محتوى القصة
زيرت ليه على يديه بدون وعي منها..تلفت بقربو و بكلامو بالاخص ..هزات عينيها وسط عينه و بانت ابتسامة خجوولة على شفايفها هزات يديها و حطاتها على شفايفو تتمسح ليه لطراس ديال العكر .. وهو مركز معاها و مع ملامحها برخوة عينيه.. حتى باس على صباعها خلاها تهز عينيها ليه زادت تبسمت و نطقت بشوية
امل"" مسحتيه فيك
شراف""(تبسم و طلع بصبعو تيمسح) مزيانة جيتيني في نهارك كون مسحتو كامل
امل"" (تبسمت و زادت تتمسح ليه ) نهاري هدا من حقي
شراف""(بختورية) حقي نشوفو بوحدي عليك
امل"" امم ان شاءالله
شراف""(دوز بكفوف صباعو على خدودها بشوية نطق بتقالة ) مانكرش جاك هادشي (حفض صووتو )م قود
امل"" (ضحكت ) بدلها بصغة اخرى فهمت بلي عجبك لكن كلمة لاخيرة معتوب عليها ههه
شراف""(تبسم معاها و مع ملامحها حلوة نطق بصوتو تخين ) تبرد جوفي ( قرب لعندها و تحنى طابع بوسة على جنب شفايفها بحنية ) جيتي زينة
امل""(تبسمت ) ايوا مزيان هاكة
شراف""(غمز ليها محرك براسو ) عيانة ماقداتش فيا
امل"" هههه (طلعات و نزلات فيه) نتا جيتي زويين
شراف""(تبسم مخلي عينيه تمشي و تجي عليها) شفتي الفرق جات عليك نتي ماشي انا
امل"" ههههه
شراف""شنو دابة
امل"" (تبسمت) شنو لي شنو
شراف"" ( بصوت تقيل و عينيه مرخييية ) العقد ضربناه .. تحسبتي عليا.. (حط يديه فخضها) باغي
امل"" (خرجات عيينها فيه) ششش صافي ماتخرجهاش و ماتنطقهاش
شراف""(تبسم بتقااااالة تيدوز يديه على لحيته عاود شاف فيها ) حقي نشوف و نقيس كي باغي
امل"" اوااعدي ماسخ .. راه مزال العرس حنا يلا طيحنا العقد
شراف""(صغر عينيه ليها ناطق بتقالة ) مريضة نتي لا .. (قرب شوية مخفض صوتو ) فورمة مانصبرش عليها
امل""(خرجت عينيها فيه تاني ) شراف
شراف""(قرس على شنوفتها و نطق ) .. وراقيه درتهم مكاين لي يمنعني منك القطيطة ديالي
خرجت عينيها فيه شادة على خدودها بيديها بزوج ملامحها تزنكت
امل"" اوعدي هادشي غا هضرت معاك ..( بحشمة ) ممكن تقولها بطريقة اخرى على اقل
شراف""(حابس ابتسامتو نطق بتقالة ) شنو نگولك .. بغيتك في فراشي
بقات تدور في عينيها كولشي بحال بحال .. منحنى واحد هو باغيها و باغي ينفارد بيها .. يعيش علاقة حميمية معاها نزلت عينيها تاسمعاتو نطق
شراف"" غي رخفي نفسك ضاحك معاك
امل""( شافت فيه) احياني عليك نتا تتضحك نتا
شراف"" نغيروه دابة نيت
دورت عينيها تتبسم تابان ليها تلفونها محطوط ناضت هزاتو وقفت قدامو مدت يديها ليه مطلع بعينيه مع يديها و شد عليها و جرها جابها فوق ركابيه حط يد على كرشها و يد على فخضها مراقب بعيون مرخييية
امل"" ب بغيت غي نتصورو انا وياك
حرك راسو و قرب لعنقها باس عليه ووقف بيها كيف ريشة داير ليها الخاطر و فوق الخاطر
شراف"" هانا وقفت
تبسمت و شدت عليه جراتو لمرايا لي قبالتها طويلة و تتشد الجسم بالكامل .. وقفاتو و جات قدامو هو ماشي من عاگزين حتى كان التصق معاها دور بيديه على كرشها .. و داك فرق الطووول و بنية جسمانية لي مبين دوخها و حمقها .. عاد شافت روحها كيف تتكون معاه .. تبسم عاجبها الحال و خدات لسيلفي مامرة مازوج .. الاهم خدات حتى لي مامبينش وجهها هو غي تيشوف وعاجباه فرحتها و ابتسامتها قبالت عينيه تا كملت و دارت لعندو ناوية توريه تاحست بيه شد تلفون حيدو من يديها حطو فوقكوافوز و دور يديها على عنقو و هو زاد خشاها فيه مدور يديه عليها و نزل بوجهو لعنقها .. و اكتمل الحضن زيرات عليه بقوتها و زادت تعلات على صباعها ..العيون مغمضة بالراحة لي راهم فيها .. مدة طويلة وداك العناق متواصل ... حتى سمعو الدقان لي خلاهم يتفرقو بشوية تحنى باس على جبينها ومشى الباب فتحو و بانت بيه عاليا تبسمت و دخلات عندهم
عاليا"" يلا تخرجو دابة باش تركبو الخواتم
نطقت كلامها و خرجت مخلياها تتشوف و تزيد تمعن فيه تيقاد الكم الشوميز .. قربت لعندو و سدت الصدفة لي مبينة وشامو
امل"" هاكة احسن عاجبك لحمك اخويا
شراف""( تيدور في عينيه عليها بتقاالة و شد على يديها جابها لفمو و نطق ) عاجبني نتي ( نزل بيديه بشوووووية تاوصل لجنابها بزوج و زاد لصقها معاه و نطق بتقالة ) كولشي فيك عاشقو
حطات يديها بزعامة على صدرو مطلعة بعينيها لحروشية ملامحو .. قربت حطات حطات براسها على صدرو و تمات ماشية بيديها بتسلسل بطيئ تاضارت على كرشو و عيونها مغمضة براااحة و هو اكتر زاد خشاها فيه اكتر و نزل بشفايفو خاشيهم على عنقها مدة لاباس بها عاد تحركت و هزات براسها متبسمة تبسم لها تاهو و بعدا عليه تمشات قدامو بخطواتها لمرايا خدات العكر و عاودت مخلية عينيه تيمشيو يجيو مع ديك تعكيرة .. و حواجبو تيتخربقو باغي يهضر لكن شد فراسو تاوقف قدامو وشدات على يديه مدبلة عينيها ليه بغنج
امل"" نهاري فرحانة بيه اشراف
شراف""(محني براسو ليها نطق بتقالة ) نهارك ..
تبسمت عارفة مايخسرش ليها شابك صباعو مع صباعها و تمشاو حل لباب و خرجو .. على الصوت الزغاريت و الصلاة على النبي.. كانت طبلة بوفي موجدينها قصدوها ديريكت طلب من عاليا.. وقفو وراها كانت مزينة بشكل راقي و ديال تكبيرة بالكاطو باهي باسم (amal-Sharaf ) و الخواتم و دهاز الذهبي و الحليب و تمر الورد مشتت عليهم .. جات البنت متكلفة بالتصاور.. تتاخد ليهم صور خاصة
عاليا"" ياخويا تبسم شوية نتا
شاف في امل لي عبست بفمها و حاجبها بشكل طفولي .. تبسم بتقالة و عاود شاف في كاميرا و زادت ابتسامتو حتى تصورو و عاد وصلت نوبة الحليب و تمر كدالك وكلاتو وكلها شربها و شرباتو وصل وقت الخواتم هزو بين يديه مدت يديها تتررررررعد بشكل ملفت حتى كولشي بقى يضحك عليها شد يديها بحنية و ركبو ليها .. و جات نوبتها كدالك ركبت ليه بزز شي رجفة غريبة... وصل وقت الذهب و بدا يركب حاجة بحاجة و زغاريت ماحبستش وتصاور كدالك .. كولشي فرحان ليهم .. جاو الاباء اولين تصورو معاهم .. بعدهم الامهات تاهوما.. عثمان و عاليا تاهوما .. حتى كملو و مشاو جلسو .. يديه مافرقت يديها
تاقرب عثمان عندهم محني قفازي تيتبسم
عثمان"" قرصوني نتزوج ..هادشي زين
امل""(تبسمت و حركت براسها) نقولها ليه
عثمان""(خرج عينيه) اش تقولي اختي
امل""(شدت على دراعو بحمية و ميقة ليه مكررة بكلامها ) نقولها لووو
عثمان""(ضحك) اااهيااا
شراف""(نزل بعينيه مع يديها و وكيف شادة عليه و عاود شاف فيها ناطق ) اش دار ليك
امل""( شافت فيه و تبسمت عاودت شافت في عثمان نطقت ) والو غي تنضحك
عثمان"" شفتي دابة دويتي ( ناض شاف في امل ) ضربت ليك واحد تصويرة ناااضية
امل"" انشوف
عثمان""(حرك براسو ) ابدا
مشى مخليها تتغزف عليه دورت عينيها لشواف لقاتو تيشووف بهدوء تبسمت ناطقة
شراف"" (بتخانة ) شنو دار ليك
امل""(تبسمت) غير تنضحكو اشراف مايمشي بالك بعيد
حرك براسو و صباع يديه تدوز بحنية على يديها .. دازت مدة تقادت الطبلة للعشاء ديالهم و طلبو ليهم يمشيو يجلسو شد عليها بحنية و مشاو للطبلة.. ريحو و جا عثمان و عاليا ..تيهضرو و يضحكو مجمعين حتى جات بشرى و معاها سلمى
بشرى"" جلسي ابنتي هنا
امل""فين كنتي نتي مابنتش ليا كاع
سلمى""( جرت كرسي و ريحت معبسة ) لي ماعندو زهر ما عندو ..
امل"" طاح لي تلفوني في ماء في السطح (بداو دموع ينزلو ) كملت عليا خالتك
امل""(شدت يديها ) صافي مايبقاش فيك الحال صباح نشوفو واش يتصاوب
عثمان""( بقى تيشوف ملامح طفولية و كيف تتبكي بحكرة نطق) قولها تجيبو غدا نديه لمراد
سلمى""( ضارت لعندو ) بصح يتصايب زعمة ..
