محتوى القصة
دّا زهرة: واش هادي مراة ولا لفعة
كلشي تصدم ياسمين كتاكل راسهابالغيرة حيت كتشوف منال بنقاب وباقي كطيح راجل بقوامو وففس لوقت فرحانة حيتغتكون هادي هي اللخرة ليها مع جواد وعائلتو اما اللواييسات كن لقاو جهنم تبلعهم يكون خير ليهم من هاد الحشومة لي طاحو فيها جالسين يطيرو وينزلو باش فلخر ديه ليهم منال
جواد وقف :اسيدي معندنا بنات لواج
حسن مصدوم: واش قلت شي كلمة العيب سمحوليا ومديروهاش مني قلة صواب
جواد شدو من ورا عنقو: قلت ليك معندنا منعطيوك خرج تق + ود عليا
البنات سدو ودنيهم وحلو فمهم حيت جواد مكيخسرش لهضرة فالدار الا الى اعابو تجاوزات العلامة الحمراء
رشيد: خرج اخويا راه غيطيح شي روح
حسن تخلع فكر غير فهادو شي رباعة حماق ولا نصابة وخرج كيجري وكيعطر فحوايجو حتى صباطو ملبسوش هزو فيديه وخرج
جواد كيشوف فجنابو وفين غيطفي هاد لعافية ضرب الطبلة حتى تحركو طباسل وطاح واحد الكاس فزك الزربية و طلع كيردغ برجليه فالدروج وكاع لي فدار تجمعو فضواية حتى من رشيد جمع راسو مع النساء باش يسمع ويعرف فين غتوصل
منال غير شافتو وقفات مفراسها والو كضحك وببراءة ونية كتسول فيه: امضرا شكون فلبنات خدا وكي جات نسيبك
جواد مزبر على يديه: بغيتي تعرفي شكون خطب
منال كضحك: انا كنقول مليكة هي لي باقي عمرها جربات زواج و كبرات مسكينة اما الكبيرة ويسرى باقي يجيهم رزقهم
جواد : فين كنتي لبارح
منال: خرجت مع سهيلة لسويقة نتقداو شغالات النساء
جرها من كوع يديها مزير عليها و ركز عينيه فعينيها : مكنبغيش نضرك
فهمات بلي لموضوع كبير حيت هاد العبارة مكينقطها حتى كينوي ليها على خزيت وحتى كيكون الموضوع جدي تخلعات و كتبعد عينها من عينو ورجع حركها عقلها مشا وجا : شوفي فيا [شافت فيه شوفة خوف ورعب] فين كنتي لبارح
منال كتحس بمصارنها ضروها من الخلعة والبولة فيها كتعاود نفس لجملة: كنت مع سهيلة فسويقة تقدينا
صرفقها تسمع صوت تصرفيقة عندهم لتحت ومنال شدات فحنكها وشهقات بصوت عالي :فين كنتي البارح
منال حدرات راسها :فسويقة مع سهيلة كنتقداو
كتجننو :مبغيتيش تهضري بغيتي ندير فيك شي مصيبة غنعوق مك
منال صوتها تبدل صوت الخوف مصحوب مع الرعدة وارتعاش: والله حتى كنت مع سهيلة فالسوق [علات عينها فيه كتحاول تمثل الثقة] واش كتشك فيا
جواد: لا مكنشكش وليت متاكد منك فالتة [وعاود صرفقها] وبنت الزناقي وليتي تجلسي فالقهاوي
حلات عينيها وقلبها بدا كيضرب بواحد سرعة تعادل سرعة لسنوات الضوئية ممتيقاش كيفاش عرف وهي غاديا فالسر غير مع سهيلة كانت غادي تسهل بالخلعة: جواد هانتا
شدات وحدة من يدو بين يديها بزوج: غير يمشي الراجل ونشرح ليك كلشي [كتزاوغ فيه] عافاك بلاما تشوهني
جرها من شعرها: نتي لي شوهتيني كلشي ولا عارف مرتي قح + بة معندها راجل يحكمها
دّا زهرة شدات فراسها: غيخلي فيها يديه المسخوط غتدخل ليا ولدي شي نهار للحبس [شدات فولدها] رشيد [سخفانة] طلع اولدي فك يديه منها غضيع ليا ولدي لكافرة بالله
الكبيرة :هاداك متسوا خليه يربي الخانزة غاديا تصيد فالقهاوي
يسرى: وهاهي تصيدات [هزات البلاستيكة لي جاب حسن هزات منها الشكلاط] هاكو باش دوزو الحلقة
مليكة: ليوم غيزوق ليها لحمها يخليها متخرج سيمانة
ياسمين كتعوج: بقات فيا الزغبية دارتها لراسها [كدير فيها بنت اصول] مرات الراجل مكدخل لقهاوي [وهي صيداتو فقهوة كانت سرباية فيها]
جواد شوية وغيتفرقع مبقاش عاقل اشنو كيدير كيهرس لي لقاها فطريقو وهو تابعها وهي هربانة منو خايفة: غير خليني نشرح ليك
جواد: عاجبك لحال يتزللو عليك
سهيلة كتبكي: والله مدويت مسمع صوتي
دق رشيد وحل لباب باغي يدخل غوت جواد: رااه الى دخلتي نقتلها ونقتلك [كيضرب روايحها الارض] ةاش كيصحاب ليكم مكاين رااجل فهاد الدار
منال : عافاك اخويا رشيد غير سير بحالك راه لاشفتيني فهاد لحالة غيقتلني بصح
حيت كانت ملابسة والو جلسة بشورط لاصق عليها و واحد لميني بوط بدا رشيد كيغوت: ميي طلعي نتي تعتقي
غتمو +ت بالرعب منو وفعلا كان كيخلع بحال شي ارها+بي باغي يقنبلها :مبغيتيش تردعي
دّا زهرة: عافا اوليدي ماخليها غدير شي حاجة تندم عليها
جواد: غندوز عليها عمري كامل فالحبس
منال كانت ملاصقة من الحيط وبدات شوية بشوية كطيح فالارض جللسة حيت ركابي مبقاوش عندها خواو بالخلعة و دايرة يديها فوق وذنيها مزيرة عليهم مباغياش تسمع كلامو كيزيد يرعبها و غمضات عينيها كتتسنا فالعصاوات لي غتنزل عليها و زهرة كتفك وتغوت: عافا اولدي راه شوهة فالدرب
جواد: الشوهة هي لي غندير لهاد القح+بة
قوتو دفعات دّا زهرة حتى جات على لكوافوزة ديال سهيلة تخشات ليها لحاشية فجنبها وغوتات طاحت للارض عاد حبس كيشوفها عاونها توقف: مي مالك
دّا زهرة: عاونني نزل اوليدي عاونني ننزل وخليها كي الكلبة هنا
شدها من دراعها مسندها عليه مقدرش يكمل داكشي لي بدا فمنال حيت مو تعطبات خرجها من الطبقة و سد الباب بساروت على منال حيت عرفها فديك الحالة غتخرج تهرب بديك شرويطة لي عليها دخل مو حطها فالصابون وجلس حداها تجمعو كاع ولادها و ياسمين حتى هي كيرشوها بالماء حيت سخفانة وهي مزيرة على دراع جواد: متتحركش من حدايا [شافت فياسمين]جيبي لينا شي براد ديال اتاي مشحر نرجعو بيه العقل
حطو اتاي و دوازو شي حليوات والفاكية و هي مقابلة غي جواد مخلاتوش يتحرك من حداها غير يتحرك تبدا توحوح بالالم بلعاني :اوليدي الى كانت رخيصة سيفطها لدار باها تغمل عندهم [بجرئة] طلقها اوليدي ونجيب ليك لالة البنات اشنو شدك لهادي نخار جيتي عندي بغيتي نخطب ليك معجباتنيش باينة فيها رجليها فالتة [كتكرر فكلمتها] طلقها
الكبيرة بدات كتزعم عليه: بصح ا خويا اي وحدة تتمناك
دّازهرة : وكون تسوف الدراع كاضي واللسان ماضي متعرف تشقا كيف لالياتها متعرف صواب
جواد بصوت قاصح وحرش [هز عينو فيها نيشان وهز صبعو جهتها] اخر مرة [كيوكد] اخر مرة يدخل شي حد بيني وبين مرتي انا عارف نربيها لاكانت فالتة
وناض وهي تعاود تنوض كتجري تابعاه: صافي مقلت والو غير جلس متمشيش عندها حتى تبرد
جواد: مغنبرد حتى ندفنها
منال كانت باقي كتترعد فبلاصتها غير خرج من دار مشات كتجري للدوش سدات على راسها فيه و تكات على لباب نزلات للارض وشعرها تشعكك كتبكي وشادة فحنكها لي باقي حمر فيه اثار صباعو: الله ياخد فيك الحق [كتغوت بلا صوت وكتضرب فوجهها وكتردد] الله ياخد فيك الحق
بقات مخبية النهار كامل وسادة عليها فالدوش خايفة منو باقي قلبها كيترعد وشنايفها فيهم االرعشة ديال الخوف وصلات العشرة ديال ليل هي غفات فالحمام ولكن فاقت مخلوعة ملي سمعات الساروت ضارت فالباب بقات حاطة وذنيها على الباب كتسمع خطواتو فالبيت والحس ديال القراعي كيتقرقبو عرفاتو كيسكر بقات ساكتة وجامدة مكتحركش حلقها نشف بغات غير تشرب مقدراتش حتى تفتح روبيني ديال دوش وتشرب لهاد درجة وكتر كانت مرعوبة منو
دقات قلبها في تسارع خطوات قاصدينها وهي حاطة الوذن على الباب حتى حنكها مشا وجا بالردخة لي ردخ لباب وصوتو مخمور وباح: سكنتي تما [كيحل فالبواني ]علاش سادة عليط[كيضرب] غنهرس دلمو
وقفات و دموعها غير على سبة حطات يديها فوق ساقطة حلات بشوية وهي كتقرا اية الكرسي وكتدعي ربي يكون نصيرها
دفع الباب وهي كتتراجع للور زاج ديال دوش محلول كان ستيل ايطالي ارضي بقات راجعة باللور حتى دخلات للدوش وهو تابعها حتى دخل معاها حارصها بدراعو مع الحيط كيشوفها كيفاش كتبكي وخايفة طلق الرشاشة ديال لماء فوق منهم مباغيش يشوف دموعها خلاهم يتخلطو مع الماء: مباغيش نضرك وعيبي ثقيل
هي عارفة هادشي حيت ديما كيفكرها بيه نهار تغلط غيقصحها بحالا كاع لي كتعيشو معاه ماشي الم زعما وبلي هادشي ميسوا والو قدام العقاب ديال بصح
فزكات وحوايجها كلهم لصقو عليها ولا كيبان صدرها كتر وحملاتو برزو وشعرها حتى هو والماء باقي فوق منهم وهي مخنوقة بريحة الشراب خانزة عاطية منو كتقلب :س سمح ليا[كتشوف فيه معلية عينيها حيت طويل عليها وكتتكلم بواحد الضعف و البراءة] عمرني نعاود
رجعات كتبكي فاش مجاوبهاش وغير حرك يدو غمضات عينها و تكمشات فراسها دايرة يديها فوق وجهها كتتسنا الضرب
كان كيشوف فحركاتها فخوفها ضعفها وبراءتها فديك اللحظة وفاثارتها ولحوايج لاصقين عليها كيشوفها وكيسمعها غير هي فديك اللحظة غير تفاصيلها لي كتجذبو ممركز فحتى حاجة اخرى :شو كديري فيا
منال ببراءة شداتو من يدو: ندير لي بغيتي غير [خاية بزاف كتشوف فيدو التانية] غير مضربن
قبل متخنم كلامها كان حط فمو فوق شنايفها كيبوسها بلهفة هي كتحاول ترخى ملي بغا يبعد عليها شداتو من كول ديال التيشورت وزادت جراتو عندها معلقة فيه حيت طويل عليها مبغاتوش يحبس هاديك البوسةحيت من بعدها عارفة شنو تابعها غيزوق ليها لحمها ولا يقطع رجليها وبكل جرئة زادت قربات منو لاصقات صدرها مع ديالو باغية تزيد تشعلو باش ميقدرش يقاومها
هاجر تلاقات مع صاحبتها حليمة قدام المول : حلومة فين
حليمة: الرتيلة كاينة شي مراجعة
هاجر: خانقيني دار فينما يشوفوني يجبدوليا المراجعة فدار وزنقة خلينا نتنفسو شوية غنهبل بالقرايا
