أمل الجزء التاسع

عضت على شنوفتها بجههد حشمااانة دورت في عينيها من هنا لهنا تاااالفة و مدعوووقة بهاد السيد .. شافتو تبسم و ناض مخلي ليها فين تتنفس طلعت عينيها مع كسدتو هز كاسو و عاود شاف فيها بعيون مرخييية و مخلوضة زادت على مابيها بغمزة تقيييييلة خدات ليها داك شوية العقل لي باقي عندها .. تبسمت مخلية شواربو يبينو واحد تبسيمة خاااترة .. وزاد في حالو نازل مخليها تتعض و تزيد في شواربها اتموت في عشقو ..عاد تداركت حالها و ناضت لعندهم لكوزينة

دخلت عليهم و لقاتهم تيقلبو في تقدية و يحسبو لا يكونو ناسين شي حاجة .. لبنات نزلو في حالهم و قصدو المحل لي يمشيو ليه شدو تاكسي صغير وصلهم تا لتما و دخلو بعد ما رماو السلام و عينيهم تقلب هنا و هنا دوبياس و شوميزات واحد ينسي في لاخور اختارو داكشي لي عجبهم

خرجو من تم راجعين نيشان لدار باش مايطولوش في خروج .. دازت معاها تاحطو داكشي و خدات حوايجها و صاكها و نزلت بالخف قبل ما يجي هو .. مشات لدار و لقات بشرى تطيب الخبز دخلت عندها باستها قسمات خبيز تتاكل فيه

بشرى"" قولي ليا ابنيتي اش ناخد لعاليا حرت

امل"" والله ماعرفت اماما شوفي نتي

بشرى"" حرت بين كادو و لا نعطيها فلوس

امل"" هو صراحة من احسن كادو يبقى رمزي ..

نعطيك فلوس هههه لي عندي

بشرى"" ههه اريهم لهيلا ديري خير .. (دوزت يديها على ضهرها بحنية )مابقى ليك والو ابنيتي و تخوي عليا تا انا

امل""(عنقاتها و خاطرها تزير) واخة نخوي راني قبالت عينيك ديما مانسافر مانشد طاكسي عليكم

بشرى"" احسن حاجة يابنتي هو تبقاي قدام عيني

امل"" الرزق اماما غا هنا و قريب ..

بشرى"" الله يكمل بالخير ابنتي و يفرح جميع بنيات

امل"" اميين ياربي امين

تبسمت و باست على يديها وقلبت الموضوع و عاودت ليها على المحل لي عطاها شراف.. و الفرحة لي مبينة فيها وكيفاش فكر ليها خلات بشرى تزيد تحتارمو اكتر و كتر... خرجت من كوزينة بعيون محگنة بالدموع غا سدت عليها لباب و نزلو دموعوها .. احساس صعيب و قاصح .. اي بنية تطيح في هاد موقف انها صاافي تخوي على واليديها لي كبروها و قراوها و عاشت معاهم ذكريات الصغر و الكبر ..سنة الحياة هي هادي ولابد من الفراق و تغيري سكنتك و فراشك و حياتك .. مسحات دموعها و مشات تتجمع البيت و تخملو .. تاسمعت تلفونها تيصوني .. قربت هزاتو و بان ليها ابيل من sharaf مسحت على دموعها و جاوبت

امل"" الو شراف

شراف""(من ديبار صغر عينيه و تشربكو حواجبو ) مال صوتك

امل"" ماماليش عادي

شراف"" شكون دواك امل

امل"" لا والله ماكينش شي حاجة غي

شراف"" (مقاطعها بصوت مشطون) دوا معاك شي واحد من خرجتي

امل"" لا لا و الله ماكينش شي حاجة .. غي تغيرت شوية مع ماما غير كلامها معايا حيث نخوي الدار و نروح

شراف""(غمض عينيه و نزل بصدرو لي كان تكزر في رمشة عين ولا ماباغي غيارها و لا يسمع لي يبكيها ليه نطق بصوت تقييل ) خاطرك مايغيرو حد و مكاين لي يحبسك عليهم .. الحمد لله راكي قريبة و بيناتكم زوج خطوات و هانتي وسط داركم

امل"" (بصوت مالكاه رجفة و الحشمة ) عرفت .. ولابد اي بنت تتعيش هاد شعور و هي تفرغ دارهم

شراف""(بصوت خاتر ) يسحب لي دواتك على ليلتك معايا

امل""(عضت على شنوفتها ناطقة بصوت خجول) لا لا مافخبار حد من غير عاليا ..

شراف""(بختورية فايضة) حقك و حقي و توصلهم كاع شنو موشكيل .. راجل بغى مرتو

امل""(غمضت عينيها بخجل ) واخة هكاك حيث مازال مارحتش لعندك

شراف""(تبسم بتقالة و نطق ) النهار الكبير تروحي عندي و تعمري الفراش عليا ....

داز الوقت و هو يهضر ر يزيد براحتها و ماتبقاش مغبونة ليه النهار داز و داز ليلو صبح الصباح الدار العروسة جاو ليها لقراب قبل العائلة الجورة الزينة و العوين لي فين ماتكون مناسبة في دريبة قد الفرح قد القرح تلقايهم خاشين يديهم معاه .. وصلت الهوندا على الصباح ديال دجايجي و هو محمل بالبانيوات تاع الدجاج .. تحطو في كاراج بالضبط و فين يكون الطياب دار تحتية كلها كاراجات جهة خاوية ديال طوموبيلات و جهة تتكون فيها سلعة ديال الدروگري مستفة.. خرجو طوموبيلات مع الصباح و تسيق الكاراج كامل و زادو خواوه .. جاو جارات القراب و منهم بشرى لي فاقت بكري و جات لعند صفية و طيابة لي صبحت تم ... الدجاج تيتغسل والعروسة عاليا و امل قصدو الحمام .. تفرك اللحم بتبريمات و ماسكات و ختموها بمرطب و الجسم شلى ساعات دوزو في الحمام تا عياو و سالا جهدهم .. وقفت الطوموبيل قدام الحمام بالضبط من بعد ماعطاو لعثمان الوقت خرجو ديريكت و طلعو و كسيرا قاصد الدار ... تحت انغام الشعبي و شاد فيهم. كي عادتو جهد ليهم صوت و بدا يدندن

عثمان"" و قالو ليااا غير نسااها .. و انا ماقديتش ننساها و ديما في البال.. ليام الزينة مشات معاها و زينها عدبني وااه زادني الهبال..

امل"" مهبول تيغني على ختو

عاليا"" تغني عليا ياك

عثمان""(تبسم و شد يديها حطها على صدرو) ليام زينة مشات معاها ... نتهنى من ملتك

عاليا""( نزلت دمعة و تبسمت قربت باست عليه) و انا مانسخى بيك نتوحش هبالك

لحضة صقل مادوا ماتكلم مدور عينيه مع اباب و عاود رجع بعينيه مع الطريق و بضبط دخلة الزنقة ديالهم .. و بدا يكلاكصوني كاسر الدنيا .. خرجو العيالات من كاراج تيزغرتو موجدات طعارج و بنادر .. تيغنيو لعروسة و رجوعها و دخلتها من الحمام وقفت طوموبيل و نزلت امل هي لولى و حلات ليها لباب نزلت بالباس جلابة في الابيض مغطية بالقب تيزغرتو عليها الحباب و يغنيو عليها .. مدة قليلة من الزمن و دخلات هي امل .. و رجعو يكملو الشغل ديالهم .. طلعو هوما للدار الفوق وجدت امل براد اتاي و جمعو عليه و شنو يوجدو و شنو باقي .. عموما الوقت تيجري و ستريس من عاليا غادي و تيزيد .. و الخلعة غا تاكلها ..

عاليا"" شنو نلبس صباح على ود العقد؟

امل"" جلابتك اش تلبسي

عاليا"" مخلوعة اصحيبة مخلوعة .. ويلي نسيت ماجبت جلابة تفووو

امل"" صافي عيطي لعثمان واش باقي قريب مارجعش لخدمة

جبدات تلفون و عيطت ليه بالفعل و صاتو باش من يكون راجع يجيبها ليها .. ناضت طلعات لفوق تحيد جلابتها و امل حيدت جلابة بقات بالكندورة خفيفة زيف حياتي فوق الشعر و هزات فواطة لواتها على خصرها و قصدت كوزينة جبدات الگصعة و الطحين و دارت علكة المسمن قداش .. رمات عليها عباية ديال صفية و نزلت لتحت عندها و علمتها بشغلها باش تنعت ليها فين كل حاجة في بلاصتها .. و طلعات تاني لقات عجينة ترخات و فاضت ... قطعت المسمن و بدات تستف في فوق طبلة غطاتهم بالبلاستيك و مشات تتغسل يديها و كان تحس بيديه بزوج ضايرة على كرشها و خاشي بوجهو في وسط عنقها يشمم ريحة العطور و الحمام تبسمت بخجل ..

امل"" شراف يشوفك شي حد حشومة

شراف""(حط شواربو على رقبتها و زاد لعنقها باس عليه و نطق بصوت تقيييل ) شهاد دخلات لمليحة ..

امل""(دارت بشوية مامخلي ليها مجال فين تحرك وهو لاصق عليها طلعات بعينيها لملامحو حرشة و نطقت ) شمن دخلة تاني .. ( نزلت عينيها مع بيجامتها و عاودت شافت ليه) مزيرة عليا ولا

شراف""(تبسم برخوووة و عينيه مرخيية فيها و معسللة بيها تحنى عندها و يديه قاصت على صدرها و نطق فوق شاربها ) .. تلبسي لي لبستي و توقفي فين ما وقفتي .. تجيبي لملتي التمام

حطات يديها على فمها تضحك و عاودت شدات يديه و نزلتها بشوية مبعداها قبل مايدخل شي حد و يلقاه معبز خيرها لعندوكحزت شوية

امل"" خليك بعيد يديك تايتكلوك حشومة سير سير

شراف""( صغر عينيه نطق بصوت تقيل ) كولشي تياكلني عليك ( طلعها و نزلها وداك منضر حمقو و عاود ضار بشوية لداك طبلة نطق جامع حواجبو) مالك على عجينة كاملة

امل"" ( شافت تم وعاودت شافت فيه نطقت بهدوء) يخص نحطو لهم كسكروط .. من صباح هوما ضاربين تمارة

شراف""(حرك براسو ) يخص شي حاجة ؟

امل""(دورت براسها ماعرفتش شنو كاين و شنو مكاينش و مشات تتمشى قدامو تتقلب مخلية عينيه تطلع و تنزل معاها بانت ليها غا فاكية و رجعت شافت فيه) نتا راجع الخدمة ؟

شراف""( حرك راسو بايجاب ) جيت ندي شي سلعة هنا و راجع

امل"" صافي غي سير دابة نوصي شي واحد من وليدات يتسخرو

شراف"" اش خاص ؟

امل"" غي مخبزة .. يخص الخبز معاه شوية بتي بان مهم شوف لي بان ليك نوع شوية..

شراف""( تكعد و نطق ) واخة امرتي نمشي ..( قلب بعينيه على البراد ) وجدي ليا شي كويس اتاي بين ما جيت ...نتي تخصك شي حاجة ؟؟

امل"" ( تبسمت) واخة جيب لي دوك قريشلات

تبسم بتقالة محرك براسو و مشى خرج في حالو و هي مشا جابت براد لقات فيه مزال اتاي سخناتو و قاداتو في بلاطو و دوبت الزبدة و رجعت تطلق في داك مسمن و تلوي.. تاسمعت خطواتو لي ولات عارفاهم هزات عينيها و بان ليها مخلي عينيه معاها .. دخل حط داكشي فوق بوطاجي ..