عثمان""( هز حاجبو ) يقدر نشوفو
امل""سيري جيبيه
ناضت بالخف مخلياهم تيهضرو بيناتهم حتى رجعت في يديها و مداتو ليه شدو من عندها تيشوف فيه
سلمى""(عاد ردت البال ملامح نطقت متبسمة ) شكرا اخويا بزاف والله قرايتي كلها فيه خفت يمشي ليا كلشي
عثمان"" ماشي موشكيل..نحاولو نشوفو معاه
تحط العشاء في ديك اثناء و بداو الاكل العروسة غا تنقب ماقاداش تاكل و العينين ديالو غير معاها
شراف""(قرب ادنيها نطق بهمس مخلي رعدة تطلع بين هنس و حروفو التقال) غير كولي بخاطرك ماكين امشية معاياا هاد ليلة
جاب الله كان فمها مزال مافيه دغمة كون وحلت ليها ووحل معاها تم وجهها ولاااا حمممر شافت فيه كان رجع بضهرو للكرسي ورامي يده على كرسيها وتبسم بتقالة تيطلع و ينزل مع ملامحها
امل""(بقات غا تتشوف ونطقت) شراااف
شراف""(جا لودنيها نطق) ولا تمشي معايا ليلة
حطات يديها على فمها و بقات تضحك مخلية عينيه معاها تادارت عندو تتشوف
امل"" كول مالك حبستي باقي ليك دوا
شراف""(حرك براسو) تانرجع و ناخدو
كملو ماكلة و حتيت مرة مرة و طنز عثمان و زادت سلوى تاهي مبلوزة بكلامها الا هو لي كلامو قليل .. تينتطق غي عليها هي كملو العشاء و ريحو بعد الوقت وراه تفرقات الحلوة و اتاي ..خلاص العائلة ديال شراف بدات تمشي و دنيا تتخوا ..
صفية""(قربت سلمت عليها) ابنيتي خلينا ليك الراحة الله يتاويكم بالخير
امل""امين اخالتي الله يطول لي عمرك
احمد""(قرب باست يديه) الله يرضي عليك ابنيتي الله يفرحكم
عاليا""(باست على خدها) مرت خويا نشوفوك غدا ..
امل"" ان شاءالله سمحي ليا عدبتك معايا هاد ليامات
عثمان""(سلم بقبطة ليد كي مولف معاها) جايا نوبتها تاهي غا وجدي راسك
عاليا"" ايه حاكة غا صرف ارجع وصافي
خرجو بعد ماتوادعو معاهم الخالة و سلمى طلعو مع بشرى للسطح تيجمعو و مصطفى دخل لبيت بقى غا هو وياها و هو الاخير .. وقف تيقاد كمام شوميز وقفت تاهي معاه تتبسم
شراف""(بصوت تقيل ) نمشي صافي؟
امل""(ضحكت) وشنو تبقى تدير
شراف""(تبسم و شد على دقنها رفع ملامحها لعندو و تحنى معوج براسو و طبع على شواربها ببوسة مغنفجة) كاين شلى مايتدار
امل""(حطات يديها على صدرو ) اوعدي ايشوفك شي حد
شراف""(شد يديها بزوج باس عليهم و نطق ) خليتك على خير (تحنى معسل بعينيه ) مرتي
امل""(تبسمت مطلعة بعينيها ليه ) ماتنساش دوا ديالك و عقم عاد نعس ااا (سكتت تواني و نطقت بصوت محلون و تقيل مع ابتسامة ) حبيبي
شراف""(وسع عينيه لي ترخات يكترة حلاوة لي قدامو و زادت بحلاوة لسانها و شفايفها اش نطقو تبسم بختووورية ) حبيبك تتساليهم ليه و كملتي عليه ... (تحنى ببطئ وطبع عليهم يشكرهم و نطق وشواربو يتحكو مع شواربها ) نعشق في ديلمهم واش يخرجو ...
بعدت شوية تتبسم على حالها و هي وسط يديه .. ذايبة و تالفة بكلامو و ريحة شهامتو .. قرب باس على جبينها بحنية عاود عسل عينيه كتر ما هي معسلة بيها نطق بصوت تخين
شراف"" خلي عينيك في عيني عاوديها
امل"" صافي ماتعيقش عليا
شراف""(نزل بيديه على جناب مؤخرتها نطق بصوتو تقييل ) خرجيها ..
امل""(دهشرها بداك اليد لي تدوز على جنابها قلبها بدا يضرب في تسعين خايفة شي حد يدخل و هو فداك وضعية مالقات من غير تنطقها هزات عينيها وسط عينيه مخلوضة نطقت بصوت قليل ) شراف حبيبي ...
عيونه وصلت للاخر ترخاات عاشقها و زاد بهاد كليمة لي زادت بعشقو لحروفها و فهم معناها مزيان .. تحنى باس عليهم و بعد عليها تايدوز يديه على حاجبها
شراف""(بتقالة ) سيري ترتاحي
امل""(تبسمت محركة براسها) تصبح على خير
شراف""(قرص على نيفها) الخير كاع تكتب عليا ليلة
غمز ليها بتقالة و خرج في حالو مخليها تتعض على شنانفها بحب و الفرحة هزات على رجليها و دخلات لبيتها و ابتسامتها مافرقاتش مشات لسرجم ديريكت طلات من جنب و بان ليها واقف مع عثمان تيكمي .. ورجعت شادة على قلبها بالفرحة .. جلسات قدام مرايا تتحيد حاجة بحاجة حيدت اكسسوارات تاتحل عليها الباب و دخلات عليها سلوى تتبسم
سلمى"" ياختي على الزين ( جات وراها تتعاونها تتحيد ليها التاج) جيتي زوينة .. و رااجلك ياااخيتي تيحمق
امل"" و جمعي راسك يابنت خالتي
سلمى"" منين ضبرتي عليه منين
امل"" كملي شغلك و جمعي فمك ياهاد لبنت
سلمى"" ههه اختي من حقك تغيري
بقات شادة فيها عاونتها حيدت تكشيطة و مسحات ميكاب و ناضت هزات فوطتها و خرجات للحمام .. غسلت خوات عليها الماء تحيد عليها العرق ديال النهار و رجعت لبست دوبياس و بيرميدا و ضوني تاعها لبسات بيجامتها حريرية بيج و خرجت لقات مها و خالتها و سلمى في كوزينة تيجمعو حلوة و داك تمر في طاسات
خالة مريم "" تبارك الله على بنت ختي ..
امل"" يحفضك ليا الحبيبة
سلمى"" وتبارك الله اخالتو تكبيرة زينة دار ليها راجلها
بشرى"" (تبسمت و عينيها تلمع) بنتي تستاهل كل خير
مريم"" الله يكمل عليها بالخير و يحفضها من العين.. يااخويتي عينين ماتململوش منها من دخلت تا مشاو في حالهم
بشرى"" ايه عيالات العمام و بناتهم هادوك
امل"" (هزات من كاطو و جلست في كرسي ) خلاص عليا كل عينيه عندو
سلمى"" مالهم داو مايعاودو تبارك الله كولشي داز زويين ( عبست) غا تلفوني لي مشى ليا
مريم"" نتي ابنتي تطيري كاين شس حد تيغسل ماعن و تلفون في يديه
سلمى"" اودي كنت تنشوف غا فيديوات ديال خرجة العروسة
امل"" غدا نعيط لعثمان نشوفو اش دار فيه
بقاو على الحديث تاجمعو ديك كوزينة و رجعو كولشي في بلاصتو تالاشمن وقت عاد مشاو ينعسو يرتاحو لاله العروسة الفرحة قالباها و مغيرة ليها المود .. جلست تتفرج في فيديوات و تصاور لي وصلوها من عند عثمان و عاليا .. تاوصلها ميساج من حبيبها Sharaf
__في راحة لله حبيبي __
تبسمت معنقة داك تلفون وعارفة وحلتها وحلها مع هاد كلمة ماينساها مايخليها تنسى غمضات عينيها و بالها و عقلها يتذكر كل لحضة من ليلتها و هوما تعقدو بالشرع و القانون ....
صبح الحال مكمشة في فراشها جامعة رجليها حلات عينيها بتعب وااااضح هزات تلفون تتلقى 11 ديال النهار ناضت بشويية شادة على كرشها حتى تفتح الباب و بانت ليها عاليا
عاليا"" صباح النور عروستنا ..( جلست جنبها) مال وجه مخطوف
امل""(حركت بحاجبها) الوجع صبح فيا ياختي
عاليا"" ماعندك دوا ديالها
امل""(حركت براسها ) تسالا ليا .. محنتني هاد مرة
عاليا"" البرد يمكن نوضي غسلي عليك و خرجي شربي كويس اتاي .. انا نمشي نجيب ليك كينة من عندي
امل"" (تبسمت بعياء ) واخة شكرا
خرجت عاليا و هي ناضت بشوية شادة على كرشها مشات خدات فوط صحية و خرجات لحمام طرفت حالتها و غسلت وجهها و خرجت ديريكت لعندهم في الصالون تيفطرو صبحت عليهم و جلست جنب بشرى متكية عليها
بشرى"" كي صبحتي ابنتي
امل""( بصوت عيان ) الوجع ياماما فيقني من نعاس
مريم "" كبي ليها شي كاس سخون بعدا
بشرى"" ( تدوز يديها على ضهرها بحنية ) تتمحنها ليا بنيتي
امل"" فين سلمى
مريم""(جغمت من كاسها) مشات تجيب لي غا الكينة طونسيو نسيتو
حركت براسها مغمضة عينيها تا سمعو الباب تحل كانت عاليا و سلمى في دقة .. جابت ليها الدوا كلات شوية و شرباتو و تكات في بلاصتها .. غي همد عليها شوية و غفات في مكانها نيت .. مدة طوييييلة و بالساعات ماردتش البال لتلفون لي غايطرطق بالمكالمات منو ..... حاضي تلفون قدامو عينيه حمارت بالشطنة مامولفاش ليها غادي يسول تاعاليا ناعسة .. صونى للاخيرة دار تلفون في ودنيه ... حتى تفتح الخط وتسمع الصوت غريب
بشرى"" اولدي شراف
شراف""(حواجبو بالخف تشربكو و تعقدو نطق بتقالة ) اش خبارك الواليدة
بشرى"" لاباس وليدي .. راه ناعسة عيانة شوية مابغيناش نفيقوها ..
