محتوى القصة
فلاش باك
مها لبسات عليها لباسها ودارت حجابها وكتتسنا فمنال لي حتى هي لبسات جلابتها و دارت عليها الدرة: صوني على جواد ابنتي
منال: مي كون خليتينا نمشيو غير راسنا هذا راه سوق العيالات
فاطمة: صوني على الراجل ولا غنوليو فسوق البراهش قالك غيوصلنا غيوصلنا [ضارت فيها] من دابا باديا بقصوحية الراس تبتي غرسك ابنتي
هزات منال التيليفون بالنفخة وتيليفون فيه كارط سيم جديدة مقيد سميتو فالكونطاكط بـ [مول الشي] هي مفهمات والو :مي اريليا نمرتو را معنديش منعرف شكون هاد مول الشي
فاطمة: يمكن خدام عند شي واحد [قرنات حجبانها] ولكن فراسنا الكاراج ديالو [جبدات واحد لكتاب عندها فين كيقيدو ليها نوامر حيت هي متعرف لاتقرا ولا تكتب] هااكي ابنتي قلبي راه كاينة هنا
بدات كتقلب منال حتى لقات نمرتو مكتوب عليها [النسيب] وهي تقيدها فاش صونات طلعات ليها نفس السمية ديال [مول الشي] كانت نمرتو وهو لي مقيدها بهاد السمية
منال بشوية كتهضر: آلو
جواد: انا باب الدار
وقطع عليها مفهمات والو [هذا مالو واش كان لاصق باب الدار ]
خرجو طلعو للطموبيل و فاطمة نغزات منال ملي شافتها بغات تركب اللور باش تركب لقدام وركبات القدام كان طالق غير الراديو حيت كاينة معاه نسيبتو مشاو لقيسارية المنجرة قيسارية خاصة ببيع الذهب والمجوهرات كيضورو وكيشوفو فلفيترينات منال حمقاتها واحد لغورميط من محل [عكرود للمجوهرات] دخلو عندو كيشوفو داكشي لي كاين اختارت الخاتم لي بغات بلا خاطر غير مها لي كتعطيها رأي اما هي بدون رأي غا واقفة فحال شي تمثال فمعبد آمون و مع كانت حاطة عينها على ديك الغرميطة طلب جواد من الذهايبي يجبدها ليه تجربها وهي حمقاتها ولكن مكتبينش قيساتها وجات معبورة عليها بغات تحيدها من يديها وحبسها: خليها فيديك
وغير سمع الذهايبي هاد الكلمة وزاد عليه ضعف الثمن حيت عرف عجباتها وهو مغيخسرش ليها وخدات اونسومبل كامل فيه سنيسلة و2 دبالج غلاض وطوينغات خلص جواد و خداو روسي وخرجو كان العشية شاف ففاطمة من زاجة: شنو تبغيو تاكلو الآلة فاطمة
فاطمة ابتاسمات: انا غير حطني اولدي ندخل للدار [حطات يديها فوق كتف منال] شوف منال شنو تبغي تاكل معاك
تعمدات تخليهم على انفراد حيت كتشوف الفجوة لي كاينة عند منال من جهتو وهبطها فعلا حدا دار و تحركو بزوج :فين تبغي نمشيو
منال مقابلة الشارع ممسوقالوش: فينما
هبطها للبحر وواحد المطعم شعبي جنب البحر اختصاصي فالاكلات البحرية : واحد دوبل اكسبريسو [شاف فيها] شنو بغيتي تشربي علاما وجدات شواية
منال: الماء
جواد: شي باناشي
اختار بلاصتها حيت شافها باردة ومباغيا تختار والو ميمكنش تشرب غير الماء سرباوهم فنتظار الاطباق
منال: كاين عرس صاحبتي بغيت نمشي ليه
جواد: العرس مخلط؟
منال: لا غير العيالات
قاطعهم السرباي حط ليهم غير الحوت مشوي بانواع مختالفة مشوي و سلطات فمقبلات وحتى ديسير بداو كياكلو وجواد محيدش عينو منها غياكلها بعينيه حتى حشمات ونزلات عينيها مقادراش تشوف فيه
وريحة البحر كتفتح النفس والريح كيحرك واحد زغيبة من تحت درة منال و كيطلعو حتى على صدرها شوية كانت جالسة من جهة لاخرة كتشوف جهة القهوة فين جالسين ناس وهو مقابل معاها : اجي هنا
وقف وحرك الكرسي حتى جلسات ومشا هو بلاصتها دابا ولات كتشوف غير فيه ووراه البحر مكيشوفها حد كيحرك عينو فجميع تفاصيلها ثغرها الباسم و بشرتها الحنطية و شفارها الرفيعة و هاداك الكحل الحر محسش امتى نطق: عين الغزال
اليزيد كان باقي مناعسش عينيه حمرين وتحتهم كحل دخلات راضية يالله جايا من عند خوها لقاتو تخلعات: لحاج كتبان عينك مشافتش نعاس
اليزيد معصب :سهيلة بغات تطلق
راضية حطات الصاك وجلسات حداه: علاش [باستغراب] سهيلة عاقلة مغتجيش ودير هادشي
اليزيد كيحك راسو بهستيرية: معرفتش معرفتش اش وقع ليا
راضية دوزات يديها فوق كتفو: الحاج وسع خاطرك غتكون غير لحظة غضب
وناضت للكوزينة لقات سليمة ناشطة وكتدندن غير شافت راضية وهي تنقز بحماس كتعاود ليها: خالتي البارح
بخجل: خرجنا السروال
راضية: اشمن سروال
سليمة: البارح [توردو خدودها] درناه انا والحاج
راضية كلنت كتشوف خحجلها واحمرارها و تعابيرها فهماتها طايرة وكضحك: على سلامتكم
سليمة كتتباهى بشنو دارت: درت ليه اتاي بـ عشبة العنزة[Fleur des elfes] و [حشمانة] سخن بزاف مشيت لبيتها [سهيلة] بغيت ناخد الريحة لي وريتيني مبقاتش عندي [بحماس كتهضر] تخيلي مدارش ليا لوقت فين نمشيو لبيتنا [تقلقات فجأة ملي تفكرات شي حاجة] كان كيعيط غير بسميتها شنو ندير باش ينساها واخا غير ملي يكون معايا الله يغصبها حررات فيا ليلتي
راضية خرجات من لكوزينة شادة فراسها نهار على نهار كتزيد تدرك بلي خرجات على ولدها وضيعاتو حيت عارفاه كيبغي سهيلة معمرها شافتو مرتاح وضاحك من نهار مات باه حتى للنهار دخلات لحياتو لوناتها وعرفات كيفاش تخليه ياخد كاع الامور بايجابية و عالجات نواقصو كملاتو كانت راضية فرحانة وراضية على زواجهم كانت كتشوف الوِد والحب بيناتهم كتقرا الراحة والرضى فعين ولدها
شدات راسها كضور فيه: شنو درت اربي ظلمت ولدي وبنات الناس
تنهدات وهزات تيليفون كتصوني على سهيلة وسهيلة كتشوفها كتصوني
منال: شكون ؟
سهيلة : خالتي راضية
منال: متجاوبيهاش المنافقة
سهيلة: حشومة كانت واحد نهار فبلاصة مي الله يرحمها رحماتني وحنات فيا
منال كتعيبها: وجابت ليك الضرة سهيلة أ قلب الحليب واش متقدريش تحقدي ولا مكتعرفيش كاع هادشي لي دارت فيك ومزال كتحتارميها
سهيلة: الله يسمح ليها [جاوبات] الو خالتي راضية
راضية: فينك ا بنتي الحاج غيخرج ليه العقل
سهيلة: يسيفط ليا براتي
راضية: اعوذ بالله ا بنتي اش هاد الكلام كنسمع منك
سهيلة: هذا هو لكلام لي تسمعي مني ا خالتي راضية العيشة بيني وبين الحاج حرارت [حابسة دموعها بزز] وصلنا للفراق
راضية: الله يرضي عليك ا سهيلة رجعي للرياض نهضرو كلشي ليه الحل
سهيلة: واش عرفتي فين لقيتهم [طلقات دموعها هابطين] فوق فراشي
راضية: تعالي ا سهيلة نهضرو كلشي ليه الحل نتوماض ماشي ديال الفراق
سهيلة: مابقاش كلام اخالتي الله يرحم ليكم الواليدين كيفما خطبتوني نهار لول طلقوني دابا وخليت ليك الراحة
وهي تقطع: تسولي ليا المنطيح لا كيعرف شي سمسار زوين
منال: علاش كدخلي ليا لمنطيح فكلشي
سهيلة: هو عارف السيكتور مزيان غا سوليه الله يعطيك الستر بغيت شي حاجة رخيصة كيفما كانت مكنتشرطش
منال: وعلاش غتتلاوحي فاشما جلسي معايا حتى تجمعي راسك وتلقاي حاجة نقية
سهية حركات راسها بلا: تت بغيتي المنطيح يجري عليا تلقاه البارح بايت يدعي عليا
منال: هو كيخدم نهار كامل و فالليل راه نتي فبيت وهو فبيت شوفي دار را متيسعة
سهيلة: منال قولي شي حاجة معقولة معندي مندير فدارو وزيد لازدت نهار وشفت وحدة فلوايساتك كتبقنن عليك غنريش مها
ناضت كتلبس حوايجها: دابا فين غاديا
سهيلة: غنمشي نشوف هاجر واش فالرياض تشوشت عليها لبارح من ورا الفضيحة نسيتها نهز شي حوايج ونمشي لدار با تا نلقا شي بيت فين نتخشا ونقلب على شي محامي
منال: التيليفون بيناتنا متخلينيش نتشوش عليك
باستها سهيلة: تهلاي فراسك ا الطوبة [حيت مهبرة و قصيرة عليها]
بادلاتها القبلة منال: لي احتاجيتيها قوليها ليا
خرجات ومشات للرياض غير رجليها تخطات العتبة شدها اليزيد من يديها: سهيلة سمعيني
سهيلة كتحرك بجهد كتتفركل وحاطة يديها فوق وذنها: مبايتش نسمعك [كتغوت] كذاااب
اليزيد: غير سمعيني
سهيلة كتغوت: طلقنييي طلقنيي
اليزيد تعصب و زيرها شوية بلاما يحرقها من دراعها وهو شادها بيديه بزوج مقابلها معاه: الطلاق حيديه من بالك [بثقة] مغنطلقكش
سهيلة بعناد: غتطلقني بغيتي ولا كرهتي
اليزيد: سهيلة انا باغيك [شدها من يديها بشوية] ثيقيني معرفتش سنو وقع ليا البارح [حشمان من راسو] يصحاب لي..
