محتوى القصة
قنبلة موقوتة مختالف على الموسم الأول اتشوفو فيه نفس الشخصيات ولكن بقصة خرا وفحلة جديدة..انشوفو الفقدان والحرمان والغدر شكا يدير فمولاه وكيفاش كيخلي القلب يقصاح ومايبقاش يحن..اتشوفو جوج شخصيات وحدة ملاك ووحدة شيطانة وبجوج بيهم محاصرين المنبوذ وشكون فيهم ايكون ليها..هنا المنبوذ اتشوفوه كيفاش غيقلب ويشقلب الدنيا على حاجتو ..شفناه فالموسم الاول داك الشخصية الباردة المستفزة القاصحة ماعندو مايخصر..دابة اتشوفوه وهو عصبي عندو بزاف ما يخصر بقلب مجروح وفنفس الوقت ماكايرحمش
" الموسم الثاني لقصة المنبوذ "
فكرة و إشراف : Nada Alami
بقلم : Imane Imy
⁂
متكي فوق ديك لكنابي و مغمض عنيه دماغو راجع للور ذكرى لي عمرها تمحى من بالو وكتحفر فقلبو … النهار لي حياتو فيه غتتقلب و دنيا فعينيه غتضلام…
بدا كيعراق و ملامح وجهو كتخنزر و تتشد… صوت الإنفجار كيتعاود في راسو… بدا كيحس بالحرارة و العافية كتشعل فيه لي كيكمل عليه انه ما قدرش ينقدها كيفاش كلاتها العافيا تا رجعات رماد… كيفاش حرموه منها كيفاش حيدو قلبو من صدرو…
تسمع صوت زاد كمل عليه:إلا بقيتي عايش على الذكرى ديالها حالتك غادي تزيد غير تتكفس… من الأحسن تنساها و تبدا حياة جديدة… هي صافي مشات ماتت..هكا نفسيتك اتتحسن
قبل حتى ما يحل عنيه كان جارو من لكول ديالو لعندو وحل عنيه حمرييين على قدهم بشوفات حاادين
قادر شاف فيه بشوفات كي القرطاس وتهز من بلاصتو وشقلب الدكتور وخلاه هو هاد المرة يتكا فوق لكنابي وهو مزال شانق عليه تحنا لعندو كيشوف لخوف فعنيه …
نكق بصوت حاد وباح فيه نبرة حقد وفنفس الوقت كتحسي بالحزن فيها ونار الفقدان كتحرق فيه: الموت هي لي غتنسيني فيها، لا نت لا غيرك غتنسيوني فيها كتفهم…و ما غنرتاح تا غنجبد لي كان سباب تا لبين يديا نع دبو مزياااان تا يطلب الم وت و مايلقاهاش…
وتحنا كتر لعندو والدكتور غيبول فسروالو: جيت عندك تعطيني دوا يعاوني نعس ماشي باش ننساها…
الدكتور بلع ريقو عارف هادا لي قدامو ماغتنفعش معاه الهضرة كيشوفو كيفاش كتافو و صدرو كيطلعو و يهبطو بالغضب و كيفاش عنيه حمرين و قااسيين عرف راه متشي دبال الهضرة :صافي انا نعطيك دوا مزيان…
قاد طلق منو وتقاد فالوقفة مخليه كيكح: هاكداك ديرها من الصباح
مشا البيرو ديالو كتب ليه دوا لي بغا و عطاه ليه.. خرج قادر من العيادة لطموبيلتو … مزال نهار الحادثة كيتعاود و يتعاود فراسو لحضة بلحضة .. باغي غير يلقا لي دار فيه هاكدا باغي يلقاها بأي وجه كان…
تزير عليه راسو بواحد الصداع تا ودنيه ضروه ضرب يدو مع لفولون بالجهد كيحاول غير يكالمي لحريق:صافييييي براااك
وصل لدار من بعد ساعات طوال سكرااان راسو ثقيييل… كيدور راسو في الدار كتبان ليه في كل بلاصة باقي صورتها و صوتها ضحكتها عصبيتها و بكاها كيتعاود في بالو فينما دار كتبان ليه …
طلع لفوق نيشان لبيتو حيد لافيست و لا شوميز و بقا بصدرو عريان… تكا في الأرض عنيه حمرييين و ناايمين حاس براسو خاوي غيحماااق بلا بيها قريب عام باش مشات و خلاتو…
غمض عنيه ما عاقلش على راسو إمتى غفا..
دازو سعات
حل عنيه حمرين كي جمرات وسط الغابة و العافية دايرا بيه… كينهج و يقلب عليها بعينيه كتبان ليه في كل بلاصة ورا كل شجرة كتشوف فيه بعويناتها لي كيسلبوه كتبتاسم ورا ديك العافية… سها فيها لوهلة تا ختفات من قدامو… و رجع تاني سمع صوت الإنفجار و العافية زااادت شعلات و صوتها كيتعاود في ودنو كي شي سم كيدوز في عروقو صوت اكتر وحدة كيكرها فهاد الدنيا وباغي غير فوقاش يلقاها: قلت ليك غادي نحرق قلبك و روحك كيف حرقتيني…هانت دابة عيش العداب وموت ونت حي
حل عنيه بالجهد كوولووو عرقات و ناض كينهج و كولو كيغزل عض على سنانو مزيير عليهم و صورت عنيها و نبرة صوتها مزالا كتعاود في ودنيه… زييير على يدو و عينو على صورت يافا لكبييرة لي معلقا قدامو و نطق: كنواعدك غادي نلقاك و نرد حياتك جحيم غتتمناي الموت و ما غنحققهاش ليك…
وقف بجسمو الضخم دخل لحمام خدا دوش و خرج لاوي الفوطة على نصو… لبس عليه و خرج عند بناتو … حل باب بيتهم كانو باقيين ناعسين يالله شي السبعة دالصباح… تبسم بمرارة وهو كيدور عنيه على لحيوط لي كلهم كيفكروه بيها … كيفاش خلاتو يصبغهم بيدو باش يحس بالأبوة أكثر كيفاش خلات بصمتها فيه و كيفاش بين ليلة نهار إختفات تبخرات و كأنو عمرها ما كانت.. حنآ على لبناتو كيبوسهم و يشم ريحتها فيهم تا حلات عنيها سلطانة كتلقا باباها شد في يدها و كيشوف فيها تبسمات ابتسامة داافية و نطقات: بابا حبيبي هادا نت
حرك ليها راسو بالإجاب و باس ليها يدها.. توحشاتو بزاف هادي قريب سيمانة ما شافتو كيجي تا لنص الليل و يفيق قبل مهم يخرج او كيبات حدا قبرها مكيجيش كاع، تبسم : صباح الخير ابنتي
ناضت كلسات و بدات كتفيق في ختها زمرد: زمرد فيقي فيقي ها بابا جا فيقي…
زمرد كان نعاسها تقيل بحال ماماها بقا ساهي فيهم كيشوف كيفاش كتفيقها و حنينة فيها رباتهم يافا بواحد الحنان فشي شكل …
فاقو بجوج وناضو عندو عنقوه فرحاانين ب باباهم لي من لي ماتت ماماهم و هوما كيشوفوه مرة مرة… تحرمو من ماماهم و حتى من باباهم…
نطقات زمرد و هي كتشوف فيه بعويناتها لي بحال دماماها: بابا عافاك قول لربي يرد لينا ماما من الجنة لله يخليك انا توحشتها بزاف..
قادر تنهد و بد كيدوز يدو على شعرها: طلبيه نتي ابنتي قولو يرجع ليك ماماك ربي كيسمع فينا كاملين
زمرد بدات كتبكي: عييت ابابا كنطلب و باقي ما رجعات
قادر شاف تا عيا و جرهم عندو عنقهم وخلاهم يبكيو على صدرو و كيتوعد ل لي شتت عائلتو بالجحيم …
داز الوقت كان في طريق مكسيري و مركز مع هاداك لي كيهضر معاه في طيليفون : سي قادر مكاين تا شي بنت عايشا في المغرب بدوك المواصفات لي عاطينا…
قادر نطق ببرودة: و شنو الجديد ديما كتقول نفس لهضرة
"لا اسي قادر كاين الجديد.. احم التسجيلات لي كانو تمسحو من الكمرات دالفيلا رجعناهم كاملين…
هنا قادر فرانا و قلب الدورة : تلاقاني في نفس لبلاصة و جيبهم …
قطع عليه و كسيرا مخلي وراه غير الريح و فبالو حاجة وحدة باغي يعرف غير شكون هادي لي تجرئات و لعبات معاه شكون هادي لي سلبات منو روحو و رزاتو في أعز ما عندو …
وقف فوق ديك لبلاصة العالية ليمرينيد بالضبط، فاس كااامل كيبان ليه ضواو كلهم شاعلين مدينة كلها حياة عاااامرة بالناس عكسو هو لي شاد جوان و ساااهي فديك المنضر كيحس براسو خااااوي من لداخل بحال شي ميت قلبو مات من قوة ما ضرو… كيبخ الدخان و يرمش ببهداوة تا وقفات الطوموبيل ديال واحد من المحققين لي كلفهم بهاد القضية… رما لكارو و عفط عليه
المحقق قرب عندو : سلام عليكم سي قادر
قادر: وعليكم السلام …
مد ليه واحد لبواطة صغيرة فيها شي سبعة ديال لي كلي يوسبي: هاهي الأمانة اسي قادر و واحد من لي كلي راه فيه لوجيسييل باش توضح الصورة حيت الكاليتي ديال ليفيديو عيانة…
قادر شدهم من عندو : صافي حسابك غادي يوصلك نت و لي معاك و بقاو على بال مزال محتاجكم
المحقق: لله اودي اسي قادر في اي وقت تحتاجنا غتلقانا
قادر حرك راسو بالإجاب و نساحب المحقق و بقا غير هو عينو على ديك البواطة هنا فين غيعرفها غيعرف شكون هاديك لي قدرات تدخل لفيلا ديالو و تحاول تق تل ايه بنتو و تخطف ليه مرتو و تق تلها نطق بصوت قااسي و في عنيه نضرة شيطاااانية: عنعيشك الجحيم…
رجع لطموبيلتو و ديمارا راجع لدار باغي غير امتى يعرفها شكون… وصل لدار لقا لبنات يالله كيتعشاو غير شافوه فرحو بحالا تحلات في وجهم باب من بيبان الجنة مشاو عندو كيجريو تعلقو فيه معنقينو كيضحكو و فرحاانين بداو كيبوسو فيه و نطقات زمرد: وااااو ابابي جيتي لدار و اخييرا غتتعشا معانا
سلطانة: اه ابابا تعشا معانا عاافاك غدا ما قاريينش الأحد بقا معانا نشوفو شي فيلم ديال ديزني زوين بحال فاش كانت ماما
قادر بعد عليهم مرفوع بطا عليه غير امتى يطلع يعرفها شكون، طلع راسو في المريبة ديالهم و خنزر فيها : الحال مشا هوما اش فايقين كيديرو
المربية بلعات ريقها من نبرة صوتو و تخنزيرتو وهي تنطق سلطانة: غدا ما قاريينش ابابي راه السبت واش نسيتي
زمرد: اه ا بابا
قادر حرك راسو بالإجاب: مزيان تعشاو و سيرو تنعسو
سلطانة:ونت ابابا معاتعشاش معانا
زمرد عنقات رجليه كطلبو: عافاك ابابي تعشا معانا باش نتفرجو فشي فلم
قادر تنهد بنفاد صبر و بعدها عليه و حنى عندهم و نطق: باباكم مشغووول عندي بزاف دالخدمة مره اخرى
ما تسناش جواب منهم و شاف في المربية: ديهم يتعشاو و من بعد ديهم ينعسو
زمرد عويناتها دمعو: ولكن ابابا
قاد نطق بحدة :صافي دوينا ا زمرد
طلع لبيرو ديالو مخليهم وراه دموع في عنيهم و شهيتهم تسدات و الحزن بان على ملامهم… حياتهم تقلبات…
دخل لبيرو ديالو ديركت وفيدو ديك لبواطة تقابل معا لماك و جبد لي كلي لي كانو مرقمين من واحد ل سبعة… برونشا لوجيسييل هو لول انسطالاه… عاد بدا كيبرونشي دوك لي كلي واحد بواحد كيحاول يربط بين اااخر مرة شافها فيها فاش لقاها فلبيت عند زمرد باغيا تقتلها… شويا و هو يضيق عنيه فاش بانت ليه بنت طويلة و شعرها طويل كتمشي و تجي فواحد لكولوار كيدي لحمام دالطبقة الثانية د الفيلا… كبر الصورة فاش بانت في وجها و وضحها و هي تبان ليه بوضووح بعينيها لكباار لخضرين كتشوف فين كاينا الكميرة… تحولو نضراتو للحدة و خنزر و نطق وعينو ما تحيداتش من عليها: اذن هادي هي نتي … وجدي راسك شريتي الجحيم بيديك….
في بلاصة أخرى فبار كبير وسط المدينة صوت الموسيقى كيتسمع مجهاااد و كلشي كيشطح الشراب كيتسربا أشكال و أنواع هالي كوكطيل ها لي كيهبط على القاصح… اما هي فكانت ناااشطااا و طلعااات ليها التبويقة بواحد السطير مطوقا عنقو بيديها و كيتمايلو بجوج هو عنيه غيطيرو عليها لابسا كسيوة حد الفخاض فلكري كتلمع و ضهرها كولو عريان طالقا شعرها و كتتمايل بدلع و عنيها الخضرين لكباار دايرا بيهم لحمورة ديال التبويقة…
تبدلات الموسيقى و هي تقرب عند هاداك لي معاها و دوات ليه فودنو بالجهد: سعد سير جيب ليا شي مشروب على ذوقك شحفت …
سعد طبع قبلة على شفايفها و صرفق ليها طرمتها و بعد: واخا الحب..
