محتوى القصة
...الزواج ! كلمة تتردد على مسامع الانثى خاصة تتخيل العرس ! الشريك الحياة، خاتم و زغاريت و فرحة .. اي انثى منذ تتحلم بليلة العرس ولو بدون عريس ، تتيعشقو الزينة و تاج و ملابس العروس، لكن مع نمو و نضج العقل تتوضح الصورة ، ان زواج عندو الدخلة و مسؤولية ..ترردت و ترردت تانطقت برفض
ليالي : ( بلمسة حنينة على ظهرها ) غير تناقشو اطاطا ! تاحاجة ما بزز
رؤيا: ( بعيونها لمحت خديجة ساكتة ) خدام نفس خدمة بابا ؟
خديجة: لاحبيبة ! بعيدعلى داك دومين
اسماء: اهاه ! زعما شمن دومين؟
ليالي: انجنيوغ ديطا
اسماء : ( شافت زينة ) مهندس ياك ؟
زاينة: اياه ! انا شفت الولد تيبان مأذب
رؤيا : انا باغة نكمل قرايتي ! عمرني فكرت فالزواج اصلا
ليالي : شوفي اطاطا ، سي نوغمال يجيوك الخطاب ، بغيتي تسولي على شي الحاجة عللى يعقوب سولي العادي
..ساطت بهدوء ! رؤيا ولو تتعتبر مزال صغيرة لكن الزمان عطاها فكرة مسبقة ، ماتكذبش انها راسمة شروط لشريك لي مرة مرة الخيال يذاعب خيالها هيا تتفرج فيلم او تتقرا قصة ، باغاه عطس باباها.. لانها شافت جانب صعيب من خدمتو ، شكون يقدر يهضر معاه فالصباح ولا لليل و نهار ينوض يغوت الحيوط يزعزعهم ، عاقلة فاش خديجة تتهزها و تزيد خلفة ! وعاقلة نهار تيتعصب يدخلو بيتهم و يسدو عليهم ، لكن لي ماكنتش تتفهمو هما علاش مكملين ؟ مع اسئلتها واجوبة خديجة تتوضح صورة تتفكر الجملة معلقاها حلقة فوذنها من خديجة ...
_الصبر و الحب لكن ماشي على كرامتك
رؤيا: ماعرفتش اطاطا !؟ نتي ماما شنو قالك بابا
خديجة: القرار بين يديك ابنتي ، الناس الله يعمرها سلعة
زاينة: رؤيا واش شفتي الولد ؟
رؤيا : فالباب وصافي
اسماء: ( مكسلة شادة تلفونها ) انا قلت مع راسي راه يجري عليه جدرامي ولكن ساير يخلع غير فينا..
ليالي: شنو قلتي !؟
رؤيا : تيسكنو فمراكش ؟
ليالي : نو ! كندا
رؤيا : ( بتردد ) طاطا انا مزال بغيت نقرا و ندوز بيرمي
ليالي : تقدري هادشي ديريه ونتي مزوجة ! بحال ريم مع اذيب ؛ تزوجت و كملت قرايتها و خدمت و الحمد الله ربي كمل عليهم
رؤيا : اوا هاد ولد غير شافني بغازاغ عجبتو !؟
ليالي: الا قبلتي تقدرو تعارفو وشوفي مع ماماك
خديجة: ( قلبها مشدود ) شوفي ا ماما ! الوالدين هما تيزوجو بناتهم ؟ ( سكتات تاشوف فيها ) حنا نهضرو علينا ابنتي اوك ؟!
رؤيا : ( حركت راسها ) وي
خديجة: نتي ابنتنا الوحيدة ! الا جبدنا ليك الزواج ماشي بغينا نتهانو منك ولا شي حاجة بحال هكا؟ العكس ابنتي ، بغينا نشوفوك مرتاحة و الحياة هيا هادي يجي نهار و تزوجي ، لكن المكتاب دق باباك بكري و مع الناس بحال نفسننا! عليها باباك استقبلهم و خلا ليك الحق اختيار..اما قراية راه نشرطوها عليه و خدمة كدالك
اسماء : ااه ! كتبوها على ظهر العقد ..
خديجة: نتشرطو بالخير و بالتي هيا احسن ! الا كان ولد الناس وباغيها بالمعقول راه هو يعاونها
ليالي: من هاد الموضوع ارتاحي اخديجة !
