مع دخلة افراان من جهة طريق حاجب ازرو دخولا بالبوابة افران شلاال المعروف و اشكال المنازل بسقوف مجهزة للثلوج، تتحس برااسك فالبلد خارج المغرب ، مدينة افران او سويسرا المغرب كمل لقبوها مغااربة ..
نوصير: ( هو لي كان صايك) البرررد
خليفة: ( جلسوه للور) ازوووينة هااد افراان
ابرااهيم: ( تيشوف شواارع) كااانت زوينة !! جا لها خليفة الخليفة عالله
خليفة: عاودها لمك ..
..مورورا بشوارع مزينة بالورود و اشجاار و معلمة للاسير الفرنسي لي حول الصخرة للسبع
خليفة: اياااو !! كن جبت بانيو ولا وصلة خبز السعدية قاضي غرض !! شووو عطيني هادي د ربعمية غير بمية و ستين ريال
: اصااحبي تتمازح !! تمن هو تمن
خليفة: تتبيع ليا دوايبراان !! شوو نعطيك الفراانك ساعة و نجيبها ..
..مْرض مستأجر تاعطاها ليه بنص ثمن و جاي جارها قاصد قمة الجبل هو تيطلع هو تيزيد يصغار مع قصورية تعطيه 15عامم ..طلع قمة و جلس يقاد بلاصتو ضرب برجليه تم هابط مزحلق ..
خليفة: وااااااع وااانووووووصير ووااا فكووووونط ..وااااه و عالااااام ..
نوصير:( شعل تلفون تيصورو ) هههههههه
..نازل بسرعة داير عندهم تيضحك تاشافهم قلبو وجهم تسمع زدااااااف
..خليفة تم طالع تااني هيا تبان ليه بلاصة مجمعين فيها البنات قصدهم و اراك ضحك و نشااط كل مرة منزل وحدة موراة تتزحلق و دراري جلسو شد قهوة تايتفرجو فيه ..
نوصير: شووو القااصير ليه لمن صدقاات
ابراهيم: ( غير تيتفكر مراة لي طيح تيضحك) ههههههه علام حق ررب ..
....مركزة مع بيسي و تتشوف اخر مستجدات فالعالم ديزااين ، عملها الوحيد ترتاح فيه و تاتلقى فيه نفسها تتعيش بذون قييود ...تاسمعاتو تيبكي و مغيث تيعيط لهاا
مغيث: ليااااالي
ليحطت يدها على قبلها تيزدح ...توحشااتو مناذااتو ليها وهيا معطلة عليه او تيناذيها يشاهدو فيلم ..تفكرت اياام خوالي و الحب و عشق !! شتت نظرهاا تكبح دممووعهاا تتبحث على ليالي لي واجهتو ليلة مواجهتهم !! مالقتهااش ..
نساايه !!
ماتفكريش فيه !! كرهيه
كلام بسيط و سهل القول للكن للقلب كلام اخر ..( طلعت راسهاا تتبحث عن هواء رافضة استسلام للمشاعر ، اصلا حياتها ماوقفاش على مشااعرها !!-حياتها متوقفة على #ليالي ليالي لي اليوم كتشفت انهاا طفلة حبسية جسد امرااة ..
مغيث: ( هازو تيبوسو ) ليااالي !!
ليالي: ( هزات راسها تتشوف فيه بسهوة) وي
مغيث: امير تيبكي ماسمعتيش !؟
دون جواب شداتو منو دخلات بيه البيت وردخاتو عليه خلاتو غير تيشووف ....ليس احسن منها حالا !!
ينكر !!
يتهرب !!
يتباهى برجولتو و عنادو للكن روحو مربوطة بيها !! تيفهمها من نظرة و باحة صوتها و كلامهاا ....
مغيث: هاااناا معااه !! ارتاحي باش لليل تسهري الا نعست اناا !! اوكي !؟
..حركات رااسهاا و دخلت بيتها تتقرا دواه و تعاود و تشوف فتلفون مقالات اطفال مرت سااعة تاداااهاا... نعاااس ...دخل هازو حطو حدااهاا و غطاهم و بااسو و بااسها من جبهتهاا و خرج تاتيسمع مساج
📧: مونيا: حبيبي راك جااي !؟
📧: مغيث: نوو
📧: نتشاوفو غدا !؟
📧: مغيث: جوطابيل b8
..حط تلفون تيخمم فحياتو !! تزوجها كردة فعل لا بينهم عقد زواج صحيح و صداق !! عندها واجبات عليه ، تزوجها بسب رجولتو ماغاديش يخسرها امامها ..ضريبة واجب يخلصهاا...تتبقى تاهيا مراتو و تتعامل معاه بكل ودية ...
...مداهش نعااس كل شوية يطل على امير و يقيس حرارتوو و شعل تلفزة تايتفرج ، وعد عطاه نفسو ان ليل يجي يلقاه فدارو مع ولدو و مراتو ..تارن هاتفو لقاه نبيل ...
كانت مور الباب تتسمع مكالمة ...مزيرة على يديها كارهة نفسهاا فهاد للحظة تتجسس عليه!! صراع بين قلب ناسيه و قلب مفكروو ..صرااع بين حيااتهاا على محك و مشاعرها معذبااها !! توحشت مهاا و توحشت ااي حااجة كانت قبل من الصبااح المشؤووم ..
....ضلم الحال من بعد ماكلاو دجاج اسبوع و خليفة خالق نشااط ، تصل بان عمو كاليه رااه حنا جاين ..
نوصير: ( جبد تلفونو لقاه طفى) تفوو ديشاارجا ..
ابراهيم: ماجبتيش شارجور طموبيل !؟
نوصير: الااا !! بقى فطموبيل لهيه ..
خليفة: ( جاي تيجري كزو البرد) ويلااه !!
نوصير: ( تيشوف فيه و تياكد ) القاااصر !! عااارف طريق !؟
خليفة: وايه وصااحبي غير زييد
ابرااهيم: ومااباقاتش فطريق !؟ واش هاد ولد عمك عندو غين نباتو ولا نشدو طريقنا ديورنا
خليفة: لاعندو عندو
نوصير : ( زفرر) والله مااانعرفت غير زاطمين وصاافي ..
..مخدمين موسيقى وشدو طريق للتمحضيت نواحي افراان ؛ كانت طريق معبدة لاكن جوانب طريق كلها بيست و احجار و جبال تتدل على دخول غابات و البادية ...برد قااصح ...وخليفة مرة مرة يتصل بولد عمو تينعث بيه طريق ...على دخول لابيست هيا طموبيل بذاات تسني
ابراهيم: ( طل على طابلو) مالها !؟
نوصير: ( تيدوز دوزياام ويخفض فالسرعة) الا داارتها هنا دنمك بقيناا
نوصير: ( قرطاس تلفوون تيسمع صوت جري موراها و سي صوت مألوف) خليفاااا جررري
خليفة: ( بلهجة جبلية) أَنْموووت انموووت ..
فجأة سمعو صوت رجال تيعطو لهم ببلهجة شلوح ..
: امااا تجريش مااتجريوش ..عالحلووووف الحلوووف
نوصير: (وقف رااكع تيرد سووفل) حلوووف
ابراهيم: ( تيلهث)امي قلبي ااااه
خليفة: حلووووف فينو فينوو
...مارجع فيهم الروح شافو جوج رجالة هازين بيل فيديهم موكحلة على كتفاهم وللهجة شلوح اطلس غالبة عليهم.
....كانو صيادة من المنطقة تقيلو الحلفوف البري لي واكل الناس رزقهم من البيض و الدجاج و الفراخ تتوصل بيه درجة يقتل بنادم ...سلمو على دراري رغم صعوبة للهجة امازيغية اطلس حاولو يتوااصلو بينااتهم ..نعث لهم خليفة السكنة و صلوهم حتى السكنة هماا تيقربوو و ضواء تتلائلأ...على مايبدو ان هنااك فرح او منااسبة ...
احدى صياد: ( تيخاطب خليفة) جاين عند راايس موحى !؟
خليفة: لا ولد عمي خدام هناا فالفران
... : امرحباا مرحباا ..
..قربو الدار لي كانت مبنية من احجار كانت سلسة ديور لقاو شي رجال مجموعين تما ، تسالمو و شكرو الصياد على عملهم و خليفة تيفرنس عد شاف ولد عمو ..و سلمو عليه دراري ..
ولد عمو: ( بلهجة جبلية) اتعطلتي ابن عمي !!
خليفة: البَّااارطْ اصاااحبي هناا
ولد عمو: ( تيمسح نيفو و ياقاد قب جلابة و ابتسم لدراري) امرحباا مرحباا ..زيدو دخلوو
نوصير /براهيم: شكراا / الله يحفظك اخااي
...دداار كانت بسيطة مع دخلة كاين روبيني حداه طبلة فيهاا الماعن و بنت تتغسلهم لالسة زيف من ترات امازيغي و لابسة قفاطن و وعليه صوفية ...دخلو البيت طويل بيه افرشة فالارض من بوشرويط ( زرابي تصنع يدوياا من النساء) و البوطة شاعلة فتيلة .....يلاه جلسو حطو لهم اتااي و الخبر و زيت و عسل و زبدة و طبسيل فيه غريبة واحد فيه قرااشل
البنت تتمد ليه ولد عمو تيحط على طبيلة لي تماا و يرحب بيهم؛ هو بنفسو ابن البادية من تازة لاكن ولد الكرم و الجود ..تيرحب بيهم و يعااود و داراري قتلهم البرد تاعطاهم بطانيات صوف مخدومين يدوياا من الشلحات حراات ❤❤....سماو الله يمدو يديهم ، اكل بسيط الناس ابسط لاكن الا قصدتيهم يحطو كل ماعندهم مهم تبتسم ليه و تكبر بيهم كما مكبرين بيك ..
خليفة: حمد الله ..الله يخلف
ولد عمو: ( تيطول هضرة مازح) اخليييييفة كاااا يْخلف حشووو
خليفة: الله يْنورك ..
نوصير: الله يكبر بيك اخويا
ولد: عمو نهار كبير هداا !! جيتو مع واحد عرس عند نساابي زوجو بنتهم
خليفة: ( كان يمسح نيفو هو يتبلوكاا) ...كَاتزوجت !؟
ولد عمو: وشنووو !؟ اوا المراة فجبل مابغات تبعني بغات المدينة و تخدم هااهيا ها الخدمة!! انا فرحاان اودي اخليفة بيزاااف
ولد عمو: قووولتها لهم و قولتها تا المراة !! انا زوجت حلالا طيباا !! الناس هنا مخيرين و ربي جاب لياا واحد المراة كُوركَاع مقشر ..
نوصير: الله يسخر !!
خليفة: نيشاان ! عايش بخير !؟
ولد عمو: عرووبية هنا عرووبية ليهاان ( هناك تازة) كا هنا شويش البٍَارط وصاافي ..اما خيدمة مزيانة و افران فصيف مخيرة كااع و المراة معاونة محجبين حسن من ديك موصيبة لي كنت مزووج
....حوار طال و من بعد مارتااحو مشاو عند نساب ولد عمو تعشاو و كبرو بيهم الناس بساط و فرحهم ابسط ..تاكلها شد بندير و زير رزتو و طلقو لحيدوس ناشطين ..دراري عجبهم الفلكور ولد نبدة صغيرة من ساكنة لان حيدوس تيكوون بالفرق مختلط بين نساء و رجال بلبسة شلوح و مايسترو مرأسهم بالبندير و سلهام ...
...نفس بيت ولد عمهم فرشو لهم و نعسو بتلاتة بجواكطهم و برد تيكزو ، حسو بنعمة مزافيل و بيت مسدو وساخن مع رااسك ، معاناة ناس الجبال و الباردة خصوصا مناطق الثلجية تيخدمو على الحطب كثر مايخدمو على الزرع ..
خليفة: أيماا الحبيبة والبااارد
نوصير: بررربي و تتسرط لساانك تنوض نبرد فدنمك هاد جنوون لي فياا ..
...رجعت تكمشت تتفكر تتعاود ، من لبارح هو غير سااكت جاب لها من مارشي خضر اول مرة تشوفهم مثل سبانخ و بروكلي و فاكهات و وقف عليها بليل تاشربت دواا طلعها تنعس ..
اسماء: ( عاطيها بظهر و هازة صبعها تترسم فظهرو فوق تريكوه) فقر دم دغياا نبرا منو
نبيل: امممم
اسماء: كالت ليا خالتي تبقى تجي المراة تخمل !؟
نبيل: ( بااغي ينعس مغمص عينيه حاشي راسو تحت ) صمت
اسماء: شنو خرج فتحاليل !؟ ماكلتيش ليا !؟
شافتو سكت ..تكسلت على ظهرهاا تتحس بوجع خفيف عرفتها هيا ناضت حماام قلبت راسها لقات نقيطات ..خرجت جابت سليب و الويز هو متبعها بعين غير شاافها هازة الويز عقدهم ماعجبو حال ..قربو يقفلو تسع شهور مكااين حمل ..نااض من عكز تسناها تخرج هو دخل دوش و لبس حوايجو و هز تلفونو تيبقش فيه ..
