محتوى القصة
متملمش وجهو غير عينو لي رجعو حمرين شدها من يديها معوجها لور تا جا ضهرها ملاصق مع كرشو وهي كتحاول تفلت يديها لي قربت تهرس
تحنا عند وذنيها ": هاد لمرة دازت مرة خرى تهزي عليا يديك تشوفيها ݣدامك
.. فلت ليها يديها وطلقها كلها كتنهج هزات فيه عينيها المدمعين من الألم": وافوتني أبنادم فوتتي راه مطلقين متبقاش دخل فيا
ياسين "كمش حجبانو ممسوق ليها": أش ديك لهضرة ݣلتي داك نهار ، "حرك راسو زعما راه تفكر": أه هنيتك ملي رميت عليك طلاق حيت مكان فيك ميصبر تنطلقو فالمحكمة
خلود"حركت راسها وصربت لباب برجليها ": أه هادشي لي كاين يلاه حل عليا هاد لباب
قرب ليها كثر ودار يديه على عنقها ولكن مضغطش غير حطها ، وهي كتشوفيه بخوف رجعو ليها ذكريات ديك ليلة فاش سلخها ، بقت غير كتحرك راسها بلا
ياسين "هز حاجبو": دبا غتجاوبيني بصارحة حسن ليك , درتي شي حاجة فديك الفترة قبل منطلقو
خلود"دفعاتو بجهد وخا متزعزع وغوتت بكل جهدها": ماشي شغلك وماشي شغلك ، ندير لي بغيت أش دخلك " خرجات عينيها' ": ياك معند بالك باقي ديك خلود القديمة لي كنتي تمشيها على البيض ومتهرسو
كتهضر وترطا وهو كيشوفيها بكل هدوء
ياسين: شغلي كنتي باقي مرتي وخا طلقتك بفمي
خلود" خدات نفاس طويل": وخا أسيدي كون هاني ديك ساعة فاش كنت مرتك معمري درت شي حاجة ، صافي رتاحيتي دبا " تتشوفيه بنضرات تراجي ": عفاك حل عليا هاد لباب خلاص نخرج
ياسين: ودبا درتي شي حاجة
" سدات عينيها بالأعصاب ورجعت حلاتهم ": أنا حرة دبا ندير لي بغيت ماشي شغلك يالله حل عليا لباب
تنهد بجهد وحلو ، مباشرة دخلت طبيبة ليمعهم فالعمارة زعرة عينيها خضرين وشعرها صفر فيها النمش فوجها طويلة بزاف قربت توصل لياسين فطول ورقيقة سميتها زهراء
تبسمت ليهم ودخلت خلود بتلفا مبقاتش خرجت رجعت طلعت معهم
زهراء"تتهضر وتشوف فياسين" كان الأسانسور خاصر بيكم
ياسين"عينو على خلود":بحال هكاك
زهراء : أنا قليل فين كنستعملو كنخاف من الأماكن المغلقة
"شافت فخلود": مرتك يمكن تخلعت
خلود ": ماشي مرتو
زهراء" بإحراج": سوري
تحل الأسانسور وخرجو كاملين
زهراء"شافت فياسين": عفاك عندي مشكل فرشاشة د دوش وخا تقادها ليا
بلعت خلور ريقها، ودازت كي العجاجة ... تارجع صونا ليها تليفون نست ݣاع فين غاديا ولا فين جايا هدرات بصوت مجهد باش يسمع ": هاني جايا دبا نيت أنيس
...وقف جواد ومحمد بطموبيلات ديالهم قدام دار البنت لي جاو يرشموها
محمد كان فرحان مهزاه دنيا لابس فوقيا فشيبي ثوب غالي زعما راه تا هو متدين
وجاود لابس دجين مع تيشورط كحل حداه حسناء لابسا عبيا فالخزي بشال بيج وخولة ومو وباه تا هو لابس فوقيا
صونا محمد على بات البنت وخديجة بقت تتشوف فداك الموبن مع كانو فعمارة
خرج عندهم الرجل والبشاشا على وجهو سلم على الرجال وسبق وهما تبعينو كانت دارو فالسفلي مع الدخلا تيشمو ريحت البخور كتهدن الخاطر
ݣلسو العيالت فبيت والرجال فصالون دخلت ممات البنت هازا نقابها على وجها تتسلم عليهم وترحب
تحطت ليهم ضيافة وبقاو مجمعين شوية
خديجة:إوى ألالة زبيدة فين عروستنا
زبيدة"وقفت": دبا نعيط ليها غير تتحشم شوية
خرجت تجيب بنتها وتبعتها بنتها لخرة لي بولادها
خديجة"تحنات على ودن خولة": مها زوينة وتا ختها تا صواب باين عليهم عالله تكون بحالهم
خولة : دبا نشوفو"هضرات بشوية": سكتي سكتي هاهوما جاين
دخلت مها وخديجة تتشوف موراها
زبيدة: البنت عيط عليها بها يشوفها ولدكم راك عارفا الرؤيا الشرعية
غير سمعتها حسناء تفكرت شوو دار ليها جواد نهار جا عندهم لدار ، بقت كتسول راسها واش كون حفظت على راسها وهي معه واش كان غيزعم يدير ليها هكاك تنهدت بعدم الراحة وبقات غير ساكتا
وقف محمد تابع بات البنت دخل معه لوحد لبيت كانت ݣالسا فطرف السدايري حادرا راسها
باها"شافيها": هزي أبنتي راسك وحيدي لتامك يشوفك هاد ولد الناس لي ناويك حلالو
.. ݣلس محمد قدامها كلو حماس يشوفها ، قلبو كيضرب بجهد مكانش هامو تكون زوينة حيت وخا تكون خايبا غتكون زوينة فعينو ولكن باغي غير يحفظ تفاصيلها
هزات لتامها بشويا وهزات فيه عينيها الكحلين بنت بجمال مغربي بيضاء و نيفها مفرش وفمها صغير
رجعت حدرات لتام ونزلت راسها وهو باقي منحصر فديك لحضة ، كانت فراسو ديما وملي شافها رجعت فقلبو وراسو وصورت وجها كادوز قدام عينيه
الأب : واش أبنتي موافقا عليه
.. حركت راسها بأه وخرجت من البيت بزربا
تبسم محمد على الحشمة ديالها": بغيتو العرس ألحاج
ميلود: لا أولدي فيه غير مضيعت الفلوس والتخلاط اللهم بلاش ديرو العقد ودي مرتك بالرفاه والبنين
محمد" باس على راسو بالفرحة": سيمانة ونديرو العقد إلا كان مسلككم
... دخلت عند العيالات هازا لتامها كتسلم عليهم كلامها قليل وتتبان مرزنا ، عجبت خديجة وتا خولة فزينها وهدوئها
مع المغرب خرجو من عندهم وقصدو الدار
جواد " صايݣ وكيهضر مع مو": غنمشي شي يمات لهوارة
حسناء" نقزات بالفرحة": تخليني فدارنا تتجي
.. خنزر فيها من المرايا": غاديا معيا أشريفة
ضحكة خولة على جنب ونطقت بشويا": أخ منو عيني فيه ، جواد طرݣني لداري راه خلود بوحدها
جواد: هاديك باقي مبغات دير عقلها ها محمد غيخوي الدار تجي تسكن غير تجمع راسها والسلام
خولة" بلعت ريقها حيت إلا عرفوها كطلق الشعر والحالة غينحروها الخدمة وبزز باش قتنعو
نزلت فالدروج دارت بناقص من شي أسانسور ، حاسا براسها غتنفاجر بقت كتعوج كمارتها وتقلد زهراء ": رشاشة ددوش خاصرة ليا ،،،وطبيبة من الفوق وعقلها فترمتها يخ على بشار
.. فالفوق كان باقي ياسين واقف بالجسد ديالو مع زهراء أما عقلو مع أنيس الكلمة لي سمع
زهراء:وخا تشوف ليا المشكل دبا
ياسين" حك على نيفو": سمحليا منقدرش ندخل معك ونتي بوحدك فالدار إلا بغيتي نعطيك نمرت وحد ترسيان معرفة
زهراء" بلعت ريقها بإحراج، العقلية عندها منفتحا حيت كبرات على برا وعاد رشاشة كانت نيت عندها خاصرة ماشي نوات شي حاجة , تبسمت ليه " : وخا شكرا مسيو غير قوليه عفاك ميتعطلش حيت الماء كيديع غير قطعتو على دار
.. حرك ليها راسو وزاد نزل فالأسانسور دوز نمرة لسيد علمو يجي وعطاه العنوان ورقم الشقة، أما هو راه عندو خطوط حمراء مستحيل يفوتهم ، تريسيان كتبقا هاديك خدمتو مافيها عيب إلا دخل ، وخا عندو هو راه مرتو ميقبلش عليها داكشي
.. خرج من باب البناية لاح عينو على ليمن مبنت ليه وعل ليسر كذلك، ضرب بسبرديلتو وضرب وحد القرعة كانت حدا رجليه تاتلاحت البعيد ورجع طلع لدار
خبط الباب بجهد وهو مكره من راسو
ݣلس فوق الكورسي كيهزز فصباطو فلخر سول راسو علاش هادشي كلو علاش،ياك طلقها واش قليل لي جاه منها ،كيݣول مع راسو كون غير جات شرحات ليه ومخبات عليه كان غيتفاهم مع ختو وخوها ويخليها هيا بعيد ولكن هي لا ، كذبت فوجهو ميات مرة وغدراتو خلات شرافو يتدنس وهي كتغطي على الحقيقة بحجة مينوض الصداع
.. طلق زافير طويل
ودخل توضاء ولبس عليه فقية وصلا صلاتو وݣلس كيستغفر الله،وكيدعيه بالتبات والهداية لطريقو ، جمع صلايتو
ودار ليه كأس د القهوة
وهز الپيسي ديالو لصالون كيخدم فيه ويكتب وحد الرواية ،كان بداها شحال هادي وحبسها
قرر يخوي طريقها من اليوم كيما قالت ليه ، هو لي طلقها وخصو يتحمل نتيجة قرارو
ومن ليوم غيعتبرها وحدة غريبة عليه ،ردد بصوت خفيف": هي حرة ضبر راسها
،،،
داخلين مع موركومو ومع الحد كان عامر وصوت الموسيقى مجهد ، كتحاول تلهي راسها بالضحك مع أنيس و جنات ولكن عقلها كيخونها مرة مرة ويرجع يفكر واش يكون دخل معها لدار ، وشنو ممكن يوقع بينتهم عقلها ولا بتخيلهم فوضع مخل
بقاو كيدوزو على البوتيكات ودارو فيها لي مشرا يتنزه حيت كلشي غالي تماك
حدهم خداو الأيسكريم ب 20 درهم لوحد ومشاو لجيهت الألعاب وأنيس كينقز بحال وديع فاش كيشوف رضاعة وهو فالمشيا
جنات" تتجر فيه باش تخرجو من تماك حيت تهاوش ليهم ": واش حمق راه ركبنا فيها مرة وحدة باركة
خلود" شادا راسها": أنا بعدا شداتني دوخة منها ،ويلي شحال غالية الله ياربي خصرت 80 درهم على والو
خرجو من تماك ومشاو جيهت البحر كيتمشاو تماك وكلمات الغزل كيتلاوحو عليهم خصوصا خلود كان عندها قبول غريب من صغرها فينما مشات تتخطف الأنضار شحال من وحد تيوقفها ولكن كتصدرو
.. حطهم طاكسي حمر حدا توينز ، نزلو وكل وحد شد طريق دارو
على أذان المغرب وقفت قدام المبن طلعت فالأسانسور غدا جيهت دارها تا بان ليها خارج من دارو ، هز فيها عينو ونزلهم بسرعة وداز بحال شي ريح
دورات وجها وبقت تبعاه تا غبر ، حست بإحساس خايب معجبهاش لحال كيف تجاهلها ، مباشرة جات زهراء فراسها
دخل أمين لدار عيان كيتململ بالسكرة ، فينما دار كتبان ليه دنيا مݣلوبة على وجهو ، من جيها مليكة لي تزوج بيها وهو مبغيهاش ومن جيهة خلود لي واخا ولات حرة ولكن مبقاتش بغاتو ، وبفمها عتارفات ليه أنو كان غير وسيلة باش توصل لغايتها وعمرها حست بشيء حاجة من جيهتو وعاد خوه لي عارف بلي كان حاط العين على مرتو ومن الفوق كان ناوي يهرب معها غير متبعاتو فهبالو
بقا كيسول راسو واش ݣاع هادشي لي كيوقع ليه بسبب ديك ليلة فاش خلاها ولا هدا مكتوبو من لول
فلول كانت غير عجباه عادي وبغا يتزرج جاه الحماس على الزواج ولكن فنهار العرس فكر وندم وتا صحابو ندموه كان باغي يغبر تيتهدنو والديه ويرجع ولكن الكسيدة لي دار ملي دخل فيه صاحبو بسبب الرهان لي كان بينتهم خلاتو يدخل كومة ، ونهار فاق لقها مرت خوه ، والممنوع مرغوب
.. دخل لبيتو بانت ليه مليكة مݣبلا مع الماريو غير شافتو سدات لباب بزربة ، قرب ليها تلصق على ظهرها ودور يدو على كرشها كانت هادي أول مرة يقرب ليها بعد متزوجو
وتا هيا مشات معه فالخط
حيدو حوايجهم وتجمعت أجسدهم فوق السرير
قرر يلوح الماضي موراه ويرجع يقبل بلي كيعيشو وتا تأنيب الضمير من جيهت خوه خلاه يدير هاد الخطوة
أما مليكة كانت فرحانة طبعا حالها حال أي أنثى بغا تحس براسعا مرغوبة وبغا دݣ وتادها بالولاد
....
(فمكان ثاني)
طلع محمد لفوق مكشكش كيهضر فتليفون وكيرمي خطواتو بسرعة فالدروج قطع الإتصال وعيط بجهد على جواد ، خديجة غير ،،،،لشافتو تخلعت نزل جواد بزربة من بيتو جامع حجبانو": مالك ياك لباس
محمد" تيشالي بيديه معصب": داك الكلب لي جبتي يحضي لبا رزقو ݣالس كيشفر فيه عين باين
جواد " عض شلقومتو": كنت حاس داكشي علاش ݣلت نتحرك تما
خديجة: ياربي السلامة ، بلا متݣولو والو لباكم خلوه راه غير صباح مشا عند ختو بلا ميجي مفقوص ولا توقع ليه شي حاجة
محمد: معندو ميدير تماك أصلان " شاف فجواد": أنا غادي دبا ، غتمشي معيا ولا لا ؟؟
جواد" شاف فحسناء ":هبطي ليا ساك لي جمعتي
حسناء: واش باقي غنمشي معك
جواد : هناك الله مغدياش معايا
.." شاف فمحمد نازل ومو تبعاه وجرها لوحد لبيت تماك محمر فيها عينو": ردي لبال لتليفون الخروج ممنوع
حسناء: عفاك خليني نمشي لدارنا تتجي
ضجواد" ساط بجهد": منين تتفهمي أز*بي معندك فين تمشي ݣلسي مع الواليدة دخول والخروج معها نحصل شي حاجة خرى فوݣ هادشي دبري كرك
.. خشا يدو فشعرها وجرها عندو بجهد بيسها فشفيفها قبلة همجية ، بعدات كتمسح فمها
.. خرجت خديجة معهم تا ركبو فطموبيل وهيا كتدعي معهم وتوصيهم ميحلوش تاني مشكل بمشكل كبر منو
دخلت لدار نيشان ݣالت لحسناء تجمع حوايجها يمشو عند خلود وخولة تيرجعو
صباح جديد مع أمل جديد..
