قصة أسمرينو الجزء الأول

قصة غريبة من عنوانها جامعة من كل فن طرب على ربعا ديال صحاب من مراهقتهم حتى منين كبرو و كل واحد فين داتو دنيا باش يتلاقاو مرة اخرى فقضية غريبة كلهم متشابكين بيها .

أسمريينووووو ✨

بقلم : حنان فارس، سامية البوعناني، سكينة السليماني

صووووت الموسيقى مسمووع بجهد أجساد تتمايل على نغمهاا....وأضواء ملونة تضرب فاجسادهم...

جووو عادي كيف أجواء كاع النوادي الليلة...

كانت واقفا....لكاسك فراسها ولمطريال دلموسيقى قدامها ..

حانياا راسها ..تتشوف فساعة يدها...

بعدات مخليا الموسيقى خدامة..لبسات جاكيط جلد كحل على تيشورطها البيض الواسع. لي لابساه مع سروال جينز كحل واسع وصبرديل بيضة . وحطات لكاسكيط على راسها.تمات راجعااا لورر.. نازلااا من لخشبة ..

هزات راسها منين وقف عليها لمسير دلملهى: واش صافي مشيتي

حركات راسها باه: وقتي هنا سالا

حرك راسووو باه بلا ميزيد فلهضرا جبد لفلوس من جيبو مادهم لها: كيف ديما خلاصك كاش .

شداتهم من عندو وحركات راسها بشكرا

شاف فيها وهو كيتهز على أنغام الموسيقى: دوزيي وقيتة هنا تزهاي شوية شربي لك شي حاجة تعرفي على ناس عيشي راكي باقا جون

ابتسمات ليه جنب: غنزها فداري...

تمااات خارجا.. غادية فطريق كتشوف 12 دليل هادي واكتر حاجة كتستمتع بها هي هدوء ليل بعيد على لموسيقى صاخبة وكثرت ناس..رجعات شعرها الأسود لور..وجمعات يدها مور ضهرها.مستمتعا بلحظتها.

تكسرات لحظة استمتاعها منين وقفات عليها سيارة سوداء من نوع رونج روفر.

شافت فيها بتفحص شخص لي سايق كيشوف فيها وتلاتة خرين ناعسين.

تم نازل عندها ببتسامة مطلوقة: مال زين غادي بوحدو

طلعاتو وهبطاتو وتمات محركا بغا تكمل طريقها

شدها من يدها: مال زين زربان لاش دافعا عليا كبير خلاصك غيكون كبير غا رتاحي

شافت فيه ولبسمة على شفايفها: شحال جهدك تعطي؟

حرك راسو: وها حنا هضرنا تتشوفو لفلوس تتسيفو اش بان لك فخمسين الف لليلة؟

دورات عينيها: خمسين الف

شد فيدها كتر وهو كيقلب على صباعها باش يشبكهم مع يدها: زيديها ستين راه مغتلقايش لي يعطيك كثر غير انا ولد ناس

ابتسمات ليه وشبكات يدها مع يديه: ستيييين

جمعات ابتسامتها: قاد بيها جبيرة ليدك

رجعات يديه بقوة لور تا طاح على ركابيييه غوت بجهد لربي لي خلقو: طلقييي ابنت..لكل..بة

ضحكات بجهد: اشداك تقرب لكلبة ونتا عارفها تتعض

بدا كيحاول يضربها وهي حاكماه كل مكيبغي ينوض تتنزل عليه برجلها تتجيبو طايح تا جهدو سالا بقا غا كيغوت

نزل صاحبو من لوطو شاد قرعا دشراب فيدو كيتمايل: اش واقع؟

زاد عندها: طلقييي منووو

خنزرات فيه خطفات لقرعة من يدو ونزلات عليه بها لراسو: قو.د تنعس

شاف فصاحبوو طايح وزاج مشخشخ وشاف فيهاا بترجي: صافي اختيي الله يستر لك لميمة مغاا طلقيييي

سمع صوت سطافيط وبدا يغوت بجهدد باش يجيو يعتقوه..

ثواني تا وقفو حداهم نزلوو جوج من لبوليس كيشوفو فيهم

نطق بلغوات: عتقنيي اخويااا

طلقات منو..كتقاد شعرهاا: بفف غواتك ضرني فوذني

بقا شاد على يدو بلغوات: هرساتهاا لي وااااهرساتهااا

كتشوف فلبوليس وهما كيشوفو فيهاا...

زادوو هازينهم من لارض :لاش هازني انا شدهااا هي

طلعوهم فسطافييط...وزادو صاحبهم معاهم

وزادت هي طالعاا حدا لبوليسي لقدام

شافت فيه هازا كتافها : مالك غا كتشوف عرفت فرحتي حيت شفتيني ولكن مكاين لاش تبان لهاد درجة على وجهك

تنهد: كن غا كنتي تتخلينا نتوحشوك الحرة كن فرحنا منين شفناك..

تكات على زاجة: منين توصل فيقنييي

دقايق تا وقفات سطافيط حدا لكوميسارية نزلات منها هي لولى ..خشات يدها فجيب داخلا..فحين دراري لخرين نزلوهم لبولييس...

تمووو مدخلينهم .

شار لهم : كلسو شوية ودخلو عند لكوميسير..

شافت فيه الحرة: انا واحد فيهم كاين ليوم؟ واش لحاج؟

حرك راسو باه

صغرات عينيها : ولغليظ مكاينش؟

هز كتافو:يمكن كاين

حطات يدها على راسها:كملات

دقايق تا دخلوهم عند لكوميسير .. كان راجل فلخمسينات من عمرو..لابس كوستار كحل...ملامحو قمحية عيونو عسلية وشعر راسو ولحيتو مكتاسيهم البياض

دراري كالسين وهي واقفا وسطهم..

شاد على راسوو كيهضر: ضرباتنييي بقرعة لراااس كانت بغات تصفيها ليي

شاد على يدو: هرسااات ليييي يدي يديي مقادرش نحركهاااااا

قربها لعندو: شوووف اشاف

تنهد: ها نتا دابا حركتيها

شاف فلاخر: باشمن قرعة ضرباتك؟

بتمتمة: كفااش اشاف؟

الكومسير: دسيدي علي دسيدي حرازم؟

الحرة: دلما حيا

خنز فيها: سكتي نتيي

شارت لفمها: سديتو

حنا راسو: دشراب اسيدي ولكن ماشي هذاك مشكلتنا حنا هنا بسبابها

الكومسير: لمشكلة انا لي نختارها ماشي نتوما .

شاف فصاحبهم تالت منين جابوه وهو ناعس: شحال من كاس شرب تا مقادر يحل عينو؟

كيحك راسو: تا كاس اشاف

الكومسير: هي خدا شي حاجة كفس من شراب

شافو فبعض ونطق واحد فيهم: لا غا شراب اشاف

الكومسير:نرجعو لموضوعنا الحرة لاش ضربتيهم

الحرة: هماااا ..

قبل متكمل هضرتها دفع لباب بجهد داخل....

الكومسير: اهاه نتا لي كنتي ناقص اعصام دخل دخل

زاد داخل كان فاواخر العشرينيات من عمرو بجسمم ضخم وبنيتو قوية عيونو كحلة وبشرتو سمرا وشعرو فنفس لون عينو ..لابس تيشورط كحل واسع على جسمو لعريض وسروال فنفس لون.

هزات راسها فيه : ساطت بجهد

نطق بلغوات: أش تديرييي هنااااا دويييي؟؟؟

شاف فلكوميسير: سيفطهاا لحبسس عيييت ربييي فيها مبغات ترباا سيفطهااا اشاف فين تربى

زاد عندها شانق عليهاا: مبغييتيش ديرييي عقلككك أا؟

ضربها بصبعوو لراس: نتيي بنت بنت خصك تحنييي راسك ومدخليش فلمشاكل قابلي لمكياج لباااس وبعدي من لمشاكل شحال من مرة قلت لك هادشي أاا؟؟

كتشوف فيه بصمت مطلعا شفايفها جنب:

ضرب فلمكتب دلكومسير: حبسهاااااا اشاااف صيفطهاااا فين ترباااااا

شاف فدراري: جرجروهااا فلمحاااكم جرجروهاااا

حرك راسوو باه: غنجرجرها اشااف انا غير عجباتنيي وقلت ندير خير نوصلها وهي خرجات عليا بربي تا نجرجرها اشاااف

تسيف عليهم فتانية خنزر فيه: تجرجرهاا باااش نجرجررر مككك أاا؟ توصلهااا طويكسيي نتااااااا؟

شدووو شانق عليه نزل عليه براس لنيف: مكتوبة لهاا ..قح...فجبها باش توصلها ال..

جراتوو لحرة: عصااام تكالماااا موقع والوو

عصام: بغا يوصلك ..ونتي عارفاه لاش باغي يوصلك وضارباه ضربة كيوت هرسيي موووو ضربييي مووو سلخيي موو .دب..حي موووو

الحرة: نيكست تايم..

ضرب لكومسير فلمكتب: خرررج عليااا برااااااا

قاد وقفتو : شاف أنا غير كنصحها

الكومسير: برااااااا

الحرة:خرج اعصام خليني نحل لمووضوع بوحدي

الكومسير: خرجيي معاااه الالة ديييهاا معاك ينعل بو نهار لي تسلطتو عليا فيه

الحرة: الحاج

الكومسير: برااااااا

دارت ليه باي باي وجرات عصام خارجين حلات لباب طلات عليه: متنساش دواء دسكررر

شير عليها بباكية دكلينيكس سدات لباب بزربا ضاحكا

شافت فيه كتعيبو: جرجر ها فلحباسات وجه لحبس كتشوفو كتسيف

عصام: وقدامووو خصني نبان بعقليي

الحرة: اوه عقلك اوفر دراما

تمات خارجااا وهو تابعها: نمشيو نشربو شي دكة

الحرة: لشربتها مغنعسش وانا خدامة فصباااح.

تمووو خارجين توجه لسكوتر ديالو لاح لها لكاسك: مشينا

الحرة: ساليتي سربيسك؟

حرك راسو باه: خلينا نمشيو ناكلو تقبني جوع

ركبااات مووراااه ..مسافة طريق تاا كانوو قدام لبحرر...كلس لارض..حاط لميكات..

عصام: لقيت غاا واحد مول خانز وبنين لي حال...وخديت لك رايبي ومريندينا من واحد لحانوت.

هزات رايبي مبتاسمة: من صغرنا ونتا تتشري لي رايبي

عصام: وتبدلتي كلك ولكن هو باقي كيعجبك

الحرة: كنت تنحماق عليه انا وصافية

ابتسم بتنهيدة طويلة : ياااام ودازووو

يلاه جا ياكل دغمة سمع صونيت تيلي جاوب بزربا: وي شاف

الكومسير: أجييييي دااابااااااا

عصام: اش واقع؟

الكومسير:تجي وتعرف

تم نايض: غنمشي

الحرة:اش واقع ياكما على هادوك؟

عصام: منضنش هادوك غا سكايريا لاش ايعيط لي ( لاح لها ساروت) سيري بسكوتر غنشد طاكسي..

