قصة أمل الجزء الأول

حكايتنا هي حكاية شعبية بامتياز، ولد الشعب وبنت الشعب، لا عياقة لا بروتوكول. نعيشو معاهم قصة حياتهم وفي دريبتهم...

دريبة لي تعرفنا على الفحل، القباحة والنفس الحارة واكلاه، ومعروف عليه وسط حبابو وجيرانو ووسط حومتهم. ولكن مانفعاتو مع الصحاب، مانفعاتو مع الحباب قراب... تغدر غدرة، حشت ليه الركابي وساست ليه العقل. هاد الغدرة واش يكون ليها أثر زين ولا خايب؟

في نهار لي يتكتب المكتوب، وتجي عينيه في عينين واحد البنت الرهيفة... الحشمة، والوقار، والزين الهادئ، بحالك نتي وبحال أي بنية. لكن قباحتو وكلامو الحار، واش تنفعو معاها ولا تكون ضدو؟

إلى هنا ونحبس، نخليكم تمشيو مع أحداثها وشخصياتها دقة دقة، ونمشيو كاع لدريبة نعيشو فيها بعض الوقت...

أمل بقلم Karima El Hamraoui

* * *

حطات يديها على الباب زدحاتو و هزات عينيها متبسمة في الوجه الجارة لي صابحة تتسيق على الصباح

امل""(ابتسامة بشوشة) صباح الخير خالتي صفية

صفية"" صباح الخير ابنتي كي صبحتي كي بقى باك شوية

امل"" ( تسنات تاداز موطور و قطعت داك شانطي لي فارقهم وقربت منها )لاباس اخالتي الحمد لله راكي عارفة سكر

صفية "" يابنتي غا ديك خلعة كون طيحت من مك النص

امل "" وييه الحمد لله دازت طريفة

صفية"" و سيري ديكلاري تاني و لا صوريه يبقى كل نهار يجي يحيح عليك هاكة

امل"" والله ماعرف ما ندير معاه اخالتي كرفسني في حياتي و ليت نخاف

صفية""( خبطت ليها على كتفها) الله يهديه و لا تجيه شي هزة من هاد الدرب في هاد العواشر

امل"" امين اخالتي امين

صفية"" و سيري بنتي الله يعاونك

امل"" امين ياربي ( تامشات و عاودت شافت فيها ) واش مزال تبغي نوصي ليك على الدوا ياك

صفية"" ايه يرضي عليك قريب يسالي ليه نيت

حركت راسها و ضارت غادية متبسمة في وجه الناس الدرب الصباح و كل في شغلو محبوبة و داخلة سوق راسها لا هي لا دارهم لي تتكون من الاب و الام و هي الابنة الوحيدة عندهم ليهم 3 سنين باش سكنو وسط هاد الدرب ... ماشية بهدوء متوجهة للفارماسي فين خدامة بين شي 6 دقايق ديال المشي .. وصلات تتحل فارماسي بحكم هي لي قريبة و متكلفة بالساروت جبدات صاكها تتجبد سوارت تاحسات بالخيال جنبها قفزها تا طاح صاك من يديها و طاحت عينيها مع الشخص لي تحنى و هز الصاك في يديه و طلع بعينيه حمريييين

"" امااال

امل"" واش مابغيتيش تبعد مني نتا عيقتي عليا والله راه انا ماصالحة ليك مانتا صالح ليا عفاك بعد عليا ا عتيق

عتيق""( تبسم و تكعد مد ليها صاك تحنى براسو عينيه حمرين و مبين مصبح على جوانات بصوت تقييل ) تصلحي ليا و بزااااف امل

امل"" (شدت صاك بجهد مخنزرة فيه ) بعد عليا و من طريقي حشومة عليك بابا بسبتك كان غايمشي ليا (بالغوات ) و بعد مني

مع ديك الغوتة جاو شي دراري ولاد حومتها تيجروه و هي مخنزرة فيه و مشمئزة من منضر ديالو عينيه طيحين فيها و خطواتو مخربقة

عتيق"" (بالغوات ) نتي ديالي بررربي ما نفوتك اماااال

امل"" الله يااخد فيك

عتيق""(انتفض منهم بجههد تا تفرقو عليه و جبد جنوية من تحتو ) بعدو الله يلعن الز*** بوكم

هي شافت داكشي و بدات تترعد و عينيها غرغرو تتشوفو تيقرب منها و الجوقة ديال عباد الله و سراجم تيتحلو من حر غواتو عارفينو و حفضوه تاني محيح باسم امل ...

تيقرب و تيشير بديك (14) و مشى لحانوت قدامو بوطات و جلس يخبط فيهم

عتيق"" غا نديك هي غانديك امااال

امل""( ركابي لي يزيدو خواو ليها بالاخص تتشوف الناس ماليهم ذنب غا يتكرفص عليهم ) عتيق عفاك بعد من تما ما تقيص والو

عتيق"" ( تبسم و رد جنوية وراه و تم مقرب منها ) ماتخافيش مانقدرش نآديك

تبسمت بزز منها و عينيها تيدورو على ناس الحومة و ديك حسرة و فقصة لي فيهم تيغفلهم بديك لمضى لي تيهز معاه واخة تيبغيو يتدخلو ماكينش لي تيزعم عليه

عتيق""( قرب و عاود رد جنوية قدامو ) مانآديكش .. غا فكري مزيان و قولي لواليد ديالك يسمح ليا راني ماشي لخاطري ( خبط على صدرو ) راكي هنا (هز جنوية و نعت بيها لراسو ) و هنا

تبسم و بعد بعد الخطوات و حاضيها بدوك عينين حومر كي جمر تاخشى جنوية وراه و و جبد جوان تيفتلو و تيحنزز في عباد الله

عتيق"" (بالغوات )لي عندو شي خربة يدخلها مالناااا تنشطحو الكلاب هنا (شاف في امل لقاها مزال في بلاصتها) هااااا يهضر معاك شي قواد غا قولي عتيق تلقايني حداك ....

بقات مراقباه تا غبر على عينيها و بان ليها باها جاي تيزرب لعندها ساطت بجهد باسف من شافت حالتو و خلعة باينة فيه قربت منو دغيا

امل"" بابا علاش جيتي

الاب مصطفى"" مشيت للمخبزة وشفت جوقة ابنيتي و عرفتو داك مسخوط ياكما دار ليك شي حاجة

امل"" ماتخافش راه مايقدر يدير والو غا تيهضر

مصطفى"" و الله ماعرفت ما ندير معاه الحبس عندو ي والو تيتم داخل خارج ليه

امل"" دابة يعيا و يمل ابا سير ترتاح سير

مصطفى"" (باس على راسها ) الله يعاونك ابنتي و يبعد عليك هاد ميكروب

امل""(تبسمت و باست على يديه ) امين ابابا سير خليني ندخل لشغلي

طبطبت عليه و بقات مراقباه تيهضر مع مول الحانوت و شي رجال الحومة فتحات لباب دخلات جات المرا لي تتعاونها تتسيق عاد جاو لبنات لي خدامين معاها و بدات خدمتها كيف العادة ... وصل وقت الغدا و علمتها لبنت لي معاها يخرجو يتغداو برا

ليلى"" نمشيو ؟

امل"" ماقديتش والله غا نمشي لدار نتغدا و نرجع

ليلى"" و غا يلا الزمرة غا هنا و نرجعو ماتخافيش مايجيش كون مشى ينعس

ناضت و توجهو لبرا سدو الزاج و خرجو وحدة شادة في تانية

امل"" طلع ليا في صحتي والله بابا خدمتو هنا انا خدمتي هنا ماكرهتش نمشي شي مدينة اخرى عالله نتفك منو

ليلى"" دابة يعيا و يمشي في حالو .. بالحق ما لقاش لي يدكدك مو يقطع لبوه داك اليدين

امل"" غا نعاود نديكلاري تاني واقيلة

ليلى"" غا يهرب تاني كي عوايدو و لا يتشد شوية و يخرج

امل"" ياربي تجي ليه شي حاجة تشتتو يبعد مني

بقاو مجمعات دخلو للصناك خداو اش بغاو تغداو و رجعو ف حالهم لخدمتهم تا وصلات ثمنية الليل عاد سدو و كل وحدة توجهت لدارهم .. دازت هي للمخبزة تاهد قراشل من عند جارتهم تيعجبوها مع كويس اتاي و مشات للدار دخلات لقات الام (بشرى) تتنقي الكامون

امل"" السلام عليكم (قربت باست يديها ) الجو العيد بدا يبان يااا

بشرى"" خاص غا الحولي سبقنا الكامون و عطرية قبل الدبيحة

مصطفى""(داخل مع الباب هاز دلاح في يديه ) كولشي بزرقو

امل""(ناضت شدا من عندو باست كتفو ) كي بقيتي بابا شوية

مصطفى""(جلس تيمسح على جبينوو ) ويني صهودات هادي .. شوية ابنتي الحمد لله

امل"" (ناضت ) نمشي ندوش و نصلي و نجي نقي معاك اماما

مصطفى"" عمري ابنتي غا كويس اتاي

بشرى"" تا واش الصهد و الحال سخون و اتاي غا تشرشف فيه مالك

مصطفى"" ايوا هادشي لي عطالله

بشرى"" اش درتي مع داك مسخوط

مصطفى"" مشيت ديكلاريت و ديك داك فيديو لي صورتي عالله يديرو خدمتهم و يشدوه

بشرى"" عالله اودي غادي يفگر (تخلع ) لينا الدرية ولات ليل ماتحملو ماتقبلو

مصطفى"" لا حول و لا قوة الا بالله نشوفو يلا بقى هادشي كي بحال هاكة نشوف مع المدير المدرسة يلا بغى يعطيني انتقال و نبدلو هاد مدينة كاع

امل""(خرجات لابسة گندورة و جامعة شعرها سفنجة ) علااش ابابا اتبدلها و خدمتي انا... انا نديكلاري و نشوفو اش يكون

مصطفى"" مشيت مشيت قلنا يلا بقى الوضع بحال هاكة

بشرى"" (هزات داك تنقية ) اجي بنتي عمري اتاي اجي

مشاو الكوزينة و بقاو تيهضرو و جبدو مواضيع كي ديما و علماتها بلي تعرضو للعرس الجيران

امل"" الله على خبار شحال ماحضرنا ياماما لشي فرح

بشرى"" وايه ايوا تفركسي ليا ابنتي بشي قفطان يكون مزيناتو بحالك

امل"" (تبسمت ) امتى بعدا

بشرى"" السبت

امل"" ااه قبل عيد بيومين مزيانة كاع ليل ولا نهار

بشرى"" الا بنهار ( شدت على كتفها )عقبة لبنيتي تا انا تجيب ليا شي عريس مسگم و زين يكون همة و شان

امل"" هههه ضروري همة و شان

بشرى"" (تبسمت ) و الموهيم يكون راجل ابنتي يصونك و يتهلى فيك

داز اليوم الاول و الثاني و الثالت في الخدمة و راحة البال من ماعاودت شافت وجه عتيق و لا دار بساحتها خرجت و تسارات هي و بنت صفية جارتهم براحتهم كراو القفاطن و صايبو الشعر و ضفار ضارو بالحالة حتى وصل السبت مشات خدمت نص النهار و رجعت دوشت مخليها شعرها على راحتو خرجت لبست عليها القفطان لي كان (بارنج ) طلقات شعر و ميكاب كان مخفف و هادشي لي تيعجبها هي جبدات صندالة كعب عالي تتلبس فيها تا بانت ليها بشرى حداها تتعيط

امل"" اي هاي على الزين تاني و الكحل

بشرى""(كانت لابسة جلابة ملبسة كريب ) جاتني زينة

امل"" لي لبستيها تجي عليك الحبيبة (ناضت قربت منها. باست على جبينها ) يالفنة ديالي

