عشقتك دائما وأبدا الجزء السابع

نطقات خديجة كاتحااول تلطف الجو: ولدي غيت تفضل جلس... مرحباا بييك...

غيت دااز كاايشوف فمرااد وجلس... شااف فأزهاار للي كانت واقفة مضهشرة ونطق: جلسي رتااحي...

حركاات رااسها وجلساات حدااه... شدها من يدها خلاها غير كااضور فعينيها ومراد مخنزر... ومو كاتشوف فغيت وأزهاار وترجع تشوف فمراد... نطقاات مرة أخرى: مرااد ولدي رااه ازهار وغيت جايين من السفر وعياانين... قااد وااحد الكااس دأتااي...

حرك رااسو وشااف فأزهاار ابتااسملها وكلشي تحت انظاار غيت ومشاا... غيت بااس يد ازهاار ونطق: غانمشي للحماام...

أزهاار: وااخا حتى انا نمشي لبيتي نبدل حواايجي...

نااض وهي مشات لبيتها سداات ورااها البااب وهو خرج من الكولواار كاايتمشى مخنزر... قااصد الكوزينة دخل كاايشوف فيه عاطيه بالظهر... غير سمع الحس ضاار بالزربة ضااحك شااف غيت وغوبش... زااد مقرب لعندو ونطق: من وجهك بااين بلي ماكنتيش كااتسنااني أناااا...

مرااد رجع كاايجبد فالكيساان: ماانويتش ضيفنا يدخل حتى لقلب الكووزينة... (شاف فيه): مانويتكش تكون بهاد الجرأة...

غيت بهدوء: الجرأة بداات من عندك السي مرااد...

مراد باستغرااب: كيفااش؟؟

قرب لعندو خلاه وقف على شنو كاان يديير ونطق: بااش ندخل لعندك حتى لهناا ونوقف معااك ونعطيك وقت وندوي معااك... يعني رااه وااصلة فيا العظم من جهتك...

بلع ريقو شاد فجنااب البوطااجي: م.. مافهمتش...

غيت مزير على سناانو: مجيتك لهناا فهااد الوقت بالضبط... ومرض الواليدة دياالك والميسااج للي وصل لأزهاار... (شدو من عنقو دفعو على الحيط بعنف خلااه شهق مخلووع ونطق معصب): مااشي معاايا انا أمرااد... واايااك تفكر ديرها بيا مرة أخرى...

مراد مفعفع: آش كااتخربق نتاا؟؟

غيت زاد زير عليه: رجعتي موك كذاابة على قبل تخربييقة... وسمحتي فخدمتك على قبل حلم مستحيل يتحققليك شي نهاار...

هز يدو وهو مصدوم كاايحااول يخلليه يرخف عليه... وهو طلقو خلااه كاايكحب وبعد عليه كااينفض فيديه: بعد من ازهاار امرااد... ويلاا كاانت حيااتك غاالية عليك هز حوايجك ورجع للفسااد والوسخ للي جيتي منوو... حسن ليك...

مراد تقااد فوقفتو مخرج عينيه مااحيلتوو للخنقة ولا للخلعة ولا لهدرة غيت للي صدق عارف عليه كلشي لا للي داير ولا للي كايفكر فيه... يالله شاافو عطااه بالظهر خدا نفس... حتى رجع مرة أخرى بسرعة البرق رجع شدو بيد وحدة زدحو مع الحييط هااز صبعو كتحذير: قسماا بالله وتعااود تبتااسم فوجهها ولا حتى تجي عينك فعينهاا... نحاايدهااليك ونخلليها تلعب بيها البييي...

لااحو للأرض: وخرج كاينفض فيديه خلااه جاالس كااينهج مخنزر كااره وحااقد

من بعد ماغسل وجهوو وتهدن وتنفس مزياان خرج لعندهووم لقاا غيت جاالس مخنزر كاايشووف فبييت أزهاار... نطقاات مو للي كاانت متكية: مااقاديتيش اتااي؟

يالله غاايجااوبها حتى سبقو غيت كاايشووف فبيتها: لاا مايعذبش رااسوو حنا أصلا غاديين

خرج عينيه كيفااش ماشيين وااش داوي حتى على ازهاار...؟؟ هاد الشي ضاار غير فخااطرو مااقدرش يقوولو بالجهد خرجاات من لبييت لاابسة حواايج الخرووج من ورا ماادوشاات... هاازة صااكهاا وقربات عند خاالتها: إلى كنتي حاسة براسك باقة عياانة نبقاا معااك.. غيت راه وااحد مناا وغاايفهمني

خديجة بجدية: قلتليك انا مزياانة أبنتي غير ضربني البرد ودابا حااسة براسي مزياانة مااتفكريش فيا وسيري لخدمتك

باستها فيدها: غاانمشي ولكن إلى حسيتي واخا غير بالشوية دالعياا عيطيلي... وغير نتااصل بيك جاوبيني...

خاالتها بابتساامة: سيري الله يحفظك ابنتي ويسر ليك طرييقك... ماتبقايش مشطونة أنا راه ماابقيتش حاسة بالعياا...

نااضت ونااض حتى غيت كايشوف فخديجة: الله يشاافييك

خديجة: آميين أولدي الله ينور طريقكووم..

شاف فالسااعة: آميين.. (شاف فيها): من بعد وندوز نشووفك

خديجة: مرحباابيك فأي وقت

شد أزهاار من يدها وخرج كاايشووف فمراد بنظراات مخييفة... غير سدو الباب من وراهوم قرب لعند مو كايدوي معصب: خلااتك مرييضة والفراش ومشااات.. وهي أصلا يالله جات.. ماباانتلكش أزهاار تبدلاات علييناا وكااتخرج من يدينا شوية بشوية؟

خنزرات فيه: أزهاار مشاات لخدمتها.. وهي دارت كثر من جهدها.. وجاات من مدينة أخرى كاتجري غير بااش تشووفن... وغيت صدق ولدالنااس داارلها الخااطر وجاابها حتى لعندي بااش تطمن علياا

مرااد: ماغانتقبلووش وااخا ماعرفت شنو يدير وازهاار مااتستااهلووش.. وانا غاندير للي فجهدي.

قااطعااتو بصووت مرتاافع لايحة عليها لغطاا ونااضت لعندو مخرجة فيه عينيها: أزهاار كااتموت عليه وهو مجنوون بهاا.. وهما دياال بعضيااتهووم... ونتااا بعد من طرييقهووم... ومااعمرك تنساا بللي أزهاار ختك وغاتبقااا ديييماا ختك.

ضرب يدو مع فااز كاان حدااه تلااح فالأرض تهرس ونطق مغوت بصووت محرووق: مااشي ختيي ماااشي ختي ماعمرني حسبتهااا ختي ويلاا هو كاايبغييها من نهار مااتو واليديييها أنااا رااه كاانبغييها من نهاار تزادت وهزيتها بييين يدياا لحمة صغييرة

خرجاات عينيهاا وجها صفار رجع منين جيتي وبني مستقبالك راه غيت يقتلك ويقتلني معاك

نطق مصمم: ناري قواا من نااروو... ويلاا هو صرف عليها وتكلف بيهاا بلاا ماايباان... انا سهرت معاها لياالي طواال كاانواسيها من وراا موتهووم... ويلاا كاان كاايعشقهاا أنا رااني كاانمووت علييهاا... ومستااعد ندير أي حااجة باااش تكوون دياالي... (نقص من نبرة صووتو): مااتعاوديش تطلبي مني نمشي... حييت معول ماانمشي من هناا حتى ندييها معااياا...

جلساات ركابيها مابقااوش هاازينها كااتنهج بالجهد حاايداات الفولاار حاسة بيه خاانقها... وهو قرب لعندها تحنى على ركاابيه باسها فيدها: مابااغيش نخلعك... ولكن أنا هااد السينين كااملة عاايش غير بأمل أنهاا غاتكون لياا شي نهاار... ويلاا تزوجاات بغيري يوم عرسهووم غايكون هو يوم جناازتهووم... ألى كاان غيت كاايخلع أناا رااه أعصاابي خاايبة بززااف.... (سكت كاايبتااسم ويقاادلها فولارهاا): يالله الواليدة وقفي مع ولدك... أزهاار كاتسمعليك... قلبيها على هااد غيت... وخلليها تشووف لجهتي شوية... رااه أناا للي ولد خاالتها وكاتعرفني من زمان... اما هو غير واحد براني يالله عرفااتو...

بلعاات رييقها: مااتكملش علياا أمرااد.... خرج خلليني نتنفس... رااه مابقااش عندي الجهد...

بااسها فراسها ونااض: هاانا خاارج غير تهدني... وسمحيلياا ماكنتش بااغي نعاودليك بهااد الطرييقة... ولكن هااد الشي للي عطاا الله...

خرج وخلااها كااتبكي بلاا صوت حتى شوية بشوية رجع بكااءهاا هستيري وكاتغوت بالجهد وتضرب ففخاادهااا...

.........

كاان سااايق والصمت مسيطر... كااتشووف فيه وترجع تشووف فالطرييق... نطقاات: غيت هاادي مااشي طريق الشركة..

غيت: ماغانمشيوش للشركة...

أزهاار: كيفااش؟؟ يااك قلتي كااينة الخدمة وضروري نمشييو...

غيت: أشمن خدمة ياا أزهاار وأناا كنت نااوي نبقاا غاابر حتى لآشمن وقت... وخدماي مكلف بيها من بعييد... ماشي عاد اليوم خااصني نمشي للشركة...

أزهار باستغراب: إيوا وعلااش ماخلليتينيش مع خاالتي...؟؟ راك شاايفها مرييضة...

غيت: راه معاها ولدهاا...

أزهاار: من نيتك؟؟ رااه ماغايقابلهااش مزياان...

رفع صووتو: إيوا يغبر كماارتوو...

بلعاات ريقها شاافتو تعصب.. ونطقاات كاتشوف فالطريق: ولفين غاديين داابا؟؟

غيت: لدااري...

أزهاار: ولكن هادي مااشي طرييقها..

غيت شاف فيها مبتااسم: مااشي هااديك... وحدة أخرى...

ازهاار بحمااس: وااش شي داار غير فالمدينة هناا؟؟

غيت: آه... قرييبة... حتى هي خاارجة على المدينة شوية... وجاية فوسط فيرمة كبيرة...

ابتااسماات: غايكوون منظر زوييين...

غيت بعشق: مااشي حسن من المنظر للي حدااياا...

عضاات على شناافتهاا ورجعاات كااتشووف فالطرييق...

كانت جاالسة قداامو فوسط الصاالون كااتشوف فالفيلا بإعجااب... شاافت فيه: كاع هااد التحفة ومخبيها علياا...

غيت شاد فيها كايحاايدلها الصباغة بصفاارو: مااخبيت علييك والوو... غيير ماجابتهااش الوقت...

ضحكات كاتشوف فجناابهاا: البيووتة الفوق وااعرين... عفااك أغيت مللي نتزوجو نسكنو هناا...

حرك رااسو: طلبااتك أواامر... ومللي عجبااتك تبقااي تجيلهاا وااخا مانكوونش معااك...

أزهاار: بصح؟؟

غيت: أمممم... راهوم عرفوك خطييبتي داابا رااه كلشي دياالك... وهادو للي هنا ماعليهوم غير يحتارمووك...

حركاات راسها بااقة مبتااسمة كاتشوف قداامها: شنو كااين لتحت؟؟ ماهبطنااش؟؟

بلع ريقو وطلق من يدهاا: لتحت كاين الماضي ديالي...