شراف""( صغر عينيه لي ولات حمرة كتر من لول) ياك لاباس مالها .. شنو ضارها
بشرى"" (تبسمت)ماتخافش اولدي غي شي وجع
شراف""( فهم الكلام و نطق) صافي خليها ترتاح .. الله يجيب الشفاء
قطعت معاه و مشات لقاتها فاقت طمئنت عليها و خبراتها غاتمشي مع مريم و سلوى يتقداو شي حاجة و هي مشات بدلت عليها حوايجها لبست تيشورط و سروال بيجامة مزير عليها يجمع ليها لحمها تتحس بيه مرعود و دخلات لكوزينة خدات ماتاكل و صايبت ليها اتاي بالاعشاب و مشات المرح تكمشت مغطية بايزار عاودت ناضت من تفكرت تلفون خداتو و عينيها تبلوكاو من كترة مكالمات و ميساجات يلا تدخل .. سمعت دقان في الباب حطات داكشي من يديها و مشات متوجهة تفتحو .. فتحاتو و عينيها زادو تحلو .. واقف بيديه في الجيب شورط و اليد الثانية فيها الصاشي بقات مبهوضة بالصدمة صغر عينيه فيها و رمى خطواتو دافع الباب تاتسد و جى قدامها
امل"" ش شرااف ا انا يلا كنت نجاوبك
عينيه على ملامحها عيون منفوخة و اتار الكحل مزين سوادها شعر مرخوف طايح على كتافها الدرعان معرين العنق و كتف تيطلو جبد يديه من الجيب ومشى بيها لدراعها من جهة كتف و تم نازل بيها تاحس بشوك لحمها على صباعو عاود طلعها برخوووة تاوصل لرقبتها و جرها لعندو بشوية و باس على جبينها مرخوي وشاف ليها
شراف""( بصوت تقيييييل و شابع ختورية ) خليتي عقلي مشطون بيك
طلعات عينيها لعينيه تترمش مكانتش متوقعة تلقاه قدامها ولا يقدر يجي يعتب عندها و تالقاع الدار .. سرطت ريقها بصعووبة وًهي ملمحة لعينيه مصغرة فيها كيتسنى منها الجواب
امل""(بصوت قليل) نعست ماقديتش نوض .. تلفون كان بعيد عليا
شراف""(عينيه تتحرك من هنا لهنا حواجبو معقودة يفحص و يزيد ) دابة مزيان؟؟
امل""(حركت براسها بايجاب و نطقت) شكون قالها ليك
شراف"(بهدوء) النسيبة
امل""(تتحرك في عينيها و ترمش ) الباب شكون حلو ليك
شراف""(طلعها و نزلها و نطق بتقالة ) النسيب ( حط داك صاشي فوق طبلة و رجع شاف فيها عقد حاجبو) جيتيني مريضة و عيانة مابغيتش نهضر
امل""(تخلعت تترمش بعينيها نطقت بتعلتم) ع علاش
شراف""(عاود نزل بعينيه و بالاخص السروال لي مزير و مبين طروفها بالمزيان ) حليتي لباب بهاد حالة ..(نعت بعينيه لصدرها ) و بهاد حالة .. كون كان شي غريب بغيتيه يشوف لحمك
امل""(حركت راسها بنفي عيونها دمعت بشوفتو و لكنتو ) لا لا ماكيجي عندنا حد .. قلت تكون عاليا ...
شراف"" (بلكنة طالعة غا من عينيه لي ولاو حمرين ) دوييت هاد مرة ستري حالتك عاد عتبي لباب
امل""(نزلت عينيها تتفرك في يديها و حركت راسها ) واخة
شراف""(تنهد بجهد تينزل واحد سخونية طلعت معاه ماحملش بحالتها هاكة عض على فمو بجهد و نطق ) خديتي شي دوا ؟
امل"" ( حركت راسها بايجاب ) اه داكشي باش نعست
جلس على طرف سداري و بقى تيشوووف العياء و دموع محگنين وسط جفونها مد يديه بشوييية شد على دراعها و جابها قدامو و بالضبط فوق ركابيه مدور يديه على كرشها تيدوز عليها بشوووية و شواربو تحطو على دراعها العاري طبع عليهم بوسات مشى مع دراعها تاوصل يديها و شابك صبيعاتها مزينن بالحناء مع صباعو تيحس بداتها تترجف فوق ركابيه طلع بعنيه لملامحها مزنننكة بزيادة عاضة على شنوفتها بلا وعي..
شراف""(نطق بصوت تخييين ) يلا قصحت معاك الكلام .. ماشي لخاطري.. ماباغيش شي عين تشوف لي محسوب عليا ..
امل""(صوت مغلوب بالبكية) اصلا عارفة شكون يجي
شراف""(بتقالة ) كنتي عارفاني غانجي انا ؟؟
امل""(حركت راسها بنفي ) لا
شراف""(شد دقنها و دور ملامحها لععينه) شفتي لاش هضرت ..( نزل يديه لفخاضها دوز عليهم بيديه تاطلع لمؤخرتها نطق بصوت منخفض) تاحد من حقو تجي عينيه في خيرك.. عقليتي مقودة شوية مانكرش .. ويني نتي تا قمقوم ما يكبت عينيه فيك ...
نزلت عينيها و نزلت دمعة معاها اصلا الهرمونات متقلبة و لو عارفة هضرتو عندو فيها الحق حشومة تحل لباب هكاك و عاد هي تعقدت على الرجل لي من حقو هو لي يشوف و يطول شوفتو فيها .. هز يديه مسح عليها بشوية
شراف""(نطق بصوت منخفض) لاش لبكى دابة
امل""(حركت براسها منزلة عينيها عليه ) والو
شراف""(هز دقنها ليه نطق بختورية) غي دويت معاك .. ردي بالك ماتعاوديش
امل""(حركت براسها تاني ) الصمت
شراف""(بتقالة) شوفي فيا
هزات عينيها بشوية تاتقابلت معاه و بقات عينيه تتسارا على ملامحها نطق بصوت تخين
شراف"" ديما هاكة نتي (قرص على نيفها ) ولا غي هرمونات
امل""(وجهها تزنك وًزاد على زعامتو ف كلام ) الصمت
شراف""(تبسم بتقالة و جرها من دقنها طبع على خدها بوسة ) ديما زينة
تبسمت تاتغمضو عيونها مع النفخ منزلة عينيها عاودت شافت ليه بغات تنوض ورجعها بلاصتها
امل"" (بخجل ) نمشي نجيب ليك اتاي .. ماتبغيش تشربو معايا
شراف""يلا توجديه نتي نشربو كاسك
امل""(تبسمت) لا صراحة موجدينو عاد مشاو غي نسخنو
شراف""(هز حاجبو ) نشربوه
تبسمت و ناضت من عليه مخلية عينيه تطلع مع وقفتها تتفرك في يديها ماقاداش تزيد و لا تدور حشمااااانة لواحد درجة فوق ماتتصور عارفة زيار لي لابسة و تيشورط قصيرة يعني ماعندها ماتستر تحنات تهز كاس ديالها و تحنات عينيه مع خيرها لي مبين نصو و زادت مكملة ليه على لي بدات بمشيتها انثوية طلوع نزول مخلية عينيه يتعسللللو بشكل فضيييع تلفاااتو ماكان ضان تكون فورمتها مجهدة على گلبو تالهاد درجة جناب عامرين و كرش داخلة بقى بجلستو لا حراك لا رمش تلف تلفة وااعرة تابانت ليه مخرجة الصينية تم مطلعها و منزلها برااااحتو تحنات تاني حطات صينية و حاسة بعينيه مختااارقها اختراق غير طبيعي زادتها تزنيگة على تزنيگة جلسات كبات ليه كاسو و مداتو ليه .. مد يديه و شدها بكاسها جارها لعندو حيد الكاس حطو فوق طبلة و هي جلسات بخيرها على فخاضو ويديه وحدة جنابها ولاخرى ورا ضهرها بحالا متكيها على دراعو و غطس ببوووسة قوووووية و مجههدة للاخر تياكل شارب و يمشي لثاني مرفوع و رفعها معاه تاحطات يديها يلا وعي على عنقو زادت في وتيرة مصات تيمص عليهم بشكل مجنون .. بعد بشوية ناطق بصوووت تقييييل
شراف""قتلتني بهاد فورمة ( عض على شاربها ناطق بصوت قلييل ) مانگد على صبر .. و يدي وشواربي ماتمشي فيه ..عساك باش ندخل عليك...
مابقى ليها فين تتحرك ولا تحل عينيها مغمضاهم و صدرها يطلع و ينزل بشكل سريع .. كلامو جريئ و يديه تيجيبو ليها فشلة حسات بيديه تتزيد وشواربو مزال في مكانها هو تالف بيها و زاد بقربها و جسمها المفتون ماكرهش يخبيه على البشار و العينين ..و يغطس فيه ويتمتع .. وصلت يديه بلا وعي لصدرها .. غا تحطت تم و هي تقفز و خرج من حلقها صوت خفيف بهمس بلاما تقصد.. في اخر لحضة غيرها وداها لدارعها حيث ماباغي يتعدب ويعدبها.. حلات عينها بشوية و شعوور غرييب اجتاحها داخل جسمها .. لقات عينيه مركزة بعينيها بشكل معسسل داير بيها حمورية زادت تاهت بيها نطقت بصوت خاااافت
امل"" شرااف
شراف"" (بتقالة) شراف ديالك ساليتهم ليه ..اش تساليني اختي
امل""(تبسمت بخجل ناطقة بشوية) انا قلت ليك تجي عندي
شراف"" (تبسم بتقالة نطق بفحيح ) سمعت ملتك مريضة و جابوني رجلي ..(هز يديه و طلق شعرها ) راسي تفرع بالشطنة
امل""(عجبها الحال تتبسم و تزيد ) ياكما تيسحب ليك مت
شراف"" بغيتي تفلتي مني ( تبسم متااقل بمكر)
امل""(ضرباتو لكتفو) الماسخ
شراف""(تبسم و شد يديها شابكها معاه ونطق) كون ماعليك العذر .. مانفلتكش ..
امل"" (بحشمة ) يا شراف.. زايدون مزال العرس
شراف"" (عقد حاجبو ) شمن عرس .. باقي ليه شهرين ..( خفض صوتو) نتفركع انا .. تبغي تخرجي عليا
امل""( هزت بكتافها) لا تالعرس
شراف"" (تيلعب بشعرها) من نبغي و نشوفو امتى
بقات تدور في عينيها و ناضت بالخف من قدامو و جلست جنبو تاهو ما حكرش عليها حيث وصل معاها للاخر هز كاسو دا تاي جغم منو و هي كذالك
امل"" تبغي حلوة .. حيث قلتي ليا في العيد ماعندكش معاها
شراف""( تبسم بتقاااالة معسل عينيه بيها ) على حساب( غمز ليها بشوية ) ديالك باغيها
امل""( عضت على فمها حابسة ضحكة حيث بصح سالاهم ليها بهاد جرأة دورت بعينيها لصاشي و جابتها قدامها ) شنو هادشي جبتي معاك
شراف"" ( جغم من كاسو حطو على طبلة و ناض ) شي حاجة ماتاكلي
امل""(حطاتها و ناضت معاه تاهي تتفرك في يديها قربت بشوية و تعلات على صبيعاتها شدات على كتافو و نزلاتو لعندها شوية و باست على جنب شواربو نطق بشوية ) الله يخليك ليا
شراف""(دور يديه على خصرها مخلي عينيه تمشي و تجي براااحة نطق بشواربو و هوما تحطو على نفس الجنب ) رتاحي ليا .. تحتاجي شي حاجة تجيك..( عقد حواجبه مطلعها و منزلها شد على مؤخرتها عل شكل قبضة ) ردي بالك لباسك ..نعاود نشوف بحال ليوم .. بلاما نعدب طرفك
خبط عليها بخبطة تاتسمعت طق و بعد عليها فتح الباب و خرج في حالو مخليها تتلون و تزيد ..و في ادينها هاد زعامة في كلامو ...طرفك...
