محتوى القصة
...بدون وجع اصطناعي او ابر للوجع ! الهدوء لي بالغرفة الولادة تيبعث الراحة فنفسية ليالي ، طبيبة ذات وجه مبتسم و مساعدتها بايديها الهادئة لي تتساعدها ، الرحم تفتح مابين اربعة سنيم و خمسة سنتيم ! وقفوها و تترعد كلهااا
طبيبة : تهدني !! دبا اندخلة لابسين اوك !؟
ليالي : ( مزيرة ) اممم
...بمساعدتهم دخلوها للماء لي ساخن !! ببطئ ببطئ تتجلس و ترخات ، حيدو لها لبسة طبية بقلت عرياانة و ملامحها تتعقدهم و ترخييهم ! و شادة فيد مغيث و تتسوط بشوووية
مغيث : ( تحنى على ركابية ) ربي معاك اعمري ! وجع بزاف !؟
...ليالي : ( بدموع ) اممممم عييييت
طبيبة : ( ضغت على ضغت بدا الما يتحرك ) رخيي راااسك !!
ليالي : ( تتوجع و تتقلب فالماا ) انننننن ! اااااااه
...وقت لابأس بيه مر هيا فالماااا ! مرة مرة الطبيبة معاها تتقلبها و مغيث جالس صامت تيشوف فيها مراقبهاا
طبيبة : ( خاطبت فرميلة ) نسمعو بيبي !
..مدت لها جهاز متحرك جرت منو يريز مثل صناطة و حطتها على كرشها و بدا يتسمع صوت دقات القلب ...
ليالي : ( فاقت تكلمت دايخة ) هادي ابنتي !؟
مغيث: ( باسها فراسها ) وووي !
....مرت ساعتااان ! ساعتان و تتنعس و تفيق ! مراقبين لها درجة الماء و دقات قلب و ضغظ !
ليالي : ( بوجع تتنين ) امممممممم ااااااي ! امااامااااا
طبيبة : ( دخلت يديها لما تحنات تحتها تتفحصها ) تقدري دفعي ؟
ليالي : ( تترخى ) نووووووو
طبيبة : ( قلباتها على كرشها جالسة عاى ركابيها و الما طلقوه لها ) دفعي امدام قربتي
...تتعصر و تتوجع و تتتزير بيديها و تتحاول تدفع !! كل خمسة دقايق تتقلب على جهة ! كل شوية تشد فمغيث لي فزك معاها و ترجع تشد فالفرملية و تيهدونها بسماع دقات بيبي ..اخر بوزيسيون لي حاولت تجي جالسو فيها ، يدات تتصرخ و تتغوت و تتزير بيديها و دمووووع تينزلو
طبيبة : دفففعييي ! مزيااان بغاااافووو دفعي
لياالي : ( طاحت جالسة و فركات تتصرخ ) ااااااعععععععع
...المد و جز للوجع و الشد و جر فالاياالاادي و صراااخهااا لي طغى بالغرفة طبيبة مقبلة يديها لانها لاحظت الراس و الما بدا يتلون بالدم تاااصرخت اخر صرخة و زلقت بيبي فالمااا
طبيبة: ( هزاتها حطاتها على صدرها ) اوووو لابخااانسييييس
مغيث : ( بحب ) ماااافِّي ....
...بقات على صدرها ماضربوها ما قلبوها !! دقايق بدات صوت بكاها بحال مشيشة تتنين ! تولدت بشعر اسود و بشرة خمرية و كلها مزيرة معصورة ! فرملية صوراتها و تاشبعت منها منها ليالي بوسان عاد قطعو الحبل و داوها تغسل و تفحص و بقات طبية مع ليالي تا نظفت لها كرش و هزوها بسياص و مغيث معاها فكل خطوة فرحان بمراتو لي تفكت على سلامة و الاميرة لي شرفت للحضنهم ! بعد مرور الوقت لبسوها ملابسها وجالسة مرتاحة كانها كانت ناعسة وفاقت
مغيث: ( باسها بحب ) على سلامتك الله يحفظكم ليا
ليالي : ( بهدوء ) آمين ! اتصلتي بماما و بابا و طاطا ؟
مغيث: ( تيمسح على شعرها ) قلتها لاذيب راه برا ! و الواليدة انا نتصل بيها غير يجيبو لنا #جنى
ليالي : ( بدموع فرح) جنى ! مانسيتيش
مغيث : (عنقها بحب ) مستحيل نسى !
