أمل الجزء الخامس

فين حين هي فاقت صلات صلاتها و رجعت نعست راسها ضرها وقلبها اكتر من طعناتو شحال و هي ناعسة .. حتى تتحس بيد تتدوز عليها بشوية حلات عينيها و لقات عاليا تبسمت بزز عليها و تكعدت

عاليا"" فيقتك احبي

امل"" (عينيها منفووخة زوجها دابل) ويه ماوعيتش تا رجعت نعست

عاليا""(تدوز يديها على حاجبها و جفونها ) رخفي على راسك اصحبتي

امل"" انا بيخير اختي بيخير ماتشطنيش دابة نوالف بزز عليا

عاليا"" (باسف) والله تا بقيتوو فيا بزاف نتي من جهة و هو من جهة .. (تنهدت ) مابايتش في الدار كاع و مابقى تيعمر فيها ولا تجي عينيه في هاد زنقة

امل"" (بخوف) فين مشى واش بيخير ..؟

عاليا"" بيخير بيخير خلى ليا ميساج قاليا غا ندوز الخدمة نيشان

امل"" ( تنهدت بكسرة القلب) الله ياخد فيهم الحق .. خرجو عليه و بسبابهم حنا في هاد الحالة ..( تفكرت ) حاكة سمعت من لبنات لي معايا في فارماسي شي هضرة

عاليا"" شنو هي ؟

امل"" قالو بلي سهيلة قالت ليهم بلي في يديها برائة شراف (بقهر) و بلي بغات ترجع ليه وتجمع معاه

عاليا"" شمن برائة ( بزعاف) من نيتك تتهضري نتي .. و شمن رجوع الله يهديك..

امل""(نزلت عينيها ) سمعتها بودني قالتها ليا .. وقالت لي بلي ندعي معاها ترجع هي شراف بحال لول

عاليا"" تيقتيها نتي ؟ بااز اختي ليك نتي و عقلك

امل"" اختي راه ماشي لخاطري عيت و والله تا عيييت .. بغيت غي يرجع بابا دغيا .. و نعرف راسي من رجلي اش ندير واش نتجمع معاه ولا

عاليا"" (مقاطعهاها بتعنيقة ) غا تجمعو ان شاءالله باباك غادي يتفهم اوضاع .. ماتخافيش ربي تيدير لي فيها الخير .. (خفضت صوتها)ماماك حكمات على لي شافت منو للاسف .. شافت داك انسان القبيح وكل مرة تتجي فيه عنيف خافت عليك لا غير

امل"""ولكن كان ممكن تهضر معاه تشرح ليه ماشي بهاد طريقة .. جارحة بزااف اصحبتي

عاليا"" مانقدروش نحكمو على شنو ايطرا ... ولكن لي بغيتك تعرفيه و تدخليه لدماغك ... بلي خويا باغيك وباغي يصلح حياتو بيك باغيك تخطوي معاه من لوول و من اول جديد ... من شافك شاف جوهرك وشاف بلي هاد لبنت غادي يكون لي الفضل في حياتو باش يصحح مادوز ...

امل""(نزلت عينيها تتفكر في يديها كاتمة صوت شهقااها) وانا باغاه و باغة نمشي معاه في ديك طريق تا يصلح من نفسو و يوقف على رجليه ..

عاليا""" ربي غا يعطي على حساب قلوبكم .. مدام متشبث بيك و نتي متشبثة اكتر ... ربي غادي يجمع شملكم ان شاء الله ( جرتها لعندها عنقتها ) ربي ديما تيدير طرييق و طرقان ... و طريقو هو تعكلاات بيك امل .. جاتو صعيبة.. و بالخصوص من الواليدين تتجي دقة صعيبة

امل"" هادشي لي تيقهر .. اصحبتي

سكتو لمدة و هي تتطبطب عليها حتى فجأة تسمع صوت طوموبيل و عرفااتها مزيان من صوتها .. ناضت بقفزة دوزت خامية بشوية و بان ليها حل لباب و نزل بتقاالة تينزل على تشورط لي لابس منزل براسو بطريقة مهدودة

عاليا""(قربت تتطل جنبها ) جا ..سبحان الله وجهو مبدل في خبارك اول مرة نشوفو بهاد الحالة.. هنا عرفت بلي اول مرة يعرف شلى احاسيس و هو معاك

امل""(تنهدت بغبينة و عينيها شلال ) هادشي ماشي بالخاطر القلب صعيب تجي فيه الدقة .. تتمشي ضحكة و الفرحة .. تتولي تشوفي حياتك ماعندها تا طعم ..( شافتو دخل و رجعت شافت فيها ) هاد شي ماعندوش باش يتعالج اختي ..

مر اسبوع .. سيمانة بحالا دازت سينين و مينين .. قاصحة عليهم بزوج صابرين و عاضين في الصبر مادواو ماتكلمو .. تيراقبو بعضياتهم من البعيد فقط كيتسناو الوقت و هوما املهم باقي مهزوز عند مصطفى و يعاود يطلبها منو ....

جوايه العشرة ديال صباح راجع هو دري لي خدام معاه من كازا جايبين شي سلعة في كاميو وقفو قدام محل القهوة ونزل باش ياخد شي كاس يرد بيه المجاج ... الطريق و صداع الراس و صداع القلب لي غي مازايد يقصح فيه و يطعنو .. ولكن ماشي بساهل تكون ليه .. ماشي بساهل تكتب عليه ... باغيها و باغي يشريها بالغالي والنفيس .. يتسنى مصطفى و يتكلم معاه وداير في بالو كاع شروطو كاع كلامو قابل بيه و طايع بكل حرف يخرج منه ... وقف قدام تيتسنى نوبتو تيشعل في كارو ديالو .. حتى خدا كاسو و مشى بعد شوية جلس فوق واحد صور قصير تيكمي و يبخ و يجغم من هنا و يبخ من هنا ... يشرب و يعطي لريتو في دخاخن ... هز بعينيه تينتر ...و صغرهم فجأة من منضر لي تيصور ليه .. عرفو و عرفو من مشيتو و زايدها برعدة و فقدان توازن ووسط الشانطي ناض بالخف و بجرا وسط داك شانطي طومبيلات غادين جاين و شارع عامر .. مع اخر خطوة و يطيح مع شد فيه بكتلتو حابسو من طياحو ... و طوموبيل الحسن الحظ وقفت جنب رجليه و تقاص شراف شوية حتى كان يفقد توازنه معاه لكن صلابتو نفعاتو

شراف"" الواليد مالك

مصطفى"" (بصوت متعب وريقو نشف)عيان اوليدي عيان ..

دار هنا و هنا تا كيشوف ناس بدات تجمع جا دري لي خدام معاه تيجري شدو معاه و وقف طاكسي صغير وعاونو طلعوه

شراف"" دي داك ݣفة و صاك معاك تانجي ليها ( طلع جنبو شاف في شيفور) الله يحفضك اقرب كلينيك دركو الله يحن عليك

دار لعندو تيحل ليه صدفة تيشورط لي لابس عروقاتو تتصبصب من جبهتو و تنفسو دياااق وديااق تيتررعد

شراف"" ( بخوف) باش تتحس الواليد ... واش كتاخد شي دوا ولا شنو

مصطفى ""(عينيه تيتحلو ويتسدو بصعوبة تيهز في يديه نطق بزز) السكر اولدي

الشيفور""( مد قرعة ماء) شربو اولدي ماء شربو

خداه من عندو بزربة و هزو بشوية عليه تاكعدو و عاونو تيشرب ويني وجهو تيزيد يصفااار و خلعتو هو تتزيد ... قلبو ضرو عليه و على حالتو ... وقف طاكسي قدام كلينيك و نزل بزربة نزل شيفور حل ليه الباب و هو جبد 200 درهم مدها مول طاكسي و تحنى عاطي بضهرو ...

شراف"" عاون الله يحن عليك ...

داكشي لي دار عاونو تا رماه على ضهرو و دخل بيه لداخل بجرا و سي مصطفى كان فقد وعي تماما و تيزيد بخنقو تنفسو ولا غريب و زاد على مابيه .. شافوه فرمليات و عاونوه تانزلوه و عاود داوه دغيا مستعجلات .. مخلين عروقاتو تتشرشر و شطنتو كانت بوحدها حار و زاد ماعرف اش يدير واش يعيط ليهم واش يمشي يعلمهم ... بحالتو تكى على حيط و نزل معاه بتعب وااضح تاجلس قفازي تيحك على جبينو عروقاتو نازلة مع درعانو .. تافيقو صوت انثوي

فرملية"" عفاك واخة تمشي استقبال على قبل اجراءات .. الواليد ديالك هدا ؟؟

شراف"" (حرك براسو وناض ) بحال با قريب ليا

فرملية"" اجي معايا

بالفعل مشى معاها للاستقبال و دار اجراءات لي مطلوبة منو و حط الفلوس و رجع لبلاصتو فين كان تا وقف عليك السيد مول طاكسي

الشيفور"" ولدي شي خبار على داك سيد

شراف"""(هز راسه لعندو ) مزال اعمي مكاين خبار

الشيفور""( جبد الصرف من جيبو و مدو ليه) هاكة اولدي صرفك ..

شراف""(مد يديه و دفعها مرجعها عندو نطق بصوت تقييل ) خليه عندك.. بغيت غير دعيوات منك ا عمي لهاد السيد لي لداخل يرجع لمرتو و بنتو على خير

الشيفور """( تبسم وزاد خبط ليه على كتفو ) ناخد غا رزقي اوليدي .. انا سيد طالب معاشي ... ويني حاجة وحدة نقدر نݣولك ونعاونك بيها ... هو هاد الصرف ايوصل و يمشي للناس لي بصح محتاجاه ودعيوة الخير اتوصلك نتا و هاد سيد لي للداخل... الله يشافيه... والله يسر ليك اوليدي و يعطيك مافي نيتك و قلبك

خبط على دراعو بحنية و زاد مخلي عينيه ماشية معاه تا بعد و نطق بصوت قليل

شراف""" امييين الله يسمع منك اعمي

بقى تيتسنى وشطنة زادت عليه و بين عينيه غي هي ماعرفش شنو يدير ولا اش يسبق واش يعيط ليهم ولا يصبر تايعرف بحالتو ... قاطعو الباب لي تحل و خرجو منو فرمليات و الطبيب تكعد مقرب منهم و عينيه مستفسرة

شراف""" كي بقى الواليد

الطبيب""" ماتخافش الحمد لله لي جبتيه في الوقت اما كون وقع لي وقع ... نزول حاد في السكر ..

