عشقتك دائما وأبدا الجزء الخامس

دااخلين لمحاال كبيير دياال التقلييدي... هي كانت وااقفة حاالة فمهاا... جاامي فحيااتها شاافت قفااطن بهااد الفخاامة... وهو كان كاايتمشى حااط يدو حداا فموو ويدو لوخرى كاايدوزها على الصفووف دالقفااطن للي حطاات لييه السيدة للي خدامة تماا... قالها جبدي أروع وأغلى أنوااع القفااطن كااينين... كاايشووف فيهووم باهتماام... شي نااس كااينين تما كاايعرفو غيت من خلاال وساائل التوااصل... تصدمو وجااتهووم غريبة يجي يختاار القفطاان بيديه لديك السيدة للي حدااه ويشووف فيها بدووك النظراات العااشقة للي بااينة من بعييد... وكااين للي خداالهوم صور بالتخبية...

من بعد مدة لاا بأس بهاا وبلاا ماايتشغل بشي حااجة أخرى من غير إختياار القفطاان لأزهاار... متجااهل حتى التيلي للي كاايصووني... للي طفاه من بعد ماابرزطوو... وهي حدااه كااضور فرحاانة بحاال شي بنت صغيرة مخرجها باباها يشريلها الحواايج... مرة تشد فدراعو مرة تبعد تشوف القفااطن... مرة ترجع لعندو تقولو هذا زوين وهذاا وااعر... حتى هز وااحد من الوسط فاللون الأحمر بتحتية بلوون مختاالف... كاان تقرييبا ساامبل ولكن مصروووع ومختااالف... بيه بحزااموو... غير شاافتو حلاات فمهاا فيه عااجبهاا ونطقاات كااتنقز: زويييين زوييين... واااعر...

جاوبها كاايشووف فيها مبتااسم: بصح... زوييين زوييين واااعر.... وكااين غير وااحد مامنووش جووج..

خطفااتو من عندو: أناا نمشي نقيس...

يالله عطااتو بالظهر حتى شدها من يدهاا: فيين تقيسي؟؟ رااه قدك... اناا متأكد بلا ماتقيسيه...

ازهار باستغرااب: علااش مانقيسش...؟؟ وبااش عرفتيه غاايجي قدي؟؟

غيت: الحواايج للي كااينين فالداار وللي كايجيو قدك وااش قيستيهوم قبل ماناخدهووم؟؟

ازهاار: لاا..! هههه... صدقتي كااتعرف قيااسي... و.. ولكن هذا رااه قفطاان...

حايدولها من يدها: غاايجي قدك... (دارلها إشاارة لبلاصة مقابلة معاهوم فنفس المحاال مخصصة لملاابس النوم والملابس الدااخلية): ذووقيي فهاادوو أخطر من دووقي فالقفااطن... تيقي بياا...

خرجاات عينييهاا وجهها حمار وهو تاابع كلاامو غاامزها: هاد الشي علااش دوييتلك الباارح...

تحركاات كاضور فعينيهاا: غ.. غانمشي نشوف شي قفطاان لخاالتي... و.. ونجي نخلص...

طلع حااجبو: آش تخلصي؟؟

ازهار ببراءة: القفااطن...

غيت: ياااك...؟؟ باغة ضحكي فيا للي يسوا وللي مايسوااش... اناا رااجل ونتي معايا وتخلصي؟؟

ازهاار: أصلا غانخلص بلاكارط للي عطيتيني لباارح...

غيت بجدية: سيري اختااري القفطاان للي بغيتي لخاالتك... وبلا ماتبقااي تشووفي الثمن... اختااري للي عجبك وجيبيه... ولاا غااتحسي من بعد بعذاب الضمير...

ازهاار: علااش؟؟

غيت: حييت خديتيلها قفطاان رخييص وبقيتي كاتشوفي فأرخص ثمن...

عطاها بالظهر وهي بقاات واقفة كااتفكر فهضرتو ومن بهد مشاات كااتختاارلها... هزات قفطااان رااقي وزوين منااسب مع سنهاا فاللون البييج... مع شاال فالذهبي.. ومشاات لعندو لقاتو جمع القفطاان فكاارطونة وخشااه فصااشية... خلص حتى ديال خاالتهاا.. وخرجو شاادها من يدها وهي عااجبهاا الحال وحااسة براسها ملكة زماانها.. حلها البااب دالطوموبيل ركباات وركب حتى هو ديماراا: غانتغدااو... (شاف فيهاا): فاطرة بعدا يااك...؟؟

ازهاار: آه فااطرة... ونتاا...؟؟ باينة فطرتي بقهوة كحلة...

حرك راسو كايشووف فالطريييق: كحلة مافيهااش الضووو..

أزهاار: هههه... غااتهلكك فالمعدة...

غيت: بقااي غير نتي معااياا... ماغاتوقعلي حتى حاجة...

شداتلو فيدو: غاانبقاا معااك... حناا مزياانين وحيااتنا غاادة بيخيير... ماتفكرش فالفرااق...

تنهد مزير على يدها: ماكانفكرش فييه.. وماغانفكرش فييه حيييت مستحييل يكوون شي نهاار...

ابتااسماات متكية على كتفوو وهو ساايق ونطقاات: لفيين غانمشييو؟؟

غيت: تبغي نااكلو الحووت...؟؟

ازهاار: مشوي...؟؟ مايعجبنيش...

غيت: عاارف... ولكن كااتعجبك الكفتة دياال الحووت...

أزهاار: آه بااش عرفتيهاا؟؟

شااف فييها مبتااسم ورجع شااف فالطريق وهي شاافت قداامهاا: آه حقا نسيت.. نتا كنتي كاتعرف حتى شحاال من دغمة كنت كاناكل فالنهاار...

غيت: وبااقي كاانعرف... (ضار بالطوموبيل مع طريق أخرى): غانمشيو لواحد المطعم كااين جنب البحر... فيه كاع انوااع الحوت وطاايب بكاع الطرق...

جالسين فالمطعم... من بعد ماخدا الناادل طلبيتهووم... كانو جالسين كاايهضرو...

غيت: بعد غدا بالعشية غاانجي لعندكووم..

ازهاار مبتااسمة: مرحباا بييك... خالتي فرحاانة بززاف حيت غاتجي تخطبني من عندهاا..

غيت كايشووف فعينيها: ونتي مافرحاناش؟؟

ازهاار بخجل: شنو باانلك...؟؟

غيت: فرحاانة.....

جبد التيلي من جيبوو... وشعلو لقا بززاف الإتصاالاات... شاف فيها مفكر: عندي واحد الإجتمااع مع الموظفين من هنا لخمس دقاايق..

أزهار: كيفااش؟؟ واش ناوي تمشي؟؟... ماغاتوصلش..؟؟

قاطعها: غانهضر معاهوم يأجلووه...

أزهاار: معاامن غاتهضر؟؟

غيت مبتااسم: نورمالمون خاصني نهضر مع المسااعدة دياالي هي تتكلف... فهااد الحاالة المسااعدة كاينة معاياا.. غانشوف شي حد...

ابتاسماات... وهو نااض: نتااصل ونرجع...

أزهاار: وااخا... عير ماتعطلش.. قريب يجيبو المااكلة...

مشاا وهي بقاات جاالسة... حتى دخلو جووج درااري لاابسين بحال شكل هيبهووب ودايرين السناسل فعنووقهووم والسااعة والكورمييط... كايتمشااو بغروور... خالقين الصدااع غير بووحدهووم فالمطعم... والنادل غير شاافهوم باان بللي ماعجبووش الحاال... بااين ديما كاايجيو يديرو الصدااع مع الكلياان... وغير يفرنسو مع لبناات وااخا مااشي بووحدهوم مايحتاارمو لا ازواج ولا آبااء...

كاانت جاالسة كااتدوي مع صااحبتها فاالميساجاات كاتعاودلها وقالتلها باش تجي لعندهاا... حتى حسات بخيال وااقف عليييهاا... طلعاات رااسها مصغرة عينيها مللي لقااتهوم واقفين عليها مبتااسمين بشر... نطق واحد فيهوم كاايشووف فصااحبو: هااد الزيين كللو جاالس بووحدو يااصااحبي...

شاف فيه صااحبو ورجع شاف فيها: زيينهاا قتاال... وعوينااتها يهبلوو...

نااضت دافعة الكرسي معصبة: آش هااد قلة الآدااب...؟؟ وااش ماكاتحشمووش؟؟

نطق واحد فيهوم مربع يدييه: ومعصبة كااتزيدي تزيااني...

شافت يمين وشماال كلشي كايشوف وحتى واحد ماتدخل..

رجعات شافت فيهوم: بعدو من هنا حسن لكووم...

........: هههه... إلى مشيناا وخلليناا هااد الزين وراانا يعني حنا مافيدنااش...

زادو قربو لعندها وهي بقات وااقفة مضهشرة... واحد فيهوم هز يدو غايحطهاا على شعرهاا... شداتها بعنف لااحتها محركة راسها عاايفة...

يالله غايرجع يشدها معصب حتى غوت بالجهد بطريقة مخيفة... وهو دااخل كاايسرع فخطااه... وجهو مايبشرش بالخيير... وللي شافو كاايحاايد من الطرييق... شد لداك للش كاان غايقييسهاا يدوو.. وبدا كاايلوييها وهو كاايغوت بحر جهدوو... حتى داارت الصووت وطلقوو طااح بييها اللور سخفاان... ولاخور بقاا واقف كاايشووف مدهووش... شدلو رااسو وبقاا كايضربو مع الطبلة مرة وجوج وثلااتة هي مابغااتش تهرس وهو ماابغااش يحبس... وهي مخرجة عينيها خلعهاا... بلعاات ريقها وقرباات جهتو كااتحااول تبعدوو علييه... شدااتلو فيدوو وهو كاايغوت: بعدي... بعدي غااتقيسيه... بعدي..

غوتاات: غيت غاادي تقتلوو صاافي حبس...

