ألف مبروك الجزء الرابع

ليلة كحلة دازت علينا كاملين مانعست ماشفتو اول مرة يوقع بحال اللي وقع بيلة امس مانعس فينا حتى واحد كنت كنوض بالليل نشرب كنلقا بابا كيقرا القرآن حتى صبح الحال نعشت واحد القسم وفقت على صوت الحاج عيسى عندنا فالدار سمعتو من الفوق كيعضر هوا وبابا ونزلت لاخر درجة وقفت وشعري مطلوق وبيجامة قصيرة سمعت بابا كيقول ليه مكااينش هادشي السي عيسى الله يهديك

طليت بنص عين نشوف وضع عيسى لقيتو جالس عى السداري ملاقيى يديه ومتكي على ركابيه ماعاجبوش الحال وكيشوف جنب وبابا كيفسر ليه قاليه شفت البنت جالسة هنا مابغات تعطيني راس الخيط قلت اجي نخلعها توكض شوية ، كن تشوف الزياار اللي درت ليها والله وماتسالني حلوف ماتقدر اصبر عليه نتا ! الشمس مكتشوفهاش غير باش ندير ليها العقل .. ساعا شوف فين وصلنا .

تنهد عيسى قاليه اودي راه تحكم السبع ماتحكمش البنت غير الله يحفظ وصافي ... فيت هي دابا تجي نهضرو معاها

سمعت كلمة فين هي ورجعت كنجري للبيت حتى سمعت الدقان حساب ليا ماما ومشيت حليت لقيت الحاج عيسى قدامي بقيت غير كنشوف فيه ... دخل وسد الباب وراه خليتو ماعضرتش معاه ربعت يدي وجلست على طرف الناموسية عاطاه بضهري شفتو قطع الحس وضرت عندو لقيتو كيشوف فيا وقلبت وجهي بديت كنلعب فسناسل فعنقي كنخفف على راسي التوثر ، جا قدامي وقف قالي شنو هادشي ؟؟؟

بقيت ساكتة وقلت ليه شنو؟؟

قاليه شهادشي درتي ؟

قلت ليه شنو بغيتي مني؟ صافي قلت ليك اللي كاين

قالي قوليها نسمعها دابا منك

بقيت ساكتة مطولا قلت ليه وعيني كيفرفرو فالارض الى بغيتي نرجع قبل شرطي

تنهد وقالي علاش بغيتي تخدمي؟؟ نعرف الهدف ديالك من هاد الخدمة

قلت ليه نشغل فيها راسي ماشي نبقا كنحسب الايام فوقاش تجي

قالي مابانت ليك غير الخدمة تشغلي فيها راسك

قلت ليه هادا هوا شرطي

بقا ساكت مطولا وقالي واخا لاللة مرحبا ... بشرط تمشي معايا لفاس

شفت فيه متفاجأة قلت ليه لا منقدرش نتفرق على واليديا

قالي هادشي اللي كاين الى بغيتي تخدمي ميمكنش تبقاي هنا بوحدك ... يالاه نوضي جمعي حوايجك

بقيت جالسة ساكتة كنفكر فرحت حلم الخدمة تحقق ليا اخيرا ومتحمسة لنوع الخدمة ومن غيرو هوا عمرني كنت نحلم نخدم ، قلت ليه عندي الخوايج بزاف هنا خصني نحمع حوايج العرس وبزاف ديال الوقت خلي حتى لغدا

مشا خرج مع الباب قالي سربي راسك كنتسناك لتحت

حسيت بيه راضي فوق نفسو وغير ساهي فالارض وهبط بقيت بوحدي فرحت من جهة. غنتفك من القيود ومتحمسة لحياتي الجديدة لاكن ماما مابغاتش حاولات تقنعني باش نطلق ونتزوج اي واحد واخا يكون ولد عمي اامهم منقبلش التعدد لاكن قلت ليها عن اقتناع لا لقيت راحتي عند الحاج عيسى حتى راجل مايدير ليا اللي دار ليا الحاج ونقبل على التعدد اللي عندو الى كانت عندي داري بوحدي ويخليني نخدم ونعيش حياتي بحال يسرى ونشري حتى انا طموبيل ونبقا متميزة عندو علاش لا نصبر فسبيل رغباتي

قاليت ليا ياابنتي راه الضراير صعاب. كنخاف عليك يوكلوك شي عجب تشدي الركنة ويجيب عليك الرابعة وشوفي التميز ديك الساعة .. واش حساب ليك غيسكتو ليك والله لا سكتو علاه انا كنت نسكت على وحدة الى جابها ليا باك

قلت ليها ماغاديش نشرك معاهم المجمع ماعندهم فين يلقاوني ومغانخليهش يجيب الرابعة. ديك الساعة الى بغا يجيبها يطلقني نربح الخدمة ديالي ونستقر .. الى كنت غنعيش عشر سنين مرتاحة حتى يشلل مني بابا حسن ليا ماندوزها مع عبد الحق ولا لاخر اللي قاليه ماتعرفش

قالت ليا هاني وصييتك ماتجيش كتبكي عندي غدا ولا بعدو

قلت ليها ماغنجيش انا عارفة شنو بغيت نحس براسي بايرة كاع عند ايت الحاج وعندي حريتي ولا نجلس بايرة عند با والبيبان مسدودين عليا

جمعت دهازي كامل والكادويات اللي جاوني وكاع دكرياتي اللي عندي فبيتي فالكراطن وهبطوهم لطموبيلة عيسى ونزلت لابسة جلابة دافية ديال البرد باج وشالي على راسي وعلى كتافي شال اخر غلض شوية لقيتو كيهضر مع بابا قاليه الله يهدي ماخلق وصافي

فتح ليا الباب كان جا فسيارتو الزرقة قبل منطلع عنقاتني ماما كتبكي وانا قاطعاها فيا مابغيتش نبكي وبابا كيرضي. عليا ويوصيني ندير عقلي واخا راني كنت دايرة عقلي و هاديني الله طول حياتي وكنقرا مزيان وهما اللي خرجو ليا العقل. وخرجوني على طوعي حتى وليت كندير افعال ابليس باش نخرج من الضيق اللي كنت فيه .

طول الطريق وحنا ساكتين حسيت بزواجي اصبح حقيقة ومكتوبي توا عيسى ماعليا غير نتقبلو ونطلب الله نعيش هانية كيف بغيت وبديت كنحاول نقنع راسي بيه وسهيت كنشوف فيه وفتفاصيله الصغيرة والكبيرة وهوا كيسوق السيارة كان لابس قميجة من لتحت بيضاء عليها جيلي من الصوف زرق مسدود من القدام وشال على كتافه متول ومنضم ونقي بزاف كتبان عليه انسان دواق ونقي من لداخل والخارج باينة من يديه الصافية واخا فيها شعر كحل ناعس مع صبعانه لاكن نقي وادافره زوينة وحمرا مزينهم بدوك لخويتمات فاصابعه الاخيرة وغادي كيشوف فالطريق عاقد حجبانه وساكت ماقالي حتى كلمة حسيت بيه ساهي بعين وحدة كيخم يعلم الله اش كيقول مع راسو خفت غير يتقلب عليا واخا احساسي كيقول ليا مايديرهاش كتبان عليه معقول قد كلمته . حسابني غنمشيو لفاس لاكن مشينا لداري نزلت بلا منهضر حيت ماعنديش علاش نسول اصلا دابا داني واللي عطا الله عطاه واخا يهرب بيا غنقبلها بلا منطق . قلت ليه واش مغنهبطوش الحوايج ديالي قالي وهوا مطأطا راسو على تيليفونو لا خليهم غدا غنمشيو لفاس

حركت ليه راسي بالايجاب فصمت وطلعت حليت باب داري غير دخلت ليتا ضرباتني ريحتها ورتاحيت كتعجبني بكل مافيها تمنيت نعيش فيها لاكن ماكتابش وماعرفتش الدار اللي غنسكن فيها ففاس كيفا غتكون واش بحالها ولا لا

حطيت باليزتي فالبيت وحيدت جلابتي سبقتو للطواليط سديت عليا وتنهدت واحد تنهيدة قدها قداش بقيت ساهية كنشوف فراسي وكتافي و كنت لابسة ديباردور كحل تحتو حمالات فالكحل كيجي معايا بزاف واخا كاع الالوان كيجيوني زوينين لاكن انا كيعجبني راسي فالاسود بزاف .. بقيت كنمشط شعري ونجمعو وندور باغراضي على سطح رخامة البيضاء وكنقول مع راسي شووف دابا شحال وانا كنجتاهد ونقرا ونحلم ونطلب الله يجيني ولد الناس اللي نبغيه ونسلم ليه راسي بكل حب وانا عندي رغبة فيه ونتزين ليه ونبان ليه احسن وحدة بدافع الحب ودابا وقع العكس تماما .. المشكل اللي وقعت فيه مشكل وفنفس الوقت ماشي مشكل ،. جيت نحلل دخت وحرت حيت عيسى مافيهش عيوب اللي تخلي شي مرى ترفضه .. بلعكس كله على بعضه حلو وعطاه الله المال اللي يخلي اي وحدة لسق عليه حيت اغلبيتنا حنا النساء كنسمعو راجل بفلوسو كنميلو ليه حيت كل ما يكمهمنا هوا نعيشو فالرفاهية ونتمتعو بالحوايج والذهب والسفر والفلوس تبقا دور فيدينا دائما .. عكس الراجل المتعة عندو فتغيير النساء وحدودة عندو شهوة وحدة اما حنا عندنا تسعة وتسعين شهوة وشهوتنا الاولى كنهضر انطلاقا عن نفسي وشنو خلاني نقبل هاد الزواج هوا انني باغا نعيش ملكة ونعيش الراحة والاستراحة يقدر عيسى يوفر ليا جميع المتطلبات ديالي واولها يهنيني من شقا الدار وتمارة الكحلة اللي كدوز عى كاع العيالات والى قلتو بغيت خدامة بغيت نتفرغ لراسي يقول ليا اه مرحبا .. وكذلك نشبع شهواتي كلها اللي فالداخل ديالي كوني امرأة وشنو كتبغي المرأة وتحب من غير الذهب والحوايج و اللباس وتزين وتشوف راسها زوينة واحسن امرأة فالعالم ماشي باش تعجب شي راجل وإنما تعجب راسها .. كنشوف نفسي انا وشنو كتبغي .. كنبغي نشوف الزين عليا وما تتميز عليا حتى وحدة .. كيعجبني نشوف الحاجة الزوينة عليا لأنه قبل مايتغرم بيا شي واحد انا مغرمة بنفسي قبل وعاجبني راسي والاسوء انه ليا منافسات فهاد الزواج غير بيني وبين راسي والتخيلات اللي كدور فعقلي كتجيني الغيرة والحسد منهم واخا ماداخلاش على هاد الزواج بالحب لاكن ماكرهتش كن ماكانوش وماباغاشً يكونو حسن مني قدام الشخص اللي جامعنا وهادشي اللي خلاني بلا هوايا ونخلي التميز ليا فقط لانه قدري وماعنديش من غيرو ومنقبلش نكون اسوء وحدة او نخيب امل عيسى فيا ويشوف فيا بنضرة خايبة ويتخدل يقول مع راسو هادي اللي كتبان بحال الشمس طلعات ماعليها ملح ولا سكر .. هاد الكلمة مانقدرش نستحملها من كلب الى قالها مابالك الزوج ! نفسي وحرها خلاوني نستعد للدخلك ديالي واخا ماكنتش باغاها وكنتهرب لاكن مهما طال الزمن غتم وعييت نعطل فالاخير تقبلت الوضع ديالي وما عليا غير نبقا فالصدارة مانخليهش يشوف جيهة شي وحدة اخرى حيت بان ليا عينو زايغة واخا الدين والخوف من الله تفتن بيا ويقدر يتفتن مرة اخرى الى ماسديتش ليه عينيه

حليت الباب وانا على ضغطي كنقول ياربي مايكونش فبيت النعاس على الاقل نولف شوية ساعة خرجت جيت فيه نيشان مقابل معايا كيصلي ساجد مع خرجت هز راسو شافني وتلف رجع سجد ديك الساعة وبقا هاكاك شحال دزت دايرة يدي على نيفي خرجت من البيت مشيت جهة لكوزينة كنتلف حشمت نرجع للبيت حتى حسيت بيه مورايا وقف وحيد ليا لكاس دالماء من يدي شرب منو وقالي فودني كاع هادا حمام

