محتوى القصة
_على طاولى اطفال بيها كراسي جالسين يتحدثو و دراري مع العابهم ملهيين ، هاد المشروع فيه نفع ليهم كاملين ، اسماء جالسة نعاس دايها مهلوكة
زاينة: لبنات تشربو شي حاجة دبا ؟
ليالي : تاتوصل دوجى ( هزت ملف ) فوالا الوراق لي رسلك ليك مغيث تعمريهم خاصك تختاري اسم الحضانة
زاينة: قلنا فضاء الطفل ؟
أسماء: علاش تخصصيه للعب وصافي ؟!
زاينة : ايكون حضانة و روض و العاب و كوان لكوزينة و الرسم و قراءة قصص ، نخصص قسم لاصحاب التوحد
ليالي : سي بيان ! شحال تحتاجي من مربية ؟
زاينة: حاليا كاينة انا و مربية لي عاد مشات تتعاونا فدراري ( شافت فاسماء ) واسماء
اسماء: ( حركت راسها ) نعاونكم اختي !
زاينة: اولادك حطيهم مع دراري يلعبو نا تنشوف مربيةاخرى ، انا نشد روض و سوايع بليل
ليالي: بزاف عليك ازاينة !
زاينة: مابزاف والو ! عندي كونطاكط مع لي زامي لافاك مستعدين يخدمو ، كما شفتى لوكال ديالنا يعني ممطالبينش بالكرا ؟ الوغ لي خدمناه الربح
اسماء : ( بتعب ) يووووسف هدا على خوك
ليالي: خليهم يلعبو آ اسماء !
اسماء : عييييت يدي طاحوو ! بغيت غير نعس ( شافت تلفون ) خديجة تعطلت ؟
ليالي : داز عندها فاروق على شي شغل ! ديا تجي
اسماء : اختي المخزن اول ! هههه نتسناوها ..
زاينة: ديا كولشي واجد ؟ بقات غير الاسم و ندفعو الاوراق ياك !؟
لياالي : وي ! قالي مغيث مايتعطلوش بزاف
زاينة: على حسب محل اسماء ؟!
اسماء : قالي نبيل خاص غير باطونط على حسب ضريبة ماداخلش فهادشي ديالك
زاينة: علاش من اول مادريش جمعية ؟ تعفاي من بزاف حوايج ؟
اسماء : آش نجمع بيها؟! انا باغة آتوليي صغير فين نخيط و واجهة للبيع وصافي
لياالي : ماتتفكريش آاسماء تعلمي بنات الخياطة ديري جمعية كما قالت زاينة؟
اسماء : ( سكتات تتفكر ) من بعد ونشوف ! دبا دراري صغار و نفس الوقت سفلي و الفوقي راه فيهم روض
زاينة: مزالة لاباخطمون ديالك لي ساكنة فيها انا! ايجي نهار لي ارحل منها !
اسماء : اوا تما لتما ! دبا شوفو ليا شنو خاص ؟
ليالي: ( دورات بيسي جتههم ) شوفي الشكل البوتيك لي خدمنا عليه ...
..ضغظت على الفيديو و تيتفرجو و دراري كل مرة يقطاعهم واحد حتى رؤيا خدات دور مربية و بقاات تلعب معاهم ، عجبها الشكل بزاف تا الاسم لي اقترحوه عليها ..تادخلت عليهم خديجة و تسالمو تيضحكو و أخبرتهم بالخبر الفيلا فرحو فيها باركو ليها و نساو الخدمة رجعو شادين حوار الفيلا و سكنة و الفرحة ..
خديجة: عجبك الماركة لي ختاريناه اآاسماء ؟
اسماء : ( نطقاتها ببطئ ) Asmae Élégance...هههه زوين بزاف
زاينة: وي وااعر ! انشاء الله يكون فاتحة الخيرر
لياالي : عجبك كلور ديال صالون بوتيك ؟!
اسماء: وي اكحل عجبني ! دبا هاد شي عاد يتخدم ؟
خديجة: وي ندفعوه للسيد مختص بهاد افرشة البوتيك و عاد مول المرايات والاضاءة و حنا نرسمو ليك لوكو البوتيك بالساشي ديالهم بكارط فيزيت و سيت ويب و صفحة انستغرام فين اروجو ليك ماركة و تقدي تبيعي فالمغرب كلو
اسماء : ( بفرحة ) لهلا يخطيكم أختي! شكرااا ليكم بزاااف
ليالي : هدا واجب حنا عائلة !