جاا المدير دالمطعم او واحد من للي خدامين تماا صحييح... شدووه غير بزز بااش فرقووه علييه... وهو شااف قدااموو باانلو هادااك باقي طاايح كايتوجع طاار من يدهووم وتحنى علييه كاايضرب فييه... وخطف مووس من طاابلة حدااه يالله طلعو بااش يخشيه وسط كفو... نقزاات مغوتة شداات الموس من المضاا دياالو مغمضة عينييها بألم... والدم كاايهبط من يدهاا... هو غير شاافها طلقوو مخلووع ونااض بالزربة شدلها فيدها كاايترعد: أ.. ازهاار ازهاار ازهاار ضربتك... ضربتك فيدك...؟؟

جلسات فوق كرسي... سادة يديها مزيرة عليها وهو كاايحااول يحلهالهاا حتى غوت علييها... عينيه عمرو بالدمووع كايتصرف بهستيرية: حللييييي يديييك حلليييي...

جا المدير كاايجري جاايب علبة الإسعافاات... زاد قداامو: السي غيت سمحلناا هادو من ديما هااكا وديما كايديرو المشااكيل للكلياان... وماكايلقااو للي يواجههوم... و...

قاطعوو كاايشووف فأزهار مامسوقش: حللي يدك قلتلك حلليها ازهاار...

شاافت فييه: اناا... غير مقصحة فييها... مااكااين والوو...

جلس على ركابيه مامسوقش للبشاار كاايترعد بخوف والعرق نازل على جبينوو: قلتلك حلليها حلليهاا... اناا اناا جبتك لهناا وانا هزيت دااك المووس... اناا للي ضربتك انااا...

قاطعو المدير: خللينا نشوفو الجرح وندااويوه لهاا... نشوفو بعداا وااش غاارق...

يالله غايزيد خنزر فييه وحايدلو العلبة من يدو... وهزهاا بين يدييه... وخرج خلا لاخرين باقيين مليووحين شاف فيهوم بنظرة قااتلة ونطق: عندكووم الزهر... ولكن نقسملكووم بالله إلى تصادفت معاكوم فشي قنت غاتكون موتكوم على يديي

خرج وحل باب الطوموبيل وهي كااتهضر: حطني اغيت حطني راه قادرة نتمشى على رجلي..

حطها فالطوموبيل وضار للحهة الأخرى ركب... ساد البااب من ورااه.. وضار لعندها بالزربة وهضر بأمر: حللي يديك..

نطقاات متألمة: لاا غير خلليني... خفت عفااك خلليها... ماعرفتش الجرح كيف دااير؟؟

غوت عليها حتى خلعهاا: قلتلك حلليهاا ماتجعرينيش حللييهاا... انا مزااوك قلبي غادي يسكت حللي نشووف...

زيرلها عليه كاايحلها صبااعها واحد بوااحد.. غير شااف الجرح للي كاان وسط كفهاا غمض عينيه بحاليلا مضروب فبلااصتها وهي غير شاافتو بلعاات ريقها متنهدة برااحة: اوووف... ماغارقش... غير من الفووق... كنت مخلووعة..

غيت كاايحل ديك العلبة: ازهاار سمحيلي راني ماقصدتش... غاانضمدلك الجرح ونمشيو للسبيطاار...

ازهاار: آش نديرو فالسبيطاار؟؟ غير لوي الفااصمة باراكة...شاف فيهاا: غانمشيو للسبيطاار يديروليك شي شووكة... هذااك المووس من حديد ضروري تعقمي من الصداا...

بقاات ساكتة وهو كايعاالجها كاتغمض عينيهاا دايرة صووت هامس دليل على انها كاتقصح وهو مع كل مرة كااتقصح فيها كايزير على يديه معصب: غاانديك لبلااصة أخرى نتغدااو...

أزهاار: لاا لااا... مابغييتش... بلااش..

غيت: ازهاار ماظلمتهوومش... انا ماتعديتش رااه هماا للي..

سكت شوية ومن بعد تاابع كلاامو: مانادمش... نقسم بالله لوكان ماشديتيش فالموس وتجرحتي حتى نكوون حلليتهوم يتمنااو المووت ومايلقاوهااش..

ازهاار: أصلاا رااك حلفتي فيهوم ونتاا خاارج..

شاف فيها مخنزر يالله مفكر: علااش شديتي المووس؟؟ مابغيتينيش نضربو؟؟

ازهاار: اويلي اغيت غاتضرب الدري وسط يدوو... مااقدينا على مشااكل...

غيت شااعل: نقطعها انا اليد للي تحط علييك نقطع مها من الجدر..

كاانو جاالسين... فمطعم آخوور كان سااهي كاايشووف فالأرض وهي حااضيااه.... كاان مخنزر وماعاجبوو حاال.. تنهداات: غيت ماالك...؟؟

شاف فيها بجدية: ماقااسكش يااك؟؟

ازهاار: شكوون؟؟

غيت: هذااك... هذااك للي شديتي فالمضاا على قبلوو؟؟

خرجاات عينيها: غيت... هههه... نعل الشيطاان

غيت بحدة: ماجاوبتينيش...

ازهاار: لا ماقاسنييش... كان عااد نااوي...

غيت: أهاااه... مزياان... (جبد التيلي من جيبوو): خااصني نعرف شكوون هماا؟؟

ازهاار بتعب: غيت الله يعطيك الستر خللينا من هااد الموضووع... هما كاع ماقااسوني ونتاا رااك ضربتيهووم صاافي قلب على هااد الموضووع راه مرضني...

شااف فيها وحط التيلي على الطبلة كايشووف فيهاا: كااضرك يدك؟؟

ازهاار: لاا...

غيت: الفااصمة مامزيراااش؟؟

ازهاار: لااا....

غيت: والشووكة ماكاضركش بلااصتها؟؟

ازهاار: لااا....

ابتااسم كايشوف فالنادل للي جا حطلهووم الكفتة دالحووت وشي مقبلاات معااه وعصيير...

غيت: كولي وسمحيلي على هااد النهاار...

هزات المعيلقة: مااوقع واالوو...عاادي... نتا للي خاصك تنساا... وجهك ماكايبشرش بالخييير دااباا...

غيت: غاننساا.... (ابتااسم): غير نشووفك بالقفطاان ننساا للي داز وللي جااي..

ضحكاات عاضة على شناافتهاا: بعد غداا... (شافت فيه عينيها كايلمعوو): إن شاء الله يدووز كلشي بيخيير...

غيت: إن شااء الله...

كملو غدااهوم ونااضو خارجين... وصلها للداار... توادعو وطلعاات.. لقاات خالتها دايرة القيلوولة فالصاالون... غير سمعات الباب تحل فاقت: أزهاار؟؟

ازهاار: فيقتك...؟؟

خاالتهاا: يالله لقيتيني تغدييت...

ازهاار: علااش..؟؟ ياك عيطتليك وقلتليك غاانتغدا على بررا..

خاالتهاا: آه غير لغدا ماوجدش بكري...

شاافت فالساشياات للي هاازة: شريتي كلشي؟؟

ازهاار قرباات لعندها مبتااسمة: آه... شرييت... (جلساات وبداات كااتحل فييهوم... جبدات قفطانها خلااتو خدااها وخاالتها حلاات فمها بإعجااب): وااو زويين بززاااف...

ازهار: آه أخاالتي زويين حتى انا عجبني..

خاالتها: غاايكون غالي ابنتي...

أزهاار: احممم... غالي ولكن لاكارط للي عطااني غيت قضاات الغرااض...

خالتها مبتااسمة: هااد غيت مامنووش جووج يااك...؟؟

ازهار وهي كاتحل فالسااشياات: آه أخاالتي كااين غير وااحد..

جبداات دوبيااس وملاابس داخلية خفييفة ومشبكة بالدونتييل.. خرجاات عينييهاا وجهها حمر.. ماعرفااتش فوقااش شراا هااد الشي... بقاات مصدوومة حتى فيقااتها خاالتها: زويين هااد الشيي... هايهااي.. مانسيتيش حتى دوبيااس هههه...

بلعات رييقهاا: آه... آه ههه... مانسيتش...

جمعاتهوم دغياا وجبدات السااشية لووخرى ورااتها قفطاانها وخاالتها فرحاات بززاف عجبهاا وماكانتش كااضن بللي غاتفكرهاا... فرحااتهاا..

......

مللي سالات مع خاالتهاا دخلاات لبييتهاا حطاات الساشيات وعااود جبداات الملاابس الدااخلية مرفووعة... نطقاات وهي كااتشووف قداامها: إمتاا غايكوون خدااهوم...

حتى سمعاات رنة ميسااج فالتيلي دياالهاا حلااتها وحلاات فمها معااها: مللي مشيتي تختااري القفطاان لخاالتك... أنا شريتهووملك... كيجااوك...؟؟ قلتليك دوقي فيهوم حسن من دووقي فالقفطاان..

شهقاات مخرجة عينييهاا...

فصبااح اليوم المواالي... دخلاات للشركة كااتحاول ما امكن تتجااهل الأنظاار لييهاا. وخصوصا من بعد ماتسرباات تصويرتهوم وهما فالمحال دالتقليدي... مللي شافتها وهي مصدوومة... حناات راسها للارض وطلعاات فلاسانسور متااجهة لمكتبهاا... حلاات البااب... وباانتلهاا بوااطة محطووطة فووق البيرو دياالهاا... قربااتلها بتثااقل وهي متأكدة بللي هو للي غايكون حااطها تما حيت هااد الطاابق ماكايطلعليه حد.. ابتااسماات ووقفاات حدااه حلااتو بالشوية... ضحكاات بإعجااب وهي كاتشووف فصبااط طاالو ونمرة 36 على قيااسهاا... غمضاات عينيها مللي حاوطها بيديه وريحتوو سيطراات على الغرفة... باسها فخضها ونطق بهمس: صبااط ساندرييلاا لاميرتيي..

ابتااسماات باقة مغمضة عينيها: والمنااسبة؟؟

غيت بنفس همسوو: لبارح شرينا القفطاان ونسيينا ماشرينااش السبااط...

أزهاار: أمممم... تفكرتي كلشي نسيتي غير السبااط...

غيت: آه.... ولبارح مخلية ميسااجي معلق... مااحشومااش؟؟

ازهار: مالقيت ماانقوولك.... صدمتيني حق الله...

