أمل الجزء الثالث

هزات عينيها و عاودت حدرتهم تتمتم غا بوحدها تبسم بجنب على حالتها و نطق بصوت تقييل

شراف"" خفتي ؟

امل"" لا علاش نخاف

شراف""( سكت للتواني و نطق) ماتباتيش بوحدك .. خوافة .. غا تباتي نتي وعاليا ريحتي ماتشميهاش حداك غا رتاحي ..

امل"" (تبسمت) لا لا راني مولفة تنبات بوحدي .. غي تتوصي لا يجي تاني ع

شراف""(مقاطعها و حواجبو يعقدو تاني شي دخل في شي ) ينوي نح** ي الزا**بوه ... على هاد الق***ي باغي نجي لداركم من غدا ..

امل""(عضت على شنوفتها منزلة عينيها بكلامو خاسر نطقت بهمس ) شراااف فمك

شراف""(بالكنة كتفور و تزيد ) يلا ما ح*** ت من داك الفم لي نطق سميتك راني ماشي راجل ...

امل"" (غرقها و حشمها بالمزيان سقلت مازادت دوات ) الصمت

شراف""(جبد كارو تاني تيشعلو عينيه تحولت لحمورية من جنابها و حواجب تربطو و تشكلو بقى ساكت باش مايزيد يخسر تاني لهضرة خرج لسانو بعصبية تيدورو على شفايفو بحاالا تيبردهم من كلامو حار ...

امل"" (نطقت بشوية ) عصبي..

شراف""(دور عينيه وقرب شوية لعند وجهها و بخ من فمو بجنب وجهها و نطق بختورية مرمردت قلبها ) عمرني كنت صاحي .. من صحيت بيك نحرگ بوهم واحد بواحد لي يقرب منك ...

امل""(بتلفة) و و تخرج على راسك .. تبغي ترجع تاني تدوز الحبس ...

شراف""(بنفس القرب و ختورية كلامو زادت مزگت قلبها ) حاجتي نعزها بگلبي و عيني .. لا كانت يدي تقضي نخدمها ونقضي بيها ..

امل""(تلفها بهاد قرب و لكنتو هايجة كتر من عينيه نطقت بدون وعي بهمس) و انا ؟؟

شراف""(حاضي شواربها مرمدو گلبو عاود طلع لعينيها و نطق بصوت تقيييل و خاتر) نتي حاجتي و عليك نشعل عافية و نمشي وسطها امل

سمعت كلشي وقرات لحروف و معاني .. لا مفر و لا هروب من عشقو تلفها بكولشي فيه لكن هاد حروشية كلام و افعال مخلاو ليها عقل و لا خلاوها ترجع لوعيها طلعها للسما ووسط سحاب .. فحوليتو مجهدة عليها عمرها شافت بحالو.. ولا غاتشوف مزال عينيها عمرت بيه و وفات ...منين خرج ليها و كفاش دخل لحياتها ...و قلبها و استوطن داخل عقلها .. عضت على شاربها بدون وعي تاعاودت جرحاتو و سال دمها تاني قدام عينيه لي من لول تدور و دور و ترجع ليهم قرب بيديه لي عليها كارو بشوية و هي مراقباه بتلفة تاتحط صبعو على شاربها خلى رجفة تطلع مع جسمها .. حطو على جرح و دوزو على شاربها مسح ليها تا تطبع في صبعو .. و بعد عليها مدور براسو للبرا تيحيد افكارو لي تلفاتو حط مرفقو على باب و مشات يديه لفمو .. بالضبط صبع لي عليه الدم خلطها بين لحسة و مصة .. دايق دم شاربها .. لي جاه حلاوة على الحلق لي نشف ليه بسبتها ..

تكى براسو على كوسان مغمض عينيه و هي تتنش بيديها على حرارة لي تطلع مع جسمها حيث بصح ماشي غا حرارة قربو حرارة كلامو حرقتها و شعلت فيها العافية ...تابانت ليها قرعة ماء ممدودة ليها .. دورت عينيها بخجل شدات عليها حلاتها تتشرب و عينيه مع شواربها و تنزل مع قرجوطتها تاكملت حطات قرعة .. هزات داك عصير تتشرب فيه تبرد على جوفها ...

شراف""(نطق بتقل حروفو ) كنت انشد طريقي للمحمدية نجيب الواليدين .. بالحق دابة ماعندي فين ندرك

امل"" (دوزت شعرها ورا ودنيها بخجل) غي سير ماشي موشكيل واليديك هوما لولين

شراف""(صغر عينيه حواجبو طالبين الشرع منو نطق بصوت خاااتر ) هاد ساعة نتي لولى .. الواليدين يتسناو لصباح .. نخلي عيني وودني خدامين معاك تايدرك الصباح...

تبسمت على كلامو تتلعب بيديها على داك عصير هو مراقب و يزيد و يقول قليل .. حتى نوض طوموبيل و كسيرا بهدوء

شراف""(شاف فيها و رجع تيشوف في الطريق نطق بختورية حروفو ) امل ....

نطق اسمها منو تيجيب ليها رجفة دورت بعينيها ليه و نطقت بشوية وصوتها مترعد

امل"" نعام

شراف""(دور عينيه شاف فيها و عاود رجع لطريق تبسم بجنب نطق بصوت تقيل ) شنو زعمة ماتخافيش ...

امل""(شربت من كاسها تتبرقق في عينيها نطقت ) ماتنخافش

شراف""(شربك حواجبو و عاود شاف فيها ) غا مني انا زعمة !!!!

امل"" ( بانت ابتسامتها ) ماشي خوف .. قلتها ليك

شراف""(عض على شواربو تيكدد عليهم تاحبس في سطوب ودار لعندها و نطق متقل ) تحشمي مني؟؟ (تبسم ابتسامة جانبية) بالحق دخلة مقودة درتي ليا ..

حطات يديها على حنكها و ضارت تضحك مخلياه تيتبسم بجنب ماقدرت تدوي ولا تتكلم هضرتو ديما تيبداها و تيساليهم ليها في ثانية وحدة .. وصلو للبلاصة فين هزها و حبس جبد تلفونو من جيبو مدوز نمرة ... نطق بهدوء

شراف"" نفس البلاصة .. الله يحن عليك ...

دورت عينيها ليه فهمت بلي هضر مع طاكسي بان ليها تكى مزيان على كوسان و شاف فيها بهدوء

امل"" مكاين لاش ناخد طاكسي اخور

شراف""(هز حاجبو فيها نطق بختورية ) ماشي اي طاكسي تمشي معاه ..

امل" اويلي وعلاش

شراف""(هز حاجبو و شعل كارو تاني بشووووية عليه و نطق ) هاكة باغي

امل"" (هزت كتافها و حواجبها بحالا قالت لي بغيتي نطقت ) كتكتر بزاف من كارو لا

شراف""(بخ مطوول متبسم) ولفتو و زدت قهرت ك** ي بيه وسط الكوان

امل""(باسف) ربي كبير حقك غادي يرجع طال زمان و لا قصار

شرااف""(عينيه تنزل و تطلع برخوووية غير طبيعية و نطق ) الحق گدامي .. خاصو غايكون في سميتي

امل""(وجههها ولا حممممممر عينيها تترمش بشكل ماشي طبيعي ) ا اه

شراف""(تبسم بختورية مخلي دخاخن تشبك حدا وجهو و نطق ) خوافة .. حشومية.. قطيطة..

تبسمت تترد شعرها ورا ودنيها تابان ليها طاكسي وقف قدامهم .. لمح ليه بعينيه و عاود شاف فيها

شراف"" متأكدة ماتخافيش امل

امل""(حركت راسها متبسمة) اه بلاما تشطن راسك معايا

شراف""(بتقالة ) و علامن نشطنو ..

شافها تتبسم غا بوحدها و دور عينيه بخ من فمو و فتح لباب و نزل و دار لعندها حلات لباب و نطق بهدوء

شراف"" (نعت بعينيه) هزي داكشي معاك .. و لا حتاجيتي شي حاجة و لا خفتي عيطي ليا

امل"" (بخجل ) واخة لهلا يخطيك

شراف""(زاد شوية نزل براسو شوية و عينيه مشات لفمها لمورم نطق بتقالة ) دركي لداركم .. و شوري على شواربك

كانت تالفة و تتزيد تلف بيه و بقربو دغيا تحنات هزات صاشي معاها و زادت خطوات و هو وراها حل ليها لباب طاكسي و مشى عند شيفور حل لباب هضر معاه يوصلها لمنين هزها و زدح لباب و طل عليها من زاج لي قبالتها ونطق بشوية ..

شراف"" نتشاوفو من بعد

غمز ليها بشووووية و مشى مخليها متبعة ليه العين تازاد طاكسي و عاودت دارت لقاتو طلع و كسيرا تاهو و رجعت تتشوف قدامها و يديها على قلبها المفضوح بيه....

وصل بيها طاكسي قدام لباب ديريكت مازاد و لا نقص المسافة نزلت سدت لباب و بانت ليه طوموبيل ديالو جايا تبسمت تحت منها وضارت تتجبد السوارت فتحات لباب و دخلت غاتسد لباب و وقفت قدامها نزل الزاج طلات كي فارة بشوية تا بان ليها بعينيه كيف الصقر و دغيا رجعت و زدحت لباب تتبسم كيف الهبيلة طلعات بجرية و الفرحة غادي تطيرها دخلات لدار حطات داكشي من يديها فوق طبلة و تلاحت على سداري منشورة تبسم و قلبها يرفرف على الجهد ..

امل"" القطيطة .. امي يامي.. من ليوم نولي نحبهم انا ..

ناضت حيدت صندالتها و تمشات لبيتها دوزت خامية و حيدت كسوتها بقات بضوني و شورط ديالو .. مشات لكوزينة حرنية و الصهودات و هي تتوجد اتاي بالنعناع .. خرجت صينية مشات دارت داك كاطو في ثلاجة قبل ما يدوب و رجعت تتنقب في داك مكسرات تشرب في اتاي تا صونى تلفونها ضربتها فزعة .. تبسمت و جاوبت بوجه متبسم

امل"" الزين

عاليا"" فينك جيت مالقيتكش

امل"" عاد جيت احبي .. اجي دابة تشربي معايا ااتاي

عاليا"" انا جايا نزلي حلي لباب ولا لوحي غا ساروت

امل"" واخة ازين

ناضت بخطيواتها لبسات عليها العباية بلا عجز عليها تتبسم غا بوحدها و عينيها يبريو .. حيدت خامية و طلات من السرجم و نزلت عينيها لباب بانت ليها تحل و خرجت عاليا شيرت ليها باش تلوح ليها سوارت.. لاحت ليها و بقات مراقباها تادخلات و عاودت دوزت خامية حيدات داك عباية و خرجات من لبيت و حلت لباب و بانت ليها عاد وصلت معها قد قد

عاليا"" دايرة لي اغراء نتي ههههه

امل"" لواه اغراق ههه

عاليا""(سلمت عليها و زادو داخلين ضربتها لطرمة) ويلي على طروفة تي غلاضيتي لا

امل""(تبسمت جلست ) ماعرفت راه انا من نوع لي دغيا نغلاض و دغيا نضعاف ... شوية نبان ليك تسلت تاني

عاليا""(نقبت من مكسرات ) نفسية نفسية ديك ليام كان مدوزها عليك داك الكيدار ..

