محتوى القصة
_ريحة القهوة و الشاي المغربي فائح فالمنزل ! من الصالون جالسة كارين مربعة يديها و إبستامة على محياها و جنبها بشرى و زهور تيتحاورو ، و جهة الصالون الصغير كما العادة مفرشين لهم فالأرض و بالزهم فوق سدادر مفتوحين جالسين تيتقراو
سيدح : ( عاقد حواجبو تيتفكر ) وي فلوديس درناه
روزا : ( مركزة مع التلفون ) بلا ماتحسب راه حبسو الخط ! عمرنا نحلمو نديرو آبمونمو كليناهم فخمسة تلفونات
سيدح : ( تيجبد حوايجو ) نيييك لافخونس ! الفلوس عندهم مشتتة
روزا : نخرجو دبا ؟
سيدح : حتى يجي سند ! ( شاف ماريا داخلة عندهم ) صافا راسك ؟
ماريا : طخانكيل ! ميغسي ، روزا نسولك عفاك ؟
روزا : وي ماريا
ماريا : ( آشارنت لتلفون ) الخط ماشدش ليا ! خاصني خط ديال المغرب ؟ ولا شنو ؟
روزا : وي ! ضروري لاكارط مغرب , عندك شي مكالمة مهمة ؟
ماريا : وي ! نقدرو نخرجو نشريوها ؟
سيدح : ( تيلبس جاكيطتو ) وي انا نخرج نجيبها ليك
ماريا : نقدر نخرج معك ؟ بغيت نشم الهوا
سيدح : وي ! لبسي جاكيط البرد برا
روزا : وي نخرجو مجموعين
_لبسو جواكطهم , و اي خطوة للخاريج تيهزو لي صاكوش ديالهم لكن سيدح حط ديالو و عطا تلفونو و باكية الكارو و بزطامو لماريا لان صاكها كبير ، اعلمهم انهم يخرجو للشاريع يشريو لي كارط ، و بشرى تتوصي فيهم و زهور تتنعث ليهم ، فتحو الباب خارجين و ماريا غمضت عينيها تتستنشق الهواء ، دايرين سيدح فالوسط وشدو الخطوة تيتفكرو الطريق من الصيف , مرو من دروبة ضيقين حتى خرجو فساحة الهديم و ماريا تفاجأت من منظرها ، واسعة و كبيرة وبيها الحلقات ، ها مول القرد ها فرقة الموسيقين ها الحكواتي من جوايه المطاعم و المقاهي ، و اخر ممر اصحاب محلات الفخار وابواب المارشي
روزا : بيتاااان ! توحشت المروك ,
سيدح تعقل هداك كنا نشربو لحريرة
سيدح : وي ! و حلوة العسل ، هنا منين شرينا قشابة ؟
روزا : وي كان معانا سند
_تتسمع بهدوء و تتكشف المكان ، واول ما ثار نتباها هو المعلمة التاريخية باب المنصور ، دنيا كانت عامرة و صلو تليبوتيك شراو لي كارط فاش جاو يخلصو عندهم غير الاورو
سيدح : اجلسو هنا نمشي نصرف فالكيشي !
البائع : ( بنظرات تساؤول ) انت ولد عم سند ولد المعلم ؟
سيدح : ( بداريجة مهرسة ) وي انا !
البائع : ارتاح اصاحبي ! نصاوب ليكم لي كارط و نعيط لسند يجي ، عقلت عليك من صيف
_شبهو من الصيف ! اتصل بسند و بدا يقاد ليهم لكارطات فتلفون ، على ما كمل حتى وصل سند عندهم سلم عليهم
البائع : هانا اخا سند ناضيين
سند : الله يحفظك ! شحال عندي هنا ؟
بائع : الثمن معروف ! مية و عشرين درهم
سند : ( اخلصو ) مرحبااا ! فين يامات كارطة بخمسالاف ريال !!!
بائع : الله يخلف ! مزال كارطة ترجع بجدريال هههه
_كانو واقفين فالخاريج منتظرينو ! هو يدور يدور و يشوف فماريا لي غير منزلة راسها بخجل و مرة مرة دوز اصابعها رقيقة فشعرها ، حتى هضرها
سند : ماريا عجباتك مكناس ؟
ماريا : ( حمرت بالخجل تتشوف
فسيدح و هضرت بلفورنسي ) هضر بزربة مافهمتش ؟
سيدح : ( تيضحك وشاف فسند ) ماتعرفش هيا العربية ؟
سند : ( بنظرات عتاب ) والو ؟ حتى شوية ؟
ماريا : ( تتقاتل تهضر و طولاتها ) شش ششوية
سند : مرحبا الالة نهضرو معاك
فرونسي ! نهار كبير هدا لي زرتونا وجيتو تشوفو بلادكم
روزا : ( حضنت ذراعو ) نمشيو نشربو شي حاجة ؟
سند : ( خرج يديه من يديها حاضنها ) نمشيو ازعرة ! مابقيتوش تسهرو ؟
روزا : ( ساطت بملل ) مااعرفتش ..
سند : يلاه نطلعو لقهوة ( اشار لأعلى ) الفوق
_كانت قهوة معروفة فساحة لهديم ، تتطل على لمدينة كلها , سند مع روزا تيضحكو و يتعاودو و ماريا جنب سيدح تتشوف فكل الأماكن و الناس مركزة مع الاصوات و الألوان ، طلعو لقهوة و خداو طبلة تتطل على المنظر و ماريا تتدور يمين و شمال تشوف المنظر اما روزا مرات عديدة ليها و سيدح طالق زينو على البنات يضحك و يغمز ..حتى آتى الناذل ياخد طلبهم ، و طلب سيدح و روزا و ماريا فتحت صاكها تجبد تلفونها
سند : واحد نواغ ( دار شاف فيها يسألها شنو تشرب ، هو يشوف باكية كارو مخرجها من صاكها و دور لسانو فمو مستهزأ) شوف آنسة شنو تشرب و جيب لها طفاية ..
ماريا : ( بخجل ) كافي نواغ !
سرباي : مرحبااا
_رن هاتفو كان رقم نهيلة استأذن منهم و اتجه للجهة الأخرى تيتكلم
_سند : آختي نهيلة ؟
نهيلة : فين راك اسند ؟
سند : انا اختي مع اولاد خالتي فلهديم ! شي باس ماكان ؟
نهيلة : ماكاين غير ليفقصك ! انا راني فسونطر طلعت لبرطمة ! شوف من لاخر باش مانتحاشموش انت راك منا ولينا وعارف لي كاين ، المسخوط ديال خويا سرق ليا الراجل و مارضييييتش آسند ، مااارضييييتش
سند : ( تيحك تحت نيفو حابس الضحكة ) اااااختي نهيلة ! راه نتما لي تتغطيو الشمس بالغربال ! دبا فين عذرا ؟
نهيلة : راها فالصالون تتوجد لغدا الحنة ! مافخبارها والو ، دبا قررت انا وماما الحنة و العرس يتدار فلبرطمة عندي ، مانقدرش نغامر باختي والله تيجمع سكايرية و يجيبهم و نرجعو شوهة للناس
سند : احسن حاجة ! انا بعدا خاطري هارب من داك العرس ! راكي شفتي مصاريف الكرا و الفراش و الخدمة عندي مامتبتاش و نزيد لعرس ؟
نهيلة : كلامك على العين و الراس ! ولكن انا باغة نفرح باختي و الكرا لي تزرفتو فيه انت لي بغيتي اما ها البرطمة خاوية اسند
سند : خلينا خوت و احباب اختي نهيلة ! و حتى الواليدة عندي ماتبغيش لانسكن معها لا معاكم ! دبا ارتاحي و ماتقولي لعذرا والو ، سيري نتي و راجلك و تصلوو بيا الا حتاجيتوني كولشي يدوز
نهيلة : داكشي ماكان كولشي يدوز ! هانت خويا بيني و بينك هادشي تيدوز هدشي على خير
سند : كوني هانية ! عذرا تبات عندك ؟
نهيلة : وي شوية نجيبها انا و راجلي ! ترتاح غدا شلا ماعندنا ..
_اقطع معها الخط و تم راجع لطبلة ، لقى ديك طفاية فيها قوة لكوارو و مدورينها فرونسي بيناتهم ! حط يدو على راسو تيدوز على شعرو و يسوط
روزا : ( ضرباتو بمزحة لكتفو ) مراتك دارت بناقص من زواج
سند : راه انا لي ندير بناقص وقيلا
سيدح : ( شعل كارو اخر ) انا جامي ! جامي نتزوج ، الزواج صعيب و حريق الراس ، علاش ماتعيشوش مدة وشوف واش تفاهمو
سند : ( قلب عينيه فيه ) اياااه ! ولكن لي تاتقول هادشي راه ضد الشرع و القانون
سيدح : قانون الإرها__ب هدا ؟ حنا الدولة تعطيك الدار فين تسكن و تخلصك و عيش انت و صاحبتك
روزا : ( تتحرك راسها بعدم إتفاق ) هاهيا الدار !!! وفين تلقى لي تبغي ؟ شحال دوزتي مع ميسا ؟
سند : ستة شهور !!! اي الوووغ ماتفهمناش ؟
سند : و انت اصاحبي قاصر ! اشمن دار وشمن معاشرة ؟
سيدح : هيا كبيرة عليا عندها الحق ! ميم روزا مابقاتش عايشة معانا مع لاموغ ديالها تيتو و ميم ماريا رحلت
ماريا : ( بصوتها رقيق ) وي !
روزا : فين سكنتي ؟ ماشي كنتي ففيلا تيووو ؟
ماريا : نو ! رحلت و سكنت فسونطر
_عوج لسانو مرة تانية ! كولشي عايش مع اصحابو ! كولشي عايش كما بغى ! لا اولاد لا البنات ، الكارو و الشراب و لمصاحبة بسطاج لاخر ، تيشوف فيهم تيتحاورو بافكارهم و ارائهم ، لا حسيب لارقيب ..
روزا : فكرة الزواج ماتيتقبلهاش عندي العقل
سيدح : ليزاغاب لي تيفكرو هاكا
سند : انوض تجمع راسك البرهوش ! كالك لي زاغاب ! علاه انت ماشي مسلم ؟
سيدح : بيان سيغ مسلم
سند : ( بنبرة عتاب و كدالك نظرة رمقها لماريا ) الاسلام الشرفة ! اولاد خالتي ! حط شرط الزواج لحماية حقوق المرأة و يعزها و يعطيها قيمة
روزا : علاش تتربطو الدين بالحقوق ؟ انا ختاريت نعيش مع لي بغيت بلا زواج ! درت شي جريمة ؟
سند : مع الله
روزا : انا بلادي ماتتحكمش بالدين ! علمانية
سند : ولكن راكي مسلمة بالفطرة ! و الطريق الصحيحة واضحة ، انا دبا هادي لي نتزوجها ؟ كن عاشرتها و عشت معاها مدة ! علاش نتزوجها ؟
روزا : فاش تنقولو ليكم لي زاغاب ماتتبغيوش ! تفكيركم ناقص
ماريا : ( شدت فحلقها تاتشوف و نتظرت دورها تكلم ) حتى فرنسا عائلات فرنسية ضد العلاقات ، و تفضل الزواج
سند : ( قلب عينيه رافض شوفة فيها ) اوا حنا غير تناقشو ! ( بهمس بينو بين نفسو مدور وجهو ) لفقي لي طلبنا بركتو دخل لجامع بلغتو
سيدح : ( وقف غادي عند شي بنت ) انا جااي
سند : ( دار تيشوف ) صكع هدا ! اجي هنا
روزا : خليه يديفولا ! لبنات لي تيشوفو فاكنس تيتلفو
سند : اياه الفاكنسية ..( تسمع صوت هاتف كانت ماريا تتجاوب بإنجليزية سريعة )
_روزا وقفت تتطل عن قرب و سيدح شاد الخط مع البنت ، و مرة مرة يشوف فماريا لي تتكلم بكل هدوء و تباات واضح ان متصل خلاها تحمر خجل
سند : برهوشة كبرت رجعت تكمي و تصاحب ! و الواليدة طال نهار تمجد فيها ! ماريا قرات ماريا شدات.. بفففف
_انتهت الخرجة ! روزا و سيدح دايرين لومبيونص فالطريق و ماريا بهدوء تتمشى و تشوف الأرجاء و سند جنبها ، حتى وصلو لدار ، كانو فنتظارهم موجدين العشا ، وتجمعو حول الطبلة بالضحك و نشاط ، حتى وصل وقت النوم ، و الجالية كما العادة ولفو الدوش قبل ولو يكون الثلج تيطيح ، بدور دوشو ، سيدح و روزا نعسو فالصالون فالارض حدا بعض و كارين فصالون لاخر ، و ماريا خدات بيت سند و بشرى و زهور نعسو مع بعض فبيتها و سند فبيت الجلاس نعس
بشرى : كن اختي غير تنازلتي خليتينا نديرو العرس مشارك
زهور : ( بتنهيدة ) ابدا ! ليلة ولدي ندوزها راسي ، طاح ليا آختي مع تريكة ماتشرفش
بشرى : ( تطبطب على يديها ) الصبر ! كول واحد كيف جاتو ، لاانا اختي مطفراه مع سيدح راه شهر هو محبوس فدار دارو ليه البوليس البراصلي و من كارثة لكارثة
زهور : انا ماشمتش فيهم ! ولكن اختي راني مارضيااش بخاطري الخالص لهاظ زواج ، على وجه ولدي بغى لبنت اما راني تهربت و طيحت العين ومع دالك شدو فيه شدة
بشرى : دعي بتسير ! انا جيت عوالة نعرس ليه ، منين درتو بناقص ؟ ( فتحت صاك جبدت الظرف ) هاد رزيق عطيه ليه و الله يسخر ليه
زهور : ( بخجل و فرحة حضناتها ) خيرك آختي ماعرفت فين نديرو ( تتمسح دموعها ) الله يصلح لك وليداتك اختي و يعطيك صحيحتك و يشد لك فسيدي قادر
بشرى : ( مسحت دمعة و خرجت لها ضحكة ) ههه آمين ! بلغ لكم السلام لعزيز
زهور : الله يسلمو ! الله ينقي طريقكم من الشوك
بشرى : آمين ! سند راه ولد من ولادي من معزة تيتو ! شكون عندو من غيرنا ! قولي ليا لا اخبار على باه ؟
زهور : ( تتنفي براسها ) سنييين هادي اكثر من تسعطاش العام ! لا حس ولا خبر ! بالنسبة لسند ولدي آباه ميت ! و اب واحد لي عرفو هو سيدي آبا
_كان وراء الباب تيسمع ! جا يطلبها دخل بيتو تعطيه حوايجو ماقدرش يدخل على ماريا , قلبو كان متأثر بكلام خالتو و حنيتها حتى تعصر قلبو من كلام زهور ورجع ادراجو
سند : ( بحرقة ) الحي حي الواليدة حتى يآمر ليه الله !
