محتوى القصة
أصعب شعور على الإنسان هو يكتشف راسو كان عايش فوسط كذبة كبيرة ، وكان مجرد أداة عندها وقت معين وتولي غير صالحة ..
..كتحس بإحساس كيمزق قلبها لقطاع ومكانت جواد مبقتش فيه تلشات كليا،،،، رغم أنو نكرها وتفلا عليها ولكن مقدراتش تحيدو بخطرة من قلبها ولكن ملي تيقنت أنا ݣاع لي عشوه كان فقط كذبة رسمها ليها كيف بغا وخلاها تيقها هنا تمحى أتار الحب من جيهتو فقلبها، تفكرت الغيرة لي كان كيمثل عليها والإهتمام
وتفكرت أول لقاء ليهم ( نهار شد شفار ليخدا تليفونها ، ) كانت خطة منو باش يدخل لحياتها على أساس بطلها الخارق
وݣاع لقاءاتهم كانو بتخطيط منو وماشي صدفة كيما ضنت ,,, مسحت دموعها كتسنا مها طلع ليها لعشوب
ضمت كرشها بقوة كطلب السماحة من داك الجنين ليمعندو ذنب فهاد تخلويض كلو من غير والديه لي معندهمش العقل
سمعت صونيت فتليفونها ، هزاتو تطفيه معندها ݣانا تسمع حد ولا تسوف حد بان ليها الرقم ديالو ، حست بقلبها كيضرب بأعلى قوتو
يالله غتقطع دخلت مها :شكون معيط
حسناء:هو
فاطيمة:جاوبي وديري المكبر
حلت المكالمة بيديها ليكيترعدو ودارت تكبير الصوت حست برجفت أول مسمعت صوتو
جواد:حسناء
..غمضت عينيها تنزلو دموعها:شنو بغيتي
جواد: حاملة ؟
حسناء : مبقاش كيهم
جواد"بصوت مجهد": باركة من تمرضين واش حاملة ؟
شفت فمها لكتشير ليها تجاوب: أه حاملة ولكن غير تهنا دبا غننزلو عطيني غير تساع
جواد: توقع شي حاجة لداكشي ليفكرشك خراك ميجمعوه شراوط
..بالله بغت تهز معه فالهضرة جرات منها فاطيمة تليفون : شوف أولد خدوج ياتجيب طسيلتك فأقراب وقت نجمعو هاد الفضيحة يهادشي ليفكرشها تنزلو غير خفنا من هاد الذنب أما والله لعطيتها لك راه مشيطاش
جواد"جمع قبضتو من الأعصاب عدوه ليسمعو لهضرة ":شتيني أنا غنحمق عليها كون مداكشي ليفكرشها عمرها تعتب داري كنشري الغالي أما رخيص عطاه الله
قطعت عليه فاطيمة كتشوف فحسناء ليكتجري لطواليط كترد
..تنهدت براحة ملي قتانع يتزوجها بعدا غير يسترو الفضيحة ومن بعد يحن الله
خرجت حسناء كتبكي: أنا مبغيتوش باقي ولد الحرام سمعتيه أش قال عليا
فاطيمة: وراه ݣال الحق نتي ليعطتيه راسك فابور بغيتي يقيمك ولا شنو ديري عقك خليه يݣول ليبغا تزوجو دوز 4 شهور والله يهنيه
خلود"ببتسامة كتشوف فلبنت وترجع تشوف فسهام": واش من عائلتك أياسين
.. قبل ميجاوب نقزات سهام: أه انا بنت خالتو
خلود"سلمت عليها بالوجه":سمحيليا معرفتكش أختي لباس عليك
سهام"عينيها معلقين فياسين":لباس لحمد لله شكون نتي حيت عمري شفتك من عائلة خالتي فاطيمة ولا عمي لحاج
ياسين:خلود تحركي
خلود"دارت ليه حركة بوجها بمعنى حشومة ": انا مرتو
تخطف لون فوجه سهام من كلامها ورجعت كتشوف كل إنش من خلود بنت زوينة باقي صغيرة كل حاجة فبلاصتها ، بصاح تاهي زوينة وعندها حقها من كل حاجة ولكن الغيرة دارتها أنها تشوف مرت طليقها لي ندمت عليه مجتهاش ساهلا
وكون ما ولدها باش لوى ليها طليقها يديها عمرها كانت تدير ديك الفعلا
خلود'بان ليها ياسين بعد من حداهم': سمحيليا أختي راجلي زربان نتلقاو فساعت الخير ،
مشت بلا متسنا جواب سهام
شدات فدراع ياسين وتمو خارجين من السوق
خلود: ويلي حشومة مهضرتي مع البنت ماسولتي على خالتك
.. تفكر بلي مفرسهاش بلي ديجا مزوج ، وتا هو نسا معلمهاش وحيت كيدوزو وقت زوين مبغاش يخصرو بهد السيرة فضل يخلي الموضوع من بعد ": مكنسلمش مع العيالات
تمخششت فيه برضى: الله يرضي عليك أحياتي
" شاف فيها بشوفة قتالة هي بوحدها ليكتفهمها"
خلود" دارت يديها على فمها حابسا ضحكتها":مكتحشمش
ياسين"شير ليها لطموبيل ركبي ركبي ": وحنا باقي ݣاع مهضرنا
خلود: عارفتي كاينا حديقة التماسيح هنا قريب فدرارݣا نمشو ليها ديما كيعاودو ليا عليها زوينة
ياسين: ديجا مشيت ليها مع العائلة ، وخا أتيمساحا ديالي نديك عند خوتك
"ضحكت من قلبها ديك الضحكة لمجهدة بلا صتناع : لا لا ماشي خوتي الحيبان ديالي
.. كمش حجبانو مخنزر فيها: إوى بناقص منها
خلود"خرجت عينيها": أويلي من نيتك التماسيح ليبقاو لينا ندابزو عليهم
ياسين"هز يديها باسها": مكرهتش نحطك فشي قرعة نخرجك غير ملي نبغيك
خلود: مسيو پخوپك أنا تبقا تسيق بيا ياك ؟
ياسين "مركز مع طريق بعينيه وودنيه عندها": نبقا نخرجك بليل نسرحك ونرجعك
خلود"حركت راسها بإجراج وضربت الطم"
....
ݣالسا فاطيمة فسيجور وكأس الويزا قدامها، حست براسها تكالمت شويا بعدا راه غيتزوجها وتجمع ديك الفضيحة يالله هزات لكاس ترشف منو ،سمعت لانتليفون ، مشت براسها لباب حلاتو بانت ليها مها وخوها
.. سلمت عليهم وبقات كتجاحد مع خوها يدخل مبغاش كان باين عليه مغير ، دخلت لدار هي ومها كيسولو على أحوالهم
فاطيمة:ݣاع معلمتيني غتجي ليوم
يطو: وعلاه جيت بخاطري، راه ديك المنحوسة دمرت ولدي ليخلاتني نجي
فاطيمة: مالها ؟
يطو: مالها وخداه من جيب ولدي كلاتو ، الله يخليها بالخلا ، مهزا ليه الهم غير كتجمع وتدي لتريكتها وباركا تفصل وتخيط ولكن سمعتهم ليها تا طحت كتخبط مع الأرض
فاطيمة"دارت يديها على وجها ، عاد فهمت مال خوها": أمي الله يهديك أش بغيتي زمر تتجبيها غير فعباس مسكين
.. قفزو بجوج من صوت الدقان لي سمعو بحال ديال البوليس
طلت فاطيمة بانت ليها رقية وبنتها مليكة ،عاد حلت وهي باقي مخلوعة من داك الدقان
فاطيمة: رقية لباس
رقية"بملامح حادة ونبرة غاضبة ":خلا فيها ولدك شي لباس أفاطيمة ، مكرفص ليا كبدتي
"فاطيمة مبقت فاهما والو كتحس بودنيها كيصفرو كلشي تخلط عليها : أش كتݣولي أختي رقية !؟
رقية "جرات مليكة من شعرها جابتها لقدامها بزعفة وكشكاشها خارجين": ها ولدك أش دار فبنتي صيفت ليكم البنت تعاونكم وتهلاو فيها ماشي يغت" صبها ولدك ويرزيها فشرافها
.. دارت فاطيمة يديها على قلبها، كتحس به قرب يوقف كتشد فرقية ليكتشالي بيديها وتسب فولدها : الله يستر عليك غير دخلي لدار ونهضرو متخليش الناس يديرونا مسكة ففمهم
رقية: خايفا غير على سمعتكم أما بنتي لهلا يݣلب
.. جراتها فاطيمة بزز مدخلها لدار : شنو وقع أختي رقية غير فهميني راه ركابيا كيترعدو
"شيرات بيديها لمليكة لكتبكي دايرو وجها بين يديها": ولدك أمين تعدا على بنتي ملي مشيتو لأكادير ، وراه درت ليها سرتافيكا لاحتها ليها هانتي شوفي
خرجت يطو على كلامها ،غير لمحتها مليكة جرات عندها معنقها":خالتي رزاني فشبابي أخالتي خرج على حياتي وشكون غيشوف فيا باقي
يطو" دفعتها من عليها ونطقت بشوية": قلبتيهم أليهوديا ياك وصيتك على ياسين
.. غوتت مليكة على جهدها: والله تا هو لي تعدا عليا شدني بزز وكرفصني ، كتزول شعرها":شوفي عنقي كيدار ليه شوفي حالتي كي رجعت
رقية:الله ياخد فيه الحق ياربي البوليس لي يفكونا معه حق بنتي غتاخدو غناخدو
فاطيمة: هادي هي العشرة أرقية لبوليس نيشان
" شافت فيها : كون بنتك وقع ليها هكا واش غتسكتي غترتاحي غتسامحي أفاطيمة
.. حكت ليها على الجرح وفكرت فلي وقع لحسناء ونطقت : ݣلسو دبا يجي أمين ولحاج ونلقاو حل هاد المشكل
مقدرات لتسنى لتبدا تفكر فالحل عيطت نيشان لحاج يجي ومعه أمين
بقاو ݣالسين كلهم فسيجور ساكتين من غير مليكة لي كدمع ، ،،، ,
دخل لحاج حسن تابعو أمين وجهو مخطوف كان حاس بلي القاضيا فيها مليكة
وملي دخل زاد تأكد بقا غير مهبط راسو
لحاج حسن كيشوف فيهم بحال إلا خارجا عندهم ݣنازة
لحاج: فاطيمة أش واقع باك لباس !؟
فاطيمة"شافت فمليكة ورقية, ": مليكة ݣالت بلي أمين تكرفص عليها نهار مشينا لأكادير وبغت تعلم البوليس ، أنا لحاج عيت من المشاكل د الولاد ، شحال قدي مكنبغي ݣاع نوصليك كشاكلهم على حسب قلبك ولكن رجا فالله
..شاف لحاج فأمين لي غير منزل راسو شيء لي أكد أنو هضرتهم صحيحا وباغي يحيد الشك باليقين : هادشي ليݣالو بصاح أولدي؟
..هز عينو فباه وعاود حدرهم: والله ألواليد متعديت عليها كنت سكران ، بخاطرها وقع لي وقع
..مع كمل هدرتو حس بجيها من وجهو تنملت بتصرفيقا لي عطاه
نقزت رقية كتجوعق: لهلا يحيك المغ"تصب تتمشي معك بنتي بخاطرها ياسكران
مليكة" قربت تسخف بالبكا":والله اعمو حتى كيكذب هو ليتكرفص عليا عيت نرغب ونغوت والو كان قوي عليا ، أنا غير يتيمة تعدا عليا الله ياخد فيه الحق
أمين" خرج عينو تيغوت":كذابة لاش تتكدبي لاش
خنزر فيه لحاج تاسكت : درتيها الحمار ݣد راسك وباقي كتخرج فعينيك ، ديرها غير فبلاصت ختك يالكلب ترضى يوقع ليها هكا
..بلعت فاطيمة ريقها المرير من كلامو
لحاج "شاف فمليكة بحنية" : إلا باك مات أبنتي من ليوم أنا باك ، جمعي وريقات لبنت أرقية يتزوجو وسمحو لينا على قلت تربيا لي جات منا
..بست ليه مليكة ورقية يدو : الله يحفظك لينا ألحاج كون مانتا والله منعطيه بنتي وحقها تاخدو بالقانون ولكن وجهك غالي علينا نتا ولالة فاطيمة
بقت يطو كتخنزر فيهم وسنانها د الميكا بحال لوبيا عليهم، فهمت بلي هادي خطة منها و لحفرة ليعونتها تحفرها لياسين لاحت فيها أمين فأول فرصة جاتها
(المحمدية)
خرج نزار من الأسانسور وبضبط فطابق لي فيه إيمان كان يالله خارج من الخدمة....