نزلت مليكة لتحت وهي فرحانة، كتحس براسها عاد تزوجات
دخلات لكوزينة لقات فاطيمة كتهضر فالتليفون مع ختها، سلمت عليها وخرجت الفطور لسيجور لي وسط الدار
شوية لحق عليهم أمين، عاد خارج من الدوش، والشعر ديالو باقي كيقطر
قرب أمين، باس راس مو وسلم على مليكة بيديه وهي دايرا راسها حشمانة
بقات فاطيمة كتشوف فيهم وتعجب مولفا ملي كتسبقو مليكة وتنزل كيدير بنا قص من الفطور ويمشي الخدمة نيشان
داك الشيء اللي وقع بينهم،لبارح كان واضح من التغير لي ولا على تصروفاتهم
أما هو، فراه ماشي تبدلو مشاعيرو غير بدا كيستسلم للواقع ويحاول يعيش بلا صداع
شافت فيه مليكة وسولاتو بابتسامة ":أمين، نخرجو اليوم شوية؟ عمرنا خرجنا بجوج من نهار تزوجنا.
بقا ساكت عاد حرك ليها راسو بواخا و شد كأس أتاي من عند فاطيمة لي غير ساكتا
الملال كيقتلها كتوحش حسناء وتا من ياسين خلا بلاصتو وتا خلود هي من طبعها إنسانة عصبية فاش كتعصب يقدر دير أي حاجة ولا فاش كيتعلق الأمر بالكبدة ديالها(ولادها) ولكن غير كتهدن كتنسى ومكترجعش تحقد
فبلاصة أخرى
مع العشرة دالنهار خارجين من الدار خرجو لشارع وشدو طاكسي حمر وقف بيهم قدام العمارة. هبطو وكل وحدة هازا ساكها
دقو حلات ليهم خولة وهي كترحب بيهم
لقاو خلود باقي ناعسا فقت غير على صوتهم جمعت ليزار ودخلات لحمام قضات روتينها الصباحي
عاد خرجت عندهم سلمت عليهم وݣلست لقات خولةحاطا الفطور
خديجة"تتفوه": غنمشي نتكا شويا من الفجر وأنا فايقا طار عليا النعاس
خولة: دخلي لبيتي باش ميوصلك صداع
فطرو البنات وهما كيهضرو نضت خلود جمعت الماعن بغت حسناء تعاونها ولكن مخلاتهاش
،بقت غير ݣالسا معهم فالكوزينة
خولة"لبست عبيتها":البنات معاكم وديع راه فصالون نمشي نجيب الحوت شحال هادي مدرناه
هزات خلود مطيشة تقطع الشلاضة جراتها منها حسناء كتقطعها وهزات هيا الفريت قاداتو ودارت تكتوكة د الفلفة والدنجال
خلود: حسناء تزاديتي شوية هيا قدات ليك مي لحسة
حسناء"ضحكات ": تا جواد ݣالها ليا
خلود: وراه بصاح حناكك عمرو وتا صيݣانك ولور خرج شوية
حسناء:خصني نحبسها إلا مشا تا عاق بيا غينكدها عليا تاني وهو عاد تهدن شويا
خلود: هبيل هدا باغيك تبقاي غير ضعيفة ولا !
حسناء: واييه ديما كيعيط ليا بالمعضمة ولكن مبغينيش نغلاض فهم تسطى
خلود:متديهاش فيه راه مخلخل ، شتي دبا نتي خصك غير لݣديرة الصحراوية غتخرجي بومبا تجبد ليك داك الخير وخلي جواد يتبورد
حسناء"تحمست": وهو والله مكرهت ولكن حشمت من خالتي ديرها ليا ، عارفتي داك نهار لقينا عندو وحدة فالمحل قدها قداش ولور عندها خارج
خلود"غمزتها تتضحك":الناس تتجيهم الغيرة ياختي وهادشي غير تتكرهيه ويكرهك وخا مبان ليا شي كره
حسناء"تتنشف يديها فالفوطا" :أشمن غيرة تانتي ، غير ݣلت ليك اما هو دايرني كي شي كلبة حيت عارف منقدرش نرجع لدارنا على حسب خويا ، مهم خلينا من هادشي متتعرفيش نتي ديري لݣديرة
خلود : عاد نديرها لك تنشوف مي كيكدير ليها وتعلمت " هزات واحد الكورسي وطلعت عليه حلت البلاكار الفوقاني تتشوف تهزات الزلافا الكبيرة الحريرة د خولة مزوقا فلون الزرق والبيض بالفخار ":نقضو بهادي الغراض
دخلو لبيت فين كتنعس سدات لباب وحطت الزلافا د الحريرة
حسناء غير شافت البريكا والكغيط بدات تفتف بالخلعة
خلود: تكاي أصاحبتي مخفتي والو راه عندي تجربة فهادشي مالنا تنلعبو هنا
حسناء( تتشوف فالكغيط والبريكة تترعد): ناري أصاحبتي هادشي راه فيه العافيا
خلود"هزات حجبانها كتشطحهم": لي بغا زين يصبر لقريص النحل
حسناء: دبا واش هاد ليهونش ديالك نتي خرجو غير بالكديرة
خلود: عندي شوية و زتهم بيها ، وشنو صحابك راه ݣاع العيالات هادشي ليكيديرو ولكن غير تخرجيها صافي حبسي وكملي بالرياضة والماكلة الصحية باش يبقا لك اللحم مشدود وميتهرهش
حسناء(تشجعت): إوى بداي ليا ولكن لعار بشوية أختي
خلود : واحيدي سروالك خلي غير الكيلوط
هزات زيت السمسم حداها وقربات الݣديرة والكغيط ودارت ليݣات فيديها كبت زيت كدوزو بحركات دائرية ، كي كتشوف مها كدير ، وحسناء قلبها كيشطح من جيها خايفا تحرقها من جيها يحصلها جواد عارفة ليلتها ولا نهارها ميطلع فيها ضوء إلا حصلها
خلود: بسم الله بسم الله مستعدة
حسناء: لعار أختي بشوية
" حطت الكغيط فوحد الطاس شعلاتو وهزات الݣلا قلبتها عليها وتجر لحم د حسناء تا بدات تغوت بقت كتحركها وحسناء تتعض فالمخدة حيداتها ورجعت عودات غير قلبت الݣديرة تجر معها الكغيط لي فيه العافيا ومعا بقا النفس كيخرج مطفاش جراتو على لحمها هكاك تسمعت الغوتا د حسناء كتهز الدار ،
وقفت عليهم خديجة كي جني وجها مستقطر من الدم من ديك الغوتا لي سمعت
خلود" تتبغي تحيد الݣلا كتلقها لاصقا يديها رجعو يترعدو وحسناء كتشهق وتبكي كتحس بلحمها كيتحرق بزربة حيداتها خديجة كتولول ، لقاو ترمة د لالة حسناء حمرة حمرة تنضت جلدة
خديجة"تضرب فخاضها":ويلي ويلي على فضيحة دايرين
أش هاد الحالة حرقتي البنت
خلود"قربت تبكي بالخلعة": أمي والله مدرتها بالعاني معرفت كيفاش وقع
حسناء " وقفت تتمسح فدموعها": معندي زهر معندي زهر ، بغيت نكحلها عميتها دبا لا شاف خوك هادشي فين غنولي
خديجة وخلود: متوريهش تتبرا
حسناء: وعلاه غيتسناني نوريه
خديجة : أجي أجي معيا ندهن ليك پومادا د الحريق غير كتجمعو بجوج كترونو دنيا
خلود: أربي أحسناء سمحي ليا والله ماقصدت
حسناء: ماشي مشكيل ، عارفا لي كاين أنا ليمتعوسا أي شياط نايض فترمتي معرفت كيندير نݣلس
جابت خديجة پومادة د الحريق من بيت خولة وعطتها لخلود كدهن ليها
طلعت خولة هازا الحوت الشرن والربيع والحامض فيدبيها تلقات مع أنوار فالباب كان خارج
انوار: نهارك مبروك
خولة " بصواب": شكرا
مشت وهو باقي متبع ليها العين نطق بينو وبين راسو ": هادي دجاجة بكامونها ياسين ميخليني ندخل تا وحدة لدار نلعبو مع زين شوية نطيحوه ونتفجو
دخلت خولة كتعجب
لقتهم دايرين حالة فالدار، حسناء كتغوت مقادة تاتݣلس من الحريق اللي شاعل فترمتها
شافت الزلافة دالحريرة ليخداتها مع جبابن ب 300 درهم مقلوبا حداهم
خولة: ويلي أش هاد الحالة مالكم أش كديد هاد الزلافة هنا
خديجة: غير سكتي نتي خرجتي وأنا نعست ناضو لزبايل "ضربت خلود لترمتها": نضت هاد موكا كدير ليها فالݣديرة فين عمرها يادلي دارتها
خلود"تتحك فين ضربتها": أمي حرام عليك ديما كنشوفك ملي كديريها العيالات
خولة" بلعت ريقها ملي فهمات باللي الزلافة ديالها دارو بيها الكديرة ": واش هادي باش درتوها زلافتي
..حدرات حسناء راسها حشمنا وخلود تتلولب فعينيها "
خولة: والله لا باقي شربت حريرة عند شي حد تلقا كلشي تيدير بيها هكا ، هزاتها بطرف صبعانها"
خديجة: غتلوحيها
خولة: وشنو؟
خديجة"حنحنت ميات وجها لجنب ":خليها نديها نخدم بيها خدمتها زوينة
خلود: لا بينا خدمتها نقيا"شيرات لحسناء": هالدليل
قلبوها ضحك بينتهم، وحسناء تكالما عليها الحريق ملي دهنات ليها خلود پومادة بيافين
هزات خلود تليفون حسناء من الكوزينة وداتو ليها البيت ": هاكي تليفونك كيصوني
حسناء" غير شافت اسم جواد تبدل لون فوجهها وبدات تفتف
جوبات بهدوء مصطنع" : الو.
جواد: فين كنتي عام وأنا كنصوني ؟
حسناء: جينا عند خولة.
جواد: ما تخرجش إلا مع مي ونقصي من الطيران شوية نصوني جاوبي فالبلاصة
يالله
سالات معه الهضرة قطعات معاه، عيطات ليها مها.
علماتها باللي غتجي تشوفها... قالت ليها باللي هما كينين عند خولة دارت بناقص خافت يكون ياسين ويشوفها تماك مغيعجبوش لحال تمشي عند طليقتو
.. قلات خولة الحوت وبداو يحطو فالغداء مع الموناضة ، تغداو وجمعت خولة وخلود الماعن
وتكاو يديرو قولولة من غير خلود لي دخلت لدوش غسلت سنانها وخرجت لبست عليها سروال دجين تاي أوت طلعاتو على تيشورت بيض ودارت عليه پيست فالزرق مع سبادري بيضاء ضفرات شعرها وخلاتو مطلوق مخليا بعض الخصلات نازلين ، ودارت ميكاب خفيف
هزات ساكها وقصدات لفاك كانت عندها ساعة ونص من الأداب الإسلامي بقا الأستاد كيشرح ليهم وهي مرة بالها معه مرة مجمعا مع وحد البنت لي ݣالسا حدها
كملت الحصة ، ودخلت الحصة الثانية الأداب الجاهيلي كانو المدرجات عامرين على عكس الحصة الأولى تقريبا 300 طالب
غير دخل الأستاذ تسمع صقيل فالقاعة كأنها فارغا حرك الميكرو وتسمع صوتو لي كيخليها تقفز من بلاصتها إلا كان معصب وليكيذوبها فحوايجها إلا كان كيتغزل بيها
هزات عينيها فيه وبلعت ريقها كان هو نيت ياسين لابس قميجة ݣري غطرطق عليه وسروال دجين ازراق
كيشرح بطلاقة ويكتب على الصبورة الأشياء المهمة ، كتشوف فالمدرجات كيف البنات مستمتعين بشرح ديالو
الحصة كلها وتݣول واش ركزات فشي شرح من غير حركاتو
بداو الطلاب كيخرجو والبنات مكاين غير ميرسي دكتور ميرسي دكتور بقت هي من الأواخر جمع محفظتو ومسح يديه بوحد الپودوي وخرج جات معه قد قد تسمع صوت وحد البنت كتعيط عليها :خلود خلود
.. هز عينو العسليا فجيهت الصوت بانت ليه هي نيت بشحمها ولاحمها
طليقتو أصبحت تلميذتو
هز عينيه فيها، والصدمة بانت فوجهو.
