها لكريشة أو ولات باينة ..
مفرقة رجليها وكريشتها مكورة قدامها ، شادة گلاص فبواطة قدامها وگالسة تاكل فيه وبسمة قدامها شادة حنكها وحاطة قدامها تاهيا بواطة وعينيها مرة مرة كيفلتو لولدها لي ناعس فبيتها
هدى : ( حكات كرشها ) مالو إلياس مسكين گال ليا فريد هادي يوماين ديتوه لكلينيك مع خمسة صباح
بسمة : ( تنهدات ) اختي دري عندي تربيتو صعيبة دغيا كيمرض دغيا يشدو رواح ولكحة وفريد مسكين عدبتو معايا كل مرة سبيطارات
هدى : مسكين شغاديري ليه كل طِفل وكيفاش كيكون ( حدرات عينيها لكرشها ) عالله غير هاد لبنت عندي مطلعش حارة تاهيا ولا غانصدق مشيرة بحوايجي
بسمة : ( ضحكات ) إن شاء الله طلع مهدنة أما إلى طلعات فحال إلياس هزك لما وضربك ضو
هدى : ماعليش دابا يكبر ويهز راسو
بسمة : إن شاء الله ( دام صمت لثواني ) غانتسنا إلياس غير حتى يدير ديك ربعة شهور ولا خمسة وغانوض ندير بيرمي ( تنهدات ) هادشي بزاف كل مرة مريض كل مرة غايخصو تلقيح كل مرة كيخصو دوا فنصاصة ليل وكيخصني نطلع حتى فرماسيان لي فشاريع لكبير هاديك كتبقا حالة وفريد مسكين صدعتو حشومة كل مرة نوضو من نعاس فنصاصة ليل
هدى : فريد راه داير إلياس فحال ولدو ومتقلتي عليه بوالو ولكن إلى بغيتي ديري بيرمي علمي أختي راجلك
غطات بسمة وجهها حابسة دموعها ولكن فلأخير مقدراتش وطرطقات كتبكي شهيقها كان مسموع وصوت تنخصيصها كيضر فلقلب .. هدى ناضت عندها كتحاول تعرف مالها وسبب هاد تقلب لمفاجئ وهي مراضياش تهز راسها وغير كتخوي قلبها لي عمر ومابقاش قادر يهز دقة بوحدو
هدى : ابسمة يهديك الله مالك ؟
بسمة : ( مسحات عينيها وهزات راسها كتنفس ) صمت
هدى : واش قلت شي حاجة ماهياش ؟ سمحي ليا اختي والله مقصدت
بسمة : ( حركات راسها بنفي ) مقلت حتى حاجة دلعيب ( خدات كنينيكس جنبها ومسحات نيفها ) أنا أختي لي معرفت فين نحط راس معامن غاندوي ؟ فينو أختي هاد راجل ؟ مابقيت عارفة راسي واش من لمزوجين ولا من لمطلقين
هدى : ابسمة راه تا صلاح ربي لي عالم بيه مشفتيش حالتو كي دايرة راه محروم من ولدو
بسمة : قلت ليك راه ناشط وضاحك فداك لحبس ؟ راني عارفة لي كاين ولكن اختي هادشي بزاف مكيسول مكيدوي فحال إلى غير حجة باش يقلب عليا وجهو وصافي
هدى : ( تنهدات وحركات راسها بنفي ) كره هو يهدر معاك ؟ شكون قاليك مكيسولش فيك ؟ على شكون عاطي فلوس لفريد وشكون كيوصيه عليك وعلاش حنا رادين ليك لبال وكل مرة نطلعو عندك ؟ احنا عارفين كون مكان هو نديرو جهدنا وكتر ولكن هو لي يضل يوصي عليك ويقول لينا ردو ليها لبال وتهلاو فيها
بسمة : ( هزات حاجبها ) صحابك هادشي معارفاهش اهدى ؟ ناعسة على ودني أنا ؟ مقصدتش هكا هو مبعدني عليه كيهتم بيا بطريقة غير مباشرة كيوصيكم عليا اه ولكن فينو هو من هادشي كامل ؟ أنا قادرة نهز راسي أو ولدي وميخاف من والو ولكن علاش مكلفش راسو هاد شهورة كاملين غير يسول فيا ولا غير يخليني نجي عندو
هدى : واش يرضا أبسمة كيصحابك صلاح يخليك تجي لديك لبلاصة راه ميرضاش ( حطات يديها نيفها ) نفسو هنا ويخليك تجي عندو نتي وإلياس ؟
بسمة : نجي غير أنا إلياس نخليه عندكم حتى رجع راه راجلي وأنا مراتو مهدر معايا ماحتى حاجة معارفة راسي واش مزوجة ولا لا ! قريبة لعام وعمرو هدر معايا ! حطي راسك بلاصتي
هدى : ( تنهدات ) الله يطلق سراحو ابسمة وإن شاء الله ترجعو تجمعو .. حاولي تهدري معاه نتي وصوني عليه ؟
بسمة : لهضرة مغاتخرجني لا أنا لا هو من هاد لحالة يدبر راسو مابغاش يهضر معايا خليه ! شحال ونتوما طلبو وتزاوگو فيه يهضر أو والو راسو قاصح خليه تا أنا مغانصدعوش ومغانهضرش معاه ( سكتات لثواني حتى تنفسات ) براكا عليا غير نقابل ولدي أو خالتي ونتي نوقف معاك حتى تولدي ، كتر من خمسة شهور لي عندك دابا مابقا ليك والو الله يعاونك ويعطيك وقفة ساهلة
هدى : ( تنهدات مابقات عارفة متقول ليها ) أمين ياربي
بسمة : مهم وصلي هضرة ديال لبيرمي لفريد بغيت نتعلم فأقرب وقت
هدى : ( وقفات ناوية تنزل لدارها ) واخا إن شاء الله
بعد ساعات وتحديدا مع العاشرة ليلا كانت جالسة كتفرج فمسلسل تركي حتى سمعات لباب تحل ، هزات راسها ولقاتو داخل وفيديه ساشيات .. حطهم حداها وتكا جنبها فوق لفوتوي ودرعها بيديه
هدى : ( تنخشات فيه كتشم ريحتو من لقاميجة لكحلة لي لابس ) لحب كي داز نهارك
فريد : ( باس فراسها ) حمد الله مزيان ( شاف فتلفازة كيضحك ) شحال هادي مرجعتي تفرجي فتواركا
هدى : ( جبدات صاشيات عندها وعينيها بان فيهم لقلوبة كي بانت ليها بزاف من شيبس لي كتعجبها ) اححح اقلبي شحال توحشتها
فريد : ( بنضرة ماكرة ) تانا توحشت سنطرال ديالي
هدى : ( حمارت فبلاصتها وضحكات ) اربي علاش كتقولي سنطرال وافميساجات سنطرال وقدام مي زلگات ليك سنطرال حتى قالت ليا مالو علاش كيسول على لحليب هههه اويلي
فريد : ( شد ليها فصدرها وزير عليه ) حيت هادو مفشفشين وزوينين وكينگط منهم لحليب بحال سنطرال
هدى : ( ضربات ليه يديه حتى رجع راسو لور كيضحك ) لماسخ لاخر
فريد : ( خشا ليها راسها تحت باطو ) زعما نتي متسلميش على واحد سيد توحشك مسكين ومق•يم عليك شحال هدا
هدى : ( كضحك حتى وجهها غايطرطق بالحمورية ) فريد إسْتِييييمْيووورُووم
فريد : شقلتي تاني ؟ وحدة وحدة الله يرضي عليك راه قلت ليك هاد تواركا خرجو عليك يالله عرفنا سِنِسِڤْيوروم هي كنبغيك وشمعنا هادشي تاني ؟
هدى : ( ضرباتو بمزاح لصدرو وتسلتات من تحت باطو وحبدات شيبس حلاتها ودارت ليه وحدة ففمو ) هي بعد مني
فريد : ( جبدها تاني عندو وحك ليها كريشتها حتى ساحت بين يديه ) كيدايرة بنتي
هدى : ( دلات شفايفها بكياتة ) عدباتني بنتك غير كتقلب
فريد : ( قهقه بصخب ونزل عضها من شفة لي مدلية ) خليها تستوا آش بيتيها
هدى : ( تفكرات هضرة بسمة ) فريد اه كنت بغيت ندوي معاك
فريد : ( نزل عينو ليها ) خبار لخير ؟
هدى : كل خير غير بسمة قالت ليا بغات دوز لبيرمي وقالت ليا نعلمك باش توصلها لصلاح ؟
فريد : ( حرك راسو بالإيجاب ) اهاه واخا
( نزل عينو كيشوف فساعة ) أنا نعلمو دابا نيت
ناض مخليها كتفرج وكتنقب من شيبس وهو توجه لغرفتهم ودوز لخط لصلاح
فريد : ( ثواني وجاوبو ) ألو صلاح
صلاح : ( عطس وجاوبو ) وي هانية ؟
فريد : بسمة قالت لهدى بغات دوز لبيريمي وقالتها ليا هدى باش نعلمك شنو ندير ؟
صلاح : ( دام صمت لمدة ) واخا دير لها خاطرها
فريد : صافي غدا إن شاء الله نشوف لها شي مدرسة لتعليم سياقة تكون مزيانة و...
