محتوى القصة
_ماقالو عليه قصير حتى كان قصير ! متوسطهم بجوج ! كبرو مع الوقت دافعين بطولة ..يمينو زياد ويسارو محسن ، لابسن توني الرجا و ميني فوت فالرجلين مع تقاشر واصلين فين بغاو !
غادين تيسمعو ليه ، تيهضر تيهضر تيهضر تواحد للحظة طلقو منو ومشاو تيجريو اتجاه ملعب مع دراري لي فسنهم ..
خليفة: وااااخة البراهش واخة ..
..الملعب للكرة مجموعين فيه اطفال من سنة الخامسة الا السادسة عشر ..اشبال تيدربو و يلعبو الكرة تحت اسم جمعية ..داخل تيجر فرجليه تيشوفهم تيلعبوو تا تم خارج ليهم مدرب و مساعدين هازين شباكي فيهم كرة و عدة للرياضة و جيليات
خليفة : وااااا عبدووووو
مدرب : ( تيضحك ) القاصير ! وااازيد اصااحبي
خليفة : ( جاي تيجري ) اصاحبي هاحنا جبنا لك الرجال
مدرب : ( هز راسة تيشوف ) ههههه ولد كابو مجهد ؟ هدتك تكذبان ؟
خليفة : صافي هانت على حسابك ؟
مدرب : اش على حسابي ؟ ولدك رجع قدك فطولة مزال الخصايل النم فيك
خليفة: ( ممسوقش ) قيد دراري يلعبو و كولي فوقاش نبقى نجيبهم
مدرب : اتجيك فراس اصاحبي ! واش دلمك عندي زربية ؟ جيب لهم عقد ازدياد و جوج تصاور و الورقة من طبيب بلدية راه مافيهم والو ( بشوية نطقها ) تمنلاااف
خليفة : هااادي هيا صحبة ؟ تمنلااااف اصاط ؟بيزاااف عطي دراري كرة يلعبة وصافي
مدرب : ( تيغوت على دراري ) وااااحد وااااحد آدراري ! ولد كاااابو تعاود ضرب اتشطب تيران
زياد : ( خنزر فيه تيبركم ) صافي اااسااد
خليفة: صافي نمشي ؟
مدرب: سير تقاود مرضتني ! تمنلاف انجي نكالها معقودة والوراق راه تتكون عدنا محاسبة مع بلدية اصاحبي جيب لنا وراق ..
خليفة: راه مافيهم والو ! الا مالعبوش هادو عاد يمرضو .
مدرب : غدا دوز تاخد لهم تونيات وشكارة كرة!
خليفة : الله يخلف عليكم
مدرب : الله يخلف على دولة اما انا براسي واكل مع دراري
خليفة : هانت ؟ راك تما
مدرب : سبت و احد تورنوات واربعا و ثلات لونطريمو
خليفة : اوا ايام القراية ؟
مدرب : سبت و اربعا ..
....تم غادي مخليهم يكملو للعبهم ! شهر هو دايهم باليوم غدا ! تاخرج رمضان و داز العيد واليوم صبحو عليه ! دراري موهوبين بالكرة من صغر على الاباء توجهم ! ونوع لي مامهوب حتى بالرياضة لازم والديهم على اقل ينخرطو لهم فاقرب لاصال عندهم ! هيا قبل كل شيء صحة و تهذيب نفوس و متعة ..ساعتين من تذاريب ، توني لي كان لونو خضر رجع لونو احمر بالغبرة و شعر مضبب و عروقات ..
مدرب : تكذبان ! من هنا جرية وحدة حتى حومة ! لي هضر معاك فطريق خنز و هز الحجر ! زياد نقص من للعب فطريق
.._وخ استاذ
_كن هاني استاذ ....خرجو من ملعب غير ضربو دورة اراك جري عليا نجري عليك ، ايتها قهوة دازو منها يطلو على تلفزة يتفرجو فالكرة ! يهزو الما من طبالي يشربو ..لي قصيرة يضحكو عليها لي طويلة يضحكو عليها تاوصلو حومة ..
#زياد: ( هز راسو فالدار) نسيت اصاحبي ! يوم سبوع عند عمي
محسن : اوا تبقى بوحدك ؟
زياد : نمشي عند بابا لافيراي
محسن : زيد نمشي معاك !