امل"" ويييه الله يلگيها ليه .. مزيان ؟؟

عاليا"" بيخير جيت قبيلة مالقيتكش

امل"" اه كنت خارجة ( ناضت بزربة قبل ماتفضح راسها) نمشي نجيب حليوات باش تدوزي كاسك

ناضت و سمعات صوت عاليا من المرح

عاليا"" تي سمعتي لي سمعت ؟؟

امل""(تتحط حلوة في طبسيل) شنو سمعتي ..؟

عاليا.""" تي ماشي منير و سهيلة فركتوها

امل""(كانت خارجة من كوزينة تا حست بحال شي خبطة لصدرها و الحلق تجرح ليها ) كيفاش دغيا

عاليا"" مافهمتش اختي قبيلة من كنت في سويقة سمعتها من جارات قالك لبارح شافوها جابت بالزها و جات لدارهم ..( جغمت من كاسها ) ايوا دابة قالك بسبب شراف

امل""(وجها تلوووون ) و مالو هو

عاليا"" قالك ماقالك حاگة و الواد حيث شافتو رجع بغات ترجع ليه .. الله يلگيها ليهم كحلة زحلة ..

امل""(حلاقمها تقجو عليها و عينيها بداو يبريو ) و هو زعمة يرجع ليها

عاليا""(طلعت حاجبها) من نيتك اصحبتي .. مانكروش اه كانت معاه و عزها مهلي فيها لكن حاجة يلا كرهها واخة مانعرف اش يديرو ليه مايشوفش فيها .. نساااها من شحال هادي ..

امل""(قلبها تيفور و يشعل بالنار الغيرة ماحملش كيفاش ديك مهلي فيها ) امم .. هو لي يعرف

عاليا"" عارف ماتصلح ليه غا وحدة درويشة و ديال الزمان تدگ معاه و تحفر .. ماشي خلاطة ( تبسمت و ضربت ليها يديها ) بحالك نتي ايسحب ليك ماعيقاش ماقنتكش في كوزينتنا ..

امل""(ضربتها ) ايه مانساها ليك هاديك خانزة

عاليا"" بالحق نقولك ..دخلتي ليه لمخوووو اصحبتي .. مرة لولى قالي واش انا تنخلع .. مرة تانية قالي واش هي هاك و لا غي معايا .. يعني دخلتيله لمخ مخو هههه خويا وانا عارفاه

تبسمت و حناك رجعو حمارو هزت اتاي و بدات تجغم منو مدرقة نيت على ملامحها مخلية عاليا تتبسم ميقة ليها عايقة و فايقة بيه و بيها ......

بقاو على الهضرة و الكلام كل مرة تشد وحدة في لاخرى هضرو تا على التعارف العريس ديال عاليا

عاليا"" ايوا تيخصني نبان زينة اخيتي

امل"" نتي اصلا زينة بالحق علاش خوك عينه هكاك خضرين و نتي لا

عاليا"" (بالغوات و تدوح في راسها ) خضريييييين

امل"" مالكي الخرية مجرد سؤال بسيط وصافي

عاليا"" ههههههه هو شابه لعائلة بابا و انا و عثمان لعائلة ماما هداا مكان

امل"" امم تنعيق ياكي

عاليا"" ههههه بزاااف كاع دابة بيناتنا تيعجبك ..

امل"" (تبسمت تتلعب في كاس ) هو صراحة شخصيتو قتااالة

عاليا"" هكاك تواضعي معانا الاخت (ناضت ) نمشي ندير ليهم العشاء اختي نوجد شي طويجين ولا نشوي ليهم .. اجي تعشاي معانا

امل"" لا لا اخيتي غا بصحتك بيه

عاليا"" لا خفتي عيطي ليا و جي باتي معايا

امل"" لا غا كوني هانية مهم باش مكان تلفون بيناتنا

عاليا"" لي بغيتي مهم علمتك احوبي

ناضت لبست عليها عبايتها و نزلت معاها لتحت نساو راسهم بالهضرة متكين على الحيط و بانت ليهم سهيلة خارجة من دار

عاليا"" هالي قلنا

امل"" (عينيها تعماو حواجبها مكشرين فيها ) تيبان لي غانبقاو نشوفوها بزاف

عاليا"" تشوفها الجربة و قلة الدوا

امل"" (مطلعة حاجبها ) واش بقات فيكم حيث سمحات فيه ولا كيفاش

عاليا"" لهلاااااا يحييييها تا تبقى فيا .. بقى فيا خوويا لي كان غادي معاها بنيتو و هي تتحفر مع داك كلب ديالها

امل"" ايوا صافي تبقاي شادة فيها تفكري في ماضيها معاه

عاليا"" عنداك طيري عليا

امل"" (تداركت موقف) غي قلت ليك تبقاو تعصبو راسكم وصافي

عاليا"" لا حبي تتعصبي غانتي هاد ساعة هههه

امل""(دفعاتها) سيري اختي لداركم

ماهي تدفع فيها و خرج مع الباب مبدل عليه و ريحتو تشم من بعيد نزلت عينيها بدعقة مخلية عاليا رابطة عينيها بيناتهم بزوج لي وجهها تلون و هو نضرتو كانت بين الحدة و بحالا ماعجبو الحال يبقاو وسط الزنقة تحولت شوفتو لعاليا و نعت براسو باش تدخل دارت لعند امل و شيرت ليها و قطعت بجرا دخلات مخلياها هي تالفة بتخنزيرتو كانت كافية ترمي خطوة دفعات لباب و دخلات في حالها ..غاشوفة طيحت منها النص بقى لسانو واش يخرج فجأة تغيرت ملامحها من عارفاتو خارج و سهيلة تاهي خارجة و بدات تربط في احدات تشربك و تفصل و تخيط غابوحدها ..طلعات بزعاف حيدت عبايتها و جلست تتغزز في شاربها تاني تاكتشوف

مكالمة طلع ليها اسم Sharaf

بقات تشوف في داك مكالمة دايزة و هي تبدا تلون عارفة لاش معيط شافت تاعيات و فتحت الخط

امل"" الو

شراف""(كان متكي على الحيط تيبوخ و يزيد نطق بصوت تخين و تقيييل ) باغة الجموع تركني في داركم و لا دركي عندها ..وسط زنقة يدوز عليكم لي غادي و لي جاي علاااش

امل"" (بصوت قليل ) غي نزلت معاها و صافي

شراف""(حواجبه مشربكة و نطق بتقاالة ) جموع زناقي ماتيعجبنيش .. عساك نتي غادي و جاي يهز عينو فيك امل ...

تبسمت تحت منها عاجبها حال و بلكنتو تتزيد تطيح بالمعقول .. هادشي عمرها كانت دايراه في بالها او حلمت بيه .. بقات ساكتة مادوات ماتكلمت .. اما هو بقى كيتسنى شي رد عاقد حواجبو تقول ملاصقين ماشي مفروقين .. تيسمع غا صوت تنفسها تاعاود نطق بختورية حلقو ..

شراف""تفاهمنا !!

امل"" (نطقت بشوية ) واخة !!

شراف""(صغر عينيه ونطق بخشونة )لساني حار .. !!

امل"" (تتمسكن عليه ) دغيا تتعصب عليا شراف

شراف""(بهدوء) حاجتي تنعزها امل .. هاكة عقلي مقود شوية .. دابة توالفي

امل""(عضت على شنوفتها بخجل ) مزال ماوليتش حاجتك اخويا

شراف""(تبسم بجنب تقول مابيناش كاع نطق بختووورية فايضة ) حاجتي .. مقيدها بعيني و بگلبي باقي غا سنياتور و ها حنا فضينا الشغل ..

امل""(بعدات تلفون و جلست تضحك و تبسم غا بوحدها عاودت رجعت تلفون حداها ) امم

شراف""(حل طوموبيل طلع سد عليه لباب نطق بهدوء) مزيانة؟ ماخيفاش؟؟

امل""(سمعت زدحة لباب و طلع معااها شياط ) شراف

شراف""(بتقالة ) حاجتو ..

امل"" (تبسمت على هاد كلمة حمقتها شوية بدات تتعض و تعاود على صبعها باغة تنطق و تسول نطقتها ) فين غادي ؟ شفتك لابس و و واش غادي لمحمدية؟

شراف""(تبسم بجنب و كسيرا ) غادي الخدمة نشوف دراري علاش محتاجة شي حاجة

امل"" لا غا سولتك قلت يكون عندك شي غرض

شراف""( عض على شاربو بجهد و نطق بتقاااالة ) غرض واحد لي عندي راكي عارفاه

امل""(تبسمت تتلعب في شورطها ) خاصني نقطع

شراف""(بهدوء) كي بقاو شواربك

امل""(خرجت عينيها و نطقت بشوية ) عاد ندير ليهم دوا ..

شراف""(مركز مع الطريق و نطق بصوت تقيييل ) داويهم .. داويهم .. ماباغي شي عين تحكر فيهم

امل""(عضت عليهم بجهد بحشمة تا حناكها زادو احمرار على احمرار ) ان شاء الله

شراف""(بهدوء ) تحتاجي شي حاجة عيطي

امل"" واخة ربي يخليك

شراف""(تبسم بجنب حبس قدام المگازة ونطق بتقولية ) و يخلي ليا حاجتي ...

قطعت عليه ماقدرات تزيد تاني تسمع شي كلمة اخرى صافي سالاهم ليها ليوم بالمزيان خلط ليها شغل و كلام .. عقلها تلف و قلبها اكتر .. ناضت من بلاصتها و فرحة اتخرج ليها من عينيها مشات جبدات داك الكاطو شهيتها تحلت دارتها في طبيسيل و رجعت جلست فوق سداري و حطات طبسيل فوق فخاضها و بدات تاكل مشات الواتساب تتراسل مع ماماها لي كتوصي و تعاود مدة و هوما تيهضرو تعاودو على جنازة و على العائلة تا اشمن الوقت و هوما تيهضرو .. اليل طاح ناضت سدات الباب السطح و نزلت ساقطت الباب تحتاني و طلعت سدات عليها باب بساروت و رجعت جلست تتفرج في تلفازة و عينيها مرة مرة في تلفون .. من قطع معاها ماعاودت شافت منو ميساج ولا مكالمة.. عبست بوجها و ماعجبها حال ..

امل"" هادي هي كتخافي .. ماسولتي فيا و لا طحت في بالك بالحق غلط ديالي انا .. ياكما مع سهيلة .. اويلي و يتلاقاها و يتفكر ماضيه معاها يرجع معاها نحماق ..(شدت من راسها ) استغفر الله اش هاد الحماق تاني ..من طالبني للحلال لاش غايتفكرها هي ..( ساطت بجههد ) اووووف ا شراف اوووف خربقتي ليا راسي بيك ..

مشات جابت ايزار تغطات و رجعت تكات شوية ناضت خلطت ماسك للوجهها طلاتو و رجعت جلست طالعة نازلة في انستا و تيك توك عيات و ملت بالمعقول .. مشات غسلت وجهها دارت مرطب لوجهها ويديها و رجليها و رجعت تخشات في بلاصتها .. معنقة ليزار تدور في عينيها تابدات تغمض بشوية و زارها نعاس شوية بشوية .. حتى جا صوت ميساج في ادنيها خلاتها تفتح عينيها .. بان اسمو مزين الشاشة Sharaf دخلات ليه فتحاتو و تبسمت بلا وعي ..

— خايفة—

جاوبت— لا لا عادي كون زدتي تعطلت تلقاني نعست

جاوب— مزال في خدمة شي سلعة وصلت معطلة لسطوك

جاوبت— اللهم يسر

جاوب— اللهم امين ..ماتسناينيش تانرجع و ندويو ؟؟

تبسمت و كتبت ليه نعاس طار ليها و مافخبارو راه تقاوم باش تسمع صوتو معشش وسط طبل ودنيها

جاوبت— واخة نتسناك

شافتو قراه و معاود جاوبها و هي تنوض جاها جوع ناضت طيبت ليباط و مرة مرة تطل على تلفون تالحضة سمعت صوت طوموبيل مشات بجرا لبيتها و طلات بشوية بان ليها نازل بتقالة تبسمت و بقات مراقباه تينزل شي حاجة من كوفر حطها لداخل فتح كاراج و عاود دخل طوموبيل بقات حاضياه و داك كتلة و مشيتو تتسطيها .. و مخرجة عقلها .. بقات تابان ليها دخل و هي ترجع دغيا هزاات طبسيلها ليباط و مشات تتاكل قبل مايصوني ليها ..

