أسمرينو الجزء الخامس والأخير

صباح جديد . كان فدوش لماء نازل على راسو وهضرتها تتعاود فبالوو.. ليل كولو مشاف نعاس بسبابها.

زير على عينو وجملة وحدة باقا فودنو" دازت عشر سنين أاسمر واش عرفتي شحال من واحد بغيت موراك"

تساءل للحظة واش بصح بغات موراه بزاف؟ واش بصح هاد سنين كلها كان متشبت غا بلاوهام؟

رجع بيه عقلو لسنين لور...وبضبط لاول نهار ليه فعمر 18.

واقف قدام باباه وماماه...ولڤاليز فيدو

الأب: فين غادي نتا واش حماقيتي؟

أسمر: نتا كولتي لي نهار نكمل 18 غنشد طريقي انا بغيت نرجع لمغرب

ضحك باه بجهد:واش حماقيتي نتا؟ واااش لكملتي 18 صحابك صافي وليتي را جل؟.

أسمر: أنا غنمشي المغرب

زادت ماماه تتكالمي فيه: أسمر ولدي دير عقلك تا لصيف ونهبطو مجموعين...صبر شوية

أسمر: أنا صبرت بزاف بغيت نمشي لمغرب ..باركا صافي عيييت مكول مرة ديوني لجهة وقبل ميكمل شهر ترجعوني لجهة خرا عييت منعرف فناس وغير نولفهم كلقا راسي مضطر نودع..أنا بغيت نبقا فبلاصة وحدة..غرجع لمغرب غنعيش تما ونكمل قرايتي تم.

الأب: واش صحابك غدير مستقبل فلمغرب أاا؟ واش كاع لي قراو تما طفروه ناس تما كيتمناو يجيو هنا ويكونو بلاصتك ونتاا.؟ طلع لبيت بلا متوريني كمارتك..

زاد هاز لڤاليز: قراري خديتو ابابا ومغنبدلوش كيف نتا بدلي كلمتك.

وقفوو بجهد..نزل عليه بتصرفيقة لوجه مخلي مو تشهق

بجهد: فشتتك بلا قياس تا وليتي باغي ضرب هضرتي لارض..وتزايد معايا فلهضرة.سمعني مزيان لمشيتي لمغرب نسا اني باك..وأورو واحد مغتهزو من عندي.

هز راسو فيه: مبغيتش فلوسك ابابا.

جر لڤاليز ديالو خارج تابعاه مو بلغوات وهي هازا ختو لي تتبكي...منين مقداتش تقنعو حدها عطاتو ساروت دار دلمغرب...

كانت أول حاجة دار منين وصل لمغرب مشا عندها لدار كيدق عليها وكيعاين شي حد يجاوبو ووالو...مكاين لي يعطيه لخبار عليها...

زاد لدار دعصام نفس شي ناس قالو لي صبحو ملقاوهش..عيا يصوني عليه ..بلا فايدا نمرة مطفية..

زاد لدار دصافية...

غير شافتو حادة بدات تغوت: ديك لكلبة راها تزوجات ونسات خيرنا انا وعلوان اوا تا صحبتها اتكون دارت مدارت راهم سلعة وحدة...

منين حط رجلوو وهو كيقلب عليها خيط لمدينة من ساسها تا لراسها ملقاش لها أثر...

كان حاط خريطة دلمغرب قدامو كيشوف فيها: واش غتكوني بدلتي لمدينة؟ غنبدا نقلب من شمال . ..دار علامة × على طنجة.

من داك نهار ولا من مدينة لمدينة كيقلب عليها وتاحد معرفها...حدو عندو تصويرة فيها هما بربعا كيسول ناس عليها..بها...

رجع لمدينتهم منين لفلوس لي جاب معاه سالاو لقا راسو مضطر يخدم...حيت رافض ياخد من فلوس مو..

ولا وقتو كولو من خدمة لخرا...

كان واقف وشمس كضرب فوجهووو...نفض يديه منين دخل اخر خنشة .تم غادي مور مخلصو مول لكاميو ..

جبد من جيبوو تصويرتها كيشوف فيهاا: باقي مدن الوسط والجنوب غير غنجمع لفلوس غرجع نقلب عليك...

تنهد بجهد..وقف منين نتر ليه واحد تصويرة..

أسمر: شكون نتا؟ طلق تصويرة.

شاف فيه مبتاسم: شكون هادو ههه هاد جوج ساطات زوينات ...بغيتيها؟ ارا لخلاص لي عطاك سيد غنعطيك تصويرة..

نزل عليه ببونيا...بقاو كيضاربوو..مناض من فوقو تا حيد ليه تصويرة .نفضها من تراب..وتم غادي.فحين الشمكار ناض من لارض جابد من جيبو

موس: نتا ضربني اميخي..

هز لموس وزاد بخطوات سراع غرسو ليه فضهرو جهة جنب

طايح فلارض ..د مو سقا لارض ...أنفاس تقيلة تيخرجهاا ..حاس بلحمو كيتقطع ومقادر يتحرك

ابتسم فعز وجعو منين صورتها جات بين عينو وهي تتقوليه تتعجبني نطق بصوت مهموس:تا انا.

زير على تصويرة بيدوو..وغمض عينوو مغيب

...زادو عندو ناس بلغوات منين شافوووه...

....داز لوقت....

كانت واقفا مو وباه فلكروار.. لي غير عرفو معلوماتو علموهم جاو فاول طيارة تتشوف فطبيب وهو كيهضر

الطبيب : ضربة كانت غارقة تقاست ليه الكلية كنا مضطرين نحيدوها ...خسر بزاف د.م ..درنا لي علينا معليكم غير دعيو معاه..

طاحت على طولتها تتبكي: ولدي ولا عايش بكلية وحدة؟؟ واش سمعتيهم ولديي خداوه من ف.م المو.ت..

ناضت تتشوف فيه بصرامة هضرات ودموعها نازلين" لوقعات شي حاجة لولدي مغنزيد معاك نهار واش فهمتي "

رجعات كالسة تتبكي فحين باه شاد على راسو كيحاول يستوعب اش واقع..

دازو شهور ..وبدا يرجع صحتوو..

حاطة يدها على راسو:انا غنستقر معاك فلمغرب اولدي وبابا غيزورنا فلعطل.. مكاين لاش تخدم اولدي لي حليتي عليها فمك غتجيك ولمدرسة لي بغيتي دخل لها اندخلك..

أسمر: غندير لافاك.

شافت فباه لي من وجهو باين رافض لفكرة.

الأم: شنو بغيتي تبع اولدي؟

اسمر: القانون.

حركات راسها بوخا: دير لي عجبك اولدي انا معاك

خرج باه رادخ لباب..

تبعاتو ماماه : شوية وغرجع اولدي.

سها رسم ابتسامة على شفايفو: غيجي نهار ونتلاقاك فشي محكمة المحامية حوراء.

قرا نهار وليل..وغير خرج كونكور لملحقين دفع ليه..دوز سنين فالمعهد العالي للقضاء..وسنين وهو كيدرب من مدينة لمدينة..وكل مرة كيرجع لدار وليديه على قبل ختو لي كانت مرتابطة بيه بزاف.

شوية بشوية..تا دار بلاصتو وولا النائب الأول لوكيل الملك..

والديه شراو دار فمدينة خرا باش اسماء تقرا فمدرسة خاصة لي صيتها دايع.وهو بقا فمدينة خرا خدام ..غير جاه انتقال لمدينة وليديه..ولا عايش تم..معا ختو فلوقت لي وليديه سافرو لهولندا..

داكشي لي كان باغي فعلا وصلو هو تلاقاها فلمحكمة غير هي مكانتش محامية انما متهمة...بالنسبة ليه لاهم انه شافها ومبغاش يعاود يفلتها..ولكن فهاد لحظة بضبط خربقاتو هو باغيهااا وفنفس لوقت مباغيش يبزز راسو عليها..

معرفش واش يبعد ولا يقرب مبقا عارف ميدير..

زاد خارج من دوش ملوي عليه فوطة منين سمع صوت تيلي..

هزو مجاوب..لاحو زاد كيلبس حوايجو... قدام لمراية جات عينو على اثر العملية لي كاينا فاخر جنبو باينا شوية من لقدام..وواضحا كثر فضهرو.

تنهد بجهد سد صدايف قاميجتو كمل لباسو وخرج لخدمتو

داز لوقت كان.هاز فيديه كلاسييغ و قفة و يد لخرا هاز ريم لابس تيشورط و شورط ديال البحر داير معاها كاسكيط كانت حداه فاطمة غادا مع مريم كيتحتتو و هو سابقهم كيشوف بلاصة لي يكلسو فيها ...كان لحال بارد و البحر بدا كيرجع

مريم لبسات لريم مايو بزز حيدداتها لعصام كون صاب يبقى غا هازهااا

فاطمة : كون سمعتي مني اوليدي كون جبنا الخضرة نقيناها نصبنا شي طاجين ... انا مايدوزش عندي نهار لمغمسسستش

عصام :(عاقد حجبانو ) انا زعما باغي نهنيك من طياب ولكن الوليدة الله يهدييك نتي عزييزة علييك تمااارة ... باغا طاجين انوض نسيفط عليه دابا

فاطمة : (عوجات فمها فيه ) طاجين فيه جوج بطاطات و شنتوفة دالحم نحط عليه انا ربعلافريال ...اوودي ياااوديي

مريم :(كتضحك ) متاافققة معاك ..مكاين ماااحسن من الماكلة طيبيها بيييديك

عصام 🙁 دار ضحكة جانبية ) وااهي لا عرضتينا شي نهااار لشي دجاجة محممرة ( ناض و هز من عندها ريم ) اااجي ا فنيكيشة نديك تقيسي رجلييك بالمااا

دارها فوق كتافو و مشاا كيجري مخلي مريم راسمة ابتسامة و عينيها كتبان فيهم الفرحة تا فيقاتها فاطمة ملي هدرات

فاطمة : كيبقيتي ابنتي ياك الجرحة بدات تبرااا

مريم : اللهم ملك الحمد الحاجة .. دااززت على خيير

فاطمة : كان عليك تعلمي عائلتك الوقت و زمان لوقعات ليك شي حاجة الله يحفضك تلقى بنتك علامن تحط الرااس ..(دارت ابتسامة و شافت فعصام لي كيلعب ريم جنب الأمواج ) واها را عصام ولللفها ملي يدخل لدار و هو سيرتو غا ريم و نتي

مريم 🙁 حدرات عينيها بتوتر ) انا الحاجة جيت لهاد المدينة غير باش نتهنى من صداع دالعائلة و مشاكلهم ..( هزات عينيها كتشوف فالبحر ) ففبلاصة ما يعاونوني غير غا يزيدو عليا

كلشي كيقول مخاصكش طلقي .. خاصك تبقاي جامعة عششك ..جامعة داارك ..يبقى راجل فدارك ... ااشششممن رااجل ..كنت ديما بوحدي .. كنت حاملة مشيت لطبيبة بوحدي ..ولدت بوحدي..تا واحد مقال ليا تا شنو خاصك ا مريم .. بديت نرضع و غلاضيت بدا يكول ليا خسرتي ..اشمن حياة بقات معاك .. تا لقيتو منعس وحدة فالفراش

فاطمة :(تنهدات بحزن ) لا حول ولا قوة الا بالله ..ااش نااقصك لي يشوف وحدة غيرك ..الله يعطي العماااااااا لرجااال

مريم : (ضحكات )هههه خاصني عقل الحاجة..كنت كنغمض عينيا ..ولكن الله لي بغاه يبعد من طريقي ...تحط بوجهوو و تشوه ..فاش شفتو قلبي بررد من عند الله و مابقاش فيا الحال عليه ولكن لي بقا فيا هو ولديا بغاوني نسمح ليه و ندخلو لدار ...

فاطمة 🙁 طبطبات ليها على يديها ) احسن حاجة درتي .. كركككبتي عليك الزبل ..