مشا يجيب ليها و هي بقات تماك كتشطح بوحديها كتتمايل بدلع و حترافية مخليا كلشي حال فمو فلاطاي ديالها لي ما فيها لا داخل لا خارج كل حاجة في بلاصتها بالسبور لي مكتحبسش منو… بقات كتشطح تا كتحس بيه لسق معاها و زيرها عندو تا طرمتها لسقات على حجرو … تبسمات عنيها مقلوبين و زااادت كتمحكك عليه و نطقات: فينو المشروب….
سكت ما جاوبش كتحس غير بيديه الحرشين كيطلعو ليها لكسوة على طرمتها و كتحس بأنفاسو الحاارين كيضربو في عنقها… بعدات منو بالزرية كتلقاه ماشي سعد… واحد اخر من هادوك لي عنيهم غيطيرو عليها.. رجع جرها العندو باغي يبوسها و هي كترطا: طلق مني ازفت طللاااااق طلاااااق…
صرفقاتو بالجهد و بعدات عليه خلاتو شاد حنكو: لق حبة دمك كتضربي
سعد كان واقف على وحدة كياخد نمرت واحد ختنا تماك و عنيه غيطيرو على صدرها : خليت ليك مشروب على حسابي
ضحكات بصوت محلون : اوو ميغسي تشاو بيناتنا واتساب
زاد و خلاتو كيعض في شفايفها و متبع الحركة دطرمتها تا بدا كيسمع غوات جورية تنهد عرفها منوضاها تاني : فففففف امتى غنلقا ما حسن من هاد خيتي …
قلب الدورة عندها فيدو جوج قراعي دلويسكي كيشوفها مكشرة فهاداك لي قدامها: جورية اشنو واقع
شافت فيه و شافت فهاداك لي باغي يرجع يتهجم عليها… فكات القرعة ل سعد من يدو و لاخر جاي مهجم عليها و هي تهبط عليه بديك القرعة لراس تا يبس في بلاصتو و شد فراسو وشنقات على التانيييي كدخل ليه فلكروشيات وتجمع ليه بالنصوصة لي يشوفها بداك لباس وتحلوين وكيفاش كتهضر بانوثة مايقولش تقدر دير هدشي كامل وتضرب راجل يضوبلها فالطول وتجيبو فالارض هادي هي جورية الشيطانة
تسمع صوتها:مازل ما عاش هاد ولد القح.... بة لي يحكر علياا
سعد غا كيشوف فيها وهو مصدوم …
جرها اسعد لي كان غا كيتفرج خايف على عضامو… جرها مخرجها و هي مزااال كتشير بلي لقات قدامها… ماشي هي لي يتعدا عيها شي حد و تخلي دقتها…قوية جريئة و متمردة من جميع النواحي… تنترات منو فاش وصلو لطوموبيل: طلقني ازفت طلق صافي
سعد: واش حماقيتي ا جورية قالبا لبواط بالمطايفات مغتساليش من هادشي ديالك لي دوا معاك تنوضي الحيحة
جورية: واش ما شفتيهش كيفاش كان يقيص فيا قرب يحيد ليا حواجي…
سعد: راه كان سكران ماشي فوعيو اشنو فيها كون جيتي عندي و بعدتي عليه
جوية حيدات طالونها لاحتو في طوموبيل: شوف لا كنتي نت خواف انا لا حقي مكنسمحش فيه و راك عارفني
سعد بلع ريقو و جرها عندو محاوط خصرها و شاف ليها فعينيها: انا كنخاف غير فاش كتكوني معايا كنخاف عليك… حيت ما نقدرش نتخيل شي حد يأديك…
جورية تبسمات بجنب و جراتو عندها من الكول كتبوس فيه و هو متجاوب معاها… بعدات عليه: زيد نكملو سهرتنا فشي قنت اخر … و غمزاتو و عضات علا شفايفها و هو فهمها و تبسم بجنب جاياه على الكانة شكون كره وحدة زوينة و لاباااس عليها و كتبغيه… ديمارا و مشاو يكملو ليلتهم في الدار…
قادر الباشى..!!الكارو فيدو و الكاس دلويسكي قبالتو و عينو على لماك كيشوف فيها كيفاش كتتسركل في دار قنت بقنت تا عرفات كااع لقنات لي فيهم الكمرات و لي ما فهمش الكمرات… عاود الفيديوهات و عاودهم ما مرة ما جوج و راسو غينفااجر بالتفكير… هي قدرات تدخل لدار على اساس خدامة و دااارسة خطتها مزيااان من البداية… عاد بدا كيرجع السينتة لور عاد بدا كيتفكر كيفاش كانت جات مع الخدامات و شافها واقفا هي و يافا كيدويو و كانت دوات ليه عليها انها مشات و ما رجعاتش و أنها رتاحت ليها و هو ما دا ما جاب فيها تفصيل صغير فلت ليه و ما شكش فيه كلفو بزاااف كيبخ دخانو و عنيه حمرييين و نطق بصوت باح من قوت الكارو لي كما: طحتي بين يدي ابنت القح بة غادي نلعب بروحك كي بغيت… كي لعبتي بروحها و حرقتيها… غنوريك اللعب مع الباشى بشاحل غيطيح عليك
بقا تماك الليل كامل النعاس ما زاروش راسو خدام كيخطط باغي الطيح بين يديه بأي وجه كان…
هبط على كاسو فاش شاف نهار بدا يطلع و ناض كانت قريب الخمسة د صباح… طاحو فبالو بناتو لي تعرضو ليه قبيلة و كيفاش دار فيهم تنهد و خرج من لبيرو ديريكت لبيتهم…
دخل لقاهم ناعسين حدا بعضياتهم معنقين يعضياتهم و المربية ما كايناش حداهم
تنهد و طلع فوق السرير حداهم و بدا كيدز يدو على شعرهم بهدوء كيلوم راسو بزاااف حيت هملهم ما بقاش معاهم كيف كان ولكن ماشي لخاطرو ما قادر يدير والو في حياتو تا ينتاقم من لي دار ليك فحبيبتو ديك الحالة تا يرجع ليها حقها هي و ولدو لي قتلوه ف كرشها…
دخلات المربية لقاتو جالس معاهم تبسمات ونطقات: ما بغاوش يتعشاو غضبو و تا الفيلم ما بغاوهش… بغاوك نت ا سي قادر محتاجين ليك بزاف هوما تحرمو من ماماهم ما تحرمهمش منك حتى نت ..
قادر تنهد وحرك راسو بالإجاب و سكت… حطات هي قرعة دالما و خرجات خلاتو معاهم…
صباح جديد.. عند قادر دخل لشركة ديالو لي شحال هادي ما جا ليها … غادي و العنين كلها عليه لابس كومبالي كلاس في لكحل و داير يد في جيبو و يد هاز فيها طيليفون و من ملامحو و ديك التخنزيرة ديالو باين مشطووون ريحت للرجولة و الفحولة كتفوووح منو كاع الموضفات كيعجبهم بديك الكاريزمة ديالو و الهيبة…
دخل لبيرو ديالو من بعدما لغا كل الاجتماعات ديالو بالو غير مع ديك خيتي خاص يلقاها في اقرب وقت… وقف انفاص مع واحد الشرفة كبيرة كتطل على الشارع الرئيسي العامر و لكبير كيشوف لبعيد و الكاس دليوسكي فيدو… تا دقات لاسيسطون ديالو
قادر: دخل
خلات قربات لعندو: موسيو قادر موسيو ركراكي كيتسناك
قادر: قولي ليه يدخل و تأكدي انو ما يدخل عندنا حد…
لاسيسطون: داكوغ موسيو
خرجات و هو مشا جلس في لبيرو غير شويا و هو يدخل المحقق الركراكي: سي قادر سلام عليكم
قادر: وعليكم السلام… "اشار ليك للكنابي انفاص معاه" تفضل
مشا جلس: ميغسي… كانضن اسي قادر طحتي على مول دعوتك..
قادر: سي … راه صيفط ليك تصلورها فليميل ديالك بغيتك تجبدها ليا من تحت الأرض و تكون حية.. و جيب ليا كل المعلومات المتعلقة بيها…
المحقق: داكوغ مسيو قادر كون هاني غتكون عندك فأقرب وقت
قادر: لا بغيت غير نعرف بلاصتها بالضبط و لي بقا عليا
المحقق: صافي كون هاني و تسنا الإتصال ديالي..
خرج المحقق و بقا قادر راسو مع افكارو كيتفكر ايام قبل الحادث و الحوايج لي وقعو و علاقتو هو و يافا كيفاش ولات… تنهد توحشها بزاف كيتعذب بلا بيها خدا تيليفونو و بدا كيشوف في تصاورها و فيديوهاتها و يسمع صوتها و صوت ضحكتها صوت الحياة لي تسلب منو قبلما يتسلب منها فاش كان كل مرة كيوصلو فيديو في شكل من عند لي خطفوها… تعذبات بزاااااف عاد ماتت بأبشع طريقة… عنيه تحولو لنضرة قاسية شيطانية فور ما كيبدا يتفكر كيفاش ماتت و الضروف لي ماتت فيها… كانت حاملا بولدو هازا قطعة منو كاملة مكمولة كان باقي ليها قل من سيمانة على موعد الولادة… داوها و دوا قلبو معاها و حياتو…
داز داك النهار و جا نهار جديد عند جورية… متكيا قوق صدرو ناااعسة و عرياااانة من بعد ليلة مارسات فيها معاه بحال كاع الليالي… ناضت للحمام و هزات طيليفونها لقات ميساج من عند ختها حنان : "جورية حبيبة ديالي فين غبرتي شحال هادي ما جيتي لدار توحشتك… تهلاي فراسك و فاش تشوفي ميساجي جاوبيني "
تبسمات كتحس بهاد ختها أحن إنسانة عليها من بعد مها ما كتتخايلش راسها عايشا بلا بيها بدات كتكتب ليها تا هي : "حبي حنونة ما عندك مناش تخافي انا بخير مدوزة وقيتة قبلما نرجع لميريكان راه سيمانة جايا عندي طيارة مي قبل ضروري نتشاوفو "
صيفطاتو ليها و خرجات كتمسح فيوجها و لابسا تيشورت دسعد… شافت فيه لقاتو عاااد ناعس نعاسو ثقيييل و فنيااان اصلا… مشات لمراية كتمشط في شعرها شويا و هو طيليفونو بدا يفيبري و يشعل لبيل كيوصلو فيه لميساجات شافت فيه باقي ناعس ما جايب لدنيا خبار و هي تنوض هزاتو تشعل و بداو الميساجات كيطلعو واحد ورا واحد من عند اكثر من بنت و كل وحدة اش كاتب عليها طفاتو و تبسمات بجنب : ولد لق حبة عند بالك طايح على كنز ههههه باقي ما كتعرفنيش…
ضحكات و خرجات كطبخها فراسها باغيا دير ليه شي بلان مق. وووود…
بعد مرور يومين..
عند قادر جالس فطموبيل فنفس لبلاصة ليمرينيد فيدو جوان كيبخ الدخان و يشوف فالمدينة كيفاش ضواح بداو كيشعلو فيها مع ديك سبعة دالعشية… كيرتاااح فهاد لبلاصة بالضبط و كيحس راسو بحالا معاه… يافا فينما كان يوقع شي كشكل بيناتهم كانت كتهرب لهنا تكالما بوحديها بعيدة على كلشي … و كان هو كيتبعها مكيمشيو تا كيمشيو مصالحين.. قاطع سهوتو تيليفونو فاش بدا كيصوني … جيدو منو جيبو و عينو باقيا تابتا فنفس لبلاصة…
شاف شكون كيصوني و جاوب: وي كاين شي خيار
المحقق: وي سي قادر كاين راه لقينا لبلاصة فين كاينا .. كاينا ف *****
قادر تبسم ابتسامة غااارقة و عنيه دياقو ونطق: صافي صيفط ليا لوكال بالضبط و دوز لشركة خد حسابك نت و لي معاك
المحقق:واخا اسيدي
قطع و رما جوان و بخ اااخر بخة و حل واحد لمجر قدامو في طوموبيل كيبانو ليه جوج فرادا كوحل هزهم قاد ليهم التعميرة و شعل طيليفونو يشوف الساعة و هي تبان ليه تصويرتها مبتااسما و حلا عويناتها موسعاه زير على فكو تا سنانو تحاكو مع بعضياتهم و نطق : ما بقا والو و غنتاقم ليك غينعيشها الجحيم و نح رقها بنار باش حرقاتك و حرماتني منك …
رجع طيليفون لجيبو و ديمارا غادي لبلاصة لي قال ليه المحق لبلاصة فين فاليه كيلقها… مكسيييري حارق السطوب و عينو حمرين جمرات على الطريق…
عند جورية كانت في دارها مع سعد جالسا في حجرو كيتفرجو لواحد لفيلم دارعب متبعين معاه و سعد كل مرة فين كيبوسها و يتلمس فيها و هي غير كتضحك بدلال …
جورية: ممم سعد كتبغيني
سعد باسها في عنقها و مصها مصيصة كيلعب ليها على الوتر الحساس تا قلبات عينيها و نطق بهمس و يديه كيفتحو ليها في شوميز ديالو لي لابسا: ممم كنحمااااف عليك انا كنموت
عضات على شفايفها و دارت عندو دخلات معاه في قبلة داافية تحولات لقابلة شرسة كتحرك فوقو كي لحنش و هو يديه بجوج على طرمتها كيعجن فيها و يصرفق
و على برا كان وصل قادر شاف فطيليفون لقا هادي لبلاصة دلوكال تا طلع عينو في العمارة الطويلة و الفاخرة فين ساكنا و نطق:نتي هنا يا بنت القح بة
دخل للعمارة ركب في سانسور تا لطبقة فين لابارطومون ديالها وصل قدام لباب ما فكرش جوج مرات شد واحد من لفرادا لي داير ليهم كاتم الصوت و تيرا على لبلاجة تفرعات و هو يتحل لباب… دفعو برجلو ودخل
جورية كانت هي و سعد كيبوسو بعضياتهم تا سمعات صوت البلاجة فاش طرطقات بعدات عليه بالزربة: بعد بعد سمعت سوت زديح
بعدات عليه كتقاد فوقفتها و هو يبان ليها جاي من لكولوار و فيديه جوج فرادة بلعات ريقها كتحقق فيه واش هو … لا ولله تا هو الباشى نيت جاي عندها برجليه
قادر دخل بانت ليه كتبعد على صحيبها تبسم بسخرية و شاف فيها كيفاش كتحقق عليه و علامات الصدمة باينين على وجها… عينيها بالضبط اه نفس النضرة الحادة لي فيهم نفس لون لي تحفر فذاكرتو تا نطقات هي : الباشى
قادر زاد قرب عندها وحرك راسو بأه: هو هادا الباشى جا يقبط روحك …
بقات مشوكيا في بلاصتها و كتشوف فيه فنضراتو الحادة القاسية … سعد بلع ويقو كيشوف فيدين قادر جوج فرادا و يشوف في تعابير وجهو عرفو مناويش علا خير : شنو كدير نت هنا و بأشمن حق جاي هاجم علينا
قادر شاف فيه بيرودة و ما نطق بتا حرف هز لفردي فوجهو و تيرا فيه ديركت فوسط جبهتو تا د م ترش ليها على وجها و هي غير مخرجا عنيها و مصدومة شاف فيها قادر و قرب عندها و لفردي باقي جيهت اسعد لي ودع و نطق :شتيه ميت شتي دم ديالو طار على وجهك … هدي غير لبدية قتلتلك صحيبك حسي بنار لفراق شوية وندوزو لنار لعداب شوفيها شحال كتحرق انعيشك فجهنام قبل لاخرة
بقات غير كتشوف فيه و هو كيشوف فيها تا طلقاتها بضحكة طويلة قادر زاد خنزر فيها وهي جمعات الضحكو بطريقة مستفزة و رسمات على وجها ابتسامة خبيتة : ااااوه الباشى عجباتني هاد الدخلة ديال ام بي سي تو… هنيتيني من هاد شماتة لخاين ماعنديش مع شمايت.. كنت كنفكر كيفاش نتهنة منو وشمن طريقة ننتاقم بيها منو
وشافت فأسعد لي غارق فدمو في الأرض و هبطات عنيها لحجرو بكل جرأة: كان عاجبني غا زبو دابة الله يهنيه ….
