محتوى القصة
اليزيد: فين غاديين
كيطلعهم ويهبطهم خارجين بجلالب: غنمشيو نصليو الطراوح
اليزيد: سهيلة متعبيش بزاف ممزيانش ليك ولا حسيتي بالعياء ولا دوخة صوني ليا
وخرجات يديها فيد هاجر شدو طاكسي ومشاو لدار حليمة بدات كدق سهيلة بجهد لي فيها طل نفس الراجل لي كان طل على هاجر والد هاجر: امالك الالة غتهرسي الباب
سهيلة كتغوت: غنهرس الباب ا شريف الى مهبطتيش ليا ديك الشلاهبية
- شكون واش حليمة شنو دارت عاوتاني ديك الحرايمية
سهيلة: هبطها
- مكايناش مسافرة
سهيلة: مسافرة وشكون نت
-باها
سهيلة: هبط الشريف دير معايا حل
-خليني بعيد انا مبري من ديك الحرايمية ماني باها ماهسا بنتي سيري بينك وبينها قت. ليها ولا دخليها للحبس بيناتكم
سهيلة: الى مخليتك تتبعها فالحباساات راني ماشي سهيلة
-متابعهاش غتهنيني وديري فيا خير كبير
جراتها من يديها اعطيني تيليفون الخانزة اعطاتوليها صونات من تيليفونها وحليمة جاوبات ملي مشافتش نمرة هاجر:الو
سهيلة: سمعيني ابنت القح. بة الى طحتي فيديا غنرفسك غتعطيني فين كيسكن علي ولا راه غنديكلاري بيك عند لبوليس بتهمة الفساد وبيع اجساد البنات
حليمة: شكون نت وشنو كتقولي
سهيلة: انا نائبة المدير فمؤسسة ام ايمن
حليمة: انا مدرت والو
سهيلة: راه حنا عارفين كلشي جاو اولياء الامور تشكاو منك و غتتشدي تعاوني معانا
حليمة خافت: معرفتوش فين كيسكن عارفاه ولد كازا وساكن فالرباط وخاطب راه دايرها فالفايس ومطاغي خطيبتو
سهيلة شافت فهاجر: نت فراسك مخطوب
هاجر حركات راسها بلا قطعات مع خليمة وجبدات الفايسبوك ديالو لقاتو فعلا داير خاطب فالحالة العاطفية ومطاغي واحدة كبيرة عليه بخمس سنين اسمها شيماء دخلات لبروفايلها خدامة مانادجر فشركة الكترونيات سيفطات ليها انفيطاسيون وقلبات على نمرتها: هادي لي غتعطينا بلان ديال هذا
حركات هاجر راسها ورجعو للرياض طلعو سدو عليهم تاني بزوج حاطين الراس على الراس صونات سهيلة على منال: الو حباي
سهيلة: بغيتك تعتقيني
منال: شنو واقع مالكي
سهيلة: كيفاش طيحتيه المرة لي فاتت
منال طاح منها نص حيت كان حداها ضحكات: حتى تجي عندي ونعلمك كيفاش تصاوبي خل التفاح غزال باش تكيحي الكيلوات
فهماتها سهيلة: صافي واخا
قطعات وشافت جهتو مقابلها كيسول بفضول: شنو طيحتي المرة لي فاتت
منال سخنات بالتوتر: ضعافيت كنتي خارج
جواد: اه [شاف فيها] الى دق شي حد متحليش
منال: واخا
وخرج يديه فجيابو ركب فطوموبيل غادي للدار ناوي يقربلها وصل دخل: فيناهوا رشيد
دّا زهرة: وليدي خوك مكاينش
جواد: ماشي خويا
دّا زهرة: نعل الشيطان اوليدي
جواد: الشيطان هو رشيد [بانفعال] يشوف ليا انا فمرتي
دّا زهرة: كلام الصغار اوليدي كعندهم عقل
جواد: الصغار مكيكذبوش ا مي
دّا زهرة: فيناهيا منال علاش مجاتش
جواد: عمرها غتجي
دّا زهرة لاواه اولدي جيب مرتك وجيو اش كتقول
جواد: وريوني داك نص راجل فيناهوا
دّا زهرة: وليدي رشيد راه سافر
جواد: سافر [بسخرية] هرب
دّا زهرة: جاتو خدمة في اكادير ومشا ليها ونت جيب مرتك
جواد: غنخرجو من دار
دّا زهرة: لا اوليدي متعزلش علينا الله يرضي عليك تخليني معذبة خلي ولادي مجموعين عليا
دّا زهرة: وفين خليتي مرتك
جواد: اوطيل
دّا زهرة: وليدي جيبها غير حتى تلقاو فين تتحولو خوك يالاه مشا مغيرجع تال العيد الصغير جيبها دوزو معانا رمضان متحررهاش فيا اوليدي مشا خوك وتمشي نت [كتبكي] لمن غنبقا
الكبيرة: خويا كنتي معمر علينا غتخلينا وليات بوحدنا هنايا يزعمو علينا تا راجل مكاين فدار
جواد: غنرجع حتى نلقا دار لي بغيت وغنرحل
خرج يجيب منال لقاها كتهضر فتيليفون: كضحكي واش هادشي بصح
سهيلة: اه ا ختي خاصنا نستروها
منال: ولكن خوها خاص يعرف
سهيلة: هي حتى خوتك كان خاص يعرفو
منال: واش كتعايريني بيها دابا كتقيسي ليا الجرحى
سهيلة تنهدات: منال عاونيني بسكات وسمحيليا لاضريتك ولكن راه معنديش العقل ولا الدماغ
منال: خاص نتلاقاو
سمعاتو دخل وهي تقطع مشات تجري عندو: جواد خاصني نشوف سهيلة
جواد: شنو غتشوفي فيعا
كطلبو: ضروري عافاك مهم بزاف
جواد: شنو هاد مهم
منال: موضوع ديال العيالات عافاك
جواد: لا
منال: عارفاك غير ساعتين
جواد: لا [هز الصاك من الارض] غنرجعو لدار قوليها هي تجي عندك لا كان هادشي مهم
فرحات: تقدر تبات معايا
جواد هز حواجبو: واش انا عندي اوطيل
منال: عافاك مغنباتش حداها هاد المرة غير هاد المرة
مجاوبهاش وهي فرحانة خلات ميساج لسهيلة داك ساع وكملو كلامهم رسائل وفنفس الوقت كتجمع حوايجها: الى بغات تطيح الويل لي فكرشها غنعطيك واحد سيدة تواصلي معاها قولها من جهة منال غتعطيك واحد الفانيدة ب1500 درهم جيبيها واجي باتي نتي وهاجر معايا
سهيلة: علاش غنباتو معاك
منال: خاص نكون معاك باش متخلعيش حيت كدير اعراض سخانة و الدم كيهبط كتير و الوجع ديال المو. ت خاص كتر من يد تعاون
سهيلة: واش هاد الفانيدة متقتلهاش
منال: لا راني مجرباها
سهيلة: واخا صافي كنتيق فيك
جواد كان غير حاضيها كيف كطير من بلاصة لبلاصة بحال الفراشة و مقابلة التيليفون حسات بيه مركز عليها وهي تحط تيليفون مبغاتش تزيد فيه وكملات جميع لبسات لباسها ودارت نقابها وهو هز الصاك وخرجو كيتمشى بزربة وهي كتزرب من وراه باش تواكب خطواتو مع قصيرة بزاف عليه كتجري: جواد [تلفت فيها ] عافاك بشوية
تمشى بشوية عاد ارتاحت وصلو للدار و دخلات عند عقوزتها جلسات كتقاد الفطور: غتجي تفكر معايا صاحبتي وخت راجلها
مليكة: وقولي تا راجلها يجي [كتخشي ليها الهضرة]
منال: لالا غتجي غيير هي و هاجر نزيد من الدجاج ياك اخالتي
دّا زهرة: جواد صرف تا علينا زيديه عيالات الناس
دارت راسعا مسمعاتش وكملات وجدات الفكور وغيوذن قادات الطبلة
وسهيلة وهاجر وصلو باب الباب جا وجهم فوجه جواد سلمات سهيلة: السلام عليكم
حل الباب: وعليكم السلام
منال: واخا تعيط على سهيلة
جواد: دخلي را كاينة لداخل [هادشي كامل باش متخرجش منال برا]
هو طلع للفوق ومنال دقات لتحت خرجات سهيلة كتبوسها وتبوس هاجر دخلو وجلسو فطرو منال وسهيلة جمعو ماعن وغسلوهم عاد طلعو: غير سكتي غرقت راسي كذوب مع اليزيد حتى دابا كيصحابليه واش بايتة فدار با
منال: معرفتش علاش معقدة الامور ومتقارنيش خوتي بخوها انا عارفة اليزيد ميسمحش فختو
هاجر: انا خايفة يقت. لو ماشي يضربني انا مبغيتش خويا يوسخ يديه فيه
منال: جبتي داكشي
سهيلة: اه تواصلت معاها و تلاقينا حدا الجامع اعطاتو ليا وخلصتها
منال: وراه دقة ببطلة [اعطاتها قرعة ماء صغيرة] شربيه
كانت حبة الميثوتريكسات كتجهض كتبيعها واحد القابلة غير قانوني للبنات خداتها هاجر دازت 25 دقيقة كتحس بالحرارة كتسلب فحوايجها: المو. ت صهد
منال: بدا المفعول
منال وجدات واحد قرعة فيها ماء سخون حطاتها تخت كرش هاجر وغطاتها و هزات طاسة عمرهاتها بماء بارد دارت فيها فوطة باش يحطوها فوق راسها حيت حرارتها فاتفاع و الوجع كيقطع فيها اعطاتها شرويطة تعضها باش تحبس بكاها
كان جواد دايز لطواليط وكيسمع مناال: صبري
سهيلة معنقة هاجر كتبكي معاها وهاجر مزيرة على يديها: صبري ا قلبي صبري
هاجر كتتعرق بحالا مدوشة و منال مفرشة ليها ليزوج فالبني حيت غيهبط الدم كانت كتتعذب كتحس بالمو. ت داخلاها
فلاش باك 2020
من بعد الكلام لي داز قدامو المشهد مبغاش يحيدومن بين عينيه ومكرهش يدفنها قدام داك centre de beauté جبد تيليفون وصونا على خوها الكبير: لم ختك من الزناقي
بلعاني صونا لخوها باغييه يربيها عارف بلي خوها غيمسح بيها الارض وحا عبد الحفيظ جرها من شعرها مفرج فيها الناس كاملة كاع جيران عرفوها فالتة دخلها لدار وكمل بيها: شنو كنتي كديري تم
منال: مشيت نقرا
عبد الحفيظ: تقراي ولا تفسدي شوهتينا مع النساب
منال مصدومة: هو لي قالها ليك
صرفقها بجهد: باقي عندك الفم لي يهضر الى مبغاكش باقي شنو نديرو فيك
كلات العصا وسمعات السبان والقذف ودازت يوماين وممسروطش ليها الوشية لي وشا بيها خلات خوتها حتى خرجو ولبسات جلابتها : مي انا خرجت
فاطمة: لاين ا منال
منال كتغوت عليها: واش نتهنا منهم تنبعي ليا نتي
وهي تخرج وتخليها بحال شي حجرة ممسوقاش ليها ومشات للكراج عندو :فيناهوا لي مخدمك
عبد الاله [المتعلم]: انا نكلمو ليك
ودخل حتى خرج جواد كيحيد الصباعيات ديال بلاستيك من يديه: طولو رجليك
منال: شنو كتصحاب راسك [كترفع صوتها]
جواد: دخلي
دخل وهي تابعاه لداخل دخلا لوكرو برجليها لقاتو حاط فوق المكتب واحد الطرف ديال الحشيش كيسطرهم فوق واحد لوراق وكيبرم وكيكمي وواحد القرعة كحلة حداه ودنيا خانزة شافتو قاصدها وعينيه ماشي خواتات
كتتراجع بخطوات مخربقة تنسات عليها المشية وكتعكل غطيح: شنو كدير واش حمق ؟
كانو عينيه حمرين بحال نقطة ديال الدم ونظراتو غريبة مكانوش عينيه عادية كان باينة فيه ضارب شي حاجة شعرو كان مخربق و صدايف شوميز محلولين كيبان الشعر مغطي صدرو وصوتو كان مختالف وحتى هو ماشي طبيعي غارق وبارد: اليوم غنوريك الحماق وغتشوفي حتى الوحش
كتشوف وراها: شنو جبتيني ندير هنا [كتشوف فيهم كيخرجو] وفين غاديين [كتغوت] فيين غاديين
على بعد زوج خطوات منو حجمو الكبير غطاها كتافو كانو عراض كيحبسو الضوء عليها كانو عضلاتو غيفزرو القميجة من فوق منو من كترة ما بارزين ومنفوخين: عاجبك الحرام ؟
منال كتغوت وكتشوفيه بعين كلها تمرد وقوة: متزيدش تقرب [هزات اول حاجة جات قدامها «القاضم» ادات ميكانيكية يستخدم في قطع المعادن كان كبير على يديها وثقيل على حجمها هازاه بزوج يدين فوجهو: الى قربتي مني غنقتلك
كيقرب وريحة كتقلب ريحة الزطلة كتروع خاطرها كانت غتتقيا عليه: متقربش لياا [بتهديد] غنغوت [كتغوت] غنشوهك ونجمع الجيران عليك