بقيت كندور فعيني ساكتة وبغيت نهضر فالمعقول قبل مايقيسني قلت ليه باش واعدتينيى

حط يديه على خصري قالي فودني باش؟

شفت جيهته بالجنب قلت ليه واعدتيني نخدم هوا الاول

قالي ومزال عند وعدي

قلت ليه بغيت نخدم مع الدولة

تنهد حدا ودني قالي علاش بغيتي تخدمي خليك فدارك كولشي يجي حتى لعندك

هزيت كتفي قلت ليه لا بغيت نخدم .. مالها رجاء خدامة ومستقلة

قالي رجاء. كومبيطونط نتي غيطمعو فيك

قلت ليه باش عرفتيني ماشي كومبيطونط

عنقني من اللور قالي من بعد ونقول ليك ماشي وقت هاد الهضرة

ضرت عندو تقول واش بغا يخلي الفجوة بيناتنا وانا فاخرة ماشي شي وحدة ضعيفة عجبوه جنابي لسق عليهم وقرب ليا بغا يبوسني قلت ليه انا وفيت ونتا ماوفيتيش وقلبت وجهي

قالي انا غنوفي علاش هاد الشروط كلها

تسليت من بين يديه مشيت للبيت حلفت ما يقيسني حتى نعرف راسي من رجلييا ..تبعني للبيت حسيت بيه مابقاش قادر يصبر وزدت ليه التعديب. اكثر جلس حدايا كان لابس سروال وتيشورط شفت سروالو هارب عليه جاتني الضحكة وعاق بيا يمكن قالي كضحكي

قلت ليه با غنتيق

جرني من خصري حط يدو على فخدي سخناتني حساب ليا راسي عديمة الاحساس حتى كتاشفت انتي عندي الاحاسيس

قالي واعدتك شنو بغيتي اخر

قلت ليه واعدني ماتزوج عليا

بقا غير مصدوم فهضرتي قالي شكون جبد سيرة الزواج دابا

قلت ليه اذا عندك فكرة تزوج عليا

قالي الاللة كنواعدك والله ماتجي عليك شي مرى هاني حلفت ليك كاع شنو بغيتي اخر

قلت ليه مانسمعش حس مرواتك ولا ريحتهم توصلني

قالي مغتوصلك حتى ريحة بقيتي على خاطرك؟

سكت كنشوف جنب قلت مع راسي مدام هوا فوضع يخليني اللي قلتها يقول اه .. قلت ليه مابغيتش داك الحجاب اللي كدير ليا بغيت الحجاب العادي تبقا قصتي تبان كي كنت

تعصب قالي شروطك كتااار ااه؟؟!! عيقتي

حليت عيني فيه صدمني فكرني فديك الدقة اللي عطاني وقلبت وجهي نضت من حداه هوا كيعيط ومشيت سديت عليا فالحمام طفا انوثتي بديك الزعفة تا بغيت نبكي .. كنت فوق السلك حتى ردخني حسيت بيها شوطاتني بقات كطلع وتهبط فيا بقيت تما وهوا كيعيط ليا من برا نخرج ماجاوبتوش ومشا وعاود رجع كيعيط ليا نخرج ومابغيتش حتى مابقاش كيعيط عاد جمعت نفسي وخرجت مالقيتوش فالبيت ضربت فالساعة لقيتها لحداش ودرت بناقص من الماكلة مشيت نيشان لفراشي تكمشت حيدت البينوار بقيت بالسوميج حلفت حتى نجيبو كيزحف نوريه يغوت عليا وانا على مزيناتي فرحاني براسي ، حسيت بالحس فالدار وتقلب عطيت للباب بالضهر من حهة البالكون مغطية وهضري كيبان وشعري محلول حسيت بالفراش هبط بيا وسديت عيني درت راسي ناعسة .. حسيت بيه دخل ورايا وطل عليا معنقني وشد ليا فيدي اللي حدا وجهي قالي حشومة عليك هادشي اللي كديري فيا رأفي شوية

جمعت يدي حدا صدري فصمت وهوا كيبوس كتافي وعرا ليا عنقي من الشعر همس فودني قالي كنبغيك

حسيت بديك الكلمة دخلات مع صدري قاست ليا النبض. متوقعتش الحجوجي شخصيا الهمة والشان والمعقول بعينيه كان الناس كتشهد عليهم وتشوفهم فالقمة يجي كيدوب حدايا ويقول ليا كنبغيك ويترجاني نرضى ! بلحق لالاا هاد الكلمة انا اللي قاست ليا النبض حيت عندي قييمة وقيمتها كبيرة اما هوا راه مولف يقولها ويعاودها ..تجاهلتها وهوا حدا ودني كيبوسني ويهمس فيها بكل انواع الغزل اللي عمرني سمعت فحياتي من وصف لجمالي وانوثتي وكيتغدل فيا مأنني بوحدي فالدنيا ويلمس يديا ويبوسها ماعرفتش نصدق ولا نكدب فاض عليا بالحنان وليت نقول واش هادا الحاج عيسى !! ضورت سينتا فراس من نهار سمعت بابا كيهضر عليه اول مرة ونهار سيفطت ليه مسج وجاوبني ونهار الشوفة عمرني تخيلت نطيح انا وياه فالفراش كانت الفكرة مستبعدة حتى لقيت راسي بين يديه كيتموج على السوميج ديالي ويفرق قبلاتو على كتافي .. ضرت عندو بدون شعور جات عيني على صرو لمست داك الشعر بيدي واخا ماحملتو ماقبلتو وفاش لقيتو رطب دوزتها بقبلة نساتني واش كاين كاع. عطاها ليا على شفايفي حسيت بيه تخشع مص ليا شفاهي وجبد ليا ليا لساني بسياسة حتى نسيت شكون انا ومنين جبت هاد الجرأة هادي وانا عمرني جربت ، لاكن الشهوة كانت كافية تعلمني شنو ندير .. حسيت بيه كيتسنا يشبع قبل من شفاهي لاكن ماشبعش وعطاهم مهلة للراحة ونزل على عنقي طلعات الآه من حلقي وتبورشت شاف فيا دار ليا واحد الضحكة كانه طاح ليا على النقطة .. خلاني نستسلم ونشوف اللي عمرني شفته وانا اللي كان يحسابني الجنس هوا الإج فقط حتى تصدمت من قبلاتو النازلة مع صدري وهواي كيجردني من ملابسي ويسقي عطشو من جميع مفاتني حتى بديت نتأوه والنفس كتقطع فيا .. كنبغي نقول ليه حبس كنتراجع خوفا من انقطاع .. عامل جسمي كانه قطعة من الحلوى ووصلو قبلاتو حتى لاصابع رجلي بدا كيمص فيهم وانا كنهربهم من الهران ورجع لمنطقتي الحساسة وانا كنغطي جسمي من الخجل وخليت ليه نصفي الاسفل ك تبادل معاه القبل حتى بديت كنتهز من مكاني وكنتسنا اللحضة اللي يتم فيها الايلاج ويفضرالبكرة اللي كانت كتشوش عليا وخايفة من وجعها .. تسنيت وتسنيت وقت طويل يهز راسو ونستعد لديك اللحضة اللي لاطالما كانت كتشكل هاجس من الخوف. ووسط الشهوة واللذة والاعلا بقا عقلي كيقول واش مابغاش ينوض خلاص حتى لواحد اللحضة هز راسو وجمعت رجلي من الخجل شفت فيه كان قدامي جالس وكيشوف يمين يسار ويقلب والدم ففمو جر واحد الفوطة مسح فيها وبزق عليها وانا كنشوف فيه مفاهماش اشنو وقع مالو !! شاف فيا كيضحك قالي ماتقصحتيش؟

بقيت كنشوف فيه باستغراب وجسمي كله كيزدح وكلشي منمل عليا استحيت نجاوبو وجيت نغطي رجلي قالي لالا غير بلاتي ويدا يسعفني وانا كنقول مع بالي مالو ناض مشا للحمام وكيشوف فحجرو وهوا باقي بالبوكسر ديالو ماحيدوش. بقيت كما قالي بقاي وهبطت يدي لتحلت كنلقا داكشي مزعلك وهزيت يدي نمسحها حتى كنتفاجأ بشوية ديال الدم على صبعي تصدمت قلت ويييلي ياكما جات الدم وييلي صافي تشوهت قدامو

يالاه جيت نوض رجع عندي لابس بوكسر اخر لقاني جالسة لايحة عليا البينوار وجا شد فيدي قالي علاش نضتي

هبطت راسي وجهي احمو قلت ليه ماحسبتش ليها يمكن بلخلعة وصافي

قالي وماحسيتيش بعدا بعدا ؟

قلت ليه لا ماحسيتش ولاكن يقدر يجيني الوجع

قالي لا شوية ويحبس داك الدم

قلت ليه باستغراب اشمن دم !!

قالي كفاش اشمن دم علاياش كتهضري

قلت ليه ليغيكل!!

جرني من راسي عنقني كيضهك وقالي يااا سارة ياسارة .. شافيا وقالي ماشي ليغيكل راه البكرة هادي اللي … ودار ليا حركة بصبعو بقيت فير كنشوف فيه قلت ليه شنووو!!! كيفاش مافهمتش

هز حجبانو كيضحك قالي ياك ماحسيتيش

قلت ليه لا

قالي ايوا هادا هوا المضمون

بقيت ساكتة مالقيت مانقول حشمت نبقا تزايد معاه فهادشي وقلت ليه نمشي لطواليط. ودار ليا الطريق مشيت كنستر راسي بالبينوار دخلت سديت عليا وشفت وجهي فالمرايا لقيتو حمر وعنقي كما هابط ومخبي تحت البينوار حمر باحتكاك لحيته مع بشرتي ، هزيت واحد المرايا بديت نشوف بيها لتحت لقيت راسي طايبة بالحمورية وبديت نكتاشف البكرة بانت ليا الدورة ديالها حمرة منقطة نقاطي صغار فين مانمسحهم يطلقو الدم ومحلولة شفت لحمي من لداخل بان ليا شوية تخلعت جاتني الرهبة منها وقرتها ونضت مخلوعة قلت صافي وليت مرا!!! صافي قطعت الواد مابقيتش من البنات!! حسيت بتأنيب الضمير وبقات فيا شحال وانا محتافضة بيها وعايشة معايا وفساعة فرطت فيها جاني الدم اللي كيسيل منها بحال الدموع كتبكي وبقا فيا الحال بقيت كنبكي واخا بالرضى ديالي وبخبار واليديا لاكن احساس غريب نتابني بكيت معاها حتى سمعت الباب تحل دخل عندي عيسى شاف فيا من الباب دورت وجهي بالزربة للحنب كنستقبل دوم الدمعات اللي كيتلاقاو تحت نيفي بلساني وكنحمع حوايجي النتناترة على الرخامة . قرب مني وعنقني باس راسي وقالي عادي عادي … مايبقاش فيك الحال ..

خبيت وجهي فصدرو كنبكي وهوا كايواسيني حسيت بيه غفلتي ماشي هاكا توقعتها كاع ..كمدتها كنصبر راسي ونعست فخضانو كايواسيني طول الليل وصبحت فأحضانو ناعسة وكنتأمل فهاد اليوم الجديد نتقبل التغيير و نتعود على حياتي الجديدة ونخط فبالي انه ماشي اخر ليلة وانما بداية ليالي كثيرة مع نفس الشخص اللي فعلا صدمني صدمة العمر كنت كنتوقع دوز المعاشرة فحدود النكاح العادي لاكن فاق الواقع اللي عشت كل تخيلاتي وبديت نشوف فيه وهوا جالس جنبي سايق السيارة وكنسرق النضرات غير مصدقة من انه هوا نفس الشخص اللي كيبان ليه الوقار والاحترام والدين يكون فنان فهادشي وتكون عندو هاد الاحترافية وهاد التفكير فدماغو او بالاحرى تكون عندو الشهوة والرغبة بهاد الطريقة !! بقيت مصدومة من ليلة الامس ومرفوعة والطبيبة كتسولني وتعيد السؤال ختى انتبهت وهزيت راسي شفت فرجليا المهزوزين قدامها وحنا بوحدنا فغرفة الكشف. قالت ليا بتساؤل باش دخل عليك ؟

بقيت غير كنشوف فيا مالقيت مانقول وحشمت نقول ليها بلسانو قلت ليها علاش واش عندي مشكل!!

قالت ليا وكتكشف عليا لااالا بلعكس .. هادي هي الطريقة الصحيحة ماشي بحال شي وحدين مساكن كيجيو عندي مكنلقا مانحمع فيهم اللحم كيتفزر .. واخا سال الدم ماتفزرش اللحم بقا مجموع غير تجرح

قلت ليها واش صافي تحلات فمرة ؟

قالت ليا تحلات ولاكن مع الممارسة غتبقا توساع شوية بشوية حسن ماوساعتش فمرة وحدة حيت كاينين واحد العصبات فالجناب الى ترخاو من الضربة اللولة ماكيتجمعرش .. راجلك راه عارف اش كايدير. تبارك الله عليه .. يمكن مادخلش عليك ب. بيب…!!! حيت الطريقة باش محلولة بحال شي جلدة تحلات بالعبار باش متفركعش

قلت ليها امم

قالت ليا نوضي على سلامتك راه البكرة تحلات ولاكن مزال كما نتي من برا مزيرة فالمرة الثانية غتبدا توساع بشوية

قلت ليها وغادي ضرني !!