ورادت طلقاتها بضحكة و كترجع بلور و هي كتشوف ف قادر لي تخنزيرتو ما كتبشرش بالخير … بقات كترجع لور و نطقات: اما بخصوص العذاب و الجحيم هادي لي عمرها تكون ليك "حركات راسها ب لا " ماغانخليش قلبك يبرد ما انععطيكش هاد الفرصة ونخليك تبرد فيا النار لي شاعلة فقلبك
بقات كتشوف فيه و تبعد تا قربات لبالكون و دارت كتجري بلاما تفكر تفضل تلوح راسها علا انها طيح بين يدين قادر حيت عارفاقادر الباشى اش كيسوا ولا طاحت بين يديه اش باقي تابعها… قادر خرج فيها عنيه و لحق عليها كيجري باغي يشدها مستحيل تفلت منو … تلاحت كتواجه الموت بلاما تفكر متهورة لأقصى درجة تا كتحس بيدو القاصحة تلوات على شعرها الطويل و جرها و هادشي كامل وقع في رمشة العين.. بقات معلقا من شعرها حاسا بالزغب دراسها كيتقلع من الجدر كتشوف تحتها كتلقا الهاوية رجليها معلقين في الهاوة حطات يدها على شعرها كتحول تفك عارف راسها لا طاحت بين يدو غيدوز عليها جهنم الكحلة غوتات:طلاااق ..طلاااااق
لكن هو كان قوا منها رفعها لفوق من شعوها جارها تا سلكات من لموت و شعرها باقي بين يديه مزير عليه وقف و باقي مزيرها من شعرها و هي قلبها كيضرب بالجهد و كتنهج تقابل وجهو مع وجها كتشوف فيه عنيه حمرين و عروق جبهتو برزو تا حسات بيه حاوطها من خصرها و زاد قربها ليه و نطق بصوت قاصح: تا الموت ماغنخليهاش تاخدك مني ابنت القح بة
ضحكات و هي كتشوف فوجهو و عضات على شفايفها و زادت قربات تا لعند شفايفو و نطقات بصوت أنوثي محلون: لهاد الدرجة كتبغيني الباشى
هبط عنيه ليها كيشوف الجرئة و التهور في عنيها حاس بنار شاعلا فقلبو كتستافزو و تلعب ليه على الأعصاب طلق من خصرها و جمع معاها بكروشي تا جات طايحا و نيفها بدا يدوز بالدم : الموووت البنت القح بة الموت غتولي تمنااايها معايا و وما غتلقايهاش … غادي نح رقك كي حرق تيها و رجعتيها رماد … دفل عليها و تحنا يهزها يديها لبلاصة فين ياخد رااحتو معاها… تا كيحس بحاجة قاصحة تهرسات ليه على راسو غوت و حط يدو على راسو جاتو الدوخة و ما حبساتش هنا طلعات معاه بكروشي تا هبط الدم من نيفو و نطقات وهي كتزيدو كروشي تاتي بكامل قوتها: ختك يا ولد القح بة راني جورية حارو فيا الرجالة ..مزال ماكاتعرفنيش شكا نسوة
تسلتات من بين يديه غاديا هاربا جيهت الباب يالله وصلات لباب غتفلت بروحها تا كتتجر من شعرها تا خواو بيها رجليها و بقات مجرورة من شعرها رجعها لور و قبلما تستوعب ضرب ليها راسها مع الحيط تا بدا الدم كيسيل ليها من جنب جبهتها و و هبط عند و دنها و هي داايخا و نطق بهمس: ما عندك فين تهربي مني… لاحها في الأرض و هبط عليها كيصرفها و هي ما مفاكاش فينما تاح حليها الفرصة كضربو بكل جهدها:ها حنا انشوفو شكون ايخرج منها راابح ...
وكطلع بيديها لصدرو وكتزير عليييه وهي متجر لاشوميز قطعاتو مخلية اتار ضفارها على صدرو بلخطوطة
قادر عصباتو و هو يجبد معاها بجوج كروشيات غيبها … بعد عليها كينهج و كيشوف في الروينة لي رون الدار و سيد لي ميت تماك مسح الد م من جيهة شفايفو ونزل عنيه ل لاشوميز كيف تقطع وصدرو كلو خباشي جيد طيليفونو و دوز نمرة لكارد الخاصين ديالو: غتجيو ل**** تكلفو
الكارد: صافي كون هاني اسيدي…
قطع معاه و شاف فيها باقي مغيبة ورجع دوز النمرة دالمربية و نطق دون مقدمات: غيهزك الشيفور داب نتي و لبنات ديهم لدار جداهم و تا لخدمات و جاردني خويو الدار ما نبغي نلقا فيها حد…
المربية بلعات ريقها كتموت منو بالخلعة: واخا اسيدي..
قطع معاها و شاف فهاديك لي قدامو مغيبة و وجها مدمغ.. وبعد عليها كيقاد حالتو و رجع تحنى عندها هزها فوق كثفو و خرج من ديك دار.. كانت العشرة دليل لكولوار خاوي دخل ليها ل لاسانسور ما علا بالوش يشوف لي بغا يشوف اصلا ضارب حساباتو من هادا شحال…
خرج من عمارة مخلي الحارس متبع ليه العيب وكيقول اشمن حساب عند مع هاد البنت ولكن اش دخلو هو لموهيم رابح من لافير…
عند قادر…
حل لكوفر ولاحها فيه و سدو ملامحو جامدة و دخل لطوموبيل ديمارا مشا لدار صافي وصل ليها وصل ل لي دمرات ليه حياتو وصل ل لي حرقات روحو و وصل لي قتلات ليه مرتو و ولدو بأبشع طريقة…
حلات عنيها بالشويا حاسا راسها كيحرقها و صحتها كولها عاطياها الصداع بلعات ريقها كتحاول تسترجع وعيها و فين هي و اشنو واقع وقفات بالدراع كتحاول ما طيحش كدور عنيها في لبلاصة فين هي بيت مضلم و بااارد بلعات ريقها و طلعات معاها انها طاااحت بين يدين الباشى طاحت بين يدين واحد ما عندو رحمة كثر منها زادت بخطواتها لقدام غاديا كتقلب بيديها تا حسات بشي حاجة شداتها من رجلها تا جات طايحا في الأرض جرات رجلها و هي تسمع حس السنسلة رابطها بسنسلة من رجليها كي شي كل بك ضربات يدها مع الأرض و غوتات مكرها من هاد لموقف فاش طاحت: و لق وااااااااااد حااال علياااااا حاااال
عياات تجر فالسنسلة وتحاول تحلها لقات راسها غا كتجرح رجليها لي ولات كتسيل بالدم
حطات جبهتها على الأرض غتحماق بالتفكير من اشنو جايها و اش ممكن يدير ليها ولات باغياه غير يق. تلها في أسرع وقت وهدشي مازال مادار فيها والو… بقات على ديك الحال تا كيتحل لباب ديال لبيت و الضواو بداو يتشعلو… طلعات فيه راسها بان ليها داخل بهداوة و كي قمل فيدين القاميجة و كلس فواحد الكرسي انفاص معاها و بدا كيشوف فيها و هو مبتاسم بجنب مخليها غير مراقباه بعنيها طلع فيه و تهبط تا نطق: مرحبا بيك في ضيافتي كي جاك بيتك جديد لبيت لي صدقيني غتعيشي فيه أسوأ ايام حياتك
بقات غير كتشوف فيه مخنزرة و هو كيتسنا اش غتقول تا وقف قرب عندها و هي باقي كتشوف فيه ما هبطاتش عنيها من عنيه تا شدها من شعرها بالجهد تا حسات بيه غيطير: اييي طلق الق. واد غندمك هدشي ما ايمشيش كيف مخطط كنخلف ليك انخرج منها مكي زغبة من لعحينة
قادر قابل وجهو مع وجها و شدها من فكها مزيرررر قريب يهرسو و نطق: دخلتي لدااري تخالطتي بمرتي و ولادي لعبتيها مزيانة و خطفتيها و عذبتيها و هي حاملة و حرقتيها هادشي كامل باش توصلي ليا انا …
جورية: اي اشنو كتقول نت اش كتخور
قادر: انا غنوريك اش كنخور
طلق من فكها و هبط عليها بتصرفيقة تا نيفها سال منو الدم و عاود ليها وحدة اخرى تا شداتها الدوخة وهي ما راصياش بيديها كضرب فيه و تحاول تفك راسها ماشي هي لي تخليه يضربها و يحبسها : رصا يا ولد الق. حبة غندم ديلمك
قادر كتجننو بهاد المقاومة ديالها و راسها ليابس لي ما باغاش تحدرو ليه نهائيا… شدها من عنقها خان. قها مزيييرعليها بيدو القااصحة تا زراقت و بدات كتلقف و تقمش ليه فيديه و تفركل تا صافي بدات كتشوف لموت و عنيها بداو كيتقلبو … قادر تا شافها قربات تقطع الحس عاد طلقها كتلقف و تكح بالجهد كتحاول ترجع النفس شافت لمووت بعينيها تا حسات بيه شدها من شعرها مزير عليها و قابل وجهو مع وجها مملامحو كيخلعو عنيه حمرين و هي كارد النفس وعينيها فعينيه: شتي شحال كنتي قريبة للموت …
بقا كيشوف فيها كتنهج و ترد النفس و ما مهبطاتش عينهت من عينو تا تبسمات وهي مزال كتنهج و عضات على شفايفها بنضرة ماكرة و نطقات: كتقصد الموت لي شافت مراتك ياك الموت لي داتها ليك هي نفسها ياك
ختمات كلامها بضحكة ماعرفاش انه كتزيد غا تشعل فقلبو لعافية وانه جنات على روحهاا بكلامها
خلات دمو يغلي من كثرت الأعصاب ما شعرش براسو حتا هبط عليها بكروشي لنيف تا طاحت مغيبا و وجها مدمغ لاحها من يدو و نفض حالتو و خرج من عندها مزال ما يق تلهاش تا يدوقها جميع انواع الع ذاب خرج من عندها حيت عارف راسو لا زاد بقة ايق تلها مافيهاش وهو هدشي لي باغي
طلع لبيت ديالو كيغلي حاس براسو غيتشق لحمااق شادو دخل كيهرس فأي حاجة لقاها قدامو كيبغي يحماق فاش فاش كيكتفكر انو ما بقاتش معاه … لقا قدامو قرعة دشراب هزها بدا يشرب منها باغي غا يغيب كيشرب وعنيه على تصويرتها لكبيرة لي معلقة في الحيط ضحيكتها و عويناتها لمشفرين لي كيفتنو مشات و خلاتو ضايع خطفوها من بين يديه لحق غير على رمادها جمعو و دفنو قلبو كيتقطع و صدرو شاعلا فيه العاافية ما قادرش يتقبل انها مشات… غيحماااق
هبط على ديك القرعة كانتمناصا على نفس وحدة تا كملها و شير بيها جنب الصورة تا تشتتات و غوت بجهد: ياااافااااااااا
سكت كيحس براسو ثقال عليه جلس فوق واحد الفوطوي كينهج مرجع راسو لور و كيسمع غير صمت الليل و الريح كي كيدور تا داتو عينو هاكداك…
صباح جديد..و بعيد على قادر هاد المرة…
كانو كيلعبو بجويجات في الجردة و معاهم سعد ولد خالهم … ونادية و هشام جالسين في الجردة مراقبينهم.. نادية حاضية زمرد كيفاش كتضحك كيفاش كتخنزر كيفاش كتتصرف و عنيها كيغرغرو بالدموع: شوف اهشام شوف تقول ما ماتت خلات موراها بناتها… شوف زمرد شحال كتشبه ليها غير عنيها فمها نيفها و دورة دوجها
هشام تبسم: اش زمرد كتشبه للمرحومة و سلطانة كاتدي لباها شويا
نادية تنهدات: اااه مشات لله يرحمها طالعا ف عام داب كنتحرق اهشام فاش كنتفكرها… ماتت هي وليدها لي كانت فرحانة بيه و كتسناه غير امتى يجي لدنيا
هشام: لله يرحمها بنتي ماشي خصارة فربي
نادية كتمسح دموعها: و نعمة بالله لله يرحمها هي وليدها مسكينة
بقاو جالسين معاهم هوما يلعبو و هوما حداهم خاضيينهم تا عياو عاد جاو يكملو فطورهم
سلطانة : جدي شتي سعد قال ليا نتزوج بيه فاش نكبرو
هشام ضحك و شاف في سعد: بصح اولدي
سعد: اه اجدي هي زوينة بزاف
نادية: اوا تاتكبرو اولدي … و شافت في زمرد… ونتي ازمرد غتزوجي فاش تكبري
زمرد حطات صبعها على فمها كتفكر: اه اجدا ولكن تا تولي عندي شركة كبيرة
بقاو كيضحكو على احلامها لي كبر من سنها و دوقها لي مختالف على دوق ختها و كملو فطورهم …
ناااعسة و عنقها معنز حالتها بدات كتتوسخ و وجها صفاااار و فمها بياض من كثرة العطش و رجعات حالتها ضرباتها الفيقة فاش تقالت براسها كانت غطيح … حلات عنيها حمرين و تحتهم كحل من قوة قلة النعاس و لعيا ثلاث أيام و هي هنا ما رجعش جا عندها من آخر مرة .. الجوع و العطش قتلها … ما عارفاش اش كيدور فراسو واش غيخليها هنا تا تموت بالبطيء ولا كيفاش …تنهدات حاسا بالسخفة و يديها كيرجفو و حطات راسها على الحيط مطلعاه لفوق و كتفكر شي طريقة كيفاش تسلك راسها و مطقات بزز : فففف خاص نخرج من هنا
دخل لدار لي رجعات مهجورة كانت عندو خدمة هاد الأيام ما جا ليها تا تفكر هاديك لي فلاكاف اتكون ماتت بلعطش هز قرعة دلما و قلب فتلاجة على شي حاجة تتكال..
