محتوى القصة
حطات ليه مو الغداء و شعلات التلفازة مونسين بيها
عصام : (هز ليها يدها باسها ) أحسسسن أكلة كتعجبني من عند أحسن أم فالعاااالم
ابتسمات ليه:الله يرضي عليك اوليدي لي تشهيتيها نطيبها ليك را غا نتا لي عندي
عصام :(كيهدر و ياكل ) الله يعطيك الصحة ان شاء الله بقا ليا غا هاد العام و نخرج نقلب على خدمة حسن من داكشي فاش خدام
فاطمة: (شداتو من ودنو )يااك كنكوووليك البغل من الأداااااااب ديال الماكلة مكنهدددروووش و تانيا انا مباغاكش تخدم كمل قرايتك و تما غتهز ليا راسي قدام العادي و الباادي و يكولو را عصااام ولد فاطمة قرا و خدم و دا ميمتو لحححج يااك اولييدي
عصام : را داكشي علاش صابر اميمتي اما انا مكرهتش من دابا نضرب تمارة ووو
سمع الباب تخبط بجهد بحال كل مرة كيغبر تا كيغبر و يجي يوحل ليهم الدغمة
عصام شاف فمو و حط الدغمة لي كان غادي بيها لفمو
عصام : هاهوا جا ينكدها علينا تاااني
وقف عليهم حيط يضربو لحيط و فمو تقيل
عبد الرحيم : وااتجييك فرااااس ا ولد ديلكلبة
يلاه كان نايض و حبساتو مو بيدها
عبد الرحيم : نهار لي جا لقاك كالس حدا موووك كي نعيييييوة بااارد وااانوروض تكعععد تخخدم واخااا تخلص علينا غا الضوء ولا مقدرتي تخدم سرق مهم دخل دراهم
فاطمة: بغيتيه يسرق باش تلعب بيهم القمار.
عصام :الله ينجيني تا نقرررب لحراام و لا يدي يجييو فولاااد الحرااام
عبد الرحيم : تحححل ليييك الفم اداااك البرهوووش (دار عند مرتو) طلعي بواااحد 100 درهم نغبر عليك وجهي واحد اليوماين
بالغوات : مععععنديييييش سير فحالك خدددم عليهم
جبد الموس من جيبو و غادي قاصدها كيقلب فيها اما عصام كيحاول يدفعو عليها هز هداك الطبسيل ديال المرقة سخون و قلبوو عليه تا غوت بجهد
عبد الرحيم :مسخووون الوالدين كضرب باااك اووولد ****
عصام : (كيترعد و وجهو حماااار ) متعاااايرش ليا مييي انا والله تا نصفييها ليييك
فاطمة :سكككت ا عصااام مدويش عليه هكاااا
عصام : نتي لي وصلتينا لهاد الحالة اش مكلسنا معاااه
ناض من الأرض و هبط عليه بتصرفيقة تا هبطو الأرض و هزو من قرفادتو جارو الباب ديال الزنقة
فاطمة: (تابعاهم كتبكي ) طلق ليا ولدييي ا عدو الله
تا حل الباب و رماااه لبرا و خرجات تبعاتوو
تا لاحو لزنقة
عبد الرحيم : خرجو عليا من داااري تريييكة*** تفووو واااشهدووو اعباد الله على خريامي ولا هاد البرهوش كيهز علي يديه
ناض عصام كيشوف فمو: شفتيي علامن بغا تصبري بغيتي تصبري عليه باش متسمايش مطلقة وعلى قبل ولدك ياك؟! انا ولدك امي وكنقولك نموووو.ت حسن منبقاا عايش مع هاد راجل..ودابا لختاريتيه هو نساينييي اميي نساينيييي..
تم غادي مخليي مو طايحا تتبكي
غير سمعات الباب تخبط و هي طل عليها من ضواية
حادة : جيتي اسفريطة كتشبعي ضوران تا تشبعي و تجي عندي
الصافية : (لاحت الشكارة و طلعات فيها راسها ) واش مكتعيايش احااادة هاد الكسيطة طلعات ليا فراسي
حادة : (طلعات فيها حاجبها ) لكان عندك شي مصروف حطيه ولا خرجي تقلبي عليه
الصافية : معنديش احادة را لا طاحت فيدي شي حاجة كنجيبها ليك
هبطات مع دروج كتحزم ليها تا وقفات قدامها
حادة : تا نكون مكنعرفش دوك العينين لي كيبداو يددورو ( شداتها من لور دشعرها حاكماتها مخلاتهاش تحرك )
صافية :(كتعافر معاها باش تطلق ) واططططلقي احادة مالك جهلتي
ديريكت خشات يدها فصدرها كتقلب فيه لقات غا ربعمية مكمشة خداتها ليها و طيحاتها الأرض
حادة : جيدي اااش عندك بلاما ما نضربهاليك بشي نتفة
صافية : (وجهها ولا حمر و شعرها تشعرك ) حرام عليك احادة ديك هي لي عندي دابا صاف لقيتيها خوديييها
طارت ليها على جيابها كتقلب فيهم وصلات ليها لسبرديلتها نصلاتها ليها
الصافية :(طارت كتجابد معاها ) طلقي سبرديلة لهنااا مافيها والووو
دفعاتها تا طاحت الأرض غير حيدات الفراش ديال السبرديلة اللولة جبدات 200 درهم و نفس الحاجة مع السبادري التانية غير سالات و هي تلوح ليها السبادري على وجهها
حادة : هااااي هااااي على الكلبة اش مخببببية ثروة
الصافية :(هبطو ليها دموع ) حشومة عليييك احادة خليني غا شي نهار نفرح بفلوسي
حادة : منين جاو لمك الفلوس واش كتصحابي راسك كالسة هنا فابور اش غتحنجري فين غتنعسي معندك لاااين علييينا (تحدرات عندها ) هنا رحممم ليك من برااا حيت اناا حاادة كنعللمك تجيبيها من فم السبع ..
شاف لراجل مها داخل زاد لبيتو ممسوقش مكيقد يزيد لهضرة مع حادة
ناضت من الأرض كتنهج هزات شكارتها و و طلعات لبيت دارت تيلي فشارج تسناتو تا عمر شوية حيداتو و مشات لشرحم دغيا دوزات نمرتو و حاضية مع الباب لتجي حادة
هاشم : وي حبيبه ديالي
الصافية : هاشم سمعني دغياا بغيت نتلاقا معاك و داباااا
هاشم : (تقاد فالكلسة ) واش واقعة ليك شي حاجة صوتك مبدل كنتي كتبكي ؟
الصافية : غير مبرزطة شوية انا غنتسناك دابا فبلاصتنا عافاك متعطلش عليااا
شافت فأسمر وزادت شدات ليه وذنو: هذا لي كالها لك ياك
حوراء: اه بغيت نقول لك شكرا
جرات ودنو كتر: راك قولتي لي أنا بكرة أبنتي.
شافت فاسمر مخرجا عينيها: كفاش؟
أسمر: صافي الوليدة غا طلقي راني غا ضاحك.
مع طلقات شاف فحوراء ناضت من بلاصتها: وراني قلت لك ضاحك...
بداا يجري وهي تابعاه وموو متبعا لهم لعين كضحك عليهمم..
أسمر: نسيتي لبلان دلقسم دابا تعادل.
دفعاتوو حوراء فلبسين طايح.: دابا عاد تعادلنا
قرب منها جرها من رجلها طايحا معاه.
الأم: ومنين غتجيبي لحوايج دابا ديال اسماء مغيجيوكش
أسمر كيضحك عليها: غنعطيهاا حوايجي
زادت مو داخلا كضحكك...شافت فأسماء خارجا عندهم بجرا وهي تتقول : نعوم نعوم..
طبطبات ليها على راسها: يلاه سيري تعومي مع خوك انا غنحط لكم لغدا.
زادت واقفا كتشوف فيهم كفاش ضاحكين حسات براحة أن ولدها لقاا صحاب هنا...وخرج من لحالة لي هو فيها ..جمعات ضحكتها تتفكر لمشاو تا ترجعو لهولندا وتفارق معا صحابو من جديد كفاش غتكون حالتوو .
كيعومو بجوج ضاحكين شاد أسماء عندووو ..
حوراء:شحال فعمرها.
أسمر: طالعا ف8 سنين
حوراء:وينوو صغيورة..
أسمر: شكون كيضهر زعما نتي شارفاا.
عنق أسماء عندها: تسااا ينووو زيين ينووو
حوراء: شنو قولتي لها
اسمر: لكبدة ديالي وزين ديالي
حوراء: واش ينو تتعني ديالي ؟
حرك راسو باه
خرجات أسماء من لابسين فحين حوراء سهاات فيه نطقات
مبتاسمة: أسمر ينوو.
شاف فيهاا : كفاش ؟ماشي هكداك مخصش تكوليهاا لسميتي .
حوراء:وعلاش؟! أنا بغيت نقولها مع سميتك أسمر ينوو
ابتسم كيشوف فيها: لي سمعك غيفهم غلط
حوراء: واش غيصحاب لهم بلي نتا تتعجبني؟
حرك راسو باه
حركات راسها باه: اه معلش عندهم لحق نتا تتعجبني فاش غنكبر غنتزوجكك.
شاف فيها مصدوم من هضرتها مضنهاش صريحة هكدا
حوراء: أشنو واش مباغيش تزوج بيا؟
أسمر:زواج؟! عندنا حوايج أهم من زواج دابا
حوراء: وتا انا قلت لك فاش نكبروو .وجاوبني واش متنعجبكش؟
حرك راسو : مم امتا عيد ميلادك؟
حوراء: راني قلت لك لبارح سيمانة جاية
أسمر: صافي غنجاوبك على سؤالك فعيد ميلادك باش متنسايش الجواب
هز لماء راش وجها ضاحك..
بدات تتعوم ضاحكة: هاا اسماء راجعاا ..أنا غنهزها لولى
زادو مسابقين عندها وصوت ضحكتهم مسموع.
جااا ليل كانو كالسين على طبلة دلعشا مجموعين نطق باه.
الأب: سيمانة جاية غرجعو لهولندا
هز راسو فيه مخرج عينو :كفااااش؟
الأب: كييف سمعتي؟مالك مصدوم بحالا اول مرة ياك كنتي مصدعني ترجع.
الأم: لولد يلاه ولف المغرب وغترجعو
الأب: اوا اش غنديرو هكدا هي الخدمة فوزارة الخارجية.
ناض من طبلة : مغنمشيي معاااك فيييين ...أنا ماشي لعبة تبقااا ديني وتجيبني امتا مبغيتي تتخليني تا نولف ناس وتبعدني عليهم
الأب: منين تكمل 18 وعيش فين بغيتي محدك مزال مشديتي تا لباك غتبقا تابع باك ومك.
أسمر: مغنمشيي معااك فين فهمتيي.