كان متردد ينطقها حتى قالتها بلاصتو: تخيلتيها انا ؟
حرك راسو باه وهي تصرفقو لوجهو: وكتقولها ليا فرحااان بيهاا واش انا لهاد درجة زايد ناقص لي بحالي بحالها وليتي تخلط بيناتنا
اليزيد عاوتاني شدها من يديها: سهيلة غير اعطيني عقلك راه مكنتش طبيعي حتى انا محاسش
سهيلة ممتيقاهش: زيد كذب باش تخرج راسك
اليزيد: سمحي ليا
قاطعاتو بالغوات: ممسامحامحاكش ولا فيك شوية ديال الرحمة والى قضا فيك شوية ديال الخير والملح لي شركنا طلقني [كتغوت] طلقني وارحمني
اليزيد الغضب كيثور وكيخرح من وذنيها كيحس بواحد الحرارة تتصاعد فجسم :مغنطلقكش [كيهددها بصبعو] طلعي نزلي [كيضغط على مخارج الحروف] مغنننطلقكش
سهيلة عينيها مغرغرين: غير بحساب العشرة لي دوزنا والحاجات زوينة لي كانت بيناتنا
فهم بريق عينيها غلط هما بريق حزن وهو تخايلو امل وعنقها: هادشي علاش مغنفرطش فيك
كضربو من صدرو: طلقني اعطيني براتيي راك كتهلكني [برأفة] نت زعما عارف بينك وبين الله رحم عبدو
بعد منها كيهضر بخوف وبصوت جريح : سهيلة [كيتفحص ملامحها؛ ملامح الغضب و القلق ملامح الغذر و الالم] زِينة
سهيلة: خليت ليك الله ا اليزيد ضيعتيني فقلبي
وانفاجرات بالبكاء حيت للحظة ضعفات قدام صوتو وهو كيناديها بأحب الاسماء ليها اللقب لي كان كيعيط ليها [زينة]
و طلعات كتجري لبيت هاجر والدموع فعينيها كدق بجهد: هاجر نت لداخل
هاجر حلات مقلوبة بنعاس: نعام
سهيلة: واش بارح كنتي فدار؟ مجيتيش عندي وجيت و
بدات كتبكي من جديد و هاجر مفاهمة والو: اه كنت فدار ولكن علاش كتبكي
سهيلة: تهلاي فراسك [باستها] واخا منبقاش مرت خوك انا راه ختك ديما
هاجر بصدمة: كيفاش منبقاش مرت خوك سوسو شنو هاد الهضرة واش اليزيد فراسو هادشي
كتنخصص: منقدروش نكملو بزوج
هاجر شداتها من يديها: عافاك ا سهيلة متتسرعيش
سهيلة: لي فيا مكفيني ا هاجر متضاطيش عليا
حدرات راسها: صافي ا سهيلة نتي تعرفي [عنقاتها] راحتك عندي هي لولا
مشات للبيت بيت المآسي وفراش الغذر كان كلشي بالاسود والابيض فعينيها مكان حتى لون اخر نسات جميع الذكريات زوينة فهاد البيت وسنين زواج وايام العشق بقا فبالها صورة وحدة وذكرى وحيدة متريخة فذاكرتها هي صورة راجلها فوق وحدة اخرى دخلات كتترعد كتحس راسها فنفس الموقف رجعات لنقطة البارح
كتحس بتبوريشة وكتتقزز وهي كتضور عينيها فالبيت مقدراتش تكمل سارعات بخطواتها للماريو خدات واحد البينوار ديال ماما لي ماتت كان عزيز عليها وديما كتلبسو فالبرد فالدار و حلات المجر خدات الدواء لي شرات باش تعالجو كانو زوج اونتيبيوتيك وهبطات :خالتي راضية
راضية: اجي ا سهيلة نهضرو
سهيلة: حتى انا بغيتك
راضية: جلسي ا بنتي معندك فين تمشي
سهيلة مقصحة راسها وقلبها: غنمشي اخالتي بغيت نعطيك واحد الامانة قبل منمشي
خرجات كضور راسها قبل كتتاكد واش كاين شي واحد برا الصالون وراضية كتستغرب تصرفاتها جلسات قدامها وكتهضر بشوية جبدات البلاستيكة ديال الفرماسيان: هذا دوا اليزيد
راضية بخوف: علاش مال الحاج
سهيلة: اليزيد هو لي مكيولدش ا خالتي
راضية بصدمة: اش كتقولي ا سهيلة [ممتيقاش] عارفاك مخاصمة مع اليزيد ولكن متقوليش هاكا
سهيلة اعطاتها حتى ضوسي ديالهم: نهار دوزنا عرفت العيب منو ولكن سكتت مبغيتش نضرو [مسحات دمعة بكم ديال الجلابة لي لابسة] وهو ضرني مبغيتوش يتعذب عارفة شحال مهم بنيسة ليه لولاد قلت نصبر وقليت على العلاج
راضية بعتاب ولوم: وعلاش بقيتي ساكتة علاش خليتيني نزوجو
سهيلة: نتوما متشاورتوش معايا ياكما نفكركم بلي معرفت حتى بقات سيمانة للعرس حتى الناس تعرضو عاد قلتوهاليا [راضية كانت حادرة راسها عارفة راسها شنو دارت] دابا اخالتي انا ماشي فشكون الغلطان هادو دوايات ونتي عالجي ولدك
راضية: متقوليهاش ليه دابا باراكة غير كيتك متزيديهش كية العݣر
سهيلة: هادشي غيتدفن معايا
راضية باست فوق راس سهيلة: الله يرضي عليك ابنتي ديري غير بحساب العواشر
[ الاحداث تجري قبل اسبوع من رمضان ]
منين فاقت وهي كتصوني عليه ومكيجاوبش لقا فالاتصالات +30 مكالمة عاد جاوبها
هاجر: علي علاش مكتجاوبنيش
علي: هاجر حتى انا عندي صوالح نقضيهم فحياتي
هاجر: علي مكنتيش بحال هاكا علاش كتغوت
علي: مكنغوتش وعلاش كتصوني ليا
هاجر: واش منقدرش نصوني ليك
علي: نتي راه صرعتيني ماشي صونيتي ليا
هاجر شداتها البكية: علي علاش كدير ليا هاكا [صوتها رقاق]
علي تنهد: من بعد وندويو
هاجر قطع عليها وسط وجهها قتل ليها كاع دوك الاحلام لي حلمات بيهم البارح وضربهم ليها فعرض الحائط
مكانتش فاهمة مالو ولا علاش رجع كيصدها: واش ناقصة فيا شي حاجة
وقفات قدام المرايا ديال بيتها كتشوف راسها كيف رقيةقة فحال العود الفرنسي وكتشوف البنات لي عندو فالانسكغرام كلهم مهبراات وملحمات ورجعات حطات يديها فوق صدرها شحال صغير هزات تيليفونها كتصوني لحليمة: الو حليمة
حليمة: اش خصك
هاجر: بغيت نسولك شحال هذا كنتي دويتي ليا على شي وحدة كتقادي عندها الفورمة
حليمة: ياك قلتي ليا انا عاجبني راسي [كتعيبها] العود الفرنسي الرفيع و انا صغيرة ةمعندي مندير بهاد تخربيق واشمن نظرية علمية هادي ديال وحدة تقاد ليك الفورمة
هاجر: واش غتندميني ا صاحبتي
حليمة: ايه كتهضري على عزيزة كاينة فالرحمة
هاجر: الرحمة بعيدة بزاف
حليمة: الى بغيتي الكنز قلبي عليه
هاجر: واش كتمشي فطاكسيات
حليمة: طاكسي ميبغيش يوصلك
هاجر: وشنو
حليمة: نمشيو فمطور نسلفو من عند العشران
هاجر كتتاكد: بغيت نولي نخلع نولي قوقة
حليمة: كوني هانيا غتولي برقوقة راها كدير الكديرة لترمة كتنفخها كتخرج وتتكور وعندها حتى التحاميل
هاجر: واش قويلبات [بخوف] لا لا منقدرش نديرهم
حليمة: تسناي نصوني ليها مع العواشر قراب تقدر متكونش كتمشي لمراكش تعيد مع دار راجلها
هاجر: هي مضمون عندها هادشي
حليمة: راك كتشوفي المراكشات راكبين على الموطور و الهباري لي هازين
هاجر تنهدات: هازين ماهاز قلبي
حليمة غمزات: ونتي علاش دايرة هادشي وبغيتي تروم
هاجر: حيت كيعجبو علي بغيت نصدمو
حليمة ضحكات واحد ضحكة مجهدة بحالا كتتشفى: طير ليك العقل حتى نسيتي امتحان السيمانة جايا
هاجر: تانتي ساهل
حليمة: نهضر معاها وباشما كان نرض عليك وشوفي راه كاينة حتى زيت الحلبة دهنيها
هاجر: واش ندهنها حتى لصدري
ضحكتت حليمة: الصدر باش يكبر خاصو يتمص ويتعبز
كتقصد صاحبها يعبزها ويرضعو باش يكبر كتغريها وكتتفلا عليها : خدمة علي
هاجر: ويلي كوني تحشمي
قطعات معاها وهي ناوية دير كلشي باش تقدر تعجب علي وتثير انتباهو ليها داخلة كضور فالبروموسيون فالحوايج باش تشري وحدين جداد من غير حوايج لمبرهشين فنظرها
[][][]
هبطات لدار دّا زهرة عقوزتها :هانا ا خالتي معاك
دّا زهرة بعصبية : واش كديريهاليا بلعاني فين كنتي
منال باست فوق راسها باغيا غير تسل الشوكة بلا دم : سمحيليا اخالتي غير جواد مخرجش بكري كنت كنمد ليه حوايجو
دفعاتها بشوية بتسبيح لي هازة فيديها : سيري قابلي داك دقيق فلفران باش تبداي تخلطي السفوف
دخلات للكوزينة لي كانت تطل على ضواية و تما فين كاين فران الغاز عند بالها غتحمر فالفران كيلو ديال الدقيق ساع لقاتها معمرة ليها ستة ديال طاوات ديال دقيق و زوج ديال كاوكاو و هما يتغرغرو عينيها بالتعب قبل متبدا، كانت كتهضر بشوية :هذا ولا فرناتشي ماشي فران ديال دار
ومع فران شاعل سخنات دنيا و الصهد بدات كتقطر بالعرق وحالتها ماهيا حالة، حيدات فولارها كتنش بيه على راسها وشعرها هبط عليها و تطلق كيزيد يعذبها كتجمعو ويطيح مع العرق و حتى جلابة تقلات عليها غير ملقاتش كيفاش تحيدها بقات كتدي وتجيب فداك الدقيق و مقات - لة مع الطاوات خرج دخل حرك كاع يديها تحرقو ليها بالفران و صبيعاتها
دخل رشيد فيديه صخرة ناقصهم عسل حر و مسكة حلوة : هاهوا امي
دّا زهرة :دخلهم للكوزينة اولدي الله يرضي عليك
دخل حطهم وشافها عاطياه بظهر و شعر كيلعب فوق ظرها و واخا لابسة جلابة فورمتها كتبان واخا تلبس خنشة جلابة كتكون واسعة ولكن كتهبط على لعند خصرها وكتزير شوية كتخلي داك القوس يبقا بارز، حسات بشي حد وراها وهي تلفت غير شافتو وبزربة حطات يديها فوق الفولار كتقادو فوق شعرها : السلام خويا رشيد لاباس
رشيد كان شارد شوية فيها : لاباس الله يبارك فيك
وخرج بزربة من كوزينة مباغيش يزيد يفيكسي فيها عينيه، كان كيحسد خوه لي قدر يختار ببنت بجمال مناال و حسنها تا حد ميقدر ينكر وجهها و ملامحها الشرقية وحروفها الكحلين كلشي فيها فتنة بلا هضرة على فورمتها لي كيشوفوها غير من فوق جلابة و كيحلو فمهم
ناضت دّا زهرة كتجري للكوزينة وكتغوت : واش حرقتيه ا بنت الهم ؟
و دفعاتها كتطل على الدقيق : غير جلابتي لي تحرقات اخالتي غير كوني هانيا
وتلفتات ليها لقات جلابتها تحرقات من لكمام حيت واسعين شدات فيهم لعافية كلاتهم، وهي مسولاتها واش تحرقتي لا كي بقيتي دارت فحالا مسمعاتهاش : قابليه ليتحرق
منال مكملات داك الدقيق و الكاوكاو تا رجعات مهدودة و ريقها نشف بالعطش حلات روبيني ديال كوزينة و مصبراتس تاخد كاس مدات يديها وبدات تشري منو ديريكت بلهفة و عطش كبير
خرجات البانيو لي فوق البلاكار و غسلاتو و رمات فيه الدقيق واللوز و زنجلان، القرفة و النافع والصفسل والمسكة البلدية و كاوكاو ربع كمية اللوز غير باش ينسم اما هما كيقوموه باللوز مزيان و الكوزة و زبدة و العسل الحر وزيت الزيتون وبدات تخلط وتفرك بيديها بزوج و تمعس فمكونات تا تفرك سلو و بدا يتجمع و قوامو جا شاد و زوين كيشهي من ريحة و الشكل حتى وقف فلكوزينة جواد مدخل فيديه مياكي للكوزينة تلفت جهتها وهي تلغم [جمعات ليه بيديها] ليه واحد شوية من سلو : قولي كيف جاك
قرب و هي تحطهاليه وسط فموكانو بوحدهم فلكوزينة حرك راسها باه : الله يعطيك الصحة [شد فيديها ] تحرقتي ؟
شاف الجلابة محروقة و مع يديها عامرين بسلو مباينينش لحروق فكفها، شاف غير الحرقة لي تحت من لبلاصة لي تقطعات من جلابة جرها و طلق الماء بارد وحط يديها تحت روبيني : اش كنتي كديري وفين عقلك
[شاف فالباينو ] شنو طيبتي فلفران
