محتوى القصة
# ليلة قبل العقيقة
....كل مافات من الايام هما فالتحضيرات الاسبوع !! غدا الا كتب الله تكون العقيقة التوأم ، الذبايح واجدين و كل مايخص للحضور راه واجد ..جالس مع الوازنة و زياد امامهم تيلعب مع براء فالجردة و صينية اتاي قدامهم تينتظرو العشا توذن ..
الوازنة : ( براحة فخاطرها ) الحمد لله اولدي على الخير الله ، قولي اولدي ؟ عنداك تنسى اولادك عمك ؟
نبيل : لا عرضتهم الواليدة ! ( حك راسو بتوتر ) غير هو الواليدة انشاء الله ندوز يوسف و زكرياء فالختانة
الوازنة : الله يسخر ! تبع اولدي السنة سيدنا الحبيب و الله يجعلهم من الذرية الصالحة و راك شفتى اولاد خوتك تختنو على كبر تعذبو
نبيل : انا مشات ليا من بالي ! غير مغيث و نوصير لي فكروني
الوازنة : اياه الحبيب زياد واش داز عليه
..سمعها نطقت اسمو جاي تيتعكل واحد شعر خرج عندو محل توتة رطب شابه زاينة و تقدم عندها
زياد : آ ميمة !
الوازنة : الحبيب الغالي ! عارف سميتك
براء : ( وقف موراه ) باااح بابا
نبيل : ( مبتسم ليهم ) دبا يجي اعمو ..
..الداخل كانت الكل حاضر تيوجدو للمسات الاخيرة ! و للام زاينة و نجمة كاينة و بعض عائلة فطوش ، و الباقي يحضر غدا فالوقت ..تسمع اذان العشا واخرج نبيل صلى العشا فالجامع مع انتهاء الصلاة تم راجع ، دخل حاني راسو فقط تيسمع اصوات العائلة تم طال الفوق مع دخلة سمع وليداتو تيبكيو ودور عينيه مالقاها ..
نبيل : ( نزل قبلهم) فين هاد ماماك ؟ سمحات فيكم ..اسمااااااء
اسماء : ( تتدير الدوا للعراز ...) امممم زمر مالقى فوقاش يجي
نبيل : ( قرب للحمام تيدق ) اسماااء ! نتي هنا ؟
اسماء : ( تترش برشاشة و تتحسهم تيتزيرو ) فين نكووون ؟
نبيل : حلي الباب
اسماء : ( مرضها ) تا طواااليط ماندخلوش ! علاش نحل الباب
...رجع حدا اولادو مرة ساكتين وفاتحين عينيهم تيلعبو بيديداتهم هو متبعهم ، ما تيشبعش الشوفة فيهم ..تاخرجت تتعض على شفاايفها الدوخة تتشدها
نبيل: كنتي تديري الدوا ؟!
اسماء : امممم
نبيل: علاش ماتخلينيش ندير ليك الدوا ؟
اسماء : ( تصمرت وجها! لي جاها فبالها انه يشوفها مغرزة بلا الدن نفاس لي تتنزل ) لا بلاش !
نبيل : لي بغيتي انا عندي عادي ! شوفي مع اوليداتي بغاو يرضعو ( متبعهم تيحلو فمهم بحال تيبحثو على البزولة)
فتحت بيجامة وهزت فوطة تتمسح صدرها ! قبل ما ادخل رضعات واحد فيهم لكن شكون بضبظ الوجع غراز نساها
سماء : ( دارت تتشوف فتوام وهزت راسها فنبيل ) سكتو بجوج ! باش نعرف شكون رضعت فيهم دبا ؟
نبيل : ( ضحك تابانو سنيناتو ) هعهههه بقاي لي رضعتيه حطيه بلاصتو ! عاودي رضعيهم بجوج وصافي
اسماء حركت راسها هزت يوسف هو يبكي زكريا !! حطت يوسف هزت زكاريا هو يبكي يوسف !!
اسماء : غادي نحماق
نبيل : انا نغسل يدي و نعمر رضاعة لواحد فيهم يقسمو الصبر ....
...تعاونو عليهم رضعوهم و بدلت لهم ليكوش و تتحس بظهرها يتقسم ، هيا تتحاول تكمطهم و نبيل تيفتحهم تانعسو و جلست ترتاح و طلعو لهم العشا الفوق ، تعشاو وتيبزز عليها تكمل و عطاها الدواها تا فتح لها الموضوع
نبيل : غدا انشاء الله مع اسبوع نختنو الوليدات
اسماء : ( مصارنها تقلبو ) مزال الصغار !
