محتوى القصة
حاصراتها النااموسية جاات جالسة فوقها متكية بيديها اللور... وهو باقي كاايقرب منها مفيكسي عينيه فيها... جلس على ركاابيه فوق الأرض.... قدامهاا وشد يديها بين يديه خلاها غاطيح حيت كانت مكالية بيهووم... حطهووم فوق شفاايفو مطول ومن بعد باسهووم ورجع طلع عينو كايشوف فيها حيت كانت عالية عليه... نطق بهدوء: مااتخلعييش... (شاف فالتصااور): أناا عارف هااد الشي غادي يخلعك... (رجع شاف فيها): يعني باش تشوفي تصاورك فالحيط ديال شي حد... وفكاع مرااحل حيااتك عاادي تخلعي... ويبانلك هاد الواحد بحال شي مجرم ولا شي سفااح... (تنهد): ماكنتش باغيك تشوفيهووم... يعني على الأقل اليووم... حتى تعرفيني مزيان وتتأكدي من داك الشي للي قلت وماتبقاايش شااكة... ولكن.. (ابتااسم): حبيبتي كااتبقشش وكااتفتش بززاف... يعني لوكان كنت عارفك غااتهزي هذا وتشعليه.. نكون خبيتو وهنيتك... ولكن انا مانويتش...
هز جوج صبااعو دوزهوم على شعرهاا الفاازك بالشوية: كايجي زوين وهو هااكا...
تحركاات مبعدة بخوف وهو بعد يديه ونااض: هاد التصااور كنت مرة مرة مللي كانشوفك فالطريق كااناخدهومليك... (شاف فوحدة): كنت كانهز الكاميراا معاياا..
شاافت فيه ونااضت قرباات لأول تصويرة شاافتهاا... نطقات وهي كااتشير ليهاا: هاادي كنت صغيرة بززاااف.. غاتكوون عندي ربعطااش يااك؟؟ (تلعتماات فهدرتهاا): فهااد... ف... هاد اللاج مااتو واليدياا... (شافت فيه هو للي كان باين عليه متوثر وقرباات جهتوو وشداتلو فيدو): غيت... إمتا شفتيني أول مرة؟؟ إمتاا عرفتيني؟؟
بلع ريقو مزير على يديهاا: ماباغيش نكذب عليك... بلا ماضغطي علياا...
أزهاار بصوت مرتاافع: بغييت نعرف... علااش غاتكذب علياا؟؟ علااش خايف تقولي إمتا اول مرة شفتيني؟؟
قااطعها بعصبية: حيييت أول مرة شفتك فيها هي فالنهاار للي كاان أصعب واكره نهار بالنسبة ليك... لقااءناا اللول أأزهاار كان فالنهاار للي كاتكرهيه وغير كاتفكري فييه كااتمنااي المووت... (سكت شوية ورجع نطق بصوت منخاافض): شفتك وعشقتك نهاار مااتو واليدييك أ أزهاار؟؟
جلساات فالأرض مخرجة عينيها وهو وااقف كاايترعد كاامل عينيه حمريين وجاامع يديه على شكل قبضة... نطقاات: و.. وااش نتاا للي... للي تعرضت طرييقك كنتي غااتدخل فيا بطوموبيلتك...؟؟
ابتااسم بانكساار ونطق: وأخيرا تفكرتيي...
باقة جالسة فالأرض على ركابيها كاتشوف قداامها مرفووعة وهو كاايمشي ويجي فالبيت معصب ومتوثر كلشي مجمووع عليه... مانواش هاد الليلة غاتكون مهمة وقاصحة لهاد الدرجة... وقف مللي سمع كلاامها: كيفاااش شفتيني دااك النهاار وبغيتيني...؟؟ (طلعات راسها شاافت فيه): بغيتيني لهاد الدرجة فنهار وااحد؟؟ (حركات راسها برفض): مايمكنش... مستحيل... انا ماعمرني سمعت بحال هاد القصة... هاد الشي ماكاينش حتى فالأفلام الخيالية...
قاطعها جالس حداها على ركابيه حتى هو: نهاار شفتك... ماكرهتش نحاايد قلبي من بلااصتو ونلوحو حيت ماتقبلتش تأثيرك علياا وانا شفتك غير مرة وحدة... وعااد كنتي صغيرة بززاف...
غوتاات فاقدة اعصابها: مااشي غير صغيرة... كنت صغيرة ومقصحة وكانبكي وحواايجي مقطعيين... وجهي حاالتوو...
شداتو من يدو مزيرة عليه: شنو بغيتي فياا شنوو؟؟ كيفااش بغيتيني فديك اللحظة...؟؟
ضربات بيدها على رااسها: ماايمكنش...رااه دااك النهاار كان أصعب نهاار دااز فحيااتي...
طلقاات منو ونااضت مبعدة عليه: دااك النهاار... ع.. عفااك كيفااش وقع...؟؟ بغيت نفهم...حااسة براسي غانحمااق...
نااض حتى هو... كايقرب عندها وهي كااتزيد خطواات اللور هااربة... تنهد وجبدها لعندو بقوة حتى ضرباات مع صدرو...نطق وعينيه فعينييهاا بجدية مااتحتااجش للنقااش: ازهاار... غاتجلسي وتهدني وأنا غانعااودلك كلشي...
بقاات ساكتة مدة صدرها كايطلع ويهبط....من بعد حركاات رااسهاا... طلقها وخرج... وخرجاات من ورااه.... جلس فالصاالون عاطيها بالظهر... جلساات مقاابلة معااه... هز قرعة دالماا عمرلها الكااس ومدلها...شداتو من عندو بلا مااتدوي شربااتو كاامل فمرة وحطااتو فووق الطبلة...وهو تقااد فالجلسة كاايلعب فصبااع يديه مدة... وشااف فيها هي للي كانت مفيكسية عينيها علييه كاتسنااه بشوق كبير يهضر...تنحنح ونطق: الحب مااكايشااورش أمادموزيل عاارفة يااك؟؟
بلعاات ريقهاا: آه...هاكا كاتيقوولو... ولكن مااشي لهااد الدرجة...
ابتااسم بسخرية: هه...آه عندك الحق... هذا علااش انا حالتي مختاالفة...
أزهاار: كيفااش وقع؟؟
غيت: خااصك تعرفي بللي أنا فداك الوقت كاانت عندي 21 عاام.... وفداك السن كنت متحمل مسؤولية كبييرة كبر مني... وكنت قااصح.... ماكانضحكش
نطقات بهمس: علااه دابا كااتضحك؟؟
ابتااسم: معااك آه...
خرجات عينيها ماقصدااتش يسمعها... وهو تابع كلامو كايشوف فالأرض: ماكانتش حياتي عااجبااني... وماكنت رااضي على حتى حااجة كاتخصني...
أزهار باستغرااب: ولكن كانو عندك لفلووس... طوموبيلتك..؟؟
قاطعها: أنا ماقلتش كانو خاصيني لفلووس؟؟ انا قلت ماكنتش مرتااح...
حركات راسها متفهمة: آه...
تنهد: فداك النهاار بالضبط كنت منااقش مع شي حد وخرجت معصب بززااف وكنت ساايق بلاا عقل... ونتي خرجتي فطرييقي..
ازهار ابتااسماات: وااخا هااكااك او واخا انا للي خرجت فطريقك قدرتي تحبس الطوموبيل...
ابتاسم لابتساامتهاا: كاان خااصني نحبس... ولا كنت غانتبع طرييق أخرى وغانكون إنساان آخوور دااباا...
أزهااار: كيفااش؟؟؟
بلع ريقوو: والوو... المهم نتي كنتي السبب فبززاف دالحواايج تبدلووو فحيااتي...
أزهاار: بحالاش؟؟
غيت: واش باغة تعرفي كيفااش دوزت هاد السبع سنين كلهاا؟؟
حركات راسها بفضول: آه بغيت نعرف...
(غايبدا لفلاش باك فالجزء المااجي... فيه غاانعااود الماضي من اللول حتى للتاالي... ولكن غيت ماغايكونش كايعااود لأزهاار بالتفصيل... يعني غايعااودلها غير على خبو ليهاا... الشي لاخور للي عندو علاقة بالأب ديالو والمافياات واخا أنا غانعاودو هو ماغايعااودوش ليها حيت ماباغيهاش تعرف شكون هو... نتمنى تفهموو...)
قبل سبع سنوات....
كاان وااقف فوااحد الديبو حااط يديه على جناابو مقاابل معاه وااحد بحواايج البوليس... كان باين عليه معصب...
غيت: قلتليك الورااق كاملين يكوونو عندي اليووم...
الرااجل بالع ريقو: بصراحة الورااق شاادهوم سالم عندوو...
نطق كاايغزز فسناانو: هااد ساالم رخيصة عندو روحو وروح عائلتو لهاد الدرجة..
شااف فالبوليسي بحدة: مزوج؟؟
حرك راسو: آه مزوج وعندو بنت...
غيت: اراا العنواان دياالو...
بلع ريقوو ونطق عااطيه العنواان.. وهو تحرك من تما بالزربة خاارج حتى قااطع طريقو وااحد من الرجال للي كانو تماا: ولدي غيت.. ماتوسخش يديك بالدم... متا بااقي صغير على هااد الشي..
شااف فيه: أناا مااكانقتلش السي فااتح... انا غير كانهدد... وتهديدي كاافي بااش بناادم يخضع لأوامري...
تخطاه قبل ماايجااوبو ركب فطوموبيلتو غاادي بسرعة...
..........
كانت كااتجري بأقسى سرعة... كااتجري بلا ماتشووف قداامها شدات طريق وحدة مللي شاافت منظر واليديها... طرييق من داارهووم كاايدي حتى للغاابة... كااتجري وتشوف من ورااها وتغوت... ولبكاا والدم حيت جرحاات شناافتها بصبااعهاا ومخنخنة... وكاتشووف غير الضباابة حدااهااا... حتى طااحت مكركبة حتى لواحد الطرييق كاانت خااوية... بقاات طاايحة كااتشووف قداامها فطوموبيل جااية كااتجري بسرعة... ماتحركاتش بقاات فبلااصتهااا فحالة يرتى ليهاا.... غمضاات عينيها مستقبلة مووتها... وعلى غفلة وقف عند رجلييهااا.... بقاات مغمضة عينيها كااتنفس بالجهد وصدرها كاايطلع ويهبط... وهو هبط من الطوموبيلة بنرفزة... وضار لعندها كايدوي بأعصااب: وااش مرييضة نتي ولاا شنووو؟؟ إلى باغة تنتااحري سيري بعييد مااتخرجييش فطريقي...
ماجاوباتوش بقاات بنفس حركتها كاتشوف فالأرض وشعرها مخربق مخبي ملاامحهاا...
شدها من يدها بعصبية موقفهاا... وهي تنثراات منو ودفعااتو من صدرو مغوتة صدمااتو دياال بصح: مااتقيسنيش ومااتغوتش عليااا مااتغوتش...
ضرباات بيدها على رااسهاا بطريقة هستيرية: يااك كنتي جاااي بالزربة علاااش مااكملتيش علااش وقفتي...؟؟!!!