ازهار باستغراب: مافهمتش...

غيت: احممم... لتحت كااين وااحد البيت بحال ديال الخزيين... تما خاازن فيه شي ذكرياات وشي تصااور... من المااضي..

قاطعااتو فااهمة قصدو: آهه... صافي صاافي بلاا ماتكمل... سمحلي حتى انا كاانسول بززااف...

رجع شدلها يدهاا: خودي رااحتك... قلتليك الصبااغة ماتبقاايش ديريها بلوون غاامق..

ازهار كاتشوف فيدها وتضحك: كانديرها عمداا بااش تبقا تحاايدهاالي بصباعك كاايعجبني الحاال..

شااف فيها: يااك؟؟ مزياان...

..........

كان جاالس فالبيت ديالو مظلمو ومهبط الريدواات... من غير الضو ديال البيسي للي كاان بااين... كان هاازوخداام بيه كاايقلب على شي حااجة... وتصااور فيت كاايدوزو وحدة وحدة.. نطق: تصااورو ديما بووحدو... واش هاد بناادم طبييعي؟؟ مامصور مع حتى بنت... واخا كلهووم غير لااصقين فييه... (تنهد ورجع كاايقلب): ديما مخنزر وعااجبو رااسو (صغر عينيه): غيت الدرقااوي... صاافي هذاا ماكان... واش هذا ماعندو عائلة؟؟ ماعندو واليدين؟؟ أمم متوفيين...؟؟ وعلااش ماحاطش سميااتهووم... وعلااش ماهضر عليهوم حتى فشي لقاء صحفي.. بحاليلا طااح من السماا... ماعندوش عاائلة كااع؟؟

سد البيسي منرفز وبدا كاايفكر: ماايمكنش يكون صفحة بييضة.. ضروري غاايكوون شي خلل فالوسط... وأنا غانلقاا هاد الخلل... وأول حااجة نبدااو بواليديه....

ابتاسم بشر: نتعرفو على عائلة نسيبنا بعدا ويكوون خيير...

دخلاات للدار مللي طااح الظلاام... كانت عارفاهوم بللي نعسو... وغير بزز باش قنعات غيت يجيبهاا... حيت ملي خرجات وهي كااتتاصل بها تسولها كيف بقاات... وكاتقولها مزياانة... ومابغااتش تباات فدارو حيت كيف ماكان الحال رااه كانت مريضة... سدات البااب غير بالشوية وتمشاات جهة بيتها مابغااتش تفيقهووم.. حتى قفزهاا نللي نطق ورااها: على السلاامة...

وقفاات حاطة يدها على قلبهاا... وشاافت فيه: مرااد...؟؟ خلعتيني..

مرااد: هي انا رجعت كاانخلع...

أزهاار: شعل غير الضو بعدا باش نشووفك...

مد يدو شعل الضو حدااه وربع يديه كاايشووف فيها... وهي تابعاات كلاامها: شنو فيقك حتى لهااد الوقت؟؟

مرااد: كنت كانستنااك... حيت تعطلتي على بررا...

تحناات كاتحاايد فسبرديلتهاا: كنت خداامة... ودخلت داابا غير حيت خلليت خالتي عياانة... ملبي كاتكون الخدمة بززاف ماكانرجع حتى للصبااح...

طلع حااجبو: علااه فين كاتبااتي؟؟

وقفاات كااتشوف فيه باستغرااب: فالشركة؟؟ فين كانباات؟؟!!...

حرك رااسو: أممم... وزعما خطييبك ماايتكايسش عليك شوية...؟؟

رجعاات كاتحايد فالفردة الثانية: خطيبي على بررا... اما فالشركة هو مديري فالخدمة...

ابتااسم جنب: باقي ماادرتو اللااكط... يعني من الأحسن تبقااو بعااد على بعضيااتكووم...

تقادات فالوقفة ملاامحها باين عليهوم الإستغرااب: كيفااش؟؟.. شنو بغيتي تقصد؟؟

بلع ريقوو خااشي يديه فجياابو وقرب جهتهاا وقف مقابل معاها ونطق كايشووف فيها بحدة: هااد خيطي بيطي مع بعضيااتكووم ماعاجباانيش أنااا...

طلعات حااجبهااا يالله كاتستوعب كلاامو... وهو ميل راسو لمستواها حيت كانت قصر منو متابع كلاامو: إلى نتي ماحاسباانيش من العائلة... ورأيي ماكايهمكش... أناا رااه باقي عاقل بللي نتي بنت خاالتي وعندي الحق علييك...

حلاات فمها مصدوومة يالله غاتجااوبو حتى صونا التيلي فصااكهاا... جبدااتو غير جاوباات... نطق بااين من نبرتو بللي معصب: دخليييي لبيييتك...

ازهاار: هااا...؟؟؟!!!

قاطعها مغوت: ازهاااار قلتلييييك دخلييي لبيييييتك ودااااباااااا.....

زادها صدمة على ختهاا... هزاات التيلي بين يديها كااتقلبوو... ماباانتلها حتى كااميرا... شافت فمرااد وهزات صاكها للي كان محطووط حدا البااب قداامهاا... وهزات سبرديلتها ودخلات لبيتها سداات البااب ورااهاا... وهو بقاا واقف ماعرف باش تبلى... ولكن فهم بللي هضرات مع غيت... فيقو من سهوتو التيلي ديالو للي صونا... غير جبدوو جااوب بلا مايشوف فالنمرة كاايشووف فبااب بيتهااا: آلوو...

قفزوو مللي نطق بصووت مرعب بااين بللي واصلة فيه العظم: قسما بالله... لوكان ماكانت الواليدة دياالك تما مادايرة لا بيديها ولا برجليييهاا... حتى نكووون جييت على قبل باااش ندفنك تحت الترااب وحيي كااتشووف...

بلع رييقو مخرج عينيه مافااهم والوو... ونطق مفعفع: ش... شكوون معااياا؟؟

جااوبوو بحدة كثر من اللول: أناا المووت دياالك... انا عزرائيل دياالك هنا فالدنياا... ولآخر مرة غانقولليك بعد منهاا... وهذاا غايكوون آخر تحذيير ليييك أمرااد.. آخر تحذيير...

قطع عليييه خلااه وااقف مخرج عينيه... رجع عندو شك وااش غيت من الإنس... ماافهمش كيفااش عرف بللي دوا معاها كيف ماافهمش الصبااح كيفااش حتى عرف بللي خطط لمرض موو... وكيفااش حتى قدر يكتااشف بللي ناوايااه مااشي صافيين... حرك رااسو بصدمة... أصلاا غيت هو للي صافطو لبلجييكاا... يعني من الصغر وااخد احتيااطو منوو...

..........

فالصبااح... كاان جاالس فالصاالوون... تحت عينيه كحل بااين بللي مانعسش... ومو كااتحط فالفطوور... وكاتشووف فيه بنص عيين... حتى خرجاات من بييتهاا... شاافت فيه لقااتو كاايشووف فيها... وشاافت فخاالتها مبتااسمة: خاالتي...؟؟ كيف صبحتي؟؟

خديجة كاتضحك: بيخير ابنتي هااناا كاانوجد فالفطوور...

أزهاار هازة صااكهاا: الله يخلليك ليناا أخالتي... خلعتينا علييك...

خديجة خنزراات فمراد للي كان جاالس كاايشووف فازهاار: سمحيليا ابنتي شطنتك معااياا...

ازهاار: آش كااتقوولي اخاالتي؟؟ قربات لعندهاا بااستها فحنكهاا: نتي رااك الكل فالكل... غير تكوني نتي مزياانة هذااك هو الربح...

هزات شوية حرشة عضاات منهاا: نخلليكوم دااباا... غاانمشي للخدمة..

خدييحة: جلسي بعدا تفطري...

أزهاار: لا ماافيااش غانفطر على بررا...

شافت فمرااد بلا ماتدوي ورجعاات باست خالتها وخرجاات

يالله خرجات غاتشير لشي طااكسي حتى وقفاات عليها طوموبيلة... بالشيفوور... صغرات عينيها كااتشوف شكوون... جاها الضحك بالصدمة مللي لقات الشيفوور مراا... نطقاات: مادموزيل ازهاار... تفضلي معااياا... السي غيت مشغوول بززاف وصافطني بااش نوصلك...

أزهاار حلات لبااب القدامي وطلعاات ولوخرى تابعات كلاامها: أحممم... تقدري تجلسي اللور...

حركات كتافها كاتسد البااب: بحال بحاال غير ديمااري...

ديمااراات متااجهة للشركة... وصلاات وهبطاات دااخلة بالزربة حيت بالليل كاان نظم واحد الإجتمااع مع شركااء مهمييين... غاايدخلو معاه فشي مشرووع... والإجتماع غايداار اليووم... داك الشي علااش ماجااش لعندهاا... يالله كانت غااطلع فلاسانسوور.. حتى وقفهاا وااحد ماعرفااتوش ووجهو ماا مألووفش فالشركة... كاايبتاااسم: ازهاار لاابااس؟؟

شاافت فيه ماعرفااتش فين كاايعرفهاا... وهو تابع كلامو: ماعقلتيش علياا؟؟

حركاات رااسها: لاا... ماعقلتش...

نطق كاايشووف فيها بطريقة ماعجبااتهااش: قريتي معااياا؟؟

صغرات عينيها مافاهمة والوو هي ماقرااتش مع الدرااري تقريبا من نهاار دخلها غيت للخصووصي...

ازهاار: سمحلي مااعقلتش...

ابتااسم مصمم انهاا تعرفو: اناا فرييد... فريد الرمضااني...

سكتاات كاتفكر وتشووف فييه... عااد تفكرااتو: آهه... فرييد عقلت... قرينا فالإعداادي

حرك رااسو: آه... شنو كاديري هناا؟؟

ازهاار: انا خداامة هناا... (رجعاات اللور باغة تسلت حيت عاارفااه زهوااني ويمووت على لبناات.... وضااسر كثر من القيااس... قرات معاه فالإعداادي وفلافاك والليسي كان نهار وهو تابع لبناات مللي يكونو خارجين وحتى هي ماكانش مخلليها فالتيقاار): أنا خداامة هناا... (شاافت فالسااعة): دااباا تعطلت... غانمشي...

شدها من يدهاا كايعض على شفاايفووو: زرباانة مع رااسك؟؟... أجي قوليلي كيفااش حتى خدمتي فهااد الشركة...؟؟ صدمتيني...

تنثراات منو بتوثر: غير صدفة... أحممم... نخلليك داابا...

عاو شدها مرجعها لعندوو مبتااسم: أري نمرتك نهضروو...

بااقي ماسالاهااش حتى ضربو بكرووشي طااح للارض ماعارفش راسو بااش تبلاا... ونطق مزير على يدوو: آش هااد الزعااامة؟؟

كلشي تجمعو كايشوفو فيه مخلوعين وهي تكمشاات غااتبول فحواايجهاا... هز صبعو بتحذيير: يدك غاانقطعهاالييك...

لاخوور نااض كاايشووف فيه غير شاافو عرفو نطق كاايمسح نيفو من الدم: السي غيت... يااك لاابااس؟؟

شدو من الكوول دياالو معصب: علاااش شديتيها من يدهاا وااش شاايطين علييك يدييك؟؟؟

شااف فازهاار كايتأكد وااش كايدوي عليها... غوت مزير علييه: حذر عيييينييييك أبناااادم...

