قصة كما معودين من قعر خابية ...كما القاعدة ماعنديش تكرار فالقصص يعني لاتكرار فالمواضيع ولاا الحوار ولا الاحداث ....
يقال ان الربيع عذراء و الصيف أم و الخريف أرملة و الشتاء زوجة ...و انا (صفة رجل) محتاج إمْرأة فحياتي ....لاتلوموني الا هديت قلبي ليها هي كْمْرة و الكْمرة بعيدة ..هي نسمة البيت و نسمة عليلة ...
هي والزمان عليا مسلحة بعيونها و انوثها عليا...لاتلوموني الا هديت راس مالي و لي ليا ليها ...
هيا كانت عروسة الكبيرة الغالية لي على راسها تاج مزين باربع مااغلى من الياقوت ...الغالية ريحة الجنة و لي عرشها مايهزو لا ريح لا جبال ..هيا الوازنة ...بْكْرة ابوها وحيدة امها ..من الريف جات هدية و فالقعر المدينة بنات و علات و جذورها تغرسو باولادها تزينات بيهم كفات فالرحيل الحبيب الغالي ..
.....فالطريق سير مابين سيارات حافلة النقل ركااب غادة و بلقاء اول نظرة عليها تتلمح شباب من حركات جسمهم ناشطين ....وشيفور مبتسم شاد طريق بسرعة مقبولة ..
..شيفور زادت توسعات ابتسامتو و هز يديه كالتحية لجميع الشباب الي راكبين ...شباااب فعمر مختلط ذكور بالغين و رجال و قاصرين ..جامعاهم طريق وحدة لتيراان ...احياء العرس الكروي ...لاكن رحلتهم لاتخلو من اغاني العرس كروي الرجاووي ....تانطق احد شباب بمزحة وْقف تيستعد للكلام
: الله يمسخك(شاف ساعتوو ) تعطل سكوادرا اصااحبي و تيفو معانا بعدا ولا معاهم !؟
: راه موراانا اساط هنينا !! ...(ناض هو آخر تيقاد كاسكيط ) يلاه خوووت اصحااب الحنجرة ذهبية ....االإلترااس و كررين بوويز ودرب سلطااان و مكانا يوناايْتيد...
الكل بصوت قوي : alllllerr les veertts ..هيااا الخُضُرْ .....
: ديماا نسررر وخ رجاااا تخسرررر
الكل بصوت اقوى : ديمااااا خضراااا ولا طللق لمرااااا
....على شعاراتهم و احلامهم و متمنياتهم كملو طريقهم اتجاااه الملعب ...بمساافة قريبة توقفات حافلة و تفتح الباب و نزلو الركاب لي كل واحد فيهم حط رجليه على ارض لتتوجهو تيران تحول للمشجع رجاوي للنخااع ..بتوني رجاوي الاخضر و لي كاسكيط كاين لي لابس سورفيط رجاوية خضرا فين ما زلعتي عينيك تلمح خضراا ..ملعب فالدخلة مليء بالصفوف المشجعين الرجاوين و المشجعين الخصم لاكن بنظر كثافة الخضر كثُر فهم ملووك المدرجات 🔱🔱🔱
....مشجعين ينقسمون الي مجموعات اربع اولهم كرين بويز (grenns boys) درب سلطان و التراس و مكانة يوناتيد (magana untid) ...للكن تحت اسم الفريق رجاء فا هم وااحد ..مجموعات تابعة للنفسها و تشجع فقط رجاء و تصنع تيفو بنفسها و من ابداعها ( تيفو هو شعارات تزين جمهور قبل بداية الماتش تكون مدتها خمسة دقايق و عملها ياخد شهور) رئيسهم مجهول جميع منخرطين يولون الولاء للرجاء البيضاوي فقط يتمتعون بالحناجر قوية و متابعة مبارات الرجاء بيضاوي فجميع انحاء المغرب وخارجة ...ماتيتبعو لا إدارة الفريق ولا جمعية ولا لاي الجهة ..هم خوضر ولاد خضرا ......كلها فيديه ورقة دخول وشعاراتهم و راياتهم .......
للحظات ملعب اكتسى بالخضراء و جانب موالي مليء بمشجعين الخصم لايقل قلة على مشجعين ولا على تيفو و الكل فانتظار
.....الامن الوطني و السلطات مخزنية منتشرة امام الجمهور تينتظرو بداية ماتش ...مشجعين اصوااتهم تتعالا و تونيات تتسلت من فوق اجسماهم للتعرى صدورهم تتهتز باهازيجهم و تونيات فالايدي تتلوح ...
ديماا خضراا
فررركع لعديااان اولد عبد ديماا خضرااا
باااش تمسع صوتنا من وسط فيراااجكم خااص يكوووون سميتكم كررررين بووووويز 👽👽👽
.....فللحظة تزايد صوت مشجعين بنبرة فرحة ...تتسمع كلمة كااابووو سكوادراا.... سكواادرااا و مدرجات تتهز بمشجعين لي فوق ولي تحت كل تيبحث بانظارو عليه .....
هاهو جااا ..كااابو وصل ...
العززز ونصررر لرجااا ..
#كابو_سكوادراا ...هو مايسترو مدرجات مليئة بالمشجعين هو لي ختاروه بنفسهم و بتصويتهم ...هو سكوادرا لي جمع اربع فرقة تشجيع تحت تسيرو فالماتش .....
لابس سروال كيطمة للفريق و توني اخضر و كاسكيطة خضرا ..تيمتاز بالطولة و صوت قوي ...داخل هاز فيديه شعارات و تيشير بيديه للمشجعين لي بدورهم تيحييوه ...طلع فالكرسي المخصص للسكوادرا حديدي طويل محطوط فوسط مدرجات ...طلع دريجات وصل طبقة اخيرة من كرسي واقف متل جندي تيستعد للتسير جنودو ...
...له كريزما خاصة دو بنية جسمانية قوية انه سكواادراا كابووو ولكن الى تجنن كشاكشو كتولي خارجة وكثير شي مع الكورة لا جعر معاها وتعصب صدرو كيتنفخ كيعقدهم وخا ضحوكي ونويشط مع راسو ...هادشي مكيمنعش انه متعصب بزااف لكورة خاصة مع تشجيع الفريق المفضل ديالو ...المشجع المتعصب وما ادراك ما المشجع المتعصب لفريقو ...غا خوي ساحة وخلي الارض تهزو غا هو لدرجة وخا تكوني ضدو لاكنتي بنت تولي معاه غا باش يسكت لا يخلطك مع اقرب حايط ...
#نوصير القباااج
...سمي بمايسترو لانه بمجرد ما هز اليد وحدة وشاف فيهم شوفة وحدة و نطق كلمة وحدة لي ترردات من مقربين حدااه الكل بدا فاغنيتهم بصوت قوي و شجي تيهز المدرجات ...وقفة وحدة و الرايات بشعار رجاء بيضاوي كبيرة تتفرفر فسماء الملعب . ....
للاااا لااااا لاااااا لااااااا
نسهر بليل كي نغمض عيني صورتها نشووووفهاااا
دي سوفونير الفرحة و الغبينة معاك نتي انا ععشتهاا
مزال صغير عاقل على اول مرة فيهاا شووفتهااا
التوني بصير في المغانة قلبي ضرب تماك عشقتها
بورش للحمي تضرب البيت و المغانة تهزت هوليا ..
دمعت عيني وخا فرحان بلا هوايا شداتني البكية
الفرحة كثرات في كل ماتش االخضرا تخرج رابحة
برومير ديفيت بوش_بي بالشوك عقلي ماقدر يستوعبها
ديريكت البيت لاماكلة لا شراب سيمانا دازت. كحلة
وشحاال بكيت و الوالد يفهمني الخسارة الوااردة
جور وراا جور نزيد كونصومي ونزيد ندوك البلية
فتنا لاموور (الموت) ولات رجا فعينيا تسوا دنيا
بالخضرا مريض و مايقدر احد يشافيني اليوم من مرضها
ماتكولي كبير وخا نعرف نجي بعوكازي لكورفا
لااالاا لاااالاا ...
..تبوريشة دموع و حناجر باحبالها صوتية تتقطع لاخراج اقوى صووت ..جمهور عالمي بفريقو ..يموتو فرجااا و دمهم رجاوي....
..من داخل مختبر تحليلات فقاعة الانتظار جالسة بجلابتها البيج مخدومة بالبرشمان على راسها بوني و من فوقو شال بيج وصابو مديكال فرجليها و صاك محطوط فحجرها وشادة الحديث على ما توصلها نوبة لللتحليلة
الوازنة: حمدي الله على كلشي ..
: هلكني يالالة الواازنة ملح ..وريجيم ماقديت عليه
الوازنة: حسبي الله !! لا هيا جات فرجيم ؟ راه جات بالمشاكل و الهنا و راحة البال لالي عندها تريكة قاصحة مالو ما يجيها ملح و سكر !؟ و طانسيون كاع
: الله يخليهم ليك ..مونسين و مهوسين !!
الوازنة: لواه الالة عيشة!! وقت هوس و نوس فاات الفووت فيه ..صغير عندي بطول عمرو عندو 28عام هو مصرانة اخرة (هزات صبعها مستقيم مع جبهتها و نيفها ) هوو لي متلف ليا الامور ..
: اوا !! اش نكول انا لي عوووينة داتو كاورية !؟
الوازنة: اوا لوااه تاني !! الا هااديك ..رزق باهم فايض و مثمر ماعليهم لاين ...الكبير راه عندي شااف جدارمي ولاكن ماتما كبير مهرررب راسو ..رادة راس على وسطي عندي خدام جنبي و قريب ليا مايفارقني اما سيدهم هو مغيث امتى (هزات يديها للسما) نفرح بيه! هو حقيقة امتى نفرح بتلاتة الباقين
الوازنة: الااااا هاادي الا عيشة !! مانختار مانتشرط ما ناخد ذنب ولية ..اولاد الوقت صعاب أولادي اكثر شابهين المرحوم ينزل عليه رحمات فهاد نهار ..نطلب ليهم هداية وجميع الوليدات مسلمين
...حديث النسا الا ماحبسو مهم مايكمل ..الوازنة شدات تحليلتها و دارتها فصاكها و قدات شالها ..هبطت دروج خارجة ....هزات راسها مبتسمة فيه ..
متبسمة وعلاش الي متبسم وهي شايفة الزين الي فعينين مو غايكون غزال وخا يكون قرد قدام ناس ...هاد المرة استثناء غزال حتى فعينين ناس والي جاي لعندها سبع بديك الوقفة والبدلة الي زادتها بنيته الرياضية هيبة فوق هيبته الي صانعها بنضراته ...
الوازنة: سيد مغيث !!
مغيث: (شاف فيها متبسم بجنب لحنانة ونطق بصوته الرجولي المزعزع كيشتت نضراته هنا وهنا حتى قرب قبل راسها): الواليدة !! كلشي هو هداك !؟
الوازنة: حمدي الله اولدي!! فينو نبيل !؟
مغيث: (فتح لها الباب تاجلسها و دار لها صمطة و قاد جلايل جلابتها و سد باب ورجع جلس بلاصة شيفور..عض لسانو وتبسم بجنب حتى تعسلو عينيه) ياك الالة ههه انا هنا و نبيل فينو !؟ هههه هو عيط لي نجي نجيبك
الوازنة: تبارك الله على سي مغيث و يرضي عليك وعليهم ...عارفاه (نبيل) منين تايدخل لافيراي مايعاود يخرج !!
مغيث: (بصوت رجولي هادئ) الله يعاونو الواليدة ..جاتو على خدمة اللهم سهل !! الباقي على نووصير (كمل جملتو بحسرة)
الوازنة: (تنهدت) لا انا تنشوف نعاس معاه !! راه يومين ماشفتو تابع كرة !!