حليمة: لا تبارك الله باينة عليك ديما نتي لولا
هاجر: لي احتاجيتيها سوليني راك صاحبتي منعز فيك والو
حليمة: انا القرايا ممعمراش ليا راسي
هاجر: شوفي واخا ضوبلتي بزاف عندك اسبابك واليديك ماتو ودزتي من ضروف صعيبة ولكن ضروري متقراي القرايا مهمة هي لي غتوقفك على رجليك ونتي معندك لا ورث لا حرفة
حليمة: ونتي علاش كتقراي عندك ورت يغنيك وخوك مكيفرطش فيك ماشي بحالي
هاجر: علاش نتي معندكش خوك
حليمة كتحرك راسها: خويا عايش حياتو [شافت فتيليفون] دكر الكلب يبان مولاه هاهوا كيصوني [جاوبات] آلو علي فين وصلتي انا قدام المول
هاجر كدير حركات لا بصبعها قدام وجه حليمة: لا اصاحبتي خارجة انا وياك شنو جاب خوك
حليمة: غير غيشوفني يضور معايا ويتحرك [هاجر كانت كتشوف فيها وعاطية بالظهر وحليمة كتلوح بيديها] علي انا هنا
هاجر تلفتات وتحرك معاها شعهرها الذهبي كيتطاير فالسماء و عينها الخوضر كيبريو مع الشمس : Salut les filles
هاجر حشمانة وهي كتشوف فيه كان طويل و زوين كاع علامات الوسامة مجموعة فيه و عندو كتاف عراضين شوية باينة كيدير الحديد حيت صدرو منفوخ شوية باينين ليزابدو من تيشورت لي لابس كان لاصق شوية عليه وواحد كاسكيط فوق راسو كتبان لحيتو مطراسيها كانو حروفو بنية وعيونو خليط بين البني والاخضر مكانش كيشبه نهائيا لحليمة لي حروفها كحلة وهي سمراء بزاف على عكسو هو حنطي الى شفتيهم بزوج متقوليش خوت: السلام
تسالمات معاه حليمة بالحناك: علي لاباس
عنقها بدراعو وكيستهزء: شكون هاد البينتة [بكية الغارو حيت صغيرة بزاف ورقيقة بلا قياس]
هاجر تحرجات ورجعو حنيكاتها موردين حيت خجلها بكلامو وهي كانت معجبة بيه من اول شوفة حرك فيها انوثتها دخلو للمول وجلسو فواحد القهوة كدير لباتيسري زوين
علي: شنو بغات تشرب الفنيكيشة
حليمة: طلبي لي بغيتي والفنيكيشة سميتها هاجر
علي: متشرفين اهاجر اليوم كلشي على حسابي نتوما غير طلبو
هاجر باصرار: لا لا غنخلص على راسي شكرا
علي: لا متقلقينيش الفنيكيشة
حليمة كتزيد تغرقها: وهانتي غتقلقي لينا علي ا اهاجر كوني خفيفة وسمعي
سكتات وشربو عصير مجموعين وكلاو طارط و كريب هو طلبو مالح وهما خداوه بالشكلاط و لفريز بقاو كيضحكو ولكن هاجر حدودية كانت غير حاضياه محيداتش العين منو ملي كيشوف فيها كتحدر عينها ولا كتشوف فبلاصة اخرى : هاجر شنو كديري فحياتك
هاجر : كنقرا مع حليمة
علي شاف فحليمة: فاش كتقرا حليمة
هاجر استغربات الموضوع خوها ومعارفش فاش كتقرا: فالسيزيام
علي: صغيرة
هاجر تعصبات منو وغوبشات : حتى نت كنتي صغير واحد النهار اسي علي
علي كيضحك: وحتى نتي كتعصبي
هاجر: حليمة سمحيليا غنمشي قلتي ليا غنخرج انا وياك ماشي مع خوك
علي: calme toi غير كنضحكو [شدها من يديها ملي وقفات] خليك معانا شوية
هاجر: خاصني نرجع خويا غيتخلع عليا [باست حليمة من خدها]
حليمة: نعاودو هاد لخريجة
هاجر زادت مع الطريق كتبرغم غير بوحدها: لاعاودتها معاك راني بحالك
وقفها صوت علي: تسناي نخرجو معاك
حط الحساب وخرجو معاها و شد ليها طاكسي وبغا يخلصو حبساتو: لا عافاك متخلصش عندي فلوسي
علي : ضيعت ليك وقتك خليني على الاقل نخلص
هاجر: باشمن صفة غتخلص مانت خويا مكنعرفك
قمعاتو و سدات الباب: يالله اخويا درب الحبوس
الشيفور كيتبسم: تبارك الله عليك متخليش هاد لماركات يلعبو عليك
هاجر : راني بنت الكبير يجي يخلص عليا طاكسي انا نشريه هو والطاكسي
بقا كيضحك وهو سايق عجباتو فيه خلات علي غياكل راسو: اش هاد البرهوشة جايبة ليا
حليمة: عرفت عزاز عليك الشهبات جبت لك باش تقدي
علي : قاصر اzبي باغيا تدخليني 5 سنين ديال الحبس
حليمة: اصاحبي غير جرب والله تا حلوات هاد القاصرات
علي: ودايرة كي السلوكي متعرفها غاديا ولا جايا
حليمة: ولكن قوقة بالرجولة بنت ال9حبة اعطاتها دنيا كلشي الزين والفلوس
علي: بلا هردوسية كي والو
حليمة: جرب اصاحبي مخاسر والو [قاست جيبو من لفوق] وفيناهيا التضويرة راه جبنا لك بيااسة مزال ممقيوساش مشافوها عينين معجنوها يدين
علي جبد واحد150 درهم وهي تخنزر فيه: اش هاد لحزقة
علي: راني مخلص على دلمكم300 درهم وخسارة فيكم
حليمة: راه بياسة اصاحبي دايرة بحالا خارجة من ديزني رطبة بحال ريشبوند
علي: ماشي ستايلي
حليمة كتبقشش فتيليفونها: انا غنخلي ليك تيليفونها وخسارة ضيع بياسة بحالها كلشي عندها خليها بعدا بلا بكرة نتعادل معاها فشي حاجة
سهيلة دازت للفرماسيان قبل متدخل للرياض خدات زوج مضادات حيوية cefpodoxime و amoxicillin خشاتهم فصاكها عاد تحركات للرياض وفالرجعة تلاقات مع هاجر فالباب: رجعتي
هاجر : راه قلت لك غنرجع دغيا غير فوجت شوية
سهيلة كتدوز ليها فوق راسها: كبرتي الرتيلة [قرصات ليها بزولتها بشوية] اش هاد تفيفيحات
هاجر غوتات بالحشمة وضربات يد سهيلة: واش هبلتي
جابت ليها الضحك: نسيتي راه كنت كنديك معايا للحمام كنفرك ليك حتى بين رجليك وليتي دابا تحشمي مني [غمزاتها] شوية حتى نتي غادي تحبي وتتحبي
هاجر: نكذب عليك الحاج كرهني فالحب اه خويا وحبيبي ولكن لي دار فيك والله متستاهليه
سهيلة تنهدات: كل يخلصو الله [وقرصاتها من ترمتها باش تهرس جو لكآبة لي دخلاتهم ليه] وترامي تاني يالالة
هاجر كتجري طالعة مع دروج: وبعدييي مني
هاجر قريبة من سهيلة بزاف حيت كانت تعرفها من قبل ميتزوجو وقبل متشوف مو كانت هاجر صغيرة فاش عرفها عليها وكان ديما يجيبها تشوفها وفالاعياد ومناسبات كانت سهيلة توصيه يجيبها كانت تنقش ليها و تشري ليها فالعيد الكبير الكشخة و فالعيد صغير تشري ليها لبيسة ومرات كتاخدها معاها للحمام يعني هاجر كبرات مع سهيلة بحال ختها الكبيرة وحتى فدار كتعيط عليها غير ختي سهيلة
مبدلاتش حوايجها ودخلات ديريكت للكوزينة كتعمر براد اتاي و فاش تشحر ضورات راسها يمين وشمال كتتأكد واش مكاين حتى واحد جبدات من صاكها دوك المضادات الحيوية خوات منهم بزوج فالبراد و كتحرك بالمعلقة بزربة قبل ميحصلها شي واحد وتخرب عليها ووجدات الصينية ودخلاتها للصالون : هادي هي وقيتو
وكتشوف فالساعة كتتسنا اليزيد يدخل مع الباب غير سمعات السوارت فالباب بدات كتراجع اتاي : الحاج اجي تشرب كويس مشحر ديال اتاي
حتى هو حط البلاستيكات لي فيدو غالكوزينة وداخل تسالمات معاه بالخدود وجلس وهي تدخل عليهم راضية وسليمة: حتى انا ا بنتي كبي ليا شي كاس
سليمة: حتى انا باغيا
تصدماات سهيلة: خالتي اتاي حلو ونتي فيك السكر نعمر ليك برادك مسوس
راضية: لا ابنتي متعدبيش راسك غير اعطيه ليا حلو موت وحدة لي كاينة
سهيلة ممتانعة: لا خالتي خاصك تتهلاي فصحتك الله يطول لينا فعمرك
سليمة نقزات من جنب: الله يطول لينا فعمرك ا لالة[كيعطو بيها للعقايزات فبعض المناطق والتقافات المغربية] حتى تشوفي وليدات الحاج
وكضحك بالحشمة كتسمم فسهيلة
راضية: وهي لازربتو ودرتو شي وليدات خاصك تهزي من شهرك لول
سهيلة لي بغات تفقص كاعما كتسمعهم كتفكر كيفاش تتفك منهم حيت البراد دارتو لليزيد ماشي ليهم ولكن مع اصرارهم اعطاتهم وراضية عجبها تشرب وتزيد مع كترات فيه العشوب مخلطة باش ميبانش مذاق المضادات
راضية: شربي ا سليمة راه العشوب مزيانين ليك كيخصبو وكيغسلو لوالدة و يحيدو البرد
سهيلة نطقات بشوية: كيغسل حتى المصارن اخالتي
بقاو الكاس لول وتاني حتى سالا البراد سهيلة مخداتش من اتاي كانت كدير راسها كتشرب لكن هيغير كتلعب كتاخدو فمها كتعاو تهز لكاس ترجعو فيه بلاما حتى واحد يحس بيهاوسط الهضرة وتلفازة لي خدامة
وحطو العشا هاجر كانت نعسات و سهيلة بلعاني انساحبات من العشا غير جالسة كتشوف بعينيها وكتاكل فشلاضة
راضية: الله يعطيك الصحة ابنيتي على دوك صبيعات [شفت فاليزيد] على مزيناتو طاجين الحداقة معندي منقول كون غا جيتي دقتي اسهيلة
سهيلة: دايرة ريجيم ا خالتي المعدة هلكاتني هاد ليوماين
غير كلاو مزال مجمعوش الطبلة بداو دايرين نوبة على طواليت اليزيد طلع لطواليت لي فبيتو هو و سهيلة و سليمة دخلات لطواليت لي تحت اما راضية واقفة كدق عليها: سربي راه غنطلقها هناياا [كضرب بجهد وملامح وجهها غتبكي] سليييمة
سهيلة معرفات تضحك ولا تبكي هي بغات غير اليزيد فهادشي ولكن المغرفة هزات ليها حتى راضية وسليمة
طلعات عند اليزيد كدق عليه الباب: اليزيد محتاج شي حاجة
كان كيتقيا : لا
عاوتاني دقات: حبيبي راه خاص نمشيو لسبيطار خالتي وسليمة حالتهم حالة محنين [كضحك ورا لباب] ياربي سلامة غير كليتو داك طاجين ونتوما تتلونو
خرج وجهو ملون جلس فوق السداري: خوديهم للسبيطار
سهيلة: اش هاد لحماق [شدات فيدو] حتى نت غتمشي
تسرح مغمض عينو: انا غنرتاح ويفوت الحال
سهيلة : اليزيد متقلقنيش واش عندك فوبي من الطبيب مغنخليكش هنا بوحدك الى كان شي تسمم غيغسلو ليك المعدة
وكتجر فيه من يدو فحال شي بنت صغيرة: حبيبي متخلينيش مشوشة عقلي غيبقا هنا لمامشيتيش
علا ديما كتنتاصر فالاغراء و الاثارة كتخليه ميشوفش شغل اخر من غيرها لصقها مع الحيط هازها و هو كيتلمس فكاع تضاريس جسمها..