من نظرااتو بااين بللي ممكن يقتلوو... هي فهماات هااد الشي... دارت شهيق زفيير... بلعاات ريقها وقرباات لعندوو كااترعد من الدااخل... شدااتو من يدوو... وضاار شاف فيها بالزربة مخرج عينيه... قفزاات مخلووعة ولكن بقاات مسيطرة على رااسهاا... نطقاات بتردد: غيت... الإجتمااع غااايبداا...

شدها من يدها مزير علييهااا وزااد طلع لاسانسور داايها معااه... من بعد مااخنزر فهذااك... للي بقا مصدووم... تقااد فوقفتوو كاايقااد فحواايجو وهو يترعد... من ديما كاايطيح فشجارات بسبااب لبناات... مرة يضارب مع خو هاادي ومرة اب هاادي... مرة خطيب هاادي ومرة رااجل هاادي.... ولكن هاادي اقوى وأخطر مضااربة كاايطيح فيييهاا... أصلاا لوكان عرف بللي عندها علااقة مع السي غيت شخصياا... مااكانش غاايشووف حتى فييهاا... شاف فالموظفين للي كانو وااقفين تماا كاايهضرو على شنو وقع مصدومين... حنى رااسو وخرج مارااضيش نهاائياا... أما هماا رااه فهمو بللي الشووفة فأزهاار ولو بالغلااط رااها ممنووعة... وقدرو يستوعبو درجة حبوو ليييهااا.......

.........

دخل للبيرو ديالو كاايتمشى بسرعة وجاارها ورااه حتى ضرااتها يدهاا وماقاادرااش تهضر.... بقاا واااقف مقابل مع المكتب وهو بااقي شاادها... حتى حس بيها كااتحااول تنثر منوو... وشااف فييهاا... شداات يدو بيدها لووخرى كااتحااول ترخفها... ونطقاات: غيت قصحتييني...

شااف فيدوو... وتنهد طاالق منهاا مبعد علييهاا خلااهاا كااتحك فييهاا... قفزها مللي ضرب برجلو مع الكرسي عااطيها بالظهر... ضورات عينيها بخوف االقضية حاامضة وماباانلها غير تهرب... نطقاات زااربة بجملتهاا بااش مايقااطعهااش: غيت أناا ماافياا ماايخدم هااد النهاار أصلاا مااكانفعك فواالوو... غااانمشي..

ضاار كاايشووف فيها مخلليها تسكت بلا هوااهاا... ونطق: تمشي لفيين أ أزهاار لفييين....؟؟؟!!

عضاات على شناافتها نبرتوو خوفااتهاا وهو تاابع كلاامو كاايقرب جهتهاا: لقيتيني كاانفكر مللي تساالي الخدمة لفين نقدر نصيفطك؟؟ كيفااش نقدر نخبييك؟؟ كيفااش نخلليك تخرجي حداهووم وهماا كايشوفو فيك... منهوم للي كااتعجبييه ويثفر من بعييد... ومنهوم للي يطلب النمرة... ومنهوم للي يتعنب بالعلاالي... وكااين للي فاايت قرييتي معااه وجا بااش يحيي الصدااقة...... ومللي تدخلي للداار ونقوول الحمدلله هااهي دخلاات... (رفع صووتو): كااااين ولد خاالتك... عاايش حداااك ومعاااك... يشووفك نااعسة ويشووفك فاايقة... ويشووفك مللي تكووني تااكلي... ومللي تكووني مقلقة ومللي تكووني ضااحكة؟؟

قاطعااتو حاالة فمهاا مصدومة: غيييت...؟؟؟!!

قاطعهاا بنرفزة: كيفاااش قدرت نبعدك عليييهوم قبل ماانباان فحيااتك... وقدرت نسيطر على علااقااتك... بلاا مانباان فالوااجهة... واليووم للي رجعتي خطييبتي... وللي من المفرووض يكوون دااك الشي سهل من قبل... الأمور بداات كااتخرج من يدي ورجعت كاانشووفك فوسطهووم... وقرييبة ليهووم...؟؟

أزهاار: غيت... شنوو وااقعليييك؟؟

شدها من كتاافهاا مجلسها وجلس قداامهاا شادلها فيدهاا: للي وااقع هو ماابقيتش قاادر نتحكم فرااسي... ماابقيتش حاامل نشووفك قداام شي حد ذكر... وحااس براسي دااير إنجاز.. حيت نقدر نتحكم فراسي مللي كاتعنقي خالتك وتبووسيهاا ومللي كااتسلمي على صااحبتك وتغزلي بيهاا... ومللي ضحكتي مع السيدة للي صيفطليك تجيبك وجلستي قداامها...

كاايدوي ويزير على يدهاا... وهي كااتشووف فيه مصدوومة... نطقاات: مامتحكمش فرااسك أغيت... نتا رااك كااتغير حتى من العيالات...

غيت بهدوء: علييك نتي.. كانغير حتى منك نتي أ أزهاار

رخف منهاا كاايمااصيلها يدها بالشوية: ماباغيش نخنقك... حيت عاارف مالشي من حقي... ومابااغيش نحرمك من احلاامك... ونعاونك باش تحققيهووم... ولكن بشرووطي أناا...

ابتااسماات: شناهما شرووطك...؟؟

غيت: مااتحااكيش مع شي ذكر... نهااائياا...

أزهار: أهااه... وجنس المؤنث...؟؟

بلع رييقو كاايشووف فالأرض: فحدووود...

ضحكاات طاالقة منوو تكاات بعييد عليه: من نيتك؟؟ ومعاامن ندير علاقاات أنا ومعاامن نتعايش؟؟

غيت: معاايا أناا... ونكوونلك للي بغيتي فالوقت للي بغيتي...

حطات رجل فووق رجل: عندااك غير تقووليا تفاارقي مع خاالتك وصاحبتك و...؟؟

قاطعها: للأسف ماانقدرش..

حركاات رااسهاا كااتشوف فيه: فين دااير الكاميرا أغيت؟؟ هاد المرة فيين...؟؟ وااش فالصالون ولا فالهول ولا فالبااب؟؟

غيت: راه قلتليك ماكانديرهااش فالداار حيت ماكانتجسس على حد من غيرك...

أزهاار باستغرااب: وفيينهاا؟؟

شاف فالصااك للي كانت حااطة على جنبهاا... وحتى هي شاافت فيه... خرجات عينيها يالله فهماات: هو للي كنت دايرة لباارح؟؟ (ضحكات بصدمة): كان محطوط فموقع ممتااز... خديتي صوت وصوورة...

غووبش معصب: كاان داير معاك تحقييق... وكاايعطيك فالأواامر ونتي عاطيااه وقت...

أزهار: لوكان مااتااصلتش كنت غاانجااوبوو...

غيت: مابغيتكش تجاوبيه.. أصلا ماابغيتكش كااع توقفي معاك ولاا تسمعي لهدرتو أ أزهاار...

أزهاار: هممم... حتى انا نفرت منو لباارح... ماعجبااتنيش هدرتوو... (تنهداات): هادوك الكاميراات كايبينو بللي نتا ماكاتيقش فياا...

غيت: ماكانتيقش فييه هو.. وماكانتيق فحتى شي ق*اد...

خرجات عينيها أول مرة يخسر الهدرة... ضرب بيدو على الطبلة واصلة فيه لعظم: لباارح كاان بااينلي نجي نفرع على زا*ل بووه دااك البااب وندفنو تحت ديك البرطمة للي فرحاان بيهاا...

شهقاات صدمها دياال بصح أول مرة يوصل لهااد المستوى فالهدرة... غوتاات مسكتااه: غااااااايت...

سكت كاايشوف فيها عينيه حمريين وهي تابعاات منرفزة: عندك اجتمااع مهم بززااف... ومتعلق بحيااة هااد الشركة.. كيفااش غاتدخلليه ونتاا معصب؟؟

غيت: غانأجلوو... مانقدرش ندخل واناا هااكا غاانغاامر... ونخسر مشرووع مهم بززااف وخدمت عليه شحاال...

أزهاار: تأجلو؟؟ ههههه... النااس راه جاايين من فرنسا أغيت... ومقطعين البيي يرجعو هااد الليلة...

غيت تاالف: انا نتكلف برجووعهوم من ورا الإجتمااع غداا...

حركاات رااسهاا: ماايمكنش... وااش من نيتك؟ لباارح سمعتهوم قالوليك بللي غدا مبااشرة ورا مايوصلو لفرنسا عندهوم اجتمااع آخوور...

بلع رييقوو كاايمسح على شعروو: ماانقدرش ندخل هااكا... غاانضيعوو... ماعنديش الكاانة نهاائياا... نهاائياا... تركيزي مشتت

شداات فيديه: غير دخل ويكوون خيير... غانكوون معاااك....

غيت: ويلاا بقيت غير كانخربق...

أزهاار: مللي تشوف راسك غاتبدا تخربق سكت...

غيت: يااك؟؟ وشكون يغطي علياا؟؟

ابتااسماات: وأناا علااش كااينة؟؟ والدور ديال المساعدة شنااهو؟؟

شااف فيها: نعول علييك؟؟

أزهاار: كوون هااني... رااني ممتازة فاللغة الفرنسية...

غيت: عاارف...

أزهاار: حتى هاادي عاارفهاا؟؟

نااض شادها من يدها: راه قلتليك عارف حتى شحال كنتي تااكلي من دغمة فالنهاار...

ازهاار: هههههه... كل مرة كاتزيد تصدمني...

خرجو من البيرو شادها من يدها وهي كاتشوف فيه مابتااسمش ليها نهائياا يعني بااقي مغصب بززاف... تنهدات من بعد ماادخلو لاسانسور: فين غاديين؟؟

غيت كايشوف فالسااعة: كايستناونا فقاعة الإجتماعات...

ازهاار: وبااش عرفتيهاا؟؟

غيت: قالتهاالي المسااعدة دياالي؟؟

صغرات عينيها باستغراب: أشمن مسااعدة؟؟

شاف فيها بنص عيين: صافطوليك ميساج من لتحت بللي النااس جااو...

أزهاار: ونتا فين شفتييه؟؟

غيت: الإيميل ديالك ديال الخدمة عندي وللي وصلك كايوصلني...

أزهاار بغبااء: وعلااش؟؟

غيت تنهد: على قبل بحال هاد الموااقف...

وقف السانسور وخرجو شادها من يدها وهي نطقاات: ماجبتش الورااق....

هز يدو كايوريها الملف فيدو للي كاع مانتابهااتلوو...

وصلو لغرفة الإجتمااعاات... كاانو فييها جووج دالنااس من ملاامحهوم وهندامهوم بااين بللي اجاانب... كانو مرا ورااجل فمقتبل العمر تصاافحو وجلسو من بعد مارحب بيهوم غيت... جلسو مقابلين معاهوم... ونطق الراجل باللغة الفرنسية: السي غيت... جينا لهنا وحنا كلنا أمل انو يتم المشروع للي بينااتناا...

غيت بصوت عياان: يتم... علاش لاا؟؟

نطق الراجل: السي غيت حنا لوطيل للي عندنا لهيه... متوافدين علييه النااس دالمغرب يعني ماعندنااش مشكل... المشكل كاايبقا داابا فلوطيل للي غااديرو هناا... كيفااش غاانقدرو نصيفطو الكلياان لعندكوم وحنا ماعارفينش واش غاايلقااو للي يرتااحو فييه؟؟

غيت كاايحك تحت ذفنوو بتوثر وباقي معصب: غانديرو للي فجهدنا باش نكونو عند حسن ضنكووم... ماتخممش ماغاتندمش مللي تصيفطهووم...