نبيل: باش يبراو دغيا ! ماتعذبيش معاهم فالكبر
اسماء : ( قلبها ضرها ) انا نعرف نقابلهم ؟ راه مانقدرش
نبيل : انا معاك ! ها الواليدة و امك و ندوزوها بلي عطا الله ! تفقنا ؟
اسماء : ( تحنت تاتبوس فيهم ) مساكن وليداتي صغيورين..كبيدات ديالي
نبيل : ديما اسمي الله آ اسماء !
اسماء : مشاء الله ! غدا نمشي حمام وندوز للصالون صافي؟
نبيل : معامن ؟! ماعليش الا مشيتي حمام؟
اسماء : مع خديجة و زاينة ! لا ماعليش بلعكس مزيان ليا
نبيل : انشاء الله ! الفلوس راه وريتك بلاصتهم ! هزي لي خاصك بلا ماتشاوري معايا ماتعطليش الله يرضي عليك ..
...لي كان ناقصهم هو الرباط قوي ! باش تسمع من نبيل الفاظ مثل : سيري ! ديري لي بغيتي ! هزي لس بغيتي ! قطعو اشواط كثيرة ، و حمد الله اشواط تكملت بالربح للثقة و الحب و الاحترام ..ماجات تنعش تافاقو !! كل ساعتين او اقل فايق واحد ! ساعدها حتى عيا و نزل تحت و خلا فطوش طلع ..التوأم حلم للكل انثى لكن التربية تترجع كابوس بعض احيان
# العقيقة
...اليون المنى ! اليوم لي العائلة تنتظرو ! ولو ان جوج من خوتو فقط لي كانو عارفين مشكلة الانجاب و اسماء لي ماسمعها منها احد ! بإذن الله تجاوزو العقدة و ربي رزقهم من فضلو !! فالجردة الفيلا لي كبرت بالنباتات و الاشجار ، العقيقة صادفت اليوم السبت الويكاند ...واقفين للذبيحة مع اللامام لي عرضو و بحضور الجزار لي يفك لهم جوج الحوالة ! لقنو الامام الحذيث و تم الذبح و و تعلات الزغاريت بالعزارة ، نوصير كان تيصور و علق شعار الرجاء البيضاوي و نبيل تيخنزر فيه..
الامام : مبروك اولدي تيرباو فعزك و الله يجعلهم من الذرية الصالحة
نبيل: االله يكرمك ..
مغيث :
مبروك العزارة
نبيل: الله يحفظك ! ( شاف فالساعة ) فاروق تعطل ؟
مغيث : تلقاه مع الخدمة و صافي
نبيل : الطبيب يجي مع جوج النهار ؟ مزيانةياك ؟
مغيث : مخيرة ! ياك الرجال وليمتهم بالنهار ؟
نبيل : وي !ولادك عمك و اصحاب نوصير و الخدامة لي عندنا و النساب فاروق راهم هنا !
مغيث : الله يسخر !!
..دخل الصالون استقبلهم بالدواز اتاي ،خلاو العيالات يتكلفو بالباقي ، تابانت ليه اسماء شادة فيها زاينة منزلاها و ناض عندهم
نبيل : غادين ؟!
اسماء : ااه ! راه خالتي الوازنة مع يوسف و زكريا الفوق
نبيل : شكون يوصلكم ؟
جاي نوصير من موراها معاه زياد ورؤيا ! جاوبو :
: انا نوصلهم و رجع
....خرجو مجموعين ورؤيا فرحانة غادة معاهم، تتحماق على اسماء ، طلعو السيارة بصيكانهم و زياد داير روينة مع نوصير فاغاني فرقتهم مفضلة
نوصير: وفين اختي خديجة و مرات مغيث؟
زاينة : دازو للمحل تكاشط ! ماصلاحش نمشيو كاملين نتلاقاو فالصالون من بعد
نوصير: ( حاضي طريق ) فكريني بهاد للحمام؟
زاينة : فطريق لي غادي ****
نوصير : ( حرك لها راسوو و خاطب اسماء ) ماشا ؟ شكون دبا فاولادك لي محسوب عليا؟
اسماء : ( بصوت تعب ) الله يعفو عليك
نوصير : والو انا والخضرا حت الموت ! شوفي يوسف على حسابنا ياك هو الصغير ؟
اسماء : ( ببريق فعيونها ) هو الكبير و زكرياء موراه
زاينة: زياد جلس !