مغيث: المغرب الواليدة كلو تابع الكرة ..كل الدار فيها كوايرية هوو تاالبنات رجعو كوايرية
الوازنة: ايه حقاا!! لاكن ا وليدي راه لاشغل لا مشغلة من غير كرة ..امتى يخدم !؟ امتى يتزوج !؟ امتاااا (طولاتها )
مغيث: (وصلو الدار وقف طموبيل و دار شاف فيها بابتسامة و هز يديها قبلها ) زوجي الكبار الحاجة عاد صغار !؟
الوازنة: نشااء الله ..وعلاش الا !! نشوف سيد مغيث عريس ...
مغيث (دار ايديه على نصو فوق سمطة سروال بوقفة رجولية ..عض شفايفو ) : ههه علاش لا ...
...تيتعامل بلباقة مع الام ديالو ملكة قلبو ...هيا ملكة اولادها الفرق ان كلها و طريقتو بتعامل و مغيث مقابلها فصغيرة و كبيرة ...طلعو الدار لي مصنفة طروا طاج و سفلي بابو بوحدو كارياه الرجل و زوجتو ..
...دخلات الوازنة بيتها تزول جلابتها و تلبس قفطانها بيتي و خرجات تجمع مع مغيث لي من هادي عامين منين شرا برطمة ديالو قريبة على خدمة استقر فيها ....
الوازنة: اوا ولدي كي غادي مع العمل و ماكلة زنقة !؟
مغيث: (جالس جلسة رجولية طالق يديه على وسايد و مفرق رجليه) غاادين الحنانة كما بغى الله ...(تنهد )
الوازنة: متمنياك اولدي دير وليداتك و تعمر دارك ..هدا جهد ...
مغيث: (بتسم باستحياء ) هيا الا نضتي خطبيتي ليا !؟؟
الوازنة: راك العزيز ولد العزيز و مكملك ربي بعقلك مول المقام مخير لاكن اولدي الا هادي ..ختار بنفسك ولي عشقت عينك و بغى قلبك مانخاف عليك تختار زين و عقل !!
مغيث: (سهى فكلام امو ..و نتفض بسرعة) اللهم سهل ولا تعسر ..اوا الواليدة العيد كبير قرب اش خاصك اش ناقصك !؟
الوازنة: (بابتسامة دافية ) نظر فوجهكم العزيز ههه ماخاصني حتي خير اولدي نبيل تقضية تيجيبها بالضوبل ...(تنهدات بقلق) ربي اولدي الا ماعيط فاروق!
مغيث: هيا اولى الواليدة ..(جبذ ايفون و دوز رقمو ..مرة وجوج وتلاتة ولا من مجيب) أ والو الوليدة ماتيجااوبش ..
الوزانة: ربي عوينو فداك لابريكاد ...اوا صوني على بديعة !؟
مغيث: ماعندي نمرتها الواليدة !!
الوازنة: راني مقيداها فالكارني ...
(ناضت مشات بيتها جابت لاجوندا صغيرا مداتها مغيث لي بحث على رقمها و ركبو تادوز الخط عطا لمو تلفون ...
مغيث: (هبط قبل راسها و حط لها مغلف فيه فلوس) تابعني شلا مطارق الواليدة مزال ندوز تا لابريكاد عند فاروق ...
الوازنة : الله معاك اوليدي الله يرضي عليك و الله يرضي عليكم كاملين ..الله يديك فنور و يرجعك فنور ...
بهاد دعوات الرجال حرين متبتين راس مالهم و فكل طريق ربي مفتح ليهم ابواب خير و لي جات من عند الله مرحبا بها ...
..من داخل الدار بديعة جالسة فصالون من بعد ماقطعت المكالمة مع عكووزتها الوازنة ...ضيم طايح عليها لابسة بيجامة قصيرة و مربعة رجليها مع عامرة و غليضة من تربيعة فخادها كلههم باينين هازة شعرها لي مصبوغ بلميش فوق و عاطية وجها شرجم تتنفس بعصبية ..."جناوح مناخرها تيرفرفو "
اميمة (ختها) تتنهد للكلام ختها و عاقدة حجبانها مخيخة اكثر منها ...ضاربة دجين مزير و بيل بيض لافيسط توب جامعة شعر تتشبه ختها ...: نتييي انتيييي اااااختي لي كنتي طيحي رووووح عليه و تاااخديه ...(تتهضر بغوات و تهز فيديها) فااروق فاروق هاهو فرق لمك قلب و روح جمعي ...
اميمة: (تتعيبها) يهطيه موووصيبة!! داااكشي فاااش حااادكة دعاوي ؟؟ و دمعة و خنووونة و نوووضي جمعي رااسك ونتي تفرفرتي و مقابلاه ليل و نهاار...فين داخل فين خارج و تحمقي راسك مع كود تلفونو !
بديعة: (تتحسب بيديها) صاابرة !! تننكول على وجه ابنتي !! مااانساافرو بحاال نااس !! ماانخرجووو بحال نااس ..كاع لاجودانات شراو ديور و بناو علاو و ماخلاو فين وصلوو (تطلق شعرها تعاود تجمعو باعصاب) الدااار (تتشير بصبعها… ارض دار) هياا تالية ماسكني فالمدينة تا عواجيت ...مسكني ففيلاج حدا لابريكاد (تتهز جلايلها و تمسح دموعها)
اميمة: من عام الفيل و نتي تتعاودي هاد فيلم!! سامحيني هو تالي و تسالا !! واااااش نتي ماااعارفاش جداااارمية وخدمتهم ...وكيفاش كيديبلاصاو كل خمس سنين…
بديعة: ماكانش هكا ..واعدني و كالي اندير و ننفعل !!
اميمة: سمحيييلي من نهااروو هاز شوكتو و زهواني و صاحب كاس و طاسة ...ياك حرارت العيشة طلقي منو و نفقة تعيش ابنتك و شوفي حياتك هانا خدامة فتركيا احسن من اوروبا ...زيدي معايا سمحي ليه فجمل ومااا جمل ..
بديعة : (بخنقة و حرارة تتعاتب ختها) و اابنتي !! نسمح فيها ؟ نخليها ليه بااردة ..
اميمة: خليها لماما و لا لمو !! كوني هانية بحال هداك و الله لاعاود تزوج نتي راكي لصقتي فيه للصقة عداو ...عيت معاك فرقي جدارمي راه حريق الراس و باات مشاكل ..
على اثر الغوات دخلت عندهم رؤيا مطرطقة عينيها مخلوعة...شافت فيها خالتها تتخيب سيفتها و تحازت حدا امها تتراقبها و تنتظر منها ابتساامة او كلمة تريحها لاكن بديعة كانت رادة راسها شرجم تتكمل بكاها على مشاكلها لي بذات هادي اربع سنين من بعد عام هاني من زواجها مع فاروق ..مشاكل روتين و الغيرة و الشك و البرود و تجاهل تجمعو عليهاا ...
...انهارت تتبكي بديعة من افراط العصبية و غضب جامح لي كاتم على قلبها ....هزات اميمة البنت تتسكتها وهيا كملات دموعها ...دائما ماتنشوفو مشاكل زواج تنقولو الزواج و الموت هم لا يفوت !! لاكن لا موت ساهلة ولا زواج اسهل ...مرارتهم بالفراق و المشاكل تتحط بنادم فاصعب امتحانات ..مسحت دموووعها و هزات تلفون تتصل بيه ....
...جدارمي !! بوليسي !!مخزني !!عسكري !! اي كادر من كوادر الدولة فاالامن الوطني ماهو هااني ...خدمة مخزن كلها ا فوزغدغ (تحت امرك) كل مااعلى رتبة يآمر اقل منو …وهيا كدالك تتوقف عند الملك ...
....الشمس فيك و شتا فيك و سفر فيك كل ماهو فخدمة الشعب هو فيك ..اكيد هدا هو شعار لاغير و المخزن عندو خباياه و اسرارو ...
..فاروق القباج اجودان دوشاف فلابيركاد بفيلاج اي بعيد على مدينة الساعة المكانة ..فرق بين بوليس وجدارمية انهم تيمركزو فالمجال القروي و هما تابعين الدرك الملكي و القوات المسلحة فاي للحظة يقدر يرجع فالصفوف الحرب وله مجالية استجواب بوليسي كما كان ادا كان الامر يتعلق بالامن الدولة و لبس العكس...(يعني جدارمي اعلى رتبة من بوليسي)
..من داخل لابريكاد شي داخل شي خارج و صوت الراديوات تيتسمعو من قاعات ..قضايا و محاضى تتحرر و مشاكل القرى مرات تتكون اصعب من المدن ....
...من داخل غرفة تحقيق واقف بملامحو جد صلبة بلبستو الرسمية للخدمة حاشي يديه فجيبو و عينيه مثل عاصفة تتلوح فاجواء ديما حومر ضاع فيهم لونهم الحقيقى عسلي مائل لرمادي ...فاروق اجودان اربعيني العمر ذو وجه جذاب ... شاب شعرو من خدمتو قضايا جد معقدة تتمر على يدو ..عمر نهارو داز عادي الا ماتعصب على اتفه اسباب مايكونش على برجو !! ونيسو فنهار القهوة و بليل كاس وماء حياة...
: اشااف تنزرعو حشيش و نتحاسبو علاش تبلينا (تيهضر مهرب عينيه من خوف)
فاروق: اااهااا !! عمر كااابيسة مع كرك !! مني نت فاهيم لاش مرمي للبلية زايدها بتجارتو !! (قرب ليه محضر مخزز و مخنزر من صاب يشرب دمو امثالو طلعو ليه فخدمتو يشدهم يوم دوز شهر يخرج برشوة و يعاودو يشدو شكون يتحاسب دولة ولا راشي ولا بائع ولا شاري ولا اجودان دوشاف) سني هنا نوض تقاود صحاب حال قايمين بالعمل ...
...خلاه يهبطوه مع خوتو خرج باب لابريكاد تيسف كارو لي تيضرب حتى تلاتة باكيات فنهار بلا مايحس ...دماغ خدام كثر من 24/24 على ساعة ..باش تكون فسرفيس خاصك تكون سيزوار ماضي على جوج جوايه ....صوتك عالي على مجرمين و قبضتك اقوى عليهم مع شاف كبر منك تحني راس و تسمع اوامر كما كانت طبق شحال من واحد طار لانه ماقدرش يخالف اوامر لي ضد مبادئ...تشد رشوة لشاف ديالك و تغمض عينيك على حشيش دايز من الفوق و كودربوند داخل خارج بخبار جهات عليا ...
فاروق: (متبع دخان كارو و عاقد حجبانو من شدة حريق راس لي ولا ملازمو مثل مرض مزمن سرح بنظرو هو تيشوف سيارة دورية جدامية داخلين نطق بصوت عقلو خافض) كي الاحتلال كي ستقلال بوفري مدكوك مدكوك ...(وقف قدامو جدارمي عطاه سلام) اااش فبلان ؟؟
ج: شفار اشاف فالسوق حصلوه جابوه كاو !؟
فاروق: (خدا اخر نثرة بجنون و زطم عليها هز راسو تيسوط نطق بصوت اكثر خشونة ) كاو ؟؟ كااااو !؟
فاروق: (ركب فالسيارة مشربن عينيه حمرين لون البؤبؤ مشعشع عاطيه ميزة جدابة تخلي شفايفك يتغرسو وسط سنانك من سهوة فيك يا الاربعيني ...فانتظار يرجع جدارمي) يلاه اليوم نباتو نحققو مع سوق كلو ..شفار مقتول فسوق طلع نت شمن ضربة قتلاتو ...(برك على كلاكصوون بجهد تاخرج جدارمي تيجري تگللاعو تحركوو للسوق ..