نحنح الرااجل ونطق: عاارف... وماعنديش شك فهااد الشي... ولكن خااصني شي فكرة للي تخلليني نغاامر وندهل معااك فهااد المشروووع.. (شاف فمرااتو للي كانت متاابعة الوضع كاياخد رأيها بعينيه... وهي حركااتلو رااسها بابتساامة... وغيت شااف فأزهاار ونطق بهمس وجهو عرقاان): ماقادرش نفكر... وهذا زاد عصبني...

بلعات ريقها وشداات فيدوو نطقاات: تهدن... أناا نحل الموضوع...

قبل مايحاوبها شاافت فيهووم: حوايج تقلييدية؟؟

شاافو فييهاا وهي تابعاات كلامها بابتساامة ونظراات وااثقة: كلنا كانعرفو بللي السيااح كايمووتو على تقاليدناا وعادااتناا... مثلا لوطييل يكون عندو استقباال خااص... بشي فرقة مغربية... لاي زبوون جاا... وممكن حتى المطعم يكون بأطبااق مغربية... بحال الكسكس والطااجين... بسطييلة واتااي... ويلا كاانو عرساان جايين على قبل شهر العسل... حنا مستااعدين نخلليوهوم يدوزو أحسن شهر فحيااتهوم.. على حساب فلوسهوم طبعاا... للي عطا كثر يستمتع كثر...

غيت خرج عينيه مصدووم... إمتا هي درسات المشروع لهاد الدرجة؟؟ هو عطااها غير فكرة بسيطة علييه...

ابتااسمات ملي شافتهوم كايشوف فبعضيااتهوم برضى ورجعات شافت فغيت للي كان حااضيهاا ونطقاات: ياك مااقلت شي حااجة غلااط...؟؟

حرك رااسو بلاا ونطق: بهرتييييني...

ضحكاات بفرح.. يالله غاتجااوبو حتى نطق السيد: من بعد المشااورة دياالي مع مراتي... قررنا نقبلو المشروووع إلى كنتي موافق عليناا السي غيت... ولكن... عندنا وااحد الشرط..

غيت: مرحباا...

الرااجل: الآمسة توقع معانا كونطرا بللي غاتبقاا متاابعة المشروع وخدامة معااك علييه حتى يساالي...

غيت بلا تفكير بحاليلا كان عاارف آش غاايكون الشرط: الآنسة خطييبتي وهي ماعندها فين تمشي وغاتبقاا معايا حياتها كاملة مااشي غير حتى يساالي المشرووع...

المراا: واخا هااكاك السي غيت... حناا هنا فالخدمة.. والخدمة وثاائق... نديرو وااحد العقد فيه مدة معينة وهي توقعهاا...

شاف فيها غيت مالقا حتى ردة فعل ونطق: نفكرو ونجاوبوكوم...

ااراجل: حنا غانمشيو فالصبااح...

غيت: بالليل يكون عندكوم الجوااب...

فالبيرو ديالوو... كاانت جاالسة مترأسة البيرو وهو جاالس مقابل معاها كاايشووف فيها كااتلعب بالقلم فيديهاا... شااافت فيه: هاادوك مزوجين؟؟

غيت: آه مزوجيين...

أزهاار: وخداامين بجووج؟؟

غيت: هو رااه من أكبر أغنيااء فرنساا... ورجل أعماال كبييير... وهي بنت شرييكو... كاانو مشاركين فكااع الأعماال وكااع الأسهم... وهي لبنت الوحيدة عندوو... كان كاتبلهاا كلشي فسميتهاا... مللي مات خلااها فالعشرين من عمرهاا... (تنهد): ماكانت عارفة والو... ماكانتش عارفة شنو دير واخا كانت تقرا إدارة الأعماال... وهو للي وراها الطريق.. دخلها معااه وبقا معاها حتى تعلماات... بغاو بعضيااتهوم وتزوجو وولدو ولادهوم كبروو وهما باقيين شركااء وكايحضرو جميع الإجتمااعات بجووجهووم...

أزهاار بابتساامة: قصتهووم فنة...

غيت: أييه... كايعجبني نخدم معااه... معقوول ومامعااهش التفلية... والمشااريع معاه مربحة كثر... هذا علااش ماكنتش باغي نخسر هااد المشرووع...

أزهاار: الحمدلله ماخسرتييهش..

ابتااسم: هي وافقتي على شرطهووم...؟؟

بلعاات رييقهاا: و.. واش ضرووري نوافق؟؟ (غوبشاات): أنا مللي جاوبت بلااصتك مانويتش غاايشرطوو هااكاا...

غيت: ودابا شنو المشكل؟؟

أزهاار: وااش انا غاانقدر نسير المشرووع ونحققلهووم داك الشي للي قلت؟؟ أنا راه غير عطييت فكرة وماعنديش تجربة نتاا عاارف...

نااض من بلااصتو جلس حداها فوق البيرو... طلعلها راسها لمستوااه بصبااعو ونطق بهدوء مقنع: نتي غير غااتوقعي... وهااد التوقيع مااشي لمصلااحتي... غايكوون لمصلااحتك نتي... غايكون بدااية لنجاحااتك ولمسيرتك... غاايكون اول مشرووع تسيريه...

أزهاار: ماغانقدرش نسيروو...

غيت: أنا للي غاانسيروو... غانكون معاك فكل خطوة... أنا للي غانواجه الصعووباات... نتي يكفي تكووني بجنبي.. وأي كلمة قلتيها فالفكرة غانحققها على ارض الوااقع غير تيقي فياا...

بقاات سااكتة كااتشووف فيه وهو تاابع كلاامو: علااش خاايفة دااباا؟؟ المشروع انا للي غانتكلف بيه... ونتي غاتبقاي معايا بالعقد ولا بلاا بييه يعني..؟؟

قاطعااتو مبتااسمة: صافي نوقع... نوقع ونعاودو نفس قصتهووم... الفرق للي كااين هي دخلاات بالنص دالأملااك وانا دااخلة بفكرة هههه...

غيت مبتااسم جنب: هي مكتووب عليها النص دالأملااك وأنا بإشاارة منك نكتب علييك كل الأملااك... مااشي غير نصهووم...

...........

كاان جاالس فالقهوة مع وااحد الشخص آخوور... حاط رجل فووق رجل كاايسمعليه

الشخص: غيت الدرقااوي جاامي هضر على عائلتو ولا واليديه... ومللي كايسولووه ديما عندوو نفس الجوااب (ماعندييش)... الأم ديالو عااد مرة مرة كايجبدهاا وكايقول بللي مللي ماتت خلاتو صغير بززاف وافتااقدهاا... ولكن بااه جاامي هضر عليه بحاليلا تزااد بلاا أب...

صغر عينيه كاايفكر ونطق مصمم: غاتقدر دير شي حااجة؟؟ الأب دياالوو محتااج نعرف شكوون... وحتى موو ماكرهتش نعرفهاا...

الشخص حرك رااسو: ندير للي فجهدي... غانستااعن بكنيتو ونشووف...

ابتااسم كاايشرب من قهوتو: غانستناا آخر الأخبار... وكانتمنى تفرحني... (غمزو): بااش حتى أناا نفرحك

دخلاات للدار بالزربة كااتجري هاازة بوااطة فيديهاا... بااست خالتها للي لقاتها فالكولواار: أنا جييت غير نبدل حواايجي ونخرج..

خاالتهاا باستغراب: لفيين أبنتي؟؟

ازهاار: عندنا عشااء عمل... ضرووري نحضرلوو...

خدييجة: هاد العشاا مع غيت؟؟ ياك ماغاتمشيلوو بوحدك؟؟

ازهاار: لاا اخالتي غيت غايكون حتى هوو...

خديجة: واخا ابنتي بلا ماانعطلك... هو للي غايجي لعندك؟؟

أزهار: آه راه وصلني ومشا غير يدوش ويبدل ويجي لعندي...

خديجة: سيري أبنتي الله يسر طرييقك...

دخلاات لبيتها بااش دوش وتلبس الكسيوة للي شرالها غيت فالطرييق... بااش تحضر فييهاا للعشاا للي غايكون فريسطو من اختياار غيت للي عرض على الرااجل ومرااتوو...

مراد خرج من بيتو وتكاا على الحيط دالكوزينة كاايشووف فمو للي كانت عاطيااه بالظهر كااتقااد فالعشا غير حسات بوجودو ضارت لعندو... كان مربع يديه كاايشوف فيها مبتااسم باستهزااء... حركات راسها بتساؤل: يااك لاابااس؟؟

مرااد: خارجة عااود؟؟ ههههه... موعد آخوور مع حبييب القلب... مااقدهوومش النهاار؟؟

خديجة بلا مبالاة: غايتجمعو على قبل لعشاا...

مرااد: ههههه... اعذارهووم ماكايساليوش...

شافت فيه مخنزرة: وااش فنظرك غيت غاايقلب على أعذاار.... ولا غايحتاج يكذب بااش يشووف ازهاار؟؟ زعما هو مسوق ولاا خاايف منك ولا مني؟؟ (قرباات لعندو): وااش أمرااد كااتفكر بعقلك ولا بشي حااجة أخرى؟؟ وااش بااقي مادخلاات لراسك بللي هذاا رااه غيت الدرقااوي للي ماايقد عليه غير للي خلقوو...؟؟؟!! (لاحت السربيتة من يدها معصبة): وزايدون هااديك راها خطييبتو ومن حقو يخرج يتعشاا معاها بلا ماايقلب على أعذاار... (ضربااتو بصبعها على رااسو): دخلها لرااسك هذاا غيت الذرقااوي.... للي حنتهووم رجاال كيداايرين...

بلع ريقو وابتااسم بعصبية: غيت الذرقااوي المجهول الهوية...

شاافت فيه مافاهمااش قصدو... وعطاتو بالظهر: سير بدل ساعة بأخرى رااك بديتي كااتعصبني...

تنهد وخرج تلاقا مع ازهاار خاارجة بكسوتها الكحلة للي كاانت إيفاازي من الفووق ومطلووقة من لتحت بحاال لبسة بااربي... وطالقة شعرها جاامعة شوية منو جااها زويين... وهازة صااك ذهبي فلون الخيط للي مزين اللبسة... وطاالونها للي اصلا ماباينش بسباب اللبسة الطويلة... حل فموو ماواعيش على رااسو.. ونظراات الإعجااب بااينة على وجهو... وهااد الشي للي لاحظااتو هي وماعجبوهااش شووفااتو... ابتااسماتلو غير بزز وخرجاات معيطة لخاالتها: خاالتي هااناا غادة...

خرجات خالتها من الكوزينة: سيري ابنتي الله يعااونك...

شافت فولدها للي وقف مقاابل مع البااب بااقي كاايشوف فيها ماارمشش... حركات راسها بلا حول ولا قوة ودخلاات للكوزينة... وازهاار غير حلاات لبااب لقاات غيت وااقف حدااهاا... وقبل ماايشوف فيها هي جاات عينو على مرااد للي كاان حاال فموو فييها... تجااوزها بالزربة وقرب لعندوو ماحملش شوفااتو للي كانو مفرووشيين... دفعو على الحييط ونطق بعصبية وفنفس الوقت بصوت مهمووس: ختك هااادي ختك... ختك مااتشووفش فيهاا هااكااك... رااه قلنليك عينيك نحاايدهووملييك...

هز يدو متااجه بيها لعينيه يعلم الله آش بااغي يدير... حتى شداات يدو بقوة مخلوعة كااتشوف فيه وتشوف فباب الكوزينة خايفة خاالتهاا تخرج... وهو غير ضار شااف فيها ويالله ردلها الباال بلع ريقو غاايب على الوعي... جرااتو مخنزرة كاتدوي بهمس: غيت يالله نخرجووو... زيييييد يالله...