غااب على الوعي كاايشووف فملاامحها.. ماعارفش راسو فين هو ولاا شنوو كاايديير؟؟ للي عارفو هو أن هااد البنت للي كااتصرف بلا عقل داابا... رااه دااب فيها وفلاامحها المخربقة وفتصرفااتها الغريبة... نطق بصوت مهدن ماعاقلش هو وااش ديجا دوا بيه من قبل: تهدني... ماالك؟؟
رجعاات اللور كادير إشاراات بيديها: مااتو... مااتو بجووجهووم... صافطووني نجيب غير السخرة من الحاانووت ملاي رجعت لقيتهوم بجوج مااتوو.... قتلهووم بلا رحمة ولاا شفقة... أععععع... (بدات كااتضرب بيديها فوجهها وتقبشوو... وهو طاار لعندها شدلها يدهاا حاكمهوم وهي كاترطى بين يديه... حتى وصلاات عليهوم خاالتها وولدهاا كانو كاايبكيو وبااينة من حاااالتهووم مخلووعين ومرعووبين... شدها ولد خالتها من عند غيت كاايضرب فوجهها: أزهاار ازهاار ماالك...؟؟
هي كاتنثر منوو وباغة تهرب من تما: مااتسولنيش أسعد وااش ماعارفش مااالي؟؟؟...
هزها بين يديه غاادي بيها وشاف فموو: غايخصهاا الطبيب ضرووري...
بقا واقف كاايشووف فيهووم مصدوم حتى مشااو ووعاا على رااسو ركب فطوموبيلتو وديمارا رااجع على طرييقو
دخل مع بااب الداار حااط يدو على قلبو كااينهج بصوت مرتاافع من النظرة اللولة تقوول مضروب بالرصااص... ولاا واكل قتلة دالعصاا.. تسند على الحيط حتى وصل لواحد الفوتوي عرييض وتلااح عليه مرجع رااسو اللور والعرق ناازل مع وجهوو... وذاتو كلها كااترعد.. وشعرو مديرونجيه... هز يدو بصعووبة كاايحااول يحل صداف القااميجة... وماابغاتش حيت ماقادرش يتحكم فيهوم... نثرهوم بالجهد وقطعها...
نطق كاايلوم فراسو بعصبية: ولكن آش هااد الشي وقعلي؟؟ ماال ديلمي هااكاا؟؟
سكت كاايبلع فريقو وكايفكر فشي حااجة وعااود نطق: آش هاازة معاها حتى تأثر فيا هااكا؟؟... غير برهوشة موحال عندها حتى خمسطاش عام كااملة... كيفااش خلااتني هااكا؟؟
غمض عينيه بألم كايتفكر المنظر للي خلاها فييه... سااط مقبح وجهو: ششششش.... قالت كلشي مات واليديها مااتو... كاانت مصدوومة...
شااف فجناابو مصمم: خ... خاصني نشووفهاا... خااصني نمشي لعندهاااا..
ناض بالجهد غادي جهة الباب بالزربة على عكس دخلتوو... حتى وصل حدا لبااب.. ووقف مفكر شي حااجة: و... ولكن فين غانلقااها؟؟ فين سااكنة وشكون هي أصلا؟؟؟!!!...
تفكر علايااش كان مااشي لديك لبلااصة... وتفكر سالم... مابقاااش عندو مزااج لدااك الشي... ولكن مايقدرش يبقا جالس فالدار بلا مايدير واالوو... حاس برااسو غاايحماااق.... خرج كاايتمشى بالزربة وركب فسياارتو ديمارا بسرعتو المعتاادة... شاد طريق وحدة بلاا ماايرد الباال لراسو...شاد الطريق فين شافها أول مرة... ومللي وصل زااد لطرييق أخرى للي كاايدي لدار ساالم... غير دخل مع الحي... بانولو النااس بززاف مجمووعين... نقص فالسرعة كاايتمشى بالشوية... حتى وقف حدا الداار للي مجمعين حداها النااس او وااحد المجمووعة دالشبااب كاايبنيو فالخيمة للي غايجلسو فيها الرجال بررا... صغر عينيه كايحقق فالرقم دالباب ديال الداار لقااه هو نغسو عنواان دار ساالم... خرج عينيه وهبط كاايقرب من البوليس للي كانو وااقفين داايرين كووسطة ومطوقين حدا الداار حتى حد ماايدخل... سمع غوااتها وقدر يعرفو وااخا يالله شاافها غير مرة... كاانت جاالسة كااتغوت ووحدة لابسة طابلية بيضة بااينة عليهاا طبييبة كاتعبرلها الضغط وخالتها وولدها جالسين حداها كايحااولو يهدنوها... بداا كاايفهم الموضووع شوية... رجع ركب فطوموبيلتو وركب رقم فهااتفوو متااصل بشي حد...
غيت: شي جريمة وقعاات فهااد الحي (عطاه العنواان): بغيتك تعرفلي شكون للي مات وشكون للي قتل وكيفااش وقع هااد الشي...؟؟ بغيت هاد العشية يكونو عندي المعلووماات؟؟
قطع وديمارا مرة أخرى حااس بالسخاانة طالعاااليه...
كاان جاالس فالديبو مظلموو كاايشعل لفلااش ديال التيلي ويطفيه متكي براسو اللور بااين عليه مهمووم... حتى دخل عليه وااحد من الرجاال هااز ملف فيدو حطو قدامو ووقف مقابل معاه...
نطق الرااجل بجدية: الضحية كان سميتو سالم الكتوي والزوجة ديالو... ضابط فالشرطة... العمر ديالو 40 سنة نزيه فخدمتوو وماعندو حتى شي رشوة... تقتلو بالمووس وبطريقة بشعة... الصور كلهووم حدااك...
بلع ريقو مصدوم ونطق: عندهوم ولااد؟؟
الراجل: عندهوم بنت فعمرها 14 سنة الإسم ديالها أزهاار... أزهاار الكتوي...
حرك راسو: شكون قتلهووم؟؟
الرااجل: باقي ماعرفووش... ولكن ماغاديش يتعطلوو... حيت القاتل خلا الموس تماا... وعندهوم غير ربعة وعشرين ساعة يعرفوو شكوون القااتل من البصماات...
حرك راسو وعطاه إذن بااش يخرج... مد يدو شعل الضو للي حداه... حل الملف... لقاا صورتهوم مجموعين... الراجل ومرااتو وبنتهووم... تأكد منهاا كاانت هي لبنت للي تلاقاها فالصبااح وخدات عقلوو كاامل... تنهد كاايشوف فصورتهوم كعاائلة... لا طالما افتااقد ولاا تمنى انو يعيش فهااد الجو... قلب الورقة... كاانت فكل صفحة صورة لشي حد فيهوم مع معلومات عليه... وقف عند صورتها مبتااسم بحزن... قرا معلوماتها بتمعن... فاش كاتقرا وشنو كاتبغي وشحال فعمرها وإمتا عيد ميلادها ومستواها الدرااسي؟؟ رجع مركز نظرو فصورتهاا... زوينة... فاااتنة بالنسبة ليه هو... زينها قتاال وااخا صغييرة... غمض عينيه مكره... وااش عشق وحدة برهووشة بحال شي بيدوفيل... حرك راسو رافض الفكرة... هو راه مستحيل يمشي يوقف حداها ويقولها كانبغيك... مااايمكنش لبنت صغيرة وشنو كااتعرف فالحب... واصلا آشمن حب..؟؟ راه شافها غير مرة... زير على سنانو مللي تفكر حاالتهاا... مااشي سااهلة شافت وااليديها تقتلو قدام عينيهاا... قلب الملف لآخر ورقة... خرج عينيه وهو كايشوف صورتهوم هاكاك مقتولين بطريقة وحشية وعامرين دم.... بلع ريقو واش هي شافتهوم فهااد الحاالة؟؟... شكون هااد الوحش للي دار فيهوم هااكا...؟؟
طلع عينو بالزربة مللي سمع شي حد دااخل... كان الأب ديالو للي وقف حداه كاايترعد مخلووع...
........: غيت... ولدي عتقني... خاصني نغبر هااد الليلة؟؟
غيت باستغرااب: ياك لاباس؟؟ شنو درتي عااود؟؟
الأب بتوثر: الجريمة للي رتااكبت اليووم... نسيت الموس فمسرح الجريمة...
خرج عينيه الدم هاارب من وجهوو: أ... أشمن جريمة؟؟
الأب: سالم... صفيتهاالو هو ومراتو؟؟
غيت وجهو صفر وريقو نااشف: شنووو...؟؟!!
بقا سااكت لمدة قصيرة شوية مبتااسم بطريقة غريبة.. كايشوف فالأرض... حتى رجع شاف فبااه ونطق: قلتلييك انا للي غانتكلف بهاد الموضوع علااش قتلتيهووم؟؟ واش أرواح النااس رخيصة عندك لهااد الدرجة؟؟
جاوبو بتوثر كايشوف فجناابوو: تعكلتي عليا... والكاميو كان خاصو يخرج غداا... وهو والو واش بغا يعطيني ورااقي ولاا يحايد من طريقي...
تنهد مكره ويعلم الله آش كااين فقلبوو: ومرااتو علااش قتلتيهاا؟؟ هي شنو ذنبهاا؟
دوز لساانو على شفايفو: مابغااتش تبقا بعييدة هي للي بقاات كاادخل رااسهاا... بغاات تحاايدلي النوس من يدي.. (ابتااسم بسخرية): زعيمة مع رااسهاا... هذا علااش بديت بيها عااد ساليت بيه هو... (بلع ريقو): تخاايل كااع ماقدرت نقلب على لورااق.. خفت يجي شي حد حيت الدار كاانت فحي شعبي والدنياا عاامرة.. (ضحك بشر): ولكن حرقتهووم... ههههه.... الدار كااملة بقا فيها غير البااب صحييح...
غمض عينيه كاره يسمعلوو.. هاد المنظر رااه حضرلو وشافو بعينيه... بلع ريقو كاايفكر كيفااش قدر يجيب دااك السيد تصويرتهوم مقتولين وهما حتى البوليس لقاوهوم رمااد... شااف فيه: و... واش صورتيهوم مللي قتلتيهووم؟؟
حرك رااسو بحمااس: آه صورتهووم.. وراه صيفط التصااور لفاتح وخاالد... نتا عاارف كاع الضحاايا دياالي كانبغي نخللي تصاورهووم عندي...
حرك راسو حاط يدو على وجهو مللي جابلو خاالد المعلوومات عرف بللي هو للي صورهوم... وفهم علااش ماقالش ليه شكون القااتل حييت هو واحد من رجاال بااه عاادي ماايبيعش بسيدو واخا لولدوو..
نااض خاشي يديه فجياابو وااقف غير بزز: باغي تخبى من البوليس؟؟
جاوبو بخوف: آه... غير حتى نشوف شي حد يدخل فبلااصتي...
غيت: يااك..؟؟ والبصماات؟؟
ضحك بلا مبالاة: عاادي يقولو النوس كان دياالي وهو خدااه بالليكات هذا علاش بقاو غير بصمااتي..
طلع حااجبو: أمممم... (زاد سابقو): زيد نخبييك...
ابتااسم بفخر وتبعو.. طلع فطوموبيلتو وهو طلع حداه داير إشارة لفااتح يتبعو...
تمشااو مساافة كويلة غير مابين الغااباات خاارج على الطرييق... حتى وقف فبلااصة أخرى... وشاف فبااه: هبط هنا غاتخبى..