مريم : مكالتي زبببل تا ززبل ..كنت كيصحاب راسو كنمو.ت عليه ومنقدرش نعيش بلا بيه

فاطمة : الرااااجل ابنتي ملي كيضمنك انك ديالو وصافي ومتقدريش تخلاي عليه ولكن ملي كيشوفك فعلا قادرة تعيشي بلا بيه كياكل جنابو

ابتسمات لها: ودابا ربي يعوضك ويجيب لك سيد رجال شي حد بحال ولدي عصام.

نغزاتها تضحك ومريم كتشوف فيه وهي ولات حمرا بلحشمة

عصام (جاب ريم و حطها فحضن فاطمة ) هاكي هاد الفنكوشة خليها عندك ..( ضار عند مريم ) نوضي حتا نتي فزكي رجليك

مريم : لا انا مافياااش ..خليني غا هنااا

عصام :(جرها من يدها نوضها ) نوضي يضربك البرد ..رجليك يقيصو الما شوية

بقا جارها تا بعدو فين كالسين و بداو يدخلو لبحر غير رجليها قاصو لما حسات بالتبوريشة غمضات عينيها مخليا داك ريح يضرب فيها وقف حداها . ..بدات بشوية بشوية كدخل تا وصل ليها لما لركابيها ..و ضارت عندو

مريم : ( مدات ليه يدها )واش مابغيتيش تعووم

عصام : (عقد حجبانو فيها ) فين غدخلي نتي مزال مريضة

مريم : نسا المرض دابا ..(قربات ليه) لمابغيتيش غندخل بوووحدي

حيد تيشورط ديالو لاحو فرملة و تبعها تلاح تابعهاا ..الما كيحس بيه بااارد ..تا تغطس كاامل و طلعو بزوج قد قد مع بعضياتهم

عصام 🙁 كينهج ) وااش نتي مسطية ..مجبنا تا لحوااايج لي غنبدلوو ..و نتي غتزييدي تمرضيي

مريم 🙁 هابط ليها الشعر من على صدرها كيطلع و يهبط ..كسوتها لسقات عليها و قنانفها كيرجفووو ) نساااا لمررض ا عصام علاش كتخاااف ..ستمتع باللحضة ..شكون كال غتعاااود

غطسات فالما مخشية كاملة ...غير طلعات جات موجة قلباتهم بجووج تا لصقو مع بعضياتهم ..معنقههاا لتفلت ليه مع شي مووجة خرااا

عصام : ( كيشوف فيها مطول خاشيها بين يديه )

نطقات وعينيها عليه:فاش تتفكر

عصام:كنفكر كون غا يوقف الوقت هنااا معاااك ا مرريم

قرب وجهو منها وهي محاوطها يلاه كان غيحط شفايفو على شفايفها قلبات وجها: غتشوفنا خالتي

ضحكات مهربة عينيها دفعاتو خارجة و هو تابعها تا وصلو لرملة تلاح فيها ناعس و جر مريم عندو كلسها حاط راسو على ركابيها مغمض عينيه ..كتشوف فيه بحال شي وليد صغير محتاج لي يحن فيه ..محتاج لي يبادلو الحنان لي عندووو ..شد ليها فيدهاا حاطها فوق راسو

عصام : بغيت نعس ومقادرش

مريم؛علاش نعس شوية محد حنا هنا ونوض نزيدو عند خالتي

عصام:لا نخاف نعس ونفيق من هاد لحلمة زوينة

كان كالس قدام لبحر كيشوف فمواجو لي كيمشيو ويجيو ..

تهز منين كلس حداه عصام..

مد ليه كانيطة دكولا.

أسمر:أش تدير هنا؟

عصام: كنت هنا مع العائلة منين هضرت معاك وعرفتك هنا قلت نتشاوفو

حرك راسو:مزيان

عصام: اش واقع! بنتي لي مضيوم

أسمر: طلبت منها زواج.

عصام: اهاه ومن خلال كمارتك غنفهم بلي رفضاتك

حرك راسو باه

عصام: تكبر وتنسا

أسمر: نسا..واش باش نسا شي حد حاجة ساهلة أاا؟ علاش انا مقدرتش نساها ومقادرش.. ومباغيش نساها..

تنهد بجهد : صعيب عليك تنساها و صعيب على لحرة تسمح لك وتنسا خاصة انه شي لي عاشتو ليلة فاش مشيتي كان خايب

شاف فيه بملامح جدية: اش عاشت؟

عصام؛ مغنكولش لهي مبغاتش تكول مغنهضرش انا

تم واقف :هي مبقاتش باغاني هي قالت لي بلي بغات بزاف من بعدي.

عصام: ونتا تيقتيها؟

أسمر:أشنو غندير أا؟ أنا مكنعرفش لغيب ..معارفش فاش تتفكر معارفش اش بغا.. اشنوو غندير أاا؟ فاش غلطت أنا؟ اشنو دنبي لكنك.ره الوداع..حيت اي واحد كنت تنتلاقاه كنودعو مكنعاودش نشوفو . ومودعتهاش غير باش نعاود نشوفها

عصام: قلبك اش باغي تبعو وراه نفس شي باغيه قلبها

أسمر:قلبي باغيها ولكن مباغيش نفرض راسي عليها.

عصام؛وشنو غدير؟ واش غتنساحب؟

حرك راسو بلا: لا حبي لها كافينا حنا بجوج

ضرب فراسو بجهد: ولا اشنو واش خصني نساحب من لول أا؟ واش خصني نحضيها من بعيد ونهار لقاها فرحانة مع غيري نساحب..

حرك راسو بلا:انا غير بنادم ماشي حجرة مغنقدرش نشوفها مع غيري بغيتهااا..بغيتهاا تكون ليا هاد سنين كلها عمر نهار داز بلا متجي هي فبالي...أنا راه غنحماق اعصام مفيهاش

دوز يدو على وجهو كيهدن فراسو : غنمشي دابا لخدمة نتقاشعو من بعد

شاف فيه عصام مطول كفاش كيدخل ويخرج فلهضرة حالتو معجباتوش.

تكا عصام فرملة وعينو على سماء: نهار مشيتي حياتها تقلبات ..

خسرات باباها واملاكها ومها خسرات صحتها..نهار مشيتي تد.فنات حوراء وتولدات الحرة.أأسمر هي راها بغاك ولكن نتا مشيتي فأكثر وقت كانت محتاجة لك فيه

وقف جامد بلاصتو شاف فعصام بصدمة: اش تتكول نتا؟

بقات جالسة ف سداري عينيها بدموع فايضين…ليلة كاملها حتى شرقات الشمس…مانعساتش و ماقدراتش تغمض طول ليل كتفكر …فاقت حادة و هي تشوفها كالسة …تقابلات معاها و شداتها …

حادة: مالك الله اودي على هاد الحالة

الصافية: غلطت احادة غلطت …خسرت داري و راجلي بيدي

حادة: ندمتي و ماتنفع ندامة دابا (جلساتها فوق السداري و حطات راسها على صدرها) و لكن باقي مافات لفوت

الصافية: ماعرفتش فين كنت كنفكر انا راه كنبغيه احادة و مابغيتش نخسرو ندمت ندمت والله

حادة: منين باغاه ماطلقيش منو…

الصافية: كيحسابلك ساهلة راه صافي وقع لي وقع ماغايسمحش ليا

حادة: كولشي عندو الحل …شدي فيه بيديك و برجليك راجلك حنين ابنتي و شاريك مكاينش شي راجل يجي يسول على وحدة ايطلقها و هاز ليها الهم كون تشوفيه فاش جا لهنا الخلعة كانت باينة عليه

الصافية:(شداتها فيدها) عاونيني قوليلي شنو ندير بغيت نرجع ليه باغاه من قلبي و هاد المرة ماغاديش نفرط فيه

حادة: انفكرو و يكون خير صافي نوضي بدلي عليك ونعسي

الصافية: خصني ندوش بعداااا

حادة: مكيمشي للحمام غير لي دار علااااش

الصافية: حلاااالاااا طيباااا

حادة: اوا القاضي الى ساق الخبار راه مايطلقكمش هاكا وقع لصاحبتي ضاوية مع راجلها عبد القادر

الصافية: هاي هاااي على حادة راك أسطورة فالقانون

حادة: اوا كنتجارا مع صحاباتي فالمحاكييم…

…بدات كضحك ضحكاتها بزاااف و فوجات عليها خلاتها تناسا همها …يالاه كانت اتنوض و فكرات دير اتصال لعصام حطات التيليفون على وذنها و هي كتمثل ان كولشي عادي ….

عيات تصوني مكيجاوبش..

داز لوقت وهو باقي واقف كيقرا فالمحاضر دالمعتقلين لي دازو عندو وبالو باقي مع اسمر لي منين عاود ليه اش وقع لحرة مشا بلا مينطق تا كلمة..

تنهد بجهد هز عينو .. كيطل من الشرجم كيشوف واش جات .. و كيشوف فساعة ديالو..كيحس براسو ناقصاه شوفتها ..

يلاه جبد طيلي يعيط ليها وبانت كتسطاسيوني فطوموبيلتها عاد طلعات ليه الضحكة

بالطلة ديالها المعتادة شعر مضفور و لباس سبور

فيقو من سهوتو طيلي دالخدمة

عصام : ويي

_ تحياتي شااف..مون كوميسير كيتسناك فالبيرو نتا و اوفيسيي الفيهري

عصام : (طلع عينيه و ابتاسم ملي تحل الباب و دخلات ) واااخا

مريم : سلام (جرات الكرسي كلسات تستاراح )

عصام : سلام قلت غترجعي كن لبحر وتنعسي موحال تجي (ناض عندها و كلس مقابل معاها فوق البيرو )

مريم: ههه الله اودي متتيقاش بلي رجعت لخدمتي خلاص طلعلي لكلاس فراسي

.. ريم لاباس علييها

مريم : لاباس علييها هي لي عطلاتني.. بزز باش كلسات مع المربية

عصام : ( دار ضحكة بجنب فمو ) مغتبقاش تعطلك ملي غنولي انااا نديييها

هربات عينيها منو فنفس اللحضة عاود صوناا تيلي

مريم : ( حابسة الضحكة و عصام ناض هز هادوك المحاضر معاه ) وييي .. حااحنا جايين

عصام : الحاج قرب يطلع ليه سكار تاني

دغيا كانو عندو غير شافهم حيد نضاضرو

الحاج ؛ شكوووون بحالكم ..يلاه داخلين من الكونجي و زايدينها بتعطال من لفووق

عصام : متقللقش الحاج..صحتك هي اللولة

الحاج : نتا اولدي امجاهد داير كي شي فيروس ..فينما مشيتي تلصق .. ها نتا دابا لصقتي ف الفيهري وليتو يا اما تحضروو بجووج يا انا تغيبو بجووج .. انا غنبدل هاد ليكييب

خرجو عينيهم بجوج و شافو فبعضياتهم و شافو فالحاج

عصام : اااهاااا لااا الحاااج مااايمكننش .. انا را منقدرش على فراقها

مريم : ااحححم لا اشاف عصام احم كنقصد مون شاف ولفنا الخدمة مع بعضياتنا و تفاهمنا ..