رضخ لكرسي وزاد خارج زعفاان
كانت معنقاه مزيرة عليه كتنهج كارزة على عينيها و كتقول فخاطرها هادي هي الفرصة ديالك لوحيدة لي غتفكك من حادة و داك الوسط المسخ
الصافية : ديييني معاااك ا هاشم عافاااك ديني من هناااا مابقيتش بغيت نزيد دقيييقة بغيت نعيش معاك نتااا
هاشم : واخا نديك ولكن عاودي ليا شنو كاين واش شي واحد دار ليك شي حاجة ولا قال ليك شي كلمة والله تا نفررجك فيه ؟
الصافية ؛ لااا المهم انا معاك دابا انا مهامني تا واحد
سبقاتو للوطو ركبات وهو تبعها من طريق كاملة مهدروش تا وقفو قدام واحد عمارة فشارع راقي
الصافية : فين جينا واش هنا فين كتسكن
هاشم : لا ماشي هنا هادي داري القديمة غتباتي فيها ليوم (حل ليها الباب ديال الشقة و حاولات متبينش بلي كتفاجئة ولكن من لداخل را مبهوضة) رتاحي غتبان ليك دار شوية مغبرة غير حيت مكنجيش ليها
حط السوارت فوق الطبلة و قرب دار وجهها بين يديه
هاشم : دابا عاوديلي اش عندك علاش خرجتي من داركم فهاد الوقت و علاش بغيتي تبقاي معايا ؟
الصافية :(كتفكر شنو تقوليه باش تهرب منو يلاه باش توجد شي كدبة ) واخا ا هاشم غنعاود ليك ولكن ماشي دابا ( تنهدات) انا فيا جوع دابا مكرهتكش تجيب ليا شي حاجة ناكلها نتعذا بيه خرجت بلا غداا و شي حاجة نلبسها (حطات يديها على وجهو كتلمس ليه فلحيتو ) سمحليا كترت عليك ولكن غير نتا لي عندي
هاشم : طلبي عينيا نعطيهم ليك الصافية تا حاجة متغلا عليك نتي غير بقاي جنبي
هز السوارت و خرج غير تسمعات باب تزدح بدات توسع الضحكة و ضور و هي فرحانة
الصافية : الصافية صااافي سلااات ياماااات الدل و القهرة و حااادة و غتبدا عندك ياماااات الععععععز (قربات المراية كتشوف فراسها ) نتي ا صافية ديال هاد المقام متستاهليش ديك العيشة حرااام هاد الزين يدبل فديك الحووومة (حطات يدها على راسها ) خاصك تخدمي عقققلك هادي هي الضربة ديالك مخاصنيش نفووت هاد الخبزة لي عطاني ربي
مشات بزربة لحمام لقات غير البينوار حلات الدوش لقات الما سخون فسخات دغيا دوك الحوايج و تخشات تحت الما سخون مغمضة عينيها حسات براسها فغيمو فنعمة كبييييرة تا مسخاتش تخرج تا سمعات الدقان فالباب ديال الحمام لبسات دغيا داك البينوار و خرجات لقاتو حاط ليها بيجامة فوق الفراش لبسات دغيا و خرجات لقاتو كيوجد فالماكلة فوق الطبلة
شافها و بتاسم كيعبرها بعينيه حنيكاتها مزكين و شعرها طايح على وجهها
الصافية : الحمد الله لقيت الما سخون حيدت عليا العيااا ديال زمان (دغيا سدات فمها كالت مع راسها خاص الكلام يتوزن قبل مايخرج من الفم )
هاشم : (جر ليها الكرسي ) بصحتك كلسي تاكلي باينة فيك عيتي بزاف
كدور فعينيها منين غتبدا حط ليها طبسيل قدامها و حط ليها الماكلة تا من الكولا كبها ليها فالكاس كون صاب يوكلها كيعاملعا بحال شي بنت صغيرة خاصها غا تنطق و يوجد ليها لي بغات
الصافية (شدات ليه فيدو و كلساتو ) كاس انا بغيت نشوفيك كتاكل معايا
عضات على شفايفها و هي كتفكر هادي هي لحضة الأنسب باش طيحوو فشبكة
الصافية:( بلعات ريقها)انا عارفات باغي تسولني على شحال من حاجة ولكن انا لي انقولك من ليوووم تا واحد ما غيبقى فحياتي من غيرك نتا لي كاين نتا لول و لخر فهمتي … انا بغيت من هاد ليلة نبدا معاك عمر جديد و حياة جديدة نكون ليك بوحدك
هاشم :(دار ابتسامة خفيفة ) فاجئتيني بهاد الهدرة ولكن هادشي لي بغيت نسمع انا كنبغيك بغيت نكمل معاك غير نتي ولكن خاصني نشوف عائلتك ؟
الصافية : (ركزات عينيها فعينيه و كرزات ليه على شدو ) نتا هو عائلتي انا غا وحدة يتيمةونتا عارف هادشي ولي مربييني مباغينيش اهاشم وبسباب لمشاكل ديالهم باقا فلباك فلوقت لي قرايني فلافاك سمعني ا هاشم ملي كتليك بغيت نبدا حياة جديدة يعني نتا بوحدك لي غتكون
بقا ساكت و كيشوف فيها اما هي تقادات فالكلسة مع الطبلة
هاشم :(وسع الضحكة ديالو ) لي بغيتي هو لي غادي يكون
بدا كيقرب ليها و هي تبعدو بيدها
الصافية : (بابتسامة ) ماشي دابا ملي كتليك بغيت نبقى معاك … يعني بغيتك فالحلال ..قصدتك حيت عرفتك اتهلا فيا و تصوني مابغيتش شي حاجة فالحرام ا هاشم باراكة غير الكلسات لي كلسنا بزوج و الكلسة لي دايرين دابا
هاشم : كتزيدي تعجبني و تشدي بلاصة فقلبي غير حيت نتي صااافية ا الصافية غندير اي حاجة بغيتي
الصافية: بغيتك تزوجني اهاشم
شاف فيها مستغرب: زواج؟
الصافية: اشنو واش مباغيش تزوجني؟
هاشم: نتزوجو علاش لا..لبغيتي نضربو داك لاكط تا ليوم نضربوه.
عنقاتوو عندها: خلينا نضربوه غدا اهاشم
كان حدا لبحرر ناعس فرملة ...
كيشوف فنجوم كيتفكر اول لقاء ليه مع تلاتي واش دوزووو وكفاش ولاو صحاب ابتسم بلا ميحس ..بصح كانو عندو صحاب فهولندا وكان باغي يرجع لهم ولكن منين كيقارن ديك صداقة مع هادي كيلقا قلبو مع صحابو دهنا ومباغيش فراقهم ..
شاف جنبو منين نعس حداه عصام
عصام: اش واقع فاش دوينا صوتك مكانش تا لهيه
أسمر: بغاوني نرجع.
عصام: فين؟؛
أسمر: لهولندا .
تهز كالس:كفااااش ويلاه جيتي واش مغتكملش لباك ديالك هنا؟
أسمر: معرفتش مبقيت عارف والو مبغيتش نمشي..مبغيتش نخليكم
عصام: ومالنا اساط غنفعوك..راه حياتك تم غتكون حسن .وغدير صحاب جداد وتعرف على ناس جداد.
أسمر: عمري غلقا صحاب بحالكم .
شاف عصام جنب شاد راسو: واش غتقول لبنات .امتا غتودعهم؟ حوراء مربيا عليك لكبدة.
أسمر: كنك.ره الودااع .ومغنقدرش نعلمهااا منقدرش ..لشفت دموعهاا غندير شي مصيبة ونولي عاق لباا.
عصام: نتا عاد اتولي اما انا وليت
اسمر: اش وقع؟
عصام: قنعت مي طلق من داك لمصيبة مكرهتش نهزها ونمشيو لمدينة بعيدة ولكن مكايناش تم صافية
أسمر: صافية؟
عصام: نتا وحوراء وصافية
أسمر: اييه ايييه راه عارفينك مزعوط فيها خص غا هي تعرف.
عصام: زعما نتا خليتي حوراء تعرف؟
أسمر: لمكتاب دابا تعرف
زاد نايض مليوووح فلماء باغي يبرد حرقت قلبووو .
"بعد أسبوع"
دازت سيمانة فرمشة عين ..
كانت كالسا فصالون هازا لفيكس كتهضر معاه بيه بحكم معندهاش تيلي حبت كيشغلها على قرايتها
حوراء: أسمر ينو عنداك تعطل.. رااه وعدتيني بلي غتقولي ليوم.
أسمر: أش غنقولك؟
حوراء: نسيتي قولتي ليوم غتقولي واش كنعجبك...
حرك أسمر راسو باه: عقلت
حوراء:متعطلش يلاه باي
أسمر: حوراء
حوراء: نعام؟
أسمر: تهلاي فراسك وقراي مزيان ولي محامية كبيرة شكون عرف شي نهار نتجمعو فلمحكمة نتي محامية وانا نائب عام كنتمنى تحققي كاع داكشي لي بغا
ضحكات بجهد: مالك واش تتودعني ولا تاتجي وتمنا معايا فاش نطفيو شمع مع بعض. باي باي أسمر ينوو
أسمر: باي أمينوو
قطع عليها فحين هي كلسات كدور فعينيها: شنو هي أمينوو؟!ممم
تا يجي ونسولو .
ناض من حدا لفيكس ..وزاد جار ڤاليزتو منين سمع باه كيعيط لووو ينزلها
بعد دقايق كانت واقفا مع صافية
صافية: امتا غتجي طفي الشمع اصاحبتي راه تعطلنا
حوراء: صبرو شوية تا يجي أسمر.
نغزاتها بصوت خافت صافية: راكي عارفا دابا راني محكومة
شافت صافية فعصام لي غير حاني راسو: نتا عندك داك نوكيا بيل عيط لأسمر.
عصام: مكاين لاش
حوراء: كفاش مكاين لاش
قرب منها تنهد بجهد: هو غيمشي..
شافت فيه مصدومة: غيمشيي؟!
"بعد دقائق"
كانت تتجريي بجهدددد ودموووعهااا نازليين شحال كانت متحمسااا لليوم متحمسة تسمع منو كلمة تانتي تتعجبيني وفلخر اشنو؟ غيمشيي هكدا بلا تا كلمة
كتجرييي .وهي تتردد: عنداااك تمشيي بلا متشووفني عنداااااك...
كان باقي كينزل لحوايج مع بااه تنهدد ..فاش سلاو
الأم: خلينا نركبو أولدي.
زااد راكب حدا مووو وباه ديمارا لوطو غادي بشوية ..
تا بانت لي من زاجة جايا تتجري وتغوت: أسمرينووووو أسمررينوووو
قلبووو تهز من بلاصتو منين سمع صوتها وشافها .
دار كيشوووف فيهااا وهي تتجري وتتشير ليه باش يوقف
الأب: هادي واش ماشي حوراء؟ غنوقف نودعوها
أسمر: زييد فسرعة
الأب: كفااش؟
أسمر: لبغيتي نمشي معاك كسيري ولا برب رجلي لحطيتها تم..
تنهد بجهد وكسيرااا...
تتجري موراهااا تا غبرات لوطو من قدام عينيهااا ...
طاحت لارض تتبكي وتشهق بجهدد: علااااش موقفتيش لي علاش...
كضرب فقلبها بيدها وهي تتغوت: عمررر نسمح لككك عمرررررر.. حرقتييي قلبييي حرقتييه
فجهة خرا كان سايق بزربا باغي غير امتا يوصل لدار ويحضر لعيد ميلاد بنتو .شاف جنبوو لبسة دلمحامين جنبوو فعقلبة دلكادوو تبسم ..
هز تيلي منين سمعو كيصوني وهو مبتاسم...ضحكتوو مشات منين علموه انه متاهم برشوة وغيكون حجز على ممتلكاتووو تا يتتبت لعكس..
رخف لكرافط ووجهو مزير عمرر خدا درهم دلحرام ديما كان كيحكم بعدل .ومكيفرق بين هذا غني ولا هذا فقير وشحال من واحد عندو نفود معقلش عليه وخا بغاو يشريوه
شد على قلبووو حاس بيه مزير حيد يدوو من لوطو شا على قلبووو هز راسوو منين سمع كلاكصوووون ..دكاميووو جاي ابتجاهو نشان..