_بصباح مشرق ! زهور على الصباح فاقت تتوجد فالفطور و فاقت معاها بشرى تتعاونها و يتهاودو و يتفكرو ايام زمان و الطفولة و الشباب
بشرى : الجمعة انشاء نمشي لمقبرة نزور سيدي آبا
زهور : الله يجدد عليه الرحمات ، انشاء الله نمشيو , آحيااني آختى على الموت لمقبرة عمرت
بشرى : اوا الموت هيا هادي ، و قبر سيدي آبا مزال مبني ؟
زهور : مبنى الحمد الله ماراب ماوالو ! ( شافت كارين داخلة ) بونجوووغ كارين
كارين : ( بصوت منخفض ) بونجوغ ! كي صبحتو ؟
زهور : حمد الله ! نعستي مزيان ؟
_كارين من ستيقاظها جمعت فراشها و رتبت مكانها و بداو يتساعدو يحطو الفطور المشكل ، اما سيدح و روزا مزال ناعسين من غير سند لي خرج صبح عليهم بإبتسامتو
سند : ( قبل راس امو و خالتو و بتاسم لكارين ) كي صبحو الغزلان ؟
بشرى : الحمد الله الغالي ! اوا العروس اليوم حنتها ؟
سند : ( شد من زهور القهوة ) انشاء الله الخالة ! شنو الواليدة بروكرام اليوم ؟
زهور : ( تتشرب آتاي على خاطرها تتضايف كارين ) شويش و نخرجو لمدينة ! عدنا الخياطة و مول تواب وهادشي غير لي باين
سند : (تيشوف فتلفونو ) مهم انا شوية ندوز لخدمة نكمل لي عندي باش جوج نكون مسالي
بشرى : ماخدتيش كونجي ؟ زعما فرحك اولدي
سند : اوا الخدمة مع الخواص هي هدي ، عطاونا خمسيام و بسيف ، واحد المسؤول عدنا الله يهديه علينا وصافي ، اما هاد البلاد خاصك اما ضمن بلاصتك مع الدولة ولا مشروعك الخاص
بشرى : كلنا مع الساهلة اولدي
زهور : داكشي لي تنقول ليه اختي ! هو قرا وشد شواهدو و نفس الوقت كان تيقرا مواد آخرين ولكن الزهر
_كارين غير تتشوف فهدا و فهدا تيهضرو بداريجة جاتها سريعة و صعيبة ماشي مثل دزايرية مخلطة بالفرنسية ..
بشرى : زهر فالله ! سبحان الله الارزاق مفرقة ، عدنا فاروربا ياربي غير يقراو و ياربي غير يشدو المناصب ، بخلصتهم و السكن و الحقوق ولكن راكي تتشوفي اولادنا بغاو يطيرو بغاو الساهلة
سند : كالها ليا سيد...( رجع فالاسم ) سيدح البارح ! كولشي موفر ليهم
زهور : اوا ولدي واش انا نسخى بيك ؟ لي كتبو الله دوزو وانا مانخطاكش
سند : ( تزير داخلو ) الله الواليدة شكون جبد شي خاريج ؟ ( شافهم مبتسمين ودار شاف لقاها جاية لصالون ) صمت
كانت لابسة بيجامة شورط قصير و بيل قطني شعرها منسدل و تتفوح منها رائحة عطر باردة ، القت التحية بصوتها الرقيق مبتسمة و بدات تسلم عليهم بالوجه من عادتهم ، سلمت على ماماها و خالتها و كارين و صلت عندو مد لها يدو
ماريا : ( نزلت راسها مدت يديها ) بونجوغ سند
سند : ( برود ) صباح الخير !
زهور : كي صبحتي ابنتي ؟
ماريا : ( تتاكد براسها ) بيان طاطا
_رجعو لحوار العرس و الخروج هاد النهار و فنفس الوقت سيدح استيقظ تيضحك معاهم و روزا مخنزرة بسيف تتهضر ، تاهيا لابسة بيجامة بشورط و سيدح بصدرو عاري
زهور : ربي اولادك اختي مافيهم برد ؟
بشرى : ( بنظرة قلة حيلة ) واش نخبي عليك آختي ؟ مولفين الدار سخونة دولة تطلق سوفاج و تيشربو
زهور : اش تيشربو ؟
بشرى : ( بضحكة الفقصة ) الما زهر ههه
سند : ( بتنهيدة و هو تيسمعها تيشوف فماريا تتصرف بهدوء و عيونها نظراتهم فالارض ) هادشي آخالتي ماشي هو هداك ! فين خوهم الكبير ؟
بشرى : هدا اولدي راه معاناة حياتي ! لا خالتك عايشة فالخير ؟ نص حياتي دازت عذاب وهروب و نص لاخر هاهو على عينك اولد اختي ، لولاد كبراتهم فرنسا على طباعهم ، ماعندك حق تعارض ولا دخل فحياتهم
سند : ضريبة اوروبا اخالتي ..
_كملو داك الفطور ! و سيدح و روزا منوضين روبلة ها هما تيلبسو ها هما تيوجدو يخرجو و بشرى و زهور كدلك مع كارين , و ماريا دخلت بيت سند تتلبس ملابسها حتى سمعت دقان فالباب
ماريا : وي ادخل
سند : ( فتح الباب طلعها وهبطها ) باغي شي حاجة من بيتي ! الا ممكن تخرجي
ماريا : ( رمشت بسرعة خارجة ) وي !
_واقف متبعها تاخرجت ! دار فاتح البلاكار تيهز ملابسو و رجع غلق للباب يبدل ملابسو , و كل مرة تيمسح نيفو من ريحتها لي بقات فالبيت ، كمل لبسو و الفضول شدو لبايزتها فوق السرير و صاكها المفتوح ، و بعض الكتب و الدوا على لاكمود ..قرب لصاك هز باسبور قلبو يمين وشمال
سند : ايااااه الجنسية الفرنسية ( فتحو تيشوف صورتها تيحقق) تتشبهي لخوتك ابنت خالتي
_طل براسو على الصاك مابان ليه لا باكية الكارو لا والو , فتح الباليزة بدا يبحث بعينيه مالقى والو ، و هز الكتوبة تيشوف العناوين
سند : ( تيعض على شفايفو) كولشي بلونجلي آللالة ..( هاتفو تيرن جبدو جاوب ) الو
عذرا : حبيبي صباح النور
سند : صباح الخير اللالة العروسة
عذرا : يخلي لي سيدي العريس ! المهم ليلة قول ماماك تجي تحضر لحنة و جيب بنات خالتك
سند : ( حط لكتوبة ) الحنة تكون فدار اختك ؟
عذرا : وي ! حسن من الحومة و الضيق
سند : ( فهمها انه مخبعة عليه موضوع الشفرة ) وخ الحب ! كولشي بحال بحال , مهم نتجمعو و ندوزو ليلتنا ..
_نازلين فدروج مجموعين ! اصحاب الجالية باينين من الطيارة ، اما مشيتهم تقيلة و عنقهم معلق فالهواء يشوفو هنا و هنا ، اما بناتهم لي خصوصا زيود و خلوق فرنسا من هضرتهم و لباسهم معروفين و صاكوش لي ضاربين
روزاا : ( تتحس بشعرها تجر وهيا تصعر ) اااغييييط بول مويي ( دجاجة فازكة )
سيدح : ( وقف تيضحك ) وجااوبي مال مك قاطعة الهضرة ؟
روزا : ( خنزرت فيه ) بعد مني ! البارح قلت لك شنو بغيت
سيدح : ( حضنها جنب خارجين الباب ) صافي ليلة نضبرو فالحشيش ماغوكان ، واش نخرج بوحدي يشدوني لبوليس
روزا : ( قربت لوذنو ) قول لماريا تسخر ولا تمشي معانا هيا ماشي قاصر
سيدح : ( تيشعل كارو و يحرك راسو بالسلب ) تنشوف مع سند ! فين داك خينا ولد مول اوطيل ؟
روزا : راه فجيبي ! نجبدو ليك ؟ دوور تنااك انت و بلاناتك
_زهور تاتغلق الباب و فنفس الوقت شيفور وقف فالباب , ركبو فالسيارة و ماريا جالسة جنب مها ملتزمة الصمت من غير روزا و سيدح تيهضرو و كارين تتكتشف المدينة و زهور تتنعث للشفيور حتى حطهم امام بوتيك الخياطة و نزلو داخلين عندها و سيدح تابعهم مامسوق لا للعيالات ولا الرجال ، استقبلتهم خياطة معرفة زهور ، قدمت لهم اتاي و تترحب بيهم و بدات تجبد لهم القفاطن و جلالب و هما تيشوفو بإعجاب
زهور : ( واقفة تتفحص الملابس ) يعطيك الصحة طلعت غزالة ، بشرى تقيسيها
بشرى : بلا مانعذوبها راها قياااسي ( لمست الجلابة عصرية فالابيض ) هادي زوينة ؟
زهور : هادي ختاريتها لماريا و فيد الله تجيها
بشرى : ( خاطبت ماريا بالفرنسية ) تقيسي اماما الجلابة وجداتها لك خالتك ؟
ماريا : ( تتاكد براسها ) وي ( بابتسامة ) ميغسي طاطا
زهور : بصحتك الحبيبة ( مدات لها الخياطة الجلابة التانية ) هادي لروزا ! ختاريتها فالغوز
روزا : ( بعويناتها تتشوف الجلابة عجباتها ) زوينة اطاطا ! ( تتلمس التوب و تقيس العقاد ) نقيسها حتى انا ؟
بشرى : دخلي آبنتي تقيسي
_كارين واقفة جنب سيدح و تيشوفو تكاشط و لقفاطن و البنات تيقيسو و يخرجو عندهم ، جلابة جات لماريا عبار و واتتها فوجها و روزا الغوز جاها خطير لكن طلبت تنقص لها من الطول ، و قيسو القفاطن و ختارو لي بغاو ، و جا دور كارين تقيس القفطان و هيا طير بالفرحة و عجبها الحال و سيدح يقاد لها من هنا و لهيه فاش قالو لها حيديه جاوباتهم
كارين : نو نو عجبني نبقى بيه
بشرى : (باشارة يديها تتفهمها ) اماشيغي هدا القفطان نلبسوه فدار فلاصال دوفيط ماشي نخرجو بيه , خاصك جلابة و خرجي بيها
كارين : جلابة مافيهاش هدا ( تتشير لصقلي و طرز ) بغيت هدا ، ياك لعشية لافيط عند سند ؟
سيدح : غدا لافيط عند سند غدا ! ( هضر مع بشرى ) سي بون ماما خليهاا
_دارو لها خاطرها , ماخرجو من عند الخياطة حتى ختارو لي بغاو وختارو قفطان لبخثة و بشرى سبقت تخلص رغم اصرار زهور ...حطو الملابس عند الشيفور و خرجو للمدينة القديمة على رجليهم مايصلاحش السيارة دخل و دازو من امام الفراشة شافو كارين بداو يعشقوو
بائع اول : الصلاااة و سلاااام على رسوول الله
بائع تاني : ( قرب لكارين ماد لها تمرة ) اش سمى زين ؟
كارين : ( شدات تمرة كلاتها ) شكخان
_بشرى و زهور تيضحكو و روزا تشوف جهة الملابس و ماريا كل ماهو قديم و تقليدي تيثيرها ، داك لفراشة طلعوها على كارين و شبعو ضحك و هيا فرحانة و دك لقفطان تيتجرجر فالأرض ، دارو لمدينة و لي شافتو بشرى تتشريه و ماريا كل مرة تسال ماماها علي شي حاجة ، دازو من جهة اسمها النجارين و هيا روزا تشم الريحة لي تعجبها و سيدح غمزها بان لهم واحد خونا ضارب لاكوسط و كلاكيط فعز البرد تيكمي لك جوان فالعلن وحاط امامو كارطون ديطاي
روزا : ( بهمس ) نتحاطو هداك تيبيعو
سيدح : ( غمض عينيه تيتفكر حساب فلوس ) طرف بخمسين اورو ؟
روزا : نو نو درهم ! خود ماريا ونقولهم انا عيت نجلسو شوية ..
