محتوى القصة
_دائما تحت شعار الحياة تستمر ! بعض الأحيان بروتين المعيشة اليومية تتنحسو بالايام تتجري اليوم ورا اليوم ! #اولاد_الوازنة كلها ملهي مع خذمتو و حياتو و اولادو ! الوليدات لي تيكبرو ولي فهاد #شهرين و صرف لي مرو دوز اعياد ميلادهم وزياد و براء داخلين للسنة ثالثة ...اما الام الصغيرة فهيا فمعاناة مع التوأم رجعت تتسمع غير :
_أسماء رضعي اولادك !
_اسماء اولادك تيبكيو !!
..رجعت ما تاتشبع لا فدماغها النعاس ولا شبعة فكرشها اما الحالة الشعر تتدوز فيه المشطة على سيمانا ! اما واحد نبيل غير مايشوفش فيها ولا يهضر معاها ...#اليوم_الاحد ماكاين احد لا خدمة لا والو ، ناض من نعاسو توجه الحمام توضى و خرج صلى الصبح هو يسمع توغويغ ابتسم متجه ليه تا طل عليه فالكونة ديالو لقاه تيلعب بصبيعاتو يديه و تيشوف جهة شرجم بمجرد اتكلم معاه ضحك ليه
نبيل: صباح الخير ابابا
يوسف : اغغغغ اغغغغ
نبيل هزو بيديه تيبوسو هايم فيه بنظرات اللاب ! كبرو و رجعو يتجاوبو مع صوت نبيل و اسماء و تيعرفو وجوهم ..تيقبلو قبل كثيرة و يدوز على شعروو يشوف فعويناتو
نبيل : منين جبتي هاد لعوينات ؟ امممم
يوسف : اغغغغاغغغ
نبيل: جبتيهم من حميمقة ماماك ؟ نزلز عند الميمة ؟
...فالزمان كان من الخدمة للدار فقط ! تيرتاح من البشار و بعض مادخلت الصغيرة للحياتو رجع رجوعو للمنزل محبب ليه نهار رزقو ربي باولادو ماتيسخاش يخرج من الدار ..لقاهم موجدين طبلة الفطور و تيسمع نكير فطوش من الدرجة الأخيرة! لكن تيميك لان اسماء عمرها تشكات منها ، قرر يحترم سكوتها
الوازنة : ( بفرحة ) للصباح الربح و التسير صباح سيدي ...( حطت صبعانها على فمها متسائلة ) آوليدي شكون فيهم ؟
نبيل : ( مدو لها ) يوسف الواليدة ! كي صبحتو ؟
الوازنة : حمد الله اوليدي ! ( تتنقز #يوسف ) افرحي افرحي بوليدي
...خوات ليه فطوش آتاي هو عينيه مع تلفون و تيفطر و مستمتع باصوات يوسف و امو ! كملو ناضت فطوش تتجمع داك الفطور ماعاجبها الحال ، فخاطرها تتخاصم على اسماء على الفياق الصباح و الوازنة دخلت معاها يوسف للبيتها ! هيا عاد تسعود صباح ..للحظات نزلت اسماء مقلوبة بنعاس ! لقات التحية
اسماء : فين الفطور فيا موت جوع ؟
نبيل : ( بهمس ) هزاتو امك !
أسماء: فين يوسف مع خالتي ؟
نبيل : وي راهم فالبيت ! مافاقش زكرياء ؟
اسماء : راه سهرني تا الصباح عاد نعس ! انت نعستي
نبيل : هاهما تيكبرو ويتقاد ليهم النعاس ! ( دوز بصبعو على حنكها ) غدا نشوفو طبيبة ؟
اسماء : علاش !؟
نبيل : ( خنزر فيها تا تجمعت ) رااني تنصبر عليييك ! تنصبر علييييك ، اتنوضيهم فيا نخدم يدي ..
..وقف طالع الفوق معصب ! وهيا طلعت الكوزينة فطرت و فطوش تتنصب الغدا و تتعايرها ! واحد للحظة شداتها الضحكة من نكيرها ، هزت دوك ماعن غسلااتهم و جبدت العجينة عجنات الخبز و جدات شلايض رجعت كرصات الخبز و غسلت يديها داخلة بيت سمعت البكا زكرياء
اسماء : فاق ؟ اراه ليا ؟
نبيل : ( مدو لها معصب مخنزر جلس حداها تترضعو و عجينة فشعرها لصقت ) اش هادشي فشعرك ؟
اسماء : ( بزربة تتهضر ) انت بقى حاضيني ! اش فشعرك اش فوجهك !
نبيل : ( غمض عينيه تيمسح نيفو نا نطق بجدية ) عارفة راسك اش تديري؟ لا واش عارفة راسك نيييت اش تتصنعي ؟ العيلات تيتنفسو اربعين اليوم ! انا مراتي شدات علاين ثلث شهور ! لحقاش راجل عندها هبيل و حنين
اسماء : ( تتغبن ) علاش نمشيو عند هاد طبيبة ؟
نبيل : كفاش علاش ؟! انا راه ماعنديش مشكل تعاودي تحملي ؟ شوفي راسك اتهلكي صحتك و اولادك الصغار
اسماء : صافي شري ليا الكينة !