رؤيا : ( سكتت تفكر ) نفكر ورد عليكم
ليالي : هو بقى ليه اسبوع و يمشي
رؤيا: الله يوصلو على الخير اطاطا
خديجة: ( عنقتها جنب ) هانتي سمعتي بوذنيك قولي ولد خالك تتفكر
زاينة: من حقها ! حياتها هادي تفكر وتعاود
ليالي : اوا صافي ماعلى رسول الا بلاغ ! ( شافت خديجة ) نعطيه رقمها ؟
خديجة: من أحسن بلاش ! تنشاور فاروق
رؤيا : ( تتحك حاجبها ) وي بابا مايبغيش ، ولكن اماما راه ماعارفة عليه والو
خديجة: سولي طاطاك !
ليالي : تسولني ونجاوب وي ! مي ماشي بحال منو ليها
زاينة: عطوهم وقت يهضرو وخ غير بتلفون
خديجة: ماعنديش مشكل تايقة فابنتي وفاهمة شنو بغات تقصد ، ولكن يكون بأخبار فاروق لانه الا اعرف مور ظهرو هاد صواب لي قابلنا بيه الناس يرجع معيور اباها و عارفاه
ليالي: اوا تشاوري معاه ، انا نجاوبو بهادشي لي قالت رؤيا ( عنقاتها تتبوسها ) ربي عالم بمعزتك احبيبة و بغيتك ليعقوب
رؤيا : ( بخجل ) لهلا يخطيك أطاطا و يخلي ليك جنى
...كملو حوارهم ، وفجأة دخلو عليهم دراري فرتكو لهم المجلس ، شوية بشوية كلها هز سيارتو و اولادة و اتجه للدارو ...
_بيجامتها قصيرة ناعسة فسريرها مع تلفون و موضةع خربق لها راسها ، دخلت انسطا أمير هيا متأكدة تلقاه فلاليست لي زامي ...ثواني طلع لها اسمو بصورتة بروفيل، دخلت تاتبحث فصفحتو ، لقات فقط صور طبيعية بكندا و اماكن بعض مؤسسات تعليمية و اخر صورة حط ليه فالبحر ..
رؤيا: ( تتفلي وجهو قلبت شفايفها تتكلم ) يصدق شي واحد تاهو تيتوحم على حوت فرمضان بحال بابا !
...نهار قالت لها الوازنة اتخلفيني ؟ ماكذباتش ، نفس المعاناة و الروتين اليومي...صوتها مسموع لكن لا من مجيب
زاينة : ( خارجة من حمام ) بغيييت غير نفهم الفوطات لي حاطاهم ديكور تاهما تجبدو !؟ واابزاااف
عمر : ( هاز رضاعة تيشوف فيها ) صمت
زاينة: زيااااااد ! زياااااد
نوصير: ( خارج من بيت تيهضر برود ) مالك دبا على هاد الغوات !؟ مالنا ؟
زاينة: عيييت و تهديييت ! الناس يقضيو شغلهم مرة فالنهار انا تنقضيه عشرين الف مرة ..عيت نوصي و نهضر وو نفهم
نوصير : ( تيهز عمر تيقلبو و يشقلبو تيهضر ) خليهم هكاك ! نقصي من اعصاب
زاينة: دبا غير فين هو !؟
نوصير : راكي عارفاه بالعشية فين تتكون بلاصتو راه فالحومة مقصر كرة ! صافي ميكي
زاينة: ( ضربت فوطة بارض ) انا غادة نخوي ماشي عير نميك ! مالي على حالتي، العام كلو تمارة و شهر عطلة نتفقص
نوصير : ( هز عمر تيبوسو ) ومااالكي دبا ؟ جلسي خلي كلش مرون شكون تشكى ليك
زاينة: نفسسسي حااارة ! مانقدرش نشوف روينة و نجلس ! سبرديلات عيييت نهضر عليهم! تلقاهم فالبيت ، شيييتة سنان غير مرمية اما سينيال والله لا تسد ، بابي دوطواليط تلقاه مزلع
نوصير : صافي هدا غير حسام ( تينادي عليه ) حساااام
حسام: ( من دخلة تيهضر ) آماااشي انا راه عوووماااار لي هز داك كاغيط
زاينة: تما حيدو ليه ! او عمر يعرف يحل الباب حمام ؟
حسام : ماشي انا
..زاينة: ( شدت راسها تزيرت ) عرفتي اش دير !؟ انا خويا نهر قشي انمشششي عند يّْما ارتاح ليا ، ماالي عللى صحتي لهلا يقلب ابعدا لاعين شااافت لا القلب وجع
حسام : ( تيشوف فيها يشوف نوصير تيعض شفايفو ) راه مااشي انا
نوصير: فين تمشي تشدي طريق بالعشية ؟ خلي غدا نوصلكم
زاينة : ماتوصلني مانوصلك ! حدي خميسات تاالغد ليه عاد نصبح فالعروبية راه نشد لوتروت ..