سيدح : سي بون ( عطاها صاكوش ديالو ) شدي هدا عندك
_بحال تشري الحشيش فالمغرب بحال تشريه ففرنسا ، خاصك تحضي هنا و لهيه ، روزا مثلت التعب جلسو جنب وا حد المحل وسيدح طلب ماريا تمشي معاه يشري الكارو ...
ماريا : ( غادة تتشوف ورائها ) فين بيرو طابا ؟
سيدح : ماكاينش هنا بيرو طابا ( اشار براسو لنفس الشخص جالس امامو كارطون ديطاي ) نشوف هداك عندو
_قرب عندو و دار يديه فجيب و تكلم و اشار بعينو لكارو
سيدح : آعطيني جوج مارلبورو
ولد : ( سميمر و مسرار ) الجالية ؟ منين من بلجيكا ؟
سيدح : نووو ! ماغسااي
ولد : ( حرك راسو ببطئ اشار لشعار مرسوم فجاكيط سيدح ) ايااااه اولومبيك مارساااي ، ( مد ليه جوج كارو و فتح الصاكوش امامو شد من سيدح خمسين درهم )
بائع اول : خاصك صرف ؟
سيدح : ( تتفقصو داريجة ماتتبغي تخرج ) شوف نتا واش تبغي لموني ( صرف )
ولد : ( خرج ميكا صغيرة حجم الجلبانة و دارهم ليه فباكية الكارو خاوية ) هانت ضرب ورد عليا لخبار
سيدح : ( عطا الباكية لماريا اشار صاكها ديرها ) ميغسييي ..
_راجع تيضحك عندهم و روزا عاد حست بالدماغ قرب يتقاد لها ، كملو المسارية حتى حسو بالجوع و التعب , الدوران فالمدينة تياخد وقت كثير ، ماحسو بالوقت حتى كان العصر تيوذن هما جالسين فقهوة فالساحة
زهور : الوقت تيطير ! ( تتشوف كارين عيات ) رجعو لدار يتغداو
بشرى : ( جبدت تلفونها شافت الشاشة لقات اتصالات قادر ) الراجل صونا و عاود هو غادي و يوصي على تلفون نجاوبو..نوضي اختي نمشيو
زهور : اوا المدينة و صداعها فين تسمعيه
_خلصت القهوة و تمو راجعين للدار و سيدح مشا عند شيفور فبلاصة فين خلاه يجيب الملابس ومنها يرجع يوصلو هما واقفين ينتظروه
بشرى : ( تتمسح وجها ) بعض المرات تنحس براسي مرفوعة ! عقلي مع الولد الكبير ، تنشوف عائلات اخرين وليداتهم كي الخير ، هما شادين طريق بوالديهم للبلاد و يدوزو معاهم كونجي ، وانا هانتي على عينيك
زهور : دبا ربي اختي ، سيدح صغير و تيتو دابا يجي نهار و يبغي يدير عائلة
بشرى : ( بحسرة ) ااشمن عائلة ؟ راه طايح مع بنت خت راجلي روزا
زهور : ( تتشوف فروزا واقفة مع ماريا و كارين تيهضرو ) مزالة صغيرة !! اوا ؟
بشرى : اواا يوااا ! عيات مها تعكس و تعاود ولكن لي فراسهم فراسهم و تيتو مفششها و لي بغاتها تحضر ومها مزيرة عليها ، ختارت تيتو .. اوا راهم دبا عايشين بجوج ، قبل مانجيو تعشاو عندي ، سنين ماشرك معايا ولدي طبلة
زهور : خليهم ! ياك تيتبغاو ؟ دبا يكبرو و يديرو عقلهم
بشرى : راه اولادنا ترباو مجموعين ، او سيدح و روزا تزادو نفس نهار ، و روزا من صغرها مجهدة و هيا و سيدح بغاو يتقبو سما ، تنعقل واحد النهار مزال يلاه فكوليج و عيطو لنا من مارشي اجي ولادكم سرقو ! آش سرقو العصير !! لمن تردي للومة للوالدين ؟ ولا للضسارة زايدة
زهور : ( بآسف ) هدا صبر ايوب ! ياك كبرتي ؟ وشوفي شوية حياتك
بشرى : حمد الله ! ربي عوضني براجل قلبو عليا وعلى اولادي و اختو اعز الناس عندي ولكن راه انا روحي فاولادي الا ماتسكدات لهم الايام شمن عوض نحس بيه ؟؟ من غير مرض ماريا لي مافهمتو ماعرفت ليه غير بخثة و قادر لي جرا لي مايرجريهش باها هو حي الله يرحمو
_مالقات ماتقول لها , فالزنقة فللحظة غير مترقبة سردت لاختها اهم احداث حياتها ، رجع شيفور و هزهم كلهم وصلهم ، طريق بتواني كانو فقعر دار ، كلها شاد سداري مكسل و كارين مع فقطان حايرة ، نزلت لهم الغدا و تغداو...مع الوقت من هنا لهيه , ناضو دوشو البنات تجمعو فبيت سند تينشفو شعرهم و نضمت ليهم كارين
روزا : ( تتسرح شعرها بالبلاك ) ديري الماكياج ؟
ماريا : ( كمشت عويناتها ممتنعة ) نو غير غوج آليفغ
روزا : ( ببطئ سرحاتو ليها لا ضرها و دهناتو لها بكريم ) فوالااا طخوو بيل
ماريا : ( بخجل تترمش ) بصح ؟ جيت زوينة ؟ انا زوينة ؟
روزا : ( هزت كتافها من سؤالها حطت يديها على قلبها ) الجمال تيبدا من هنا ! ( كارين مبتسمة لكلامها ) ونتي جمعتي جمال الكون هنا
ماريا : ( بنبرة خجل ضاحكة ) شكون نتي ؟ ههههه
روزا : نييييك طاااااميغ
_كملو من التوجاد وصوت سند و ام الخير و بناتها مع بشرى وزهور ، لبسو البنات جلالب وخلاو القفاطن للغد , روزا تتقطر بالماكياج مثل دمية باغبي و ماريا مكتفية بعكر احمر درجة خفيفة بشرة صافية نقية مزيناها خالات و خرجو عندهم
ام الخير : الصلاة على نبي ! العويتقات مسرارات
بشرى : ( بنظرة حب ) ما شاء الله
زهور : جلسو تشربو آتاي ..
كان تيضحك مع ام بنات الخير مثل اخواتو ! و بنظرة شاملة لمحهم بجوج و ركز معاها فوجها اما هيا خجلها و هدوئها تيخليها نظرها دائما منخفض ....
سند : روزا بصحة جلابة
روزا : ميغسي ( تتشير ماريا ) شوف ماريا تاهيا زوينة
سند : ( بتكهن ) الله اودي ! بنت الخالة زين كولو ( وقف ) الواليدة انا غادي نجيب عذرا من صالون ! فاش تقربو تجيو عيطي ليا نجي
زهور : ماتبدلش حوايجك ؟
سند : حوايجي عند عذراا ! ( طبطب على وجه روزا ) زعرة نتشاوفو
روزا : ( تهررب وجها يخسر لها المكياج ) فخيييخووو ( خوياا ) اااغيييط
_خارج من الدار ! عينيه على تلفون تيتصل بنهيلة حتى جاوباتو
نهيلة : وي سند
سند : قربتو ؟ نجي نجيبكم ؟
نهيلة : مزال واحد نص ساعة ! الخير لي دير فيا سير للدار دي معاك راجلي اخويا ! راني غير سامحة فيه مع هاد الجرا
سند : ماشي مشكل ! راه الجالية حتى انا عندي الله يدوز عطلتهم على الخير
نهيلة : علاش شنو واقع ؟.
سند : يلاه جاي من خدمة داخل الحومة ، حتى بنادم تيقولي اولاد خالتك مقضيين لحشيش من واحد كمارة اعوذ بالله ، لباس لي ماجبد عليهم شي مضى كريساهم ، تيخرجو بوراقهم بتلفوناتهم للزنقة و شارين الحشيش من المدينة ! حنا لمدينة بحال درب ديرها غير زينة توصل توصل
نهيلة : اودي سلاك ! راك عارف ولاد فرنسا كولشي عندهم وطى ! يمشيو وراق يطلعهم فالبلاصة! الجنسية تتهضرر...
سند : يلاه نخليك ..
ركب سيارة شاد طريق تيتفكر الهضرة لي وصلاتو : هو ولد خالتك لي واشم اصاحبي ضارب حلقة معاه واحد بنت شعرها كحل قدو فطولة ...
سند : ( تيحس بحلقو شحف ) لعجب العجااب ، العين تقول ماديرش و الفعايل يقولو ديرها وتفوتها ..
_على آذان المغرب ! سيدح واقف فالباب تيكمي كارو و تيسمع الآذان و تيشوف الرجال متجهين للصلاة بعض الرجال مرو من حداه لقاو السلام هو غير تيشوف ، سؤال واحد تيتبادر لذهنو :
سيدح : فين تيعرفوني هادو ؟
_فالمغرب السلام لله ، و بعض الاشخصا لهم طبيعة إلقاء السلام ، نزلت روزا لابسة جاكيط على الجلابة و ماريا ورائها هازة صاكها و تتهز فجلايل الجلابة و كارين تتهضر بالاسبانية مع امها و لي داز يشوف و طريقة الاسبان تيتكلمو بصوت عالي!!!
سيدح : نمشيو دبا ؟
روزا : وي ! واش يديرو ليا الحنة مع ديك مراتو ؟
سيدح : ( تيبعد لها شعرها على عينيها) تتسولي سند ولا ماما ، ماريا ديري الحنة ؟
ماريا : ( تتلمس يديها ) اضرني ؟
روزا : شوية ! باش يخرج كولور زوين !!!
_اكتمل الموكب ، نزلت ام الخير مع بناتها و بشرى لابسة جلابة دوبياس بالراندة و شعرها مطلوق و زهور لابسة جلابة مليفة بالبرشمان و مصاوبة شعرها و الشيفور فتح لهم لكوفر تيحطو الضيافة
بشرى : مانسينا والو ؟
زهور : ( بعدم اعجاب ) زيدي سند تيصوني ! نسا لي بغيت انسى ، كنت حالفة ما نمشي و تحنث
ام الخير : مابقى غير القليل اللا زهور ! ياك هزو الفرح عند اختها ! فيها الخير يكون داكشي خفيف
زهور : على الله ، هانتي البنات يمشيو معاك و ام الخير معاكم و انا وبنات ام الخير نتبعوكم فطاكسي
بشرى : علاش عليك تمارة ! شيفور يحطنا و يرجع لكم ، المسافة قريبة
زهور : راه سند اتصل بطاكسي واحد صاحبو ( وقف الطاكسي ) هاهو وصل ..يلاه نتوكلو عالله
_تسدو البيبان و تحركو السيارات ، جيران تيطلو و االاخبار داعت ان لا فرح فالحومة بل تهز لبرطمة عند اختها , مسافة كانت قريبة ، و صلو سونطر و اتصلو بسند ينعث لهم ، حتى وصلو لشاريع لي فيه العمارة و بان لهم واقف منتظرهم ، نزلو كاملين و اولاد بشرى و روزا غير تيكتشفو الأماكن ، فتحو الكوفر وكل واحد عطاوه حاجة يهزها ، من مشموم الورد و طبايق للحليب و الحنة و التمر و باك الروايح و صاك بصباطو ، طلعو لا تعشاق لاا والو ، طالعين فدروج وصوت موسيقى بدا تيتسمع حتى وصل الباب لي كانت مستقبلاهم امها و واضح من وجها انها مفقوصة
.
الام : مرحباااا ! ( تتسلم عليهم وحدة وحدة ) مرحبااا والف مرحبااا ، تفضلووو تفضلووو
_دخلو وحدة وحدة و سيدح معاهم مامسوق لا ليلة النسا ولا مكان خاص غير بالنسا ، زهور تتحط عين و تنزل عين ، الصالون كان مفرش و السيجور خاوي و بعض العائلة جالسين سلمو و كلها شد جهة تيشوفو و الهضرة دايرة بالعينين و فالوذنين
بشرى : ( تتهز كمام يديها و تبتسم بكل حب ) دار اختها هادي ؟
زهور : امممم ( دارت تتهضر فوذنها ) شفتي آختي الحالة!!!! بحال مشفريين !!!لا نظام لا تاويل!!!
بشرى : اسلكي آختي ، ديرها الظروف
_قدمو لهم الضيافة و كل مرة يرحبو بيهم و نهيلة عاد دخلت تتسلم واضح انها مرفوعة مزروبة ، تتوري لحناية فين ترتب الجلسة و تحط ماطريالها ، و زهور غير تتدور فعينيها و تعوج فمها .....بمرور الوقت و شي داخل شي خارج , حتى تسمع صوت الزغااريت و زهور قلبها تيضرب و مزيرة ، و البنات تيطلو بعويناتهم يشوفو العروسة حتى تعالا صوت الزغاريت و دخلت بخطوات تقال فالمشية، كانت لابسة قفطان اخضر بالنطع و مرمي عليها غطاء الصقلي و مبتسمة و جلسوها فالجلسة و عينيها تيمشيو لعائلة سند ، عرفت روزا و بشرى و سيدح ؛ و بدات تحقق بالخف فماريا و كارين
روزا : طاطا فين سند ؟
بشرى : دبا يجي آبنتي ! عجبك هادشي؟
روزا : ( حركت راسها بتقالة ) ووي طاطا زوين ماغياج ماغوكان !