غيت: وكيجااك ذووقي بعداا؟؟

سكتااات كااضور فعينيهاا وهو عاود بااسها فخدها: مااعلييش حتى لليلة الدخلة وغاانشريلك حواايج وااعرييين كااع...

خرجاات عينيها حرجهاا دياال بصح وهو بعد منهاا وضار للبيرو دياالها حل المجر هز ملف من تماا: يالله الإجتمااع غاايبدا من هناا لجووج دقاايق...

ازهاار: والملف علااش؟؟

شااف فيها زعما واش من نيتك: الملف للي متعلق بالإجتمااع... يعني من المفروض نتي للي تااخديه وتكلفي بيه... ولكن هاانية انا ندير خدمتك وخدمتي..

ابتااسماات شادااليه فيدو وهو نطق بجدية: غاتبقاي هااكا حتى للقاعة الإجتماعات...

ازهاار حاولاات تفك يدييها لقاتو حاكمهاا: قاعة الإجتماعات كاينة لتحت اغيت..

غيت: ومن بعد...

يالله جاات تهضر شااف فييها مخنزر... وسكتاات... خرجو من تما وهي قلبها غايخرج من بلااصتوو... الفخر الحب العشق الخوف كلهووم تجمعوو عندهاا... اما هو بنفس تخنزيرتو وبنفس تقتو فرااسو خاارج كاايتمشى رااسو الفووق... هبطو مع الدرووج ووصلوو لتحت... وكيف ديما الأنظاار علييهووم... حتى دازو لقاعة الإجتماعات ودخلو بااقي شااد فيديها خلااو كاع للي تما مصدووم...

الموظفين على بررا... كانت ساارة جاالسة: ماافهمت والوو والله.. كل نهار حااجة جدييدة...

فاتي: واليووم راه جااوبو على كاع أسئلتنا بديك الشدة للي دايرلها...

ابتساام: جاات على كاانتو ومللي دخلات وهو حاط عليها العين حتى واخيرا طاحت بين يديه...

فااتي: واش نتي حمقة؟؟ هذاا رااه غيت الدرقااوي... واش عرفتي شحال من وحدة دارت تحدي غير بااش تاخد تصويرة قريبة لييه؟؟ وازهار من نهار جات وهو كايضحك معاها ومقرب منها وكايوصلها معااه لاا وهزهاا كااع...

ساارة: وهي الوحيدة للي عندها حق تدخل للبيرو ديالو بلا إذن... وعاطيها بيرو حدااه... وختارها مسااعدة دياالو حتى قبل ماتكمل السطااج...

فااتي: زعما علااش هااد الشي...؟؟

نطق واحد الموظف من ورااهوم: بااين كاايبغييها... وحتى قبل مااتخدم هناا... كاايعرفها من قبل...

فااتي: كيفاااش...؟؟

ابتساام: وتصويرتهوم فدااك المحاال حتى هي...

ساارة: واخيرا قدرنا نشوفو السي غيت كاايحب...

فااتي: وبطرييقة متميزة بحاالووو...

3: جلس فالكرسي المخصص ليه على رأس الطااولة وجلساات حدااه.. حط الملف قداامو... وشااف فيها مفكر كايدوي غير بالشوية وبصوت يالله تسمعو هي: كيف بقاات يدك مزياانة؟؟

حركاات رااسها: آه مزياانة حسن من لباارح...

غيت: ماسولااتكش خاالتك؟؟

ازهاار: سولاات... قلتليها مللي كنت كانتغداا على بررا تهرسلي الكااس فيدي...

حرك رااسوو: كذيذيبة مع رااسك.. (ابتااسم لابتساامتها وضاار كاايشووف فالحضوور كلهوم حاللين فاامهوم فيهوم.. قلب ملاامحو لجدية): نبدااو؟؟

بدا واحد منهوم مفتاتح الإجتمااع.. وهي جراات الملف بااغة تكتب... حتى عااود جررو لعندوو هاز القلم: غاانكتب... يدك مريضة...

شاافت فيدها ماغاتقدرش حتى تهز القلم خصوصاا مجروحة فوسط كفهاا... بلعات ريقهاا: وااخاا...

رجع انساجم فالإجتمااع وهي غير جاالسة كااتلعب بشعرها مرة تكون معاهوم ومرة عقلها يغييب... كااتشوف يمين وشماال وهو منهاامك بجدية وااخا هااكاك كاايشووف فيها مرة مرة... وراد معاها الباال...

سالااو وهزو ملفااتهوم خاارجين بقااو غير هما بجووج... كانت حاالسة باقة كااتلعب بشعرهاا... كاع مارادة الباال بللي الإجتمااع ساالاا وبللي النااس خرجو... ضاار لعندها بالكرسي متكي بيدو على الطااولة ودااير صبااعو فوق ذقنوو مبتااسم: أزهاااارييي...

جاوبااتو كااتشووف قداامها سااهية وشاادة خصلة من شعرها كااتلعب بيهاا: هممممم...

هضر متأملها بعشق: طلقيه أأزهاار...

شاافت فييه: شنااهو؟؟

غيت: شعرك.. رااه ملكييي.....

صغرات عينيها مافاهمااش: كيفاااش؟؟

غيت بهدووء: ماافهمتييش...

ضورات عينيها فالقااعة ونطقاات: مشااااو...؟؟؟

غيت: شكوون....؟؟

شاافت فيه: هاادوك... للي كاانو فالإجتمااع...

غيت: مااسخيتيش بيهووم؟؟؟

ازهاار: مارديتش الباال...

نااض كاايجمع فورااقو: مااشااء الله داايرة خدمتك....

نااضت: واانتا للي قلتيلي ماانكتبش... مااعرفتش علااش جبتيني معااك مللي ماغاندير واالوو وغانبقا غير جاالسة..؟؟ قتلني الملل...

صغر فيها عينيه متااجه للبااب وهي تاابعااه: الملل ومعااياا...؟؟ ماحشووماااش؟؟!!

ازهاار: نتا كنتي مشغوول وأناا مااعرفت ماندير... لوكان بقيت فالبيرو نلعب بالتيلي دياالي... حسن لياا...

نطق بجدية كاايحل لاسانسوور: فين مااكنت غااتكووني... شحاال ماازربتي بااش دخلي هااد الحملة لراسك غاايكوون مزياان...

دخل ودخلاات من ورااه سااكتة وهو تاابع كلاامو: فااش سهييتي؟؟

ازهاار بتسااؤل: كيفااش؟؟

غيت: درنا الإجتمااع وسالينااه والنااس خرجو ونتي ماكااينااش هناا... (ميل رااسو لجهتها فوسط المصعد): شنو للي خلااك تسهااي وتغيبي لديك الدرجة؟؟

ابتااسمااات: ماعرفتش كيفااش.. حتى لقيت رااسي كاانشوف السينااريو ديال غدا قداام عيني... شفت راسي بالقفطاان وشفتك نتا بالكوومبلي...

خشاا يدو فجياابو ضااحك: الكوومبلي... ماعمرني لبستوو حتى فأهم إجتماعاتي...

شافت فيه مغوبشة: وزعما غدا راه اهم من دوك الإجتمااعاات... او لاا؟؟

خرجو مللي تحلات البااب شاادها من يدهااا: غدا انا عندي أهم من حيااتي كااملة... (شااف فييها): للي داازت...

سكت وهي نطقاات مستغربة: ماالك حبستي...؟؟

غيت:كنت بغييت نقوول للي داازت وللي جااية... وتفكرت بللي للي جاية غاتكوني معااياا فيهاا.....

دخلو للبيرو طلق منها ومشا للفوتوي جبد عندو البيسي دياالوو وهي جلساات مقابلة معااه... هزات تيليفوونهاا كاتبقشش فييه... شاافت فيه بنص عيين: غيت...؟؟

جاوبهاا كايشووف فالبيسي: اممم...

بلعاات ريقها بتردد: أحممم... التيلي دياالك... زعماا أنا التيلي دياالي فيه الملل بغييت...

قبل ماتساالي جبدو من جيبو وحطو حدااها... هزااتو يالله بغات تسولو على الكوود نطق باقي كاايشوف فالبيسي: أزهااار...

شاافت فييه: هااا...؟؟!!

غيت ببروود: الكوود... ازهاار...

شرعات عينيها مبتااسمة وبداات كاديرو... غوبشاات: ماابغااش يتحل...

نطق وهو باقي خداام: زيدي اليااء...

ازهاار بعدم فهم: كيفااش؟؟

غيت: لبارح زدتهاا... ورجعات ازهااارييي...

ابتااسمات ورجعاات جربااتو زايدة اليااء وتحل...

شافت فيه: واش مسمووح ندخل لفين بغييت ولاا...؟؟

قاطعهاا: كلشي دياالك...

ضحكاات بحمااس وبداات بلينسطاا... غير كاان داايروو وصاافي خااوي وماامتاابع حتى حد كن غيرها هي... ولكن هو عندو بززااف المتابعين واخا ماحاطش اصلا تصويرتوو غير سميتو كاافية...

نطقات: علاش مادايرش تصويرتك؟؟

غيت: فااش؟؟؟

ازهاار: فلينسطاا...

غيت: دايرو غير على قبلك وبااش نشووفك ونشوف تصااورك..

ابتاسمات مصغرة عينيها: ولكن انا كنت كل مرة ندير واحد... كاانو دغيا كايتبلووكاو غير بووحدهووم...

غيت: عاادي... مللي كايشووفك باالغتي ورجعتي كااتحطي التصااور بلا فرااناات.. كاايتبلووكاا بااش يرتااح...

بقاات ساكتة كااتفكر فكلامو وهو رجع لخدمتو حتى خرجاات عينيها: نتااا...؟؟ نتا للي كنتي كاتسدهووملي يااك؟؟

ماجاوبهااش وهي نااضت مقربة لعندو جلساات حدااه: وحتى الدراري ماعندي حتى حد... (شافت قدامها): كانتاابع شي حد اليوم ولا هو يديرلي متابعة كاانلقااهووم فالصبااح ماكاينينش بااح.. من غيرك نتا للي بقيتي عندي فوسط البناات

شاف فيها: ياااك...؟؟ وكاتقوليها...؟؟

ازهاار بصدمة: كيف كنتي كاديرلهاا؟؟ من بعيد...

