اخضعي لعشقي الجزء الخامس

اما هو كان حاس بيها مني فاقت حيت طبعا كيفيق قبل منها ومتعود ولكن مابغاش يحرجها وخلاها تتصرف براحة ماكيبغيش فكل مرة يحشمها حتى تنفر منو ، ناض توجه للحمام استحم هو الاخر وخرج لبس غير شورط وتيشيرت وجمع شي زبل كان مرمي والحوايج ديالهم وقاد حتى الفراش عاد خرج لقاها جالسة كتفرج فالرسوم

يزيد : صباح النور !

ردت عليه بلا ماتلفت ليه بصوت ضعيف : صباح الخير

رفع حاجبو ومشا وقف عليها : مالك مخاصمة معايا ؟؟؟

نور كتفرج : لا !

يزيد : و علاش ماكتشوفيش فيا ؟ « ماجاوباتوش» درتي لينا شي فطور ولانضتي ديريكت للرسوم بحال الوليدات الصغار ؟؟

حشمت وناضت وقفت كتشتت عليه النظر : لا لا وجدتو غير كنت كنتسناك ونحطو

حط صبعو على ذقنها وهز ليها راسها عندو : خايفة من عينيا ولاشنو ؟؟؟

تنهد وتحنى باسها ففمها قبلة صباااحية عاد صيفطها مزنكة تاني هي لي مشات عرات على طبلة الفطور لي كانت موجداه وبدات تهز بالحاجة بالحاجة وتدي للصالون عندو وهو جالس مفطح على السداري كيتفرج فكريندايزر وحاضيها فنفس الوقت سالات وجلست جنبو فالسداري الاخر بان ليها كيشوف فداك الفطور بغرابة وقالت

نور : ماعجبكشي الفطور ؟؟

يزيد غير كيشوف حاطة العصير ديال البرتقال وطبيسلات فيهم البانكيك والفرماج والعسل وحريشات صغيورين وطبسيل دالاومليط وكاشير بجنبو الموس والفورشيط كان داكشي زوين ومتول ومحطوط فطبيسلات زوينين ولكن هو فالداخل ديالو ماعجبوش

يزيد شافيها وقال : لا عجبني

تبسمت وكبت ليه العصير وهو هز طريف دالحرشة ذهنو بالفرماج وبدا كياكل وكيشوفها كتاكل البيض بالفورشيط

يزيد : زوين الفطور ولكن انا كيعجبني فطور بلدي مرة جاية فاش نكون معاك ديريه لي صافي ؟

نور الزهراء : احم م ماجبرتشي الخبز وقلت نعمل غير شي حاجة خفيفة وديكشي لي جبرت قدامي عملتو

يزيد : واخا

خطفت فيه الشوف : شنو كتبغي ؟

يزيد شرب من العصير : قهوة ولا اتاي الخبز ديال الدار الزبدة ولا الزيت البيض اه ولكن كنعرف ناكلو بالخبز والى كاع اجتاهدتي ديري لينا مخامر ولا مسمن !

هو كيهضر وهي كتسجل فدماغها : صافي غانعمل هادشي فبالي

كانت بغات تدير ليه فطور اجنبي زعما شي حاجة مختلفة صدق السيد معندوش مع التبوزيق كيبغي غير ماكلة واقفة على الصح سلاو فطورهم وشافت فيه بدلع

نور الزهراء : يزيييد « غمزها وهو كيتمزك بداك الصويت الدلوع» ممكن تعاوني نجمع هادشي ؟؟

يزيد : نعاونك علاش لا !

زادها غمزة اخرى خلاها تبسم وناضو كيجمعو بجوج خلاتو يجمع معاها بالفن وماتولفوش غير تخدم عليه وصافي تاهو يدير شي حركة جمعو داكشي لي رجع للثلاجة رجع ولي غيتغسل حطتو فلافابو وجبدت الطابلية دارتها واخا معجبتهاش

يزيد : فاش تسالي وجدي راسك باش نخرجو نتقداو داكشي لي بغيتي

نور حركت راسها : و ونقدرو نبدلو ديك بيت النعاس ؟؟

يزيد : الى ماعجبكش نبدلوه انا اليوم شديت الكونجي نتقداو فيه وبالعشية نوجدو راسنا للسفر

وسعت عينيها بفرحة : غذا غنسااافرو !!!

قرصها فحنكها وقال : اه غذا غير طلقي راسك باش نقضيو غراضنا ويشيط الوقت

سربكات دوك القشوع بسرعة اصلا كانو غير قلال وخرجت شافتو كيكمي فالبالكون ديال الصالة ، توجهت للبيت وبدات كتقلب على ماتلبس حتى جبدت جلابة مخزنية فالاخضر الزيتي وكانت معاها حتى بليغتها لبستهم ودارت ميكاب خفييييف اير ايكخو على الشمس وكحيلة فعينيها وكلوز غوز لفمها ، مشطت حجبانها وبدات كتلبس اكسسوارات ساعة يدوية فضية وبراصلي جنبها وخاتم الزواج ديال الذهب ، وفمرحلة مشيط الشعر دخل هو لقاها كتسرحو باش تطلقو ، جا باسها فحنكها ومشا للبلاكار جبد سروال رمادي فيه خطوط لبسو وشوميز سوداء مع صبادري بيضة تريح وصايب ساعتو عاد تلفت ليها لقاها كتدير التليفون فالصاك والشعورات مطلوقين

يزيد : شعرك طويل وكثير ماشاء الله ... جمعييه ولوحي ديك الشرويطة لي كتلوحيها عليه

هزت راسها فيه وقالت : مزيون هيدا غير خاليه

يزيد بنفي : لا ماعجبنيش هكاك فالدار كنتي جامعاه وفاش بغيتي تخرجي طلقتيه ؟؟؟

نفخت وجات حداه بغات تهز القراصة حتى شد فوجهها ودورو ليه رافع حاجبو

يزيد : مني نݣوليك ديري شي حاجة ماتنفخيش عليا مفهووم !؟

طلعت راسها وهبطتو بمعنى مفهوم وطلقها جمعت عشرها بالقراصة وخلات خصلات طايحين من القدام بحال الكصة ، ميك على الزيف لي ملاحتوش عليها وخرجو من الدار توجهو للسانسور وهبطو للباركينغ

طلعو للسيارة وديمارا فاتجاه السوبر ماركت حتى وصلو وجر شاريو دخلوه وخلاها كتدور وتشوف شنو خاصها واخا هو قلييييل فين كيجي للسوبر ماركت اغلبية العساس لي كيتقدا ليهم هاكا موالف داكشي علاش مكانش مرتاح بزاف وهو دافع الشاريو غير داير لخاطر لمراتو ، مراتو لي بدات تعمر ليه ولي تشهاتها نفسها حطتها مابقاتش غير فالأساسيات

نور الزهراء : نمشيو نالجيهة دالكوزينة نديو شي حاجات

يزيد : سيري

مشات وتبعها هو جهة قشوع الكوزينة وجلست تتخير فداكشي الزوين من طباسل وفراشط وكاع الاواني لي حمقوها حطتهم وشافت حتى الطابليات ديال الشقا خذات جوج وحدة فالغوز ووحدة فالكحل ضاربة ليه الحساب الى احتاجتو يعاونها شي نهار وهو مالاحظش هادشي لاحظ غير هي كتميل للأواني لي شكلهم زويين واخا تكون الكاليطي عيانة المهم الزواق والديزاين والكياتة ، خرجو من الكوزينة ومشاو لأشياء الحمامات وبركت عليه

نور الزهراء : هادو سريبتات دالايدين وهادو دالرجلين غانديهم فألوان مختلفين باش نفراق بيناتوم ... هاد الصابون مزييون صبر ايزيد نديه

وقف ليها وخلاها تهز وتحط تهز وتحط والناس مكاينش لي داز من حداهم وماحضاهمش طبعا فاش كيبانو ليك شي كوبل صغار وحالتهم مقادة وزوينة وماشيين حدا بعض ضروري المغاربة يحضيوهم ، هو عيا ونور ماعياتش رحلت ليه مرجان كامل حتى الشاريو عمر وقال معصب

يزيد : نوووور براااكة راه ماشي اول واخر مرة غنتقداو خلي لأيام اخرين

شافت فيه برأفة : نهز غير هاد الشوكو وصافي

يزيد : هزيييه هزيييه

هزتو وحطتو كتضحك ومشاو للاكيص بقاو يتسناو تاني توصل النوبة وهو جبد لاكارطات لي عندو طبعا غيلقى مبلغ خيالي كيتسناه

وصلات النوبة وبدا يهز ويحط يهز يحط ومولات للاكيص عيات بالتدواز حتى سالاو بمشقة الانفس وخلص بالكارط قسمو ليه داكشي فسشيات كبار وهزهم خارج عطاها فتحت ليه الكوفر وحط داكشي وسد عاد طلعو لبلايصهم وديمارا

نور دارت صبعها على فمها : كنفكر واشي نسيت شي حاجة

يزيد : نتي رحلتي الدنيا كلها ومزال كتفكري شنو نسيتي !

سكتت كتضحك بصمت وقالت : فين غانمشيو دابا ؟

يزيد : عند واحد صاحبي عندو مݣازة ديال الآثاث شوفي بيت النعاس لي يعجبك نجيبوه

نور الزهراء : ههه صافي واخا

يزيد سايق وكيشوف قدامو : عجبك الحال

نور : اه ههه « سكتت شوية ونطقت» نساقسيك شويش ؟؟

يزيد كيتنغم بالصويت : تقدري تسقسي بزااف الى بغيتي

تبسمت وقالت بتعجب : انتينا مراكشي علاش ماكتهضرشي بحالوم ؟

تلفت ليها : وشكون ݣاليك انا مراكشي ولا حنا مراكشيين ؟؟؟ ماشي غير حيت ساكنين فالمدينة صافي راه حنا منها

نور : خالتي السوعدية عندا اللهجة علاين فحالوم والخدامات بااينة مراكشيات وحتى وئام عندا شويش لهجة مراكشية بالحق انتينا مااارة ماكتهضرشي بيها

يزيد : يمكن حيت عاشو هنا بزااف وتعااشرو مع الناس وتأثرو انا ماكنتأثرش واصلا خدمتي كتخليني نتعامل مع بزاف الكليان وخدمتنا الرئيسية فالجديدة انا كنتعطل عليك وكنجي حتى الليل حيت كنكون فالجديدة فخبارك ؟؟

تصدمت وقالت : بصح !! مكانشي فخباري حسابلي غير هنا

يزيد : عندنا حتى هنا ولكن اغلبية كتكون عندي انا خدمة فالجديدة وبعض المرات كنسافرو لمدن اخرى مهم خلينا من الخدمة حيت معقدة شوية وماعندك ماتفهمي فيها حنا اصلنا من مكناس ولكن جدي خدم فالجديدة ودار مشروعو تما

