أمل الجزء الثاني

زاد سبقها و تكى الباب يكمل داك الكارو و عنيه غادية معاها تادخلات و لاح داك الكارو و دخل في حالو لدارهم .. في حين هي القلب غايسكت بالخلعة و زاد عليها هو بحواراتو قاصحة و مهيبة .. طالعة ساهية نشت على راسها باش ماتبين والو و دخلات لدار لقات بشرى متكية تتفرج و مصطفى تيقرا ماتيسر من القرآن.. دخلت سلمت عليهم

بشرى"" كي بقيتي

امل"" بييخير ازين ديالي .. ( حطت يديها على كرشها بلاما تعيق نطقت بشوية ) بدا

بشرى"" امم و سيري بدلي عليك و اجي تشربي كويس سخون يكمد ليك كرشك

حركت راسها متبسمة و دخلات لبيتها سدات عليها وقلبها بدا تاني يتخربق ولات غا تجلس بينها و بين راسها يجي يزورها وسط دماغها .. فلتات ليها ابتسامة على حالتها و دعيق لي تتوصل ليه وهي قدامو .. عضت على فمها و زادت تكات فوق سريرها .. تشوف في سقف

___

فين الحين هو طلع في حالو ديريكت لبيتو بدل عليه حوايجو و خرج عندهم جلس متكي بمرافقو على مخدة و مشتت على سداري شد تلفونو بين يديه و بانت نمرتها دخل ليها قيد اسم لكن ماشي اسمها كتب عليه (الخوافة ) ابتسامة شبه مخفية على شفايفو طلع بعينيه لباه لي كان تيهضر

احمد"" غدا صباح اولدي توصلني انا و مك

شراف"" لفين ؟

احمد"" للمحمدية نشوفو العائلة

شراف"" (حرك براسو ) معاياش ؟

صفية"" (مدت ليه كاس اتاي ) مع ديك 8 هكاك

حرك براسو شد من عندها كاس رشف منو و طلع بعينيه مع تلفازة تاسمع صوت احمد تاني

احمد"" شنو اولدي غا تخلي داك الميكروب تدوز ليه هكاك مكايش حل ترجع ليه صرفو

شراف""(شاف فيه و عاود رجع عينيه مع تلفازة ناطق بخشونة) مزال شوية الوقت

صفية"" اوليدي كون نسيتيه عليك خليه منو لله خيانة امانة صعيبة و غاتخرج فيه

عاليا دخلات مع اخر كلام جلسات جنبو و تكات عليه..

عاليا "" غادي يتخلص اماما .. وديك 4 سنين لي ضاعت من عمرو و داك الحالة لي وصلتي ليها نتي و بابا بسبابو نسيتيها

صفية""( تنهدت نزلات دمعة تجري ) ربي تيخلص ابنيتي .. يشوف مستقبلو باقي صغير و باقي يعوض .. امتحان و داز .. يزيد القدام مايوقفش فديك نقطة ابنتي

تيسمع ليهم شريط حياتو في هاد ربع سنين كاع دازت قدام عينيه من دخولو تا لخروجو وسط عرسو و عرسها .. انتفض من افكارو و ناض هز كاسو و طلع للسطح يكمي ..

—-

بدلت عليها و خرجات كلات شوية و تكات في بلاصتها مكمشة مرة مرة تتهضر وداك وجع بدا يجهاد عليها تاسمعت بشرى نطقت

بشرى "" نوضي ابنتي تنعسي لداخل

امل""(ماعودتهاش معاها) تصبحو على خير

مشات دخلات لبيتها خدات كينة على قبل الوجع و رجعت تكات حاطة يديها تحت خدها و عقلها تاني سافر بيها لدار لي قبالتهم عضت على شنوفتها و هزات تلفون دخلات لنمرتو قيدتها باسمو و على ماقال ليها راسهاتدخل للواتساب لا تبقى صورتو ..و بالفعل لقات كتلتو معلقة تما تتزومي و تعاود بالفوقية ديال العيد هو احمد و عثمان راد يديه قدامو و داك وشام مزين دراعو و طولو حاجة اخرى خلى قلبها يبدا يفرفر كي عوايدو ... بقات مراقباه تا داتها عينيها و صورتو بينات جفونها ...

فيقها المنبه كا كل صباح ناضت دارت روتينها صباحي فطرت شويةو ورجعت لبست عليها اونصومبل في الوردي مع اكسسوارات خفيفة دارت ايكخو و ميكاب مخفف بين ملمع شفاه و ايلاينر خفيف تاهو و ماسكارا .. قادت شعرها بوكلاتو من خصلات جانبية و لبست صنيديلة كعب خفيف هزات صاكها و نزلات فتحات الباب و تصادف الحاج احمد واقف هو صفية تبسمت و مشات قربت

امل"" صباح الخير عليكم

احمد صفية "" صباح الخير ابنتي

صفية"" كي بقيتي ابنتي شوية

غاتهضر و قاطعها بخروجو من الباب ريحتو عاطية شورط جينز بيض و ديباردور في كحل عريضة و كاسكيط سبرديلة بيضة سكاناتو بلاما توعى .. نزلت عينيها و نطقت

امل"" الحمد لله مزيان

تبسمت ليها صفية و شيرت ليها بيديها و طلعات و طلع احمد تاهي نوات تزيد تاكان وراها حاط يديه على باب طوموبيل يفتحو و نطق على مسامعها بشوية

شراف"" الخوافة !!

طلعات عينيها لعينيه بغفلة و داك شمس ضاربة على تخلويضها زاد خلوضها معوج براسو شوية على ود كاسكيط مطلع حواجبه بطريقة جابت ليها ضحكة بانت ابتسامتها مخفية لكن .. كان شايفها مزيان و هو تفاصيلها ولاو يدخلو ليه لمخ مخو بلا وعي .. نزلت راسها و رمات خطوات و مشات و هو طلع و كسيرا ديريكت تاداز عليها خرج يديه من الزاج ..مزينة بالوشام و ساعة دار حركة بيها (من تحتاجي شي حاجة عيطي) مخلي عينيه مع مرايا تتبان بقات مراقبة يديه دوز يديه على لحيته تبسم بجنب بلاما يحس بيه حد ولا يشوفها ... اما هي و قلبها ولا مفضوووح و زيادة بقات مراقبة طوموبيل تا غبرت عاد بدات تستوعب تاغلبها ضحك .. حطات يديها على فمها فعلا ضحك و قلبها تيرقص ويغني بالفرحة و هنا عرفت روحها بدات تعلق بيه و اي حركة منو او كلمة تتحفر ليها داخل عقلها .. نعلت شيطان في نفسها و زادت كملت طريقها بهدووء حتى وصلت دخلات لقات لبنات كاينن صبحت عليهم .. وداز وقت وسط تمارتها ووقوفها و مع لا غيگل الوجع الضهر قتلها تاخدات بعض مسكن عاد رتاحت .. تالغدا ما قدرتش عليه خرجات خدات غا من حانوت و رجعت في حالها .. داز نهارها بين الرجع و تفكيرها لي ولا مشغول بيه تاوصل وقت رجوعها في حالها .. سدت حيث بقات هي لاخيرة و قصدت دارهم دازت خدات الحليب من حانوت و غادية و مراقبة لاتكون طوموبيلتو تما ولات تخاف تجي فيه .. لكن تتبغي تجي فيه بصح وصلت لدار و طلعات سلمت عليهم و جلست ترتاح كلات شوية و دخلات بدلت عليها و نعست بالعياء ماقدتش تنوض و لا تاكل مزال .. هاكة حالتها من نهار تجيها تتولي بالخاطر مريض و عيان .. هاديك نعستها تالصباح فاقت تاني بروتينها العادي خرجات وتترمي عينيها من هنا لهنا .. ماعرفت لاش زادها حال من مارمقت لحسو في حومة ..

...داز نهار الاول و الثاني هاكاك ماشافتو ولا سمعت عليه خبار تتلاقى بعاليا و تتهضر معاها حدها قالت ليها راه مشى مع ماما و بابا ...

السبت وصل تيسدو بكري مع الزوج خرجات كيف عادتها دارت مع عاليا يمشيو للحمام وجدو كولشي بليل غي وصلو و دركو للحمام قبل ما يسد ضربو تحمحيمة من داكشي فركو لحالة و خرجو

عاليا"" عندي ليك خبار .. ويني ديال كويس اتاي دوزي معايا للدار نتحتو على خاطرنا

امل"" و مال هنا ماتيهضروش فيه ناس

عاليا"" مالكي ازمرة راه ماكينش اصلا غا عثمان تيضل خارج

امل"" عارفاني تنحشم منو .. هو تينواها خوف

عاليا"" امم (وصلت قدام دار و جرتها ) زيدي اصحبتي (نطقت بشوية) بغيت نتقاسم معاك واحد فرحة

امل""(تبسمت) حلفي ياكمااا

قاطعها الحس في دروج تا قلبها مشى و جا من شافت عثمان عاد تنفست رمى عليهم السلام و خرج و هوما طلعو لفوق سخفانين مشات عاليا لكوزينة ديريكت ردات مقراج يطيب و هي مشات جلست تتسوط و تعاود وجهها رجعع حمر و ريحتها مدوخة الدنيا تما ...

