الماكرة الجزء التاسع

هادي جملة مطبقة عليييهم بجوووج ، من جيهة غانم لي ناوي يجيب شهد تا لبين يديه ، وحالف غرورها تحد تحت رجليييه ، تركع لرجولته، وتقبله كيف هو متقبل ذنوبها وكذوبها وطمعها ، باغيها ليه بوحدو وتل عين مطيح عليها ، يعطي عليها لي عندو ولي معندوووش المهم يرضي غروره كرجل ، رفضها ليه مسهلين يزيد يتشبث بيها ويزيد يلويها بين يديه ، فحين شهد الإنسانة المغرورة لي كيهمها غير مصالحها والفلوس ، لا هو هاملها ولا أمير ، ولا أي شخصية من شخصيات لي ضحكات عليهم ، متنكرش غانم غير الكل ، وعندو شخصيته بوحدو ، ولكن شي حاجة مخلياها تبعد عليه ، والطريق لي هو شادها هي تقلبها ….

سكتات مباغاش تجاوبو، حدها بعدات عليه مقلقة غضبها باين وضح الشمس ، تنهد هي غادة قدامو وهو موراها حاضيها ، حتى قرب وشد خصرها جرها منه ، كيتمشى وعينين الناس عليييهم ، جيهة الطبلة عينيّه كيقلبو على جوهرة ، بانت ليه جيهة الطواليطات عاد جايا ، نيفها حمر ، وعلى محياها ابتسامة صفرا، حقق فيها ومن بعد هز عصير نزل عليه ، كيخمم وراسو مفروع باغي يكمي ، شاف بين جنابو وقرب لشهد حدى وذنيييها ..

غانم … بعد خصلة من حدى عينيها ونطق ~ أنا غير هنا غادي نكمي ديري عقلك ابنتي الله يرضي عليك

خنززات فيها مبعدة ، ورجع لتخنزيييرته غادي ، بديك الطولة كيتهد، عييييين بزاف دالبنات عليه ، شهد حاضياه كيف كيمشي وعقلها كيفكر ، كيتبدل تا هو بحال الحية ، كل مرة وجه جديد ، تنهدات بتعب ، وهي كتشوف موسيقى تبدلات لشي حاجة تفتح الخاطر ، غمضات عينيها كتسمع فصمت وبرجليها كيتحركه، حتى قربات منها جوهرة وجراتها من كوووع يدييييها بقوة ..

جوهرة … بنظرة سامة كتشوف فيها متكرهش ذبحها غير المهم تحيد ليها من الطريق ~ دووووك فعايل لقح**** كنعرفهم مزيان !! باغا تشدييييه بالتقح*** والله لكانت ليييك

شهد … زفرات بغضب هي معصبة منها ودابا كتقلب عليها دفعات يديها بقوة تا ضربات مع الطبلة، وخزرات فيها ~ فعايل لقح*** كون نديرهم عرفي راسك مطلقة، دارت ليها بإشارة بصبعها~ بصبعي نطيرو ليك ونخلييييك تنتفي شعر طب*** ، قربات ليها كتر عينيها حووومر وزيرات على يديها ~ لهذا خرجي من طريقي اسحارة ، نهار نفرشك شوفي كيف تفكي راسك معاه ، حيت كنقسم ليك بالله منفلتك ، دايرة راسك دريويشة وانتي حية تحت تبن ، ميقدر عليك غير لي خلقك ، غرسات صفارها فيديها ونطقات ~ سحوووووور لي كتسحري والبخور لي كطلقي كل ليلة فايقة بيهم وعارفاك مين كتجييبيهم، ديري مني اطونسيون

دفعاتها عليها بحال الخنشة ، كيف شافت بنت من دوك البنات قربات لشهد ، باغا تشطح معاها ، مرفضاتش، كانت محتاجة تنفس شوية وتنسى هاد العصبية لي كتحس بيها فهاد اللحضة ، شعور حزين حسات بيه كيف شافت نفس العقد فعنق ضرتها، شعور غريب تملكها إحساس بالحگرة ، بدات كتمايل وتبسم ، كأنها ثملات، كضحك وضحكتها لامعة بحال وجها رقيقة كاملة انوثة، عينين كثير من النساء عليها ، عارفيها مرات السيد العلوي ، كل وحدة منهم اش كتقول …~ مسكينة جاب عليها الضرة ، ~ شوفي شحال زوينة كتحمق … وغيرهم كيمدحو جوهرة لي بخمارها وزوينة الشكل تا هي …

دخل مع سمع الموسيقى، حتى كيشوفها مع وحدة كتشطح، وتشالي بشعرها ، عينيه كيدورو وكيقلبو واش شي حد كيشوف فيها ، كانو غير الرجال الكبار مع عايلاتهم فهاد الحفل ، تنهد وهو كيشوف فيها عاد نتابه لكسوتها المحلولة، قوص حجبانه كيفكر مكانتش هاكذا ، ورجع كيف شافها بدات تلوووز بخطوات سريعة دخل بيناتهم، حتى وصل ليها ، وجرها من خصرها لعندو ، بلباقة خرجها قدام عينيهم ، وقبل ماتخلف الدرجة نزل كيشد ليها فالسنسلة ديال الكسوة ، على ركابيه حاني وكيطلعها ليها ، الشيئ لي خلاها تنهد بعنف ، فيه شي حاجة كتيرها وكتخليييها تخمم فيه وفمعاملاته ليها ، هي براسها فغنى على هادشي ، تعاليم جسمها مرسومين و تضاريسها بكل وضوح باينين، خلاوه يزفر ويطلع لوذنيييها ناطق

غانم …متمسك بيها بقوة ~ شطحيلي راسي فراسك ، ولبسيهالي على لحم ، خلي داكشي عندك يترعد فوقو

شهد … طرطقات عينيها كتشوف فيه وجهه حمر ، ويديه لي على خصرها طايبين، ~ قليل الأدب

غانم … بلل حلقو كيحس براسو الفران تقطع وصبر عندو سالى ~ الأدب هو لي غادي نعلمو ليك كيف نكونو راس فراس ، واللحم على اللحم ، عنداك ديك ساعة متلوزيييش فوقو بطرمتك

شهد … كتحاول تفك خصرها منه ~ غانم طلق مني اويلي واش صعرتي

بلل حلقو لي نشف ، وجرها من يديها لعندو ، غادي وناس كتشوف فيهم ، حتى وصل لطبلة ، وعطى يدو لجوهرة شدات فيه ، تبسم فوجهها ، وكمل الطريق ، خارج ، حاس بفرحة غريبة ، طلعات اللور خلات جوهرة للقدام ، فحين هو ديمارا الطوموبيل، كيشوف فيها من المرايا ويتبسم ، مسافة الطريق وصلو الدار ، نزلات كتمايل بخضرها ، هازة كسوتها ، فحين جوهرة ، حسات بشي حاجة دخلات بسرعة للطواليط ، هي القدام وهو موراها مشبع عينيه بجسمها ، مع كل حركة ذاتو كتنمل عليه ، قرب بسرعة عندها قبل مادخل ، وجرها من يديها حتى كانت غاتغوتت، محسات غير فيه دافعها للحيط وكيشوف فيها بشوق …