قرات واحد الضحكة مبايناش على ملامحو: مغنرضهاش فوجهك [ملامح وجهو كتتبدل وهي كتزيد ترعب وهي كتشوف هاديك التعسيلة فعينيه لي كانو كيتغمضو ماشي بنعاس ولكن حيت كان تحت تأثير الزطلة وزوج كيسان ديال ڤالمو حتى بانت ليه فيهم] غنخليك تغوتي حتى تبحي
المتعلمين متسوقوش ليها سدو الكاراج كيف قال ليهم وخلاوه هو وياها الراص فالراص كيقرب ليها وهي هازة الالة فيديها كتهددو: راه غنقتلك [كتغوت] متقربش ليا [كيقرب ليها حتى لقات راسها مزادحة مع الطوموبيل وراها كتشوف فيه بتهديد] غنهرسها [كتهضر على الزاج ديال طوموبيل] حل الباب نخرج
لوا ليها يدها حتى غوتات ورمات الاداة لي كانت كتهددو بيها وفوق من ديك الطموبيل فين علقها كضرب برجليها ولكن كان كبير بزاف على قوتها متقدرش تقاوم 1.94 و 90 كيلو ب 70 كيلو لي فيها و 1.62 جا بين رجليها باش متقدرش تضربو بيهم وكلع ليها يديها الفوق: شنو قلتي بغيتي
منال :نخرج
جواد قريب منها قريب ياكلها: لي قلتي ليه هو
منال: بعد مني
جواد: بغيتي لي يدخل بيك [كيطلعها ويهبطها] متاكدة باقي ممخوراش
منال كتحس بالاهانة والبكية: بعد مني الحيوان
منال: عافاك خليتي نمشي عمرك باقي تشوفني انا منستاهلكش بنت لحرام مقطرة وكلبة وماشي بنت ماشي عزبة
كانت كتخبي خوفها وكتجبه وهو كيشوف فيها: علاش خايفة واش ماشي هادشي لي بغيتي
منال: لا مبغيتش
هبط ليها سنسلة ديال العباية تحت من غير بيجامة سروال ودوني صدرها طايح بلا سوتيانات هي كتنتر كتستر فراسها: واش نت هبيل
مسمعش شد يدها للسماء و هبط لصدرها جر هاداك الدوني بسنانو ومع خفيف تقطع
اغتاص. بها بكل وحشية مكانش مستمتع معاجبوش الحاال يسمع بكاها وغواتها ولكن الحقد و الحركة لي دارت فيه ميقدرش يطفيها بطريقة خرى من غير هادي
خلا صدرها مطبع عاداباش بعد منها تكا على الحيط لي وراه: خرجي [مغمض عينيه] خرجي قبل منبدل رأيي
خرجات كتجري حتى وقفها: سدي هاديك سنسلة
وقفات كتسد فيها وكتترعد معارفاش وقف قدامها وكتبكي: ياك غتخليني نمشي
طلع ليها سنسلة: كتخافي متحشمي غبري من قدامي نلقاك عتبتي باب الدار غنجي نغناصبك وسط داركم
خرجات كتجري لدارهم
دخلات كتبكي ومهل كتسكت فيها: ماما مبغيتوش [كتغوت] مبغيتووش
فاطمة: وشنو بغيتي الشارف مبغيتيش الشباب مبغيتيه واش عاجباك عيشة الدل هادي
منال: مي عافاك متعطينيش
فاطمة: واش باغيا تسالي ليا عمري
منال: وانا مي واش عمري يتقادا مع داك الوحش
فاطمة: خرجي خرجي قولي لخوتك هادشي وغتشوفي شنو غيوقع ليك [شافتها سكتات] الى مقديتيش على العصيدة تركني
جلسات فركنة حتى الفلوس لي اعطاها ديال دهاز خداوهم ليها خوتها ملي قالها ليهم فتيليفون مخلاو ليها باش تنقي سنانها وبلال مجاوبهاش كتصوني ليه وكتبكي عليه: عافاك ا بلال متخليهمش يزوجوني بغيتك نت
بلال: صبري عليا غير عام ونتزوجو
كتغوت: واش غتهبلني وراه هما باغيين يزوجوني دابا
ملي قطع عليها ضربات بالتيليفون مع الحيط حتى تشق الزاجة وكحالت الليالي كلها كانت بكاء ونواح كانت كتتسنى جواد يلغي الزواج لي كان مقرر 15 يوم من ورا مجاو ولكن مدار حتى حركة وخوتها كيوجدو فالوراق وعرضو على ناس باش يديرو صدقة واعلان بالزواج وصل اليوم الموعود وكتبكي فالبيت فوق رجل سهيلة:بااو يغصبوني فحياتي
سهيلة: علاش مشيتو عندو برجلك اش بينك وبينو
منال: هو لي وشا بيا
سهيلة: منال واش عقلك مخور بغيتيه يشوفك مع واحد اخر وميدير والو اقل حاجة غيقولها لخوتك هادشي محطش عليك يديه وسط الملء راك كتهضري على ولد الدرب ماشي على شارل نيكول
منال: زيدي على مابيا حتى نتي
سهيلة: منال ديري عقلك الى مبغيتيش جواد رفضي ولكن متبقايش تابعة ليا بلال بحال الكلبة عند بالو رخيصة تتسناي طول العمر
منال: شنو غندير دابا
سهيلة: مغنقولكش تزوجي بيه الى مرتاحيتيش رفضي ماشي مشكل ياك مغيقدروش يقت. لوك هذا هو مهم العصا ديما كتاكليها برديها
منال: ياك كتقوليها مبردة
سهيلة: اما حسن تاكلي لعصا ولا تكملي حياتك مع واحد مباغياهش واخا خالتي فاطمة وصاتني نقنعك تتزوجيه قبل مندخل عندك ولكن انا معاك فاش كترتاحي متبعيهمش حيت نتي لي غتتزوجي بيه ماشي هما
كانت ليلة فقعر الجحيم تعذبتت المسكينة بكات وتنخصصات كان خاصها متغوتش خاشية الدرة ديال سهيلة وسط فمها عاضة عليها جواد سمع شي حس وهو غادي لطواليط وقف دقيقة ورا الباب حيت مغيحلش الباب على العيالات منال شافت ظلو من تحت دفة الباب وهي تهز التيليكوموند وهي تشعل تلفازة صغير دايرينها فالبيت لقات فيلم اكشن وهي تجهد الصوت: وا فيلم هو
سهيلة مخلوعة: واه غيشدو غيشدو
غوتات هاجر فواحد اللحظة و هي تشوف منال: مالكي خوافة راه مغيشدوهش راني مفرجة فالفيلم
بقاو حاضيين الظل تحت الباب حتى سمعو الباب تفتح ودخل للطواليط عاد تنفسو الصعداء
الدم كيهبط مع هاجر كثير و سهيلة كتبكي معاها فصمت منال كانت القابلة والقايدة هي لي شادة فراسها فيهم وكتجمع فدمايات و تحط ليها قرعة سخونة فوق كرشها وتشربها فدوليبران والحليب بالقرفة وكتضغط فوق كرشها باش تخرج الدم لي باقي لداخل وهاجر صابرة مسكينة هازة فوق طاقتها لدرجة مقادراش باقي تصبر: غير قت. لوني وريحوني
كتبوسها سهيلة فزق راسها: صبري
منال: مبقا والو وغتتهناي وترتاحي
الليلة كانت طويلة وصلات الخمسة ديال الصباح خرجات منال هي لولا شافت الدنيا خاوية و كلات على حواد فالبيت تتأكد واش ناعس نوضو هاجر للدوش و خشاوهت فداك البان و غسلوها بماء سخون و لبسوها واعطاتها ليكوش حيت دم غتستمر بحال دم النفاس و خشاوها فمانطة خاصها تسخن كانو هما صايمين وكيوجدو ليها فماتاكل حيت خسرات دم خاصها ترجع صحتها وخسرات طاقة وجهد
سهيلة: ربي مغيسمحش لينا هبطنا روح ووسط رمضان محتارمناش تا هاد الشهر
منال: الى فاتت هاد الشهر غير وجدي سبوع والزرورة متقدرش تطيحو بالفانيد خاصها الطبيب وموافقة ولي الامر ويقدرو يدخلو فيها البوليس واش بغيتي الشوهة طلبي ربي يسترنا وحمديه دازت الليلة بيخير
سهيلة: خايفة بزاف
منال: مغيوقع ليها والو كون مدوزتش هادشي مكنتش غنعطيه ليها
سهيلة: نسولك غير كيفاش قدرتي ديريها بوحدك
منال: اعطاني ربي واحد الجهد وواحد الطاقة قدرت ندير كلشي ومنخليش طرف منو فكرشي كنت كتخس براسي كنكبر وحش
سهيلة: قلبك حجر ا منال هاداك كان حتى ولدك
منال: براكة عليا من دراما ديالك نتي معشتيس لي عشتو
سهيلة: ولكن شنو دار ليك لولد
منال: كون تزاد كنت غنقت. لو اللهم يموت فكرشي وهو باقي لحمة كون تزاد مكنتش غنكون ام صالحة كنت غنشوفو غنشوف وجهو كلن يمكن غير نعذبو
سهيلة: متقدريش نتي عارفة هادشي كون تزاد كنتي غتكوني احسن ام نتي حنينة ميمكنش تضريه
منال: مكتعرفينيش
سهيلة: كنعرفك كون عندك ولد كنتي غتهزيه بسنانك نتي كنتس خايفة تضعفي بالولد معاه كنتي خايفة تتقبليه لا ولدتي منو خفتي تشوفي فيه الاب لي تمنيتيه وتبغيه
منال: تبغيه لفعة شنو غنبغي فيه واشمن اب غيكون
سهيلة: انا كنشوفو غيكون اب مزيان
منال بسخرية: وربي معطاهمش ليه ومغيعطيهمش ليه معايا
سهيلة: انا مكنتش متافقة تطيحيه
منال انفاعلات: واش كضحكي عليا دلك لولد جا بزز مني مكنتش عارفة كنت صغيرة واول مرة معارفاش شنو نعمل واشمن كينة ناخد كنت غشيمة و قليلة الحيلة وعرفتي كيفاش جا جاا بزز مني حيت قاسني بزز مكنتش باغياه يقيسني
سهيلة كضحك: منال راه نتي لي كضحكي على راسك واش مزوج بيك باش يبقا يشوف فيك من بعيد مزوجة براجل ولا زا. مل طبيعي غيقيسك مالو غيزغلك نهار لول قلت لك الى مبغيتيهش رفضيه ماشي تقبليه ولا ميقيسنيش مالو باك ولا خوك
منال: مكانش عندي حل من غير نتزوجو كانو غيدقنوني كون موافقتش من ورا ديك الشوهة فالدرب وديك العصا الى فسخت الخطبة غيقولو الناس لقا قيا العيب وخلاني
سهيلة: اذن خاصك تتحملي العواقب انا خبيت عليه مرضو وتحملت نتيجة زواجو والضرة ونتي وافقتي عليه غتتحملي وغتعطيه حقوقو
منال: واش نتي صاحبتي ولا صاحبتو غير قولي ليا
سهيلة: انا صاحبتك ومحملتوش كيدير شي فعايل كنبغي نقجو ولكن حتى نتي ا منال راك درتي حوايج واخا انا فاهمة ردود افعالك ولكن مكاينش غير هو فالقصة تانتي كاينة
تجاهلات كلامها وكتحط الاكل فالبلاطو: خودي لهاجر انا غنفيقو يتسحر
دقات فالبيت ودخلات كان ناعس كتحرك فيه بشوية: جواد فيق تتسحر
حل عين وساد وحدة: اعطيني غير الماء
كتفيقو غير هاكاك كيشرب غير الماء وكيرجع ينعس مرة اخرى اما سهيلة مكلات والو منال جالسة كتاكل بحالا موقع والو: ميمكنش اصاحبتي واش مضركش خاطرك
منال: انا دوزت كتر منها تعذبت بوحدي ومرضت وجاني فقر دم غير بسباب هادشي حيت مكنتش عارفة وفوتي عليا زكي راه طيبتيني بهاد الضمير عندك تقول غير نتي لي بنادم
سهيلة: صافي بشوية دابا يسمعنا
باستها: انا غنمشي ننعس الى وقعات شي حاجة صوني ليا [شافت فهاجر] غتنعس دابا بالعياء والوجع راه فاتها دابا وتهنات من ديك كرش الحرام
سهيلة اعطاتها فيديها حاجة: هاكي هاد الفانيد لي وصيتيني عليه
منال: الله يحفظك كان غيتسالا ليا ومخارجاش
دخلات لبيتهم سدات الباب وسرحو افكارها تفكرات ليلتها الاولى بعد العرس فاش خيرها بين دير عقلها فراسها ولا غيديرو ليها بطريقتو شافت راسها كتستنجد بمها وخوتها ومرحموهاش متسناتش منو يرحمها بعد منها مكانتش عندو نية يقيسها هاديك الليلة حتى هو منساش اخر حاجة دارت ولكن هي سلتات كلشي حوايجها قدامو: دير لي بغيتي [قربات ليه] غندير عقلي فراسي عييت من الحروب معاك كتجي وراهم غير الخسارة
هز خصلة من شعرها لي نازل على صدرها العريان: مزيان ملي فهمتي
باسها من عنقها وهز يديها حطهم فوق صدرو تكاها فوق السداري ضورات راسها للجهة الاخرى و دمعة هبطات واخا عيات تحبسها وتكبتها
