محتوى القصة
و شرقات شمس الصباح على خديجة حتى هي لي كانت ناعسة و الإرهاق باين على وجهها.. دخلات عندها العاقصة ديال عكوزتها متهجمة عليها كاتفيقها بصوت ينوض الموتى من قبورهم.. فاقت خديجة مخلوعة و قافزة محاولة تستوعب شنو تايدور بيها
ودة: (كاتحيد عليها الغطا) نوووضي ا لالة واش جايبينك تنعسي و ترتاحي (كاتضرب يدها مع بعض) العيالات الحرات واهلييييي فاقو ووجدو الفطور وانتي مازال ممغطة ليا هنا و 8 هادي
خديجة: صباح الخير اخالتي سمحيلي داتني عيني هاني نايضة دابا
ناضت من بلاصتها و خلات ودة كاتبركم وراها
ودة: اييه اييه الخير غير مدفق.. لا وردان الهضرة جميلك عيالات آخر الزمان (رفعات صوتها تسمعو ليها) و مااديريشاي الصداع را بنتي حياة مازال ناعسة كاتعيا مسيكينة
هبطات خديجة راسها و غصة واحلة فحلقها لبسات بيجامتها الطويلة و دارت شالها ومشات للكوزينة …. وجدات الفطور تحت الضغط ديال ودة لي كل مرة كاتعيب شغلها.. تولات الطبلة و كبات أتاي عاد فاقت حياة كاتتكسل و جات تخشات فماماها لي كاتبوس ليها على راسها
ودة (بحنان): رتاحيتي اعمارة الدار
حياة: اه اماما واخا عييت و ماقدرش نفيق
ودة: الله الله ابنتي عياااات بشقااا و تمارة دلبارح
حياة: اوا ماعليش مرات خويا عروسة جديدة و عطيناها الراحة
...بقات خديجة غير كتشوف فيهم مبهوطة ….كيكدبو الكدبة و كيتيقوها و قدامها ماشي حتى قدام البراني...بلعات الغصة فقلبها و خلاتها بينها و بين نفسها ...قطعات لواد و نشفو رجليها و ماعندها فين ترجع ولا تصد بالرأس كطلب غير السلامة و راحة البال ...كانو فوق لفراش لحم على اللحم عريانين و تنهيداتهم واصلين لسقف ….كيبوس عنقها و بعضو بشغف و هي يديها فالمعلم كتحركو ...كانت يالاه جابت لبليزير لول ديالها من لفوق و ناض كيقلب على الواقي يديرو
اكرام: (بغنج) علاياش كتقلب العود
حميد : لبريزيرفاتيف
اكرام: وراني عاكرة لاش بغيتيه
حميد : ماعرفتش قلت مع بالي ماتبغيش نخوي فيك
اكرام: لا بغيتك تخويه...كيعجبني فاش كيكون سخون
...رجع لعندها تلاح عليها كيبوس و كيبغج صدرها ...اول حوية ليه معاها و عقلو حاضر بلا سكرا ...بقا يمصمص فصدرها حتى وجعو ليها و رجع حمر و فيه آثار العضات زورق
اكرام: خشييييه ...اممم
...خشاه ليها حتى شهقات و بقا يديه و يجيبو بوثيرة سريعة و هي كتوحوح ليه فوذنو و تزيد طلب منو يفورصي عليها ...كيبوسها ففمها بشغف و مستمتع باللحظة معاها
حميد: كتهبلي أبنت الخماري …
اكرام: (كتبوس عنقو و لاوية عليه رجليها من ظهرو كتزيد تقربو ليها ) عمرك تقولي أتبعد و لا تمشي اااه
حميد: لويييتي عليا ماعندي منك هروووب
...زاد كيفورصي كثر و هي ماقدراتش مازال بدات كتغوت بجهد و حاسة ب طبونها كيزدح ...جابو فيها و بدا ينهج و هي معاه كترجف تحتو ..
اكرام: ههه العسل كيتدفق
.شاف فيها بابتسامة و عينين ذبلانين من صوتها و منظرها المغري قدامو و هي كتبادلو نظرات تساؤل بعينيها
اكرام : مالك
حميد : كنبغيك ...
رجعات لدار كتنهج من الزربة لي زرباتها فطريق ...حيدات شالها و طلعات لقات غير طلحة جالس و هاز فيدو مصحف
ذكرى: مشات مك ؟
طلحة:(طلع فيها عينيه) مشات
ذكرى:(تحت سنانها) مشية بلا رجعة
طلحة: كتبقا مي و عليك و عليها بالاحترام
ذكرى: شفتيها كيفاش كانت كتهضر معايا
طلحة: خدات جوابها
ذكرى: اوا غير على وجهك و مرة أخرى الى بغات تجي علمني نخويلها الدار
دخلات لبيتها و زدحات فالباب و هو متبع ليها لعين ...مافيه مايتناقش معاها مخليها على راحتها حتى تبرد و رجع كيقرا فالمصحف ...كانت باقا كتشوف ف عينيه و ساكتة و هو كذلك كيتسناها تجاوب ناااض من فوق و نعس جنبها و هي كتحاول تستوعب
حميد : سمعتيني
اكرام: واش قلتيها غير حيت كنتكواو ولا بصح
حميد: (كيلعب ليها فخصلة من شعرها) نهار شفتك دعيت ماتكونيش مزوجة و لا عندك شيواحد فحياتك ...ضارباني الحزقة و الشجاعة و لكن كنقصد فاص
اكرام:(بلعات ريقها) شنو كتقول احميد
حميد: كون كان لخاطري مانصدعكش
اكرام:(تنهدات و كتشوف ف جنابها) ماعرفتش
حميد: شنو انا بالنسبة ليك
اكرام: صاحبي لي نقدر ندير معاه كولشي
حميد: عرفتي نتي شنو بالنسبة ليا ؟
اكرام: شنو؟
حميد: لي نكساب و هنا كاين الفرق
اكرام: ماكاينش شي فرق غير كيبان ليك
حميد: كاين الفرق ...نتي معتابراني صحيبك كنبردك و لكن انا معتابرك كولشي
اكرام: نهار اللول بردنا بعضياتنا مادرقش شمس بالغربال
حميد: اه و لكن واش تحاسبيني حيت القلب بغاك ؟
...ناضت من حداه كتلبس حوايجها و قارمة حجبانها و حاسة براسها مزيرة ...لبس حوايجو حتى هو و كيشوف فيها جالس فوق النموسية و هي وقفات عليه كتشوف فيه
اكرام: انا بغيتك تبقا معايا و صافي …ماغانحاسبكش الى بغيتيني
حميد:(شد يدها) مناش خايفة؟
اكرام: من لغدر
حميد: مافياش
اكرام : رجع لخدمتك
حميد:(ابتاسم) انرجع العسيلة
خرجات من لبيت و رجعات لدار طلحة كأن شيئا لم يكن ...هزات صاكها وودعاتهم و رجعات للفيلا و ذكرى متبعة ليها لعين و كتشوف ف طلحة و كتقول مع بالها الله اخرج هاد العاقبة على خير ...
⚠⚠🔞
تعاشات لعشية و طاح ظلام و كانت هي فالكوزينة كتقاد فبلاطو لعشا و قالبة سيفتها ...قادات كولشي و مشات لبيت دخلات لقاتو متكي حطات حداه لبلاطو د الماكلة
ذكرى: صايبت لعشا
طلحة:(تكعد بشوية) مافياش كولي نتي
ذكرى:(طلعات فيه حاجبها ) منين نتا ماباغيش تاكل قولهالي ماشي تشوفني واااقفة فالكوزينة نوجدلك ماتاكل و فتالي تقولي مافياش
طلحة: (كيشوف فيها بدهشة) ذكرى بحال الى صوتك علا
ذكرى: من صباح و نتا جااالس تنكر عليا و تسممني بهضرتك
طلحة: اشنو قلتلك؟ (شدلها يدها) واش قلتلك شيحاجا قلقاتك ؟
ذكرى: (شداتها لبكية) ماتبقاش تجي عندنا كتقولي هضرة خايبة بزاف
طلحة: واش على الوليدة؟ واش انا نسيت لهضرة نتي باقا شادة فيها (جبدها لعندو تكاها على صدرو)
ذكرى: لا مااابغيتهاش ضيعلي نهااري كنا بيخير سمن على عسل حتى جات خربقاتني
طلحة: ششش صافي ماغاتعاودش تجي لعندنا (ابتاسم) و سمحيلي الى قلتلك كلمة ماعجباتكش
ذكرى: و علاش بقيتي ساكت مكتهضرش معايا؟
طلحة: حيت كنت كنقرا لكتوبة ديالي
ذكرى:(ناضت من فوق صدرو) كتوباتك حسن مني ...اويلي راك تهرستي من رجلك ماشي تعورتي من عينيك مكتشوف والو
...بقا كيشوف فيها و ضحكة خفيفة مرسومة فوجهو كيشوفها مغبنة...لابسة بينوار بيبي بينك و تحتو انسومبل مشبكين شورط و ديباردور ...صدرها نصو كيبان و شعرها مصاوباه ليس و مطلوق على ثنايا و بطبيعة الحال مكحلة عينيها و دايرة عكر سيكسي ففمها ...بأس ليها يدها كيحاول يطيب خاطرها
طلحة: غزالة كيما العادة
ذكرى: عاد شفتيني ...مابقات لي قيمة عندك الفقيه ….بانلي نخليك مع كتوباتك و نعزل فراشي
طلحة:(جبدها عندو طاحت على صدرو و حط جبهتو فوق جبهتها و كيشوف ف عينيها مسحور) كيفاش تعزلي فراشك عليا و انا نعاسي مايحلاش الا فجنبك
ذكرى:(قلبات شنافتها) موحشاك و نتا ماتوحشتينيش
طلحة: (ببحة رجولية تنهد) موحشك حتى انا
ذكرى: اممم فخبارك تشهيت مصاصة (عضات شفايفها)
طلحة: لحوانت سدو ابنت الحاج
ذكرى: لي مابين فخاضك المحابسي هههه
طلحة: ههه حلفتي على المصاصة لكبيرة تاخديها
ذكرى: امم اتجرب حاجا أخرى
طلحة: مهرس من رجلي ماغانحكمكش
ذكرى: انا نحكم راسي بقا مرتاح ….