هزهم و دارهم فواحد الصينية دالقصدير و هبط غندها… حل لباب بانت مرميا في الأرض و مغيبااا … حط ديك شي في الأرض و مشا عندها بدا كيفيقها برجلو: تهزي تق ودي
بدات كتحل عنيها مقلووبين و فمها بيض بالعطش و نطقات بصوت ضغيف بزاف: لما … ل ل لما
قادر حنا عندها و حل ديك القرعة دالما و شدها من شعرها كيشربها عاااد بللات جوفها و الروح رجعات فيها … حيد ليها القرعة من فمها خلاها ترد النفس… و حل دوك لحكاك دسردين دلقطوط و بدا كيكبهم فوق ديك السينية قربهم ليها برجلو بحالا غيوكل شي كلـ ب و نطق ببردة : تكعدي تاكلي باقي محتاجك فايقا باش ندير فيك ما بغيت و نتي واعيا و كتحسي
جورية شافت فديك الماكلا و القلب ديالها طلع قربات تتقيا هي نقية بزاااف و كتعاف من ابسط لحوايج لدرجة انو ماكلتها كتصاوبها بيدها باش تتأكد انها نقية و هو جايب ليها لماكلة بديك الطريقة دفلات عليه بالجهد لي بقا ليها :حلم
قادر تبسم بجنب عااارفها من النوع الموسوس بالنقا و بلعاااني دار ليها هاد لبلان ، ناض قرب لعندها و شدها من شعرها بقوسوة تا غوتات بالجهد و قرب وجها لوجهو و نطق بستهزاء : كوليه ولا خلي تا يدخلو الطوبات ياكلو معاك
نطق بكلامو لي زاد طلع قلبها و لاحها و ناض كينفض حالتو و خرج و خلاها مخرجا عنيها و كتقفز غير فكرة الطوبات كتبورشها عندها فوبيا منهم… بقات كتشوف فداك الطبسيل و ديك الماكلا و كرشها كتغوت بالجوع و زيد عليها البرد لي حاسا بيه مزالا لابسا لاشوميز دأسعد على اللحم شافت تا عيات و قربات ليها ديك الطبسيل و قلبها طااالع من ريحتو هزات اول دغمة داتها لفمها و بدات كتمدغ و قلبها طااالع حاسا بالحرقة و هي كتاكل فداك شي لي جاها غير عفن.. عنيها غرفرو و تسلتات دمعة منهم و هي ترجع تمسحها بالزربة ماشي هي لي تبكي وتنهار تموت و ما تخليهش يشوفها ضعيفة ليه : غندمك اقادر غير صبار عليا غنلقا طريقة باش نخرج
قادر كان لفوق فالبيرو ديالو حاط كاسو دويسكي و قدامو لبيسي كتبان كل تحركاتها فداك اللبيت فيدو تصويرتها ضاااحكا و هي بين يديه شادا سيلفي زوين و هو كيبوسها في عنقها تبسم بحزن و هو كيتفكرها كيقول يريت كون حبستها داك النهار يريت كون هي لي داب فداك لاكاف مخبيها ولا يفقدها بديك الطريقة القرب الصورة من فمو و طبع عليها قبلة طويييلة و تنهد بحصرة: غادي ننتاقم لموتك… غادي ندمها على ديك شي لي دارت فيك …
في بلاصة أخرى… خرج من لبيرو ديالو داير يد في جيبو يد هاز بيها لافيست ديالو غادي ل لاسونسور بعدما سالا خدمتو… لعنين كلها عليه… بمشتو الهماوية و عطرو الرجولي الفاخر لي سابقو وصل ل لاسونسور دخل ليه و هي دخل وراه بالزربة ما باغاش تفلتو عاضا على شفايفها كطلع و تهبط في ضهرو و كثافو لعراض و ديك لاشوميز لي مزيرااا عليه و بارزا جسمو الرياضي المتناسق… دار هو عندها جدبو عطرها كيشوف فيها كيفاش مبتاسما ليه زال هو تبسم ليها من باب الصواب و نطقات: محمد صافا
محمد "سمير" : وي لحمد لله
حركات راسها بالإجاب كيقتلها بهاد لختورية ديالو و كلامو لقليل… شافت فساعتها و نطقات: باقي لحال شويا اجي نتمشاو شويا ولا نديرو شي كافي
سمير: مرة اخرى انشاء لله
تنهدات من داك الرد البارد اي ما تفاجأتش منو و شدات فدراعو و قربات ليه اكثر كترمش في عويناتها: وعد ؟!!!
سمير شاف في يدها فين محطوطة و كيفاش قريبة ليه عطرها جذاب طلع معاه : صافي انشاء لله
وسعات ابتسامتها و تحل لاسونسور و خرجات قدامو كتتمايل طايتها زوينة محاافضا على رشاقتها و كل حاجة عندها في بلاصتها… نعل الشيطان و خرج من لاسونسور لطوموبيلتو و قلع لدار…
وصل وحل لباب… لقا لكااالم في الدار زاد دخل و هي تبان ليه يالله خارجا من الحمام ملويا فوطة قصيرة عليها ولبنوتة ديالهم نااعسا … تبسم مراقبها كيفاش كتتمشا على طراف صبعانها ما باغيش تفيق لبنوتة تا قفزها فاش نطق : اش كديري القطة ممم
سلمى قفزات من بلاصتها و شافت فيه و هطات صبعها على فمها باش يسكت و قربات عندو كتضحك: شششش سمييير غتفيق جوليا ما نعستها تا كشفاتني
سمير ضحك بخفة و جرها عندو كيبوس فيها : ممم هاد جوليا شغلاتك عليا بزااف
سلمى ضحكات مستمتعا بقبلاتو : هههه شششش داب تسمعك و تفيق
سمير مزال كيبوس فيها : لاء نديرو ديك شي غير بالشويا باشما تسمعناش و تحرمها علينا
سلمى ضحكات بالشويا و منساجمات معاه لكن عقلها مع جوليا لي في أي لحضة تقدر تفيق و ديك شي لي كان يالله بدا كيتعمق و يسلت ليها فديك لفوطة و هي تبدا جوليا كتبكي باغيا ماماها سلمى ضحكات على حالهم رجعو بحالا كيديرو لح. رام مع هاد لبنت: ههههه ها لي قلت ليك ها بنتك حبيبتك فاقت خليني نمشي نرضعها
سمير كان مخشع معاها مع شحااال هادي ما قرب منها حيت يالله كملات الربعين د النفاس : ششششش خليك موحشك خليها داب وهي سكتات
جوليا ما كتزيد غير تجهد في لبكا باغيا ترضع: لاء ا سمير خلي حتى نعسها راه باغا ترضع ما غتسكتش
سمير تنهد و طلقها و هي نطقات : نعوضها لحبيبي مرة اخرى…
حرك راسو بواخا كيتنهد حاس براسو شاااعل و عقلو كيجيبلو غا الوساوس… كيشوف كيفاش مأخرا ما بقاتش سلمى كتهتم بيه هو لول ولادو شركوه ولاو واخدين وقتها كاامل لدرجة هملااات راسها بزاااف ما بقاتش كيف كانت وزنها زااد و تا تضافتها الشخصية رجعات كتهملها…تنهد و مشا بدل عليه وتكا فيبلاصتو و هو مراقبها كترضع بنتها و تحن فيها تا نعس
الهدوء كيف العادة فداك لاكاف لمضلم… تنهدات حاسا بقاعها طاب منو الأرض و حالتها توسخات و ريحتها رجعات خايبا كتشم فراسها و قلبها طااالع عمرها وصلات لهاد الدرجة دالوسخ زفرات بالجهد مكرررهة من راسها:ففففف اش هاد الزمر وصلت ليه اش هاد الحالة ..
يالله هي مقاتلا مع راسها كتنكر تا دخل عليها قادر… طلعات فيه راسها و طلعات معاها ريحتو الرجولية لغاالية بلعات ريقها كتسناه اش غيقول كيبان ليها داير يديه فجيابو و كيشوف فيها ببرودة خنزرات فيه : شوف حالتي كيفاش ولات تعفنت فهاد لاكاف
قادر نطق ببرودة : اه و من بعد
جورية: بغيت ناخد دوش و بغيت حوايج جداد مدام مطولا معاك فهاد لمرض ديالك
قادر طول فيها الشوفة مضيق عنيه فيها و خرج بلا حتى كلمة خلاها غتكلاطا بالفقسة: فين غادي ازفت رجع خرجني من هاد الز. مر ديالك
بقات كتنهج عياااات من هاد الوضعية لمعفنة لي هي فيها تا كيبان ليها راجع و فيدو سطل ما عرفاتش اشنو فيه بالضبط خرجات فيه عنيها : اشنو هادشي اشنو غدير
قادر : ياك قلتي باغيا دوشي…
غير سالا اش قال ما خلاش ليها تا فرصة فين تستوعب … كب عليها ديك السطل لي كان عااامر بما موووسخ منعرف شحال و هو فديك السطل كان مغطوس فيه جفاف و ريحتو خااانزة … تا سالاه كاااامل خلاها مشوووكيا و لحمها كيقفز غير بوحديتو و عنيها خااارجين و نطق بسخرية: هانتي ها هو دوش معتبر يالله بالصحة و الراحة
جورية حساات بالقلب ديالها غيخرج ما حد كطلع معاها ديك الريحة دلخنز لي فالما و قلبها كيطلع صافي لعب ليها على الأعصاااب: لق. وااااااااااااااااد نت اشنو درتيييييي
قادر لاح ديك السطل و على وجهو ابتسامة مستفزة و هادي غير البداية مزاال مخبي ليها اشكال انواع دالعذاب… خرج وخلاها غتحماق ما مستحملاااش راسها: غنددددمك الباشى كنوااااعدك عندماااااك غندماك يا لق. وااااد
طلع من ديك لاكاف باقي كيسمع غواتها في الكولوار غير طلع لدار لفوق ما بقا كيسمعح والو حيت لاكاف عاازل … و خرج غادي يجيب لبنات من عند دار جداهم…
ف بلاصة أخرى… خرجات من لمول بعدما دارت شوبينك كلها حيوية و نشااط شعرها كهزو الريح و طايتها كتحمق تقول ما والدا… وقف عليها بطوموبيلتو تالف في مدينة جديدة عليه : عافاك اختي نقدر نسولك
سناء شافت فيه و تبسمات: اه اخويا مرحبا
وسع ابتسامتو عجبو صوابها: لله يحفضك عافاك انا جديد في لمدينة بغيت ****
سناء حركات راسها بواخا و هي قريبا منو يالله غتبدا تنعت ليه و هو يوقف عليها كي قباط الروح ما هضر ما تكلم بعدها هي بنترة و حل على خونا مول الطموبيل لباب خلاه غير كيشوف و طاح عليه بالكروشيات ما رحموووش و هي قدامو كضرب في فخاضها : مصطفى مصطفى اش كدير اويلي اش كدييير طلق منو غتق. تلوووو طلاااااق
دار عندها كي شي تور بعدما فكوه ناس من ديك خينا .. شدها من دراعها جارها لطموبيل و هي كتعتر في طالونها : اشنو كنباااان ليك انا ابنت لق. حبة هاااااه صافي عيييتي صابرة رجعتي لعوايدك …
سناء غير غادا و حشمانة قدام دوك الناس لي كيتفرجو و الشوهة و الشك دمصطفى لي ما كيزيد غير يكثر رجع عندو بحال شي مرض ركبو فطوموبيل و ديمارا معصب و هي كتحاول ما تفقدش اعصابها
مصطفى: رجعتي لتق حبين تاني ولكن عمر الهيات ينسا هزة لكثف
سناء صافي عصبهااا و طلع ليها هادشي ديالو فصحتها : واش ما غاتساليش من هاد المرض ديالك و هاد الشك و الوسواااس الخاااوي ديالك هاه
مصطفى: اشمن وسواااس ابنت الق حبة و انا كنشوفك كتفرنسي ليه و تقربي منو توحشتي ياماتك يامات الحرية و لخروج و دخول معامن بغيتي
سناء شافت فيه عنيها مغرغرين: اشمن كنفرنس ليه سيد سوا على بلاصة و انا بديت نعت ليه هاد الزفت و المرض ديالك ما باغيش تنسا الماض ديالي لي انا نسيييتو و نت باقي ما بغيتي تنساااه… حاايد منك هاد الشك و هاد الوسواااس عندك غير نت فراسك بوحديك انا راني مراااتك مرااااتك
مصطفى بقا غير ساكت كيسمع : الا بقيتي هاكدا انا منضمنش ليك اني نقدر نبقا عايشا معاك من لي تزوجنا و تا هاكدا معيشني في الرعب..