كان عند بالو بلي ملي طلقو مدوزاتش إ متحان البكالوريا
ولكن اليوم بينات ليه عكس توقعاتوا
وبلي كملات حياتها بالطريقة اللي بغاتها وبلا ما تحتاج ليه، وبطلاقوا ليها وصلها لأحلامها دقا وحدة
طلعها بنظراتو الصقرية لي كانت فيهم نضرة غريبة من أخمص رجليها حتى لراسها، كيشوف كيفاش مشيكة ومقادة وسط آلاف البشر، وهاد الشي كامل دورو غير فخاطرو
ما بان على ملامحو والو
كمل طريقو عادي
بقات متبعا ليه العين تا غبر كتشوف فكتافو العراض كيتحركو بسلاسة ، عجبها الحال بزاف، حيت أخيرا حست به فهم بلي راه حرة وما بقا عندو حتى حق يتدخل فحياتها
ولكن داك التجاهل ديالو ما رداش الغرور ديالها
وخلاها تحس بالإنزعاج شوية
بقات غدا مع شي بنات بزربة تعرفات على شحال من بنت ساكنين فالمعاريف، فالنفس البلاصة اللي ساكنة فيها
خرجو من لافاك كيتعرفو على بعض ومشاو جيها بلاكة د الطوبيس
..مشات نيشان لبيم بلا مطلع لدار وباقي راه معطلا نصف ساعة على وقتها غير أحمد كيساوي معها ملي عرفعا كتقراء
بقات خدامة تا دازت 12 ديال الليل
عاد خرجت كتلوح رجليها والعيا بين عليها
دخلات لعمارة بان ليها ياسين مع نفس الراجل اللي هز ليها الدلاحة داك نهار
دخلو للأسانسور، ودخلات معاهم حتى هي. كانو هما اللور وهي القدام. هو عارف طبع أنوار الزهواني تيشوفيه لقاه مخرج عينو فيها
جا موراها بزربة ولصق معاها بطريقة خلات أنوار غير كيتعجب حيت هاد الفعايل يجو معه هو ماشي فعايل ياسين لي معروف عليه مكيهز العين فالعيالات وثقيل
خلود كانت حاسة بيه ملصق معها ولكن سكتت ماشي حيت عجبها الحال حيت مبغتش الشوهة دارت فراسها تخليها ليه من بعد
تحل الباب ديال الأسانسور وخرجو كاملين
غير شافها أنوار كتحل نفس الدار ضحك
أنوار: مولات الدلاحة نتي هادي جارتنا
خلوت"تبسمت ليه بشوية": هي هادي
هز ياسين سوارت كيحل الباب وجهو رجع حمر
خولة غير سمعت حس سوارت حلت لباب بزربة ": خلود عتقينا حسناء تزاد عليها الحال بزاف
.. تلفت ليهم ياسين بزربة
خلود "تتشوفيها مخلوعا" : اويلي فين غندوها دبا؟ 12 دليل هادي!
خولة "بعصبية" : هادي لخرة لينا مع جواد
خلود" دارت يديها على راسها ومن بعد جبدات تليفونها":نعيط لوحد الدري خدام معيا يمشي معنا، أنا راه معارفا فين نعطي الرأس هنا و12 دليل هادي
ياسين بقا واقف فبلاصتو عينيه كيشوفوا فنقطة وحدة رجع ليه آخر لقاء مع حسناء داك النهار اللي قاليها بصوت مقهور من الغدر
"خت وحدة اللي عندي هي حنان."
قرب ليهم أنوار ملي سمع الحوار ديالهم":أنا نوصلكم للبلاصة فين غادين.
جرو ياسين من يدو ودفعو لجهة بابهم
أنوار : خليني أصاحبي نعاونهم ، راه نيتي صافيا
"شاف فيه بملامح كلها جدية ": اللي لداخل ختي
تصدم أنوار، بقا غير حال فمو مفهم والو زاد دخل للدار بلا ميزيد كلمة ملي ولا موضوع عائلي
قرب ليهم ياسين تيدوز على لحيتو" : يلاه نوصلكم
خلود غير سمعاتو هزات عينيها فخولة كتسولها بلغة العينين حركات ليها راسها بأه ، ورجعت شافت فياسين": وخا تسنا شوية
دخلت لدار بزربة لقات حسناء كتغوت مقادة تݣلس مقادة تحرك وجها رجع صفر تكمش عليها قلبها من حالتها خصوصا حيت هي ليوصلاتها لهد النتيجة بدوق قصد منها
لاحت عليها خديحة كاپ طويل وخرجت مع خلود غير ب پيجامة وسروال ولكاب لي لاحت عليها خديحة
غادا كتتغوت بشوية من داك الحريق
غير شافت ياسين حدا السنسور سكتات ولا الحريق لي فقلبها كتر من لي فترماتها
هبطت عينيها مقداش تهزهوم فيه حشمانة منو وخايفة فنفس الوقت ، ترجمات ݣاع أحاسيسها بالقريص فجنب خلود لي شادا فيها ، مكنتش عارفا أصلان واش هو ليغيديهم ومكنت عارفا تا واش باقي كاين فالدار لي قدامهم
طلعو بجوج فطموبيل اللور وكلهم ساكتين ،هو معرف تا باش مريضا كيشوفها من لمرايا مكمشة ملامحها بالحريق ، ولكن باش يسولها مقادرش حيت لي دارت فيه ماشي سهل
وقف فأقرب كلينيك غادي سابق وهما تبعينو وحسناء تتنݣر على خلود حيت معلمتهاش بلي ياسين لي غيديهم
مشاو جيهت الإستقبال علمتهم خلود بحالتها وهي حشمانة تݣوليهم فين تحرقت بضبط
مشت حسناء مع الفرملية وبقت خلود كتسنا ݣالسا فالفتوي كاتمصي عينيها لي رجعو حمرين بنعاس بان ليها غراف القهوة المعلبة ممدود ليها هزات عينيها لقت ياسين خداتو من عندو وبدات تجغم منو ، وتا هو ݣلس حداها كيرشف من كاسو
"نطق بعد صمت طويل": مالها؟؟؟
خلود"شافت لبعيد بلا مدور وجها عندو اصلان كان كل وحد منهم تيشوف قدامو": تحرقت فرجليها
..رجع الصمت بينتهم
خرجت حسناء عينيها مدمعين كرطو ليها جرح وعقموه ليها
وعطتها طبيبة ورقة فيها الأدوية
داز ياسين خلص وخرجو من تماك وقف طموبيل فنص الطريق ومد يدو لور
..بقت خلود و حسناء كيشوفو فبعضيتهم تنطق ":الورقة د الدواء
عاد مداتها ليه حسناء خدا دواء وكمل الطريق لدار
نزلت حسناء كتشوفيه بعينيها لمدمعين قربت ليه ": خويا
ياسين"دار صبعو على فمو": متخرجيش هاد الكلمة من فمك عاونتكم بحال أي وحد من الجيران عندو مشكل
بعد مرور اسبوع
خلود هاد المدة كلها كتمشي لافاك ، ولكن عمرها باقي دخلات عند ياسين حيت أصلان عندها غير حصة وحدة عندو فالأسبوع
خرجت من حصة الأدب الإسلامي ووقفت قدام القاعة كتهضر مع شي بنات لابسا سالوپيت دجين ودايرا عليه پوليرو مشبك فالبيض وشعرها مخلياه كعكة
خرج الأستاذ اللي كانو عندو، وقفوه البنات كيسولو على العرض ليعندهم
كان فآخر العشرينات، مقبول فالزين، طويل وسمر ولكن رقيق شويك بقا كيهضر معاهم، وعينيه على خلود بإعجاب كانت بوحدها لي بينا ليه فدوك البنات
فالجهة المقابلة ليهم كان ياسين واقف، كيشوف فيهم ملامحو جامدة ما تعرف واش معصب ولا عادي جات عينو فعينيها للحظة..ومن بعد قلب وجهو
تجمعو عليه شي بنات تا هو كيهدرو معاه ورجعت هي لي حضياه ماشي هو …
دخلت عندو لقاعة كانو طلاب قلال شي 47 على عكس المدرجات لي كيكونو عامرين بدا الشرح ديالو وتيعطي فرصة لطلاب يجاوبو ، هي بقت غير حضياه ، وعقلها ساهي فالماضي
فلاش باك
نعسين وسط النموسيا مجردين من حوايجهم كيدوز على شعرها وهي ناعسا فوق حضنو
خلود: عارفتي أياسين مكرهتش ناخد الباك ونولي نقرأ عندك
ياسين"جرها تحتو": على هاد الحساب غنخرج ݣاع الطلاب ونخليك غير نتي عندي ونزل الريدوات باش تفهمي مزيان
..ضربات لكرشو كضحك وهو كيعضها تحت ودنيها تلقات راسها تاني هازا رجليها فالهواء
العودة
ياسين"تيشوفيها كيف ساهيا" أشريف اشريفة
..نغزها الولد لي من مورها باش ترد البال ولكن ديك الحركة مدازتش عند ياسين ، قفزات بجهد ملي عيط بسميتها وشير على داك لولد لباب
خلود"تتبلع ريقها مرضاتش": وي بروف
ياسين"شير ليها لجيهت الطاولة لي لقدام": ݣلسي هنا وتبتي معنا لي جا يتفلا لباب
..تحولت لطويلة لي نعت ليها وعينيها مدمعين حيت كلشي تيشوفيها الحصة كلها وهو مرقصها مرة يسولها مرة يقوليها نوضي لصبورة ،حلفت لباقي دخلت لحصة ديالو
....
تسمع دقان فالباب.
ناضت خولة حلت لقات جواد قدامها تصدمات حيث ما علمهومش باي جاو
جواد"طلع حاجبو":السلام مغتسلميش
سلمت عليها ودخل، وعينيه كيقلبو على حسناء. لقا مو فالبيت سلم عليها وسولها عليها.
خديجة : راها غير فالحمام.
حسناء غير سمعت صوتو جمد ليها الدم فالركابي. قلبها بدا كيضرب بجهد . بقات واقفا شحال قدام المراية تتشوف فالحرقة فين وصلت فرحلة الشفاء
غير خرجات لقاتو مكسل غير فالمراح كيتسناها.
جواد" عيط بسميتها بجهد": حسناء
قفزات بلاصتها
جواد"شير ليها بصبعو":تعالي هنا.
تتقلب بعينيها على خديجة وخولة ساعة مبنوش ليها
جواد: تنهضر مع الحيط اجي عندي
قربت ليه ومدت يديها تسلم عليه ": أزمر جداك أنا تسالمي كي كنتي تسالمي معيا فاش كنت صاحبك
" غمضت عينيها وقربت ليه باستو فحنكو ": مالكي مكتجاوبي لبارح 12 أپيل فين كنتي
حسناء: والله تكنت غير ناعسا
زير على ترمتها لعندو تغوتت بجهد ونقزات دمعة من عينيها جمع حجبانو بزربة ": مالكي
حسناء"تتبكي, مخلوعة وعاد الحريق": مكاين والو والله
جواد"جمع الوقفا":هبطي سروالك دبا بلا كلام زايد
تيشوفيها كلها كترعد قدامو من حالتها بين شي منتيف تماك
جواد: دبا غتهبطيه ولا نهبطو ليك أنا نيت
بقت تتشوفيه بضعف والمشكيلا تا لي يعتقها مكاين
مد يدو مزيرها عندو بجهد ونزل ليها سروال مباشرة ضرب فالبلاصة فين تحرقت حيت لابسا غير سترينݣ ،شدها من شعرها علاين يقلعو مخرج فيها عينو ": أش هادشي واش أنا مخلي مك سيمانة رجعت لقيتك حرقتي ترمتك
.. حسناء" : والله مدرتها بلعاني غير كنت كندوش وتحرقت واش كاين لي كيحرݣ راسو
تحل الباب ودخلت خولة وخديجة هازين شباكي د النشير ،هزات حسناء سروال بزربة ، تيشوفيهم جواد وهو باقي شاعل شير ليها بصبعو وعينو على مو ":مال هادي أش بلانها ، كيفاش تحرقت وساكتين مݣلتو والو
خديجة " كطلتف الجو": أولدي قدر الله صݣعة دخلت تدوش ݣلت توضاء بالخزامة لعلى وعسى يتفك حزامها ونشىفو شي حفيد ساعة معرفت اش طرى وجرى ليها تتكفحت عليها سطلا وتحرقت
حسناء وخولة بقاو غير كيحركو راسهم بأه داكشي لي كاين
جواد: أش تتخرفي أمي تهز ولا تحط ديتوها لطبيبة
خديجة : أه دينها لطبيبة اولدي وݣالت دبا تبرا
.. تسد الموضوع بحال هكاك وحسناء رجع فيها لون ، مشت مع خولة الكوزينة
خولة"حطت يديها على قلبها ":ويلي على المجعور كي دخل سلم على ترمتك
حسناء: الحمد لله خرجات هكاك
حطو الݣوتي وخديجة مجمعا مع جواد على البلان لي وقع ليهم فهوارة بقا كيعاود ليها من ليف تالزيد
خديجة: ومحمد مجاش معاك
جواد: جا غير مزروب مشا يشوف شي ديور لكرى كان وصى عليهم سمسار باغي يفرش بزربة
خديجة: معرفت فين زربان ياك البنت خطبها توكان يرسي مسايلو على خير
جواد: باغي يجيب مرتو مالو غيبقا يخيط بيها دروبا وهي خطيبتو
.. غير سمعاتو حسناء نضت من الطبلة ومشت لبيت لاخر
خديجة: بقا تعوف أش تخرج من فمك
....
خرج ياسين من لافاك غادي جيهت طموبيلتو تا بنت ليه خلود واقفا حداها معبسة شعرها مطلعه كعكة وبعد الخصلات من القدام كيديهم البرد وعنقها تيبان بيض مزين بسنسلة بالنقرة فيها سميتها تجاهلها وداز يركب ترجعات وقفت عليه
خلود" بعصبية": واش باغي تلعب معيا قشقاش ولا
ياسين"هز حاجبو": تتعارفيني الحصة سالات بغيتي تسولي على شي حاجة خرى تالحصة لخرى
خلود"ضحكت بفقصة وخرجت عينيها ": دبا أش تيصحاب ليك راسك لاش تتصبني ݣدام أمة لا إلها إلا الله ، باغي تبرد فيا سمك
.. قرب ليها مختزر طلعها وهبطها ": شكون نتي فملك الله باش نكون مسالي ليك أصلان نخليك فراجة
خلود" بعينين كيلمعو": وعلاش درتي ليا هكاك قدامهم
ياسين: شوفي الأنسة ، أنا راه كنشوفك بحالك بحال باقي الطلاب لي عندي وأي واحد دار تصروف لي درتي غندير معه نفس الشي كاينا شي حاجة فراسك خرجيها
خلود" ميلات وجها كتشوفيه":علاش تتكدب نتا باقي باغيني والدليل دوك ليام لي كنتي تابعني
ياسين: كنت مشتت معرف شنو باغي أما دبا نتي فطريق وأنا فطريق،
.. بلعت غصتها": مزيان ملي فهمتي
ياسين "بنضرة مستفزة طلعها ونزلها بإستحقار": داكشي لي كاين ، الله يجيب ليك شي لؤاي لي يقبل هبالك
خلود"حاولت تبقا مكالميا": سيد الرجال لي غنجيب ونتا سير قلب على حور العين متعرف تخرج وحدة لدنيا على قبلك
ياسين: كاينا غير هني بالك قريب تشوفيها وخا محال "غمزها": تنغير عليها تا من العيالات
طلع فطموبيل مكسيري خلاها مفقوصة بغا طرطق
يالله غتحرك وقف عليها نفس الأستاد لي كيقريها
معاذ:خلود!!
