محتوى القصة
جواد شد من يدها: معمرني نعاود نحط عليك يديا اليد لي تحط عليك تقطع
منال مراضياش: لا تقدر تاخد راحتك ضربني وتعدا عليا هذا حال لي معندو واليدين
جواد كتقلقو هضرتها: منال انا عائلتك مغنخلي لي يضرك ولي بغيتيها غنأمنها ليك
منال: مبغيت والو بغيت
وناضت وخلاتو دخلات للبيت سدات عليها من جديد وحتى تيليفون كيحطو ليها مكتهزوش مكتقثربش ليه مكانتش كتهضر كلماتها معدودين [واخا] كلشي كتقول عليه واخا مكتهزش راسها فيه مكتقربش ليه مكيجمعهم لافراس ولا مائدة وديما كيحاول يتقرب منها ولكن كتسد عليه هاداك الباب
دازت 28 يوم ولكن الدورة مزال مجاتش تعطلات بيخمس ايام مقالت والو جالسة ممسوقاش واش تجي ولاالا معندهاش هاد الفضول كانت بحال شي قرعة خاوية عامرة غير بالهواء
حتى سمعات تيليفون كيصوني وحداها طلات لقاتو هو مبغاش تجاوب حتى سيفط ليها ميساج [صاحبتك جايا عندك خرجي معاها يضربك البرد]
سمعات الصونيت كانت سهيلة هبطات حلات الباب وتلاحت عليها كتبكي
سهيلة: صافي احبيببة [حطات يدها فوق راسها] صافي عرفتها دازت عليك
منال: باش عرفتي الدار
سهيلة: تخلعت عليك مكتجاوبينيش وشفت مك فاش صونيت ليها مفراسها والو هزيت راسي للكاراج عند المنطيح نسول فيك وقاليا سي سوء تفاهم ومنعرف
منال: سوء تفاهم [كضحك] جمع ليا عظامي بالعصا وسوء تفاهم
سهيلة: حمار ويديه سابقاه الله يعطيه الكرض و هاديك ختو خاصها الدبيحة غنمشي نشوهها فدرب
منال كتبكي: تعدا عليا
سهيلة: واش شي حاجة من غير العصا
منال: اه اغتصبني
سهيلة حطات يدها فوق فمها: متقوليهاش
منال كتشهق: اه مقدرتش نسا ديك الليلة
سهيلة: منال طلقي اختي رحمي راسك ميستاهلكش
منال: ويمكن حاملة دابا
سهيلة مصدومة: واش بصح كتحسي بشي حاجة ولا كيفاش
منال: الدم تعطلات عليه مموالفاش ليها مولفة تكون منظمة دابا تعطلات
سهيلة: ومدرتيس تيست
منال: معندي كييفاش نديرو ومبغيتش نقولها ليه
سهيلة: قاليا نخرجك معايا زيدي نفوجو
منال: لا يجي يضربني مبغيتش صداع
سهيلة : لا معندو ميدير اقترح عليا كاع نمشيو لقهوة جنب البحر
منال: كتكذبي هو جبدي ليا الموت متجبدي القهاوي
سهيلة: والله منكذب عليك
كتشوفها كتبدل حوايجها واثار الضرب باقي مزرق
سهيلة: الله يعطيه القطع فاليدين
منال: امين
خرجو ركبو فطوموبيل لي شرا يزيد لسهيلة
منال كتشوف طوموبيل: هادي جديدة واش يزيد بدل يدالو كانت حسن هادي مبنتة
سهيلة: مبنتة محيت ديالي
منال: وايلي ديالك واعرة بصحتك احباي و سعداتك باليزيد واخا دار الخايب راه راجل مزيان عمرو حط عليك يديه و داير ليك بحال شي قطرة الماء
سهيلة: كي بغيتيها مغتلقايهاش انا نفضل يضربني باش نكرهو على يجيب ليا ضرة محيت باغي الولاد لي من حقو وماشفتي
منال: شنو ياكما الضرة حاملة
سهيلة: لا انا واليزيد وقعات بيناتنا شي حاجة هادي 15 يوم
منال: شمن حاجة [بحماس] عاودي ليا
سهيلة [حمارو خدودا] : دابا دارت الضرة اتاي ومبغاتنيش نشرب منو وانا نت عارفاني فاش تقولي ليا لا عاد نبغي حاجة
منال: وعلاش مبغاتكس تشربي ياكما فيه سحور
سهيلة: وهاني جاياك تعقلي نهار لقيتهم فبيتي
منال: اه
سهيلة: دابا راه نعسنا فالصالون ومعاقلينش ممسوقينش شكون يشوف معرفتش شنو حطات ليه فاتاي ماشي بعيد حتى مرة لي فاتت محيت واحد سخونية وواحد صهد كنت كنشوف بلي تاحاجة مغتبردني من غيرو
منال كضحك: اه الحاج العثماني هو لي غيقوم بالمهمة
سهيلة ضرباتها بشوية: الله يمسخك [شافت فيها] ندوزو لفرماسيان هو لولاني
منال: غتسدي ليا شهية غير خلينا تانكونو راجعين
دخلو لقهوة كوموندات منال كريب شوكولا وكلاص و سهيلة كريب مالح بالفرماج و لاداند و باناشي وكيهضرو ويضحكو منال خرجا شوية من القوقعة لي حاصرة راسها فيها
منال: هي قررتي متطلقيش منو
سهيلة: غنطلق
منال: واخا نعستي معاه
سهيلة: النعاس ماهوا والو شهوة وتقاسمناها تا انا تمتعت
منال: ياك عرفتيه نعس معاها فبيتك ماشي لخاطرو
سهيلة: منقدرش ننسا واخا ماشي بخاطرو حاولت
منال: تا انا نتفك شي نهار زعما
سهيلة: الى بغيتي من غذا طلبي طلاقك انا معاك غنعاون باشما كان
منال: طريق باقي بعيدة
سهيلة: مكنشوفكش مزال قادرة تصبري
منال: يدير الله خير
خلصات سهيلة و دازو على فرنسيان شرات التيست ورجعو بزوجهم للدار عند منال
سهيلة: نتي كتسناي حمل ولالا
منال: معرفتش عييت كل مرة ربي كيعاود يزرع فيا روح هاد المرة مغنحاربش قدر ربي وغنرضا بلي كان يمكن هاد الجنين هو لي يحن فيا مالقيت الحنان من تاواحد
سهيلة تأترات وعنقاتها كتبكي: متقوليش هاكا وشنو انا مكنحنش فيك
سهيلة : منال تعطلتي [كدق فالباب] فينك
خرجات عندها مصدومة: سهيلة [كتبكي] ربي بغاه ليا
عنقاتها: مبروك اختي وديري عقلك متآذيش راه خلق ربي
منال حطات يدها فوق كرشها: لا مغندير والو كوني هانيا
سهيلة: متاكدة ياكي
حركات راسها: صافي راه هضرنا
سهيلة: غتقوليها لبه
منال حطات التيست: غيبقا هنا تا يشوفو وخرجات وخلاتها دخلات دوشات وكتغني وكل مرة تحط يدها فوق كرشها: سنو غنسميك [هزات كفوفها لسماء] ياربي رزقني وليد معندي لا با لا خوت لا راجل خليني نشوف فيه كلشي
سمعات صوت الباب كيتحل دخل حط الخناشي من يديه فوق طبلة وطاح ليه شي حاجة هبط يجبها كان تسست بقا مدة كيتمعن فيه : نوال [كيعيط] شنو هذا واش صاحبتك
منال: لا
جواد بشك: وشكون
منال:انا
جواد: متفلايش عليا
منال: لا بصح
قرب كيعانق فيها: نتي لاباس
منال : اه
جواد: متآذيهش [كيطلبها] عافاك مطيحيهش [شد يديها] غنولي راجل لي بغيتي
كان كيطلبها لاول مرة تشوفو هاكا كيرغب فيها: مطيحيهش بغيت هادشي لي فكرشك
منال: وانا
جواد: حتى نتي بغيتك
عنقها وكيبوس فراسها: واش مشهية شي حاجة
منال: تشهيت البحر
جواد: حتى لابغيتي القمرة نحضرها ليك يالاه جمعي حوايجك
منال: واش شمال عاوتاني
جواد: لا هاد المرة داخلة [غمزها] غتعجبك
ناضت كتجمع حوايجها وجلسها كيقرب ليها لي بغاتها
منال: جواد راني فشهر لول ماشي تاسع
جواد: متحركيش انا نجمع كلشي
منال: مغتعرفش حوايجي
جمعو الحوايج و هبطهم للطوموبيل و شدو الطريق للداخلة ناشط وكل شوية يوقف ياخد ليها عصير وميفوت ليها حتى وجبة
- بعد مــرور 4 سنوات -
- فين جات باتيسري سوها
جاوباتها: سيري اختي نيشان غتخرجي فيها [هزات يديها فيه بلاستيكة] يالاه كنت عندها جبت كريويصات سخان
- حتى انا باغيا نجيب باش نديرو كاصكروك كتحمر ليا وجهي مع ضياف
كان عندها الزحام فالباتيسري كلشي كيتخاطف على حلاوياتها سمعتها سبقاتها ودارت كليان بزاف الداخل كتر من الخارج وزادت فالفرارن والعجانات وحتى الخدامة
اليزيد كيضحك: اري معاك شيي كيلو قريشلات مالححين بغاوهم الدار
سهيلة فلاكيس كتعيط لخدامة لداخل: قريشلات مالحين شكلو ليا منهم شي زوج كيلو
اليزيد: معياناش مباغياش العوين
سهيلة: لا نت غير سير قابل خدمتك
اليزيد: من نهار طاح لك البيبي ونتي مقابلة غير الخدمة
سهيلة تزريات من كلامو حيت الحمل كان كذوب وحتى الاجهاض كادب: لا ماشي هاكاا
اليزيد: ملي قدرتي تحملي مرة غنقدرو نجربو عاوتاني
سهيلة : مبغيتش نهضر فهادشي
فصلات هضرتهم ابتسامة سهيلة لي خرجات منين شافت صاحبتها منال ومتسالماتش معاها هبطات هزات الولد صغير لي معاها كان زوين و بريء شعرو نازل على جبينو و صغير فعمر 3 سنيين
كتعنقو: زياد ياعمري توحشتك [كتلعب بيدو] شنو مشهي ولد طاتي
منال: لا كضسريه ليا وانا مباغياهش ياكل حلاوة بزاف
سهيلة: مالك مسمومة غيير مرة فشحال
منال: غتخرجي ليا على الدري نتي خنتيه هنا وهو يخنتو فدار
سهيلة : امورك مزيانة بعدا [فرحانة] هانتي مبقيتيش مخنوقة
منال بملل: لا غير كيحسب ليا خطواتي وفينما خارجة خاص نسبق معايا البرهوش
سهيلة: وعلاش غتخرجي بلا بيه مالك باغيا تصيدي
منال: اعطيني شي بلاطو صابليات زوينين وشي تستيفة ديال حليوات لاكريم
سهيلة: هي ضياف
منال: غير طاسيلتو
جمعات ليها داكشي لي بغات بغات تخلص مخلاتهاش منال تحلف وسهيلة تحلف
سهيلة: خلصي غير نص ونص عليا
منال: غتقلقيني منبقاش نجي نتقدا من عندك
سهيلة: متلقايش حسن مني
راجعة للدار فيديها ولدها حتى كتسمع شي صوت: منال
تلفتات بعرض بطيء وهي مصدومة وتلفات عليها هضرة: بلال
شافت فولدها: شنو كدير هنا
بلال: باغي نهضر معاك
منال: معندنا فاش نهضرو
بلال: منال مزال منسيتك
منال خايفة يحصلهم شي واحد: اخر مرة توقفني راني مراة مزوجة وبولادي
بلال: اعطيني غير نمرتك نهضضرو
هزات ولدها وهو كيحركها : ماما طاحت ليا ساعة
مداتهاش فهضرتو وزادت كتجري فخطواتها حتى دخلات لدارها قبل متحيد نقابها شدات ولدها قدامها: زوزي ولدي مغنقولوش لبابا على عمو لي وقفنا ياك
زياد كيشوف فيها ببراءة جامع من جمال منال و وسامة جواد حروفو كحلين و بشرتو بيضاء: منقولش لبابا على عمو
ودخل معاها للكوزينة كينقز
زياد: ماما بغيت نعاونك
منال: حبيبي زوزي معندك فاش تعاون نت باقي صغير
زياد مقلق: ماما قلتي ليا بلي الراجل هو لي كيعاون وكيحن [كيجدب برجليه وكيسهضر بلغة مقادراش] نتي مبغيس تخليني نكون راجر
ضحكات مستسلمة واعطاتو كاس ديال البلاستيك ديال الماء: هذا حطو فوق طبلة ورجع وصل الخبز
وكينقز فرحان: انا راجل
كضحك عليه كان هو اي حاجة كسباتها ندمات على ولادها لي قبل كون ولدات لولاني كانت غتعييش حسن محيت كتحس بحنانو فيها بدون مقابل و حتى حسن علاقتها بجواد مبقاش كيتعصب ميقدرش يغوت قدامو قدام ولدو كيضحك و ميتعصبش واخا تكون حاجة ميحملهاش ولا كيخلي منال تخرج وتجلس فقهوة ولكن بنقابها ومع ولدها
زياد غير سمع سوارت فالباب طلق كلشي من يديه ومشا كيجري هابط فدروج ومنال تابعاه: زياد ماما غطيح اجي بابا دابا غيطلع
زياد كيتجبد منها: بغييت نهبط عند بابا