تاطلات عليها عاليا من الباب

عاليا"" نطلع نحيد جلابتي و نجي حبي

حركت راسها و حيدت شال لي فوق راسها بقات بالزيف حياتي تتقيس على وجهها بالسخونية لي عليه ماهي غي تسمع الحس طلعات في دروج قلبها بدا يطلع عوجت براسها على الباب حتى وضاحت ليها بالفعل صورته محني براسو مع تلفون في يديه و يد لاخرى تيلعب بالساروت حتى دخل و عطاتو ريحة قوية مختلطة بين شمبوان و روايح و عطور بزز عليه طلع بعينيه تا بانت ليه وقفت بزربة و زادو لوان على لوان على خدودها خلاوه يتقل بخطواتو خشى سوارت و تلفون في جيب شورط و عينيه على تلفة لي عليها مبييينة بزااف

شراف"" (بهدوء بالكنة منخوية و خااااترة ) شنو نتي فين ماتشوفيني تخلعي ..(قرب) قويتي لا

امل""(تبسمت ببلاهة تدور براسها ) لا غي م مايسحبليش نشوفك هنا و

شراف""(شوفات تطلع و تنزل لكن تبات باين وواضح على عينيها وخدودها و شواربها لي غادين يطرطقو غا بوحدهم نطق بصوت تقييييل ) بصحة .... الحمام

تبسمت بزز تتفرك في يديها و عينيها تيطلعو و ينزلو ماقدتش تشوف فيه و لا تطول في عينيه حيث طريقة باش مراقبها طيحت منها نص نطقت بالخجل غالبها ديال بصح

امل"" الله يعطيك الصحة ..

شراف"" (دور براسو من هنا لهنا ) عاليا ؟؟

امل"" كوزينة ..قالت لي تعمر اتاي

حرك براسو بتقالة و تم ماشي بختورية ديالو قاصد البيت ديال عثمان و عينيه تابثة اثبات غير طبيعي عليها .. و هادشي لي تيرونها و يزيد عليها .. نزلت بعينيها و جلست حارت ماعرفت مادير و قلبها يضرب ضريب مفضوح و خافت يفضحها .. تا بان ليها خارج بسارجور في يديه ..هزات عينها بشوية طالعة من رجليه تالجسمو تلفها و دغيا نزلت راسها و عتقتها غا عاليا لي جايبة صينية اتاي

عاليا"" شرااف جيتي ياخويا

حطت صينية و مشات سلمت عليه معنقاه من كرشو

عاليا"" فين بابا و ماما

شراف"" مزال واحد يومين و يجيو

عاليا"" مكانتيش معاهم

شراف""(حرك براسو بلا و نطق) كاين شي مايتكال ولا والو

عاليا""يلا دخلنا و انا تغديت برا من قبل حمام

شراف"" طيبي مانقصي ..عيان و مافيا لي يخرج .. ( شاف في امل لقاها مراقباهم و عاود شاف في عاليا نطق ) انا طالع عثمان فين هو يلا كان قريب بلاما طيبي

عاليا"" لا ماكينش مشى للبحر مع دراري

حرك براسو و تم غادي طالع و هي جات لعند امل ريحت حداها لي عاد تنفست براحتها شدات على حناكها

عاليا"" تي مالكي اتموتي ليا هنا يااا هادشي كاع

امل"" ماعرفت اصحبتي شنو هادشي (خفضت صوتها ) مهيب بزاف مافهمتش شنو تيوقع لي

عاليا"" (تبسمت و كبت اتاي و ناضت ) هزي كاسك و اجي معايا لكوزينة نطيب ليه شي حاجة

امل"" غانمشي و خلي موضوع تالي

عاليا""(خنزرت فيها ) بغيتيني نكعى عليك زيدي من زمر ديالك

مشات سابقاها ناضت هزات كاسها و تبعتها دخلو لكوزينة و جلست على كرسي و عاليا جبدت الكفتة من فريكو وقربت تتعهضر بشوية

عاليا"" انا باغاك تفرحي معايا و نتي ميتة في بلاصتك

امل""(تبسمت) هي نبارك ليك

عاليا"" (ميقت ليها تتغنج و تتقاد العطرية ) طلبني للزواج اخيتي وسط البيرو

امل"" ياخويتي ماشاااء الله امتى يجي لداركم

عاليا"" قالي علمي داركم و ردي عليا ديك ساع

امل"" الله فرحت ليك الله يكمل عليك بالخير

علليا"" اميين الزين عقبة ليك

امل""(تبسمت ) ايوا ان شاء الله يبان هو بعدا

عاليا""(عوجت فمها ) يباااان .. اختي باين خاص غا شوية زعامة منك

امل"" ك كيفاش شمن زعامة

ضحكت عليها حيث دغيا تلونت تاني قلبو الهضرة و نساو راسهم طيبو ليه طاجين الكفتة بالبيض و الفرماج سخنت الخبز .. امل غي شافت كولشي واجد و هي تنوض

امل"" خاصني نمشي تعطلت

عاليا""(كانت اسرع) شراااف هبط

امل""(يلا تتعمر ماء تشرب بالغوات ) خرية خليني غير تنمشي بعدا

هزات طاجين و زادت تتميق ليها مخلياها تتشرب دغيا حطات الكاس تترعد و بغات تخرج دغيا من كوزينة ماهي غا تجي فيه داخل و تخبطت معاه تارجعت لور غا تزدح راسها مع الحيط تاكان دار يديه تحتو باش ماتقصح... حركة و قربو خلاها تذوب و تزيد بعطره لي فايح و عينيه و هي مركزة مع ملامحها بثباث حواجبه وحدة تلاصقت مع وحدة مخلية حدة في شوفاتو

امل"" (بصوت شبه مسموع) سمحليا مارديتش لبال

شراف""(ريحتها كانت اقوى بكتيير مزيج بين فانيليا و الورد و سمار بشرتها و عيونها سوداء وبريقهم واضح وضوح نزل بعينيه لشفايفها و عاود طلع لعينيها استقرو داخل سوادهم ونطق بصوت تخين و تقييييل شبه مسموع ) لاش تتخافي مني ،،،كترتي عليااا امل..

هنا مالقات ماتقول و لا تفسر تا انه دير شي حركة او ردة فعل ماقدتش تلفها و دعقها بالمزيان بقربو .. ريحتو .. شوفاااتو دمار شامل بالنسبة ليها .. بحالا عاد تتأكد من ملامحو و حروشيتو سرطت ريقها بصعوبة تتحاول تدير شي ردة فعل تا سمعات صوتو لغليظ تاني خاتر و عاطي لكل حرف حقو

شراف""(بهمس) شنو نبقى نبدل طريقي ؟؟

امل""(ركزت في عينيه و كلام واحل ليها ) شراف

شراف""(حاضي شواربها واش يخرجو ) شنو ..؟

امل"" (صوتها نازل بتلفة )م ماتنويش غلط ماشي خوف ...

شراف""(عقد حواجبو باستفسرار و طلق صوتو بشوية ) جبتي ليا تناوي في كر***ي

امل""(تتحس بقلبها غادي يودعها شتت شوفاتها بدعقة و عاودت نطقت بتبرير ) و و الله هادشي لي كاين .. نتا بالاخص مانخافش منك ..

شراف""(صغر عينيه و نطق ) نويويها حشمة ياك !!

نزلت بعينيها عاضة على فمها بجهههد و حركت براسها مخلية عينيه تمشي و تجي براااحة مع حركتها .. بلل شفايفو بشووووية و تم منزل يديه من تحت راسها و هنا اتضاركت الموقف و سلتت من تحت يديه قبل ما يحيدها و خرجات تتحلف في عاليا لي كانت جالسة بحالا ماخصها خير

امل""(ضربتها لكتفها ) هاهي فيك نتي تتعمدي تحشميني معاه في كل مرة ..

ضارت و لقاتو جاي للطبلة زربت دغيا هزات شال تترعد و تقول قليل ريح حاط يد على ركبتو و مرفق على ركبة الثانية مطلع بعينيه ليها تتمشي و تجي تالفة غا مع خيالها

عاليا"" جلسي تاكلي و سيري

امل""(خنزرت فيها ) شبعانة الله يكتر خيرك

شراف"" ( تبسم ابتسااامة خااافتة نطق بختورية ) خليك نتي انا نطلع في حالي ..

امل"" (تتقاد شالها مشتتة شوفاتها مدعوقة بنضراتو ) ا اصلا تعطلت

ماعودات هضرت ولا نطقت خرجات في حالها مخلياه تابعها بنفس الجلسة و نفس الشوفات .. تادور عينيه لعاليا و نطق بهدوء

شراف"" واش دايرة هوك و لا غا معايا انا ..؟

عاليا""(تبسمت و هزات طرف الخبز ناضت داقت من طاجين نطقت بدغمتها ) معاك معاك قالت لي خوك مْهَيَّبْ ..هي تتحشم وليني معاك نتا زايدة نغزة ..

نطقت كلامها و مشات مخلياه متبع العين تامشات و نزل بعينيه جر خبز قسم منو تيتبسم و تيعض على شواربو ولو هو عايق و فائق بتصرفاتها عارفو ماشي خوف .. لكن مخلياه تاهو يزيد يتلف بيها .... اما هي شداتها بجرية تقول تابعينها شفارة دخلات لدارهم تالفة جاب الله لقاتهم ناعسين دخلات بالحس لبيتها و جلست تتكدد في شواربها لي كلاتهم ماكلة .. و تضرب في خدودها بشوية ..