نور : ونتوما انتاقلتو معاه ؟

يزيد : تقريبا فاش درت انا 18 عام وحبسو عليا القراية هبطنا لمراكش استقرينا فيه الحاجة هي لي بغات مراكش ومابغاتش الجديدة ماعرفتش شنو السبب داكشي علاش فتحو فرع للخدمة هنا وبقينا كنتاقلو الى كانت شي حاجة مهمة كنخدمو فالجديدة والى مكان والو كنبقاو هنا واخا اغلبية سفر ودي السلعة وجيب السلعة

نور من داكشي كامل بقات ليها فبالها غير حبسو عليا القراية حنحنت ونطقت : من هادشي كامل انتينا مكناسي

يزيد : اه شنو بغيتي تعرفي عليا اخر ؟؟

نور ببراءة : عطيني لاكارط ديالك ومانبقاشي نساقسيك

ضحكتو وعيا يحبس الضحكة وخرجت ليه حتى تبسم وجبد لاكارط ديالو عطاها ليها

يزيد : بقاي على خاطرك

شدتها ومشات نيشان للاج ديالو هي من لخر بغات تعرف غير شحال عندو ساعة غير شافت العمر تصدمت

من اسباب لي كانو مخلينها رافضة تتزوج بيه هو فارق العمر كان كيبان ليها من الشوفة كبير عليييها وتغوبيشتو كتزيد تبينو كبير وناضج جسدو الضخم والمخدوم كذلك كيبينوه كبيير وحتى عقليتو وتصرفاتو الرزينة كانت كتقول ماباغياهش وزيد عليها كبير كيبان ف 36 تقريبا صدق عندو غير 29 عام !!! مازال مابدا التلاثينات فعلا كانت صدمة ليها وكون ماشافت لاكارط غيبقى يبان ليها كبيييييير عليها وهي صغييورة بحال الوحش والجميلة صدق كبير غير عقلا وجسدا اما فالوراق مزال صغير ونيت تفكرت السعدية وداك الجهد لي عندها ماااشي ديال شي وحدة شارفة مزال تدݣ ودردك ماشي حالة وحدة ولدها الكبير فالربعينات مثلا ، فلات ليه لاكارط وعطاتها ليه كتضحك

يزيد شدها منها وقال : مزال شي حاجة اخرى ؟؟

نور : لا صافي هههه

وصلو قدام المحل ونزلو شد فايدها ودخلو لقاو قدامهم لي كتستقبل استقبلتهم وخلاتهم كيدورو على راحتهم ، مشاو جهة غرف النوم ووقف هو خلاها كتدور وتشوف اينا واحد عجبها حتى شافت فيه بحيرة

نور الزهراء : كلشي مزييون عاوني اختار معايا

دور عينيه وبان ليه غير واحد مناسب فالبلومارين نعت فيه : هذاك الالوان لي فيه مزيانين وديكور كلاسيك وزوين

نور : انا عجبني هذا وهذاك حرت بيناتوم

شاف فين نعتت لقاهم جوج بيوت من غير شكلهم واحد فالقرمزي وواحد فالغوز داكشي ديال باربي

يزيد : لا شوفي شي الوان بعقلهم داكشي خليه حتى تولدي ليا شي بنيتة وخوذيه ليها

سرطت ريقها حشمانة وضارت كتشوف مابقاتش تلفتت ليه مهم فهمت انه باغي لوان معتدلين ماشي انثويين فقط ومابان ليها غير بيت النعاس فالأبيض والذهبي شيرت عليه وتاهو كان راضي ، تفاهم مع المكلفين وخلصو بعينيه مغمضين ماتاوا لا فثمن لاحتى حاجة وبما ان مول المحل صاحبو نقص ليه الربع وبقاو مجمعين شوية ونور كدور وتشوف داكشي كيحمق وزوين حتى سالا يزيد شغلو معاهم وشد فيها وخرجو

نور : مغنجيبوهشي معانا ؟

يزيد : غايوصل بالعشية ... نمشيو نتغذاو ؟

نور الزهراء : اه جاني الجوع يلاه

مشاو يتغذاو وكوموندا ليها لي بغات مفششها ولي حلت عليها فمها تحضر ومحمقاه الزين والبراءة والحشمة مايكرهش يديرها فخبيز وياكلها ، تغذاو ورجعو للدار محملين ومثقلين مشا حط ليها كلشي فالكوزينة وخلاها مضاربة معاهم كتحيد وتعزل وتقاد فحين هو دخل للبيت فسخ حوايجو وتلاح نعس

جات حتى هي بدلت ببيجامتها وسدت الباب بشوية خلاتو ناعس ومشات للكوزينة مضاربة مع مشترياتها وفرحانة داك الاحساس ديال عندك دارك بوحدك وكتشري أشياءك وتنظمي كلشي على ذوقك وراسمة نظام حياتك كتخليك تكوني فرحاانة اكثر فاش كانت فالرياض كلشي منظم على حسابهم غير كتهبط كتلقى الماكلة لي دايرين على ذوقهم ماعارفة شكون مطيب شكون حاط الصراحة عيشة لاعلاقة نعس فبيتك هبط للماكلة فالوقت كول داكشي لي بغاو ورجع نعس ومن الفوق زيدينها بالحضية والتبرݣيݣ سالات التنظيم وتولت كلشي كيفما قالت ليها خالتها ضروري تكون منظمة ونقية وتحيد العݣز باش تبقى ديما دارها زوينة ، سالات كلشي ومشات للبيت تكات حداه باش ترتاح حتى لقات راسها مراقبااه وحاضية تفاصيلو ، كان ناعس على كرشي غير بشورط ولايح الغطا ولي كيجذبها فيه كثر هو ضهرو المزدوج والعرييض خاادمو بالسبور مزياان ماعرفتش علاش كيعجبها ولكن هو لي كيثيرها فجسمو ماكتكرهش غير تتكى عليه وتنعس ، قربت منو وحطت يدها عليه كتبتاسم وفنفس الوقت خايفة لاتفيقو ويعيق بيها ، جمعت يدها عندها وغمضت عينيها باش تنعس غير شوية صدقت ناعسة سعتين حتى جا هو فيقها

يزيد : بيت نعاس غايوصل دابا نوضي جلسي فالبيت الاخر وماتخرجيش حيت غيصايبوه معايا الدراري

ناضت كتمسح عويناتها وكتكسل وكتماوت عليه حتى هزها من خصرها وقفها وعنقتو باغية تكمل النعاس فوق صدرو

يزيد : نووور كنهضر معاااك يلاه

بغات تنفخ وحبستها تفكرت فاش خنزر فيها الصباح على النفيخ وخافت ، لبست بانطوفتها ومشات تكمل النعاس فبيت الضياف وهو بدا كيخوي بيت النعاس شوية بشوية وكيوجد فين يجي لاخر ، ديك العشية دوزها غير فتمارة عوض الخدمة برا خدم فالدار على قبل لالة نور لي حالة فمها ناعسة وماجايبة خبار واخا كتسمع الهضرة والضجيج ولكن راسها ثقيل بالنعاس حتى جا دق عليها هو ونوضها

نور الزهراء : صافي مشاو ؟؟

يزيد : اه اجي معايا

شد فايدها نوضها وداها معاه للبيت النعاس لي تبدل كليا وزياان وبانت فيه لمسة حياة ماشي كيف لول كان ناااشف تبسمت وضارت عنقتو من كرشو

نور : شكرا هههه ولى كيحمق دابا

يزيد : اممم بقاو حوايجك عاودي صيبيهم فالماريو الجديد

نور بضجر : هووووف عييت نعاوطهم فكل مرة

عاقت براسها وشافت فيه مخلوعة : مانفختشي عليك والله

دار فيها شوفات باردين وتحنى عندها شد دوك الشنايف بفمو وبرك عليهم بالمصان والعضان حتى دورت ايديها على عنقو وغمضت عينيها مخلياه يدير مابغى واخا كيوجعها بتقبيلو العنيف حتى فصل القبلة وهزها مدور رجليها على خصرو ومتاجه بيها للسرير

يزيد : اجي ندشنو الفراش الجديد

مافهمتوش فالأول ولكن من بعد فاش لقات راسها بين يديه كيدير فيها مابغى عاد فهمت ونيت ماطلقها حتى نال مبتغاااه والأهم كيخليها تحس بداكشي زوين مكيتعاملش بعنف باش ماتبقاش تخاف من العلاقة الجنسية ، فعوض يديرو كسكروط بقاو غارقين فالحب والغرام حتى وصلت الثمنية ديال العيشة وناضت دوشت وخرجت حشمااانة ودخل من وراها هو الاخر دوش وخرج لقاها جالسة فوق السرير لابسة غير كولون اسود مزير عليها وتيشرت اسود حتى هو مزير وشادة سوشوار كتنشف شعرها ، رمى الفوطة من خصرو حتى خرجت فيه عينيها ودورت وجهها ميمكنش شحال بدا يتقزدر معاها وهي يلاه كتولف على المسخ شوية بشوية ، لبس سروال كيطمة وبيل بيض وجا عندها لقاها دارت بانضة جامعة شعرها من القدام فالغوز بحال شكل بونضو وبغات تجمع شعرها بالقراصة ولكن منعها

يزيد : خلي شعرك كيعجبني مطلوق

خلاتو كيف بغا وناضت لبست بانطوفتها وقالت بتساؤل : شنو نعملو للعشيوة ؟؟

لاح ذراعو على كتافها وخرجو من البيت كيفكرو شنو يتعشاو ، مشاو للكوزينة وبقاو واقفين قدام الثلاجة كيشوفو الخير راه كاين ولكن تيفكرو حتى شافت فيه بنص عين ونطقت ببراءة

نور : نعملو غير شي حاجة خفيفة بحال بيط ومطيشة

حرك راسو : اوكي

تبسمت هي قالتها غير باش مايقوليهاش الطواجن ولا الطوكوط مافيها لي يجلس يقشر ويطبخ ، مشا هو جلس فالصالة وجبد تليفونو كيهضر مع كريم ويسول فيه على السعدية كيف بقات اما نور جبدت داكشي لي غتحتاج وبدات كتطيب وبغات تصرت البيض والمطيشة عطاتهم الخاطر باش تبان حادݣة قدامو ويشكرها تاني ، جبدت الطاجين دالطين وكبت فيه زويتة بلدية وضافت ليه الثوم خلاتها كاتقلى ومن بعد ضافت مطيشة لي حيدت ليها القشرة وقطعتها صغيييرة خلاتها كتشحر فداك الزيت ومن بعد دارت التوابل ضافت كلشي الا السكينجبير والقرفة ولاحت حتى ورقة سيدنا موسى تبنن ليها مشات دارت اتاي يطيب ورجعت للطاجين زادت معلقة من مطيشة دالحك باش تجيها صوص خاااترة بقات كتحرك والريحة طااالعة بنينة حتى طابت مطيشة وحيدت ورقة سيدنا موسى وضافت الربيع ومن وراه مباشرة هرست عليها ربعة البيضات وسدت على الطاجين يطيب ، مدة قليلة وكان العشاء وجد حطت ليه الطاجين قدامو وجابت صينية ديال أتاي مشحر وجلست حداه