محبس تا وصل وخي شاداه باش ميطيحش وطار على جواد لي هزو فاحضانو كيبوس فيه و عنق منال بدراع تانية باسها و هو يجرو زياد من لحيتو: لا ماما مبوسهاش
كضحك منال: مغيار بغيتي بوحدك تبوسني
زياد : اه [وباسها من فمها ]
جواد: مزال مجا حد
منال : لا باقي يالاه نوجد الطبلة و البيت
طلع البلاستيكات لي فيديه ومنال كتشوف اسم سوها فيهم: حتى نت تقديتي راني مشيت انا وزوزي تقدينا من عندها
جواد حاجبو : مفراسييش
منال: راه قلت لك خارجة
جواد: قلتي خارجة الحانوت لي فدرب وسرحتي رجليك
منال: محيت خرجت خرجت
جواد : من بعد ونهضرو
محيت شاف راسو كيتعصب ةهو هاز زياد كييسمع ويشوف
منال دخلات للكوزينة وهو جلس زياد فحجرو فصالون شاف فيديه خاوية : فيناهيا ساعة ديالك
زياد كيشوف فيديه خاوين وغوت مصدوم: ديالي فيناهيا
وتفكر وعوج فمو: طاحت ليا فاش كانت ماما كتهضر مع عمو
جواد تبدلو شوفاتو: شكون عمو
منال كانت خارجة بصينية وغير سمعاتهم ويييديها بداو يترعدو كييتسمع صوت الكيسان كيتحركو
زياد حط يديه فوق فمو : قالت ليا ماما منقولي لبابا على عمو
شدها من يديها بعنف جرها للكوزينة وسد الباب عليهم
منال: جواد
جواد بعصبية: كتلاقاي رجال فزنقة وزايداها تحرشي لولد ميقول والو
منال: جواد غير سمع ليا
جواد ضرب فالحيط: شنو غنسمع [كيغوت] شنوووو غنسمع
منال كتقرب ليه : غير برد وسمع ليا انا قلت لو ميقوليكش عرفت هادي غتكون ردة فعلك [كضور فعينيها] والسيد غير تالف وسول كبير فالعمر قد با الله يرحمو كون كان عايش
مبغاش يتيق قربات وعنقاتو : جواد واش غنبداو من جديد ياك كتيق فيا
جواد صدرو كيطلع ويهبط بالغضب لي جامع لداخل: مكتخلينيش نتيق فيك [حيد يديها عليه] كيفما كدبتي ظابا غتعاودي تكدبي
منال: جواد عافاك
جواد: مكتعرفيش بحق الثقة والحرية لي كنعطيك [شدها من دراعها] منال معاجبينيش هاد الحركات
منال: طلقني قصحتيني والولد غيسمعنا
جواد: مبقاش خروج بلا بيا اليوم تبعك تالف غذا غيلحق معاك للدار
منال: جواد حرام عليك دير فيا هاكا
جواد: غتجلسي فدارك وغتقابلي ولدك وراجلك نهار تبغي تخرجي انا غنخرجك فين بغيتي [شاف فيها] حتى لابغيتي تقهواي انا غنمشي معاك سرحي رجليك حتى يركدو عليك
منال: جواد
جواد : واش ضروري تخرجي بوحدك [كيشوف فيها بشك]
منال: صافي واخا نت تخرجني
جواد: منرجعش نلقاك مخبية عليا شي حاجة
منال: لا صافي سمح ليا مكنتش باغياك تتعصب
جواد: الى خبيتي عليا مرة اخرى راجل هضر معاك غنفهم بلي عاجبك الحال معاه
منال غوتات: لا اشنو كتقول
جواد: ومنعرف
سمعو دقان باستو قبل متمشي تحل الباب: متبقاش مقلق عليا صافي تيقني عارفتك غتتعصب مبغيبتش نخسر نهارك
جواد شدها كيبوس فيها: بغيت نتعصب لي هضر معاك ولا تبسل عليك قوليها ليا نمشي نهرس مو
منال: صافي خليني نمشي نحل الباب
زياد سابقها للشرجم كيطل : شكون
دّا زهرة من تحت: انا اوليدي
يسرى : مبقيتيش كتجي عندنا الزويين
زياد: هاد ملة نزي عندكم
كيتخاطفو عليه كلشي باغي يبوسو كان بحال شي الماسة وسط العائلة ولكن ياسمين مكانش كيعجبها هادشي كتبقا تشوف وتتفقص غطرطق بسم كاع محاولاتها فانجاب الذكر كتفشل ولدات زوج مرات وراء ولادة سهيلة وكانو بنات دابا عندها ربعة البنيات ولكن محامداش الله عليهم
ناضت منال كتجمع فالطبلة وياسمين كتعاونها فالكوزينة: منال ربي اختي بغيت نسولك
منال: سولييني
ياسمين: كيفاش ولدتي الولد
منال: ولدتو ولادة عادية من لتحت
ياسمين : لا زعما كيفاش حملتي بييه بغيت ولد ماشي بنت
منال: قولي اعوذ بالله مالنا كنختارو شنو يجينا
ياسمين: سمعت لا كليتي المالح كتولدي الولد واش بصح كنتي كتاكلي مالح
منال: كنت كندوز فالخضر واليابس ولد ولا بنت راه بيد الله ومالهم بنات سعداتك انا كنت باغيا بنية لي تحن عليا
ياسمين: بغيت نصلي وريني شي بلاصة مدرقة
منال بنية : دخلي لبيتي فيه عباية وصلاية صلي تم
دخلات ياسمين فيديها صاكها دخلات سدات الباب عليها و كتشوف فالبيت زوين ومأتت و مديكوري جبدات بتخبعة من صاكها شي حاجة مكلكمة فزيف و حلات وسادة من فوق سرير خشات فيها هاديك زيف و خرجات
فالرياض دخلا سهيلة مسخسخة تعرضات ليها هاجر: جبتي ليا حلوة لي قلت ليك
سهيلة رمات عليها بلاستيكة: هاكي حتى وصلت عرفت راسي نسيتها ورجعت خفتك تجري عليا
هاجر كضحك: خاصني لينيرجي
سهيلة بابتسامة: تبارك الله عليك غتولي طبيبة عندنا فالعائلة
هاجر: هادشي كلو بسبابك كون مكنتيش كنت غنضيع
سمعو صوت سليمة كتعيط: دخلو تتغداو البنات
هاجر : زيدي راه دايرين الرفيسة العمياء
سهيلة: مكاين شي عمياء قدك ا رتييلة
دخلو كيضحكو ومعانقين تجمعو على طبلة كاملين كياكلو الرفيسة بدجاج بلدي على حقها وطريقها
اليزيد دخل عليها للبيت على غفلة وهي تغوت معصبة محيت كانت عريانة كتسلت فالسوتيانات قرب ليها: انا نعاونك
سهيلة كتستر راسها: خرج عليا
اليزيد تعصب: كيفاش خرج عليا واش عند بالك انا صاحبك راني راجلك
سهلية: خرج
اليزيد: زدتي فيه بزاف عيقتي واش عارفة شحال هذا ماقستكش
سهيلة: ومال مرتك تانية مونيكة ولا معاجباكش قيسها هي
اليزيد كيزيد يتعصب: صبرت كنقول غيهديك الله اليوم غذا ونتي غير مزايدة فعمات يامك
سهيلة: انا مواعدتكش بشي حاجة انا طلبت الطلاق [كتشوف فيه] وباقي على كلمتي [كتضغط على راسها] باغيا الطلاق
اليزيد: مغنطلقكش ا سهيلة الى مبغيتيش تبقاي معايا غتبقاي مربوطة مانتي مزوجة مانت مطلقة
سهيلة : كاع هذا حقد فيك
اليزيد: نتي لي وصلتينا لهادشي كندير كلشي باش نريحك ونتي كتزيدي فهمي
سهيلة: اليزيد ارحمني وطلقني
اليزيد:مغنطلقش
سهيلة: غنعاود نرفع الطلاق
اليزيد: نتي جري جهدك وانا نجري جهدي
سهيلة: ودابا خرج عليا
اليزيد: وماحدك مراتي غتعطيني حقي مغتعطيهش ليا الجارة
سهيلة: مراتك الثانية حاضرة العيب كون كنتي مزوجتي بوحدي ودابا برا عليا [بغا يقرب ليها] اليزيد راه غنجمع عليك الرياض كامل وغتندم مغتاخدش حقك بزز خرج برا
- بمستشفى مولاي يوسف -
هاجر واقفة كتشرب قهوة وتحت عينيها كحل وقفات عليها بنت حتى هي لابسة طابلية بيضاء: واش منعستيش ليلة كاملة
هاجر مقلوبة بنعاس: كي غنعس وهو حاضيني غير انا هاجر اجي هاجر سيري هاجر جيبي [تنهدات] عييت ا هند
هند: طايح حبو عليك غير نتي لي داير فيك هاد الحالة
هاجر: نتي لي حابك اما انا كيخرج فيا سمو
هند: معرفتش معمرو دار هاكا معروف بروفيسور ضريف وبعقلو
هاجر: وراه الالة بدا كيخرج ليه العقل
هند: قالو تخاصمات معاه مرتو
هاجر: علاش هو مزوج
هند : وشكون هادي لي غتفلت بروفيسور جون بحال هذا غير الهبيلة غتكون كارت بيه شي وحدة من عائلتو
هاجر : اه اه عندك صح زين راه زين
هند بغمزة: هي بغيتيه
هاجر : لالا كاعما تخافي انا منحملش رجال
كان جالس كيلبس فرجليه باغي يخرج للكراج حتى وقفات عليه كتفرك فصباعها و تحكهم مع بعض : جواد [هز عينو فيها بلاما يجاوب عاطيها وذنيه ] بغيت نمشي لدارنا
رجع حدر عينو مكمل شغلو بدون اي مبالاة : ياك يالله كنتي فيها
وقف وحط يدو فوق كتافها كيحيدها من طريقو : داك خفة الرجل معندنا منديرو بيها كون بغيتي داركم كون جلستي فيها نهار لول
تنهدات بشوية : عافاك مي عيانة و بغيت نقابلها
هي كانت كارهة راسها و محاملاش تبقا معاه فبلاصة وحدة باغيا دير كلشي باش تهرب منو و متشوفش وجهو، ومعندها فين تمشي من غير دار باها كتكذب عليه تحت دريعة مها عيانة
جواد : غندوز نجيبها لك هنا تقابليها
قلبها قفز من بلاصتو ونطقات برجفة خوف ملي شافتو هاز تيليفون حيت غيعرفها كتكذب : مغتبغيش تجي تقل علينا عرفتيها هي كترتاح غير فدارها
جواد: حتى ولدي مغيباتش فديور عباد الله
منال: راه جداه هاديك
جواد: سالينا بغات تجي لدار مرحبا نت مغتمشي فين
غير خرج جا عندها زياد يالاه فائق من نعاس بغا يعنقها محساتش امتى دفعاتو عليها حتى طاح فالارض: متقربش ليا [كتشوف فيه بقرف] بحالك بحال باك
زياد مفهم والو وقف كيقرب ليها : ماما واس مقلقة مني
منال: سير تلعب بعيد عليا
زياد هز لعبتو ومشا للبيت الاخر كيبكي وهي كتبكي فهاداك البيت: مبقيتش قادرة
- فالمستشفى -
هاجر من وراء العام لي ضوبلاتو كان قوة باش تكمل عاودات ونجحات فمعدلات عالية جابت الباك ب18 و دوزات كونكور ديال الطب و نجحات فيه كان حلمها من الصغر ودابا كتقرا فالعام الثالث وكتسطاجي فنفس الوقت فسبيطار الدولة تحت رئاسة البروفيسور [طارق فلاح] بروفيسور معروف وهو الاصغر عمرا بين البروفيسورات لي فالسبيطار 37 سنة
هاجر واقفة عليه: بروفيسور معرفتش شنو ندير فهاد الحالة
طارق عينيه فالضوسي لي قدامو: شنو الاعراض
هاجر: السخانة و كينين بحال شي راجل كبير فالعمر
طارق: درتي تحليل البول
هاجر : لا
طارق وقف: جيتي تسطاجي ولا جيتي نعاود معاك الدروس [ضربها بضوسي لراسها بلاما يقصحها]ىي صغير فيه السخانة اول حاجة كنديروها تحليلة البول حيت معرض لافيكسيون
هاجر: واخا بروفيسور
غاديا وجرها من طابلية : فين غاديا
هاجر: ندير تحليلة
طارق: واش انا كملت اعطيتيه دوليبران
هاجر: لا
طارق معصب: واش كتسنايه حتى يتعوق عاد تعطيه دوليبران اول حاجة غديريها غتعطيه دوليبران تهبط حرارتو وغتركبي البوش ديال البول تحت ليكوش ديال البيبي و من وراء نص ساعة شنو عديري
هاجر معارفة والو: نعطيه يرضع
طارق شد راسو: واش نتي مو [غوت] غترجعي تاخدي تحليلة ديال الدم
هاجر غمضات عينيها محيت غوت وسط وجهها: واخا بروفيسور
بداية الفلاش باك 2024
سمع انينها وفاق كيسعل فيوز لي حدا راسو: منال [عاونها تجلس] مالكي شنو واقع [كيقيس كرشها لي واصلو لفمها منفوخة داخلة فشهرها] فيك لوجع
شدات فيه : جواد [كتتنفس بصعوبة] كنولد [كتغوت] كنولد [حطات يديها تحت كرش] كنحس لشي حاجة هابطة