من بعيد تقدر تميز الإرهاق لي باين على ملامحو ومشيتو بالإضافة للوازن لي نقص .. رخف لݣرفطا وهو كيصوط بتعب مغلوب عليه، صونا ثواني وخرجت إيمان غير شافتو طلعت حاجبها : واقيلا غلطي فالرقم
نزار: نهضرو لداخل ؟
"زدات وتبعها تا لصالون " إيمان: أصلان هاد الدار ولات عندنا مجرد قاعة كنديرو فيها إجتماع مرة فشهر
نزار : إيمان عفاك ݣلسي نهضرو طرونكيل
.. ݣلست قدامو منفخة" :أنا عيت من هاد الحال خسرت ولدي مقديتي تا تجي تشوفني وديك ليلة عيطي وعلمتيني بلي غتجي بقيت كنتسنا حتا لصباح مجيتيش عيت من هاد الحال أنزار
.. مسح لعرق من جبهتو" : إيمان راني ديجا علمتك بلي غنهضرو على الطلاق ، عارف ضلمتك معيا نتي تستهلي شي راجل حسن مني وأنا معندي منزيد معاك غير غتمحني معيا
.. قربت ليه وݣلست جنبو شافت فيه بعينيها لمغرغرين ونطقت": أنا بغا نتمحن معك شكيت عليك ، غير كون جنبي عفاك ، واش بسباب مرتك لولا باغي طلقني ، شنو ليتبدل نهار لول ݣلتي ليا ميخصك معيا خير ودبا كتصرف فيا الخايب شنو ذنبي من هادشي ؟!
.. تنهد بجهد وقلة حيلة وشد فيديها " : انا لي غالط صلحت غلاط بغلاط كبر منو كنت فوحد لفترة ضايع فيها معارف راسي أش باغي وجيتي فطريقي نهار طلبت منك زواج داير فيالي ترفضي طلبي نجي نخطبك من عائلتك ولا شي حاجة ليتخلي زواج ميكمل ولكن نتي قلتي بسم الله
وقع لي وقع بزربة ، انا راجل مزوج وباغي مرتي وولدي سمحيليا بزاف ضلمتك معيا وضلمتها حتى هي ومستعد نعوضك فكولشي
نزلت دمعا من عينيها وبقت كتحرك رجليها بعصبية": بغيتي غير نطلقوا وخا يمكن لك تخرج دبا
.. وقف وشاف فيها بندم على ليدار معها قبل راسها كإعتذار وخرج ، جا نيشان مع خولة لي طالعا من دروج هازا ولدها فالركاب لابسا سروال دجين واسع مع قاميجة بيضاء كلوش ودايرا شال بلفة جديدة كتبان كيوت خصوصا فعينين نزار لي مكره يرجع الزمن لور ويغير فيه شحال من حاجة
.. بقت خولة كتشوف فيه بسخرية من الشقة ليخارج منها تخرجت إيمان كتمد ليه تليفونو لي نساه
إيمان: نزار نسيتي تليفون
شدو نزار بسكات وعيط بإسم خولة بقت إيمان غير كتشوف بصدمة مفهما والو خصوصا فاش هز الولد عليها من الركاب لي على كرشها
نزار : غنخرجو معيا شويا راني توحشتو
خولة"شافت فإيمان ورجعت شافت فيه": وخا نتمنى تستعجل فوراق طلاق وبغيت نتحول من هنا فأقراب واقت
.. قالت كلامها وطلعت مع دروج مخليا إيمان كتشوف فنزار بصدمة تاغبر من قدامها هو وولدو
دخلت لدار وتكت على لباب ممتيقاش بلي لمرة لي تلاقتها حالتها حالة هي ضرتها هي ليعلمتها تلبس وتدير المكياج و وراتها فين تقاد حالتها هي نفسها ضرتها عضت يديها بالفقصة ، رجعت راجلها لمرتو لولا كي الهبيلة ، ومن الفوق عودات ليها على حياتها كلها ...
هنا تيقنت أنو سبب التغير ديالو عليها بسببها ...هي لي عودات ليه بلي عندها لوليدات
مبقت عارفا واش تشد فيه ولا طلق منو وتهنى من هاد الروينا كلها
فوحد المطعم فأݣادير فلاكوط ݣالس ياسين وخلود ، مستمتعين بحديثهم مرة مناݣرين مرة ضحكين
حطو ليهم العشاء لي طلبو كان عبارة عن پيلا د الحوت ولي صلاد
خلود"كتاكل بالفرشيط وتهدر":دبا كيغندير نراجع لهد لباك بلا قراية
ياسين: راني أستاد أش كندير إلا مراجعت معك
خلود "غمزاتو بضحك " نخاف غير ضربني
ياسين"هز حاجبو وغمزها": غنضربك بحاجة خرى غتعجبك
خلود: شنو هي هاد الحاجة
ياسين : كولي دبا تالدار ونوريك باش غنضربك
.. دخلو لدار بعد نهار مخلاو فين مشاو ݣاع أكادير تسراوها بغا يستغل نيت لوقت محد عطلة يدورها داير فراسو من هنا لقدام ميخليهاش تخرج غير رجليه برجليها
يالله خرج من دوش ضرب فتليفون كيصوني فوق الناموسيا شاف رقم باه وجاوب فالبلاصة وعينو على خلود لي لابسا شوميز دوني لاصق مغطي المؤ*خرة بشوية
كطل من مور شرجم مخلياه إستمتع بأحسان منظر
ياسين: لواليد هانيا
لحاج : اللهم لك الحمد ونتوما بخير ، باقي مولفين تماك
ياسين:يومين وها حنا جاين
لحاج: خوك أمين بعد غدا عندو ضريب صداق
"هز ياسين حاجبو ": شكون هادي وعلاش هاد الزربة
لحاج: مليكة ، الزربة هو ليدارها لينا الكلب لاخر تعدا على البنت وهو سكران
....كمش ياسين حجبانو وݣلس فطرف الناموسيا ، وخلود حداه كتسول شنو، : هكاك ألواليد ، غير شهر هادي باش تبريت فيه من داك السم ليكيشرب ولكن مبغاش يدير عقلو ، إوى أش غنݣول من غير الله يكمل بالخير والله يهديه
لحاج: بيني وبينك ، كنت نيت باغي ليه هاد لبنت من زمان وهي معنا وغير يتيمة ، ولكن ماشي بهد الطريقة
ياسين: نتا متعصبش راسك غدا غنجي فصباح عالله يدير عقلو مور الزواج ويهنينا ، يالله خليتك على خير
خلود: أش واقع ياك لباس!؟
ياسين"ركز فملامحها مزيان ونطق": أمين غيتزوج مليكة
خلود"بملامح هادئة": مزيان الله يكمل بالخير
ياسين:أمين
...جرها عندو وحيد الفوطا على نصو جابها نيشان فوق رجولتو كان طايب غير بشوفة فيها
خلود: بشوية عليك أياسين كضرني
ياسين"بصوت هايم..كيهزها بيديه من جنابها ويعاود يهبطها": مكنشبعش منك ألهواريا ، لا أنا لا هو
"" ""
أصبحنا وأصبح الملك لله
من بعد القرار لي خداه باه لبارح بزواجو من مليكة مقدرش يغمض ليل كلو ، كان كيعتبرها ختو صغيرة بحال حسناء ولكن بعد لي وقع كرهها وخا هو السبب شي لي وقع ،ولكن تاهيا مشات بخاطرها ومن بعد المسرحية ليدارت لبارح نفرها بمرة دخل عند مو الكوزينة
أمين: عفاك أمي نعطيها لفلوس لي بغات غير تفوتني
"خرجت فيه عينيها": جمع راسك دايرها تغرق فيها بلاد وباقي كتهضر حمد الله ملي ممشاتش البوليس وزايدون مال مليكة زوينة مصوابا حادݣا فين تبان خلود
امين: إوى ديريها فراسك أنا مبغيهاش غنتزوج بيها غير بزز
فاطيمة" وصلت معها للافان ها حسناء ها أمين نطقت مغددة" : شغلك هداك
وصل ياسين وخلود مع 12 لدار
فاطيمة" شوفة مكتكملهاش فيها كتسنى غير يمتى تنفرد بيها
طلع ليها ياسين ليباليز لبيت وقبل راسها" : عندي شي شغل نقضيه على برى إلا كانت شي حاجة عيطي ليا
خلود" تبسمت ليه بحب" كون هاني أحياتي
.. بدلات حوايجها وهضرات مع مها طمنتها بلي وصلو
وبدات ترجع حوايجها لدرسينݣ
دفعت عليها فاطمة لباب بجهد تدارت خلود يديها على
قلبها : خلعتيني أخالتي ياك لباس؟!
فاطيمة: بيني وبين لباس والهناء من نهار شفتك نتي وطاسيلت
.. وقفت تتشوف فيها معجبا من كلامها" : شنو درت ليك وأنا عاد جيت ومال طاسيلتي أش دخلها
فاطيمة: أش غديري ليا باقي كتر من لي دار خوك كاين باقي شي جهد خر
خلود"كمشت حجبانها بإنفعال":مال خويا شنو دار؟.
.. قربت ليها فاطيمة كتر مكرهت تنتفها وتبرد فيها غدايدها": خوك ألالة تعدا على بنتي
عصبتها بطريقة باش كتهدر": ياك متغالط ليك مع ولدك لي مغتصب بنت يتيمة
.. مع كملاتها نزلت عليها فاطيمة بواحد تصرفيقا صمكتها، بقت كتشوف فيها بلا مترمش تصدمات وتخلعت وتقصحت، ولكن كرامتها مخلتها تنزل تادمعة نطقت بضعف": جيتيني كبيرة حشمت منك ولكن باش نبقا معاك فهد الدار مستحيل غنعيط لياسين دبا
.. ضحكت فاطيمة مفقوصا" : يالله عيطي أش كتسناي ومتنسايش تعلميه بلي خوك جواد تعدا على حسناء وحاملة منو باش يجي يقتلك ماشي غير يصرفقك
... "حلت عينيها ورجعت سداتهم": مبقات عارفة واش كتحلم ولا فايقا ، حتى ضربت فراسها هضرت حسناء كانت ديما كتعاود ليها على حبيبها وبلي سميتو جواد بلعت ريقها بصعوبة ملي تفكرت حتى مها فايت ݣالت ليها بلي بقا فالدار البيضاء تاقاد خدمتو حسي مسي مݣالها لحد ، وخا ݣاع الأدلة رفضت تيق" : من نيتك أخالتي فين كيعرفها هو باش يتعدا عليها
فاطيمة" شافت فيها بحقد": أنا السبب من نهار عجبتيني وأنا فالعجب ، خوك أشريفة نتاقم من بنتي حيت ولدي خلاك نهار لعرس وكون غير خلاك هو راه دار كسيييدة الله يعطيها ليكم ياتريكت الخز
خلود: حتارمي راسك عفاك وخليني نحتارمك إلا بنتك مشات معه شنو ذنبي أنا هما بجوج غلطو أش دخلني أنا
شداتها من فكها مقربا وجها لوجها وعينيها فعينيها" : سمعيني حيت مغنعاودش لهضرة دبا غتقنعي ياسين بلي خوك بغا يتزوج ونتي بغيا ليه حسناء غتخليه يوافق بزز منو باش يجو داركم يخطبوها عندك تلتيام ولا قسمان بالله تنݣوليه كلشي وديك ساعة شوفي رواح كيطيحو ݣدامك وعمرك تحلمي تبقاي مرتو ودبا نتي خطاري ، دفعتها بجهد تا طحت فوق الناموسيا وخرجت من عندها كتحس براسها بردت شويا
بقت خلود كتبكي فصمت حست بالحݣرة ويديها مكتوفين خايفا على خوها وخايفا ياسين يتفارق عليها عارفاه عندو الشرف نقطة حمراء ومستحيل يسكت
دخلت لدوش غسلت وجها ودارت شويا فوندوتان مغطيا الحموريا لي خلات ليها تصرفيقا حيت وجها حساس مشت عند حسناء لبيتها
كانت البيت مضلمة وريحت النعاس عطيا فيها شعلت ضوء وشافت فحسناء ليكانت متكيا رجعت ضعيفا بزاف والتعب بان عليها قربت ليها وݣلست حدها
خلود: حسناء
.. غير سمعت صوتها طلقت دموعها كتبكي وترمات فحضنها تبكت معها خلود" : شنو درت ليه أختي باش يعيشني هاد الحالة أنا تقت فيه وهو غدرني دخلني فحاجة مدرت فيها لابيدي لا برجلي الله ياخد فييه الحق
.. بقت كدوز ليها على شعرها حتى تهدنت" : واش متأكدة هو خويا عندك شي تصويرتو
.. هزات تليفون ودخلت لواتساب كان داير تصويرتو فالپروفيل خلود غير شافتها غضت شلقومتها": ولد الحرام من فعايلو
حسناء: هو نكرني، ملي عرفني غننزل هادشي لي فكرشي عاد قرر يتزوج بيا الله ياخد فيه الحق
خلود: تهدني يكون خير إن شاء الله
دخل ياسين لدار ، من بعد ماطل على المكتبة...طلع نيشان لبيتو لقا خلود كتستف ليپرودوي ديالها فوق الكوافوز طالقا شعرها على طولو
قرب ليها تالسق كرشو مع ظهرها ودار فمو فرقبتها كيشم ريحتها الفطرية، من سكاتها حاس بلي مهياش
دورها عندو ، وبدا يبعد خصلات من شعرها ليمغطين نص وجها ، مكانش عارف بلي لايحاهم باش يغطو الحموريا لي فوجها، كيشوف فوجها حمر كمش حجبانو ونطق : “مال وجهك حمر هكا؟
حطات يدها على خدها وحاولات تبان عادية : “ ما كاين والو… غير وحد كريم دار ليا حساسية
كمش حجبانو : “الكريم ! وهاد الحموريا كلها من الكريم !