صلاح : ( قاطعو ) ولكن لمونيتور تكون مراة متجيبش ليا شي راجل
فريد : ( ضحك بشوية ) صافي كون هاني
قطع معاه ولاح تلفون فوق سرير وبدل حوايجو لبس شورط وتيشورت وخرج عندها لقاها باقي بلاصتها كتفرج ومطرطقة عينيها فمشهد كيقرب لبطل من لبطلة باش يبوسها
فريد : ( ضحك ودوز يديه على لحيتو ) بلاصت متفرجي فداكشي أجي نطبقوه حنا فلواقع ألالة
هدى : ( تزنگات وهزات تليكموند وحبسات لحلقة ) وغير مشهد وغايدوز ولمسلسل مافيهش لمسخ
فريد : ( حرك ليها راسو وهو باقي خاري بضحك على تعابير وجهها ، فغلفة هزها حتى طاحت شيبس من يديها وشهقات مخرجة عينيها فيه ) أجي نديرو أكبيدة لمسخ راه توحشت سنطرال ديالي
مخلاهاش تزيد تهضر وخداها لغرفتهم حطها فوق سرير وتلاح عليها ببوابل من القبل ولمسات والهمسات ساخنة ، مخليها كيف كل مرة سايحة فيدو كي زبدة وهو كيشكلها كيف بغا .. دوزو ليلة حمراء بيناتهم عبر ليها فيها على شوقو ليها وتعامل معاها بحنية محاول على لبيبي وفنفس لوقت مخليها طايرة فسما وطالبة لمزيد وفنفس لوقت ولات جريئة معاه لدرجة كبيرة هادشي لي مخليه هابل عليها وديما موحشها
فصباح بكري ناض دوش ودوش ليها حتى هي .. هو بدل حوايجو بحوايج لعمل وهي وجدات ليه الفطور كيف عادتها كل نهار .. تسناتو حتى سالا وجلسو فطرو بجوج وفالأخير ناض هز كونطاكط طموبيل ودار تلفونو فجيبو وقرب باسها فشفايفها توجه عند لباب
فريد : نجيب ليك معايا شي حاجة فاش رجع ؟
هدى : ( شادة فيديها حليب بشوكولا وكتشرب منو ) لا مخاصني والو
فريد : واخا إلى قنطتي طلعي جلسي مع بسمة وفالعشية نخرجو بجوج
هدى : ( صايفتات لو بوسة فاالهواء ) واخا الله يسهل عليك
بعد ماطلع وخدا من عند بسمة داكشي لي غايحتاج باش يسجلها نزل وركب فطموبيلتو وتوجه نيشان لمدرسة تعليم سياقة قيدتها وشرط عليهم لمونيتور تكون مراة وتم خارج يقضي شغالو ويتوجه لخدمتو
مر شهر وقعو فيه تغيرات بسيطة .. إلياس ولات عندو تلاثة شهور فهاد لوقت قطعات ليه بسمة لبزولة حيت سالا ليها لحليب أو ولا كيشرب غير حليب إصطناعي ، بسمة قدات وقتها وتافقات مع هدى أنها تخلي ليها إلياس فلعشية ساعتين وداك لوقت فاش كان كينعس إلياس باش ميعدبهاش ومع تاهي حاملة ودخلات لشهرها سادس زادت تقلات او ولات بزز باش كتكافا مع راسها .. لحبالة معدباها وتقل غلب عليها داكشي علاش ولات تاهيا كتفيق بكري ودير رياضة لحوامل غير فدار ومتبعة مع كوتش من تلفون .. فهاد ساعتين لي كتخلي عندها بسمة ولدها كتمشي لبيرمي فالأيام لأولى كانت متوترة ولكن دغيا شجعات نفسها ومع سيدة لي كدربها كتخلص مزيان أو موصية باش تعلمها دغيا وترد ليها لبال كانت عاطية جهدها كامل معاها شادة ليها لخاطر وكي تجي كتسبقها هي لولة .. وحتى بسمة كان عقلها خفيف كتسمع ليها وفبالها غير تشد هاد لبيرمي وربي كبير
فيوم لإمتحان لي غادوز بسمة ولي غايبان من خلالو واش غاتشد لبيرمي ولا نو كانت واقفة شادة صف ويديها متعرقين بالخلعة هدى جنبها كتشجعها وفريد تاهو واقف معاها ومدور لفلوس مع لمونيتور باش دوزها وترد ليها لبال مع لخلعة .. قبل كانو عطاوها شي وراق تعمرهم عمراتهم وركزات معاهم وبقاات واقفة كتسنا نتيجة
هدى : ( طبطبات على كتفها ) إن شاء الله غاتشديه بلا متخافي
بسمة : ( حركات لها راسها بالإيجاب مخلوعة او وجهها صفر ) إن شاء الله ياربي
تنهدات كدعي فخاطرها ربي يوقف معاها وتقبل وماطراش شي حاجة لي تخليها ترفض وتعاود تاني لخدمة من جديد .. كانت راضية على نفسها وعلى شنو حافضة وشادة كل مرة كانت كترجع من لبيريمي كانت كتدرب بوحدها وتفرج فڤيديوات وكتزيد تعلم كتر وفنهار تاني فاش تمشي كتفاجئ لمونيتور أنها شادة كولشي وباقي عارفة معلومات جداد لي غاتوريهم ليها هي ديك فبقا ليها غير تطبيق لي كانت مركزة عليه كتر ..