نبيل : واخة ! دبا نخرج نقلب على فرمسيان بيرمانونس نشريها
اسماء : ( حطت زكريا تابعها هو واقف تيبدل حوايجو ) ياك قلتي داك التزيار يكون تحيد ؟
نبيل : ( عاقدهم تيلبس ) خاصنا نجربووو ! هاد نجربو شهر انا تابعك عليها ! راني متقي فيك الله
...سكتت تاشوف فيه!! بعض الاحيان المرأة او العمر لي شابه لاسماء او عموما البنات لي مزال ما حاضو تجربة الزواج او حتى لي خاضوها و تتسمع كلام مثل هدا من زوجها ! دائما ماتتقلل شأنو ! او تترفض المعاشرة ضد و معاندة ! مبدأيا هاد نوع مثل اسماء تيكون عندو فقر فالمفهوم المعاشرة ، لااسف تتكون تربية من اساس و مشكلة مرضها لي كرهاتها فالجنس ، لانهم نهار يتخلاو على خوفهم و يبحثو عن المتعة يرجعو هما يوجدو ليالي الحمراء لأزواجهم ..خلاتو اخرج يجيب لها الدوا و وقفت فالمرايا تتشوف راسها ، مع الفصل الشتاء لابسة شي فوق شي ! ماعرفت منين تبدا ، رسلت مساج لزاينة
📧 : حوبينو ! شنو ندير راه خليت نبيل يشري ليا الكينة ..
...وصلها مساج هيا فبلاصتها مغطية بملاية ! قراتو و هيا دوز لها اتصال ..: الو
اسماء : الووو
زاينة : جمعي صاكك سيري spa و قادي لاسيغ وجهك اصاحبتي
اسماء :ويقول مع راسو راها تتوجد ليا ؟
زاينة : بالفرحة علييييه ! مالك الخرية دايرة هكا
اسماء : اوا شنو لبس ؟
زاينة : الله يرحم اباك ! راني عاد فايقة ناشطة مااتمرضنيييش ، كاين شي راجل تيبغي مرتو تكون لابسة ؟ تعراي اختي تعراي
اسماء : البرد الخرا
زاينة : والله تنبلوكيك ..
...الدنيا حال و احوال ! ودوام الحال من محال ، اسبوع هيا تتقرر مع الطبيبة الولادة طبيعية فالماء ، بقى لها القليل على الولادة ، امورها تمام طبيا الضغظ لي كانز متخوفين منو ما تصابتش بيه ! واقفة فالكوزينة تتوجد الغدا و مغيث فمكانو المفضل فالبيت ! فوق فوطوي امام تلفاز و امير شاد طابليط تيلعب تا تسمع صوت تلفونها
مغيث: ليااااالي طون طلفون !
ليالي : ووووي !!
..مسحت يديها مثقلة بالكريشة ، دخلت بيتها لقات اسم اذيب و بتسمت ! دوزت ليه الخط متحمسة من مجيئهم ، دخل امير بجنابها تيدور وتينادي باسم غيثة
امير : مااامي ماااامي
ليالي : ( تاتذاعب شعرو ) هدا خالو ! ( تفتح الخط ) الو اذيب صافا!؟
اذيب : الغزالة خوها ! فين راكي ؟
ليالي : شِّ موا ! فين ماما ؟ قطعتو الفّْول ؟
اذيب: ( مسح وجهو مانع دموع ) ليالي سمعيني شنو نقوليك اختي! مابقى ليا مجي
ليالي : ( جلست مخلوعة ) ماما وقعت ليها شي حاجة؟ قووولي !
اذيب : ماما بخير اليالي ، البارح قصارين نوغمال ! حتى ليل سمعنا غوات ماما و ...
ليالي : ( شدت قلبها ) شنو طرا ليه ! باباا ياك ؟
اذيب : وي ! رشيد طاح البارح و جبناه لوبيطال ، انا نصور ليك كولشي و تشوفي كولشي ! بابا دبا نص ساعة خرج من لوبيغاسيون و حمد الله ! حمد لله
..جلست تتبكي و تلفون فوذنها تتسمع اذيب ! امير خرج تيجري قالها لمغيث لي ماض متعجب هو تيقرب للبيت تيسمع للبكاها خلعاتو
مغيث : بب علاش تتبكي ؟ معامن تتهضري ؟
ليالي : ( بكاها تيقطع القلب ) بااباااا
..حيد لها تلفون و جاوبو اذيب لي من صوتو وضح انه تاهو تيبكي ، استفسر منو و عرف ان رشيد طاح بازمة قلبية و هزوها فنص ليل و تخضع للعملية لي تكللت بالنجاح...