هبطات عينيها وحسات بكذوبها مفروش بغا تشكي عليه من فاطيمة لي حݣرتها بغا تعاود ليه ولكن عارفا إلا عرف بلي اللي ضربتها هي فاطيمة، غادي يقلب الدنيا باش يعرف السبب، ومن بعد غادي يكتاشف بلي خوها ضحك على حسناء وتنوض الحرب ديال بصاح
ياسين :خلود، راكي مراتي، وما نرضاش شي حد يمد يدو عليك، هاد الحموريا ماشي ديال الباب تخاصمتي مع شي حد
خلود: “شافت بعيد متجنبا شوفة فيه ":قلت ليك ما كاين والو, أياسين وزايدون شكون غيضربني وباقي مسخنت حتى بلاصتي
قرب منها تلصق وجهو مع وجها حاط جبهتو على جبهتها ومسح على خدها بلطف
بلعات ريقها بصعوبة،شوف هو كيفاش كيتعامل معها وخايف عليها وهي خوها شنو دار لختو
خلود: “بغيت نهضر معك فوحد الموضوع
بعد عليها شوية وشاف فعينيها “:أشمن موضوع
تتلع فشعرها": خويا جواد بغا يتزوج
ياسين: مزيان الله يكمل بالخير بغا ترجعي تحضري لعرسو ولا؟
...معرفت منين تبدا ليه بقت ساكتا شحال تا هز فيها حجبانو بجوج وحرك راسو بمعنى شنو، عاد نطقت: هو شاف تصويرت ختك فالخطبة وعجباتو ،وبغها هي
ياسين" عض شلقومتو وشاف فيها بغضب حتى تجمدات فبلاصتها، وما عرفت ما تزيد ": باقي عندك تصاور د الخطبة مع أمين
خلود: لا راه صيفتهم ليه ديك ساعا وبقاو عندو هو شنو ذنبي أنا؟
ياسين: وهاد حسناء معلمتيهش بلي عندها غير 17 سنة وباقي كتقرأ
..بلعت ريقها وكتقلب عينيها مهربهم منو: أنا عطيتو نمرتها شحال هادي وتا هي بغاه
" قرب ليها تبعدت مخلوعا
ياسين: واش عندك شي عقل ولا مكتكسبيه ، وزايدا كتݣوليها عندك هانيا، ويقدر ݣاع لاقيتيهم وخيطي وفصلتي ، واش مناوياش تكبري عقلك ؟؟؟
خلود " حنحنت": ماشي هكاك ، عمرهم تلقاو هضرو غير فتليفون وتفاهمو ودبا بغاو الحلال أش فيها
ياسين: خلود ممساليش لهد لهبال وݣولي لحسناء تجمع راسها وحتى هاد خوك ،قبل منوليو فشي مواصل ناقصين
أصبحنا وأصبح الملك لله ،بداية يوم جديد ببرودة الطقس ... يحمل معه الأمل والتفاؤل
....كلشي فايق بكري ليوم بمناسبة ضريب صداق أمين و مليكة
من غير خلود ليكانت باقي ناعسا فبيتها كتحس بلوجع بسبب العادة الشهرية لي جاتها
دخل ياسين لابس سورڤيت سبور وكسكيطا كلو عرقان بسبب لماغش لي دار مع صباح
بانو ليه كاملين كيفطرو من غيرها هي يالله بغا يطلع
عيط ليه أمين لي مفقوص على هاد تزويجا لي مبقا والو ويدخل ليها
أمين: وخا نهضرو شويا الله يستر عليك
ياسين: صبر غير ندوش
أمين : غير شويا منعطلكش
"خرجو لحدا الدار"
أمين : خويا الله يستر عليك ݣول لواليد يوقرني عليه والله متعديت عليها شتي كون غير دفعاتني والله تا نطيح واه سكران أصاحبي هيا بغت بخاطرها
..ضرب على كتفو": شتي غير على هاد سكرة لي تبريت فيك ما مرة ماجوج تستاهل لي وقع ليه عاد زايدها مغ*تصب البنت بغت ولا مبغت راك كنتي معها ونتا لي غالط تا دبا ماوقع باس لبنت كبرات معنا تزوجها حسن ولاتفكها معها فالمحاكم أما حسن دبا "شاف فيه مطول ونطق": دير عقلك راك مبقيتيش صغير
خلا أمين كيضرب أخماس فأسداس وزاد
لا مو بغت تسمعو ولا باه ولا خوه ولا كيفكر يهرب هاد لمرة ديال بصاح
خرج عندو باه بجلابتو الكحلة : يالله راه درت معهم نتلقاو عند العدول
خدا نفاس طويل كيطلب الله يصبرو وزاد طلع لطموبيل
فالداخل كانت فاطيمة كتقاد الحوايج لي خداو لمليكة جنبها يطو بغت طرطق
يطو : على أخير يامك ياخد ولدك الخدامة
فاطيمة: نعلي شيطان راه كبرات معنا وزايدون ياك نتي لي ݣلتي زوينا ودايرا وفاعلا
يطو: لياسين ماشي لأمين، أمين تليق ليه شي بنت عائلة نيت وتجي بالهما والشان
فاطيمة: والله أمي مبقا لي جهدلي يسمع شي حاجة تزيد تعصبني ، لبنت هو لي تعدا عليها وبزز منو ياخدها واش أنا واحلا مع بنتي نزيدها بأمين لي خرج لي من جنب ، وخا كنت بغيت نفرح به بشي عراسيا نيت ولكن جات بحال هكا معندنا منديرو من بعد إلا رجعات الݣانة ونديروها فالصيف
خرج ياسين من دوش لاوي عليه الفوطا ودخل لبيت كيسمع صوت أنينها من فم الباب ،العرق مكون فجبهتها ومكمشا بين حجبانها ، دار يدو على راسها لقا سخانة مكيناش حركها بشوية حتى حلت عينيها
ياسين: مالك ياك لباس مريضة؟ شنو دارك؟"تيهضر ويقيس جبهتها والخوف بان على وجهو"
خلود"حاولت تتقد عاونها ، حتى ݣلست": فيا لوجع ليغيݣل
"طبطب على ظهرها":نجيب ليك دواء
خلود: لا شكرا عندي غنوض نشربو وننزل
ياسين: متشقيش راسك معهم ونتي مريضا نزلي فطري وطلعي تكاي ، غنخرج نقضي شي مسائل
"تبسمت ليه ونضت قاصدا دوش ممولفاش تجيها بلوجع ولكن بسبب الأعصاب جاتها كثيرة ودارت ليها مغص قوي ، قضت حاجتها وبدلت حوايجها بكسوة ددار نازلا تالتحت دارت شال خفيف ونزلت ، وخا محاملا تشوف كمامرهم ولكن هاد لمرة عارفا الغلاط جاي من خوها لي ݣالوها عندهم الحق ،،،لاحت ليهم السلام ودخلت الكوزينة حطت الفطور كلت شويا وجمعت الماعن فاش فطرات حطتهم فلبابو باش تغسلهم
دخلات فاطيمة للكوزينة وهي كتشوف فخلود كتغسل الماعن ، سدات الباب موراهـا بشوية وهضرات بزز منفخة : ؟ هضرتي مع ياسين قنعتيه يوافق على زواج حسناء
تنهدات وحطات البراد فالشبكة وشافت فيها": هضرت معاه. ولكن منين حليت معاه الموضوع تعصب ومعجبوش الحال
تبدلات ملامح فاطيمة، وولات كتشوف فيها بعينين حادين: واش كطنزي عليا ولا شنو؟ لبارح ݣلت ليك قنعيه شوفي كي ديري
خلود" كتحاول تحكم فأعصابها ": آش ندير؟ ندابز معه صبري عليا شويا
فاطيمة":قربات منها وخفضت صوتها:سمعي مزيان أخلود. إلا ما لقيتيش شي طريقة تقنعيه بها أنا نتكلف ونعاود ليه شنو دار خوك فبنتي لي هيا ختو
خلود" حاولات تلوي ليها دراعها تا هيا" : متنسيش بلي تا حسناء غلطت ملي وصلت معه لهد المواصل أش داها تمشي عندو لدار
فاطيمة"خرجت فيها عينيها":خوك ألالة ضحك على بنتي وخلاها تبغيه وشكون عارف يكون شربها شي حاجة... لي وصلت به يدير هادشي كلو راه تخاف منو ...وياسين إلا عرف هادشي، راه ما غاديش يسكت، أوالها يطلقك ويدوز على خوك ويمشي لحبس
حسات بيديها كيرترعدو بالأعصاب والفقصة والوجع" : هادشي بعيد عليا ، ردي البال لكيفاش كتعامليني حيت معندي حتى ذنب
فاطيمة: لا أزوينة نتي اللي خاصك تردي بالك. ياسين كيحمق على ختو وشرافها من شرافو ، ويلا عرف بلي خوك لعب بيها عاد غتفهمي كلامي
خلود" صطات بجهد": ݣلت ليك صبري عليا غير يومين ونقنعو
... سمعو صوت خطوات قراب للكوزينة، وكل وحدة تلهت بشي حاجة تا حلت حنان لباب ودخلت كيف العادة مقادة الحالة والمكياج كيقطر وجاي مع وجها لابسا جلابة دو پياس فالشيبي والتحت بقميص بيض
سلمت عليهم وجنات بدات تعلق فخلود تا هزاتها وخا مقداش
حنان: وليتو تخبو علينا لخبار تاولينا نجو بحالنا بحال الضياف ݣاع معلمتوني بلي أمين غيتزوج من قبل تالبارح عاد تفكرتوني
فاطيمة: وراه غير ول البارح تحدد هادشي وتا من عائلتي عاد لبارح بليل علمتهم
حنان: وعلاش هادشي جا مزروب !؟
"تنهدات فاطيمة": من بعد من بعد ونعاود ليك "شافت فخلود": وجدي معك الغداء راه دجاج ولحم تماك قادي داكشي مزيان راه غيجي خالها ومرتو معها
خلود"بقا ليها شويا وتسخف ماحيلتها لمرض ولا المصيبة د خوها ولا شقا لي جا على كتافها"
حنان:أر ي عليك جنات "حققت فوجها":مال وجهك صفر هيا شي فنيكيش د خويا جاي فطريق "غمزاتها"
بقت خلود فالكوزينة من 10 حتى لوحدة والوجع كيعصر فيها ...وجهها رجع صفر ويديها ولاو تقال بغا غير تحط الرأس... ولكن وخا هكاك بقات كتوجد الغدا غير باش تفدى سم فاطيمة حتى ياسين ليدافع عليها متقدرش تشكي ليه
هزات الدجاج من بعد متحمر فالفران
ومشات طلت على الطواجن داللحم بالبرقوق لي فوق الفورنو دارت عليه اللوز والجنجلان
والريحا المتبلا عطت فالدار كتحل الشهية قبل متشوفو ، هي وخا معݣازة ولكن إلا طيبت شي حاجة كتصرعها برعاية حليمة الفيلالي
غير كيتزاد عليها الوجع كتحبس وتسند على الرخامة حتى يفوتها وترجع لشغلها
دخل أمين للدار غير مخنزر ومعاه مليكة...لابسة قفطان بيض سامبل الفرحة باينة فوجها مبينش عليها أبدا حال المغت(@)صبة.... وممتيقاش راسها بلي ولات عروسة فهاد الدار لي كانت فيها غير خدامة كترس عليهم
دخلت مها تبعهم كتصلي على النبي وخوها ومرتو وبناتهم ، كاملين داخلين بالزغاريت تلقت ليهم فاطيمة بالحليب والتمر وخا الݣانة مكيناش ولكن رقية علمتها بلي خوها مفرسوش بداكشي ليوصلهم لهد الزواح وخصهم يكبرو بالبنت
فاطيمة"تتبين راسها فرحانة": مرحبا بك ابنتي الله يكمل عليكم بالخير
مليكة: أمين
مرت خالها: شربيه أبنتي الحليب
غير سمعها أمين دخل بزربة
فاطيمة"ببتسامة صفراء": عندي لولد كيحشم متدوش عليه...دخلو مرحبا بكم
تجمعو كاملين فالصالون ، تا من حسناء نزلتها مها بزز لابسا قفطان جوهرة فالپيسطاج ،
و أمين ݣلسوه بزز حدا مليكة كتاخد ليهم حنان تصاور بالكاميرا ديالها ، كلهم ملهين وتا حد مداها فخلود لي مكانتش
وصل وقت الغداء
وفنفس اللحظة، دخل ياسين بعدما قضى شغلو، دخل لصالون نيشان
سلم على عليهم وبارك لخوه ومليكة كيقلب بعينيه على خلود ...ضن بلي فبيتها كيما وصاها فصباح ولكن غير خرج من الصالون بانت ليه
خارجة من الكوزينة وهي شادة على جنبها ووجهها صفر والعيا بين على ملامحها
شدها بيدو توقفت وهي ݣاع مكانت رضا ليه البال ، كيشوف فتقاسيم وجها فمها مقشر والعرق فجبهتها ، وخا لجو بارد ... كان عوال يدخل ليقها معكرة ومزيزا كيف عادتها ويبدا تاني يعرعر عليها باش تنقص ساعة لقها مريضة نيت كثر من صباح
ياسين :خلود مالك ؟ وجهك ماشي هو هاداك، باقي فيك لوجع "حرك سبابتو":ݣلت ليك نجيب ليك دواء مكتسمعي
حاولات تبتسم بزز منها:غير الوجع راه عادي
"عقد حجبانو ": مكتشوفيش راسك واقفة بزز"قاس كمام پيجامتها لقهم فازݣين : أش مدخلك لكوزينة ياك هضرت معك فالصباح
قبل ما تجاوب، تدخلات فاطيمة لي دايزا تشوف فين وصلات" : ݣلتها ليها وهي حلفت طيب
..شافت فيها خلود مصدومة ، وتا فاطيمة عطتها نضرة بمعنا باقي مشفتي والو ومشت لكوزينة تحط الغداء
حلفت تخرج فيها الفقصة د جواد
تلفت ياسين لخلود بنظرة فيها اللوم والاهتمام فنفس الوقت" :ماشي ضروري طيبي عطا الله طيبات كيترزقو الله يقضو الغراض ولا ها حنان ها حسناء
خلود: صافي عفاك أياسين أصلان إلا بقيت ناعسا غير غنزيد
بقا كيشوف فيها لحظات،ومن بعد قرب منها ونقص من صوتو": مبغيتكش تمرضي ليا صحتك أهم عندي من كلشي ودبا تحركي بدلي هاد الپيجامة راه لاصقا عليك بالماء و من بعد الغدا غتمشي ترتاحي، غنجيب ليك دواء دبا نيت
... طلعت لبيتها وجبدات حوايج لي غتلبس ومشات لدوش خوات لماء على داتها ودوزات صابونا بلا متقيس شعرها ،لبست قميص بسيط د جوهرة فݣرونة ودارت شوية د المكياج مغطيا به ملامح التعب وقدات شالها فلون لبيج
فجيها خرى
كان جواد كيقلب من الصباح مع واحد السمسار كيدورو فالهراويين، كيشوفو الديور اللي معروضين للبيع ولي منسبين الثمن ليعندو
دارو جولة على شحال من دار ولكن وحدة فيهم ليعجباتو . كانت بجوج طوابق، واسعة ومضوية صالحا ليهم
وقف فالبالكون كيشوف فالزنقة بين عليها الهدوء وهادشي لي باغي
جواد :هادي عجباتني.