قالت ليا مامفزرشراللحم غير الدورة ديالك غتمدد واخا غتحسي بالجرح لاكن ماتعطليش عليه باش ميتكمشش يدوزها عليك فالمعاودة. حاولي تعاودي شوية بشوية باش تطلق دغيا

نضت ابتسمت خديت معلومات بعدا الحمد لله دازت بسلام ، ولايني هاد عيسى يخاف منو الواحد طلع ماساهلش نيت ! خرجت لقيتو جالس فالبيرو غير جلست شاف فيا بتساؤل قالي شنو ؟ واش كولشي مزيان

حمعت شفاهي كنحرك ليه راسي فصمت وخرجات الطبيبة خرجات ليا غاسول نتوضا بيه وقالت ليا مبروك عليك الله يكمل بلخير وخرجنا من تما شد ليا فيدي وحنا نازلين مع الدروج قالي شنو قالت ليك مزيان ؟؟

قلت ليه اه الحمد لله

عنقني قالي وانتي اللي مخلوعة بوحدك هانتي كولشي مزيان الحمد لله

حركت راسي بالايجاب جاتني الضحكة وهمس ليا فودني وقالي بلحق ماعندي مانقول شهدة

دورت وجهي كنضحك وكنتهرب من داك الكلام وطلعت حداه فطموبيل مرتاحة شدينا الطريق لفاس

وصلنا الفاس غير ندبت من السيارة دقت سم البرد عندهم وتكمشت كان دفئ السيارة مضسرني ماحسابنيش يكون عندهم البرد لهاد الدرجة وماقديتش عليه قلت لعيسى عندكم البرد كيجمد العضام

جرني عنقني قالي اجي ندفيك الحبيبة ماطلبتي غير الموجود ، بديت كنضحك وشديت ليه فيدو دخلت معاه للفيلا استقبلاتني عكوزتي فرحانة برجوعي وكتعنقني وتعاود ماقدرت نطلق يدي ونرتاح حتى دخلت لداخل حسيت بالدفىء كان عندهم الصهد لداخل ماشي غير الدفىء سلمت عليها ورحبات بيا لقيتها بوحدها قلت ليها واش مكاين حد قالت ليا مكاين حد هاد الساعة يسرى خدامة والحاج كيخرج عند صحابو يجلس معاهم ولاهيلا فرحتيني مللي رجعتي .. ايوا هاكاك مالكي .. هانتي درتي عقلتك وطايح عليك السر تبارك الله

بقات كتنخزني وتهضر وضحك حشماتني بقيت غير كنشوف قدامي ، ضايفاتني ورحبات بيا وحلست غير انا وياها فالدار اما عيسى خرج قالي غنقضي شي شغل ومشا بقيت كنتجمع انا وياها قلت ليها صافي غادي نسكن ففاس فمرة بلحق جاني بارد بزاف

تفاجآت قالت ليا نهار كبييير هادا ومضخم ويلى جات على البرودة يا لاللة يدير ليك لاكليم والشوفاج ويسخن ليك الدار ونتينا مغاتمشيش على رجليك فالزنقة يسوطرفيك البرد نتينا غتمشي فطموبيل وتجي فطموبيل

ابتسمت ليها قلت ليها ان شاء الله الحاجة. ايوا نصبرو حتى نولفو اش غنديرو

طبطبات على كتفي وقالت ليا تبارك الله الله يحجبك من العين يا سكيكيرة يا نويويرة

بقيت كنضحك كتعجبني الهضرة دالحاجة كلها حلاوة وسكر خاصني نتعلم منها هضرتها متشبعش منها وانا مكنعرفش نهضر بحالها كنحشم وهي عندها عادي حيت كلامها كله شهد وسكر . ماسخيتش بالهضرة معاها دوزنا النهار تغدينا بجوج حتى للعشية وصلات يسرى كانت لابسة واحد المونطو كلاسيكي كيحمق طويل ولبوط فوق الركبة والشال على راسها غير شافتني جات عندي فرحانة سلمات عليا وعنقاتني عجبها الحال وحتى انا عجبني الحال وسط منهم حسيت بدفئ الاسرة وماحسيتش بالفراغ وتهلاو فيا وكبرو بيا ماحسيتش بالوقت حتى وصل وقت النوم ومشيت لبيتي تفرغت لنفسي كنتسنا عيسى يدخل وجهزت راسي لبست ليه لكحل من داك الدهاز ديالي وتعطرت ويالاه جيت نوض حل الباب بشوية حساب ليه ناعسة دخل لقاني فايقة ضحك ليا قالي مازال مانعستي

قلبت عيني قلت ليه كنت غادية نعس ومشت لفراشي كنت لابسة سوميج بالخيوط من الكتاف عطيتو بضهري كنحس بيه كيدور فالبيت وتلفت. واحد الدقيقة لقيتو واقف عاطيني بضهرو بالبوكسر وشاد تيليفون كنسمع صوت الكتبة وسط الحس والسكات فالاخير شكتو من الجنب وحطو. تلفت بسرعة رجعت لبلاصتي سمعتو كيتنهد ويستغفر وجا دخل حدايا حسيت بتعنيقتو جايا فالطريق ويدو كتميل عليه حطها قدام وجهي فاجأني بهدية فعلبة صغيرة فيدو محلولة فيها جوج اقراط مربعين كبار احجارهم كتلمع وتجدب بقيت غير كنشوف فيهم وانا ناعسة مشاو ليهم اصابع يدي نيشان بانجذاب واعجاب هزيتهم بين صبعاني كنشوف فلمعانهم وقلت ليه واش دياموند

قالي حدا ودني. الديامون د يستاهل الدياموند

برقو عيني من اعجابي بيهم ونضت تكيت على ضهري قرب ليا خشا وجهه نيشان وصدي باسو وانا كنشوف فدوك الحلقات وحطيت يدي بعفوية على راسو مررتها كأنني كنقول ليه خود راحتك كولشي ديالك ..طلع لعنقي وهربت وجهي قلت ليه لبسهم ليا

هز راسو قالي نلبسهم للزين ديالي هي اللولة

حيدت حلقات ذهب كانو فودني ولبسني الداموند وقالي جاو معاك

قلت ليه بصح ! بلاتي نشوف

قالي اش غنشوفي دابا حتى للصباح وشوفي. ونهال على شفاهي بالقبل مرة يعنفني مرة يدللني وعاشرني لاول مرة معاشرة بين زوج وزوجته وحاول يمتعني قبل مايمتع راسو لاكن ماقدرتش واخا نوض فيا نار الشهوة حيت بحر الايلاج من البدية ديالو حتى بغيت نبغي قلت ليه ماقادراش صافي براكة. وحبس خلاني رتاحيت ورجع للمارسة الفموية من جديد حتى استسلمت وعاود رجع للايلاج وبديت نترعد ليه بين يديه ماكملات ديك الحصة حتى عرقت حسيت بجنابي طابو واخا منع راسو من اغتصابي وكنت كنحس بيه باغي وفكل مرة تخرج من فمو كلمة استغفار بعفوية بلا ميشعر واخا عارف انه ماخصوش يستفر اثناء الجماع لاكن حسيت بيه بغا يفقد اعصابه وصبرت حتى عفا الله وقلت صافي غنرتاح لاكن بقا معنقني وهوا على نفس الوضعية كيقبل عنقي وودني حتى حسيت بيه رجع للايلاج من جديد قلت ليه لالالا منقدرش وبقا عليا بشوية ما بشوية دوزت الحصة الثانية وكانت اطول من الاولى وبوثيرة بطيئة وصلت فيها للنشوة وكانت ودة فعلي قوية تنفضت من بلاصتي حتى تخلع حساب ليه غنموت عاد رجع تهدن فاش شاف ردة فعلي الثانية وانا كنتنهد بالانين وبدا كيضحك استغل داك الجزء الاخير من النشوة وتنشوا حتى هوا ومع ذلك بقا لاسق عليا حلفتو بالله حتى يخليني نعس وقالي فودني. غنخليك غير بلاتي شوية مانبقاش معاك ؟ كتجري عليا

قلت ليه مغنهربش ايام الله طويلة

قالي كنعرف غير هاد النهار دابا واهاد الساعة وهاد اللحضة وغدا يحن الله

جاب ليا البكية خفت ينوض ليا وبغيت نطلق رجلي نرتاح وبديت نتفشش عليه وتكا حدايا قالي اااااجي عندي يا الشهدة يا الرحيق اللي عمرني دقت بحالو

تزنكت قلت ليه امم هادشي غير ليا ولا لكولشي

عنقني وقالي الى كنتي عارفة راسك شهدة ماغاديش تشكي فهادي ولالا

بقيت ساكتة كنشوف فيه وهوا كيغزل فيا بيديه قلت ليه راني عارفة راسي شهدة غير بغيت نتأكد واش نتا صريح معايا ولا مع كولشي.

هز حاجبو مصدوم قالي ولايني كيدك بوحدو !!

بقيت ساكتة هيطت راسي مابغيتش نضحك ليه بغيت نغضب ويحزرني شوية ودورت وجهي ساكتة قالي مال الشهدة ديالي تقلقات

ميلت راسي قلت ليه كتر عليها النحل

هز راسو على المخدة كيضحك وترها بقيت بين يديه بلا تعناق بغيت نبعد وهز يدو دوزها على شعري وقالي خاصني نبقا نضرب الحساب دابا معاك فالهضرة. ماطلعتيش ساهلة

قلت ليه دابا قولي. فوقاش نمشي لداري و فين الوعد اللي عطيتيني

هز ليا وجهي باسني وسكت سديتي عيني ونعست على كتفو كنت كنقول غنعيفو ماكنبغيش مانقدرش نبوسو لاكن كيخليني نتجاوب معاه بلا هوايا وشفايفو عجبوني كيشهيني وخليني قاطعة الحس ويبعد ويخلي ليا شفافي منملين .. قالي مزال عند وعدي بلاتي نرصيو الامور ونشوفو. .. واخا كن سمعتي ليا وجلستي فدارك حتى حاجة ماتخصك ..

قلت ليه علاش رجاء

تنهد كيشوف فيا قالي رجاء عاوتاني .. قلت ليك رجاء عملية حتى كفاش كتهضر مع الناس ماشي بحالك نتي

خرجت عيني حسيت بالنهار شعلات فيا جيت نوض وشدني ردني بلاصتي قالي نتي ماشي ديال الخدمة .. نتي ديال الراحة واللي بغيتيها تجي حتى لرجليك .. لا لهضرة ديالك ولا هاد الصويت اللي عندك ولا هاد العوينات ما ديال لخدمة ولا ديال تمارة .. خليك فدارك و طلبي شنو بغيتي

تنهدت وميلت راسي للحنب وقلت ليه لا واعدتيني وفي ليا

تنهد وقالي دابا هاد الخدمة ضاروري عندك ؟؟. تخرجي ودخلي وتغبري نهار كامل .. انا مانرتاحش غيبقا بالي مشطون نعلي الشيطان وجلسي ضوي دارك انا بغيت فاش ندخلك نشوفك فالدار ماشي نجي نلقا غير الغيام

قلت ليه دابا مابغيتيش ياك ؟

بقا كيشوف فيا وقالي فاش باغا تخدمي يالاه قولي ليا نوع الخدمة اللي بغيتي

قلت ليه بغيت نكون شي استاذة جامعية راه عندي دكتورة

هز حاجبو قالي تبارك الله الاستاذة الجامعية تقري ليا الطلبة ويحتارموها ويجلسو ساكتين !!! نتي تقري الطلبة نتي !! والله مايقرا فيهم شي واخد انا كنقولً ليك. بغيتي يبقاو يشيرو عليك بالنوامر. وا خدماااا نيت طالبة

بقيت ساكتة كنشوف فيه وقلت ليه وا نخدم فشي ادارة يالاه نجلس فالبيرو ونهني راسي.