كانت اول ليلة ليها بين دراعو ليلة لي تخلات على احلامها وحبها اعطاتو راسها ماشي حست بصح استسلمات ولكن كانت كتنتاقم من بلال بحالا كتعلن نسيانها ليه وبلي هو خاسر حيت مغيكونش اول واحد قاسها فاقت لبسات و دارت نقابها حتى دخل عليها: فين خارجة
منال: عند ماما
جواد: هاد خيطي بيطي معندي مندير بيها سلتي حوايجك وجلسي فدارك
منال: واش حتى الخروج لا حتى مي لا
جواد بضدد: الخروج لا ومك لا كون بغيتي مك بقاي حداها نهار تبغي تمشي عندها انا غنديك ونجيبك
منال كتجمع ففمها مغددة ومفقوصة: بزاف عليا حتى مي منشوفهاش منخرجش ومنقبني
شافتو قرب ليها وكبير عليها غير يهز يدو غيطيرها: كتراضي معايا فالهضرة
حركات راسها: لا ولكن
جواد: كاين غير هادشي لي كنقول
تجمعو دموع فعينيها حيدات نقابها كلنت باغيا غير تخرج تشوف ناس خرين تنسا هاديك الليلة مخلاهاش
نهاية الفلاش باك
فاق الصباح لقاها ناعسة حداه مجبدة غطاها قبل مينوض كيلبس عليه وحط الجاكيط فوق الكوافوزة و ملي هزها طاح البينوار لي كانت لابسة وطاح منو الفانيد حيت اعطاتوليها سهيلة حطاتو فالجيب ونساتو هز الكرطونة حلها كيشوف البلاكيط لي فيها رجعها لوسط البينوار ورجع البينوار لبلاصتو خرج من البيت لبس فرجليه وهز واحد الصاك فيه شي ماطيريال للكراج من بلاكار فالكوزينة وحل البلاكار تاني هز علبة ديال دوليبران لي حاطة تم وعلب الفيتامين لي كتاكل كل نهار حلها لقاها خاوية رجعها بلاصتها وخرج
فاقت سهيلة كتقيس حرارة هاجر كانت عادية حيت قبل متنعس اعطاوها دوليبران و اونتيبيوتيك متوقعين اي حاجة توقع وفيقاتها: هاجر حبيبة والحبيبة
هاجر: نعام اسوها [عنقاتها] عمرني ننسا وقفتك [حطات يدها فوق كرشها كضرها] مغنساش الخير لي ظرتي فيا وسترتيني
سهيلة: كون لقيت البلا نهزو انا عليك كون حيدتو عليك
منال: خاصها ترتاح
سهيلة: والقرايا ديالها
منال: صحتها قبل القرايا خاصها ترتاح تاكل وتنعس مزيان حيت يقظر يجيها فقر الدم الى مرتاحتش
هاجر: ممشيتش هاديك السيمانة للامتحانات [حدرات راسها] ضيعت راسي وقرايتي
سهيلة: صافي [كتقيس وجهها] ماشي مشكل كلشي غيتعوض مهم هو نتي تكوني بخير لينا
ناضت لبسوها وخرجات كتتمشى بشوية حيت كرشها كتضرها شدو طاكسي ومنال رجعات كتصبن فهادوك ليزور لي غرقو فالدمايات والطبايع لاصقين فيهم
كتشتف عليهم وتفرك بيديها وتعاود بالماكينة باش ميبانوش طبايع
[][][]
دخلات للرياض تلقا لهم اليزيد: مالها كتعرج
سهيلة: اليزيد راك عارف شغل بنات
كتقصد الدورة الشهرية تاهوا شد من يديها للبيتها و اعطاها دوليبران وغطاها: ارتاحي وقولي ليا شنو مشهية
هاجر: والو بغيت غير نرتاح
اليزيد: خاصنا نهضرو الحارس العام صونا عليا كيقول مكتمشيش للمدرسة
سهيلة: اليزيد البنت مريضة
اليزيد معصب: باش مريضة نداويوها ولكن متمشيش سيمانة والامتحانات
سهيلة: خلينا نخرجو نهضرو
خرج سبقها وتبعاتو :اليزيد تيق فيا هاكر عيانة مكانتش قادرة تمشي لمدرسة ؤاه تخلعت وديتها لطبيب جاها واحد لوجع الله يحفظ
اليزيد: موالف كيجيها وكتمشي تقرا
سهيلة: لا هذا بزاف خفت تكون عندها حاجة فالوالدة وديتها لطبيب
اليزيد: علاش كتتصرفي من راسك علاش متقوليهاش نمشي معاكم
سهيلة: مبغيتش نضغطك ونت باقي عريس جديد
كدوخو بهاد الهضرة كل مرة كتخلي عصبيتو وتركيز. تصب فموضع ثاني
سهيلة: خليها دابا ترتاح
اليزيد: شنو قال الطبيب
سهيلة: عندها كلشي مزيان اعطانا تحاليل الدم حتى تصح ونديروهوم
اليزيد: نتي كتحسي براسك مزيان
سهيلة: اه
قاس كرشها: والاميرة مزيانة
بعداتو منها: بعد مني
اليزيد: كناخد اتاي لي جبتي ليا قلتي ليا اعشاب صينية كنحس بالراحة وراهم
مكانوش اعشاب كان الدواء لي كانت تعطيه مو فاتاي: بصح شنو كتحس
اليزيد: كيرخيني وحتى السخانة مبقاتش تطلع ليا بزاف هاد الاسابيع اللخرة و ظهري ولا مزيان
سهيلة ابتاسمات: مزيان خاصك تداوم عليه راه زوين
اليزيد: شنو سميتو غنزيد ناخد منو
سهيلة: لا متعرفش هادي مراة كتسيفطو ليا من الصين وقتما تبغيه نجيبو لك
اليزيد: مزال مبغيتيش تسحبي الدعوة
سهيلة ببرود: لا وغنطلق منك
[][][]
رجع من كاراج فطرو وطلعو لبرطمة: اجي
منال: انا جايا
بقا متبعها بعينيه حتى دخلات للكوزينة وحلات لبلاكار وخدات هاديك العلبة وخدات منها حبة تحت انظارو قرب وراها كيهز كاس وعينيه مبغاوش يحيدو من ديك لبواط : هذا الفيتامين لي كناخد
جواد: ديالاش هاد لفيتامين
منال: فيتامين دي حيت مكنخرج مكتشوفني شمس
كيشوف نفس الحبات ديال الفنيد لي لقا فجيبها و كانت مكتوبة عليه كونتراسيبسيون [مانع حمل]
حس بالشمتة حيت عمرو ركز فالموضوع وهي كتشربو كل ليلة على نفس الموعد وديما قبل متعاشرو متحركش فيه ساكن حيت الشمتة كانت قاصحة
جات حداه: هاني
معبرهاش هاز تيليفون وهي عجبها الحال مبغاتوش يقرب ليها هو كان كيتواصل مع واحد الصفحة لي كتعطيهم المواد لي بغيتي كيردوهالك على شكل فانيد بحال شكل فيتامين ومواد كتكون طبيعية كيجفقوها ويطحنوها قرر يطلب نفس الشكل ديال فانيد ديالها ناوي يخليها تحماق
كان مبرد نهار كيتقصح مكيديرش ردود افعال عدوانية حيت عارف ان اكبر انتقام يقدر يعطيه لمنال هو يحقق الفكرة لي هي كتحاربها وهي الحمل
وصلوه من وراء اسبوع و بدلهم ليها فالسكات وكانت فرحانة وهي كتاكلهم كل ليلة وهو مستمتع بداك المنظر كيشطحها كيفما ضحكات عليه واستغباتو كان كيستغبيها كيف كدير ليه وكان كيمارس معاها كل ليلة وكتر من المعتاد باش تكبر فرص الحمل لدرجة ان منال عيات ولات باغيا تهرب منو
منال: ميمكنش عييت عييت
سهيلة: مالكي عاوتاني
كتقاد تيليفون فوذنيها: كنظل مع مو غير باش يبعد مني مباغيش يطلقني بزاف طبت واش الصباح والعشية بزااف عليا
سهيلة كتضحك: مالك اصاحبتي كتاكلي حقي وحقك
منال: وسيري اختي كولي حقي وحق جيران غير يبعد عليا كنتخيل كون مكنتش كنشرب الفنيد كون دابا ولدت السابع
سهيلة: حمدي الله عليا نعمة كنجيبو ليك
منال: امتى اخر مرة جبتيه ليا شفتو كاعما بغا يسالي واش جبتي ليا 3 شهور
سهيلة: لا غير شهر
منال: والعجب مبغاش يسالي
سهيلة: عنداك تكوني نسيتيها
منال: ننسا راسي ومننساهاش سيري راه جا غنقطع
دخل فيديه بلاستيكة عامرة شكلاط ووسط منها اولويز حيت هادي فترة حيضها شافها لابسة غير شورط عكس ايام حيضها كتضرب كولون حيت كيوجعها كرشها: مكضركش كرشك
منال بغباء: لا مزال مهبطوش ليغيكل
حرك راسو باه وهو حسابو فراسو ودخل يرتاح وهي هبطات لطبقة دّا زهرة لقاتها كتنغر: ا لالة منال واش معندكش لوجه علاش تحشمي مجيتيش فنوبتك
منال: غير سمحي ليا ا خالتي مقدرتش نفيق نعست بلاما نحس
دّا زهرة: بزاف على نعاس مالك كتوحمي تضلي ناعسة وتباتي ناعسة
منال: سمحي ليا اخالتي غنشد نوبة ياسمين اليوم حيت شداتها عليا
دّا زهرة: تحركي راه الغذا كيتسناك
دخلات للكوزينة كتنقي فالبصلة و كتقطع فيها وهي كارهة ريحتها كتحس بيها كتطلع مع نيفها خاطرها تكلعات ليها و رمات السكينة و مشات تجري لطولليت سدات عليها وكتتقيا خرجات عينيها خارجين و شافت فياسمين: عافاك قطعي ليا البصلة
ياسمين: مالكي واش عيانة
منال شادة فراسها: مقدرتش على ريحتها قاصحة
ضحكات ياسمين: هي درتيها حاملة
منال كضحك حيت عند بالها محمية من الحمل: حاملة بجمل تانتي ا ياسمين
ياسمين: علاش مالك واش مباغياش لولاد
جمعات راسها منال حيت عارفة ياسمين تخرج لهصرة وتبيعها: لا غير مكتابش مجابهمش الله
ياسمين غمزتها: بان ليا جابهم ربي دابا
رضات الغذا يطيب وتكات فالصالون نعسات حتى تحرق الطاجين وناضت الكبيرة تجري كتشم ريحة الحريق وكتغوت: واش خرج لك العقل شنو هادشيي
منال فاقت مدعوقة: اش واقع
الكبيرة: ونتي لي شواقع ناعسة هاد ساعة واش بايتة فعرس
منال: محسيتش براسي امتى نعست
الكبيرة: الله يعطيك الصحة خليتينا دابا بلا غذا
منال: انا نعاود نطيب واحد
الكبيرة: خويا نازل
دخل شافهم كيتغاوتو: شواقع
دّا زهرة: العروسة الحادقة نعسات وحرقات الغذا
شاف فيها حادرة راسها خايفة: غنجيب باش نتغداو من برا
شاف الدراري صغار فرحانين كيحنقزوة شنو بغيتو تتغداو
احلام: طاكوس
جنات كتغوت: بييتزا بيتزا
وايمن وراهم كيتسابق: انا بغيت بيرغر
نقزات من حيت لايدرون بحال شي بنت صغيرة: بغيت الكفتة طايبة على الفاخر [كتهضر بواحد الشوق وكتوصفها ولعابها قريب يسيل] ومعاها شي فلفلة حارة فوق الفاخر وشي شلاضة ديال مطيشة محكوكة
كلشي ضور راسو فيها كيفاش كتهضر متلهفة بحال الى عمرها شافت النعمة مليكة: واش كتوحمي منين غيطيب لك الكفتة على الفاخر
هو شاف فيهم ببرود: نتوما شنو بغيتو
منال خشات راسها فحوايجها من الاحراج يصحاب ليها قمعها ولا مغيجيبوش ليها
راضية: بنتي راني حبست الدواء لليازيد
سهيلة: متحبسيليهش ا خالتي حتى نقولها لك
راضية: ياك نتي حاملة يعني برا
سهيلة كتهرب: لا مخاصش يحبسو حتى يقولها الطبيب فاش يبغي نحبس راه غنعلمك ا خالتي
راضية: واخا ابنتي الله يرضي عليك ونتي بقاي فدارك مع راجلك ولي فكرشك
سهيلة: خالتي معزتك عندي قداش ولكن عافاك مديريش نفس الغلط ومتعاوديش تدخلي بيني وبين اليزيد خلينا حنا نقررو فعلاقتنا
طلعات عند هاجر لي كانت متكية وساهية: الرتيلة كي بقيتي
هاجر: واش نقدر نتخطا هادشي
سهيلة: غتمسحي هادشي من عقلك بحالا عمرو كان هادي حلمة وفقتي منها
هاجر: شكون غيقبل عليا وانا مبقيتش عزبة
سهيلة: علاش نتي معطوبة ولا ناقصاك شي حاجة هادي غير المكلخين ديالنا لي تابعين البكرة حالين فمهم معارفينش بلي شحال من وحدة مرقعاها
هاجر: تا انا نرقعها
سهيلة: بغيتي تخبي غلط بغلط كبر منو مديريش اخطائي هذا لي غيبغيك غتصارحيه بكلشي وهو يقرر