السمسار: الله يصخر عندك الزهر مولاها مزورب يبيعها مزير على الفلوس و طيح ليها الثمن ، إلا كنتي باغيها نحددو موعد معه غدا إن شاء الله
هز راسو بأه" : الله يسخر
كان زربان حتى هو يفرش الدار ويجيب ݣاع لي خاص قبل ما يجيو والديه، . ومن بعد يطرق المسمار مع حسناء لي خرجت ليه من الجنب
تنهد وهو راكب فوق الموطور
ما كانش داير بحساب الأمور توصل لهاد المرحلة كاملة...
كتجيه صورة حسناء قدام عينيه. وكيبقى يتفكر، لي دوزوه عمرو تخايل يتزوج بوحدة خيطت معه وفصلت وشبعها .... هاد النوع كيجيب ليه الإشمئزاز
كون ما الولد لي فكرشها لي معندو حتى ذنب مستحيل يدير هاد الخطوة وزيد شوها مع والديه
نزل قدام المحال ديالو لي غاب عليه مدة ، ولكن كان مسير كل كبيرة وصغيرة غير من تليفون
لقا نبيل وجمال فجيها لاعبين الكارتا كون ما داوود لي واقف على الصح كون راه سد المحال
وقف على راسهم كي الجني
جواد :هادشي لاش حاطكم هنا أتريكت القح/اب
"جمعو الوقفة بجوج كل واحد داز لجيها مخلينو كيبلبل كيف عادتو ، حتى صونا تليفونو عاد دخل لبيت لداخل: الخوادري هانيا
محمد" تيهضر مكشكش": أش داك الهبال ݣلتي فأوديو كيفاش غتزوج ديك خيتي وحاملة والتمرضين، واش أنا ݣلت ليك قرب ليها أصاحبي
..كان معصب وزادو: واش أز'*بي كتفهم من تر'*متك ياك مݣالوليك عليا لوبيا ، نبقا شوف فيا ونشوف فيك أطجين لحوت
محمد: وبصحتك دبا لوبيا بالهريسا ، ݣلنا لك غير صورها معك ونتا وصلتي معها لفين وفين دبر كرك دبا
ݣال كلامو وقطع مخليه باغي يطرطق
يالله بغا يخرج يشوف الخدمة عاود صونا تليفون بإسم نبع الحنان" خديجة" : الوليدة هانيا
خديجة" بصوت مليء باللوم ": الوليدة لا بينا وليت نجيب خبارك من بعيد شحال ونتا مخليني نطبخ على راسك تزوج فلخر جبت لخبار من خلود
..من كترت متعصب فلتت ليه ضحكة بالفقصة: ياك داكشي لي بغا وها أنا غنتزوج
خديجة: وداكشي لي بغينا غير حسناء باقي صغيرة شويا انا كنت بغيت ليك بنت خالتك تورية، ولكن ملي بغيتي حسناء وتا هيا بغت الله يكمل بالخير
جواد : خليك من هادشي دبا نهار اللحد شدو طريق متجيبي والو من الدار كلشي كيتباع هنا واتمي هازا معك تاني البانيوات وصطول
شربت دواء لي جاب ليها ياسين ونزلت تغدات معهم ،
لي داق طيبها كيشكرو
خلات يطو وفاطيمة يطرطق ليهم العرق ...
كانت فاطيمة ناويا تلسق ليها تا الماعن ... ولكن غير تغدات ، ݣاليها ياسين طلع وتاهي كانت طالبا عليها معوداتش معه لهضرة
..طلع أمين ومليكة للبيت اللي كانو موجدين ليهم على أساس أنهم عرسان جداد من بعد ممشاو عائلتها
حست مليكة براسها دارت إنجاز وهي داخلا عروسة ، لبيت لي كانت غير كتجمعها بحال الخدامة ، فيقها أمين من شرودها ملي لاح داك الورد لي حطت ليهم حنان ضارب به الحيط
وزاد رما ليها مانطة حدا رجليها
"كيشوف فيها بحقد وكره ": فرشي فالارض متحلميش تنعسي حدايا، ولا حتا تقربي ليا الكذابة متفكريش شي حاجة تبدلات ملي تزوجتك
هبطات راسها وهي ممسوقاش لكلامو دايرا فراسها خطوة بخطوة غيتقاد كيما تزوجاتو بزز غتخليه ينعس ويعيط بسميتها
مليكة"كتمثل البرائة":واش أنا ليتعديت عليك راه أنا ليخصني نتفقص وندير حالة ماشي نتا ومع ذلك كنساعف معاك
أمين"تبسم ليها بالفقصة من البرود باش كتهضر وهو قرب يشتف على راسو": واش خاصك بويا عمر أبنادم دبا غير أنا وياك ليفهد البيت ونتي عارفا كيما عارف بلي كنتي معيا بخاطرك متعديتش عليك وكون غير دفعتيني كنت غنطيح، وزتيها مشيتي كتتهميني بالإغت(+*)صاب ، راك نتي لي غتص-(*)بتيني ، ديري فبالك عمري نشوفك مرتي بغيتي غير تزوجي باش تسماي مزوجة مرحبا
حاولت تشرح،ليه وتدافع على راسها، ولكن هو متسوقش بعيد عليها، غارق فالأفكار ديالو، وصورت خلود ݣدام عينيه ، كان راسم أمال كبير مور أخير محادثا بينتهم ترجعات تاني مع ياسين وهو غرق مع مليكة ، كيفكر واش يقدر يتجمعو باقي "ضحك على راسو بسخرية ونطق بشوية ": يمكن فعالم أخر
أما فالبيت اللي حداهم، كان ياسين ݣالس حدا خلود لي متكيا كيدلك ليها كرشها بمساج باش تسخن ويفوتها لوجع : دابا شوية حسن؟
هزات راسها بأه وابتسمات ليه ابتسامة خفيفة ، تقدات فݣلستها ، وشدات فيديه كتشوف فعينيه نيشان
خلود :ياسين، بغيت نهضر معاك وعفاك سمعني
من نبرة صوتها عرفها غتجبد نفس الموضوع دالبارح
ياسين :حسناء تاني ؟
تنهدات بضيق وحركت راسها بأه : خويا نوى الحلال وختك موافقا علاش غدير ليهم العصى فرويضا بهادشي ليكدير دبا غير غتخليها تمشي عندو مور ضهرك
..."خنزر فيها تتكمشت وبلعت الكمالة فمها "
خرج من عندها وطلع لسطح شعل لݣارو ولاحو فمو ، لحظات وهو كيدور الكلام فمخو، جاه الموضوع مهواش الزواج مسؤولية كبيرة، وختو باقي صغيرة ، ولكن فنفس الوقت الكلام لي ݣالت خلود بقا فراسو هما قصدو الحلال ، إلى عكس ليهم غتبدا تلعب مور ضهرو
على أذان العصر نزل دخل لدوش توضى وغسل سنانو ، ودخل لبيت خدا فوقيا لبسها لاح عينو على خلود بانت ليه نعسا وأثار الراحة على وجها بين بلي طلقها لوجع نزل قاصد الجامع لقا باه تاهو غادي
ملي رجعو من جامع حل موضوع زواج حسناء مع باه
لحاج: إوى أشغنݣوليك أنا فهادشي مكندخلش لي بغت هي بخاطرها
ياسين"حرك راسو لوحد الرجل سلم عليه من بعيد": هضر مع الواليدة وشوفو نتوما ، كون جات عليا منقبلش هي باقي صغيرة وزيد ديك القضيا ديال بنتهم عندنا بنتنا عندهم كتجيب غير صداع
"طبطب ليه على كتفو": هني راسك أولدي نشوف مع مها أما البنت راه ݣلتي موافقا
نهار جديد كيحمل لينا أحداث جديدة من قدارنا ، الحياة ماشي ديما زوينا معنا وماشي ديمة خايبا، الحياة مرة كتبكينا ومرة كتفرحنا ، وديما كتخبي لينا مفاجاءت كثيرة
...من بعد مهدرات فاطيمة مع ياسين بلي موافقا على زواج حسناء وعلماتو بلي حسناء مرضت فصحتها غير حيت خافت ميوافقش
هنا مبقا ليه كلام من غير يوافق تاهو وخا مراضيش ولكن مبغيش يوقف فطريق جوج بغين بعضيتهم فالحلال
...دخل عند حسناء لبيتها كانت كتفرج فوحد لفيلم كيشبه لحالتها شبعات فيه دموع غير شافتو داخل مسحت عينيعا وسدات لپيسي
ݣلس حداها وعينيه مثبتين فيها هاز حاجبو تيحقق فعينيها لي وارمين " : كنتي كتبكي؟؟
حسناء:" بزربة": لا غير كنت متبعا وحد الفيلم ومات البطلة وبكيت
نطق بلا لاف ودوران" : واش موافقة على الزواج من جواد،ديتي وجبتي معه فالهضرة بان ليك صالح لزواج
هبطات عينيها للأرض وحست بقلبها كيتقطع....آخر حاجة كانت باغاها هي هاد الزواج من بعد داكشي ليكتشفت والهضرة ليسمعت منو ، ولكن الخوف من الشوهة خلاها بزز منها توافق فلخر هيا ليدارتها بيديها
حطات يدها على كرشها من تحت ليزار باش مغطيا وردات عليه بصوت خافت: أه… موافقة أخويا
تنهد ياسين ، ووقف دوز على شعرها بحب و نطق قبل ميخرج": تحملي مسؤولية هاد القرار لي خديتي ..زواج ماشي ديال اللعب، دخلي ليه نهار ولا يومين" هز صبعو كيأكد هضرتو" ديال الدام أحسناء
بلعت ريقها بصعوبة كاتما ديك دمعا ليقربت تنزل ولكن بمجرد مسد الباب نزلو دموعها قطرة قطرة
فالسيجور لتحت ، كانت يطو ݣالسا كيف العادة شادا وحد تسبيح ، بانت ليها مليكة عاد نازلا من بيتها لابسا قفطان بيض وطالقا شعرها لي كانت ديما جمعاه من قبل تحت الزيف دازت بلا متسلم عليها كيف موالفا دير
يطو: مليكة عمري ليا أبنتي كويس أتاي مسوس ، فاطيمة راه كتنشر فصطاح
رجعت عندها مليكة كتمشى وتݣلب وراسها لفوق": سمحي ليا ألا يطو ما بقيتش خدامة
هزات يطو عينيها كتعجب!! : شنو ݣلتي؟
مليكة" ݣلست حداها وابتسمات ليها ": مبقيتش خدامة فهاد الدار… وليت عروسة فيها بحالي بحال خلود لي باقي ناعسا وعاد أنا عروسة جديدة
تبدلوا ملامح يطو ،بقات كتشوف فيها بصدومة ، من لول عارفا بلي طيحت أمين فالفخ ولكن متوقعاتش توصل بيها الوقاحة لهنا ":إوى سمعي لك أبنتي إلا نتي عاد حليتي عينيك فدنيا أنا راه قربت نسدهم ودوك الحرو"'ب وتحراميت ميصلحوش لك معيا ودبا نوضي عمري ليا كأس د أتاي
..هزات فيها مليكة حاجبها وضربت على كتفها بجهد تا طاحت يطو لور": دبا ياسين كنتي كدفعيني ليه حيت ماشي حفيدك و أمين جاك مقامو ماشي من مقامي ولا شنو ؟؟ " خرجت فيها عينيها": إوى سمعي نتي نيت أيطو فوتي ساحتي ولادبا نيت نعاود ليهم المخططات ديالك ليكنتي تعلميني
" ميقت فيها وطلعت لبيتها
جمعت لبلاصة فين كانت ناعسا فالأرض قبل ميشوفها شي حد لاحت عينيها على أمين بان ليها باقي ناعس نطقت بفحيح " : إلا مجبتك بالحب أولد فاطيمة نجيبك بالجواد
نزلت فاطيمة من سطح من بعد منشرات حوايج مها دخلات عند خلود لبيتها وسدات الباب بنت ليها كتراجع فشي كتوبا حنحنت تا ردات ليها البال ونطقت وهي كتقرب لعندها" : عارفا هاد ليام تعاملت معك خايب ولكن راه الكبدة هادي "طبطبت على كتفها وخلود غير كتشوف فيها مبقت فاهما فيها والو، كتفت تحرك ليها راسها بأه
فاطيمة: كنمتنا موضوع علاقتها بجواد يبقا بينتنا خوك غلط وبزاف ، ولكن حتى هي غلطت ملي مشت معه ودبا لي وقع وقع "بدلت نبرتها لتهديد": ولكن خص يدير فراسو إلا جات شي نهار تشكات منو بلي كيعاملها خايب مغنسكتش وغيندم على نهار فكر فهد التشيطين لي دار
تنهدت خلود من هاد الموضوع لي ولا مزعج بالنسبة ليها ونطقت " : خالتي لي عليا درتو سيمانة ويجو يخطبوها راني هضرت مع مي ، جواد منقدرش نهضر معه صعيب شوية غير غيدور فيا داكشي لاخر كيبقا بينو وبين حسناء
6 يام دازت وكل وحد وباش ملاهي وكل وحد وهمو
فهد ليام ، جواد فرش الدار من التحت الفوق نص الفلوس لي جاب معه من الغربة خصرهم ، تحولو عائلتو عندو وقادو أمورهم كاملين ، وخديجة غطير بالفرحة كتحس بشملهم تجمع ولادها معها فالدار وبناتها قراب ليها وتا من ولدها لي بغاتو يتزوج هاهو كيحقق ليها الأمنية ...