قالي اييه جلسي فالبيرو وسدي عليك وكل مرة يتم جاي واحد عندك يدير السبة بشي ملف ويجلس معاك غير نتي وياه تما لا مزياان

سديت عيني كنتنهد قلت ليه وشنو يالاه بغيتي ها الوضائف اللي زوينة كلها رفضتيها. !! شنو بقا ؟ … يالاه خليني نخدم فشي بوسط من اختيارك يناسب النيفو ديالي انا راه الدكتورة خرجت عليها ريقي مابغيتهاش ضيع هاكاك

قالي. خرجي ريقك معايا انا وخدمي معايا قابليني نحي نلقاك وبقاي غير جالسة فالدار ونخلصك ندير ليك ليك عشرالاف درهم فالشهر مزيانة ؟؟. حسبيها خدمة وكتخلصي عليها

حسيت براسي بديت نتعصب وقلت ليه لا ادا ماعندكش الكلمة خلفتي بالوعد ديالك وقلتي واخا نقبل الوضيفة ودابا خلفتي واخا صافي

جريت بينواري بغيت نوض ورجعني حداه قالي صافي صافي .. صافي خلي دوز هاد الليلة ونستاقرو بوحدنا ولها مدبر حكيم

قلت ليه واعدني ماشي ضحك عليا

قالي كنواعدك الاللة غير صبري شوية مغتهربش هاد الخدمة

هزيت صبعي قلت ليه. الوضيفة مع الدولة

تنهد وقالي نشاء الله .. يكون خير

قلت ليه وعد ؟

بقا ساكت مطولا وقالي بشرط

خليت عيني كنشوف فيه وقالي الخمار

رميت الكاشة بعصبية بغيت نوض ورجع شدني قالي صافي صافي مالكي زربانة غتمشي تعيطي لباك يجي فهاد الليل.

شفت فيه وقلت ليه راه غندير شي حاجة فراسي هاني قلت ليك

عنقني وقالي صافي. دابا مايكون غير خاطرك دابا .. نشوفو ليك الدار غدا وموراها يحن الله

بديت اولى ترتيبات لحياتي الجديدة وأولها الدار ، داني لبرطمات فحي راقي. شفتهم عجبوني واخا مكنعرفش فأحياء. فاس. لاكن يسرى اللي علماتني وكانت كترافقنا طيلة فترة البحث. حتى حطيت على الشقة اللي بغيت وكانت كتشبه لداري اللي فالناضور وكطل على منضر زوين وموقعها حتى زوين مشمشة على اربع جهات .. كانو عمارات عبارة عن ثلاتة الطبقات وكل عمارة كتشبه للي حداها وكلهم بالشرفات ومتفنين فالواجهات والشمس ضاربة حتى لقلب الدار اختاريتها بالشهوة وشراها عيسى ودخلت عليها كما هي بلا منغير فيها حتى حاجة وتفرغت ليها ولفراشها وقالي فرشيها على دوقك وخلا ليا شيك وعطاني الحرية فالخروج مع يسرى وهي اللي وراتني المحلات ديال الاتات الراقية عندهم ومشينا للبنك صرفنا الشيك وبدينا كنخرجو كل عشية فاش كترجع من الخدمة ندورو ونشوفو الفراش والتناسق. .. صورت الشقة كلها فالهاتف ديالي و بقيت كنقاسق فالفراش ونعمر لكوزينة مجهز بيت نعاس خدت ليا الفراش وقت بزاف كانو شي حوايج خصهم الوقت يوجدو والسدادر للصالون اليلدي على حسب الضياف تعطلو وبقيت كل نهار نوجد شوية حنى ساليت وحليت باب داري لشيخي وحماتي وكان معانا عيسى ويسرى دخلو وقفو كيشوفو ويصليو على النبي وضارو فيها قالي عيسى تبارك الله عليك عندك الدوق

عجبني الحال وفرحت ومشا شاف بيت نعاس عجبو وحاولت خلي الالوان مريحة اللي منملوش منها وحتى الحمام جهتو بتناسق مع الفوطات ديالو وديكورات وشكرو ليا دوقي وعجبهم الحال قالي شيخي خصنا الزردة لهاد الدار

قلت ليه هي اللولة

بقا عيسى واقف وكيشوف فيها بنو ليه البولات ديال السقف اللي لاسقين فالجبص مضببين وقالي بيدو دوك البولات خصهم يتبدلو

قلت ليه حتى انا جاوني مضببين

قالي لعشية غنبدلهم بلا مانجيو ليوم غيكون المعلم هنا

قلت ليه ماشي مشكل اصلا كاع الحوايج ستفتهم قلت حتى. نسالي كلشي ونسكنو

قالي شيخي ماتسكنو حتى ديرو لينا الزردة

قلت ليه شوف مع عيسى. وبقيت كنضحك

قاليه عيسى غدا نشاء الله نديرو الدخلة

باركو لينا عليها ورجعنا للفيلا علمنا العائلة باش يتجمعو عندي ووصينا تريتور يتكلف بالماكلة وخرجت لغد ليه مع يسرى داتني معاها للصالون ديالها حجزات لينا فيه حمام وسبا وكولشي. كانت ثاني مرة نحس براسي عروسة من نهار العرس فاش صاوبت وقاديت .. حسيت بالحرية اخيرا قدرت حتى انا نعيش داكشي اللي كنت كنحلم بيه ونخرج بحرية واخا ديما تابعني عيسى بتيليفون وحتى فاش جلست فالصالون بقا كيوصيني منصبغش ولا نقيس شعري وهنيتو قلت ليه اسيدي. انا بالله وبالشعر معاك هاد الشعر اللي مشاركين هاهوا خودو منبقاش محط فيه يدي.

بقا كيضحك قالي صاوبيه ولاكن ماتلعبش فيه

قلت صافي غير تهنا

ضربتها بتحميمة ومساج دايزو الكلام وصاوبت اليدين والرجلين وليت حريصة على نقاوتهم. ماالسي الحاج هزيز عليه يمصمصهم وليت مقابلاهم بحال اللي مقابلة وجهي .. ايوا اللع ينفعني ببراكته مهلي فيا من كاع النواحي كنت ضالماه طلع راجل وسيد الرجال كنحس براسي معاه بحال النمسة دالهواء هوا فارسي. وبطلي والمروض ديالي وسلطاني وحبيب قلبي اللي وليت كنحس براسي كنتعلق بيه نهار على نهار نهار ركل حاجة كنت كنكرها فيه رجعات من الميزات ديالو اللي خلاوني نتعلق به .. صوته. وكلامه وحتى تقليلتو كتعجبني فما بالك فاش كنكون فالخلوة معاه ويعسلني بكلامه المسعول ويطربني و يمدحني ويبدا يشكر فيا بجميع اللغات حتى كنسا سميتي .

عيط ليا فتيليفون قالي لعوينات .. ساليتي

قلت ليه حنا خارجين

قالي صوري ليا راسك نشوف

قلت ليه اجي وشوفني

قالي خدام ماعنديش الوقت حتى للعشية قلت ليه ايوا صبر ماعندي ماندير ليك

قالي شنو دابا ماتخليناش نخضرو عينيا راه عيينا بالستريس قلت ليه جمع الستريس ديالك حتى تجي عندي فلعشية

بقا كيضحك وقالي خرجي خرجي راني حدا الباب يا الفاهمة

بقيت كنشوف فجنابي قلت ليه فينك ؟

قالي هااانا حدا الباب خرجي وغتلقايني

قلت ليسرى عيسى راه جا باينة غيدوزني للدار يتضرب هادشي كامل فالزيرو

بقات كضحك قالت ليا شداك تجاوبيه نتي جبتيه بحلاوة اللسان قلت ليها والله ياختي ماقلت ليه شي كلمة فيها شي حلاوة قالت ليا وابلاااا ماتقوليها كحساب ليه كتحلوني عليه باش يجي بقيت ساكتة ودرت شالي خرجت لقيت طموبيل الزرقة فالباب كتسناني .. غير كنشوف ديك الطموبيل. كتشدني السخفة بقوة ما واعرة وكتجيه معاه كتفكرني فالنهار الاول كتعجبني الجلسة ديالو فيها وهوا طالق يدو على برا ولا فاش كيكون سايق كنبقا غير كنشوف فيه .. حليت الباب طلعت خرج ليا لسانو قالي الشهدة .. بالصحة والراحة لاللة

قلت ليه جيتي تشوفني هانتا شفتيني

ديمارا الطموبيل وقالي جيت نجلس معاك شوية ونرجع للخدمة عندي واحد رونديفو

قلت ليه ااه صافي فين غنجلسو فشي قهوى ؟. حيت ماخصنيش نتعطل الضياف غيجيو مع العاصر ماخاصكش تعطل

قالي لا غنمشيو نجلسو شوية فالدار الجديدة

مشيت للدار وضرب ليا كاع الوقت اللي دوزت فالصالون فالزيرو صدقت كندوشت من جديد وننشف فشعري اما هوا خوا عليه الماء ولبس حوايجو وزاد مع الطريق بقيت انا واقفة كنشوف شنو تدير فشعري. وكنت باغا نعريه ونطلقو ونستقبل بيه الضياف مطلوق ساعة ماكتابش. صاربتو بالمشطة ديال الضوء اللي عندي وجمعتو سفنجة مور عنقي بقبت واحلة معاها باغا نصاوب شي مشيطة حتى تقطع ليا اللحم فيدي عاد ساليت .. مابيهاش جات سامبل زوينة جات معايا وخليت الشعر شوية مرخي على ودنيا واخا مجموع ولبست واحد القفيطين فالليموني مطروز كامل بالفاسي والالوان محلول من لعقاد لقدام حتى للركبة بالمجدول ديال من نفس التوب ولبست صباط عالي ودرت مكياج من اللول حاولت نتبع الخطوات اللي دارو ليا فالصالون وصاوبت مكياج نيود بارد وعكر فلغوز بيبي الله يخلف على ليوتيوب منو كنتعلم كولشي بلا مدرسة . رشيت بارفان ديالي وحيدت كاع المجوهرات اللي عليا حطيتها فواحد الصندوق ولبست اقراط الالماس اللي جاب ليا مربعين الشكل كبار شوية ولبت الطقم ديال الالماس الابيض والخاتم والساعة اللي جاب ليا تبدلت جيت كلاص بالمحوهرات البيضاء وخرجت استقبلت الضيوف جاوني مجموعين كلهم واولهم عكوزتي ويسرى بديت كنسلم عليهم حشمانة ونرحب . دخلو عندي غير لعيالات اما الرجال فرش ليهم تريتور فالدار اللي تحت مني كانت خاوية عطانا الساروت مكتب البيع ، كانو كااع العيالات هازين فيديهم الكادويات بديت نهز ونحط فوق واخد الطاولة حدا الباب ونستقبلهم فالصالون البلدي. على حقو وطريقو شغل فاسي مضخم من داكشي الرفيع على قولة عموزتي امبرنييي .

ستضفت كولشي وتفاجأت برجاء حتى هي جايا هازة ولدها سلمات عليا بابتسامة وقالت ليا الف مبروك الله يدخلها عليك بالرزق وتيسير

قلت ليها امين اختي شكرا ودخلات جلسات بقيت غير كنشوف مصدومة كن انا والله عندها لازطمت يهضر اللي بغا يهضر ويعيب اللي بغا يعيب وزادتها جابت ليا الكادو وعكوزتي كتكبر بيها ودير ليها بلاصة حداها ! ماعرفتش باش كتحس من جيهتي وشنو كتبغي تبين ليا وللعائلة وياحسرا خرجات لبنى من عين لبرى وانا كتعاملني مزيان تقول ماشي ضرتها !! غريب انر عاد العائلات كنشوف الضراير كيعضرو مع بعضياتهم عادي. وجايين عندي وكيتجمعو ومتقبلين الوضع !