منال :حمرت الدقيق و كاوكاو
كيشوف البانيو عامر يعني كمية كبيرة : و فاش قصر معاكم فران الحومة
شاف يديها كيف كلها محروقة و منبلة تعصب :" زوقتي يدك كاملة "
دخلات عليهم دّا زهرة : جواد جيتي
جواد بعصبية تخلعات دّا زهرة من نبرة صوتو: علاش ممشاش هادشي لفران لحومة
بقات غير كتشوف مصدومة فشوفاتو : خواتاتك مكاينينش ومرتك مكتعتبش بلا بيك
جواد : قولوها ليا ولا لرشيد ! اش كيديرو الرجال فهاد دار
دّا زهرة : مافيها باس الى تحمرو فدار
قاطعها :لا راه عروستك لي تحمرات ماشي لقوام
وجبد يد منال قدام مو لي حشمات تنطق مزال حل تلاجة جبد منها بوماضة ديال الحروق و جلسها فكرسي كيديرها ليها فيديها وهي كتقفز كل شوية من حر الحريق
قرب لهاداك البانيو ديال سلو بيدو ديال الماء لي بان قدامو هزو مع الصهد كيعمرو لبيدونات ويدخلهم لكونجي لاتور يبردو مع كتار هما فالدار حل هاداك لبيدو وخواه على البانيو دّا زهرة حطات يدها فوق فمها بصدمة ومنال كتحبس فيه: لا غيخسر [بنبرة صوت قوية] مغيبقاش صاالح
جواد اعصابو كتتلاعب بيه: مغياكلو حد
بالسم محبسش حتى خوا هاديك البيدونة كاملة وجر يد منال بجهد معصب: عجباتك هاد الحالة
و منال كتجر فيدها بزز منو بغات تخبيها بزز كتخبعها ورا ظهرها وهو موجه نظراتو لدّا زهرة كيلومها هي: جاوبيني واش عاجباك هاد الحالة
منال كتحاول تلطف الجو: موقع والو
قاطعها بالغوات: نت سكتي [وجه نظراتو ليها] غذا يقولو لك رمي راسك فشي بير رميه
دّا زهرة شدات فصدرها جاتها سخفة ومنال شداتها بغات تعاونها عكس جواد لي غير واقف كيشوف فيها ومعصب: جواد انا لي حرقت يدي من قلة عقلي
عاوناتها تجلس فالبيت
وقف على راسها: طلعي لدار
منال كتشوف فيه بنظرة لا وهمسات بشوية: حشومة
جواد بتهديد : نطلعك بزز [بعصبية] بغيتي تشوفي الحشوم؟
طلعات بدون متزيد معاه كلمة تانية وخلاتو هو و دّا زهرة و دخلو بناتها كيشوفوه شاعل تخلعو : بناتك غيشهدو عليك [كيغلي بالاعصاب] تزوجت بيها ماشي جايبها خدامة على عشرة النفوس
وخرج ردخ الباب ديال دار دّا زهرة حتى تهز من بلاصتو وقفزو العيالات و دّا زهرة بقات تبكي: شفتو ولدي اشنو ولا داير فيا
مرضاتش خصوصا قدام ياسمين من رشيد: بغات تخرجو على طريق يولي مسخوط الواليدين بغات تخرج ليا على ولدي
الكبيرة: من نهار جات مشفنا لا سعد لا ميمون [دفلات] تفو الله يغبر ليها الشقف
دّا زهرة كتبكي: هادشي غير مزال مادارت لولاد باش تبتو نهار ديرهم غتجري عليا من الدار
مليكة جلسات حداها: هادشي مناش دخليه ا مي واش غيبقا معاها بلا ولاد قوليه نزوجوك غيرها خاصك دير وليداتك را تبارك الله ماشي باقي صغير
الكبيرة: كون كانو لولاد يشدو كون شديت داك لي كان عندي انا بعدا
مليكة: هادي را لفعة ماشي بحالك خبز ربي فطبغو
دّا زهرة باقي كتبكي: الله يعطيها شي مصيبة تطيرها ونتهناو منها [كتتحلف فيها] غنزوجو لالاها تلات سنين ديال الزواج مكاينين ولاد مالها لاش كتليق متنفع فكوزينة متنفع تجيب لينا ولد
الكبيرة كتميق ففمها: هاهوا الولد جبتو ليكم انا [بنص عين كتشوف فياسمين حيت زعما عندها غير البنيات ومعنقة ولدها] بعدا العائلة فيها راجل
دّا زهرة: ولدك راه ولد باه حنا خاصنا ولد من صلبنا [دارت شوفة ناقصة فياسمين] ياسمين مقدات عليه تجيبو ديك الخانزة
التخلف والجهل باقي فوسط بعض البيوت فوسط المجتمعات الشرقية لي لطالما اعتقدو ان انجاب الذكر او الانثى في قدرة المرأة وطالما كانو قصص طلاق والسبب "كتولد غير البنات"
طلع عندها للفوق وباقي اعصابو حامية دخل وردخ حتى باب البرطمة حتى طارا من بلاصتها لداخل ومشات من بيت نعاس للحمام كتجري باغيا تغبر من قدامو دايزة حادرة راسها للارض و مكمشة حتى زعزعها بصوتو : اجي لهنا
وقفات كتتغبن: بغيت طواليط
جرها من دراعها: واش جايبينك من الموقف
بقات حادرة راسها: كنهضر معاك هزي راسك وجاوبيني [عاود طرح السؤال] واش جايبينك من الموقف
هزات عويناتها كيبريو بدموع نطقات بصوت باح حيت طيح عليها الظيم وهي كتتفكر شنو كيديرو فيها كيبززو عليها دير كلشي وهي مكترفضش مخافة منو خايفة يشرسو ليها صداع معاه كتخاف ميتيقهاش كيفما ديما مكيتيقهاش فحالات اخرى[فحال نهار القهوة] كتخاف تشكي ليه على مو ويحمي مو ويضرها هي كتخافو ميتيقهاش ويضور البزيم عليها
جواد كيحرك راسها بصبعو حطو بين حواجبها: و مال مك كتخدمي عليهم
منال كتحك صباعها مع بعضياتهم ورا ظهرها ومع محروقين كتزيد تفلحهم: عادي [كتبلع ريقها] خالتي فحال مام
قاطعها باستهزاء: كتخدمي على مك نتي ؟
حيت عارفها فدارهم واخا خوتها كانو مكرفصينها مها كانت مفششاها وحتى منال كانت قاصحة وقلبها حجر من جهة مها مكتحتارمهاش
منال: مافيها والو درت غير سلو حتى حنا كنا غناكلو منو
جواد: تخدمي على راسك وعلى راجلك ماشي على قبيلة
منال: جواد [بلطف] موقع والو
جر يديها بعنف من ورا ظهرها: وهادو [كيوريها فحروقها وهو معصب] وشنو هادشي
منال عينيها تضببو بالبكاء حيت مشافش رجليها لي كيتلواو وركابيها لي كيحرقوها بالبرد فاش كيعطيوها كاع المانط ديال الدار تصبنهم فالبرد وداك الصابون لي كتصبنو بالفراكة شي مرات حيت بلعاني كيعطيوه ليها ويقولولها الماكينة خاسرة حتى شرا جواد وحدة جديدة. مشافش الاهانات لي كتتعرض ليها طوال النهار ومشافش عذابها فداك سلو وفاللخير خسرو ليها بالماء بكل انانية باش يحرم كلشي مياكلو. دموعها هبطو قدامو لاول مرة على هاد الموضوع: عافاك صافي [كتنخصص] باراكة
جواد بقسوة: الى لقيتك مزال [كيتوعدها بصبعو] غندمك
...
راضية شدات فيد سهيلة: بنتي غير سمعي مني اليزيد راه باري من داكشي لي وقع
سهيلة حبساتها: مبغيت نسمع والو ا خالتي
وخرجات وخلاتها تبعاتها حتى شافت اليزيد وهي تتراجع
سهيلة: قلب على محامي انا غنبدا اجراائاتي
اليزيد: انا ممطلقش
سهيلة: غندير الخلع ونرجع ليك كاع ذهبك وصداقك
اليزيد: ممطلقش
سهيلة: خلينا نتفارقو خوت كيفما تلاقينا مبغيتش مشاكل ونت راه غطلقني حسن بالخاطر
اليزيد: المخير فخيلك ركبيه [باصرار] انا ممطلقش
سهيلة هزات نيفها: نتلاقاو فالمحكمة
وخرجات بلاما ترجع تشوف فيه عكسو لي متبعها بعينو غير خرجات وهو يرمي الفاز كبير فيه غرس شجرة رماه فالارض تهرس وتشتت كاع التراب فالارض وكينهج شعرو تخربق ونزل على جبينو
هاجر كانت جالسة كتاكل فالكوزينة حدا مها فصالة مونجي كتوجد ليها الكوتي باش تاكل قبل متخرج للمدرسة حتى تجيفات وحلات ليها وكلعات ليها الزروقية ديال حبوس النفس فحالا دخلاتها الموت فمها رجع زرق فحال تيشورت لي لابسة و راضية كتضرب ليها فوق ظهرها وورا عنقها باش يتسرح عنقها كانت تحت تأثير ذكريات الليلة الماضية وهي كتشوف السينتة كاملة كدوز بين عينيها بحالا تصرفقات تفكرات اثار الدم لس لقات فسليبها: م [كتعتلم فالكلام] ماما
كانت مصدومة ممتيقاش الصور لي كيفلاشيو فدماغها رمات المعلقة من يديها ودفعات الطبلة طلعات تجري لبيتها اما راضية غير كتشوف: هذا شي سحور شد ليا فولادي
هاجر دخلات للبيت نترات التيليفون من شارج بجهد وبدات تصوني لعلي غير جاوبها تلاحت فالموضوع: علي خاصك تتزوجني
علي: وقيلة غالطة فالنمرة لا!
هاجر: علي واش كضحك عليا [كتهضر بشوية حيت انفاعلات فلول] شرفي مشاا شكون غيتزوجني من غيرك
علي: وانا لي خديت ليك شرفك [هاجر كانت كتسمت مصدومة] ياك نتي لي اعطيتيه ليا بخاطرك
هاجر بترجي: علي عافاك متقولش هاد الهضرة مكنت عاقلة على والو
علي: سيري اختي شوفي ليك شي مدعدع ضحكي عليه وفوتيني عليك
وقطع عليها خلاها قبحر الحيرة و الحسرة..
• بعد مرور أسبوع •
اليزيد كان كيدير كاع محاولاتو باش يخلي سهيلة تسمح ليه كان كيقلب عليها بالريق الناشف ولكن مكيشوفهاش كيمشي كل نهار لمدة اسبوع لدار باها واليوم عاوتاني جالس فالصالون وفيديه بوكي ديال الورد عمر ليهم الدنيا ورد
لالة جميلة كتعوج ففمها: الدار ولات جنان
اليزيد: سهيلة تستاهل الجنة [وشاف فباها] سي الحسن هضر مع بنتك ترجع لدارها
الحسن: ا سي اليزيد عيينا فيها انا ولالة جميلة ترجع لدارنا بقا لينا غير نجريو عليها
آية كانت كدق عليها فبيت مها لي ماتت: سهيلة اليزيد كاين لتحت
سهيلة: قوليه يمشي بحالو مبغيتش نشوف وجهو
وككل مرة تسنى بدون ملل او تعب وخرج خالي الوفاض من البارح وهو فدار الحسن حتى صبح الصباح وفطر معاهم عا دخل مقلق ومهزوم للرياض
سليمة ملقية ليه كل نهار مقادة ومزوقة فحال طعريجة كل ليلة فاغابوبيير فلون اللبسة لي لابسة والتعكيرة ديال العونيات طوال هاد المدة واليزيد كيحس براسو نافرها وعوض ما ديك ليلة تخلق الحب بيناتهم خلات انطباع خايب فذاكرة اليزيد تأنيب الظمير من جهة سهيلة ومن جهة الحق لي معاطيهش لسليمة: الحاج اجي تتغذا
اليزيد شدها من دراعها هي على العكس فرحات عند بالها غيطير عليها: شنو درتي ليا هاديك الليلة [شد راسو بيدو ممتيقش بلي كان طبيعي] ميمكنش منفرقش بينك وبينها
سليمة بدات تتغين وغتبكي: شنو هاد الكلام الحاج فاش قصرت معاك علاش كتقارنني بيها
اليزيد: مكتتقارنوش هادشي علاش بغيت نعرف علاش شفتك سهيلة [صغر عينو فيها] كانت ريحتها وحتى اللباس لباسها
سليمة كتحيد يدها منو: الحاج رجوع الله
اليزيد: ميمكنش منعرفش سهيلة [بنبرة صوت اقوى] ميمكنش
قاطعهم صوت هاجر كتعيط: الحااج [كتصيح] اليزييد
اليزيد جاي: اش كاين
هاجر: الفاكتور كيسول عليك
خرج عندو اعطاه برية recommandé و اعطاه يسني عليها اسنا وخدا البرية حلها كانت من المحكمة استدعاء لجلسة طلاق من سهيلة مكانش متيق دارتها بصح مكانش كلامها فارغ مكانتش غير هضرة فلحظة غضب كاع كلامها كان بصح ونيتها واضحة : واخا ا سهيلة هادشي لي بغيتي
كمش هاديك الاستدعاء مزيان بحال اي زبل وخشاها فجيبو ودخل للدار
راضية: شي عوينة خرجات فيك ا بنتي شوف كي وليتي [كتقيس فحنيكاتها] كيف الريشة نسوط فيك طيري
هاجر حيدات ليها يديها وغوتات فوجهها: ماما عافاك خليني
كانت هازة تيليفون بواحد توتر والهيستيرية بحالا كتتسنا نتائج الباك وقربتت تبكي: عافاك جاوبيني
راضية: علامن كتصوني