تابان ليها ميساج من عندو

—نعستي ؟

خلاتو واحد شوية وقت عاد كتبت ليه

— مزال

مع قراه مع صونى ليها مخليها تتلون باغاه و باغه تهضر معاه و بالنفس لوقت تترعد غا بوحدها .. جاوبت بشوية

امل"" الو

شراف""(بصوت مدعدع ) خليتك تسناي بزاف

امل"" ماشي موشكيل

شراف""(تلاح فوق سريرو شاد من راسو ) ياكما خفتي ؟

امل"" ( ضحكت )لا لا علاش نخاف ( بزعامة) قلتي ليا عيني ودني نخليهم معاك .. مانخافش

شراف""(بانت ابتسامتو جانبية راد براسو للور مع خدية مدوز يديه على لحيته ناطق بصوتو خاااااتر) قطيطة بدات تزعم عليا ..

امل"" ( حطات يديها على فمها تضحك ) هههههه

شراف"" ( بتقالة ) هاد ساعة مخدم معاك كولشي غا رتاحي ليا

امل"" اممم ( بشوية ) تضسرني ؟

شراف"" عليا خودي راحتك غي مانشوفها على شي قواد كيف مابغى يكون ..

امل""(تبسمت و نطقت بكلام قليل تمسكن عليه) نقص شوية من تخسار كلام تتعطيه لي فوجهي

شراف""(بصوت خااتر) نشوفو وجهك نيت ؟؟

شرعت عينيها بغفلتو نزلت عينيها تتشوف راسها مطرفة وصدرها تيطل سرطت ريقها تاعاود نطق بداك صوت تخين

شراف"" تخلينا نشوفو وجهك ؟

امل""(بتلفة و دعقة بدات تخربق في حروف ) مالابساش تا بغيت نقول زعمة ااا ن نلبس عليا شي حاجة

شراف""(عض على شواربو صوت تقيل نطق ) سيري سيري

قطعت عليه وجلست تضرب في حالتها على لسانها و ماخرج ناضت في ساع لبسات بيجامة نص كم تحت ركبة طلقات شعرها و رجعت تتشوف في تلفون تاعاود صيفط ليها ميساج

— نعيط ؟

غا تجاوب تابان ليها تيصوني جلست تشوف في كاميرة واش هي هاديك واش زوينة عاد فتحت الخط .. تترعد غابوحدها بان ليه تلفونو محطوط و تيبان غا السقف

تتسمع صوتو تيهضر بعيد و كتسمع صوت تيقرب تابانت ليها يديه هز تلفون وقابلو معاها بعيينين مرخيييييين تبسم بجنب جلس على طرف سرير محني على تلفون .. حاضي ملامحها حشمااانة

شراف""(نطق بتقولية) حاجتي

تبسمت كاحزة مدرگة بوجهها بحشمة تيبان ليها متبسم بتقالة تيحك على لحيتو و داك الوشام مزين دراعو و زايدين عينيه مرخية و داك تخلويض لي خلوض قلبها ..

شراف""(بختورية عينيه تمشي و تجي مع نصها بين كتفها و شعرها) باني ..

قاطعو دقان في باب و هي تبت تشوف وساقلة بان ليها هاز بعينيه لباب و سمعت صوت عاليا و بدا تخبط على خدها

عاليا"" سخنت ليك العشاء خرج تاكل

شراف""(دور عينيه لتلفون و بانت ليه تدير حركة بيديها مخرجة عينيها فيه باش مايشوف تلفون جابت ليه ضحكة نطق بهدوء ) جيبيه ليا لهنا الله يحن عليك

عاليا""(كانت حاضية و شكووكها 99٪؜ تبسمت ) اامم واخة اخويا .. ( تمات مقربة لعندو و تيبان ليها تيعوج تلفون بشوية ) شراف كي شتي امل بنت جارتنا .. مسكينة بايتة بوحدها ليوم .. شنو بان ليك نمشي نبات عندها

شراف""(صغر عينيه فيها و عاود دار لتلفون بانت ليه شادة من راسها و تتخبط بلا حس حيث سادة مايك عض على شنوفتو حابس ابتسامتو و عاود شاف فيها ) سيري جيبي ليا نقصي .. و سيري تنعسي

عاليا"" غير قلت ليك وصافي .. مسكينة خواااافة

بانت ليه خرجات ودور عينيه لديك مخلوقة لي في تلفون تتلون غا بوحدها شادة على خدودها بيديها بزوج بقى تيتمعن ابتسامتو مبينة بشويية تا تحل عليه الباب و حطت ليه العشاء بلاما تنطق غا تسدت لباب و هي تحيد صامت و بان ليها ناض سورت عليه عاود شاف فيهاا و تبسم

شراف"" (بتقالة ) مالك تتندبي

امل"" ويلي ويلي قالت ليك خواافة ممسوخة لاخرى تتفلى عليا.. اصلا عايقة بشي حاجة بيناتنا داكشي لاش تتمسكن عليك تما

شراف""(بقى تايشوف و يتمعن في داك شهد لي قدامو و تيتبسم بشووووية و بتقاالة تا نطق ) باش عايقة ..( غمز ليها ) شنو بيناتنا

امل"" (ميقت ليه بزعاف) تضحك عليا اشراف ياك ..

شراف""( حك على لحيته ودوز عليها بيديه بتقااالة و عينيه مرخوييية فيها نطق بصوت خااااتر ) نضحك على عمري و مانضحك عليك .. شوية الوقت و يعيق كولشي ماشي غا هي ..

بقى بعينيه مرخيييية بهدوووء تتمشي و تجي مع ملامحها و هي غارقة في حشمتها .. ماعرفت ماتقول تيعرف يسكتها بالخف و يقلب للكفة .. غا تتشوف لا هضرة لا حركة .. حتى بان ليها قاد تلفون قبالتها و ناض بان ليها جسمو كامل سرطت رايقها و عاود تحنى طل عليها نطق بختورية

شراف"" نغسل ونجي ..

حركت راسها و هي بقات مراقبة البيت لي بان ليها مع بلاكار نيشان مستف و مقاد بتاويل تبسمت غا بوحدها كيف المهبولة حتى كتسمع صوت خطاويه تيقرب و بان ليها بدراعو معرق وسعت عينيها و عضات على نص شاربها بدون وعي و كمل ليها باهية من بان كامل لابس غي شورط سمورية جسمو معگدة و مطراسية دراع ليسر مبين وشامو كامل و لاحضت بوشمة صغيرة في صدرو لي زين بالسنسنلة .. سرطت ريقها من تقابل بعينيه معاها ..

شراف""(بتقالة ) معشية

امل""(حركت راسها متبسمة ) ايه كليت (نطقت في خاطرها ) بقات شي شهية ماكلة ياخويا ..(هضرت بشوية ) شراف نسولك

شراف""(هز خبز و بدا يدوز نطق بخشونة ) سولي

امل""(بان ليها دار دغمة في فمو و وضاح ليها الوشم ) داك الوشام امتى درتيه؟؟ يعني عاد ولا كان قبل مايوقع معاك داك بلان

شراف""(تيمدغ بشوية و عينيه مراقبة بهدوء نطق ) من كنت في عمر ثنين و العشرين.. (هز دراعو بتقالة ) هادي من كنت في طاليان..

امل"" (صغرت عينيها) علاه كنتي في ايطاليا (تبسمت) يعني تتعرف مزيان تدوي بيها

شراف""(حرك براسو بشووية تيمدغ ) مشيت على 22 عام بالكونطرا 5 سنين تقاتلت تاعيت مادرت وراق و رجعت في حالي ماعاودتش مشيت

امل""اااه ماكتبش الله .. و لي هنا ( بنعت لصدرو و لي شاد شوية من عنقو )

شراف""( كمل مديغو متبع معاها براحة معاها و مع فضولوها لي جاه حلاوة نطق بصوت تقيل ) تم نيت ( هز حواجبو ) وهاني نادم عليه عقلي كان في ك**ي تادرتو

امل"" ( عقدتهم في وجهو ) ضروري زعمة تخرج داك كلام حلو الله الله

تبسم و دار دغمتو في فمو و عينيه متبعة و زيادة تطلع و تنزل و تدور على ملامحها بشوووية و برااحتو ..

شراف"" ياتولفي عليا .. يا تولفي عليا مكانش شي حاجة اخرى

امل"" ولا تيتحيد دابة لابغيتي تحيدو ..غي هو حصص تاعو غااالية بزاف

شراف"" الله يسمح ليا العقل كان طايش

امل"" الله غفور رحيم (تبسمت و نطقت بمزاح ) حتى انا بغيت ..(شافتو حرك براسو عينيه صغارت و نطقت غا ضد فيه هازة يديها ليه بالضبط جهة العروق ) بغيت ندير هنا وريدة صغيرة

شراف""(تحولت شوفتو لتخنزيرة عاقد ستة و ستة في سبعة مشربكة عليا تما نطق بصوت تقيييل ) انا نيت نديرو ليك تجي ؟؟

امل""(حلات عينيها بصدمة دارت راسها بهلة ) او تتعرف ليه .. صافي (وراتو يديها من جنب ) هنا دير لي دار دقات القلب تيجيو زوينن ياك

شراف""(تيمدغ و تخنزيرتو تتزيد تعقد متبع تاسكتت و نطق بتقالة ) نطبع لديلمك في شواربك مزيانة

امل""( حطات يديها على فمها تضحك و تحرك ) اوااعدي على نقشة تطلع

شراف""( حبس لماكلة و بقى تيشووووف تتلون و تزيد حتى نطق بختورية ) تعلمي تنزليها

نطق كلامو و ناض مخليها تتخبط على خدها .. و تتبسم غا بوحدها على ردودو انفعالية .. مشى دا داكشي لكوزينة و رجع بكاسو اتاي و عاد تقابل معاها محني براسو مع طبلة تيشعل لكارو

امل"" (بعبوس) خلي غا ريتك ترتاح شوية كترتي

شراف""(بخ من فمو مطووول مصغر عينيه لي زادت تعسلت نطق بتقالة ) يرتاح عقلي .. نشفو ريتي من بعد

امل"" (باهتمام ) علاش مال عقلك عندك شي حاجة شاغلاك

شراف""(بهدوووء و في الوجه) شاغلاني نتي .. دخلتي لديلمو زدتي بمطارق في ك**ي

امل"" (حطات يديها على حنكها بخجل) صدعتك زعمة

شراف""(صغر عينيه مخلي دخاخن تشبك جنب ملامحو نطق بختورية) صداعك مقود و غلبني

امل""(تبلات بكلامو ) مافهمتش زعمة شا تقصد

شراف""( نتر و جغم من كاسو نطق متقل ) باغي نقصد داركم اش نقصد ..

امل"" (تبسمت تتلعب بخصلات شعرها عاجبها لحال ) امم

شراف""(بتمعن عينيه تدور براحتها وعلى صبيعاتها مطبزين شوية نطق ) قربي نشوف يديك

بقات تتشوف و حشمها ولو افيها والو لكن زنكها غا بلكنتو و شوفاتو منخوية .. هزات يديها بزوج و لاقاتهم و بينتهم ليه.. بقى يحنززو يحفض .. مطيبزين ما عليهم صباغة ولا ضفار طوال ... حلوين و نقين..