خرجات قبل منو من دوش للكوزينة وكتجبد فواد بواط صغيرة مكتوب عليها فيتامين E خدات منو وحدة وبالتخبية خايفة يشوفها ودغيا رجعاتو للبلاكار ورا الماعن لي كينين خشاتو وسط واحد طنجرة صغيرة كطيب فيها ليباط ولا الاندومي الى بغات تقصر ونعسات فوق الكنابي غمضات عينيها على اساس نعسات باش ميقدرش يدير ليها شي حاجة ولا يضربها تكمشات بالبينوار ديال الدوش خرج كينشف شعرو بالفوطة ولاوي على نصو تحتاني فوطة شافها وقرب ليها واقف عليها كيشوف كيفاش رموش عينيها كيتحركو بزربة و كيفاش كيتسمع صوت ريق لي كتبلع باينة كتكذب وكتمتل فنعاسها هز كاس المء شرب وضربو مع الطبلة وهي تغوت قافزة مخلوعة حيت عند بالها الدقة غتجي فيها :نعسي بلاصتك
مناقشاتوش ناضت سلتات البينوار وتخشات فبلاصتها مكمشة كتشوف فيه بعينين مغمضة متايقاش فيه كان جالس كيكمي ومزال مناسيش احداث اليوم وهاز واحد طابليت كيقلب على واحد لبياس طموبيل باغي يكومونديه من المانيا
فالصباح حلات عويناتها كتضورهم فالبيت كتقلب عليه خشات يدها تحت راسها كتقلب على تيليفونها ملقاتوش ناضت حيدات لوسادة مكاينش كتقلب فالارض وكتسوس الغطاء حتى سمعاتو وراها: كتقلبي على هذا [هاز تيليفون فيدو] بغيتي تخرجي تزللي تاني
عرفاتو هزو باش يقلبو من ورا احداث البارح وهي تكالمات حيت مسحات جميع محادثاتها مع سهيلة لي كانو كلهم معيور فرجالاتهم: سهيلة معارفاش بلي مفراسكش
رماه فالارض قدام عينيها وزطم عليه برجليه: ونتي شنو درتي
باغي يزيد يحرجها ويعذبها حدرات راسها: كذبت عليك
مستمر فسحق التيليفون : علاش كذبتي
سهيلة كتحك يديها مع حوايجها بتوتر: محيت مغتخلينيش نخرج معاها
قرب ليها: وحتى دابا مغتخرجيش معاها ومغتهضريش معاها ومعمر رجليك غتعتب هاداك الباب وحتى هاد تيليفون مكاينش
مكتبكيش ومغتدويش حيت باغي اقل ردة فعل منها باش يشعل فيها العافية وهي كتقلب تكالمي الوضع ماشي تشعلو :كنهضر مع الحيط
منال هزات عينها فيه كيبريو بدموعها لي حابسة الى نزلات دمعتها غتقرا الفاتحة على راسها : واخا
معارفاش بلي واخا كتحني راسها وتسكت غير شوفاتها كافيين باش يعصبوه ويمرضوه جرها من دراعها وهي تغوت كانت مقصحة من اثار عنف البارح : آآه
بقا ضاغط واخا عارف البلاصة كتحرقها وهي كتعوج فعينيها كتتألم بقوة: عارفة مكنحملش لكذوب وكتكذبي
منال: سمحليا مغيتعاودش هادشي [كتعاود هضرتو] مغنعتبش ومغنهضر مع تا حد ومغنبقاش نذكر تيليفون مرة خرى
مزال مبغاتش تبرد ليه فاش كيتفكر بلي راجل اخر من غيرو عشق عينيها :باقي شي حاجة معارفهاش
حركات راسها بلا: مكاين والو والله مكاينة حاجة
كيتصفح فعينيها كيقلب على نظرة الخوف والتردد ولكن ماشي عينيها قلبها لي كان فيه اعصار بالخوف كيضرب بجهد لي غيوقف طلق منها وخرج جسات حدا يليفونها جمعاتو بين يديها كتبكي معنقاه بحال شي طرف منها كان ونيسها الوحيد وسط هاد الظلمة كتحاول تشعلو ولكن مبغاش كان طافي ملي كيشعل كتولي الشاشة بيضاء كاملة وفيها خطوط كحلين شداتو رماتو فالزبل كتمسح عينيها بجهد بكمامها حتى حمراتهم وهما منفوخين بزاف وتحسسو من كترة البكاء ديال البارح لبسات عليها ونزلات للتحت دقات ودخلات لقات كلشي عاقد راسو بالحامض راسهم كيضرهم بالفقصة والعريس لي مشا ليهم من يديهم وهما بقات ليهم غير النغافة مسولوش عليها بالحماس والفرحة
الكبيرة: هاهيا جات عاوتاني
مليكة: لاش موريانا كماارتك
دّا زهرة شادة فراسها: صافي سكتونيي كل تمشي لشغلها
مليكة: حنا خدمتنا سالات البارح تخدم نيت هي لي جاو فيها الخطاب [شافت فمنال] راه تابعك الماعن والبيوتة تجمعيهم
الكبيرة : ولا لقيتي علامن تشكاي تشكاي الى باقي عندك شي وجه نطقي قدام خويا شس حاجة يالاه يقطع ليك داك اللسان من الجدر
منال مهضراتش دخلات للكوزينة عارفة معندها حتى حد من غير الله لي غيوقف معاها ولا يحن فيها كانت واقفة فالكوزينة بنقابها خايفة تهبط بعباية وينكدها عليها ولا يتهمها بلي كتزلل على خوه نهار كامل وهي كتجمع روينة لي دارو وكتحك فالزليج و الحيوطة والارض محنية وكتحكها بزيكس كاع يديها تقشرو و صباعها تفلحو بالحكان وولاو حرشين كتحك بلاصة وحدة وهي سساهية كتفكر فحالتها حتى جرات يدينا بسليك من زيكس لي دخل فظفرها عاد فاقت من شرودها ودخلات للصالون كتجمع فيه وكتشطب
دّا زهرة: حيدي دوك طلامط وديك الزربية رجعي عاديين وصبني هادوك
منال وقفات خمسة دقائق بقات كتشوف في خيال دّا زهرة مصدمة واش هاد لمراة مكتحشمش كيفاش منال غتهز السدادر بوحدها وتحيد الزربية بوحدها بكات تفكرات مها تفكرات حنانتها واخا خوتها كانو يضربوها ويضلو يسبو فيها كتلقا صدر مها كتتكا عليه مكانتش كديرها خدامة على الاقل لاخدمات فدار باها راه نقصات الحمل على ديك الميمة الشيبانية
كتبكي بلا صوت كاع بللات النقاب لي مغطي وجهها هزات هادوك السدادر لمطاتهم كتلمط وتستاراح كاع سخفانة كتنهج و كتجر فيهم تقال عليها وكتجمع فالزربية وتجفف تحت منها رمات الصابون فالمكينة وضوراتها و زربية جمعاتها جنب
دّا زهرة: اش كتسناي طلعيها لسطح معمرة لينا دنيا هنا
منال:سمحي ليا اخالتي جواد حلف عليا منوصلش السطاح وانا مبغيتش المشاكل معاه حتى يجي ويطعها ليا لسطح ولا بغا راني غصبنها
دّا زهرة كتخنزر و تبرغم تحت فمها مبغاتش جواد يعرف وهو موصيهم زرابي نهار كيبغيو يصبنوهم بيديه كياخدهم لكراج كيغسلوهم المتعلمين عندو وديضور معاهم وكينشروهم فواحد مساطر عندهم قدام الكراج حتى كينشفو
دّا زهرة: صافي حطي داكشي من يديك
منال: مزال مكملت اخالتي
دّا زهرة كتكذب: غير سيري دابا غيدخل رشيد الى لقاك هنا جواد غيتعصب عاوتاني مقادين على صداع مبغيتش ولدي يدوز عمرو فالحباسات بمسبتك
حطات داكشي من يديها وطلعات وخي غاديا فدروج جنبها ناض عليها بالصداع والحريق بزاف طالعة شادة فالحيد بيد و اليسرية حاطاها تحت جنبها كتحس بشي حاجة هابطة معاها سخونة دخلات للطواليت لقاتو دم الدورة الشهرية سبقات ميعادها باسبوع من كترة التعب و التوتر والخوف لي لعب على هرموناتها و الثقل لي كملات بيه دابا بدلات غير سروال بقات لابسة نقاب مقدراتش تحيدو ولا تحرك تكات بيه مكمشة وكتوجع وكتبكي بالوجع مقادراش تتحرك وكترعد بالببرد مقادرة حتى تجر عليها الغطاء بالوجع سمعات لانطيرفون كيصوني ولكن مقادراش تتحرك خلاتو كيصوني حتى كتسمع الباب تحل: واش مغتجاوبيش
قلب عينو لجهة فين ناعسة شافها كتبكي وقرب: اش واقع
كتنخصص ومقادراش حتى تهضر: ك كرشي
تحنى عندها راكع على رجليه: فين كنتي واشنو هاد الحالة
كيشوفها كيفاش كتتعرق فداك النقاب بدا كيسلتو ليها من راسها : والله مخرجت كنت لتحت كنخمل
جواد: شنو كتخملي
منال: الصالون بقات الزربية حتى تطلعها ليا للسطح ون
قاطعها معصب: كنقوليك متبقايش تهزي الثقل واش نتي بهيمة
وملي بغا يحيد ليها اللباس لقا كلشي دم فاضت خرج لسروال و لسداري مشا حل الروبيني ديال البينوار فالدوش دوش كان كبير فيه البينوار و دوش طالياني عادي ديال الرشاشة عمر البينوار بالماء سخون شوية باش يهمد عليها الحريق و رجع ههزها من بلاصتها للدوش حط ليها كرسي حتى سلت ليها كاع الحوايج و هزها عاوناتي يد ورا ظهرها ويد تحت ركابيها وهي متكية على كتفو وجامعة يديها على عنقو نزلها للبينوار بشوية حتى لامس جسمها الارض و ترخات حيت سخونية كتسكن الالام الدورة الشهرية ودار غير الماء بلا حتى جيل ولا صابون باش ميطلعش معاها وهي ففترة حساسة رد عليها الباب و مشا حيد لفراش لي كان فوق السداري وبدلو بواحد جديد و رما لاخر فسلة الصابون و دار ليها واحد مكينة فالشارج هي بحال صاك عتحزم على الكرش كدير مساج بالهزاز و كتدفي المنطقة ديال البطن من الاسفل باش تنقص من الحريق و حل بلاكار جبد دوليبران وكاس الماء ودخلو ليها للدوش اعطاه ليها فممها ومد ليها لكاس كتشرب من يدو وهي متكية على يديها فالبينوار كتتوجع و كان كيقطر منها الدم لون الماء رجع حمر وهي تعرقات بالسخونية : شوية دابا ؟
حركات غير راسها باه بشوية وهو كيدوز يدو فوق من ظهرها :بغيتي تخرجي ترتاحي
منال بجفاء : اه
عاونها توقف و حل السرب ديال بينوار باش يدوز الماء وخدا رشاشة فيدو كيغسلها من الماء لي عمر بالدم لوا عليها فوطة وهزها عاوتاني من البينوار للبيت خدا ليها ليكوش طاي 2 من المجر حيت مكتقدرش تلبس اولويز الايام الاولى من الدورة محيت كتجيها كتيرة بزاف وهو على دراية بهادشي عاونها حتى لبسات واختار ليها حوايج دافية لي متخليش البرد يوصل ليها حط ليها الالة فوق كرشها وغطاها :محتاجة شي حاجة
منال كانت صفراء و فمها ناشف وعيانة: لا
حط حدا راسها قرعة ديال الماء من روبيني حيت متقدرش على البارد : انا راجع
وهبط لدار عند مو دخل شافهم كلها شاد قنت البنات سادين عليهم فالبيت ناعسين و دّا زهرة جالسة فالصالون لي نقي كيشعل شاعلة تلفازة كتتفرج : واش مكاينينش بنات فهاد الدار
دّا زهرة: لا كاينين اوليدي عطا الله العزبات 3 تبارك الله
جواد: انا جايب مراة ماشي خدامة
دّا زهرة: نعل الشيطان اوليدي اش هاد الهضرة كتقول
جواد: دوزي شوفي حالتها غتحشمي بلاصة الشيطان
دّا زهرة: لهلا يطيح علينا باطل اوليدي شكون كيهضر معاها تهز تا الكاس من الطبلة ياك كتنعس تاتشبع تفيق تلقا الفطور واجد والغذا واجد تهبط كي الاميرة تاكل وتطلع
جواد: مي لي بغا ياكل يدخل الكوزينة ولي بغا يهز الصالون يجيب مراة من الموقف ولا حمال
خشا فيها هاد زوج كلمات وخلاهم كيطلعو وينزلو فيها كتبلع الشوك ماشي الريق خرجات الكبيرة بشوية كتسلت :دغيا وصلاتها ليه
دّا زهرة: معندي الاولاد انا عندي غير الهم وكلات ليا ولدي بجغات ليه شي سحور كيضور فيا انا ميمتو على قبل خانزة
الكبيرة: وشنو فيها لاخدمات على عقوزتها و لوايساتها مافيها حتى عيب مالو بغانا حنا نخدمو عليها دغيا نسا اشنو دارت البارح فضحاتنا الله يجعل ربي يطيرها علينا