خرج معااها بااقي كايشوف فييها غير سدات الباب من ورااها... غوت ضارب الطبلة دالزاج برجلو شتتها خلاا موو خرجات كااتجري مخلووعة: ياااك لاااباااس؟؟؟!!

شاف فيها مخنزر: هادي سمعتييهااا

كانو هابطين مع الدرووج... وهو ابتااسم شادها من يدها: ماتخايلتش هااد الكسيوة تجيك هااكاا...

شاافت فيه: بغيت نعرف غير شنو كنتي غادير؟؟ يدك فين كانت غاادية؟؟

غيت ببرود: لعينيه... وااعدتو ونتي عارفااني ماكانخلفش...

ازهاار: وبااش وااعدت...؟؟ (قبل ماتساليها كاانت غااطيح شدهاا هو قاادها وهزها بين يديه خلااها خرجات عينيها): ويلي حطني؟؟

غيت مبتااسم كايشوف فيها وااقف: إلى عاود شاف فيك مرة أخرى غانجبدليه مومو دعينيه ونعطيهومليك تلعبي بيهوم البييي...

ازهار مصدومة: كيفاااش؟؟

غيت: الوعد للي عطيتو.. وهاكا كنت ناوي ندير... (ابتاسم بإعجااب): عرفتي هااد الكسيوة جاات معااك... لدرجة خلاات غيت الدرقااوي يخلف وعدوو..

بلعاات ريقها: غيت حطني...

نزل درجة وحبس: بااربي دياالي مستحييل نخلليها تهبط على رجلييهاا....

ازهار ابتاسماات تلقاائياا: يالله هبط دغياا غايخرج شي حد ويشووفناا...

غيت حط صبعو جنب فموو: خلصيني؟؟

شافت فيه فااهمة قصدو حركات كتاافهاا: انا ماقلتليكش هزني...

تكا على الحيط: أهااه... حتى انا ماهابطش حتى تخلصيني..

ازهار: إيوا حطني نتمشا على رجلي...

ماجاوبهااش بقا وااقف وهي كاتشوف فجنابهاا: غيت غايجي شي حد هاابط ويشوفناا...

ماجاوبهااش مرة أخرى... تنهداات وبااستو جنب فموو.. ابتاسم وهبط درجة أخرى بااستو عاود... حتى للدرجة اللخرة... يالله بااستو وبغاات تبعد حتى شدها حااكمهاا عندو طلقها وقفاات على رجليهاا خااشي فمو ففمها كاايبووسها بعنف غااطس لدااخل... حتى حس بالنفس تقطع فدااخلهاا بعد غير شوية كاايشووف فالجرح للي خلف ورااه... عض على شناافتوو وخرج لسانو لحس الدم من ديك الجرحة ونطق كاايشوف فيهاا كااترعد مااقادرااش تشووف فيه: كااتعرفي العسل الحر...؟؟

حركاات رااسهاا وهو تابع كلاامو مبتاسم كاايدوز بصبااعو على شفاايفهاا: نتي حلاا منوو... وبالأضعاااف....

.............

كان جالس فالبيت حاط التيلي على وذنيه كاايسمع للشخص للي كايدوي معااه مخنزر: ماكاينة حتى حااجة فسيرتو الذااتية... بحاليلا تزااد بلا اب وبلاا أم.. وتزاد وهو فعمر العشريين... يعني عشرين عام اللولة من عمروو ممسووحة من حيااتو بشكل نهائي...

مرااد بإصراار: وعاائلتوو؟؟

الشخص: ماكاين حتى وااحد... من غير واحد السيد سميتو فااتح وواحد السيدة سميتها سعااد وحتى هما ماشي من عائلتوو... ولكن هاادو كانو قداام معااه وكايعرفهوم مزياان...

مرااد: وكنيتو مانفعاات فواالو؟؟

الشخص: هنا فين كااينة الصدمة... السي غيت رااه بدل كنيتوو يعني الكنية اللولة حاايدهاا...

مرااد وقف مصدووم: وشنااهي كنيتو لقديمة؟؟

الشخص: مااعرفتهااش... راه قلتليك مااسح حيااتو اللولة كلهااا... ويالله بدا فالعشرين...

حرك رااسو: آه فهمت... وكيفااش غانقدر نعااونك... باش تلقاالي عاائلتوو؟؟ (خرج عينيه مفكر): هااد فااتح للي قلتي... وهاد سعااد قلبلي على المااضي دياالهوم... ربماا تقدر توصل لشي حااجة....

الشخص: وااخا هااد الشي سااهل... غانجااوبك بللي كاان

دخلو مع باااب الريسطوو... اناقتهووم وجماالهووم ومشيتهووم خلاات الكل ينتاابه ليهووم ويضوور يشووف فيهووم بإعجااب... وخصووصا ضياافهوم للي سبقوهوم لتماا من بعد ماصافطلهوم غيت عنوان لبلااصة ووصى عليهوم المدير شخصيااا....

وصلو لعندهوم وهما وقفو كاايسلمو عليهووم... او بالأحرى الراجل سلم غير على غيت... حيت عارف غيت شنو كاايسواا... جلسو من بعد ماجرلها الكرسي ونطق: سمحولنا على الرووطاارد...

جااوبو كاايشووف فيهووم: مااشي مشكل خوود رااحتك... (ابتااسم مصغر عينيه): فالصبااح كاايحصاابلي بيناتكووم غير الخدمة... وداابا فهمت بللي كااينة حااجة أخرى...

رد عليه بابتساامة شااد فيد أزهاار: خطييبتي...

نطقاات لمرا مبتااسمة بإعجااب: مبروووك علييكوم... بصرااحة جيتو مع بعضيااتكووم...

الراجل: بالرفاه والبنيين...

أزهاار: شكراا...

غيت: نطلبو لعشاا؟؟

الرااجل: آه... نشوفو الميني... (هز الدفتر فيدو متابع كلامو): بالمنااسبة... دوقك زويين

دغيا طلع رااسو شااف فيه مخنزر ولاخور كمل: المطعم زوين بززااف عجبني...

حرك رااسو كان فااهمو غلااط وأزهار غير كااضور فعينيهاا... طلبو لعشاا كلااو وهو حااضيها كايبزز عليهاا تااكل حتى سالاو وطلبو قهوة كل وااحد وكيفااش بغااهاا...

الرااجل: دابا نهضرو على الخدمة...

غيت: تفضل..

حل الشاانطة ديالو جبد الورقة دالعقد عطاهالو: تقدرو تقرااوهاا... انا التوقيع ديالي مع لمادام رااه كااين... خاص التوقيع ديالكووم... هي غاتوقع على الشرووط ونتا غاتوقع على المواافقة دياالك علييهووم...

حرك رااسو وحط الورقة بينااتهوم كاايقرااوهاا... شاافت فييه: كيفااش نخلص...؟؟ وهاد المبلغ كللو؟؟

غيت: هذاا غير روتين... يعني هما بااش يحميو مشروعهوم ويحميو رااسهووم غاايحطو هااد الشرط وحنا مامحتاجينوش...

أزهار: واخا هااكاك... هاد الشرط كاايخلع... نخلص خمسين مليوون راااه غير مكتوبة على لوراق وخلعااتني...

غيت: تخلصي فحالة انساحبتي... ونتي ماعندكش نية الإنسحااب... ديجا قلتليك أنا للي غانتكلف...

بقاات سااكتة مترددة وهو تنهد وشاف فيهوم: أحممم... كاانضن بللي شراكتنا فالمشاريع تجاوزاات هااد الشرووط أو لاا؟؟

جااوبو بثقة: بالنسبة ليك نتا تجاوزنااها ولكن الآنسة أزهار ماكانعرفوهاش وماسبقش تعاملناا معاهاا...

نطق بحدة: الآنسة ازهار بقاتلها غير أيام وترجع مادام الدرقااوي... يعني حنا رااه وااحد

بلع ريقو: السي غيت... لوكان كنا كاندخلو حياتنا الشخصية فالخدمة مانكونوش وصلنا لهاد الشي ونتا خير مثاال... ماعرفتش شنو يوقع من هناا للقدام وهااد الزوااج...؟؟؟

قاااطعو معصب: هااد المشرووع هو للي يمكن ماايكملش وهااد الزوااج ماكاينش احتمال أنو ماايكملش اموسيوو..

خرك راسو متفهم: مزياان... ولكن نتوما رااه وافقتوو بااش توقعو على العقد...

يالله غايجااوبو مابغااش يدخل معااه فنقااش.. شااف فيها: أزعاار حنا عطينا الهدرة وانا ماكانرجعش فهدرتي... وقعي ويلا اضطريتي ماتكمليش انا غانخلص هاد لفلووس...

شاافت فيه: خمسين بززاف؟؟

ابتااسم: غير وقعي... خمسين مقارنة معااك مااتسواا واالوو...

ابتااسماات وشدات من عندو القلم وقعاات ووقع حتى هوو...

دخلات للدار من بعد ماوصلها حتى للباااب خلااتو وتوجهاات لبيتها... بدلاات حواايجها وحلات المشطة ديالهاا... هزاات قرعتها دالماا وخرجات للكوزينة بااش تعمرهاا... شعلاات الضو ووقفاات قدام لافاابو... حتى حسات بالحركة من ورااها... ضاارت لقاات مرااد جر الكرسي وجلس: غاتنعسي بالماكيااج؟؟ قالوو كايكمش الوجه...

عمراات قرعتها ونطقات كاتسدهاا: لاا غانغسلوو...

هزات القرعة وجاات خاارجة حتى وقفهاا: ازهار جلسي نهضرو شوية...

وقفات كاتشوف قداامها: عيانة داابا امرااد حتى لمن بعد..

مرااد: ماغانشدكش بززاف ندويو غير شوية وسيري..

تنهداات كاتشوف فجناابها ماعرفات فين يكون ملصقلها الكاميرا عااود... حتى تأكدات بللي لابسة حوايج الدار ومامعاها لا تيلي ولا صااك عااد دازت جلسات مقابلة معاه بيناتهوم الطبلة...

أزهاار: تفضل...

مراد: آش هاد الرسمياات رجعو بينااتناا؟؟ ماكنااش هااكاا...

أزهار: كانكبرو أمرااد وكل واحد كاايبدا حيااتو فقنت...

مرااد: ولكن ماكاننسااوش حبابنا وماكانتبدلوش معااهوم...

ازهار: نتا للي بنتيلي تبدلتي وتصرفااتك رجعو فشكل...

مرااد: أزهار راك عارفة معزتك عندي.. وعارفاني كانبغيلك غير الخيير... واي حاجة درتها كانديرها لمصلاحتك...

حركاات رااسها: ألى من ناحية غيت... غير رتااح... كانبغيه وكايبغيني وتاايقة فيه... كانعرفو مزياان وكثر ماكانعرف رااسي...

مرااد: كاتعرفيه مزياان؟؟ مثلا واليديه كاتعرفيهووم؟؟

حركاات راسها كاتفكر: واليديه مااتو.. هو يتيم بحاالي... وحتى ماماه ماتت حدااه... يعني عشنا نفس المعاناة...

صغر عينيه مستغرب: شكون هو بااه؟؟

بلعات ريقهاا: ماعرفتش بااه وماسولتوش عليه... ماعندي علاش نسول على شي حد ماات...