الحاج : ( رجع نضاضرو ) غا كنتمازح معاكم .. غنحتاج ليكيب ديالكم ليووم ( مد ضواصا لمريم ) هاد البلايص هاد سيمانة فيهم الحملة باليو بيهم

عطاها الإدن باش تخرج و حلات عصام معاه

الحاج : مالك اولدي تخلعتي.. و صفاريتي

عصام : الا ا شاف كنرتاح مع مريم ( سكت شوية ) فالخدمة

الحاج : من نهار جيتي لهاد الولاية و نتا فاقصني طحتي بين يدييي دابا ( دار فيه ضحكة استهزاء كيتهكم عليه و عصام ضارب الطم ) ولكن لانوييتي نخطبها ليييك

شاف فيه عصام بنص عين: نية كاينة جيب غا لقوالب الحاج ههه

الحاج: اوا نقولو مبارك و مسعود

دوزو نهارهم عادي ف الخدمة و موراها خرجو بجوج ركبها ف طوموبيل و توجهو لدارها …

عصام: نتي باقا عيانة و انا انطيب ليك ماكلة فنة…

مريم: هههه مرحبا يالاه برعني نشوف

…دخلو لدار و هي مشات لعند بنتها خداتها من المربية و هو توجه للكوزينة …واقف فالكوزينة كيقاد الغدا كيسمع ريم و مريم كيغنيو مع الأغاني لي خدامين فالتلفزة تا حس بتيلي كيزنزن ليه فجيبو لقا رقم نفس الرقم لي ممسجلش كيصوني عليه…قطع عليه لمرة لولة و لكن هاد لمرة ماقدرش…

عصام :وييي

الصافية : عصام انا الصافية

قاد الوقفة داير يدو فجيبو

عصام : حمد الله ملي تفكرتي بلي خليتي شي روينة موراك

الصافية : عارفة راسي درت غلاط ملي مسولتش فيكم ..شخبار مريم لاباس عليها و بنتها

عصام :مريم كون تشطنتي عليها غادي تدجي تشوفييها

الصافية : ماشي لخاطري ا عصام مشيت حيت مضطرة

نتا راك معارف واالو

عصام : (عاقد حجبانو ) علاه ايمتا كنتي كديري شي حاجة بزز منك .. تا ملي مشيتي شحال هادي مشاورتي حد.. كنفكري غا فراسك..عمرك ما فكرتي فلي دايرين بيك شنو غيطرا ليهم..فاش تزوجتي مفكرتيش لا فيا لا فحادة و تا دابا مريم كانت غتيتم بنتها بسبابك مسمعات من عندك تا لحمد الله على سلامك ولا شكرااا

الصافية : (صوتها تغنغن ) كنا صغاار ا عصام كون رجع بيا الوقت مغنختارش هاد الحياة و مغنتبعش الفلوس ..

عصام 😞 دار قهقهات وسط العصبية و مسح على جبهتو ) هاااه كتهدري الصافية بحالا كنتي غتختاريني انا

الصافية : انا دابا كنحاول نصلح الأغلاط لي دررت

عصام : لا باااينة ..رجعتي عند حادة باش تصلحيهم

الصافية : عصام انا بغيت نرجع كي كنت هاد المدة لي عشت كانت غا كدبة

عصام : الله يسهل عليك ا صافية كنت ديما و باقي كنتمنى ليك غا لخير

الصافية : سلم على مريم اعصام ..غنعاودو نتلاقاو فساعة لخير

تقطع طيلي ..حس بشي حد كيتعلق ليه فرجليه ..بتاسم و تحدر عندها هزها و شاف مريم قدامو

مريم : قطعنا عليك الهدرة ..اجي ا ريم

هزاتها من عندو غادا بيها

عصام : (دار كيحرك الطنجرة )بلاتي ا صافية ا جي تغداي باش تشربي الدوا

وقفات فبلاصتها تسمرات .. اما هو عاد ستوعب شنو كال كان صمت لتواني

مريم : ( عضات على شفايفها و ضارت عندو ) مييرريم

عصام : (كيدوز على شعرو بتوتر و كيقرب ليها ) انا مقصصصدتش .. غير غلططت و كنتت..

مريم : ( قاطعاتو) عقلتي ملي تلاقينا اول مرة ..كلتي ليا كتفكريني فشيواحد .. عاد عررفت شكون

عصام 😞 هز يدها لعندو دارها بين يديه ) مرييم والله ما قصصدت ..تا حاجة فيك مكتفكررني فيهااا

مريم : ( خطفات يدها هزات ريم عندها)

عصام : عطيها ليا نتي مزاال مرييضة ( مد يديه باش يهزها و حيداتها ليه بزربة )

مريم : (جا يشدها وبعدات )

عصام : عيقتي ا مرريم ..بقات سميتها فمي حيت كنت كندوي معاها و بقات فبالي

مريم : (بتاسمات باستهزاء) انا لي كنت كنصحاب كدير هادشي على قبلي ..قول غير باش ترتاح ..مواسيتيهاش ه

هي اللهم تواسيني انا

عصام : ( ابتاسم ) مررريم ..كتغيري

مريم 😞 خرجات عينيها بصدمة ) صافابااا .. علاش غنغير بسلامة

حطات ريم الأرض مشات كتجىي تغني مع الأغنية

قرب ليها و هي مسمرة فبلاصتها صغر فيها عينيه كيحقق فيها

عصام: واش كتحسي شيحاجا من جيهتي ؟

بقات ساكتة مهبطة راسها و هو يقرب ليها شدلها خصرها بيديه و قربها ليه كثر

عصام: نطقي …

مريم: انا …

باسها بوسة طويلة و نطق

عصام: مريم تزوجي بيا ؟

مريم: خفت نظلمك معايا

عصام: نتي قولي اه و كولشي عليا …

مريم: هههه اه

عصام: مازال كنتسنى جوابي

مريم: عضات شفايفها و نطقات…كنبغيك…

صبح صباح جديد فاقت على صوت التيليفون كيزنزن هزات تيليفون مخلوعة مور ماشافت نمرتو و جاوبات و هو ينطق

هاشم: تهزي عندنا جلسة مع جوج قدرت نقنع المحامي يلقا لينا شي حل

صافية:(بلعات ريقها) ليوم انطلقو

هاشم: ان شاء الله غا نوضي هزي طريمتك و اجي حسن ماتخدميها فتلواز ياويلك ديري هاه ولا هاه….

…قطع عليها و هي تنوض كتزدح ف رجليها و مشات كتفيق حادة …

الصافية: حادة وااااا حااااادة راه بغا يطلقني

حادة: بسم الله عليك اش واااقع

الصافية: عندي جلسة لعشية ا حادة مابغيييتش نطلق

حادة: صافي سكتينا ماغاطلقيش غا هنينا انا نلقا الحل

الصافية: شنو الحل هالعار ؟؟؟؟

حادة: هانتي اتشوفي …

داز الوقت و حطها الكار و من تماك شدات طاكسي للمحكمة دغيا وصلات و هبطات منها …دخلات و كل الاعين عليها حتى دخلات للجلسة لقات كولشي حاضر

الصافية: هاني جيت اسيد القاضي سمحليا على تعطيلة

القاضي: نبداو الجلسة

هاشم: سمح ليا اسيدي و لكن هادي ماشي مرتي يمكن غلطات. فالقاعة

الصافية: اويلي اهاشم نكرتيني

هاشم: صافية ؟؟؟

الصافية: صافي نسيتيني دغيااااا فين هو حقي من هادشي باغي تنكرني (كتصطانع البكا) بغيت حقي اسيدي القاضي ….

ضاربة جلابة دنمر شراتها من سويقة د القيصارية و شادة شعرها بمقبط من دوك لمقابط لكبار و لابسة فرجليها صابو بيض …جالسة كدمع قدام القاضي و فوسط المحكمة و بين الناس كتهرنط و تقولو بغيت حقي كولشيي مصدووم فيها اكثرية هو ….كيشوف فيها بعدم تصديق كيطلعها و يهبطها و مامتيقش مراتو اعيباد الله لي من ديما كضرب الشانيل و الغوتشي و روليكس جاياه للمحكمة بهاد الحالة …تقطعات ليه الهضرة و مالقا مايسبق و لا يوخر

القاضي: سكتينا اشريفة خلينا نكملو هاد الجلسة بيخير

حرك راسو بلا حولة وهو براسو مصدوم كيف كانت تتجيه لجلسات ضاربا لكلاص وتطلبو يفكها ويطلقها منو.

الصافية : بغيت حقي اسيد القاضي و طااامعة فيكم تجيبوه ليا "

كتشوف ف راجلها من لتحت لتحت و هو تقدم كيهضر بلعبار و بالنخوة…

هاشم : أي حاجة بغاتها أتاخدها انا موافق على الطلاق… "

الصافية: وأنا مموفقاش اسيدي حقي تسلب وخصك ترضولي وطبق لقانون نعام اسي "

القاضي: اشمن حق تكلمي؟

الصافية : مبغيتش نطلق بغيت راجلي"

القاضي: بعد كاع دوك لاسباب لي عطيتينا باش نطلقوك دابا مبغيتيش تطلقي؟

الصافية : عندي سبب مقنع نعام اسسييي "

شاف فيها راجلها بعدم فهم كيمسح على لحيتو بغا غير يغوت ويخرج بحالوو

القاضي: أشمن سبب أبنتي دوي ؟

هزات كتافها تتشوف فهاشم بخجل مسطنع:

الصافية: كوانييي نعااام أسي ولقانون كيقول لكواك راجلك قبل مينطق القاضي بطلاق من حقك ترجعيه

خشا وجهو فلكرسي لي قدامو

هاشم: الله ينعل بو لي قراك لقانون

خرجو من قاعة المحكمة الحضور كان كيضحك و ناس كينممو و يدويو….هاشم مصدوم منها و هي مصدومة من راسها و لكن ماخلاش ليها الحل …نطق القاضي برفض الطلاق و آمرهم يرجعو لبيت الزوجية و هادشي لي زاد عصب هاشم و خلاه كيف المجنون ماحسش براسو حتى شدها من يدها مجرجرها ف الكولوار د المحكمة…..

الصافية: اااي كضرني اهااااشم

…زدحها فطوموبيل و ركب و كسيرااا مانطق ماتكلم باغي غير يحيح …و لكن ضارب االطم …بقات حتى هي غير كتبقلل عينيها حتى وصلو لواحد البارك و نزل و نزلات هي معاه …بقات كتمشى من وراه بشوية حتى وقف و دار عندها …

هاشم: علاياش كتقلبي اصافية ؟؟؟؟ هممم ؟؟؟ علاياش طلاقك بغيتيه انعطيهلك علاااش رجعتي فهضرتك

الصافية: (بلعات ريقها ) مابغيتش نطلق… مابقيتش بغيت

هاشم: ماااااشي على كيييييفك بزز علييييك نتي لي ختاريتي طريقك و انا مابقيتش كنتيق فيييك

الصافية : عارفة راسي غلطت اهاشم و لكن كنبغيك مابغيتش لفراق….

هاشم: ههههه كتبغيني ؟؟ منبعد شنو ؟ منبعد ما دمرتي اي حاجة زوينة فيا ؟؟ منبعد ما غدرتيني

الصافية: كولشي كيتصلح…عطيني فرصة …ديك الليلة اهاشم

هاشم:(قاطعها) ديك ليلة نزوة و مشاااات …مابقيتش انتفكرهاااا

الصافية:(عينيها غرغرو بدموع) انا كنت خايفة ….

هاشم: مناااااش خااايفة ؟؟؟ مناااش

الصافية: خايفة من المسؤولية و هادشي علاش هربت منك كنت كنقول مع بالي مال باغي عائلة و انا ماقاداش نعطيها ليك حيت مسؤلية كبيرة عليا …خفت بزاااف اهاشم

هاشم: كنت بغيتك غير نتي …بلا ولاد و بلا حتى حاجا و لكن نتي عمرك شفتي هادشي

الصافية: شفتووو دابا و ندمت …ندمت عليك غير سمحلي و كنواعدك والله حتى نتبدل كولشي ايتبدل…

هاشم: مابقيتش بغيتك …فهميها …

الصافية:(كتمسح دموعها) راه انمشي عند واحد اخر و ايشوف زيتوناتي…

هاشم:(طلع كتافو) سيري

الصافية: زيتوناتي اهاشم ؟؟؟

هاشم: مااااشغليييش …ركبي نوصلك صافي سالينا

….بقات كتبكيلو فطوموبيل طريق كاملها حتى وصلها لمدينتها و لدارهم هبطات و زدحات عليه طوموبيل و مشات و هو بقا كيشوف فيها حتى دخلات و نطق …

هاشم: زعما توريلو الزيتونات ديالي ؟

داز لوقت وطاح ظلام.

كانت فدارها لابسا كسيوة ودايرا زيف فوق راسها..

غطات ماماها مور معطاتها تعشا وتشرب دواء سدات عليها باب بيتها وطفات ضوء تمات خارجا

زادت تتغسل لماعن وهي ساهية..