هاجر: انا كرهت كاع رجال مبقيت بغيت حتى واحد فحياتي
باستها سهيلة فوق راسها: غيجي لي يستاهلك
[][][]
دّا زهرة: ساعة باش خرج من دار مزال مدخل صوني ليه شوفي ياكما طاريا ليه شي مصيبة
يالاه هزات يسرى تيليفون تصوني عليه وهو ؤخشي ساروت فالباب
دخل فيديه بلاستيكات حطوهم وريحة الشوا عاطية مصبراتش كانت هي لولا كتقلب البلاستيكات بعدما مكانتش تقيسهم وكتخليهم هما لي يجبدو اليوم كانت كتتخاطف كانت الكفتة لي مشهية و بدات تاكل قبل منهم كلهم كلشي معجب منها اعطاوها شوية من طاكوس باش دوق زعما فطبسيل هزاتو غير ضرباتها ريحة فمنخرها وهي تجري لطواليت كتتقيا ودّا زهرة كتتغامز مع بناتها وكضكك: وهاهوا ربي بغا يفرحنا
جات كتشوفهم كيضحكو: جلسي راك هزيتي
منال بغباء: شنو هزيت
وهما كيضحكو الا ياسمين لي مقروصة وكتضحك بزز: مبروك عليك الله يعطييك صورة الكاملة
منال: مفهمتش علاش كتهضرو
جواد: كولي
كتاكل ومقروصة من شوفاتهم و غير تغداو هزات دّا زهرة تيليفون كتصوني لفاطمة مامات منال: الو فاطمة وباركي لبنتك
فاطمة فرحات حيت فهمات: متقوليش ليا حاملة
ز
دّا زهرة: وياه
فاطمة: دوزيهاليا
منال مستغربة حيت مكانتش تسمع :الو مي
فاطمة: مبروك عليك ا بنتي الحمالة تهلاي فراسك وصحتك ربي يفرحك
منال انفاعلات وغوتات شوية: ماما شنو كتخربقي
فاطمة: ديري عقلك ا بنتي تهلاي فداكشي لي فكرشك ربي يرحمك ويغفر ليك شنو درتي
منال جهلات كتستفزها بكلامها: ميييي سكتييي
جواد غيطيرها بعينيه: نتي لي غتسكتي
وجر ليها التيليفون قطع على مها: اخر مرة تهزي صوتك على مك ولا غنهزك نردخ بيك الارض [دفعها بشوية من وركها] تحركي لفوق
طلعات معصبة وكتشتف وهو وراها كي دخلات مشات نيشان تشرب الفانيد حتى سمعاتو: حبسيه
منال: علاش
جواد: مزال مفهمتيش المراة الحاملة مكتبقاش غير تخشي لي جا قدامها
منال: واش بغيتو ترجعوني حمقة انا محاملاش
جواد قرب منها: وعلاش تايقة
منال كتمتم: لا والو غير حيت شحال هادي مجاب الله
جواد ابتسم: حيت كنتي كتاخدي الفانيد
بلعات ريقها: لا
جواد: متكذبيش
منال: لا مخديتش
كتستفزو وهي كتكذب ليه وسط عينيه: هاداك الفيتامين لي كنتي كتاكلي معجبننيش وبدلتو
منال غتحماق: كيفاش
طبدات بسرعة لبواط كتقلبها: امتى بدلتيه
جواد: شي شهرين وزيادة جبت ليك فيتامين ناضي وافقك ياك
منال غتبكي: كضحك معايا ومعامن تشاورتي تا بدلتيه بلا خباري
جواد: ومعامن تشاورتي تاخديه بلا خباري
منال: كان فيتامين زوين وصافي
جواد ببرود وكيقرا الحرقة بعينيها: تا هذا فيتامين زوين [خشا يدو فجيبو واعطاها تيست الحمل] ديريه
منال: لا
جواد شدها من يديها دخلها للطواليط ودخل معاها: ديريه
منال باستسلام: واخا خرج
جواد: غنبقا هنا ونتي كديريه تحركي
منال غتبكي بالسم والفقصة مكرهاتش تتفرغع عليه تصدمات من معرفتو بالفنيد متقدرش تقولو علاش درتي هاكا ولا تسول ولا دير اي ردة فعل حيت سكوتو كيعني باغي يرحمها من شي مشكل كبير دارت تيست قدامو جلسات ومداتو كتبول عليه بشوية بشوية وغير وقفات وهي شادة التيست خداه من يديها كيتسنا النتيجة بفارغ الصبر ومنال واقفة عليه: صافي راه دازت دقيقة
بعد منها هز التيست لفوق معليه وهز الغشا كيقرا بلي النتيجة مكتبان على خمسة دقائق: ريحي
هي كانت ناوية تكتم النتيجة ايا كانت ولكن مقدراتش مع حداقتو طلعات الشركة الاولى وتبعاتها فالحين الشركة الثانية ابتاسم وعنقها بالدراع التانية: غيكون عندنا بيبي
هي متيقاتش مسامعها وكتبكي هو خنزر فيها: مالك
مقدراتش تصارحو: كنبكي من الفرحة
هزها من الطواليط: من اليوم مديري والو لي بغيتيها قوليها ليا [بحماس] حتى رجليك متحطيهاش فالارض غذا نمشيو نشوفو طبيبة مزيانة لي تبع معاك
بغات غير تتخلص منو: بغيت كلاص مبغيتس لي فتلاجة بغيت هاغينداس
اعطاها تيليفونها وحتى طابليت ديالو: تفرجي حتى نجي مديري والو
بقات جالسة حتى خرج وناضت تجري كتصوني على سهيلة وكتبكي: منال واش كتبكي مالك كتنخصصي
منال: انا حاملة
سهيلة فرحانة: مبروك اعمري
منال معصبة: سهيلة واش كضحكي علياا انا بغيت ربي ياخد روحي انا وياه على نعيش هادشي [كتبكي مفقصة] عاق بيا هو لي بدل ليا الفانيد حيدو لياا [كتبكي بجهد تا كتخنق] رجعني حمارة كنشرب وتايقة فراسي حتى كنتصدم دابا
سهيلة: بردي ا منال هضري بالعقل فالاول والاخير ربي جابو
منال: حتى هاجر ربي جابو ليها علاش مقلتيلهاش هادشي ولا انا مكتحسيش بيا
سهيلة: منال الله يهديك هاديك راه كرش فالحرام نتي عندو باه وباه باغيه وغيقوم بييه
منال غوتات: مبغيتششش بغيت ليه شي ضر مكيبرااش [كتخضر بحال الحمقة كتترعد] هاد لولد مغيتزادش ونتي غتجيبي ليا ديك الفنيدة
سهيلة: منال حطي عقلك بلاصتو مغنجيب ليك حتى فنيد باراكة ذنوب ولد هاجر نزيد ولدك لي فالحلال نقول هاطر عندها سبب نتي مالك
منال كتبكي: عافاك والله منسمح لك عمرني باقي نخضر معاك [كتهددها] غنقطع علاقتي معاك
سهيلة: قطعيهاا انا ممعاكش فهادشي
منال: ياك انا لي نرمي راسي معاك فجهنم نتي متعتقينيش
سهيلة: انا منخليكش ترمي راسك لجهنم غتندمي على هادشي
منال: انا نادمة منزيدش نندم نجيب ولد منو غيكون وحش ماشي ولد مصيبة غتحط فوق راسي
سهيلة: كتصدميني بقصوحية قلبك حقدتي على جواد حتى تعماو عينيك
قطعات عليها جالسة على اعصابها كتاكل فضفارها: مغنخليهش مغيفرحش بيه
منعساتش الليلة كاملة وهي فايقة كتتوعد راسها باقبح لحوايج كتفكر كيفاش تقدر تخرج تجيب الفانيد باش تطيحو هزات تيليفون كتقلب على طرق طبيعية باس تطيحو بينما هو ناعس حداها مومن بيها معارفش راسو منعس حية حداه فالصباح فاق بكري وفيقها: أ الغزال غنمشيو نشوفو البيبي اليوم
هي معصبة كيستفزها صوتو: مبغيتش نمشي
جواد: علاش؟
منال: عيانة
جواد: تقدر تعطيك فيتامين يوكضك ونسولوها واش تقدري تصومي ولا تفطري
منال: بغيت غير نرتاح
جواد حيد عليها الغطاء: لبسي عليك غنمشيو
ناضت معاوداتش من وراه الهضرة لبسات وتنقبات و خرجات تابعاه ركبو فالطوموبيل ومشاو عند طبيبة اختصاصية فالتوليد وامراض النساء دخلو لصالة فين كيتسناو وهو شاد فيديها كانت لابسة ليغون كتشوف ملامحو عكس الايام العادية مبارداش كتقرا فيهم الدفئ
جواد: الى كان ولد شنو تبغي نسميوه
منال ببرود: لي بغيتي
جواد: الى كانت بنت انا لي غنسميها اميرة
قاطعهم صوت سكريتيرية: بلمهدي
وقفو دخلو عند الطبيبة طلعاتها فوق الباياص كتسولها على الاعراض و كتعبر ليها طونسيون: هذا اول حمل ليك
منال نسات : لا
شاف فيها جواد وبحالا عاقت: زعما اه اول حمل
ابتاسمات: مخربقك الوحم عري على كرشك غنشوف واش كيبان فالتلفازة ولا نديرو تلفازة من الفاجان
حطات الجهاز فوق كرها منين دهناتها كيبان كيس صغير فيه حاجة صغيرة لحيمة :تبغيو تسمعو صوتو
ودارت جهاز سماع صوت الجنين منال كارهة راسها عكس جواد لي كان مستمتع بصوت الجنين
جواد: واش صحتو مزيانة
الطبيبة: تلفازة مزيانة دابا عندو شهرين و 2 الاسابيع غنعطيها تحاليل ديرهم با نتابعو حالتها
منال: واش كاين خطر الاجهاض
الطبيبة بتعجب: الى فايت لك جهضتي اه ولكن اول حمالة غالبا كاشي يدوز مزيان غير خاصك تعطي راحة راسك امتنعي على دوايات خصوصا بالشهور الاولى من الحمل باش متسببش فتشوه للجنين
جواد: والصيام تقدر تصوم ولالا
الطبيبة: الى مكانت كتحس بحتى اعراض تصوم ولكن الى جاها تعب و جوع ودوخة من احسن تاكل ولا الحال كان شديد تجي تشوف طبيب
جواد كان كيخنزر فيها هز الملف ديال الطبيبة وخرج: علاش كتسولي على الاجهاض
منال كتقلب الهضرة: باش نتجنب اي حاجة تقدر تجهضو
شي حاجة مخلياه ميتيقهاش: واخا
داز الفرمسيان قبل من دار شرا ليها الفيتامينات: سمعتيها عمرك تربي شي دوا من راسك
منال بملل: اه سمعت
جواد: لقيت واحد الدار حدا لكاراج 2 طاج بوحدنا تمشي نشوفو واش تعجبك
منال ممهتاماش: الى عجباتك صافي
جواد: شنو مشهية نفرشو فيها كاينة شومبرا حدانا ديال البيبي
منال الاعصاب كيطحو فراسها: دير لي بغيتي
جواد: واش عيانة
منال: اه بغيت غير ندخل للدار
دخلها للدار كيف بغات و بقا جالس حداها كيجيب ليها لي احتاجتو مخلاهاس تنوض وكيسول: شنو مشهية اليوم للفطور
منال: لي كانو موجدين غناكلو
جواد: بغيتي كفتة مشوية بحال بارح
منال: لا
كانت حزينة لدرجة كتحس بالحزن كياكل منها باغيا كلشي الا هادي لي فكرشها كانت ليلة 27 عشرين الوليدات ملبسينهم ومقادينهم بنات رشيد مكحلين ومسوكين وابمن ولد لكبيرة لابس الفوقية فرحانين صايمين وجنات صايمة غير نص نهار حيت صغيرة
هبطات منال دابلة ممقاداش حالتها ممهتماش بلبسها غير هابطة وعيانة جلسات فطبلة ونقزات مو: مشيتو طبيب اشنو عندك ولد ولا بنت
جواد: معرفتاش لي جا مرحبا بيه
دّا زهرة: مكرهناش ولد
جواد: تا انا مكرهتش بنت
كان كيلزمها حدودها كتعصبو هضرتها مبغاهاش تأثر على منال: لي جا مرحبا بيه اوليدي
جلسو كيفطرو: قريب العيد خاصنا حوايج العيد
جواد: غذا نديكم تتقداو
يسرى: غتدينا مع منال
منال: لا مبغيتش انا نبقا نوجد ليكم العشا ونتوما سيرو
جواد: حتى نتي غتمشي تشري العيد
منال: لا مبغيتش معنديش كانة حتى لعيد الكبير انشاء الله
هي كانت باغيا غير تتخلوا فالدار بوحدها ولكن جواد ممرتاحش للفكرة
ياسمين: شنو نطيبو للعيد
منال نقزات: رفيسة
دّا زهرة: مساخن ممزيانينش ليك
منال: وانا تشهيتها
جواد: ديروها بلا مساخن ميمكنش
الكبيرة: كتجي باسلة
جواد: معليش مهم دوقها
منال فخاطرها: انا بغيت حتى السم ماشي غير المساخن
خلاتهم مجمعين وطلعات مع دروج وصلات لدرجة اللخرة وتلفتات فدروج ملي جات فبالها فكرة طيح من دروج : اكيد مغيعيشش [بقاات واقفة مترددة وخايفة] غنتقصح