حسات بالباب تزدح و هي تجلس مخبوطة مع السداري عاضة على فمها بجههد .. مابقى عندها مادير من غير تتقبل طريقة كلامو و غيرتو القاصحة .. نزلت بعينيها و غمضت عينيها بجهد على حالتها لي بالفعل اكتر من مثيرة .. هزات كاسها و رجعت سخناتو و جلست تتجبد في داك صاشي واش فيها ..لقات شكلاط و فواكه الجافة من لوز و كركاع و اكاجو و بسطاج تبسمت و مشات لصاشي وسطها بانيني و فريت لقات راسها نيت باقة ما كلات جا في وقتو .. بدات تتاكل و كتبت ليه ميساج و لوان بداو يبانو
__شكرا حبيبي محنتك معايا
رجعت تتاكل و تتفرج في تصاور العقد و تبسم كي الهبيلة غابوحدها تاطلع ليها اوديو من عندو ضحكت قبل ما تدخل ليه و يتزعزع قلبها بلكنتو خااترة
شراف"" ماتكونش بحال تمحينة لي درتي ليا
سمعاتو و بقات تضحك بجهد كيف الهبيلة تاسمعت الساروت في الباب طلعات عينيها و بانت ليها بشرى داخلة .. لمحت لوراها
امل"" فين خالتي و سلمى
بشرى"" مشاو عند لوسها (جلست تتشوف في داكشي لي قدامها ) خرجتي ؟
امل""(تتمضغ بشوية نطقت بحشمة) لا شراف جابهم لي
بشرى""(تبسمت) اممم جهل باتعياط عليك
امل""(تبسمت منزلة عينيها مع داك فريت) ويه نسيت ماخليت ليه ميساج داكشي باش
بشرى""(ناضت متوجهة لبيتها) فين باك
امل"" ماعرفتش مازال مجاش
كملت ماكلتها جمعت داكشي و رجعت جلست هي بشرى تيتحتو تاجات مريم و سلمى جلسو مجمعين على براد اتاي ..
سلمى"" ياختي على الحنين ماناسيكش جايب ليك باش تكعدي گليبك
امل""(عطاتها خمسة) بسم لله عليا و عليه اخيتي كي شتينا تخلينا
مريم"" هههه يرضي عليك .. سيدة شافت سقاطة و هبلت
سلمى""(نقبت من لوز) اربي بنت خالتي واش واشم من كنت جاية بان لي دايز بطوموبيل تيكمي و دراعو بانلي غي بالغفلة لونو ماهواش
امل"" (عوجت بعينيها) واشم اه لاش
مريم"" بصح وو
امل"" (تتنقب في اكاجو ) ايه من كان في ايطاليا
سلمى"" اربي كان في طاليان .. خدا زينهم ياختي
بشرى"" هاد مبلوزة عندك والو اختي ولدتي خلى و جلى هههه
امل"" ههه غا خليها تتقلب عليا
قاطعها صونيت تلفون طلعات ليها نمرة عثمان جاوبت
عثمان"" خرجي هاكي تلفون نبقى نتسخر عليك
امل"" كيتك بزز على ملتك تسخر ليا .. واخة تسنى (قطعت معاه و نعتت لسلمى ) نزلي خودي تلفونك
سلمى""(بقفزة) حلفي تصايب
امل"" ماعرفتش نزلي خديه و تعرفي
ناضت طايرة نازلة في الدروج حلات لباب و بان ليها متكي بيديه على الحيط و تيلعب بيه صغر عينيه كان ناوي ينطق تاني تيسحب ليه امل و سرط حروفو من شافها تبسمت تابان ليه غمازة تحفرت تبسم معاها
سلمى"" تصايب ياك
عثمان""(مدو ليها تاشافها تشدو و عاود رجعو) ويني كيفاش قرايتك فيه
سلمى""(تدور في عينيها و نطقت بشوية ) لا تصاوري فيه قاتلاني غي قراية غا قلت هكاك قدامهم
عثمان""(ضحك) ياك اختي
سلمى""(تبسمت و نطقت بمزاح ) لا غا نزيد شوية و غانتزوج اش ندير بالقراية نبقى نتمر و نخدم فريع الراس و الصحة .. لهوما الراجل يخدم عليا وعلى ولادو
عثمان""(وسع عينيه فيها و على كلامها تيضحك جاتو من لخر قرب شوية و نطق ) فكرة مخيرة .. (خفض صوتو و حط تلفون في يديها متبسم على هبالها ) تسنايني نخدم و نجي نتزوجك
سلمى""(ضحكت واخة غلبها الخجل زعامة غا من فوق ناطقة) لا تعطلتي شوية اتلقاني طرت .. ناس الدوار كلهم حاطين عليا العين
تشتت بالضحك كملت ليه الدروس شير بديه و ضار ماشي مخليها تتضحك و مراقباه ماشي بخطواتو نطقت تحت منها
سلمى"" مزويناتها ضحكة
دازت العشية و ليل و نهار الثاني غي العياء و النعاس مريم و سلمى مشاو في حالهم في العشية ... العشاء تيوذن و بشرى رادة مقيلة الكفتة تطيب و جنبها امل متكية على بوطاجي بكولون و تيشورط عريضة نازلة عليها شوية تتاكل في ثمر لي شاط من نهار العقد ..
بشرى"" قلبتي الجوا صداقك .. باك حلف هو لا بغى يقول ليا قدرك .. نتي ماسمعتيش باش كان تيهضر العدل
امل"" (شافت فيها ) تا ماقلبتش كي عطاه لي كي بقى
بشرى"" سيري جيبيه نشوفو
امل"" خلي من بعد عليا
بشرى" سيري من عگز ديالك عارفاني فضولية
تنهدت بقيلة حيلة و مشات تتجر في رجليها حلات لمجر الماريو و هزات الجوا فتحاتو تفتح الباب و دخلات عليها بشرى بفضول تتشوف جبدات فلوس و القدر مكتوب داخل جوا
بشرى""(شافت ليها ) شحال تم
امل""(عضت على شنوفتها و نطقت ) 3 مليون و نص
بشرى""هاااانتي ليك تبارك الله بعدا مامخص من جهدو
امل""(عاجبها الحال ) مهم اماما هو راحتي معاه كلشي هادشي ماتيقارنش كيف معاملتو معايا ..
بشرى"" طحتي على زنافرك يابنتي طحتي
امل"" هههه و بصحتي يااا
بشرى""(خبطت ليها على كتفها و تمات خارجة ) يمسخك لممسوخة
مشات تتزرب رجعات لكوزينة و مخلية مخلوقتها ردات الجوا فين كان و مشات تجبدت فوق السرير هزات تلفونها و دخلات لواتساب رسلات ليه تصويرة ديالو هو وياه و كتبت ..
— واخة نديرها في story
دخلات تتزومي و تزيد تمعن في زينها و حروشيتو و عينيه لمذوبتها .. حتى بان ليها تيصوني ابيل فيديو .. تكعدت قادت شعرها بعد ماطلقاتو و فتحات خطها معاه.. بان ليها في طوموبيل تيكمي ..
امل"" هاي هاي فين كنتي و لا منين جاي اخويا
شراف""(بخ من فمو مقرب لتلفون نطق بصوت تقيل ) تحكمي فيا زعمة
امل""(تبسمت بزعامة ) حقي نسول ونعرف فين غادي
شراف""(حرك براسو) حقوق تعرفيهم كاملين ولا تكمشي على مخك
امل""(حطات يديها على فمها بمعنى بشوية ) اوعدي تيسحب ليك بوحدي
حطات تلفون قبالتها و ناضت تجيب الكيت مخلياه تيعبر فيها وسط داك كولون مزير على لحمها تارجعت و قربت تلفون ليها
امل"" قولي فين غادي ؟
شراف"" (بتقالة تيبوخ من فمو ) بغيتيني ؟
امل"" وشرااف سولتك جاوبني
شراف"" معروض لعند صاحبي
امل"" اي هاي لفين
شراف""(مسايرها بحسابتاها معاه ) دري خدام معانا داير سبوع ليلة
امل"" اممم مزيان داير طلبة ؟
شراف"" الشيخات
امل""(عوجت في وجهها مطلعة بحواجبها) اوعدي على الشيخات
شراف""(تبسم و بخ مطاااااول) ندير بناقص تشطحي ليا نتي .. تتعرفي ؟
امل""( عوجت بفمها ) يااك الماسخ .. تتهضر بصح كاين شيخات
شراف"" جامع الصحاب و صافي مكاين لا شيخات لا والو حنا كرهناهم
امل"" عيقتي لا
شراف""(تبسم بتقاالة و نطق ) ضاحك مع ملتك مزيانة نتي شوية ؟؟
امل""(حركت براسها متبسمة) بييخير احسن من قبل
شراف""(كسيرا متبع بصواگتو لمح ليها ) خدامة غدا؟
امل"" ايه ان شاءالله صباح نمشي ..
شراف"" (شاف فيها )وقت الغدا ندوز عندك
امل""(تبسمت ) تغديني برا .. عنداك من نتزوجو نروح لعندك مابتقاش تغديني برا
شراف""(تبسم بتقالة ) راني گلت ليك داك نهار اش كاين
امل"" (دارت ليها في راسها طررن فهمت قصدو الماسخ ) صافي صافي غا سكت الباسل
شراف""(عض عل شنوفتو متبسم و قرب لتلفون شوية ونطق بصوت تقيل) هاديك بهادي .. احبيبي
شلى يامات و اسابيع دازت ورا العقد كانت كلها شغل عند شراف في الصليح الشقة من صليح كوزينة و الحمام لي زاد عليه شلى حوايج و تعاودت الصباغة الدار بالكامل عموما كانو الخدامة داخلين خارجين تا تشاويف بيناتهم كانت قليلة بينو و بين حبيبتو .. اما امل و عاليا كانت شطنتهم بالخروج عند الخياط و تيشريو الحوايج و توجاد عاليا مابقاش ليها بزاف تدير عقد و العرس في دقة وقت تيجري بيهم .. بعد رجوعهم من من عند النكافة لي رصات معاها عاليا شغل فتحات الباب دارهم و شافت فيها
عاليا"" زيدي طلعي معايا
امل"" نمشي (شافت في ساعة ) العشاء غا يوذن و باقين ليا ماصليت لا العصر لا المغرب
عاليا"" امم خفتي يكون ..
امل"" لا راه قال لي غايمشي يشري شي حاجة ماعرفتش شنو
عاليا"" ايوا صافي زيدي طلعي من هضرة ديالك ..