...جاوبو لها الاميرة لابسة مقادة للحضنها ! خرجوها من القاعة للولادة للغرفتها ، بمجرد فتح الباب مغيث فتح عينيه من زينتها كان اذيب و ريم فانتظارهم هازين الورد ..
ليالي: ( هازة بنتها ) وااااو سي مينيووو
اذيب: مبروووك الغزالة ختها! ( جاي يهز جنى هو يحبسو مغيث
مغيث : هداك اه ! ابنتي نهزها انا اول
اذيب: ( هز يديه ) هانت اخا ! انت هز بنتك ونا نهز اختي ..
..مغيث هز جنى لي تيحس قلبو تيضرب من شدة فرح و اذيب هز ليالي من كرسي و حطها فالسرير سلمت علل ريم و باركت لها ! بقات تتشوف فالزينة لي وجدو ! كلهم باسو بنية و جلسو مثل اي عائلة فرحانين بقدوم المولودة تا دق البار ودخل امير تيجري
امير : دااادي !!!
مغيث: ( هوو معنقو ) اميروووو ! ها جنى جات !؟
امير : ( شاف فيها و شاف ليالي لي تتضحك ليه ) مامي ؟!
ليالي : ( حطت بنية و شداتو معقناه ) آحبيبي ديالي
..دخلت غيثة و رشيد لي باركو ليهم و فرحانين معاهم ! كلهم دارو بآمير كانه بطل الموضوع مايحسسوهش بنقص ! دوز معاهم العشية و مغيث اخبر الوازنة و باركت ليهم و كل مرة وحدة فالبنات تتصل تبارك ليهم ! تا وصلت العشية و عطاهم تصريح خروج لان لا الام ولا الطفلة بصحة جيدة !!
...#اسبوع مر على الجميع !! من باريس الكل تيوجد الاسبوع جنى ، السنة لازمها طبق ، ذبحو فمدينة بعيدة السمية لجنى و اليوم العقيقة ، غيثة تكلفت بالكل ، طياب منها و الحلاوي و البوفي جنى وجداتو بمساعدة ريم لي فرحانة معاهم ، نازلة لابسة قفطانها و و شعر مصاوب كحل توتة مصاوب ضاربة ماكياج ناعم و شادة امير فيديها و مغيث ورائهم هاز جنى لي محمقاه و مهبلاه و منين تولدت هو يهز و يلبس و يرضع الا ليكوش لي مخليها لماماها ..
غيثة : ( بحب ) اوووو الحبيبة قلبي نورات
أمير: انا امامي الحفلة دياالي
رشيد: آجي الرجل الصغير ! كوولشي ديالك اجدوو
امير : انا زوين و كبير و جنى تدير كاكا فليكوش
رشيد: ( جلسو حداه فكرسي ) ايه خوينزة هاديك ! انت بخوبخ انت لي تجلس مع جدو نقريك فليكول زوينة
امير : و بغاء و زياد ؟ يجيو ؟
رشيد : ( بقهقهة ) وهدا عليا ! ( شاف فمغيث ) هادو اولاد فاروق !؟
مغيث : ولد فاروق و نوصير
ليالي: و تسمح فيا امامي !؟ و الميمة الوازنة !؟
امير : ( سكت تيفكر ) جدو يلاه انت معانا
رشيد : هههه هدا ايطلع ايطلع ديبلوماسي بحال باباه و ماماه
اذيب: هدا ايكون نسيبي ( شاف فريم بحب )
مغيث : سال على لمتكاب
ليالي : ماللقاش احسن من خويا !
..كان هدا هو اسبوعهم ، العائلة كانت بعيدة عليهم ومع البرد و ثلج صعيب تنقل ! دوزو عشيتهم ناشطين بصور و لي فيديو ، تا نعسو دراري و غيثة دخلت امير لبيتها و ليالي طلعت جنى و طلعت بيتهم فوق تتبدل و مغيث جالس شاد تلفون
مغيث: البيي بقى فيه كاطخ جوغ !