قبل مايجااوبو نزل... وباه شاف ففتاح للي كان جالس من ورااه: فين جاايبني؟؟
هبط تابعو هو للي حل وااحد الكاارااج كبير... عامر بقرااعي كبااار بززاف فيهوم ليصوونص... دخل مطلع نيفو ماحاملش لبلااصة ونطق مغوت: آش هااد العفن فين جاايبني...؟؟ وااش انا غانبقا هناا؟؟
شاف فيه من بعد ماكان عاطيه بالظهر ونطق بااين من ملامحو الكره والحزن والبغض: مااشي فمقامك يااك؟؟ (شاف فجناابو): يعني فنظرك نتا حسن من هااد لبلااصة؟؟
سكت كايشوف فيه حاط يديه على جنابو بااقي فحوايجو ديال الصباح والقميجة مقطعة جهة الصدااف.... وباه كايطلع فيه ويهبط: غيت... ماالك ماعجبتينيش؟؟ وماال حالتك هااكا؟؟
ضحك كايسفق بيديه: ههههه... براافو الواليد براافو يالله شفتي حاالتي... (جمع الضحكة مخنزر): ولكن نعذرك مااكنتيش مساالي... كنتي كاتلذذ فسرد قصتك وكيفااش قتلتي نااس أبريااء
قاطعو بنرفزة: وتش نتا فنظرك كاع النااس أبريااء؟؟ لحد السااعة ومن نهاار عقلت عليك ونتا كاتلومني وكاتنتااقدني... واش باقي مادخلاات لعقلك بللي أنا باااك...؟؟
غوت بصوت مرتاافع لدرجة صوتو تردد فالديبوو كاامل كاايدوي بحرقة وبصوت يكسر الحجر: مااشي بااا نتاا مااشي بااا... ومابشرفنيش تكون نتا الواليد دياالي... (حايد لافيست باقي غير بديك القاميجة لاحها بالجعرة): من نهاار عقلت على رااسي وأناا كاندير للي فجهدي باش نرجعك للطريق... وبااش نخلليك تندم على للي دااز.. وننا غير كاتمشى وتقتل فالنااس... ومللي نتا مابغيتيش تووب وترجع للطريق المستقييم... دخلت معااك لهااد الوسخ... (خرج فيه عينيه معصب ديال بصح): مااشي حيت كان عااجبني طريقك... (حرك صبعو كنفي): لااا غير بااش نحااول ننقد منك شوية من دووك النااس... فين ماا شفتك معول تصفيها لشي حد.. كاانسبقك ونمشي لييه.. كاانفد داك الشي للي باغي منو ونخلليه يكرهني حيت هددتو وقللت عليه لحياا... وانا داخلي كايتقطع... ولكن كانقوول ماعليش... المهم نقدتو من دااك الوحش للي مسمي رااسو باا... (ضرب برجلو مع الحييط): فكرت ندخلك للحبس ونتهنى منك... (حرك كتاافو): ولكن ماكاتخللي ورااك حتى دلييل... والنص فهادوك للي مسميين راسهوم بوليس فصفك...
ضاار لعندو كايضرب بيدو على صدرو: مللي كانت فعمري 19 سنة وأناا معاك فهااد الوسخ... ودابا فواحد وعشرين سنة قدي عايشين الحيااة ومستمتعين فرزق واليديهوم وأناا... ههههه أناا...
قاطعو: هي نتا كنتي نااوي لغدر غير مالقيتيش للي يعااونك علياا؟؟ نتا مسخووط بااك...
شاف فيه باستغرااب: مسخووط بااا... باا للي قتل مي قداام عينياا وأنا فعمر سبع سنيين ياااك؟؟
جاوبو بتلعثم: ماقتلتهااش أناا غير دفعتها وهي تكركباات مع الدرووج... و.. وزايدون تستااهل رااه قلتليك كاانت كااتخووني...
قرب لعندو شاادو من الكول ديالو كاايديه ويجيبو: حمد الله حيت نتا الواليد دياالي... نكون قتلتك هنا وحرقتك كيف حرقتي هاادوك الناااس بلا سبب... ولكن خساارة هااد الراابط واقف بيني وبين هدفي...
دفعو حتى طااح وتابع كلامو كاينفض يديه: الموس للي خلليتي تماا كاافي بااش تتعفن فدااك الحبس.... وانا غاندير جهدي كاامل بااش تعدم ولا على الأقل تتحكم بالمؤبد... وماتحلمش شي حد يدخل فبلااصتك... حيت أناا غاانسهر بيدي على هااد الشي...
خرج ساد لبااب ورااه خلااه كايغوت ويضرب فالبااب.. وقف كايشوف ففاتح للي كان متبع الأحداات من اللول... تنهد: تاايق فييك... ماغاتعاونووش حتى يااخدوه من هناا...
ابتااسملو: كيفااش تايق فياا لهااد الدرجة؟؟
غيت: حيت من نهاار دخلت لهاد العالم ونتا تابعني وكاتنصحني مانوسخش يديا بالدم..
فااتح: كون هااني... غير عيطلهووم...
جبد التيلي عيط للبوليس برقم مجهول وقالهوم فين يجيو... وقطع كايركب فالطوموبيل..
فااتح: بااك حيااتو كاملة وهو كايقتل فالنااس وجامي خلا شي دليل ورااه... كيفاش داابا مخللي اداة الجريمة..
جاوبو وهو كايديماري: الفانيد السي فااتح... الواليد الله يحفظوولي كايستعمل الفاانيد بحال المراهقين
رجع للديبو للي كان فيه من قبل... كاايلعب بالسوارت فيدو وهااز الملف فاتحو على صورتها كايتمعن فييه... دخل لعالم العصابة وخرج على القاانون على قبل مصلحة نقية ولكن حس براسو كان غادي وكايتعمق فيه... كاان غادي وكايتأثر بهاد الوسخ... حتى لهااد النهاار... بسباابها هي تنقد وفآخر لحظة... بسباابهاا دار ردة فعل قوية خلااتو يتهنا من هااد الشي كاامل... وبسبااب عائلتها وااخا كانو ضحاايا ديال بااه للي حاشا واش يسميه بااه.... قدر يتهنى منو ومن وسخوو...
قاطع تفكيرو فاتح للي دخل بالزربة: السي غيت...
شاف فيه بتعب: شنووو...؟؟
فاتح: الديبو للي كان فيه باك تحرق كامل...
صغر عينيه باستغرااب: وكيفااش وقع؟؟
فاتح: عيط على رجالو بااش يجيو يخرجوه من تماا... غير فرهو عليه الباب خلطو عليهوم البوليس..... بداو كايضاربو بالرصااص... وحيت الديبو كان عامر بليصونص انفاجر كامل...
بلع ريقو: البوليس ماوقعلهوم والوو؟؟
فاتح: لا كانو بعااد...
تنهد: مزياان.. كانت نهاية سعيدة...
شاف فيه مستغرب وضار جلس مقابل معاه: السي غيت...
شاف فيه... وهو تابع كلامو: أنا كنت جالس معااك غير بااش نحميك.. (ابتااسم): تحت طلب من ماماك مللي كاانت بين الحياة والموت فالسبيطار... قالتلي ماتفرقش عليه وحميه من بااه...
غيت: كنتو خوت بالرضااعة..
حرك رااسو: آه كاانت ختي من الرضااعة...
غيت: وماعاواتش ليك كيفااش بقاات صابرة معاه وماطلقااتوش..
فاتح: على قبلك... بااك كان عندو نفود وكان ممكن يااخدك من عندها ويدخلك لهااد الشي... (يالله غايدوي قاطعوو): موك ماعمرها خانت بااك... وهاديك المخاصمات كلها غير حيت كانت ضد خدمتوو وداك النهاار كان خارج باش يقتل شي حد وهي وقفاات فطريقو...
خرج عينيه كاايترعد...
فااتح: وااش كان متعمد يقتلها ولا غير حايدها من طريقو...؟؟ الله اعلم... المهم طااحت...
مسح دمعة طاحت من عينوو: كنت تماا... كنت جالس فبااب البيت مكمش فرااسي خاايف... كنت بااقي صغيير.. (انفاجر بصوت بااكي كايدير إشارة بيدو): كنت قد هاكا... وأنا كانشوف فيها مكركبة مع الدرووج...
نزلو دموع متوالية على خدوو وهو كايمسحهوم ماراضيش يباانو... ولكن رااه مقهوور.. مايضنش واش شي حد فعمرو عااش بحاال هاد الشي.. تفكرها هي فديك اللحظة ودموعو زادو هبطو... هي رااه وغير فهاد النهار عااشت كثر ماعااش هو فسينيين داازت... وهو متأكد بللي غااتعااني لمدة طويييلة وبززااف... حيت مستحيل تكوون قوية بحاالو وتتجااوز بالسااهل... غيقوو من سهوتو فاتح للي ربت على كتفو من وراا ماوقف ونطق: أناا كنت مع بااك غير بااش نحمييك منوو... وداابا مللي مشاا حاا الوقت بااش حتى أناا نمشي نبعد من هااد الشي...
غيت: غاتبعد من آش؟؟ أصلاا هاد الشي للي كاتدوي عليه ماغايبقااش وعاالم الدرقااوي غاايرجع نقي وبيض ماافيه حتى نقطة دياال الوسخ..
تنهد كاايشوف قداامو: عاارف... عارف بللي ختي رباات وعرفاات آش رباات... أناا غانمشي عندي حيااة أخرى...ومراتي وولادي مخلليهوم بعااد...
شاف فيه بصدمة: مزوج...؟؟
حرك رااسو: آه مزوج وعندي جوج وليداات... ماكنتش بااغي نبين هااد الشي حيت بااك كان خبييت... كنت خايف شي نهاار نغلط معااه ويعااقبني بيهووم... رااه دارها لشحال من واحد من رجاالو...
جااوبو بعصبية: يستااهل يمووت محرووق..
فااتح: كما تديين تداان...
غيت وهو سااهي: إمتا غاتمشي؟؟ علاش ماتجيبهوومش لهناا دابا مابقا عندك منااش تخااف؟؟
فاتح: ماكرهتش... ولكن الولاد ولفوو تماا وعندهووم قرايتهووم وصحابهووم... ولمرا حدا عائلتهاا...
غيت: واش بررا لبلااد؟؟
فااتح: أممم... بلجييكاا...
سكت شوية كاايفكر ورجع نطق: عطيني شهر واحد... ومن بعد نخلليك تمشي...
صغر عينيه مستغرب: آه... ولكن علااش؟؟
غيت سااهي: غاانكلفك بوااحد المهمة لمدة شهر... ومللي غاتمشي غاتكون لقيتي للي يكملها فبلااصتك... (شاف فيه بجدية): وبغيتها تكون مراا...
فااتح: شنااهي هاد المهمة؟؟
غيت شد الملف بين يديه.. وقطع منو الورقة للي فيها تصويرة أزهاار: هااد البنت هي بنت سالم... للي...
قاطعو مستغرب: للي قتل باك اليووم؟؟
حرك رااسو: آه هو... بغيت عليها تقريير كل نهاار... كيف داايرة حالتهاا وشنو كادير وكيفاش كااتصرف؟؟ بغيت كلشي بحاليلا عاايش معااها...
فااتح بتعجب: علااش؟؟ ي.. يعني مستحيل هادي تكون مجرد شفقة كاينة شي حااجة أخرى...
غيت: دااباا ماعنديش جوااب... غير نفد هااد الشي ومن بعد إلى لقيت شي جوااب نقولوليك...
فااتح مبتااسم جنب وهو كايشوف فالتصويرة حتى قفزوو: ماااطولش الشوووفة ااسي فااتح... (شاف فيه مصدووم وهو نقص من نبرة صووتو): إلى بغيتي من هنا لشهر تجمع بعائلتك... جمع عينييك هماا اللولين...
ضحك تقريبا فااهم الموضووع وااخا جااتو غريبة ونطق غاادي جهة البااب: كوون هاني... غدا يوصلك عليييها أول تقريير...
مشاا وخلااه باقي جاالس فبلااصتو مرفووع دااز النهاار كاامل مادوش مابدل ماكلاا ماادار حتى حااجة... نااض من تما كاايتماايل وخرج ركب فطوموبيلتو متجااهل التيلي للي كايصوني من الصبااح اكيد باغيين يخبرووه بللي بااه ماات... مشا لوحدة من الديور للي عندهووم وكانت هي أقرب وحدة... دخل متجاوز الخدامة للي بقات كاتشوف فيه مخلووعة... حتى قاطع طريقو واحد من رجال بااه...