قفزات ملي غوت: شنو كديري [طلع كيجري كينقر دروج بخطواتو عريضة] غطيحي
منال شدات راسها: دوخة كنحس دنيا كدور بيا
كانت كتكدب باش متحصلش هزها لبيت نعاس حطها فوق سداري: مكليتي والو جاتك دوخة [جاب ليها شكلاط] طلعي السكر [اعطاها الماء شدها من يديها بزوج] متفكري فوالو انا غنتكلف بكلشي لي قلقاتك قوليها ليا
منال: ولا قلت ليك تشهيت نخرج غتخليني
جواد: انا نخرجك فين بغيتي
منال حيدات منو يديها: غنديرو لولاد ومزال مكتيقش فيا
جواد: فين غتمشي الى خرجتي
منال: نخرج انا وسهيلة للمول نتقداو
جواد تنهد: واخا ولكن متعطليش ومكايناش القهوة فالخرجة
منال ابتاسمات: واخا
ابتسامتها مكانتش لطف ولا جميل ولكن من باب الخبث
سهيلة قتلها الملل، دخلات كتختار فلعجانات والفرارن للمخبزة لي غتفتح كتخلص حتى الكارط تبلوكات وهي تهبط عند اليزيد لي كيتفرج فالماتش شافها حبس وابتسم: الشهدة [حط يدو جنبو] اجي حدايا
رمات عليه لكارط: فيها زوج مليون وصدعتيني شري لي بغيتي
شاف فيها: قلت لك شري من القديم
سهيلة: باش نتصيد فيهم خاسرين اعطيني كارط ديالك باقي ناقصني حاجات [جلسات حداه] ومحتاجة طوموبيل باش نبقا نتحرك
اليزيد: خودي ديالي
سهيلة: واش نبقا كل مرة ارا ليا طوموبيل وقتما كنتي مسالي انا بغيت ديالي
اليزيد: سهيلة راه مكنطبعش الفلوس
سهيلة: فلوس العرس كنتي كتطبعهم ولا غير عليا مكيبقاوش الفلووس
اليزيد: واخا الالة سهيلة غذا نمشيو نشوفو شي طموبيل
سهيلة منساتس: اعطيني كارط ديالك
اليزيد: بزطام فوق السداري
سهيلة: اوك
جرها: متقوليش شكرا؟
سهيلة: شكرا
اليزيد غمزها: حرفية
سهيلة ببرودة هزات كاس ديال الماء اعطاتو ليه: دوزها بكاس ديال الماء لاجاتك حرفية
ومشات وخلاتو عاض على فمو حتى سمعها كتغوت: لا لا منال لا [كانت كتهضر فتيليفون] منال غتندمي
منال: مهم ا حبيبة غذا نمشيو للمول
كتهضر باينة هو معاها فالدار ومبغاتوش يعرف الموضوع: نمشيو نشريو دوك الحوايج لي عجبونا
سهيلة: منال عافاك ديري عقلك مغنمشيش معاك ومغنخليكش ديري هادشي
قطعات عليها قبل متكمل كلامها وسهيلة كتحاول تتواصل بيها خلات كتر من 20 مكالمة بدون رد وسيلة غتحماق : ميمكنش
اليزيد شدها: مالك شنو واقع ؟؟؟
سهيلة: بغيت نمرة جواد [شافت فيه] جواد راجل مناال صاحبتي لي عندو كاراج راك كتعرفو ياك كيتعامل معاك ؟
اليزيد: غير مؤخرا خدا سلعة للكاراج بغاو يصلحوه
سهيلة: عافاك صوني ليه من تيليفونك اعطيني نهضر معاه
اليزيد:شنو بينك وبينو ؟؟
سهيلة: من بعد ونقولك صاحبتي غتغلط وبغيت نوقفها وتا واحد ميقدر يوقفها من غيرو
جبد تيليفون واعطاها نمرة جواد كتصوني حتى قرب يقطع عاد جاوب: السلام عليكم
سهيلة: الو
جواد بعد تيليفون كيتاكد من رقم: نمرة غلط ؟
سهيلة: لا لا انا سهيلة صاحبة منال
جواد: بغيتي ندوز لك منال ؟
سهيلة: لا بغيت نقولها مبقيتش خارجة غذا خرج ليا رونديفو مهم علمها عافاك
وقطعات تعمدات تهضر معاه هاكا توصل ليه الفكرة مبقاتش خارجة باش متخرجش بوحدها
جواد: مابقاش خروج غذا
منال تقلبات: علاش كتقلب عليا ياك خليتيني ؟
قربات تبكي وهو واقف مبرد: صاحبتك مبقاتش خارجة فين غتخرجي بوحدك ؟
منال: كيفاش مخارجاش مقالتهاش ليا
جواد هاز تيليفون فيديه: عيطات
منال خرجات عينيها: صونات ليك ؟؟
منال تعصبات وعينيها خرجو بالسم وهو كيقرب ليها وكيبوسها من عنقها: نخرجك انا متقلقيش
كيزيد يقلقها حيت هي عندها غاية اخرى: مبقيتش باغيا [كتبكي من قلة حيلة]
جواد كيمسح عينيها: علاش كتبكي
منال: معنديش صحابات معامن نهضر كنمل
جواد عنقها: صافي [كيحرك يديه فوق ظهرها] بغيتي نديك تشوفي مك ولا نسافرو شنو مشهية
منال غير كتبكي محيت داكشي لي بغات ميقدرش يحققو ليها
كتبكي حيت ملي اكتاشفات عندها شهرين ونص متقدرش تجهض بالفانيد كيكون خطير وخاص يكون تحت اشراف طبيب لي زاد حطمها الحمل كان قبل ميبدل ليها حبوب منع الحمل الليلة معرفاتش كيفاش وقع هي متاكدة بلي عمرها نساتها كتحاول تتفكر ديما داييرة لالارم باش تشربها غتاكل راسها بالفقصة راسها كيعطيها الصداع حيت تفقصات بزاف واقفة قدام مرايا وكتوشوش وكتندب: كيفاش شهرين ونص
وهازة قدامها تيليفون كتقلب على الاسباب كان منهم الى تعطلات باش تشربها ولا بدلات ساعة فاش كناخدها معطلة على لولا تقدر تحمل ولا الى شي نهار تقيات ولا جاها الاسهال كيقتل مفعول الحبة وهي مكانتش عارفة هادشي شي مرات حيت كضل لتحت فتمارة كتتعطل باش تشربهم: ياربي شنو هاد المصيبة [كتبكي] ياربي مديرش ليا فيه الخير بعدو عليا نت لي عالم شنو فهاد العبد الضعيف
سمعاتو كيدق عليها ومسحات دموعها وخرجات: نعام
جواد: تعطلتي واش كتقياي بزاف
منال: لا كنت كنغسل وجهي
شد بيديها للبيت جبد واحد زوج ورقات من المجر: من وراء العيد غنديك تشوفي حاجة جديدة
شافت فيديه كانو تذاكر ديال التايلاند فسميتها وسميتو:غنسافرو لتايلاند
جواد: قلتي فيك الملل ودابا
منال هادشي كامل مكانش مفرحها: لا مبقاش
جواد: عندك غير نمشيو وتوحميليا على السفة مدفونة غنسافرو نهار ثاني عيد بداي توجدي حوايجك
منال بملل: واخا
عقلها مكانش معاه كان مشغول فجهة اخرى تكات بلاصتها وهو اعطاها الفيتامين وكاس ديال الماء: شربيه
شرباتو ولكن بلاما تبلعو ناضت لطواليت دفلات الفيتامين وكتشوف فكرشها: انا باغيا نتهنا منك هو كيعطيني فيتامين باش تزيد تصحاح
[][][][][] صباح العيد [][][][][]
كان كلشي لابس ومقاد حتى من منال لي طفات شعلات صابحة لابسة ولبسة بيضاء تعمدات تلبس هاد اللون ومسوكة بحالا هذا نهار فرحها و مقادة ومعطرة باستو من خدو: سيرو صليو صلاة العيد وانا والبنات غنقادو الفطور ونسيفطهم سدوقو جيران من الحلوة
حيت عادة عندهم كيدوقو جيران من حلوة العيد فصباح العيد دّا زهرة وجواد مشاو يصليو صلاة العيد و خلاو الغذا كيطيب الرفيسة كيف تشهات منال ولكن بلا مساخن وحلبة شدوهم وداروهم فكصرونة بحدهم مع البلول باش هما يبللو بيهم قدامهم اما هي غيعزلو ليها قصيرية صغيرة ولكن منال عندها راي اخر خلات حتى كلشي تلفت لشغلو وهبطات على ديك الكصرونة ديال البلول شرباتها كاملة ومن جهل لي فيها محيت باغيا تتاكد بلي غتقتلو كتهز فحفنة ديال الحلبة وكتشرب فيها كتسرطها بالبلول بدون توقف محبساتش حتى دزوات سدات كصرونة خاوية وجلسات فطبلة الفطور كتفطر معاهم وكتبتاسم
جواد: من ورا السفر غنرحلو لدار الجديدة
دّا زهرة: علاش غتبعدو خليها معانا تتوحم تلقا لي يجيب ليها ولا تحتاج
جواد: انا معاها مغتحتاج والو
هي مبغاتش منال عينها غير فولدها يبقا تحت جناحها
منال كتحس بسخونية كطلع معاها من صبع رجليها صغير الحرارة والصهدة والعرق فنفس الوقت جبينها كيقطع بالعرق و حمارت شاف فيها: منال [حط يديه فوق راسها] سخونة
وقفها وغوتات مليكة: دم دم
منال كضحك بحالا ماشي هي لي نازل معاها الدم فرحانة هادشي علاش لبسات اللون البيض بغاتو يشوف الدم بغات تشوفو كيخسر داكشي لي كان كيحلم بيه طاحت بين دراعو كتبتاسم وهو مصدوم كيصرفق فحنكها بشوية: منال
منال عينيها كيتغمضو: م م ات [بهمس] تهنيت منو
عينيها تغمضو وعقلها سافر للماضي 2021 اول مرة تحمل كانت كتحس بتعب وارهاق طوال اليوم
دّا زهرة: واش مغديري حتى شغل
منال: خالتي انا غنوض دابا
دّا زهرة: باقي الصابون و الغذاء ونتي باقي ناعسة ليا
منال: ولكن الغذا ماشي نوبتي
دّا زهرة: ونوبة من شكون كاينة فهاد دار [كتغوت] باغيين تكونو عيالات الراجل فابور
منال وقفات كتنفخ للكوزينة كتقاد الغذا و بسرعة كتتحرك عيات وجلسات ترتاح فوق كرسي كتحس يالسهو وغتنعس فوق الكرسي غسلات وجهها باش تفيق: يمكن عندي فقر الدم بزاف على التعب
كملات الشغل بزز على ساعات فالكوزينة تخدم وتجلس ترتاح حتى حيدات عليها كلشي وضربات التسييقة للدار و جمعات البيوت
منال: خالتي ناقصاك حاجة خرى
دّا زهرة: جيبي ليا البانيو نغسل رجلي كيضروني
دخلات للكوزينة جابت البانيو عمراتو بالماء والملح ولحامض هزاتو داخلة للصالون وجاها تقيل طاح عليها كلها عمرات بالماء وطاحت فالارض و المنظر مكان غير مع جواد داخل: شنو كديري بهاد الزبل
وقفها وهي كتترعد بالبرد
دّا زهرة: وليدي عييت فيها ولكن هي بغات تحك الزربية قالت ليك حللتها حالة
منال كتشوف فيها مصدومة كيفاش قلبات الموضوع عليها
جواد: كون دخل رشيد وشافك فهاد الحالة
كيشوف اللباس تزير عليها حيد من فوق منو المونطو لي لابس حيت كان البرد دارو فوق من كتافها وسدو عليها بيديه وطلعها للدار حتى هضرات مو: وليدي شكون غيجمع هادشي
جواد: غينشف بوحدو
ممسوقش هو للماء ولا روينة دخلات للدار جلسات عندها شهية غير تنعس: مغتبدليش هاد الحالة
منال: عيانة بغيت غير نرتاح
طفا التفاوة وهبط الريدو باش يظلم ليها البيت تنعس وحط حداها بيجامة: لبسي ونعسي غيضربك البرد
فاقت لبسات فبلاصتها ورجعات نعسات كانت عيانة بزاف معارفاش شنو المشكل فيها
منال: غنمشي نشوف طبيبة غذا
جواد: علاش
منال: يمكن يكون فيا فقر دم عيانة بزاف مكنقدرش نتحرك
جواد كيقيس فحرارتها: نوصلك دابا لطبيبة باقي الحال
منال: لا ماشي دابا
جواد: مشهية نجيب ليك شي حاجة معايا من برا
منال: لا
هز سوارتو ونزل خارج سمع مو كتعيط: وليدي
دخل عندها : نجيب شي حاجة من برا
دّا زهرة: اجي تشرب معايا كويس اتاي
جواد: انا خارج دابا [وشاف فيها] متبقاوش تعيطو على منال عيانة وخاصها ترتاح حيدي ليها النوبة ولا شنو دايرين
خلاها غير حالة فمها: واخا اوليدي
دخل من ورا ساعة وفيديه واحد البلاستيكة فيها شوارما والمونادا كيفيق فيها: منال خاصك تعشاي
منال: لا مبغيتش
حيد من فوقها الغطاء: غتعشاي