ليالي : ( جات حداه ) ماسخيتش ! ونفس الوقت توحشت البنات
مغيث : ( عنقها ) راكي عارفة لي كاين بلا مانقولك انواعدك وكدا ، مرة والديك عندنا مرة عندهم ، خاص غير ظروف تكون مساعدة
ليالي : داكوغ رجعو فالوقت
مغيث : انشاء الله ! ماكرهتش نخليك ولا نزيدو ؟ ولكن خدمة تابعاني و مانقدرش نكون بعيد عليكم
ليالي: ( تتلعب فشعرو ) تنفكر الوقت لي رجع الخدمة !؟
مغيث : نشوفو شي مربية تقة كما فامير ! و راه نبيل كان اتصل بيا على حسب مشروع مرات نوصير تفتح لاكريش و داكشي
لياالي :سي فغي ؟ اخر مرة سولتها قالت ليا تأجل بسبب شي ارض شراها نوصير ؟
مغيث : اوا ضرب حسابو ! لقاها مخرجاه
ليالي : عرفتي داك مشروع ؟ ينفعنا حنا ااولين مع اولادنا ، كانت هضرت عليه! يكون فيه فضاء طفل و لاكريش وروض
مغيث : وي بخوجي مزيان ! الله يسر !( ناض مشى لافايز ديالو و جبد بواط مدها ليها ) فوالا كاضو دلامامون
لياالي : (بفرحة ) ميغسسسي
( عنقانو تاقبل ما تعرف محتوى لان لوجيست عجبها ! فتحت لابواط لقاتها هام ديامند بحجرة زرقاء لون تالبحر ، لبساتو فيديها و رجعت عنقاتو تتبوسو
ليالي : ( بدموع حب وفرح ) اااه شحال تنبغيييك
مغيث : ( بهمس ) فرحانة !؟
ليالي : اكثر ما تتصور ! لهلا يحرمني منك
مغيث: ( غنقها بقوة ) الله يحفظكم ليا اعمري!
_رن هاتف مغيث فالواتساب و لمح اسم لاجودان ، قبل ليالي فشفايفها و خرج يهضر معاه عارفو فمو اعور ويزلق بشي هضرة!
مغيث : آبا فاروق !
فاروق: اياه اولدي انت اي جات معاك ! ولد ليا المرأة فباريس و الكونجي مخير ضربو على قلبك و هانية الوقت
مغيث: ( تيضحك ) امبروك عليا الزيادة
فاروق: مافيهاش شك ! اش سميتي لالة البنات ؟
مغيث : جنى
فاروق : الله يصلح و زير و عاود زير ماطلقش مع اصحاب باريس
مغيث : جمع كرك اصاحبي! اشمن باريس؟ راهم فاسة و ناس مأصلين
فاروق: ( تتهد ) اححح ! كاينة، كنت تنتسنى وقت لي نهضر معاك !
مغيث : اش واقع ؟
فاروق : بديعة ماتت !
مغيث : مسكينة ! الله يرحمنا ، كي دايرة رؤيا ؟
فاروق : ( بحسرة ) عقل الصغر ! نسات وصافي
مغيث: رؤيا راه بنتنا كاملين اصاحبي ! و الله يجعل بركة فخديجة بنت الناس
فاروق: داكشي لي كاين ربي تيدير المكاتيب ! شكون كال نتزوج و نطلق و نتزوج ! و نهاية تكون هاكا !
مغيث: لهلا برجع علينا داك عام ! الله يصاوب و صافي
فاروق: اوا مبروك عليك و الله يرجعكم بسلامة !-
مغيث : الله يحفظك اسي لاجودان
فاروق: اودي راه الخرا الراس مع هاد القوادة ! فوقاش نشد تقاعد نشبع غير نعاس ، حال البلاد غادي تيزيان
فمغيث: اوا تتعطي لاصحاب الفوق !
فاروق : من زمان ! يلاه تلاح و ماتنساش معاك الكاضوات للبراهش
مغيث : جاتهم اخويا وانت ؟
فاروق: اوا فياماتي نكولك شي كاورية ! اوا دبا اعتزلنا الحوا عشوائي ..تهلا
..اقطع خلاه تيضحك !
يتبع...
التعليقات
لا توجد تعليقات بعد، كن أول من يعلق.