عيطو عليها ومشاات دوز لإختبار ركزات وخا كانت متوترة ولكن قدرات دوز مزيان على حد قولها ، كي سالات ناضت وتسنات حتى عيطو عليها وقالو لها أنها نجحات ، مقداتها فرحة ونقزات معنقة هدى لي كانت مايتة عليها بضحك وكتبارك ليها
دوزات آخر حاجة بقات ليها و خرجو لشاريع وركبات فطموبيل كطبق گاع داكشي لي شادة فراسها فالأخير نزلات ورجعات فرحانة عندي هدى وفريد لي كانو كيتسناوها
هدى : ( بتاسمات ) على سلامتك
بسمة : ( الفرحة غاتخرج من عينيها ) الله يسلمك والله مقاداني فرحة ياختي
فجنبهم كان فريد كيهضر مع صلاح لي طول لوقت كان كيصوني على فريد باش يطمأن واش شدات لبيرمو ولا نو .. كي علمو فريد وبشرو أنو خداتو رجع عندهم أو وصلهم حتى لدار
كي وصلهم هو مشا لخدمتو وهما طلعو بجوج حتى لدار عند بسمة لي كانت فيها مبيريكة شادة ليها إلياس لي واخا مشاغب ولكن كيرتاح لجداه وحتى هدى .. دخلو ومشات نيشان بسمة عندو بالفرحة هزاتو وعنقاتو وبعصات لي حنكو بوسان حتى بدا كيضحك معاها كأنو حاس بفرحتها
مبيريكة : ( من الفرحة لي بانت لها فوجهها عرفاتها خداتو ) إوا مبروك أبنتي مبروك الله يسهل عليك ياربي ( هزات يديها لسما ) الله يفرحك ويكون معاك ياربي يسهل عليك ويعطيك مانويتي فخاطرك
بسمة : ( حطات إلياس ومشات عندها عنقاتها وباستها فحنكها ) أمين أخالتي ويسهل عليك حتى نتي ( تحنات حتى باست لها يديها و رجليها ) ويشافيك ياربي
مبيريكة : ( دموع لفرحة فعينيها ) أمين أبنتي أمين دابا رجعت كي قبل ولين نوض ونتعگز عليها حمد الله دابا مابقيت كيف كنت
نضمات ليهم هدى وجلسو مجمعين ومبيريكة غير كتشوف فيهم فرحانة لبسمة حيت كتشوفها بدات كتخرج من القوقعة لي كانت فيها مابقاتش منغالقة على راسها وحتى من إلياس مابقاتش كتخاف عليه كي قبل ولات كتخليه ليها ولا لهدى عادي يكفي تسول وتطمأن عليه ، تنهدات ومسحات دمعة طاحت ليها بالخف ودعات من كل قلبها ربي يوقف مع ولدها وتخرجو من داك لحبس لي فيه
خرجات من دوش كتنفش شعرها بفوطة ، دارت روتينها بعد دوش ديال ديما ولبسات سروال سيرڤيت عريض بارد وطوب لاصق بيج فالفوق .. نشفات شعرها بشوشوار وكان إلياس فاق فهاد الأثناء ، هزاتو كضحك وتلعب معاه ونعسات حداه كتحك لو فضهرو حتى تنيمو عينيه ورجع نعاس ..
ناضت كدور فدار وهي خاوية شدها لملل حيت مبيريكة كان رجعها فريد لدارها وبقات بوحدها ، مشات لكوزينة قدات كابتشينو ورجعات لبيتها حتى سمعات صوت دقان فلباب وتوجهات ليه وحلات لباب
بسمة : هدى ( نزلات عينيها ليديها وضحكات ) حلييوة ياختي
دخلات هدى كضحك وهي هازة فيديها گاطو صغيور ليهم بجوج مزوقاه ومقاداه بطريقة غزالة ضلات عشية كاملة وهي تزوق فيه شحفات حتى طلع ليها زوين
هدى : ( حطاتو فوق طبلة ) هدا بمناسبة لبيريمي يا لالة ومبروك عليك
بسمة : ( عنقاتها بجهد ) الله يخليك ليا ياربي ديما مفكراني
هدى : ( باستها فحنكها ) شحال عندي من بسمة أنا ؟
بسمة : ( بتاسمات وعوجات عنقها ) غا وحيدة
هدى : ( خرجات ليها لسانها ) إوا هانتي قلتيها سيري جيبي لينا شي عصير باش ندوزو وأجي دوقي وقولي ليا كيجاتك
بسمة : ( غادا لكوزينة بخطوات سريعة ) هي لي متعاودش
مشات وحلات تلاجة خدات منها عاصير ليمون فقرعة زجاجية وعاصير بفواكه مخلطة فعلبة .. قدات كولشي فبلاطو وحطات كيسان وتمات جاية عندها وفهاد لأثناء هدى كانت عين على تلفون والعين تانية على شرجم ..
قطعات لگاطو وحطات ليها فطبيسيل ولبسمة تاهيا كبات لعاصير وجلسو كياكلو وهما كيجمعو فنفس لوقت .. بعد دقائق مسحات هدى فمها وهزات عينيها فبسمة بعيون كيلمعو
هدى : احم عندي ليك مفاجئة
بسمة : ( هزات عينيها فيها بتفاجئ ) كتر من هادشي ياختي ؟ شنو هي
هدى : ( بتاسمات عارفاها غاطير بالفرحة ) سدي عينيك
حطات طبسيل من يديها وسدات عينيها وهي فرحانة .. حتى حطات ليها هدى قدامها كونطاكط ديال طموبيل ورجعات لور باش تشاهد ردة فعلها
هدى : حلي عينيك
حلات عينيها كتشوف فيها حتى بانت ليها كتشير بعينيها لطبلة وهي تحدر عينيها ، تفاجآت ودارت يديها على فمها بصدمة محساتش براسها حتى طلقاتها بغوتة ونقزات على هدى بفرحة
بسمة : ( كتبوس فحنكها وتعاود ) شكرا شكرا شكراااا غانمووووت بالفرحة
هدى : ( طايحة فالأرض وكضحك وشادة فكرشها ) نوضي عليا يالمصيبة غاتقتليني هههه كنا فطموبيل غانصدقو فسبيطارات هههه
بسمة : ( وقفاتها ) لالا ياختي صافي سمحي ليا ( عنقاتها ) والله معرفت شنو غانقول ليك اهدى شكرا مكافياش والله
تنهدات هدى وجراتها حتى لشرجم شيرات ليها بعينيها باش طل وتحنات كتشوف حتى كتبان ليها سيارة مزوقة ب بابي كادو وعليها بابيونة كبييرة وكانت باقي جديدة وكتلمع
بسمة : ( دارت يديها على فمها ) ناري حمقاتني شكرا بزااف اهدى والله
هدى : ( كتشوف فطموبيل لتحت ) ماشي أنا لي جبتها ليك أبسمة
بسمة : ( حركات ليها حاجبها بمعنى شكون واخا الإجابة كانت فعقلها ولكن مرضاتش تقولها ) شكون ؟
هدى : ( شدات فيديها ) صلاح كي شديتي لبيرمي وصا فريد يجيب ليه طموبيل وشراها من عندو راك عارفة خدمة فريد ختار هو طموبيل أو وصاه يزوقها ويقادها ويفاجئك
بسمة : ( حنحنات وحكات ودنها بتوتر وحيرة ) صمت
هدى : وي هو بلاصت متشكريني أنا دوي معاه وشكريه بنفسك ( عوجات عنقها كتشوف فيها ) شباليك
بسمة : ( سرطات ريقها ونطقات بصعوبة ) واخا إن شاء الله
هدى : ( توسعو عينيها بفرحة منتيقاش أنو المبادرة غاتجي منها ) هكا نبغيك أبسمة صلاح والله حتى كيبغيك وأكبر دليل هو أنو كيهتم بأبسط تفاصيل كيتعلقو بيك متيقيش شحال كيضل يوصي ففريد عليك مكرهش مسكين يشاركك فرحتك دابا ولكن خلا ليك كادو زوين
بسمة : ( بعد تفكير لثواني نطقات وهي شاردة ) واخا اهدى غانحاول
طبطات هدى على كتفها وخرجات مخلياها بوحدها مقابلة مع شرجم وكتشوف فديك طموبيل ، فلحضة توجهات لتلفونها هزاتو وبقات تقلب على نمرة لي كان صونا عليها بيها عام هادي بقات لدقائق حتى لقاتها وجبداتها كتشوف فيها ..
سوط أنفاسها غادي وكيتعالا ، دقات قلبها كيتسمعو بجهد ويديها كيترعدو .. وجهها ضهر عليه توتر وحلقها شحف وعرق خفيف نازل مع جبهتها .. بقات لمودة شادة تلفون ويديها كيترعدو لخلعة شداتها وصوت كتسمعو فوذنيها كيشجعها على أنها تصوني وصوت تاني كيقول ليها لعكس ! معرفاتش شنو تبع فهاد لحضة واش عقلها ولا قلبها ! فالأخير نتاصر القلب على لعقل او ضغطات بزربة على نمرة حتى طلعات ليها كتصوني ، دارت تلفون على وذنها حتى كتسمع صوت تيييت دليل على أنو بدات كتصوني عليه .. شدات فلحديد دشرجم بقوة وحيدات تلفون من ودنيها دغيا ودارت صبعها باش تقطع لإتصال حتى فلحضة لخط داز وتشدات لمكالمة !