اذيب : ( بطلب ) الله يخفظك اخويا مغيث ! الا مارد لها الباال ؛ هانت تتشوف هاد أزمة ما كانت على البال ولا الخاطر !
مغيث : ( جرها حط راسها على كرشو تيدوز يديه على راسها ) الله يجيب الشفاء اخويا! الله يجعلها آخر الامراض
اذيب: الله يحفظك العزيز ! هانت تتشوف راه مابقى مجي للمغرب
مغيث : ( عض شفايفو ) ايدير الله الخير ! اهم الحاجة صحة رشيد ! حداك لالة غيثة ؟
اذيب: ( نقص من صوتو ) حالتها حالة و شدوها الاعصاب عطاوها كالمون راها غايبة
مغيث: لا حول ولا قوة الا بالله ! الله يخرجكم منها السالمة ...( قطع الخط و نزل لمستواها ) شوفي فيا !؟
امير : ( خاف ) ليالي ماما!
مغيث: ( باسو فراسو ) ماتخافش ابابا! ( رجع خاطبها ) براكة من البكا اتمرضي راسك ! باباك الحمد الله خرج من العملية ناجحة
ليالي : ( تتنتخصص ) كن لقيت جناوح نطير عندهم !! بابا مره بين الحياة والموت وانا آخر من يعلم !
مغيث : خايفين عليك ! راكي واحلة فروحك ، دعي معاه و ها تلفون مقرب كولشي
ليالي : ( تتبكي بجهد ) بغييييتهم حداايااا ! بغيت نولد ابنتي هما معايا ، باينة ماغادي يجي تواحد منهم
مغيث: ( عنقها ) شششش ! كولشس ليه الحل
ليالي : ( ناضت تتمسد كرشها ) مابقيتش حاملة نجلس هنا ! بغيت نشوف بابا و ماما ( شدت راسها ) بابا تيمووووت
...بدا أمير يبكي ، هزو خرجو لبيتو وعطاه العابو و رجع عندها يسكتها ! ماغير تتزيد تبكي و توجع من الم لي فروحها
مغيث: ليااالي !
ليالي : ( بصرخة ) بغيييت نمشي ! تتسمع بيه نكون حدا والديا ، وجدت راسي نولد هما معايا
مغيث : بقات لك القليلة كانز جوغ وتولدي ! شمن طيارة تهزك ؟ حتى الا بغينا سبب طبي ! ما غدنا حتى ريزيرفاسيون مع حتى طبيب وحنا عدنا غير فيزا توريست
ليالي : ( طاحت جالسة تتنخصص ) عفااااك امغيث تصرف ! قلبي يطرطق بغيت نشوفهم
مغيث : حبسي من البكا و نشوفو الحل !
ليالي : ( تتمسح عيونها ) وخ نعرف نولد تما حداهم ! مهم نمشي
مغيث وقف شاد راسو تيمشي ويجي! هيا الا طلعو فرنسا راه واضح تولد تما ! واش يبقى غادي جاي بيها ! تنفس بعمق ، تاهو باغي يولد حدا اخوتو و ميمتو و نفس الوقت باغي مراتو تولد بحضور والديها ! والديها لي رجعو من بعد الفراق و رشيد لي طايح فسبيطار و اهم حاجة عندو يكون جنب مراتو وابنتهم لي تزاد ..تجه للبلاكار جبد باسبورات لي مطبوع فيهم فيزا ، شاف تاريخ الصلاحية لقاها مزال صالحة ...ورجع هزها من ارض حطها فناموسية
مغيث: ( باسها فراسها ) انا نخرج نشوف ونسول ! نعطيك تشربي دواك ؟
ليالي: ( شدت فيديه ) رجع ليا بالاخبار لي تبرد العافيةلي فقلبي
مغيث: يكون خير ! هانا ندي معايا أمير
ليالي : ( رجع رن هاتفها وكان اذيب ) وي
اذيب : علاش دبا هاد البكا؟ اوكنطخ خاصك تحمدي الله ، طول ليه العمر
...خلاها مع خوها ! هز اوراقهم و هز امير بعد ما غير ليه ملابس و ركب فالسيارة متوجه جالس تيدةو اتصالات معارفو ..
مغيث : وي ! لباريس
*** : من احسن تمشي موطيغيزي ( فالسيارة ) مايحقوش معاك ! اما الطيارة ممنوع من غير الا مرزيرفي قبل و ضوسيك فيديك
مغيث : هاديك تكرفيصة طريق لي ماحامل دلمها ! شي الحل آخر ؟
*** : شوف شي الطيارة خاصة من اصحاب السياحة لي تتيهزو من الطنجة لاسبانيا ! تيكونو يوميا بمجرد تحط فاسبانيا رجع طلع فرنسا بفول آخر ..
مغيث : ( ضرب فالفلون ) شييت ! نعاود نشوف هاد قضية الولادة فالخاريج و نجاوبك ! شكرا بزاف
*** : الله يصاوب
يتبع...
التعليقات
لا توجد تعليقات بعد، كن أول من يعلق.