امل"" راه اتاي سخنتو

شراف""( كب كاسو هزو و قرب لعندها تحنى لعندها بكتلتو و طبع على شواربها بجغهم تاتسمعت وسط داك كوزينة و نطق ) تسخني كولشي نتي

امل"" اوعدي سير خرج ف حالك تا ماعندك حباسات

شراف""( بعد تكى بنصو على بوطاجي بوقفة منخوية جبد كارو شعلو و تبسم ناطق ) شوية نتي ؟

امل""(نزلت عينيها وجهاا تزنك نطقت بصوت خجوول ) لاباس

شراف""( هز كاسو و تكعد باش يخرج و نطق بصوت منخوي) .. شوري شوية ولا عيطي لعاليا تعاونك داكشي كتير عليك

امل"" لا ماتخافش قادة بيهم ( تبسمت) عروسة خليها مرتاحة

حرك براسو و خرج بحالو مخليها تتبسم تحت منها كي المهبولة .. رجعت محنية على داك العلكة تا نزلت عاليا و تعاونت معاها من شافتها واحلة واخة ماخلاتهاش ويني هي تتلوي عاليا تطيب و مجمعات على الهضور تا كملو و نزلت امل كسكروط للكاراج لقاتهم كملو و سيقو الكاراج حطت ليهم كسكروط على حقو و طريقو و صفية تدور تدور و ترضي عليها و تكبر بيها .. بشرى عاجبها الحال بمديح بنتها و تربيتها... داز الوقت و داز طلعو في حالهم لفوق جمعت الكوزينة و غسلات لماعن دوزت الجفاف و عطرت الكوزينة من ريحة الزيت .. و خرجات للمرح جالسة تتشرب في ماء تا وكان دخلو احمد و عثمان ناضت متبسمة رماو عليها السلام و جلسو و ناضت ديك ساعة دخلات لكوزينة سخنت المسمن و عمرت اتاي و خرجتهم و قادت طبلة على حقها في ديك لحضة دخل شراف و جات عينيه فيها عقد حاجبو و هن تيطلع وينزل

احمد"" الله يرضي عليك ابنيتي

امل"" بصحتك اعمي

شافت في شراف و تبسمت و دخلات لكوزينة تالقاتو واقف عليها تم مصغر عينيه طلوع نزول و مبين العياء فيها

شراف"" عاد ساليتي ( قرب قاس على جبينها لي كان عرقان) مالك على حالتك كون خديناه واجد تاهو

امل""( تبسمت و عجبها حال كي مهتم براحتها ) عادي ماشي موشكيل اشراف .. كون مابغيت مانقيسهاش عاوناتني عاليا

شراف""(عينيه تيدورو و يفحصو بشكل واضح ) سيري ترتاحي باراك عليك ..

امل"" صافي ساليت نمشي لدار ندوش عليا و نرتاح .. سير تاكل قبل ما يبرد

شراف"(شد يديها باس على كفها و داخلها و زاد جبينها ) الله يرضي عليك المرضية ديالي ..

تبسمت ليه و على كلامو .. و رفدة الهم عليها عاجبتها و حمقتها كيف باغي راحتها و كيف يرضي عليها .. نزلت بعينيها و نطقت بشوية

امل"" يخصني نمشي

شراف""سيري ترتاحي (تحنى شوية و نطق بخفوت ) حبيبي

امل""(تبسمت تبرقق في عينيها) شنو نتا تبقى ديما شادها عليا

شراف"" (قرص على شنانفها بشوية ) حيث تعجبني منهم

حيدت يديه و زادت هاربة من تم مخلياه مشى غسل يديه و خرج .. هي دخلات لبيت صفية لبسات عبايتها و طلعات عند عاليا علماتها اتمشي .. و عاودت نزلت لقات شراف جلس تايتكل و عينيه نازلة معاها تتلف ليها مشيية

امل"" (شافت في صفية لي كانت خارجة من دوش ) خالتي انا مشيت.. صباح ان شاءالله

صفية"" واخة ابنيتي الله يرضي عليك

تبسمت ليها و نزلات بالخف قصدت دارهم دخلات لقات مصطفى نيتفرج في تلفازة في شي ماتش و بشرى تاهي يلا مدوشة من تمارة الدجاج و حاطة براد اتاي رمات السلام عليهم و دخلات خدات بينوارها و فوطتها و قصدت الدوش .. غسلت من العرق تمارة و خرجات لبست عليها و رجعت كلات و مسات عليهم حاسة براسها عيااات و تكدكت ديال الصح .. تراسلت مع شراف شوية كيطمئن عليها و قطعت معاه و نعسات دغيا

صباح الجديد و نهار الجديد ليلة الحناء العروسة دار العرس بدات العائلة لي بعيدة و لي معروضة وصلو الطيابة في توجاد بشرى صبحت معاهم و امل لي تعطلت شوية ناضت فطرات و مشات و هي في بلاصة صفية موصياها عاطياها كولشي .. شراف و عثمان في تسخار و الحاج احمد هو لي مشى الخدمة.. الوقت تدوز و نهار تيجري .. العشية تعاشات و القاعة تتبنى في الزنقة و عاليا لي كانت يلا دخلات من العدل هي الحاج احمد و شراف جالسة فوق سرير دخلات عليها امل تتزغرت

امل"" ياخويتي على العروسة و زين طاح عليك السر

اعاليا"" بصح (تترجف) مالي مخلوعة ياختي

امل"" يلا نوضي شراف جاي في طريق باش يوصلنا للصالون

حركت براسها و ناضت تترعد عليها تما شدات فيها و نزلو لتحت لقاو بعض من العائللة وصلو دخلات سلمات عليهم تحت زغاريتهم و فرحتهم بيها ...و نزلو لتحت ديجا الباب مفتوح و قاعة تتبنى بقاو في دروج تاوقفت طوموبيل شراف لي قشعتها امل و بدات ترعد تاني و قلبها يضرب بيه.. خرجو عاليا دفعتها جلست جنبو و هي لور ... طلعات و سقييل كسيرا و زاد عاليا تتهضر في تلفون مع شي وحدة و هو دور بعينيه بشوية عليها تتفرك في يديها غي شافتو لمح ليها و هي تدور عندو تبسم بتقالة نزلت عينيها حشمانة تاوقف فين نعتو ليه حطات يديها بغاات تفتح لباب و حبسها بيديه لي تحطت على فخضها ..عاليا شافت منضر و نزلت دخلات لصالون .. مخلي لالة امل تتلون

شراف"" غبتي عليا لا ..

امل"" (تبسمت) غي في داركم واقيلة مامشيت فين

شراف""(شد يديها باس عليها ) قريبة و بعيدة ..

امل""(نزلت عينيها تتبرقق فيهم ) غي مع الشغل وصافي ..

شراف"" خلي ليا شوية الوقت ليلة

امل"" واخة (بغات تدوي مترردة) واخة ندير ميكاب خفيف غايكونو غي لبنات و عيالات ليوم

شراف""(شربك حواجبو تاني طالبين الشرع منو و من تغوبيشتو ) ماديريهش هنا و تخرجي تخلي يكبتو عينيهم فيك

امل"" (حركت براسها ) صافي بلاش ..(دارت ماشية تحل لباب و تسد من عندو) تانرجع و ندير شي حاجة خفيفة

شراف""(نطق بخشونة و نفس تغوبيشة ) عارف راسي تنقوي ... ماتنبغي حد تجي عينيه فيك بق غا تزيني ليا و تخرجي.. الدار و ديري لي تبغي

امل"" (بغنج حالفة فيه) واخة لي بغيتي تكون ...غا ماتبقى تعصب عليا تتخلعني

شراف""(صغر عينيه و شد على فخضها و كيتمشى بيديه عليه و تاوصل لفخدها بيديه قرب بشوية) نخلعك كاع

امل""(ضرباتو وجهاا تزنك) ناااااري على منحرف طحت فيه واااه

شراف"" (بعد يديه فتح لباب مخلي عينيه على ملامحها لي طرطق )كيعشق في ديلمك غا نزلي دابة قبل مايغير رأيو هاد منحرف و يصدق فشي حاجة

تفارق معاها و رجع في حالو و دخلت تبعات عاليا.. لي لقاتها حيدت جلابتها و بدات ليها بالشعر .. امل تاهي بدات بالشعر صايباتو و بوكلي من تحت قادت ضفيرات رجيلات و اليدين بصباغة وردية فاتحة .. داز الوقت و الضلام طاح حتى وكانت العروسة واجدة بلباسها التكشيطة الاخضر الملكي خاص بالحناء .. اما امل بقات كي هي قفطان لي اتلبس تالدار و كي قالها ميكاب ماتخرج بيه .. كانت كملت وجالسة تتساينها .. شافتها في اخر لمسات و رسلت ليه ميساج باش يرجع لعندهم ..

امل""(ناضت قربت لعندها ) بسم الله ماشاءالله عليك جيتي تفتني تبارك الله

عاليا"" ربي يخليك حبيبتي ( شدت يديها و سيفطت ليها بوسة) عقبة عندك امرات خويا

امل"" ان شاءلله الحبيبة ..

بقات مع اخر لمسات و امل جمعت صاك لي فيه حوايج عاليا.. وجدات ليها لبنت مرافقات لبسة الحناء تاسمعت تلفونها تيصوني هزات الصاك و مشات خرجات لقاتو واقف قدام الصالون..قربت نزل تيحقق فيها بعيون مرخية فيها

امل"" (تبسمت بحشمة من شوفاتو و نطقت ) حل الكوفر

نزل ديك ساعة ودار حل كوفر و جابت لبنت صيكان لي فيهم حوايج الخاصة بالحناء و امل دخلات باش تجيب عاليا .. و هو سد الكوفر و شعل الكارو متكي على طوموبيل بكسدتو و عينيه مركزة بالحواجب معقودة و مشربكة .. تابدات تترخف بشوووية و بشوفت ختو و هي باللباس العروسة .. طلعها و نزلها ملامحها مابايناش بغطاء وجه لي منزل عليها.. تاوقفت تترعد بالحشمة حل ليها الباب و قرب باس على جبينها .. خلاو دموعها ينزلو بلا حس من غير امل لي حسات بيها من زيرت ليها على يديها عاونتها طلعات و قادت جلستها بشوية و طلعات جنبو و كسيرا ... شعور غريييب مرة مرة تطلع عينيه ليها بلا مايحس .. تنهد بجهد حتى حس بيد امل تحطت على يديه دار شاف فيها و شابك يديه معاها و كمل صواكتو .. اما العروسة ماقدرت تسكت من البكى .. وحتى داك غطاء معاونها .. مخليها تبكي على خاطرها .. تاوصلت الزنقة .. و كانو الدقايقية في دخلة الزنقة .. عيالات الجيران و العائلة و بنات عائلة و صحابتها الخدمة هوما معارضينها بالزغاريت و الصلاة و السلام .. نقص السرعة و بقى غادي دقة دقة تاوصلو قدام الباب نزل شراف هو لول مبعد منهم شاف عيالات حاوطو طوموبيل و نزلت امل حلات ليها الباب

امل""(شافت فيها تبسمت) مزيانة

عاليا""(حركت براسها ) بيخير بيخر غي خلعة

شدات فيها و نزلتها تحت انغام دقايقية و زغاريت و شطيح و رديح الفرحة مبينة عليهم .. طلعوها لفوق امل و بنات قداو ليها جلسة الحناء و طبلة الخاصة بيها .. و داوها لبلاصة فين تحني .. قربت منها ..

امل"" فين حوايج واش هنا و لا عندك لفوق

عاليا"" لفوق طلعاتهم ماما قبيلة

حركت براسها و نزلات لتحت طلات على البقية لي كاراج لي تيطيبو خدات سوارت من عند بشرى و خرجت باش تمشي لدار و تساطحت معاه في الباب تادور يديه على خصرها باش ماتطيح لهيه نطق بصوت قليل محني براسو لعندها

شراف"" بشوية عليك

امل"" (تبسمت) ماشفتكش

شراف" (حيد يديه و نطق بخشونة) فين غادية

امل"" نمشي نجيب شي حاجة من دار ..ياك قلتي ليا ماديري والو في صالون

شراف""(طلعها ونزلها بشووية عليه و برااحة نطق بصوت تقييل ) ديري لي بغيتي .. غاماتباني لي شي قمقوم

امل""(تبسمت و دفعاتو من صدرو ) حيد من طريقي

شراف""(دور يديه على جنبها و جرها زدح جنبها مع كرشو ونزل لودنيها بتقاالة ) خلي عيني لولى تشوف كي تباني المرمدة گلبي ...