بشرى"" يلا طلقينا خلاص قبيللة ناس بدات تدخل نمشيو نشدو بلاصتنا حدا العروسة

امل"" ههههه اماما قاعيدة هي قاعدة

بشرى "" هههه ايوا شنو

هزات صاكها و تلفونها و خرجو من البيت لقاو مصطفى خارج تاهو

بشرى"" افين غادي

مصطفى"" غادي نجيب التبن لداك الحولي

بشرى"" ااه ايوا صافي راه برادك معمر و محطوط

خرجو مجموعين و زادو تلقاو مع جارتهم صفية سلمو عليها و زادو كاملين

صفية"" (باعجاب )تبااارك الله على بنيتي الله يحجبك

امل"" (تبسمت بخجل ) ربي يخليك خالتي

صفية""(دزت يدها على ضهرها بابتسامة بشوشة ) الله يحفضك من العين ابنتي رقي راسك عاد دخلي ماعرفاش العينين

بشرى"" اودي الحاجة صفية يبعد منها غا كحل راس ديال داك شمكار و تولي بخير

صفية"" ايه قال ليا عثمان راه لقاوه شي وحدين كاع مضروب و لا ماعرت ليه

امل"" الله يهديه اخالتي والله عاد رتاحيت من صداعو هاد يومين

صفية"" (تنهدت و تبسمت بحسرة )احياني ابنتي مكان حتى شي برهوش تيقدر يقرب و لا يعرعر في هاد زنقة

يلا غا تهضر تا كانو وصلو للقاعة للعرس و تلاقاوهم واليدين العروسة و العريس لي كانو تاهوما من نفس الحومة و الزنقة بنياتهم غي بعد خطوات .. رحبو بيهم و دخلو لداخل قاعة و الجوق على استعداد باش يبداو توجهو لطبلة خاوية ولي كانت قريبة الباب يجلسو فيها على وديت الصهد و يلقاو منين يتنفسو .. شدات كلى كرسي بهدوء و لعينين بنات حومة و عيالات كاع عليها تا جلست طالقة زينها اسمراني و حلاوة ملامحها جلست تتقاد في شعرها وراها .. شوية على شوية بدات تعمر القاعة

صفية""(قربت ليها ) صوني ليا لديك مگلوبة شوفيها ابنتي واش خرجت من لخدمة ولا باقة

بشرى"" كون طلبت بعدا غا شوية تخرج بكري

صفية"" هانتي تشوفي العكس

امل"" ايوا الخدمة هي هادي مايمكنش تخرج ( حطات تلفون على ادنيها ) الو عاليا قربتي .. امم صافي جيبي معاك ماء البارد الله يحفضك (قطعت معاها ) هاهي جايا

صفية"" يرضي عليك

تبسمت ليها و تحنات مع تلفون تتصور و و تدخل من هنا و تخرج من هنا تابداو الكروب و ناس بدات تشطح و زغاريت تا حسات بيد تحطت عليها ضارت لقات عاليا متبسمة قربت باستها على خدها و سلمت على صفية و بشرى و جرت كرسي جلست جنبها

امل"" مالكي تعطلتي مابغاش يطلقك اختي دكتورك ولا !!

عاليا"" سكتي امسخوطة راني دابزت معاه عاد جيت قالك ماتمشيش العرس

امل"" الحمد لله باقي ماجاني لي يحكمني .. ايوا كي خلاك جيتي

عاليا"" هههه قلبتها ليه تهرنين و تقليقة عاد خرجت من عيادة

امل"" هههه مسخوطة .. اختي خاصني نجي نشوف واحد ضرسة بدات تتنوض عليا

عاليا"" اصكيعة تنوض عليك مع العيد هااا

امل "" غالله يحفض ديما مع العيد عاد تتنوض على عباد الله

الوقت ماشية على الشطيح و الرديح و كيتسناو العروسة تدخل لي بالفعل حبس الكروب و تم مدخلينها بالدقايقة برا كولشي ناض تيشوف الا هوما بقاو جالسين

امل"" نخرجو نشوفو

عاليا""(حركت راسها و شافت في صفية ) لا لا غا خليني جالسة

حركت راسها تاهي و بقات جالسة دارت بالناقص شافت في صفية مسحت على دمعة و قربت من عاليا و نطقت لها في ودنها

امل"" مال خالتي

عاليا"" (طبطبت ليها على يديها ) حكاية طويلة من بعد و نعاود ليك

نعتت ليها للعروسة لي داخلة و زادت صفية تتبكي وامل عينيها غي معاها تتمسح على دموعها

عاليا""(جبدت كلينكس و مداتو ليها ) ماما الله يهديك ماتندميناش تا جينا

صفية"" (شداتو من عندها مسحت و رجعت تتبسم ) هانا ابنيتي هانا

دخلو العروسة و العريس و عينين كل عليهم تا جلسو في البرزة و بداو ياخدو تصاور و الجوق خدام و لي تيشطح تيطشح و هكاك الوقت تيدوز امل و عاليا في عالهم بين نميمة و ضحك عكس صفية لي مراقبة بوجه الدابل

امل"" (قربت ) عاليا ماماك مالها من دخلت سهيلة و هي تبكي

عالياا"" العريس و العروسة بزوج غدارين اختي .. جلستنا هنا كانت تكون مختلفة و بزاف .. ( تنهدت ) هوما فرحانين .. لكن

فجأة تسمع غوات برا مخلين العينن كولشي متبعين منين جاي كان دراري الحومة تا جا واحد ولد تيجري عند صفية

الدري"" خالتي خالتي .. شرف الدين جا جا

صفية"" (ناضت بزربة تا كاس و قرعة كل مشى لجيه و ناضت عاليا تتجري تاهي ) خوك ابنتي خوك جا

ناضو تيجريو مخلين امل و بشرى مراقبينهم مافاهمين والو فجأة تيبانو ليها وحدة بوحدة تتخرج و ضحكة واصلة بيهم لفين جابو ليها الفضول ناضت معلية براسها تتبان ليها عاليا و صفية وسط احضان شخص محني ماتيبان ليها بوجهو من غير الكاسكيط لي نازلة عليه و يديه موشومة ضايرة على كتاف صفية تا جاو ناس قدامها مامخلينها تشوف شكون

في حين صفية تعنق و تبوس تعاود و ناس و دراري كاع وقفين تيرحبو بيه و يسلمو عليه

صفية "" الله ياوليدي علاش ماقلتيي ليا راك جاي مالك

شراف""( تبسم و تحنى عندها براسو بصوت خشن و شابع كارو ) خرجوني ليوم اميمتي نگول ليهم لا

عاليا"" (معنقاه من كرشو ) الله ياخويا على فرحة درتي لينا والله

شراف "" (سمع كروب بدا و ناس بدات تدخل .. هز عينيه و عاود شاف فيهم ) معرسين ؟؟ شكون لي معرس من الحومة

صفية""(شافت في عاليا و عاود شافت فيه ) اوليدي راه

شراف ""( تيشوف بهدوء وصوتو تقيييل نطق ) شكون معرس الواليدة ؟؟

عاليا"" خويا ..( جاتها تقيلة ) هدا عرس سهيلة و منير

نفس الوقفة و نفس الحنية لي محني عندهم بطولتو .. بانت ابتسامة صغيييرة على شفايفو و عينيه تمات طالعة بشوية .. بشوية تاستقرت وسط القاعة و عاود تحنى شاف فيهم

شراف"" (صوت مدعدع بكترة كارو ) نمشيو نديرو صواب معاهم

صفية""(حطات يديها على صدرو ) لا شراف لا وليدي يلا نمشيو في حالنا عايش وليدي بناقص كاع

شراف"""(تبسم بتقالة تغوبيشة وعينيه مخلوضة تاقالت باراك باس على راسها و عاود نطق بخشونة ) صاحبي اميمتي .. العشْرة..

نطق ديك كلمة و حيد يديه من عليهم و تم مرمقهم بنضرة هادية عكس واحد احمرار ضاير بعينيه مع عيونه مخلوضة زادت لون على لون .. رمى خطوتو لولى و تبعها ثانية و ثالثة بهدوء خاشي يديه في جيب الشورط لي عليه مخلي جسمه ثابت و عينيه اكتر تاحط رجليه لول قاعة و كاع لي تما مراقبينه بنضراتهم و لسانهم خدام و عارفين دخلتو و شوفاتو وكيفاش تا قدر يدخل .. قرب بخطوات تا وقف العريس متفاجئ و ملامحو اتزنگت و تتبان قرجوطتو تتقج صدق حبس كروب و كاع العينين زادت مراقبة .. بخطوات رزييينة و ثابثة مقرب منهم و عينيه لديك مرة مخلوقة لي جنبو و مرة ليه .. تاوصل وقف قدامهم و نفس الهدوء لكن عينيه بدات تزيد في احمرار جبد يديه من جيبيو هز شوية كاسكيطو و تبسم بجنب نطق بهدوء

شراف"" مبروك عليك اصحبي (ضارت عينيه ليها مطول شوفتو لعينيها و حرك براسو بصوت تقيييل ) الله يكمل بالخير (سكت لتواني و نطق ) اختي سهيلة

حركتو و دخلتو كانت هادية و متوازنة و على ملامحه عكس داخله و هو تيشوف اكتر ناس كانو قراب منو طعنوه في ضهرو و هاهوما معرسين و عايشين كأن شيئ لم يكن... حرك براسه بهدوء و رمى خطواتو راجع في حالو منزل براسو مطلع يديه تينزل كاسكيط على عينيه.. تاوصل لطبلة لي فيها صفية و ختو نزل لودنيها

شراف"" غاخليك الواليدة

صفية""( ناضت وقفت) لا اميمتي اصلا جيت بزز نعطيهم صوابهم و نمشي

مابغاش يحكر عليها خرج في حالو و مخلي امل متبعاه بعينيها و لي من دخل و هي عينيها على هاد الغريب و تتشوف وجه العرسان لي تغير لا كلام لا حركة منهم غا صدمة و مجاورهما ..مافاهمة والو غا تتشوف و تربط هضرة عاليا و ملامح الناس فهمت بلي بيناتهم شي حاجة نيت....

عاليا""(تحنات عليها و نطقت في ادنيها ) تانعاود ليك من بعد ..

امل"" ماتبقاوش ؟

عاليا"" (تبسمت ) صوابنا درناه احبي يلا بسلامة

خرجات تبعات صفية و هي كحزات عند بشرى بملامح مستفسرة

بشرى"" يابنتي عمرني عرفت عندها ولد كبير

امل"" فين كان ؟؟

بشرى "" ماعرت ابنيتي

سكتو و رجعو لاجواء لعرس لي تغير و بان تغيير واضح من دخولو ليه و بالاخص عند عرسان و عائلتهم لكن اكملو عرس و فرح واخة غا بسمية .....

في الدار صفية متكي بنصو على سداري منزل رجل و رجل فوق سداري .. بعد مادوش لابس شورط و ديباردور كحلة واسعة عينيه مع تلفازة و يديه تتخبط بشوية تاسمع صوت صفية مخرجة صينية اتاي

صفية"" الله على وليدي و حسك ضوا المكان و شعلو ياشراف

شراف"" (دور براسو متبسم ابتسامة خافتة ) يحفظك ليا الحنانة

صفية""(جلست جنبو ) عاليا يلا ساليتي جيبي لخوك

شراف"" واكل واكل الواليدة( تكعد وتكى براحة رامي يديه و رجليه مفرقة على داك سداري ) فين الواليد و عثمان

عاليا"" بابا راه في المحل .. عثمان راه مشى معاه ( جلست جنبو ) شحال توحشناك اخويا

شراف"" (جرها لعندو ) هانا رجعت كي غادة مع خدمة مزيان

عاليا"" مزيان مزيان اخويا

شراف"" (شاف في صفية)عثمان داير عقلو ؟

صفية""(تبسمت ) هاد ساعة مزيان هاد الوقت صعيب شوية اولدي منتر و دغيا تطلع ليه

حرك براسو غا ينطق و سمع خطوات في دروج عرفو غا من خبطات مجهدة طلع بعينيه لباب و حواجبو طالعة باستفسار واخة عرفو شكون حتى بان ليه متبسم و فرحة باينة في عينيه

عثمان"" و هااانا على السبع رجع للحومة

قرب بخطوات مزروبة ناض شراف و تلاح في حضنو بعناق حار و رجولي تيخبط ليه على كتافو

شراف"" فين مزيان ؟؟

عثمان"" مت بيخير عرفتي صداع راس خدمة مرونة بخبارك اخويا

شراف"" (تبسم و جرو من قرفادتو مني براسو ) كبرتي العود

عثمان"" شوية وصافي

شراف"" فين الواليد

عثمان"" هاهو لتحت كيبلاصي طوموبيل

هز عينيه و هو تيسمع صوت لعكاز طبي طالع مع دروج عوج براسو و تعرض ليه نزل بدرجة و مد يديه للاب حتى تطلع و استقرت رجليه في الارض و تحنى على يديه باس عليها و باس راسو و كتفو

شراف"" لواليد كي راك

الاب احمد"" ( تبسم و تيشوف في طولتو محرك راسو بثبات ) بيخير اولدي من دخلتي لداركم ... و رجعتي عمرتيها

شراف"" (باس على كتفو ) الله يطول عمرك الحنين

شد على يديه و مشى بيه جلس و ريح جنبو تيغزز في شواربو مخلطة عليه شلى احاسيس الندم و الحسرة و الغدر ..