خرج هز طموبيل ل Kyoto Sushi باش ياخد ليها السوشي لي كيعجبها و صوبة ديال فواكه البحر و خدا معاه عصير وداز للفرماسيان : السلام عليكم
الصيدلانية: وعليكم السلام
جواد: بغيت شي حاجة للحريق ديال
بقا ساكت شوية معارف ميقول بحالا غيقول حاجة معيبة ولكن الصيدلانية فهماتو حيت هادي حالة الرجال الشرقيين كيعتابرو العادة الشهرية عيب ولا حشومة: للدورة الشهرية
حرك راسو باه وهي تجبد ليه Mortin جمعاتو ليه ورجع للدار طلع لطبقة بلاما يدوز عند مو لقا سهيلة باقي ناعسة سخن الشوربة فالميكرووند و حل البواطات ديال السوشي وقاد ليها لي صوص فجبانيات صغار و فيقها :منال خاصك تاكلي
منال: مبغيتش ناكل متحركنيش عافاك
امتنع يسمع ليها طلع ليها الوسادة :جلسي جبت ليك الغذاء لي غيعجبك
جلسات وجاب ليها الماكلة حتى لعندها شافت سوشي فرحات حيت كيعجبها بزاف بغات تاخدو ولكن مد ليها الشوربة: خاصك تشربي حاجة سخونة هو لول
خدات منو جبانية شرباتها عجباتها و بدات كتاكل السوشي وكتغمسو فالصوص صوجا الحلوة وكتلذذ بالمذاق جلس حداها وجبد بزطامو خدا لاكارط ديالو وحل التلفازة الذكية لي معلقة فالبيت و دخل لنيتفلكس كيتآبونا فيها وخلص الابونمون ديال ست شهور قدامها واعطاها تيليكوموند: باش دوزي الوقت
فعز المرض و الحريق و الحقرة فرحات شوية :شكرا
وخداتها من عندو بزربة كتقلب على شي فيلم دوز بيه العشية
[][][]
سهيلة خداتهم للمستعجلات في الكنينيك دخلوهم و بداو كيديرو ليهم تحاليل وهي اعطات ordonnance للفرملية لي استقبلاتهم: بغيت دوزي ليا معاك هاد تحاليل لهداك السيد [كمشات ليها واحد 500درهم] وغنتهلا فيك ولكن منبغيهش يعرف هادشي
فلول الفرملية امتانعات ولكن ملي شافت الفلوس و زادت طمعاتها بتضويرة اخرى زعمات :واخا
سهيلة: الى بقا كيسولك قوليه هادو اجراءات ضرورية
بقات جالسة كتتسنا و كتعض فقنانفها و الطبيب كيسول فيهم ملي خرجو تحاليل: لقينا فدم دوزاج عالي ديال المضادات الحيوية واش هذا شي انتحار جماعي
مفهمو والو بقاو غير كيشوفو فبعضياتهم اما اليزيد كانو عازلينو فشومبرا بوحدو باش ميشك حتى واحد خداو ليه من الدم عينات كتيرة و تحليلة ديال البول
خرجو ليهم دوايات منهم دوليبران و اونتيبيوتيك سهيلة هي لي وقفات على الوراق ديال الخروج و اعطات نمرتها للفرملية باش تعلمها ملي يخرجو تحاليل تجي تاخدهم للكنينيك المختص بحالة عقم اليزيد
مدخلو للدار حتى للخمسة ديال الصباح كانو عيانين اليزيد نعس فالصالون من كترة العياء مكلفش راسو يطلع غير سهيلة لي هبطات ليه الغطاء وغطاتو و النساء كل ودخلات لبيتها تنعس الا سهيلة باقيا كدور فدار شافت ضوء خافت شاعل من تحت الدفة ديال هاجر دقات عليها وحلات الباب: الرتيلة مبغيتيش تنعسي غذا كاينة القرايا
هاجر: تصبحي على خير اسوسو [تلفتات ليها] انا وياك لي سلكنا مكليناش طاجين العروسة
ضحكات سهيلة: سكتي ا رتيلة ونعسي دابا تسمعك وتفغع علينا
رجعات هاجر شافت فتيليفون كانت جابدة صفحة علي الدريسـي حيت حليمة دايرة ليه ابوني وهي مشات كتقلب فليزابوني دياولها حتى لقاتو عرفاتو من تصويرة كتشوف تصاورو و منشوراتو و تعاليقو مع البنات حسابو عامر غير بالبنات 3000 بنت وسط منهم شي 15 دري كيجمجموه غير البنات ويعلقو ليه غير البنات وتاهوا كيتعنب على كلشي و كلام طايح غير سمطة للتحت بالغلط وهي نازلة فحسابو دارت جادوغ و فالحال وصلاتو نوتيفيكاسيون ودخل لحسابها : البرهوشة طاحت
سيفط ليها داك ساع ابوني ومعاها ميساج: الفنيكيشة خاصك تكوني ناعسة دابا
هاجر: انا ماشي صغيرة وننعس لوقت لي بغيت شنو دخلك
علي: هي عندك شي حبيب مسهرك
هاجر: ممسالياش لهادشي عندي قرايتي
علي: ومال دلمك على هاد الزين كامل
هاجر مشعراتش امتى ابتاسمات من ورا الشاشة عكس برودها فالمحادثة: احتارم راسك ومتخسرش معايا الهضرة
علي: مساليا غذا نديرو شي قهيوة وهاد لمرة غير بزوج
هاجر: وعلاش غندير معاك قهوة بالسلامة
علي: نتعرفو على بعضياتنا
هاجر: سمح ليا ولكن وقتي عامر
علي: Tu exagères غير نص ساعة
هاجر: vu
نعسات بلاما تجاوبو وحتى الابوني لي دار ليها مقبلاتهاش
علي: دابا نربي البرهوشة دمك شافتي ساكن فالرباط معرفاتنيش ولد المدينة القديمة
- بعد مرور 15 يوم -
...
سهيلة سادة عليها فالدوش: الو دكتور
- توصلت بالتحاليل
سهيلة: الله يسمعنا خبار الخير
- كيفما توقعنا عندو التهاب فالمسالك وهو لي مسبب ليه العقم وحيت متعالجش اثر سلبا على القدرة الانجابية وكاين احتمال يضر حتى الكلي الى مسارعش بالمعالجة وغنحطيوه راديو خاص يديرو على الكلاوي تحسبا لاي مشكل يقدر يوقع
سهيلة خايفة: كاين ديما امل يتعالج ياك ادكتور؟
- غياخد اونتيبيوتيك وفيتامينات D و حمض الفوليد حيت عندو نقص وغنتابعو الحالة عن قرب
سهيلة : انشاء الله يكون الشفاء عاجل وشكرا ليك نت والطاقم على مجهودكم
قطعات معاه وخرجات :خلعاتني عليا الزغبية مكتجاوبش
كتعاود تصوني على منال التيليفون باقي طافي ليها و ممكنوكطياش فواتساب :عندك يكون دار فيها شي موصيبة
كتسمع العياط: سهيلة نزلي
طلات من ضربوز رياض لفوق :نعام اهاجر اشنو كاين
هاجر: ماما جابت البلوط نزلي تاكلي
عيطات عليها حيت عرفاتها كتحماق عليه و حتى سهيلة هبطات ديك ساع تاكلو
راضية: اليوم جاي الحاج انشاء الله
سليمة كتنقز: الله يرجعو لينا على خير
راضية: خاصكم تعريو على دراعكم
سليمة: اليوم غندير لمولاي اليزيد الرفيسة
سهيلة : مولاك اليزيد مكياكلش الرفيسة
ضحكات هاجر و هي ضربها راضية على عنقها من لور: مبقيتي تحتارمي حد
هاجر كتحك فعنقها: اي ماما مالي شنو درت مبقا حد يضحك فهاد الدار [شافت فسهيلة] خويا كتعجبو البسطيلة من صبيعات سوسو
راضية: الحاج كيعجبو دجاج العراسات شكون ديرو فيكم
كتشوف فسليمة باش تقفز تاني زلكن تدخلات سهيلة: خلي سليمة تبين حنة يديها انا داق طيابي وعارفني حاشية مكنعرف لا نصلق ولا نحمر
راضية: معامن غيدوز هاد الليلة فيكم
سليمة: خليه يبقا الليلة عند سهيلة مغيجي حتى لليل غيكون عيان مغنرتاحش معاه وناخد راحتي
ابتاسمات سهيلة بشوية وتشيطين داخلها: بصح غيجي غينعس
وهي البلان فراسها غير العروسة لي معارفاش بلي اليزيد كيكون مجهد من ورا اي سفر حيت كيكون موحشها و كيكون كيتسنا النهار لي غيرجع فيه لعندها ناضت طلعات لبيتها هزات تبريمتها و ماسكاتها و طلعات للحمام لي كاين فالسطاح كان حمام ديال العواد فوسط الدار كيسخن كيولي فحال الصونا وبحال حمام ديال الزنقة فيه الدوش و الارض سخونة و حمام تقليدي دارت الحنة والسدر مع العشوب لشعرها ودخلات للحمام طلات ذاتها بالتبريمة وتكات كتسخن عضامها على ما شد المفعول فشعرها عاد ناضت خسلات تبريمة ودارت عليها صابون مغربي و دارت ماسك النيلا لوجهها وبدات تحك داتها كتفسخ و من بعد حكات وجهها ودارت ماسك عكر الفاسي و بدات تحك بالحكاكة رجيلاتها ودير ليهم مقشر ديال الدمان كيخلي ريحة و لون غوز بيبي عاد باش نزلات شعرها بشومبوان ودارت ليه للجدور ماسك وللاطراف ديميلور و حسنات برازوار بين رجليها و باطها وسيقانها خرجات كتشعل وحنيكاتها حمرين بالسخونية والفريك لبسات بيجامة عادية حيت باقي الحال على دخول اليزيد وهبطات لبيتها سدات عليها كدير الليزر المنزلي للحمها باش ينقص من نمر الشعر وتدخن فلحمها بالكريمات و الروايح و زيوت الشعر وكتغني : عبالو حبيبيي اغمرك ما اتركك اسرقك ما رجعك احبسك ما طلعك من قلبي ولا يوم
وكدندن فرحانة برجوع راجلها جبدات الغوب لي غتلبس فالبيت و فنفس اللون صبغات صبيعات يديها و كتسرح فشعرها بسيشوار و كتعاودو بلحديدة و بدلات فراش السداري وطلقات البخور فالبيت
[][][]
راضية :هاجر هاد لعجب كيصوني [كتقصد تيليفون]
جات كتجري [علي]: اه غير الصونطر كيصونيو ليا
راضية بشك: ايوا جاوبي
جاوباتو: الو اه سوايع ايضافية واخا معاه تسنا نجيب ستيلو وورقة باش نقيدهم
وناضت كدير راسها كتقلب على ستيلو وورقة حتى غبرات من قدامها: الو علي كانت حدايا ماما
علي :قزمة وزايداها بلكدوب
هاجر: نت لي علاش مصوني ليا
علي: دوزي انسطا نفيكسيو شي خريجة
هاجر: علي انا ممسالياش للخريجات و القهيوات
وقطعات عليه داك ساع خلاتو كيعض فلسانو
هاجر : ماما انا خارجة لسوايع
راضية: متعطليش الى تعطلتي توصلك سهيلة
هاجر: لا انا غنمشي بوحدي
وخرجات هازة شكارة فظهرها وتيليفون فيديها كتتسنا رد منو حيت كانو كيهضرو هاد سيمانة كاملة و مادة يديها لطاكسي صغيرة ومع العشية طاكسي لي داز كيكون عامر مكيبغيش يوقف ليها حتى سمعات كلاكصون وراها تلفتات جنبها وهو يهبط الزاج: الفنيكيشة
حلات عينيها: نت ! شنو كدير هنا
شاف يمين وشمال: ياكما الشارع ديال الاخت
هاجر محرجة: لا
علي: غير شفتك قلنا نديرو الخير ونوصلوك
هاجر: لا شكرا غيجي طاكسي دابا
علي: باراكة من تبعصيص وطلعي علاش تشدي طاكسي [كيعيق] وطموبيل موجودة
هاجر ترددات وهي كتشوف ساعة فتيليفونها: غنتسنا طاكسي واخا يمشي عليا الحال
علي: فين غاديا
هاجر: غاديا لصونطر مبشور
علي حل الباب بيدو من داخل :حتى انا دايز من تما طلعي نوصلك allons y
هاجر ركبات حداه و شافتو عفط على الكسيراتور دفعة وحدة وهي تشد فالكوسان: غير بشوية اخويا مالك عليها حالة باغي طير
ضحك علي: جربي حاجة جديدة بنت الفين وعقلية ديال التسعينات
هاجر: لي خاف نجا وانا باقي عندي شلا حوايج باغيا نعيشهم
شاف فيها وغمز ليها: الحب مزال معشتيهش
هاجر: مكنعرفوش ومبغيتش نجربو قلبي 9 شهور وهو كيتفابريكا مغنعطيهش لشي بوبريص يطحنو
كضحكو بكلامها: ياك قدك قد النملة وهضرتك كبر منك
هاجر: راه ماشي هادي هي طريق
علي: واه كاينة طريق اخرى نوصلو دغيا
هاجر: لا عافاك وصلني من طريقي ولا هبطني بحال العمية وسط الشوك معارفاك فين غاديا بيا
علي: الزحام بزاف فهاديك طريق
هاجر كتحل الباب: علي هبطني