_الجو كان متوتر ! لا زهور تفضلت و سلمت ولا عذرا عطات اشارة للسلام ، لحظات دخلت نهيلة عند زهور تتكلم فوذنها
نهيلة : خالتي زهور ! سند ايدخل لعند العروسة خاصكم تكونو معاه
زهور : ( منزلة راسها تتسمع ) فين هو سند ؟ لتحت ؟
نهيلة : لا فالباب .. معاه شي صحابو ...
_تكلمت فوذن بشرى و نوضاتها و ام الخير و طلبو من البنات يجلسو....خرجو عندو لباب زهور قلبها مزير ، حتى شافت ونيس عمرها و ابنها الوحيد لابس جابدور اصفر حريري و تيضحك مع صحابو حتى شافها و قرب لها مقبل راسها بحب حاس بيها مزيرة
سند : الواليدة ! آش داكشي ؟
زهور : ( طبطبت عليه ) الله يكمل بالخير العزيز
_حتضنها و قبل راس ام الخير و خالتو ! دخلوه بالتعشاق على نبي و دخلوه عند العروسة جلس جنبها و طلبو منو يهز لها غطائها
سند : ( متفحص ملامحها ) بصحتووو الزين
عذرا : ( بنظرات حب ) يخليك ليا احبيبي
_عطاو اشارة للحناية وبدات تحني ليها ، و عائلتها تتصفق لهم و يشطحو امامها ، اما الجالية غير تيشوفو و يكتشفو التقاليد و يوشوشو فالآذان و سيدح غير تيضحك عجبو الحال و الماسق و البنات داخلين خارجين يتغامزو عليه بالقفاطن ، انتهت حناء العروس و سند رفض يديرها فيدو وزهور ماحكرتش عليه ، ناضو تيتصورو معاهم من غير ماريا لي بدات تحس براسها تيتزير و بدات تشكي لبشرى
سند : ( تيشوف فيها جالسة وعيونها تتكمشهم وتكلم فاذن زهور ) مالها ماريا الواليدة ؟
زهور : راسها تزير عليها ! ( حضناتو ) مبروك عليك آولدي ( سلمت على عذرا بفتور ) مبروك عليكم
عذرا : لهلا يخطيك آخالتي ..( تكلمت فاذن سند ) هاديك البنية بنت خالتك ؟
سند : امممم ! دبا حنا رجال غير نخويو ياك الحنة للعيالات ؟
عذرا : قنطتي ؟ ههه سير احبيبي الا بغيتي شوية يحطو العشاا و يعيطو ليك
_الحناية بدات دوز الحنة لعويتقات ، بدات بروزا و كارين ، اما ماريا لبست جاكيتها صاكها و نازلة مع سيدح و بشرى... نازلين لتحت و لقاو سند لتحت مع دراري واقفين حتى جا عندهم
سند : خالتي ؟ ياك والو باس ؟
بشرى : والو الحبيب ! ماريا راسها تزير و طونسيو عندها مامعاهش لعب ، تمشي ترتاح
سند : ( بتفحص شاف فيها ) ماريا راسك تيضرك بزاف ؟ نديوك لطبيب
ماريا : ( مزنكة و عيونها ذبلو ) وي ! نو طبيبب نو ، خاصني ناخد دوا وصافي
سيدح : و الحنة ؟
بشرى : ( عصبها ) اختك اطيح ونت تتسول على الحنة ؟ طلع حني بلاصتها ، سير مع اختك تاخد دواها شوية نجيو للدار
سيدح : ( برفض ) اااه بغيت نجلس ...
بشرى : ( قربت لوجهو تتحلف بعينيها ) شووف فيااا ..
سند : ( قاطعها ) خالتي ! انا نوصلها ارتاحي
بشرى : لا آولدي شيفور كاين ! راه ماخصهاش تجلس بوحدها ..( تتجر سيدح من ذراعو ) تحرك مع اختك و الله تنقولها لتيوو ونعاود ليه كولشي
سيدح :(بتذمر) ااااه سي بون ..
سند : انمشيو انا وياااه ! كوني هانية ، شوية رجع عندكم آخالتي
ركبو مع الشيفور ! سند و سيدح و ماريا ، بدقائق وصلو لدار و فتح ليهم سند الباب و طلعو و سيدح مراقب ماريا لطيح حتى دخلت لبيت و تلاح فصالون تدخل سند
سند : فين ختك ؟
سيدح : فلاشومبغ
سند :(بقلة حيلة) كن غير بقيتي مع شيفور لتحت علاش معذب راسك ! نوض اصاحبي شوفها واش شربت دواها!!! واش سخفات ؟ دمك جامممد اصاحبي
سيدح : ( تيضحك ) اااه سي بون ! تكون شربت دواها و تنعس ..
_بزفير محرك راسو حط السوارت و التلفون و تجه لبيت دق جوج دقات و فتح الباب لقاها ناعسة بالجلابة و مزيرة على عيونها و موسدة يديها ...تحنى مقرب لها ونادا عليها
سند : ماريا !!
ماريا : ( فتحت عيونها ببطئ ) وي ..
سند : شوية ؟ شربتي دواك ؟
ماريا : ( تغرغرو عينيها بالدموع لاهتمامو ) وي ميغسي ! باغدون مشيت من لافيط ديالك بكري..
سند : ( ماحسش براسو تامد اصابعو مسح لها دمعة نازلة جنب ) هانية ابنت العزيزة ! نعسي و ارتااحي
_خرج ساد الباب و مشى جلس مع سيدح لي لقاه شاد التلفون طالع نازل فيه و ضربو بمخدة
سند : الله يحسن عوان خالتي معاك
سيدح : ( مافهمش الجملة ) كفاش ؟ ماما انا ؟
سند : ( جبد التلفون تيشوف صور عذرا مركز فعيونها ) مامالها والووو ! ( بهمس ) دبااا نوريك لي لونتي ...
_مرت ليلة الحناء , تعشاو عائلة سند و رسلو لهم العشا لماريا ، اما سند رجع بليل مقصر معاهم حتى لوقت متأخر و رجع لدار .....على الصباح كما العادة زهور و بشرى تيوجدو الفطور و روزا و كارين على الطبلة تيحيدو الحنة و ينبهرو بشكلها ..
روزا : بيتاااان ! واعرة هاد الحنة
كارين : نشري منها ناخدها لبخثة !
روزا : اتعرفي تزوقيها ؟
كارين : ديك بنت صاحبة زهور ، قالت ليا كاين طاطو تيلصق بالحنة
روزا : الوغ ديرها ماريا , هيا لبارح مادارتهاش!!!
كارين : ( بقلق ) علاش راسها ديما ضارها ؟
روزا : تنظن الدوا لي كانت تتاخد مجهد و اون بليس يلاه تتولف الناس و الصداع
_بعد ساعات , نظمو للفطور جميعا من غير سند لي صبح خارج تيساعد نهيلة فالتقضية و جري العرس ، دوزو النهار فدار و جدو الغدا و جلسو يناقشو الفرق بين اعراس فرنسا و المغرب و سيدح جالس يدافع على اعراس فرنسا ، هكدا مر الوقت حتى رن هاتف زهور برقم سند
زهور : آولدي !! كملتي ؟
سند : راكي بوحدك ؟
زهور :مع خالتك وصافي ! اش واقع ؟ مال صوتك ؟
سند : اودي لاإلا الله الا الله ، داك الحمار خو عذرا خلط عليهم لبرطمة و دابز مع امو و طاحت بالفقصة
زهور : ( تتسمع حاطة يديها على حنكها ) قولي الحقيقة اولدي !! واش طاحت ولا طيحها ؟؟؟
سند : آمني بالله الواليدة ماعارف اش طرا ! انا كنت مع راجل اختها و عذرا و نهيلة فالصالون ، تا وصلنا لخبار!!!
زهور : ( المرار تكون ففمها ) اوا ؟ هاد خوها مالقى لي يجمعو ؟ ولا كل مرة يتهجم عليكم تانترزا فيك ؟
سند : الله يهديك الواليدة اش قربو ليا ؟ راني نسوط فيه , هداك ضاسر عليهم وصافي ، مهم انا بان ليا الامور تعقدت ، ليل نعطي لعنوان لعدول و نعقدو عندنا فدار و نديرو العشا و الله يجعل البركة ، اصلا كان قلبي هارب من هاد العرس من اول
زهور : ( تتحسر ) دير لي يسلكك اسند ! دوزت بزاف اولدي حتى مابقى ليا الجهد ، مابغيت لا نقهرك ولا نخيرك بين السخط و الرضى لان المرضي ماتيسخطش انة مرضية والدة مرضي ، تنطلب من الله يكون فهادشي الخير وصافي
_بشرى : ( كانت تتسمع ) اش هاد المكتاب ؟
زهور : ( بالفقصة ضربت التلفون مع الارض فالكوزينة ) الله ياااخد الحق ! الله ياااخد الحق ....شفتي اختي ؟ هدا راه الذل بعينيه
بشرى : (كطبطب عليها بتأسف)و الظروف تتحكم ، هما تاني ما كرهوش!!
زهور : ( هزت تلفونها تترجع لباتري شعلاتو تتصل ) اصبري نجيب لخبار ، ولدي مخبع عليا ( سمعت صوت بنت ام الخير ) الو هجر !
هجر : خالتي زهور !
زهور : اياه خالتك زهور ! ياك مرات خو عذرا اختها تتقرا معاك ؟
هجر : اياه ..
زهور : شوفي جاني شي اخبار ان راجلها حيح على نسيبتي فدار بنتها فاكانسية ! سيري شوفي ليا الاخبار الصحيحة
هجر : واخة ا خالتي ! دبا نزل نسول ليك
زهور : الله يرضي عليك وقولي لماماك تجي عندي دبا ، وقولها راه ضريب الصداق عندي الليلة فداري ..
_فالصالون الجالية ماجايبة اخبار , ولو يعرفو ماسوقهمش طلع و لا تنزل ، جالسة هيا و ختها تتجبد دجاج من الفريكو تصلت بطيابة ، كانت عوالة ليلة سند دوزها غدا فاالليل لكن تغيرات طرات فاخر اللحظات ...حتى تسمع صوت الجرس و نزلت فتحت ام الخير و بقوة تعبها جلسو لها فدورج
زهور : على السلامة ! زيدي طلعي
ام الخير : فين هما الرجلين ؟ ( تتلهث والوو ) لقيت هجر فالباب تتقولي خالتي زهور قالت ليا ها ماكان و هاماكان ، خاصني نجيب التحقيق
زهور : ( تكات بيديها على الحيط ) اوا ؟
ام الخير : ( بحسرة و حزن ) المسخوط ! ضرب امو
زهور : ( ضربت حناكها ) اويلي خو عذرا ؟
ام الخير : ( شدت فيديها تتوصيها ) انا مزاوكة ابنت الغالي و الله يرحمو فهاد النهار ! هضرتنا تبقى هنا ! راه دعاوي لي خدا من امو عمرو يشوف النهار الزين ، و نغس فرحة ديك العويتقة و بكاها لاهيا لااختها ربي يخلصو ، ونتي ديري هاد الخير و كملي لهم هاد الفرحة
زهور : ( تتحسر ) صمت
ام الخير : ونتي ديري راسك بلاصتهم ؟ ولدك مايرضاش بهاد الشوهة ، نتعاونو ندوزو هاد الليلة ، (بترجي)ديريها بنتك
زهور : ربي رزقني ولد واحد راها داتو ، كلها شنو مكتب عليه الله , انااا على وجه ولدي و اختي لي جاية بفرحتها تزوجو حاسباه ولدها درت وجهم ، اما عروستي مامن سهمي ما انا من سمهمها دبااا يطوال و يعجبها
_خلاصة القول ، العرس تقلب لعشا ، الطيابة وصلت و بدات الطياب و ام الخير مع بناتها تسخر و زهور تتصل بمعارفها فالجمعية غير المعلمات و المحاميات و صحابات المناصب تتعرضهم اليوم بلاصة غدا , الحلوى وصلت و المشروبات و تيسارعو الوقت حتى اذن العصر ولحق عليه المغرب ها سند داخل وجهو مشحون تيشوف الدار تتجهز و اولاد خالتو ناشطين و الدار تتعمر
سند : الواليدة ! هانا جيت ، شنو خاص ؟
زهور : ( بنظرات استياء ) اوا فين وصلتو ؟
سند : ( مكره مغمص عيونو تيحك حاجبو ) الا عندي عندك شي معزة خطيك من كلام الناس ، راني عارف كولشي وصلك ! ولكن آش ندير ؟ نفرتك الشغل ؟ ماشي ولد الحرام انا نخوي بخطيبتي شنو ذنبها؟؟
زهور : ( شافت بشرى جاية مبتسمة ) اوا الله يصاوب ! ماخاص والو ، عرض على صحابك و أكد عليا الوقت لي يوصل فيه العدول
بشرى : ( طبطبت على ظهر سند ) متقلقش الحبيب ! ماوراء العسر يسر ، دير الما منين يدوز
سند : ( بتاسم مأكد براسو ) الله يخليك ليا اخالتي ! غاديين مع ساهلة
_زهور صعيب تبكي ! صعيب طيح دموعها ، لكن القلب تيتعصر ، رجعو يتسارعو مع الزمن ، لي تمناتو ماكتابش ، بغات طريطور و الكاميرا و الموسيقى و النكافات و تختار لعروستها و تحط الاكل الفاخر ، و تعرض لبعيد و لقريب لكن الظروف تتحكم ...بداو المعروضين يجيو و الكل تيتسائل اش واقع ؟ الصالونات عمرو و روزا مع كارين تيدورو بقفاطنهم وسيدح طالع نازل تيسخروه و ماريا لابسة قفطان جالسة جنب ام الخير فالمطبخ تتساعد فمسيح الماعن ...