امل"" يا امل يالمفضوحة ويلي ويلي ولا يقنتك في كوززززينة و دااارهم

سكتت فجأة و ناضت رمات داك بوني و نزل شعرها حيدت جلابتها و سنانها مزال تي تغززو على شواربها جلست تتنشف شعرها بالسشوار .. و تتخيل قربو بديك طريقة و عينيه ساطت بجهد و ناضت جمعات شعرها و جبدات الكريم تتدهن يديها تا دخلات عليها بشرى

بشرى"" على سلامة خيمتو في الحمام ماشي عمتو؟؟

امل"" الله يسلمك .. ( تدير ايكخو ) ايوا راكي عارفاني

بشرى"" ماعلينا لا ساليتي لبسي عليك و سيري جيبي ليا الخبز ماقديت عاد نعجن

امل"" (ماحاملة تخرج و لا تجي عينيها فيه تاني ..) و ماما راني عيانة ومافياش

بشرى"" صافي نمشي راسي

امل""(شافتها غادية و هي تعيط ليها ) اصافي اماما انا غادية تديريها بلعاني عقت بيك !!

ناضت بزعاف لبست عبايتها جمعات شعرها مهمل هزات بزطامها و جبدات صنيديلة خفيفة و نزلات حلات لباب و كانت عينيها اول ماتشوف هو بابهم و طوموبيلتو لي مزال خارجة و مامدخلهاش للكاراج خرجات زدحات لباب دغيا و زادت بخطوات متوازنة بحال شي حمامة تتمختر قاصدة المخبزة دارت مع الدورة و من زهرها ماهي جات معاه جالس مع جمعية ديال دراري قفازي تيتكيف و هاهي تلفت ليها مشية تاني قلبت وجها بحالا ماشافتو .. وزادت مسرعة خطواتها مخلياه متبعها بوحدو من دوك جماعة .. تاحد فيهم ما قدر يتبع ليها العين.. نتر و بخ و عاد نتر و عينيه تمشي معاها تاوصلات للمخبزة خدات السخرة و رجعت منزلة براسها تتقرب و عينيها تترمش ..و خطاويها خايناها بالاخص و هي تتلمح ليه مزال بعينيه عليها لا حركة و لا رمش .. قربت جنبهم و دارت راسها زعمة تتقلب في بزطام باش تلف صدقت دارت لراسها خدمة و هي مشتتة الصرف و كولشي تشتت ليها تما .. تا حست بالبكية .. بقات تدور في عينيها و لمحت ليه ناض جاي لعندها بمشيتو تاني بشوية عليه و تحنى قبل ماتحني هي

شراف"" (هز عينيه بحواجب معقودة وحدة داخلة في ختها نطق متقل ) سيري تركني لهيه (شافها مزال واقفة و هو يعاود ينعت بعينيه نطق بتكرار كازر على سنانو ) امل ...

رمات خطواتها لوراء و زادت غبرت عليه و تضرݣت من دراري لي كانو معاه.. دار كارو في فمو جمع داك الصرف كامل و ناض دار مع زنقة لقاها واقفة تدور في عينيها قرب ليها عاقد الحداش وقف قدامها..

شراف""(بخ من فمو و نطق بالكنة منترة ) مالك على هاد الحالة

امل""( غلباتها بكية ) و طاح لي اش ندير

شراف"" خلي الق** ي مششتة و سيري

امل""(عض على فمها و دمعتها بدات تبري ) و علاش تغوت عليا .. مالي طيحتهم بالعاني ( مع شافت فيه و نزلت دمعة و زادت ماشية ) خليه عندك ماعندي ما ندير بيه ..

شراف""(رمى خطوة و جرها من دراعها تاتقابلت معاه وزاد بحدة تغوبيشتو مكرر على معاتبتها) هضرت حيث عارف الݣنس المكاريب فين غايشوفو

امل""(نترت يديها ) صافي الله يكتر خيرك ..

زادت بنترة تتزرب في مشية ماخلات ليه فين يزيد يهضر ضرب برجليه على واحد كارطونة تا تزلعت و نزل بعينيه لصرف لي وسط يديه و نطق مكبزز على سنانو

شراف"" صلح غا كر**ك بعدا ..

زادت هي تتزرب بخطوتها و هو خشى الصرف في جيبو و رجع لعند دراري منتر غا بوحدو .. دخلات لداخل و طلعات لقات بشرى في كوزينة حطات سخرة و خرجات تتحيد عبايتها تادخلات لداخل .. وجلست تبكي .. مارضاتش يهضر معاها هكاك .. ولو من لول كولشي بسبتو هو هو لي تيضهشرها و تيتلف ليها ميموار .. لكن ماتقبلتش يهضر معاها بديك طريقة..

امل"" (تتمسح على دمعتها و تهضر ) تخسار الهضرة عندك عشرة لضس بعدا

سمعت لعيطة ماماها عليها و هي تنوض خرجات غسلات و خرجات لعندها تتحط معاها كسكسروط خرجاتو للمرح و جلسو حتى نطقت بشرى مخاطبة مصطفى

بشرى"" معاياش اتمشي ان شاء الله

مصطفى"" نمشي بكري مع ديك ستة صباح باش يلا نزورهم

امل"" لفين ابابا ؟؟

مصطفى"" لعند عمامك لعروبية

امل"" سيري معاه اماما

مصطفى"" ݣلتها ليها ݣالت ليك لا مانخليهاش بوحدها

بشرى"" وراه مانخليكش ابنيتي و تگووول

مصطفى"" و نهار مادا ماجاب نطلو عليهم و نجيو

بشرى "" راه مانباتش

مصطفى"" و صافي عشية نرجعو في حالنا

امل"" مزيان سيرو تبدلو الجوً بلاما تخممو ليا

كملو كسكروط ديالهم اما هي شهيتها هربها ليها بداك تخنزيرات و غواتو تانطقت معيباه تحت منها

امل"" تتخافي مني !!

بشرى"" شنو قلتي

امل"" قلت ليك خاصك تقداي ما تدي معاك واقيلة

مصطفى"" تالتما مالنا نمشيو من هنا متقلين

حركت راسها و ناضت تتجمع الطبلة و عاودت ناداتها بشرىً

بشرى"" طلعي داك فوطات للسطح بعدا غايصبحو خانزين

امل"" وااخة اماما

كملت غسيل لماعن و مشات طلعاات دوك سطولة و صاك بنترة و رجعت سطولة في بلاصتهم و جبدات لفوطات تتنشر فيهم و تنگر و تبكي غا بوحدها .. نشراتهم و مشات بيها رجليها تطل و بان ليها جالس مع دراري شاد تلفون في يديه بقات تتحنزز و تعاود تاسمعت فيبرور في جيب .. جبدات تلفون و طلع ليها اسم (Sharaf) وجها تلفون تاني غا بوحدو يديها بدات تترعد هزات عينيها ليه و لقاتو مزال في مكانو مراقب تلفون تاتقطع في يديها عاود صونا نزلت عينيها و طلع ليها تاني اسمو ... بقى تيصوني تاقطع عاودت هزات عينيهاا و بان ليها ناض من بلاصتو و جاي قاصد دارهم غا شافتو هز براسو و هي ترجع دغيا تتلعن في راسها و تطلب انه مايكونش شافها ... نزلات دغيا و دخلات لدار مشات لبيتها نيشان و جلست قدام مرايا تتحسس حناكها لي ولاو كيف ماطيشة وزادو لوان على لوان من ميساج لي وصل

Sharaf

••تنزلي تاخدي صرفك و لا نجيبو انا ••

عينيها تشرعوو في داك ميساج جلست تولول مشات لسرجم طلات بشوية بان ليها متكي على طوموبيل مفرق رجليه بنخوة و تيبخ في كارو لي سف ربعة متابعين بسبتها .. بعدات تتخبط عل حناكها تاوصلها ميساج تاني

(Sharaf)

••غاتلقايني في راس الحومة ••

قراتو و جلست تخبط على حناكها صافي لقات راسها ماعندها مادير طلات بشوية و بان ليها غادي بصح تيرمي بخطواتو بتقالة يد في جيب و يد عليها تلفون ...رجعت بزربة مشات لبست عليها عبايتها تاني و خرجت لقات بشرى تترد العشاء

امل"" ماما انمشي نجيب زريعة و نجي

بشرى"" ردي بالك من داك الحيوان لا يخرج ليك من شي قنت

امل"" ماتخافيش اماما( نطقت تحت منها ) لهلا يوريك معامن انتلاقى .. يلا انا مشيت ..

هزات سوارتها و تلفونها و خرجات و قلبها غادي يسكت بعدت شوية و زربت في المشية منزلة راسها تافاتت الزنقة ديالهم و وصلها ميساج هزات تلفون قبالتها و بانت ليا سميتو تاني

(Sharaf)

‎••دوري مع زنقة وقفي بحالك••

دورت عينيها هنا و هنا بان ليها واقف في لاخر زنقة داير يديه في جيب شورط ساطت على جهد لي ماعندها .. ماقدات توقف قريبة ليه .. و لا تشوف في عينيه .. نزلت راسها و زادت تاوصلت لعندو نزل بهدوء من ديك درجة و عينيه تتمشي و تجي عليها بشوية عليه هو مابيه لا صرف لا والو بيه غادك دمعة لي نزلت من عينيها بسبتو

امل""على ود الصرف مخرجني في هاد ليل و جايبني تالهنا كون عطيتيه غي عاليا لاش محن راسك و محني

شراف"" ( منزل عينيه لملامحها بالكنة خااترة متقلة ) شمن صرف .؟

امل"" واش كضحك عليا ولا مالك ... مخرجني وتقولي اش من صرف

شراف""(صغر عينيه و عوج راسو ناطق بهدوء ) هاد الصرف دار معايا مزيان .. حيد ليك الخلعة .. ولا الحشمة ياك

امل""( طلعات حاجبها متعجبة) شرااف تضحك عليا ولا كيفاش بلانك

شراف""( قرب و شد كاسكيط دورها للور باش توضاح ليه شوفتها و نطق ) مابيا لا صرف لا قلا***ي

امل"" (غمضت عينيها بحشمة من هاد الفم لي عندو ) ولاش جايبني تالهنا اخويا

شراف""( نطق بهدووووء ) راضعين من بزولة وحدة ؟؟

امل""(عضت على شنوفتها بجههد تتهضر و تتلقى جوابو على فمو ) دابة شنو غاتعطيني صرفي نمشي في حالي ولا

خشى يديه في جيبو جبد الصرف و مدو ليها غاتشدو و شد يديها و جرها لعندو نازل براسو شوية

شراف""(نطق بشوية) ماقصدتش نغوت عليك

امل""(حلات عينيها على جهدهم من حركتو و زاد القرب ) الصمت

شراف""(بختورية مخرج حروفو ) ماقصدتش نبكيك لساني خايب و مبري منو (خفض صوتو ) سمحي ليا

تيحس بيديها تترعد وسط يديه و عينيها حكاية اخرى ماتترمشش من شوفاتو لي مطيحين منها النص حاضي بتركييز بين شفايفها اش ينطقو و عينيهاا لي كانت بحالا تتأكد و تالفة و خدودها لي تيبانو غيطرطقو بالسخونية و الحمورية ..فيقها من حالتها غي صوتو و هو ناطق بتقالة مخلي داتها يطلع معاها شووك

شراف"" بيا نتيا امل ..