من نهار هضرات معاه بلقاصح مبان..كانت مولفا ديما تلقاه قدامها..

تنهدات نفضات يدها من الماء..

زادت هازا تيلي منين سمعات صوت مساج. لقاتو جاي من عصام " مجا هد رقم واحد غيتزوج🤤"

ضحكات على لمساج لي سيفط ولاموجي لي معاه جوباتو بشكون هاد تعيسة الحظ.؟

حطات تيلي منين سمعات شتا برا..

الحرة: شتا؟ هاد لعام طاحت

بكري.

زادت تتسد شراجم.

الحرة: احسن حاجة محليتش ليوم لاصال كن رضو دنيا كلها و سخ

وقفات فسرجم..تتشوف فشتا لي تضرب فلارض..وتتغسلها...لارض ولات لامعا بعد مكانت كلها غبابر..

حطات يدها على قلبها: كن غير كطيحي تا على لقلوب تغسليهم من جديد.

سدات سرجم بزربا. منين تفكارت خلات شي صنادل حدا لباب برا..زادت بجرا حلات لباب...هازاها يلاه بغات دخل جات عينيها...

فطومبيل لي واقفا..وضوها شاعل .ضوء لي ضارب فجسموو....

صغرات عينيها وهي حاضياه: شكون هاد لحمق لي كالس فوسط شتا هكدا..

يلاه بغات دخل وهي تسمع عيط لها حوراء..

وشكون من غيرو لي مزال كيعيط لها حوراء.

رضات لباب..وبقات واقفا..تتشوف فيه..

الحرة: اش هاد لحمق اربي لي سلطتي عليا..

زادت بجرا وهي حاطة يدها على راسها..وقفات قدامو وهي تتنهج.

مقدات تا طلع راسها فيه شتا مجهدة وكضرب فعينيها..

نطقات بلغوات: واش حماقيتي اش تدير هنا؟ واش معندكش داركم؟

بقا ساكت غا كيشوف فيها.

الحرة: لكيعجبك توقف فيها وقف بوحدك متعيطش لي.

هزات راسها فيه بانو ليها عيونو حومر ميلات راسها جنب: واش كنتي تتبكي؟

حرك راسو بلا: غير شتا

هزات كتافها: ايه ماشي سوقي قلت لك مبغيتش نشوفك علاش جاي؟

هزات كتافها: مكيهمش غا سير بحالك

تمات غادة وقفات منين نطق " سمحيلي"

دارت تتشوف فيه وشتا ضاربا فوجها" علاياش؟

أسمر: على نهار لي مشيت فيه وخليتك فأكتر وقت نتي محتاجاني فيه.

تجنبات شوفة فعينو: يعني نتا عرفتي. (تنهدات) لي وقع وقع ااسمر ولماضي تنسا مكاين لاش تلوم راسك وتعدبو بسباب الماضي ديالي.

أسمر: كان خصني نكون معاك كان خص نبقا معاك

شافت فيه مطولا وحالتو معجبهاش .قربات منو كتر: نتا كونتي غا ولد17 لعام اش عندك.مدير أأسمر

زير على لكمة يدو: كان خاص ندير

شافت فيدو لي كتقطر بد.م

الحرة: واش ضربتي يديك عاود؟

هزاتها تتفحصها: تا طيرها عاد ترتاح.

نتر يدو كيشو فيها: سمحيلي أحوراء سمحيلي أنا مقادر نكول والو من غير سمحيلي

ضرب فصدرو بجهد: عندي بزاف هنا ولكن معنديش لسان باش نخرجو لك ..سمحيلي أحوراء .

جرها عندو بجهد مدخلها فصدرووو...محاوطها بيدوو : وخاا نعرف نعطيك روحي مغنخلي تاحاجة خرا تآديك أحوراء تاحاجة..

كتهضر وهي بين يدو: كلت لك بغيت بزاف موراك لاش باقي جاي عندي

أسمر: وخا تكولي لي تزوجتي بيهم مغنخليكش

غمضات عينيها وهي مخشيا فيه: علاش جيتي؟ علاش بنتي من جديد فحياتي؟ علاش جاي تطلب مني سماحة أا؟

دفعاتو بجهد: مكانش خصك تجي أاسمر مكانش خصك تبان فحياتي..هاد سنين كلها ..كان خصني نحقد عل شي حد..(ضربات فقلبها) كان خصني لوم شي حد على أش وقع لي أنا لمتك نتا..أنا كر.هتك نتاا..

(بالغوات) لاااش بنتي فحياتي ااا لاش طفيتي لعافية لي كانت فقلبي أاا؟ شكووون غنلوم دابا؟

الحرقة ديالي كانت تتبرد منين كلومك ونكر.هك أاسمر...أنا عارفا بلي نتا حدك مشيتي بلا متكولي باي باي..لمتك على ديك ليلة كلها.

(هزات كتافها) كن نزلتي وودعتيني كنت غلومك عاود أاسمر..

غطات وجها منين دموعها سبقوها: معرفتش علاش ولكن كنت تنظن إلى لمت شي حد على ديك ليلة وجعي غيقل أأسمر..

كيشوف فيها كفاش تتهضر وهي تترعد بلبرد..وجها ولا كولو حمر مغطياه بيدها.كسوتها كلها فزكات لصقات عليها .وريح كيدي ويجيب فشعرها..

قرب منها...جرها عندو مدخلها فصدرو: لوميني أنا كر.هيني أنا قابل بكر.هك ليا أحوراء ..غوتي عليا أنا..وضربي فيا أناا..خرجي لي فقلب ليا أنا.

حط شفايفو على جبهتها: انا راضي بعدابك.

حوطها عندو كتر .هزات يدها بشويا وهي مترردة .

خشات وجها فيه وحطاتهم على ظهرو محاوطاه

كالسا قدامو.تتشوف فيه وهو كيدور عينو فدارها

الحرة: اشنو واش معجبكش قصري؟

أسمر: هنا كونتي مخبعا هاد سنين كلها..هادا راه قلعة

ابتسمات جنب: اش بان لك تريب هاد لقلعة حيت نتا هو وحش قصتي؟

حرك راسو بلا: غنعيش هنا مع الأميرة حيت أنا هو أمير قصتك.

جرات يدو بزعاف : متتلقا مدير كضرب فيدك..وحش وحش نيت.

ابتسم وعينو عليها وهي كدير ليه دواء..وتسوط على يدو بشوية : جات عليك لكسوة..

هزات عينيها فيه: أا؟

أسمر: كنشوف قدامي دابا غا حوراء.

دوز يدو على شعرها: ولكن خصك تحيديها

خنزرات فيه: كفاش؟ دخلتك لدار نويتيها فشكل ولا كفاش؟

حرك راسو بلا: راها فزكات غتمرضي .

طلقات يدو: تانتا فزكتي سير لداركم تبدل معندناش هنا حوايج رجا.ل

أسمر: واش ماماك ناعسا؟

حركات راسها باه

أسمر: واش مكاينش أمل أنها تعالج.؟

هزات عينيها فيه: عيت نجري بيها عند لاطباء كل واحد اش كيكول دابا متبعا دواء .ولكن مكاينش تحسن.

شافت جنب: دازت كتر من عشر سنين وهي على حالتها ..

أسمر: غيجي نهار وتبرا .تيقي فيها

الحرة: نتيق فيها؟

حرك راسو باه: تيقي فيها هي بقات قوية هاد سنين كلها غيجي نهار وتغلب مرضها.

تمات نايضا: مكاين لاش تبيع لي لوهام. الأمل وداكشي غير هضرة خاويا.

وقف اونفاص معاها: أنا تايق فيها وتايق فيك.

طبع بوسة على جبهتها وبعد: غنمشي حلمي بيا.

ساطت بجهد مسحات جبهتها: و حش

خرج من دارها جبد تيلي مدور نمرة لوكيل.

الوكيل: اسمر ياك لباس؟

اسمر: واش تتعرف شي حد ثقة خدام فالرباط؟

الوكيل: علاش؟

أسمر: بغيت قضية قديمة وقعات تم.. تعاود تحل..فأسرع وقت ممكن.

الوكيل: وي كاين تما .ولكن أشمن قضية؟

أسمر: غدير فيا خير لهضرتي معاه..ولقضية غنشدها معاه..هي مهمة بزاف بالنسبة ليا.

الوكيل: صافي غدا صباح نساليو لخدمة ونطلعو عندو.

ابتسم : شكرا حيت عمرك مرضيتيني

الوكيل: اش هاد لهضرا نتا بمقام ولدي وانا عارف بلي لي بحالك قلال حنا تحطينا فخدمتنا غير باش نحققو العدل ونتا تتحققو بيديك وبرجليك و بسنانك على داكشي نتا لي شكرا .

"دازو يام"

كانت فلاصال بوحدها تتريني غا هي وراسها..ناضت تتشوف لتيلي..رجعات منين ملقاتوش صونا..عارفاه مسافر على ود لخدمة ومولف كل مرة كيصوني عليها.ولكن ليوم معيطش كاع.

سهات وهي تتفكر منين طلب منها زواج وكفاش رفضاتو..وهو لي قالها بلي غا علمها...داكشي لي دار فلماضي مقداش تنساه ليه وخا مبقاتش حاقدة كيف لول.وفنفس لوقت كتحس بلي كانت قاسية معاه..وخا دازو يام ومبقا كال والو مي تتحس بلي ديك لهضرا كانت قاسحا.

هزات راسها منين سمعات لباب تحلات بان لها جاي ولبسمة فشفايفو : حوراء

وقفات تتشوف فيه: جيتي؟

قرب عندها جرها عندو معنقها: توحشتيني ياك.

دفعاتو مبعداه: شفتك غا تشوفني تنقز تعنق وتبوس واش باغي تودع؟

أسمر: لمعنقت راجلي شكون أنعنق؟

جمعاتها معاه بركلة: رجعتي تكول راجلي عاود

أسمر: قصدت مرتي ..

وقف اونفاص معاها وهو ضاحك

شافت فيه مستغربا : مال فمك مشرك واش لقيتي بزطام؟

مد لها ملف شداتو بين يديه..تتشوف فيه: ديالاش هذا؟

أسمر: هذا حكم القاضي فقضية باباك.

الحرة: كفاش قضية بابا ؟

أسمر: النيابة العامة حلات القضية من جديد من حضنا كانت باقي مسالات بتقادم..

الحرة: ونتا كونتي سباب أنهم حلوها من جديد؟باش حكمو عاود؟

شار لها تشوف لملف

شافت فلحكم وشافت فيه عينيها تغرغرو بدموع: واش هادشي بصح لي كنقرا؟

حرك راسو باه.

الحرة:هاذشي مغيرجعش لي بابا أاسمر ولكن بابا كان وحد رجل لي سمعتو اهم عندو من حياتو ونتاا حافضتي عليها..شكرا ليك.

ابتسم لها: متشكرينيش درت غا خدمتي..مور هاد لحكم غندير جهدي يعوضوكم على كاع ممتلكاتكم..

ابتسمات جنب: انا براكة عليا غا براءة بابا..

زاد تتكمل تدريبها..قرب منها : شحال خصني دلوقت باش نشوف لفرحة دبصح فعينيك؟

هزات راسها فيه : يمكن عام يمكن عشرة يمكن عمر تشوفها.

زاد عندها : غنعاينك وغندير جهدي باش نشوف ضحكتك لي من لقلب أحوراء.

قرب يدو شاد لها يدها وعينو مفاكسين مع عينيها:غيجي نهار وهادشي كولو غيولي غا ماضي.

شافت فيه بلا مترمش..غير تتشوف فيه زادت خطوة مقربا ليه حطات راسها على صدرو..وحوطاتو بيدها

الحرة:بقا هكدا شوية

أسمر:نبقا هكدا لعمر كولو لبغيتي

بعدات عليه : واش كليتي؟

حرك راسو بلا يلاه وصلت جيت عندك

شافت فيه : عارضاك.طلب لينا شي حاجة تتنكال..غندوش ونخرج.