ام الخير : تتهضري العربية ؟؟
ماريا : ( بخجل ) شوية آطاطا
ام الخير : ( عنقاتها تتقبلها ) آحبااابي على القطينة طريف الحرير
زهور : طلقي العدول جاااي و العروسة فالباب يااا ام الخير , وجدو لحليب و تمر
ام الخير : على سلامتهم ..على سلااامتهم ..
_مقدر و مكتووب ! هو عنوان ليلة العرس لي تحول فيها عقد القران من مكان لمكان فأخر لحظة ، العدول دخل معاه الحاج زوج ام الخير و صديق المرحوم سيدي احمد الجد للصالون ، و سند واقف فالباب تيهضر مع نهيلة لي وجها باينة فيه الفقصة حتى نزلت عندهم زهور
زهور : ( بنظرة شاملة للسيارة ) اوا طلعو اولدي العدول مايقصرش معاك
سند : ( حك وراء راسو بسوارت السيارة ) اوا العروسة خاصها طلع بالتعشاق ، و تشراب الحليب
زهور : ( هزت فيه حواجبها و خاطبت نهيلة ) اها وشنو تاني زيدي اللالة نهيلة ؟
نهيلة : ( تنهدت دورت وجها تتشوف ختها فسيارة معاها امها ) لالة زهور ، ساعتهم دايزة و العروسة مادخلش بسكوتي اول مرة لدار راجلها
زهور : ( بصوت منخفض و نظرة استفزاز ) نعذركم راكم ماشي على برجكم والله يحسن لعوان ليكم ، ليلة ولدي كنت غداااا موجداها بلي تيدار ونفوتو لهيه مانخليش لبنادم فين يقول ااه ! ماشي انا زهور لي بنت البارح تقولها اش دير ولا مااديرش ، الباب مفتوح مرحبا بلي جاا , و نصحح لييك ! ( هزات صبعها طلوع و نزول للدار تشير لها ) والدار !!!!داااااري ..دااااري
_ رمات الشوفة لسند بمعنى بلغ السيل الزبى ، و هيا طالعة و بشرى و ام الخير نازلين عياو مايسولوها والو واش جاوباتهم ، نزلو عند سند لي عيونو رجعو حومر بالاعصاب ، اسلموو استقبلهم و فتحو السيارة للعروس استقبلو مها و سلمو على العروسة لي لابسة تكشيطة الصفراء بمكياج ترابي مناسب بشرتها و تاج مزين شعرها ، الحنة خارجة و مزيناها بخاتم مارياج ، نزلو البنات و صحابات زهور يطلعو العروسة بزغاريت و تعشااق دخلوها لصالون و سند دخل لعند رجال بداو يحطو صواني آتاي و العدول بدا المراسم
زهور : ( عوجت فمها بعدم اعجاب ) شفتي الولد ؟
بشرى : الله يهديك ! خليه على خاطرو
زهور : ( ربعت يديها ) انا مخليااااه ! ولكن ماسمحااش فيه ، ( تتشير صدرها ) لي مرضني اختي هو ولدي مدورينو بينهم ، ها المراة ها اختها وها النسيبة
بشرى : كلها بدارو ! ومشاغيل الدنيا تتلهي ، ياك سند كرا الدار ؟
بشرى : ( تتسوط بخنق ) كراا ! نذمت حتى جريت ، قلت نزيرو ! ولكن غير مابعدتو، دبا امها و ختها يببقاو عندو تيتي نيني تماا
بشرى : ( بنظرة اسف ) الله يدير الخير ! ربي مكتبهم لبعض , زيدي جلسي حدا عروستك باش دخلوها لعند لعدول
زهور : ( برفض ) مانجلس حداها ماتجلس حدايااا ! راه العريفة ختها دخلها و تخرجها ولا راه ولدي نيت لي هابل عليها يدخلها
_قالتها ودارتها !! زهور ماقربت ليهم ما بتسمت فوجهم ، مر بعض الوقت و من الصالون تيتسمع دعاء العدول و ترتيلو لبنود زواج و نصائحو حتى خرج الحاج تينادي على زهور
زهور : اسيد الحاج ؟
الحاج : اوا فاينكم ؟ جيب العروس اللا زهور و دخل معاها
زهور : ( قلبها تعصر ) وخ الحاج !
_مشات عند بشرى و طلبت منها دخل العروسة و تاخد مكانها ، ولو طلبوها تنازل و دير بوجه سند الا رفضت و نهيلة غير تتشوف و تسجل ، بشرى رمات عليها شال و سيدح تيدور بجنابها
بشرى : ( وقفت فوجهو ) آربي اش بغيتي ؟
سيدح : ( بهدوء ) والو ! ( آشار لراسها ) علاش دايرة فولاغ ؟
بشرى : لحقاش ندخل عند الرجال ! سير جلس حدا روزا و ماريا مادورش بجناابي
سيدح ! جاه القنط ، ماريا و روزا جالسين فالمطبخ تيشوفو لماكلة تتوجد و عجباتهم سخونية الفورنو و انضم ليهم فحين العروسة دخلت جلسوها جنب سند بزيف عليها و منزلة راسها تتسمع كلامهم
العدول : ( ببشاشة ) الله يرحم القبر و ما خلا ! سند ولدنا كلنا ، وصية المرحوم و الله القسم الا شرف ليا نعقد قرانو ( هز يديه مستعد للكتابة ) ولا لا الحاج ؟
الحاج : ( بنخوة اليد على اليد ) الله يسر ليهم ! و الله يرحم سيدي احمد الناس لمزيانة دغيا تيمشيو
بشرى : ( بحسرة ) الله يرحمو ! و الله يجعل البركة فيكم والله يجازيكم بالخير
العدول : اللهم آمين ! ( قرب لاكارط تيقرا ) سند السامرائي
سند : اياه اسي الحاج ..
العدول : ( تيقرا لاكارط التانية ) عذرا سعيدي
عذرا : ( بخجل ) نعم
العدول : ( نزل وجهو لكتاب تيكتب ) على بركة الله ، ( كمل تيقرا العقد ) بعد القبول و الجزم بمقدار الصداق و بدون شروط لا مسبقا لا مؤخرا ..احمم ..نتوكلو عالله و نمضيو و العقد انشاء الله يوجد على ايام قليلة
سند : انشاء الله ..
العدول : ( قرب ليه الكتاب ) مضي آولدي هناا ..( مضى سند و قرب لكتاب لعذرا ) وانتي آبنتي ..( مضات و تترتجف ) بالرفاء و البنين بارك الله لكما وجمع بينكا في خير
...تعالات الزغاريت و عذرا دموعها نازلين كانت نهيلة فانتظارها حضناتها تتبارك ليها و سند تيبحث على زهور لقى فجنبو غير بشرى وام الخير تباركو ليه و فرحانين ....و اولاد خالتو سمعو الزغاريت خارجين عندهم
سيدح : ( تيضحك تيسولو ) سي بون تزوجتو ؟
سند : ( متنهد ) اياااه عقبا ليك
سيدح : طي ملاض او كوا ؟ لالا زواج لا ..
روزا : ( سلمت عليه بالوجه ) مبروك فخيغووو
سند : ( طبطب على ظهرها ) شكراا الزعرة
شاف فيها مدت ليه يدو لان آخر مرة رفض يسلم عليها بالوجه ، جرها عندو بتسليمة و سلم عليها بالوجه وهيا تتبارك ليه
ماريا : مبروووك عليك
سند : عقبا ليك آبنت خالتي ..
_وتم الزواج ! نصيب و مكتوب ، عشاو الحضور و سبقو بالرجال لولين عاد النسا و بما ان الجو بارد الكل باغي يدخل لدارو بكري ، بمرور الوقت الحضور غادرو واحد مور واحد و زهور فالباب تتودعهم و تشكرهم على الحضور ، اما العروسة كانت فبيت سند مع نهيلة تتنتظر لحظة خروجها
عذرا : فين راجلك ؟
نهيلة : ( تتحس براسها طيح ) راجلي الا ماطيراتوش ليا وحدة فهاد الغفلة عمرو يطير ، راه سهران , كالك بغا يفوج
عذرا : ( تتفحص بعيونها بيت سند ولاحظت اشياء ماريا ) شوفي فين سند ! فوقاش نمشيو ؟
نهيلة حلت الباب انش تتراقب الوضع وسداتو بالساروت و رجعت عند عذرا امامها تتكلم بهمس
نهيلة : تبثي الله يرحم بااااك ! سند راكي عقدتي بيه ومايحيدو ليك حد ، حمدي الله ماتسكنيش مع زهور اما حريرتك حريرة , شفتي شنو دارت ليا فالباب ؟ سمعاتني خل وذني , دبااا اتجمعي معايااا راااسك ابنت مييمتي و تكوني مراة وكادة ، وديك الدمعة و الخنونة و غضيب لبراهش تحيديه ! راه كن تعرف منين دخل ليك بربي لا زدتي مع ولدها دقيقة
عذرا : ( بدموع فعينيها ) ماتتهمنيش ! ماتيهمني حتى واحد ، غادي نعيش انا و راجلي ونسدو علينا بابنا ، ما نقرب ليها ماتقرب ليا غير بالخير
نهيلة : ( حطت يديها على حنكها تتشوف فيها بحسرة ) اااختي ماعرفت آش ندير معاكم ! اباااك زاد خلفة وتهنى، اخوووك طلع اكبر ولد طيط امممك مغلوب على امرها ..انتي ماتتبردي جووف ، كولي ليا آش نقود نكجدر معاكم ؟؟؟ سمحت فالزمر كلو و خديتوو كاوري مادينو ديني ما عيشتو عيشتي و شريت لكم الدار و غرقت كريدي و قلت نزوج اختي ارتاح عليها صدقتي طايحة مع ولد لمعلم لي امو الرجالة يضربو لها الحساب !!! تتقولي ليا ماتقرب ليا مانقرب ليها !!! ياكما صحابك متصااحبين ؟
عذرا : ( غير تتبكي ) ارحميني انهيلة ! رحموووني ! ليلة عرسي تتعطيني القرطااس ، نقولها و نعاااودها ! سند تزوجتووو ( تاتشد فتكشيطتها ) راااجلي ، تسالا الفيلم طلعت لكتاابة
_بعض الاحيان ! الناس لي بجنبنا او معانا تيشوفو اشياء ماتنشوفوهاش حنا ، او تنكونو رافضين نشوفوها ، نهيلة تتنصح ووتنبه على المدى البعيد و عذرا باغة تعيش الثانية فقط ، كان بالخارج تيتوادع مع زهور و يقبلها فراسها و يديها وهيا تترضي عليه ، وقت الوداع حان ، دق عليهم فالبيت و خرجت مع اختها !!!لي سلم عليها سلمت عليه و لي ماقرب ليها ماقربتش ليه ، تحت زغاريت ام الخير شد فيديها مخرجها نازلين فالدروج ورائهم نهيلة و امها، وداع يتيم ، ركبو فالسيارة و صل نهيلة هيا و امها وضرب دومي تور لمكان اقامتهم ...
سند : ( سد لباب حط لها باليزتها ) شوية ؟
عذرا : ( تتمسح دموعها ) ماهمني والو ! كولشي دايز ، اهم حاجة تجمعنااا..
_طرد الاعصاب و التوتر ! ليلتهم الأولى ، سنين هما مع بعض منتظرين هاد اللحظة ولو الخاطر عالم بيه الله ، قرر يتمم ليلتهم مثل أي عشاق
سند : ( شدها من يديها وقبلها فمها ) ولاعليك ! كما قلتي كولشي دايز ، دخلي بدلي عليك و حاولي تنقصي ريحة الحنة
عذرا : ( حضناتو تتقبلو ) ماتصورش شحاال فرحانة ؟ ( تتشوف فخاتم زواجهم ) تزوجناا اححح
سند : ( بصبعو تيتلمس شق صدرها ) هاديك احححح لي باغيها هاد الساعة ، ( زيرها من خصرها تيقبلها من عنقها ) شنو تبدلي ولا بلاش ؟
عذرا : ( بنبرة فيها رغبة حب ) بلااش ..ماكرهتش نساو لي وقع نديرو ذكرى جديدة لزواجناا
_كان لها ماطلبت , دخلو لبيتهم و هما متبادلين قبلات حارة و قوية ، تيبعد يديها من ريحة الحنة , و حيد لها حوايجها قطعة قطعة ، مثل اي عروس لابس ابيض فابيض من ملابس داخلية ، هو كدلك تجرد من ملابسو و اتحدت اجسادهم و اهاتهم ...
سند : ( نزل راسو تحت تيشوفها تتدفع لعندو ) عذرا غادي نديرو سي قصر بلا باب انا فيا العافية شاعلة ونتي تتدفعي ههه
عذرا : ( تتلهث ) ماحسيتش براسي احبيبة
سند : ( قرب محتضنها ) الحبيبة طاايبة وااجدة ..قربي الالة نخرجو السروال ..