هاجر: على حليمة [شافت فمها] غنمشي عندها غبرات
راضية: حتى للمدرسة وشوفيها ياك كتقراو بزوج
هاجر: مبقاتش كتجي حتى للمدرسة
راضية: مسكينة كوراها مريضة ومعندها لا حنين لارحيم قلتي ليا مها وباها مطلقين وباها مزوج ياك
هاجر كتجمع شكارتها بحال الهبيلة: اه اماما هاني مشيت
باست ليها على راسها وخرجات كتجري شدات طاكسي لدار حليمة بقات كتصوني وتدق طل عليها واحد الراجل: بشوية اختي ياك شي باس مكاين منخافوش ؟
هاجر كترجف من توترها: عافاك بغيت حليمة
كيطلعها ويهبطها كيشوفها شهيبة وزوينة: مكايناش مشات لخريبكة عند عمتها
هاجر : كاين خوها
- شكون خوها؟
هاجر كتعلي عينها فيه حيت كيطل عليها من دوزيام ايطاج: خوها علي
ضحك بسخرية: عندها شي خوها بلا خباري
هاجر: شكون نت بعدا
- انا باها وحليمة معندها حتى خوها
هاجر: خوها من مها لا ؟
- مها راه فدار الاخرة ا بنتي [كيحقق فيها] معرفتكش شنو كديري معاها ولكن غير بعدي منها بنتي ليا ماشي ديال بلاناتها
هاجر ملي قاليها حليمة معندهاش خوها تبلوكات فبلاصتها تصمرات مقدراتش تزيد رجليها خواو عليها وحطات يديها بزوج فوق وجهها الدنيا كضور بيها كتحس بالدوخة : شنو درت اناا [كضرب راسها بجهد وكتصرفق راسها] شنو درتت شنووو درت فرااسي
كتبكي الدموع لي جمعاتهم كاع هاد الوقت فرغاتهم باب دار حليمة كتغوت وتبكي :ضعت ضعت
هزات تيليفون عاوتاني كتصوني ليه مجاوبهاش سيمانة هادي وهو منخلها وبلوكاها من الانستغرام جاوبها بدات كترغب وتطلب فيه: علي عافاك سمعني
علي بتعالي وتكبر: شنو بغيتي
هاجر: خلينا نتلاقاو دابا ندويو [كتبكي] عافاك
علي: فاش غندويو
هاجر : عافاك ا علي غير سمعني
علي ضحك: بغيتي نتبرتشو ؟ هادشي علاش نقدر نتلاقا معاك
هاجر مفاهماش العبارة: واخا [غير كتحرك فراسها] لي بغيتي غير نتلاقاو
•••
كانت متكية على كرشها ومع الصهد وغير فطبقة لي كتسكن فيها هي و جواد كتاخد راحتها. عاطيها كامل الحق دير لي بغات ملي تسد عليها ساروت دارها. تعكر وتتريح و لابغات تبقا حتى عريانة ومزبكة كي ولداتها مها تتسارا فدار بترومها
هي كانت لابسة كسيوة ديال هيلو كيتي نص كم وواسعة ولكن قصيرة على شكل تيشورت واسع و فوق ركيبتها و شعرها جامعاه لفوق شفنجة باهمال و تكات ترتاح حيت كانت كتجمع الدار حطات جفاف من يديها و تكات هازة تيليفونها كتتميساجا حتى حسات بخشونة يديه كيداعبو سيقانها و تكا فوقها كتحس بصدرو فوق كديماتها الرطبين و حمرين بواحد بالعكر الفاسي لي كتخلطو مع نيفيا و كتبدا تدهن بيه رجيلاتها باش يرطابو ويخلي ليها لوين زوين. حط راسو فوق طرمتها متوسدها بحال لوسادة
منال خرب عليها راحتها: تبغي تتغذا
جواد خاشي راسو فترمتها: لا
منال بغات غير تتخلص منو حيت كتفهم لمساتو شنو غيجي من بعدها :نجيب لك عصير باش تبرد
وكتتحرك باغيا تنوض حتى بلوكاها بصباعو ملي ضغط على نهاية ظهرها على دوك نقطين ديال الزين [abollos holes] لي فاسفل الظهر لي عندها لي كيديرو ليه الفتنة فاش كيشوفهم مكشوفين : ريحي
منال بلعات ريقها: جواد
كان كيدير مساج بيديه لطرمتها هز الكسيوة عليها كانت لابسة غير سترينغ فالغوز حط وجهو فوقها ديريكت كتحس بلحيتو كتدق فيها كان منغامس فيها
منال: جواد غذا رمضان
جواد هز راسو :ومن بعد
منال: خاصنا نصومو [كتتحرك باغيا تهرب منو]
جواد: واش كتخلصي الماء من جيبك انا باغي نبات كنيك فيك
منال حمارت فبلاصتها من جرئتو كيقتلها بعباراتو الحرفية مكيزوقش كلامو
منال: جواد عافاك بغيت ندخل عندي صاحبتي فلواتساب نهضر معاها مسكينة معندها حتى واحد من غيري
جواد ببرود:كاين الله
منال بغنج و دلال مرققة صوتها بزاف وكتماطل فالحروف: عافاااك
جواد: مكاينش خريج وضوران
منال عوجات قنينفتها: لا غير نهضر معاها نشوف شنو دارت مع راجلها
صرفقها لترمتها: حيدي عليا هادشي
حيدات الكسوة عليها حتى تكشف على كامل جسمها صظرها مدفغ كيبان الجزء البني منو مثير بطريقة خاصة وكيبري بالكريمة لي كتدهن ليه بقا كيسكانيها بعينيه وهي جالسة على ركابيها فوق السرير وهو مكالي بدراعو جالس مد يديه شد فيديها كيقربها ليه: قربي
منال كانت كتخاف من شهر رمضان حيت كتعيا من الشقا بنهار وكتعيا من الدوش كل نهار قبل لفجر حيت جواد كان كل ليلة كيتشهاها مكانش كيمل منها ولا كيشبع ديما نفس الشهوة ككذوبش ومكتسالاش ولا تنقص
ناضت من بين دراعو خلاتو ناعس تمشات على قرون صباعها حتى عطراتها واحد البلاستيكة حلاتها غير من الفوق بان ليها سلو جايبو ليها محيت خسر ليها لي قادات هزاتو حطاتو فلكوزينة وحلاتو ديك الساع كدوق منو جاها بنين محيت ماشي هي لي معذبة فيه دخلات دوشات وخرجات كتلبس حوايجها
شافها بنص عين: فين غاديا
منال: هابطة للتحت نعاون فشي حاجة
جواد: متهبطيش
منال غتفرقع: متخرجيش واخا ولكن حتى لهبوط منهبطش [انفاعلات شوية] غنبقا بين هاد ربعة الحيوط خليني نهبط على الاقل نشوف ناس نلعب مع بنات ياسمين [كتضرب باطرافها مغبة] راه كنتخنق
جواد: سيري وطلعي ليا كاملك محروقة
منال ابتاسمات بانتصار: لا غنرد البال [كتردد كلامو] ومغنشقاش بزاف
كملات لباس وهو كيشوف فيها حطات الدرة فوق راسها وجات هابطة وقفها بواحد الصوت: حبسي حبسي
وقفات تلفتات فيه: نعام
ناض عندها وهو عريان شد وجهها كيدخل فواحد الزغبة نازلها مع ناظرها: متخلي حتى زغبة خارجة [بعد] ضوري
ضارت جهة لاخرة كيسوف فصالتها واش باينة و شعرها لقا الشعر جامعاه ومخلياه مطلوق من اللور نازل ليها على خصرها جرها من ديك الشعبيطة: واش كديريها بلعاني
منال: ايي ا غير نسيت
جواد: وليتي كتنساي بزاف [هز واحد المقص بان قدامو] بغيتي نخليك مفكراها ؟
شافت المقص عرفاتو ناوي يقطع ليها كاع داك الشعر لي باين تحت الذرة
منال: جواد عافاك غير نسيت راسي [مخبعة شعرها بيديها] انا ندخل دابا نلبس حتى خماري [حيدات من فوقها ديك درة] مبقيتش غنهبط حسن انا غنبقا هنا صافي [بترجي] عافاك
حط هاداك المقص ورجع لبلاصتو وهي دخلات دارت بناقص من شي هبيط
هاجر شدات طاكسي للموقع لي سيفط ليها علي كان فاحد احياء درب السلطان وفطريقها لعندو هزات صاك كتحط فالعكر و الفاغاجو لوجهها واونتي سيغن حيت تحت عينها كحل بقلة النعاس وكثرة التفكير غتطج و قدام الشيفور جبدات زوج سوتيامات كتلبسهم من تحت تيشورت باش يبان صدرها منفوخ وطالع
لقاتو واقف بطموبيل مشات عندو هبط سد طموبيل تسالم معاها بالوجه: ا فين ا زين [كيشوف فصدرها] ربيتي صدر العفريتة [قاسو لقاه خاوي وبدا يضحك] غطيرو ا هاد البرهوشات
هاجر ابتاسمات بزز كتبعد يدو: لاباس [شافت فيه كيتحرك] فين غاديين
علي: نتبرتشو
هاجر: مفهمتش
علي: غاديين للدار باش ناخدو راحتها
هاجر برفض: لا غنهضرو هنا [كضور راسها] نجلسو فشي قهوة
علي: كتطنزي عليا ياك قلتي غتمشي للدار
هاجر: واش كتصحبني قحبة ديال الديور [غرغرو عويناتها] علي متصدمنيش فيك
علي كيخز فيدو: باراكة اzبي من دراما كوين
هاجر: تزوجني ا علي
علي كيضحك: ça va pas la tête شوية لاباس ا بنتي
هاجر كتبكي: علاش ضحكتي عليا
علي: مضحكتش عليك زوج نعسو استمتعو بزوج واش بززت عليك ياك كان عاجبك الحال
هاجر كتزيد فالبكاء: مكنتش عااقلة [كتغوت وناس كتشوف] معاقلاشش [شدات فيدو] عافاك ا علي خويا الى عرف غيقتلني ويقتلك
نتر منها: بعدي مني نتي وخوك اش بيني وبينك
هاجر قربات تركع ليه عند رجليه: علي عافاك تزوجني الله يرحم واليديك ديرني ختك
علي: ختي بحالك نقطع ليها رجلين
• ثالت ايام رمضان •
كانت الجلسة الاولى عند سهيلة و اليزيد سهيلة جات فكامل اناقتها وبشكل مبالغ لابسة العصري سروال كان مزير من فوق ومرخف من تحت و شوميز طويلة على ترمة ولكن كتبين الفخيضات مزيرين و واحد خريقة من نوع ثليجة فوق راسها و الريحة لي كتحمقو مكترة منها حتى المحكمة كلها رجعات تشمها ومقادة ماكياج خفيف يخفي عيوب بشرتها والامها طوال هاد الفترة
وكانو حاضرين بزوج سهيلة مع المحامي ديالها وحتى اليزيد مع المحامي ديالو بدات الجلسة و تقدم اليزيد : انا مباغيش نطلق مراتي وكنطالب برجوعها لبيت الطاعة خرجات 15 يوم من دار من دون اذني ولا مشاورتي
شاف القاضي فسهيلة: هادشي بصح؟
سهيلة: سيد القاضي لقيت راجلي مع مراتو الثانية وسط فراشي كيفاش غنبقا فهاد الدار
اليزيد قاطعها: انا كنطالب بجلسة صلح ومموافقش على الطلاق وكنطالب برجوع لبيت الطاعة
سهيلة كتغوت باش يبان صوتها مقابل صوتو القاصح: لا سيدي انا متأكدة من خطوة الطلاق لي خديت ومغنت
حتى ضرب القاضي بمطرقتو عاد وعاو على راسهم وحبسو من المجادلة
كانت جلسة الاولى جلسة صلح لي كيحاول القاضي حل الخلاف بين الزوجين والاستماع لكلى الطرفين واش عندهم مطالب ولا شروط كانت منال مقصحة راسها بزاف فموضوع الطلاق وحتى اليزيد كان قصح منها والقاضي ممطقش بالحكم و اعطى تاريخ للجلسة الثانية
وغير خرجو من القاعة شدها اليزيد من يديها سهيلوة ضارت جهتو: غطلقني ولا غنحط صباعي فوذني ونغوت ربي لي خلقني ونجمع عليك عباد ربي
اليزيد: غترجعي لدارك [طلعها وهبطها] وشنو هاد الحالة باش جاياا رتك باقي مراتيي
سهيلة: غندير لي عجبني والى معجبكش الحال [نطقات بشوية كتلعب باعصابو] طلقني
اليزيد زير على يديها: ممطلقكش كيصحاب لك ساهل الطلاق [قربها بجهد لعندو ونطق بنفس نبرتها بشوية بعرض البطيء] مغنطلقكش
سهيلة انفاعلات وغوتات: مكتفهمش ا بنادم مبقيتش حاملاك [بحالا غتخشي صبعها فممها] كنعيفك كتجيب لياا الرداان وكتنوض الخااطر
اليزيد غمض عينيه حيت هضرتها كانت كتهبط بحال السم على قلبو رد ببرود: شربي بيلمازول غيفوتك الحال
تنترات منو: كنتيق فالعدل ديال المحكمة وعدل ربي غيفكني منك
وزادت وخلاتو غياكل راسو تلفت فالمحامي: مغنطلقش طلب الثمن لي بغيتيي وتلغي ليا هاد الطلاق
المحامي: اول خطوة غنطالبو برجوع لبيت الطاعة باش ترجع لدار ماحد مزال متنطق الحكم خاص تعيش معاك
اليزيد مد ليه واحد الجوا وهما خارجين قلبو لقا فيه خلاصو زائد واحد تضويرة ديالو كيطمعو باش يخدم كثر
تتمة الفلاش باك
هزات عويناتها فيه ومع انعكاس الشمس لونهم كيزيد يتفتح : نعام !