يزيد مسح على ضهرها : باش غناكلو هادشي بفورشيط ؟؟؟

خرجت عينيها فاش تفكرت وقالت : وييلييي الخبز مكاينشي

يزيد ناض : انا غانخرج نجيبو نيت بينما برد شوية هادشي

حركت راسها وبقات جالسة كتسناه وكل مرة تعري على الطاجين تشوف الانجاز ديالها حتى جا هو حط ميكة فيها خبيزات ومشا غسل يديه ورجع جلس حداها قسم الخبز وهي كبت ليهم كيسان ديال اتاي

نور الزهراء : ذوق ورد عليا انا كنصرع بيط ومطيشة

ذاق نيت اول دغمة وحرك راسو عجباتو البنة واول مرة ياكل بيض ومطيشة مصروعين ولكن واخا هكاك كتكون ردة فعلو متزنة

يزيد : ناضي الله يعطيك الصحة

تبسمت عاجبها الحال وبدات كتاكل معاه عادي وكيتفرجو فالتلفزة حتى غفلها ووكلها دغيمة من ايدو وبلا ماتحس قاست ليه صباعو بشفايفها وهي مزال تحت تأثير الصدمة عمر شي حد وكلها ودار معاها بحال هاد الجيست اما هو شد دوك الصبااع لي قاسو شفايفها ومصهم قدامها وهي غير كتشوف فتصرفاتو مخرجة عويناتها حتى غمزها وهبطت راسها كتاكل مابقاتش شافت فيه

تعشاو ومشاو لبيتهم جمعو حوايجهم هو الاول فالشانطات استعدادا للسفر عاد نعسو

في الصباح وفالرياض بالضبط كانت السعدية وجهها كحل ولابسة جلابتها ودايرة عكاز وكتعيط

السعدية : وااااسربييي يااا الحاااجة سربيييي

الحاجة جاية هابطة مع الدروج وكتكي على بعكازها حتى هبطت كانت تاهي لابسة جلابة ولايحة عليها الكاب : هاااني جااية ماكي تزربي فياا

السعدية : يلاه خلاااص كرييييييم وااا كريييييييم واااا سكاااااااح

كريم جاي هابط تاهو كيلبس تجاكيطو : هااني جاااي الواليدة

خرجو برا وكريم ركبهم فطوموبيلتو وزاد بيهم ماوقف حتى حطهم قدام العمارة لي فيها يزيد ومشا

مشاو للسانسور والسعدية خايفة : ياكما يكونو مشاااو

الحاجة : ايوا الله اعلم

طلعهم السانسور للطابق وخرجو مشاو للشقة يصونيو ويعاودو حتى تفتح الباب من طرف يزيد لي كان لابس ومقاد ووراه نور كذلك وحداهم الشوانط كانت يلاه غايخرجو

يزيد شافهم عقد حواجبو : الواليدة ؟؟

السعدية تبسمت : ايييه اوليدي جيت عندك حسابليك كبدتي تخليني مانشوفكش يومين

دفعتو ودخلت تا كيبانو ليها الشوانط : ياااوييلييي فين كنتو غادين ؟؟

يزيد كيشوف فنور لي ساكتة بدون تعابير : كنا مسافرين !!

الحاجة دخلت : جيبي ليا ابنيتي كاس دالما راني سخفت

نور جات سلمت عليهم بصواب ومشات للكوزينة جابت ليها الما لقاتهم مفطحين فالصالة ويزيد واقف داير يدو على جنبو

السعدية : واااقلة جينا فتوقيت مااهواااش وكون غير ݣلتوها لينا مانجيوش

الحاجة شربت ودارت راسها تقلقت : اصلا ولدك ماستقبلناش كون غير مشينا بحالنا بلا مانتقلو على الناس

يزيد : الله يهديك الحاجة

نور بنفي : لالا بالعكس مرحبااا بييكم « شافت فيزيد وجات طلعت على صبيعات رجليها حتى حطت يدها على كرشو وهمست ليه » نخليو من بعد ونمشيو

شوفاتو كانو باردين ومعصبين وحتى هي حست بيه حركت راسها برأفة باش يدير بكلامها في الاخير تنهد وشافيهم

يزيد : مرحبا اصلا ماراكمش ضياف

السعدية ارتاحت : لهلا يخطيك عليا اوليدي اجي عندي نعنقك والله حتى توحشتك البارح ضليت نحلم بيك

حيد صباطو ودخل جلس حداها حضنها عندو وقال : كيف بقات رجلك ؟؟

السعدية : هاهي اوليدي راك عااارف الهرس كيمحن

نور شافت تاعيات ورجعت للبيت حيدت الكسوة وكاع الاكسسوارات وهي معصبة دموعها فطرف عينيها بالفقصة لبست بيجامة عادية وجمعت شعرها شفنجة الفوق وخرجت نيشان للكوزينة كتسمعهم كيهضرو مع يزيد وكيصبروه ماعرفتهم علاش كيصبروه دارت البراد فوق البوطة وجات حدا الحيط كتصنت

الحاجة : شوف اوليدي مول الفعلة غااايباااان غايباااان غييير صبر

السعدية : ايه اوليدي حنا مانبغيوش ليك الضرر ومرتك راهي بنتنا ماذا بينا نشوفوك فرحان بدارك ومرتك ووليداتك ولي ضركم ضرنا ولي دار داكشي غانجبدوه نجبدوه غير شوية الصبر

يزيد خفض صوتو : هادشي ماعارفاهش نور ماعارفاش حتى علاش خرجت من الرياض اذن سدو فمكم وماتخليوها تحس بوالو

الحاجة : ااه اوليدي كلامك هو الكبيير

نور قلبت عينيها ومشات حطت بلاطو كتوجد الضيافة وتميق اعصابها طاااالعين للسما كانت فالسفر ولات فالبيجامة والضيافة حتى وجدت داكشي ودات ليهم اتاي والمرافقات ديالو وجلست

السعدية : سمحي لينا ابنيتي عذبنااك معاانااا مافراسناش مسافرين

يزيد : ماشي مشكل ايام الله طويلة حتال غذا ونمشيو

السعدية والحاجة تبادلو النظرات بيناتهم وبقاو غير كيتبسمو ، يزيد دار معاهم الصواب وناض وقف

يزيد : انا غانخرج بينما وجدت نور الغذا

السعدية : ايه اوليدي سير

نور ناضت تبعتو مفقوصة وماحست حتى جرتو من ذراعو للكوزينة دخلت وسدت الباب وهو كيشوفها معاجبهاش الحال

نور ببرود : قولي شنو نعمل للغذا !

يزيد شد فخصرها وقربها ليه كيبوس فحنكها وفمها وهو محني عندها : ديري لي بان ليك نتي ... نور غذا نعوضوها ماتقلقيش ليا

حركت راسها بتفهم واخا العافية شاعلة فيها : ماشي مشكل

حضن وجهها وبدا كيقبل فيها بحنية بحالا كيعتاذر منها على لي وقع حتى قنع من شفايفها وقال : نقدر مانجيش نتغذا بلا ماتشطني عليا والوقت لي مشاو عيطيلي نرجع

حركت راسها : واخا صافي

مشا خرج وبقات هي كتفقص بوحدها حتى دارت ابتسامة صفرة وخرجت جلست معاهم

الحاجة كطلعها وتنزلها : بديتي تغلاضي زينك الزواااج فلول كنتي ضعيفة

نور الزهراء : بصح ؟؟

الحاجة : اه حليب اليزيد نفعك

قطبت حجبانها مافهمتش والسعدية نغزت الحاجة ونطقت : الحاااجة لاتهتريييش لاتهتريييش تاااني

نور الزهراء مافهمتش وصافي تجاهلو الموضوع وقالت السعدية : ولفتي العيشة بوحدك دغيا ؟؟

نور : اه كنحاول نشغل راسي اصلا فاش توفت مّامّا الله يرحما كنت مرة مرة كنبقى بواحدي

الحاجة : ايوا مزيان فين كنتو ناويين تسافرو؟؟

نور : الجنوب العيون والداخلة

السعدية : وماااالكم يااااختيييي ماااالكم على حااالتكم الصهوووودااااات وغادييين تمااا غير مراكش كنذوبو بقى ليكم غير الصحرا

نور هزت كتفيها : ماشي مشكل ماغنبقاوشي بزاف

الحاجة : ايوا مزيان مزيان

نور الزهراء : احم نوض نوجد الغذا

ناضت مشات وهوما بقاو كيتبوزقو ويدورو فعينيهم الحاجة كحزت حدا السعدية وهمست : هادو راه غيمشيو غيمشيو غا جينا تعذبنا

السعدية : سكتي انا لي عارفة اش غندير والله ماتخذ ليا ولدي

الحاجة : هاني ساااكتة وليتي تسكتيني الله يقل حيااك

السعدية بجقت فمها هاد الحاجة دايرة بحال شي درية صغيرة كيحضر العقل غا فلي بغاات بقاو جالسين شادين النميمة حتى ناضت الحاجة كدور ومشات لبيت نعاس نور ويزيد تسارات فيه حتى عيات وخرجت

الحاجة : يزيد بدل البييت ؟؟؟؟

نور الزهراء كانت كتنصب الغذا غير سمعتها مسحت يديها وخرجت من الكوزينة وهي تشوفها حالة ليها البيت وواقفة للداخل بلعت ريقها وقالت

نور : اه بدلناه الباراح

الحاجة : ومااالكم على الضااايوووع ؟؟؟

مجاوبتهاش دخلت تكمل شغالها والفقصة كتنهش فقلبها مخلياهم يتفطحو فالدار كيبغاو فلخر دار ولدهم هي لي برانية ، صاوبت داك الغذا بالغمة والغصة وطيحت دميعات باش ترتاح من طبعها حساااسة واي حاجة وقفت فقلبها كتبكيها وغير منظر الحاجة كتفطح ليها فالبيت لي كيتعتابر من الخصوصيات فقصها وضرها

الحاجة : غاندخل نتوضى الضهر قرب يأذن

السعدية حركت راسها وتسناتها حتى دخلت للطواليط وهي تنوض برجلها دغيا شادة العكاز فيديها وغادية كتسلت شافت نور مشغولة فالكوزينة ومشات بالزربة شحوماتها كيتقلقلو دخلت للبيت تشوف حتى هي شنو تبدل ايوا ضارت عليه دورة شرفية بحال الحاجة وهي مصغرة عينيها السيد دغيا بدل الفراش وجلس يضيع فلوسو على المرأة

الحاجة : اش كديري هنااا؟؟؟

السعدية قفزت وتكات على العكاز : واجيت نشوف الفراش الجديد ديال ولدي « خرجت كتعكز قدام الحاجة» زويييين الله يدخلو عليهم بالصحة والسلامة

نور غير كتسمع وتزيد تتفقص ماكرهتش كون كانت عندها شي قوة خارقة تمشي تسورت عليهم داك البيت وتجري عليهم

وجد الغذا لي كان عبارة عن طاجين اللحم بطاطا والجلبانة وحطتو ليهم فوق نفسها وبزز دايرة الضحكة الصفرة تغذاو وجمعت الطبلة وعمرت ليهم اتاي

