تحت عصمة رجل الجزء الثالث

منال كترجع باللور غتسخف يستحيل تحمل منو يستحيل تجيب منو ولد وابدا واش تبقا مربوطة بيه طول العمر كتحاول تفكر كيفاش تخرج راسها واخا كتشوفو قدامها وصل عندها كيقيس فيها كتحس بالتبوريشة البرد طالع معاها وكل مرة كيقيسها كتحس بالرعشة ماشي من الشهوة شعرها كيوقف عليها ملي كتتخيل بلي غيربطها معاه ولد دارت يديها قدامو كتشير ليه يوقف: حبس حبس

جواد مقادرش يستحمل: شنو كاين

منال: بغيت نجربو لعبة

سكت كيسمع فيها وهي تجبد داك الزيف باش حزمات وقربات ليه: هبط عندي

مع قصيرة بزاف عليه هو تحنا عندها وحطات الشال على عينيه كتعقدو وكتشرح ليه: دابا غتشني ونت مغمض عينيك

كتهمس حدا ودنو حيت كتعقد الشال ولكن هي معارفاش هاد الهمس شنو كيحرك فيه: ولا شديتي دير فيا ما بغيتي

جواد: غادي نبكيك الى شديتك

كتعرف هاد الكلمة اش تابعها وعارفاه بصح غيبكيها هاد المرة ماشي عصا ولكن كتكون ممارسة عنيفة لدرجة عينها كتدمع ماشي بالحريق ولكن احساس ماشي خايب وماشي زوين احساس مختالف كيخلي عينها تهبط دميعات قلال وهي تبعد على غفلة وفعلا كان واقف كيسمع خطواتها فين غادية وهي كتجري وتابعها بشوية وهي فلول كانت كتغوت شوية بدا صوتها كيمشي وخطواتها ولاو ارق مكيتسمعوش

وهو باقي كيقلب هي كانت كتسلت شوية شوية بحالا كتسلت الزغبة من العجين انساحبات بهدوء راجعة باللور حتى وصلات حدا واحد طبيلة فوق منها فاز ديال الزاج فيه ورد بلاستيك وهي تعمدات ترميه بيديها فالارض حتى تشتت جواد فالحال حيد على عينو الشال وهي بلعاني بكامل قواها العقلية وفكامل صحتها و بالعمد دازت برجليها فوق هاداك الزاج غمضات عينيها مقصحة والزاج كيخنجر فلحمها وهو خرج كيجري من البيت تابع صوت انينها

جلسها فوق الكرسي لي وراها: اش وصلك نتي هناا

منال: كنت باغيا نتخبا

جواد تعصب وندم على اللعبة لي لعب معاها: لعب البراهش

منال كتبقلل فعويناتها ومخبية الضحكة ديالها بزز وهي كتشوفو معصب مخايفاش فينما بغات توصل توصل غا ميوصلوش ليها للوالدة بلا اي وقاية كانت كتحمي راسها

عقدها ليها بالشال باش متنزفش وناض كيقلب فالدار على بيتادين باش يعقم الجرح ويداويه ومنال فرحانة وكتلعب برجل لي مجروحة بحالا مواقع والو

منال: نطلبك طليبة

جواد: مكتساليش

حنات راسها حيت ندمها علاش هضرات: هضري شنو بغيتي

منال: جينا حتى لشفشاون واش نقدرو نخرجو [ملي خنزر فيها حركات راسها بزربة] ماشي للبحر غير للمدينة

حيت جواد مكيحملش شي حاجة سميتها البحر حيت المعري فيه كتر من المغطي من نهار تزوجات بيه عمرها باقي شافت البحر ولا امواجو

جواد: لبسي نخرجو [كيقلب فتيليفون] شنو بغيتي تاكلي

هزات كتافها: لي كان

ناضت كتعرج كتلبس عليها وكتدندن غطير بالفرحة مقادراش تخبي فرحتها حيت انتاصرات ومخلاتوش يقيسها هزات معاها صاكها معلقاه فيها فيه بزيطيمها ولبسات الليغات ودارت نظارات شمسية حيت حرارة وكريم واقي الشمس دارتو من تحت النقاب حيت الاشعة كتوصل من فوق الثوب مد ليها دراعو وخشات يديها فدراعو كيعاونها تتمشى حيت كتعرج وخرجو بلا طموبيل حيت الفيلا فسونطر ڤيل : عيانة نرجعو للدار

منال كتشوف بعويناتها: لا غير خلينا برا

وقف على واحد لقهوة ومع العشية زحام كانت جنبو وهو كيكوموندي من café clock بيتزا و هامبرغر ليها وهو خدا مقبلة ديال الحوت و شلاضة سيزار وزوج كوكا جبد كيخلص

منال فديك الزحمة قرات الغفلة لقاتها هوتة وغير شافتو مركز مع هاداك السرباي مع زحام مكيسمعوش بعضياتهم وهي تسلت من وسط ديك الزحمة خرجات كتسلت وتتلفت وراها تتأكد واش وراها وقفات اول مراة جات قدامها: فين جات فرماسيان عافاك

المراة: راهيا وراك اختي

تلفتات لقاتها وهي تدخل: السلام عليكم اعطيني Mercilon

مداتها ليها شداتها قدامها حيدات الغشاء وخدات غير البلاكيط مع الزربة خشاتهم بلاما وحيدهم منها وخلصات وخرجات كتجري راجعة فين كانت ولكن داخت مع زحام وناس تمجي وتجي مبقاتش عارفة راسها فين كضور فراسها فكاع الاتجاهات كتحاول نسات حتى سمية الريسطو لي وقفو قدامها

حتى جراتها شي يد بواحد العنف لدرجة دماغها مشا وجا كتحس بارتجاج فالدماغ كان جامع يديه على دراعها محاسش براسو واش كاين فزنقة وناس كيشوفو فيه: فين كنتي

منال حشمانة ومحرجة من ناس لي كيمشيو ويجيو حداهم وكيتلفتو فيهم حيت باين وضعية كيدايرة ديال واحد غيسلخ وحدة وسط الزنقة

وكيغوت : فين كنتي

منال كتهضر بشوية مكرهاتش الارض تتشق وتبلعها وميشوفوهاش الماس فداك الموقف: توضرت

جواد: ياك خليتك حدايا اشنو حركك من بلاصتك

كتقلب على الجواب لي يقنعو: كان زحام و رجال بزاف ورايا خرجت نتسناك برا باش منبقاش وسطهم

جواد بدا كيرخي منها شوية ولكن باقي شادها وندراتو كلهم شك: وشنو جابك هنا

كيشوف فالفرمسيان لي وراها: تلفت بزحام و كانو شي ماطر دايرين خويت طريق

منال كتحاول تحيد يدها من قبضتو بشوية: مكنتش باغييا نبقا بين رجال

كتحاول تستعطفو: يصحابليا غيعجبك لحال حيت مبقيتش بين الرجال

نخضها بشوية والشك غيقتلو: مبقايش تخدمي من دماغك

وهاز بلاستيكات الماكلة: واش غندخلو للدار خلينا مزال شوية

جواد كان معصب :تحركي قدامي

تبعاتو منال وهو كيمشي بزربة خطواتو كبار محيت طويل وهي مقادراش تواكب خطواتو خصوصا رجليها كتوجعها كانت طتتمشى بزربة كتعرج ومرة مرة كتغمض عينيها بألم رجع داك الحريق كيقيسها فعينيها من شدة ألمو متهنات حتى بدات كتبان ليها الفيلا قدامها

دخلو للفيلا رمى داكشي فوق الكنابي كتشوفو كيغلي بالغضب ممقتانعش بكلامها

دخلات للدوش حطات رجليها كتشوفها كتسيل بالدم خلات صاكها فعنقها وبدات كتفسخ الحبات من بلاكيط ديال منع الحمل و كتحطهم فالبزطام حتى كملات ورماتو فالزبل لي فدوش وخدات منها وحدة ديال هاد الليلة وتبعاتها الماء من روبيني ديال الدوش عاد خرجات لقاتو جالس متبعها بعينيه جلسات كتحيد الفاصمة وكتعاود تعالج الجرح و كتحل فالبلاستيكات باش يتعشاو كتشوفو كيفاش معصب وعارفاه مدوزش هاداكشي ومزال عندو شك فيها جبدات المقيلة لي خدا و الخبز كان كلشي باقي سخون وخدات من الخبز وغمسات فديك المقلة و جابت الدغمة لقدام فمو وهو عينيه عليها ناوي على حاجة خايبة ابتاسمات ليه والخوف يعتري ملامحها ولكن كتخبيه وقلبها كيضرب مابدا كيتراجتو دقات قلبها حتى حل فمو خشات الدغمة و عض صبعها حتى غوتات مكانش غلط ولكن مقصود

بقات كتنفخ على صبعها وحتى هي بدات كتاكل وهو شاد تيليكومند بيد كيضور فالتلفازة وسارح

منال جمعات الطبلة و دخلات للبيت كتبدل حوايجها جابت معاها شانك. عامرة غير بالبيجامات الطوال بحالا جالسة مع خوتها فالدار بيجامات طوال وعراض بزاف مكيبينو والو بحالا لابسة خنشة ولا جلابة هادشي كلو باش مثتيرش شهوتو وميقربش ليها كانت كتتحنبو باستمرار

سلتات اللباس الشرعي و تحنات باغييا تاخد البيجامة حتى كتحس بصباعو حرشين و باردين كيحلو السوتيامات دياولها قفزات واقفة حيت مدار حتى صوت ومنتابهاتش ليه وهي عاطية بظهرها للباب

منال كتحاول تبعدو: شنو كدير

جواد: كنعاونك تحيديهم

منال كتتغابا: مبغيتش نحيدهم

جواد ببرود ثلج: انا بغيت نشوفك بلا بيهم

خدات نفس من كرشها حيت كاع المحاولات لي كدير باش تهرب منو كتصادم الفشل كيهبط ليها السميطات بشوية وعينيه على ترمتها كيفاش كتبان فهاداك السترينغ الغوز لي لابسة حط يدو فوق خصرها كيدوز عليه مرورا بكرشها استقر يدو فوق كرشها جرها عندو حتى تلاصقات مع صدرو وهبط يدو لفوق انوثتها هي هنا انذارات الخطر بدات كتصوني وشداتو من يدو: لا

كيبوس فعنقها من لور ولحيتو كتبورشها: علاش لا

كتحس بيديه كتزيد تتوهج فوق انوثتها واليد تانية كتزير على تحت كتفها منين كان شادها ملقات متقول ولادارت خطا عرفات بلي غتاخد المقابل والى عاق بيها بلمباشر كترفضو مغيعجبهاش الحال وهضرات بصوت رقيق وكتردد: رج رجلي كتضرني

طلق منها وفرحات حتى كتحس بيه جارها من يديها جهة السرير نعس على ظهرو : طلعي

منال معرفاتش كيف تهرب هاد المرة سلمات راسها ليه وطلعات جلسات فوق منو كانت الوضعية المنبوذة عندها حيت كتضطر تبقا تشوف فيه وكيجيو عينها فعينيه متقابلين كتشوف كيفاش مستمتع بيها كتشوف عينيه كيتعسلو وكيفاش ملامح وجههو كتتغير وكيفاش كتزيد تتغير فاش كيقرب يخويه كيغيضها فاش كتشوفو كيتلذد بيها بزز منها وفوق طاقتها وهي مقادرة دير والو باش ترفضو ولا تمنعو

هاد الوضعية كانت كتخليه هو الاخر يشوفها ويتمتع بكاع قوامها وجمالها بحال شي لوحة كاملة قدامو قادر يعبر جميع تضاريس جسمها وهي حاطة يديها بزوج جامعاهم فوق صدرو على اساس انها كتخبي صدرها ولكن هي كانت كتعصرو كتخليه معجب بديك الحالة لي هي فيها وصدرها معصور بين يديها كيبان فحال محلبة كبير و فخاضها لي فيهم فائض مكورين من جنب مرة مرة كيهز يدو للسماء وكيصرفقهم كيتحركو فحال لفلان وكيطلع يدو لعنقها بحالا غادي يخنقها و كيصرفقها بشوية من جنب فمها حتى كتنين بصوت كلو انوثة

كانت واحد شوية ديال الكريشة التحتانية خارجة ليها مكيورة ولكن مزايداها غير جمالا وانوثة

مارس عليها وهي كتحس بشهوتو وشغفو وجنونو فالممارسة

تكات فوق منو حاطة راسها فوق كتفو و اجسادهم متلاصقة مع بعضها كترتاح وكتنهج بشوية مكيكلقها حتى كيسخفها و كيتعبها بعد كل ممارسة كتكون منهكة باغيا غير تنعس ضور راسو جهة وجهها وباسها من فمها بجهد: عييتي

منال ببرود: لا

سمع لا وهو يحركو بداخل حيت كان باقي وسط منها: نعاودو واحد اخر

منال ناضت كتجري من فوق منو: لا لا

علمها مزال تقول معياناش طاحت حداه عريانة فيها نعاس والعياء غمضات عينيها وغيبات وهو غطاها وناض من حداها خلاها ناعسة