شراف"" بيا نتيا .. امل

شافها تتسرط ريقها و غاتتشوف عرف راسو دعقها بالكلام وحدة ورا وحدة

شراف"" (بتقالة ) ديك ليلة ندافع عليك و ليوم نحگرك .. ماشي ديالي

امل""(دورت عينيها في دريبة و عاودت شافت فيه) م ماشي موشكيل ( دبلت عينيها ) غي ماعجبنيش طريقة باش دويتي معايا

شراف"" (مقاطعها بتقالة ) عارف راسي قصحت هضرة... ماباغيش شي عين تحنى معاك (تخيل المنضر و هز ليد الثانية بحالا تيشير بيها ) ماباغيش نخلي عش شي قواد نصدق راجع الحبس تاني ..

امل""(مقاطعاه تتحرك بصباعها) ماحنا على فالك

شراف""(بانت ابتسامة جانبية ونطق بصوت تقيل و عينيه مرخين) لا درتها عليك ماشي موشكيل ...

امل""(تبسمت تتدور في عينيها ) لا لا خويا ماقادة على ذنوب

شراف""(طلع حواجبو ونطق ) لا واقيلة مراضعين مافخبارناش ...

امل"" (غلباتها ضحكة حطات يديها على فمها و عودت حيدتها ) خاصني نمشي (بدات تتجر يديها لي مزال شادة عليها باحكام نطقت بشوية ) طلق يدي

شراف""(زاد تحنى شوية تاقرب لودنها نطق بصوت خاتر) نسمع منك سماح ...

امل""(عضت على شنوفتها بقربو تالهاد درجة ) شراااف ( تتجر يديها ) مسامح كريم غي طلق

رخف يديه تاجرت يديها و بعد شوية خشى يديه في جيبو و عينيه مرخية فيها و في ملامحها و هي غا تغرق في حوايجها مد ليها الصرف شداتو و شافت فيه

امل"" بسلامة

شراف""(نعت بحواجبو و عينيه ) درکي گدامي ..

تبسمت و زادت ماشية داخلها غايطير بالفرحة حتى مابقات تاتتحس بخطاويه ضارت مالقاتوش بقات تتقلب بعينيها ساعة حسو ماكينش نزلت عينيها و زادت بعد الخطوات تاحست بيه ماشي في نفس خطوة تاقفزت شادة على قلبها

امل"" خلعتيني

شراف""(نطق بخشونة) مكانتش خالعك في لول؟؟

امل""(تبسمت تتحرك راسها ) وراه قلت ليك ماكينش لاش نتخلع منك ..

شراف""(بقى تيشوف و زاد قرب مد ليها صاشية و نعت بعينيه ) شدي

امل"" شنو هادشي

شراف""(حطهم على صدرها وًنطق ) شدي و صافي بلاما نهضرو بزاف ..

امل"" و خاصني نعرف اش هنا

شراف""(شاف فيها جمع ليها بين تخنزيرة و كولشي ) تاتمشي و عرفيه اش فيه

سكتت تابان ليها نعت بعنيه باش تسبقو داكشي لي دارت سبقاتو بمدة عاد تبعها متقل بمشيتو تيشعل في الكارو و عينيه غادية معاهاا بنفس الخطوات تابانت ليه دخلات لدارهم و دفع الباب دارهم دخل في حاالو ......

دخلاات لدارهم و داخلها تيرفرف ماشي غا تيشطح .. تمات طالعة تتبسم غي بوحدها تاقربت و حبست قدام الباب

امل"" ويلي فين زريعة يا امل

تحل لباب و بانت ليها بشرى تبسمت ليها ببلاهة

بشرى"" مالك تعطلتي

امل"" هانا ياماما غي طريق وصافي

بشرى "" اش داكشي تم

دخلات بزربة معنقة داك صاشي ماعرفت ماتقول دخلات لبيت دريكت وجلست تتقلب في داك صاشي ..بانت ابتسامتها من شافت انواع السقاطة من شكلاط منوع باقة ما كملت تبسيمتها تا دخلات عليها بشرى

بشرى"" اش شريتي نتي تم

(قربت حاطة يديها على وجهها ) اداكشي لاش خارجة مسخوطة خلصتك كاع تساليها في سقاطة

امل""(سرطت ريقها ) و ماما

قربت منها وهزات كاغيط ملوي حلااتو و بان ليها لوز مگلي هزات عينيها فيها بارتباك و تبسمت عاودت شافتها قلبت كاغيط تاني لقات فيه بسطاج عينيهاا خارجين معاها حث تاهي متبعة معاها اش تم وزادت كاغيط الثالت تتلقى اكاجو تتسرط ريقها و زادت كاغيط الرابع تتلقى زريعة ..

بشرى"" او شحال حطيتي هنا يابنتي

امل""(تبسمت ببلاهة ) ماشي موشكيل ا اصلا ماشي ليا بوحدي

بشرى"" ايه الله يرضي عليك انا عمرت اتاي اجي تشربي كويس

حركت ليها راسها شافتها خرجت معاها شوية بيسطاج تتنقي فيه بقات متبعاها بعينيها تاخرجت و عاودت شافت في داكشي لي قدامها حاطة يدها على حنكها

امل"" ايه ياماما شحال حطيت فيه

جمعات داك شكلاط دارتو في مجر و هزات شي لاخور خرجاتو لقاتهم تيتفرجو في تلفازة حطات داكشي و مشات جابت طبسيل حطت فيه داكشي و جلست تشوف فيه

مصطفى""(حيد نضاضرو و شاف فيه) مالكي ابنتي على حالتك

امل"" ا اماشي موشكيل بصحتكم

كبت اتاي و بداو تينقبو و يهضرو و هي جالسة تنقب في زريعة و مرة مرة تتبسم و بالها في سيناريو كامل من لول تاوصلت ليه باش نطق

""لا واقيلة مراضعين و مافخبارناش ""

و بقات تضحك تاوحلت ليها و كلست تكح تامدت ليها بشرىً ماء

بشرى"" بسم لله عليك مالكي تضحكي

امل"" والو غا تفكرت واحد صحبتي وصافي كح كح

سقلت تتكمل زريعتها في حين بشرى ناضت تتحط العشاء و هي ساهية غا مع مخها تعشاو و هي تتنقب و تنوض باقي قلبها يرفرف بشي فرحة غير طبيعية .. كملو العشاء و ناضت جمعت طبلة غسلات ماعن و مسات عليهم و دخلات تنعس كدالك هوما لي مخطاوها بالتوصيات حيث ايخرجو بكري ... دخلات تلاحت فوق فراشها تتبسم هزات تلفونها من تحت مخدة و جابتو قدامها و بان ليها ميساج في واتساب (Sharaf ) حلاتو و دخلات ليه و قلبها يضرب في تسعين ...

""الخوافة مزال هازة من جيهتي ؟""

بقات تقرا في ميساج و تعاود ابتسامتها تتزيد تكبر بلا وعي ولا تحس دخلات لتصويرتو بعدا تتزومي فيها و تعاود عاد تشجعت و ردت عليه

""شكرا على داكشي واخة ماكان عليك تعدب راسك ""

خلات تلفون و مشات تقدي روتينها الليلي اما هو مجبد بكتلتو فوق سداري لابس غا شورط تيهضر في تلفون مع باه و جنبو عثمان تيتفرج في ماتش قطع معاه و طلعت ليه رسالتها

دخل ليها لكن ما ركزش في ميساج اكتر ماركز على صورتها لي في بروفيل ملامح هادئة متبسمة شعرها طاير على ملامحها زوما عليها بعقلو و عينيه شي حاجة تتجدب فيها هاد البنت .. كل ماتجي فيها عينيه تينسى و يبقى مراقبها اش دير ولا اش تقول .. كل مرة تتزيد تجدبو لكن لي في عقلو و كلاتو ... هو داك حشمة كاملة من تجي فيه بالصدفة و تبغي تهرب .. عض على شواربو و ورجع لميساج قراه .. ورجع ليها ..

""بصحتك ..ماتيديرهاش مني قلة الصواب ""

حط تلفون فوق صدرو و رجع متبع مع الماتش ...

فين حين هي تخشات في بلاصتها و تتقرا داك ميساجات و تعاود ردت عليه

"ماعليش هانية "

حطات تلفون و رجعات تكات خاشية يديها تحت راسها تاداها النعاس و هي عقلها عامر و مشطون بيه ..

