أمل الجزء الرابع

شفايفو .. عطره .. خشونة صوتو.. لكنة باش تيهضر .. كولشي محامي عليها اما يديه لي محطوطة على كرشها و جسمو لي مغطي ضهرها .. حاكمها و زايد متحكم حتى في تنفسها لي كان مزوووب و قوي تيتسمع وسط دماغ دماغو .. زاد بيديه بشووووية تادورها لعندو هنا قدرت تهز عينيها و تمعن في جمالية عينيه و هي طاغية عليها حمورية من جنابها و شي رخوة فيها خلاتها تلف و تزيد بملامحو و حروشية تتقطر منو سرطت ريقها بصعوبة و هي تتشوفو تيقرب بشوووية و ببطئ تاقرب يتقاسو شواربو مع شواربها و حطات يديها وسطهم خلاتو يفيق بعد عليها هاز براسو لفوق ..

شراف""(شاف فيها محني بعينيه مرخوية فيها متبسم بجنب لقاها مزال شادة على فمها تتبرقق في عينيها نطق بخشونة)درتيها ناضية

امل"(عقدت حاجبها) ياك قلت ليك ماتقربش ليا .. ( تتميق ليه) مزال مابنيي وبينك والو اذن ما منحقكش اسي

شراف""(قرب تارجعت تزدحت مع الحيط و دار يديه فوق الحيط لي على راسها و يد ثانية تمات طالعة مع يديها و تنزل عينيه مرخيية وسط عينيها ناطق بتقولية) عجبوني .. باغي دواقتهم

امل""(ضرباتو على يديه مخنزرة ) اوعدي على ماسخ بعد عليا و نغوت

شراف""(تبسم ابتسامة خااااترة وعينيه حمممرة تتنزل و تطلع بطريقة حمقتها نطق بتقالة ) غوتي نشوف .. فيها خير نيت يزوجوك ليا دغيا .

امل""(تبسمت و ميقت ليه ) ياك خويا (دفاعتو من صدرو) حيد من طريقي نمشي

شراف""(بحالا تدفع حيط شد يديها بزوج و جرها لعندو ناطق بشوية متااقل ) خوك قودتيها عليه

امل""(تتحرك باغة تفك منو ) شراف عيقتي راه نتخاصم معاك والله

شراف""(حابس ابتسامتو و عينيه مراقبة و متحكمة في ملامحها معصبة عليه) تالعصبية ديالك مق

امل""( مقاطعاه و خبطاتو على رجليه برجيلاتها) و شراف طلقني ناري على لسان عندك ماتعرف تهضر

شراف""(تحنى بغفلة و طبع بوسة على عنقها تاسقلت من تبربيص و تحراك بلا وعي نطق بصوتو تخين) ياك قابلة عليا و على لساني

امل""(هزت عينيها لعينيه و داك قرب تلفها تاني ) ماعرت اش عجبني فيك كاع نتا لا كلام زين لا

شراف""(صغر عينيه متبسم بجنب نطق بختورية) قطيطة بدات تزعم عليا

امل""(تبسمت قالبة عينيها) دابة تخليني نمشي ولا لا

شراف""(بعد عليها و جلس في دروج ) دركي لداركم

امل""(قربت تتقاد شعرها هزات صبعها) اخر مرة سمعتيني و بلاما تبقى تفهم عليا تتشوف صحتي على قد حال تحگر عليا

مطلع بعينيه مرخوية حاضي مع صبعها و و يطلع لعنيها مخنزرين و كيفاش تتهضر معصبة عليه دوز يديه على لحيته مد يديه وشد يديها و باس على صبعها ناطق بخشونة

شراف"" سمحي ليا

امل"" (قلبت عينيها) هكاك ا او ماتبقاش

شراف""(مقاطعها هاز بحواجبو ) وافهمنا صافي

امل""(دلات شنوفتها ) وازيدها تتغوت عليا ايوا شكرا

حطات يديها على لباب تحلو و جرها تجابها جالسة في درجة لي تحتو مزير عليها من دراعها و جات بين رجليه و تحنى لجهة ودنيها و نطق بصوت متقل

شراف"" مال ملتك تترنحي عليا .. هادشي ديالك غا ما تيزيد يقودها عليا ..

امل""(خرجات عينيها و ضارت براسها مطلعة عينيها له) اويليي مالي ياك نتا لي غوتي عليا

شراف""(تبسم بجنب) بربي عاوديها

امل"" (حركت براسها بعدم فهم ) اش هي هادي

شراف"" (وقفها بيد وحدة كافية نطق بنعت بحواجبو ) نوضي دركي لداركم

امل"" لا صافي الله يكتر خيرك نيت... المجنون

شراف""(تبسم هز راسو لفوق بتقالة و عاود شاف فيها )وسيري قبل ما تجنني ط*** مي نصدق داير فيك حاجة

امل"" اوعدي اتقطع لي صباعي تا انا

شراف""(اتجننو ديال الصح عض على شاربو و ناض محني براسو لعندها ) غاتمشي و لا نوريك اش ندير .. اما نگول ليك ماخداماش ..

فتحات لباب و زادت ماشفت فيه ولا هضرت و لا قالت كلمة خرجت و دركت دارهم هاربة منو و من كلامو .. مجنون و غادي يجننها معاه .. خلاتو تيحك على لحيتو تيعض على فكو حابس ابتسامتو .. و تم طالع في حالو لدار ..

اما هي طلعات لقات بشرى شادة من راسها دخلات و قربت منها شدت على يديها باستهم تبسمت

امل"" صافي ماما رخفي

بشرى"" هادشي مابقاش عاجبني ابنيتي شي نهار يخطفك ليا و لا يدير ديك شي موشكيلة

امل"" غدا انمشي نديكلاري تاني .. ماتخافيش اكيد هاد مرة غادي يخاف و مايعاودتش يرجع

بشرى"" عالله ابنيتي .. بلاما تقوليها لباك من يرجع توقع ليه شي حاجة تاني

امل"" مانقولش اماما

بشرى"" وابنيتي ولد صفية شحال حار

امل"" (تلونت نطقت ) كون ماهو كون وقعت شي كارثة

بشرى"" ماشي اول مرة ابنتي داك نهار دكدكو و ليوم صباعو علاين بطيرهم .. يعلم الله اش يقدر يدير

امل""(ماعجبهاش الحال) و شنو مثلا شنو كتقصدي

بشرى""(ناضت ) ماقاصدة والو غا تنفكر و صافي ...

مشات دخلات لكوزينة و خلاتها تدور في عينيها .. حطو العشاء ما ياكلو و تحدثو كيف عادتهم و دخلات كل وحدة فيهم تنعس

الا هي لي مكونيكطية مع عاليا و شراف في نفس الوقت

عاليا— غدا عشية تكوني عندي واخة ماكرهتش تكوني معايا صباح

امل__ صباح مالي اش ندير ليك انا

عاليا__ يا على خرية راني واقيلة عندي خطبة مستريسية

امل__ ااه و صبري عليا نخرج بكري شوية .. معاياش اجيو ناس

عاليا"" باليل اخيتي

امل__ صافي انخرج بكري ازين

سدت معاها و حاولت تنعس بعد ما خلات لشراف ميساج بلي غاتنعس .. و العيا تسناتو يجاوبها تا غفات ...

صبح الصباح كيف عادة روتينها صباحي فطرت و لبست عليها جلابة طلقات شعرها ايكخو و ملمع شفاه و عطرها معهود و صنيديلة خفيفة هزات صاكها و نزلات حلات لباب و بان ليها في طوموبيل غلباتها لابتسامة تتعصر في شواربها تمشات دارت راسها ماشافتوش تانزل زاج مخلي عينيه تمشي معاها تا فاتت دار و كسيرا غي دارت مع دورة و هي تحبس عرفاتو تابعها وقفت طوموبيلتو قدام رجليها و بان ليها بهيبتو مصغر عينيه ليها و تيطلع و ينزل و عاود طلع لملامحها

شراف""( بصوت تقيييل) تبيعي دوا.. ودوايا انا فين مجلي ..

امل"" (تايهة في ملاحو صباحية)شمن دوا اخويا

شراف""( طلع فيها و نزل و ديك جلابة فاتنة فوق لحمها تنطق بخشونة ) نقصي شوية من داك ق** ي لي طابعة بيه فمك

امل"" والله مادايرة شي حاجة .. راه هوما لونهم هاكة

شراف""( غارق فيهم و داك لمع لي تيبان زايد على مابيه نطق بتقالة ) دابة نشوفو واش يبقاو في داك اللون

زاد مكسيرو في حالو لخدمتو و مخليها حالة فمها فيه تاخرج يديه من السرجم و دار ليها حركة وقراتها بصوتو ( دركي في حالك) غلباتها ضحكة جمعاتها بزز على هاد مجنون بيها زادت في حالها بنفسية و لينيغجي فوق القمة .. بسبتو داخل و استوطن فيها .. يعرف ليها و يعرف يقلب نفسيتها .. كملت طريقها حلات فارماسي و بدات شغلها كيف عادة وصلت العشية خرجت مبكرة و مشات لدار بدلت عليها و مشات عند عاليا و خرجو للحمام بعدا يفركو الحالة مارجعو تالاشمن وقت ..تافقو من تخرج امل السبت و يمشيو يقادو شعرهم في صالون..داكشي لي كان نيت صبحت في خدمة كيف عادة في حين عاليا و صفية مشغولين بالتوجاد .. احمد و شراف في خدمة و مايرجعوش تالليل ..وصل وقت الخروج ديالها سدت فارماسي و مشات لدار بدلت عليها و جلست تتغدا و جنبها بشرى تتاكل في بطيخ

بشرى"" ايوا عقبة لبنتي تاهي نفرح بيها

امل""(تبسمت بخجل ) ان شاء الله بغيتي تهناي مني يااا

بشرى"" مانسخاش بيك ويني ولابد ابنتي من هاد نهار .. ياربي تجيب ليك السعد الزين و يكون الرجل لي يعزك في يهزك في رموش العين

امل""(نطقت مطولاها تتبسم تحت منها ) امييييين اماما

بشرى"" و كولي سربي سيري عند دريا تتسناك

ماكملاتها تاتسمعت صونيت لباب .. ناضت طلات عليها لقاتها مجننة عليها رجعت لبيت عليها كسيوتها مبردة هزات تلفونها و خرجات عندها شدت ليها و مشاو للصالون لي مابعيدتش عليهم بشي 10 دقايق كاع يلا مشاو بشوية عليهم .. عروسة برضت ليدين و رجلين دارت سوان للوجه و للشعر صايباتو .. اما امل اكتفت غي شعرها و ضيفرات خلاتهم هكاك دارت سوان لوجهها .. عاودت الحجبان و لصقت شفار .. عموما دخلو .. و خرجو عريسات بزوج وصلت الخمسة عاد مشاو للدار عاليا طلعات في حالها و امل مشات لدار و دخلات لبيت لقات تكشيطة لي تلبس معلقة دخلات عندها بشرى و جلست جنبها

بشرى"" غايكونو ناس؟

امل"" قالت لي شي عيالات قلال خالاتها و عيالات عمامها بزوج.. و لبنات خدامين معاها في عيادة

بشرى"" ايه و قادي ابنيتي تباني احسن وحدة تما

امل""اختي كل و زينو لاش نبان احسن

بشرى"" هكاك ديك فاميلة سي احمد شحال فيهم العياقة

امل"" يضبرو لراسهم (تتجمع ميكاب في صاك) انا غادة على ود صحبتي ماهمني لا عيالات لا صحابات

بشرى""(ناضت خارجة) ايوا سيري ابنتي .. (شافت فيها) باك راه جا .. سول عليك

امل"" اه حاگة كي وصل على خير

بشرى"" لاباس لاباس .. ايوا سربي راسك

مشات وخلاتها تتجمع التكشيطة في لون المارو نوع ثليجة محفرة دارتها في صاك و هزات صبيبيط في مارو كعب عالي و خرجات باست ماماها و نزلات يلا غا تصوني و تحل لباب تا قلبها مشى و جا .. ولاات تخاف من داك قنت ديال لدروج ههه ساعة تنفست براحة من شافت عثمان لي شافها و عطاها طريق ونطق تيضحك

عثمان"" هانا على الزين ديال خوادري

امل"" (ضرباتو لدراعو ) تاسير من بسالة

عثمان"" بربي يلا ناضية نتي .. ضربت لصقت

امل"" (بغات تخبطو و خوا بيها) سير الله يعطيك ماتاكل باسل لاخور

عثمان""( خرج هارب تا تم غادي و عاود رجع طل عليها نطق بالحن) ياو عجبتيني ديك فرملية .. واخة نتي بينك و بين فرملية واحد مسافة

امل"" دور في حالك الممسوخ

هرب و سدا عليه الباب تضحك طلعات في حالها لقات صفية و خواتاتها لي مبين يلا دخلو .. سلمت عليهم و صفية نضرتها ليها مبدلة و ترحب و تزيد و مبينة الفرحة من عينيها ..