ناض كيجري كيلبس سروالو وهو غيطيح هز صاك لي موجدين و كونة صغيرة ديال بيبي و هبطهم وطلع كيلبسها كسوة ملبسهاش الخمار عاونها لبسها طراقة ميكة فرجليها و شدها مهبطها فدروج بشوية عليها طلعها فكوموبيل وكيسوق بشوية وهي كتغوت وكتعض فيديها بالوجع وصلو لكنينيك فين مقرر تولد دخلوها وهو معاها كيعبرو فتوسع المهبل
القابلة: غتولدي هاد الليلة
جواد فرحان: عندها كلشي مزيان
القابلة: المهبل كيتوسع وغنراقبو دابا 6 سنتيم خاص يزيد يوساع واحد ربعة سوايع خمسة تولد
منال : غنتسنا هادشي كلو
القابلة: ضروري اختي
منال كتبكي منين خرجات القابلة: كيحرق بزاف
جواد شاد فيديها: مبقا والو [باس يديها] تبغي نشربي
منال: لا [كدمع] غنموت
جواد: لا [دوز يديه فوق شعرها] مبقا والو دازو تسمع شهور انا نجيب ليك متاكلي
منال: لا عافاك غير بقا معايا خايفة
بقا جالس حدا راسها شادة فيديه مرة مرة كتعضو ولا كتقمشو وكتبكي دازت اربع ساعات فالجحيم كان وجع قاصح شافت المو.ت بين عينيها فخادوك الساعات قبل متجي القابلة ومعاها قابلة متعلمة و بدات تولد بيها وسعات المهبل شوية بمقص وهي كتبكي وكتعصر حتى حسات براسو خرج والمهبل تنفس وخرجو المثانة وغرزات ليها ربعة الغرزات حطو ليها الولد فوق صدرها ابتاسمات: زياد
جواد كيبوس فولدو وهو عامر بالدم وريحة الزفر ومنال معنقاه عايشين اللحظة طلعوها للغرفة من وراء نصف ساعة و جابو ليها الفطور ديالها ووليدها ناعس حداها كلات و نعسات وجواد جالس كيسوف فولدو حتى دخل الطبيب شافو: غنديرو ليه تحاليل
جواد: واخا
خرجوه وهو بقا جالس معاها كيتسناهم يرجعو مع البيبي حتى فاقت هي وسعات عينيها فاش ملقاتش زياد: فبناهوا الولد [خايفة] فيناهو ولدي
جواد كان باغي يعلمها: ياك مكنتيش باغيا ياك كنتي باغيا تنزليه كيما نزلتي خوتو
منال بكات: عافاك متقولش هاكا [بحالا تخوطرات] مديرش ليا هاكا ولدي تعذبت عليه وتشركت على قبلو
جواد: غناخدو شكون ضمن ليا مغتآذيهش كي درتي لولادك لولين
منال بغات توقف: جواد لا
حتى سمعات دقان ودخلوه فخاديك كروصة طارت هزاتو كتبوسو وتعنقو بجهد واخا صغير خاشياه فيها و مبعداه من جواد: مغنتيقش فيك وتاحاجة مغتبعدني عليه الى فكرتي ديرها شي نهار غنقتلك
فاقت من ذكرياتها اللئيمة على عناق ولدها بادلاتو العناق وخشاتو فيها منعساه حداها : ماما لوفيو
منال: لوفيو تو زوزي معمري غنخليك
كانت غتخشيه بين ضلوعها ونعست هي وياه كتقرا عليه القرآن سور وايات و ادعية كتحس براسها كتبعد على ولدها قلبها كيضرها نعساتو وناضت كتوجد العشا حتى بكات بدون سابق انذار دموعها لي مرقو الدجاج
سمعاتو دخل حطات ليه الطاجين بلا هضرة و مجلساتش تاكل معاه
جواد: واش عيانة
منال: لا نبغيتش ناكل
كانت هضرتها حرفية مافيهاش احساس : بغيتي نجيب ليك حاجة من زنقة
منال: لا
تعشا و جا حداها لقا زياد ناعس جا يهزو باش يحطو فبيتو حطات يدبها على زياد: خليه ينعس حدايا
جواد مفهم والو : وانا
منال: نعس فبيتو ولا فصالون اليوم بغيت نعس حدا ولدي
جواد: منال واش ليغيكل جاوك
منال تنفخات: واش منتنفسش منك [بالغوتت] مبغيتش نعس معاك محاملاكش
سدماتو ردة فعلها : كيفاش محاملانيش
منال كتغوت محاساش براسها مفكراتش حتى فولدها: اه محاملاكش ريحتك وحالتك كتعيف
شدها من يديها هضرتها كتعصبو: شنو كتقولي نتي
منال: كي سمعتي متنعسش حدايا
كيحاول ميتعصبش باش ميفوتش فيها شي دقة: الولد ناعس خليني نحطو بلاصتو ونهضرو
منال: معندنا فاش نهضرو
بغا يهزو وهي كتجر وهو. كيجر : طلق من الولد
جواد: حيدي عليا يديك شنو كديري
منال: اعطيني الولد
فاق زياد مخلوع عنقو جواد: متخافش غير انا
رجع مسكين الولد نعس : هانتي فيقتيه
دفعها وداز حطو فبيتو وسد الباب ورجع عندها: شنو خاصك
منال: طلقني مبقيتش قادرة نعيش معاك
جواد: بين ليلة ونهار بغيتي طلقي اش واقع
منال: هادشي هازاه فقلبي من زمان
جواد: منال معصبة ارتاحي من بعد ونهضرو
منال باغيا تكبر الموضوع وكتغوت: بغيت نتطلق طلقني [وقفات جهة الماريو]
وجرها معنقها من اللور مخشي فيها ورابط يديها محيت كتتحرك بزاف: منال تكالماي [خاشي راسو فعنقها] كلشي كيتحل بالهضرة واش قلقتك فشي حاجة
منال كتبكي: مخنوقة معاك مبغيتكش
سمحوليا جيت تعشيت عاد كتبت تجمعو
جواد: كضرك شي حاجة
كان خايف عليها هي غير كتبكي: محملتش هاد الدار
جواد : انا نهز زياد و نخرجو نمشيو فين بغيتي
منال: المشكل ماشي فالدار المشكل فيك غير كنشوفك كنتخنق
جواد ابتسم مواخدش الامور بجدية: واش كتوحمي عاوتاني
منال: لا
جواد: نعسي الليلة ونهضرو غذا
منال: غنمشي نعس حدا زياد
جواد باسها : تصبحي على خير
ومشات نعسات حدا ولدها وجواد نعس بوحدو فبيتهم و فصباح فيقو صوت زياد لي كيغوت : بغيت نشوف بابا
كضرب فظهرو: غنخرجو مغتشوفوش
ناض مفزع خرج عندهم عريان غير ببوكسور لابسة نقابها وجارة الولد بالعصا مباغيش يخرج : فين غاديا
شافها هازة شاكوشة: غاديا لدار با
جواد: ومعامن تشاورتي
منال مبردة: مع راسي قلت ليك بارح غنطلق مكنتش كنضحك
جواد جر زياد من يديها: غتمشي لدار باك سيري بوحدك ولدي ممحركش من هنا
منال غوتات: زياد اجي هنا
زياد ولد صغير مخبي وراء جواد محيت خلعاتو من صباح وهي تضرب فيه
جواد دخل زياد للبيت: تفرج اولدي انا جاي [سد لباب زرجع عندها] مال مك مع هاد الصباح علاش كتقلبي
منال: على طلاقي
جواد: واخا خرجي كيوصلك طلاقك
منال: والولد
جواد: مكاينش غتخرجي طويلة كي جيتي عمرك تحلمي بالولد عمرك باقي تشوفيه ولا تسمعي عليه غنهزو لمدينة خرى و غنقولو مك ماتت مك مكايناش
منال: حرام دير فيا هادشي
جواد: ونتي محرامش تفرقيني على ولدي وتشتتي الشمل
منال: معمر كان شمل بيناتنا غير المشاكل
جواد: المشكل دابا نتي قلبي عليه انا قلت لي عندي ونتي ديري لي فجهدك
خلاها كتبكي سلتات حجاتها بغصة جلسات فالصالون حتى كيوصلها ميساج قراتو من فوق : منال انا عارفك مفرحاناش فزواجك
فالرياض سهيلة كتقلب على شي شيكات دياولها و حداها هاجر: بغيت نخرج شوية
سهيلة: هاجر وا مزال متعقدتيش نسيتي شنو وقع اخر مرة خرجتي رجعتي بكرش
هاجر: سكتي غيسمع شي حد هادي علاضة فيها ليكيب ديال الخدمة كامل
سهيلة كتسكك فيها: حلفي ليا بالله
هاجر: والله مكنكدب عليك
سهيلة: معاش غترجعي
هاجر: راه مغنباتوش راه قلت ليك مع ليكيب
سهيلة: مني لبيكيب عطيني نمرة شاف دسيرفيس باش لا تعطلتي هو لي نقصد
هاجر: هاكي قيديها عندك [اعطاتها التيليفون باش تقيد نمرتو] عنداكي تصوني عليه الى متعطلتش تسناي شوية
سهيلة كتحنزز: مغتورينيش امتى نصوني ا خرجي
باستها هاجر: الكبيدة
سهيلة: خرجي الى تعطلتي كتر من خمسة دقائق غنصوني عليه
هاجر: صافي واخا غنجي قبل بنص ساعة غير سكتي من نقيرك [شافت فيها] اعطيتي شي عكير من عندك ندوز على فمي زرغ بحالا كنشقف
سهيلة: والله ومتمشي من قدامي انا لي غنشقفك
خرجات كتجري فاش شافتها نايضة ليها بصح كضحك خرجات شدات طاكسي لواحد لادريس عاطيينها ليها فين غيتلاقاو ريسطو ناويين يتعشاو فيه كاع ليكيب مجموعين دخلات بلباسها المتواضع ووجها ناشف مافيهش قطرة ماكياج عكس البنات لي كيقراو معاها كانو كلهم مزوقات ومطعرجات
هاجر: bonsoir l'équipe
طارق: حنا ماشي فليكيب دابا
استغربات من نظراتو ليها وابتاسمات ونقزات وحدة اخرى: اه حنا دابا فخريجة
تحمعو وجلس حدا هاحر واحد سطاجير بحالها وباين كيتودد ليها وكيتقرب منها وكيهمس ليها: شنو ناوية ديري من بعد
هاجر: معرفتش صراحة باقي كنفكر حيرانة
هو : انا كنرتاح فكارديولوغ
هاجر: بون كوراج
هو : كدخلي لخاطر دغيا
توردات من توتر: شكرا
هو: مكرهتش نديرو خرجة بوحدنا
وقف طارق لحالا معصب ونقشة ضارت لبه : حنا فعشاء ديال ليكيب ماشي مرندفين ليا هنا [جر كرسي] البنات الفوق و الدراري لتحت
وفرق البنات على دراري مفهمو والو ولكن بقاو كيخنزرو محيت حرم فيهم الجلسة حتى واحد معجبو الحال و هو كان اخر راجل من جهة هاجر : شنو تشربي
هاجر : جو دورونج عافاك
طارق: جوج [شاف فيها] وشنو تاكلي
هاجر: بيتزا 4 فروماج
طارق: جوج
بقات غير كتشوف فيه محيت كيطلب بحالها : كي جاك الكوان
هاجر مفاهماش سبب سؤال: زوين
طارق: اذن نرجعو ليه مرة اخرى
خرجات عينيها كضحك: اه نرجعو مع ليكيب [شافت فتيليفون وشافت فصاحبتها] مريم وصليني عافاك
مريم: صاحبتي يالاه جلسنا
هاجر تحرجات: صافي انا نشد طاكسي
طارق وقف: انا نوصلك طريقي هاديك
هاجر: لا لا منخسرش جلستك ا بروفيسور
طارق كيجمع فتيليفونو وبزطامو: حتى انا راجع خاصني نكون فلبلوك غذا صباح
مريم شافت فلي حداها وهمسات: واش خدام غذا
هي: لا موحال الكروب كامل خارج نورمالمون
طارق سبق هاجر: غتزيدي ولاالا
تبعاتو: ا اه اه
ركب وهي ترددات تركب القدام ولا اللور بقات غير واقفة هو ركب وحل ليها الباب حداه من داخل: مغتركبيش
دخلات : اه سمحليا
دارت يديها فوق صاكها جالسة ومقرصة شافتو ماديماراش وقرب ليها بحالا غيبوسها نقزات مبعدة عليه: بروفيسور
يالاه غتسبو وهي تشوف يديه وراها جرات سمطة ديال الامان و حاوطها عليها وهي تزنغات وغمضات عينيها قلبها كان كيضرب حتى قاطعهم صوت تيليفون كان تيليفونو ديمارا وطرق المكالمة بلوتوت بحالا ممخبي والو ولا معندوش مناش يخاف ولا بحالا معتابرها شي واحد قريب لدرجة يخليها تسمع مكالماتو
هي : السلام عليكم واش بروفيسور طارق هذا
طارق: اه وعليكم السلام
هاجر حطات يديها فمها: سهيلة مزال مدازت 5 دقائق
سهيلة: بغيت نسولك واش معاك واحد البنت سميتها هاجر
شاف جهة هاجر: اه معايا دابا
سهيلة: واش كنتو فشب عشاء ديال ليكيب
طارق: اه
سهيلة: واش دابا مرجعها للدار
ابتسم حس بالخوف ديالها عليها: اه انا غنوصلها دابا
سهيلة: عافاك وصلها حتى لباب الدار حتى ندخلها
طارق: كوني هانيا
وقطعات وهاجر حطات يديها فوق عينيها حشمانة: واش هادي ختك
هاجر: هي مرات خويا ولكن بحال ختي
طارق: طلعت ماشي لوحدي لي كنخاف عليك