قلبها ضرب بقوة ومابقاتش قادرة تحكم فجسدها ، طاحت على ركابيها فاشلة ودمعة سخونة طاحت من عينيها .. شهقات ومجات تسد فمها حتى تسمع صوت تنخصيصها بقوة فلمكالمة ، مقدراتش تحبس راسها ! مقدراتش تكبح أحاسيسها ومشاعرها دموعها خانوها وصوت قلبها غدرها .. رجعات بلور وتكات على لجدار وطلقات لعنان لدموعها بقات حاطة تلفون على وذنها وكتبكي ربي لي خلقها حتى فلحضة قطعات صوتها لا إراديا وعضات بقوة على يديها باش تحبس من لبكا وتسمع داك صوت لي كدبوه ودنيها ..
تنفسات بقوة ودارت هوت باغلوغ حتى كتصدم بصوت بكاء خفيف ورجولي هرس قلبها وخلاها تبكي دم فديك لحضة ، شدات راسها ودارت يديها على رجليها وتكورات على بعضها .. فديك لحضة كانو بجوج كيبكيو بجوج كيترجمو أحاسيسهم ومشاعرهم لبعضهم بالبكاء بجوج كيعبرو على شوقهم وإحتياجهم لبعض بجوج كانو نادمين على الحواجز لي كانو دايرينها طول هاد لمدة بين بعضياتهم ..
بسمة : ( جسمها كلو كيترعد وعينيها عمرييين ومنفوخين بالبكا نيفها كيسيل ويديها حمرين بقوة ماعضات فيهم .. سدات عينيها بوجع ونطقات بصوت ضعيف ومرعود بالكاد تقدر تسمعو ) ألو
صلاح : ( بنبرة خافتة و صوت مجروح ) علاش تتبكي دبا ؟
حطات تلفون ومسحات دموعها ، تنفسات وهزات راسها لفوق حتى نشفو دموعها ورجعات هزات تلفون ونطقات بصوت مرعود وخافت
بسمة : معرفتش !
صلاح : ( تنهد ) كيدايرة لاباس عليك ؟
بسمة : حمد الله ( بتردد ) ونتا
صلاح : ( مابغاش يشطنها معاه ) مزيان
( قلب لموضوع ) كي دوزتي فترة حملك أو فاش ولدتي تعدبتي ؟ ياك مكيدروك لغراز ولا شي حاجة
بسمة : ( تأثرات من حنيتو عليها ) لا صڤا بيخير مابقاوش كيدروني مزيان أو ولدت بيخير متعدبتش حمد الله
صلاح : حمد الله داكشي لي بغيت ( سمع صوت بكاء طفل ) مال إلياس ؟
ناضت بزربة حتى طلات عليه لقاتو فايق وكيتجبد فلگماط او وجهو حمر مخنزر ومغووبش وعاقدهم ، هزاتو وحطاتو فحضنها وعطاتو سكاتة
بسمة : غير فاق دابا يلاه هو باغي يلعب
صلاح : ( بتاسم ) هي معدبك ؟ ناس كينعسو بليل وهو بنهار .. كيبقا مسهرك ؟
بسمة : شوية ضروري كنبقا معاه ليل كامل حتى يديه نعاس ورجع نفيق معاه تاني مهم راه وليت كنولف طبعو
صلاح : إلى كيعدبك بزاف نشوف ليك شي مربية تعاونك فيه بليل باش تقدري تنعسي وترتاحي شوية مايبقاش غير مصدعك ليل كامل
بسمة : ( كتلعب فشعر ولدها ) لا مامحتاجاش نربيه غير أنا ماشي مشكل
صلاح : ( عطس بقوة وكحب كحبة خايبة ) وا... ( رجع كيكح ثاني وبسمة مغمضة عينيها بقوة من داك صوت لقوي ) واخا
بسمة : ( الخوف تسلل لقلبها وبقا فيها مكرهاتش كون كانت معاه ترد ليه لبال ) واش مريض ؟
صلاح : ( ربي لي عالم بيه غير مكابر ) لا ماشي شي حاجة غا ضربني لبرد
بسمة : ( تنهدات بحزن ) الله يشافيك رد لبال لراسك ولبس حوايجك وتغطا مزيان وشرب دواك الى معندكش نوصي فريد إجيبو ليك و...
صلاح : ( قهقه بصخب رجعو ليه ذكريات فاش كانت كتوصيه يرد لبال لراسو وديما كتبقا جنبو وتحضيه فصغيرة ولكبيرة واخا متعيقهاش وماتبينش إهتمامها إلا أن كولشي واضح وباين ) صافي صافي هههه فهمت
بسمة : ( غوبشات ونطقات بصوت عالي شوية وبجدية ) صلااح والله داوية معاك رد لبال لراسك متهملش صحتك كون كنت جنبك كون رديت ليك لبال
صلاح : ( زفر بقوة ) ماعليش ماشي مشكل مابقا قد مافات شهور قليلة ونخرج
بسمة : ( معرفات متقول بقاات كدور فعينيها وسكتات ) صمت
صلاح : حداك إلياس دوزيه ليا نسمع صوتو
بسمة : ( معرفات كيفاش دير باش تخليه ينطق ويخرج غير صوت باش يسمعو ) واخا
حيدات لو سكاتة وطلقها بْزَگية حتى رجع صلاح كيضحك وحتى هي نفس شيء .. رجعاتها ليه وحطاتو كتلعب معاه بيديها
بسمة : ( بعفوية ) هاد لولد كيعرف غا يغوت فحال باه سبحان الله لعضيم أنا غير تسخرت
صلاح : ( بتاسم ونطق بطنز ) اللهم يشبه لباه ولا لمو لي فيما دور تلقاها كتهرنن متعرف راسك مزوج بمراة ولا بنت عندها خمسة سنين
بسمة : ( خرجات عينيها ودارت يديها على جنابها ) يااااك ! عاد كتعتارف أنا فيا قوة لبكا وتهرنين ؟
صلاح : ( تكا على مخدة وسرح رجليه ) وعلى كاين شي حد كيصوني على واحد شخص مهضر معاه عام هدا وفاش يجي يهضر معاه يبداها بالبكا ؟
حكات ودنيها بتوتر وعضات شفتها سفلية بخجل تنهدات وهي تنطق بلي فقلبها
بسمة : ( عضات على شفتها بإحراج ونطقات بسرعة ) حيت توحشتك
صلاح : ( توسعو عينيه من صراحتها وفنفس لوقت بتاسم بفرحة ) لمك تحل ليك لفم غير غبرت عليك تبدلتي
بسمة : ( تخشات فبلاصتها وتغطات بإيزار ) نكذب عليك ؟ ممم أنا بعدا دويت وصونيت عليك وفكرت فيك نتا گاع مقال ليك راسك أجي نصوني عليها
صلاح : كون صونيت عليك كنتي تجاوبيني ؟
بسمة : ( حنحنات ) أاا صراحة لا
صلاح : هااا شتي شحال من مرة صونيت عليك ومكتجاوبيش وخليتك على خاطرك حتى وكان تجي لبادرة منك حسن ( دام صمت لثواني ) وهاحنا عفا علينا الله وحن قلبك علينا
بسمة : ( بصوت حنون ) من ديما حنينة غير كنت مقصحة راسي شوية
صلاح : وعلاش هادشي كامل ؟
بسمة : من داكشي كامل لي دزنا منو ومن داك لخبر لمفاجئ لي طاح عليا فحال صاعقة ( فاش تشد فلحبس ) وحتى مع لحمل او بعد لولادة كنت مخربقة مهم نسا عليا هاد لموضوع كولشي داز
صلاح : ( كيسمع لها بتركيز ) دابا مرتاحة ؟ تصفاو لخواطر ؟
بسمة : ( بتفكير ) أحنا مزيان دابا غير هو متسنانيش نصوني عليك باقي هاد مرة حتى نتا سول ومتغبرش
صلاح : ( بنبرة رجولية وببحة خطفات لها قلبها ) واخا ألالة ميكون غير خاطرك
بسمة : ( بدون تفكير ) صلاح صايفت لي فوطو ديالك ديال دابا
صلاح : ( ستغرب من طلبها ) ضلام أشوا غاتشوفي ( تنهد وقرر يلبي طلبها ) واخا تسناي شوية
بقاو لمدة طويلة وهما كيدويو .. گاع داك شوق لي كانو هازينو لبعضياتهم بديك لمكالمة غير مزاد شعل أكثر وأكثر ومخمدش نهائيا ، لمهم أنهم صارحو بعضياتهم وصفاو لخواطر ..