شراف"" و داك الخنقة منين تنفس تاعو كان غريب ماشي ديال السكر على ما اضن

الطبيب"""ايخصو شي تحاليل و راديو على حساب الرئة هي السبب في خنقة لي جاتو

شراف""( بدون تفكير) ديروها شنو موشكيل

الطبيب""(شاف في ممرضة و نطق) هوما يشرحو ليك

مشى و دور عينيه ليهم و بالفعل شرحو ليه و و عطاوه القدر ديال فلوس لي مطلوبين برغم من مصاريف لي كانت شوية طالعة عطاهم مواقفة بلا تبرير واول حاجة خرج البنك جبد الفلوس لي تخص و حطهم ليهم ديك ساعة و لقاهم حولوه للغرفة عادية و بلي يقدر يدخل عندو يشوفو ... داكشي لي كان دخل لقى فرملية تتقاد ليه سيروم وقف مربع يديه تاخرجت وزاد قرب لجنبو

شراف"" كي بقيتي الواليد شوية دابة

مصطفى """ ولد الخير ..( تبسم) شوية اوليدي شوية سكر راك عارف

شراف""(حرك براسو بشووية مخلي عينيه تمشي وتجي ) الحمد لله على سلامتك

مصطفى"" سمح ليا اوليدي على تعبك معايا .. (شاف ساعتو ) درت نتغدا معاهم ...

شراف"" غاتبقى شوية الواليد باقي شي تحاليل واحد راديو تدوزهم و نديك

مصطفى "" شمن تحاليل و شمن راديو .. راه... ماعرفتش اولدي (تدعق اكترية من ناحية فلوس خفض صوتو حشمان ) اولدي ماهازش معايا فلوس

شراف""(صغر عينيه نطق بصوت تقيل و متقل) ماترفدتش الهم بزاف المهم ترجع لمرتك وبنتك على خير

مصطفى """ علاش اولدي محنتي راسك كنت نخلي هادشي من بعد ماشي ضروري

شراف""(قرب طبطب عليه) ضروري الواليد ... صحتك دابة هي لولى ماتفكر في والو

قاطعهم دقان دخلات فرملية و علماتهم بلي خاصو ايمشي على قبل راديو و تحاليل .. داكشي لي كان مشى و هو بقى تم تيساين ورجع و جابو ليه الماكلة كلى شوية و بقى معاه مافارقو تا دقيقة دازو ديك ساعات تادقت الثلاثة العشية عاد دخل الطبيب باش يطمئن عليه

الطبيب"" سي مصطفى على سلامتك (تبسم ليه و جبد لراديو ) كان عندنا تخوف من بعض فيروسات و التهاب في رئة .. لكن الحمد انك خرجتي من اقل اضرار ... مصاب بحساسية الصدر اسي مصطفى...

شراف"" وشنو الحل ..واش صعيبة

الطبيب""" يلا تبع الكلام كما يجب و دوا ديالو مايخافش

بقى تينصح فيه و يعطيه كيفاش يتعامل معاها و اعراضها واي حاجة تتعلق بحالتو ..اما شراف خرج استقبال خدا وراق الخروج و رجع لعندو شكر طبيب و شد على مصطفى من يديه و دراعو تاخرجو شدو طاكسي و مشاو للمݣازة هي لولى خدا صاك و الݣفة دارهم في كوفر و عاود طل عليه

شراف"" الله يجيب الشفاء الواليد ... رد بالك لراسك

مصطفى""عفى ولدي ماتݣولها للحد مابغيتهم يتخلعو

شراف""(حرك براسو بشووية) كون هاني الواليد غي رد بالك لصحتك

مصطفى "" (تبسم و حرك راسو) تاندوز عندك اولدي باش ترد عليا على امانة لي خسرتي باش نرد ليك

شراف""(جبد من بزطامو فلوس طاكسي مدهم لشيفور ونطق) وصلو تا الباب دار ..( تحنى و شاف في مصطفى) الواليد نسى الكلام و دير بحالا مخلصهم نتا بفلوسك ... راك بمقام با... تا با صحيحتو على ݣد الحال... الوقت زمان هدا يقدر ربي يصرفها من جهة اخرى و ترفد عليه تاهو ... الله يطول في عمرك ويخليك ليهم ....

تبسم بجنب و بعد و شير لمول طاكسي باش يتيسر مخلي مصطفى غي تيشوووف .. اما هو بقى مراقب طاكسي تا زاد و دار في حالو لخدمتو تيحك على جبينو بتعب و مهدوود...

وقف بيها طاكسي قدام المحلات ديالهم الضبط (دروگري الحاج احمد ) نزلت و عينيها تتقلب و تعاود لمحت لطوموبيل ديالو واقفة عرفاتو كاين .. رمات خطوات و طلعت من دريجات ديال المحل و توجهت لداخل .. تتقلب بعينيها تاوقفها الصوت من وراها

الدري "" اش حب الخاطر الاله

امل""(بارتباك) شراف كاين

الدري"" (صغر عينيه) كاين طلعي للسدة لفوق في البيرو تما تلقايه

حركت براسها بشكر و تلفتت لدوك دريجات خشبية لي تيطلعو للطابق الفوقي و تمات طالعة بهدوء وبشوية وقلبها تيرفرف توحشااااتو و توحشت الكلام معاه ..حطت رجليها بضبط في اخر درجة باش توجه لعندو كيبان ليها محبي بيديه على بيرو و سهيلة واقفة جنبو تتوريه شي حاجة في PC .. حلات عينيها على جهدهم و حسات بحال شي تمرميقة جات ليها لكفاها دوختها و تلفتها ماقدت تزيد ماقدت ترجع تاسمع صوت الدري تحت مناديها بصوت عالي ..

الدري ""واش مالقيتيهش اختي

في ديك لحضة هز براسو تتبان ليه واقفة جمااااد و دموع تينزلو و يزيدو ماوعاش تاتكعد بجهد و عينيه توسعو فيها .. كبر خطواتو و نطق بتقالة بصوت مبحوح

شراف"" امل

امل""( هزات يديها محبساه بصوت مقهوور) خليك خليك بلاما نبرزطك يااااا .. كنت بغيت ن ن

ماقدرتش تزيد تهضر ودارت نازلة هو تبعها دغيا شد على دراعها نطق بشوية مقرب ليها بزاف

شراف"" امل ماتفهميش غلط الله يحن عليك

امل"" ( تدفع فيه )لا فهمت كولشي اشراف انا لي كلبة جاية عندك نعلمك بلي بابا جا و راه في دار .. باش تدوي معاه و ( دفعاتو ماقدتش تكمل و نزلت تتجري عاودت شافت فيه) الله يسهل عليك مع لي بغى قلبك

تبعها و جرها بنترة تاجات قدام عينيه

شراف"" شكتخوري نتي .. غا كتبرولي ماعرفة تاق*( تاكان يخسر الهضرة و حبسهاا في طرف لسانو) مافاهمة والو

امل"" ( تتبرص) طلق مني طلق .. صافي عرفت كلشي (شافت في سهيلة بنضرة ضعيفة لي كانت واقفة في لول دروج ونطقت بصوت مرتفع و غالباه نكسة) صافي رجعتي ليه ياك ...خسارة دعوة لي طلبت وصلات بالمقلوب

جرها من دراعها زاد منزلها من ديك زوج دريجات لي برا و مخرجها من المحل في مرة و داها للطوموبيل و لصقها معاها و تقابل معاها بعينين حمرييييين ما حملش موقف لي طاح فيه ... هو عارف حساسيتها بضبط منها اش هي .. شد على دراعها بزوج و نطق

شراف"" نتي مافاهمة والو .. مابيني وبينها تاحاجة

امل"" براكة من الكذوب باااااراك صافي الله يهنيك معاهاااا

شراف""( شد خدودها بين يديه و نزل لعندها ) حق االرب المعبود مابيني و بينها حاجة.. تنحلف ليك بحياة ميمتي لي ولداتني.. يلا غي نتي في بال و الݣلب ..

امل""( دفعات يديه وبالكنة محكورة و مقهورة ) صافي بلاما تبقى تزيد تكذب عليا .. شفت كلشي و اصلا سمعتها و قالت لي بفمها دعي معايا نرجع مع شراف و هاهي معاك و قرييبة ليك بزاف كاع .. سير رجع لعندها اشراف سير

شراف""(هز يديه و خبطها مع زاج طوموبيل تاتشخشخ و نطق بحدة ) بلا تجعري ملتي يا مل راني گلت ليك مابيني و بينها تاحاجة جات باش تعطيني شي ادلة لي

امل""(تبسمت مقاطعاه بقهر تتشوف في عينيه ) اااه مزيان مزيان الله يجيب ليك الخير ووو تزيد نيت تبرئك من ݣلبي تاهو ... ( بتوعد ) اخر مرة توقف عليا و لا تهضرني .. صافي انا ونتا ساليييينا الله يجيب ليك الخير

بان ليها طاكسي وقف قدامها ركبت دغيا واخة شد يديها دارت جهدها و جرتها و ركبت مخلياه مقجوووج عينيه حمااااارت بشكل يخوف .. ملامح حااادة و زادت كبزز على يديه لي تتقطر بالدم ماحس بيه و لا شافو تاجا دري تيطل على الزاج مادواه ماكلمو

دخل متوجه لداخل و بانت ليه سهيلة نازلة ماكرهش يتلاح عليها بشي قجة تايخرجو عينيها ولكن كيما قالو لوالا""" لي حاجتو في الكلب يقولو سيدي "" باغي برائتو ربما تزيد امل على أمل ساعة مجيت املو في وقت حساس و زادت شي على شي ..قربت منو و نطقت

سهيلة "" شرف الدين سمحلي بزاف والله جبدت عليك صداع مع حبيبتك ( نزلت دمعة تتجري) ماقصدتش والله ماقصدت

شراف""(عينيه ماتيرمشوش منها حواجب معقودة و مشربكة نطق بحروف تقيلة ووازنة بزاف) لي في الݣلب مايمكنش يتزعع ...باش تجي وتݣوليها ليها دعي معايا و الق*ي ديال النم ماعندي مانݣجدر بديلمو ..تقيليها و تقيلي ك*ي معاها .. كلبة ديال الفلوس و غاتبقاي ديما في نضري هكاك .. انا وياك جمعتنا فترة ويني من الخير ربي تيبين على النيات ..