خلود" ببتسامة بلهاء" أستاذ
معاذ: عندك طموبيل هنا
خلود : لا غير تلفت وجيت لهنا
معاذ: تبغي نوصلك فين ساكنا
خلود: لا شكرا ساكنا فالمعاريف كناخد طوپيس
معاذ: حشومة هاد الزين يتكرفص فطوبيس
خلود"بإحراج" :بارك الله وفيك ، نخليك دبا
معاس"حنحن": وخا تعطيني دقيقة من وقتك
خلود: أه مرحبا
معاذ: صارحة شفتك عجبايني وناوي الحلال يلا كتاب وقبلتي بيا
.حلت فمها مصدوما معرفت كيف تجاوبو حدها نطقت ": أنا مطلقة
ݣالسا فاطيمة وختها لي جات عندها كيشربو أتاي ، ويتحدثو بينتهم
جميلة: فينها مليكة ݣاع مبنت ليا
فاطيمة: غتكون فبيتها
جميلة"حركت راسها: سبحان الله فاش غير كتعاونك كانت ترحب بينا والفم المعسول ملي ولات من العائلة مبقت حتا تخرح عندنا
نزلت مليكة على كلامها": هاهي خرجت عندك ، دايرا ليا شي عرض نتفرج فيه ومفراسي
فاطيمة"خنزرات فيها": حتارمي راسك وعارفي أش كتخرجي من فمك ، قبلت ليك هبالك مطلعيش فوݣ راسي
مليكة: غير سمعيني كثر هاني "دارت صبعها على ودنيها": تدخل من هنا وتخرج من هنا
دخل أمين على عياطهم ": مالكم ياك لباس؟
فاطيمة: والو أولدي
مليكة" طلعات حلقومها": اشمن والو ، تتاكلو فلحمي من صباح و والو
جميلة" وقفت سلمت على فاطيمة": خليتك اختي نتلقاو فساعة الخير" طبطبت على كتف أمين ودازت خرجت"
فاطيمة: تهنيتي دبا أشعالت العوافي
مليكة" شافت فأمين كدمع": سمعتيها سمعتيها
فاطيمة" خرجت عينيها": ياك معند بالك غيضربني غير لبارح كان كيزرݣك ولا تلاوحتي عليه سيمانة صحابك درتيه فجيب راه نجري عليك نتي وياه
..دازت فيها تتزعزعت ودخلت لبيتها
لبست جلابتها وخرجت
أمين"تيشوفيها معصب": واش غتبقاي ديما منوضا صداع مبغيتيش تحشمي
مليكة : ومالي أش درت ، إلا معجبك الحال خرج كري لينا
أمين: صافي مݣدو فيل زادو فيلا
...
غدا تتفكر فالعرض دالزواج لي جها من هاد الأستاذ ولكن نفضت هاد الفكرة من راسها ميمكنش تزوج واحد مكتحس ليه بوالو وهي عاد رجعت حرة
بقت لهضرة د ياسين كتعاود فودنيها وحست من هضرتو بلي ناوي يتزوج ، هزات كتافها بلا مبالات نزلت من طوپيس
وبقت غادا على رجليها هزات تليفون من صاك رجعت ليه الصوت حيت كان سيلونص لقت خولة مصونيا ليه 10 دالمرات رجعاتو حيت قربت نيت لدار يالله غدخل مع باب المبن حست بشعرها تجر من لور بوحد نتفا د الغدايض
تلقت حلقومها ك تغوت معرفت باش تبلات عند بالها شي هبيل ولا سكران لي شا).دها
حتا دور ليها وجها لعندو وهي تلجم ملي بان ليها خوها محمد
عينيه حمرين هو سمر وزاد غماق لونو بالأعصاب كيكشكش والدفال كيخرج ليه من فمو":ياك أصلݣوطا خرجتي ليها نيشا وليتي تت).عراي وتبندري فزنقا
خلود" كطيح عشرة لعين محيلتها لشوهة ولا ال(.ألم عاد محمد لي مغيدوزها ليها بخير": عفاك أخويا تلقني يرحم باك والله مكندير شي حاجة خايبة
ج).رها بحال شي حاولي مدخلها العمارة ..هز يد و صرف).قها تتململت علاين طيح": نتسناك يا لخانزة تا ديري وتجيبي ليا كرش من زنقا عاد نتحرك ، بقا تيعطيها بطوابع تز،،)واها فظهرها غ).وتت لربي لي خلقها جات ديك الغوتا نيشان فوذن فاطيمة لي داخلا جايا عند ياسين ميزاتهم من بعيد بغت تطلع ولكن خاطرها مخلاهاش تتشوفيه كيف كيمخد فيها ومشات لجيهتهم خلود غير شافتها شدات فيها شدات العمى فالضلمة
فاطيمة"تتحامي عليها": أويلي راه غت).قتلها راه ختك
محمد"تيغوت بجهد": مختيش ألالة ديها فراسك
فاطيمة: واش مبغيتي تحشم خرجتي على بنتي وعلى ختك وشتتي شمل ترجل شويا
محمد"عينيه حوالو عليها تيتهز ويتحط ، وخلود ݣلست لارض شادا فكرشها"؛ كون كنتي راجل كون تفهمت معك ولكن قد مي مجاتش
سمع صوت جاي من بعيد ": أنا راجل أجي نتفاهمو
بان ليه ياسين جاي معصب كثر منو من زمان باغي ليام تجيبو ليه يبرد فيه جنونو وها هي جات
متسنا تا ثانية ونقز عليه غفلو دخلو بالب).ونيات مطيحو لارض تا ولا كلو دمي).ات وخلود تتبكي فالقنط حيت عارفا أش كيتسنها ملي ينوض تاني على رجلو
ناض عليه ياسين ودفل جنبو ":باقي نشوفك كتهز صوتك على مي سنانك تحسبهم ، لاح عينو على خلود لي كانت راع).فا من نيفها مد ليها وحد كنينيكس زيرات عليه فيديها كتمسح
نوضتها فاطيمة توقفت ومشت معها
قبل ميدخلو الأسانسور سمعت صوت محمد": قسما بالله ودوز سيمانة ونلقاك باقي ديال راسك تنزوجك بحمودة وخا طيري ، بلعت ريقها ودخلت الأسانسور وياسين باقي كيغلي عليه
فاطيمة: وايني ح).يوان هدا شو كيرجعك
ياسين: الحيوان وحسن منو
خلود"بحرقة كتخنصص وتهز شاغت بقهرة وحݣرة": شنو الفرق بينك وبينو درتي ليا كتر منو "حطت يديها على قلبها": غير هو أداني فداتي ونتا أديتيني فداتي وقلبي
..رجعت تتبكي بجهد وهو تيشوف لبعيد
عنقتها فاطيمة تسكتات وبقات شادا فيها
وياسين تبعهم من لور
فاطيمة" شافت فياسين":شوية ونجي عندك أولدي
حرك ليها راسو ودخل لدارو وبقا كلامها كيتعاود فالمسامع ديالو
حلت مها الباب بزربة غير شافت حالتها حلت فمها وجراتها بزربة لبيت خولة وسدات لباب عليها باش ميشوفها جواد بديك الحالة شعر ونص كوم ومن الفوق كلها مجرتلا
رجعت خديجة عند فاطيمة كترحب بيها بحال إلا مكاين والو جات عندها حسناء كتجري ترمات عليها كتعنقها ، ودخلو لصالون ، أما جواد كان ناعس فبيت الݣلاس دخلت خولة وخديجة عند خلود تيعقمو ليها وجها
خديجة" تتورك ليها على جروح": ها لي بغا العرى هالي ميسمع الكلام
خلود" تتكمش ملامحها بال).ألم": وخا أمي غير هو لي ولدك أنا ماشي بنتك
خديجة: أنا مع الحق واش تا طلقتي عاد نطي تع).راي
صونا ليها تليفون": نعم اولدي شنو؟
محمد: ديك الك).لبة إلا كانت كتعرف شي حد تمشي تزوج به دبا حسن ليها ولا نجيب ليها حمودة من هوارة هو لي يليق ليها يديها مع البغل ديالو يحرت بيها
..قطع مخليهم كاملين تيغلو ،
خرجو عند فاطيمة دارو معها صواب من غير خلود ليبقت فبيتها صيفتت ميساج لأحمد بلي مريضة وغتغيب سيمانة على الخدمة
خرجت فاطيمة من عندهم ودقات على ياسين كان بوحدو فالدار دخلت عندو كطبطب على ظهرو متكي فوق الفطوي ": كيف بقيتي
ياسين": انا بات مزيان ، ملي بردت فيه طرح
فاطيمة: هداك راه هبيل يحسن عوان ديك زغبية دختو
ياسين: إلا غير هاديك هو ليعرف ليها
فاطيمة: دبا معندها مدير من غير تزوج
..هز فيها عينو ورجع نزلهم": الله يسهل عليها
فاق جواد مع المغرب دخل غسل وجهو ودخل عليهم الكوزينة غير شافوه قطعو الحس
جواد: الواليدة يلاه لبسو عليكم ولحݣو عليا
خديجة: أنا غنبقا باقي أولدي شي يمات
... شاف فحسناء ": أش كتسناي لبسي عليك يلاه
حسناء: ولكن خالتي مغداش غنبقا تا أنا
جواد" رجع شعرو لور بفقصة": واش مزوجا بمي ومفراسي " بصوت عالي": لبسي عليك وزيدي ݣدامي تمرضين كي داير
تتعوج حسناء وجها مكرهت ضربو بشي مقلا وخديجة تتهدن فيها وترضي عليها تبعو بالسكات حيت عارفا ولدها اش كيسوا ، دخلت لبيت لبست عليها جلابتها وخرجت عندو فݣعنا
جواد:فين خلود ، ݣاع مبانت ليا واش هادي لقات سيبا ولا
خديجة: جات فاش كنتي ناعس راه مشات لحمام
...دار يدو على كتف حسناء ودفعها ݣدامو تمو خارجين
جواد:تطيري تا حرݣتي ترم(.تك )" درعها بيدو" باش نيت تشدي لارض ، هيا بغيتي تهزي شي كرش تاني ليلة نبرعك
حسناء: الله يخلف عليك
....
فدار ياسين كانت باقي فاطيمة ݣالسا كيهدرو عادي بعيدا عن المشاكيل
فاطيمة: نخليك اولدي وقيتا د باك هادي غيكون جا
ياسين"هز كونطاك ": غنوصلك
فاطيمة؛ لا لا قريب الحال والله بغيت نيت نحرك رجلي مبقيت كنخرج ركابي بداو يضروني
ياسين : وخا خاطرك صبري شوية "دخل لبيتو وهز تليفون مليكة لي بقا عندو مدو ليها":هدا ديال مليكة نساتو هنا ديك لمرة وتا أنا نسيت مرجعتوش
فاطيمة"سلمت عليه": وخا أولدي الله يرضي عليك
..خرجت من عندو وهو بقا متكي كيفكر فحياتو جات صورتها قدام عينيه وهي واقفا مع داك الأستاذ ، بزربة ناض هز كونطاك وخرج مبغيش يسمح لعقلو يرجع يفكر فيها قصد دار النشر ليعندو ملهي راسو بالخدمة
...
بقت فاطيمة كتلعب بتليفون فيديها ،جاها لفضول تبقشش فيه... دخلات لتصاور كلو عامر غير بتصاورهم ستغريات حيت تصورهم كثر من ديال مليكة، بقات كدوز تا طلع ليها ڤيديو فيه خولة وخلود ضغطت عليه بزربة كتسمعهم كيهضرو على موضوع حسناء تشوكات وهي كتشوف فالڤيديو ، هنا فهمت بلي ماشي خلود لي عودت لياسين إنما مليكة لي عطاتو تليفون
مع المغرب دخلت لدار
لقت فاطيمة فوجها فم الباب"
فاطيمة : على سلامتك ألالة مليكة
مليكة""هزات شلقومتها لفوق " الله يسلمك
قربت ليها فاطيمة وهزات يديها نازلا عليها بط).رشة": ولا عندي كونان فالدار ومفراسي ، أشعالت العوافي نتي لي وصلتيها لياسين وشتتينا الله يشتت ليك ليام
مليكة " خرجت عينيها": بلاصت متحضي لقح)*بة د بنتك جايا مݣبلاني أنا وتتهزي عليا يديك
فاطيمة:غتجمعي عليا شراوطك ودرݣي كمارتك عليا
مليكة" بضحكة مجهدة": ياك ما دار باك هادي ، كيما نتي فدار راجلك تا انا فدار راجلي
بعدي من ساحتي ولا نمشي دبا نعاود لأمين وعمي لحاج فعايل بنتهم الق((حب،،ة
كي دخلو لدار تسمع حس محمد"دار إشارة بحجبانو لحسناء طلع لفوق ودخل هو عندو لسفلي ، كان متكي فالمراح تيتصنط لعضمو لي مدݣدݣين
جواد" كي شافو ضحك تيقلد نزهةالرݣراݣي": ويلي ويلي ويلي شكون دار فيك هادشي أزغبيييي
محمد" عض على شلقومتو كيتقاد بلاصتو":ماشي وقت الحموضا ديالك
جواد" تيقيص ليه فنيفو ولاخر كيطلق أنين": واݣادوك شكون دار ليك هاد الخدمة؟
محمد: داك زا((مل دياسين
جواد: ونتا أش وصلك ليه؟؟
محمد: هو لي تهجم عليا كنت كنربي ديك الكل))بة لي ولدات مي
جواد" هز حاجبو": خلود؟
محمد: وايه، سيدة دارت شعر وبينت لحم خارجا الف()سد عين بين
جواد" تيحرك راسو ": هكاك عليها ݣالو لحمام
خصها ترجع لهنا تبقا تحت الرقابة ، شتي الحرية الزايدا أش كدير
محمد: أخيرتها تجيب شي كرش من الحرام كيما دارت لي معك
جواد" تبدلات شوفتو وجمع حجبانو ، نزل عليه ببو).نيا على نيفو": مرتي أصاحبي هاديك، ولي كان فكرشها مني وبسببك وصلنا لهادشي
محمد"دار يدو على نيفو":اودي راه غير معصب متديش عليا ، بالحق متبقاش تلوح عليا لوما ، مالي ݣلت ليك سير نعس معها راه نتا لي درتي الغلاط
جواد: خليك مني أنا ݣاد براسي ،خلود خصها ترجع لهنا ميك عليها دبا تتجي
محمد: مكاين بو ميك الحل هو تزوج ودرݣ زلافتها
جواد : يكون خير ، شفتي باقي شي دار
محمد: لقيتها وبفراشها وخا الكرى غالي شوية "شير لوجهو":المشكل دبا هاد الكمارة خص تيتحيد هادشي عاد نݣدو نديرو اللاكت
.. ضربو جواد لكتفو وطلع لفوق تيقلب على حسناء دخل الكوزينة بانت ليه تتحرك فروز
جواد: أش تتخوري
حسناء: عيانة درت غير روز ، جيب لينا لبن
جواد: ديك ساعة ݣوليها وحنا جاين
خرج جاب لبن والحليب ، هبط لمحمد حقو كلاو وجمعت الماعن
طلعت لبيتها تا لحق عليها
جواد: أري نشوف ديك الحرقة
حسناء"تطوي الحوايج": غير خليني عفاك
جواد "ناض ليها": واش تنتشاور معاك نز)(لي سروا)(لك ولا ننزلو أنا نيت
.. نز(لت سر()والها تا بنت ترم).تها تيشوف فالحرقة ": إمتا تحرݣتي هادي ماشي جديدة
حسناء: فاش عاد مشيتي
جواد" ضر().بها لجيها لخرة ": دبا تبرا ليك غندير ليك وحد الدواء سپيسيال
.. ج()رها لناموسيا وجابها مسطحة وهي غير ساكتا خلاتو يدير مبغا مفيها ميتقاج معه تاني حيت النتيجة وحدة
حل ليها رج).ليها وبدا يلعب بصبعو تم).اك تبدات كتص.در أصوات الن).شوة وكلها كتلوى
حسناء: أووف صافي عفاك
جواد" تيح)رك صب)عو بجهد شنو": لي صافي نحبس
حسناء" حركت راسها بلا وعينيها سايلين": خ))(شي فيا هداك
مع كملاتها هزها من كرشها مخليها مك()وزة ليه بقا معها مد وجزر وهي كت(.)غوت بسميتو عقلها رافضو وجسدها بغيه وفالأخير ستسلمت لجسدها
خوى الس()ائل ديالو فوق البلاصة لي محر).(وقا
جواد" خ()بطها بيدو": هالدواء العودة
..ناض من عليها حاس بجوع حيت غير روز لي كلاو ، بان ليه شكلاط فوق لكوافوز من لي جاب ليه صاحبو هزو كلا منو 3 ورجع لبلاصتو بانت ليه مغيبا قاد عليها الغطا وتكا حداها مستسلم لنوم
..ساعتين وبدا يحس بشي سخ(.)ونيا مجهدة و روج(.))ولتو واقفا والعرق نازل عليه شعل ضوء وشاف فحسناء عري(.)انة هكاك ، تلاح عليها بحال شي س(.)بع فزعها من نعاسها
مطلقها تبدات تبكي ليه حيت كان مجهد على العادة
خرجت خولة من الدار غير بپيجامة بسروالها واسعا دايرا ترزا على راسها وهازة شبكة د النشير ، طلعت لصطاح بان ليها شي راجل عاطي بظهرو مشات لجيها لخرة كتنشر فيها تتلفت ليها
انوار "شاد الݣارو فيديه": نتي هادي!!