شدتها من يديها و طلعو لقاو صفية تتفرج رمات عليها السلام و قربت باست على يديها
امل"" اش خبارك خالتي لاباس
صفية"" لاباس ابنتي نتي .. امضرا اش درتو
عاليا""(تخبطت تتكب الماء في كاس ) صافي رصيت معاها الشغل
صفية"" ابنتي ماعجبني حال باغة ندير ليك عرس كبير و زين مافهمتش هاد الزربة لي دار ليك
عاليا""(حطت كاس فوق طبلة و شافت فيها ) ماما و باه مريض وتزاد عليه الحال
صفية"" ايوا تايولي لاباس
امل"" مافيها باس اخالتي .. مدروكة ماعليش
صفية"" اودي ابنتي لي عطالله عطاه دابة ..
عاليا""(جاتها لبكية) ماما مالك دابة
صفية"" مالي واش قلت العيب .. هاد زربة لي باغي يديك بلا عرس ماعجبتنيش .. كون مانديرو حنا هاد حفلة واقيلة يعقد عليك و يزيد .. راه بنتي وحدة لي عندي بغيت نفرح بيها
نزلت عينيها و ماعرفت دموع منين جاو ناضت هزات صاكها و طلعات لبيتها بقات امل مراقبها و عاودت شافت لصفية لي تنهدت شادة على حنكها .. قربت منها و شدات في يديها
امل"" خالتي عفاك بلاما تزيدي عليها .. ديري ليها العرس لي بغيتي و بشهوتك نتي
صفية"" شنو نقولك ابنتي..( هزات يديها ) والله ماعرفت اش نقول
امل"" (باست يديها ) الله يخليك ليك صحيحتك .. ماتخليهاش مقلقة وتشد في خاطرها ..
صفية""(تنهدت و طبطبت ليها ع يديها ) واخة ابنتي انا راني باغة غي نكبر بيها ..
امل"" صافي لي نفسك فيها ديريها و غايجي عرس من داكشي ان شالله ربي يسر امور كاملة
صفية""(تبسمت ) واخة ابنتي .. و طلعي عندها شوفيها واش باقة تتبكي ..
تبسمت و حركت براسها و ناضت تمات طالعة و قلبها يضرب في التسعين و ريحة الصباغة عاطية من دخلة الباب كانت الدار خاوية و الفراش مهزوز عمرها دخلات لها و لا وصلها شي حاجة من لي دار و زاد فيها .. رمات خطوات لداخل تدور في عينيها لي جاو في صالون ديريكت المرح و صباغتهم الجديدة بمنضر الزين و زادت لبيت عاليا ديريكت حلات لباب لقاتها تدير تلفونها يتسرجى منزلة عينيها ..قربت جنبها و جلست
امل"" مقلقة الاله العروسة
عاليا""(مسحت دمعتها) بقى فيا الحال تا انا ماكرهتش العرس كي البنات .. ويني تاهو مامخصرش ليا و حشومة باه غادي جاي لسبيطارات فهمتيني ..
امل"" صافي رخفي نفسك .. غاديري حفلتك بكولشي ليها و خالتي غي بغات تكبر بيك و صافي
عاليا"" عارفة عارفة اصحبتي غي تغلقت وصافي
امل""(جرتها لعندها) خلاص بكيتي و تفشيتي .. نساي الموضوع مزال مادرنا مع النقاشة امم لوينات تاع لباسي .. تصيفطهم ليك نكافة صيفطيهم لي نشوف امم
عاليا""(عنقاتها ) ياختي على حنينة ديالي خسارة مانسكنش انا وياك انا نمشي و نتي تجي
امل"" ههه مزيان نيت باش نبقاو عزازات اللوسة السوسة
بقات عليها تاتهدنت و سلكت ليها الخاطر وفهمتها شنو الغرض ماماها ..
امل""(ناضت ) ايخصني نمشي احبي
عاليا"" غدا اش عندنا
امل"" اش عندنا هلكتيني كاع لحميات لي ربيت غانطيحهم معاك خلينا نتسارحو
عاليا"" وراه بقات غا سويمينة و نمشي عليك صبري معايا
امل"" شراف تيقولي خرجي نشوفك تنقولو لا و نتي تتخرجيني بغيتي تجبدي ليا صداع المسخوطة
عاليا"" هههه و لوستك انا
امل""(ميقت فيها ) وراااه رااجلي اختي اولى منك نتي
عاليا"" ( تكات فوق سرير و ضحكت ) شوف ليك صليكيطة مانديش عليك دابة باقة محتاجاك
ميقت ليها و خرجات سدات عليها الباب و بقات تدور في عيينها بفضووول في دويرتها مشات للصالون تمعنت في صباغة و مشات للحمام لي تصلح بشكل زين عجبها وحتى لوينات حمقوها تبسمت و سدات لباب و قصدت كوزينة دخلات ليها و بانت ابتسامتها قداش و هي كتشوف اتات ديالها مزال جديد محطوط بكراطن ديالو من ثلاجة و فران مهم اي حاجة محطوطة جديدة رمات بخطيوة للور بغات تزيد الثانية قبل ما تدور تاتحطت فوق رجليه بقفزة بغات تدور و ماهي تخوي بيها رجليها و فقدات توازن الا و كانت يديه ضارت على خصرها موقفها بشوووية عليه بلا مجهود غا هي تتبربص هزات عينيها ليه.. قلبها بدا يخبط و يزيد معوج براسو تيطل عليها من تحت كاسكيط مصغر بعينيه لي داير بيها احمرار .. سرطت ريقها تدور في عينيها
امل""(تبسمت ) شراف ..(بتعلثم )انا كنت ع عند عاليا و
شراف""( زاد صغر عينيه و نطق بصوت تقييل ) جيتي تشوفي دارك
امل"" ا ا لا غي
شراف""(تيدور عينيه بشويية على ملامحها نطق بصوت تخين) غي جرجرتي ملتي على شوفة .. عازاها فيا
امل"" لا يا شراف..( حطات يديه على دراعو مقادة توازنها ) ماعزاهاش فيك .. حتى انا تنبغي نشوفك
شراف""(نزل بيديه على مؤخرتها و رفعها بين يديه و حطها فوق بوطاجي و تحنى مكالي بيديه بزوج ناطق بصوت خااتر) الوراق و ضربنا ملتهم و الهروب لاش
امل""(زعمت و هزات يديها طلعات ليه كاسكيط لفوق و دورتها للوراء و قابلت مع عينيه متبسمة ) علاش نهرب منك مثلا ماكنيش مسالي(دورت بعينيها من هنا لهنا و عاودت شافت ليه) دوقك زوين
شراف""( عينيه معسلة و زادت بحلاوتها و هي تتحرك و تهضر دور عينيه فين شافت وعاود شاف فيها نطق ) شحال من مرة گلت تجي تشوفي ماتتبغيش .. عجبوك و لا بغيتي تغيري شي حاجة
امل""(تبسمت و طلعات بيديها تترعد لحاجبو لي معقودين فكاتهم و نطقت ) دوقك زوين في كولشي
شراف""(بانت ابتسامة خاااترة و تقيلة نطق بصوت تخين ) منك نتي باين العربون ..
امل"" مالي انا
شراف""(طلع بيديه لدقنها رافع براسها لعندو و قرب مزيان ) نتي كولشي .. المرمدة گلبي
امل""(زادت بزعامتها و دورت يديها على رقبتو و تمات مقربة بشووووية باست بوسة على شاربو تحتي و بعدت تتبسم) الصمت
جابت تمامو بهاد زعامة لي جات في دقة تبسم مخلي عينيه مع شواربها و هوما متبسمين و قرب ببطئ حتى سرط شواربها وسط فمو .. تياكل شارب بشارب واخد راحتو بالجلسة و القرب و يديها لي دايرة على عنقو زادت براحتو .. التاهم شواربها و كلااااهم تاحسات بيهم تيوزوزو داخل فمو .. و بعدا شوية ناطقة بهمس
امل"" قصحتيني وااه
شراف""(تحنى على عنقها تيبوس فيه و طلع لودنيها ناطق بهمس رفعها معاه ) مزال مادرنا والو باش نقصحك .. صبر مابقاش في القاموس
فتحات عينيها بجهد تدور فيهم من هنا لهنا احست بيه تيبعد و تقابل معاها عيونه ترخات و حمررت بشكل يذوخ عضت على شاربها بلا وعي بقات غي تتشوف تاحست بيه رفعها تاني خلاها تشهق تاني نطقت بهمس خايفة تسمعها عاليا
امل"" اش تدير شرااف
شراف""(ولا على بالو خرج من كوزينة و قصد البيت غمز ليها بدوك العينين مرخييين للاخر ) تشوفي بيتك احبيبي
وجههها ولا حمممر و البكية حابسة على طرف الجفون بدات تتبربص ليه تاسمعت زدحة الباب برجليه مخليها تابعة باب بعينيها و عاودت شافت فيه
امل"" شراف ش كدير و
شراف""( تبسم بتقاااالة تا عينيه تغمضت حطها على السرير و تكى بيها قابط يديها بزوج بيد وحدة و اليد ثانية تحت خصرها ناطق مع ابتسامة تدوخ ) ناخد لي مشهي
امل""(عبست بملامحها بصوت خفيف و حلو على ودنيه ) اوعدي شراف عفاك ماشي دابة ر و عفاك
شراف""(حابس ابتسامتو على هبالها )شنو لي ماشي دابة ماقداتكش ربع سنين الحبس .. تزيديني نتي نشوف و نستحلم بيك
امل""(صرطت ريقها و صدرها تيطلع و ينزل ) و غا بلاتي شوية
شراف"" (تحنى بشواربو لعنقها تيدوزهم عليها و نطق بفحيح ) لهوما الحبس معاك
امل"" (بلا وعي بهمس دايخة بلحيته لي تتحس عليها ) الله ينجيك حبيبي
شراف""(عاود تهز مخلي عينيه تمتع في حلاوتها نطق مع ابتسامة خاترة ) هانا تاني على حبيبي .. تتصدريني زعمة
امل""(ضحكت تاتغمضو عينيها ) هههه لا لا غي زيد صبر عليا شوووية وصافي
شراف""(صغر بعينيه بقى تيشوووف مدة عاد نطق بصوت تقيل ) فركعي ملتي
امل""(حابسة ضحكة) خاطري احبيبي
شراف""(شاف تاعيى و تلاح جنبها حاط بيديه على عينيه ) نوضي في حالك
امل""(تكعدت على جنبها و من داك كسدة لي طايحة جنبها بقات تتشوف في دراع مزير على ديك تيشورط غا طرطق هزات يديها حطاتها على يديه و حيداتها من على عينيه تا شاف فيها و نطقت) تقلقتي مني
شراف""(صغر عينيه وشد يديها و نزلها لرجولتو ) ها لي مقودها عليا دابة ..