شراف""(تيطفي لكارو و عينيه كلاوهم قبل لسانو نطق بختورية حروفو مطولها ) زيييينة بكلشي

بانت ابتسامة على شفايفها تكات و جابت تلفون معاها شويية ناضت

امل"" نسيت .. نطفي بوطة

بقى مراقب ملامحها و هي تتمشى شعرها تيلعب حطات تلفون و ماهي صكعة غا تحنى و ماردت لبال للبيجامة لي نزلت من ناحية الصدر .. خلات عينيه يمشيو ليه نيشان داخ و مبينة (خالة-شامة الجسم) بين شقة الصدر بضبط سرط ريقو خلات صهدة تطلع معاه لاهو قدر ينزل عينيه ولا يتحرك تابانت ليه هزات تلفون طفات ضو فيقاتو تيحك على وجهو عاض على شواربو بشويية..عاود حيد يديه و بانت ليه جلست و عاودت تكات قابلت تلفون معاها

شراف""(بتقالة) مزيانة ماخايفاش

امل""(تبسمت تتفوه ) لا لا بدا يغلبني نعاس

شراف""(بهدوء) نعسي رتاحي .. صباح نمشي بكري للمحمدية

امل"" غي نعس تانتا لا كنتي فايق بكري

شراف""(بصوت تقيل ) نعسي نتي

امل"" (بحشمة ) و مكالمة تبقى دايزة

شراف""(حرك براسو بتقالة عينيه ترخاو بيها نطق بهدوء) تبقى.. نعسي

تبسمت جرت عليها ليزار غمضت عينيها و عاودت حلاتهم فيه و داك فحولية و حروشية ملامحو

امل""(تبسمت و نطقت بهمس) تصبح على خير

شراف""(تبسم بجنب نطق بتقالة ) تباتي في راحة الله

تبسمت و رجعت مغمضة عينيها ماعاودت حلاتهم .. فعلا ماخافتش ولا جا في بالها .. ماكملت تا 10 دقايق تانعست بقى بعينيه معاها مامل ولا تعب عينيه تتعسل و تزيد تخلطت عندو دعوة كملت ليه ديك ( خالة ) لي لصقت بين عينيه دار كاتم الصوت و ناض من بلاصتو تيحك على لحيتو بزعاف ماباغي شيطانو يغرو .. مشى للحمام قضى حاجتو توضى و رجع صلى العشاء و بعد ركيعات و قرب من تلفون بانت ليه غارقة في نعستها تكى في بلاصتو ماقادتش يقطع قحط تلفون فوق كوافوز جنبو و رجع تكى بضهرو هاز دراعو على عينيه .. تاداتو عينيه و خلى مكالمة دايزة .. ليل كامل .. مرة على مرة تيفيق يشوف تلفونو و ينوض يطل في زنقة و يدخل .. و ابرهن ليها ديك ودني و عيني يبقاو معاك .. تاوصلت 6 صباح فاق مشات عينيه لتلفون بانت ليه تبسم بجنب ماتحركتش سوى انها لاحت الغطاء عليها مبين لحم دراعها و شقة صدرها دغيا انتافض من وصلت عينيه تما ناض بتقالة توضى صلى الفجر و لبس عليه و رجع هز تلفونو قدام عينيه وتم نازل بشوية عليه مخلي عينيه معاها خرج طوموبيل من كاراج ورجع دار تلفون تيتسارجى قابلو معاه و كسيرا شاد طريقو بهدووء .. و عينيه مرة مرة تتمشي ليها ... دازت ساعة و نص عاد فتحات عينيها الاميرة نائمة.. حلاتهم على تلفون لي قبالتها دغيا جرات الغطاء عليها لكن مراقبة غي كوسان ناضت شافت ساعة فهمت بلي شاد طريقو و تتبان ليها ديك 9 سوايع ديال ابيل حتى شافت الباب تحل و طلع في يديه كاس القهوة تحنى حط كاس طلع عينيه و عاود حدرها و رجع طلعها بزربة .. تبسمت تاتغمضو عينيها دارت يديها بزوج على وجهها

شراف""( تبسم بجنب عينيه تاكلها نطق بختورية صباحو ) صباح الخير

امل""(تبسمت بخجل نطقت بصوت صباحي بالكاد يتسمع ) صباح الخير ... واش مانعستيش ولا شنو

شراف""( نطق بهدوء و تقولية حروفو ) غمضتهم بيك و حليتهم عليك... القطيطة

تبسمت و حناكها توردو مخلياه مهبط براسو من تحت لكاسكيط و مقرب لتلفون يراقب في ملامحها صباحية و صوتها نعسان.. جغم من قهوتو و نطق بصوتو التخين

شراف""نعستي مزيان؟

امل""(حركت راسها و ناضت تترد شعرها وراها تتقاد في حوايجها) مزيان بزاف .. واش نتا وصلتي ..

شراف""(شاف في ارجاء و عاود شاف فيها مطوول و نطق ) قريب ..حبست ناخد قهوة نكمل

امل""(بعبس ) بزرطك ياك

شراف"" ماتبرزطيش ك*ي غا بهاد هضور..

امل"" (بصوت منخفض تتبرقق في عينيها ) اه اه فمك

شراف""(هز حواجبو لها وعاود كسيرا ناطق بتقولية حروف ) عرفي ليه غا نتي .. (شاف فيها و غمز بشوية) تيخسر يلا سمع لي مايعجبوش

امل""(نزلت عينيها) حيث قلت زعمة بقيتي داير بالك معايا صافي

شراف""(صغر عينيه فيها كي تتمسكن عليه ونطق ) هزي عينيك نشوف

هزات عينيها منفخة بشاربها معوجاه بقى تيشوووف تلفاتو مع الطريق شاف تاعيا و حبس بجنب و زاد لعند تلفون مخلي حروشية ملامحو تزيد توضاح ليها .. تلفها بقات غا تتشوف و ترمش حناكها تتحس بيهم سخنو .. هز يديه مسح على شاربو و نطق بختورية

شراف"" هاد الهضرة راه مقودة كتر من تخسار الهضرة ديالي .. تاحد ما ضاربني عل يدي و گاليا خلي ديك لبنت تعشش ليك وسط دماغك ..

امل""(نزلت عينيها غالباها ابتسامة و قلبها ينقز بالفرحة هاد كلام ديالو غا مزايد يطيحها نطقت بشوية ) ا ايخصني نوض قرب الوقت

شراف""(مراقب شفايفها بهدووووء ) كي صبحو شواربك

امل""(تحسستهم بلسانها و حكت عليهم بشارب فوقاني نطقت) شوية

شراف""(عينيه ترخاو مع لسانها بدون وعي منها خلاتو يوصل للعالمو دور عينه شاف بعيد و عاود شاف فيها نطق ) ديري ليهم دواك .. و لسانك ماتلعبش بيه هكاك في زنقة..

امل""(صغرت عينيها بعدم فهم ) ك كيفاش راه غي قصتهم و

شراف""(مقاطعها بصوت تقييل) هضرت وديري بكلامي .. من تجيبها الوقت و نشرحو ليك ..

امل""(دارت لها طنن في راسها تا ولات تمتم ) ا ا خاصني نوض بسلامة

شراف"" بسلامة تهلاي في راسك

امل"" (دغيا جاوبت )علاش ماغاديش تجي ليوم

شراف""(تبسم بجنب نطق بهدوء) عشية نكون تم

امل"" و واخة الله يوصلكم على خير

قطعت معاه ناضت من بلاصتها تتنقز كي حميقة بالفرحة مشات لحمام غسلت و توضات صلات صلاتها و لبست عليها سخنت اتاي هزات معاه حليوات خدات دوك مكسرات في صاكها و خرجات لخدمتها بنفسية مرتاحة و دقات قلبها عامرين حب و عشق بسرعة بديهة تسلل لداخل اعماق قلبها برجولتو و فحوليتو و هيبتو وسط حومتو .. دازت صباحية .. وقت الغدا خرجات خداتو من صناك و رجعت .. هي لبنات دايرن نوبة كل مرة تخرج وحدة لدارهم تغدا .. سدت زاج و جلست تتغدا تا وصلها ميساج من عندو خلاها تبسم بلا هواها حطات داكشي من يديها و هزات تلفون قبالتها دخلات ليه

— نحكمك دايرة شي قل** ة لشواربك نعصر بوهم ..القطيطة

قراتو و بقات تضحك تضحك ماتينسى ما تيخليها تنسى .. راد لبال و تيحكر بزاف .. نطقت تحت منها

امل"" اويلي على هاد الراجل ..

جاوبت— غادين يبقاو هكاك يبانو؟

جاوبها في للحين لكن اوديو..— —-بربي ياامل و نلقى فيهم شي لعبة نعصر الزا** بوهم..

سمعاتو و جلست تضحك تاني صافي مجنون و غادي يجننها مافيهاش ردت عليه ..

— مدايرة والو غي كون هاني

شافتو ماجوبهاش عرفاتو شد طريقو كملت ماكلتها و ناضت حلات .. رجعت لخدمتها وقت تيدوز و ساعات هكاك تدوز تاوصل الليل و وقت رجوعها للدار .. دازت خدات معاها قريشلات كي موالفة و قصدات لدار فتحاتها وتبسمت و هي تتشم ريحة الملاوي عاطية .. طلعات بجرا فتحات الباب متبسمة ..

امل"" ياااامرحبا دار نورت ياااعلى سلامة

بشرى""(تبسمت كانت مخرجة طرح المسمن من كوزينة ) الله يسلمك ابنيتي

قربت سلمت عليها و عنقتها بجنب

امل"" فين بابا

بشرى"" مشى للجامع باقي مارجع .. سيري بدلي عليك و اجي تاكلي

داكشي لي دارت مشات بدلات لبسات بيجامتها و خرجت توضات صلات و رجعت جلست و بقاو عاطينها لحتيت كي مولفين تا دخل عليهم مصطفى سلمت عليه مشات سخنت ليك اتاي ديالو و ريحو هضرة تجبد هضرة ..

امل"" كي بقاو داك ناس

مصطفى"" ايوا الحمد لله اجرهم لله .. الفراق صعيب شوية

امل"" بصح الله يرحمو مسكين ..

بشرى"" (شافت في مصطفى ) دزتي جبتي دجاج من العربي

مصطفى"" مشى من بالي

بشرى""نوضي يابنتي جيبي سخرة الله يرضي عليك

امل"" (لا هي تفكرت دجاج ولا هي فكرت في سخرة .. ديريكت جا في بالها ) لا

بشرى"" و تبارك الله

امل"" اا لا بغيت نقول اماما تالصباح و

مصطفى"" صافي جلسي انا نرجع نجيبو

امل"" (ناضت سبقاتو ) صافي اباب غي جلس

ناضت تتغزز في شاربها و قلبها بدا يشطح رگادة .. مشات لبسات جلابتها جمعات شعرها كعكة .. هزات بزطامها و نزلات فتحت لباب و من زهرها الحلو جات معاهم نازلين من طوموبيل من دعقة رجعت ردات لباب و بقات تطل كي فارة تا بانو ليها دخلو و خرجات تتزرب .. خاشية وجهها في الارض .. متوجهة لعند الخضار .. وصلت رمات السلام

امل"" واجد داك دجاج

العربي "" ايه واجد صبري عليا شوية توصل الميكة ..