غانم … عينيه حومر وريحتة الدخان من فمه عاطية ، قرب ليها كيشوف فعينيها ويرجع يشوف فشفايفها مقادرش يمنع راسو منهم ، ~ بغييييتك تلبسي ليا ديك الشوميج الحمرا ، نشوف كيف تجي علييك

شهد … يبسات بلاصتها كتحس بحركاته الصلبة فوق كرشها كتمسد وعينيه فشفايفها حسات بالحرارة طلعات معاها ~ فأحلامك سير هزها وعطيها لمراتك تلبسها ليك

غانم … هز يديه دورها على وجهها بحنان وهبط كيضغط بشوية على شفايفها ~ حتى انتي مراتي ، وحقي بغيييتو منك الليلة، همس حدى وذنيها خلاها تبوشات~ وجديلي راسك علام ناخذ دوش

شهد … طرطقات عينيها كتحس بالزديح فالذاتها كاملة ، انذار بالخطر كيضرب تحتها ، ~ وانا كنقووووليك لا لا هي لا

غانم … سكتها بصبعو حدى فمها ، وقرب لوجهها كيشم ريحتها ، مقدرش يصبر ونزل قبلها فعنقها بجنوووون خلاها تهزات كيف حط شفايفه عليه سخان ، مصها منه بلذة عينيه حومر تقول شارب ، ورجع نزل بلسانه حتى لفرقة باسها بشوية ولحسها هاد تنفس بعنف ~ اليوم ليلتنا اشهد ، مبقيتش قادر نصبر .. مخلاهاش تجاوب وكان نزل خدى شفايفها بشوق ولهفة بين شفايفه كيبوسهم ، وكيضمغهم بين شفايفه بقوة ، خلاها تهز بدون شعور شادة فقميجته، احساس غريب وجديد حسات بيه وهي بين يديه ، كجر كل شفى بوحدها ، وكيسحقها بين شفايفو بلهفة ، خلاها تنهد ففمو بجرأة دخل لسانو كيكتاشف مذاق لسانها ، حسات بمغص فكرشها ، باش دفعه عليها مقدراتش كأنه بنجها بين يديه ، بعد مدة طويلة نزل يديه لصدرها ، بغجووو بقوة تا تهزات بين يديه ، ودفعها من يديه جارها موراه وهو طالع بيها ….

فوقت ضيق مكالقاو لا حبيب ولا صديق ، لا صدر حنين ولا قلب هشيش ولا راس هاني ، هادي هي الدنيا لي عطاتو ولي زواتو، كترو المنافقين وصحاب السوء ، كانت ناشطة ماشطة حتى جا لي يخرب ليها گانتها، بالنسبة ليها هو غير طريق ماعندها بيه حاجة ، لاعباها كبيرة معاه ، وكيحسابها دخول الحمام بحال خروجه ، كيحسابها هذا واحد من دوك الرجالة لي دارتها بيهم ومدارو حاجة ، هذا غانم لي لقاها وخرجها من عين ليبرة، اللعب معاه غير خسارة فخسارة ، شاريها غالي وباغيها ليه مراة فدارو ، وهي لاعبة معاه لعبة القط والفأر ، دافعة عليه زينها كبير ، وباغة تخليه حمق فزنادي غادي ، بشوق ولهفة طلعها فالدروج ، فرحان وهي موراه كتعوج فالمشي بالعاني ، ناوية تحمقو وتخليه يطيع ليها ….

غانم …. بنهم وشوق شدها من يديها عينيه حومر معسلين ، ودفعها جيهة باب بيتها ~ ناوية تحمقيني هاد الليلة ياكي ؟ بشوية عليا

شهد … كتحلون عليه بكلامها ، دفعات يديه بشوية من يديها وقفات فالباب ديال بيتها كطلعو وتهبطو بعينيها ~ كايبالي غالط فعنوان بيتك , أشارت ليه بيديها ناحية بيته ~ لهيييييه كاين بيتك لي مشاركو مع مراتك

غانم … قوص عينيه فيها حاول يقرب منها وهي تبعد حابساه يدخل لبيتها بيديها ، خنزز فيها وقرب ليها ~ حيدي ولا نفرعك ! متلعبيش معايا اشهد حيت غادي نذمك

شهد … خنززات فيه ستمية درجة تقلبات عليه تقول ماشي هادي لي كانت مستحلية حركات يديه لي على كانت على جسمها ~ ايييييييه شحال هادي نذمتيني ماشي عاد دابا ، قلتها وغادي نعاودها ليك اسي العلوي أنا مكانخدش شياطة!!! الحاجة المشروكة خاطيني فهمتيها ولا نعاود نشرحها ليك بلغة خرى ؟

غانم … زفر بقوة معصب ، كيحس بذاتو سخونة عليه ، هيجاتو ودابا بكل برودة رفظات تعاشرو ~ بغيتي تقولي ليا حقي مناخدوووش منك ؟

شهد … طلعات حجبانها للفوق مقوصاهم ونطقات ~ ماشي بزز تقيسني !!! مابغيتش ترضى على راسك هادي ؟ سير عند مراتك هي لي تفكك

غانم …. ضحك باستهزاء وعصبية فالنفس الوقت جرها من يديها بقوة نار شاعلة فيه ~ عقلي على هادي مزيان غادي نذمك ا شهد غادي نوريك شكون هو العلوي

شهد … دفعات يديه عليها بقوة بدورها مخنززة فيه ونطقات شاعلة ~ أنا ماشي قح*** ديالك تشريني بشوية دالحوايج وتخورني، حسابليك مفاهماش اش باغي ؟ نفس ذهبي خذيتيه لمراتك داير فيها واعر وسير عندها دابا نيت هي تواسيك أنا باااااااح وخا تموت منخليكش تقيسني،

غانم …. دفعها على ضهرها شوية ويقصمو ليها وجهو حمر وبعض القطرات تجمعات فجبهتو هضر بصوت عالي نتيجة غضبو زايد ~ هااااا حنا غادي نشووووفو واش غانقيصك ولا لا ! كايحساب ليك أنا من ديك الزوا** لي لعبتي بيهم ؟ بغيتي ضد أنا مولاه رزقي بزز بالخاطر باش مبغيتي ناخدو…

شهد … شدات فضهرها قصمو ليها ورجعات خنزات فيه ~ باش نزيييييد نكرهك عمري كامل ، ديرها وتشوف نقتلك ونتبع راسي موراك

نفسو تقلبات ومزاجو تبدل ، دفعها مخنزز حتى مشات وجات ، ورجع قلب رجليه للبيته كيسب ويلعن ، دخل نيشان لبالكون شعل گارو، كيتكيف ويعاود ، كلامها باقي فراسو كيدور، كل مرة كيقول تهدات ودارت عقلها كيلقاها زادت فلادوز، كيحس بيها بعيدة عليه وعمرها تكون ليه بالخاطر ، وهادشي لي مخليه معصب ، عطاها كل شي وبغاها ليه مرأة ديال الدار وفالأخير هي رفظاتو، كتمنى تموت على أنه يقيصها، كيحس معاها بالطريق مسدودة وصعيب يلقاو ليهم حل بجوووج ،

فحين جوهرة دخلات كتجري لبيتها نيسان للطواليط، ديك العاصير ديال اللتشين طلق عليها الكرش ، ونفسها مضيووومة كتحس بيها ، كتفكر كلامو معاها وشوفاتو ليها ، ومعاملاتو ليها كتحس بقلبها مكسور ، دموع فعينيها تجمعو وهبطو على خضوضها كيجريييو، شنو استافدات من هاد الزواج والو !!! حلمات بيه ليل ونهار يكون راجلها ، ونهار تحقق ليها حلمها ، بقات روحو وقلبو بعاد عليها ، هو فجهة وهي فجهة اخرى ، فقط واجبو كزوج كيديرو معاها ، غير هادشي والو ، شدات على كرشها كتوجعها ، ودخلات جلسات فطواليط تقضي غراضها، مسحات دموعها وهي كتفكر ميمكنش تنازل عليه ، وغاتقاتل حتى لأخر نفس ليها ، توضات وغسلات ، وخرجات كتخمم وتفكر ….