احمد"" (خبط على فخضو ) ماديرش في بالك اولدي الخاسر باين و رابح الباين ..

صفية"" بغيت ربي لهلا يسهل عليهم في زواجهم و لا يفرحو بالتريكة

شراف""(مقاطعها بهدوووء بروخة عينيه) شش الواليدة لاش

عثمان"" صافي الواليدة بلاما تبقاي تحكي على ضبرة

عاليا"" خويا عندك تقلق حيث مشينا للعرس ديالها انا لي بززت على ماما باش نمشيو و ..

شراف"" (حرك براسو بتقالة مقاطعها هاز حواجبو فين بغات ) تزوجت الله يسهل عليها حياتها هاديك( هز بحاجبو بلا مبالات) مابقات عندي بيها علاقة من تسدو عليا كوانات ..(شاف في صفية و تبسم بجنب) بنت الجيران الواليدة حشوومة تخوييو بيها ..

سالا العرس و كل تفرق لدارو امل دخلات دوشات لبست عليها كندورتها و مشات تجبدت تتشوف تصاور تا بانت ليها عاليا مصيفطة ليها ميساج

""و فين يالحب رجعتي لدار""

""رجعت يلا تلاحيت بلاصتي عييت و صهد قتلتي""

""كنت بغيت نعاود ليك ساعة مامكتابش نوض نطيب العشاء لخويا غدا نتشافو و نهضرو فاص افاص ""

""بخاطرك ازين خوك هو لول غا هو العرس ترون اصحبتي و ولا مظلم""

""ايه حيث شافوه رجع اودي الله ياخد الحق صباح نجي عندك و نتحتتو""

قطعت معاها و ناضت لعند باها و بشرى لي جالسين يهضرو على العيد و توجادو

مصطفى"" غانشوف الحاج احمد يجي يدبح لينا هاد العيد .. كزار العام لي داز كرفصنا

امل"" هههه او العصر و هنا مزال تنتسناو .. و يني بابا مخلي فيها ماتدبحش

بشرى"" ياودي عيت فيه كون تيدبح كون لاباس علينا

مصطفى"" هكاك مامولفش ندبح قبل ابنتي ماشي عاد وزدت مع سكر

امل""(تكات عليه) اودي غي رتاح مالنا ما ندبحو تالمغرب

بشرى"" لواه علم سي احمد يجي يدبح لينا و سليخ راه يسلخ هو

مصطفى""(حط كاسو و ناض تيقاد طاگية ديالو ) ايوا نوض نصلي العشاء و نمشي للدار العرس

ناضت امل جابت ليه بلغة ديالو من بلاكار حطاتها تحت رجليه

امل"" عنداك ابا تاكل الحلوة و لا تكتر ماكلة ياا

مصطفى"" لا بنيتي ماتخافيش

باست يديه و مشى هو خرج و هي دخلات لكوزينة عمرت اتاي بالنعناع كي تتبغي و جات شدات حديث هي بشرى على العرس و شنو وقع مستغربين و هوما ماعرفينش سبب حتى تكهرب الجو بعد دخول ولد صفية ... بقاو بالهضرة تا حسات براسها عيات و مشات نعسات و تطلب الله يدوز ليلها مزيان و تنعس براحتها

3 ديال صباح مجبد فوق سريرو على كرشو لابس غا شورط ضهرو مستقيم و تضاريس ضهرو مزيناه و لونو سمر زايدو وسامة على وسامة .. حل عينيه بعد ما سمع صوت شي حد سكران تيقرب و تيغوت باسم امااال ناض بتقل راسو .. حل لباب لقى صفية تا هي حلات لباب بيت

شراف"" شكون هادا تيرعرع في هاد الليل

صفية"" مالقاش لي يحكمو هاد ولد حرام من نهار لي رجع و هو سامر على بنت الجيران

شراف"" (حواجب معقودة) شكون امل ؟؟

صفية"" ها وليدي غير

شراف""(قرب شوية محني و حواجبو طالعة فين بغات هز بنعت ليديه نطق بصوت تقيييل) شكون امل الواليدة؟؟

صفية""(تنهدت ) من وقت لي وقعت ليك واقعة جاو سكان جداد لدار لمراكشي بعد ما باعوها شقات مفرقة جاو شي ناس الله يعمرها دار عندهم بنت وحدة من شافها داك مخلوق ولد مليكة و هو يفيق بيها و ينعس بيها ماخلاو مادارو معاه يتشد و غير يخرج تبان ليه...

شراف"" ( مشى دفع باب بالكو و طل تيبان ليه تيقرب و تتمايل شاف في صفية نطق بتقالة ) عتيق؟؟... هاد البرهوش تاهو كبر لمو الشان ؟

صفية""(تتشوف) هانتا تشوف اولدي حنا وقهرنا بقى لبنت مسكينة بسبتو مابقات تحمل الليل ،،

شراف"" (هز يديه من حديد بالكو و تم داخل لداخل ) حيث ما لقاش لي يدكدك مو....

صفية""(تبعاتو تتجري ) فين غادي اولدي بحرا جيتي دابة يسكت ا شراف اولدي ....

لبس عليه صندالتو و نزل هكاك مسفح فتح الباب و بان ليه قدام دار تيغوت و يتمايل

عتيق"" (مخلطها بين قرقوبي و الشراب ) امااال نزليييي انا باغيييك و باااااك مالو معكس ...( جبد جنوية من ضهرو ) اماااال طلي عليا .... نهضرووووو

شراف""( قرب شوية خاشي يديه في جيب شورط لي هو وحيد في فوق لحمو زاد وصل تالوراه و نطق بصوت تقيييل ) عتيييق رول لداركم بلا كترة تبرويل....

مع تنطق صوت شراف و هنا سراجم تحلو و بداو يطلو حيث عمر شي حد دخل... منهم زغبية امال لي تطل بشوية تيبان ليها غا شراف واقف اما عتيق مضرق عليها ولاات تتغزل و داتها مابقات هازاها تاسمعت صوت شراف تاني ...

شراف"" حيد داك المضى و رول لداركم اعتيق بلا نفخة الخاوية ديالك ....

عتيق"" اهاااا خويااا شرااااف (تيشر بداك جنوية تاكتوصل حدا وجهو ) هانتا حكم بالحق انا باغي امل و اش انا فيا شي عيب اخويااااا؟؟؟

شراف""(مراقبو بعينيه بلاما يتحركو و لا يتزعزعو نطق بصوت خااتر) مابغيتش نخرج العيب معاك دور تقود ...اعتيق

زنقة فيها زوج الناس عتيق و شراف واقف عليه بلاما يتزعزع من بلاصتو حتى سمع صوت مصطفى لي خلاه يهز بعينيه ليه بهدوء

مصطفى"" واش نتا ما عندك شغل اولد الحرام ولا شنو حشوومة هادشي لي تدير فيه...

عتيق"" هاااااا (بعد تيخبط بجنوية على كروسة مربوطة جنبو ) هاهو مول صداع كون عطيتيني امال مانجيش عندك ....

جهل و بدا يمشي و يجي و يشير بداك جنوية امل ماقدرت توقف على رجليها تتبكي و تترعد معنقاها بشرى لي تاهي خايفة و زادتها صفية لي تتطل من بالكو

صفية "" و شرااف اولدي الله يرضي عليك راه هاز المضى اوليدي بعد انا مزااااوݣة فيك...

تحرك بالفعل جنب الكروصة تحنى و جر حديدة من تحتها و تم قاصدو صفية تغوت و امل ولات تترعد بشل فضييييع مزيرة على بشرى

امل""" (بصوت مترعد ) م ماما ناري

شراف"" (قاصدو تيحرك فالحديدة وسط يديه عينيه شاعلة) مال الزا *** بوك على هاد تفرعين كامل شباغي

عتيق""(هز جنوية في وجهو بالغوات ) سير ف حالك اشرااااف ماشي شغلك ... هادشي ببني و بين باها

هو تيهضر و شراف تيدير العكس تيزيد يقرب بحالا تيهضر مع الحيط مع شير عتيق بالجنوية خوا ليه و شير بالحديدة تاتسمعت طننن و ماهي جاتو في في الركبة تا جا طايح و شير عليه تاني لليدين تاتلاحت داك الجنوية مشى باش يزيد يتبعها و عاود عطاه لنفس البلاصة تا غوت و قرب حط حديدة على عنقو بجهد تابدا تيسمع قرجوطتو تتزير

شراف"" (باطنة تتفور)جهلتي لط*** مك باقي تجي لهاد العتبة نح**ي الزا**بوك...

هز رجليه و خبطو من ضهرو تاتلاح على فمو كانت ساهلة عليه اصلا مع ماكان عندو جهد مكتر من قرقوبي و الشراب.... زاد هز جنوية في يد و حديدة في يد و هز براسو لجيران لي تيطلو قاصد دراري و رجال

شراف""(بصوت مرتفع)الحضية جميلكم بعدا .. حشومة كاع حق رب ....

عاود رجع عند عتيق و ضربو بركلة تا عاود تقلب على جهة الثانية

شراف"" نوض تقود نتا و لا نزيد نملخ ق*** مك ..تكعد الشماتة

ناض بزز منو تيتمايل و حاضيه لا يزيد عليه هو تيتمشى باش يبعد و شراف تابعاو تا داه من قدام الحومة و تم راجع تيلمح مصطفى نزل قدام الباب و صفية و احمد و عثمان معاهم اما عاليا ماقدرتش تهبط قبل ما يكمل بيها .. وصل قدام الباب و تم داخل تاوقفو

مصطفى"" الله يرضي عليك اولدي سمح لينا ..سمح لينا على هاد

شراف"" مايقدر يدير والو ( تحنى رجع حديدة تحت كروصة ) بحال هاد نوع مايخرجوش بلا مضى

مصطفى"" الله يكتر خيرك اوليدي

احمد"" واخة هكاك عاود ديكلاري اسي مصطفى

صفية "" مانضنش يعاود يرجع

شراف"" سيرو تنعسو مايعاودش يقرب هنا غا سيرو

عاود شكرو مصطفى و دخل ب حالو كدالك صفية دخلات و بقية بقى غا شراف قدام الباب تيدور براسو لهنا و هنا و يديه ديك جنوية تتبارگ مع الضو تاعرف حسو تقطع و عاود هز براسو لسرجم فين كاينة مولات هاد فيلم كامل مع لمحها و هي تدرگت دغيا قبل ما يحكر عليها نزل براسو و دخل و زدح الباب طلع في حالو الطابق لفوقي لقى صفية واقفة حدا دروج تتسناه

شراف"" (بحواجب مشربكين) لاش نازلة الواليدة لاش

صفية"" و وليدي راه خفت عليك

شراف"" بحال داك نوع فيه غا غوت و تبهليل على والو .. البرهوش لي حطو (دخل للبيت هز كارو و بريكة خرج لقاها مزال واقفة) سيري تنعسي سيري

صفية"" و ديك جنوية اوليدي لاش مدخلها ليا هنا

شراف""(قاصد سطح ) نطلعها لفوق غدا و نرميها سيري تنعسي الواليدة سيري

طلع بالفعل للسطح لواها في زيف و رماها فوق البيت الدروج و مشى تيطل مازال ما هناش جبد الكارو و شعلو رامي يديه بزوج على حيط السطح و تيتكيف بعينيه مخرجة شرار بالاعصاب ...

