محتوى القصة
...بعد انتهاء وليمة الرجال ! غادرو هما تيباركو لنبيل لي فرحان من كل القلبو ! بقى غير هو اخوتو جالسين فالجردة تحسبا للسخرة او للحاجة ! تا وصلو السربيات بنات لي يخدمو النسا و ديدجي بنت تتركب ماتريال الموسيقى ! الوقت تيمر والاستعدادت تتكمل ! النفيسة لابسة و مقادة السر طاح عليها و خديجة معاها فكل الخطوة وليالي و زاينة بلباسيهم و للبسو وليداتهم و فرحانين بالعقيقة ..
اسماء : خديجة سيري عفاك عند امي كولها تجس تلبس تصور غير معايا
خديجة : يااااختي امك فالشكل ! راه قبيلة هضرنا معها راها جالسة مع طيابة
اسماء : ( تنهدت ) قولي ليااا شنو ندير ؟
ليالي : ( تتقاد عكرها ) خليها على خاطرها ! يمكن تتحشم
زاينة: راه تتفكرني بالجدة ابا الله يرحمو ! ماتسلم ما تخلي ليسلم ..
خديجة : خلي دبا تكلف بيها خالتي الوازنة ! صافي واجدة نزلو ؟
ليالي : تنزل مع الوليداتها ؟
اسماء : كي نديرو لهم مطهرين ؟!
خديجة : نهزوهم فالكونة ؟
اسماء : مالابسين والو ! انا تنشوف فالسبوعات تيلبسهم جبادور
زاينة: ماشي بالضرورة ! نزلي نتي حنا نتبعوهم موراك غير تسجلكم الكاميرا و نطلعهم ..
...مع اخر للمسات عطاو الاخبار للديدجي ان النفيسة نازلة !! مولات الكاميرا على استعداد و النفيسة لابسة تكشيطة فللون مخيصر و تاج من فوق راسها و الحنة سبع شهور فيديها ! منزليها بالتعشاق و زغاريت ....درجة الدرجة تتنزل و ليالي شادة فيها و خديجة هازة يوسف و زاينة هازة زكرياء فرحانين بيهم ..الكل واقف تيصفق ليهم و دراري صغار تيدور فجنابهم ..كانت تتحط يديها على صدرها كتحية و الوازنة تتصفق للاغنية عيساوية لي مطلوقة و اطير بالفرحة ! شدات فيديها و شطحاتها و تبعهم لبنات مشادين تيشطحو بتاويل ...
🎶🎶🎶
يا الدار الضمانة شايلاه وبيك
النفيسة مزيانة مبروك ماتزاد عليك
النفيسة في دارها و الحباب احبابنا
عقبا ليكم الاحباب وردو صوابنا
يا الدار الشرفة يا اهل المراني
النفيسة يا الالة محنية بالحناااني
.لالة النفيسة ! خمسة و خميسة
زغرتو يا البنات النفيسة برزت ..زغرتو بالهمة النفيسة فنة
...تعلاات الزغااريت و التصفيقات و الوازنة و جابت فطوش بسيف عليها جلساتها تصور مع اسماء ! اسماء ماتتشدش فخاطرها ، قبلت راسها و يديها وطاحو لها جوج دمعات تفكرت اباها الحنين! طلعو الوليدات فوق ، و حطو لهم العشاا بالموسيقة الاندلسية و اللمة مجموعة ! مثل جميع السبايع عريسات الوازنة التكبيرة و التاويل ، تبعوه بالدسير كملو ! جمعو السربيات طبالي و طلقو الموسيقى ! ها الشلوج فخاطر زاينة ! ها اغنية دنيا باطمة فخاطر خديجة للعشاق صحاباتو ها الغربي فخطار ليالي ! ضحكو ونشطوو حتى تفرقا الجمعية بالخير ..وبقاو العريسات مجموعين فالصالون من بعد ما لبسو فراشات خفاف تادخل نوصير ...