زير على عينووو كينطق شهادة بصوت مسمووع .ثواني تا رتاطم لكاميو بلوووطوو وخلات د.موو يترش على لكادو
جبد ريحة من جيبو رشها عليه كامل و حل تا فمو رشها فيه غمض عينيه حيت حس بالمرورة و مشا قاصدها ،،،كانت واقفة فبيفي بكسيوة صيفية فايتة الركبة جا وقف حداها و بدا كيغني بشوية
عصام : البيضة موون اموووغ البيضة موون امووغ نديها بلاااسحوور
الصافية : (شافت فيه )سكت درتي ليا التلوت السمعي عارف صوتك مصدي و زايدها بالغنااااااا
عصام :(هز الطبسيل و بدا كيهز فالحلوة) را كنشوفك كيبدا يخرج ليا شعر
الصافية : معرت ايمتا غتجي تقطع لنا الحلوة
عصام: تبعات أسمر
الصافية: كن انا لي غنمشي لهولندا كن درت عرس شحال فيهم ددراما بحالا عمر غيتلاقاو مزال بحالا طيارات ايتقطعو وبغيت غا تجي نمشي بحاليي
عصام : و مالك زربانة را ماشي ديما كتجينا حنا المزلوطين عراضة vip را مرة وحدة فالحياة
كلسات فكرسي دايرة رجل على رجل كتشرب و تاكل الحلوة بشوية ماشي بحال عصام الحلوة كيديرها فدغمة كيسرط بلاما يمدغ
الصافية : و غا بشوووية الويييل لاتوحل ليك
بدا كيكحب بجهد تا مدات ليه الما و بدات كضرب ليه على ضهرو
عصام : غتقتليني غا بهاد الخبطات … ولكن نموت على يديك هانيا
جمعات يديها عندها و و شدات تيليفون كتخربق فيه
عصام :(كيحاول يفتح معاها مواضيع باش يبقى يهدر معاها ) أسمر خلا بلاصتو وسطنا
الصافية : اه صراحة …ولكن عادي كول واحد فين كايلقى راحتو و يفكر لمستقبالو الدنيا مكتوقفش على الحب و لا صحبة كتوقف على الحبة و الجيب العامر لواحد مخصش يخدم قلبو هاد زمان خص يخدم عقلو لبغا يوصل
عصام : ( سرط ريقو كيشوف فيها كيبانو عينيه كيلمعو )ولكن را خلا حوراء بوحدها و هي كتبغيه ،.، انا بعدا منقدرش نديرها
الصافية : غير نتااا.. كول واحد مصلاحتو فين كاينة را هادشي كنهزو ليه الهم غا حنا المزاليط اما هاد الناس (ضورات عينيها فداك الوسط )مكيبغيو حد كيبغيو غا ريوسهم لحب خلقوه غا لمزالط بحالنا باش يسكتوهم
عصام :انا عمرني غنخليك …
شافت فيه بإبتسامة فيها شوية دالحزن
عصام : حيت ....
الصافية : (بللات شفايفها و هربات عينيها منو حطات داك الكاس فوق الطبلة ) انا تزوجت اعصام
شاف فيها مخرج عينو : كفاش
الصافية: أنا قلت لك ناس لي بحالنا معندهش لحق يختارو بقلبهم ..وانا ختاريت بعقلي اعصاام .خصني نمشيي باش منتعطلش على راجلي .نتمنى لك الخير اعصام.
تمات غادة بعد مخربقاتو وخربقات ليه حياتو
دقايق دازوو داخلا لدار مرفوعة
وسعات عينيها منين شافت رجال خارجين من دار هازين حوايجهم .تبعاتهم تتوقفهم .ولا مجيب
زادت بجراا لداخل تفهم أش وقع..
شافت ماماها طايحا تتبكي .
زاد عندها عصام شاد فدراعها نترات يدها وزادت عند مهاا..
حوراء:أش واقع!؟
هزات ماماها راسها فيها تتبكي: ظلمووو باك ابنتيي ظلمووووه.
قبل متكمل هضرتها سمعات تيلي ددار كيصوني زادت هازه.
ثواني تا طاح من يدها وهي طايحة حداه..
شافت فمهاا طايحة كريز بعد مشدات تيلي وعلموها بلكسيدة.
واقفا تتشوف فمهاا لي طايحة وباها لي وصلات ليها خباروو..
فنهار واحد حياتهااا تهرساات نهار واحد كان كافي يسالي أحلامها لوردية. .
هاد نهار شحال عيناتو باش تسمع من اسمر كلمة تتعجبيني ..سعا خسرات أسمر وباهاااا وأي حاجة زوينة فحياتها...نهار واحد كان كافيي يقت.ل حوراء ويولد الحرة...حوراء لي كانت امنيتها تولي محامية وتعيش بعدل كيف باها...للحرة لي ولات كار.ها العدل ومايجي منوو وولات تاخد حقهااا بيدهاا ولي عرفات أن دنيا فيها لون واحد هو الكحل
هزات عينيهاا فلارجاء دموعها مقادينش يخرجوووو حجرة تحطات على قلبهاا مقدات تحيدها..
شافت فشمع محطوط على لكيك دعيد ميلادها ناضت تتجر رجلها وقفات قدامو تتشوف فيه..ساطت عليه..وهي تضحككك كضحكك بجهددد وبهستيرية لي غيشووفها غيحلف راها صافي حماقت
جمعات يدهاااا كضرب فقلبهاااا بجهدددد. باغا تحيدو وتحيد تقلوو عليها..غوتااات لربييي لي خلقهااا بأعلى صوتها" بااااااااااا الحبيب أبااااااااا لحبيب لمن خليتينييي متمشيييش أبااااااا"
زاد عندها عصام معنقهاا لي نسا مشاكلووو بعد مشاف حالتها
" الحــــاضـــــر"
دخلااا لحبس لابساا لباس الحباسات وفيدها لحوايج لي كيعطيوهم فدخلة ولي غتحتاج...
زادت متوجهاا لواحد سرير ولعيالات كيقولوها الله يطلق سراحك...
كلسات عليه وهي باقا مصدومة ...شوفتو ليوم خلاها ترجع لماضي وتفكر كاع داكشي زوين لي عاشوووه تنهدات منين تفكراتو نهار مشااا مشاا فأكثر وقت كانت محتاجة ليه مشاا بلا تاكلمة بلا تا ميودعهااا كيتوو باقا فقلبهاا هاد سنين كولها مطفاتهاا ومغتقدر طفيها سنين جايا..
هزات راسها منين وقفات عليها وحدة من لعيالات ..
_تهزيي من تم
هزات راسها فيها:سمحيلي واش كلست فبلاصتك؟
حركات راسها بلا: ماشي بلاصتي بلاصتك ولكن باش تكون ديالك خصصك طيعيني..
لاحت عليها كمشة دلحوايج :غتنوضي تصبنيهم وطيبي لي ماناكل عاد نشوف واش نعطيها لك.
شافت فيها وفلحوايج:والا مبغيتش؟
ضحكات بجهد :غادي نربيييك..
هزات عينيهاا فيهاا مصغرهم ابتسمات جنب ابتسامتها المستفزة: عندك صح تربية حاجة زيناا.
صوت اسمها كيتردد ف مسامعها…طاحت دمعة يتيمة من عينها رجعات بيها عشر سنين لور ذكريات و ذكريات ضحك و نشاط و ايام المراهقة…كيشوف فيها بنفس الشوفة كيبتاسم و يجمعها و عينيه تحبسو فعينيها….
الصافية : عصااااام
تلاحت عليه بتعنيقة و هو زيرها عندو كيبادلها العناق مازال مامتيق…
عصام: الصافية ؟؟؟ شنو كديري هنااا ؟
الصافية: قصة طويييلة غادي نعاودلك كولشي …الحمد لله نتا لي تلاقيت … شنو كدير هنا (كضور راسها ف الارجاء و كتشوف ف البوليس)
عصام: حنا جينا حيت سقنا لخبار كاينة كاميو د البوفا…
الصافية:(طرطقات فيه عينيها) وليتي بوليسي ؟؟؟
عصام: ههه بحال هكك
مريم:(قربات ليهم ) مابغيتش نقاطع اللقاء ديالكم و لكن حنا هنا قدام كاميو عامر بالبوفا و خرجتي نتي منو
الصافية:(طلعات فيها حاجبها) و نتي شكون ؟
عصام: هادي مريم خدامة معايا
يالاه جات دوي مريم و هي تقاطعها الصافية ماداتهاش فيها
الصافية: ماعلينا …يالاه نمشيو
مريم: باغدون…غادي نمشيو لكوميسارية
عصام: (شاف ف صافية) عندها الحق خصنا نطلعو لتماك باش تقولي لي عندك …
الصافية: واخا نمشي معاك غير ماتخليش شيواحد يوصلني عفاك (شداتو فدراعو كترغبو)
عصام: كوني هانيا يالاه نمشيو (شاف ف مريم ) بقاي هنا قادي الامور …
مريم: ماغانبقاش هنا …
عصام:(خنزر فيها ) اتبقاي هنا …ياك قلتي ماباغاش تصدعيني…
مريم: داكوغ شاف …
…ركبات الصافية و عصام ف طوموبيل و انطالقو غاديين لكوميسارية
فحين مريم ساطت بجهد: صافية؟ طزط بمن شبهتيني.
زادت تتهضر بلغوات يلاه طلعووهم...غنديوهم فين يترباو ..شافت فواحد فيهم مبتاسمة: طحتو بين يدي.
خنزر فيها ودفعها بجسمو بجهد جابها طايحة لارض .يلاه بغاو يعاونوها لبوليس حبساتهم بيدها: غير طلعوووه.
ناضت تتنفض حوايجها شافت فيدهاا لي تغرسات فيها زاجة كانت فلارض .نتراتها وهي تتوجع : هاحنا كنقادو الامور اسي عصام كنقادوها.
عند عصام لي طول طريق و هوما كيتفكرو الذكريات و يضحكو …عم الصمت فجأة بيناتهم بلا حتى سبب حتى وصلو و هبطو من الطوموبيل و دخلو….
واقفا كطل عليه من بعيد تحت عينيها ولاو كوحل بلبكاا..شعرها مخربش كتشوف فييه ميلا وجها وتتنخصص..
مع خرجات لممرضة تمات هي داخلا..قربات منو تترعد شدات فيدوو وهي تتهضر
بخفوت: عمووورة... عمر حل عينيك عفااك حل عينيك ..
شدات يدو كالسا حداه: ماشي بخاطري أعمر ماشي بخاطري..سمح لي عفاااك سمح لي.. انا عارفاا عمر غتسمح عارفا اه انا عارفا
حنات راسها تتبوس فيدو ودموعها نازلين على يديه: حل عيينك كنحلف لك تا غنبقا نسمع هضرتك حلل عيينك اعمر حللل عييينك حل عيييينك العزيز حل عيينك ..عمووورة
كضرب فلارض برجليها وهي تترغبو يحل عينيه..
شافت باه جاي ..رخات من يدوو وخرجات عندو..وقفا ميلا رسها وهي تترد: حل عينيك اعمر..عييينك حلهم
وقف كيشوف فيها طلعها وهبطها حالتها ماهي حالة ...كتهضر بوحدها ساهية ومرة مرة تتقفز..شافت فيه وهي كتردد: انا سباب اعمي انا سباب.. عميي اناااا سبابووو اعمي انا
ميل راسو: سباب أش؟
قبل متنطق جرها من يدها
نوفل: الله يشافيه أسماء تأترات بزاف باش وقع لولدك
جرها مخرجهااا.. برا..لاحها على لوطو
نوفل: ركبيييي نتيي باغا تخرجيي عليناا
أسماء: بغيت نبقاا معاه خليني معاه عفاااك
نوفل: اسماء فيقيييي ااسماء راه لعرفو نتي سباب حياتك غتسالي.