طلحة: شنو باغا ديري
ذكرى:(بضحكة انثوية صاخبة ) انمصووو
دغيا حيدات بينوارها ليه و بان جسمها المنحوت كثر حيدات داك لبلاطو د لماكلة و طلعات فوقو كتشوف فين بنظرات شهوانية و تزاد معاها الزايد
ذكرى: منييين نبدالك
طلحة: (ضحك بخفوث) نتي لي باغيا تحكمي
ذكرى:(قربات ركبتها شوية فحجرو و هبطات عندو حاطة يدها على صدرو ) ...طلحة تعقل على ديك الليلة
طلحة:(تنهد) و شكون ينساها فينا ؟
ذكرى: ديك ليلة مكتحيدش ليا من بالي و انا كنحلم بيك (باستو بوسة خفيفة فشفايفو) حمقتيني
بلع ريقو و كيحس برجولتو نتاصبات كثر و الحرارة طالعة فيه حتى كيحس بيديها كيتحركو فعضوو الذكري و كتنطق بصوت هامس
ذكرى: ماتخيلش قداش حمقني
طلحة: اممم عجبك
ذكرى: بزاااف
...بداو يتباوسو بلهفة و شغف ...كتبوس فيه و تعض شفايفو حتى كيخرجلو دم و تلحسو ...دخلات لسانها كتلعب بلسانو و هبط لعنقها كيلحسو و يبوسو و هي مغمضة عينيها كتحسس عضيضاتو صغار فعنقها...هبطات لعندو لجهة السروال كتحيدو ليه ...هبطاتلو شوية و هو عاونها و تبعاتلو لبوكسور ….طلع المعلم ناصب خيمة و هي تعض شفايفها بشهوة كتشوف فيه مهبر و كبير و عروقاتو بارزين...هزاتو ف يديها كتحركو بشوية و كتسمع تنهيدات فقيهها...خشاتو ففمها بشوية مفزكاه بريقو حتى قفز من رطوبية فمها و ريقها سخون ...عينيها كانو كيشوفو فيه بواحد الرغبة شعلات فيه لعوافي ...كدخل ز`بو حتى كيوصل ليها للحلق و تخرجو مخنوقة...أما هو عاش شعور اول مرة يعيشو كيحس بذاتو كتنفض و هي كتنهد عليه
ذكرى: اممم شحال حلو
طلحة: كتجيبيلي التمام الجّمرة ااه
ذكرى: الجمرة حرقاتك وسالاتك
طلحة: شاداني فيدك بهاد التحلويييين
ذكرى: أنا كولي ليك أحبيبي
….بدات تمص بطريقة مفورصيا على لول و كتحرك يدها معاه كدخلو و تخرجو و طلق أصوات. اممم انننن مستمتعة و لقات البنة ...كان قريب يجيبو و زادت فالوثيرة و قبل مايخويه ليها ففمها جبداتو و تدفق حليبو فيدها...و هو كينهج و يشوف فيها ...جبدات كلينيكس كتمسح ليه و هو ينطق
طلحة: طلعي فوقو باغيييك نتي
...حيدات حوايجها و بقات عريانة قدامو ...فرقات رجليها و طلعات كتشوف ف عينيه و رجعو كيتباوسو ثاني عايشين اللحظة هز العضو ديالو و كيقلب على الثقبة فين يخشيه و هي تهز هاربة
ذكرى:(بارتباك ) بشوية
طلحة: مازال مادرت والو
ذكرى: بلاتي شوية
طلحة:(طلع وجهو كيشوف فيها) مابغيتيهش
ذكرى: بغيتو
طلحة: خايفة منو أذكرى؟
ذكرى: و راني مزيرة (بتوتر)
(دفن راسو فعنقها كيبوسو و يدو كيلعبو ف صدرها بشوية ...بقا كيرضع فيه بحنان و هي كتوحوح ليه فوذنو ...لقات راسها بلا هواها هازاه و كتحاول دخلو فالثقبة ...دخلاتو بشوية و كتألم و تلذذ و بدات طلع و تنزل و هو شادها من خصرها و نطق كيشوف فعينيها و جار شعرها طويل من لور كيجبدو و هي كطلع و تنزل بقوة و دموع النشوة فعينيها و كتوحوح بجهد
ذكرى: طلللحة...قاااسح بزاااف
طلحة: ركبتيه...روضيه العودة
ترفعات و مابقاتش كتحس بلي كيضور حداها ...كتحس بعضوو فقط كيداعب أنوثتها...ظفارها محطوطين على البودي ديالو مكمشينو و توحويحها عاااالي...هبطها لعندو كيرضع صدرها الواقف لي مجننو حتى حلماتو وقفو و حماااارو و باقي ماشابعش منهم ...حيد يدو من خصرها و حطها ليها فوق البظر كيفركو و هي زاااادت شعلات على كيف كانت …
ذكرى: (كطلع و تنزل) بغييييت كثر ...كنحس براسي ماشابهااااش
...تهز بشوية و بقا هو كيحركو فيها بوثيرة سريعة حتى حلات فمها كتغوت و عينيها فازكين بدموع الشهوة...هز رجلو بشوية واخا تعكر و تأوه بألم و لكن مابغاش احرمها من المتعة ديالها
طلحة: حبيبة ...نعسي على جنبك باش يدخل كاملو
...مكتسمعش ليه ...حاسة براسها قربات تجيبو و هو كذلك حس بيها و زاد فالوثيرة مرة أخرى بقات كتنفض فوقو و رجليها كيرجفو...تنهدات بصوت عاااالي كتعبر على شهوتها لي وصلات ليها و طاحت ف جنبو مرهقة و عينيها كيتسدو و هو كيبوس ليها فعنقها و يداعبها بيدو باش ماتنعسش ليه ...مازال باغي يشبع منها
طلحة: لغزالة ديالي عينيها كيتسدو (كيبوسها ففمها و حناكها) ليلتنا طويلة
ذكرى:(كترمش عينيها بشوية و كتنهج من لبليزير لي جابتو ) اوووف كان قاسح بزاف
طلحة:(باقي كيفرق قبلاتو ) ماشي ذنبي موحشك بزاااف
ذكرى: (بهمس كتحسس بلمساتو و قبلاتو) ايي لحوا شحال زوين
...بقا كيبوسها كثر بحنية و يديه كيمشيو لمناطقها الانثوية، شهوتو تزادت و شهوتها حركها ليها حتى بدات تتنهد و سادة عينيها ...بقا كيمص فصدرها و هي كدوز يدها على شعرو و كتوحوح، يدو مشات لأنوثتها كيحركها فالبظر بحركات دائرية ، شعلات مرة أخرى و نطقات
ذكرى: اممم دخلو (عطاتو بظهرها مكوزة ليه) سربي بغيييتو
ابتاسم و هز *بو و بدا كيدخلو بشوية و كيترفع ب تنهيداتها
طلحة: كنحمااق عليييك
ذكرى: اووف كتجنني (كتحرك معاه و ميلات راسها كتبوسو ففمو ) اححح زيد حركوو
...زاد فالوتيرة كثر و كثر كيتوحوح معاها و كيتغزلو فبعضياتهم بالكلام المعسول ، شعلوو و ماقادرينش يتطفاو حتى يشبعو رغبتهم بجوج
طلحة: حلاوتك كتحمقني كلك غزالة ااه
ذكرى: امم ااااه اااه (كتشدد على الحروف) ماتوقفش اححح
….تنهدات بعمق و بصوت مرتافع جابت لبليزير تاني دغيا ، بدات كترجف و فشلات كتشوف ف عينيه ماتعطلش حتى هو جابو فنفس لحظة و خلاه كيخوي لداخل ، باسها فجبهتها بوسة طويلة و نطق برضى
طلحة: ندوشو؟
ذكرى:(ابتسامة خبيثة) قول نزيدو ماتش اخر فدوش ههه
...دخلو يدوشو و يعاودو ماتش اخر و ماسالاو الدوش حتى شبعو بالمزيان و داعبو بعضياتهم….عاوناتو يدوش و بدا يحس برجلو كضرو و لكن صبر غير خرجو هو و ياها ...لبسات حوايجها و حتى هو كذلك و بدات تنشف شعرها ...جابت بومادا و جلسات حداه كتمسد ليه رجلو
ذكرى: كضرك بزاف ؟
طلحة: شوية …(كيشوف ف عينيها بابتسامة) على قبلك لوجع راحة
ذكرى: احياني عليك لسانك كيقطر عسل
طلحة: و علاش لي مايقطرش و نتي حلالي
ذكرى:(تنهدات كتشوف ف عينيه ) الى كنت انطلب شيحاجا أخرى من سيدي ربي غادي نكون أنانية...حيت لي كتمناه اي بنت خديتو انا
طلحة: و علاش لي ماتشكريهش هاد لمرة فعوض ماطلبي منو
ذكرى: يتقبل التوبة ديالي؟
طلحة: إن الله تواب رحيم
….شداتلو فيدو مبتاسمة و قلبها كيضرب
ذكرى: بغيت يجمعني معاك كولشي
طلحة : لفجر قرب يأذن
ذكرى:(ضحكات بخفوث) تصلي بيا ؟
طلحة: باغية تصلي؟
ذكرى: بغيتك توريني لحاجا الزوينة فالدين
طلحة: انعلمك كولشي و ايعجبك الحال
….ناضو بجوج لصالة طلحة جالس فكرسي و ذكرى جات من وراه لابسة عباية و شال و بداو الصلاة مخشعين خصوصا هي لي كانت تسمع تجويد ديالو ...صلاو و دعاو فصلاتهم و يمكن أفضل دعوة دعاوها هي يكونو لبعضياتهم ديما ….من داك النهار و هوما كعيشو لحظات كلها عسل فعسل ...كتهلا فيه و كيتهلا فيها و مع مرور الوقت تشافات رجلو و كيتمشى عليها و رجع لخدمتو مع با صطوف لي كان لقا لخشب منين والف يجيبو و تزوهرات الخدمة عندهم ...أما ذكرى كانت مشغولة مع الماستر ديالها و كل ليلة كتبريباري و تخدم و تمشي تقرا و تتفادى ليث لي كتلقاه فكل بلاصة كيشوف فيها بحرقة و كيتحسر على شنو ضيع ...كيبغي يلقا فرصة يهضر معاها ولكن هي ديما قامعاه ….كان كيغلي منين كيشوفها مع طلحة و الزاهية كانت بحالو حتى هي قلبها كيتحك منين كتشوف الراجل لي عشقاتو مع مرا أخرى و مكيشوفش فيها مانفع معاه تلحليه ولا تحلوين بنت الحاج خداتليه عقلو و قلبو و من غيرها مكيشوفش .... دنيا عطاتهم و شي زواتهم و كيما خديجة عاشت تكرفيص عائلة راجلها ليها لا حنين لا رحيم و مكاين لي يطل عليها ...خلاوها هكك كتصارع الواقع بوحدها و لكن فالحقيقة مكانتش كتخرج من عقل ادريس و كل مرة كيقرر يردها و كيتفكر بلي هي لي بغات تزوج و كيكمدها فقلبو …. هادو كاملهم فجهة و أما واحد الكوبل عاشو الحب و زهو بجميع المقاييس فلفيلا دالخماري و ماهامهومش البشر و ضاربين دنيا بركلة ... بعد ما اكرام صدرات فؤاد و رفضاتو بقات ماريا مراقباها و مابغاتش تقبل ان بنتها رفضات ولد عائلة لباس عليها ….كانت اكرام فلكوزينة و لخدامات دايرين خدمتهم و هي باغيا تشرب لما و تخرج حتى دخل حميد من باب الجردة و غمزها و قرب ليها بلا مايعيق
حميد: الخدمة كملات امدام
اكرام: و المزرعة؟ شفتيهم واش دارو خدمتهم
حميد: كولشي مسجل
….دخلات ماريا لكوزينة و طلعاتهم و هبطاتهم
ماريا: اكرام شنو كديري هنا
اكرام: جيت نشرب و كنسقسي حميد على المزرعة
ماريا: اممم الليلة عارضة على صحاباتي
اكرام: و شنو لمطلوب؟
ماريا: تحضري معانا
اكرام: داكوغ
...خرجات ماريا و رجعات باش تقولها بلي ضروري خصها تكون حتى كتشوف حميد خطف بوسة من اكرام بلا ماينتابه حتى واحد و خرج من باب الجردة و اكرام مبتاسمة….ماريا تشوكات و رجعات منين جات و راسها كيضور و كتأكد واش بصح شافت لي شافتو ولا غير كتخيل ...