حركت براسها و عينيها تيضرو و يقولو قليل و شي ارتباااك قوي شادها .. حيث ما عارفاه منين يخرج ليها .. بان ليها العربي خرج تيعيط على ولدو لي مشى يتسخر هزات عينيها ماهي تلمح ليه غادي تيهضر في تلفون بمشيتو مهيبة درقت باش ماتبان ليه .. وراه سهيلة و من شوفتها و مشيتها تتبان تابعاه و مراقبة خطواتو .. عقلها خدم و نار الغيرة شعلت فيها العافية ماعگزتش تاخرجت من الحانوت و طلات تتبان ليها وقفات عليه اش تتقول الله اعلم .. سرطت ريقها بصعوووبة حتى كتسمع العربي تيعيط ليها باش يعطيها سخرة شداتها من عندو مرفوووعة... و عينيها تعماو .. خرجت بلاما تلفت ولا تدور جيهتهم.. تبعت خطواتهاا تا دخلات لدار حطات سخرة و دخلات لبيت .. قلبها العاااافية تتگدي فيه لداخل .. اول حاجة طفات تلفونها و خرجت مسات عليهم و دخلات لبيتها تكات و داك دموع ماعرفتهم منين جاو و لا كفاش نزلو .. لكن صورة سهيلة حبيبة سابقة ديالو بيناتهم خطوة وحدة عمات ليها بصيرة .....

جالس وسط المراح مفرق رجليه كل وحدة في جيه متكي بضهره على خدية و تلفون قدام عينيه مزندة حمرررررررة واحد شوفة بين عينيه سامة و حادة مبين كلشي شطنة و عصبية .. تيعيط تلفون طافي .. يصيفط ميساجات ماتيوصلوهاش .. مغيب بالتفكير تا جلست حداه صفية تتخبط ليه على فخضو

صفية"" نوض تنعس اولدي .. اش باقي تدير في هاد لوقت

شراف""(شاف فيها و عاود هز عينيه لمكانة تيلقى زوج ضربات ) انا غادي

ناض بلاما يزيد كلمة طلع في حالو فتح لباب بيتو و مشات عينيه لبالكو خرج شعل كارو تيبخ و ينتر عينيه مع سرجم بيتها لي مطرق و مطاااارق زادو تيضربو تاتم غادي متوجه لبيت عاليا ماعرف اش يدير و تم راجع تاني جلس على طرف السرير .. حط مرافقو على ركابيه تيبخ و يعاود عينيه تتزيد تلون بالحمورية كتر ماهي حمرة... كارو ورا كارو .. شحاال و شحال و هو فايق تاودن الفجر ناض توضى صلى صلاتو و تكى في بلاصتو عاد تغمضو عينيه ..

—اما هي مازارها نعاس ولا شافتو .. الغيرة عماتها و ضببت ليها عينيها .. ممكن كون كانت بنت اخرى ما توصلش تالهاد ماصل .. لكن سهيلة حبيبتو و معروفة عند الكبير و صغير .. انهم كانو بزوج.. كيما قالت ليها عاليا .. تيعزها و مهلي فيها .. زادت شعلت في قلبها عافية .. بقات تخمم تاضربت الساعة فياق .. لي ماتغمضو عينيها ولا زارها النوم .. ناضت مشات توضات صلات صلاتها و رجعت بعجز و نفسية مزيرة و بانت في ملامحها .. صبح وجهها معصور و جفونها صبحو قهوين اما عينيها خلاص تنفخو و حمارو .. دارت ايكخو و غطات تحت عينيها لبيت اونصومبل رمادي هزات نضارتها شمسية دارتهم و نزلت بلاما تصبح على مالين دار .. حلات لباب و توجهت للخدمة العقل فين و فين غايب .. هنا تأكد بلي ملك ليها القلب و دا عقل.. بلاما تحتاج بزاف الوقت باش تفهم .. وصلت حلات فارماسي .. جاو لبنات .. دازو سويعاات صباحية .. حتى وصل وقت الغدا لي نوبتها خرجت هزات غا تلفون دارتو في جيب طابلية ديالها لي خرجت بيها .. وصلات لدار بلاما تدور عينيها لا من هنا و لا من هنا .. طلعات لقات بشرى تتحط الغدا و مصطفى تيتفرج رمات عليهم السلام ..

امل"" السلام عليكم

بشرى"" و عليكم السلام مالكي واش عيانة

امل"" شوية راسي ضرني و مزير عليا ..(تبسمت مشات تتغسل يديها ) ماتشطنيش غير نتغدا و نشرب شي كينة ..

فين شهية و فين نفسيتها .. دخل بين ليلة و نهار قلب حالها .. هاكة دايرة حساسة بلا قياااااس و كتيرة تعلق .. يلا تعلقت باي شخص ماتتبغي تبعد عليه عساك هادا خلى قلبها يضرب بيه .. كملت ماكلتها ناضت جددت ايكخو و غسلات فمها و غادية متوجة لباب و حبستها بشرى..

بشرى"" دي معاك ابنتي هاديك كفيفة لصفية و سيري ديك ساعة

امل"" تا نرجع اماما ولا تانقولها لعاليا دوز ليها

بشرى"" اويلي حي على دوز ليها .. من تيجيبو خير بلادهم تاتمشي نتي تجيبيه ؟؟ هزي معاك ديك كفة و سيري ..

تنهدت راسها مفروع و مرفوع عليها هزات كفة بين يديها و نزلت .. حلات لباب و قصدت دارهم بالفعل و تتطلب في نفسها انها ماتلاقاش ولا تجي عينيه فيها .. صونات تسنات شوية و بان ليها عثمان طل عليها من فوق .. لاح ليها سوارت حلات لباب ودخلت .. طالعة و يديها بدات ترعد و قلبها حكاية اخرى .. طالعة للطابق ثاني تتسمع الهضرة .. و قلبها تيزيد يضرب بجههههد .. حتى حطت رجليها دقت عاد بينت وجهها متبسمة كان عثمان و احمد و صفية

امل"" السلام عليكم ..

صفية ""و عليكم السلام زيدي ابنتي زيدي

قربت حطت كفة في قنيت حدا لباب و توجهت كان عثمان هو طرفاني تتسالم معاه بقبطة اليد متبسمة قربت لصفية سلمت عليها و زادت لاحمد باست يديه

احمد"" الله يرضي عليك ابنتي

صفية"" تاني مك عدبت راسها

امل"" (تبسمت بخجل ) شي بركة و صافي (شافت في احمد و نطقت) كي بقات ركيبة شوية

احمد"" الحمد لله كاين تحسن ابنتي لهلا يديرها كي كانت

امل"" الحمد لله .. مهم خليتكم على خير

صفية"" جلسي ابنتي تغداي تنتسناو غا شراف باقي واحد من طلع نهار ف الخدمة ريحي ريحي

امل "" والله غا بصحة ( تتبسم و قلبها يرف من اسمو لي تنطق بغات تنزل دغيا قبل ما يجي ) مرة اخرى خاصني نرجع لخدمتي

بزز باش خلاتها تمشي نزلات بشوية و كتقول ياربي مانجيش معاه في باب .. حطات يديها على لباب تفتحو .. تاحسات بيديه تسللات مع خصرها و دورها بجهد ساد ليها فمها باليد ثانية و دعقها مع الحيط منزل براسو مخلي عينيه تزيد بحدتها و حموريتها تابدا تينزل يديه بشوية من على فمها تاقشع شواربها المورمة حممممرة نطق بصوت منخفض بتقالة ...

شراف""كون زدتي هاد نص نهار بلاما تباني كون دخلت على ط*** مك تالداك العش لي مخبية فيه..

حلات عينيها على جهدهم تتشوف عينيه و قربو بهاد شكل جاب ليا الفشلة .. سوى سواد عينيها لي تيدور من هنا لهنا و بدا تيتجمع فيهم بريق دلالة على دموع لي بداو يتجمعو .. مابغاش تنزلهم و لا تبكي قدامو .. طلعات يديها حطاتها على صدرو لي تتحس بيه سخووون و طالق العافية...

امل"" طلقني ا شراف نمشي تعطلت

شراف"" (زاد حكمها ولصقها معاه مخلي صدرها يتحك معاه منزل براسو لعندها ) اش كاااين امل

امل""(تلفت لدرجة كبيرة وزادها هاد قرب كامل تتحس براسها تفشل ليه تم ) و والو عفاك طلقني

شراف""(حواجبو تشربكت طالبة الشرع منو نطق بصوت مكبزز) شنو لي ضارك من جيهتي تا طفي داك القلا***ي كاع

امل""( ماقدتش .. بحالا فتح جفونها و بداو دموع ينزلو و ينزلو نطقت بصوت مخنوق نطقها صعيب ) مادرتي والو

شراف""(عينيه تتنزل مع دموعها و تعاود ترجع شفايفها لي تيترعدو و لكنتها باش تتهضر كملت عليه ) هضر معاك شي ولد الق*** ة دواك شي واحد ..

امل"" ( بقهرة منزلة عينيها عليه مخلية دموع يتكركبو ) لا غي طلقني نمشي بحالي .. و ماتبقاش تلقى ليا خليني عليك اشراف شد طريقك و انا نشد طريقي

شراف""(يد طلعت بشوية تحطت دقنها هزو منها تاطلع ليها عينها لعينيه و زاد قرب بزااااف تا مابقى يفصل بيناتهم ولو فجوة نطق بخشووونة ) عمرك تحلمي بيها ..نسايها و مسحيها من ميموار .. عارف ك***ي مريض في. هضرتي وليني باش نضرك من گلبي لا

امل""(داخت لكن نار في قلبها غلبتها ) نحلم نحلم بيها .. من باغيها لاش جاي عندي و تقولي دخلتي لعقلي .. ولا شفتيها وحياا حبك ليها .. شفتك بعيني ماهضر معايا حد ولا قالو ليا شفتك واقف مع حبيبتك لولى في زنقة لي شاهدة عليكم و عل حبك ليها .. من حدنا مزال مادرنا والو و بغيتيها هي سير لعندها هي ..ماضحكش عليا .. و ماتفلاش عليا اشراف

عينيه ..ودنيه ..عقلو ..قلبو .. كولشي تيقيد غيرتها .. غيرتها عليه و هي تتعاتب و تزيد على شي حاجة مكايناش .. ولا باقي دايرها في البال بقى مراقب تفاصيلها كيف مغيرين و غيرانين عليه تالهاد درجة شافها تتململ بغات تبعد و طلعت يديه لرقبتها حكمها مزيان و القرب مزال كي ماهو .. زادت اليد لي على خصرها تادورها كاملة على خصرها و زاد لصقها معاه تا صدرها بدا يضرب عليه و تيحس بيه تيتحط عليه و ينزل .. بدون وعي عينيه تتحفض و تزيد و هو مقرب بشكل بطيييييييئ تاتحطو شفايفو على خدها في اخر لحضة تدارك موقفو و شد راسو عليهم وهوما ناطقين معاتبتها ليه .. طبع عليه قبلة بطييييييييئة ماسمعتها و لا قدرات تسوعب تتحس بشواربو طالعين مع حنكها بهمس مرفوع و هو غادي مخليها تزيد في ارتفاع تاتحطو تحت ادنيها عاود طبع عليهم قبلة ابطئ من لي قبل و زاد طلع لادنيها بضبط

شراف""(نطق بصوت تقيييييل خلى رجفة تطلع معاها بسرعة بدييييهة مع داتها ) بان ليك وجهي ديال تفلية امل ...كون بغيت الق**اب مانوحلش فيهم .. بغيت البنت لي دخلت لمخي بلا نحس بكر***ي هادشي لي شفت فيك و لي حاسو معاك عمرني عرفتو من قبل واش باقي كاع .. ( زاد خفض صوتو و نطق الحروف تقيييييلة مع لكنتو تخينة ) كاينة امل .. و ماكينش قبلها و لا بعدها .. تاتديني الموت عليك

حرارة جسمها زادت و مزال تتزيد لكن حرارة غيرتها اكتر .. تتحس برحيته و بلحيته تتحسس بشوية على خدها حتى كتحس بيه تيبعد خلاها تفتح عينيها على عينيه مرخيية و حمرة مخلوضة كتر ماخلوض قلبها بنار الغيرة قرييييب ليها نزلت عينيها حيث تلفها بهاد كترة قرب ..