أسماء: حياة!؟
كدور عينيها بغا تعرف معنى حياة: حياة اه واش بنت لك انا عايشا دابا؟ بغييت نبقا معاه انا غنمشي عندوو لالا...انا خصني نقولها خص كولشي يعرف انا لي وصلت لعزيز لهاد لحالة اناا انا بيدي هادو بيديي.
كتشوف فيدهاا ساهية فيهم: بيديي بيدي
نوفل: ركبي وغنعطيك سكر باش رتجعي عقلك..
هزات عينيها فيه:سكر؟! اه بسبابو (غوتات بجهد) كولشي بسبابك نتا لي خليتيني نولي مدمنة كولشي بسبابك
هزات عينيها فيه حومررر ونظرتها متتبشرش بلخير : نتا لي خصك تكون بلاصتووو نتاا انوفل نتاا..
نوفل: صاڤا با لا؟
قربات منووو قبل ميزيد ينطق دفعاتو على لوطو طاح متكي عليهاا وشداتو قاجاااه بجوج يدين وبكاع جهدها
دخلو لداخل و هي شادة كارطابلها فيدها دخلات مع عصام لبيرو ديالو و جلسات و جلس هو مقابلها و نطق …
عصام: عاوديلي شنو وقع ؟
الصافية: ماعندي مانخبي عليك و لكن واش انبقا هنااا ؟؟ ماغاديش تشدوني ياك
عصام: غير دوي بعدا
الصافية:(بلعات ريقها) انا لي ديكلاريت بالكاميو … و كنت مخبعة فيه باش نهرب
عصام: تهربيي ؟؟؟ مناش تهربي؟
الصافية: راجلي …(تنهدات) راجلي اعصام تكرفص عليا و ضربني و كان بغا يق*لني…فتالي كنكتاشف بلي كيتاجر فداك زبل و كيعاون شيواحد سميتو حمزة…مالقيت حتى شي حل اخر من غير نهرب و نديكلاري
عصام: هادشي كاملو واقع ؟؟؟ زيدي عاوديلي
…عاوداتلو كولشي بتفصيل من غير الجزء لي فيه الغدر ديالها لهاشم ..بقاو كيتعاودو و حطاتلو لي بغات و لي مابغاتوش يعرفو خبعاتو عندها
عصام: ماتخافيش داك لحم"ار غادي يتربى ضوسيه خانز هو و البزناز لي معاه …
الصافية: دااااكشي لي بغييييت و عافاكم ماتخليوهش يوصل ليا
عصام: ماتخافيش نتي ف امانتي (شدلها ف يدها كيطمنها)
تم ناتر يدو ناض هاز تيلي معيط لحرة متتجاوبش رجع معيط لمحامي ديالها بالو باغي معاها باغي غا يسمع بلي خدات براءة ويرتاح.
فالفيلا عند هاشم كان فبيتو مشخشخ و مكرفص كولشي يدو كتسيل بد.م و لحوايج مشتتين مشا حتى لحدا لمراية لي كتبان مهرسة و كيبان انعكاسو مضوبل و نطق و هو مغزف و معصب…
هاشم: الصاافية…حسابك عندي ايكون غاااالي ….حتا لعشق لي كان فقلبي ليك مغاديش يرحمك
سايق بجهددد أفكار كثيرة نازلا على دماغو عمر تصور هكدا يتلاقاها...هو لي من نهار رجع لمغرب وهو يقلب عليها ملقا لها أثر لا فدارها ولا لقا لها لاثر فلمدينة لي كانت فيها.
عمر تصور يتلاقاها ويكون هو سبب من لاسباب لي خلاتها تحكم ب25 عام دلحبس..
كسيرااا لوطووو واقف كيشوووف صورتها وهي فمراهقتها قدام عينووو وصوتها وهي تتقولو تتعجبني باقي فودنو..
نفس صوت لي قاليه أسمرينو وهي جارينهااا لحبس..
دور لوطو نشاان لحبس فين نازلاا...
" فالحبس"
ضحكات بجهد: ايييه زينة وانا غربييك لمنضتيش ودرتي اش قلت لك داباا
شداتها من شعرها منوضااها دفعاتها بجهد طايح لارض تا ضربات فمها وسال..د.موو..
دارت تتشوف فالحباسات: هاي هاي شفت جدادات تزادت فيهم ضلعة كااع لي هناا خصوو يفهم ويعرف أن الحبس د حكيمة حكيييمة هيي لي حاكمااااا لااازووون فهمتوووهاا ولا نعاودها ولي تزيد عليا لهضرا ولا ترفع صوووت غيكووون حسابها بحال هاد جديدة ..رانيي محكووومة بعشرر سنين شلضت وجه راجلي وبغيتوني نحن فييكم ..
سكتوو حانيين راس ..فحين هي بدات ضحكك بجهددد..
مسحات فمها من د.م: عشر سنين كي والووو
وقفات تتشوف فحكيمة: أنا ب25 عام واش خصني نعلق شي ميدالية؟؟
حكيمة: نتييي نيت وخا تكوني محكومة بالمؤبد.متهزي راس معايا.
هزات يدها بغات تنزل عليها بتصرفيقة .مع لهزا شداتها لهاا مرجعاها لهااا لووور: عاودي أشنو كولتي ممم؟
حكيمة : ططط للللقييي
الحرة: لاء مبغيتش!
دفعاتها لارض..جابتها طايحا ..كلسات عليها حاكماها .شدات وجها بين يدها: تعاوديي تهزييي عليا ولا على شي وحدة هنا دوم ليدين .وجهك لي غيتشلض بلاصة وجه راجلك فهمتيي ازوينة؟ ولا نشرح بلخوشيبات؟
حكيمة حركات راسها باه
الحرة: اشنو لسانك تسرط من صبح ونتي بلا بلا(بالغوات) اه ولااا لااا
حكيمة: اه اه فهمت..
تحلات لباب.: حوراء مجاهد عندك زيارة...اش كديري فوقها؟
الحرة: توحشات تكوا قلت نكويها!
ناضت بعد مضربات فوجه حكيمة بشوية.
زادت صاحبت حكيمة عندها كتعاونها تنوض: جاياها زيارة فاول نهار باينا فيها مساهلاش
حكيمة:عمر جات شي وحدة ومرمدات لي راس تا لهادي لمخليتهااش تدمع قدامي راه منتسماش حكيمة
خرجات ولمينوط فيدها وصلات لبلاصة زيارة حيدات لها لمينووط وتمات زايدة ..
كان واقف عاطيهاا بضهرر..
سرطات رييقها وهي مطلعاه ومهبطاه جسمووو طويل وكتافووو لعراض .ابتسمات جنب : كبرتي مزيان
دار كيشوف فيهاا..عينوو جات فعينيها كيحرك بؤبؤ عينو مع حركة عينيها تقدم..بخطوات تقال عندها..
نطق بساءل وبصوت شبه خافت: حوراء؟!
رجعات شعرها لور وزادت جارا لكرسي كالسا: أنا الحرة دابا
شافت فيه مبتاسمة : فاش نقدر نعاونك مزال اسي النائب؟ وخا لي عندي كولتو .
زاد واقف قدامها: مجيتش نشوفك على اساس أني نائب !
هزات راسها فيه: وعلى أشمن أساس جيتي؟
أسمر: على أساس أننا كنا صحاب وحد لوقت
ابتسمات جنب: واحد لوقت..واش عرفتي شحال دصحاب عرفت؟ شحال قدني باذ نعقل عليك
قرب منها محاوطها مع لكرسي كيشوف فعيونها : نتي عاقلا عاقلا عليا مزيان كيف انا عاقل عليك فاش تخرجي من هنا وتقلقي كيف بغيتي..دابا عاودي لي اش وقع باش نقدر نعاونك؟
هزات عينيها فيه: لي وقع راك عودتيه فلمحكمة ولا اشنو متايقش فهضرتك تم؟
أسمر: أنا هنا غنتيق غير فهضرتك نتيي ..مكيهمنيش أش غتكولي ولكن غنتيق بييك..وخا تكولي ان الحجرة طاحت من سمااء على راسوو غنتيقك أحوراء.
هزات عينيها فيه محجرين بدموع: انا دابا الحرة...غير تيق فاقوالك اسي نائب حيت انا ماشي هي بنت 17 لعام دنيا وزمان تبدلو وانا تبدلت..
تمات واقفا ضربات فلحديد: خرجيني من هنا.
وقف موراها على بعد خطوة: حوراء مستحيل تآذي شي حد
ضربات كثر بلغوات: خرجينييي من هنااااا
أسمر: كنواعدك غتخرجي
ضحكات بجهد شافت فيه : فين عمرك وفيتي بوعودك أاسمر؟
جات عينيو على شفايفها هز يدوو حاطها عليها : شكون سيل د.مك؟
حاسة بيدوو على شفايفهاا ونفسوو كيضرب فيهاا هزات عينيها فيه وقلبها كيضرب ل100
بعدات عليه ضاحكة:لي كيسل د.منا كنساوه .ولكن لي كيسيل دموعنا عمر يتنسى..
تحلات لباب وتمات غادة..مدات يدها لمينوط وهو متبع لها لعين..
زير على لكمة يدوو بجهد:غتخرجي من هنااا ولي كان سباب غيدخل بلاصتك..
زاد خارج..جبد تيلي من جيبوو
أسمر: الوو صيدقي بغيت فشي خدمة. بيني وبينك
خارج برا لحبس..يلاه جا يركب فطومبيل...وقفات طومبيل خرا حدا..مفرانيا
نزل منها هو ولكومسير بجرا..
وقف منين بان ليه أسمر كيشوف فيه.
عصام: نتا؟!
أسمر:عصاام؟
طلعو وهبطو ملامح وجهو باقيين نفسو ولكن جسمو ولا سبورتيف وعامر
عصام: العزوة؟
شاف فيه لكومسير مصدوم
الكومسير: هذا ممثل النيابة العامة أعصام (كيجرو من تيشورت باش يتبت)
ضحك عصام بجهد: هاا والله تا وليتيها بصح ممثل الحق العام...وتصلاح تكون تا ممثل فتلفازة وليتي على مزيناتك بوكوص مع راسك العزوة
هز عصام يدو تا لسماا ونزل عليه بونيا لوجه: علاش مسولتيش علينااااا
حط يدو على جنب فموو جهة الضربة ونزل على عصام ببونيا خراا لوجهوو: علاااش بدلتييي نمرتك؟
عصام: مبدلتهاش بعت تيلفون ابنادم..
زاد شانقوو: واش عارف اش وقع فغيبتك واااش عارف اش وقع لحوراء
أسمر: خصك تكولي كولشيي خصني نعرف منك.
دفعو عصام: دابا عرف ولا لهلا فين تعرف.لفوت فات
زاد عندو اسمر شانق عليه: علاش نتا وهي تتقولو نفس لهضراا...محددد تلاقيناا من جديد الا وباقي مفات والووو فهمتييي..ومتبدل والو عشر سنين بحالا كانت غا لبارح
عصام: متبدل والو؟ شنو زعما حنا باقيين صحاب .
رخف عليه حرك راسو باه: انا باقي معتابرك صاحبي وخا متشاوفناش .
قرب عصام منوو معنقووو: سااااط بروجلة احسن حاجة درتي هي غبرتي علينا كمارتك.
أسمر: عندك لحق ومشفتش كمارتك .
تعانقو ضاحكين والكومسير غا تابعهم بعينيه مفاهم فيهم والو...
بعد على عصام منين جاه اتصال جاوب بزربة..