السعدية : طيابها بنييييين مرت ولدي تباااارك الله عليها

نور تبسمت ليها : ربي يخاليك اخالتي بصحتكم

الحاجة : حتى اتاي زين ايوا مانكذبوش على الله يزيد دا الزين والحداݣة

نور : هههه بصحتكم

السعدية طبطبت حداها : واجي جلسي حدايا الغزالة اجي « جات نور جلست حداها والسعدية جابتها لحضنها» راكي بحال بنتي وبحالك بحال يزيد ولادي بجوج فرحت فاش استقريتو بوحدكم

نور ضهرلها العجب : الله يحفظك اخالتي السُعدية ويخليك لينا

السعدية : ايوا يا بنيتي كتسالينا حفيييلة ويزيد ماخلانا نديرو والو مافرحنااش بيك ومادرنا ليك حناني ايوا دابا نستاغلو الفرصة ديال الدار وندير ليك الحناني بحال كاع العرايسات ياك الحاجة

الحاجة : اييييه هذا هو المعقول البنت جات ماكبرتوش بيها عيييت نغزك السعدية ولكن راك ماكبرتيش بعروستك

نور الزهراء بامتناع : لالا ماشي مشكل اصلا ماكنتشي باغية نعملا

السعدية جبدت تليفونها كطقطق فيه : لاااا دابا ضروري نكبرو بيييك ابنيتي راه حشمنا منك بزاااف جيتي عروستنا ومادرنا ليك والو « هضرت فتليفون» ااالوووو حناااان واااجي اااجي ضورك ومااتعطليش اهياااتااا

قطعت وقالت نور مستغربة : شكون ماجي ؟؟

السعدية : حنان نقاشة كنعرفوها ونقاااشة محترفة ماشي يلاه كتعلم غاترد ليك يدياتك كي البلارات

نور بتوثر : و ولكن يزيد ماكنظنشي غايبغي !

الحاجة : وعلاش لي مايبغييش هاااي هاااااي افرحي براااسك ݣالاااك يزييد

سرطت ريقها دوروها وحطوها امام الامر الواقع حتى جات النقاشة لي استقبلوها وجلست كتخلط الحنة ومجمعة معاهم

السعدية : هااادي هي مرت ولدي يزيد

حنان كتشوف فنور باعجاب : تباااااارك الله ماااشاااء الله عروووستك فننننة يا السعدية شكون بحالك

نور بمجاملة : شكرا ليلك نتينا لي عويناتك مزيونين

حنان : اححح قلبي على الهضور وهدااااي عليا حول ولدنا طاااح

السعدية دارت ابتسامة صفرة : وااخلطي الحنة وديري الدوليو باش تخرج نااصعة نووور قربي ليها

جات نور جلست حداها ومدت يدها للحنة خلات النقاشة كتنقش وهي خايفة راجلها مايعجبوش الحال ، حتى شافت نقيش حنان لي فعلا كان زوييين وسهااات عجبها الحال حتى كملت ليها ايديها بجوج

حنان : نديرليك حتى رجيلاتك ؟؟؟

يلاه غاترفض وهي تنطق الحاجة : ديري ليها ديري

نور : لالا مابغيتشي ماكتعجبنيشي فالرجلين

الحاجة : ايوا على خاطرك

السعدية بخبث : بصحتك امرت ولدي

نور : الله يعطيك الصحة

فالقهوة كان جالس يزيد كيكمي حتى جا كريم جر كرسي وجلس حداه : تعطلت عليك واقلة

يزيد مبرد : تعطلتي وبزاف

كريم : مالك كتبان ماهواش

يزيد بدون مقدمات : نتا لي مشيتي ݣلتي للواليدة غنساافر !!

كريم بلع ريقو : اه علاش وقعت شي حاجة

يزيد حرك راسو : لا ماوقع وااالو غير تحرمت ديك التسافيرة وصافي هذا ماكان

كريم : سمحليا والله ماعرفت غايوقع هاكا اما كنت نشد فمي

يزيد : لالا غير ارتاح انا لي غنتعلم نشد فمي ومانݣوليك تا*****

طفى الكارو فالطفاية وناض حط الخلاص وخرج خلى كريم غير كيشوف ، مشا لسيارتو وقبل مايديماري عيط لنور

يزيد : نور ديالي ؟؟ صافي مشاااو ؟

جاوباتو : اه غير اجي

يزيد : نجيب معايا العشا ولا غاديريه؟؟

نور الزهراء : بلاش انا كنطيبو

قطع معاها وديمارا كان المغرب كيأذن ديك الوقيتة مشا للمسجد هو الاول صلى علد رجع للدار فتح بلاكارط كيف العادة ودخل كتبان ليه الدار مجموعة وكتلمع وريحة الطياب خارجة من الكوزينة حط تليفونو فوق الكوافوز لي كاين حدا الباب ومشا للكوزينة مالقاهاش فيها رجع دخل للبيت كتبان ليه واقفة قدام المراية كتمشط شعرها ولابسة ليه كسيوة قصيرة بيضة سميطات تبشرو ملامحو ومشا ليها جاها من اللور وتحنى باسها فكتفها وهي حااسة بيه ، ضارت عندو كتضحك

نور الزهراء : جيتي هههه

يزيد لمح ايديها لي فيهم الحنة ناااصعة وريحتها وصلتو حتى بعد منها شوية وخنزر فيها

نور بلعت ريقها بخوف : مالك ؟

يزيد : معامن تشاورتي درتي الحنة ؟

اللون هرب من وجهها : ماكتعجبكشي ؟؟

يزيد بحدة : لاا ماكتعجبنيييش وديجا ݣلتها ليك يمكن

نور : م مااعقلتشي

يزيد : تعقلي ولا ماتعقليش ماديريش شي حاجة بلا شوااري راك ماشي ديال رااااسك

تغرغرو عينيها من خشونتو وصلابتو ونطقت بضعف : مانعملاشي مرة اخرى

يزيد طول فيها الشوفة : يديك كيعجبوني فخبااارك ؟ كنبغيهم بيضين هكااااك مكنتخيلش طابعاهم بشي ويييل اااخر مرة تتعاود

ضار باش يخرج ونطقت بخنقة : ف فاين ماشي !!!

تلفت ليها : غانخرج برا نجيب العشا ديالي

نور الزهراء : و وعلاااش ؟؟ انا عاملاه قريب يطيب

يزيد بلا مايشوفيها : بصحتك مكناكلش من ايد فيها الحنة

لاح ليها هاد الهضرة وخرج خلاها مصدومة كانت فرحانة وفلمح البصر تبدل كلشي

شافتو حتى خرج ومشات جلست فالسرير عينيها مغرغرين عيات تحبس البكية ولكن طلقتها وماقدرتش تقاوم فهمااات انه السعدية والحاجة جاو غير باش يديرو المشاكل وعارفين ولدهم كيكره الحنة وخلاوها ديرها وهي كي الهبيلة حانية الراس بكات وتنخصصت ومن بعد ناضت هزت تليفونها وخرجت للكوزينة طفات على الطاجين لي دارتو على حسابو زعما ورجعت جلست فالصالة ودوزت اتصال لخالتها بقات كتصوني ولكن مجاوبتهاش تنهدت ولاحت تليفون الزهر عاطيها بمسعودتو هاد النهار

بقات كتسنى فيه يجي ولكن تعطل ماجاش حتى داها النعاس فوق السداري ونعست مكمشة فيه أما هو كان خرج تعشى برا عاد رجع لقاها هكاك تنهد ومشا هزها بلا مايشوف فايديها وحبس التنفس ديالو باش مايشمش ريحة الحنة داها للبيت ويلاه غيحطها وهي تفيق

نور بصوت نعسان : يزيييد جيتي

حطها وبغى يمشي وهي توقفو بصوتها : يزيد صبار

دار يدو على جنبو ونطق كيشوفيها : شنو ؟؟

نور الزهراء تعدلت فالجلسة : شوف كون عرفت ماغيعجبكشي الحال منعملاشي واصلا ماكنتشي باغة نعملا يمااك وعزيزاك هوما لي عملوهالي

رفع حاجبو : اهاه ولكن برضااااك واش بززو عليك مثلا ؟؟

بلعت ريقها : لا مابزز عليا حد ولكن فهمني

يزيد : حتى دابا غلطتي وعرفتي انها مكتعجبنيش ومرة اخرى ماغتعاوديش

حركت راسها وهو بغى يمشي وعاودت قالت : فاين ماشي ؟

يزيد : غانمشي ننعس باش نفيق للخدمة

وسعت عينيها : ياك غانسافرو وفاين غتنعس من غير هنا ؟

يزيد بجدية : نوور فاش تحيد منك هاد الحنة ومايبقاش أثرها نعاود ناخذ كونجي ونديك تسافري اما باش نبقى قريييب منك ماغنقدرش ديك الريحة كتخنقني كتعيفني فهميها

برقو عينيها : دابا مابقيتيشي غتحاديني فيا فيروس انا ؟؟ كاتجراااحني فخباارك

تنهد ومسح على وجهو عاد شافيها وقال : الى بقيت حداك نقدر نجرحك كثر اللهم نبعد حتى يحيد منك هادشي

خرج وخلاها كتترعد حتى انفاجرت بالبكاء اما هو مشا للكوزينة شرب وشاف ناحية طاجين مشا فتحو بفضول لقاه هو هو تاحد ماواكل منو عرفها ماتعشاتش ، خنزر ورجع عندها

يزيد : علاش ماتعشيتيش ؟؟

نور لارد جالسة جامعة رجليها عندها ودايرة ايديها على وجهها كتبكي بالصوت

يزيد : نووور نوضي تتعشاااي

حيديت يديها وشافت فيه وجهها حمر بالدموع : ماتدخلشي فيا نتعشى ولالا اصلا مشيتي كليتي برا علاش باقي كتسقسي واش تعشيت ولالا ؟؟؟

بقى كيشوف فيها كيشووف حتى مشا ليها نوضها من ذراعها ودار فيها نظرات قاااصحيين وصاارميين

يزيد : ماتبقايش تغوتي هادي اخر مرة ليك سمعتي ؟؟

حركت راسها بخوف ورجع ليها الخوف ديال لول حيت دابا كتشوف يزيد لي كانت كتموووت منو ماشي لي تطلقت معاه تغوبيشتو القاصحة صوتو كلشييي كيخلعها حتى ماكتقدرش تعارضو وكتبقى في حالة ضعف قدامو ، زيدها معاه خرجو من البيت وداها للكوزينة جلسها فالطبلة وحط ليها الطاجين قدامها هو والخبز لي عجنتو فالعشية

يزيد : يلاه كولي ماتنعسيش ليا بلا عشا

شافت فيه برجاء : ماغنقدرشي ناكل

تنهد ومسح ليها دموعها ومشا جلس قدامها

يزيد : كولي منعاودش الهضرة

ناضت غسلت وجهها وايديها وجات جلست بزز منها كتتعشى قدامو وهو حاضيها وملاقي حجبانو

يزيد : مواعدك غنديك تسافري ولكن ماكتابش دابا مرة اخرى

تجرأت شوية ونطقت : وشنو علاقة الحنة بالسفر ؟

يزيد ببرود : داك السفر ماشي ديال الخدمة سفر مع مرتي غانرتاح فيه وندوز وقتي كاااامل معاها ونستمتع معاها والحنة حرمت كلشي مستحيل نقيسك ولانقرب ليك حيت غير غانشوفها ولانشمها غنعيف فهمتي شنو العلاقة ؟؟

هزت كتفيها : ايوا خلينا نسافرو وماتحادينيشي

نزل حاجب ورفع لاخر : كيفاش ؟؟؟ شنو عند بالك غادية مع شي ايكيب ديال الرحلات « دار نظرات ساخرة» نديك نسفرك ومانحاديكش !!!