......: السي غيت وصلاتنا شي خباار وبغينا نقولوهالك...
وقف كايشوف فيه بتعب ولااخور بلع ريقو مكمل كلاامو: بااك السي مامون... مات الله يرحموو...
قااطعو لايح لافيست فوق ظهرو وطالع مع الدرووج: لهلاا يرحموو...
خلاه متبعو بعينيه أصلا حتى رجاال بااه كانو ملااحظين بللي مامفاهمش معااه...
وقف فآخر الدرج وهضر بصوت قادر يسمعو: نتا هو القائد نتاع الرجاال ديالو يااك؟؟
جاوبو حاني رااسو: آه هو هذا أسيدي..
غيت: جمعهوم كلهووم وسيرو قلبو على خدمة فقنت آخوور... وللي عندو شي حساب يشووف مع ااسي فااتح...
خلاه واقف مصدوم هااد المرة وكمل لبيتو... دخل مباشرة للحماام وطلق عليه الرشااش بلاا ماايحاايد حواايجو حااط يديه على الحيييط حال عينيه وسط لماا مرفووع فتفكييرو..... حتى حس بالبرد طلع معااه حيت الما كان باارد عااد بداا كايحايد حواايجو ودوش مقااد وخرج لبس حواايجوو وجلس فوق النااموسية فارق رجلييه كاايفكر مااعارف راسو من رجلييه... تلااح اللور نااعس على ظهرو وغمض عينيه حااس بالعياا وصورتها مابغااتش تفرق عيينييه وهو متأكد بللي غااتكوون كااتعذب فعلاا وقولاا...
فالصباح الموالي... كاان جاالس فالبيرو للي كااين فنفس الداار كاايراجع فشي ورااق حتى دخل المحاامي هااز الشانطة ديالو من بعد ماعطااه الإذن بالدخوول... جلس مقابل معااه: ااسي غيت... لاباس علييك؟؟
غيت: لاباس الحمدلله...
المحاامي: طلبتي مني نحضر ونجيب معايا كاع الورااق...
غيت: أييه... بما أنك نتا هو المحاامي للي كاان مكلف بكلشي فعاادي نطلبك نتاا..
المحاامي: آه اصلا كنت نستناا اتصاالك... ولكن ماضنيتش بهااد السرعة...
جاوبو مبتااسم باستفزااز: وشنو غانستنااو؟؟ الدفينة مثلاا؟؟ أصلا ماكاينااش الجثة للي تدفن...
بلع ريقوو مصدوم وغيت تاابع كلاامو: بلا ماانطول علييك... أناا بااغي غير الشركة والمعمل للي خلا جدي الله يرحموو... الشي لاخور مابغيتووش...
المحامي باستغرااب: ماايمكنش.. نتا راك الوريت الوحييد وكلشي دياالك بااك عندو مشاريع أخرى كبييرة أما هااد المعمل والشركة رااه قريب يشدهوم إفلااس...
غوت مقاطعو: غايشدهوم إفلااس حيت هو هملهووم وبقاا متبع الأعمال الغير قانونية دياالو... وأناا عارف بللي هااد الشركاات مكبرهووم بدم النااس وبفلوس لحراام هذا علااش نجحو وبسرعة...
المحامي بخوف: وااخاا... وشنو نديرو فهاد الشي؟؟
غيت بجدية: انا عارفك كنتي على علم بأي عمل وأي جريمة دارها مامون... وعارف عائلاات الضحااياا للي ماتو على يديه وحتى للي دخلو للحبس ظلماا...
حنى رااسو بلا مايدوي وغيت تاابع كلااموو: غدا بغيتك تجيبلي ملف فيه المعلووماات على كل هااد الضحاايا... بغيتهوم كلهووم... هاد الشركاات للي كبرو بدمهووم هما للي يستاهلوهوم... غانبيعهووم وفلووسهوم غاتمشي ليهووم...
بقا مخرج فيه عينيه حتى زادو صدمة أخرى: هاادي آخر مهمة ليك... دابا غاتحط لورااق للي كايخصوني ويخصو أعماالي وغداا غاتجيب التقرير... ومن ورااهاا غاتغبر من حدااياا وغاتشوف شي شركة أخرى تخدم معاها...
المحامي: و... ولكن أناا...
غيت: كانحااول نتخلص من الأعماال والأشخااص للي غلااط فحيااتي لا المهنية ولا الشخصية...
قبل مايدوي دارليه إشارة: تفضل...
ناض غادي خاارج حتى وقفو: غدا فبحاال هاد الوقت بغيت المعلوماات كلهاا... (طلع حااجبو): ماتفكرش تلعب معاايا أ... سعادة المحاامي رااه دغياا كانتعصب وأعصاابي خاايبة...
حرك راسو متفهم وخرج... وهو تكااا اللور كاايضور بالكرسي... هز التيلي كايشوف فيه ومن بعد اتاصل بفااتح...
غيت: آلوو السي فااتح...
فااتح: نعام السي غيت هاانا خاارج
غيت: فين خاارج؟؟
فاتح: لبنت خرجااات دابا من داار خاالتهاا...
غيت: كيفاش خرجاات؟؟ خلاوها خرجات بوحدها فديك الحالة؟؟
فااتح: لا ماشي بوحدها... خرجات مع ولد خاالتهاا وباينة مخرجها بزز حييت ماقادراش حتى تمشى
بلع ريقو: م... مع ولد خاالتهاا؟؟ أحممم قوللي فين هماا...؟؟
عطاه العنواان وهو ناض بالزربة هز لافيست دياالو وخرج....
.....
كانت جاالسة فوق واحد الكرسي فوااحد الجردة كاتشوف فنقطة وحدة وجهها شااحب... تحت عينيها كحل... وشعرها مجموع كوت شوفال أكيد خالتها للي مشطاتولها حيت هي بهااد الحالة ماقادرااش حتى تحرك يدهاا...
وهو كان واقف مقابل معاها فالطوموبيل... كايشوف فيها مركز... كايحفظ تفاصيلها للي أصلا حفظهوم من قبل واخا شافها غير مرة... حتى جا ولد خالتهاا هااز غزل لبناات فيدوو كاايضحك باينة باغي يخرجها من داك الجو للي هي فييه.... جلس حداها ومدولهاا وهي كااع مادارت حتى ردة فعل... ومابغااتش تشدوو...
أما هو كان باقي جاالس ومشااعر جديدة استعمراات قلبوو... ماحملش عذابها وماحملش حالتها وماحملش تقليقتها وماحملش ولد خاالتهاا للي قريب ليها وكايحااول يوااسيهاا حااس بللي بلاصتو هاديك وهو سرقهاليه
بالليل كاان جالس فالبيرو حتى دخل فااتح: السي غيت؟؟
شاف فيه وهو تابع كلامو بابتساامة: قلتيلي نراقبهاا صدقتي نتا مراقبها النهاار كاامل حتى وصلتيها للداار...
تنهد: آهه... غايخصوها أطبااء نفسيين دااباا... حالتها ماكاتبشرش بالخير...
فااتح: أييه.... فاايتة الإكتئااب...
غيت: كاتباان خرجاات غيير بزز... كيفااش غاانعرف مالها وشنو بيهاا إلى ماكاتخرجش؟؟
فااتح: ماتخافش(ابتااسم): لقيتلك الحل...
غيت بتساؤل: شنااهو؟؟
فااتح: اليوم مللي جيتي نتا لديك الجردة فين كانو جالسين أنا مشيت للدار عند خاالتهاا
غيت: كيفااش؟؟
فاتح: أييه... درت براسي بوليسي ومشيت باش نحقق فالقضية ديال ختها ورااجلهاا...
غيت مصدوم: إيواا...؟؟!!
فاتح: دخلااتني للصالون وطلبت منها دخلني لبيت البنت... قالتلي علااش؟؟ (ضحك): قلتليها غاتخصني شي حاجة كدليل... قالتلي لبنت يالله جات لعندهوم وبيتها مافيهش شي حااجة حتى لحواايج راه تحرقو جاات هاكااك...
غيت: وشنو درتي؟؟
فاتح بغرور: قلتلها وريني الحمام... (تكا على الكرسي): ومللي داتني ليه ورجعاات لحسن الحظ أول بيت حلليتو كان هو بيتها..
غيت مصغر عينيه: وباش عرفتيه؟؟
فاتح: بااين... كان باقي خاوي فيه بلاكاار بااقي جدييد وناموسية وفوقها واحد دجاكيط باينة ديالها حيت ماكاينااش شي بنت غيرهاا...
غيت: ولكن هاد الشي ماكافيش...
فااتح: كاافي... كاافي... حتى التيلي ديالهاا كان تماا محطووط...
غيت: وباش عرفتيه دياالهاا؟؟
فااتح: حاطة تصويرتها هي وواليديها فليكغوون...
غيت بتنهيدة: وشنو درتي؟؟
فاتح: برونشيت كاميرة صغيرة فالقنت ديال البيت... (دار إشارة بيديه): اختااريت بلااصة مخبية وكاتبين كلشي... غاتبقاا تشوفهاا ديماا...
غيت: ش... شنوو...؟؟ غانبقا نشوفها ديما؟؟
هز فاتح بيسي كان جايبو معاه ومدولو: شووف هذاا غاتشووفهاا فييه بالليل وبالنهاار فوقاش ماا كاانت فالبيت غااتشووفها وتبقاا مرااقبهاا...
غيت كايحل فالبيسي بلهفة: و... واش صوت وصورة؟؟
فاتح: آه صووت وصورة...
ابتااسملو بامتناان: فرااسك صدمتيني وفرحتيني بززاف؟؟
فاتح مبادلو الإبتساامة: رااك بحاال ولدي... (نااض): هااد لبنت حسيتها هي النور للي غايضويلك حيااتك... (تنهد كايفكر): وااخاا الحاجز للي دار باك بيناتكوم قوي وقااصح... أنا عارف نتا مللي كاتبغي شي حاجة ماكاتنازلش علييهاا....
ابتااسم كايشوف فالبيت خااوي ونطق: واخا نبغي نتنازل ماغانقدش... (شاف فيه): مااعرفتش كيفااش وقع... ولكن رااه وقع...
فااتح ضاحك: إن شاء الله يكوون حب نقي متباادل يتتوج بالزوااج والولااد علااش لاا...
رجع راسو اللور: بااقي قداامي معانات بااش نوصل لهااد الشي.. (رجع شاف فالبيسي البيت باقي خااوي): السي فااتح بااغي نبيع كااع هاد الديور...
فااتح: كيفااش؟؟
غيت: باغي نبيع كلشي... كاع هااد الشي للي عندو علاقة بمامون... غانشري شي ظار فين نعييش حتى نكبر الشركة والمصنع...
فااتح رجع جلس: كيفااش؟؟
غيت: أنا تخلليت على كاع داك الشي للي كاان ديال مامون... وغانبيع كلشي وفلوسهوم غايمشيو لضحاايا دياالوو... غانخللي غير المعمل والشركة ديال جدي وبيهوم غانكبر خدمتي...
فاتح مبتااسم: هاد الشي للي كنت ننتااظر منك...
غيت بابتساامة: نتا درتي للي عليك... دابا تكلفلي بالديور يتبااعو وبقاا معاياا حتى نعطيو للنااس حقهووم وجيبلي لمراا للي تافقنا علييها ومن بعد تقدر تمشي لعند عاائلتك...