سلتات من يديه تتبسم و مشات قاصدة باب دارهم بقى متبع معاها تادخلات و طلع في حالو ... طلعات هي بجرا تتبسم و تضحك غا بوحدها و العشق لي تلفها بهاد مخلوق جريئ الكلام .. دخلات لبيت هزات ميكاب تاعها و صندالتها طالون و نزلات في حالها الحكام و مايدير تادوك خطيوات من دارهم لدار راجلها ماتبان لشي حد و هي مزينة مشات خدات ساروت من عند صفية ديال الطابق الثالت لي غايولي ديالها و دخلات ..لبيت عاليا ديريكت سدات لباب عليها حيدت جلابتها لبسات عليها ضوني بيج مزير و برميدا مزيرة عليها قصييرة جلست دارت ميكاب رااسخ ديال صح كاع الحكام ديالو ضرباتو ليه زيرو ناضت جبدات القفطان من علاقة لي كان بثوب جوهرة بالاخضر و خياطتو بالسقلي و سميطة ديالو ذهبية و فتاحي لي كانو من جناب واصلين تالركابي لبسات صندالتها و تمشات قدام مرايا تتشوف فتاحي و جاتها ضحكة عارفة راسها تسمع كلام معسول ديالو .. رشات رويحتها معهودة لبسات حلقات خفيفة و خواتمها خفاف زينت بيهم صبيعاتها و اليد الليسرى بخاتم زواجها و براصلي ل جاب معاه .. مشات هزات تلفونها و دوزت الخط لحبيبها كي قالها اول واحد نشوفك مزينة.. جلسات فوق سرير تتسنى جوابو .. تاقرب يقطع و سمعت صوت تقييل و بحالا بعيد بخشونة صغرت عينيها و نطقت

امل"" شراف فينك؟

شراف""( لاح مخدة لي كان داير فوق راسو و نطق بتقالة) ناعس

امل"" (بخوف)مال صوتك ؟؟

شراف""غي كنت ناعس راسي ضرني شوية ياك لاباس مالك

امل"" (بخجل ) والو حبيبي في البيت نتا؟

شراف"" انا فيه حبيبي

قطعت معاه و نزلات لتحت جابت كينة الراس و عاودت طلعت سدت لباب و دازت كوزينة خدات الماء و زايدة بخطيواتها و قلبها يرف يرف بحالا اول مرة تدخل عندو .. و ماشي هي لي كانت بايتة معاه غايومين هادي .. فتحات لباب بيت و دوختها ريحتو بان ليها ضو طافي شاعل ضو خفيف متكي على كرشو لابس شوورط قصير فقط طلعات معاها سخونية و هي تتتشوف كسدتو فوق داك سرير عضت على شنوفتها بلا حس و هي تتشوف داك المنضر داير مخدة فوق راسو .. قربات بخطوات داك صندالة طق طق على ودنيه .. خلاتو يمد يديه و شعل ضو جنبو عاود ضار مخرج براسو تحت مخدة و جات عينيه على الاخضر وضو لي شعلت ليه في عينيه بقى طالع بشوووية و عاود نزل تا وصلات جنبو و تحنات مخلية خيرها يتحتى معاها تلف تلفة ديال الغدايد بين ميكاب شعر لي نزل معاها فتاحي الجناب و لا صدر و ديك الخالة تطل عليه.. صغر عينيه و تكعد شوية ودار على ضهرو مخلي عينيه تمتع و تمعن في هاد مخلوقك لي غازايدة بجنونو

امل"" (بخوف غالبها شدات على جبينو تتقلب حرارتو) شراف واش مريض

شراف""(شد يديها حيد ليها داك كاس و دوا حطهم و جرها لعندو تاطلعات بركبتها فوق السرير وزادت تحنات لعند وجهو نطق بصوت خاااتر ) مريض بيك

امل""(طلعات بحاجبها و تبسمت) تنهضر معاك بصح اشراف مالك

شراف""(نزل يديها فتاحي القفطان و شحطها و بقى يتلمس عليهم ) مال هادو

امل""(تعوجت بلا حس) اححح اوعدي قصحتيني

شراف"" (طلع بيديه بشوية بجغ على مؤخرتها تاتاوهات و دفعها جات فوقو ) مال ديلمك على هاد قوة فتاحي كولشي تيطل

امل"" (تتلعب في وشام صدرو ) هو هاكة اش بغيتي ندير و زايدون قلتي ليا ديري لي بغيتي ..

شراف"" (جرها بجهد حط شواربها على شواربو تيمص فداك الشهد لي دايرن ليه كية في گليبو نطق هوما مزال عليها ) ديري لي بغيتي ماعليك حكام

امل"" (تحنات بجرأة و باست على عنقو و بعدت دغيا ناضت تتمسح على جنب شواربها) قلتي ليا بغيتي تشوف عليا كي نجي هانا (شدات على قفطان و بقات تتمختر عليه تم مع مشية طالون مخلية خيرها يطلع و ينزل) كي جيت

شراف""(تيعض على شواربو و عينيه تاكلها و ماكره شواربو ياكلوها و يتبنن عضامها تبسم بجنب نطق بصوت تخيين مغلوب بنعاس لي ناعس ) مخيرة ديلمك خاصك غا شي،،(غمزها) قبل ماتنزلي

امل"" ( خنزرت فيه و مشات لمرايا تتمختر شادة على فتاحي و زايدين على محنتو ) باسل منحرف

ماكملتها تالقاتو لاصق مؤخرتها على حجرو و تحنى خاشي وجهو في عنقها ويديه طلعات لصدرها نطق بفحيح

شراف""عارفة ملتي هابل عليك وزايداني بهاد الخيرات ديالك

مراقباه من مرايا تتبسم على انحرافو حطات يديها على يديه بغات تنزلهم من على صدرها و زاد برك عليها تاتلوات ليه في وسطو

امل"" شراااف قصحتيني .. طلقني ننزل

طلعات بوجهها ليه و زاد لجم شواربها ببوسة حارة و مجندخة كتر من لول تانساها في الوقت ولاش جات مرمد و كلاهم حبة حبة .. بعد شوية وحط جبهتو على جبهتها

شراف""(بصوت تقيييل ) تنزلي وتخلي حالتي هاكة

امل""(ضارت لعندو و نزل بيديه لمؤخرتها عابز فيها) ياك قلتي ليا تاتجي هنا .. داكشي لاش تعطلت (هزات يديها ) و بغيت ننقش

نزل بعينيه مع يديها وصغرهم فيها و دوك ضفيرات مزينن مع خويتمات شد عليهم باس صبع بصبع و عاود طلع بعينيه مرخييييية و ولات بيها حمورييية خطييرة

شراف"" رگادك حدا حبيبك ...

امل"" اوعدي .. بغيتي نعيق هاد المرة

شراف"" (بتقالة ) تعيقي ؟

امل""(هزات يديها تتمسح ليه على جنب شواربو و نطقت) واخة نشوف كي ندير

شراف"" غانتسناك احبيبي..

امل""(زادت طلعات و دورت يديها على عنقو تانزل بيديه محاوطها مخلي نيفو يتخشى بين شعرها و عنقها نطقت بشووية) كنبغيك

شراف""(تبسم بجنب باس على فين حاطهم نطق بصوت تخييين ) القطيطة بدات تزعم ..

امل""(بعدت تاتقابلت معاه تتبسم حطات يدها تتلعب في صدرو بخجل وااضح) غير مرة مرة وصافي

شراف"" سيري نزلي تاترجعي نكملو مابدينا

امل"" ههه اش نكملو الله يهديك

شراف""(نزل بيديه على منطقتها و تحنى معوج براسو متبسم بتقاالة ) تاتجي احبيبي

امل""(دفعات يديه بوجهها حمممر تتشرش غا بوحدها ) اوعدي والو الحشمة نتا والو

باس على شواربها بحرارة و بعد رجع تلاح في السرير على كرشو مخليها تتبسم و عينيها عاشقينو بكلشي فيه ... قربت شوية لعندو و تحنات هزات دوا و ماء و مدتهم ليه

امل"" شرب غي دوا بعدا يفوتك راسك اشراف

شراف""(تيشوووف و يزيد) سيري قبل ما نگولك تاني كلمة ماتعجبكش

امل"" (بصوت قليل ) واغنوض شرب دوا و نمشي ياشراف عفاااك ...

تكعد شد من عندها كينة سرطها و شرب الماء و رجع تكى شاد على نواضروو تيماصي فيهم بصباعو .. قربت و باست على جنب شفايفو و ناضت دغيا قبل مايشدها بصح

شراف"" لا مجيتيش ننزل انا

امل""(دارت شافت فيه بخجل واضح) ضروري زعمة

شراف""(رجع تكى على كرشو مخلي عينيه معاها و خبط على جنبو في السرير و نطق بتقالة ) هنا رگادك امل هنا ...

بقات تاتشوف ماجوباتو لا باه لا بلا .. عارفة كلمتو هي كلمتو و صعيب تجادل معاه .. خرجات مخلية عينيه مع الباب عاود طلع بيديه لنواضرو تيماصي عليهم مغمض عينيه و صورتها تغلغت ليه في عقلو مايمكنش هاد احاسيس لي تيحس بيهم من جيهتها شحال تيخربقوه .. عمرت ليه العين لي عمرها شافت بحالها .. الزين الهادئ ماشي الزين الفتان لكن حقها واضح واخداه .. اكتر حاجة سلبات عقلو هو الحشمة و الوقار و العقل لي عندها .. تنهد بجههد و استسلم للنعاس ربما يريح شوية من فريع الراس لي حاس بيه....

رجعت لبيت قادت عكرها لي تمسح بتمطميط شواربو و هبطات لقات عاليا بدات تتنقش و لبنات لي جالسين و لي نايضين تيشطحو قربت منها و جلست جنبها

عاليا"" جيتي زينة ياااختي شافك خويا

امل""(تبسمت محركة براسها) امم مريض مسكين ضرو راسو

عاليا"" تمارة هاد ليامات مارتاحش وًسفر لي شد ..

امل"" اه مزيانة نتي مرتاحة

عاليا"" بيخير يخير حبي

جات بنت من صحاباتها و جرات امل تتشطح معاها .. هي مادارتش شطيح لي مولفة غا كتململ و تمختر بحالا ماتتعرفش تحركت شوية دارت معاها صواب و جلست بالها غا معاه صيفطت ليه ميساج ويني ما شافو ماطل عليه عرفاتو نعس .. ناضت من تم و تتسخر من هنا لهنا و رادة البال .. الوقت تيجري تا دخلات صفية و بشرى باش يتحط العشاء گفضت على كمامها و جلايلها و بدات تقاد معاهم طوابل .. تحط العشاء و كيتعشاو بقات غا العروسة امل و لي في كوزينة جلست جنبها تتنش ليها على الحناء

عاليا"" ماتحنيش

امل"" تايسالي كلشي

عاليا"" من احسن نيت ابنيتي كولشي حاضيك جيتي قوقة مقوقة

امل"" ياكما يخطبوني

عاليا"" باش يلا يهبط راجلك يفركت ليا المجمع ههههه

امل""(بعبوس ) ماعرت كي بقى

عاليا"" باتي معاه ليوم اختي قابليه و حضنيه (تبسمت)

امل"" تبارك الله على مولات افكار فين نخليوها هاد مرة

عاليا"" تانساليو و تبقاي تحني البنت غانشدها تانساليو يوصلها عثمان و نتي ماعندك كي ديري و بتي سالينا

امل"" احياني عليك

بقاو مجمعات بيناتهم و داكشي لي كان تفركتو عائلة و صحابات مشاو ناضت حيدت داك طالون و جلست تتحني معاهم صفية و بشرى جالسين يتعاودو ..تاناضت تقاد شالها

بشرى"" خليتكم على خير

امل"" ماما ماتسناينش

بشرى""فين ابنتي و نتي عاد بديتي خليك مع صحبتك ..

صفية"" ( ناضت تاهي مع بشرى )خليها نيت تعاون عاليا على الحنة .. حيديها ابنتي و خبي حنتها الله يرضي عليك

امل"" واخة اخالتي

غير مشاتو و هي تغمز ليها عاليا تتضحك كملت النقش مخفف غير صبيعات و رجيلاتها كدالك مخففين نزلت نقاشة باش تمشي مع عثمان لي كان برا تيساينها مايطلعش و هي صيكانها كاع باينن علماتو هو يتسنى .. بقات مدة تانشفات شوية و جابت ليهم صفية يتعشاو كلاو و ناضت عاد دخل عثمان دخل نيشان لبيتو الحاج من لول في بيتو طلعات هي و عاليا لفوق بحنتهم و جلسو يتعاودو على نهارهم كي داز و يشوفو تصاور .. مدة من الزمن عاد ناضت امل دارت زلافة و بدات تحتت ليها الحنة و جمعاتها كي وصاتها صفية و نزلتها ليها ديك ساعة .. و رجعت عاونتها حيدت ليها تكشيطة و اكسسوارات مشات عاليا تتمسح ميكاب عاد حيدت هي قفطان و لبست عليها بيجامة قطن مسحت ميكاب ديالها دخلت عاليا من الحمام تتمسح على وجهها

عاليا"" تصبحي على خير اخيتي اخر نعسة ليا هنا

امل"" (قربت باست على خدها معنقاها) السنة الحياة احبيبتي .. سيري ترتاحي غدا تابعك نهار طويل

عاليا"" (تخشات في فراشها) انا راه تهديت عييت ليوم بقى غا غدا نبقى بارزة نهار كامل ( تبسمت) سيري اختي طلي على راجلك و تخشاي فيه خليني انا نعنق مخدة قابلة عليا

امل"" هههههه غدا تعنقيه ماتخافيش

هزات تلفونها و خرجات مخلية عاليا تتبسم .. رمات خطيواتها و حلات لباب و لقاتو مزال كي حالتو و كي خلاتو ملاوح على كرشو سدت لباب بشوية و رمات خطيواتها بخفة بلاما تصدر تا صويت وصلات جنبو و تحنات قفازية اول حاجة حطات يديها على جبينو لقات حرارتو عادية نزلات يديها رهيفة مع لحيته بحنية تاحست بيديه شدت على يديها نطق بصوت تقييييل

شراف"" نولي مت بيخير لا جيتي حدا حبيبك ..