قلبت الموضوع : طاجين جا كيحمق وبنييين انتينا لي ضعتي

طقطق بصباعو فوق طبلة وحرك راسو : غير كولي بصحتك « سكت شوية وكمل » شفتي هانتي دخلتي فيه كنتي غتنعسي بلا عشا وتقدري تمرضي ليا تاني ونوحل فيك

كملت ماكلتها ماعاجبها حال وناضت جمعت الطبلة وغسلت ايديها وتلفتت ليه : فاين غاتبقى تنعس

يزيد : فالبيت لاخر غنبقاو بحال الخوت حتى يحن الله

هزت كتيفاتها : ايوا مشي حتى انا فاش نشم فيك ريحة الكارو ننعس فالبيت لاخور

هزت زنافرها ومشات خلاتو متبع ليها العين سكتتو وزادت كملتها بالتعواج

عطاتو قصف أرض جو ويلاه غاتخرج من الكوزينة وقفها بصوتو الصارم

يزيد : شنو ݣلتي ؟؟؟

سرطت ريقها ونطقت : ماقلت وااالو تصبح على خير

ومشات للبيت سدت عليها وتخشات بلاصتها مخلوعة ميمكنش شحال زعمت ولات تكلاشيه كاااع بقات متكية كتسناه يجي ولكن ماجاش عرفتو غيكون نعس فالبيت لاخر نيت وزادت تفقصت صافي السيد وراها شحال كيكره الحنة ومكيتحملهاش غير مني فرق عليها الفراش ... دازت ديك الليلة مظلمة عليها حتى صبح الحال فاقت لقاتو مكاينش يعني مشا للخدمة كيف قال زادت تعصبت ودوزت نهارها ممل عيطت غير لخالتها وجلست فالبالكون كتشكي عليها

نور الزهراء : عااارفييينو ا طاطا ماكيبغيشي الحنا وجاو عملوهالي بلعااني

ربيعة : حيت نتينا حمقة ونية وزايدون من حقو يتقلق عليك حيت ماخذيتشي رأيو لول

نور الزهراء : صافي انا غلطت ولكن علاش يتعامل معيا هيدا

ربيعة : حتى راجلي مكيبغيشي الحنا ولكن مع الوقت مابقاشي كيتعصب عليها بزاف نتينا دابا اول مرة تشوف ردة فعل راجلك وغتعرفو كيف عامل وتفهم كيفاش تصرف معاه

نور : كيفاش غنتصرف فاين بقات راه مكنعرفشي واالو هو كيبقى غير مخنزر شي مرات كنخاف غير من صوتو

ربيعة : الراجل كيفما بغا يكون غير تحلون عليه وتكون فيك شويش ديال الجرأة وغتاكلو بحوايجو

نور الزهراء : هوووف انا دابا مشكلتي ديك العݣوزات الشريرات شني نعمل معاهوم

ربيعة : ماتضسرشي عليك البشر وغترتاح جمع معاهم والى جاو نعندك عاملوم بحال ضياف ماتسمحشلوم يمشيو نالبيت ديالك ولا انتينا قفلو بالساروت وتهنى

نور الزهراء : اه باش تقولي هادي الدار دولدي نتينا شكونك تحبسني

ربيعة : الى قالتالك قولا ولات الدار ديالي حتى يجي يزيد وسير دخولو اصلا ماغتقولك والو اذا جمعتي راسك

نور الزهراء : صافي غنحاول ولكن احسن حاجة عمل هي بعد مني شويش مانبقاشي انا نطيبلو كل مرة ونن...

ربيعة فهمتها : اش ننن جمع راسك ا نور حرمو من الماكلة وفوت ديكشي لاخر باش ماتجيشي تشكي عليا من بعد

نور الزهراء : اوف صافي صاافي يلاه بسلامة

قطعت عليها وبقات جالسة كتشوف الدنيا من البالكون حتى ظلام الحال ودخلت للبيت شافت راسها واش هي هاديك وقادت شعرها عاد خرجت جلست فالصالة كتفرج حتى جا هو معطل سلم وداز من قدامها دخل للبيت طالع ليه الدم ماعرفت مالو عوتاني حتى دازت شي سعتين وخرج مدوش ولابس حوايج الدار وهاز فايديه البيسي شافيها وقال

يزيد : تصبحي على خير انا غنعس

نور ببرود : تصبح على خير

مشا للبيت لاخر وهي طفات التلفازة ودخلت لبيتها هادشي مابقاش عاجبها ميمكنش حنة دير ليهم هاد الحالة !!!

اسبوع داز بنفس الروتين والجفاء حتى كرهت هاد الحنة وناضت كتقلب فيديوهات يوتيب باش تحيدها

"الى عندك الخل والقهوة سيدتي لقيتي الحل للحنا لي كتبقى فالايد جيبي الخل خلطيه مع نيسكافي وبداي تحطي فوق الحنة وخلي الخليط شي 10 دقايق عاد حكيه بحالا كتقشري جلدك وغتشوفي نتيجة غير خاص تكون فاتت على الحنة تلتيام ماشي جديدة"

خلات الفيديو خدام وناضت للكوزينة خلطت الخل ونيسكافي ودارتهم فيديها وجلست 15 دقيقة كاااع عاد ناضت لافابو كتحك بعنف بحالا باغية تقشر جلدها حك يا ماتحك حتى طيبت ايديها عاد غسلتهم مزيااااان وهزت ايديها كتشوف لقات الحنة فعلا مشااااات ولكن بقى كيبان لاطراس ديالها المهم ديك الحمورية والريحة دياولها نقصو ، فرحت بالنتيجة ونقزت

نور الزهراء : غنداوم عليها حتى تزول فخطرة

في الليل جا ونفس الطريقة كيسلم عليها يبدل ويمشي ينعس فالبيت لاخر ولكن هي عندها رأي آخر ناضت مشات للبيت وقفت قدام المرآة مشطت شعرها ورشت ريحتها ومشات غسلت سنيناتها ورشت مطهر الفم ولي كيعطيه ريحة زوينة ناااوية تخليه يتقبلها بزز بحنتها وحيت اصلا ماقدرتش تنعس بلاه صافي سيمانة دوزتها بزز وولفها الفشوش والتعناق حتى تنعس حتى ولات كتجيها غريبة تنعس بوحدها ، لبست كلاكيطتها ومشات للبيت لاخر فتحتو ودخلت بلا اذن شعلت الضو ديال التليفون وشافتو ناعس على ضهرو ، قربت ليه بخطوات بطيئة حتى طلعت حداه وتكات على صدرو العاري

يزيد كان مزال ماشدش فيه نعاس غير حس بيها حل عينيه وقال : نووور

نور الزهراء بصوت محلون : ماقدرتشي نعس بوحدي خاليني معاك

استنشق ريحتها ومد ايدو شعل الضو من حداه وناض جالس حتى ناضت هي الاخرى كيشوفها جالسة حداه بكسيوتها القصيرة وعطرها فااايح حتى تغلغل فأعماقو ، دايرة فيه نظرات ديال القطيطات وكتلوي فخصلة من شعرها

يزيد : على داك اللسان لي طوال خاصني نربيك ماشي نخليك معايا

نطقت بهدوووء ودلع : انتينا قلقتيني لول وصافي مانبقاشي نطول لساني غير خليني معااك

يزيد : نعسي وماتجيش حدايا

رجع تتكى وطفى الضو وهي نعست حداه بعيدة منو شوية ولكن عااارفة ماغتبقاش بعيدة وداكشي لي كان دقائق وكانت فأحضانو ضهرها لاصق مع صدرو وشادة فايدو لي حاطها على كرشها وهو كيبوسها فعنقها غارق فيه حتى بعدت عليه وقالت

نور الزهراء : نسيتي راه فيا الحنة ؟؟

جرها عندو متكيها عليه وحط يدو على شعرها كيدوز عليه حتى هبط بصبعو الكبير لحنكها ودوز عليه بحركة خفيفة وحنينة حتى وصلو لذقنها وهز ليها راسها عندو ، تقابلو عينيها الزورق مع عينيه الكحلين وبقاو كيتبادلو النظرات رغم التوتر والخوف لي فيها حيت عارفة راسها جات عندو برجليها بقات كتشوفيه بلا ماترمش حتى قال

يزيد هايم فبحر عينيها وداك اللون المميز لي فيهم : ريحتك دابا هي لي مدوخاني حتى نسييت واش راك دايرة هاد الحنة

حاوطها بدراعو خاشيها فيه وهي خاشية راسها فعنقو ماتكذبش حتى ريحتو رجوولية بزاااف وزوينة كتجذب كتخليها تبغي تبقى غير تشم فيه حتى بعدها وباسها فراسها كيستنشق عطرها ، حط جبهتو على جبهتها ونطق بتنهيدة

يزيد : نوووور الزهرااااء

جاوباتو : اممم ؟

يزيد : طولنا وحنا خووت ياااك ؟

نور بلا ماتحس : انتينا لي بغيتي هيدا

باسها ففمها : ونتي مابغيتيشي هيدا ؟؟

بلعت ريقها اول مرة يهضر بحالها وزيد السؤال حرجها بقات غير مبلقة عويناتها فيه

حك على ذراعها بحالا كيسخن فيه ونطق : المشكل بدا منك ماشي بوحدي لي غالط وكملتيها بردان الهضرة واللسان لي طوال « شد فحناكها ضغط عليهم بايدو» مابغيتش نحكر ونوضها معاك ݣلت لي فينا يكفينا ونعلت الشيطان

نطقت ببراءة : انا ماقلت واالو انتينا ماكتعجبكشي الحنا ويانا مكتعجبنيشي ريحة الكارو شنو فيها اذا قولتا ؟؟

يزيد : مافيها واااالو غير لو ݣلتيها بطريقة زوينة ماشي بديك الطريقة

نور : انتينا ماتصرفتيشي معايا مزييون وتعصبت شويش

يزيد عقد حواجبو وقال بصرامة : كيفاش انتينا ؟؟ فكل مرة نهضر معاك تݣولي انتينا ؟؟؟ اصلا ماتبقايش تݣوليها ݣولي نتااا ديك انتينا خليها للناس لي كيهضرو بحالك

نور : شوفتي كتهضر معايا خايب

يزيد : راك نتي لي هشيشة وعلى سبة ݣتليك الحنا لا غانمشي ننعس فقنت اخر حتى تحيد منك كيفاش بغيتي نوصلها ليك من غير هاد الطريقة ؟؟

نور : وحتى انا قوتلك اذا شميت ريحة الكارو ننعس فبيت اخر

عض على شفايفو وبقى كيشوووفيييها زعما مكتستسلمش نفس الهضرة تبقى تعاود فيها تنهد وقلب الموضوع حيت عارف غيبقى هو وياها كلمة بكلمة حتى يخرج على طوعو ويمرمقها حيت عدوه شي حد يبقى يتقابح معاه

يزيد : تعشيتي ؟؟

حركت راسها بنفي : لا مافياشي الجوع

يزيد : حتى البارح نفس الهضرة شنو دايرة الريجيم ونتي تبارك الله غليضة بزااف؟؟

نور تفكرت كلام الحاجة وهي تشوفيه باستغراب : قاتلي الحاجة غلاضيت وغلضني حليب ديالك مافهمتشي ويانا مكنشرب حتى حليب دابا غير اتاي والقهوة !!!!