حلات فمها و عينيها و هي يديها تحسست على داك صلابة جابت ليها الرجفة و تلفة حيد يديه و هي مزال شادة تم تاسمعت صوتو بتقااالة
شراف"" عجبك ؟
امل""(قفزت و حيدت يديها و بغات تنوض في حالها تاجرها من كرشها و جابها فوق ) اوعدي طلقتي الماسخ اش داكشي ويلي ويلي
شراف""( وسع عينيك مع ابتساامة تقييييلة ) داكشي باغي يسكن بلاصتو احبيبي
امل"" (بلا وعي بالخلعة ) اوعدي اشمن بلاصة بغيتي تفرعلي معدتي
شراف""(حط يديه على عينيه و بقى تيضحك على ردودها سالاتهم لحسو عاود شاف فيها و نطق ) نوضي في حالك
امل""(ناضت بالخف تتبربص ) ويلي ويلي
شراف""(معوج براسو معاها تالفة غا مع جلايلها تيتبسم برااحتو على هاد مهبولة نطق بصوت تقييل ) صعيبة غا بدية من بعد يعجبك القطيطة ديالي
هربات دغيا ماشافت وراها مخلياه تيحك على عينيه و يتبسم بجنب على حالتها و ضهشيرتها.. نزلات ديريكت لقات صفية في كوزينة دغيا سلتات بلا حس ... حلات لباب قصدت دارهم طلعات لقات بشرى و مصطفى تيتفرج في الاخبار و بشرى تتفرج في تلفون ..رمات سلامها عليهم و جلست جنبهم
مصطفى"" تعطلتي ابنتي
امل""(جغمت من كاس الماء تفزگ قرجوطتها و نطقت) غي مع عاليا ابابا
مصطفى"" هاد خروج في خبار راجلك ولا لا
بشرى"" لخاطرها (تبسمت) خوف لي منو كتر منك نتا براسك
امل"" اوعدي ياماما هههه نعلي الشيطان
ناضت جمعت الوقفة من جنبهم تتبسم على حالها المفضوح دخلات بدلت عليها توضات صلات لي فاتها و خرجت تعشات معاهم و دخلات لبيتها تجبدت تطيب نعاسها بيه و معاه مرة يحشمها مرة ينسيها .. عشقها ليه غي مازايد تعاملو معاها غييييير .. ماوعاتش امتى نعساات و لا كيفاش نعست..
تاصبح الصباح على صوت لارام تصوني حدا ودنيها .. طفاتها و حلات عينيها .. مدة عاد تكعدت مشات توضات صلات صلاتها و لبست عليها كسيوة طويلة بسميطة سبادري دارت اكخو ماسكارا هزات صاكها و خرجات لقاتهم مزال ناعسين نزلات في حالها حلات لباب و جات فيه متكي على طوموبيل بوقفة رجولية شامخة تيبوخ و ينتر عينيه مع الباب ديريكت بحالا كان تيتسناها تبسمت و زدحت لباب و قربت لعندو وقفت قدامو مغطية بيديها شمس
امل"" صباح الخير
شراف""(مرخوي عينيه مع عينيها و على صباحها الزين مد يديه شد على يديها و نطق بصوت مدعدع تخين ) الخير محسوب عليا
امل""(جرات يديها حابسة ضحكتها ) يشوفوك ناس
شراف""(صغر عينيه فيها و حرك براسو ) طلعي طلعي
تبمست ماعاودتها معاه طلعات جنبو و بقات بعينيها تاطلع و دار لعندها محني بتقالة طبع عليها بوسة على خدها مخليها تاني تلون يلا تهضر و خنزر فيها كسيرا و زاد بيها متوجه لفارماسي
شراف""(شد يديها تيدوز صباعو على خاتمها ) مزيانة
امل""(حركت براسها ) بييخير الحمد لله لبارح ماعرفت امتى نعست كنتي قلتي ليا نخرجو غدا ياك
شراف""(دار شاف فيها بلكنة تقييلة ) يلا بغيتي و قبلتي علينا
امل"" فين اتديني و نجاوبك
شراف"" يومين ماشي نهار
امل"(وسعت عينيها) نسافرو يعني؟
شراف""(حرك براسو ) باغي ندوز معاك شوية وقت هاد لياامات كحلتي معايا السوايع ..
امل""(تبسمت تتشوف فيه) لفين بسلامة ..
شراف"" فين ما بغيتي نتي .. ( حبس قدام فارماسي و شاف فيها ) عندك منا العشية نلقى عندي الجواب ..
امل""(حركت براسها واخة جوابها عندها لكن مابغات تقوله قربت شوية و باست على خدو ) عشية يكون عندك (بهمس) المهيب ديالي
دور بعينيه معاها تتبسم تبسم معاها تانزلت بالخف و كسيرا في حالو مخليها تتحل فارماسي ... و دخلات لبست عليها طابلية عاد لتاحقو بيها لبنات .. و جى حتى الطبيب .. دازت سويعات تا قرب الغدا بشي ساعة ووقف عليها الطبيب
رضى"" امل.. نتسناك برا .. نمشيو لمختبر نجيبو الدوا.. جيبي ليا معاك لاليست ماتنسايهاش
امل"" واخة ادكتور
مشات هزات لاليست من البيرو كي قالها و خرجات ركبت معاه و مشاو قاصدين المختبر ... في احين تحركو بشي دقايق معدودة وقفت طوموبيل شراف قدام فارماسي .. و ليلى اول مالمحت ليه نزل قربت بلاصة فين ايوقف و بالفعل دخل تيدور في عينيه .. رمى السلام
ليلى"" شراف لاباس عليك
شراف""( حرك براسو ) ايحفظك .. امل ؟
ليلى"" مكايناش
شراف"" مشات لدار؟؟( شاف في ساعتو ) وقت الغدا مزال؟
ليلى"" ( قلبها معمر ) مشات مع دكتور رضى
شراف""( حواجبو تخربقو تاني شي دخل في شي صغر عينيه بحالا تيقول ليها عاودي اش قلتي ) لفين؟؟
ليلى"" المختبر ..غاتكون مابغات تقولك حيث شوية وقت و يرجعو ..(تدور في عينيها) مانضنش تطول.. نيت داك مختبر ذكرياتو تتخربقها
شراف""( بقى تيشوف عينيه ولااات حمراااا تيكدد في شواربو ) شا تخوري عليا تما
ليلى"" هاااء ماتديش عليا غا تنضحك ..(بمكر) زبلتها واقيلة .. يمكن ماقالتش ليك راه داك مختبر تما فين طلبها دكتور رضى للزواج بغاها المراة الثانية ... في حياتو ...
ديريكت عقلو و بالو تيخربق و يرون ليه داتو بدات تعرق و العروق جسمو بداو يتنفخو .. عينيه زادت دارت بالحمورية غير طبيعية الحواجب مشربكة و زادت وحدة دخلات في وحدة عض على شاربو بجهد تا تطراسات باثر سنانو صدرو تهز بجهد و تم نااااازل دور عينيه بشوووية و رمى الخطوة خرج في حالو من داك الباب و قصد الطوموبيل تكى عليها بقبطة يديه لي ولات تقطر بالعرق الجبهة تنسنس .. فكرة ديال شي واحد يطلع فيها العين تتبغي تقتلو عساك واحد كان ناويها للزواج .. ايبقى يشوف فيها ديما داك نضرة .. بقى مددددة هو واقف و عينيه على لارض مارمشت ما عيات حمراااااا بواحد طريقة تخلع و تزيد .. العينين لي قبالتو .. عاجبهم الحال و متبسمين بمنضر .. علاش هاد الغدرة و علاش هاد الكلام ماوصلاتك ما اداتك عشرة ديال سنين قليلة الخدمة .. موقف بسيط فرغت سمها كامل ..و مارتاحتش و لا قالا حشومة .... حست بالفرحة بمنضرو و كتسنى بالفارغ الصبر وقفتها قدامو و تشوف ردة فعل ديالتو ...و لي كانت مبينة غا من وقفتو و عينيه فين ناااازلة .. حتى حس بطوموبيل تبلاصات قبالتو و نزلت ديك مسكينة اول حاجة و في يديها ملف و كارطونة الدوا .. ماهي تهز بعينيها و بان ليها واقف صغرت بعينيها .. طلع عينيه فيها و رعشة طلعات معاها بالخف واااي على عينين و على نضرة خرجات من دوك العينين خلات جسمها يطلع بالشوك لحمها و زادت بيديه لي تهزت و شير ليها بصباعو باش تجي و تقرب لعندو .. في ديك اثناء خرجت ليلى عندها و قربت خدات من عندها داكشي من يديها و نطقت
ليلى"" الزين سيري تكلمي لراجلك من قبيلة و هو يتسناك
مسحت يديها على ديك طابلية تتحس بيها عرقت غا من شوفوتو دورت بعينيها و رمات دوك الخطيوات تالفة و قلبها .. قلبها يرجف و يترعد بالخوف .. و في بالها يصور و يخيط و يفصل.. ناوياه ايهضر انها طالعة لطوموبيل واحد اخر و راس في راس .. لكن ماكنتش ضانة راه حفرت ليها حفرة تطيح فيها و صعيب تطلع و لا تدير مجهود باش تطلع ... وصلت قدامو نطقت بصوت تيهرب ليها
امل"" شراف
شراف""(نزل بيديه غايشد عليها و رمى عينيه لورااها بان ليه نزل من طوموبيل و بدا يطلع و ينزل فيه بلاما يبين و عاود شاف فيها نطق بحروف تقيييلة على لسانو وقلبو لي تيغلي و يبخ الغيرة ) فين كنتي
امل""(لكنتو طيحت نصها قدامها نطقت بصوت مرعود) ك كنت مع الطبيب مشينا نجيبو شي الدوا
شاف هنا و هنا وتمدت لدارعها مزير عليها بواحد شكل خلاها تدمع بشكل قاصح وحدة ورا وحدة حل لباب و دفعها طلعات و زدح لباب حتى الزاج تشق شقات كتر من قلبها لي تتحس بيه غادي يسكت .. حتى بان ليها طلع و زدح لباب تاني و كمل مابقى على داك زاج .. شاف فيها و نطق بنبرة تفوور كتر من عينيه لي ولات الدم يشرشر وسطهم
شراف"" واحد ناويك لزوااج .. عينيه وسطها ديك دريا باغيها لزوااااج كيفاااااش نضرتو غا تكون .. وغاااادة معتبة معاااه الراس في الراااس امل ..
امل""(بقات تتشوف و تسرط في الريق حركت براسها دموعها يجريو) شراف لا لا
شراف""(بنرفزة طالعة و عينيه شاعلة) وشنووو درتيني كلون گدام عينيك ماشية ليا معاه الراس في الراس ... كاينة غا نتي اختارك غااااانتي تمشي معاه ..
امل""(تشهق و تا الحروف ما بغاو يتقادو ليها ) شر ا ف
شراف""(لكنة تتفور و تفور كيف البركان حامي ) ششش انا لي داير ليك فوق الخاطر .. ويني تركبي و تزيدي بلاما تعلمي ..