زادت لدوش دلاصال ..دوشات وخرجات لقاتو حاط لماكلا..

كلسات حداه: طلبتي دجاج مقلي؟

حرك راسو باه

الحرة: صحابني غطلب تانتا شي بيتزا ولا شلاضة بحال عصام

أسمر: عارف مغتبردش جوعك.

كلسات تتاكل ..

هز تيلي كيوريها:هاد سبيطار فيه أطباء معروفين...منين كنت فرباط سمعت عليه أش بان لك نديو ماماك؟

الحرة: نخاف غير نعدبها فلكار عاود بلا فايدا

أسمر: أنا غنديكم.

الحرة: مكاين لاش تعدب

أسمر: عذاب لوستي راحة

الحرة: سميتها حماتي

حرك راسو باه: نتي تعرفي حسن مني

الحرة: كول كول

خشات ليه دجاج ففموو.

نهار آخر.كانت جارة ماماها مدخلاها لكلينيك..هزات راسها فلبلاكة ديالو " المرابطين"

هبطات راسها داخلا...كملات طريقها بان لها شي داخل وشي خارج..

وقفات منين قاست بلكرسي وحدة.

الحرة: سمحيلي..

هزات راسها فيها رجعات شعرها ليموني جنب: نتي هادي.

الحرة: واش تتعرفيني.؟

حركات راسها باه : نتي سبق لك عتقتيني وحد.نهار نتي تنسايني وانا مستحيل نسا عينيك..وصوتك مستحيل نساه نتي عتقتيني فاش كان بغا يتعدى عليا وحد فلاستراحة دلمحطة. انا حادة ونتي الحرة ياك

سهات تتفكر

دفعها لارض...مقرب لها كيحيد صدايف قامجتها..بغاا تغوت .ولكن مقدا تحرك مقدا تهضر...خرجات من طواليط .لابسا..كيطمة..فلكري...وجها مغطييي بلڤابيط ولكاسكيط..دايرا لكاسط دلاغاني...كتحرك راسها..معاه...عمرات قرعتها دلماء..

كيشوف فيها...وبدورها شافت فيه .

غمزاتو بلمهل: مالك يكما عجبتك تا انا ؟تجربني بلاصتهاا؟؟

زاادت عندو واقفا حداه...هزات لقرعة دلما..حلاتها بشويا..تتخويها.. على وجها .لي خلاتها تصحح..بلا خاطرها..

الحرة نطقات وهي تتشوف فيها: كيقولو لمقدرتيش تقاومي.لاغت..صاب تمتعي بيه..حشومة نتي ناعسا كاع مغتمتعي

تهزات راجعا لور..متكيا على لحيط..شادة على صدرها..

رجعات شعرها لور: واش بقا فيك لحال حيت شاف شقة صدرك؟

حركات راسها بشويا تتشوف فيه.

نطق وعينو عليها: شكوون نتيي؟ اش دخلك..؟

نزلات على رجليها..كالسا حداه..نفس كلستو جبدات قاطع من جيبها...نزلات بيه على طريكوه مقطعاه فنص...جرات بيدها كل جهة لجنب..مخليا لحمو وصدرو يبان.

ابتسمات مرجعا لسانها جنب: شوفيي تا نتي فبزازلو ...تعادل؟

دفعهاا بجهد..مطيحها لارض تم نايض.

.

نطق بلغوات: شكوون نتي باش تقسيني...(شاف فحادة لي باقا دايخا) زيدي معا يا نتييي..

تم نايض قبل ميقيسهاا...جاا طايح منين ضرباتو الحرة بركلا لورر...

زادت موراه جراتو من شعرووو...مرجعااا عنقووو لوور حاطة لقااطع ..على عنقووو كتشوف فحادة لي غير تتبكي.

الحرة: ناخد لك حقك ولا تعيطي لبوليس؟

كتنفس بجهددد: عيطي لهمم..

حركات راسها بلا: انا وياهم متنتلاقاوش عيطي لهم نتي..

جبدات تيلي من جيبها ويدها كيرجفوو عيطات لهم ...

قطعات منين سمعات راجل كيغوت...شافت فيه موسعا عينها ..وهي تتشوف فيها مدوزاا لقاطع على حنكوو..ولبسمة على شفايفها باينا من خلال تكماش عيونها سهات فعيونها .

طاح شاد على حنكووو كغوت ويبكي...غير كيبغي ينوض كضربو برجلها. ..مطيحاه جهدها فايت جهدو..حطات رجلها على كرشوو...

هزات يدها تتصرفق فحنكو

ابتسمات: تورختك..ولات مكتوبة فكمارتك شمكار...عندك زهر مبغاتنيش ناخد حقها دوماج...

تمات نايضاا...

الحرة: فاش يجيو لبوليس علميهم بليي انا لي ضربتووو...مغنتحبسش بزاف ولكن هوا غيتعفن بتهمة محاولة..لاغت.صا..

قبل متكمل هضرتها..ناض كيجريي ...شااد على حنكووو...

نطق قبل ميخرح: مغنساهاش لك

ضحكات بجهد: بلفراحة عليا تعطيني حنكك تاني...

خرج بجراا..حنات تتمسح..صبرديلتها

شافت فحادة : راها دورجين...خخخ...وسخهاا لييي...

ضيعت عليها بزاف دلفلوس..

جبدات حادة لفلوس من جيبها مداتهم لها : شكرا..

شداتها مبتاسما: علاش..ياكما صحابك عاونتك؟ راني غا كنت دايزاا...

هزات شكارتها خارجاا..

حادة: مقولتيش لي سميتك

ابتسمات جنب: كيقولوو لي الحرة.

حادة بهمس:الحرة؟

"فاقت من سهوتها "

الحرة: حركات راسها باه: عقلت عليك

جبدات لفلوس من جيبها مداهم لها: داك لوقت كنت محتاجة لفلوس..

حادة:لاا مبغيتهمش لاا نتي عتقتيني عمر نسا خيرك

قربات لها معنقاها..: واش راجل لي شرطتي وجهو معاودش بان؟

الحرة: واش تيقتيه بلي مغينساهاش لي ههه تيقيني كاع رجا.ل لي ضربت كيكولو نفس شي وكينساو عكس لعيالات.

ابتسمات شافت فمها؛ واش جايباها هنا اشمن تخصص غديها؟

الحرة: دماغ

حادة:راجلي هنا دكتور سيري عندو

جبدات لها بطاقتو: راه تلميد احسن بروفيسور هنا أسيرم مرابط ولكن دكتور اسيرم دابا مكاينش سيري عند راجلي راه كاين فمكتبو انا غنعيط ليه نوصيه عليك.

شدات من عندها لبطاقة: دكتور بهاء!

حركات راسها باه.شكراتها وزادت

فحين الحرة تنهدات : حادة هاد سمية جايا غا مع شيخة

مجاياش مع هاد لبنت.

كان واقف موراهم ساهي فيهم شاف جنب منين داز فيه واحد طبيب بكتفو..: سمحلي

أسمر: حرك راسو بمعنى مسموح

ابتسم ليه مد ليه يدو :تاكل لوز .

شد من عندو وبقا متبع ليه لعين تا غبر: هاد سبيطار وأطباءو فشكل..

زاد عند الحرة ماد لها قرعة دلماء.

أسمر:, هاا لماء

زاد معاها شاف فيها:واش بصح اش سمعت؟

الحرة:اش سمعتي بضبط؟

أسمر: ضربتيه لوجهو؟

الحرة: اه كن مشا لحبس كن خرج مور شهر وماشي بعيد يعاود يتعدى على شي وحدة خليه متورخ باش لبنات يبعدو من طريقو.

أسمر: لكل واحد خدا حقو بيديه غتولي سيبة احوراء؟

شافت فيه: تاحد مكيقد ياخد حقو بيديه من غيري.

أسمر:على داكشي ربي عطاك نائب باش يحكمك

جرات مها غادة لمكتب طبيب..ضاحكة على هضرتو.

دقات فلباب مدخلاها ..فحين هو تنهد بجهد تابعها..

داز لوقت كانت خارجا من عند طبيب وهي فرحانة .

الحرة: واش سمعتيه منين قال بلي كاين احتمال كبير ماما تعالج مور لعملية.؟

حرك راسو باه .

جمعات ابتسامتها: ولكن

أسمر: مديهاش فلفلوس على حسابي.زعما ماشي انا لي غنخلص مي راه قلت لك غيجيك تعويض على فلوس باباك ..غنخلصو منهم.

الحرة: ولكن على حساب ما عارفا التعويض كياخد وقت طويل تتوصل لسنين

أسمر: غندير جهدي نخليه قصير

الحرة: زعما ممكن؟

حرك راسو باه وخا عارف بلي ميمكنش..

ضحكات بجهد باست راس ماماها: قريبة احبيبة غتوقفي على رجلك وترجعي صحتك..ونسمع صوتك

أسمر: خلينا ندوزو ناكلو قبل منشدو طريق

حركات راسها بوخا: ولكن على حسابي نتا راك غا جاي معايا

أسمر: تحركي تحركي

جر مها غادي فحين هي تبعات ليه لعين مبتاسمة.

نعستو؟

دازو يام..ماماها مور منجحات لها العملية قدات تخرج كلمات معدودة من فمها..ولكن باش تمشى وتهضر نشان خصها تبع ترويض لشحال.

كالسا معاها كتمسد لها رجلها..وفاطمة كتوجد لغدا..غير حطاتو على لبوطة جات كالسا حداهم.

فاطمة: فين داك سي نائب كاع مجا ليوم؟

حركات مها راسها باه: أ سمر

الحرة: غتكون عندو لخدمة.

فاطمة: اوا كاين شي ولا غا لفرشي؟ تهنيت دابا على عصام خاص نتهنا تا عليك.

الأم: ت ت زوجيه

ضحكات الحرة بجهد: منين تنوصلو لاسمر وزواج كيتسرح لك لفم اماما .

فاطمة: ابنتي لولد مزيناتووو طويل وزوين وخدام وحنين فيك..وبقاي دفعي عليك كبير تا يطيرو لك بيه

تمات واقفا: غنمشي لخدمة باركا متنممو عليا مبغاش نتزوج أنا.

حلات لباب خارجا تنهدات بجهد: شكون غيطير بيه .شافت فسنسلتها لي فيها خاتم تفكرات نهار عطاه لها

أسمر: أنا بغيتك هادي عشر سنين وباغيك دابا وغنبقا حياتي كلها كنبغيك ..

جبد خاتم من يدو حاطو لها بين يدها ومزير عليها بيدو: خلينا نتزوجوو

(هزات كتافها)هو باغيني أنا

تمات خارجة بعد مخبعات سنسلا تحت حوايجها

"عند أسمر"

كان كالس مع مغيت..وعينو على ملف القضية

أسمر: غنشد هاد لقضية

مغيت: المج.رم مع عصا بة ونتا عارف بلي بحال هاذ لقضايا كولشي كيتجنبهم.

أسمر: هما لي خصهم يتجنبونا ماشي حنا امغيت.

حط لملف جنب وجبد ضوسي اخر

أسمر: هاذي قضية نوفل

مغيت: واش غتابعو بتهمة تعاطي؟

اسمر: لا نتا عارف لختار انه يتعالج مغنقدوش نتابعوه...التهمة هي البيع. ضوسي فيه كاع داكشي لي تحتاج على لقضية نتا تكلف

مغيت: علاش عاطيني قضية واجدا هكدا؟

أسمر: الوكيل ممرتاحش أني نشدها بحكم أن ختي ضحيتو على داكشي تكلف نتا.

مغيت: غندمو على اش دار فأسماء غير بلاتي عليه.

شاف فيه مبتاسم: فرجني.

تم نايض؛ غندوز عند أسماء نخليك دابا.

زاد خارج..مسافة طريق تا وصل لمصحة فين تتعالج ختو..توجه لبيتها ..مع وقف فلباب..سمع صوت ضحكتها..