تبسمت بزز بالحشمة لي واكلاها كحز شوية تقاد على جنبو و جرها تاجات جنبو و خجلها مليون .. خشى يديه تحت راسها و جابها لصدرو مگدر عليها تم غمضت عينيها بالخف من حضنه و هو مزير عليها مدة لاباس بيها .. تا طلعات بعينيها ليه لقاتو مراقبها بهدووووء ..تبسمت و نطقت بشوية

امل"" شوية راسك؟

شراف""(شد دقنها و زاد طلع ملامحها لعندو تاغطس بشواربو مص على شفايفها ونطق بتقالة مخلي شواربو يتحكو معاها ) نتي كولشي

حطات يديها على ملامحه تدوزها بشوية و مشات لحواجبه و عينه بشوووية نطقت مع ابتسامة خافتة..

امل"" عينيك زوينن ديال شي واحد زهواني عزيز عليه البنات

شراف"(تبسم بتقالة و نزل يديه على مؤخرتها وزاد جارها لعندو نطق بختورية) موصيبة طحت معاك مابقى ليا مانشوف

امل"" واش عجبك فيا زعمة...زعمة من لول عجبتك ؟؟

شراف""(حرك براسو بنفي ) لا .. عجبتني ديك لبنت حشوومية و خوافة.. خلتي مخي نهبل علاش تتهربي مني .. وليت باغي غي نجي فيك و نتأكد .. تالقيتك معششة في العقل ..

امل"" هههه انا بعدا تتقتلني بلسانك تتخلط شكلي في عكلي و تخرج راسك ..

شراف""(هز يديه و تم منزل ابهامو على شواربها نطق بصوت تخين) كنتي وغاتبقاي احسن حاجة طرات لي في هاد حياة

امل""(تبسمت منزلة عينيها عليه و عاجبها الحال) امم

شراف""(جرها لعندو مزيان مخلي يديه على خصرها نطق متبسم ) غي رتاحي

تبسمت و رمات يديها على لحيته تتحس فيها و هو تيلعب في شعرها مخلي عينيه تمشي و تجي تا حس بيها تتنعس و تغيب عاد طفى الضو و نعس تاهو براحة قلبو و هي وسط حضنو

صبح الحال .. فاق عو لول توضى صلى صلاتو في الصالون باش مايفيقها و رجع فتح الباب بيت بانت ليه مزال ناعسة قرب عز باكية الكارو و خرج البالكو كمى و عاود رجع تحنى قفازي لعندها تيقيس على خدها بشوووية عينيه مستمتعها بحروفها كحلة حتى حس بيها حلات عينيها تبسمت من قربو و جلستو عليها عرفاتو كان يتأمل فيها ....

امل"" صباح الخير

شراف""(بصوتو تقيل) مزيانة؟

امل"" بيخير ( تكعدت و نطقت ) كي بقى راسك صبح بيخير

شراف""( عينيه تتمشي و تجي يديه تتقاد على شعرها نطق ) شنو بان ليك ..

امل """ بان لي تعطلت و خاصني ننزل

شراف""(تبسم بجنب بتقالة و قرب باس شواربها و ناض محرك براسو بهدوء) ايخصني ننزل دراري للقاعة تحت

امل"" واخة يلا كان مزال ضارك راسك خود من دوا

شراف""(شد دقنها وطلع شواربو بمصة و نطق ) رافدة ليا الهم .. بيخير ماتخافيش

طلق منها و مشى تحت نضارتها عشقانة هز كاسكيطتو و عاود شاف فيها و خرج مخليها باقة جالسة حاسة بعضامها مدكدكين و عياااانين لبسات عليها بيجامتها و مشات توضات و رجعت خدات تلفونها من البيت و قصدت بيت عاليا .. لقاتها مزال ناعسة تاهي هزات عباية و الشال ديال صلاة صلات صلاتها و عاودت لبست كندورة طويلة و نزلات لتحت لقات صفية تتوجد الفطور صبحت عليها و تعاونوو على الفطور تابان ليها شراف مدخل الخبز ماقدتش تهز عينيها كاع ليه .. تاخرجت صفية الصينية لبرا وحست بخبطة على مؤخرتها حلات فمها فيه موسعة عينيها تبسم و نطق بشوية

شراف"" صباحات الزينة

امل""(ميقت فيه) ماسخ

شراف"" وجدي احبيبي فطور لدراري

امل"" ( هزات الخبز تتقطعو ) شنو نتا تبقى شادها فيا هاد حبيبي .. عارفاك ماتقولهاش نتا

شراف""(صغر عينيه وقاس على شعرها لي كان مهمل ) جمعيه مگود

امل"" هااا لي تتقول نتا كلام معسول ديالك ...

شراف""( طلع حاجبو و نطق بخشونة) .. ماتسمعيهش مني ماشي ديالي

امل""(مدات ليه صينية ميقة ليه) و هااا صينية ديها

شد من عندها معلي حجبانوو عليها عرفها ماعجبها حال قرب باس على خدها مخليها تتلون تاني و خرج في حالو عارفة كلامو مايتغزل ما يعسل كلامو.. ولو كولشي واضح ليها و باين .. توجد الفطور فطرو داز الوقت من هنا و هنا جرا ديال صباح و الدار بدات تعمر و الوقت تايجري جات البنت مشات مع عاليا للصالون شراف في جرا و تسخار .. قاعة وجدات و تفرشت و تزينت بشكل زين كروب وصل تيركبو ماتريال ديالهم.. امل مشات لدار و قادت شعرها غي تم خسر بسبب تدويشة لي دوشت و خرجات لقات مصطفى موجد مقيلة ديال دجاج ..

امل" اييه يابابا و مقيلة زينة ديالك

مصطفى"" ايوا نوجد راسي

امل""( جلست جنبو ) مانقدرش ماندوقش منها

مصطفى"" بصحت بنتي ..

بداو ياكلو و مجمعين تادخلات عليهم بشرى و بدات معاهم تاهي و زادو في جموع تانوضتها بشرى تلبس بعد ماعلمتها بالوقت قرب ناضت تلبس .. تاسمعت كروب بدا يقادو الصوت .. طلات من السرجم و تتشوف طومبيلات تيوقفو و عائلة تتجي الدنيا بدات تعمر .. لبست عليها تكشيطة ثليجة بالموڤ و البيج طلقات شعرها جمعات من خصلاتو.. ميكااب خفيييف باش ماتسمع الهضرة هو نهار كله و يفكرها شعرها بزز باش خلاها تطلقو اكتفت بكحيل لعويناتها ماسكرا و ايلاينر خفييف تاهو شفايف ملمع مابينش لبسات صندالة عالية مشات قدام مرايا تتشوف و تمختر عاجبها راسها و عجبوها ملامحها و هي مامكترة عليهم تيبانو هادئين .. تحل عليها الباب و دخلات بشرى لابسة تاهي قفطان و مقادة الشال ..

امل"" وانا على الزين تاني واهانتي جاك زين غا مابغيتيه في لول

بشرى""( جات لمارايا تتشوف ) احياني على لباسنا لي حطيته عليك يبينك فتانة ..( شافت فيها ) يلا ساليتي نمشيو ناس جاو ..

حركت ليها براسها و مشات هزات صويكها و تلفونها و شدات على تكشيطتها و نزلو بشرى كانت هي لولى حلات لباب و خرجات عاد تمات نازلة بشوووية عليها و مارادة البال لداك صقر مكروازي عينيه بحواجب مشربكين طالبين الشرع تيحقق و يزيد من فوق لتحت تاوقفت قدام الباب طلقات على تكشيطة و هزات عينيها بان ليها جالس فوق كرسي محني بمرافقه على ركابيه كاس اتاي قدامو و كارو في يديه و عينيه جابت لها تضهشيرة سرطت ريقها بزز تا فيقتها بشرى لي شدات عليها باش ماتكربع ليها .. تتقرب و حناكها تيزيدو يتزنكو و سر يريد ينزل عليها تاوصلت قدامو طلقات منها بشرى دخلات عند صفية و هي بقات تدور في عينيها نتر نترة طويييلة و عينيه طالعة معاها بشكل يذوخ و تكعد بتقالة و قرب عندها دور بوجه عليها بخ من بين شواربو و عاود شاف فيها ..

شراف""(بصوت تقيييل تيطلع و ينزل باعجاب ) مخي يمرض تاني ..نبقى حاضي مع ملتك ..

حطات يديها على فمها حابسة ابتسامتها مخلية عينيها السود مقابلين عينيه و ديك حمورية تخلوضت مع لون عينيه تابان ليها قرب شوية عندها

امل"" يا شراف علاش اتحضي

شراف""(زاد بوجهو لعندها مخلي عينيه مع وراها غا تيضورو ) يكتر عليا الغاشي يا امل

امل""(تبسمت منزلة بعينيها نطقت بشوية بخجل ) ماكينش لي يشوف فيا و انا تكتبت عليك ..

شراف""(عسل عينيه معاها ونطق بصوت تخين ) هنا فين كاين الموشكيل العينين لي يتحطو عليك نصدق تاني

امل""(نزلت عينيها و نطقت) خلاص اشراف

شراف"" سيري دخلي سيري

امل"" نتا ما تلبسش عاليا قربت تدخل

شراف"" (هز كاسو من الارض وًرجع شاف فيها ) انا طالع..

امل"" اتلبس نص الكم ولا الكم

شراف""(صغر عينيه مع هاد مخلوقة) تجي معايا تعرفي اش لبس

امل""(تبسمت و حناكها تزنكو ) .. سير سير تعطل ..

تبسمت و زادت بخطواتها داخلة القاعة و عينيه مخلياهم طايحين معااها تتمختر .. نفسو تتسوط و تطلب الشرع منو .. حاضي من كولشي .. بقى بعينيه تا بانت ليه تتسلم مع صحابات عاليا.. عاد دخل في حالو باش يطلع يلبس..