أما فالمعارف وتحديدا دار فاطيمة ، كل وحد عندو حكايتو
..حسناء تحسنت شويا ... بعدا مبقاتش كتفكر فالشوهة دايرا فراسها راه هاد الزواج غيسترها أه يا ليام شكون كان يݣول جواد لي كانت غتحماق وتزوج به هو نفسو مبقاتش حاملاه ولا بغا هاد الزواج من أصلو
أما مليكة من نهار دخلت لدار بصيفتها عروسة وهي جامعا يديها عمرها دخلت الكوزينة باقي ولا شطبت ولا سيقت وفاطيمة دايرا بحساب زعما راه عروسة وسبعيام د الحزام
أما خلود هاد ليام كاملين كانت كتراجع فبيتها ومرة مرة تنزل تعاون فاطيمة ولا طيب هيا نيت ، دفع ليها ياسين طلب باش دوز باك حر وجاب ليها ݣاع الكتوبا لي ممكن تعاون بيهم ،
هو رجع لخدمتو وعاد الخدمة د المكتبة لي فهد الوقيتا من العام كيطبعو فيها الروايات حيت مكتبة و دار النشر فنفس الوقت داخل فيها بنص
..هزات الماعن لي دارو فيهم الݣوتي الكوزينة وبدات تغسلهم ، كتحس بالشغل ولا عليها كتير ، مليكة لي كانت كتكلف معمرها باقي هزات الكأس و حسناء بزز رجعت كتمشي لمدرسة عساك تشقى ، لحاجة لي مدارتهاش فاطيمة ولا هي مكيناش ومع ذلك مبغتش تشكا ليه عارفاه مبرزط هاد ليام مع الخدمة مبقات ݣاع كتشوفو كيخرج بكري وميرجع تال 12 دليل
كتغسل لماعن بخفا ومع مؤا""+خرتها زايدا شوية كتبقا تزعزع مرضاتش لبال لأمين لي دخل يشرب ولكن ملي شافها بقا واقف كيشوف فيها مدة واش ساهي واش مستمتع بالمنضر بوحدو لي عارف ،
مفاق من سهو غير على صوت الباز لي دفع ياسين من فوق رخاما حتى تشتت فالأرض عينو رجعو حمرين كي جمر كيحس بأعصابو تلفو نطق بصوت مكروز وعينو على أمين لي مبقا عارف فين يزيد": كتزاحم مع العيالات أصاحبي فالكوزينة ولا كيفاش " نطق بجهد تا قفز أمين": شوية د الإحترام الله يرضيييي عليك...
تلفت لخلود ليكتنشف يديها لي كيترعدو فالفوطا " : ونتي معندك ميدار ولا كيفاش " خنزر فيها ترجعت لور": طلعي لبيتك يالله دوك الحوايج لي فالماريو عمرك طويهم كلهم مرونين
خرج أمين حادر راسو ووجهو حمر، أما خلود بقت كتفتف تا طلعت لبيتها بزربة بغا ترد الباب حبسو بيديه وعينو باقي شاعلين زدح بالباب بجهد وداز لدرسينݣ كيلوح فحوايجو ويعرعر": هادو ميطواوش ملي معندك الحفاضة طوي هادو نلقهم مستفين كاملين
بقت غير كتشوف وتحرك راسها بالله يعفو الحوايج كلهم كانوا مقادين ولكن لي فيه ممهنيه خلاتو كيعرعر بوحدو
و حلت درسينݣ كتهز فالحوايج بغا دخل دوش من العادة ونيت تحك عضامها حطت حوايجها كاملين فالبيت وهزات غير الفوطا لدوش
طلقت الماء السخون تتبخر الدوش وݣلست فوق الكورسي ، كتدهن التبريمة لي كانت فحك مكتوب عليه خديجة الصحراوية شللت وهزات الكيس بقت كتحك تاولات كي الفلا خلاوها السورين نقصت الزغب من التحت و غسلت شعرها وختمتها بپاندوش د الكوك نشفات بالفوطا مزيان ولواتها على صدرها وشعرها كيقطر
مع خرجت بانت ليها مليكة لي نطقت بصوت طالع
مليكة :" أختي راه كين راجل خر فالدار من غير راجلك وخارجا بهد الحالة واش لباس !
خرج ياسين على كلامها لينطقت كيشوف فخلود واقفا مدورة الفوطا وشعرها كيقطر كانت فأجمال حالة ممكن يشوفها فيها رجل وميبقا يجيه النعاس
عضت شلقومتها بغضب من مليكة ونطقت": نتي لي واش لباس بيتنا راه جا فالقنط و مقابل مع الحمام وهاد الحمام أصلان غير حنا ليكنستعملوه
مليكة: إوى أختي ملي هكاك علاش شفتك أنا
.. يلاه غتجاوب غوت عليها ياسين : خلوووووود دخلي لبيتك
داز فمليكة صاعر ، وطلع لسطح لاح ݣارو فمو وبقا غادي جاي كيحس براسو كيفور ومنضرها وهي كتغسل الماعن وياسين كيستمتع بشوفتها ق""+تلو وذبح--و والمشكلة جات فخوه أما كون كان شي براني غيجبد ليه عينو هنا قرر قرار لا راجعا فيه ميمكنش يبقا ديما فهد الضغط ... وزيد لهضرة ليݣالت مليكة لقها صحيحة كان ممكن خوه ولا باه يشوفها بديك الحالة
....لبسات حوايجها لي حطت وبقت كتنشف شعرها ، كتحس براسها غطج كلشي كيضغط عليها ... هزات حوايجو لي لاح فالبيت كل حاجة مشتتا فقنط بقت كطويهم تا سالات عاد بدات ترجعهم ،تنهدت بتعب
وتكت فوق الناموسيا يالاه بغت تغمض صونا ليها تليفون بسميت مها
خديجة: خلود لباس ياسين وݣاع لي فالدار
خلود: لباس لحمد لله أماما ونتي بخير ، ولفتو شويا سمحيليا باقي مدزت عندك راك عارفا ياسين خدام
خديجة: ماشي مشكيل أبنتي ، داكشي نيت لاش عيط ليك يجي خوك يجيبك غدا بغينا نتقداو لحسناء حوايج
وجواد حط ليا لفلوس وݣاليا خرجيني من السوق ، وأنا أبنتي منعرف ݣلت تمشي معيا
"لمعو عينيها بالفرحة شحال هادي مخرجت وهي كتموت على الدوران": صافي أماما كوني هانيا غير صيفتي جواد يوصلني غدا فصباح ونيت راه توحشتكم
يلاه كملت معها المكالمة دخل ياسين خنزر فيها وقرب لعندها" : شحال من مرة كنوصيك دخلي معك حوايجك لدوش ونتي مخرجا مسفحا عند بالك مزوجا بجاك ولا !؟
"زفرات بجهد وقلبت عينيها ": واش غنبقاو ديما هكا أنا راه عيت واه راني غير بنادم
قرب ليها كثر : انا كنهضر فالشرق ونتي فالمريخ
"وقفت بزربة بغا تخرج من البيت تا شدها من كتفها": راني كنهضر معك واقيلا "شاف فيها بعينين حادين " من ليوم متبقايش تنزلي إلا كان أمين
"حركت راسها '" ؛ حماقيتي مفيهاش( دارت يديها على عنقها: أنا راه تخنقت واش كتفهم تخنقت ،،، لقراية لي كنت نمشي ليها نبدل الجو حبستيني منها شنو باقي شنو ؟؟
ياسين "طلق من كتفها ": راني هضرت ديري عقلك
ضغط لي تعرضت ليه هاد ليام خلاها تنفاجر ومبقت عارفا شنو كتخرج من فمها
خلود: بنسبة لأمين غننزل سواء كان سواء مكاينش ، حيدو من راسك راه سيد تزوج ،والقراية منقدرش نبقا نراجع فالدار بعدا غير دير ليا سوايع لمهم نبدل الجو ومنبقاش مخنوقا هنا وزايدني بهاد شك
...حست بكتفها غيتقلع من شدا لي دار ليها ،تسيف عليها بزربة
( نطق بكل عجرافة ): 2 كلمات مغنعاودهومش معاك متخليناش نوصلو لشي حوايج مغيعجبو حد، نلقاك نتي وياه بجوج سواء صدفة ولا بالغلاط مغيعجبك حال
لبلاصة لي يعمرها خويها وهني لبال
خلود( كتحاول تفك يديها من قبضتو كتحس بيديها غتقلع تا دمعو عينيها من شدات الأ -لم): رخف عليا أياسين راك قصحتيني مفهمتش فين بغيتي توصل بهد الشك ديالك كلو ،القراية وخرجتيني منها لخروج مانعو عليا ودبا حتا دار منقدرش ناخد فيها راحتي
طلق من كتفها مخلي ليطراس د القبطة ديالو فيها وزيرها مع الحيط كتر حتا رجع نفسو كيضرب فوجها : كون ماشي سخط لواليد دقيقة منزيدوهاش فهد الدار ، ديري معيا عقلك حسن لك وليا(شاف فيها بشوفة حادة ورجع خصلة مور ودنيها): أنا راجلك والمفروض تسمعي كلامي بغيتي تخرجي نخرجك، أي حاجة بغيتيها أنا كاين غير كوني تسمعي الكلمة أخلود
حط يدو على مؤا__:خرتها ورك عليها بع؛_نف حتا شهقات فوذنيه
ونطق": المنظر لي شفت ݣبيلا منبغيش نعاود نشوفو وهادي ليكانت كتنزل وطلع نبغي نشوفها كتنزل وطلع فحالة وحدة (غمزها بن)حراف): راكي فاهمة عليا
خلود:واش حماقيتي ولا ؟ ماشي هادشي ليدرت معك نهار لول تفكر شروطي مزيان أياسين خويا ومكانش داير ليا لحبس فدار
ياسين ( رفع صوتو هاد لمرة بغض/ب وبشوفة قاصحة خلاتها تعرف بلي ياسين عمرها ممكن تفهمو ): شوفي أشريفة لهضرة راني ݣلتها ممسينيش معك كونطرا باش تبداي تحطي ليا شروط ونحطهم ليك داكشي تقبلتو فوقتها ملي كنتي مرتي وصافي (حط يدو على قلبو): ولكن ملي دخلتي لهنا تبدل كلشي (شد دقنها بت/ملك): نتي ديالي ولحاجة ديالي مكنبغي تا حد يشوف فيها جمعي معيا راسك شويا
خلود( حست به قتل أحلامها وستاغلها نهار لول تافقو على شروطهم غير ضمنها وضمن حبها تقلب عليها، هزات فيه عينيها ليكانو مدمعين وبنظرة كتحمل كل خيبة أمل): خسارة أياسين ، ندمت ندمت حيت وافقت نكون مرتك
الكلام لي نطقت به مكانش من قلبها ولكن الضغط لي تعرضت ليه خلاها تنفاجر فوجهو
.. أما هو بقا كيشوف فيها مدة طويلة وكلمة ندمت كتردد فودنيه بحال الطبل
فجأة داك الصراخ لي كان بينتهم تحول لصوت ساكت مخيف ، هز الكونطاك د طموبيل من فوق طبلا يلاه غيخرج سمع صوت الإرطتام تلفت بزربة بنت ليه طايحا فالأرض فقدا الواعي
مشا عندها بزربة والخوف سيطر عليه بقا كيضرب فوجها شحال والو هز كأس الماء لي كون فوق الكوافوز وبدا يرش عليها تا بدات تحل عينيها بشوية ، حس بالعرق نازل مع ضهرو ووجهو رجع شاحب بسبب الخوف عليها
هزها بين يدو وحطها فوق الناموسية هز لاپاري طونسيو عبر ليها لقاه نازل نطق بشوية و عينو فعينيها: "شوية
حركت راسها بأه ورجعت غمضت
ياسين : غنجيب ليك الماء والسكر وإلا حسيتي براسك باقي عيانة نديك الكنينيك
نزل بزربة جاب ليها الماء والسكر والزبيب عاونها تا شربت وبقا ݣالس حداها كيدوز على راسها ندم لي غوت عليها ، مشكيلتو ديما مكيقدرش يتحكم فأعصابو ، بقا كيفكر مع راسو شحال ، شنو ذنبها هيا
ياك هو ليمسكنها فدار الوالدين بقا كيلوم راسو شحال عالأقل كان يجيب 2 خنشات د سيما والمعلم يسد بين دوش والبيت تا يولي واحد ، متشوف حد ميشوفها حد ،،، هنا بضبط وصلت معه القرار الأخير لي بان ليه غيريح كلشي
بقا حدها تا داتو عينو
... دخل أمين وباه من الخدمة ، دارو الݣوتي وكل وحد مشا يرتاح فبيتو ..