جواد باقي تحت تأثير عينيها : عين الغزال
ابتاسمات بخجل وهي منحارجة من الموقف بحالا واحد فزنقة غازلها: شكرا
كملو العشا و جابو الحساب جواد حط الفلوس وخرجو بزوج
هبطو كيتمشاو على رجليهم باش يوصلو لكوموبيل لي مغاريا بعيد شوية وهي كتضور فعويناتها دازو من قدام واحد كيبيع المثلجات وهي بقات متبعاه بعينيها جواد دار اشارة بصبعو و وقف الرجل قرب جواد وهي وراه: شنو بغيتي
منال مدات صبعها كتوريه: هاداك
خدا ليها glace لي عجبها و كتتمشى فطريق وكتاكلو كان cornet à glace بالفريز و الحامض كيشوفها كيفاش كتاكلو بشهوة : كيعجبك ؟
منال حركات راسها وهي مشغولة كتاكل: الحامض
من هاداك النهار عمرو نسا هاد التفاصيل ديال هاد نهار، اول نهار تخرج فيه معاه من داك النهار وهو عاقل بلي منال كتتلذد باي حاجة فيها الحامض
وصلها حتى لقدام الدار : شكرا على اليوم
مجوبهاش وملي بغات تخرج شدها من يديها جرها تلفتات جهتو و شافتو مد يدو لجيبو واعطاها فلوس مكمشة معرفاتش شحال: باش تكري شنو تلبسي وتمشي لكوافور
منال بحرج: شكرا
هبطات كتقلب فالفلوس كانت 500 درهم وصرف باش تكري شي قفطان ولا تكشيطة لعرس صاحبتها معتارضش ولا ناقشها حدو سول واش العرس مخلط دخلات و حناكها حمرين ومحروجة ماشي اعجابا بيه ولكن حشمانة من راسها حشمانة من الخطة لي فبالها
• بعد الظهيرة ومن ورا صلاة الهجير [صلاة الضحى وتأدى قبل طلاة الظهر]
..
خرجات حاضنة على داك الصاك والجوا لي فيه الفلوس الجوا لي اعطاه ليها خطيبها باش توجد دهازها لي المفروض عائلتها لي يوجدوه ليها وحيت حالتهم لا يرثى لها وهما كيقلبو يدخلو فلوس بزواجها وماشي يخرجو من جيبهم هو اعطاها باش تفرح بحال لالياتها بالدهاز. هي خشاتو فشونها تحت سوتيامات و دايرة داك الدرة على وجهها مخبية بيها وكتتمشى بزربة خطواتها قراب للجري كتتلفت وراها بحال شي سراقة وفعلا كانت سراقة سارقة عرق واحد اخر
منال مكانتش تعرف جواد لدرجة حتى فاش خدام معمرها سولات شنو كيدير فحياتو ولا شنو خدمتو واخا يكونو قالوها ليها عمرها انتابهات عقلها دائما كان مشوش وماشي معاها وبكل غباء دازت كتتسلت وتتملق من قدام كراج تصليح سيارات ديالو كان واقف على المتعلم ديالو
لمحها كيف صخارة العقربة خارجة فديك تيقيقت ديال الشمس كيخرجو فيها غير الهبل والحمق الدنيا خاوية غا هي لي خارجة كتزرب فالمشية بحالا تابعينها الشفارة وكتتسلت وتشوف وراها وحاضية جنابها حط هاداك الماطيريال لي فيديه و مسح عرق جبينو وهو كيهضر مع المتعلم وعينيه عليها وففمو واحد الكارو كيهضر وهو مازال شادو بين شفافو: كمل هادشي
خرج من الغاراج بلاما يبدل هاكاك بسروال عامر بلاغريس و مقطع شوية ومع شكل سالوبيط نازل على رجلو و واحد دوني مخلي عضلات يديه بارزة بزاف ومطراسية و لاصق بالعرق على صدرو و يديه حتى هما ملونين بالاسود ديال لاغريس وريحة زيت طموبيلات كتتشم منو تبعها لدرجة حتى هو ولا كيشوف وراها واش كاين شي واحد حتى وقفات قدام واحد دار وبدات كتصوني. دار كانت عبارة على centre de beauté فين كيتعلمو وكيتمرجو الكوافورات و المايكاب ارتيست كيتعلمو فنون الماكياج ودمج الالوان والعناية بالوجه و مشطات الشعر والقص الخ... وتم فين كانت تقرا منال قبل ميحصلوها خوتها وتم فين كان معاها حتى بلال خرج فلول واحد راجل دوات معاه ودخل كانت كتسولو على شا حد [بلال]
هبط عندها بلال و خشات يديها فشونها جبدات الجوا نفس الجوا لي اعطاها البارح فلوس باش توجد دهازها: بلال هاهماا هاهما الفلوس قلتي المشكل مشكل فلوس
ابتاسمات ليه وشداتو من يدو: هاهما الفلوس جبتهم [كطلبو بحنية ورقة] خلينا نهربو من هنا ونبداو صفحة جديدة نقدرو نكريو محل ديالنا كيفما حلمنا نهار لول
بلال: منال شنو كتقولي فين غنهربو [كيشوف فلوس بزاف] ومنين جبتي هاد لفلوس
منال بهستيرية: مكيهمش منين مهم نهربو من هناا [شدات فيديه وعينيها كيبريو] خلينا ننساو كلشي نبقا غير انا وياك
بلال: واش حماقيتي نخليو كلشي عندي عائلتي ومي فين غنمشي ونخليهم
منال كتحرك فيدو وكتهضر بشوية كتحاول تقنعو: واخا منمشيوش دخل بياا الى دخلتي بيا تا واحد ميقدر يوقف فوجهنا حتى خوتي غيبغييو غير السترة مغيسولوك لا على صداق لا والو خود شرفي وخلينا نتزوجو [غرغرو عينيها بالبكاء و عوجات شليقماتها] راه منقدرش نتزوج واحد غيرك [كتبكي] محملتوش فحال شي وحش
هادشي كامل كان تحت انظار وعلى مسامع جواد لي كان واقف فالضورة ديال الصونطر
هاجر خلاها كيف الكلبة فليلة ديال العواشر [قبل رمضان بيوم] متسوقش ليها زاد وخلاها كتبكي وكتغوت وسط الزنقة تابعاه وهو مكسيري بطوموبيل حتى طاحت فالارض مادة يديها جهتو وهو كيشوف فيها من زاج ديال طوموبيل وكاع ناس كيشوفو فيها تمالكات راسها فاش شافت كلشي كيشوف فيها وشافت شي وحدين بداو يجبدو فتيليفوناتهم خافت خبارها توصل لخوها
جمعات راسها من الارض مصدومة و مدمرة كأنها جسد بلا روح كتفكر فخوها الى ساق ليها الخبار يقدر يهرس ليها رجليها يخليها فاعاقة طول حياتها ولا يقدر ينهي حياتها فمرة محيت الشرف عامل اساسي فعائلة العريبي
شدات طاكسي للرياض والطريق كلها وهي كتخنق بالبكاء والشيفور غير كيشوف فيها من الزاجة وكيتأسف على حالتها وصلها قدام الدرب: شحال عندي ا عمي
الشيفور: سيري ا بنتي الله يسامح [تلفت جهتها] ربي غيفرجها عليك الموضوع ميستاهلش كاع هاد دموع
هاجر طيح عليها الضيم وزادت تخرج فدميعاتها: الموضوع كبير ا عمي [كتنخصص] لاعندك شي بنت قريها وفهمها وحكمها متخليها لا تخرج لا تدرج
وهبطات الشيفور بقا متبعها بالعين: لاحول ولا قوة الا بالله
دخلا للرياض لقات راضية و اليزيد كيشربو اتاي بوحدهم دخلات باست على راس راضية ويد اليزيد
راضية كضحك: كبرني ا بنتي وليتي جايبة العين
مفهماتش هاجر وراضية باقي كتهضر وكتكب ليها اتاي: جاو فيها اسيدي الخطاب [غطير فرحانة ببنتها كبرات وجاو فيها الخطاب] ولاد ايت بلا ولدهم تاشفين
اليزيد: اصلهم امازيغي
راضية: اه من فوق بلادي [راضية من اصول اماريغية عكس راجلها المرحوم كان بيضاوي]
اليزيد: الله يعمر ليهم الدار معقولين [عنق هاجر بدراعو] وبكن حنا مبغيناش نزوجو بنتنا دابا [شاف فيها وهو مزال معنقها] نتي ديها ليا غير فقرايتك
وباسها من جبينها اليزيد مزاال معندوش ولاد فعليا ولكن هاجر كانت بنتو لولا قبل متكون ختو كان المسؤول عليها حيت تزادت بلاما تضوف حتى باها كان هو الوصي السند الاب عاد باش الاخ كان موفر ليها كلشي لي كتحل عليها فمها قبل متكملها كتحضر كان مدللها بلا قياس يخرجها و ميخلي ميشري ليها ورأيها مهم فالدار كل عام تبغي تبدل صباعة البيت وبدون ملل كيلبي رغبتها لدرجة مكانتش كتحس بفراغ الاب وحتى هي كانت كتبغي خوها كتعزو وكتحتارمو بزاف
كلامو زاد قاس واحيى المواجيع فقلبها وغرغرو عينيها وبدات كتبكي قدامو راضية شافت فيه وعلامات الاستفهام على وججها: هادي 15 يوم وهادي هي خالتها دور وتبكي البنت تبعاتها ليا شي عوينة
شد راسها بين يديه كيمسح عويناتها: هاجر مالك؟ كاين لي مخسر ليك خاطرك
حركات راسها بلا كتبكي وحادرة عينيها حشمانة من خوها: قولي ليا مالك
هاجر: والو
اليزيد: متحمقينيش وقولي ليا مالك واش شي مشكل فالمدرسة ؟ [قوس حاجبو] ياكما مع شي استاذ
[N.b = هاجر كتقرا فمدرسة خاصة «ام ايمن»]
هاجر: لا اخويا [بعدات يدو] قرب امتحان الجهوي وخايفة
اليزيد كيضحك ورجع عنقها: كنعرفك غتجي نتي لولا ومع هاد الخوف [غمز مو] غتجي نتي لولا فالجهة كاملة. [كيطل عليها حيت مخشية فيه] محتاجة شي حاجة الى سوايع مطانوش خدامين نبدلوهم ولا نجيبو ليك شي استاذة للدار
هاجر كيزيد يبكيها باهتمامو كتشوفو كيفاش ممقصر معاها فوالو وكيفاش ديما مكبر بيها وتايق فيها وكيفاش خانتو كتبكي: لا ممحتاجة والو [كتنخصص] سمح [كتشهق بجهد و كتحبس فيها الهضرة وكتعاود تكمل] سمح ليا
اليزيد بخوف ودهشة كيتفحص ملامح وجهها: شواقع ليك
هاجر كتمسح دموعها وكتقلب الموضوع: والو غير حيت نت لي هاز همي
كان الصهد والعطش وكلشي صايم فثالت ايام رمضان و منال كانت كتلوي البريوات معمرين بالكفتة و سيغار معمر ببطاطة مصلوقة والجبن و الطون و دايرة السماعة فوذنها: ايه كملي
كتتفاعل مع كل كلمة كتنطقها سهيلة ومرات تضحك: جرجرتيه ا الشهدة [باش كيعيط عليها اليزيد مع كلشي عارف حيت مكانش عندو مانع يعلن حبها قدام كلشي]
سهيلة: تعذبت [نبرة صوتها انخافضات] عمري ظنيت غنسالي انا وياه هاكا
منال: ولكن لا دار ررجوع لبيت الطاعة غيخصك ترجعي
سهيلة: الى مطلقنيش غنندمو
منال رادة البال لكلامها حيت كانت فطبقة ديال العقوززة وكلشي كاين فالدار غير كان ضروري تسمع اخبار سهيلة: دوزي خودي ليك بريوات باش تفكري
سهيلة: عرفتيني مكنحمل طياب مرت با توحشت رغايف خالتي راضية
منال: واحد ساعة ودوزي عندي نعطيك فطورك
غير قطعات معاها كتسمع دّا زهور من البيت: عندنا دار الاحسان هنايا وكلنا حتى هاد النفوس
منال حابسة راسها وكتنعر غير فحوايجها مكيسمعها حد: مادير الخير متخلينا نديروه
دّا زهرة كانت مجمعة مع رشيد والبنات كيمشيو ويجيو عليهم للكوزينة :الله يرضي عليكم لي خارجة دير زيفها و تلبس جلابتها ومتكتروش فالسطح مقادين على صداع مع جواد
رشيد: كيتقطع فرمضان غير الله يحفظ وصافي
الكبيرة: فينما يجي رمضان نبداو نحسبو فليام
دّا زهور: متسولوه ماتهضرو معاه فالنهار
يسرى نقزات: فين كنشوفوه حنا تا للمغرب كيظل فالكاراج و قبل المغرب كيطلع ينعس
ياسمين كانت مع منال فالكوزينة كتقاد معاها البريوات وكيسمعو لحديثهم: حسن عوانك ا منال [كتعبر بتعابير وجهها على الفضول] علم الله كيف كديري معاه نتي لي عايشة معاه
هزات منال كتافها وجاوباتها من نيتها: حتى انا مكنهضرش ومكنديرش لحوايج لي يقلقوه
ياسمين: ويلي على مكتهضريش هي بكمة
منال اعطاتها الحواب لي كتقلب عليه: كنولي بكمة قبل الفطور ولا غيرجعني عوقة من شي ضلعة
ياسمين بحالا كانت كترضي راسها حيت فمخيلتها ميمكنش تكون عيشة منال مثالية وحسن من عيشتها كترضي غرورها وسمها بان جواد معدي على منال وكيضربها و مزيرها عكسها هي مع رشيد لي هي لي كتغوت فيه و تخرج فيه عينيها
غير سمعو الساروت فالباب ديال الفصيل كلشي سكت و دّا زهرة عيطات على منال من شرجم لي بين الصالون والكوزينة لي بزوج كيطلو على ضواية: منال
شافت فيها: نعام ا خالتي
دّا زهرة: نوضي عند راجلك
بلعاني سيفطاتها مبغاتش شي مشكل مع جواد كيعرفوه فرمضان كيكون مقطوع مع الكارو و خاصو غير علاش يشعل والى فات حتى تعصب حتى حاجة مكتطفيه وغضبو كيكون مضاعف مرات على الايام العادية منال وقفات دارت الدرة مزيان فوق راسها لدرجة تخنقات فعنقها زيراتها و كضور قدام ياسمين: مكيبان فيا والو ياك؟ [كتقيس الدرة] شوفي واش كتبان ليك شي زغبة مني
ياسمين كتشوف: لا مكيبان فيك والو
منال: عافاك اختي بغيت نطلبك فاش طيبيهم ديري ليا زوج زوج من الحاجة فشي سوبيرة الله يرحم ليك الواليدين
ياسمين: كوني هانيا
وهي تخرج بانو ليها بلاستيكات دخلاتهم لدار قبل متطلع عندو حلات الباب كتضور فعينيها حتى كتسمع صوت الرشاشة[الماء] فالدوش دخلات هزات الجاكيط لي رما فوق السداري علقاتو و حتى سروالو وحطات التيشورت فالسلة ديال الصبون حيت فيه ريحة العرق سلتات عليها الجلابة والدرة بقات بكسيوة سميطات حد الركبة وجلسات فوق canapé كتتفرج فمسلسل تركي فالدبلجة ديال دوزيم
وشعرها مرمي من الكنابي ومن كترة ماطويل مليوح فالارض كان شوية الصهد منال مفرشة وواخدة راحتها حيت فرمضان ميقدرش يقرب ليها فالصيام
خرج كيمسح فوق شعرو بواحد الفوطة صغيرة شافها كيف مترعة رجليها و ضربها لفخضها: باغيانا نفطرو قبل الوقت !