غيت: كانقوللك ديما ماتسوليش بززاف وريحي داك الدمااغ عندك...

ازهاار: من نهاار عرفتك الصرااحة ماريحت هااد الدمااغ عندي...

ابتااسم: دابا ريحييه لغداا... حيت بغيتك تكووني مرتااحة وصفحة بييضة بقفطاانك لحمر...

حركاات راسها باقة مستغربة: آه عندك الحق.. (حطاتليه التيلي): مرة اخرى ونرجع نبقشش فيه مزياان... داباا غايخصني نمشي.. يالله نسالي الشغاال وغااتجي لعندي صااحبتي...

غيت سد البيسي: أناا غانوصلك...

ازهاار وهي كاتهز صااكهاا: لا غير خلليك نتا خداام؟؟

نااض كايلبس فالدجاكيط: ماغانخلليكش تمشي بوحدك نتي عارفة هااد الشيي...

خرجو وهو شادلها فيدهاا قدامهووم وعااود نفس ردة الفعل من الموظفيين... للي باقي ماقادرين يستوعبوو...

وصلها للداار وتوادع معاااها ورجع هو للشركة...

أما هي غير دخلاات ولبسات بيجاامة جمعاات شعرها الكوت شوفاال... وبداات كااتخمل مع خاالتهااا وتصااوب الدجااج واللحم وتقااد الكيكاات والحلوى فالبلااطواات...

كاانت كااتنفض فسداادر الصاالة حتى سمعاات البااب... زاادت حهتو باش تحللو وهي كاتدوي مع خالتها للي كاانت فالكوزينة: أنا غانحل اخاالتي...

غير حلااتو جاات صااحبتهاا طاايحة لدااخل على مؤخرتهاا... خلاتها مخرجة عينيها مخلووعة... نااضت مقبحة وجهها بألم كاتحك فبلااصة الضربة: أييي على طييحة...

ازهاار: ماالك كيفااش حتى طحتي؟؟

فرح تجاوزااتها دااخلة: كنت متكية على لبااب... (شافت فيها): تخيلي بكثرة العياا نسييت وااش هذاك بااب وغايتحل... درتو حييط...

ازهاار: وباااش عياانة؟؟

جاوباتها داخلة للصالون: بالنعااس.. كيشتي رااه غير فقت وجييت...

تبعااتها: واااش من لبارح بالليل ونتي ناعسة حتى لدااباا؟؟

فرح جلساات: جيبيلياا لفطوور عفااك...

ازهاار: أشمن فطوور؟؟ رااه الثلاتة دالعشية هاادي حنا رااه تغديناا....

فرح: نتووما للي تغديتوو اناا ماازال مافطرتش...

ازهاار بعصبية: ماكااينش لفطوور.. تكعدي ديري يدك معاانا... زعما درت معااك الصبااح... ونتي جايااني دااباا..

فرح ببرود: وهاانا جييتك فالصبااح... والدليل ماازال حتى ماافطرت...

يالله غاتنطق ازهاار حتى قاطعاتها خالتهاا جااية من الكوزينة هازة كااس حلييب والنص من الكييكة حطاتها قداامها: فرااح بنتي لاابااس؟؟

فرح كااتشوف فدااك الشي وتضحك: هههه... لاباس اخاالتي ونتي لابااس؟؟

خاالتها مبتااسمة: الحمدلله...

ازهاار مخنزرة: منين جبتي هاد الكيكة اخاالتي...؟؟ وااش هذا وقت لفطوور؟؟

شاافت فيها: الكيكة للي درت للفطوور... بقا منها هااد النص..

جلساات كااتشووف فيها معصبة: كوولي كوولي... تاكلي فيه الجغدييد...

بدات كاتاكل وازهاار حاضياها وخالتها رجعاات للكوزينة... نطقات فمها عاامر: كيداير غيت...؟؟

ازهاار: سرطي رااك غاتخنقي أزمر... وهذاك سميتوو السي غيت مااشي غيت بووحدهاا...

فرح: لوااه الزمر... نقول لراجل ختي السي... هذا للي كان ناقصني...

أزهاار: أهااه... إيواا كولي كوولي ونوضي تحزمي راه باقي شلاا مايداار...

كلاات وسالاات... ونااضت لبساات بيجاامة من ديال ازهاار... وبداات كااتخمل معااها... وتعاااونها...

فرح: عرفتي رااني متحمسة كثر منك...

ازهاار: علاااش؟؟

فرح: حييت واخيرا غانشووف غيت... أحممم بغيت نقول السي غيت... مبااشرة...

حبساات من شنو كانت دير وشاافت فيهاا: من نيتك؟؟ وكاتقوليهالي فوجهي...

فرح ببروود: نقولهالك فوجهك حسن مانقولهالك فظهرك... اما رااه ماانغدركش غير كووني هاانية...

ازهااار ضربااتها بوساادة: عصبتيني حق الله أفرااح...

...........

كان جالس فالبيرو ديالو حاط التيلي فوذنو كايدوي باهتمام: فين وصلتوو؟؟ شكون جااي معااك؟؟ (بلع ريقو مكره): أحممم وااخا... مرحبا بيكووم... مااشي مشكل... مللي توصل عيطلي... آه حتى هي جاات رااها وصلاات لداارهاا...

فمسااء يوم الغد... يوم الخطوبة... النهاار كاامل وهي مشغوولة... من بعد ماسالات التوجااد فالكوزينة وقاداات كلشي هي وخالتها وفرااح... دخلاات دوشاات ونشفاات شعرهاا وداارت مااسك تحاايد بييه التعب... وداابا هيهي جاالسة قباالة مراايتها فبيتها وفرح كااتمشطلها شعرها.... نطقاات وهي حاضياها من لمرااية...

فرح: أزهاار...؟؟

ازهاار هازة التيلي فيدها كاتقرا آخر ميسااج وصلها منو شي عشرة دقاايق دااباا: نعااام...

فرح: داابا نتي من نهاار دخلتي لديك الشركة ونتي كاتعااوديلي يااك...؟؟ يعني تصرفااتوو هو من اللول كاانو غرااب... وهو فاللخر عااودلييك السبب... يعني هو فهمنااه...؟؟

ازهاار: إيوااا...؟؟

فرح: ونتي كيفاااش فخمسة دياال الدقاايق بغيتيه وقررتي بللي بغيتيه وعتارفتي لييه...؟؟ هااد الشي كاامل مااداازش عليه نص سااعة كاااملة؟؟

شافت فيها بنص عيين وهي تاابعاات كلاامهااا: واصااحبتي... نتي يالله دااوية معايا دااك الصبااح وعاادي... ومللي هاودتي هضرتي معاايا لعشية قلتيلي رااني مع حبيب قلبي فدااروو...؟؟ (ضرباات على رااسهاا): رااه عقلي مااستوعبش...

تنثراات منها وضاارت لعندها بالكرسي خلعاتها: سولتييني دااك النهاار وقلتيلي كيفااش وقع.. وأناا شرحتليييك... وقلتلييك أفرح اناا هااد السيد رااه بديت كانبغيه من نهاار المقاابلة وماكنتش مستوعبة... وفكل مرة كانتلاقااو كاانزيد نغرق فييه... او وااخا هااكاك ماافهمتش... حتى لدااك النهاار... مللي قاللي ديك الهدرة فالطوموبيل ماعجبنيش الحاال... شنو كاايعني هااد الشي...؟؟

فرح بغبااء: شنوو كاايعني...؟؟

تنهداات بنفاد صبر: وبلي زاد كمل علياا هي ديك السفريطة للي تعرضااتلي وقالتلي بللي كاتبغيه وماغاتخلليهلييش...

بلعاات ريقها: عرفتي تما كانت كانباانلي نشعل فيهاا الناار وعااد إلى بردت...

فرح: أهاااه... إيواا؟؟

غوتاات علييها: إيواا شنوو...؟؟ إيواا تماا عرفت بللي حبيبي فخطاار وخاصني نزرب علييه... ومشييت عيطت علييه... (ميلاات شفايفهاا منقصة من نبرة صووتها): أصلاا هذاا عصر السرعة إلى مازربتيش ضعتي...

رجعاات ضارت ولوخرى بداات عااود كاتمشطلهاا مغووبشة: أشمن سرعة؟؟ راه غير لقيتيه كاايبغييك انا داك عوج الكماارة ديال صلااح مللي مشيت قلتهااليه تعفر وبقاا كايتجبد علياا

أزهاار: قلييلة فييك... السيد مفشش وعاجبو رااسوو ونتي ماشية كاتعتارفيلو بحبك يحسااب لواليديك رااك فتركياا... عادي يمسح بيك الأرض... (صغرات عينيها): بااقة معااه المدلولة يااك؟؟

حركات كتاافها بااقة مغووبشة: لاا بلوكييتو الباارح...

خرجاات عينيها: كيفااش؟؟ كيدرتيلهاا؟؟

فرح: رااه واخا مدلوولة زعما راني من عائلة ميسوورة ومثقفة... مانقدرش نصبر للخياانة...

ازهار: الخياانة...؟؟ أحااي خاانك؟؟

حركاات رااسها: آه وجايبهاا حداايا زعمااا شوفي انا راه كايضورو بياا لبناات... وغير جيت للدار بلوكييتوو... فالفايس ولينسطاا والواتس...

ازهاار بشوق: إيواا؟؟

فرح: بدا كايعيط أبييل... وحتى هي بلوكيتو فييهاا...

ابتااسماات: وأخيراا صااحبتي رجعاات... والدل تشاافاات منو...

خنزراات فيها مارااضيااش وكملاات خدمتهاا: أزهاار؟؟

أزهاار: شنو عااود...؟؟

فرح: زعماا هااد غ... زعماا السي غيت ماعندووش شي صااحبو ولا شريكوو...

ازهاار بجدية: غيت ماعندووش الصحااب هو وحييد عندو غير اناا...

حركاات رااسها: أمممم... فهمناا...