حركات راسها بوخا ..تم غادي فحين هي كلسات تتاكل بيتزااا..شافت فرايبيي ابتسمات : كن غا يرجعو دوك ليام كانت دنيا كلها ملونا فعيني

كن غييير...

كانت واقفا فدخلة دولاية الأمن كتشوف فيها

تنهدات ونطقات بصوتها الانثوي رقيق: يلاه أمريم نتي قدهاا يلاااه

قدات لاڤيست ديالها زرقا لي لبساها مع سروال من نفس لون..ورجعات شعرها القهوي لي من تحتو كراميل لور وزادت داخلا وهي معليا راسهاا غير صوت كعبها لي كيتسمع فلارجاء.

دقايق تا كانت فمكتب لكومسير لي عطاها لاذن تكلس بعد التحية

الكومسير: مدموزيل الفيهري مرحبا بيك معانا

مريم: الله يبارك فيك شاف نتمنا نديرو خدمة زوينة مع بعضنا

عينو على ملفها: غنديرووو خدمة مزيانة كوني هانيا

هز راسو منين سمع دقان: مغيكون غير مهاجر ( نطق بصوت عالي) تفضل دخل

د خل ديريكت وعلامات لاستفهام باينا على وجهو : اش واقع اشاف؟

الكومسير: علميه شوية دصواب وهو داخل لسلام لا كلام

شاف فمريم لي عاطياه بضهر حك راسو: صواب؟ ونتا عاد جريتي عليا من لبيرو!

الكومسير: ايه ايه فهمت انا ممصوابش ماعلينا دراري لي جاو ليوم مع لحرة

عصام: وراه تبسلو عليها غا مسحها فوجهي

الكومسير:عيينا نمسحوز فوجهك تا مبقات بلاصة

عصام: وجهي كبير غتلقا غتلقا بلاصة

الكومسير تنهد بجهد: دراري لقينا فطومبيلتهم لبووفااا وبكمية كبيرة

عصام: كفااااش ؟ واااش كيبيعوها؟؟؟

الكومسير: شراوها باش يبيعوهاا

عصام: من عند من؟

الكومسير: دابا صححو من شراب ومبغاوش يدويو ...لي عارفين انهم باعو منها حيت الميكات محلولين ..وواحد منهم كان واخد منها

عصام: اش.غندير امرني؟

الكومسير: يعطينا بعدا العناوين فين باعوها من تما غنبداو غيكونو غير مستهدفين لاحياء شعبية...

من بعد غنشوفو لكانت شي بيعة وشرية خفيفة غنحلوها حنا لكانت شي حاجة كبر منا انخليو ناس دمكافحة المخد.رات

عصام: وامتا غنبدا؟

الكومسير:من ليوم ولكن مغتكونش بوحدك غتكون معاك مريم..

عصام: شكون مريم.

شار لكومسير لمريم لي كانت كالسا غير تتسمع بلا مدخل فلحوار لي داير بينهم:مريم ضابط شرطة

تمات نايضا مادة يدها: سلام أنا مريم ضابطة يلاه ترقيت مؤخرا ولكن تيق فيا غندير جهدي فالقضية

الكومسير: مريم هذا عصام مهاجر ضابط ممتاز. (ضحك بثقالة)مبقا ليه والو ويشد لي بلاصتي

هز عينو كيشوف فيها شعرها لقهوي لونها لخمري عينيها زورق شفايفها المنفوخين وحناكها العامرين

ميل وجهوو ونطق بخفوت:صافية؟

فڨيلا على شط البحر ضاير عليها سور عالي و اشجار الصنوبر…حارسينها الفيدورات لي كانت اعدادهم كثيرة ….كانت داخلة لديك الفيلا و من وراها الخدامات هازين ليساشي ديال الشوبينغ ديالها …كطقطق بطالونها و كتلعب بخصلات شعرها البرتقالي حيدات نظاظرها و توسعات ابتسامتها منين شافتو كيتسناها لفوق…اشار ليها بيديه و طلعات عندو.

كان واقف فلباركون كيقاد صدايف قميجتو لكحلة لي لاصقا على عضلات جسموو.ومبينا جسموو لعريض خشا يدو فجيب سروالو لكحل..ابتسم جنب منين حس بيها عنقاتو كضحك

دار كيشوف فيها : عمري تعطلتي هادشي كاملو شوبينغ

الصافية : راه عارفني اهاشم حتى حاجا مكتعجبني يالاه لقيت شيحاجا قليلة ترضيني

هاشم: (شاف ف ليساشي لي مطلعين الخدم وحدة مور وحدة و طلع حجبانو) قليييلة نيت ههه اجي معايا لبيت

…جرها من يدها غادي بيها و هي لاسقة فيه حتى دخلات و جلسها فوق النموسية و مشا لمجر جبد واحد لبواطة …تقدم عندها و حلها ليها و هي تنباهر بالعقد الالماسي…

الصافية : واااااو شحاااال زويييين

هاشم : هادا ليييك غير شفتو قلت هادا يجي فعنقك (طبع قبلة فعنقها )

الصافية :(عينيها كيبريو) كيحمق شكرا احبيبي على الكادو

هاشم : ماشي شيحاجا واخا ماعرفتش فينهم ليبراسلي و ليكورميط لي كنجيبلك و علاش مكديريهمش

الصافية :(كتحك جبهتها بتوتر) غير مخبياهم و صاف ههه و لكن هادا غادي نلبسو شكرااا بزاااف فرحتيني

هاشم : هادي اقل حاجة نديرها على قبلك (باس يدها ) الصافية نتي عارفة مزيان تيقتي فناس مكانتش و نتي بيدك حييتي هاد الثقة و خليتيني نتيق فيك

الصافية :(بلعات ريقها) ااه عارفة

هاشم : داكشي علاش لي درتو مانوفيكش حقك و كنبغيك بزاااف

الصافية : (سهات ف عينيه ) حتى انا كنبغيك

هاشم : يالاه نخليك دابا عندي خدمة كثيرة

الصافية : فهاد ليل

هز كتافو:معندي مندير

صافية ببتسامة:صافي احبيبي خود راحتك

…خرج من لبيت غادي بحالو لخدمتو تسناتو حتى مشا و مشات لبلاكار كبير و حلات واحد الخزنة جبدات وراق و دوزات ابيل

الصافية : كييما تافقنا بغيت لفلوس يتحولو من لكونط ديال هاشم لكونطي و حتى لوراق ديال الفيلا نشوفو ليهم شي حل انا بغيت كولشي تفاهمنااااا كولشيي يوليي ديالي ….

"صباح جديد "

فقلب دار صغيرة فحي شعبيي .

كانت واقفاا فلكوزينة بكيطمة سبورتيف فلكري...جامعا شعرها سفنجة...

وجدات بلاطووو دلفطووور وتمات غادية بييه لبيت نعاس دمهاا...

حلات سرجمم...وشعلات لها تلفازة...زادت عندها...

الحرة: ماما ها فطورك واجدد.

نوضيي تاكليي. انا غنمشي لخدمة

ناعسا مزيرا على عينيهاا ..عرفاتها ماشي تالهيه

زادت عندها محيدا عليها لغطا.. لقات سرير تحتها سارد..ابتسمات

لها.: لكوش نوعو خايب خصني نبدلو لك..

حلات عينيها تتشوف فبنتها صدرات انين خفيف

الحرة: غندخل ندوش لك ونبدل ليك نبدلو لغطا عاد تفطري وتشربي دواك اش بان لك ممم.

زادت جايبا كرسي متحرك..وبصعوبة حطات فييه مهااا...دخلاتها دوشات لها..وخرجاتها مور مبدلات لها...خلاتها تتعاين فلكرسي وزادت تتبدل لغطا دسرير... من زهرها غا لغطا لي تقاس...

هزاتها حاطاها فسرير ..وكلسات تفطرها وتمد لها دواها ولبسمة

على شفايفها: راه مي فاطمة غدوز عندك متخافيش مغتكلسيش بوحدك...وتا عصام لداز لحومة غيطل عليكم

شافت لساعة لقاتها قربات ل11 تمات نايضا: يلاه اماما غنخليك دعي معايا .

باست لها راسها وخرجات...وقفات فلباب كتشوف فحوايجها كلهم فزكو بلما ددوش ..تنهدات وزادت لاصال فين خدامة ...فمن غير انها ديديجي فليل كتبقا كوتش دتيكواندو فصببح...

دقايق تا وصلات لاصال لي كان غا فلحومة...لقاتهم باديين تمارين بلا بيها اغلبهم بنات وولاد لحومة..من لمراهقين..

الحرة: واش عمورة مجاش ليوووم عاود؟

دنيا: لا اكوتش عمورة مكيجيش وشحال مبان لنا فلحومة تا وحد لاستاذ من ديك لمدرسة دناس لي لباس عليهم جا كيقلب علييه يمكن مبقاش كيمشيي لتم

حركات راسها بوخا: صافي خليونااا نبداو.. دنيا وبدرر بداو كومبا.

خلاتهم يبداو وتمات خارجة طل على عمورة

"فجهة خرا"

كان راكب حداهااا عينووو على طريق وهي تتهضر

مريم: غنبداو بالاحياء لي قلت لك كلهم أحياء عشوائية وأكثر واحد شاكا فيه هو هاد لحومة لي داخلين ليهاا.. انا متأكدا غنشوفو لعجب هنا

حرك راسو بوخا هز عينو فيها ودغيا حيدها تفكر لبارح منين شبهها بصافية تنهد بجهد

مريم: لحميي تقشعر غير من دخلة ..

تم داخل لقلب لحومة .

خرجات راسها تطل كتشوف .لبلاصة شعبية ديور مقابلين بعض..وشي غادي شي جاي...أغلب لبيبان تم محلولين..كاع لي عايشين تم شي كيعرف شيي...شيي كيغوت منوضيها مدابزة وشي كيغوت باش يقادو لبارابور وشي كيغوت باش مرتو تحط ليه ياكل..

استغربات منين شافت ناس كيعطيوهم تحية: مجيناش بطومبيل دلخدمة باش عرفونا بوليس؟

عصام: باينا فوجهك

قاست وجها: زعما!

شارت ليه يوقف منين شافت مجموعة ددراري واقفين قدام وحد لحانوت مجموعين...كيكميو

تمات نازلا متوجها عندهم..جبدات شارة ديالها: متحركووش وريونيي أش تتكميو؟

لي عندو شي جوان قجو خبعو وواحد منهم مد لها كارو: غا كويرو أختي

شداتوو فيدهاا: دور

وسع عينو: كفاش دور اشافة مالنا على تخصار لهضرا عاود

مريم: دور نقلبك باركا من لهضرا لخاويا..

دار مكوز لها: واش اختي نحيد شورط..