زاد كيطل عليها من زاج دسرجم بانت ليه كالسا مع عمورة كيهضرو ويضحكو وقف حداه طبيب وهو مبتاسم

الطبيب: رغبتها فلعلاج كبيرة ودعم لي لاقيا مع صحابها وحبابها كبير هي مستاجبة لعلاج مزيان.

ابتسم ليه: هضرتك فرحاتني ادكتور..شكرا ليك بزاف على المجهود لي كدير معاها.

الطبيب: الله اودي ااسمر كندير غير خدمتي نخليك دخل عندها عيات متسول عليك

طبطب على كتفو ودخل عندها غير شافتو ناضت بجرا عندوو ترمات عليه معنقاه: خوياااا أسمرر.

كلسات معاه تتعنق وتبوس فيه..شافت فيه مبتاسمة

أسماء: شكرا ليك بزاف اخويا

أسمر: علاياش؟

اسماء: حيت وقفتي معايا وخا ضريتك بزاف

اسمر: شحال من أسماء عندي أنا اأ؟

أسماء: وشكرا حيتاش مكولتيش لواليديا اشنو واقع.

أسمر: هذا سرنا أنا ونتي

شاف فعمورة لي واقف جنب: وداك بنادم

شافت فيه مبتاسمة: مالك معاه؟ ههه؟

عمورة:والو غا خوك ظالمني

اسمر: كان باغي يزوج حوراء لباه

ضحكات أسماء بجهد: واش نتا حمق معرفش اش دوز خويا على قبلها. ولا عايش بكلوة وحدة على قبلها

عمورة: كفاش قل.ة وحدة

شاف أسمر فختو وشاف فعمورة: هي لي غتولي عايش بها نتا

زاد شانقو فحين أسماء كضحك وعمورة كيحلف بلي مسمعش مزيان.

من نهار وصلها ماسمعات عليه شي خبار …صافي قالت حتى هي دير شوية د النفس فراسها …لبداتها و سكتات و عاشت الكآبة فدوك الايام دازت شهر و لا كثر و لا قل شكون عرف …كتاكل و تنعس و تبكي …حتى لواحد النهار هزات تيليفونها و دارت نمرتو ..غير جاوبها بدات تشهق و تبكي …

الصافية: مابقيتش قادرة على هادشي اهاشم …مابقيتش والله …

هاشم: شواقع ؟

الصافية: اجييي عتقني عفاااااك الله اعطيك ستر عتقني

هاشم: الصافية ماتخلعينيش شنووو واقع نطقي

الصافية:عفاك اجي

….قطعات و ماخلاتوش يزيد يفهم …هو بالخلعة خرج ب بيجامة د نعاس ركب طوموبيلتو و غادي بواحد السرعة كبيرة …مع وصل لمدينتها مشا كيدق فدار بجهد حلاتلو حادة مخلوعة …

حادة: دخل اولدي دخل راااه حماقت بلبكااا

هاشم: شنو واااقع

حادة : ماعرفتش فقت عليها كتبكي و هاد الايام ماعجبنيش حالها

هاشم:(توجه عند صافية و تحنى لركابيها كيهضر) مااالك اصافية ؟؟؟

الصافية: مابقيتش قاااادة ديرلي شي حل عييت

هاشم: شنو ضارك عاوديلي و ماديريش فراسك هاد الحالة ؟؟؟ شنو بغيتي ؟؟ ترجعي معايا يالاه غير بقاي على خاطرك

الصافية: لا مابغيييييتش (كتبكي و تشهق)

هاشم: قولي شنو كاين عفاااك

ناضت كتجر رجليها دخلات للبيت هزات شيحاجا فيديها و ضارت عندو عطاتهالو….

الصافية: خصك تلقالي حل …مانقدرش نربيه بوحدي …

هاشم: (مصدوم و مخلوع) نتي حاملة ؟؟؟؟

الصافية: عفاك ديني ندير كورطاج مانقدرش على هاد المسؤولية بوحدي

هاشم:(كيشوف فيها ) الصافية نتي راك حاملة

الصافية: خاااايفة …خايفة

…عنقها بين يديه خاشيها عندو و هي كتبكي…طاحو دموعو حتى هو و نطق

هاشم: خلينا نساو كولشي خلينا نبداو من جديييد يتربى ولدنا بيناتنا …زيدي معايا اصافية دارك توحشاتك

الصافية: سامحتيني ؟؟؟

هاشم؛ كنبغيييك و الله اسامح

الصافية: ديني معاك عفاك ماعارفاش شنو ندير شنو كياكل شنو كيشرب فين انحطوه

هاشم: انحطوه بيناتنا…يمكن كيشربو لحليب مانعرف نتعلمو فيه بجوج

الصافية: و الى ما ت

هاشم: نولدو واحد اخر

عنقها عندو واخدها بين يديه… هي توقفو

الصافية: نديو حادة معانا مانقدرش نخليها

هاشم: مرحبا بيها لي جا فطريقك مرحبا بيه

"فجهة خرا"

هاد ليام كلها وهما مع الحملة مبقاش خدا راحتو معاها..

دخل لكوميسارية مبتاسم..

بانت ليه خارجا..

عصام: فين غادة؟

مريم: كان عندي سربيس فليل لبارح

عصام: انا كنت برا لبارح..توحشتك هاد ليام مشبعتش منك (شاف فشعرها كحل قصير؟واش هاد شعر مركبا؟

مريم: فالحملة حفضوني كلت نبدل ستيل باش نصدمهم

عصام: هاي هاي على ذكاء.خلي مك شعرك طويل كيعجبني

حركات راسها بوخا: راه غا مركباه مالك عارفاه كيعجبك منقدرش نقيسو.

باسها فحنكها..خرجات عينيها : اويلي أش درتي؟ راك فلخدمة زعما غيعيقو بنا.

عصام: كفاش غيعيقو؟ أصلا كولشي عارف..

شافت فيهم ولعينين عليهم: منين غيعرفو..وخا غا من عينيهم كنحس بيهم عارفين كولشي

عصام:يمكن حيت مبقيتش تنكول لهم لاوفيسي لفهري انما المدام!

مريم: أاا كفاش؟؟؟

غوت عصام بجهد: أنا والفيهري غنتزوجو كلكم معروضين لعرس من دابا.

شافت فيه تتسكت فيه .: اويلي اعصام اويلي

فحين لبوليس بقاو ضاحكين وزادو كيباركو لهم..

واقف من بعيد كيشوف فيهم: ساط وهو ساخط

دابا مريم ولا راجل فظهرها صعيب يقرب لها من جديد..واكثر حاجة ولا خايف عليها دابا هي خدمتو.

خالد: خص نتاقل من هنا ليخرجو عليا هاد جوج تلاقاو طزط باش بدلاتني

نهار جديد..كانت بقا تتقلب بلاصتها ليل كولو مشافت نعاس..

هضرة فاطمة تتعاود فبالها .

الحرة: مغيديه حد

غوتات بجهد راميا عليها لغطا هزات تيلي تتعيط ليه مكيجاوبش شافت لساعة : باينا غيكون فلخدمة.

رجعات متكية تتشوف فسقف..ابتسمات وهي تتفكرو...منين بان فحياتها كفاش تبدلات بوجودو..هو لي بين براءة باباها وكان سباب فشفاء مها.وهو لي بين براءتها.

دار بزاف على قبلها وبقا متشبت بها تساءلات للحظة واش هكدا حس منين قالت ليه بغات بزاف من غيرو؟ واش تعدب بزاف بسبابها..

حيدات لخاتم من عنقها تتشوف فيه حطات يدها على قلبها : غنخليك هاد لمرة نتا تختار .

"عند أسمر"

كان واقف فلمحكمة ابتسم منين نطق القاضي بالحكم 30 سنة للمتهم بتهمة تكوين عصابة اجرامية ..السر قة..التهديد بالسلا ح الأبيض. الاغتصا.ب.التجارة فالممنوعا ت وغيرها..

هز حقيبتو وتم خارج ..بداا خو المتهم كيغوت بجهد" نتا سباب تا خوياا تحكم..خوياا مدار والوو غندمك ."

بقاا كيغوت ...شاف فيه بعدم اهتمام وكمل طريقوو براا..

هاد لهضرا مولف يسمعها بزاف دلمرات ..

مور اش وقع لحوراء ولا كيركز فلقضايا كتر وكيحقق كتر وخص لادلة يكونو واضحين كتر...هكدا كيحس براسو دار لي عليه..ولباقي على لقاضي..

خرج برا لمحكمة...وقف منين بان ليه مغيت ولبنى واقفين فلباب..

غير شافو مغيت زاد عندو" كيف دازت المحاكمة

أسمر: مزيان..30 عام

وسعات لبنى عينيها" اواه واش معندوش محامي؟

مغيت: عندو عندو ولكن شكون يكد على أسمر

أسمر: نص دلقضية خدمتيه نتا

ضربو فكتفوو

مغيت: نرضها لك فساعة لخير منين نغرق داك نوفل

تنهد بجهد: متغرقوش غيى خليه يتربا. هو باقي صغير اكيد تاهو ضحية ديال شي حد .

شاف فيه وشاف فلبنى: ياكما الحنان ديالي تشتت؟

حركات راسها باه: حبيبي غير غادي ويزلع فحنيتو تا عاديتي اسمر

مغيت؛ ياك بعدا مكنتخايلش..

سكت منين بانت ليه واقفا فجهة لخرا دطريق.

مغيت: واش هاديك ماشي لحرة؟

غير سمع الحرة دار بزربا ..بانت لي واقفا فجهة لخرا دطريق بغا تقطع عندو..ابتسم .وزاد عندها.

وقف كيعاين الضوء الحمر يشعل..شاف لتيلي ديالو كيصوني وهي تتشير ليه باش يجاوب..

هزو مجاوب.

الحرة: أسمر

أسمر: حوراء لاش نتي هنا؟

الحرة: توحشتك.

بعد تيلي من على ودنو ومرجعو: واش مسمعتش مزيان؟

ضحكات بجهد: لاسمعتي مزيان توحشتك...أسمر خلينا نتزوجو

هزات يدها قدامها وفصباعها لخاتم لي عطاها: واش كيبان لك

أسمر: واش درتي الخاتم ؟

الحرة: أه..أسمر ..شكرا حيت رجعتي بنتي فحياتي شكرا حيت كنتي ليد لي تمدات لي باش نزل من الحافة ..شكرا حيت كنتي شمعة لي ضوات ظلامي شكرا حيت متخليتيش عليا.قلت لك هادي كتر من عشر سنين بلي نتا تتعجبني ودابا كنقوليك بلي مبقيتيش تتعجبني وصافي أنا راني كنبغيك كتر أي حاجة فهاد دنيا.

شاف فسما وعينوو كيلمعوو لبسمة مشركاا فمو: منين سمعت هاد لهضرا لبغات تجي المو.ت غا تجي.

شاف فالضوء شعل: بقاي تم أنا جاي عندك.

ابتسمات ليه..حلات يدهاا :اجي

بعيد عليه بخطوات قلال عينو عليه من لوطو: نتاا لي غرقتي خويا بربي متبقا فيك..

كسيرااا بجهددد..عندوووووو..

شافت فيه وهو جاي وشافت فطومبيل لي قريبة منوو جمعات ابتسامتها نطقات بخوف: أسمر.

قبل متحرك ولادير أي ردة فعل تسمع صوت ارتطام قويي...

طومبيل لي دازت فيه بجهد مخليا جسموو يتهززز ويترضخ لارض...

لحظة صمت...صوت أنفاسها هو شي لوحيد لي تتسمع..

لحظة خرجات من لعام كولو...عينيها تغرغرو بدموع..وهي باقا تتشوف فيه..

طايح على طولتوو جسموو لارض ود.مو سقا لارض..

غير تتشوف بلا متحرك..ويدها باقين محلولين...كانت تتعاينو يجي تعنقووو..

خطوات قصار بينها وبينو..ولكن مخطاهمش.

فاقت من سهوتها على غوات مغيت ولبنى .

شهقات بجهد مخرجا اسموو بصعوبة: أسمر

زادت بجرا طاحت عندوو ..