سهيلة"" (تتبكي دمعة ورا دمعة ) مكانتش عندي حل حتى جيت و دخلت عليك هنا و تالوسط بيروك ... حيث جيت لبارح و مالقيتكش هادشي بغيت نعطيه ليك في يديك ديريكت .. من حقك تجري و تعاير و تسب كي درتي من شفتيني قدامك .. من حقك و بزاف كاع .. بالحق على اقل نقدر نعاونك بهادشي لي جبت ليك واخة هادشي كان خاصو يكون شحال هادي

شراف""(عينيه حمريييين وزايدين نطق بحدة) اسمعي مزياااان اش نݣولك .. عارفة ك*ي كي داير .. برب العالي و تقربي منها مزاال و لا تنوي شي حاجة في بالك نقتل الز*مل بوك ..

سهيلة""(منزلة عينيها حركت راسها وعاودت شافت فيه ) خسرتك و لي عطالله عطاه.. جاب ليك الله بنت لي تستاهلك ..انا غا وحدة طماعة .. باعت صاحب بصاحبو شفتك مطول و مشيت لعند لي غدرك وزدت غدرتك تا انا ..( مسحت دمعتها) كنت هبيلة في عقلي دايرة تقدر تسامحني .. ولكن قلبك داتو لي تساهلو .. ( مدت ليه كارط صغيرة..) هنا اديوات مسجلين باسمو و بكلشي تيعتارف يقدرو ينفعوك مع داكشي لاخور لي في pc (دليل على تزوير )..(شد من عندها و خبطت على كتفو ) الله يسهل عليك اخويا .. سمح ليا بزااف والله سمح ليا اشراف

شراف"" (حرك براسو بلاما يجاوبها) الصمت

حركت براسها و مشات تتبكي و تقول قليل .. قهرة لي شافت فيهم بزوج و الحب لي بيناتهم عمرها شافتها منو معاها ولا عليها و لا حست بيه تالهاد الدرجة .. ركبت في طاكسي و زادت مخلياه واقف في بلاصتو تيشوف في نقطة واحدة لا حراك و لا رمش و لا تنفس عادي صدرو تيطلع و ينزل بجههد تيحس بيه تيحرقو و يتشوى بشكل قاصح ... مشى جلس على بيرو تيماصي على جبينو بيد و يد تانية حاضي داك كارط تيقاد من جهة و تعواج من جهة

ـــــ

وقف بيها طاكسي قدام الباب نزلات تتمسح دموعها طريق كلها و هي تبكي عينيها تنفخو و زادو تورمو حلات لباب و دخلات طالعة بخطوات تقيلة و مهزووومة كتر من قلبها .. دخلات لداخل بان ليها باها تيرتل القرآن حيدت صندالتها و تمشات لعندو حطات راسها على فخدو نزل يديه على شعرها و كمل في تلاوتو لاح ليها طمئنينة و راحة برغم من الم قلبها .. مدة طويلة هو تيرتل .. سالا و باس عليه حطو على جنب و شاف فيها لي بدورها تكعدت تقابلت معاه

مصطفى"" ( بصوت حنين ) مال بنتي

امل"" غي رتاحيت مع قراأتك ابابا

مصطفى"" مانيش تنرضع صبعي ابنتي .. عاودي ليا اش عندك ..

امل"( تبسمت و باست يديه) ماتشطنش ابابا مكاين والو غي نفسية متغيرة شوية و صافي

مصطفى""متأكدة مكاين شي حاجة مقصحاك في قلبك ،؟ كولشي شفتو خاطرك من خاطري الحبيبة .. بغيت نعرف شنو لي ضارك ؟؟

هزات عينيهاا فيه و تبسمت عاودت باست على يديه بزوج و نطقت

امل"" الله يطول ليا في عمرك احبيبي

مصطفى"" الله يطول ليا العمر نشوف وليداتك

امل"" (تبسمت شي نغزات في قلبها فكروها) باراك عليك الوليدات تتقري في المدرسة .. انا واقيلة مزال مطولة معاك

مصطفى"" يجي ولد الناس لي يستاهلك ابنتي تزوجي تولدي من حدك صغيرة ...

تبسمت بقهرة من كلامو و ناضت من جنبو و مشات لبيتها بدلت حوايجها تاسمعاتو. تيناديها فتحت الباب و خرجت

امل"" نعام ابابا

مصطفى"" وجدي ليا معاك شي كويس ابنتي اتاي

امل""(حركت براسها و نطقت)واخة ابابا

مشات عمرت اتاي وخرجت صينية تابانت ليها بشرى دخلات رمات السلام .. ردو عليها السلام و جلست

مصطفى"" على سلامتك كي دوزتي السبوع

بشرى"" مزيان غي مابغيتيش تمشي ابنتي تفوجي شوية

امل"" عيانة ما فياش

بشرى"" رديتي شي حاجة للعشاء ولا

مصطفى"" مشى الحال نيت على ردان .. قديو بشي حاجة خفيفة ..

داكشي لي دارت ناضت طيبت روز بالخضر و الطون .. تعشاو في الصمت و هو هادشي لاحضو و لاحضو تغيير نفسية بنتو كملو جمعت طبلة و مشات دارت روتينها الليلي و مشات تخشات في فراشها .. فكرة تديها فكرة تجيبها دموع لا هوما بغاو يحبسو و لا لقاو راحة .. ماحسااات بروحها غفات تا قفزت من حر غوتة برا و من صوتو عرفاتو تاني رجع ناضت قافزة بجهد شادة على قلبها خرجت من لبيت تتلقى مصطفى تيلبس عليه فوقيتو

امل"" بابا فين غادي يابابا

بشرى"" الله يهديك امصطفى الله يهديك ريح

امل""(تتبكي و تبوس يديه ) عفاك ابابا نتا مريض ماعندك جهد عفاااك

عتيق""(بالغوات ) شرااااااااف نزل لعندي لهنا اولد الق**ة

حلات عينيها بجهد قلبها يضرب و يتمزگ مشات بجرية تطل و بان ليها هاز زوج جناواة نوع (14) تيشير بيهم هزات يديها و جلست تخبط بجهد

عتيق""(لمح ليها و جلس يشير بيديه بزوج) اااااماال .. هو تصاحبتي معاه و انا ماااالي .. هو دوز الحبس تا انا دوزت الحبس .. ليووووووم نقتل الق** ة مو ونتبعك ليه وديك ساعة نمشييييي و خاااطري هااااااني

حلات عينيها بجهد دورتهم لبشرى لي وجهها تلون شافو في مصطفى لقاوه واقف مافاهم والو

مصطفى"" اش تيقول هدا ابنتي ؟؟

امل"" بابا

غا تهضر و قاطعها صوتو تاني تيغوت شافت فيه و بان ليها عثمان تيطل عليه من فوق

عثمان"" اداك الميكروب مابغيتيش تمشي في حالك

عتيق"" خوووووك حبااااس و انا حباااااس علاش بغاتو هو و انا لاااااا .. ياك تاهو كلوشار (هز يديه ) صباعي باقين ما خلص عليهم .. ليووووم بيااااا و لا بيييييه(بالغوااات) شرااااااف نزل لعندي ارويجل

بقات تدور في عينيها و داتها بدات تغزل و تزيد تتشوف في باباها تبكي تشوف في ماماها تبكي تلفت و عينيها تيهضرو تا سمعو خبطة بجههههد طلت دغيا بان ليها عثمان نزل بجنوية قداش تاهو ..ماوعات تا غووتت

امل"" عثماااان لا لا عفااك لااااا

نزلت من فوق سداري و غادور لقات مصطفى تاهو نازل نزلات تتجري بالحفى لقاتو خرج عاليا و صفية تاهوما خرجو تيجريو .. كانت سباقة مشات عند عثمان تترعد شادة عليه

امل"" (بصوت مرعود)عفاك عفااك اخويا عثمان حيد هادشي من يديك

مصطفى"" نعلة الله عليك مابغيتش تدير عقلك اااه

عتيق""(خبط جنوية بجنوية) باااانتك مصاحبة مع شرااف .. هو علاش قبلت بيه و انا لااااااا

امل""(قربت ليه تتبكي و تغوت ) الله ياخد فيك الحق الشماتة نتا راجل نتا

هز جنوية غادي ينزل علييها لراس بلا رحمة تا شداتو يد مصطفى تيتجار معاه شبكت هو مع مكتر الشراب حتى توازن ديالو ماثابت قرب عثمان و عطاه بدقة بكفى جنوية لعنقو تا داخ لكن انتفض و عاود تيشر بيهم بزوج كي مجنون و ريوݣاتو تتنزل معاه

عتيق"" هاااا شراف هو راجل ياااكي .. هانا نشوفو شكون راجل و شكون رويجل (علا براسو ) و خرج الراجل عندي خرج

عثمان"" (شادينو عاليا و صفية رابطينو ) اولد الق+ة

زنقة تجمعو فيها و بداو تاني يحنزز تاحد ماقدر يجي يتدخل وهو غادي جاي من هنا لهنا تيتمايل بجناويه لا واحد قرب لعندو من غي امل و بشرى شادين مصطفى و عثمان شادينو صفية و عاليا..

