قصة الماكرة الجزء الأول

في مدينة فاس ….

المعروفة بالمدينة العتيقة أو بالمدينة العلمية وبالمأتر التاريخية ديالها ….

بالضبط فحي راقي شونتكور فيه غير الديوور الكبار الفاخرة…. غير دوووك فاسة لي لاباس عليهم هما لي كيسكنوا تما … كان منزل على شكل فيييلا متوسطة ، وجريدة كبيرة فجنبها لابيسين… أغلب هاد الناس كيكونو عايشين فأوروبا فرنسا هولندا …

طلب منها يشوفها على انفراد قبل مايتحدد تاريخ الزواج ديالهم ….

من النوع لي ميبغيش ياخد الحاجة بلى موافقة غيره … قبل على طلب الزواج لي قدماته ليه الأم ديالوا… بصح خاصوا يشوف هاد البنت وياخد الرأي ديالها حيت كيهموه… شخصيتوه غامضة وميكبغيش يهضر بزاف عنده طباع خاص بيه …. معندوش عقلية فاسة للقدام الصعاب بحكم قرأ برات البلاد … كيهتم بالمرأة وكيحتارمها بزاف…. وكيشوف فعين أي مرأة خته ولا مو … عنده 34 سنة يعني هذا وقتوا باش يتزوج ويدير داروا ووليداتوا… ربي عطاه وغناه بقاليه غير يكون أسرة صغيرة …. وعلى لسان الأم ديالوا لي ديمة ضاغطة عليه بالزواج ويكون أسرة قرر يقبل هاد الزواج لي جاه على غفلة ومفهم منو والوا … الأب ديالوا لباس عليه عاش نص حياتو فأروبا ومن بعد قرر يستقر فبلاده والأم ديالوا فاسية من دوك فاسة العباقة لي واكلهم الوسواس بنقى ….

فغرفة حسب طلبه جالسة كاتسناه حيت طلبها على إنفراد عيونها عامرين مكر … لابسة كسيوة سامبل طويلة ومقادة راسها بطريقة بسيطة معندهاش مع زواقات بزااف كيعجبها تكون ديما طبيعية فكل شي … سمعات جوج دقات وشوية تفتحات الباب … كانت منزلة راسها لأنه هاد المرة ضحية باغيها تكون حشومية وبنت دارهم وكتسمع الهضرة… شابكات يديها بزوج كتمثل عليه العفوية والحشمة …. أما هو كان عاطيها بجنبوا مطولش فيها نضرة، أخر هموا هو شكلها كيف داير …. حنن ليها بصوتوا الغليض خلاها تهز راسها فيه… بانلها بنية ضخمة وإيدو لي فجيهتها كبيرة وعامرة وشام… مطولاتش شوفة فيه وحنات راسها فاش سمعات صوتو…. ضار كامل عندها وبدا فالحوار ….

[دخل ليها نيشان فالموضوع ] سمعيني ابنت الناس طلبتك على انفراد باش نقوليك كلام مهم …. انا عمري كنت نفكر فالزواج ومحيد هاد الفكرة من عقلي كليا … نهار الوليدة جات عندي وقدمات ليا هاد العرض مقدرتش نرفضه الوليدة عندي هي دنيا كاملة … ونهار ختارتك انت من كل البنات مقدرتش نرفض [سكت شوية كيشوف فسالفها طايح على وجها وباينة فيها حشمانة ] لي نقوليك هو انا كنواعدك نحميك من أي حاجة تقدر تأذيك غانكون ليك كل شي وحتى انت كنتمنى تكوني كتفكري تقريبا فحالي ولكن فالأول غانواعدك منقيصك حتى تكوني راضية وقابلة وأي حاجة بغيتيها تجي تالبين يديك غير هو عندي طلب واحد !؟

هي …. [ كانت كتسمع لكل حاجة قالها وعينيها فالأرض كيرسموا ليه الخطة فين يطيح وعقلها كيفكر ليه فالضربة القاضية جمعات يديها كتلعب بصباعها مثلة عليه التوتر وهمسات ليه بصوت انثوي حنين كيذوب ] لي قلتيها هي لي تكون انا راضية وقابلة ونتمنى نرضييك وخالتي غانديرها ماما وختي وصاحبتي … وغادي نحتارمك فضهرك وفغيبتك [وسكتات حاسة براسها دارت مجهود كبير ]

[ كان كيسمع ليها مينكرش عجباتوا كيف هضرات وعبرات ] نبغيك متخدميش مراتي تجلس فالدار ولي بغيتيها تكون عندك مغتنقصك حتى حاجة [وسكت كيتصنت لجوابها ]

هي …. [ كتمنى هاد الحوار يسالي خلاص حيت حاسة براسها محتاجة لسيجارة ]

قابلة وانا نيت باغة نقابل داري ورااجلي [وضغطات عليها بداك صوييت ملبية ليها طلباته على رحب وسعة ]

هو …. [ كبرات فعينيه مزادش معاها الهضرة ] ودابا نقوليييك مبرووك العقد من دابا يومين

وعطاها بالضهر خارج مع الباب …. هزات راسها بانلها غير بنية ديالوا ضخمة وباينة فيه قاصح غير من كلاموا ونبرة صوته ….. تلاحت فوق الفراش كتسوط وتنهد وعقلها خدام بعيد …. تمتمات بين شفايفها ويديها كتلعب بخصلة من شعرها ..

هي …. هاذي خدمة نقية يومين عندي معاك وانوريك نجلس فالدار ونقابلها [كضحك ] كتحلم بالألوان مي مولداتنيش ليك باش نقابلك ونكون تراسة عليكم ، [ بابتسامة ماكرة] كارما ماخلاقتش لهادشي

هزات موبايلها دوزات الخط بسرعة وقطعات وتمشات هابطة مع دروج تلاقات بالأم ديالوا لي كتعنق فيها وفرحانة ليها جوج سيمانات وهي معاها مكتفارقاش حتى تعرفات عليها مزيان ولقاتها هي البنيتة الوحيدة المناسبة لولدها…ولما لا وهي ضرسات خطتها مزيان وطيحاتها فشباكها مثلات عليها العفوية والحشمة حتى خدات اش بغات منها و جلسات حداهم معاها الأم المزيفة ديالها جالسة كدور فعينيها وتهزهز ليها غير بأه راسها …. هما كيقرروا ويفصلوا وهي كتخطط ليهم على الحفرة فين طيحهم كاملين كتكره تمثل صواب وكتقن وجه الشيطان هوايتها المفضلة ….كانوا عائلة مسالمة وحنينة عكس قلبها الخبيث والماكر ….

يوم الزفاف…..

داز الوقت بزربة يومين دغيا طارت ، كل شي موجود ومقاد حسب الأصول …. المعزومين لي من الطبقة الراقية وصحابوا والناس لي قريبة ليه … الدقايقية والجوق حسب رغبة مو بصح العيالات بوحدهم ورجال بوحدهم…. ليلة ضريب الصداق حسب رغبة ديالها العدول واقفين كيتسناوو…. والناس مكاين غير التكاشط الغالية …. والماكلة على يمينك وشمالك صحاب الخير والخمير… كتشوفي غير الذهوبات معلقين هكا دايرين فاسة ولا الأم المغربية بصفة عامة …. دفوعها محطووط بكاع داكشي لي تمناه أي عويتقة مادة يديها للحنة …. الناس فرحانة والشطيح محيحين وعلاش لا ولدهم غايتزوج هو لي بقى ليهم …. السربايا كيدوروا هازين المشروبات اشكال وانواع والحلاوي والثمر معمر بالگرگاع ، گاع لي تشهيتييه تما محطوووط…. قربات لالة لطيفة عند بنتها نسرين لي هي خت لعريس كتسولها فين هي حيت العدول كيعاين وهي مبان ليها أتر ….

لطيفة … [الأم العريس ] كيفاش حسها مكاين عاد وهي فالبيت كايقادوها واش باغا تحمقيني ابَنْت سيري شوفيها فين هي اويلي وحدي

نسرين [اخت العريس ] واماااا ملقيتهاش قلت لييييك فين غادي نزيد نقلب عليها ؟

لطيفة…. [ ندبات وجها بفقصة] زيدي قدامي نشوووفوا ويلي ويلي على شوهتي ويلي على موصيتني اميمتي وطلي غير طليلة شوفي حالتي [ قرصاتها ] ياك ألت ليك جلسي حداها اش جابك بين العيالات [ الهضرة باللهجة الفاسية]

نسرين …..[ بألم ] اااااااه واما هي صيفطاتني بغات تبقى بوحدها قالت ليك متوترة

خفاو المشية كيقلبوا لا حس ولا أتر ليها تقول تشقات الأرض وبلعاتها…. ناس كتسول وكتوشوش بيناتها ودنيا فرمشة عين تقلبات كل شي كيقلب عليها وهي ولا حس كاين عليها ….بعد ساعة وساعتين مشاو العدول بحالهم وخلاو دنيا مقلوبة عليها …

سنانوا كيغززهم بالفقصة والغدايد شادينوا شفايفوا صومر بالكاروا كيترعدوا ويديييه لي عامرة وشاام عروقها شوية ويطرطقوا بالعصاب كان كيغوت على الشخص لي معاه وعلى شوهة لي دارت ليه …

نطق بصوت كيخلع …….. الى كانت في سماء تنزل كانت فالأرض طلعوها بغييييتها دابا تكون حداييا ( كيغوت )

الشخص…… [يدييه كيتعرقوا بالخلعة] واللله ملقيناها وصيفطنا صحاب الحال يقلبوا عليها كون هاني ضروري لقاو شي خبار ميمكنش طييير [كيحاول يهدنوا]

هو…… كيشوف فراسوه لابس كومبلي دالعرس سروال كحل وقميجة فالبيض ولافيسط لي حيد لاحها فالأرض بالفقصة ….مخلي القميجة محلولة وصدروه عريان مبودر وديك السمورية عاطياه جمال خلاب كان كيفكر كيفاش البنت لي ختارت ليه مو هربات نهار العرس ديالهم وخلات ليهم أكبر شوهة عالمية عمره فحياته يقدر ينساها ، كيشوف فالناس لي كلها كتوشوش بكلام ماشي معقول ….

هاليي كيقول يمكن ضربها هالي كيقول هاد العائلة ديما مفضوحين هالي كيتشفى هالي كيقول ضغطوا عليها باينة تاهربات …

حس بدموا كيغلي وجرى جيهت مو لي كتحاول تخبي هاد الفضيحة بشي كذبة …

هو …… [جر مو من يديها وكيهضر تحت سنيه ] فيييييين هيييييي اماااا ياك قلتي بنييتة ديال دارهم فيييييين هما والييديييها فييييين هربوا ؟

كانت لابسة أحلا حطة فالبسات والموضات واخا كبيرة شادة فراسها يديها عامرين ذهب دايرة شال على راسها شال فلون لبسة جايها زوين مع لون بشرتها البيضة وصبيبط عالي فرجيلاتها

لطيفة …..[ بقوة الصدمة لي مصدومة مقدراتش تجاوب كتمتم عليه حيت عارفاه شاعل وتاحاجة متبرده فهاد الساعة ، الحر الكامل غايرجع عليها ] ااا انا والله اولدي الى سيدة لي هضرات لينا عليها هي لي أالت لي البنية مزيانة وخدامة وعندها غي الأم ديالها هازاها ولباس عليهم وجوج سيمانات وانا نمشي لدارهم اولدي ناس الخير بانولي غير الدار كيف عاملة مسمقة والبنت بنية داخلة سوق راسها [ كتشوف فجنابها وفالناس وكتقلب بعينيها على الأم ديالها لي حسها مبان لا هيا ولا وبنتها ]

هو……. [ كيغلي بالشمتة وفهم بلي هادوا عصابة ديال النصب وضار عند مو ] سيري حلي هاد الفضيحة هاني جاي

لطيفة ….. [ بغات تجروا تبردوا ساعة مخلاش ليها الفرصة وزاد بخطوات سريعة لبرى خارج ] اويييييلي على شوهتي اويلي على موصيبتي ياكيييييي المجرمة شفتيلي موصيبة سرقاتنا وهربات ولكن ليوم بيا ولا بيك ابتسام [ كتقلب على المرا لي دلاتها لهاد الناس لي نصبوا عليهم ]

هو ….. [خارج الفيلا جبد كاروا رماه فمو ويديه كيغزلوا بالأعصاب شاف فسيد لي واقف كيتمتم بالخلعة حداه ] هضر ولخص الهضرة ورول قود بحالك

السيد ….. [حاني راسوا ]سيدي سمية والكنية والحي والدار كل شي قلبناه مكاينش شي ناس بهاد الإسم سولنا مالين الدار قالوا بلي كانت مكرية لمدة ٣ شهور لشي ناس وفاش سولنا لقينا ماشي نفس الإسم لي كنقلبوا عليه

هو ….. [ضرب يديييه مع لوطو وزفر بصوت بحال الأسد ] تحررررررك من قدامي تاقواد ميبان فهاد ساعة قدامي قودووووووووووو كاملين من حدايا

هرب السيد من حداه حيت عارفوا فاش كيتعصب اش كيدير وخلى موراه قنبلة شوية وطرطق

هو…… [ تحت سنيه ويديه معصرهم العافية كتحرق فيه كرر اسم على فموا بطريقة كتخوف وعينيه جمرة دم ] سحر سحر يا سحر

فينما كنتي انجييييبك وبيدي اندفنك انورييييك الشفارة و اللعب مع الناس الكبار كيف كيكون

[ زفر نفس سخونة وسحب دخان كامل فمه ورجع راسوا لووور كيفكر وعينيه فنقطة بعيدة ]

بعد مرور ثلاتة أشهر وبالضبط في مدينة تطوان …..