زياد : ( مغبن و مجنن ) اباااباااااا
نوصير : على سلامتكم !! اجي ابابا اجي
زاينة : ( تتسعد للنزول ) عنداك تركبو القدام ؟ ولا تشدو وانت تتصوك بيه ؟
نوصير : وصافي ! نزلي بصحتك !
زاينة : تاطلع باش نخلص الحمام! قالك نزلي
نوصير : ( تهز جبد بزطام و مد لها ) هاكي ! بصحتكم
....نزلو داخلين الحمام و اقطعو فلاكيس ! كان شبه خاوي وصاو الكسالة تجي موراهم على مايسخنو ، تا دخلت الكسالة بالحنة و العشوب و عطاتهم يدهنو زدات خلاتهم يسخنو ، عاد بدات تحك لهم وحدة مور وحدة و رؤيا حكت لها غير زاينة و غسلت لاسماء شعرها و ريحة الحلبة تتخرج..تحممو تحميمة و خرجو بفوطاتهم و لبسو بيجمااتهم و هز تلفون تيتصلو بخديجة ....لكن هاتف خديجة كان خارج عقلو ..
زاينة : ماتنتجاوبش ؟! و تعطلتي على الصالون
اسماء : نشدو طاكسي ؟
زاينة : صبري نتصل بيها مرة اخرى
****
من بعد ما تقضاو لباسي لي بغاو ليهم و لاسماء اوصاتهم !! قررو يشريو كاضو للتوأم ، دخلو المحل كبير خاص للأطفال فيه كل كايخص الاطفال من اللاثاث و ملابس و بوسيطات ، مدة ربع ساعة هما تيكتشفو المحل ! ليالي اختارت تشري ليهم كراسة طموبيل و خديجة ختارت تشري ليهم بوسيط للخروج ، وقفو مع المسؤول تيتكلمو و يشرح لهم خصائص البوسيط لواحد للحظة ليالي شافت جنابها لقات أمير تبخر
ليالي : فين أمير ؟!
خديجة : ( خلعة فيها خلوق ) اااءءء ! اويلي
مسؤول : مدام !! ماتخلعيش ، دبا نشوفوه
ليالي : ( شدت فكرشها تتمشى تتبحث فالمكازا ) أمييير ! أمييير
خديجة: ماعندو فين يخرج !
ليالي : اوا فينووو ؟ ( دموع تينزلو ) فين زاد غاااادي نموووت اعباد الله ...
...فين هو امير !؟
كان هنا امير !؟
...قلبو ديك مكازا لا اثر ليه ! خديجة تتسمع تلفونها تيصوني و ماقادة تجاوب ! تتشوف فليالي لي قدامها روح اتخرج لها و تاترش عليها الما
خديجة : تهدني راكي حاملة ! هاما تيقلبو فالكاميرا
لياالي : ( تتحط يديها على قلبها ) إيون سكوند الولد مشى ! الا داه ليا شي بيدودفيل ، ولا داوه قتلوه ليا
خديجة : ( قربت طيح باعصاب ) نعيط مغيث ؟
ليالي : انا الا مالقيتش ولدي مارجعش ! نمشي نتعرض لشي طخاان
...حالة من التوتر و خلعة شداتها و اسوء افكار جاوها ! خديجة تتمشي تقلب و تعاود جميع المستخدمين تما تيبحثو حتى خدمو كاميرا ! و تيرجعو بربع الساعة للوراء هما يلاحظوه
خديجة : هدااا ! هو هو
ليالي طارت مشاات تتطل و غير تتشوفو فالكاميرا الحماق تيبغي يشدها ! للحظة لي كانو مع مسؤول تيشرح لهم توضح انه مشى تيجري و فللحظة خرج من الباب هيا طيح لها اليد مع الرجل و بدات تصرخ
لياالي : مشاااا !! مشاااا
خديجة : ( تتنذب فحنكها ) علاش اسيدي هاد سوكريتي لش حاضي ؟
...هاد الواقعة بضبظ فمحلات الكبار ماتبغيها للزبون ولا صاحب المحل، استدعاو سوكريتي و عطاوه يشاهد الفيديو هو يجاوب :
: شفتو خارج مع الشاب تيقوليه عمو
ليالي: ( تتخنق بالدموع ) سي بون ! اتصل بالبوليس عفاك ! ولدي خطفوه ليا
خديجة : ( تتشد فيديها تترش عليها الما ) الوجه هاد الولد واضح ؟
مسؤول : داير كاسكيط ...