تاصبح الصباح على صوت دراري صغار تيتغاوتو حلات عينيها بزز بالعي النعاس هزات تلفون شافت في الساعة لقات 11 عرفت راسها خمرت ماشي غا نعست ناضت بروتينها صباحي توضات صلاة صلاتها و مشات تتوجد اتاي باش تفطر سخنت الرغايف و حطت الحلوة و جلست تتفطر دوزت الخط مع بشرى دارت تكبير الصوت

امل"" كي وصلتو الحب

بشرى"" مزيان عاد فقتي

امل"" عاد تنفطر اماما كي دايرن كي لقيتهم كولشي بيخير

بشرى"" بيخير ابنتي ردي لبال راسك عشية ان شاء الله نرجعو

امل""" ان شاءالله سلمي على بابا و على الجميع

بشرى"" طيبي ليك ابنيتي شي حاجة للغدا فلوس حدا تلفازة الا بغيتي تاخدي شي حاجة و لا مافيك لي يطيب

امل""(تبسمت ) الله يحفضكم ليا ماتخميش احبيبتي رتاحي دوزو الوقت

قطعات معاها و ناضت دارت موسيقى حزمت فواطة على كندورتها و ضربتها بتجفيفة على دار كاملة و نزلات دروج من سطح تالحت .. بحكم كاينن غا بوحدهم فديك دار وقالت ارا نخرج تسييقة لبرا زعمة الحداكة ضربتها للودن .. فتحات لباب بشعرها مهمل مخرجة تسييقة ماغاتجي غا فيه جالس قدام الباب قفازي تيبوخ و قدامو كاس ديال اتاي .. عاقد حواجبو لفين بغاو و هو تيشوف ديك بيجامة عازلة عليها مهزوزة على صيكانها جغم من كاسو و خبطو تا تسمع تشااااخ قفزها هي بصح كانت ناسية هزات عينيها عاد شافتو قدامها بقات ترمش بنضراتو سامة فيها تاشافتو نعت بعيينه باش تدخل شافها صغرت عينيها و هو يهز اليد لموشومة و طلعها و نزلها بحركة لبيجامتها عاد ردت لبال لماء ملصقها على فخاضها تمات تتنزل و تحرك دغيا سمحت في تسياق و دخلات و زدحات لباب مخلياه تيعض على شواربو ماحملش المنضر كون يصيب يشرگها ليها وسط لحمها ... ناض وقف جمع داك زاج و دخل في حالو....في حين هي دخلات و مارضاتش بخرجتها هكاك .. بالاخص انه هو لي شافها بديك حالة .. طلعات في حالها سمعت تلفون تيصوني مشات هزاتو و بانت ليها (Sharaf) جلست تتعض على شنوفتها فتحات الخط وقرباتو لودنها

شراف""(بالكنة تتفور و تطيب فوق البركان) اش داك الق**ي خارجة بيها ماعندك ماتلبسي

امل""(صقلها مافهمت تا حاجة يلا غا تجاوب و سمعت صوتو تاني ) الصمت

شراف""(صوتو شاعل تيتبخ على جهد ) مريضة في ك** ك ماشفتيش داكشي كي عازل لحمك ونتي ماشي هنا ...

امل""( خلعها بالمزيان ) و نتا مالك

شراف""( زادت شعلاتو نطق بحدة ساااامة) عاجبك لحمك يشوفو لي يسوى و لي مايسوى

امل"" شراف عيقتي عرف راسك اش تتقول و زايديون ماديت ماجبت كنت مادياها في شغلي

شراف""(ولا هو باغي يبرد تيمشي و يجي في داك السطح صدرو تيتبخ نطق تيفوور) نتي لاله الا مادياها في شغلك بنادم يبقى خاشي عينيه لحمك ( عض على شواربو و ضرب واخد صندوق بجهد حيث ماقدتش يتخيلها في راسو ) خارجة بداك شرويطة هكاك فاضحة لحمك ... مرة جاية نشوفها عليك بربي يا امل تانشرگها فوق لحمك

امل""(وجها رجع حممممر سرطت ريقها ) ش شنو كتقول نتا و و زايديون ماعندك حق تهضر معايا هاكة.. حيث نتا ماشي باابا .. و و ماشي خويا باش تدخل فيا و في لبسي و بقى تعرف اش تقول ماشي شغلك فيا

شراف"" ( مقاطعها بالغوات مشنشط ) اسمعي اسمعي.. انا ما باك ما خوك و عارف اش تنخرج مزيان .. ردي بالك نتي حيث ماشفتيش لحمك معزول وسط داك شرويطة

امل"" عيقيتي بغواتك لا... ياكما ضارب بيا كاغيط

شراف"" ( لسانو حرار وداتو كتر ) كون ضاربو كون شرگت ط***مها و طبعت عليه باش تستري بزز على ك**ك

حلات عينيها بجهههد و فمها كتر واه لسانو شحال صعيب و قاصح نزلت تلفون وقطعت عليه جلست و داتها تترعد بالحشمة و قلبها يضرب يضرب سرطت ريقها بزز تاحسات بجياف ناضت كبات ليها ماء تتشرب تدوز هاد خلعة لي ركبتها من صوتو اما كون قريب منها كون ماتت

امل"" اويلي على لسان عندو اويلي ....( عضت على فمها ) غار زعمة .. اويلي ولاش يهضر معايا هااكاك بحال انا ق**ة

ناضت مشات قدام مراياا و هاهي تتشوف راسها معالم سليبها و سوتيان تيبانو حلات فمها على جهد و تسرط في ريقها عساك برا و ضو ضارب فيها و ماء مفزگها

امل"" ويلييييي تستاهلي يامل تستاهلي

سمعت زدحة لباب بجهد و طلات من واحد جنيب و بان ليها غادي تيخطوي بنخوية كيف عادتو و تيبخ و ينتر بجهد تخلعات واخة بعيد عليها عضت على شنوفتها

امل"" اهاه ونتا مالك لابس داك ديباردور مبين ليا الوشام و فخاضك يلا .. ( جلست على طرف ناموسية شادة وجهها بين يديها نافخة شواربها ) لهيلا قالك كون طبعت فيه

سمعات صونيت لباب و طلات بانت ليا عاليا

عاليا"" يلا معايا ازين

امل"" فين ؟

عاليا"" غي لشارع نجيب الحوت و نجيو

امل"" ل لا مافياش و مزال ما بدلت عليا

عاليا"" انا كنتسناك سربي

ساطت و هي راه الخوف منو هو لي مخليها ماتعتب ولا تشوف برا ناضت حيدت داك بيجامة و دفلت عليها مخنزرة على كلام لي سمعت بسبتها لبسات برميدا و ضوني ديالها لبسجت جليلبة في خضيضر جمعات شعرها كعكة مهملة دارت ايكخو و هزات بزطامها نيت تجيب معاها غداها و تلفونها و هبطات عندها لقاتها قدام بابهم جات قطعت عندها شدات فيها

عاليا"" مالكي منترة عليا

امل"" اربي فوتيني عليك

عاليا""(تبسمت على حالتها بحالا زادت عايقت بداك غوات لي مان تيغوت خوها راه معاها هي نيت ) واخة اخيتي هانا نفوتك .. تامن بعد و عاودي ليا

ساطت بجهد و زادت تتدور في عينيها و تقول ياربي مانشوفو ولا تجي عينيه فيا .. لكن دعوتها تاني ماتقبلت كان واقف مع دراري هاز رجل على حيط و حاني براسو مع تلفون فجأة وقفت بلخلعة

امل"" ي يلا نطلعو من جهة لاخرى ولا عرفتي شنو سيري بوحدك انا نرجع في حالي

طلقات منها دغيا و سمحت فيها مخلياها تتضحك على حالتها و هنا زادت تأكدت مزيان .. اما هي مع قلبت دورتها و تمات راجعة في حالها لكن من طريق اخرى غي باش مايهز عينيه و يشوفها عارفاه يجي تالعندها.. ضارت بشوية بلاما تعيق مالقاتو كاع واش تم .. سرطت ريقها و رجعت مكملة طريقها غادور مع زنيقة تانية تاحست بجرة من دراعها خلات ركابي يخواااو بيهااااا وعينيها بداو يبريو بالدموع .....

رجعت مكملة طريقها غادور مع زنيقة تانية تاحست بجرة من دراعها خلات ركابي يخواااو بيهااااا وعينيها بداو يبريو بالدموع .. تتشوف عينيه حمريييين و حواجب طالعة وحدة في وحدة مشبكة و مشربكة سرطت ريقها بزز تكاها على الحيط و يديه شاداها باحكام منزل براسو لعندها بطريقة بحالا مقنتها

شراف""(بتقالة نطق) لفين ااااا !!