فاقت كتتكسل فبلاصتها حيت ملقات حداها حتى واحد كتتجبد يمين وشمال و كتفركل جلسات وشعرها نازل على دراعها مغطيه و صدرها مزاا عريان غير كتتحرك كيبدا كيصرفق ضورات وجهها فالبيت بان ليها فوق كوافوزة لي جهة راسو واحد كرطونة ديال تيليفون Xiaomi Redmi Note 13pro

تفكرات تيليفونو كان هاد ليامات كيتبلوكا وكيطفا بزاف خذا ليه واحد اخر تفكرات تيليفونها والملل لي جاها بلا بيه توحشات تهضر مع مها و تتراسل مع سهيلة هي لي كتعاونها تنسا همها تنهدات وناضت كتحس بمعدتها كتحسك فيها بالجوع لبسات عليها كسيوة مشبكة دياول البحر لي كيبينو كلشي حيت هي لي كانت قدامها كيكونو فالفيلا بحال الفاط وبينوارات الحمام ومع هاديك L وهي كتلبس XL جاتها لاصقة بزاف

دخلات للكوزينة حلات تلاجة جبدات الحليب و الكونفليكس من فوق التلاجة و جلسات فكرسي عالي بحال دياول البيران على طبلة من الاسمنت فوسط الكوزينة كتاكل بهدوء وبشوية عليها كتعرفو منين داز وهي كتسكع صوت الماء كيتزدف فلبيسين عرفاتو غيكون كيعوم

دخل كلو كيقطر لابس غير شورط ومزير عليه هي غطسات راسها فالزلافة حيت غير كيشوفها كتشوف بين رجليه كيشدها : داكشي لي فالبيت ديالك

عقلها مشا ديريكت لتيليفون نقزات كتجري وعينيها موسعين : بصح ؟

حرك راسو فاه وهي تلاح عليه عنقااتو بجهد: شكراا

وباستو من عنقو حيت طويل عليها بزاف و مبغاش يتحنى طولات هي صباع رجليها حتى باستو من عظمة عنقو بشوية ومشات كتجري هزات لكرطونة حتى وقفها:لا ماشي هادي

شافت فيه مصدومة حتى دخل للبيت واعطاها كارطونة صغيرة ديال الكيك لي كيعجبها تصدمات والبكية شداتها مدات ليه تيليفون والبكية شاداها حيت فرحات بزاف طلعات لسابع سماء و خبطها بارض لواقع

خدات من يدو هاداك الكيك و غتبكي تقلقات بزاف ونطقات فباطنها: شنو كنتي كتسناي منو

عاوتاني وقفها: منسيتي والو

تنهدات ورجعات باستو بواحد البرود كيحس براسو قريب للقطب الثلجي و حنات راسها : نسيتي هذا

تلفتات فيه وعينيها نازلين حيت مقلقة مد ليها تا كارطونة ديال التيليفون

منال: نرجعو بلاصتو

جواد: هذا ديالك حطيه فين بغيتي ولكن منشوفش فيه هاديك الصوبيصة

كيهضر على سهيلة وهي متيقاتش :واش هذا ديالي التيليفون ياك

حرك راسو وخداتو بتردد: راه مغنرجعوش ليك

وحلاتو بزربة رمات من يديها داك الكيك وكتكتاشف فالتيليفون فرحانة كتشعل فيه و كتنقز بالفرحة رجليها كيشطحو و هاد مرة شداتو بيديها من دراعو كتجرو حتى هبط لمستواها وباستو من خدو و رجع تلفت باش تبوسو من فمو و بالفرحة متردداتش وممانعاتش باستو من فمو بلاما تفكر ودازت تجري قدامو صرفقها من ترمتها ونطق: ترتر

حيت ترمتها كترتر وهي كتتمشى فينما كيضور كيصرفقها وينطق [ترتر]

جلسات فرحانة كتشارجي وتشعل فيه غطير بالفرحة وقف عليها ورما ليها كارط سيم جديدة شافت فيه: علاش وديالي

جواد جمع حجبانو: شنو عندك فيها ؟

منال فهمات بلي خاصها تسكت ولا غيطيرو ليها من يديها

جواد هز صبعو بتهديد صبعو كان بين عينيها لاتحركات غتتعما بيه: غندفنك مرة جايا

بلعات ريقها كتسمع كلماتو لي كتردد فوذنيها وغتولي كابوسها لليالي: غنضرك ديال بصح هاد لمرة

كان تهديد صريح وواضح و جدي قراتها فعينيه مكانش غير كيهددها ولا باغي يردعها كان كيقول وكيعني كل كلمة كيقولها حركات راسها باه

فالرياض اليزيد بعصبية مل من فعايل الصد لي كتمارس عليه سهيلة: فينما نبغي نقرب لك تقمعيني

سهيلة: حيت فاش كانت عندك النعمة مكنتيش داير بحقها

اليزيد: واش مغنساليوس هاد الكاسيطة

سهيلة: هاد الكاسيطة هي لي غتبقا تسمع

تعصب كان جاي فرحان عندها باغي يتركى بين احضانها باغي ينسا تعب السفر معاها ويروي الشوق و الغياب لي طال قمعاتو وهو طريق كلها فرحان بالكادو لي جايب ليها خرج من دوش ورما ليها فوق السرير واحد كرطونة صغيرة وخرج من البيت رادخ الباب هي خرجات وراه من دوش لقات الكريطينة هزاتها حلاتها لقات ساروت مفهماتش علاش ملي خداتو بين يديها مفاهمة والو شنو هذا وعلاش سالوت فوسط كرطونة صغيرة بحال ديال الخواتم

عاد تفكرات 22/06/2020 تاريخ

عاد تفكرات هذا تاريخ عيد ميلاد زواجهم وهو اختار بلعاني يدوز معاها الليلة اليوم حيت عارف شحال كيعني ليها هاد التاريخ ونهار كينساه كتندمو جاي فرحان و ناشط باغي يشوفها ولكن هي قابلاتو بالقمع والرفض

حطات يديها على فمها مصدومة كيفاش غضبها خلاها تنسا هاد التاريخ المهم لي كانت تنكدو عليه غير لا قرر يخدم هاد نهار كان كياخد روبو وكيجلس معاها كياخدو اوطيل وكيسافرو كيديرو انشطة فداك النهار وشي مرات كيبقاو غير كينارسو الحب احتفالا بداك النهار كيحييو الشغف لي بيناتهم

خدات الخاتم وجلسات فوق السرير ندمانة ولكن فنفس الوقت مصرة على داكشي لي فراسها باغيا بالسيف تنتاقم منو ومن الغدر لي دار فيها هبطات تتغدا معاهم لابسة عليها بيجامة عريضة فوق هاديك الكسيوة لي كانت لابسة كتشوف فيه حادر منها العين مكيشوفش فيها ماشي كيف مولف ومكيهضرش معاها وسط الطابلة و ساكت مباغيش يهضر بزاف و هاجر مصدعاليه راسو

هاجر: خويا بغيت نشري شكارة وادوات جديدة

راضية نقزات: شنو بغيتي بشكارة جديدة ياك فلول العام شريتي زوج جداد من مرجان

هاجر: مبقاوش عاجبيني فيهم رسومات وانا كبرت على هادشي

راضية: ياك كانو عاجبينك شنو تبدل دابا

هاجر: كيضحكو عليا فالمدرسة

سهيلة: صافي اخالتي راضية انا نخرج معاها تشري لي بغات

هاجر كتسيفط قبلة فالسماء لسهيلة: سيري امرت خويا الله يخليك لينا

وشافت فيه كتتسناه غير يتلفت فيها: الحاج بغيت طموبيل

ببرود: خارج

مبغاش يعطيها ليها: واخا انا غنمشي فطاكسي

اليزيد: الشمس برا متخرجيش

تحجج بالشمس باش تفهم راسها مبغاش يحرجها برفض قدام كلشي نفخات صدرها و ناضت من على طبلة قدام كلشي بحالا قمعاتو وطلعات لبيتها كلشي بقا كيشوف فبعضياتو فوق الطبلة و سليمة فرحانة و كتقسم اللحم وتحطو قدام اليزيد: دوق من هذا تشهيتو ليك الحاج

وراضية عاجبها الحال جمعو طبلة وهو بقا مكسل فديك البلاصة كيتفرج و مسرح

هاجر فالبيت كانت كتحيد اي رسمة معلقة فالحيط كاع كارتونها المفضل تخلات عليه كتقطع فيهم وترمي وكاين لي شارياه غاالي و حتى من تيشورتات لي طابعة فيهم رسوم جمعاتهم فكرطونة تعطيهم لمها تصدقهم ولا دير لي بغات بيهم هي مبقاتش باغيا تستعملهم : انا ماشي صغيرة ماشي فنيكيشة

كتقطع وتبرد غدايدها وكتردد الجملة حتى خملات بيتها كامل لي ملايقاش كترميها حتى سمعات صوت تيليفون كيرن كان ميساج وصلها: تخرجي اليوم

هاجر: فين ؟

علي: عيد ميلاد صديق عارض عليا

هاجر: وانا مالي فالموضوع

علي: عرض عليا انا والعزيز عليا

هاجر كتضحك من ورا الشاشة: علاش انا عزيزة عليك

علي: اه عزيزة عليا [ضحك]

هاجر بعصبية: علاش كتضحك انا كلون

علي: لا ولكن متقدريش تجي الفنيكيشة بنت ماماها

هاجر: علاش منقدرش نجي [كيستفزها] وانا راه كبيرة

علي: العيد ميلاد فالليل هادي سواريا ولا نسيت نتي مكتعرفيش هادشي

هاجر: كنعرف خير منك

علي كيضحك: فين عمرك خرجتي من دربكم

هاجر: انا غنوريك ملي غنجي

علي: مرحبا بيك ليلة 23 غتنوري الحفلة ا سندريلا

قطع معاها وهي غرقات فالتفكير باغيا تمشي باي طريقة تعيش الاجواء ديال الحفلة وتشوف باش هما كبار عليها

بقات كتفكر و طلعات لعند سهيلة لبيتها: سهيلة [بدلع] سوسو

سهيلة مسحات دميعاتها بطرف يديها: دخلي ا هاجر

هاجر: مال مرت خويا اشنو مقلقها

سهيلة: غير ضاقت بيا وتوحشت ماما

هاجر عنقاتها: صافي ا حبيبتي غيفوت الحال الله يرحمها كانت ضريفة بزاف

سهيلة كتحبس فدموع: امين

هاجر: سوسو نطلبك طليبة

سهيلة: مكتساليش ياختي من طليبات

هاجر: صحاباتي دايرين صواري بيجامة وعرضو عليا

سهيلة: لا لا هاجر مكاينش المباتة برا نتي عارفة خوك كيف داير

هاجر كترغب: عافاك ا سهيلة الله يرحم ليك الميمة

سهيلة: هاجر خوك معيخليكش تباتي برا

هاجر: منقولوهاش ليه

سهيلة خرجات عينيها: نتي راه رجليك كيخرجو لشواري

هاجر كتبوس فيها: عافاك بغيت ننشط غير شوية واش نتي عمرك درتيها عمرك كذبتي علاش فاش كنتي كتخرجي مع خويا اليزيد كان باك عارف

سهيلة كضربها من فخاضها لي معندهاش: والله مبقيتي كتحشمي ا رتيلة

هاجر: ها العار اسوسو بغيت غير نجرب صواري بيجامة

سهيلة: شكون كاين فهاد صواري؟

هاجر كتضور فعويناتها الخضرين: غير البنات كاينة حليمة و سعاد وكاينة حتى قمر هاديك البنت لي كتجي من مورايا ديما الثانية فالقسم

سهيلة: اعطيتي نماريهم باش ميبقاش بالي مشغول الى مجاوبتينيش نصوني ليهم

هاجر كتعنق وتبوس فيها: سوسو راه كنبغيك

سهيلة: وامتى غترجعي

هاجر: غنرجع معطلة شوية وصافس

سهيلة: 00:00 تكوني عندي فدار باا غنقول لليزيد غنمشيو ندوزو النهار فدار با ونتي غتمشي معايا

هاجر كطير بالفرحة و كتعنقها وتبوسها: صافي واخا كوني هانيا مغنتعطلش [وقربات ليها] شي تضويرة نمشي للكوافورة ونشري شي كس[فقهات على حالها]شي بيجامة باش ندوز صوارية

سهيلة: ومال ماريوك فاش قصر معاك هزي منو شي بيجامة

هاجر: وعافاااك

سهيلة جبدات بصطامها واعطاتها باش تمشي للكوافورة وثمن بيجامة رخيصة وهي مشات تطير لبيتها جبدات الغلة لي كتجمع فيها فلوس و بدات تحسب لقات عندها 250 درهم عاودات خرجات للصالون عند اليزيد وجلسات حداه شدات يديه: الحاج ضور معايا