اما هي جلست مع البنات مجمعة معاهم شوية... داز شلى وقت عاد سمعو دقايقية تيستعدو .. هزات تلفون و بان ليها ميساج من عند عثمان بلي قربو ..علمت لبنات و ناضو باش يسقبلوها .. حتى بالفعل بانت ليهم طوموبيل دخلات مع الراس الزنقة .. خرج الكل في استقبال العروسة و هي تتصور اللحضات من هنا و هنا .. و الشطيح و الزغاريت الدنيا تخلطات .. حتى تم استقبالها و ركبوها في عمارية و دخلوها لداخل القاعة تمشاو بيها شوية و جلسوهم في الجلسة العروسة.. قربت لها امل شدات على يديها و قربت باست على جبينها

امل""(قربت لودنيها) مبروك حبيبتي جيتي تتحمقي

عاليا""(قربتها لودينيها و نطقت) حتى نتي جيتي زوييينة خويا ليوم يفرشخ شي واحد

امل""(ضحكت ) الله ياختي مالنا عليه

نزلات بشوية تتمختر و كلشي حاضيها كاين لي عائلة ماشيفنها و ماعرفينها عاد بانت ليهم شكون هي مرات شراف...مشات قصدات طبلة مع البنات جلست ناضو البنات تيشطحو و بقات جالسة غير هي واحد زوج عيالات و عينيها مرة مرة تتمشي لبرا و تقلب بيهم عليه.. مابان ليها كاع ... تتقلب من هنا لهنا حتى بانت ليها لي سهيلة جايا و قاصدة القاعة بتكشيط كحلة و الشعر مطلوق طالون واصل فين بغى فتاحي في جناب مبينن الصيگان و ميكاب لي جاها قوي و بكل صراحة بانت ليها زينة .. لوان جديدة بانو في ملامحها محملتهااااش تكون في بلاصة لي فيها هو .. فما بالك عرس ختو شياط تتحس بيه طالع معاها .. حزات صاك ديالها و جلست تنش و تزيد .. ماشي صهد .. صهدها هي لي تتقرب و تعوج .. من زهرها الزين بان ليها شراف مشى طوموبيل حلها تيجبد شي حاجة هو عثمان و تاهو بابهى حلة شوميز لابيض نص الكم مزيرة عليه و على دراعو و سروال كحل مع سبرديلة بيضة حلات عينيها فيه و تدور لديك لي جاية و زادت كحزت براسها و معييقة بشوفتها تابان ليها سد طوموبيل و ضار باش يزيد و دخل فيها او بالكاد من شوفتها هي لي بطئت مشيتها باش يدخل فيها .. حلات فمها في منضر تابان ليها تحنى هز ليها تلفون لي طاح .. زادت تتنش هو ماطلع عينيه ماشاف شكون اصلا ..هز و عينيه في الارض

——

شراف""(مد ليها تلفون و نطق بخشونة مخلي عينه لهيه) سمحي ليا اختي

سهيلة"" (عينيها تبسمو كتر من فمها )شرااف لاباس عليك ..

شراف""(عاد هز عيينيه تقندشت و حواجب كل و فين مصدوم من مجيتها حرك براسو ) مرحبا

____

الاخت غا تطرطق كتر من وجهها لي ولاااا حمممر كتر من شي مطيشة ولا فريزة . النار و العافية تتگدي فيها الداخل تاشافتو زاد و هي تحبس من داك النشان و بقات بعينيها مع سهيلة و هي داخلة تتبسم .. ماحملاااهاش و زادت من شافتها وقفت جنبو و تكلمت معاه... دوت عينيها ليه و بان ليها متكي على طوموبيل و هو عثمان تيهضرو .. هز بعينيه لطبلة و بانت ليه مراقباه .. هي غاشافتو و هي تميق ليه و قلبت عينيها عليه تتنش على حرارتها لي غي مازيدة تطلع و تزييد .. حسات بتلفون تيفيبري نزلات عينيها شافت اسمو Sharaf و عاودت رجعتهم قالبة عينيها.. تاقطع بوحدو .. حتى بان ليها ميساج منو قراتو من بعيد بلاما تدخل ليه...

—خرجي عندي لهنا نشوفو مال ملتك على ديك شوفة ——

قراتو و بحالا ماشافتو عيا يصوني و عيا صيفطت لميساجات .. ماقدرش يدخل و ماكره يدخل يجبدها من تم عرفها تاني عبست ليه و هزات من جيهتو .. هو ماقصد و لا شرك معاها حاجة.. الوقت تيدوز الناس تتشطح و تصور و هي مورالها تقلب ليها و تدعي في سرها على داك مخلوقة لي نايضة تتشطح و تعوج .. زادت على مابيها .. مشات عاليا تلبس لبسة الثانية و هي ماتحركت و لا ناضت من بلاصتها .. مخلية داك الثور برى عينيه تزندو و شعلو العافية .. نواضرو غايتشتتو بالخبيط ... هي هزات تلفونها تتقاد على شعرها تابان ليها جاي بمشيتو منخوية و تقيلة و عينيه عليها.. السيدة تلفت ولات تخمم تاني علاش يدخل و هي تما تاحست بيه تحنى عندها شد يديها و حرك براسو باش تنوض .. وااالوااان زادو عندها بالحشمة .. ناضت هزات تلفونها وصاكها هو بقى واقف عليها كي ملك الموت .. و منزل بعينيه معاها و تم غادي بيها .. لحضة دورت عينيها بالخف لسهيلة لقاتها تتشووف .. و عاود عجبها الحال .. تاخرجو البرا بعدو شوية وداها تالقدام باب دارهم و جابها متكية على الحيط و زاد بوجهو لعندها و هي ماتتشوف فيه

شراف"" حلي حلي

امل""(ربعات يديها) ماعندي ساروت (طلعات بعينيها) ولاش مخرجني اصلا

شراف""(شد صاكها حلو و بان ليه ساروت حل لباب و دفعها من درعها تادخلات و زدح لباب حرك بحواجبو لي خربقين عليه كتر من نواضرو لي ايخرجو ليه من كترة خبيط ) مالك ..

امل"" مالي ؟ عادي الحمد لله لاباس

شراف""(صغر بعينيه و ملامحها زادين بجنونو ) مريضة نتي .. لاش دايرة هاد حالة كاملة

امل""(هزات حاجبها و ضحكت بالفقصة) ياااااك اخويا .. على اقل احتارمني قدام جيران لي عارفينك كتبتي عليا .. يلا توحشتيها راها هنا قريبة ليك سير سير عندها

شراف""(زاد كشر بحواجبو ناطق بتقالة ) كيفاش هاد احتارمني قدام جيران .. شنو بنت ليك تندير معاها ݣدامهم ..

امل""(تعمات و مابقات عارفة تش تتخرج) و سير نيت .. باين عجباتك نيت

شراف""(سكت مددة و هو تيشوف عارفها تتزبل في الكلام و تخلط غيرتها مخلياها تهضر بلاما تفهم قرب شد على دقنها و طلع براسها لعندو ) شا تخوري ياهاد بنت ..

امل""(عوجت براسها تاتحيدت من يديه و نطقت ) قلت لي شفت محني لها تحت رجليها ماد ليها تلفون و شفتي فيها .. باين عجباتك بالبلدي و ميكاب يااك ..

شراف""(دور براسو غالباه ضحكة عض على شاربو و عاود شاف فيها بعينين معسلة بهاد مخلوقة مد يديه شد على دراعها و حابها تالعندو) تضلمي ملتي ماشفت فيها ما توحشتها .. حسيت براسي دخلت فشي حد كيف مابغى يكون انا طيحت لحاجة من يديه باينة غادي نتحنى نهز لي طاح ..

امل"" (غلبوها الدموع ) وعلاش بقيتي تهضر معاها و قدام عيني .. ماحتارمتينيش و لا درتي ليا حساب

شراف""(لكنة جنانتو زاد قرب شد على وجهها بين يديه بزوج و تحنى بجغ ليها شواربها ببوسة حارة تا تمصو و تسمعت حر الجرة حط جبينو على جبينها ).. عمرك تقارني راسك بديك هاربة .. عارفة ملتي طايح فيك ... و مزال زايد ماتتبان لي و مامعمرة ليا العين گدك خوي راسك امل من هاد تخربيق

امل""(حطات يديها على صدرو ناطقة بعتاب) وعلاش عرضتوها اصلا

شراف""(شد يديها مخليها فوق صدرو و يد لاخرى طلعات لخدها مسح ليها نطق بصوت خااتر) ماعارفش ماعارفش واش انا ندخل فشكون يجي وشكون لا .. غانعاود نگولك خوي راسك من هاد الزبل (باس على نيفها و نطق ) بربي و تزيد تقلبي عليا عينيك ندخل و نكركب ديلمها برا و نهني مخي كاع

نزلت بعينها تدور فيهم و صدرها يطلع وينزل مخلية عينه تمشي و تجي على ملامح غيييورة وشحال عشقها واخة نزل يديه لخصرها و زدحها معاه

شراف""(بصوت تخين) شنو تبقاي مدورة عليا وجهك

امل""(هزات كتافها و عاودت طلعات بعينيها ليه) الصمت

شراف""( طلع يد ثانية تيدوز بكف صباعو على خدها نطق بصىت تقييل ) صدق لسانك مقاوود ..

امل""(هزات بحاجبها ) علاش قلت شي حاجة عيب ..؟

شراف""(صغر بعينيه نطق بخشونة) گلتي كولشي حتارمني گدام جيران و عجباتك و كدا كترتي لغى لي ماعندو تا زفتة بلي شفتي..

امل""(نزلت عينيها حطات يديها على دراعو الكبار ناطقة) ياك تتقولي نتي حاجتي .. حتى نتا حاجتي و انا لي من حقي تشوف فيا و من حقي تحنى عليا ماشي وحدة اخرى و بالخصوص(ميقت و نعتت بعينيها لبرا) لهاديك

شراف""(عينيه مصغرة فيها تمشي و تجي من هنا لهنا عاشقها و زايد بجنونو عليها شد دقنها وطلعها ) هاديك .. راه گدامك وااااالو .. ماتتسوى تا(شد خصلات شعرها) تازغبة من هنا .. لاتقارنيش راسك بيها يا امل الله يهديك

امل""(هزات بكتافها) الصمت

شراف""(غمض عينيه و دور براسو و عاود شاف فيها ) شنو باغة ملتي ندير

امل""(طلعات يديها لصدرو حلات صدفة تابان وشامو و تدوز صباعها عليه ناطقة بغنج) غي ماعجبنيش الحال ا شراف (طولاتها) مكنحملهاااااش

شراف""(نزل بعينيه ليديها و زعامتها و عاود طلع لعينيها ناطق بخشونة متااقلة) المهم هو شكون في گلبي ..سكنتي ديلمو و عششتي وسطو .. ماعندك لي يزاحمك فيه

امل""(تبسمت عاجبها كلامو و هو تيراضيها بطريقتو خشنة) الصمت

شراف""(هز بحاجبو على ملامحها لي تبدلت تبسم بجنب متاااقل و عينيه مرخوية فيها) خرجتي فيا نيابك

امل""(هزات بكتافها و يديها مزال تتلعب صدرو) حاجتي ..

شراف""(زاد تبسم برخوووة و تقولية و تحنى معوج براسو طبع عليها بوسة على شوارب لي نطقو حاجتي نطق بصوت تقيل ) الغيرة .. و معامن تجي

امل""(تبسمت حناكها تزنكو كتر ماهوما مزنكين نطقت بخجل ) يلا نمشيو ا شراف ...

باس على جبينها مطاااول بحالا تيقول ليها سمحي ليا يلا ضريتك بلاما نقصد ... نزل يديه بشوية شابك صباعو مع صباعها و حل لباب مخلي عينيه معاها خرجو مع الباب رادو وراه تاتزدح و مشى معاها دقة دقة و باش يزيد براحتها مخلي صباعو مشابكين معاها تاوصلها لبلاصتها بضبط و جلست و تحنى لعند ودنيها نطق بخشونة حروفو

شراف""نعشق في مغيارة ديالي

تكعد و تبسم بجنب و غادي راجع في حالو حتى وقفت عليه صفية شدات عليه من دراعو و حركت براسها باش يمشي لعند ختو .. مارفضتش ليها شد عليها و مشاو تحت نضارتها عشقانة فيه تابانت ليها صفية قالت ليها تنوض .. عاود شد يديها و ناضت حشمااانة بحالا ماشي هي لي كانت مخرجة عينيها ليه مشى معاها دقة دقة تاوصلو عند عاليا .. تصورو معاها باس على جبينها باحترام لختو .. عاود جا عثمان و خداو صورة مجموعين .. و خرج ديريكت من وسط القاعة مخليهم مزال مع عاليا .. خداو تصاور و عاودو رجعو بحالهم .. رخفت شوية و جلوس سهيلة ولا عندها بحال عدمه.. رخف ليها فيزيبلات تمخها .. مرة مرة تهز عينيها لبرا تمتع عينيها برجولتو .. داز الوقت و داز لباسي كاع دازو و كانت اخر لبسة ركبو فيها خواتم و دنيا تخلطت شوية بين صحاب العريس و فاميلو ..هادشي نيرفى شوية هداك لي جالس برا دار يديه في جيبو و زاد رامي خطواتو تادخل بالضبط فين واقفة هي تتصور جا وراها بحال الظل عرفاتو من ريحتو دورت عينيها تالقاتو منزل بعينيه معاها تبسمت و طلعات عندو شوية تحنى بودنيه عندها و نطقت

امل"" اش جاك تادخلتي

شراف"" نتي ....( تبسم وريحته تضرب ليها في قاع نيفها) مخشية ليا هنا وسط جواقة

غلبها الضحك قالها ماتعرفيش تاحست بيه جرها من كرشها تبعد على واحد باغي يدوز باش مايقيصها واخة بلا قصد .. و ماهو غي يلصقها مع جنبو .. منضر واخة حشمها ويني عجبها الحال .. مهم شابكة غيرة بيناتهم .. كل تيجر حاجتو لعندو ..