نوصير : ( بمزحة ) بصحة ! بصحة ! الزين تيشتت
الكل " : يعطيك الصحة
خديجة : ( تاتشوف فتوني لي لابس ) زعما تلبس شي جابدور ؟ مستحيل
نوصير : هههههه علاش ماعجبكش الاخضر
ليالي : ( جاتها ضحكة ) اوا لهلا يوريك آش وقع لينا بسبب هاد توني
خديجة: ( بهمس ) فين مغيث ابعدا؟!
نوصير : راه مع راجلك تيهضرو برا ! ( بهمس ) مالكم اش واقع ؟
زاينة : هاااا ! فااش دخلت حسيت بيكم مغيرين !
ليالي : ( تتحسر ) كنا تنقضاو فالمكازا تا ولد شاف واحد تيشبه ليك نفس طولة ضارب لاكاسكيط و نفس توني وتبعو
نوصير : وايلي !؟ هدا أمير ؟
خديجة: ايه ! اوا تبعو ليك ! فمو غير عمووو عمووو ! اوا ضربنا الفقد لقينا يدنا و الريح ، تا ارجع بيه الولد
نوصير : صدق الولد الناس ! اوا حمد الله
زاينة : انا كن طحت تما !؟ قولتوها مغيث ؟
ليالي : تانا لهلا يوريك حالتي ! نو ماقلتش ليه
نوصير : ياك دازت طريفة ؟ صافي نساوها عليكم
ليالي : ديجا يكون امير عاود ليه !
...فخضم حوارهم دخل فاروق و مغيث و نبيل معاهم! حطو لهم العشا و نوصير مع زاينة قلبوها نكير و دراري بصداعهم ، تا دخلت الوازنة تكمل جماعة معاهم فرحانة بوليداتها ...
فاروق : ( قرب للوذن خديجة ) البلارة !
خديجة : ( شافت فيه ) اخبار الخير ؟
فاروق: عنداك تكوني تتوحمي عليا؟
خديجة : شي مصعور بحالك
فاروق : هاد المصعور هو لي ينوض يعوج لك المشية ..
الوازنة : الحمد الله داو اسبوع مخير ! عقبا ماتفكر مراتك اولدي
مغيث : (معنق امير ناعس ) آمين الواليدة ! مهم الفكاك
الوازنة : اياه الحبيب! الفكاك و الصورة كاملة ، واحد النسابك بخير اولدي ؟
مغيث : ( عينيه تيتسدو بتعب ) حمد الله ! تلفون وصافي أنشأ الله الولادة ليالي يحضرو
الوازنة : الله يجيبهم على الخير !دير الما منين يدوز لي دازت على الراس مزيانة !
مغيث : داكشي ماكاين الواليدة ! ( خاطبهم ) اوا خلينا لكم الراحة !
نبيل : هانتما قصارين اصاحبي !
مغيث : عيييت و امير ناعس ، راك عارف ليالي مثقلة
الوازنة : الله يوصلكم على خير الحبيب!!
..ودعهم و ليالي نزلت من عند اسماء تتودعها ! طلعو سيارتهم متجهين للدارهم ! التعب نهال منهم مع الاسبوع و التحضيرات ، دخلو الدار مغيث حط امير بلاصتو غطاه وتبعها بيت النعاس لقاها تتمسح وجها من ماكياج
مغيث : شبعتو نشاط ؟
ليالي : وي ! نشطنا
مغيث : ( جلس تيحيد ساعتو وحوايجو تيتسعد يدخل دوش ) بصحتكم عقبا الاسبوع بنتنا !
ليالي: إنشاء الله ! مابقى والو ، خاصنى نرجع عند الدكتورة
مغيث : ( تيوجد حوايجو ) خودي رونديفو نمشي معاك
ليالي : ( جلست بلاصتها تتقلب فتلفونها ) عندي ديجا رونديفو ! اططط نشوف ...وي من هنا دوسومين
مغيث : مزال الحال ! شفت لانترنيت الولادة فالما ؟
ليالي : وي ! تيقولو تاتسهل الولادة
مغيث: انا ناخد دوش و نخرجو ناقشو
...هزت كريم لليديها كان جنبها تتدهن لليديها و جمعت شعرها لي تيزيد يطوال ! دخلت مواقع الولادة الطبيعية بالماء تتبحث ! حتى خرج عندها مدوش بشورط قصير و نعس حداها واخدها فحضنو !