نبيل: ( من عينيها تيدورو عرف ماشا لي فيها تتخطط) مالكي !؟
اسماء: اناااا ( قلبها تيزدح هو هاز حجبانو فيها منتظر جوابها ) اناا فااش كنت صغيرة !!
نبيل: ( هز يديه بجوج ) هاا ماهاز صمطة ولا سلاح !! طلقيني
اسماء" ( فنفسها: تيكولك الا بغيتي تشوف سبع طلع غابة اناا جاي عندي تاداار ) رااه الا ماهزيتش خيط و للابرة مانرتااح ..عطيني غير تلاتة سوايع نخيط فيهم والله مانتحرك بزااف و نعس بزااف
نبيل: ( تتعز عليه لاكن ماينساش الخدمة لي خداماتو و فلوس لي لقى عندها ! يوميا تيطلع سطح يشوف واش التواب بلاصتو و خيوط كدالك وحاسب فلوس لي تما ..عرفها سمعت هضرة لاكن طموحها مقلقو ..خاف يطلق لهاا تكوليه الله يعاون اشااون..كل هاد افكار تتضخ فدمااغو بسرعة الرعد) نشووف
اسماء: ( تقمعت و حنات راسها مكرهة..هاد احساس بذات تيخليها ترد قلبها و يبقى يتحك بالفقصة ) صمت
الوازنة: ( ربعت يديهاا) شهادة حق !! بعقلها اولدي ، انا تتبقى فيا فاش تتعاود ليا على امها باغة فيهم غير مصلحة !!
نبيل: ( تيشرب قهوتو عقلو تيحسب خطوات ..بنت لي مزوجها ولو عارفها مطورة لاكن لمس قلبها الابيض مايقدرش يغامر تاطيح فشي كارتة ولا يزيدها شي احد او يتغرر بيهاا ) مهم الواليدة اسماء مرضاها الخياطة فصحتها انا تكملي لياا لي خااصني !! خلي جارة تحت تعلمها لاكن ماتشدش خدمة من الناس و تخلص ..
الوازنة: الله يرضي عليك اولدي !! راها مسكينة تتقنط بين حيوط و صنعة تاتستر ويلا ماغنات تقنع !!
نبيل: الواااليدة لي بغاتها تحضر!! تخدم و للناس تصدق تتعطي جهدهاا ، بحال تنخوي الما فرملة راها مريضة فصحتهاا مهلوكة...
الوازنة: وخ وليدي !! نت تعرف انا لي عليا نوصي نجمة !!
..من بعد مافااقو فالصبااح بكري و البرد لي باتو بيه فاقو بيه صبعان رجليهم جامدين .....ريحة اتاي بنعنااع و الخبز ومحراش شلوح ( خليط مابين حرشة و ملوي) تتضرب فالداار ....صبحو على ولد عم خليفة دائما الابتسامة ..مد لهم بيدو الما باش يغسلوو و فوطة نقية ..الجبال حاجب عليها رؤية الضباب ...
ولد عم: مرحباا و قبلوو عليناا
نوصير: الله يعزك اخااي نتما لي سمحونا
ابراهيم: شكراا
..خليفة حنكو يطرطقو بالبرد من نوع لي تيرجع حومر بالبرد من حنااكو ...فطور مع الجو طبيعي والهواء نقي و ريحة اتااي شلوح و محراش لا يعلى عليه ..فطرو تمو خارجين ينزلو طموبيل..
ولد عمو: ااا الخليفة !!
خليفة: ( تيغسل يديه مفرك لا يقيس سروال) انعاام !؟
ولد عمو: كاازيت لي خااص طموبيل !؟
خليفة: شي فووطة ابعداا !!
ولد عمو دار تيغوت ليهم فووطة تا جايباها ليه بنت فعمر زهوور لابسة بيجامة طويلة شداها بفواطة ومشمرة على كمام و البوط فرجل زيف على رااس
بنت: هاا خَاامْ ( شد)
ولد عمو: اشكراا اودي ايطووو !! ( مد لخليفة فوطة لقاه مبلووكي) اهااك بن عمي !؟
خليفة: شكون هاادي !؟
ولد عمو: بنت نسيبي !!
خليفة: ونسيبي ( عنق ولد عموو هابطين تابعين داراري تاوقف عليهم تيفرنس ) درااري لقيت المراة !!
....تهدن شوية فإنتظار اغاثة للسيارة..اما خليفة منين شااف شلحة ضرب لصق و دراري حلفو لا تحركو ليه !! ماقدروش يميزو ضحكو من معقولو ..خلاوه مع ولد عمو عند الناس تيخطب بوحدو ..
ابراهيم: ( حاط يديه على فمو) امحضررك على القاصير !! انا خداام و رداام و بنتكم فوق رااسي
نوصير: ( شافو جاي تيفرنس ) هااهوو عمرو كي الكلب
خليفة: ( تيسخن يديه ) نوووصير يلاه نزوجك مزال عندهم بنت وحدة هيا لي بقات !! زين الحداكة وشلحة تبقى تهضر غير باشارة
نوصير: ( مربع تيشوف فيه و تيقشر شنايفو بسنانو) خوودها لباك و نقلوهم لعاائلتكم ..
...بعد انتظار و اخد رد ، وصلو عندهم دراري واحد فيهم ميكانيك تقاتلو مع طموليل تا خدمت و شدو طريق و نوصير اعصاب دنياا و دين شاادينوو و خليفة طريق كلها احوزار
حبك نتي جابني بليل ما بيااا علياا
....منين فااقت وهياا تدهن و تعاود فللحمهاا و تخير فلبسياات ووكل مرت تعيط خدامة تاطلبت شرع معاهاا ..منين وصلها منو مسااج انه جااي الغدا وهياا تاتوجد ..ضحكة ما تتجمعش لهاا مع مرااياا ..ضربت كسوة بيضة مشبكة وطلقات داك شعر، ضابغة ضفار فالحمر و ضاربو تعكيرة تتمشي مع للون صباغة ....غااادة جاية قدام مرااياا ..كل مرة ترش ريحة و تقاد فالحجبان
مونيا: ( داخلة كوزينة) كوولشي وااجد !؟
خ: ااه ختي مونيا !! واش راجلك جاي !؟
مونيا: اممم ..شوفي غير يدخل يتحط الغداا !! غسلي الماعن خوي عليا !!
خ: وخ ختي مونياا ..
....طبق الغدا كان حووت بانوااعو و شلايضة وعوااصر ، شاعلة فيه عاافية نتظاار ..تلفون فيديها تتشوف السااعة شادة راسها ما تعيطش ليه !! من نهار العدول مااتشاوفوو، قريت تصدق انه حلم !! لولا مساجاتو لي حفظااتهم...ماقداتها لا جلسة فصالون ولا بيت نعاس لي ضاربة ليه كوفرلي تتهضر ..
...خارج من فرمسيان تشرا لي خااصو و ركب فطموبيلتو قاصد دارهاا ..نفس ضيق و عقل تحد بافكااار ، ليل مانعسش مع امير كل مرة يبكي مقابلو مع ليالي ..نظراتها ليه !! نظرة استحقاار ، نظرو عتااب !! سلم امرو لله مع تفكير لقى راسو امام بيتهاا ، بوقفتو شامخة و نظراتو الحادة نزل من مطوبيل سادها و قصد الدار مع برك فلانترفون تفتح الباب و لقاها فاستقبالو
مونيا: ( سلمت عليه بلابيز) اهلاا برااجلي العزيز ..
مغيث: ( بادلها سلام و ابتسامة) صافا !؟
مونيا: ( شادة فذراعة تتحلون) صافاا بشووفتك ..
..تترحب بيه برموش عينيهاا جلسو فالصالون و هياا حدااه مبتسمة و عينيها تيرمشو بتقالة ....سيدي و شتو بغى
مغيث تشرب شي حاجة اولى !؟
تاكل هو اول !؟
مرتااح احبيبي !؟
....كانت بحال تليبوتيك لي تيسرط دارهم ، ماسكتاتش و هضراتو بسيف عليه ...حطت خدامة الغداا و مونيا بوجها احمر تتشكر طياب على انه هيا لي طيبااتو ..
مغيث: ( اصلا شهية والو..دفع طبسيل) سي بون الله يخلف
مونيا: ( هزات كوريفتاا تتوكلو) ويلي !! من صبااح انا تنوجد غير هاد كرووفيتاا
مغيث: ( كلاها و رجع للور جبد تلفون تيشوف شنو جديد ..هو بيه غير ليالي لا تصل بيه ) ليالي شي كاس الماا
مونيا: ( كانت تنوض و جلست !! عضت على شناايفها ودوزاتها ومدات ليه كاس) بصحة !!
مغيث: ( شدو بابتسامة ابدا ولا خطر ليه على البال ااش قال) ميغسي ..
جات خدامة طبلة دنياا و غسلت ماعن و مشات و تطلق الجو لمونيااا ..
مونيا: ( جلست حدات تتلمس صدرو) مرتااح !؟
مغيث: ( شد تلفون بيدو وطلع فيها عينيه ) اش عندك تما !؟ فيك مااتفوجي علياا !؟
مونيا: ( دوزات صبعها على حنكو دايزة بفمو هابطة على صدرو و غمزاتو تتلاوح شعرها ) آاامر اسيد رجال ..
..مشات بيتها حيدات ديك شبكة و تحزمت بالحزام فيه شناشن و مسحت عكر جهت فمهاا تاخرج شوية تبان سكسي تتشهيه يزيد يبعثرو ...هازة تلكمند فيديهاا مع دخلة طلقت موسيق ...هو طالق رجليه متكي متفرج فيهاا ..على انغاام
اآاااه لو لعبت ياازهر و تبدلت احووال ..وركبت مووجة فسكة امووال ..لارووح لاول وااحد احتجت لسؤال ....
..على سمع ضرب دربوكة ..مع تحركات خصرهاا يمين و شمال و اياادي فالعلو تتلعب بااصابع ، تمايلت يمين و شمال و ترعيدة من صبع رجايها للغاية عينيها ..رقصت و لعبت على وتر هزز ياااوزز ...قرابات ليه بعينين لعوب و نفس الاغراااء ..
مغيث: ( بتسم لها وخرج بحال سد الباب ركب طموبيل قاصد لاصال..) بففف شيييت
وصل لاصال بدل حوايجو دخل يتمرن ، تيشوف ارجاء تفكر موعد تاني لي شافها و تسطى عليها و مدة هو متبعهاا اول حااجة شجعاتو انها داخلة سوق رااسها داخلة خارجة مع مهاا ، عمروو ظن ان امها تكون سبابهم و تفرق بين حبهم ...
...تحدي اااخر صبحت عليه لياالي ، بعدما فاقت و دوشت نشفات شعرهاا و هبطاتو بالبلاك ..فاق امبر بدلات ليه ولبساتو حوايج جداد وصوراتو رسلت صورة غيثة فسناب
📧: ليالي: بيزو mami
وصلها الرد فحال من غيثة
📧: بيزوو امير ❤
...بتسامة صغيرة شفت ثغرهاا ، الام تاتبقى ام و ليالي علاقتها بامها خلاتها وقت تصلحها ، لان لي وقع وقع !! خلات بلاكار تتشوف شنو تلبس و تتحرك عوينااتها بتقاثل تتقلب الحوايج يمين و شمال ..قلبت شنايفهاا ..رجع لها سيناريو القديم ..
🔙🔙🔙
غيثة: نوو نوو هادي تواتيك كثر !!
ليالي: ( بخضوع) اوووك ماماا ..
🔙🔙🔙
..تعلات على صبيعات رجليها بدات تجبد حوايج و تحط فارض !! ااي حاجة ماكانتش نفسها فيها ماشي من ختياارها حيداتهاة!! جابت صاك تتجمع فيهم و بكل حركة جديد تتحس بقلبهاا تيضرب بقوة ، ظنا منها انهاا يعاتبها شي من بعد ..خرجت صااك حدا الباب دخلت تلبس ....لبست جوكينك جلد مع شوميز دجين و جاكيط دجين خلات وجها طبيعة لبست ساعتها هزات صاكهاا و حطات امير فالكرسي و خرجات سادة الباب ركبت فسانسور ...من بعد ركبت فالسيارتها و تتهضر مع امير ..
ليالي: موون بيبي !! ( طلت عليه لقاتو نعس) ..
..باركات فالمول و خرجت بوسيط حطات فيه كرسي و غادة تتمشى و نفس حالة رجعت ليها ..قلبها تيضرب ..تتحاول تنفس و تتشتت نظرها فالمكازات لاكن مجرد تشوف شي احد شاف فيها تترتكب ..دخلت zara ..تتمنظر فالملابس و تعااود ..حست بان حوايج لي ختارت غيثة احسن من هادو و دبا غير تضيع وقتهاا ..او باحرى ماعرفاتش تختار بووحدهاا ...بقات من محل المحل تا رن هاتفهاا لمحت رقم مغيث برود رجعاتو جيبهاا ..