..تعانقو واحد طالق يديه على لاخر ! وصلو لافيراي لقاو فير خدامة ! جلسو تما يكملو تمرميد مع خدامة ، تاصونا واحد فيهم عللى نوصير كاليه شد ليه طاكسي ..طلع وجار معاه محسن فطاكسي تاوصلهم الفيلا عند نبيل و خرج نوصير خلصو هما داخلين زاينة جاية غير شافتو ضربت حنكها
: آويلي هادي هيا كرة؟
زياد : ااه ! والغبرة
زاينة : ( مفقوصة ) شوف مع ولدك! راه تيو فجردة دوش ليه لبس ليه حوايجو ولاد عمو كلهم تيضويو انا لي عندي شمكار مزال ماكمل تا سبع سنين
نوصير: زييد اصااحبي زييد ! ( مدخلهم لجهة وراء ) لعبتو ؟
زياد : قصرنا ابابا كرة ! علمني نشوتي
نوصير : حيدو تقاشر لوحوهم لهيه ..
..شد داك تيو ! صهد دوش لهم هما تيتراشو ! لقاها جابت ليه فوطات حوايج و نشفهم لبسهم ..عاد دارو داخلين عند العائلة مجموعة للسبوع
"اليوم العقيقة"
..اكثر المناسبات تكرارا فالعائلة القباج هيا العقيقات ! الشجرة تتكبر و طلع العروق ...بعدما ماخرجت من طبيب و دوزو العيد صغير جاء اليوم العقيقة ، الرجال فصالون اول و النسا الصالون الداخلي، غير العائلة المقربة فقط ، حطو طعيم للرجال و ديسير و ناضو خرجو و بقاو النسا بيناتهم مع موسيقى ونشاط حتى حل لليل و خوات الدنيا كما العادة تتجمع العائلة ديالهم ..من داخل غرفة النوم للاسماء
خديجة: ( معنقة رؤيا ) شوية احبيبة ؟
رؤيا : ( مغمضة عينيها ) اممم
اسماء : ( ططلع سروال ) وييلي ويلي ! غلاضيت اعباد الله
خديجة: بلكس هاد تقضات ليك لاطاي !
اسماء : مابغيتهاش تقاد ! بغيت رجع طايتي لي عندو نبيل خاصو يكون مجرتل
رؤيا : ( بوجع ) ماماااااا
خديجة : ( تتطبطب عليها ) دخلي طواليط ؟
رؤيا: لااااا
اسماء : ( شافت فيها مطولة ) اختي تانتما تتكبرو دغيا !
خديجة : ( تتخمس لها ) مشاء الله ! لانتي فوقاش بلغتيى؟
اسماء : ( جلست تتفكر ) تاسعة ! فكوليج
خديجة: ( تتشوف فرؤيا بحب ) هاد الجيل فيه لافونس ! كولشي عندو بزربة ، انا فاش فقلت تمن سنين رجعت تنشوف تغيرات عليها وقلت لا راه مزال ! ديتها طبيبة وقالت ليا اي للحظة تبلغ ، عرفتي واحد خوف جاني ؟ للوسواس غيي مقابلاها كنت
اسماء : ههههه عاقلة راها بلغت عندي
🔙🔙🔙🔙
_بعد ماكانت تتلعب مع توام و براء مثل اي طفلة عادية ! ولو خداتها خديجة طبيبة وفهمت ان تغيرات تتطرا عليها! مثل شهر العانة و ابراز ثذين لكن نست بسرعة ..شعرت بوجع و دخلت عندهم جالسة حدا الوازنة لي ناعسة متكية
رؤيا: الميمة فيا الوجيعات
الوازنة : الله يشافيك للحاجة ! طلعي عندك ماماك دير لك زعتر الحبيبة
..طلعت شادة فكرشها و شعر مسبيب زعر وراها ! دخلت عليهم لقاتهم فبيت تيقيسو شي جلالب ..
رؤيا : ماما فيا وجيعات
خديجة : كثرتي لاكلاص ابنتي !
..اسماء حطت جلابة هزة لي هزت بانت لها طبعة دم فشورطها ..وهيا تفهم فيلم
اسماء : ويلي يا رؤيا آتموتي
رؤيا: ( بدموع ) ياكي اماشا انا ظريفة
اسماء : ( دوراتها وراتها خديجة ) بنتك بلغت ..
...خديجة تصدمت ولو طبيبة خبراتها لكن الامر زعزعها ! رؤيا تتبكي خايفة لان هبيلة اسماء خلعاتها بدون قصد ! عنقاتها خديجة تتفهمها و تشرح لها
رؤيا : اماما مابغيتهاش انموت
خديجة : شتي اماما الدم ؟ بحال جريجة فاش تنتجرحو ! تتبقى تسيل شوية حتى يحبس دم و تبرا جريحة ..