خولة"تبسمت ليه بإحراج تتحقق فملامحو عينيه خضرين وشعرو ميكس بين البني والزعر وعندو جسم رياضي طويل كيتعتبر من النوع الوسييم ...حست براصها طولت فيه شوفا
حدرات عينيها ورجعت تنشر ، معرفت تا وقف حداها تيهز الحوايج من شبكة كينشر معها جرات منو تيشورت": شكرا أخويا غننشر راسي
أنوار"رجع ج)(ر": ألا والله تنعاونك
سكتت ورجت تنشر تتشوفيه بجنب عين بغا غير تكمل نشيرها وتنزل ، جاب الله كانو غير ديال ولدها
أنوار: واش نتوما من عائلة ياسين؟؟
خولة: لا كان راجل ختي وطلقو
أنوار: هكاك إوى مزيان كمل النصيب
هزت شبكة ياش تنزل جرها من يديها وتيشوف فعينيها نيشان وهي رجعت كلها حمراء": صارحة أبنت الناس عجبتيني ومكرهت شي علاقة معك
خولة" حنحنت ": مفهمتش
أنوار " قرب ليها بجرأة": زعما نتصاحبو
... زاد غير صدمها حركت راسها": نتصاحبو
أنوار "غمزها": أه
خولة "حولت تحافظ على هدوئها": معرفت أشمن حركة درت بضبط خلاتك تفهم بلي أنا منهم واش حيت مطلقا
أنوار"دوز يدو على راسو ": شوفي بلا متحشمي مني نتي مطلقة أكيد غيكون صغيب تكملي بوحدك غتحتاجي راجل معك
.. خولة"قربات ليه تتضحك، وهو صافي ضمنها هزات يديها وصرفقاتو": أه عندك الحق غنحتاج راجل ماشي شم))اتا بحالك
دازت بزربة نزلت وتدعي فيه عاد فهمت هدرة د إيمان فاش ݣالت ليها كلشي كيطمع فيه بلا حلال وأنا ختاريت الحلال
أما هو بقا شاد على وجهو ، وصورتها وهي معصبا باقي بين عينو ، وبينو وبين راسو عجبو الحال حيت تصرفات هكا ...ومعرفش علاش
من كترت مدوز علاقات فحياتو مبقاش زعم يتزوج حيت تيشوف العيالات رجعو يطيرو
تنهد بجهد ونزل من تم .... كان على بالو خفيفة ملي سمع مطلقة دار فراسو تكون طلقت بسبب أنها خانت راجلو داكشي لي جا لبالو ولكن الحركة لي دارت خلاتو يبدل نظريتو
.. فالصالون كانت خديجة كتهضر مع جواد لي كشكش عليها بلي خاص خلود تجي لدار
قطعت عليه ودخلت عندها لبيت لقاتها غير متكيا تتخمم
خديجة: نوضي جمعي قشك ترجعي لدار قبل ميجي جواد يكمل عليك
خلود" تتبكي وتهىنن": ومبغيتش نرجع عندهم مبغيتش
خديجة: معندك حل من غير تزوجي
... طاح ليها داك الأستاذ فالرأس وخا مبغاه ومكتعارفو ولكن بدات تفكر هو شافها وبغها بشعر وعارف كتقراء غيقبلها كيما هي
وغيبقا حسن مترجع عند خوتها
جات صورت ياسين بين عينيها حركت راسها بلا ودموعها نازلين مبغاش تفكر قيه بالمرة نطقت بصوت مخنوق ": كاين وحد الأستاذ كيقريني باغي المعقول خصني غير نعطيه جوابي
خديجة" زغرطت"
نزلت من طوبيس غادا كت()جر فرجليها جامعا شعرها لور بقراسة ولبسا كسوة هابطا بالكم ديال الدجين بلون مفتوح و مزينا وجها بمكياج خفيف مغطيا به الشحوبيا
ب)زز باش قدرات تخرج من الدار مخلاتها مها تا علماتها بلي غتمشي تعطي الموافقة ديالها الأستاذ
.. مشات نيشان عندو القاعة فالفترة ليكتكون بين الحصص كانيت واقف قدام القاعة غير شافها تبسم ليها بقت كتحقق فيه وبلا متحس رجعت دير مقرنات بينو بين وياسين
مد يدو سلمت عليه تدير ديك ضحكة صفراء
خلود"بلعت ريقها حيت معارفا منين تبدا": داك نهار كنتي طلبتي
معاد"قاطعها حيت بنت ليه حشمانة علاين تسخف":طلبتك لزواج وباقي كنتسنى جوابك
.. شافت لبعيد ومجاو عينيها غير على ياسين ، كان كيشوفيها من بعيد لابس سروال دجين مع قميجة كحلة
رجت تشوف فمعاد ، غمضت عينيها وكورات يديها ونطقت بصوت خافت": موافقا
معاد" بانت الفرحة على ملامحو ": كنواعدك مغتدميش وغنعوضك على التجربة الفاشلا لي دزتي منها
خلود" تبسمت بز(ز":نتمنى
"هز تليفونو": مدي ليا نمرتك
قيداتها ليه ورجعت مداتو ليه وتافقو يهضرو فتليفون ويتفاهمو يمتا يقدر يجيب والديه لدار
قلبت الدورة غدا خارجا دازت من حدا ياسين لي كان حاضي الفيلم كلو وخا ماسمع الهضرة شافيها بإحتقار وقلب وجهو ،وتاهي متسوقت ليه
كملت طريقها وخرجت وهي زعفانة بغا تغوت بغا تبكي لتاني مرة كيدفعوها تزوج راجل معارفا عليه والو منغير سميتو ، وقفت طاكسي حمر وطلعت
أما ياسين كمل لعشيا معصب ليهضر من الطلاب كيخرجو حيح عليهم ومكرهش كون دخلات عندو باش يبرد فيها ولكن خرجت
...
قطعت الشانطي عند نزار لي كان مكروازي على طموبيل سلمت عليه بفمها وحطت ليه لولد فماكسي كوزي حيت ناعس
خولة: عفاك رد ليه لبال ومرة مرة قيس ليه سخانة
تيتفحصها بعينو والندم كياكل فيه كانو غيكونو أسعد عائلة ولكن متعة أيام خصرات ليه حياتو": كوني هانيا راه ولدي ، باقي مبغيتي ديري عقلك ونجمعو شملنا
خولة" تنهدت وشافت لبعيد": نزار راه ميمكنش نرجع كي كنت وخا نرجعو حيت الثيقة عمرها ترجع لي من جيهتك
داز من حداهم أنوار بطموبيل بلاصا ودخل العمارة
رجعت تا هيا دخلا يالله غدخل الأسانسور جر((ها لوحد القنط تحت الدروج
خولة" خرجت عينيها ": أقسم بالله ومطلقني تنجمع عليك جوقة
أنوار: تتفرعني عليا غير أنا لاخر واقفا معاه ݣاع فزنقة
خولة : ماشي شغلك بعد مني " دفعاتو بجهد تا تزحزح ": أقسم بالله تا نجيب ليك البوليس أقليل الحياء
هز يدو ورجع لور ، ": البوليس ݣاع ، علاه درنا علاش يجو، شنو بينك وبين هذاك لي واقفا معه
خولة: واش مرتك ولا ختك ولا بنتك باش تجي تسولني
خوي طريقي الله يرحم ليك الوالدين
..دازت بزربة طالعا معجبها حال
وهو بقا واقف تيفكر مع راسو ياك باغي غير يزهى ملي هيا بنت دارهم يفوتها والسلام
نزلت من طاكسي حمر قدام البحر ... مفيها لي يرجع لدار غير شافت منضر البحر حست بقلبها نشارح وبغت تنزل ترمي عليه همها
بفت غدا ونسمات البرد كيضربو فعنقها ... نزلت لرملة وحيدات صندالتها هزاتها فيدي
بقا غدا مسافة وعينيها على زرقة البحر غير شوفة فيه كتخليك تحس بلي دنيا كبيييرة وربي كبير مكيسد باب تا كيحل بيبان
قربت الماء وبدات تمشا تماك وعقلها سارح فالماضي
مفيقها غير صوت تليفون هزاتو لقت البنت لي خدامة معها فبيم
خلود: جنات هانيا
جنات : غبرتي أصاحبتي واش مبقيتي بغا تخدمي أحمد سولني عليك شحال من مرة
خلود"تنهدت بجهد": غير شي مشاكل وصافي
جنات: فين كاينا واش لبحر
خلود"حركت راسها": أه بغيت غير نتنفس شوية
جنات: إنا بحر أنا جايا
خلود: عين السبع
يالله دازت نصف ساعة رجعت صونت ليها كتسول إنا بلاصة بضبط واقفا
بقت كتعنت ليها تا لحقت عليها لابسا سالوپيط بالكحل وطالقا شعرها
جنات"تتسلم عليها": غبرتي علينا
خلود: غير الوقت وصافي
بقاو غادين بجوج شادين صندلا فيديهم وغدين فالكشكوشا الماء كيقيس رجليهم
جنات: مالكي أصاحبتي تتباتي مهمومة
خلود "تبسمت فوق خاطرها ": غنتزوج
جنات: إوى مبروك خبار لمليح هادي
خلود: مبغاهش غير على حسب عائلتي حيت أنا مطلقة وأي حاجة درتها عيب
جنات "وسعت عينيها": هكاك ومالكي على حالتك كري بوحدك وخليهم
خلود"حركت راسها بالنفي": معنديش داك الجهد
جنات: سمحيليا نسولك ..علاش طلقتي
خلود"لمعو عينيها ...حكت ليها على الدبرة...ولكن تا هي بغا تخوي قلبها والسلام": قصة طويلة .. انا كنت مخطوبا لخو راجلي وفليلة العرس دار أكسيدون انا عند بالي هرب وخويا كان غينحرني حيت عرف بلي خرجت معه ناض خوه الكبير تزوجني
جنات"هزات شلقومتها": هادشي عندكم بحال الأفلام ياختي .. يه كملي
خلود"رجعت شعرها اللور حيت طلقو ليها الريح ": خوه كان صعيب من النوع المشكاك وكيغير بزااف كيتدخل فلباسي وكلشي كيخصني .. ولكن مع الوقت بغيتو حيت وخا فيه عيوب فيه حوايج زونين .. سخي معيا من نحيا د للفلوس ورجعني نقراء مهم بحال هكا... ولكن وحد خويا ناض ضحك على ختو باش ينتقم ملي خلاني خوه فالعرس
وكنت عارفا وبقيت ساكتا نهار راجلي عرف سلخني وطلقتي بالثلات
جنات "وقفت مخرجا عينيها ": وايلي هادشي كلو داز عليك "شدات فكتفها" فيها خير أختي
خلود"حركت راسها": عرفتي شكون ...خونا لي رجع لحليب داك نهار هو طليقي
جنات"حست بالبحر جرها بدوخا لي شداتها... تفكرات نهار كانت كتغزل فيه قدامها": ويلي أصاحبتي ومالكي مقلتيها مخلياني كنتعنب عليه
خلود: عادي راه مطلقين
جنات: زوين أصاحبتي أنا هداك غير يسلخني لغد ليه نوض نقاد ليه الفطور
خلود"ضحكت من نيتها دايرا فيها كترت الهم كضحك": وراه هكاك كنت ندير هز عليا يدو 2 مرات قبل وكنت مكلخة لغد ليه طلقاني هازا ليه رجلي تاني
جنات"حركت راسها متحمسة تعاود ليها على لياليهم ولكن خلود سدات عليها الباب والشرجم
جنات : نسولك وجاوبيني بصراحة باقي كتبغيه ؟؟؟
بقت كتشوفيها مطولا ورجعت شافت فالبحر تحنت شويا كتقيص الماء بيديها وريح كيهز شعرها مرجعو على وجها ...