...لافيراي ..او القطع المتلاشية باللغة العربية ...عالم تنسمعو بيه اول ماتيصادر بالنا هو فقط الديشي و دفع و بيع فقط ..لاكن لكل مهنة فالمغرب لها خباياها ...
امام لابيست فلافيراي آلة كبيرة برافعة مثل يد العنكبوت تتهز قطع الغيار المتلاشية تتحطها فالشاحنة لي تكون وجهتا المرصى لتصديرها الى الخاريج ...واقف بللباسو العادي نايك فرجل اخر موديل دورجين و دجين لفيس وبيل نواغ بولو داير يديه المفتولين مشعرين مور ظهرو متبع حمولة تتشحن على عينيه نظاظر شمس مخبعين عينيه كوحل ذو نظرة حادة...واقف بجنبو صاحبو فالحرفة ...
كمال: سااكت ؟؟
نبيل: (بنفس الهيئة ماتحركش ولا شاف فيه فقط تيسمع ..لزم الصمت ثواني جاوبو بصوتو الجوهري …منخفض) داااكشي ماخدامش لا ليا لا ليهم !! راني ولد الحرفة ماشي داخل رعواني عليها قبل مانشد لافيراي راني ديبلوم ميكانيك اخو ..
نبيل: (بصوت جدي يخليك باغيه غير تسمعو ممزوج بين رجولة و نبرة منغمة شوفة فكمال شوفة فسلك نحاسي) الحرفة اخااي كمال تعصرات بحال بنت البلاد عسل حر لقمتيها بالكوفتير ...لافيراي نهار دخلتها خدمت مع بوعارا (لي تيجمعو لافيراي من ازبال ) لي تبفيق صباح بحمارو ولا بشكليطتو وفيهم لي خلا قرايتو خرج ينقب على المنيوم و الكارطون و بلاستيك و زجاج باش يبعوه ليا انا لي تنصدرو خاريج ولا شركات ولاد لحلو وبناني و علوي و مدغيري و زيد وزيد ..بوعارا لي مخير فيهم تينقصو على دولة 15% ديال زبل مهنيها منها ..نوض انا نخدم مع شفارة لي (تيهز ليه سلك نحاس فوجهو ) تيسرقو سكة تران و سلوكة تصالات جوامع ما فلتوش منهم نبيع و نشري معاهم باش نتسمى وسيط ديال شركات !! لاخااا يربحو بشركاتهم و نحاسهم و سماسرية ديالهم ...او ثمن لي تتكول هما تيديروه راه لافيراي بحال ذهب بورصة ميركان تتحطها كل نهار ..
كمال: (تنهذ ودور لسانو داخل فم. ماخلا ليه فين يزيد ..) انا تنقلب على ثمن وربح
نبيل: طلع راس حربة دخل تانتا حديد مفرتت (سيارات مسروقين من اخر موديل) دير لباس فليلتك راه كاين حشيش وكاين حديد ....انا غير بوعاري
كمال: صحاب خاريج عيقوو ..سني ماتسني كوطة مرقمة ..لاباري لي تتدوز رادياتور (اشعة حمراء) زبالة فلوس و طرزنسبور علينا ..
نبيل: (بنبرة حاادة ) كمااااال ..مات الكلام !! نهاري من صباحو ليلو انا بين حديد وكارطون و بلاستيك بيدي خدام طلوع ضالة مسوسة خليها سماسرية انا ولد الحرفة ..
...كملو حديثهم داخل فالبيرو و كلها تشغل بمشاغلو ..كلشي حساب و كوطاج ..سوق مروج تلقاش فين تحك راسك خدمة تكرفيس و فلوس ناضية
..مر نهار باوقاتو وحل المساء ..مغيث يلاه ديمارا طموبيل قاصد لابيراكاد هو يسمع تلفون تيصوني غير للمح رقم جاوب...
مغيث: (تنحنح و مسح على وجهو تنزيلا بللحيتو مطارسية لي عاطياه كاريزما و شكل جميل رجولي) لقتني طالع عندك تتغبر اصاااحبي !!
فاروق: خاطري اصاحبي؟؟ راه حرب نايضة عندي مهم راه تكلمت مع الواليدة وطمنتها ..
مغيث: ومال رؤيا !؟
فاروق: ( راسو ثقيل من تحقيق لي دوز فيه نهارو كلو تيهضر بزز) ومالها ؟ بخير "بصوت مرتفع "
مغيث: برررد اصااحبي وااه !! عارفينك عايش ويل كحل دير فين يدوز لما !!
فاروق: (بقلة صبر) مغيث اربي ما تلاح عليا
مغيث: هاهوو!! تهلا و بررد
فاروق: امممم ....قطع مكالمة ونزل من سيارتو عينيه طافين وذنيه تيسوطو بقوة تعب ....فتح باب عمارة طلع بروميار ايطاج تيحس بصدرو تيتزير باغي غير يتلاح فبلاصتو يذوق طعم نعاس و يشوف صغيرتو لي نغز عليها قلبو كن كلام مغيث ...فتح الباب سمع صوت تلفزة حط سوارت داخل تيحيد لافيسط اما سلاح تيحطو فلابريكاد و يسد عليه حاضي امورو ...لاتقة فدار ولا بار ولا شاريع ....ضرب فيها جالسة على ضو تلفزة و مخنزرة ..
فاروق: (نطق بتقالة ) سلام
بديعة: (ماتشوفش فيه غادي طرطق ) نحط لك تاكل !؟
فاروق: لا انا بوري ماتناكلش ..(طلعها و هبطها حالتها ماتماش ودار جاتو مطفية ) مالكي!؟
بديعة: (مثل موجة بحر ضربات فيه واقفة رمات تليكمند تاطاحت هو متبعها مخنزر ) مااالي ؟؟ لااا من نيتككك مااالي !؟ (هزات يديها فوجهوو) ماااالي ونصصص مليييت و عيييت و طلع لياا هاددشي فراااسي ...طلللقني
فاروق: (دور وجهو جنب كاره حياااتو وكاره دارو نطق برود) مااعيتيش ؟؟ مااعندك شغلك فحيااتك من غير طلقني و عيت و مليت ؟! رااكي مولات دار و عندك بنت رحميها و رحميني !! علامن تنضرب هاد تمارة !؟
بديعة: (محروقة وباغة تخرج عافيتها تمررو بكلامها ) مزوجني حاطني ديكوور !! نطيب نسيق نزمر ...انت جالس تزهى مع راسك كل ليلة
فاروق رمى لافيسط و هز يديه بمعنى مرحباااا ...فغفلة تجنن و جرها من شعرهاا جرة غداي داها وجابها باحر لي فيه و هبطها تيهضر حدا وذنها و هيا تاتنين بالوجع و تتبكي ...
فاروق: ايااااه فارووق !! فاروق اوجه نحس لي خدام ليل و نهااار فالجحيم ونتي عاايشة ملكة مع كرررك مامخصك من والو و باغة طيري ..(دفعها تاضربات رجلها مع طبلة )
بديعة عوض ما تبرد و طفي غضب ..ناضت من جديد تتعرج و دموع فعينيها تتنخسس ناوية تكمل كيرا...
بديعة: بزاااف عليك !! لي موللف بالقحاااب هو لي تاايجبدهم !!ختي بزااف عليك ..مكاين زهواني قددك
فاروق بتسم ابتسامة شيطان قرب لها ماحسات براسها تا جمع معاها بتصرفيقة تادارت جالسة و تبعها مكمل ليها تصرفيق من جوج جوايه تانفس تقطعات لها وهو عروقو خارجين وكشااكشو تيتزلعو عينيه ولاو دم ناوي لها على خزيت هضر تيغزز سنانو
: ااااه تنشم القحاااب و ختك تخطيني ماتنحويش القحااب ..نتي ضسرتي باغية تزللي مع كرك مدورينك للجهة غلط يلعن مكككك و مههمم .....اش خااااصك ؟؟ اااش باااغة زلال تزللي ..خروج ؟ سهييير ؟ باااح امداام ...راك على ذمة رااجل مااشي زاامل ...فارووووق قباااج ولد الوااازنة عمري بيها فمك ...
فاروق: مفارقك من زمااان !! شاد ابنتي و حااابس ابنتي (تيرعر و يغوت محيح) تقاااودي حطييي بنتيي وقاااااودي لمرااا لي تحرر عيشتي و تخرجني طوووعي نطلقها بثلاث و ماتبرررردش ليااا ...غبري عليا خنشوشك يغرق لملت مك الشقف اتريكة الخانزة "خرج دفلة من اعماقه " اتفو يلعن عدو ربم فهاد النهار الي معندو شمش ....
..هيا فجهة تتبكي و تمسح دموعها وهو واقف عليها تيرد فنفس ...تفكيرو حبس و يدو تترعد دفل بمرارة خلاها تتبكي بصوت عالي ..رجع هز فيستو و سوارت خرج زربان مع سدة تفكر بنتو و دموع تجمعو فعينيه طالعة فتلتيام ماشافهاش ..نزل دروج بحال واد حامل زدح باب و طلع فطموبيل شعل كارو تبرد حرقتو و تيرد روح .....مع كل نثرة تيحسها تتحركو ...دماغو خدام و قلبو مغلووق ..هنا فرق بين راجل و المراا ..هيا تتجلس تبكي تحسرا على ذكريات واللذي مضى و قليل فينا لي تتخدم عقلها نحن #حواء ...
اما #ادم و كل #ادم فللحظات الخصام و قرارت الحياة تيفكر بعقلو تيفكر بعيد اكثر كن بعيد ...لي تيجول فدماغ فاروق حالي هو بنتو !! كندير لبنتي ؟؟ هانا طلقت ؟ هانا تزوجت من جديد !! فين الحل ؟ فين الاستقرار نثر اخر نثرة و حرك طموبيل صايك لوجهة الله وعلم ..
فاروق... العيشة حرارت ابنت ناس مابقات عيشة ..هادي جملة لي تتردد فدماغو ...راجل ما يحكمو لا ولاد لا وتااد ....لقى راسو حدا سكنة مغيث حبس تحت عمارة و دوز رقموو ..
مغيث: اش تم !؟
فاروق: تهبط ولا نطلع !؟
مغيث: الا نت جدارمي تتفهما طايرة انا غير موظف تنفهم على قدي !!
فاروق: (هبط راسو شاف ضو فبرطمتو) انا طالع حل باب ولا تاهادي مافهمتيهااش ..
مغيث حرك راسو بلاحول ..جر رجليه لي لابس فيها كلاكيط اديداس و شورط كحل قصير نايط مبين ليه لي مولي و فخاد قوين و مرسومين مكتسين بشعر وصدر بلي زابدو عريان واخد للون اسمر تيهبل ...مع فتحة باب مع فتحة باب سانسور خرج منو فاروق تيتنثر دخا ...سد من موراه الباب تابعو مقلق على حالتو !!
...فاروق ترمى على اول فوطوي هاز ذراعو على وجهوو تيحس بدقات قلبو دايرين مراطون...حط ليه مغيث قرعة ما ودق دق فطبلة ينتبه ليه ...تكعد ناعس حلها هبط عليها فدقة ...
فاروق: كايشي مايتقصى ؟؟
مغيث: (شاف فيه بنظرة من نيتك !