عتيق"" دايرة فيه شريييفة و نتي تتحابي معاه ااااه

مصطفى""(انتفض و تم قاصدو طلع ليه السكر فين بغى تيترعد حيث بصح وصلت بيه الحݣرة وبزااااف عياااا و عيااا منو و من تجريح بطرفو ) الشماتة مابغيتش تقيل عليك بنتي اش قلة الرجلة لي فيك اش

عتيق""(ضحك و تم مقرب ليه تا حط جنوية على عنقو) عرفتي بنتك نديها معايا دابة نيت و نمشي نشوفو واش قلة رجلة عندك ولا عندي

امل"" ( غوتت ربي لي خلقها ) لا لا لا بابا عفاااااك عتيق الله يعطيك الستر ماتقرب ليه انا نم

ماكملتها تا تسمع صوتو وراه خلاهم يدورو كاملين وزادتها غصة على غصة صافي مابقاش عندها الجهد و هي تتشوف كلهم و كاع حباب قلبهت مجموعين تحت يديه سرطت ريقها و تتشوف انه موجه ليها الهضرة و عينيه عليها

شراف"" ياك بغاني ( حرك ليها راسو باش تبعد و قرب منو بزاف ) انا جيت طلقو

عتيق"" واااااعر نتا جيتي في الوقت ( دغيا جا وراه مصطفى و گرن عليه بجنويات بزوج وحدة على العنق و حدة على الكرش ) مابقيتش بغيتيك .. ندي امل و نمشي

امل"" (تترجاه بلكنة مقهورة )عفاك طلقو الله يرحم ليك الوالدين انا ندير لي بغ

شراف"" ( بالغوات )امااال رجعي لور ( قرب لعندو ) طلقو نتفاهموو

عتيق"" يعطيني دريا و نقود نمشي انا وياها لشي بلاصة بعيييدة ماتكون فيها نتا مايكون هاد رويجل ( ضرب لمصطفى ليديه تاسال دمها مخلي غوات بشرى و امل يشبك دنيا ) لي حااااااس براااااسو

شراف صدرو تيطلع و ينزل مابغاش يشد المضى في يديه خااايف ..خايف يزيد يكحل ضواسة و يزيدو يحكمو عليه تاني .. لكن ماقدتش.. هز عينيه تتمشي و تجي من هنا و هنا دار شاف في عثمان بنص عين و عاود شاف في مصطفى و حرك عينيه باش يتحرك و يبعد شوية على الحيط حيث عارفو ماشادت توازن بالفعل بدا مصطفى تيكحز شوية بشوية تابعد على الحيط و دار عثمان من وراه بلاما يحس و جا ورا شراف مد ليه جنوية و الحديدة بقات عند عثمان ..

شراف""(مخلي جنوية وراه و زاد تيقرب ) طلقو اعتيق الراجل يموت في يديك... الشماتة حيد المضى

من تلفتو و قرب والخوف لي تيقرب منو شراف خلاتو يهز يديه في جنوية من على كرشو و جاتو خبطة بالحديدة من عند عثمان لليد تا طارت جنوية و في ديك لحضة نيت جاتو دقة من عند شراف للمعلم ديريكت تا فقد توازن و هنا نزل عليه شراف بجنوية لفخد زاد بفشلتو تاتكى على الحيط بالحر تمزاگ لي تمزگ ليه لحمو قرب مصطفى دغيا و شد شراف شدو من يديه

مصطفى"" صافي الله يرضي اولدي ما تجبدتش على راسك صداع توسخ يديك

في حين هو تايجرو عتيق ناض بزربة و بسرعة و قرب و هز جنووية بغى يرشݣها لمصطفى في جنبو ماوعى تاتجر من قدامو و جات رشݣة مع داك الجسم الصلب تاتسمعت غوتة حاااااااااااااارة و عيالات شبكوووها بالغوت .. و في ديك الللحضة وصلو البوليس بغى يهرب ساعة مالقى فين الجهد مسالي دغيا قرقبو عليه ...

امل"" ( تتخبط في راسها بجهههد و تغوت ربي لي خلقها )لا لا لا لا لا لا لااااااااااا (قربت تتجري و تلاحت معاه نازل مع الحيط بشوووووية شاد على كرشووو) لا لا ماتفقناش هاكة شرااااف لا لا لا عفاااااك شرااااف

طاحت على ركابيها و جات صفية تتخبط في فخاضها عاليا تغوت خويا خويا .. عثمان طاح على ركابيه شاد على كتفو

عثمان"" (بصوت مطعون كتر من حال خوه ) سمح ليا اخويا سمح ليا

صفية "" (طاحت على رجليه تتبوس فيهم بحرقة ) وااااااوليدي واااااا حبيبي واااااا لمغدور من حبااااابو و المغدوور من صحااااابو وااااااوليدي ايبقااااو غي يغدرو فييييك احبيبي

شراف"" (بعينين مرخييييية ) ششش الواليدة (شاد على كرشو و العرق بدا يتصبصب) ماتخافوش عادي

قربو البوليس و بداو يخويو المجمع مخلين قراب لكن مبعدين عليه شوية

امل"" (بالغوات كتنتاقد البوليس ) بغيتو الدم هاهووووو هاااهو شوووفو ها الدم ..حشوووومة عليكم شحال ديكلاريت شحال شكيت ليكم منوووو دابة عاد جاين ( زادت كحزت كي الحمقة عندو بلا وعي ولا ثبات حطات يديها على كرشو تترعد ) شراف .. م م مغاديش تخليني ياااك قلتي ليا يجي باباك (ضارت تتشوف في مصطفى ) هاهو جا شوف والله جا ياشرااف

شراف""( تيتنفس بسرعة هز يديه و حطها على يديها نطق بصوت تقيل و عينيه وناض حمرييييين مرخييين ) ششش الخوافة ماتخافيش ...

بشرى"" ( بالدموع تتبوس على كتفو) و اسمحليا اوليدي سمح لياا الله يرضي عليك

شراف""(تيشوووف فيها بشوفاتو غريييييبة نطق بصوت تقيييل) الواليدة سمحي ليا نتي ... فين ماتشوفيني تلقايني هاز المضى ... ( بلل شفايفو لي نشفو و عاود نطق متااااقل) وليني مخايبش و ماتنآديش.. الله يحن عليك ماتديش عليا نضرة الخايبة..

بشرى"""(باست على كتفو تاني نطقت بصوت مقجوج) عرفت عرفت اولدي عرفت ...سمح ليا اوليدي سمح ليا

صفية"" ( تتمشي و تجي كي شي حمقة )وااااوليدي و ااحبيبي ايمشي عليااا... واربي مظلوم و بغيتي تيديه مظلوم وليدي

احمد"" (قرب شد عليها و جرها ) الله يهديك ياهاد المرا

البوليسي "" الله يخليكم فركتو جوقة و خليوه منين يتنفس

عينيه تتمشي و تجي على واحد بواحد عينيه تتغررت على اخر واحد شاف فيه و هي ديك مخلوقة لي خاشية يديها وسط دمو و عينيها تيكبو دم عوض الدموع حس بيديها ثانية حطاها على وجهو

امل"" ( قربت لعندو نطقت بشوية وشواربها تيترعدو بجههد ) صبر احبيبي صبر عفاك شراااف على قبلي عفاااك

شراف"" (تبسم نطق بشوية ) القطيطة ديالي ( بصوت تقيل) فهمتي غلط ݣبيلة راه

امل"" (باركة على دمو صوتها مخنوق)شش رتاح رتاح ماشي وقت لهضرة عفاااك

تسمع صوت اومبيلونص و هاهي وصلت جاو دغيا دارو اسعافات اولية و رفعوه غادين بيه السوء الحظ عينيه تيتغمضو واخة تيحاولو معاه طلعوه داخل اسعاف تسد الباب .... و دا معااااه غوووووتتتتة بالحر حر حر جهدهااااا خلااااات صوت يبقى وسط ودنييييه

كانت مقابلة يديها تتقطر بدموو مع عينيها و غوتتتت و بقات تغوت وحدة ورا وحدة

امل""" اااااااااااااااااااااا ولااااااااااااااا ولاااااااااااااا دموووووو دمووووووو ولااااااااااااااا

قربو تيشدو فيها بشرى و مصطفى عثمان جبد طوموبيل من كاراج مشاو تابعينو هو و صفية و احمد عاليا

مخلين امل غوتة ورا غوتة مابغاش تسكت ولا قدر فمها يتسد تا طاااحت بطوولتها وسط الزنقة جات طوموبيل ديال ولد جيرانهم و طلعوها و مشاو تابعين البقية .......

_____ المصحة—-

جالسين كلشي تيتسنى امل تاهي معاهم بعد داك انهيار عصبي جابوها ودازت مدة فاقت و لقات حالة هي حالة مزال مدخلينو جالسة و متكية على بشرى و دموع نازلين تاسمعو اسم شرف الدين .. كولشي وقف تيتسمعو غا صوت تنفس و ضربات لقلوبهم

الطبيب"" الحمد لله على سلامتو بعدا .. للاسف تقاست الكبدة شوية لكن ماتخلعش .. و حاليا حالتو مستقرة ماتخافوش

بانت راحة نسبيا على ملامحهم بقاو شي تيشوف فشي الا امل حاسة براسها حشمانة و بزااف من موقف لي طرا بسبابها ناضت بشوية و بخطوات تقيييلة و تحنات قفازية على يد صفية تتبوس فيها و دموع تيتكبو على يديها

امل""( بصوت مقجوج) سمحي ليا خالتي سمحي ليا عفاك

صفية""( شداتهها من كتافها ) ماعليك والو ابنتي .. مكتاب الله الحمد لله مني مامشاش ليا بمرة

امل"" بسبابي انا اخالتي جبذ لصداع لشراف و تضرب و هو هنا وسط طبيب

عاليا""(قربت عندها ووقفتها ) قدر الله الحمد لله دازت طريفة وراه بيخير .

عثمان""المهم داك الكلب راه فين خاصو يكون من شحال هادي

بشرى""(قربت جلست جنب صفية باست على راسها ) الحمد لله على سلامتو .. سمحولينا الاله صفية الله يعطيك الخير .. غامر براسو ما مرة مازوج .. ( طاحت دمعتها على يديها) وزاد مغامرتو ليوم قدام مصطفى

صفية""( خبطت على يديها ) دعي معايا غا يولي لاباس ... كل مرة الحياة تخبطو ليا من جهة ..

بشرى"" غايولي لاباس ...كي دوز محن لولى غا يدوز تاهاد المحنة

بقاو يتحتتو و هي مشات تكات على الحيط و دموع لاهوما بغاو يحبسو تا قرب منها مصطفى شدها و جابها لعندو معنقها

مصطفى"" صافي ابنتي الحمد لله من دازتو على خير .. بسبابو هاد الشهم تتلقايه واقف في ضهرك

بشرى"" ( قربت منهم بالدموع) هاد الشهم جا دوا فيها و انا ماقبلتش بيه ..

مصطفى""(دار شاف فيها) امتى هادشي ..(كرن حاجبو ) مكاينش باها ميت ..؟

امل"" صافي ماشي وقتو.. هاد هضرة ماشي هنا و قدامهم حشومة

بعدت عليهم مشات عند عثمان و عاليا و هوما بقاو واقفين بوحدهم عاد شاف مصطفى في بشرى و نطق بحدة

مصطفى"" من امتى كنتي تتقرري بوحدك ؟؟

بشرى"" ( نزلت عينيها) من حقك تقول لي بغيتي .. ظلمت السيد و ظلمت بنتي معاه اتحماق عليه

مصطفى""( خنزر فيها و نطق بحدة ) تا لدار و نتفاهمو على هادشي ..