.. فهمت جنات بلي مبغاش تجاوبها
جنات"كتشوف فساعتها": مشا لحال ونيت تحرك لبرد
خلود "تقدات فوقفتها .. وحركت راسها بالإيجاب": يالله نتحركو ... وحد يأنيس خبارو صيفت ليه فالواتساب ساد
جنات "تحدرات كتلبس صندالتها حيت فاتو رملة ": تصرق ليه تليفون دار نمرة جديدة .. قاليا نيت نصيفت ليه نمرتك غير نسيت راهو فشمال شاد كونجي
خلود : إوى صافي تتصيفتيها لي توحشتو كيفوج عليا
جنات "ضحكات ": وايه هبيييل "شدات فدراعها" إمتا غتزوجي غديري العرس ولا ؟
خلود "حكت عنقها بشوية ومصت شفايفها ": باقي معرفت باقي ݣاع مهضرنا والعرس لا مديراهش هو لي بقا ليا
مع كملاتها سمعت تليفونها كيصوني .. حلت ساكها وهزاتو كانيت معاذ لي كيصوني
شافت فجنات وحركت ليها راسها": هو
جنات : ياسين
خلود" حركت راسها بالنفي
حلت المكالمة ...كتدور عينيهت فالبلاصة تبان ليها واحد الكرسي خاوي شيرات لجنات عليه بعينيها ...مشاات بجرا قبل ميسبقهوم شي حد حيت كلشي عامر
خلود: ألو
معاذ: خلود لباس
خلود" حاولت تبسم ولكن مقدراتش": لباس حمد لله ونتا مزيان؟؟
معاذ: والله إلا بخير ملي ݣاع سمعت صوتك رتاح البال
... قبيلا مخديتش راحتي معك أش بان ليك فشي كافي باش نتفاهمو مزيان
خلود " زمت فمها كتفكر واش توافق ولا لا فلخر جاوبات": وخا أنا فعين السبع فالبحر مع صاحبتي
معاذ : أنا جاي عندك دبا ... كاينا تماك وحد كافي سميتها أولاباس تسنيني تماك
خلود " شافت فجنات ": صافي وخا
جنات" تتشوفيها بفضول محركا راسها ": شنو ݣاليك؟
خلود: غيجي دبا قاليك نتسنا فقهوة ولاباس
جنات "هزات صاكها": إوى أختي سيري خودي راحتك معه بلا منعنكشكم
خلود"شبراتها من كمها": أݣلسي أصاحبتي غتمشي معيا مفيا لي ݣلس معه الرأس فالرأس
جنات" وملي تبغي تنعسي معه غتديني معك ...خنزرات فيها خلود
دخلو لقهوة لي نعت ليها كانت نيت فوق لبحر كتبان كلاص ونقيا .. عامرا بتوريس ݣلسو فوحد الطبلة على جنب والمنظر من تماك واااعر ولكن هيا متسوقاتش ليه ولا بان ليها من ساسو
كتحس بقلبها كيضرب بالجهد مقدراش تاخد قرار خر من غير هدا حيت عارفا العيشة مع خوتها الموت حسن منها.... خصوصا محمد جواد وخا حنين فيها ولكن راه بودينا غير يحرشو محمد يتقلب عليها
ض)(ربت الفكرة لي عطاتها جنات فراسها "تمشي تكري فشي بلاصة "... خدات نفاس عميق ودوزاتها فمخها تنهدت بجهد حيت عارفا راسها متقدش عليها
جنات"كتشوف فداك المنظر زوين تا سمعت تنهيدة ديالها وتلفتت ليها عزات عليها": أمالكي أصاحبتي .. رخاها الله مبغيتيهش ݣولي لا وهني راسك ..
يالله بغت تزيد تهضر تاوݣف عليهم معاذ لابس سروال فصالة فالكحل مطلعو على قميجة بيضاء
وقفت خلود بإبتسامة صغيرة صافحتو بيديها وسلم تا على جنات لي كطلعو وتهبطو بعينيها خلود حشمات وهي مبغت تحشم ... ماشي حيت عجبها ولا ....ولكن هيا هكاك طبعها تبرݣيݣ كتعطيه دقة
معاذ"ݣلس جنب خلود": ياك متعطلت عليكم
خلود : لا عاد دخلنا نيت
معاذ"شاف فالسرباي ... وشير ليه بصبعو رحب بيهم ببتسامة وحط ليهم الميني
معاذ: شوفو شنو بغيتو
خلود: أنا غير شي عصير د ليمون
جنات " تتقلب فالميني ": أنا بغيت دجاجة محمرة فيا جوع
خرجت خلود عينيها أما معاذ ضحك
جنات"صغرات عينيها فخلود كتهدر بهمس": والله تا فيا جوع البحر كيدير جووع
طلب معاذ داكشي لي بغاو وتلفت بوجهو عند خلود ": إوى عاودي ليا عليك كثر حاليا سميتك لي عارف
خلود" رجعت شعرها لور": انا كيما ݣلت ليك مطلقة و عندي 2 خوتي وختي كلهم هنا فكازا
معاذ " ركز فيها الشوفة ": متشرفين أخلود أنا الپاصي مكيهمنيش لي كيهمني هو مستقبلنا
خلود"حركت راسها كتبلع فريقها ": أنا عندي شروط نكمل قرايتي وكيما شفتيني دبا نبقا متقولش ليا نبدل من ستيلي ومعمرك تهز يديك عليا
معاذ"حرك راسو ": بطبيعت لحال أخلود أنا عجبتيني هكا وبغيتيك هكا
جنات "حطت تليفون": ومتغيرش عليها زعما
... خلود فشلتها فهد اللحضة
معاذ"حس بالإحراج": أكيد ولكن غنغار ملي نشوفها هيا عاطيا فرصة لبراني أما لباس ماشي معيار الغيرة
حط ليهم السرباي وجنات دخلت فديك دجاجة طول وعرض ... أما خلود بقت كتجر داك العصير من لپاي بغا غير يبرد عليها جوفها
بقاو كيهدرو عادي بينتهم
....وقفت خلود علماتو بلي مشا لحال عليهم وهو أسر عليها يوصلهم
حطهم حدا بيم فين خدامين... شكروه وكمل طريقو
كان أنوار عاد خارج من بيم تبسم ليهم وداز
دخلوا كل وحدة شدات بلاصتها ...
مكسل فوق الزربيا لي مفرشين فبيت النعاس تيسول شات جيپتي على سبب السخ()ونيا الزايدة عند الرجل
طاح ليه العجب فراسو حيت ولا مݣايل غير حسناء هاد ليام ودوش تيمشي لخدمة شويا يجي تيجري بحال فيه سريسرة
معندو سوق تكون فالكوزينة يطلعها لبيت تكون كتاكل يجرها من قدامهم لمهم يبرد داكشي لي نايض فيه وهاد الحالة مجتوش عاديا مبقاش قادر يتحكم فراسو
جاوبو واش كيستعمل شي من)(شطات جن)(سية قاليه لا حمقو ومدا منو لا حق ولا بطل
بقا تيفكر من إمتا جاتو هاد الحالة مطاحو عينيه غير على كرطونة د الشكلاط عض شلقومتو متمني ميكون داكشي لي فراسو بصاح
ناض هزها تيقلبها
وتيشوف المكونات ديالو
خرجت حسناء من دوش تتعرج علاين تبكي ": شوف على حالة كدير ليا مبقيت قادا نجمع رجلي هلكتيني
جواد" كان معصب غير مع راسو , ناض ليها صاعر ترجعات خطوة لور": مال زام،،ل بوك دبا لاش مزوجك أنا نحطك ديكور
تكمشت حيت خلعها هزات وحد پومادة جبها ليها من الفرمسيان كدهن تح)(تها حيت حردها بالمعقول لبست بالكشايف وتكت فوق الناموسيا كتفرج فوحد الفيلم فتليفون
أما هو رجع هز ديك الكرطونة صورها يالله جاوبو دقت عليهم خديجة لباب وخا محلول
جواد: دخلي الواليدا
خديجة: غير بغيت نعلمك على حسب خلود داك سيد لي غيخطبها دار معها نهار الحد غيجو لدار خولة
جواد: الله يسخر غير ميطولوش يخطبها ويطيحو العقد بلا داك خيطي بيطي كون دارت بحال خولة لي بعقلها مكاين لي يحاديها ولكن داك الطيران ديالها غتجيب به غير شي فضيحة
حسناء " تتسمع وتفقص حيت جها كيمعني عليها "
خديجة: وهو مزيان دير دارها حسن ليها نتهنا عليها نيت
ونيت باش نميلو لمحمد تا هو راه زربان
" سمعت لحسن كيعيط عليها ": نمشي نطل على باك غيكون تاني تلف تليفونو
نزلت لتحت لقاتو قالب الدار, دارت يديها على راسها ݣاع المخاد صالون لاحهم
خديجة "دارت يديها على راسها": أراسول الله أش هادشي ألحسن دراري صغار ميديرو هكا ويلي
لحسن"باقي تيلوح فيهم": قلبي ليا على تليفوني ، بغيت نتفرج فتايسبوك
خديجة" هزات يديها لسماء": أش بغيت ليك أخلود أش بغيت ليك كنا هانين تورات ليك هاد التايسبوك كون غير عرفتي تݣولو
فالفوق هز تليفون رجع صور ليه الكارطونا تيشوف فالجواب تصدم
الشكلاط كان مخلط بأقوى من()شط جن).سي سواء لذكور ولا الإناث وكيخليك أسبوع كامل تحس برغب).ة ق(.وية لدارجة كيشدو لي حصلوه كيبيعو حيت كيتسبب فحالة إغت-+)(ص-+اب
هز عينو فحسناء ليكتفرج فتليفونها وتفكر نهار كلات منو وطحت عليه كت)(بوسو نهار دا شرافها وكان وقتما يتلاقها كتسيح غير ب))لمسة منو وكتستسلم ليه
خارج من بيتو لابس سورڤيت السپور وهاز صاكادو على ظهرو ، تيقلب على أنوار بعينيه تا خرج من الدوش
ياسين: راني غادي دبا
أنوار"مد ليه السوارت ديال دارو": هاك السوارت أصاحبي غطول ولا ؟
ياسين: يومين هكاك نشوف أش كيرونو تماك ونجي
أنوار: لواليدا جيا نيت عندي غدا
ياسين: سلم عليها
..خرج من الدار وبقا واقف شحال تيشوف فباب دار فين كاينا خلود
رجعت بيه الذاكرة لور
فلاش باك
جاي من الخدمة عيان كي دخل لدار تيقلب على حسها ساعة مبنت ليه طل ݣاع فالبيوت والحمام ، تنهد بجهد معجبوش لحال ، خرج من دار ودق فباب خولة تا حلت ليه خلود لباب هازا وديع
خلود"سلمت عليه بلوجه بان ليها مقلق": حياتي مالك
ياسين"دخل وسد لباب ": واش فينما نجي نلقاك خاويا الدار
خلود "تتراري بوديع " : أحياتي لي سمعك يقول مسافرة راني غير قدام الدار
ياسين: مكيعجبنيش ندخل لدار منلقاك حيدي منك هاد القاعيدا باغيك فدارنا
خلود:غير خولة مشات لحمام وخلات ليا وديع
..هزو من عندها وخرجو لدارهم بقا كيلعب معه شحال كيحماق على الدراري الصغار تا بدا يبكي وخداتو خلود كتعطيه الرضاعة وتتغني ليه نيني يا مومو
بقا حضيها بعينيه ،ومتشوق يمتى يشوفها هازا ولادهم بين يديها
ياسين: أش بان ليك نمشو عند شي طبيبة على حسب الولاد
خلود: راه عادي كنت كنشرب الكينة مدة غتكون خربقات ليا الهورمونات
...ندم لي خلاها تشرب ديك الكينة أما كون من اول خلاها تحمل
العودة
..توكض على صوت لباب لي تحل كانت نيت خلود لي خارجا بغا تسخر ، شافت فيه ورجعت نزلت عينيها وتا هو تبعها طلعو فالأسانسور بجوج بسكات
ياسين"تيشوف فالفراغ":تخربيق ديالك باقي فالدار شي نهار دروزي خوديه
خلود"بلا متشوفيه ": لوحو فزبل مبقيتش محتجاه درت كلشي جديد
ياسين: عارفتي شنو تفكرت دبا... نهار كنت باغي منك الولاد
"هزات عينيها وجاو فعينيه نيشان "
ياسين"باس على يدو: الحمد لله لي محملتي ، ولا كان غيخصني نتربط معك حياتي كاملة وزيد شنو غيتعلمو منك غير الكذوب والغدر والفسق من الفوق
..بلعت ريقها لي ولا أشبه بطعم الصدأ ،حيت تا هي فاش كانو مزوجين كانت بغا تحمل منو تفرحو بلوليدات لي باغي ومتشوقا تشوفو أب ، ولكن هدرتو دبا جرحتها هزات حاجبها مصطنعة القوة مع إبتسامة خفيفة": ضحكتيني والله نتا عاد فكرتي فهادشي ، أنا راه فاش كنا باقي مزوجين فكرت هكا ،حيت بان ليا بلانك وحد اناني ونرجيسي مشكاك ، داكشي علاش كنت كنشرب الكينة بتخبية باش منهزش منك
..تحل الأسانسور وجات تخرج ش))دها من ك()تفها بق()وة ضا()غط عليها ور(+دخها مع الحيط تا حست بعض(+مها تهرسو خرجت عينيها فيه كتحاول دف()عو
أما هو فهد لحضة حس بالشمتا والكلاخ كيفاش كان مخدوع فيها ، شحال دعى الله وهو كيصلي يرزقهم بالوليدات وهي كانت كتلعب موراه
ض(غط على ف(كها تاعواج فمها ، كرز على سنانو ونطق": خوك هو ليكيعرف ليك نيت حيت الح()مير تيتمشى غير بالزرواطا ، ونيت أحسن حاجة درتيها ميشرفنيش تكوني مت ولادي
حيد عليها يدو وخرج وجهو رجع حمر وعروقو تيبانو بشكل واضح
طلع لطموبيلتو وضرب على الڤولون بقوة وزاد مع الطريق
خدات خلود الحليب د واديع من الفرمسييان ورجعت بقت كتفكر فكلامو لي ݣال وكيفاش فرحان حيت مولدش معها
غمضت عينيها وخدات نفاس طويل ": صافي أخلود ، تهدني نتي أصلان غتزوجي وتبعدي من هنا بمرة ، هادشي كلو سالا، هو مبقا كيعني ليا والو
بانت ليها وحد لمرة واقفا قدام دارهم يالله حلت لباب دخل ، جات عندها سولاتها واش مكينينش الدراري لي سكنين هنا
خلود: والله معرفت أخالتي بعدا واحد بان ليا خارج
المرة: مع أبنتي علمتو مغنجي تالصباح ساعة جيت باقي ليوم تندق مكاين حد
....خرجت خولة ملي سمعت هضرتهم
خلود: صوني ليه يقدر يكون قريب
.. بقت كتصوني والو
خولة" عزات عليها": معليش أخالتي دخلي عندنا تيجو
لمرة: الله يعطيك الخير أبنتي
دخلت معهم وعمرت ليهم خلود أتاي
لمرة: هي ساكنين بوحدكم
خولة: أه أخالتي .. انا وختي قريب نيت تزوج نهار اللحد خطبتها
لمرة: تبارك الله الله يسهل عليها ونتي
خولة" تبسمت": أنا مطلقا ، اش سماك الله بعدا أخالتي
لمرة: فاطنة
خولة: متشرفين انا خولة
فاطنة : إوى أبنتي هيا ݣلتي مطلقا ، الله يعوضك
..بقاو مجمعين تا صونا ليها تليفونها عاد خرجت ومعها خولة لقت أنوار واقف تيتسنها
فاطنا: فين كنتي عيت ندق أولدي ؟
أنوار"درعها بيدو": نسيت تليفون عند بالي مغتجي تالغداء
فاطنا شكرات خولة حيت ستقبلتها
ودخلت مع ولدها ": بعدا الجيران هنا الله يعمر ليهم الدار ، غنوض أولدي نصلي وبلا متجيب العشاء من زنقة جبت ليك رفيسة لي كتحمق عليها
باس على راسها وشير ليها لحمام ،سمع الباب تدق ومشا حل ...لقا خولة فوجهو ميلا وجها مبغا تتشوف فيه": مماك نسات عندنا تليفونها
"جر)(ها من يديها " تدارت عندو مخرجا عينيها معجبها حال": واش حمق متبقاش تقيصني راه غنشكي بك
أنوار " حنحن": شكرا حيت دخلتو لواليدة ، وسمحي ليا إلا غلط معاك غير شيطان
خولة" بزعفا ": شيطان هو بنادم عطيني غير تيساع أخويا
..بقا حاضيها تا دخلت علقت فراسو بوحد الشكل خطير لدرجة مبقاش كيفكر فيها بإنحراف ولا تتبان ليه بوحد الشكل عمرو فكر به فالعيالات لي تعرف عليهم
ݣالس فالمكتب ديالو عينو على لي كيخرجو المواطر كيطلعوهم فالكاميو ولكن عقلو فجيهة خرة يومين هادي وهو كيعيط لصاحبو لي كيجيب ليه الشكلاط مكيجاوب
رجعت به الداكرة لأول مرة شاف حسناء ، كان خوه صيفت ليه صوارها من الخطبة د خلود ، سول على عنوانهم وبقا عاس حدا دارهم تا خرجات وتبعها عرف فين كتقراء ، وباش يتعرف عليها ويدخلها دخلا صحيحا جاتو خطة يخلص لشي حد ويسرق ليها تليفون
وداكشي لي دار سرق تليفون ومشا هو جابو ليها باش يبان ليها بطل ، وكل مرة كان كيخلق الصدف باش يتجمعو خلاها تبغيه شوية بشوية تا ضمن حبها ... هو كانت عجباه كشكل، ولكن باش يتزوجها أبدا واش دارها فراسو ، وصلت وحد الوقيتا كان بغا يحبس كلشي ودار سبا بخوها ياسين ملي وصلها وبلي غار عليها وخا هو عارفو خوها ج)را عليها من المحال وسب(ها غير باش تعطيه التيساع
تالنهار جات عندو لدار ملي كان مريض حاول يتقرب منها باغي غير يجربها رفضت ورجع خطوة لور وخا راه غير حيت جات عندو لدار راه عندو هو خطوة جري)ئة ولكن باش تلاح عليه كت()بوسو راه جاتو فرفارة ق(ح(بة)
مكانش فراسو بلي شكلاط لي عطها هو ليدار ليها ديك الحالة شي 2 مرات عطها كرطونا ،قدر دبا يفهم علاش كانت غير سايحا فينما يقيصها
صونا تليفونو بنمرت صاحبو جاوب وهو معصب ": أداك ال(قواد داك الشكلاط لي تتعطيني أش مخلط معه
طارق: مالك أصاحبي مكشكش هداك راه تيتباع تحت الطبلا وحنا عطينك فابور ، هداك عليه المخطفا من لي تيصورو الأفل)(ام الإب()(احية
جواد" رجع شعرو لور بنتفا": ياولد ا()لقح/بة شكيت عليك الله يغرق لمك الشقف هاد النمرة ضرب عليها ، مالك جايب ليا مايا خليفة
..لاح تليفون فوق المكتب بزعفا وناض حاضي هادوك لي خدامين تيعرعر عليهم لا هز هنا لا حط هنا
...