بعد دقائق من نقطاع لمكالمة بيناتهم صايفت ليها صورتو وهي دخلات لطوف دغيا وزومات عليها ، برقو عينيها بدموع لحالتو كانو عينيه طافيين ومغوبش من لفلاش ومبتاسم فنفس لوقت .. لابس قبية سخونة بالكحل وداير لقب شعر طايح على عينيه ولحيتو زادت طوالت .. بتاسمات وباست تصويرة وعنقات تلفون وحطات راسها عالمخدة باش تنعس .. قلبها كان كينبض بجنون وفنفس لوقت بندم وشعور ضرها مكانتش عارفاه صابر لهادشي كامل وكانت هي زايداه وضاغطة عليه من لفوق ...
دازو أيام بسمة ولات تسوگ فيهم مزيان وطلقات يديها فصوگان بفضل لمونيتور لي كانت درباتها .. فهاد سيمانة كانت كطلاقا معاها وتجلس معاها فطموبيل وتوريها كيفاش تعامل فطريق حتى تدربات مزيان وخلصاتها على وقتها او مجهوداتها معاها ، بسمة فسيمانة لأخيرة عمرات دار بتصاور صلاح وشرات كادرات ودارت فيهم تصاورو لي طلباتهم من عند هدى وأكدات عليها يكونو تصاور ديالو وهو كبير ماشي صغير ، جابتهم ليها وخرجاتها وعلقاتهم فغرفتها ..
بسمة وصلاح كل نهار كانو كيهضرو وبضبط مع طناش دليل كيصوني عليها مع مابقاش كيقدر يهضر صباح فراحتو حيت لجنة حاطة عليهم هاد ليامات ومراقبة شكون لي مدخل تلفون ولا عندو أسلحة وحتى مخدرات لي وصلاتهم لخبار دخلو وبكميات كبيرة شوية أو ولاو كيتباعو وسط لحبس .. داكشي علاش وكل مرة يا إما فصباح ولا فنصاصة ليل كيدخلو ويديرو تفتيش ويقلبو كولشي ! داكشي علاش مابقاش كيخاطر بزاف وفضل أنو يخلي صورة مزيانة طول مدة لي مسجون فيها فالحبس ! مناقصوش شي ستة شهور أخرى ولا مدة تزاد على لمدة لي عندو ، حيت كل جريمة يا إما يحصلو عندك تلفون ولا سلاح مقادو داخل لحبس ( موس ) ولا أي حاجة حادة ويمكن تعرض شخص آخر لخطر كتعاقب عليها عقوبات طالعة يا إما بسجن إنفرادي لواحد لمدة وكيضاعفو ليك حتى مدة لي غاتجلس فيها باقي فالسجن ...
شميسة طالعة والجو كان سخون شوية ومع ذلك كان الجو برا غزال وغير ديال دوران وتفواج .. وهي كتفكر طاحت فبالها هاد لفكرة وناضت كتكسل وتجبد فعضامها هزات تلفونها ودوزات لخط لهدى وطلباتها أنهم يخرجو بجوج ويدوزو عشية أونصومبل .. هضرات هدى مع فريد أو طلباتو أو رفض فلول حيت حاملة او فشهرها سادس .. أصرات عليه وبقات تبكي وتشكي عاد خلاها تخرج ورجعات صونات على بسمة فرحانة وعلماتها أنها غاتخرج معاها .. قالت ليها بسمة توجد راسها دابا وقطعات مخلياها كتوجد راسها
تاجهات لماريوها ختارت منو سروال بيج او بقات واقفة شحال كتشوف شنو غاتلبس فالفوق مع صهد مابغاتش تعدب وتلبس شي حاجة سخونة ، فالأخير هزات شوميز بيضة بلا كمام او طالعة شوية من جيهت لعنق وفيها سنسلة .. خداتهم ولبساتهم ودارت فرجليها سبرديلة نايك باش ترتاح فلمشية وفنفس لوقت متعدبش مع إلياس .. مشات قدات ليه دغيا حليب فرضاعة وعطاتها ليه كيرضع وهي جلسات حدا لكوافوزة عين فالماكياج وعين عندو رادة معاه لبال لايشرگ ليه لحليب .. قدات ميكاب خفيف عتامدات فيه على بلاش او ماسكارا وعكر خفيف فقط ..
خلات شعرها مطلوق سامبل او دارت ساعتها فيديها او ديزاكسيسوار فليد تانية وعنقها كيف ديما مكتحيدش منو ديك سنسلة لي جاب ليها صلاح وحتى خاتم كيبقا فيديها ديما حتى كاتبغي تشقا وتحيدو ..
جرات واحد لمجر وخدات منو قرعة بارفان بتاسمات وهي كتشوف وكانت ديك ريحة من أفضل روايح عند صلاح هي لي كايدير ديما وملي نتاقلات لهاد دار هزاتها معاها ، رشات منها شوية وحطاتها بلاصتها وبدلات لولدها حوايجو لبساتو سيرڤيت مبردة شوية أو سبرديلة فرجليها ودارت لو كاسكيطة فوق راسو .. قدات لو صاك فيه ليكوش ومستلزمات ديالو وهزات نضاضر شمس دارتهم فوق راسها وحطات تلفون فبوشيط وكونطاكط دطموبيل فيديها .. لبسات ركاب لي فين غاتحط إلياس وحطاتو تماك وهي كضحك معاه وهو غير مغوبش وهاز خنافرو لسما ..