ليالي: ( ملات) بففف نتصل بخديجة !؟ ( تفكرت يوم سبت تكون ترتاح من خدمة) نووو
..ولد: ( داز من حداهااا) سبليوون اخوويا عدناا
ليالي: ( عملت رااسها فعلا انها اجنبية ماشافتش فيه تامشى بحالو هااد طلعت نفس..) كممامر !! بالخلا وجلا خلاتها الجدة ..
..دخلت مكازا اخرى ..خدات لي عجبها و تخيرات و تجهت ماكيااج خترت غوج اليفغ انواع جريئة عصرية و حست بنوع من الفرج فقلبهاا ..انه تخرج بوحدك او مع فلذة كبدك مونسك و تشري لي بغيتي مغامرة زوينة ...بدا تيبكي امير عطاتو رضااعة و بقات معاه تنعس و تجهت صالون حلاقة تماا ، لاكن انسحبت اخر للحظة تفكرت ولدها صغير يشم شي بخودوي..استمعت بالخرجة ولاحظت ان الشارع او الخارج ممكن تمشي بوحدك احيااناا دون مرافق يكون متعة ...تشري لي بغيتي !! تاخد وقتك كلووو دون سرعة او ضغظ الشريك لي معاااك ....ركبت طموبيلتها راجعة الدار ، مسافة طريق طالقة موسيقى خفيفة تتحسن مزاجهااا .......فالدخلة الباب لقاتو واقف عاقدهم شد امير منها -
مغيث: ( باس امير و شم ريحتو هو عاطيها نعاس بنهار و ليل سهير ..حطو بلاصتو خرج عندها) فين كنتي !؟
اخت: هاا !! نتي شادة راجل بالحب مصبرة راسك وانا صابرة على ولادي واش نشردهم !؟ راه تيبروكيلي وصاافي
مونيا: غدا نصيفطها ليك ...مهم كولي ليا اش ندير !؟
اخت: شفتي ضرتك !؟
مونيا: نشوف فيها العمى ! اش نكجدر بيها !؟
اخت: اوا لبسي احمر و خضر و لوزي و ديري العاب خفة ..كاع رجال عقلهم فحجرهم ..
مونياا: ( طلع لهاا موراال) ولا عاليك ....نوض راني معروضة عشا مع البنات
اخت: مخليك تخرجي و دخلي !؟
مونيا : الا هو ماممسوقش انا نكولها ليه ...رااجلي حبيبي ..
...ناضت مورال يطلع فقسم و يهبط فقسم ..ضربات وجه بالمااكيااج و لبست سروال توب و شوميز ولافيسط حمرا و هزات صاكهاا ،مونيا من النسا لي ذاقت فلوس مؤخراا ، خاص كاشي يبان عليها مخلطة ذهب فالعنق و اليدين مع عصري ..ركبت سيارتها و قصدت ريسطورن .....داخلة تتعوج داك طرف عندها تيتمايل سلمات على صحاباتها و تشلاي بالمرياج لي شراتو رااسها و اراك طلق افم كوول .
تزوجت كولو ليا مبروك !!
ااحح لقيت حب حياتي من اياام لافااك مزال مانساني
نوو ضرووري عرس ..وعسل فالمالديف ..
....ااه لقيت ختي حب و تبووكيصة شوفي تواتينا ( تتوريهم صورتهم ) ...
..هداو كانو اجوبتها على اسئلة و بتساماتها ماكرة كانت ربحها من ردة فعلهاا ..من هنا نعرفو ماشي اي وحدة جات تتشالي بخاتم واحد مبوكس فيديها ز جالسة تمجد فيه راه بصح لا ليس كل ما يلمع ذهب فقط صداا مشلل اللمدة اربعشرين ساااعة ..جلسة كلها تترسل ليه مااجاوبهااش ..عيات تصور و تبوزا و ترسل ليه ..
صابح تيفطر مع خديجة لان برنامج تقلب ليه البرنامج من لليل نهار ..وجدت ليه فطور ملكي علامن ماحل فمو توجدو ليه ، فطبلة بوحدهم رؤيا عند بديعة من البارح
..لبست خديجة دجين تريكو صوفة و شال و hugg. فرجل ..دارت كلوص و رشت ريحتها هو للبس دجين و تريكوو زاد جاكيط ..خارجة سابقااه تارجعهاا مصها لها شنايفهاا تا مسح لها كلووص
خديجة: اممم انا مشهية فريز تنشمو فيه
فاروق: زيدي براكا من تقحبين ! قلبي عليا تااني !!
..شادة فيديه هو من خرجة تيزيد يعقدهم ..كان الجو باارد شوية و شميسة تتشرق و تغيب بين الغيووم ..ركبو فسيارتهاا و صاكها هو ظ. و هيا تتاخد سيلفيات ....فاروق معروف فاش تيبغي يبدل جو تيخرج من المدينة شد طريق خارجة على المدينة معروفة بالشواية الكفتة ....طريق كلهاا و هيا معنقة فيه و تتضحك
فاروق: تتقلبي عليا وصافي !
خديجة: هااء !! مابقى احد يعنق !؟
فاروق: ( حط يديها على معلم ) هداا لي تينوض من تعنااق !؟ اممم ( شاف فيها بعينين مارد ) تعطيني شي حوية فطموبيل !؟
....لاجودان معروف تماا ، اسقبلووه كما يجب ، طلب الشواية مشكلة شوية من كفتة و كوطليك و كبد و بروشيط معاهم براد اتاي ..من نهار تزوجو ما خرجو غير الا مشاو عند الوازنة ، كلشي تتقضيه خديجة نيابة عنه لانه اما خداام ولا نااعس ....
فاروق: ( تيحط لهاا و يخوي لها اتاي) كوولي ياكما يبان فيك شوية
خديجة: ( قطعت خبز و هزات طرف كفتة عليه ملحة كمون ريوكها طاحوو ) امممم ..هادي سميتها طااي مانكاان
فاروق: ( تياكل و عينيه تيدورو فرااسوو ) مهم هو تلقى راحتي معاك فالحوا
خديجة: ضحك بااسل
فاروق: يااك اختي !! مهم نتي حلوة !؟
....كلات و برداات ويلا على ضحكو و تخسار هضرة راها دوزات معاه شهور و لفاتو، عيشتها معاه تايحسسها بالاماان و حرية شخصية، ملك بيتها و سيدة قرارات المنزل ، تبعد ليه غير من غيرة لي تتقلبو وحش هاهياا مهنية ..خلص و خرجو متجهين سياارة الطموليل حتى تيرن هاااتف فاروق شاف نمرتها وجاوب
.....رواايض تمسحوو قداام كلينيك بقوة فران ونزل تيجري ماتيقشعقش قداااموو و خديجة تابعااه خلعة شداهااا مع دخلة لليغجونس لقاها جالسة على ركاابيهاا تتبكي ....وقف عليها كي قباط رواح صوت مزلزل
...خديجة دموع طاحوو لهاا تتخيل المنظر تتبغي تسخف ، دخل جهة ليغجونس ماخلاوهش يديخل ، حيح و بقاا يغووت عروق يديه تبرزو زورق و نفس حار تيسوط من فموو بااغي يجندخ و ربي كبير ..بقاا غاادي جاي امام غرفة و تيضرب فالحيط فرمليات خلاوه غلى خاطرو سوكريتي ماقربوش ليه هيبة عندو من الله ..تاخرج طبيب وقف ليه فطريق تايهز يديه بدون كلام هضرر
طبيب: البنيات جوج لي وصلو وحدة فاقت تانية تنحاولو !! برودة مفرطة و نقص اوكسجين كان يأدي كاارثة ..
فاروق: ابنتي !! هضر لياا على بنتي لي عندها خمس سنين زعراا و شعرها حد كتافها ( تيوصف ليه روحو تتخرج مع كل كلمة)
طبيب: ( سكت تيتفكر شبه) هيا لي فاقت البنية اخرى عندها تلت سنين مااتحملاتش البرودة ونقص فاوكسجين ..سيادتكم اب البنيات !؟ هدا راه تهور و ا نتحار الااطفاال !!
..تحرك نحو غرفة دخل مزير على يديه بقوة ..لقا فرملية تتقاد سيروم رؤياا و هياا ناعسة مغطينها بغطاء تيبري للتدفئة ، حيااتو كلهاا شعور بالخوف حس بيه على الواازنة و على رؤياا نهار عيط ليه نبيل خبرو ان بديعة زيداات كان فالريف، ساعتها شد طريق ليلة بلا نعااس توصل كلينيك هزها فيديه صغيورة و بيضة و تولدات بزغيبات زوعر قلال ..من اول مابسهااا وشاف عويناتها هو تيدللها بالحااجة ....قرب لهاا لقا شنيفاتها زورق و جها بيض شااحب عوينات مذبلين دايرن لها جهاز تنفس ..غير شافت فاروق بذات تتستعد بكااء ...
فرملية : اشريف راه ممنوع !! ربع ساعة نطلعوها فوق على سلامتها
فاروق: ( ماشاف فيها ماهضرها ما كلمهاا ..تقرب من رؤياا قلبو تيتقطع عليهاا ، تحنى قبل جبهتهاا بشوية تتيحس بالبرودة مزالة فيهاا ) هااناا بابا جيت
رؤيا: ( مثل طائر جريح خوف وهلع ) اننن
فاروق: ( تيقبل جبهتهاا ) شششت ابااباا ....
رؤياا تتتشوف فيه و تتذكر للعبة لي لعباتها مانت تأدي بحيااتهاا
🔙🔙🔙
بديعة: ( لابسة جلابتها تتهضر مع امها) دباا هادي لي جايبة ولادها جاية غضباانة، تمشي عندها مها !؟ جديدة هادي نغضب عند عكوزتي
بديعة: ( تتسمع غواتهم فالبيت مشات طلات عليهم لقاتهم تيطلو من شرجم و يذفلوو نزلتهم و غوتات عليهم رؤياا بكات ولاد خوها تيضحكو سدات بيت ) هاناا خاارجة هاهما معاك
الام: مهم راها فالسطح تتصبن انا طالعة عندها ، شعلي لهم تلفزة يتلاهاو
..داكشي لي كان شعلت تلفزة وخرجات و الجدة طلعت..تفرجو قسم ناضو يلعبو الولد كبيبر عندو 8سنوات دخلو كوزينة هزو سكر كلاوه و هيا رؤيا تمشي فريكو حلاتو فيه زجاج بحال شرجم تتمشي و تجي كان شبه خاوي
ولد: ( بفكرة ) اااه لعبو غميضة !؟
رؤيا: ااه نت غمض
بنية صغيورة : عبو. عبوو ..
مشى وليد غمض و البنات بقاو يحسبو 1 2 3 4
رؤيا: ( بهمس) خبعو هنا
بنية: اااه
..دارو كرسي طلعو فريكو سدو عليهم ...
ولد: ( بغوات ) صاااايي ( تيسمع صمت ) ..قلب دار مالقااهمش تاسمع ضريب فريكو جاهم برد ( عرفهم تماا ..كاليه عقلو دوز بساروت فقل لي فيه ) ههه واخليكم تماا ......طلع سطح
..تلهى مع كرة تما ماتفكرهم تا سولات الجدة حاوبها بكل بروود
ولد: سدييت عليهم فالفريكو هههه
الجدة: ( رزمات ) هببطي هببطي عتقييي
..نزلت الام مرات خوهم تتجري تتدق تما غير سكات ..
فين ساروت !؟
اررااو سااروت ..
سوارت طيحهم هو تيلعب كرة ..بديعة داخلة مع الكارتة ...حماوهاا غوات طالعين نازلين عاد لقاو سورات حلو عليهم كانو شبه جثث ...
..كارثة بكل مقاايس منين تيكون ابطالها الاطفال !! كل تيعرف اطفال و عقلهم و طرائفهم لاكن ضروري تكوني الام المسؤولة وتخلي البااقي على الله على اقل يتشفع ليك امام الملاء و الخالق..لاكن بديعة مااعندها شكون يشفع لها لا عند خالق ولا فاروق لي فيه ملاء الدنياا ...خارج تيمسح على حنكوو لقا منذبة تماا ها ام ديك البنية او الجدة و بديعة تتهضر مع طبيب خديجة غير شاافتو جات عندو
خديجة: شفتيها !؟
فاروق: ( مخنزر ) غادي نخلص و نهز بنتي لكلينيك وحداا اخر انا نعيط نبيل خليك معاها
خديجة : ( ارتبكت لان كلامو ليها و نظرو على بديعة) شووف !! حمد الله لي ربي نجاها كولها يخلصو الله
فاروق: ( بغضب ) هضرتي !؟ ماتنعاودهااش جوج مراات !؟ يااتحركي ديري لي كلت !! ياااتقااودي من قدااامي
..خديجة زفرت و وقفت بلاصتها تتسناه ، داز من حدااهم هما غير تيشوفو اتجه للاستقبال خلص ليهم روسيط و طلب نقلهاا كلينيك اخر عطاهم اسمو و تصل بنبيل خبرو....وجدو ليه اسعاف مجهزة وبقى وااقف تاا دخلوو خرجووها و خديجة معاهاا جاتها بكية من منظر بديعة هيا مصدومة
بديعة: ( تابعهم) لاا لاا فاارووق لاا بنتي عفاااك و الله ماا بلعااني
فاروق: ( معاونهم تاخرجوها ركبوها فاسعاف و طلعت خديجة معاهم وسد معاهم الباب بقى وااقف تامشاو دار عندها بدون انذاار تسمعات ) طرااااااااخ
بديعة: ( شدات حنكهاا تتبكي و فرمليات لي كانو داخلين تيشوفوو) نبوووس ليك رجلييك تانا رااها ابنتي
فاروق: ابنتتتك !؟ بنتتتك ابنت قحبااا !؟ ستة شهووور نتي ناسياهاا جيتي فنهاارك قلبي كري !؟ ( حنا رااسو بتعبير ) و كلللت هااانية البنت محتااجة مهاا !! بنت كل مرة رااجعة نااقصة حواايج كلت ماعليش !! بنتتك الماارجة دتيهاا فاكونس ردتيها بالقمل و تبررريب فيك اترييكة قحووب !؟
فاروق: من نيتك ابنت العبد !؟ الحضاانة !؟ ديك حضانة لي عندك مسحي بيها خراك و بنتك نساايهاا حرقتي معاياا كاع ورااقك...وفياا لي يجندخ دنمك و نعوج ليك المشية لاكن على وجه بنتي مانحطش فيك يدي ...دبااا دوري تحواااي الخباار فرااسك ..