امل""( بهمس) ايخصني نمشي

شراف""(عينيه تنزل و تهبط مع ملامحها تتقيد و تعشق في غيرتها حول يديه من رقبتها لخدودها كيدوز ابهامو تحت جفونها لي شاهدين على دموع غيرتها نطق بصوت خاااتر) تمشي رافدة من جيهتي؟

امل""(نزلت دمعة تجري لكن سرعان مامسحها ليها عضت على شاربها كاتمة شهقتها) الصمت

شراف""(بهمس) ششت ( نزل بعينه لشاربها كيف كارزة عليه و داز بابهامو حطو عليهم و نطق) رخفي ..تعدبي الزا** بويا

امل""( هزات عينيها وبدات ترخف فيهم بشوية ) الصمت

شراف""( غارق فيهم تيباو حمرييين و داك ورم زايد على مابيه طلع عينيه على سواد عينيها نطق بتخاانة ) تاغيرتك مقودة .. غي هو ديك الق**بة يغيرو منها ناس ماتوصلكش ..تا في (دوز كف صباعو على خدودها حمريين) في الحشمة لي فين ماتجي عيني فيك يتلونو

امل""( ماكانت حاملة تبينها نزلت عينيها بتلفة و قلبها رجع يضرب بجهد ) ماغرتش ...( هزات عينيها تاني و نطقت بشوية) غي شفتك واقف معاها.. و و قاست عليك من دراعك

شافت راسها زادت على غيرتها و زادت برهنت ليه حطات يديها دفعاتو. بغات تخرج تاحسات بيه شد يديها عاود جرها ببطئ تاجابها لعندو شابك صباعو مع صبيعاتها منزل براسو لعندها مطووول شوفتو على ملامحها لي زادتو حلاوة ...

شراف""(تبسم بجنب عينيه عشقانة في ملامحها نطق بصوت تقييل) من تسدو عليا كوانات تسدو عيني عليها .. و تحلو عليك نتي مكاين تا وحدة بالخصوص هاديك ..

امل""(وجهاا تلون بالحر سخونية لي تتحس بيها وهي مبينة هاد كمية غيرة ) الصمت

شراف""(تيدور عينيه براااحة على ملامحها طلع بيديه لي مشابكها مع يديها و حطها على شفايفو باس عليها بشويية و نطق متقل ) بربي يا امل ماتعمر لي العين غيرك .. دخلتي دخلة مقودة .. وزايدة تحفري وسط ك** ك*ي ماشي غا في عقلي..

امل""(حشمها تا تعبيراتو بكلام معهود نطقت بخجل) واش ماتعرفش تصلح لسانك

شراف""(تبسم ابتسامة مخفية و نطق بتقولية ) تيبرد جوفي .. لي نشفتيه ليا بداك حيوط لي كانو حابسيني عليك و على هاد تمرميدة لي درتي ليا .. مخلية ك**ي بلا نعاس ...

امل""(عاجبها الحال نزل عينيها و هز كتافها ) نتا سبب .. واقف معاها وسط زناقي بغيتي نصفق ليك مثلا ...

شراف""(بانت ابتسامتو شبه مخفية وطلع بيد ثانية دقنها و جرها منو و طلعها تاتقابلو عينيها مع عينيه و نطق بخشوونة) انا لي نصفق ليك .. مابقيتيش ديك قطيطة ساهلة .. خرجتي فيا نيابك و قمشتيني

امل""( تبسمت منزلة عينيها مع شفايفو لي متبسمين بشكل يدوخ عاودت طلعات لعينيه نطقت بشوية ) ايوا رد بالك مني .. بقى معايا غي ݣود

تلفاتو و مزال تتزيد خربقت ليك مخو بين ليلة و نهار مشى ابهامو لشفايفها حاضيهم بحسرة و توعد تم نازل ليهم بشوووووووية مخليها غا تغرق في حوايجها و تزيد بغرقها بحركاتو لي تيجيبو ليها تلفة ديال تلفة ... حتى مابقى يفصل بينهم وااالو عاود تدارك موقفو و حولهم حطهم بضبط بين نيفها و خدها

شراف""(نطق بصوت شبه مسموع بختوووورية تتفيض) حضيت تاعييت و جبتها في ك**ي معاك..

فيقاتو من حطت يديها على صدرو و ضربت عليه بيديتاها بخفة و نطقت بشوية معلية بعينيها لعينيه حمررررررررة و مرخية بشكل تلفها و دوخها لكن خصها تهرب قبل ما تنسى روحها معاه..

امل"" فيق .. ( شافتو بعد و تبسمت بشوية عينيها تيدورو بتلفة و حشمة ) بسلامة

شراف""(فيقاتو و باقي دايخ بيها ماكرهش يغرق فيها و في كلام معاها لمح ليها ضارت و شد دراعها و جرها تاني تا وصلت قدام عينيه و نطق بتقالة ) شعلي داك الق** ي ولا بربي تا تلقايني حدا ك** ك مريح

حلت عينيها فيه بصدمة على لسانو حطت يديها عليه تتفك راسها منو

امل""(بهمس ) اويلي واش نتا ماعندك فرانات .. زير لسانك شوية حشووومة

شراف""(تحنى شوية عندها مطلع حواجبو بتقالة ) ماعارفة والو من لي درتي ليا بسبتو داك القلا**ي

امل "" اوعدي تنهضر مع الحيط ماشي بنادم (تتجر يديها ) غي طلق بعدا راني تعطلت على خدمة ..

شراف""(تبسم بجنب ونطق بختورية معيبها ) اوعدي ( طلق عليها وطلع فيها ونزل بطابلية لي عليها ونطق بنفس نبرتو منخوية ) مجاتش و تلبست عليك .. (شاف فيها ناطق مع ابتسامة) مقووودة

امل""(جاتها ضحكة حطات يديها على فمها وحلات لباب و نطقت ) اوعدي على فم عندك

سلتت دغيا قبل ما يشدها تاني خرجت تتبسم و تضحك غا بوحدها جبدت تلفون من جيبها شعلاتو و قصدت فارماسي .. في حين مخلياه مراقب الباب زاد بخطوة لوراء و ريح في دروج مخلي رجل لتحت و رجل في درجة جبد كارو شعلو .. يبرد الجوف لي شعلت فيه هاد مخلوقة .. تاوصلو ميساج من عندها .. دخل لقى اوديو نقص الصوت و جابو لودنيه تيتصنت بحلو صوتها لي مسجلاه بشوية

__ اخر مرة تقرب مني ا شراف ولا نبقى نقلب طريقي كاع

تيسمع و تيتبسم و يبخ من داك كارو بتقالة مخلي دخاخن شابكة و عاود جاب تلفون قدام عينيه و سجل ليها اوديو تاهو بصوتو منخوي ..

— غي ماتبقايش تلعبي بشواربك گدام عيني .. حق رب المعبود يلا محنة مقودة

صيفطو و سمع خطوات نازلين دور عينيه بان ليه عثمان تيطل عليه

عثمان"" تا راه كرشنا تتغورط اصحبي

شراف"" (رجع تيبخ ونطق ) انا جاي

عثمان"" زعمة تتحشم تكمي حدانا غا زيد هالعار

شراف""(شاف فيه بتخنزيرة ) دور تقود

معاودهاش معاه ديك ساعة دار نتر اخر نترة ولاحها مع الباب و طلع في حالو ..

فين حين الثانية ولات تخاف من اوديوات دايرا كيت و ناقصة صوت اكتر من 5 مرات و هي تتصنت و تعاود و كل ما تسمعو تزيد تزنك و تبسم .. غا لوحدها كتبت ليه

— عيقتي اوديو تخسر لهضرة قدام عينيك تخسر الهضرة ابيل تخسر لهضرة واه واه

بقات جالسة تسناه يجاوب تا بالفعل بان ليها تيكتب و تبسمت بلا هواها تاوصلها و حلات عينيها على كلامو

_باقين ماتفاهمناش على داك نبدل طريقي .. كاينة طريق واحدة دوري تاتعياي تخرجي فيها هي طريق شراف ..القطيطة مغيارة

حطات تلفونها على جنب و ناضت تكمل شغلها كيف عادة نفستيها ماشي كي صبحت تحسنت و بزاف على صباحها .. حتى وصل وقت خروجها و توجهت لدارهم كيف عادتها و عينيها متبسمين و جات في بالها غي (طريق وحدة تجيبك و تديك هي دياي) تبسمت تحت منها وصلت لدار دخلات سلمت عليهم .. مشات بدلت عليها و رجعت ريحت معاهم مجموعين على كسكروط

بشرى"" وليتي احسن تيبان ليها

امل""(تبسمت ) بيخير اماما قلت ليك بلاما تشطني ليا

بشرى"" حيث كنتي مغيرة و باين في وجهك

امل""(وحلت ليها دغمة) كح كح

مصطفى"" (مد ليها ماء) بسم لله عليك .. تي خلي عليك دريا

بشرى"" اويلي مالي اش قلت ليها

امل"" راه غي شرگت ليا ( تدور في عينيها ) دابة لاباس لاباس

مصطفى"" عيطت ليك صباح لقيت تلفونك طافي

امل""(ماقدت تزيد شي دغمة اخرى كل مرة توحل من جيه ) غ غي سارجور تعكس ليا مابغاش يتسارجى و صافي

بشرى"" كولي يلا معايا

امل"" (شافت فيها بزربة) لفين تاني

بشرى"" تي مالكي مفرفرة وليت نذكر ليك خروج بحالا ماعرت اش دكرت ..(ناضت ) عند العطار باش تهزي معايا تقدية

امل"" اااه واخة نكمل ماكلتي و نلبس

بقات تدور في عينيها و تاكل تا كملت و ناضت جمعت طبلة غسلت ماعن و مشات لبسات عليها جلابتها صنيديلة خفيفة جمعات شعرها ديل حصان مرخوفة خلات خصلات نازلين هزات تلفونها و خرجت لقات بشرى تتلبس جلابتها و تتهضر مع مصطفى ..

امل" يلا ازين يلا

شافت فيها كملت لبسها و نزلات هي لولى تبعتها بشرى و خرجو سيدة مرة مرة تترفع وتدور عينيها .. باغة تبدل طريقها و تتقلب عليه .. ساعة ماليه اثر عرفاتو مزال في الخدمة مشاو تقداو تقديتهم و تمو راجعين في حالهم .. وقفت بشرى تتاخد النعناع و هي شادة تقدية وواقفة عليها .. تاسمعت تلفونها و ميساج واصلها شدات داكشي بيد وحدة و بانت ليها Sharaf مجبدة قداش تبسمت قبل ما تدخل ليه ...

— متقلين على گلبي

حطات يديها على فمها بقات تضحك تاشفت ليها بشرى هضرت معاها غا باشارة بعينيها ورجعت نزلت عينيها لتلفون ..