مع دخل أمين بانت ليه مليكة هازا شي شمعة مدورا ليها شي وراق بقا كيشوف فيها من لور شحال وهي مرداش ليه لبال
نطق بجهد:" أش كتحرقي تماك
نقزات على صوتو حتا طاحت عليها شمعة حرقتها فيديها ودوك الوراق تشتتو
هز الوراق لي جاو منهم لراسهم حدا رجليه ، وهو كيقرا أش مكتوب فيهم وبؤبؤ عينيه كيوسع
.. جيتك ياجني الكحل تجيب ليا قلب أمين يولي كلبي وحماري وخاتم فصبع رجلي وهضرتي تمشي فيه كي دم لي فعروقو
من صدمتو مقدرش باقي يحيد عينو الواسعين من الورقة
أما مليكة شادا يديها لي محروقا وكتحرك راسها بلا ، بمعنى ماشي كيف فهمتي
محست على راسها تتجرات من شعرها على يدو ": ياك أبنت الق*/حبة ، مقدك فين وصلتي بسمك بغا تزيدي تهبليني بسحورك ياتريكت السحارة
.. كتحاول تفك يديه من قبضتو ووالو قرب يطير ليها جلدة د رأس
غير بان ليها حل لباب د البيت عوال يشوهها فالدار وهي تنطق بالكلام لي جمدو
مليكة: والله وتخرج كلمة من فمك تنݣول لخوك بلي نهار غتاص/()*بتيني كتعيط عليا بسميت خلود
... غير سمع كلامها حيد يدو لي جمعت زغبها بسرعة
ورجع سد لباب ولاحها لداخل ولا كلو كيترعد": أش كتݣجدري عليا نتي ؟؟
مليكة"ضحكت بإستفزاز وحركت صبعها قدام عينيه ونطقت " ' توتوتو ملي مبغيتيش تقاد معيا على خاطرك عارفا عينيك على مرت خوك
أمين"خرج عينو": أش كتݣولي واش تصطيتي ؟؟
.."دارت صبعها على فمها": غنسكت ولكن فالمقابل حتا نتا تسكت وتحتارمني قدامهم
(المحمدية)
هبطت خولة لساحة لي جاية بين الإقامات دافعا ولدها فالبوسيط كانت كتمشي بشوية كتدور بين المبنات غير باش تلف الوقت و تهرب من التفكير فالماضي والمستقبل
صونا تليفونها بإسم نزار بقات كتشوفيه مطول خذات نفس طويل وجاوبات.
فلول، سولها على الولد... داير به حجة كل شوية يعيط ليها
ولكن هي ديما كتجبد ليه نفس الموضوع ، الطلاق…
خولة : بغيت منك حاجة وحدة تاخد ليا شي دار صغيرة على سميتي لي نربي فيها ولدي
سكت مدة عاد نطق": الطلاق مازال ممسالي ليه ...أما الدار، إلا بغيتي نشريها ليك ونديرها فسميتك، خاصك تنساي هاد الهدرة كاملة ديال الطلاق
شدات التلفون مزيان كتحاول متنفعلش معه " : علاش مبغيتيش الطلاق؟
نزار : حيث ما بغيتش نخسرك ونخسر عائلتي.
بقات ساكتة ثواني طويلة، ومن بعد قالت بصوت هادئ: واخا… موافقا، ولكن بشرط. تبقى بعيد عليا. عطيني الوقت حتى نقدر نسامحك وننسى ليدرتي فيا أنزار
بلا ما تزيد كلمة أخرى سالات المكالمة.
هزات عينيها بنت ليها إيمان كتشوف فيها من بعيد ،،، جايا لعندها بشوية
إيمان"': وخا نهضر
هزات خولة راسها بالإيجاب.
وتمشاو بصمت لوحد الكرسي كان قريب ليهم
نطقت إيمان وعينيها عامرين بالحزن والألم وعينيها مبعداهم كليا من خولة" : بغيتك تعرفي بلي نهار تزوجت به، والله ما كنت عارفة بلي مزوج. هو ما سولني واش كنت مزوجة قبل، ولا حتى أنا سولتو... مشينا لطنجة على أساس الخدمة ساعة هو كان مخطط نتزوجو وأنا وافقت، عند بالي أخيرا دنيا ضحكت ليا جا راجل ماسول لا على عائلتي لي حاشا تكون عائلة ولا على الماضي ديالي عندي 2 وليدات بلا عقد الزواج
بقات ساكتة شوية ومسحات دمعة نازلا من عينها وكملات" :هو وعدني يكون سند ليا ويصونّي، ولكن كان غير كيكذب
(شافت فيها مدة ): عارفتي علاش حيت كان كيبغيك نتي ،
خلاني تعلقت به. ومن بعد عرفت منو بلي مزوج وعندو ولد. منكذبش عليك كنت أنانية وطلبت منو يطلقك ولكن كان جوابو الرفض وبلي قاد بينا بجوج.. وقبلت تاني نبقا معه
...كتسمع ليها خولة بصمت كأنها حجرة عاشت ميكفيها من الصدمات والأ(لم مبقا والو كيأثر فيها
نزلات إيمان راسها وهي كتهضر بحرقة" :ولكن معرفتكش نتي مرتو ما عرفتش شكون هي المرأة لي ظلمها وظلمني معها طَمعت يكون ليا وهو طمع نمتعو كنت كنضحك على راسي ونقول يمكن هاد المرة نكون محظوظة.
ضحكات ضحكةطافيا كلها ألم.
": نسيت بلي ما عنديش الزهر. راجلي اللول لعب بيا تزوجني صغيرة مفهما والو بزواج الفاتحة على أساس نديرو العقد ملي نوصل تمنتاش ساعة كدب عليا ومشا تزوج بمرة خرى, معرفتها حتى مات ، سم ليشربوه ليا وليت كنسقي به، فلول ݣلت إلا ݣاع ماصدق بعدا نكون مطلقة ومنبقاش أم عازبة ولكن تعلقت به
وهدا زهري
لول غدرني
والثاني طلع أكبر كذاب عرفتو فحياتي كيكذب على راسو وعلينا هو من لول بغيك علاش جا لعندي وخلاني نبغيه
بقات خولة ساكتة، كتسمع ليها وقلبها عامر بمشاعر بين الغضب والشفقة
دارت صبعها كتمسح ليها دموعها للحضة ترمات إيمان فحضنها كتبكي وتشهق ولخرى كطبطب عليها
تحت نسمات البرد،
الدنيا غريبا وعجيبا كطيحنا فمواقف عمرنا تخايلنا نعيشهم ،،، لا إيمان ولا خولة كانو من الجعوقات والمحيبات لشوهة فكو مشاكلهم بهدوء وبرود ويمكن كون كانوا تلاقاو فضروف خرى غيكنوا أجمل صديقات
إيمان عمرها كانت إنسانة خايبا ، إيمات تغدرت وتضلمت وتزوجات باش تلقا الرجل لي يصرف عليها فالحلال فالوقت لي كان كلشي طمع فيها بلا حلال شافت الوجه الأخر للمجتمع ، ولكن القدر لاحها فرجل كيبغي مرتو وعتبرها مجرد نزوة فالحلال ونتهى وقتها ملي تقدات علاقتو مع مرتو كيما كان كيعتاقد وملي لقا راسو غيخصر خولة ضحا بإيمان
**
هاذا قلبي 'وهاذا حالو ،وهاذو همايا، اللي باعوه،نشهّد ربي،عللي قالو،فيا و اللي
فيا داروه ،الثقة والحب ،ما يتجمعوش،ما عقت انا تا فات لحال ،الحب والكذوب،ما يتفرقوش،درت النية و هاني فالمحال،واش نتبدل حتانا ولا نبقا كيمانا،القلب معمر القلب معمر، والراس يدور،واش نتبدل حتانا،ولا نبقا كيمانا
**
نزلت خلود لتحت من بعد محست براسها مزيان
لقات ياسين ݣالس بوحدو فالصالون كيتفرج فالتلفاز فماتش المنتخب قربات ليه بشوية وݣلست حداه : ياسين، بغيت نطلب منك طليبا
هز عينيه فيها كيتفحصها واش ولات بخير "وحرك ليها راسو بمعنى شنو ؟
خلود" بللت شفايفها ":غدا بغيت نخرج مع مي شوية ونيت نمشي نشوفهم ونبارك ليهم الدار
ياسين: تسناي تالنهار الحد ونمشو بجوج
خلود: نمشي غدا ونرجعوا نمشيو نهار الحد هادشي إلا مجاو يطلبو يد حسناء فالحد مهم خويا غيجي يوصلني ويرجعني أش ݣلتي ؟
ما عجبوش الحال، وداك الإحساس ديال الغيرة تحرك فقلبو تاني كان باغي يرفض ولكن ملي تفكر الحالة لي كانت فيها والحزن لي باين فعينيها، ضغط على راسو " : واخا، غير متعطليش وديري عقلك خرجي مع مماك ماشي بوحدك
تلاحت عليه معنقاه شدها من دراعها وقرب ليها وجها عند وجهو ونزل عليها بقبلا طويلة
دخل لحاج لصالون بانو ليه هكاك قلب دورة بشوية قبل ميشفوه كيستغفر الله
هبطو كاملين فوقت العشاء غير كلاو جمعت خلود المواعن ودخلاتهم للكوزينة،حطتهم بلا غسيل وطلعات لبيتها ترتاح
فالصالون، بقا ياسين ݣالس مع باه كيهضرو على الخدمة والذهب فين واصل تمانو
نطق ياسين بعد مفكر شحال" :بغيت نهضر معاك ألوليد وعلى ربي متعكس ليا تاني
لحاج:خير إن شاء الله.
تنهد " :بغيت نتحول لدار أخرى. محتاج شوية ديال الراحة لي مبقتش فهد الدار أمين تزوج ومشاكيل العيالات راك عارف
لحاج: آش هاد الهضرة؟ واش حنا مقصرين فشي حاجة ؟العيالات هداك حالهم مديرش فيهم عقلك
ياسين: لا ألواليد ولكن كاينين أمور خاصة ومبقيتش قادر نسكت عليهم, ولا نساير
تفكر الحاج المنضر لي شاف وهنا فهم بلي ولدو بغا الخصوصيا وياخد راحتو مع مرتو
لحاج : إلا كان هادشي غيخليك ترتاح وخا ولكن بشرط، تسكن حدا نا وما تبعدش بزاف
ابتاسم ليه وباس راسو، كان باغي يخرج بالرضى ديالو
...فالجهة الأخرى، كانت فاطيمة ݣالسة مع مليكة فالكوزينة.