نوصير: ( حط عمر مع خوه حرك ليه عينيه يحضيه تابعها لبيت ) امي كورااصون ! ووواززاينة
زاينة : ماتهضرنيش ! راه ندير صبعي فوذني نغوت ويييك ويييك اعباد الله ، انا ربي من جهة انت تخسر من جهة و مبررررد
نوصير : راه تنهضر معاهم ! الا زدت معاهم فضد راه نفلعص شي واحد فيهم ؟ الدراري ماشي هما البنات
زاينة : زيد فقصني ! انا كرهت نولد البنت لي تحن فيا و تكبر معايا ، راه الكبير خوا الدار وتاني طالع كاليه شي ماتعرف و صغير تابعهم ،
نوصير : ( تيجر لها صاك ) جلسي ماعندك فين تمشي من بعد نوصلك
زاينة : ( تتحيد ليه صاك ) غااادي نمشي ! الا زدت دقيقة نتسطى ولا ندير شي حاجة فراسي
نوصير : ( تيخرج حوايج من صاك ) غداااا نوصلك ، واجي نتفاهمو
زاينة: راه انمشي هيا انمشي !
نوصير : ( قرب لها واقف اعليها زمجر بغصب ) زااااااينة ! راني على نقشة ، مااتكعديش فيا داك زانزان لي الداخل؟ صافي غدا نوصلك
زاينة: ومااااتوصلنيييش ! واااعندي خرشااشتي ! هاد الدار هيا لي منجلس فيها
نوصير : اولادك ؟!
زاينة : لي بغا يمشي انديه
نوصير : ( شد جنبو ممحن ) ياااربي على هاد المراة ياااربي ..
..جمعت صاكها و بدلت حوايجها ، دازت بيت دراري هزت حوايجهم ، حطت صيكان هو هاز عمر يعنقو و يبوسو و حسام واقف فدروج ..
زاينة : فين غادي انت واقف تما ؟
حسام: عند حْنَّا ..
نوصير : ( وقف ماد لها عمر ) وااعقلي
زاينة: عااقلة ! هانت ولدك ديرو مابغيتو ..
..هز لها صيكان حطهم فكوفر و حسام ركب راسو و عمر حطوه فسيج دراري و هيا ركبت دوزت كونطاكط
نوصير : ديما زربانة و معصبة ! غدا مادا ماجاب
زاينة: عندك انت ! انا راه قلبي يطرطق
نوصير : حظي راسك و صوكي مزيان فطريق !
..ماجاوباتوش ! مرضها لاهو لازياد ..بقى واقف تخرجت من الفيلا و جبد تلفون حول الخط لزياد
زياد : آبابا
نوصير: بابا ؟ ماكاين لي يخرج عليا مع امك من غيرك اولد الهم ! شووف تمشي عند خالة خليفة كولها كالك بابا نوصير ولد الوازنة بغاك غدا تجي تخملي ليهم الدار وتجيب لي يعاونها
زياد : علاش فين ماما ؟
نوصير : مشات شلوح ! غداااا فالعشية اربعة لقاك هنا نشدو طريق نتبعوها ، عارف مك مريضة وبالها ديما معاك
زياد: ( باسف ) واخة ! انا غادي نقضي غرض لي قلتي ليا
نوصير : ( قطع خط و مشة داخل فيلا نبيل عند الوازنة ) الواااليدة
الوازنة: الحبيب ! ( بمزحة ) هادي زاينة جرات عليك
نوصير : ( هز راسو بحزن ) خوات لنا الدار الواليدة
اسماء: ( دخلت تتضحك ) حق مولانا الا عبرت عليكم
نوصير : ( مسح نيفو ) نيشان !