مراد: أمم عندك الحق... وعلااش بدل كنيتو وهو فعمر العشرين شنو السبب؟؟

شافت فيه بصدمة: بدل كنيتوو؟؟ شكون قالهالك؟؟

مراد بجدية: عرفتها رااسي... حيااتو قبل من عشرين عاام... يعني قبل مايشوفك ويعرفك ممسووحة وحتى حد ماعارفهاا...

بلعاات ريقها مافاهمة والو: باش عرفتي هااد الشي؟؟ واش كاتقلب عليه؟؟

مرااد: آه... على قبلك كانبحث علييه... هااد غيت واخا مشهور ورجل أعماال كبيير... كايبقاا غامض وجزء من حيااتو مخبي...

وقفاات مقاطعااه اللون فوجهها تبدل: ماكايهمنيش المااضي دياالو... انا كانعرف الحااضر... خلليه عليك امراد راه مامعااهش اللعب وبلا ماتبقا تنبش من ورااه...

مشات وخلااتو جاالس متبعهاا بعينيه... ابتااسم: هي مااكنتي عاارفة والو من هااد الشي؟ هههه... هادي خدمة نقية

دخلات لبيتها كااتنهج... جلساات فوق الناموسية كاتشوف فنقطة وحدة وكاتفكر فهدرة مراد... كيفااش بدل كنيتوو وعلااش؟؟ وكيفاااش باه مامعرووفش...؟؟ حتى هي ماكاتعرفش واليديه.. يالله تفكرات جاميسولااتو على أسماؤهوم وماسولاتوش حتى على شكون قتل مو واخا قالها بلي شافها تقتلاات قدام عينيه... بلعات ريقها مزيرة بيديهاا على الفرااش... هزات التيلي باليد لوهرى مترددة... ودخلات لغووغل... كاتقلب علييه... ماكااين حتى شي معلوومة كاتفيد... غير دااك الشي للي عارفة... ويلا جينا نشوفو هي أصلا ماعارفة والوو... من غير سميتو وكنيتو واعمالو لكبيرة.. ومو للي ماتت مقتولة وفاتح خالو من الرضااعة صاافي... دخلاات للحماام كااتغسل فوجههاا... وتشوف فالمرااية... حتى فزكات حالتها كااملة... وخرجاات تكاات ففرااشهاا... مغمضة عينيها كااتحااول تنسى... اصلا فاش غاايفيدها المااضي دياالو؟؟ يااك هي كاتبغيه وتاايقة فييه... ماعندهاا مادير بالبااقي...

غمضاات عينيها كاتحاول تنعس...

............

كان جالس فالبيرو للي عندو فدييك الداار... كاايوقع على شي ورااق وكايكمل خدمتوو... وبدا كايسهر على المشروع الجديد للي اصلا بدااو فيه هاادي سيماانة... تنهد كايفكر فيها...ابتااسم مللي تفكر بللي مااكما ولا شرب من نهار دخلاات لحيااتو قولا وفعلاا... صدقات حسن من مراكز إعادة التأهيل... تنهد مرجع رااسو اللور كايفمر فحلتها هااد الليلة... أححح وجاات كااتقتل... بلع ريقو مللي تفكر نظراات ولد خاالتهاا... كره... خصوصا أنها داابا تماا يعني معاه فنفس الدار وتحت سقف وااحد... ساكنة فداارو... وهااد الشي مشكللو غصة فقلبو... غصة كاتخنقو... زير على قبضة يديه ماحاملش لبلان... عيا فيها هاد الليلة تباات عندو فالدار مابغااتش... بسبااب خالتها... الحل للي دارو معاها غير باش تبعد من مراد مااصدقش... يعني خااصو يعقد عليهاا ويديرو العرس باش يجيبها لعندو... حيت ولد خالتها قطع البيي غير المجية وماقطعش المشية مما يدل على انو باااقي مطول... ومن تصرفااتو للي ماخافيينش على غيت نااوي على بززاف... هز التيلي كايشوف فالساعة كاانت الجوج دالليل... دار رقمها واتااصل... دغيا جاوباات بصوت نعساان: آلووو...

غيت: باربي دياالي... ياك مافيقتك...؟؟

ازهاار: لاا... يالله كنت غاننعس....

غيت: اممم... يااك نتي فبيتك دااباا؟؟

ازهاار: آه فبيتي...

غيت: وسادة البااب؟؟

أزهار مبتااسمة: آه ساادااه ونااعسة فبلااصتي...

ابتااسم يالله غاايهضر سبقااتو: غيت نسولك؟؟

غيت: مرحباا...

أزهار بتردد: ب... بغيت نسولك ع... على باباك... شنو كانت سميتوو؟؟؟!!!

نااض بالزربة اللون مخطووف فوجهوو حتى قااس البيسي طاح فالأرض ونطق: ك... كيفااش؟؟ علااش؟؟...

صغرات عينيها مستغربة: سؤاال عاادي سمحلي غير حيت ماعمرني سولتك عليه دابا جا فبااالي...

بلع ريقوو: ك... كرييم سميتو كرييم...

ازهاار: آه... حتى تغاودلي عليه من بعد... سمحلي فكرتك فيه...

غيت بحدة: أزهاار نجي لعندك داابا... تهبطي لعندي داابا؟؟

أزهاار: علااش؟؟ يااك لابااس؟؟

رجع جلس مابقاش عندو السوفل: نجي... غير نجي بااش نهضروو...

أزهاار: أشمن هدرة فهاد الوقت؟؟ يالله تفاارقنا... وعينياا كاايتغمضو...

تنهد كايمسح لعرق من جبهتوو: صااافي غير نعسي حتى للصبااح...

ازهاار: واخا تصبح على خيير...

غير قطعاات غمضاات عينيها مالقااتش الفرصة فين تفكر فردة فعلو حيت كانت عياانة... اما هو النعااس طاار ودخل فجو من التوثر والخووف كاايفرك فيديه مخلوووع... نطق: شنو فكرها فهااد الشي؟؟ علااش سولاات علييه؟؟

حس بقلبو غايخرج من بلااصتووو...

فالصبااح... خرجاات من الداار وخلااتهوم عااد نااعسيين... حيت صونا عليها بكري وقالها بللي كايستناها لتحت... سدات الباب بلا مادير الحس وهبطاات... لقاات طوموبيلتو واقفة مقابلة معاها... قطعات الطريق لعندو حلات الباب وطلعاات... سلمات عليه فخدو كااتشوف فيه باستغرااب: غيت ماالك؟؟

شاف فيها: ماماليش... علااش؟؟

ازهاار: شنو كااين؟؟ علاش معيطلي دااباا؟؟ و... (حطات يدها فوق جبهتوو): كاتبان سخوون يااك لابااس؟؟

شدلها يدها بااسهاا: مامالي واالوو... انا بيخير.. غير توحشتك وبغييت نشووفك...

ازهاار بخوف: واش طالعاليك السخاانة؟؟ ياك مامرييض؟؟

ابتااسم بتعب: غير كوني حدايا ومعااياا والله ماانمرض... غير مااتبعدييش عليا...

بلعات ريقها مافاهمة والوو: غيت قلتليك ماراكش مزياان... واش واقعة شي حااجة؟؟

غيت كايديماري الطوموبيل: قلتليك أناا مزياان... صاافي داابا ولليت مزياان...

ازهاار كااتقاد حزاامها: وااخاا... نتيقووك.. (شافت فالطريق): لفين غاانمشييو دااباا؟؟

غيت: غانمشيو للمشرووع للي رجعتي شريكة فيه...

ازهار بحمااس: وااش غاانمشيو للوطيل...؟؟

غيت: آه... غانمشيو باش تشوفيه وتاخدي عليه فكرة... و...

قاطعااتو: غيت انا راه ماغانقدرش نهندس شي حاجة تماا... إلى عجبااتكوم الفكرة ديالي نفدووها وهنيوني انا راه فيا غير الهدرة وصاافي...

غيت كاايضحك: هههه... غير بغييتك تشووفي وصاافي... حسبيه نهاار ديال الروبو ومشيتي تكتاشفي شي حااجة..

أزهاار: أيييه... وااخا مااقلناا والوو....

دغيا تبدلو الموراال... تصرفااتها معاه ريحااتو... ماعاوداتش جبداات الموضووع... فهم بللي كان مجرد سؤاال... وااخا ماعرفش علااش سولااتو... المهم عندو انها مابقااتش جبداات الموضووع... يعني مااشي شي حااجة ضرورية عندهاا... وهو ماناويش يقولها شي حااجة... مااعندووش شجااعة بااش يغاامر بهااد الطرييقة.... وماضاامنش ردة فعلها وخصووصا انوو شااف موضوع موت واليديها شحاال حساس بالنسبة ليهاا... وشحال كااتكره المجرم وحتى عائلتو وااخا ماتعرفهوومش

وصلو لبلااصة المشرووع.. كاان باقي فبدااية البني... وكااين بززاف دالعماال خدامين فيه بجدية... هبطوو وتعرضلهوم المهندس للي تماا كايوريهووم شنو خاصهوم يديروو... عطاهوم لكاسك بجوجهووم... وزاادو دخلو شادلها فيديهاا كااتشووف فالبلااصة بإعجااب...

غيت: كيف جااك الموقع؟؟

ازهاار: وااعر... جاا فمنطقة زوينة وفيها مايتشااف...

غيت: مزياان مللي عجبك...

أزهاار: خااص يعجب الكلياان... أناا علااش؟؟

غيت: حنا اول كلياان غاايدشنوو...

ازهاار: بصااح...؟؟ واش ندوزو شهر العسل هناا؟؟

غيت: لاا غير نصوو...

دار إشارة للمهندس للي جا لعندوو

المهندس: كلشي مزيان السي غيت... والمشروع غايسالي على ربع شهور إلى ماوقع حتى مشكل...

غيت: رد الباال... بغيت كلشي يتبناا على الصح... وحتى حااجة ماتكون مغشووشة...

المهندس: كون هااني رااك عارفني وماشي اول خدمة معااك...

غيت: عاارف وتايق فييك... (دارلو إشارة): الجهة للي من لهييه تكون تقليدية فالبني دياالهاا... غير بالحجرة وااخاا؟؟

المهندس: كون هااني السي غيت.... طلباتك اواامر..

شاف فيها: فطرتي؟؟

ازهاار: إمتاا؟؟ نتا معيطلي مع الستة دالصبااح...

غيت: يالله نفطروو...

ازهاار: فيين؟؟

غيت: وااحد القهيوة بعيدة على هناا شوية... غانمشيو فالطوموبيل...

أزهار: وااخاا...

تمشاو لعند الطوموبيل وهي تابعات كلامها: هاد لوطيل هنا غايكون مشروع نااجح بااينة... حيت لبلااصة زوينة ومااكاين هنا حتى شي مطعم ولا فندق غير الجباال والطبيهة ضاايعين هناا...

غيت: هالاد الشي علااش السيااح ماكايجيوش ليها بززاف... وحتى المغاربة... كايلقاو صعووبة... كاين للي كاايجيب الخياام ديالو... ولكن واخا هاكاك كاايحتااجو للما وكاتسالاليهوم المااكلة.. وكايضطرو يمشيو بلا ماايشبعو منهاا...

أزهاار بابتساامة: اليووم غايبقااو ديما يجيو لهناا ويجلسو شحال مابغااو... يتسلقو الجبال ويتمشااو فالطبيعة...

غيت: ويعومو إلى بغااو...

أزهار: آه اكيد لوطيل غايكون فيه لابيسين...

غيت: غايكون فيه لابيسين ضروري ولكن ماادويتش عليه... كااينة بحيرة هناا...