الليل عسعس ، والخال ظلام ، فالسرجم كطل وتاكل فظفارها، منين وصلها وطلعات وهو فباب دارها گالس فسطوميلتو كيتكيف ويعاود ، بعد ما بدلات حوايجها ، لبسات بيجامة دار بارة شووورط بديلو قصيرة ، وجالسة فالسرجم كتخمم خايفة ، فحين هو مقصر ناشط بالموسيقى وحاضي الغادي وجاي ، فعينيه باينة طالعة ليه القردة غير مخنزز وشاغل بوحدو ،،،، كيبان ليه جوج شمكارة فراس الدرب كيتحششو، ويغوتو، شيء لي خلى ولاد صغار يهربو لديورهم، خنزز فوحدة كطل عليه من سرجم وهو يبدأ يغوت ….

الگوتشي…. طالعة ليه تبويقة ~ وشوفي فز*** ها هو نوريه ليك ابنت لقح***؟

طرقو شراجم ديالهم ، فحين هو طلق الباف موسيقى مجهدة وقرب كيتمشى هو وصاحبو جيهت بابها وكيغوووووت ….

الگوتشي …. بصوت عالي ~ والكبييييييييييدة وا البلقة ديالي ودجاجة الرومية ، هبطي نزهاو العمر بحوووووج

تخبعات قلبها كيضرب فالمئة ، وهي كتسمعو شوية بدأ بدأ يسب غير الكلام الفاسق ….

الگوتشي …. واهبطي ابنت لقح*** وجيبي ديك رويييجل معاك نحوي*** اليوم بجوج،

لاح البونتة ديال الگارو ونزل قدام عينيه مخنزز، واخد شوية وهو يجرو بحال الشرويطة نزل عليه بلكمة لوجه ، رعفووووو خلى ليه دمو نازل ، خونا لي معاه علق هربان ونايف ، كيعطيه بروسية، حتى طاح وهو يهز ديك الباف حتى لسما ونزل شتتو فالأرض ، قلبها كيضرب وهي كطل من سرجم كتشوفو حاني كيعطيه ، محسات براسها غير نزلات كتجري هاكاك مسفحة، وكتغوت …

نايف … بعصبية نطق ~ انت هو الزا**** لي محرم عليها العيشة ؟ عطاه لوجه بوكس حتى داخ مع الحشيش داتو مهدودة دوريجين

أمال … نزلات كتجري وكتغوت فالنفس الوقت ~ نايف براكة عليه غادي تقتلو عافاك

نايف … دور وجهه لعندها كيطلعها ويهبطها واحد العرق فراسو شوية وبطرطق ، جرها من يديها تا غوتات مكمشة وخايفة ونطق ~ هابطة ابنت لقح**** عريانة باغاني نحو****

الگوتشي …. هز يديه عظم مبقى فيه صحيح ، ودوخة فيه نطق ~ نحو*** كاملين أولد لق****

غووووت عليها حتى تزعزات، دمووع فعينيها نازلين ، فحين الگوتشي وقف جبد جنوية كتلهب من موراه، غير شافها بدات تغوت بخوف مكمشة وشادة فكرش نايف وكتبكي بالخلعة ، قبل ما يهجم عليه يضربو فضهرو كان وسيم لحق ونزل عليه للضهر طيح ليه ديك جنوية ، مشات كتجري تعلقات فوسيم كتبكي وتغوت جاتها هيستيرية ديال الخلعة ، فحين نايف شدو ملخو عصى ، وجبد المينوط مينطو، بلى كلمة بلى جوج شاف فيها كيف متعلقة فوسيم وهو كيملس على شعرها ، سب بين شفايفو، وجر هداك لي بحال شرويطة فيديه لاحو اللور فطوموبيل وكسيرا غادي فحالو ….

كان ولقف في البالكون كيكمي ويسوط ، مضيق عينيه وكيمسح على لحيتو كيفكر ويتسنط لمطارق راسو حتى وصلو مساج فتليفون ، فالأول رفظ يهزو ، آخر همو شي حاجة يقراها ، ولكن غير فكر تقدر تكون شي حاجة ضرورية ، زفر بصوت ساهط، حلو وشافو وتحلو معاه عينيه وتحقن فيهم الدم ، بلاما يحس بدا كيترعد وقبضة يدو كتجمع مكنزز على سنانو ، طفى لگارو بين يديه ولاحو في الارض، ومشا باندفاع ليها مجاه من وراها غير حريق الراس ، مكتحشمش ومكتجلسش بلاما تعصبو ، تزوجها باش يكرهها حياتها صدقات هي لي كرهاتو حياتو ، قلبتها سفاه على علاه خربقت موازين حياتو مبقى عارف يبعدها منو فخطرة ولا يقربها ، خلاتو واقف فبلاصتو بلى جهد ولا قوة ….

بلاما يدق حل الباب عليها كانت يا الله خارجة من الحمام غير بنص فوطة عليها …. ورجع ردخو حتى اسمع صدى صوتو فالڤيلا كاملة ودخل مدرم كانت قدام لمرايا كتمشط فشعرها ، قفزت من شنو وقع دارت تشوف شنو كاين حتى حست بيه واقف قدامها عينيه خارجين حومر وصدرو كيطلع وينزل ….

غانم ….يديه على شعرها عاصي صبعانو وسط منو وجرها حال لڤيديو قدام عينيها كيوريه ليها وكيدوي تحت من سنانو ~ شنو هادشي الخانزة واااش توحشتي لوسخ لكنتي عااايشة فيه؟ توحشتي سهير الليل والضحك على رجال ؟ مقدرتيش على نقاا جاك بزااف عليك ، توحشت ايامك وتلماس وتخاور رجال ليك ، في الغادية وجايا ، الحلال معجبكش؟ هادشي علاش رافضاني نقرب ليك ؟

كيزير على شعرها بقوة ، كيحس براسو مبقاش قادر يزيد يصبر معاها ، نفسو تهانت، هانتو فكل شي … هو كيدوي وهي قلبها بدا يضرب بالجهد لسانها ثقال معرفت باش تجاوبو وذنيها تصمكو من شنو سمعت ، شفايفها بداو يتراقصو

شهد …بنظرة عتاب شافت فيه كتحاول تفك يديه من على شعرها ~ عرف شنو كتخرج من فمك وطلق مني

غاانم طلق منها حتى تلاحت فوق ناموسية جالسة، تحالات الفوطة مرمية حداها ، عينيه بحال الصقر كيطلعوها ويهبطووها بعنف ولاح عليها تليفونو ضربو ليها مع صدرها العريان

غانم …. بسخرية نطق ~ واش كذبت علييييك ولش هادشي لي كديري فيه ماشي عفن ، مزوجة ومقنتك صاحب راجلك عاطياه يدك كيبوس ليك فيها شنو نسمي هادشي؟ انا راه مبقيتش عارف شنو ندير معاك حرت كنقول غتقاد ودخل سوق راسها ولكن بان ليا عمر الشيخة تنسى هوة لكتف ، بغيت نعتقك من داك لغيس ل كنتي فيه ناخد فيك الاجر ولكن لي مولف على لوسخ غيموت وسط منو، لي مولف على لحرام ميقدرش على حلال ،لحلال تاع ماليه تاع بنات الأصل ولي لقاو لي يرابيهم ، اما تربية زناقي بحالك ولفو شغل زناقي، هبطت لعندها وجهو حمر وعينيه بحال جغمة الدم ~ عندك الحق ، منقيسش وحدة موسخة بحالك متستاهليش، والله متستاهلي …..