اسماء: ههههههه دبا لاش جاي عدنا هههه تشكى ؟
نوصير : نشوف امي ! ( باس راسها ) اش داني الواليدة لشي زواج ! دراري كبرو و خرجو ليا العقل الله يسمح لنا من والدين
الوازنة: كلها وحقوو ! الحبيب
اسماء: تكون مشات شدات طيارة تركيا ! داكشي افلام
نوصير : ماعندهاش باسبور
أسماء: ميييرد
....جالسين مجمعين ! الحياة رجعت نفسيات ، مرة موراال طالع مرة هابط ، العائلة تتكبر باحفاد ، حطت لهم أسماء العشا و تعشاو و زياد جالس حدا نوصير بيناتهم الوازنة توصي و تنصح ، نبيل متكي حداهم و تيسمع صوت يوسف محيح الفوق ..
الوازنة : اوا الاحباب تصبحو على خير !
نبيل: ( دار عندها ) عيتي الواليدة !؟
الوازنة : هدا جهد الحبيب ! تصبحو على خير
..ناض معانا زياد تادخلت بيتها و رجع جلس معاهم و جات حداهم نعمة لي هازة للعبة فيديها و بقات تتدور جنبهم
#زياد : نعمة اري نشوف لعبتك
نعمة : ( مداتها ليه ) روبيك
زياد: اللهم زدني علما
نعمة : ( بنظرة اعجاب للعبة ) ماتحرك والو
زياد : ( مدها لها ) شكرا ! انتي اخيتي ظريفة
نعمة : و كفاش ظريفة ؟ علاش نتما ماشي فداركم اخويا ؟
نوصير : ( قطع حوار مع نبيل جاوبها ) بعناها اعمو
..فبلاصة حشمت مشات عند نبيل مخبعة ! زياد وحيد تتزعم عليه مع خوتها فقط ! هيا طبعها ماشي خوافة ولا عسيرة كلام ، هيا تتختار الناس لي جاوها على كانتها ....نوصير و زياد مشاو دارهم ونبيل ونعمة طالعين بيتهم بعدما طل على توام لقاهم تيتفرجو فيلم داز بيت نعاس وهيا ضربة ريحة كريمات
نبيل : اشوووري اااماااشااا
نعمة : ( تتبتسم ) بابا صاوبت جهة وحدة
نبيل: ( تكى جلسها جنبو ) دقة دقة ابابا تصاوب ليك
اسماء: ( تتدهن شعرها ) نعمة اجي ندهن لك شعرك
نعمة : ( طولات فيها شوفة ) لاء
اسماء: اجي يرجع فيه بريون
نبيل: صافي؟ هدا جهدك توريها تخربيق
اسماء: وريها انت لي ماشي تخربق ! ( شدت يديداتها تتدهن لها كريم ) شمي ريحة زوينة
نعمة : يزلق ليا يدي ! ( شدت للعبة تتزلق ) سوقي قالي مابغيتش
اسماء : سوقك ؟! سيري بلاصتك تنعسي
نعمة : نعس مع بابا
نبيل : ( بلطف ) كبرتي ابابا تبارك الله، خاصك تنعسي بيتك
نعمة : ( شافت فاسماء تاني مطولة ) تاهيا كبيرة تنعس بيتها
اسماء: آويلي على هيا !؟ ماااماااا انا
نعمة : فزنقة علاش ماتتخلينيش نقول لك ماما ؟
نبيل دور وجهو مخنزر وهيا دارت ديك ضحكة صفرا ...
اسماء: باش مايضربوناش بالعين
نبيل : (تحت سنانو ) العين ؟
..نوض نعمة داها بيتها ، غطاها و صاها تقرا القراآن تنعس ورجع عندها
نبيل: ماراضياش يعرفوك الناس والدة؟
اسماء: ودبا غير فهم !