اليزيد: شحال بغيتي

هاجر: باشما سخاك الله

جبد من جيبو شي فلوس و خرج 40 درهم مفرقة وزاد من فوقها عشرة الدراهم

ملي شافت 50 درهم باستو من يدو ومشات كتجري فرحانة تكوموندي الكسوة لي بغات من باج انستغرام و طلعات لباب بيت سهيلة فين كاين ماريو فيه سبابط و سوادر الطالون ديالها حلاتو وجبدات منو سباط ديال الطالون

هبطاتو كتسلت باش متعيقش بها سهيلة و جلسات كتسرح فشعرها ودير بوكلي غير بوحدها مدابزة كتشوف فيديوات فاليوتيب و تحاول تقلدهم :هانت غتشوف الفنيكيشة ا سي علي

كانت غطير بالفرحة

اما سهيلة كانت غير جالسة ساهية معارفة مدير •••

المراهقة هي اخطر سن، المراهقة شيطان وسواس يسكر العقل ويعيد تفعيل الفؤاد ينشط المشاعر و يقيظ العقد النفسية يهيج المشاعر بشكل ساخن ويثير العواطف بشكل خاص

[ هاجر احد ضحايا المراهقة ]

هزات تيليفونها: فين نتلاقاو غذا

علي: نجي ليك حتى للدرب

هاجر بخوف: لالا خويا ثشوفنا يقتلنا بزوج نتلاقاو حدا الشارع الكبير

علي: واخا الفنيكيشة [بسخرية] عنداك تجي عندي بشي ميكي ماوس

هاجر تقلقات: علي راه مغنجيش لابقيتي كتهضر معايا هاكا

علي: واخا الفنيكيشة

هاجر الليلة كلها وهي كتوجد راسها ضورات شعرها باش يصبح ليها زوين وطلعات للحمام خدات كريمات سهيلة و حلات تلاجة فينما يبان ليها شي ماسك كتهزو وتطليه لوجهها فرحانة وراشقة ليها منعساتش هاديك الليلة بالحماس لغذا وهي بايتة تحلم بنظرات علي ليها بعدما يشوفها بالكسوة وبالماكياج

اما سهيلة تاهيا منعساتش عقلها بايت خدام مفهماتش الساروت ديالاش بايتة هازاه و كتشوف فيه وكضورو يمين وشمال وشعرها مطلوق ناضت فهاداك الليل كتتسلت حفيانة خرجات باتجاه الصالون كتقلب على اليزيد فاخر بلاصة خلاتو فيها وهي هابطة كتسمع صوت جاي من جهة بيت النعاس ديال سليمة قربات وهي كتسكع صوت ضحكتها كيملء الدار : ويلي لاا [بصوت معسول] حشومة الحاج

وختماتها بواحد الضحكة ديال الباطرونات و فضول سهيلة كان كياكل فقلبها مقدراتش تتحمل قربات خطوتين قرب البيت و مدات راسها جهة شرجم لي كانت فيه خامية شفافة كتبين كلشي لي لداخل كتشوف البيت كانو فيه ضواو خافتة شوية و جليسة فالارض دوك الوسايد لي كيجلسو عليهم مرميين باهمال واليزيد موسد وحدة بدراعو و قدامهم واحد طبيلة صغيرة وقصيرة فيها انواع المكسرات من الاكاجو واللوز والكركاع و البندق و الفرماج ولاداند فطبيسلات و عصير ديال لافوكا و حاطة سليمة حدا رجليها صينية صغيرة فيها براد ديال اتاي وكيسان وهو متكي حداها قريب ليها

سليمة كانت لابسة شوميز فالازرق ملكي كلها عريانة كول نازل على صدرها كلو كيبان و بلعاني فاش كتضحك كترمى عليه بصدرها لي كيتبجغ مع كتفو وكضحك بطريقة قحبونية متقولش هادي هي لي كانت كيف الهبيلة فالكوزينة كطير وتنزل

الشوميز de nuit كانت سميطات و قصيرة كيبانو كاع سيقانها لي مسرحة قدامو بلعاني متعمدة ثتير انظارو وتجرعينيه ليها

و فاش كيقول شي حاجة كتمد يديها تقيس دراعو ولا يدو و تعمر ليه فالكيسان ديال لافوكا و تمد ليه: زيدك الحاج غير هاد الكويس يروي عطشك

سهيلة واقفة جامدة وهي كتشوف كيفاش سليمة كتضرب بشعرها لي واصل لكتافها على اليزيد: الحاج نورتيني هاد الليلة

شدات فيديه: مسخيتش بيك مكرهتكش تكون ليا ديما [كتدوز يديها فوق كتفو] غير هاد ليامات حنا كاعما دوزنا شهر العسل

سهيلة باقيا واقفة و دموع فعينيها كتشوفو جالس مرتاح مع الضرة [الزوجة الثانية] فعيد زواجهم فالنعار لي قسم ليها ميعشق غيرها و اعطاها العهد يبقا معاها العمر كامل فالليلة لي كان معاها اسعد واحد كتشوف دابا سعادتو مع وحدة اخرى وهي على الهامش متطرفة بحال شي زايدة على الخشبة كأنها شخصية ثانوية فالمسرحية

هاد لمرة دموعها مسالوش و اعصابها مفاروش هاد المرة سهيلة طفات بحال الشمعة فظلام الليل قلبها مكتحسش بالنار فيه على العكس كتحس بالبرود بحالا جالسة فشي فريغو ديال الموتى قلبها بارد و ذاتها كلها باردة كانت كتحس بالتبوريشة و كتترعد كيتراجع للور فحال الظل لي مكيبانش مشافو حتى واحد مقدراتش تتابع المشاهدة كانت باغيا تطلع للفوق ولكن تلفات رجليها قادوها للكوزينة و عاودات خرجات طالعة للفوق ولكن ماشي باتجاه بيتها باتجاه غرفة راضية كدق عليها راضية كانت ناعسة فاقت حلات وعينيها مغمضين: شنو كاين اسهيلة

سهيلة حابسة الدموع: نقدر ننعس معاك بحال شحال هادي

شحال هادي فاش كان كيسافر اليزيد سهيلة وهاجر كانو كيتحمعو فبيت راضية وينعسو مخششين فيها راضية حلات ليها البيت: دخلي ابنتي [كتشوف فيها ماشي على حالتها] مالكي ابنتي ياك لاباس

عنقاتها سهيلة بلاما تهضر و حتى راضية بادلاتها العناق بلاكا تسولها راضية واخا كانت انانية فموضوع الاولاد ولكن كانت كتعنابر سهيلة فحال بنتها وكانت عزيزة عليها بزاف وفاش شافتها كتبكي دابا تقهرات و عنقاتها وتاهي بدات تبكي وهزات ليها راسها: الله يسمح ليا منك ا سهيلة [باست ليها راسها] ظلمتك ابنتي

سهيلة زادت فالبكاء من مورا مسمعات كلام راضية و تخشات فيها كتزيد كتبكي و راضية كدوز بيديها لي مشققين شوية بالشقاء و الماء ديال الكوزينة و فيهم ريحة الحناء فوق جبهة سهيلة

بقات حداها الليلة كاملة وهي كتسكت فيها و سهيلة والو واش بغات تسكت الليلة كلها وهي كتبكي و كتنخصص عينيها منفوخين فحال شي مادارينا و حمرين كيحرقوها مقادراش تفتحهم و شعرها مخربق و نيفها كيسيل بالماء سالات باكية ديال كينينيكس دياول الطموبيل لي كيكون فيهم 120 سالاتهم كلهم تبكي وتسوس فنيفها لي رجع حمر وتجرح من كترت مامسحاتو كان راسها كيحرقها كيتهرس عليها حيت بكات بزاف وكترة التفكير تاهوا هلكها فصحتها

راضية دخلات عليها باغيا تحل الشراجم: نوضي ابنتي تاكلي را الغذا هذا

سهيلة غطات وجهها بالليزار: لا اخالتي عافاك مبغيتش غير سدي الشراجم وخليني ننعس عافاك

تنهدات ورجعات سدات عليها الشراجم والباب و نزلات لقات سايمة كتوجد الغذا و غير مشات تجيب الصينية وهي تجر عندها اليزيد: الحاج سهيلة ماشي حتال لهيه معرفتش شنو عندها

اليزيد: معندها والو غير فششتها فوق القياس

راضية: ولدي معرفتش شنو واقع بيناتكم [بقلق] اول مرة نشوفها فهاد الحالة

اليزيد: واش مريضة [وقف] نديها للطبيب

راضية شدات فدراعو:لا [شافت سليمة داخلة وهي تسكت] جلس تغذا

جلس وراسو مرفوع من هضرة راضية هزاتو وحطاتو وقبل ميساليو الغذا ناض طلع للفوق مشا لبيت سهيلة ملقاهاش كيعيط عليها ويقلب عليها فالدوش مكايناش و طل على راضية من الرياض الفوق: الوليدة سهيلة مكايناش

راضية شافت فسليمة بنص عين عارفاها غتقرص: راه كاينة فبيتي

سليمة ملي مشا اليزيد نطقات: شنو كدير فبيتك اماما راضية

راضية: بغات ترتاح فبيتي

هاجر كطير من المقلى: الدار دارها ترتاح فينما بغات

اليزيد كمل بخطوات سريعة اتجاه غرفة راضية فتح الباب بلاما يدق وهي باقي مغطية وجهها حيت ضرب فيها الشعا: خالتي راضية الله يستر عليك مبغيتش ناكل بغيت غير نرتاح

سكتات كتتسناها تسد عليها الباب حتى كتحس بشي حاجة نترات عليها العطاء من فوق منها بجهد حلات عينيها بزز منفوخين كيحرقوها لقاتو هو هضرات بجموح: شنو كدير هنا

اليزيد: نتي لي شنو كديري هنا

سهيلة مكتشوفش جهتو: ماشي شغلك

اليزيد كيدوز يديه ورا عنقو: نوضي تغسلي وجهك شنو هاد لحالة دايرة فراسك

سهيلة كتنطق بالعرض البطيء: ما شي سو قك

جرها من يديها بشوية موقفها بزز وخرجها كيحر فيها بزز وهي كتغوت وسط الرياض: بعد مني طلقني شنو بغيتي عندي

ودخلها لحمام حل الروبيني و شدها من شعرها بشوية مهبط راسها وكيغسل ليها وجهها بيديه وهي كتتحرك بين يديه بزز وهو دايرها قدامو كاع بلل ليها الكول ديال البيجامة و حتى شوية فشعرها الخلف لي كيكوم فوق النواظر والجبهة وهي كدفعو: بعد مني

اليزيد: سيري تلبسي جيبي معاك الساروت الحانوت

سهيلة رمات عليه الساروت لي اعطاها: هاهوا ساروتك وبعد مني

اليزيد: مبغيتيش الباتيسري ؟

سهيلة شافت فالساروت لي فيديه: الساروت [كتفكر بحالا صرفقها] ديال الباتيسري [بشك] لي بغيت

حرك راسو باه كانت هادي هي مفاجئة ديال عيد زواجهم قرر يعطيها الحانوت لي بغات سهيلة رجعات خدات الساروت من يديه ولكن بنفس البرود جاوباتو: انا غنوجد ونهبط عندك

ودخلات لبيتها سدات عليها وجلسات كتبتاسم حيت كتشوف وسك الظلمة طريق نور من بعيد كيلوح ليها باش تقدر تنسى اليزيد خاصها تبعد منو وتوقف على رجليها مخاصوش يكون معيلها الوحيد فالدنيا وفالمقابل قررات تحافظ على كرامتو ورجولتو

هبطتت لقاتو كيتسناها معبراتوش ودازت قدامو سابقاه لطوموبيل طلعات لقدام حداه و تحركو لشارع المسيرة الخضراء فين كان المحل هبطها قدام واحد الكراجات و فتح قدامها الكراج كان طبقة لتحت كاملة ماشي غير كراج الكراج غير الواجهة والداخل فين غتكون الكوزينة وكاين واحد لاطيراس صغيرة

سهيلة دخلات كتعلق فعينيها فالحيوط و الشراجم و الحالة ديال الدار: خاصها شوية ديال الصباغة [شافت فيه] والتجهيزات

اليزيد مد ليها واحد الكارط: هادي فيها راس المال ونتي غتعرفي كيف تتصرفي فيه خاصو يكفيك متشريش matériels جديد شريه بونوكازيون ووصيت ليك على زوج فرارن كبار

سهيلة رجعات ليها الابتسامة ومدات ليه يديها: صافي المحل ولا ديالي خاصنا نديرو كونطرا

اليزيد رفع حاجبو: ديالاش كونطرا

سهيلة: ديال الكرا

اليزيد: سهيلة راك كتعيقي عليا

سهيلة: منويت فيها والو مبغيتش نضيعك فالمحل ديالك وباغيا نبقا نخلص الكرا تبارك الله راه مساحة مشروع كبير

اليزيد: مطامعش فيك المحل اعطيتو ليك باش تقتلي الملل وكان غير مسدود ممستافد منو حتى واحد