شهد …لاحت عليها الفوطة تستر راسها ، هو كيدوي وهي كتسنط ليك خلاتو حتى كملت وفرغ غضب ديالو حيت من ديما هي داك الحيط لقصير لي اي حاجة هي الغالطة فيها ~ ساليتي ؟ عايرتي سبيتي ؟ صافي ؟

غانم …. هز صبعو خدى عينبها ~ سكتي قبل ما نخصر ليك وجهك

شهد … وقفات حدى عينيه بجرأة ~ مساكتاااااش اغاااانم … غضبو شديد قوي لدرجة مقدرش مزال يصبر ونزل عليها لوجه بتصرفيقة خلاتها طيح فوق ناموسية تاني ، حطات يديها على وجها ونطقات بقهرة ~ اوى براڤو على لي وصلات لمرادها وخلاتك تشوف فقط داكشي لي هي بغات ، عينيه رجعو حومر رجعات وقفات شعرها مخبل على وجها ، ونطقات بصوت مضيووووم مبروش ~ كون كنت رخيصة كيف كتقول وعزيز عليا تخوار وتلماس نتا لول نيش عليك غير بصبعي صغير ونجيبك تحت رجلي ، ولكن بغات تعاود ليك داكشي لي 26 عام وهي كاتماه ورجعات بعدات كتجمع شعرها بشنتة وعصبية وجها حمر بأتار صباعو نطقات ~ هاد المرة ضلمتيني وكارما مغاديش دوزها ليك صافي خد لهنا وبراكة وكلها يختار الطريق لي برتاح فيها ، وعلى حال دوك الأيام لي دوزت معاكم وكليت ماكلتكم غادي نعاونك تحل عينيك ، قربات منو كان وقف كيترعد بالأعصاب ولكن نصبر راسو ومخليها تهضر ، باغيها تقوليه شي حاجة لي تخلي بالو يهنى ، زادت ضغطات على يديها ونطقات ~ رد بالك من مراتك السحارة لي لصقاتك فيها بسحور نعيمة الشوافة ….

كلامها خلاه يوقف لتانية يستوعبو، دخل فصراع داخلي ، صوت نفسو كتسمعيها ، وجهو لا يبشر بالخير ، محرووووق ومهزووووم ، وعيان ، راسو كيزدح وزادت بهاد الكلام ، عارف هادي لي قدامو ماشي أي بنت لي ممكن تكذب ، عادي لي قدامو اكتشف طينها وعرفها شكون وكيف هي ، وباش أنها تختارع من راسها وتكذب ماديرهاش، لحمو شوك عليه ، ويديه عاصرهم، عينيه متقدريش تشوفي فيهم قنبلة وشوية طرطق ، جوها من يديها غارس فيها ضفارو ، فخين هي فقط كتشوف فيهم وكطلعو وتهبطو بعصب ،

غانم … شخداته بكلامها العنيف ، وهزماتو تاني كيف شاف لمعة مكسورة فعينيها رخف عليها ونزل قدام عينيها ناطق ~ خسرتي واحد الشخص كان باغي يسترك ويجمعك تحت جناحو، رغم كل شي داكشي لي شفت بعينية خلاني نشوفك وحدة رخيصة اشهد

ودفعها عليه خارج طاير ، ملهووووف وعيان فتح لباب ودخل كيسمع صوت الدوش، بحال شي ثور هايج كيقلب على تيليفونها بان ليه محطوووط حدى تلفازة هزو كيقلب ، لقاها دايرة نمرة واتساب جديدة ومصيفطة ليه نفس الفيديو، بقى يقلب وهو يطيح ليه الفيديو الأصلي ، تفرج فيه كامل ، كيشرف كيف شهد دفعات أمير عليها فاش باس يديها ، وجوهرة بالعكس صيفطلت فقط ديك لقطة لي هي بغات ، هزو حتى لسما ونزل بيه الأرض شتتو ….

لبسات حوايجها ، كتحس بروحها معلقة ومتقدرش تزيد مزال تصبر ، الحياة قصات عليها وباقة، جمعات شي حويجات خفاف صاكها ، وهزات تيليفونها طفاتو، وخشاتو فصاكها … كلامو جرحها وهي لي مكيهمهاش كلام ناس ليها أو كيف كيشوفو فيها ، حسات براسها مبقاتش قادة تزيد تكمل ، ضرها وهانها بكلامو ،،، كتخمم وتفكر كيف دير تصوڤي راسها وفالأخير ، لبسات صبرديلة ديالها آخر همها هي أنها تبقى معاه مزال فنفس الدار ، تسلتات هازة غير صاك صغير ، وهبطات فالدروج، خرجات على جردة وهي تلاقى بعيد القادر ، جالس كيسمع القرأن فتيليفونه … حقق فيها كتبان ليه غريبة وجها حمر وعينيها مدمعين ،

عبد القادر … وقف مخلوع وشد فيها ~ مال بنتي ؟ اش واقع ~ كيشوف كيف هازة صاكها وناوية على خزيت

شهد …. بقهرة نطقات عينيها عليهم غشاوة دموع ولكن مهبطوش فقط كيبريو بخزن ~ عمي إلى كنت بصح بنتك طلقني خليني نمشي بحالي عافاك

عبد القادر … شدها كتر خايف عليها ورجع نطق ~ ويل الشيطان ابنتي جلسي وشرحيلي شنو واقع ؟ دابزتي مع غانم ؟

شهد … هزات يديه باسها بحب ونطقات ~ عمي إلى كنت بلاصت نسرين خليني نمشي كانحس براسي غانموت إلى لقيت هنا دقيقة مزال

عبد القادر … تنهد بتعب وطبطب على نفس اليد ~ الله يدير الخير ابنتي ، فكل دار كاينين المشاكل متمليش دابا يفرجها مولانا ، واش بغيتيني نطلق بنتي فهاد الليل للكلاب ؟ بنتي نهز فخاطرها ونحميها بغيتي تمشي ؟

شهد … نزلات دمعة كانت حالفة تهبط ، مسحاتها دغية ونطقات ~ بغيت غير رتاح خليني نمشي الله يخلي ليك معزيز عليك