..خلاها منهاار فوقت ماا !! خسرت حقها فاروق و تبعاتها خسراتو كزوج و اليوم خسرت بنتها ..دخل عند طبيب شد منو الوقة لي تحرمها من حضانة و ركب سياارتو و تجه كلينيك هو الباب و نبيل الباب ..
نبيل: خلعتني اصااحبي !؟
فاروق: عمرني توقعتها اصااحبي !! كانت بنتي تموت جامدة
..دخلوو الكلينيك فطريق تصل بخديجة عطاتو رقم الغرفة ، طلعو نيشان تادخلو عليهم ورؤياا كانت تتبكي مابغاتش قناع اوكسجين نفس وقت ماتقدش تنفس لابيه
خديجة: شوية و نحيدو احبيبة!! خليه دباا باش ماتيضركش نيفك
فاروق: مال الحااجة ديالي !؟
رؤيا: ( ماتقدر تهضر غير تتبكي و تتبغي تحيد اوكسجين) خليه ابااياا باش تبرااي
نبيل: ( سلم على خديجة و قبل راس رؤيا و عارفها تتخاف منو ) خليه اعمو بااش تبراي
..تكمشت مسكينة حالتها كي فلوسة بقاو معاها تانعست و خرج نبيل و فاروق براا باش يكمي فاروق
نبيل: كي طرا ليها !؟
فاروق: واش كنتي فدار !؟
نبيل: ( تتهد تنهيدة سخونة ) لاا
فاروق: اممم !! باش ماتشغل الواليدة وصاافي
نبيل: لا لا كن هاني !!
فاروق: قحبة مها داتها كما العادة و براهش تيلعبو سدو على راسهم فالفريكو ولا مانعرفت كيف طرا كاع !! مهم الكبار لي يحضيو كاينش
نبيل": اااه سلامة !! حفظها الله وصافي !
فاروق: ( سف كارو ) حفظها الله و جات فوقتها نفرق زبل فالمرة !!
فاروق: اوودي لا زواج لا اولاد حريق راس !! لاكن كلها بحلاوتهاا و او بوقتهاا ..
نبيل: ( شد رااسو ضاارو .. ) مهم الله يشاافيها و برد سووق
فاروق: ( لاوح كارو) يحفظك !! عيطت ليك تسبقني هنا !! خفت لانقودها مع ختنا ساعة نوسخ يدي
نبيل: مهم تخرجهاا من طيب جيبها نيشان عند الواليدة
فاروق: طبيب كالي تلتيلم هيا قليلة عندهاا !! غدا و جيبها كلها سخانة وصافي تاهنا تسيق اخبار
نبيل: يكون خير !! ماخاصك والو
فاروق: ( حرك راسو بلا ) صمت ..
مشا نبيل و طلع فوق لقاها مزالة ناعسة و خديجة جالسة متوترة بزااف ..
فاروق: مالكي نتي !؟
خديجة: انا قلبي يطرطق على هاد بنت !! كن سمعتي هضرتي فالصباح اش كان يطرا !؟
فاروق: ( عوج فمو فيها مخنزر) ياااك حضانة و نشدها اناا !؟ هااهياا البنت معانا لا بديعة لا فريع كرر
خديجة: ( ماقادرة تهضر ولا تغوت ) دير لي بغيتي !! انا عييت ..( جات خارجة هو يشدها من شعرها) ماال دنمك !؟ نطقي هضري !؟
خديجة: ماكلت والو غير طلق ! بنت مريضة و كلينيك هداا
فاروق: ( فكها سااخط) يعلندمكم سلعة نااقصة
...منين وصلو الباارح هو نااعس تافاق الصباح مشى خدم وشداتو السخانة تم رااجع الدار و شد ملاية متكي فالصالون شاد تلفزة و تلفون و اسماء حداه تتخيط الوازنة فبيتها تتطوي حواايجها تا تسمع الدقان
..ناضت الشرجم كوزينة لقات مراة و الولد معاهاا بغاو الوازنة ..جات خبراتها تانزلت الوازنة عندهم لقاتو خليفة و امو ، رحبات بيهم و طلعو الفوق تادخلو على نوصير لي شاف ام خليفة جمع وقفة سلم و جلس ..
ام خليفة: سمحينا اختي الوازنة على هاد دخلة و صافي !!
الوازنة: امرحبا ، مادخلتي عند برااني !؟ راه حنا جيراان اولاد خوت ..
ام خ: ربي خليك الالة الوازنة
..دراري تحلف عليهم مانكات ملابس حانين ريوس و حشم و تباثة غير امهاتهم تيهضرو و اسماء حطات اتاي وكاطو مقرصة كاع ماتحتاجي توصيها ..تاتفتح الموضوع...
ام خ: اولدي انوصير ! بصح طلعتو تمحضيت عند ولد عمو شاف شي بنت للزواج ( شافت فيه) هدا ولدي ااه لاكن نتيق برااني هو الا ..
الوازنة: ( تتكلم بمزاح) اوااا مبروك !! عالله دير نفس فصاحبك 30عام و قرب تانا مشهية شي عروسة من خير الرجا هههه
نوصير: ( كن لقى القاصير يقتلو جايب ليه الهضرة هو متبث كثر من عروسة) ااه خالتي !! عند ولد عمو !!-
ام خ: هداك ماشي ولد عمنا قريب رااك عارف جبالة لي من نفس قبيلة نقولو ابن عمي ..( شافت الوازنة) دباا هاد الناس الالة الوازنة كي نتفاهم معاهم و نعرف تقاليدهم !؟
الوازنة: كلنا مغاربة !! قصدو خطبو و يدير الله خير ..
اسماء: ( نطقت) نجمة راها شلحة تعاونكم
الوازنة : ايااه
ام خ: نجمة الكارية عندك !؟
الوازنة: هياا !! خرجت ليا من بالي تتهضر شلحة و تكون تتعرف تقاليدهم ..
..نزلت ماشا غوتات ليهاا و طعات معاها سلمات عليهم و باينة مهمومة فوجها ، بعد السلام و الحوار عطاتهم معلومات على تقاليدم انها جد بسيطة ان اهل عروس لي واجب يعملو تقاليدهم فقط عليهم الصداق و الباليزة كما سماتها ليهم يكون فيها جهاز عروس من ملابس ..داراري خرجوو و خليفة تيفرنس حلف تايتزوج ...
الوازنة: واش عيانة ابنتي انجمة !؟
نجمة: خليهاا الله اخالتي الوازنة لي ماعندو قليل عندو كثير
ام خ: احيااني !! هانا قدامك خرج جا بغا يتزوج لاخدمة زينة لا محل لا ديوان ....كالك اباه زوجيه ياكما يدير عقلو
اسماء: ( بعفوية ) زوجو لي بعقلهم ابعدا
ام خ : ههههههه الله هاد عروسة عندك حلوة الواازنة ههه
الوازنة: ( مفتخر بيها ) بنت رضيعتي و عروستي
نجمة: ( ضحكاتها) لا غزالة تبارك الله اواا نوض ختي عندي
..الحديث نساا طويل الا ماكان ضحك يكون مشاكل ..مافرقهم دخول نبيل لي اسقبلتو اسماء بابتساامة هو لاحظها ..
نبيل حرك راسو حسب درووج هو طالع و نوصير طالع قلب ليه مخو خليفة بزواج طالع بيتو تلاوح شعل ماتشاات رجا سابقا يعاودهم و كاليه عقلو برم جواان ..برمووو و حطو تلهى مع تلفزة..تشاف الساعة لقاعا عشرة ليل ....تكعد لبس كابيشو و دخل رجليه فكلاكيط هز بريكة خارج يكمي .....يلاه خارج هو يسمع صوت تنخسيس ..قرب تاقرب ظن انها ماشا لاكن ضو القمرة ضارب فيها تيبان شعر اسوود..تجه جهة اخرى فالسطح الباب فارقهم شعل جوان تيبخ و تيسمع بكااهاا مثل سمفونية حزن
نوصير: ( زطم على جوان ) تبوقت ولا !؟ جنون خليتهم فافران !؟ شكون يطلع سطحنا فنص ليل !؟
...بعد مرور ايااام ..
....الاحوال كانت عاادية ..رؤياا بعد ماتشافات و الوازنة و اعمامها زاروها و وقفو معاهم مواسينهم عطاها الطبيب ورقة الخروج لاكن الاسف مناعة ضد البرد رجعت ضعيف...خديجة سامحة فالخدمة و مقابلاها غير بتلفون فقط تتسير اعمال من تلفون ....سمعت دقان فتحت الباب لقاتها ليالي مع امير، عنقتهاا متوحشااهاا ماقدرتش تجي طبيب مع امير صغيور يهز شي مرض ....رحبات بيها و باميروو و ناضت توجد الغداا و ليالي جايت للعبة لرؤياا تتللعب معاها و رؤيا تلعب مع امير ...
خديجة : ( تتشوف فيهم مبتسمة) كدرتي صافا !؟
ليالي: ( كما عادتها هضرة بهدوء ) صاافااا (تنهذت ) هاناا ماشي اول وحدة يتزوج عليها رااجلهاا
خديجة: ( عضت شنايفها من هاد كلام) صدقيني !! والله مايلقى بحالك ..
ليالي شافت ولدها نعس .حطاتو فكونتو وغطااتو باستو ، حطات خديجة كوتي و كلاو من بعد نعست رؤياا و خداو رااحتهم فالحديثذ
ليالي : ( مسحت دمعة هزت راسها تتضحك مانعة دموع) ههههه شويش و صاافي!! عرفتي وليت تنخرج بوحدي !! و رجع عندي إيون شوا خاص بيا !!
خديجة: مزياان هكاا اصاحبتي !! غير غيثة كانت تتخاف عليك و صافي وسي نوغمال بنت وحدة لي عندها !!
ليالي: ماما سي أووغْ كيستون !! ماغاديش نمسح فيها مي الفُوط باش نطلع انا الضحية !!
خديجة: مي سمحيلي!! شنو لي خلاك سااكتة !؟
لياالي: كنت تنقول لوف و لامووغ لي جامعني مع مغيث يقدر يشفع ليا قداام هاد المواقف !؟ ( هزات كتافها بعدم فهم) مي الواقع حاجة اخرى!!
خديجة: وايه انا معااك !! حنا لي فام تنآمنو بالحب و نبغيو و نعطيو حياتنا على رجالنا !! راه تربينا هاكا على طاعة و الواجب و الراجل هو اول !! نسيتي لؤي !؟ عااامين الحب و عشق و شنو كافحت معاه وفلافان طلعت بوذنين كبار !!
ليالي: زعما كن تصاحبت تانا و جربت اتكون عندي خبرة !؟ ولا كن عملت مع مغيث غولاسيون يقدر يبان العيب و نتفارقو !؟
خديجة: اناا من تجربتي مانصحش بنت المراة تصااحب تسنى رزقهاا !! اش دينا من هاد المصااحبة تضياع الوقت ! الاعصاب و قلبك معلق مع شمايت وصمعتك تتطيح !!
ليالي: ( لوات فمها تتنهد) للوجيك فعلاقات عقيم و الله !! كن كنت مستقلة براسي مانذكرش زواج ، مي المكتااب و انا بغيت نخرج من جناح غيثة طحت مع راجل تيفكر غير براسو جاب عليا ضرة فإيون سومين !!
ليالي: جومونفوو !! لي عليا نجح فخدمتي و ربي ولدي و يحن الله ..( تتفكر نظاراتو نهار دخلات عاتبها) مي سيغ رااه مزوج و عايش حياااتو !!
خديجة: سمعي !! انا مزوجة بخوه وتقة عندي فيه ناقص صفر درجة !! نقدر نتوقع اي حااجة ، اوموان هو تزوج صارحك ..