امل""(بدات تنفس بزربة وتسرط ريق لي تتحس بيه نشف بتعلتم ) ش شراف ح حيد من طريقي خليني نمشي في حالي

شراف""( زاد عقدهم كتر من لول نطق تحت منو ) لاش هاربة .. دوي كلام لي خرجتيه في تلفون

امل""(تدور في عينيها من هنا لهنا حاسة براسها غا تسخف و شواربها نشفو ) عفاك خليني نمشي .. مابغيتش نهضر معاك و ماتلاقانيش

شراف""(طلعها و نزلها بلباسها وعاود شاف فيها ناطق بختورية) شفتي سترة شحال زينة

امل"" و مالي انا خرجت بيها راه قدام الباب

شراف""(مقاطعها كازر على سنانو ) علاش باب داركم ماشي زنقة .. ماشي حاضيه لغادي و لي جاي

امل"" (حطات يديها على يديه تدفعها) عفاك وعتيني في دراعي .. و زايدون ماشي شغلك فيا شراف و

شراف""(زاد زير و نزل براسو مع سواد عينيها لي تيبري بشكل يدوخ ) من هاد ساعة شغلي .. من حدك تدخلي هنا (ضرب على راسو ) شغلي امل

قلبها رجع يضرب بجهههد و ها كولشي بدا يترعد عليها كلامو مقصود و زاد بفهمها واخة بطريقة عنيفة لكن بدات تفهم سبب شعلاتو فيها .. غمضت عينيها بالم صباعو لي مغروسين فيها

امل"" ( بهمس ) اححح قصحتيني ( دمعتها تحكنت بيديه لي مزيرة عليها ) رخف يديك

شراف""(منزل عينيه مع ديك دمعة لي نزلت تجري و عاود شاف في عينيها لي تيزيدو يبريو بالدموع نطق بصوت تقييل) شغلك شغلي و لي يطلع فيك العين نعميهم لط**مو

امل""(سرطت ريقها و دموع تاهوما مابغاو يحبسو ) الصمت

رخف يديه و طلعها بشوية حطها على خدها مسح على دمعها حابسها بين شفايفها و نيفها و مسحها على دراعو بشوييية و عاود طلع عينيه لعينهاا نطق بختوورية

شراف"" بادي معاك بالبكى ( شافها تترمش بشوفات غير مفهومة من كلامو و زاد نطق بصوت تقيل ) مانا خوك ..مانا شارب معاك حليب ..مانا شايفك ختي ..

امل يا امل داتها بدات تغزل و هو تيدخل ليها لمعاني و كلام غا بالفن .. تنفسها بدا يطلع بالوتيرة و عينيها تتمشي و تجي مع عينيه بزوج بحالا تتزيد تتأكد من كلامو ..

شراف""(عينيه منخوية فيها و مرخيية تيحس بيها اتسخف ليه تما و هادشي هو لي زايد على مابيه مشى بيديه لنفس بلاصة من دراعها حطها عليها بحركة طلوع نزول بحالاا كيعتاذر منها زاد نزل براسو و طلعات ريحتها معاه بزايد نطق بصوتو تخين و اكتر تقالة ) دركي داركم ..

بحالا عطاها ضو الخضر رمات خطوة بغات تفوتو و شد دراعها و زاد جنب ودنها نطق بختورية خلات لحمها يشوك

شراف""دخلتي لمخي دابة .. ما انا خوك مانتي ختي .. يكتب الله نديرو هاد الخوت بزوجنا في الحلال..

كلامو خلى عقلها يحبس عينيها توسعو على جهدهم اما قلبها يزيد شوية يسكت كلامو قاصح .. لكن تيعطي في الوجه .. وتيقولك فهمي راسك .. حست بخيالو وراها ديريكت مخلي فجوة صغيييرة قبل مايقيسها

شراف""( فمو قريب لودنيها و يديه مزال شاد بيها دراعها مخفض صوتو بهدوء ) فهميها ابنت الجار

عضت على شاربها بجهههد كمل ليها لبقية تاحست بيديه تحطت عل خصرها و دفعها باش تمشي شافها متعكلة غا مع جلاليلها و عاود نطق

شراف""(بصوت تقيل ) قصدي داركم امل قصدي

بحالا فيقها ماشافت فيه ولا دارت عندو راجعة في حالها بخطوات تالفين مخلياه تابع خطاويها و حاضيها بعينه كيف الصقر حاضي لي يشوف فيها ولا لي يهضرها .. اما هي ديك طريق جاتها تقيييلة و طويييلة .. و كلامو تيتعاود مرات .. و مرااات .. ماحسات براحة تاسدات عليها باب دار و جلست في دروج شادة على قلبها بجهههد تتحس بوااااحد احسااااس غريييييييب عضت عل فمها تاحست بدم شرشر منهم لي كلات فيهم هاد ليومين عمرها كلاتهم ...سرطت ريقها بصعوبة و ناضت تمات طالعة حلات لباب و لاحت جلابتها حيث شي سخونية شداها قوية و قوية ... حاجة وحدة لي استنجت من هاد البشري .. (هو جمعي راسك و عينيه و عقلو عمرو بيك نتي و ناوي حلال ) مجرد ما جمعت هاد جمل لي عطاها .. فهمت قصدو و فهمت شعيل لي تتشعلو في كل مرة .. عضت على شنوفتها و بدات تتوسع للابتسامة .. و خدودها زادو في احمرااار

امل"" يا امل هادشي عندك بدا يخرج على سيطرة

ناضت دخلات للحمام غسلات وجهها تبرد عافية لي شاعلة فيها تقابلت مع مرايا تتشوف شواربها حمرييييين بالعضان و اتار الجروح تحسستهم بصباعها

امل"" تبارك الله عليك كي ندير ندرق هادشي دابة

خرجت نشفت وجهها و مشات دارت مرطب للشفاه و مشات جلست هزات تلفون تتلقى عاليا مصونية عليها دوزت ليها الخط ..

عاليا"" واخة فيك خويتي بيا

امل"" بعدي مني ياختي نتي وراك تيجي غاا

عاليا""(مقاطعها) تيجي خويا ههههه

امل""(تبسمت ) عارفة راسك وراك ال

عاليا""(عاودت قاطعتها) ورايا الخير مالكي خويا باش ضارك علمزيناتو ريحة رجلة عاطية في حومة

امل""(سرطت ريقها ) اممم

عاليا"" (تتعيبها تتبسم ) امممم .. دوزي عندي ؟؟

امل"" لا لا اختي وانا نعاود لا

عاليا"" ياك اخانزة معرفة 3 سنين ايجي هو في مدة صغيرة يقلبك عليا

امل"" ماقلبنيش اختي راكي عارفاني تنحشم و بالخصوص( تفكرت كلامو عضت على فمها تاني و نطقت ) هو

عاليا"" واخة الاله كنت بغيتك تغداي معايا غا بوحدي

امل"" غي بصحتك اختي ماجاياش

قطعت معااها مشات جبدات كندورة قصيرة لبستها و مشات توجد ما تاكل .. جبدات ميكة القطبان دارتها في كوكوط و مشات تكات فوق سداري هزات تلفونها دخلات واتساب و بلاصة سطوريات و بانت ليها عاليا حاطة تصوريتها هي وياها في العرس تبسمت و قالت ليها

امل____صيفطيها ليها

عاليا____ اجي تغداي نصيفطها ليك

يلا تجاوبها حتى وصلتها بالفعل تتزومي فيها و تبسم عاجبها راسها فيها جات قوقة و لوين تكشيطة جاها فاتن مع طالون معوجة بوقفتها بشكل فاتن .. لاحتها تاهي في سطوري

امل"" اححح عليا مزيناتي .. امم خسارة ياشراف ماشفتينيش ديك نهار .. (عبست وجهها ) عينيك كانت مشغولة بسهيلة

لاحت تلفون من يديها تنهدت دغيا تقلب ليها مورال تاسمعت ميساج هزت تلفون بان ليها اوديو من عند (Sharaf ) طلقاتو و تطلق على قلبها ماء طايب حرقها بصوتو تخين و لكنتو منخوية

—بغيت نهضر تاني واخة عارف راسي مقودها معاك (سكت شوية و كمل ) وليني خسارة مشايفهاش قدامي كون (سكت ) مسحي يابنتي داك العجب و خليك زوينة ...

داك اوديو بعدا تكون سمعاتو شي عشرة مرات صافي حماقت و تسطات على لكنتو و ختورية كلامو .. تتحس بلسانها على شواربها حيث ولاو تيوزوزو ... تقادت في جلسة و عطات الوقت وصباعها خدامين في كتبة

— لا مانمسحهاش —

كتبتها و بقات تضحك علاياش تتقلب باااينة و مبينة لكنتو محمقاها وباغة تزيد تسمع شي اوديو اخر .. لكن غفلها بالمكالمة خلاتها تقفز تاطاح تلفون من يديها و كتضرب على خدها جمعت قوتها و جاوبت بصوت قليل

امل"" الووو

شراف""(كان جالس في المرح باريحية ناض دخل لبيتو من سمع صوتها ) في تلفون كتوعاري

امل""(حابسة ضحكتها) نتا تتقولي مسحيها مالها اش فيها

شراف""(تكى رامي رجل فوق سرير و رجل مخليها نازلة نطق بصوت تقيل ) فيها نتي

امل"" ولكن راه عجبتني

شراف"" (عقد حواجبو تاني ) تا نا عاجبتني .. يشوفها واحد اخور تعجبو .. فين نوليو ؟؟؟

امل"" شغلهم هداك

شراف""(عض على شواربو ) ضد فيا ؟؟

امل""(حطات يديها على فمها تضحك ) و علاش مثلا غا نشد ضد معاك تلفوني هادا و لسطوري ديالي

شراف"" فيها ختي تما

امل""(عبست وجها ) امم فهمت من حقك

شراف"" (بالكنة تقييلة ) ماشي غي حق واحد تم

امل""(هاعلاش كانت تتقلب تبسمت ) بحالا تيقتي راه خت

شراف"" (قاطعها بهدوء ) مسحي امل .. دابة نيت و خلي ابيل دايزة

تبسمت تحت منها و دخلات لسطوري مسحت فين حين هو مراقب سطوري تابان ليه تمسح و نطق بصوت خاااتر

شراف""دابة عجبتيني كتر

امل"" امم غي على ود ختك اما راه مانمسحهاش

شراف""(تبسم بجنب نطق بصوت تقيييييل ) تيكونو بيناتنا الحيوط تتوعاري بين عيني تولي قطيطة

سمع ضحكتها و زاد تبسم بتقالة مخلي صوتها يدخل مع شرايين قلبو

امل"" (نطقت بشوية ) حيث لسانك قبيح معايا

شراف""(عض على فكو و نطق بصوت منخفض) قبييييح ويني مابغيهش عليك ( تبسم تيلعب بلسانو وسط فمو و كمل ) خليك قطيطة ماتشوفيش مني قباحة

صقلت تتحس بحناكها سخنووووو و تيوزوزو بالحرارة كيتسمع غا صوت تنفسها عرفها حشمت ناض شعل كارو نتر منو و نطق بختوورية

شراف""(بخ مطول) مسالية عشية ؟؟

امل""(حلات عينيها على جهدهم تتمتم) ك ك كيفاش و علاش ش

شراف""(نتر و بخ مطاااول صغر عينيه على ردودها ونطق بهدووء مكرر سؤالو واخة عارفها فهمت ) مسالية عشية؟؟

هو كيسولها و هي تتخبط على خدودها و تتحرك براسها اما شواربها زادت كلاتهم كتر ما هوما منكولين ..