مصطفى طلع فيها راسو و عنيه حمرين كي الحمرات: اشنو كتقولي نتي
سناء: كيف سمعتي بدل من هاد الطبع ديالك حيت ما بقيتش قادرا نستحمل هاد الشك ديالك و هاد الغيرة لخاويا
مصطفى جرها عندو من دراعها و زير عليها و نطق: لفراق ما تعاوديش تدكريه على فمك ولا غترجعي تشرفي مصطفى لقديم…
ما كملاتش فيه شوفة و نترات يدها منو و دورات وجها لجهة لوخرا قلبها مغير من جيهتو وتصرفاتو طلعو ليها فراسها … تنهد هو و ديمارا مرجعها لدار كيف ديما..رجعات علاقتهم طوكسيك بزاااف و الشك ديالو ديما كيزيد
وصل الليلة والشتا كطيح خيط من السما وقف قدام المقبرة بطوموبيل عنيه مضلامين و ملامحو بااااردين ما عارفش راسو كيفاش وصل لهنا مرفووع… هبط هاز قرعة دالشراب فيدو ما هاموش الجو لي ماشي تا لهيه دخل بين لقبورة رجليه حفضووو الطريق لقبرها… وقف قدام قبرها كيشوف في الشاهد مكتوبة فيه سميتها و كنيتها و التاريخ لي تزادت فيه و التاريخ لي ماتت فيه و حدا قبرها قبر صغيور مبني ومكتوبة عليه ايوب الباشى… ولدهم لي لقاوه جنين ميت مرمي في مسرح الجريمة غمض عنيه ببرودة حمريييين كتقرا الحزن و الحرقة فيهم و لبرد كيضرب فيه و الشتا كتصب … كلس على ركابيه كيدوز على بيدو على القبر و غمض عنيه كيحس بنسمة دالهوا هادية عكس العاصفة لي دايرا بيه و نطق بصوت باااح حزين: توحشتك…
تنهد تنهيدة حااارة حاس بقلبو كيضرووو بزاااف.. ما قادرش بتخطا فراقها نهااائيا قلبو مجروح بزاااف من جيهتها… ما عرفش شحال دالوقت و هو حدا داك القبر غير ساكت و عنيه حمريييين على سميتها في الشاهد و كيتفكرها في كل حالاتها كانت معاه بحال شي فراشة كلها حيوية و حنان و طاقة و حب .. قدرات تعوضو على النقص لي كان عندو… وقف كيميل بدا الشراب كيلعب عليه و خرج من المقبرة ما قادرش يفسر ديك الإحساس من غير الألم … وصل لدار جااايب لكاااو سكرااان ما عافلش علا شحالمن قرعة هبط عليها كيضرب لقاصح… كان الحال مشا وكلشي في دار ناعس و الضلااام دخل كيميل و يتفكرها كيفاش كانت كتبقا تسنا فيه واخا كيجي معطل… تنهد بحرقة و لاح لافيست ديالو فااازكة كتقطر بالشتا و طلع لبيتو..
طلع كيتمايل مع الدروج راسو ثقيييل عليه … نصل لاشوميز ديالو لاحها هي و صباطو و بقا بصدرو عريااان … تلاح فوق لكنابي مرجع راسو لفوووق كيتصنت لديك الصداع لي ديما ولا مرافقو تا داتو عينو… غير شويا و هي تكلس على رجليه و حس بيديدتها رطيطبة محطوطة على وجهو حل فيها عنيه حمرين مقابلهم بعيونها لمرمشين … تبسمات في وجهو عاضا على شفايفها و نطقات بصوت أنوثي رقيق: قادر
بلع ريقو كيكدب عنيه واش هي ولا ماشي هي واش هي لي بين يديه ولا ماشي هي … زادت قربات ليه بدلع كتعض على شفايفها بشقاوة و نطقات: علاش ساكت واش ما توحشتينيش
قادر دااب فيها و فدلعها و في أنوثتها… توحشها بزاااف حط يدو على خصرها قريها ليه اكثر و نطق بصوت رجولي خااااتر: هادي نتي المطرمة
يافا ضحكااات و حاوطات عنقو بيديها: هي هادي هههه ما توحشتيش لمطرمة ديالك
قادر تنهد حاس بقلبو كضرب بالجهد: توحشتاااااااك المطرمة… مشيتي وخليتيني
يافا: انا معاك وديما غنبقا معاك
تبسم قادر و عينيه ناايمين في شفايفها … و تبسمات حتى هي و حطات شفايفها على شفايفو كتبوس فيه غير بالشويا في قبلة دافية خلاتو يغمض عنيه مستمتع بدفء شفايفها…
تا حس بكلشي تبخر فاش ضرباتو الفيقة… ولقا غير الضلام قدامو و هي ما مايناش معاه… بلع ريقو بغصة قاااصحة و راسو زند عليه كيحس بالصعررر غيقيصو و العااافية شعلات في صدرو و نطق بهمس: يافا …
وقف ما عارفش راسو اش كيدير … حل مجر و جبد لفردي ديالو قاد فيه التعميرة و هبط عندها شكون من غيرها لمرا لي ضمرات ليه حياتو و حرماتو من حبيبتو كيفاش هي مرتاحة لتحت و هو هنا غيحماق…
حل عليها لباب كتبان ليه نااعسة معنزا و حالتها حااالة كلها كتقفز… مشا عندها شدها من ذرعانها : تعزي تق ودي فيقي فيييقييي
فاقت مفزوعة كتلقاه حط الفردي تحت عنقها و ملامحو كيخلعو عنيه ناايمين و ريحت الشراب عاطيا منو بلعات ريقها كتشوف فيه بعينيها لحادين جامع غوباشتو و نطق: فينها عاد دابا كانت معايا فينها فينهاااااا
بلعات ريقها عرفاتو سكران و كيهلوس تا شدها من شعرها مزيررر عليها تا غوتات و زاد زير ديك الفردي في عنقها و نطق : دوي نطقي فينهااا فينهااا عاد كانت معايا داب عاد قالت ليا ماعمر غنتخلا عليك …
حطات يدها على وجهو كتمررها بالهداوة و نطقات بصوت انوثي هادئ : شششش قادر انا معاك
قادر شد عنيه و حلهم سكرااانين و نطق بهمس: يافااا
جورية تبسمات بخبث: اه انا معاك ا قادر
قادر ما قدرش مزال يصبر هجم على شفايفها كيبوس فيها و رخف يدو على شعرها و تا ديك الفردي… كانت متجاوبا معاه فقبلة جامحة كيتسمع صوتها فلبيت كاامل…. و هي كتبسم عرفات تلعب عليه حيت عرفاتو سكرااان و كيهلوس
تا طلعات معاه هو فاش تكاكا و هو يبعد عليها بالزربة زدحها مع الحيط ووقف شاد فراسو و كيشوف فيها هي لي طلقاتها بضحكة عاالية و هي كتشوفو فديك الحالة علاين يحمااق: هههه مالك الباشى ياك كنشبه ليها انااا هههه كتعرف تبوس العفريت
رجع عندها كي شي تور و هي كتضحك لاعبا ليه على الأعصاب بدا كيصرفق فيها : سكتيييييي سكتييييي سكتييييي نتي ماشي هي ماشي هياااااااااااا …
ما بعد عليها تا شداتها الدوخة ونيلها بدا كيدوز بالدم و هي باقي كتضحك و هي كتشوفو فهاد الحالة علاين يتسطا… خرج من عندها هايج تور صافي مشا ديريكت لابسين باااارد تلاح فيه كيحاول يبرد و افكارو مخلطين فراسو حاس بالحماق بدا يشدو …
جورية ناضت كتمسح في الدم من نيفها و وجها كيحرقها: فففف ولد لق. حبة فينما يقيصو الجهل يقصدني يضمغ ليا وجهي … ولكن ولد لق. حبة كيعرف يبوس هههه احححح عليك الباشى محترف…
صباح جديد..! سمير كان في البيرو ديالو غارق بين لوراق و الخدمة الكثيرة لي عندو ما حاسش بلوقت و ماداهاش انو وقت لبوز هادا … دقات لباب فاش شافتو ما خرجش و دخلات عندو كتقلب عليه بعينيها: محمد ..
طلع فيها راسو ما سمعهاش فاش دخلات طلع فيها حاجبو: آنسة شيماء
شيماء: احم وقت لبريك علاش باقي ما خرجتيش
محمد طرطق عنقو بحركة سريعة: غيمنا رديتش لبال مع الخدمة
شيماء قربات عندو: هههه اوا ها انا جيت نفكرك يالله نهبطو نتغداو انسومبل وترفي بوعدك
سمير تبسام بهداوة و وقف مفاصلو كيحرقوه بقوة لكلاس هز لافيست ديالو: اوكي يالله
شيماء : مفاصلك كيضروك بقوت لكلاس خاصك شي مساج ترخي عضامك
سمير حرك راسو بواخا و فتح ليها لباب هي لي كطلع فيه و تهبط كياخد عقلها بديك لختورية ديالو : تفضلي امادموزيل
خرجات هي لولا و هو من وراها كتهضر و تقرب منو و هو كيجاوب على قد السؤال ماشي حيت ما حاملهاش حيت هاداك هو طبعو… هبطو لواحد ريسطو قريب لبلاصة دالخدمة تغداو تماك..
قادر الباشى..!!
كان هو لبنات على الطبلة دالماكلا فجو كالم لبنات على غير عادتهم ساكتين عرفهم قادر واخدين موقف منو حيت موالفين ما كيسكتوش ديما كيسولو و يجبدو في المواضع…
قادر: زمرد … سلطانة … مقلقين ما باباكم ؟!
بقاو غير ساكتين ورجع هو كمل : واش غضبانين عليا
طلعات فيه سلطانة راسها: لاء ابابا حنى ما كنغضبوش غير مقلقين منك حيت ما بقيتيش كتوفي بوعودك
زمرد هزت كثفها بدلع بحال لي كانت كدير يافا :لاء انا غضبااانة منك ما دويش معايا
قادر وسع ابتسامتو جابت ليه الضحكة جاتو غير يافا محطوطة قدامو سبحان لله نسخة طبق الأصل على ماماها : فخبارك كتشبهي لماماك فكلشي
زمرد بلاما اشعر نطقات: واش بصح ابابا
قادر: اه بصح تا هي كانت غضابة بحالك و صعيب ترلضيها
سلطانة: و انا و انا ابابا كنشبه ليها ؟
قادر : معلوم كتشبهي ليها فالقلب لكبييير لي عندك
ناض عندهم عنقهم عارف راسو داير لفالطة معاهم : كنواعدكم غير تسالي واحد الخدمة عندي و نسافرو ب 3 بينا ناخدو عطلة طويلة
زمرد و سلطانة بداو كيبوسو فيه فرحانين: ياااي احلى بابا…
عند جورية… كان الفردي بين يديها كتشوف فيه و تتبسم بخبث لبارح فاش كان قادر سكران ما ردش ليه لبال انو نساه عندها كان مرفوووع: ههههه طلعتي مكلخ الباشى.. ناسي لفردي هنا … عطيتيني فرصة من ذهب نهرب و نصفيها ليك …
بقات كتلعب بيه بين يديها: فففف ولكن ما نقتلكش تا ندوزو شي ليلة فاعلا تاركة هههه ندوقو ز ب لباشى هههههههههه
كان الفردي مقادا فيه اتعميرة و حطاتو على ديك السنسلة باش رابطها دورات و جها و ضربات القرطاسة اللولا ما فادت بوالو و ضربات الثانية و الثالثة تا تفتتات ديك السنسلة و طلقاتها: احححح و داب ندوزو لباب ليووم نصفيها ليك الباشى نتبعك بمراتك
مشات لباب لقات ما عندها تا حاجة منين تتحل عرفات انو كتتحل من برا … ولكن غات تحاول بدات كتيري في الباب ولكن بلا حتى شي فائدة خوا ليها لفردي: ازمرررر زمرررر اش هاد الزهر عندي خوااا لفردي ااااوف منك اجورية اااوووف بعد لمرات كتتصرفي بلا عقل … ولكن ماغنستسلمش..