بدات تربط الأحداث فراسها كل نهار بنتها مع حميد و رفضات فؤاد بلا سبب ….جمعات بزاف ديال لفلاشات فعقلها و حسات بالزايد طلع معاها و لا يمكن تقبل بعلاقة كيف هادي ...نطقات بحقد جالسة فالفوتوي و مزيرة على قبضة يدها
ماريا: لا مايمكنش نخلي هادشي يوقع….ماغانخليش بنتي طيح فنفس الغلط
….عيطات للخدامة تنادي ليها على العساس لي دخل حاني راسو احتراما ليها
ماريا: بغيتك تقضيلي واحد الغرض
العساس: مرحبا الالة
….كانت يالاه راجعة من لافاك عيانة كتوجد اخر حاجا للماستر باش تاخدو ...دخلات لدار و دخلات دوش و وجدات لغدا دغيا ...لبسات حوايجها تاني و هبطات لغدا ل طلحة فالكاراج هو و با صطوف
ذكرى: السلام عليكم
طلحة:(ابتاسم) و عليكم السلام ...كيداز نهارك
ذكرى: عيييت شوية و لكن الحمد لله
طلحة: ديري جهدك كاملو بغيتك تاخدي الماستر ديالك
ذكرى: ان شاء الله...جبت ليكم لغدا
با صطوف: الله اعطيك صحة ابنتي شقيتي راسك
ذكرى: على الرأس و العين ابا صطوف
...جات تخرج و عيط ليها طلحة و مشا عندها كيهمس ليها
طلحة: ماكاين توحشتك ماكاين نهاري داز صعيب بلا بيك همم
ذكرى: بغيتيني نقولك توحشتك نصدقو فحاجات كبار ههه
طلحة:(تنهد) فوقاش اتسالي منك
ذكرى: غدا تسالي و غادية نتقضا شي حويجات
طلحة: اممم هي اتبرعيني
ذكرى: (ضحكات بخفوث) لي صبر نص عمرو ماقدرش يصبر سبع يام
طلحة: علاه لي داق لحلاوة باقي يقطعها (جبد فلوس من جيبو و عطاهم ليها) هاكي و تهلايلي فراسك
ذكرى: هادشي كثير
طلحة: ماخصاراش فيك
ذكرى: هههه الله اخلف عليك
….طاح الليل و نساء الطبقة المخملية تجمعو ف لفيلا د الخماري ...كانت جليسة متولة و كل وحدة كتفيش على لوخرا بشنو لابسة و شنو المشاريع لي عندها و اكرام جالسة على الجمر باغيا شي فرصة باش تخرج عند حميد ...ناضت ماريا كتهضر ف تيليفون و جلسات حتى لشوية كيدخلو لبوليس لعندهم
اكرام: شنوو واقع هنا علاش جيتو؟
ماريا: انا لي عيطت ليهم ...طلعت لبيتي و لقيت ذهبي تسرق
البوليسي: شكون سرقو امدام شاكة فشيواحد؟
ماريا: اه الجاردينيي كنشوفو ف لكولوار ديما كيدوز من حدا بيتي
اكرام: شنووو كتقولي ؟؟؟ حميد امبوسيبل يسرق
ماريا: هو لي سرق و بغيتكم تشدوووه دابااا
بقات كتشوف فيها اكرام بصدمة جاها كولشي فدقة وحدة ...كتشوف مها خرجات مع البوليس و هي تبعاتها كتحاول تخليها تراجع على هضرتها ولكن بدون جدوة كان حميد جالس فالبيت لي عطاو ليه يحط فيها حوايجو و مستلزماتو حتى دخلو عندو لبوليس
البوليسي: نتا الجاردينيي
حميد:(علامات تساؤل) هو انا شنو كاين؟
البوليسي: شدوه (أشار لجوج اخرين) قلبو حوايجو و لبيت كاملها
حميد:(كيتنتر منهم) شنووو وااااقع علااااش شاديني
اكرام:(شادة فسد البوليس كتحاول تفكو) طلقوووو منوو راه مادار والو
….بقاو كيقلبو لبيت كاملو حتى جبدو الذهب ديال ماريا محطوط ف جاكيطة ديالو ...بقا حميد كيشوف فيه مصدوم مافاهم والو فوقاش وصل داك ذهب لتماك …
ماريا: ها الدليل قدامكم
البوليسي: ايمشي فين اتربى
حميد: مااااادرت وااااالووو (طلقو مني)
بقات مصدومة كتشوف فيه و قلبها تزير و شداتها لبكية و هي كتشوف ف حالتو ...بقا كيشوف ف عينيها و كيغوت
حميد: مااااااتيقيييش ماااااسرقت واااااالو ….اكرام كنقسم ليك الى طايح عليا لباطل
اكرام:(حطات يديها على فمها تابعاه تالفة و كتمتم بسميتو) حميد حميد
...طلعوه ف سطافيط و انطالقو تحت نظراتها المنكسرة و دموعها طاحو على خدها ...بقات ماريا كتشوف فيها و دخلات لفيلا لقات صحاباتي كيجمعو راسهم امشيو ...ودعاتهم و عتاذرات ليهم على المشكلة لي واقعة ...دخلات اكرام لعند مها بسرعة و معصبة لاقصى درجة
اكرام: حمييييد ماااايسرقش فهمتييييي مااااايسرقش
ماريا: شفتي بعينيك شنو دار ...من حوايجو جبدو ذهبي
اكرام: بغيتي تقنعيني بلي هو لي سرق؟؟؟!!!!
ماريا: خليك منو و شوفي حياتك و منين عزيز عليك لهاد الدرجة عتقيه
اكرام: شنو كتقولي ؟؟؟
ماريا: هو سراق و مايسواش و انا غادي نسحب البلاغ واخا مايستاهلش و سرو لحباسات و لكن خصك تزوجي بفؤاد
اكرام:(بصدمة) واااش كتساوميني بين الحرية ديال حميد و الحرية ديااااالي؟؟
ماريا: فؤاد ولد عائلة و يستاهلك ...خصك تزوجي باش نتهنى عليك
اكرام: عمرررها تكوووون ليييك ماغاديش نتزوج
ماريا:(بقسوة) و الجاردينيي عمرو يخرج من الحبس
اكرام: ماااااشي لخااااااطرك ...غادي نقولها لطلحة و هو غادي يخرجو ...كيحسابلك غادي يخلي صاحبو فالحبس
ماريا: متأكدة باغيا طلحة يعرف بهاد القضية؟ … بغيتيه يعرف ختو مصاحبة مع صاحبو ؟
اكرام:(بصدمة) نتي …
ماريا: شفتكم شنو كديرو بعييني و مايمكنش نخلي نفس الغلط يتكرر ...غادي ديري لي بغيت و يدك فوق راسك
...مشات ماريا و بقات اكرام بوحدها فالصالة ...طاحت على ركابيها بصدمة كتبكي من هاد الكارثة لي وقعات ...لا نعاس جاها و لا الغصة بغات دوز ليها ..كان حتى هو فالبنيقة كيخمم غير فيها ...عارف راسو مادار والو ولكن خايف حبيبتو تيق و تكرهو...معذبين بجوج بيهم و كيفكرو غير فبعضياتهم...كل واحد فيهم حاصل حصلة خايبة ...مالقاوش ليها لحل ...صبح صباح جديد و هي عينها ماداقتش نعاس ...كانت كتسنى صباح يطلع باش تعيط ليها
اكرام:(بصوت مخنوق) ذكرى ..