أسمر: أش لقيتي؟
_صيدقي: سي أسمر عندك لحق كانو بصامات خرين فالحجرة من غير لبصمة دلمشتبه بيها وحسب المعلومات لي هنا قدامي ولي غريبة شوية.
أسمر: دوييي أشش تممم
صدييقي: لبصمات تانيين لي لقينا ديال أسماء اليزناسي وهذا ماشي تشابه فالاسماء انما نفسها ختك .
وسعع عينوووو مزير على تيلي بيدوو عروق راسو بصدمة برزوو : أسماااء؟
دخل لدار بتقالة حيد لاڤيست ديالو وزاد داخل لكوزينة...
بهدوووء ...كلس يوجد لماكلا..
دقايق وهو تم ..مع سالا حطهاا على طبلة وطلع لبيتها..
كانت متكية على سرير كتشوف فيدها كتفكر صباح منين حاولات تقج نوفل. لي دفعها جابها فلارض وتم راكب ..شدات فراسها..لبلاصة لي طاحت عليها..
أسماء: غتخلص غالي كنحلف لك..
سمعات خطوات خوها ..مع سمعاتهم..تكات..دايرا راسها ناعسا..
دخل عندها .زاد كالس حداها..دوز يدوو على راسها..
أسمر: أنا عارف بقا فيك صديقك لي دار أكسيدون مي خصك تنوضي تاكلي..
حلات عينيها فيه: مفياش جوع.
أسمر: وجدت لك لماكلا لي تتعجبك يلاه نوضي..
مقداتش تزيد تقول ليه لا..ممولفاش تقول ليه لا كيف هو ممولفش يقولها ليها
هي بكثرة ممتشبتا بخوها رفضات تسافر مع ولديها لهولندا وبقات معاه
زادت هابطا وهي خاشيا يديها فكتفوو.
كلسات على طبلة تتشوف لماكلا محطوطة ومتولا..ابتسمات فوسط حزنها.
كلس مقابل معاها: كولييي نتمنا يعجبك
أسماء: كفاش مغيعجبنيش ونتا لي موجدوو.
كلسات تتاكل وهي حانيا راسها على طبسيل .
متبع لها لعين.. سهاا للحظات فيها ..فجو مليئ بالصمت..
كسر داك صمت منين نطق: أسماء..واش عندك متكولي ليا؟
هزات راسها فيه: لااا
أسمر: متأكدة؟
حركات راسها باه: متأكدة
تنهد ..مد يدو شاد يدها وهي باقيا حانيا راسها تتاكل بيد وحدة.
أسمر: سمحيلي ... كان خصني نكون قريب منك كثر من هكدا كاان خصنيي نكون لكتف ليي لي كتحطي علييه راس وأول واحد تفكري فييه منين توقع ليك شي حاجة خايبة سمحيلي حيت مكونش لاخ لي تتمناي أأسماء.
هزات راسها فيه وعيونها مغرغرين بدموع: اش تتكول نتا؟ نتاا كونتي احسن اخ فلعالم وكن كان ربي كيعطينا نختارو خوتنا كنت غنختارك تكون خويا نتا مكونتيش غير خويا انا كبرت بين يديك نتا راك بابا تاني
زير على عينوو باغيها غا تسكت متزيدش على كيتو: كولي أأسماء.كولييي
حنات راسها مرة خرا على طبسيل..
أسمر: واش صديقك لي قولتي وقعات ليه أكسيدون وكونتي هاد لمدة كلها خايفا عليه..واش سميتوو عمر؟
حركات راسها باه.حنات راسها كتر...
شهقات بجهددد..ودموعها نازلين: نتااا عرفتيي كولشيي ياك عرفتي كولشيي
شاف فيها بصرامة كتر: لبكا مبقاش ينفع أأسماء! عاودي لي أش وقع بتفصيل..
هزات راسها فيه ودموعها نازلين نطقات وهي تتشهق: مكونتشش باغا ...مكوونتش بغااا نضربو انا مكونتش بعقلي تيق فيا.
أسمر: مكونتيش بعقلك شرحي لي؟
أسماء: أنا خديت ..أنا خديت..
أسمر:(بالغوات) نطقييي أسماء نطقيي
أسماء: مكونتش عارفا انها مخد.ر خديت من البوفا.
ناض واقف ضرب فطبلة تا تهزات: البوووفا أسسماء البوفاااا؟؟
بدات تتعاود لي وهي تتبكي..
قرب منها هاز يدو باغي يصرفقها جمع يدووو على شكل لكمة: اش غندير فيك ااسماء اش غندير فيييك
مقداتش تنطق مزال غير تتنخصص: سس.سس محلي.
مزادش معاها لهضرة طلع ديركت لمكتبو...بقا غادي جااي ..
كاع لكتوبا دلقانون لي كانو حداه قلبهم...كلس فلارض شاد على راسووو..حاس بحرقة فقلبووووو....أو مرة غيحس بهاد لاحساس..دأنك تكون ظلمتي شي حد...
كاع داكشي لي بنا فسنين تردم قداموو ولااا شااك فنفسووو..وفقرارتووو وفشحال من واحد ممكن يكون ظلم هاد سنين؟؟.هاد سنين كلها وهو غارق فخدمتوو وهمل ختووو
بدا يضرب يدوو ضربة مور ضربة تا د . مها سال.
حط يدو على راسو جات حوراء بينوو عينو فلماضي نهار كانو فلابيسين
حوراء: لكنا كنغرقو أنا وأسماء شكون غتنقد؟
ضربها لراسها بلخف: أكييد أسماء نتيي تتعرفي تعومي
كانت سطافيط قدام الفيلا ديالو واقفة …دخلو عندو البوليس مع مذكرة اعتقال و هو يهبط عندهم
البوليسي: هاشم الرميدي
هاشم: هو انا
البوليسي: تفضل معانا للكوميسارية الله اخليك
هاشم: هي لولة…
…كانو بغاو يحطو المينوط فيدو و دار ليهم اشارة بلي ايمشي معاهم بخاطرو و مايحتاجوش…ركب فديك سطافيط و نطالقو
…بقات كتسنى فداك البيرو مرة تنوض مرة توقف و كتلعب بديكورات…ملات و عيات حتى دخلات عندها مريم …
مريم: عصام مكاينش ؟
الصافية: لا خلاني و مشا …بغيت غا باش نعمر كرشي راني كنتقطع بجوع
مريم: نجيبلك سندويتش ؟
الصافية: بصح اتجيبيه ليا ؟
مريم: و علاش مانجيبولكش ؟
الصافية؛ ماعرفتش حسيت بيك ماحاملانيش
مريم: راه نتي لي ماحاملانيش
الصافية: اودي انا ماحاملة حتى راسي هاد ساعة…غير ماتديش عليا
مريم: بانلي نتي و شاف كتعارفو شحال هادي
الصافية: انا و عصام ؟ هههه من يامات ليسي انا راه صدمني منين ولا ضابط هههه كون نعاودلك شنو كنا كنديرو
مريم:(جلسات بحماس) ناري تشوقت عاوديلي و لكن قبل قوليلي شنو كنتي كديري ف الكاميو
الصافية: اييه جلسي نعاود ليك
…بقاو كيتعاودو و يضحكو كولشي قالوه و شلا غرايب و كوارث جبدوهم تافقو دغيا و تفاهمو مريم شادة كرشها بضحك و صافية كتعاود ليها حتى وصلات لفين لقاوها بالكاميو
مريم: ناري دابا ماخصش راجلك يلقاك
الصافية: واخا هكك هاشم حنين راه غير مكيبغيش لغدر و لكن انا عاوتاني مكيعجبنيش لحرام
مريم: (ناضت ) صافي نوضي
الصافية: فيين ؟
مريم: اتجلسي عندي فدار حتى نساليو هاد القضية
الصافية: حلفي ؟؟! يعني مكاينش شي ازعاج
مريم:لا مكاين بو ازعاج مرحبا بيك نتي فحمايتي دابا حتى نفكوك
الصافية: لهلا اخطيك عمرني نسا خييييرك
مريم: مرحبا انوصلك لدار ورجع لخدمة.
واقفة حدا طوموبيل دالخدمة متكية عليها هازا فيدها ورقة كتقرا فسربيس لي عندها ليوم حتا سمعات فودنها صوتو أكفس صوت يمكن ليها اسمعو فحياتها كيجيب ليها الاشمئزاز
خالد :(داير ابتسامة على فمو ) مرتي الغزالة
طلعات راسها فيها حيدات نضاضرها و شافت فيه شوفة باردة و طلعاتو و هبطاتو
مريم : باقي تكول مرتي غنردم لمك داك الفم (رجعات عينيها على الورقة )دوماج جيتيني فوقيتة الخدمة مغنضيعش معاك الوقت
خالد : فم عندك كيخرج غا القطران ولكن هانية عاجبني
مريم : سمع ا شريف لكاين ما نقضيو مرحبا ..لابغيتي تشوف بنتك سير جيب ليًا ادن من المحكمة و مرحبااا… باغي ضيع ليا وقتي را غنعيط ليك عليهم يجيو يهزوك عليا
خالد : انا طلبت الإنتقال هنا (زاد وسع الضحكة )بغيت نبقى حدا بنتي و وووو نبقى تا حداك
تحبسات فيها النفس حسات بسخونية دالأعصاب طلعات معاها ولكن ما بيناتش بقات حادرة راسها على الورقة تا سمعات راديو كيتخرشش
طلعات راسها فيه
مريم : الأوفيسي الفيهري فالاستماع
- تحياتي مون شاف كنعلموك تلتاحقي لدرب…. مع الفرقة توقيف عصابة اجرامية هازين سلا..ح أبيض
مريم : مفهوم
طلعاتو و هبطاتو باحتقار اما هو خنزر فيها الس.م كياكل فيه كيبان حداها بلا قيما من صباح و هو يهدر فلخر خلات ليه Vu و مشات ركبات فلوطو علمات الفرقة و ما بينهم عصام
ركب حداها و لي باقي ركبو فسطافيط كان هو لي سايق اما هي حطات يدها على راسها كتفكر فهاد الموصيبة لي تابعاها فين مشات كتفكر ذكرياتها الخايبين معاه وكدفل على راسها فوق متتفكر كفاش كانت طايحا فيه وتتبغيه
سهات تتفكر ماضيها معاه.
كانت واقفة وسط ديك الروينة دالكوزينة بحوايجها ديال الخدمة مركبة بنتها ورا ضهرها كتوجد الفطور بزربة و فنفس الوقت كترد كتوجد لماكلا ديال العشاء حيت تا واحد مكيتغدى فدار
تا دخل بلاما تا يصبح عليها جر الكرسي وشعل الكارو
ضارت شافت فيه عاقدة حواجبها
مريم : را كتليك شحال من مرة متبقاش تشعل ليا الكارو فدار را واقيلا عندك بنت مزال كترضع ؟
خالد: كترضع (دار ضحكة مستفزة و طفا داك الكارو ) تا يرضع باها بعدا ولا ماعليهش الله .. صباحاتوو لله فينما مشيت نكير
مريم :كالس كالس نوض وجد معايا الفطور ولا هاكا هز البنت شوية
خالد: مابغيتينيش نوض نغسل ليك الماعن و لا ندير شي فواطة نيت و نوجد ليك الغدا ا مدام .. ؟ راه تزوجتك باش ديري نتي هادشي
مريم :(كتحط الفطور فوق الطبلة ) نهار لول تزوجنا قولتي غنتعاونو انا خدامة ونتا خدام .