سهيلة: اليزيد الى مدرناش كونطرا مغاناخدش من عند المحل انا مكناكلش عرقك فابور

اليزيد: غتقلقيني

سهيلة: انا لي غنتقلق مغنبقاش مرتاحة

اليزيد تنهد: بداي تصلحي ونشوفو الكونطرا من بعد [شاف فيها] اي حاجة تشاوري معايا نتي جديدة ويقدرو ياكلوك

سهيلة مزال كتبلاني فالمحل وهو متكي على واحد الحيط كيشوف فحماسها وهي كتنقز خفيفة كيف الفراشة من زاوية لزاوية كتشير وتخطط لكل بلاصة وشنو غادي دير فيها: ضروري خاصني نشوف صاحبتي منال تخطط معايا

اليزيد غمزها: منتستاهلوش شي حاجة

فهمات مقصدو باغي منها شي بوسة ولا تعنيقة هي ابتاسمات ليه ابتسامة متصنعة ظاهرة ورجعات ليه الغمزة: ياك كنتي عندها البارح مقنعاتكش

اليزيد وقف حيت كتلعب ليه على اعصابو مباغيش يخسر ليها فرحتها وينكدها عليها وهو لسانو ماضي الى نطق كيذبحها بكلامو

سهيلة: اليوم بغيت نمشي نتعشى انا وهاجر عند با

اليزيد حرك راسو: هاجر مكيعجبهاش دار باك

سهيلة: ملات وبغات تفوج معايا

اليزيد: نوصلكم

سهيلة برفض: لا لا الدار قريبة غنمشيو غير بوحدنا

شدها من خصرها وهما خارجين وهي كتنتر منو نطقات من تحت سنانها مكرزة: اليزيييد

فالطريق بانت ليه واحد المخبزة قديمة كانو ديما يجلسو فيها بزوج هي وياه قبل الزواج كانت سهيلة كتحماق على المسمن ديال المرا لي خدامة تما واليزيد ديما دايها تفكر بالمسمن ومقالي ديال البيض والخليع والباناشي وقف قدامها: نضربو شي مسمن قبل مندخلو

قلبها رق فاش شافت المخبزة وتفكرات ايام المراهقة: واخا

غير دخلو عقلات عليهم مزيان المراة لي كتسمن: الحاج مرحبا بيكم اولدي [ابتاسمات كتر] تبارك الله غير مكتكبرو وكتزيدو تواتيو بعضياتكم

اليزيد شد سهيلة من يديها: ديت الزين ا مي السعدية

السعدية: شمنك يازين وشمنك ياتباتة سهيلة راه الشهدة [وضحكت حيت اليزيد لي كان كيعيط ليها الشهدة فايام lycée]

باسها من يديها: سمعتي الشهدة

السعدية: سبحان الله كنتو البارح غير صغار واليوم تبارك الله تزوجتو وكتكبرو [شافت فسهيلة] اليزيد كيحماق عليك ابنتي تهلاي فيه

سهيلة كضحك بفقصة وخيبة امل: مشا اليزيد لي كنتي تعرفي امي السعدية

مفهماتهاش وزادت وضحات: اليزيد دخل عليا ضرة امي السعدية

السعدية هنا جمعات الضحكة ومبغاتش تتدخل بينااتهم: دابا يوصلكم المسمن سخون [شافت فاليزيد] شي براد ديال صحراوا اولدي

حرك راسو باه و رجع شاف فسهيلة وشدها من يديها: واش مبغاش يهديك الله تفهمي

سهيلة مكتشوفش فيه سارحة بعيد: مزال مبغيتيش نولفي

سهيلة: نولف ! [لاقات عينها بعينو] هادي لي عمرها غتكون معمرني غنسا الغدر لي غدرتيني

تنهد: سهيلة

قاطعاتو: نفس السينتة سهيلة انا باغي الولاد [شافت فيه] وا الله يهنيك بيها وبولادها

اليزيد: مغينقص والو هذا هو اليزيد لي كان وباقي كيبغيك

سهيلة: اليزيد المشروك

قاطعاتهم البنت لي كتسربي الطبالي كتحط المسمن و اتاي و الزيت والفرماج كملو ورجعو للرياض الطريق كلها سكوت هو مركز فالسياقة وهي عقلها غيب ماشي فيه ولكن فتصاميم مشروعها

[][][]

فشفشاون كانت منال متكية وكتقلب فاليوتيب و الانسطغرام وهو حداها كيهضر فالتيليفون وهي قاطعة حسها حيت حتى تنهيدة لا دارتها بجهد وتسمعات فتيليفون كيندمها

كان مشغول فالتيليفون: واش كضحك عليا [معصب] اش قرب عبد الالاه لشغل عباد الله [وكيغوت] دابا شادينو فالكوميسارية

قطع وكشاكشو غاديين يخرجو معصب و كيفور كتشوف كيفاش وذنيه رجعو حمرين

منال خافت تسولو مالو: نلبس غنرجعو لدار

حرك راسو باه مكيهضرش غير كيقلب فالكونطاكت ديال تيليفونو على شي حاجة هي ناضت كتجمع فالحوايج ديالها و كتلبس و كتجمع حتى حوايجو وهو خرج الباليزات لطموبيل وركبات حتى هي حداه غادي فلوطوروت بفوق 130 فالسرعة منال شدات فمقبض السيارة لي فجنبها و غمضات عينيها حيت جاتها الدوخة كتحس براسها كطير فالسماء وكتنفس بشوية كتطلع النفس وتهبطو من كرشها وكتحس بالرظان طالع ليها حطات اليد التانية على فمها كتحاول ترجع التقية و ملامح وجهها خاشرين و مغوبشين مكتشوف والو واحد السرعة كتحس براسها مكتقيسش الارض و كلشي كيضور عليها : ععع عافاك [قلبها كيمشي ويجي] ب

مجاتش فين هي تكمل هضرتها حتى تقيات فوسط الطموبيل جواد غمض عينو و بدا كيهبط السرعة عاد تدارك راسو وكيسينيالي جنب الطريق باش يدخل فداك الخط الراحة لي دايرين للحالات الطارئة وقف الطموبيل وهبط عندها هبطها تتنفس و كيمسح بلاصتها باش تقدر تجلس فيها من بعد بلاما تغيلفها الريحة ديال النقية ركبها من جديد حيدات اللباس ديالها و رماتو فبلاستيكة اللور و حل ليها قرعة ديال الماء: دابا مزيان

منال كترجع الروح بزز: اه

بقاو واحد 15 دقيقة حتى ارتاحت عاد عاود شد الطريق السيار وهاد المرة بسرعة اقل

وصلو هبط حل الشانطة اللور واعطاها لباس اخر ونقاب جديد تلبسو عاد هبطات من السيارة لدار حط الشانطات لتحت ومشا بلاما يدخل للدار للكاراج حيت المتعلمين كانو دايرين ليه فضيحة فواحد طموبيل داير بيها واحد فيهم كسيدة و الطموبيلات تحت مسؤوليتو يقدر يمشي فيها حتى للحبس

منال قبل متدخل شداتها يد من يديها كانت سهيلة حطها اليزيد قدام الدرب حيت بغات تشوف صاحبتها منال: امالك ياختي على هاد الغبرة

طارت عليها منال بتعنيقة: توحشتك [شافت فيها] الهضرة طويلة دخلي دخلي

سهيلة: المنطيح كاين

منال: لا مكاينش غير زيدي دخلي

طلعات هي وياها لبرطمة ديال منال دخلو وسدات الباب باش ميطلع عندهم حد وجبدات العصير من تلاجة وهي كتسلت فحجابها و كتحط فصابلي فطبيسيل وكيك: مرحبا بسوسو

سهيلة: طيحتي مني النص يصحابليا غير دخلك فكومة

منال: راه داكشي لي كان غيوقع

سهيلة: علاه مالكي

منال: هرس ليا التيليفون

سهيلة: وعلاش اش وقع

منال: عقلتي على داك جلاخة لي وقف علينا فالقهوة

سهيلة: مالو

منال: ا لالة جا خطبني من عندو

سهيلة تفرقعات بضحك: اويلي على صقعة قولي والله

منال: والله كحلها عليا يعطيه مصيبة

سهيلة مبغاتش تسكت من الضحك: خليه يعرفك مزال زينة و عاطية للعين غير يتلفت يطيرو بيك

منال: ويعطيه مصيبة مبغيتو يعرف والو

سهيلة: ياكما ضربك [كتتفحص وجهها بعينيها] ياكما حط عليك يديه

منال حركات راسها: تس [هي لا] ولكن رعدني كنت غنغيب بالخلعة

سهيلة: ولكن نتي مدرتي والو

منال: راني مشيت للقهوة بلا خبارو

سهيلة: اويلي كون قلتيهاليا والله منعتبو فهاديك القهوة واش نتي هبيلة [بعصبية] منال واش كديريها بلعاني نتي عارفاه ميخليكش علاش تجبدي لمشاكل لراسك

منال: بغيت نعيش شعور نتقهوا ونشم الهوا

سهيلة غتحمقها معاها: منال نتي عارفة المنطيح مسعور ومريض فمخو راه كيخلعني شي نهار يقتلك

منال: غيهنيني

سهيلة: رجوع الله اختي

منال كترجع فدموع بزز صبيعاتها: منقدرش اسهيلة

كتعنق فيها: طلقي منو

منال زادت فالبكاء حيت سهيلة كتقول المستحيل: الى طلقت فين عنمشي واش نرجع لدارنا راه خوتي غيخرجو جنازتي من لمحكمة

سهيلة: مالها كاينة سيبة

منال: واخا وعلاش نتي مطلقتيش وباقا مع اليزيد باغيا ضمني مستقبلك [شافتها سكتات] شفتي الطلاق ماشي كلمة ساهلة

تنهدات: منال تقدري تخرجي من هادشي ولكن [كتهو فراسها] شوفي فيا واشمكتحسي بوالو من جهتو [كتاكد عليها] ولو غير شوية واش عمر شي حاجة تحركات فيك من جهتو

منال هزات عينها كي الجمرة كون لقاتو قدامها كانت تردمو تحت الارض: معمرك تسوليني عمرك مزال تسوليني

وبدات كتبكي عاوتاني قلبها عامر وعينيها عامرين كانت محتاجة تطلق سراحهم وتبكي فوق كتف صديق معندها حتى واحد من عير سهيلة كاتمة اسرارها هي الوحيدة لي تقدر تهضر قدامها بلاما تعبر كلماتها ولا توزنهم

سهيلة: عرفتي مك لقيت شي وصفات خاصنا نجربوهم

منال هزات راسها من كتف سهيلة كتسمع: شمن وصفات خاصني شي حاجة لشعري بهاد لفقايص بدا كيطيح

سهيلة كتجر فشعر منال: شعرك صح من ظالم تاكلي وتنكري علاه لي كياكل الترفاس يعاني من شي تساقط شعر [الترفاس نوع من الفكر الغالي كان كيجييو جواد]

منال: واشمن وصفة

سهيلة: هادو كيقولو كيطيحو الراجل و يخليوه غير كيفكر فيك ويلهت وراك

قاطعاتها منال كضحك: كون كان الخوخ يداوي كون داوا راسو

سهيلة ضرباتها بالضحك: راه بغيت نجربوهم بزوج

منال: انا اعطيني شي وصفة تنفرو مني تخليه يدير ليا الخلع نربح من وراه باش نقي سناني من ورا الطلاق

سهيلة: هاد لوصفة لي قلتيلو يقول واخا

منال: بغيت غير نكمل قرايتي ونحل شي صالون

سهيلة: وا زيدي نجربوها

منال: وا هضري شمن وصفة

سهيلة: الوصفة لولا نهار ينعس معاك مسحي بكنينيكس ولا فاش يمسح بكنينيكس خبيه حتى تكوني بوحدك وديري فكاصرونة ديال الماء فوق البوطة وخليها تتبخ كتخلي راسو تاهوا كيطبخ وكيبقا نهار كامل وهو كيفكر فيك

منال: والا مبغيتوش يفكر فيا بغيتو ينساني يغيب شوية قولي الوصفة التانية ياكما فيها باخا ولا زغبة الفار الميت

سهيلة: التانية غسلي رجليك غير بالماء يكون نقي بلا صابون بلا والو وداك الماء اعطيه يشربو ديري بيه العصير ولا طيبي ليه بيه وخليه ياكل بوحدو

منال بقرف: هذا راه توكال

سهيلة: ياك بغيتيه يغيب [كضحك] من هادي للقبر

وتفرقعات هي وياها بالضحك

منال: سكتي ظابا يسمعك شي حد يصحبو بصح حنا سحارة

سهيلة: الله يبعدنا من ديك الطريق

منال: باراكة عليا ذنوب مع ربي نزيد حتى ذنوب عبدو

سهيلة: واخا نقولك هادشي غيهنيك منو [غمزاتها] خفتي ديريها بصح وتبقاي بلا المنطيح

منال: سيري الله يبليك بيه نت نيت

بقاو كيضحكو ومقشبين منال حسات بالطاقة كتجدد معاها وهي كتشوف سهيلة و كتعاود ليها حتى هي على مشاكلها: فرحت ليك اسهيلة الله يعاونك