قبل متنطق ضربو عصام لتم :لاش مكوز ليها

حط يدو كيحكها: وهي لي كالت لي دور

عصام: ولي كالك دور دور ليه؟

ضحك بجهد: تا حاجة متغلا على توت اساط

مدات ليه لكارو: لقيتهم كيكميو ماشي بعيد يكونو كيتعاطاو البوفا

شافو فبعض

_: بوفا اش هاد لحزاق عاود؟

عصام: شي حاجة بعيدة عليكم

_بحماس: واش تتبيعوها؟ شحال دايرا؟

مريم: كفاااش؟واش باينا فوجهنا بزنازا ولا؟

شافت فعصام: خصنا نديوهم معانا

عصام: مكاين لاش.

مريم: وعلاش أاا؟

عصام: هادو حدهم كاروو..والا كاع بغاو يتشمكروو كيخلطو رايبي مع كاوبيل وتقشيرة خانزة وخالقين لحياة

نقزوو عليه شانقينوو: ياااك اسااااط.

يلاه بغا تجبد سلاحها شافتهم كيضحكووو

ضرب على كتف عصام: بربييي تا راك كاين.. عشيري رجولة ..

شاف فمريم: مشينا

تم غادي وهي تابعاه شاف فيهم:راه غنحتاجكم فشي بلان خليو تلفونكم شاعل

_كن هاني.

مريم: عشيري؟؟ كفاااش عشيري لاش مخليتينيش ندير خدمتي هاد ناس لي كيكونو فهاد لحومات راهم خطر وهادي هي لفرصة باش نقيو دنيااا..

عصام: نقيهاا

مريم: علااه نتا خليتيني شاف عطيني لاذن نقي لحومة هاذ ناس راه خطررر على لبلاد كااع لكمامر لي هنا اتلاقهم كيديرو لمصايب ددنيا ودين

دار كيشوف فيه مد يدو : نقيييهاااا

شافت فيه وشافت فيدو باستغراب

عصام: بغيتي تنقيي لحومة؟؟ يلاااه بداي بيا أنا ولد هاد لحومة وعايش فيهاا . أنا خطر على لبلاد يلاااه امدموزييل نقي دنيا

بنتو لي نعستوو؟

صبح صباح جديد كان فالبيرو ديالو مقابل خدمتو حتى كيدخل المحامي ديالو …

المحامي: سي هاشم كاين موضوع ضروري خصك تعرفو …

هاشم ؛ مرحبا تفضل جلس

المحامي: صوناو ليا البنكة قالو بلي تسحب مبلغ كبير من لحساب ديالك و انا علاما عارف انه هاد الفترة نتا مادايرش صفقة باش تخرج لفلوس

هاشم : مايمكنش…امكن واقع غلط ؟

المحامي: راه نيت منين تسحب داك المبلغ راه واقع غلط

هاشم :(كيتاصل على البنكة) الو معاكم هاشم رميدي علمني المحامي ديالي بلي تسحب مبلغ من الكونط ديالي بلا خباري ممكن نعرف السبب ؟

البنكا : وي ميسيو هاشم و لكن المدام ديالك هي لي سحبات لفلوس من كارط بونكير ديالك و زيد عليها جابت لينا حتى ورقة كتعطيها لوكالة و الموافقة

باستغراب هاشم : صافي وخا

البنكا:واش كاين شي مشكل اميسيو هاشم.

هاشم: لا غير بغيت نتأكد.

…قطع عليهم و دار عند المحامي…

هاشم:ماعلينا سير قابل خدمتك

المحامي:ميسيو هاشم راه كتر من 100 مليون خرجات مخصكش تيق فلمدام تا لهاد درجة

خنزر فيه هاشم : (بصوت عالي ) فلوسيي همااا فلوسهاا اشريف تخرج 100 ولا200 شغلهااا هذااااك تحرررك قابل خدمتك

المحامي:وخا اسي هاشم

خرج لمحامي فحين هاشم هز تيلي كيعيط لصافية تفسر ليه لغلط لي وقع

تم نايض هز لڤيست: اشمن مصيبة دخلتي فيها راسك نخاف غير يكونو نصبو عليك..

….خرج من الشركة ركب طوموبيلتو و كسيرا بيها نيشان للفيلا غير وصل دخل ديريكت كيسول عليها قالوليه راها فلابسيت توجه عندها

زاد عندها بخطوات تقال كانت كالسا فلابسين متكيا على حيطو يد فيها لعصير ويد تيلفون

صافية: ايه خرجت غير داك لمبلغ صغير قالو لي مالين لبانكا منقدرش نخرج كترر فنهار ..معرفتش شنو نديير انا راااه خصنيي نخرج داكشي بي يكفيني معنديش لوقت لي نضيع مزال فهاد زواج بغيت ناخد فلوسي ونطلق رتاح من هاد لحبل لي على عنقيي ورتاح من هاد زواج

واقف مكوانسي بلاصتو بلا ميتحرك هضرتها تتعاود فودنووو...رخف لكرافط ديالووو

كيشووف فيهاا بعيونو حمرة عرووق عنقووو برزوو بلعصب.

نطق بصوت مسموع وهو كارز على سنانو: صافيية

حطات تيلي ودارت عندو مبتاسمة: حوبي جيتيي بكري ليوم باينا توحشتيني؟ اجي تعوم معايا..

حرك راسو بوخا: نعومو الالة علاش لاا.

زاد عندها ترماا فلماء حداها ولماء منافعو باش يطفي نار لي شاعلا فقلبوو

زادت عندو بغا تحوطو بيدها: قلت لك نزلت تعوم ولكن ماشي بحوايجك

هاشم: ولكن انا مشهيي نعووم مشيي نعوووم لدرجة معنديش لوقت نحيد حوايجيي مشهييي نعوووم فدم.ك اصااافية

صافية: كفاش؟

قبل متفهم جرها من شعرها مقربها من وجهو : نتيي تكذبيي عليا اصافية ؟ كنن بغيتي لفلوس نغر قك بخنزز دنياا كن بغيتي روحي نعطيها لك كان عليك غير طلبييي ماشي تغدرييي..

زير على شعرها وخشاا راسهاا فلمااء بارك عليها كيغرقهاا وهو كيعاود فجملة وحدة: لغدر لاا اصافيو لغدررر لااا

خلات دراري وزادت لدار دعمورة كانت فنفس لحومة خطوات قلال تا وصلات

بدات دقق بجهدد وتعيط عليه ..مدة عاد حل لباب وهو كيحد عينو

نطق بثقالة: اش واقع؟

قبل ميستوعب اش كاين جراتوو من ودنوووو منزلاه عندها: لاااش مجايش لاصااال دويي ولاش ممشيتيش لمدرسة

بداا يغوت باش طلق: طلقيي بروجلة شكون كدب عليك وقالك ممشيتش أا؟

الحرة: سكتتت خبارك دغيا تتوصل واش باغي ضيع هاد لعام كيف لعام لي قبلووو بغيتي تقرا مع ولادك؟؟ حسب لي شحال من عام ضيعتي عندك عشرين وباقي راك فلباك

عمورة:نتيي عارفا عام ضيعتو فاش ما..تت الحنانة ولعام لي داز اصلاا

الحرة: اصلااا أشش؟

زادت جراتوو نطق بلغوات:اصلا لباك حلاوتو عماين

الحرة: نتاا ذكي وغير تتبغي تكلخ ..واش عارف لمدرسة لي تتقرا فيها شحال من واحد كيتمنى يقرا فيها

هزز كتافو: صافي غنمشي صافييي

رخات منوو وهو شد على ودنو: واش مكاينش باباك؟

تبدلات نظرتو:لااا

جبدات عشرين درهم حطاتها فيدو: خود باش تفطر فطريق..

هزات راسهاا منين سمعات جيرانو كيعيطو لها: الحرة واش متخليناش نعسوو

الحرة: واش كاين شي حد كينعس فهاد لوقت؟؟ (خنزرات فعمورة) ونعرفك ممشيتيش لمدرسة مسبتي ناحر.اك..من لودن تل لودن...

حرك راسو بوخا تم داخل فحين هيي رجعات لاصال...من طريق تانية.

زادت تدور فعينيها بان لها عصام ماد يدو لمريم كيغوت ..

زادت عندو بزربا ..نزلات عليه بضربة لقرفادة ..

الحرة: لاش كتسعاها؟

شافت فمريم: متعطيه تا درهم اختشي

شاد فراسو: منين خرجتي لي نتي..لاش مراكيش فلاصال؟

الحرة: غير دزت عند عمورة.

شافت فمريم بتفحص:عينيك

مريم ببتسامة: واش تانتي شبهتيني لشي حد؟

الحرة:شوية

عصام: هاذي مريم ضابطة جديدة معانا.

مريم: متشرفين (مدات يدها) ونتي؟

الحرة: كيعيطو لي الحرة وانا كليانة عندكم (شدات فيدها) غتشوفيني بزاف

عصام: كليانة لي مستحيل تبدلنا (نزل عليها بركلة) مناوياش ديري عقلك

مريم حلات فمها خاصة ان ضربة لي عطاها قاسحة: نتاا من هاد نوع؟

الحرة شادة على رجلها: الككك.لببب

عصام: اشمن نوع!

مريم: لي كيضرب لعيالات

تهزات لحرة هزات رجلهااا ضاربااه لكرشوووو خلاتووو يشد عليهااا ووجهو ولا حمر: غفلتيني

مريم بصدمة: نتيي؟!

الحرة ضاحكة: اييه تا انا من داك نوع لي كيضرب رج.ال

زادت كطبطب فكتفوو :تكبر وتنسااا

وتمات غادة. مريم بقات غا متبعا لها لعين: ضربتها كانت مدروسة

عصام: هي كوتش دتكواندو نوغمال تعرف تخدم رجلها ونتي الالة خدمي يديك

مريم: كفاش يدي؟

عصام: راحنا رجعنا لموضوعنا؟! نقيي لحووومة وشديني.

مريم: أيي تا نتا متكونش حامض.

زادت لطومبيل مخلياه واقف مصدوم: حااامض؟ بحالا قالت لي حامض..انا راني شاف ديالك اانسة..

زاد تبعهاا وهو كيردد: اناا حامض؟ اصلا لحامض غالي( كيحك راسو بتردد معارفو غالي معرفو رخيص) واش خصني ندوز لسوق نتأكد من الثمن

كتدفعوو بيدهاا مقاداش تاخد نفس حاسة بروحها اتخرج..

د.م يدو سااح يقميشهااا..

جملة وحدة لي باقا على لسانو" الغدر لاااا اصافية"

مكيشووف والووو قدامووو ..باغيي يصفيه.ا لها ويشرب من د.مها ..

أكثر حاجة كان كيكر..ها هي لغدر .

ديما كان كيعاود لها على خوفو من انو يتغد.ر من جديد..

دفعاتوو بجهد....خرجات راسها تتشهق نفس مقادرش يخرج

.كتهضر وهي تتمتم دموعها كيتلاقاو عند اخر خدها

صافية: أنا..ممم مدرت ..والوو..أنا مغدرتش بك أنا.. ص ص صبر نشرح لكك

جرها من شعرها.

هاشم: أش عند بوووك متشرحيي كولشييي سمعتوووو بودنييي

وقفوو عليهم لخدامات كيترعدو: غتدخل شي وحدة غند.فنها معاها ليوم .

اسغلات لفرصة فلتات راسها وزادت تتعوم بعيد..خرجات من لابسين كتتزحف..