عبد القادر … باس على راسها ونطق ~ فين باغا تمشي ؟ عندك فين ؟

شهد … هزات وجها عويناتها حومر ، ~ عندي فين متخافش عليا

عبد القادر …. هز تيليفون ديالو صونا عليه ، وتكلم مع واحد السيد حداها ، غير سالى شاف فيها ونطق ~ عمري نمنعك إلى راحتك فأنك تمشي سيري ابنتي غير هو منرتاح حتى تمشي فيد أمينة لبلاصة لي باغا،

شهد …. كرزات على يديها بقوة ونطقات ~ لا لا غادي يعرفني فين وغادي يجي ليا خليني عمي نشد الطريق لي باغا راسي

عبد القادر …. دوز على شعرها كيشوف رجفة فمها والحزن لي فعينيها باين وضوح الشمس ورجع نطق ~ كنواعدك كلامنا هنا يبقى ومني حد ماسمع خبارك ، السيد غادي يجي موراك بالطوموبيل يوصلك للمكان لي باغاه وباش ترتاحي ، هز تسابيح حطو على عينيه ~ وعدي ابنتي والله منسول سيد على بلاصتك باش ترتاحي

تنهدات براحة ، وحنات باست يديه ، عنقها بصدر حنين ، حتى نزلات دمعة اخرى من عينيها ، طبطب عليها كيف شاف سيد وصل جبد بزطامو خشى ليها فلوس فجيبها كمشة عامرة ونطق ….

عبد القادر … بحزن ~ الله يدير ليك تأويل دالخير ابنتي ، تهلاي فراسك، رتاحي وفكري مزيان ، صلي صلاة استخارة ابنتي ، وشوفي اشنو باغا وشنو ربي مكتبليك وانا مني ندعي معاك كل ليلة ، لا حولة ولا قوة إلا بالله

ركبات اللور معنقة صاكها وضامة راسها ، كتشوف فيه كيف واقف وجهو حزين على فراقها ، تنهدات بحزن كتشوف فالمكان ، وسرجم ديال بيته ، عطات للسيد العنوان ، وتكات على الكوسان مغمضة عينيها ، عارفة مسافة طويلة عندها ، خلات جروح كبيرة وذكريات حزينة موراها وقصدات الا مجهول …..

وقت ضيق ما تلقى لا حنين ولا صديق ، هادشي لي علمونا واليدينا ناس زمان ، لا تيقة فولاد عتيقة ، جيبك ومتيقش فيه ، وعلاش لا وهو هاد زمان كتر فيه الغدر وعدم الوفاء ، ولا صديق يقتل صديقو والحبيب يخون حبيبو ، كلها يلغي بلغاه ، وتا واحد فينا مهاني فهاد الدنيا ، هادي هي لغانم ، دارها فدارو مراتو عززها وكرمها بالطريقة لي تليق بمقامها ، وفالخر طعناتو ، ،، وحدة غذراتو وبسحورها تلفاتو وتانية عطاتو ، و بلسانها الماضي قتلاتو ، قال نتزوج وندير وليداتي كبرت وشيب بان فراسي ، ساعة خاب ضنو ولقى راسو مع سحارة قاطعة يديها من يد الرحمان ، صدمة تلفاتووو وخلاتو على طرف السرير گالس يفكر … عيونو عافية شاعلة ، ورجليه كيتهزهزو ، كيفكر ويعاود مباغيش يصعب الأمر عليه كتر ، تسناها حتى خرجات ملوية راسها فالبينوار ، وحنيكاتها حمرين ، تبسمات فوجهه فاش شافته فبيتها جالس ، وقربات لعندو بسرعة كتحلون عليه بكلامها المعسول ناوية طبق كلام الشوافة ليها …….

جوهرة … بالبتسامة حنات قبلاتوو جنب فمو بفرحة ، ولما لا وهي موضية بالعشوب لي عطاتها شوافة وناوية ليلة تحيبو بين يديها وتاخد مابغات ~ حبيبة ديالي لقيتيني انجي عندك ، جلسات حداه كتحلون بعينيها وهزات يديه باستها بحنان ~ توحشتك

غانم … تعابير وجهه عادييين كيشوف فيها بطريقة غريبة قرب كتر منها وحط يديه على وجها كيدوز عليه ~ قلتي توحشتيني ؟؟؟

جوهرة … قربات لعندو كتشوف فعينيه حوووومر وحنان باغا تبوسه ~ بــــــــــزاف

غانم … تبسم ليها فوجها وبسرعة البرق جرها من الفوطة وخشى صباعو فشعرها جارها منه ، عينيه بحال دم وكيهضر بجنون عكس السكون لي كان فيه ~ غادي لعبووووووو أنا وياك لعبة قابــــــــلة ؟

جوهرة … خلعها المنظر ديالو ، عينيها دمعو بقوة الحر باش شادها من شعرها هززهزات راسها باه ~ ولكن طلق ضريتيني !!!!

غانم … تبسم باستهزاء وزاد جرها لعندو ~ عرفتي شنو هي اللعبة ولا غير كتهزي فراسك ؟ قبل ما تجاوب سكتها بصبعووو~ لا أنا نقووووليك ، وقفها كيحس براسو غايطرطق بالشمتة ، ~ لعبة ،،، الصراحة والتحدي اش قلتي ؟

جوهرة … وقفات بزز يديها على يديه لي على شعرها وعينيها دامعين تجمع عليها الخوف والألم فدقة ~ غانــــــــــــم طلق شعري عافاك كتوجعني

غانم…. دفعها حتى كانت غادي طيح ، كون ماشي الحيط لي طاكاها ، وقفات مصدومة وعينيها مغرغرين بالدموع ، وقف حدى وجهها مخنزز وراسو كايزدح ~ من امتى وانتي كاتسحري ليا ؟ شنو مزال مخبية تحت هاد قناع البرائة ؟

جوهرة … كلامو صدمها خلاها واقفة الباردة نزلات عليها ، دموع بوحدهم بداو يطيحو ليها ، والخوف سيطر عليها خلاها غير متفتف فالكلام ~ ش شك شكون ! أنا ؟ ل لا ا ا أنا لا اغانم كذوب

كانت ليه راس وساس ، ولكن صدقات ماشي بنت الناس ، لي يشوفها مايقول حية تحت تبن ، راسمة البرائة خلاتو تالف مفاهم والو ، واش هادي هي بنت خالتو لي كانت من المدرسة للدار ومن الدار المدرسة ؟؟؟ وهادي هي جوهرة البنت الدريويشة لي بيضة مكتقدرش تحركها ؟ امتى كبرات ؟ وامتى رجعات هاكذا، كتبان بحال الملائكة وهي كيف الوسواس الخناس كانت ذهب صافي ، ودابا رجعات عندو فضة مصدية تتداس…..