درت فرقة موسيقية فالدار نسوية ومشيت كنقرقب للكوزينة نشوف واش كولشي واجد لقيت لعيالات كيوجدو ضربت غير طلة شفت واشي كلشي متول وحاضية الشغل خايفة يعيبو عليا الفاسيات وهما من عندهم كيتفرق التاويل والنخوة ،. عيطت ليسرى قلت ليها شوفي واش هادشي واش هوا هاداك انا ماعرفتش

ضربات دورة قالت ليا لا هوا هاداك

قلت ليها دوقي الحلوى قولي ليا كي جاتك

هزات الكعبة داقتها وقالت ليا غزالة كتفتف فالفن ماعندي مانقول يعطيه الصحة عاد تخيتوغ

قلت ليها بتشكيك ياك هي هاديك ماناقص والو

قالت ليا وهي كتمسح يديها هي هاديك عجباتني

هزيت يدي وقفطاني هازاه باليد لاخرى قلت ليها ايوا صافي عاد رتاحيت

صورت داكشي اللي مستف كله لخواتاتي اللي عارفيني شنو كندير خطوة بخطوة وعاجبهم الحال وقلت للبنات اللي كيسربيو يفرقو الحلوى واتاي ومشيت كنقرقب طلعت على الزربية جلست مع العيالات كانو كلهم بالبلدي والقفيطنات وجليلبات وغير دخلو حيدو الحجاب طلقو الشعور بقيت غير كنشوف فيهم ها اللي مصبغة الشعر بالزعر ها اللي صابغة بالحمر ها اللي شعرها كحل ها للث دايرة مشطة وها اللي طالقاه ومنهم يسرى اللي كانت طالقة شعرها ولابسة قفطان بالطالون ازرق تمات جايا من الكوزنية كضحك حتى وصلات عندنا وطلقات يديها كتشطح بالتاويل وتلوى وجراتني وانا حشمانة بديت كندير بحالها ونشطح وناضو لعيالات كيشطحو فوجنا على قلبنا وكل شوية تزهق عيني جهة رجاء كنلقاها جامعة فمها وكتشوف فيا من تخت لتحت وحاضياني ، حطيتا لغدا درت ليهم البسطيلة باللوز ودجاج مدغمر وعاد المالح بأنواعه ولحلو والمشروبات حتى ضربات التمنية دلعشية وحنا مزال ناشطين نضت لقيت عيسى فالباب واقف شافني قالي زين

ضرت لقيتو تما وبديت كنضحك قلت ليه شنو

قالي بغيت ندوز لبيت نعاس خفت نتلاقا مع شي وحدة معريك شعرها

قلت ليه غير دوز كولهم محموعين فالصالون

دخل داير يدو فالجيب وحادر راسو داز حدا الصالون بالزربة ماشفاش جيتهم لاكن بان ليهم داز زهق بزربة مشا لبيت نعاس جبد شي فلوس وخرج دغيا ومن موراه بديت نودع العيالات وهنا كيلبسو عليهم واللي سلمت عليها كتخرج حتى وصلت عند رجاء ابتسمت ليا قاليا تصبحي على خير وجرات ولدها قالت ليه سبقني عند باباك للطموبيل

بقيت كنشوف فيها وحنكي مايل الناس كيسلمو وانا كنحاول نستوعب ديك سبقني عند باباك. !! واش كتهضر على عيسى ولا شي واحد اخر !! بقيت كنتسنا حتى خرجو العيالات وبقيت بوحدي مع النسا اللي كيجمعو ليا الروينة كنتسنى عيسى حتى دخل هز شارجور ووقفت عليه قلت ليه فين غادي

جرني من خصري كيشوف فيا باسني وقالي عندي شي شغل غدا غنجي

قلت ليه اشمن شغل فهاد الليل

زير عليا قالي وصافي قلت ليك عندي شي شغل هانتي هنا حتى لغدا

باسني وانا غير كنشوف وخرج بغا يسد وراه الباب وقالي غنعيط ليك صافي

جلست فالصالة كنشوف فالحيط مابغيتش ندخل لراسي انه غيبات مع رجاء وديك الهضرة اللي حشات ليا بغات تقلي ليا بيها السم ولاكن هضرتو اللي قال بغيت نتيقها واخا ماقادراش بغيت نتيق انه مشغول شغل ديال العمل وصافي .. حسيت بالعافية شعلات فيا ماشعرتش براسي. حتى بديت كنصوني عليه وهوا مكيجاوبش زاد كمل على مابيا ماقدرتش ماقدرتش ماقدرتش نتخيل. حتى صورة فراسي. حسيت بالدموع نزلو ويدي كترجف تكنززت وعاودت صونيت كنقول ياربي يجاوب حتى تفتح الخط قلت ليه عيسى !!

قالت ليا شكون ؟؟

تضربت بحديدة لراسي مع ديك شكون قلت ليها شكون ؟؟

قالت ليا رجاء !! واش سارة؟؟ تخنق حلقي قلت ليها اه فين عيسى !!

قالت ليا كيدوش اختي غيخرج نقولها ليه. ياك نتي لاباس عليك ؟

بقيت ساكتة كنشوف فجنابي صمراتني قلت ليها دخلي ليه تيليفون للدوش بغيتو ضاروري

قالت ليا ياك ماكاين باس ياكما طرات شي حاجة

قلت ليها دخلي ليه نهضر معاه

قالت ليا هاهوا قرب يخرج. واش واقعة شي حاجة لا قدر الله ؟؟

قلت ليها لا اختي والو غير دوزيه ليا نهضر معاه

قالت ليا ايوا الحمد لله انا قلت ياكما شعلات لعافية فالدار خلعني صوتك

بعدت تيليفون كنشوف فيه ماقدرتش نتيق شنو كتقول وحيت نجاوبها لقيتها قطعات وبقيت انا كنغلي بلاصتي كنمشي ونجي فالدار من قنت لقنت فاللخر دخلت فيا السخفة للكوزينة عند وحدة من دوك لعيالات شديتها تبات معايا وتبقا تعاوني ديما. قلت ليها صاوبي ليا شي كاس دلويزة ولا شي حاجة حاسة براسي غطيح

شدات ليا فيدي وانا متكية غلى الباب حسيت براسي نشفت من الماء داتني للبيت جلساتني قالت ليا واش حاملة ؟؟ عنداك تكوني حاملة تشربي شي حاجة طيح ليك بنادم !!

قلت ليها لالا ماحاملة ماوالو غير صدري تزير تقبضت قلبي كيضرني حاسة براسي غنموت

قالت ليا تنفسي تنفسي. حيدي عليك هاد الحوايج

خيدات ليا لقفطان وانا كنتكى ونوض نجلس ولبساتني بينواري من فوق ملابسي الداخلية وتكيت بدات تفك ليا شعري من المقابط حلاتو ليا وانا مسهوتة كنشوف فتيليفون كنتسناه يعيط حتى عيط بلاصتو يونس كنت دايرة ليه حرف واحد بقيت كنشوف فيه كنقول شنو بغا هاد الزبل. علاش معيط ليا

بديت نقطع وهوا يصوني فاللخر جاوبتو قلت ليه شكون ؟

قالي صافي نسيتيني

قلت ليه شكون ولا نقطع

قالي يونس يونس واش نسيتي عليا

قلت ليه شكون يونس

قالي يونس بغيتي دوخي عليا ولا !!

قلت ليه مكنعرف حتى واحد اخويا سميتو يونس النمرة غلط سمح ليا

قالي واش سارة هادي بعدا !

قلت ليه شكون سارة ؟؟ انا ماشي سارة اخويا رام غالط

قالي لالا راه سارة النمرة ديالها هادي

قلت ليه هاد النمرة عاد خديتها من لاجونص اسيدي راك غالط

قالي واخا ختي سمحي لينا على الازعاج

قطع وعاود الاتصال قالي الو سارة

قلت ليه راني قلت ليه اسيدي النمرة غلط ماشي سارة شوف هاد سارة ديالك وقيلا كانت شارية النمرة عشوائية وحيدوها ليها دابا خديتها انا

قالي واخا ختي سمحي ليا ..شمن مدينة هادي ؟

قلت ليها اكادير اخويا

قالي واخا ختي شكرا

قطع ولحت تيليفون تكيت كنشوف فالحيط معاودش صونا ليا لاكن فكرني بعدا فيه قلت مع راسي خصني نبدل هاد النمرة وغدا غنحيدها قبل مايطلع لعيسى ويخلق لثا مشكل .. وانا اصلا ماعرفت اشنو كان عاجبني فيه انسان فاشل من درجة عالم فسلك الفشل وانا قارية عليه ونيفو عليه وكنت تابعاه بحال الضبعة بغيت نعرف غير شنو كان عاجبني فيه اويلي كنت عورة !! ماشي شي زيين ولا دار لا شخصية موسخ وسكايري وقالك صابرة عليه ونصبر عليه !وفاش كنتفكر راسي فين كنت كتشدني الموت كن تزوجت بيه كن ندمت على ايامي وكن راني واحلة فالناضور معاه ومع مو وخدمتو المزفتة اليى جلس من الخدمة مايعاودش يقلب عليها يتسناها هي تجي عندو ونجلس انا نفني عليه عمري علا زينو وعلى دينو وعلى شخصيتو ديال الزبل !! كنتفكر فاش كنت كنهضر معاه وعاطياه وقت كنبغي نعض راسي وانا نقية عليه حسن منو من كاع الاتجاهات قرايا وزين واحترام وكنحشم من الناس وبنت الامام والنسب والحسب. وهوا قدامي لاشيء وكان غيغصبني فشبابي ولاسق فيا !! اوييلي ياويلي

ضربات الجوج دالليل سمعت الباب تحل ديال الدار ونضت تخلعت لقيت زينب حتى هي ناضت من البيت اللي كتنعس فيه كان قريب من الباب تخلعات فاش يمعات الباب تحل حتى هي .. دخل عيسى هز راسو ويدو على السوارت فالباب قالي مزالة فايقة

دورت وجهي دخلت للبيت زدحت الباب وتبعني حل عليا كنت تخشيت فبلاصتي وطلعت الغطا قالي مالكي شنو واقع

قلت ليه عاد تفكرتيني كن بقيتي تما حسن شنو جابك

سمعت تخرشيش فيدو وضرت وراني صاك ديال الصيدلية قالي ساجد مرض هاد الليلة دوزها علينا

بقيت كنشوف فيه باستغراب قلت ليه مالو ياك لاباس ؟؟

قالي مانعرف شنو كان ولا خلط ولا منعرف وخرج زدحو البرد بقا كيرد وتخنق ديناه لمستعجلات عاد عفا الله رديتو للدار وخرجت نشري الدوا قلت ندوز نشوفك

بقيت ساكتة قلت ليه صونيت عليك نشوف واش كولشي. مزيان ساعة ماكنتيش مسالي كنتي كدوش

قالي واش انا كنقول ليك كنا فالمستعجلات ونتي كتقولي ليا كندوش الله يهديك اسارة الله يهدييك عليا

بقيت ساكتة عرفت ديك اللفعة درجاء دوزاتها عليا ونجحات ليها طيحات مني النص مرضاتني على والو وتيقتها بلحق هادي دير ليا الراس عرفتها كضرب من تدف الدف مانعاودش نتيقها كما كتعطيني غنعطيها ديك الضحكة والصواب غير زواق قول هي عايشة المرار هاد الليلة وبغات تعيشو ليا حتى انا والله حتى نردها ليها

سولتو كي بقا قالي شوية نعس يرتاح هانا غنمشي حتى يصبح ويفتح

بقيت كنشوف فيه بنص وعين وقلت ليه فاش توصل عيط ليا

قالي نعسي الله يهديك راه الجوج هادي اتبقاي جالسة كتنسنايني نوصل

قلت ليه صافي اللي بغيتي

قرب عندي باسني وعنقني وخرج مشا رجعت لبلاصتي كنشوف فتيليفون يصوني حتى داني النعاس والصباح صبحت واقفة فالبالكون كنصوني على يسرى تعطيني نمرة رجاء. صونيت عليها جاوباتني

قالت ليا الو وي ؟ شكون معايا

قلت ليها معاك سارة اختي شخبارك لاباس ؟

قالت ليا سارة؟ شكون سارة

قلت ليها سارة ماعرفتينيش!! غير ختك فالاسلام انا

وبقيت كنصحك بقات كضحك قاليت ليا اااه كي دايرة اختي شخبارك لاباس عليك؟؟ مالكي قطعتي لبارح بقيت كنقول الو الو ماجاوبتينيش

قلت ليها غير الريزو ماشي قطعت. المهم مايكون باس عند ساجد مسكين تخلعت عليه البارح عاد قالي عيسى راه الليل كولو ونتوما فالمستعجلات تخلعت فالاول قلت ياكما وقعات ليك نتي شي حاجة … حتى قال ليا باللي ساجد مسيكين مرض ليكم مانعستو ماشفتوه لبارح

قالت ليا امم .. مامشا معاك باس اختي لهلا يوريك باس الدراري هما هادو الام اللي كتجي فيها الدقة

قلت ليها ايوا الله يكون ليك فالعوان ماشي ساهلة الصراحة

قالت ليا ضريبة الامومة هي هادي شغانديرو

قلت ليها ايوا الله يطول ليك فالعمر حتى تشوفيه وصل فين بغيتي

قالت ليا امين الله يعطيك مانويتي فخاطرك

قلت ليها كنضحك اميين للجميع احبيبة تهلاي فخاطرك بسلامة

رجعت ندوز الوقت مع دوك الكادويات واخا ماعندي وقت اللي ندوز الصراحة ياربي يقدني غير الوقت اللي عندي وزادتني عكوزتي قالت ليا فتيليفون واش تمشي معانا نطلو على لبنى قلت ليها واخا وربعت كنحل الكادويات كلهم كانو هدايا عبارة عن ديكورات من الاول حتى اللخر ستفت كولشي. داكشي. وعيط ليا عيسى كيسول فيا قلت ليه غنمشي مع ماماك عند لبنى قالي غنخرج فلعشية نخرجو نجلسو فشي بلاصة قلت ليه واخا وقطعت معاها نضت لبست حوايجي قلدت يسرى فلباسها نشوف واش يخليني عيسى .. لبست سروال الجلد وليبوط قصار بالطالون عاليين تحت منو ليبك موص ومونطو كحل بلحزام ديالو كيتعقد ودرت حجابي وشال اخر على عنقي من البر وليكات ديال الجلد كوحل وخرجت عند عكوزتي ركبت معاهم اللور فسيارة يسرى مشينا عند لبنى كانت كتسكن فبتي فيلا فحي دلفيلات لقينا فالباب سيارة رانج روفر اخر مكاين كحلة باقا دوبلفي قلت ليسرى واش عندها الضياف يمكن قالت ليا رجاء اللي جات

عقدت حجباني جاتني الغيرة والحسد من ديك السيارة قلت ليها واش طموبيلتها هادي قالت ليا اه عاد خرجاتها كانت عندها اودي فالاول

قلت ليه اممم تبارك الله

نزلت طلعنا للدار لقيناها جالسة فوق كنبة بالبينوار وبانطوفة ومعاها رجاء كيشربو القهوى .. حشمت منها وفين ما نشوفها كنحشم وحتى هي قالبة عليا وجهها وداك الحاجب اللي عندها صحيح كتعبر بيه مزيان على احساسها اتجاهي .. سلمت عليها وجلست فالجنب ساكتة كنشوف قدامي وانا على اعصابي كندير الواحب وكلي توثر كنقول فوقاش غير نخرج بحالي .. شفتها كتحرك رجلها ويدها عادي تقول ماعندها والو لاكن النص وجهها باقي طايح وكتهضر قالت. لعكوزتي.