هاكا كول ديما مصبحة على نكيرك بغيت غا شي نهار تفيق ضاحك ناشط (كتخوي أتاي و مبرزطة مع ريم حيت كتلعب فضهرها) نفيق شي نهار بحال لعيالات و نلقا راجلي ضاحك ليًا كيكول هدرة زوينة (مدات ليه اتاي ) يتعاون معايا
خالد : تا نكون انا مصبح على شي صباح زين شوفي حالتك كي دايرة شوفي دارك كي دايرة تا حاجة فيك ما مقادة ديما مرونة و معارفة تا اش غاديري كنحس براسي مع ساط مربي الشعر تعلمي غا تنعسي مع راجلك ولا عرفتي شنو تا حاجة مابقات تجي معاك ولفتي يامات السطاج و العسكر تا ربيتي معانا الموسطاج خليك غا هكا الله يدوز سربيسنا على خير
خبط داك كاس دأتاي فوق الطبلة و هز كاروه و خرج
خلا ديك الهدرة كيف الس.م تجرح فيها فيقاتها غا بنتها لي كتبكي مور ضهرها خاصها ترضع
تنفسات بجهد مباغا تا حاجة تنكدها عليها ليوم عندها امتحان ديال ضابط باش طلع كراد
كتعتابر سكاتها صبر و كتقول كلشي يفوت حيت بيناتهم بنية و واخا كيكول هاد الهدرة را باقي كيبغيها كيف لول حيت تزوجو من بعد قصة حب
هي وياه لي تلاقاو فمرحلة سطاج و تواعدو ملي يتخرجو يتزوجو
وجدات بنتها ريم لي باقا رضيعة عندها يلاه عاماين باش ديها عند
ماماها تقابلها
خرجات بزربة بلاما تحط تا حاجة فوجها
منين سالات لامتحان دازت لكوميسارية تلاقات بصحابتها دلخدمة تم ..بقات شحال تضحك معاها ..هزات تيلي
مجاوبا عليه ...قطعات دغيا تتشوف فصحبتها.
مريم: شي حد كيبلغ ان مرتو تتخونو غنهز دراري ونمشي قبل ميدير شي كارثة..
تمات نايضا غادة بجرا...
مسافة طريق تا وقفات قدام شقة.. مع دفعات لباب تحلات..
سيفطات دراري لتحت يشدو راجل لي جاي كيغوت...
زادت داخلا بخطوات توجهات لبيت نعاس .لي جايين اصوات اهات لبنت منوو..
مع حلات لباب وقفات مصدومة وهي تتشوف خالد ناعس فاحضان وحدة خرا..
تهزات من سهوتها ومن ذكرياتها لي تبعاها منين فرانا لوطو.
عصام: وش نتي بيخير؟
مريم: اه بيخير غير سهيت شوية
شاف فيدها شدها عندو كيتفحصها: واش تجرحتي؟؟
نترات يدها: ماشي شي حاجة ..ونتا قولي واش صديقتك تحلات قضيتها؟
حرك راسو بلا: لقضية صعيبة عندها
مريم: واش شفتيها بعدا؟
عصام:مشيت ليوم نزورها سعا مقدرتش ناخد زيارة خرا ليها تا لغدا ورجع عندها.
مريم: يكون خير ..واش وصلنا؟
عصام: لا مزال غا رجعي تنعسي.
ضحكات بلخف وعينيها عليه: فاش نوصلو فيقني
كانت متكياا..كتفكرر لقاءهم دصباح..
شكون كان كيقول غدوز ليام وتلاقاه من جديد؟ وبهاد طريقة هادي..
تنهدات حاطة يدها على قلبها حرقتو باقا فقلبها ومنين شافتو ولات جديدة ..مبقاش فيها لحال أنه كان واحد من اسباب سجنها حيت هي تايقا انها بريئة وربي غيبين براءتها شي نهار.
.قلبها ضارها على نهار لي مشاا بلا ميودعها وفاكثر وقت كانت محتاجاه.
ساطت بجهد تمات نايضا لدوش بغا غير تغسل وجها. لي طلعات معاه لحرارة.
دخلات ليه زادت لواحد من سطولة لكبار..كتغسل وجهااا . محسات غير بيد مغطسا لها راسها فسطل..حاولات تبعدها مقداش.. نفس تقطععع فيهاا
جوج عيالات شادين لها يدهاا ..
وحكيمة مهبطا راسها فلماء ولبسمة على شفايفها: مكانش خاصك تهزي راسك معايا اجديدة..
"عند أسمر"
أسمر: أكيد أسماء نتي تتعرفي تعومي.
ضحك جنب على لهضرة لي كان قال...
هز تيليفوون وعينو مفيكسين قدامو ..دقايق تا جاوبو شاف ديالو
وكيل الملك: وي أسمر؟
أسمر: كاين الجديد فلقضية لخرا لي شديت دحوراء مجا هد.
وكيل الملك: واش ديال لي خدات 25 عام؟
أسمر: اه
وكيل الملك: قضيتك هاديك ااسمر تكلف نتا.
أسمر: منقدرتش بغيتك تكلف بيها نتا
قاد كلستوو عمر سمع اسمر نساحب من شي قضية: اش واقع ؟أشمن جديد.؟
أسمر: كاين متهم أخر ..وهو عتارف بالجر يمة..
وكيل الملك: كفاش ؟ واش البنت كانت بريئة..اسمر تكلف خص المتهم جديد يتهشد محد عتارف حسبها تسداات
أسمر: مغنقدرش نتكلف حيت المتهمة ختيي حدي غنسلمها لك تا لهنا وجهدي غيساليي.
وكيل الملك: كفااش؟؟ أولدي انا غنجي عندك دابا واش نتا فدار عنداك دير شي حاجة تا نجي
قطع عليه لايح تيلي لارض نزلات دمعة من عينوو دمعة لي منزلات تا كان مقهور دبصح...لبنت لي رباا بيدووو سلمهاا بيدووو ..ولبنت لييي بغااا من قلبو بسبابو تحكمات ظلما.
رجع هاز تيلي وهاد لمرة معيط لبوليس باش يجيو يعتاقلوها
نزلو فلحومة لي واقع فيها صداع..
لغوات من كل جهة ..وشي كيضرب شيي دخلووو لبوليس كيفرقو جوقة..
واحد لوسط شاد جنوية وجار عندو بنت كيغوت بجهد: بربيييي ويقربب شييي حد تا نحرهااا
قرب منوو عصام كيكالمي فيه .
عصام: تهدن وحط جنوي مغتربح والوو من هادشيي
بالغوات: ماشي سوقك بقااا بعييد غنقرب غنصفيها لهااا بربييي تا نحرهااا
لبنت بين يدو غير تتبكي معرفات باش تبلات ..
عصام: لبنت صغيرة مدارت لك والوو خلينا نتفاهموو بلعقل.
مريم بقات متبعاا ليه لعين دازت مور ضهرووو ..شافت فعصام وشافت فشمكار لي كيغوت..
شار لها عصام بعينو باش تبعد..
حركات راسها بوخا..
عصام: صحابك كلهم تشدوو غير نتا لي تتصعبها على راسكك.
بعد جنوية من راس لبنت كيشير بها لجهة عصام: حيت همااا ماشيي رجو.لة اناا لي را جل هناا انااا. لي.
قبل ميكملها طاحت جنوية لارض منين ضرباتها مريم برجلهااا...وهنا كانت لفرصة لبولييس لخرين يتلاحو عليه يشدوه ويبعدو لبنت عليه..
زادت مريم عند لبنت معنقاها تتسكتها: شحال فعمرك؟
بصوت باكي:15
مريم: باقا صغيرة دابا تنساي اش وقع لكك ليوم نتي بيخير متخافيش.
بعدات منها منين مشات لبنت عند مها..لي جاياا تتجري
وقفات تتنفض يدها: وهاحنا سالينا..
شافتو واقف قدامها مخنزر: مالك؟
عصام: قلت لك بعدي؟علاش ديما تترمي راسك لعافية امريم ؟
مريم: موقع والو درت غا خدمتي!
عصام: خدمتك متتكولش لك تصرفي بلا عقل .
قربات منو تتشوف فيه بتحدي: دنيا عيات من ناس لي بعقلهم اولا؟ لمتصرفتش انا شكون غيتصرف .حنا هنا باش نحميو شعب وخا على حساب حياتي..
عصام: حياتك ماشي حاجة رخيصة باش ترميها لهاوية كل مرة
طلعات حاجب مهبطا اخر: واش حياتي غاليا عندك اشاف.
عصام: علاش غتكون غاليا؟ غير مبغيتش نتحمل لمسؤولية حيت انا شاف ديالك.
خشا يدو فجيبو غادي فحين هي وقفات متبعا ليه لعين : هاد بنادم ممفهومش
نفس مقاداش طلعوو ..حاسة بقلبها صافي غيوقف...جمعات جهدها كولوو ودفعات لعيالات مبعداهم عليهاا
خرجات راسها ودفعات برجلها سطل مطيحاه
شدات على عنقها كتكح بجهد .وتاخد نفسها بصعوبة
شداتها حكيمة من جديد وغوتات بجهد: عمرووو داااك سطل عمروووووه
الحرة: قلبتي عليها ابنت ال***
شداتها من يدها وبزربا قلباتها قدامها ..ولات هي لي شادة شعر حكيمة
الحرة: علامن تتقلبي نتي هااا.
حكيمة: نتيي لي بديتيي نتييي شدووووها نتوما اش تتفرجو
شافو لعيالات فالحرة لي غير خنزرات فيهم هربوو خارجين
حكيمة : كلبات خوافات.
الحرة: شفتهم هربو؟ كليباتك لي محزما بيهم....
حكيمة: خليهم يهربووو خليهم الموسخات انا لي دافعت عليهم نهار لول اناا (شافت فلحرة) ونتي مغنخليكش تحني لي راسي فهمتي
الحرة: انا مكتهمينيش نتي كاع مباغا نحني ليك راس ولا نهزو باغاك غير تق..دي من طريقي فهمتييي
دفعاتها مطيحاها لارض..
حكيمة كالسا فداك لما حوايجها كلهم فزكوو.
حكيمة: انا عشت ديما راسي حانيي اناا ليي كبرت ولاديي بوووحدييي وفلخر ختارو باهم انااااا لي ديما محزما بحزام راشيي اناا لي راجليي دا لي رزقيي وتزوج عليا عرفتي عمر كانت عندي لكلمة تا حطيت رجلي هنا ومغنخليكش توقفي فطريقي
شافت فيها مطولا: لبغيتي كلمتك تمشي هناا كسبيهم عندك ماشي تآمريهم ماشي داكشي لخايب لي دقتيي فحياتك دوقيهم منو
حكيمة: اش فهمكك نتيي نتيي باينا فيك مفششا وعمرك دقتي من مرارة دنياا..
ضحكات بجهدد حنات على ركابيها مقربا من حكيمة: أنااا احكييمة حياتي كلهاا وانا كنطلع باش نوصل لقمة جبل..ودابا انا فالقمة ..ومعنديش رجليين باش رجع نهبط..على داكشي واقفا فالحافة كنعاين يد وحدة يد وحدة دفعنييي..حيت معنديش جهد نقز بوحديي...
تمات نايضا غادة: مكاين لاش تكوني نتي مولات اليد احكيمة
حكيمة: علاش غدفعك..عاينيها تمد لك وتنزلك من جبل المكلخة...
مسحات دموعها بجوج يدين: اش وقع لك احكيمة كنتي باغا تبكيها صدقتي باكيا
كانت واقفا قدام لباب ميلا راسها ساهية وضوء لوطو دلبوليس كيضرب فوجها..
شافت فخوها لي واقف حداها وقالت بصوتها الباكي: جاو على قبلي ياك
تنهد تنهيدة طويلة خشا يدو فجيب: خلينا نمشيو.