فبااب المطاار... كاان وااقف قدام الطوموبيل دياالو حااضي السااعة فيدوو... حتى خرج السي فااتح معااه شااب قدوو... قااد وقفتوو مبتااسم... ومد يدو تصافح مع فااتح بعنااق رجوولي... ومن بعد صاافح ولدو..

غيت: على سلاامتكووم.. ومرحباابيكووم فبلاادكووم...

فااتح بابتساامة: ترحب بيك الجنة اولدي... ولاهيلا توحشتهاا... (شاف فالسااعة): يااك ماتعطلناا...؟؟ الخطبة مازال يااك؟؟

غيت: لاا بااقي وااحد السااعتااين... (شااف فالشااب للي كاان ولد فااتح): أحممم... السي خاالد مرحباا بيك..

خالد: الله يكبر بيك السي غيت... لياا الشرف نووقف حدااك وندوي معاك مبااشرة...

حرك رااسو: الشرف لياا اناا... (رجع شااف ففااتح): أنا نوصلكووم للداار للي فوسط لمدينة... بااش دوشوو وتبدلو حواايجكوم وترتااحو... (رجع شااف فخالد): أحمم... وتما تقدر تمشي فين بغيتي مللي نمشيو أناا والواليد دياالك...

فااتح: لا اولدي غيت خاالد غايمشي معاانا من بعد ويبداا يقضي فشغاالو رااه باقي مطول فالمغرب...

بلع ريقو داير ابتسامة صفرة: أهااه... مرحباا.. علااش لاا؟؟ (حك بيدو على لحيتو حركة كايديرها مللي ماتعجبووش شي حااجة وحل البااب لفااتح): تفضل نوصلكووم يالله ترتااحو شوية

وصلهوم لوحدة من ديوروو عطاهوم السواارت... ومشاا لدارو لوخرى... للي فالغاابة خارج على لمديينة... هز لتيلي كاايتااصل بيها دااير الكيت فوذنوو... جااوبااتوو: آلوو...

غيت مبتااسم: الزييين دياالي... كييف جااوك؟؟

أزهاار بعدم فهم: شنااهما؟؟

قلل صووتو لهمس: دو بيااس للي شريتلك مع القفطاان...

خرجات عينيها وجهها حماار... وهو كاايضحك باستمتااع: غيت وااش ماكاتحشمش؟؟

غيت ببرود: بااقي غير وقت قلييل وترجعي خطييبتي... علااش نحشم...؟؟

أزهاار: خطييبتك مااشي مرااتك...

غيت: اليووم نعرفو فوقااش تكووني مرااتي... وكوني هاانية غااندير للي فجهدي باااش نقربو...

ازهاار: غيت..؟؟

غيت: عيوون غيت...

ازهاار: إمتا غااتجي...؟؟

غيت: مابقااش بززااف... وماغانجيش بووحدي..

ازهاار: وشكون غايجي معااك؟؟

غيت: السي فااتح... ومادام سعااد...

ازهاار: شكوون السي فااتح... ؟؟ (تفكراات): آه وااش هذااك للي كان مرااقبني...

غيت: أيييه هذااك...

ازهاار بفرحة: مرحباابيهووم... هههه... مزياان مللي غايجيو معااك؟؟

غيت مصغر عينيه: وعلااش فرحاانة؟؟

ازهار: بصرااحة كنت كاانفكر فييك ماابغيتكش تحس براسك بووحدك...

تنهد بصوت مسمووع: مااحدك معاايا مستحيل نحس بالوحدة...

ازهاار: حتى اناا...

زير على الفولون بيديه عاارفهاا غااتكون كاتفكر فواليديها ومستحيل ماتفكرش فيهوم فنهاار بحال هذاا... واكدات كلاامو مللي نطقاات صوتها كايترعد: نخلليك داباا نتلااقااو...

قطعاات قبل ماايهضر خلااتو كايسوق مرفووع

كاانت وااقفة بقفطاانها للي جااها بحاليلا مفصل علييها مبين طوولتها وطاايتهاا الننحووتة... وشعرهاا جاامعااه كعكة عراايس... مع مااميااج خفيف مبين برااءتهاا... جاات فااتنة وطااح عليها السر... كاانت فرح كااتربطلها الحزاام...

فرح: عرفتي ياا ازهاار.. جيتي كااتحمقي والله...

ازهاار: بصح...؟؟ عرفتي افرح غاانموت بالخلعة...

خاالتهاا كاتشوف فيهاا وااقفة فالبااب: تبااركالله مااشااء الله... الله يحفظك من العيين أبنتي...

أزهاار شاافت فيها كاتحااول تحبس الدمووع ماايهبطووش: تخايلي لوكان كان بابا وماما هناا (ابتااسماات): كاان بابا غاايشوف فماما ويقوولها خداات الزين والطولة منك... ومااما غااتبكي وتقوولوو نتمنى راجلها يكون بحاالك...

مسحاات دمعة نزلاات على طرف عيينهاا: وكانو غايجيو يعنقووني بجووجهوم ويبكيوو... حيت أخاالتي حتى بابا كاان كاايبكي دغياا وحنيين...

خاالتها كااتبكي: حتى داابا غايكوونو فرحاانين بيك ابنتي...

انفاجراات بالبكاا مابقااتش قاادرة تصبر: علااه غين هما اخاالتي بااش يفرحوو فيين؟؟ يااريت كاان غير لقبر نجلس عند رااسو ونعاودلهووم ونقولهوم بنتطووم كبراات وهااهما جااو فيها الخطااب...

عنقاتها فرح: عفااك أازهاار مااتبكيش... هذاا راه نهاارك...

قربات خاالتها لعندهاا شاداالها فيدها كاتمسحلها دمووعهاا: لقبر أأزهاار راه كاتكون فيه غير الجثة للي كاترجع عظاام من بعد أياام قلييلة... روحهووم رااها طلعاات عند خاالقهاا...

أزهاار: تحرمت منهووم صغييرة اخاالتي... اناا افتاقدتهووم فكااع مرااحل حيااتي... وكنت كاانصبر رااسي...ولكن هناا احتااجيتهووم وبززااف...

فرح: مااتبكييش رااك كاتحرقيهوم أختي...

ازهاار كاتشووف فيهاا: أناا العاافية شااغلة فقلبي أفرح... ربي للي عاالم بياا.. وحتى هو مااعندو لاا مو ولاا بااه... مااعنديش واليدياا (ابتااسماات بحزن): ماغايكونش عندي لا شيخي ولا عدووزتي...

فرح كاتحااول تلطف الجو: تهنييتي... ختي كوثر راه عجوزتهاا حررات عليها العيشة...

ازهاار ابتااسماات كاتمسح فدمووعهاا: غايخسرلي المااكيااج...

فرح جلسااتها: رااه خسر... صبري نقاادولك...

خاالتها كااتشووف فييها: الله يسعدك ابنتي ويعوضك خير نتي وهااد الرااجل... ياارب

..............

بعد نصف ساعة كانو كلهووم لابسين ومقاادين... تدق البااب وهي تكمشاات فبيتها بتوثر... خرجاات خاالتها حلاات البااب مستقبلااهوم بابتساامة مع توثر حيت اول مرة تشوف غيت مبااشرة... كاان فالمقدمة لاابس كوومبلي كيف بغاات هي... وحداه سعااد هاظة الشكلااط والورد ومن ورااه فااتح أو ولدو... دخلااتهوم بحفااوة جلسااتهوم فالصاالون ونطقاات: غ.. غانمشي نعيط لأزهاار...

وقفاتها سعااد: لالا خدييجة؟؟

ضاارت شاافت فيها وهي تابعاات كلاامها بابتساامة: جلسي معااناا نهضرو شوية... ونفتاتحو الموضووع... عاد بااش نمشيو انا ويااك لعند أزهاار...

بلعاات ريقهاا كااتشووف فيهاا... ابتااسمات بتوثر وجلساات حدااها شاافت فييهووم: سمحوولي.. ماعنديش تجربة فهااد الشي... عندي مراد وأزهاار هما ولادي وبااقي مااكتااب نزوج شي حد فييهووم... (شاافت فغيت): مرحبا بيك أولدي عندناا... أنا فرحاانة حييت دقيتي باابي ودخلتي لدااري... من بعد ماكنت نشوفك غير فالتلفاازة ونسمع بييك...

غيت بابتساامة: لهلاا يخطييك... أي واحد يجي من عند أزهار نهزو فووق رااسي...

خدييجة: عاارفة للي كااين... غير على ماعاودااتلي أزهاار وشنو درتي على قبلهاا... رااه بااين وااش كااتسواا عندك... الله ينور طرييقك... (رجعاات شافت فسعااد): تلااقينا شحال من مرة قبل.. هههه...

سعاد بضحكة: آه تلااقينا بصفتي عضوة فالجمعية... غاتكون عاوداتليك بنت ختك الصرااحة... هههه... غير سمحيليا وماتحسبينيش كذاابة هاادو كانو اواامر...

خديجة: لاا لاا حااشااا... أزهاار رااه عندها الزهر وربي عوضهاا... (رجعات شافت فغيت): ماغاديش ننسا الخير للي درتي فيها وفولدي مرااد... للي سهلتي طرييقوو وكنتي سباابو بااش مشاا للخاريج..

غيت بجدية: هذااك الخير درتو فرااسي الالا خدييجة... ماتشكرينيش علييه...

خديجة: مااشي مهم السبب... المهم هو رااك صيفطيه... فداك الوقت كانت الحالة ضعيفة وهو ماخلاا حتى طريقة بااش يمشي... وبفضلك هاا حنا اليووم مزياانين الحمدلله..

غيت: تستااهلوو كل خيير... نتي حضنتي على بنت يتييمة ومااسمحتيش فييهاا... تستااهلي تعيشي فالخيير...

خدييجة: أناا قوول غير سكنتها معاايا... الشي لاخور كلشي تكلفتي بيه نتاا... وااخا من بعيد.. حتى إلى مرضااا فلوس الدواا كاتجيبهووملي لالا سعااد...

سعااد: أزهاار عاناات وربي عوضهاا... هاكا فكري ألالا خدييجة...

ابتااسمات حاابسة دمووعها: عندك الحق... وااخا الجرح عندها بااقي خضر... قباايلة بكاات وبكااتنا معااها...