صفية"" طلعي ابنتي لفوق طلعي

تبسمت ليها و طلعات لقاتها جالسة فوق سرير لابسة غا ضوني و تيشورط ديالو و تتهضر في تلفون والحشمة مبينة جلست جنبها و تتشوف فيها

عاليا"" امين يلا خاصني نقطع .. بسلامة .. ان شاء الله ..

امل"" وا اح على سر لي طايح عليك ياختي

عاليا"" (شدت يديها و حطاتها على صدرها ) واا خيتي على احساس قلبي غا يسكت

امل"" الله يكمل عليك حبيبتي .. ( شافت الوقت ) تكعدي يلا نقاد ليك بخاطري

عموما امل احترافية في ميكاب و طلب من عاليا انها هي لي تقاد ليها .. وجدو كولشي و بدات ليها في ميكاب لي كان بارز شوية و كان تركيز على عينيها بنية قادت ليها. براحة و تركيز عاونتها لبسات تكشيطة في البااج قادت ليها اكسسوارات و شعرها اخر شي خلات على راحتو و جابت ليها صندالة عاونتها لبستها ووقفتها بشوية قدام مرايا .. جات فاتنة و سر عريسات طاح عليها قربت باست عل خدها

عاليا"" الله يعطيك صحيحة .. معلمة يالحبيبة

امل"" لا ازين نتي طاح عليك السر و غزالة ...

نمشي نغسل و نجي نلبس عليا حركت ليها راسها و مشات فتحات لباب و توجهت للحمام قضات روتينها و غسلت وجهها و خرجات صادفت الباب لي جنب بيتها محلول و اثار فضولها حيث عمرها شافتو و لا شافتو محلول دفعاتو بطراف صباعها و عطاتها ريحة عطره ماحست تا غمضت عينيها بحب لداك العطر حلات عنيها تدورها على جماليتو و نضامو تا سمعت حس في دروج و هي تجري دغيا دخلات عند العروسة .. بدات في استعدادها هي ميكاب خفييف و مخفف لكن حاجة لي بارزة و هي احمر شفاااه زاد ملئ ليها شواربها لبست تكشيطة لي جااتها فاااتنة بكل كلمة معنى .. وبزرت مناطقها انثوية بامتياز بالخصوص الخصر و الجناب قادت اكسسوار ديالها طلقات شعرها لبست عليها الصباط تاسمعت عاليا تتصفر

عاليا "" و تبااااارك الله احح على فورمة اصحبتي شفتك بعين الرحمة

امل""(هزات على رجليها و زادت لعندها ) ميكاب جاني زوين ؟؟

عاليا"" كولشي زين ماشالله على مرت خويا ..

امل""(ضربتها) خلاص تانتي

عاليا"" ( غاتهضر و سمعت عيط صفية ) انا جاية احبي

مشات خرجات و هي زادت قدام مرايا واقفة بانوثة رجل مخالفة مع رجل مخلية فتحة تكشيطة توصل فين بغات و تحنات شوية تتزيد تتلمع في شفايفها .. بشكل قاهر عامرين و غاتزيد تفتنهم .. تحنات تتقاد في فتحة التكشيطة و تهزت مع مرايا عينيها تحلو على جهدهم تاتخربقو ليها رجليها و حركة كانت غاتكربع و تجي مخبوطة لكن .. بيد وحدة كانت قاضية الغرض يجيبها بزدحة على صدرو و لاوي ليها يديها بزوج وراها تترجع باللور و هو غادي معاها تاتزدحت مع الحيط هي حاضية غي مع عينيه عافية شاعلة وسطهم حمريييييين على الجهد

امل"" ششراف شنو كدير اويلي

شراف""(عينيه تعماو من شوفتها لولى و هي دايرة داك الوقفة تتلعب بشواربها و فتحة فتحت ليه الگلب ماشي غا العينين .. تيشوف و يزيد يتمعن في ملامحها و ينزل لصدرها لي كان باين شوية عاود شاف في عينيها نطق بتااااقل ) شكون العروسة نتي و لا هي

امل""(تتحرك ) اححح وعتيني في يدي طلق بعدا وااه

شراف""( عقد حواجبو وحدة تشربكت مع لاخرى و نطق بحدة مسمومة) شهاد كترة فتاحي شايط عليك كر***ك

امل"" (نزلت عينيها لصدرها لي كانت مزال ماكلت ليه حلات عينيها و بغات تدفعو ) طلق طلق باقة ماكملتش و ماتشوفش فيا اش داك تدخل عليا اصلا

شراف""(زاد براسو عينيه معمين ) مزال شي فتاحي اخرين خاصك يتحلو ؟

امل"" اه مزال طلق طلق اشراف غاتجي عاليا

شراف""(بقى يدور عينيه على جمالها و يستقرو في شوارب لمحنينو نعت ليهم بعينيه و نطق بصوت تقيل ) مسحي الق**ي

امل""(تعلات عندو ) الااح مامسحاهش عاجبني

شراف""(حركتها زادت شعلات فيه عافية نطق بحدة ) تا انا عاجبني ولكن غا تمسحي الق**ي دابة نيت ولا بربي لا خرجتي من هنا ولا عتبتيه لبرا

امل""(دبلات عينيها) حشومة عليك شراف .. خليني غي نتصور بيه و ياك ما يكونوش مخلطين

شراف""(سرط ريقو بصعوبة و نطق ) هاداك ماشي راجل لي تخرجي ليا بهاد الحالة .. مسحي

امل""(حركت راسها ) لا مانمسحوش يلا نشوفك اش دير .. وزايدون تاطيح عليا عقد و حكم فيا

صغر عينيه فيها وزاد زير عليها تا زادت تخشات فيه و تاوهات ليه وسط صدرو لي تيفور و يتبخ نار الكادية .. مع زدحتها و تاويهتها مع خشاهم وسط فمو .. حلات عينيها بجهد بحر مصة لي ضرب ليهم تابدات تبربص ليه وزاد لصقها معاه بيد وحدة و ليد ثانية حكمها من رقبتها تامالقاش جهد حبست بوحدها .. هنا تحولت لبوسة لي خلات داتها ترجف و قلبها تيلعب و يشطح نسات روحها و تبنجت عينيها تغمضو و هو غاطس فيهم غطسة متوعدة ليهم .. كل ماتجي عينيه فيهم و هو باغي يدوق حلاوتهم تيجننوه عليها وهوما منفوخين مورمين معضوضين .. مصهم و كددهم ديال بصح .. بعد بفجوة عليها حل عينيه عليها لقاها مغمضة عينيها تابدات تفتحهم بشوية و جات عينيها سوداء على عينيه مخلوضة و زادت تخلوضت بالحمورية زادت دوختها بقات غا تتشوف .. تاعاود تحنى و طبع عليهم بوسة سطحية

شراف""(نطق بصوت متااااقل بختورية تتفيض منه) زينة.. وعاجباني .. ( تيطلع بيديه من خدها لشفايفها نطق) زدتيني بهادشي .. مالك مع الزا***بويا

امل""( ميقت ليه) هاكة ناس يعبرو مالك ماتعرف تهضر

شراف""(تبسم بجنبو عينيه مرخية تمشي و تجي عليها ) شنو نگوليك جيتي زوينة احبيبة ..( شافها حابسة ضحكة ونطق ) ماتسمعاش مني غا رتاحي ماشي ديالي

امل"" اه نتا تخسار الهضرة عندك عشرة للضس اش دير بداك كلام

شراف""( رخف يديه و رجع تكى على الحيط خاشي يديه في جيبو تيطلع و ينزل باعجاب واااضح ) تمشاي على گلبي

امل""( ضحكت حاطة يديها على فمها ) اوعدي

مشات للصاك ديالها فين محطوط ميكاب مخلية عينيه تمشي معاها و داك بروز انوثة جننو جنون عينيه ايطيحو و زادت من تحنات شوية و بانو الجناب كملو ليه على شوارب لي داق ..بانت ليه تتقرب عندو و يديها كلينيكس .. قربت مسحت ليه على شواربو لي هو عينيه طايحين فيها طيااح.. حيد يديه من جيبو و جرها من خصرها تازادت لصقت مع جسمو حاطة يدياتها على صدرو

شراف"" تعاودي ديري شي ق**وة في شواربك نكدد الزا** بوهم

امل"" عيقتي عليا ا شراف

شراف"" ( دوز صبعو على شواربها ) زينين ( شاف فيها و نطق متقل ) حلاوتهم حلاوة ( تحنى معوج براسو باس على خدها بتقااالة تاتغمضو عينيها نطق بختورية نطق مخلي شواربو يضربو عل خدها)شنو يصبر كر*ي عليهم مزال ( تم نازل بشويييية بيهم تاوصل بينهم وبين الخد طبع بوسة تقيييلة نطق هو عليهم بهمس) تمرميد هو درتي ليا

طلعات يديها بشوية حطاتها على لحيته مخلية عينيه يطيحو مع لمستها و دفعات وجهو مدوراه ليه نطقت بمهس

امل"" جمع يديك و فمك شوية من بسالة ديالك

تبسم بجنب و زاد غرس فيها صباعو في دراعها و طلعات عينيها لعينيه حمرررررة و زااادت بالواحد الحد فشللللها مع لون عينيه

شراف"" سمحي ليا عارف راسي قودتها... (هز دقنها وعينيه تتمشي و تجي على ملامحها و صوت تقيييل ) نتي لي قلبتي عليا و نتي تلعبي بيهم گدام عيني

امل""(نزلت بعينيها تتبرقق فيهم و بغات تبعد ) صافي ماتعاودتش

شراف""( حرك راسو متبسم و دفعها شوية تاشدات توازنها وهز يديه بزوج و نطق بصوت تقييل ) دابة مزيان .. (دوز ابهامو على شاربها تامشى و جى قدام عينيه ) مابقى فيهم والو

ضرباتو لدراعو و ضارت تتمشى مخلياه مرخوي عينيه مع جسمها مفتون تابانت ليه جلسات فوق السرير دارت رجل على رجل و هنا الفتحة طلعات تاني و طلعت ليه السخونية للراس خلات نواضرو يضربو و يطبلو جبد كارو شعلو عينيه غي مع ديك فتحة و تم مقرب

شراف""(بخشوونة ناطق ) بغيتي ليلة دوز بيخير امل (تحنى و جر تكشيطة تا ضارت على صكيان لي تيبانو ) غطي كر*ك قبل ما ن** ي الزا** بوه شي واحد هاد ليلة

امل"" (غمضت عينيها بعصبية) وااا شراف راه ماكتبان تا حاجة و زايدون

شراف""(مقاطعها بخشونة صوتو محني تا بخ ليها على وجهها ) يلا مسديت على ملتك هنا راني ماشي راجل .. غا تسدي داك فتاحي و رجليك ديري واحدة فوق وحدة نگطع بوهم شواربك هكا يبقاو تزيدي عليهم شي حاجة مانگولش ليك اش يطرا فيهم

غا تهضر تاكان ناض تم غادي بكتلتو تينتر فتح لباب و عاود شاف فيها هز صباعو لي عليهم الكارو و نطق بصوت تقييل

شراف"" ودني منك نشوف عليك شي ق**وة (غمز ليها بتقااالة و نطق بصوت خاااتر ) باراك شفتك انا ..