كلما كتزيد معاه شي دقيقة كيزيد يصدمها بهضرتو وصلهو حتى لوسط الدرب : غير وقف عافاك راه الدرب
طارق: مسمعتيش ختك شنو قالت
وهبط معاها حتى هو من طوموبيل كتشوفو غادي معاها رجليه برجليها دقات فالباب وهو مزال واقف تلفتات فيه: راه وصلت
طارق: قالت ليا حتى نشوفك دخلتي عاد نمشي
تحل الباب وابتسم لسهيلة: هاهيا الامانة
ردات الابتسامة: شكرا ا بروفيسور [حلات الباب شوية] دخل تشرب اتاي مع خو هاجر
طارق: اه مرحبا
سهيلة: انا نمشي نعلمو ونجي [شافت فهاجر]يالاه دخلي
دخلاتها قدامها وهاجر كتندب: علاش عرضتي عليه واش حماقيتي راه استاذي
سهيلة: وهاهوا بغا يدخل نقوليه لا حشمي على عرضك
دخلات على اليزيد: راه واحد السيد
نقزات هاجر: البروفيسور لي كيقريني فالسبيطار
سهيلة: بغا يدخل يشرب معاك اتاي
اليزيد بعدما كان متكي وهاز البيسي سدو وجلس: دخليه يتعشا معانا
هاجر: لالا راه معشي
شاف فيها اليزيد: مالك نتي كتنقزي طلعي لبيتك
سهيلة كضحك: هو لي كيعرف ليك الصراحة
دخلات سهيلة كتقاد فاتاي و اليزيد خرج لعند طارق تسالم معاه باليد: مرحبا بيك دخل
دخل : الله يكبر بيك اخويا
دخلو للصالون جلسو ودخلات هاجر اتاي و الحلوة محيت ميمكنش سهيلة تبقا داخلة خارجة على الراجل معيبة و جلسو مقصرين على هاداك الكاس وكيضحكو واليزيد كان كيعبرو راجل قلدة طويل مجبد كتافو عراض ولباسو انيق سروال عادي وبسيط وماشي داكشي ديال مراهقة المتؤخرة وحتى كلامو موزون وتقيل كانو كيهضرة على الولاد والتربية واليزيد كيعاود على مشكلة سهيلة لي مكتولدش وسولو فنفس الكلام: ونت معندكش شي وليدات
طارق تبسم: لا ولكن ناوي انشاء الله
اليزيد: الله يكمل بالخير ا سي طارق
طارق: هادشي فاش بغيت نهضر معاك
اليزيد: فاش الله يسمعنا خير
طارق: انا صراحة عجباتني ختك هاجر للزواج بنت خلوقة وبنت دارهم ومكرهتش لاقبلتو عليا
منال: مبغيتيش تعطيني الولد ياك
جواد : لا
منال: واخا خليه عندك [كتغوت] حتى هو مبغيتوش [طجات] اصلا كلشي فيه كيشبه ليك كنشوفو كنشوفك
جواد عرفها بحالا مزعزعة فدماغها شدها من يديها: مغتمشي فين
كتغوت: طلق ولا نجمع عليك جيران
جواد كيبرد : منال نتي عيانة ارتاحي واش انا لي مبغيتيش تشوفيني انا غنخرج جلسي فدارك مع ولدك
منال: كتمن عليا بدارك
جواد: منال مغتعصبينيش
منال: بغيتي تقول بلي معندبي عائلة
جواد: علاش عندك شي عائلة من غيري انا وولدك [باستهزاء] خوتك ماشي رجال
هزات يديها للسماء وهي تضربو لوجهو: خوتي رجال عليك
حطات يديها عليه ضرباتو عمرها قدرات دير هادشي واخا كان يضربها ولا يتعدا عليها شاف فيها بواحد العينين باغي يقت. لها شدها من يديها غيهرسها ليها: شنو كديري سخات عليك يديك نهرسها ليك
لوا ليها دراعها حتى حسات ليها غتتهرس حبس فاش شاف زياد جاي: بابا شنو كديرو
عنقها من اللور: كنلعب انا وماما
زياد : حتى انا بغيت نلعب
جواد: دخل انا جاي
كانت كتتجبد: طلق نتي [كتغوت] طلق
جرها من يدبها لاويها ليها من وراء مادخل زياد للبيت ودخلها للبيت الاخر وسد عليها بالساروت: تما غتموتي جيفة
خلاها كدق بجهد وجاهلة كتغوت دخل لبس و هز ولدو وخرجو معاه ياكلو برا منها تبرد ومنها زياد ميحضرش لغواتها كانت خارج عقلها كضرب راسها مع الحيط بجهد لي فيها وحتى واحد مكيسمعها وكتبكي: طلقني بعد مني
مدخل مع زياد حتى للعشية دخلو ناعس فوق ظهرو حطو فبيتو و مشا لبيت عندها هاز فيديه غداها هي حل ليها وهي طلع عنيها كي الجمرة جغمة دم ناضت خارجة بنقابها: طلقني
جواد تنهد: منال خلينا نديرو تيست يمكن راك حاملة
منال: انا نعاود نحمل منك الغلط كيدار غير مرة وحدة
جواد: لا نتي باغيا نقاد ليك عظامك
منال: غتقاد ليا وراق طلاق
جواد: منال [بنظرة رحيمة] واش مباغيانيش
منال: لا مبغيتكش
جواد: بغيتي طلاق
منال: اه طلقني
جواد بقسوة: مغنعطيكش الولد غناخدو ليك وعمرك تحلمي بيه غيكبر بلي مو ماتت
منال مقصحة قلبها: خودو ولدك نت ربيه
جواد: مبغيتيش تشوفيه كيكبر
منال: لا بغيت نعيش حياتي لي دفنتها معاك
جواد بعتاب: فاش قصرت معاك شنو معجبكش
منال: من ساسك لراسك معاجبنيش
جواد: واخا ا بنت ناس طلاقك غيوصلك
منال: غطلقني
جواد: اه غنطلقك والولد غيبقا معايا [كيحاول يستفزها] وغنتزوج وغنجيب مراة اخرى لي تربيه
كيحاول يخليها تخاف على ولدها من مرأة خرى ولكن متحرك فيها والو: مزيان نخاف عليه معاك بوحدك مراة تعرف تسد ليه الخاطر ومتخلعوس غندخل نشوفو قبل منمشي
جواد: غتشوفيه اخر مرة
منال: اه تخر مرة
دخلات للغرفة قربات ليه وقبل متقيسو طاحت دمعة من عينيها و هبطو من وراهم شلالات دموع كتقيسو بيديها وكتعنق فيه كتخشيه فصدرها وكتشم ريحتو ريحتو كدخلها للرئتين بعمق كبير ة كتقيس وجهو: ولدي حبيبي [كتحبس الشهقة] زوزي متقلقش عليا متلومنيش على قبلك صبرت هاد سنين حاولت نبغيه وعشقتو ولكن [شدات قلبها] مقدرتش كنحس بشي حجرة فوق مني
سمعاتو وراها مسحات دمعتها و وقفات خارجة: غنوصلك
منال: لا
جواد: محدك مرتي مغتخرجيش كي بغيتي نهار يتم طلاق ديري لي عجبك
منال: حتى انا معارفاش فين غتوصلني مغنمشيش لدار با
جواد: وفين غتمشي بسلامة
منال: وصلني عند سهيلة
جواد: سهيلة واش كضحكي عليا غترجعي لدار باك
منال: بغيتيها فيا بغيتيهم يقتلوني
جواد: لي حط عليك يديه غنقطعها ليه
هز زياد داه معاهم باش يوصلها للدارهم
زياد: حتى انا نبقا مع ماما
جواد: لا
زياد تقلق: عافاك علاش
جواد: لا
منال مبغاتش تقلقو: زوزي حبيبي منقدروش نبقاو بزوج دار الميمة صغيرة نت بقا مع بابا وانا غنرجع
جواد: غتبقا معايا وماماك مغترجعش
شافت فيه مصدومة: شنو كتقول للولد صغير
جواد: نتي عرفتي شي ولد صغير [وقف] يالاه هبطي رولي من هنا
خلات زياد كيبكي بواحد جهد وصراخو مسموع قلبها كيتقطع عليها وغير تلفتات حتى هي كتبكي وكدف فدار باها حلات مها وترمات عليها كتبكي : مي
فاطمة: مالكي ا بنيتي
منال: مشا ليا الولد ا مي مشا زياد
فاطمة خافت: مال زياد اش زقع ليه
منال: كنطلق انا وجواد وغياخدو ليا
فاطمة: واش جواد بغا يطلق
منال: لا انا
فاطمة ضرباتها لوجهها: ممشيتي تا درتيها مكتحشميش شنو خسر ليك داك ولد ناس واش مكتعيايش
منال: محيت عيييت امي محيت عييت بغيت نطلق
فاطمة شدات راسها كتبكي: خرجتي على راسك وعلى الولد لي خليتيه بلا حنين لا رحيم غيجيب ليه شي مراة لي تكرفصو
منال بانانية: ماشي بوحدي لي غنفكر فالولد حتى هو باه
دفلات عليها: تفو من الام لاكات بحالك باه غيحن فيه كتر منك
منال: واخا ا مي زيدي عليا
فاطمة: زيدي مرحبا بيك فهاد خربة كولي معايا الخبز و زبدة ليليا طلعات ليا فصحتي مرحبا بيك ففقر الدم
منال: بغيت الفقر ومبغيتش داك راجل
فاطمة: دخلي
تبعاتها وسدات دار وقلبها كيبكي غير على ولدها جواد كان عقلو ماشي بلاصتو صابك بواحد سرعة حتى خوف زياد : بابا بشوية قطعتي ضوء الاحمر
عاد عاق وولا كيرد البال فالطريق وكيمشي بشوية حيت معاه الولد صغير كيشوف فيه من مرايا مافهمش كيفاش قدرات تفرط فولدها كان هو عينيها وباش كتشوف
اليزيد ابتسم فخور بختو: الى كنتي ناوي الحلال مرحبا بيك جيب واليديك واجي
طارق: انا مقطوع من شجرة عندي ختي وماشي بالدم هي لي رباتني فالخيرية وبقات على علاقة معايا واخا خرجت منها
اليزيد: اه مرحبا بيكم عندنا
طارق: الله يكبر بيك اسي اليزيد
اليزيد : ولكن نعرف جواب البنت هو لول [عيط] هاجر
هاجر دخلات تجرب: نعام ا الحاج
اليزيد: اجي جلسي حدايا
جلسات: اش حب الخاطر ا الحاج
اليزيد: دابا سي طريق جاي طالب راغب ايديك لزواج وبغينا نعرفو جوابك
كان فرحان اليزيد محيت الراجل مفيه ميتعاب متجيش فالحسبان بلاه هاجر ترفض
هاجر: لا
وناضت كتجرب خارجة من صالون خلاتهم بزوج مصدومين
اليزيد: وا خويا معندي منقول كلشي سمعتيه على وذنيك والزواج بالمحبة والخاطر ماشي بالزيار
طارق : داكشي لي كاين [وقف كيتسالم مع اليزيد] تبارك الله عليك ا سي اليزيد
وخرج محطم من الرياض كان كيأمل الخير فيها اما هاجر دخلات لبيتها كتبكي وسهيلة كدق: مالك
حتى سمعات اليزيد كيعيط : نعام ا الحاج
نزلات عندو: مال هاجر واش كتعرف شي واحد
سهيلة: لا علاش
اليزيد: السيد جاي باغيها الزواج منين عيطت نسولها قالت لا ومشات
سهيلة: ولكن سكات علامة
اليزيد: كون غير سكتات هي قالت لا ديريكت
سهيلة: باقي صغيرة ومعارفاش يمكن ممستاعداش
البزيد: كان كيبان ولد ناس ومتخلق وعارف بينو وبين الله ودرويش
سهيلة: معرفتي اشمن شر دا معاه فيها خير ا الحاج
اليزيد: ونتي شنو كديري
سهيلة: كنت كنتسناك
اليزيد: شنو واقع
سهيلة: توحشتك
اليزيد بتردد: ننعس حداك اليوم
سهيلة: اه بلاصة باردة بلا بيك
عجباتو الهضرة: انا غنسبقك غنطير بيك
سهيلة: اويلي حشم غتشوفنا خالتي راضية
اليزيد: ومالو يشوف لي بغا يشوف مرتي مقستهاش شحال هادي زربان مقادرش نبقا منقربش حتى للبيت اش بان لك نسدو علينا هنا
ضحكات حشمانة سبقاتو وتبعها معيق محشمانش ولا داير حسبة لشي واحد وعاشو واحد ليلة رومانسية وكانت سهيلة جريئة بزاف مطلقاتوش هي لي سخفاتو واحد الليلة بحال الى كانت كتودعو بحال اخر مرة غتنعس معاهونعسو معانقين
فتق فرحان وناشط ناوي يجيب ليها الفطور حتى لفوق سداري ولكن ملقاهاش : سهيلة [وقف للحمام كيدق] سوسو
مكان تاحد وهز تيليفون كيصوني ليها تيليفون كيصوني فالليت لقاه تحت وسادة هزو لقا فيه ميساج فواتساب مكتوب ليه ولكن ممسيفطش : غنتلاقاو فمحكمة وعافاك طلقني الى كنتي بصح كتبغيني
منال جالسة فااسطاح باش تهضر فتيليفون على خاطرها ودايرة حدرها ليكلع واحد من خوتها: بلال شنو بغيتي انا راه مراة مزوجة
بلال: عارفك مفرحاناش شنو رابطك بيه واش الولد [كيقنعها] انا قابل بيك نتي وولدك غنديرو ولدي
منال بتهكم: كيصحاب ليك جواد ماشي راجل بحالك عمرو غيسمح فولدو