اكتمل الفرح و العرس الاخت الوحيدة الناس و الجيران بدات تمشي بقاااو القراب القلال .. الجوق تيجمعو ماتريال تاعهم و سرباية تاهوما تيجمعو طوابل .. الا واحد لي جالس في الاخر على الكرسي و عينيه مع ختو لي كانت تتبكي و دموعها نازلين .. معنقاها امل تاهي دموعها على سبة تتشوف صحبتها ماساخياش بخوتها و بميمتها و باها هزات عينيها و بان ليها عثمان مبعد و قربت لعندو ..

امل"" ماتسلمش على ختك

عثمان""(عض على شاربو تيحك على رقبتو و حزنو وااضح حرك براسو و ناض معاها ) تخوي عليا اختي

امل""(طبطبت على دراعو دمعتها نزلت) عارفة

مشى معاها بخطوات معكلة ماحملش هاد منضر تابانت ليه عاليا فرقات يديهاا و قرب تحنى لعندها معنقها و كاع لي تم نزلو دموعهم معاه لي خاشي وجهو في عنقها و هي تدوز يديها مع ضهرو بحنية ..

عثمان""(بصوت مغلوب ) الله يسهل عليك اختي ..

عاليا""(حطات يديها على وجهو كاتمة بكيتها) امين اخويا امين

هزات بعينيها تتقلب على خوها بكر حتى بان ليها واقف برا متكي على طوموبيل و عينيه تم من بدات تبكي و هو تم ماحمل يقرب ولا يزيد لعندهم .. نزلات دمعة تجري تامشات امل عيطت ليه.. دخل بثبات وعاليا تشهق قربت تلاحت في حضنو محاوطها بيديه بزوج .. قلبو على ختو الوحيدة ..ياما دوزو ياما لعبو بزوج .. ياما تخاصمو ياما ضحكو .. وصل الوقت لي تفرقهم و تبدا حياة جديدة و تبني حياتها .. هز راسها و باس عليه ثلاثة خطراات متتالية

شراف"" الله يكمل عليك اختي.. ديري عقلك

حدها حركت براسها ليه و قربت باست على يد صفية و الحاج احمد عنقت امل .. شد فيها علي من يديها و هنا وداعية ماقدت تزيد تشوف فيهم مخلية كولشي متبع بعينه معاها تيزغرتو و يصليو على النبي تاخرجوها البرا و ركبت في طوموبيل عريسها و مشات ...

امل عينيها غا مع عثمان لي دموع تحكنو ليه في عينيه قربت منو شدت على دراعو غا ضار شاف فيها و نزلت دمعة تتجري دغيا مسحها و نطق تيضحك

عثمان"" ياودي على الراجل تيدمع ..

مسح على عينيه تبسم ليها و زاد مخلي دموعها على عينيها .. تمنات كون كان عندها خوها تاهي نزلت عينيها تاحست بيد الاخ و الزوج على ضهرها تاهزات عينيها فيه و تبسمت .. بادلها ابتسامة خافتة و مسح على دموعها بحنية و جرها لعندو بجنب حطات يديها على كرشو بطبطبات خفيفة و دخلو كاع لدار ...

العرس سالا و الناس لي عندها شي السكنة مشات .. العائلة مشات و تفركتت... بقاو عيالات العمام تيتسالمو مع صفية و يعاودو يباركو ليها مادارت لبنتها ... جالسة امل في طرف و جنبها شراف محني مرافقه على ركابيه تيدور في داك الخاتم دورت عينيها ليه و هي جاتها جلسة غرييبة بلا عاليا عساك خوتها.. نطقت بشوية

امل"" انا غانمشي لدار نبدل عليا

شراف""(ناض و نطق بخشونة) نهبط معاك

حركت براسها و علمت صفية بلي تبدل و ترجع لعندها نزلات بشوية و هو وراها تاوصلو لبرا ووقفت شافت فيه تبسمت ..

امل"" في خبارك احسدت عاليا في هاد لحضة

شراف""(صغر عينيه و شعل كارو) علاش..

امل"" تمنيت كون كان خويا تا انا ..

شراف""(تبسم و بخ مطاااول مخلي عينيه معاها) شبغينا بيه .. باراك عليك انا

امل""(تبسمت و زادت هو في جنبها) زعمة تكون خويا وراجلي و بابا و...

شراف""(حتى شوية مقاطعها) وحبيبي

امل""(دورت راسها تتبسم ) خلاص يسمعوك اويلي

شراف""(حرك بحجبانو) سيري ابنتي ترتاحي

امل"" لا غانرجع نعاون خالتي ... صراحة عائلة عندكم والو ماتتعاون لا في اول لا في التالي

شراف"(" نتر نترة طويلة و نطق) احسن نيت كاينن شي عائلات ماتحسبهم كاع دمك

امل""فيها الخير(حلات لباب) يلا بسلامة

شراف"" مانشوفوكش مزال ولا كيفاش

امل""(دخلات شادة بديها على لباب) ايوا ماااعرت نجي و نشوفو ديك ساعه

حرك براسو و بخ من فمو ودار غادي في حالو في حين هي طلعات الفوق لقات مصطفى مجبد يتفرج في تلفزيون و بشرى خارجة من بيت تتحزم على راسها

بشرى"" اه اه راسي تزنزن عليا

امل"" ويني ݣروب زوين صراحة

بشرى"" يلا ابنتي نوجد كويس اتاي بين ما بدلتي نمشيو نعاونو صفية .. والو فامليتها عارفين غا يحضرو

مصطفى"" مافيها باس سيرو تعاونو معاها ..

حركت براسها و ناضت دخلات لبيت و جلست فوق سرير حيدت صندالتها لاحتها و حيدت تكشيطتها و لبست عليها بيجامة طويلة جمعات شعرها و خرجات توضات و رجعت صلات لي فاتها و خرجت شربو اتاي و تسارحو شوية و مشات هي وبشرى لعند صفية .. لقاوها في كاراج تتجمع و لقاو معاها بعض جارات طلعت امل لفوق لقات الحاج تيشرب اتاي و عثمان مجبد حداه يتفرج في تلفون.. قلبت بعينها على شراف مالقاتوش رمات سلامها و قصدت الصالون نفضاتو و قاداتوو على حقو و طرييقو و مشات كوزينة لي كانت مرووونة ديال صح هزات فواطة حزمت على بيجامتها و بدات تقاد و تجمع في الماعن ... تغسل و تستف .. الوقت كتير و هي غارقة تابقى ليها غا تسياق .. دخل عليها شراف و هي شادة على كتفها لي حسات بيه نصل عليها...صغر بعينيه و لمح لكوزينة لي تقادت على حقها.. قرب بشوية وشد على دراعها تاشافت فيه

شراف""( مطلع بحواجبو فين بغات ماعاجبو حال بصوت تقيل ) مالك على حالتك ياهاد بنت خلي ملتها تالغدا

امل"" شش بشوية عمي احمد برا يسمعك

شراف""(شد من يديها جفاف و لاحو بزعاف) راسك قاصح

امل""(عاودت تحنات) لا لا ساليت نكمل غي تسياق و نسالي في مرة

شراف""(عاود شد من عندها و خبطو مع الارض خنزر فيها وشد يديها و خرجها لبرا ) ريحي في حالك ( صادف صفية و بشرى هازين طناجر صغار مطلعينهم ونطق) الواليدة خلي هادشي تالغدا و نشوفو شي وحدة تعاونكم

صفية"" (طلات على كوزينة) الله يابنتي ومالك على حالتك راه 3 ناس و يلا يجمعوها

امل"" ماعليش اخالتي راه بقى لي غي تسياق

شراف""(عاود خنزر فيها نطق الحروف متقلة) دويت واقيلة امل

بقات غاتتشوف دغيا تنيرڤا و طلعت ليه حتى نزلت عينيها مخلياه مزال مخنزر في هاد معكسة .. قربت صفية تتبسم و باست على جبينها

صفية"" يرضي عليك ابنيتي .. ماتديش عليه راه رافد همك

شراف""(صغر عينيه فيها ونطق بخشونة ) حيث معكسة .. قبل من العرس و هي تخبط حالتها كي ولات ..

بشرى""(تبسمت و عجبها كيف مهتم بها نزلت عينيها بحشمة و نضرتها كيف كانت عليه ) معاوانة زينة اولدي

شراف""(حرك براسو بتقالة ) ماگلنا عيب .. ويني صباح و يفتح .. بزاف بزاف عليها ..

نطق كلامو و طلع في حالو مخليهم تيتبسمو على موقف و هي حشمااانة بقات غا تتشوف منزلة عينيها تا علماتها بشرى باش يمشيو واخة شدوهم للعشاء مابغاوش و مخلين مصطفى بلا عشاء .. بززات عليهم صفية من الخير لي شاط .. مشاو بلاما تعاود تشوفو واخة قلبت بعينيها عليه ماشافتو.. و طلع كاعي.. وصلو للدار بشرى سخنت العشاء و حطاتو تعشاو غا سالاو و ناضو ينعسو حاسين براسهم مدكدين ديال بصح .. دخلات لبيتها تجبدت في بلاصتها و هزات تلفونها مالقات ميساج من عندو .. و هي تصيفط ليه

— شراف نعستي —

بقات تتسناه يجاوبها بدقايق تابدا يغلبها نعاس عاد وصلها اوديو من عندو .. تبسمت و فتحاتو منقصة صوت ولا تيخلعها بردودو...

شراف•• جي عمري بلاصتك اگلبي

تبمست و حناكها تزنكو و هي ماكرهت تكون مخشية فيه.. ماتنكر انه هاد زوج ليلات لي دوزت معاه تيبقاو راسخين ليها في البال عضت على شنوفتها و سجلات ليه اوديو تاهي بصوت منخفض

امل•• كون تحشم شوية وليت نحشم نطلق اوديو من عندك ..

سمعو بدا تيضحك حيد تيشورط ديالو و تكى على كرشو هز مخدة لي كانت ناعسة عليها تيشم و بالفعل ريحتها بقات فيها ..تبسم و عيط ليها مكالمة فتحات الخط بالخف نطقت بشوية

امل••مالك توحشتيني

شراف••(بصوت تقيييل ) باقي ماتفاهمت مع ملتك على داك حالة

امل•• ايوا صافي .. غوتي عليا قدامهم

شراف•• حشمت كون جمعت مع ملتك بشي دقة نيت باش تركني لارض

امل•• هههههههه الله يكتر خيرك

شراف•• بلاما تصبحي هنا صباح .. عارفك معكسة .. صباح ايجيو زوج عيالات ايتعاونو ينضيو الشغل ..

امل""(عضت على فمها متبسمة على هاد السيد غا مازايد يغرقها ) واخة حبيبي ..

شراف•• سيري تنعسي احبيبي سيري

امل•• (تبسمت) واخة... صرااحة فيا وااحد العياء بزااف والله ..تصبح على خير ..

شراف"" في راحة لله امرتي

قطعت معاه و غمضات عينيها ديك ساعة و هو كدالك .. العياء و النعاس كولشي تدكدك و عضامهم تفصلو .. ماعقلو على راسهم تاصبح الحال..

فاقت على صوت البياعة و شرايا دايزين .. هزات تلفون تشوف ساعة لقات الضهر علاين يوذن .. كولشي صبح ضارها و مدكدكة بمعنى كلمة.. و باقي فيها النعاس ديال الصح ... ناضت فتحات سرجم و بانو ليها زرابي منشورين و تسييقة خارجة مع الباب .. و السراجم كاع مهويين عرفت بلي جاو بصح لي يعاونو تبسمت و رمات عينيها لتحت فين تيكون مابانش ليها تم و هي تخرج توضات صلات الصبح و مشات لكوزينة توجد ماتفطر و لا تاكل .. لقات غا الغدا مردود و بشرى ماكيناش .. حتى سمعت لباب تحل و دخل منو مصطفى..

امل"" بابا صباح الخير .. ماما فين هي

مصطفى"" عيطت ليها صفية مشات عندها .. كنت نمشي لجامع من فقتي ابنتي غادي نمشي قبل ما يودن

امل"" واخة ابابا الله يتقبل ..