شراف"" (نطق تحت سنانو مخلي دخان شابك حدا وجهو ) ولد الق****ة بقات في جنوية الزا*****ل

اما هي مع سدات داك السرجم و شدات على قلبها و تمات خارجة من البيت لقات مصطفى عاد داخل و بشرى جالسة شادة على راسها قربت منها و تكات براسها عليها

بشرى""(حاوطتها)ماتخافيش ابنتي كولشي داز

مصطفى"" صافي ابنتي يلا عاود رجع نمشيو من هنا في خطرة ...

امل"" ( مسحت دمعتها ) خفت يبقى حاقد عليه و يدير فيه شي حاجة بسبابي...

مصطفى"" غانعاود نديكلاري و نشوفو (ناض ) نوضو تنعسو ترتاحو

داكشي لي كان دخلات في حالها حلات السرجم بشوية طلات و ماهي تجي مع شراف تيبخ منزل بيد و يد لاخرى متكيها على الحيط و هازها لفمو و دا الوشام تيبان مضلم حسات بيه تحرك و هي تدخل دغيا و سدات لباب .. و مشات تكات في بلاصتهاا و منضر كامل رجع ليها كيفاش خرج و كيفاش كان ثابت و ماخايفش و كيفاش ضربو و كيفاش جرا عليه من تم تاوصلو للخر .. منضر خلاها تغمض عينيها بجهههد و قلبها بدا يضرب على الجهد تكمشت في ببلاصتها .. تاداها عينيها ....

هاكة تا صبح الحال على صوت دراري الصغار تيتغاوتو و عاد داك شارع تيعمروه اليوم الاحد... عاد زيد نهار سابق للعيد غا يزيد يعمر و لي عندو شي شغل ناض يقضيه حلات عينيها .. و ناضت جلست راسها صابح مكروز عليها شدات عليه مدة عاد ناضت توجهت لحمام توضات رجعت صلاات صلاتها عاد توجهت للكوزينة باست على خد بشرى

بشرى"" كي صبحتي بنتي مزيان

امل"" لاباس اماما لاباس فين بابا

بشرى"" مشى قالك لسويقة يجيب سخرة لي باقة و يتقدا راكي عارفة ورا العيد كولشي تيكون ساد

امل"" اممم

بشرى"" تكعدي جيبي نعناع يلا ما لقيتيه سالا

امل"" الله ياربي عيني مبوقين فين انزيد

حركت غا راسها بمعنى تكعدي ناضت بتقالة تتجر في رجليها مشات دارت ايكخو و مشطت شعرها جمعاتو كعكة رمات عليها عباية ربطتها بحزامها و مشات هزات بزطامها و خرجات متوجهة لعند الخضار بخطوات متقلة و عينيها منفوخة وصلت رمات السلام

امل"" العربي ماتقوليش مابقات نعناع نطلع تالسوق ولا شنووو

العربي "" بلاتي بلاتي ريحي نعيط ليك على سعد يمشي يجيب ليك قبطتك غا ماتخاصميش معانا

امل"" لواه واعارفني تنصبح عليك على صباح لاماشربتوش يضرني راسي ...

قاطعها نفس الصوت لبارح ولكن لكنة صباحية منخوية اما ريحته مخلطة بين كارو و بارفان كانت سباقة تدخل قبلو نزلت عينيها تتعض على شنوفتها بالدعيق ...

شراف"" تقدية واجدة ؟؟

العربي "" واجدة من جيتي جيتي نحيد ليك قبطة نعناع نعطيها ل امل

امل"" (هزات يديها تتبعد شعرها ورا ادنيها هي مزال عاطية بضهر ) لا لا مكاينش لاش غا نمشي لسويقة نجيبها

اما هو دور عينيه بشوية مقندشة و حواجبه طالعين فين بغاو تتبان ليه يديها تتحرك بحالا تترعد مزينة بالصباغة وردية و خويتم نفس اللون شاف في العربي و نطق محرك بحواجبه

شراف"" (صوت مدعدع بالكارو ) عطيها لي بغات...

امل""(حيدت يديها و ضارت بزربة لعندو هزات عينيها لعينيه تهضر زعمة لسانها تربط بكتلتو و هي محبة عندها و مغطية الشمس عليها و عينيه مخلوضة مراقباها باحكام نزلت عينيها ماقدرتش تطول شوفتها) غي خليك ماعليش ...

شراف""(عينيه ثابثة اثبات غير طبيعي و داك ارتباك لي عليها و هو تيأكد من هاد امل لي ناضت عليها الحيحة و صدق ضارب على وديتها قرب بخطوة و عاود تحنى هز الگفة بيديه حيد منها النعناع و وقف قدامها حطو ليها على يديها لي ماحسات تاعنقاتو ناطق بخشونة ) خودي و دركي لداركم ...

مخالاها تستوعب كلامو و لا تدخل لدماغها تا اش قال تاعطااتها ريحة النعناع لنيفها تتلقى راسها شداتو معنقاه و هو فاتها بخطوات عاد استوعبت و تمات غادية تابعاه بخطوات مسرعة .....

سرعت بخطواتها تابعاه و عينيها تتطلع و تنزل مع كتلتلو لابس غي ديباردور واسع كاسكيط و شورط مع سبادري بيضة و داك الوشام لي على دراعو و يديه خلاها ساهية فيه عاد تداركات موقف و نادات بصوتها خافت

امل"" عفاك حبس ( شافتو ضار لعندها مستغرب و هي تزيد تقرب لعندو مدت ليه نعناع) غ غي ديه انا نمشي نجيب من سويقة والله ...

شراف""(عقد حواجبه نطق متقل ) گلت ليك غي ديه ...

امل""( حلات لبزطام جبدات 5 دراهم و مدتها ليه ) وخود غي فلوسو بعدا

شراف""(زادو تعقدو حواجبو نزل بعينيه ليديها ممدودة ليه و عاود شاف فيها ) تبقاي على خاطرك؟؟

امل""(حركت راسها بعينيها دابلة منفوخة ) الصمت

شراف""(دور راسو زوج دراري صغار تيلعبو صفر عليهم تاجاو لعندو و عاد شاف فيها ) عطيهم تحسب ليك و ليا ...

نزلت عينيها لدوك لوليدات تبسمت بزز مدتهم ليهم مشاو تيجريو و عاود شاف فيه

امل"" (عنقات داك نعناع تتهضر بحشمة و خدودها ولاو حمرييين ) بغيت نقولك على لبارح سمحي لينا على دخلتك

شراف""(كدد شواربو بجهد و بانت تقويسة بين عينيه تحنى شوية و نطق بخشونة ) منك من ختي لا دوا معاك شي قواد گوليها ليا ...

سكتها و لجم لسانها ماعاودت دوات و لا ربطت لحروف و لا لاقالتهم بان ليها رخف حواجبو و عاود حركهم بنعت بلي فهمتيني ..

حركت براسها بشوية و زاد مخليها متبعة ليه العين نزلت داك نعناع من تعنيقة لي دايرة ليه و زادت تابعاه و عينيها عليه و على مشيتو منخوية تاوصل لدار حل لباب و دخل و هي دخلات لدارهم مرفوعة بصوته و ملامحو حرشة زايدة على لزوم استغفرت مولاها و طلعات في حالها لقات بشرى شادة على جنبها

امل"" مالكي مگرضفة عليا ياا

بشرى"" لاش كنتي واقفة معاه يابنتي وسط الزنقة

امل"" (حطات نعناع و عاودت ليها اش وقع بالضبط ) هادشي لي كاين و شكرتو على لبارح

بشرى""احح غا سكتي يابنتي ماكنتش متوقعة شي نهار نتفرج في داك لحيوان برد ليا قلبي فيييييه ...ايوا عالله غا تكون نفعت معاه ديك قتلة لي عطاه

امل"" غاتنفع ان شاء الله و نزيد نمشي نديكلاري باش مايعاود يلحق هنا ...

بشرى"" و سيري عمري كويس تفطري

امل"" ها و نتوما

بشرى"" راه عرفة ليوم ابنتي

امل""(شدت على راسها ) تلفني الله يعطيه العذاب كنت بغيت نصوم ليوم اووف...

بشرى"" ماعليش ابنتي

عوجت بفمها و علقت عبايتها في بيت و مشات دخلات لكوزينة مقراج كان طايب عمرت كويس اتاي و سخنت رغايف و مشات تطل من سرجم وصادفت عاليا تاهي في كوزينة شيرت ليها

عاليا"" كي صبحتي مزيان

امل"" بيخير و نتي

عاليا"" غادية نخرج (بنعت) تمشي معايا بغيت ناخد كندورة ( نعتت لفمها زعمة نتعاودو )

امل"" (حركت راسها ) واخة دوزي عندي

مشات تتقلب في رغيفة و عينيها مع تلفون دورت عينيها باش تعاود تهضر معاها تا كتلقاه حاط كاس على الحيط سرجم وتيتكيف و عينيه تهزت فور مالمح لخيالها تم تبسمت بزربة و ضارت قلبها غادي يطيح من وسطها اما هو هز كاسو و خرج من كوزينة بعد مالقاها تما خوا البلاصة كاع ماهو ديال تحنزيز ماهو ديال يكتر شوفات في دريات ...

فطرت و مشات لبست عليها جلابة في لموڤ صنيديلة كحلة جمعات شعرها بخصلات لوراء و خرجات بعد ما علمت بشرى بلي تخرج لسويقة مع عاليا وقفت قدام الباب ديال عاليا تابانت ليها حلات لباب و تمات سابقاها عاد تبعاتها شدات عليها

عاليا"" تدوزي معايا للحانوت نعطي ساروت لبابا و نمشيو

امل"" نمشيو ماعليش

داكشي لي دارو قاصدين المحلات تجارية ديال الحاج احمد ..( مگازة مكونة بزوج كاراجات كبار دروگري ) مشاو على رجليهم تيتحتو و يهضرو عاودت ليها على ما طرا في العرس من لول و تالخر .. ماهو وقت قليل تاكانو قدام لمگازة بقات تتساين امل برا و هي توجهت لعند باها لي كان جالس قدام الباب تيقرا القرآن وقفات مربعة يديها و حاضية عاليا لي كانت جايا لعندها تتبسم و تاوقفت طوموبيل (clio4)جنب رجليها و عاودت رجعت مخلية امل تتلون غا بوحدها بعد ما شافت شكون داخلها علاش الله اعلم .. نزلت عينيها تتكبزز على داك تلفون تتحك جنب ادنيها خايفة تطلع عينيها تاسمعت اسمها و عاليا منادياها

عاليا"" اجي غادي يوصلنا للسويقة

ماحملتش راسها و داك الوجه راجع حمر بجهد عضت على شفايفها و تمات مقربة تاخطاوي تيتلفو ليها حلات ليها عاليا الباب طلعات و مشات هي طلعات جنبو تسد الباب و كسيرا بهدوء ...

عاليا""و الله يلا جابك الله كنت نضرب الطريق و نرجعها نسخف انا دابة قتلني العطش ..