وصل النهار الحد نهار لي مقررين تكون فيه خطبة خلود
فقت بكري تتفكر فهد القرار لي خدات ولي بنسبة ليها غيغير حياتها كلها ، مكانو عندها تا مشاعر من غير بغا تخرج تاني من تحت الضغط وتهرب لبعيد
نضت لحمام دارت روتينها الصباحي قدات الفطور وحطاتو وفطرات هي وخولة ، تسمع صوت الصرصار كانت خديجة وحسناء
خديجة: دبا شنو نطيبو واش غيجو الغداء
خلود: مكاين لا غداء لا والو غيجو مور الغداء نجيبو الحلويات وداكشي المالح صافي
خديجة: إوى نتي تعارفي ولكن خوتك وباك غيجو الغداء
" هزات من بزطامها 2000 درهم ": هادو عطاهم ليا جواد ݣاليا قضو بيهم
دخلت خذيجة تتوجد الغداء وبقاو البنات مجمعين
خولة : أمضرا أحسناء ياك محيح عليك على تريم(ة المحروݣا
خلود" تضحك بغا غير تنسا همها": ياك مبغيتي تاني ندير ليك لكديرة
حسناء: الله ينجيني مبقيت بغا لا نفيخ لا نتفش ،حمد لله دازت هكا
خلود: واش تتخافي منو لهد الدرجة أصاحبتي
حسناء"ضحكت ": وعلاش غتزوجي دبا نتي من غير حيت خايفا منهم
خلود: من محمد أما جواد وخا هكاك مسلك
حسناء: فين أختي مسلك مخاري غير مع حوايجو
لي مصبرني هو باقي عندي أمل شي نهار نتفك منو
جاو خوتها لدار مع الغداء ومحمد مكيشوفيها مكتشوفيه ، جمعو الدار وخرج جواد جاب من الپاتيسري داكشي لي قالو ليه حط ليهم داكشي فالكوزينة وج)ر معه حسناء لبيت خولة
حسناء"كترجع لور" واش حمقيتي تا هنا
جواد "شافيها شحال وهو ساكت": كرفصتك هاد سيمانة ياك ؟
.. حست بنبرتو حنينة ولكن متغراتش بيها ": هي غير هاد سيمانة وصافي من نهار دخلتي لحياتي ونتا كتكرفصني
جواد" حك نيفو": خلينا من دراما ديالك لبسي عليك شي حاجة مستورة " طلعها ونزله": هاد شراوط ولاو مديقين عليك ، خودي من عند خولة تنجيب ليك لي خاصك
.. حركت ليه راسها بغا غير تفك وخرجت بزربة
.. جا معاذ مع والديه وجوج خوتاتو صغار وحدة تكون عندها 20 وحدة 16
بقا متبع لوكاليزاسيون توصل حدا العمارة نزل محمد تلقا ليهم سلم عليه وعلى والديه وفمو كيقطر العسل باغي غير يفك سلعة كيما كيسميها
.. خلود كانت فبيت خولة قلبها كيضرب بجهد ماشي حيت حشمانة ولكن مراضياش بهادشي لي كيوقع جات صورت ياسين قدام عينيها ، حركت راسها بلا وهزات ݣلوس دارتو وخرجت قبل متضعف لمشاعرها كثر
لبسا قفيطين شيبي جوهرة ولايحا عليها شال بيج بعشوائيا سلمت عليهم كاملين ومدت يديها ليه بشويا وهو غير حاضيها حمقاتو فزينها أما مو من شوفة فيها غتبان ليك معجبها الحال
سمعو دقاو فالباب مشا جواد حل لقا فاطيمة فوجهو سلم عليها وهيا هازا راسها بنفخة": عيط ليا لحسناء
.. خلا لباب محلول ومشا عيط لحسناء
خرجت عندها بزربة فرحانة كتسلم عليها "؛ دخلي أماما
فاطيمة": جيت عند خوك كاينا ممات أنوار بغيت نشوفها ݣلت نسلم عليك هو لول .." تتشوفيها لابسا قفطان": عندكم شي حد
حسناء: شي ناس جاو يخطبو خلود
فاطيمة:" تصدمت وبقا فيها لحال حيت حتا هيا عندها يد فهادشي ": الله يكمل بالخير يالله سيري منعطلك
بات معاذ: جينا ليوم قاصدين بنتكم لولدنا على سنة نبينا محمد
الكل: صلى الله عليه وسلم
لحسن: ملي البنت موافق منزيدكم غير الخير
محمد: حسن ديرو العقد بزربة, بلا متبقاو مجرجين بالخطبة راك فاهم
.. هزات فيه خلود عينيها مغرغرين ولكن فمها ماقادر يخرج تا كلمة
معاذ: إن شاء الله من هنا لسيمانة... قراو الفاتحا وحطو ليهم الݣوتي لي كان بين المالح والحلو وبقاو كيتعرفو على بعض وخلود عقلها مرفوع ولكن جسدها تحكم يبقا معهم
فالدار لي قدامهم كانت فاطنا وفاطيمة وأنوار مجمعين كيضحو تا دخل عليهم ياسين عاد جاي من الرباط سلم عليهم وݣلس معاهم بقاو مجمعين
أنوار: هاد الدار لي قدامنا ليوم من صباح عندهم صداع برزطونا
فاطيمة: عندهم مناسبة داكشي علاش
فاطنا: أه لي سميتها خلود ليوم خطبتها
... هز فيهم ياسين عينو لي كانو مضلمين
حط داك الكأس د القهوة والجو تعكر عندو ناض أنوار هز كونتاك وفاطنا سلمت عليهم وخرجو
بقات فاطيمة ݣالسا شويا معه بان ليها مغير وغير ساهي وحست بلي باغي يكون بوحدو بقت كتدعي على مليكة فخاطرها لي وصلاتهم لهادشي
كان بغا يوصلها ولكن هيا رفضات بغا طرݣ سوق فطريقها
هز الݣارو من وحد المجر وشعلو وبدا يدخن مع راسو تيتفكر أخير كلام ليها معه ، كان غيحماق ويكونو عندو لولاد معها ساعة هي كانت كتغدرو مور ضهرو حس بلي عمرها بغاتو وكلشي كان تمتيل
بقاو ذكرياتهم فهد الدار كيتعاودو فمخو تا جمع الوقفا وناض خارج من الدار باغي يهرب من هاد الإحساس لي رجع كيخنقو
وميجي غير فيهم وهما خارجين ولي زاد صدمو الپروف المساعد لي معه فلافاك،
معاذ" شافيه بستغراب.... "ياااسين مد ليه يدو يسلم عليه
ياسين" بقا كيشوفيه شحال عاد مد يدو زير عليه بجهد
وحول عينو لخلود ليكانت كتسلم مع خوتاتو تيشوف فالخاتم لي فصبعها هزات تاهي عينيها فيه ولكن بزربة هربتهم داز بزربة طلع لسطاح باغي يشم الهواء باغي يتنفس حاس بالدنيا كلها ضاغطا عليه
وخا ݣاع لي دارت فيه ولكن دبا
﴿ حاس بلي كيخصر شي حاجة مبغيش يخصرها ولا باغي يخليها معه﴾
غير خرجو خوتها حيدات قفطنها ولبسات عليها عبايا خفيفة خلات شعرها كعكة وخرجت طلعت لسطاح تشم الهواء حاسة بصدرها غينفاجر مقادا لا تزيد القدام مع هاد سيد لي خطبها ولا ترجع لور
غير طلعت ضر///بت فكمارتو نيشان الݣارو فيديه ودخان خارج من فمو
قلبت الدورة تنزل تا سمعت صوتو
ياسين : مبروك
..تلفتت ليه ومشات لعندو تكات على الحيط بينتهم مسافة ": الله يبارك فيك العقبال ليك
..بزربا دار يديه على السور لي متكيا عليه وهي بين يدو محاصرها
خلود" صدرها تيطلع وينزل بزربة وأنفاسها كيخرجو سخااان ": ياسين أش كدير
دار يدو علو ف((كها وطلع ليها راسها تجاو عينيها فعينيه": كتبغيه ؟
خلود"بلعت ريقها حست بداتها بردات عليها ... حدرات عينيها": ماشي مهم
ياسين :شوفي فعيني وجاوبي
..تفكرات كلامو الجارح فالأسانسور ، وتفكرت نهار ض((ربها وݣاع الحوايج الخايبا لي دوزو هزات فيه عينيها لي رجعو حمرين ": أه كنبغيه
شافيها شحال وحيد يدو ونطق ": الله يكمل بالخير
تتشوفيه غادي تاغبر من قدامها نازل مع الدروج
نزلت دمعة سخونة من عينيها
دارت ليكيت فودنيها وتسندات على الحيط
.. حبنا نتهى وراح خاليني مرتاح لا تهيج جروح نسيها جوى
..عايفني صار هواي ليش رجعتلي منين كنت لك محتاج شلوناك ما ݣيتلي
...خليتني شوف الموت واحدي بلا ياك
.. خليني أنساك ماريد أحاكيك
وماعندك إحساس وغدرك ما أنساه
عمرك مݣيلتلي بيوم كلمة أحبك جاد تعبتني الله يتعبك
وصح منسيتك بيوم باس مثل نسيتك
سوايت بيا حتا عدايا ماساو صح مكنت محبوب باس إنتا مكروه
وصح منسيتك بيوم باس مثل لي نسيتك
خرجت مع 2 من الدار غدا لفاك غير بتخبية على مها وخوتها ، لابسا سروال بيض واسع مع قميجة فشيبي ومخليا شعرها مضفور
وصبعها البنصر مزينو خاتم الخطوبة
دخلت لفاك بقات غدا تا وقفها معاذ
تبسمت ليه ، وبقاو كيهضرو على ضريب الصداق تيسول واش موجدة لوراق كان زربان كثر منها
.. داز ياسين عليهم كان عاد داخل شافهم من بعيد ولكن دار بحال إلا مشافهم
عيط ليه معاذ وتلفت ليهم عينيه على خلود لي كتشوف لبعيد مبغاش عينيها يجو فعينيه
معاذ: صدفة زوينا هادي طلعتي جار خطيبتي
ياسين "حك على لحيتو ": كان غيݣوليه راه ماشي غير جارتي ، كانت مرتي ، ولكن سكت ": نخليك وقت الخدمة هادي ...ماشي لهضرة الخاويا
مشا كيعوج فعنقو حاس بوحد إحساس مرير
دازت تا هيا دخلت الحصص لي عندها كتدوز نهارها لي متمنياه ميكملش حيت نهار زواجها قرب باقي ليه تلتيام وهاهي غتولي مزوجا
... ...