غوتات بجهد منين شافت د.م نازل ليه من راسووو.

وهابط على عينو ..حركات راسها بلا ودموعها نازلين: حل عيينيك أسمر مضحكش معايا هكدا حل عينيك عفاك ..

حل عينو بشوية ..كيشوف فيها ..صورتها موضحاش بزاف ولكن صوتها وهي تتبكي مسموع وواضح نطق بصوت متقطع: متبكي ش عليا

حنات عندو شادة راسو بين يدها ودموعها نازلين: عنداك تفكر تخليني عنداك أأسمر هاد لمرة عمري نسمح لك عمررررر

هز يدها كيشوف فلخاتم:درتيه

زيرات على يدو: اه انا غنولي مراتك كيف كنتي باغي عنداك تخليني عنداك

زير على يدها لي فيها الخاتم :مر تي

رخا قبضة يدو .وغمض عينو مغيب..بدات تغوت بجهددد...

حطات يدها على نبضوو..غوتات بجهد منين محسات بوالو..

شافت فمغيت وهي تتبكي وتغوت لربي لي خلقها..

بدورو هو غير كيشوف ودموعو نازلين...

صوت غواتها وبكاها مسموع .معنقاه عندها وتتغوت بأعلى صوتها باسموو مبعدوها تا جات لاسعاف.

جرها مغيت : خليهم يهزوه.

كدفعو بجهد وتغوت : هو خلانيييي خلانيي امغيت خلانيي.

طاحت على طولتها تضرب فراسها كيف لحمقة تتغوت ونار لي فقلبها مبغاا تطفا..

هي مكانتش تتبكي على شخص هي كانت تتبكي على روحها

داز الوقت

...كالسا فلكولوار ..وجها صفر لونو مخطوف...كحل عينها ساح بدموعها..شفايفها باقين كيرجفو..وبين رجفة ورجفة تتخرج شهقة...

قربات منها لبنى..لي غير تتشوف مكيتها لحالة مغيث لي كالس لارض كيبكي ولا الحرة لي روحها قربات تخرج بلبكا

لبنى : غيكون بيخير بلا مديري فراسك هاد لحالة

شافت فيها: أنا محسيتش بنبضووو مسمعتش لدقات قلبو .

علاش محسيتش بيهم أاا؟ ياك هو ديما كان كيقول أنه مغيخلينش مور ملقاني .

شافت فيدها لي عامرين بد مو نطقات ودموعها نازلين: أنا لي خليتو يمشي من بين يدي أنا لي مقدرت ندير والوو أناااا لي خليتو أنا

بدات تضرب وتقمش فراسها وهي تتردد " أناااا"

وقفاتها لبنى معنقاها: صافي باركة قلبو موقفش كن وقف كن علموناا نتي مدرتي والو لي ضربو غيتشد وهو مغيخليكش ماشي أسمر لي ميوفيش بوعودو

بعدات عليها تتشوف فيها ودموعها كيتلاقاو عند اخر خدها"غيفيق ياك مغيخلينيش

حركات لبنى راسها باه ورجعات معنقاها..وهي باقا تتبكي..

الحرة لي كان يوقع لي يوقع دموعها مينزلوش الحرة لي دوزات فدنيا الخايب كثر من زوين.

الحرة لي كانت تطيح وتنوض ودموعها مينزلو.

نفسها الحرة لي ليوم ماشي غير دموعها لي نزلو روحها قربات تخرج بلبكا..

هي نفسها البنت لي كيف الزاج كولشي عارف أن الزاج كيجرح.

وقليل لي كيرد البال أنه هو أسهل حاجة كتهرس.

ناضو واقفين منين خرج طبيب...

زادت عندو واقفا اونفاص معاه تترجاه بعينيها : هو عايش ياك

حرك راسو باه: المريض باقي متشبت بالحياة.

حطات يدها على قلبها خرجات شهقة طويلة...من اعماقها...رجعات فيها روح منين عرفاتو عايش وباقي كيتنفس.

شاف فيهم تنهد بجهد: ولكن

مغيث: أشش؟

الطبيب:المريض خدا ضربة قوية على راسو من حسن حضو مكانش عندو نزيف فدماغ. ولكن للاسف تقاسو ليه أعضاءو داخلية شي لي خلاه يتعرض لنزيف داخلي بصعوبة سيطرنا عليه.

مغيت: سيطرتو عليه يعني هو بيخير دابا

الطبيب: كيف قلت تقاسو ليه اعضاءو داخلية تضرب ضربة صعيبة فالكلية ديالوو...خص ضروري تبتر

كتمسح دموعها: حيدوها اش تتعاينو هو غيقدر يعيش بوحدة

الطبيب:المريض عندو كلية وحدة..فاسرع وقت خص يلقا متبرع قريب ليه

الحرة: كلية وحدة؟ (شافت فمغيت) أش كيقول هذا؟

حرك راسو : معرفتش

ولكن متبرع؟ باباه وماماه فهولندا؟ وختو تتعالج من المخد.رات.

الطبيب:على هاد لحساب خص تلقاو متبرع اخر ..ومور تحاليل نشوفو واش مناسب ليه يتبرع للمريض ولا لا.معنداش الوقت لي نضيعو مزال

شدات فطبيب تترجاه.

الحرة: أنااا خود كليتي أنااا. مكنكمي مكنشرب ما والوو .

شوف أنا حتا اني وحدة سبورتيف ..خود قلبييي عيني كليتي أنا مكيهمنيش أش غتاخد المهم هو يعيش..

ديكلاريو

بعد مرور 7 أيام.

العملية دزرع نجحات ليه..هي قدات تسترجع وعيها دغيا..ولكن باقي غتكمل سيمانتها فلكلينيك.

فحين هو كيفيق ويرجع يغيب..

ضربة لي خدا فراسو مسعداتوش يرجع وعيو دغيا.

7 يام كلها حدو كيحل عينو ويرجع يسدهم ..

صوت نفسوو فأرجاء الغرفة مسموع...تحبس الصوت منين حط يدو على لاوكسيجين محيدو..

حل عينو بثقالة...دور عينو فلارجاء. كيحاول يستوعب فينو واش واقع..

بقا لثواني وهو غير كيشوف..

.بانت لي ناعسا فلبياص لي حداه..

شاف فيها.بخوف: حوراء.(نطق بصوت مسموع) حورااااء

بغا ينوض عندها مقدر بكثرة الوجع وصدع لي فراسو

حلات عينيها على صوتو: أسمر؟

بقات تترمش وعينيها فسقف: واش حلمت بيه عاود

أسمر: حوراء

شافت فيه موسعا عينيها فقتي. ..باش تتحس أاا؟

جرات بايصها عندو: توحشتك

أسمر: أش وقع لاش نتي هنا؟

شدات يدو بين يدها: شفتك هنا بوحدك كلت نونسك

دوز يدو على شعرها:أش وقع لك لاش نتي هنا؟

الحرة: والو

تكعد باغي ينوض غوتات عليه بجهد: كلس واش حماقيتي غير مرضت حيت نتا هنا وكن زدتي تعطلتي كنت غنمو.ت

أسمر: غتمو.تي واش حماقيتي؟

حركات راسها باه.

هزات يدها حطاها على لحيتو:اه أنا حمقة.. توحشتك بزاف. كنت خايفا تخليني

أسمر: واش أنا لقيتك مور هاد سنين باش نخليك ؟

الحرة: لاش مفقتيش دغيا واش عارف باش كنت تنحس ونتا متكي هنا.

أسمر:غير كنت ناعس كنحلم حلمة زوينة

الحرة: أشمن حلمة؟

أسمر: أنا ونتي كنا فدار شباب عقلتي على دار لي عطاتنا لاستاذة نديرو فيها مشروع؟ كنا تما..كنا بحوايج لعرس.

ضحكات بخفة: خلينا نحققو حلمتك..منين توقف على رجليك نديرو عرسنا تم.

أسمر: رجلي أنا واقف عليهم دابا.

ابتسمات..كعدات راسها شوية من بياصها.

اسمر: لاش نايضا؟ نتي مريضة

حركات راسها بلا: انا بيخير غير تنتبوحط عليهم شوية باش نبقا هنا معاك.

أسمر: قبل منكون هنا.سمعت قولتي اه واش غير حيت كنت تنحلم؟

حركات راسها باه: نتا كونتي تتحلم بيا..علاياش غنكول اه بسلامة؟

صغر عينو كيشوف فسقف:يمكن باقي شاد فيا البنج

قربات منو طابعة بوسة على جبهتو وقفات تتشوف فيه: انا راه بصح بغيتك (هزات يدها قدامو)خااتمك عمر نحيدو

أسمر: لي كيبغيو مكيبوسوش تم أحوراء.

ضحكات جنب نزلات بشوية باستو فشفايفو ورجعات لبلاصتها منين شافت لباب تحلات وطبيب داخل.

الطبيب: شكون قرب لبياصات هكدا؟

الحرة: نتوما لي خصكم تفهمو وتجمعوني أنا ومرتي فبياص واحد

اسمر: هه مرتك؟؟ كفاش؟

شافت فيه مبتاسمة: نتا لي تتقولي راجلي

ابتسم وشاف فطبيب لي بدورو بتاسم وزاد كيفحصوو..

الطبيب: على سلامتك مؤشراتك كلها مزيان..وحد الآن جسمك قابل العضو الجديد...غتبقا تحت المراقبة وتبع دواء باش ميوقعش رفض فالأيام الجاية.

أسمر: شكرا ليك عذبتك معايا

الطبيب: أنا درت غير خدمتي الشكر للمدام لي تبرعات ليك

شار للحرة.

تم خارج طبيب فحين هي تبعات ليه لعين: كفاش المدام..انا راني مزال موليت مدام

عينو مكوانسيين عليها: أش قال هذا؟

الحرة: أش قال؟

أسمر: لاش تبرعتي لي؟

الحرة: كفاش لاش؟ واش حماقيتي أاسمر؟بغيتيني نخليك تمو.ت قدام عيني أا؟

أسمر: والا مستقبلا وقع لك شي مشكل فكليتك أاا؟

تنهدات: على هاذ لحساب خصنا نولدو بزاف دلولاد لمصدقاتش كلية واحد تصدق كلية لاخر..

حرك راسو بلاحول: نتي حمقة مفيهاش..

ناضت كالسا حداه فبياصو: اه حمقة..واش بعقلك نتا بغيتيني نخليك تاخد كلية حد اخر؟ والا تبرعات لك شي بنت وبغيتيها أاا؟

شدات ليه فيديه: كن كنت بلاصتك أاسمر أنا عارفا بلي مغتبخلش عليا..

حط يدو على خدها كيشوف فعيونها: واش خصني نقولك شكرا؟ كيقولو شكرا لعطاو حاجة بسيطة ولكن نتي عطيتي كلية أحوراء.

حركات راسها بلا:متكولش شكرا ...عنقني .

حطات راسها على صدروو معنقهااا...

الحرة: شكرا ليك نتا حيت بقيتي معايا شكرا لي حيت حاربتي تا لخر شكرا ليك حيت وفيتي بوعدك شكرااا ليك أسمرينووو .

بعدات عليه...منين تحلات لباب...

دخلات صافية تتغوت : ويليي الشحم ولحم ديالنا كان غيمو.ت..

زادت عندو خنزرات فالحرة: تكعدي نتي خليني نعنق سيد .

زادت عندو تتسلم عليه..فحين الحرة شافت فهاشم: دير شي حركة..

ابتسم وزاد جارها: شاف فأسمر على سلامتك وسمحلنا على صداعها..

أسمر: منين عقلت عليها وهي فيها صداع..

شافت فيهم وهي تبدا تبكي وتشهق: كان غيمو.ت وغيمشي لاش اربيي تا لقيت صحابي عاد بغاو يمشيو..وفين مشات لك كليتك لخراا شكون داها

أسمر: طاحت..

تنهد هاشم بجهد: ولات حساسة شوية غنخرجها برا تشم لهواء على سلامتك مرة خرا..