سد لباب و خلاها تتشوف لاصقة في بلاصتها و نزلات عينيها لفتاحي بلا وعي بدات تغطي فيهم و شواربها تيوزوزو حطات يديها عليهم بحالا تتحسس عليه ريحتو لاصقة فيها تاتحل لباب قفزها من بلاصتها كان تيسحاب ليها هو .. لكن عاليا داخلة حابسة الضحكة

عاليا"" (تتشم ريحة كارو ) قنتك تاني

امل"" تفو عليك .. لاش مشيتي و خليتي لباب محلول لاش

عاليا"" و باش عرفت (قربت جلست جنبها تتشوف فيها) باسك احتروفة

امل"" ما يعرف يهضر مايعرف

عاليا"" ويني تيعرف يبوس ( قاست على جنب شنوفتها بنعت للكعر لي لاصق) مسحي ابنتي مسحي

وجهها تلون هزات يديها تتمسح شوية ناضت قدام مرايا و بدات تمسح و تقاد تاسمعت صوت الدقايقية برا قربو بجرا للسرجم و بانو ليهم طيافر

امل"" ياختي ياختي واخدة الزين

عاليا"" (شدات على قلبها) احح امي طبيب قلبي

بقاو مراقبينهم تادخلو و تسمع الدقايقة في دار لتحت و كترة الهضرة

امل"" نمشي نزل نشوف و نجي

حركت ليها راسها تترعد غا بوحدها وتوجهت لباب هزات على تكشيطتها بغات تزيد تاحست بجرة دغيا من كرشها و دورها لعندو تيحقق و ينزل و يطلع من لقى كلامو مسموع شد يديها وطلعها حط عليها شواربو سخان عينيه ترخات باسها من داخل بشوييية ..

شراف""(نطق بختورية كلامو) العگوبة لينا المرمدة گلبي..

تبسمت تتدور عينيها و تميق ليه مخلية شفايفو تيتحركو بابتسامة خااااترة و تقيييلة بحال مولاها .. نطقت بشوية

امل"" امين ( حيدت يديها ) خليني نزل ماتبقاش كل مرة تخرج لي من قنت حشومة اوعدي

شراف"" ( بصوت تقيييل ) الوعد وعدي انا .. هاد ساعة

امل""(انتفضت منو تتضحك تحت منها ) خلاص حيد عليا

تا رمات خطوة تنزل و هي تشوف فيه تطلع و تنزل و عاد انتابهت كان لابس سروال جينز كحل و شوميزة نص كم تاهي كحلة مزيرة على درعانو مخلي زوج صدفات محلولين سكاناتو من تحت لفوق و عاودت من فوق تالتحت قلبها بدا يضرب بجهههد حمقها بهاد ستايل مولفاه مشورط ديما و تحسينة جديدة مطراسي لحية و سمارو مع الوشام كمل ليها الباهية ..

امل"" تعرف تهضر غا عليا .. ودوك صدفات مالهم مخاصمين

شراف""(عقد حواجبو و نزل بعينيه بتقالة شاف صدفات و عاود شاف فيها عاقده حاجبها بشكل طفولي بصوت تقيييل ) جي صالحيهم

امل"" ماسخ (شدات في الحيط و غاتنزل و عاود شافت فيه معيباه ) حادگ فيا غا انا

هزات تكشيطة قدامو بغات تنزل و نطق بصوتو المدعدع برخوة و تقالة

شراف"" زيدي هزي مزيان يشوفو اش لابسة تحت من داك الق**ي

رمات خطواتها نازلة تتزرب و حاضية لا تكركب غا وصلت لاخر دروج و نزلاتها مخلياه هو باقي في بلاصتو تيكدد في فكو .. رجع في حالو لبيت هز تلفونو و نزل لتحت عند الرجال.. فين حين هي دخلات لداخل تتشوف قضية مخلطة صالونات كبار و واحد فيه عيالات واحد فيه الرجال لكن مقابلين .. تاقفزها عثمان تاني

عثمان"" تتقلبي عليااا ازين

امل""(تبسمت تطلع و تنزل ) اي هاي هاي ليوم تزوجك خالتي صفية

عثمان"" (تيدور عينيه ) شوفي ديك زعيرة تجي عليا

امل""(دورت عينيها بانت ليه كبييييرة و غليظة دارت يديها على فمها و بقات تموت بضحك ) هههه حشومة عليك

عثمان""(تحنى شوية هضر في ودنيها) حق رب تازينة

امل"" اويلي تا مالك شوف عويتقات

عثمان"" شفتك نتي و داك ليا خوادري

امل"" وصافي يااا يسمعك شي حد دغيا ردتيني مرات خوك...

عثمان"" يسمعني يعلقني في داك ترية (هز يديه و بقى يشير) نبقى مرة مرة نشير ليك

بقااات تتموت بضحك و ماهياش هنا ولا ردت البال داك الصقر حاضيها تتضحك و حاضي معاها كان متكي بنصو على الحيط تيتسنى صفية تسالي و تخرج تجي لعندو .. شاف تاعيا و عيط لعثمان ...

امل""(هي سمعت صوتو و ضارت بزربة ) تكلم

عثمان""(شاف فيه و على دار عندها ) مهم ازين يلا علقني تما نشير ليك مرة مرة و نضرب ليك شي تصويرات نااااضين

مشى مخليها تموت بضحك .. و عينيها عليه لي حاضيها مخنزر فيها تاشككها في راسها تتنزل بعينها لفتحة هي هاديك صدرها تاهو عادي .. حطات يديها على شنانفها بلا وعي خربق ليها فيزبلات تاع مخها تاوصلها ميساج جابت تلفون قدام عينيها و بانت ليها Sharaf مجبدة عليها تما ..

فتحاتو و هي باقة تتحسس على شفايفها

— ياكما ولفوني بغاو شي مصة اخرى — جمعي ك**ك قبل ما نشوه مو

بقات تقرا و تعاود تاهزات عيينيها فيه و لقاتو درع صفية و غادين طالعين لفوق بقات تكدد في شفايفها و تمات تابعاهم طلعات لفوق عند عاليا لقاتها تترعد غ بوحدها قربت منها و تصورت هي وياها حتى جات صفية و قالت ليها شوية تنزل .. داكشي لي كان بقاو شوية كيتحتو و ناضت شدات فيها و تمت منزلاها بشوية شدات على يديها و دخلاتها مع الباب تعالات زغروتات كلشي بقى يشوف فيها من فاميلتها و فاميلة العريس ... زوج حلوات داخلين مع الباب كل فين تيشوف الا هو متكي على ضهر كرسي ولي مقابلها و عينيه مخنزرين غا تيضورو تسمعو دقايقية نزل براسو من درقت عليه .. مشات جلستها وبقاو تيجيو يسلمو عليها عائلة العريس و يباركو ليها .. هكاك بقاو جالسين دارت الحلوة واتاي و جا الوقت تركاب الخواتم .. جابهم الام ديالو في يديها مع الحليب و التمر .. زغاريت شابكة .. جابو العريس هنا ركبو خواتم امل ماهياش هنا تتصور و تبسم فرحتها مبينة و مبينة حتى حست بريحتو تغلغلات وسط نيفها دور بعينيها لقاتو وراها داير يديه في جيبو

شراف""(قرب ليها نطق بشوية ) الزينة ..

شافت فيه و عاودت دورت عينيها دغيا وجهها تزنك تتصور ما قلبها تيترعد كتر من يديها

.. بداو يشربو الحليب و تمر .. دوزو من عندها و لعندو .. هنا نطقت مرات العم ..

مرات العم"" وداك الحليب ابنتي تعطيه لبنيات لي بغيتيهم يتبعوك

عاليا"""(عينيها مشات نيشان ليها و تتشوفو وراها بنخوة تبسمت و نطقت ) لصاحبتي امل

مرات العم"" (تبسمت) تباااااارك الله هي باقة بلا زواج .. ابنتي

عثمان"" مخطوبة السيدة ( حس بخبطتها على تحشيمة ) شفتك گرتني عليها ياا

مرات العم"" (باعجاب )الزين زينة تبارك الله قربي قربي ابنتي خودي كاس العروسة ..

شدت بيديها تكشيطة مشيتها تالفة و هي عارفة اخرتها اشنو مع داك لي وراها نفسو تضرب على رقبتها حااارة و سخونة ماقدرتش تدور تشوف فيه قربت خدات الكاس جغمت منو بحشمة و تمات راجعة في حالها .. تا نطق عثمان

عثمان"" (رمى خطوة ) اري داك كاس

حس بكرزة على دراعو تاجرو لعندو و نطق في ودنيه

شراف"" تحط فمك عليك نهرسو لملتك وسط ك**ك

حيد يديه و مشى هز الكاس و تم راجع تالحداه و مدو ليه بحركة مابايناش و مايلاحضها حد خشى كاس بين يديه الكبار.. تا تسمع صوت انثوي حداه مخلي مخلوقة لي حداه تسبقو و تدور عندها قبل ما يدو هو

بنت العم"" شراااف على سلامتك ..(مدت يديها ) مامكتابش نجي نشوفك

شراف""(تبسم بجنب نقولو ما بيناش كاع و مد يديه و حيدها ) الله يسلمك ختي

بنت العم""(بمزاح) تبارك الله زدتي زيانيتي ههه جا معاك الجو

عينيه قدامو عاود شاف فيها حرك براسو و نطق بتقولية

شراف"" شكرا اختي

دور عينيه لقاها هازة حاجبها مربعة يديها تتلعب برجليها بشكل مزروب ماتتشوفش ليه حتى بانت ليه زادت تتمختر بطالونها تتلعب بشعرها لي لصق على عنقها بالحر لي طلع معاها .. خرجات من تم دار بعينيه بشوية معاها و قلب دورتو و زاد تاهو فات الباب و طلع الكاس لنيفو تيشم عليه و ميز عطرها من عطر ختو ... طلع متااااقل يطلع درجة و يضوبل ربعة تا طلع و بان ليه بيت عاليا ايتسد و خشى رجليه بيناتهم حابسو و بان بكتلتو ليها قلبها تيطلع و ينزل وجهااا حمرررر حواجبها مگرونين فيه ..

شراف""(جاب كاس لفمو جغم منو و طلعها و نزلها برخوووة عينيه محمرين من جنابهم نطق بختورية فايضة ) نقديو بالحليب تايجيو خواتم ..(مد يديه لجيبو و جبد بواط كمل بختورية مكفحة) و لا نديروهم كاع ... مغيارة گلبي

عينيها وساعو مع داك بواط و بانت لمعة غريييبة غطات على غيرتها و زعافها منو .. صدرها تيتهز و يتحط فوق داك تكشيطة تاحست بخطوة منو زايدة عندها حسات بحرارة غير طبيعية تاني.. وقف قدامها بفجوات قلييييلة منزل براسو لعندها و لطولتها بحالا تيطل عليها .. ملامحها توردو بشكل غير طبيعي زادتها زينة على زينة عيونو.. ترجمت كلشي عشقان في كل حالاتها و باغي يزيد يعشق تفاصل اكتر و هو وياها تحت سقف واحد.. تحنى حط كاس في الارض .. و طلع تاني ورجع قريب كتر من لول .. هزات عينيها لعينيه و نطقت بهمس قليل زايدة بجنونو على تفاصيلها...

امل"" شرااف

شراف""( حل لبواط وبان ليها خاتم فضي مرصع صغير و خفيف نطق بتقاالة ) نعديو بيه بين ما قالوك ليا ..

امل""(حطات يديها على فمها تتضحك تاتغمضو عينيها نطقت) هاكة تيطلبو ناس الزواج اشراف

شراف""(تبسم بجنب بتقووولية شد يديها حيد خاتم و لاح بواط فوق سرير مخليها تتموت بالضحك) اش بغيتي نركع ليك و نقولك واش تقبلي .. قابلة قابلة على ك**ي

امل""(مراقباه شد يديها بشوية و بدا تيركبو ليها بشوية بحالا خايفها تقصح ليه تتبسم و قلبها تيشطح و يرفرف..) الصمت

شراف""(شاف فيها و نطق بختورية ) يساوموك ليا گدام عيني ..

امل""(حطات يديها لي عليها خاتم على فمها تتضحك و فرحااانة عينيها تتبري تاحسات بيه باس على يديها زوج بوسات متااااقلة و عينيه في عينيها ) الصمت

شراف""(حط يديه على خصرها و جرها باس على جبينها نطق مخلي انفاسو سخووونة تضرب على جبينها و ملامحها ) الله يجمعني بيك بالحلال..هادشي مامسلكش

امل""(هزات عينيها ليه تتبسم و تعضت بدون وعي على شنوفتها دلالة على حشمة لي طاحت فيها نطقت بهمس) امين

شراف""(طلع ابهامو و حطو على شفايفها ) رخفي عليهم .. تزيدي تجعري ملتي تاني ..؟

امل""(دغيا رخفت ولات تتخاف تدور في عينيها تهزت يديها قدام عينيها ) زوييييين

شراف""(هز كف صباعو تيدوزهم على من حواجبها و تينزلهم ) مهم ماتبقاش يديك خاوية ..