شراف""(شعل كارو و هز عينيه مع مرايا تتبان ليه تتكدد في شفايفها بشكل غير طبيعي و داك حمورية عاود شاف قدامو نطق مخلي دخاخن شابكة جنب وجهو) كون خديتو طاكسي من لول

عاليا"" ماشي موشيكل تانكونو راجعين

اما امل شي حشمة و شي خجل طاحت فيه مايمكنش غا صوتو اش دار ليها هادشي مابغى يتفهم ليها تتعيى تبغي تحاول و تجاهد تحيد هادشي لكن ماقدت .. حبست طوموبيل و مد لعاليا 100 درهم

شراف""(بصوت خشن و تقييل) رجعو في طاكسي

عاليا"" بلاش اخويا عندي غي

رمق ليها بشوفات مخلطين بتخنزيرة تا شدتتها من عندو دورت عينيها ل امل لي دغيا رمات يديها فتحات الباب و نزلات تترد شعرها وراها بارتباك مارداش البال لمرايا جانبية و العيون لي وسطها مراقباها بهدوء تام ...

غا نزلت عاليا و زاد قربت منها شدت عليها و تمو داخلين لسويقة عاليا هزات عينيها و قاست على خدود امل...

عاليا"" وانا على حشومية ياختي مالكي في هاد حمورية كاملة

امل"" ياختي خوك مهيب بزاف اووو...

عاليا"" ههههه خفتي منو

امل"" ههه لا لا ( فجأة شدات عل وجهاا) تلفوني اويييلي طاح ليا واقيلة ....

عاليا"" مايمكنش كاع بلاتي نصوني ليه (جبدات تلفونها و دوزت الخط ) كيصوني ( بقى تيصوني تا قطع و عاودت شافت شراف تيصوني تبسمت لها و جاوبت) شرااف.. صافي كي سحب ليها طيحاتو ... صافي خليه عندك تانرجعو ...اوكي بسلامة

هو قطع معاها و تلفت و مد يديه جابو قدام عينيه و بانت شاشة مزينة بصورتها بتكشيطة و شعر نازل مع كتفها بجنب ضحكتها عالم الثاني .. انتفض و حطو جنبو و زاد ..... ورجع مكمل طريقو ....

مشاو تساراو و خداو لي خداو مشاو للجريدة و جلسو يرتاحو ...

عاليا"" ياختي قتلني العطش يااا

امل""(معبسة بوجها) دوخني داك ولد الحرام كون راني صايمة معاك

عاليا"" ماتخافيش عمرو باقي يعتب عندك عطاه علاش تيقلب هاد وقت كامل ....

امل"" (بتركيز) عاودي ليا خوك منين رجع شدني فضول

عاليا"" (بتنهيدة) خويا خرج من الحبس

امل""(بانت صدمة على ملامحها سرطت ريقها ) كيفاش ..؟

عاليا"" (خرجت نفس طويلة ونطقت) شنو غا نقولك حكايتو حكاية اصحبتي .. الله ياخد الحق فلي كان حيلة و سباب ..

امل"" من امتى

عاليا"" هو في اصل تحكم ب ست سنين بتهمة تزوير شي شيكات خاوين .. (نزلت عينيها و عاودت شافت فيها) داك العريس كان صاحبو الروح بالروح كولشي في يديه و داك حوانت كاملة دازت على يديه .. شراف دار فيه التقة لاخور استغلها و صيفطو للحبس .. وراها خدا ليه حبيبتو .. سهيلة كانت مع شراف و ناويها للحلال ..

امل""(حطات يديها على فمها بصدمة) الله ياربي .. يعني زوج غدرات .. غدر الصحبة و غدر حبيبتو ليه !!!!

عاليا"" بابا ما وقف على رجليه بزز هلكوونا بمعنى كلمة ...دوز 4 سنين حبس ماتبقى خلصنا فلوس صحيحة باش خرج (تبسمت ) وراكي شتي تا دخل علينا و فرحنا بخروجو

امل"" الحمد لله على سلامتو ..ياختي بنادم صعيب ولاد الحرام ضيعوه ليه 4 سنين باطل من حياتو

عاليا"" ايه يااختي ( تنهدت) ولد حرام كولشي ضارب ليه حساب ماتشد ما شكو فيه .. غي في ديك ايام ديال طلوع و نزول تا سمعنا بلي كولشي ضار على خويا مسكين

امل"" حقو عمرو يضيع ( باسف) خوك باين ضريف صراحة ماهواش ديال شي حاجة خايبة

عاليا"" صدمتني سهيلة لي كانت تتموت عليه بين ليلة و نهار غا سمعاتو تشد و بدات تتهرب بالخصوص من سمعاتو تحكم ب ست سنين ....

امل"" ايي كون تشوفي لبارح وجهها كيف ولا اما دموع مابغاوش يحبسو ليها كل مرة تطلع عندها وحدة تهضر معاها ..

عاليا"" خاليها بغيتها تبكي دم .. ( تبسمت) دابة يجيب ليه الله بنت ناس ديال بصح ..

امل"" (تبسمت ) ربي تيدير لي فيه الخير شوف ربي اش مقسم ليه و هاد شدة تاهي فيها خير واخة ضيعت ليه هاد سنين لكن كلشي فيه الخير

عاليا"" اكيد (ناضت و مدت ليها يديها ) يلا اخيتي يلا نلحق على فطوري نوجدو

شدات فيها و مشاو شدو طاكسي تالقدام الدار نزلو و بقات تتساينها في دروج و هي طلعت تجيب ليها تلفونها تاحست بخطوات نازلين متقلين هزات عينيها بان ليها و هي توقف دغيا تانزل بدرجة جنب رجليها ماد ليها تلفون شافت فيه و مدت يديها تبسمت بخجل و نطقت بشوية

امل"" شكرا سمحلي ليا صدعتك..

شراف""(حرك راسو و عينيه ثابثة مع عينيها نطق بخشوونة ) غاردي بالك مرة جاية...

امل""(بارتبااااك غير طبيعي وجهها حممر منزلة عينيها) ويه ماعرفت كيف زلق لي من يدي ...

شراف""(مراقب شوفاتها مشتتة و يديها كتر على هاد ارتباك لي مبييين بزاف قرب و مد يديه حل الباب و نطق بصوت تخيين ) غي رخفي نفسك ... ماتخافيش ...

خرج مخليها غا تسخف غا بوحدها تالهاد لحد مبينة ليه هاد قوة ارتبكات .. لكن هو ضنها خايفة منو ماشي ارتباك .. خرجت و سدت الباب دورت عينيها و بان ليها غادي بخطوات تقيلة و رزييينة ضهر يتمايل في كل خطوة دورت عينيها و زادت دخلات لدارهم و طلعات لقات بشرى تطيب الحلوة دخلات سلمت عليها و مشات لبسات بيجامتها و جات تتعاونها في توجاد الفطور

بشرى"" خلطي امل شي كيكة شكلاط ..

امل"" واخة... و سوق مطرطق بناس و حوايج وااااه واااه

بشرى"" ايوا بنتي عواشر ديما هي هادي الجو ديالها زين....

امل"" الله يتقبل منا ياربي

مشات تتخلط في كيك و بشرى و مصطفى تيفطرو دارت كيك في فران و مشات جلسات جنبهم تيتحتو و يضحكو كيف ديما ... وجدت داك الكيك خدات شوية ديسير و مشات لبيتها تتفرج و تاكل .. تا صلاة صلاتها و مشات نعسات باش تفيق .. ليوم الاضحى ......

ها صباح الصبح فاقت على صوت تكبيرات العيد لي واصلة من المسجد الحومة تبسمت و ناضت تتكسل ناضت توضات صلاة صلاتها و مشات كوزينة صبحت على ماماها ببوسة و دعيوة كيف ديما و مشات للسرجم تطل على داك الجو الصباحي الزين و مزين باللباس اتقليدي من النساء و الرجال و وليدات الصغار و سجادات في يديهم حتى سمعت لباب تحل نزلت عينيها بدون وعي .. بان ليها اول واحد لابس فوقية نص كم باللون الابيض ناصع زاد برز لون الاسمراني و في يديه سجادة تبعو احمد و عثمان و توجهو للمسجد بقات متبعاهم بعينيها و ابتسامة لي ماوعات بيها تا تدرقو على عينيها جمعتها و مشات تكمل توجاد الفطور .....

صلاو صلاتهم و قصدو ديارهم باش يبداو اضحية مصطفى جاي مع احمد و شراف هو عثمان مع دراري الحومة تاوصلو لدار طلعو في حالهم لقاو الفطور واجد فطرو و نزل لبيتو لبس عليه شورط كحل للركبة عليه جياب و تيشورط گري جات مبينة عضلاتو و الصدر مبدر لبس كاسكيط كحلة و سبادري و طلع للسطح لقى صفية و عاليا جالسن تيضحكو على عثمان

عاليا"" اسير تكمش سير

شراف""(جر كرسي وهز اتاي جغم من كاسو ) مالكم

صفية"" قالك بغى يگزر بوحدو من تمشيو تدبحو لجيران

شراف""(صغر عينيه) تا نرجع و نشوفو

عثمان"" الله اودي ...ا ماتكونش غا نتا خليني بوحدي

احمد""(ناض ) يلا اولدي نسبقو مرت زعري و ندوزو عند مصطفى و عاد نجيو

شراف"" (جغم من كاسو مصغر عينيه) علاه ما تيدبحش هو

عاليا" لا العام لي فات تا ورا العصر عاد دبحو مساكن دارها بيهم كزار ....

حرك راسو ناض بعد ما جغم من كاسو هز جناوة في يديه و دار لمضاية في جيبو و نزل تبعو احمد لقاو الباب محلول دق تا خرجت المرا كبيرة في السن و معاها زوج بناتها .. طلعو لسطح دبحو ليها و گزرو ليها نضاو ليها كولشي و نزلو متوجيهن عند مصطفى ..

شراف"" طلع الوالييد انا نكمي ونجي

احمد"" ماتعطلش

حرك ليه راسو و طلع و عاد جلس قفازي تيشعل كارو يرد مجاجو نترة وراها بخة وراها نترة بعدها بخة تاكمل داك الكارو عفس عليه و دخل تم طالع بتقااالة و في يديه جناوة وصل لطابق الثاني و مع غايدور مع غايجي معاها ديريكت نازلة من دروج حتى شهقات بجهههدد شادة على قلبها

شراف""(رد جناوة وراه بالخف ونطق بخشونة ) ماتخافيش .. ماتخافيش..

امل""(جلست في دروج حاطة يديها على عينيها تنطق بشوية) دم دم ياااااا

فهم قصدها بلي تتخاف من الدم جمع جناوة بيد مخليهم وراه و مد يد لاخرى شد على دراعها نزلها من دوك درجات بشوية و عينيه على ملامحها و كيف خايفة تكاها على الحيط ...

شراف"" (نطق بصوت تقيييل مخلي عينيه تتمشي و تجي بشوووية على ملامحها ) بقاي مغمضة عينيك تا نطلع ....

شافها حركت راسها بشكل مزروب و بعد تم طالع و مخلي عينيه عليها و حواجبو مشربكة .. بانت ابتسامة شبه خافتة على شفايفه و نطق ديك السلام عليكم مسموعة ليها باش تفهم بلي تضرگ عليها بصح ماتشوفش الدم ....

وصل للسطح رمى السلام تحنى براسو باحترام لبشرى لي تبسمت ليه كانت جالسة تتقاد الفراش الجلسة و مصطفى و احمد واقفين حدا الحولي تيهضرو

مصطفى""زيد اولدي زيد الله يرضي عليك

حرك راسو زاد بخطواتو لعندهم راد جناوة وراه حطهم على جنب و مشى فك الحولي من رباطو و في رمشة العين صدق متكيه شد ليه العنق ومصطفى شد على رجليه و قرب احمد نحرو بطلعة و هبطة ها اضحيتهم اكتملت بعدو هوما جات بشرى تدفع الدم

حتى تركل مزيان و نقص الدم و تحنى بكتلتو جبد گصبة و بدا ينفخ فيه مع ديك لحضة طلعات امل تتعيط بصوت قليل

امل"" ماما

بشرى"" غا زيدي صافي دبحو

زادت و اول ماشافت شافتو و هو محني بكتلتو تينفخ في الحولي قربت جلست على كرسي باش تزيد تمعن و تزيد ..حتى كمل و شافتو تگعد و هي تشتت شوفاتها بارتبااك واااضح تاني.. لكن ماقدتش من شافتو ناض هز الجنوية و بدا في سليخ بوحدو عينها تتمشي و تجي مرة مع يديه و مرة مع ملامحه السمراء وحواجبو مشربكة ... رفع الحولي و علقو و بدا يكمل حتى سمعت بشرى مخاطباها

بشرى"" وجدي اتاي ابنتي

احمد"" صايم الاله بشرى شوفي غي غا شراف ...