فاطيمة: دابا أبنتي سبع يام ديال الحزام سالاو ، خاصك ترجعي تعاونينا فالدار كيف قبل
سكتت شوية وما جاوبتش بغات تصوت فيها تا هي ولكن عارفا بلي فاطيمة ماشي بحال يطو مشاداش عليها باش تلوي ليها يديها نطقت ببتسامة مزيفا ":واخا، غنعاون أخالتي غير تهناي لاش أنا هنا
طلع ياسين الفوق بعد مسالا الهضرة مع باه. دخل لبيتو ولقا خلود كتبدل بحوايج نعاس ياسين"قرب منها ":واش باقي عيانة
خلود:شوية
كان طامع فعلاقة معها ساعة ملي بنت ليه باقي عيانة مبغاش يقجر عليها
طفا الضو وتكا حداها.. كيدوز على شعرها تداهم النعاس
صباح جديد… كاين لي كيتسناه بفارغ الصبر، وكاين لي منين كايطلع عليه الصباح كايحس بحال إلا الدنيا كلها هازها فوق راسو، وأصبحنا وأصبح الملك لله
فاق ياسين بكري كيف العادة بسبب الخدمة ديالو ... لبس سروال دجين وتريكو بيض قبل ما يخرج، تلفت لخلود اللي كانت كتقلب فبلاصتها..يلاه كتفيق
الوسواس لي فيه مهناه بدا يتنوى مع راسو تاني إلا خرجت بوحدها ، يقدر يتبسل عليها شي حد ولا يتشهها تفكر نهار كان معها فطموبيل وتحرش وحد من بعيد بشعرها بلع ريقو وقرب منها كيتفحص ملامحها ياسين: كي بقيتي شوية؟
حركت راسها بأه بلا متجاوب
"حك قرفادتو ونطق": شنو غتلبسي إلا مشيتي مع خوك؟
خلود" شافت فيه باستغراب" :واش حمقيتي ، كيفاش اش غنلبس راه بينا حوايج مالي غنلبس جلود ؟
بقا كيشوف فيها بملامح جدية وعاود سولها : شنو غتلبسي أخلود؟
"حيدات الغطا عليها وجمعت شعرها لفوق كعكة":علاش كتسولني هاد السؤال مع الصباح (بان ليها باقي واقف كيتسنى تجاوبو
تنهدات وردات عليه بنبرة فيها شوية ديال السخرية" :جلابة البنية لي لبست فأݣادير
حرك ليها راسو بلا ملي تفكر كي جاتها ديك حلابة
بلا ميزيد معها هضرة
مشى لدرسينݣ وهز العباية اللي شرا ليها، واسعة شوية وطويلة وحطها ليها" : لبسي هادي كتجيك زوينة
غير شافتها، كحلات بالعما
خلود" : ديما كنلبسها فينما مشينا كتݣوليا نلبسها لي شافني يݣول معنديش الحوايج
بقا ساكت كيشوف فيها، مباغي يعصب راسو معها ولكن راه بزز غيتعصب ويغصبها تاني.." : لبسيها غير اليوما، من بعد لبسي اللي بغيتي
شافت فعيونو وفهمت بلي النقاش معاه ما غادي يوصله غير لصداع
هزات كتافها بواخا
بقت متبعا ليه عينيها وهو كيرش فريحتو كتشوف فكتافو العراض كيف بينين فديك تريكو وشعرو الأسواد لمخلط بشويا د زغبات فالبني، تفكرت نهار مشات لافاك وكيف البنات كيحماقو عليه بلعت ريقها بصعوبة وتمشت لعندو كتشوف فيه كيرجع شعرو لور بمشطة ونطقت بغضب" : دبا لاش كتمشط وتدير هاد ريحة واش غادي تقري ولا تعرس
شاف فيها بستغراب حيت أول مرة تدخل فيه هكا
ياسين: معجباتكش ريحة ولا
...حركت راسها ب لا وهي غطرطق: لا خايبا متبقاش ديرها
بسها ففمها ونطق فوذنيها": منبقاش نديرها بقاي على خاطرك
خرج من البيت وباقي قلبو وبالو عندها كون ما الوقت لي مشا والطلاب عندهم إمتحان مستحيل يخليها بلا مي//متالك جسدها تاني رغبتو فيها كل نهار كتزاد
...قدات خلود راسها، ولبسات لعبيا لي حط ليها من كثرت ملبستها كرهاتها
نزلت التحت لقت مليكة وفاطيمة ويطو كيفطرو ، سلمت عليهم وݣلست كتفطر بصمت
باقي ما كملات فطورها صونا تلفونها
خلود:ألو خويا
جواد: هبطي، راني عند الباب
فاطيمة"هزات حاجبها": علاه فين غاديا؟
خلود: راك عارفا دارنا تحولو لهنا غنمشي نشوفهم ونوجد معهم الخطبة د حسناء
فاطيمة"حركت ليها راسها ": مزيان
غير غبرات قدام عينيهم نقزات مليكة : ملقيتي أخالتي لمن تعطي حسناء
فاطيمة: الأرزاق أبنتي
ضحكت يطو بسخرية : وعلاه مالهم شحال من تفاحة كتخرج بصلة من لداخل وشحال من بصلة كتخرج تفاحة
تبسمت ليها مليكة بإستفزاز فهمت بلي معنت عليها ونطقت: البصلا أخالتي مكتبكي غير لي قرب ليها باغي يقشرها
يطو " تجهلاتها وشافت فبنتها": والله مكرهت نمشو لحمام لبرد هدا مبقا تدواش ديال الدار كيقضي ليا عضامي كرمو علبا
فاطيمة: والله مكرهت ولكن الحاج غيجي بكري ليوم ودرت معه نخرجو نتقداو لحسناء ملي مبغت هي تمشي معيا اللهما نمشي معه "شافت فمليكة ": ولكن ها مليكة تمشي معك الله يرضي عليها شدو الكسالة غنخلي ليكم الغداء ونخرج
مليكة" نطقت بززمعجبها حال": هيا نمشيو دبا نيت باش نرجعو بكري
..دخلت فاطيمة لكوزينة وهزات البزطام فوق التلاجة هزات منو لفلوس وخرجت لعندهم جبدات 200 درهم مداتها لمها : هاكي هادي راه الكسالات هنا غالين
يطو : ها مليكة تحك ليا علاش ناخدو الكسالة فزماني كنت نحك لعݣوزتي وطفلاتي ووليداتي ونخرج كندردݣ
فاطيمة: الله يهديك أمي شدي مشا زمانكم وخلا غالمنازل
مليكة: خالتي يطو عندها الحق أنا نحك ليها لاش الكسالة
فاطيمة: الله يرضي عليك أبنتي
...
لقت جواد فطموبيل جيبها غير ديال صاحبو أما هو عدوه طموبيل ، فينما غادي كيدي الموطور حل ليها لباب لي حداه وطلعت يلاه غيتحرك جات قدامهم حسنا ليجيات من ليسي خارجا مع 10 كتمشى غير بزز ݣاع مرضات ليهم البال
تا عيطت عليها خلود وقربت جيهت الشرجم عند بالها مع ياسين وخا طموبيل م
ولا شي حد من عائلتها مجاش جواد نهائيا فبالها
ولكن غير قربت لشرجم بان ليها وجهو وضوح الشمس وخا هو مشاف ݣاع فيها كأنها ناكرة
كتشوف شكلو لي تبدل نقص شعرو وتا ستيل حوايجو تبدل بلعت الغصا لي فحلقها ورجعت أدراجها لور ومسحت دمعتها
فجأة تحولو من عشاق لأعداء ...
تحرك جواد بزربة مخلي العجاجة موراه وقلب حسناء لي محطم حلت لباب وطلعت فالدروج بزربة كتمسح دموعها ولي كيزيد يخنقها أنها مجبورة تزوج به بسبب الجنين لي فكرشها
خلصت مليكة لحمام ودخلت هي ويطو عمرات ليهم مليكة الماء وݣلست كتسخن عضامها كتشوف فيطو لي شعرها شايب كلو من غير شعر القنفود لي بقا كحل جاتها ضحكا
مليكة: دبا علاش شعرك لفوق بيض وتماك كحل
يطو: بلاصت النشاط ماشي هي بلاصت التخمام ولكن إن شاء الله غنشيبهم ليك بجوج أقليلة الترابي
دخلت وحد لمرة لابسا پيرميدا ودوني غليضة وطويلا جات قاصدا مليكة ": نحك ليك دبا أبنتي
مليكة: أه دبا نيت هزي ليا معك هاد سطل لداخل راني لحقا عليك
يطو : وعلاه مغتحكي ليا وبعدا غير تسبقني راه الحمام كيدوخني
مليكة " جبداتها": وا يطو ملي بنتك عطاتك باش تخلصي شديهم وسكتي أنا نحك ليك ولهلا يحيك ݣاع مكنحك لمي نحك ليك نتي عفنك
والكسالة مغنخلصهاش عليك من جيبي بنتك عطاتني غير فلوس الحمام ضربي على يديك وحكي ولا شاطرا غير فتحرميات وتخطيط
نزلت خلود قدام دار والديها بقات كتشوف فيها بإعجاب
من برى بينا بني جديد ، فيها السفلي والطبق لول وسطاح فيها 85 مترو
حل جواد الباب ودخلت هي لولا كتعيط بسميت مها فرحانة
نزلت خديجة عندها بالأحضان
فرحنين حيت ولاو قراب لبعضيتهم
سلمت على باها لي بقا غير كيتشكا ليها بلي جاه لقنط وتوحش هوارة وخرفانو والفيرمة ديالو
دوراتها مها فالدار قنط بقنط عاد دخلو ݣلسو فالصالون
و حطات ليهم أتاي مع الفاكيا ، وبقاو كيهضرو وعلى الأخبار ديال العائلة ..وخديجة دور ودور وتجبد زواج جواد
بقت خلود غير كتسمع ليها مبغتش تعاود ليها الحقيقة، لي مور هاد الزواج حيت عارفا مها مستحيل تخلي شي هضرة عندها غتفرشها غتفرشها
صونا تليفون خديجة قاطع كلامهم
جاوبات وبقات كتهضر شوية..عاد سدات المكالمة وهي كتفرنس ": خولة سلمات عليكم ݣالت ليا غدا غتجي لعندنا
خلود:كون غير يخليني ياسين نبات هنا نشوفها تا أنا توحشتها
خديجة: أربي أبنتي تبعي راجلك لا تمي تاني غضبنا عندنا وحنا عاد غنعاودو نتناسبو معهم، خولة تشوفيها ملي نجو نطلبو حسناء
" دخل عندهم جواد كيݣمݣم بكلمات أغنية الراي :"نخرجو نتغداو برا ونبدلو الجو شوية بنتو ليا قنطنين
" عيط على باه لي كان كايطل من الباركو":: وا لواليد يلاه نديك لوحد الفيرمة تنفس شويا مع راسك "
خرجو مجموعين ركبو فطموبيل مسافة الطريق ووقف قدام وحد الفيرمة نواحي بوسكورة طلبو القطبان والكفتة المشوية، وزادو ليهم شلايض متنوعة...تغداو فجو عائلي غير بربعا خلود عجبها الجو كثر حيت مكاينش محمد
تغداو على خاطرهم وحركو رجليهم تماك حتا قرب العصر
عاد وصلهم جواد لدرب السلطان لي سرعاتو به خديجة تلتيام هادي
حطهم فالقريعة الفوق ومشا هو وباه القهوة يݣلسو فيها تيساليو
قصدو ليبوتيك وبداو يختارو حوايج لي يديو لحسناء من ثواب والقفطان والجلابة وصيكان... مكتروش بزاف حيت غيديرو غير خطبة وباقي معرفين واش غيديرو عرس ولا لا !
حاولو يتقداو كلشي من ليبوتيك قراب لبعضيتهم باش ميتعطلوش ويحيح عليهم جواد
خديجة: ويني هادشي غالي لعافيا هادي
خلود: ياك عطاك لفلوس يوى صافي مالك مخلصهم من جيبك
خديجة: يلاه شرى دار وفرشها وزيد الزواج و العرس إلا بغاوه راه بزاف
خلود فسرها(سرو):عزيز عليك أماما تهزي سوق مالك فيه والو
حط جواد خلود حدا دار ناسها و كمل طريقو مع والديه كانت خديجة بغا تنزل تسلم على فاطيمة ساعة مخلاهاش
يلاه غضغط خلود على السرسار وقفات طموبيل ياسين قريب ليها
هزات عينيها فيه ، وبقت كتسناه ينزل
تنهد بتعب،وهو كيشوفها من الشرجم د طموبيل
نهار كامل وهو كيجري بين الخدمة وتقليب على دار ليباغيها تكون قريبة لوالديه على حسب باه أما هو راه لي مسلكو هو عين شوق حيت قريب لافاك
غير شافها حس بشوية ديال الراحة ، معمرو ضن يبغي شي وحدة هكا هو محترم للعلاقا الزوجيا ولكن خلود مكيشوفهاش غير مرتو ، شي حاجة كثر،وخا ديما مقجر عليها ولكن تيقتو فيها عمياء وعمرها غتخيبو فيها هكا كان إحساسو
نزل من الطموبيل ومشا عندها كيطلعها بعينيه من لتحت لفوق كيتأكد واش باقي لابسة العباية لي طلب منها قبل ولا دارت لي فراسها حيت عارف وخا يدير ليدار ولا يݣول لي ݣال كتخرج ليه بشي تبرهيشا
بانت ليه باقي بنفس لعابيا قرب منها وباسها فراسها ودوز يدو على ضهرها بلمسة شكر بطريقتو الخاصة
ياسين: لباس عليك؟
خلود بابتسامة : الحمد لله، بخير ونتا؟ "دوزات يديها على وجهو وكمشت حجبانها" كتبان عيان أحياتي
حس بإحساس فشكل ملي شاف الاهتمام ديالها به
باس يديها ليكدوز على وجهو و شد ليها يدها بشوية خشها بين يدو : "لقيت واحد الدار للكراء قريب لينا
خلود (جمعت حجبنها مفهمات والو): علاش شنو بغيتها !؟
ياسين: باش تكون عندنا خصوصيتنا شوية ، الدار دبا عامرة أمين تزوج ويقدر نسابو يبداو يجو أصلان هادشي خص يكون شحال هادي غير مبغيتش نخرج بلا رضى د الواليد
مكانش عندها الوقت تزيد تسولو ولا تناقشو جرها معاه بزربة وحل ليها باب الطموبيل.
خلود: فين غنمشيو دبا ؟
ياسين: تشوفيها دابا واش عجباتك بعدا
مادازت حتى شي خمس دقايق حتى وقف قدام مبن هادئ ونقي
هبطو وطلعو فالأسانسور كانو فيها 6 دديور ودار لي بغا يكريها جات فدوزيام
حل الباب ودخلو للبرطمة.