امل""(عبست فجأة عيبت كتميق بعينيها) شرااااف زيانتي....شكرا اختي

شراف"(طلع حاجبو بتقالة متبسم بجنب بشكل تقييييل ) شنو نگول ليها تانتي ؟؟

امل"" تضحك عليا ..

شراف""(شد يديها لي على خاتم معوج براسو و دا شفايفو لخاتم بضبط نطق بصوت تقيييييل) العين و لا لسان لي يهضرو .. راه خديتيهم .. (حط يديها على قلبو لي تيضرب بجههههد معوج براسه لعندها عينيه مرخيية نطق بصوت خااتر ) غيرتك حلوة بحالك..

امل""(نزلت عينيها بحشمة ) ماغرتش ..(نزلت يديها من على قلبو و عاودت نطقت) عادي تقولك زيانيتي

شراف"""(صغر عينيه متبسم بختورية و نطق) ماعاديش..(فك ليها حاجبها لي كان طالع) هادشي لي درتي فيا نتي لي ماعاديش امل...

طول بشوفتو على ملامحها تاحس بيها تظعقت تاني ا .. و وعى بروحو و بعد عليها مخليها تتفرك في يديها مشتتة شوفاتها و داك حشمة مخلية عينيه تتزيد تمتع تحنى على كاس هزو و مدو ليها

شراف"" شربي كمليه

امل"" علاش جبتيه اويلي

شراف""(حرك براسو حواجبو تگرنو منعت لشواربها ) حاجة لي تحطو فيها مايتبوعاش وراهم

امل"" (حابسة ابتسامتها تترمش بزربة ) شراف

شراف"" (هز يديه بقلة حيلة) عقلي مقاااود شوية

امل"" ا( تبسمت ) لا بزاف كاع كتفكر لشي تفاصيل بزاف

شراف""(بصوت مرخي كتر من عينيه ) معاك نتي تيخدم كولشي

امل""(تبسمت حيث سكتها ) كتقتلني بعدا بجوابك

شراف""(نعت باش تشد كاس شافها شداتو تتشرب فيه وعينيها عليه تاكملاتو ونطق بتقالة ) يلا نزلي عند صاحبتك

امل"" اوعدي و الخااتم مكانتش دايراه و نزل بيه دابة ..

شراف"" (بصوت تقيل ) شنو لموشكيل (حرك براسو ) يلا سيري نزلي ..

تبسمت و شافت فيه مطولة تاعطاها الطريق باش تدوز قدامو تمشات محركة براسها تاقربت لباب و عودت رجعات عندو تعلات و باست على خدو مطولة ..

امل""(ناطقة بشوية) فرحانة معاك ..

مخلاتو يسوعب حروفها و همساتها تا خرجت مخلية صوتها يتعاود في ودنيه .. بلل شفايفو تبسم بتقالة دار هز بواط و داك كاس الحليب .. داهم لبيتو و نزل .. فين حين هي نزلات لتحت لقاتهم تيشطحو صفية و عالياا جراتها صفية شدات معاها تتمايل معاها بشوية و فرحة تخرج من عينيها .. نزل هو بتقالة داير يديه في جيابو السروال مكمش حواجبو من قشعها تتمايل .. دورت عينيها و جات فيه تبسمت ليه ابتسامتها حلووة تاعويناتها تغمضو .. بانت ليها ابتسامة بجنب واخة ماتتبانش هي قشعتها .. عينيه تيميلو معها و مع شعرها جسمها لي تيزيد يتمعن واخة التكشيطة ولكن بالو تيصور ليه جسمها جبد يديه من جيبو حك على جبينو و نطق بشوية

شراف"" استغفرك واتوب اليك

عاود هز عينيه و بانت ليه جلسات جنب عيالات عمامو و صفية تيهضرو .. شعل كارو و خرج لدروج و بدا يبخ و يزيد و عينيه مرة مرة تطلع ليها ..

في حين هي جالسة بيناتهم و تيهضرو معاها و يسولوها واش بصح مامزوجاش

امل""(تبسمت بهدوء و نطقت) مزال مكاينش شي حاجة رسمية

دورت عينيها ليه و غمز ليها و هي هزت يديها محركة صبعها لي عليه خاتم دارت راسها تتقاد شعرها و تبسمت مخلياه تيبخ بجهههد فهم قصدها تاني على مرت عمو جبد تلفونو و دوز ليها مكالمة مخلياها تتضحك تحت منها فتحات الخط

شراف""(بحدة ) نوضي دركي من تم ..

حطات يديها على فمها و بقات تتضحك تاسمعات صوتو تاني

شراف"" تنوضي و لا نجي انا ختاري

حبست ضحكتها و ناضت من جنبهم قطع عليها مشات عند عاليا بقات جالسة جنبها تيهضرو و يضحكو مجمعين لبنات بيناتهم تحط العشاء تعشاو ناس و بقاو شوية و تفكركت المجمع بقاو غير هوما بيناتهم مجموعين في صالون عثمان داير ليهم حلقة غير قولها و ضحك عليها كي عادتو... حتى سمعو خطوات طالعين في درروج و ريحة الكارو عاطية عرفوه غا من خطوايه

صفية"" شراف اجي تشرب اتاي

امل"" ( ناضت بالخف و تزنكت) خاصني نمشي

عثمان"" اريحي ياا

عاليا "" خليك شوية ازين

تبسمت بزز و تتحلف فيهم عاد دورت عينيها و بان ليها داخل جا قبالتها و ريح مفرق رجليه براحة تتبان كتلتو گداش و عييينه حمرااا و مرخية فيها حتى بدات تلون غا بوحدها

عثمان""( ضرب على كتف عاليا) ايوا ازين امتى تخوي ليا البيت

عاليا"" هداك بيتي ماتاخدوش غا تهنى

عثمان"" تاتمشي و نشوفو ديك ساعة ( جرها لعندو مدرعها باس على كتفها ) مانسخاش بيك

صفية"" و شكون يسخى ويني سنة الحياة اولدي .. تاتزوجو نتوما تعمرو علينا تاني بعريساتكم ووليداتكم

امل ماقدت تهز عينيها تتحس بحناكها تزنكو فجأة ناضت متبسمة

امل"" تعطل الوقت خاصني نمشي

شراف""(تكعد بتقالة حط كاسو و ناض محرك براسو ) زيدي نهبط معاك

حركت راسها و مشات سلمت عليهم و طلعات جابت صاكها و نزلت لقاتو متكي على باب مفرق رجليه غاوصلت لدرجات لاخيرة مد يديه معرقة مزيرة وسط ديك شميز و عينيه مرخوية تبسمت غالباها الحشمة مدت يديتها و جرها بجهد تاتهزت من فوق درجات و جابها لعندو بحال شي ريشة خفييفة تاتحطو رجليها قراب برجليه تيشوووف ومطووول بشوفااات غرييبة .

شراف""(نطق بشويية بصوت خااتر بالتحكم ) تلفتي الز***بويا العقل... نحضي مع البراني و لا فاميلتي..

امل"" ( بشووية شفايفها كيترعدو ) علاش...

شراف""(طبع بوسة على يديها و زاد نطق بنفس لكنة متقلة ) مريض في مخي شوية.. زدت مرضت بيك ..

امل"" ( تلفها تلفة مكانت على البال نطقت ) شراف خاصني نمشي

شراف""(نفس قرب وعينيه مرخييييية بجههد ) مابقاش بزاف نجيبك تحت يدي .. مايشوفو فيك ..ما يشعلو في ك**ري العافية كتر ما هي شاعلة فيا

بعدت شوية تتقاد شعرها و عاود شد يديها شابكهم مع يديها بحنية منزل براسو لعندها ونطق بصوت تقيييل

شراف"" غدا ان شاء الله تجي الواليدة تطلبك ليا.. نتمنى من الله تكتبي عليا ..

بعد شوية شدت توازنها لي تلف و مبين بزااف حناكها تزنكو و زادو على مابيه عينيها مرخية حل ساقطة الباب و عينيه عليها باحكام خرجات و نعت بعينيه باش تخرج مشات بخطوات تالفة متعكلة و هو بقى بعينيه كيف الصقر تا دخلات و شافها شعلات ضو بيتها عاد دخل.... في حالو

جالسة على سرير حاطة صباعها على شفايفها تتحسس ملمسهم لي كانو رطبيييين و سخااان عضت عليهم و قلبها يطير و يرفرف شي احساس غرييب وسط كرشها وهو متفنن فيهم نطقت بهمس

امل"" يا امل شنو وقع ليك شنو...

ناضت حيدت تكشيطة و دخلات دوشات ورجعت لبست عليها ملابسها داخلية و بيجامة خفيفة و دخلت لفراشها هزات تلفون و بان ليها ميساج من عندو تبسمت و دخلت ليه لقات صورتها هي وياه باش كان وراها عضت على شاربها تتزومي كتبان كي نميلة .. وقفتو كانت عامرة شهامة و رجلة و بلباسو الاسود زادو الهيبة على الهيبة بان ليها ميساج تحتو

— تصبحي على خير لمرمدة گلبي

تبسمت كيف مهبولة تتعنق في داك تصويرة و تعاود عاد كتبت ليه

__ تصبح على خير المهيب

سدات كونكسيو و حطات تلفون باش مايوصلو تاتكون غبرت غمضات عينيها و استحلت راحة لي في داخلها و بالها يطلب انه يكون من نصيبها و تجمع معاه بالحلال..

صبح الحال و الحد مكاين حد لكن زنقة عامرة و الغوت دراري صغار مخليه يفتح عينيه بزز هز راسو بتقالة من تحت مخدة و ناض بشوية عليه خرج من بالكو هكاك مسفح غا شورط و لحمو مطراسي حط يديه على لحديدة بالكو بانو ليه مجموعة ديال دراري صغار تيهضرو بجهد و تيخسرو الهضرة و نطق بصوتو مدعدع و خشن بزاااايد و زايدو يلا فايق

شراف"" و بناااااادم (شافهم سقلو هزو براسهم لعندو كمل ) رولو من هنا و نجي و نگطع لبوكم داك لسان

ناضو هربو ماعاودو دارو جيهتو بقى حاضيهم تاتكعد باش يدخل و مشات عينو لسرجم ديالها فاتحاه كلو كاتبان ليه مربعة يديها و تتشوف فيه تبسم بجنب نعتت ليه للسانو هو ( زعمة تخسار لهضرة ديالك نتا فين خلتيه) ضحكت مخلياه تيلعب بلسانو داخل فموو كاتم و ماباغي يبين شي حاجة و تبان مفضوحة تبسم و زاد داخل في حالو .. تيطرق في عنقو مشى للحمام غسل عليه توضى صلى صلاتو و خرج لقاهم عاد تيفطرو .. رمى السلام و جلس متكي براسو على الحيط

احمد"" ايوا اولدي ؟

شراف""(تكعد براسو و شاف فيه و عاود شاف في صفية ) اليوم سيري دوي معاها الواليدة

صفية"" او غا تالغدا بعدا

شراف"" (نطق متقل) ياك غير تدوي فيها .. صلاة على النبي

صفية"" عليه الصلاة و السلام اولدي.. يكون غي خاطرك

احمد"" الله يكمل بالخير اولدي

حرك راسو و كبت ليه صفية اتاي كلى شوية و هز كاسو اتاي و مشى طلع خدا الگارو ديالو و تلفونو و نزل للزنقة قدام الباب بالضبط شعل كارو كاس في يد و كارو في يد .. تابانت ليه جاية من الحانوت تتمختر عليه بجلابتها شافتو دارت راسها ماكتشوفش فيه هو عينيه مفضوووحة غادة معاها بشوية و بكل خطوة تادازت من قدامو نطق بشوية متااقل حروفو ..

شراف"" خطوي على گلبي خطوي

امل""(تبسمت و شافت ليه ناطقة بشوية ) بااسل

زادت تتبسم تحت منها فتحات لباب و ضارت بغات تسدو عوج براسو معاها مصغر عينيه فيها و بخ دخان من فمو مطاااااول حتى سدت لباب و نزل راسو .. هي طلعات و دات السخرة لكوزينة .. ردات لغدا هي و بشرى و كيتحتتو تا وجد الغدا تغداو هاد ليامات غا هوما بزوج .. مصطفى مشغول بشي وراق هو وخوتو ..