فااتح نااض خارج حتى وقفوو: السي فااتح...
شااف فيه وهو كمل كلامو: حقك غااتلقااه فالحسااب دياالك وبالأضعااف...
فاتح مبتااسم: حقي هو نشوفك نااجح...
غيت: حتى هذااك حقك
دااز تقريبا شهر قدر يبيع فييها كاع دااك الشي للي متعلق ببااه... مالقاش صعووبة أصلا غير تنشر الخبر كلشي كاان سبااق باش يشري الأسهم وهااد الشي عاادي حيت الشركاات طاالعيين وفالمستوى.... ودوك لفلوس كلف فااتح ومحاامي جدييد هماا للي يعيطيوهوم للنااس للي تضررات بسبااب بااه... وخرج حتى النااس للي دخلو ظلما للحبس... كلشي عرف بللي ماامون واخا كان خبيت خلاا ورااه جوهرة بحاليلا مااشي ولدوو... أماا أزهاار كاان ديماا معااهااا... وااخا غير من بعييد كاايشوفها بالليل وبالنهاار حييت ماكاتخرجش من بيتها سوى إلى بغاات تدوش ولا تقضي حااجتها... حتى من الصلااة للي ماقطعاتهااش كاتصللي قدام الكااميرة وهو كاايشوف فيها مبتااسم... لدرجة حتى هو رجع يصللي بسباابها وغير كايشوفهاا حطاات السجادة تصللي كاينوض يتوضاا ويجي يصللي حتى هو... رجعاات هي المتنفس دياالووو... وكل ما حطات رااسها على الوساادة وبداات تبكي كاايتقطع لبكااهاا... وكاايحماار ويتخنق... أما مللي كاتجيبلها خالتهاا المااكلة وكاترجعهاا كاايبغي يطير ويمشي لعندها يوكلها بالخااطر ويلا مابغااتش تااكل بزز.... زاد عشقها وديك الكاميرا رجعاات هي أملو فالحيااة لدرجة حولها للتيلي ديالو حيت صعيب يبقا هااز لبيسي فين مامشاا.... كاايكون مخنزر مع النااس ونظرااتو صاارمة غير كاايبقا بوحدو كاايحل التيلي عليها فبيتهاا وكايبتااسم ويبشر....
......
كان جاالس فالبيرو للي فالشركة... فمدة قليلة بدااو الأسهم كاايطلعو والأربااح كاتدخل حيت كان وااقف على الشغل بيدييه... تطرق البااب ودخل فااتح معااه مراا فمقتبل العمر شااف فيهوم ودارلهووم إشاارة بااش يجلسوو....
فااتح: مادام سعااد...
غيت مركز فيها الشوفة: ماادام سعااد (ابتااسم): عرفتك...
ضحكاات حتى هي: آه شحال هزيتك ونتا صغيير...
غيت: آه.... كنتي صديقة ديال الوليدة...
سعاد بتنهيدة: آه كنا صحاباات...
فاتح: مادام سعااد كانت خدامة مسااعدة ديال باباك.... فهااد الشركة بالذاات... وهاد الشي تحت الطلب ديال ماماك... كانت كادير المستحيل باش باك ماايدخلش لحراام للشركة والمعمل...
سعااد: آه... دخلت لهناا باش نمنع هااد الشي... ولكن باك كان آخر هموو هو الورت للي خلاليه بااه... خلااهوم يطيحو ومشااا... ومللي انا نضت واجهتو وبغيت نوقف الشركة على رجليهاا.. (ابتاسماات): جراا عليااا...
غيت: ههههه... ماتصدمتش... عاادي.. (شاف ففااتح): أحس اختياار... ماكنتش غانتيق فشي وحدة غيرها...
فااتح: آه... راه عاودتليهاا كلشي وهي عارفة خدمتهاا...
سعاد: أكييد... من داابا غاانخدم كرئيسة جمعية وكمساعدة دياالك... (ضحكات): غير حتى توجد المسااعدة دياالك الحقيقية...
غيت: آهه... من هنا لتماا نشوفلك شي بوسط حسن..
سعاد: لا من هنا لتماا نكوون تقااعدت أناا..
غيت بالع ريقو: علااه شحال باقيلك على التقااعد؟؟
سعاد: باقيلي شي سبع سنين...
نطق بتوثر: غاانصبر سبع سنين كلهاا...
فااتح: ههههه... خللي لبنت بعدا تخرج من أزمتهاا وترجع لقرايتهاا
شاف فسعااد: غاتلاقاي مع خاالتهاا وغاتقدميلها نفسك على أنك رئيسة جمعية وقوليلها القصة ديال لبنت أثرات فيناا وبغينا نعاونوهاا..
سعااد: حااضر... وبااش نبداا...؟؟
غيت: غاتعطيها مبلغ مهم تقوليلها تشريلها لحواايج للي خاصينهاا... وغااتعرضي عليها تديهاا عند طبيبة نفسية...
سعاد: آه أطبااء نفسيين...
غيت بتخذير: طبيبااات طبييباات يعني أنثى وااخاا...؟؟
سعااد: ههه... آه وااخاا... وشنو عااد...؟؟
غيت: داابا غير هااد الشي.. وحاولي ماتشوفكش هي...
سعاد نااضت: وااخاا... نخلليكوم داابا...
خرجاات وهو شااف ففااتح: ولد خاالتهاا..
فااتح باستغرااب: مالوو...؟؟
غيت: ماعجبنيش قربو منهاا... (خنزر): سمعت بللي بااغي يمشي للخاريج حيت كاتسنااه خدمة تماا...
فااتح: آه... شي حد من تماا باغيه يعااونو فشي مشرووع ولكن ماقادرش يمشي..
غيت: إذن حناا نعاونوه باش يمشيي...
فااتح: كيفااش؟؟
غيت: كونطراا بثمن رخيص... والحمعية هي للي غاتخلصهاا...
فااتح مبتااسم: أهااه... وااخاا... شوف معاك داك الملف ديال الضحايا وااش كلهووم عطينااهوم حقهووم..؟؟
جبد الملف من المجر حللو كايقلب فورااقو كاع للي تكلفو بيهووم داير عليهوم علامة زرقة... بقاات هي فآخر الملف شااف فيها مبتااسم: غااتاخد حقها وحقي وغاتاخدني حنى أناا كلليي...
دازت خمس سنين.. حااضيها فالدار بالكاميرا ومللي تخرج يرااقبهاا... كاياخدلها تصااور يبتاسم لابتسامتها ويتقلق لتقليقتهاا.... شافوها أطباء نفسيين... كل مرة وحدة.. لدرجة جاابلها آخر وحدة من على برراا وهي للي استاجبات لعلااجهاا.... سعاد عرفاات راسها لخاالتهاا كأنها رئيسة جمعية جاية خصيصا باش تسااعد أزهار... بدات كاتعطيها لفلوس وتقولها تعطيهوملها.... وقالتلها تدخلها لمدرسة خااصة وعلى حسابهووم... والأطباء الجمعية للي كاتخلصهووم.... خالتها ماشكااتش حيت سعاد تقناات الدوور ومرة مرة كاتجيب معاها شي أفرااد لابسين لباس موحد ودايرين التيكي فيه إسم الجمعية للي أسس غيت غير على قبلها حيت هي مللي قالتلها خالتها شكوون مكلف بيها بغاات تبحت وتشووف... وهو اضطر يأسس جمعية فظرف شهر وفعلا لقاتها بأطرها ومديرتها وكلشي غير سعاد للي مابانتش... وهااكا قدراات تستاافد من لفلوس للي مرة مرة كانت تستغرب من كثرتها.... ومن بعد كاتقول عاادي وخاالتها كاتقنعهاا بللي دااك الشي للي داز عليها مثير للشفقة...
هاد االسينين كلها وهو متكلف بيها وبمصاريفهاا كااملة من قرايتها ولبااسهاا وتطبيبها وحتى من ماكلتها وشرابهاا وخرجااتها... هو كان مسؤوول على فرحتها وضحكتها للي دار المستحيل باش يعااودو يباانو...
غيت زااد عشقها وتغرم بها مللي رجعاات كاتهلا فراسهاا وتحت عينيها مابقاش كحل ورجعات طايتها وكبراات ورجعاات انثى متكااملة... رجع عااشق نتملك وكايغير عليها من لبنت للي كانت صااحبتها... وكااتزاد غيرتو مللي كاايشووفهاا كااتضحك معااهاا حيت لبنت ضحووكية.... عاارف بللي كاايدير الغلااط ولكن كايشوف بللي هو للي من الواجب عليه يضحكهاا ويفوج علييهااا....
..............
كاان جاالس فالبيرو ديالو وهي جاالسة مقابلة معاه... كايلعب بالستيلو فيدو...
سعااد: علاماتها مزياانين وفوق المزياان عااد... وهذا عامها اللول فلافاك ولكن مفاليدية كلشي ..
غيت: كنت باغيها تقرا فمدرسة خاصة بإدارة الأعماال... ولكن هي بغاات لافااك...
سعاد حركاات رااسهاا: آه... ودايرة الإقتصااد وماتخاافش علييها متفوقة وتباركالله عندها ست سنين سبعة تكوون وااجدة للخدمة فهااد الشركة...
حرك رااسو بالنفي هاز جوج صبااع: عاامين... عندها عاامين وغاتجي تخدم هناا...
سعاد باستغرااب: عاامين هي للي خاصاني أناا بااش نتقااعد... أما هي خااصها كثر...
غيت: لاا غاترومبلاصيك... غاتخدم مسااعدة دياالي وفنفس الوقت تقراا..
سعااد: ماصعيبااش عليهاا؟؟
غيت بابتساامة: أناا معاهاا... غانعاونهاا... وغاانكون بجنبها حتى تحقق هدفهاا... (طلع حااجبو): دااارت الإقتصااد... يعني أهدافنا قرييبة...
سعاد: آه... وحتى إلى دارتو قاادرة علييه... (تابعات كلامها متفكرة): ضربتي شي دري اليوم فلافاك؟؟
غيت: واحد البرهووش... لاصقها هادي سيماانة وكيف ماداارت معااه مابغااش يبعدهاا...
سعااد: أمممم... ونتا صبرتي سيماانة؟؟
غيت: برهووش ضعيف وماعندو صحة قلت غاايبعد بوحدو (شاف فيها): خفت نقيسوو ونصدق قاتلو... داك الشي علااش صبرت علييه...
سعاد: آه... حيت مواالف ماتصبرش غير كاتخلليها تمشي كادير خدمتك...
غيت: أيييه (ساط مكره): عذاابي طاال... طاال أمااداام... (تنهد): كانتعذب كل نهار كثر من نهار للي قبلوو... وهي ماكااينااش هناا....
سعااد: دخل لحيااتها آش كااتسناا؟؟
غيت: أناا داااخل لحيااتهاا داااخل من هذاا زمااان
داازت عاامين أخرى.. وكان اللخر دالعاام... وتماا أزهاار ماابقاتش كاتبغي تشد لفلوس من خاالتهاا... وخصووصا مللي خدات إجاازتهاا قالتلها بللي فلوس الجمعية تتصرف بيهووم حيت سينين وهي هاازااها ومسكنااها عندها وواقفة معاها وولدهاا كايتااصل ويسول كل نهاار... حتى قالهووم بللي المشروع ديالهوم كبر وبدا كايدخل لفلووس وخااصهووم ينتااقلو يعيشو فبارطما.... وهااد الشي للي ماحملووش غيت حيت الكااميراا كاانت فوسط بيتها وتعود فهاد السينين يرااقبهاا.... وللي عصبو كثر هو أنو ولد خالتها للي دار جهدو كامل باش يبعدو عليها هو للي شراهالهاا....