...دقائق هما تيتحاورو على اتصال بالشرطة تا ادخل الشاب لي فكاميرا معاه السيدة كبيرة فالعمر وفيديه امير غير شافتو رجليها فشلو عليها هزاتو غير خديجة تتبوسو و تتشوف فيه كان تيبكي و عطاتو ليها لي تعنيقتها و بكاها خلا الكل صامت
ليالي : ( عنقاتو بحب ) احبيبي فين مشيتي ( تتنخصص بالبكا ) كنت نتسطى
خديجة : ( تتمسح دموعها ) الله اخويا فين ديتيه
الولد : ( شاف فامو متخوف ) لا اختي !! راه هو لي شد فيا تابعني تيقول ليا عمووو ! عمووو ! وفاش هزيتو سولتو على مااماه اشار ليا الشاريع ( اشار للمو ) ها الواليدة شاهدة !
الام : ايه ابنيني راه الولد لي شد فولدي ! حرام علينا ابنتي نشويو كبدة الام
امير : ( تيشوف فالولد تيشير للتوني لابس ) عموووو
ليالي : ( عنقاتو تتبوسو ) راه تبعك شبهك للعمو تيلبس توني الفريق الرجاء
الولد : ( كان فطولة نوصير لابس توني ) ااااه ! هدا راجاوي
ليالي : عمو راه الكابو سكاودرا ..
...تقلب الحزن للبهجة للخاطر !! أطفال قد ماهما اذكياء و تيخدمو عقلهم بلا رقيب يقدر فأي للحظة يتهور ! مثل امير شبه الشاب لنوصير و تبعو خارج من الباب سوكريتي ظن انه معاهم ، للحظة لي الشاب سول امير عوض يقوليه ليالي فالمحل اشار ليه الخاريج ....ارتاحت شوية و شكرت الشاب و خلصو كاضوات ديالهم و خرجو ركبو فالسيارة و صحتهم بجوج تترعد !! اتصلو باسماء لقاوهم فالصالون ؛ فضلت ليالي ماتقول والو تخلي العقيقة تمر بالسلام !! م
كملة الطريق الفيلا و مع دخلة امير مشى عند مغيث و بقى يعاود ليه الفيلم شي فهمو شي مافهموش ، مع جالس مع الرجال تيعطيهم الصواب ما حققش فالكلام
خديجة : تشربي شي حاجة ؟
ليالي : عطيني غير كالمون راه فصاكي ! سي نو انطيح
خديجة : ماوقع والو ! خرجت طريفة
ليالي : ( تتبكي تاني ) غير عتقيني عفاك ...
...خديجة مشات صاكها تتبحث على الدوا ؛ و عطاتها تشربو و بقت حداها و براء جا عندها تيعنقها و يعاود ، مع مروب الوقت وصلت النفيسة و زاينة ورؤيا تماما مع الوقت وصول الطبيب ....اسماء جلست معاهم تتنظر نتهاء الطبيب هما تيصبروها ..
اسماء : ( شعر مصاوب و ماكياج للوجه لابسة قفطان بجلابة ) تعطلوو
خديجة: ماتخافيش ! راه خالتي الفوق و بابهم معاهم
زاينة : ( تتشوف فليالي ) مال ليالي ؟
خديجة : ضرها راسها ! شربت الدوا ترتاح
اسماء : ( مزيرة على كرشها تتعصر ) غادي نطلع !
خديجة : صبري ! راه ماتقديش تشوفيهم
...للحظات تاتسمع زغروتة الام زاااينة و بكات اسماء للدرجة وقفت طالعة و اول خطوة للدروج تتسمع صرخاتهم و بكاهم ! عيونها امتلؤو و تغاشو بضبابة ، وقفت تتطل من الباب تا لمحها و خرج عندها
نبيل : ( بتسم ليها بحب ) مبروك علينا
اسماء : ( تتحس بصدرها تتيتزر ) بغيت رضعهم !
نبيل : صبري يكمل الطبيب امو عوينات ( قاد لها لافخونش ) بصحة
...كولشي بالمكتاب ! كلو مكتوب و المقدر ! خرج الطبيب معاه مغيث و دخلت عند وليداتها كانت الوازنة معاهم و الام زاينة الشلحة المراة وقادة ، باركو ليها ..ونزلت اسماء على ركابيها تاتبوس رجيلاتهم هما تبكيو و هيا تتبكي و حيدت جلابة وفتحت عقيدات القفطان و تقدات فالجلسة ورضعاتهم واحد بواحد ناتنعسو ..
الوازنة : مبروك عليك ابنتي !
اسماء : ( باست راسها ) لهلا يخطيك علينا اخالتي ..
يتبع..
التعليقات
لا توجد تعليقات بعد، كن أول من يعلق.