بشرى"" عيطتي لباك وصل ؟

امل"" انا نصوني ليه

ناضت عيطت ليه و طمأنت عليه و مع توصياتها ليه باش ما يغفل على دواه رجعت عند ماماها تكات عليها و بقاو كيتفرجو .. حتى اسمعت صونيت لباب .. ناضت طلات من السرجم و بانت ليها صفية تبسمت ليها و بعدت شدات على قلبها لي بدا يخبط خبيط و وجهها تزنك .. خرجات و علمات بشرى بلي صفية هي لي على لباب و نزلات فتحات لباب متبسمة

امل"" خالتي زيدي ( قربت سلمت عليها ) كي بقيتي من تمارة

صفية"" بيخير ابنيتي الحمد لله

عطاتها الطريق طلعات لقات بشرى واقفة في الباب قربت سلمت عليها و دخلو للصالون و هي ترعد و تزيد .. مشات لكوزينة ردات مقراج تيطيب .. جبدات رغايف باش يسخن و تتحط الحلوة و ودنيها مع صوت صفية ..

بشرى"" مبروك مادرتي لبنيتك اخيتي فرحت ليها

صفية"" ربي يخليك اختي بشرى .. الله يسهل على بنيتي امل تاهي نشوفوها عروسة

بشرى""(تبسمت ) ان شاء الله علاش لا غا رزقها باقي ماوصل

صفية""(طبطبت ليها على يديها ) داكشي لاش قصدتكم باذن لله يلا سهل الله

بشرى""(عيطت لامل ) اري ابنتي صينية

صفية"" بلاش عليك

بشرى"" اويلي مالنا فيه نشربو كويس و نهضرو ديك ساعة

صفية"" الله يكبر بيك اخيتي

دخلات صينية اتاي في يديها و شي رعدة متالكاتها غريييبة حطتها في طبلة و رجعت جابت ما تبقى من الحلوة و رغايف و مخامر مع مقبلات تاعو.. و رجعت في حالها ماقدت تبقى تما ولا تسمع كلامها ... تتعض على شاربها و طالقة ودنيها

صفية"" ايوا اخيتي جيت ندوي في بنتك امل .. لولدي شرف الدين .. يلا سهل الله

بشرى""(بانت صدمة على وجهها تبسمت ) و وا اش نقولك شوار ماشي ديالي ديال باها

صفية""(تبسمت بوجه بشوش) جيت ندوي معاك نتي مرا مع مرا عاد نشوفو الرجال ..

بشرى"" الله اودي دار الكبيرة .. ماكين ما يتعاب و جورة الزينة معاكم .. غي قرار تيبقى ديال باها .. اش نقولك يلا مؤخرا دوا فيها الطبيب ديالها و يني باها مابغاش ..

صفية""(تبسمت و حسات بحالا قرصتها) الخير و الرزق اختي مانعرفوش فين كاين.. و منين غايجي

بشرى"" داكشي لي كاين اختي .. شربي كاسك .. يكون خير ان شاء الله غي يجي و يوصلكم الجواب

صفية""(تبسمت ) ان شاء الله يلا قبلتو علينا .. راه نديروها بنتنا و في عينينا و شراف مايخصصها بتاحاجة .. و سكنتها بوحدها من لول مايخصها خير ان شاءالله

بشرى""(تبسمت ) ان شاءالله نطلبو الله ييدير لي فيها الخير ..

حطات كاسها و ناضت بعد اسرار من بشرى تزيد تجلس نزلت معاها تالباب و لالة امل تترعد و تزيد حناكها تزنكو .. تابانت ليها بشرى سدات لباب و شافت فيها

بشرى"" طايحة مع حباس ابنت الحرام

عينيها وساعو بكلام بشرى و هي تتشوفها متوجهة لعندها بملامح معصبة و منيرفيا

امل""(صوت هرب ليها) م ماما اش تتقولي .. هو راه

ماحسات غا بطرشة جمعت ليها وجه و الفم حطات يديها على وجهها مصدوومة و عينيها تحگنو بالدموع الحگرة ..

امل"" ما ما

بشرى"" سكتي سكتي ما نسمعش حسك الكلبة .. باقي ما سخن تا بلاصتو باغي يتزوج .. ضارب 4 سنين الحبس .. هدا هو لي تزوجي بيه و تولدي معاه .. يعاود يتشد و دي ليه الگفة يااكي

امل"" (نزلات يديها من وجهها و عينيها يجريو جريان و ماحساش بيهم ) هو تشد ظلم ماما

بشرى""(زادتها طرشة اخرى في نفس البلاصة ) ها المظلوم غايتشد ربع سنين اااه ... سمعي اش نقولك اتنساي حسو و حس الزواج .. و ياك تجبدي لباك الموضوع ..

امل"" (انتفضت ) و علاش مالو اش دار شفتيه تيشفر و لا تيتعدى على عباد الله .. ناس كاع تيغلطو هو غلط الوحيد لي دار هو تاق في صاحبو لي غدر بيه ..

بشرى"" يالحرايمية بنت وحدة لي عندي نزوجها لحباس

امل"" يااك و علاش كنتي تضغطي عليا نتزوج بالطبيب واخة عرفتي باغيني لمرا الثانية امم

بشرى"" هداك بشانو بعدا يلا سمعوك يسمعو انك تزوجتي بطبيب ماشي حباس ..

امل""(حركت راسها ) واخة ياماما .. داك الحباس هو لي بغيت وراحتي عارفها تكون معاه ماشي مع واحد اخور

قالت كلامها و زادت لبيت خبطاتو بجهد و طاحت للارض ماحسات بدموع الا وبداو ينزلو بغزارة شادة على وجهها لي رجع حمر و ديك اليدين مطراسيين بين زروقية و حمورية و منفوخين شوية .. سمعت تلفون تيصوني ناضت تتمشى غا شافت Sharaf و زادت تبكي و تحولو يديها تيترعدو ماقدرت تفتح الخط و لا تنطق شي كلمة خلاتو تيصوني مرة لولى ثانية ثالثة .. طاحت في الارض دايرة يديها على سرير متكية عليه فوق دراعها .. عينيها تيتكبو بالدموع صدمتها من مها كتر من الكلام لي تقال في حقو .. ولو وهي اذرى بييه و عارفة عقليتو و قلبو ..

——

برا و بالضبط قدام المحل ديال حوايج خاص بالدراري جالس فوق كرسي مع دري و يد بالكارو و يد في تلفون تيصوني عينيه حمارو عاقد و مشربك حواجبو بشكل معقد... تاحس بصوت نسائي مفيقو من شرودو و تفكيرو ... هز عينيه بشوية و توضحت ليه رؤيتها ناض دور راسو بخ دخانو و رد كارو ورا ضهرو قرب منها

بشرى"" نقدر نهضر معاك اولدي

شراف"" (شاف في صاحبو باش يبعد تاشافو مشى و دار عندها نطق بصوت تخيين ) مرحبا سامع

بشرى""(قربت شوية عندو و خبطت على دراعو ) جيت نعطيك جوابك اولدي .. نتا ضريف ولد الناس مانكروش .. ولكن ( سكتت لتواني نطقت ) ماتصلحش ليا لبنتي اشراف

شراف""(فجأة عينيه بداو يحمارو من جنابهم بشكل فضييع و حواجبو بداو يعقدو على عادتهم .. زاد تحنى براسو شوية نطق بواحد صوت غريييب بين تخانة و الحكرة نفسية ) مانضرهاش الواليدة !!(زاد خفض صوتو وعينيه رجعععت حمرة كتر من الدم لي تيبخ في ݣلبو ) بنتك هاديك من صلبك و من حقك تخافي عليها (نزل بعينيه بحسرة بحالا دورهم على حالتو و نطق بصوت مبين حݣرة غير طبيعية من موقف لي طاح فيه).. ويني مانݣدنش نضرها هي ..

بقات تتشوف نضرتو دهشرتها بمعنى كلمة نزلت راسها و عاود طلعاتها فيه و نطقت

بشرى"" اسمعني اولدي مساألة ماشي مسا

شراف"" (مقاطعها بصوت تقيل ) حيث دوزت الحبس

بشرى"" (خبطت ليه على دراعو ) الله يسهل عليك ببنت الناس اولدي

شراف""(بصوت تقيييل ) بنت الناس لي باغي هي بنتك .. من حقك تخافي عليها .. على الاقل مايكونش جواب دغيا بحال هوكا ..( نطق بالكنة محكورة و مبينة بزاف واخة هو ماواعيش بيها ) بينتي ليا وجهي مزيان و بصح مانستاهلهاش ..

بشرى""(تنهدت من هضرتو و نطقت ) الله يسهل عليك ولدي .. ماتقربش ليها مزال و ماتهضرش معاها يلا بصح عزيزة عليك و تتعزها عطيها التيساع .. مابغيتش نجاوب مك في بلاصة ..وصل ليها جوابنا بطريقتك اولدي

مشات و خلاتو مكروازي عينيه مع الارض حواجبو مشربكين و عينيه ولاو حمريييييييين بشكل يخوف .. مكانش ضانو و لا طاح في بالو غايتحط في هاد موقف .. بالخصوص انهم جداد و ماعرفينش قصة حبسو علاش و شكون يتيق بلي مظلوم وهو دوز 4 سنين ظلم حياتو .. و تاحاجة ماكانت بيديه هادشي ماتسوقش ليه عارف راسو اش تيسوى .. لكن بيها و عليها هي جاتو قاصحة .. زاد لدار ديريكت طلع لقى صفية تتسناه شافو طالع ووقفت مخاطباه ..

صفية"" وليدي يلا لقيتيني جيت من عند بشرى و

شراف"" (مقاطعها بلاما يدور عندها )خلي ليهم الوقت الواليدة و لي مقسمو ليا الله في حياتي رااااضي بيه

طلع مخلي عاليا قربت منها شدات عليها و داتها جلست

صفية"" مالو

عاليا"" ماعرفتش

طلع لفوق زدح لباب بيتو و جلس على طرف سرير جبد تلفونو تيدوز ليها الخط تيلقاه طافي مامرة ما زوج نفس الحالة راسو تيحس بيه غادي ينفاجر.. ناض خرج لبالكو تيشوف سرجم مسدود .. تغلق و تسد .. شي احساس في داخل ديالو تيمزگ و يزيد ..

—-

دخلات عليها لبيت لقاتها باقة في بلاصتها متكية بدراعها على ناموسية و عينيها تيجريو بالدموع تحنات هزات تلفون و مشات بيديها لبلاصة كارطة جبداتها و هرستها و هي متبعاها بعينها بشوييية و تتشوف و تقيد في داخل ديالها لا حراك لا كلمة تا بانت ليها لاحت ليها تلفون حدا وجهها جا مخبوط حدا وجهها

بشرى"" جمعي راسك من حدك يلا بديتي معاه .. نساي حسو موضوع هنا ايتسد مانتي معاه ما هو معاك .....

خرجات زدحت لباب بخبطة مسعورة .. دورت عينيها لتلفون تتبان ليها نمرتو في واتساب تتصوني ..

امل"" نسيتي ما فورماطيتيه

هزات تلفون بين يديها و بقات تتشوف في تصويرتو جاوبت بصوت مغلووب و مكسور مع نطق مع دموع بداو يتكركبو وحدة ورا وحدة

امل""شرااف !

صوتها و طريقة باش نطقت اسمو خلات داتو تزير عقد حواجبو كتر ماهوما معقودين تيسمع تنخصيصها ناض هز سوارتو و تم نازل

شراف""(بصوت مبين عصبية وشطنة ) مالك امل .. تتبكي؟؟

امل""(مع قال ديك مالك و زادت تتبكي و الحروف تلفو ليها مسحت على دموعها و نطقت بصوت منغنغ ) ماديرش بالك غي

شراف""( طلع في طوموبيلتو مقاطعها بصوتو الخشن ) خرجي عندي

امل"" لا يا شراف مانقدرش را

شراف"" (عض على فمو بجهد تاسال دمو و نطق مقاطعها ) خرجي يا امل تلقايني في دورة الزنقة

قطع عليها و جبد الكارو شعلو و كسيرا فين دار معاها ... في حين هي لبست عبايتها فوق بيجامتها جمعت شعرها كعكة و خرجت لقات بشرى جالسة في المرح

بشرى"" لفين غادة بسلامة

امل"" نتسخر

بشرى"" غادة تشوفيه تشكي عليه يجي يقطع ليا يدي ياك

امل"" (شافت فيها مطوولة و نطقت بانكسار ) كلامك قاصح اماما قاصح .. قلتي بغيتي نتفرق عليه و نمحيه من بالي هانا غادة نعطيه جوابي ..