غوت بأعلى صوتووو مخلي كاع لي فلڤيلا يسمعووه: صاااااااااااافية

شهقات منين سمعات غواتووو وزاادت بجرا معرفا فين تهرب..

خرج من لابسين...لماا كيقطر من داتووو صدرو كيطلع ويهبط بلعصب..

زاد تابعها بخطوات سراااع..

شاف فلكارد فدخلة: جيب كوردا

الكارد بتمتة: كفاش اسيدي؟!

هضرتي متعاااودش جوج مرااات: جييييب حبل دابااااا..

زاد بجراا يجيبو من لكراج..

فحين هو بقا واقف رجعو شعرو لفازك لور: تخبعي اصافية تخبعييي ...وخا تخبعي فاخر دنيا مو.تك مغتهربيش منها..

طلعات لبيتها سورتاتها...

وقفات تتعض فصباعها: أش درتي اصافية اش درتي المصيبة

داتها كترجف وهي لابسا غا دوبياس .

صافية: خصني لبس حوايجي اش فجهدو كاع فيدير حدو غيضربني مخصش نخليه يزرق ليي لحمي .

زادت تتلبس وداتها تترجف: هو كيبغيني مغيقدرش يضرنيي كتر ..قبيلا غا كان معصب دابا راه متبعنيش غيكون تاكلما..

واش خص نعيط لبوليس! ولكن تلفوني بقا حدا لابيسين ..

تهزات منين سمعات دقان: حليييي اصافية حليييي ..

الصافية: هاااشم سير تا تبرد سييير تبرد واجي نهضرووو

هاشم: غتخلي ولا نهرس مهااا..

الصافية: هااشم س

قبل متكمل هضرتهاااا طاحت لباب حدا رجلها غوتات لربي لي خلقها..

زاد عندها جارها : وااش صحابك كنضحك معاك اصافية؟ فاش كنقولككك غتم..وتي على يديي يعني غتم.وتي على يدي

فرمشة عين شد لحبل ملويه لها على عنقهاا ..حزموو بجهدد وجرها كيف شي حولي..

كان لابس قميجة بيضة وسروال كحل اللباس الموحدة فالمدرسة...لمدرسة لي قرا فيها من صغرووو تا لباك ديالو لي باقي مشدووو.. لمدرسة لي كانت موو وحدة من لاساتذة لي فيها .ولكن مور مو.تها لقاا راسوو بوحدوو فيهاا ولا كار.ه يحطط رجلو فيها..

زاد داخل وتوجه ديريكت لمكتب لادارة يبرر لغياب قبل ميدخل لقسم.

زاد ديريكت لحارس لعام لي ديما كيعطيه لورقة..بعد مكيسمعو لويل

دق لباب وتم داخل

الحارس:عاوتاني غبتي أعمر.

عمورة: فين لجديد..ديك لورقة بروجلة

تنهد بجهد: غنعطيها لك غير غبر علياا كمارتك من هنا. ومن هاد لمدرسة

تحلات لباب داخل واحد من لاساتذة شاف فيه وخرج برا غادي..

الحارس العام: شووف ليي لحما.ر نسى مدا لورقة!

الأستاذ: دابا يرجع لها..

الحارس العام: مفهمتش لاش واحد بحالو كيقراا هناا.

الأستاذ: علاش مالو قريتو وحد لعام كان ذكي وقراي؟

الحارس: اجي تشوف دابااا راه عاموو تاني فلباك..ولمشكلة كيقراا غير بمنحة كن غير كيخلص بحال لخرين.

الاستاذ: لمدير ختار يعطيه منحة حيت مو كانت من أروع الاساتذة لي هنا فين لاشكال؟

الحارس: غيخرج على دراري لي هنا وتتسول على لاشكال

الأستاذ: علاش غيخرج عليهم عمر سمعت دار شي مشكل هنا فلمؤسسة وزنقا شغلو هداك.

الحارس: هاد لمدرسة أغلب لي فيهاا لباس عليهم ها لي باه طبيب ها لي باه قاضي الا هو لي هنا باه سكايري وحد لمرة تلاقيت بيه ضارب قراعي وسخفان لارض..

كان راجع باش يشد لورقة..سمع كاع لحوار لي بينهم..شرط ريقو خشا يدو فجيب سروالوو وتوجه لقسمو..

الأستاذ: هادي مدرسة للعلم ..مكيهمش باك شكون! تا نتا ولدك كيقرا هنا وبمنحة. واش مخفتيش لتقطع رزق ولاد ناس غيتقطع تا رزق ولدك؟

لاح ليه لملف فوق لمكتب: طبع معاك هادو.

وتم خارج..

زااد عمورة لقسم.. كانت لحصة باديا

.دخل لقسمم رجع لور كلس متكييي كيطل من سرجم.

الأستاذة: جيتي معطل..ومجايبش ورقة دخول؟ وزايدها بنعاس على الأقل تبع تفهم درس..

عمورة: لفهمت درس واش نقدر نعس؟

شافت فيه باستغراب عارفاه مستحيل يفهمو: اه لفهمتيه نعس

الأستاذة: ماعلينا تا حد مقدر يخرج لمعادلة يعني غنعاود نشرح..

هز يدو: انا غنخرجهاا.

الاستاذة: نتاا..

بداو تلاميذ كيضحوو...شاف فيهم أو بالاحرى شاف فيها واش تاهي تا ضحك.

كانت غير تتشوف فيه : خليييه أاستاذة ياك تا هو تلميذ بحالنا بحالو

الأستاذة: اسماء عندها لحق نووض..

تم نايض هز لفيلتر وبدا يخر فيه يد كيكتب بيها ويد فجيب..

ثواني معدودة مد لها لفيلتر: ساليت

الأستاذة: بهاد زربة (ضحكات باستهزاء) رجع كلس اولدي رجع

رجع كالس فحين هي خرجات عينيها منين شافت لمعادلة صحيحة..

الأستاذة: اشمن قاعدة طبقتي؟

بدا يفتي عليها لقاعدة

الأستاذة: لعملية ولقاعدة صحاح +2 دنقط ليك

بداو تلاميذ يصفقوو عليه وهما مصدومين.

عمورة: دابا نقدر نعس ياك.

تكاا ناعس.. ضحكات أسماء لي كانت حاضياه بعينيهااا...

خرجو مجموعين من القسم كلهم كيضحكو و يشدو فبعضياتهم و إلا عمورة غادي معزول عليهم ..

داير ليزيات و كيزرب فالمشيا باش ميتلاقا مع حد … حس بيد جراتو من كتفو وقفاتو على المشية

حيد ايزيات و ضار مخنزر

أسماء :(كتنهج) واخا يكونو عندك الروايض فرجليك اصااااحبي و من صباح و انا تنجري المشية عندك هي الجرية ديالي

عمورة : واش بغيتيني نديرلك لنتي تقيلا؟؟ المشيةد السلحفاة اما الجرية بحال العرض البطيئ

أسماء : واش كتن.مر عليا دابا؟ جوابك على طرف لسانك

عمورة (تنهد و شاف فيها مخنزر)

أسماء : مالك دابااااا (هزات حاجبها )واش مخاصم معايا ولا شنووو .

كتشوف فيه بعيونها الكحلة رجعات خصلات شعرها لقصير لي فنفس لون عيونها لور: حشوومة تقلق على هاد زين بطيبيطا وسالف عبلة ووجه ليلى

كتشرمش فعينيهااا: حشومة

عمورة: مالكي كترمشي بحال شيخة؟ ومنين جاك زين ! عينين موكة شفايف عبد القادر لي كيضرب شقوفة . ووو(كيقلب اش يعيب فيها مزال)وقزمية

أسماء:بزاف عليك أأغيور

عمورة: أناا ؟!

أسماء: واه شكك(نتا)

عمورة: كنقولك متعايرينيش بديك ريفية ديالك شممم شمم(نتي)

اسماء: مالي أنا؟

عمورة: أغيورة

أسماء: مكنكولوش لها هكداك

ضحكات بجهد خاشات يدها فدراعو

اسماء: يلان ازين ينو خلينا نتصالحو ونمشيو

عمورة :نتي عارفة مزيان علاش كنتقلق عليك اما راه معندي علاش نقطع كلامك !

أسماء : عاوتاني نفس الموضوع .. انا مكنخبي عليك والو ونوفل واحد مزيان مفهمتش مالك معاه

عمورة : (ضار و خنزر فيها ) لاا غيير خبي عليااا نيت هادشي لي بقا … انا كنكوليك بعدي منو ميصلاحلكش واش تيقتي بلي كيبغيك ؟مكلخة!

أسماء:(طلقات منو بزعاف ) و باش عرفتيه كذاب؟ نوفل ضريف مشتيش كيفاش كيعاملني و لي بروف كاع عزيز عليهم … انا مفهمتش غا نتا لي مابغاش يدخل ليك لخاطرك

قشعو جاي من بعيد جيهتهم هو وصحابو غادي نفس لباس لمدرسي حال صدايف لقميجة لفوق مرجع شعرو لاشقر لور.. عينو مفيكسين فأسماء

عمورة : ها أليخاندرو ديالك جاي

دارت بزربة هادشي لي خلا نوفل يعرفهم كيدويو عليه

وقف عليهم

نوفل : بحالا كنتو كدويو عليا ..

عمورة : ذكر الكل.ب يحضر

جمعو ديك الضحكة كاملين

بزز كضحك :هههه ولاهيلا عمورة عزيز عليه الضحك

نوفل (شاف فعمورة ): اه صارحة لابغا يضبر على راسو فالصيف يمشي لمراكش يكريليه شي قرد و يدير الحلقة

عمورة : ايوا بعدا فلوس الحلال مكنمد يدي لتا شي واحد

نوفل :(قاد القب لعمورة ) خاصنا نديرو شي كافي بتلاتة (خبط ليه على كتفو ) عزيز عليا عمورة مكرهتش نبقاو نبريباريو بزوج

عمورة : مكنبريباريشش (هز يدو من على كتفو و خبطها ) و مكنحملش لي يحط عليا فراقشو

نوفل: اه نسيت اش عندك متبريباري ونتا ديما لخر فالمدرسة

عمورة: لبغيت نجي لول غنخليك تبكي د.م على بلاصتك!

بغات غا تسكتهم: (شافت فساعة ) انا غنمشيي لتعطلت على خويا غيمشي ويخليني (يلاه اعمورة تحرك) ونتا انوفل دخل لكووغ ديالك

زادت سابقاه و خلات عمورة تابعها جا حتال عند ودنو و هدر

نوفل : ( طلع نفس فحوايجو ) فيك ريحة الحمير و الكرارس (دار ابتسامة مستفزة ) باينة غا ديال ديك الحومة الخانزة ديالك

عمورة: اييه بصح ونتا فيك ريحت لفلوس

نوفل ضحك بجهد: مكدبتيش بعدا!

عمورة قرب من ودنو:لفلووس لي كتسرق لبااك باش ضرب بيهم لبوفاا اساط

تم غادي مخليه يصفار ويحمار بوحدو..