ليالي: صدقني كن كان هامني زواجو !؟ كن شتتو ليه رااجلي و تنعرفو !! مي عندي حوايج كثر من مغيث ، عندي شخصيتي توقف على رجليهاا و خدمتي نجح فيها و اميروو نربيه ..
خديجة: ( حاطة يدها على فمها بحزن ) الله يدير خير !! بعض مرات تيكون عندي احساس ان لي جااي لايعلم بيه غير الله ..
ليالي: الوغ غدا نمشيو عند هاد المربية نتكلمو معاها !؟
خديجة: مور العشا نتصل مع ماما !! و تعطيني رقمها ابخي نجاوبك
ليالي: وي مي قولي ليها !! فاول تمشي معايا خدمة تقابلو !! الا تقث فيها و كانت مسؤولة تما تراقبو فالدار !!
..خديجة تبلووكات !! ااش دير تنزل !؟ اش تكولها اش بغااتهاا !؟ اصلا علاقة متوتر مع فاروق ليل كلو خدام و نهار ناعس مع ايام طبيب تتشوفو قليل ..
ليالي: ( هزات امير تتستعد خروج) بب !!
خديجة: جلسي تعشااي !؟
ليالي: نوو بب البرد على امير !! ( سلمت عليها بوجه)
خديجة: ااطط نزل معاك ..
..رمات عليها كاب و نزلت معاها تاخرجت و هيا تلقى بديعة متغيرة فوجهااا ..
بديعة: سلام ختي !!
خديجة: ( بتعجب) سلام !!
....ماخلاتها لا تهضر لا تكلم ..
خديجة: ( تتكلم متوتر) شوفي اختي !! الا قلت ليك واحد كلمة تيقي بيا !؟
بديعة: ( منهار ضربة بنتها فيقااتها) حق القسم الازم الا فكلينيك فاش هزهاا جيت نهضر عليك و سمعني خل وذنيا ومانحتاجش نقول ليك شكون هو فاروق !!
بديعة: ( تتبكي و تتمسح دموعها) شنوو دباا !؟ تتكولي قلبي دورة !؟ رااهاا كبدتي اختي ( تاتشهق) واش انا لي حطيتها فالفريكوو !؟ راه داراري صغار و بنت خوياا يلاه بارح فافت و ركباتها ضيقة !!
خديجة: ( حطت يدها على صدرها باعتذار) مااغاادي نقدر نفعك بوالو !! بنتك راه ربي شاهد و نتحاسب عليها اليوم القيامة الا مقصرة من جهتهاا
بديعة: ( تتدور فراسها برفض و تتخنقت بدموع وجها رجع زرق مزيرة) الغلط درتووو !! و حضاانة جاتني دعوة و عاااارفة راسي خاسرها ، لاكن يحرمني من شوفتها !؟ راني مها وحملت بيها تسع شهور وربيتها خمس سنين !! الله يخلي ليك عزيز عليك !! لهلا يشوي قلبك على كبدتك الا ماشوفي معايا شي الحل !؟ نشووف غير بنتي
خديجة: ( قلب تيتعصر) شمن حل اختي !! نطلعك الدار يحصلنا يريبها عليا انا وياااك !! نعطيها ليك ماتكوليها ليا تا بالضحك رؤيا تكولها ليه !!
بديعة: هاانتي ختي !! راها دبا ولات شوية !! خرجيها البارك ولا قهوة و ديريها صدفة غير نشوفها و نبوسها. نعنقها راها رجعت ليا من الموت و يلا حصلنا انااا نتحمل المسؤولية !!
..كما عادتها خديجة غلبها وجها و حسات بيهاا !! و بقات فيها رؤيا لي تتسول على مها و ماتلقى جواب...تفقت معاهاا ان اقرب فرصة تخرجهاا ..قيدت لها خديجة نمرتها فتلفون و يبقاو على تصال و طلعت بحالهاا ، طلت على رؤيا لقاتها مزال ناعسة ..جمعت طبلة غسلت الماعن و جدات شوربة العشا و تصلب بمها طلبت رقم مربية وحددت معاها موعد غداا تاسمعت الباب تحل ..دخل على غبر عادتو مكلامي و مهدن
فاروف: اهلاا
خديجة: ( بهدوء) على سلامة !!
فاروق": رؤيا ناعسة !؟
خديجة: ااه ..خليها ترتااح
..دخل البيت دوش و اللبس حوايجو تادخلت عليه تيجمع حوايجو ..شاف فيهاا
فاروق: عندي واحد جتمااع فرباط يومين ورااجع !!
خديجة: امور هانية فالخدمة !؟
فاروق: اممم ..( جمع صااكو و لبس صباطو جديد رش ريحتو و بااسها فمهاا ) شنو مااكان تصلي بخوتي !! الا قنطتي سيري عند مك ولاا الواليدة
خديجة: ( وجها هارب منو للون و عينين ذبلانين) نشاء الله ..
فاروق: عيانة !؟
خديجة: غير لافاتيج و ليالي كانت هنا ازماتني !!
فاروق": ( حط صااك معنقهاا من خصرها) سمعي خويا الا مكتاب ليه يقاد امورو مع مراتو وخ يتزوج اربعة !! خووي رااسك حشيشة قلبي ..
خديجة: احم !! دفعتي دعوى حضاانة !؟
فاروق: ( تقلب 180درجة) دااك سوووق خررجي منوو !! هااديك حرقت وراقها معااياا !! هااوذني منك تصيفط مها ولا ختها تجي تبكي عليك ولا تمسكن عليك !؟ ماانعقلش على عدوو ربكم لا نتي لا هياا !!
خديجة: ( حست معدتها تقلبات) الله يهديك شديتي حضانة!! خليها تشوف بنتها غير ساعة مكانة ؟
خديجة: ختي غير سمحيلي ومسحي نمرتي !! و الله مانقدر ياالاه خرج تيحيح و يعاود ..
بديعة: ( بدمووع) و ابنتي اختي. !! هيء هيء
خديجة: لي نصحك تبعي دعوة تااخرج ليك اوقات زيارة و الله غير سمحيلي ..
قطعت خط مرتاحة نوعاا ما !! ماقادة على صداع معاه ولا شوهة تااني ..تتفضل يجي منو غلط ولا تكون غالطة
...الايام لي مرت فالحومة موضوع واحد شاغلهم هو زواج خليفة و كل نهار داير فراجة دافع بيت نعاس للنجار فالحومة حمقوو ، مرت خطبتو وافقو على زواج و البارح كان العقد زواج لان بنت قاصر مرت فالمحمكة بما انهم من الشعب طلع وهبط ..ايام قليلة تتفرقو على عرس مسبق حفلة على خدمة ....مجمعين عند خيااط فالحومة تيقيس كوستيم معاه نوصير و ابرااهيم
خليفة: (واقف على خشبة باش يتقاد مع مراية و تيتعنكر) زير لافيسط زييير
خياط: تبث اصااحبي قلبتي بحومة !! راه الا زيرت ترجع ايفاازي
ابراهيم: ( تمسح جبهتو ) قرصوو اخاي فريد قرصوو
خياط: واااايه ( طلق سنتيم تيعبر سروال) هزز رااسك
خليفة: ( هزو ) هاناااا ...
فريد: فاش كانو الناس تيطوالو فين كنتي !؟
خليفة: تانت اش قداو طوال بطولة والوو
نوصير: ( تيهضر مع خياط) خاصة غير قميجة !؟
خ: اااه بيضة تكون كاليطي باش ماتخسرش منظر و شي كرافاطاا
خ: لا هاديك يشريها نوصير ( تيهز كتافو عليه) اوا لابغيتي سلطان يلبس ليك اخضر
نوصير: الله يدوووز هاد العرس على خير !!
ابراهيم: وكوول الله يصبر هاد بنت الناس ..
..خرجو من عند الخيااط و غادي خليفة و يسلم و يضحك جلسة فالفقهوة ...تيتقهواو هضرتهم كلها كرة و على سياسة ...تاوذن العشاا عليهم وتفرقوو ....نوصير قصد الدار كما ولف هاد اياام يطلع السطح كل ليلة تيخرج فيهاا تتبكي تيبقى يتمزك لها تاتنزل ..تطلع فالظلام و تنزل فالظلام ..شايف يلاه ظهرها هيا نازلة و شعرهاا اسود ..دخل تعشى و مورال تيحس بيه هااد ايااام نازل ..
نوصير : (وقف تيلبس سبرديلتو هز سوراتو طموبيل و تلفون) لا انااا اختي ..
اسماء: سيير سيرر ..راك مرضتو جماعة هاد ايااام ..
هابط حاسب دروج هو خارج من الباب هو يشوفها خارجة ، عرفها من ظهرها و شعرهاا لابسة عباية و غادة تتزرب ...كاليه عقلو تبعهاا حاشي يدوو فجياابوو هيا غادة حانية رااسها هو موراها تابعهاا ..تاوقفات فالحانوت شرجات و خرجت وقفات تتدخل تعبيئة و لي داز تيبغي ينك عليها تيهز ليه رااسو زعما قاود .....رجعت ادرااجهاا الدار طلعت سطح نيشان تسنى تاطلعت و تبعهاا ..جا مع حوار تتغوت وطالقة حلقهاا
: ( بصوت رقيق غالبة عليه للهجة غريبة) يااا حِي الاا هيااا الااا و ااش مااتتفهمش !؟
: شغلك هداااك !؟ يْما بينك و بينهاا ...الا شاادني بدااكشي غير نسااه
: و الله تنشرب السم الفاار ماانديك و الله ترمي رااسي من سطح لاسماحة ليكم ..كما بيتو تخرجو علياا..
صاحب مكالمة قال الكلام لي خلاهاا تنهاار و طيح على وقفتهاا او ربماا قوة الضغظ و تحمل خارت قواهاا ...تسمعات فارض :
خباااااط
...دار من جهتهاا لقاها طايحة على جنبهاا راسها على الارض ....دوز يديه حاول يشوف غير وجها واش مضروبة!! دورها لقاها كشاكش خارجين من فمها ياابسة بغات تعوج ..تقاتل معاها هزها على ظهرو لانها كانت هازة خير الله تاخرج زنقة ..خرج سورات طموبيل حلها عن بعد بكونطاكط و حطها للور و ركب مكسيري ..
....بسرعة وصل دااخل الطبيب وقف قدام الباب ؛ صبيطار داير بحال مقاطعة دخلة لا تبث ابدا انه طبيب فتح عليها الباب شافو واحط راجل عاونو هزوها هما مدخلينها عاد تيباان ليه بوليس حراسة جايين اما مسعفين يجيب الله ..
..دخلوها المنظر يثلج القلب ها لي ناعس فارض هاا لي مضروب دخلهاا غرفة تما خاوية عاد جاو جوج فرمليات معاهم طبيبة ..دخلو ليهاا ....خرج واقف برا مربع يديه غادي جاي تيشوف الناس داخلة خارجة و المسعفين فخبر كان ..تاخرجات عندو فرملية ..
ف: ( تتميق) خووياا ! انت لي جبتي واحد البنت دبا سخفاانة !؟-
ب: ( شاف فيه بمعني وقف بلاصتك ) وزاد شوية يهضر فسونفيل...
نوصير: ( عقلو وقف) اااختي !! ( ميقات فيه) الدكتورة !! بنت لي جبت ااناا حااملة !؟
فرملية اولى : اواا خوياا شوف انت !! هاهياا دخل عندها راها تتويل شوفو ليكم حل ..
.نوصير: ( هز راسو تيزيد يشبع صدماات...دخل الغرفة فين جابهاا هيا تشير ليه نفس فرملة لغرفة لي حداهاا كمل خطواتو داخل لقاها جالسة على بياص تتبكي و تنذب حنكاها ..قرب ليها حاشي يدو فجياابو تيتحنى يشووفهاا ) ااختي !!
بنت: ( مجرد سمعت صوت هزات راسها فيه ..ذااكرة تترجعهاا تاعرفاتو ..بدون ساابق انذاار طارت على يدو تتوسل) الله يرحم ليك الواالدين اخووياا ما فكني هيء هيء رااه والديااا يذبحوووني وقف معاياا كولهم نت لي بيااا ...نبوس ليك رجليك
نوصير: ( هيا تتههضر هو تيرجع ذااكرة عرفهاا ..جرر يدوو) لاااحول ولا قوة الا بالله !!! دير خير اااصااحبي...( دار خارج هيا تابعاه )
: ( ماتتسمعوش مرفووعة غير تتبكي و فرمليات تيطلوو عليه ) اخوووياا الله يعطيك مااتمنيتي ماانقذني غير ندوز هااد ليلة !!
فرملية اولى : ( وقفات عليهم فالكلوار هو وقف تيشوف فيها تابعاه ) ماعندكش منااش تخاافي اختي !! والديك جااين و مخزن كااين
نوصير: ( كن لقى ديك فرملية يجندخ مها ..تيشوف فالبنت و يرجع يشوف فالفرملية و تيهضر مع عقلو: منتيف هو هداا !؟ عاد هادي ستة شهوور خارج من حبس و راجع ليه برجليه) مخزن علياا غير اناا !؟
فرملية اولى : ( تتوقف فالبنت تتبكي) كونو رجال !! كونو رجال ..