زاد توجه لعند احمد جلس جنبو و بشرى مشات عند صفية ..

مصطفى"" الحمد لله على سلامتنا من هاد محنة سمحوليا اسي احمد والله ماعرفت فين ندير وجهي

احمد"" الحمد لله على قدر الله.. غي هو اودي امصطفى ولدي مكانت تيتفلى على بنتك داك هضرة لي قال عتيق مامنها والو .. ولدي طلب يد بنتكم و طلبت منا الاله بشرى انك تا تجي و ترد علينا..حتى وقع ليوقع

مصطفى""( خبط ليه على ركبتو ) ينوض و يرجع لحبابو و خوتو على خير .. و ديك ساعة نتكلمو في موضوع على خاطرنا .. الناس الخير و بنتي ما نتهناش عليها الا و هي تحت جناح هاد الفحل ..

قاطعتهم فرملية و علمتهم بلي يمكن ليهم يشوفوه لكن زوج بزوج .. دخل احمد و صفية و امل ماقدت و لا قدت حشمانة ماشي منو حشمانة من لي وقع ليه بسبباها بقات هي وعاليا تابانو ليها خرجو احمد و صفية و شدتها من يديها و جرتها بززز فتحت الباب دخلات هي لولى عاد بانت امل منزلة عينيها تمات مطلعاها بشوية و دموع تيتجمعو و هي مراقبة كتلتو فوق سرير المرض معري من فوق عليه فاصمة مغطي نصو تحتي باليزار عينيه مغمضة قربت عاليا باست على خدو تا حل عينيه فيها تبسم

عاليا"" على سلامتك خويا حبيبي

شراف""(بصوت تقيييل) الله يسلمك

تبسمت هي تحرك راسها باش يدور دور عينيه مرخيية و بانت ليه تتكب في الدموع و يديها تتفرك و تزيد مشات عاليا ودفعاتها شوية تاوصلت جنبو و خرجت في حالها .. بقات تتشوف في الجرحة و تبكي تبكي و تتفرك في يديها بحشمة والخوف و الغبينة لي فيها .. حست بيديه تمدت شدت على دراعها و جرها لعندو بشوووية تاجات لعندو ووسط الحضن ديريكت و وسط حرارة جسمو سخوون.. بقربها و بشوفتها و هي قدامو و بيخير على خير هزات يديهاا على لحمو و كتافو مكروزين تبكي تنخصص بصوت منخفض .. مغمض عينيه براحة و يديه تتنزل وًتطلع على شعرها بحنية مخليها تفرغ لي جامعة مدة هادي وزايد عارفها خوافة و ماعندها جهد لهادشي كامل لي جا في دقة .. نطق بصوت منخفض تقيييل

شراف"" ششش الخوافة..(سكت لتواني و كمل بنفس نبرة متقلة) لموت و مابعدتنيش عليك .. و تتگوليا ما تخلينيش !!!

مع سمعت صوتو في ادنيها و بدات تبكي بجهد نسات راسها ماحبسها ماقال ليها حاجة .. حدو زاد جرها لعندو مدور على ضهرها كارز عليها .. حتى حس بيها بردت شوية و نقصت من لبكى و كحز بوجههو مبعدو باش تهز راسها قدامو..تيحس بيها تترعد بشكل غير طبيعي شد يديها و يد ثانية تتمسح ليها على جفونها مطلع بعينيه مرخيييية و معسسلة بالعياء و العشق لي مرمدو هاد تمرميدة حارة ...

شراف""( نطق بصوت تخييين و تقييل ) ششش امل ( بصوت منخفض) بارك كي بقيتي.. حلقك مابغاش يحيد ليا مخي (كيقصد الغوتة)

امل""(نزلت عينيها و عاودت طلعاتهم ) كنت نحماق شراف (شواربها بداو يترعدو ) كون وقعت ليك شي حاجة نموت ..

شراف""( طلع يديها لفمو باس عليها بتقالة عاود شاف فيها بعيون مرخوييية نطق بصوت خاااتر ) يسحب ليك انسمح في ملتك مريضة نتي ؟؟

امل""(تبسمت تتشوف فيه و تنزل بعينيها ) الحمد لله من راك قدام عيني و بيخير .. ولكن تقاااست ليك كبدة ياا شراف

شراف""(تبسم بجنب بصوت عيان) الكبدة قاسوها ليا شحال هادي امل محنوووني

امل""(باطمئنان و حشمة) بالحق ماتخافش .. كتبرى دغيا

شراف"" ( تيلعب بصبعو على يديها ) ماتخافيش ليا غي نتي الخوافة.. خلعك ليا داك الكيدار

امل""(بحنية) خفت عليك نتا ا شراف بادين بهاد مشاكل كلها .. كنتي تموت

شراف""(مشات يديه لخصرها و جرها لعندو تاتحنات بيديها على كتافو مكروزين خلات لحمو يشوك عليه وطلع يديه لرقبتها و جرها مزيان تاتحطو شواربو على جبينها تيبوس عليه بوسات متتالية نطق بصوتو تخين مخلي نفسو تضرب عليهم ) بلاصتك في گلبي المخير فيهم مايوصلهاش .. نموت على ودك مهم ما يقرب ليك تا قمقوم

مغمضة عينيها و هي مستنشقة ريحتو و انفاسو رجولية حرقتها ....و زايدها بحريقها.. شدات على وجهو و باست جبينو بحنية و بعدت تتفرك يديها ..

امل"" نخليك ترتاح صباح نجي نشوفك

شراف"" (بعينين معسلين خبط على بلاصة جنبو ) بقاي ك*( حبسها على طرف لسانو في اخر لحظة) معايا بقاي

امل""(خرجت عينيها فيه بحشمة) عفاك يلا عزيزة عندك ماتبقاش تخسر الكلام امم

شراف""( مد يديه و جرها تتنتر تا نطق متألم ) امم ( دغيا حبست و قربت لعندو ) تنحاول مع ملتي لحاجة لي ماتعجبك نحي بوها ( تبسم بجنب و نطق ) دابة نهضر مع باك

امل"" امالك تالصباح بعدا.. الله يهديك نعس رتاح دابة

شراف""(بانت ابتسامتو مخفية بجنب و عينيه تنزل و تطلع نطق بتقالة) نهضر معاه ليوم

امل"" شراف تا تخرج بعدا اويلي مالك مزروب

شراف"" واخة صافي غا ريحي شوية ماندير ليك والو مانقرب ليك

امل"" ( مقاطعاه بملاحها مزنگة ) كيفاش..(خرجات عينيها) ماكتحشمش يا شراف وااالو اش تقرب و لا دير

شراف""( تبسم و باس يديها نطق بصوت تقيييل ) لهوما نجيوك نيشان الخوافة ... ( عاود باس يديها و نطق بختورية فايضة ) المرمدة گلبي

امل"" (بحسرة) بصح شراف تعديت عليك و حنا مزال بادين و في تعارفنا لول يعني ماعرفتي ماما ماعرفتي بابا طحتي في مشاكل على ودي وزيد زواجنا مزال ماتقبل بيه

شراف"" (تبسم بجنب و نطق متقل) اسمعي هاد هضرة مانبغيش نسمعها مرة أخرى ياك .. و زيد تعارفنا و داك الكلام باغيه بالحلال ايكون زين و بعقلو داكشي لاش دقيت الباب من لول .. و ماشي كاع لمزوجين عارفين بعضياتهم قبل زواج .. تيعرفو بعضهم مع الزينة و خايبة في حياتهم شوية بشوية حاجة ناقصة فينا نتي تكمليني و انا نكملك (ضرب على راسها بشويية ) خاص غي بنادم يكون معقل و يعرف يتصرف ..

امل""(تبسمت حركت راسها) فهمت من تخرج و يكون خير

شراف""(جاب يديها باس على داخلها بضبط من كانت حاشية يديها وسط دمها بحنية ) سمحي ليا على خلعتك ..مسحيها فيا امل .. الخوافة ديالي

جرات يديها بعدت عليه تتبسم تحت منها مخلية عينيه يطيحو معاها لي ماكره تبقى قدام عينيه تاسمع دقان تلفتو بزوج الباب دخل منو عثمان..

عثمان"" (طل عليهم ) بربي باش تسالي قصتكم نتوما ..

امل""(تبسمت شافتو قرب و ضرباتو ) نتا الكيدار لاش خاشي وجهك معاه .. ايسحب ليك ايحن فيك

عثمان""(قرب باس على راس شراف و نطق ) الحمد لله على سلامتك خوادري ..(شاف فيها و نطق ) شنو نتفرج فيه على كلامو عليك وعليه ..

شراف""(صغر عينه) شكون ايكون علمو بهادشي

عثمان"" والله ماعرفت مهم هادشي مكانش تيدور في الحومة

امل"" صافي بلاما تحكرو مهم راه مشى فين خاصو يكون ..

عثمان"" يلا زيدي گدامي تايصبح صباح و نجيبك ..

حركت براسها وخرج مخلية العينين يطلعو و ينزلو و عاد شاف لاباس كندورة خفيفة و دراعانها تيبانو و شوية من صيكان مع كلاكيت لي ماعرفت منين جات مبينة ضفيارات رجليها كتمها في داخل ديالو .. بزز عاود شاف فيها

شراف""(نطق بصوت تقييل ) مابغيتيش تبقاي؟

امل"" مانقدرش ا شراف اويلي اش تتقول ( شافت في حوايجها) شوف حالتي كيف دايرة و مزال دابة راه ليل .. (لقات لكود ديالو )تبغي دنيا تعمر عليا و انا بهاد گندورة

شراف""(عاود شاف لقى راسو ماغاتسلكوش و يصدق موعت هو ولا شي واحد اخور ) واخة سيري

تبسمت و قربت باست على خدو بشواربها مملوئين بشووية خلات بوه يتوگض و فيقت غريزتو باحساس بورش لحمو .. شافها بعدات تتبسم

امل"" بسلامة الله يصبحك على خير

مجاوبهاش عارف راسو لا نطقت ايصدق حارجها حرك براسو تا شافها خرجات و رجع براسو لوراء تحرك بشوية بحالا تيفيق من هاد احساس لي خلات فيه .. تيستغفر الله تادخل اخر شخصين لي هوما مصطفى و بشرى..