عند قادر … نعس لبنات و شد ليهم الخاطر هاد الليلة و دخل حدا دوش و هو يتفكر جورية … خرج من بينو هابط عندها … وصل لباب حط غير البصمة ديالو تفتح لباب و دخل كيقلب عليها بعنيه.. تا كيحس بضربة قااااصحة بين كتافو تا تأوه بالجهد و طاح على ركابيه في الأرض… كانت جورية لي تخبات ورا لباب و تسناتو يجي غير حسات بيه و هي توجد راسها… ما كتفاتش بديك الضربة زادتو ضربة وحدة اخرى لراس تا طاح في الأرض : هانت يا ولد لقح بة شد … عند بالك غنحني ليك اراس دير فيا ما بغيتي
قالت كلامها و خرجان كتجري فديك لكولوار … خلاتو يالله كيوقف على رجليه حاط يدو على راسو لي كيدوز بالدم : بنت القح بة ما عندك فين تهربي
خرج تابعها كيجري واخا باقي ادوخة شاداه… طلعات لفوق كتقلب على لباب مع كان اضلام و هو من وراها تا قربات لباب و هي تحس براسها تجرات من رجليها تا جات طايحا في الأرض
جرها بجهد من رجليها لعبات ليه على الأعصاب : ما عندك فين تهربي ابنت الق. حبة غتخرجي من هاد ادار مكفنة
شدها من شعرها جارها و هي كتفركل تا عكلاتو جا طايح فوقها: بعد ليا من شعري يا لق. واد انا لي غنتبعك بمراتك حبيبتك
هبط عليها قادر بتصرفيقة تا دار وجها وعاود ليها اثانية و شدها بقجة من عنقها: سكتي يا لق. حبة قطعييي حسك ما تجبديهاش على فمك
حطاك يدها على صدرو هبطاتو ليه كولو بضفرانها كتترطا و ما كتخليش دقتها تا عصبااااتو هبط عليها بتصرفيقة تا دار وجها و بقا كيشوف فيها و ينهج… دارت كتشوف فيه عنيها كتساراو بين ملامحو الحادة وريحت لجيل دوش المنعشة لي كتعطي منو و ديك الفحولة ديالو… عضت على شفايفها و زربات عليه شدات وجهو بين يديها و حطات شفايفها على شفايفو بجقااتهم ليه خلاتو مخرج عنيه … دفعها عليه بالزربة و هي كضحااااك: اححححح على شفايف عندك الباشى غير دتشلقييييم
قادر شدها من شعها: واش ابنت لق. حبة خارج لأصل مك لعقل …
جورية عضات على شفايفها بإنحراف: فوقما تاحت ليا الفرصة غنبوووسك الباشى
طلقاتها بضحكة عااالية و هو نوضها سارها من شعرها مرجعها ل لاكاف و هي كتترطا منو عصباتو و هو يهزها فوق كثفو حل ديك لباب و لاحها تماك: هنا غتبقاي ابنت لق. حبة ما غتخرجي تا نخرجك في ميكات مكردة…
جورية: حلم
زدح لباب و سدها و طلع كيغزل و الدم لي داز من راسو هابط على ضهرو مشا لكوزينة هز الثلج دار على راسو و طلع لبيتو عاود دوش و خرج لبالكون هاز قرعة دشراب في يديو و تصويرة يافا بين يديه … كيشوف في تصويرتها و يفكر راسو أنو هاديك لي لتحت هي السبب فموت اغلى ما عندو…
سناء _ مصطفى … !!
وقفات قدام لمراية كتقاد الحلقات ديالها فودنيها دايرا ميك اب ناعم بارز ملامحها لفتانين و حداها مرجانة بنوتها كالسا كتشوف فيها و تلعب برجيلاتها: مامي فين غنشيو…
سناء شافت فيها من لمراية: حبيبتي غادي نمشيو نزورو خالتو يافا في المقبرة و ندوزو لواحد لبلاصة نقضي شي شغل
دخل مصطفى مع هضرتها سمعها اش قالت طلع فيها حاجبو: فين بالسلامة
سناء شافت فيه بملل: صباح لخير
مصطفى : فين غتمشي فهاد الصباح لمدراسة دمرجانة لي دايرا بيها السبة ليوم ما غتقراش
سناء هزات صاكها و مدات يدها لبنتها: اجي ابنتي يالله .. و شافت في مصطفى… غنمشي نشوف واحد لاباغ فين نبدا لبروجي و ناخد لكاغط دالمقاول…
مصطفى خنزر و زاد عندها: كديري غير لي فراسك اسناء اش قلت ليك انا على لخدمة
سناء ببرودة: تعطلت امصطفى..
تخطاتو غاديا للباب تا حسات بيه شدها من دراعها و جرها عندو عاض على سنانو مشربن: سناااااء متلعبيش لربي على لأعصاب
سناء تنهدات عرفات راسها غتحرام عليها هاد الخرجة هبطات راسها فبنتها لي لسقات فيها حيت سمعات باباها غوت تبسمات و نطقات: بنوتي تسنايني برا ندويو انا و باباك شويا و نخرج عندك نمشيو اوكي
مرجانة: ولكن اماما
سناء: متخافيش احبيبة ديالي شعلي مشا فطابليط ديالك ولا التلفازة و تسنايني
حركات راسها بواخا و خرجات كتجري عزيز عليها طابليط… دارت سناء عند مصطفى و نترات يدها منو : واش حمق لبنت تعقدات من تصرفاتك لمراض ديما لغوات لغوااات واش ما عييتيش من هاد العيشة دالشك و هاد المرض ديالك
مصطفى شدها من عنقها قربها ليه اكثر: ما غنعياش حيت عارفك رجليك خارجين الشواري و عنيك زايغين
سناء طولات فيه اشوفة: عرفتي شنو كنحسد يافا حيت ماتت و تهنات تا هي من واحد كان معقدها فحياتها و شاد عليها في الدار… يا ريت انا لي مشيت في بلاصتها هي على الأقل راجلها ما عمر شك فيها …
مصطفى: اش كتخوري نتي
سناء: عندك الصح منين رجعت ليك من بعدما ضربتيني و تعديتي عليا تا طاح ليا ولدي راني غير كنخور
مصطفى بلع ريقو كيشوف في عنيها العتاب لي هارب وهي كملات: مالك سكتي ممم تقاضاو ليك امصطفى
ضحكات بإستخزاء و دفعاتو من عليها و نطقات: خاص نطلقو في اقرب وقت حيت لعيشة بيناتنا حرامت
مصطفى عقد حجبانو و جرها بلاما يشعر من شعرها غير مجرد كلمة لفراق كتشعل فيه لعاافية : واش كلاوك عضامك تاني رجعتي لهبالك
سناء: طلق ليا من شعري امصطفى طلاااااق
مصطفى كيدوي و يزير على كل حرف كيقولو : غترجعي تمسحي هاد لكمارة و تكلسي فدارك تقابلي راجلك و بنتك ولا غتشوفي معايا لي ما عمرك شفتيه
سناء كتشوف ليه وسط عنيه لحمرين بعينها ادامعين: شنو غادي دير غضربني و غتحبسني غادي تزيد غير تكرهني فيك و في انهار لي عرفتك فيه
مصطفى عض علا شفايفو بلغدايد تا قرب ادم يسيل منهم و نطق: غتقطعي لحس ولا اقسم برب الكعبة تا تنساي شي حاجة سميتها لخروج
سناء تبسمات بسخرية و هو مزيررر على شعرها: و شنو الجديد… هاه اشنو الجديد
مصطفى صافي لعبات ليه على الأعصاب اصلا ديجا غير لبارح تناكرو علا بلان لبروجي و هي شدات الضد و دارت غير لي فراسها … دفعها على السرير و هو فوقها و نطق و يدو على عنقها عروق عنقو و جبهتو باااارزين رجع كيخلع: هنا غتبقاي و ديك لبروجي نسايه معايا ما خاصك تا خير و لفراق نساااايه ولا اقسم برب الكعبة تا ندوقك لمراااار ا سناء راه مكتعرفينيش مزيااان
سناء كانت كتسمع لكلامو و عنيها كيدوزو بالدموع كتقول واش هادا هو اراجل لي نقدها من ديك الطريق العوجة فاش كانت واش هادا هو اراجل لي ضحى بكلشي على قبلها واش هادا هو اراجل لي عشقاتو و تمنات تكمل معاه حياتها …كتافات بكلمة وحدة خلاتو يتصمر في بلاصتو: كنكرهك
دورات وجها لجهة لوخرا ما حاملاش تشوفو و هو بقا غير كيشوف فيها اثر خصومتهم لبارح وااضح في عنقها بعد عليها حاس براسو ماشي تا لهيه و خرج من لبيت سد لباب و هي تسمع صوت اساروت ضار عرفاتو سد عليها تكمشات على نفيسها حاسا براسها ما قاداش مازال على لعيشة معاه و نطقات و هي كتبكي بحرقة: له ياخد فيك الحق
عند قادر…!! كان فبيتو واقف قدام لمراية في دريسينك كيلبس عليه و هو ينتابه لأثار ديال لخباشي طوال على طول صدرو من ضفران جورية فاش كانت كتحاول تهرب لبارح تحسسهم بيدو و هو مخنزر و نطق: بنت لق حبة انا نطير لمك دوك الضفران من الجدر
لبس عليه و هبط خدا مقص صغير ديال الزبارة دجاردينيي و مشا لعندها
دخل بهداوة و فيدو ديك المقص كانت هي نااعسة متكيا في الأرض و مكمشا على راسها باينا فيها بردااااانة… جلس فواحد الكرسي قدامها كيشوف فيها و صفر بالجهد و نطق: ااااااااايه تهزييييي تق ودي
فاقت مفزوعة كتشوف مع جنابها تا بان ليها انفاص معاها جالس فوق الكرسي ريحتو طلعات معاها كتقللل بدات كتتسارا بعينيها على جسمو و نطقات: لباشى … خير لاش جيتي ياكما توحشتيني
قادر تبسم بجنب و نطق: بحالا علمك لله القطة…
جورية تفاجأت من كلامو كيبان ليها مكااالمي على غير عادتو : هههه اوا مرحبا بالباشى عندي
قادر وقف و في يدو ديك المقص كيلعب بيه و يشوف فيها هي لي بلعات ويقها عرفاتو ما ناريش على خير… : ااا ال اشنو هاداك فيدك
قادر تحنا لمستواها و هز داك النقص قدام عنيها:هادا جبتو على قبلك القطة دوك اضفران عندك طوااال بزاااف انا غنطير مهم من الجدر كاع باشما تبقايش تقمشي
هي بلاما تحس دارتهم ورا ضهراها و بدات كتحرك راسها بلا بهستيريا: لا لا لا ما غديرهاش لااا ما غنخليكش ديرها
قادر تبسم بخبث كيشوف الخوف في عينيها … شدها مزيااان حاكمها و شد وحدة من يديها و حط لمقص عليها: شششش ما تخافيش مغنطيرش ليك صبعانك داب غنطير غير اضفران اصبعان مرة اخرى
جوية غتحمااق كتحاول تفك راسها و هو حاااااكمها مزياااان : طلااااق طلااااق يا لق وااااد عندم اصل مك طلااااق طلااااق
قادر ما داهاش فيها و بدا كيحد بالضفر و هي كتغوت ربي لي خلقها مع كل ضفر كيطير قلبها كيبغي يسكت تا طيرهم ليها كاااااملين و خلا ادم كيشرشر منهم و هي سخفااااات تسااكات بقوة لغوات… بعد عليها كمينشل يديه من الدم : هااا داب عاد ما بقيتيش قطة … لمرة جاية نطير ليك ديك اللسان اسليط … هادي غير لبدية مزال جايك ع. ذاب اشكال و انواع…
جورية شدات يديها عندها كيتزادحو و عاطيينها حريق دلموووت ما قدراتش تحبس دموعها من قوة ما حساب بالحكرة تقهرات: غادي ندمك … غااادي نق تلااااااك اقادر عنقت لاااااك
قادر تبسم بسخرية : الا خرجتي من هنا حية ديري ما بغيتي
لاح ليها هاد جوج كليمات و خرج خلاها غتحمااق بلحريق و طلع هو لبيتو عااادي تقول ماشي هو لي داب كان كيطير لسيدة فضفرانها ما حاسش بتاشي ذرة دالندم…حيت تا هي ما حناتش فيافا فاش كانت كترغبهم ما يآديوهاش و هوما كيع. ذبو فيها … دخل للبيت ديالو و وقف قدام صورتها و نطق: غادي ندوقها اضعااف ديك شي لي دارت ليك
نهار جديد … قادر كان مراقب زمرد جالسا فوق واحد الكوسي بعيدة عليه كتلعب برجيلاتها و شادا الشكلاط في يديها كتاكل منو و ساااهية من بعد حصة مع ابسيكولوج ديالها… تنهد و دار عند لبسيكولوج لي متبع حالتها من نهار ماتت ماماها: سي قادر ما عندي ما نخبي عليك الحالة النفسية دزمرد غاديا و كتتضهور… هي عارفا ماماها ماتت و لكن كتحاول تنكر هاد الحقيقة …
قادر : و اشنو لمعمول
لبسيكولوغ: خاص تبعدها على التوتر و ما خاصهاش تتعصب تا ترصل لسن لي نقدرو نعطيوها فيه دوا.. ما خاصش داك الإنهيار العصبي يتعاود ليها حيت تقدر تمشي في غيبوبة هاد المرة… حاول تدير ليها خاطرها لي قالتها ما ترفضهاش ليها حيت ماشي ساهلا كيفاش سمعات لخبار دموت ماماها
قادر حرك راسو بواخا و عينو عليها و كمل الذكتور: بقا تكلس معاها و تسمع ليها ما تهملهاش
قادر تنهد و وقف هادشي ما كيزيد غير يأزم حالتو و يفتح جرحو العميقة مشا عندها هزها هي لي مرخية و ساااهية تكات على كثفو و غنقاتو: بابي
قادر تبسم يحزن: زمرد د باباها نمشيو ناكلو ايسكريم غير انا وياك
زمرد : ياااي نمشيو ابابي ديالي و نديو تا لسلطانة كلاص ديالها
قادر: واخا ابنتي
خرجو من العيادة ركبها فطموبيل فلكورسي لور و قادها فالكرسي دالأطفال عاااطيها الخاطر حيت هي أكثر وحدة تأثرات بهادشي لي وقع … حيت تلقات خبر موت ماماها على غفلة قالتها ليها وحدة من لبنات لي كيقراو معاها قالت ليها ماماك ماتت بالعافية كانت صدمة قوية عليها بزااف و هي صغيرة جاها انهايار عصبي خلاها تغيب و تدخل لوبيطال في حالة حرجة…
داز الوقت و كانو لبنات كالسين كيلعبو في الجردة حدا لابيسين… كل وحدة شادا موتيكتها و كتهضرها و تلبس ليها و منساااجمين في اللعب تا سلطانة كيبان ليها باباها طالع من لاكاف وفيديه شياطة دلماكلة دلكلاب … ضيقات عنيها فيه متبعاه تا غبا من قدام عينها و سكتات شحااال حيت ما مرة ما جوج كتشوفو كيهبط تماك شافت فختها و نطقات: واااو زمرد بابا داير لينا مفجأة عندو كلب لتحت
زمرد كتضفر لمونيكتها و شافت فيها كتحماق على الحيوانات: وااااو واش بصاااح يالله نمشيو نشوفووه عااافاااك
سلطانة: يالله زيدي …
ناضو وحدة مور الثانية دخلو من الجردة تا شافتهم المربية: سلطانة زمرد اجيو وقت لغدااا
زمرد: ااااف واخا هاحنا جايين اخالتو
مشاو يتغداو و عنيهم كيدورو ف راسهم كلاو بالزربة … و ناضت المربية و الخدامة من قدامهم وهوما يهبطو كيتسلتو كان لاكاف مضلم شي شويا بقاو غاديين اول مرة يدخلو لهاد لبلاصة فلاكاف…
زمرد شيرات ليها بصبعها : شوفي اسلطانة كاين باب تماك…
سلطانة: اه تماك غيكون لكلب
وصلو قدام لباب د داك لبيت : شوفي هنا كاين كود…
سلطانة : اه فففف اشنو غيكون زعما
زمرد حطات صبعها على فمها كتفكر: مممم ديري من واحد لربعة
سلطانة: واخا
دخلات ديك لكود ولكن طلع غلط: ااااف غلاااط و بقات لينا غير جوج محاولات شوفي
زمرد : مممم صباري كنشوف في الأفلام دوك ناس كيديرو شي رقم عزيز عليهم فلكود…
سلطانة: ممم يكون عيد ميلاد بابا
زمرد : لااااا بابا ديك انهار فلحفلة لي دار لماما قال ليها احسن نهار في حياتي هو من لي تلاقيت بيك
سلطانة: اااه غيكون دايرها انديروها نشوفو …
ركبات لكود و كان هو نيت التاريخ لي تلاقا فيه قادر ب يافا المنفى في الزنزانة ديالو
سلطانة: يااااي ولله تا هو
زمرد: شفتي انا ذكية…
دفعو لباب ملهوفين يشوفو لكلب لي عند بالهم تا وقفو مصدومين فاش شافوها مرمية في الأرض وحالتها حااالة شبه مغيبا و كلها كترجف زمرد شدات يد ختها: سلطانة شوفي مرا
سلطانة: اه بابا مخبي مرا هنا شوفي راها مريضة شوفي الدم في يديها
زمرد : نقربو عندها ؟!