ذكرى: اهلا اكرام صافا؟
اكرام: ماصافا والو تقدري تجي عندي لفيلا
ذكرى: شنو واقع؟؟
اكرام: عفاااااك اجييي
ذكرى: واش واقعة شيحاجا كبيرة نقولها لطلحة
اكرام: لااا ماتقوليلو والو غير اجي
ذكرى: واخا اووف انشوف كيف ندير
...قطعات معاها تيليفون و لبسات حوايجها طبعا عباية و شال و هزات صاكها و خرجات ...قالت مع بالها بلا مادوز للكاراج و تقولهالو حيت ماغاديش تتعطل ...شدات طاكسي و مشات نيشان فاتجاه الفيلا ...غير وصلات دخلات نيشان مالقات حد و طلعات لبيت اكرام ...دقات و دخلات
ذكرى: اكرام حبيبة هاني جيت
اكرام :(تلاحت لعندها عنقاتها كتبكي) حمييييد
ذكرى: اويلي ماااالك كتبكيييي ...شنو واااااقع مالو حميد
اكرام: تشد فالحبس اذكرى ...مي طيحات عليه الباطل و قالت للبوليس بلي شفر
ذكرى: اويلي شنو كتقولي
اكرام: لقاو ذهبها فحوايجو و لكن راه مادارهااااش
ذكرى: هادشي خصنا نقولوه لطلحة
اكرام: لا لا الى قلتيهالو …(كترجف) ايتفضح كولشي
ذكرى: شنووو ايتفضح كاع بلي نتي وياه مصاحبين و كتبغيو بعضياتكم
اكرام: كيفاش عرفتي حتى نتي …
ذكرى: شفتكم داك نهار فدار با صطوف كنتو ناعسين بجوج
اكرام:(تنهدات) ماغانكرش بلي حميد عوض الفراغ لي كنحس بيه و بغيتو يكون معايااااا و لكن فنفس الوقت مابغيتوش يتكرفص و لا طلحة يعرف شنو بيني و بين صاحبو
ذكرى: انقلبوا على حل ا اكرام
اكرام: من هنا لتماك خلي لهضرة بيناتنا عفاك
ذكرى: ماتحتاجيش توصيني سرك فبير ...خصني نرجع لدار قبل مايسيقلي طلحة لخبار بلي جيت لهنا ايتقلق عليااا
خرجات من عندها حانية راسها و غادة فطريقها حتى شافتو واقف قدامها كان يالاه داخل لفيلا غير شافها و الابتسامة توسعات ف وجهو و قرب عندها بحماس ب عكسها هي لي قلبات وجهها
ليث: ذكرى ؟ ...نتي جيتي كتقلبي عليا؟
ذكرى: كتحلم ...جيت حيت اكرام بغاتني
ليث: اترجعي لمكناس؟ نوصلك؟
ذكرى: مايحتااااجش عارفة طريقي ….
ليث: (بعينين باهتين ) علاش تبدلتي اذكرى
ذكرى: ماتبدلتش ...عينيا تحلو و لي حلهم ليا هو خوك الله اخليه ليا
ليث: غادي يبيعك برخيص واحد النهار
ذكرى: عمر داك نهار ايوصل ….ماشي كولشي شماتا بحالك
اكرام:(هابطة ف دروج و هي تلمحهم) ذكرى نتي باقا هنا …
ذكرى: كنت غاديا
اكرام: انقول لشيفور يوصلك
ذكرى: أحسن ...اديري فيا خير
...خرجات لبرا و ركبات مع الشيفور لي كانت وصاتو اكرام يوصلها لفين بغات ...تركنات و شدات وقرها و انطالقو أما ليث كان مازال باغي يهضر معاها كيحس كأنه يلاه كيشدها و كتفلت ليه و تهرب منو لبعيد ...مابغاش اتقبلها و تبعها بطوموبيلتو بسرعة ….مسافة ديال طريق و نزلات من طوموبيلة د شيفور و ماتلاقا غير مع طلحة قدام باب الدار لي كان داير ملامح تساءل فوجهو ...و مافاهم والو ...بلعات ريقها و يالاه كانت بغات تهضر وصل حتى ليث بطوموبيلتو الشيء لي صدم ذكرى و خلا طلحة يفهم لبلان و يكره راسو ….نطق بصوت خفيف و هي شاداه من يديه قبل مايتقدم عند ليث
طلحة: فين كنتي؟
ذكرى: دار الخماري ..(شاداه و كترجف ) عفاك يالاه نطلعو لدار و نقولك علاش كنت تما (كتشوف فيه بترجي) ماتهورش
….طلعات بسرعة و هو تابعها ...تحت نظرات ليث لي كان كيموت بالفقصة و كيغزز سنانو ببعضهم و ماحاملش راسو...قربات ليه و بكثرة الأعصاب مانتابهش ليها و هي تنطق كتشوف فيه مطولا
الزاهية: كتبغيها؟
….ضار كيشوف فيها و طلعها و هبطها
ليث: و نتي مالك؟
الزاهية: مالي فخوك (ابتاسمات) والله لابقا لبنت الحاج
ليث:(ابتاسم بحقد ) كيبغيو بعضياتهم
الزاهية: لمحبة كترجع بلقباحة خص غير فين نضرب ضربتي (شافت فيه ) انا بغيت طلحة و نتا بغيتيها
ليث: انا ماشي غير بغيتها انا بغيتها تكرهو و فاش تسمع صوتو و لا تلمحو خاطرها يتزير عليها ...بغيتها تعيش معاه لويل و تهرب لعندي و هو يذلها و يعيشها لمرار
الزاهية: جاتك
ليث: و كيفاش لبلان؟
الزاهية: انا عارفة شغلي مزيان غير نهار نوقف عليك نلقاك
ليث: (حرك راسو بالايجاب) اتلقايني غير ديري خدمتك
...طلعو لدار ...و هي قدامو تالفة و حاسة بيه موراها معصب و ماقادراش تشوف ف عينيه ...مقرب منها كينهج و كيحاول يكالمي فراسو
طلحة: علااااااش غاديا لتماك ؟؟؟
ذكرى: وااالو غير ...مشيت و صافي (كدوزلو منهنا و منهنا باش تنسيه)
طلحة:(شدها من يدها و عينيه مظلامين فيها) كندوي معااااك
ذكرى: وااالو واش اي حاجا خصك تعرفها (نترات يديها)
طلحة:(طرطق فيها عينيه) كيييييفااااش واش خصني نعرف اي حاجا؟؟؟ رااااه بزز علييييك تقوليلي اي حاجا
ذكرى: (كترجف) لاااا مااااشي بصح ...اه راجلي ولكن علاش نقولك كولشي
طلحة: كتماااااازحي معايا (بنبرة صوت عالية و بشك كأنه مصدوم) كديري لفعاااايل مور ظهري ؟؟؟
ذكرى: شنو كتخربق واااش حمااااقيتي
طلحة: نطقيييييي وااااش بااااغا تجهليني
دفعها على لحيط حتى شهقات ..و بدا يهرس اي حاجا جات قدامو لدرجة خلاها مصدومة ….كترجف فبلاصتها و مرعووودة منو ...حاطة يديها على وذنيها و ساداهم و كتبكي من التشخشيخ ...قلبها كيضرب فتسعين و طايحة على ركااابيييها ...طلعات راسها فيه كتشوفو تقلب و رجع وحش مكيشوفش قدامو و الى قربات ليه ايخلطها …
طلحة: كتخرجيييي بلااااا شواااااارييييي..كتزطميييي على كلمتي و تخرجييييي ...مكاااينييينش رجال يحكموووك
ذكرى: باراااكا اطلحة …(كتشوف فيه بعينين مدمعين ) اش هاد لحالة وصلتي ليها
طلحة:(قرب منها و هزها من دراعها كيمخض فيها و كيغوت فوجهها بصوت مبحوح و عروقو بجبهتو خارجين ) هااااد لحااااالة نتي لي بغيييييتي تشوفييييهاااا ...اش وصلك لدااااار الخمااااااري و هااااازك راااااجل غريييييب باااااغيااااا تخرجيييلي عقليييي
ذكرى: (موجعهاااا فيديها و كتحاول تفك منو و دموعها شلال) وااااش مااااتايقش فياااا ….علااااش كتشك من لكبييييرة و صغييييرة….هاااادااا سميييتو مرض
طلحة: ...ماااافييييكش تييييقة و عااااارفك مزيااااان كتلعبيييي مور ظهريييي ….ليييي كتهرب نهااااار العرس و كطييييح مع خوووويااااا ديييير كووووولشيييي
ذكرى:(حلات فمها فييه و هي كتشوف ف عينيه لحومر ...فلحظة تبدل عليها و شافت وجه اخر) طلحة ...نتا لي كتقول هادشي؟
طلحة: ...كنكره لحااااالة لي وليتي توصليييني لييييهااااا ...كتقوووليلي مريييييض و انااااا مرضت بييييك
ذكرى: صاااافيييي باااارااااكا
طلحة:(كينفضها) واااا نطقييييي شنووو كنتي كديييييرييييي تمااااا نطقييييييي مااااااتجهلييييينييييش
ذكرى:(هبطات راسها كتبكي من لي سمعاتو و صوتها مقطع) ختك لي عيطاتلي ...صاحبك حميد داوه لبوليس ...و أيرشى فلحباسات لاماعتقتيييييهش...