سهيلة: والله اختي كون المنطيح يخليك حتى نخدمك معايا

منال: اودي

سهيلة: دابا ربي يفرج غير صبري يا ذبحة يا ربحة واجي واش متقدريش زعما

قبل متكمل هضرتها : سهيلة كون غير مكنتيش عارفة شنو داز عليا منقدرش نشوف راسي معاه

سهيلة: يقدر يغلط

منال: هو معارفش راسو كاع واش غالط

سهيلة: على الاقل راجل على داك الكلب ومشارفش داكشي مناش كنتي خايفة

منال: الله شارف مايكون عندو جهد ليا ولا هذا راه تعبت وطبت

سهيلة: غير حيت مكتبغيهش اما منهار تزوجت اليزيد سيمانة لي كيسخن فيها بزاف كتكون زوينة مكنحس براسي أداة ولا وسيلة الى دازت 48ساعة ومتشهانيش كنشك ياكما كيعرف شي وحدة [كتهضر وخايفة من ردة فعل منال] الى كيتشهاك راه حاجة مزيانة يقدر تحلس مشاكل فعلاقة الجنسية

منال: العلاقة الجنسية براسها مشكل بالنسبة ليا

سهيلة: جربي شنو غتخسري نتي

منال: سهيلة غتبداي تحمقي فيا

سهيلة: تعقلي قلتي ليا نتي لي غتاخديه للضرة ونتي دابا غتبيعيه لضرة

منال بفقصة: بغيت ليه الضر لي ميبرا

سهيلة: تخيلي تبقاي على هاد الحال حتى يسيفطك لدار باك شنو غديري

منال هزات كتافها هي براسها معندهاش جواب: غيقتلوني

سهيلة: ومالكي عليها حالة

منال: نتي عارفة كلشي

سهيلة: داكشي داز عليه عاماين دابا [تنهدات] يقدر يكون ندم

منال تغرغرو عويناتها: ولكن انا مزال منسيتش

سهيلة: مكنقولكش نساي وسامحيه ولكن تعايشي تقدري توصلي معاه لشي حاجة لشي حل

منال برفض: مكاينش حل [كتحرك راسها] مكاينش

سمحو الساروت فالباب و ضربو الطم بدلو دغيا الموضوع كيفهمو بعضياتهم طايرة: شفتي الدبليج لي وريتك علاما زيناتو

منال: اه غزال تبارك الله باينة ثقيل

جواد دخل ديريكت للبيت بلاما يكسر هضرتهم ولا يشوف جهة البيت نهائيا

سهيلة: باش كيعجبني مكيهزش عينو فالعيالات

منال حركات ليها عينيها بلعاني بمعنى علم الله اشنو كيدير من ورايا وهي تنوض: انا جايا

ودخلات عندو لبيتهم: جواد محتاج شي حاجة

جواد: شنو جات دير عندك

منال: هي مدارت والو انا مقلتش ليها بلي عندك مشكل ف [تسمع صوت ريقها تبلع بالتوتر] فالقهاوي [حيدات من يدو الجاكيت] الى احتاجيتي شي حاجة صوني وقطع نجي عندك

هو مجاوبها على حتى هضرة وخرجات لعند سهيلة لي كانت واقفة كتقاد ففولارها: الحصول الله معاك

عنقاتها منال: متغبريش [غمزاتها] راك عارفة الحالة

تسالمو بالحناك و سهيلة خرجات لدارها ومنال جمعات الصالون فين كانو جالسين و كدوز من قدام الباب ديال البيت كتبقا جواد خاشي راسو فالبيسي ديالو و كيسكاني شي وراق بتيليفون مشغول وهي دخلات للكوزينة كتقاد ليها ليباط بلونش بالشومبينيون ولاداند كتشحر فلاداند مشهياه وكتسمع فجواد خارج ليه عقلو فتيليفون كيعجبها لحال تشوفو معصب وعندو مشاكل اخرى فالخدمة باش ينساها شوية و ميبقاش متبعها وهي مشكلة ديالو فاش كيعمر وقتو كيبدا يميك وينسا

خرجات عاقدة شكارة فظهرها وخلات ميساج لعلي: نخرجو من داركم

علي مفهم والو: شمن دار

هاجر: داركم فين كتسكن

علي مزال مفهمش حيت عمرو وراها دارو: شمن دار فين كتعرفي داري

هاجر: مالك مكلخ داركم فأناسي مع حليمة

علي بحالا صرفقتيه: اه دارنا [برفض] لالا

هاجر: ولكن بغيت نوجد راسي عندها

علي: كاين فين توجدي راسك غير اجي دار مبغيتش ندخل ليها غيشدوني الدار

هاجر مبغاتش: جي ليا للصالون غنكون واجدة

علي: سيفطي ليا لوكاليزاسيون

هاجر سيفطات ليه لوكاليزاسيون ودارت معاه الساعة 19:00 و دخلات للصالون حطو ليها الماكياج حيت هي مكتعرفش حطوه ليها ب30 درهم حيت غير سطحي ماشي ماكياج ثقيل و تم لبسات كسيوتها و طالون وحلات شعرها نفخاتو وحطات البارفان

علي: j'arrive dans 10 minutes

جلسات كتتسنا فيه حتى سيفط ليها: انا برا

خرجات هازة صويك صغير فيديها والشكارة داتها معاها باش تبدل ملي تسالي الصوارية طلعات حداه: Salut

علي كان كيطلع وينزل فيها: اا اه اه اش هادشي [وشدها من يديها قبلها ليها] tu es magnifique

كان كيتأمل فيها لابسة كسوة قصيرة حد ركبتها فالكحل و مزيرة ديال الجلد و فرجليها لابسة طالون عالي صوينديرة الحيوط ديالها طالعين على سيفانها و مصبفة ظفار يديها بنفس لون الطالون لي كان بيض والصويك تاهوا بيض فيه تشاش كحل و دايرة ماكياج خفيف فوندوتان كوش وحدة خفيفة و كونتور و كونسيلر ماسكارا وعكر تاهوا خفيف كتحس براسها بالغة تماما قربات تطير من بلاصتها بالتزقزييقة وصلو قدام واحد البتي فيلا كيبانو من برا ضواو فالالوان زرقة وحمراء وموڤ وصوت الموسيقى مجهد و زوج رجال طوال وعراض واقفين برا وعرام طوموبيلات مستفين برا بلاصا تاهوا طموبيل وهبط حل ليها الباب وهي كتبيسم حيت جنتلمان شدها من يديها كيتمشا هو وياها

هو كان لابس غير تيشورت وسروال جينز ولكن ماركة وضارب اديداس فرجليه كيهتم بزاف بمظهرو يقدر يخسر فلوس المنحة كلها فلباس ويبقا بجوع معندوش مشكل

دخلو و كلشي كيتسالم مع علي وعلي كيقدمها: هاجر amie ديالي

وهي غير كتفرنس عاجبها لحال كتشوف جو جديد عليها كانو هازين صينيات وكيسربيو فيهم كيسان فيهم سوائل ملونين فحال المشروبات الغارية ولكن مكانوش مشروبات غازية كانو كوكطيل بالكحول هي بان ليها داكشي فحال موخيطو و كتشوف كلشي كيهز منهم و جا جهتهم خدا علي واحد وجات هي تاخد واحد منعها: هذا ماشي قدك الفنيكيشة

خنزرات فيه وحيدات يدو وهزات كاس: ماشي نت لي غتقرر واش قدي ولالا

وخدات كاس و شربات منو جاها مر وقاصح وبغا يحيدو عليها: مغتقدريش عليه

جرات بجهد و شرباتو دقة وحدة مغمضة عينيها وسدات نيفها: قديت ولالا ؟

علي كيضحك: عفريتة

كانو طبالي ديال القمر كيلعبو الدراري وهي معارفاش هادشي اول مرة تشوف هاد الاجواء: شنو هادشي كيديرو

علي :كيضبرو مصيريف

واخا هاكاك مفهمات والو جهة لاخرة كانت بنت كتشح بطريقة مغرية ومعرية شوية و الدراري والبنات على انغام موسيقى جرها تاهيا كيشطح معاها وكانت مزيرة كيحس بيها مقصحة قرب لوذنيها وهمس: ترخاي

وحس بقرضتها ترخات شوية على كتفو و بقا كيضورها وكيشطح بيها وعينيهم على بعضياتهم ولكن هاجر كتحس براسها بدا كيدوخ عليها شوية حتى بدا كيتقال السمع ولا ضعيف بحالا كتسمع فغرق شي بير و كيترددو الاصوات فراسها و عينيها كانو كيتعسلو حطات يديها فوق فمو: بغيت نبوسك

ضحك علي: غير كويس دار فيك هادشي كامل

حطات صبعها على فمو: شششت غير كتهضر كتخياب

بقا كيضحك عليها حطات راسها فوق كتفو: علي

علي: Oui

هاجر: كتعجبني

علي كيبتاسم: همم شنو كيعججبك فيا

هاجر: كنحس براسي كنعيش معاك حوايج جديدة مكنتش عارفاهم

علي: بصح

مسمعش ردها شاف غير التيليفون كيصوني: انا جاي بقاي هنا

وخرج يجاوب فالتيليفون هي كانت واقفة حتى كتحس بشي حد حط يدو فوق كتفها كانت بنت: هاي حوبي [جراتها من يديها] كتبقايش بوحدك اجي نشطي معانا

جلساتها بين زوج دراري اخرين قدامهم طبلة صغيرة كحلة كيسطرو فيها واحد الغبرة بيضاء كيسطروها بمسطرة باش تجي رقيقة و كيشموها كلها بنيفهم و كيغمضو عينيهم

هاجر كتضحك: نتوما هبال كتشمو سكر غلاصي

كيضحكو عليها: هاكي جربي يعجبك غتكتاشفي حاجة حسن من سكر غلاصي

هبطات راسها كدير بحالهم ولكن معارفاش بدات كتعطس و هزات بصبعها السبابة شوية كذوقو: دوليبران ههه

دخل علي كيقلب عليها بعينو بانت ليه مشا كيجري نوضها: اش كديري [شاف فيهم] ونتوما اش كتعطيوها

شافو فيعضياتهم وخراو بالضحك: سكر غلاصي

حركات راسها رفضا: االا دوليبران

حيدها من حداهم وهي مدوخة كتمشي وتجي معارفاش راسهاا اش كتدير رجعو كيشطحو هاد لمرة عاطياه بظهر وهو شادها بين يديه وكيتحكك معاها بلعاني وكيعنقها ومرة مرة كيرمي يدو على صدرها وهي ممعبراش هادشي وممسوقاش حيت معاقلاش النشوة لاعبة على عقلها كتحس براسها كتطير فالسماء مكتقيسش الارض الدوبامين فارتفاع مستمر بقاو كيشطحو ساعة من الوقت وهي كتغوت وكتنقز كتحس بالحرارة بدات كتنش بيديها على راسها: سخن الحال

علي غمزها: نتي لي سخنتي [جرها بحالا معنقاه] اجي نبردك

وجرها من يدها لبلاصة مقنتة تحت دروج فالفيلا وبدا كيشلقم فيها وهي حاطة يديها فوق صدرو ويد تانية فوق خصرو و حرارتها غير مكتزاد تتضاعف كتحس بشلقومتها كتحرق من كترة ماجيد ومص فيها بعد منها كياخد انفااسو ولكن صدماتو بجرئتها: متوقفشش

وعاودات جراتو كتبوس فيه بطريقتها ولكن باينة مكتعرف لاتبوس لا تتلمس كانو قبلاتها بريئة مجردة فحالا كتبوس عمها

وهو تمادى وبدا كيقبس فاجزاء اخرى من جسمها حتى بعد وجرها من يديها طالع بيها فتح الغرفة لولا لقا فيها واحد مع رجل اخر كيمارسو الخبث حاشا واش يكون حب ولا حتى زنا [كانو الوان] وحل الباب التاني لقا زوج كيتبرتشو تقلق و حل التالت لقا واحد جالس ولكن كيمارس العادر السرية وجرا عليه من البيت وسد عليهم: باقي فيك الصهد

هاجر كتنزل فالكسوة على كتافها: كنذوب بالصهد

علي : انا نعاونك

وبدا كيعاونها تسلت الكسوة بقات غير بالسليب بحال ديال الدراري صغار فيه هيلو كيتي وملابساش السوتيامات كيبانو تفيفيحات صغار يالىه بداو كينبتو طار عليها حيت حتى هو سخن

تكات فوق السرير وهو بحال الضبع كيضور على الفريسة ديالو. وهي معاه بكامل جوارها ولكن بذهاب عقلها لي كان خارج عن الوعي اعطاتو اغلى ما تملك اعطاتو الشرف لي رباوها وعلموها انه كنز يُحرس اول ماتعلمات تنطق كلمة ماما علموها معاها متخلي تا ذكر يقيس انوثتها ولكن هي سلماتها ليه فابور بدون مقابل بلا حتى عناء او شقاء محساتش لا بالم ولا حريق كانت كتحس غير بالمتعة معاه

نعسات مغيبة و هو كان فايق يلعب طرح ديال القمر مع عشرانو حتى بان ليه الدم فوق السرير: لا لا [شد فراسو بيد وهز التيليفون بيد تانية كيصوني على حليمة] اش هاد مصيبة فاش حصلتيني

حليمة: مالك اش كاين

علي: واش اzبي جايبة ليا عزبة!