ازهار: بصاااح...؟؟؟!! واااو فييين....؟؟؟!!

غيت: نفطرو ونرجعو بااش نوريهااليك...

وصلو للقهوة للي كانت بعيدة عليهوم بنص سااعة دالطرييق كاانت على جنب الطريق غير بوحدهاا دايرينها على قبل المسافريين... هبطوو وطلبو فطورهووم كلااو ورجعو ركبو غاديين للبحيرة... للي كانت قريبة بززاف لوطيل... عجبااتها بززاف لدرجة خلات غيت ورااها ومشاات كااتجري لعندهااا لااحت السبرديلة من رجليهاا وطلعات سرواالها ودخلاات كااتمشى فيها... مامسوقااش للجو للي كان باارد... شاافت فيه هو للي كاان واقف كاايشوف فيها مبتااسم: ازهاار غاتمرضي...

حركاتلو يديها: أجي أجي... حاايد سبرديلتك وأجيي...

قرب لعندها بخطواات: خرجي داابا من تمااا وفالصيف نجيبك لهناا عومي كااع نتي...

حركات رااسها: غيت اجي الله يهدييك... واش خاايف يضربك البرد...؟؟

غيت: خاايف علييك ماشي على رااسي...

ازهاار: إيواا أجي لعندي... انا راه ماخارجااش...

حايد سبرديلتو حطهاا ودخل لعندها من بعد مااطوا سرواالو باش مايفزكش... شداتليه فيديه كااتمشى فرحاانة: هههه... شفتي شحاال سخوون وااخا الجو باارد؟؟

غيت: ماتحمسيش بززاف... مللي غاتخرجي من هنا عااد غاتحسي بالبرودة...

خشاات يديها فوسط درااعو وتكاات على كتفوو كاايتمشااو: أنا نبرد ونتا تدفييني...

غيت: ندفي عمري إلى برداات... ونبردها إلى سخناات...

شافت فيه مافاهماش قصدو لقااتو مبتااسم بخبت...

كانو جالسين مقابلين مع البحيرة... ملبسها الدجااكيط دياالو... متكية على شحرة وهو حاط راسو فوق رجليها كاتلعبلو فشعرو... مغمض عينيه مستمتع... شافت فيه مبتااسمة ونطقاات: زعما لوكان مااكنتش انا كااينة... ولاا مااشفتينيش كاع داك النعاار وماكنتيش كاتعرفني..

(حل عينيه العسلية للي كان ضارب فيها الشمس وشااف فيها وهي كملاات كلاامها)؛ غاتكون داابا جاالس هنا بهااد الهدووء وسامح فخدمتك ومرتااح هااكاا؟؟

تنهد وهبط عينيه: لوكاان ماكنتيش نتي... لوكاان ماشفتكش دااك النهاار.. مانضنش وااش غانكوون عاايش دااباا... وحتى إلى كتااب وكنت عاايش... غانكون عاايش فالظلاام... ظلااام ماافيهش نقطة دالضوو...

بلعاات ريقها بصدمة: ماافهمتش؟؟

غيت: ماعندك مااتفهمي... غير نسااي...

ازهاار: كيفااش ماعندي مانفهم؟؟ تلوحلي ضربة بحاال هاادي وتقوللي ماعندك مااتفهمي؟؟ شرحلي...

غيت: ماانقدر نشرحليك واالوو.... للي خااصك تعرفييه... مللي عرفتك حيااتي كلهاا تبدلااات من اولها لآخرهاا...

ازهاار مترددة: يعني...؟؟ حتى كنيتك للي بدلتيها تبدلاات مع حيااتك يااك؟؟

ناااض بالزربة... وجهو دغيا تبدل فيه اللون خلااها غير كااتشووف مصدوومة... يديه ترعدوو وهو كااينهجب بالجهد: منين جبتي هااد الهدرة؟؟

ازهاار مخلووعة: كيفااش منين جبتها؟؟ واش هااد الشي مهم؟؟

حرك رااسو ماواعيش رافع صووتو: آه مهم... حيت إلى مااابحتش شي حد على هااد الشي ماغايلقااهش...

ضحكاات باستغرااب: ههههه... وااش مخبي هااد الشي؟؟ وعلياا اناا...

عض على شناافتو كاايمشي ويجي وحتى هي وقفاات كاتشوف فيه... تابعاات كلاامها: غيت شنو مخبي عليا عااد ماازال هااا....؟؟ هااكا لباارح مللي سولتك على الاب ديالك دغيا رجعتي كاتدخل وتخرج فالهدرة... وداابا كنيتك؟؟ ماحملتيش نعرف بللي بدلتييهاا... واخا من المفروض كان خااصك تقولهاالي... مااشي حتى يقولوهالي النااس...

شدها من كتاافها بعنف: شكوون هااد النااس؟؟ شكون قالهااليك بغيبت نعرف شكوووون.....؟؟؟!!

بلعاات ريقهاا كاتشوف فيه بخوف: غيت.. راك ضريتيني؟؟

دغيا طلق منهاا كاايحك على رااسو ورجع شااف فيها شدها من وجهها كااينطق بترجي: ماتزيديش تقلبي ورااياا أ أزهاار ماتقلبيش وراايا انا مزااوك...

حركات رااسها مصدوومة: ماكانقلبش ورااك أغيت... ماعمرني قلبت ورااك... حيت تاايقة فييك.. يعني كنت تاايقة فييك... أماا داابا دخلتيلي الشك وبززاااااف

خرج عينيه حوارهووم كووم... وكلاامها اللخر كووم ثااني... بلع ريقو وطلق منها جلس بتعب يديه وتفااصيلو كاايترعدوو وهي مافاهمة والوو غير كااتشووف

بقاات وااقفة مافاهمة فيه والوو... استغرباات بززااف وتصدماات من ردة فعلوو... طلعلها الدم... كيفااش تصرف ومابغاهاش تعرف شي حااجة علييه...؟؟ منااش خاايف وعلااش تصرف هااكاا؟؟ هاد الأسئلة كااملة داتها لسؤاال آخوور... ودخل الشك لرااسهاا... واش هي كااتعرف غيت...؟؟ وااش هي متأكدة بللي كااتعرفوو؟؟ حركاات رااسهاا بالنفي..... وهزات صااكهاا للي كان مليووح فالأرض وشاافت فيه: وصلني أغيت..

شااف فيها سااكت وجهو متشنج وعينيه حمريين... كااينهج بالجهد وبطريقة غرييبة... بلعاات ريقهاا متاابعة كلاامها: و... واش توصلني ولا ندير أوطوو سطووب؟؟

ابتااسم جنب... فمو كايخرج منو الدخاان... ونااض وقف مقاابل معاها... وهي تلقاائياا رجعاات خطوة اللور... شااف فرجلييها ورجع ابتااسم باستغرااب ونطق بصووت منخاافض وبتساؤل: كااتهربي مني...؟؟؟!!!

حركاات رااسهاا: ل... لااا غ.. غير غاانتعطل...

زااد قرب لعندهاا الخطوة للي بعدااتها: من إمتاا ونتي كاتخاافي تعطلي مللي تكوني معااياا؟؟

تنهداات: من دااابااا....

طلع حااجبو: من دااابااا....؟؟؟!! وعلااش؟؟

حطات صااكها على كتفهاا وبعداات بخطواات كثييرة عاطيااه بالظهر: غيت خااصني نمشي حيت الوقت تعطل والطرييق بعييدة...

ماحساات براسها حتى تجبداات من يدهاااا قلبها لعندو بعنف وااصل لاقصى درجة فالأعصااب... ونطق مكشكش: مااتعطينيش بالظهر وتزيدي... ماتهربيش مني... (قرب وجهو لوجهها حتى تخاالطو انفاسهوم مكمل كلاامو): حتى حااجة ماغاتبدل... وحتى حااجة مااتبدلاات... نتي... نتي أزهار حيااتي عمري والرووح دياالي... وأناا... غيت الراجل للي عشقك ونتي فعمر الربعطااش... وللي تاابع كاع مرااحل حيااتك وكااان مسؤوول علييك فهاد السبع سنين كلهاا... (حركها من يدها كايلوومها): غيت للي مااشفش فالبنت من نهاار عرفك... للي ماكان ينعس حتى يمتع عينيه بصوورتك... غيت للي خدم بالليل وبالنهاار بالحلاال غير بااش ماايلقااش مشكل فعلااقتكووم... (زير على يدهاا منرفز): هذا للي قداامك مستااعد يحرق الدنيا بللي فيها غير على قبلك أ أزهاار... غيييير على قبلك... نحرق كلشيييي...

بلعاات ريقهاا كااتحااول تفك يدهاا منو... مركزة نظرها فعينيه بطريقة وثرااتو ونطقاات: علااش ماقلتيش لياا بللي بدلتي كنيتك؟؟ وعلااش ماعجبكش الحاال حيت عرفت؟؟ شنو السبب؟؟ (صغراات عينيها منقصة من صوتها): شنو مخبي علياا أغيت؟؟

دار شهيق زفير حااس بالخنقة فصدروو... دوز لساانو على شفاايفووو وطلق منها عطااها بالظهر كاايحك فرااسو: مامخبي علييك والوو... مامخبي حتى حااجة... غ.. غير ماعجبنيش الحاال تقلبي ورااياا... قلت مادام كاتقلبي يعني ماتايقااش فياا..

شافت فيه مطول... وحركاات رااسهاا: وااخاا... يالله نمشييو...

عطااتو بالظهر... وهو زير على قبضة يديه بااقي كاايترعد كاامل... وتبعهاا كاايشووف الضباابة على عينيه...

فالطرييق... كاانت متكية على الزااج كااتشوف من الجخة الأخرى... وهو كاايسووق مااشي فوعيوو... والطوموبيلة فاقصى سرعتهاا... وهي رادة الباال ومامسوقااش... تصرفااتو شككووها فييه... يااريتو مللي سولااتو على كنيتوو جااوبها عاادي وماتوثرش وماانفاعلش... ماكانت غااتحس بواالوو... ولكن معذووور هو... رااه هااديك نقطة وصوولها للحقييقة... هااديك الحقيقة للي بالنسبة ليه هو ذماارووو... عاادي مايبقااش فوعيوو ويتصرف بلاا ماايفكر... رااه يقولولو غدا غاتخسر حيااتك أهون بالنسبة ليه من أنهم يقولولو من هنا لخمسين عام غااتخسر أزهاار...

غير وصلو لحدا داارهووم حلاات لحزاام وهبطاات بلاا ماتشووف فيه... وهو بقا متبعلها العيين حتى دخلاات مع بااب العماارة وديماارا مخنزر...

............

كان حاالس فالقهوة مع نفس المحقق للي وظفوو باش يجيبلو المعلووماات هااز ورقة كاايقرااها وحاال فمووو بصدمة... وجهو تبدل فيه اللوون وهو كاايقراا.... هادوك كانو معلوومات على سعااد وفااتح... ولقااو بللي بجوجهووم كانو خداامين عند أب غيت... وللي صدمو هو سمية بااه... نفسها سمية المجرم للي قتل واليديهاا...

شااف فالمحقق مخرج عينيه كاايدوي مقفقف... عطااه الورقة كاايدير إشاارة بيديه: هذاا... هذاا فين هو دااابااا...؟؟

جاوبو المحقق: كنت عارفك غانسولني علييه... ودرت عليه بحث... هذاا كان كاايدير حواايج خاارجة على القاانون.. كاان مع شي ماافيا كبييرة... وكاان من ديما كايفلت منهاا... وآخر جريمة كان دارهاا... قتل واحد السيد ومرااتو وحرقهووم.... تما مللي جاو البوليس بداو كاايضاربو مع رجاالو... والديبو للي كان فيه كاان عامر بليصونص.... تحرق كاامل وماات فييه...