فغرفة كبيرة واقفة عاطية بالضهر لابسة لبيسة سامبل فالون الملكي وسالفها الغامق كيبري موراها …دايرة تاج فوق راسها وعينيها مجبدين حجلين فلون الماروا مغلوقين كيبريو وشفيراتهم كثاف مع بشرة حنطية كتبري بالبرودويات وشنيفات بحال الفريز … اليوم عندها تركاب الخواتم مع سيد لي تعرفات عليه غير فحفلة صغيرة وخدات قلبه وعقله ولا بصحيح العبارة لي طيحاته فحبالها ورسمات ليه الخطة فين تشده …. لمدة أسبوع مقدرش يزيد يتسنى وطلبها للزواج … كتعرف تميز زوين من الخايب ، وكضرب ضربة الصحيحة هاد كتخوي البلاصة ، مكتعرفش شنو معنى { كسر الخواطر } ، لي كيهمها هو تنصب على الناس وتدي ليهم رزقهم ، عندها نضرة شيطانية خطيرة ، نضرة ديال أفعى سامة الى قربتي ليها تقتلك فالبلاصة ….. تبسمات بخبث وهي كتدوز أبيل لرقم مجهول ……

مريم …[ اسم فقط مستعار ] … فين وصلتوا ؟ قاديتوا كل شي ؟

الشخص ….. كوني هانية الالة مريم كل شي واجد الطونوبيل برى كتسناك الوقيتة لي تافقنا عليها الى مجيتيش فالوقت غادي يقتاحموا الحفلة كيف العادة وكيف متافقين غانبقاو على نفس الخطة

مريم …… [ كتشوف راسها فالمرايا وعينيها عامرين مكر ] مديروا والوا بلى علمي غادي نبان ليهم دابا ومن بعد 20 الدقيقة غادي نغبر سمعني مزيان قول لداك لقواد حسابي معاه من بعد بسبابوا خاصني نقز من السور لي ورى الدار

الشخض ….. « كيضحك » ههههههه ومنخافش عليك راك قادة بقدودك

مريم ….. رول تقود عليا دابا [قطعات الخط وشافت راسها فالمرايا ملاك فسيفة ديال الشيطان ، كتعرف تقن دوره براعة هزات عكر حمر قاداتوا وتبسمات بخبث وهي كتشوفوا جاي عندها ]

كمال الإنسان لي خلاف وكبر فرنسا جذوره مغربي الأصل ، فأول يوم شافها فواحد الحفل ديال الصديق دياله تعجب بيها ، حمقاته بزينها وحلاوة لسانها ، مقدرش داك نهار مياخذش نمرتها وكان خايف تقوليه لا … ولحسن الحظ عطاتهاله ومن تم وهو على تواصل معاها ، حتى عرف بلي واليديها ناس على قد الحال وباغين يزوجوها بزز من راجل كبير فالعمر غير على ود الفلوس ، تم حس بقلبه ضره وخاف تضيع من يديه … كان فكل لقاء كيغرقها فلوس ويقولها عطي لوالديك وسكتيهم ، حتى نهار قالت ليه بلي داك سيد لي باغي يتزوجها واعد واليديها باش يشري ليهم الدار كبيرة … تما حس بريقه نشف وقلبه بغى يسكت … عطاها مبلغ كبير باش تاخذ ليهم دار …. وبعد اسبوع مشى خطبها وطبعا قبلات …

كمال …[ بنظرات إعجاب كيتبسم ] جيتي كتحمقي [ باهتمام] وصلو الفلوس لعائلتك ؟

مريم ….. [ تبسمات بخجل وعينيها بحال صقر كتشوف فيه وشنو جايب فيديه] اه غايكونو شدوها شكرا بزاف كريم

كمال ….. [ جبد كولي ديال الماس علقوا ليها فعنقها وباسها تم ورجع باي خذوذها بجوج ] شكرا ليك انتي حيت دخلتي لحياتي ونورتيها

كان لابس كومبلي فالكحل مع طويل وعريض وشهب شوية من نوع ضحوكي ولي ساهل طيحو أي وحدة عندها مقومات { كارما ] حيت خالق فأوربا مكيفهمش تخلويض وعندو نيشان نيشان

كمال ….. [ شد يديها باسها وهضر ] مشينا ؟

مريم ….. [ تبسمات وهي كتقييس عنقها وعينيها كيبريو بلهفة] شكرا عجبني بزاف

تبسم وخشى يديها وسط يديه وتمشاو خارجين من الغرفة موسيقى عالية والناس غير لي لاباس عليهم واقفين كيصفقوا ليهم والورد كيتلاح عليهم من الفوق …. كتشوف هاد الكمية ديال الناس والحيحة غمزات البنت لي دايرة راسها عاملة تما وهي الأصل مشاركة معاها، فهماتها كانت غادة بخطوات سريعة لاحت عليها كاس ديال الماء قاصت ليها غير يديها وفزكات ليها شوية من اللبسة لي لابسة …..

مريم …… اوووووف

كمال ….. [ كيمسح ليها وكيخنزر فالمساعدة ] واش عورة مكتشوفيش

مريم …. [ شدات فيديه كطمنوا وقلبها كيضحك عليه من لداخل ] نوووو بيبي عادي كتوقع غانمشي نقاد هادشي ورجع دغيا

كمال ….. بلاتي نعاونك

مريم ….. نووو هي غادي تعاوني عطيني 5 دقايق وهاني معاك [ كتطمنوا بعينيها لي عامرين مكر ]

كمال …. واخا [ باس يديها قدام ناس وهضر مع المساعدة ] طيري عاونييها

تمشاو بجوج بزربة ومع ضورة خفوا رجليهم كانت لابسة فرجليها سبرديلة هزات تكشيطة ديالها للفوق وعطات رجليها ريييح….. لاحت داكشي لي كانت لابسة ديال الخدم وتبعاتها كيجريييو وفي نفس الوقت كتشوف فالساعة

أمال …خاص نزربوا بقات جوج دقايق يقدروا يخافوا علينا ويدخلوا يضربونا كل شي فزيروا كتعرفي وسيم خواااف

كانت كطير قدامها فقط طمناتها براسها وهزات تكشيطة كتشوف فصور عالي بزاف عليها شافت فيها وهضرات بصوت عالي

مريم …. حني الأرض وعطيني يديك غادي نمشي كنجري ونتعلى وكيف نطلع غانعاونك تبعيني

أمال ….. "كتشوف فالسور " واش متأكدة غادي تصدق ؟

مريم …. ديري لي قلت ليك تا حاجة متصعاب علينا

داكشي لي كان تعلات فوق كتافها وضربات يديها لفوق شادة فصور ونقزات بإحترافية كاع اللبسة تقطعات وتجردات شوية من رجليها بحكم البسة مكانتش مساعداها وكيف نقزات حنات شدات فصاحبتها بسرعة جراتها ليها وهي كضحك لاحت تاج فالأرض ونقزوا بجوج لجيهة لوخرى….. كانت طونوبيل فالكحل واقفة كتسناهم طلعوا فيها …. وفالبلاصة تحركوا روايض نحو المجهول …

تحكوااا الروايض فالأرض قبل ما ينطالقوا بسرعة فائقة …. نحو المدينة التانية بحكم هي ديما مبدلة فكل مدينة كتستهدف فيها ضحية وغير تنصب عليه كاتهرب للمدينة أخرى ، ذكية ومكتخلي موراها حتى دليل ، كيخططه قبل ما ينفذه ، معروفة بالدقة الملاحظة كضرب وتقيس ، عندها الضحية بحال الخاتم كدوره مزيان فصباعها وكتلوحه من بعد ما كتاخد منه داكشي لي بغات .

كتسمعي صوتها الأنتوي حنين كيضحك بطريقة هيستيرية هي وصديقتها … كتخايل وجهوا كيف غايكون… والشوهة لي دارت ليه قدام الناس وهربات… محساش بخطورة الأمر وبالطريق لي هي غادة فيها … ممعبراش حياتها وهادشي فين غايديها… مضاربة حساب لوالو لي كيهمها… تحس بديك النشوة وهي كضحك عليهم النصب عندها فالدم لعبتها المفظلة … بالنسبة ليها باش طيحهم حاجة ساهلة عندها … وحتى صحاابها مكانوش قل منها كيضحكوا بصوت مرتافع وكيلقبلوو الضحية بأسماء منحطة تليق بمقامهم ….

كارما …[ هزات يديها قاصت عنقها فين محطوط الكولي ثمين وغالي وكتشووف لبعيد ]غادي يكون خرج ليه العقل ولا حماق مافيهاش جوج [ كتبسم بشر ] قاليك شكرا حيت دخلت لحياتوا معارفش الله معامن لقاه

أمال …. [ كتعوجوا بيديها ] حبيبة كنبغييييييييك

وسيم …. [ عينيه على الطريق هز حاجب فيها كيتسنى جوابها ] كضني يكون صورك ؟

كارما …. نووو متعطاتش ليه ديك الفرصة [ تكات مور الكوسان كتفكر البلان لي دارت ليه ] وحتى الى مشى دارها تيليفون ديالوا تلاح فزبل

امال ….. [ كضحك ] نووووو ههههه متقوليهاش كيف درتي ليها

كارما …. كان باغي يصورني انا وياه سيد عايش الحب غير بوحدو قاليك يديرها فساشة دتيليفرن دياله ، وكنت شاكة يكون صورني بلا منحس وداكشي علاش فاش جا عندي كيتحلون عليا خديت ليه تيليفون ولحتوا

وسيم ….. ههههه يتوووب عليك منخافش عليك [ كيفكر فسيد لي كلفوه بالفلوس ] غادي تكون وصلات الأمانة كيف طلبتي السيد لي كلفناه خليتوا قبيلا فالطريق دابا يكون وصل

كارما …. مزيان غير تأكد بأنه وصلها علمني خاص الفلوس ضروري فأقرب وقت تبدل

داكشي لي كان تحركوا نحو المجهول مسافة 5 ساعات … وكيف وصلوا كانت دار متوسطة ديال وسيم … كلها فين تحرك لغرفة ينعس …. الا هي دخلات دوشتات هو الأول وريحات راسها … كانت محتاجاه غمضات عينيها والماء هابط عليها …. عيات بزاااف…. راسها خدام بعيييييد كيفكر ويديها كيحسبوا شي حاجة معرف شنو هي …. باينة كتخطط تاني لشي حاجة كبيرة … فتحات عينيها فالماء كانوا حومر …. مجموع عليهم العياء وقلة النعاس والتفكير …. هالكة راسها وقانعاه بلي هي كدير غير داكشي الصحيح…. وعمرها تفكر تراجع…. كتستهدف اصحاب النفوذ ولي عندهم الحبة صحيحة…. من صغرها تكونات عندها شخصية قوية مكتخافش وحياتها مكتهمهاش عندها كي ربح كي الخسارة …. خرجات من دوش لابسة بينوار ودايرة فوطة صغيرة فوق راسها …. وتمشات جيهت المرايا نزلات البينوار وهزات ديك الفوطة كتنشف بيها شعرها …. عيونها على جسدها هما كيحبوا اللحم ولطاي ولح- وااا وهي كتحب داكشي لي كيملكوووه البينگة الفلوس …. مغرورة بزينها ولما لا وهي عندها كل شي لي تمناه أي فتاة ومعندها حتى حاجة هادي هي كارما اللقب لي تشهرات بيه من الصغر ….

بعد نصف ساعة بالضبط لبسات بيجامة رطيطبة وتلاحت فوق سرييير هاد المرة عندها خدمة بزاااف ومزيرة لأنهم استهدفوا تلاتة ديال الأماكن فين يضربه ضربتهم الصحيحة …. ولكن قبل متسافر لمدينة التالية خاصها تشوفها توحشاتها بلا قياس وتوحشات الوليدات صغار لي فاش كتشوفهم كتحس بالسعادة لا توصف …. مبغاتش تزيد تفكر بزاف غمضات عينيها راسمة في بالها غذا تمشي تشوفها ضروري قبل متسافر و استسلمات للنوم …. كانت عيانة فالبلاصة نعسات بدون مجهود أو قوة التفكير …..

فاقت الصباح بكري قبل منهم …. لبسات كسيوة صيفية باردة وطلقات شعرها على طولتوا…. وجها محطات فيه والوا هزات غير سوارت اللوطو ديال وسيم وخرجات مكسيرية .

مسافة الطريق كانت وصلات باركات برى … وتمشات داخلة كل شي كيعرفها كانت هاد المرة غير ..راسمة ابتسامة كتحمق على شفايفها وعينيها كيبرييو بالفرحة … تمشات كتجري للجردة فيديها خنيشة عامرة حلوى …. كيف شافوها الاطفال شدو صف كلها باغي تاهو ….

…. طاطا كارما تا انا بغيت

….. لا انا

كلها مين كيغوت باغي هو الأول وهي كضحك عليهم …. هزات الخنيشة كتفرق عليهم وضحك كتحماق على هاد دراري هما لي كيرسموا على وجهها الإبتسامة… هذا هو المكان الوحيد لي كيحسسها بالسعادة و لي هي كتنتمي ليه ….