ماكملش كلامو تاتهزت عينيه في السرجم لي جنبها و هو تيشوف الطلة عليها بضبط وديريكت بلا حشمة و مرݣة و عينيه تتشوف فيها طلع ليه بشوفات و تادازت يديه من قدام وجهها و تخبطت على داك الزاج لي جنبا تاتشخشخ ونزل ف رمشة العين و قصدو شدو شد على الكول مزير على عنقو مخلي امل ماقدت تخرج و لا تعتب هو تيبان ليها متكي على الباب جلست تخبط في حناكها بجهد و تبكي ..
شراف""( مزير على حروفو تيتعصرو) اش جاب الط** مك تطل عليها ولا تهز عينيك فيها
رضى""( شاد على يديه ) الله يهديك ماكاين والو من لي في بالك
شراف"""( زاد زير عليه و ضربو بالروسية تاطوش نيفو بالدم تيشرشررر و غايكون كاع تهرس) انا لي عارف الكنس بحالك فين عقلو ( جرو مع دايخ دغيا تجر ليه و دفعو تا كان ايجي على فمو جات مولات مصايب شدات عليه)
ليلى"" شراف حشومة اش دار ليك السيد
شراف""( خنزر فيها و هز بصبعو ) كلكم ولاد القح** حسابي مع الط** مك مازال ماسالات يلا ماجبدا الق** ك للكلاب ماشي شراف (سمع الباب تحل و ضار بنضرة ليها و نطق بالغوات) دوري في حالك
رجع سد عليها الباب و دار بالخف عفط على داك الزاج و زاد عافط على الروايض تيسمع غا صوتها تتشهق ماقدت تهضر ولا تجمع الحروف .. حتى وقف قدام الباب و نطق بلكنة شاااعلة و طالعة فوق الجهد و بلاما يشوف فيها ..
شراف"" داك الق** (قصد حوايجها لي بقاو تم ) غا يوصلوك تعتبي مزال وسط داك القنت عصب رجليك نقطعهم امل .. بربي لا عتبتيها و لا عاودتي حطيتي رجليك فشي خدمة و نزلي في حالك لخربتكم ......
منزلة بعينيها تفرك بيديها و دموع نازلين تنساو ليها الحروف و لكلام دارت بشوية شافت فيه لقات عاقد حوااجبو و واحد تغوبيشة خلات كلام يتقطع من قرجوطتها...
امل""(بصوت مقجوج) المهم يخصك نتا تكون عارفني اش تنسوى.. تحسبت عليك و عارفة فين تنشوف و فين تنحط رجلي
شراف""(دار شاف فيها و العقل طاير و قلب تيغلي بالغيرة) سمعي اش نقولك .. عااااارفة ملتي لاش تنبرول ماقيسك بتا كلمة و ينييي علمي امل عللللمي
نزلت عينيها و مدات يديها لباب فتحاتو و دارت شافت فيه نطقت بقهرة
امل"" بصح نوا الزواج .. ويني عمرو قلل عليا الحياء ماكين تا حاجة لي في بالك
سكت ماجوبش و ماجمع حروف حدو مرمق ليها بشوفات تاتمسح على دموعها ضرب يديه على فولون بجهد عارفها و عارف معدنها اصيل و بنت الاصل لكن غيرتو عمية و عمات ليه البصر و دارت ليه جلالة على عينيه ..
طلعات بخطوات تقيلة و عينيها تيجريو بالدموع مسحت دمعتها و فتحات الباب رمات عينيها تابانت ليها غا بشرى في كوزينة تنهدت و دخلات و سدت لباب دارت و بانت ليها بشرى خارجة من كوزينة مصغرة عينيها في ملامحها ..
بشرى"" مالك بنتي ( وصلت شدات على وجهها ) مالكي تتبكي
امل""( نزلو دموع كيف الشلال تيكب ) شراف ..
بشرى"" اويلي مالو اش كاين
امل"" جا عندي وصلااتو خبار بلي مشيت مع رضى مختبر ( تغلقت تتمسح على عينيها )
بشرى"" ايوا وشنو
امل"" موشكيل هو انه عرف بلي خطبني ماتقبلش الموضوع قالي لاش تمشي معاه راس في راس و ماعلمتينيش
بشرى""(جرتها جلستها و جابتها لعندها معنقاها) شتت صافي من البكى..الرجال غيرتهم عمية ابنيتي واعرة ..
امل"" ويني راه خدمتي اماما كيف ماكان الحال راه طبيب ديالي
بشرى""(بهدنى) صافي سكتي بعدا و خلي امور تهدن و يكون خير .. اكيد ايفهم
امل"" تعمى اماما تعمى و ضربو (تفكرت باش هز يديه على زاج ) شخشخ طوموبيل
بشرى"" طريقة باش وصلاتو ابنتي ماشي ساهلة بمرة واخة يكون ديوتي مايتقبلهاش و زيد عارفة شراف و طبعو حار .. شكون قالها ليه؟
امل""(هزات عينيها بقهرة ) شكون من غيرها بنت الحرام من نهار عرفتني تخطبت و هي تسمم تاوصلت لهاد لحالة ..
بشرى"" ليلى؟ وشمن غرض بيها
امل"" و انا عرفت اش درت ليها توصلني معاه لهاد الحالة و مع السيد لي مادار ليها والو صدق مهرس من نيفو .. ياماما عنداك يديكلاري بيه
بشرى""(شدت عليها) اتهدني انتي مايوقع والو .. ويني ديك كلبة اش بغات عندكم
امل"" غرضها بيه هو ماحملاتنيش نكون معاه و شدتني من جانب خطيب و زواج الثاني ..
بشرى""( تتمسح ليها على ضهرها ) صافي الله يرضي عليك بلاتي شوية و عيطي ليه اكيد يتفهم موضوع
امل""(ناضت ) ماعندي والو صاكي بقى تم .. و مانعيطتش ليه تيبغي هو يهضر ..
مشات قصدت بيتها سدات عليها و لاحت ديك طابلة و جلست تشتف عليها كرهتها و كرهت منين جات تخبطت على السرير شادة بيديها على راسها .. دموع لاهوما حبسو و لا بغاو يتقطعو .. كي دير تشرح ليه ..عارفاه مغياااار و كلامو حاااار .. والموشكيل طريقة باش وصلاتو زادت الزيت على العافية خلاتو يشعل و يتگلى .. تنهدت بجههد تاسمعت الباب تحل و دخلات منو بشرى في يديها الصاك ديالها بقاات تتشوف تاجابتو و حطاتو جنبها و قربت مسحت على عينيها
بشرى"" جابو عثمان .. رخفي نفسك ابنتي رخفي
امل""( شدت على قلبها نطقت بصوت مقهور) ياماما شي حاجة هنا مقصحاني .. عارفاه ماشاكش فيا ويني طريقة باش حفرت ليا صعييبة و الله
هو غي طلع لقى عثمان علمو يجيب ليه ليها صاكها و خرج في حالو مخلي طوموبيل باقة مشتتة .. وصل قدام الخدمة جلس قدام المحل بالضبط الدرجة الكبيرة متكي بمرافقه على ركابيه الكارو بين شواربو ينتر و يبخ بلا توقف عينيه حمرااااااا تاقالت باراك الحواجب معقودة و مشربكة صورتها و هي نازلة تتغليه و تطبخ فيه هادشي عندو فوق جهد جهدو غيرتو صعييييبة و عمية ...كيفاش تيهضر معاها و لا كيفاش تتكون شوفتو ليها او فين تيشوف عض على فكوو و طفى الكارو بين صباعو بحالا ماشي لحمو و لا قطعة منو .. لاحو و جبد كارو ثاني شعلو تاني يبخ و يزيد وحدة ورا وحدة يديه تتاكلو .. ماكرهش يرجع يكمل مابدا .... حس بخبطة على كتافو خلاتو يدور عينيه غا من تحت بان ليه العگاز دور براسو لجهة اخرى بخ من فمو فرغو و عاود طفى داك كارو بين صباعو و ناض داير لعندو ...
احمد""(تيشوف و عارف شوفاتو ) ياك لاباس اولدي
شراف""(خبط ليه على كتفو وزاد ناطق ولكنة مدعدعة غارقة بعصبية) مكاين والو
احمد""(تبعو بعينيه تابان ليه دخل و تبعو ) رخف اولدي شوية رخف.. مشاكل ماتتحلش بعصبية
شراف""(لمح ليه تيكدد في فمو بحال مبنج و ماحاس بيه نطق) عفاك الواليد
احمد""(بهدنى) عصبيتك ماتخرجهاش قدامها .. المراة تتبقى ديما ديك انسانة رهيفة اولدي قلبها دغيا يتكرز و ترد في خاطرها .. شكون قال دابة راها تتبكي و تنحط رخف شوية رخف
مشى مخليه تيدوز يديه على لحيته بعصبية سااط بجهههد مغمض عينيه لي تتبان ليه كيفاش كانت تتبكي و تتحاول تجمع حروفها تشرح ليه .. و كيفاش جمعت يديها على وجهها لقطة هادي زادت كفراتو ماحس تا خرجها بخبطة على كارطونة ناطق بعصبية فايضة
شراف"" الله يگطع بوهم من الجدر..( ساط بجهد ناطق ) استغفرك يالله واتوب اليك...
جبد تلفونو من جيبو و دخل لنمرتها غايعيط ليها و امتنع في اخر لحضة و رجع تلفونو لجيبو الكلام و الهضرة ماشي ديال تلفون ..