وقف خالعهووم كااملين ونطق بالزربة: ب.. بكاات...؟؟ خلليتوها تبكي... (بلع ريقو): فين هي دااباا...؟؟

شدو فااتح من يدو كايغمزو: ولدي غيت جلس شوية وتجي..

خديجة بصدمة: آه.. غير تفكرات واليديها بكاات شوية وداابا رااها مزياانة... أحمم شوية وتجي...

جلس غير بزز... وفااتح نطق بالزربة: لالا خدييجة بلاا ماانطولو.. نتي راك عاارفة علااش جيناا لهناا... ولكن نقولوهاا عااود... أحممم... حنا جينا طالبين راغبين فيد بنتكووم أزهاار لولدناا غيت...

خديجة مبتااسمة: مرحباابيكوم أسييدي... نهاار كبيير هذاا... أحممم... ويكوون خيير إن شااء الله...

سعااد: إن شااء الله... وداابا نمشيو نسولو أزهاار ونجيبوها معاانا...

بلع ريقو كاايشوف فخالد كاان جالس حااط رجل على رجل كاايشرب فالعااصير ويااكل الحلوى عااجبو الحاال هاادي اول مرة يحضر لشي خطبة مغربية ولاا عرس... حييت كبر على بررا... شاف فيه غيت وصورة ازهاار بقفطاانها بين عينيه... مااحملش تدخل تما ويشووفهاا رجع شااف فسعااد: أناا نمشي لعندهاا... ماشي ضرووري تجي لهناا غير خلليها مرتااحة فبيتها نمشي لعندها ووو...

قاطعو فااتح: غيت... أحمم أولدي هادو هما التقاليد.. (غمزو): وكيفااش تمشي لعندها للبيت؟؟ ..

سكت طالعلو الدم وعطااهوم إشاارة بااش يمشيو وهو مااراضيش نهاائياا....

.........

كانت جالسة فالبيت كااتلعب فصباعها بتوثر وفرح دايرة وذنها على لبااب...

ازهاار: وااش سمعتي شي حااجة؟؟

فرح رجعاات اللور:شي حد جااي؟؟

وقفاات: شكوون للي جااي؟؟ يااك مااهو؟؟

فرح: اويلي على هو... آش غايدير هنااا؟؟

ازهاار كاتمشي وتجي فالبيت: نتوقع منو أي حااجة...

تدق البااب ودخلاات خاالتهاا كااطل عليهووم: بنتي أزهاار... معاياا مادام سعااد وغااندخلو...

ازهاار: آه أخاالتي دخلوو...

دخلو متاابعين وسعااد كاتشووف فيها مبتااسمة... سلماات عليها وسلماات على فرح... ورجعاات وقفاات حداا ازهاار شاادة فيديها جلسااتها وجلساات حدااها: جاا معاك البلدي... جيتي زوينة ابنتي الله يحفظك من العيين...

أزهاار بخجل: عوينااتك أخاالتي... حتى نتي جااك القفطاان زوين...

سعااد شافت ففرح: هاادي صااحبتك؟؟

أزهاار: آه صااحبتي وكثر من ختي...

شافت سعاد ففرح مبتااسمة: حتى نتي جيتي زوينة...

فرح بحمااس: عينييك أخاالتي...

سعااد جمعاات ابتساامتها وغيراات ملامحها لأسف: نتي عارفااني أناا هناا ماشي بصفتي مسااعدة دياال السي غيت ولاا شي وحدة من الجمعية... أنا هناا بصفتي الأم ديال غيت.. جيت لعند لبنت للي حمقاات ولدي وخلااتو يدير للي دار فحيااتو غير على قبلهاا هي... (تنهداات) جيت لعندك بااش نخطبك ليه... ونرجعك مرااتو وعرووستي وهذاا شرف لياا...

أزهاار حناات رااسها للأرض ماعارفة باش تجااوب وهي تابعاات كلاامها: غيت يتييم ماعندوش واليديه... وماعندووش عائلة... هذاك للي بررا غير مرااضع مع موو... وللي معاه ولدو وأنا كنت خدامة عندو... دارنا عائلتو ومابغااش يجي لعندك بوحدو وحتى حنا مانخلليوهش يجي بوحدو... (هزات يدها كاتلعبلها فشعرها): نتوما بجوج يتاامى... وبجوجكووم عارفين شنو معنى هاد الكلمة... يعني حتى حد ماغايفهمكوم كثر من بعضياتكووم... (ابتااسمات): واش تقبلي يا أزهار تكوني مراات غيت... تكوني مرااتو وختو ومو وبااه.... وهو غايكوونليك للي بغيتيه وللي احتاجيتيه فحيااتك...

حركاات راسها بالزربة عااضة على شناافتها كااتحااول تمنع الدموع للي تجمعو فعينيهاا... هزاتلها راسها بيديها مخرجة عينيها: مااتبكييش عفاا بنتي... مسحي مسحي دمووعك رااه إلى عرفني انا للي بكيتك ينسا واش أنا قد مووو ويجري عليا من هناا...

ازهاار ضحكاات: ماشي لهااد الدرجة اخاالتي...

نطقاات خالتها واقفة ورااها: ماشفتيهش ابنتي دابا مللي قلتليهوم كانت كااتبكي وقف وكاان جااي طالعلو الدم... خلعني هههه...

أزهاار: جااي...؟؟ (شافت ففرح للي كانت مخرجة عينيها): قلتهااليك...

سعااد: نووضي أبنتي نمشيو قبل مايسبقنا هو ويجي...

بلعاات ريقهااا ونااضت حنووكها حماارو وكااتمشى غير بالشوية... حشماات بززااف وتمناات الأرض تشق وتبلعهاا...

تمشااو فرح شادااها من يدها وسعاد وخالتها كايتمشاو من ورااهووم بابتساامة... غير دخلو هبطاات راسها راافضة تشووف فيه وهي كااتحس بكلشي كاايشوف فيها والسكون مسيطر الشي للي خلااها تزيد تتوثر...

أما هو غير طلع رااسو شاافهاا... طلعها بعينيه وهبطها من رااسها لرجلييها كاايعبر تفااصيلهاا... وحقق النظر حتى فشعرها والمشطة للي داايرة... بلع رييقوو إعجاابو بها كاان وااضح على ملاامحوو... ضاار دغياا شااف فخاالد للي حتى هو كان يشووف فنفس الإتجااه... خرج عينيه كللو كاايترعد... مااحققش فشوفاتو واااش إعجااب ولاا غير شوفات عاادية... ومااتأكدش حتى واش كاايشوف فيها هي ولاا فبلااصة أخرى... كاان بااغي ينووض يضربو فوسطهووم... ولكن فكر فالعوااقب... نااض كاايتمشى جهتها وكاايشوف فيها بعشق... حتى وقف مقاابل معااهااا... مخبيها من خاالد... وهي غير شماات ريحتو قريبة ليها غمضات غينيها مزيرة على يدييهاا... حتى حساات بيه شد فيدهاا حطهاا على شفاايفوو مطول... خااتمها ببوسة فوسط صبااعها.. خلااها حلات عينيها مخرجااهووم مصدومة من جرءتوو حداا كلشي... شاافت فيه... ودغيا ابتاسمات بإعجااب كااتشووف فشعرو للي ممشووط اللور.. والكومبلي للي أول مرة تشوفو بيه.. جااه مزير على عضلاتوو وباارزهووم... مع سااعة رجولية زاادتوو وساامة... ومكملها بريحتو للي كاتجيب آخرتها... وزااد مللي نطق بهمس: أميرة... وحطمتي الأميراات بجماالك...

بلعاات ريقهاا مااقادرااش على هضرتوو وزاادت حشماات...

ازهاار: أحممم... غ... غيت...

طلع راسو شااف فيها وشاف فخالتها وسعااد ابتااسم... وزاد شاادها من يدها جلس وجلسهاا حداه بعيد على انظاار خاالد...

فاتح كايشوف فيها مبتااسم: بنتي ازهار لاباس عليك؟؟

جاوباتو كااتشوف فالأرض وغيت شادها من يدها: لاباس أعمي الحمدلله...

فااتح: الحمدلله... أحمم واقوليلي أبنتي نتي موافقة...

قاطعو غيت: موافقة أخاالي مواافقة؟؟

شاف فيه مستغرب جاامي عيطليه خالي كايقولليه غير السي فااتح... ابتااسم عصبو لهااد الدرجة...

سعاد: انا سولتها... ورااها مواافقة غير طلقوها بشي تزغرييتة...

قبل ماتساليها قفزاتهوم فرح بتزغريينة حارة وقااسحة... خلات خالد مخرج فيها عينيه كاايضحك اول مرة يسمع هاد الشي من غير فالتيلي... وزاد تصدم مللي شاف فرح هي للي زغرتاات... للي شاف الفورمة والضعوفية ماايقولش عندها صوت مجهد بحاال هااكا...

خديجة: إيوا ديرو يديكوم...

بداو كااياكلو من غير هو للي شادلها فيدها كل مرة يبووسهاا وهي غير كاضور فعينيها حشمهاا..... خديجة كاتهضر مع سعااد بالشوية: السي غيت زااعم كثر من لقيااس..

سعااد كاتضحك: السي غيت راه كايعرف أزهاار هادي سبع سنين داايرها بنتو مااشي غير خطييبتوو الالا خديجة... رااه جاامي شاف فشي بنت لمرا حيااتو كااملة...

خديجة: هههه... ولايني بنت ختي بزهرهاا الله يكمل عليهوم بالخيير...

سعااد: آمين يااربي...

خاالد كايااكل فالحلوى: الواليد؟؟ كيفاش هاد القصة...؟؟ وااش غيت كاايعرف هاد لبنت من الصغر...؟؟ واش من الصغر وهما مع بعضيااتهوم؟؟

فاتح حتى هو كايااكل: هو للي كان كايعرفهاا اما هي يالله عرفااتو...

خالد بعدم فهم: وكيفااش؟؟

فاتح: حتى نكونو بوحدنا ونعااودلك... (شااف فيدو هااز الحلوى): مااشي كثرتي شوية... للي شافك ماايقولش متبع مع طبيب تغدية وداير الريجيم.. ومربي العضلات... فين عمرك كليتي الحلوى ولا سوقتيلهاا...