هزات التيليفون ديالها كتصور وضحك معاهم فرحانة …

من السرجم كانت كتبسم فاش كتشوفها هاكا فرحانة ، عندها هي دنيا ومافيها ، شيرات ليها بيديها وكارما غير شافتها مشات كتجري لعندها بحال شي طفلة صغيرة محتاجة حنان امها ….دخلات الغرفة وجرات لعندها معنقاها وكتبوس راسها ويديها

كارما …. الحنينة توحشتك بزاااف

مي رحمة …. [ كتبسم وجها كاسيه شوية تجاعيد مع كبرات فالسن عندها 55 سنة وكارما بالنسبة ليها هي بنتها لي معطاهاش الله … مكلفة بالميتم مين كانت صغيرة فنات شبابها فيه ] احتى أنا توحشتك ابنتي فين غبرتي عليا هاد المدة ؟

كارما ….[ مكتحملش تكذب عليها كتفضل تسكت على انها تألف ليها شي كذبة ] وهاني الميمة جيت نشوفك نغبر حتى نغبر ونولي ليييك

مي رحمة … [ كتقيس ليها وجها بحنان ] بنتي صغيورة

كارما ….[ غبشات] ولات عندي 25 سنة امي رحمة اشمن صغيورة

مي رحمة ….[ بابتسامة ] فعينيا اتبقاي ديما صغيرة واخا تولي عندك ستين عام [بحزن ] الى لقينيتي باقة بالحياة

كارما …[ بانفعال] مي رحمة متبقايش تجبدي الموت على فمك ولا نوووض نمشي بحالي

مي رحمة …. [كتبسم ليها وعويناتها كيبرييييو ] مبقيتش صغيرة ابنتي راه عندي خمسة وخمسين عام والأعمار بيد الله [ بحزن ] عندي أمنية وحدة ابنتي

كارما ….[كتشوف فيها بغضب ] مي رحمة عافاك متبدايش نفس الموضوع تاني

مي رحمة …. [ قاطعاتها] حلمي نشوف وليداتك ونشوفك فدارك مع راجلك فرحانة وسعيدة وديك ساعة الى جات الموت مرحبا بيها

كارما …. [ هزات صاكها ووقفات كيخنقها هاد الموضوع ] مي رحمة هاني مشيت من بعد ونجي نطل عليك ونتمنى متجبديليش هاد الموضوع تاني

باست ليها راسها ويديها بحنان … وخرجات طالع ليها الدم ماشي من موضوع الزواج لا من كلامها والموت لي كتجبد ليها ديما …. جبداات سيجارة مع الخرجة وتمشات لجيهت اللوطو جلسات كتكمي على راحتها وتفكر لبعيد هي بالنسبة ليها الأم والصديقة والى مشات خلاتها شي نهار تهرس فخطرة… عارفة الموت حق على كل مسلم ولكن مي رحمة متسخاش بفراقها تنهدات بصخط تقلب ليها المورال فخطرة … رجعات راسها مور الكوسان لوور كتكيف فراحتها …. حتى كتسمع تيليفون ديالها كيصوني…. طلات بالها وسيييم اكيد شي بلان هذا جديد …..

فالبلاصة فتحات الخط وهي كتصوط الدخان فالسماء …

كارما … وهي مطلعة حاجب للفوق كتهضر وي ؟ اااه وفوقاش ؟ خاص نوجدوا كل شي فهاد السيمانة علمهم انت انا شوية ونكون معاكم ، نووو منتعطلش

قطعات الخط رامية معاه بينتة ديال الگاروو بعيد … وعقلها كيخمم عفطات مكسيرية للدار … مسافة الطريق ودخلات بلاصات الطونوبيل وتمشات فالجريدة لقاتهم جالسين مقادين الطاابلة ديال الفطور وكيتسناوها..

أمال ….. زيدي ياختي خفي رجليك قتلني الجوووع اويلي عيت نعاينك وراسي ضارني

كارما …وكولي لاش كتعاينيني السلامة لي يشوفك كتاكلي هكا يقول راكي قد البوطة وانت بحال الكراطة مسوحة يا لطيف

امال… خيبات وجها ونطقات .. بزااااااف عليك انا وهزات الخبز معمر بالجبنة وكبات ليها قهيوة وبدات

وسيم …. كيكمي گارو

وكيشوف فأمال مكره منها نطق خلاها هزات عينيها فيه … انت هااااه هضرت معاك منعاودش الهضرة راكي عارفاني بلى متحمقي ديلمي فهاد النهار نصدق ملصق مك مع حيط

كارما …. شافت فيه باستفهام هازة حواجبها بجوووج ..شنو كاين ؟ مالها ؟

أمال … لسانها مبري منها خنززات فيه قالية ليه سم وهضرات .. سيد لي قلت ليك لاباس عليه سيمانة هادي باش جا … وانا عطيته فكرة نمشيو نلوحه ليه صنارة الى تشد داكشي لي بغينا مجاش نشوفه غيره وهو قاليييك نوووووو مبغاهش راجل خطير وعندو ميقول وعندو حتى ميدار

كارما …. كبات ليها القهوة وهزات كتفطر وتشوف فوسيم لي كيخنزز فأمال غادي ياكلها بعينيه ..وانا بغيت هذا لي كتهضر عليه امال ومابغيتش نزيد نتناقش معاكم فالموضوع .. شافت فوسيم لي كيفهم هاد النضرة

دغيا نااض من حداهم معصب ودخل لغرفتوا ياخذ دوش ويبرد راسوا قبل مايكبر الطرح معاهم بجوووج….

أمال …. فمها عامر ..ياختييييي تيتيتتييييز والله غادي دوخي

كارما …. اممم عندو الفراكة ؟

امال …. كضحك كل شي موجووود هههه صبني عليها

كارما …. راكي عارفاني الى كان خيبوع نعيف الى باسني نصدق مقوداها معاااه ههههه

امال …. هههه نو كوني هانية عارفاني المحقق كونان منجيبش ليك الباهت

كملوا الفطور وهما كيهضروا على الفيكتيم جديد وكارما كتقيد المعلومات فراسها وعينيها كيبريييو بشر …. كترسم وتخطط هذا حالها كتعمق فالشخصية الشريرة وكتعرف تقنها…. كملوا الفطور ودخلوا فالمهم … حبكولوا خطة متقونة فين يصيدووه…. وعلموا الناس لي خدامة معاهم يوجدو راسهم …. مكونين خلية بيناتهم بصح لي كيخدموا معاهم مكيعرفهمش مزيان كيسمعوا غير صوتهم فالهاتف طبعا ، حطو خطة واخيرا بعد مجهود متعب نهار كامل وهما يحللوا ويناقشوا ومن بعد تافقوا واخيرا وهاد المرة كانت الوجهة عرووووسة الشمال طنجة …. تبسموا بخبث عالنين على مدى جشعهم وشرهم فهاد اللحضة …. كانت ربعة دصباح تلاحوا ينعسوا حيت غذا عندهم نهار طويل وتابعهم شلا مايدار ……

وبعد أسبوع من الترتييييب والخطط وبالضبط في عروسة الشمال مدينة طنجة العالية ….

في اوطيل 5 نجوم … غير الناس الي لباس عليهم وبوكو حبة اللي جالسين فيه يعني طبقة الكادحة ولي مفحالهمش كيشوفوا هادشي غير فتلفارة… هنا كينين ناس أشكال وأنواع منهم مغنين و مخرجين و عائلات غير أصحاب نفوذ عندك تسوى معندكش متسواش ….. وبالضبط فسطح اوطيل كان منظر كثر من شي حاجة سميتها خلاب … منضر يخلي نفسيتك مرتاحة … فالجناب كانوا الموضفين كيدورو بالمشروبات… وشكون هاد الموضفين لي يقدروا تما يخدموا غير الناس اللي واصلين لنيفوا عالي فالقراية وعندهم اللغات بحيث هنا غير لي توريست لي كايجيو ولا المغاربة لي لباس عليهم عايشين فأوروبا ….. فالوسط كان بيسين كيشعل كبير الماء ديالوا ماء معدني ماشي أي ماء عادي … وفالجنب كان بحال بوفيه كاينين جميع المأكولات والمشروبات…. والناس غير فدوبياس جالسة فشلي كتشمس والماركات ونضارات لي حاطين غير الغالية…. وروايح دالعطور من بعيد كتمشيها…. كانت جالسة غير بدوبياس لي راسمين طاية ديالها بكل وضوح ونظارات ديال اخر مكاين فالكوتشي فوق عينيها ولون بشرتها لي زاد غماق بالشمس زادها إتارة وجاذبية كتر وكتر …. واحد صدر واقف مشمس وحفيرات زين موسومين بوضوح فوق المؤخرة ديالها …. وهاذا رمز من رموز جمال المرأة …. كانت حاطة سماعات ايفون فوذنيها ومركزة مع مول المكالمة …

وسيم …… راه خرج من الغرفة ديالوا كنظن سلا الإجتماع ديالوا وشوية وغايكون حداك بغيتك تردي بالك معاه مزيان

كارما …. كتمعن فكلاموا ~ شنو قلتيلي سميتوا ؟؟؟

وسيم ….. المهدي العثماني سكت شوية وكمل كلاموا ~ عندنا مشكيل واحد !

هي …. هزات حاجبها > شناهوا ؟

وسيم …. مكره من الأخبار لي وصلاته عليه > هاد المرة الضحية لي معانا ماشي من نوع نورمال خلينا نساحبوا وسمعيلي غير مرة فحياتك الله يخليك كيحاول يغير ليها الرأي ديالها بأي طريقة

كارما …. قوسات حواجبها > المعنى ؟؟؟؟

وسيم ….. سادي وعزيز عليه التنوع وتاوحدة مكتقنعوا يعني صعيب يطيييييح الى مآتيريتيهش بالطريقة اللي هو كتعجبوا كيضغط على كلاموا > الى مشافش دم مكيجيبووووووش فهمتي!!!!!!

كارما ….. مصات شفايفها ورسمات ابتسامة شيطانية عليهم > النوع المفضل ديالي هادشي لي كنبغي هاد المرة اللعب غايكون مسلي بزااف عيييت من نفس روتين والملل هادشي عجبني

وسيم … كيصبر راسوا > واش باغاني نقتلوا الى قرب ليك وأذاك كنقول ليك لعب هاد المرة مختلف وصعييييييب يقبل زوااااااج ماشي من النوع لي كيتزوج بمعنى خاصوا غير الح واا والتعنيف باش يرضي لي تحته

وسيم …… كانوا عينيها عليييه وهو طالع تبسمات بحال ديك الأسد لي كيتسنى فالفريسة ديالوا تبان > كاع مكيهمني ديكشي لي باغي هو …سكتات شوية > المهم هو انا شنو موجدة ليه وشكون قاليك زواج ؟ تبدلات الخطة !! ….رولي دابا صاحب دعوتنا جا انشوفوه واش ايطيح ولا لا كيف قلتي

مخلاتوش يهضر قطعات عليه وهي كتبسم ملاك فصفة شيطان كانوا عينيها حومر عكس ديما … هكا كتولي فاش كدخل فدور وكتعيش مع شخصية لي هيا كتبغي تلبس فاش كتكون مع شخص صعيب يطيح تما فين كتقمض شخصية شيطان وكتلعبها مزيان …. بانلها شخص داخل بشورط ولابس كلاكيطة فرجلييه واخر مكاين فالساعات ديال روليكس ونضارات شمسية واحد صدر مطراسي عاطي العين وجسموا مخدوم مزيان …. وهي داكشي لي كتبغي من بعيد باين فيه زهواني وحاس براسه

كارما …..وقفات بديك الجسم الفتان وتمشات بكبرياء سالفها موراها كيطير وصدرها كيتهز ….تايقة فراسها وفزينها

من النوع العنيد ومغرورة بلا قياس….تقدمات جيهتوا وعطاتوا بترمة ديالها مقادة وكتشعل وريحتها كدوخ …. هزات مشروب وشعلات سيجارة فمها ….. بنضرة شيطانية قالت > صافي بدا لعب

قبل مادوووووور …..

راسمة ديك الإبتسامة الشيطانية على وجها لي مكتفارقهاش …. وهازة راسها بتعالي وكبرياء… موجدة ومتقمصة شخصية الشيطان.. .. حاضية الضحية بعينيها من تحت النضاضر لي مكيبينوش عينيها … ودافعة صدرها واقف مشمس… وسيجارة فمها كتصوط الدخان فالسماء وساعة ساعة كتجغم من مشروب الكوكتيل لي خدات… كان واقف هاز مشروب فيديه وريحة بارفان ديالها واصل لنيفوا

متبع ليها لعيين فأي حركة دارت… بعيونوا طلوعا ونزولا على جسمها الصافي الأسمر الخلاب… وتضاريسها المنحوتة خلاتوا يدوز لسانوا على شفايفوا بشهوة …. نوعوا المفظل … عطاتوا بضهر فايقالوا وميلات شفايفها بابتسامة خفيفة ومرة مرة كدوز لسانها على الكاس من الجناب يتقحبين خصوصا هاد المرة ضحية غير ضحايا لخرين كيعجبوا نووع المقحبن …

كتشوف لبعيد راسمة الخطة فين غطيحوا في شباكها وتغويه بزينها وتقتلوا بنضرة عيونها ….

كان الصهد وهو متبعها بعينيه… وكيرسمها صولوا معاه الفراش وكيتخايل انحناءات ديالها كيزيد يعراق…. ومع هي فايقالوا ومنغمة على موسيقتوا هزات راسها محيدا نضارات وهووووب قربات لمسبح وتصوطات طالقة ليه سالف فالماء لي فزك وتبوكل حتى لخصرها طايح وصدرها مدفق كبير وواقف …. بقات فالماء كتعوووم حتى شافتوا هبط تاهو … وهوب قرب منها وقاصها برجلييه لفخيضاتها ويديه قاصوا خصرها المنحوت…. شافت فيييه بمعنى واش منيتك افلان بيه فيه داخل سخووون….

أما هوا كيقول ياريتها مشافت فيا كلانو عينيها حكاية تانية من العذاب …. قرب ليها وابتسامة بلهاء على شفايفوا نغموا صوتها وهبلوا صدرها

مهدي ….وعينيه كيف الصقر على صدرها ~ ديزوولي مدااام مرديتش لالبال كنعتاذر مرة اخرى وضغط على ديك مدام كيشوف ردة فعلها >

كتزيد توريه فرقة ديال صدرها لي كيطل وعينيها فعينيه ناوية ليه على الغذر ~ ماشي مشكل كتوقع > وقبل متعطيه بالضهر وتخرج من الماء ضغطات هي تانية على نفس الكلمة وصححاتها ليه بابتسامة ساحرة > مادموزيل ماشي مداااااام

طلعات من الماء وهو متبع ليها العين هموا وقف ليه وهو كيشوف طايتها مخدومة ومنحوتة وماشي ديك المؤخرة الغليضة مهرهرة نو هادي هي هادييك ترمة واقفة مغليضة مضعيفة…. لاحت موراها سالف لي عطا لونوا فالشمس كيرلي مارو مغلوق كيبري بالماء … وكتمشى دايراها بالعاني عارفاه مفيكسي عينيه عليها النص كيتهز ولاخر كيهبط مخلياه موراها عينيه خارجين وهموا واقف…. بلى ميزيد يغرق خرج من الماء هاز فوطة وشير للموضف لي جاء ليه فرمشة من العين ….