حركت براسها و ناضت سخنت اتاي و عرات على طبسيل الحلوة و الكيك و مسمن و بغرير طبلة كاملة و مكمولة .... شافتو تيحيد الراس و هي تنوض مشات تطل مع حيدو و جر بانيو صغير دارو تحت راس باش يسيل عليه قرب احمد حل الكرش و تحنى شراف تيجبد (الفاد )

مصطفى"" اري ابنتي شي سطل فيه الماء و بانيو

قربت بشوية تحنات تتعمر الماء طلع براسو تيتسنى ماء و جات عينه فيها بگندورة في الاحمر و فواطة ملوية عليها زيف مغطي نص الشعر نزل بعينيه مع سطل و بانو ليه الصيكان تيبريو دغيا التفت حتى بانت ليه تتهز طل و مشى قرب منها

شراف"" (تحنى شد عليه و نطق بصوت قليل ) غاخليك .. تقيل عليك

رجع تيكمل و نضاو الشغل كامل و قرب تيغسل يديه و ريحتها مرة مرة تضرب في قاع نيفو مخليه يهز عينيه بلا وعي فيقو صوتها انثوي.؟

امل"" ياااي الحولي هرب

دغيا طل و و تبعو لبقية تيشوفو حولي مدبوح في زنقة و هارب ....

احمد"" يااه ياه

شراف""( منادي بصوتو الغليض ) حمزززة ...

كان مع دراري لي تيشوطو ريوس غا هز عينيه و شير ليه باش ينوض يشد معاه داكشي لي كان بقااو مراقبينهم تجمعو دراري من جهة لاخرى تا تشد

امل""(بصوت قليل) اواااعدي يتدبح زوج مرات مسكييين ....

شراف""(دور عينيه لقاها مراقبة معبسة بملامحها تبسم بجنب تقول ما بيناش كاع نطق بصوت التخين) ماعارفش يدبح ....

هزات عينيها ليه تبسمت و نزلت عينيها تا قاطعو مصطفى و هو مخاطبو ....

مصطفى"" اجي اولدي شرب كويس

شراف"" ( مشى تيهز جناوا )خاصنا نمشيو اعمي

بشرى"" لواه اولدي جلس غا كويس و سير الله يرضي عليك...

حرك براسو و جر كرسي جلس و جابت ليه امل طبلة صغيرة حطت ليه كلشي قدامو و كبت ليه اتاي في الحين مدهين بالهضرة هو مراقب بلاما يحس و لا هي تحس مع كاسكيطو نازلة عليه تيشوف غا من تحت تحت حطت كاس قدامو هزو جغم منو بشووووية ....

امل"" (مدت ليه حلوة بصوت رزين غالب عليه الخجل) خود ...

شراف""(هز عينيه ليها تا بانت من كاسكيط عاقد حواجبو و حرك براسو بشوية ) ماعنديش معاها ..شكرا

امل"" (حركت براسها بخجل و تبسمت ) ااه واخة لي بغيتي ...

حرك براسو و هي تبعد مشات تتعاون بشرى اما هو كمل كاسو بيها ربما ماواعيش ليكن ماتيوعى تيلقى عينيه تتمشي ليها حتى ناض توادع معاهم و شكروه هو سوى حرك براسو باحترام و مشى هابط و هي جلست تتقاد كبدة باش يفرق مصطفى صيامو تاسمعت عاليا تتعيط ليها قربت تطل متبسمة

عاليا"" ياختي كي خرجت دوارتكم

امل"" ياودي تخرج اختي كي بغات .. (خيبت بسيفتها على ذبيحة) ...

عاليا"" ياودي على لي تزوج تي تخلي راجل بوحدو في سطح ووو

مع نطقتها مع بان ليها واقف وراها تيشعل الكارو ضارت عندو عاليا تتهضر معاه اش قال ليها تا مشات من قدامو و بقى هو بعينيه لي مشات ليها تيبخ بخااااطرو تاوعات و ضارت دغيا مشات مخلية ابتسامتو تتزور شفايفو بشوية ....

جوايه الجوج النهار كولشي في سطوحة و تشنشيط و دخاخن شابكة الا هي متكية فوق بونجة طالعة نازلة في تلفون و يد على الحنك مقوسة بحاجبها ...

مصطفى""(قدامو براد اتاي تيرشف من كاسو ) شوية ابنتي ؟

امل"" (شافت فيه معبسة) اش داني ناكل شي شنتيفة ضراني يا بابا ...ضراني

بشرى"" و هانتي على العكس تا من سوارت فارماسي مولفين يكونو عندك ماكينينش

مصطفى"" نخرج نشوف لا لقيت شي فرماسيان حال و نجي

امل"" تالعشية ابابا غا رتاح شكون ايحل في هاد ساعة

بشرى"" سولي عاليا يكون عندها

داكشي لي دارت تتعيط ليها في تلفون ماتتجاوبش

امل"" مشغولة اتكون ( ناضت طللات على سطحهم تتبان ليها تتغسل ماعن) و الحادگة عالياااا(ضارت عندها ) عندك شي دوا للضرسة ...

عاليا""(ناضت قربت ليها) صكعة قلتها ليك

بشرى""(جات جنبها) ماكلات ما داقتو يابنتي محنتها

عاليا"" والو اصحبتي كاين دوا ديال راس اجي عندي

بشرى"" سيري ابنتي يخفف عليك شوية

نزلات رمات عليها عبايتها و نزلات راسها ايتشتت و دموعها محگنين مشات لباب لي لقاتو محلول عيطت باسم عاليا تا قالت ليها طلعي ... تمات طالعة وصلات لطابق تاني و حبست حشمت تطلع عندهم و عارفاه غادي يكون تما .. زادت بخطوة تزيد للطابق الثالث و عاودت غاتعيط تاتحل لباب و خرجت منو عاليا ..

عاليا "" اجي اصحبتي دخلي نغسل يدي و نقلب ليك عليه ماعرفت ماما فين حطاتو

امل"" (حركت راسها و دخلات شادة على حنكها و ناضرها ) ياختي والله تا قتلاتني تفووو

عاليا"" جلسي ... جلسي

مشات عاليا تقلب و هي جلست على طرف سداري شادة راسها بيديها .. ماهي غي تواني و تحل لباب البيت لي قبالتها هزات براسها دغيا قافزة خرج عثمان متبسم

عثمان"" ختي (قرب سلم عليها ) عيد مبارك

امل"" الله يبارك فيك (تبسمت)

مشى عاد ردت لبال لباب لي خلاه محلول و قبالتها شراف جالس على طرف السرير محني بمرافقه على ركابيه و عينيه مكروازية فيها خرج عثمان و هي تنوض تالفة و زادها من شافتو وقف مقرب بعيون مستفسرة و حواجب معقودة للاخر...

شراف""(بلكنة خاااترة مبحوحة بالكارو ) ماالك ؟

امل"" (تالفة ) و والو غ غي نتسنى عاليا

شراف""(عقدهم باستفسار غا ينطق تا جات عاليا تتزرب و في يديها دواء) الصمت

عاليا"" هاهي قدي بيها اصحبتي بين ما فاتت هاد وقيتة ربما يحلو ...

شراف""(بخ من فمو و عينيه مشات للدوا و عاود شاف فيها نطق بخشوونة ) مالك ؟؟

عاليا"" (سبقتها شافتها تتلون غا بوحدها و نطقت )غي ناضت عليها ضرسة مع هاد وقت ..

شراف""(قرب شوية شد دوا ) ديال راس هدا اش جابو للضرسة!!

امل"" ماشي موشكل نقضي بيه يخفف عليا شوية بين فتحو ...

شراف"" ( صوت مدعدع بالكارو ) مزيرة بزاف ؟؟

امل"" دابة يفوت ماعليش ..

خداتو منو بالخف و حركت ليه عينيها بشي دعيق حاسة بيه و زادت مزروبة نزلات مخلياه متبع ليها العين عاد شاف في عاليا ...

شراف""(نطق بختورية ) تنخلع انا ولا شنو ؟؟

خرجات بالخف و قلبها غادي يخرج من وسط داتها علاش هاد ضهيشرة كاملة منو او من يهضر معاها دخلاات دوشات من تمارة العيد شربات ديك كينة حاولات تنعس ... داز الوقت و داز مايقارب شي ساعتين عاد فاقت على صوت بشرى و مصطفى .. ناضت خرجات عندهم سولوها على حالها و كي بقات

امل"" خففت شوية و صافي

قاطعهم الصونيت في الباب ناضت بتقالة طلات من سرجم لقات عاليا لتحت

عاليا "" هبطي اخيتي هبطي

هبطات عندها حلات لباب بعينيها منفوخين و مبوقة بين النعاس و العياء

عاليا"" كي بقيتي شوية

امل"" شوية وكان نلبس عليا و نخرج نقلب على دوا مانقدرش نصبر ليل خالعني

عاليا""(مدت ليها صاشي ديال دواء) هاكي بلاما تمحني لينا اخيتي ..

امل""(شداتو و صغرت عينيها) منين جبتيه اصحبتي

عاليا""(تبسمت ) ماشي انا لي جبتو شراف.. من خرجتي من عندنا خرج عاد جا دابة ..

امل""(بخجل حناكها تزنكو ) مسكين محنتو يااختي ..

عاليا""(تبسمت) هانية يلا سيري تشربيه و نعسي رتاحي تانتشاوفو ...

قالت كلامها و مشات مخلياها تدور في عينيها بلا حس بقات تتشوف في طوموبيل ديالو واقفة عضت على شنوفتها بخجل و دخلات سدات الباب و طلعت تحت انضارهم

مصطفى"" اش داكشي ابنتي

امل"" جابت ليا دوا

بشرى"" مسيكينة الله يكتر خيرها .. سيري كولي شي حاجة و شربيه ابنتي و رتاحي

حركت راسها مشات لكوزينة خدات باش تقدي و مشات دخلات لبيت قلبها غادي يطيح بهاد كترة خبيط لي مافهماتوش .. جلسات و جبدت دوا ..عرفاتو مزيان افيكاس واخة زايد في ثمن بين كينة و غاسول للفم عضت على شنوفتها و جبداتو شربات و تكات و بالها و عقلها فين و فين ... حاجة وحيدة لي كتخربقها هي من كتشوفو تتلف و تبين بزاف الا هو علاش بضبط مابغات تفهم ليها .. بقات تخمام يجيبها و يديها تا حسات بالراحة و هنا نعاس زارها تاني ... فاقت تاقرب العشاء يودن ناضت صلات مافاتها و طلعت لسطح فين رادة بشرى تقلية للعشاء على مجمر جلست جنبها تكات ليها على فخضها تدوز يديها على شعرها

بشرى"" شبعتي نعاس مع راسك

امل"" ويه صبت راحتي مع كالمو لي خديت

بشرى""(بفهم) ايوا الله يكتر خيرو ولد الخير ...

سرطت ريقها تدور في عينيها على كلامها ماعاودت هضرات ولا تكلمات تاجا مصطفى من الجامع تجمعو على العشاء تعشاو و نزلو ينعسو ...