كانت قدام الكوميسارية ...يالاه وصلات بطموبيلتها...دخلات لعندهم و جالسين يلحسو ليها فالكابة ف اكيد عارفينها شكون و شنو تسواااا ...وصلات عند العميد و طلبات منو تشوف مول قلبها لي داخل لبنيقة ظلم و عدوان ...بقات كتسناه حتى دخلوه البوليس و خلاهم العميد بوحدهم و خرج ...غير تسد عليهم الباب ...تلاحت عليه بتعنيقة و هو مزير عليها كيشم ريحتها و كيشوف ف عينيها
حميد: مادرتهااااش ا اكرام والله ماسرقت
اكرام: ششش عارفة ماتحتاجش تقولي
حميد: ماعرفتش شنو لي وقع ولكن مظلوم
اكرام: ماما لي دارتها ...و لكن ماتخافش (كيطيحولها دموع) غادي نخرجك
حميد: مكيهمنيش نخرج ولا منخرجش دابا ...لي كيهمني هو نتي متيقاني
اكرام: لاا غادي نخرجك ...ماما حطات شرط باش تخرج
حميد:(مخسر سيفتو) شنو طلبات؟
اكرام: نتزوج ب فؤاد
حميد: ماغاااديرييهااااش
اكرام: الى مادرتهااااش ماغااااديش تخرج احميد
حميد: نضرب عليك الحبس و ماتزوجيش...إنا مولف و لكن نتي مامولفاش (حط يديه على حناكها) الى تزوجتي بيه و نتي مكتبغيهش غادي تعيشي فالحبس
اكرام: مااابغيييتكش تعيييش فالظلم
حميد:(مبتاسم بحرقة) نشوف عينيك هادي هي جنة و مافيها
...حطات راسها على صدرو كتبكي ...و هو معنقها ...بعدو من بعضياتهم منين دخل العميد ...رجعو حميد فين كان و هي جلسات كتهضر مع العميد و عرفات بلي الى ماتبتاش براءتو ف 48 ساعة الجايا غادي ينقلوه لحبس ديريكت و ايدوز يتحاكم...شكراتو على هاد المعلومات و خرجات قلبها مقبوط عليها و ربي لي عالم بحالتها….كان طلحة غادي شاد الطريق لفيلا و هضرة ذكرى كتعاود ليه فوذنو….صعر بالمزياااان و غادي يفاريها ...وصل و دخل للفيلا بلا مقدماااات كيعيط بأعلى صوتو
طلحة: ماااااريااااااا مااااااريااااا
ماريا:(هبطات لتحت بخطوات بطيئة و ملامح مستاءة) ماريا حرفية؟ مابقيتش مك ؟
طلحة: علاه خليتي رااااسك فمقاااام الأم؟؟؟
ماريا: لا بانلي داك حي شماكرياااا هو لي نسااااك اصلك و شكون تكون
طلحة: يااااك عااااطيييك تيييسااااع….خليتلك كولشي و بديت حيااتي فلحلااال شنو بغيتي؟؟؟ علااش تابعاااني فصحتي
ماريا: ماتابعااااكش و كل واحد كيختار طريقو
طلحة: اتمشيييي دابا تخرجي حميييد من الحبس
ماريا: ماغاديش يخرج هو غلط
طلحة: حميد مكيمدش يدو على حاجة غيرووو انااا عااارفووو مزيااااان
ماريا: كووون كنتي عااارفوووو مزيان كاع ماتأمنو على هاد الدار و على ختك ….هو دخل و لعب بالشرف ديالك كيما بغا ...هو و اكرام مصاحبين
طلحة: ماتزيديييش طيحيييي لبااااطل
ماريا: مكنكدبش عليييك ...شفتهم بعيني
طلحة:(قرب منها كينهج و بصوت آمر و هامس نطق) عندك منهنا لغدا اتخرجيه ولا غادي تمناي كون بقيت فالحبس و ديك ساعة نتي لي غادي تعيشي فحي الشماكريا
...ضرب الضورة خلاها كتغلي و الخوف تملكها و خرج و تلاقا مع اكرام يالاه هبطات من طوموبيلتها...بقا كيشوف فيها مطولا و عينيها حومر باينة كانت كتبكي...بقا كيشوف فيها بعتاب و هي فهمات شوفاتو و طلقاتها ببكية طويلة
طلحة: بلا ماتبكي دابا ...بعد ما ختاريتو طريق لحرام و جريتيه و لحتيه فالحبس مابقالي مانقول
اكرام: بلا خاطري و القلب عندووو مااال أطلحة
طلحة: وااش عارفة راسك اشكتقولي؟؟ شفتي راسك فين عايشة و هو كيف عاااايش ؟
اكرام: اه بنت العز بغات محابسي و شنو فيها واش مامنحقيش نرتاح؟؟؟
طلحة:(تنهد) اترتاحي نهار تخلي الحرام و يكون مرادك لحلال ...أما دابا غسلت عليكم يدي بجوج نتي و لي درتو عشيري
...تخطاها و هي طاحت على ركابيها كتبكي بحرقة ...حاسة براسها تالفة ...و باغا تهنا من هاد الكابوس ...ناضت بثقالة دخلات لدار و شافت ف مها و هي كتشهق بحرقة و كترغبها
اكرام: أندييير لييي بغيييتي عفاااك خرجيييه من تماك
ماريا: علاااه باقي عندي شي حل ااااخر منبعد هضرة خوك
اكرام: شنو بغيتي؟؟؟
ماريا: مابغيتوووش يضحك عليك و ياكل ليك فلوسك
اكرام: مااااغادي ياخد والو حيت انا مابغيت وااالووو …
ماريا: الى كنتي باغاه عمرك ترجعي لهاد النيفو لي نتي فيه
اكرام: خليت ليك لفلوس و الاملاك ...بغيت راااحتي
ماريا: غااادي تربااااي مزياااان و غادي ترجعي كتبكي عندي منين يعرفك ماعندك حتى درهم و يلوحك
اكرام:(كتمسح دموعها) انعوم بحري
ماريا: اتفقصووونيييي (كتنادي على الشيفور) وجد لياااا طوووموبيل انمشييييو لكوميساريا
اكرام:(بدات ضحك فوسط دموعها) اتخرجيييه؟ ياك اتخرجيه
ماريا: (بغصة ) ايخرج و غادي تندمي
… دازو الساعات و كانت هي عند مها كتشرب عندهم اتاي و كيهضرو كتحاول تنسى داكشي لي وقع ليها صباح باش مايحسوش بيها …
ذكرى: اوا كيدرتي مع الخدمة
ادريس: مزيان هاحنا غاديين
حبيبة: و نتي ابنتي كيدرتي مع راجلك و دارك
ذكرى:(ابتاسمات) مزيان هاد الشهر كنوجد باش ناخد الماستر
ادريس: الله أسهل عليك
ذكرى: احم واش كتشوفو خديجة؟
حبيبة: راها عايشة مزيان مع ناسها
ذكرى: و لكن لي مافهمتوش علاش دزوجات بزربة و بناس مكنعرفوهومش
ادريس: هي لي بغات الله أسهل عليها
ذكرى:(تنهدات) أمين ...ماكرهتش نشوفها
ادريس: غدا سيري نتي و الوليدة شوفوها الى حتاجت شيحاجا
ذكرى: ان شاء الله
...سمعو صونيط فالباب و ناض ادريس احل ...كان طلحة قدام الباب ماباغيش ادخل و كيسول ف ذكرى ...استأذنات منهم وودعاتهم و خرجات شافت فيه و حيدات عينيها و تخطاتو و هو بقا كيسكانيها و كيتنهد و داكشي لي وقع بيناتهم صباح مكيتنساش...غادية قدامو و هو موراها ساكتين حتى وصلو لدار
...دخلو و هوما فحالة صمت حتى واحد فيهم مكيدوي مع لآخر...مشا يتوضى و يصلي ...كان مخشع فصلاتو و علامات الحزن فوجهو ...حس بالارهاق هاد نهار و بلي دارشيحوايج بعاد على الدين و لكن بلا خاطرو قلبو مزير ….بقا مدة طويلة حتى رتاح و قرأ شوية د القرآن عاد ناض ...لمحها فالكوزينة كانت طيبات لعشا و كتوجد و باهتا عكس كيف كتكون معاه ...مشا عنقها من لور و طبع قبل ف كتفها و نطق بترجي
طلحة: سمحيلي على لهضرة د صباح
...دفعاتو عليها و مشات خلاتو تماك واقف بصدمة من ردة فعلها ...حط راسو على الحيط باستياء و كاره رااااسو ...رجع لعندها لبيت مالقاهاش و مشا لصالة لقاها عزلات فراشها و نعسات بعيدة عليه ...تماك زاد تزير و كره الوضع كثر ...قرب منها و جلس حداها و كيدوز يدو على شعرها و نبرتو ناااادمة بالفعل
طلحة : عارف قلت هضرة كتجرحك و لكن بلا خاطري اذكرى ...ماتعاقبينيش هاكا حيت ماغانقدرش على فراقك ...سمحيلي و عمرها تعاود
طبع قبلة طويلة فراسها و كيتسناها تجاوبو ...بقات مغمضة عينيها و خلاها على خاطرها و ناض من حداها فحين هي نزلات دمعة حاااارة من عينها و قطعات حسها ...ماقدراتش تنسى شنو دار ليها و الإهانة و لكلام لجارح لي سمعو ليها ...أما هو ماقدرش ينعس و نادم كثر يدير اي حاجا دابا باش تسمحلو طول هاد المدة و هوما مع بعضياتهم عمرها عزلات فراشها عليه و لكن هاد لمرة تقسحات بزاف و ماقدراتش تنساها و لا تفوتها ….أما عند خديجة لي كانت يالاه سالاه الشقا و تمارة ووجدات لعشا و كولشي تعشا و سالا و ناض و بقات ليها روينة ...عضامها كاملهم كيضروها و القنط قتلها و راسها بغا يتفركع كل ليلة بلبكا ….لا حنين لا رحيم و الله غالب ماعندها مادير ...دخلات عندها العاقصة ماعاجبها حال
ودّة: شحال تقيلة فشغلك حتى حاجا مكتساليها فالوقت ...بنتي حياة كانت دير الشغل و تساااالييييه فوقتو
خديجة:(عضات على شفايفها) و علاش بنتك حياة مكتعاونيش
ودة: شفتك بحال الى كتزايدي معايا فالهضرة و لا بغيتي بنتي تكون خدامة عندك
خديجة: لا اخالتي غير حتى انا كنعيا و مافيها بأس نتعاونو
...جبداتها من شعرها حتى غوتات موعتا
ودة: لا اجي ضربييييني حسن وليتي كتقاااابحي و تحلك لسان
حمادي:(دخل لعندهم) ودة الله اسامح طلقي البنت يهديك الله (فكها)
ودة: هاااادي راه ضسرات
حمادي: واصافي سيري لبيت و نعلي الشيطان
ودة : الله انعلو و يخزيه (مشات)
حمادي: احم ماتبكيش ودة راه بحال مك
خديجة:(طايحة ليها سبنية و كتبكي و تجمع شعرها) ماشي مشكل
حمادي:(بلع ريقو و هو كيشوف فيها بعينيه) حشومة هاد زين كاملو يبكي (شدلها يدها و كيلعبلها بشعرها)
خديجة:(بعدات منو كتقاد فولارها) شنو كتقول اعمي
حمادي: ششش ماتخافيش يالاه نمشيو لبيتك (كيحط يدو على خصرها و هي كتبعدو و مصدومة)
خديجة: شنووو كديييير
حمادي: ماتحشميييش مني قربييي (كيعض شفايفو) انتهلا فيك و مايقربلك حد (كيسدلها فمها)
خديجة: (كتنتر منو) طللق منييييي …..