سلطانة: اه اجي نشوفو
قربو عندها كيتفحصوها بعينيهم قلبهم الصغيور كيضرب من منضرها… قربو عند وجها و جلسو على ركابيهم و بدات سلطانة كابعد الشعر من على وجها: اييي مسكينة وجها مضروب شوفي
زمرد: اه كلها فيها اجراحي … مدات يديها لوجها كدوز عليه بالشويا… خالتو فيقي عافاك قولي لينا اشنو وقع ليك خالتو…
بدات جورية كتحس بيديداتهم اصغار على وجها كيقيصو ليها الضرابي لي عاطيينها لحريق… حلات فيهم عنيها حمريين و عرقااانة بالسخانة كتقول راها غير كتهلوس اش جاب هادو لهنا : نتوما شكاديرو هنا
سلطانة : شكون ضربك اخالتو
جورية بعدات عليهم ما زال عند بالها غير كتهلوس و هوما بجوج كيشوفو فيها و مخلوعين حاسين بقلبهم كيضرب بزاااف
جورية غمضات عنيها و حلاتهم مرة اخرى عرفات راسها ما كتحلمش بلعات ريقها كتشوف فيهم مزيااان باقي عاقلا عليهم واخا زادو كبرو شويا
زمرد كتشوف فيها و قربات عندها بفضول:شكون نتيا و علاش نتي هنا واش درتي شي حادث
جورية سكتات شويا كتدورها فراسها مزيااان و تبسمات بخبث عرفات انو لبنات هوما مين تقدر تشد قادر و تضمن خروجها من هنا في أقرب وقت حنحنات و تقادات في الكلسة واخا صحتها كلها كتزادح عليها : احم انا سميتي جورية انا صاحبت ماماكم
زمرد و سلطانة خرجو فيها عنيهم و نطقات وحدة فيهم: وااااو واش بالصح ولكن علاش نتي هنا محبوسة.. و شافت في رجلها لي مربوطين بجوج بالسنسلة .. و علاش دايرين ليك هاكدا فرجليك
جورية دبلات ملامحها بحزن مصطنع: باباكم هو لي حابسني هنا حتى تجي ماماكم عاد يطلقني
زمرد : لااا وعلاش حابسك هنا
جورية: ما نقدرش نقول ليكم حتى تجي ماماكم
سلطانة عنيها غرغرو بقاااات فيها بزاااف و هي بديك لحالة مدات يدعا ليديها لي تعفنو ضفرانهم: واش كضرك يدك
جورية حركات راسها ا اه : كيضروني بزاااف
زمرد شدات يدها كتصوط عليها بالشريا : ماما كانت كتنفخ ليا جروحي و كيبراو بالزربة تا نتي عتبراي
جورية تبسمات ليها و نطقات: نوضو داب سيرو و خليوها سر بيناتنا ما تقولوش لبابكم انكم شفتوني بحال مع ماماكم تا هي كنت كنتلاقاها بالسر و وصلتني عليكم
سلطانة : واااااو واش بصح ماما غترجع
جرية: اه داب ترجع غير سيرو داب قبلما يجي باباكم يلقانا و يضربني
ديك شي لي كان ناضو كيجريو خرجو من عندها و سدو لباب و طلعو كيجريو و فرحااااانين علاين يطيرو حيت عرفو ماماهم راجعا… جورية عرفات كيفاش تلعب عليهم و تخليهم يبيغيوها من أول لقاء تبسمات بخبث و نطقات: هادي هي ورقتي الرابحة جات تا لبين يديا بنات لباشى هوما لي غيخرجوني من هاد الحبس …
نهار جديد عند التوأم … حاطين اراس على راس و عنيهم كيدورو سالاو غداهم مع المربية و ناضو كيلعبو دارو راسهم كيلعبو فيالجردة غير بان ليهم الفلتة و هوما يهبطو لعندها تاني … حلو لباب لقاوها نااعسة و هي جالسا وجها صفرررر و وزنها نقص بزاااف …
زمرد: خالتو جورية ها حنى جينا عندك عاود تاني
جورية فاقت فزعانة لقاتهم قدامها كحلات بلعمااا ما عندهاش لكانة تشد ليهم لخاطر قربات ليها ليغيكل : حبيباتي جيتو عندي
سلطانة اه اخالتو … راه ما قلناهاش عليك لبابا ما تخافيش ..
جورية تبسمات و بدات كتلعب ليها بشعرها: مزيااان برافو عليكم .. اجيو واش نتوما تغديتو
زمرد: اه اخالتو تغدينا و نتي
جورية حركات راسها بلا : لا كاعما تغديت و فيا لموت د جوع… نوضو جيبو ليا شي حاجة ناكلها عافاكم و فاش تجيو نعاود ليهم واحد القصة زوينة بزاااف
سلطانة وقفات: واخا اخالتو غنطلعو نجيبو ليك تاكلي… يالله معايا ازمرد…
ناضو كيجريو مشاو يجيبو ليها تاكل و هي نطقات: فففف لبراهش خاص تا هوما نشد ليهم لخاطر و نعاود ليهم على القصص زمر داب منين غنجيب ليهم هاد القصة … بعدلمرات كنبقا غا كنخربق… ففففف
غير شويا و بانو ليها رجعو عاودتاني و في لماكلة زمرد هازا تا العصير في قريعة ديالها د دراري الصغار : خالتو هاهي لماكلا
جورية: اااو شكرااا احبيباتي كنموت بالجوع
سلطانة: بصحتك اخالتو
حطو ليها داكشي بدات كتاكل و اتبنن شحااال هادي ما ما داقت شي ماكلا بنينة … تا سلااات و تكرعات بالجهد خلاتهم مصدومين و كيضحكو
زمرد: خالتو جورية عاودي لينا على القصة لي قلتي لينا
جورية في نفسها : فففف لبراهش دنم اش غتعاود ليك انا … دوات معاهم : احم واخا قربو نعاود ليكم
قربو عندها كيسمعو ليها و هي بدات كتعاود و ملامح وجها ما بقاوش مفسرين: كانت واحد البنت زوينة بحال شي ملاك عايشة وسط مها وباها وختها..عائلة متكاملة فرحانة بزاف حتى كيتشد باها فالحبس على يد واحد الشيطان "خرجات عنيها فيهم كتخلعهم " هنا بدات كتمشي لفرحة شوية بشوية ولاو كيتسناوه فوقاش يرجع كبرات ديك لبنت و وولات فالعشرينات و باباها مازال ما رجع كتشوفو فالزيارات من بعد تمنعات عليهم الزيارة تا جا الوقت لي قالولهم ايخرج فرحااات بزاف عاد شافت الفرحة فعيون ماماها حيت كانت عايشة هي وياه قصة حب زوينة من قبل زواج تا تزوجو فرحو ...حتى كيصيفطو ليهم باهم فكفن ميت على يد داك الشيطان هنا كلشي تبدل….
عنيها دمعو كتحس بواحد الغصة قااصحا في حلقها: الام ماستحملاتش تشوف راجلها فداك المنضر ماتت بالفقصةموراع وخلات بناتها ..دازو اعوام وديم الملاك تحول لشيطان حاقد على لي تسبب ليهم فداكشي فدخول باها للحبس وفموتو على يديه وفموت مها ولات باغة تنتاقم منو وتحرقو فقلبو كيف حرقها فقلبها فاعز الناس ليها…
سكتات عنيها حمرين كي الجمرات و مدمعين … كل كلمة قالتها كانت بحال لملحة على جروحها .. حياتها لي تضمرات و لقات راسها بزز منها خاص تبدل شخصيتها و تقصح قلبها … و تتخلا على بزااف دلحوايج في حياتها رجعاتت تابعا غير الإنتقام زيرات على فكها و تسلتات دمعة من عينيها مسحاتها بالزربة و لبنات مراقبينها حساب ليهم تأثرات بالقصة
زمرد: صافي اخالتو ما تبكيش غير قصة هادي
جورية شافت فيها ببرودة: هادي ماشي مجرد قصة هادي حياة واحد لبنت
سلطانة: و فين هي هاد لبنت اخالتو
جورية بعدات عليهم كتمسح دموعها و تحاول تشد راسها ما تنهارش: ماديريش فبالك نوضو داب سيرو قبلما يجي باباكم وكيف اتفقنا صداقتنا تبقا سر بيناتنا…
في بلاصة أخرى… غاديا جايا في بيتها و طيليفونها في يدها كتصوني عليها لكن والو ما كتجاوبش شافت فيه كالس مرتاح كيتفرج و كأنو ماشي بنت عمو لي مختافيا اكثر من شهر داب و ما لقاوش ليها الأثر
حنان علاين تحماق: و باااز ليك بااااز لوجهك لبنت غبرات باتت ما صبحات و انا علين نحماق كنقلب عليها و تا مبرااد تقول ما كتجيك تا حاجة
عمران "راجلها" تنهد بملل: ففففف تاني بديتي ا حنان راه كبييرة واش انا غنبقا حاضيها راه تكون مع شي صحيبها
حنان غوتات بجهد كيستفزها ببرودو: واش كاتذب على راسك ولا عليا صاااحبها لقاوه مقتول و مرمي وهي اااخر وحدة كانت معاه عييت ما نقلب وااالو القضية مضمووسة و مسدودة من جميع النواحي
عمران: واش ما عارفاش ختك نتي راه كل مرة مع واحد فشكل صافي نسايها عليا وديها غير فراسك و فلحمالة ديالك و انا غنتولا هاد القضية..
حنان عارفاه غير كيدير ليها خاطرها اصلا تصرفاتو هو و عمها مأخرا ولات غريبة كيحاولو ما أمكن ينسيوها فختها: اقسم بالله أ عمران و نعرف انك مخبي عليا شي حاجة او كتنوعر نت و عمي شي حاجة ورانا انا و ختي ولله تا ندمك.. عتابرو اااخر نهار غتشوفني فيه
بلع ريقو و وقف حط يدو على يدها و جرها كلسات حداه فوق اناموسية و نطق: ششش اش كتقولي اش وصلنا لهاد الهضرة جورية راه بحال ختي تا انا خفت في لول عليها مي ما كاين حتى دليل انو واقعا ليها شي حاجة ياك هي موالفا كتغبر
حنان حركات راسها ب لا :ماشي لهاد ادرجة مكانتش كتغبر لهاد ادرجة بلا حتى ما تصيفط ليا انا متأكدة واقعا ليها شي حاجة اعمران هي لي بقات ليا نحماق لا مشات حتى هي
عمران عنقها حاط راسها على سدرو: ششش ما تخافيش كالم طول ماشيري انا غنتكلف بهاد القضية بنفسي غير تهدني …
كانو الألوان دايرين بيهم و هوما ناعسين على كرشهم و كيلعبو برجيلاتهم في اسما… كيرسمو و يلونو و الصباغة ملطخة شي شويا من وجهم… تبسمات زمرد فاش سالات رسمتها و هزاتها بين يديها : شوفي اسلطانة اشنو رسمت شوفي…
سلطانة طلعات راسها في الرسمة و تبسمات عجباتها: وااااو ازمرد زوينة بزاااف … شكون هاديك لي وسطنا واش ماما
زمرد حطات الرسمة في الأرض كان فيها مرة و جوج بنيتات شادين فيديها: لاااا هاديك خالتو جورية ماشي ماما و هادي انا و نتي
سلطانة: وااااو زوينة اجي نعلقوها تماك في الحيط مع باقي ارسمات…
زمرد: واخا نوضي نعلقوها ..