بسمة : مالك غير هاز عليا خنافرك مالنا منخافوش
إلياس : ( بصوت طفولي ) اغغغغغ
بتاسمات وخداتو حتى لواحد تصويرة معلقة ديال صلاح كان فيها ضاحك ومبتاسم لكاميرة
بسمة : ( قربات ولدها لصورة ) شكون هدا امم ؟ بابا قول بابا بابا
بعد مدة وهي كدور بيه فدار خرجات و نزلات حتى لعند هدى ودقات عليها لقاتها تاهيا لبسات برقع ديالها ودارت ميكاب خفيف وهزات صاكها ولكن بقات واحلة مع سبرديلة معرفاتش تلبسها وفيما كتبغي تحنا تلبسها كرشها كتمنعها ، بتاسمات بسمة على داك لمنضر وتفكرات راسها كانت كتعيا متجابد معاها وفلخر تلوحها وتلبس كلاكيطة .. قربات لعندها ولبساتها ليها وتمو خارجين بجوج نزلو فدروج وركبو فطموبيل بسمة
أول حاجة دارتها بسمة مشات شرات كرسي مخصوص لإلياس باش تبقا تحطو فيه فاش يكونو بجوج فطموبيل وختارت واحد جا قدو وقادوه ليها مع لكرسي عاد خلصاتهم وتحركات من تم
بسمة : ( طلقات مزيكا وهزات عينيها فلمراية كتشوف إلياس كيلعب بيديه ويضحك ) فين بغيتي نمشيو
هدى : ( زادت فصوت وغيرات لأغنية لوحدة فرنسية كتعجبها وبدات تدندن معاها ) شوفي نتي فين نمشيو نتي مولات لفكرة
بسمة : ( دورات عينيها ) وصراحة عندي بزاف دلبلايص بغيت نمشي ليهم .. خاصني نمشي نتقدا شي حوايج وتانتي كذلك راك فشهرك سادس تقداي من دابا ( دارت بيديها رقم جوج ) وبغيت نمشي عند شي كوافورة نقاد تقطيعة لشعري وتعتاني ليا بيه او ندير شي سوان لوجهي او ناخد دي بخودوي مهم بزاف
هدى : ( دارت يديها على حنكها ) نتي غا بوحدك فدار وديري هادشي كامل وكون كان صلاح شكنتي غاديري ؟
بسمة : ( حنحنات ونطقات وهي حنوكها حمرين ) غاندوي معاه أبيل ڤيديو ليوم بليل
هدى : ( خرجات عينيها ودارت يديها على فمها ) اممم ونا نقول مال سيدة على هاد زواق كامل قولي نتي غاتهضري مع حبيب لقلب احح عليك العفريتة
بسمة : ( غمزاتها ) إوا شنو هههه نهضر معاه ونا هكا ؟
هدى : ومالك هكا على مزيناتك بنية بغيتيه مسكين يبات كيدوش بلما بارد ( معرفات دقة منين جاتها حتى رجعات لور كضحك ) هههه إوا شنو مسكين بعيد عليك غادي غير تعدبيه
بسمة : ( دارت يديها على راسها كضحك ) ياك لمك خليه اختي يدوش غير هو بالما سخون اما لبارد غايمرض وأنا مقادة على مرضو أختي الله ينجيه
هدى : ( دارت يديها على حنكها ) أحياااني عليك هادي هي لي كانت تقول والللله منهضر معاها ولا تجي هضرتي مع هضرتو بشاخ اختي ودابا لحب كيتشاير
بسمة : إوا هداك وقت ودابا وقت خر تصفاو لخواطر ورجعنا ندويو كان خاص غير لي يبدا لول وصافي
هدى : ( بتاسمات فرحانة ليهم ) إوا الله يدومها محبة بيناتكم
دازو لمول تقداو لي خصهم .. هدى خدات حوايج لبنتها وختارت شي بيجامات ليها عراض وترتاح فيهم مع لحمل ، بسمة مخلات مخدات من بيجامات مقزبين وصيفيين وحوايج لصيف كسيوات او صنيدلات .. أو أهم حاجة كانت جاية على ودها خدات باخك من ماركة لي بغات فيه عطر او كريم ديالو للجسم او سبراي مع بعض لميكاب او منتجات للعناية بالجسم ، ومنساتش إلياس خدات ليه تيشورتات وسراول وكاسكيطات باش تولي تخرجو معاها ..
بعد ساعات وهما كيتقداو دازو لسبا بسمة دارو ليها ماسك لشعرها وعتاناو ليها بوجهها حتى رجع كيشقشق ورطب .. كي غسلو ليها شعرها قادو ليها تقطيعة وقصرو ليها لگصة كيف بغات و قادوه ليها بالبلاك ودارو ليها بوكلي على حسب طلبها وهدى طلبات غير يقادو ليها ضفار رجليها ويديها ويخليوهم بلا صباغة
رجعو لدار هدى طلعات لقات فريد رجع وكيتسناها من قبايلة وبسمة هزات ولدها وشدات فيديها داكشي لي خدات وبقات معافرة معاهم حتى طلعاتهم ودخلات لدار ، عطات لولدها ياكل وجلسات حداه كتلعب معاه حتى داه نعاس من لعيا وهي ستاغلات لوضع ودخلات خدات دوش دغيا بلا متقيص شعرها وخرجات نشفات لحمها لي رطب ونقي مافيه ولا زغبة .. رطبات جلدها ورشات سبراي من لباخك لي شرات خدات بيجامة من لبيجامات لي شرات ليوم ولبساتها .. كانت عبارة على شورط قصير حد لفخاض او تيشورت مين ڤونطخ كريشتها كلها معرية .. طلقات شعرها ودارت روتينها ليلي لوجهها وفالأخير رطباتو ودارت ملمع شفاه وسيروم لشفارها ..
تاجهات لمطبخ قدات ليها نودلز دغيا هي لي تشهاتها وحطاتها فبلاطو مع موناضة بومس وتمات راجعة لبيت طلات على إلياس لقاتو ناعس وشعلات تلفازة نقصات ليها وخدمات يوتيب وتمات جالسة كتفرج فمسلسل كوري وتلفون مخلياه جنبها ودايرة لو صوت
ضربات طناش أونص دليل وسمعات صوت هاتفها كيصوني فتحات عينيها وشافت بنص عين فأبيل ڤيديو لي كان كيصوني عليها صلاح ، تفوهات وحكات عينيها حيت كان داها نعاس لنص ساعة مع لعيا تاع نهار كامل وليل لي مكتنعسش دغيا شدها نعاس
بسمة : ( ناضت تكات على فوتوي وشعلات ضو فجنب مضوي غير عليها والغرفة بقات مضلمة باش إلياس يبقا ناعس .. دوزات لخط بابتسامة ونطقات بنبرة حنونة كي شافتو ) لاباس عليك
بقا كيشوف فيها لثواني بلا مايجاوبها حتى حشمات وقلبات لكاميرة شاداها ضحكة وفنفس لوقت تدعقات وحشمات
صلاح : ( تنهد من قلبو ) كنت لاباس وفاش شفتك مابقيتش
بسمة : ( خرجات عينيها ونطقات بتساؤل ) علاش آش درت ليك ؟
صلاح : ( بتاسم ونطق بصوت هادئ رجولي ) والو غير خليتيه محن مسكين موحشك وكملتي عليه انا لي حمار لي قلت ليك أبيل ڤيديو آش داني
بسمة : ( عضات على شفايفها بإثارة وغمزاتو ) مسكين شكون هدا ؟
صلاح : ( خرج فيها عينيه حتى طرطقات بضحك وناضت وقفات وحطات تلفون قدامها حتى بانو فخاضها عريانين وكرشها كلها باينة ) داك لي كيخليك توحوحي ويخليك بلا نعاس ( كي شافها دار يديه على عينيه ونطق بالنفعال ) لدلمك تستري لبسي حوايجك واش كتقلبي عليا ولا شنو
بسمة : ( هزات يديها لفوق دايرة راسها كتجبد وفيها نعاس حتى طلع ليها تيشورت وبان شوية من صدرها حيت مكانتش لابسة سوتيانات ) صهد هدا خليني لبس لي بغيت
صلاح : ( بنفاذ صبر ) فيك نعاس تق•ودي تنعسي جهلتيني لدلمك فهاد ليل نح•وي لحيوط أنا دابا ؟ ( دار صبعو يقطع لمكالمة حيت مابقاش صابر او وجهو حمار )
بسمة : ( كي شافتو غايقطع رجعات نعسات او خشات وجهها فلاكام ولا يبان غير وجهها ) صافي صافي منعاودش هههه غير متقطعش
صلاح : ( صغر فيها عينيها ) لامشيت حتى شديتك غايدوك لمقبرة نيشان هاني فين قلتها ليك
بسمة : ( خنزرات فيه ) ماحنا على فالك ياربي سلامة باش كتفايل عليا !
صلاح : ( قهقه بصخب ونطق بنبرة لعوبة ناوي يرد ليها صرف ) غانمحنك ابنتي يطيبو جنابك ون...
بسمة : ( غطات وجهها حشمانة من هضرتو وقاطعاتو بزربة ) وصافي صافي كون تحشم ن...