صبح الحال فاقت براحة ناضت توضات صلات صلاتها و لبسات حوايجها كسيوة في اخضر مويردة بوريدات بويض طلقات شعرها دارت ايكغو ملمع شفاه اكسسوارات اليد و خويتمات صغار في صبيعاتها لبسات صنيديلة بيضة بلا .. فطرت و خرجات في حالها متوجهة لفارماسي تا بانت ليها طوموبيل ديال دكتور ديالها حبست عاد تنهدت براحة مابغات تسنى مابغات تعطل .. ماشية متوجهة ماهي تجي عينيها غي عليه جالس قدام الحانوت ديال قهوة لي مقابل مع فرماسي قهوة في يد و كارو في يد لابس شورط بيض و تيشورط عريضة كحلة عندها قب راميه فوق كاسكيط .. تلفت و تلفت ليها مشية خدودها تزنكو في ساع نزلت عينيها و رمات خطوة في درجة باش تدخل لفارماسي تاسمعت صوتو مدعدع و هو منادي عليها غمضت عينيها بجههد و ضارت بشوية تيبان ليها قاطع داك شانطي بمشية منخوية و بين صباعو الكارو وقف قبالتها بحواجبو معقودين شاف في فرماسي و عاود شاف فيها

شراف""(بصوت تخييين ) كي بقيتي ...

امل"" الحمد لله لاباس (بخجل) سمحلي عوتاني لبارح كرفصتك معايا..

شراف""(نعت بحواجبه لفارماسي بمعنى و علاش جيتي ) الصمت

امل""(تبسمت و نعتت بصبيعاتها لداخل بارتباك واااضح) خدامة هنا ..

شراف""( رد كارو وراه عاض على شواربو بجهد حرك راسو بتقالة ناطق بختورية ) تتبعي دوا!!

امل""(ضحكت على ديك كلمة تاتغمضو عينيها نطقت محركة راسها ) اه كنبيعو ووحلت لبارح ..

شراف""(نتر من كارو و عينيه فيكس وسط ضحكتها نعت براسو بتقالة نطق ) يمكن مابغاتش دواك .. باغة شوية تجرجير ..

تبسمت على كلامو مشتتة شوفاتها تابان ليها رمى ديك خطوة للوراء مرمق ليها بشوفات مرخوية و رجع في حالو للحانوت ديال قهوة هز كاسو و هي دخلات مجرد ماشافتو دار مرة على مرة تترمي عينيها تا بان ليها غادي بكاسو في يديه تبسمت و قلبها يرفرف على الجهد ... بدات خدمتها كيف مولفة و في كل لحضة تيجي في بالها تتلعن الشيطان و ترجع تكمل خدمتها .. تاوصل الوقت الغدا سدات الزاج هزات صاكها و مشات متوجهة للدار لي غاتتقرب و قلب يبدا ينغز فيها .. هادشي ماكنت تحس بيه ولا ترد البال ليه.. ماخدات نفسها تادخلات في حالها لقات بشرى تتشوي ليها في السطح طلعاات بالجرا عندها باست عليها تتبسم

امل" ياختي على الزين

بشرى"" ايوا ماكليتيش ابنتي عاد العيد داز عليه غا صداع

امل"" ماعليش اماما باقي حال (هزات لحيمة من طبسيل و ضارت نازلة ) نمشي نتوضى نصلي و نطلع

داكشي لي دارت توضات صلات الظهر عاودت ايكخو و طلعت لسطح جلسات على كرسي

امل"" ماما في العشاء عفاك ديري لينا ديك ديك ضلعة مشوية

بشرى"" ان شاءالله نوضي جيبي ديك شلاضة من تحت بعدا

ناضت جابتها رجعت جلست تتغدا براحة و شي نشاط و حيوية حاسة بيها غريبة كملت لغدا نزلت غسلت فمها لبست كسيوة ثانية في لون ابيض و دهنات يديها رشات بارفانها و خرجت للخدمة .. هكاك دوزت ساعاتها تاوصل وقت سدت فارماسي و زادت متوجهة تاتلاقات عاليا

عاليا""" هانا تاني على زين ياخيتي كي بقيتي ..؟

امل"" بيخير اخيتي نحمد لله على حالتي

عاليا"" ياختي خارج يقلب ( هازة زوج صباع ) بساعتين ديال تقلاب و ماتوليش لاباس

امل""(تبسمت تتحرك راسها ) عاليااا

عاليا"(شدت فيها مكملين طريقهم ) زيدي زيدي

امل"" فين كنتي نتي

عاليا""(وراتها صاشي فيه سقاطة ) جابو ليا حب قلبي

امل"" ويلي ويلي مسخوطة فين؟ كون حصلك خوك

عاليا"" هههههه من نيتك تيقتيني ..يقتلني و يشرب دمي

امل"" يديرها ياختي

عاليا""(ضحكت ) فكرتيني لبارح من نزلتي بديك طريقة قالي واش انا تنخلع

امل"" (حطات يديها على فمها بخجل ) اويلي ؟؟

عاليا"" ولكن راكي تديريها معيقة كاع ههههه

ماكملتش هضرتها تادازت طوموبيل ديالو من جنبهم سابقاهم ماوعات تاني تابدات تلون و قلبها بدا يتخربق ليها شافت فيها عاليا و تبسمت

عاليا"" لواه راه اصحبتي ضريف ماشي تالهاد الحد ..

امل"" لا لا ماشي هكاك

عاودت سقلت و هي تتشوفو نازل من طوموبيلتو بهدوء تاوقفت عاليا ووقفتها بالعاني قريب و قبل ماتقطع لجهة الثانية داخلات مع الباب تتشير ليها بيديها تتبسم على حالها

عاليا"" يلا باي حبي

امل"" (هزات يديها بطريقة خجولة و زايداها حناكها و سخونية لي عليهم و هي كتشوف راسها بينها و بينو فقط خطيوات دورت عينيها ليه لي متكي بيديه على طوموبيل ) سلاام

شراف""(حرك براسو بتقالة وزاد بخطوة تاقرب منها و هي تدور بزربة حتى نطق مخليها تحبس قرب شوية بصوت منخفض ) تالهاد درجة خالعك نتي ولا كيفاش .…؟

نزلت بعينيها و داتها بدات تغزل شي ارتباك و شي حشمة من طلق ليها ديك كلمة باغة تهضر و تقول ليه لا راه ماشي خوف لكن لسانها تربط و تعگد عاودت هزات عينيها بحشمة وسط ملامحه

امل"" لا لا ماشي خوف

شراف""(عينيه تتنزل ليديها و تطلع لعينيها نطق بهدوء) و شنو ..

امل""(هزات يديها تترعد بشكل فضيع ردات شعرها ورا ودنيها ناطقة وسط شورابها يترعدو ) عادي

شراف""( بصوت مدعدع بكترة كارو ناطق ) هادشي غي عادي هادشي .. ولا كنتي خايفة شنوو .؟

امل"" (بقى تتبرق في عينيها من هنا لهنا و قلبها غادي يطيح من وسط داتها هزات عينيها لعينيه مخلوضة تبسمت و شواربها يقمزو بالخجل ) ماعرفتش

شراف""(بانت ابتسامة و لي عرفها تاني بلاما يبنيها اما هي ما تحسش بيها ولا تشوفها حيث وجها و ملامحها مفضووحة بالخجل ) ماتخافيش مني ..

امل""(زادت تبسمت تتكبزز على صاكها تترعد ليه تاني ) و الله ماخايفة ...

شراف"" ( نعت بعينيه لبابهم ) سيري طلعي في حالك لداركم ( سكت لتواني قليلة و نطق ) ا امل ...

تبسمت ابتسامة خجولة غاطير بداك ترعاد و زايدااها الحمورية لي عل خدودها نزلت راسها بزربة و مشات تتزرب تاني مخلياه متبعها بلا ما يوعى براسو ...تادخلت عاد حل لكوفر و جبد شي حوايج و شي تقدية ...دخل في حالو...

اما هي جلست في دروج شادة على قلبها حيث ولا مفضوح بين ليلة و نهار عضت على شنانفها و ناضت طلعات لدارهم حلات لباب و دخلات لحسن الحظ مالقات تاحد جلست مخبوطة على سداري تتبسم و ضحك غا بوحدها كيف مهبولة ..

امل"" نعلي الشيطان ياهااد البنت

ناضت دغيا مشات بدلت حوايجها و توضات صلات المغرب و وجدت الكسكروط جلست تاسمعت الحس عرفاتهم رجعو سلمت عليهم و دخلات لبيتها تلاحت فوق سريرها تتبسم ماعرفت علاش و شنو بيها .. سمعات تلفونها تيصوني و هي تبسم

امل"" واخة فيك نتي

عاليا"" اممم وانا نفهم بحالا ...

امل"" اش فهمتي اويلي مالكي نتي .. راه غا تتحشميني قدامو وصافي راني تنتلف

عاليا"" كيتلفك قولي ههههه..

امل"" عالياااا ...براكة اويلي

عاليا"" حيدي عليا سوقك خاوي نتي .. يلا باي

غاتهضر تا سمعت صوتو تيهضر مع عاليا و تزنكت تاني هنا عرفت صافي هادشي عندها ماشي طبيعي .. غمضت عينيها بجههد و تتصنت لصوتو الخشن .. تانطقت عاليا

عاليا"" امل وصاتك ماما على شي دوا ديال بابا ياكي

امل"" اه قولي ليها صباح عاد يوصل ..

عاليا"" اوكي زين يلا باي

قطعت معاها و ناضت خرجات عند مها و باها مجمعة معاهم تاطلعو للسطح يشويو داك ضلعة لي بغات لالة امل .. تاسمعت الحس و الهضرة في سطح لي قبالتهم هزات راسها بلا وعي بان ليها متكي على الحيط تيكمي دغيا نزلات براسها حركاتها مفضوحة و مابغات تزيد تعيق

دازت ليلة هادئة و دافية و شي احاسيس و شي نسمات بداو يحومو بين داك حيوط عينيها تغمضت على صوتو و صورتو بلا وعي منها .. اول ما رن منبه ناضت توضات و صلات صلاتها فطرت و لبست لباسها عبارة عن اونصوبل في ارنج مع صنيديلة كحلة جمعات شعرها كوب شوفال و خرجات لخدمتها حلات فرماسي و لتاحقو بيها البنات .. دازت بعد ساعات كيف ديما .. جلسات هي و ليلى تيتحتو حتى سمعت صوتو مدغدغ قلبها و هو رامي السلام عليهم .. مزال ما استوعبت حتى ناضت ليلى بزربة سبقتها

ليلى"" (متبسمة ابتسامة قداش ) شرااااف على سلامتك

شراف""(حرك براسو بلاما يحكر فيها بعينيه) الله يسلمك اختي

ليلى"" والله يلا الحومة ضلمات بلا بيك ..

شراف""(دور بعينيه بلاما يشوف فيها و حرك براسو ) الله يكبر بيك ختي

ليلى"" بغيتي شي حاجة ..؟

شراف"" (بلل شردودتو بجهد و نطق بهدوء ) امل ؟؟

دورت براسها لامل لي ناضت بشوية تاجات في عينيه و هو مرمق ليها بشوفات و حواجبو معقودين قربت بخطواتها نطقت بشوية

امل"" نعام ..