بلال: ياك كتعايريني ا منال ياك كنتي كتقولي عليه وحش
منال: اه وحش وراجل كلمتو مطيحش
بلال: ياك الالة
منال: مغنكدبش عليه باش نرضيك
بلال: ياك كان كيضربك
منال: كان كيصرب لي كيضربني
بلال: انا سمعت من ختو لي كانت عليشة معاهم بلي ديما كتاكلي العصا
منال: مسمعتيش على الذهب لي كان عندي سول غير مك تقوليك فاش كنتلاقاز فشؤ مناسبة ولا لحوايج لي لبست جواد عشت معاه لخير عمرو تصقرم معايا الله يرحم ليه الزاليدينف
بلال: منال طلقي غنتزوح بيك
منال: بعد مني
بلال: خرجي غير نهضر معاك [كيتحلون] توحشتك
منال: نهار نطلق عاد نقدر نشوفك انا بنت الحرام ولكن مكنخرجش مع رجال وانا مرات راجل
وقطعات عليه هبطات لتحت
فاطمة: صوني شوفي وادك واش لاباس
منال: مي متزيديش عليا
فاطمة: واش معندكش قلب
منال نهضات فيها بجهد: وا مي مغيجاوبش واخا نصوني مغيجاوبش [وهزات تيليفون كتصوني قدامها] هااه [ووراتها سجل المكالمات] من صباح وانا كنصوني مكيجاوبنيش
فاطمة: علاش سمحتي فولدك علاش
منال: ماشي لخاطري [دموع هوادة] ماشي لخاطري ا مي راه مقدرتش نزيد نجلس فديك الدار
فاطمة: مالك ا بنيتي يالاه كنتي لاباس ياكما شي سحور هذا ولا شي عوينة
منال: معرفتش ا مي
فاطمة: متخبيش عليا واش ضربك ولا غلط فيك غير سيمانة هادي كنتي كتبغيه وكنتي كتفكري تزيدي شي بنيتة
منال: معرفتش ا مي مدار ليا والو كان كيف ليامات لعادية ولكن مقدرتش كنشوفو فيه غير ظلام جالس فوق قلبي
فاطمة: استغفري الله ونوضي تصلي حتى صلاتك كتقطعيها صلي ربي يوقف معاك وطلبي السماحة والفكاك
منال: واخا ا مي
ناضت كتصلي وفاش سمعات صوت رنة التيليفون قطعات صلاة محيت كتتسنا هاد الاتصال باغيا تسمع ولدها فاش حات ملقاتوش هو لقات نمرة خرى: الو شكون معايا
هي: سهيلة صاحبتك
منال: حبيبتي كنت محتاجاك
سهيلة صوت كيبكي: تا انا محتاجاك بزاف
منال : مالك اصاحبتي
سهيلة: كنطلق
منال كضحك : تا انا كنطلق
حتى سهيلة كضحك: كترة الهم كضحك اصحيبتي
منال: ومالو يخلعنا هاد الطلاق
سهيلة : وزياد معاك
منال: عمرني نحلم بيه
سهيلة: علاش غتسمحي فيه محكمة تعطيه ليك
منال: علاش تعطيه ليا وانا مخداماش ساكنة مع خوتي معروفين حباسة وبيني وبينك مع باه غيكبر بلا عقد ويطبر فالخير علاش نجيبو نقتلو معايا بجوع
اليزيد غيحماق على سهيلة : كيفاش خرجات بلا شواري
راضية: هدا اولدي كوراها تلعب عارف ضحك سهيلة
اليزيد: الوليدة سهيلة غطلق وانا عارف
راضية كتشوفو كيترعد: الحاج بشوية نت مول العقل البنت مبقاتش باغياك صافي خليها على خاطرها
اليزيد: نهار لول تزوجتها على خاطرها
راضية: حتى دابا اولدي الله يرضي عليك خليها على خاطرها
اليزيد: مغنخليهاش غترجع
وناض كيلبس فرجليه خارج كيقلب عليها وقصد دارهم نيشان دق وهي لي حلات ليه الباب لابسة بيجامتها فوق منها لينوار و الدرة فوق راسها: شنو بغيتي
اليزيد: نتي لي شنو بغيتي
سهيلة: نت لي جاي لداري
اليزيد: ظارك هي لي خليتي وغترجعي ليها دابا [بعناد] مغنرجعش الى مديتكش فيدي
سهيلة: اليزيد متحاولش عيشة بيناتنا حرارت نهار بغيتي تتزوج المراة التانية
اليزيد: غتندمي الى فارقتيني
سهيلة: باراكة ندمت لي عرفتك
اليزيد: الى تفارقتي معايا عند راسك غنخليك تتزوجي
سهيلة كتعصبو: نت لي عند راسك غنبقا نبكي عليك عمري كامل
اليزيد: الى فارقتني غتكملي عمرك فالحبس
سهيلة : خلعتيني اشمن باطل غتنزل عليا
اليزيد: شحال من شيك عمرتي ليا [كيهددها علانية] غيدخلوك القليلة واحد خمس سنين فين ترباي
سهيلة : واش درت ليك شي حاجة علاش باغي فيا الحبس شنو صرفت فيك من غير الخير
اليزيد: غناخد ليك كلشي هاداك مشروع لي فرحانة بيه نهار غتفترقي معايا غيمشي كلشي غيمشي
سهيلة : حاقد عليا
اليزيد: اه الى مبقيتيش مرتي غنحقد ونكرهك فحياتك
سهيلة: جري طوالك ونجري طوالي و الحبس حسن ليا من الملقى معاك
اليزيد رطب الهضرة وشد شديها بحالا غيبوسها يطلبها: سهيلة متخسريش زواجنا عافاك اعطيني فرصة [بحال هبيل] لي بغيتي نديرو واش بغيتيني نطلق المرة التانية نطلقها
سهيلة جرات يديها: انا ماشي بحالها مكنفارقش رجال على عيالاتهم بالعكس الله يكمل عليكم بالخير
بعدات وردخات الباب وسط وجهو وهو باقي كيضرب فالباب: سهيلة غتندمي
سهيلة حطات راسها على الباب: وراني ندمت [كتبكي] ندمت لي تقت فيك وتزوجتك وبغيتك
دخلات وطلعات سدات عليها فبيت مها بيت راحتها كتحس بمها ثريبة ليها محيت البيت عامر بحوايجها وتصاورها : شفتي ا ميمتي شكون قال شي نهار غنسمح فيه عقلتي كنت كنقوليك غير هو ولا ربي هاني تزوجتو وهاني غنطلقو وغنقوليه نهار المحكمة على مرضو يمشي يعالج راسو هزيت هاد ثقل بزاف فوق ظهري يمكن انا سبابو واقفة فطريقو
منال عمرها ماشافت ولدها لدرجة كانت كتمشي باب دار جواد وتوقف بعيد باش تشوفو وكتصوني وحتى واحد كيجاوب مشات للكاراج عندو حالتها حالة تحت عنيها اسود وقفات كتسول: كاين جواد
عبد الالاه: اه كاين ا مرت خويا [ودخل ] المعلم راه مرت خويا جات
مسح يديه وخرج: كاين منقضيو
منال: فيناهوا زياد بغيت نشوفو
جواد: سكون منعك ياك كنتي عايشة معاه
منال ببكاء: جواد متعذبنيش هاكا خليت ليك لولد بغيت غير نشوفو
جواد: وانا شنو قلت ليك قلت ليك يا بقاي يا سي ي وعمرني نشوفك علاش راجعة عندي
منال: ها لعار اجواد الميمة والعشرة لي دوزنا خلي ليا ولدي راه غنمو&ت بلا بيه
جواد: متحلميش بيه مغعرفكش حتى واش عايشة
منال بقات كتبكي وهو دخل وخلاها جلس فكرسي و شاف زياد حداه كيلعب للطوموبيل صغيرة: توحشتي ماماك
زياد: اخ توحشتها بزاف
جواد: غير مسافرة دابا غترجع [سها] خاصها تتربا طلاق ولا عندها ساهل
مكانش عارف بلي قرار منال كان قطعي ولا رجعة فيه حتى نهار وصلاتو استدعاء المحكمة و حتى دوزو جلسات الصلح تما ادرك بلي منال مبقاتش ليه و فاخر جلسة جاب معاه زياد و صاك ديالو واعطاهم ليها: ولدك محتاجك
منال كتبكي بالفرحة: غتعطيه ليا
جواد شاف فزياد: سير عند ماماك
زياد: ماما
مال كتعنقو: زوزي
و اعطاها ظرف: هادي النفقة اللولا [اعطاها ساروت الدار] حتى دار هاهيا
منال: ونت
جواد : شنو غندير فدار نتي مافيهاش
منال دموعها هواد: علاش كدير ليا هاكا وكترضني بنت الحرام
جواد: تهلاي فولدي [هبط هزو كيبوس فيه] سمع لماماك الى درتي بسالا غنجي نهرك
زياد بريء وصغير: بابا واش مسافر لشي بلاصة
جواد: اه بلاصة بعيدة وقتما تحتاج حاجة صوني لبابا يجيبها ليك
باسو زياد: واخا بابا
وحطو و تلفت بلاما يشوف جهتها وهو غادي رما الخاتم ديال الزواج لي كان فيديه تدحرج حتى وصل قريب لمنال قربات كتبكي هزات الخاتم ديالو و جرات ولدها لدارو لي اعطاها ساروتها جلسات كتقلب على شي خدمة من تيليفون فاعلانات الفايسبوك كلشي الخدامي بالقرايا ومستوى كتلقا غير ميناج و لقات سربايا بصالير كتر سيفطات ليهم ميساج
هو: خاصك ضروري تجي نشوفوك
منال: مفهمتش اخويا اش غتشوف بنادمة تتمشا
هو: ضروري اختي
منال: واخا
هو: واش كديري حجاب محيت مكنقبلوش الحجاب
منال: لا مكنديروش
هو: غذا مع العشرة جي تبداي معانا
قطعات معاه وشافت فزياد: غتمشي غذا لمدرسة وماما غتخدم
زياد: مبغيتش نمشي مدرسة
منال: هاداك الفشوش ديال باباك مبقاش اولدي
زياد: ونتي علاش خدامة ياك بابا خدام
منال: حنا خدامين دابا بزوج
زياد خايف: ماما واش واش ناقصين فلوس
منال: لا ازوزي ولكن ماما بغات تخدم ونت خاصك تقرا
زياد: واخا
هزات تيليفون كتجاوب: الو سهيلة صافي طلاق خرج ليا
سهيلة: سعداتك وانا هاد الكلب ناشرني خدا ليا كلشي الله ياخد فيه الحق [دموعها شلال] وحرش عليا با كيقوليا رجعي ليه ولا خرجي عليا
منال: هزي حوايجك واجي عندي
سهيلة : فين غنجي نت داكشي لي خاصك مع خوتك نكملو انا بيت معس معاكم فيه
منال: لا جي لدار لي كنت عايشة فيها مع جواد
سهيلة: كيفاش
منال: اعطاها ليا باش نبقا فيها انا وزياد ولكن خاصني نولي انا نخلص الكراء
سهيلة: طلع ولد ناس هاداك راجل انا من اول حاجة كشطني من كلشي
منال: محيت كيخلعك باش ترجعي حتى انا هددني بالولد واعطاه ليا دابا
سهيلة بفرح: فرحت ليك احباي هنية عليك
منال تنهدات قبل متبكي: معرفتش اش واقع ليا انا لي بغيت طلاق ولكن فاش شفتو واعطاني ولدي [شادة خاتم فيديها] ضرني قلبي بزاف
سهيلة: منال نتي راه مريضة وخاصك شي طبيب يداويك اختي اش هاد تناقض كتلعبي ماشي غير بحياتك بحياة ولدك وراجل
منال مسحات دموعها: انا فرحانة غنرمي عليا داك نقاب غنطلق شعورات
سهيلة: فرحانة بهادشي
منال: واخيرا غنعيش حياتي عندك شي لبيسة لزنقة نتي كتلبسي عصري جيبيها ليا معاك
سهيلة: واخا صافي
منال: مقلتي ليه والو
سهيلة: لا
منال: كون قلتيليه غيخلي ليك المخبزة والرياض و يعطيك لي وراه ولي قدامو
سهيلة: ميستاهلش يعرف
منال: ولكن ماشي حشومة تحرميه من ولدو
سهيلة: وهو لي حرمني من حلمي غير بدافع العكس غير باش ينزليا راسي [بتحدي] وراسي هو ليعمرو غينزل
منال: وشنو غديري دابا
سهيلة: خايفة لنولد فالحبس
منال: علاش
سهيلة: كيهددني بالشيكات حالف بحلوفو يدخلني للحبس الى طلقتو
منال: شحال كيتسالك
سهيلة: خمسة ديال مليون
منال: مصيبة هذا قوليليه راك حاملة يحيد عليك غير دين ويدي كلشي يبخر ليه
سهيلة: نولد فالحبس ومنقوليهش عمرو يحلم يشوفها
منال: واش عرفتي شنو عندك
سهيلة: اه غير اليوم دوزت كانت بنية [فرحانة] غنسميها أحلام
منال: علاش احلام واخا هي سمية زوينة
سهيلة: محيت كتحلم بيها كل نهار تجي لدنيا هي لي منوراني هاد الفترة و مخلياني منتهرسش
منال: الله يفك وحايلك بيخير اححباي [كتصر] عافاك اجي عندي ونسيني ومنها نتهنا عليك متخليش عقلي مشوش
سهيلة: واخا انا غنجي نجيب معايا شي عشا من برا
منال: باقي غير غتخسري فلوسك فزنقة دوزي تاكلي عندي غير شي قصرية ديال شعرية بالحليب نجلسو ليها لارض