حركات راسها بلا: مكاين لاش تمشي معايا مكاين لاش نحطك فموقف خايب كتر من هكدا..
عنقاتوو عندها مزيرا عليها: سمحلي اخويا العزيز مرمدت راسك لارض وسمعتك لي كنتي تتبني فيها هدمتها لك دغياا سمح لي عفاااك ومتكول والو لوليدينا مبغيتووووش يكر.هوني..
دوز يدوو على شعرهاا: لي رضك فهاد لحالة مغاديش ندوزها لو أأسماء .
زاد معاها مركبها..
وقف حداه وكيل الملك لي كان كيهضر مع لبوليس..
وكيل الملك: لمشكل معندهاش فتعاطي ونتا عارف لستعملنا لها حق لي فالفصل 8 من ظهير1974 وختارك انها تابع لعلاج مغاديش تتم متابعتها..ولي كان سبب فانها تتعاطى غيتشد .ولكن جريمتها تانية معلينا غير نتمناو لولد يفيق حيت حالتو لي غتحدد لحكم ..
أسمر:وحوراء؟
وكيل الملك: منين غياخدو اقوال اسماء بشكل رسمي ويوقع لقاضي لقرار غتخرج
أسمر: خصكك تسرع لاجراءات مبغيتهاش تزيد ليلة تما وهي بريئة
ضربو فكتفوو: غيرر رتاااح غدا ولا بعدو اتخرج نتا بلا متعمر راسك بهااا وماعلينا فهاد لوقت غير ندعيو ان عمر يفيق
تم غادي لوكيل فحين اسمر بقا واقف: راسي عامر بها كتر من عشر سنين هادي
" فجهة خرا"
دخلا لممرضة عندو كدندن كيف لعادة لقات باه ناعس حدا لباب تنهدات بجهد: نتمنا عمر يفيق وترتاح الحاج.
زادت داخلا عندوو..كتشوف فلوراق لي عندها مم ليوم مؤشراتك مكانتش مزيانة .
زادت تأكد منهم خرجات عينيها منين شافت فالجهاز خط واحد مستقيم .
غوتات بجهد:دكتووووور قلب لمريض وقف قلب عمر وقف
تمات داخلا مريم لدار بانت لها صافية كالسا مع ريم .
صافية: واش تتاكلي تفاح احبيبة؟
ريم غا تتشوف فيهاا
صافية: واش نجيب لك بزولة ماماك اكبيدة؟
ريم عاود غير تتشوف فيها
صافية: اه اربيي كفاش كيهضرو هاد ناس..خبارك احبيبة تا انا وحد نهار كنت صغيرة ولكن نسبت لغة الطفولة
هزات راسها منين سمعات صوت مريم كضحك بجهد
مريم: اشمن بزولة راها كبرات عليها
صافية:قلت لمربيتها غير تمشي انا نبقا معاها سعااا مفهمتش هضرتها..
زادت مريم عند ريم: انا غنطلعها تنعس..ونجي نقاد لك لعشا
صافية: قاديتوو نتي كولتي دار داري مجاتش تا تجي نتي عيانة من لخدمة وتقاديه.
ابتسمات لها مريم وتمات مطلعا ريم
تمات خارجا من بيتها بعد منعساتها شافت لتييلي كيصوني
مريم: وي
عصام:وصلتي؟
مريم:اه
عصام: واش صافية بيخير .
مريم: اه هي بيخير متخافش عليها انا هنا
عصام: سمعت راجلها خرج..رجال لي تشدو فلكاميو كالو بلي ساكو لكاميوو بخاطرهم..وبلا خباروو هو.يعني غير سرقوه من معملو.معندهم عليه تا دليل من غير شهادتها وخرج بكفالة غيحاول يوصل لهاا باش يخليها تبدل اقوالها.
مريم: اش عرفو بلي هي عندي الله يهديك غا رتاح
عصام: لكوميسارية كلها شافتكم خارجين مع بعض ماشي بعيد شي حد هنا يبيع لهضرا.
مريم: اوا صافي لبغيتي ترتاح عليهاا اجي هناا نعس معايا
عصام: كفاش.؟
مريم: زعما نعس هنا فدار..يلاه غنعاينك انهبط نتعشا
قطعات عليه..ضربات فمها: اللقوة امريم معند بوك فرانات..
هبطات عند صافية كلسو كيتعشاو وهما ضاحكين..مع سمعات لباب ناضت بجرا.تحل
مريم: غيكون عصام..
حلات لباب مبتاسمة جمعاتها منين شافت شخص متتعرفوش شكلو ونظراتو مريحوهاش شكات بلي يقد يكون راجل صافية..
شافت موراها منين غوتات صافية: واش جا عصااام .امر..
سكتات منين بان لها... لخوف ركبها لحظة منين تفكرات فين شافتو بتخبية مع هاشم هو لي كان مول لكاميو دلبوفا حمزة لي خلا هاشم ينقل سلعة..
ابتسم وهو كيشوف فيهم: واش مغترحبوش بيا
مريم : شكون نتا ؟
حمزة: شكون فيكم صافية؟
يلاه جات صافية تنطق قطعاتهم مريم: أنا شنو بغيتي؟
حمزة: بغيت روحك مقابل سلعة لي ضيعتيني فيهاا .
ابتسم جنب..وبلا سابق اندار جبد موس من مور ضهرو وتم غارسو فكرشها
قبل متزيد تغوت شافت فيه حال عينو..وسعات عينيها حاطة يدها على قلبها ..
شافت فلجهاز وعودات شافت فيه...زادت تتأكد عاد لاحظات بلي ممتاصلش بجسموو
عمورة: أنا لي حيدتووو
الممرضة: واش شافك طبيب؟
لاش محيدو كنتي غتوقف لي لقلب
عمورة: حيت قلبي وقف ولا حيت حليت عيني؟
رجعات تتقادو ليه حشمات تقول ليه حيت حليتي عينيك..
الممرضة: على سلامتك غنعلم طبيب يجي يفحصك
عمورة: شحال من ساعة وانا ناعس هنا؟
الممرضة: كتقصد شحال من نهار؟
دارت منين شافت طبيب دخل لي بدورو ستغرب منين فاق بلا ميعلموه
الممرضة: لقيتو فايق ولكن ساكت..
عمورة: كانت احسن دقايق دراحة فحياتي كلها
زاد طبيب كيفحصوووو..
تم غادي:دابا غنخليو ناس يدخلو يزوروك لفيك ما يشوف لحباب..
عمورة؛ وش تم الحرة؟
شافو فبعض : الحرة؟
لا هنا غير باك..
شاف فيه تنهد مرجع لاوكسجين لوجهوو:قولو ليه ما ت
ابتسم طبيب خارج...
مع لخرجة دخل باش شاف فيه
مغمض عينيه ..جسمو ممدد بحال شي جتة وجهو صفر و شفايفو بضين .. ملي شافو دموع نزلو من جنب عينيه ..جر كرسي كلس حداه بقا مدة و هو ساكت حاني راسو الأرض غير كيبكييي..شي لي خلا قلب عمورة يتهززز وبلا شعور شد
ليه فيدو مزير عليها
و حيد الأكسجين باش يقد يهدر
⁃ لا اولدي خليه را ممزيانش ليك تحيدو
بصوت خافت كيقول كلمة و يستاراح عاد يكمل
عمورة : واش خفتي عليا كنتي باغي غي تهنا مني ؟واش دابا عاد عرفتي اني ولدك؟
⁃ لا (مسح دموعو و زير على يدو ) سمح ليا اولدي سمححح لياااا بزاااف غلطت فحقك … مدرتي ليا والو ..انا خايب و مكنسواش
كيهضر و يشهق و عمورة كيسمع ليه و دموع كيزيدو يهبطو
⁃ كون غا انا لي وقع ليا هادشي و تهنيتي مني عمرني كنت بنادم لا مع مك لا معااك نتاا ..نتااا نتااا باقي صغير و متستاهلش هادشي كون غا وقعععع ليا انا هادشي .. شوف غا رجع صحيحتك اولدي اي حاجة بغيتيها نجيبها ليك غير بقا معايا متخلينيش بوووحدي منقدرش نعيش بلا بيك اولدي وداك شراب بربي منعاود نحطو ففمي
عمورة:واش تتواعدني ابابا؟
حرك راسو باه وهو كيمسح دموعو: كنحلف لككك اولديي
عمورة : واش غتبقى تمسح غا دموعك نتا و دموعي انا را فزززكو ليا وجهي ؟
ضحكو بزوج وسط الدموع جبد كلينيكس من جيبو و بدا يمسح ليه فوجهووو ملي سالا هبط ليه على جبهتو باسها و دوز ليه على شعرو
عمورة ؛(شد ليه فيدو ) أنا. عمرني حقدت عليك و لا كر .هتك ولكن انا كر.هت كيفاش كتعيش
انا معمرني طلبت منك شي حاجة بغيتك غير تكون بابا دبصح الوليد
شحال هادي ما سمع كلمة الوليد وسع ضحكتو و زاد مسح دموعو من عينيه :غنكووون باك أنا غنكون باك ولا مكونت انا شكون غيكون اكبدتي.
شاف عمورة فجنب:كفاش الحرة مكيناش كنت تنضن غنشوفها هي لولى؟
شاف فيه مستغرب:لاش تتقلب عليها وهي لي وصلاتك لهنا ؟
وسعات عينيها تتشوف فيه شهقات شهقة وحدة..منين جبد لموس من كرشها..
صافية غوتات بجهد منين شافت لمنظر زادت بجرا عند مريم لي كانت شادة على كرشها
مريم: انا بيخير انا بيخير
كلس كيشوف فيهم ضاحك: منظركم كيضحك..
يلاه بغا يخرج شداتو صافية موقفاه: فييين غاديي المجر. م مغاديش دوز لك المجر مم
دفعهاا بجهد جابها طايحا على طابلة دزاج....ناضت تتشوف فيه ودم خارج من جبهتها وكلها مضروبة. بزاج قبل متنطق طاحت شادة على راسها ..
خرج مخليهم طايحين ..
زادت مريم تتزحف لتيلي لي خلات على طبلة دلعشا...ود.م مزلع فزليج بيض .
بصعوبة باش وصلات ليه.
هزاتوو معيطا لعصام ثواني تا جاوبها.
عصام: راني قريب من دار.
بصوت متقطع: راه جا
عصام: شكون واش راجل صافية فينها هي واش بيخير.؟
مريم: هي أمانتي اعصام .ماشي راجلها لي جا ..(سكتات تتنفس بصعوبة) مول لكاميو لي جا اجي متخليهش يهرب
عصام: مول سلعة؟؟؟ (كسيرا كتر) أنااا جاااي عنداااك ديري شي حاجة حمقة امريم
ابتسمات : نتا عارف مكنسمعش لهضرا.
طاح لها تيلي من يدهااا...
عصام: مريمممممم جاوووبييي مريممممم
كان سايق لوطووو بعد معرف بلاصتها زاد غادي لدار فين كاينا وهو متحلف علييهااا ..
هز تيلي منين سمعو كيصوني جاوب بثقالة
هاشم: علاش كتصوني عليا ونتاا عارف بلي انا محضي دابا
حمزة: ماشي اجي وحضي حمزة اهاااشم
هاشم: متورينش كمارتك ومتسمعنيش صوتك دين لي بينا سالاا احمزة ..
حمزة: اه بصح سالاا..سالا ليوم منين خديت روح مرتك
هاشم: مرتييي؟؟
حمزة: اه انا عارف بينك وبينها حساب وعاونتك تصفيه اهاشم..