كيحل ليها فالسوندويش ديال العيش و المونادا وواحد شلاطا منوعة جلسات كتاكل وهو جاب ليها حتى الماء مع هادشي شافها كتحيد من الشوارما الخص
جواد: ياك كيعجبك
منال: محملتوش فيه شي ريحة
هز ليها من بين يديها السندويتش كيحيد ليها الخص وهي تاكلو مخلات فيه والو كان فيها الجوع غير حابساه باش متحيدش عليها الغطاء وتوقف حيت كتجيها الدوخة
كيف حلات عينيها اول حاجة دارتها هزات تيليفون باش تشد موعد عند الطبيبة
جواد اعطاها واحد الورقة صغيرة: شديت ليك رونديفو
شافت الورقة مكتوب فيها رقم الانتظار
جواد: غنوصلك قبل مندوز للكاراج
منال: واخا
لبسات و تبعاتو وصلها بطوموبيل حتى لكابيني بقات كتتسنا النوبة ديالها دخلات وكتوصف لطبيبة اعراضها: خاصك ديري تحليلة ديال الدم لي غنعطيك
منال: واش عندي شي حاجة خايبة
طبيبة: لا ولكن خاصنا نتأكدو نتي مزوجة
منال: اه
طبيبة: شحال دابا ونتي مزوجة
منال: فشهر 10 ديال 2020 هادي ربع شهور
طبيبة: مكتاخدي حتى مانع حمل
منال هادشي مفاهماهش: لا
طبيبة: اخر مرة كانت فيك الدورة الشهرية
منال: الشهر لي فات
طبيبة: عندك دورة منتاظمة ولالا
منال: اه منتاظمة
طبيبة: ودابا متعطلاتش عليك
منال: هادي خمس ايام باش خاصها تنزل فكرت فهرمونات تخربقو وشي مرات كتتعطل ماشي اول مرة
طبيبة: تقدري تكوني حاملة دابا داكشي علاش خاصك ديري تحليلة ديال الدم باش نتأكدو وقبل منكتب ليك التحليلة غديري تيست ديال الحمل خرجي لسكريتارية غتعطيك واحد الكاس بولي فيه وحطيه فطواليت غتجي تهزو باش دير تحليلة
منال خرجات مرفوعة دخلات لطواليت هازة داك الكاس دارت واحد المسحة لبيبي بواحد منظف كيعطيوه ليها مع الكاس وبالت فيه وخرجات كتتسنا باب الطواليت خايفة تغالط ليهم كاسها مع كاس شي وحدة ويقولولها حاملة وهي محاملاش بقات كتتسنا 20 دقيقة حتى قالت ليها تدخل عند طبيبة لقاتها متبسمة: مبروك عليك حاملة ولكن ضروري نديرو تحليل دم هو لي كيأكد
عقلها كان غادرها مكانش معاها كانت فوق السحاب كطير كتقلب على لي تستنجد بيه كتبكي قدام الطبيبة لي مصدومة: مالكي واش معندوش باه علاش كتبكي
منال: والو
خرجات كتخضر كيف الحمقة: ميمكنش غير غلط التحليلة هي لي كتبين كلشي وغتببيني بلي محاملاش
كانت كتبكي وسط المختبر قبل متشوف النتيجة و واحد خدام تم غير كيشوف فيها حارس فالباب :مالك اختي
منال شافت فيه وبعدات: والو اخويا
- الى كنتي باغيا طيحيه نعاونك
خرجات عينيها: كيفاش غتعاوني
جبد من جيبو بلاما يعيق كيشوف فلكاميرات: هاد الحبة دقة ببطلة تهنيك من كرش الحرام
لي شافها كتبكي كيفكر بلي حاملة فالحرام تشوهات على الفايور فداك المختبر وقدمات يديها ليه: بغيتها
- خاصني 1500 درهم ونعطيها ليك
هزات صاكها بهستيرية كتقلب على الفلوس: كاين عندي 1200 [كتزاوك] شدها ونكمل ليه غذا
-نتلاقاو برا هنا الكاميرات
سبقاتو خرجات و بعد شوية خرج عندها اعطاها الحبة وشد الفلوس: غنجيب ليك فلوس كون هاني
اعطاها واحد ورقة فيها حساب ونمرة فايسبوك: الى بغيتيني مرة خرى
كان كيشوف فيها بنات الحرام والليل حيت كتبكي باغيا طيحو عطاها نمرتو بحالا حاس غتحمل مرة خرى وتحتاجو
مصبراتش حتى توصل لدار شربات الفنيدة داك ساع واخا معارفاهاش شنو كتليق بغات غير تتهنا كانت مستاعدة تنهي حياتها مع ديك الفنيدة ومتهزوش فكرشها كان كيصوني عليها جاوباتو: الو
جواد: ساليتي نجي نوصلك
منال: انا جايا بوحدي
جواد: شنوو قالت ليك
منال: عندي فقر الدم
جواد: اعطاتك سي حاجة
منال: اه دواء
جواد: نجي نجيبوليك
منال: لا غنشريه وانا راجعة
دخلات للدار وكتحس براسها ماشي طبيعية دازو ساعات ارتفاع درجة الحرارة بداها كانت كتحرق بالسخونية و كتهتر بوحدها دخل لقاها فديك الحالة: منال مالك
مغمضة عينيها وكتهضر: مغيبقاش مغيبقاش غيمو. ت
جواد: شكون غيمو.ت
منال: ولدك
مكان فاهم والو عرفها غير كتدخل وتخرج فالهضرة بالسخانة جاب دوليبران شربوليها و غطاها محيت كتتبورش كيحط ليها الفوطة باردة بالماء فوق راسها كتحس بالقيء تقيات على حوايجو لصق التيشورت فوق صدرو بالتقي ديالها متسوقش مسح ليها هي لولا عاد سلتو رماه فالارض وبقا حداها: خاصنا نمشيو للمستعجلات
حركات راسها بلا: خليني فداري عافاك
كانت كتتألم ولكن مكتقولش ليه حيت الى حس بيها غيديها بزز لسبيطار ويكشفها تما: متخافش غير وجع ديال الشهرية
وحيت موالفة كتمحنها تيقها وكان حداها كيقرب ليها كلشي و مهتم بيها وكل شوية يعبر حرارتها هي حسات براسها كتقصح وكتحس بشي حاجة كتنزل دخلات لطولليت سدات عليها وجلسات بحالا غتبول وكتشوف طرافي صغارين بزاف كيهبطو بحال الكلل ديال الدم
كتترعد بالوجع وكتبكي بلا صوت وهو كيدق عليها: منال شنو واقع
منال بصوت معذب بحالا كتتعصر: والو انا فطواليت عادي
كانت كتتألم وكتتعرق عمرها ذاقت فحال هاداك العذاب كتحس براسها كتولد كتحس بانقباضات فالرحم لي معذبينها كتموت الف مرة بالثانية هادشي كامل فسبيل تنهي حياة جنين كيهز ADN ديال جواد حيت مكيستاهىش يكون عندو ولاد معاها متقدرش تتخيل راسها مربوطة بيه بولد ومعارفاش واش تقدر تبغي هاد الولد ولا غتكرهو بحال باه والى كان كيشبه ليه ولا نسخة منو غتولي تشوفو فصباح وفالعشية وكيفاش غتعنقو براحة وتشم ريحتو حيت كل ناتشوفو غتتفكر جواد حتى فغيابو
هزها للمستعجلات بمستشفى خاص تابعاهم دّا زهرة لي مشات معاهم منال كانت كتتوجع وكلها معرفة و سخفانة
كانو كيتسناو برا خرج عندهم طبيب: كانت حاملة
جواد: كيفاش كانت حاملة
الطبيب: جهضات
جواد نقز كلامو كيقلب عليها وسط نطقو: وهي واش صحتها مزيانة
الطبيب: اه خاصها الراحة [كيشوف فالضوسي وكيهضر] خاصها الراحة حتى من الانجاب واحد الفترة حيت خطر الاجهاض كيكون والخطر حتى على صحتها وعلى الجنين ختارو شي وسيلة لمنع الحمل استعملوها فهاد الفترة
غير طلعوها للعرفة كان اول واحد يكون حدا راسها مراقبها وعقلو فجأة رجع بيه للحضة لي كان الدم نازل بين رجليها وهي كتعيط [تهنيت منو قتل.تو] مفهمش الغاية من كلماتها خرج تقدا ليها الغذاء صوبة فواكه البحر والسوشي لي عزيز عليها كتحل عينيها بشوية ومع ابتسامة دغيا اخفاها الوجع لي حسات بيه وقف كيعاونها وكيرتب الوسادة تحت راسها: باش كتحسي
منال مبسمة: مزيان دابا
غريب كيف كتضحك وهي ام يالاه خرجات من عملية اجهاض حط يدو فوق راسها: متقلقيش مزال غيكونو عندنا ولاد اخرين
تنهدات ماشي محيت مقلقة محيت كيقوليها ولاد خرين وهي يالاه تهنات من واحد مقالتش حتى انشاء الله
منال: اعطيني تيليفون بغيت نهضر مع صاحبتي
اعطاه ليها عرفها غتبغي تفضفض وبغاتو يمشي من الغرفة باش تقدر تهضر مرتاحة: تقدر تجيب ليا اولويز وحوايج من دار هادشي كلو توسخ لي كنت لابسة
خرج من الغرفة وهبط حتى لطوموبيل بغا يحلها خذا يديه فجيبو ملقاش سوارت شاف فمو: مي تسنايني انا نمشي نجيب سوارت نسيتهم
منال صونات على سهيلة: الو
سهيلة: الو منال درتي عقلك
منال كتضحك: طيحتو بلا جميلك قلت لك عاونيني ندمتيني وهاهيا فيك
سهيلة مصدومة: منال عافاك قولي ليا كضحكي
منال: لا مكنضحكش انا دابا فسبيطار ضربت هاديك الكصرونة ديال الحلبة والمساخن
سهيلة مقلقة: وفهاد العواشر محشمتيش حررتيها فالناس و فيك تسناي بعدا غير حتى يفوت العيد
منال: باش نكون درت سبع شهور ونوحل فيه
سمعات حس تلفتات بان ليها البواني بحالا كان غيتفتح ومتفتحش بحالا داك لي غيدخل تراجع
منال بعدات تيليفون :شكون دخل
سهيلة: ياكما جواد
منال: لا لا غيكون شي واحد غلط هو سيفطتو يجيب ليا حاجات ناقصة
سهيلة: فرحانة دابا
منال: اه تهنيت الله على رتحة
سهيلة: ردي البال متبقايش تغلطي وتحملي باراكة متعذبي فالملائكة ديال ربي وتعصيه
منال: اه الشيخ بن حنبل
سهيلة: كطنزي عليا راه كنهضر معاك بصح النعمة لي كترمي راه منهم عدد بغاوها
منال: الله يعطيهم انا مبغيتش
مقدرش يحل الباب ديال الغرفة مقدرش يشوف وجهها وفعينيها لي استحمروه مقدرش يشوفها من شدة الحقد لي هز فقلبو وراء المحادثة لي سمع بينها وبين سهيلة تنفس كيقلال عندو كيتنفس بجهد وكيدير مجهود كبير دقات قلبو كتتسارع غمض عينيه وجلس فوق الكرسي لي قدام الباب ديال الغرفة حط راسو بين يديه كان متحمس لدرجة شرى من مواقع اونلاين حوايج و العاب و شاف النجار على قبل مهد الجنين لي مزال مخلاق خلاتو كي الحمار كينقز من هنا للهيه وهي كانت كتحفر ليه على الغدر
شاف مساعدة جايا عندها وقفها وطلب منها تخرج ليه ساروت وضور معاها دخلات كتببدل ليزور وهزات سوارت مرضاتش البال منال خرجات ليه سوارت ومشا
مرة تانية رجعات كتعاون منال توقف لطواليت محيت هادي خدمتها: مزال ماجاش راجل لي كان معايا
- يالاه مشا
منال تكوانسات: كيفاش يالاه مشا واش كان هنا
- اه سيفطتي طبت ليه سوارت
منال طلقات منها كتبعد :يكون سمع شي حاجة صافي شكرا غنمشي بوحدي انا مزيانة
هزات تيليفونها كتصوني عليه ولكن مكيجاوبش كتصوني وتعاود كتبات ميساج: تعطلتي خلعتيني عليك
عمرو سمع منها هاد الكلمات حتى لدابا حيت بغات ترضي فضولها وتتاكد واش فراسو شي حاجة تسناتو ساعات دخل عليها يديه خاويين وملامح وجهو مبدلين ماشي كي كتعرفهم مكاينش ديك النظرة المعتادة مكيشوفش ليها فوجهها هي وقفات كتمشي عندو: فين حوايجي علاش وصيتك ونقابي جبتيني بلا بيه
جواد ببرود: لبسي باش جيتي
منال: ولكن النقاب
جواد: بلاش منو نتي محاملاهش
منال كتعصر بكلامو الغريب وكضحك فوق الخاطر:لا كيعجبني كيفاش غنخرج دابا بلا بيه
جواد: انا كنتسناك برا
الشك كيدخلها بلي عارف شي حاجة لبسات اللبسة باش جات جلابة بيضاء وكتدوز عليها بيديها الماء بلاصة طبايع قادات الدرة فوق راسها وكتخبي بيها وجهها مكيهمهاش هي نقاب مدايراهش لوجه الله غير بزز منها وكتخفي وجهها دابا باش ميغوتش خرجات عندو