جمعات رجليها دغيا وجلسات: مشهي شي حاجة تفطر بيها اليوم
جواد بجرأة: مشهي نفطر بيك
منال ولاو حناكها ورديين بزاف: راه حنا صايمين [بصوت رقيق فحال بالالا«معزة»] اويلي
ناضت كتجري من حداه كتقرا واحد الضحكة مخفية على تعاليم وجهو خدات سلة النشير لي هبوط ليها خواتاتو من سطح محيت هي ممنوع عليها و كتنشر فيهم وهو نعس المغرب بقات ليها ساعة ونص هبطات منال فكامل انوثتها فرمضان كل نهار لابسة عليهم عباية من داكشي رفيع ديال الخليجيين وكل مرة جلابة فطرز وسفيفة فشكل وستيل شكل دخلات للكوزينة جمعات واحد البلاستيكة فيها سوبيرا ديال بريوات وسيغار ونحدة فيها الشباكية و بريوات حلويين باللوز والعسل و واحد لكوكوت صغيرة فيها الحسوة الحمراء بالحمص والكرافص وعاد خبيزات معمرين وبيتزات صغار و حلات الكاجين خدات منو واحد الفخد
الكبيرة: كون غا عيطتي عليها تفكر معانا
هي كانت كطنز عليها حيت شافتها هزات ليها من كلشي ولكن منال جاوباتها من نيتها: قلتها ليها ولكن مبغاتش تحشم قدام رشيد وجواد
وسمعات صونيت خرجات تجري حلات وبقات ورا الباب كتتسنا سهيلة حتى دخل رشيد: السلام عليكم
منال بزربة غطات شعرها مزيان: وعليكم السلام اخويا رشيد
دخل وهي حطات يديها فوق قلبها كتشوف جهة الدروج ياكما كاين جواد ولا نازل حيت ميبغيهاش تحل لخوه الباب عاد من ورا رشيد جات سهيلة دخلات عند منال للفصيل سدو الباب وتعانقو: دازت عليك
كتتفحص ملامحها وعبارات التعب واضحة: الله احبي شنو دار فيك هاداك المقص
[المقص محيت حادق ومعروف عليه خفيف وشاطر فالتجارة وهادشي لي ميعيطو عليه فسيكتور]
سهيلة ترمات فحضنها غير شافتها بدات تبكي دوك دموع الضعف لي خبعات قدامو انهارت قدام منال بيهم: صافي غنطلقو
كدوز منال يديها فوق راس سهيلة: صافي ميستاهلكش
[وكتسكت فيها بشوية شوية بعداتها عليها] هاي هاي على العصري وهادشي زين [ضوراتها وضرباتها لترمتها] وشو هادشي ضسرتي ا الشهدة [غمزاتها] كوراه خرجتي ليه العقل
سهيلة : هو لي خرج ليا العقل انا باغيا طلاقي وهو كيقولك بيت الطاعة
منال:ونتي صافي قررتي [بشك] مبقيتيش كتبغيه
تنهدات: منال اليزيد لاسولتيني واش كنبغيه انا راه كنحماق عليه كنذوب فييه ولكن منقدرش مزاب نكمل معاه اللهم نتعذب بوحدي ولا نتعذب فالذل و المنكر
منال: حالتك صعيبة واجي طلعي جلسي حتى للمغرب ونقكي معايا
سهيلة كتحرك صبعها بلا: لالاا ياختي يحفظني ربي [بهمس] من هاد القوم الظالين ونتي كيف غاديا
منال ضحكت ليا بلعاني: الحمد لله شكون بحالي [كتشوف فيها واحد شوفات ديال الحمقين] جالسة فوسط داري [كتضغط على كلامها مفقوصة] معززة مكرمة لي بغيتها منخرجش ليها هي تجي عندي
سهيلة كتضحك حيت عارفاها كتقصد عكس ما يبوح بيه لسانها: لا تا واحد مبحالك
منال: تسنايني نجيب لك فطورك ديه معاك منين مابغيتيش تفطري معايا
دخلات جابت البلاستيكة لي فيها الفطور: منال متاكدة دوقتيني من الفطور ماعطيتيهش ليا كامل
منال كضحك: شدي وسكتي الفهايمية [كتقيس فوجه سهيلة] كلك تساسيتي [ضعافيتي] كولي على موو
سهيلة عاد انتابهات ليد منال لي كلها ظلال حروق: مالكي فيديك اش هادشي
منال كتخرج لها فعينيها باش تسكت: والو غير تحرقت
سهيلة رفعات نبرة صوتها باش توصل لداخل للوايساتها: يديك ماشي ديال الحريق يديك غير ديال الذهب و الغرامات
منال كضحك اعطاتها يديها: وهي لاغرمتيني دابا نيت
سهيلة: يالله احبي خليت ليك الراحة [غمزاتها] تهلاي فراسك [عنقاتها باش تقدر تهمس ليها] متخليهمش ياكلوك بضرافاتك كاع شوهو ليك يديك
ابتاسمات ليها منال: الله يوقف معاك
دخلات منال كتعاونهم وكتحط فالطبلة فرمضان كيجلسو فصالون الكبير و كيديرو زوج طبالي حيت هما كتار وحدة كتكون فيها الحسوة و شوربات والعواصر و المقبلات فحال سلطات وتمر و الشباكية والكرموص والبريوات والحوايج الخفيفة لي كتكاال مباشرة بعد الاذان و الطبلة التانية كتكون فيها الاطباق الرئيسية بحال طواجن والمقالي والفران و الخبيزات الخ..
بدا رشيد كيراجع اتاي و منال كانت واقفة كتعمر فكيسان ديال العصير حداه وتا هوا واخد راحتو معاها وكيهضرو على واحد الفرقة موسيقية [ناس الغيوان] حيت عزيزة على منال وحتى على رشيد [عامل مشترك] : وديك الاغنية ديال مهمومة
منال كتضحك حيت جاب ليها الذكريات مع هاد الاغنية وبدات تغنيها بواحد صوت رقيق وعذب: مهمومة هـاذ الـدنـيـا مهمومة، فيهــا النفوس ولات مضيـومة و بنادم ولـى عباد اللومة المسكين [سمعات صوت رجلو فالدروج وبدات تدخل وتخرج فالهضرة]المسكين [رفعات صوتها] الكبيرة جيبي معاك مووس
سمع صوتها من برا وديما مكيبايش صوتها يعلى فالضحك ولا فالهضرة ويسمعوه الرجال من برا محيت فاش كيكون جاي لدار وخواتاتو جعواقات كيسمع كاع حديثهم: متعرفيش تمشي تجيبيه بلا متنوحي
حنات راسها ودازت من قدامو للكوزينة وهو جلس من جهة الباب حاط قدامو البريكا كيتسناها غير توذن كيهبط على حلقو كاس ديال الماء وكيمشي يكمي هو لول كيكسر بيه صيام عاد كيتحلو ليه عينيه و كينشط ميقدرش يدير شي حاجة قبل ميكمي وماشي كارو عادي كيكمي الزطلة[الحشيش] كيخرج حتى كيكمي عاد كيدخل فيه هاديك الريحة مجهدة
تنهدات دّا زهرة: امتى يعفو عليه الله من هاد السم [شافت فمنال] ونتي تعرفي غير تاكلي منو السم ياكل صحتو ونتي كولي جيبو مكيقولكش راسك تشوفي معاه يحبس هادشي
منال بسخرية كتردد فراسها: حيت غيسمع مني خليه بغيتو يموت بيه انا
كياكلو فالهضرة وصداع دراري صغار بنات ياسمين وولد الكبيرة كيتناقزو: ماما اعطيني هاديي
جنات: بغيت شكلاط
ياسمين: بنتي كتلحسي الشكلاط وتخلي الكيكة شوهتيها
منال ابتاسمات: غير خليها تاكل لي بغات
جنات ضسرات: سمعتي ناكل لي بغييت [وكتخرج ليها فلسانها]
ياسمين: سمعي هاهوا عمو داخل الى لقاك كديري بسالة مغيحملكش ومبقاش يجيب ليك حاجات
غير سمعوه دراري صغار داخل كلشي سكت داير الهبة فدار الى بغاو يهددوهم كيذكرو غير عمو جواد و كيرطابو يوليو يسمعو الكلام جلس حدا منال لي اعطاتو كاس ديال العصير ديال الخضرة هو لي كيبدا بيه فطورو وكيتبعها كاس ديال لاڤوكا وكيضرب 4 بيضات مصلوقين و الروز مع السلمون
شهيتو مفتوحة وكياكل اضعاف البقية اولا بسبب الزكلة لي كتفتح الشهية وتانيا باش يالاه يوفر الاحتياط اللازم للجسم لي كيبلغ طولو 1.94 و الوزن 90 كيلو ولكن تقريبا كلها عضلة جسمو مطراسي مافيهش دهون بحكم خدمتو فيها تعب ومجهود بدني وحركة طوال النهار وزيد الحديد ولماطريال لي كيهز ديما فوق كتافو كان داير واحد الجلسة ديال الحباسة مفرق رجلو شوية ومرافقو فوق ركابيه وراسو محني شوية عينيه كانو ملونين شوية ومخلط فيهم لبيض بنقطة ديال الدم وبحالا مبوقين حيت الزطلة طلعات لدماغو كتنشطو واللحية كانت مرتبة و كثيفة شوية وشعرو لي مخربق شوية وممرتبش
دازت 30 دقيقة على بداية الفطور عاد بداو كيهضرو حتى حسو بيه رجع مزاجو عاد بداو فالطلبات كل واحد من قنت كيهضر ولكن هو كان مركز غير فماكلتو و مرة مرة كيحط حاجة كتعجبها قدامها وياسمين مقابلة معاهم غير كتشوف و كتجر راجلها من الفوقية لي لابس وكتهمس: شفتي
شاف بنص عين بزربة منال فكامل زينتها كتبان انيقة فحلابة بيضاء راقية وسفيفة نازلة فتدرج اللون خفيفة و صباط لس كانت لابسة فرجليها عالي واخا جلابة طويلة كان مراقبها حتى غفلات وكلعات جلابة شوية وبانت رجليها ادافر ناعمة ومقلمة ومصبوغة و السنسلة لي دايرة كتبان من تحت الدرة كيشوف كلشي فيها ناعم ورجع دار عند مرتو: حتى نتي شوفي [كيقصد بلي عنايتها براسها تستاهل يحط ليها الطبلة كاملة قدامها]
قفزات جنات: طاطا منال قالك بابا زوينة
منال الدغمة مبقاتش باغيا تتسرط ليها ومقادرتش تهز راسها من الطبلة جهة جواد مباغياش تشوف فعينيه كيف غيكونو كيخوفو
دّا زهرة كتلطف الجو: ختك منال راه زوينة وظريفة
كانت تشكرها من فوق قلبها ولكن جنات مصرة كتحرك فرشيد: ياك ا بابا كتشبه للاميرات
ياسمين كتقرص فيها: اه ا ماما حتى ختك يسرى كتشبه للاميرات
جنات غوبشات: متقرصينيش يسرى كتشبه لفيونا مرات شريك الوحش
كيضحكو بزز: تاهيا اميرة
جواد مد ليها تيليفونو: طلعيه يتشارجا
منال فهمات بلي خاصها تطلع متعاودش تهبط بغا غير يغبرها من فوق الطبلة ناضت مزال مكملاتش ماكلتها هزات تيليفون كتترعد وقبل متخرج من صالون طيحات تيليفون فالارض من كترة مكانت كترجف تبزق ليها من يديها متلفتش جهتها: طلعي
مبقاتش فاهمة واش تكلع ولاتحنى تهز تيليفون نطقات برجفة: التيليفون؟
جواد عينيه على رشيد ونكق بصوت قوى: طلعيي
منال نعاوداتش الهضرة خلات تيليفون فالارض ومشات كتجري طالعة حفيانة
شاف فجنات: اعطيتي ا عمو تيليفون
هزات تيليفون من الارض اعطاتو ليه و جلسها فوق حجرو: شنو قاليك بابا
هي نسات الموضوع صغيرة وبريئة : ها
جواد: قاليك بابا طاطا منال زوينة
حركات راسها باه: اه
حطها فالارض و ناض و رشيد تابعو: جواد
ودّا زهرة: جواد اجي نكمل فطورك اوليدي
وجنات شداتها ياسمين كتضرب فيها و جواد كمل طريقو للفوق دخل فسكات ومنال غتبول فحوايجها من الخوف قبل ميقرب ليها: والله حتى كنهبط بالدرة و العباية و الجلابة عريضة وكنضل فلكوزينة مكنخرجش منها [بخوف كتتراجع] والله مكتتلاقا عيني بعينو