ررؤيا : وخ اماما
خديجة : دبا دخلي تغسلي و نجيب ليك فوطة صحية و سروال ! فاش تكون فيك اماما ماتلبسوش شروط و نتعراو ؟ و ماتخافيش اماما هادي حاجة عادية كاع بنيتات تاتجيوهم
رؤيا : وتمشي ؟
خديجة : هيا اماما اسمها العادة شهرية! تاتجي مرة فشهر و فاش تاتجي تنحسو بيها و تتمشي دغيا
رؤيا : مايغوتش عليا بابا ؟
خديجة: لا اماما ! هادشي ديال الله! ربي لي عطانا هادشي لان فيه حكمة ! الدم تتقي لنا ذاتنا و تينزل مع ميكروب
...مثل حلم ! تتكون طفلة بين يديك و فجأة تترجع عروسة خايفة عليها من نسمة الهوا !
🔚🔚🔚🔚
نبيل : ( دق الباب ) اسماء !
اسماء : نعااام ! دخل؟
نبيل: للسلام! ولادك توسخو فجردة ! ( شاف رؤيا ) عمو مالك ؟
رؤيا : ( حشمت تزنكت ) والو اعمي
اسماء : دير لهم مدار نوصير ولبسهم
نبيل : راه تحرك برد ! نزلي انا نقابل نعمة لاتفيق
اسماء: ابنتي بعقلها تتنعس تانفيقها ! ارا ليا ولادك هبلوني
..هزت حوايجهم و خديجة مهبطة رؤيا دخلو بيت الوازنة و اسماء شادو توام الحمام و براء و زياد و شادين طابليط من غير محسن لي جا داه خليفة
براء : طاكي عليا ازياد
زياد: واش نموتو بجوج ؟ زيد انت
براء : ماشي راجل اصاحبي
زياد : زيد نشوفو رجلتك ! انت مشوبي فرحان بسلاحك
براء : مغيار كداير
...وقف عليهم بصوت خشن فعفعهم ...
فاروق: تكععععد حط عليا داك الخرا ...
...مخنزر عاقد غوباشة ! هدا هو فاروق، داخل مع نبيل و نوصير يجلسة يتعشاو تاتيسمع هضرتهم..
براء: ( حط طابليط ) هاهيا
زياد : آعمي اش نديرو ؟
فاروق : نوض سيق سطح ولا عاون فالماعن ! يا تحفي دماغك ولا بلا ( صرخ بجهد ) تهززززز عليا لا نبيت مكم فالزنقة تحسبو دبان
الوازنة: الحبيب و براكة من الغوات !
فاروق: ( جلس تياكد بصبعو ) هاد جيل راه تيطير وداك جوج بالخصوووص ماعجبنيش
نبيل : رخف اصاحبي منهم من جيلهم
فاروق: راه هرست ليه طابليط اولى قرب يزنزن ليا مع السلاح
نوصير: يخرج بوليسي
فاروق: ( هز يديه بلاحول ) ماشبه فبراني ! دمهم بااارد طلع ولا تهبط
نوصير : هههههه هادشي ماعطاني الله
نبيل: ( بانت ليه اسماء نازلة بيجامة مزيرة ) الصبر وصافي
...حطو لهم العشا و هما متباادلين الحوار ، اما العايلات تعشاو وحدهم مع فطوش و المراة لي تتعاونهم فشقا..صوت ضحكتهم تيتسمع ..