مصطفى""(قرب باس على جبينوو بحنية ) كي بقيتي اوليدي

شراف"الحمد لله اعمي بيخير .. نتا مزيان مابيك والو

مصطفى """(خبط على دراعو ) لا وليدي بيخير غي جرحة صغيرة وصافي

بشرى""(قربت بدمعتها تجري شد يديه طبطبت عليهم ) على سلامتك اولدي .. سمح ليا بزاف والله يلا راني حشمانة منك بلا قياس

شراف""(باس يديها نطق بخشوونة ) حقك .. بنتك هاديك و تخافي عليها

بشرى"" لا انا لي تصرفت بانانية و دغيا صديتك.. لا انا سمعت منك ولا سمعت منها

مصطفى""(شاف فيها و نعت براسو )صافي دابة سيري عند بنتك ( حركت راسها و خرجات و شاف فيه وخبط عل كتفو بشوية ) الغلط ديالك اولدي .. كون جيتيني فاص ولا علمني سي احمد .. مانوصلوش لهاد ماصل

شراف""(عقلو و قلبو تخربقو عليه تيحلل هضرتو نطق بصوت تقيل ) يعني مرحب بيا اعمي ..

مصطفى"" (تبسم مع خبطات لكتفو بطبطبة ) بنادم اولدي ماشي ملاك باش مايغلطش .. عارف قصتك و عارف طينتك منين مصنفة ...راحتي من راحة بنتي يلا انا ولدتها و كبرتها و خفت عليها ...من لي شفت منك و معرفتك مانخافش عليها و هي تحت جناحك..كولشي تيتعلم من اخطائو اولدي ..المهم هو تكون غادي تمشي بنية صافية و تبنيو بزوج الحياة الزوجية بسلاسة و المعقول ( تبسم).. عليا انا مانزيدكم غي دعيوة الخير .. الله يكمل عليكم بالخير اولدي

بانت لمعة في عينيه تبسم و باس على يديه نطق بصوت تقيل و خاتر

شراف""(برزاانة) درويشة و بنت الاصل .. شفتها نويتها للحلال نيشان هي ماديال تفلية ما انا ديال تفلية .. باش ندخل عليها دوك دخلات نݣولها نتعارفو و كدا وداك كترة لغى ماشي ديالي و ماشي حتى ديالها .. تعارف بغيتو يكون ݣدامك و ماشي خزنة منك.. ݣدام الخلق لي عارفني و عارفها مانݣولش ليك انا كامل كولشي عندو عيوب .. المهم من هادشي هو بنادم يتعلم من اغلاطو باغي اغلاطي تصحح بيها و معاها ..(برزانة اكتر) بنتك نديرها وسط وسط عيني مانحافيها مانخلي حاجة تمسها بالخايب

مصطفى""(تبسم محرك راسو ) كلامك زين وعجبني طينتك من طينة باك .. رجلة ماشي ساهلة اولدي ..رجلة هي تعتارف باغلاطك و تبغي تغير منهم للاحسن .. رتاح دابة من تخرج و نهضرو في موضوع ان شاء الله

حرك براسو و خرج مخلي الراحة و قلبو يضرب براحة و طمئنينة من الخبر لي كان يتسنى تنهد تنهيدة طوييييلة مغااااايرة جبدت معاها كاع داك جراج و الألم لي كان وسط قلبو ..

فين الحين خرجو امل ركبت مع عثمان . و عاليا و بشرى و رجال مشاو مع ولد الجيران .. وصلو لديارهم و لقاو جيران كاين لي فايق ولي مانعسش من حالة لي فكرتهم و دهشتهم .. جاو تيتسالمو معاهم و يسولو على شراف .. يشوفو امل كي بقات.. هكاك تفركتت مجمع و كل دخل ينعس هي دخلات دوشات و غسلت حالتها و مشات تكات و عقلها مسيطر عليه القلق .. هي ماعندها تا باش تهضر معاه ساطت بجهد و غمضت عينيها تنعس شوية ...

صبح صباح فاقت هي لولى مع دايرة بالها كل مرة تفيق .. تابانت ليها التاسعة ديال صباح ناضت توضات صلات صلاتها و خرجت لكوزينة لقات بشرى تتعجن

امل"" صباح الخير

بشرى"" صباح النور ابنيتي

امل"" خليك ناعسة بلاتي مالكي

بشرى"" لا ابنيتي نعجن شي طريح الملوي .. نديوهم للحاجة صفية .. يقدر يخرج ليوم ولا صباح .. والجيران ضروري يدخلو عندها ..

امل"" (بقات تتشوووف معجبة تبسمت ) الله ياماما ياك يلا كنتي ماحملتيهش وحباس و شلى كلام خرجتي

مصطفى"" (دخل مع باب كوزينة جايب الكومير في يديه ) كان خاصها لي يقرص ليها داك الفم ملاوط

بشرى""(غطات العجينة ) ياك امصطفى

مصطفى""(بتخنزيرة ) حيث هاد ردود فعل ديالك ديما متسرعة عيث ما ندوي و عيت مانهضر.. تنعيا مانهيها

بشرى""(مسحت دموعهاا) سمحي ليا ابنيتي ضريتك و ضربتك

مصطفى""(عقد غوباشتو) ضربتيها؟؟؟؟؟

امل"" (قربت باست كتفو )غير من خوفها ابابا .. صافي نسى الموضوع لي فيها الخير يجيبها الله ..

خرجاتو لبرا مابغاتش يزيد يتعصب و يطلع ليه السكر تاني .. داتو جلس و رجعت هي تتخاصم على بشرى و تتقولها تنسى الموضوع صافي .. وجدت اتاي حطات كولشي في طبلة فطرو و ناضت لبسات كسيوتها صامبل بكمام عرااض و كلوش في اللون البنفسجي دارت اكخو و غطات على تحت عينيها داك انتفاخ و سواد لي تطراسى ليها في هاد مدة ... دارت ملمع شفاه كحل و ماسكارا لبسات صنيديلة كعب خفييف هزات صاكها و رشت بارفانها و خرجت لقات مصطفى خارج تاهو .. قربت مننو و نطقت بشوية بخجل

مصطفى"" ياك مخداماش ابنتي

امل""بابا .. نمشي لكلينيك نشوف شراف

مصطفى"" اييه سيري مافيها باس ابنتي .. سلمي ليا عليه

تبسمت و تنفست براحة انه تتشوف ملامحو هادئة و عادية .. دورت عينيها لبشرى

مصطفى"" خرجت تسخر تدير الحلوة

حركت راسها و مشات نازلة خرجات لقات عثمان تيخرج طوموبيل ديال شراف.. وقفت تا خرجها و حبس حدا رجليها نزل الزاج

عثمان"" هانا على الزين ديال خويا .. و الموڤ اختي مشعشع

امل""(ضرباتو لدراعو ) نشعشعك بشي دقة نتا .. (تتحكر في طوموبيل ) امتى صايبها

عثمان"" جابها الدري قبيلة ..غادة عند الحبيب القلب

امل"" ايه غادة عندك شي موشكيل اخويا

عثمان"" (تبسم ) طلعي نوصلك

امل"" لا غا سير لفين كنتي غادي

عثمان"" كنت غادي نتسخر غا زيدي نوصلك نشوف خوادري و نرجع في حالي نكمل سخرة

حركت براسها و نزل سد كاراج و هي طلعات و عطاتها ريحتو تبسمت بلا وعي تنهدت بجههد و رجع خوفها من قرار باها تاحست بالباب تحل و طلع عثمان و كسيرا ديريكت .. نطق عينيه مع تلفون و طريق

عثمان"" عويتيق تقطعو ليه العصب ..

امل"" انا بغيتيو يتگرض لحمو مايلقاو مايجمعو فيه

عثمان"" خوادري لعبها فيه .. عرف فين يضرب

امل"" احح ماشفتيش هو فين ضربو كان يقتلو

عثمان""( شاف فيها و تبسم ) احح عليا انا هاد ساعة .. وليت شيفور ديال ملتك

امل"" بزز عليك ..

عثمان""(شعل موسيقى و تخدمت اغنية لي كان مخدم شراف ) تصنتي شوية موسيقى تهدني شوية ..

ميقت ليه و جهد الصوت و بدات اغنية شاب حسني الراي قديم..

نتي روحي و نتي عيوني

نتي الوردة زينة الجنان

ياا نتي روحي و نتي عيوني يامولات الصاك الضريف

دوك العينين القتااالة

عديتيني بحبك يالزين

خلتيني لي حالة..

تتبسم و ضارت لقات عثمان حاضيها و تيضحك

عثمان"" خويا خاااتر في دوقو تمعني مزيان في كلمات امولات عينين القتالة ديال خويا

وصلو قدام كلينيك بلاصة طوموبيل و نزلت هي لولى و بقات تتسناه حتى نزل و قرب جنبها و دخلو متوجهين و قلبها بدا يتخربق عليها تاني و تتلون .. شاف فيها عثمان و نطق

عثمان"" هاانا تاني

خنزرت فيه و دق زوج دقيقات و حط يديه على بواني فتح الباب حالو وضاحت ليها رؤية متكي و فرملية محنية عليه رمات دوك خطوات تتقرب و عينيها ماشافتش فيه تتشوف في يدين الفرملية لي تتقاد ليه فاصمة .. وسط جسسموو الصلب معري عليها تما فيقها غير صوت عثمان

عثمان""(سلم عليه القبظة اليد) كي بقيتي اخويا

شراف""(عينيه مصغرة بشكل مبين فيها لي مشافتش فيه و لا دوات نطق بصوت مدعدع خاتر ) مزيان الحمد لله

عثمان "" مهم ها امانتك تا نرجع من بعد

حرك ليه راسو و عينيه مرخييية معاها تيطلع و ينزل و هي وجهها تلون غا بوحدو بانت ابتسامة بجنب شبه مخفية على شفايفو عض على شواربو و نزل عينيه مع فرملية لي كانت دارت ليه لصقة على كرشو و عاود شاف فيها بهدوووء مشات عينيه فين تتشوف كانت تكعدت فرملية تتحيد داكشي من قدامو

فرملية"" على سلامتك اسيدي ..

شراف""(حرك براسو ) شكرا اختي الله يحفظك

حركت براسها و خرجات عاد سيدة قدرات تدور لقاتو مربع يديه وعينيه مرخيية فيها بشكل يذوب .. عاد بانت ليه ملامحو صباحية سرطت ريقها و قربت شوية ناطقة بصوت قليل

امل"" كي بقيتي .. شوية .. مابقاش تتحرقك..