فاروق: انا ولد القحبة لي جاي عندك !! كن ماخفت نخلع الواليد لاجيت عند دنمك
...ماجاوبوش مغيث ناض بطولتو للكوزينة جبد ليه لي فتلاجة ديسير و دجاج ريسطورات فبواط و قرعة موناضا ورجع حطو ليه جلس قدامو شاد تلفونو طالع نازل و تيلعب برجليه تيتسنى اعصار يهدا....كمل ماكلة و مسح فمو ويديه ونطق ببرود
فاروق: نعس غير هنا !؟
مغيث: (رمقو بشوفات الله يحضر سلامة مع عوينات عسليين و حجبان كثاف منظر خلاب) بررربي تاانعيط الواازنة دبا !!
فاروق: (رجع صعر) تلتيام ونا فلابريكاد موت و جوع و تمارة (مسح وجهو و حيد لافيسط و صوفيطما صماطي بانو صدرو مخدوم ) رجعت دار نرد الروح !! صدقت غانطيح الرووح!! المرا عندي تتجري فالفراق ..الا ماتهنينش فحياتي تقاود عليا كلها يشوف حياتو ..
مغيث: (هز حجبانو باسف) طلااق رااه ساهل اصاحبي !! علاش تعطلنا فزواج حنا؟؟ تنقلبو على نقلة مزيانة ولي تصبر معاك و تهز بيك و تحن فميمتك و تحترمها ...دبا لي عطا الله عطاه
مغيث: (حوار راجل للراجل فاهمو عارف فين يتجه علاش الا فين يحبس) فاااارووووق !!! سيدة مابقاتش معمرة ليك العين !!
فاروق ضرب طم ...مراتك مابقاتش معمرة ليك عين ..مالها راها مرا وتتلبس و تتقاد لاكن عيشة حرارت ..واش داك شوية الاعتناء يشفع لها ولا قلب بقى فيه الحنانة و الكبدة (بنتو) ....ناض مغيث مخليه يفكر و يعاود ..راجل فاش تيقرر فراق ياااوخا تكوني نتي هيا ملكة كون لا شدو زين لا حزارة ..
..مر ليل كلها وحالو و حل صباح مشمس …الجوو نسبيا حار..الوازنة تتفيق مع الفجر تأدي صلاتها لي هيا زادها و اعمالها للاخيرة على حد قولها و تجلس فبيتها حتى تتطلع شمس تنوض كوزينتها طيب الفطور و لسانها ماتيحبسش على الاستغفار و الدعاء لولادها و هيا زهرها شكون يفطر معاها هاد صباح ....مع دخلة كوزينة لقاتو محشي فثلاجة تيخمل عادتو من صغرو سكر تيشنشن غير معاه هوو مصران ارض عارفاه غير من للباسو فين ماكاين شي اخضر راه لابسو ..
نووصير: (دار عندها بضحكتو لي تتشرح نفس و العقل و سنان مستفين بيوض ) الواااااليييدااااا ..وااا الواااليدة صيفطي للعااااقة الراااجاا بقى (جا يبوس راسها وهو هاز الفرماج و عصير)
الوازنة: ياااولدي راني خايفة شي نهار تجيني مفرشخ ...الكووورة مشات مع ايااامها ..اما دق و جرح شحال من ام تشوات عل كبدتها
نوصير: فبلااادي ظلموووني الواليدة ..
كمل داك الفطوور واقف كي ماكينة الحصاد لي داز عليها مشات ...هاز معاها الفطور تيحطو فوق طبلة و هيا هازو صينية .....الدار الوازنة مجهزة على قد ذوقها كلما تجلس و تشوف صالوناتها وقناتهم خاوين ديكورات و الوان غامقين ديما كانت تكول الاولاد تيوسخو و تحسر على فرحة الدار (البنت) لي ماعطهاش الله ..كبات كاس اتاي تنهد ونوصير قاريها فالسما تاشاف نبيل جاي جهة طبلة لاسلام لا كلام حدو نزل قبل راس الوازنة
نوصير: كنت بايت معاك !! طحناكم امعلم بارح
نبيل ثقالة و هدانة لي عطاه الله جمعها من اولاد الوازنة كلهكم...جبد تلفون تيشوف فيه لي لقاه مطرطق مساجات واتساب عقد غوباشتو و حطو ..
الوازنة كمداتها وسكتت ..ماتتبغيش تزايد مع نبيل لان غضبو صعيب اخرتها ينوضوها قتلة و تهراس
دار اولاد ماهيا دار البنات ...كمل فطورو و قبل راس امو و هز سوارت طموبيل لي لاح نوصير و لبس سبرديلتو و خرج غادي خدمتو و تلفونو تيصوني شاف نمرة تاني "رفع حاجبو " و رجعو جيبو ...
....فاق قبل منو خدا دوش ديالو على صباح منتعش بريحة ايشوايا للرجال تتضرب من بعيد ...هو من رجال لي تيهتم من نظافتو سنانو اولا و ظفارو تسلسلا بللحية لي ديما مطراسية و تيضرب بياس سيني ...كمل للبسو و رش ريحتو مفضلة بوس… و ركب ساعتو ..خرج بمشيتو شبه رياضية تقيل مع راسو و الغوباشة ديما معقودة بين عينيه على صباح تيكونو مجبدين و نايمين ..طل عليه لقاه كي خلاه بارح نعس على جنب واحد،… نعسة وحدة ...دار كافي عمر جوج كيسان قهوة ورجع جايبهم حط واحد فوق طبلة قدام فاروق وتاني شادو تيشرب منو واقف ...
مغيث: (بصوت البحة صباحية) فاااروق !!
فاروق: (تيهضر مغمض عينيه ) راااني فاايق ..
مغيث: نوض شرب قهوتك توكض !!
..لاح عليه ليزار نعس عريان غير للكالصون مد يديه سروال لبسو وناض تيحك فراسو تاجه حمام قضى حاجتو و غسل وجهو و يديه و هز فوطة تيمسح وجهو و سهى بنظرة فالمرايا ..
: خدمة حبسس !! للحية ماتربيهاش .....خرج عند مغيث هز قهوتو تيشربها لبس سوفيطمتو و لبس جاكيطو وخرجو بجوج ماوقفو تاباب الخارجي ..
مغيث: خدام !؟
فاروق: انمشي نشوووف رؤيا ..ليل عاد خدام
مغيث: (جمع شنايفو باسف على خوه صعيب توقف فالمفترق الطرق ) يدير الله خير ..وماتتنساش الوليدة ..
فاروق حل باب طموبيل عطاه اشارة براسو بمعنى وخ و طلع ديماراا ..بقى متبعو مغيث تاركب و دار نظاظرو و دخل كراج عمارة يخرج طموبيلتو...لقاها مغسولة تتبري حل الباب و ركب نوضها ..دار صمطة و قادر مرايات و جبد شي بركة يمدها للعساس فالخرجة ...شد طريق مزك مع راسو حياتو تيحس بيها مكتاملة و الكمال لله ..رضاة الواليدة و حنين خوتو خدام فبوسط مدخل ليه شهرية صحيحة بدارو مفرشة مأثة كما بغى تنقصو رفيقة الحياة ..تيتفكر عاد جانب تتيحس بفراغ ..دوز علاقات كجميع الرجال لاكن عمرو حس بالحب و الانتماء تااعجاب تنتهى مع المدة ..ذوقو تيحس بيه رفيع وصعيب تعجبو اي الوحدة راجل فاش تيفكر فزواج تيحسبها من كل جوايه و بالعقل قبل القلب لان قلب كما كان الحال قلب هاديه الحنانة عكس بنت لي تتسمع زواج تتحل و تتنسى والديها مهم تزوج عاد تشوف نتائج ...تنهد وخلاها فاليدين الله و المكتااب ..فخضم افكارو رن هاتفو ..شاف رقم و بتسم ابتسامة جانبية تتسدو عينيه لصديقو فمجال العمل
عدنان: الو !! اباا مغيييث
مغيث: لاش معيط لي اش بااغي ؟؟
عدنان: اشمس العشية ...ورااني بلا طموبيل واقف عليك
مغيث: فينك !؟
عدنان: شارع حسن تاني ...يلاه ديبناج هزات للوطو
مغيث: غزا فيك الله ...راك فطريقي هانا جااي ....
...وصل عند صاحبو هزو مقشبين تاوصلو المكان المقصود بلاصا اللوطو نزلو بجوح …مثل تشالنج واحد ليك واحد عزيز عليك ..نفس ستيل و لباس و اناقة غير مغيث جاذبية خاصة بللون اسمر ..كانت مكازا فالشاريع ليها الباب زجاجي و كلها بلون اسود باسم design city ...مقاولة مصغر مختصة بلوائح اشهار و زجاج سياارات و بلايك شركات و بوسطيرات ....دخلو بجوج و مغيث بنظرة استطلاع متبع ديكور و اشهارات معلقين مع دخلة كاين مكتب استقبال فيه بنت لابسة للباس رسمي بتسمت ليهم ..
: بونجوغ !!
عدنان: بونجوغ !! سيلفوبلي عندي رونديفو مع خديجة صالحي بوغ آن طغافو (خدمة)
: وي مرحبا مسيو ..للحظة الله يخليك !؟
عدنان : وي خودي راحتك ..
خرجات بنت من ستقبال متجهة داخل و تبعو بعينيهم تاقرب عدنان مغيث : اوا واحد نووصير فين وصل ؟! محيح بيه فيوتيب و باجات فيس هههه
مغيث: (مربع يديه وصدر خارج تيلعب بصبعانو فذاعو تاني ) ...اودي الله يحفظ و صاافي ..كرة بليتها بوحدها ...خوفي تيكبر فاش تيدبلاصا فشي بلاد ..
عدنان : واايه اصاحبي ..شغب التيرانات رجع اجررام ...مكملين حديثهم تاوقفت عليهم بنت بابتسامة
عدنان: وووي افيك بليزيغ ....غادين مور بنت متجهو بيهم قاعة جتماع زبناء وفتحت ليهم الباب دخلو وخرجت ..
مغيث: (تيتفوه و تيشوف ارجااء) منعث ليك شي احد ولا غير صدفة!؟
عدنان: بنت لي كالت لينا راها فديبو معرفة الخوادرية ..(ضرب شوفة فالجدران مزخرفين) معاها واحد دزاين تانية فنانات اصااحبي
مغيث هز ليه حواجبو بمعنى مزييان ..تاشافو وقف شاد فالمعام ...
عدنان: سكر صاحبي هالكني هانا جاي ..(غادي طواليط )....خلاه بوحدو جبد تلفونو تيتلف فيه تا سمع جوج دقات فالباب جمع تلفون وقف ...تادخلات عليه ريحتها سابقهاها دارت بتسمت ليه بتسامة ترحيب وشافت فيه بعويناتها كوحل ....
: (مدت يديداتها بيضين مزينين بخاتم اصفر مزخرف و ضفار طوال مصبوغين بللون بيج ) بونجووغ !!
مغيث: (منين دخلت هو متبعها ...طولة عادية و شعر اسود قاتم جامعاه مور وذنيها لابسة قميجة دجين مزينة باحجار مع سروال اسود لاطاي فالمتناول ..سلم عليها داز ليه لاماص مع يديها محتفظ بصرامة وجهو و عينيه صقر عليها ..نطق برود بصوتو معهود رجولي) بونجوغ
ماجلس تاجلسات كانوع من جنتلمان ...فتحات ملف لي هازة طلعت وستيلو فيديها تدورو طلعات فيه راسها بالمهل وجه دائما مع ابتسامة نطقت بصوت رنان رقيق
: ديوزولي بوغ ديزاين صالحي عملات روطار !! مي انا نقدم ليك اخر ماتافقنا عليه اوك !؟
مغيث: (دون مايحس عض على شنافتو تحتية باقل من مهل تازلقات ليه يلاه حرك راسو بمعنى تفضلي )....فتحات ضوسي تاني و بذات تعرض ليه نسخ عرض مصغرة و تتشرح بشوية اغلب كلام فرنسي ..داك نوع البنات لي تيبانو فاشهار ...كيوت و هضرة بالغرام و تتحرك باقل من مهلها ..لاكن اخت كانت تشرح السخص الغير معني بالامر لاكن من اجل عيون لوز مستعد يتبنى المشروع كان الله ستجاب للدعوة صباحية لاكن دقة فالباب افسدت الامر دخل عدنان تيفرنس 😂
...هزت عويناتها فيه ابتسمت لابتسامتو ...تاقرب و مد يديه يسلم
عدنان: بنوجوغ جوهري ياك !؟
: ووووي (مستغربة من وجودو و تتشوف فمغيث لي تلاشات افكارو برود )
عدنان: انا لي من طرف خديجة صالحي على حسب طغافو ايكول !!