خديجة: ( جا براء حداها ) مالك؟
براء : ( بانكار ) والو
خديجة: ( شافت زياد ) مالكم ؟
زياد: ( جلس تياكل ) راجلك اخالتي غوت علينا
زاينة: انا بغيتوو يعصيكم ! ماتتسمعوش الهضرة
اسماء : ( تتشد فكرشها ) راسي ضارني
زاينة: ضارك راسك شادة فكرشك وقيلا فيك جوع ؟
اسماء ...طالقاتها بضحكة و تبعوها ضاحكين تا سمعاتو تينادي عليها ! ناضت بشوية ، بيجامة زادت طلعت و مؤخرة بارزة و الرجلين محنيين و اليديدات كدالك، خرجت عندو هو مغوبش
نبيل : على قلة شراوط ؟ لابسة هادي مزيرة ؟ وزايدها بصوتك واصل لعندي
اسماء: خلعتني بهاد غوتة ! راني غلاضيت اش ندير ؟
نبيل : ( دفعها طلع ) زيدي قدامي
اسماء : جالسة فداري لبس لي بغيت
نبيل: خوووتي كاينين و انا مافهمتش فوقاش غلاضيتي ..الالة لبسي طويل وغطي شعرك
اسماء : ( دخلت بيت ) ولاااايني مشكلة ! دبا لبس جلابة ! خوتك فصالون لاخر وماتيهزوش فيا للعين اصلا
نبيل : نتي ضسرتي ! وانا صبري قليل راه نجمعها معاك ، تقادينا هضرة بهضرة ! برهوشة
اسماء: اه برهوشة والدك لك ثلاثة ! بعد مني وماتشوفش فيا كاع انت ! ناس نهار سبوع عيالاتهم يجيبو لهم كاضو لمخير وانا نسمع فنكير
نبيل : ( تيبدل حوايجو ) وخ ! غدا نجيب لك كاضو
اسماء : ماتجيبش ليا ! عطيني تساع
نبيل : ( تحنى على نعمة تيبوسها ) باابا ديالي ؟ كتكوتة ! كبري ليا دغيا فرجيني فهاد ماماك حميمقة
اسماء : فاش تكبر ابنتك ؟ عفاك زوجني
نبيل: ( زمجر بغضب ) اسمااااااء !
اسماء: ( قلباتها ضحك ) هههه اااتنضحك معاك ويلي تيقتي ؟
نبيل : ( عرقاتو ) ياااربي ياااربي ..
..خرج خلاها فالبيت ، نزل لقا نوصير وزاينة هازة ولدها صغيور ناعس و زياد هازو نوصير سلمو عليهم غادين ! و فاروق فالباب تيهضر مع خديجة ..
فاروق: تحركي زيدي ونتي باغة تسكني هنا
خديجة: ( تتكلم بهمس ) رؤيا مريضة و براء تاهو نعس! انت تتكولي نمشيو فيلا فوقاش نفيقو وفوقاش نرجعو ؟
فاروق : ( شعل كارو ) برب العااالي وماتبعيني تانتبرهش معاك ..
...دخلت باغة تهز براء و الوازنة تتطلبها تجلس ..
خديجة: راه واقف فالباب اخالتي
الوازنة: الله يرضي عليك ابنتي سيري و خليهم ! سيري لا يدخل تاني يرعرع ونا راسي راه ضارني ..قيبلة ماخلاش ليهم هما مساكن جالسين بعقلهم
...سلمت عليها و صاتها على رؤيا بخوص و خرجت تتزرب لابسة فراشة بيتية و ركبت معاه
فاروق: ( بجاذبية ) الكوااان ديالي جا
خديجة: اممم صبغني ! والو واش تتسمع هضرة،
فاروق: دوك ولادي هما سبابي فعذابي ! لاصقين فيك انا لحتوني توش
خديجة: غواتك واعصابك اسيدي
فاروق: رؤيا جاوها لي غيكل ؟
خديجة : اه ! ودير مافراسك والو راه تتكره يسيق لها احد أخبار
فاروق : ( تنهد ) الحاجة كبرت الله يحفظها ويكملها بعقلها ! عمرها عذباتني ولا قلقاتني ، خاااايف من داك صفر سيفة لي غير تيدور عينيه
خديجة: ولدك تيشبه ليك
فاروق : ( هز صبعو على فولون بتحذير) يشبهني فكولشي الا المخزن
...كملو طريقم للفيلا و هما جل حوارهم ولادهم ..وصلو نزل فتح الباب ودخلو مع نسيم الليل تشهاي تجلسي فديك الجردة ..فتح باب فيلا دخلو وسد لباب يلاه طالعين دروج هو يشدها
خديجة : مالك ؟
فاروق: لاووالو باغي نحوي فدروج..
خديجة : تتضحك ياك؟
فاروق : ( بنظرة ماكرة ) الا فهادي ...
..تتجابد معاه هيا دفع هو يجرها !! افكار عندو تيمرضوها تاحكمها بكا قوة
خديجة: فدروووج ؟
فاروق: امممم ! ( تيفلورطي معاها و تيطلع فراشة لقاها لابسة دوبياس ) ناااضية الزعرة
خديجة: ( تتسرط ريقها ) صافي نطلعو
فاروق : ( بقصد اخر ) انطلعوووو و نهبطوووو ...شي طلب آخر ؟
يتبع...
التعليقات
لا توجد تعليقات بعد، كن أول من يعلق.