مشى خرج و هي خرجت اتاي و حليوات و جلست تفطر تاسمعت الدقان في الباب وقفت شافت في حالتها لقات راسها مستورة عاد مشات حلاتو و حلات فمها معاه هاز شي كراطن تقال .. تركنت في باب تطلع و تنزل فيه

امل"" مالنا اخويا ..مهجم علينا

شراف"(شاف في دروج و عاود شاف فيها و قرب بجغ ليها شواربها ببوسة مافيها صوت من غير مصيصة ومشى لودنيها) كون ما مك لتحت كون وريت ملتك هجوم كي داير..

امل""(تبسمت و عطاتو طريق ) تعاون نسيبتك

حط كارطونة و عاود شاف فيها جرها لعندو تكاها مع الحيط و الصوت الخطاوي طالعة مخليها تتلون و تزيد

امل"" اوعدي اش تدير حمقتي نتا طلق ماما طالعة

شراف""(تحنى معوج براسو سرط شاربها و نطق بشووية) ديل مك على حلاوة..

مع نطقها و بعد بانت ليه بشرى في اخر درجة عاود شاف فيها و غمز ليها و نزل في حالو مخليها تتبسم و داك لوينات مخلطين في ملامحها سلتت دغيا لبيت تتبسم و شادة على شاربها تيوزوز عليها....

دازو يامات و اسابيع قليلة.. تقريبا غا في الجرا بين هنا و هنا قفاطينات تاعها و جلالب محطوطين تايوجدو .. الوقت تيجري مابقاش ليهم اقل من عشر ايام باش تروح عند حبيبها لدارو توحشها و توحشاتو .. هو مشطون مع الخدمة و الفراش لي تيفرش في الدار و هي لخروج و دخول و تقدية ملاقاتهم قلالت من نهار لي مشات عاليا كيتشاوفو غا من بعيد و وقت قليل ماشبعت منو ما شبع منها و كمل عليها بالغياب في سيمانة لاخرى على حساب شي سلعة .. العشية تعاشات و هي ناعسة جابدة عليه.. تادخلت عليها بشرى تفيق فيها ...

بشرى"" تكعدي يابنتي باراكة من النعاس ..

امل""( هزات عينيها ) شحال ساعة

بشرى"" المغرب علاين يوذن .. شوية الوجع ؟

امل"" شوية اماما شوية .. ( تكعدت تتفوه)

بشرى"" نوضي تكلمي ..

امل""( بلا خاطر ) لمن

بشرى"" نوضي بعدا ..

مشات خرجات من البيت و سمعات الباب الدار تزدح طلعات عينيها مع الباب عرفتها خرجات و ناضت بخطوات تقيلة تتجر في رجليها غا تخرج من البيت تا جات عاليا قداامها و قفزت بجهههد

عاليا"" و خيتي عروسة ديالي

امل""( عنقتها) وشحال توحشتك العفيريتة طولتي غيبتك اختي

عاليا"" انا و لا خويا لي توحشتي اكتر

امل"" خوك اختي خوك اش ندير بيك نتي

عاليا"" ( ضحكت) هاي هاي توحشتي تشلقيم و الك

امل"" ششش غا سكتي ماتكمليها

جرتها للمرح و جلسو يتعاودو و يتحتتو عاودت ليها على سفرهم و كي داز اما امل مرة مرة تعبس عليها و على غيبتو عليها

امل"" عرفتي على قنطة اصحبتي شداتني .. لا نتي لا شراف..

عاليا"" دابة يرجع ابنتي .. مابقى ليكم والو تجمعو

امل""(تبسمت) مايبغيش راجلك يخليك معايا شوية ههههه

عاليا"" هههه الله ياختي طلبتيها واعرة

امل"" شوف ليك خوينزة ..

عاليا"" نوضي يلا نخرجو شوية نتعشاو برا انا وياك نتفكرو ياماتنا قبل نوضي

امل""(عيبت عليها) فين عارفة شراف ..

عاليا"" غا نوضي ايخليك انمشيو لصناك ديال زهراء غا نوضي

امل""تانعيط ليه عاد نشوف ..

عيبت عليها عاليا و بقات تضحك عليها تا دخلات خدات تلفون من فوق كوافوز و دوزت ليه الخط .. تتسنى يجاوب .. حتى تفتح الخط

شراف"" قطيطة ديالي كي بقات

امل""(بعبوس) شوية

شراف"(بصوت تقيل ) تتمحنك ليا هاد النم...

امل"" (بخجل ) ضروري نهار لول قاصح

شراف"" كليتي شي حاجة ولا باقة من صباح تاني..

امل"" شراف..عاليا جات دابة و و قالت لي نخرج معاها نتعشاو برا .. نمشي معاها

شراف""(عض على شاربو ماحمل خروجها باليل ويني مابغاش يخسر ليها ) سيري ..

امل"" (تبسمت و نطقت بصوت خجول) ماتجيش .. توحشتك

شراف""(تبسم بتقالة و نطق بصوت تخين ) كون تشوفي انا باغي غا امتى نرجع .. طرف الخبز ابنتي صبر

امل""(نزلو دموعها مخلطة عندها دعوة نطقت بصوت منغنغ) الله يعاونك حبيبي..

شراف""(غمض عينيه بجههد عاض على شاربو ) نوضي لبسي عليك و سيري بدلي الجو .. نرجع و نخرج حبيبي

امل"" (مسحت دمعتها و نطقت) واخة بسلامة

قطعت معاه و ناضت لبسات عليها كسيوة بالوردي طويلة .. و الحاجة لي ما علماتوش بيها و باغة من يرجع يشوف عليها هو الحجاب لي دارت و كتسنى بفارغ الصبر ردة فعلو .. لبست عليها قادت فولارها رشات بارفان تاعها هزات تلفونها و صاكها و خرجت لعند عاليا لي كانت اول مرة تشوفها بيه مباشرة قربت عنقتها و خرجو غادين و يتحتتو

عاليا"" مبروك اختي الحجاب عقبة لياا ياربي تا انا نديروو.. بالحق خويا يهبل عليك جاك زوين بزااااف

امل"" بغيت غي يشوفو عليا

عاليا"" مفاجئة زينة اتديري ليه والله ...الله يرجعو على الخير

وصلو للصناك لي كان خاوي و جلسو طلبو اش ياكلو و بقاو تيهضرو مجمعات و تيتافقو على اش يديرو و اش دارت امل

عاليا" هي كولشي رصيتو معاه

امل"" اه هاد ساعة كلشي على ما يرام ..

عاليا"" الله يكمل عليكم بالخير .. قلت غالقاك حاملة ..

امل"" ههههه الله ياختي

عاليا"" واختي من دوك كويات كاملة

امل"" غي نهار واحد الدخلة صافي و مكانتش في ايام اباضة ..

عاليا"" احياني عليك ضاربة الحساب

امل"" ايوا شنو .. خلي اخيتي نعيشو شوية رومانسية عاد نولدو

عاليا"" في خبارك تا علي نفس الهضرة قالي ..

امل"" ايه غي شي شهورة بعدا و ديك ساع .. جاري البحت هههه

عاليا"" ( هزات عينيها تبسمت و نطقت )الله يسهل عليكم حبيبتي..

شراف""( جر كرسي و جلس جنبها مقرب لودنيها و نطق) اميييين

امل""(دارت قافزة شادة على قلبها نطقت بشوية ) شرااف

ساهي في ملامحها و داك الحجاب بقى ساااااكت مددة مطولة لا جواب لا كلام كان بغى يفاجئها صدق هو لي تفاجئ بمنضر لي قدامو ...خجلها و حشمها بدوك شوفات تلفت ماعرفتش اش تقول ولا اش دير نزلت عينيها ليدها لي تتكمش بيهم على ديك كسوة تاحست بيديه شدت على يديها مشابك صبيعاتها بصباعو و قربهم بشوية و باس عليهم زاد بخجللها مليون هزات عينيها في عاليا لي تبسمت ليها و عاودت شافت في شراف زير على يديها و نطق في ودنيها بشوية مخلي شعر جسمها يشوك

شراف"" جاك زين المرمردة گلبي ..

عاليا""علي تيصوني ليا .. اكيد غايكون برا

امل""(شافت فيها) و العشاء

عاليا"" خوديه نتي و خويا ..( قربت تسالمت مع شراف و باستها في خدها) بصحتكم بسلامة

مشات و خلاتها تدور في عينيها حشماااانة لواحد درجة لي مبينة و بزاااف ..ناض حرك براسو ناضت و مشى خدا العشاء في يديه خلص و خرجو ديريكت لطوموبيل طلعو و كسيرا ديركت .. لفين ماعرفش مهم يبعد على الغاشي .. دور عينيه بشوية تيلقاها تتلعب بخاتمها بخجل .. شد عليها و جابها لفمو تيبوس فيها و يعاود .. حتى وقف في شارع خاوي من البشار طفى ضو لداخل مخلي ضو خفييف يلا تيبانو شوية و دار لعندها حط يديه على خصرها و جابها فوق رجليه في رمشة عين

شراف"" و انا تنگول مال ملتي اش ناقصني

امل""( تبسمت و دورت يديها على عنقو بجههد مخشية فيه ) توحشتك بزااف شراف

شراف""( زاد خاشيها فيه حاط شواربو على كتفها نطق بتقالة ) نگطع بوك من لحمي .. الله يلعن جد بوها تسافيرة تبعدني عليك

امل""( هزات براسها تتقيس على وجهو متبسمة ) عاد تحلى ليا الحومة من رجعتي ليها

شراف"" (تبسم بتقاالة و ختورية عاشق في كلامها و حلو صوتها ) هانا تانيد ( شعل الضو و زاد يتمعن في حجابها و ملامحها وسطو شد وجهها و جاب جبينها لفمو باس عليه و نطق) الله يرضي عليك .. قتلتيني في هادي

امل"" (قاصت عليه بنبرة فرحانة ) جا معايا بصح عجبك

شراف"" ( تيدوز يديه على خدها طلوع نزول نطق بصوت خاااتر ) عجبني و عجبتيني نتي.. كاين شي وحدة مايجيش عليها سترة كاع زينة

تبسمت من ردو و نزلت عينيها بخجل تاحست بيه شد بيديه بزوج على وجهها و غطس في شواربها .. غطسة حاااارة .. عاجباه و فرحان ليها و بيها و بحجابها .. توحشها .. بزاف احاسيس تيزيدو يكبرو و يقواااو.. كلى شورابها و مصهم مصة الغدايد عاد بعد شوية

شراف""( متبسم بجنب) كون ماعليك عذر كون تكيت ملتك هنا

امل"" ( ضرباتو لصدرو ) كون تحشم شوية

شراف""( شد يديها و باس عليهم و نزل يديه بزوج على مؤخرتها نطق بصوت تقيل) بربي وكون ماكان عذر لا فلتي منها .. تجي حلاااااوة

امل"" خلاص اشراف ( تتلعب في صدرو ) اصلا مابقاش بزاف و

شراف""( تحنى مقااطعها بصوت قليل ) في خاطري

امل"" بااااز ياخويا بااز ..

شراف""( جرها من قرفادتها مص ليها على شاربها بجهههد تا توهات ) هادشي لي عطاك الله

امل"" واخة منحرف شوية لا بزاف.. ولكن مغطي بزاف حوايج زويينن فيك .. ( حطات راسها على صدرو ) كنبغيك

شراف""( مدور يديه بزوج كازر عليها و باس على راسها ) تنموت على طاسيلتك لي جابتك ليا

امل"" ( هزات عينيها فيه و نطقت تضحك )ههههه و يني تعبير هدا عندك

شراف"" ( تبسم بجنب و باس على نيفها )مريض كتر من مولاه ..

بقات جالسة فوق ركابيه حلف هو لا ينزلها متوحشها متكي براسو على كوسان يديه على فخاضها وعينيه تتشوف و تزيد تتمعن ملامحها وسط الحجاب هي تتاكل و ماهياش هنا تاهزات عينيها و دوك شوفات وضروها و تلفوها حطات يديها على فمها تتكح .. تحنى جبد قرعة ماء حلها و مد ليها..

شراف""(بصوت تقييل) بشوية عليك

امل""(شدت شربت و عاود شد من عندها) مالك تتشوف وحليتها ليا

شراف""(شد على حنكها قرص عليه ناطق بختورية ) رزقي ..

امل""(تبسمت تتمدغ و عينيها تطلع و تنزل بخجل ) كملتي كولشي في دار

شراف""(تيدوز يديه على فخضها نطق بصوت تخين ) واجدة ايخصها تفرش .. غدا يوصل فراش البيت ..