علي سد عليها الباب: صافي غير تكالماي غنوصلك من طريق لي بغيتي
ورجع بدل الطريق وكانت زحمة السطوب لواحد كيجلسو فيه 15دقيقة حيت كانت كسيدة لقدام دايرة عرقنة السير و البوليس و لومبيلونص و روينة ناس واقفة وسك الطريق كطل وتصور تنهدات معصبة: بدا الدرس مشا عليا الحال [كتعلق شكارتها] غنمشي على رجلي
علي: شمن درس كان عندك
هاجر: الفيزيك
علي: واش زتي صيونص
هاجر:اه
علي: انا نشرح ليك لي بغيتي
هاجر: كضنز عليا نت فين قاري حليمة قالت ليا خوها غير كساب
علي كيحك راسو من لور: ومالك كي جاك كساب مقاريش
هاجر: لا حاشة
علي: نمشيو نحفظو فشي كوان
هاجر غوبشات فيه: اشمن كوان
علي: زعما شي قهيوة نقية نقراو فيها على راحتنا
هاجر: D'accord
وعوج الفولون فوق عين السبع غادي جهة ولاد معزة كاينة قهوة café paris بعيد على الحي فين كاينة هي باش ميصدعهم حد ميشوفها حد دخلو جلسو هو طلب قهوة كحلة وهي طلبات دوبل اكسبريسو بحالو وكيضحك عليها: قاصحة عليك الفنيكيشة [شاف فسرباي ] جيب ليها شي شوكولا شو
هاجر قربات تاكل راسها: اخر مرة تقولي فنكوشة ولا زميرة
جبدات الكتاب وستيلو : قربي ليا باش تفهمي
قربات الكرسي ليه وهي كلها اذان صاغيية كتسنا اي معلومة تخرج من فمو باش تلتاقطها و شوية سهات فيه وهو كيشرح اللحية قليلة مشتتة فذقنو وحجيانو ممشوطين و لابس شوميز انيقة و ضارب ساعة اما البارفان ديالو كتخنق كتشم غي ريحتو غالبة حتى على ريحة القهوة لي كتقطر فالقهوة
وكيشرح ليها مزيان عجبها الحال حيت كتفهم منو وتركيزها ولا عالي كتر فالدرس واخا هي ديما عقلها خفيف فالقرايا وباغيا توصل : شي سؤال باقي فبالك
هاجر : شكرا فهمت كلشي مزيان
هز لاتروسة ديالها: باقي كتشري ميخييات
وخربق ليها شعرها بيديه: فنيكيشة باقي صغيرة
حيدات يدو بردة فعل عنيفة: علي انا ماشي صغيرة
علي: وعلاش كتشري مونيكات [كيستفزها كتر] قرب عيشور وخاصني نجيب ليك حتى طعارج
هاجر بالسم جاوباتو: جيبهم لمك
علي: هوو هو هوو شفتي les bêtises البرهوشة
جمعات ادواتها بغضب فالشكارة وجبدت 50درهم فوق الطبلة وخارجة كتسوط شدها من يديها ورجع ديك لفلوس لجيبها: غنوصلك منين جبتك
هاجر: بسع مني ولا غندير ليك شوهة هنايا
علي: الشوهة غتجمعيها غير نتي اما انا راجل
وسبقاتو وهو تابعها :صافي الالة هاجر ماشي فنيكيشة نتي امرأة كاملة مكمولة مزيان دابا
مبغاتش تسمع منو وهو تابعها: صافي ا زين متقصحش راسك راه الليل هذا وخاص لي يوصلك [شدها ومع ضارت مخنزرة فيه طلق بزربة] نتعشاو عاد ندخلو للدار
هاجر: اشمن دار
علي: زعما نوصلك لداركم
ملي مبغاتش تسمع منو هرب ليها بشكارتها: تبعيني دابا
وبصح هو كيجري وهي وراه حتى وصل لطوموبيل رما الشكارة لداخل وحل ليها لباب: تبعيها
ودخلات تجبدها دفعها لداخل تا جلسات وطلع مصر يوصلها خداها حتى لدرب لي ورا دربهم وهي مخرجة راسها كتطلةحيت اليزيد معروف فسيكتور بزاف ومتبغيش شي واحد يشوفها نازلة من طوموبيل فالليل
مع هي داخلة مع طوموبيلة اليزيد وقفات طاح فيها النص: الحاج
عنقها: رتيلة كنتي فسوايع كنتي تعلميني ندوز من وراك بلاما تكرفصي فالطاكسيات
هاجر: لهلا يخطيك اخويا
قرب نيفو: كنشم فيك شي ريحة [كيقرب مزال] شي ريحة
بحالا كيفكر اشمن ريحة وهي تقطعو: طاكسي صغيرة كان راكب معايا واحد راجل
اليزيد كيحل الباب :كنقولك متخليه يركب معاك حتى واحد زيديه فوق حسابو شي صرف وميركب معاك حد
هاجر: الراجل عندو شي رونديفو وكيكلب ويرغب بقا فيا حيت حتى انا بحرا مكنلقا الطاكسيات
اليزيد: العام جاي دوزي البيرمي وبقاي تمشي راسك
هاجر بفرح: غتشري ليا الطوموبيل
اليزيد: ندوز ليك لبيرمي بعدا دابا سوقي غير داك اللسان عندك راه مزيان
هاجر داخلة كتتغبن: الى نجحت نتسالك طموبيل فالباك
اليزيد كيطنز: تساليني طيارة
دخل تسالم مع سليمة بالوجه وباس مو فوق راسها سليمة كانت كاع مشوطة بالكوزينة ولا بسة غير بيجامة حيت جا بكري قبل لوقت لي ذكر ليهم وفيها ريحة عرق الكوزينة و شعرها دايرة ليه زيف حياتي مماشطاش نواظر كيسيلو بالعرق حيت كانت قدام الفران كتحمر الدجاج حناكها كيتلصقو بالعرق
راضية: جلس اولدي بغيت ربي يرضي عليك
جلس حداها: هانا الوليدة شنو ناقص
راضية: ناقص غير شي وليدات يجريو لينا فالريااض راه قتلني السكات
سليمة كتمسح يديها فالطابلية لي لابسة: كاينين غير هما انشاء الله اماما راضية
راضية: الله يرضي عليكم
اليزيد: سهيلة خارجة
راضية: لا كاينة غير فبيتها
هاجر كضحك: تلقاها كتزوق للحاج فالبيت خرجت خليتها فيه ورجعت مزال فيه
راضية شافتف يها واحد شوفة كانت غتطيرها من بلاصتها: زعما حيت تغبر البيت خاص يتجمع
راضية: نوض اولدي ترتاح دوش وهبط راه سليمة موجدة ليك شي شهيوات تاكل عليهم صبااح يديك
وقف مخلي وراه باليزة: فيها شي حوايج ليكم
فرحانين هاجر كتحل: مبغيتيش تاخد لختي سهيلة شي حاجة منها واش كلشي ديالنا
اليزيد: اه كلشي ديالكم
سليمة فرحات وغمزاتها راضية: شفتي هاهوا ولا كيفهم بلي نتي لي غتجيبي ليه وليدات
هاجر: ماما غادي نخلي لسهيلة شي حاجة من هنا ومتقوليش ليا علاش الى خويا مقلق عليها ومجابليهاش واخا ممولفاش ليه مغنقولوهاش ليها غتقلق حشومة سهيلة متستاهلش اماما هادشي
راضية: واش وكلاتك فالدفاع
هاجر حمرات فسليمة: كيفما نتي مرت خويا حتى سهيلة مرات خويا ماشي جايبها من زنقة راه معرس بيها وجايبها بالعز وبالدق
راضية رمات عليها صندالة: تحط ليك الدلقووش ا رتيلة مترعة الفم
هاكر جات كتجري عنقات كمشة من بلاستيكات بلاما تعرف اشنو فيهم وديالاش وهربات كتجري لبيتها سدات عليها وراضية كتغوت من وراها: والله لابقاات فيك الهيشة
اليزيد حل البيت كيطل براسو وكيقلب بعينيه ضواو مطفيين وهي لداخل فدوش قدام المرايا كدير فالماسكارو وكتغني و هو كيشوفها من لور واقف عليها وهي كتحرك فالتريمة بشوية يمين يساار و مندامجة مع الماسكارة و شعرها مطلوق وراها ولابسة الكسيوة الحمرة سميطةت فوق الركبة ولاصقة عليها مبينة فورمتها على حقها وطريقها وداك الريحة لي عاطية فالبيت كتدوخو كتعجبو وحتى هي مكتبدلهاش حيت عارفاه كيحماق عليها كيظل يشم فعنقها و قرب عنقها من اللور وهي تغوت و جلخات الماسكارة فوجهها وهو هازها من اللور ملاصقها معاه معنقها وكيدور بيها بشوية و كيشم فعنقها: توحشتك ا الزينة
ابتاسمات: حتى انا توحشتك
بغا يضورها مبغاتش مخبعة وجهها: لا باغي ضحك عليا
اليزيد: انا نمسح ليك
خدا القطن وحط فيه شوية من الكريم لي جا قدامو وحيداتو من يدو: حبيبي هذا راه كريم سولييغ [اعطاتو كريم اخر] هذا هو ديماكيون
اليزيد: ياك كلهم كيليقو للوجه
يمسح ليها شوية ويبوسها من فمها شوية تلف شنو يدير: كان خاصني نديك معايا
سهيلة كتعيوج: مدرتي فيها والو كنت نعمر عليك
اليزيد عنقها بجهد باغي يخشيها فيه وبادلاتو العناق: مكرهتش نسرحك دابا
سهيلة بعداتو :لا
اليزيد مغمض عينو كيشمها قريب يسرطها بنيفو: علاش لا
سهيلة دفعاتو بزوج صباع بزز: علاش جبتي عليا ضرة باش تبقا ديكور سير حردها نيت هي
منال: بغيت نهضر مع مي نسول فيها
مد ليها تيليفون ديالو وهي جالسة حداه صونات ليها: آلو مي توحشتك
- كنسيفط ليك فلواتساب كطلع ليا غير شرطة[ممكونيكطياش]
شافت فجواد بجنب عين : خسر ليا تيليفون ولكن انا راني لاباس نتي لاباس وخوتي
- كلشي بيخير ابنتي كيداير جواد و دّا زهرة والبنات
منال: جا خويا عبد الحفيظ هو وولادو من مراكش ؟
- اه جاو وغنمشيو دابا لصويرة نخيمو فيه ويبحر الوليدات
تنهدات: سعداتكم غاديين تتبحرو
- اجي تمشي معانا حتى نتي تفوجي مكتسافري فين
منال كتشوف بنص عين جواد حيت حداه كيسمع: بصحتكم نخليك امي بغيت غير نسول فيك وتهلاي فراسك و متنسايش دوا ديال طانسيون ديه معاك ونقصي من ملحة واليمنى [زعما الماكلة والرجيم]
- الله يرضي عليك ا بنتي سلمي على جواد
وقطعات وعطاتو تيليفون ورجعات كتفطر هي وياه راس فالراس فالبرطمة ديالهم من نهار لي جهدات فيه راسها وهو ممخليهاش تنزل لتحت وحتى هو غالبا كيجلس لفوق حيت عيانة وكلشي عارفها مريضة ولا هبطات كيهبطو بزوج كتكون خدمة قليلة غير شي ميعنات كتعاون فيهم
كانت مرتاحة لدرجة تزادت فالوزن حيت غير كتاكل وكتنعس ومقابلة نيتفليكس نهار كامل خارباها مسلسلات وافلام لقات داكشي لي بغات وحتى هو لقا فيها مابغا كيصبح ويبات بيها وكيظل مقنتها
شافتو خارج و بدلت كتعاونو يلبس حوايجو كتجبد ليه تقاشر ديالو و تمد ليه الريحة والبزطام وغير خرج هبطات للتحت حيت رجعات نوبة عاوتاني
ياسمين كتطنز: هي عاودتي شهر العسل
منال: الله يعطيك بحالو
ياسمين من نيتها حيت كانت كتتشوف جواد من شقات فينما داخل مدخل ليها معاه بلاستيكات :امين
الكبيرة: سيري عاوتاني تبوحطي عليه وتماوتي
منال دارت بحالا مسمعاتهاش وباست فوق راس عقوزتها: كي صبحتي ا خالتي
دّا زهرة بعداتها بيديها منزلة العين منها: لاباس
منال واخا كاع الاساليب الخايبة باش كتعاملها صابرة ليها حيت من صغرها رباوها بلي لعقوزة فمقام الام كتحتارمها بناءا على القيم لي كبرات فيهم وحتى خوفا من جواد متقدرش تشكي ليه ولا تعايب على مو معمرها جربات ومعندهاش الجرئة تجرب
دخلات للكوزينة ومع كانت الجمعة كتكسكس وياسمين مقابلة الطنجرة الكبيرة ديال الخضرة واللحم كيصفر فلكوكوت بوحدو دخلو الرجال من صلاة الجمعة وحطو الكصرية كياكلو حتى نطق رشيد: شفتك كتسول ولد البيضاوية على فيلا فالشمال جنب البحر
الكبيرة نشطات: هي غنتبحرو هاد العام
يسرى: والله مكرهنا عااشقين نشمو ريحة البحر
دّا زهرة: حتى لوليدات غيفوجو
جواد: خيمو مع رشيد وولادو
بقاو كيشوفو فبعضياتهم مفاهمينش :الفيلا خديتها على حساب زوج ديال الناس
عاد فهمو بلي هما غير مرحب بهم منال كانت مخبية خوفها مبغاتش ينفارد بيها متايقاش فيه عارفاه مزال منساش اخر مصيبة وقعات وخايفة يكون باغي يبقا معاه بوحدو باش يضربها على خاطرو وميقدر حد يتدخل وهو غير سمعها الصباح حققها ليها العشية وغياخدها راس فراس هو باغي ينفارد بيها