خرجات حدا لباب دلمدرسة بانت لها طومبيل كتسناها

شافت موراها : عمورة باي باي بينا تلفون

حرك راسو : باي

زادت بجرا لوطو وهو متبع لها لعين..

مع حلات لباب بان لها كالس كيغني

أسماء:مُغيت نتا هذا ! لاش مجاش خويا يديني

مغيت: خوووك عندو قضية مهمة بزاف ..وحيت انا وقتي كولو لييك جيت نوصلك لدار

أسماء: مولف كتلصق فيه لقضايا ديالك ودير راسك مريض غير لقيتي خوياا ضريف

مغيت:ضريف لدرجة مكاينش شي حد شد قضيتو ومخداش لاعد..ام ..

أسماء: غنمشي نقلب على وكيل لملك نشريها لك معاه

مغيت: اصلا تا لوكيل عزيز عليه نائب لول ديالو يشد لقضايا غير كوني هانيا

أسماء: اييه ماعلينا متزيدش فيه

مغيت:اش بان لك ندوزو نتغداو؟

بحماس:ليوم عندي لعشية خاوية خلينا نمشيو لمول

مغيت:هادشي غيخلي خوك يشد قضايا كتر

أسماء: خويا كيبقى احسن ممثل للحق لعام هو يخدم لحق لعام ف المحكمة ونتا فالمول

مغيت: ولينا فالحق الشخصي امدموزيل

أسماء: بفف صافي غا تحرك

مغيت: غندوز لمول

أسماء: أحسن مغيت فالعالم

زاد سايق ...فحين هي حكات وجها: واش بصح كيخليهم يتحكمو..بالاعد..ام ..(حركات راسها) بلا اصلا مبقاش كيتنفد فالمغرب..خويا ضريف مستحيل يظلم شي حد.

"فالمحكمة"

كان كولشيي جالس معادا جوج دناس لي واقفين المتهمة وممثل النيابة العامة..

كانت تتبكي بجهد...خلات كاع فلمحكمة يتأتر

كتهضر وتنخصص: مدرت والووو أنا غير دافعت على راسي..مكانش صحابني غيمو.ت كان بغا يتعدا عليا غوت بجهد تا حد معتقني كن معتقتش راسي كان شرفي غيمشيي!

هزات راسها فيهم : نتوما عارفين لمشا شرف البنت فهاذ لبلاد حياتها كضيع مغيتزوجني حدد .انا غير عتقت راسيي .رحموني عفاكم نتوما هما ناس ديال لعدل دنيا مكانتش عادلا معايا نتوما كونو عادلين معايا عفاكم

وقف لمحامي ديالها:سيدي الرئيس السادة القضاة جميع الأدلة كتبت أن الموكلة دياليي كانت فقط كدااافع على راسهاا كن مدافعاتش على راسها كانت غتكون هي ضحية..موكلتيي دافعات فقط على شرفها كنطلب من سيادتكم بتبرئتها

القاضي: محامي المدعي عندك مضيف؟

محامي المدعي:لا سيدي القاضي .

بدات تغوت خت الضحية: كووول شي حاجة خوووياا مستحيل يتعدى عليييهاااا

شاف فيها باسى عيا يدافع ولكن تا حاجة متتبت هضرتو

القاضي: سكووووت ( شاف فيه) ممثل الحق العام عندك مضيف؟!

هزز عينووو البنية فيه دوز يدو على لحيتوو القاتمة: نعم سيدي القاضي

القاضي:تفضل!

هزز راسوو فيهم وشااف فالمتهمة: المدعي عليها تقول أن جريمتها كانت دفاعا عن الشر.ف!

المتهمة:اه اسيدي دافعت على شرفي

ابتسم لها:مزيان؟! ممكن تعرفي لي الشرف؟

بقا شي كيشوف فشي.

عاود سؤالو:شنو هو الشرف لي دافعتي عليه بضبط!؟

المتهمة:شرف لأي بنت راه واحد ..دافعت على راسي باش ميغت..صبنيش ..وتمشي البكرة ديالي..الشرف فالمغرب هو البكرة

حرك راسو باه: الشرف هو البكرة بالنسبة لك.! ..يعني نتي دافعتي على شي حاجة اصلا مكيناش حيت نتي أصلا بلاا شرف!

صدمة بانت فوجوه كولشي شي كيشوف فشي مفاهمين اش كيقول هذا!

محامي المدعي عليه: أعترض سيدي القاضي ممثل الحق العام كيطعن فشرف موكلتي .

القاضي:إعتراضك مرفوض ممثل النيابة العامة كمل.

تقدم عند القاضي وملف فيدو:سيدي الرئيس السادة القضاة هاذي وثائق طبية كثبت أن المتهمة قامت بعملية إجهاض بمصحة خاصة قبل خمس سنين هادي!

المحامي بنرفزة:أسمررر

شاف فيه نظرة دواش صاحبك انا نطق بهدوء: دفاع المتهم أنا هنا ممثل النيابة العامة .

محامي متهمة: كنطالب بتأجيل الجلسة وعدم قبول الدليل لي مصدرو ممعروفش

القاضي: طلب مرفووض. المتهمة اش تتقولي فهادشي؟

المتهمة: أنااا بشرفييي ممسنييي حدد هذااا راه ظلمم.

أسمر:سيدي الرئيس السادة القضاة أطلب من حضرتكم السماح لي بدعوة صديقة المتهمة للإدلاء بالشهادة

بداات تغوت بجهد : أنااا بشرفيييي شكوووون نتاا لي طعن فييييه هذااا ظلم الله ياخد لحقق. فيك

أسمر ببتسامة: وي بشرفك .لولد تليشارجيتيه من بلاي ستور ؟

نطق لمحامي بصوت مرتافع: أعترض سيدي القاضي ممثل النيابة العامة كيحاول يستفز موكلتيي

القاضي: اعتراض مقبول .المرجو عدم الخروج عن سياق القضية.

أسمر ببتسامة جانبية: سيدي الرئيس السادة القضاة السبب الرئيسي لي قالت المتهمة أنها دافعات عليه مكاينش..يعني سبب جر.يمتها باطل.

المحامي: سيدي القاضي حتى لو إدعاء لنيابة العامة صحيح هذا مكيعطيش لحق لمجر.م يتعدى على موكلتي ويحاول يغتا..صبها تا مرا مغتقدر تكلس تفرج سواء كانت مزوجة او عازبة وكيف ما بغات تكون.

أسمر: حتى لو كان إدعائي صحيح!؟ هادشي كيعني أنك كتعتارف أن إدعائي صحيح

المحامي: متفسرش هضرتي على دوقك.

القاضي: هدوووء احتارمو حرمة المحكمة..

تقدم لمنصة الشهادة فين كانت صاحبت المتهمة واقفا.بعد مأدلات القسم بقول الحقيقة..

أسمر: نتي صاحبة المدعي عليها لأكثر من عشر سنين؟

حركات راسها بأه

شاف فالمتهمة: واش كتنكري صداقتك بيها؟!

المدعي عليها: لااا

أسمر:صوركم باقيين على مواقع التواصل لاجتماعي كنتو تتوثقو كاع لحظاتكم مع بعض.

تقدم عندها هاز ضرف فيه تصاور: واش كتنكري بليي هادوو نتومااا؟!

حركات راسها بلا: علاش غنكر هادي أنا وصحبتي مولفين نحطو تصاورنا فكونطاتنا دلانسطا ولفيسبوك..

أسمر: المدعي عليها واش تتنكري هاد صور؟!

حركات راسها بلا: هادي انا وصحبتي؟!

المحامي:ماعلاقة حياة موكلتي الشخصية بالقضية؟!

أسمر: هانتا غتعرف لعلاقة..

زاد هاز ظرف أخر.

أسمر: هادي تتمة الصور

تقدم كيوريها لصديقة المتهمة: واش هادي نتي وصحبتك؟!

شافت فيه وشافت فتصاور:اه حنا وصحابنا..تصاور قدام؟!

أسمر: نتوما وصحابكم؟!

شاف فالقاضي: ولصدفة أن واحد من هاد صحابهم لي معاهم فتصويرة هو الضحية...مع العلم أن المتهمة والمحامي ديالها قالوو فدفاعهم أنهم مكيعرفوش ضحية نهائيا. فالوقت لي كاينين صور كثيرة كيجمعوو بينهم وكيبينو علاقتهم كأي جوج مرتابطين..

محامي المتهمة: أعترض الصور أكيد معدلة

أسمر: موكلتك بنفسها إعتارفات أن الصور حقيقية؟!

تقدم عند صديقتها: واش كتعتارفي أن صحبتك كانت تتربطها علاقة بينها وبين مصطفى(الضحية)

حنات راسها: أنا معرفتش؟!

أسمر: معرفتييش ؟ نتي صاحبتها دكثر من عشر سنين وداباا معرفتيش ؟؟! (بصوت عالي) كتربطهم علاقة أه لااااا

المحامي: ممثل النيابة كيضغط على الشاهدة...

غوتات المتهمة بجهد: آه آه انا وياه كنا كنبغيييو بعض كنا على علاقة بلا مدخل صحبتي فلموضوع..

شاف فيها المحامي نطق لها بهمس: تهدنيي هو كيحاول يستفزك متسمعيش ليه..

أسمر: المتهمة كتعتارف أنها كانت على علاقة بالمدعي ...وبحسب المعلومات لي عندنا أن الضحية ما.ت قبل أسبوع واحد من زفافو.

كتشوف المو"ت بعينيها … اللون هرب ليها من وجهها و مابقاتش كتحس بالاكسجين… عينيها دمعوو فلحظة و هي كتشوف فيه …صافي عرفات راسها ماعندها هروب منو و هادي النهاية …نطق فوذنها بكل غل و حقد

هاشم : مو"تي تستااااااهليييي

….دخلات خدامة كبيرة ف اواخر الخمسينات لعندهم …شهقات و بالخلعة غوتات عليه و قربات منو كتحيدلو يدو من الحبل

أمينة : ولدي هااااااشم نعل الشيطاااان واش بااااغي ترجع قتا"ل

هاشم : خلييينييييي ا امينة خليني نوريها شنو كتسواااا غدراااااتني غدراااتني

امينة : عفااااك اولدي و معزة المرحوم و المرحومة عندك لاما طلقهاااا

…طلقها من يديه و هي طاحت كتكحب و تبكي تزيراااات ديال بصح …رجعااات حمرة و الريوگ كيسيلو من فمهاااا …عارفاه واخا طلقهااا مازال ايفديها فيها …ناضت بمشقة الانفس و عطات رجليها لريح كتجري و تعكل و طيييح

الصافية: الله ياخذ فيييك الحق …والله حتى نغر"قك فلحباساااات

سمعااات غوتة كبيرة باسمها و قلبها بدا يضرب تاااني … ضارت و شافتو وراها متوجه عندها ببطء و هي ماقاداش تجري صاااافي عيااات …الدوخة و العيا كلاو فيها مزيان و فلحظة قبل مايوصل عندها كانت تعكلات و طاحت من الدروج كتدردب….الدروج لي كانو كثار …هو منين شافها هكك لحقهااا كيجري باغي يشدها ولكن مالحقها حتى وصلات للتحت…بدات كتنفض بلاصتها و الدم فراسها سايل …عينيها متلألئة بدموع و هو قرب منها هزها بين يديه مخلوووع كيغوت

هاشم : الصااااافية ….