_مثل اي زوج مغربي زوجتو عذراء خرج السروال و نامو فحضن بعض ، ليلة تمت بالف خير ، و الصباح صبح عليهم لازالو نائمين من غير هاتف سند لي تيرن و مد يديه جاوب
زهور : الو ولدي
سند : ( بصوت باح من النوم ) الواليدة !! صباح الخير
زهور : صباح النور ! لمهم الليلة دوز عندنا تقصر خالتك غدا الصباح ترجع بحالها
سند : احممم ! ياك مزال لها ربعيام ؟
زهور : اوا الوقت بغات وماريا مريضة ! دوز عندنا ودوز بوحدك اولدي !
سند : ( فتح عينيه جالس وعذرا فاقت ) مالها ؟ على قلة الطبة هنا ؟
زهور : الله يرضي عليك اولدي الكلام ماشي فتلفون
عذرا : حبيبي !؟ صباحو
_قطع تيحك راسو و تيتفكر كلام ولاد الدرب على شرائها لحشيش ، و خاطب نفسوو
سند : ( فنفسو : يكون لحشيش مغشوش باعوه ليها ) صباح الخير آزين ..
_بشرى : ( شادة فراسها ) اختك مريضة ! واش ماتتفهمش ؟
روزا : وي طاطا ! نتوما سبقونا غدا وحنا نرجعو فالوقت لي كنا دايرين !
كارين : ( تتاكل كاطو وتشوف ) صمت
سيدح : ( تيمشي و يجي ) هدا ماشي فاكوونس ! اااو ميم با كاطخ جوغ جلسنا !!!
بشرى : ( غمضت عيونها تتحس بوجع فيها ) ماغادي نخلي حتى واحد مورايااا ، انا مافهمتش هاد الاخوة و المحنة فين عندكم ؟ البارح انا وخالتك مانعسناش مع ختك ، تتشكي برااسها ماعرفت فين نرد الراس و انت ناعس ماكاينش هناا !!!
سيدح : ( بعتاب تيشير لراسو ) فيقتيييني ؟ مااافيقتنيييش !! اوميييم تفيقييني واش انا دكتووور ؟
بشرى : ( تزيرت ) ياك اسيدح !!!غير ديك الوقفة و السؤال فيها بزاف الحواايج !!هاديك ماشي اختك ؟ ماولدتهاش انا ؟ انااا عيت نفهم
مافهمتش فيكم !! واش دخلت عليكم براني ؟ واش نتوما ماشي خوت شقاق ؟
زهور : صافي ابشرى ختي ! خليهم و سيري مع ماريا ، حمد الله نعست شوية دباا
بشرى: ( تترد البكية اشارت لسيدح ) كما تتشوفي هادي حالتي ! شي يشرق ! شي يغرب !! شي ماكاينش كاع !!
سيدح : ( باشارة نزعاج هاز يديه ) مي ماما تتضخمي الامور ! ماريا ديما مريضة ، اون بليس سيري نتي وياها ، تبقى معانا كارين
كارين : ( تتشوف هنا و لهيه ) وي مون شيغي
بشرى : عفاك اكارين ! ماتزيديش ليه فيه ! انا موصياني بخثة واحد فيهم مايبقى هنا ، اخر مرة دارو كارثة هنا و كارثة القاضي كانت تتسناهم راه فاش شدوه دوز فيها شهر بالبغاصلي
سيدح : ( بصوت عالي ) ااااي الووووغ ؟ انا لي مسؤول على شنو تندير !! كل مرة تبقاي تعاودي هاد لكاسيطة ؟
بشرى : تتغوت ؟
روزا : مي طاطا ! بغينا نجلسو هنا
بشرى : ميم طوا ماتقدريش تجلسي ! لا بخثة ولا تيتو يبغي ؟
روزا : ( هزت حواجبها بإنزعاج ) تواااحد من عندووو الحق يكووولي جلسي ولا ماتجلسيييش !
بشرى : ( شدات على فمها ساكتة ) صمت
_كارين ولفت لكيرا ديالهم ، اما زهور غير تتشوف ، الصراخ و عدم الإحترام و العناد ، هكدا قرات حوارهم لي شافهم ساكتين وغير تيضحكو ولكن الا ناضو تيتبدلو كليااا
زهور : اتتمرضي راسك اختي ! شوفي مع قادر
بشرى : راه الصباح هضرت معاه و تصل بالطبيب ديالها و قاليه تجي استعجالي لوبيطال ! البنت اختي عندي عندها متابعة نفسية و حريق الراس معذبها وهاد الجنس عندي معكس و قادر قالي ترجعو كلكم !
روزا : ( طالعة نازلة فالتلفون هزت شفايفها بعدم قبول ) قادر هو الملك !!
بشرى : مزيان اروزا هاد قلة الاحترام؟؟!!
روزا : ( تتبرر بيديها ) مي طاطا !!ماشي قانون نتحرك كما بغيتوو!!!
سيدح : (داخل ريحة الكارو تتعطي منو ) تيخربقو ! حتى يجيبونا لبلاد يبقاو يتحكمو فينا و فرنسا مايقدروش
بشرى : يعطيييك غبااارة انت و هاد فرنسا لي ضسراتكم ! ولكن هادشي كلو نتحاسبو عليه
سيدح : ( بعناد لكلامها ) وي ! لافخونس بلادي
بشرى : الا بلادك رجع لها ! آش مزال تتسنى ؟
سيدح : ارجع فاش نكمل لفاكونس ! ماشي الوقت لي تحكمو علينا نتوما
بشرى: حناا والديييك ! فهمها والدييييك
_العلاقات الانسانية فبعض الأحيان ارحم بكثير من العلاقات العائلية , بشرى تطربخ معاهم وهما مبردين ويلا حكرتي تينوضو لكيرا بالكلام ، مر الظهر و العصر طمنو على ماريا وخرجت بشرى و زهور لمدينة خدات لي خاصها من كاضوات و امور ضرورية و رجعو للدار يجمعو الباكاج و زهور تتوجد العشا
بشرى : الو قادر
قادر : ( بحدة ) الرب وين راااك ؟ واش بيك معلابالكش بالتلفون ؟
بشرى : (تتبرد)كنت فالمدينة آقادر
قادر : المدينة ؟ هادي غير ربعيام و روحي طلعت معاك باش تجاوبي فتلفون !!! وتقولي قادر راني حابة نروح شهر ؟
بشرى : مابقى والو ! غدا نكونو تما انشاء الله
قادر : وينها ماريا ؟
بشرى : شوية ارتاحت حمد الله ! هضرتي مع سيدح وروزا ؟
قادر : ومن امتى سيدح يجاوب فتلفون ؟ راه تما ؟
بشرى : وي !
قادر : دو توت فاصون هاد الكلام ماشي فتلفون ! مي لازم يعرفو راه بخثة العشية كلها مع لافامي د صاحبتو
بشرى : ( جمدت عن الحركة ) صاحبتو ؟ لاهو عندو صاحبة وحدة ؟ ( قلبها تيضرب ) شنو دار تاني؟
قادر : واش عرفني بشرى ..هااا بخثة جات..( مد لها التلفون )
بخثة : الو بشرى
بشرى : ( قلبها يسكت ) بخثة اش واقع ؟
بخثة : ( بصوت متعب ) واش انقول واش نخلي ؟ سوفريت ونا نهضر ! اليوم لامامان ميسا جات هيا وميسااا و تقول راها حاملة !!
بشرى : اااااه؟!!! آويلي ؟ ميسا حاملة ؟
بخثة : وي ومن سيدح !!و المشكل راها تقول بلي لميريكانية تواصلت مع ميسا و اكدت لها راها تاني حاملة من سيدح
بشرى : آويلي !!
تتضرب فخضها وزهور و كارين تجمعو عليها وهيا تتويل حتى دخل هو و روزا و ماريا تيشوفو فيها بتساؤل وهيا تتضرب فخاضها و تتحس بالعرق نازل معاها والسخفة شداتها ..
بشرى : اويلي مزال مادار حتى تمنطاااش لعااااام و داير الترييييييكة ....آميييمتي الحبيبة فين نرد الرااااس
سيدح : ( بقلق ) وااش ؟
بشرى : ( الهضرة هربات ) ابدااا واش كنت نتخيلهاا !! مزالل صغير اعباد الله مزال بلا عقل !
روزا : ( تلبدت تتدور فعينيها ) صمت
سيدح : ( نفس نظرات روزا ) واش طاري ؟
بشرى : باااغي تعرف ؟ بخثة راها تتقول ميساااا و البنت ميركاانية بجوجهم حاملين منك !!
سيدح : جاااامي ! جااامي حملتهم انااا ( بصدمة ) بيتاااان ...بجووووج ؟؟؟؟
_كان صراع طويل من الليل حتى لصباح !! الا ان قرع السائق جرس الباب ، بإتصالات قادر من الصباح و الطيارة الخاصة بانتظارهم فمطار فاس ، ولو زهور وجدت الفطور ماكاين لي قرب ليه من غير كارين لي ساطت فيه و جمعت الحلوة من عرس سند فطاسة تاخدها ، البالز كانو تينزلو و يتحطو فالسيارة و بشرى شداتها سخانة الوداع ، ماسخياش و ماسخاتش و عمرها تسخى ببلادها بالحرف الوحيد قالتها لزهور
زهور : ( تتسلم عليها و تواسيها ) ربي كبير ! مزال ترجعي و تعاودي
بشرى : ( بحزن ) انشاء الله ! دعي معايا اختي ( مدت وجها تتسلم على سند ) الحبيب الغالي تهلا فماماك ، وتهلا فراسك و كون مرضي ميمتك و الله يثبث عشك
سند : ( حتضنها ) الله يوصلك اخالتي على خير ! زهور فعيني ماتهزي الهم !!!
_سيدح فقمة اعصابو و روزا كدالك ، اما ماريا المرض واضح عليها و كارين فقط تتبتسم ، تساالمو بعضياتهم ، و سند مركز الشوفة فبنت خالتو لانه عارف بل متاكد مايعاودش يشوفها وكدلك هو تيسلم عليها
سند : ( بابتسامة ) الله يشافيك و ردي بالك على صحتك
ماريا : شكرا بزاف ! شكرا على كولشي
_كلهم ركبو و زهور تتشير باي باي ليهم ، عطاهم الشيفور كلاكصون الوداع و نطلقو ، طريق كلها و نظراتهم تتودع المدينة ، فاخر المطاف ودعو مدينة مكناس لمدينة فاس ....نصف ساعة وصلو لمطار سايس ، و ملامحهم بين الحزن و الغضب، مرو بروتين الاجرائات دخلو للطائرة جلسو اماكنهم بانتظار اقلاعها
روزا : سي بووون سيدح ! لي طرا طرا
سيدح : ( بحركة بكتافو و راسو غير مهتم ) ويي ! راني عارف لي طرا راه طرا !! مي ماعرفتش مزال ماحاس بوالو ! جوج دراري من هنا لشهور يكونو عندي ؟ ( تيحك حنكو ) فغيموون سي بيزاغ و الله
روزا : ( حركت راسها بعدم موافقة ) هضرت معاك ، ميسا ديجا تتقلب على لولاد , توجوغ تتهضر مع البنات عليهم !
سيدح : ( هز كتافو بعدم اكثراث ) هاهيا وصلت لي بغات ! ( غمض عيونو بتفكير ) متاكد كنت حاضي رااسي ، مي تقولبت تقولبت ، مع مجية ميلا و كنت تنفكر نتفارقو بعض المرات الوغ نسيت راسي
روزا : ( لوات لسانها ) واش تحمل مسؤوليتهم ؟
سيدح : جوسيبااا روزاا ! والله كو جوسي بااااا ..( هز اصابعو جوج ) دوزونفوو ؟ سي لاااميغد و الله و الله آخر مرة
_المضيفة تتخبرهم باقتراب اقلاع الطائرة ، و دقائق كانت فالجو ، اكثرية نعسو لان ليلهم كان طويل ، نفس المسافة دائما تتقطع ، ساعات كانو بمطار مارسيليا ، نزلو بتعب وشي ماتيكلم مع شي ، دوزو الإجرآت و تمو خارجين للبوابة ، روزا و سيدح المشية تتغير ليهم ، النظرة تترجع اكثر حدة ، اللهجة تترجع شديدة فهم فبلادهم الام "ماغساااي" ...
بشرى : ( هاتفها تيرن ) الو !
قادر : واش المدام ؟ خرجتو ؟
بشرى : ( هزت يديها تاتشير ليه ) هاااناااا
_سبقتهم بخطوات عندو هو فاتح لها ذراعو محتضنها تيسلم عليها و هيا كدلك ،و مباشرة سلم على الدراري و كارين وركبو فالسيارة متجهين لفيلا و قادر تيسال عن الاحوال و يعاود و نظراتو كلهم اشتياق للبشرى ، من بعد دقائق وصلو و بخثة كانت بانتظارهم تتسلم وتعاود و تجمعو فالصالون موجدة لهم الفطور من بدا وجديد ، بعد الحوار الروتيني و اعطاء الهدايا ، طرحو موضوع الساعة لكن صاحب الشأن كان عصبي واقف غادي جاي
بخثة : راااه حياتك هادي لي نحكو فيها ! واش بيك تصررراخ ؟ هو سؤال جاوب عليه ؟ واش راك مؤكد ان لي بيبي منك ؟
بشرى : جااوب اسيدح ! راه الا شاك مانتحملوش المسؤولية ؟
سيدح : ( ببرود ) وي ! ميسا كانت مافام و ميلا جوسوي سيغ تتعرفني غير انا هنا ففرنسا ..