وحلات ليهم فالحلق كل وحدة كتميق وتقلب فعينيها اما ياسمين تقرصات من راجل لي جالس كي الامانة حداها
مبقا حتى واحد قدر يهضر فوق هاديك الطبلة بالحرج و الفقصة و مشاعر الغيرة والحسد كتغلغل فقلوب نساء العائلة الام كتشوف مرت ولدعا خدات ليها ولدها بحالا ولدها مدين ليها بكامل وقتو ومالو تحت دريعة [الرضا]
جابت يسرى الطاوس كيغسلو يديهم وحطو ديسير وراها طلع جواد باغي يرتاح خرج لمراك لي فيهروج كبتسناها جات وهو يدفعها غير بشوية مسبقها قدامو و مع كل خطوة كديرها فدروج كيعبر الطرف بعينيه عجبو حلات لباب دخل هو لول وهي بغات تسد لباب حاصرها معاه كيدفع فصاقطة بيد ويد تانية فوق خصرها بغات تلفت عندو ولكن منعها ملي هضر: متتحركيش
كان قريب منها لحيتو كتبورشها فعنقها وانفاسو ورا شحيمة ديل وذنيها :وجدي راسك هاد الليلة غنطلعو للشمال
منال بخوف: علاش غنمشيو كون غير يمشيو معانا نتوانسو ويعمرو علينا وحتى ولاد خوتك يفوجو مساكن مغبونين فالقرايا العام كامل
بقا ساكت كيقرا فعينيها كانت خايفة ومتوترة مكتتواصلش معاه بعينيها كتهربهم كيبقاو يدورو فجنابها :خايفة ندفنك فشي غابة
حركات راسها بلا بزربة : ل لالا
جواد شدها من ذقنها كيحاول يلصق نظراتو بدياولها: هي دايرة علاش
منال يديها ورا ظهرها كتلعب بيهم بتوتر وكتحرك عينيها بعيد عليه: والله مدرت حاجة
كان قريب ليها وعينيه على شنايفها : جمعي حوايجك غنمشيو للبحر لي تشهيتي
منال فرحانة وكتهضر بحماس: بصح [عاوتاني تقلقات غير بوحدها وعوجات فمها] ولكن مغنعومش
حيد من طرق وهو كيشوف فيها كتتحرك وتخطوي قدام جبدات زوج شنطات صغار كتجمع ليه حوايجو وشنطة كتجمع حوايجها و شنطة صغيرة ديال الماكياج كتجمع فيها مستلزمات التجميل و كتحط حتى لوازم الحمام جمعات كلشي ولبسات نقابها هو خرج للكراج خدا طموبيل كليان مخليها فالكراج تتصلح وسافر خارج المغرب فعطلة كن زاجها فيمي مكيبنش لداخل نهائيا
طلع هبط الشناطي و منال وراه نازلة دقات على دار عقوزتها: بسلامة اخالتي
الكبيرة كتهضر فالبيت بشوية: تمشي مترجعي ا اللفعة بغيتك متفرحي بهاد تصافيرة
طلعات للطموبيل وياسمين كتطل عليها من الشرجم: وهانتا ا خويا على جواد غادي يفوج بمرتو
رشيد: جواد راه خدام اما انا غير طالب معاشي وزيدون هو معندوش ولاد مقابل غير راسو والمراة
ياسمين كتعوج فوجهها: جواد راه هاز ولادك وولاد ختك
رشيد: شكون هاز ولادي من غيري
ياسمين: لانسيتي نفكرك بلي كسوة العيد هو كسيهم ودخول المدرسي هو يشري الشكاير والادوات ليهم مه ايمن وحتى من العيد الكبير شاريه
رشيد: راني كنعاونو كنجيب المونة دياال العيد
باستهزاء: المونة هي رابعة بزر ورابعة تحميرة
رشيد: هاداك هو جهدي الشهرية راه كاع كنعطيها ليك
ياسمين: ياربي اش هاد شهرية 2500 درهم ممخلصة لينا ل ضوء لا ماء لا صاير
رشيد تعصب ومل من مقارنات لي كتدير بينو وبين خوه: العجب مكيعجبك يا هاد المراة
وخرج وخلاها معصب وهي باقي جالسة فالشرجم مقابلة طموبيل حتى ضارت مع الدرب وغبرات: سعداتها هي لي بغات ليها الدنيا اعطاها ربي دجاجة بكامونها
جنات ببراءة وراها: ماما فيناهيا دجاجة
تنهدات: نوضي حيدي من قدامي بحالكم بحال باكم
شد طريق لوطوروت باش ينقص عليه الطريق ومشغل موسيقى مد يدو جهتها وهو مركز فالطريق شد نقابها وجرو حتى طاح على وجهها فلول خافت وبزربة رجعتو خافت منو: حيديه [وهبطو حتى على شعرها] متنزليش الزاج
عاد ارتاحت خلاها تحيدو حيت زاج كحل مكيبين والو ومع سخون لحال مطلعين زاج وفاتحين كليمة يد شاد بيها الفولون ويد حطها فوق فخضها كيطلع اللباس وحطها فوق الكولون لي لبسة مرة مرة كيبعصها بحالا كيدير ماساج وكانت مطلوقة اغنية [مسرارة] : قولي كي ملكتي القلب را الحب قريت كتابو وحروفك فحتى صفحة مدريتلو حساب...
وهي ارتاحت تراخات شوية حيت كانت واخدة حدرها الكامل معاه متايقاش فيه
ويديه باقي فوق فخضها ووكيشوف ف Gps وكيعاود يبجغ فخيضاتها بين يديه هي كانت متكية على زاجة براسها و مبعدة رجليها ما امكن عليه ولكن دراعو طويلة باش توصلها غمضات عينيها كترتاح وكتهدن راسها غير حتى كتقفز مخلوعة تفكرات اهم حاجة خاصها تكون معاها فينما كانت [حبوب منع الحمل] قربات تبكي بالغيض والفقصة و الحيرة ميمكنش تبقا معاه تحت سقف واحد وميقيسهاش وهي ميمكنش تسمح لراسها تهز منو كتحس بهذا شي خطيئة بحالا غتهز ولد من الزنقة : جواد عافاك خلينا نرجعو
جواد مفهم والو :نسيتي شي حاجة
منال حاطة يديها فوق صدرها: ممرتاحاش حاسة غتوقع شي حاجة خايبة
جواد: ارتاحي مبقا والو ونوصلو
ضورات راسها شافت بلاكة ديال [شفشاون] و هضرات بواحد الايقاع ديال القلق والغمة مغبنة: واش منقدروش نرجعو
مجاوبهاش بقا تابع Gps حتى كتشوف راسها داخلين مع حي راقي عامر غير بالڤيلات و قف :بقاي هنا متبعينيش
ونزل هاز تيليفون فيديه وهي باقي فطوموبيل لداخل وهو مزال كيهضر فتيليفون حتى وقف عليه واحد الراجل كبير شوية فالعمر اعطاه ساروت الدار فيهم حتى ساروت الكاراج و تسالمو باليدين كيضحكو و رجع عندها ورك على تيليكوموند ديال الكراج تفتح دخل الطوموبيل و سد الكراج وهبط دق عليها من الزاج: هبطي
وحل ليها الباب هبطات وخرج الشانطات من الكوفر ودخل هو وياها :متحيديش نقاب
منال: واش كاين شي واحد فالدار
دخل وكيقلب كل زاوية فالدار فالدار التلفازة والمرايات و كيعلق عينو فالحيوط والسقف قلب كلشي خرج حتى لبرا وهي تابعاه للجردة جهة البيسين كيقلب واش كاينين شي كاميرات عاد شاف فيها : دابا بقاي حتى عريانة
الفيلات كانت بيناتهم مساحة كافية متخلي حد يشوف فلاخر و الجردة لي فيها بيسين كانت مغطياها بناية الفيلا و فيها نخل بزاف و الشجر وفيها واحد زعلولة على شكل تفاحة غارقة فين يجلس لواحد
دخلات منال وجلسات باقي جالسة بنقابها: مكاين والو بدلي عليك
حركات راسها حيت هي مخايفاش من كاميرات و ممهتماش بيهم اساسا هي خايفة منو هو مبغات دير حتى حركة تثير شهوتو ولا تقربو منها كتاخد مسافاتها: لا لا غير خليني بغيت نرتاح من طريق
هو حيد التيشورت لي لابس قدامها و حتى سروال جينز لي كان لابس : بغيتي تعومي
نقزات بالحماس :اااه [تراجعات وتمالكات راسها] لا مبغيتش نعام
جواد: قلتي مشهية تعومي
منال كتمتانع: لا مبغيتش واصلا مكنعرفش غنغرق
جواد: انا معاك غنبقا شادك [طل على لبيسين] مغارقش
منال: هادشي مغارقش ولا حيت نت سلوم
فلتات ليها من فمها كلمة سلوم على غفلة حيت فيه 2 مترو سدات فمها :زعما نت طويل انا قصيرة غيولي حتى لراسي
جواد: مبغيتيش تحيدي عليا هادشي
ربعات يديها بحالا زعما كتزيد تخبي صدرها: لا مبغيتش
معطاهاش الفرصة فين تستوعب ردة فعلو هزها و مشا كيجري بيها للجردة ورمااها على وقفو وعلى غفلة فلبيسين وهي كتغوووت : جواااااد جوااااد لا لاااا
غطسات وكتبقبق بحال الدجاجة وكضرب برجليها وتتخبط وتلوح بيديها وكتغوت و الماء كيدخل لفمها ونيفها كيسكتها كتتخنق هو ترمى من وراها وهزها لصقات فيه كي الجربة شدات فيه شدة العما فالظلمة معنقاه بجهد معنقاه بكاع الجواره و بكلشي فيها بيديها من عنقو ولاوية رجليها فوق خصرو و خاشية راسها فعنقو وهو واقف مزال مدار حتى ردة فعل ومبادلهاش العناق : بغيت نخرج [كتغوت]خرجنييي [بدات كتبكي] واش كديرها بلعاني باغي تقتلني
و طرطقات بالبكاء مبقاتش باغيا تسكت كتبكي كاع داكشي لي جمعات فقلبها: طلعنيي مبغيتش مبغيتش باقي نعوم [كتنخصص] غير سمحليا معمرني نجبد باقي شي بحر ولا عومان ياك قلقتك عمرني نعاود
حاوطها بدراعو وحاط يديه فوق طرمتها وزاد لصقها معاه: مزال خايفة
منال كترتاعش بالخوف ومعندهاش غرام الثقة فيه: كننتيق فيك
كطل بجنب عين على الماء لي واصل لدراعها كيشوفها كتجاوبو ومكتشوفش فيه كتشوف فالبيسيين وهو يغطس هو وياها نزل حتى تغطا راسهم بالماء وهي كتبقبق وكدير فقاعات ورجع طلع شهقاات بجهد فاش شمات الهواء و نيفها حمر حيت تخنق و هي تعاود تحميها بكاء وبصوت كل انوثة ورقة وخوف صوت رقيق بزاف: حشومة عليك خليني نطلع
جواد: غنعاود نسولك وجاوبي بلاما تكذبي ولا هاد لمرة غنهبطك منطلعكش تا تطلع الروح
شدات فيه بجهد من كتافو بصباعها : وو واخا
جواد: واش باقي خايفة
منال خافت تجاوب نفس الجواب [لا] ويديرها بصح ويزيد يغرقها بقات كضورها فراسها كتقلب على شنو الجواب المنتظر شنو باغي يسمع هو منها : ا
ملقاتش كتقول وشافتو كيهبط بيها عاوتاني وهي تغوت حابسااه : تسنا تسنا انا غنجاوب
شافت فعينيه لعل وعسى تلقا الجواب لي باغي فيهم وركزات عينها بعينو و رخات تلقائيا شوية من كتافو: اه كنتيق فيك
جواد هز حاجبو :غنرميك دابا
مدارت حتى ردة فعل وبقات مسمرة :واخا طلقني
جواد: مخايفاش
منال: لا محيت [مترددة تهضر] مغتخلينيش نغرق
جواد: ترخاي
كتتنفس بزز وهو كيقوليها ترخاي هي راه كتمتل و البولة هابطة معاها تكاها فوق الماء وسرح دراعها و رجليها و هو شادها من تحت ظهرها ويد تحت فخاضها وهي كتتنفس بواحد طريقة بحالا كتولد :مغنغرقش ياك
جواد: لا متغرقيش
كان اللباس كيطفو لفوق ولاصق على صدرها هبط راسو لصدرها كيقيس فيه بلحيتو :عييتي
هي عرفاتو علاش كيضور باغي يطلعها ويبالي بيه: لا
قلبها على كرشها حاط يد فوق صدرها ويد فوق بين رجليها نيشان وكيشوف ففصالتها من فوق كيحس بالبوكسور لي لابس كيتزير وهي كتلعن فدماغها فين كان فاش نساب حبوب منع الحمل ولكن لي متأكدة منو انها مغتخليهش يقيسها واخا تنطابق السماء مع الارض
جابها فوق ظهرو معلقة وكيعوم بيها وكيعوم بواحد المهارة كبيرة: كتعرف تعوم خطير كيفاش تعلمتي
جواد: كان المرحوم حوات [باه] كنخرجو للصيد معاه وسط البحر وكنزلو نهبطو ونطلعو الشبكة