ناضو بجوجات وحدة ورا اثانية كيتعافرو معاها يلسقوها فواحد اصبرة كبيييرة فيها كاااع اللحضات ازوينة ولي ما بغاوش ينساوها تصاورهم مع يافا و مع قادر رسماتهم قديمة و بزااف د ذكريات… و جورية داب ولات بالنسبة ليهم حاجة زوينة وقعات قدرات تحببهم فيها و يعتابروها صديقتهم رجعو ما كيفلتش لفرصة باش يهبطو لعندها كيهبطو ليها لماكلة و لما فاش كيطلق قادر عليها اجوع …
علقوها ورجعو يكملو رسمهم…
و هي كانت لتحت فديك لبيت باقي ديك اشومبز لي تقطعات فوق ضهرها كانت مكمشة على نفسها غتموت بالبرد و كرشها عاطياها احريق دلموووت جلسات ضاما رجليها عندها و هي تحس بيها كتهبط بحال شي سقاية تطلقات زيرات على عنيها بصخط: اااااوف تا هاد ازمر هي لي بقات ليا من لحساب
تكات على لحيط كتصنت على ديك لحريق عرقااانة كتمووت بالسخان و في نفس الوقت حاسا بالموت دالبرد… ما جاوش عندها لبنات هاد انهار عرفاتهم ما لقاوش كيفاش يديرو… سلمات امرها ل لله و اكمشات كتتصنت لداك لحريق
نهار جديد… كانو لبنوتات مع قادر في طوموبيل راجعين من لمدرسة سااهيين باينا فيهم مقلقين… قادر كان كيدوي في طيليفون ما منتابهش ليهم وصلو قدام ادار .. دار عندهم نطق : هبطو نتوما المرضيات داب انا عندي واحد اشغل ضروري خاص نقضيه
سلطانة حركات راسها بالإجاب : واخا ابابا غير سير
هبطات هي و ختها شادين فيدين بعضياتهم و قادر متبعهم بعينيه حس بيهم هاد الأيام بدات نفسيتهم كتتحسن و رجعو لهواياتهم تبسم فاش دارو عندو دارو ليه باي باي قبلما يدخلو و صيفطو ليه بوسة في اسما كي كانت كدير يافا نيشاااان تنهد فاش تفكرها عارف راسو عمر يقدر ينساها: خليتي أثارك في كل بلاصة فينما كتمشي كنشوفك قدامي…
عند لبنات طلعو لبيتهم كيجريو بدلو عليهم بمساعدة المربية و هبطو يتغداو و هوما غير كيدورو في عنيهم باغيين يهبطو عند جورية.. غفلو المربية و الخدامة و هزو الماكلا و هبطو عندها كيتسلتو…
خلات زمرد لباب بحماس و دخلو : خالتو جورية هاحنا جينا عندك
جورية غير شافتهم تبسمات كتشوفهم جايبين لماكلا فيديهم هاد ليومين ما جاوش عندها و قادر ما رحمهاش واخا عرفها مريضة جاب ليها ماكلا دلكلاب : حبيباتي جيتو توحشتكم
مشاو عندها عنقوها واخا كتعكر فينما قاصوها وجها من لي جابها قادر لهنا ما براش من لعصا… حطو ليها ديك لماكلا بدات كتاكل و هوما كيشوفو فيها كتاكل بشراسة فيها اجوع بزاف… كانت زمرد كتعض على شفايفها بتوتر و باااغيا تقولها شي حاجة … جورية شافت فيها عرفات من تصرفاتها عندها شي حاجة: ااايهو اشنو كاين بغيتي تقولي ليا شي حاجة
زمرد حركات راسها بأه و عنيها تحقنو بالدموع: اه اخالتو … عرفتي واحد البنت كتقرا معانا ديما كتتحكر عليا انا و سلطانة ديمااا ديمااا كتقول ليا هضرة خايبا على بابا و ماما ديك المرة هي لي قالت ليا ماما تحرقات بالعافيا…و قبيلا دفعاتني و دفلات عليا و قالت ليامنا عندكش ماماك…
جورية : و نتي اشنو درتي ليها ما قلتي ليها والو
سلطانة: لاء ما قالت ليها والو قلناها ل لاميتخيس ولكن هي بدات كتكدب عليها و دارت براسها انا و ختي ضربناها و لاميتخيس تيقاتها و عاقباتنا ما خرجناش نلعبو في الإستراحة و هاديك بدات كتحرك لينا حجبانها من برا اشريرة لوخرااا
جورية : وعلاش ما دافعتوش على راسكم و شديتوها نتفتوها بجوج
زمرد حطات يدها على فمها: اااايييه لاااء ماما كانت كتقول لينا ما تضربوش لبنات قدكم حيت تصرف خايب
سلطانة حركات راسها بالإجاب و بقاو كيبكيو بجوج مقهوورين من لحكوة لي تحكرو و ما قدرو يقولوها لحد من غيرها تنهدات كتشوف حالتهم كيشهقو بلبكا مقهورين قالت مع راسها ما معلماش تا بناتها يدافعو على راسهم بحالها نيت ديك شي علاش ماتت : صافي شششش قربو عندي نقوليكم الحل ديال هاد شي قربو…
قربو عندها و هي تبدا: غتشدو غدا ديك لبنت و غتحاماو فيها نتي وختك وحدة تشد ولوخرا طيح في الأرض و كلسو عليها كتنتفو ليها في شعرها و تضربو فيها تا تبدا ترغبكم تطلقوها
لبنات خرجو فيها عنيهم و نطقات وحدة فيهم : ويلي اخالتو هادشي لي غنديرو ما مزيانش
جورية : اوا صافي سيرو و خليوها تضسر عليكم و تبقا تضربكم و تتنمر عليكم
سلطانة:لاء اخالتو ما بغيناهاش تبقا تحكر علينا
جورية اذن ديرو هادشي لي كنقول ليكم بالحرف و غتشوفكم غتبقا تخاف و تهرب و كلشي غيبقا يحتارمكم
زمرد: صافي اخالتو انا غنضربها و ندفعها فلما كي دارت ليا ديك المرة
طلقاتها جورية بضحكة على تصرفاتهم اصغيورة و تا هوما بقاو كيضحكو معاها و زادت كتوصي فيهم و تعلمهم كيفاش يطايفو…
في بلاصة أخرى…كان صوت بكاه العالي مسموع في لبيت كامل كيبكي و يلاغي برجيلاتو و يدياتو … تا جات المربية كتجري هزاتو بين يديها كتراري بيه بحنان: صافي ابابا صافي صااافي ما تبكيش هاني جيت اولدي هاني جيت صافي
بقات كتراري بيه تا سكت بين يديها و بدا غير كيشوف لعنيه و يتنخصص و هي كتلاحض فيه و في عنيه بالأخص لي كانو كيلمعو بلونهم لكرستالي و نطقات و هي باقي ساهيا فيه : سبحان الله كيشبه غير لماماه نفس لون العينين تبارك لله …
بقات كتراري بيه و تتفكر لبعيد سااهيا في عويناتو لي كيف قالت نسخة طبق الأصل على ماماه..تانهدات فاش شافتو غمض عويناتو و نعس بهدوء حطاتو في كونتو و كلسات فكرسي حداه لا يرجع يفيق تاني …
في بلاصة اخرى … زمرد و سلطانة كانو كاسين حدا بعضياتهم و كيشوفو فيها من بعيد كتبوس فماماها و نشوف فيهم كتقلي ليهم اسم غير شويا مشات ماماها و هي تم جايا لعندهم كتعوج وصلات عندهم و نطقات: شتو ماما جابتني هاد اصباح و باستني ماشي بحالكم نتوما ماماكم تحرقات بالعافيا … كتدوي و تحرك ليهم حجبانها
زمرد ضيقات فيها عنيها بغيض و نطقات: عرفتي الاما ما مشيتيش كنتفوك انا و ختي
سلطانة وقفات كتأكد هضرة ختها: اه غنتفوك
هاديك لبنت ضحكات و دفعات زمرد تا رجعات لور: هههه سكتو نتوما فيكم غير لهضرة
سلطانة شافت فزمرد و غمزاتها و هوما يهجمو عليها بجوج طيحوها في الأرض و بداو كينتفو ليها في شعهرها و يضربوها في راسها كيبردو غدايدهم فيها و هي كتغووووت ربي لي خليفها و تبكي : طلقوووني طلقوووني ااااي شعري
شدوها بجوج من شعرها : تعااودي الح مارة تعاودي
البنت: لا لا لا منعاودش غير طلقوووني
زمريد ضرباتها فنيفها: تعاودي تقولي على ماما و بابا هضرة خيبا
البنت صافي تساكات بلبكا: لا لا منبقاش نعاود
واخا عيات ما تغوت كانو ما كيحبسوش عطاوها قتلااا دلك لاااب تا جاو المعلمات كيفكوهم من فوقها مصدووومين فيهم ما عمر شافو منهم تصرف بهاد اشكل… البنت ردوها حالتها حاااالة و جها كولو ضرابي و شعرها مشنتوف و كلها كترجف
و زمرد و سلطانة كانو واقفين و كيتفرجو لأول مرة حاسين براسهم دارو حاجة ريحاتهم ما كيهمهش الهضرة لي كيقولو المعلمات…
مشاو للمكتب دالمديرة عيطات على أولياء الامور ديالهم…
زمرد كشوف فيهم بهدوء لا هي لا ختها تا نطقات المديرة: زمرد سلطانة اش هاد اتصرف درتو
زمرد بقات ساكتا وسلطانة جاوبات: هي لي كتجبدنا
هاديك البنت خرجات فيها عنيها و بدات كتبكي و تمثل: لا كتكدبي انا قلت ليكم غير صباح صديقاتي و نتوما ضربتوني
زمرد خرجات فيها عنيها هاهي تاني غتبدا تمثل: سكتي الكدااابة قلتي لينا نتي عندك ماماك و حنا مامانا تحرقات بالعافية و بقيتي كضحكي علينا
المديرة : واش بصح هادشي اسرور
سرور: لااا كتكذاااب
زمرد تجننات عليها مشات ليها عودتاني شداتهامن شعرها كتضرب فيها وتبعاتها سلطانة معاونين فيها عياااات المديرة متفك والو كتفك سلطانة كتلقا زمرد كتريش فلوخرا و هي كتغوت ربي لي خلقها
تا تخلات لباب دلمكتب و دخل قادر و مامات و بابات لبنت سرور.. قادر تصدم كيشوف في بناتو هاايجين كيريشو فديك البنت و لمديرة طيحا تا هي تعكلات لموهيم زادو كملو ليها لباهيا… عمر شاف بناتو فهاد الحالة صدمووه غوت بسمياتهم بالجهد: زمرد سلطانة طلقو من لبنت اش كديرو طلقووو
سلطانة و زمرد غير سمعو صوت باباهم ناضو من فوقها و ركلاتها سلطانة عاد بعدو… و ام و اب سرور شداتهم اسخفة فاش شافو حالت بنتهم كيفاش ولات…
كان جالس و كيشوف في بناتو انفاص معاه جالسين و كيسمعو و ما باينش نهائيا حس اندم على وجهم… تنهد و حرك راسو بأه : عارفهم مي هادشي جاني عجب بناتي مربيهم و عارفهم اش ميسواو مايمكنش يتعداو عليها بلاما دير ليهم شي حاجة
بابات سرور معصب خاصو غا فيمن يلسق: اش مربي اش … طالق كلوشارات ماشي بناتواكن اش غنتسنا من بنات حباس …
بقاو غير كيدورو في عنيهم و ساااكتين و كيشوفو في بعضياتهم كيتفكرو هضرة جورية .. خاص تبقا صداقتهم سر
قادر كان مراقب تصرفاتهم عارف مزيااان انو هادشي لي داروه موراه شي حد هو لي حل ليهم لعنين: نطقو شكون قاليكم ديرو هاكدا
زمرد بدات كاععض على شفايفها بتوتر و سلطانة نطقات بهمس : تا حد ابابا
قادر ضيق فيهم عنيه و نطق: صافي ما بغيتوش تقولو انا غنعرف بنفسي …
بقاو غير ساكتين و هو ما بغاش يضغط عليهم حيت عارف راسو غيعرف يعرف و بطريقتو…
وفجهة أخرى… وقفات ورا باب المكتب حاطا ودنها كتتصنت لعمها و راجلها اش كيقولو عياااتما سمعات وااالو … تا تحل لباب في غفلة منها … تا كانت غطيح..رجعات لور كتبلع فريقها و لونها تخطف.. و هوما كيشوفو فيها عمها طلعها و هبطها بشوفات ناقصين و عمران خنزر فيها و شدها من دراعها : كنتي كتصنتي علينا
باه شعل سيكار ديالو و نطق قبلها يمشي: ربي مراتك و تعلم تتحكم فيها
زاد و خلاها مخنزرا فيه و عمران مخنزر فيها جرها غادي بيها لبيت و هي كتتنتر منو تا وصلو دفعها لداخل و دخل و زدح لباب معصب: اشنو دوك التصرفات ديال لق حاب لي رجعتي كديري تاني
حنان صرفقاتو بحر جهدها: اااخر مرة تقيصني بيدك لموصخين الكذاب…
عمران لقرودة بداو يتناقزو فوق راسو شدها بجيفة من عنقها و زدحها مع الحيط بالجهد و نطق معصب: تعاودي تطولي عليا يدك غنحر اصل مك نتي و هادا لي فكرشك عييت ما صابر معاك و على هبالك لي طلع ليا فراسي .. غتبقاي فهاد البيت محبوسة تا ديري عقلك و ترجعي لراجلك كيف كنتي
حنان دفلات ليه وسط وجهو: واخا تحبسني نت و باك هنا حياتي كااملا معمر غتنسيوني في ختي لي مدة و هي مختاافيااا… درتو ليها شي حاجة نت و باك ..
طلق منها ضراتو فراسو بموضوع ختها: هاد لوسواس ديالك غيضمر كلشي زوين بيناتنا ا حنان لحد الآن كندير المستحيل باش ما نخسركش ولكن نتي مرضتي ومرضتيني معاك
حنان ضحكات بسخرية: على اشمن حرايج زوينين بيناتنا كتدوي لعصا لي متعطيني فاش كنوقف في وجهك نت و باك ولا ريحت لعيالات لي كتجي فيك كل ليلة … "شافت فيه بإشمئزاز" من الأحسن ما تبقاش ترجع توريني كمارتك حيت طلبت طلاقي دويت مع المحامي و قريب غتوصلك الإستدعاء يالله خرج عليا داب …
يتبع...
التعليقات
لا توجد تعليقات بعد، كن أول من يعلق.