بقات كتشوف فكل قنط الصالون المغربي لي مفرش بتقليدي على حقو وطريقو بالعود بلون مغلوق وفراش بين البيج والموطارد و الكوزينة مجهزا بكولشي وعاد بيت نعاس فيه ناموسيا وكوافوز لاصق فالحيط من الإمدي إف فوقو مرايا مدورا والدريسينغ لاصق فالحيط
وبيت خر فيه لي فوطوي
وفسيجور كاينا طبلا د زاج بربعا دكراسا
الزوين فيها أنها مفرشا وماعمرها تسكنت مولاها واخدها غير يكريها
خلود"بعيون كيلمعو": زوينة بزاف…
حست بفرحة كبيرة من بعد الضغط ليتعرضت ليه ليام ليدازو كانت هاد المفاجأة بحال بلسم على جروحها
بقا كيشوف فيها من لور كيتأملها وهي كدور فالدار فرحانة
ياسين: إلا عجباتك، غنتحولو ليها هاد السيمانة إن شاء الله معجباتك نشوفو شي وحدين خرين وخا هادي حسن حيت اغلب الديور فيها خاوين
خلود،: أه عجبتني ولكن غتكون غاليا ياك ؟
ياسين "حرك راسو": ضروري المعاريف هدا ولكن ماشي مشكيل ..يلا ولفنا مع الوقت نبيع دار لي فمراكش بينما جمعت شي براكة خرى ونشريو هنا شي دار تكون كبيرة على هادي
خلود"تتشوف فدار بإعجاب والقلوبا كيخرجو من عينيها" باركا غير قد هادي
"دوز يدو على خصرها ونطق ": مغنبقاوش ديما جوج غيجو لوليدات وغيخصنا دار كبيرة
غمضت عينيها ونسمات البرد لي داخلا من شرجم كيضربو فوجها وهو حاضنها من لور وخا المدابزات و الصداع لي ديما كيوقعو بينتهم ولكن بنسبة ليها رجع هو الأمان ، وهي رجعت بنسبة ليه الوطن
ياسين : مكرهتش نجربو النعسا فالناموسيا هنا هي ليغتبين لينا واش دار زوينا ولا لا
هبطات عينيها حشمانة ": تتكريها بعدا دبا باقي ماشي دارنا مجاتش
ياسين"كان غير ضاحك من لول": وخا ألالة من غدا تولي ديالنا وشوفي ليك شي تخربجا تاني
كتكمش حجبانها كتستعد تفيق ...
غير حلت عينيها تبسمات وهزات الغطا على راسها ملي تفكرت ليلتهم لبارح وكيفاش كانت بين يدين ياسين
قلبها تيضرب بجند ووجها رجع حمر كل مرة كيحسسها بلي أول ليلة ليهم
دارت روتينها الصباحي وبدلات حوايجها عاد نزلات لتحت. دخلات للكوزينة وحطات فطورها.... بقات كتفطر على خاطرها وهي كتفكر المشاهد ديالهم وكلامو معها تتفلت ليها ضحكة وترجع تجمعها
دخلات فاطيمة للكوزينة، هازا فيديها الحوت ليغيديرو الغداء ݣلست حدها وكبت كأس د أتاي
فاطيمة: إمتى غيجيو عائلتك يطلبو يد حسناء؟”
حطات الكاس من يدها" : نهار الحد ، على حسب ياسين حيت ليام لخرين عندو الخدمة
هزات فاطيمة راسها وزفرات بجهد " :الله يدوز هادشي على خير وصافي ”
تعاونو بجوج فتوجاد الغدا، وكل وحدة كتدير شي حاجة حتى سالاو عاد طلعات خلود لبيتها باش تحفظ
دخلت فاطيمة عند مها لبيت فيت كتنعس لقاتها كتفرج فوحد فيلم مغربي ": إوى أمي كي جاك لحمام لبارح خلعتيني جيتي عيانة وسخفانة
يطو" مبغتش تݣوليها على مليكة خافت تمشي تعاود لياسين ولحاج لهضرة لي كانت تݣوليها قبل": غير مبقيت نݣد على السخون أبنتي وصافي
فاطيمة: شتي مليكة غير تزوجت بأمين ولات تنعس تالضهر ، وحتا شقا ولات ديرو بزز طلعت خلود حسن منها باقي، أودي ݣاليك كيطيرو باش يتحطو هيا هادي
يطو: داكشي لي بان ليا ...وتا نتي رخيتي ليها كنتي تݣولي كون أمين خدا خلود كون ربيتها هانتي ربي غير هاديك
فاطيمة: أحيانا أيمي ربيت ياد بنتي بقاو ليا غير بنات الناس ، أنا راه حسناء قسمت ليا ظهر
،،،،،
فبلاصة خرى، كانت خولة عاد هابطة من طاكسي حمر، هازة ولدها فالركاب وباليزة صغيرة جارها فديها. خلصات المول الطاكسي وخدات تليفونها من الصاك، صونات على مها علمتها بلي هي فالدرب بقات خديجة كتنعت ليها تا وصلت لحدا دار
عمرها كانت عندها زعامة تخرج بوحدها كانت معولا على نزار فكلشي ولكن هاهي ليوم كدير حوايج جداد عليها وكتعلم تعتمد على راسها
سلمت عليها خديجة بدموع وعلى ولدها الكيا دخولة مبغتش تحيد ليها من ݣلبها ملي شافت الخيانة دراجلها ليها وزيد كيف عانت فلوحم ديالها ومكانتش حداها
بقاو كيسولو على الأحوال و وخولة كتجاوب بابتسامة بعد المرات كتكون من قلبها بعد المرات كضحك غير فوق خاطرها فاش كيسولوها على نزار
كتحاول ما تبينش ليهم المشاكل ديالها وبلي شهر ونص وهي عايشا بوحدها
"بقا لحسن كيلعب مع حفيدو لي منعساه فوق السدايري كيحاول يتقلب على كرشو
لحسن: كون ݣلتي لجواد ابنتي ولا محمد يجيبوك بلا متعدبي نتي وهاد الولد فطريق
خولة : ماشي مشكل أبا الدراري خدامين الله يعاونهم ليوم كاين لبرد وخا شوية دشميسة ولكن تبارك الله البرد نيت
خديجة"مدت ليها كأس أتاي": وقتو هدا أبنتي
لحسن: علاش يادلي نزار مجابك
خولة" بقت كتفكر واش تعاود ليهم ولا تسكت"
وصل نهار الحد، نهار اللي كاين اللي كيتسناه بفارغ الصبر باش يرتاح من الهم اللي هاز فوق كتافو، بحال فاطيمة وخلود، وكاين اللي عاد غادي يبدا فهم جديد.
كتوجد راسها فبيتها، ومعاها خلود وحنان، كيعاونوها، وحنان غير طلقاها كيف العادة.
حنان: «ودابا حسناء، إلا خسر لك هاد جواد الخطر، ݣوليها لياسين يفدي فختو
بقات حسناء كتضحك معها فوق خاطرها، وهي ربي اللي عالم بيها.
وخا كتمثل بلي فرحانة ومرتاحا، كان الحزن باين على ملامحها…
للحظة فكرات آش كان غيوقع كون كان حبو ليها حقيقي، وجا لدارهم يخطبها. كانت غتكون أسعد بنت فالعالم، ولكن اليوم هاهو جا يخطبها، والحقيقة مؤلمة ما كيبغيهاش، بالعكس لعب عليها كيف بغا، واليوم خلاها تكرهو وتكره راسها اللي كانت معاه.
خلود "كتسرح ليها شعرها حاسة بيها نطقات بشوية":اليوم خاصك تفرحي وتنساي كلشي. غيجي واحد النهار كلشي غيتصلح، حتى قلبك غيبرا، وغتفكري فهاد النهار وتندمي حيث كنت مقلقة فيه. هاد الشي دزت منو وحاسة بيك.»
حسناء (تبسمات بسخرية): أصلاً هاد الشي اللي كان باغي باغي ندوز من داك الشي اللي دزتي منو
فالسطاح، الطيابات واقفين على شغلهم، وريحة الماكلة عاطية.
فاطيمة دارت هاد المناسبة كبيرة شوية، وعرضت حتى على عائلتها، حيث ما حضروش فضريب الصداق ديال أمين، وبغات تجمع السوق مرة وحدة، وما بقاتش عندها ݣانا تعاود تاني تهدات بمشاكل ولادها
فبيت أمين، كانت مليكة كتهز وتحط فالحوايج، معصبة وكتخاصم" : شوف مك ديما لابسة الذهب، وخلود حتى هي عندها سنسلة ونبالة، غير أنا اللي ما عليّاش الله! وزعما عندكم حوانت ديال الذهب، ونتا اللي خدام فيهم، بعدا حشمو غير قدام الناس.»
أمين (تنهد بضيق): «راه أنا غير خدام مع با. هانتي ݣلتيها، وياسين كيخلص من جيبو. أما با راه فوق 30 عام فهاد الخدمة، نجي أنا غير اليوم نبدا نهز فالذهب؟ ما قدك الخاتم اللي عطاني فابور.
مليكة: إيوا تعلم من خوك، هاهو غيتحول لدارو بوحدو مع مرتو، كيتي أنا
أمين (ضحك بجهد): واش نتي متيقا بلي مزوجين بصاح؟ راه أنا أصلاً ما كنتش قادر على الزواج دابا، غير نتي اللي لصقتيني بكذوبك ودابا هاد الشي اللي عطا الله.
مليكة (هزات حجبانها):سبحان الله، فاش كنتي غتزوج بخلود كنتي قادر.
أمين: وراه كاين فرق بين اللي حارݣ بفلوكا واللي غادي بالوراق فطيارة.
مليكة (عصبها وغددها ): إيوا عندك طيارة طيح، والفلوكا توصل، وهاديك اللي داير عليها هاد الحالة راه عايشة الحياة مع خوك، شوف غير عنقها كل صباح مزوق، ونتا بقا حلم.
ضرب طم وردخ الباب وخرج.
فبلاصة خرى، وبالضبط فالهراويين، كان محمد ݣالس فالسيجور لابس كومبلي، كيسوط كي لفعا، ما محملش يمشي عندهم للدار ولا يعاود يتنسب معهم.
خرجت خولة من البيت لبسا قفطان خفيف فالكريب بلون الكشيري، جها كيحمق حيت غلاضت ،دارت معه شال فنفس اللون مكسر بخطوط كحلين، هزات ولدها بين يديها ملبساه جابادور فالزرق.
وخديجة تبعها كتقرا عليها القرآن
فرحات بزاف ملي شافت بنتها صحات ورجعات تديها فراسها، وݣاع داك العفن اللي كان فيها تقلب لنقاء. ولات كتدوش جوج مرات فالنهار، وكتدير الوصفات لوجهها، وعاد السكوات اللي كتلعب مرة مرة فالدار خرج ليها المؤ&خرة.
فوحد البيت فنفس الدار، كان جواد مقابل مع المراية كيرجع شعر اللور، ملامحو جامدين ما متعارف آش تحت راسو.
أهم حاجة عندو يدوز هاد الهبال بزربة قبل ما يعرفو والديه الحقيقة. عندو خاطر والديه بالدنيا كلها، وحتى الحمل ما بغاش يخرج الخبر ديالو ويتلسق فولدو ولا بنتو ولد الحرام.
تنهد بجهد وخرج مع الباب.
غير شافتو خديجة بدات تزغرط وتدمع، وهو شاد ليها لخاطر، زعما مزوج على قبلك ألواليدا
نزلو لتحت وركبو كاملين فطموبيل محمد، من غيرو هو اللي غادي بالمطور.
خولة (شافت فمها): أويلي أمي، كاين شي عريس كيمشي بالمطور؟
خديجة: خليه يمشي حتى فالواتساب، المهم راه غادي.
دازت مسافة الطريق، وكانو قدام الدار. خرج الحاج حسن فرحان وعينو مدمعين، كان عندو شعور الافتخار ببنتو اللي كبرات وغتزوج بعزها.
أما فاطيمة غير كتدير صواب مزيف، وما كرهتش تغوت وتحبس هاد الشي كامل، خصوصاً ملي شافت تعامل جواد معها.
كانت كتطلب غير الله يسلك حتى يدوز هاد الشي على خير، ومن بعد حتى إلا طلقو، الدنيا هانية.
سلم عليهم ياسين باحترام، ودخلو لصالون المناسبات اللي فالدوزيام طبقة اللخرة اللي جات على شكل جوج صالونات مقابلين. يلاه ݣلسو وبداو فالهضرة العادية، حتى دخلو عائلة فاطيمة. كانو العيالات فجهة والرجال فجهة، ولكن مقابلين، والدار عمرات والهضرة كترات.
طلعات خلود من بعد ملبسات قميص جوهرة مزوق بلون الكشيري والكحل، جا قريب لديال ختها، ودارت مكياج خفيف. سلمت على عائلتها وݣلست حدا خولة فرحانة بيهم.
تحطات ضيافة ديال أتاي والفكاية، وكل أربعة مجمعين على شي موضوع. جواد داير فيها حشمان وكيجاوب بصواب، وبقا ياسين حاضيه غير هو وطريقة هضرتو باش يعرف فين غتمشي ختو.
دخلت مليكة حتى هي لابسة قفطان أبيض جوهرة من اللي جابو ليها فالدهاز، ووجهها رجعاتو كي التعريجة. كانت زوينة، ولكن خيبات راسها. غير شافتها فاطيمة بدات تولول، مرضاتش تبان هكاك. شافت فيها ورجعات شافت خلود، وما كرهتش تنوض تجمع معها بهاد الشوهة اللي دارت ليها، وزعما عارضة عائلتها يشوفوها.
بقا الجو هادئ رغم بعض المشاحنات المكتومة.
سي لحسن: إيوا أسيادنا، اليوم جينا نطلبو يد بنتكم حسناء لولدنا جواد، إلا بغا الله وبغيتو. أما الدراري راه مراضين.»
ياسين: من الأحسن تنزل البنت ونسمعو جوابها كاملين.
دار إشارة لخلود تمشي تنزلها.
يتبع...
التعليقات
لا توجد تعليقات بعد، كن أول من يعلق.