مهدي …. "كيشوف جيهتها " شكون ديك البنت ؟؟؟؟

الموضف…. شاف جيهتها وتبسم ~ موديل معروفة في فرنسا الأب ديالها هو السيد مرتضى العثماني … مدموزيل اسيل نعم اسيدي

مهدي …كيفكر حيت عمروا سمع بيها ولكن اسم باها ديجا سامعوا ولما لا وهو غني ومعروف فسوق البورصة ~ صافي سير خشاليه كمشة دالفلوس فجيبوا وهضر ليه فوذنيه

تبسم برضى الموضف ومشى جاب ليها كاس على حسابوا…. تقدم بخطوات عندها ومدوا ليها كيوريها شخص لي خلصوا ليها …. شافت فيه هازة حاجب وعينيها عليه عامرين مكر …وهو تبسم ليها هاز الكاس ديالوا فيديه وكيقولها بعينيه زعمة بصحة….مكاملاش دقائق وهي تمشى على ريوس صبيعاتها بلعاني…. راسمة فبالها تسطيه وصدرها فكل مشية كيتهز معاها …قربات ليه بنفس النضرة عينيها فعينيه مزملاه

شكرا على المشروب مي منقدش نقبلوا حيت بكل بساطة مكنعرفكش تفظل خود مشروبك

مهدي …. تبسم كيشوف فشفايفها المنفوخين ~ هذاك كإعتذار على لي وقع قبيلة وكنتمنى مترفضيهش حيت غانحس بالإعتذار ديالي حتى هو مرفوض

رسمات ليه نفس الإبتسامة مخلياه ساهي فيها ~ امممم الى كان هكذا ماشي مشكيل شكرا مرة اخرى

كملات طريقها هابطة على المشروب حداه بطريقة سيكسية وتمشات حداه راجعة لبلاصتها عن قصد طالقة ليه ترمتها كتهز قدام عنيه ……. وهزات تيليفونها ولاحت عليها واحد شبيكة من لفوق لبساها ومشات مع طريق مخلياه متبع ليها العين وهي كتبسم بمكر …

نهار جديد

داز نهار كامل وهي فالغرفة ديالها هازا

حاسوبها وكتبحت على هاد الفيكتيم الجديد وكتفكر فالحيلة لي موجدة ليه كيعجبها هاد النووع

….تبسمات بانتصار فاش شافتوا دخل البرنامج المزور لي قادات ليها أمال ، حاطة فالموقع ..… همسات بين شفايفها بصوت فحيح الأفعى

كارما …. كنت عارفاك البهلوان غادخل تقلب عليا داكشي علاش وجدت ليك كل شي… ا تبسمات بانتصار وهي كتشوف الشبكة لي لاحت فالبحر تشدات هزات التيليفون فيساع دوزات رقم وسيم عينيها كيبريييو بالخبث …..

حيت هو لي مكلف بكلشي هو لي كيعطي الأوامر لوخرين لي خدامين معاهم غير بصوت مكيعرفهمش مباشرة …. منهم ناس لي خدامين عدول مزورين والناس ليكيدخلهم مع كل ضحية يمثله كل واحد ودوره كانوا منهم قليل لي شافوهم مرة ولا زوج والباقين عمرهم تلاقاوهم… كياخدو المعلومات وكينفذوا فقط

كان كيتفرج فتصاورها وكيزومي كل تصويرة وعينيه على تضاريسها كيتخايلها معاه فالفراش رابطها وهاز يديها لفوق وكيمارس عليها سادية ديالوا… وكيفاش غايعنفها ويضربها باش يرضي غريزتوا المريضة مكيهموش بنت شكون لي كيهموا فهاد ساعة هي تكون بين يديه وتحت منو بغاها وربي كبير من أول نظرة شافها بغاها وحس بيها تا هي باغاه …. سطر خط عريض من البيضة مطلعها مع خواشم نيفوا حتى عينيه تقلبوا ورجعه حومر بحال العافية ….. عينيه اللي لحد الساعة مزالوش من تصاورها …تفكيروا كيتخايلها معاه وكيحرد فيها بعنف … حس براسوا قيم ومحتاج فين يخوي كبته دوز الخط وهضر معاهم يجيبوا ليه وحدة هاد ليلة وبنفس مواصفاتها.

داز داك النهار وجاء نهار جديد كانت متأكدة من الخطوة لي غايدير حيت راسمة ليه خطة لي غادي طيحو ذغيا بلى مجهود كبيييير ….. وكيف شكات كان مصيفط ليها الورد ومعمر ليها الغرفة بالورد الأحمر … وديما الهدايا كيتصيفطوا ليها وغير داكشي الغالي وثمين ولي كارط فكل وحدة كيعبر ليها على اعجابو الكبير وعلى جمالها طاغي وجمال جسمها لي قتله … كانت فينما دخل لغرفتها كتبسم بشر وهي كتشوف كميات الهدايا مستفييين وبلى اسم رغم ان هي عارفة مول هادشي شكون … فيوم السبت وبالظبط بالعشية وصلاتها هدية كبيرة عبارة عن غوب فالأبيض وتاج فيه الوريدات وصبيبط عالي ومكتوب فالبطاقة …كاينة سيارة سوداء لتحت غادي تركبي فيها وغادي تجيبك حتى لعند الشخص لي كيرسل ليك الهدايا واش مستعدة تعرفي عليه ؟"

ضحكات باستهزاء لايحة كارطة فالأرض وزاطمة عليها فبالبلاصة دخلات دوشات ولبسات لغوب لي جاب ليها معندهاش الوقت لي ضيعوا كتر معاه يكفي ضاع ليها أسبوعين زائد لوطيل لي خلصات بلا هادوك لي معاونينها فكل شي كلها وخلاصه …شافت راسها فالمرايا كانت اللبسة كاملة مفضوحة ولكن جاتها كتحمق مع لون بشرتها الغامقة… قدات راسها وجبدات عويناتها وطلقات سالفها مكيرلي تا هبط لتحت وهزات تيليفون ديالها دوزات ليه الخط

كارما …. مركزة معاه فالهضرة وحاسبة حساب الوقت باش تقطع الخط مراعاة لأي مشكل تقدر طيح فيه ~ قلهم يتبعوني صافي طاح فشبكتي معنديش معاه كتر من أيام قليلة وغايسالي هادشي ورفعات حاجبها ~ قولي الفلوس ديال ديك سيدة تحوله ؟ حيت لوطيل خاص يتخلص زيدلي اسبوع فيه قاصدة لي كارط لي خدات لفاسية ام ضحية الأولى گاع الفلوس لي كانه فديك الكارطات حولهم بأسماء مزورة ونص فيهم خداوهم كاش

وسيم ….كان ديجا موجد ومهئ لكلشي ~ خدينا غير النص شي لاخر خاص نعاينه حيت مبلغ كبير وبالنسبة لأوطيل مترفديش ليه حساب غير هو عافاك حضي راسك راه فأي لحضة نقتلوا لأذاك

هي … زمجرات بغضب كتكره لي كيخاف عليها ~ ياك قلت ليك الخطط ديالي مكيفشلوووووش واش مكتيقش فيا ؟؟؟ ياك قلت ليك صافي ساليت معاه ديييير فقط شي لي علمتكم بييييه

وسيم …. تنهد خايف عليها منو خصوصا فاش عرف عليه انه مريض ديال بصح بداكشي ديال السادية ~ واخا تهدني غير تكون شي حاجة عطينا انذار السيارة لتحت غاتبعكم

قطعات ليه فوجهوا حيت عصبها هي من نوع الى قالت شي حاجة كتوفي بيها واخا تعرف تموت معندهاش مشكيل او بالأحرى ممهتماش ابدا لحياتها وهادشي لي كيخليه يقلق ويخاف عليها حيت ديما مهورة وتاحاجة مكتهمها عندها كي ربح كي الخطية …. تمشات هابطة فأسانسور كتشوف راسها فالمرايا وعينيها فيهم نضرة شيطانية خصوصا مين كتعلي حاجب وتهبط تاني وكتخليهم هكاك مرسومين …كتجي فصفة ديال الشيطان وكتعرف تقمص الدور ديالو بكل سهولة …. وقبل مدخل لسيارة لاحت لواحد من المساعدين المونطو ديالها وتساناتوا حتى وقف وحل ليها لباب … مغرورة وشايفة راسها بلى قياس وعندها الحياة كلها لعب وشقاوة….كسيرات الطونوبيل نحو المجهول وموراهم سيارة تانية تابعاهم فالخفاء ….

الضعف ، الخسارة ، والفقر ، هادو حوايج كافيلين يخليييوك تقلب تعيش حياة مزيانة باش مطيحش فيهم … كاينين الناس لي ريح الى صاط فراسكم يجرييو يبيعه لحمهم بوسخ الدنيا … وكاينين الناس لي يخرجه يگفظه على ذراعهم ويجيبها من فم السبع هادوووك لي نقول عليهم انا الحارااااات الگادات…عاشت مقموعة تفيق فالوقت وتنعس في الوقت تاكل بالگرام وشنو تشهاو هما ماشي هي ذاقت الحرمان وعرفت معنى تشرد وهي بين ربعة الحيوط ، بنات صغار گرانها كانو ينعسو يحلمو امتى يكبرو وهي كانت تمنى تبقى صغيرة حيت معندها فين تمشي الا كبرت ، إسم كارما تكون من طفولة بائسة وفقيرة … خلى عقلها يقتل قلبها ومعاه ضميرها … عاشت حوايج كبار عليها وتعلمات بريستييج باطرونات الكبار وهي صغيرة … الخيرية كبراتها وايني الطفولة گاع مكوناتها… الحياة علماتها شطارة فكل شي وكتجيب راسها فأي حاجة بغاتها…. ونهار جا الوقت ل تخلي بلاصتها لغيرها وتخوي ناموسيتها ملقاتش شكون يضرگها على ذياب زنقة من غير وحدة باطرونة ، فعز مراهقتها فعوض متعلم تحكر تعلمت تلحون ، فعوض مدخل تقرا مينفعها ، تعلمت لفتيخ ، ل شافيها بعين اعجاب شافت فيه شوفة صياد لفريستو ، راجل مكانش كيبان ليها فارس أحلام كان كيبان ليها فيكتيم خاصها تحلبو وتدوز لغيرو ، ستاحلات لفلوس لباردة وعجبتها اللعبة ومبقاتش قانعة بضربات صحاح ولات كتخطط وتحولت من كارما صغيرة لوحدو ماكرة نصابة مكاينش واحد مداراهاش بيه.

هي ممحتاجاش المال وممحتاجاش باش تعيش ولكن شعور بالنصب بالنسبة ليها متعة لا متيل لها وكيقولو الله ينجييك من المشتاق الى ذاق … ذاقت الحبة البينگة الصحيحة وذاقت تكون ديك كارما لي كل شي عاطيها قيمة ، معارفاش بلي حبل الموت قريب وتجيبها تجيبها، سعداتك افاعل الخير ، شحال قدها تفلت من العقاب لقب كارما يرجع يرجع ليها ، راه الدنيا طويلة والأيام تكافي ولي دارليك الشر يرجع ليه وافي وموفي .

وقفاتها الطونوبيل حدى البحر نزلات كتشوف فجنابها فين جابها … بانليها ضوء بعيد عليها تبعاتوا ومحدها كتقرب وهي كتوضاح ليها الصورة …. كان يخث كبيييير فالأبيض ومزوق بشموع والورد الأحمر ، قربات فين كينين الدروج وطلعات برجيلاتها الحافين مخايفاش وعمرها خافت … وعند قاموسها كلمة الخوف مكايناش ياتعيش فالغنى والمال وتنصب على لي يسوى ولي ميسواش ولا ولا تعيييييييش …. لاحت صندالة ديالها وهي كتشوفوا عاطيها بالضهر وكيشعل شميعات لابس سروال فالأسود وقميجة تاهي فالأسود … كانت طبيلة مقادة بالماكلة والشراب … ضار لعندها على محياه ابتسامة واسعة وعينيه كيبريو نطق بصوت غليظ….

مهدي….نطق وعينيه كيشوفه فيها بإعجاب متوقعش تكون هي قدامه البنت لي سحراته وخدات تفكيره هي دابا حداه ومعاه ~ مرحبا بلالة أسيل نورتي اليخت ديالي قرب بحال الصقر لي كيعاين فريسته تبان

أسيل …. كتشوف فيه زعمة بصدمة كأنها مبهورة من الشخص لي حداها ~ هذا انت ؟؟؟؟

مهدي ….زاد قرب ليها كيشوف فهاد الجمال لي قداموا ديما ساحراه واليوم سحراتوا كتر وكتر الكسوة لي ختار ليها جاتها لاصقة وعبار ليها وبينات ليه كتر منحينياتها ~ هو هذا ياكما معجبكش الحال ؟

اسيل …. بابتسامة مصطنعة ~ نووووو ولكن بصراحة تفاجأت متوقعتكش!!!

قرب شاد يديها وقربها لفمو باسها وطول وهو كيشوف فصبيعاتها حركوو فيه رغبة يمصهم ويعضهم بجنون … حس على راسوا ماشي هو هذا الوقت وكمل جارها لجيهت الطابلة…. جلسها وحنى عندها معلق ليها عقد ثمييين وغالي ثقيل بالجوهر….