منال: جواد واش عندك شي مشكل فالخدمة
جواد: لا
منال: وعلاش مقلق واش غلطت فشي حاجة
مجاوبهاش مركز فالسياقة وكتشوف الطريق ماشي ديال الدار: مراجعينش لدار [كتحاول تجر لسانو] غنمشيو لدار جديدة باش نشوفها
كان بحال شي حيط حداها وهي بحال شي ذبانة حداه كتزنزن فوق راسو وهو منخلها وصلها قدام درب فين ساكنة مها وهي كتشوف يمين وشمال: علاش حنا هنا واش باش نباركو العيد كنتي تخليني نمشي لدار نرتاح ونبدل عليا
جواد قاطع كلامها: نزلي
منال: مغتجيش معايا
جواد بارد: هبطي حوايجك غيوصلو عليك
منال: كيفاش
قرب وحل ليها الباب من جهتو: اعطيتك كلشي وخديتي مني لحاجة لي بغيت [طلع عينو فيها من وراء يوم كامل وهو مكيحطش عينو فعينها] كيفاش قدرتي تقتلي ولدك
منال تجمدات من صدمة: لا لا
جواد: هبطي
منال شدات يديه: على وجه لي بيناتنا
نتر منها: مابقا بيناتنا والو
دمعو عينيها: جواد لا متخلينيش معاهم
جواد: ماشي هادشي علاش كتقلبي [هبط باغي ينزلها من طوموبيل]
وخرج خوها ملي ساف طوموبيلتو من شرجم: اهلا نسيبنا [شاف منال كتبكي] مال هادي
جواد مردش حتى السلام ركب وزاد بحالو ومنال كتبكي: مال مك كتبكي
منال: غيطلقني
فتاح [واحد من خوتها]: شنو درتي الشوهة
منال كتبكي: معرفتش مدرت والو
فتاح: غير يجي ويلوح بنات ناس انا غنمشي نوري مو
شداتو خايفة محيت لا عرف شنو دارت غيدفنها: لا خليه حتى يبرد وغيرجع [كتنخصص] مغيخلينيش هنا
دخلات كتبكي على مها وفتاح كيغوت: واش حتى بيريماها عاد مرجعها لينا
فاطمة: عافا اولدي سكت
فتاح: مساكتش
فاطمة: تسنا غير حاى يجيو خوتك وتشاورو شنو تديرو علاما فهمت من البنت مالها
خرج وخلاهم ومنال كتبكي وفاطمة حداها: صافي تهنيتي هانتي رجعتي [كتغوت] علاش كتبكي ياك هادشي لي بغيتي كنتي كتحلمي تفارقي معاه وهانتي تفارقتي معاه [كضرب على فخاضها] عرفتي شنو كيتسناك فهاد الدار القهرة والدل و حتى الجوع مشاو ليك بيجامات 250 درهم مشاو ليك العبايات الخليجية وداك الماكياج لي ضلي تطلي فوجهك حتى كرشم مبقاتش غتشبع تصحابيني مخبية عليك شي حاجة كاين عندي الخبز والزبدة [ضربات فطبلة] واتاي كيضلو منشورين النهار كامل تقدي مزال على هاد العيشة ونتي ولفتي ليا المركاز والهاكينداز [انهارت حتى هي كتبكي] شنو درتي ا بنتي شنو درتي فراسك شنو درتي فدارك [كتمسح عينيها] جواد ميخليكش هاكا غنصوني ليه [كتصوني]
جواد: الو
فاطمة: ولدي اش وصلكم لهادشي ونتوما غيوليو بيناتكم ولاد
جواد: انا خدام دابا
فهماتو مبغاش يهضر وهي تقطع وشافت فيها: شنو درتي عمرني شفتو هاكا مسولش فيك بحالا مكايناش
منال كتبكي: درت داكشي لي كان خاص يدار
فاطمة: شنو هضري
منال حطات يديها فوق كرشها وهنا فهماتها فاطمة وزادت فالبكاء و كضرب منال بمرفقها بجهد: بنت الحرام بنت الحرام من فعايلك [كتغوت] خرجتي على راسك وخرجتي على صحتي لي دارو فيك قليل فيك ليييييي دارو فيك قليل فيك
منال حتى هي كتغوت: مغنبغيهش مغنحسش بيه مغنكونش ام مزيانة [كتبكي] واش بغيتيه يطلع معقد كتر مني حسن يموت ولا يطلع بحالي مبغيتوش يمرض ويمرضني فصحتي كي مرضتك [بهستيرية] منقدرش غنشوفو فيه تخيلي [بخوف] نضربو ولا نتعدا عليه غير محيت كيشبه ليه تخيلي نخرج فيه السم لي كيدير فيا باه
فاطمة: مرحبا بيك فدار باك مبغيتيش السم ديال هاداك ولد الناس لي بقا غير الارض يفرشهاليك بالورد هاكي ها الشووك غتاكلييه مع خوتك وعمممممري عممممرييي نسمع حسك كتشكي غيزمتوك الشمس مغتبقايش تشوفيها و لي جا بغاك غيرجعوه حيت عندهم المراة كيزوجوها مرة وحدة فالعمر
منال: غنهرببب غنهربب منك ومنوو ومنهممم
سهيلة خرجات مع الصباح للمحل حيت غيوصلوها الماكينات لي طلبات فاقت مع صباح هزات طموبيلة اليزيد وهو باقي ناعس و خرجات بلاما تقولها لحتى واحد لقات الليفرور كيتسناوها: السلام عليكم
-وعليكم السلام فين بغيتينا نحطوهم
سهيلة حلات المحل: حطهم ليا غير هنا مزال نعرفتش فين نبلاصيهم [ابتاسمات وهزات بزطام اعطاتهم تضويرة] شكرا
-صباحك مبروك اختي
سهيلة: شكرا
ودخلات هازة ورقة وستيلو كتقيد نوامر الناس لي باغيين يخدمو من واحد المنشور نشراتو فالفايسبوك وكتعيط ليهم واحد واحد باش تاخد سيفي ديالهم وتسولهم علاش كتقلب حتى كيوقف عليها بطاكسي كان اليزيد دخل وباسها فوق راسها بلاما يغوت ولا يسول معامن تشاورات تاخد طوموبيل مسولات شنو عندو: صباح النور الشهدة
سهيلة بعداتو: صباح الخير شنو كدير هنا
اليزيد: جيت نمسيو نفطرو بزوج
سهيلة: مبغيتش نفطر
اليزيد : لا غنمشيو نفطرو [حط يدو فوق كرشها] الاميرة باغيا تفطر
سهيلة تعصبات: اليزيد انا ماشي درية صغيرة فاش غنبغي ناكل غناكل
اليزيد: الى بغيتي المحل وبغيتي تخدمي غتقابلي راسك وغتنوضي تفطري دابا ماسي الخدمة تنسيك فراسك نفكرك راكي حاملة
سهيلة ضربات هاداك الستيلو فوق الطبلة وناضت: يالاه ناكلو وتمشي
اليزيد: واش متقل عليك
سهيلة: عندي منقضي اليزيد
اليزيد: كتشوفي راسك كيفاش كتهضري معايا ولالا
سهيلة: الى معجبكش الحال الحل بين يديك طلقني
اليزيد كيضغط على راسو حيت مستحزلش طريقة كلامها الفضة معاه وكترفع مرات صوتها: فين بغيتي تفطري
سهيلة: بغيت نمشي لشي بلاصة جنب البحر [حطات يديها تحت خدها] تشهيت الكافيار غتجيبو ليا
كتتعمد تطنز عليه حيت كل سوية يقول شنو تشهيتي كتمشي ليه للحوايج الغالية
اليزيد: غنحضر الدنيا لا طلبتيها
سكتات وعينيها استقرو فعينيه من رطوبة كلامو حتى عينيها تبدلات نظرتهم ولكن سرعان منخضات راسها وتحركات قدامو: يالاه غيقتلني الجوع
حل ليها الباب وركبات ومشاو لجنب البحر كيف بغات طلبات فطور اسباني وجالسة كتاكل بشهية وهو حاضيها
سهيلة: واش بغيتي توحل ليا هاد الدغمة
اليزيد : مالك
سهيلة: متبقاش غير كتشوف فيا شوف البحر شوية
ابتسم: واخا الشهدة مخليتي ليا فين نشوف
سهيلة: خليت لك غير فين تخشيه
كانت كيمعني على الليلة ديالو مع سليمة: واش مغتنسايش
سهيلة: غننسا كلشي الا هاديك الليلة
اليزيد هبط على كاس القهوة كامل فدقة كيبرد على حرقتها
رجعو للمحل وهو لي كان كيعاونها هي كتشير وتآمر وهو كيحرك الماكينات فلبلاصة لي بغات وكانو تقال و كينظف معاها المحل حتى وقف عليهم واحد الراجل: سي جلال
جلال: اه هو هذا
اليزيد كيشزف فسهيلة كتبتاسم وكيعبر فهاداك الراجل: نتي لالة سهيلة ياك
حركات راسها باه ومد ليها يديه: متشرفين
قرب ليها اليزيد وشدها فحضنو معنقها بيديه من خصرها واعطا يديه لجلال بلاصة سهيلة كيصافحو: وانا راجلها
سهيلة شافت فيه كيفاش معنقها قرب يدير ليها شي حاجة قدامو : وشكون نت
كيخنزر فيه غيطيرو بعينيه لولا تدخل سهيلة: شفت سيفي ديالو وعجبني عندو اكسبيريونس وخدم على برا
اليزيد: خدم على برا وعلاش مبقاش على برا
الغيرة كتقتل فيه وهو كيشوفو باقي شبابي وعندو حقو من الوسامة اليزيد حرج سهيلة بقات كضحك: راجلي فروجي بزاف اسي جلال
جلال: عندي خلرة ونقدر نعاون حتى فالتسيير لا احتاجيتيني
اليزيد: لا عارفين شنو كنديرو
سهيلة كتنغز اليزيد بمرفقها: سكت حشمتيني
جلال كيشوف المحل: جا فموقع زوين
سهيلة: تفضل اسي جلال نشوفو الكارط وشنو غنوليو نديرو نت لي غتشرف على الكوزينة والخدامة لي فيها
اليزيد كيصوني تيليفونو وكيقطع: تقدر تجاوب
مجاوبهاش عينيه غير على جلال جر سهيلة برا: كنتي ناوية تبقاي معاه بوحدك كون مجيتش عندك
سهيلة: وشنو فيها جالسة فمحل ماشي فدار
اليزيد: سهيلة عقلك بدا كيخرج هذا راه راجل مجموع معاك فبلاصة وحدة بوحدكم
سهيلة: اليزيد هادي هي الخدمة
اليزيد: بناقص منها خدمة
سهيلة: اليزيد مفهمتش شنو مشالك واش ضرك فحاجة السيد ضريف ومأدب
اليزيد: وكتشكريه من الفوق قدامي مزيان تبارك الله [جرها من يديها برفق] غنرجعو للدار مبقاتش خدمة عند بالي غتخدمي مع عيالات فحالك فحالهم ماشي تدخلي ليا فرجال هنا
سهيلة: الحاج باراكة من شوهة السيد كيشوف فينا
اليزيد: بغيت الدنيا تشوفنا ماشي غير هو
سهيلة: واخا غير سمع هو عندو خبرة كبيرة على برا غيستافد منو المشروع خلينا حتى ندخلو لدار ونتفاهمو بالعقل
اليزيد: كتبغي تخدمي عقلك غير الى بغيتي
سهيلة: نت عارف شحال بغيت المشروع ينجح راه مغنبقاش انا وياه بوحدنا كاينين بنات ودراري اخرين غيخدمو انا مغيجمعني بيه والو غنبقا فلاكيس وهو فالكوزينة
اليزيد داز عندو ساعتين بحال العام وهو كيتعصب ويتحرق بنار الغيرة وكيخشي راسو وسط منهم ولي قالها جلال ووافقاتو سهيلة يرفض هو واخا الفكرة مزيانة غير ضد وغيرة من جلال سالاو مخرجو حتى للخمسة واليزيد مقابلها ممشاش للكراج ديالو
سهيلة: واش نت معندك خدمة
اليزيد: نتي هي خدمتي
سهيلة: باغيا ندوز عند منال
اليزيد: منال عاوتاني علاش هي مكتحيش عندك
سهيلة: راك عارف راجلها جلاخة
اليزيد: كلشي عارف جواد راجل معقول صاحبتك لي حلاخة
سهيلة: هاداك المعقول هو لي خنقها بيه
اليزيد: مبقيتوش باغيين ولاد ناس وليتو باغيين ديو. ث
كيمعني عليها وعلى جلال من وسط الموضوع حطها فدرب فين كاينة دار جواد ودّا زهرة هبطات وبقات كدق خرجات ليها الكبيرة حطات يديها فجنبها: سيفطاتك هاديك المدودة
سهيلة مفاهماش: نعام اختي
الكبيرة: قوليها تعطي لخويا بتيساع تا داكشي لي فكرشها مادارت فيه الخير ديرو غخويا
سهيلة: شنو كتقولي نتي
الكبيرة: علاش نتي مفراسكش الاجرام لي كانت كديرو صاحبتك كتقتل فرواح فكرشها
شهقات مصدومة: كيفاش عرفتو اش كتخربقي نتي
الكبيرة: سمعها خويا بوذنيه
سمهيلة مصدومة: ومنال فيناهيا واش لاباس عليها [باغيا دخل] منااال [كتعيط] منال
دفعاتها الكبيرة: راه رجعات لاصلها الموسخ
سهيلة: لدار باها