____
بدلات عليها حوايجها و تخشات في بلاصتها مكمشة و الرعدة في داتها .. الخوف و الحزن لي داخلها مخلي داتها تترعد و تحس بالبرد.. بالها مشغول و مشطون بيه عارفة بلي ماشاكش فيها ولا نواها اتغلط .. لي عارفة هو نفسو حارة و صعيييبة هو غا بيجامة اش دار ليها عليها وكان مابيناتهم حاجة.. عساك راه راجلها دابة تنهدت و بدات دموع تاني نازلين .. هزات تلفون قبالتها بغات تعيط و امتنعت تاهي و رجعت لاحتو و مخلية غا الدموع تيتكبو وحدة ورا وحدة.. تاحست بالباب تحل دورت عينيها و بانت ليها بشرى جلست جنبها تدوز يديها على شعرها بحنية نطقت
بشرى"" شوية ابنتي( شافتها حركت براسها و عاودت نطقت) عيطتي ليه ولا عيط ليك
امل"" (شافت فيه تتمسح على دموعها ) لا اماما لا .. تلفون ماشي تاع الهضرة
زدحت الباب الدار و قصدت فارماسي .. قلبها مضرور على حال بنتها و شنو وقع معاها عارفة بنيتها قلبها رهيف و كتآثر دغيا دغيا .. عساك من الحبيب القلب .. وصلت قدام الفارماسي و لمحت ليلى تتهضر مع الكليان بقات تتساين تا سالات و خوا طريقها و زادت ناطقة
بشرى"" كاين الدكتور رضى
ليلى""(شافت فيها مطولة و نطقت) في لوبيطال ( خرجات عندها بحالا ماشي هي لي دارت هادشي وقفات جنبها) نسيبك الاله بشرى هرس ليه نيفو .. و هرسة صعيبة
بشرى""( تتشوف فيها بهدووء ناطقة) شمن كلينيك
ليلى"" ماشي من حقي نقول ليك
بشرى""(تبسمت) ايه وايني من حقك تحرضي راجل على مرتو و تسرسبي ليه لي كاين ولي ماكينش
ليلى"" الله يهديك اخالتي بشرى سولني و جاوبتو
بشرى"" اسمعيني اش نقولك .. بنتي عمرك توصليها وتوصلي عقلها .. (طلعاات و نزلت فيها )بزااااف عليك و على لي بحالك .. مقيومة غاالية و شاريها غالية .. مقبولة من الكبير و الصغير .. عرفتي علاش حيث قلبها زين مافيه حقد ولاالغيرة
ليلى""( بالغوات ماعجبهاش الحال و كليان داخلة خارجة) الاله اش تتخوري سيري فكي حريرة بنتك ولا شوفي اش مخلوضة بيناتهم
ماكملتها تاحسات بطرشة الحنك ماتستوعب تا زادتها تانية و تسمعو فين و فين جاو شي ناس تيشدو فيها كانت غاترمى عليها تكمل مابدات
بشرى"" بزااااف على مك الخانزة الله ياخد فيك الحق و على لي بحالك .. هاهي فيك ابنت الحرام
ليلى""( تتجبد بغات تقرب تلاح عليها ) يعلم الله اش تدير تا لاصقينها رجال هااكاك و في لاخر بان ليها شراف شدات فيه .. هاهو ايلوحها و شوفي شكون لي بنت الحرام
بشرى"" بزاف على مك الكلبة ..بنتي
تيجروها ما خلاوها تكمل تاكلام خرجوها من تم تتجار معاهم ولاو فيها عشرة ماهي تجي غا في عاليا دايزة غا شافتها و جات تتجري عندها شدات عليها
عاليا"" خالتي مالك ياك لاباس
بشرى""( تتقاد في جلابتها و تتبخ الدم ) الله يلعنك الى اليوم الدين
عاليا""( جراتها ماشية بيها) اش وقع شكون دوا معاك
بشرى"" ديك لكلبة ديال ليلى بانت ليها بنتي في حساب بغات تخرب ليها زواجها
عاليا""(عقدت حاجبها ) اش كاين شمن خراب
وقفو على جنب و عاودت ليها كلشي من لول تالخر و عاليا معالم الصدمة كاع مبينة على ملامحها
عاليا"" و يني ق** بة هادي لا كان عليك تعلميني قبل ما تجي
تمات غادية باش تكمل عليها تاجراتها بشرى مرجعاها بلاصتها
بشرى"" صافي دابة لي عطاالله عطاه .. موصيبة في داك الطبيب الله يتبع لبوه البلى ديوثي لاخور
عاليا"" وشنو دابة مزال مخاصمين
بشرى"" مزال ابنتي ماتغدات ما دارت كسكروط .. راه تتخلعني بنيتي
عاليا"" (شدات فيها )صافي اخالتي .. خويا حاااار عارفااه و مغياار بلا قياس .. و يني مايفرط فيها
بشرى"" يابنتي راني عارفة ويني راه هي تتبقى ترد و تزيد في قلبها بزاااف راه في شكاااال ديك درية عندي و تعلقت بخوك بزاااف
عاليا"" واخة يلا نشوفوها بعدا و يكون خير ...
غي وصلو لدار و دخلو بانت ليهم خارجة من الحمام بوجه صفر قربت منها عاليا و بشرى غا تتشوف مشات جلست قربت منها عاليا و جابتها لسداري و جلستها و جلست جنبها
عاليا"" امل مالك اصحبتي على هاد لحالة
امل"" مالي؟؟
عاليا"" واش اول موشكيل بيناتكم ايكتفك و يخنقك هاكة
امل""(تنهدت) عاليا.. نتي مافاهمة والو
عاليا"" فااااهمة كلبة خلوضت بيناتكم و جمعت ليك حب و تبن عارفة خويا معصب مع مخو .. استغلت الفرصة و عطاتك بضهر
امل""(نزلات دمعة )ردني كذابة و انا ماناوية والو على نيتي
عاليا"" ايه هادشي عاارفو هو مزيان واش عاد غايعرفك .. غير مقلق و من حقو اصحبتي .. راجل يلا مغارش على مرتو و محسوبتو شمن راجل هدا
امل"" ويني راه
عاليا""( مقاطعاها ) ويني خاصك تجمعي راسك من البكى حاولي تهضري معاه
امل"(حركت براسها) ماقداش و مابغيتش
بشرى"" اصلا تلفون ماهواش ديال حوار ابنتي
عاليا"" بصح (هزات يديها تدوزها على شعرها ) رخفي نفسك دابة من يرجع اكيد ايجي عندك و تحلو هاد سوء تفاهم
امل""(حركت براسها متبسمة بزز ) سمحو ليا بزرطتكم معايا .. ماتنعرف نخبي و لا نحبس اش عندي ..
عاليا"" (جرتها لعندها معنقاها) مجاش و عشق فيك
بشرى""(تبسمت) اودي طاحت بنيتي على زنافرها و تجي فينا حنا
امل""(نزلت بعينيها) مكاينش في دار هو
عاليا"" لا من جا الوقت الغدا و رجع في حالو ..
امل""(حركت راسها ناطقة بخوف) خفت غا الطبيب يديكلاري بيه
بشرى"" ماعندو مايديكلاري غا تهناي .. هو اش داه يجي يطل عليك مالك ماعندك راجل
عاليا"" (حابسة ضحكة) وديال تهراس نيف نيت .. نيفو يتقب عزبة
بشرى"" هههههه الله يمسخك الممسوخة (ناضت تتحيد جلابتها داخلة لبيتها ) يجي مع لي معاه نيت
عاليا""(هزات ليها راسها و نطقت) واختي شهاد الحب بغيتي ترجعي ليا خويا الحبس
امل"" اسكتي هاد موضوع قتلني بتخمام..
عاليا"" ماتخافيش نشوف عثمان و نضرب انا وياه لعندو نشوفوه ونشوفو نيفو واش تقسم وسط نص ولا عواج
امل"" اوعدي بغيتيه يقسمك نتي وياه ماتمشيش
عاليا"" ماتخافيش نشوف كي ندير و نرد عليك(ناضت ) غدا يوصلوني تصاور تكاشط باش نختارو (لاحت ليها بوسة) رخفي رخفي باش ماكان نعلمك ...وبلاما تعيطي ليه خليك هكاك تانشوفو اش يدير
خرجت من عندها عاليا و هي بقات ساهية في تلفازة تتفرج ليها و تلفازة تتفرج فيها .. و مرة مرة تدور عينيها لتلفون لا ميساج لا ابيل تنهدت بجهد و تاجلست جنبها بشرى و جرت صينية تتكب اتاي و نطقت
بشرى"" صافي اتجلسي حدايا
امل""(شافت فيها لقاتها حابسة ضحكة ) تضحكي عليا اماما
بشرى"" ويني شفت تاعيت و بحال النفس لي عندو ماشفتها ..
امل"" (هزات كاسها ) مخالانيش نعتب لتا خدمة اخرى هاد ساعة ...
بشرى"" من حقو ابنتي داك بنادم ماديال يخدمو مع ملتو .. مانسيت ابنتي اش كان تيدير معاك تخيلي كون عرف بيها تاهي
امل"" صافي ياماما بلاما تبقاي تجبديه ليا.. انا خوفي من عتيق تا قبلت نخدم معاه
بشرى"" اودي انا لي كيتي تطحن فيا كنت بغيتك تزوجيه
امل"" شوفاتو كنشمئز منها بقى ليا غا نتزوجو تفووو
بشرى""صراحة الله باش عوضتيه تبااارك الله الرجلة و النفس تشميها من بعيد
امل""داكشي لاش بغيتو من لول دخلني بموضوع الزواج ماشي بحالو هو حاول تاعيا باش نتصاحب معاه من مابغاش بغى يتزوجني الثانية .. حاكة ما حاكة بلا خبار مرتي لولى
بشرى""( عيبت سيفتها) اييخ اسكتي ابنتي يرضي عليك
مع كملت كلامها تحل لباب و دخل مصطفى وحدة شافت في وحدة يعني باش مايبينو والو رمى السلام ناضت امل شدات من عندو الميكة ديسير من يديه دخلاتها الكوزينة و رجعت جلست معاهم حتى تعشاو عاد دخلات لبيت تكات و عاودت خرجات عند بشرى لي كانت مزال في كوزينة
امل"" ماما قولي لبابا راني مابقيتش خدامة .. وصافي ماتقوليش ليه اش طرا
بشرى"" غا سيري تنعسي انا نهضر معاه
حركت براسها و مسات عليها و مشات دخلات لبيت و تخشات في بلاصتها هزات تلفون لقات ميساج من عند عاليا..
عاليا• زين مزيانة
امل•بيخير كاين شي خبار
عاليا• مشيت انا و عثمان عاد دخلنا .. ماتخافيش دوينا معاه مايديكلاريش خلصنا ليه لكلينيك و حتى الهرس مامهرسش غي مقصح شوية
امل• ايوا الحمد لله كنت مخلوعة والله
عاليا• ماتخافيش تاحبيبك عاد دخل هاز زنافرو للسماء
قرات ميساج و جاتها لبكية عينيها غرغرو تاوصلتها تصويرة من عند عاليا مشدود فيها جالس برااحة مفرق رجليه متكي بضهرو راد براسو لور تيحك على عينيه .. نزلت دمعة تجري ماعرفتها منين جات جاوبتها
امل• مزال معصب ياكي ؟
عاليا• مادوا ماتكلم حدو رمى السلام من دخل و جلس شوية .. ودابة راه طلع في حالو لدارو.. شوفي هو هاكة طبعو حتى كيتهدن عاد تيهضر ..عارف راسو تيتعصب و ماباغيش يزيد يتعصب عليك .. صباح و يكون احسن و اكيد يعيط ليك او يخرجك و تحلو موشكيل ...
قرات داك ميساج و زاد على مابيها عرفت راسها وحلت مع معصب و مغياااار ديااال الصح تنهدت و لاحت داك تلفون فوق كوافوز و تكمشت تتقلب على النعاس لي مازارها تالاشمن وقت ..
يتبع...
التعليقات
لا توجد تعليقات بعد، كن أول من يعلق.