نوصير: ( سمع صوتها عرفهاا دار عاض على شناايفو) ااايه اختي كثر خيرك !!
: (طلعت فيه و هبطت و دارت هضرت مع فرملية تانية اخرة لي سعفاتها) ختي شكون سيد لي جابني !؟
فرملية تانية : ( شارت نوصير) هداا اختي لي جابك ..
...بنت مولات سالف شعر كحل طرطقات عينيها فيه و فكلام لي قالتو ليه و هو تيشوف فيها بمعني الله يجازيك بخير ..فرملية لي من الصباح هيا تعطيه تتشوف فالبنت حاملة مهبطة رااسها ..
ف1: ( تتشوف بنت حاملة) تتحطي الباطل على الولد !؟
بنت حاملة: هيء هيء بابا يقتلني اختي هو فايت فكني مع صحابو من مول دعوتي!!
نوصير": ( عاد رجعت فيه روح ) هانتي كلتيها بفمك فكينااك داك نهار احدى محطة طاكسيات و سلخنا دنمو و تبرينا فيك هاا نتي طحتي فالحفر ..( شاف بنت لي جابها سخفانة من سطحهم شد فيديها) زيدي ارجااء زيدي
: (بنت تاابعاه و حشامنة من فمها لي قطر عسل ) اخووياا شكراا بزاااف وغير سمحلي و الله
نوصير: ( حل طموبيل ..طبيب مخزن لاخلاص لاوالو غير عطاوها كينة و كتبو لها دوا ناضت) ياك نتي ساكنة فدار الوازنة !؟
..ركبت و محشمة هو صاعر بوحدو على دقة كان يمشي فيها ، الباطل بحال الضحك ..قلعو خارجين من الطبيب تحركوو حدا البحر وقف تماا حدا كيوصك نزل شرا الما و تكي على طموبيل تيشرب ويصفي دمااغوو ..تا حل عليها الباب ..
نوصير: نزلي ارجااء نزلي (مد لها قرعة ما صغيرة)
: ( شداتها ) شكراا !! سميتي زااينة
نوصير: ( طلعها و هبطهاا مخنزر ) ممزياان
تحركو جهة شوية و هيا تتغمض عينيها من الريح و شعرها تيلعب تطلق لهاا و تتجمعو و يتحل هو غير تيشوف فيها ..و تيهضر مع عقلوو
زاينة: اوهو !! سيد لي حاط عليا العين فاتح وفاكاش كانو طالبين وحدة تخدم انا تنعرف بنتو جابتني تعلمت عندهم تلتيام اولى !! اوا الرابع جات مي عندي خدمة كالها بيت زانية زواج
نوصير: ( جغم قهوة) هياا قدك ابااك !؟
زاينة: طمع اخوياا طاعون ..يما شافت لاجونس ودار كبير و تيمشي بلجيكا بغات تزواطني
نوصير: و مصدعك تلفونات !؟
زانية: تابعني فخميسات كلها !! هربت عند ختي لاكن مالقينا جهد ل يْما لانا لا ختي ..
زاينة: يلاه اخويا نمشيو تعطلت على ختي تمشي تقلق عليا
نوصير: ( حرك راسو مشى خلص كونصوماسيون ...و تحركو ركبو طموبيل ..طريق كلها هيا تتنهذ و هو غير تيسمع ..توقف قدام الباب الدار شكراتو و نزلات ..) رجاااء واا رجاااء
زاينة: ( دارت غير هكاك) ازااينة !!
نوصير: تلفونك !! ( حل الباب و طلع جرية فدروج تاوصل سطح هزو ولقاه بالكود و هبطو لهاا ) عطيني نمرتك !!
زاينة: مَّاخْ ( علاش )
نوصير: ( هز فيها عينيه و حاني براسو لانه طويل) درررجي !! وقيدي نمرة عندي ليك الحل
..دخلات و هو تحرك جهة قهوة لقا فكونط و قصير و تيشوفو لايف ...
نوصير: عشران ( تيشير حنكو) ديك لعيبة فاش تتنضحكو و تبان هنا ! سميتها !؟
خليفة: ( هز فيه حجبانو متبعو) حفرة زين اكاابو
نوصير: هاااديك القااصير ..
🌄🌄🌄
..فاقت مع السبعة صباااح الدوا تستافد منو فقط انه تيحافظ لها على فيتامين ناقص فجسمها و عدم تنمل اطرافها من اليدين و رجلين ؛ لاكن نشاطها لايقل ابداا ...لاكن مع الخياطة ارتاحت نفسيتها و تتقيل تصصمم و تعطي نجمة تقيم لهاا ...من وسط دوش شي نص ساعة هيا فيه ..ها صابون بلدي هاا حكة اولى ها حكة تاانية ها شعر غسلى اولى و شمبوان وديميلور و عاودات حكات عاد شلات بجيل دوش و تلوات فبينوار و خارجة تلبس حوايجههاا ..ضرباتو ريحة شمبوان على صبااح و نطق بصوت بااح
نبيل: اسماااء
اسماء : ( تترعد بالبرد و حاطة كمها على فمها نطقت بشوية) نعااام
نبيل: صفيتي ياك !؟
اسماء : تااالظهر نشووف ...( وقفات قدام بلااكار)
نبيل : ( تقلب على ظهرو و تيحيد تيشورت وناض دخل حمام طرف و خرج لقاها تتوجد تلبس قرب ليهاا و حيد فوطة فوق رااسها وتطلق شعرهاا دورهاا عندو و هياا عينيها فارض) شووفي فياا
اسماء: ( مرات تتوهم راسها ان جنس حق زوجي و سمعات من نجمة انها خاصها تستمتع لكن مجرد تيلمسها تتحس بخوف توتر ..هزات عويناتها صغيورين مجبدين ..) هااانااا
نبيل تيشوف فشنايفها لي وحدة منهم تتكون ناقصة عندها شرطة فذقن بحال و شعر فاازك عليهاا ..حط يديه على عنقهاا و قربهاا ليه تيقبل شنايفها بهدوء و نفسو حاار جداا و هيا تتحاول تهدأ من خوفهاا ..هزهاا حطها فوق ناموسية و فتح لهاا البينوار ..
هبط عينيه منطقتهاا و هز كلينكس من فوق كمود يلاه جا يمسح لها يتاكد و هيا طير ..
اسماء: صفيييت صفييت
نبيل: ( هز حجبانو فيهاا عمرهاا تبدل ...عينيه فعينيها و مسح لها وهيا طرطق و هز كلينكس نقي ) مرة جااية حااجة اخرى !!
اسماء: ( تتحبس دمووع ) اناا غير ...( شافتو تحيد سروال) دير جيل !!
نبيل: ( نسل حوايجو و نزل مغطيها بجسموو و عض وذنيها تيهضر بشهوة) لااا ! باش تعلمي كذووب ..
..طالما اعجب بجسدها صغير من ليلتهم الدخلة وهو غيور على جسدها رغم انها بمؤهلات ضعيفة فيها شعر و عينين ..لاكن كحلالو تبغيها تكون مغطية للملاء ..لان روحها لي سحراتو و كلماتها و قلبها ..تيقسو عليها و يحن عليهاا ..مزيج اب وزوج لاكن لاهو معترف بالمشاعرو ولا هيا فارقة معهاا ..مع كل لمسة تتنين و تتجبد ليه و تكمش ..
نبيل: ( تيحاول يتم عملية ايلاج وهيا تتهرب) اسماااء ..حلللي رجليك
اسماء: ( تتعض فالمخدة ) انننن
..نبيل: هاانتي بشوية ! لاش تتعصبي !؟
.اسماء ماتتجاوبوش هو كمل العلاقة ..مابين مد وجزر .......تاكمل و عنقهاا تلهث فحضنو ..
نبيل: ( قبلها فجبهتها) دوشي معايا !؟
اسماء: ( الام تحتها مقنطهاا) تندوش مع رجال حرام
نبيل: رجاال !؟ حرااام !؟ اي حاجة بين راجل و مراتو حلال
اسماء: ( سكتات تتفكر فاش مها تدخل تحك باها ضهرو طلعت عويناتها فيه تتمسكن ..) غير بصحة انا تنتعطل
نبيل: علاش ماابغتيش !؟
اسماء: الااا !! شعري طويل يعذبك
نبيل: ( هز راسو تيسوط هز سروالو لبسو و دخل حمام ) صمت
..ناضت لبست بينوار تتجمع الفراش ..و حوايجهم و تسناتو تاخرج و دخلات توضات و شلات و لبست حوايجهاا ..و نزلت هيا ويااه لقاو نوصير تيفطر و عينيه فتلفون
اسماء: ( تتفرنس) نوووصير صباح خير
نوصير: ( هز راسو نبيل كتحية ) صباحو اماشاا
اسماء : فين خالتي !؟
نوصير: مشات مع ماين خليفة غدا العرس
اسماء: اتمشي خالتي !؟
نوصير: ضرووري
اسماء: وانااا !؟
نبيل: ( حط كاس شاف فيهاا) فين تمشي !؟
اسماء: ( بمزحة) وااا غير تنضحك ههه
نوصير: ( عارفها تتفرتت فالهضرة وهو على السبة ) انا مشيت ..
نبيل : ( شاف فيه مطول ...وشافيها تتفطر عادي ..نطق بين سناانو) برب العاالمين و يكوليك داك برهوش عقلك هكاا ولا هكاا !؟ خبار فرااسك
..ناض خرج و جلست تفطر على خاطر خاطرها و لي فعقلها راه فعقلها ..اتلصق فالوانة و ربي كبير ..باغة تمشي تشوف هاد شلوح ...
....فالكونة تيبكي وتيحرك يديه ورجليه و هيا فالكوزينة تتصاوب الرضااعة ..فاش تيبكي و تنسى ساعة الرضاعة تتعصب بزااف ....برداتهاا هزاتو تترضعو و تبوس يديه و جليه ..فاقت الصباح مالقاتش مغيث ..كمل رضاعتو و بدلت ليه ليكوش و حوايجو و حطات فالكرسي غطاتو و لبسات حوايجهاا و تتحس راسها مرتااحة فستيل الجديد ....تسمعت تلفونهاا تيرن ..جاوبات ...
رشيد: الو بابا صافا !؟
ليالي: صافاpapa .. اي طوا !؟
رشيد: توحشتك ابنتي نتي وداك بطل صغير ..انا صافا حمد الله
..كملت لبسهاا و هزت امير تتصوني على خديجة لي حددت معاها موعد مع مربية و خبراتها انها معاها فلاجونس ..خلطت عليهم و متوحشة مكان خدمتهااا ..سلمت على البنات و فرحو بيهاا ...الحوار مع مربية كان ايجابي تفقو على شروط و الخلاص و كلشي و بدات خدمتها من ساعتها مع امير و خديجة و ليالي دخلو قاعة الاجتماعات خدامين على بخوجيات لي عندهم ..
ليالي : ( تتشوف فضواسا) فغيمون خدمة ناقصة !؟
خديجة: طبيعي !! قصرنا شوية
ليالي: اوبليجي تسويق من جديد ..و نوجد ندخل مسابقة ديزاين الا تكلاسيت مع اولى تنظن لاجونس طلع نيفو
....خديجة بقات فلاجونس و ليالي هزت ولدهاا و مرببة غادة الدار باش تعرف عنوان ....شادة طريق للدار مع وقت خروج عمل طريق مزيرة ..وقفت فسطوب تتنتظر اشارة خضراء ...تتلمح سيارتو مرت امامها هوو و معاه وحدة بشعر طويل مااشافتش وجهاا ....حبست تنفس و قلبهاا تيضرب بقوووة ..
هو !؟ مااشي هو !
هياا لي معاه !؟ مااشي هماا !؟
فيقها كلاكصون السيارات..قلعت عينيهاا مضبيبن بالدموع و تتحط يدهاا على قلبها بلطف تتهدأ دقات قلبوو ....وصلت الدار وطلعت تتبكي و مربية مع ولد تابعهاا ....عتذرت منهاا و دخلات حمام فبيتهاا سداتو و عااضة على يدهاا تتمنع صرخة من شده الم قلبهاا
ليالي: انننننننننننننننننن
..بكاات و برداات ..نفسهاا ضاقةو القلب مكسوور ..غسلت وجهاا و قفات امام مرآة تتشوف فرااسها ..عيون بحر من حزن و رموش تتشهد على دموعهم ....تتفكر فقط جنب المراة لي بانت لهاا شعرها لي شاافت فقط....كانت حاسة انه عايش حيااتو و واعدات نفسها انه يكون اخر همها للكن للقلب حكم ااخر...فتحت المجر تتقلب على لي يهدأه نارهاا و يحذث الفرق ..هزاتو بين يديهاا تيلمع و ضربات نص فشعرها ..كانها ضربة قاست قلبهااا ..
ليالي: خليت لكم الله ...
.....بعد ويكاند ..