: اااه وي !! كنت تنظن السيد هو انت ؟ جوكغوا زربت ههه
عدنان: نوو بحال بحال ...تفضلي ...
..جلسو مجموعين و عاودات من بدا و جديد و نظرها زاح بمرة على مغيث حست براسها حشمانة من موقف ...و مغيث برود جالس حاضيها فادق تفاصيلها وينكر !؟ عجباتو و جاتو على كانة و تيسول راسو واش دوز مع خوتها ولا ترصي على المرصى ...على وشك الانتهاء تدق الباب دخلت بايتسامة هيا الاخرى و الابتسامة جزء من تسويق للعمل ضرورية. اناقة لي الاستقبالهم ...كانت زايدة فطول شوية على جوهري و ذو شعر عسلي بشرة صافية وجمال هااديء ...
خديجة: بونجوووغ ...(سلمت عليهم و تعتذر نفس الوقت) فغيموون جوسوي ديزوولي و الله ..
عدنان: خلصي الحق اختي ههههه خلصيه هههه
خديجة: مرحبااا للله اودي ..الوغ عجبك ديزاين !؟
عدنان : (شاف مغيث ) كي جاك لوستيل !؟
مغيث: (شاف جوهري مزياان ورجع شاف خديجة لي تتهامس بعينين ) سي بياان ..
عدنان: دااكوغ ..تافقنا سيرو عالله ..
خديجة: على بركة الله ..(مدات لي شي وراق ) سني ليا هادشي ..ابخي ديجوغ يكون كلشي بخي ...
عدنان: (هز وراق تيمضي ) مرحبا الالة خديجة ...
..كملو جتماعهم خارجين باربعة و مغيث ضرو راسو بحال هداك لي شاف ومابرد الجووف ...متجهين لاستقبال تيهضرو تا تسمع صوت نسوي رقيق داريجة غالب عليها فرنسية ..
: ليااااالي ...
ليالي هزت عينيها مبتسمة حافضة صوتها ..استأذنت منهم برقي و تمشات جهة الباب خارجة تتزرب سلمات على الشخص بالوجه ..
ليالي: مااما جيتي اليوم بكري !؟
غيثة: (سيددة فخريف العمر و مهلية فراسها و رقي باين عليها ) ماشيغي توحشتك !! (شافت خديجة مبتسمة شيرات ليها ) الوغ مشينا بب !؟
ليالي: طون كليون عدنان و مسيو لي معاه ..نضت نشرح مسيو على اساس مول بخوجي ....حشمت
خديجة: هههه ماوقع والو ...انا لي جاية من ديبو و عطلني (قلبات عينيها منتشية) الحب هههه
ليالي: اوووف نتعطل على مامي !! سوسواغ نهضرو سناب !؟
خديجة: اوك ..اسوسوااغ مابيل 😘
...خرجت تتزرب و تتشير لخديجة و فتحت باب طموبيل مع مامها قلعوو و خلاو مغيث حاضيهم فطموبيل و عدنان متبع فيلم ...
مغيث: هبط جيب ليا النمرة من صاحبة خوادرية (بامر)
عدنان: حللف بالله ؟؟ باش خديجة تكولها خوادرية و خوادرية توصلها مدام ونا نبات فزنقة ...
مغيث: واارجلة كارطووون فيك ...
عدنان: وووو (تلف كلمات ) وووبغات الوقت هكا ..هانتا ليالي جوهري ارا ماتبات تقلب فالفيس و انسطا ..(عطاه كارط فيزيط ) هانمرتها هاا فوق خدووج هاا ليل تحت ههههههههه
مغيث: (قلع تيشوف هنا و لهيه فطريق ..هز كارط فزيط تيحذرو) اندووز على لجدمك هاادي فهاد صبااح الزين ..
عدنان: شتي هاادي دياللك غير الا مابغتيش ...وقيلا ختها هااديك جات عندها !!
مغيث: فين نحطك فين !؟
عدنان:ورا رومبون ددور !!
...ساعة المكانة وزايد باش وصل الدار دوش و بدل حوايجو ...كان متأكد انها ماغاديش تكون ...من دخلة لقى شي ف الشرق شي فالغرب مخاد و حوايج و شاروجور مخلياه فبريز ضو و العاب رؤيا مزلعين .....غير تيتنهد و يقلب افكار شمال وجنوب فراسو ...كبر عقلو و تيسع خاطرو على وجه بنتو وجه العشرة الزوجية و خاطر ميمتو الا وصلها صداعهم ..راجل دائما هو مبرد تيحسب كل جوايه ولي يسلكو و لي يريح قلبو عكس المراة لي متسرعة و تتشد العناد دون نتيجة تتلقى راسها خاسرة من كل جوايه وتتطلع دون قيمة امام نفسها ...جبد تلفونو حول رقمها و اتصل مرة جوج عاد جاوبات ...
اميمة: شووفي ختي عينك فيه و فهم و مشااكل الله يطليك بيهم !! مغاديش نضيع وقتي معاك نرجع نتقااود بحالي ..طيبي و غسلي و صبني و ذفني فحياتك و خاي لاليااااتك يديرو بيرمي و طموبيل وديور و مشاااريع نتي كل خمس سنين تبعيه قاحلة عمرررر مدينة ماتفرحي بيها ..
جلسات تتبكي و تنخنخ من قهرة و هضرة ختها ...تتحس برااسها مهرسة كي كاس لي طاخ من سطح لا طموح لا احلام ..كانت متبعة ديبلوم تجميل و سمحات فيه منين ولدات قابلات دار و وزنها ضاعف و لات مقابلة فاروق و ناس اش دارو ...
امها: الله يرضي عليك ابنتي ..نوضي لبسي جلابتك و خرجي ابنتك الا فيكم ماتكملو بالخير الا بصداع بناقص هانتي و ختك تعاونو فالغربة ...
اميمة : لاااا لاااا ختي تبببع ولد الواازنة نتسمة انا لي طلقتها !! ناا من حوااايج ولات تخرك جلابة 24/24 كي مي حناا ....مالك ختي على حالتك !؟ ااش مشى لك !؟
بديعة: نتي ماحسااش بيا !؟ ربع سنين ونا صابرة عليه تلقى ميساجات من قحبات و ندوز نصبر ...تيكوليك خدمة هو تيقيل سهراان تايدخل شاارب ....
بديعة: ماابقى عندي ماانسلك اامي ..صافي شبعت ورويت و الله يجعل بركة ...
اميمة: صمت
الام: مااعندك لوسة مااا عندك عكوزة محررة عيشة ..بدارك و فلوسك فجيبك و بنتك صغيرة ..اش دااك شي طلاق !؟
بديعة: عندي فيه كلهم ...
اميمة: نووضي غسلي داك تجه لي مطرطق حبوب و جمعي ديك شعكاكة و خرجي تفاهمي معاه ...
....داكشي لي كان ...ناضت دوش طرفات و قدات لاكن سمورية وجها تتزيرها مشطات شعرها و لبست جلابة تفرفرات تاحاجة مابقات جي قدها و متاكدة و حااسة ان فاروق تيعاشرها مرة فاياام و شهور مثل واجب وهااديش لي زاد شعلها ...خرجات عندهم تتنهد و شدات رؤويا من يديها نازلة فالدروج بعد ماوصلها مسااج انه وصل ...فخرجة باب العمارة حاط طموبيل واقف داير نظاظرو تينتظرهم مجرد شافتو رؤيا نزلات تتجري عندووو
رؤيا: هههه انا حازة ابااباا و لميمة هياا حاازة هههه
...حول نظرو جهتها لي هازة خنافرها فالسما و حاطو يديها على خصرها ...فتح باب لوراني طموبيل ركب رؤيا ..وقرب عندها ..
فاروق: تبقاي وااقفة تما !؟
بديعة: رااك جااي على ابنتك هاهيا ديها !!
فاروق: (عقد حجبانو و لون عينيه تبدل باعصابها لي تيحاول ماامكن يبردهم ) ماغاديش تنعلي شيطان ابديعة !؟ راه الا نتي عيتي اناا راني خيخت ..ماحيرتي خدمة ماحيرتي مشاكلها و تتزيدني !؟
بديعة: دير الحل !؟
فاروق: هههه ندير حل !! طلعي نتفاهمو طلعي....خلاها طلع جهة سائق ديمارا طموبيل. طلعات حداه زدحات الباب ...غادي تيسوط و يحرك فراسو من هضرتها و يخمم ....مابغااتش تحشم ولا تنازل !! تاهو هاز منها و مغلل ..ربع سنين هو معاها فالشك و الغيرة و غوات و ديما البكا و قهرة ..قيدها فالبريمي اربعة مرات سمحات فيه حيد بنت طرونسبور غير باش تململ من دارها وحكمت عليه يرجعو ..شرطت عليه يكري لها فالمدينة حدا امها و نفذ و عمرو تحاسب معاها علاش ماتتزورش امو ولا تحاسب على شغل ولا طياب دماغو تايجي مطبوخ من خدمة تيكول غير سلاك ...نص خلصة تدوز فحسابها مخليها تكلف فقط باالمصروف و بنتها و هيا و باقي عليه ياربي غير تهلا فراسها و تلبس و تقاد ..هرب خاطر مامرة ماجوج ونعل شيطان و نسى الشكل و طمع فتعاملها و حلاوة لسان مالقاش راحتو وصابر و مكمل على ابنتو و مزالة تتشرط و تنفخ وتخوي دار من فوووق ...
...من وسط حومة فالقهوة جالسين ثلاتي معهود دائم (نوصير و صاحبو خليفة و اخر براهيم) مختلطين باصدقاء اخرين و اراها ضحك عليها و اغلب كلام هضرة .....
خليفة: نوض اصااحبي يلااااه نشدو طريق !!
نوصير: (كان تيضحك وعويناتو مجبدين تا دار عندو تيجمع ضحكة) شكون غادي هاد لعرس جدك !؟
روبلا: (راجل كبير شوية تيبيع و يشري فديطاي و تيموت على رجا) مراتي اتولد !! الا مشاات تاولدات بنت نسميها رجاء و يلاا ولدات ولد نسمية زكريا
نوصير: ويلا ولدات توام !؟
ابراهيم: لالا عصام (قضيب) على قد حال !!
خليفة: مابقاتش فبزاكلو انمي !! كلشي على حيووانات واش سريعة (تتيهضر و يأكد بعينيه و حجبانو)
روبلا : اناا لي قوواد جاار معاكم حديث تاوصلنا بزاكلو ..(ناض ) تهلاو اولاد قحاب
نوصير: ههههه اشمس العشية ...