يلاه جات دوي طلقها إلياس ببكية ناضت طل عليه لقاتو كيتجبد ويبكي تأفأفات وهزاتو كتراري بيه وتلفون فيديها
بسمة : ( كتشوف فإلياس ) لي خلاه باك كملو عليا نتا
صلاح : ( كيشوف فولدو بحب ) اهياتا متغوتيش ليا على ولدي خليه يلعب ويغوت ويبكي آش بيتيه نتي
بسمة : ( عوجات شفايفها ) ايهاي هاي على ضسارة لولد ضاسر مكيخليش ناس ينعسو
صلاح : ( بنبرة غاضبة ) لي ماعجبو حال يقلب فين يسكن ولدي يبكي حتى يصبح لحال حد ماشغلو فيه
بسمة : ( هزات حاجبها ) لا طلاقيتو نتوما بجوج نخلي ليكم لبيت ونهرب ديك ساع يطلق زواكتو عليك تالصباح أما أنا ودني طابو بالغوات
صلاح : ( بطنز ) ديري لقطن فودنيك ونعسي
بسمة : ( كانت غاتسب وسرطات لهضرة ) غاندير زمر
( باست إلياس فحكنو ودورات ليه لكاميرة ) ها بابا
إلياس : ( كيحاول يشد تلفون ) اغغغغ
جلسات وحطاتو فوق رجليها وخلاتو شاد تلفون بيديه وهي معاوناه باش ميطيحوش ، خلات صلاح كيدوي معاه وهي بقات كتفرج فيهم مبتاسمة لإنسجامهم مع بعض
دازو أيام إلياس كيكبر فيهم أو ولا عارف شنو داير بيه وحتى من باه بكثرة ما ولا كيهضر معاه فتلفون ولا كي يشوفو فتصاور يضحك ليه ويتجبد عندو واخا بعيد عليه ولكن عندو إحساس طفولي أنو داك شخص باه .. هدى لكريشة كتكبر والحمل مسخفها او قاتلة فريد بالفشوش ولغوات هي تقول ليه بغيت هادي وترجع تقول ليه لا بغيت لخرا تبقا مشحفاه حتى تهز شنو بغات وفلخر تحط كولشي وتقول معجبني والو ، هادي عادتها فهاد الأيام ومتلفة لوقت برياضة باش متقلش وتكون عندها ولادة طبيعية وبطبيعة لحال متبعة مع طبيبة وكتاخد بنصائح لي كتعطيها وكل مرة كتمشي تطمأن على بنتها وتشوف شنو عندها وياك كولشي بيخير ..
بسمة مدوزة وقتها غير مع إلياس وصلاح فتلفون ، وتضل خارجة وقت مارشقات ليها تهز ولدها وضرب خلفة مع لباب تمشي فيما بغات ومترجع حتى يقولها ليها راسها ، وبهاد الحياة لي ولات عايشاها حسات براسها أنها رجعات مسؤولة وقادة براسها او بولدها حتى هو .. فالأواخر وبكثرة مكتشوفش بوسطات فلفايس وآنسطغرام وخصوصا ديال طبخ رجع ليها شغف لي كان فطفولة ولي هو أي حاجة كتعلق بالمطبخ وخصوصا حلويات ولاو كيراودوها أفكار ومنهم تكون ذاتها ودخل لشي سونطر خاص تعلم لباتيسري وبحكم عندها تجربة طويلة وبشهادة ناس گاع لي كطيب بنين وحتى زواق على حقو وطريقو قررات أنها غير دخل تعلم الأساسيات وتشوف شنو ناقصها وتاخد ديبلوم ديالها دغيا ومن بعد تفكر شنو دير بيه وترجع تبني أحلامها وتكون إنسانة مستقرة فحياتها ومعولة على راسها وعندها مدخول شهري ..
رغم گاع هاد الأفكار لي راودوها فالأواني لأخيرة كانت مقابلة مبيريكة ورادة ليها لبال وقايمة بالواجب معاها كتهلا فيها وتقاد ليها حليوات خاصين بيها وتصايفتهم ليها مع فريد وحتى أنها كطرافقها عند طبيب وكترد لبال لصحتها لي ولات بيخير رجعات توقف على رجليها وتمشا بيها شوية وفاش تعيا تعكز على لحيط يديها ولات تهزها ودير بيها مابغات غير مكتهزش تقل بيها بزاف حيت كتفشل ولكن بطبيعة الحال ماشي فحال قبل وكان واضح تطور كبير فحالتها .. مع ستمرار ترويض لي ولات حافضة لحركات لي كانت كدير معاها طبيبة ولا ديرهم معاها بسمة ولا هدى ولا غير هي مرة مرة كتحاول وكتبقا تحرك رجليها ويديها وتنوض تمشا بيهم شوية ...
مع أذان لعشاء كانت واقفة فالكوزينة كطل على لعشا لي وجدات بمناسبة هدى لي ولات عندها سبعة شهور كانت جاتها هاد لفكرة مدة هادي وقالت كيف تولي عندها سبع شهور نعرض على لعائلة ونتجمعو فدار على شي عشا .. كيف شافت كولشي واجد خلات داكشي فلكوزينة وجرات لبيت خدات دوش خفيف بلا متقيص شعرها لي كانت مقاداه غير صباح .. كي خرجاات دارت روتينها بعد دوش وخلات لحمها رطب وفيه رويحة زوينة .. خدات قفطان فراشة خفيفة بحزامها هماوية وديال عراضات لبساتها ودارت ذهبها فيديها وعنقها خلات شعرها مطلوق ورشات عليه سبراي فيها رويحة زوينة ، ودارت ميكاب خفيف ديال دار ..
كي سالات لبسات شربيل فرجليها وتمات خارجة من لبيت شادة فراشتها ومشات عند ولدها بدلات ليه حوايجو وحطات لعاب حداه مخلياه كيلعب وهي ضربات طلة دغيا على صالون لي كان مقاد على حقو وطريقو ولي أصلا فرشاتو على دوقها بأجود أنواع الأتواب وآخر مكاين فليموديل ، خلات كولشي مقاد وبخرات دار ببخور إماراتي بريحة لعود وفالأخير جلسات كتسنا ضياف يوصلو ..
بعد دقائق جات هدى ومبيريكة ودخلو جلسو فصالون وبعدها بمدة قليلة سمعات بسمة صوت طموبيلات لتحت وصوت ناس كتار عرفاتهم وصلو بقات جالسة حتى دقو فلباب و ناضت بنخوة وبتقالة حلات باب دار وسلمات على خالة فريد لي كانت عارضة عليها ولي تلاقات نيشان حدا لباب مع خوالات هدى وبناتهم .. دخلو تاهما وسلمات عليهم وهما غير كيطلعو وينزلو فيها..