...صبااح كاش مشرق بالشمس دافئة و اشرقت اكثر بابتسامة امير ..الي بلغ شهرين من العمر و اتضحت له الرؤية و اكثر صوت تيميزه هو صوت مغيث ..
مغيث: ( من بعد ما وجد الفطور و معاه بيبغون امير دخل البيت لقاه فايق تيلعب بيديه و رجليه و ليالي نااعسة من السهير معاه هزو بشوية وخرج ) بااابيتوو ( جلس فالفوطوي تيبوسو و يضحك معاه) لمن طالع بوكوص !؟ بابيتوو !؟
امير مشبك يديداتو و تيسمع ليه و يجاوب بصوت منغنغ و قهقهات رضيع ...عطاه بيبغون و حطو حداه تيفطر و يضحك معااه ..احسن حاجة وقعت لمغيث بعد لقاء ليالي هو ولادة امير ..يومين هاادي وليالي ملتزمة ببيتهاا ماتتشوفش فيه ماتتهضر معاه ، حاول يتكلم عادي و يسألها عن احوالها فقط ! لاكن تلقى الجفاء ....ناض امير تيبكي هزو تيسكتوو و تينادي عليهاا
مغيث: لياااالي ..لياااالي
..ليالي: ( كانت فايقة فاللحظة لي هز امير ناضت دوشت غير لحمها و صاوبت شعرها بلبلاك و تاتشوف حجمو القصير مع لوك جديد لي البارح مشات هيا خديجة الصالون قداتها و زادت غمقت لون شعرها باسود قاتم ..اللون تيشير للحزن لي ساكن قلبها لاكن خدات تحدي على نفسها انه يكون قصير مثل قصة شعرها...قدات وجهاا و لبست غوب مفتوحة من الصدر و رشت ريحتها ..
ليالي: ( وقفت عليه مادة يديها لامير ) بيبييي
مغيث": ( تشوكا من شكل شعرهاا ، ماحس براسو حتى سمع صونيت الباب وشافها غادة تفتحو) : شكووون !؟
ليالي: ( هازة امير) المربية ..
..فتحت الباب و سلمت على المربية الي كانت بحجابها و متقدمة فالعمر ..لقات تحية براسها لمغيث لي غير مخنزر و جلساتها فالصاالون ..ليالي غيرت لأمير ليكوش و خرجاتو للمربية و دخلت البيت تجمع صاكو تادخل عليهاا
مغيث: جبتي مربية لولدي وانا اخر من يعلم !؟
ليالي" ( تتجمع و تتكلم بدون نظر فيه) كنظن تكلمنا فهاد الموضوع !! و قلت لك المربية غادي تكون معايا النهار كامل من الخدمة حتى للدار ..
مغيث: فين عرفتيها !؟ مأهلة تكون مربية !؟
ليالي: ( سدات صاك امير هزاتو و وقفت تتشوف فيه) السيدة تتعرفها خديجة جارتهم و مؤطرة سابقة فمؤسسة خصوصية و عندها ديبلوم مربية ..( فتحت صاكها عطاتو وراقها ) فولاا !!
مغيث: ( شد الوراق تيقرااهم و معاجبو حال ..) بون !!-ماعرفتش !!
ليالي : ( دارت صاك ولدها على كتفها وصاكها) فاش تعرف يكون خير ..( جات خارجة هو يعترض طريقها) كوا !؟
مغيث: ( ريحتها تتضرب فيه و عيون لوز ذبلانين تيجذبوه و عينيه على شعرهاا) نسولك نتي !؟
ليالي: ( تتحس بالحرارة و التوتر دفعاتو حتى طاح لها الصاك هزاتو ...جاوباتو بصوت مهرس بدموع) مااعدنا مانقولو ! بليز خلي بيني و بينك مسافة !!
مغيث: ( شد يديه دارهم فجيبو و هز راسو تيزفر نفس ) صمت
ليالي: ( طلعت فيه عينيها) نقدر ندوز ...( تجنب خوي لها طريق و تابعهاا هازة كرسي امير و المربية ناضت تابعهاا تاشد من عندها مغيث امير تيبوسو و يضحك معااه و هبط معاهم حتى حط امير فالكرسي و ركبت المربية معاها و ليالي ديمارات مجرد سد الباب قلعت بقى واقف تيشوف حتى غابو عن نظرو و طلع بحالو ..هز مسائلو و لبس لافيسط وخرج بحالو تاتيرن تلفونو ..
مونيا: ديال الميكاب واحد الماركة غادي تطلق جديدة ..
مغيث: شحال غادي تجلسي !؟
مونيا: طخوا جوغ !! بليز بيبي يلاه معايا
مغيث: ( فكر و عاود ..مورال 0) مزير بزااف !!- غير سيري
مونيا: ( درات فيها مقلقة و خاطر مهرس و بقات تحلون و ترون لاكن لقات رفض) اووك اسيدي شغلك هو الأول ..
مغيث: نخليك !! بيزو
مزنيا: بيزو 😘😘
..دخل مقر عملو ! و غرق بالخدمة فالضوااسة و مرة مرة يشعل تلفونو يشوف صور امير و مقاطع الفيدوات لي تيسجلو و هو ناعس تلعب بشعر ليالي الي قطعات ....مع مشهد صبااح حس بقلبو تعصر ..مافهمش علاش قطعت شعرها !! لي فهم هو انها تتصدو و تبعدو عليها بكل الطرق
...اليوم فالحومة ماشي يوم عادي ....اليوم خليفة يروح عروستو و من الصباح هما يوجدو لانه الغدا خاصهم يكونو فتمحضيت و يجيبوها ...لابس سروال كيطمة و كلاكيطة تيدخل بيت النعاس الجديد الي فرشو باثاث اولاد الشعب ..كما تنقولو العين بصيرة و اليد قصيرة ..نزل عندو نوصير تيجري حيت هو وابراهيم الي تيزوقو ليه الطموبيل ..
خليفة: مالقيتش صاحبنا مول طاكسي !!
نوصير: اوا !؟ و باااغي تدي امك و امي و تريكة فين تركبهم !؟ انا امي و مرات خويا يركبو معاياا !!
خليفة: انا داي غير امي و نجيب مراتي !!
ابراهيم: ( تيقاد سينتا بالسكوتش) سير أصااحبي شوف شي فوركو نتعانو فيها !! ولا كري طموبيل !!
نبيل: ( جمع الوقفة عينيه خارجين و عرق بدا يتصبب ) مااااخليتهاااش !! مااااخليتهااااش ( دارك نفسو و خفض صوتو) سيري الواليدة وسدي عليها الباب انا جاي /اقطع
.
اسماء : ( يومين وهيا تتمثل انها مقلقة حيت منعها من حضور العرس تاخلات نبيل يتيق انها نسات ..واليوم خبرات الوازنة فالدقيقة التسعين انه وافق ..دموعها تجمعو و السخفة شداتها نطقت بين سنانها) يعطييييه مصييببة
الوازنة: ( حطات صبعها على حنكها تتويل) اهياا ناري ابنتي امااشاا !! ومااحشمتيش و ماارعيتيش !؟ اااه !؟ ينوض علينا القياامة... العرس لماليه و زهاكة للجيران !!
.الوازنة: ( تتسمع نوصير تيغوت) جلسسسي ابنيتي الله يرضي عليك فدويرتك الله يرضي عليك و يكون منك الزريعة ..( هزات جلايلها خارجة) الله يهدي الصغير و الكبير ..
..نوصير: ( جاي طالع ) فين اسماء !؟
الوازنة: ( عين فدروج عين فيه) مخلاهاش خوك !! خليتها تاتبكي مسكينة
نوصير: زااد فيه !! راها معانا آااو ..
..طموبيل الاولى ديال نوصير مزينة ركبات الوازنة القدام و ام خليفة اللور و ابراهيم و طموليل التانية فيها اب خليفة و خليفة و عماتو ....
نوصير: ( جاي مقلع هو يشوف طموبيلة نبيل وقفات نزل عندو) ...اصااحبي مالك مع اسماء !؟
نوصير: ( تيبرد) على وجه الواليدة !؟ خليها تمشي راه غير العروبية و الناس دراوش !!
نبيل: ( واقف تيشوف فالطموبيلات و لي محمقو هو كذوبها.. ) سير أصاحبي يلا أتمشي ..
..نوصير ركب مقلع و تيسوط و نبيل طالع فالدروج دخل لدار الوازنة قلب عليها مالقاهاش دخل الكوزينة غسل يديه مزيان و مسحهم و تم طالع للبرطمة الفوق ..داخل تيقلب عليهاا ..
اسماء: ( كرهت الزواج و نبيل و راسها و العالم ..تاتبكي و تنخصص وصدرها تيتهز) اهيء اهيء...
نبيل: ( تحيد تريكوه و مخنزر ) موتي نتي كاع !! هضرتي تتمشي مع الريح ..
..كانت جالسة تاوقفات تتشوف فنقاطي ديال الدم و حلات عينيها بالخلعة و غوتات تتنين بالبكا..
اسماء: اهيييء اننننننن نن نببيل ..
نبيل: ( دار عندها منزل رااسو تيشوف) مالك !؟
اسماء: (دارت عندو شادة بصبعها نيفها لي رعف بدمااياات و تخلعت ) هنننن دم
نبيل: ( الخلعة لي تتركب فيه تتطيح فيه النص، شد راسها طلعوو ليها مدخلها للحمام و الجلابة لي خيطت الجديدة كلها عمرت دمايات..قربها للافابو و تيغسل ليها نيفها ) تيضرك رااسك !؟
اسماء: ( ناصت جالسة تتراد معاه) عرفتي شنو !؟ جيب قفل و سد عليا حسن !
نبيل: ( تنهد حط لها كلينكس فوق كمود حدا راسها) نعسي ارتااحي نعسي
اسماء: بحرقة !! نعس مانووض ..
..خرج جلس فالصالون تيسوط ..بكاها تيوصل حتى لعندو، تتاخد منو العصا و الغوات على كوارثها ولكن اول مرة تيحصلها قبل الكارثة كال يأذبها بالخاطر تامشات فيها بالاعصاب ..عندو شي مبادئ ابدا يتنازل عليهم !!
مراتو ماتخرجش بوحدها !!
العراضة عند البراني و العراسات و السبوعات عند غير خوتو ممنوع ..
الزيف و الجلابة و منين يكون فالدار تكون قدام عينيه و مع اسماء كمل لي خاصو ...تكسل تيحك عينيه بتعب و صوتها سمعو تقطع..ناض عندها شافها ناعسة حط صبعو حدا نيفها تيتحسس التنفس ...طمن و طلع تكى حداهاا حاط يدو على ذرااعو تيخمم ..تاداه النعااس...........مع اذان عصر ناضت تتحرك فبلاصتها راسها تيضرهاا لقات راسها بوحدهاا فالبيت ...تا شافتو داخل
نبيل: نوضي تغداي !
اسماء: ( بالبكا و قلب محروق) ديني عند امي !!
نبيل: ( تيعاود عضرة بتقالة) نوووضي تغداااي
اسمااء: ماااابغيييتش !! يااه
نبيل: ( عقدهم تااخر قرب عندهاا تحنى مقابل مع وجها عاطيها وذنو بمعنى عاودي) تتغوتي ؟
نبيل: رااك مريضة !! و( تيحرك صبعو واقف) تبقاي دوري دوووري تا طيحي واقفة ..راه التلفون عيطي لمك و نوضي تغداي وشربي دواك و تنصنطي لعظاامك ..
....ناضت خارجة لقاتو جايب الغدا من زنقة الحوت مقلي ..تغدات و جمعات الدنيا و غسلت سنانها و شربت دواها و هيا تتسمع كلاكصون فالحومة دازت من حداه تتجري تتطل من سرجهم دازو من حدا الدار الوازنة متجهين لدار خليفة ..بقات فالشرجم تتشوف تقفزها
نبيل: واش تسكني تما !؟
اسماء ..تنهدت و دخلت البيت وطلعت لبلاصتها تكات و تتشوف بعويناتهاا و ساكتة ..تتحس بالباتري كمل لها .....كمل العرس عند جيران و جات الوازنة وتتعيط لاسماء من الدرووج
نبيل شاف تاعياا و نزل التحت عند مو يكولها راها نااعسة ..جلس معاها شوية و عقلو كلو فوق تادخل نوصير راسو ضارو من عرس ..
نوصير: الواليدة كاينة دوليبران !؟
الوازنة: راه فرمسيان معلق فالحمام . .
..دخل الحمام هز الدوا و من تما داز كوزينة عمر الما خلاها ذوب و تيطل من شرجم تاشافها خارجة هازة صاكها ديال الحوايج سمح فالدوا و تم نازل تابعهاا توقفها فراس الدرب
زاينة: ( خبعات عينيها تبكي) عيت والله تااعيت !! ختي ماقدات على يْمّا !! كالت ليا تزوجي
نوصير: اوا غادة تزوجي !؟
زاينة: غاادة هاربة لطنجة هيء هيء
نوصير: ( حط يدو على خصرو تيفكر و يعاود ) زيدي نهضرو !!
زاينة: مافياش !! هيءهيء نمشي قبل لا ترجع نجمة و تحبسني...