زادت صافية عند الحرة: راه شريت دار فهاد لمدينة غير باش نكون قريبة منكم عنداكم فاش تزوجو متسكنوش هنا..شوفي ديما غنبدا نصدع جيران متعرفي يبيعو دارهم وتشريوها..

جرها هاشم وهو كيغوت: صافييية

تبعاتوو شادة فيديه وهي ضاحكة خرجها شافت فيه: بحالا غوتي عليا لداخل؟

حرك راسو بلا

فلتات يدها: طلقني نتا متتحتارمنيش.

تمات غادة تنهد بجهد: ياربي صبر امتاا تخرج هاد زمر..

قبل ميتبعها رجعات عندو شادة فيدو: توحشتك نمشيو لدارنا؟

زادت عندو تتعنق فيه: دارناا اصافية دارنا ماشي هنا..

شافت فيه مطولا: صافية ديما هنا من نهار وقع لك اش وقع هي وراجلها وتا عصام ومريم ومغيت ولبنى دابا مكينيش سمعت عصام شد مول لفعلة على داكشي مجاوش ليوم..

أسمر: وأسماء؟

الحرة: معارفا والو قالك أبسط صدمة تقد تأثر على علاجها طلبتهم ميقولو لها والو صحابها غا مسافر لبلاصة بلا ريزو..

ابتسم لها: احسن حاجة درتي

الحرة: صافية سولاتك وتا انا بغيت نعرف:فين مشات كليتك؟

ابتسم: كنت تضربت تم..زهري ديما كيجيب ضربة تم

الحرة: امتا بضبط؟

أسمر: كثر من 9 سنين دابا نساي

الحرة: كثر من 9 سنين؟ يعني مور فاش مشيتي .(زيرات على يدو) واش فاش رجعتي تتقلب عليا أاا؟

هز يدو حاطها على خدها : نتي معدنك ذنب المهم عندي أني لقيتك

حطات يدها على يدو: عاود لي بغيت نعرف ( باست يدو)وسمحلي حيت مكونتش تم.

جرها عندو: نتي لي خصك تسمحي لي ديك ليلة كانت غلطت عمري وكنت نستاهل نخلصها بعمري.

الحرة: كنتي صغير أاسمر ..ولي فات ما.ت المهم حنا مع بعض دابا

صوت غواتو مسموع..وهو شانق عليه..

عصام: شكون نتا الك.لب باش ضربوو أاا واش صحاب مك معندو حد..نزل عليه ببونيا جابو طايح. لارض..

زادت مريم كتجر فيه: عصام تكالما الله يخليك بلعقل اعصام بلعقل...

عصام: واش خلا لمي شي عقل كان غيق.لوو امريم ..

شدو قاجوو: برب لمعبود وميحل عينو ويفيق تا ندفن ..مك.

دخل لحاج بجرا كيجرو: طلق منو اعصام راه ممثل نيابة لعامة جايا غيشوفك كضرب فيه غطيح فمشكل..

عصام: يق..ودو كاع كاع.

دخل مغيت ولبنى معاه.شاف فلحاج لي شاد عصام..وشاف فهذا لي واكل لعصا كيمسح دم.و.

الحاج: غير مشكل صغير.

مغيث: صغير غنكبرو مو..

زاد بزربا نازل ببونيا عليه جابو طايح..

عصام: وطلق الحاج طلق الله يرضي عليه..

تنثر منو وزاد..معاون مغيث..

شاف فيهم وهو طايح: كتحاماو الكلاب جوج على واحد.

عصام: هاد لكلب ميستاهلش نضربوه بجوج كحز خليني انا نتكلف

مغيث: انا لي غنتكلف..

مريم: انا لي غنتكلف..

زادت موقفاه من شعرو: اش بان لك دابا؟ نتا قوا مني يلاه فرجني..

نزلات عليه ببونيا : هادي حيت بكيتي لي عصام الكلب.. وهادي حيت ضربتي صاحبو..

زاد لحاج كيغوت برا يطفيو لكاميرة..وطلب من دراري يدخلو يفكوو..زادو شادينهم..وخرجوه من تم..

غوتات بجهد وهما مخرجينو

لبنى: انا محامية بغيت نهضر معاه

شاف فيه وهوا لاوي بكثرة ضرب: بغيت ندعيهم كلهم.

لبنى: دعيني معاهم..

هزات يدها ونزلات عليه بتصرفيقة..وسع مغيث عينو

لبنى: وهادي حيت بكيتي لي تا مغيث ديالي..

خرجوه فحين مغيت زاد معنقها: أسدتي .

عنقاتو مبتاسمة: حبيبي يلاه نمشيو لكلينيك راه علموني بلي فاق

مغيث : ولاش معلمتينيش

لبنى: منقدرش نقرب لاسد وهو معصب نخاف يعضني .

ضحك بجهد وجرها خارجين..

بقا عصام متبع لهم لعين هو ومريم..

شاف فمريم: أسدة؟

مريم:لواه لخرا..

زادت خارجا وهو تابعها ضاحك: أسدتي.

شافت فيه ضاحكة: لبؤتي.

عصام: ولا امريم لا ماشي هكدا..

باقيين فايقين؟

دازو يام..هي صحات ورجعات صحتها وهو باقي متبع دواه وعلاجو..

كانت كالسا حداه فلكراسة دجردة..شابكة يدها مع يدو..

الحرة: قال طبيب محد موقعش رفض دابا كيعني أن جسمك مغيرفضش لعضو ولكن يقدر يكون رفض البعيد يعني لي كيحتاج مدة طول

شاف فيها: جسمي يرفض عضو منك نتي؟

حركات راسها باه

أسمر: لرفض حاجة منك نحرق بوه.

ضحكات بجهد: ماشي بكيفك أاسمر.

حطات راسها على كتفها: أسمر عقلتي منين فقتي وقلتي لي بلي درنا عرسنا فدار شباب..

أسمر:اه.

الحرة: بغيت نديروه تم..مقدرتش نتخايلوو بلاصو خراا من غير تم..

أسمر: نديروه احوراء نديروه..وعقلتي فاش قلتي لي غنولدو بزاف وناخدو منهم كلية لحتاجيناها..

ضحكات اه: تخايل حاجة زوينة من غير داكشي أسمر

أسمر: تخايلت ولادنا كيشبهو لك...علاه اش صحابك تخايلت أا

تمات واقفا : والووو

ناض واقف شاد على جنبو..:اجي بلا متخليني نجري مورام

الحرة جري لقديتي

دار خطوة شد على جنبو كيتوجعو زادت عندو بجرا: واش نتا بخير.

جرها عندو: اش تخيلتي أا

حوطها بيدو: دوي

كضحك بجهد: والووووو .

حط يدو على خدها كيشوف فعيونها: مينو

الحرة: اش تتعني؟

أسمر: معرفتش مولفها تكولها لي ماما فاش كنت صغير

ضحكات بجهد: ونتا ولدها

أسمر: ونتي بنتي..أنا مغنقدرش نعوض بلاصة باباك ولكن غنحن فيك بحالو أحوراء..صدري غيكون ديما لوسادة لي تكاي عليها وتعاودي عليها همومك..ويدي ديما غتشد فيدك فاي خطوة بغا تخطيها...مكرهتش تنساي لي فات وترجعي تقراي من جديد وتبني احلام جديدة وأنا غنوقف معاك باش تحقيقهم .

قربات منو تتشوف فعينو: الحلم لوحيد لي عندي دابا هو نتا..

زاد مقرب منها كثر حاط نيفو على نيفها: أنا ديالك حلمي بحاجة خرا.

الحرة: كولشي غيجي منين نتا كاين..

غمضات عينيها منين حسات بشفايفو على شفايفها..

بعدات بشوية: هادشي خصنا نديروه مور زواج ياك.

أسمر: خلينا نتزوجو ليوم

الحرة: خص تا ترجع صحتك باش نديرو عرسنا فين باغين

أسمر:واش مسموح نبوس لضربنا لاكط؟

حركات راسها باه: مسموح

أسمر: وخلينا نضربوه ليوم

ضحكات بجهد:وخا

بعض مرور ستة أشهر

…كان كولشي مجموع فعرس الحرة و اسمر لي كان فدار الشباب …الصافية جالسة حدا هاشم شابكين يدهم و كرشها لفمها و كتبكي ….

هاشم: دابا مالك كتبكي

الصافية: صاحبتي كبرات و تزوجات بالعزوة….

عصام:(معنق حداه مريم ) اهياتا انا بوحدي لي من حقي نقولو عزوة

الصافية : سكت الشمكار

عصام: كتبقاي ماصافياش الله يستر

مريم: هههه صافي سكتو و نتوما دايرين بحال المش و الفار

هاشم: هه اوا و فوقاش نفرحو بيكم نتوما ؟

مريم: هههه واييه طولنا فيها و لكن غير كنقادو شي مسائل و منها نتعرفو على بعضياتنا كثر

الصافية: الله اكمل كولشي مبارك و مسعود …

هاشم : مبروك عليكم

عصام: شكرا

ابتسم ليه..عصام لي مبقاش حاقد على هاشم خصوصا فاش عرف انو هو لي بلغ ببلاصة حمزة.

سكتو كلهم منين.

…دخلات الحرة و اسمر لي كانو بلباس تقليدي مغربي اصيل…لابسة قفطان بيض مرصع و حداها هو لابس الجبادور…بداو النكافات كيصليو على النبي و كولشي وقف كيزغرت و بدات الموسيقى د شطيح …كولشي كان فرحان و اسماء و عمورة بداو شطيح كيركزو و بداو ناس كيشطحو معاهم …شافت الحرة ف اسمر و ابتاسمات كتفكر اول نهار دخل فيه للقسم و زبايل ديالهم و نفس دار الشباب لي دوزو فيها احداث مضحكة هاهوما كيختموها بزواج و بحضور اصدقاء العمر …كانت فرحة كبيرة ختمو بيها هاد الحب الكبير …مشاو توجهو لصحابهم كيسلمو عليهم و يباركو ليهم حتى غوتات الصافية منين حسات بلوجع ،،،

الصافية: ويييلي انولد

هاشم: واش كاين شيواحد كيولد على ست شهور ؟

الحرة: كتخلعينا اصاحبتي تبتي شوية

الصافية: سكتي عليااااا دابا تحملي و تحسي بيا

الحرة:حشمي شوية ويلي

اسمر: ان شاء الله علاش لا هههه

الصافية: اوا نمشي نشطح باش ينزل دغيا هادشي

هاشم: تبتي هالعار

عصام: الصافية و تباتة غير نسا اصاحبي ههههه

كلسات الحرة وأسمر عينيها عليهم ماماها وفاطمة لي فرحانين..عمورة واسماء لي كيشطحو..وعصام وصافية مع حباب قلبهم مجمعين...

وتا والدين أسمر حاضرين وفرحانين لفرحة ولدهم..

ابتسمات منين شافت فلحاج كياكل فالحلوة وخا فيه سكر دموع مغرغرين فعينيها كفاش كانت حياتها وكفاش ولات منين عرفاتوو..زيرات على يدها..تتشوف فيه: أسمرينو

أسمر: مم أمينو!

الحرة: واش عارف قداش كنبغيك.

حرك راسو باه

الحرة: وراه كنبغيك كثر من داكشي لي عارف.

ابتسم هز يدها بايسها: ونتي عارفا؟

حركات راسها باه

أسمر: كنبغيك قل من داكشي لي فبالك..

ضحكات بجهد: ياك

أسمر: نتي عمري.. نتي كولشي..نتي لي بغيت وربي مخيبنيش وكتبك ليا

ابتسمات ليه..وزيرات كثر على يدو

كان عصام وصافية باقين كيهضرو كلمة من عندها وعشرة من لاخر.

مريم: صافي هنيونا اجيو نتصورو صورة عائلية…. مع لعرسان

…تجمعو كاملهم حدا اسمر والحرة و جا الكاميرا مان يشد ليهم تصويرة تاريخية وثقات كاع مغامراتهم و حبهم لبعضياتهم و تضحياااتهم لي غادي يعاودوها لحفايدهم….

النهاية تمت والحمد الله