تجمعو كاملين فصالون على ضحك وتقشاب ونميمة فبنات لعائلة ولمعارف مخلاو علامن دواو ومنساو حد .. بسمة كانت جالسة وحاطة فوق رجليها إلياس لي كان داير يدو فصبعو وكيضحك مع مو وخولات هدى وبناتهم عينيهم عليه بغاوه يهزوه وبسمة مطلقش منو غير حاطاه على رجليها
ملعيد : ( كطلع وتنزل فبسمة ) إوا يابنتي متحطيش داك لولد يلعب شويا ونتي غير خاشياه فيك
بسمة : ( لاحت شعرها لجنب وزادت معنقة عندها ولدها ) يلعب ليا فلارض اخالتي يوسخ حوايجو بلاش
بنت ملعيد : ( ميقات فيها ) عندها صح أمي لولد لابس غادوريجين وبغيتيها تحطو فلارض ( كتشوف فلأرض لي فيها زربية نقية من وجهها وعينيها كيفلتو لرجلين بسمة لي معريين او خلخال فرجل ليسيرية )
ملعيد : ( تنهدات ) دوريجين وعلاه ابنتي غا تضياع لفلوس راهم بحاال لحوايج لعاديين غير نتوما دهاد لجيل فيكم بخ وقوة شيكي
بسمة : ( بتاسمات ليها ودارت رجل على رجل حتى زادو تعراو صيگانها وبانو بلقين ونقيين وخلخال كيبري فيهم وباين ذهب ) بصحتنا اخالتي لافينا شيكي جات معانا او ولدي هدا لبسو لي بغيت مالي فين غانحط هاد لفلوس لا محطيتهم فيه هو
ملعيد : ( دارت حركة دائرية براسها ) وراكي حاطاهم فذهب ( دارت يد على يد معاجبها حال ) لي شافك يقول مزوجة بشي واحد عندو محال دذهب
بسمة : ( تبسمات بالستفزاز ) الله يخلف على راجلي اخالتي حسن من شي ذهايبي ( عطات ولدها لهدى وناضت ) أنا نحط ليكم لعشا
خالة فريد : ( بالبتسامة ) أنا نوض نعاونك احبيبة
بسمة : غير خليك ازين
ملعيد : ( صرفقات حنكها ) ويلا على زين لمراة قد موك مابقيتي تحشمي يابنتي حتارمي لي كبر منك
بسمة : ( ضحكات بالستهزاء ) مالها عندها سبعين عام باش نقول ليها جدة ولا خالتي راها باقي جون ( بتاسمات ) وماشاء الله أنيقة متعطيهاش 49 عام
خالة فريد : ( بتاسمات بزز لملعيد ) عادي غير مجاملة مافيهاش شي حاجة
خرجات سبقات بسمة لكوزينة باغا غير تفك وبسمة تبعاتها مخليين ملعيد كتبرگم وتقول لعقل مكاين تاعند صغار بقاو غير لقبار من لول مكانتش عاجباها خالة فريد شافت شعر زعر او الأناقة وليبيجو او صيكان غا ليمارك محملتهاش وجاتها معياقة وتقيلة علقلب وفاش لاحضاتها كتبقا غير ساكتة وتسمع زادت كرهاتها ودور دور تميق فيها
فالكوزينة كانت بسمة مشمرة على دراعها وكتحط لحم بالبرقوق لي وجدات فطبسيل كبير ومزوق ، جبدات گاع لماعن لي عندها وناسقات الأطباق وحطات كولشي فبلاصتو .. لحم مشوي فطبق كبير وطويل ودجاج محمر فطبق آخر وشلايض فنوواع وشكال وعواصر كذلك .. عاوناتها خالة فريد حتى حطات كولشي فوق طابلة لي كانت عريضة وطويلة وفلخر جلسات بسمة بنخوة ومدات يديها لعاصير ليمون وكبات لمبيريكة كاسها وحطاتو قدامها بالبتسامة .. كل خطوة كانو خوالات هدى وبناتهم كيشوفو ويميقو فيها البعض حسدوها على لعگوزة وكولشي على لخير لي عايشة فيه ولفلوس لي كيبانو فحوايجها وما تاهما ممخصوصينش ولكن سم ولحسد فكمارتهم
بسمة : ( بالبتسامة واسعة ) مرحبا بيكم دوقو وقولو لي كيجاكم هادشي لي طيبت
ملعيد : ( وحلات ليها زيتونة ) طيبتي ؟ آش طيبتي أبنتي قولي جبدتي كولشي موجد من برا ( كتشوف فضفار مقادين ) هادي ماهي حالة مطيبة هاد لخير كامل
مبيريكة : ( تنهدات من حشيان لهضرة ) كتعرف طيب املعيد ومشاء الله عليها حسن من ليشيف
خالة فريد : ( كتبنن ) ما شاء الله والله إلا تبارك الله عليك طيابك بنين وماشي هادي لولة لي ندوق ماكلتك متولة ماشاء الله
بسمة : ( بتاسمات لها بلطف ) ربي خليك ازين من دوقك
( هزات عينيها فملعيد ونطقات بعد خوات ليها كاس دلعاصير ) بيديا اخالتي طيبت ماشي بضرورة نجلس بيناتكم وحالتي كتعطعط بريحة طياب باش نتسما راني حادگة وراني طيبت
أخت ملعيد : إوا لاواه أبنتي نقاوة هي لولة وتبارك الله هادشي زين غير هو فين تعلمتي هاد لخير تبارك الله
بسمة : ربي خليك ومع لوقت كنت كنتعلم وصافي كل مرة كندير شي حاجة وعقلي خفيف دغيا كنشد فراسي لحاجة
خالة فريد : تبارك الله عليك كون ديري شي ريسطو ديالك غايصدق ليك والله
ملعيد : ( ميقات فيها ) ريسطو ؟ لعيالات حدهم دارهم او ولادهم تخشا وسط زوافريا وتبدا طيب معندهاش دارها
خالة فريد : ( حنحنات بإحراج ) احم
بسمة : ( هزات فيها حاجبها ) مشات ديك هضرة ديال لمراة بلاصتها لكوزينة تا حنا حمد الله كنبغيو مشروع ديالنا نعاونو بيه راسنا منبقاوش جالسين غير فدار وفكرة دريسطو زوينة غير أنا كنفضل شي باتيسري تكون غزالة
هدى : ( دارت يديها على كرشها ورجعات لور راسها تنفخ بهضرتهم ) عندك لحق دار غير كتخنق بنادم لاهم لالقا مايدير يشوف
ملعيد : ( حطات يديها لغلاض على فخاصها بفقصة وزمات شفايفها رقاق ) إنا خنقة لي عايش فهاد لخير يتخنق حنا قداكم كنا غير فبيت وكوزينة وحامدين الله حتى تزوجنا امالكم باغيين طيرو
مبيريكة : ( زفرات ) دوقي اختي ديك شلاضة لي قدامك غاتعجبك
بسمة دارت راسها مسمعات والو وكملات ماكلتها بشوية عليها وكل مرة كانت تلفت لإلياس لي كان ناعس هادي هي وقيتة لقيلولة ديالو ..
ماكملو داك لعشا حتى كان قلب هدى غايتنفخ مابقات قادة على صداع وراسها درها ، بسمة كانت دايرة ودن سمعات او ودن لا ولي هضر معاها دور فيه سنطيحة دفعاتهت ورجعات تكلم على حقها عرفات إلا مدوات هي مكاين لي يدوي عليها وشحال قد لواحد يدافع عليها اللهم لي عطاها تعطيه ! مبدلوهاش لفلوس كي ضنو هما إنما لواحد بكثرة لمشاكل وتجارب كيتبدل لأحسن وشخصيتو كتقوى كيعرف شحال من حاجة وعينيه كيتحلو كيولي يفرق مابين صح ولغلط كيولي يدافع على حقو ويدوي حيت مناقصاه حتى حاجة فحالها فحالهم وعاد دابا ولات حسن منهم براجلها وطموبيلتها وعايشة بيخير وباغيا دير شي حاجة فحياتها .. علاش مدويش على حقها ؟ تالين تبقا ساكتة وترد لقلبها ؟
دازو سوايع تعشاو فيهم وجمعات بسمة طبلة وحطات ليهم باش يحليو كانو حليوات صغار لكل شخص وكل وحدة بديزاين مختلف ومذاق آخر ..
كلاو وشبعو وناضو يمشيو وفنفس لوقت داو معاهم باش يجمعو وكان موضوع ليلة بسمة لا فطيابها ونقاوتها وتاويلها لي كان باين غير من مضهرها ونضافة دار وحتى من طيابها وعاد ذهوبات لي كانت لابسة والخير لي باين فوجهها ..
خرجو كيسلمو عليها ويديرو ضحكة صفرة وهي كتر منهم محاملة شي حد غا دايرة صواب وصافي وحشمات متعرضش عليهم وهي عمرها دارت شي حاجة فدارها ولا عيطات عليهم ..
نزلات هدى لدارها ومبيريكة بقات مع بسمة فدار ، قدات ليها غرفتها ونعسات فيها وهي شمرات على دراعها وجمعات لكوزينة بقات ساعتين وهي حاصلة تحك وتعاود مسالات غير بزز ويلاه كانت غادوز لصالون وشافتو مرون بزاف قالت تايصبح لحال وتقادو .. بدلات حوايجها وتخشات حدا ولدها بعد ماقاديت ليه رضاعة لحليب وحطاتها حدا راسو حيت عارفاه دابا ينوض
يتبع...
التنقل بين الأجزاء