مهدي…. ويديه على عنقها الطويل ~ من اول مرة شفتك مزلتييش من بالي الالة أسيل كل نهار كنتخايلك قدامي مبقيتش قادر نصبر بغييتك ليا وحدي وحنى بايسها من عنقها وماصها بقوة بدون شعوووور حتى جمع ليها دم عاد طلق منها موعيش براسوا > سمحيلي مخليتكش تهضري وتعطيني رأيك كنظن تسرعت شوية > فعينيه إلحاح كبير تجاهها

اسيل …. وهي جامعة يديها على شكل لكمة ومخلياه كيمص فرقبتها بعنف لدرجة ضرها وهي كارزة بقوة على يديها وكتسناه يرحم ديك البلاصة بعدات ونطقات> كنضن راك ديجا كتعرفني … انا صراحة فالأول كنت معصبة حيت معرفت شكون مول الهدايا ولكن كيف عرفتك انت رتاحيت ليك بزاااااااااااف > بابتسامة طولاتها وهي كتكمد حر المصة لي دارليها فالكسوة لي كارزة عليها بقوة

مهدي …. خوى ليها كاس دنبيذ وعينيه واكلينها > أسيل انا بغيتك تجاوبيني واش قابلة تكوني ليا حيت انا مستعد ندير أي حاجة باش تكوني ليا أي حاجة … "كيفكر" انا عارف عندك مشكيل مع الأب ديالك وخاوية دار وانا مستاعد نعاونك فالمشروع لي باغا ديريه غير تيقي فيا وعطيني يديك وانا عمري نخليك

أسيل…. كتشوف فيه وعقلها خدام الخطة غادة هي هاديك > اممم ولكن أنا خرجت من دارنا باش نوقف على رجلي ومنعتامد على تاواحد بابا هو تالي خليته

مهدي …. كيحاول يقنعها بأي طريقة عينيه غير فصدرها وعنقها ، مكرهش يشدها ويعضها المهم يزوقها فأتار سنانه > جبد ضوسي كان موجدوا فيه استراتيجية ديال مشروعوا جديدد وحط حداها شانطة عامرة بالفلوس خصوصا نهار دخل قلب لقاها خرجات من عند باها وهي معندهاش فلوس باش تعيش سو قرر يشدها عنده بهاد الطريقة حتى يتمكن منها > ختاري يادخلي ديريكت فالمشروع يا هزي الفلوس وبداي راسك وانا غادي نعاونك اش قلتي ؟

اسيل…. رمات ليه نضرة ساحراه بيها ودافعة صدرها لعنده مكملة كلامها ~. منقدش بغيت نعتامد على راسي وكنشكرك مي منقدش نقبل متأترة هادشي بزاف عليا

مهدي …. حس بدمه بدأ يسخن عليه و راسه تقال باغي ينفارد بيها وتكون تحته يدير فيها مبغى ولكن ماباغيش بتسرع باغي كولشي برضاها والى تعكسات ناوي ينفذ لي فباله > اسيل شد يديها~ انا باغييك بصح وحلمي تكوني معايا فداري وفراشيييي؟ حسي بيا شوية راكي مكتزوايش من تفكيري وانا باغيك بصح و مكنتفلاش عليك

اسيل…. بدلع هازة حواجبها فالسماء كتلعب ليه على الوتر الحساس > انا منقدش نكون معاك ايييه قابلة نتعرف عليك وايلي ماشي ندير معاك شي حاجة حرام نو منقدش ، والى بغيتيني فراشك ودارك على الأقل نديرو حفلة التعارف ~ بغنج كتلعب بلسانها فمها وعينيها عليه متلفاه ~ اش قلتي ؟؟؟؟؟

مهدي …. كيفكر وعلاش لا يشبع منها بعدا من بعد هاد الحفلة وفاش تسالى مهمتها يسوسها كيف غيرها المهم هادي لي حداه صعيب طيحليه كيف خمم وضرب حسابه ~ حفلة للتعارف معنديش مشكيل الى كنتي انتي قابلة ؟

أسيل…. اممم صراحة ماشي دابا باغا نتعرف بيك هو لول ومن بعد يجي كل شي شوية بشوية > كتلوح ليه طعم وتسناه يشد ليها كيف بغات غاراضها ماشي تنصب عليه نووو غراضها تحمقه وتلعب على أعصابه !!!

مهدي ….تكلم بدون صبر خصوصا وهي شبه عارية حداه حس بالعرق هابط مع سنسول ضهره > اييييه مقلتي عييييي نديره حفلة تعارف نبصمك ليا ومن بعد ارى منتعارفوا اش قلتي ؟ و حط يديه على فخضها تاروا مع لون بشرتها كيبري خشى يديه معصروا بقوة بين يديه وعينيه على بزولتها باغي يمصها يعضها المهم يحس بيها فيديه "

اسيل …. شافت نار شهوة لي فعينيه واحد اللهفة دفعات يديه بلباقة زعمة كتفكر وجوباته > نفكر ورد علييييك

مهدي …بنفاذ صبر باغي غير فوقاش تكون بين يديه ويدير فيها مابغى نطق ملهوف ومزروب > شحال بغيتي دالوقت؟؟؟ قاطعها قبل ماتهضر ~ نعطيييك يومين مبغيتش نعاين بزااااف صعيب عليا نزيد نصبر > كيشوف فشفايفها بشهوة كبيرة باغي بعضهم ويلحس دمهم ، يذمغهم ويذوق مذاق دمهم ، قرب لجيهتها وحط حدى وجها شانطة عامرة بالفلوس ونطق > هادي ديالك

هي … بلا مطول معاه حسات بيه كلى طعم لي لاحت ليه > صافي موافقة

مهدي ….. حنى تحت وذنبيها دوز عليهم بلسانوا وكيهضر ~ المشروع ولا ديالك هو الكاضو دصداقك الى مخديتيهم انتقلق بزاااف وانا تقليقة ديالي خايبة وختمها عاضها وماصها بقوة حتى عينيها رجعوا يبرييو بالحريق لي حسات بيه

اسيل … هزات عينيها فيه مكانوش عادييين كانوا مزيييييج بين اللون الأحمر والماروا مغلوق وكيبريييو قربات منو وتبسمات ليه بشر عاضة على شفايفها قبل ماطير ليه على شفايفوا كانت فالأول مصة ومن بعد عضاتوا حتى حسات بالدم فمها عاد رخات منو ورجعات لوور زعمة راها مصدومة من الشيء لي دارت > اووووبس سمحلي مهدي والله محسيتش على راسي اووووف ~ كترجع شعرها لوووور بتوتر وكتشوف فيه بنص العين خطتها غادة مزيان

مهدي …. كان مصدوم من الحركة لي دارت كاع متوقعها منها تبسم بخبث وهو كيتخايل راسوا معاها كيعجبها هاد النوع وهو سادي داكشي نيت لي كيقلب عليييه هي انسانة تكون كيعجبها ديك المرض باش مريض …. جمع ليها يديها مقربها ليييه وهبط لفمها خاشي ليها صبعوا فيييه وعينيه فعينيها عامريين رغبة باغي يقطع عليها ديك شرويطة وياكلها لحم ويلوحها عظم > …. حسات بيه غايطرطق ورجع حمر وهي تعضوا قبل ماتزول ليه صبعوا من فمها وعينيها فعينيه نطقات ديك الكلمة لي معندها معنى كنعجببببببك ؟

مهدي …. وهو كيلحس شفايفه بلسانه عليها نطق ~ بزااااااااف

تبسم ليها وحط حداها شكارة عامرة فلووس واستراتيجية ديال مشروعه باش تبدا وهي عندها مع دراسة الأعمال غير الخير والإحسان مكتفهمش فداكشي المهم كل شي تحيدوله وتخليه ربنا خلقتنا …. جر ليها شلية وحط ليها الأكل كان عامر اللحم بدم هاكا هو كيعجبوا…. كانت اخر حاجة توقعاتها مقدراتش تاكل ديكشي مي كانت مضطرة تبين ليه داك الجانب لي هو عاجبوا…. كملوا الجو ديالهم فهدوء وعينيه عليها مكرهش ينقض عليها ولكن شي حاجة منعاه يشدها بزز عليها خصوصا وأنه حاس بذاته فاشلة عليه …. هو من النوع لي بغاه كياخدوا بزز ولا بالخاطر ولكن هادي شي حاجة غير …. كيحس براسوا مربرط وغريزتوا كاتفيق وتمشي… عينيها كانوا متربصين عليه بحال ديك اللبؤة لي كتسنى فريستها تبان … كتاكل ديك اللحم هاكاك شادة راسها بزز ترد عليه وعينيها عليه بلى مترمش وهو كذالك …. كلما شافهم كيزيد يغرق … داز العشاء فهدوء ، فلتات منه بزز فاش دخلات لطواليط كاتمة صوتها ورادة كل شي معاها اللحم عيفها مصارنها گاع لضاتهم غسلات فمها مزيان ورشات العطر عاد طلعات لعنده كملوا صهرة ديالهم …. وغير صبح صباح وصلها لأوطيل بايسها فيديها وموصيها باش تجاوبوا دغيا …. كانت عيانة وكتسنى غير تفك منو وتحط راسها ترتاح …

دازت ديك ليلة

كانت لابسة بينوار شفاش وجامعة شعرها سفنجة مهملة وجالسة حدى سرجم كتهضر فالتيليفون كتشرح وتفسر ليهم….

كارما …. واش أنبقاو على نفس الكلام قول لديك زامل الفنيد لي عطاه مكانش كافي راه شوية وكان طيرلي طرف من عنقي "بغضب " مين نقولييييك عطيييه ستة ديال الحبات فسمع كلامممممممي وعطيييه ستة ماشي 3 واش انا مع الحيط كنهضر ياك قلت ليكم هادي هي الخط لي غادي نتبعوا علاش كتزيد من راسك ؟

وسيم …. واش انا يحسابلي!!! سيد تلاتة ديال الفنيدات عطيناه راني خفتوا يجييه شي شلل ذماغي ولا يطرطق ليه الدم فراسوا ونصدقوا مخورين القلاوي كامل ديك ساعة لابريكاد ينادي

كارما ….و هي كتصوط هازة ثلج وكتكمد رقبتها > واش باغي تحمق ديلمي وكون قتلني هااا ماحسن يموت هو ولا انا ولكن والله متبقى فييييييك ازامل ~~~~~ عارفها معصبة مد ليها تيليفون وهو مخنزز فأمال حيت هي لي ضبرات ليها فيه ومشى

أمال……نطقات وهي مفقوصة واش كاضرك بزااااف ؟

هي …. قلبات الموضوع ليديروا شي مشكل بجوج بسبابها>>>> نو فات الحريق دابا مزيان معلينا الخطة غادة هي هاديك بعد يومين انوجدوا حفلة عادية ايكونوا فيها ناس مهمين بزااااف …. أكدي ليا الأب ديالي خاص يكون تما باش صدمة تجيه مضوبلة كي يعرفوا ماشي الأب ديالي ومعندنا تا صلة قرابة معاه …. تما الهبال يسير عليه "راسمة ليه فين تشوهوا " كاينة حفلة صغيرة خاص نردوا البال وأهم شي نخرج من عندوا الفلوس والمشروع غذا ايصيفطهم ليا مع شيفور بغيت يمشيييو لبلاصتنا ديريكت يتبدله هضر نتا مع خونا ديال اسبانيا "كتأكيد " الحراس ديالنا بغيت يكونوا واجدين حدى الدار غير نعطيكم اشارة يدخله وبغيت وسيم يخلصهم مزيان

أمال ….دخلها الخوف هضرات وهي كترعد خصوصا فاش سمعاتها كتعطي أوامر بزااااف > علاش ياكما شاكة يكون عاق ولا شي حاجة اخرى مبغيتيش تقوليها ؟

كارما ….مابغاتش تخلعها ~ نووو حنى كنهضروا فقط للحماية لا غير معنده ميوقع المهم انمشي نوجد راسي باش غادي نخرجوا قاليك باغي يشريلي حوايج على ذوقوا ~ عينيها كيبريو نطقات ~ غادي نسوسه مزيان

امال ….كانت كتفكر فكلامها لي قالت وعلاش قالت الحراس راسها ضرها لتكون كتوجد لشي حاجة بلا خبارهم حدها قالت ليها اوك وفصلات الخط لايحة معاها لكارط مهرساها ودخلات لكمبيوتر بدات طابي بسرعة حتى مسحات المكالفة بصفة نهائية من سيستيم عاد وقفات ، شافت فوسيم عقلها مشوش وقربات ليه ونطقات > واش كارما تكون كتخطط لشي حاجة بلا خبارنا؟

وسيم …. "هز حاجبوا باستفهام" علاش ؟؟؟

امال …. هضرات معايا غريبة قالت الحراس ديالنا يكونوا جنب الباب

وسيم … تقاد فالجلسة ~ ياكما حسات صعيب تهرب منو ؟ ولا تكون مخبية شي حاجة هاديك راها موصيبة الجن يخاف منها

بقاو مني منك كيهضروا ويتناقشوا هضرتها ششكاتهم وخوفاتهم خصوصا هاد المرة طاحوا فواحد مريض…. هادي هي كارما راسها قاصح ومكتسمعش الهضرة كدير لي بغات على حساب حياتها معندهاش كاع المشكل …. نهار دخلات لهاد الميدان كانت بوحدها ونهار صحابها قرروا يدخلوا معاها ولاو يد وحدة وخوت متفرقهم غير الموت … وحدة تساعد التانية والتانية كذالك …

بعد يومين دازه غير فشوبينغ گاع الحوايج الغالين خداهم ليها الماركات وذهب وألماس من كل فن طرب ، وجدااات راسها كيف قليها من نهار قالت ليه موافقة على الحفلة وهو كيقاد فرحان ومقاداه فرحة … وجد كل شي وكيف كيقولوا لفلوس كدير طريق في البحر … هي مكانش غراضها تنهبوا فقط وتمشي نوو هي غراضها تفضحوا وطيح صورتوا قدام المجتمع … كيف وصلاتها لوطو لعندو طار معنقها كيبوس فيديها وشاد فيها بطريقة مهوسة بحال الى خايف عليها تهرب عليه …. تمشاو داخلين للمول تاني كيشري والحراس كيهزوا وهي كتشوف مغارضهاش فالحوايج صافي تگهمات خاصها تزيد الحبة تشرف البينگة الصحيحة… غير كملوا التقدية خداها للمطعم كبير ومعروف فطنجة… كلاو فجو هادئ حتى هو كسر الهضرة …

مهدي …. شاد يديها كيلعب بصبيعاتها محمقينه > باباك تا هو غادي يكون حاضر واش فرحانة؟؟؟