ايوا مكتاب الله الحاجة ماعندنا منديرو الله يجعلها فميزان الحسنات

شدات فيها عكوزتي كتوصيها قالت ليها ماتبقايش تشدي فهاطرك .. وتعصبي راسك .. وتخممي اكثر من القياس هانتي جبتيها فعضيماتك .. وكن مشيتي دابا فمرة يالاه؟؟ ولا بقيتي مشلولة حياتك كاملة شنو غينفعك ؟ شنو غتقضي؟ خلي كولشي بين يدين الله عز وجل وعيشي حياتك ها رجاء تبارك الله مكتشدشي فقلبها بحالك نتي

هي كتهضر وانا كنتعصر حداها قالت لينا التعدد حللو مولانا .. نعلو الشيطان خليو اللي بغا يعدد يعدد واللي بغا يجلس يجلس ياك عايشين مزيان واكلين شاربين كولشي كيوصلكم شنو بغيتو ؟. راهم مزوجين واحد وعايشين معاه المرار وسط الزلط. .. راه قالها المثل قالك الله الشهد ناكلو وندوق منو الناس ولا لخرا حاشاكم نطلسو على وجي بوحدي .

تنهدات رجاء وقالت ليها ايوا ماقلناش لا الحاجة غير هوا الحال صعيب. مايعرف بحرو غير اللي دايق منو ..

قالت ليها لبنى الرجا فالله هادا ماكان .. هادا دوا اللي ماكيدخلش فجنابو يا لحاجة

دورت وجهي للجنب بقيت ساكتة وهي تحط الحاجة يدها على رجلي قالت ليهم هاد بنت الناس راه بحالها بحالكم باش فارقة عليكم ؟ جيتو عليها جات عليكم القسمة راه وحدة . ولا يكلف الله نفسا الا وسعها

تنهدات لبنى كتشوف قدامها قالت ليها الزمان كيدور اللي تاق فالراجل تاق فالعافية

يسرى : وا صافي صفيو لخواطر دابا واه! صافي هادشي اللي عطا الله شي مايهز على شي.

غرغرو عينين لبنى قالت ليهم كولشي. درتو بيدي حتى واحد ماضربني ولا دفعني

شافت فيها وجاء بنرفزة وقالت ليها ايوا زدتي فيه مالكي ياختي راه كنتي غير سبب ربي. بغا وربي. كتب مالكي دابا كتغبني لاحولة ولا قوة الا بالله !! ردي الزمان اللور نتي كاع

درت يدي على نيفي ساكتة كنشوف فرجاء اللي تقرصات حساب ليها كتهضر عليها لاكن لبنى كانت كتقصدني انا وتأكدت أنهم مافراسهم ما يتعاود. قالت ليها عكوزتي

عند الاجر الى صبرتي .. بلحق هادي دير ليك الراس ماديريش يدك فالعافية واخا تكون باردة غيدور الزمان وتوط ليك الصبعان

ردت عليها لبنى مربعة يديها كتشوف قدامها قالت ليها شوطاااتهم ليا تشوااط

ربعات وجاء يديها كتشوط قالت ليهم ايوا ردو الزمان اللور انا يدي على راسي

شربنا داك الكاس دالمرار مع الهضرة والجموع وانا غير كنسمع دخل علينا عيسى على غفلة مدخل واحد الكارطونة فيدو لاح السلام علينا وطلع لفوق قال للبنى تتكلم ليه وناضت طلعات بقيت جالسة بحال ليتيمة كنشطح فبلاصتي تقول ماكيعرفنيش . كملو الجموع وقالت ليهم رجاء انا مكنبغيش نهز المسؤولية ديال داكشي كنخاف يتسرق ولا يمشي ونوحل فيه

هزات يسرى راسها قالت ليها شنو ؟!

قالت ليها رجاء وكتشير بعينيها. راه جاب لكارطونة عاوتاني

قالت ليها يسرى اااه يمكن عبد الجبار اللي قاليه ديها خليها عندك اصلا لبنى كترد البال كتحافظ

قربت من يسرى قلت ليها علاياش كتهضرو ؟؟

ميلات راسها ليا قالت ليا عيسى جاب معاه كارطونة فيها دياموند كيخليه هنا عند لبنى حتى كيحتاجوه ويجبدوه يخدمو بيه

قلت ليها اممم. عاد فهمت

تكيت ساكتة ساكتة حتى نزل قالت ليه رجاء اجي تشرب شي كاس ديال اتاي وجا عندنا وقف هزو فيدو وهوا واقف قاليها كيبقا عيسى

قالت ليه راه لفوق ناعس

قاليها مابقاتش كضرو كرشو

قالت ليه باقي مسكين مريض وغير كيعيط. بابا بابا

قاليها وا جلسي من الخدمة واخد السيمانة قابليه حتى يبرى

تنهدات قلبات وجهها قالت ليه لبنى مابغاتش قالت ليا غتشدو ليا توحشاتو

قاليها واردي البال

بقيت ساكتة كنتسناه يقول ليا شي كلمة وكنشوف فيه بنص عين ماقال ليا حتى كي صبحتي وقالينا الله يعاون خرج بقيت كنتحك فبلاصتي ونتكال عاد عيط ليا فتيليفون قالي مافيك اللي يخرج ؟

قلت ليه نتا اللي دخلتي وخرجتي تقول ماجالساش انا

قالي واخرجي خرجي يالاه انا برا كنتسناك

هزيت صاكي ودعتهم بابتسامة بقات رجاء كتشوف فيا حفضت ديك الضحكة ديالها ودرت ليها بحالها وخرجت لقيتو جالس فسيارتو البيضاء طلعت سديت عليا وزدنا قلت ليه دابا انا فين ما نبغي نخرج خاصني اللي يديني ويجيبني

قالي وفين غدخلي وتخرجي ؟

قلت ليه ماتنساش راك واعدتيني بالخدمة

قالي وهانتي كتشوفي الوقت ماساعداتش وصافي عاد غنشوفو. هاد الخدمة اللي بغيتي

قلت ليه امم .. وانا ماعلياش الله حتى انا نخرج وندخل بوحدي وتكون عندي طموبيلتي ؟ الى بغيت غير نتسخر خصني لي يديني ويجيبني

قالي وفين غتسخري انا غنجيب ليك السخرة

بقيت ساكتة كنتنهد قلت ليه مالي انا من دون لبنى ورجاء علاش غير انا .. هادا ماشي عدل انا حابسني وهما داير ليهم الطموبيلات وعاطيهم لحرية

بقا كايشوفًيا باستغراب قالي اشمن حرية ؟؟ بغيتي غير طموبيل هاهيا هادي هزيها كتعرفي تسوقي بعدا

قلت ليه فين غنسوق وانا كنت فدار با مكنطلش من السرجم ! زايدون علاش انا غتعطيني هادي نبقا نهزها ورجاء مخرج ليها طموبيل دربلفي

دور وجهه كيضحك قالي رجاء مخرج ليا طموبيل. دوبلفي؟!

قلت ليه اه

قالي هي خرجاتها راسها ماخرجت ليها ماخرجات ليا

قلت ليه اممم هاديك ساوية فوق ربعين مليون غتخرج هي بوحدها

قالي اااه .. دابا نتي شفتي الرانج روفر قلتي خرج ليها طموبيل. وانا لا !! الله يهديك اهاد البنت واش انا مصباح علاء الدين نبقا نحضر فالحديد والديور والملاكات ونحقق الاماني مضروبين فثلاتة ! ماتجي تقدام طموبيل عند هادي حتى تخرج ليا هادي بوحدة اخرى جديدة غنبقا حاضي الرفاهيات انا ولا شنو!

قلت ليه وشنو يالاه ؟

قالي هي كانت عندها واحد الطموبيل كنت عطيتها ليها شحال هادي وباعتها جات مع لوفر دارتها الرانج روفر وصيداتها .. زدناها شوية كملنا ليها التسبيق وبقا الباقي كتخلصو بالاقتطاع

قلت ليه انمم يام الربة حرام

قالي بلا ليزانتيغي راه قلتا ليك اوفر ماكتيقيش!

دورت وجهي كنفخ سكت زدت تشبت بالخدمة حالفة حتى نخدم وحتى انا نحنتو نشريها راسي يالاه .. قلت ليه ولبنى ؟

قالي مالها لبنى عاوتاني؟

قلت ليه عندها طموبيل.

شار بيدو قالي عندها وحدة قاضية بيها حاجة وصافي

بقيت كتفكر حيت شفت واحد المرسيديس كوبي كحلة حدا باب الفيلا وقلت ليه واش مرسيديس؟

قالي امم

قلت ليه فهاطري هاديك ديال قضيان حاجة هاديك بااز

قاطع تفكيري قالي هاديك كانت عندي وعطيتها ليها غير باش متمشيش بعيد .. انا منقدرشًنخرج ليك طموبيل دوبلفي غالية ونخلي رجاء ولبنى حتى هما خاصني نخرج ليهم طموبيلات بنفس القيمة .. والى مابغيتيش هادي نشري ليك وحدة جهد سطاش لمليون بحالهم وصافي .. بغيتي ما احسن هاهي خوديها. راه نهار خرجات هادي خرجات بستين مليون مزال ماضربات ربع سنين

ربعت يدي ماراضياش فواحد الكافي انا وياه وهوا متكي على ركابيه كيشوف فيها من لتحت قالي وانتي دابا مابغيتي حتى حاجة فهادو يالاه مي غندير معاك؟

قلت ليه مابغيت لا طموبيل لا والو وفي ليا اسيدي بالوعد اللي عطيتيني نهار الاول ولا ماغاديش نتفاهم انا ونتا

هبط راسو قدامو كيلعب بصبعانو مع بعضياتهم فصمت ويفكر ورجع قالي واخا الاللة بغيتي طموبيل جديدة وزوينة ؟. جاتك ختاريها راسك غنجيبها ليك

بغيت نبتاسم وحناكي كيخونوني قلت ليه وابين ليا يالاه

نساي الخدمة وغتجيك الطموبيل. اللي بغيتي شنو قلتي

دورت وجهي درت بناقص قلت ليه بلاش اسيدي مابغيتش ماتعطيني مانعطيك وعصبتيني دابا عييت نصبر كتلعب ليا على اعصابي .. عرفتي شنو .. انا عييت غنمشي شي يامات لدارنا ست شهور ماشفتهم ماشافوني

بقا كيشوف فيا قالي غير بغيتي تمشي وصافي مافيها لاتوحشتهم لا بغيت نشوفهم

قلت ليه لا لا بصح توحشتهم شحال ماشفتهم غنمشي شي يامات نجلس تما نرتاح

مسح على لحيتو قالي صافي صافي بغيتي غير هاد الخدمة ها حنا غنخدموك نشوفو اشنو يوقع

قلت ليه فوقاش؟

قالي هاد الشهر صافي تهنيتي

سكت وربعت يدي قالي ماتوحشتيش داركم ؟

قلت ليه ماتبقاش تشد فيا هاد الشدان كيعصبني .. غيركبني السكر غير معاك نتا محنتيني على هاد الخدمة وشي خدمة ماشفتها