يزيد طلع حاجبو بحالا ماستوعبش داكشي لي قالت : شنو ݣالت الحاجة ؟؟؟

نور ببراءة : قاتلي غلضك حليب اليزيد وانا كنشوف راسي بااقي ضعيفة واصلا ماعرفتشي اشمن حليب كاتهضر عليه

سرط ريقو وهو مراقب شفايفها الورديين كيف كيتحركو وحركاتها التعبيرية والمستغربة رجع شاف فعينيها وقال

يزيد : بغيتي تعرفي اشمن حليب ؟؟

حركت راسها ايجابا وفديك لحضة لقاتو خاشي فمها وسط فمو بدون سابق انذار كيجر فيه ويتلذذ مستمتع برحيق شفايفها وكيف المعتاد تقبيلو كيكون فلول حنين وبديك الرطوبية واللعاب لي كيتخلط كيولي جاهل وكيبدا يبوسها بعنف حتى كتحس براسها كتخنق وكيطلقها كيعطيها شوية الوقت ترجع انفاسها ويعاود يلتهم شنايفها يشبعهم بوسان وعضان حتى تكاها على ضهرها وطلع فوقها خشا وجهو فعنقها لي كيطير ليه العقل وبدا كيبوس بزسات ثقااال ويعض عضيضات خفاااف حتى كتبدا تترعد ليه نقطة ضعفها العنق غير كيقيسو بشفايفو كتزير عليها كرشها ، حست بيه طلع ليها الكسوة حيدها وبقات بدوبياس قدامو بلا مايتسنى قلع حتى السوتيامات وتدفق صدرها المتوسط مااشي صغييير بزااف وماشي محلبة على قدها وصافي وحتى هو كيعجبو شكلو وفالحجم لي كيبغي ومزاا راه جبدو ليها بالمصان والعضان ولكن هي اكفس مرحلة عندها هي هادي كتكره يعري ليها صدرها ويبقى يتمنظر فيه كتحشم بزاااااف هي حياتها كلها مستورة حتى في لحظة كيتبدل كلشي وكيجي راجل يلاه عرفتو البارح يبدا يعري فيها ، غمضت عينيها كرزت عليهم ووجهها تزنك وحتى هو غير كتجي هاد المرحلة كيبقى حاضي رياكشن ديالها حيت كيعيق بيها مكترضاش وكتزيد تحمقو .

باسها ففمها وهو مفتون بيها وبجسدها الصغير لي تحتو كيقيس فيه رطييطب وفعلا غلاضت على الاول دابا ولى فينما يقيسها يلقى اللحم وينزل يبوس ويعض بحال شي مصعور واول مرة يدير ليها حركات اخرى من المداعبة طلع ليها النيفو شوية بشوية باش تولفو ماكيجيهاش من لول فكل علاقة كيوريها حاجة حتى قدر يخليها تحس بالرغبة والشهوة وتولي كتترعد تحتو هي كتولي طالباه يطفي ديك النار لي كيشعل فيها

خلاها تنساجم معاه مرة اخرى وخلى اصواتها يعلاو فداك البيت حتى كملو المباراة وتلاح على ضهرو جر عليهم الغطا وجرها لعندو خاشيها فيه ومدور عليها ذراعو الضخم

باسها فراسها وهمس ليها : صاڤا ؟؟

نور كتقطر بالعرق : اممم

مد ايدو للمجر حلو وجبد واحد البواطة مربعة فالاحمر عطاها ليها : هادي كنت بغيت نعطيها ليك فالسفر وماكتابش هاهي عندك دابا

استغربت وحلتها كتشوف فساعة يدوية ذهبية ومعاها مجموعة من الدبالج والݣورميطات مختالفين كيجيو معاها كاكسسوارات فاليد وباااين كلشي ذهب عينيها لمعو وشافت فيه بحب

نور الزهراء : كااايحااامقوووو شووووكرااااا بزاااف بزاااااف ههههه

تبسم لفرحتها وباسها فحنكها بوسة طويلة : ماجبت ليك والو غير كادو بسيط

نور : واخا هيداك عجبووني مزيييونييين حبيييتهم كيحمقو

يزيد خربق ليها شعرها : حتى نتي كتحمقي ا حبيبة ديالي !

حشمها تاني بالغزل وحنات راسها بغات تجبدهم تجربهم فايدها وهو ياخذ من عندها البواطة حطها فوق الكوافوز

يزيد : نساليو وشوفيهم على خاطرك

ماجات فين تستوعب حتى جرها دارها تحت منو تاني وبدا معاها ماتش اخر وهي لي يحسابليها صافي داكشي كيدار غير مرة وحدة !!! سخنها تاني ورفعها للسما السابعة بقى معاها فالمداعبات والبوسان حتى وصل للصح وشابك يديها مع يديه وطلعهم فوق راسها كيمارس معاها مرة بحنان مرة بعنف حتى قرب يجيبو وطلق من ايدها خرجو وحطو فوق كرشها وخواه حتى تصدمت كتشوف داكشي كيتخوا عليها تصدمت فيييه ومن فعلتوو ماعرفت بااااش تبلاااات بقات غير مخرجة عينيها ومصمكة تا سالا وهو كيشوفيها بنظرات ماااكرة

يزيد : ضحيييت بيييه فوق كرشك غير باش نوريك شنو هو حليب اليزيد !!!

ريقها نشف والصهدة طلعت معاها وفنفس الوقت جاها الغيلوووف من داك السائل لي سايح فوق كرشها سخووون اللقوة ضربتها ووجهها ولا مطيييييشة ماشي غير بحال مطيشة صااافي غاطرطق بالحشمة حتى ناض قدامها عريااان ربنا خلقتنا ومشا ختى جاب كلينيكس وطلع بركبتو كيمسح ليها داكشي من فوق كرشها ومستمتع بحشمتها وبااضبط هاد اللقطة

يزيد غمزها : اجي معايا للحمام

حركت راسها بنفي وبسرعة : ل لااا ع علاااش

يزيد غوبش ليها : كيفاش لاا علاش ؟؟

سكتت كتسرط ريقها حتى نوضها لبسها كسوتها وهو تحنى كيلبس البوكسور تا سالا وجرها معاه خرجو من البيت مشاو لبيتهم وداها للحمام ديالهم دخلها نيشان للرشاشة لي كتكون مدورة بالزاج وكتسد وجاب كاع برودوياتها حطهم فالكوان ودخل عندها حيد ليها الكسوة مرة اخرى لاحها برا هي والبوكسور ديالو لي لاحو حتى هو وسد عليهم ، شافيها لقاها كتقفقف عرفها مخلوووعة حيت عمرهم دوش بجوج اول مرة

قرب ليها وحصرها مع القنت شد فخصرها وباسها فعويناتها ناطق بصوت ثقيييل وعينين معسليين بالشهوة

يزيد : ديااالي نتيي كتفهمي ؟

حركت راسها خايفة وهو مد ايدو طلق الرشاشة وعدل حرارة الماء حتى ولى دافي وجابها معاه تحتها كينزل عليهم الما

يزيد : متخافيش « باسها ففمها » غناكلك ولكن بطريقة اخرى

غمزها وهز الشمبوان ديالها كيغسل ليها شعرها ببطء وهي مغمضة عينيها كتحس بيه كيدير ليها ماساج لراسها وكيدلك فيه حتى ترخاااات وجاب ليها النعاس وهو هادشي لي كان باغي غير تترخى ليه شلل ليها شعرها ونزل على ركابيه بشوية وهي واقفة حتى خرجت عينيها فاش تقابل مع انوثها وبلعت ريقها عرفتو اشنو غيبدا يدير وهي الهبيلة لي ثيقت ان غيدوش ليها ويخرجها ، البكية شدتها وغير بدا تزيرت ومابقات عرفت مادير صااااافي هاكاها وحكمها وطلع النيفو داكشي لي عاشت معاه فالعلاقات الاولى غير تبتها بيهم دابا لي دخل فالمعقول وبدا يوريها الجنس على اصولو

الحياة الزوجية فيها النهار والليل ولكن بحكم خدمتو هو قلييييل فين كيعيش معاها النهار وماكيلقى غير ليل يعوضها فيه لكن هاد الليلة هادي ماشي غير عوضها خلاها تطلب الشرع منو تهلى فيها حتى قنعت ومابقات بغات لابوسة لاجوج عذذذبببها عذااااب حلوووو خلى صوتها يتردد فداك الحماااام ضهرو قمشاااتو ليه عنقو طبعتو بالعضااان بحر الشهوة والعالم لي رفعها ليه حتى طلق سراحها ودوش ليها ولات فايديه بحال العجينة كيشكلها كيف بغا خلى ركابيها يخواو وغير هو لي موقفها بزز كيدوش ليها ويدوش ليه واخا تاهو راه ذااااب فيها وطاقتو الجنسية خرجها بالجهد فديك الليل حتى قرب يفشل معاها حمقااااتو وسطااااتو ولا يهتهت بنوووور الزهرااء كمل ليهم التدواش ولوى على خصرو الفوطة وهي لبسها البينوار وهزها بحال الكميشة بين ايديه خرج بيها داها حطها فوق السرير ورجع طفا الضو من الحمام عاد مشا للماريو الكبير لي تقدر تدخل فيه كااع جبد حوايجو لي غيحتاج وبقى كيقلب فحوايجها حتى جبد ليها حتى هي وجا جلس حداها لقاها تكاات مهدوووودة ، لبس هو الاول بوكسور وسروال وتيشرت كلشي كحل عاد حط ايدو على ضهرها وقال بحنان

يزيد : نوور خليني نلبسك

نور بثقالة : غير خاليني نعس حتى لغذا ونلبس

يزيد : واايلي على تال غذا مالك تسطيتي راه غتمرضي « تنهد ونوضها جابها لحضنو » انا غنلبسك وندير كلشي نتي غير بقاي مرتاحة ليا

باسها فحنكها وبدا يمسح ليها شعرها بقب البينوار وبدا يحيدو حتى عراها ولبسها بالخف كيلوط خضر وكولون اسود مع دوني فالابيض مشبك من جهة الصدر