امل"" علاش

شراف""(قرب طفى لكارو في طفاية و رجع تكى كيف كان نطق بهدوء) باغي نشوفك

امل""(تلفت) م ماما و بابا مانقدرش نخرج

شراف""(صغر عينيه دوز يديه على لحيته و نطق بتقالة ) ودابة ؟؟؟

امل""(بقات تترمش و قفزت ) ويلي ويلي ريحة حراق

ناضت تتجري حطات تلفون فوق بوطاجي و طفات على كوكوط .. مخلياه تكعد من بلاصتو عاقد حواجبو تيتصنت تاسمعها قربت تتصوط

شراف"" مالك ؟؟

امل"" (سمعات صوتو و دارت تكبير الصوت) و تحرق لي الغدا و كوكوط ولات كحلة ماما تقتلني

شراف""(تبسم بجنب ) بوحدك؟؟

امل""( بصوت منخفض) وايه ماما و بابا ماكيننش و زعمة بغيت نطيب لي شي حاجة .. و اوووف تلهيت بالهضرة و نسيت الغدا.. يلا دابة

شراف""(بصوت تقيل) صافي ماعليش

امل"" (بزعاف ) و انا ماعليش تنخمم غي فديك كوكوط ولات فاخر (ساكت بزعاف) راه مانقد نحكها

شراف""(ناض تيلبس كاسكيط ديالو ) صافي ماتقلقيش ( خرج من بيتو نازل ) حادگة بزاف

امل"" (جالسة قبالت كوكوط تتشوف فيها و كوكوط تتشوف فيها )تضحك عليا ياك.. بسبابك نتا تحرق لي لغدا ..

شراف"" (خرج دار يديه في جيبو و تم ماشي )حقك عليا

امل"" خاصني نقطع نشوف مع هاد كوكوط

شراف"" واخة .. شوفي معاها

قطعت معاه كانت ناشطة غا تخرجت ليها هاد كوكوط من جنب دارت فواطة و جبدات برودوي و لصقت لگات و بدات تتقشر في حراق .. دهنتها بالبرودوي و بدات تتحك بجيكس و تنگر سخفتها بالمزيان .. مدة و هي تتحك تا سمعت تلفونها تيصوني مشات قرباتو ليها بمرفقها و بانت لها Sharaf جاوبت و بتكبير صوت ..

امل"" ( بصوت باين فيه تعب ) الوو

شراف""( صغر عينيه و نطق ) شنو كديري

امل"" غي مع هاد قرينة كوكوط تفوو مابغات تحك ولا يبياض وجهها

شراف""(بانت ابتسامة شبه مخفية على ملامحو ) نزلي

امل"" اشنو اويلي فين نزل

شراف"" (بتقالة ) بشوية عليك .. نزلي لباب .. لبسي عليك شي حاجة .. تباني بديك شرويطة لشي ولد ق***ة نمزگ بوها

امل"" و علااش

شراف"" يلا امل بلا كترة سوؤالات

قطع عليها و مخليها تتسوعب حتى حيدت داكشي من يديها و غسلت مشات لبسات عبايتها بلا عجز عليها و نزلات فتحات لباب و لقات بنية صغيرة بنت الحومة

امل"" ندى؟؟

ندى"" ختي امل.. خويا شراف صيفط ليك هادشي (مدت ليها صاشي )

امل""(تبسمت ليها و مدت يديها شدات من عندها ) شكرا حبيبة ديالي

مشات بنت تتجري و تلعب بخطاويها... تبعاتها بعينها تابان ليها واقف بعيد بيد في جيب و يد بالكارو تبسمت ليه و دخلات تتكدد فدوك شوارب .. غا سدت لباب و بدات تضحك و شي فرحة و احساس غرييب .. طلعات لفوق و مشات لكوزينة حلات صاشي و بان ليها عصير ليمون بااارد .. كفتة مشوية.. خبز .. شلاضة.. جبدت داكشي و بقات تشوف و قلبها يشطح بالفرحة مشات هزات تلفونها و كتبت ليه ميساج

__علاش محن راسك كنت نطيب

شافتو دغيا قراه و بان ليها تيكتب تا وصلها ميساج وزاد ثاني

— ماتمحنيش نتي

— تلقاي الجهد باش تحكي كوكوط الحادݣة..

ضحكت تاشبعت و كتبت ليه تاني و ابتسامتها مشرعة

__ نتا سبب اخويا

حطات يديها على عينها تتشوف بنص عين على شاشة و هنا تيبان ليها تيسجل اوديو و هي تحل عينيها على جهد عقلها و باغي غا صوتو اوديو تا وصلها ميساج فتحاتو و حناكها تزنكو

— نخليوها في هاد كلمة نتشاوفو و نرد عليك اختي

قراتو و بقاد تضحك و تخبط على خدودها و كتبت ليه

—وشكون قالك نتلاقاك اصلا

بان ليها تيكتب و عينيها غي معاه و قلبها يضرب بيه

— معاياش يجيو داركم ؟؟

جاوبت.. — ماعرفتش

جاوب..— مع خمسة نشوفك .. القطيطة

ماخلاها ت تستوعب تا كان سد الكونكسيو و جلست تخبط و تمشي و تجي في داك كوزينة تاشهية تسدت ليها ضارت تتشوف في داكشي و تعاود تمشي و تجي .. ماقاداش توقف قدامو تاني كاع داك كلام و تفرعين تاتوقف قدامو تتولي قطيطة كيما تيقول ليها.. ساطت و مشات هزات داكشي خرجاتو لبرا حطات في طبلة تغدات شافت ساعة بانت ليها 15:46 دقيقة ناضت بزربة جمعات داكشي و عاودت كوكوط مشات دوشات من ريحة حراق و جيكس خرجات نشفات شعرها دهنات جسمها بمرطب لبسات عليها ملابس داخلية و وقفات قدام ماريو تتحنزز اش تلبس بانت ليها في كسيوة في احمر تتجي مشدودة من العنق و كميمات فايتن مرفق قادت شعرها جمعات بعد خصلات و دارت ايكخو ملمع شفاه ماسكارا و كحل خفيف جبدات صنيديلة في ابيض كعب عالي شوية رشات بارفان هزات تلفون تشوف ساعة تاتلقاه تيتاصل رمشت بالخلعة لي داتها و جاوبت

امل"" الو..

شراف""(واقف بعيد متكي على طوموبيلتو بلباس معتاد شورط جينز ابيض تيشورط عريضة و كاسكيط نطق بصوت خااااتر ) طاكسي واقف في بابكم يجيبك لعندي

قال كلامو و قطع عليها بلاما تنطق عليه تاني مخليها تتلون غا بوحدها يديها بدات تترعد نزلات تلفون من على ودنيها و مشات هزات صاك و شدات تلفون و نزلات فتحات لباب و بالفعل طاكسي واقف قدام باب ديريكت حلت لباب و طلعات .. كسيرا طاكسي.. عاد حل لباب طوموبيلتو تاهو و طلع مكسيري .. متوجه لبلاصة فين دار مع مول طاكسي .. اما هي حناكها غادين يطرطقو بالحشمة رموشها تيترعدو غا بحدهم و يديها تتعرق و تنشف بان ليها طاكسي تيستعد باش يوقف تتشوف انها خرجات من الحومة بمرة .. وقف طاكسي في شارع الكبير .. غاتحط يديها تفتح لباب تا كان سباق فتح لباب مخليها تتسرط في ريق لي نشف ليها .. تابان ليها تحنى براسو مع باب قدامي تاع طاكسي مد فلوس لشيفور و عاود ضار بعينيه لعندها سد لباب بيديه و عينيه معاها هي لي منزلة براسها بشكل حشمااااااان تا شعرها مغطي ملامحها تمشات بعد خطيوات تتعكل .. تاحست بيديه على ضهرها بهدوء .. متوجه بيها لطوموبيل لي مبلاصية قدام طاكسي .. فتح ليها لباب طلعات و مشى بتقاااالة فتح لباب و طلع .. تسد لباب من جيهتها و ريحتها عطاتو بجههههد خلات نيفو يستنشق بشكل غير طبيعي .. دور عينيه بهدوء لقاها منزلك براسها تتشوف في يديها نزل بعينيه ليديها تترعد و حمممرة مزينة بخويتمات صغار .. عاود طلع بعينيه و حواجبه تگرنت من وصلت عينيه لعنقها لي تيبري عينيه تسارات على خاطرها و براااحة حط يديه على ركبتو و تكى على كوسان حط عليها راسو نطق بصوت خااااااتر

شراف""شنو لا سلام لا شوفة

امل""(سرطت ريقها بصعووووبة صدرها يطلع و ينزل هزات يديها ردات شعرها ورا ادنيها و هنا بانت ليه بعد ملامح حمررررة نطقت بشوية) سلااام

شراف""(بختورية فايضة) و عليكم السلام

تبسم ابتسامة جانبية شبه خافتة .. و كسيرا بهدوء مانطق و ماتكلم تادازت مدة لاباس بيها .. عاد كان منه كلام

شراف""( بصوت تقيل ) فين وصلتي مع لكوكوط بيضتي وجهها..؟

امل""(تبسمت تترد شعرها ورا ودنيها ) هاد ساعة بياضت .. ترجع ماما و نشوفو

شراف""(مراقب ابتسامتها و حنوكها لي يطرطقو نطق متقل) مزيان الحادكة ..