جوهرة … كلامو صدمها خلاها واقفة الباردة نزلات عليها ، دموع بوحدهم بداو يطيحو ليها ، والخوف سيطر عليها خلاها غير متفتف فالكلام ~ ش شك شكون ! أنا ؟ ل لا ا ا أنا لا اغانم كذوب

غانم … لقفها بجيييفة كيف شافها كدخل وتخرج فالهضرة ، عينيه حومر ومناويش على الخير ~ كتكذبي عليا فوجهي أبنت لقح*** ، زاد زير على عنقها ونطق ~ هضري ولا بربي اليوم منعقل عليك

جوهرة … ضربات يديه كيف حسات بالموت ونفسها تقطعات غوتات ربي لي خلقها فاش دفعها ~ كح كح كححح من كككححح غادي نقوليك مضربنيش عافاك ، ا ا أنا مسحرتش ليك هداك غير قبوووووول باش تبغيني عافاك مضربنيش

غانم … قرب منها كتر كيشوف فيها رجعات حمرا ، شمتة والغدر وهو اعدى حاجة عندو هو انك تكذبي وتلعبي موراه خصوصا جوهرك لي عمرو مانواها فيها ~ قبووووووول !!!؟؟؟؟ غير قبـــــــول ؟ محس براسو غير نازل عليها بتصرفيقة تا طاحت الأرض ، حنى عندها وجرها من شعرها ~ معنديش المرأة لي تمشي تسحرلي وتبقى عندي فداري وناعسة على فراشي ، المرأة لي تخرج تلعب مور ضهري وتحط يديها مع شيطان دقيقة متبقاش معايا واخا تكوني ماشي غير بنت خالي ، طلق منها كيف شافها مصدومة كتبكي وشادة كرشها ~ مكفاكش سحور وليتي تلعبي مور ضهري ، مصوراها فيديو ومصيفطى غير الجزء لي باغا ، جرها وقفها بقوة العصب ودفعها ~ غذا صباح منشووووفش وجهك فهاد الدار ، تهزي حوايجك وتمشي لداركم لي بيناتنا ساااااالى

جوهرة … حسات بقلبها كيتقطع ،كلامو ليها خلاها تغوت ربي لي خلقها مندافعة ليه ومعنقاه من كرشه، بضيم وصدمة وخوف وألم كتبكي ~ لا لا عافاك عافاك غانم متخلينيش انمووووت بلى بيك ، عافاك ، عارفة راسي غلطت ولكن بنية حسنة بغيتك غير تبغيني كيف كتبغيها ، بغيتك غير تشوف فيا كيف كتشوف فيها ، وتحس بيا وتعرفني شحال كنبغيك، مابغيت والو من غيرك فهاد الدنيا ، هي متستاهلكش ديما مقلقاك ومباغاكش وانت شاريها غالي ،

غانم … دفعها تا طاحت فالأرض قلبو العافية شاعلة فيه ، وحنى جرها من شعرها نازل عليها بتصرفيقة تانية ، غضبه خلاه ميعرفش يفكر مزيان ~ غذا ملقاااااااكش فهاد الدار قلت ليك ، غادي تجمعي حوايجك وتقو*** عليا

جوهرة … دموع فعينيها بحال شتى نازلين ، ويديها كيترعدو ، هزات يديه حطاتها على كرشها ونطقات ~ غادي تسمح فيا أنا ولدك باش وحدة اخرى يعجبها الحال ؟ غير غلط بسيط درت ليك جريتي عليا ، هي راه غدراتك فروجولتك وكتفاهم مع واحد يهربها غير باش متبقاش معاك ، أنا راني مراتك وهازة دم ولحم منك فكرشي غادي تسمح دغيا فينا ؟

غانم … صدمة خلاتو يبلع ريقو لتواني ، كيشوف فكرشها ويعاود ، مقدرش يتأكد من كلامها ~ كيييفاش

جوهرة … مسحات دموعها كتحس براسها سخفانة دغيا ذبالت وجهها صفار ويديها فشلو عينيها شوية بشوية كيتقلبو نطقات ولسانها تقيل ~ أنا أنا حاملة بولدنا ا غانم حاملة ، وسخفات بين يديه فديك التانية

سبحان ماقال بنادم كحل الراس خايب الطبيعة ، لابس لبس المسلمين والقلب فيه الخديعة ، هادي هي الحياة كتلاقيك مع كحل الرأس ولا مع حنين القلب ، انتي وزهرك ، غير هنا الغدر و الخيانة فيهم طبيعة ، بعد يوم شاق داز عليه ، الأول تصدم بخبر جوهرة وهو لي كان باغيها تمشي بحالها صدقات هازة فكرشها ، خلاتو واحل اش يختار ، وصدمة التانية هي شهد لي هزات راس معرفها اشمن طريق شدات ، مين صبح الصباح وهو كيقلب عليها ، مخلى صحابها مخلى طبيب مخلى حتى قنت من قنووت ، بلى ماكلة ولا شراب ، غير الگارو يكمي ويعطي لقلبو وكيدور بحال الحمق ، معصب وممكن يقتل أي واحد وفأي لحظة ، بان فطريقه ، كيغوت على لكبير والصغير ، وكيسوگ بحال شي واحد بوهالي فزناقي ، خبر أنها خرجات من الدار خلاه بلى عقل كيدور ويقلب بدون توقف حتى ظلام الحال ، ناسو ومعرفتو كلفها تقلب معاه ولا خبر عليها تقول الأرض تشقات وبلعاتها ، كيحس بالضعف كفاش مشات بلا متخلي حتى اثر ليها رغم الحراسة لي كان داير عليها. هنا بالضبط وقف عند النظرة لي كان واخد عليها انه صافي حكمها ومغاتقدرش تخرج ، وغاتبقى صابرة للضرب والسبان والذل ديالو ، وغاتبقى تحت جناحو وغاتعيى ، وطيح كواريها وغاترضخ لداكشي لي بغى هو … ضحك ، ابتسامة ديال الفقصة حيت طاح فوحدة معندهاش للركوع طريق ، وحدة لي الدنيا لعبات بيها كيف بغات ، حتى ولات هي كتلعب بيها نسى بلي كارما لعبات بالرجال كيف دايرين وعمرها سمحات لشي واحد يهز صبعو عليها بقا غير يضربها .

وهو تقب معاها الورقة وبالمزيان حبس الطوموبيل فقنت وهبط راسو على الڤولا كيتحارب مع المشاعر لي اجتاحت كيانو ، والدقات ديال قلبو لي كيتسابقو مع بعضهم . شكون الاقوى حس براسو خسرها وهذه بحد داتها فكرة كتخليه يحماق والعروق ديال جبهتو يبانو ، داز بين عينيه شريطه معاها فديك الليلة ، كلما دار معاها ولقى راسو قسى عليها بزااااف حيت ماشي هكذا كنعاونو الشخص يرجع الطريق الصحيح وخا عقلو كيقولو من حقك دير لي درتي هي خوات بيك وكذبات عليك وطيحات برجولتك الارض ، وقلبو كيقولو عذرها ملقاتش لي يورينا الصح من الغلط …علومها حيت انت عارف مداز عليها طلق صرخة قوية وضرب يديه مع الزاج ديال الباب وهبط كيحاول يدخل اعلى نسبة من الأكسجين …

وصل لمكان لي فيه نايف جالس كيشرب وگاروه فيديه كيتكيف …بدون سلام جلس حداه ، مفرق رجليه مخنزز ، وباينة فيه شاعل ، جبد گارو لاحو فمه شعله رجليه كيتهزهزه ، وعينيه بحال قطرة دم …

نايف … رمقه عارفو فات كيفوت الطووب كيوصل لهاد الحالة نطق وهو كيجغم من كاسو ~ غادي تبقى هاكدا ولا كيفاش ؟ طلقها اصاحبي درية غادي نلقاوها هنينا!!!