كسيرااا كثرر:بوحدي لي من حقي نتحاسب معاااهااا و هي تحت دمتييي برب لمعبووود ولقاك مسيتي شعرة منهااا تانجبدك فين ما كونتي فوق هاد لارض ونرضك تحتها احمزة..
ناضت شادة على راسها زادت تتجر رجلها عند مريم لي سخفانة..
صافية: مريممم حليي عينيك سمحيلي امريم انا سباب ..
زادت تتقلب على تيلي دايخا مبانش لها وزادت براا بغااا تغوت على الله شي حد من جيران يجي يعتقهاا..
يلاه خرجات حدا لباب بان لها عصام جاي كيجريي..
رددات بتقالة: عصااام..
شافت مور عصام هاشم بدورووو جاي بجرا...
وقفات تتشوف فيهم بجوج...ودموعها نازلين
جات عين عصام على صافية نطق بلغوات: فيييين مريم؟
شارت ليه لدار فحين هي زادت عند هاشم مرميا عليه تخشااات فيييه مخبعاا
عمورة بصدمة: هي لي وصلاتي لهنا.؟ اش تتكول نتااا ابابا؟كفااااش هي لي وصلاتني لهنا؟؟
كلس باه كيعاود ليه لبلان: واش هادشي ماشي صحيح اولدي؟
عمورة: واش حماقيتووو ولا الحرة ابا لحرة هي مي تانيااا كفااااش غضرني أنااا؟؟؟أااا؟ وااش حماقيتوووو
حط يدو على راسو:انا كنت غير خايف عليك كاع مركزت على قضيتها
دفع لغطاا بغا ينووض: انا غنمشيي عندهااا..أنااا غنمشييي لمخرجوهاش غريب عليهم داك لحبس...
الأب: تهدن اولديي تهدنن صافي غنعيط لبوليس عطيهم اقوالك وكلهم شكون ضربككك صافييي وغيخرجوها..انا غنمشي دابا نعيط عليههم غير رتاح نتا..
يلاه بغا ينوض تحلات لباب بانو ليه لبوليس داخلين:جاتنا خبار بلي فقتي وجينا نتأكدو من اقوالك..
خرج باه فحين هما كلسو حداه: المتهمة رئيسية فقضيتك كانت هي حوراء مجاهد ولكن مؤخراا وقعوو تغييرات فلقضية وعتارفات صديقتك أسماء انها هي لي ضرباتك واش بصح أسماء هي لي ضرباتك؟
شاف فيه ميل راسو لجهة لخرا:أسماااء اه هي.
كان متكيي فسبيطار.
سها كيتفكر فاش سولوه لبوليس شكون ضربو
عمورة: أسماء اه هي.
ضحك بجهد : واش تطنزو عليا نتوما؟ مرة تقولو الحرة مرة اسماء! واش كنبان لكم انا ميخي نخلي لبنات يضربوني.
شافو البوليس فبعض: جاوب بجدية اسي عمر
عمر: مضرباتني تا وحدة منهم..جاو شي دراري يكريسيوني ووحد منهم ضربني من لور هذا مكان
البوليسي: شفتي وجهم؟
عمورة: لااا كان ظلام.
البوليسي: بصامات البنات كانو على الحجرة
عمورة: كنت داير نتلاقا معاهم غيكونو قاسوها وصافي هذا مكان انا بغيت رتاح خرجو عليا.
حركو راسهم بوخا وتمو خارجين..
فاق من سهوتوو منين تحلات لباب ..
غير شافها وسع عينو بصدمة: الحرة
ابتسمات لييه: عمورة..
زادت عندو معنقاه وهو معنقها بجهد: سمحيلي بسبابي وقعو لك حوايج خايبين
الحرة: نساا اصلا لحبس غا دلحرات بحالي
ضحكات مبعدا عليه: كيف والو منين ضربة مغيباتكش تلت سنين
عمورة: كن نتي لي ضربتيها كن وليت من اصحاب لكهف.
ابتسمات بلخف معنقاه.
"عند أسمر"
دخل عندها بانت ليه كالسا فمكتب مغيت تتحرك بلا تا صوت
زاد عندها كالس على ركابيه: اسماء لاش مبغيتيش تعالجي؟
أسماء: هو مبغاش يبلغ بياا انا خصنيي نتعاقب اخوياا...انا سبب انا ضربتوو وانا لي تبعت نوفل انااا..انا كنستاهل..نمو.ت اخويا..
شافت فيه بعيونها حومر: خويااااا بغيت
تتعض ظفارها: بغيت السكر اخويااا بغيييتو دابا.. مقداش نتنفس عطيني غير شوية عفااك غير شوية..
أسمر: أسماء
شافت فيه بعيون حومر: انا بغيت سكرررر دابااا مقداش نتنفس
دفعاتوو نايضا تدق فلباب: حلل هاذ لباب امغيييت بغيييت نخرج خصنيي نمشي عند نوفل خصوو يعطيني البوفا
زاد تضرب فلباب..دفعات لكراسا ولكتوبا لارض رونات لمكتب روينة دبصح..تتغوت وضرب فراسهاا ..تضحك وتبكي كيف لحمقة..
هزاات قاطع من لارض شيرات بيه جهة اسمر: عطيني غا شوية غااا شوية
نطق وعينو عليهاا قلبو مهرس من حالتها ومقادر يدير والو
اسمر: حطيه ااسماء رجعي لعقلك اختيي
غوتات بجهد بغيتتت البوووفا بغيتها قربات منوو بزرباا غرسااات لقاطع فيه..
جرها عندو كتر مخليه يتغرس فلحمو كتر نطق فودنها: رجعي لعقلك اختي
بعدات عليه تتشوف لد.م نازل من يدوو..
اسماء: أنا اش درت اناا؟؟ انا ضربتك ااسمر انااا ضربتك اخوياااا..
طاحت تتغوت لربي لي خلقها تتبكي بجهدد.
انا ضربتك اخويااا الحبيب ضربتكك ااسمر
اسمر: اسماء موقع والووو أسسماء..صافي..
دخل مغيت بجرا على صوت غواتهاا..
مغيت: اسماء صافي نوضي معايااا..
شاف فاسمر: غنديها لسبيطار يعطيوها شي مهدن..
شاف فيهم اسمر وهو مزير على لكمة يدو: فينو هذاك نوفل؟
مغيت: راه فلولاية .**.
أسمر: ديها لسبيطار وحضي معاها
مغيت: ويدك شوف كيف كتنقط بدم راه شركات لك كتفك اصاحبي .
زاد خارج بلا ميتسوق لهضرتووو...توجه لوطو مكسيري نشان للولاية..مع دخلة زااد كيسول على نوفل ..زاد لقاعة لاستجواب منين علموه راه تم مع لكومسير..
كانت داخلا لكوميسارية كدور فعينيها ..زادت واقفا حدا لبوليسي: عصام واش مكاينش؟
البولييسي: الحرة عاش من شافك..لا مكاينش. غيكون فسبيطار تقاست وحدة خدامة معانا.
الحرة: ولحاج.؟
البوليسي: راه كيستجوب وحد خونا.
زادت بدورها لقاعة دلاستجواب..
وقفات برا تتعاينهم يساليو ويخرج لحاج..
سمعات لغوات لداخل..ميلات راسها منين جاها صوتو معروف..
حلات لباب داخلا .بان لها شانق نوفل
الحاج كيحاول يبعدوو وهو والو تكول واش تحرك.
أسمر: بغيتي ترزيني فختي ؟ اش بان لكك نرزيي والديك فيك هما لولين..
كيحاول يبعدو عليه مقادرش يطلع نفس وجهووو ولا حمرر وعينوو خارجين...
قربو لبوليس منوو يبعدوه دفعهم بحر جهدو
الحاج: راااك غت..قلووو
أسمر: داكشي لي بغيت وخا موتو مغتشفعش ليه اش دار لاسماء
غوتات بجهد: أسمر أش تدير؟
زادت بجرا لداخل.
الحرة: وقف اش تدير واش حماقيتي ؟
بقات تتجر فيه وتكول واش بغا يبعد. عيات تغوت ولا سمع لها..قربات منو محاوطاه من ضهروو. بيديها
نطقات وانفاسها على ودنو: معرفتش اش دار لاسماء ولكن عارفا اسماء مغتبغيش يكون خوها مجر م
حطات راسها على ظهرو وهي محاوطاه..رخا قبضة يدو من عنق نوفل وشد يدها لي محاوطينو.
كان باقي كالس حدا جهة لانعاش ..افكار كثيرة كدور فراسووو .واهم فكرة هي يشد حمزة..
هز راسو منين حس بها كلسات حداه و طبطبات ليه على كتفو
الصافية ؛ ماتخافش عليها غتنوض بالسلامة
عصام : غتنوض غتنوض..(تنهد تنهيدة طويلة)و نتي كي بقا واش بيخير …؟
الصافية: انا بيخير
تغرغرو عينيها بدموع:كون مكانتش مريم كنت غتكون ميتة دابا
عصام :(ابتاسم ) المشاش عندهم سبعة درواح .. واخا كون جات فيك ضربة مغتموتيش غا تهناي
الصافية : (ضحكات بشوية ) اودي كترة الهم كضحك
عصام : انمشي ناخد قهوة واش نجيبك معايا
الصافية : لا جيب ليا غير الما عافاك
ناض و هي ناضت عيطات المربية باش تطمأن على ريم غير جاوباتها تسمع الغوات و وصوت خالد لي كيقول بلغوات " عطيني بنتي "
الصافية : اويلي شنووو واقع ؟
⁃ سيفطي ليا لوكاليزاسيو ديال السبيطار لي نتي فيه نجيب ليك البنت باها واقف عليا و مريم موصياني منعطيهاش ليه غيتجبد ليا غير الصداااع
الصافية : وياااك تعطيها لشي حد جيبيها لعندي
قطعات عليها و سيفطات ليها لوكاليزاسيو..
تنهدات متكياا...شادة على راسها : اربيي هربت من صداع وطحت غير فيه طفوو على زهر فين مكانو لمشاكل لاصقين فيا.
تهزات منين سمعاتو: قال لمشاكل نتي لي لاصقا فيه اصافية.
ناضت واقفا: اش باقي كدير هنا؟
هاشم: بنا حساب اولا نسيتي انككك نتي لي بلغتي بيا وبلكاميو وبسبابك بنت بريئة كتصارع المو.ت ؟
صافية: بلغت بيك انا درت غير لواجب ديالي اهاشم (نعسات عينيها)انا مواطنة صالحة منبغيش ولاد وبنات ناس ياكلو داك س م
حرك راسو باه: صالحة صااالحة بزاف كاع..
قرب منها بعينو حومر .نقزز على عنقها شانقها: صالحة لدرجة غدرتي راجلكك .لي جامعاك معاه عشرة عشر سنين اصافية.
شدات يدو تتبعدها على عنقها: طلق دويي بلعقل ازمر.
هاشم: خليتي لميي شي عقل نتي وداباا سمعيني مزيااان غتمشيي تحيدي شكوة لي دايرا ضدي ولا انا غرفع عليك دعوى.بتهمة لاحتيال وسرقة امرتي العزيزة اشنو واش ممحقيش نكون تا انا مواطن صالح؟..
حركات راسها بوخا ووجها ولا حمر نفس تقطعات فيها
صافية: غنحيد شكوة ولكن بشرط واحد ..
هاشم: خرجي اش عندك؟
صافية: طلقني!
شاف فيها مطول بلا مينطق...بقات هي مراقبا غير عينو و نظرتو لي تبدلات خلاتها تبلوكا لثواني .
حرك راسو بوخا: تافقنا اصافية طلاقك ايوصلك .
يتبع...
التعليقات
لا توجد تعليقات بعد، كن أول من يعلق.