شراف""( قرب حط يديه بزوج مقرب براسو مخلي عينيه تبان غي ليها وسط ديك كاسكيط نطق بصوت منخفض ) مزيانة ..؟

امل"" (حركت راسها بزربة و حناكها تزنكو) وليت مزيانة ..شكرا

شراف""(حرك راسو بنعت بهدوء و نطق ) الواليدة

امل"" (حركت راسها ) ايه وصل قبيلة بغيت نعيط لعاليا و نسيت

حرك براسو بمعنى ماشي موشكيل و مشات جبداتو من داخل مخلياه تابع العين تاجات تاني و مراقب تتقيد تاقربت لعندو عاد نزل بعينيه مع يديها

امل"" غاياخدو مرة من ورا العشاء وهاد بوماضة يدهنها لركبة ديالو بلاما يمسد غي يدهن و صافي

شراف""(حرك حواجبه) شحال يتخاد

امل"" ( هزات عينيها تتبغي تشرح و تتلف بعينيه و تركيزو معاها .. لكن جاهدت ماتهربش ) هاد كينة راه تياخدها 3 شهور .. هادي اخر واحدة و غادي يحبس .. ثمن 167 درهم

حرك راسو و جبد بزطامو حط ليها 200 درهم شداتها تترعد بواحد طريقة غريبة و هادشي مزال متلفو واش بصح خايفة منو محنية تتقلب في صرف و تالفة ... رجعت ليه الصرف و مدات ليه دوا خداه من عندها

شراف"" شكرا

امل"" الله يشافيه قوليه ما يكترش عليها المشي بزاف

حرك راسو و خرج في حالو و هي بقات متبعاه بعينيها غادي تيتمشى بخطوات متقلة و مرزنة بشكل فضيع و داك طريقة لباسه مع جسمه رياضي خلاها تايهة حتى حسات بنغزة من ليلى فيقتها

ليلى"" لفين يااختي ( طلعاتها و نزلاتها ) من امتى عرفتيه ..؟

امل"" راه ولد جيرانا اكيد غا غنتعارفو

ليلى"" امم مزيان

مشات جلسات دارت رجل على رجل تتحرك فيهم شي حاجة ماحملتهاش كيفاش سول عليها و طردها هي ماعطاهاش وقت .. شافتها جات جلست جنبها و هي تبعها بعينيها و نطقت

ليلى"" في خبارك بلي وقع ليه ولا لا ..؟

امل"" اه في خباري الله ياخد الحق ياختي فلي تيضمر ناس ماليهم ذنب

ليلى"" بالحق راه باقي تيحماق عليها و انا متأكدة عمرو يبغي غيرها .. علاقتو بيها كانت على طرف كل لسان في لحومة .. واخة انا في حومة ثانية لكن كولشي في خبارو

امل""(ناضت حسات بحال شي قجة على قرجوطتها شافت فيها و تبسمت و مشات تشوف طلبية ديال السيدة ) نعام اختي !!

كملت نهارها بمورال نازل و هنا تأكدت بلي مشاعرها تزعزعو من كلام ليلى ..و زرعات فيها الخوف .. ولات خايفة تتعلق بيه و مايكونش بيناتهم نصيب .. سدات فارماسي هي و البنات و كل وحدة شدات طريقها للدارهم .. ماشية منزلة راسها تتحس بالوجع تيزورها عرفت الوقت و هرمونات و كلشي غادي يتخلط جاتها البكية .. عضت على شنوفتها تتكتم واحد الغصة واحلة ليها في الحلق تاحسات بالحس ماشي معاها في نفس الخطوة قفزات دغيا حالة عينيها على جهدهم

امل"" ( بخوف مبين نطقت بشوية ) عتيق ..؟

عتيق"" (جا قدامها محبسها ونطق) خلينا نهضرو كي ناس

امل"" عفاك تفرق عليا مابغيت نهضر و لا نشرك معاه كلام

عتيق"" على قبلك جاي صاحي و مادقت سم

امل"" ( دموعها بداو ينزلو تخلطت عليها دعوة ) عفاااك اعتيق بعد مني حشومة عليك هادشي لي تدير ليا حشوومة..

عتيق""( خبط على الحيط نطق بالغوات تاكولشي نتابه ليه) و ماتقوليش بعد مني .. ماقاااادتش عيييت نحاول ماقادش ..ماقادش

قفزت معنقة صاكها و تتحاول تدوز تيجي قدامها محني براسو لعندها

امل""( بالغوات ) و بعد مني ماتقربش ليا

مد يديه غايشدها تاحس بركلة جاتو جمعاتو بالنص جا مرابع و جا قدامها شكون من غيرو لي وصلوها ليه دراري صغار ديال الحومة ..

شراف""(مقوس بحجبااانو ) دوينا مع ط***مك نتا ..

عتيق""( هز راسو و كالا بيديه و ناض ) شنو بلانك نتا باغي دير فيها واعر ولا شنو .. اش دخلك

جوقة تجمعت و سراجم تاني عمرو كل واش تيهضر الا هي مخبية في ضهرو تترعد كلها ..

شراف"" (بصوت طالع و عينيه حمرة بشكل يخوف ) هاد ساعة نتا لي واعر تجي تهجم على دريا في دارهم و تعرض ليها كبرتي غالبارح بغيتي دير شغل كر**ك

عتيق""(جبد موس صغير تيتبسم ) سير فحالك ا شراف داكشي بيني و بينها ..

شراف""( ولا تحرك و لا هزاتو درة من كلامو عينيه مركزة مع داك بهلوان لي قدامو تاحس بيها زيرت عليه من تيشورط شد يديها و دفعها بين العيالات و تم مقرب ليه) باغي تضرب

امل"" ( بصوت مخنوق بالبكى ) شراف عفاك خليه ..

عتيق"" (شاف فيه )ماتبكيش العمر

مع نطق ديك العمر ماعاود خرج الحرف كانت سكتاتو لكمة لي شير عليه بيها لفم تاتسمع سنان وسط فمو مخالاه تايستوعب عاودو لنفس البلاصة مرة لولى و مرة الثانية و زاد ثالثة تاحس بيه داخ ديال بصح و شير عليه بركلة ليديه تاطار داك موس من يديه

امل"" (قربت تتشد فيه و تطلب ) شراف عفاااك بارك عليه باراك يلاا نمشيو عفاااك

دفعو تاجا على الحيط و تم نازل معاه تيشد على نيفو و فمو و وجهو عامر دم قرب منو و تحنى عندو براسو

شراف"" (بلكنة تتفور و طيب ) باقي تخرج سميتيها من دلقوشك نح****ي مك منو ...(تحنى قفازي و نطق بشوية ) عرفتي ... بيا و لا بيك اولد الق**بة تانشوفو فين توصل بهاد تفرعين ديالك ...

وقف وعاود هز رجليه و عطاه لوجه تاحس بيديها تتجرو و صوت بكاها لي كاسر الدنيا رمى يديه ورا ضهرها و زاد بيها بعينيه ماتيرمشوش و داك الصدر تيطلع و ينزل بقوة تا فاتو ديك زنقة و دار شاف فيها لقاها حاضية الدم لي في يديه عض على فكو بجهد ..

شراف "" (دفعها لقنت ) تسناي هنا

مشى لحانوت خدا قرعة ماء غسل يديه و نشفها و زاد لعندها لقاها تتنخصص و تقول قليل ..

شراف"" (شد على دراعها) شش بارااك باراك

امل"" (بصوت مقجوج تتمسح على عينيها )كرهني في حياتي ا شراف والله... كتر من عام و انا نفس الحالة عييييت

شراف"" (عض على فكو حاضي ملامحها و مغزف ماكرهش يرجع ليه يكمل على مابيه قرب شوية و تحنى براسه ) ماتخافيش يعاود يفكر فيها نقتل الزام**** بوه .. فيه غي الهضرة

امل""(شافت فيه و مسحت على خدودها ) غي سمحلي تاني دخلتك في هاد صداع

شراف""(نطق تقييل) مكاينش لي يحگرك گدامي

امل""(بقات غا تتشوف بهاد كترة شهامة لي في هاد السيد نزلت عينيها و عاودت شافت ليه نطقت ) ولكن ..

شراف"" (نعت بعينيه و حواجبه ) زيدي لداركم

ماعودتهاش معاه ضارت ديك ساعة معنقة صاكها بخطوات مزال غالب عليها خوف و هو وراها بشويية تاوقفت و شافت فيه بصوت خجول

امل"" انا راه ماتنخافش منك

شراف""(قرب شد على دراعها و تم ماشي بيها تحنى عل ادنيها ونطق) جبتي ليا شك في ك**ي

امل""(حشمت من كلامو و نطقت بخجل ) علاش

حيد يديه و جبد كارو شعلو و هو مراقبها بهدوء بخ من فمو وقف قبل ما يدور لزنقة ديالهم حتى حس بيها وقفات تاهي و نطق بصوت خاتر مع دخان شابك على وجهو

شراف"" تجي عينيك في عيني وتضهشري و لا ماعرت تتخافي ...

امل"" (بتعلثم ) ل لا م ماشي خوف غ

شراف"" ( صغر عينيه فيها بصوت تقيل ) وشنو هو بغيت نعرف

اش غاتقول ليه ولا اش تخرج حاگة ماتنقدرش نطول فيك شوفة ولا نوقف جنبك حنات عينيها مشتتة عينيها في الارض بشكل مفضوح تا حست بيه رمى خطوة لعندها تاتزدحت مع الحيط و نزل براسو لعندها

شراف"" (بصوت منخفض) نخليوها لمرة اخرى؟؟

دعقها ديال المعقول بقات تلولب في عينيها وطريقة باش واقف عليها زادت على مابيها تا عاود نطق وزاد مابيها

شراف""(شاف هنا و هنا و نطق بصوت نازل ) نمرتك

امل""(تالفة مدبلة عينيها ليه ) هااا !!!

شراف""(صغر عينيه وديك تلفة لي تيشوف ) لي شافتك يݣول واݣف عليك بزز

امل"(تترد شعرها ورا ودنيها ) ل لالا

شراف""(طلع حواجبو باستفسار من حالتها ) خاص نمرتي تكون عندك (نعت براسو ) باش يلا هضر معاك شي ولد ق***ة نشوفو معاه

امل""(غمضت عينيها على اثر اخر كلمة بخجل عاضة على فمها ) عفاك ماتبقاش ( خفضت صوتها ) تخسر للهضرة و

شراف""(بتعميم و عينه تمشي وتجي على ملامحها ) وراه ولاد القح***ب نيت ..

شافها زادت حشمانة تتلوب عينيها بشكل مفضوح جبد تلفونو و نطق

شراف"" نمرتك ؟

امل"" (بخجل ) و واخة 0647

سكتت تتعض على شفايفها منزلة عيينها تاطلعتهم فيه لقاتو مراقبها تيتسناها تكمل حكت على ناضرها ونطقت بواحد طريييقة خجوووولة

امل"" ن نسيت..

شراف""(كملت ليه ديال بصح بقى غ تيشوف شاف هنا و هنا و نطق بخشونة ) مالنا يا امل مالنا

امل"" هاا و والو ماعرفتش غ

شراف""(خشى تلفونوو في جيبو و عاود مد يديه ليها ) اريه

خشات يديها تتقفقف عليه تما وترعد و هو حاضيها و يديه ممدودة جبداتو تتدير ( chiema) و تغلط و تعاود تمسح يديها مخلها على خاطرها مادوا ما تكلم تا بان ليه كملت و مدت ليه .. خداه و كتب نمرتو بالخف و دوز الخط صونا على تلفونو و رجعو ليها مدو ليها غا تشدو و عاود رجعو لعندو هزات عينيها ليه

شراف"" (عينيه تمشي وتجي صوت خااتر )بحالا واخدين نمرة بزز ولاشنو ..

امل""(تبسمت و شدات من عندو ناطقة بشوية) و راه بزز ..

شراف""(طلع حاجبو و عينيه مع ابتسامتها نطق الحروف تقييلة ) مزيااانة تاهي ..(سكت لتواني) يلا هضر معاك شي قمقوم عيطي ليا في اي وقت ..

امل"" و واخة و سمحلي مرة اخرى ..

شراف""(نعت بحواجبو ) قصدي داركم انا وراك

حركت براسها بحركة مزروبة و خجولة و ضارت تتمشى و خطوات تيتلفو ليها بالخصوص من شافت خيالو قلبها غادي يسكت و زادها بهاد دعيق.. مايمكنش هاد احاسيس لي اجتاحوها في خطرة.. دورت بعينيها تشوفو لقاتو وراها بالفعل رامي دوك خطوات مهيبين .. تيشعل في كارو وضارت بالخف تازلق ليها تلفون طاح و عاودت هزاتو تاكان جنبها

شراف"" (بخ من فمو و نطق بصوت مدعدع ) بشوية عليك

تبسمت و عاودت زادت تاقربت تقطع لدارهم من جهة الاخرى و عاودت سمعات صوتو حدى ادنيها

شراف""(بهدوء ) رخفي فيك النفس ..الخوافة ..

يتبع...