قالي وصافي دابا هاحنا قلنا ليك هاد الشهر يحن الله

قلت ليه وعد ؟

قالي وااعد الاللة تهنيتي .. كملي الحلوى ديالك يالاه نمشيو

سكت كملت حلوتي كليتها ونضت ردني للدار محني خرج مني كاع الخاطر اللي دار ليا وخرج جلست بوحدي فلعشية ومعايا زينب ..ًوصلني مسج فالوتساب دخلت لقيت ختي مسيفطة ليا كونكور ديال الاساتذة الجامعيين وقالت ليها نهار خمسطاش فالشهر كاين هاد الكونكور الى بغيتي دوزي . دخلت كنجري ونقلب ديك الليلة كلها وكنتسنا عيسى يدخل لاكن تعطل فالاخير عيط ليا قالي مابايتش فالدار حتى لغدا

وقفت كنشوف فالحيوط قلت ليه علاش فين غادي ؟

قالي غنبات مع ساجد مزال عيان شوية غدا هانا معاك

كمدتها وسكت وجلست نسيت لكونكور ومايجي منو بردات عليا الدار كل مرة داير ليا سبة بشي حاجة ونبات بوحدي حسيت بالوحدة وعيطت لختي كنبكي ونشكي عليها ونبرد على راسي وهي كتواسيني قالت ليا خليه حاولي تقبليها عادي وشغلي راسك حتى تولفي .. دفعي للكونكور قبل مايوقف التسجيل وتلهاي شوية ماتبقايش كتفكري ..جبدي راجعي شوية وبريباري باش دوزي الله يجعلك ما دوزيه حسي مسي. الى مابغاش يخليك

دعماتني وصبراتني واخا مابقاش عندي لخاطر نجبد شي درسً نراجعو لاكن دفعت لداك لكونكور ونضت كنقلب على الاوراق ديالي وديبلومات جبدتهم شفت فيهم ورجعت خبيتهم بلاصتهم وتكيت عمرني حزمت راسي فحياتي حتى حزمتو ودرت ليه بطاطة فالجناب وجلست على البراد دلويزة كنشرب فيها حتى صلقت مسارني مزيان ونعست بلهلا يطريه ليا صبحت مريضة ونفسي خبيثة معصبة بوحدي كيجيوني افكار خايبة تقول ساكنني شي جن .. مادرت حتى حاجة داك النهار بقيت شادة الفراش حتى دخل عيسى سمعت صوتو ونترت ديك الحزمة وبطاطا لحتهم للجنب الناموسية وسرحت شعري بالزربة دخل عليا قالي مريضة؟

قلت ليه شوية راسي كيضرني وفيا السخفة من لبارح

حط يدو على جبهتي قالي يكونو اعراض الحمل هادو ؟

درت يدي على راسي قلت ليه ماعرفتش

لاح عليا الغطا قالي يالاه نديك ندوز ليك نشوفو شنو كاين

جرني من يدي وقفت وانا ماواكلة والو معدتي لاسقة مع ضهري داني ندوز فحصاتني الطبية قالت لينا ماشي حمل انما غيكون غير الارهاق ولا التعب ولا الامراض النفسية وصافي هي اللي كتعطي عاد الصداع بحال هاكا

شفت وجه عيسى بحال الى خاب ضنه وقال ليها واش عندها مشكل ؟ ست شهور باش تزوجنا مازال ماجاب الله

قالت ليه يقدر يكون البرد ولا لهرمونات مخربقين ليها .. تعمل تحاليل نشوفو اما الوالدة ديالها مشاء الله نقية وصافية مافيها حتى حاجة وماعندهاش ميكروب ولا شي طياب ولا حتى حاجة كلشي هوا هاداك

سولاتني واش كناخد شي حبوب منع العمل وشاف فيا عيسى كان غيهضر يقول لا وسبقتو قلت ليها لا مكناخد حتى حاجة

قالت ليا غنعطيك واحد الكينة تعاونك على الاباضة وديري ليا هاد ليزاناليز ونشوفو شنو كاين ان شاء الله خبار الخير

خرجنا من عندها قالي مافيها باس كولشي من لخير

سكت وردني للدار دوز معايا الليلة وطول الليل وانا هازة فخاطري .. قرب ليا بغا يعاشرني ونفرت قلت ليه عيانة حاسة براسي عيانة

قالي صافي ماشي مشكل خاطرك هوا الاول .. واخا راه الجماع بالخاطر ماشي ضرر ولا تعب ليك

قلت ليه واخا هاكاك مافياش بغيت غير نعس وصافي

تراجع وعنقني من اللور فصمت وحتى كنت غنعس وانا نسمع تيليفون ديالو كيصوني وسديت عيني حسيت بكتافي طاحو ليا كانت ناقصاني غير ديك المكالمة .. ناض من حدايا خرج يهضر وطلعت لغطا على راسي سديت عيني بغيت نخشيهم لداخل وسط راسي ولا نخشي صباعاني وشط ودني حتى يلاقاو وسط مخي ونوقف التخيلات اللي مابغاتش توقف واللي مرضاتني واخا عيت نتجاهل عيت نسكت عييت نرد لداخل حتى مابقيش قادرة كنحس بالطعنات فقلبي وحتى وجهه مابقيتش باغا نشوفو. كنشوفو كنزف ليا قلبي ندمت اللي عرفتو ماحسابش ليا غنتعلق بيه ولا غنبغيه ولا غادي نحب ويوقع ليا هادشي . وحتى لمسة يدو اللي كتهز ليا قلبي مابقيتش باغا نحس بيها رجعات كطلع معايا بحال الموس بقدر مكتحرك مشاعري وجوارحي وتحسسني بالحب بقدر ما كضرني وتألمني وتعدبني فاش كنتخيل لبنى ولا رجاء بلاصتي كنحس بقلبي كيتقطع اربا اربا حتى رجعات داتي كتشنج عليا والنعمة كتوقف ليا فالحلق مكتبغيش دوز

السراط وليت كنعيشو ماشي الزواج .. وليت كنحس بتغييرات فحياتي كتزيد بيا للاسوء ماشي للافضل وكنتعجب لرجاء ولبنى اللي قبلو على بعضياتهم وراضيين بالتعدد..كنت فالاول راسمة مخطط كنقول نقدر لاكن وقع العكس وحسيت براسي وسط قفص من نار ماشي قفص الزوجي .. فاش كنكون بين حضانو كنبغي نشدو ونقجو يبقا معايا مكنسخاش بالهضرة معاه والدلل والدلع ديالو وكنعس على صدرو فرحانة كأنني اسعد انسانة فالدنيا .. اما فاش كيخوي الدار كنبات سهرانة فايقة الى منعستش مريضة مانشوفش النعاس ونجلس ندي ونجيب ونتشوط الليل كامل وهوا ماحاسش بيا ماعارفش باش كنحس ومكنبينش ليه وماعارفش باللي ماشي مسألة زواج ققط. او زوجة. وانما مشاعر واحاسيس وحب قوى مني .. لو عرفت عراسي نهار الاول غنعيش هاد الجانب الروحاني من حياتي الزوجية ولو عرفت راسي غنطل على هاد جهنم ونجي فقاعها لا هربت للثتلت الخالي. منعقل لا على راسي. لا على واليديا .. اما انا حسبتها حسبة فشكل .. قلت زواج كما كان زواج وصافي الاختلاف فالرجال وانا اصلا مكتجمعني بيه لا ريحة ولا نضرة با ش نفرفر من جيهتو ، قلت الراجل زوين مقبول ديال العشرة والزين نتمتع بيه ويمتعني ويبرعني مايخصني حتى خير وداير كي لماما لقليل غادي نعيش مرتاحة المهم الراحة والحب لهلا يجيبو ،. لاكن تصدمت .. ماعرفتش امتى تسللات لقلبي ديك المشاعر اللعينة ورجعت نشوف فيه بنضرة غير النضرة ديال الاعجاب .. رجعت كنحس بيه كنحس بالنبض ديالو والعروق اللي فراسو والدم اللي فعروقو .. رجعت مشاركة معاها الشرايين ديالي فين ما يبعد عليا كنحس بيه جر ليا لعروق وبغا يقلع ليا القلب .. كنحس بيه كيجر ليا جميع اعضائي معاه مكنبقا نقدر لا ناكل لا نعس لا نشرب. ومعجبة لهاد العيالات ماعرفتش واش كيحسو بحالي ولالا .. حتى فكرة انني نتفرق عليه بعدتها بمجرد التفكير فيها كنحس بعروقي تجبدو وقلبي تقلع من بلاصتو والى بعدت غنموت بالقهرة كتر من هادي اللي انا فيها . وحتى تفكيري بشنو كيحسو دوك الجوجات مابقاش كيهمني وليت باغاهم ينقارضو من الوجود مانشوفش خليقهتهم ولا نسمع حسهم ماشركيني فحياتي ومعدبيني بحال السرطان ماكرهتش نقطع ليهم الحبل اللي شاركهم معاه ومعايا ونتهنا لاكن مالقيت ليهم حهدو ومالقيت جهد ونهاريت غلى ناموسيتي بالبكا بحال ديما حتى دخل عندي لقاني مجبدة كنتركل بوحدي وجا عندي قالي مالكي شنو واقع ؟؟

دفعتو بيدي ونضت قلت ليه مانسمعش داك تيليفون كيصوني فداري ولا حس لبنى ورجاء ومايجيشً شي واحد يقول ليا يالاه عند فلانة ولا زمارة عطيوني غير تيساع مابغيتش نشوفهم ولا نسمع حسهم

استغرب قالي واش شي واحد دار ليك شي حاجة ؟. شنو كاين شرحي ليا

عطيتو بهضري كنمسح حنكي قلت ليه مالي فكوووولشي. واللي كاين هاني قلتو ليك خليني نحتارمك

ضرت عندو بصرامة هزيت صبعي فوجهو يالاه جيت نقول ليه خليني نوقرك ونقصح معاه حتى طلعات حرقة مع صدري حشيت بعيني تكمشو خرجت البكية بالزحمة والهضرة بصوتي مبحوح وصبعي كيترعد .. قلت ليه بعدي مني

جرني عندو عنقني وسد عليا بيدي بديت كنترعد بحال الطير وهوا كيواسيني ويبوس راسي.. وانا نفسي نوض مابغيتش نبقا فحضنو مكاينش اللي خرج عليا قدو وفنفس الوقت بغيت ندخل وسط صدور نسد عليا تما ونبقا لداخل مابغيت نشم هوا ولا يضربني برد

حس بيا تطعنت وماقدرتش على التعدد وبغا يخفف عليا ويراضيني وقالي نسافرو بجوج نبدلو الجو شنو بان ليك

تفكرت الكونكور وقلت ليه مافيا اللي يمشي. انا بغيت غير واحد السيمانة لدارنا نرتاح

تنهد وقالي واخا يالاه جمعي جوايجك نديك الصباح

مسح على راسي وعنقني وسمح فشغلاتو خرجني ديك العشية شرا ليا حوايج جداد وسجلني فمدرسة ديال السياقة باش يرد ليا الخاطر ورجعني للدار حسيت براسي شوية دخلت شي حاجة جديدة لراسي شوشات ليا على اعاقة تفكيري وتخيلاتي اللي كانت ممرضاني .. قلي تشها السفة وبغاتي نصاربها ليه انا ودخلت للكوزينة خليتو جالس كيقرا القرآن فصمت من تيليفون شمرت على كمام بينواري القصير الاسود وبديت نفور بليكات باش مانقيسشرالماكلة بدفاري ودخل ليا النعمة وسط لخواتم . وقفت قدام الكسكاس كنطيب وسمعت زينب فالبالكون كتهضر مع شي واحد قالت ليه انا فالخدمة ماتبغيش مولات الدار تعطيني غدا غير سيرو باركو ليا بلاصتي قولو ليها تسمح ليا مامشيتش عندها حتى نجلس نهار العطلة ونمشي نبارك ليها ..الله يعاون

دخلات للكوزينة دازت ورايا ويدي وعيني فلقصرية كنفور قلت ليها واش بغيتي تجلسي غدا ؟

تنهدات كترجاني بطريقة غير مباشرة قالت ليا واحد جارتي ولدات دايرة السبوع ايوا مالقيت كي ندير ليها

قلت ليها غير سيري غدا غنسافر مغنرجعش حتى للحد

قالت ليا واش غنجلس غير غدا ولا السيمانة كلها

قلت ليها خوي الثلاجة دي معاك داكشي اللي فيها وطفيها وداكشي اللي غديري سيمانة كلها زربي عليه هاد الليلة دغيا وسيري حتى لنهار السبت واجي ديك الساعة تقداي للدار قبل منوصل باش نلقا التقدية واجدة ..ديك الساعة غنقول ليك شنو تقداي فتيليفون