و هزات عينيها بلاما تبين و بان ليها جالس فوق كرسي محني بمرافقو على ركابيه مفرق رجليه و بين رجليه كاس القهوة مراااقبها برااااحتو .. ضربتها تلافة نزلت عينيها تابانت ليها بشرى زادت و تبعاتها مقربين من جنبو وجهها بدا يتلون و يسخن غا بوحدو تاوصلو قدامو رمات ليهم بشرى السلام ... و هو عيينيه معاها منزلة عينيها و حشمة غاطيرها.. تا فاتو و هزت عينيها و بخ من فمو مطووووول و ضرب ديها بغمزة متااااااااقلة ... خلاها تعرق و تنشف وسط حوايجها نزلت عينيها و مشات تتزرب شدات في بشرى تاوصلها ميساج منو نيت بعدت على بشرى لي تتحل لباب فتحت ميساج غالباها ابتسامة و قلبها مغروم ..

___ لمرمدة گلبي

بقات كضحك بزز باش بغات تحبسها تابانت ليها بشرى تتحنزز فيها و هي تحيد تلفون و جمعاتو

بشرى"" قريب تحماقي نتي واقيلة ...من قبيلة و تي تفرنسي

امل""(حابسة ضحكة) والو اماما غي مع لبنات و صافي ..

دخلات و خلات بشرى تتشوف طلعات تقدية حطاتها في كوزينة و مشات دخلات لبيت حيدت جلابتها و جلست على طرف السرير جبدت شكلاط لي خدا ليها تتاكل فيه و تتبسم كتبت ليه

— غاتبقى جالس تم ماعندك مايدار

جاوب— بغيتيني ؟؟

حلات فمها من جوابو و هي غرضها واضح واضح .. بالها مشغول بلي شافت عينيها ماوضحش ليها و ماشرح ليها اش وقفها عندو ..

امل"" شنو بغاتك .. علاش وقفاتك

صيفطاتو و قلبها يترعد عليها مراقبة تلفون تاشافتو تيعيط عرفت راسها تاني غاتوحل معاه ناضت سدات لباب بساروت و ريحت جاوبت

امل"" (بصوت حشمان منخفض ) شراف.. لاش معيط ليا راني ماشي بوحدي يمكن

شراف""(بخشونة) نشوفو داك راس اش فيه !!

امل"" (بشوية ) مافيه والو غي سولت

شراف""(كان وصل لطوموبيل طلع و سد عليه لباب نطق بخشونة) باقة مصدعة مخك معاها واخة هضرنا

امل"" غي سولتك ا شراف مالك تتغوت دابة

شراف""(تبسم بجنب وًنطق بختورية) خوي راسك .. جات بدات تبرول على سلامة وداكشي

امل"" وشنو قلتي ليها نتا .. الله يسلمك احبيبة

شراف""(صغر عينيه بصدمة تيكدد في شواربو حابس ابتسامتو نطق بصوت متقل ) مريضة في ك**ك نتي ولا شنو كون كملتي شوفة كون فهمتي .. (بتبرير ليها او شاد خاطرها )راه مانشوفش فيها حيث ماشي ق***اد نجمع مع مرت راجل ..

امل""(عضت على فمها بحشمة) صافي صافي انا غاسولتك

شراف""(عض على شاربو ونطق بتقالة ) خوي مخك من تفكير لي ماعندو باش ينفعنا

امل""(تبسمت عاضة على شنوفتها بخجل لي حطت راسها فيه) غ غير سولتك

شراف""(بتقالة ) تا انا جاوبت المغيارة گلبي

امل"" (عضت على شنوفتها بجهههد وجها رجع حمممر نطقت بشوية )و صافي راه خاصني نقطع

شراف"" (تبسم بجنب نطق بصوت خاااتر) باراك عليهم

امل""(حلات عينيها) ش شنو هوما

شراف""(بتقولية منخوية) تتزيدي تزينيهم .. و هوما مجروحين

امل"" اوعدي شرااف شنو تتقول

شراف""(تبسم تيدوز يديه على لحيتو عينيه مرخييية بصوتها حلو ) مقودة عندك هاد اوعدي ..

امل"" انقطع والله ياشراف

شراف""(نطق بتخانة تيعصر على نواضروو) شنو بان ليك السبت نهضر مع باك!!!

ورا سؤالو صقلت و لسانها تلجم بالخجل و صدمة .. و الفرحة.. عقليتو بصح قاصحة لكن دخلتو معقولة من اول.. دقيقة على دقيقة تتزيد ترتاح ليه .. تبسمت تحت منها تتبرقق في عينيها .. هو كيتسنى منها الرد .. تيسمع غي تنفسها لي كان مزروب عرفها حشمت تاني.. كرر سؤالو بطريقة اخرى ..

شراف""(بختورية الكلام ) دوي مع داركم .. باغي شي حاجة رسمية ... مصاحبة مامسلكاش امل

امل""( بانت ابتسامة و شنانفها تيترعدو بالخجل ) واخة نهضر مع ماما ونعلمك ..

شراف""(بهدوء) عرفتي شنو.. ندوي مع الواليدة تكلف.. تفاهمنا

امل"" (بصوت مبين الخجل ) واخة

شراف""(بانت ابتسامة خااااترة على شفايفو و نطق بتقالة ) الله يجمعنا في الحلال ..

امل""(بشووووية ) امين

شرااف"" (صغر عينيه و شعل كارو نطق و دخان خارج من فمو و نيفو ) ماسمعتش كلاو لسانك

امل""(تبسمت ) قلت امين غي نتا ماسمعتيش

شراف""(بصوت تقيل) تخرجي فيا عينيك غي الوقت لي گالها ليك راسك ولا شنوو بلانك

امل"" انااااا اوعدي امتى خرجت عيني ..

شراف"" (تبسم بجنب دخان خارج بتقالة ) اوعدي واش درتي لك***ي

امل"" (ضحكت ) خاصني نقطع ا شراف

شراف"" واخة سيري

امل"" بسلامة

قطعت معاه و بقات جالسة تتنش على حنوكها و شي تزنيكة طلعات مع حنوكها بزاااف ناضت حلات لباب مشات للحمام غسلت وجهها و مشات ريحت معاهم جمعو شوية كيف عادة وناضو ينعسو .... هضرات معاه في ميساجات شوية و نعست ...

تاصبح الحال .. على صوت المنبه ناضت دارت روتينها صباحي صلات صلاتها و لبست عليها حواجيها و مشات الخدمة .. دوزت نهار عادي مافيه تا شي جديد.. كذالك اليوم الموالي ضلت في خدمة و هو مشغول وسط الخدمة و سلعة يومين ماتشاوفوش كاع و تيهضرو غي ميساجات بيناتهم .. وصلت الوقت لي تتسد فيه تاسمعت صوت وراها قفزها من بلاصتها

عاليا"" مرت خوياااا

امل"" الله يعطيك مسخ ممسوخة خلعتنيي

عاليا"" تي كيفاش بلانك العفيريتة غاتولي مراااات خويا و مافخباريش و غفلة درتي ليا

امل"" ( تدور في عينيها) مزال ماكين والو هاد ساعة يلا قالها ليا

عاليا""(قرصتها) و انا في دار غفلون ياكي انا زعمة جاية نعرضك على خطبتي

امل"" (بفرح)بصح هضر مع باباك

عاليا"" ا هضر ليوم مع بابا و شراف ..(شدات فيها و تمو غادين لديارهم ) شداني الخلعة

امل"" علاش تخلعي مبروك اختي فرحت ليك

عاليا""(تبسمت) اححح مرت خويا صحيبتي زوييينة هادي حق ربي

امل"" اخيتي مزال ماوليت مرات خوك

عاليا"" كون تشوفي ماما شحال فرحت و بابا بزااااف اما عثمان خلاص ..

امل"" اوعدي كولشي في خبارو

عاليا"" ماما رادار ههههه كولش قالتها ليه .. ايوا غي يفوت السبت و غاتجي لداركم اختي تهضر مع خالتي بشرى ..

امل""(نزلت عينيها بحشمة ) ان شاء الله

عاليا"" (تتعيبها) خوووك مهيييب .. خوك تنحشم منو .. احياني عليك

امل"" هههه والله تا غفلني جاني گود ماخلاش لي فرصة

عاليا"" اختي هو هاكاك عندو نيشان نيشان عجبتيه و بغاك حلالو .. الله يكمل عليهم بالخير .. دابة وجدي معايا اخيتي لنهار خطبتي .. غنديرو تركاب الخواتم نيشان

امل""(طبطبت ليها ) مبروك الحبيبة .. بقى ليك غا غدا اذن .. و تخبطي مع طبيبك .. بالحق ضربتي ضربة صحيحة .. بعدا نلقاو غا فين نصايبو سنانا

عاليا"" ههههه باش يجندخ مك .. امبوسي يخلي شي راجل يقيسك غا رتاحي .. شوفي طبيبة

امل"" مغياااار بزاف

عاليا"" هاي هاي مغيااااار گري ليا گري .. ولا عرفتي شنو تالغدا و نتعاودو احبي على خاطر خاطرنا

عاليا"" (شداتها من يديها و جرتها) اجي معايا ناخدو زريعة باقي ليا شلى كلام معاك .. نلقاو باش ندوزوه

امل""راه بغيت نقطعها ولات تخرج لي حبوب

عاليا "" غي زيدي صحبتي

مشاو وقفو عند الگلاي .. خدات زريعة و امل اكتفت بالدرا ضارو راجعين و لقاوه في طريقهم.. زيرت على يديها تيدوزو من هنا يتعرض يمشيو من هنا يتعرض

امل"" بعد من طريق

عتيق""(بصوت تقيل تاوقفتو مامقداش) لاااش هاد العداب امل اش درت ليك ..

امل""(شداتها قفقافة خافت منو وخافت يجي شراف تاني ) عفاك اعتيق ا

عاليا"" سير اخويا الله يعفو عليك

عتيق""(خبط داك بوطة برجليه وغوووت ) و الله يعفو عليها منها .. مرمردت قلبي

امل""( شدات فيها مزيرة عليها من حر خبطة بغاو يدوزو عاود جا قدامها نازل براسو ) بعد مني حشومة عليك على هاد حالة لي داير ليا

عتيق""(عينيه حمرييين حااالهم بزز تيتمايل و دموع تينزلو ) واخة نكون ماعرت اش درت في حياتي ..(هز راسو لفوق و نطق بالغوات) و العداااااااااب اربي

نزلت عينيها تتبكي عياات و عياات بهاد حالة .. و بنفس الوقت بقى فيها مابغات ليه هاد حالة .. تابغاو يدوزو و جا قدامهم تاني

عتيق""( تيحل عينيه بزز و تيزيد يتحنى بشكل ماشي ثابت نطق بصوت تقييل تاني ) وفيين ما ندووور نشوووفك عممر في حياتي حن گلبي تا جا فييك امل ..