الكبيرة: اه لعندك هادوك الوحوش
سهيلة شدات فراسها ومشات تجري تقلب على طاكسي غاديا عند منال لدارهم كدق بجهد خرجات مها غير شافتها عنقاتها: سهيلة خرجات على راسها
سهيلة:فينها دابا
فاطمة: دخلي ابنتي
دخلات سهيلة لبيت فين جالسة منال وشهقات من شافتها وجهها كلو ضرابي عينها زرقة ومورمة غوتات سهيلة: اش هاد الحالة [عند بالها جواد لي زوقها عنقاتها كتغوت] نوضي ندعييو الكلب الجاهل
منال: ندعيهم وانا فوسط دارهم
سهيلة بعدات منها: واش خوتك لي دارو فيك هادشي
منال كتبكي: اه
سهيلة: يالاه معايا
منال: فين
سهيلة: غندعيوهم
فاطمة شداتها: لا ابنتي الى دعيتيهم شكون يصرف عليا وعليها
سهيلة: المحسنين كاينين اخالتي واش بغيتيهم يقتلو البنت
فاكمة: البنت هيي لي دارتها بيديها واش كاين لي يقتل روح ربي كيخلصها دابا
سهيلة: خالتي حرام عليك متقصحيش قلبك جهتها
منال كتبكي: صافي اسهيلة خليني
سهيلة: واش جواد فراسو هادشي
منال: مكيجاوبنيش عييت نصوني عليه باغي يطلقني
سهيلة: ميمكنش
منال: والله
سهيلة كتقلب ليها فوجهها: شوهوك الله يعطيهم الكرض فاليدين
منال: بغيت نهرب
فاطمة: باقي كتعاوديها هاد مرة يسمعوك غيخرجو عليك جنازة ماشي يضربوك
سهيلة: دعيهم
فاطمة: قتلا. ت لي فكرها بغيتو تقت. لوني حتى انا
سهيلة خرجات من دار بات منال شدات طاكسي ماشي للرياض لكاراج تصليح السيارات ديال جواد وقفات على المتعلمين: كاين جواد
المتعلم: اه كاين
سهيلة: كلمو ليا
مشا دقيقة ورجع: ممساليش الالة
سهيلة: قوليه منال مريضة
دخل وفالخرطة خرج جواد سابقو عندها: جواد [تنهدات] عارفة غتقول هي لي سيفطاتني ولكن تيقني جيت حيت حالتها كتشفي واش عرفتي شنو دارو فيها خوتها هلكوها عصا خسرو ليها وجهها كلو منبل ومنفوخ وملون
تعابير وجهو تبدلو منين سمع هاد الهضرة: شكون هذا
سهيلة: فتاح هو لي دار فيها هادشي راه حالتها حالة خاصها السبيطار ومبغاوش يخليوني نديكلاري
جواد: لا مديكلاريش
سهيلة مصدومة: واش حتى نت معاهم
جواد: المخزن مغيبردش ليا الدقة [شاف فيها] قلتي فتاح
سهيلة: اه
تلفت وراه هز واحد المطرقة باش كيحلو البياسات وخرج بلباس الخدمة كلو لاكريس مطبع و مشا للدرب فهاديك السمس والمرارة هاز المطرقة بان ليه من بعيد مجمع مع الدراري مقصرين على طرح ديال الكارطة وقف عليهم وقف فتاح عادي: افين ا
مخلاهش يكمل هضرتو جر يدو فوق واحد لحيط ديال واحد الساس باقي خاوي و هز المطرقة للسماء ةهبط على يديه هرسها ليه خلا صوتو يتسمع فالدرب كامل و ليي كيتفرجو تخلعو ومفهمو والو خلاه كيبكي هو راجل ف30 عام منزل دموع بحال دري صغير شافو عاود هز المطرقة وكيطلب فيه: لا خويا غير بوجه النساب
جواد: الوليات كتعرف تحقر عليهم والرجال مقدرتيش عليهم [بغا يهرسها ليه على راسو] علاش تحط عليها يديك [كيورك على يدو بمرفقو وفتاح كيغوت] هنا غنقطعها لدلمك [دراري بغاو يفكو هز عليهم لمطرقة] لي قرب غنطنش لمو راسو
طلق منو خلاه جيفة فالارض و الدمايات كتشرشر فالارض ورجع للكاراج كينهج وصدرو كيطلع وينزل رما هاديك المطرقة عامرة بالدم والمتعلمين من الخوف مشاو كيغسلوها باش يحيدو الدم والدليل على المعلم ديالهم
وهو واقف قدام البيرو جا عبد الاله كيمس ليه الدم لي فعنقو حبسو خدا منو الشيفون كيمسح راسو وكيفكر فيها الى شاف حالتها غيضعف ويقدر يرجع لفتاح هاد المرة يقت. لو مقادرش ينسا شنو دارت وكيفاش خسرات كل حاجة كانت مزروعة فيه
سهيلة دخلات للرياض: الزغبية يكون حن ومشا يرجعها
سمعات الهضرة فالكوزينة لي تارت اتباهها: عافاك اماما راضية ندير هادي العشبة غير هاد المرة
راضية: واش باغيا تخرجي على صحة ولدي راه راجل لبسي وتقادي يقيم عليك بلا هاد العجب
سليمة: عافاك ا خالتي راه شحال مشفتو المررة لي فاتت مخلاش ليا حل واش انا ماشي عروسة منسناهلش دخلتي
راضية: كتشوفيها دابا دخلة فرقتي بين زوج
سليمة: انا بغيت غير حقي
راضية: حقك فبيتها راك خديتي حقها ماشي حقك
سليمة: مكنتش باغيا يوقع هاكا ولكن ملي شفتو كيصحابني هي خفت نفيقو نبدلو البيت يوعا وميقيسنيش
كلشي كانت كتسمعو سهيلة كملات طريقها للفوق: هاجر
هاجر: نعام ا سوسو
سهيلة: كي بقيتي ياكما هاداك حمار تواصل معاك
هاجر بهزء: تبغيه للدواء متلقايهش
سهيلة: هاداك هو المرض وحفظتي شي حاجة مبقا والو للجهوي
هاجر: منقدرش ا سهيلة محافظة والو
سهيلة: خدمتي الملخصات لي جبت لك [دوزات يديها من فوق راسها] نتي العام ونتي كتخدمي غتنجحي غير خدمي شوية
هاجر تنهدات: عارفاك باغيا توقفي معايا ولكن والله حتى عارفة راسي مغندير والو وزيد ال
سكتاتها سهيلة: نسايي هادي الصفحة طويناها وهاديك الليلة نسيتيها
هاجر: واخا
سهيلة باستها: خليك قوية جبل ميهزك ريح انا وراك
عنقاتها هاجر: كون مكنتيش كنت غندير شي فضيحة فراسي
سهيلة: رجعت على قبلك لهاد الرياض
هاجر: نتي راك نتيي
ابتاسمات: يالاه القرايا انا غنجيب ليك الفطور حتى لهنا
وخرجات لقاتو نازل :الحاج
تلفت: نعام اش خصك [خنزر] متقوليش ليا [كيعيبها] غاديا للمحل تاني
سهيلة: اش دار ليك هاد جلال حتى لصقتي فيه لصقة
اليزيد: ممرتاحش ليه
سهيلة: نت مترتاحش ليه ارتاح لخدمتو لي متقونة
اليزيد: لاا ا لالة اخر مرة نشوفك معاه بوحدك فينكا يكون غنكون معاك
سهيلة: وكون معايا فاش توصلني السلعة وفاش نخرج نجيب السلعة
الييزيد جرها من خصرها عندو معنقها بدرعينو: غنلصق مك معايا
شافت سليمة خارجة من كوزينة وطلعات عينيها فيهم والسم والحقد خارج من عينيها وسهيلة منين شافتها كتشوف ممصداتش اليزيد كالمعتاد ولكن العكس حتى هي قربات ليه وحطات يديها فوق و قربات كتهمس ليه فوذنيه بشوية هو طلعات معاه التبوريشة حتى نطقات بكلام شعلو: الحاج مراتك كتشوف فينا حشومة غيضرها خاطرها
منال: مي خاصني نمشي نشوفو عافاك
فاطمة: فاش كان حداك كنتي مكطلعيهش بالعين بكترة الحقد ودابا عاد بغيتي تهضري معاه
منال: واش بغيتيهم يقتلوني ا مي [كتغوت] قوليها
فاطمة: سيري عندهم الى خلاوك تخرجي خرجي هادشي الى ماعاودو هلكوك عصا
منال: ياك ا مي هادي هضرتك تانتي
فاطمة: الهضرة هضرتها معاك شحال هذا قلت لك ديري عقلك فراسك البنت قلت ليك متفلتيش هاداك راجل مغتلقايش بحالو قلت ليك شدي فيه بسنانك يكون خايب حتى يعيا مغيكونش بحال هادو ولكن نتي باغيا تفرعني وخرجو عليك المسلسلات والافلام التركية بغيتي تتعرااي وتزندقي وها تعراي الالة دابا حتى لبيجامة مغتلبسيها قدامهم
منال: واش كتزيدي عليا
فاطمة: هادي هي الحقيقة لي كنتي مغمضة عينك عليها
هزات تيليفونها كتصوني عليه وغتسخف بالفقصة وكتبكي: عافاك جاوبني غير ممرة
فاطمة: وبغيتيه يجاوبك واش مكتحشميش على عرضك انا بحالك نحشم حتى يجي وجهي فوجهو
منال كتغوت: وا ميي قتلييني وهنيني را عييت [انفاجرات بالبكاء] شنو بغيتوني ندير واش نولدو بزز مني مكنتش باغياه
ركب فطوموبيل غادي يجيب شي سلعة كيسمع تيليفون هزو لقاها هي خاف يكون خوها رجع قرب ليها هز تيليفون يحلو يشوف الميساج طاح التيليفون بين رجليه شاف قدامو مكان حتى حد وهبط تحنى يهز التيليفون بزربا مجاش فين يكعد راسو [بووومم] خرج فبوطو دياا الضوء وسط الطريق
جاو الاسعاف هزوه والطوموبيلة داوها كان مغيب حيت تضرب فراسو هزو تيليفون حيت مبغاش يسكت من صونيت: الو
منال كتشهق: الو شكون معايا تيليفون جواد هذا
- واش نتي من العائلة
منال: انا مرتو
- هو فالسبيطار دابا دار كسيدة
منال: اسمن سبيطار [وقفات] انا جايا دابا [شافت فمها] مي جواد دار كسيدة
فاطمة ضربات على فخاضها: اويلي
لبسات لباسها ودارت نقابها: غتمشي معايا
خرجات فاطمة حتى هي كتقاد لباسها: نسيبي دار كسيدة ومغنمشيش نشوفو [شاف فيها] نتي صوني على مو
منال: لا
فاطمة: وعلاش
منال: الى جات مو وخوتو غيجريو عليا مغنقدرش نهضر معاه
فاطمة: ميقد عليك غير لي خلقك ا بنتي [شافت فولادها لي جالسين فالمراح] حنا خارجين
عبد الحفيظ: فين بسلامة
فاطمة: راجل ختك دار كسيدة
عبد الحفيظ: ياك سيفطك علاش غاديا عندو
منال بلا حشمة: هاداك مزال راجلي
عبد الحفيظ: هي لاما رجعتيش عندي
منال كتبرغم: غندير كلشي باش منرجعش لهاد جهنم
خرجات هي ومها بغاو يشدو طاكسي كبير شدات منال فيد مها: شدي طاكسي صغير ونكونو بوحدنا راكبين فيه جواد مكيعجبوش نركب فطاكسي كبيرة
فاطمة: دابا عاد عجبك ديري عقلك تارجعتي عندي انا لي معندي باش نخلص حتى طاكسي كبيرة بقات غير الصغيرة
منال : نمشيو على رجلينا شوية باش نشدوه رخيص
فاطمة شيرات يديها لطاكسي صغيرة: زيدي ا مصيبة
ركبو فطاكسي صغيرة وصلهم حتى لقدام المستشفى يه وخلصاتو فاطمة وهبطو كيشولو على جواد بلمهدي بقاو كيتسناوه ساعات
منال: تكون وقعات ليه شي حاجة
فاطمة: علاش هو مسكين يسلك من دعاوي لي كضلي تدعي عليه بحالا عدوك ماشي راجلك
منال: ميمكنش توقع ليه حاجة ويخليني مع دوك الحيوانات
فاطمة غير كتشوف وكتستغفر الله
طلع اخيرا من المستعجلات دخلوه لغرفة عاد مشاو من وراه كان باقي ناعس ومنال كتسول الطبيب: علاش ناعس
الطبيب: جاتو دقة فراسو درنا ليه سكانير والتلفازة ملقينا حتى خطر
منال: الحمد لله
الطبيب: ولكن عصبات لي فيديه تقاسو درنا عملية فمحاولة نعتقوهم
منال: ونجحت العملية؟
الطبيب: عمليا نجحات ولكن مغنعرفوش دابا حتى من ورا ال15 يوم لولا خاص يرجع نشوفوه ونباشروه يقدر يحتاج لعملية تانية وتالتة
منال شهقات: واش مغيبراش
الطبيب: منقدر نقولك لا اه لا لا الوقت هو الكفيل يبين لينا شنو غيكون دابا خاص يتبع ماكلة صحية ودواء وميحركش هاديك الدراع خاصها الراحة التامة ولاكان كلشي مزيان غنعطيوه الترويض
يتبع...
التعليقات
لا توجد تعليقات بعد، كن أول من يعلق.