جواد ببرود هز سوارت طوموبيل وشارجور: هزي حوايج ضروريين
منال: فين غنمشيو [سولات من باب الخوف حيت مكتيقش فيه]
جواد غيطيرها بعينيه: عجبك يتزلل بيك باغيا تبقاي معاه فدار وحدة
منال بزربة جاوبات: لا لا
وبزربة هزات اول صاك كبير جا قدامها رمات فيه حوايجها وشي كريمات عناية ببشرة والجسم ولبسات لباسها ونقابها و وقفات قدامو: انا واجدة
هز من يديها صاك وخرج ديمارا طوموبيل ومنال حطات يديها فوق كرشها حيت مزال جيعانة خداو الطريق لاقرب اوطيل royal Mansour Casablanca دخلو خداو شومبرة و طلع حتى دخل ليها الصاك وخرج ومنال باقي خايفة عارفة بلي مغتدوزش ليها كتهز فكتافه: هاد مرة والله مدرت حاجة
هزات تيليفون سيفطات لسهيلة: مشيت فيها
سهيلة: اش كاين عاوتاني مالكي
منال بقات كتعاود ليها ختى سالات وجاوباتها سهيلة: خدمي مود كنموت عليك والله ميقيسك على حسابي غينسا الدنيا وهمها
سمعات صوت الخطوات وهضرة قدام الشومبرة مسحات ميساجات ودخل المرة التانية و معاه شي حد وقفو عند الباب وكمل هو دافع الطبلة لداخل باش ميدخلش عند منال طلع ليها الفطور لي مفطراتوش فالدار
سلتات حجابها من ورا مادار ضورة شرفية كيقلب ويفلي كل جزء فالغرفة لتكون شي كاميرا
لبسات عليها واحد لوسومبل من 2 بييش شورط قصير مزير كاع لحمها كيبان معصور فيه وواحد ميني ساتر عيرر حملات صدرها اما صدرها بغا يطيح منو بغا يطير برا حيت مزير
قربات ليه خطوة فخوف وتردد: مقلق عليا ؟ [زادت قربات وقفات حداه حتى كيحس بصدرها فوق دراعو لي معري لابس تيشورت] انا مدرت والو
جرها من صدرها حتى غوتات موعتة: وشكون دار [قربها هو جالس فوق طبلة وهي واقفة بين رجليه] مبغيت حتى واحد يشوفك
كيقيس فيها وتفكر رشيد شنو كان كيفنطازمي عليها وجا نايض: غندبحمو
شدات من يدو: لا كاينين دراري صغار
جواد كان معصب وكان كيتسنا غير يبعد منال ويرجع يبالي برشيد ناري يبرد جنونو فيه وينفخ ليه العينين لي تحطو عليها و باغي ينوض وصدرو تنفخ بالاعصاب
منال حطات يديها فوق صدرو كتحاول تهدنو بدون جدوى لي فراسو فراسو وباغي يمشي داك ساع يرجع لرشيد كان باغي يبعد منال محملهاش تبقا معاه فنفس الارض ويتشاركو نفس الاكسجين ديال نفس المنطقة اي حاجة كتعصبو كيفكر وبالو كيمشي حتى للكاس لي شربات منو منال واش يمكن يكون خوه كيشرب وراها منو بحالا باسها واش كيجلس فلبلاصة لي كتجلس فيها منال ومع هي هازة كتنوض كتخلي حفرة واش يكون كيفونطازني عليها
منال حطات يديها بشوية كتترعد لاول مرة فوق لحيتو وهمسات بصوت رقيق: جواد شوف فيا
هبط عينو فيها ومع واخل جالس الطبلة عاليا وهي قصيرة وواخا طبلة عالييا حايا فمقامتو رجليه كيتجرجرو فالارض حطات يديها التانية ورا عنقو تهزات على قرون صباعها وهو باقي كيشوفعا من عينيها حطات شنايفها فوقو •••
فاش حس بالبوسة مبادرة منها اولا كان طعمها خاص ومختالف كان ساكن كيتحسس شنايفها لي كيتبطبطو فوق فمو وصباعها لي كيتساراو فوق العنقرة ديالو [العنق من الخلف] و كيحس بصدرها كيتلصق مع صدرو كدير احتكاك لجسمها مع ديالو
بدات كتبطئ وثيرة تقبيل فاش حسات يديه كتحاوطها من الخصر جرها بجهد خبطها معاه بعدات طلعات عينها فعينو نظراتو كانت مبهمة وغير واضحة: شنو كديري
منال تسرط ليها لسانها معرفاتش شنو تقول حيت اول مرة دير فحال هاكا حسات براسها تكلخات وتجاوزات حدودها معاه باقي مزير عليها وهي حاطة يديها ومرفقها فوق صدرو مزيرة معاه بزاف كتحس بضلوعها غيدخلو فديالو: اي
جواد: مخبية عليا شي حاجة خاصني نعرفها
منال كتحرك راسها بخوف بلا :مكاين والو
جواد: عمرو دوا معاك
منال كتشوف وسط عينيه حيت الى بعدات عينيها غيتبت عليها الكذوب: شكون
جواد بصوت ثقيل ورخم: رشيد
منال: لا
دفعها كتر باتجاهو: الى كذبتي غنعرفك معاه وعاجبك لحال
حركات راسها بلا بزربة: والله موقعات شي حاجة ومعمرو هضر معايا
رخاها وقرب لوجهها مقابلين بعضياتهم وكيشوف فشنايفها : نتيق فيك؟؟؟
كترجف بين يديه بالخوف: اه
جواد: كملي
اعطاها لوردر ترجع تحط شنايفها عليه ولكن هاد مرة مقدراتش ماشي فحال لمرة لولا كانت جريئة دابا رجعات الستار الفاصل بيناتهم حدرات راسسها للارض: فيا جوع
طلع ليها راسها بقبضة يدو من فكها وعينيه كينهشو فصدرها و ترومها لي مفرشين عراض كيبانو لو وهو واقف طويل عليها: حتى انا جيعان
وتحنى كيبوس فعنقها وهي كتتبورش بلحيتو لي كتقيسها خشنة فلحمها رطب حاولات تترخى وتخليه يديه لي بغا كالعادة بلا تجاوب مكيكونش تفاعل الكرفين فالعلاقة ديما جواد مسيطر و هو البادر منال بحال شي مونيكة ولا روبوت فاول العلاقة ولكن فاش كيبدا المداعبة كتولي بحال عجينة فيدو حيت كتوصل لواحد نشوة خيالية كتبدا تتعوج فحال القطة ودير اصوات المتعة و التلذذ وعيينيها كيتقلبو كيعجبوه كاع الوضعيات الجنسية لي كيسمحو ليه يتقابل مع وجهها كييعجبو يشوف تعابير الاستمتاع على وجهها وفاش كتقري تحيب البليزير ديالها بالاخص
كانت حالة عينيها وهو منعسها فوق صدرو عريض داير من تريبل وهاز تيليفون فيد: شنو كدير
جواد: كنقلب على دار
منال: واش مبقيناش غنسكنو مع خالتي
خز خصلها من شعرها كيلعب بيها: لا
كيقلب فعروض الكراء ومواقع البناية كان كيقلب على دار ديالو بوحدو متكونش بركمة فعمارة. تكون شي ساس كامل يكريه يسكنو بوحدهم باش ميتزادح مع شي حد فدروج وميدوز عليهم حد ومنال تاخد راحتها فالدار طفا تيليفون وباسها من فوق راسها وخشا نيف ديالو فشعرها كيستنشق عطر شعرها كان كيفتح شهية
•••
التعب و الارهاق متمكن من جسمها كانو مجموعين على مائدة الافطار الاذان كيأذن كيقرا دعاء الافطار بصوت جاهر وهما كيرددو وراه فالسر وناض كيصلي بيهم صلاة المغرب الا هي كانت عيانة وفيها دوخة غطيح مقادراش توقف هما كسرو الصيام بتميرة وكاس العصير هي بقات كتاكل هزات واحد البيضة مصلوقة حيت عزيزة عليها مع الحسوة غير قرباتها لفمها طلعات ليها ريحتها قاصحة مع نيفها وناضت كتجري للطواليط كتتقيء وكان قيء كتير ومبالغ فيه جلسات على ركابيها كتتقيء وترتاح حتى استفرغات كلشي. وطلع المرار خضر جات عندها راضية كتجري: هاجر مالك
هاجر: ماما هاداك البيض خاسر
راضية: يالاه كليت وحدة كانت مزيانة
هاجر كتحرك يديها بلا: ريحتها خانزة
عاوناتها راضية كتغسل ليها وجهها: غتكون ضراتك المعدة مكتاكلي والو ا بنتي
الايام تزداد مرارة و حرقة وتأنيب الضمير كيهلك كل حاجة زوينة عيات تحاول تتواصل بيه مكانش مهتم بيها خدا داكشي لي كان متعطش ليه ورماها فحال شياطا كل ساعة تقلب فتيليفون واش كاين شي جديد منو كانت كتتحرق كل يوم اكثر من الثاني مكتمشيش للمدرسة تكاسلات مبقات كتحل حتى كتاب
راضية: بنتي تبدلات [كتبكي] بنتي مسها شي جن
سليمة: يالاه نديرها لشي واحد كيفك السحر راه كنعرفو واحد من العائلة دقة ببطلة
راضية: بصح [بحذر] ولكن هادشي ميوصلش اليزيد حيت ميبغيش
سليمة: نديوها نفغدو فيها قبل متتوقب كتر راه كنشوفها ماشي حتال لهيه
راضية: هاجر لبسي وهبطي ابنتي
هاجر: مبغيتش نخرج خليوني هنا وسيرو
راضية: زيدي ابنتي لقيت ليك دواك [كتهضر من رياض تحت] هبكي غنمشيو نرقيوك
هاجر لبسات وهبطات حيت راضية اصرات عليها شدو طاكسي للواحد التجزئة و بقاو تابعين سليمة وصلو لواحد عمارات طلعو حتى لطبقة رابعة وراضية كتنهج بالدروج دقو فالباب ديال واحد برطمة حلات ليهم مرا ودخلو كيتسناو فواحد الصالون حتى عيطات ليهم دخلو هاجر شدها كيقلب فراسها وكيقول شي هضرة ممفهوماش وكيكتب شي حجابات بالريشة و المداد هاجر كان مديرونجيها كيحط يدو فوق كتفها كتحيدها بجهد: شفتو الجن لي فيها بدا يفيق
وهي غير هاجر صبرها نفذ وشوية بغا يقيس عظمة عنقها وهي تدفعو بعنف بعيد منها: متقيسنيش
- شفتو هاهوا بدا كيجهل
هاجر: ماما نمشيو
راضية: جلسي [شافت فيه] كمل خدمتك اسيري
- هذا جن عاقل خاصنا نعصبوه باش يخرج
هز واحد القنبة خشاها فالماء و لواها على يديه وبدا كيصوط فيها وهاجر كتغوت حيت كتتقصح وسليمة شادة راضية كتصبر فيها و كتحبسها متمشيش تفك بنتها وهاجر كتبكي وكتغوت: مامااااا ماما
-متحنيش فيها ماشي هي لي كتهضر هذاك الجن لي فيها
عذبها بالعصا تا بدات تبكي وتنين وبدات كتتقيء: مزيان ليها تتقيا
وعاونوها تمشي لطواليط دخلات سدات عليها وجبدات تيليفون كتصوني لسهيلة جاوباتها وهضرات قبل منها: هاجر مغنرجعش متحاوليش معايا
سمعات صوت تنخصيص والبكاء: عتقيني غيقتلوني
سهيلة خافت: شنو واقع فين نتي
هاجر كتلهت: انا فطواليت دابا جابونيي عند شي واحد كيحيد المس وانا ممسوساش وهذا مريض كيضربني
سهيلة: بشوية عليك سيفطي ليا لوكاليزاسيون انا جايا عندك دابا
سيفطاتها ليها: متخرجيش بقاي فطواليط حتى نجي
وقطعات معاها بقتت هاجر كتبكي وتتنخصص وكيدقو عليها مبغاتش تخرج حتى سمعات صوت سهيلة لي جات دقات حلو ليها وحيحات عليهم تما: واش نتوما مراض ولا باغيين تمرضو هاد البنت
كتقلب فالدار على طواليط وكتغوت: هاجر انا حيت نديك