آمرهوم فورا بتش يحطو إعلاان بللي باغيين متدربين فالشركة... وقال بللي منهوم غايختاار مسااعدتو وهااد الشي كان مخطط ليه من قبل... وكلف سعاد باش تمشي تدوي مع خاالتهااا تقنعها تدفع فشركتوو... وجااتها سااهلة حيت ديجا لقااتها كااتقلب على خدمة... واخا فاللول ماابغااتش حيت عندها غير الإجاازة وهي ماكافيااش ولكن من بعد مشاات... وهو دخل للمغرب بااش يدير مقابلاات معاهوم غير على قبلهااا... ودوز للي معاها غير بزز كايستناا إمتا يجي دورهاا بفاارغ الصبر وخصوصا مللي خلاوها هي التااالية....
...........
رجوع من لفلاش باك...
كانت جاالسة مرفووعة مخرجة عينيهاا فييه هو للي كان كايعااودلها بالتفصيل... بلعاات ريقها: ه... هاد السينين كااااملة نتاااا للي كنتي متحمل المسؤوولية ديااالي.... و... ونتاا للي خلصتي الأطباء والمداارس...
حرك رااسو كاايشوف فيها بتوثر خاايف من ردة فعلها: كنت حاسك تحت مسؤووليتي... من اللول حسبتك بنتي قبل من أي حااجة أخرى...
نطقاات بخوف: م... مايمكنش ماايمكنش.. (شافت فيه): نتا أول مرة شفتيني فيها كنت فقدت واليدياا.... عندااك تكوون غير شفقتي علياا وبغيتي تعااوني ويحصابليك هااد الشي حب...؟؟
ابتاسم بضعف: الشفقة عندهاا مدة محددة.. عاام عاامين ثلااتة كااع... مااشي سبعة...
أزهاار كااتفكر: و.. نتا ماادويتيش على واليديك وعاائلتك... فقصتك كااملة كااين غير السي فاتح للي كان مراقبني فاللول ومادام سعاد... علااش؟؟
عض على لسانو مهبط رااسو ونطق: مااتوو....
أزهاار: س... سمحلي... ماكنتش عاارفة.. الله يرحمهووم.. (شداتليه فيديه): نتا بعدا غايكون عندك قبر تزورهوم فيه مااشي بحاالي... وغايكونو مااتو عاادي حدااك يعني مووت الله...
قاطعها بصوت هاادئ وبنبرة مجروحة: الواليدة ماتت مقتووولة... (شهقاات حالة فمها وهو شااف فيهاا هاابطة دمعة على خدو): مقتوولة قداام عيينيي وأنا فعمري سبع سنين...
تصدماات فهضرتو وفدمعتو للي نزلات على خدوو... واخا ماشي بززاف باش عرفااتو ولكن رااه بااين عليه قااصح وقوي وماايبكيش بالسااهل... وعااد رااه أسس راسو ومشاريعو وهو فواحد عشرين سنة وهو للي قالها بللي كان فراس مالو غير معمل وشركة معرضين للإفلااس... ومنهوم صنع هاد الإمبراطورية لكبيرة للي حدااه... بلا مااتفكر تحناات فالأرض على ركاابيهاا قدااموو... وهزاات صبااعها كااتمسح الدمعة للي طااحت ودوز يديها على لحيتوو.... الشي للي جمدو وخلااه جاالس بلاا حرااك... شداتو الرعاادة من يدو وهااد الشي حسات بيه هي هزات يدها الأخرى حطاتها على كفو.. ونطقاات: مااعمرني فكرت حتى مجرد تفكير أنو غايكون شخص كايبغيني من بعيد... ولا حتى معجب بياا... كيفاااش يكون رااجل بحاالك كايبغيني ومكلف بياا وبأبسط إحتياجااتي... (ابتااسماات): لاا وهو السبااب فخروج ولد خالتي لبرراا وللي وقف يدوي معايا يفرشخوو... ودايرلي كاميرا فبيتي... (حركات راسها): هااد الشي راه هو بووحدو وخااصني طبيب نفسااني علييه..
حنى رااسو وهي تابعاات كلامها: غيت...!! واخا نتا عاودتيلي كلشي ماافهمتش كيفااش نتاا هااكا كلك بشخصيتك ماابغيتيش شي وحدة أخرى... ونتا عارف بللي للي بغيتيها غااتمووت علييك... وبقيتي تابع وحدة مريضة مكتاائبة مخصووصة وعاامرة عقد....
تنهد كاره وقااطعهاا: أزهاار مامنحقكش تهضري على رااسك هااكاا...
صغرات عينيها باستغراب وهو مكمل: نتي دابا عرفتي كلشي... وغاتكوني فهمتي شحاال كاتهميني وشحال ماكانبغيش عليك... الله يخلليك بلا ماتعذبيني كثر..
عضاات على شناافتهاا: آه دااباا أناا عرفت كلشي... ولقيت جواب على كااع أسئلتي... وااخا رااسي ضاارني بززاف وعقلي ماقادرش يستوعب... ولكن دااباا غان...
قااطعهاا شاادها من كتاافهاا وناض منوضها معاه جلسهاا على الفوتوي ورجع هو جلس فالأرض كاايدوي بخوف: ماابغيتش جواابك دااباا... خللي حتى ترتااحي وتفكري على خااطرك وماتسرعيش...
حركاات رااسها: آه... وااخا.. أصلا خااصني نرتااح...
دارلها إشارة: سيري للبيت... رتااحي...
أزهاار: و.. ونتاا؟؟
ابتااسم: غانمشي لبيت آخور كااين هناا....
نااضت: وااخاا... (تمشات شوية وضارت شافت فيه): الكاميرا بااقة فديك الداار؟؟
ابتااسم: آش غاندير بيهاا... مللي مشيتو صيفط شي حد دار راسو غايكريها ودخل مع مول الدار وحايدها من تماا...
ابتااسماات ونطقاات: مااعليكش...
عطاتو بالظهر وهو ضحك وأخيرا غايشوف جانبها الكوميدي خصوصا أنه عارفها ضحوكية مللي كاتجمع مع صاحبتها كاايخلقووها وهو متأكد بللي كاانت حسن وكثر من هاكا قبل مايموتو واليديهاا....
أما هي دخلات للبيت وسدات الباب متكية عليه حاطة يدها على صدرهاا مبتااسمة وفرحاانة غاطير بالفرحة.. بااش مابين ليلة ونهاار تلقااي وااحد بحال غيت كاايبغيك رااه مستحيل تشوفيها حتى فالأحلااام
من بعد ليلة طوييلة... تقريبا مانعسووش فيهاا سااعة كاملة... اللبل كاامل وهي مرفووعة كااتفكر فهضرتو وكاتفكر فرااسها كيفااش كان مرااقبها دوك السينين كااملة... أما هو باات كاايخمم وخايف من ردة فعلهاا.. خاايف ترفضوو ولا تهرب خاايفة منووو...
...........
فالصبااح نااضت كاتحك فعينيها وتشوف فجناابهاا غيير استوعباات قفزاات جاالسة... بقاات كااتشووف مقاابل معاها شوية ونااضت... لبساات بانطوفتها للي لقااتهاا فالدريسينغ... وقادات شعرها بيديهاا صبح مرولي حيت كاان فاازك... قلبات فالمجورة على المشطة لقااتهاا فوااحد كاانت باقة جديدة... وقفاات قداام لمرااية مشطااتو ورجعااتو اللور وخرجاات كاتمشى بتثااقل مازاعمااش توقف قداامو.... غير وصلاات لقااتو وااقف كاايحط فالمااكلة فوق الطبلة كاان لاابس سبوور ومقااد الحاالة... ريحتو عااطية من بعيد وسبرديلة ريااضية مع سااعة غليظة رجوولية وتيشوورط مع سرواال سليم فالكحل... عضاات على شناافتهاا بإعجااب.... كاان يباان وسييم على الصبااح وزاايدهاا بالحدااكة... تنهداات وزاادت مقربة لييه وهو غير حس بوجوودهاا شااف فيها مبتااسم إبتساامة مازادتلو غير وساامة... ونطق بصوتو البااح: صبااح النوور...
جاوباتو وهي حانية راسها بخجل كاتلعب فجنااب البيجامة: صبااح النوور...
تنهد بصوت مسمووع: جلسي تفطري...
أزهاار بالتلفة: و.. وااخا... نغسل وجهي...
ضحك: الحمااام خلليتييه فالبيت أو لاا...؟؟
حركاات راسها كااتحك فعنقهاا: آ... آه... أناا نمشي...
عطاتو بالظهر غاادية بالزربة... دخلاات للحماام وبداات كااتغسل وجهها بالمااا البالرد وكاتسوط على وجهها وتشوف فالمرااية: أويلي السخاانة طلعاات...
بقاات شوية وخرجاات مللي سمعااتو كايعيط عليهاا بلا ماتمسح وجهها... وقفات مرة أخرى حدااه... وهو غير شاافها تنهد بصووت مرتافع كاايحك فشعروو... وجهها كان فاازك وشفاايفهاا كايقطرو بالماا.. جراات الكرسي وجلساات... وهو ضاار لعندهاا هااز الفووطة فيديه... ميل رااسو قرييب لوجهها أنفااسهووم تخاالطوو ودقاات قلبهاا جهاادو وتساارعوو... وهو حط الفووطة على وجهها كاايمسحوولها شوية بشوية مفيكسي عينيه فعينيهاا... حتى نطق: أزهاار وجهك كاايقطر بالماا وأناا كاانقطر بالعرق...
ازهاار بذهوول: هاااا...؟؟!!
قرب لوذنها مغمض عينييه: ملاي كانعسلو وجهناا كاانمسحووه البطلة واااخاا...؟؟
حركاات رااسها مزيرة على الفورشييط فيدييهاا: و... وااخاا وااخاا...
بعد علييهاا ضاير لبلااصتو جر الكرسي وجلس... كاايشوف فيها عينييه ماكايرمشوش وهي خااشية رااسها لتحت...
غيت: أزهاار خودي رااحتك... كولي للي عجبك وديريني مااكااينش.. (سكت شوية مطلع حااجبو): لاا... ماديرينيش مااكااينش مااغانتحملش
ابتااسماات كااتااكل: لا مانقدرش نديرك ماكااينش...
ابتااسم لهضرتهاا... وسكت كاايفطرو... حتى ساالاو... شااف فييه: السي غيت...
شاف فيها بنص عين: اناا سميتي غيت... غيت بووحدهاا مااشي السي...
حركات رااسهاا: أحممم... وااش تقدر توصلني للداار؟؟
بلع ريقو: و.. وااخاا... سيري لبسي حواايجك...
نااضت غادية حتى قااطعهاا: لحواايج للي فالدريسينغ كلهووم دياالك لبسي للي بغييتي
وقفات فالدريسينغ.. كااتشووف فالحواايج حااطة يدها ففمها... ابتااسماات مللي تفكراات بللي كاع لحواايج للي كاانت تابس فهااد السينين هو للي شراهوملها... كان بحاال بااهاا...