سهيلة: صافي انا نجيب الحليب معايا
هاجر فالسبيطار لابسة الطابلية وكتجري كتقلب على البروفيسور لي من نهار رفضاتو مبقاش عاطيها وجه ومنخلها وكيتجنبها مكيبانش فسيىفيس الا فشي حاجة عاجلة
هاجر كدق فباب بيرو ديالو: بروفيسور طارق
طارق: دخل
هاجر تنهج: بروفيسور واحد الحالة خاصك تجي تشوف نزيف داخلي
طارق هبط يجري ويخاصم: علاش معيطوش عليا
هاجر: صونيت ليك مكتحاوبش
تفكر بلي كان كيقطع عليها محيت مقلق من اخر مرة هبط للمستعجلات فين لقا المريض دخل وهي من وراه كيعالجوه
زخرجو عاوتاني هاجر: بروفيسور بغيت غير نوريك واحد البحث خاص نشوفو فسطاج
طارق: اعطيه لبروفيسور لاخر
هاجر؛ ولكن نت لي مسؤول عليا
طارق: انا غنسيفطك معاه
هاجر: انا مرتاحة هنا
طارق: انا ممرتاحش
هاجر: متفهمنيش غلط ماشي لخاطري المرة لي فاتت [مجاوبهاش دخل ودخلات وراه للمكتب] ماشي معجبتينيش اي بنت تتمناك ولكن [حشمانة من راسها] انا غلطت فاش كنت صغيرة
طارق: واش همني انا بماضيك انا باغي معاك المشتقبل
هاجر كتهضر بحشمة خجلا من فعلتها: اننا ماشي بنت زعما ماشي عزبة
طارق: واش همني انا شنو غندير بوحدة بنت ياكما غنعطي دم ديك البلاستيكة قربان لسيدي ابراهيم
حبسات ضحكة: لا
طارق: مكيخمنيش شنو دوزتي فحياتك حتى انا دوزت حاجات ولكن ماضي مغنعاودهمش وانا معاك هذا هو مهم
هاجر: انا غير محيت كنت خايفة
طارق: هي نجي نهضر فيك
هاجر : لا ماشي دابا خويا ومرتو كيطلقو
طارق: واش مراة لي حلات لينا اي صونات لك
هاجر: اه
طارق: باين كان كيبغيهت
هاجر: حاولنا نرجعوهم ولكن مكتابش
سهيلة كضرب وتسارح فشعرية: جات بنينة
منال: كولي احباي بصحتك نتي واحلام
سهيلة حطات يديها فوق كرشها: الله يتبت حملي
منال: أمين نتي غير بعدي من فقايص
سهيلة: خاصني نخدم
منال: اا اسهيلة ختي اشمن خدمة ونتي حاملة انا نخدم راه لقت خدمة سرباية ولكن بلا حجاب
سهيلة: سرباية ا صاحبتي راه بلعاني ولاد لحرام غيلبسوك شي لبسة تعصر فيها ترمتك باش تجيبي الكليان
منال: ونموت بجوعي راه مقارية والو معندي تا دبلوم كاع الخدامي مكاين غير باك+
سهيلة: ديرب ميناج حسن من هاد سرباية ممرتاحاش ليها
منال: فيها خلاص كتر ميناج نهاى خدامة نهار لا
سهيلة: ربي غيبارك فداك نهار لي غتخدمي
منال تنهدات: خليني نمشي نشوف بعدا
زياد كيبكي: بغيت بابا
سهيلة: اعطيه يصوني لباه من صباح وهو كيبكي مغيسكتش
منال: بالاه اجي صوني لباباك [جا حداها وهي عنقاتو ] مالك سخون [كتقيس راسو] سهيلة زياد كيحمي
سهيلة ناضت كتشوفو حتى هي: اويلي الولد طيبي فوق منو
منال مخلوعة: شنو ندير
سهيلة: نوضي عبىب سخانة لا فايتة 39 خاص يمشي مستعجلات
جابت طيرموميتر حطاتو تحت باكو وخرجاتو كانت 40.5 والولد كان عيان و مرخي بين يديها غير كينين : اه اه اه
سهيلة: لبسي ويالاه
منال: اشمن طاكسي غنلقاو
سهيلة: عيطي لباه هو لي غيجي يهزك نتي وياه
هزات منال تيليفون تترعد وتتصوني وبكاء: الو
جواد: شواقع علاش تتبكي
منال: زياد مريض سخانة طالعة
جواد: نتي فدار دابا
منال: اه
جواد: انا جاي نديوه لسبيطار دابا
واحد 15 دقيقة كان عندهم كيصوني عليها حلات ليه الباب باش يدخل : لا مغندخلش لدار فيها مراة
شافت فيه مصدومة من هضرتو وطلعات هي لي هزات زياد هبطاتو ركبات معنقاه لور فطوموبيل وكسيرا لسبيطار
وصللو لسبيطار دخلو مستعجلات ديال كنينيك اعطاو لزياد دوايبران وكيديرو ليه تحاليل البول والدم وهي وياه كيتسناو برا ارتاحو منين نزلات سخانة وجاب لزياد عصير و واحد ساندويتش وليها حتى هي مكانس عندها خاطر تاكل جلسات غير حدا ولدها كتشوف فساعة قرب يصبح لحال وهي دايرة مع مول القهوة مع 8:00
منال: غنخليك معاه الى كنتي مسالي
جواد: علاش نتي فين غاديا
منال: عندي رونديفو لخدمة
جواد: شمن خدمة
منال: سرباية
جواد: سرباية تسالاو الخدامي [نطق لنبرة جدية] حتى نهار تدفنيني وسيري خدمي حتى فدبي
منال: وشنو بغيتيني ندير عندي مصاريف
جواد: نتي غتقابلي ولدك [مكانش كيشوف فبها] سيري تعلمي صنعة لي بغيتي
منال: صونطر دو بوطي خاصني نخدم نربح فلوس باس نتقيد فيه
جواد: غنخلص
منال :لا مكتجيني مكنجيك والفلوس لي اعطيتيني ديال ولدك متعطينيش نفقة شهر جاي محيت هادي فيها 2
جواد: هادا ماشي معطا انا كنسلفك نهار تخدمي ترجعيليا كلشي
منال شافت فالارض: انشاء الله
بقاو جالسين حتى صبح صباح وخرج جواد جاب لبهم الفطور وغير شاف طبيب زياد اعطاهم الحق يخرجو ورجعهم حتى لدار وجواد مكيشوفش فمنال لي كانت دايرة غبر الدرة بلا نقاب وهو مقاليها والو
منال: طلع تتغدا معانا
جواد: لا
منال: ترتاح وتشوف زياد
جواد: مكندخلش لدار فيها مراة
منال: كاين حتى زياد راه راجل دابا [شافت فزياد] ياك ازوزي
زياد هاز فيديه واحد عصيري: اه راجل
دوز جواد يدين فوق راس زياد: مديرش بسالة وكون راجل تهلا فماماك
باسو وبقا كيشوف فيهم حتى دخلو لدار وهو موقف حتى لباب دار دٌا زهرة دخل وهي كتبوس فوق راسو: على سلامتك الوليدي تهنيتي من ديك اللفعة
جواد حط فوق طبلة بلاستيكة وجاو كيتجاراو: الله يعطيك خير اوليدي
فاش حلاتها يسرى غوتات: شنو هاد العجب
جواد شاف فمو: هاد العجب لقيتو فبيتي فوسط مخدتي
دّا زهرة: هاديك اللفعة كانت موكلاك ماشي غير موسداك ا وليدي هذا سحور
جواد: منال كانت معنادة و راسها قاصح ولكن ماشي سحارة
دّا زهرة: وشكون
جواد: حتى واحد مكيجي من غيركم [هز عينيه فخوتو] ومرت رشيد
دّا زهرة: ياك ا وليدي وسط وجهي كتقوليا سحارة
جواد: شكون دخل هادشي لداري
دا زهرة: الولد تسطا ليا
جواد: مي السحور كيفرق المراة قالتهاليا
دا زهرة: شكون هاد مراة
جواد: مراة لي دارت ليا ميناج لدار هي لي لقاتو لقيت تصاوري انا وياها [جبدهم من جيبو رماهم عليها]
كان مكتوب عليهم فراق طلاق كره عذاب الم
جواد: واش محشمتوش دخلو بين 2
دا زهرة: ا ولدي حنا اس درنا
جواد: من نهارك مبابغبيتيهاش وتعديتي عليها كتفرقي بينها وبين بناتك
دّا زهرة: محيت خانزة [شافت فيه] كنت كنسكت محيت مرتك دابا طلقتيها
جواد: باقي مامات ولدي وغتحتارموهاا ولا كانت سي خانزة هي لي حطات هاد السحور فقلب داري
تعصبات دا زهرة: ومن بعد مبغيتيش تفارق معاها بالخاطر تفارق معاها بزز كاع بنات ناس كيتمناوك ونت تابعها تلهت وتتلاوط كي الكلب
شاف فيها: نتي لي سحرتي [كان كيشوف فيها بالم] فرقايني على ولدي [وقف] غنكون كلب لارجعت عندك
شداتو من بديه: جواد وليدي اجي نهضر معاك
تنتر منها: غنغلط فيك بعدي مني [ركز عينيه] من اليوم مانا ولدك مانتي مي
كتندب : ولدي ضارت بيه اللفعة [تبكي] ضارت فيه اللفعة الله يعطيها مصيبة تصيبها تغبرها [شطات فالحيط وبناتها تجمعو عليها] بغات تقتلني
الكبيرة: مي بشوية عليك
دّا زهرة: مشا ليا وليدي لي كان يهز همي
مليكة: غيرجع امي
دا زهرة كتحرك راسها: انا نعرفو لا قالها يقد بيها
مليكة : وعرسي شكون غيمولو ليا
دا زهرة : وداك راجل لي دايا لاش ينفع
جلسات اعطاوها تسرب الماء محيت حسات بالدوخة وجلسوها ضايرين بيها
يسرى: ا مي تانتي حلفتيها فيها كون خليتيها خرجات من عندنا تهانينا من صداعات دارها بوحدها خويا كيجيب مصروفنا
دا زهرة: علاش انا نتعذب عليه 9 شهور باش تديه هي يسكنها فدار بوحدها راجل كنشوفو مرة فسيمانة
يسرى: وهانتي مبقيتيش غتشوفيه
دا زهرة: شنو عاجبو فديك البقرة كاينين لالياتها زين و الحداقة وعيالات دياول الدار
يسرى: ولكن معندهمش داك الكر لي هازة
فالدار كانت حالسة منال مع سهيلة لي كتبكي: صافي طيبتي عويناتك
سهيلة: دارها بصح باغي يدخلني الحبس منويتهاش فيه
منال: صافي اختي ربي كبير
سهيلة: منين غنجيب ليه انا خمسة المليون عارف معندي وباغي يزيرني باش نرجع معاه [كضرب فالطبلة] والله لرجعت
منال: مغدخليش للحبس غنهضر مع جواد
سهيلة: واش كتصحابي راسك باقيا مزوجة بيه لي تهضري معاه راه مطلقين
منال: وشنو فيها راه بابات ولدي
سهيلة: واش كتقلبي على كيفاش تهضري معاه عقت بيك
منال كتهرب: لا عادي
سهيلة: معرفتش علاش طلقتيه مني عينيك فيه
منال: مكنتش لاباس كان كيخنقني
هاجر كانت جالسة كتاخد قهوة ديالها فقهوة قريبة لسبيطار حتى وقف عليها : فنيكيشة
هزات عينيها ووقفات لايحة القهوة : علي
علي جلس: اه علي فين هاد الغبور
هاجر: شنو بغيتي
علي كيطلع فيها: مبقيتيش فنيكيشة كبرتي وزيانيتي العفيريتة
هاجر : سمح ليا ممسالياش
علي كيشوفها لابسة طابلية: طبيبة ديالنا عندك شي وقيت نديرو قهيوة
خنزرات فيه: معنديش مع البراهش
علي: وليتي قويصحة مع راسك
هاجر مشات وهو بقا جالس فنفس طبلة كيشوفها خارجة تلاقات مع راجل اخر بالطابلية طويل وزوين وحروفو كحلين وحرشين : بروفيسور
طارق: جيت نفطر معاك [شافها متوترة] مالكي مقلقاك حاجة
هاجر متوترة: لا لا مكاين حاجة غنرجع قبل منك لسربيس
طارق شد فيديها: واش مقلقة
هاجر: لا لا ممقلقاش
طارق : ومالك كنتي مزيانة صباح
هاجر: مكاين والو ا طارق
ابتسم: قلتي طارق حرفية [كيقرب] عاوديها
هاجر نسات راسها بضحك: طارق
طارق: شحال خرجات حلوة ودوزي تفطري شي تشيز كيك
هاجر: لا تشهيت الحرشة بالفرماج
طارق: مكايناش هنا
هاجر: لا نتحركو بطوموبيل
طارق: يالاه ا لالة هاجر [شافها كتشوف فجهة خرى] كتسناي شي حد
هاجر: لالا كنتسنا والو
طارق خنزر فاش شاف علي كيشوف جهتها وكيتبسم: واش تبسا عليك شي واحد
هاجر: لا يالاه نخرجو نفطرو الوقت كيضيع
عند منال فاقت الصباح طيبات الغذا من الدجاج لي جاب جواد دارت دجاج محمر و هزات من الفخض لي كيعجبو والفريت ومريقة و الخبز ديال الدار لي عجنات و خرجات فيديها زياد و مشات للكراج : مكاينش جواد
عبد الاله: لا مكاينش
منال: خرج يقصي شي غرض
عبد الاله: لا مجاش من البارح
منال: عارف فين كيجلس دابا
عبد الاله : اه بغيتي نوصلك
منال: اه عافاك