بخثة : ( بنبرة مريرة ) آيااا مبروك عليك آن papa ! وصلتي لكلامنا دروك ؟ سيدح خاطيك قوة النسا ! سيدح عنداك طيح فشي حفرة ! اي فوالا ماتجي ضرب تمنطاش العام وجد لسبوع اولادك
سيدح : مالي انا انولدهم ؟ الام هيا لي تتولد ! ( تيهز صبعو بتحذير ) مانهز مسؤولية حد ، ماتكولوش ليا نخدم !!
كارين : اووه مون شيغي ! المسكين ديالي سيدح
بخثة : اااه كاغيين يرحم باااباااك ماشي وقتك !
بشرى : دبا هاد الحريرة منين نبداوها ؟ واش يعترف بيهم بجوج ؟ واش ناوي يتزوج بوحدة فيهم ؟
سيدح : مريييضة نتي ؟ اشمن زواااج ؟؟ الحمل تيتحملوه هما معايا ، ديجا انا مفارق مع ميسااا و ميلا مابقاتش صاحبتي
بخثة فتحت فمها بفقصة تتبحث عن الهواء تتشوف فروزا خاشية وجها فتلفون و ماريا هادئة تتسمع و تتشوف و قادر متبع الحوار
قادر : راكم تحركو الحجرة مع هدا ! ( اشار بيديه للامام ) لازمو يتعلم من المشكل لي وقع للقدام ، اما دروك !!!! سي طروطااار
بشرى : ( بحسرة ) عندك الحق ! يتحمل مسؤوليتو
روزا : مي طاطا آغيييط ! واش من مسؤولية يتحمل ؟ يعيش معاهم ولا يوكلهم ؟ راهم كبار و ديجا عايشين وحدهم ، آلوغ تيولدو و يمشي يشوف اولادو و اون بليس الدولة تصرف عليهم و على مواتهم
بخثة : يااا فرحي برووزاا ! و لي غونديفو ديال الطبيب ؟ و الوحم ؟؟و المرض لي تيمرضو ؟ و الوقت ديال لولادة ؟
روزا : (قلبت شفايفها ) ااه دااكوووغ
قادر : مابقاتش غ على الفلوس ولا المسؤولية ، تعرف لميريكانية لي اتولد معاها و انت رافض مسؤوليتك ؟ تعرف راها تسمي ولدك سمية النصارى و تكبرو على دينها ؟ علابالك ؟ ولا ماعلابالكش ؟؟
_كان جواب سيدح هو الصمت و ملامح عدم الاكثرات على وجهو ! الام تتحرق و بخثة تتفقص ، يمكن يكونو عاشو عقد وزيادة من الزمن فالغربة و ابتعدو عن الشعائر دينية لكن هم مسلمين بالفطرة
قادر : راني نحكي معاك
روزا : اي الوغ تيتو ؟ كاين عباد زوجو نصارى والدين و نوغمال
قادر :شكون هادو ؟ تحكي على الحراكة لي يعاشرو كاوريات ماعليهم حكام يولد معاها على ود البابيي و مايهمو لادين لا غياان ؟ ولا تحكي على اولاد فرنسا لي ديجا والديهم نص عرب نص فرنسيس ؟
سيدح : اووه صحابي والدين و مسمين سميات للعرب
قادر : راهم يكونو متفاهمين و معاشرين على كلش ! انت راك فكرة الولاد ماعلابالكش
بخثة : الخلاصة ! لازمك تحكي ميسا و ميلا و تفاهمو !
سيدح : ( تيدور فعينيه و تيتكلم بملل ) وووي وووي ! كولي نهضر مع مها ماشي ميسا
بشرى : نهار اول ماتمشيش فهاد طريق منين عارف مها متحكمة فيها
سيدح : ( تيهز يديه بغضب ) اااه سي بووون ! حياااتي هادي ، نعييييش كما بغيت ، اي توت فاصوون دولة تهزهم
قادر : نزل يديك ! راك تحكي مع يماك !! يقدر دابا عندك كي الربح كي الخسارة ! مي كون على بال ..يجي نهار و تندم ، وحاجة تاني ديرها بين عينيك ؟ ( تيشير لأرض ) هنا راك تعرف ، تاكل و تعيش برك ، روح شوف منين طلع مصروفك ، ايلا عقلك يقولك نطرافيكي ؟ راك معمر ضوسي عند دولة ، بلاغ واحد تروح للحبس ، راك حركتي معاهم الوراق
سيدح : وااش ؟ نروح نخدم ؟ نخدم انا تمنية سوايع عند باطخون مايسوا فرانك باش يعطيني عشرة اورو للساعة و دولة تقطع منها و نبقى انا نمشي من بيرو لبيرو نطلب لمساعدات ؟
بخثة : كون كملتي تعليييمك ! راك تخدم فالبيرو
سيدح : واااه ! هو رئيس فرنسا المغني يربح خير منو !
روزا : ( بهمس ) لي زاااغاااب !
بخثة : ابلعييي فمك ! و دووورك راه جاي
روزا : اااي وي ! انا خاصني نضرب الميناج ولا نخدم فلوزين ولا نخدم فلاكانتين باش مدام بخثة تقولي الله يرضي عليك ..آخاطيني
قادر : ( دوز صبعو على فمو ) اها واش تاني ؟
روزا : ( بعصبية ) واش تيوو !؟ افكاركم و كلامكم راه يطلع ليا طونسيون ! انا ولا سيدح و الغاشي كامل مايخدموش لفرنسا ، علاش نخدمو لها ؟ راها الفلوس لي ربحو فشهر ؟ دولة تعطينا نصها فالشهر و نصبح راكدة ، و ميم راه سامحين فيها ماتعطينا ما نعطيوها
سيدح : ( وقف ) انا خارج
بشرى : فين ؟
سيدح : صايي ! بدينا تاني ، فين غادي منين جاي؟
قادر : روووح ! روووح الحساب على تالي
_بالملابس لي حطاتهم طيارة بيهم خرجو ! طريق كلها هما يسبو و يعايرو حتى وصلو لحومتهم ، روزا جلست مع العصابة تتضحك و سيدح اتجه عند ميسا و جلسو يهضرو و يهضرو و يهضرو لسااعات حتى تم راجع لعند روزا
روزا : واش ؟
سيدح : ( شعل كارو ) سي بون ! تتولد عاد نشوفو آش نديرو ، نهار يكون رونديفو لوبيطال نمشي معاها
روزا : تحط لبيبي على سميتك ؟
سيدح : وي ! كالت ليها نختارو سمية بجوجنا
روزا : سي بياان الوغ ! اي ميلا ؟
سيدح : راسي ضرني ! غدا ونشوفها ، نمشيو نجيبو شراب ؟
روزا : الا تحركت يخرج فيا تيتو ! سير جيبو انا هنا
...طلب من دراري وراق مزورين باش يشري الشراب ، ماعندهمش حس المسؤولية ولا فكرة انه يتشد ، بمشيتو تيتهز تاجه للمارشي شرا الشراب و فطريق الرجعة بدا يفتح و يشرب تارجع عندهم ، نفس الجماعة و الجلسة من داخل تحت عمارة، ضاربين لي مارك و الملابس بمبالغ عالية , اغلبها مسروقة ، و اغلبهم قاصرين عايشين فدولة تتعطي الحق المادي و المعنوي للطفل و الشباب لكن ختارو يعيشو حياتهم بطريقة الطيش و الصخب ولو حياتهم بيها مشاكل و اغلبها انفصال والديهم لكن ليس بمبرر ، الساعة متاخرة من ليل بانت ليه فجهاز ديدجي شعلو وهز ميكرو وخرج طالع فوق السور
سيدح : ( شاد ميكروو سكران و تيصرخ بأعلى صووت ) بونسواااغ
ماغسااااي ..تتسمعوووني ..اااه اااه تيست تيست
روزا : ( مغمضة عينها تتدخن ) آنزل الدجاجة الفازكة
سيدح : ( تيسمع صدى صوت ) اااي فوالااا ! بغييييت نكوووول لي حاااملة مني ؟ ( تيشير لكرشو ) لي شااااكة راها حاملة مني تجي ديكلاري ( هز طاسة شراب تيشرب ) الوووو ..اليوووم آخر العرض للاعلان ..زززب___ي ندير ليه بروطيييكس نووو بيبي نووو جوج
روزا : ( زطمت على لكارو تتضحك ) هههههه
سيدح : ( مقلوب بسكرة تيشوف اماموو ببطئ توضحت صورة ) ااااه فوالااا ..ايخووو دوو تيتووو
روزا : ( قلبها مشا وجا وذنيها تيسوطو دورت وجها وهيا تشوفو بطولتو مراقبهم ) تيتوووو
تيتو : ( غمزها محرك لها راسو بمعنى اجي ) صمت ...
_اخبارهم انهم رجعو قبل الوقت وصلاتو من عند قادر ، نهار مر عندو طويل و هو من بلاصة لبلاصة حتى وقف عليها ، حرك لها الراس تجي ، لكن بقات واقفة تتفحصو بعيونها ، العيون الزرقاء لي معجب بيها ،كل ما امعن فيها النظر تيتوه فملامحها البريئة لكن بمجرد تتكلم تتلاشى البرائة
روزا : ( تتمشى ببطى) هاي تيتووو
تيتو : ( دور وجهو مبتسم ) هاي ؟
_فتح لها ذراعو تقفزت لحضنو هزها بقوة حاضنها بقوة مستنشق عطرها و مقبل بشرتها وهيا تتنفس فرقبتو بهواء ساخن و قرب وجها لعندو مقبل شفايفها و اصابعو تتخلل شعرها الذهبي ، كانت قبلة دافئة فليلة باردة
تيتو : ( نزلها امامو ) صافا ؟
روزا : ( عضت على شفايفها بإثارة تدوز باصبعها على صدرو ) نكون صافا الا خليتيني عريانة تحت منك!!!
تيتو : ( قلب شفايفو بإعجاب ونزل تيشم ثغرها ) شحال شاربة ؟
روزا : ( هزت اصبعيها كإشارة ) جووج
تيتو : ( حرك وجهو تيطل على سيدح لقاه عاطيه بضهر تيتبول ) اااايه ! سييييدح
سيدح : ( تيسد سروالو دار تيشوف فيه) وووي
تيتو : ( حضن روزا ) تبعني ! ( اشار للسيارة )
_روزا ركبت جنبو فالأمام و سيدح لور و عينيه مقلوبين بالسكرة ، كانت الشتا تتنزل بقوة مصحوبة برياح ، طريق كانت على برا برا حتى دخلو فلابيست امام الفيلا بالباب كبير ، عطى كلاكصون و تفتح الباب ، نزل الزجاج
تيتو : كولشي هاني ؟
***: مامادو خرج ! و دراري خدامين طرانكيل
تيتو : ( حرك ليه راسو ) حلو عينيكم و سلاحكم ..
_روزا تعودت على مثل هاد الحوار , اما سيدح غير تيشوف , تدخل السيارة للكراج و نزل مجموعين داخلين لدااخل لي كان دافئ و حيدو جواكطهم جالسين على راحتهم و تيتو دخل المطبخ قطر قهوة سريعة بثلاثة أكواب رجع جلس معاهم فصمت ، صمت غريب ، إمتى الاخ تيتو تيقدم لهم قهوة ؟امتى الوقت لي تيجي على ود روزا تعطي إعتبار لسيدح ؟ سيدح تيشرب ديك القهوة بحال حاكمين عليه و روزا تتدور فعينيها ..
تيتو : ( بصوت خشن باح تيحك لحيتو ) كولي آسيدح !
سيدح : ( نظف حلقو ) وي ! ( تيشوف فروزا لي هزت ليه كتافها بعدم معرفة ) شي حاجة ؟
تيتو : وصلني اخبار من لافامي انك يكونو عندك جوج اولاد ؟
سيدح : ( فتح عيونو فجأة ) إي الوغ ؟
روزا : تقدر تحدد ليا هاد لافامي بالضبظ ؟
شكووون ؟ فيهم !!
تيتو : ( بحدة ) طلعي لبيتك نتي
روزا : شنوو ؟؟ انا راه نمشي نقااود بحالي هيااا مليووون !
_كانت قاصدة البااب لكن تيتو سبقها جرها من كفاها من تريكو صارخ فوجها تاتراجعت
تيتو : طلللعييييي تقااااااودي لفوووووق !!!
روزا : ( قلبها تيضرب و تتجاوب بنفس النبرة) هااهيااااا طاااااالعة بيتاااااان
_تيتو : ( خدا نفس متبعها تاطلعت ) جلس انت
سيدح : ( بهدوء جلس ) صمت
تيتو : جبتك نكوليك جوج كلمات ! ( بنفس هادئ و جدية بعد صمت تكلم ) امور الدين !!!( هز يديه باكتفاء ) ماعنديش كلام فيها ، مي من ناحية المسؤولية نهضر معاك فيها !