جاو شي دراري تيجروه و بغاو يزيدو يهربو تا نتفض منهم و جرها من دراعها تاغوتت و عاليا تتغوت .. جبد الجنوية من تحت سروالو

عتيق"" بربي يقرب شي قو**د تانصفيها ليه

امل""( حلات عينيها بجههد ولات تترعد ) عتيق عفااك

عاليا تبكي و تتحاول تجبد تلفون و تترعد و الجيران تجمعو و شي تيعيط البوليس .. شبكها في ثواني وهوما تيشوفو داك جنوية تتبري قدام كولشي

عتيق"" ليوم يا ليا .. يا ليا مكاينش خيار .. عيييييت كلل مررة نجي

امل""( تتحس بسخفة و داتها تتغزل بالرعدة نطقت بصوت كيترعد) ع عتيق عفاك ندويو بالعقل و حيد هاد موس

عتيق""(نزل عينيه ليها و تبسم تابانت لفلجة لي صور من عند شراف طيح ليه سنانو قدامية ) تعرفي سميتي كي خارجة منك

في الحين لي هو منزل براسو ..جات بشرى تتجري و تخبط على فخاضها شافتها عاليا و قربت شدات فيها تتبكي

بشرى"" و المسخوط مابغيتيش تفرق ليا على بنتي .. هاللعار بعد منها عالعااار

عتيق"" نسييبتي خليني نحتااارمك .. بنتك انتزوجهااا بزز عليك و على كل قو**د ماحملش عتيق

بدات تترعد بشكل فضيع تتقلب بعينيها عليه مستنجدة منو دموع تينزلو و يقولو قليل و هي تتشوف بشرى تتبكي و تضرب على فخاضها .. بشرى بدات تتقرب

بشرى"" والله ودير ليها شي حاجة تانقتلك بيدي الشماتة عيفت الرجال

عتيق""(هز داك موس تيحرك فيه و يتمايل و امل مسكينة تاجهد باش تهضر مابقى عندها فين مادار يجرها معاه ) بنتك هي بنتي دابة .. غا تهناااي انسيبتي

(هز جنوية لفوق و غوت ) يا انا يا موت سالينا من

ربطت لسانو و حولهاا للغوتة حاااااارة و هو تيشوف يديه مشاو ليها صباع بحر خبطة لي جاتو بجنوية و تاتلاحت داك جنوية من يديه و تجرت امل من قدامو و تدفعت لعند بشرى قبل ماتدور و تشوف دماياتو بالفعل عنقتها ماخلاتها تشوف شكون حتى سمعت صوتو خلاها تدور بزز ماحستش بخوف الدم لكن خوفها عليه كان طاغي عليها ... تتشوفو شانق عليه بيد و اليد لاخرى بيها جنوية تتبري و تتقطر بالدم حلات عينيها على الجهد و زادت تترعد

شراف""(ضربو بالنص تا جا مشبوح مدوخ بالحر صباع لي مشاو ليه تحنى عندو و حط جنوية على عنقو عينيييه بركااان تيفوور نطق بصوت مخرج معاه العافية ) الموت رحم على الط** مك

الزنقة غاطرطق بالعباد شي تيتفرج و شي مخلوع و شي باغيها فيه لاكن باش يطيرو صباع هادي تاحد مكان متوقعها الجنوية محطوطة عليه و عينيه تعماااااو عمية حااارة بارك عليه بركابيه على صدرو تا نفس ماتدوز ليه قاطع عليه كلشي .. الجنوية بدات تدخل من لحم و تتطراسى تا حس بيديها موقفينو وتتهضر بشكل مخلوع

امل"" ش شراف لا لا لا عفاك طلقو الله يخليك ميمتك عفااك شراف

زاد برك تا بالفعل تيبان دم بدا يخرج من عنقو تعمى و زاد بصوتها و هي خايفة تترجاه .. تجنن و زاد برك حتى حس بيدين تيجروه كانو دراري الحومة جروه دغيا من فوقو و حيدو ليه جنوية...لكن يلا يديه تابث منها ما ثابتش من الحديدة لي تجرت من تحت كرارس ديال بيع وشرا عياو يشدو فيه ولني قوتو غلبتهم رجع ليه و بدا يخبط فين ما جات رجلين يدين كرفصو بالمزيااان غايعاود يخبط و و هي تغوووت ربي لي خلقهااااا خلاتو يحبس بزز عليه جاو شي دراري و جرو عتيق من تحت رجليه و داوه قبل مايقتلو و تمات صفية جاية تجري و تخبط في فخادها العموم شليخ و فراجة كاع تفرجو عباد الله .. قربت صفية تتهضر و هي تحيد الحديدة من يديه عروقاتو تتشرشر و عينيه مزندة تقول بركان تيطبخ ..

صفية"" اويلي اويلي المسخوط بغيتي ترجع للحبس اويلي

عينيه معمية بشكل فضيع ماهامو حبس ما همو لي يطرا فيه عينيه غي معاها و هي تترعد معنقاها عاليا و بشرى تتخوي عليها الماء و عيالات واقفات عليها .. ماليه جهد يقرب ليها ولا يقيسها حدو نطق بحدة ..

شراف"" لي عندو شي ق***وة يمشي يقضيها فكوووها عليها

بالفعل بدا يمشي واحد بواحد وحدة بوحدة تاتفركت الجقلة و زاد عندهم

شراف"" (بخشونة ) دركو لداركم ...

شاداها بشرى من جهة و عاليا من جهة باغين يمشيوها تاكيحسو بيها تتخوي بيهم حتى بدات تترخى و عينيها تيتقلبو يلا نواو يوقفوها تارفعها بين يديه بحال شي ريشة

بشرى"" (تتبكي )الله على بنيتي ..

صفية قربت شدا فيها هي وعاليا و غادين وراه لي منزل عينيه تيفورو و تنفسو بحال شي رابوز قوي تيسوط تيدورهم على ملامحها و هي حاط براسها على صدرو زاد طلعها شوية لعندو و زاد تيتمشى بيها بخطواتو متوازنة تا وصل للدار فتحات عاليا لباب من بعد ما خدات ساروت من عند بشرى لي فشلت كتر من بنتها .. طلعها بشوية عليه و نزل بيها لفوق سداري .. عينيه مازاحوش شي خوف داخلو ... بزاف عمرو خاف و لا حركاتو شي حاجة تادخلت لمخو هاد مخلوقة صغيرة.. وقف في الباب مبعد ماقدر يخرج ولا قدر يدخل .. تيشوفهم تيحاولو معاها تنوض تيدوز وقت و هي ماتحركتش .. و قلبو تيزيد يتزير و يتعصر و مجنن جنون على اليد لي ماطيرها ليه و جات غا في صباع .. صغر عينيه مع يديها لي تتحرك دلالة على فياقها تاسمع صوتها نطق باول حاجة

امل"" شراف فين

بشرى"" ماتخافيش ابنتي ماوقع والو كولشي داز اكبيدتي كولشي

دار و نزل بعد ماسمع صوتها و تطمئن عليها ولو من بعيد .. خرج لبرا و قطع لقدام باب دارهم و جلس قفازي تيشعل لكارو تيبخ و يديه معرقة و زادت بالعصبية لي كاتم لداخل تينتر و يبخ دوز كارو لول و الثاني و ثالت بانت ليه صفية حلات لباب و خرجات بقى مراقبها بعينيه حمرييييين و عافية وسطهم ماشي لعروق تاوقفت قدامو و علا بعينيه مع وقفتها

صفية""(خبطت على كتفو) بيخير ماتخافش ( جلست في درجة لي جنبو ) اويلي ياوليدي بغيتي تخرج على راسك بغيتي ترجع الحبس(بعتاب) صباعو اولدي صباعو ..

شراف""(بخخخ مطوووول شاف فيها بعينيه شاعلين و حلقو مخرج العافية ) عند ق**ة مو الزهر كون گرجتها لزا**بوه من الجدر (رجع نتر من كارو و نطق مخلي دخان تيخرج نطق بتقولية) نعزها بعيني و يدي تقضي كتر الواليدة لا جابتها الوقت..

عقلو تشنج بافكار .. مو حداه تتهضر و هو مرفوع عينيه زادت حمااارت على الجهد صفية شافت تاعيات و دخلات وهو بقى في بلاصتو جبد كارو الرابع شعلو تا سمع لباب تحل و بانت ليه عاليا خرجات و جات وراها امل.. وجهها مخطوف شدات عليها عاليا و جرتها دخلتها لدار لداخل هادشي كولو من شراف لي قالها لعاليا ماطمنش و تلفون ماعندو باش يخفف عليه بقى وراهم تا دخلو و لاح داك گارو و ناض بتقالة دفع لباب و بانت ليه تتفرك في يديها دفع لباب سدو و عينيه على عينيها لي بداو يبريو و شنانفها تيقمزو قرب بخطواتو نزلات عينها و راسها دموع بداو ينزلو مد يديه و شد على يديها و جرها لعندو باس على راسها

شراف""(بصوت مدعدع بكارو) كي بقيتي

امل""(هزات عينيها فيه و نطقت بغمة ) علاش ا شراف دخلتي راسك في هاد موصيبة بغيتي ترجع تاني للحبس ..؟

شراف""(صغر عينيه و حواجبو تشربكو كيف عادتهم نطق بحدة سامة ) من زهر القو***د باقي واقف على رجليه

امل"" (بدموع ) و وانا ا شراف مافكرتيش فيا كون قتلتليه ..

عض على فكو ماباغيش يزيد يمرضها بالهضرة .. طلع يديه مسح ليها على جفونها ومشات يديه لرقبتها و جرها لعندو جا راسها بين صدرو و كرشو تيدوز يديه على شعرها حتى حس بيها دورات يديها عليه مكبززة ليه على تيشورط عينيه مزندة و تتزيد مجرد ما تيتخيلها وسط يديه كيزيد يشعل لا هو تكالما و لا برد .. باقين يديه تياكلوه باقي مابردش .. عساك خوفها و بكاها .. نزل بشفايفو باس على راسها .. هزات عينيها ليه

امل"" ماغاديش تشد ياك

شراف""(حرك راسو بنفي بملامح شاعلة شعيل نطق بلكنة تتفور) ماتخافيش

امل"" حيث ضربتيه

شراف"" ماعند الز** بوه مايدير .. هو براسو تيقلبو عليه البوليس

امل"" يعني ماتشدتش

شراف""(عينيه مع خوفها و لكنتها مرعودة عليه مسح على جفونها نطق ) مانتشدتش

امل"" عفاك ا شراف يلا عزيزة ماتعاودتش تقرب ليه .. انا نعاود ندعيه و نخليو مخزن يدير شغلو

شراف""(عض على شواربو بجههد تيزيد يكتم مافي داخل ديالو وهو ماكرهش يزيد يدمغو حرك راسو بشوية ) صافي غا تهدني

امل""(هزات عينيها لعينيه و نطقت زامطة على خجلها ) تبغي تخليني و تسخى بيا

شراف""(صغر عينيه و نطق بختورية) كون نسخى بيك كاعما نحن في داك القل***ي ..كون دبحت مو و راسو يتعلق في دخلة حومة ..

امل""(بقات غا تتشوف محمقها وزايد على مابيها لكن هاد فحولية و عدم الخوف خرج ليها العقل ما عمر شي حد تجرأ و بغى يعاونها او يهضر معاه نطقت ) ماعمرني شفت ولا غانشوف شي راجل بحالك في حياتي

شراف"" (بتقالة و عينيه تيدورو على ملامحها و هي معلية براسها ليه ) لا غي شوفي نيت لا مادبحت ملتك تانتي

امل""(تبسمت في عز خلعتها) دابة انا اش درت ليك

شراف""( هز يديه دوزها على حاجبها ونطق بتقالة ) درتي كولشي نتي ..خربقتي ليا مموار ك**ي

امل"" (بزعاف)ايوا اخويا من لول ماتهضرش معايا و مادخلنيش ف حياتك و مموارك

انتفضت من وسط يديه و تمات ماشية زعمة حتى حسات بيديه دارت على كرشها و دفعها لصقها مع الحيط و التصق بيها و نزل بوجهو لعنقها مخلي ريحتها تطلع مع منخارو مشى بشفايفو لودنيها و نطق بصوت شابع ختورية ومتااقل الكلام ..

شراف"" مسااالي ك**ي انا نتلاح على شي حاجة ماتهمنيش .. دخلتي لدماغي و عششتي فيه .. لي يقيسك نفني ق***ة مو من الحياة ..(تيحس بيها تتعرق و تنشف دورت براسها حيث تتحس بلحيتو و نفسو تضرب على قاع قلبها ماشي غا لحمها .. نزل لتحت ودنيها و طبع عليها بوسة متاااااقلة و نطق بصوت منخفض تقيييل ) غي هربي دابة مابقاش بزاف و نجيبك تحت يدي يا امل ...

يتبع...