خاالد: والله الواليد إلى الحلوى ديال المغرب لذيذة وماتقنعش منها... من قبايلة وأنا نقول هادي اللخرة وكانزيد..

فااتح بجدية: وزعماا راك مطول هناا السي خاالد إلى بقيت على هااد الحاال هااد العضلاات غايرجعو غير شحمة

خاالد: لا لا غانشوف شي حل...

فاتح: إيوا بعدا ماتعشاش.. راك كثرتي..

خالد: أحمم... آه آش غايكونو دايرين للعشاا؟؟

فااتح: وباش عرفت أناا...؟؟

فرح كاتشوف فيه كيفااش كايااكل الحلوى مخرجة عينيها خلعهاا... وزعما لاطاي ديالو ماشي ديال شي حد كاياكل بلا قيااس... نغزاات ازهاار بطرف درااعها باقة كاتشوف فييه ناسية بللي ازهار راها حدا غيت... ضارت لعندها: ماالك..؟؟

فرح: شكون هذاك الغوول؟؟

غيت شاف فيها مصغر عينيه وشااف علامن كاتدوي لقااه خاالد... ونطق: وفين غاتعرفو ازهاار شكون هو؟؟

خرجاات عينيها كاتبلع فريقهاا... اول مرة تشوفو مبااشرة وزايدها أول مرة يدوي معاهاا... كانت غااتسخف.. ازهاار خنزرات فيه وشافت فيها: هذااك ولد السي فاتح... هذاك للي حداه بااه..

غيت: وفين عرفتيه؟؟

ازهاار: مادام سعاد قالتلي شكون للي كااين؟؟

تنهد شاف فيه لقاه باقي غااطس فالحلوى ورجع شاف ففرح للي كانت باقة مصدومة فيه.. وابتااسم مفكر مللي قالت عليه الغول... عندها الحق كايااكل بطريقة فشكل... فهم بللي اول مرة يدوق الحلوى ديال هناا وعجبااتو...

نطقات فرح للي فيها ماهناها: أحممم... ههه... ماتكثروش من الحلوى رااه غااضركووم وزيد راه باقي لعشاا..

شافت فيها ازهاار وخديجة باستغرااب... أما هو كااع مامسوقش عرفها كاتمعني علييه باقي كاياكل.. حتى نغزو باه: شوهتيني اولدي...

شااف فيه ورجع شااف ففرح: داك الشي علاش دايرة هاكاك مسمووومة...

نفض يديه رااجع اللور... ونطق ببرود: أحمم.. فين الحماام؟؟

يالله غاتنطق ازهار حتى شدها غيت: ياك ماناوية توريه الحماام؟؟

شافت فيه لقااتو مخنزر: وشنو فييها رااه ضييف عندناا؟؟

غيت كايغزز فسناانو: عندااك حتى تفكري فيها يا أزهاار...

ازهااار: صاافي ها فرح نااضت توريهاليه...

فرح ناضت مللي طلبات منها خديجة توريها الحماام... كاتمشى قبلو وهو من ورااها كاايطلعها ويهبطها كانت لابسة قميص سامبل ورااقي فنفس الوقت وطاالقة شعرها للي وااصل لعنقهاا... صابغااه بالحمر... ولابسة طاالوون... واخا ضعييفة هي زويينة... وطاايتها جاية معاها...

وقفاات دايرالو إشاارة: ها الحماام...

ابتااسم: شكرا...

يالله تجاوزااتو وقفهاا: شنو سميتك؟؟

شافت فيه: فرح... سميتي فرح...

حرك راسو: متشرفين... احمم.. إلى بغيتي تغلااظي مااتبقاايش تحسبي للنااس فالدغماات...

خرجاات عينيها: من نيتك؟؟ شكون قالليك باغة نغلااظ...؟؟ أنا عاجبني رااسي هااكاا... ويلا بغيت نغلااظ رااه من غداا نزيد حتى عشرة كيلوو...

خالد ببرود: وكيغاديريليها؟؟

فرح بعصبية: غانمشي لعند الطبيب ينفخني... عندك شي مشكل...؟؟ وزايدون انا ماكانحسبش للنااس فالدغماات... شفتك كثرتي من الحلوى وخفت تضرك... وعاد راه كااين لعشاا...

عطاتو بالظهر وهو عاود وقفهاا: سمحيلياا... غير ضااحك..

شافت فيه وهو تابع كلاامو: آش دايرن للعشاا؟؟

صغرات عينيهاا مستغربة... وتنهداات: دايرين اللحم والدجااج...

ابتاسم: يااك...؟؟ إيوا راه غاناكل بحال كيف كليت الحلوى وابقااي حاضيااني...

دخل للحمام وخلااها وااقفة كااتشوف مصدوومة...

........

غيت: ازهار بغيت نجلسو بوحدناا...

ازهاار: حشوومة أغيت... هاا حنا جالسين ونتا مامقصرش واخا كاينين النااس...

نطق بصوت مرتاافع: أحمم... بغييت بغيت نديرو الرؤية الشرعية...

ازهاار خرجات عينيها وفااتح جااه الضحك خو وسعااد وخديجة بدات غير كااضور فعينيها.. نطقاات: ازهاار سيرو لبيتك...؟؟

بلعاات ريقها ونااضت بالزربة وهو تبعهاا... هي بغاات غير تهرب من انظاارهووم حشمهاا معااهووم.. دخلات للبيت ودخل ساد الباب ورااه... شافت فيه: غيت مالك هااد النهاار حماقيتي؟؟

قرب لعندها مبتااسم وشد وجهها بين يديه: آه حمااقيت.. مللي شفتك بالقفطان حمااقيت..

حنات راسها محشمها وهو نطق ببحتو الرجولية: دعيني أتأملك!!!! ... ليسقي ماء عينيك!!!!! ... جفاف قلبي!!!!!

شابكاات يديها مع بعضيااتهووم... وثرها وحشمها... وأحااسيسهاا تخربقاات فهااد النهاار... وزاادها بهااد الكلاام للي قاال... جلساات فالنااموسية كااتشوف فالأرض وهو جلس حدااهاا... ساادت لحظة صمت هي ماكاتشوفش فييه وهو حاضيها كاايتأملهاا... كاايتسمعو غير صووت أنفااسوو... كااتعض فشفاايفهاا بقوة... دليل على توثرهاا... حتى كسر الصمت مللي هضر: رحميييهووم...

شاافت فييه: هااا...؟؟

تنهد بصووت مرتاافع: رحميهوم ورحميينيي...

ازهاار بغبااء: شنااهماا...؟؟

ابتااسم كايشووف فيها بعشق... وتاابع كلاامو: إمتا نديرو لملااك؟؟

أزهاار باستغرااب: لملااك...؟؟ بلااش منوو؟؟؟ مااكاان لااش؟؟

غيت: وااش مابغيتيهش؟؟

ابتااسماات: لاا... هااد النهاار دالخطبة كاافي...

غيت: خااطرك..

جبد التيلي من جيبو كتب ميسااج وصاافطوو ورجعو لجيبو كايشوف فيهاا كانت باقة كااتشوف فالأرض... نطق كاسر الصمت مرة أخرى: بكيتي اليووم؟؟

طلعاات رااسهاا: أممم...؟؟ آه... أحممم شوية...

غيت: وفنهاار بحاال هذاا تبكي مااحشوومااش؟؟

ابتااسماات بزز: مااشي لخااطري... رااك عاارف... (سكتاات وهو باقي حااضيهاا... بلع ريقو): آه عاارف... عاارف... كنت عاارف غاتبكي... ولكن (حط يدو على قلبو): ماتقبلهاااش... مااعجبنيش الحاال وتزيرت مللي سمعت بللي بكييتي...

شاافت فيه بنظراات منكااسرة: مااكرهتش... درت كثر من جهدي بااش مانبكييش بلاا نتييجة... من الصبااح وانا شاادة رااسي وكانتلااها فااش مااكان... حيت كنت بااغة ندوز نهااري زويين... وحيت بصح كنت وباقة فرحاانة.... ولكن افتااقدتهووم... واحتااجيتهووم... (ابتاسماات بحزن): تخاايلتهووم حدااياا ومعااياا... احتااجيتهوم بززااف ؟؟... (حركات رااسها): تخاايلت دموع الفرحة فعيون ماما.... وتخايلت بابا وهو وااخد هااد النهاار من الخدمة روبو ويقول بكل فخر اليوم كاينة خطبة بنتي... ماغانجيييش... (تنهداات): حرمني منهووم ودمرني.. (شافت فيه): وااخا ماعرفتش شنو يوقع فحيااتي... إلى جا شي نهاار وقدرت ننتااقم فييه ماغانترااجعش... وعااد غانحس بالرااحة...

بلع ريقو كاايشوف فعينيها مبااشرة... حتى قرر انو يعاودلها الحقيقة... ويقولها بللي هو ولد الشخص للي قتل واليديها... باغي يبدا معاها صفحة جديدة.. خالية من الكذووب... هاهي رجعااتو لنقطة الصفر.. وتوقعااتو بأن حبها ليه وعلاقتهوم نسااتها رغبتها فالإنتقاام كاانت غاالطة... شدها من وجهها بيديه بجووج: نسااي... وااش ماحراامش تفكري فهااد الشي وفهااد النهاار؟؟

ابتااسماات طاردة الدموع من عينيها: غير فكرت وصاافي حيت احتاجيتهوم معاايا اليووم... ولكن أناا فرحاانة وفرحاانة بززاااف... وغانطير بالفرحة أغيت...

قرب وجهو ليهاا غاايب على الوعي... باقي حااكم خدودها بين يدييه... وهي تاابتة فبلااصتهاا... مبنجهاا... حط شفايفو فوق شفاايفها كايحركهووم بالشوية... حلاات فمهاا منداامجة معااه... وهو ابتااسم وسط فمها عااجبااه حركتهاا... ختمها بقبلة فرنسية غااطسة وسخوونة روماانسية بمعنى الكلمة... بحلااوة خااصة خلااتو وخلااتها يعشقو المزيد... ولكن فصلها كاايتنهد بالجهد حااط جبهتو فوق جبهتها ونطق: بديتي كاتعلمي... (بلعات ريقها حشماانة ونطقاات): هادي رؤية شرعية؟؟

بااسها فجبهتها: رؤية شرعية مع قبلة فرنسية حلااال علياا من بعد صياام داام سبع سنيين ياا أزهااري...