غانم … هز عينيه مقوصها فيه ونطق ~ لقيتيها ؟ فاش تعطل نايف فالرد غوت شوية ويقلب الطبلة ~ هضر ازب* اليوم نقتلها فين كاينة ؟

نايف … طفى سيجارة وتنهد بصوت عالي ~ ملقيتهاش ولكن قريب لقاها وغيير السيد يعلمني فاش يوصل غانقولها ليك

غانم … جر الكاس من حداه هبط عليه على الجوع ورجع شعل گارو أخر ~ أخرتها على يدي كيف خلاتني بحال الحمق كنقلب عليها ، برب تانح** زا** بوها خليني غير نشدها بين يدي

نايف … تبسم ورجع اللور شاعل تاني وكيشوف فيه ~ اممم هادشي كامل على النصابة !؟ صافي طحتي ابا غانم ! قرب لحداه ونطق بمعقول ~ منييييين انت باغيييها هي ! ديك بنت خالك اش قربك ليها ابا غانم ؟ بنتيلي غير كتخور بهاد التزويييجة تانية ، مفهمت والو من هادشي لي كتصنع! قولي فييين باغي توصل وانت بين جوج عيالات ،؟؟؟

غانم … سف من الگارو ورجع بللور متكي على ضهرو ~ لي بيني وبينها تا واحد فيكم ميقدر يفهمو ، وزواجي تاني عمري ندمت عليه ، تنهد بعنف ورجع نطق ~ كل شي من مها الشيطان ولا هي اخوية !!

نايف … حقق فيه عارف غانم ميديرش شي حاجة غير هاكاك ~ مفهمتش مال مها ؟

غانم … هز القرعة كب ليه كاس آخر ورجع كيشوف فنايف لي على وجهو علامة استفهام مشى بيه تفكيرو لقبل زواجوووو بجوهرة وبدأ يعاود …~ القصة ومافيها

فلاش باك 💣

نهار الحفلة لي دار غانم لشهد ومو عرضات على الناس دالعائلة ، كانت جوهرة قبل ديكشي شربات جاڤيل وحاولات تنتاحر نهار سمعات بخبر بزواجه ، غانم مكان عندو حتى شي فكرة بزواج آخر كان فقط هضرة وكلام مع لطيفة باش يطوي الموضوع ، ورشيدة فديك الحفلة خرجات لجردة فاش سمعات لطيفة كتنگر محاملاش شهد ، قالت هادي وجيبة فين ناقشو ونهضر معاه … كان جالس فجودة كيتكيف ، قصداتو متوترة ولكن عازمة تفتح معاه موضوع الزواج بأي الطريقة كانت ، المهم هو تنقد بنتها من هاد الحفرة لي طايحة فيها …

رشيدة … بابتسامة جلسات جنبو هازة لبستها ~ ولدي الله يكمل كل شي مبارك مسعود

غانم … تبسم فوجهها كيحتارمها بزاف باس على راسها ونطق~ الله يبارك فيك الميمة

رشيدة … حنحنات بصوت عالي كتفرك يديها بتوتر معارفة اش تقول ولا باش تبدأ ~ ولدي بغيت نسولك ؟ فرحان بهاد الزواج ؟

غانم … هز عينيه فيها باستفهام ونطق ~ علاش الميمة هاد السؤال ؟

رشيدة … قربات منه حاطة يديها على كتافو ونطقات بصوت مضيووووم ~ أنا لي ربيتك اولدي فاش كنتي صغير وكنعرفك فاش كتكون فرحان وفاش كتكون غضبان ، جاوبني راني بحال ميمتك خوي عليا قلبك

غانم … تنهد بحرقة وحنى باس يديها ~ والو الميمة يكون خير انشاء الله

رشيدة … طبطبات على يديه ونطقات ~ سمعني اولدي الزواج حللو الله ، وربي حلل ليك حتى ربعة بشرط تكون قاد بيهم ، إلى كنتي ممرتاحش معاها ، جيب لي تونسك اولدي ولي تكون بنت دارهم وديرليك وليدات تصونك وتكون بيك هاني لي جبتي كطير اولدي وماهياش ديال الزواج والعائلة

غانم … ضهر شبح الإبتسامة ، شد فيديها ضاحك باغي يطلعها عليها شوية ونطق ~ هانا عاود على الالة رشيدة ، ياكما لقيتي ليا المرأة وانا مفخباريش هادي لي عندها هاد الشروط كاملين فين لقاها ؟ ههههه

رشيدة … نطقات بضيم ، وحزن كبير فصوتها ~ جوهرة ، بنت خالك جوهرة ، هي لي تليق ليك اولدي غانم

غانم … وقف بقوة الصدمة كيشوف فيها كيف دموعها نزلو على خدها ورجع حنى عند رجليها كيحقق فكلامها~ شكاتقوووولي ؟ كيفاش جوهرة ؟ هاديك بحال ختي عمري كولو وانا حاسبها فمقام نسرين

رشيدة … شدات فيديه بقوة ومسحات دموعها ~ البنت لي تصونك وتبغيك هي بنتي جوهرة ، هي ماشي ختك وعمرها حسباتك خوها ، انت راك هو نفس باش كطلع وتهبط فيها اولدي كانت غادي تموووت فاش عرفاتك تزوجتي

غانم … قاطعها مصدوم مخلاهاش تكمل ~ شنو كتقولي جوهرة ؟ واش كتهضري على جوهرة لي كنت حاضيها فصغرها تا مشيت لخاريج ؟

رشيدة … تنهدات بحرقة وضربات على قلبها جوج مرات ~ بنتي كتموت كل ليلة قدام عيني ،، أنا اولدي حيدت تقليد وعلمتك ، ديك البنت عمرها تكون لشي حد من غيرك ، يا انت يا غادي لقاها شي صباح قاتلة راسها ، وعمرك غادي تلقى شي بنت تبغيك بحالها ، إلى كنتي باغي المعقول ودير وليداتك راك عارف دارهم فين راها بغيتي تبقى مع هادي لي جبتي حتى طوووع ليك أنا منبغي ليك غير راحة ، غير هو ، شافت فيه بعيون دامعة ونطقات ~ إلى بنتي دارت شي حاجة فرأسها منسمحس ليك اولدي ، حيت زواج حللو ربي مغادي دير تا حاجة حرام ، وطبطبات عليه ومشات خلاتو حال فمه بصدمة وكيفكر فكلامها …

تتمة فلاش باك

كيقولو حبل الكذوب قصير ، ودنيا دوارة ، شحال قدك تعيش فالحرام ، والكذوب على الناس يا الحگارة ؟ شحال قد بنادم يخبي صورتو الحقيقية الخبيثة؟ ولي عليها قناع البراءة ، غادي يجي وقت فين كل وحدة فينا تاخد حقها من كذوب و الغش و الخيانة ، معدرتهم قاليك شفناهم من بعيد قلنا هادي ناس مزيانة ، حتى قربنا منهم عاد الحقيقة بانت لينا ، وندمنا على النهار لي فيه عندهم مشينا ……