حليمة كضحك: وااه دغيا يحدتي الغلاقة [كتمضع مسكة] متغلاش فيك العزبة اسي علي

علي معصب: ماشي هادشي لي درنا احليمة

حليمة: قلت لك اعشيري راه مقاسوهاش اليدين

علي: يصحابلس كتهضري عليها حيت صغيرة ولكن ماشي عزبة مالها عمرها عرفات واحد فعمرها

حليمة: نت لول ا حبيبي علي

علي: سيري غير ت9ودي نتي وبلاناتك

وكفا تيليفون رماه حداها معصب و كيحرك فراسو بلا: اش هاد المصيبة طحت فيها

[][][]

دخلات لدار باها لقات لاله جميلة(تذكير : مرات باها) و اية(بنت مرات باها)

سهيلة: السلام عليكم ا مالين الدار

لاله جميلة: دخلي اسهيلة [كتشوفها داخلة بسباطها] عير دخلي

سهيلة: منوسخش ليك الدار الالة جميلة [كضور راسها] با مكاينش فالدار ياكما خدام فااحانوت حتى دابا

اية: يالله تفكرتي با راه مريض

سهيلة: مريض ومالو مشاد السداري فالدار وخارج كيطوطح

لاله جميلة: حيت مهنيتيهش [كتمعني عليها] تاكلي بوحدك متوكليش معاك باك

كتمعني على اليزيد لي بخيرو بغاوها تولي تصرف عليهم

سهيلة: لالة جميلة الراجل راه مزوج بيا ماشي بيكم نهار اعطيتوني ليه اعطيتوني بوحدي ماشي مع اليتامى [كتمعني عليهم]

اية: ديتيه ليا وداتو ليك وحدة اخرى

كتسممها بالضرة: مديتوش ليك مبغاكش

لاله جميلة: مساواتو الله واش كتلاقاو غير على خزيت

هزات نيليفون كتصوني على هاجر لي مكتجاوبش وبدات نصوني على نوامر لي اعطاتها لي كانو كلهم مخدامينش بلعاني اعطاتها ارقام مكايناش اصلا خلات سهيلة غادي يخرج ليها العقل مقادراش تفكر بعقلها كاع الافكار الخايبة جاوها

حطات ليباط فطباسل و حطات فراشط ليهم ورافقاتهم ب Pesto و tabasco و حطات مشروبات: جواد العشا واجد

جا يتعشى منزلوش ياكلو معاهم لتحت متشي ديما كيتحمعو معاهم فالعشا و فالفطور جواد كيبانو ملامحو ابرد ماشي فحال قبيلة كان باين معصب كيبان دابا مهدن وكياكل بالخاطر كملو وناضت كتجمع الطبلة

وهو جمعها معاها بتصرفيقة لطرمتها حتى تزعزعات بحال شي فلان عض على فمو مشهيها وهي تأوهات مقصحة : هانا على بوغلاب [اسم كينعت ترمتها بيه]

كيعبرها بعينو : فحالا ضعافيتي ؟

فرحانة فحالا دايرة مزية : واش بصح بانت فيا

و تاهي وقفات كتضور على راسها قدام المرايا حطات يد فوق من صدرها متبتاه بيديها بشكل مهمل حيت كبير ومدلي ملابساش سوتيامات فدار و يد تانية جهة بين رجليها وهو كان وراها كيلبس شورط حد ركبة كيبدل حوايج الزنقة لي كان لابس باش يرتاح و مكيشوفش فيها حتى قرب وراها مد يدو لبزطام ديالو صغير فيه كارط ناسيونال بيرمي وزوج كارط بونكير و كارط خدمة فوق كوافوزو و هو يحط يدو فوق يد لس جهة بين رجليها قربها كتر فوق فرجها وجرها عندو تا تلصقات بيه وهي طلعات عويناتها بشوية فيه من مرايا لقاتو مكيشوفش فيها حاط وجهو فعنقها وحتاها عليها بعضيضة من عنقها : مديريش ريجيم انا باغيها تزيد

نطقات بنبرة صوت مألمة : اويلي راه وليت فيلة

طلع عينو تاتلاقاو بعويناتها : مزيانة تتمشاي وتخلي زلزال وراك

وطلع يدو جهة صدرها وهي غير واقفة كتشوف فانعكاسهم فالمرايا وكيدوز يدو فوق لحيمة ديال صدرها بشوية : خاصنا نشوفو شي طبيبة

منال مرخية بين يديه: علاش

جواد تنهد : تلت سنين وحنا مزوجين و هاد لولاد مزال مبغاوش يجيو

بلعات ريقها و حلات عينها توقضات : داكشي ديال الله[كتحاول تلف الهضرة] مبغاهمش لينا ربي

جواد هز راسو فيها : عمرك خديتي الفانيد بلا منعرف

حركات راسها بزربة والخوف ركبها : لا عمرني خديتو

دوز يدو فوق راسو : كانو غيكونو عندنا تلاتة دابا

وسعات عويناتها بصدمة : تلاتة !!

بجغ صدرها بين يديه : نبداو بتلاتة

منال بسخرية : غير غنبداو بتلاتة ؟

جواد : انا باغي منك بزاف ديال لولاد

بلعات ريقها مجرد فكرة يربطها بيه غير ولد ويتحتم عليها تفكرو طول حياتها كتخنقها

هضر بصوت رجولي قاصح ومبحوح شوية بالشقوف لي كيضرب وهو كيطلع فيها من صبع رجليها صغير تالراسها : نتي مباغياش معايا ولاد ؟

حركات راسها باه وهو هز حجبانو حيت مفهمهاش حتى نطقات بصوت فيه رجفة: مبغيتش ولاد م [كتترعد] منك

كتشوف كيفاش حبس من تقبيلها كان وقع كلماتها كاكوام الصخر ولا زلزال شي جبل ديال الحجر فوق من مسامعو كتشوف كيفاش كيعلي راسو من عنقها بالعرض البطيء كيفاش عينيه بداو كيشعلو بالغضب والصدمة وكيفاش كتحس بيه كيتحرق عينيه كانو مصغرين فيها كيشوف فيها عينيه فعينيها من المرايا قرب يصوب فيها العافية بعينيه.. كتتسنا ردة فعلو وكت...

[][][]

سهيلة كانت مخلوعة وخايفة بزاف على هاجر ناضت كتجري من دار باها كانت 01:00 و اثر ولا حس هاجر مكاينش بداو الافكار الخايبة تسيطر عليها قربات تبكي ومشات تجري عقلها خارج كتقلب غير على اليزيد حلات الباب لقات السكات فالدار وكاع ضواو طافيين مكاين حتى واحد علاما فراسها راضية مشات تشوف خوها مريض شاد الفراش غتمشي المحمدية فين تشوفو وسليمة ممسموعش حسها تكون فبيتها ولا مشات لدار باها قربات جهة بيت سليمة لتحت مسمعات تا حس وهي تطلع للفوق فاتحاه غرفة هاجر باغيا تتأكد واش رجعات ودازت للدار

حتى كتسمع صوت «احح \ ايي» وسط الدار هزات حواجبها : جيران؟

ولكن لا الصوت كانت كتقرب وكيزيد يتجهد كتقرب وكيزيد يوضاح صوتها صوت سليمة كتوحوح كتشوف شعا من بيتها الضوء جاي من غرفتها زادت قربات و قفات قدام الباب مصدومة رمات الصاك لي فيديها فالارض تسمع صوت ارتطامو بالارض تلفت فيها كانت اوسخ لقطة تشوفها تشوف راجلها فوق وحدة اخرى وفوسط بيتها هي غير كانت كتتخيلها وقلبها كيتقطع عليها فمابالك اذا شافتو قدام عينيها قلبها تعصر اليزيد صفار واللون هرب منو ملي شاف سهيلة قدامو وتم ضور راسو فهاديك لي تحت منو بحالا تخوا عليه سطل ديال الماء بارد مغلاصي بحالا كان مغيب ولا معاقلش وصرفقتيه ملامح وجهو عليهم علامات الدهشة و المفاجئة: س سهيلة؟

سهيلة كانو دموع دايزين من عينيها: فوق فراشي؟ [بلوم] فوق الفراشي اليزيد [كتغوت] حرقتي لياا قلبي [كتزيد تغوت وتضرب فصدرها] هلكتينييي اليزيد هلكتينييي

كاانو عرات قدامها كتشوف فمفاتنو لي لطالما وقعت فحبهم كتشوفهم ملك وشهوة لوحدة اخرى عينها تذرف الدم وماشي الدمع عقلها غيخرج ليها من بلاصتو حاولات تتقبل الزوجة الثانية ولكن عمرها تخيلات تشوفو فوق منها كيف كان معاها وكيتمتع كان عند بالها متعتو كاينة غير معاها ولكن غلط شهوتو مستمرة مع امراة غيرها

سهيلة بلوم والم: حلات ليك وحدة من غيري؟

كتبكي: كنبغيك اسهيلة [كضرب فراسها وكتغوت] كنبغيك اسهيلة

شدها من يديها: سهيلة كن كنبغيك

كانت عارفاه شنو غيقول غوتات هاد المرة حتى بحات: كذااااب سكات سكااات

حشمانة بلاصتو هو لي واقف مزبط قدامها ملابس والو جمعات التنخيمة و اعطاتها ليه وسط وجهو تنخيمة كبيرة عمرات ليه وجهو كامل: عفتك عفتتتك

هو كيقرب منها وهي كدفعو بكامل قوتها: طلقنيي طلقنيييييي

[][][]

ضورها عندو بجهد: علاش مبغيتيش ولاد مني

تنترات منة بقوة: مبغيتش ولاد منك [بسخرية] كتسول علاش؟ [ربعات يديها] حيت مكنحملكش مكنحملش فيك الشععرة [كتنطق وهي كتتغدد] كتخنقني [شادة فعنقها] كنموت الف مرة فالنهار

كتضحك وتبكي: كون يخيروني بينك وبين القبر كنت نختارو على الاقل ربي يرحمني ونت

هزات صبعها وسط وجهو بكل جرأة وتمرد: نت مفقلبكش الرحمة

كتهز عليه صوتها صوتها لي عمرو علا ديالو صوتها لي نبرة ديالو عمرها علات حتى فالضحك دائما كتهضر بشوية بادم واحترام و رقي وخضوع ديما كتتحسسو بنفس النبرة سواءا فالفرح او الغضب ولا الحزن دائما مشاعرها كانو مكبوتة: كتعاملني بحال شي تنخييمة [شافت جنة المرايا] وفالليل خاصني نكون قحبة باش تتمتع ولكن اناا [كتزيد تعلي فصوتها فكل كلمة كتقولها] اناا باااش كنتمتع باااش؟؟ بحال شي بهيمة تعلفها وتوردها[تشربها] و كيتسناها الكسااب تتمر باش من العيد العيد يخرجها ولا باغي يديرها مشروع للانجاب

شافت فيه بجموح: انااا امراة

[][][]

فاقت على صوت شي مدابزة برا الشومبرة راسها كان غيتهرس عليها شادة راسها بين يديها وكتسمع صوت سيارات البوليس فاقت مفاهمة والو كيبان ليها علي كيليس حوايجو بزربة: علي شنو واقع

بغا يتحرك وشداتو من يديه: علي فين غادي

نتر منها بجهد حتى ضربات يديها مع الكوافوزة لي كانت حدا السداري: فين كنعرفك طلقي مني..