وقفها ملاصقة مع الحيط ديال بيسين و لاوية عليه رجليها و كتحس بعضوو فوق ديالها قاصح عرفات القضية بدات كتحماض حط فمو على ديالها كيقبل فيها كتحسةببرودة فمو وسخونة انفاسو و ريحة الكارو كضربها فنيفها مجهدة يديه كانو فوق خصرها وكيلعبو فسائر تضاريسها وصل للكول باغي يقطع اللباس وهي توقفو بيديها وبعدات: جبت غير هذا
تراجع حيت كتصدو وهزها من تحت باطها بحال شي مونيكة ولا درية صغيرة وحطها فوق البيسين مزال خاشية رجليها فالماء وهي تخبط فالماء برجليها: بغيت نبقا هنا
طلع حتى هو وهي مبغاتش تحرك من ديك البلاصة: دخلي
منال مباغياش تخلي ليه بلاصة منين يدوز ليها: عجبني هنا
جواد: مبغيتيش دخلي
غير شافتو كيقرب ليها وهو حفيان كلو كستقاطر بالماء ناضت كتجري دخلات كتقطر للدوش خدات البينوار لواتو عليها وهو دخل قدامها كيدوش ولكن هي خرجات عوض مدوش معاه فضلات تبقا بوحدها باغيا خصوصيتها خرج عاد دخلات كدوش
جلسات حداه كتدهن فيديها ولابسة بيجامة من هادوك ديال تلاتين درهم صيفية و قفازية شوية على كعب رجيلاتها مخلية فصالة ساقها كي قوالب السكر كيبانو و كيبريو مافيهمش زغبة كتحرص على انها تحيدو و كدير كوماج باش تحيد الشعر الزايد تحت الجلدة [جلد الاوزة] باش البشرة تبقا لامعة تماما و رطبة يعشق الراجل يتوسدها
عند راسها بديك لبيجامة لي لابسة مغتلفتش انظارو ومتغريهش مباغياهش يقرب ليها يوماين وهي كتتهرب منو كان متكي فوق السرير صدرو عريان و مزغب شوية زغب ماشي ثقيل غير خفيف نازل مع سرتو و لابس غير شورط طالع على ركبتو كيلبس هاكا فوسط دارو مكيلبس عليه حوايج غالبا كيعجبو يتمشى كي خرج من كرش مو و فينما لقا الغفلة فيها كيقنتها
حط يدو فوق فخيضاتها، وهي توترات وهي توقف بزربة هربانة منو بلاما تبين ابتاسمات : غنرجع الكريمة بلاصتها
طلع عينو فعويناتها لي كيضورو من توتر و مشات حطات الكريمة و بغات تخرج من البيت : جيبي ليا نشرب
منال :واخا
و هي تتمشى لتلاجة لي فنميني كوزينة حلاتها كانو فيها حوايج غير زايدين ماشي للطياب بحال الخضرة كاين غير سقاطة و الديسير و عواصر ومشروبات غازية و دانونات و مثلجات بنكهات مع الكفتة و الصوصيط و حليوات لاكريم و جبن لي كتحماق تفطر بيه مناال والبيض
جبدات قريعة ديال الماء و خداتها ليه مدات ليه القرعة و عوض ميشد القرعة وهي فاستعداد دير خطوة للمغادرة شد بلاصتها يديها و جرها غير بشوية جهة سرير : فين غاديا
مناال بلعات ريقها : بغغ بغيت ناخد كلاص [بتوتر] نجيب لك معايا
جواد باقي شادها :بغيتك نتي [و جرها لعندو حتى تكات كلها فوق سرير ملاصقة معاه و هي كتجبد فالغانضورة على ركابيها زعما كتستر راسها و هو حط يدو فوق صدرها ويد تانية جهة عنقها هي تزيرات وبدات تتحرك شوية وهي كتحس بذكورتو قاصحة مع ناعس بجنب و هي حداه عاطياه بفخيضاتها ناعسة على ظهرها نطقات بصوت رقيق ] جواد
جواد كيبوسها من عنقها : اه
ويديه كتطلع فلكسوة كيتسلل لبين فخيضاتها وهي تحط يديها بزوج فوق يدو حبساتهم ليه خرج راسو من عنقها كيشوف وسط عينيها : شنو كاين
منال مترددة تنطق : منقدرش
هز حاجبو للسماء : كيفاش متقدريش
مزاال كتبعد فيدو : كيحرقني بزاف
كترمش فعويناتها ببراءة وكتتزنغ : اخر مرة حرقني بزاف باقي لدابا كيحرق
مستغربها حيت ماشي اول مرة تتهرب منو خدا يديها وحطها فوق من البوكسور : واش ولا معقدك
مناال حركات راسها بلا وهي كتهرب بعويناتها منو :لا ولكن كيحرق
جواد خلا يديها فوق منو و حط يدو فوق البيكيني ديالها : مغيحرقش هاد المرة
حركات راسها بلا و باغيا تنوض : لا عافاك راه كيحرق
شدها بدراعو ودراعو كبيرة مهبرة و كتافو عراض و قاصحين جرها معنقها بيدو من جهة الصدر تا تبغج صدرها مع دراعو و ظهرها تكا على صدرو و فمو فوق كتفها :شنو قلت ليك نهار لول
عرفات مقصدو و هو مكمل هضرتو : نكتفك و نحو - يك لخاطر حسن [عضها بشوية من عنقها حتى حلات فمها بلاما تصدر صوت ] حيت هاد مرة غيقصحك بصح
[و طلقها ] تشهيتك تشطحي ليا بهاد الغاندورة [ كيحرك طرمتها بيدو ] بغيت نشوفها كتتحرك
هي عارفاه دكالي يموت على القصاير و الشطيح ونشاط ولكن غير فبيت النعاس معاها كتعرفو فاش كتجيه الشهوة عليها تا حاجة مقادرة تخليها تنفذ من حجرو وليلة فاش دارو العقد و كانت حلال عليه كان صريح معاها اي رفض من جهتها قادر يخليه يربطها و يدير فيها مابغا حيت دابا هي حلاال عليه و ديالو خاصها تلبي رغباتو وقتما فاقو و شحالما كانو داكشي علاش عطات راسها للحجام و ناضت خدات لفولار ديالها حزماتو على طرمتها و بدات تتمشا على قرون صباعها حتى لحدا تلفازة خدات لاباراي و رماتها ليه وهي كتجدب بشعرها كتطلقو :نت اختار و انا ماعليا غير نتلون فالايقاع لي بغيتي
ضحك برجولة كتشوفو ضاحك غير ملي كتولي باطرونة معاه : زرمومية
وحيت بغا يشوفها كتزعزع اختار الشعبي و هي تبدا تتحرك و تجدب بسالفها لي فاش كتهز راسها كيغطي طرمتها وكيديرونجا وهو متبعها و كتركز و صوت الخلخال فرجليها داير ايقاع اخر و صدرها تاهوا كيطلع ويهبط و تقربليه وتبعد كانو جميع اطرافها كيشطحو مع الايقاع و حتى من ملامح وجهها وديك الشوفة لي تعلو عينيها كيفتنوه و كيغريوه كانت بحاال شي كنز كيتمتع بيه غير هو كتزيد تقرب و تعطيه بطرمتها بحالا كتتويركي و ترجع تعطه صدرها قربات ليه بزاف وهو يجر السروال ديالو كان حداه و جبد واحد الطرف ديال فلوس شادهم بلاستيك جايبهم من الكاراج و جبد غير زرقات وبدا كيخشيهم ليها فصدرها وهي كتبتاسم حيت هاكا باش كتضبر فصريف زايد
وختمات الاغنية بجدبة و ركزة و هي توقف كتنهج صدرها كيطلع وينزل وهو وقف كيخطوي اتجاهها: غنغتاصبك اليوم
فلاش باك 30/11/2021
جواد: انا باغي نتزوج
دّا زهرة كتزغرت: الصلاة والسلام على النبي [كتبسم] اش بان ليك فبنت خالتك الهام باقي صغيرة وزوينة وحادقة تبارك الله
جواد: انا حاط العين
دّا زهرة: علامن شكون هاد زينة البنات
جواد: خت التريسيان عبد الحفيظ لي فدرب ورانا
دّا زهرة مصدومة: متقولش ليا بغيتي منال
جواد: هي البنت لي عندهم
دّا زهرة كتولول: اويلي على فضيحة كلشي عارفها متسوا متصلاح كيضلو خوتها يخبطو فيها
جواد مكترش معاها الهضرة: دابا واش غتمشي تخطبيها ليا ولا نمشي بوحدي
دّا زهرة: كبر عقلك اولدي راه عطا الله بنات العيالات مابانت ليك غير هاديك وشوف خوك رشيد جبت لو عروسة غزالة وصبارة دارت معاه وليدات و
جواد تعصب وقاطعها حيت كيحس بيها باغيا هي لي تسير ليه حياتو: هاديك لي بغيت
عرفاتو راسو قاصح ومكيسمع من حتى واحد ميقدر يغير رأيو ولا ياخد القرارات بلاصتو: نمشيو نشوفوها تقدر تبدل رأيك
مجاوبهاش حط ليها الفلوس فوق الطبلة: باش تجيبي مندخلو فيدينا
هزاتهم كتحسبهم: كتارين فيها هي وطاسيلتها
وهي تجي مليكة مربعة حداها: تعقلي على هاد منال كان باغيها خويا رشيد هو لول ومخليتيهش
دّا زهرة: دايرة كي التابعة الله يستر [وشافت فيها] سكتي هادشي ميسمعوش جواد غيبدا يتحسس من خوه وحنا مزال مدرنا فطاجين ميتحرق
وفهاداك الصباح منال كانت خارجة بغات تقاد لاكارط ناسيونال خرجات بعباية كتسد بالسنسلة عباية حالتها حالة كاع لونها كاشف مبقاش كحل بالصابون ولا رمادي وهازة واحد صاك ديال ليدين كبير وفوق راسها واحد الخرقة وصلات قدام واحد العمارات يالله تبناو واونفاص معاهم كاين واحد كاراج ديال تصليح السيارات تعمدات تقابل شوية معاه مخافة يجي ليها شي شفار ولا سكايري يغريسيها ولا يخسر ليها وجهها لي كتحارب عليه وهي تحل العباية
كانو المتعلمين قدام الكاراج مخبيين ورا كموبيل كانو يخدمو فيها: كتحل
التاني بحماس: هاهي غتنزل السنسلة
و جا وراه المعلم :اش كدير هنا العبيقي
تلفتو فيه مرعوبين: كنخدمو طوموبيل
جا قدامهم: خدمو هاديك لي لداخل انا غنكمل هادي
وسلت تجاكيطة ديال الكاراج زرقة بقا غير بسروال ودوني بيض كلو موسخ بلاغريس و بادرو كيبانو عراض ومطراسريين بالحديد لي كيهز ديال طموبيل والخدمة وبقا مقابلها حيدات العباية من فوق منها والتحت كانت لابسة سروال ديال الدجينز لي كان صغر من طايتها حيت مزير عليها بطريقة خيالية غيتفرقع عليها متقدرش تجلس ولا تتحنى بيه بخاطرها حيت يتقطع من كترة مامزير ولابسة فوق واحد البودي تاهوا مزير كيبان صدرها مكور فيه ومهبر خارج منفوخ وطلقات شعر على طولتو كحل مسبب وكيبري و هزات من صاك مرايا صغيرة وكحل داك الكحل لي كتددير بيه حالة فالرجال والعيالات حيت كتتقن الكحل بطريقة عربية كتخلي عينيها يبرزو ويوليو فتنة فوق الارض و جبدات بارفان ديال العبار داك رخيص ولكن فيه ريحة مجهدة وزوينة بدات ترش راسها بيه و ختماتها بواحد التعكيرة بغوز بيبي و بنفس العكر حمرات حتى خدودها وهي تخشي العباية فالصاك وهي تتحرك و ترمتها معصورة فداك السروال كتتحرك و كتشطح من وراها
حط الشيفون باش كان كيمسح من يدو وتبعها بالطوموبيل لي كان خدام فيها نيت تابعها حيت عارف بهاديك الحالة غتجمع عليها كاع بنو آدم شافها حتى دخلات لواحد لقهوة ودخل من وراها شافها كتتسالم مع واحد بالحناك : بلال
بلال: القوق ديالي جلسي فين غبرتي مبقيتيش كتجي لصونطر
تنهدات: هادشي علاش جيت ندوي معاك
بلال: مالكي
هبطات دموعها بلاما تحس: بلال خوتي باغيين زوجوني
بلال: واش كاينة سيبة فالبلاد تا واحد ميقدر يزوجك بزز
منال شدات فيديه: شحال وحنا بزوج
بلال: خمس سنين دابا
منال: فتنا مرحلة التعارف والولف ودابا كتبغيني
بلال قرصها من خدها: كنهبل عليك نتي هي كلشي فحياتي
منال: تزوجني [شافتو كيتراجع شداتو من يدو] خلينا نتزوجو
بلال: منال شنو كتقولي انا باقي حتى مخدمت
منال: بلال انا قابلة نسكن مع داركم ونتعاونو بزوج [حطات يدها على صدرها] انا نخدم ونت كمل لفورماصيون ونحلو كوافور ونخدمو ونكونو راسنا
بلال: منال انا مباغيش حياتي هاكا
منال: مطالبة منك لا صداق لاعرس بغيتك غير نت تكون معايا [كتزاوغ فيه بعينها] بلال متخلينيش راه غيزوجوني