يزيد شافيها وقال بتباث : مالبستش ليك Soutiens تبقاي مرتاحة هاكذا؟

حركت راسها وهي كتمايل بشوااااية باغية غير تنعس وجسمها كتحس بيك مطحطح ، تكاها بلاصتها وناض لبلاصتو نعس حداها وطفا الضو ، مابغاش يجيبها عندو حيت حس بيها مهلوكة خلاها ترتاح فنعستها وفالمقابل شد غير فايدها متملكها وهو كيحس بالسعااااادة واكيد غيحس بالسعادة وهو راااضي عليها تمااامااا حلوة لاكريم جابها ليه الله كيذوق منها وقتما بغى وكترضيه فكل مرة لحد الان عمرها عارضت على شي حاجة لي تشهاها فيها كياكل منها ولي بغى كتخليه يديرو وهي خبز ربي فطبگو غير تابعاه ومسايراه مكتقدرش ترفض ولاتستفسر حتى كتلقى راسها كيتمارس عليها داكشي

تعب الخدمة كلو واعصااابها كيمشي فاش كيكون مع نووور بحالا كيجي يرتاح عندها واخا مرات كتعصبو ولكن ماشي بحال اعصاب الخدمة ، نور هي السكينة ديالو هي الراااحة هي لي كتمص ليها ستريس الخدمة واعصابو وبلا ماتنتابه بدات كتغرقو فبحرها بالمهل ، داز شوية الوقت شافها نعست ومشااات وهو يجرها ليه منعسها فحضنو وكيحك على شعرها حتى باسها فجبهتها وغمض عينيه باش ينعس

طنجة ، اليوم الموالي

كانت فتيحة واقفة قدام باب واحد الجردة لابسة عباية كحلة ولايحة شال كيبان منو شعرها لي دايرة ليه ليميش وفعينيها نضاضر الشمس دايرة تحت باطها البوشيط وكتسنى قهرها الانتظار حتى بان مراد وجا عندها مخنزر

فتيحة كتشوف فساعتها : لا كون تعطلتي شوية حسن باااقي الوقت

مراد بحقد : قول شعندك خليني نمشي فحالي

فتيحة : لا سلام لا كلااام باااااز باااااز

مراد : ماخصنيشي نسلم عليك على ديك شمتة لي شمتيني

فتيحة طلعت حاجب : انا ماعندي بنات باش نشمتك باااهااااا هو لي منو المشكل ومااعندك ماتصور منو نهار جيتي حيحتي صيفطك تتݣلاصا فالكوميسارية

مراد : وعلاش معيطالي شنو بغيتي ؟

فتيحة طلعتو ونزلتو سروال الدجين ناصل وقبية مهرتكة : وااا كون تشووف نور بيمن تزوجت نتا تݣوليها الله يربح هادي حالة هادي ؟؟؟

مراد خنزر : شعانداا حالتي ؟؟

فتيحة : كي الوييييل ماهاز تاسروالو وباغي يتجوج ... اسمع اااه عيطت ليك حيت عرفتك تشمتي وبغيت نعاونك لا اقل ولا اكثر بغيتي تسمعني سمعني مابغيتيش لهلا

مراد : وفاش غتعاونيني بالسلامة ؟؟

فتيحة : ترجع البنت لي كنتي باغي تتزوجها ولا مابقاتش عينك فيها ؟؟

مراد : كون مكانتشي عيني فيها مانبقاشي نفكر فيها حتال دابا ولكن زوجتوها وسالات الحفلة اش غنعمل ؟؟

فتيحة : هضرة ديال الجبناء ليكيبغي شي وحدة كيبقى تابعها حتى يرجعها ليه

مراد : تزوجات وعطات راسها نواحد اخر ماعندي مانعمل بيها دابا

فتيحة : وصااافي ؟؟ شمتك باها وجمعتي وطويتي بحالا ماوقع واااالووو ديك الخطبة لي جبتي ليها وتسلفتي وتكلفتي وموك لي طمعتيها ؟؟؟ ياااودي يااااودي واخا تعرف غير ترجع حقك وماتبقاش مشموت

مراد : من صباح ونتينا كتهضر ماشوفناشي المفيد

فتيحة : المفيد الى ماقديتيش على باها نكدها عليها راهم شمتوك كتݣولها بحالا ماخصك خييير « ضربت على كتفو » الدرية تجوجت فمراااكش وعايشة فالرياض ديال شوݣراد سول على هاد الكنية انا عاونتك دابا ونتا شوف لي يسلكك من بعد

عقد حواجبو : شوݣرااد ؟؟

فتيحة : ايييه شوݣراد ياكما كتعرفهم ؟؟؟

مراد : فاش كنت خدام مع رضوان كان شي واحد كيبيعلوم السلعة وكنسمع هاد الاسم بالحق ماعرفتشي شكون بالضبط

فتيحة : ايوا نتا بناااي هوما راه عندهم شركة مواد بنائية والعقارات ممكن تسمع بيه راكم فدومين واحد غير هوما حاكمين الشي كيبيعو لبحالك باش تضرب تمارة ولا بغاو يبنيو شي عمارة يعيطولك تبني ليهم وتضرب عندهم تمارة هذا هو الفرق

مراد بحدة : خددمة شرييييفة كيفما بغات تكووون متحاولشي تقلل مني

فتيحة ميقت : ماكنقللش غير بغيت نوصليك الحقيقة المرة والبنت ماغتخليش مول السيما وتمشي عند لي كيخلطها

مراد : شنو سماه الله هاد راجلها؟

فتيحة : ايوا عطيتك كلشي ݣتليك مزوجة فمراكس وساكنة فرياض شوݣراد ساااهل تلقاه بلا ماتعرف سميتو

مراد : واخا شكرا على المساعدة خاصك شي مقابل ؟

فتيحة : ماخصنيييش ا مراد غير عتق كرااامتك وضرب الطم ماشفتيني ماشفتك

مشات وخلاتو واقف مصغر عينيه ديك الشمتة لي تشمت مابغاتش دوز ليه ودابا فتيحة حكت ليه على الجرح حتى بدا يغلي

مراد تحت سنانو : اذا مندمتكشي على نهار لي زيدتي فيه يا البرهوشة منتسماش وحتى داك ***** ديال باك

فاق هو لول كيف العادة ناض صلى الصبح وبدل حوايجو بسروال اسود كلاص وشوميز بيضة لاح من فوقها جاكيط على كتافو ولبس صباط اسود كذلك ، قاد شعرو ولحيتو وتريح عاد هز سوارتو والتليفون مشا عندها تحنى باسها فحنكها ورقبتها وطبطب عليها ، صيفط ميساج فتليفونها بلي غيجي يتغذا عاد خرج بالحس باش متفيقش ، نزل ركب فسيارتو وديمارا غادي فشوارع مراكش فديك الصبحية وطالق القرآن فالسيارة حتى وقف قدام واحد المݣازة كبيييرة وباركا الطومبيل ودخل صبح على الدراري لي تما ومشا دخل لواحد المكتب لقى كريم والسي محمد كيحسبو فشي فلوس مكاين غير الزرقالاف تنطح ختها

يزيد بصوت صباحي خشن : صباح الخير

السي محمد : صباح النور ... بحالا وليتي كتعطل

كريم بطنز : الزواج الواليد نتا أدرى بيه هههه

يزيد تجاهل كلامهم وفتح الباب عيط لشي حد بصوت عالي : جماااال شي قهييوة الله يحفظك

رجع شافيهم وقال : ديك السلعة لي غتخرج اليوم غيمشي كريم يوقف عليها انا ماغنطلعش للجديدة هاد النهار

السي محمد : وعلاش كاين شي مشكل

يزيد مشا جلس فالكرسي قدام البيسي وجبد الضواصا : مكاين حتى مشكل انا وقت الغذا غنرجع للدار

كريم : صافي انا غنمشي

السي محمد جمع الفلوس على شكل ربطات وحطهم فالمجر : كاين شي تخربيق فالحسابات ا يزيد الكونطابل مابقاش داير خدمتو ولا شنو ؟؟

يزيد عاقد حجبانو فواحد الضوصي قدامو كيقرا فيه : مكاين حتى مشكل ماكتدوز عليا حتى حاجة الكونطابل كيحسب وانا كنحسب من وراه الى ناقصة شي حاجة راه خارجة كريدي

دخل جماال جاب ليه القهوة وخرج والسي محمد جلس قدامو داير رجل على رجل : كثرة الكريدي غير بلاش منها

يزيد هز فيه عينيه : الى ماطلقتيش كريدي ماغتكسبش كليان بزااف داكشي بالكونطرا ماشي كنطلقو بحال موحماد مول الحانوت ونجلسو نستناو حتى يرجعو الفلوس على خاطرهم

السي محمد : ايوا الكونطرا ديال نسييك راه فااااتت ولا غتخلصها من جيبك

يزيد مبرد : انا غنشوف هادشي

هز كيشرب القهوة كيبدا بيها نهارو غير باش تهدن ليه اعصابو حيت مني كيصبح وهو معصب اما يتناقش مع شي حد اما يلقى شي حاجة ماشي هي هاديك ولا بنادم مدايرش خدمتو وزيد السي محمد كيضغط عليه باش يكون كلشي هو هذاك مايرجعو لديورهم حتى يتحسب كلشي ويخرج لي خاصو يخرج ويدخل لي خاصو يدخل

دوز نص نهار فالخدمة حتى قرب يأذن الضهر وناض خرج هز سيارتو ورجع للعمارة ، مشا فاتجاه السانسور لقى وحدة كتسناه يتفتح طايتها على شكل ساعة رملية ولابسة جينز مقزب ومني فونطخ شعرها مشقراه ودايرة نظارات شمسية وروايحها سابقينها ، تفتح السانسور ودخلت هي عاد دخل هو شد تليفونو ملاهي فيه بحالا مكايناش فحين هي كانت كتسكانيه بعينيها من تحت النظاظر اول مرة تشوفو يا هي لي جديدة ولا هو المهم اول مرة تشوفو وعجبها ولكن مزعمتش تهضر معاه كيبان مغوبش وعندو واحد الهيبة ماكتخليش لي جا يزعم عليه ، تفتح السانسور وللصدفة وقفو فنفس الطابق مشا هو للشقة ديالو حضاتو حتى دخل ومشات لشقتها كتبتاسم.