بشرى"" من هاكة سيري نيت ربما يسمع منك و يعطيك التيساع

بقات تتشوووف فيها هزات سوارتها و نزلت فتحات باب دارهم متوجهة فين دار معاها عقلها مغيب و مبينة من مشيتها سااهية دموع نازلين دارت مع زنقة و بانت ليها طوموبيل ديالو واقفة عضت على فمها بجههد تتبغي تكتم بكيتها لكن ماقدتش .. وصلت و بان ليها باب تحل و بقى مراقب تارمات رجليها و طلعات سدت عليها لباب منزلة عينيها براسها عليه بقى تيشوووف تاحس بيديها تترعد تتمسح على خدودها زفررر بجهد و كسيرا من تم مادوا ولا هي دوات تا بعدو على الحومة و حبس في بلاصة خاوية سكت طوموبيل و دار لعندها بشويية بانت ليه عاطياه بكفاها .. قرب شوية مشات يديه لدقنها و تم مدورها لعندو بشوييية لكن مزال منزلة براسها .. بقى مطلعو بشوية تتزيد توضاح ليه ملامحها .. ذبول .. انكسار .. حزن .. غبينة غير طبيعية.. عينين منفوخين تامالقاو فين يزيدو .. اخر حاجة هوما صباع اليدين لي مطراسين ليها في الحنك..عينيه حمرا و زاااادت عاض على فكو بجهههد و زاد تيقرب نطق بصوت تقيييل و غالباه الكعية و العصبية

شراف"" خايفة عليك مني و تحط يديها عليك ..؟

امل""(طلعات عينيها لعينيه بحزن مبين بزااف ) هي ماعرفاكش .. هي حكمت عليك ا شراف .. مابغاتش تسمع مني ..

شراف"" (عينيه مع ملامحها و داك صوت مكسور تيشرگ ليه ݣلبو نطق بتقالة ) سمعي مني ( مد يديه ليديها و كبزز عليها ) ماغادي نخليك ماغانسمح فيك .. غانبقى نحاول تايقبلو يعطيوك ليا ..

امل""(كاتمة شهقتها ) مصرة بزاف اشراف

شراف"" (بلكنة مهزوزة )من حقها .. واحد عاد خارج من الحبس ماعمرها شافتو و لا عرفت عليه شي حاجة .. (خبط على دراعو ) زايدها بهاد الق***وي لي مخطط لحمي يقبلو بيا ...

امل"" وليني انا بغاك

شراف"" (زاد بكتلتو عندها مراقب عينيها بشرارة ) و انا باغيك اكتر ..راه لا مكنتي ليا برب المعبود ماتكوني لشي واحد اخر.. واخة نعرف ندبح الط**مو نمشي ديك ساعة للحبس و ماندمش عليه

امل""(حطات يديها على وجهها و زادت تتبكي لكن بصوت مكسور و تنخصيصة تقطع القلب ) لا شراف لا نتا ماشي هاكة والله ماخايب هوما لي خايبين تادخلوك و رشمو فيك ديك كلمة الحبس

عض على شاربو ومد يديه لكتفها وجرها لعندو خاشيها وسط حضنو لي تيتهز و يتحط بجههد كاتم يديه و كاتم عصبيتو .. محاوطها بيديه بزووج مغمض عينيه بشكل محگووور و قلب محطم .. و خواااف .. الخوف و الحگرة لي ماعمرهم عرفهم شنو هو ما.. حس بيهم دابة و هو انها تقدر تبعد عليه ماتكونش محسوبتو ..باس على راسها و طلع ملامحها قدام عينيه لي زادت حمااارت و ترخاااات بشكل غير طبيعي هز يديه بشوية تيدوزها على طراساج لي مصور ليها

شراف"" (نطق بغبينة مكسورة و بختورية متقلة ) مابغيتهمش يحگروك ليا مابغيتش شي كلمة تقلل منك و لا يتحط عليك حرف ينبش فيك.. نساي شراف .. نساي كلامي معاك .. نساي كولشي

امل"" (حلات عينيها بجهد ) ش شنو كتقول

شراف"" ( تيدوز يديه على شعرها ) نساي موضوع .. گدامها بحالا ماعمرو كان .. يرجع باك ندوي معاه .. ندمت تا دخلت مك في هادشي ..

امل"" ولكن

شراف"" شدي في راسك انا معاك بعيني و بگلبي .. مايحگرك حد مايدويك حد .. (مسح ليها دموعها ) كل نهار و كل ساعة غانحاول تا تكوني ليا

امل"" (نزلات دمعة تتجري ) ولا مابغاوش شراف

شرااف""(تبسم بزز بجنب تيدوز يديه على حاجبها ) راحتك عندي هي كولشي ...راحتي يحرݣ بوها كي حرݣو ليا حياتي ...

نزلت عينيها تاحست ببوسة تحطت على خدها متااااقلة مخلية نيفها يشبع من ريحتو و هو لي ماقاد يبعد بعد شوية و نطق بصوت تقيل

شراف"" رخفي نفسك .. ماتبقايش تبكي ..

امل"" (بغصة )شنو تقول لخالتي صفية مسكينة تتسنى جواب

شراف"" نساي كولشي .. كولشي غانحاول نصلحو نتي غي رتاحي ليا

امل"" بابا باقي معطل .. يمكن ايجلس سيمانة ولا اكتر

شراف"" نصبرو .. هرست ليك كارطة ؟؟

امل""(تنهدت و حركت راسها ) الصمت

شراف"" تهرس لي تهرس ويني كلمتي لي عطيتها ليك عمرني نهرسها ولا نفوتها .. باغيك عمرني نضرك

بقات تتشوف مطولة ماشبعاش منو و لا غاتشبع من عينيه .. هزات يديها و دوراتهم عليه بجههههد معنقاااه ورجعت تتبكي بجههد

امل"" سمح ليا شراف عفااك

شراف""(حاوطها دافن براسو وسط عنقها نطق بانكسار واضح من لكنتو محݣوورة ) نتي لي سمحي لهاد بنادم لي معاك .. مقود في حياتي و دخلتك ليها و ما ليك تا ذنب

امل"" انا بغاك كيف مانتا .. ( بعد شدت على خدو ) انا لي شايفة شكون نتا .. مضاهر تتخدع و تتجرح بزاف

شراف"" (بتقولية ) المهم نتي عارفاني مقود و باغاني هادشي بوحدو يخلي ملتي نصبر نطعن في ݣلبي تا يدير الله خير..(باس يديها متااااقل و نطق).. باك راجل بحالي بحالو .. نتمنى يكبر عقلو و يسمعني

امل""(حركت راسها ) واخة ( بغبينة ) تهلى في راسك

شراف""(قرب باس على جبينها و نطق بصوت منخفض ) نتي لي تهلاي ليا في قطيطة ديالي .. الخوافة ..

امل""(تبسمت بزز تتمسح على نيفها ) الله يدير الخير .. يجي بابا و نشوفو اش يكون قرارو تاهو

شراف"" عقلي مقود تيگوليا نشدها لبلاد عند باك دابة نيت .. ويني فيها خير كولشي فيه خير ..

امل"" (مسحت دمعتها و حركت براسها) داكشي لي كاين

شراف""( باس يديها و نطق ) ردي لبال لراسك و انا معاك بعيني و بگلبي .. ماتخليش يقوى عليك الكلام .. معاك كي ديما ما يقرب و لا يدويك حد

حركت راسها و تحرك مرجعها منين هزها دموع مابغاو يحبسو تاحبس في بلاصة نيت و حطت يديها على باب فتحاتو و تفتح معاها الگلب و العقل .. تيشوفها غادة بخاطر مكسور و وجه الغبينة كلاتو .. ضرب راسو بجهههد مع كوسان ضربات قاصحين مغمض عينيه

شراف""الله ياخد فيكم الحق .. خرجتو ليا على حياتي .. و زدتوه تشريگة گلبي اولاد الق*** ب

دخلات للدار بكتاف طايحين و الهم باين على وجهها اما عينيها شربو دموع والاو دم طلعات عينيها لبشرى و سدت لباب و تمات متوجهة لبيتها تاسمعتها وقفتها بكلامها

بشرى"" صافي ساليتي معاه؟

امل""(ضارت عندها بشوية ) يلا ساليت معاه قلبي ماسالاش معاه اماما.. بغيتو و لي عطالله عطاه .. عمرني نشوف و لا ناخد غيرو ..

بشرى""(ناضت طافجة) اويلي حي على دريا تي مالو اش يكون في ملك الله .. على زين فعايلو

امل"" غي تظلميه و تظلمني معاه .. بغيتيني نتفارق معاه ( هزات يديها ) سالينا اماما سالينا

بشرى""(قربت ليها ) يابنتي راه مايلقش ليك .. واحد يالاا خارج من الحبس حالتو كلها وشام .. علاين يقتل واحد بلا رحمة .. هدا تعيشي معاه راني خايفة عليك بنية وحدة لي عندي بغيتها تكون مع انسان مزيان

امل""(صوت مجروح و مقجوج كتر من قلبها ) نتي احكمتي عليه بلاما تعرفي اش قصتو ..كبير و صغير في حومة شاهد على ماوقع ليه ولا كان غايقتلو راه على نفس حارة لي فيه دافع عليا قبل من كاع يشوفني ولا يعرفني تيدافع عليا من واحد محرر عيشتي حيث ماشي نتي لي كنتي تحسي بديك حݣرة لي تنطيح فيها خايفة على راسي و على بابا لي في كل مرة تيجيب مرضتو بسبابو نخاف عليك تنخاف تتأداو بسبابي (نزلت دمعة) قبيح.. وااعر ..صعييب اه.. ولكن ماشي كيف في بالك بنادم ماشي ملاك نازل من السماء كلنا تنغلطو كلنا...غلط من دار تيقتو في بنادم باش دوز حبس على حاجة ماكان عالم بيها و لا ضانها.. حاجة باينة واحد يكفر يقباح ماشي غا هكاك دوز نهار على خوه في وسط ربعة حيوط و صاحبو ياحسرة راه برا مستمتع بحريتو ماشي لي كتاب عليه المكتوب و تشد راه نسميو عليه هاد سمية .. هاد سمية خاص تكون لي يستحقها تيتعدا ..تيقتل .. تيهلل في زناقي و يشفر ديال ناس ...و داك الوشام لي في دراعو دارو من كان العقل طايش .. انا كنشوف داخل ديالو ا ماما ماشي المظهر و حاݣة هداك طبيب و بغيتو ليك.. مزال تتقولي بغيتو ليك واخة ( صوتها بح) قلت ليك اماما بغاني مرأة تانية و بلا خبار مرتو لولى بغاني كجسد ماشي روح لي بغاني فيها هاد سيد .. المعقول لي شفت في هدا لي تتقولي عليه حباس .. ماشفتوش في داك كيدار لي مسمية على طبيييب

دخلات لبيتها سدات الباب و تكات عليه و رمات راسها وراه .. غمضت عينيها و بداو دموع ينزلو

امل"" ياربي طفي هاد نار حرقتني ياربي حرقتني

مشات فوق سرير و تكات مسندة على يديها و ساهية امل .. شخصيتها حلوة و هادئة حشومية .. من نوع كتيرة تعلق .. في حال ما تعلقت بشي حاجة تتجيها صعييييبة انها تفارقها .. فما بالك بلي خدا قلبها و استوطن داخلها عشش في عقلها ..و تفكيرها غي فيه .. غمضت عينيها لا ماكلة لا شراب لا صوت ميساج لا صوت ابيل ماقداش تصبر بلا تا حاجة منو بقات على داك حال تاتغمضو عينيها بالفعل و نعسات نعسة وحدة.. تالصباح ناضت توضات صلات صلاتها و بقات تدعي الله يكون من نصيبها .. ناضت جمعت سجادة و بدلت حوايجها لبسات اونصومبل دارت ايكخو و حاولات درگ طراسات لي بقى مصور ليها طلقات شعرها جا نازل على ملامحها نضاراتها شمسية و خرجات من بيت لقات بشرى تتحط الفطور صبحت عليها بصوت باح و ملامح طافية .. و تمات غادية متوجهة لباب نطقت بشرى

بشرى"" جلسي تفطري

امل""(حلت لباب ) مافياش بصحتك

سدات لباب وراها و نزلات حلات لباب و خرجات منزلة عينيها و براسها زدحت لباب و زادت بخطوات مهملة و بطيئة و العياء مبين و مبين ..