خديجة: وي ازين ! انتي شدي الهمة و ضربي ليا لي موديل واعرين ، وعرفتي كوليكسيون باش نفتحو تخدميها لينا حنا بذوقنا و نعرضوها بلاطاي ديالنا ونشوفو
زاينة : وي فكرة زوينة ! كلها تعطي ذوقها منها تزيد تستلهم موديلات جداد
خديجة: وي ! كولشي متبع جديد ،
زاينة: وافكرووو معايا للاسم لجمعية!؟
خديجة : ديري فضاء طفل
زاينة : جاتني ناشفة
ليالي: ديري ليزوغ جوايوز ( ساعات سعيدة )
زاينة : بغيت شي الحاجة الشعب و يحسوها قريبة ليهم
اسماء : ( محنية راسها و تتهضر بعفوية ) ديري اولاد الوازنة
...هزت راسها لقاتهم تيشوفو فيها ! كلها تتقلب فالفكرة فراسها و زادت تتبرر فكرتها
اسماء: الدار ؟ دار خالتي الوازنة و رزقها هههه ماتلقاو احسن من #اولاد_الوازنة
زاينة: انا قنعتني ! شنو رأيكم ؟
لياالي : وي الاسم ليه معنى و مواتي بزاف
خديجة : الله يبارك الالة ! #مؤسسة_اولاد_الوازنة
...هزت ستيلو زاينة تتكتبها فالوراق بفرح كبير ! اانهو بقية للحديث على تفاصيل و يستشرو بيناتهم ، تا وصل وقف للاحتفال ، نزات زاينة عصير و مونادا و حلوى و تجمعو عليهم دراري فرحانين بقاو على سيلفي و طلقو موسيقى فتلفون و توام تهزهم وحدة و تحطهم وحدة !! فرحانين بإنجازتهم ،...
زاينة: امرحبا مرحبا باولاد الوازنة
اسماء : ( تتوكل يوسف ) اااايه اختي اولاااد الوازنة واحفايد الوازنة ..
ممكن يكون بالنسبة لبعض شيء عادي ! او شيء مهم لكن ليس بحلم ، فاروق من زمان هو تيخطط للعيش فالفيلاج ، بعيد على الضوضاء و صداعات ...فخدمتو كانت عندو جوج طرق ؟ يا تبع طريق الرشوة و يطلع طلعة صاروخية او يتبع سربيس خطوة خطوة و يطلع درجة ...نزل من السيارة لباب الدار دق وصونا تا حاوباتو من آنترفون
الوزانة : آشكوون ؟
فاروق : فاروق هدا الواليدة فتحي الباب
...فتحت ليه الباب متظراه فالخرجة تا دخل عندها بهيبتو قبل راسها و يديها و أطمئن على أحوالها وهيا كدالك
فاروق: فيك ما تخلفي شوية الواليدة ؟
الوزانة: اهدا عليا الحبيب الا البعد مانقدرش عليه
فاروق : ماكاين لا بعد لا والو ! الجو تبرد و العصر أذن هادي وقيتة الخروج
الوازنة : اوا لاين الحبيب ؟
فاروق: تشوف السكنة لي بغيت نشري
الوازنة: ( بفرح ) بزيادة الرزق اولدي و عقبا ماتفرح بوليداتك
فاروق: آمين الواليدة ! لبسي جلابتك و جيبي داوك الواليدة !
الوزانة: اياه الحبيب !
ا سدات الباب وركبو فالسيارة ! متبادلين اطراف الكلام ، تاوصلو و شافت كل ركن للفيلا رجعو ادراجهم
فاروق: كي جاتك الواليدة ؟
الوازنة: غزاله اولدي ! فيلا وشمن فيلا ، الله يدخلها عليك بصحة وسلامة
فاروق: آمين الواليدة ! لا خطات صحة مشى كولشي
الوزانة: ( تتقاد شالها ) الصحة هيا الاساس اما فلوس و رزق يمشي ويجي
فاروق : ( دخل بومبا القهوة ) شي براد آتاي الواليدة ياك ؟
الوازنة : اوا الحبيب بعدا جيب عير خديجة و الواليدات يشمو الهوا
فاروق: ( نزل فتح ليها الباب شادها ) راهم عند مرات نوصير مشغولين
....تيتمشى معها ببطى اختار مكان عائلي ممنوع فيه التدخين طلب ليها براد آتاي صغير بلويزة و ليه كافي نواغ ! جالس مرتاح مع الحنانة تا رن هاتفها برقم نبيل لي كان معاه مغيث جاو الدار مالقاوهمش ! عطاهم فاروق العنوان و لحقو عليهم ؛ تا اتجمعت الجلسة مع الوازنة ، فرحانين بيها فعيونهم هيا احسم الام فعالم مدللينها مثل الملكة
مغيث : ( مد ليه تلفون ) امبروك اسيدي ! شي حاجة ناضية
لاجودان: لاهادي فيها الشك ؟ مخيرة كاااااع
نبيل : ( تيمسح وجهو ) انت لي عبرتي على الوقت و بعدتي من المدينة! دبا حنا فين ساكنين القضية عمرت
فاروق: هدا مشكل التعمير فالمدينة ! مشروع سكني عطيه اربع سنين الا كثرتي ؟ ترجع ليه ماتعرفوش
الوازنة: اوا وليدي هادي دنيا! بنادم تيكتار
مغيث: داكشي لي كاين الواليدة !