هربات منو بمشقة الانفس و مشات لبيتها كتجري و سدات عليها و تسندات على الباب كتبكي بحرقة اتحماق بهادشي لي كيوقع ليها ...مامتيقاش بلي راجل كبير قد باها و شيخها يا حسرة طمع فيها ….بقات كتبكي كيف الحمقة و كتمنى ربي يدير ليها تأويل دلخير ...ضرباتها الصدمة على غفلة و الفم لي يدوي سكت و العقل لي يفكر ماقادرش يتقبل ...خافت تنطق و تقول شنو واقع ليها و مايتيقها حد و خلاتها فقلبها كتغلي و سكتات ...صبح صباح جديد كانت فدوش كدوش و خرجات لابسة بينوار و ملوية فوطة على شعرها ...دخلات لبيتهم كيحساب ليها خرج و لكن كان هو باقي متكي و عينيه ذبلانين دليل على أنه مانعسش كاع ...شافت فيه بنص عين و مادواتش معاه فحين هو شافها و تكعد كيشوف فيها بنفس النظرات لبارح …لبسات حوايجها قدامو ...بيجامة بيتية قصيرة و بقات كتنشف شعرها و جمعاتو بقراصة...خرجات و هو تبعها و لكن دخل لطواليط و هي كملات لصالة لبسات حوايج الصلاة و بدات تصلي ...خرج من طواليط بعد ما توضى و غادي يصلي حتى هو حتى شافها كتصلي بلا بيه ...خلاتو يحس بلي مقلقة منو كثر من لقياس حيت من نهار بدات الصلاة و هي كتصلي معاه من غي الايام لي كتكون فيها ليغيكل ...صلات و سالات و دازت من حداه غادة توجد لفطور ...مشا يصلي حتى هو و غير سالا لقا لفطور محطوط و هي جالسة كتفطر و ساكتة ...هز القهوة كيشرب منها و هو يخسر سيفتو
طلحة: القهوة مسوسة...ماكايناش سنيدة؟
...ناضت باغا تجيبهالو و هو يشدها من يدها جلسها و هزلها صبعها حركو داخل القهوة ...و نزل عليها دقة وحدة و ضار لعندها
طلحة: (بصوت صباحي مبحوح) حلات بزاف
….طرطقات فيه عينيها و بغات تنوض و رجع شدها و قرب منها و كيشوف فيها و هي قالبة وجهها عليه
طلحة: سمحيلي ...حنني قلبك
ذكرى:(تنهدات) ليوم انمشي مع ماما لعند خديجة
طلحة: سيري ...ماتحتاجيش طلبي الأذن
ذكرى:(بصوت حزين) محتاجة نطلبو ...الثقة ماكايناش بيناتنا …(شافت فيه بنظرات عتاب) ماعرفتي نكون كنلعب مور ظهرك
...ناضت و خلاتو جالس و مشوكي ...بقا كيشوف ف نفس النقطة ...جرحها جرح كبير موحال تنساه ليه و قلبو تقبط...ماباغيهاش تبعد عليه و عارف راسو غالط ...ناض جمع الوقفة لبس حوايجو و خرج لخدمتو ...مشا لكاراج حدا با صطوف لي كان حاس بيه مغير حتى دخل لعندهم حميد عليه علامات الارق و مهبط راسو
با صطوف: حميد فين غبرتي اولدي ؟؟
طلحة:(طلع راسو فيه و رجع نزلو ) مكاين لاش تهبط راسك عارفك ماسرقتيش و ماديرهاش
با صطوف: شنو سرق؟؟ فهموني
حميد: مهبط راسي حيت خنت الأمانة
طلحة: ولفت لغدر
حميد: ماغدرتش انا غير بغيت من قلبي
طلحة: كون جيتي من لباب مانحيدش ليك (شاف فيه) درتي حيط بيناتنا
حميد: ماتقولش هاكا اطلحة ...مستاعد نصلح كولشي
طلحة:(عطاه بظهرو) ماتورينيش وجهك احميد ...طريق لي جابتك تردك مابقاتش عندك بلاصة هنا
حميد:(بصدمة) طلحة ؟؟!
طلحة: سير بحالك ...
.خرج من تماك و با صطوف كيعيط ليه ...ولكن كان بعد و مشا ...رجع با صطوف باغي يهضر مع طلحة و لكن هو امتانع انه يدوي ...داز الوقت و كانت ذكرى هي و حبيبة فدار التيجاني دخلو يشوفو خديجة لي ماقداتها فرحة و هي معاهم جالسة و تعنق فيهم …
ذكرى: توحشتك بزااااااف اخديجة
خديجة: حتى انا توحشتك ا ذكرى الحمد لله نتي بيخير ...كيدرتي مع قرايتك و دارك
ذكرى: مزيان الحمد لله ...تبقاي تجي لعندي نتوانسو شوية
حبيبة: اه اجي لعندها و اجي حتى عندي راه الدار خوات بلا بيك الصراحة
خديجة:(شافت ف عكوزتها لي كتغمزها) احم ان شاء الله ...مانقدرش نخرج دابا حتى يجي أيمن
ذكرى:(تنهدات كتشوف فيها) ماقلتي عيب خاطر راجلك هو اللول
ودة: اوا بنتي خديجة ماخصها خير معانا معززة مكرمة و مكتخرجش بلا شوار
خديجة: عارفين اختي ودة نتوما مالين الخير و خديجة راه تربية يدي و عارفاها حنينة و غشيمة
ذكرى:(شدات ف يدين خديجة بعد ماشافتهم مجروحين و نطقات بهمس ) نتي مزيان اخديجة ؟؟؟ عاوديلي
خديجة:(بلعات ريقها كتصطانع الضحكة) بخييير الحمد لله
ذكرى: الى كانت شيحاجا مقلقاك عاوديلي
خديجة: مامقلقاني حتى حاجا
ذكرى: اوا الله اخليك ديما فرحانة
حبيبة: اوا يالاه اذكرى مشا الحال
...ناضو كيتسالمو و يتوادعو معاهم و خرجو و بقات خديجة مع موالين دارها ...و ناضت لشقا تاني و هي حانية الراس و تسمع لهضرة من لفوق ...مابغاتش تلاقا ب شيخها بوحدهم حيت مازال فيها فوبيا من شنو وقع ليها معاه و كتحاول تفاداه و تفادا اي صداع ايوقع ….أما ذكرى كانت دخلات لدارها و بدلات حوايجها و جلسات فبيتها دايرة بيرو صغير و كتخدم على الماستر ديالها ...بقات ملهية مع كتوباتها و كطابي فالبيسي حتى نعسات فوق البيرو بكثرة لعيا ...دخل طلحة لدار هاز فيديه الورد و دخل لبيت لقاها ناعسة بداك شكل حط الورد و ابتاسم ...مشا هزها و حطها فالنموسية و كيلعب فشعرها و يرمقها بنظراتو...عاقباتو هاد الايام أشد عقاب ...مابقاش كيسمع كلامها و يعيش غنجها و حلاوتها و ضحكتها لي كتهرس شوامخ اذانو ...حس بالنقص بلا بيها و توحشها ...نعس حداها حتى صبح صباح و فاق يمشي لخدمة بلا مايفيقها حط لورد حداها و هي فاقت كتكسل بلاصتها لقات لورد و لقات بلي وصلات لبلاصتها و بقات تساءل عاد فهمات بلي هو لي دارليها هاكا ...بقات جالسة فبلاصتها مدة كتفكر ...رغم أنها مقلقة منو إلا انها توحشاتو حتى هي و حسات براسها عاقباتو مدة مزيانة و ماغايعاودهاش...تنهدات و ناضت توجد راسها و تفطر باش توجدلو لغدا و تديهلو...كان فالكاراج بوحدو بعد ما صبح با صطوف عيان و ماجاش و هو نغامس فخدمتو حتى دخلات عندو الزاهية فعينيها دموع و كتغبن عليه و دوات معاه بصوت رقيق و مقهور
الزاهية: سمحلي اسيدي طلحة واخا نهضر معاك
طلحة:(طلع فيها عينيه و تشكك من منظرها) مالك ياك لباس اختي؟
الزاهية: واقعة معايا مشكلة و بغيت ناخذ الرأي ديالك
طلحة: مرحبا
الزاهية: مخنوقة ...و مابقيتش بغيت نعيش مع مي و هي كدير لحرام (كتمسح دموعها) كتمنعني من الصلاة و بغيت ندير الحجاب و ماخلاتنيش
طلحة:(بأسى) أستغفر الله ...حاولي تقنعيها و ترجعيها لطريق
الزاهية: مابغاتش تقنع و مابغاتش تخليني ف خاطري و قالت ليا نهار نخرج من تحت جناحها و ماتحكمش فيا هو نهار لي نتزوج (كطلع فيه عينيها و تهبطهم و تنهدات تنهيدة طويلة) كنتمنى نلقا راجل دياني بحالك نمشيو انا وياه فطريق الحلال
طلحة:(تنهد متحسر على حالتها) الله أسهل عليك اختي و يجازيك على قد نيتك
الزاهية:(ابتاسمات ) آآمين
...كانت جايا لعندو للكاراج فيدها سليلة فيها لغدا و مغطية بزيف...مقندشة و كتقاد فراسها و تحاول دخل شعرها باش مايتزايدوش فلهضرة و يلقا سبة عليها ...وقفات ف باب الكاراج و كتشوف الزاهية قريبة لطلحة و معاه بوحدهم فالكاراج ...شدوها الأعصاب و حبساتهم ف قلبها لي كيتحك بالفقصة ...لمحها طلحة و ضارت الزاهية كتشوف فيها و نطقات
الزاهية: نخليك دابا اسيدي طلحة ...حتى نعاودو نهضرو
ضارت كتعوج فالمشية و دازت من حدا ذكرى كتميق فيها...بقات كتشوف ف طلحة بشوفات ديال لقتيلة أما هو مبتاسم فوجهها...قربات منو و حطات السلة فالارض و هي كتخنزر فيه و قلبات ضورة باغا تخرج حتى شدها فيدها
طلحة: فين غادا؟
...نترات يدها منو و عاود شدها ليها و قربها منو كيشوف ف تقاسيم وجهها و كيدوي بصوت مبورش و هامس
طلحة: حتى لإمتى اتبقاي صايمة على الهضرة هممم ماباغياش تصالحي معايا؟