حط يدو على فموو الدم هرب من وجهوو.... ونطق كايخرج الحرووف بزز من حر الصدمة: وااااش متأكد...؟؟ هذاا الأب دياال غيت؟؟

المحقق: آه... هااد الشي راه جبدتو من قااع الخاابية... وغير حيت عندي معاارف وقدرت نوصل للأرشييف... (حايد نظااظرو كاايشوف فيه بطمع): شحال ماعطيتيني ماغاتقدرش تخلصني على اتعاابي كلهاا...

حرك رااسو بااقي مرفووع: غانعطيك للي بغيتي... (شااف فيه): عندك شي دلييل...؟؟؟ شي حااجة للي نوريها لأي واحد يتيقهاا...

ابتااسم: هاد الورقة للي فيها هاد المعلوومات مكااشية... (تحرك جاابد ورقة من جيبو مطوية شادها بجوج صبااع): هاادي حتى هي دلييل...

يالله جاا يشدهاا بعدها عليه: ثمنها غاالي شوية...

مراد بلهفة: نعطييك شحال ماابغيتي غيير طلق...

المحقق بابتساامة خبيثة: عشرة دالمليوون... وعندي شرط؟؟

مراد مرفووع: قوول...

المحقق: السي غيت ماايعرفش بللي انا عندي دخل فالموضووع... ماخاصني مشااكل...

غاادي مع الطرييق وهو بااقي تحت تأثير الصدمة... جمييع الإجتمالات داارهوم فباالو... إلا هذاا... ماتوقعش بللي غيت غايكون ولد الشخص للي قتل واليديها... ماتوقعش يكون هو الشخص للي الحلم ديالها تقتلوو بااش تقدر ترتااح... مااعرفش بااش يحس ولا كيفااش يتعاامل.. ماكذبش... الدااخل دياالو فرحاان... لا بل غايطير بالفرحة... وعلاش لاا... وهو ضاامن بللي ازهاار مستحييل تشوف فغيت مرة أخرى... هاد الشي إلى ماقتلااتووش كااع...

جمع ابتساامتو مللي تفكر... كيفااش غايقوولهاالهاا؟؟ وكيفااش غااتحس؟؟ رااه غاايصدمهاا... للحظة خااف علييها... ولكن انانيتوو وحبو ليهاا تغلبوو على حناانتوو... تعرف وهو غايوقف جنبها ويسااندهاا... ماغايخلليهااش بووحدهاا... بحال نهار مااتوو واليديهاا مااخلاهااش...

..........

كاانت جاالسة فالصاالوون مرفووعة... كاتفكر فتصرفااتو وعقلهاا غاايب... عياات تربط فالأحدااث وتقلب على اعذاار لردة فعلوو وماقدراات توصل لواالوو..... زعما يكوون عندو مااضي خاايب ولاا كيفااش؟؟ ويكوون...؟؟ عاادي علاااش خاايف تعرفوو...؟؟ رااه هو غيت الذرقااوي للي صنع سميتو برااسوو... علااش يخااف زعماا... كيفااش غايكوون هااد المااضي كااع؟؟ تنهداات عياات من التفكيير... وعقلهاا بااقي مشوش ماعارفة لاا ماتقدم ولاا ماتأخر... لاحت الوساادة للي كانت متكية علييها ونااضت دخلاات عند خاالتها للكوزينة بغاات تعااونهاا بااش تنساا شوية... غير دخلاات والبااب يتحل... دخل لعندهووم وجلس فالكرسي ونطق: الواليدة واحد الكااس دالماا نشرب؟؟

شاافت فيه موو: وعليكم السلاام اولدي...

جاوبهاا كاايشوف فأزهاار للي عاطيااه بالظهر: سمحوولي مبرزط شوية...

مدااتلو الماا بلا ماتجااوبو ورجعاات لشغاالها كاتشوف فأزهاار: بنتي رااك كنتي شادة الطريق غير سيري رتااحي...

ازهاار: لاا غير خلليني مااكانحسش بالعياا...

بقا كاايشوف فيها ويشرب من الماا شوية بشوية... ونطق متردد: هضرتي مع غيت على كنيتو للي بدلهاا؟؟

وقفاات على شنو كانت كاادير بلعاات ريقها ونطقاات: آه دوييناا... غير شي مشاكل للي خلااوه يبدلهاا...

مرااد مبتااسم جنب: شناهما هااد المشااكل زعما؟؟

خنزراات فيه موو: ونتاا ماالك امراد؟؟ دخل سووق رااسك داك الشي بينااتهووم...

جااوبهاا بانفعاال: كيفااش ماالي؟؟ رااه خااصها تعرف شكون هو غيت؟؟

ضارت شاافت فيه: انا عارفة شكون هو غيت أمرااد غير بلاا مااتزيد تبحث علييه..

جااوبهاا بسرعة: ازهاار نتي ماعارفااش شكون هو غيت؟؟ (تنهد مكمل كلامو): اليوم انا عرفت سر خطير على غيت... سر لي لحد الآن مامتيقووش...

صغراات عينيها فيه ومو مخنزرة ماعاجبهااش هااد الحواار... قربات جهتو ونطقاات واقفة مقاابلة معاه: مراد أنا لبارح قلتلك مااتزيدش تقلب وراا غيت

مرااد كايشووف فيها وجهو باقي مخطوف فيه اللون وهاد الشي لاحظااتو هي: مااقلبت من ورااه حتى شكيت فييه... وشكي كان فمحلوو...

قاطعااتو مو مقربة لعندهووم: مرااد سير قابل شغاالك قلتليك بعد من هاد السووق...

قااطعااتها كااتهضر بصووت خاايف ومتردد: شنو هو السر للي عرفتي؟؟

عض على شناافتو ودارلها إشاارة: جلسي...

جرات الكرسي وجلساات الخووف بااين علييهاا... وهو تنهد ونطق: غيت... غيت كان عندو مااضي خاايب بززااف... داك الشي علااش بدل كنيتوو

هضراات بلا مااتفكر: كيف ما كاان المااضي دياالو أنا ماكايهمنييش.. المهم هو دااباا... مللي عرفني حتى لداابا وهو كاايدير المستحييل بااش تكون حيااتو مثاالية...

مراد بتأكيد: يعني نتي متقبلة الماضي ديالو كيف ما بغاا يكوون...؟؟

حركاات رااسها مصممة: آه... متقبلااه وكيف مابغاا يكوون..

جااوبها بانفعاال عينيه حمرين وكشااكشو خاارجين كاايغوت: وااخا يكوون هو ولد الشخص للي قتل واليديييييييك نتي متقبلاااااااه يااك؟؟!!!!؟؟؟

لحظة صمت... كلهووم سكتووو... هو قلبو كاايطلع ويهبط وموو شدات فجنااب الكرسي للي كاانت وااقفة حدااه... اماا هي بقاات كااتشووف فالأرض بملاامح جاامدة... لدقاائق حتى ابتااسماات ونااضت بالزربة دفعاات الكرسي للي كاانت جاالسة عليه حتى طااح... وصرفقاات مرااد بكل جهدهاا مخرجة فيه عينيهاا... خلااتو حل فموو مصدووم وهزاات صبعهاا بتحذيير: شنووو بغيييتي أمرااد؟؟؟ علاايااش كااتقلب؟؟ علاااش ماابغييتيش تبعد منااا وتعطيناا بالتيسااع؟؟؟!! (غوتاات كثر): شنووو الهدف دياالك...؟؟ الهدف للي خلااك تفكرني بهااد الجرح وتربط غيت بيييه؟؟ (خفضاات من نبرة صوتها كااتبكي): نتا عارف هااد الموضووع شحاال حساس بالنسبة لياا؟ وعارف شحاال كانتعذب بسباابو؟؟ يااريتك قلبت على شي كذبة اخرى ولا بااطل آخوور طيحوو علييه.. من غيير هذاا...

بداات كااتبكي بهستيرية وهو وقف شدها من كتاافها كاايحركها بعنف: فيقي أ أزهاار فيقي... هو عرف كيفااش يكذب ويمثل علييك... عرف كيفااش يخلليك تيقي فييه... أناا مااشي مانسوااش لهااد الدرجة... وراه فكرت فالموضووع شحاال من مرة قبل مانقوولهاالك...

دفعااتو مو بعنف كااتغوت: تفرق عليها... عطييها بالتيسااع (غير طلق منها طااحت فالأرض كااتبكي وموو شافت فيها وجلساات قداامها شدااتلها فيديهاا كااتحااول تهدنهاا): مااتديش عليه... رااه غير كاايكذب.. ملي جاا وهو بااغي يفاارق بينااتكووم قاللك كاايبغييك... ماتيقيش بييه.. (شافت فيه): هذا هو الحب عندك... تعذبهاا بحاال هااكااا...

خشا يديه فجيبو وجبد الورااق بالجهاالة لااحهووم علييهووم: باااقي ماازال ماعرفتيش قييمتها عندي... (شاف فأزهاار): آه كاانبغيييك... كانبغيييك مااشي بحاال ختي... كاانبغييك بطرييقة أخرى... بااغيييك حلااالي... ومانكذبش علييك ولاا ندخل معااك فالتاحراامياات... هو كذب علييك ونتي تيقتييه... ومااشي بعييد يكوون دخل لحيااتك غير بااش ينتااقم ويكمل للي بداا بااه... ماتنساايش بللي موت واليديك هي للي خلات البوليس يهجموو علييه وماات فدااك الهجووم....

حطاات يديها على وذنيييها كااتغوت على جهدهاا... كلشي تلااحق علييهاا: صاافي سكت سكت... بعد منييي سكت...

يالله بغاا يهضر شداتو مو من كتفو جاارااه: خرج أمرااد خرج أناا مزاااوكة خرج...

تنثر منهاا كاايشووف فازهاار: هاانااا خاارج... ولكن غاانرجع... (رجع شااف فموو): بقااي معااهاا...

خرج من تماا كااينهج بالجهد ومو رجعاات لعندهاا جلساات حداها كااتبكي معااها: أزهاار ماتخلعينيش عليك أبنتي الله يرحمليك الواليدين أزهااار...

هي بقاات كاتغوت وخالتها كاتحااول تكاالمييهاا حتى حساات بالعياا والسخفة... بقاات جاالسة تاابثة كااتشوف فدوك لورااق مليووحين حدااها... مداات يدهاا كااترعد هزااتهوم وتكاات بيديها على الطبلة نااضت وخالتهاا معاونااهاا....

خديجة: أزهاار بنتي تجلسي فالصاالوون؟

حركاات رااسهاا كااتدوي بصووت ثقيل: لاا... نمشي لبيتي...

دااتها لبيتها غير دخلااتها جلساات فوق النااموسية وشاافت فخاالتهاا: سدي البااااب...

يالله غاتجااوبهاا... قاطعااتها: خرجي اخاالتي وسدي البااب بغييت نبقاا بوحدي...

تنهداات ونااضت خاارجة وصلاات حدا لبااب وضارت شاافت فيها: مااديريش فرااسك هااد الحاالة ابنتي رااه واليديك فقبرهوم وماغايبغيوش عليييك...

غمضاات عينيها كااتبكي بالصووت... صدرها كاايطلع ويهبط... وخاالتهاا خرجاات سادة علييها البااب متأسفة وحاالتها قطعااتها فقلبهاا

يتبع...