خليفة: نوصير ضبر لنا فياكرا !؟
براهيم: عليه داوين (شداتو ضحكة) دااك جدك تاني مزوج !؟
نوصير: (شاف فيه بمعنة جااوب)
خليفة: اوا راه ايتزوج ...فين حديدة شتك جاي طويل ¿
نوصير: حيدها ليا 111 (نبيل مسمين عليه 111 ديما مخنزر)
خليفة: اياااو !! عارف اصاحبي عروبية بعيدة من هنا واد مليل عاد نزيدو واحد كليومترات تا برانص
ابراهيم: جوايه تازة يااك
نوصير: بغيتو طموبيل ..تحركو لافيراي نخدمو هاد نص نهار عيطيها ليا (قاد كاسطيكة وتيشوف فيهم تيفرنس) سي نو برب لاشتوها مع 111
خليفة: وفياغرا !؟
نوصير: مخوور فكرركك!؟ حاوي نص بنات مدينة بسبب صمعة بزاكلو و تكولي فياغراا ..صيفط باك يشريها
ابراهيم: طلق صرف انا نجيبها لك !؟
خليفة: (جبد ليه فلوس) اوا خرج عندي
ابراهيم: خلص تاقهوة و اخرج عندي كولها جدك يجمع زبو هو تيفقص شباب قبيلتكم ...
نوصير: خلص خلص و زيد نشريوه من هنا لافيراي ...
...تحركوو بثلاتة ونوصير لي داز من حدااه يسلم و يتغاوت بشعارات الرجا ..شارو الفياكرا دخل براهيم بوجهو حمر خارج تيغرنس شدو مول فرمسيان ربع ساعة يكوليه راه ممنوعةو كدا غير نت معرفة ..خرجو كملو عليه صحابو شادين فيه ...جرو على رجليهم لافيراي تا دخل نوصير هو اول طلع عند نبيل ولو فارق سن مابيناتهمش الا تيحترمو لانه فارض هيبتو ...
نوصير: بااا نبيل !
نبيل: (طلع فيه عينيه معقودين ) والدك و ناسيك !؟ اش جابك
نوصير: جينا نخدمو معاك هاد نهار محتاج طموبيل
نبيل: زيد معاها نهارات اخرين وشد طموبيل نهارات هما
نوصير: وااا كووون هااني اولد ميمتي مكاين غير خدمة ...
نبيل: جابك الله نيت ..من هنا ساعة نخرج ..سوارت بيرو عندك ..سلعة دخللل توزن و تخلص ..سلك هو تالي مايخرجش ..(شار ليه مجر ) هنااا جوج مليون تكفيك لخلاص بوعارا ..نعاودوه !؟؟
نوصير: تالاا كن هاااني كلشي نااضي ..
نبيل: هيا بديتي تنضي من دبااا ...
...خرج نوصير تيسوط عند ربااعة كلها باش يتكلف ...و نبيل جمع وراقو و سد لي سد عليه ..هز تلفون حول خط اتصال ..
: (بصوت نسوي رقيق) علاااا سلااامتنااا
نبيل: يسلممك ..شنو نتشاوفو ¿
: شنو زعماا توحشتني!!؟ ياااسيدي الله يعطيني قلبك قاااصح ..
نبيل: (زمجرر) خووووولة !!!!
خولة: عيووون خولة 😍😍
...خمس سنوات خمسنين بتعربية تعرباات و هي مرتبطة فعلاقة الحب ...تتفيق عليه و تنعس عليه و مثلها مثل اي عويتقة تتمنى و تحلم و تسنى ..خولة بنت حومة نبيل بيناتهم شاريع تتطلع سطحهم تيبان لها سطح دارهم ....و نص حومة عارفين خولة تتموت فولد الوازنة ...من ايام لليسي وهيا حبها طاح على حجرة تتمر من حدا لافيراي و تبتسم و تضحك و تشوف ..درجة جابت رقمو و كانت مبادرة تادخلو بجوج فعلاقة ....من دااخل بيتها مجهز بسرير و بلاكار محلول و حوايج مزلعين حاطة تلفونها فوق لاكمود و مخدمة لايف فالكروب خااص لبنات و توريهم شنو تلبس و عملات ميكاب امامهم ..
خولة امام كامير تتضحك و تتبوزا ...لايفات مجملهم فالسوسيشل ميديا مغربي رجع فقط للشوهة و تشويه و فوحان و كذوب و رسم صورة مثالية لاكن وراء كواليس حاجا هما ...
خولة: لبنااات (تتدور يمين و يسار تتعرض زيها) كييي جيتكم !؟ نعجب الحب هههه ..توحشتووو البنات سيمانا هو غاارق فخدمة عاد جاني عفوو ....قربت شاشة تتقرا كمنتيرات بنات كروب ...
:هههه لن يتزوجكي
: وااااع لن يتزوجكي جووج
: جاها عفووو هيا تفرحي فشلوق 😂😂😂
: بوركابي خدام مع ملك 😂😂😂 سيد راه مزوج نحلف عليها نتي ديما طالعة لايف دمعي علينا ..
..قرات كمنترات ...ضرباتها بضحكة صفرا شي جاوباتو شي لا !! ددعتهم و هزات صاكهاا و سلمات على مامها و خرجات من الحومة تلفون فيديها ...يلاه تقطع شاريع وقف عليها حل ليها باب من جهتو و طلعت تتضحك ....رمات وجها ليه سلمات بلابيز ..
خولة: بااايبي توحشتك و مقلقة منك
نبيل: (مركز مع صوكان حدو سلم و سكت) ...
خولة دارت على رجل و قربات عندو تتشوف فيه ..دار عندها بشوفاتو معهودين تنطق برود ..
: فين نمشيو !؟
خولة: نمشيو كافي ميرندا ¿
نبيل: (حرك راسو بايجاب )
..تتشوف فيه و فحركاتو و مركزة معاه ..تموت و تعرف شنو فراسو ..خمس سنين تتحس بحاجز بيناتهم عمرها حصلت غليه خيانة ولا مشاكل بيناتهم كل عيد ميلاد احسن كاضو تيهديه ليها فاش تتكون معاه ماتتحطش يديها فجيبها لاكن مرة قريب و مراات بعيد تتعاني من تجاهل و قلة مكالمات و مساجات و ماشي اي موضوع تقدر تهضر معاه ...هيا موضوع وااحد متلفها على حيااتها هو زواج واش يطلب مني زواج واش انا هيا لي حطني فدارو ....وصلو و نزلو متجهين قهوة ...شدو بلاصة كوبل و جا ناذل لبى طلبهم و كحزات حدااه قربات تحشى فيه ...
خولة: يااسيدي قهرني وحش !
نبيل: مع خدمة وصافي !! شي جديد
خولة: ولا قديم من غيرك احبيبو ...سلمات عليك ماكوزين و عرضاتك عرس
نبيل: (تيتفكر شخص لي تتكلم عليه للاكن ماعرفش) امممم
خولة: عقبا لينا 😍 ...نكون انا خالتي الوازنة كي ام وبنتها
...نبيل ارتسمت بتسامة جانبية و شرب قهوتو و حط يديه مورها مقربها ليها و هيا وحيدة لي تتهضر ووتكلم و تعاود و تبني و تعلي ..تيسمع لها و يحرك مرة راسو مرة يبتسم .....
....غبرة لصقت فيهم و حموم حديد فوجهم ..مابقاو حواايج مابقات حالة ..اخيرااا كملو و سالاو باعو لي باعو و حط لنبيل الحساب فالكوفر و سد بيرو و عساس شطب لابيست خلاوه بخير و ديماراو طموبيل ...
نوصير: حمام اخووت يااك !؟
خليفة: تامريض باغي نوصلو حتى فجر ! نبدلو نهزو حوايجنا و نشدو طريق الا كتاب
ابراهيم: مانصيبش ندخل دار !! حنانة تشدني ماطلقني !!
نوصير: معايا .... (شاف ابراهيم من مرايا) فاشي اسرار بنات ملك متلا !؟ ...يلعندمك نت وياهم ..
بدا يكشكش تاني جاب ماسكتو مزال مامسروطة ليه تسلط نبيل و كلشي باغيه يخدم و يتربط بالخدمة هو طموحو و احلامو و هوايتو و عشقو رجاا 💚💚....كاع رجال محتاجين #إمرأة_في_حايتهم
الا نوصير فقلبو الحنانة و رجا ..مستغني عن نسااء عالم على شان خضرا ....وصلو حومة خفا زربا بدلو حوايجهم و هزو بكاجهم و رجعو شدو طريق تاوقفو حانوت ...
خليفة ضار عند براهيم لي حاشي وجهو فتلفون مع كروب بنات ...
خ: سلام لباس !! مرحبا بيك تتشرب شي موناضادا ؟؟
ابراهيم: الله يبارك فيك لمرضي ...لا شكرا ..تنشرب كحلة ...
يلاه كملها طار عليه نوصير من كرسي شيفور للكرسي للور خابطو بضربة رراس هو تيضحك و يتفرشخ بضحك ..خليفة خلاهم مشى تقضى الما و مشروبات شي سقاطة شدو طريق لواد امليل جهة تازة ...
طريق كلهاا اغااني رجاا و تذكير المبرايات لي مرت وطرح افكار جديدة للتيفو ...هدا هو نوصير جلستو كرة و هضرتو كرة و احلامو كرة ..ماامعلق امرأة ولا تيعلق شي إمرأة بيه ..عمروو نطق زواج تابالضحك ..تيشوف راسو بعيد على المسؤولية طريق طويلة قدامو للتحقيق ذاتو ..وصلوه مساجات داعين فيه على عدم تجاوبو معاهم بنات و طالبين لليه عذاب ..ذنبو انو جاهم فاص فرش اوراقو ..انا للمتتعة فقط ...
خليفة: (تيحسب و يدور فرااسو ) اهاادي المراة سابعة اهيااا
.....منين هزهم هما خارجين ....خرجو رؤيا للبارك و فاروق كان معاها طول وقت الاب حنون للعب معاها و جرى معاها و هزها و كلها و شربها ..قناع اجودان شاف سقط مع محبوبته صغيرة ..اما بديعة بحال جبتي بومبا نفختيها قربات طرطق منين جلسات هيا مع تلفون ...تنازل و حاول يتلكم عاادى لاكن تيلقى برود ...فرجعة دوزهم مرجان تقضى لي بغات ماهزات ماحطات غير رؤيا ختارت للعبة و شوكولا و خرجو بحالهم متجهين للدار ...رؤيا نعست هزها على كتفو طلعها وهيا موراه تادخل صغيورة بيتها و خرج تيمسد فعنقو من تعب ودوز صبعانو فشعرو ابيض بلاتيني ..رجل فاربيعين بسحر خااص عينين مجبدين حاملين ظلام .... دخل بيت جلاس تكى كما عادتو ذراعو على عينيه و دماغ خداام ...تيفكر و يعاود ..تنازل و جابها وتيصارع وقت وخدمة يكون الاب الحنون ..شكون هدا لي كره يدوز كل وقتو مع ولادو ؟ شكون هدا لي بغى يشتت عشو زوجي !!؟ تيضربها !؟ فباطن عقلوو عارفها ماشي رجلة ..لاكن هدا هو اناا (فاروق) خدمة غيراتو بزااف عصبية من ابسط الامور ! دم تيفور و بصيرة تتعمى و شيطان ولد حرام و اليد تتسبق للسان ....حس بيها دخلات جلسات شعلت تلفزة جهدات لها ...
تنفس بصعوبة ..اهاانة ليه !! ااه اهانة ليه تلفزة مهجدة هو متكي متاكد 100% كن واحد ااخر بلاصتو تحترمو ماتجهداهاش ...لاكن الا هو لي راجلها !! واش ينوض يخسر لمها وجها و يربيها على اصول ؟؟ عيا من نقاش وحوار معاها و فهمها بلاصة المرة الاااف مرات ..تتهمو انه تينقص منها و يذلها و يظلمها ..ماحسش فوقاش خرج من تفكيرو و نطق
بديعة: نقصي !!