دخل مع العصر لدار طلع لبيتو نيشان خدا ليه دوش ونزل تيقلب عليها بعينيه
وتيعيط بسميتها
حسناء" من الكوزينة": نعم
جواد: أجي عندي
.. شافت فخديجة مخصرة ملامحها": معرفت أش بغا تاني
.. خرجت عندو لمراح تتنشف فيديها
جواد: طلعي لبسي عليك
حسناء: فين غادين
جواد: ياك كتݣولي مليتي زيدي تخرجي
.. رجعت بالزربة تتعيط لخديجة تمشي معهم ، وهو مكره ينطحها
خديجة"فهمت باي بغا يكونو الرأس فالرأس": لا أبنتي خالك لحسن خرج و مدا معه سوارت
جواد" غوت بجهد": يالله زيدي لبسي ونزلي
طلعت لبيتها لبست كسوة فالموڤ مع شال بالبيض مكسر بوريدات فالموڤ
لبست سباطها ونزلت تبعاه
كلاكصونا تقفزات حيت تعطلات طلعت حداه ودارت سمطة
بقا غادي بسكت شاد طريق المحمدية دريم ڤيلاج
نزلو وشد فيديها وهي غير تبعاه ديجا جات لهنا مع عائلتها شحال من مرة
خلص تيكي وزادو دخلو وهو متيفلت يديها ، عجبها الجو هنا من غيرو هو ليمعجبها
...
عند خلود
خرجت مع 6 ونص من لفاك ركبت مع معاذ لي دار معها يوصلها
وقف قدام العمارة ديالهم ، بغت تنزل مد ليها وحد الساشي
خلود: شنو هدا؟
معاذ" تبسم ليها": كادو
خداتو من عندو وشكراتو
كان ياسين فطموبيل تا هو عاد وصل وداز داك المنضر قدام عينيه جاه بحال كيديرو شي حاجة فطموبيل( كي((بوسها)
ض(رب بالباب وزاد لدارو
نزلت خلود ودارت باي باي لمعاذ تادور عينيها ياك مكاين شي حد من خوتها تاتي
... طلعت لدارها وعقلها مرفوع تتشوف ديك ساشي وأخير همها شنو فيها ، هزات سوارت من ساكها بغا تحل لباب تت)جرات لدار لي قدامها ولقات راصها مرضوخا مع لباب وهي بين يدين ياسين تيشوفيها بقسوة تتبلع ريقها بز٭ز
خلود: شنو بغيتي بعد مني راني قريب نكون مرت الرجل
ياسين: جبد بيديه وحد الساشي من فوق طبلا وعطاه ليها": هاكي الكادو ديالي لعرسكم
حدرات عينيها لديك ساشي وبزربة دارت يديها تتشوف فالمنديل ملطخ بنقاط الدم
ياسين" بستفزاز": عطيه لراجلك يخبي ليك صباحك ، مجاتش نبقا مخبيه عندي
خلود" رجعو حناكها حمرين غيطرطقو بالأعصاب والحشمة ضر((باتو به لوجهو تا سد عينيه وهزات حاجبها ": لوحو فزبل وخوي طريقي خلاص قليل الحيا
ياسين"حيد يدو من على لباب ودفع/ها تاحلو ,وشير ليها بسبابتو بحال إلا ماشي هو ليمدخلها ب()زز": يالله خرجي عليا
خرجت بزربة وسد الباب بجهد تيشوف فصاشي ليخلات بانت ليه قرعة ريحة نيشان لاحها فالزبل
وداز دخل لدوش تيحس براسو مشتت وبحال شي حد ض(اغط على عنقو كيخ)نقو
...
عند جواد
وقف طموبيل قدام شي بوتيكات وشير لحسناء تنزل
نزلت تبعاه من لور ، تا خنزر فيها
جواد: واش مراضياش تشدي معيا ولا شنو
حسناء"ضربت الطم"
ش(دها من يديها ب()زز ودخلو شير ليها بحجبانو تختار
بقت تتهز وتحط جمعت 5 لبسات عاد خرجو وشير ليها لمحال د الملابس الدا()خلية
بنت ليه تتهز غير سوتي)ام وكيلوطات
جواد: خودي داكشي د النعاس
حسناء" جاها لعجب حيت معمرها لبستهم ليه ": بلاش متيعجبونيش
جواد"تنهد بجهد من صباح وهو شاد ليها الخاطر وهي مبغت تحشم، دار يدو بدا يهز هو نيت وهي خدودها غيطرطقو بالحشمة من العيالات لي كيشوفو فيهم جمع كلشي وخلص وخرجو
وقف قدام واحد الريستو تعشاو وهو غير تيشوفيها كيف محملاه ومتتهضر معاه تفكر حسناء لي كان كيعرف قبل الزواج مكانتش كتسكت لاهي لاهو كانت بحال شي وردة متفتحا وليوم رجعت ذلبلا وخا شكلها عاد زاد زيان حيت عمرات ولكن طااااافيا تتحس بالحياة مكتعني ليها والو
وعارف هو سباب هادشي ،تسلل نوع من الندم لضميرو على ليدار فيها ، هو لي كلا 3 حبات من الشكلاط وشوف أش دار فيه عساك هيا ليضربت كارطونة
دخلو لدار معطلين داز لصطاح يكمي
وهي تتستف حوايجها فرحانة
سالات نزلت لتحت هازا وحد پيجامة شراها جواد لمو
لقتها باقي فايقا تتكور فالقويلبات
حسناء: خالتي هاكي هادي جابها ليك جواد
خديجة"حيدات ليݣات تتشوفيها وتقلبها":الله يفرحكم أبنتي ويرضي عليكم
حسناء: نعاونك
خديجة" تتوريها بيديها": هاكي ديريهم بحال قويلبا
حسناء: دبا واش هادشي تيكبر بصاح
خديجة إوى أش نݣوليك أبنتي ": شتي المؤاخ//رة تتبقا وراثيا أما هادشي غير تخربيق كاين ليبصاح تيلقا عليهم نتيجة وكاين لي لا
على حسب ولكن مننصحكش بيهم تيخصرو الكينا وكاين لي تيجبدو عليها البواسير
حسناء: الله يهدينا بنادم تيكبر عقلو حنا باقي تنكبرو ترم))تنا
خديجة: إوى الحمد لله جاب ليا الله فاش نترزق هاد الحرفة باش كبرت الدراري لحسن راه مدار الفيرما تا مات باه فاش قسمو الورث
حسناء" تبسمت ليها": داكشي علاش نتي عزيزة عليهم بزاف
دخل عليهم جواد صاعر ضارب ستا فتسعود نيشان قصد حسناء جمع معها بط()رشا وج(.رها من شعرهاوخديجة تتفك فيهم ض(.ربها بالكرطونا د الپيلول لوجها
جواد: ال).كلبة تتاخديه مورايا بغا تفكي مني
ج()رها من ش.عرها وهو صاعر عوال عليها نيت كون ما خديجة ليوقفت ليه فلوجه
أما حسناء علاين تسخف
تتبكي وتشهق وهي شادا فخديجة من لور
جواد"تيجرد فيديه باغي يوصل ليها تيهضر مكشكش ": لواليدااااااا حيدي مدخليش خليني نربيها نوريها الكذوب جيبها تعلف عندي راه باغي لولادددددد
حسناء"تتغوت وتشهق مور ضهر خديجة": ومبغيييييتش مبغيييييتش واش مكتسمع ، انا ميغيت منك ولاد بغااااا نتفك منك
خديجة"تتهدن فيه ": مديش عليها أولدي باقي صغيرة
جواد: أنا لي صغير لي معرفت نربيها راخي ليها الحبل
دف)(عتها خديحة جيهت بيتها دخلو بزربة وسدو لباب وهو بقا كيتحلف عليها ويدق عليهم وهما صاقلين
ض()رب برجلو لحيط تتعݣر وخرج من الدار ، راكب فالمطور وداير الكاسك على راسو غادي بأقصى سرعة كانت هادي هي الطريقة لي يقدر ينفس بها أعصابو
بقا غادي للمجهول تا وقف فوحد الحافة فوق البحر كانو فيها بعض الناس ولكن قلال
هز الحجر تيرميه فالبحر تا حس براسو شوية
بقا كيفكر مع راسو واش دار معها شي حاجة زوينة لي تخليها تبغي تجيب منو لولاد ياك غير ك..يكرفصها ، ز+ير على يدو بجهد ملي جا فبالو بلي غيجي نهار وتصالح مع خوها فلخر راه خوها إلا ميتصالحو وأكيد غتمشي ديك ساعة ، وهو راه ميقدرش باقي بلا بيها ولفها فحياتو شكون غيهز عصبيتو وهبالو من غير حسناء
زفر بجهد وحط راسو تكا
...
فالدار نعست حسناء عند خديجة فبيتها ولحسن نعس فصالا حيت خافت يجيليها تتفكر أش غيوقع إلا رجع نعاس طار عليها...
عاد بدا يرخف عليها شويا ها هو دبا غيمحنها تاني بكلامو وأفعالو
خديجة"حست بيها غير تتقلب": نعسي رتاحي مولاها ربي تنتي خبيه يادلي مزيان
حسناء: ستفت الحوايج فالماريو غيكون طاح ليا ومشفتو
خديجة: وهو أبنتي علاش متحيديه بمرة راه نهار تجيبي لولاد غيتبدل من دبا راه تيتبدل راه غير طبعو هكاك أما راه تيعزك كي كيدخل كيقلب عليك ديما تيسول شنو خاصك
حسناء: عمرني ننسا نهار تكرف))ص عليا فدارنا وخا ݣاع ننسا كلشي
...
نهار جديد مشمس مع بدايات الشروق ، فاق على أشعة الشمس تيكمش حجبانو وصوت المواج تيتسمع بجهد كي،،ضرب فالحجر هز راسو تيدوز يدو على وجهو معقل كيفاش نعس هنا جمع الوقفا وطلع فالمطور ديالو
فقت خلود على صوت وديع تيبكي ، طلت عليه لقات خولة معه
خلود : مالو واش مريض
خولة: لا غير ياختي عطيتو تليفون لبارح بليل صدق ولفو ليا
خلود: متبقايش تعطيه ليه واش قدو تيعرف تليفون
دخلت لحمام قضت روتينها الصباحي وفطرات على خاطرها هي وخولة
.. تتشوف فخولة غير ساهيا": أمالك غير كتخممي
خولة" دمعو عينيها كحازات عندها خلود تتعنقها": تنفكر إلا مشيتي شنو غندير بوحدي ولفتك ومع من نخلي وديع إلا بغيت غير نتسخر
خلود" دوزات على ظهرها بحنان": متفكريش هكاك وقتما حتجيتيني صوني ليا تلقايني حداك
لبست سروال دجين مع قميجة كحلة وجمعت شعرها كعكة وسپادري بيضاء فرجليها
خلود ": خولة هاني غدا لفاك لي سول عليا قوليليه مشات تقاد حالتها فصالون
خولة: غير ردي البال كون غا لبستي حجابك متعارفي يشوفوك تاني والله مقادين على صداع
.. بستها وخرجت بزربة حيت لي فراسها فراسها ، شدات طاكسي حمر مبقات ݣاع هازا لهم لفلوس دايرا فراسها غتزوج و معاذ يخلص، وخا غير كتفكر هاد تزويجا مزاجها كيتݣلب
نزلت حدا لفاك ودخلت دوزات حصتها فاللستيات عاد دخلت عندو هو كان جالس فالمكتب ديالو تيشوف شي وراق
وخا مبقات كدخل عندو ولكن جاتها رغبة تشوفو حيت هدا أخير نهار ليها وهي حرة من غدا غترجع مرت راجل أخز
دازت من حداه مخليا عطرها الخاص لي جا فنيفو مباشرة خلاه يطلع عينو متبعها كانو فقاعة ت عدد الطلاب قلال
تيشوفيها تا ݣلسات ورجع قلب عينو كأنها وحدة كتقرأ عندو فقط
تفكرت نهار قاليها ،، إلا مبقيتش كنغار عليك عرفيني بردت من جيهتك ""
خرجت من عندو ومشت حدا طموبيل د معاذ تتسناه حيت دار معها يوصلها باش تعطيه لوراق لي غيحتاجو غدا على حسب اللاكت
كان جاي و موراه ياسين مع وحد الأستاذا تيهضرو
خلود" تتشوفيها وتعبرها وتوزنها قربت تاكلها بعينيعا
وقف عليها معاذ وعيط لأستاذة ليمعا ياسين
معاذ: لمياء تعالي
لمياء"قربت عندو": وي معاذ
معاذ: هادي هي المدام
لمياء"سلمت عليها ببتسامة": مبروك انا بنت خالت معاذ
خلود"ببتسامة صفراء محملتهاش": الله يبارك فيك
لمياء: درتو لاكط ليوم
معاذ: لا غدا
هضر ياسين من بعيد شوية حيت متبع لفيلم": خصك تسنا 4 يام باقي عاد تقدر تزوج بيها
مغاذ " كمش حجبانو ورجع ضحك": علاش زعما شي حكمة ولا!؟
ياسين" بكل هدوء": لا غير تتكمل العدة ديال الطلاق
... خلود حست بدوخا تا بدات تململ
معاذ: وباش عرفتيها نتا
يالله حل فمو يݣوليه كانت مرتي
.. سخفت خلود غير معاذ لي شدها من خصرها
بزربة طار عليها ياسين...مقدرش يتحمل داك لمنضر تكون فحضن واحد خر من غيرو ...عساك يتقبل تنعس مع شي حد كزوجة خداها من عندو هازها بين يدو معاذ ولمياء جاتهم اللقوة
حطها لور وكسيرا بزربة ومعاذ عاد فاق من صدمااا تبعهم بزربة معجبوش الوضع
.. غادي ياسين بأقصى سرعة تا وقف قدام وحد الكنينيك ندم لي وقف ݣاع معهم وسبب ليها هاد الإغماء
دخل بيها بزربة خداوها وهو شاد فيديها دخلت وحد الطبيبة سولاتو واش عندها السكري ولا كتعاني من الضغط جاوب بلا
طلبت منو يتسنى على برى خرج وهو تالف بالخلعا عليها لقا معاذ ليكان تبعهم واقف تيسول فالإستقبال غير شاف ياسين مشا لعندو
معاذ: فين خلود ؟ وعلاش خدتيها أنا لي عندي الحق نجيبها
يالله غيجاوبو خرجت طبيبة تتشوف فيهم بجوج "
طبيبة : شكون راجلها؟؟
نطقو دقة وحدة ":أنا
ولات طبيبة غير تتشوف
ياسين" حنحن":شنو عندها
طبيبة: حاملة عندها 3 شهور ونص كيفاش محسيتو واش مكنتوش عارفين
تبدل لون فوجه ياسين وتا معاذ تصدمو وتدهشرو
نهاية الفصل الثالث
يتبع...
التعليقات
لا توجد تعليقات بعد، كن أول من يعلق.