ركبات معاه اللور فطوموبيل حطها قدام واحد العمارة قريبة فين ساكنة هي وولدها اختار يسكن قريب ليهم محيت لاحتاجوه يلقاوه
منال مكانش فبالها شي حاجة من غير غيكون مع شي مراة فدار ناعس معاها صوناو عليه فلانتيرفون هز : شكون
عبد الاله: المعلم مرت خويا وزياد جاو يشوفوك
سمعو الباب تحل ديال العمارة وعبد الاله وصلها حتى لباب البرطمة وغادرهم لقات حتى باب برطمة محلول حلات الباب وزياد سبق فرحان: بابا بابا
منال سدات باب: جواد [دخلات] جواد
شافتو ناعس فوق الكنابي حاط يديه فوق راسو ودنيا مرونة تلاح زياد فحضنو ولكن بعدو: غنعاديك اولدي
قاست راسو سخون: جواد طالعة ليك سخانة [كتشوف فطبلة] مشربتي تا دواء
جواد: لا غيفوت بحال
منال كتقلب الدار: عندك دوليبران ولا نخرج نجيبو
لقاتو فوق مجر فغرفة نوم و اعطاتو يشرب و سخنات هاديك المريقة ودجاج وجابتهم: نوض تاكل [مكيجاوبهاش غمسات خبز فالمرقة مع دجاج وحطاتها حدا فمو] كول
زياد: و انا
منال: واخا ازوزي تا نت غنوكلك [سافت فجواد] يالاه ا سي جواد
حل فمو وخداها و كان تغميرة بنينة و زوينة خاترة و دجاج محمر على حقه وطريقه و تا زياد كانت كتوكلو معاه : دابا حاول تغمض عينيك شوية [غطاتو بالغطاء وشدات زباد] يالا ماما نخليو بابا يرتاح
شدها جواد نن يديها وهو متكي: متمشيش [شاففيها] بقاي معايا
ابتاسمات: نمشي نعس زياد باش ميصدعكش خاصو يدير لاسييست ديالو [شافت فزياد] ياك ازوزي
زياد مقلق: لا بغيت نبقا مع بابا
دخلاتو دوشات ليه ونعساتو وكتشوف فبيت نعاس فيه كوافوزة ديال النساء و ماكياج غارت ورجعات عند جواد : هاد دار كاريها
كتسول والغيرة كتحرقها: ماريها بوحدك ولا مع شي حد
جواد: دار صاحبي مسافر خلا ليا سوارت
منال: وهاد صاحبك مزوج
جواد : اه [شاف فيها] بحالا دايرة ليا استنطاق
منال عاقت: لالا غير جاتني دار زوينة [كتشوف فسقف] قلت ميكون غير دوق شي مراة هادي
جواد سكت غمض عينيه كيحاول ينعس كانت حداه وبقربو مقدرش ينعس ولا يفكر فحاجة خرى من غيرو : جواد
جواد: هزي ولدك وسيري لدارك
منال: واش كتجري عليا
جواد،: منال سيري لدارك
منال: ومالك معصب وبغيتي دابز
جواد: محيت لابقيتي قدامي غندير شي حاجة ندمو عليها ب2
منال بجرئة: ديرها
جواد: منال خرجبي
منال زادت بسالت و حيدات جلابتها بقا ببيجامة لي مزيرة عليها : نت متوحشتيش دارك
جواد صدمو شكلها فدبك ليجامة: لبسي جلابتك منال مبقيتيش مراتي
منال: نولي مراتك
ضحكاتو: واش كضحكي عليا زواج واطلاق عندك لعبة
منال بندم: مكنتش واعيا مغرفتش شنو كان واقع ليا مكنحمش فهضرتي ولا افكاري كنت كنحس بيك خانقني معرفتش واش سبب من داررما ولعقد اي كبرو فيت من صغر وحتى نت كملتي عليهم بغيت هير تحطم
جواد: منال كنت بغيتك ولكن واش نتي عمرك بغيتيني
منال قربات بلا مردد و شدات يديه: جواد تيقني واااه كنت مزوجاك ومكملة عن طيب خاطر ماشي بزز ولا من فوق خاطري انا بغيتك ولكن [الدموع هبطو] مكنتش عارفة شنو كندير معرفتش شنو وقع ترفعت
جواد: امتى بغيتييني
منال: انا دبما بغيتك حتى فاول مرة شفتك تعصبت عليك ماشي محيت حايب ولكن كنشوفك راجل مافيك حتى حاجة نرفضها ولا تفكني منك كنتي كامل مكمول
جواد: لقيت سحور فبيتنا ولكن متيقتش محيت تانتي كنشوفك مباغيانيش ومبتاياش تولدي معايا
قاطعاتو: الى بغيتي نديرو ولاد من دابا حتى لابغيتي نغرفك ولاد
منال بندم: انا ونت نعوضو كلشي
تنهد: صعيب ا منال انا ماشي برهوش نتزوج البوم نطلق غذا ونتزوج لتدو انا كنو طامع فبنت ناس تكمل معايا العمر كامل يتدفني يا ندفنها
مخلاتوش يهضر قربات ليه باستو من فمو: انا هي ليي غتكمل معاك
جواد كيبرد راسو: منال هادشي لي كديري غلط
منال: كلشي غيتصلح
قربات ليه بجرئة تغريه بجميع الطرق صوتها و جسمها جداب و باش تزيدو وقفات بحال تجيب حاجة وتلوا سوي وضرباها لفضها حتى غوتات : بغيتي المشاكل نتي
منال: اه [غوتات بغنج] اه
باسها وضربها لترمتها: عيطي لمك علميها بزواج [شاف فيها] خاصك صداق
منال: ودهاز جديد
جواد: صوني لمك علميها [جلس وجرها] وشنو هاد شعر خارجة به
منال: جواد الله يسهل عليك مبغيتش الخمار وخليني نقرا ياك نو لي قلتيلي هادشي فرحت انا بغيتك ولكن بغيت معاك هاد دومين حلمي نشد ديبلوم وصالون نديرو على ديال النساء مكاين تا تواصل مع رجال
جواد: ديما نفس الديسك
منال : واش كتشك فيا
جواد: زنقة فيها اىكلاب و لوسخ كلسي فدارك
منال : حرام عليك
جواد: والنقاب
منال: لا مغنرجعش نقاب
جواد: غاتخرجي ليا هاكا
منال : الا نقاب مبغيتش نديرو مدرتوش بخاطري درتو بزو مرة لولا خليني هاد مرة نديرو باقتناع
جواد: منال شعرك فاش كنشوفو كنحل فمي واش كاع رجال فزنقة يبقاو حالين فمهم فيك
منال: غندير حطاب بحال صاحبتي سهيلة كتلبس طويل وحجاب ولباس حصري راه معمرني جربت هادشي عند خوتي عباية وعندك نقاب مكيعجبنيش [شافت فيه] علاش كدير هاكا معايا واش مكتيقش فيا
جواد: نتي معارفاش رجال فزنقة كيشوفو المراة بحال طرف اللحم دايز وصافي ميعرفوها مزوجة ولا والدة وانا راجل ودكالي مرتي لي شاف ليها نتقب لمو عينو
منال: لي سمعك يقول غير كنخرج نهار كامل وانا نهار كامل ونت ساد عليا [تنهدات] الى غنبداو من جديد ختصما نوضحو كاع هادشي ميبقاش بيناتنا مندخلوش خواطرنا مصافياش
وقربت ليه عنقاتو : منال راه منقدرش نزيد نحبس راسي عليك
منال: صافي تافقنا مكاينش نقاب
جواد: حتى هاداك صونطر مكاينش
منال: عافاك غير عام لي فيه وغيكون عندي ديبلومي ونحل صالون
جواد: بغيتي تحلي صالون توقفي على خدامات واخا ولكن تمشي تقراي ليا مع الزوا. مل هادي مغنقبلهاش
منال: وبصح تحل ليا صالوني
جواد: اه فكري فسمية و شنو غديري فيه الكاراجات لي فلتحت راه تاهما كاريهم حليه تحت من دارك باش تبقاي ديما حدا ولدك
منال باستو من خدو: شكرا احبيبي
جواد: غنخلف منك كاع هادشي غير تسناي حتى نديرو العقد
منال: غتعاود تشري ليا حتى دهاز بالذهب ياك
جواد: من بعد ونشوفو الذهب دوزي بعدا الحوانت لي غتعمريهم
منال سولات بشك: وبصح نت كتبغيني محيت انا مكنتش باغيا زواج تقليدي
جواد شاف فيها وضحك كيطنز: كون بغيت زواج تقليدي دربنا عامر بالنساء وانا ضارب دروبة باش نديك ومكنتش نتناسب مع حباسة [شد يديها] منال انا ماشي يالاه بغيتك انا بايتك من ونتي عندك 18 العام اول مرة شفتك كانت فجنازة ديال بات اليزيد كنتي لابسة جلابة عاقل مزيان كانت فالاخضر [ابتسم] جا معاك الخضر و كنتي مكحلة وسط الجنازة بلا حشمة بلا حياء عرفتك غتكوني طيارة وانا باغي غير شي درويشة ممساليش نربي طيارة
منال: وا غير عقل الصغر وصافي [كضحك] عرفتي شحال العصا كليت على داك الكحل ديك الليلة
جواد: راه كمونية الى متحكيتيش مكتعطيش الريحة منك
منال: متلومنيش راه خوتي دايرين ليا الحبس معمرني مماكيت ولا عكرت كنت مشتاقة و كنقول كيفاش غنتزوج ونعطب شي واحد بلا حتى نقطة ماكياج
عند سهيلة فدار باها كان الغوات للسماء
حسن: انا راه معنديش البنت لي طلق
سهيلة كتشوف فيه مصدومة من باها: ياك ا با ياك
حسن: غتخليه وتخرجي بلا ملك بلا نفقة وزايداها كيتسالك 5 مليون منين غتجيبيها ليه انا معنديش [كيغوت] معنديش ومغنبيع عليك حتى صندالة
سهيلة: شكرا ا با عبرتي عليا
لالة جميلة: باك بغا ليك غير الخير الراجل كان ديال بنتي و سرقتيه ومبغيتيش لي يشركك فيه
سهيلة جهلات: هاد راجل لي تبعتوني فيه ساليت انا وياه فرقتو صافي تهنيتو [بالغوات] انا سمحت فيه ربحو بيه
فالرياض
كان جالس و راضية حداه: ولدي شوف حالتك ولات حالة مكتاكل ماكدوقو
اليزيد: الوليدة مبقاتش خاطر ديال الماكلة كلشي مشا معاها مبغاتش ترجع ليا مبغاتش لا بالخاطر لا بزز
راضية: ممكتابينش لبعضياتكم اولدي حتى انا هضرت معاها والله بهديها مبغاتش
دخلات سليمة فيديها صينية اتاي وناضت راضية كتستغفر الله وكتدعي مع ولدها كان فحالة خايبة تحت عينيه سواد و شعرو مخربق لحية ممحسنوش كي مواف
سليمة: الحاج نوجد ليك شي دوش تكمد عضامك
اليزيد: سليمة
سليمة: ونوجد ليك براد اناي منعنع
اليزيد: سليمة
سكتات ودموع شلال فوق خدودها : الحاج
اليزيد: خلينا نطلقو [عاود] نتي مطلقة
سليمة: علاش انا صبرت معاك
اليزيد: متصبريش معايا واش غير مغتزيدي ضيعي فسنين من عمرك انا منقدرش نعيش معاك انا عقلي و قلبي فجهة خرى [نادم] غنعوضك على هادشي واخا على الاقل ماديا تخرجي رابحة من هاد زواج شي حاجة وسمحيليا بهاد زواج ماشي غير خرجت عليك خرجت على راسي وعلى سهيلة وساليت زواجي لول
اليزيد مكيشوفش فسليمة: لي بغيتيها هزيها معاك
سليمة بدموعها: كنت بغيتك نت
وخرجات من صالون واليزيد كان مهرس دخلات عليه راضية: ذنوب ديك اليتيمة خرجو فينا ا ولدي
اليزيد: ظلمت اليتيمة وحتى سليمة
راضية: جا لوقت لي نصارحك اولدي عيب الولاد ماشي من سهيلة منك
اليزيد: كنت عارف عام هادي وانا عارف حيت ميمكنش العيب يكون فسهيلة وسليمة درت تحاليل وعرفت راسي مكنولدش و سهيلة كذبات عليا هي سباب هاد زواج كون صارحاتني مكنتش نضيعها ونضيع راسي وبنت ناس
خرج من الصالون وراضية بكات : ولدي مقهور
كتصوني على سهيلة وكتبكي جاوباتها وراضية هضرات من لول: عافاك اسهيلة انا سباب ولدي [دموع مخلاوهاش تهضر] غيحماق ليا الولد رجعي معاه [كتعاود] انا سبابكم هو مبغاش زواج ثاني انا لي بززت عليه [ضربات راسها] انا لي خرجت على زواجو كنت كنشوفو كيبغيك ومقنعتش بسعادتو بغيت كثر ربي غيجازيني ا بنتي ولكن هو مدار والو
سهيلة بحنان: خالتي نت معليك والو هادشي بيني وبينو
راضية : بنتي متتخلايش على ولدي كلنا محتاجينك
سهيلة كانت كضحك بلا صوت ضحكة سخرية محيت فاش زوجاتو معقلاتش عليها [البكاء محبساتوش] باراكة عليه قهر معندوش ولاد وعرف راسو مكيولدش عام هادي
سهيلة صدمة نزلات عليها: كان عارف