حطات يدها على وااحد الأونسومبل سرواال عرييض تووبو خفييف بتريكو دياالو فالكري... هزاتهوم عاجبيينهاا.. دووقو زويين بززااف... لبسااتهوم جااوها هما هادووك.. حلاات اول مجر لقاات لبلااك دوزاتوو على شعرها بالزربة سرحااتو... دهنااتو بالزيت للي لقاتها مع مستلزماات الحمام وكانت هي الزيت للي موالفة كاتستعمل.. الشي للي كاايدل على أنوو كاايعرف عليها كلشيي... طلقااتو على رااحتو مرجعة شوية منو القداام... هزاات صااك فلوون أبيض خشات فيه غير التيلي حيت صاكها لاخور خلاتو فالشركة بكلشي ديالو وسبرديلة بييضة لبسااتها... وقفاات قداام المرااية كااضور على رااسها عااجبهاا.. خرجاات بالزربة عارفااه غايكون كايستنااها حيت هو ديجا كاان لاابس... لقااتو جاالس هااز التيلي دياالو... غير حس بيهاا خرجاات نااض طلعها وهبطهاا بعينيه وابتااسم كاايشووف فشعرهاا: نمشييو...؟؟
أزهاار: آه نمشييو.... و.. ولكن.. (دارتلو إشاارة للبييت): حواايجي للي حاايدت لباارح... و.. نااخدهووم... بلاا ماايديرونجيوك...
ميل رااسو: ياك؟؟ إيوا خودي داك الشي للي فالدريسينغ حتى هو باااش ماايديرونجينيش...
حنات راسهاا وهو تخطااها عاطيها بالظهر غادي جهة البااب: هاادي رااها داارك وماغاتكونش هاادي آخر مرة تجيلهاا... (شااف فيهاا وغمزها): هاادي غير البدااية...
حل البااب خرج وهي عضاات على شناافتها مبتااسمة وتبعاتو... كااتشووف فالطبيعة... كاانت زوينة بززاف على الصبااح وصووت الطيور والخضوورة والكوتاكوت... كااانت مخدومة بعنااية ديك الجردة... ضحكات وهي كااتشووف فوااحد الرااجل فمقتبل العمر كاايقطع فالورق ويقااد وكاايسقي... شافت فغيت بحمااس: مهلي فيهووم بحاالليلا ولاادوو...؟؟
حرك رااسو: آه سينيين هاادي وهو خدام هنا هو للي مكلف...
أزهاار: وهو فين سااكن؟؟
دارلها إشارة بيديه لواحد الداار بعيدة عليهوم شوية: سااكنين لهييه... هو ومراتو وولادو...
ازهار بتسااؤل: ولاادو.. ماكايقراوش؟؟
غيت: كاايجيلهوم الطرونسبور حتى لهناا...
ازهار وهي كاتشوف فالرااجل: واااو... كاايخدم باحتراافية... (يالله زادت خطوة باغة تمشي لعندو حتى شدها من يدها مطلع حااجبووو): لفييين....؟؟
أزهاار: غير نسولووو...
غيت: علااياش؟؟
أزهار بحمااس: على هااد الوريداات... بغيت نزرعهووم فمحبق عندي فالداار وماعرفتش كيفااش؟؟
غيت دايها للطوموبيل: أنا نورييك كيفاااش؟؟ وزاايدون بلاش الممحبق... عندك جراادي على قدهووم..
حلها الباب وهي باقية كااتشوف فالراجل ومتبعة يديه كيف كاايخدمو... سااط مكره ونطق: أزهااار طلعي...
طلعات وهو ضار بالزربة ركب وسااق مدة طويلة وهي كااتشووف فالطريق...
أزهاار: داارك كاتباان بعييدة بززااف
غيت: أممم... بعيدة على الصدااع...
أزهار: وااش كااتمشيلهاا كل نهاار؟؟ يعني وااش عاايش فييهاا؟؟
غيت: تقرييباا... هي أكثر وحدة كاانرتااح فييهاا...
أزهاار: وااش عندك ديور آخرين؟؟
غيت حرك رااسو وهو كاايشوف فالطرييق: آه كااينين.. (شاف فيهاا): غانديك ليهوم تشوفيهووم...
بقاات سااكتة وسكااتها للي ماعجبووش... حيت لحد السااعة مازال ماقالت ومازال مادواو فالموضووع
وقفو حدا الدار فين سااكنة... نطق وهو كاايشووف فالعماارة: ولد خالتك هو للي شرا هااد البارطماا؟؟..
أزهار وهي كاتهز فصاكها باش تهبط: آه هو...
عض على شناافتو: نتي دابا ساكنة فدار ولد خالتك؟؟
شافت فيه باستغراب: أنااا... ساكنة فدار خاالتي...
بلع ريقو كايحاول يضبط رااسو ورجع هضر: آه فدار خاالتك... (ابتااسم): إمتا غاترجعي للخدمة...؟؟
سكتاات مدة الشي للي خوفو أكثر
غيت: غدا ولا بعدو ولا خودي أسبووع رااحة مااشي مشكل... ولكن من بعد خااصك ترجعي للخدمة (شاف فيها بحدة): إجبااري
ابتااسماات: أنا غادي غير نشوف خالتي ونطمنهاا علياا ونجي للشركة...
صغير عينيه: شنووو...؟؟ وااش غاترجعي اليووم؟؟
حركاات رااسها ضااحكة: آه... اليووم... شوية ونجي من ورك فطاكسي
غيت: لاا غير سيري أنا غانستنااك...
أزهاار: ألاا... غير سير عندك إجتمااع مع العشرة وأنا نقدر نعطلك
ابتااسم بحب: عطليييني... مااعنديش مشكل...
ضحكاات حااسة بالفراشاات كاايلعبو فدااخلها وحلاات لبااب هبطاات: شوية ونجي...
مشات وخلااتو هو جاالس متكي رااسو اللور... مبتااسم ولأول مرة كاايبتااسم من الداااخل دياالووو...
دخلات لعند خاالتهاا سلماات عليهاا... وقالتلها بللي باتت فالخدمة وبللي تكبات عليها القهوة فالبيرو واضطرات تخرج تشري حواايج وتبدل... عرفاات تخرج راسها وقالتلها بللي غاترجع للشركة وهبطاات لعندو... غير ركباات ديمارا وهو كايشوف فيها: أزهاار ماالك...؟؟ رجعتي مقلقة؟؟
أزهاار: كذبت على خاالتي... بايتة فالشركة وتكبات القهوة على حوايجي...
قاطعها: وعلااش تكذبي؟؟
ازهاار بتساؤل: كيفاش؟؟
غيت: قولي الحقيقة.... أصلا أنا مابقيت قاادر نخبي على حد...
أزهاار: من نيتك؟؟ آش نقوولهاا؟؟ نقولها بايتة فدار المدير ديااالي ودوشت تماا...؟؟
غيت: ماابقاا ماايتخباا... ودااري مااشي هادي آخر مرة غاتبااتي فييهاا...
أزهاار: ك... كيفااش؟؟
غيت: كيف مابغيتي نتي... (شاف فيها): أناا مااكرهتش بالحلااال ونتي تعرفي
قطعاات الحس قاالبة وجهها جهة الطريق وهو كايسوق مامسوقش... وصلو لباب الشركة غير وصلاات حلاات لباب بااغة تسبقو حتى هبط بالزربة شدها من يدها: يااك لاباس؟؟
أزهار: و... والو غاندخل قبلك حييت...
جاوبها مخنزر: حيت آش؟؟ ياك خالتك ماكاينااش هنا عااود...
يالله جات تجاوبو قااطعها: غاندخلو بجووج... رجلي برجلك..
حلات فمها باغة تهضر مرة أخرى سبقهاا: تدخلي معايا ولا ندخل هازك كيف خرجت لباارح...
خلاها شهقاات مخرجة عينيها وهو لااح السوارت لوااحد من الرجال باش ياخد الطوموبيل للباركينغ...
مع دخلولهوم من لبااب ثاارو الإنتبااه... دااخل ضااحك وكاايشووف فييهاا ويدوي معاها عااطيها وقت زاايد على لقيااس... وكايشرحلها بيد ويد خااشيها فالجيب... جبدات التيلي ديالها للي كان هو هزولها من البيرو مللي سخفاات وهزهاا... كان طافي وشارجاهلها فالصبااح... فتحااتو كااتقولو على مواعيدو لهااد النهاار للي كاتباهوم فيه... وقفو حدا لاسانسوور...
أزهاار: واش تبغي تأنيلي ولا تزيد شي حااجة؟؟
غيت: للي بغيتي ديريه؟؟
أزهاار: ك... كيفااش؟؟ آش غاانبغي أناا؟؟
جااوبهاا كاايشوف فيها: مثلا كااتبغي تخللي شعرك ديماا مطلووق وعلى رااحتو... وأنا كاايحمقني هااكا...
زيرات على سنانها كاضور فعينيها وهو مامسوقش... حتى وقفاات عليهووم ساارة: السي غيت هاد الملفاات خاصهوم التوقيع دياالك...
جمع ابتساامتو وغير ملامحو لجدية لدرجة صدم أزهاار ونطق: عطيهوم لأزهاار... غاتجيبهوملي للبيرو ونوقعهووم..
دخلو لاسانسورمن بعد ماعطاتهوملها وخلااوها واقفة مصدومة... قاال أزهاار... وهو لليجامي عيط لشي موظفة بسميتها... من غير سعااد نظرا لكبر سنها وعاد كايقولها ماداام
فقلب لاسانسور... كانت واقفة هازة الملفاات للي عطاتها سعااد وهو خااشي يدو فجيبو واليد لووخرى هاز بها التيلي... كاان واقف قدامها عاطيها بالظهر وهي كااتفحص فتفاصيلوو... حتى ضار لعندهاا: عطيني الملفاات...
أزهار: هااا...؟؟؟ آه.. (مداتهوملو): هااهماا...
خرجو من تما وهو حلهووم كاايقراا فيهووم...
أزهاار: غيت...
شاف فييهاا: أممممم.... عيوون غيت...
ابتااسمات عااضة على شناافتها: غ.. غانمشي للبيرو ديالي... واش بغيتي شي حااجة؟؟
غيت: آه بغييت... (سد الملف): غانعطيييك التقاارير للي موجد للإجتمااع تدرسيهووم ونوريك كيفااش تكتبي ملااحظاات فوسط الإجتمااع...
حركاات رااسهاا... أصلاا هي رااه بااقي ماعارفة لهااد الشيي... ورااه عندها الزهر لوكان كانت شي وحدة أخرى ماغاتكونش مسااعدة ديالو وهي ماعارفااش حتى الملاحظاات للي غاتكتب فوقتهووم... ابتااسمات بحمااس: وشكوون بحاالهاا؟؟!! غاايدربهاا غيت على يدوو...
حركاات كتااافهاا وتبعااتو... كان دخل قبلهاا... لقااتو جاالس كاايشووف فدوك الملفاات مركز فخدمتوو... وهي سدات الباب وزاادت لعندوو... نطق بلا ماايشووف فييهاا: جلسي رتااحي... غير نسالي هادو ونوقعهووم... وغاانرااجعو بجووج....
جرات الكرسي جلساات مقابلة معااه... بقاات كااتشووف فالتيلي دياالهاا... حتى صونا فيدها برنة ميسااج.... حلااتو كااتقراا مبتااسمة جنب: فيين أأزهاار؟؟ مال حسك ماابقيتي بنتي؟؟
جاوبااتهاا فالبلااصة... كانت صاحبتها والبنت الوحيدة للي تعاشراات معااهاا... حيت ازهاار كاانت دييماا وحييدة وكااتمشى بووحدهاا حتى للبااك عاد تعارفاات معاها وطلعو بجوجهوم لاافااك... كانت مفروحة ومقطعة لورااق وضحووكية...
انساجماات معااها فالهدرة كاتصيفط وهي تجااوب... وهو كايشووف فيها بنص عيين... سد الملف بالجهد ونااض هااز معاه شي ورااق ضاار جاالس مقاابل معاااهاا... وهي مااكااينااش هنااا.. نطق بجدية: نقدرو نبداااو...؟؟
شاافت فييه: آه... واش ساليتي؟؟؟
غيت: سالييت... أناا ساالييت... ونتي سااليتي؟؟!!