امل""( حركت براسها بخجل) ماشي ضروري تتفرج كاملة اشراف... شوية بشوية

شراف""(تبسم بجنب ردودها و كلامها تيجيب ليه تمام) ماتخميش بزاف..كولشي ليه الحل

امل"" حيث كولشي جا في وقت قصير الخطبة الصداق العرس و تجيهزات بزاف عليك..

شراف""(جرها بجغ ليها خدها تامشات و جات نطق ) على قبل ملتك راني شاد طرقان ..

امل""( تبسمت و عاودت عبست) و غاتبقى تاني تسافر بزاف بحال هاكة

شراف""(تبسم بتقالة متكي براسو على كوسان ناطق بتقولية ) مرة في مدة .. من تتكون سلعة بزاف ايخصني نعفط برجلي .. مابقيت تنتيق في كحل الراس

امل""( وسعات عينيها) حاگة تفكرت .. الجمعة جاية الحكم على داك الغدار منير ..

شراف""( حرك براسو ) گالها ليا محامي..

امل"" (باسف )الجمعة عاد تتحط برائتك ان شاء الله

شراف"" (جبد كارو دارو في فمو تيشعلو ) اودي كنت محتاجو شحال هادي( دور وجهو عليها و بخ من فمو) ماشي دابة ماعندها ماتنفع

امل""(خيبت سيفتها ) الحمد لله بعدا لي لقيتي محامي مزيان لي تخفف عليك الحكم .. ( دبلات عينيها )كون تبثات عليك كاعما نتشاوفو كاع

شراف""(نتر نترة طويييلة مصغر بعينيه ) نخرج لقاك مزوجة بشي ولد الق (خنزر فيها حابس كلامو) خلينا طرونكيل نبدا تاني نبرول على ملتك هنا

امل"" ههههه لا انا مكتابة ليك نتا بوحدك واخة كون بشحال كاع تحكمتي كنا غانتشاوفو

شراف""( تبسم بتقالة و نطق) ويني دخلة مقااودة درتي ليا ..

امل"" ( تبسمت تتمسح في يديها و عاودت شافت فيه) كنتي اول واحد توقف معايا و تدافع عليا بلاما كاع تشوفني ولا تعرف عليا .. هادي بوحدها مغروسة في قلبي والله

شراف""( تبسم بتقالة تيبخ مطااول بين شواربو نطق بصوت تخيين) وراها تغرستي نتي في العقل .. (باس على يديها )خرجتي مامشاتش في الخاوي بعدا ..

امل"" ( نزلت عينيها) ولكن نهار لي ماما نعتت فيك بالخايب انها ماتقبلش بيك .. ( عضت على شنوفتها ) كنت نحماق حيث جينا نديو على مضاهر تاحاجة ماغادة تگود لينا ..

شراف""(لاح كارو من السرجم و جابها لعندو مدور يد على كتفها و يد مزاا فوق فخضها نطق بختورية فايضة ) و انا كرهت مخي فداك لحضة ندامة لي ندمت فداك الوقت قودت عليا الصحبة ..الحبس .. تاهاد الوشام زاد كمل على طاسيليتي

امل""(تبسمت تتقيس عليه بصباعها بطريقة جابت ليه رعدة هزات راسها فيه نطقت بصوت قليل ) ياخويا انا عاجبني عليك و عاجبني بماضيك و حاضرك و فمك خاسر كاع .. واخة خاصك تصلحو

شراف""(تحنى لشواربها مص عليهم ونطق مخلي شواربو يتحكو مع شواربها ) تصلحيه نتي كي صلحتي گلبي ...

دوزو وقيتة بيناتهم و تعشاو بزوج و رجعها للدار .. اما هي طلعات لدارهم بلينغجي جديدة و طاقة جديدة ,, السيد ولا عندها ادمان عارف ليها و هو كذلك عارفة ليه .. لكن دخولو هو و كلامو معاها تيخليها تقلب مودها للاحسن....

دخلات لقات مصطفى تيقرى ماتيسر من القرآن و بشرى في كوزينة موجدة العشاء غاتحطو قربت باست على كتفها نطقت

امل"" اش خبارك ازين تعطلت عليك

بشرى"" قالت لي عاليا راكي مع شراف

امل"" اه (تبسمت) عاد وصل

بشرى""(تبسمت على حال بنتها) شوف ليك البنت

امل""(تبسمت باست على خدها نطقت بشوية) تنحبو ا ماما ماعندي ماندير قلب و ماعشق

بشرى""(شافت فيها وضحك) ممسوخة .. سيري بدلي عليك و جي تعشاي

امل"" معشية ازين معشية ( ماشية لبيت و نطقت) نبدل بغيت غا الدلاح قبيلة ماكليتوش

مصطفى ""(سد المصحف باس عليه و نطق ) عيانة هاديك نيت .. نشوفو هادي لي جبت عاد دابة

امل""(نطقت من البيت) ولهلا يخطيك ابابا ..ويخليك ليك صحيحتك

بدلت عليها حوايجها و مشات للحمام بدلت عليها حوايج داخلية غسلات وجهها و خرجات لقاتهم بداو كيتعشاو مشات لكوزينة ݣرضت ديك دلاحة و دارتها في ثلاجة تبرد و خرجت جلست جنبهم

بشرى"" خالتك مريم غدا غا تجي هي سلمى

امل""(بفرح) بصح لهيلا ديرها زوينة نيت تجيب لي ديك سليعفانة تبرك معايا

بشرى""(ضحكت) ماشي خطبوها لبارح

امل""" اوعدي

بشرى"" ايه ولد عمها داك لي في الناضور

امل"" ايوا اش قالو

مصطفى "" دريا باقة صغيرة 16 العام ديال زواج

بشرى"" قالهم نخليها تكمل قرايتها غاشافها حماق عليها...

امل"" ايه عرفتو عرفتو صراحة مافيه مايتعاب و مقال عيب مدام يخليها تكمل تشوف مستقبلها

بشرى"" هي مابغاتش باها بحالا باغي يعطيها

مصطفى "" يمشيو يفرقو الدريا عليهم .. مابغاتش صافي صلاة على النبي.. هي لي تزوج ماشي هوما

بشرى"" هي مابغاش صراحة

مصطفى "" غاتاخد لي باغة هي.. حيث هي لي تربط بداك انسان و غاتعيش معاه

امل""(تبسمت على كلامو و نطقت) دابة نهضر مع خالتي و نشوفو

كملو عشاهم جمعت امل طبلة غسلات ميعنات و مشات دخلات تنعس علمها بلي خارج و غادي يتعطل بقات تتسناه تا داها النعاس .. و صبح عليها صباح و تلفون مزال تحت دراعها هزاتو لقات ميساجات من عندو دخلات صبحات عليه و ناضت دارت روتينها صباحي مشات لقات بشرى نتفطر..صبحات عليها تاهي و جلست فطرت جمعات دنيا و دوزت تجفيفة على الدار كاملة بشرى تترد الغدا ناضت هبطات تسييقة لدروج تانزلت عاد تفكرت فولار طلعات دارتو عاد خرجات الماء لبرا الباب حتى وقفات طوموبيل قدام الباب ديريكت .. و طلات سلمى تتضحك تبسمت ليها و صغرت عينيها بشكون لي جابها تا بانت ليها خالتها نزلت سلمات عليهم عاد نزل لي وصلهم بقات تحقق عاد بانت ابتسامتها قداش قرب مد يديه سلمت عليه

هلال"" اختي امل اش خبارك

امل"" لاباااس و نتا اش خبارك و خبار مدام لاباس

هلال"" لاباس ختي الله يحفظك

امل""(عطاتهم الطريق) زيدو مرحبا

بالفعل زادو و طلعو كولشي هنا تمام .. لكن مجرد مابغات تدخل عاد لمحت لشراف واقف قدام بابهم تيبوخ بحالا شاعل لعافية جنب وجهو دخاخن شابكة حداه و عينيه واحد شوفة ياااالاطيف خلات داتها تبرد و هي في عز الصهودات عضت على فمها نزلت عينيها بلا وعي تتشوف واش فيها شي حاجة ماهياش تتلقى كولشي هو هداك ..عاد فهمت و ماهي تفهم و تعاود تطلع عينيها ليه تالقااتو جنب رجليها صغرت عينيها

شراف"""(تحنى شوية عندها عينيه بركان شاعل نطق بالكنة تتفور و تتبخ ) خلعتك..؟ (سكت لتواني ونطق بنفس لكنة) شكون هاد خونا

تسرط لسانها غا عينيها تيدورو من العين اليمنى و يمشيو لليسرى مالقات ماتقول عارفاه تعمى تاني و تغطات ليه البصيرة كبزت على ديك عصى الشطابة و يلا فتحات شواربها تنطق تا كان سابقها

شراف""(مكرر سؤالو ) شكون هادا

امل""(نطقت بشوية خلعة مخليها تنطق بلا حس) غير هلال

شراف""(زاد شربك حواجبو تاني كتر ما هوما مشربكين عليها تم نطق ) تي شمن هلااال و لا قمر .. شكون هو

امل""شراف .. مالك راه غير موصل مرات باه و ختو

شراف""(حرك براسو ) كاين باك لداخل؟؟

امل"" عيقتي عيقتي والله واش نجريو على الضيف ..وزايدوون راه مزوج و عندو لولاد

شراف""(نعت بحواجبو باغي جوابها ) دابة سولتك واش كاين باك..؟

امل"" (هزات عينيها و بدات تهضرخرجات فيه بكلمة ورا ختها ) زدتي فيه اشراف .. زدتي فيه ماتتحكمش في عصبيتك كاع شنو غاتخرجها فياا انا تاني... و لا فيه هو غيرتك صعيبة اشراف صعيبة .. قطعتي صباع هرستي لاخور نيفو هادشي مامزيانش اشراف والله

شراف""(موسع بعينيه معاها هو همو غي ماتكونش بوحدها في دار و يدخل غريب عليها هنا علاش تيكرر سؤالو زاد تحنى عندها) كيفاش ماتحمليش العيشة معايا؟؟؟ نفهمها ....؟ سؤالي وااضح كنتي تجاوبي عليه و سالينا .. مكاين لاش هاد كترة اللغى

زاد مخليها تتشوف تابعاه بعينيها بخطواتو فايضين بالعصبية تيبخ و دخاخن تابعاه مخلي عينيها يتكبو بالدموع لاهوما حبسو ولا بغاو يحبسو .. وحدة ورا وحدة تا غبر من قدام عينيها عاد تداركت حالتها رمات دوك الخطوات تاتحطت على دروج ركابي خواو بيها حتى حست بالخطوات في الدروج و ناضت دغيا تتمسح على عينيها .. طلعات عينيها بشوية و بان ليها هلال نازل ..

هلال"" ختي امل الله يكمل بالخير

امل""(تبسمت) شكرا اخويا الله يحفظك سلم ليا على المدام

حرك براسو و مشى زدحت الباب و رجعت جلست شادة على حناكهاا و ودنيها تيردو داك الهضرة ديالو .. و اتداركت تا كلامها انه ممكن يضرو .. واخة عارفاه عصبي لكن ما يفوتها ما يحرر عيشتها .. شدات على قلبها و جلست تبكي تبكي .. تافشات قلبها و ناضت هزات داك شطابة و السطل و تمات طالعة مرفوعة .. مافهمت ما عرفت واش غلط تاعها و لا تاعو ... طلعات حطات داكشي في الحمام و مشات لبيت بدلت عليها حيدت فولار و خرجت عندهم ..لقاتهم تيهضرو على توجاد و اشنو غايديررو هي غا تتشوف و ساهية ..

مريم"" مالك ابنتي وجهك مخطوف

امل""(تبسمت و هزات عينيها) ماماليش غي كنت عيانة و صافي

بشرى""(صغرت عينيها فيها) تكذبي عليها هي انا لا .. مالكي

امل""(شافت راسها تغلقت و هي تنوض) والو اماما غي بان ليكم

خلاتهم تيشوفو و دخلات لبيت سدت عليها الباب و مشات لسرير تالفة و قلبها غايفيض بالبكى .. عوض الدموع العين .. ناضت بلا عجز و مشات للسرجم طلات ومابانش ليها.. رجعت تردخت مع السرير شادة على راسها .. تتبكي و تشهق .. مافهمتش اش وقع ولا شنو تقال كولشي جا بزربة .. ويني كلامو تياكل فيها بالخصوص ديك ماتحمليش العيشة معايا.. فهمت انه وصلت ليه الكلام غالط و هو غلط في فهمها ....

يتبع...