نبيل: ماعندي مانفهم ! نتي تتقلبي عليا ؟ ونيتي تشدك
اسماء : مااشي انت لي تتخرج مع توام ونعمة ويبقاو عليا فزنقة ماما ماما ! كولشي تيبقى حاضيني
نبيل: انااا لي حماااار ! دايك افران ، ونا تنكووول مال يوسف تيكول ليك اسماء ؟
اسماء: على عينين الناس
نبيل : وعلى نيتك نااقصة ! ناس والدين ااولاد مقاتلين عللى كلمة ماما ، و السيدة بغى تنكر
اسماء: صمت
نبيل : بديييتي تعوواااجي ! انا الا شدتني حالة راه نعطي لمك سلخة ما تنسايهاااش
اسماء: ( تتبعد صبعانها تتشوف فيهم ) صمت
نبيل : معاااك تنهضر
اسماء: غدااا ؟ غداااا نكتب فجبهتي اناا مااامااا ومزوجة
نبيل: اوا طنزي ! نهار نحصل شي حاجة نذبح مك من الوريد
أسماء : ماتهنات غير الشلحة !
نبيل: شلحة راها مضلومة مع نوصير ، اما نتي معاونك فكولشي ماحمداش الله ، قلبي عليا
اسماء: ( شادة ضحكة وهيا طلقها ) هههههههه ههههههه نجيب ليك شي اناناس شتك سخفتي بالغوات
نبيل: ( زلقت ليه ضحكة ) مصاب كن ترجع ديك الايام! كنا الراس فراس ..
اسماء: لهلا يرجعها عليا ! العصا لي كليت مانساهاش ..
نبيل: ضلمتك ؟ ( اكد لها سؤال بعينيه ) جاوبي
اسماء: المكتاب هداك تينزل عليا !
نبيل : صليتي صلاتك !؟
اسماء : صليييت ( حلت فمها عاضة على لسانها مدورة وجهو )
نبيل: ( حصلها ) نااااري على صليييت !ظهر قلتي فيك ليغيكل ؟
اسماء: اوو توووضييييت !
نبيل : نوضي سدي الباب نوووضي
اسماء: ( ناضت تتسخط ) يعطيني قطع لسااني
نبيل : ( حيد تيشورط ) اليوم نفاريوها
اسماء : ( تتملحس ) آغير تنضحك معاك !
نبيل : تانا غير كلت ليك ! حسابك اليوم تقال ، سيدة مانعة دراري يكولو لها ماما
اسماء: وغير فإفران كان دنيا عامرة
نبيل: اياه ! راني عارف ، باغة يجيوني خطاب فيك
اسماء: ( سرطت ريقها ) او تزوجني زعما ؟
...غير كلملاتها ناضت تتضحك وهاربة ماجا فين يمد يديها حتى طارت تتضحك هو يشدما من عنقها مهبط راسها
نبيل : ضسرتي الا !؟
اسماء: ( تموت من ضحك ) ههههه صافي والله مانعاود نضحك ...
...هزها تاخبطها مع ناموسية ، تتضحك تاتضحك هو مبتسم للضحكها ، تا عنقاتو تتشوف فيه
اسماء: اوا شنو !؟
نبيل: ( غارق فعويناتها ) من عندك ! ( رجع لها شعرها للور ) معمرة عليا داري وحياتي خاصك شوية العقل
اسماء : بعقلي !
نبيل : اوا انا لي هبيل
اسماء: الله يشافيك
نبيل : ( عنقها بقوة تيقبلها ) مهبلاني
....كل ماسبق كان حزن و تواصل عقيم و نعدام حوار و حواجز بينهم ! تلغى ! كانه عمرو ماكان ، #الرجل_الصامت اصبح دو حس ! و حس فكاهي ، تعذبو بزااف و لكن تشبتهم و الصفا نيتهم وصلهم لهما فيه الان ! ضحك و اللعب و الحب و العشق كبير تكلل باولاد ! هو تيقول ناقصها عقل وهيا تتقول كثرة الغيرة لكن ولا احد تيذكر الفراق ولا ينكذ ولا يفوتو بعضياتهم ، يتشاجرو مرات فاليوم و يتصالحو ..
نبيل : ( جرها عندو عارية ) نعستي ؟!
اسماء: اممممم ..
نبيل: عيتي !؟
اسماء : امممم بزاف
نبيل : شحال ماكلتيها ليا ؟
اسماء: ( فتحت عينيها ببطئ فصدرو ونطقت بصوت ناعس ) تنبغييييك
....ابتسم مقبلها فراسهاا و حاضنها بقوة كانه مالك الدنيا
يتبع...
التعليقات
لا توجد تعليقات بعد، كن أول من يعلق.