الصافية: هااا. شم سمح..لي

…سخفات بين يديه و هو ربي لي عالم بيه …ماعرف مايدير تصرفق فلحظة …هزها بين يديه كيغوت و يجري بيها حطهااا فطوموووبيل لور و ركب كسيرة بيها لكلينيك …

هاشم : الصاااافية ماتمو"تيش…كولشي عندو الحل

حلات عين وحدة كتراقبو بيها و دغيا سداتهااا كتمثل الاغماء….

هززز صور دالطب الشرعي عارضهم عليهم: المتهمة ضربات الضحية بطعنات فالظهر أكثر من 14 لطعنة.. لو أن الضحية بصح هجم عليها فمنطقيا كان خاص طعنات يكونو فالأعضاء الأمامية لضحية؟!. وللعلم فأن الضحية غيضعف بعد طعنة واحدة أو جوج وتقد تستغل الفرصة فالهرب ولكن هي ختارت طعنو أكثر وأكثر نتيجة حقدها الدفين تجاهو.

(رفع صوتو كتر) 14 الطعنة مستحيل تعتابر دفاع عن النفس فهي بعيدة كل البعد عن شروط الدفاع الشرعي المورودة في الفصل 124 من القانون الجنائي ولي أهم شرط فيها ..كينص على أن الدفاع خصو يكون مناسب لخطورة الاعتداء .

سيدي الرئيس السادة القضاة المتهمة كتقول أنها حاولات دافع عن شرفها لي هو بالنسبة لها البكرة فقط..لي معندهاش.

سيدي القاضي و بحيث ان السبب، الرئيسي فدفاع باطل...وبحيث أن المتهمة نكرات معرفتها بالضحية ولي توضح لنا انها كانت على علاقة بييه وبحيث ..ان المتهمة طعنات الضحية طعنات ممتالية ..قبل أسبوع من زفافو... فكنطالب من سيادتكم تطبيق أحكام الفصل 392 من القانون الجنائي الخاص بالقت.ل العمد وذلك بالحكم على المدعي عليها باقصى العقوبات الا وهو في هذا الصدد السجن المؤبد.

حط محامي المتهمة يدو على راسو هز راسو واقف منين سولو القاضي واش عندو ميضيف: لا سيدي الرئيس

القاضي: ممثل النيابة العامة باقي عندك مضيف؟

أسمر: لا سيدي الرئيس

القاضي: دفاع المدعي عندك مضيف..

محامي المدعي: نعم سيدي الرئيس أنا أؤيد ممثل الحق العام وأطالب بتطبيق مقتضيات الفصل 392 من ق .ج

القاضي: سَيُنْطَق الحكم بعد مداولته.

لحظات .. تا كان خارج من قاعة المحكمة بعد متنطق بالحكم ..لباسو الخاص شادو فيدو وفليد تانية شاد حقيبتو لي فيها ملفاتو...

خرجوها لبوليس وهي تتغوت وتتشوف فلمحامي: ياااك قولتي لي غنخرج منها سالمة رد لي فلوسي الكذاااب ...

جروها لبوليس من حداه بدات تغوت وهي تتشوف فيه: آه قت.لتوووو حييت غدرنييي حييت مشااا وخلاني وتزوج بغيري بعد سنين دلحب .ولكن نتااا مغاديش تفهممممم نتاا عمرك بغيتي وعمرك أتبغىىى مغاديش تفهمم شنووو هي تبغي شي حد لدرجة تقت.لوو

تنهد خارج: ومباغيش نفهمم

بعد ساعات

كان داخل لدارهم...كيدند أغنية بصوت خافت ..

تهز منين نطق بلغوات: داكشي لي بقاااا لوالديك غير لغنى.

عمورة: نتا هنا.

خنزر فيه: وفين بغيتي نكون .؟

تنهد زاد داخل لبيت

غوت عليه بجهد: فييين غاديي سييير جيب لي وحد جوج قراعي

عمورة: س.مك شريه بوحدك.

ناض واقف كيشوف فيه وهو كيتمايل: كبر ليك شان وليتي تزاد معايا فلهضرا؟ واكل شارب ناعس ومباغيي تسخر...شوووف سيادك فين ونتااا فييين...كن غير ديك لكل.بة دمك ولدات بنت حسن لي منك لبنت بعدا طيب لييي وتغطيني وتسمع لهضرتي..ماشي بحالك مفييك فايداااا..

هزز عينوو فيه: متهضرش خايب على مي..وكن مي ولدات بنت مكانتش غتصبر عليك كن شنقا.ت راسهاا وتهنات منك..

ضحك بجهد: سيير تانتا شن..ق ليااا راسسك سييير تبع مككك وهنيني منككك..الشما.تة

عمورة: أحسن حاجة دارت مي قبل مو.تها أنها طلقاتك .

هززز يدووو نزل عليه بتصرفيقة لوجه: أنا لي طلقتهااا حييت كانت موسخة وغدارة...ونتااااا متتشبه لي فوالووو ماشي بعيد تكون ولد..لحرام

كيشوف فيه بعيون حومر مغرغرين: ياريت كن غير كنت ولد لحرام ولا نكون ولدك.

"فجهة خرا"

كان داخل لدار مكاينش لحس ..عرفها غتكون ناعساا مور معائلتو سافرو لهولندا بقا غير هو وياها .مولف يدخل لدار يسمع صداعها ممولفهاش تنعس بكري...

حط محفظتو جنب وتوجه لبيتها...شاف لباب محلولة دفعها بشوية..

زاد كيقاد لها لغطاا..طبع قبلة على جبينهاا

أسمر: تصبحي على خير.

زاد خارج رد لباب..

غيرر خرج ناضت من بلاصتهاا بدات تعض صباعهاااا .هزات تيلفون كتصوني على نوفل ثواني تا جاوبها.

أسماء: نوفل بغيت منهاا بغيت من داك سكار لي كنتي عطيتيني

ركبو فلوطو تابعين لاليست دالحومات لي كيمشيو ليها ،

مريم :(دورات وجهها لعند عطام ) دابا كيفاش بلانك نتا و هادوك ،،، 5 سنين دسربيس و جرا و عمرني تقت فشي شمكار

دار ابتسامة جانبية و ملامحو مكشرة متعرفيه واش كيضحك ولا مخنزر

عصام : هوما ماشي شمكاااارة را نص نص غا مشومرين و ملاقيين ما يدااار… و انا مكنجريش …بحالك كندير غا روبريز هوما كيعطيوني خبيرة و انا كنعطيهم كاميلتهم مساكم را مفحالهمش … هادشي كامل فسرية تااامة

يلاه ضور طوموبيل بانليه هاز ميكة فيدو و واقف على واحد طايح فالأرض مقاد تا ينوض بجوج قشعوه فخطرة فرانا عصام طوموبيل تا تسمعات حكة روايض …هبطو بزربة مدركين

خلاو هداك لي طايح فالأرض حيت عارفينو غايجيوه ايلقاوه مزال كاااااو و تبعو لاخر .. تا خرجو فجيهة القطارات القدام و الكيران تما توضر ضطرو باش يتفرقو باش يقلبو

وقفات مريم تالفة تيليفونها مابغاش يسكت من تعياط يلاه جبداتو باش تطفيه و شافت سميتها جاوبات مخنزرة

مريم : هادي سبعين الف مرة كتعيطي ملي مقادينش على خدمتكم لاش كتلااحو… واش غلباااتكم مقديتوش عليها

حسات بيد جبداتها من شعرها بزربة و شي حاجة تحطات ليها على عنقها حطات يديها بزربة على سلا.ح

_ غدجبديه غن.حر ديلمك هنا و غند.فنك مايسيق ليك تا حدًا الخبار

مريم : تكالمة را غدير شي حاجة غتخرج على راسك اجي نتفاهمو غا بشوية (بان ليها عصام بعيد علطيها يضهرو )

مريم : غوتات بجهد ) عصاااااام

دار بزربة تصدم من المنظر و حسات بداك الموس زاد ورك ليها على عنقها يلاه جاي كيجري عندها

تا قرب عندها و خفف السرعة باش جاي

_ غتزيد تقرب والله تا نححح.رررها

عصام : شوف اعشييري تعاون معايا نتعاون معاك طلقها و ميكون غا لي بغيتي

_ ( زاد هبط القب على ) لي بغيت لي بغيييت

عصام :(كيقرب بشوية بشوية قلبو كيضرب و عقلو كيديه و يجيبو تبلوكا و هو كيشوف فيها ) لي بغيتي

مريم :(بعدات يدو مضورها ليه فاللحظة لي غتبعدها خبشها بالموس )

من حر الضربة طاحت على ركابيها و هي شادة فالضربة هو هرب حنا من عصام مقدش يتبعو ملي شاف هاداك المنضر جا عندها يزربة مخلوع كيتنفس بالزربة

مريم صاف ما طرا وااالو غا ضربة صغيييرة

عصام :(مصغر فيها عينو كينهج و كيدوي بزربة كيحيد ليها خصلات دالشعر لي طايحين على وجهها ) كتليك متمشيش معايا ولكن مكتسمعيش كون(جبد كلينيكيس بزربة من جيبو و حطو ليها على الجرحة ) د.م

سكت منين سمع صوت فتيلي ديالها كيتعاود: مدام مريم..مدام مريم واش نتي بخير؟!

شاف فيها مخنزر: واااااش كنجاوبوووو على تلفووون فلخدمة واااش نتيي مريضة فمخك كن دابااا نحر.ك أاا؟!

مريم: أنا لاتص..

قاطعها: نتيي ماشيي قد لمسؤولية بغيتي تهضري فتلفون حطي استقالتك..

مشااا وخلاها..هزات تيلي ودموعها محجرين:ألوو

المربية: مدام بنتك طلعات لها سخانة وديناها لكلينيك عيطنا لميسيو خالد مكيجاوبش..

تهزات نايضا: انا جاياااااا

دخل لبيتووو حيد لافيست دلكوستار زاد معلقها...

شاف علبة حدا حوايجو هزها حالها ابتسم منين شاف تصويرة قديمة فيها هما بربعا ردد بثقالة: عصام صافية وحوراء فينكم؟!

تنهد حط لعلبة بلاصتها ودخل لدوش....

كانت خارجا على ريوس صباعها وعينيها فلفوقي فبيت خوها...

مولفا قبل ميسكن معاهم تتسلت بلا تا حد ميلاحض لكن مأخرا منين نتاقل لمدينتهم تتجيها صعيبة مع قوة ملاحظاتو.

غير خرجات من لباب..لبسات صبرديلة وشداتها جرية...

توجهات لبلاصة لي غتلقا فيها مع نوفل ...وهي نفس لبلاصة لي خاصة بها هي و عمورة

شداتها جرية تا وصلات تم...لقاتو كيعاينها ضحك بجهد

نوفل: أشنو واش كتجري مزال مهدا الله خوك يشري لك طومبيل؟!