***

- زوجوها، اخفوا فضيحتها وادفنو عارها. زوجوها وتخلصوا من فثنتها

هي : زوّجونـي، اخرجونـي في كفن العروس الى جهنم دنيوية آدميـة. ظلمنـي الاقارب وآذوني الاحبـة، كبّلونـي بقيود وأغلال الرِقّ تحت مايسمـى بِـ {طاعـة الزوج}. اشعلـوا نيران الحُزن في قلبـي حتى اطفئوا بريق العيونِ واغرقوا سُفنَ الطموحِ

هو : ما ان تذوّقت جرعـةً منـها حتى اسقطتني مدمنـاً، سكّيـرا. يصيـبُنـي الجنونُ و تتلف أعصابي إن غابت عن ناظـري. ترانـي بارد التعابيـر لكنّ داخلـي غيرةٌ تغْلـي و شوقٌ لا يزول

كيتحسسها من حلقات وذنيها: توحشتك [كيبوسها من عظمة عنقها]غبرتي عليا

كتبادلو العناق و كتبوسو من صدرو العريان: حتى انا توحشتك[عوجات قنوفتها] المنطيح بقا النهار كامل فالدار مصبتش نجي نشوفك

جلس وجلسها فوق منو وهي باقي بلباسها: باغيك تنعسي معايا

كتضحك: حتى انا توحشت النعاس معاك كنعيفو فاش كيقرب ليا [باستو] متبقاش تصوني عليا الى مصونيتش انا

شدها من يديها: شنو كاتبة عليا فتيليفون

كضحك بجهد: كريمة الخياطة

كيضحك وهو كيقيسها بحنان ولكن بشغف وشهوة وهي كذلك مجردة من كل خجل او حياء وكل ذرة عيب كتمارس بكل حرية و كتبادلو الرغبة وهي كتعري فراسها وكتطلب منو الوضعيات لي مشهية بكل انتقائية

كان كلشي واقعي كأنه حقيقة كتحس بدوك اللمسات كتستشعر داك الاحساس والرغبة كتزداد فاقت مخلوعة وكتغوت: ااااا

كتنهج واش من الخوف ولا من الرغبة لي اجتاحتها فالكابوس قلبها كيضرب بواحد الجهد لي يقدر يتوقف كتحس بالرعشة قلبها حتى هو كيترعد وكيحرقها ومعدتها معصورة احساس القيء وكانت كلها عرقانة و كتقطر بالعرق وشعرها مشتت عليها ونازل مغطي دراعها حتى كتحس بدراعو فوق منها قفزات كتتراجع باللور وهي كتترعد: ماشي انا [كتحرك راسها بلا] مدرت والو

عينيها كانو خارجين و ووجهها كيبري بالعرق حطات كفوفها فوق عينيها كيرجفو: والله مدرت شي حاجة

حيد يديها من فوق عينها: واش حلمة ؟

كتبكي وكتحرك راسها فنفس لوقت: اه خايبة [كتمتم] خايبة بزاف

قرب منها وحط يدو فوق راسها جرها جهتو وحط راسها فوق صدرو كيمرر يديه فوق خصلات شعرها: هادي غير حلمة

غمضات عينها مزيرة عليهم وهو طول يدو شعل لفيوز لي حداه باش يدير شوية ديال الضوء فالغرفة: شنو حلمتي

منال بتردد: معرفتش نسيت

كيمرر يديه بين خصلات شعرها وكيهضر بصوت خاتر بالنعاس: غير حلمة دابا فقتي منها

باقي كتڤيبري من الحلمة مكتبغيهش ولكن مكتتخيلش راسها كتخونو متقدرش على هاد الذنب ولو فالحلم ولو فخيالها عمرها خانتو كانت وفية خالصة من نهار وقعات على عقد الزواج لي ربطها بيه

بقات ناعسة فوق صدرو حالة عينيها وسط هاداك شوية ديال الضوء و يديها التانية فوق صدرو وهو حاط يدو فوق منها حتى كتسمع صوت لي كيدير ملي كينعس ماشي شخير ولكن صوت فحال الصفير عاد بعدات منو شوية وناضت للحمام كتغسل وجهها طلعات راسها فالمرايا والماء كيقطر من وجهها وعينيها باين عليهم التعب :استغفر الله

كانت كتستغفر وتردد توضات وخرجات تصلي ركعات لوجه الله تطلب السماح والمغفرة من الحلم لي حلمات واخا مكانش بيديها وفوق قدرتها ولكن كتحس بالذنب كأنها سمحات لراسها تنجارف لهاد الكابوس

قرات شوية ديال القرآن قبل متتخشا حداه فبلاصتها ولكن النوم غادر عيونها خدات تيليفون بين يديها كتتصفح المنشورات فالفايسبوك وكتحس بيه كيتحرك تارة باتجاهها وكيعنقها وهو وسط النعاس ناعس على كرشو كيحط يدو فوق خصرها ولا فوق صدرها وهو معنقها هي ناعسة على ظهرها وتارة كيبعد وكيعطيها بظهر حتى صبح الصباح فاقت كتوجد القهوة و تفكيرها سارح فاحداث ول بارح لي كان كلو اكشن وحركة

- مبغيتش منك ولاد

فاش نطقات هاد جملة هم وانزاح من فوق قلبها وبدا تتخايل راسها كتواجهو وكتهز صوتها عليه وبغات تصارحو بنفورها منو وحقدها عليه ولكن غير شافت انعكاش نظراتو من ورا المرايا ويديه لي حط على دراعها بزوج وهو وراها ومزير عليها: علاش مبغيتيش لولاد مني

منال كتشوف فيه من مرابا ولكن بدلات نظرتها لنظرة حزن: كنشوف راسي واقيلة مكنولدش مبغيتش نتعذب ونعذبك معايا [حدرات راسها فحال شي قطيطة] كنتخيل ميعطينيش ربي وليذات قلبي كيتقطع عليا

جواد رخى من دراعها وضورها جهتو وشد راسها بين يديه: ضروري غيكون الحل الى كان شي ضر غنلقاوه ونعالجوه

منال: و الى مكانش حل واش [بفضول كتحاول تستخرج منو الهضرة] غطلقني ولا غتزوج عليا

جواد: الى مكانوش لولاد منك مبغيتهمش

مفهماتش المغزى من كلامو ولكن تجاهلات: وغتبقا حياتك كلها بلا ولاد

جواد: نقدر نعيش بلا ولاد [دوز صبعو الابهام فوق خدها كان حرش على ملمس بشرتها الرطبة عكس صبعو لي دازت عليه الدكاكة فالكاراج وتمارة] نقدرو نربيو شي بيبي باش تجربي [باسها من وذنها حتى تبورشات بطريقة واحترافية البوسة لي دار ليها] غتجي معاك الامومة

ابتاسمات بزز وغير داز من وراها خارج من لبيت خنزرات: واش مغنتفكش منو لا بهاكا لا بهاكا

سهيلة كانت فراشة جناحها مكسور تهرسات فيها كل حاجة زوينة والالوان اختفت من حياتها كانت وردة الوردة لي قطفها صاحبها دبلات بالاذى و القهر

سهيلة باقي دموع مبغاوش ينشفو من خدها: توقعتها من كلشي الا منك نتَ

عينيها صغار بالبكاء وملامح وجهها مغبونين: مكنتش باغيا شي حاجة تضرك ولكن انا لي تضريت منك [كتغوت] واش تقاداو البيوت ملقيتي فين من غير بيتي [مبقاتش قادرة تغوت مع البكاء والغوات نفس كتحبس فيها] حسبي الله ونعم الوكيل فيك حسابي معاك قدام الله

وخرجات بلاما تهز صاكها من الارض ولا تهز والو خرجات كتحري وهو تبعها حتى وصل باب الدار عاد وعا على راسو بلي خارج عريان ورجع كيجري لبس اول فوقية جات قدامو شدات فيه سليمة من يديه بغات توقفو: الحاج

دفعها محاسش وخارج كيجري ورا سهيلة كيقلب عليها بعينيه وسط الدرب مبانتش ليه معرفش اشمن طريق شدات ولكن مشا كيجري قاصد دار باها هي اول حاجة جات فبالو ولكن سهيلة عرفتت بلي حتى واحد ميقدر يحس بيها من غيرها مشات قاصدة دار منال كدق فالباب حلات ليها الكبيرة كتشوف حالتها حالة: ياك لاباس اشنو بغيتي فنصاصات الليل

سهيلة متسوقاتش ليها بدات كتغوت من الفصيل باش تسمعها منال الفوق: منال

منال سمعاتها و خرجات من برطمة ديالها غير فدروج: شكون [بشك] واش سهيلة

سهيلة بصوت مغبن وباكي: اه

منال: طلعي عندي [وشافت من وراها كتقلب عليه] جواد سهيلة جات عندي

علماتو باش يرد البال يلبس حوايجو لاخرج للكوزينة ميخرجش عريان ولا بكرصون طلعات سهيلة كتنخصص غير شافت منال طاحت عليها كتبكي وتشهق: غذرني ا منال غدرنييي

منال كدخلها للدار وهي مسندة عليها: سهيلة غير بلعقل مسحي دموعك وعاودي ليا مالك [كتقيس فيها]ياك نتي مزيانة ؟

سهيلة كتحك راسها بالنفي: انا ممزياناش شنو درت واش منستاهلش منو غير الاحترام

منال: هضري واضح راني مفاهماكش

بدات سهيلة كتعاود بجهد ومرات كتعاير و ممهتمتش لوجود جواد فالبيت لاخر

منال تلفتات كتشوف الباب ديال بيت مسدود ولكن متقدرش تهضر براحتها خرجات عينيها فسهيلة و لغة العيون هي اعمق لغة: سهيلة هااداك راه راجلك [عارفة جواد كيسمع كتهضر وكتخرج عينها فسهيلة] سهيلة [كدير اشارة بيديها دلالة على الفلوس] راجلك وتاج فوق راسك [كتغمزها وكدير اشارة لفلوس بيديها وكتخشيهم فجيبها زعما] الى غلط معاك عفي غضبي ولكن متخليهش راه ماليك حتى واحد من غيرو [كتندب بشوية] فهمتيني ؟

كانت كتمعني بالساروت والفلوس على المحل لي اعطاها ومبغاتهاش تسمح فهادشي

منال: نهار لول قبلتي بالضرة خاصكي تا دابا ترضااي

وكتنعت عاوتاني بعينيها كتشرح ليها بلغة العيون والاشارة بلي نهار لول قبلات بضرة ميمكنش دابا تتخلى وتخرج خاوية من هاد زواج حيت لاهي لي طلبات الطلاق مغتدي غير باش تنقي سنانها منال مبغاتهاش تخرج خاوية وسهيلو ضيعات قلبها و مشاعرها مع اليزيد باش فلخر تخرج خاوية

عنقاتها بلعاني وكتهمس بشوية: عارفاك كرهتيه [كتشجعها] زيدي كرهيه يستاهل السم لي مينوضش من وراه ولكن خاصك تحققي حياتك عاد ترميه كيف الكلب [شدات وجهها كتمسح دموعها] سهيلة خدمي عقلك معايا

بعدات عليها: بقاي معايا الليلة هنا [تلفتات غاديا جهة الباب] غنجيب الوسايد والغطاء

سهيلة: لا بغيت نمشي

منال: مغنخليكش تخرجي من عندي فهاد الحالة

دخلات للبيت وهو باقي فايق عرفاتو غيكون سمع كلامهم وسمعها كتنصحها : غنعس مع سهيلة فالصالون اليوم

خنزر فيها وهي تقرب ليه: عافاك شوفها مسكينة حالتها حالة منقدرش نخليها تمشي ولا تبقا بوحدها تمشي دير فراسها شي مصيبة

جرها من يدها عندو حتى تلاصقات معاه: وانا مالي؟

منال: نت قلبك كبير وغتخليني معاها هاد الليلة [باستو من خدو] تصبح على خير

جابت غطاء ليهم و مانطات و ووسايد فرشات فالارض و نعسات وهي معنقة سهيلة لي الليلة كاملها وهي كتبكي فوق صدر منال ومنال سهرانة معاها كترد بيها وكتهمس

بشوية فوذنيها بالصوت لي ميسمعوش جواد : سهيلة باراكة راه دموعك غالية فيه [كتحزر فيها] سوسو غتصبري غير حتى ديري علاش ترجعي صبري غير حتى تملكي المحل و ديري راس مال صحيح واخا غير باش تهزي راسك فالعام لول من ورا الطلاق

سهيلة كانت غير مخشية فحضن منال ومعنقاها معندهاش ختها ومها ماتت وخلاتها مراهقة عندها غير هاد الحضن وهاد الكتف لي تحط عليه الراس [][][]

- البولييس [كيتغااوتو] البولييس

بعصبية هربان: شكون هاد ولد المارجة لي بيعنا

كاشي كيتجارا الفوضى نايضة وشي كيتزادح مع شي اصواتهم كترتافع وكتتقب طبل وذنها دايخة كتشوف كلشي هربان تاهية كتتمشى وكتتايل بدوخة و حيط كيرميها لحيط اخر وقفات لبرهة حاطة يديها فوق جبهتها محساتش براسها امتى غيبات وسط هاداك الضجيج الغوات وصوت الموسيقى عينيها كانو كيتسدو ويتحلو شوية الصورة تضببات بين عينيها صورة غير واضحة وشوية بداو عينيها كيتسدو كتر كتشوف شي خيال قدامها شدها من يديها مواضحاش الصورة معارفاش شكون

حتى حلات عينيها من جديد كضور راسها فالبلاصة لقات راسها وسط طوموبيل ديال علي اللور منعسها شافها من زاجة كتتحرك وهو جالس فمقعد السائق: هاجر