شراف""( مد يديه و جرها لعندو تاجات جنبو جالسة وشد يديها باس عليها من داخل ببطئ نطق بصوت تخين ) عاد شفتي ( صغر عينيه و زاد خفض صوتو ) حبيبك

قلبها بدا يضرب و جهها ولا حمممممر عرفاتو عقل و مانسيش كلمة لي نطقت بيها في عز خوفها عليه ..تتسرط ريقها و قلبها يطلع و ينزل فوق داك كسوة .. نزلت عينيها و عاودت شافت فيه

امل"" ا اا لا غي كنت تنتسنى هاديك تسالي

شراف""(مشات يديه بشوية تاوصلت خصرها و زاد بيها لعندو تاحطت يديها على كتافو مكروزين وتلاقاو عينيه مع عينيها و بقرب فضيييع نطق بصوت تقيييل ) هاديك دارت خدمتها ومشات ..و نتي ماتسلميش عليا ؟؟

امل""(تتنفس بسرعة دايخة و تالفة بهاد كترة خبيط و كرشها تتلوى عليها نطقت بتلفة من عينيه) نسلم عليك و هي كاينة

شراف""(عينيه تايهة بين شفايفها و عينيها و مرخوييية بشكل ذوباان نطق بتقالة ) و دابة؟

امل""(سرطت ريقها وعينيه دايخة بيها كيفاش تيشوف فيها قربت بشوية و باست على خدو و بعدت بغات تنوض و زاد كرز عليها نطقت ) شراف

شراف""(بصوت خااتر ) شراف ساليتيهملو بهاد الصباح

امل""(حابسة ضحكتها نطقت ) طلق بعدا ايدخل شي حد

شراف"" يعاودها لك**رو

امل""(خبطت على كتافو حتى تحرك و رخف يديه ناضت دغيا وقفت جنبو) شراف صلح فمك دويت معاك ياا كي ليل كي صباح كي عشية خااسر

شراف"" سمحي ليا راه سبقااتني صبري معايا شوية ( تكعد شوية و شاف ليها غمز ليها ) الليل مزال ماعرفتيهش

امل"" (خرجت عينيها ) ماااسخ هاحنا داوين فيه

شراف"""(مد يديه ونطق ) زيدي عاونيني القطيطة

تبسمت و جات شدت عليه رمى رجليه و هي حاضية معاه بشوية و عينيها بين جرحة و ملامحو

امل"" غي بشوية .. وقفتك لولى تجيك صعيبة مع خياطة

حرك براسو و رمى يديه على كتافها و وقف بشوية تيحاول يقاد وقفتو.. حتى تقاد و بدا يتمشى بشوية و هي حاضية معاه و خايفاه يتقصح حطات يديها على كرشو تتحس بيها قاصحة جابت ليها ضهشيرة غير طبيعية تتلون غا بوحدها تا وصل الباب الحمام وقف طلعات راسها لعندو

شراف""(قرب محني معوج براسو بغفلة و قرص على شواربها و نطق بختورية فايضة من حلقو ) شوارب لي يخرجو حبيبي

تبسم بشكل تقييييل و عينيه مرخوية وزاد دخل للحمام مخليها مزال مصدومة و ملامحها حمراااا بالحشمة شدات على شفايفها تتحسس عليهم و كرشها تتزغرت قلبات عينيها بتلفة و دارت متوجهة للسرير تتقاد ليه الفراش بان ليها الصاك محطوط حالتو تتلقى للفطور تتقلب فيه تاسمعت صوت لباب تحل و ضارت بالخف

امل""(تمت مقربة ) بلاتي نعاونك غي بشوية

قربت تتحرك في عينيها تارمى يديه عليها متبسم بلاما يبين هو مابيه جرح مابيه تمزاك عجبو الوضع كيف قريبة ليه .. داتو للسرير و جلس و عاوناتو رمى رجليه و هو عينيه كيطيحو معاها قادت ليه مخدة و رجعت تتشوف في صاك

امل""فطرتي

شراف""امم جابتو عاليا صباح

امل"" (بتلفة)واقلة يخصك تلبس بلاما تبقى هكاك معري تم

شراف""(رخى عينيه فيها و في ملامحها و نطق بصوتو تقييل ) نلبس

دغيا هزات الصاك حلاتو و جبدت ليه تيشورط عريضة قادتها ليه و قربت تكعد شوية ولبس عليه و غطاتو و جلست جنبو مطولة شوفتها لعينيه لي مراقبة و بلا ملل

شراف""(شد يديها و جرها تا زادت حداه و جابها فمو باس عليها بوسات خفيفة نطق بتقولية) لبارح رفدتي عليا ؟

امل""(نزلت عينيها ) مكنحملهاش واخة مابيني وبينها والو

شراف""(تبسم بجنب و نطق ) جابت ليا شي حوايج لي يقدرو يعاونوني على برائتي و يتشد داك بنادم

امل"" و ياك خرجتي دابة عاد بان ليها ..؟

شراف""(تيدوز يديه على يديها ) خرجت وليني كولشي كان تبث ضدي ..

امل"" هي اشمن مناسبة غا جات بغات تعاونك لله في سبيل لله ..( رفعت صوتها شوية بلا وعي تتعيبها ) عفااك دعي معايا نتجمع مع شرااف عاوتاني و يساامحني

شراف""( هز بحواجبو متبسم بختورية منوم عينيه فيها كتر ما هي نايمة بالعياء و نطق بصوت تقيل ) غاتقتلييييني

امل""(هزت كتافها مقندشة) ااااه قالتها ليا في وجهي بنت حرام لغدارة بالحق لاش مدخلها عندك

شراف""امل راني مانكذبش عليك خدام تا دخلات عليا جريت عليها ولكن مابغاتش تتزعزع .. واش من نيتك نزيد نشرك مع ملتها شي لعبة (جرها وحط يديه على رقبتها و جاب جبينها لفمو باس عليه بتقالة و نطق ) و نگولها ليك في وجهك (قابل عينيه مع عينيها تتشوف من هنا لهنا نطق متقل حروفو) هاد بنادم (تبسم نطق بصوت تخيييين مخلي حرارة تخرج معاه) عاشقك نتي لملتك

ركز مع ملامحها وهي قريبة ليه بلا رمش و شفاييفها تحلو بشكل بطيئ تتحرك في مومو العين وسط عينيه كأنه تتقولو عاود نطق اش قلتي .. جاتها بحال شي ماء ثلج تيخوي على صدرها ...

امل""(ضحكت بجهد) و ناس كيعتارفو هاكة بالمعيور

شراف""(تبسم بختوورية نطق متاقل ) هادشي لي عطالله قبلتي عليا

امل""(تبسمت منزلة عينيها ) بصح لي عطالله عطاه عجبتيني بكولشي فيك

شراف""(نطق بصوت تقيل مخلي عينيه وسط عينيها ) منين خرج لي هادشي ..مرضت بيك حق رب

سرطت ريقها بصعوبة و قلبها يرف و يزيد تاحست بيه تيقرب بشوية و عينيه مرخييية في شواربها كانت مبادرة منها وزادت بواحد فجييوة حتى تلاقاو شفايفهم طلعات ليهم الهرمون الحب و العشق لفوق السحاب ..هاد مرة كانت منها حتى هي تتحرك شواربها معاه مخلياه يزند و يزيد في الوتيرة تلفاتو و رفعت ضغطو بالمزيان شفايفها و هو تيداعبو شفايفو قهروه قهر .. ماكره يزيد يتكيها تم .. قاطعهم صوت دقان في الباب خلاتها تنتفض من جنبو و عاطية بالضهر لباب صدرها تيطلع و ينزل .. مخلية عينيه ضايرة معاها و على ملامحها جنناتو مسح ريق لي كان جامع بيناتهم بابهامو و عاود شاف الباب تحل و طللات منو عاليا دخلات و تبعها خطيبها

عاليا""السلاااام عليكم كي بقيتي اخويا

امل_شراف"" وعليكم السلام

شراف"" بيخير اختي الحمد لله

علي""(قرب مد يديه و قرب سلم عليه سلام رجولي ) على سلامتك اخويا كي بقيتي

شراف"" احسن من قبل الله يحفظك و ينجيك

عاليا""(قربت جنب امل لي كانت مبينة بزااف حشمة و تزنيكة واصلة فين بغات نطقت بشوية ) جيتي تداويه

امل""(قرستها ) سكتي يالخانزة

عاليا"" مزال ماقالو ليك على الخروج حيث صباح من سولت قالو ليا ليوم يخرج غير معاياش معرفتش

علي"" يلا كان شي خروج من عند العشية

شراف "" داكشي لي ݣالو ليا

علي""" ..(شاف في عاليا) نمشيو (شاف فيه ) على سلامتك اخويا.. مرة اخرى تانتشاوفو ان شاء الله

شراف" ان شاء الله يجيك الخير

امل""راجعة للعيادة؟؟

عاليا"" اه تالعشية و نتشاوفو نيت بغيت نهضر معاك

حركت ليها راسها و خرجو تاتسد الباب و دورت عينيها بشوية ليه لقاتو حاضيها دغيا دورت عينيها خلاتو يتبسم بزز عليه تاعاودت شافت فيه تتبرقق في عينيها

شراف"" (مد يديه وجرها جلست جنبو ) مزيانة نتي

امل""( تبسمت مراقبة يديه تتلعب في يديها) الحمد لله (شافت فيه) خاص غي تكون بيخير ا شراف و الله هادشي قهرني باقة ماعرفت فين نوصلو

شراف""(كرز على يديها) نوصلو الخير ان شاء الله ماتخميش ليا وخليك مرتاحة

امل"" (تبسمت بخجل) واخة ان شاء الله يكون خير

شراف"" (تبسم على حالها و نطق متااقل ) ارا مايهربوك عليا تجي تجي

خنزرت فيه و زادت مخلياه تيتبسم تازدحت عليه الباب خلاتو يغمض عينيه بتقالة .. راد براسو للورا .. كيتسنى النعاس يزورو

اما هي غا خرجات لبرا و جلست فوق واحد كرسي و بقات تتنش على وجهها بحر الصهدة لي دار ليها

امل"" الله ياربي

ناضت شدات طاكسي و قصدت دارهم .. تاوصلت لدار دغيا مكانش وقت بزاف .. طلعات لقات بشرى تدير البهلة و طرح المسمن محطوط و طايب قربت باست عليها

بشرى"" كي صبح شوية

امل"" بيخير راه مزيان .. عتيق لي تقطعو ليه عصب رجليه

بشرى"" (دارت طاوة في فران ) مزيانة فيه نيت يستاهل .. شراف هو دواه نيت

امل""(صغرت عينيها) مابقاش حباس دابة

بشرى""ايوا ماتبقايش تحكري صافي ابنتي بصح ماخصناش نحكمو على ناس بالمضهر

امل""(تبسمت و باست يديها ) هكاك اماما

بشرى"" بدلي عليك و اجي ديري شي كيكة كبيرة ابنتي

حركت ليها راسها و مشات لبيت بدلت عليها و رجعت تعاونت معاها خلطات الكيك كبير بالشكلاط و الغدا تيطيب حداهم ... تغداو و كملو توجاد الكسكروط زوج طباسل الحلوة كبار بين البهلة و المعمول التمر طرح المسمن و طرح البغرير و الكيك .. توجد كولشي و مشات تلاحت فوق السداري بعناء

بشرى""(خرجت اتاي ) اي هاي المغرب قريب يودن يابنتي

امل"" ضربتي تمارة يالحبيبة

بشرى"" شي خبار خرج ولا باقي

امل"" ماعرفتش .. قالت لي عاليا غادي يخرج ليوم و صافي الوقت ماعرفتش ..