راضية: كان شاك محيت مولداتش سليمة من ديك ليلة مشؤومة ودار تحاليل عرف بلي مكيولدش
سهيلة واخا فراق خافت عليه: واش لاباس عليه
راضية: مقهروهش الولاد قهرو فراقك اسهيلة
سهيلة: قولي ليه مبروك عليه ربي غيعوضو ببنت
راضية وقفات: واش نت حاملة
سهيلة: عندي ربع شهور دابا هو
راضية: علاش مقلتيش كان يجمعكم
سهيلة: ماشي ولد لي غيجمعنا محيت ماشي هو لي فرقنا ودابا حتى انا خاصني نتبع حياتي
راضية: وديك البنت غضيعوها لاواه ابنتي
سهيلة: مغضيعش عندها باها ومها انا مغنمنعوش يشوفها
راضية: حشومة ابنتي تفرقي الولد و بنتو
سهيلة: خالتي راضية نتي بحال مي وعزيزة عليا باراكة تدخلتي فزواجو ثاني متدخليش فطلاقي انا مرتاحة هاكا
جواد هبط هاز زياد ومنال وراه دايرة درة فوق راسها وصلهم لدارهم [دار مها وخوتها] وخوها كان برا شافها و عبس : متجمعيش راسك شوية راكي مطلقة منو و تحوسي معاه
جواد جاوب: انا جاي نعاود نخطبها وباغي زواج
توفيق: كتلعب بينا قاش قاش بارح طلق ليوم زوج [جر منال] معندناش بنات لزواج
جواد جرها وراه: جيت غير ندير صواب معاك انا غنتزوجها بخاطرك ولا بزز
توفيق: مزيان تبارك الله
تبعات منال جواد وركبات لطوموبيل معاه : متخلينيش معاهم
جواد: متقدريش تجلسي معايا بلا زواج هذا سميتو الحرام سيري لداركم
منال: جواد لا غيضربوني
جواد شاف فتوفيق من الطوموبيل: لي ولد المراة يحط عليك يديه نتي وخوتك عارفيني شنو كنسوا واليد لي تحكات عليك تقطع بوها من جدر
منال خايفة : التيليفون بيناتنا
جواد اعطاها فلوس [200 درهم] : الى خصاتكم حاجة عيطي ليا
منال: الله يخليك تاج فوق راسنا
وهبطات هازة زياد لي ناعس دخلات منال من قدام خوها مهضرش معاها ودخلات على مها
منال: مي توحشتك
فاطمة: يالاه كنتي عندي ولا صافي دابا الحيوط كيضربو بيك
منال: غنتزوج ومبقيتي غتشوفيني
فاطمة مفقوصة: واش نتي هبيلة تا عدة ديالك مكملتيها وباغيا تزوجي واش نتي كافرة بالله وهاد الولد لمن غتخليه
منال: مي انا غنرجع لجواد
فاطمة : واش بصح
منال: اه شيطان حضر ولعب ليا فعقلي وصافي
فاطمة : جواد ولد الناس كنقولها ليك ونعاودها والله متلقاي بحالو راجل و قاسم بدارو وولدو
منال: حتى انا ا مي راني مراة ديال الزمان
فاطمة بضحك: ديال زمان ضلي مقابلة ليا مينيكير و الكوزينة كدخلي ليها من عيد كبير لعيد كبير
منال: مشفتيش اش كانو مدوزين عليا كنت كرتاح من عيد لعيد فاش كيكون جالس
فاطمة: صبرتي وربي عفا عليك كل يخلصو الله ابنيتي كل يخلصو الله
هاجر كانت خاررجة من سيرفيس باقي بطابليتها خارجة تجيب واحد ماكدو وصلها مزال مكلات من بارح بالشطنة و هو يشدها من يديها
هاجر كتبعد: علي بعد مني
علي متمسك بها: هاجر اجي نهضرو شوية
هاجر: معندي فاش نهضر معاك
علي: هاجر سمحيليا درت غلط وباغي نرجع معاك
هاجر معصبة: والغلط مغتصلحوش مع البنات الاخرين لي ضحكتي عليهم
علي : نتي بوحدك لي ندمت عليك
هاجر: حتى انا ندمت على نهار لي عرفتك فيه
علي: اعطيني فرصة هاد المرة انا نويت الحلال ونكملو بزوج
هاجر : بعد مني انا بالله وبالشرع معاك الحمار كدار بيه غير مرة وحدة ضحكتي عليا مرة وعمرك تعاودها
علي: هاجر انا مكنضحكش هاد المرة اعطيني غير موافقة غنجيب واليديا غذا لداركم
هاجر: حتى ختك حليمة غتجيبها يا الكداب
علي: معنديش ختي بنت عندي خوتي عزارا غيجيو مع واليديا
هاجر: طلقني ولا غندير صبعي فوذني ونجمع عليك ناس
علي: هاجر
طارق وقف عليهم : شنو بغيتي [غيضربو]
علي: شكون هذا
هاجر كضرب فحنكها باش يمشي : هذا سوبيريور ديالي
هاجر كتجبد فطارق عندها شادة فطارق لي دفع يديها
هاجر : مالك معايا
طارق: نتي لي مالك [بالغوات] مع قواد ومقيلاليش
هاجر: شنو غتقوليك هذا الامس لي ضمر ليا حياتي هذا هو لي ضحك عليا و كبرني 10 سنين فسيمانة حملت فيها وطيحتو فنفس سيمانة
طارق مفراسةش الحمل كان كيسمع ومصدوم: حملتي منو
هاجر : اه
طارق : وطيحتيه
هاجر دموعها سالو: تعذبت بزاف شفت المو. ت بين عينيا
عنقها: كلشي فات انا معاك دابا [شاف جهتو] خلصو الله
هاجر : الله يخلصو
طارق: لا راه خلصو
هاجر : باش خلصو وهو واصل فدنيا وعايش
طارق: اول حاجة خسرك خسر لالات البنات و زيد لي تبع طريق الحرام عمرو كيخرج منها سالم كتشوفيه بزاف فسبيطار سيفطوه يدير تحاليل حيت حالتو كانت مشكوك فيها كيمرض بزاف و اي حرحة كتأثر فيه شي شهرين دابا فاش دار تحاليل اليوم وصلونا فيه مرض السيدا
هاجر كانت مصدومة: وفخباررو
طارق: لا مزال متواصلنا معاه
هاجر: مسكين
طارق معصب: وباقي كتحني [عنقها] حنين هاد زمر عندي
هاجر: منتمناش هاد المرض حتى لعدويا الله يحفظنا
طارق: لي اعطى زكو لهلا يفكو الفساد راه ساهل ولكن العواقب خايبة
هاجر: بصح
طارق: امتى نجي لداركم مع ختي
هاجر: معرفتش [تنهدات] خويا عيان مع طلاقو
طارق: الله يجمع بيناتهم يمكن خاصهم يهضرو
هاجر: هي مغتتراجعش
طارق : خوك مغيرجعنيش من لول كان موافق خاصنا نتفاهمو على العرس
هاجر: لا لا مبغيتش العرس
طارق : واش نتي طايحة عليا رخيص انا بغيت كلشي يعرفني راجلك [كشوف فيها] ولا مراضياش بيا
هاجر : حاشا كون كنتي ملحف نلبسك ونضور بيك
عند سهيلة لي سمعات الباب كيدق حلات لقاتو عاوتاني هو واقف ليها عند باب
اليزيد شدها : سهيلة عافاك
سهيلة: واش جيتي على فلوسك راه موجودين
اليزيد: مبياش فلوس لاكانو فلوس انا نعطيك انا بغيتك نتي كنت باغي غير نخلعك باش تبقاي معايا
سهيلة: مكتخلعنيش غير كترخص راسك قدامي
اليزيد: سهيلة عافاك
سهيلة: حيد من قدامي انا ممسالياش
اليزيد: فين غاديا انا نوصلك ونهضرو
سهيلة: لا
اليزيد حل ليها باب : انا نوصلك
ركبات معاه و اعطاتو عنوان وقفو قدام طبيبة اختصاصية فامراض النساء والتوليد بقا
اليزيد: واش مريضة
سهيلة عرات البوليرو لي لابسة من فوق باش تبان كرشها مضورة شوية مع باقي فشهورها الاولى [خمس شهور]
اليزيد: ماشي بصح ياك ماشي بصح نتي ماشي حاملة [سهيلة حركات راسها باه اليزيد غرغرو عينيه] سهيلة واش بصح
سهيلة : اه [اعطاتو اول ايكوغرافي] هاهي بنتك
اليزيد: واش بنت [كيشوف فتصاور بحب] واش غتكون عندي بنت
سهيلة: انا ماشي بحالك مغنخليكش حياتك كلها معذب معارفش بلي عندك بنت
اليزيد: كملي حسناتك ومتخلينيش بعيد عليها
سهيلة: انا ساكنة فنفس درب وقتما بغيتيها دوز شوفها
اليزيد: بغيتك نتي
شد فيديها: عافاك نلغيو طلاقنا انا نادم كنمو. ت كل ليلة ونت بعيدة مني
سهيلة: منقدرش ننسا شنو درتي فيا
اليزيد: خلي لوقت يداوي كلشي
سهيلة سكتات: غتمشي معايا
هبط بجرية كيحل ليها الباب وشد من يديها طالعين لعيادة الطبيبة
بعد مرور عام كامل
كانو واجدين منال جارا زياد وكرشها واصلة لفمها داخلة فشهرها التاسع قربات تولد كرشها كبيرة و سهيلة هازة بنتها فعمرها عام و 3 شهور واليزيد كيعيط
اليزيد: العدول وصل هبطو طلقو راسكم
هبطو و جواد كان واقف على سربايا كيدخلو الغذاء لي دايرين كانو كاريين فيلا كبيرة فين مقيوم عرس و مكتوب على برا لافتة [زواج طارق و هاجر] و التنظيم كان راقي كلشي فاللون الابيض والبيج و العروسة لابسة البيض و الحضور لابس البيج
دخل العدول لابس فوقية وجلس كينصح الزجين على الطاعة والرحمة ودازو يوقعو العقد حتى سمعو صرختها : جواااد جواد [شادة كرشها] كنولد كنولد
ناضت سهيلة وهاجر لي عروسة جارة الغوب واسعة و مفرشة فالارض غتزلق بيها : منال مالك
منال شادة تحا كرشها كتحس الماء هابط بين رجليها جا جواد كيجري محيت كان مع رجال بعيد على نساء ومخلوع عليها: منال واش الوقت واش غتولدي
منال شدات فيديه مزيرة عليه: اه [سخفاتة] اه اه كنولد
كيحاول يعاونها: تنفسي مزيان
دموعها هبطو بالحريق وفرحة: كنتنفس حتى من وذنيا طير بيا لسبيطار ولا غنولد ليك هنايا
جواد هزها من تحت رجليها و لوا يديها على عنقو و كلشي تابعهم كيداعا مع منال و زياد بقا مع سهيلة كتبوسو محيت كيبكي
سهيلة: زياد غزالي غتبقا هنا مع لونا
لونا: ماما ماماا
يالاه كتتعلم المشية وهضرة و شادة فجلايل سهيلة و شادة حتى فزياد كتسكتو: غتمشي تجيب لينا بيبي وترجع هي وياه صافي اغزالي
زياد: غتولي عندي ختي
سهيلة: لا عندك خوك
زياد مقلق: انا بغيت ختي بحال لونا
سهيلة: حتى خوك راه زوين [كتفهمو] غيلعب معاك كورة
دخلوها لسبيطار وشادة فيد جواد وكتبكي من الوجع: جواد [كتستنشق] غنموت تهلا ليا فولادي [كتعضو فيديه] متزوجش من ورايا غصبتيني فحياتي تغصب فحياتك وقابل ولادك بوحدك
جواد كيحك شعرها: غتخرجي نتي و البيبي لاباس
منال: قوليا كنبغيك [بقا ساكت] قولها ليا نقدر منخرجش وعمري سمعتها من فمك
جواد باسها فوق راسها: كنبغيك الحبيبة
دخل معاها للغرفة الولادة كان واقف حدا راسها كيعاونها
و يعطيها دعم دازو ساعات قبل متزحم واحد ساعة كانت ولادة صعيبة حتى خرج راس البيبي و خرجوه حطوه فوق صدرها كيضربو فوق رجليه و كيخرجو ماء من فمو وهو يغوت
ابتسم جواد : انس
كتبوسو : علاش انس
جواد باسها: غيونسنا فحياتنا و يزيد حاجة زوينة بيناتنا
منال بابتسامة: انا فرحانة محيت كملت معاك نت اول راجل فحياتي
جواد خنزر : وشكون لخر
منال شافت فالبيبي : انس هو اللخر
القابلة عصرات كرشها كتخرج ليها بقايا من كرشها و كتعاود تعصر شوية بدلو ليها حوايجها و داروها فكرسي دافع بيها جواد : نجيب ليك سوشي
منال: كتفلا عليا جيت ليا شي رفيسة
جواد عاونها تجلس فوق سداري و البيبي حداها و شوية جات سهيلة بتكشيطتها و زياد معاها سهيلة دخلات بالغناء وضحك : مبروك لالة النافسة [فيديها طاجين] دزت لواحد ريسطو جبت ليك الفال من رفيسة نتي نفيسة
منال: لهلا يخطيك عليا اصحيبة عمري [شافت فجواد] حتى نت ا راجلي يا تاج راسي و دفايا فالبرد والشتاء
تمت
التعليقات
لا توجد تعليقات بعد، كن أول من يعلق.