بلال كان كيشوف فالارض مكيهضرش وهي تحنات كتحاول تشوف فعينيه: بلال شوفي فيا [كتحرك صباعها قدامو] بلال واش مكتبغينيش واش متحرك فيك والو وانا كنقوليك غنتزوج
بلال: حنا كنا كنتعارفو
منال: بلال متحمقنيش 5 سنين ديال تعارف ومزال مكتعرفنيش شنو باغي تعرف نقولو ليك شنو مزال معرفتيش
بلال: الزواج راه مسؤولية
منال: انا خليني انا نهز عليك المسؤولية غنضري تمارة ونخدم حتى توقف على رجليك متخلينيش ليهم
تنهد بلال: منال انا بصح كنبغيك ولكن خاصني وقت نكون فيه راسي
منال بخيبة امل :والى فهاد الوقت تزوجت
بلال: خاصك تصبري معايا بقاي معاهم حتى نن
منال انفاعلات وسط القهوة: واش مكتفهمش باغيين يزوجوني بزز مكيتشاوروش معايا وحتى انا كرهت من العيشة معاهم
منال وقفات: خمس سنين وحنا بزوج اول مرة نعرفك ماشي راجل [هزات صاكها] خليت ليك الراحة
وخرجات وخلاتو وجواد تبعها غاديا الطريق كلها وهي كتبكي قرب ليها واحد: ساطة نميرة [وشاد فيد التيليفون ويد لاخرة سبسي]
شافت فيه: تبغي تتزوج
مفهم والو وشاف فصحابو: هاد ختنا صافا پا لا طيط
وبقات كتبكي فطريق وكتنخصص :مبغيتش نرجع [كتمسح فعينيها] غتالا ليا مع الشيباني دابا؟ [هزات راسها للسماء] اشمن خير غنلقا فواحد نكر ولادو
من وراها كان جواد لي وقف مع هاداك لي كيضرب السبسي: عشيري شي درهم
مد ليه جواد 20 درهم وشدو من العنقرة[اللور ديال العنق] جرو لعندو: متبقاش تحك عليها ولا غنحك بزكك داك الحيط
وشاف الدري فين كيشوف جواد كان حيط مزال ممساسش باقي حرش حرك ليه راسو باه خايف منو: كون هاني الخوادري
رجعات منال لنفس البلاصة كتلبس العباية وكتمسح وجهها وكتبكي عاوتاني لبسات حجابها و مشات لدارهم
دخلات لقاتهم مجموعين فالصالة: اجي اديك الخانزة فين داخلة
شافت بنص عين جهتهم ودايرة يديها فوق فمها كتمسح لتكون نسات شي طراس ديال العكر: داخلة للبيت اخويا
عبد الحفيظ: طوالو ليك الرجلين وليتيي سايبة غادية جايا تخيطي الزناقي
منال: مشيت لكوميسارية نجيب شهادة السكنة باش ندفع كارط ناسيونال لي كاحت ليا
توفيق: وفين طاحت ؟
مجاوباتش حيت مالقات باش تجاوب حتى جبدها عبد القادر من جيبو حطها فوق الطبلة :هاهيا عيطو عليك من centre de beauté لي كتقراي فيه
منال كاح فيها النص: غيكون شي غلط اشمن صونطر [كضحك بزز] واشمن قرايا كنقرا
توفيق: هاد بنت القحبة كان خاصها تدفن نهار تزادت باغيا دير الفضيحة وتجيب العين
شدها ردخها مع الارض وبداو يضربو فيها
عبد الحفيظ(الاخ الكبير): راني اعطيتها علاش كتقلب عمرها باقي تخرج
كانو كلهم محاميين عليها كيضرب واحد حتى يعيا ويعطي لاخر يضرب وهما سبعة كل واحد قدو قد الجمل صح من ظالم و كتافو ميدخلهمش الباب
منال كانت مكمشة فراسها ومغطية وجهها بمرافقها خايفة على وجهها تترزى فيه وكتغوت :بعدوو منييي طلقوني
عبد القادر كينتف فيها من شعرها: غنطلقوك ميتة ا جيفة
توفيق: من اليوم مكاينااش قرايا مكايناش زنقة معندناش البنات لي يشوفو الشمس غتحجبي هنا
منال: عافاكم خليوني نقرا مكندير حتى حاجة خايبة
عبد القادر: قراي قرآنك ماشي تقراي ليا الماكياج وتكلبين
منال شادة فرجلين خوها الكبير عبد الحفيظ و شعرها كلو مشعكك ودم دايز من سنانها: عافاك [بترجي] خليوني نقرا بغيت نتعلم
ضربها حتى ضارت لجهة لاخرة: كوزينتك هي قرايتك
كتغوت: بغيت لي يعجبنيي [كتندب فراسها] بغيت ندير لي يعجبني
هي كتغوت وهما كيزيدو يصوطو فيها ومها باب الباب شادة فوق قلبها وكتبكي ملاقياش ليها جهد متقدرش تخضر معندهاش شخصية بين ولادها يقدرو يجمعوها معاها حيت كبرو على هاد الاساس الام لي خاصها طيع الذكور من ولادها وماشي العكس
كتغوت وكتبكي وكيزيدو يضربو حتى طاقتها تهدات مبقاتش كتغوت مبقاتش كتهضر مبقاتش كتدافع على راسها ولات بحالها بحال الزليجات لي فالارض جامدين غير كتنخصص وحتى التنخصيصة ولات بلا صوت خلاوها كلها طبايع ديال العصا والدم فجبهتها و نازل من فمها و حتى عينيها تزرقات ليها دخلات مها كتجمعها من الارض: بنتي
دفعات مها حتى طاحت: بعدي مني عجبك لحال وولادك كيترجلو عليا [كتبكي] علاش مقتلتينيش فاش ولدتيني ورحمتيني ابا علاش
كتعنقها مها وهي مزال كضرب مها على صدرها وكتقاوم وهي كتزيد تضمها لصدرها: غتتزوجي ابنتي وتتهناي غتمشي لدار راجلك و تحيدي عليك الهم
منال مسكتاتش من البكاء بللات بيجامة مها بدموعها وهي مزالة كتسكت فيها: قلت ليك ابنتي حبل الكذوب قصير قلت ليك متمشيش لهاديك مدرسة بلا خبار خوتك [كتقيس ليها فوجهها] هاهما كانو غيقتلو ويخسرو ليك وجهك
منال: مزيان باش منبقا ننفع لوالو
شادة وجهها بحنان بين راحتي يديها: منال الحل هو تتزوجي الله يرضي عليك خليني نعيط على ولد لالة محجوبة سي دريس غيحيدك من هاد دل والقهرة
منال قابلات عينها مع عينين مها لي كلهم خزي وفقدان ثقة: باغيا تزوجيني لواحد قد با امي هذا مسويت عندك باغيا تدفني ليا شبابي مع واحد شاف ولاد ولادو وانا مزال ماشفت ولا تشوفت
ضربات ليها يديها: نموت على يديهم ومندخلش لدار هاداك الشيباني [هزات صبعها بتهديد] عنداك تقوليلهم جا فيا الخطاب والله حتى نقتل راسي الى اعطيتوني ليه
خرجات مها وخلاتها مزال كتهرنن و ساهيا كتفكر واشنو دير فحالتها كارهة خوتها مكرهاتش دير شي ابادة جماعية ليهم كلهم عويناتها نقطة من دم بالبكاء مع الحقد والكراهية والبغض لي كتكنو جهتهم
عبد الحفيظ: جايين فيها الخطاب وهاد المرة خاصها تبغي راه الهضرة كتارت علينا معرفو مالها مباغياش تتزوج مناش مخبية
فاطمة(مهم): استغفر الله اشنو غتخبي البنت مزال ماجاب ليها ربي رزقها واش حنا لي جا نرميو ليه بنتنا كظل حاجبة باش تاخد عتروس خلي البنت تتخير كيفما بغات
عبد الحفيظ: لا عطانا 5000درهم فالصداق غنعطيها
فاطمة: هادي شي نعجة كتبيعها الله يهديك راه ختك هاديك ارحمها
حمادة(هو الصغير فالرجال): فاش هضر مع عبد الحفيظ تبعتو سولت عليه باين ملعق يعطي فيها كتار
منال كانت كتسمع الهضرة وكتبكي فالبيت: ماشي نتوما لي غتسيفطوني انا لي غنمشيي انا
كانو الخطاب باقيين مخرجو من الدار
دّا زهرة: دابا غيديني بزز لدار دوك الحباسة
كاع خوت منال فايت فيهم الحبس فالمضاريات و المساطر القليل فيهم مدوز ست شهور ديال الحبس
مليكة: واقيلة دايرة ليها مها القبول لي شافها بغاها الدرب كامل فايت خاطبها
دّا زهرة: على الله تا حنا ترجعنا
مليكة: بزاف عليها خويا مافيه مبتعااب
دّا زهرة: حيت هي مبغاتش الرجال بغات شي شماتة
الكبيرة كانت باقي مزوجة: بغات شي الون
شافت ولدها داخل: جواد وليدي باقي باغي تمشي تخطب فيها
هز داك القفافي لي فالارض كيخرجهم لطموبيل وكيشارجي فيها تنهدات وتبعاتو مشات هي ومليكة ورشيد وجواد باش يطلبو ليه يديها للزواج
دقو فتح ليهم عبد الحفيظ ووراه مو :مرحبا بيكم دخلو دخلو
حط ليهم جواد ورشيد الصيكام لي دخلو فيديهم عامرين بالتقدية و دخل فيديه غير واحد البوكي ماشي ديال الورد كان بوكي مقاد بالشكلاط
جلسو و حطات فاطمة اتاي و الرجال كيهضرو :حنا نعرفو غير البنت ملي تخرج من هاد دار مترجعش لينا
جواد: معندناش الطلاق غتخرج من عندي بالكفن
فاطمة تدخلات وهما كيحمرو فيها بعينيهم تسكت: وتهلاو ليا فبنتي راها بنت ناس و
قاطعها توفيق: كتعرف دير كلشي تصبن وتعجن و كتحشم وتسمع الكلام عمر رجليها عتبات الباب ولا شافت الشمس
كانو كيهضرو فحالا كيبيعو فشي حاجة ماشي باغيين يزوجو ختهم
دّا زهرة: عيطو للبنت سولوها
فاطمة ناضت تدخل منال ولكن منال كتبكي: مي واش شارف بزاف
فاطمة عنقاتها: ربي جاب ليك رزقك
منال: عافاك ميكونش فايت غير الربعين
فاطمة: الراجل صغير وزوين و بخيرو وخميرو
منال كتمسح عينيها: صافي قولي ليهم اه
فاطمة: خرجي نتي قوليها
منال كتحرك راسها بلا: مبغيتش غير سيري
فاطمة: مبغيتيش تشوفيه راه هو مول الكاراج لي فالسيكتور معروف كيخدم عندو ولد هشومة
منال: معرفتوش ا مي ومبغيتش نخرج صافي قولي اه بغيت غير نغبر زلافتي من هنا
تنهدات وجلسات حداها: بنتي خاصك تكوني صبارة لا بغيتي شملك يبقا مجموع
منال: كتر من هاد الصبر ا مي
فاطمة: سمعي هضرة راجلك ومتخرجيش عليها لي قالك ديريها
منال: هذا راجل ولا شيفور
فاطمة: بنتي الطاعة راه كاينة حتى فديننا كوني خفيفة وعقلك صغير واعطيه لي بغا [كتدوز يديها فوق شعرها] متخليهش يشوف وحدة اخرى فالزنقة
منال: مي نوضي عافاك خرجي كتنفخي ليا راسي بحالا دابا سليمان القانوني [كتمسح عويناتها] لي فيا مكفيني
خرجات فااطمة وقبل متنطق نقز عبد القادر: السكوت علامة الرضا
دّا زهرة مصرة تخلي ولدها يتراجع: خليهم يديرو النظرة الشرعية
عبد الحفيظ: لا ا لالة ميشوفها حتى يديها
نغزو توفيق: خليه يشوفها راه غتحصل فينا
لاهما عارفينو شايفها ولا مو عارفة بلي ولدها اختار و تا حاجة مغتخليه يتراجع فاطمة دخلات عند منال: ديري شوية الكحل راه جاي يشوفك
تنهدات ومتحركاتش من بلاصتها حتى دخلات عليها فاطمة هي لي دارت ليها الكحل و العكر وريحاتها و حيدات عليها العباية خلاتها ببيجامة على شكل كسيوة طويلة و نفخات ليها شعرها دايرة ليها حجاب كتبان القصة كاملة منو: سمعي شروطو وقولي شروطك ولكن متزيديش فيه [خرجات وخلاتها] دخل اولدي
ودّا زهرة هضرات: خاص تمشي معايا للحمام نشوفها
فاطمة: واخا ا دّا زهرة
دخل جواد للصالون لي مقابل معاهم ولكن منال جالسة فزاوية مكتبانش كتشوف فالارش ومزيرة فطبيديها فوق ركبتها على الكسوة و القصة هابطة على عينيها: باقي الوقت فين تحبسي كلشي
مكتشوفش فيه: مبغيتش نحبس
جواد: مكاينش طلاق
بسخرية كتردد فراسها مكيسمعهاش: معندي فين نرجع
تابع حديثو: غتلبسي النقاب وزنقة غتنسايها عمرك غتعتبي بلا بيا مكاينينش صحابات كاينة غير دارك وراجلك
كتحس بالخنقة شداتها قبل متدير معاه العقد: واخا
جواد: معمرك ترفضيني حيت غنربطك وندير فيك لي بغيت
نهاية الفلاش باك
يتبع...
التعليقات
لا توجد تعليقات بعد، كن أول من يعلق.