شافت فيه تتلعب بصباعها: جبتي لي سكر.

نوفل: سكر غالي ازين خصك تخلصيه.

حركات راسها باه جبدات لفلوس: هاك عطيني! ولكن نتا نهار عطيتيه لي قولتي غير سكر كيعطي جهدد انا راه وليت كنحتاجو لمخديتوش غنحماق

نوفل: ماشي سوقك اش هو..لمهم انا هنا باش نعطيه لك..راه مغاديش يقت..لك غا رتاحي..

حركات راسها بوخا: عطيني

نوفل: توء توء ماشي بهاذ سهولة فاللول وعديني بلي متعاوديش دوري بهذاك ولك لكريان

أسماء: شكون؟

نوفل: عمورة؟!

أسماء: هو صاحبي. و...

نوفل: ماشي هذا لجواب لي بغيت

عطاها بظهر دار راسو غادي

اسماء: صافي وخااا وخااااا غير ارا..

جبدها من جيبووو مادها لها قبل متشدها جاا لارض منين نزل عليه ببونيا...

غوتات حاطة يدها على فمها: عمورة اش تدير هنا.

عمورة: فاش كنبغي رتاح نتي عارفا كنجي هنا ولكن اشمن راحة غرتاح مع هاد لكل..ب اش كيعطيك هاذاا .

هز طرف من لارض: هاذي راها البوفا ااسماء ..مخد.رات أسسماء...

كتمسح لعرق من وجها: غير سكر عطيني

هو كيهضر وهي عينيها غير على لبوفا

نوفل: سير بحالك بلا مدخل حياتها هاديك ..

عمورة: كفاش حياتها؟ راه غند.فن مك هنا..

تشادو مع بعض كيضاربوو وهي واقفا تترجف كتردد: عمورة عطيني عطيني طلقو وعطيني..

شافت حجرة كبيرة لارض..زادت بزربااا وبلا وعي او تفكير ضربات عمورة فراسو...

حس بدنياا دارت بيه .وحاجة سخونة نازلة من راسو حط يدووو ونزلها شافها عامرة د.م

دار كيشوف فيها ولحجرة فيدها نطق وعينو عليها: أسماء!

كتشوف فيه وداتها تترجف كتحرك راسها بلا: أنا أنا

شافت فلحجرة طيحاتها من يدها: عمورة انا سمحلي عمورة انا عقلي...

جرهاا نوفل: خلينا نمشيو

اسماء : طلقنيي! عمووورة طلق منييي..

نوفل: غنعطيك سكر لزدتي معايا..

جرها غاديين..

فحين هو تابعها بتقالة شاد على راسووو: متمشيش معاه..هو.هو

زاد خطوات تا طالح لارض دم نازل من راسووو..وخارج من نيفووو..

كانت خارجة من النادي بعد مسالات خدمتها...غادية بثقالة..باتسمات منين وصلات لبلاصتها المعهودة لبلاصة لي كترتاح فيها حيت تتكون خاوية تا من عصام مورتهاش لو..ولكن وراتها لعمورة حتاش عارفاه تاهو باغي يهرب..

غطات عينيها منين وقفات حداها طومبيل وضوء مضروب فيها .

الحرة: الشريف طفي ضوء الله يخليك راه ماشي بارك هدا

هضر بصوت عادي: ساكن قريب من هنا ومولف نخلي طومبيل هنا ولبولا خاسرة متتطفاش

تم غادي مخليها..تنهدات بثقالة يلاه بغات تزيد بانت لها حجرة لارض بحالا فيها دم...

هزات بين يدها باش تأكد...زادت خطوات مبعدا على طومبيل مضوية بتيلي ديالها .

وسعات عينيها منين ضربات بجسم طايح..

غوتات بجهد منين ضوء تيلي ضرب فوجهوو: عموووووورة

نزلات على ركابيهااا شادة راسو بين يدها باركا على جرحة باش ميزيدش يخرج د.م ..

شدات تيلي بيدها لي عامرا بد.م معيطا لعصام مجوبهاش حطاتو بعد معيطات لاسعاف

تتشوف فيه : عمووورة حلل عينك...عموووورة حل عيييينك الله يخليك...نتااا باقي صغير اعمووورة باقي قدامك حياة زوينة وطويلة ...الله يخليك حل عييينك..

لدقايق وهي تتغوت .

رفعات صوتها كتر" شيييييي حددد يعاونييييي" فييييين هااااد زمررر فيييينهمممممم ..

تنفسات بجهد منين سمعات صوت لاسعاف...

" بعد ساعات "

كانت فلكولوار غادا جايا تيشورطها لبيض ولا حمر بد.م

هزات راسها منين عيط لها :الحرة

زادت عندو بجرا: عصاام

عصام: أش وقع؟

الحرة: معرفتش لقيتو مضروب ودم فراسو

عصام: اش قال طبيب؟!

الحرة: مزال مخرج دخلووه لبلوك..

زادو بجرا منين شافو طبيب خارج

عصام: واش هو بيخير؟

الطبيب: ضربة كانت فبلاصة حساسة خسر بزاف عدم وتسببات لو فنزيف داخلي ساعات جايا هما لي غيحددو لنا الوضع

الحرة:بعدا هو غيعيش؟!

الطبيب: لفاق من هناا لغدا مغيكونش مشكل على حياتو

الحرة:ولا مفاقش؟!

حرك راسو طبيب وزاد غادي

الحرة: ولمفاقش هذااا لاش مجاوبنيشش واش غيمو.ت

عصام:تهدني مغيوقع ليه والو .

سيري غسلي يدك .

هزات عينيها دبلانين فيه:بعدا واش علمتي ماماك دوز عند ماما

عصام:راه علمتها غير رتاحي

حركات راسها وزادت تغسل يدها...

دقايق تا كانت واقفة تتحك يدهااا بجهدددد...حطات يدها على عنقها حاسة بالخنقة ...

شدات على راسها صوت غوتها كيتردد بين ودنها:" فيييق بابا فييق عفاااك متخلينيش عفااااك فيييك حل عييينييك بابا أبابا فيييق عفااااك "

فاقت من سهوتها منين دخلات بنت خرا لحمام..غسلات وجها وخرجات...

لقات عصام واقف مع لبوليس بلبسة كيدوي بزعاف معاهم..

الحرة:اش واقع؟! تا يفيق ونعطيكم شهادتي

نطق البوليسي:حنا مجيناش ناخدو شهادتك جينا ناخدوك كمشتبه بهااا

الحرة:كفااااش؟!

عصام:وباقي كيقول مشتبه بهاا؟!

البوليسي:سمح لنا اسي عصام ولكن هي بوحدها لي كانت فبلاصة الحادث و كاميرة سيارة لي كانت قريبة من لحادث شداتها وهي هازة حجرة فيدها ..غيخصها تكون معانا تا نتأكدو انها ماشي نفس لحجرة وان بصماتها مكاينيش فلحجرة لي فيها د.م عمورة.

شاف فيها عصام: متخافي من والووو بصماتك مغيلقاوهمش تم..وغيخرجوووك انا غنمشي معاك..

حركات راسها بلا: غير كلس مع عمورة

زادت مع لبوليس وهي تتفكر منين شافت د.م عل لحجرة لي شدات

كانت راكبا معاه فطومبيل كيهضر معاها وهي ساهية مهياش فهاد لعالم...

ابتسمات منين تفكرات نهار كانت دابز مع وحدة من لبنات ودخل هو شاد يدين لبنت مخليها دير شرع يدها..

ضحكات بجهددد تا قفزات نوفل..

نوفل: كضحكيي؟!

بداااات تبكي بجهد: أنااا قت..لتوو أناااا بيدييي هادوووو بيدييي هادووو.قت.لت عشيري

هو راه كن طلبت روحو كن عطاها أنا مج..رمة. خص نعيط لخويا خص يديني لحبس.

هزات تيلي كترجف..شد لها يدها

نوفل: وااش حماقيتيي راه بيخير شحال من مرة تفلقنا فصغرنااا واش م.تنا لا هاحنا عايشين بيخر . دابا سيري لدار نعسيي ورتاحيي لكك انا غنمشي لسبيطار ونشوف خباروو

هزات عينيها فيه: غيكون بيخير ياااك..

حرك راسو باه: غيكووون بيخير لسديتي فمك يلاه نزلي لداركم فاش غنعرف خبارووو غنعلمك..

مسحات دموعها ونزلات داخلا لدار وهي تتعض صباعها

نوفل: أش هاد لحصلة دزفت فاااك

"فجهة خرا"

كانت داخلا بجرا لكليينيك بسيف باش لقات طاكسيي.

زادت بزربة لجهة دراري صغار.

كان واقف فلكولوار

غير شافها خنزر فيها و دار يديه مور ضهرو المنضر ديالو محرتك لحيتو كبيرة و مخربقة و شعرو مرون ممحسنش

خالد : جيتي ا مادموزيل را كنكوليك مكتعرفي ديري تا حاجة مقدرتي تا تقابلي بنتك

مريم : (وقفات مقابلة معاه نفسها كطلع و تهبط ) غتغببر منهنا حسن لك بلا متخليني ندير شرع يدي

خالد : هاي هاي تا نتي تعلمتي تهدري

(يلاه غيقرب ليها و هي دفعو تا جا على الحيط )

خالد : نفختي ريشك عنداك يصحاب ليك وصلتي بالكراد لي عندك انا حسن منك و ديما كنت حسن منك غا زهر مكاينش

مريم :باش حسسسن مني بالوسخ لي كنتي و باااقي غااارق فييه …اما بنتي انا قادة بها عمر وجهك مغادي يجي فوجهها

ضارت غتحل الباب و هو باقي كيهدر

خالد : هاحنا غنشوفووو ا لمريييضة الفاااشلة تفووو على مرااا

مشات عند بنتها كتنهد لقات الممرضة كتلعب معاها

مريم:(تحنات عليها هزاتها و عنقاتها) ريم الرووح ديالي مالكييي

هزات عينيها فيها نطقات بصوتها الخافت: بغيت بابا

بعد أسبوع …

صباح جديد ونهار جديد.

فڤيلااا كبيرة.....الصمت هو الشيء الوحيد لي طالع منهااااا...

للوهلة الاولى لي تتشوفها تتقول انها جسد بلا روح...

ولكن لهزيتي غير راسك شوية وجات عينك فلبنت لي كالسا كطلع من لباركون اتعرف انه جسد بروح ...

كالساا على كرسيها المتحرك...عينيهااا على لابيسين دلڤيلااا...والجاردييني كينقيه من وراق شجر لي طايحين فيه..

هزات يديها بشوية شادة وحدة من اوراق الشجر لي رماتها لها رياح..

تبسمات وهي باركا على يدها..

سدات عينيها مخليا خصلات شعرها الاشقرر...يتحركووو من نسمات الهواء ..لهوا لي كيقيس بشرتها البيضة وكتحس بحاجة نقية كتقيسها نقاا لي فقداتو وهي بين اسوار لڤيلا..