عاد خرجات تخبات وراها معنقاها وراضية كتجر فيها: اعطيني لبنت راه مريضة
سهيلة: خالتي البنت نتي لي غتمرضيها بالخرافات كاين شي جن كيخرج بالعصاا راه جلدها لي غيخرج بالعصا هادشي فراس اليزيد
راضية: الله يرضي عليك متقوليهاش ليه
سهيلة: هي الى اعطيتيني البنت وكاعما كتحشمو [شافت فالراجل ومراتو] وسط رمضان ناس تصلي طراويح كاين شي جنون فرمضان قدكم
راضية باستسلام وخوف من ولدها عارفاه يبرى منها الى ساق الخبار لفعلتها: واخا
شدات بيد هاجر وخرجاتها كانت كتترعد و كتتقيا فالزنقة :واش كليتي حاجة ممزياناش [وقفات قدام فرماسيان] اجي ناخد ليك دوا تاكليه دابا يفوتك الحال
دخلو للصيدلية :السلام عليكم عافاك شي دوا للمعدة كتتقيا بزاف [شافت فهاجر] عندك شي اعراض اخرى
هاجر: الدوخة و القيء و السخفة بزاف والعياء مكنقدرش نفيق كتر من ساعة وننعس عاوتاني
الصيدلانية جبدات تيست ديال الحمل حطاتو ليهم قدامهم وضحكتت سهيلة: لالا
الصيدلانية: امتى اخر دورة جاتك
الهضرة والحساب كيضور فدماغها مقادراش تصدق شداتها هاجر من يديها باش تسكت وتشريه : شكرا
شراوه وخرجو وسهيلة كتشوف فيها مفاهمة والو: هادي نكتة من نكتك
هاجر حادرة راس: لا
سهيلة كضحك: ومالكي شاريا لينا هذا بغيتيني نجربو انا خايفاني نمشي ليك بولد خوك
هاجر: لا انا لي غنجرب
سهيلة وقفات كتشوف فيها : هاجر شنوو كتخربقي
هاجر تغرغرو عينيها: مكنتش عاقلة
سهيلة غيخرج ليها العقل: كيفاش معاقلااش [كتحركها بجهد من كتافها] هضري
هاجر غير كتبكي ومخبية وجهها بيديها: سهيلة انا ضعت
سهيلة : هاجر عافاك قولي ليا ماشي داكشي لي فبالي
هاجر: يارييت ماشي هو ياريت
سهيلة: شي راجل فحياتك؟ امتى وقع هادشي وشكون هذا
هاجر كتبكي: مكنعرفوش
سهيلة: كيفاش مكتعرفيهش واش كضحكي معايا
هاجر: كذب عليا منظنش حتى واش كنعرف سميتو الحقيقية
سهيلة شدات راسها: ياربي اش هاد المصيبة [حمرات فيها] امتى كنتي معاه
هاجر: نهار قلت لك عندي صواري بيجامة
سهيلة: كذبتي عليا
مجاوباتهاش تلفتات سهيلة لجهة لاخرة و الدموع طلعو ليها حيت تشمتات وهي سباب فدمار هاجر: تقت فيك ا هاجر قلت راك بنت كبيرة و معقلة ونتي درتيها بيا شنو غنقول لخوك دابا نقولو خليتها تمشي ت***
هاجر كتعنق فيها: عافاك ا سهيلة خويا لا [كتبكي] الحاج لا الميمة ا سهيلة الله يرحم ميمتك لي تخت القبر مبغيتش خويا يعرف غيقت $ لني ويدخل عليا الحبس وانا منستاهلش مبغيتش خويا يضيع بسبابي
سهيلة كتغوت: وفين كان عقلك فاش كنتي معاه [جراتها] زيدي وريني هاد ولد الحرام انا لي غتتفاهم معاه
هاجر: مكيجاوبنيش
سهيلة: معارفاش دارو علاش فين داك
هاجر: كذب عليا فدارو
سهيلة: غنلقاو عنوانو فمدرسة
وتمشات وقفاتها هاجر: مكاينش معايا فمدرسة
سهيلة بنية: وشمن مدرسة كيقرا
هاجر: كبير عليا
سهيلة غتسخف: اشنو درتي ا هاجر [كتغوت] شنوو درتييي
هاجر كتبكي سهيلة وقفات طاكسي ركبتتها ورجعو للرياض مكان تا واحد دخلو للدوش وفيه طواليت: دخلي ديري تيست
دخلات هاجر كترجف للطواليط ورجعات: كيفاش كنديروه
مكانتش عارفة باقي صغيرة ومفاهمة والو اعطاتها سهيلة واحد بلاستيكة: بولي هنا وخرجي انا غنديرو
دخلات دارت داكشي لي قالت سهيلة بالحرف وخرجات ليها البلاستيكة خشات التيست فالبول غير جزء منو باش ياخد العينة و بقاو كيتسناو كانو بزوج كيدعيو ربي يهنيهم وتكون سلبية دازت 3 دقائق الاولى كانت سلبية وقلبهم كيصرب غيوقف ليهم كيحسبو الثانية وراء الاخرى 4 ظقائق نفس النتيجة شركة وحدة 5 دقائق والنتيجة واحدة تنهدات سهيلة براحة
ولكن هاد الراحة مطولاتش حيت رجعات هبطات عينيها مرة ثانية لقاتهم زوج شرطات حطات يديها فوق فمها: حاملة
هاجر طاحت فالارض كتبكي: ميمكنش
سهيلة هبطات لعندها تاهيا كتبكي وكتعنقها حيت ششافتها بدات كتحماق بحالا غيخرج ليها العقل سكتاات من البكاء وغير كتهضر بوحدها: ميمكنش ميمكنش
كتعنقها:سكتي سكتي
هاحر: ضعت ضيعت راسي
سهيلة: مضعتيش [غوتات] سمعينيي مضعتيش [شدات راسها بين يديها] غندير كلشي باش نفكك من هاد المصيبة [عنقاتها] حنا فيها بزوج دابا
هاكر عنقاتها كتبكي: متخلينيش عافاك بقاي معايا والله حتى غندير شي مصيبة فراسي
مسحات ليها دموعها: انا معاك مغديري والو فراسك حلفي ليا مغتآذيش راسك
هاجر: والله مغندير والو فراسي
سهيلة: نوضي بدلي حالتك انا جايا
وقفات فدوش كتفكر شنو غدير حتى كتحس بحاجة من وراها يديه كيلعبو فوق خصرها قفزات: عرفتك غترجعي مغتخلينيش
سهيلة: اليزيد بعد مني
كان تيست باقي محطوط شافو فوق لافابو وطار عليه هزو كيشوف زوج شرطات: شنو هذا
سهيلة غدوب فبلاصتها: ا والو [كتنقز عليه تحيدو من يدو] اعطيني
اليزيد كيعليه وكيشوف فيه بفضول: شنو هادشي شكون حاملة
سهيلة خافت وطاح منها النص فشلات وغتبكي: حاملة [كتعصر باش تقولها] انا
ولكن فالاخير خرجات عكس تفكيرها لسانها مبغاش يعتارف ويخون العهد بينها وبين هاجر
اليزيد متيقش كيضحك: واش بصح
حركات راسها فوق طاقتها: اه
عنقها بجهد وكيبوس فيها بجهد وكيهزها وعاود حطها: خاصنا نديرو اطونسيون [حط راسو فوق كرشها] غيكون عندي بنية كتشبه ليك [حط يدو عليها] كتسمعيني ا بابا كتسمعي بابا غيعطيك الدنيا كلها نتي هي الدنيا
سهيلة كيتعصر قلبها وهي كتشوفو فديك الحالة مشتاق للولاد و الفرحة باينة فعينيه غطير من عينو: غنوجدو ليها البيت لي حدا بيتنا غنصبغو هاد سيمانة بالغوز ونمشيو نختارو
قاطعاتو: اليزيد انا باقي غنطلق
تعصب منها: متبقايش تجبدي ليا الطلاق واش باغيا بنتنا تعيش مفرقة بيناتنا معمرني غنقبل هادشي [باسها] سمحيليا على ودها وانا غنعوضك كلشي
نترات منو ومشات وخلاتو وراها دخلات للبيت عند هاجر نعسات حداها فالسداري معنقاها فحال بنتها الليلة كلها هاجر ارتاحت نعسات حيت تقاسمات الهم مع سهيلة عكس سهيلة لي الليلة كلها وهي كتبكي فوق راس هاجر كتحس بانيب الضمير كون غير حبستها فالدار كون غير حرمتها من الخريج كون عير خليتها منها لخوها والافكار تراودها عكس اليزيد لي بايت كيطير بالفرحة ومشا داك الساع كيحجز طيارة باغي يسافر هو وسهيلة باش تنسى وتفوج باغي يحيي معاها ذكرى شهر العسل ديالهم لي كان في 2020
•••
فاقت معطلة النهار كامل وهي ناعسة عي وهاجر هاجر هلكها الوحم وسهيلة كانت هيانة بزاف محيت منعساتش ليل كامل مفاقو حتى قربات المغرب توذن عاد ناضت دخلات للحمام كتغسل وجهها وكتشم ريحة ديال ليكريب والبنكيك هبطات حفيانة لابسة بوليرو طويل كيتجرج من وراها وشعرها داراه ورا وذنيها ومطلوق على كتافها وقفات قدام الكوزينة كتشوف اليزيد كيكيب فالبيض شاف الظل تلفت لقاها وابتاسم: صباح النور البرينسيسة
ضورات راسها فالطبلة كانت عامرة مكاينش فين تحطي شي طبسيل ولا كاس اخر كلها اكلات وحلويات كاع داكشي لي كيعجبها ومحطوط انوع الفرماج والعواصر و الخضرة والبروتينات بحال المرغاز و لاداند : معرفتش علاش كتتوحمي جبت كلشي
بقات مصدومة من حماسو هو مكيحملش يدخل للكوزينة ماشي تكبر ولا رجعية ولكن معندوش ميول للطبخ اول مرة تشوفو داير هاد الحالة ولابس الطابلية من الفوق جر ليها الكرسي جلسها وحط يدو فوق كرشها: نعستي مزيان
ومدوز راسو من فوق عنقها هاد المشهد كان على عينين سليمة كانت سهيلة غتبعدو ولكن ملي شافت سليمة بغات تحرقها كيف حرقات قلبها وابتاسمات وهي كتشوف فيها جات راضية وراها: واش كاين شي عيد
اليزيد: كاين العيد الوليدة [باس سهيلة من خدها] سهيلة حاملة
راضية شافت فسهيلة بصدمة: واش بصح
سهيلة تزيرات: اه
زغرتات راضية: ولدي برا
اليزيد: كيفاش
راضية وعات على راسها وسهيلة كيتخرك فيها عينها:سهييلة اولدي برات
سليمة مصدومة: حاملة
راضية قربات كتبوس فسهيلة: مبروك علينا [كتشوف فيها بغرابة] يعني مكاين لاش تاخدي دوا باقي
اليزيد: اشمن دوا كانت كتاخد؟
سهيلة حمارت حيت مبقاتش قادرة تكذب: خرجوليا دوا ديال الهرمونات كانو مخربقين ليا
اليزيد: وعلاش هادشي مفراسيش
سهيلة: واش نت اعطيتيني فرصة فين نقولها ليك؟ ياك خطبتي بلا بيا شنو غنقولك الله يسهل عليك
كان الحو مشحون بكلام سهيلة لي ناضت طالعة الفوق ورجعات للكوزينة كانو باقيين كلهم واقفين هزات بلاكو حطات فيه طبسيل وخدات من حوايج لي كيعجبو هاجر وخدات الحليب والعصير وطلعات لبيت هاجر كدق :هاجر نوضي تفكري غنخرجو
هاجر كتحك عينها: فين
سهيلة: غنقلبو على هاد الحمار ودابا غتعاودي ليا كلشي كيفاش تعرفتي عليه
هاجر بقات كتعاود ليها القصة من اولها حتى لاخرها: هادشي لي كاين
سهيلة: غنوري للقوا. د لي حطو يتفلا على بنات الناس فطري باش نخرجو
هاجر: ونتي مغتفطريش
سهيلة: معندي خاطر للفطور
هاجر: غتقلقيني خاصك تاكلي معايا ميمكنش ناكل بوحدي
سهيلة: شنو غناكل ناكل السم لي خليتك تخرجي
هاجر : زدتك الهم ياك
سهيلة مسحات يدها فوق حنك هاجر: لا الهم لافيه زوج كيخفاف [تنهدات كتشوف فكرشها]
هاجر : غنطيحو
سهيلة: خاصو يتزوج بيك وتولديه
هاجر بخوف: غضيع ليا قرايتي
سهيلة: عندك نعمة محروم منها واحد اخر
هاجر: هادي مصيبة ماشي نعمة
يتبع...
التعليقات
لا توجد تعليقات بعد، كن أول من يعلق.