مافاقت حتى وصلت ديك 12 وهاد المرة تعطلت نيت فالنعاس حيت ماشي ديما كتنوض تال هاد الوقت ديك المرة تعطلت فاش فرعها وخرجها منها وهاد المرة فاش هدها وسخسخها بعد علاقة جنسية قوييية ماااشي كيف لي دازو ناضت كتفوه جسمها كيضرها بحالا واكلة العصا وعضامها كيطرطقو حتى تفكرت نيت اش كانو كيديرو البارح ومسحت على وجهها بخجل

نور الزهراء : اواااعدي مابقاشي كيحشم مااارّة ... اصلا من لول ماعندوشي علاش يحشم انا لي مابقيتشي كنحشم

نفخت وناضت للحمام دارت روتينها الصباحي وجمعتو حيت لقاتو مرون فاش سالاو الدوش خلاوه هكاك ، جمعتو وسيقتو عاد خرجت كتنشف وجهها بالفوطة ، مشات حيدت الريدوات وفتحت البالكون وجات تاني كتجمع البيت وتقاد حتى سالات ومشات للدريسينغ هزت بيجامة سروال ݣري مزير عليها بحال الكولون وبودي ديالو كيتسد بصدايف وكيبين العنق والصدر على شكل v وحتى هو مزير على جسمها الى شفتي لبسة من البعيد تبان بحال سالوبط وهي غير بيجامة مزيرة ومطراسية على لحمها وحتى هي عجبتها ، لبست بانطوفة على شكل أرنوب فالغوز ومشطت شعرها جمعتو ديل حصان عاد هزت تليفونها وخرجت كتبقشش فيه مع وصلت للصالون وهي تنتابه للميساج ديالو لي مصيفطو ليها بكري وقراتو كان كاتب ليها بلي غايجي يتغذا ، ضربت فحنكها حيت مامعولاش عليه ودابا طناعش لادار مجموعة لاغذا طااايب وزييد اصلا باقة مافاطراش ، لاحت تليفون دغيا فوق السداري ومشات للبيت لي كان كينعس فيه لقات حتى هو الروينة حوايجهم مزلعين هوك وهوك ، دغيا جمعتو ورتبتو ودات داكشي لسلة الوسخ ودازت للصالون ضربت ليه جميعة خفيفة حيت كان اصلا مجموع ومشات للطواليط جابت معدات التجفاف دارت فالسطل الما وجافيل سانيكروا وبدات تجفف ومصارعة مع الوقت حتى سالات وخلات النقاوة والدار كتشعل ، ارتاحت ومشات للكوزينة دارت ايدها على جنبها بتفكير

نور : شني غانعمل دااابااا اووووف « شافت ايديها لي بدات كتمشي منهم الحنة » نخااف نعدل شي حاجة ومياكلاشي

شافت تاعيات وقررت تطيب سوا كل ولا ماكلاش ، فتحت ثلاجة طاحت عينها على لاداند جبدتو وشافت حتى الكفتة وهو يطيح عليها غير طاكوس فبالها ونيت ماتعذبش باش حتى الى ماكلاش مايبقاش فيها الحال ، دارت طابلية ديال الطبخ وبدات كتوجد الغذا ، ردت لاداند يتشحر مع العطرية فمقيلة والكفتة دارتها مع البصل خلاتها كتطيب ودازت للبطاطا كتقطعها على شكل فريت حتى سالات ولاحتها تتقلى ، كانت كتطيب بسرعة حتى سالات وخلات طاكوس فالبانيني ماحمرتوش حتى يجي وفالمقابل صيبت شلاضة مغربية مطيشة البصلة وفلفلة مشوية مع الخل وزيت وبزار وكمون صافي سالات دارت تبرد فالثلاجة وحيدت طابلية وخرجت من الكوزينة شافت الساعة لقاتها الوحدة ونص الاهم هو سالات قبل مايجي وعوض ماتجلس مشات للبيت تدور براسها ، طاح فبالها تصبغ ضفيرات وداكشي لي كان اختارت صباغة فالغوز بيبي دارت لايديها ورجليها لون بااارد وخفيف وجاها مع بشرتها البيضة وخصوصا فاش دارت وحدة من الݣورميطات لي جاب ليها جات كتبان خطييرة مع خاتم الزواج ، تبسمت وهزت كلوز دارتو لشفايفها وكحلت عويناتها ورشت بارفام ديالها فقط سالات ورجعت للكوزينة تشعل على البانيني تكمل طاكوس وبقات واقفة قدامو كتسناه يطفى وسهاااات تاني فالبااارح داكشي مابغاش يحيد ليها من البال وكلما تفكرتو كتزنك تزنك وقلبها كيضرب ماخرجها من سهوتها غير الجسم لي حاوطها من اللور والايدين لي ضارو على كرشها والشفايف لي تحطو على عنقها فقبلة رقيييقة حنووونة !!!

غمضت عينيها بقوة كترجف : ي يزيييد !!!

يزيد استنشق ريحتها وزفر انفاسو فعنقها حتى تبورشت : وشكون من غيرو لي يزعم يقيسك ؟؟؟

حيد البريز ديال البانيني لي طفى ودورها عندو من خصرها كيتأمل فيها راه ميمكنش شحال كتفتنو بحالا ماشي مراتو كاااع ولى يخرج من الخدمة غير باش يجي يشوفها واليوم خرج غير بسبب لهفتو وشوقو ليها داكشي لي عاشو معاها البارح خلاه مقرر يجي يدوز معاها النهار ميمكنش يشوفها غير من ليل بحالا هاد القضية ديال الخدمة على مدار اليوم بدات كتضبرو وتنغزو فالاول مكانش مسوق مي نهار على نهار كيغرق وكيبدا يتبدل ، لاحظ انها ماباغياش تشوفيه كاااع وحانية راسها حتى فاش هز ليها وجهها عينيها شتتاتهم مكتشوفش فيه كاع وصحة بغاها تشوف فيه ولكن ماقدرتش وبغات تدوزو وحبسها بغات تدوز من جهة الاخرى حبسها تاني ساد عليها الطريق وهو رافع حاجبو حتى حصرها بيديه لي حطهم فوق البوطاجي وهي وسطو

يزيد : مالنا ؟؟؟

نور "الصمت"

كيشوف وجهها حمر بزاااف والعينين فالأرض عرااافها حشمااانة من البارح ولكن عزيز عليه يحشمها بعض المرات ويشد فيها

يزيد : شوفي فيا ماتخلينيش نعاود الهضرة

سرطت ريقها وزيرت على ايديها وهزت راسها فيه كتشوفيه وتهرب عينيها لي مازاݣيينش ماقادراش تطول فيه الشوفة

يزيد : شنو باغية تصنعي نتي دابا ؟؟

نور : ل لغذاا احم واااجد

تنهد وحضن وجهها باسها فجبهتها ونطق : غانمشي نصلي ونبدل حوايجي حطيه على ماساليت

حركت راسها ومشا خرج من الكوزينة عاد تنفست وارتاحت الى شافت فيه عادي بعد لي وقع بيناتهم البارح غير تمشي تموت ، زفرت وجابت طبسيل حطت فيه 2 طاكوس لي صاوبات كل واحد كبيير وعامر مزيااان باش يشبعهم وحطت حتى الفريت فالجنااب وفطبيسلات صغار خوات ليصوص لي متوفرين ، دات كلشي للطبلة ورجعت جابت شلاضة بالمعالق هي وكانيطات ديال الموناضة نضمت كلشي ومشات عطرت الكوزينة بالمعطر باش تقلال ريحة الطياب وجات جلست شدت فيلم عشوائي غير باش تتلف الوقت حتى جا هو لابس شورط بيض وبيل سماطي نفس اللون جلس حداها وحط ايدو على ضهرها

يزيد : نعستي مزياان ؟

نور الزهراء : اممم اه احم نااكلو

هزت فريتة وكتفرج ماتلفتتش ليه وهو ميل فمو بغرابة وقرب ليه طبسيل ديال شلاضة كياكل فيها كيبان ليه عندها غير الزين واللسان اما طياب الله يجيب كتطيب داكشي لي مكيعجبوش ولكن واخا هكاك مابغاش يهضر

نور شافتو كياكل شلاضة وقالت : كول ... ايديا راه تزولات منهم الحنا شويش ومابقاتشي فيهم الريحة

يزيد بهدوء : كنبغي نبدا بالشلاضة راه حتى هي صيبتيها بايديك ولالا ؟؟ « شافيها» اصلا لو باقي عندي مشكل مع ايديك ماغنقربش ليك

جاوبت وهي كتشوف فالتلفازة : ولكن باقي فيهوم الحنا

يزيد : غير لاطراس والريحة مشات انا كتعيفني الريحة كثر من النقش والى مشات الريحة ميهمش لاطراس

نور الزهراء : اممم ايوا اذا ماعجبكشي طاكوس حيت انا عملت غذا خفيف قلت يقدر ماياكلشي معايا ويبقى فيا الحال

يزيد : حتال هاد الدرجة كتحسي بيا ؟؟

حيد ليها طاكوس من يدها حطو وجابها عندو بزز منها فرق ليها رجليها وجلسها عليه شاد فجنابها كيدوز عليهم وكيشوفيها بهيام كيف حشمانة منو

يزيد : طياب ديالك زوين فخبارك ؟

شافت جنب وقالت : ماعجبكشي الغذا

يزيد : لا عجبني حيت مصايباه نتي وغناكلو را ݣلت ليك كنبغي نبدا بشلاضة هي لولة عاد ناكل

هزت كتيفاتها : صافي

ميل راسو شوية فيها وكيشوف جسمها لي قدامو ، دوز على فخاضها وديك البيجامة شحال لاصقة ومبيناها سيكسي خصوصا من جهة الصدر لي كتبان الفرقة ديالو اما هي حست بيه كيتمنظر فيها وغيزيدها حشمة على حشمة وهي تنوض من فوقو ومشات جلست بلاصتها ، مادار حتى حركة غير مراقبها ولات كتجيه الساكتة معاها بحالا ساحرة ليه ، تنهد وتعمق فالتنهيدة وناض شوية هز طاكوس ديالو وفتح الكانيط وبدا كياكل معاها ويتفرج ، داكشي كان بنيين وعجبو مينكرش غير هو ماعزيزش عليه هادشي بزاف ومكيتشهاهش كيحماق على الماكلة البلدية والتغماس

نور : كيف جاك ؟

غمزها : بنييييين .... بحالك

فلتت ليها التبسيمة وماشافتش فيه غيقتلها بالحشمة اما هو قتلاه غير بالفتنة اليوم بالضبط عجباااااتو وانتابه حتى لضفار رجليها وايديها لي صابغاهم والصباغة كتعطي منظر زوين خصوصا لاكانت البنت نقية فحالتها ، وهوما كيتغذاو ضرب الصونيط حتى عقد حواجبو وحط ماكلتو من ايديه وناض كيمسح بلانجيت

نور الزهراء ببرود : غادي تكون غير ماماك

قالتها بواحد الطريقة بينت ليه ماعاجبهاش الحال خسر عليها شوفة عابرة وتوجه للباب فتحو وهو يتفاجئ بواحد ختنا واقفة عليه مقزبة بشورط بيجامة قصير وطوب حد السرة ولايحة بينوار قصير مفتوح وكتشوفيه بنظرات كلها ميوعة وكتلعب بشعرها المطلوق

يزيد رفع حاجبو : نعام اختي ؟؟

البنت : احم سلاام نتمنى منكونش صدعتك سمحليا غير بغيت نسول واش تقطع عندك الضوء حيت انا تقطع عليا وبغيت نعرف واش حتى جيران !!!

يزيد بلا مايرمش : لا غير عندك اختي

نور قلشت وذنيها فاش سمعت صوت مراة وناضت يلاه غتمشي وهي تشوفو سد ورجع عندها

يزيد : غير جلسي كملي غذاك

نور الزهراء : شكون هادي ؟

يزيد : وحدة ساكنة هنا تقطع عليها الضو وبغات تعرف واش عند كلشي

عوجت فمها : امممم مسكينة

يتبع...