ذكرى:(كتشوف لجنب و كدوي تحت سنانها) زيد فلفالطات كولشي كيتقيد
….ماجاوبهاش و كيشوف فيها بشوفات كياكلوها
طلحة : (بنبرة صوت جدية) راه تندوي معاك ...باراكا من لفشوش راه توحشتك
...مخلياه كيهضر و دايراه بحال ماكايناش معاه اصلا ….خبطها فوق الطبلة لي كينجر فيها و تشتت الماطريال باش كيخدم فالارض و هي تغوت بأعلى صوتها بهاد الحركة لي دارليها
طلحة:(خشا راسو ف عنقها) وليتي تنعسي قبل مانرجع...توحشت ريحتك اااه
...خدا نفس طويل و طرطق عنقو يمين و شمال و بلع ريقو و هو كيشوف فيها بشوفات سخونين و كيسكانيها
ذكرى:(كترجف من حركاتو) ...خليني نمشي
طلحة: ماغاتخرجيش منهنا إلا و حنا مصالحين...تقليقتك كذبحني
ذكرى: (بصوت متقطع) حيد منك لغيرة الزايدة وليتي كظلمني و انا مادايرة والو
طلحة: كيفاش نتي ديالي و نحيدها مني أذكرى …(طبع قبلة طويلة فعنقها) كنغير من لهوا الى لعب فشعرك
ذكرى: بعد خليني نمشي...ناس ايشوفونا
...ناض عليها شوية و تحرك ناحية الباب ضربات زدحو برجلو سدو بالساقطة ...مشا شعل الضو ديال لكاراج ….كيشوف فيها بهدوء و هي ناضت وقفات على رجليها كتشوف فيه حتى وصل لعندها و هز ليها يديها باسهم ليها
طلحة: سمحيلي حيت فاش كنغير كنتعمى و مكنبقاش عارف شنو كنقول و شنو كندير و لكن ماغانطلبش سماحة على النفس لي فيا حيت نتي غاااالية عندي و حاجتي لي قاسها نذبحو (كيبوس ليها يديها مرة اخرى)
ذكرى:(قلبات شنافتها لتحتانية) كتقلقني منك بزاااف
طلحة: كنبغيك واش كتفهميها راه ندير اي حاجا باش تبقاي ليااا
ذكرى:(طلعات يديها و حاوطات عنقو) قداش كتبغيني؟
طلحة:(حط جبهتو فوق جبهتها) ندير أي حاجا على قبلك
ذكرى:(ضحكات بخفوث و كتعض شفايفها) موحشااااك و باغاك هنا
طلحة: كيفاش باغاني هنا؟؟
ذكرى:(نظرات شهوانية) تشهيتك بغيتك تعطيني حقي
طلحة: و منين مشهياني لاش معذبااااني معاااك ابنت الحاج
ذكرى: أنا كندير لي عجبني ههه
طلحة: يالاه نطلعو لدار
...ماخلاتوش يكمل لهضرة و جبداتو عندها كتبوس فيه ففمو بكل شهوة و شبق و كتحيد فعبايتها لي كانت بصدايف ...حطات يديها على قميجتو و شرغاتها ليه بالجهد لي فيها ...حتى شاف فيها بدهشة بنظرة طويلة ...و هي شاعلة عليه ...كتحيد ف شورط و ديباردور و خيرها مزلع حداه و باقا كتجرو عندها و كتبوس فيه و كتنهد
ذكرى:...ماقااادراااش نصبر حتى لدار ...بردني هنا
طلحة:(بهمس كيبعج صدرها فيدو) سخوونة امم
...نوضها عاطياه بطرمتها و مكالياها طبلة د نجارة فكرشها و هو كيهمس فوذنها لور و يدو مشات لأنوثتها كتحرك فيه بشوية لقاها فازكة
ذكرى: اممم نشوفو النجار واش كيحرد لخشب مزيان ههه
طلحة: متنحنش ف لخشب…(صرفقها فطرمتها حتى تأوهات و نطق بصوت منتاشي بورشها) صبري على الوجع الجّمرة
ذكرى: (ضحكات بصوت عالي) نشرني المحابسي هههه
كان كيفرق قبلات فعنقها بلهفة و حب ...قلبو كيضرب و ممتيقش بلي تصالحو ...كيحس بذاتها سخونة خصوصا فاش خرج ليها بزازلها من سوتيانات و لقاهم مقيمين و بدا يلعب فيهم بيديه ….ميلات عنقها عندو كتفلورطي معاه و طرمتها كتمحكك من ز*بو ...حل سنسلة د سروالو و جبدو و بقا كيتبتو على التقبة باش ادخلو و هي كدفع كثر باش ادخل ….كان كيدير ليها تشويق...كيشيتو من لفوق و يدخلو فثقبة و يعاود يخرجو و يدخلو حتى هبلها
ذكرى: دخلووو ...بلا لعب
طلحة:(ضحك بخفوث) باغي يلعب معاك
ذكرى: كتجهلنييي اووف
...رجع دخلو و هاد المرة تبتو و بقا كيحركو بشوية و بطريقة حنينة ...خلاها تستحلاها ...يد فوق البظر كيحركها و يدو لوخرا كتلعبلها ف صدرها و فمو كياكل فمها ….مغمضين عينيهم كيسمعو غير صوت لحم كيتلطم و التوحويح ديالهم
طلحة: مبعدااااني عليييك ….حارمة راسك و حارماني الحبيبة
ذكرى: لاااءح اااه (مطلعة راسها لفوق) مابغيتش نحرم راسي منك ….زيد زيييييد حركووو
...هبط ليها راسها و طاحت فوق الطبلة د نجارة و بدا يفورصي عليها كثر و كثر خلاها كتوحوح كثر و تغوت ...ماحسات براسها الى عينيها مقلوبين و كتخبش الطبلة بظفارها و ترجف جابت بليزير قاااسح و مضوبل و هو ماتعطلش و جابو فيها و بقا يبوس فظهرها
طلحة: عندك واحد لحلاوة كتخليني نطلب كثر و كثر
ذكرى: امممم مازال ماسالينا ماغانرحمكش هاد النهاري
طلحة:(ضورها عندو و فرقلها رجلها ) و انا رااااضي
ذكرى: ...ذوقني منوو
طلحة: زييييدي نمشيو لدار ….باغي نتكيك فكاع لقنات
ذكرى: يااالاه
….ناضو كيحاولو يلبسو حوايجهم شي هزوه و شي لبسوه و خرجو سدو الكاراج و طلعو لدار غير سد باب الدار و هزها فيديه كيحيدلها حوايجها فدروج تاني ….و هي متكية كتدلع عليه ….هبط يلحسو ليها بلا طلب منها حيت هو لي بغااااه …
ذكرى: أتلحسوو الفقيه
طلحة: عينيك طلبوها مني
ذكرى: برعووو راه كيبرعك
...بقا كيلحس فيه بشغف كاع جناب داز عليهم و هي عقلها غايخرج بتوحويح ...لقاها النقشة و منطقة الضعف ...خلاها تزند و حتى كان غادي يدخلو تأني فيها و هي تهربلو كضحك طالعة لدار و هو تابعها باغي يشدها...صوت ضحكاتهم عمر الدار ….و اخيرا شدها و بقاو يفلورطيو مع بعضياتهم حتى استحلاوها و نعسات فالنموسية مفرقة ليه رجليها و طلع فوقها دخلو و بدا يديه و يجيبو ...كتخبشو فظهرو و هو مفورصي عليها حتى جابوه بجوج و طاحو فالنموسية يرتاحو
طلحة:(كيشوف فيها بنظرات غريبة) ذكرى باقا كتشربي لكينة؟
ذكرى: اه علاش؟
طلحة: قطعيها ...جا لوقت نعمرو الدار
ذكرى:(ابتاسمات) بغيتيني نحمل؟
طلحة: (باسها بوسة طويلة) بغيت طرف منك و مني يقولي بابا
ذكرى:(تكمشات فيه) مايكون غير خاطرك ...أنولد ليك
حالة العشق و الغرام لي عاشوها خلاتهم طايرين لسما سابعة بجوج بيهم ...أيامهم فرح ففرح و عيونهم لي كضوي بالحب فاضحاهم بين عباد الله ...كيما كانو عايشين نهاراتهم بيخير و ليام كدوز عليهم حتى ولات شهورة دازو بزاف د لحاجات لي خلاتهم يزيدو يتقربو من بعضياتهم...فرحة ذكرى بالماستر لي شداتو بعد تعب كبير و لبلاوي لي وقعو ليها خلاها تيقن بحب الله ليها و انها بغات الشخص الصحيح لي عمرو فرط فيها ف مرها قبل فرحها ...كان طلحة فخور بيها لدرجة شبعها كادويات و غير شادليها لخاطر و مفسحها و هي مامقصراش من جيهتها و عاطيالو حقو بالدوبل….دوزو رمضان بحلاوتو و العيد تجمعو فيه مع با صطوف ف دار وحدة ...واخا داز ناقص بلا حميد لي كان طلحة كيتفكرو و قلبو كينغزو و كيسول راسو واش قسا عليه كثر من اللازم ولا … ماحاسش راسو بلي قسا حتى على ختو لي كانت كتسنى كل نهار قدام الدار على أمل يبان ليها و تهضر معاه ….من آخر نهار شافتو فالحبس ماعاودات لمحاتو ...ماسمعااات عليه خبار ...و كون غير كان ادريس بحالها ...عكس كولشي كان كيسمع على خديجة كل نهار و قلبو كيتقطع بلا بيها و صابر فكر يشوف حياتو و يتزوج و لكن ماقدرش يديرها ...بين عينيه هي لي كيحسابلو فرحانة ولكن عالم بيها ربي و من شنو كدوز من لعذاب ….وصل نهار جديد لي قلب كولشي و بدات قصة أخرى من جديد ….كانت بنت العز هازة لافاليز ديالها و قدام الكاراج ديال با صطوف ...ابتاسمات منين شافت خوها بعد مدة طويلة و نطقات
اكرام: خويا
طلحة :(طلع راسو فيها ….طول شوفتو و ابتاسم ) مرحبا بيك (قرب منها و بأس ليها راسها ) طولتي الغيبة ماكاينش رمضان مبارك سعيد و ماكايناش مبروك العواشر هممم
اكرام: دازو ليام و كاع ماحسيت هه
طلحة:(طلعلها وجهها بعينيها لحومر) عينيك حسو بيهم؟
با صطوف: مرحبا بيك ابنتي دخلي.