كارما …. تنهدات كتمثل عليه الحزن > فرحانة حيت معاك وفرحانة حيت بابا بعد مدة طويلة ديال الخصام انشوفوا ولكن …. حنات راسها وجرات يديها عندها

مهدي …."بقلق " مال العمر ديالي شنو مقلقك ؟ اي حاجة نجيبها حتى لبين يديك غير قوليلي

اسيل …هزات عينيها فيه كانوا كيبريو بدموع تمتيل كتقتل الميت وتمشي لجنازته> غير حاسة بلي هاد سعادة لي انا فيها مغتكملش وكل شي غايسالي

مهدي …هز حاجب فيها زعمة شتاتقولي > كيفاش؟؟؟ علاش كتقولي هاكا؟؟؟

أسيل …وعينيها فعينيها ~ شكون كان يقول بلي مهدي العلوي المعروف غادي يطير فيا وبهااد سرعة انا حاسة بلي غير معجب بيا وصاف وغادي تاخد لي بغيتي وتمشي بحالك و حنات راسها بحزن

مهدي …بان على وجهوا الثوتر وخاف يتكشف امروا حداها ~ نوووووو انا باغيك وكون كان غير اعجاب عمري نفكر فشي حفلة تعارف ولا نقرب منك واش مكاينينش البنات علاش غادي نخلي خدمتي ونخرج معاك ؟ وهز باس يديها بقوة كيتبتها بكلامه ~ انا بصح باغيك اسيل وندير أي حاجة باش تكوني ليا ~ و بلا ميشعر ضغط على يديها بقوة حتى حمارت

اسيل…. حسات بيديها شوية وتهرس وهي تجرها لعندها واحد جهة فالبلاصة بدات تزراق >> اححح ضريتيني

مهدي…. نتابه لأش دار ونطق وعينيه حومر فكرة تكشفه وضيع ليه خطته خلات دمه يغلي وبلى مايحس كان غايهرس يديها فوسط يديه >> سمحيلي لحبيبة و جرها عندو كيبوس يديها ويقولها كلام الغزل والعشق الممنوع وهي كتشوف فيه كتسنى الفرصة لي ضرب ضربتها…

كتسنى الفرصة لي ضرب ضربتها ، عايقة ليه بلعبوا ومخلية ليه الكرة بين يديه حتى تعطيه ضربتها لي غاتسالي معاه فخطرة الى كان هو سادي ومدمن الكحول والمخضرات فهي كارما لي معندها لا خوف ولا قلب

كملوا العشاء فجو هادئ مرة مرة يبوسها ولا يقولها كلام حلو وسافل … وهي كتسمع ليه وكدير راسها حشمانة وتبسم …. ومحدها كتبسم وهو كيزيد يغرق فيها … غير سلاو ودعها باش ترتاح غدا عندهم توجاد الحفلة …كيف هو قرر وبغا… اما هي كانت موجدة ليه ضربة القاضية ديالوا …. كسيرات سيارة بيها لوطيل غير وصلات حطاتها ومشات …. فالنفس الوقيتة جات سيارة فالأسود ركباتها ومشات باتجاه طريق تانية …. لبسات قناع الشيطان وهي كدوز نمرة لشخص معين …

كارما …. واش وجدتيلي الأوراق لي قلت ليك عليهم ؟

الشخص …. كل شي موجود أنت كوني هانية سيد قاد ليك كل شي انتي خاصك غير تخليه يسني إوى غير فرحينا "كيهضر على خلاصوا "

كارما …. متخممش غدا مع تمنية يكونوا عندك يالله تلاح وكيف علمتك تا حد ميعرف

قطعات المكالمة كتبسم وعينيها كيرسموا لبعيد خطتها لي دارتها بوحدها…. حطاتها لوطو حدى دارها نزلات كتمشى بحال المودل طلعات نيشان لغرفتها كتحيد حوايجها باش تاخد ليها دوش فين تهدن راسها وتقاد افكارها مزيان ….

فغرفة بسيطة ومفرشة بأتات متواضع مقادة وكتشعل ، جالسة خدامة فالبيسي ديالها كتبخث وتقلب ، عندها دور كبير فگاع هاد ضحايا لي دازه هي لي كتبحت عليهم وهي لي شادة زمام الأمور بيديها … لابسة كولون مزير وبودي من لفوق سامبل وجامعة شعرها الأسود مخلط باللون الأشقر الحريري سفنجة مهملة… زوينة وجمالها شقراوي مع بيبضة حنيكاتها ديما حومر …كانت مركزة كتقلب وهي تشوف البرنامج الخاص بيهم فين كيتجمعو بانت ليها نقطة خطراء كتسني وفوق منها إسم المتصل تبسمات فاش عرفاتها شكون … نيت فوقتها صونات~ قالتها فنفسها …

أمال … أفين المجرمة غبرتي ؟

مريم …لابسة مايو كامل معري ومتكية على ضهرها فالبحر كتشمس ، ضحكات بصوت عالي داكشي ديال الباطرونات صحاح ~ ونطقات حبي راني مصيفة انتي لي ديما نوامر مبدلاهم كنصوني كالقى غير يدي وريح حمد الله لي شديدك هنا فاتحة

أمال … راااااك عارفة نوامر محددين معندناش، انتي فين الشيخة مصيفة بلا بيا

مريم … تنهدات قبل مادخل ليها فالموضوع نيشان > عطيني وذنييييك مزيان وحلييييهم جايباليييك شي خبار فميكتها داكشي لي كيعجبها الباطرونة ديالنا الكبيرة ~ كتقصد كارما بكلامها

أمال … رجعات بلووور متكية وكتجغم من قهوتها وتصنت ليها باهتمام ~ اتيني هاوذيناتي بزوووج معاك الله يسمعنا خبار الخير

مريم …. الفيكتيم لي انا معاه دابا، داني لبارح لواحد الأوطيل{ عطاتها اسم لوطيل} دوزنا ليلة وخلصني وفالصباح سمعت المسؤول الكبير كيوجد لشي حفلة كبيرة ديال هاد الشخص ~ عطاتها الإسم الكامل ~ سولت تما وحدة خدامة قاليك بلي شخصية مرموقة فإسبانيا وغايجي يدوز كونجي فالمغرب وغايجلس فهاد أوطيل عرفتي راه شي حاجة ناضية عرفتي ليلة بشحال؟ ، راه دنيا مقلوبة كايقادو ليه شي حفلة كبيرة على حسابهم سمعت … سمعيني مزيان بحثي عليه هو الأول وحضيه فوقاش غادي ينزل ميمكنش يفلت منها ، سمعت بلي خانز فلوووووووس

أمال … كانه عينيها مطرطقين فالبيسي مريم كتعاود ليها وهي يديها خدامين ، ضحكات بخفوت وقالت ليها ~~~ مريم انتي راكي خطيرة والله قبل ماتغوووت ~~~ لقييييييتو

ضحكات تا بانه سنيناتها ودخلات للصفحة دياله كتقلب وتبحث وتعاود لمريم لي كانت كاتصنت ليها باهتمام وعينيها كيدوروه فبلاصتهم وعقلها كيفكك… طاحو هاد المرة فهوتة صحيحة .. والى تشد ليهم غاياكله ويوكله معاهم … كل وحدة منهم عينيها عامرين جشع … الفلوس كاتخلي ناس تنسى راسها وتبع طريق الحرام والخراب … كل وحدة منهم عاشت حياة الفقر وكلاو الخبز الكارم… لي خلاهم للأسف يتبع طريق ماهي ديالهم ماهما قادرين عليها ، هاد الأخيرة اي ذاقت من مرار دنيا تا هي مع خالتها ، مرة تنعس فالزنفة مرة على الأرض منها لبرودة ، وتنعس باليوماين بجوووع ، غير الماء والخبز الكارم لي كاتجمع من زنقة تفزگو فالماء ودوز بيه … محيرتها لفقر لي قاتلهم ولا لخالتها لي كل ليلة تغوت وتنگر وهي فسن صغير 11 سنة مزالة طفلة مشافت متشوفات گراناتها يمشيو يلعبو ويقراو وهي تمشي تسعى باش يعيشه ولا تجمع الخبز الكارم باش يدوزو عشاهم ، الخالة لي هزتها لحيمة صغيرة من بعد ما لاحتها مها وصدات معرفوها شمن طريق شدات ، ولا الأب لي مشى تزوج وعاش حياته معرفوووه انا مدينة ولا انا بلاد شد ، خلاو ليها لحيمة معصات مذنبات ، حطوها ليها بحال العار فعتبة دار وزادو خلفة .. حتى الحمل عليها كتار والمسؤولية زادت وصلات نقطة لي فيظات الكاس ، هزاتها وحطاتها فباب الميتم موصياها بلي مغاديش تنساها وبلي مبقاتش قادة بيها ، يمكن الميتم يعطيها داكشي لي ملقاتوش مع خالتها . فعلا الحياة قاصحة وسعداتك يا فاعيل الخير .

ضحكات بشقاء قايلة هذا ساهل يطيييح وتايقة فصديقتها غاتجيبوا تا لعندها بكل سهولة …. اسموا مالتيس من ام مغربية واب اسباني زوين وراجل لاباس عليه… ضحكات على سيجي ديالوا هوايتوا لعب التنس وكيموت على النساء الجميلات يعني حالوا ساهل …. كملات القرايا عليه وجمعات جميع المعلومات المهمة لي غاتساعدهم…. طابات كل شي فالبيسي ديالها … وهزات كاسها دالقهوة كتبسم وتحلل كيفاش الدخلة غاتكون معاه …. كولو الترافيك باش كينجح فالعمل ديالوا… بيع المخدرات ورشاوي باش ينجح فحياتوا يعني تاحاجة مكتجيه حلالا طيبا كل شي بعرق الحرام …. طباات اخر حاجة قبل متسد البيسي ديالها وتنوض

وتنوض تاخذ ليها دوش ترخي بيه عضامها حيت سهرات وهي كتقلب وتبحت على هاد الفيكتيم جديد …. خرجات من دوش ملوية عليها فوطة قصيرة كدندن بشي موسيقى و هزات تيليفون ديالها ودوزات ليه الخط …

أمال …. كتنشف شعرها من الماء نطقات > امضرا كل شي هو هداك ؟

وسيم ….. ويي لحد ساعة ااااااه وكنتمنى يدوز كل شي على خير وبيخييير قالها وهو معصب عليها

أمال …. اوووووف أوسيم ياك قلت ليك ايدوز كل شي هو هذاك علاش كتشائم هاكا ! "باستفهام " خدى دواء ياااك ؟

وسيم ….تنهد مكيبغيش يقلقها > عطاوه الكاس لي فيها الحبة بالي هبط عليه ونعس ونتمنى يبقى مكالمي باش ميكونش موتوا على يديا

أمال ….وهي كتحاول طمنوا حيت هاد المرة الضحية بصاح مريض ماشي نورمال وفي نفس الوقت ماشي ساهل نطقات وهي كتبلل شفايفها > كون مرتاح وتييق فيها ياك عجينة يديك هاديك واش حسابليك ساهلة ليه راها فران وقاد بحومة انت غير حضي معاها ؟

وسيم …. "بنفر " صافي صافي ديما كنقوليك قلبي على شي واحد نورمال ملقيتي غير سادي ؟ هاااا؟ تقاداااااو الكياضر از بيييي بلى متجهلي دينمي دابا حيت هاديييك لي كتهضري عليها راها شيطان فصيفة انسان وهذا لي جات معاه إبليس بسيكوبااااط يا قاتل يا مقتول هني الوقت وخليني عليك مكالمي

أمال … اوووف تاني نفس الموضوع ياك هي لي حكرات عليه وقالتليك عيات من نفس الروتين وبغات الجديد واش مكتعرفهاش راسها كيف قاصح؟ ياك انا غير وريتوا ليها وهي لصقات قالت ليك جاب ليها الله لعبة معامن تلعب انا مالك معايا

وسيم ….وهو كيصوط تكلم صبر بدا ينفاد ليه > غاتحمقوا ديلمي بجوووووووج بيكم

امال …. كتحاول تبدل الموضوع باش على الأقل ينسى فهاد الدقيقة > ضحية جديدة ساهلة مريم جابت لينا ضوصي ناضي هاد المرة

وسيم ….علا حاواجبو > اتينا لفراجة شي حاجة معروفة ؟ اش قالت ؟

امال …. كضحك بخبث ~ معروف ولكن ماشي فالمغرب

وسيم …. فين ؟؟؟؟ ياك تافقنا منخرجوش من المغرب حتى نوصلوا للنهاية لي تافقنا عليها

امال ….. اووووف وكطييير خليني غير نكمل كلامي …. مهم هو اسباني مغريبي وضوصيه تتلقاه عندي فالدار فاش تجييي مهم وقت المكالمة قريب يسالي راك تم وقطعات عليه الخط وهي كتصوط

كانت مبرونشية الوقت وكتشوف شحال هضرات باش تقطع للضرورة وللتفادي اي مشكل مع المخزن … فالبلاصة هرسات الرقم ومحات المكالمة من سيستيم…. متمرسة وكطير فهادشي ديال الكومبيوتر مين كانت صغيرة هواية عندها تختارق أي سيستيم بغات … بان ليها البيسي كيسني كانت GPS ديالها … عرفاتها فدارها خاصها ترتاح خصوصا غدا فين غادي تنفذ الخطة …

تمشات جيهت سرجم كتشرب قهوتها وتفكر معرفاتش علاش عندها احساس غريب هاد المرة شعور مختلف … نعلات الشيطان وحيدات من تفكيرها الأفكار السلبية لي لصقهم فيها وسيم …. محتاجة تفكر إيجابي باش كل شي يدوز مزيان وبيخير وعلى خييييير ….

يوم تنفيذ المهمة …..