نوصير: ( ساط بغضب ..وحيد لها صاك ) نجيب طموبيل و نجي ........خلاها وهز الصاك ، وصل عليها بالطموبيل حلها حط صاكها وركب وديمارا تاوقف عندها ركبت و شد الطريق ..
زاينة: توصلني للمحطة عفاك !؟
نوصير: نوصلو ونتفاهمو !! نشوفو واش نشدو الطريق لطنجة ولا للخميسات ..
....دخلو قهوة فاميلي و طلب ليه قهوة وليها كافي كريم ، من جلست و هيا تتخمم و حابسة دمووع ..بعد مدة صمت تكلم ....
نوصير: ( تبث فيها شوفة) عطيني عقلك و سمعي الكلام ( شافت فيه متبثة) اناا زيديني عليك الواليدة تتحطني بالزواج وتهزني بزواج لاكن انا حياتي فشكل ( عوج فمو كانه من مستحيل يفهمهاا) صعيب نفهمك !!
زاينة: ( تتسمع ليه بكل هتمام) انا كن يْما تفهمني !! حياتي تكون ساهلة ..
نوصير: فهاامتك !! مهم مك باغة راجل ملعق و نقطة على سطر !؟
زاينة: ( حنات راسها ماراضياش) دباا !! يْمِّا تتخدم كودربوند ، خميسات من مدن المغرب منسية العائلات لي خواو ها دخلو مكناس يخدمو فالخبز ولي شد باك ديالو تيخويها مافيها خدمة ولا تخديم !! عيلات بحال يْما تبيعو كودربوند يترزقو الله ....مع ان خميسات وليداتها قرايا و عندهم طموح ..
نوصير: ( حك ذقنو) انا فهاد العمر ماخليت فين سافرت فالمغرب ..ديما مدن صغيرة تتعاني من نقص !! مهم نرجعو موضوعنا !! غادي نمثلو واحد فيلم ياك !؟
زاينة: شمن فيلم !؟
نوصير : مك جابت لك شارف من بلجيكا !؟ غدا صوني عليها كلها جاني عريس فين يبان داك خونا !!
زاينة: وشكون هدا اخويا !؟
نوصير : ( شد راسو بضحكة من جواب لي حواك ) اناا !! ههههههه فيلا موجودةو طموبيل تاهيا الخدمة تاهياا ...
زاينة: ( قرايتها خلاتها تشجع) بشوية و فهمني !! كفاش نديرو هاد فيلم و زواج..
نوصير: ماشي شي زواااااج !! كلشي نمثلوه مهم مك تشوف لعاقة و تميك عليك ! تما كملي قرايتك ولا خدمتك عايشة مع ختك
نوصير: ( تنفس بصعوبة هو من نوع لي ماتيشكرش راسو و يبقى عليها انا مولف نساعد الناس ..سكت برهة و نطق) شحال كانت طلبت مك داك خينا فالصداق !؟
زاينة: شحال ماطلبت انا و ختي نجمة نعطيوه ليك !! من بعد نخدم و نعطيها ، كانت براسها تتقلب ليا على سي خرجة خاريج نمشي نقرا لاكن باش توصل خاربج خاصك كونط صحيح ..
نوصير: البلاد ماغادة الخير !! مهم تافقنا !؟
زاينة: هاادشي يكون بخبار عائلتك !؟
نوصير : الا !! ( فكر شوية ) الواليدة و خوتي دراري بعاد على هاادشي ! نتي تفاهمي مع ختك و مك ، ردي عليا الجواب !!
زاينة: الله يسهل عليك اخوياا و يخلي ليك خالتي الوازنة ياربي
..خلص نوصير كونصوماسيون و جاي راجع شاف شي دراري حاضينها ولو تتلبس جلالب الفورمة مرسومة وهازة تبارك الله و شعر رطب و زين شلوح جمال اخر ....وقف عليها مخنزر تحركو طموبيل ركبوو ..تاوصلها راس الدرب نزلت غاادة و سؤال واحد تيضرب فراسو
اااش تتصنع انوصير!؟
سووقك !؟ ياك حياتك مع رجا و الحنانة !؟
..رجع حرك رااسو لجهة اخرى كانه تبحث عن مبرر ...
مالها مزلف نعاون شعب !! مسكينة تقرا و صافي و زواج ضحك و صافي ..
...باركا طموبيل و تحرك قهوة لقى ابراهيم جالس مع خو خليفة صغير ..
نوصير: ( ضرب خو خليفة راسو) برهوش !!
: هههه خليفة تزوج
ابراهيم: ( مد ليه خمسة دراهم) تحرك داركم ...( تبعوه بضحك غادي تيجري) دنموو القاصير خلانا كي يتامى
نوصير: ( تيضحك ) رااه تتقب الكنز
ابراهيم: ههههه علام اصاحبي ..
نوصير: دبا شكون يتزوج فينا تاني !؟
ابراهيم: ( تكسل على كرسي) اوا بغينا بنت عمنا ما بغاتنا !
ابراهيم: نت غير وجد و نحضروه ههه لاهو يفارق بيت نعاس دباا ..
نوصير: ( دار جهة اخرى هو يشوف خولة دايزة ..غلاضت و زيانت تتضحك مع صاحبتها دايزين ..شافو فيها و غمزوه و قلب وجهو) لعفوووو
ابراهيم: عااد شافوها مع 111 موصلها قدام دارهم !!
نوصير: نبيل !!؟
ابراهيم: ( حرك ليه راسو مأكد) لخواادري
...بعد مرور أيام ، بعض الاحياان تنحسوو ان الوقت و االايام و شهور تمر مورو الكرام لا جديد !! 90 % من البشر لو سألتيه عن حالو يجاوبك :
..لباس حمد الله ..
..لاكن القلوب يعلم بها الله ، كم من ابتسامة ورائها حزن عميق و احلام مذفونة و طموح مربوطة بالنفسية تحت صفر، كاين منا لي تيدوز وقتو ناعس مع دالك مالاقي الراحة لان عاقل باطن قايم بواجب بنقب على احلام المشؤومة ..وكاين لي حياتو رجعت محصورة بين بيت نعاس حمام كوزينة بسبب تلفون و السبب نفسو النفسية تحت صفر ....هادي اسبوع تتفيق على و تنعس على تيست الحمالة لي دارتو و طلع لها فيه جوج خطووط بكات بالفرحة و حطات يدها على رحمها فرحاانة ..مشات عند طبيبة و طمناتها انها فعلا حااملة و امور بخير ..فاروق من نهار مشى الدبلاصمون مزال مارجع .....
...نهار السبت جو مشمش رغم انه باارد نوعا ما ، فطرو بخاطرهم لبسو كيطمات زادو جاكيط ديالهم مع سبرديلات ..خديجة بحملها زادت حنان و طيبوبة ...ركبو طموبيل متجهين بارك فين رابطين موعد مع ليالي و امير يخرجو من ستريس العمل و المشاكل شوية
رؤيا: طاطا تلفوونك تيصوني
خديجة: ( شافت رقم بديعة لي مرارا و تكرارا تتصوني و تتفاداها) وي اطاطا غير الخدمة ..
رؤيا: وماما اطاطا ماتزيش !؟
خديجة : ( حكت جبهة من الكذبة) دبااا تجي .....
..تتصوك و تفكر اخر مكالمة مع فاروق لي فيقها من نعااس بليل
🔙🔙🔙
خديجة: ( بصوت ناعس ) الووو
فاروق: مداام !؟ صافا
خديجة: وي صاافااا !! ( عاد فاقت ) فارووق !؟
فاروق: كاين غيرو !؟ الا كان غير شهدي على روحك البلارة ! كي دارت الحاجة ديالي !؟
..تنهدث من قرارت فاروق لي بعض مرات تاتكون غيى سليمة ..باركات طموبيل و هزات صاكها و شدات فاليد رؤيا داخلين البارك لي كان عبارة عن قاعة العاب كبيرة لااطفال و مطعم ..فالباب مهرجين بلباس دوغة و ماشا تيسقبلو اطفال خلصت لها تيكيت و دخلات معاها القاعة حيدات سبرديلتها مشات تلعب تا تتشوف ليالي جاية هيا وامير حطاه فالبوسيط ..
خديجة: بونجووغ ( باستها و باست امير )
ليالي: صافا ماشيغي !؟ بيبي صافا هه
خديجة: هههه ( حطات يدها على كرشها) مزال ما متيقة ..............جلسو فطبلة امام القاعة و امير عويناتو علة اطفال تيلعب بيديه بدا يفهم و يستاجب لاسم و حركات الناس ...طلبو اافطور من جديد و تناولو اطراف الحديث
خديجة: الوغ كلشي مزيان !؟
ليالي: ( ربعات فوق طبلة معلية حواجبها) سي ديفيسيل و الله !! تنفكر نهز ولدي و نزيد خطوة
خديجة: ياك رجعتي على ود اولدك يعيش مع ابااه !؟ شنو الجديد !؟
ليالي: الجديد !! حليت عيني على بزااف حوايج لي هما سي غيان للناس !! انا جاوني سي لوطوب ..
خديجة: ديما تنسمعو مقولة ، الضربة لي ماتهرسك تقويك !؟ مي تانندوزو منها عاد تنفهموهاا !!-
ليالي: ( ددارت تتمسح امير فمو ) اناا عارفة اني اكثر وحدة خلصت !! تصوري كنت مانعرفش نخرج بوحدي للزنقة. !؟
خديجة: فاهمااك !! هانتي تتهزي ولدك و تتخدمي ! ماشي جالسة تبكي و تنوحي !؟ او عايشة بلا ماماك و داخلة بخوجي جديد ..
ليالي: ووي طا غيزون !! بغاني يدخل يلقاني تنبكي عليه ...
خديجة : كلها يعطيه الله على قد نيتو ( شافت فامير تيوجد يبكي) امير وقت بيبغون !؟
ليالي: ( هزاتو تتبوسو) بيبي موااح موااح ..
خديجة: ( تتشوف فيهم و تتحلم بللحظة لي تشد ولدها ) سي مينيووون ..
رؤيا: ( جات تتجري تتلهث) طاطا جاني صهد
خديجة: ( عطاتها كاس الما) شربي و جلسي شوية!! الا حيدتي تجيك كحة تاني و تشربي دواا .
ليالي: ( تترضع ولدها و تضحك معاها) زعيعرة لباس !؟
رؤيا: ( بابتسامة) لبااس ..
..دوزو وقتهم منسجمين ضاحكين ..امير مرة فايق مرة نااعس و رؤياا غادة جاية تتجري عندهم تا رن هاتف خديجة جاوبات
بديعة: ( بدون مقدمات) يااك ختي مابقيت فيك !؟ بغيت نشوف غير ابنتي !!
خديجة: خااصك تقدري موقفي اختي !! رااني غير مرات اباها و راك عارفة اباها شكون !؟
بديعة: نبوس ليك رجليك و يديك اختي !! غدا طيارتي تركيا عيطو ليا الخدمة و فاروق تلفونو طافي بغيت غير نسلم على ابنتي الموت كااينة ..( جات تهضر و قطعاتها) انا نصيفط لك بيبي طيارة و تاكدي بنفسك
خديجة: (حطات يدها على حنكها تتفكر و تخمم) هانتي ختي اجي مركب على بابا شوفيها و الله يرحم ليك الوالدين تبقى بيناتنا
بديعة: كووني هانية ختي ...دباا نكون عندك ...
ليالي: سي لامامون رؤيا !؟
بديعة: وووي راهم فمحكمة على حضانة و مانعها تشوفها ....
لياالي: ( عنقات امير بخوف) بففف خايبة
خديجة: جونيمااغ اختي !! يفتوني غير مشاكل مانقد عليهم ..( وقفت ) نمشي نخلص باش نتسناوها براا
ليالي:اووك بب ..ميغسي ...
..لبسو جواكطهم وخارجين و قفو امام الباب و رؤيا شافت مهرجين مشات تتلعب معاهم ...
خديجة: رؤياا شاريع ..
مهرج: ( لابس باطمان) ههه ماتخاافيش
..ليالي: انا نحط امير فطموبيل ..
خديجة": ( طلات على رؤياا ) اطط نعاونك ....
..واقفة مع مهرج تتضحك و تلعب فللحظة عيط عليه شي احد مشي هزة لي تهز راسها شافت ماماها نازلة من طاكسي ....ابتسمت بتسامة كبيرة على محياها و قصداتها تتجري ...
رؤيا: مااماااا
بديعة: ( يلاه شدت صرف طاكسي دارت تا تبلوكاات تتصرخ باعلى ) روووووؤيااااااااااااااااا
..خديجة: ( سمعت غوتة طاحت بوسيط من يديهاا خرجت من لبارك تتجري ضربت فالمنظر لي خلاها تنهاار فالبلاصة .......لي كان فالقاعة كلهم خرجو و طموبيلات حبسو بديعة تتويل و على بنتها لي القدر او عدم المرااقبة ادت بيها الحادثة
أولاد الوازنة الجزء 12
محتوى القصة
التنقل بين الأجزاء