ازهاار: مااحلاال واالوو بلااا لااكط...

غيت: نديرووه يااعمري هااد اللاكط نديرووه... داابا ندويو علييه...

نااض: إلى بقيت هنا ماغانبقااوش غير فقبلة...

ضحكاات كاتشوف فوجهوو حمر... وعينيه دامعين... عرفااتو واصلة فيه للطوب... بلعاات ريقها ونااضت: نمشييو؟؟

حرك رااسو وسبقهاا وهي تبعااتو مبتااسمة عاجبهت الحاال للي قاادرة تحرك غريزة غيت... للي كاان صعب المناال بالنسبة لبزااف... وصلو للكولواار... وهي نطقاات: أحمم نمشي للكوزينة نشوف فين وصل لعشاا...

حرك رااسو: أمم... وااخاا..

مشات وهو بقا متبعها حتى دخلاات وشاف قدامو تمشى بخطواات جهة الصاالة حتى شااف فرح... خارجة كاتنكر غير بوحدها بصوت مسمووع: لخراا... الحلوى للي كنت غانفطر بيها على الصبااح سااط فييهاا بحاال بوسكة... وزاايدها بالفهامات الخااوية قاللك ألى بغيتي تغلااظي... تفف.. بحال شكيت عليه.. (شاافت فجناابها): ماالني على مزينااتي... حسن منوو... عاجبينو عضلااتو... تفوو... قاالك غايدير فالعشاا بحاال الحلوى... الله يعطيك غير الجووع الجيعاان... الشنعة دالخااريج... قالتلكووم تما الجووع...

كان مصغر فيها عينيه... مستغرب من هدرتها... حتى وقفاات حداه... شهقاات مخرجة عينيها: الس... سي غيت...

طلع حااجبو: هو هذاا...

بلعاات ريقهاا مبتااسمة: هههه... مرحباابيييك...

غيت: باراك الله وفيك...

ضوراات عينيها: ماسمعتي واالوو يااك؟؟

خشا يديه فجياابو: درت للي فجهدي باش مانسمعش ولكن الله غاالب...

خرجات عينيها حاابسة البكية: م... ماا.. هذاك غير حوار من واحد المسرحية كنت كاانحفظوو...

غيت: يااك؟؟ إيواا راك حافظة مزياان تبااركالله عليك...

فرح حركاات رااسها: آه... بصح صاافي رااه حفظتوو... أحممم... نمشي للكوزينة..

غيت: أيييه... سيري رااه أزهاار كااينة تماا..

مشاات كااتجري وهو مشا للصالون رجع جلس مقابل مع فاتح وولدو كاايشووف فخاالد للي كاان كاايااكل فالفشاار للي حطوهليهووم... يتلاهاو بييه... ابتااسم كايفكر فهدرة فرح... باين بللي ضار بيناتهوم شي حواار تاافه... بعد دقائق من هدرتو مع فااتح دخلاات أزهاار... شافت فيهوم وجلساات حدااه: فين مادام سعااد؟؟ قالتلي خالتي عندها شي شغال... ياك غاترجع قبل لعشاا؟؟

غيت شادها من يدها وراد البال لشوفاات خالد للي كان باقي كاياكل كاع ماكاين هنات: غااترجع... غااترجع...

.........

داازت مدة وهي جالسة حدااه كايدويو مستمتعين بوقتهووم... حتى تطلقاات موسيقى مجهدة... خلااتها هي قفزاات كااضور فعينيها وهو ابتااسم... مدلها يدو كاانو بقاو غير هما فالصالون لاخرين انسااحبو كل وااحد فيهووم بعذرو.. هاللي باغي يدير اتصاال وهاا للي بااغي يمشي للحماام... اما سعااد بااقي مااجاات... وخاالتها وفرح فالكوزينة...

نااض مادلها يددو وهي غير كاضور فعينيها مافاهمة والوو... نطق: مابغيتيش نهاار ديال لملااك... إذن غانديروه دااباا...

بقاات سااكتة مافاهمااش.. وشافت فيدو شداات فيها وقفاات... تمشااو جهة البااب تعرضولهوم بالصلا والسلاام سعااد وفرح وخاالتهاا... أما فاتح وااقف بعيد كاايصفق وخاالد كاايشطح عااجبو الديسك... حلاات فمها.. فالمرااح للي تحول لقااعة... بالكرسي الخااص بالعروسين والتزيين والأضوااء والبيفي للي تقاد فظرف سااعة... مع لحليب والتمر والبواطات ديال الخوااتم للي كانو واجدين فوق الطبلة... بداو دموعها كاايهبطوو تلقاائياا عاجبها الحاال.. وقلبهاا كاايضرب بالجهد... يالله حسات براسها عروسة بين يدين عريييسهاا... وقفوو قداام الكرااسة... وكاانت وااحد لبنت مصورة كاتاخدلهوم تصااور... فهماات منو بللي هو صافط ميسااج لسعااد هي تكلفاات بكلشي... ووجدات كلشيي... شربو الحليب والتمر وركبو الخوااتم وشطحو مع بعضيااتهوم... وكلشي بالتصاور والفيديوهاات... وجلسوو فبلااصتهووم... شاافت فيه: ماغمرني ننسا هااد النهاار...

نطق: هذا هدفي... مابغيتك تنسااي حتى حاجة متعلقة بياا...

ابتااسماات: وكيف غاندير ننساا ونتا كادير هاد الشي كاامل على قبلي؟؟

غيت: ماغانخلليكش تنسااي وااخا تبغي...

شافت فالبنت للي كاتصور: كيفااش فكرتي فالتصاور؟؟

غيت بجدية: بااش ماتبقاايش تقوليلي الموظفين فاهمين غلااط...؟؟

ازهاار: كيفااش؟؟

غيت: غاتعرفي كيفااش...

رجعاات شافت فيها: وكيفااش بنت؟؟ واش مادام سعااد؟؟

قاطعها: هادوك أوامري... أنا بغيتها بنت...

ازهاار: وعلااش؟؟

غيت: عرفتي هذاك ولد السي فااتح كيف قلتي نتي... رااه ماعارضش عليه أنا... جااي غير فوق خااطري...

أزهاار: من نيتك؟؟

.......

كانت واقفة كاتشووف فغيت وأزهاار فرحاانة مبتااسمة... حتى وقف عليها... شاافت فيه باستغرااب: يااك لابااس؟؟

خاالد: تشطحي...؟؟

صغرات عينيها: كيفااش؟؟

خاالد: وااش نشطحو انا ويااك؟؟

فرح: لاا.... غير سير شطح بوحدك...

طلعها وهبطها: غير جلسي فبلااصتك... نمشي نلوي فيك شي عظم... نصدق واحل فيك...

خرجات عينيها يالله بغات تغوت شاافت يمين وشماال ورجعاات شافت فيه: شكوون سلطك علياا هااد النهاار؟؟

خاالد باستفزاز: فيك بومزوي؟؟

وجهها حمار والأعصااب باانو على ملاامحهاا: سيير..

قطعها ببرود: أييي... مسكينة هادو الأعراض ديال بومزوي... (ضرب على كتفهاا): الله يشاافيك...

عطاها بالظهر خلااها كاتغزز فسناانها ودايرة للي فجهدها بااش مااتبينش.. وهو رجع جلس حدا بااه للي ميل راسو لجهتو ونطق: مالك مع لبنت أخاالد؟؟

خاالد ببراءة: أشمن بنت...؟؟

فااتح: راني كانعرفك اولدي وكانعرف أسلوبك البارد والمستفز... سير بعد عليك بنت النااس رااك خليتيها زرقة بالأعصااب.. وحنا ضياف عند النااس حشوومة..

خاالد: ماعرفت مالها مسكينة؟؟ يمكن مسكونة... انا غير وقفت عليها وهي بدات تزراق وتصفاار... (نقص من نبرة صووتو): يمكن فيها الجن العاشق وماحملنيش مللي وقفت عليهاا...

شاف فيه باه زعما واش من نيتك وهو جبد التيلي ديالو كايبقشش فيه ومرة مرة كايشوف فيها باستفزااز... ونطق بين شفاايفو: مازال ماخلااقت للي ترفض تشطح معااياا...

شاف فيه لقاتو كايشووف فيها ورجعات شافت قدامها كارهااه... وهو رجع كايشوف فالتيلي ماحملش نظرااتها وماموالفش شي وحدة تعامل معاه بحال هاكاك... دارها فباالو وحاالف حتى يطيح كوااريهاا... وهي ماحملاتوش وماحملاتش تصرفااتو من اولها لآخرها...

..........

وجد لعشاا وتعشااو تحت جو من النشااط والضحك والفرحة للي كانت فعيون العرساان للي رجعو مخطوبين... كانو جالسين حدا بعضيااتهوم... كايوكلها بيديه... تفاهمو على اللاكط من بعد شهر وغير بزز حيت هو مابغا يطمل حتى سيماانة... والعرس غايكون موراه غير بشي اياام قليلة... سالاو لعشاا... وتودعو مشااو... ودعها حدا البااب..

......

كانت فبيتها جالسة مبتااسمة كاتفكر فأحدااث النهاار... حتى وصلووها بززاف دالميسااجات متتاالية... حلاتهوم بالزربة مللي لقاتهوم من عندو... لقاتهوم تصاورهووم بجووج... وميساج من ورااهوم: كلهوم جيتي فيهوم كااتحمقي... وحبيبك كاايغير ولكن غايخصني نحط شي وحدة منهووم ختاريلي اخيب وحدة بااش نجاوب دوك الموظفين للي شاغلين دمااغ عمري وموثريينهاا....

ابتاسماات معنقة التيلي موحال هي واش عاشت شي فرحة بحاال هاادي

يتبع..