صغراات عينيهاا: نساالي آش...؟؟ كنت كانسااينك...
دارلها إشارة لتيليفونها بعينيه.. وهي فهمااتو: هاا...؟؟!! هاادي راانيا صااحبتي... سولاات فياا.. مادوينااش من نهار التخرج...
حرك رااسو متفهم: شنو السر عند صااحبتك حتى خلااتك تبتااسمي غير بميسااج منهاا...؟؟
ازهاار: كيفااش؟؟ م..
قاطعها: واالوو... واالوو يا أزهاار واالووو... نقدرو نبدااو؟؟
أزهاار: آه...
هز لورااق ونااض: نجلسوو فالفوتااي...
جلس وهي جاات جلساات بعيدة عليه شوية... وقبل ماتقاد جلستها قرب لعندهاا حتى تلااصق معااهاا... يالله جات تكحز... وقفهاا: مااتحركيييش...
قبل مادير حتى ردة فعل... بدا كاايشرحلهاا ويورييهاا وهي دغيا انساجماات معااه... مرتااحة لقربو ولكلاامو ولطريقة شرحوو ولريحتو للي خدرااتها... تقرييبا نص سااعة قدر يفهمهاا كلشيي ويورييهاا شنو تكتب وشنو لاا...؟؟ حساات بحاليلا دوزاات شهرين ولاا ثلاتة دياال السطااج... أصلا هي عقلها خفييف... ودغيا كااتفهم... ومستوااها الثقاافي والدرااسي عااالي... وآخر حااجة دار هي قرا علييها فقرة وقاالها تكتب ملااحظاات بحاليلا كاينين فوسط الإجتمااع..
وفعلا كتبااتهووم وبسلااسة وبأسلووب رااقي... ابتااسم وهو كاايقراا... ونطق: كنت عاارف ماغانلقااش معااك صعووبة...
ابتااسماات: وااش مزياان؟؟
غيت: مزياان وبززااف... (شااف فيهاا): أزهاار ماكاتفكرييش تحبسي لقرااية يااك...؟؟
سكتاات ماكانتش منتاظرة هااد السؤاال... وهو تابع كلاامو: غااتكملي...؟؟
أزهاار: أناا.. بصراحة كنت بااغة نكمل... كنت باغة نخدم فهااد الصيف بااش نكمل لقرااية... ولكن دااباا.. أنا كمسااعدة مزياانة...
غيت: شنو بغييتي تقرااي؟؟ القاانوون؟؟ بااش تكوني محاامية دياالي ودياال خدمتي كلهاا؟؟
ازهاار بتعجب: كيفاش؟؟
شااف فالسااعة: يالله نمشيو غايكونو يستنااونا فالإجتمااع..
أزهاار وقفاات: وبااش عرفتيها؟؟
غيت كايهز لوراق: حيت فاات الوقت.. (ابتااسم): والمسااعدة للي خاصهاا تعلمني هاهي معااياا...
بلعاات ريقهاا: و.. نتا للي قلتيلي نجي معااك لهناا؟؟
ضحك لايح يدو على كتفهاا: أصلاا بلاصتك معااياا...
فوسط الإجتمااع... بشخصية أخرى كاايتصرف... بجدية وكلمتو مسمووعة... كاايعطي كلمتو ولا كلمة فووقها... تفتح المجاال للنقااش وهي جاالسة حدااه كااتكتب فالملااحظاات... دخل وااحد من بررا بلبااس خاص هااز القهوة حييت الإجتمااع طول... وديما مللي كايكون طويل كااياخدو قهوة.... كانت الطاولة مخلطة مابين نستء ورجال من شركاات أخرى... الشركاات للي دامجين معاه المشااريع... ولكن كان هو مترأسهاا... حطلهوم كل وااحد دياالوو ووصل لعندها هي... وقفو بيدو وضاار فبلااصتوو بكرسيه قبل مايقرب لعندها خلااه مصدوم مافااهم والوو... نطق: بالسكاار....
جاوبو بدهشة: هااا...؟؟؟
غيت: كااتعجبها بالسكاار...
بلع ريقو يالله بداا يفهم أصلا حتى هو بحال هادوك للي لتحت شحاال وهما كاايشوفو ويسمعو ومازال مافاهمين والوو... حرك يدو هزها: ه... هادي فيها السكاار...
شدها من عندو عاطيه إشارة للبااب: تفضل...
حنى راسو وخرج وهو رجع ضار للطاولة لقاهوم حاضيينوو... طلع حااجبو: نكملوو...؟؟
حركو راسهوم وهو حطها حدااها هي للي كانت غاطسة راسها فلوراق كاتعض فلساانهاا حسات بالسخانة... وزاد كمل عليها مللي نطق: حلوة بحاالك...
شافت فيه بنص عيين وهزاتها جغمات منها بتوثر... وهو تابع إجتمااعو برااحة حتى سالااو... خرجو النااس للي كانو تما بقااو غير هي ويااه... بقات كاتجمع فالورااق... وهو باقي جاالس خدام فالبيسي... شافت فيه مدة ونطقات مترددة: بااش عرفتي بللي كانبغي القهوة حلوة؟؟
شااف فيها بمعنى وااش من نيتك؟؟
وهي بلعات ريقها تفكرات بللي راه مراقبها هادي سينين... وكيف قال هو عاارف حتى شحال من دغمة كاتااكل... جرات الكرسي وجلساات قداامو: الطريقة للي تصرفتي بيهاا؟؟
شاف فيها كايستناها تكمل: ماالهاا...؟؟
جمعات يديها بتوثر: ي.. يعني كلهوم بقااو كاايشووفوو.... و
قااطعها: يشووفوو...؟؟ ومن بعد...؟؟!
أزهاار: يعني... ه... هما ماعارفينش...
غيت مقاطعها مرة أخرى: غاايعرفوو... كل حااجة وعندها بدااية...
سكتاات كااتشوف قداامهاا وتلعب بالوراق فيديها.. وهو حااضييها مركز نظروو فوجهها... سد البيسي بالجهد خلاها رفعاات راسها شاافت فيه....
غيت: ولا يمكن نتي عندك مشكل....؟؟ ماباغااش يعرفوو..؟؟
بقاات سااكتة وهو تابع كلاامو بتسااؤل: أزهااار...؟؟!! مازال ماقلتيلي والوو...
أزهاار: ش.. شنوو...؟؟
غيت: لباارح عااودتلييك كلشيي... ونتي لحد السااعة مااقلتي وااالوو...
زيراات على سناانها بتوثر ورجعات شافت قداامها وهو باقي حااضيها كايستنا جوابهاا... حتى قاطعهوم صوت التيلي ديالها للي صوونا... كان محطوط فوق الطبلة وقدر يشووف المتصل للي كان بإسم مرااد
يالله جات تهزو سبقها هو ضغط جنب قاطع الصووت ونطق بصراامة: نتي خداامة دااباا...
أزهاار: وااخا... عطيني نصيفطليه ميسااج نقولو خداامة... ي.. يمكن يكون بااغي خاالتي؟؟
غيت: خالتك ماعندهااش التيلي؟؟
أزهاار: عندهاا... و.. ولكن...
قاطعها: باقي ماجاوبتيني...
سكتاات ماعارفة مااتقوول وهو كايستنااها تدوي... مرااد قطع وعاود رجع كاايصووني... تنهد مكره وهي كاتشوف فيه من لتحت لتحت...
غيت: هااد مرااد كااتدوي معااه ديماا...؟؟
أزهاار: ل.. لاا مااشي دييماا.. غير شي مراات م.. كاايسول وصاافي...
حرك راسو زعما فااهم: همممم... مزياان... صلة الرحم ضروورية.. (دارلها إشارة بيدو): الدين ديالنا كاايوصي على صلة الرحم...
صغرات عينيها كاتشوف فيه عينيه حمرين ويديه كاايترعدوو... عرفااتو مااشي فحاالتو الطبيعية... بلاا ماتفكر شدااتو من يدو وهو ضغط على يدهاا حااكمها مزياان ونطق: مااتبقاايش تدوي معااه... (كان كايدوي بنبرة آمرة ومترجية فنفس الوقت... وهي مالقاات بااش تجااوب.. قرب يدها لشفاايفو بااسهاا مخلليها مرفووعة وطلع عينو فييها): ولد خاالتك يكفي يدوي مع موو ويسولها علييك... مااشي ضروري يدوي معااك نتي بااش يسول فييك..
أزهار كادافع على رااسها: بحاال خووياا...
غيت بجدية: بحاال خوووك مااكااينااش فقاامووسي... أناا كانحمد الله مللي مااكااينش خووتك حييت ماغايكون عندي جهد... ونتي بااغة ديري خووت بزز...؟؟
أزهاار: ولكن رااه.. كااندويو عاادي... و.. وزايدوون آشمن سبة غااندير؟؟ أنا عارفيني بووحدي ماامخطوبة مامزوجة...
غيت: هذاا وكاان؟؟ (طلق من يدها وتكاا اللور على الكرسي): من هنا ليووميين تكوني مخطووبة... ومن هنا لسيماانة تكووني مزوجة...
جاوباتو بصدمة: آش هااد الزربة؟؟
شاف فيها مبتااسم بسخرية: آه عندك الحق... يالله داازت سبع سنيين....
................
فدولة خاارج المغرب وبالضبط فبلجييكاا... فوحدة من نااطحاات السحااب للي تماا... وفالطابق الثااني.. كاان على شكل بييروو كبيير راااقي وزويين... مترأسوو شااب فالثلاتيناات من عمروو... أشهب وعينيه مايلين لخضر... ملاامحو بحاليلاا اوروبية ولكن زينوو عربي... كان هاز التيلي كاايدوي مع شي حد...
..........: عيطت عليها لباارح بالليل لقيت التيلي طاافي ورجعت عيطت هاد الصبااح كاايصوني ومااكاتجااوبش... وااش باتت فالخدمة...؟؟ ..... شفتيها فالصبااح يااك...؟؟.... وااخا حتى العشية ونعااود نعيط علييهاا...؟؟ تقدر تكون خداامة...... سلمي علييهاا.... قولييلها كاايعيطلك من لباارح وماكاتجااوبيش... يالله الله يعااون الواليدة... تهلااي فراسك..
قطع عليهاا وشااف فالبنت للي كانت جاالسة قداامو حاكة رجل فوق رجل... نااضت عنقااتو من اللوور وباستو فخدو ونطقاات بالفرنسية: واش دويتي مع ماماك؟؟ سولتي علييهاا؟؟
ضحك باستمتااع: سولت عليهاا... ولكن ماكافيش خااصني نسمع صووتهاا...
ميلاات شفايفهاا: أمممم... سعدااتهاا هي للي عندها الزهر... أنا جاية على قبلك من فرنساا... وماعمرك قلتي توحشتي صووتي...
تنهد مرفووع: فرق كبيييير... هااديك رااه السهل الممتنع... ومن صغرها وأناا داايرها هي مراتي ومولاات دااري... أماا نتي...؟؟ (قلبها جاايبها فحضنو كاايضرب فصدرها للي كان عااري)...
جاوبااتو معنقااه من عنقوو: رااك هنا هاادي سينين أكيد غاتكون فشث علاقة ولاا مضبرة على رااسها...
جاوبها متأكد: مستحييل... ماعندهااش مع هااد التخربيق.. (ابتااسم بحب): بريئة ونقية... غاانجيبها معايا لهناا.... وغانديرها أميرة وأنا ملكهاا...
يتبع...
اوووويلي اوويليييي طيحح فيها