تبسمت تدور في عينيها و يديها تتلعب لعيب في يد الصاك هو مراقب بين ملامحها و يديها تاحبس في كورنيش تيطل على البحر خاااوي سكت طوموبيل و دار شاف فيها

شراف""(بهدوء ) ياكما تتسنايني نديك لقهوة ..

شافت فيه و نزلت عينها و كمل كلامو بتقالة

شراف"" عمرك تشوفيها معايا ( شافها دارت عندو مستغربة حط يديه على فولون و يد على كرسيها كمل بنفس نبرة مخلي عينيه تمعن في ملامحها سمراء و عيونها و داك كحل لي زاد على سوادهم) مانحطك وسط قهاوي .. تقوى عليك العينين و الغاشي .. شحال قضي نحضي

امل""(وسعت عينيها ) ك كييفاش مافهمتش شنو تحضي ..؟

شراف""(عينيه تتنزل و تطلع بين عينيها و شواربها بهدوووء ) نتي

امل""(بقات غا تتشوف ) الصمت

شراف"" (بصوت تقييل ) طبعي حار ..ختي و مانبغيها تجلس وسطهم بقى لي غير نتي نحطك وسطها.. عطى الله البلايص الزينة ..

امل""(حركت براسها و تبسمت ) الصمت

شراف"( صغر عينيه على شواربها نطق بصوت قليل بنعت ليهم بحواجبو ) منهم هادوك .. مالكي عليهم ..

امل""(نزلت عينيها وزادت تكدد عليهم بحالا فكرها يديها بدات تترعد ) الصمت

شراف""(تبسم بجنب و نقولو مابيناش كاع و عينيه حايرة بين عينيها و شواربها لي زادو حماااارو نطق بصوت تخيييين خاتر ) باراك عليهم .. (تحنى طل عليها على عينيها و نطق بصوت قليل ) تلقاي باش تخرجي فيا عينيك ...

بقات غير تدور في عينيها ماهي حبست ما هي عياات شواربها كلاتهم ماكلة .. هزات عينيها لملامحه دغيا نزلتهم ماقدرتش تطول في دوك عينين مخلوضين و كيف تيشوفو فيها ..

شراف""(نزل بعينه ليديها و نطق ) فين خليناها اختي

امل""( تبسمت عاضة على شواربها نطقت بلاما تهز فيه العين ) ماخلينهاش فين اخويا

شراف""(هز حاجبو بداك نطق و هاد كثرة الحشمة لي عليها دخلات لمخ مخو و حمقاااتو بمعنى الكلمه نطق بهدوء ) نشوفو باش تسالي هاد خويا ..

امل""(حطات يديها على وجهها مدرقة عينيها عليه و ضحكت بصوت قليل )

شراف"" (بصوت تقيل ) شنو تبقاي مدرگة وجهك علينا

نزلت يديها بشوية تترعد عليها عاودت حطاتها على ركبتها و عاودت هزاتها ردت شعرها ورا ادنيها تتشوف غا من جنب غيرمن رجليه لفخاضو حتى .. تتحس بيه تيميل شوية بكتلته تاتهز شورط على ركبتو هو باغي غي يزيد يتمعن .. هنا جا مقابل مزيان مع ملامحها حسات بكوسان ديالو تيرجع لور هنا تقاد مزيان جبد الكارو .. شعلو نتر منو شي نترات

شراف""(نطق بختورية) دوري لهنا

حاولت تزعم و هنا كحزت بجسمها شوية بحالا دارت لعندو بقات مطلعة عينيها من يديه موشومة وسط صباعو كارو محطوطة على فخضو تمات طالعة بشوية مع جسمو تاوصلت لعينيه ... و شدتها تلفة تاني عيات تجاهد باش تطول ما قدت شي شوفات عندو بزاااف ... نزلت عينيها و عاودت هزاتهم و بانت ابتسامة على شفايفها مورمة .. نتر و بخ مطووووول مصغر عينيه و بانت ابتسااامة خااااترة اكتر حروشية ملامحو سمراااء .. لدرجة بقات ساهية و هنا قدات تطول شوفة فيه ...خلاتو يتمعن في جمالها و حروفها كحلين ..

شراف""(نطق بصوت تقيييل و مدعدع بالكارو ) ضحكتك زيينة

زادت تبسمت تتعض على شنانفها تاعاودت جرحتهم و سال دم صغر بعنيه على شواربها تكعد شوية مد ليها كلينكس ... شدتو من عندو تتمسح تاسمعت صوتو مخرج ليها العقل

شراف""ماتزيديش تاكليهم .. غاتكمليهم ..

امل""(تتمسح بشووية و نطقت بصوت قليل بحشمة )غير ماتنوعاش تكنلقى راسي تندير ليهم هاد حالة

شراف""( عينيه مستقرة مركزة فيهم تركيز نطق بهدوء ) يخصهم الدوا.. ؟

بانت ليه هزات عاود كلينكس تتمسح عليهم بيديها تترعد و تزيد بقى تيشوووف مطول كعد الكوسان طلع الزاج من جوايه بزوج فتح الباب و شاف فيها

شراف""(بصوتو المنخوي) صبري عليا شوية انا جاي..

حركت راسها متبسمة بالتلفة غابان ليها سد الباب و هي تشد على قلبها وااه كلشي فيه بدا يخرج ليها العقل .. شخصيتوو.. كلامو.. شوفاتو.. تفكيرو..قلبها بدا يضرب و يزيد دورت المرايا عندها وبانو ليها شواربها زادو تورمو بجهد و حمارو بشكل غير طبيعي حلات صاكها جبدات ملمع شفاه دارت منو شوية باش يرطابو و عاودت رجعات .. تاتفتح الباب قفزها من بلاصتها شافتو هاز قهوة في يديه بدات تتقاد داك مريا كي كانت و هو طلع حط كاسو و سد لباب و شافها تاتقاد و تعاود ترجع تقاد فيها متبعها مع كل حركة

شراف..(بصوتو تخين) غا خليها

امل"" غ غي كنت حتاجيتها و

شراف""(حط يديه على كوسان و دار لكوسان لي لور هز منو صاشي ومدها ليها نطق بهدوء) خودي القطيطة

تبسمت بخجل و مدت يديها شدتها و بدات تحل فيها بان ليها شي حليوات ( گاطو ) بعد مكسرات مخلطة و عصير شافت فيه

امل"" ( بحشمة) علاش محن راسك مافياش جوع و

شراف""(بختورية فايضة من حلقو و عينه تمشي و تجي على ملامحها) محنتك محنة

تبسمت بحشمة تدور في عينيها مخلية شفايفو تيتحركو بابتسامة شبه واضحة

شراف""( بهدوء) نبدا كلامي ابنت الجار (شافها شافت فيه مركزة و كمل بتقالة) ماباغي ندور بيك في زناقي ولا نبقى مجرجرك.. من بديتي تدخلي لراسي دخلتك ليه بالحلال ا امل ..نتي ماديال تفلية ما انا ديال تفلية ( شعل كاروه تاني و بخ ) عارفاني باقي يلا خرجت و الخدمة مزال تنرجع ليها .. نرصي اموري و ندرك لداركم ندوي مع باك ..

امل""( حناكها تزنكوووو بشكل غير طبيعي تتحرك بعينيها بشكل تالف ) الصمت

شراف""( صغر عينيه و نتر ناطق و دخانو شابك ) زربت عليك ؟

امل"" لا غير

شراف""( مقاطعها مدور براسو نطق بهدوء) دوي دوي

امل "" ماعرفتش شوار ( نزلت عينيها بحشمة) شوار بابا

شراف"" نتي ؟

لوكان عقلها و قلبها يهضرو كون جاوبوه ديك ساعة حيث تينقزو و يزغرتو بالفرحة غير طبيعية و غا ماتتزيد تطيح فيه .. معقول في كولشي .. من اول خرجة ليهم طلبها حلالو .. قاطعتها و عتقتها نمرة ماماها لي تتصوني ليها .. شافت فيه و عاودت شافت في تلفون بتلفة

امل"" م ماما

شراف""( بصوت تقيل) فال زين .. جاوبيها

امل"" ( زاد بحشمتها فتحت لخط نطق بصوت خجوول) ماما .. لاباس نتي..لا ماما مكيناش في دار..جيتو؟..ااه صافي مافيها باس..الله يرحمو..ماتخافيش.. كوني هانية مايجيش مزال..بسلامة

قطعت معاها ردات تلفون في صاكها و هزات يديها تترد شعرها ورا ودنيها و هو تيشوووف و يزيد يحفض تفاصيلها

شراف""(بصوت خاااتر) مابيتينش هنا.. و تباتي بوحدك ؟؟

امل"" كانو جاين و مات واحد سيد من عائلة و مادركتهمش الوقت

شراف""(حرك براسو بتقالة تيبخ مطااااااول نطق بتخانة) جي باتي في دار..

يتبع...