سيدح : ( راسو سخن وذنيه تصمكو) وي
تيتو : هاد الهضرة لي نكول جو سوي سيغ سمعتيها مامرة ما الف ! مي اول مرة تسمعها مني ! نهار حطينا رجلنا ففرنسا كنتي فكرش الواليدة ، نهار تزاديتي !! تزاديتي فدار و فراش و عدنا ماناكلو و البسو ! مي ماكنش عندنا الاب لي يدخل و يخرج علينا ، ماكانش عندنا الاب لي يوصلك لمدرسة و يدافع عليك قدام صحابك ، ماكانش عندنا الاب لي يخدم عليك و يخلي مك تربيك فخاطرها بلا ماتهز مسؤولية الغاز يتخلص و الكرا يتخلص و فكل اول شهر تلبس سبرديلة و تبقى من بيرو لبيرو تتاخد المساعدة من الدولة !
سيدح : ( عقد حواجبو بانزعاج ) مون بيغ كان ميت !
تيتو : ( نعث ليه بصبعو بحدة ) اباك مات ولكن انت حي ! ابااك مات وخلا ليك احسن ام ! وانت اتولد مع بنات ماتتعرف عليهم والو!!!
سيدح : ماعرفتش شنو باغي توصل ليا ولا شمن مساج بالضبظ ! مي هادي حياتي وانت ماشي احسن مني ! انت براسك مخلي امك تتقاتل مع الزمان و اختك ماتتعقل حتى عليها
تيتو : كنت عارف دلمك حمار ! و تبقى حماار ! و تموووت حمممار ، امي الا سمحت فيها لا هيا لا اختي !!! ببساطة مايتشرفوش بواحد بحالي جنبهم ! والا سبقتك للشاريع !! باش نوقف ليك فوجهك مادخلش فين دخلت وتغرق بحالي لا انت ولا بنت بخثة!!!
سيدح : ( عوج فمو بانزعاج ) تيتوو !! انا جامي ندخل لادغوك ولا نفكر ! خاطيني لاميغد و القتيلة غير نعس على جنب لي يريحك ، مي كيستيون الاولاد لي يكونو عندي ؟ لي حتاجني فيهم ايلقاني
تيتو : ( طول فيه شوفة بتمعن ) دير الحل لحيااتك ! شوف فين تتحط رجليك , عرف معامن تتعاشر ، ولي طحتي معاها ، طيح خفيف و نوض خفيف !! لولاد ماشي ساهلين
سيدح : ( وقف هاز جاكيتو ) راني عارف ..
تيتو : ( بحدة ) حط جاكيطك ! طلع تنعس ماعندك فين تحرك دباا ...
_جوج تنهيدات تسمعو فآن واحد ! وحدة من تيتو هو طالع لفوق و الاخرى من سيدح و هو جالس مكانو مشابك اصابعو تيفكر ، مندهش اكثر ماهو رافض يسمع لتيتو يأنبو ، فصغرو كان يجري عليه من الاماكن الخطرة و صحابو تيحسهم مأمنين ليه الحماية ، لكن اول مرة يحس انه جلستهم فعلا عائلية ، شاف فيه الاخ الكبير لي تيجبرك تسمعو و تاخد كلامو على محمل الجد ، وقف تيفحص الفيلا , قرب من نافذة كبيرة لمح لولاد لي مراقبين المكان و رجع مكانو ارتمى فالفوطوي ...
سيدح : سي سيغ !! هدا بحال داكشي ديال الأفلام ، اما فيه الكونصير و قريب يموت ولا كان فاقد الذاكرة و تفكرني انا لول ..بيتااان ، سوقو هو نولد حتى عشرة ؟ الدوووولة تكلف بيهم!!!
_فتح الباب بهمس داخل ، كانت فقط بملابسها داخلية ناعسة ، مولفة تنعس باقل ملابس ، قرب ليها ببطى متحسس نفسها ، كان منتظم و عيونهت شبه مفتوحة ، هدا نعاسها ، من طفولتها عيونها دائما فنومهم شبه مفتوحين ، قرب وجهو ساط عليها بنفسو على شعرهاا تاتوضحت جبهتها و قبلها و جر عليها الغطا و اتجه لجلسة امام سرير مدد رجليه على طاولة زجاجية مربع يديه تيتأمل كل شيء من حولو ، تيتأمل نفسو ! ملابسو و هاتفو و الشعلة مفضلة عندو ..
تيتو : مابقى قد مافات ...
. رن هاتفو جبدو من جيب متمعن فرقمها ! كانت هيا ، لا قبل ولا بعد ، خرج من للبيت نازل تحت تيتكلم معاها
لورا : اتجي ؟
تيتو : دراري معاك ؟
لورا : وي كما العادة ! شي اخبار على زعيم الكورس ؟ (كورس جزيرة فرنسية )
تيتو : نسولك عليك انتي لي عندك معاه ولد !
لورا : ( بتوسل ) تيتووو
تيتو : خاصني ديما نفكرك باش ترجعي بلاصتك من اول ! لي بينا عمرو يفوت بيت النعاس ! تفكريها
لورا : ترتاح معايا و تتنسى كولشي اتيتو
تيتو : ( هز كاسو طالع ) جربي تجيبي ليا وحدة بلاصتك تنعس معايا كما تتنعسي نتي و شوفي واش مانساكش نتي برااسك
_ قطع الخط راجع البيت تيشرب فكاسوو، حط الهاتف و حيد تيشورت جلس عاري كما العادة و غادي جاي ؛ تيحس راسو تيزدح من تكفير ، لمحها تتحرك و و تتكمش عيونها قرب ليها
اتيتو : روزااا !!
روزا : ( صحت تتفوه ) وي ! ( تتحك عينيها ) شحال فساعة ؟
تيتو : الوحدة ! ( دخل الفراش جنبها ) نعسي
_روزا بعيون متفحصاه ! بعيد النظر عليها ، محتضنها برود ، نزلت عيونها جسدو كان هادئ و رجليه بعاد عن رجليها , رجعت نظر للجسدها كانت عارية ,قلبها ارتفعت ضرباتو و نفسها ضياق ، تهربت من حضنو محاولة تجلس و بهدوء تركها مغمض عينيه ..ثوااني .. دقيقة ... راقباتو بعيونها ، شي حاجة متغيرة ؟ شي حاجة مبدلة !! حطت اصابعها على فممها تتسائل سرعان ما ترجمت سؤال بصوت
روزا : تيتو كنت مع شي وحدة قبل ماتجي عندي ؟
تيتو : ( بنفس البرود و الهدوء ) نعسي آروزا
روزا : ( قربت لوجهو بانفاسها تتكلم ) نعس ؟ (دورت وجها تتسائل هو فتح عيونو فيها للحظة لي رجعت تشوف فيه هو غمض عيونو ) وحدة مع صاحبها ماشافهاش بليس دي جوغ ! و قالت ليه باغة نكووون عريانة تحتك ! ( اشارت لنفسها بغضب ) و عريااااانة حداااه !! وانت مبرررد ؟ شنو تتعني ؟
تيتو : كملي !
روزا : ( تراجعت عن كلامها ) انا واضحة معاك اتيتو
تيتو : ( فتح عيونو رمقها بنظرة عاصفة ) واضحة ؟ من انا جانب تتقصدي ؟
روزا : ( ضربات الغطا وقف على ركابيها ) فين باغي تجرنا بضبظ هاد ليلة ؟ عائلتنا عرفونا مع بعضياتنا ، و ماغساي كلها تتعرف روزا لتيتو ! هدا ماشي وضوووووح ؟؟
تيتو : ( بنظرة استهزاء ) ااه وي نسييت !! ( فغفلة جرها عندو من شعرها ) مال دلمك على هاد ترهبييين ؟ ماااباااغاش تشدي طريييق وحدة ؟
روزا : ( تتجابد معاه ) لااااش مواااااا ! مادرت والوووو تيتوو
تيتو : عارفة آش درتي اخر مرة ؟ ( مراقب حركة عيونها ) حركتي الدار ؟ ماخفتيش يقرقب عليا ليفليييك تما ؟ كنت حاط الملايين صحاح كن تحرقو ولا ليفيليك شددوهم ؟
روزا : انت خلييتيييني و مشيتي عند شي وحدة ! انت لي قلبتي عليااااا ! تنعرفك تيتووو ، ومااتتتقربش لياااا باغسكو مابقيتش مقنعاك
تيتو : ( طلق من شعرها نفس للحظة جمع معاها بتصرفيقة ) ليييي جاااامعني معااااك ماشي النعاااس !! ونمشي عند وحدة ولا جووووج ، سي باااا طيزاافيخ ، لحقاش مافيكش للامان و الوووضوح لي فارعة لياااا كري بيه
روزا : ( صرخت فوجهو بغضب وصوت عالي ) جي مييم باااا ديزويطووون !! كفااش باغيني نفكر للزواج معاك ؟ شنووو عندك باش نختصر فيك حيااااتي ؟ شنووو عطتيني باش مانزززيدش بحيااتي مع غييييرك ؟ ولا تكون باغي نولد لييييك آن بيبي باش نربطو حياتنا آفي ؟
تيتو : ( بعنف قلبها تحتوو حاكم قبضتو على رقبتها ) عنددد دلمممك القلب الاولاااد ؟ عندك الحناان ليهم ؟ عندك الاماااان للزواج ؟ علاااش تتنطقي بحوااايج بعاااد عليييييك
روزا : ( تتجيف و تتبعد يديه ) مااااشي انا لي قلت !! انتتتاااااا انتاااااا
تيتو : ( زاد اليد تانية خانقها بقوة ) محيييت انااااا واااحد ولد القح_باااااا طااااح فييييك ! غرق فييييييك ماالقى ليك الحل ! السم تيجري فعرووووقي ! الفلووووس دااات ليك قلببببك اروزااااا
_فاخر للحظة طلقها تترد روحها ، دموعها نازلين ، قلبها تيرجف ، تتمسح على وجها تتشوف فيه تيشرب من كاسو ، مافهمتش منين بداو الشجار , علامن دابزو ، رجفة من البرد كتاستها ، بحث عن ملابسها هزت كابيشو لبساتو و تتبحث على الكارو لقاتو مابقاش ، طلعت لسرير تكمشت عن وضعية الجنين ، للحظات حست بيها ناعس جنبها، احساسيس مضاربة ، بين جانب تيقولها نوضي خرجي و هربي ! هربي ! لان تيتو اخرتك على يديها و جانب تيقول لها ، بقاي ! بقاي ! تيتو هو الامان و الوضوح ..
روزا : ( بصوت منهار ) تيتو
تيتو : ( مد يديه لخصرها جرها للحضنوو ) كوليها !
روزا : ماكرهتش نغمض عيني , نفيق لقى دازت شي عشر سنين ، ماتيهمش واش نكون فيها فرحانة ولا عايشة لاميغد ، ماتيهمش واش نكون فيها معاك ولا مع غيرك ، لي تيهمني يدوزو هاد ليام ...
تيتو : ( مغمض عينو تيقبل كتفها ) بحال عشر سنين ! بحال غدا ! الا مكتب عليك تعيشي حياتك كلها عذاب راه تعيشيها
روزا : ( تقلبت عندو مغمضة عيونها ) ماتتنعسش معايا ! خايف نحمل ؟ راني تنشرب لابيلول
تيتو : مزيان نديرو على الاحتياط على جوج ! من جهتي و من جهتك
روزا : ( فتحت عيونها فيه كان هو كدلك مراقب وجها ) ههه !! ماباغيش الولاد مني ؟ تتاخد الدوا
تيتو : وي تناخدو ! و نتي باغياهم مني ؟
رزوا : علاش انا عندي القلب لي يولدهم ؟
تيتو : انا عندي ! عليها نختار الوقت لي نجيبهم و نكرفسهم ماناخد ذنوبهم ..
روزا : ( بنظرة فارغة ) كما دار معايا papa ! يمكن تولدت مع الشخص الغلط فالوقت الغلط ..
تيتو : ( سكتها بوسة محتضنها ) تنتحاسبو على حاضرنا ماشي ماضينااا ..
روزا : ( تتغمض عيونها وتفتحهم ) ماضي ديالي هو انت ! تيووو ! بخثة ! سيدح ..ماريا ، طاطا ، كاغيين ..
تيتو : سي لافامي روزا !!
روزا : ( حتضنتو بقوة ) ماتمشيش خليك معاايا حتى نفيق ..
تيتو : ( بقلبة طويلة على راسها ) سي بون !!
_مرو دقائق ! و مروو ساعات ، نوم مازارش عيونو ، كانت فحضنو نائمة بكل هدوؤ ، قادها فمكانها ، و نزل عمر كاس من نبيذ و رجع لمكانو ، تيحتسي شرابو و عيونو تتيمشيو ليهاا ..
تيتو : كفاش تتكوني انتي الداء ودواء ، مذاقك شفافيك هما بين شفايفي حلوين ونفس الوقت مريين ، وي سي روزااا ! روزا لي شوكة قسمت ليا ضهري ..( تحنى مقلبهاا متلذذ بملمس شفايفها و مد اصابعو قالب شفاه تحتية تيقبل اسم وشمو ) تيووزاااا ..
****
"بعد سبع شهور"
سيدح : ( تيحاول يفتح عيونوو فتلفون تنغز روزا ) روزااا ! ليييف طوا (نوضي )
روزا : ( بتآوب ) اغييييط ! بيتان يلاه نعست
سيدح : ( فتح الخط حط تلفون على وذنها ) باااغل ( هضري )
روزا : ( تاتسمع صوتو ) اااءء ( ناضت جالسة تتشوف فسيدح هو حاط يدو على خصرو ) سي بوغ لاشونصوون سي تووو ( من اجل اغنية فقط )
يتبع...
التعليقات
لا توجد تعليقات بعد، كن أول من يعلق.