مغيث : الووغ ! شفتي ؟
ليالي: وي كلشي تينصح بيها ! مي لو بخوليم ؟ انا فأمير ولدت سيزاغيان و على السابع ؟
مغيث : ( هو تلفون ديالو تاهو تيبحث فالولادة ) بيبي ! هضرنا فهادشي و الطبيية اكدت ليك كلاهما! ولدتي بكري بسبب الاعصاب و المشاكل لي كنا تنمرو بيهم ! دبا حمد الله ، الامور دوز بخير
ليالي : ( تتوريه ) شوووف ! تقريبا تتزحم راسها
مغيث: ( مبتسم بعيونو ) لله يسمح لينا من الوالدين ! شحال تتعذبو
ليالي : اي وي !
مغيث : شوفي هاد فيديو تاني !
ليالي تكات على صدرو تتشوف الفيديو تا طلع ليه مساج فالواتساب وقرات غير النص
📧 : بونسواغ مغيث! كاين....
ليالي غوبشات و شافت فيه دوزو عادي و كمل فيديو تاناضتمن عندو و سولاتو
ليالي : شكون رسل ليك مساج ؟
مغيث : غير سونطر ديال spa
ليالي: ابخوبو دو كوا ؟
مغيث : خديت رونديفو للمساج سي تو !
ليالي : ( قلبها تيضرب ) باغدون ؟ مساج ؟
مغيث : وي ! عندهم تندير سبور وعندهم اوسي مساج
_تراجعت من حداه ! كاعجبهاش الحال! ناذرا فاش تاتبين غيرتها ، لكن احساس عندها هاد المرة خلاها تنفرمن الموضوع ، وترفضو من اساسو ! تقدر تكون بنت الفشوش و غافلة على عدة امور ! لكن هاد قضية المساج خلاتها تغير
ليالي : وعلاش ترسل ليك البنت ؟ فهاد الوقت ؟ انا تنعرف لي تياخد رونديفو تيكون باغ طلفون و فاوقات العمل
مغيث : ( برود ) نقصي صوتك ! عادي تنعرف الماسوز لي تما
بنظرة غاضبة نترت تلفون من يديه و رجعت فتحت مساج ! كما كانت متوقعة ، المساج كان شخصي من البنت ماشي اسم سونطر و قراتو و هيا تتزيد تتزير على يديها
📧 صفاء : بونسواغ مغيث ! كاين غدا سيونص خاوية للمساج رزيرفيتها ليك ! ادومان
ليالي : ( ضربت تلفون مع سرير )صفاء !!! لا باين تتعرفها و بزااااف !! سير بصحتك ، مي دير فبالك بلي ماموافقاش على هاد شي !
مغيث: ( قلب عينيه بملل ) زدتي فيه وقيلا؟
ليالي : وي زدت فيه! نوغمال ، رجعت غليضة و ماعاطياها غير النعاس و النكير !
مغيث : ( بغى يجرها عندو رفضت ) لياااالي !!
ليالي : ( هزت تلفونها ) سمع انا ماشي غشيمة ! عارفة شنو تيوقع فالشومبر مساج !
مغيث: تتشكي فيا ؟ راه شرحت ليك
ليالي : ( حققت فيه شوفة ) عندك شي حاجة مخبعها عليا ؟ تتعرف هاد البنت؟
مغيث : ( هرب وجهو ) تنعرفها وي !!
ليالي: ( قلبها ضرها ) طوجوغ تتصدمني فيك
...خرجت من البيت تموت بالغيرة !! بقى واقف تيشوف فيها دخلت الصالون ! جبد تلفونو رسل البنت مساج وحط تلفون جلس بلاصتو تيخمم ...
يتبع...
التعليقات
لا توجد تعليقات بعد، كن أول من يعلق.