ناضت مزال شادة فراسها: شنو وقع فين حنا

اعطاها فيديها 50 درهم: باش تمشي لداركم

هاجر معاقلات على اخر محادثة بيناتهم: مغتوصلنيش الليل هذا غتخليني نمشيي بوحدي

علي بدون مبالاه او اهتمام: عندي منقضي سيري فطاكسي

هاجر مفهمات والو كانت كتقاد فشعرها هزات شكارة لي كانت مخلية فطموبيلتو فيها حوايج باش غتبدل هزات منهم حوايج ولبساتهم وسط طموبيلتو و قربات باستو من خدو من اللور: بسلاما

بعد منها شوية فاش قربات تبوسو وبلاما يجاوبها غير هبطات ورك على الكسيراتور وزاد مخلي غير العجاجة وراه هي مدات يديها لشانطي حيت خلاها فشارع عامر بالناس باقي تمشي وتجي قدام شي بيران كاينين الكاردكورات برا و الكاميرات لاخوف عليها شدات طاكسي لدار باباها ديال سهيلة وكتشوف فالساعة 3:30 ديال الصباح عرفات بلي غتتصبن من عند سهيلة وكانت طريق كاملة كتفكر فالكذبة المناسبة لي تخرج بيها راسها

كدق وكتعاود كان كلشي ناعس وحتى واحد ماحل ليها الباب كتسمع غير صوت السكايرية كيضاربو وهي حادرة راسها مزيرة على شكارتها خايفة وكتتمشى بزربة وخطواتها سراعين غير ركابيها لي كيتقرقبو فسكات الليل مشات لرياض حلات بشوية الباب كان سكات فالدار بحالا مافيها حد طلعات كتتسلت بالسكات لبيتها دخلات وسدات عليها كضحك فرحانة بهاد الليلة معاقلاش على وقائع الليلة تمسح ليها من دماغها المضاجعة و الممارسة لي دارت مع علي بحكم كانت سكرانة معاقلاش على هادشي فبالها صورة وحدة صورة القبلة لي ظارو قبل المضاجعة حيت كان يالاه بدا تاثير الكحول على عقلها تكات وهي كتحس بشوية ديال الحريق بين رجليها معرفاتش مناش هزات لاجوندا كتشوف امتى غتجيها الدورة تحسبا تكون هي لي دايرة ليها هاد الحريق الطفيف

ناضت للطواليط هبطات سروالها جالسة فكرسي la chasse d'eau هبطتت عينها جات على سليب لي كانت لابسة فيه اثر دم ولكن يالله مشاو منها

هاجر: العجب هذا

هي فطواليط هازا تيليفونها كتراسل علي: شكرا على هاد la soirée [كتبتاسم] دابا [كتكتب وتعاود تمسح فالكلافيي] حنا ولينا زعما [مقدراتش تنطق وهي تسيفط ليه اوطوكولون] 👩‍❤️‍👨

وسدات تيليفون كتشوف فالسقف فرحانة ورجعات حلات تيليفونها كتقلب على حليمة : فينك

حليمة على القرص: wee

هاجر بحماس: عرفتي شنو وقع بيني وبين خوك

حليمة : شنو وقع

هاجر حشمانة : باسني [رافقاتو بهاد الوجه ديال حشمة] 🤭

حليمة: غير بوسة دارت فيك هادشي كامل

هاجر: صراحة علي ولا كيعجبني ولا يمكن كنبغيه

تيليفون سهيلة مسكتش الليلة كاملة وهو كيصوني حتى طفاتو اليزيد كان غيخرج ليه العقل وهو كيقلب عليها صبح الصباح وهو باقي كيتمشى فشوارع الدار البيضاء وكيقلب عليها وكيصوني عليها

فالصباح فاقت منال بكري دخلات كتوجد الفطور لسهيلة و حطات هو لول كاس القهوة و petit pain aux noix فيه فرماج ومودزاريلا ومرافق بـ Merguez [صوسيص] لجواد محيت هادشي باش كيعجبو يفطر دخلاتو ليه للبيت و حلات الريدو ديال البيت و جات حدا راسو كتفيقو بصوت ناعم: جواد

تحرك ولكن بلاما يحل عينو: جواد [حطات يديها فوق كتفو كتحركو بشوية] جواد فيق

هي جالسة وهو مزال متكي حاوط خصرها بيديه بزوج كيتعݣز وهي كتقيس فشعرو من الفوق: هذا هو الوقت باش تفيق

باقي معنقها ومغمض عينو وهضر بصوت مدعدع بزاف بالنعاس وفيه واحد البحة جاتو من الزطلة لي كيضرب مرة مرة: شحال فالساعة

منال : 8:30

خوا ليها بلاصة: باقي الحال [دار يدو حداه] قربي ليا

منال كتتهرب: خليت سهيلة بوحدها و

جواد قاطعها بعصبية: متكفرينيش ولا غنجري عليها

تنهدات حيدات البالطوفة من رجليها وطلعات حداه عنقها خاشيها فيه وهو باقي مغمض عينيه كتشم ريحتو هادي ماشي بارفان ولكن ريحة ديما كتكون فيه ماشي خايبة بلعكس ريحة زوينة ولكن هي مكتهتمش ومكتلاحظش بالنسبة ليها كلشي فيه كيقززها بقا معنقها 10 دقائق عاد طلق منها وناض هي غير حيد يديه عليها مشات كطير من حداه : الفطور را واجد [ابتاسمات] غنفطر انا مع سهيلة

وخرجات كتوجد الصينية و حليب باللويزة لسهيلة يرخي اعصابها وكتراجع حتى اتاي وكتعمر فطباسل بالكيك و المافين و الصابلي والفقاص و البتيبان و العسل والزبدة والفرماج و الكاشير وزيتون مشرمل وكحل وحتى القريشلات مخبياهم جبداتهم حطاتهم فرحانة بصاحبتها مكرهاتش تحط ليها الدنيا قدامها وجدات الطبلة فالكوزينة صالا مونجي صغيرة وكراسا و خلات حتى خرج جواد عاد فيقاتها باش ياخدو راحتهم: سهيلة نوضي تفطري

سهيلة: معنديش منين يدوز

منال: عارفاني غنخليك بلا فطور نوضي كان نفسنا نفطرو بزوج شي نهار وهاهوا هاد نهار [كتجرها بزز] نوضي تكعدي

ناضت سهيلة بزز منها دخلاتها للحمام وسدات عليها باش تغسل وجهها وتفيق وخرجات كتدير ليها اشارة: واش كاين فدار ؟

دارت ليها منال براسها لا وهي تخرج غير ببيجامة لي لبسات من عند منال لبارح حيت لاكان ضروري تلبس طويل تحتارمو وتحتارم صاحبتها

جلسات ومنال خوات ليها اتاي و حطات ليها كاس ديال اللويزة: هذا باش ترخاي شوية

سهيلة: انا راه خاصني نتوݣض [نفيق] ماشي نترخا

منال: شنو غادي ديري دابا

سهيلة: واش هذا سؤال تسوليه غنتطلق

منال: سهيلة واش نتي هبيلة غتخرجي طويلة من هاد زواج

سهيلة هزات كتافها: غناخد النفقة وشي 3 مليون تعويض

منال: حنا بغينا خبزة دايمة يعطيك 3 مليون مالها صدقة وهو عندو خنز دنيا غتخرج ليه طريفة دغيا يسرسبك

سهيلة: شنو بغيتيني ندير نرجع لداك الرياض عمرها غتكون ليه

منال: سمعيني [كتهضر بشوية خايفة الحيوط تسمعها] سمعيني ا بنت الهبيلة غترجعي وغتتشرطي كيفما بغيتي شرطي الذهب شرطي دارك بوحدك شرطي المحل يجهزو باشما بغيتي

سهيلة: منال انا كنت باغيا ندير علاش نرجع ولكن منقدرش مبقيتش باغيا وليت باغيا غير نسالي معاه راه[تغرغرو عينيها] غير غنشوفو غتجي صورتو فوق منها بين عينيا [كتحرك راسها بالنفي] منقدرش

منال تنهدات: اش غنقوليك انا حاسة بيك فاش كتنفري لحاجة واخا يحط قدامك الدنيا متحمليهش

سهيلة: هانتي فهمتيني فلوسو غير يزيدهم فيه غنخرج نكري بيت مع جيران

منال: الله معاك نيتك زوينة وغتخرج فقليل النية

بداية فلاش باك من عام • 2020 •

كتجمع فلحوايج وكتلفت يمين وشمال مقابلة مع شقة الباب كتراقب واش جاي شي واحد حطات بزربة وهي خايفة سليبات و سوتيانات وواحد زوج لبسات وبيجامة وشيتة الشعر وسنان وواحد نيڤيا قديمة نصها ممسوح و رمات الكحل لي متقدرش تستغنا عليه وواحد العكر

فاطمة: منال خرجي ا بنتي جواد جا يشوفك

منال: شكون جواد

فاطمة كتخرج فيها عينيها: كيفاش شكون جواد راجلك انشاء الله

تنهدات منال ودارت فوق راسها الدرة وخرجات عندو للصالون كان جالس وفاطمة كتخوي اتاي: عبد الحفيظ سير اولدي جيب هادك القصرية ديال القشاوش من كوزينة

بلعاني سبقاتو للكوزينة وتبعاتو باش تخلي جواد ومنال بوحدهم جلسات فالصالون ولكن فطرف السداري حدا الباب باقي ببانطوفة ديال الدار باغيا غير فوقاش تنوض وهو لداخل و مجبدة كمام العباية وجالسة كتشوف فالارض محاملاش تشوف فيه

الجو كان مكهرب بزاف، سكات كيتسمع صوت التلاجة لي كانت فالفصيل حتى كسر الصمت جواد بصوتو الرجولي: عمري شي كاس

هو غير بغاها تتحرك من تما وتقرب دخلات وراجعات اتاي و خوات ليه كاس مد ليها واحد جوا: هادو باش توجدي دهاز

كان ظرف عامر بالفلوس مفهمتش ولكن خداتو ملي اعطاه ليها كتقلب فيه بشوية فتحاتو لقات بزافف ظيال القرفيات والزرقات هزات عويناتها فيه وحطاتو ليه: مبغيتش شكرا

حطو ليها فجيب البينوار لي لابسة طويل وعريض فوق بيجامة وغير شافت خوها دخل مع الباب جلسات تاخيا كتاكل معاهم وغتوحل ليها كتحس بنظراتو كتختارقها مخلاهاش تاكل هاديك المضغة فخاطرها حتى المضغة كتمضغ بشوية محاملاهش يشوف فكها كيفاش كيتحرك كيحرجها حتى وحلات ليها ومها جالسة من وراها كضرب ليها على عنقها وخوها تعصب: مالكي على حالتك [كيغوت] هيشة متعرف تاكل

فاطمة كتشوف فيه باش يسكت وهادشي كلو داز قدام عينين جواد كيفاش خوها كيهينها وكيصبن فيها جبد واحد 100 درهم من جيبو: بدل ساعة بخرا ضرب لك شي طرح وتقهوا ليك مع راسك

كان باغي ينوض يملخو عصا ولكن مبغاش هادشي يأثر على زواجو بـ منال

فاطمة: عنمشيو اليوم نختارو انشاء الله الخاتم

جواد بصوت رخم: معاش غتمشيو نوصلكم ونرجعكم

فاطمة: لواه اولدي منعذبوكش نمشيو فطاكسيات

جواد: مكاين حتى عذاب

منال كانت غير كضور فعينها ومكتشوفش جهة جواد بحال شي عفيفة و الحياء كيتقطر منها حط تيليفون فوق الطبلة كان باقي جديد بكرطونة ديالو Samsung Galaxy FE : هذا ديالك

ابتاسمات فاطمة فرحانة وهي كتشوف فنسيبها المستقبلي مهلي فبنتها قلبها بدا كيتهنا على بنتها وهي كتشوفو كيخسر عليها القلوس من قبل الزواج: مزيان باش تقدو تهضرو [هزاتو فاطمة اعطاتو لمنال] الله يعطيك الخير اولدي

جواد وقف باغي يمشي: صوني ليا فاش تكونو خارجين

فاطمة: الله يعاونك اولدي ويبعد عليك ولاد الحرام [جلسات حدا منال و عبد الحفيظ خرج مع جواد] تبارك الله ابنتي الراجل معقول و مهلي فيك قبل من زواج علم الله شنو غيدير عليك من ورا الزواج

شافت فيها منال باستحقار: على تيليفون قربتي تنبحي ا مي

فاطمة: انا فاهمة كتر منك ابنتي والرجال كيبانو من قبل زواج من دابا تعرفي كينتو يكون خايب تايعيا غير ميكومش صقرام سوليني انا على باك الله يرحمو كان الريال ميطيح من يدو شحيح و ميصرفش حتى على ولادو نتوما ثمنية كييعطينا لترو ديال الحليب فيهم هاد نفوس كاملة وياحسرة عندو حانوت والطحين خاصو ميتقادا على سيمانة [تنهدات] لهلا يعيشك هادشي ا بنتي

منال مكانتش كتتمزك لهاد الموسيقى بالها فحاجة خرى هزات هاداك التيليفون وعوض متراسل خطيبها دخلات فالحال نمرة بلال وسيفطات ليه: بغيت نشوفك ضروري

يتبع...