في السطح تيكمي و عيونو معاها من خرجت لا خاطر لاثبات لا نعاس كيف ناس .. ليل كامل و عينيه محلولة غا الكارو ..عينيه غادية معاها خطوة خطوة تا درقت عليه و هز راسو الفوق .. بحالا كيستنجد يزيد من قوتو .. ولا مرة احس براسو مكتف ولا خايف .. تاجات عليها هي بدات.. رجع للوراء بخ من فمو و تم نازل دخل للدوش نيشان حل رشاشة الماء بااارد تيخوي على راسو و داتو ربما تبرد شوية من حرارة الحريق لي فيه داخل.. خرج في حالو لبس عليه تيشورط و سروال و شورط سبرديلة هز سوارتو و تلفونو و نزل لتحت لقى صفية و احمد تيفطرو صبح عليهم و جلس جنبهم هز كاسو اتاي تيجغم فيه و ساااكت

صفية"" مال وليدي

شراف""(شاف فيه نطق بصوت تخيين و غليض بقوة كارو لي بخر بيه ريتو) ديك بنت الناس يلا كانت مكتابة ليا .. غا يجي باها و يرد علينا .. مكانتش تكتب عليا من حقهم قرار تيبقى ديالهم

احمد"" مقالو عيب شوار شوار باها ..(خبط ليه على دراعو) الله يجمعك بيها بالحلال ... بنت درويشة و بنت الاصل .. صراحة ماتلقاش حسن منها

صفية""(حاسة بولدها ماشي على طبعو و عينيه تيهضرو في بلاصتو ) حتى هي ماتلقى بحالو .. يكون خير و الله يجمعك بيها

شراف""(حط كاسو و ناض ناطق بصوت منخفض مغلوب بتنهيدة مع ديك دعوة و نطق ) امييين

خرج في حالو لخدمتو و هي تاني خاشية وجهها وسط الخدمة لا هضرة و لاكلام الا مع الكليان تاوصل وقت الغدا و جلست في كرسي رادة براسها لور مربعة يديها تاوقفت عليها ليلى

ليلى"" ماتغدايش؟

امل"" ( شافت فيها ) لامافياش غي سيري

ليلى"" مالكي ؟ من قبيلة بغيت نسولك ياك لاباس

امل"" والو غي شي حوايج مبرزطيني و صافي

ليلى"" هانتي يلا جات سهيلة تعطيها صابونة **** راه موصية عليها

حركت براسها تتعض على فمها من داخل بالحر غيرة اسمها مابقات بغات تسمعو .. عساك تجي عينيها فيها ماحسات بالدموع بداو ينزلو مسحتهم بمجرد مادخل الطبيب ديال فارماسي مصغر عينيه فيها

الطبيب- رضى"" امل مالكي

امل"" والو غي عيانة شوية

رضى""(جر كرسي و ريح جنبها تاتحطت ركبته معاها خنزرت فيه و رجع كحز ) مالك في وجهك

امل"" (حركت براسها بعدم مبالات) مكاين والو غي نعست عليه و تطراسات يمكن

رضى""(بقى مصغر عينيه حرك براسو مد ليها مرهم) نوضي غسلي وجهك و ديريه

امل"" شكرا مكاين لاش دابة تحيد بوحدها (حركت راسها بشكرا مع ابتسامة خافتة ) نمشي ناخد شي حاجة من الحانوت و نجي

حرك براسو وخرجات غي مافيها لي يهضر و لا تزيد تشرك الهضرة .. خرجت مشات الحانوت لي مقابل مع فارماسي خدات شكلاط على ود حلاوة تتحس براسها غطيح الجهد مابقاش نهائيا .. دارت راجعة في حالها تازدحت براسها في شي حد وهاد الحد هو معدبها عارفاتو ريحتو لي دخلات ليها قاع قلبها ..شد على دراعها و جرها شوية مبعدها من قدام الحانوت هزات عينيها و ملامحها قدام عينيه واش هاد ملامح و اش هاد للعينين .. حالتهم مكرفسين بالمزيان.. هز يديه دورها من دقنها بشوية مثغر عيونو حمرييييين تتفور من لداخل وبرا

شراف"" (نطق بخشونة وقلبو تيتشرݣ) امل .. دويت معاك ..ماتعدبيش ملتي الله يحن عليك ..يلا عزيزة عندهم .. انا نشرݣك من لحمي .. ماضرنيش تانتي بوجهك هاكة

امل""(نزلو دموعها يجريو بكلامو لي تيݣطع الݣلب حطات يديها صدرو دافعاه بصوت مهزوم ) ياك قلتي نتفارقو علاش جيتي وموقفني..؟

شراف""(بصوت تقييل غالباه نكسة ) تفرقني عليك الموت .. (هز عينيه و عاود شاف فيها) كنت دايز وجات عيني فيك ..ويني ݣلبي لي قربني.. عارف راسي خايب لساني سليط ويدي تزرب من حقها تخاف عليك تتبقى مك و الام تتشوف مصلحة بنتها قبل مصلاحتها .. ( هز يديه بزوج بانكسار) باغيك ربي لي عالم بلاصتك فين و فين ..ولكن باش نضرك و من جهة واليديك لا امل...

امل""(نزلت راسها نازلة دمعة تجري نطقت) و انا مقهورة في قلبي ا شراف مقهوورة

شراف"" ( مسح ليها دمعتها بطرف صباعو ناطق بشوية ) ششت صبري عليا الله يحن عليك .. خليني نشد في راسي ماتشرݣيش ݣلبي كتر ماهو مشرݣ

امل""(حركت راسها ناطقة بهمس) نصبر .. نصبر .. دابة نوالفو اشراف نوالفو الله يسر ليك و لي فيها الخير يجيبها الله

غاينطق و قاطعتهم صوت سهيلة و هي منادية عليها من قدام فرماسي .. دورت بالخف لعندو تتشوف فين عينيه لقاتو ساهي فيها هي ..مهزومة و زادت بانت ليه لمعة جديدة في عينيها عرفها مزيان منين جاية

شراف""(زاد بخطوة تاكان يفوتها نطق قريب لودنيها بصوت تقيل بحالا تيبرر ليها على ديك لمعة ل بانت ليها ) بلاصتك في ݣلبي المخير مايوصلهاش

نطق حروفو و زاد متبعاه بعينيها مدمعين غادي تيبعد نزلت عينيها بانهزام و قطعت شانطي لفارماسي و لقات سهيلة تتسناها و كانت شي نضارات غير مفهومة رمات ليها السلام بلاما تشوف فيها .. دخلات ومشات هزات طلبية ديالها تتقيدها جمعاتها ليها في صاشي ديال دوا و شافت فيها ..

امل"" تغسلي بيها زوج مرات في نهار

سهيلة"" ايه راه سنين وانا تنديرها ..( تنهدت بغصة ) جات من الشخص العزيز و الغالي

امل"" ( قلبها مقهور و تتزيدها و هي عارفاها علامن) بصحتك اختي

سهيلة""(جبدت فلوس حطتهم و نطقت ) حاولت و حاولت نرضيه ماقديتش .. ماقدرت نتجمع مع واحد من غيرو ..

تتجبد الصرف لي تلف ليها ماجاوبت ماقدت تجمع الحروف اشتقول ليها ولا ماعندها باش تدافع على راسها و تقول ليها انا هي ديالو و هو ديالي مابقاش في حقك تدوي عليه ولكن الصروف ليها رأي اخر.. نزلت عينيها و تبسمت بزز مدت ليها الصرف

سهيلة""شكرا ازين .. دعي معايا لاخر سيمانة عندي جلسة الطلاق ..

امل""( واقلبها ياقلبها تيتحرق و يزيد يزند و شلى اسئلة جاو في بالها في رمشة عين نطقت بصوت مغلوب ) الله يدير ليك لي فيها الخير اختي

سهيلة"" اميين الحبيبة .. زيدي دعيوة اخرى و قولي ليا ياربي تجمعك بشراف تاني .. و يقبل اعتذاراتي

تبسمت و خرجت مخلية ديك مسكينة تتزيد بقهرتها .. هي تطلب تجمع معاه ولاخرى تتوجد باش ترجع ليه ..قلبها تعصر و تعگد عليها زادها شي على شي مشات جلست فوق كرسي شادة داك شكلاط في يديها و دموع ينزلو ينزلو .. ماوعياش و ماعرفاش راسها اش تدير ولا اش غادير.. تادخل عندها رضى لقاها في ديك الحالة .. عرف نفسيتها مضمرة و مريضة .. جلس قبالتها و نطق بهدوء

رضى"" امل..نوضي سيري لداركم .. خودي ليك سيمانة ترتاحي مزيان و رجعي

امل"" ( مسحت على دموعها ) مكاين لاش ادكتور مزيانة

رضى""(هز يديه بغى يديها في دقنها و بعدت وجهها دغيا بشوفاتها حارة ليه و نطق ) سمحي ليا .. خودي دوا لي عطيتك و سيري لداركم ترتاحي و رجعي ..

امل""(نطقت بهدوء ) مكاين لاش نفسية هي هادي تتقلب في دقيقة وحدة .. بلاما تشطن راسك معايا ..

حركت براسها بمعنى شكرا و ناضت ملي لمحت لسيدة لي دخلات مشات عطاتها اش بغات و رجعت جلست كيف امانة لا ماكلة لا شراب تا داك شكلاط نساتو واش كاين... حتى شافت بنات جاو تيضحكو و يهضرو بيناتهم

ليلى"" مسخوطة والله ..( شافت في امل و نطقت ) تلاقيت سهيلة .. ايوا قالت برائة و رجوع الحق شراف عندي في يدي ..(شدات على وجهها و شافت في بنت تانية ) عداك يكون زواجها اتفاقية بيناتهم بزوج باش يرجعو ليه كفة و يضربو بضربتو..

منزلة عينيها في داك شكلاطة تادابت في يديها نزلت دمعة تتجري و زادت قطرت عليها و ناضت للحمام تغسل حالتها دخلات و بقات تتضرب في ملامحها و قلبها

امل"" و بزاف على قلبي بزاف ياسيدي ياربي

داك الحمام شهد على دموعها و على جرحها تخلطت عليها الدعوة من جميع جوايه غسلت وجهها و خرجات بوجه مقهور و مبين بزاف مغير.. كملت سويعاتها و مشات تتحيد طابلية تا وقف عليها رضى

رضى"" امل غدا جلسي ترتاحي بلاما تجي

امل""لا ادكتور انا مرتاحة غدا نجي لخدمتي

رضى"" مايكونش راسك قاصح جلسي رتاحي بعد غدا و رجعي

حركت راسها شكراتو و خرجت مخلية ليه سوارت ماشية بوجه دابل منزلة راسها للارض بلاما تحاول تشوف لا هنا لاهنا .. تاتلاقات مع عاليا في دورة الزنقة ديالهم تبسمت و قربت لعندها معنقاها بجهد

عاليا"" كنت جاية لعندك

امل""( نطقت بانكسار) ياكما تكرهيني ولا داركم ايكرهوني ..؟

عاليا""( بحسرة ) اويلي الهبيلة.. شراف مقال ليهم والو ضانين غي تفكير بين ما جا باباك و صافي

امل""(مسحت على دمعتها) قصحتني والله قصحتني

عاليا"" (تدوز يديها على خدودها بحنية )يكون خير صافي مسحي دموعك .. والله شراف يلا سمح فيك

امل"" دابة موشكيلة قطعنا الهضرة كاع (بدات تتهرب ليها الهضرة بالقجة لي فيها ) على اقل كان تيصبرني نسمع صوتو .. غي هادي تووريها بلي السيد معقول ماشي ديال تفلية ..كون واحد اخر مايقولش ليا ديري لي قالت ليك و خليني نحارب بوحدي

عاليا""(ماحسات تا دموع نزلو ) صبري عفاك صعيب فراق من تيجي بهاد طريقة صعيب بزااف واخة نضل نهضر مانقدرش نخفف على جرح لي فيكم ..خويا قبيح ويني كلامو هو كلامو طلبك للحلال نيشان و تا دابة يحاول و ..غايحاول ويبقى يحاول تا يقبلو ان شاء الله بالحلال

امل""(شدت على قلبها ) هادشي لي عاجبني فيه معقول ماشي تاع تفلية..(تنهدت) عاد عرفت شحال تعلقت بيه و حبيتو بلا علم مني ولا نوعى ..مواقفو و كلامو معايا سبقو يدخلو لقلبي قبل كولشي ..