بديعة : مااعنديش حق نتفرج !؟
جمع جلسة و عينيه تيطيرو شرار مقابل معاها وهيا مدورة وجهاا تلفزة ...
فاروق: مالك ابنت نااس !؟ اش معوووجك !؟ راه مابقات فحزارة ولا بوسان وحنا ماعارفين تاشكون غالط فينا ؟؟
بديعة: وووعنددددك شككك !؟ شكون لي تيبات مقصر مع شيخاات ؟؟
فاروق: (بتهكم و عرق فجبهتو تيزدح) شيخات ؟؟ (ركز فيها شوفة للدرجة تلفات ) كوووني ليا شيخة كوووني ليا المراة لي تفتح نفس و رووح ! كووني لااالة و مولااااتي نقصر معاك تاصبااح ..
(وقف تيترعد تجه تلفزة ضربها بركلة تتطاحت على زجاجة فارض تسمع صداها فاادار ...وهيا رجل على رجل معاندة شيطانها ....دار عندها مخيخ و تيهضر صاعرر
فاروق: هااا قلاوي تفرجيي فيه ..كووولي و نعسي كي شي حمااارة عمررررك تفهمممي ...الله يخليهاا عيشة شكووواا بيك الله كرهتني فحيااتي اعيفة نسااا (دار خارج تبعاتو)
بديعة: بزااااااف عليييك لالااااك انااا ! سمعتي ..(تتقرب وجها ليه و تتهز عليه ) ضسرووك قحااب!! و سلكوطات
فاروق: (وضحت ليه صورة وضوح شمس ..يديه طاحو عليها ..ماتستاهلش يضربها ..راجل تيضرب مرة كرهاا بشدة او بغاها بشدة ..لاكن امرأة خالية احساس ماتهموش) ...اوااا جررري طوووالك ...جرررريه ابنت قحبة ....(رماها بضحكة استهزاء )
....خلاها تتبرقق فين عصبية !؟ فين ضرب لي تيضرب !! فين غواتو و تحلافو عليها !! فين فاروق الوحش ..كاين واحد نوع نساا للحمهم تياكلهم و طبعهم نكدي ...اخت وحدة منهم ..دخل باس بنتو و هز للبستو جدارمية و خرج بحالو ....مع خرجة عاد قدر يتنفس و الوازنة لي جاتو بين عينيه وشدو حنين و عقلو و قلبو تيناديوها محتاج للي يْرِيي و يْشور عليه ..شكون كال راجل مزوج الا فكر فالفراق ماتيحسش بضيااع !؟او ماتيقدرش العشرة زوجية ؟! او ماتيفكرش فالولاد ؟ ....فرق هنا ان رجل .. ساعة مكانة كافياه للاخد قرار و تعايش معه و نسااء محتاجة شهور لما لا اعوام تتعايش مع طلاق
..انت خاين !! تتقصر مع شيخات !! تتخوني !! غواات لغواااات و نكييير و نكييير ...و نكييير خاصة هو طبق لي يقدر يجعل رجل يتقيا عليك بالمعيور و حشياان هضرة و ضرب و يطج من داار ولا من حياتك ..الحياة زوجية ماشي ديما عسل وسمن مرة قطران مرة غيوم مرة رعد مرة صافية ....لاكن كوني نتي هيا داك عسل و سمن لي يحليك فنظر راجل ..اه نكري و غوتي علة حقك و اي حاجة اذاتك و جرحتك لاكن ختاري الوقت ختاري نفسية رجل !! دوزيها بضحك دوزيها بنكير معاه دميعات مراة حنون دوزيه بالهضرة الصحيحة و نقاش موزون ....راجل على ما عودتيه و ولدك على ماربتيه ...كوني الالة غير المرا وطلبي ..ماجاتش بزين فتان ولا حداكة شميسة ولا منصب وزيرة لان كل ماسبق تاهما تيبقاو نساء ..جات بتقة فالنفس و الايمان بالقدر و شخصيتي القوية ....
خرج هاز جبال على كثفو ..حرك الروايض و قصد بار ..ماطلعاش ماطلعاش للهما نقاد دماغ ..هدا خلاصة رجل فمثل هاد مواقف جلسي نتي تقلبي على كلينجس و ثلج لعينيك خصوصا الا درتيها بيديك ...
........برانس منطقة بالبادية تازة ...
..وصلو بالمساء علاين غروب ..طريق كانت جد صعبة من بعد واد مليل ..الارض جبلية بامتيااز الضو داخل و الما داخل ..فطريق للدار تتبان ليك دار بعيدة على اخرى ..خليفة طريق كلها هو مع باه و جدو تيصلو بيه ....تالقى صطافيط العائلة قدامهم بلاصو طموبيل تما عند مول قهوى ومحتاجش يوصيه لانه حفيد منطقة ...نزصير و ابراهيم تيستطلعو مكان جديد ..ديما خليفة تبعاود ليهم على بلادو لكن اليوم كتاب يشوفوها ...مع غروب ندهشو مع جبال شاهقة ولي بينها البيوت الناس ..طريق وااعرة كلها حجر و فيراجات ...مع قروب الدار العرس تيتسمع الاهازيج و اغاني ..
ابراااهيم: نشاط اخااي !
خليفة: رااك فبراانس ...(نطق بللهجتهم) الغَيْطة و طبل و ضربة مقص ابن عاااامي (و طولهاا ).
..نوصير اعجبو منظر و اول سيلفي خداه جر شعار لي على توني باسو مصور مع جبال شاهقة قبل ما تغرب شمس ...اخيرا وصلو ..العرس كان قااائم ..كانو فرقة الفلكلور برانس بلباس ابيض و جوج اسمطة حمراء على كتافهم و رزة حمرا علر راسهم تيرقصو بكتافهم ..كل راقص شنو شاد ..ضرب مقص او بندير او غيطة و طبل ..مع ضربة طبل و غيطة بقى تهزهز بسيف عليك ...
..رحبات بيهم العااائلة بحرارة ..و للهجة جبلية مسموعة مكاين غير
امرحبا الحبيب !! امرحبااا ابن عمي ...
..خرج عندهم جدو..لابس جلابة بيضة و رزة باين عليه فعمر سبعينات ...
جد: خاااالييييييفة ..اتعْطْلْت ازمر بيزااف
خليفة: مَبروك اجْددي ....
..تسالمو و عائلة فرحت بيهم وقف خليفة على نوصير و عطاه فياكرا و ابراهيم تيقلب على بنات لاكن ضلهم ماباينش ...قدمو لهم اتاي و حلويات و برااهش بزاف وطبلة و غيط خدامين و ناس تتهيت ..دراري ناشطين تا بان ليهم خليفة و سطهم تيهيت بكتافو ..و ابراهيم تيخرا بضحك ...تا تسمعت غيطة جديدة جاية كان موكب عروس اتي ...تما عاد بان تتيز جبلي خارج كلشي بزيف و قمايص بنت صغيرة هازة صينية فيها تمر و حليب و بيضة وجوج خبزات ...تاجاو عند خليفة يمشي يجيب جدو ...طلع عندة لقاه بسروال قندريسي مجبد فناموسية ...
.. ... خليفة نزل عندهم يدخلو ليه عروسة ....حبابها ماعجبهمش حال....مرت عروس من طقوس شربت حليب بوحدها و زطمت على بيضة و خبزات داروها ليها تحت باطها ...تقاليد برانس و تول (قريات تازة) طمعا للخير فعروس ....طلعو عروس عند جد و دفعو لعشا ...قادو بلايص و خليفة مشا جلس حدا صحابو وشداه ضحكة ..
نوصير: (دخلو شك قرب ليه و نطق) مالك زبي تتفرنس ؟؟
خليفة: 😂😂😂😂
ابراهيم: فياكرا خدامة فوق راه متخيل منظر ههه
خليفة: هههههههههههه تكول واش تعرفو ...يلاه كمل هضرتو حطو اول طبق فعشا العرس عند برانس كان هو #بيصارة .....
نوصير: (شاف طبق و مسح نيفو تيحنحن طل على طبالي اخرين تاهما نفس طبق ..و تقطع حس تتسمه غير مضغ مضغ ..
ابراهيم: فين دجاج اصااحبي !؟
خليفة: اضرررب بَّااااايصَر ابن عَمِممي
....من بعد طلق بيصارة الطبق مفضل للجبالة او لي ضروري يتحط كطبق اولي فالعراسات ..مكانش كأي طبق بيصارة ..كان لذيذ من يدين برنوسية مختصة فالطياب بزيد العود و كمون مطحون على اليد وتومة حمراا...نوصير براهيم مدو يديهم يذوقو صدقو تابعين خوتهم ..
فالمنطقة معروفة بالجبال و الهواء طلق و الماء حلو من منابيع ..لي تيفتح شهية و سكان البادية تبارك الله تياكلوو ..تهز طبق اول تحط الدجاج محمر بالذغميرة و مزين بقطع حامض عليها هريسة حمرا و خضرا و زيتون بلا عظم اوا مااكااين غير الله يعطيك صحيحتك ...مونادا كدالك و موراه جا طبق اللحم بالوز و مشماش كلاو و شربو و جمعو طبالي و قادو كرااسة طلقو الموسيقى ديدجي لي جاي من واد امليل ...دراري مربعين يديهم شبعو و ارتاحو تيتنظرو تاجا واحد برهوش عند خليفة تيضخك ..
نوصير: تصرف عليها مك وقيلا !؟ تقدوش على زواج ذكروه !!
ابراهيم: باش باغي تتيز يصوني عليك و يغير عليك و يديها فيك ؟؟ مكاين غير هاد شهر نخطب عام جاي نتزوجو
نوصير: فايتين محركين ليك مجامر !؟
ابراهيم: اعوووذ بالله ..
نوصير: اوا حظي ولادك (مني) تزلعش بزااف
ابراهيم: ماحاوويش اخاا ..بنااقص خمساتون كافية
مزال منااكرين تاوصل عندهم خليفة وجهو مخطوف...
خليفة: (تيتنفس بسيف و تيزرب بالهضرة) نت (اشار ابراهيم) نت شريتيها و نت (نوصير) ونت جبيتها ونا (شير راسو) خلصتها و عطيتها ليه ليدوو ....جدي مات اعشران !!
نوصير: اواااش !!
ابراهيم: (جر نوصير) جدك انت اخاا !! و الله يرحمو ..(تيجرو و خليفة تيجرو كدالك) طللق انننم ..
خليفة: نمشيو صااحبي كاملين ...راه حنا وهو لي عارف اش فالقضية
نوصير: (هضر بهمس) قااتل جدك اولد كلب هارب !؟
خليفة: (قرب ليه و قصير و باغي يوصل وجهو) قتلنااا ...(تيجمعهم ) بدون قصد ..هووووااا لي بغااا
...سخفة شداتهم و خلعة كدالك... واضح سبب موت انه فيااغرا ....فياغرا سم متنقل بالنسبة للمسنين فهو سكتة مميتة للقلب بالقرص واحد لاكن الجد كان مولف عليها تاجاب الربحة ....وصل عندهم اب خليفة عزاوه و خلاوه بخير و عرس تقلب جنازة فالبلاصة ...سيد كبير فالعمر سكتة قلبية ربي خداه !! ماكاين دم مكاين ضرب حسبوها موتة الله ...دراري شدوها خلفة للطموبيل و تحسب السر من اسرارهم و خلليفة ماعرف يبكي ولا يضحك ...كل عام عندو عرس و طالعين نازلين عمامو اصغر منو ...جات ساعتو الله يرحمو ...