اكرام: جيت حيت ماعندي فين نمشي ...فكرت مزيان و خليت سمية و فلوس الخماري مورايا
طلحة: شنو كتقولي ؟؟
اكرام: بغيت نبدأ فالحلال كيما قلتيلي …
با صطوف: ولكن ابنتي اكرام خرجتي من داركم و خليتي ميمتك مريضة و محتاجاك
اكرام : مامحتاجانيش ابا صطوف هي محتاجة لفلوس و خليتهم ليها
طلحة:(هز ليها لافاليز ) الدار دارك و نهار كبير هادا لي غادي تعيشي فيه معايا
اكرام: شكرا بزاف اخويا ...سمحلي الى كنت انبرزطكم نتا و ذكرى
طلحة: بالعكس ذكرى اتفرح منين تشوفك (شاف ف با صطوف ) انا شوية و غادي نجي
با صطوف : خود راحتك اولدي
….مشاو بخطواتهم متابعين لدار ...حل لباب و طلع كيرحب بيها و ذكرى غير سمعات لباب وقفات كتسنى طلحة حيت هادي عادتها حتى شافت اكرام و توسعات ابتسامتها
ذكرى: نهااااار كبير هادا يا ختيييي و شكون زااارنا
اكرام:(عنقاتها) لهلا اخطيك عليا توحشتك بزاااف كيبقيتي مزيان
ذكرى: مزياااان الحمد لله و نتي طولتي الغيبة
طلحة: هادي اتجي تسكن معاك و شبعو من بعضياتكم
ذكرى: مرحبا بيها الى ماهزها هاد لكتف يهزها لآخر
طلحة:(باسها راس ذكرى) وجدي براد اتاي لضياف
ذكرى: على الرأس و العين
….دخلات اكرام هي و طلحة للصالة جالسين يهضرو علاما يوجد اتاي
طلحة: اكرام ...مابغيتش القرار لي خديتيه يكون على قبل شيواحد
اكرام: الى كتقصد حميد انا نسيتو ...نهار خرج هز راسو و مشا ماسولش عليا و حتى انا ماغانسولش عليه و كلها يعيش حياتو و انا بغيت نبدأ من لول
طلحة: الله ادير لي فيها الخير ...فلول اتصبري من بعد اتولفي عارف بلي هاد العيشة ماشي كيما العيشة لي ولفتي
اكرام: (ابتاسمات) المهم مستورين اخويا و هادشي كافيني
طلحة: و نعم بالله.
بعد مرور أسبوع كان قدام الفيلا واقف كيشوف بنفس النظرة المعتادة ….الكارو فيديه و ستيل لباسو ماتبدلش...يالاه كان غادي يدخل حتى وقفو لعساس فالباب مانعو
لعساس: العود بلا مادخل راه المدام وصلاتني
حميد: شكون فيهم لكبيرة و لا صغيرة
لعساس: لالة ماريا
حميد: انا جاي نشوف اكرام
لعساس: بلا ماتجبد ليا الصداع
...دفعو و دخل بلا مايديها فيه ...وقف فوسط دار كينادي باسمها و قلبو كيضرب حتى نزلات عندو ماريا معصبة
ماريا: كيبان ليا ولفتي لحباسات
حميد: و نتي بانلي باغيا تركني ف سبيطار
ماريا: خرج علياااا ولا نعيط لبوليس
حميد: بغيت بنتك
ماريا: بنتي مابغاتكش و نسااااتك شحال هادي
حميد: عارفها ماديرهاش داااااكشي علاش اتقوليلي فينها
ماريا: ماكايناش ف دار و الى ماتقتيش قلب
حميد:(هز صبعو بتهديد) ماتقوليش ليا تزوجات بداك ميخي
ماريا: حسن من محابسي
حميد:(بلع الغصة و هو كيشوف فيها ب حقد) مزيان ...الله اكمل بالخير
...خرج مكره من تماك و كيبخ الدم و لعساس تابعو سد لباب من وراه …جبد باكية مور باكية كيكمي و معصب و كيتسنى طاكسي دوز باش يطلع لمكناس ….شير ليها و ركب في اتجاهها غير وصل ...مشا نيشان لحبول و بدا يدق على دار با صطوف ...هاد الاخير لي حل ليه لباب و فرح منين شافو
با صطوف:(عنقو) حميييد ولدي شوشتيني عليك
حميد: توحشتك ابا صطوف
با صطوف: طولتي الغيبة لا برية لا تيليفون
حميد: غير الخدمة ...ماناويش نطول هنا جيت ناخد حوايجي لي ماخديتش و نمشي
با صطوف : دخل بعدا و يحن الله
….دخل لعندو و بدا يجمع حوايجو و با صطوف كيقنعو يبقا
با صطوف: كون غير ساعفتيني اولدي و بقيتي ماعندك فين تمشي
حميد: وليت كنخدم فالمرسى د كازا و هاني مصوفي راسي
با صطوف: حتى هنا كاينة الخدمة اولدي
حميد: فيين ابا صطوف فيين ؟؟ عند الخماري لي كحلت معاهم ضواسا و دخلوني للحبس و لا عند صاحبي لي تبرا مني و قالي مانعاودش نشوف وجهك
با صطوف: غير كان معصب اولدي راه توحشك بزاف و الغلط كيوقع
حميد: مابقات عندي بلاصة هناااا
با صطوف: الله اهديكم اولاد اليوم ...كلمة جوج كتخرجو من ديوركم...حتى بنتي اكرام خرجات من دارهم و جات سكنات مع طلحة
حميد:(طلع راسو فيه بزربة) شنووو قلتي ابا صطوف؟؟؟ انا سبقت من دارهم قالتلي مها تزوجات
با صطوف: راها فدار طلحة لاماتيقتينيش سبر شوفها ...سمحات فكولشي و جات
حميد:(بلع ريقو) كيفاش انحط عيني فعينها ….مشيت كنجمع لفلوس باش نرجع لعندها
با صطوف:(حط يدو على كتفو) نتا شنو باغي اولدي ؟
حميد: باغيها ابا صطوف ...باغيها تسمح ليا هي و خوها
با صطوف:(ابتسامة) اكون خير
حميد:(باسليه يديه) اتعاوني ؟
با صطوف: جلس ترتاح و كولشي على حسابي و طلحة راه مايحيدليكش الى جيتي قاصد الحلال
حميد:(جلس و متوتر) هاني جالس ابا صطوف حتى نشوفوها فين اتوصل .
تعاشات لعشية و خرج با صطوف للكاراج يشوف لخدمة فين وصلات ...سلم على طلحة و جلس حداه
با صطوف: اتسد لكاراج بكري ليوم
طلحة: علاش؟
با صطوف: حيت عندك عراضة
طلحة: اشمن عراضة؟
با صطوف: انا عارض راسي عندك و جايب معايا ضيف الله
طلحة: ههه علاه نتا تحتاج عراضة ...دار راه دارك
با صطوف : واخا هكك بغيت نحس براسي ضيف
طلحة: مرحبا بيك و هي دابا نيت نسدو هاد الكاراج
با صطوف: يالاه توكل عالله
….خرج طلحة هو و با صطوف ...سد الكاراج و كل واحد شد طريق ...داز طلحة لسويقة خدا التقضية و هز ساشيات فيديه و داز لدار ...دخل شاف اكرام ف بيت لجلاس كتشوف ف تلفازة و داز للكوزينة لقا ذكرى كتغسل لماعن و حط تقضية و عنقها من لور كيبوس فعنقها
طلحة: يخليلي الحادكة ديالي اناا
ذكرى:(بهمس ) اوييلي اطلحة اتشوفنا اكرام
طلحة: و تشووف ياك حلالي
ذكرى: (ضارت لعندو قالبة شنايفها) و شنو جابلي حلالي من برا
طلحة: (جبد من جيبو الشكلاط لي كيعجبها) ها لي كيعجبك
ذكرى: اممم (حلاتو بدات تاكل بلهفة) كنت مشهيااااه
طلحة: ماتكثريش منو حتى تعشاااي راه جايينا ضياف
ذكرى: شكون جاي؟
طلحة: با صطوف جاي يتعشى معانا و قال ايجيب معاه شيواحد
ذكرى: مرحبا بيه
طلحة: تقضية هاهي جبتهالك حمريلي وجهي (باسها فحنكها)
ذكرى: مايكون خير خاطرك احبيبي
….بدات تقاد فالعشا و اكرام كتعاونها….قادو دجاج محمر و الشلايض و السفة و الديسير و كولشي ….طاح ظلام ووجد كولشي و دار تقادات و تعطرات حتى صونا لباب و دخل با صطوف و معاه حميد لي غير شافو طلحة بقا مطول فيه شوفة و تبدلو ملامح وجهو...و معاه ذكرى بفولارها كانت كتشوف فيه و تشوف ف طلحة و شاداه
با صطوف: حميد رجع و هادي فرصة نصفيو لخواطر
حميد:(مهبط راسو) خويا طلحة لباس عليك؟
طلحة :(بانفعال) عاد دابا جااااي
ذكرى: طلحة تهدن
...قرب طلحة منو و هز يدو لسما و عطاهاليه للحنك بقا حميد مهبط راسو و شد فحنكو باغي يخرج من دار حتى عاود شدو
طلحة: فييين كنتي و خلييتيني مخلووع عليييك واش بعقلك؟
حميد: نتااا لي قلتيلي خوي شنووو بغبتيني ندير
طلحة: منين انا قلتهااالك تنوض تمشييي...أنا تقلقت نتا ماشي تهز راسك و تخوي
حميد: حسيييت برااااسيييي شماااتااا مانسوااااش ...عفاك سمحلي انا هاد لمرة طالب لحلال و باغي اكرام من قلبي مشيت نخدم و ندمر باش نتزوج بيها …(كيشوف فيه بترجي) ماتحيدهاش ليا اطلحة ...كنبغيها
….صوت شهقاتها تسمعو فالارجاء و دموعها كانو شلال على خدها و هي كتشوف فيه كترجف ...نطقات مقجوجة و بغضب كتغوت فوجهو
اكرام: و انا ماباغاكش و ماغاديش نتزوج بيك ….
يتبع...
التعليقات
لا توجد تعليقات بعد، كن أول من يعلق.