سرعان ما طلقاتها من يدها منين سمعات لباب تحلات...جمعات يدها عندها..وميلات وجها بلامح مطموسة...

حاسة بخطوات تقال متاجهين عندها...مع كل خطوة قلبها كيضرب 100

زيرات على عينيها منين سمعاتو نطق بصوتو المعهود

هاشم : مرتيييييي

زاد واقف اونفاص معاها..بجسمو العامر وطويل لابس كوستار فلكحل جايوو لاصق على فصالتوو...مرجع شعرو الاسود لووو حط يدو على لحيتووو

هاشم : توحشتيني؟

نزل عندهاا بشوياا حاط يدوو على لكرسييي كيشوف بعيونو السودا فعيونها:

هاشم : انا بعدااا كنت موحشكك وانا مسافر باليي كان غير معاك واش مرتييي كلات واش شربات

شدد فكهاا مزير عليه:

هاشم : وواش فرحانة حيت انا مكاينش..

دفع وجهاا وهوا كيشوف فملامحهاا المطموسة خشاا يدووو فشعروو ورجع شاف فيها:

هاشم : نهاااار لكبير عندي هوا فاش تقدي تحركي وتهضرييي ديك ساعة مغتحس بتا ذرة دنب وانا كنعدب فيييك...اما دابا خلينا نبردو وحشتنا اصافية

هزهااا بييين يدووو...وحطها على سرير كيشوف فجسدها لي فوقو كسيوة فلابيض...جسدها ليي بحال شي جمد...كيف كيحطها متتحركش...

حيد لافيست دلكوستار ونزل عندها بثقالة ...خاشي راسوو فعنقها...فحين هي تتشوف فسقف ودمووع محجرين فعينيها....كرزات على سنانهاااا...

وهي تتمنا دوز هاد لحظة بحال لي قبل...الخلعة من انه يكتاشفها كتمثل عليه كانت شاداها من صبعها صغير عمرها تنسى فأس خداها لكلينيك و تماك قررات تكدب عليه و تمثل راسها مشلولة….الحل الوحيد باش تربح حياتها …

….نعس ف حظنها و هي تجمدات بحال الصنم ماتحركاتش…ساعات ف الجحيم دوزاتهم خافت غير تململ شوية و يحس بيها….تخنقات و كرهات راسها على هاد اللعبة لي دخلات فيها …بدات كتغرب الشمس و كتسمع تيليفونو كيصوني…ناض من حداها مدوخ و هز تيليفونو جاوب بصوت مدعدع…

هاشم : الو …حمزة شنو جابك لعندي نتاااا باااغي تخرج عليييناااا

حمزة : الخدمة خدمة و لا نسيتي كنسالك دين و خصك تخلصولي

هاشم : ماناسيش بقا لتحت هاني جاااي …

…ناض ب ثقالة كيشوف ف الصافية حالة عينيها بلا اي حركة …تحنى عندها و باس راسها…

هاشم : حبيبة انا شوية و نجيييي تسالي غير الخدمة …عنداك تحركي لشي بلاصة حتى نجي (ضحك بصوت عالي ) اااه نسيت نتي اصلا ماعندك فين تمشي المشلولة

…خرج من البيت و زدح الباب و هي تنوض كتحرك اطرافها و كتسرح الدم فيها نطقات بغل…

الصافية : المشلولة هي مك …

….ناضت بشوية عليها كتمشي و تجي و تحرك اعضاءها قبل مايجي و يقطع فيها النفس…بدات تفكر و تفكر و عقلها حبس…

الصافية : لا اصافية نتي ماغاتبقايش هاكاااا …خصك تهربيييي خصك شي حل …

…قربات من السرجم كتشوف لفيدورات معمرين الفيلا و كيتحركو و دماغها وقف بتفكير و لكن قررات ليلة تهرب و مولاها ربي …مشات للخزنة حلاتها …لقات مجوهرات كان هداهم ليها هاشم و فلوس صحيحة و مستندات فيهم شي املاك بسميتها…حطات كولشي فكارطابل و لبسات كيطمة و هزاتها و تمات خارجة كتسلت من البيت…. قلبها كيدق فأي لحظة يحصلها و تكون ليلتهاااا سودة…هبطات لتحت رادة لبال مع الخدامات و الفيدورات حتى للحظة حسات ب صوت صبابط جايين ف اتجاهها و مشات تخبعات مور واحد الحيط قبل مايشوفوها…سمعات صوت هاشم كيتكلم مع شخص اخر و طلات غير بشوية لقاتهم واقفين حداها مجمعين كيفصل بيناتهم غير داك الحيط …شافت السيد لي مع راجلها شخص لابس ملابس رسمية و كيدوي بالهداوة….

هاشم: انا رااااه كنغامر معاك بخدمتي و سمعتي احمزة

حمزة: عارف لي كاين و لكن ماعندي كيف ندير السلعة خصها توصل لبزنازة…ماتنساش بلي ديجا عتقتك بلفلوس و قلتلك بلا ماتردهم ليا بغيت غا هاد الخدمة صغيورة ديرهالي و ماتعاودش تشوفني….

هاشم : راك كتهضر على البوفا ؟؟؟ عارف الى حصلونا البوليس انقودو سوايع

حمزة: وا حيت البوليس زيرو اللعب هاد الايام بغيت البوفا تمشي فالكاميو د التواب ديااالك و ماعندك ماتزيد تقولي…السلعة جبتها و راها كتستف فالكاميو

هاشم:(مسح وجهو بعصبية) الكاميو ايخرج هاد ليل قول لرجالك يوصلو سلعة و يرميو الكاميو من الجبل مابغيتش صداع

حمزة: ماتكون غير على خاطرك اشريكي…

….كانت مصدومة من داكشي اي سمعاتو و قلبها كيضرب ف تسعييين مابقاش عندها الوقت فين تفكر و تحلل با.نليها حل واحد ….يالاه كانت اضور باش تسلت و هي ضرب ب كارطابلها فاز كان محطوط …جمدت على اثر المصيبة و هاشم و حمزة بجوج ضارو لمنبع الصوت …..

كانت فلكوميسارية وبضبط فلحمام كتغسل وجها ..

هزات راسها فلمراية عينيها جايت على جرحة عنقها..حطات يدها على الجرحة لي فعنقها كتفكر عصام سيمانة كلها مبان لها عرفات عندو شي بلان ومعرفاش اشنو هو وتاهي معيطاتش ليه تفكرات ملي قاليها ستاقلي هضرتووو سمعاتها بزاف دلمرات من طليقها ديما كان كيطيح بيهاا حياتها كلها كتلاقا غير بناس لي كيطيحو بيها

تلت سنين و هي ملاقية لا سند ولا كتف تعول عليه هاد لمدة كلها وهي مربية لبنت بوحدها وباها حدووو يقولها متتعرفيش تربيي ومسؤولياتو كلهم هارب منهم.

تنهدات و هي كتشوف راسها فالمراية

مريم : فيقي ا مريم و توكضي شوية نتي هنا باش تبداي حياة جديدة مخاصكش تبدايها بالأغلاط . واستقالتي عمرك اتشوفها مالين لبوفا غنشدهم انا بوحدي ماشي بحاجتك نتا ولا غيرك .

زادت غادية حلات لباب كتشوف فلبوليس لي كيجاوبو على لبلاغات" أي بلاغ على البوفا علموني أنا اللولى تفاهمنا؟"

حرك لبوليسي راسو: وخا شاف.

فنفس لكوميسارية كانت كالسا فغرفة الاستجواب جامعا شعرها اسفنجي . كتشوف فيه وهو كيشوف فيها..

الحرة: واش غتبقا غير تشوف فيا الحاج

ناض دافع لكرسي: ضربييي نتفيييي ولكن محاولة قت.ل ؟

تنهدات : انا لاش غنبغي نقت.ل عمورة .

الحاج: عارفك مديريهاش ولكن لبصمات

دخل عصام مع لباب زاد عندو لحاج شانقو: نتااا بوليسييي لاش معلمتيها بلي ممنوع تقيس شي حاجة فمكان الجري.مة

عصام: ضربني اكومسير ضرب بويااا نستاااهل..

الحرة:صافي انا كنت عارفا ولكن تكلخت فلحظة ..

شدات على راسها: لي كيهمني دابا هوو يفيق عمورة من غيبوبة

عصام: دابا يفيق دابا يفيق

شاف فيه الحاج بنظرات بمعنى كيف بقا

حرك عصام وجهو بملامح مكشرة شي لي خلاه يفهم ان حالتو صعيبة واحتمالية يفيق بعيدة كل البعد.

عصام: ماعلينا غدا غتكون عندك المحاكمة التانية غير تبتي فاقوالك لي قلتي فجلسة الاستماع. درنا جهدنا باش نعجلو لك محاكمتك تانية وتهناي من هاد زبل

الحرة: ودليل؟

عصام: معندك تا سبب يخليك تبغي تقت..ليه هادشي فمصلحتك وان شاء الله كيف قال لمحامي غتخرجي براءة..

تحل لباب داخل بوليسي عطاهم تحية: ممثل النيابة لعامة هنا

الحاج: خليه يدخل.

….دارلو اشارة بيدو باش يسكت و تقدم بخطوات بطيئة لمصدر الصوت …وصل لفين مهرس الفاز و لكن مالقا حتى واحد …بقا كيضور راسو تماك شوية شاف سرجم محلول و عوج فمو ….

حمزة: ايكون غير ريح لي طيحو

هاشم: (شاف فيه ب احتقار) متأكد بلي نتا بزناز حيت عمرني شفت هاد الكلاخ عند شيواحد (ضار كيشوف ف لفاز) شيواحد سمعنا…

حمزة : شكون ايكون ؟؟؟

هاشم : شيواحد من الخدم ….

….كانت مور الفوتوي مخبعة كتسناهم غير يمشيو بحالهم …سمعات الصوت تقطع و ناضت بشوية مشات ل سرجم و نقزات منو …كان حادر كيوصل للجردة…بقات كتسلت شوية بشوية و عينيها ل لفيدورات و قلبها كيضرب…كتخبع حتى كيمشيو و تكمل …وصلات لاگاف تماك شافت رجال كيحطو السلعة…لاحظاتهم انهم كينقلوها من طوموبيل لطوموبيل و الوقت بين النقل د سلعة شوية طويل استغلاتو و مشات ركبات فالكاميو و تخشات لداخل قادات ليها بلاصة و تركنات و تسناتهم حتى سالاو كولشي و تسد عليها الكاميو عاد تنفسات براحة و هي ماعارفاش مصيرها…حسات بلكاميو ديماراااا و نطقات بتدمر…

الصافية : ايييه اهاشم صدقتي ماساهلش و انا لي كيحسابلي موكلني لحلال …على اي تشرفت بمعرفتك و فرصة سعيدة ….

رخات فيها النفس و رتاحت ماعارفاش فين غاتمشي و لكن الاهم انها خرجات من الفيلا و تهنات من هاشم…و كيما هربات من عندو اتهرب حتى من الكاميو …جبدات تيلي من صاك لي هزات ودورات لبوليس

الصافية : و انا عزيز عليا الحلال اهاشم

يتبع...