جرت صينية كبت ليها كاس اتاي و ناضت جابت تلفون ديالها من لبيت .. و تراسلت مع عاليا علمتها بلي قريب يخرجوه

امل"" قالت ليا غادي يخرج دابة

بشرى"" و نوضي خوي عليك الماء و بدلي عليك نوصلو ليهم هاد الخير

بقات تتشوف في كاس و تجغم منو ناضت دوشات من ريحة الطياب و لبست دو بياس و كندورة و رمات عليها كيمونو بالحزام و خرجات لقات بشرى تتخرج و تحط فوق طبلة المرح .. و هزو كل طبسيل في يد و نزلو متوجهين لعند صفية .. صونات و طلات عليها من كوزينة لاحت ليها سوارت حلت لباب و طلعو .. لقاو صفية واقفة مع دخلة الباب

صفية "" الله ياصحبتي مالك على هاد حالة ( شدت من عندها طبسيل )

بشرى"" مالي اش درت .. لي قسم لله عاوني بيهم ليلة بعدا ضروري يجيو عندك ناس

صفية"" الله يكتر خيركم ( شافت في امل مزنكة) مرحبا ببنتي

دخلو داكشي لداخل بشرى بقات معاها و هي رجعت تجيب الكيك حلات الباب و جات عينيها طوموبيل وقفت بانت ابتاسمة صغيرة من شافتو نازل بشوووية كاسكيط مدرقة تخلويضة عينيه كحزت بجنب تالفة تابان ليها هز عينيه فيها قربت عاليا شدات فيه و قربو من الباب و دور عينه ليها لي كانت جنبو و مقرب ليها نطق في ودنيها

شراف""(متااقل) المرمدة گلب

ماقدت تدور عينيها فيه مزال دغيا هربت مخلياه تيتبسم في داخله .. مشات بجرا للدار و هو طلعو عثمان بعد ما بلاصة طوموبيل .. طلعو لفوق للطابق الثاني فين كاين الواليدين .. تعرضت ليه صفية تتبوس على كتفو و صدرو

صفية"" على سلامتك اوليدي على سلامتك

شراف""(باس على راسها ) الله يسلمك ميمتي

بشرى""(قربت و باس على راسها ) على سلامتك اولدي

شراف"" الله يسلمك و ينجيك

صفية"" زيد زيد دخل ترتاح

داه عثمان جلس بشوية باقي خياطة مزيرة تتعطيه الحريق بزايد .. قادت ليه عاليا جلسة و جلسو جنبو

شراف"" ( دور عينيه ) فين الواليد

عثمان"" هاهو طالع نيت هو العم مصطفى

بالفعل دخلو بزوج و قربو سلمو عليه و جلسو و طمئنو عليه و تيهضرو الا هو لي جالس و تيشوف تالمح لطيفها طالعة مع الدروج سرط ريقو من لمح ليها حطات رجليها في اخر درجة دخلات رمات السلام و دخلاتها للكوزينة

صفية" والله يلا عذبتو راسكم بزاف

بشرى"" مكاين عداب الله يهديك

هو عينيه معاها لي مشافتش فيه كاع .. ناضت عاليا جراتها و دخلو لكوزينة

عاليا"" (دارت ماء يطيب) ياختي على السر طايح عليك ..

امل"" (ساطت )شمن سر راه خوك ماتيحشمش

عاليا"" لا تيحبك

بقاو مداينها في شغل و جيران تيدخلو هادو و يخرجو هادو و لبنات في كوزينة تيوجدو لبرارد اتاي .. هكاك داز الوقت تابقاو غي بيناتهم و خرجو سخفانين بالصهد مشاو جلسو و هي عينيها ماهزهاش فيه ولا قدرت هو وااخد راحتو بالمزيان مامسوق لتاواحد تم حتى نطق احمد و تحولو عينيه لعندو

احمد""( نطق بهدوء ) سي مصطفى .. عارف الوقت و المكان مامناسبش لهاد الكلام..

كولشي تيشوف مهم شراف لي كان مهااادن امل تتبرق في عينيها و قلبها يضرب يضرب ..

احمد""(كمل كلامو ) ولدي شراف طالب يد بنتنا امل على سنة لله و رسوله.. الا قبلتو علينا

عينيها و راسها داير عليهم كاع جهة الحيط عاضة على فمها وجها سخن سخن لواحد درجة تقدر تبان رجفة من بعيد وكلشي يلاحضها .. وقلبها يضرب بالخوف من كلام باباها

مصطفى"" مانلقاش ما احسن منو لبنتي .. باغيها و باغياه .. الله يكمل عليهم بالخير و نفرحو بيهم

احمد""(هز يديه ) على بركة لله نقراو فاتحة على وليداتنا

كانت غاطسة تانغزها عاليا عاد هزات يديها تترعد دورت عينيها بشوية من تحت لتحت تتشوف كاع اليدين مهزوزين و صوت الرجال مسموع على قرائة الفاتحة .. تا كملو و نزلت عينيها

صفية"" لولولولولولوللولولوي..( ناضت لعند امل عنقاتها ) و فرحي بالعروسة ولدي

امل""(تبسمت بزز شواربها تيترعدو بالحشمة نطقت بشوية ) الله يكبر بيك

شراف""( بصوت تقيل و خاتر نطق و عينيه على مصطفى ) عمي .. يلا ماعندكش موشكيل .. ماكرهتش نطيحو العقد و ديك ساعة نديرو الخطبة كبيرة .. و نهارها الوقت لي تبغي هي ..

مصطفى"" ماقلتي عيب اولدي بصح يتكتب الكتاب بيناتكم ديك ساعة مايبقى حرج عليكم .. فاتحتكم تقرات و داكشي تيبقى بيناتكم تفاهمو عليه و حنا معاكم بالدعيوات الخير

احمد"" الله يكمل كلشي بالخير

شراف""(شاف فيها لي تيحس بيديها تترعد منزلة عينيها و راسها بشكل مفضووح حمقااتو ديال بصح نطق بصوت تقييل ) اللهم امييين

على اخر كلام مصطفى جمع وقفتو بهدوء و ناضت بشرى تاهي

مصطفى"" سيادنا خليناكم على خير .. (شاف في شراف) على سلامتك اولدي مرة اخرى

شراف"" الله يسلمك .. ريحو تادركو العشاء

مصطفى""(ابتسامة بشوشة) لا ولدي مزال ليام قدامنا ان شاءلله و نريحو

ناض معاه الحاج احمد نزلو و صفية و بشرى تاهوما وراهم تيهضرو بقات غا امل هي لاخيرة مشات هزات تلفونها من كوزينة و تمات غادية تاسمعت صوتو لمزعزع قلبها

شراف"" لفين ااا

عاليا""(ناضت تتبسم ضربت ليها ضهرها ) تكلمي امرت خويا

مشات من تم دورت عينيها بان ليها تكعد شوية شاد على كرشو جامع حواجبو بالم شافتو هكاك و جات دغيا شدات عليه

امل"" (بصوت قليل ) غا بشوية راه غادي تقصح

شراف""( تنهد بألم و شد يديها نطق بصوت تقييل عينيه مع ملامحها وردية ) شنو كنتي غاتمشي بلاما تشوفي فينا

امل"" لا ا غ غي ا ... كانت في خبارك بابا ايقبل ؟

شراف""(حرك براسو بشوييية مخلي عينيه معاها و نطق ) في خباري هضرت معاه لبارح

امل"" اوعدي في سبيطاار

شراف""(تبسم بتقالة و جرها جلست جنبو مخلي يديها وسط يديه ) شنو نزيد نتعطل .. قودتيها على گلبي

امل""(خرجت عينيها ) نااااري تعبيرك

شراف""(هز يديه و دوز ابهامو على حاجبها يترخف نطق بفحيح ) نݣدو نگولو مبروك علينا

امل""(تبسمت منزلة عينيها بحشمة و حيدت يديه من عليها ) الله يبارك فيك غي جمع يديك

شراف"" ماتعطيناش نمرة ولا كيفاش ..

امل""(تبسمت و هزات تلفون ) راني ماحفضاهاش ..(جبدتها و مدت ليه يقيد ) خاصني نرجع نمرتي لولى

شراف""(رجع تلفون ) نرجعوها .. (حرك براسو ) دابة نجيبها ليك انا بلاما تمشي

امل"" غاتزيد في حكامك واقيلة

شراف""(تبسم وقرب يديها باس عليها ) مابغي شي قمقوم تجي عينو فيك

امل"" (ناضت و جرت يديها ) خاصني نمشي .. ماتسندش على جنبك صبر و خليك متكي على ضهرك تايبدا يطيب الجرح

شراف""(مطلع بعينيه مرخييية معاها و غالبها العياء نطق بصوت تقيييل) نتسنى مرتي داويني .؟؟

امل""(تدور في عينيها ) كً كيفاش زعمة دغيا رديتيني مرتك و

شراف""(بصوت مرخي كتر من عيينه) مابغيتيش .. نشوف وحدة اخرى ؟

امل""(خنزرت فيه ) اش تشوف اش تشوف ..تشوف العمى ( ميقت ليه مشات )

شراف""(عض على نص شاربو بجههد حابس ضحكتو نطق بصوت تحت منو ) عميتيهم لملتي

يتبع...