كانت موجدة ليه بلانوا وحاسمة باش تسالي معاه …. راسمة ليه الخطة فين طيحوا لي كانت من تأليفها طبعا … كانت محمقاه بزينها وساحراه بنظرة عيونها… دايراه خاتم بين يديها وعلى يديها راسمة ليه نهايتوا … مكانش من النووع اللي ساهل اللعب معاه كان بالنسبة ليها حاجة مهمة رغم صعوبات لي لقات معاه فالأول كأنه تحدي وخاصها تفوز بيه … كل مرة كان كتجيه الفرصة فين يبوسها ولا يمصها ولا يعضها ويشوف دمها بين عينيه كانت كتزيد تحلالوا…. رغبتوا ليها فات الحدود مكانش مسوق لشي حفلة كتر مكان باغيها فراشوا وبين يديه … وهي كانت مزكة ليه على موسيقتوا وعارفة ضوسيه الموسخ كامل راسمة ليه بيديها خط النهاية … ومن جهة اخرى هو كان راسم ليها تاني خطة لي ينفرد بيها ويبرد هاد الرغبة المجنونة لي كيحس بيها تجاهها … ساتر لعائلتوا على فكرة تعارف وراسم يسالي معاها ديك ليلة موجد ليها جميع انواع معدات التعذيب لي غايمارسهم عليها … من منشطات ، حبوب، مينوط ، لباس خاص بالسادية ، حبل ، مسوط….

كل شي مقادوا فالغرفة لي غادي يديها ليها …. حاسم ياكلها لحم ويطلقها عضم … حفلة تعارف بالنسبة ليه غير طريق باش يوصل ليها …. وهي كانت حافضاه ودارساه طالقة ليه اللعب وكتفرج من بعيد عليه

خطتها كانت عارفاها وحدها … عاجبها الوضع لي هي فيه … عارفاه مريض وناوية تكمل عليه … هوايتها المفضلة

تمشات لجيهت البالكون لي كيطل على البحر و فيديها سيجارة كتسف منها وتسووط البعيد …. هذا أخر نهار ليها فهاد البلاصة … كتشوف جايب ليها كسيوة عارية على ذوق ديالوا وبعض من المجوهرات الثمينة والورود وخاتم دالألماس …. عينيها كيبريو بالشر والمكر سمعات رسالة وصلاتها فالهاتف ديالها … هزاتوا كتقرأ انه غادي يجي موراها بعد ساعة وخاص تكون واجدة ليه … لاحت الهاتف فالأرض ودخلات خذات دوش ترخي راسها فيه وأهم شي ترخي أعصابها وتفكر مزيان …. بعد دقائق عديدة كانت واجدة لابسة الكسيوة ومقادة راسها ملاك فصفة ابليس…. طالقة شعرها مسرحاه هاد المرة طويل ولابسة قناع الشيطان …. تمشات على ريوس صبيعاتها هازة الكسوة وفيديها بوشيط صغيرة حاطة فيه لوازمها الخاصة ….خرجات من الغرفة بعد ما خفات اي دليل ليها وصيفطات مساج الموضف لي فالأوطيل خدام لي كان كيعطي ليه أخبارها المزورة انه يغادر المكان بسرعة …. دخلات اسانسور كتشوف راسها فالمرايا وراسمة عينيها بطريقة خطيرة ….. كان لابس ومقاد الحالة وجاي فأخر مكاين فااسيارات البورش فالأسود ….تبسم كيف شفتها عينيه اللي بحال القناص عليها …. باس يديداتها بزوج قبل مايهضر جيهت وذنيها بحرارة

مهدي ….. "بلهفة" جيتي كتحمقي غاناكلك اليوم

أسيل ….. بنضرة عيون افعى شافت فيه قبل ماتنطق بكلمة ~ شكرا

مهدي.. ..باسها تحت وذنيها ولحسها كيتمنى يخطفها لقنت بعيد وينفارد بيها > نهار كبير هذا "وحل ليها لوطو ركبها وركب فرحان وكيحس بلي ملك العالم بهاد السعادة لي كيحس بيها وهي جنبه "

فظل يسوق هو نحو المكان فين كاينة الحفلة … من ضمن المعروضين غير ناس لي لاباس عليهم اصحاب الاعمال والمااال ولي عندهم نفوذ … الموضفين لي تما غادين جايين بالمشروبات… نزلات من البورش وهبط معاونها شاد فيديها وكيتبسم …. دخلوا كيتمشاو الأرض مفرشة ودنيا مضوية … الأب دأسيل المعروف لي معندوا حتى صلة بهاد الأخيرة كان من ضمن المعروضين جالس … تبسمات بانتصار كل شي هو هداك وكيف بغاتوا مقاااد…. كتزومي ناس بعينيها منووع تصويير ولي صور يتعاقب … غمزات الموظفة لي خدامة تما متافقة معاها فكل شي ولي فهمات قصدها وتمشات لجهة التانية كتسنى الرد منها باش تبدأ … هاد المرة فضلات أمال متبانش وتجي سيدة لي ديما معاهم متمرسة فتمتيلها ومعايشاش فالمغرب ساكنة فإطاليا خلصات ليها گاع داكشي لي محتاجة وديجا خدمات معاها مرة وحدة ومن بعد سهل عليها الله فكونطرا مشات بيها لبرا

دخلووو تحت تصفيقات المعروضين وناس صحاب الحبة كلها هاز مشروبه وكيشوفه فيها بإعجاب كبير …تقدمه الوسط كيرقصه تحت انغام موسيقى جميلة…. يديه على خصرها متملكها بقوة تقول خايف تهرب عليه …بداو كيتمايله وهي كتبسم بخبث عايفاه ومكرهة من تصرفاته معاها ، جسمها گاع يوجعها من قبطة يديه القوية ، ثواني وسالات الموسيقى هبط تحت أنظار الجميع بايسها من يديها بقوة … ومن بعد جبد شي وراق كثيرة ، كانت كتشوف فيهم بلهبة كبيرة … هز ستيلو سنى عليهم كاملين وهو كيشوف فيها بشهوة ولهفة كبيرة نطق …

مهدي … بصحتك هذا اليخت لي عجبك ولا ديالك وحنى مقبلها من خضوضها بجوج ويديها

تبسمات وهي كتقوله نوووو وكترجع شعرها لوور بغنج قالت شكرررررررا وهبطات معنقاه بقوة ضد باش تخلي ريحتها بنيفو وعمره ينساها، كتلعب كبييررر غمزات البنت لي كانت واقفة كتعاينها …كانت عطاتها اشارة طفاو ضواو من لاكااااڤ لي لتحت كاملين فالنفس الدقيقة …… كلها وشنو كيقول كلها وكيقلب فضلام على طريق … شي كيدخل فشي …. اما هي سلتات راسها منه هازة معاها كاع الأوراق وكتحاول تزرب فالوقت … البنت معاوناها فالطريق بحكم عاقلة عليه ، وخا ظلام ، كانوا حراسوا برى كيسمعوا الغوات مفاهمين والوا …. زربات فخطواتها كتجري هي وياها بسرعة و لكن لقاو حراس فوجها واقفين…..

كمشات يديها على شكل لكمة شادة فاللبسة وكتشوف فالموضفة بعينيها باش متهضرش طلعات نفس وهبطاتها عاد هضرات معاهم ….

كارما …. سييير شووف لداخل كنضن هجموا علينا مفهمنا والوا دنيا لداخل مقلوبة

الحارس…. كيطلعها ويهبطها باينة متوترة وكتنهج نطق ~ واش لباس ؟؟؟ عطى اشارة لوخرين يدخلوا يشوفوا اش واقع وشاف فيها> تهدني الالة متخافيش حنا معاك اجي معايا

كتصوط هادشي لي مبغاتش هزات فيه عينيها حومر هاد المرة، واصلة لنقطة نهاية وخاصها تخرج من هنا قبل مايشدها ديك ساعة معندها كيف دير تهرب منه ، غوتات ليه فوجهوا كارهة وباغا غير امتى تخرج باش المهدي ميلحقش عليها

كارما….. "تحت سنيها " تحرك حييييييد من طريقي قلت ليييييك حسن ميعجبك حال

الحارس …حس بشي حاجة ماشي هي هاديك كيف كتهضر وكيف هي متوترة وكتنهج خلاه يشك بشي حاجة >> مادام منقدش نخليك اوامر سي المهدي خاص نبقى جنبك باش تاحاجة متأذيك

بانليها كاع ضواو رجعوا شعلوا دالقاعة وهي تعطي الموضفة اشارة فالبلاصة وبعد ثواني قليلة وقفوا عليه جوج رجال كبار مبودرين كيخلعوا هزوووه فالبلاصة لقنت عطاوه بجوج ريوس دوخوه وهي تعفط كتجري لوطو كتسمع موراها غير اسمها كيغوت لربي لي خلقوا …. كان يالله خرج برى وللأسف كانت ركبات فلوطو لي كسيرات بيهم ديك ساع نحو المجهول …..

في الحفل …

وجهوا حمر بالأعصاب ومئة فكرة وفكرة كدور فراسوا هي علاش هربات ؟ وشنو هو السبب لي خلاها تهرب ؟؟؟؟ مفهم والوا حاس بالشمتة شوهاتوا قدام الناس وقدام اعدائوا لي فالخدمة وهربات خلاتوا ضحكة بين لي يسوى ولي ميسواش…. اكبر شوهة كيتعرض ليها فالتاريخ هي هادي مكانش متوقعها منها ، كانت كتبان ليه سويهلة وغشيمة ، … حس بنفسوا كضيق حل دغيا الكرافاط وسوميجة …. والناس كتوشوش حداه بكلام جارح كلها وشنو كيقول … عمروا فكر يتحط فهاد الموقف فحياتوا عندوا شخصصيتوا وبلاصتوا فالبلاد كيفاش جات وحدة فالبلاصة ضيعات ليه كل شي صغراته قدامهم وحسساته بلي هو تا حاجة مكيسوى … تفكر الأوراق قلب عليهم لقى غير يديه وريح خدات كل شي معاها وهربات حتى من ساعة لي كان داير فيديه غالية وتقيلة ديال الذهب البيض حيداتها ليه من يديه بلى ميحس وهربات ، حس بشمتة وبلي الشخص لي كان معاه ماشي فتاة حسناء عادية نووو هادي كانت جنية سحراته وهربات بل سرقاته وشمتاته وقللاته قدام جميع المعروضين … حس بواحد العرق جيهت راسوا كيضرب بقوة وشوية ويطرطق … مع دورة باليه باها لي طبعا واقف مصدوووم من هاد شي لي وقع ، مشى كيجري طار عليييه قاجوا….

مهدي …."عينيه قطرة دم" فييييييين الق حبة دبنتك الشفارة "كيغوت فيييييييييين هرباااااااات ؟؟؟فيييييين هي ؟؟؟؟؟

سي العثماني….بخوف وصدمة جوبه ~~~ ك كًكيفاش كيفاش بنتي اش دخلها فهاد شي ؟

مهدي….حكموا قاجوا مزيان وهو كيضحك >> كضحك عليا ههااااااا القحبة دبنتك لي هربات من الحفلة ودات معاها فلوسي كاملين معقلتيش عليها ؟؟؟ بنتك الشريفة العفيفة "كيضحك بالشمتة "

سيد العثماني …دفعوا حيت كان خانقوا بدأ يكح > كح كح كح واش واش هبلتي على اشمن بنت ولا خطوبة كتهضر عليها ؟ انا عندي بنت وحدة سميتها اسيل وراها مزوجة وعندها جوج دراري وعايشة فرنسا مع راجلها واش حماقيتي ولا مالك

مهدي ….كيشوف فيييه بصدمة وكيحس بالدنيا كدور بيه > ك ك كيفاش واش دابا هادي اسيل ماشي اسيل العثماني بنتك؟ واش ماشي هي؟ "كيغوت " هضرررررر شرحولي ؟ غادي نحمااق

بقاو ناس لي تم كيأكدوا ليه كلام العثماني بلي بصح عندوا بنت سميتها اسيل مزوجة وعندها جوج ولاد فرنسا … بقى حال فمو فيهم بصدمة كيسمع لهذا ولهذا حس براسوا غايتسطى عقلوا حبس … كاين لي شمت فيه كيفاش وحدة ممعروفاش اصلها جات نصبات عليه وهربات بقى حال فمو … كمل عليه الحارس ديالوا فاش دخل وجه عامر دم عاود ليه البلان لي وقع برات القاعة

وبأنوا كانوا عصابة كبيرة برا القاعة كيتسناوها …. حس بدموا كيغلي ومكرهش كون دابا حداه يقتلها ويشرب من دمها …. عمره طاح في بالو بلي غايطيح مع نصابة نصبات عليه فكل شي وزادت سرقات ساعته كملات بيها الطرح وهربات ، بقى كيغوت بحال شي واحد مجعور وكيضحك ويعاود يغوت …. وكيسب من الصمطة لتحت كاع ناس جرى عليهم فقد السيطرة على راسو ومابقى كيباليه والوا من غير يشوف دمها كيسيل حداه عاد يبرد من هاد شمتة لي كيحس بيها ….

مهدي ….قرد فالأرض بعد ما الجميع نصارف جبد البيضة ديالوا سطرها فوق طابلة وطلعها مع نيفوا ورجع لور براسوا كيضحك نطق ~~ فييين ما كنتي أسيل ولا شنو ماكان اسمك مهدي كيواعدك بلي نهار نشدك موتك ايكون على يدي هذا وعد مني ليييييك مغاديش رحمك غادي ندوز عليك من الوذن حتى الوذن >>> و هز قرعة كيشرب وعينيه حومر ومع شم بزااف خدى جرعة زايدة حس بالدوخة وكل شي مضبب ليه كيبان قبل مايسقط طايح فاقد الوعي ومغمي عليه "

في السيارة ….