عاليا"" (جرتها لعندها ) صبري حبيبتي صبري تاهو ربي لي عالم بيه.. خرجو على حياتو الله ياخد فيهم الحق

امل"" اميييين (مسحت دمعتها) نصبر نصبر تايدير تاويل الخير

جرتها لعندها مدرعاها و تمو قاصدين ديارهم عاليا مشات معاها تالباب تا حست بيها دخلات عاد دخلت تاهي لدارهم .. طلعات امل حلت لباب و لقات بشرى في كوزينة رمات السلام و مشات لبيتها جلست تتحيد داك اونصوبل لبسات بيجامتها و مشات توضات صلات صلاتها و مشات خدات ماء تتشرب كينة

بشرى"" كولي بعدا عاد شربي اتضرك

امل"" كيف والو حريق حريق

نزلت عينيها حاضية مع ديك كينة تتدوب و بشرى حاضية معاها و في ملامحها .. مطووولة عرفت بنتها طايحة على زنافرها و باغاه تنهدت بجهد نطقت

بشرى"" خودي كارطة و صوني لباك راه مشطون عليك

امل"" تالغدا و ناخدها

بشرى"" (دوزت يديها عل ضهرها طلوع نزول) دابة تولفي ابنتي صعيبة في لول شوية تنسايه بحالا مكانش معاك

امل""(هزات عينيها ليها و نطقت ) نتي قدرتي تنساي بابا .. ياك عائلتو ماكانوش قابلين يزوجوك ليه .. داكشي لي وقع ليك .. وقع ليا العكس ..انا هوما باغيني و نتوما مابغينش .. حتى انا اماما كلامي باين .. مانساه مانشرك حياتي مع واحد اخور واخة نبقى بلا زواج ولا ولاد ..

لحضة سكتت ماقدراتش تزيد ولو حرف او تسنات ماماها تدوي مابغاتش تزيد تسمع تاني شي كلمة مسمومة من عندها مشات دخلات لبيت تكات فوق سرير بعد ماشربت داك الدواء تسندت في بلاصتها مخلية عقلها و قلبها كل تيقول انا مألم اكتر لعقل يفكر بلي انا معدب بتفكير فيه و القلب تيقول انا ضرباتي وجعوني بهاد كترة ضران لي فيهم ..غمضات عينيها مخلية بالها يتفكر نهار لاول كيفاش تلاقاو نهار العيد و نهار لي طلق عليها كلمة (الخوافة) تبسمت و زادت بتفكيرها باش تيغير عليها من حوايجها و يدابزو على تخسار الهضرة وكلامو سليط تبسمت بقهر من وصلت للخاتم نزلات دمعة تتجري فيقتها و ناضت لماريو جبداتو من تحت حوايجها و رجعت بلاصتها تكات تتشوف فيه و تبكي قرباتو لشفايفها باست عليه بقوتها و عنقاتو و غمضت عينيها دموع تجري وحدة ورا وحدة... هكاك تخمم من هنا لهنا تا داتها عينيها و هي معنقة ديك خاتم ....واحد قهرة غريييييبة حاسة براسها

___

مريح في طوموبيلتو في خلى مخلل الظلام معتم راد كوسان لور متكي براسو و عينيه مغمضة صوت اغاني قليل .. حل عينيه حمرييييييييين و حواجبو تگرنو و تشربكو مبين و زايد .. غبينة غير طبيعية حسرة الگلب و وجاعو .. .. نهار يومين بدات تخبط فيه طعنة وتزيد شعل كاروه و نتر مغمض عيينيه تاسمع تلفونو تيصوني .. دور عينيه بان ليه عثمان .. هزو بين يديه و جاوب ..

شراف"(بصوت تقييييل مكسور) اش كاين اعثمان

عثمان"" تعطلتي اخويا الواليدة بغات تعرف فينك

شرااف"" (بتقالة اكتر )بلاما تشطن نسالي و نجي

عثمان""(عاق بيه ماشي على طبيعتو و مابغاش يبين ليها ) صافي تاتساليو بسلامة ..

لاح تلفون من دوخة جا يبخ لاح لكارو .. تبسم بغبينة ݣلبو ناطق بصوت تقيييل مع لكنة صوتو مبحوحة

شراف"" محامين عليا القح**ب

جبد كارو تاني شعلوعاود هز تلفونو و مشى لتصاور و قصد تصويرتها لي كانت لاحت في سطوري قريبة و ملامحها مبينن .. عسل عينيه فيهااا مزياااان تيتحلو و يتسدو بزز و تقاااال عليه تبسم بجنب مع كلمات اغنية لي بادية

ديفويات كاين..

بصح عشقي ليك باين

شراف"" (تيدوز يديه على ملامحها في داك تصويرة) سمحي ليا الخوافة ..تارجوعي غي عذبك ليا ...اما انا لهلا يفرح ديلمو ...واحد بحالي مايستاهلش شي حاجة ترمم ݣلبو بحالك .. نستاهل غا الهضرة خايبة فيا..الحبس ..

و طعنات ..من هنا و من هنا

خبط براسو بجهههد مع كوسان مغمض عينيه و زاد نتر و بخ مطاااول .. تينطق بصوت مكسور

شراف"" المرمدة گلبي .. نعشق في االط** (مكملهاش بلل شفايفو تيتبسم بتقالة تيحك على عينيه ) شش ماتخسرش الهضرة .. ترفد في گلبها عليا ..

صبح الحال تسللات ليه خيوط الشمس من الزاج على عينيه خلاتو يفتح عينيه بشوييية و بزز توضحت ليه شوفة في الخلى دنيا تتصفر .. دور عينيه تتبان ليه باكية الكارو ملاوحة .. تكى براسو على كوسان هز يديه بزوج تيحكهم على وجو كامل .. راسو منفوخ تيحس بيه غادي يتشتت حل لباب و خرج لبرا طرطق عنقو و دراعو بتعب عينيه منفوخة و حمرررة حواجبو معقودة و مشربكة مشى هز القرعة الماء و زاد لهيه توضي و رجع جبد السجادة من الطوموبيل فرشها و صلى صلاتو وفي كل سجدة يطول و هو منزل بجبهتو لارض يطلب و يدعي لله عز و جل .. انه ينصفه و يكون ليه الخير في هاد البنت و تكتب عليه ..ويحنن قلوب واليديها عليه .. امله في الله انه يدير الخير و تكتب املو على اسمو بقى جالس فوق سجادة و مطلع براسه لفوق تنهد تنهيدة طوييييلة ونطق بصوت تخييييين

شراف"" اللهم إني أستغفرك لكل ذنب يعقب الحسرة، ويورث الندامة ويحبس الرزق ويرد الدعاء...اللهم إني قد أحببتها فطوع لي أسبابك، وأصلحه لي وأصلحني له. اللهم قربني لما فيه خيرًا لي، واجعلني خيرًا له

...كمل صلاتو و ناض جمع سجادة و رجع جلس لبس سبرديلتو و طلع مكسيري .. رجع تاني في طريقو مخلي لسانو على استغفااار تاداز شوية لوقت خدا كارو شعلو على صباح ... هلك راسو و مزال زايد.. هز تلفونو و بانت ليه ابيل من عثمان و عاليا .. طريقو كلها هو عقلو فين وفين ..يخمم و قلبو مضرار و هاز فوگ الجهد عينيه حمرررة مراقبة تلفون و هو تيدوز ابيل لعاليا تابانت ليه قدام المݣازة قطع عليها و بلاصة طوموبيل و نزل بتقالة طلع في درجات و تلقات ليه عنقاتو من كرشو رمى يديه عليها وطلعو لسدة مصاوبة بالخشب لفوق ..جلس و جلست على بيرو

عاليا "" كي بقيتي خويا شطنتيني لبارح ..

شراف"""(شعل كارو و نتر منووو مكتوب تيبخ و يعطي لريتو) لا تشطنيش انا مزيان

عاليا"( مدات يديها و شدات على كتفو باست عليه) يكون خير اخويا عارفة باش راك تتحس .. خافت على بنتها ..(باسف) حكمت عليك بحبسك ووشامك.. عصبيتك ونتا مدابز مع عتيق ... كملت عليك بضربة لي ضربتي ليه صباعو علاين يتقطعو

شراف"""( بخ مطاااول وشاف فيها نطق بصوت مكسووور) هادشي ماضرنيش عارفو فيا عارف ملتي خايب عارف يدي سابقاني على لي يستاهل ..ويني مانقدرش نضرها هي ..ديك البنت مكاينش بحالها وعمرني نشوف بحالها ..عرفتني كي داير هكاك قبلت بيا .. حيث عارفة ملتي نقدر نتبدل على قبلها

عاليا"" (مسحت دمعة لي ماعرفتها منين نزلت) الله يدير الخير اخويا .. ويجمعكم بالحلال

شراف"""( تيشوف بعيد مخلي دخاخن شابكة على وجهو نطق الحروف متااقلة ) الله و تيغفر و تيبغي التوبة و المغفرة ولكن بنادم ماتيتقبلهاش وتيشوف غي سلبيات و ينبش فيك و ياكل لحمك و نتا مامأديهش وماوصلوش بحاجة ..ديك بنت ناس من نويتها معقول عارف كولشي يتغير ..علاش تيݣولو زواج مسؤولية ماشي ساهل حيث كلشي تيتغير فيه ..سلوكك.. كلامك بزااف حوايج وانا من شفتها عرفتها بنت الاصل وتأصل لي حياتي..(تنهد تنهيدة طويلة ) وفي لخر لي كتبها ليا الله مرحبا بيها ..باغيها و باغي حياتي معاها ..وليني مانضرهاش بواليديها ..

عاليا""(باسف) يجي باباها و دوي معاه نتمناو يعطيكم فرصة تتجمعو ... والله ماتستاهلو الفراق بهاد شكل

شراف"" ماعليش حياة ماشي ديما تتعطيك لي باغي .. يمكن من لول تاحاجة مابغات تيسر ليا .. لا وراق طاليان لا برائة وخروجي من داك الحبس ... لا كلمة بقات فيها ديك خيتي ... ويني هادشي ماكيتقارنش بأمل ... نخسر صحتي و مانخسرهاش هي ..باغي صلاحي و حياتي معاها و ولادي تكون هي مهوم .. عارفها زينة الفعايل تزينهم ليا ...

عاليا""( كلامو تيقطع قلبها و يمزݣو قربت باست على جبينو بحنية ) ياربي تعطيك الصبر اخويا حݣرة صعيبة و مايحس بيك غي لي مجربها بصح ..والله ما تستاهل هاد الجراح كاملين ..الله يفرحكم يارب

شراف""(تيطفي كارو و نطق) امين ( رجع شاف فيها ) شنو لي جابك بعدا

عاليا"" بغيت نشوفك اخويا مشطونة و عرفتك ماكنتيش في خدمة لبارح

شراف"" مكاين لاش تشطني سيري دركي لدار

عاليا"" واخة اخويا واخة (ناضت طبطبت على كتفو نطقت) انا نمشي

شراف""(حرك ليها راسو و مد ليها 100درهم ) خودي طاكسي لدار

عاليا"" عندي اخويا بلاش

شراف""(هز بحاجبو بزعاف تاشدتها منو و نطق) سيري سيري شوية الوقت نشوف سلعة لي توصل و نجي

حركت راسها و مشات مخلياه مراقب خطواتها تانزلت و زدح براسو على ضهر تاع كرسي بجهد مغمض عينيه بتعب و العياء لي في داتو و قلبو و هو مطعون باسم العشق و الحب .حط يديه على جبينو تيعصر فيه ..

شراف""(نطق بصوت تخيين متااقل) يااااربي لا تعدبهاش ليا خفف عليها و زيدني انا ياربي ..

لا تخلصنيش بيها.. ارب العالي

يتبع...