الوزانة : انت وليدي ماتاخدش !؟
مغيث :ههههه ماعنديش الواليدة ههههه ( باس راسها ) جربت نتفاهم مع مول برطمة لي انافيها طلب ليا 200مليون
الوازنة: اه اه !؛ غالية اواليدي ؟
مغيث : اوا حتى سونطر فالقلب كازا غالي ! راه تشريها فبلاصة اخرة طلع دار و ماتشريش فسونطر ، انا الواليدة مزال ما تابثش شويو فقضية سكنة
فاروق: الثمن طالع فسونطر ! لي شرا قديم راه شرا
نبيل : عكس العقار فالاحياء و مشاريع السكينة جديدة نازل
مغيث : سياسة تعمير من زمان ممنهجة بهاد طريقة ! لكن سكنة فسونطر تتلعب دور
...طلبو كونسوماسيون ثانية و كل مرة مناقشين حوار فالشكل ! ...
الوازنة: اوا نمشيو ؟! سمحتو فاولادكم
نبيل : ملحوقين ! عيطت لهم انا جاي ! بسيف باش تنسمع اسماء ، صداع موسيقى
مغيث: ( تيشوف سطوري ) محيحين وصافي
الوازنة: اوا عطاتهم الوقت اوليدي وجابتهاا الوجبة ! راه تيقيلو يهضرو على داك مدرسة دزاينة
فاروق: فين كابو ؟!
نبيل: خليتو هبط مع اصحابو لمولاي يعقوب ! ديك رجل تايجي صيف تتنوص عليه
مغيث: ماتعطيش الراحة راسو اصاحبي
الوازنة: راسو قااصح اولادي وداك العزيز صغير نبات نخمم ليه
فاروق : الله يهديك الواليدة سيد راه راجل ! اش تخممي ليه؟ صافي الله يجعل البركة
مغيث : اودي كاع منين تبتث راه لاباس
فاروق: لا غير لا يتبثش ؟ ها مراتو تبدا مشروعها و ترجع مستقلة و شوف واش تصبر ليه
نبيل : راه اصاحبي مقاد امورو هاد الساعة !
الوازنة: الشلحة راه جمعاتو و جمعها تواو بيناتهم ! الله يسر لهم
مغيث: هانتي هضرتي الواليدة الله يسر لهم ! المراة هاد الوقت هيا تلقى فين تشغل
نبيل : ماشي بضرورة تكون خدامة! مهم واعية مواكبة الوقت
فاروق: راه عندو صح ! تواكبها بدوزيم ؟ ولا دوك افلام حامضين ؟ المراة المستقلة لي تتخدم على راسها سوا فالدار ولا زنقة ماتتكونش مسالية لكالي ! كلت ليك
نبيل: انا بعدا داير لها خاطرها ! اما تجلس تقابل اولادها
الوازنة: اوا االا ! الله يرضي عليك ، صنعتها تتبغيها و تتهز بيها ، علاش تحرمها وهيا غير درويشة ؟
نبيل : ( بانزعاج ) الواااليدة راه تنخاف عليها وصافي!
فاروق: خلي البنت تعلم لي ينفعها ونفس الوقت راك راد البال !
مغيث: رخف على البنت اصاحبي !
نبيل : ( حرك راسو ) يكون الخير
الوازنة : الله يرضي عليك اولدي! الله يرضي عليييكم كاملين..الا ماديرو الما منين يدوز و الا شفتو جوج مفاهمين اعرف الصبر كل مرة على واحد
فاروق: ( شاف ساعة ) اوا ساعتكم سعيدة ! نوض نمشي خدام ليل ( قبل راسها ) الواليدة نتشاوفو
الوازنة: الله يرضي عليك اولدي! الله يديك فالنجا و يرجعك فالنجا ..
يتبع...
التعليقات
لا توجد تعليقات بعد، كن أول من يعلق.