...اصبح الصبااح كلها حالو و كي دازت ليلتو ...الا حال مغيث و ابتساامة مافرقات شفاهو لي تتشق وجهو حسن خلق بسب للوزية العيون ..ليل كلو هو تيسارا فالانسطا عندها ..مجمل صور على مشروعات قدماتهم و اشهارات باسم شركتهم ..فقط حاطة صورتها بروفيل باسود و ابيض بوجه طبيعي و شعر اسود مطلوق خلى ليها مسااج فحسابها كشكر اعمالها ...
كما عادتو فايق ناشط ماشط مدوش ولابس حوايجو...بالنسبة للملابسو و روايحو و صبابطو و ساعتو ماتيلبسش اي حااجة و تيختار بعناية وذدوواق من داكشي رفيع و مهتم بصحتو بريااضة ... سد الباب و قصد مقر عملو فالوزارة ...
.....هالة الاحتراام تتحوم بيه ..بمشية موزونة و فقط تيحرك راسو كتحية للموظفين معاه ...بالنسبة الموضفات عازبات لي حاسبين راسهم مابحالهم احد جاو حتى مغيث و حطو سلاح ..راجل لي تيكون ليه كاريزما و الكلام بالعبار و سلام محدود و ضحك حامض مقطوع تيسد على اي متطفلة باب تعارف ....دخل مكتبو و بدا خدمتو غارق فصواسة ..تاجابو ليه قهوتو صباحية ....من هاد الورقة لهاد مكالمة لهاد ضوسي تا رن هاتفو ..بعينيه عسلين هز تلفون تطلعات ليه سميتها فمساج من انسطا رجع تكى على الكرسي تيقراه
ليالي: بونجوغ ..ميغسي انفينيمون ..(صباح خير شكرا جزيلا )
ابتسامة ساحرة و نظرات معسلين قرب تلفون فمو فدماغو تيخطط لمقابلة هاد حمامة لي عشات فدماغو وجاتو على كانة ..و تيتمنى تكون شكل و عقل زينة ...حط تلفون لان جوابها كان جد عاادي و ممكن تجاوبو لاي احد ..هنا تاكد و عرف انه ولو يكتب ليها من جديد تقدر ماتجاوبش فمرة ...سيدة باينة ماخفيفاش و عندها مايداار ...
🏢🏢🏢 من داخل مكازا ديزاين ..
فمكتب مجمعين خدمة و حديث هيا و خديجة .....
ليالي: (تتكلم بشوية و تقالة و تتحرك صبيعاتها مع كلام) عرفتي !! ماكرهتش بارح نجي عندك و الله !!
خديجة: (دائمة ابتسامة تدخل خاطر دغيا بعويناتها شبه كوررين و تعاملها طيب) سي بااكغااف ماشيغي..شنو ظهر ليك نخرجو ابخي !؟
خديجة: مالو !؟ ايفرح ليا بابا حبيبي ..سي بون الله يجعل بركة نديرو ولادنا ...درنا تسارينا و صبرت معاه تاوجد ..
ليالي: الله يكمل بخير ...(هضرت بعمق وحرارة) ماتنبغيش نقرب لاحد ولا نتعارف ..مامي فآخر مطاف ترفضو ..جاو ورداتهم قطعت مع لافامي على ود مايخطبني منها احد ..
خديجة: مابقيتيش بيبي اليالي !! من حقك تختاري دور شوية جهة خوك تاني ....ماتبقاش مركزة معاك
ليالي: من نهار طلقت بابا و هيا تتقولي انا حياتها و ماعندها من غيري ..(سولاتها بشك) واش مامي تبغي ليا شر ؟؟
.....جالسين فقهوة تينتظرو الفطوور ..ماشابعين نعاس ما جالسين مرتااحين ..بحال حلم كانو ناشطين تا كانو يصدقو فالجنايات .....صبحوو مدينة فااس من بارح واحد ما تيهضر مع لاخر ..تاحطو ليهم فطور فاسي بخليع و بيض و براد اتاي و خبز كومبلي و زيتون مشرمل ..و ملاوي .....ابراهيم بدا هو اول و نوصير تيكال دقة دقة ديما مشطووون و مرفوووع تيفكرر بزااف و اغلب تفكيرو الكرة ...
ابراهيم: (ذاق طاجين خليع مابقى ليه عقل) اخااي خليفة ..دبا المرحوووم ؟ مات قبل غرض ولا بعد الغرض ..
خليفة: (وقفها ليه هو حزين غلى جدو بقوة خلعة حلف لاجلس فجنازة تحجج بخدمة ) كان تيتسناك اولد واسعة و يكمل الغرض....
نوصير: برررربي ويهضر شي واحد فيكم ..تانوض نخلي دنمك للفاسة يكرسيكم هنا !
خليفة: هااد فاس حاكمة عالم ؟؟ ..نت بعدا بذاك توني رجا يوم يخرجوو فيك الماص (فرقة كرة فاسة)
نوصير قلب وجهو جهة اخرى فطر و كمل وخرج برا يكمي كاروو خلاهم تما كي ضريرات ....خلصو دوك جوج و خرجو تالفين فين يردو طريق ..هادو هما شباب عصر مغامرات و خرجات و سفر ..يوم هنا و غدا لهيه ..اغلب كلامهم كرة و جنس و فلوس و ضحك و تقشااب ..عكس بنات لي يحلمو بزواج و احلام وردية وتلقايها متعلقة بواحد مثلل هاد تلاتة لا مستقبل لا ماضي لا حاضر ..غادي عالله فقلبهم حنانة (الام) و كرة .....
نوصير تيشوف اخبار رجا طلع ليه بوسط حملة تحاقن الدم بفاس ..اي حاجة هو تيساهم فيها يصورها تحت اسم الفريق رجاوي ...جر لعوج ابراهيم بمشيتو منونخة و قصير خليفة و قصدو مكان لي حطو فيه اعلان كان بالقرب من محطة القطار .........وصلو لقااو ناقلة طبية متنقلة لااخد الدم ..و مفرشين زرابي حاطين كراسا البنات فلاستقبال ..كي شافهم ابراهيم نطق ناشط
..نوصير دار فيديو خفيف باش يحطو فالباج رجا..تسناوه تا زاد هو اول تيتكلم مع بنت لي تما تتسولو اسئلة طبية سجلاتو و تبعوه هما بزوج ..كاين جوج كراسة عامرين بالناس و جوج خاوين ..جلس نوصير و ابرااهيم قادو لهم الامور تيعطيو دم و تياخدو سيلفي ..تاجات نوبة خليفة جلسوه تيترعد و اخرين حداه حاضينو تيماصيو بلاصة شوكة ..
ابراهيم : (يطرطق بضحك) صافاااا !؟
خليفة هز ليه شوية حجرو بمعنى هاك (زبي) ..جات فرملية تتمسح ليه بالقطن وجبدات شوكة تتركب هو مركز معاها قلبو تيدق تبع للحظة لي خارج الدم من يديو انبوب ثانية بحساب هو يغيب عن وعي فرملية تتشوف يديه طاحت بدات تغوت و تجمعو عليهم دراري تصرفقو فيه و يغوتو بسميتوو ..فبلاصة حيدو ليه شووكة و تيرشوه بالما ..كلشي تخلع .....
دقاايق عاد فاق داييخ ..كلها منين تيسولو تاجا طبيب قلبو لقى طونسيون طايح بمرة ..عطاوه دوا و الما و نوصير كن لقاه يقجو تما ..بقاو معاه تارجع روح جارينو طموبيل توقفو تما ...
نوصير: (مكشكش و معصب) تتخاف من الدم !!؟ قلااااااوي لي تقب بنت المراا
خليفة: أتاااا الا مااشي بحال بحال ..
ابراهيم: وااشوكة شوووكة
خليفة دفع ابراهيم لي تيتهرق بالضحك و عيا يشرح نوصير ..هاد اخير معصب و شعال عوافي ابراهيم منوضها ....تاشدو طريق تااني غادين مكنااس ...
.....بعد ماكملو عملهم خرجات ليالي مع خديجة لي وصلاتها الدار تهز صاكها سبور بعد ماخدات اذن ماماها و خبراتها بشرط تعاود توصلها خديجة تا الباب دار ...خديجة بلطافتها تتقول غير وخ طاطا غيثة ..شدو طريق لاصال ...
..كان لاصال خمس نجوم غير من بارك طموبيلات باينين مستوى ناس لي تما ....نزلو بجوج هازين صيكانهم و تيتكلمو بشوية و مشية متل عارضات ازياء يستاهلو للقب لَيْدي (السيدة راقية) ....فلاستقبال عطاو لي كارط ديالولهم دخلو فيستيال يغيرو ملابسهم ..كلشي ماركات دورجين حتى من حذاء رياضي ....ليالي لبسات كولون اسود اديداس وديياغدوغ نفس لامارك و سبرديلة نايك جمعات شعرها هازة فوطة وجه و خديجة لبسات كولون مزوق موف و بيل واسع جمعات شعرها ...لاطاي منحوتة لاكن واجب حفاظ على للياقة و سوفل و حيوية بشرة .ليس بضرورو ندير رياضة باش نضعاف اونغلاص .....لاصال كان كبير بيه عدة مميزات لابسين صونا الات جري حمل اثقال ..خديجة خدات سيلفي مع ليالي حاطاتها فانسطا مبارطجية معاها مع عنوان لاصال فبلاصة طلعات نوتيفاكسيون مغيث لي كان خارج من خدمة..غير شاف صوورة تفيكسا وخرج لسانو بتقاتل مدوزها على شفاه فوقانية و تمتم بهمس ...
مغيث: بربي لاااا فلتك ياا بيااا ياا بيك ...
..فتح طموبيل من حظو عندو صاك سبور فيه ملابسو لاكن ماشي فنفس لاصال ريااضة ..لاكن من اجل عيون لوزتين يتسجل ...حيد لافيسط و لاكرافاط و فتح صدايف اولى تاظهر شعر صدرو مطراسي و سنسلة رقيقة تتبري فعنقو.......بلاصة طموبيل ونزل من خطواتو تيبان زربان فتح كوفر هز صاك و دخل استقبال لي حاول يختصر ما امكن مع اسئلتهم خلص بلاكارط و صلاتو بنت حتى فيستيال و عرفاتو بصالات رياضة ......بدل خفا زرباا شورط قطني فالرمادي اديداس مع تيشروط اسود و نايك فابور فرجل ..خرج متجه نفس صالة لي تصورو فيها مع دخلة لمحها هيا خديجة فطابي غولون تيمشيو و يتكلمو القاعة كانت فيها ناس قلال ..دورة لي دور خديجة لمحاتو وعقلات عليه بقات تشوف فيه تا حرك ليها براسو بتحية و بادلاتو ابتسامة دارت عند ليالي
خديجة: (تتهضر بهمس ) مااشيغي تتيز ديال مساج صباح هنا !!
ليالي: (جات دور ..قاطعاتها خديجة بلا) نوووو باافغي!! غير صدفة !!
خديجة: (تتضحك) ممكن...
ليالي ضرها راسها بغات تشوفو تبرد فضولها ..خديجة دايرة لها تشويق ..تاحبست طابي و دارت تشرب هزة لي تهز راسها لقااتو واقف مع كوتش و عينيه عليهاا ..فبلاصة حذرت عويناتها و دارت عند خديجة
مغيث: (مدات ليه يديه نفس لماص داز) بونجووغ ليالي !!
ليالي: (حناكها توردو و بسيف تتطلع صوت) بونجووغ ..
ماسخاش بيديها روطب صغيورين و مزال طامع فشوفتها من دوك عوينات لاكن حلفات لاهزات راسها فيه مما زاد من شوقو و اصرارو ..دار سلم على خديجة لي طولات معاه فهضرة تادارت ليالي غادة ماحسش برااسو شدها من ذراعها جابها قدامو
قصة أولاد الوازنة
محتوى القصة
التنقل بين الأجزاء