تافقنا انا وياها و جبدات ليا الدجاج من الثلاجة فخيدات نصبت ليهم بيدي فالمرقة مع البصلة والزبدة والعطرية ..الله يخلف على ماما علماتني الطياب اكثر من شغل الدار تقول كانت عالمة عليا غنعطي يدي غير فالطياب فزواجي ،. حطيت ديك السفة فالطبسل وحطيت عليها دوك لفخيدات وخويت عليهم من لفوق ديك لبصيلة معسلة زدت عليها شوية دالسكر والقرفة فاللخر جات قهوية وسطرت على جناب السفة اللوز والبيسطاش مهرمشين وسطور القرفة والسكر كلاصي وزوقت البصلة اللي فوق الدجاج باللوز لحلو مقلي وهزيت الطبسيل ديتو للطبلة فالصالون العصري اللي كان متكي فيه كانت زينب عطات الطباسل وتولات الطبلة وخليت ليها حقها دالعشا وحطيت ليه هوا الوسط ماهزش فيا العين عرفتو كيقرا القرآن ماكيشوفش جيهتي حتى كيسالي ، جلست حداه كنشوف فالتلفازة حتى سالا حط تيليفون وتنهد شاف فالطبلة وجلس قالي الاللة شغادي نقوليك. ، تبارك الله عليك وصافي كي غندير بلا بيك هاد السيمانة

دخل فالعشا كياكل ويقول ليا الله يعطيك الصحة حتى شبع ومشا للبيت جمعت الطبلة مع زينب خليتها كتقرقب فاكوزينة ومشيت ننعس ساعة شي نعاس ماشفتو الليل كله كنقول ليه لا كيقول ليا منقدرش غتمشي سيمانة مغاديش نشوفك كاع

درت ليه الخاطر مافيا اللي يتجاحد كنقول غير يجمع يجلسني ننعس لاكن هوا كيزيد يفقصني ويتفنن واخد راحته وعاجبه الحال كيبغي يشعل عليا الضو كنتعصب عليه ماعرفتش اش بغا يشوف وهوا شايف اصلا كولشي بالضوء ديال الفايوز !

صبحت كندوش وشادة الطريق للناضور علمت ماما قلت ليها هانا جايا ووقالت ليا ياك لاباس اش واقع

بقيت غير كنشوف قلت ليها توحشتكم مانجيش!!

لعجب لهاد ماما حتى هي بلاصة ماتفرح قالت ليه اش وقع ياك لاباس!

وصلت للدار طحت عليها بالتعناق والبكا توحشتها تقول كنت فالغربة عشرين عام هادي . بست لبابا يدو ورحب بينا لقينا الغدا واجد تغدينا وجلس عيسى وبابا كيتجمعو فالصالون وانا وماما فاكوزينة

قالت ليا واش مزال كتشربي لكينة ؟

قلت ليها مزال راه كتجيبها ليا زينب بالتخبية .. ولاكن مابقيتش باغاها بغيت الاولاد

قالت ليا صبري ماشي دابا باقي عليك الحال حتى ديري عام ولا عماين مالك زربانة .. الراجل مكيشدوهش الاولاد هاهياك والدة ليه الولد وجاب عليها الضرة

تنهدت وسكت بقات كتشوف فيا بنص عين وقالت ليا واش مرتاحة فهاد الزواج ؟ واش ماواصلينك بصهد ضرايراتك

سكت كنشوف فالطبلة وميزرة على فمي حتى هبطات واحد الدمعة مع نيفي وهبطات لمستوايا قالت ليا مخلوعة ووجهها صفر شنوو؟؟ مالك اش دارو ليك

تفرغت عليها بالبكا وطحت عليها كنشهق حتى تخنقت السوفل مشا ليا كنستنشق بلا منخرج النفس وهي كتشد فيا مخلوعة حلساتني على الكرسي شرباتني الماء وجلسات حدايا بديت كنشكي عليها ونخوي عليها كاع اضرار تفسي وقلبي دخلت ليها الثلوت اللي كنت جامعة فصدري وهزات ليا همي قالت ليا ابنتي راني قلت ليك هادشي. .. نتي الله يهديك .. اما النهار الاول فاش جيتي غضبانة كنتي تجلسي. ماشي. حتى يطيح حبك على حبو وتشابكتو نتي وياه الى جر هوا طيحي نتي والى جريتني نتي يطيح هوا

قلت ليها كيقيل يشكرني ويمدح فيا ويقول ليا زعما منك نخلاق بحالك مكاين .. ولاكن ماعرفتش واش بصح ولا كيراضيني الله واعلم

تنهدات قالت ليا ايوا الراجل فاش كيتزوج كتر من وحدة ضاروري يميل قلبه لواحد الجهة … واخا يكون عادل

قلت ليها عاادل فوق التوقعات .. ولاكن انا مكنحسش بالعدل كنحس بيه ضالمني وفاش كيكون فالدار عندي كيبقا يهضر ويشكر كنقول كيكدب عليا .. والى تصادفنا فشي مجمع كيبقا يضحك مع عيالاتو ويهضر معاهم وانا مكيشوفش كاع جيهتي تقول ماكيعرفنيش

قالت ليا ايوا لا ايوا هادشي ماخصوش يكون حشومة .. قوليها ليه ولا قوليها لباه .. باه راجل كبير وعندو تجربة سيري عندو وقولي ليه هادشي يهضر معاه هوا باش يوصلها ليه للصدر نيشان

قلت ليها داكشي اللي غندير. وبقيت كنتجمع انا وياها عاودت ليها كاع داكشي اللي كيوقع ماخلينا حتى موضوع على حياتي .. لامن الدار اللي شرينا لا من الفراش لا من الحفلة ولا من المشاكل دوزنا العشية كلها جموع وكملنا الحموع مور لعشا اما عيسى غير تغدا شد الطريق رجع خلا ليا لاكارط بونكير وقالي لحساب ديال هاد البنكة حليتو على قبلك صرفي منو راه حطيت ليه فيه الفلوس وها لاكارط

شديتها وخلاني مشا ومن موراه عيط ليا بابا مشيت لاوية الشال عليا تكلمت وقالي واش مهلي فيك هاد الراجل ولا لا

حركت ليه راسي بالايجاب وهوا كيشوف حالتي واش باين عليا لخير ولالا وقالي علا ماكيبان ليا مهلي فيك هاا؟

قلت ليه ايوا قدر المستطاع

ابتسم وقالي اجي ندير ليك شوية دالرقية

نضت من حداه مشيت توضيت ورجعت عندو كيرقيني كما كيرقي خواتاتي كلهم فاش كيجيو حسيت بالراحة والهم انزاح وتبدل ليا الخاطر طلع ليا المورال على الحفاضة ومشيت سديت عليا كنراجل واغمست فالحفاضة باغا نجح فداك الكونكور باي طريقة حيت حلمي نكون استاذة جامعية حيت كنت كنشوف الرقي. ديال الاساتذة اللي كانو كيقريوني و كيفاش دايرين كنت ديما كنتمنا نوقف بلاصة البروف وندرس الطلبة

شديت داك الاسبوع كله كرجة وحدة كنحفض بالليل وبالنهار وماعندي مايدار غير تيليفون عيسى اللي كيشدني بالهضرة اما من غيرو ماعندي حتى تشغلني .

كنت غنجلس اسبوع وصافي صدقت جالسة عشر ايام وعيسى تابعني بالتيليفون حسيت بيه غضبان كيهضر ومنفخ قالي درنا معاك سيمانة صدقنا فعشريام . مابغيتش نمشي ليه حتى صدمني جا النهار العاشر عندنا بالصدفة طليت من السرجم سمعت صوت الحديد حدا باب دارنا ولقيت طموبيلتو وهوا نازل رجعت اللور بقيت كنقول مع راسي وهانتي على الراجل جا بلا شوار داني كنتوادع مع دارنا بالبكا حساب ليا غنمشي نيشان لفاس حتى صدقنا غاديين لداري قالي غندوزو هنا شي يامات عاد نمشيو ! سمعت ايامات وتزاد معايا الزايد الكونكور بقا ليه يوماين وهوا كيقول ليا نجلسو. وخاصني نمشي لفاس حيت دفعت حسب المدينة فين قاطنة رجعت كنرغبو نرجع لفاس وهوا معجب قالي غريب. امرك ابنت الناس .. عاد قلتي ليا توحشتي الناضور دابا كتقولي ليا مليت نرجع لفاس صبري شوية مالك زربانة

انفعلت قلت ليه تخنقت مابغيت نزيد حتى دقيقة هنا صافي درت فبالي غنرجع لفاس واصلا درت مع يسرى نتلاقاها غدا على شي حاجة ضارورية

قالي شنو هاد الحاجة ؟

قلت ليه داكشي ديال العيالات

قالي ومايقدرش هادشي يتسنا

قلت ليه لا عطيتها الكلمة

تنهد وقالي يالاه الاللة الصباح نمشيو

قلت ليه لالا دابا نشدو طريقنا

قالي يا عاد المرى راني عاد واصل شوف شحال ديال الطريق ضربت واش مابقيتش فيك

سكت وربعت يدي وكلت امري لله ودوزت ديك االليلة على السراط بالتوثر وهوا كيدلع فيا ويعبر ليا على الاشتياق فالخلوة ديالنا وكيتسنا مني نعبر ليه وانا حشمانة حتى عبرت ليه قلت ليه توحشتك ونتا عارف هادشي

بدا يشمم فيا وقالي. نقية .. ورائحتها زكية ،، يالاه شي تعبير بحال هادا

بديت كنضحك عليه قلت ليه ماعرفتش

قالي اممم شوفي وكان

دورت وجهي ماجاني فراسي حتى كلام وقلت ليه صافي. راه بااينة توحشتك بلا ماتجبرني نقول شي حاجة اخرى

بقا كيضحك وسكت وفعلا كنت مشتاقة ليه بزاف وماقدرتش نشبع اشتياقي خاصني الوقت والقرب بزاف يالاه نشبع اشتياقي وعويناتي وحواسي كلها .

شدينا الطريق الصباح بكري رجعنا لفاس علمت زينب بقدومي ودخلت لداري ضرباتني ريحة النقا لوجهي حشيت بالراحة .. الصراحة الواحد مكيرتاح غير فدارو واخا ماسخيتش بواليديا لاكن راحتي فالداري ليها طعم اخر .

يالاه وصلت ستفت حوايجي قالي تهيت طيابك اسارة وجدي لينا شي حاجة للعشا،. نضت دخلت للكوزينة عرفتو كيبغي ينعس خفيف جبدت ديسير و العيش والخضرة وقبل مانبدا الشغل تزينت وتعطرت ولبست السوميج بالبينوار محلول وجمعت شعري بمقبط ولبست القفازات الشفافة البلاستيكية وبديت نوجد ليه صاربت ليه سلطة كبيرة مشكلة مقسمة لاجزاء فيها بطاطة مصلوقة. باربك خيزو خيار روز الوسط الطون الماييس ماطيشة بصلة وفرشت الخص وحطيت كاع الخضر اللي كتمشي فشلاضة وزدت لفرق لافوكة والاناناص و طريفات الدجاج مقلي ومحمص ناشف ولعصير مشكل وصاوبت ليهم صوص خويتها على السلطة وديتها ليه عجباتو قالي ودابا نقولو كنتعشاو

بقيت كنشوف فيه قلت ليه سبحان الله كنتي مييت بالجوع

حط يدو على قلبه قالي والله كان طايح عليا الضيم غير رجعتي رجع لي النشاط والحماس

قلت ليه سبحان الله ايوا ماكرهتش نتيقك

جرني حداه قالي عارفاني مكنبغيش الكدوب ومكندبش ومكنحلف بالله حتى كتجيبيني نتي كنلقا راسي مضطر نحلف باش تيقي

بقيت كندور فمي قلت ليه تيقتك الحاااج

بدا كيضحك قالي كولشي نصبر ليه الا تقليقتك .. ماعرفتش علاش .. كتخلعني

قلت ليه نتا راك كترعبني

قالي كنرعبك كاااع ..

حركت ليه راسي كنضحك وجرني قرصني من فخدي. قالي كتقلبي عليا

قلت ليه اعتارف وبلا كدوب

نفس الشيء كديرو مع كولشي

حط يدو على صدرو كيشوف فعينيا قالي الى كنتي كتآمني بالله راه تيقي بيا .. كنمشي معاك بالمشاعر .. المشاعر اللي كيخليو الانسان يدير شي حوايج عمرو دارهم .. حتى الى كان كيعيف مايعيفش واحد كيبغيه

هزيت حاجبي قلت ليه اااامممم تيقتك

ضربني لقزيبتي قالي تكعدي جيبي ليا نشرب نسيتي الماء

يتبع..