تكات مرجعة راسها اللور

وكتنهد بعياء حاسة براسها فورصات على راسها بزاف هاد المدة خصوصا مع هاد الضحية لأنه كان صعيييب وبزاف …. باقة كتنهد وكدير شهيق زفير مغمضة عينيها لي داز عليها ماشي ساهل معاه … تنهدات كتحاول متسمعش غوات وسيم لي فالقدام صاعر وكيسب غير من سمطة لتحت …. مكره منها وجنون راكبينوا عليها …. تمتمات أمال حداها شادة فيديها كتحاول ترخيها أما هي غايبة بحال الى مكتحسش بالناس لي دايرين بيها …. كتسمع أصوات بزاااف ولكن ممهتماش… عقلها فجهة اخرى خدام …

وسيم …. "بصوت عالي " ياااااااك قلت لييييييك متبقااااايش ديري لي كيقولها لييييييييك كرررررررك "كيغوت " واششششش باغة تموتي ؟؟؟؟ هاااااا جاوبي ديل مي راك عيقتي وزدتي فيييييه حنا شكوووووون هااااااا

أمال …. شدات فيديه لي كانت غادي تجرها تفيقها من شرودها وغوتات عليييه

واااااش هبيل ولا مالك ؟؟؟ صعرتي خليها تنفس اويلي تسطيتي واش وقت الغوات دابا ؟ مشفتيهاش كيف دايرة وجها صفر ؟ خليها غير ترتاح وترد النفس وزايدون مالك اخوية على هاد الفضيحة ؟ اش دارت من قبيلة وانت تغوت بحال المسعور ؟؟

وسيم ….زفر نفس كاره ودفع ليها يديها لي كانت شادة فيه ~~~ كل شي منك انتي

"بعتاب " أصلا ديل مك عيييييييت فيك هذا لا .. هذا لا راه مرييييض كديرو لي بغيتو واش شفتيها اش دارت ؟ واش عارفة ولا مزال موصلك الخبار؟

أمال …. كتشوف فيه باستفهام مفاهمة والو ~ شكتخربق انت شغادي نعرف ؟

وسيم ….لاح ليها الوراق على وجها > شدي ها نم قراييييه

أمال ….هزات الوراق كتقرأ وعينيها كيطرطقو بصدمة وحلات فمها كتشوف فيه تا كلمة مقدرات تخرجها من فمها صحيحة ~ ك ك ك كيفاش؟ واش صافي مابقالييييه والوا ؟ واش خلاتوا على ضس "لاحت ليه الوراق كتغوت " شرحلي ازبل شنو هادشي ؟؟؟؟؟

وسيم ….ضربها على راسها بالخف > ناعسة على وذنيييك حواتنا دابا كاملين "كيشوف فيها باقة على نفس الوضعية متحركات مقالت كلمة كأنها ماشي من هاد العالم " شفتي هادي هانا فين قلتهاليك الى مقتلهاش مسميتييش وسيم > كيخنزز فأمال لي باقة مصدومة ~ مبقى ليييييييه والوا ميكساب خلاتوا سنى على جميع ممتلكاتوا للمستشفيات العمومية والمدارس والخيريات تبرع بكل مكايكساب وبقى فزنقة ربنا خالقتنا تا من ديور وطونوبيلات …. كل شي مشى ودابا تسمعي الأخبار دنيا اتلقايها مقلوبة

كيشوف فأمال مغزف ~ حوات الطرح سوليها قوليلي ليها علاااااااش ازبيييي ؟؟؟؟؟ قليييها علاش كدير غير اللي بغااااااات؟ ياك تافقنا على حاجة اخرى ؟

مبقاليها تا حاجة متقول الصدمة خلاتها متقد تخرج حتى حررررف غير كتشوف فيها كيف ممسوقاش مرجعة راسها لور وكتسمع وساكتة…. بقات مصدومة فيها كيفاش مرتاحة وهي دارت أكبر غلطة لي ممكن كاملين يمشيووو فيها …. هادي ماشي غير نصبات عليييه نوووو هادي بل جرداتوا من كل شي وخلاتوا على ضس لا ريال لا بنانا …. والغريب فالأمر انههم متافقوش على هادشي نوووو هما عمرهم تافقوا يخلييو ناس بلا والوا وخصوصا مع هاد الضحية لي مكانس ساهل …. ودابا عاد هادشي ايكبر ومن طبيعة الحال ايبغي يلقاها ويذفنها حية …. رجعات شافت فهاد الإنسانة لي ممسوقاش لهاد شي عايشة بوحدها فعالمها الخاص …. حركات يديها جاراها بقوة مفيقاها من داك سكون لي مخليهم كاملين فحيرة….

كارما ….كتحس بيديها كتجر شوية وهي تحل عينيها فيها حووووومر بحال لون دم وكيخلعووووا خنزرات فيها وهي رافعة صوتها هضرات ~ مااااااالنا ؟؟؟؟

أمال …. غوتات فوجها > واشششششش باغة تخرجي علييينا ؟؟؟؟؟ علاش درتي ليه هاكاك ؟ جاوبيني راني غانحماق

كارما….هزات فيها حاجب وعينيها فعينيها حومر > هنييييييينا وخليينيي نتكا ويلى كنتوا خايفييين تراجعوا تواحد ممبزز عليكم كلشي بالخاطر ، ورجعات راسها لور مغمضة عينيها "

أمال شافت فوسيم لي بدورو مخنزز وشاد راسوا عليها بززز باش ميفرعهاش ولا يقولها شي حاجة ماشي هي هاديك …. تنهد كيشوف هاد سيدة غادي تحمقوا معارفش مين جايبة هاد الشر كامل وهاد قصوحية الراس لي عندها … مقدرش يسرطها ليها وقف السيارة حدى البحر شاد الفران سيييك بلعاني حتى تهزات من بلاصتها مخنززة وهبطات من لوطو ناوية على خزيييت….

كارما ….دفعات الباب حلاتها ونزلات كتغوت عليه ~ ماااااالك دابااا هااااا مااالك ؟ بقى فييييك ؟؟؟ اش كيضرك انت ؟ كيجيك ؟؟

وسيم …نزل هو تاني مكره وجرها من يديها بقوة لعندوا كيغوت فوجهها > شنوووو قلت لدييييل امك انا هاااا ؟؟؟ ها شنو قلت لييييك ؟ مديري والوا مووور ضهرنا هاااا؟ وعلاش درتيها هااا؟ واش باغة نغبروا فخطرة ؟؟؟ واش عارفة اش درتي ؟ عارفة مصير هادشي لي درتي؟

كارما ….دفعاتوا عليها بقوة عينيها حومر كيطلقوا غير شررار > انا من امتى خديت بنصيحتك ؟ ولا بهضرتك؟ من امتى سمعت ليك ؟ علاش دابا كتسولني وانت عارف الجواب ؟

وسيم….نزل بكروشي على طونوبيل تا تشقات زاجة مباغيش يخسر ليها وجها اللهما تجي فلوطو حسن ~~ واششششش باغة تحمقي ديلمي ؟ علاياش تافقنا حنا ؟ واش حنا مكنهموووووكش ؟ معندنا حتى دور فحياتك ؟ مين انت كديري لي بغيتي حنى شنو مهمتنا معاك ؟ هااا؟ حنا شكوووووون ؟ واش باغا تخرجي علينا ؟

كارما ….كتغوت ربي لي خلقها معارفاش شكتخرج من فمها > خايااااااف متعونييييش خرج من هادشي غاندير لي قالي راسي سمعتيني ويلى معجبكش الحال تراجع ماشي غادي توقف دنيا عليييييك قادرة نكمل راسي متنساش نهار بديت مكنتوووش معايا كنت وحدي

وسيم ….بقوة صدمة على كلامها بقى كيضحك ~ دابا حنى مابقيناش لايقين ليك ياكي ؟؟؟؟ هادشي لي بغيتي تقولي "كيشوف فأمال لي بدات تبكي مكتقدش تشوف دباز " سمعتييييييها ياك

"ضرب يديه مع زاج هرسوا كامل حتى يديه بقات تشرشل بدم وهو كيسب من سمطة لتحت ويزيد يضرب وأمال كتغوت ربي لي خلقها فاش شافت دم محبسش من يديه "

أمال … وهي كتبكي > عافاااااااااك حبس يديييييك وسيمممم عافاك حبس راها معصبة ومعارفاش شكتقوللل عافاك حبس

"كتشوف فكارما لي فاش شافت دم بحال ضاية سكتات عارفاه مجعور وهو لي قلب عليها نطقات ^

كارما هضري معاه يالله نمشويو لطبييب يديييييك اوسيم "شدات فيه معنقاه كتبكي ولما لا وهو كل شي عندهم خوهم وصاحبهم وباهم "

كارما ….حسات بيه تهدن فاش شاف أمال كتبكي وهي تلووح ليهم الهضرة > سيري دييه الطبييب ، وتمات غادة مع طريق بوحدها وامال كتغوت ليها

أمال ….فييييين غادة ؟؟؟؟ كارما عافاك خلينا نمشيييو كاملين لدار كااااااااارما

كارما….وهي مكملة طريق ~ سيري ديييه الطبيب وانا مسوقكمش فيا فين غادة

مزادوش معاها الهضرة وتمشات بزربة راسها عاطيها الحريق بجهد …. ويديها كيترعدوا حيت من لبارح مكلات… شدات فراسها مقوياااه وغير خرجات مع الخرجة شيرات لطاكسي عطاتوا العنوان وفي ساع داها …. مكاملاش 30 دقيقة كانت وصلات لدارها … اول حاجة دارتها نصلات كاع حوايجها ودخلات تاخذ دورووش ترتح فيه راسها وتنسى هاد النهار وشنو داز عليها فيه ….

وجدات لي باط مع الكفتة وجلسات فالمطبخ لي فيه طبيلة طويلة دايرة ….كتاكل في صمت وشعرها باقي فازك كيقطر بالماء مبوكلي..لابسة غير بينوار دالحمام…. عقلها ماشي معاها كتفكر فشي حاجة شاغلة بالها …. وعيونها باقين حومر ومع دوش سخون زادوا حماروا ليها …. كملات طبسيل كامل بلى متحس… عقلها مشوش … قاطع تفكيرها صوت الهاتف لي كيرن… شافت نمرة وفالبلاصة جاوبات… مكانوش على ملامحها السعادة نوووو كان باين خبر خايب قطعات دغيا المكالمة وطلعات فدروج كتجري لبسات سروال لاصق مع ضوني قصير هزات صاكها وسوارت لوطو وخرجات كتجري …. غير ركبات عفطات بسرعة نحو المجهول ……

في المستشفى …..

الناس غادة جاية كاين اللي فرحان وكاين غضبان وكاين اللي كيبكي… كتشوفي جميع انواع البشرية منهم لي الأهل ديالهم ماتوا كيتباكاو ومنهم لي فرحانين كلها وهموا هنا عالم اخر …. كانت واحد العائلة متوسطة جالسة كتسنى على احر من الجمر رد الدكتور …. مهداتش الأم من دعاوي مع ولدها واخا معايش معاها عايش فالخيرية ولكن كتشوفوا كل نهار ومرتاحةمن جيهته الأهم انه واكل وشارب وعايش ….كون عندها باش تعيشوا وتقرييه وتوكلوا عمرها تخليه ولكن الضرورف وشنو حكمات عليها … الأب ديالوا عساس فهاد الخيرية كيخدم والأم كتمشي للديور تخملهم وتجمع الفلوس باش شي نهار تاهي دير دويرة وتسكن مع ولدها وراجلها ويعيشوا باش ما قسم ليهم الله … غيكون داك النهار أسعد نهار فحياتها …. بقات حانية راسها مزالة كدعي… يديها كاع مقشرين بجافيل وحنيكاتها مقشرين بشرگي نزلات دمعة حارة من عينيها وهي كتفكرها كيف دخلات المستشفى بحال الملاك تنقد ولدها الوحيد لي عطاها الله ….

فالغرفة لداخل مجبدة فوق الباياص كاتشوف فالسقف مكتحسش بالنص ديالها لأنه مبنجة تبسمات وهي كتقول الحمد الله نقدت انسان من الموت …. من اكتر الحوايج كيفرحوني وكيخليوني سعيدة هو مساعدة الغير …. تفكرات كيفاش أم المريض كانت تبوس يديها وتبكي وتبوس راسها وتشكي وجميع انواع الأدعية دعاتهم معاها…. كيفاش لا وهي ساعدات الطفل لي كان شوية ويموت مريض والكلاوي ديالوا بجوج ماتوا ليه …. وهي نقدات طفل يالله لاح رجليه لدنيا عطاتوا فرصة يرجع يعييش هادي فحد ذاتها حاجة كبيرة صعيب شي حد يديرها غير على ود واليديه …. هي نووو مكيهمهاش شكون لي كيهمها تساعد وخا على حساب روحها عندها هانية كيف الربح كيف الخطية …. بقوة العية لي كتحس بيه كانت محتاجة تغمض عينيها… هاربة من مريض وجات دابا دارت عملية وجسمها فاشل عليها …. غمضات عينيها وطلقات ذاتها ترتاح ومشات فنوم عميق

في خارج غرفة العمليات خرج الدكتور على فموا ابتسامة وبشر عائلة الطفل بالخبر لي فرحهم وخلاهم يبكيو بالفرحة

دكتور…. حيد قفازات من يديه وكيتبسم ليهم نطق > العملية نجحات وكل شي داز مزيان "بابتسامة " الحمد الله على سلامتوا

الأم …. تبسمات براحة وهي باقة كتدعي> الحمد الله شكرا بزاااف الدكتور شكرا "بامتنان " الله يخرج سربيسك على الخير اولدي

الدكتور …. خاص تشكريها هي انا درت غير خدمتي ولكن هي لي ساهمات فالعيش ديالوا

الأم …. الحمد الله ربي يطول عمرها كيف بقات ؟

الدكتور …. مزيانة خصها غير شوية ديال راحة

الأم …. واش ممكن نشوفها؟

الدكتور …. ماشي دابا غير يخرجوا من بلوك ويرتاحوا ديك ساعة شوفيهم بزوج حيت فالنفس الغرفة

الأم …. الله يخرج سربيسك على الخير اولدي الله يرحم ليك الوالدين

بقات الأم كدعي معاه وجلسات كطلب وتحمد الله على هاد الفرحة كان الأب واقف مهلوكة صحتو فرحان لوليدو ودمعة على طرف عينيه ….

يتبع...