وهادشي لي وقع لجوهرة تبعات طريق مها ، بعينيها مغمضين، باغا بأي طريقة يكون ليها غانم ، بغاتو واخا اعتراف ليها وقال أنا مزوج ومراتي مغاديش نطلقها خنزرت طريق مسدودة ، وتبعات طريق الحرام والشعوذة ، لاعباها كبيرة وهي غير قادرة لا على شهد ولا على غانم ، داخلة فدوامة صعيب تخرج منها بسهولة ، والإنساني لي ممكن تشد بيديها وتنهيها على المنكر وتورييها الطريق صحيحة ، خلاتها فهواها وكملات على هبالها ، وراتها طريق لا رجعة منها كيف البهيمة ،…

كيف رجعات رشيدة للحفل غمض عينيه بقوة حلقووو نشف من الصدمة ، جوهرة كانت بالنسبة ليه شخص عادي فحياته وفقط بنت خاله ، وعمره فكر تكون ليه زوجة اول حتى عطاها نظرة غير محترمة ، كانت بالنسبة ليه واجب عائلي كايديرو معاها ، سمع الغوات فصالون ، ديال لطيفة وعبد القادر ، ودخل كيجري للصالة ، لي كانت بعيدة على الحفل وخاوية ،،، كيقلب بعينيه على مصدر الصوت ، حتى كتبان ليه لطيفة هازة شانطتها فيديها وعبد القادر كيغوت عليها…

عبد القادر … بصوت عالي ~ يا هاد المرأة نعلي الشيطان فين باغا تمشي فهاد الليل ؟

لطيفة … بالدموع فعينيها ~ هضرة وحدة قلتها ليك بغيتيني تبعني أنا والله منبقى معاها فالنفس الدار ، ياك درتو لي بغيتو انت وياه تزوجها ودخلها عليا لداري ، وكملتوها محتافلين بوحدة نصبات عليا وداتلي رزقي وذهبي !!! مقدني فيل زادني فيلة ،

عبد القادر … جر ليها شانطة من يديها ونطق بصوت عالي ~ شنو بغيتيني ندير ليه ؟ هااا؟ ولدك تزوجها ولي عطى الله عطاه ! اش بغيتي ؟ بغيتيني نشوف المنكار فداري ؟ يضرب بنت ماليه وانا كنشوف ؟ حتى نكون ميت ومعندي لا دين ولا ملة عاد نخليه يقيصها ، قلتها وعاودتها يا إما تسلموها البوليس ولا يخليها معاه فراحة سالينا الهضرة

لطيفة … غوتات ربي لي خلقها ونتفات شعر راسها بعنف تا هبطاتو فيديها ودموعها نازلين ~ وحتى أنا كتقوليك إلا هي لي متكونش ليه مرأة ، ونعرف نمووووت ومنخليييهاش تكون ليه

غانم … جمع يديه بقوة معصرهم ودخل حجبانو مقرونين ونطق بصوت عيان ~ الواليدة اش واقع ؟ مالنا تاني ؟

لطيفة … مسحات دموعها وجرات شانطتها بشنتة ~ قلتها ليك وعاودتها يا أنا يا ديك نصابة فهاد الدار ! وكنعطييييك الصخط حتى نموت إلى ديك الخانزة درتييها مراتك ومت ولادك

غانم … جرها لعندو باش راسها ويديه كيمسحو ليها دموعها ، جلسها حداه وجهو حمر بالفقصة ~ الميمة ياك عطيتك كلمتي وقلت ليك اندير ليك خاطرك ، اش بغيتي عاود ؟ ياك عطيتك كلمتي؟

لطيفة … كتبكي بحرقة ~ مبغييييتهاش ليك اولدي ، كضرب على صدرها بقوة خلاته طفج بخوف عليها ~ حنيت عليها وعطيتها رزقي وبغيتها ليك ومت عليها وفالتالي كواتني وشواتني وخلات لفام عليا ، أنا بالمعلقة لفمها وهي بالعود لعيني ، نصابة بنت الزنقة هي لي متكونش ليك مرأة ،

غانم … تنهد بتعب باس يديها وشاف فعبد القادر لي معصب وطالعة ليه القردة ~ شكون قاليك بغيتها ليا مرت ولادي الميمة ؟ أنا غاندير لي بغيتي ، والبنت لي تمنايها نجييبها ليك للدار غير رتاحي ليا وهني بالك

لطيفة … مسحات دموعها وقفات ~ تزوج و دير وليداتك خليني نفرح بيك ورتاح عليك ، وحدة بحال ديك الخانزة بنت زنقة متصلاحش ليك اولدي ، ختار يا أنا با هي ، يا ميمتك لي هزاتك تسع شهور فكرشها ، كبرتك وكليت عليك الخبز حافي ، كنتي تبول فوق ضهري ، نحملك ونخدم بيك شغال ، نديك ونجيبك المدرسة باش فتالي وحدة زنقاوية ضحكات علييينا ، نكبرو ليييها شان هي ليها تاياكل من جنان الليهودي وتينعل مولاه ، الله يعطيها دقة لا لي مشى ما جا ، ويشتت ليها الشمل ، ويحفر ليها العش والجدر ، وكملاتها نتفات شعرها حدى عينيه ، ها هي لطفراتو

غانم … جر ديك شانطة وعنقها بكتافوووو للكبار ~ هي لي متعاودش اميمتي ، كلامك هو الكبير ، فرحي مع راسك ولدك قريب يعرس من جديد ، انتي غير بقاي على راحتك الميمة …

ضحكات بفرحة وهي كتمسح دموعها ، وتبوس فيه ، فحين عبد القادر خلاهم وخرج للجردة ، بقى مع مووو كيهضر ويشرح ليها انه واخا يتزوج مغاديش يطلقها ، بقى معاها حتى اقتانعات ، واعدها يدير وليداتو مع المرأة لي بصح تستاهل وماشي شهد لي كيف سماها بنت الكباري ….

نهاية_الفلاش_باك

هز عينيييه نايف فيه فاش سالى ليه كلامه ، ورجع شعل گارو يتكيف بيه ويقاد هاد الروينة لي عاود ليه فراسو ، فحين غانم نزل على الكاس ورجع شعل تاني گارو ، عينيه حومر بحال جمر ، وراسو غادي يتفرگع عليه ، مينكرش أنه ، توحش عينيها يشوفهم ، وكلامها الصليط ، يسمعو ، كيتفكر فين تكون زادت ، مي رحمة مامشاتش عندها ، وصحابها معندهم عليها خبر ، تبوورش لحمو ملي فكر فمهدي لي كيقلب عليها ، مجرد تفكير أنه يلقاها ولا يأذيها كيخليه يحماق ، الكاس على فوق طبلة ضربو شتتو مع الأرض ونطق بعصبية مفرطة…

غانم … جنون دنيا ركبوه فاش فكر فمهدي ~ عرفتي إلى مشى لقاها ديك المريض وأذاها ليا عرف خوووك غادي يدخل يكمل حياتو كاملة فالحبس ، حيت غادي ندوز عليه بيدي من لوذن حتى لوذن

نايف … طول فيه الشوفة ، كيشوف فيه كيف محروووق عليها وباغي غير امتى يلقاها تبسم ونطق بعصبية ~ أنا بغيت نفهم حاجة وحدة ! علاش متخليهاش تمشي تشوف حياتها طالما حنى كاذبين عليييها ومعندنا حتى دليل عليها ! خليها تخوي لبلاد وتبدأ من جديد علاش محمق راسك معاها ؟ ولا نضبرو ليها على بلان فين ندخلوووها مع صحاب الحال تعاقب ومنها تخرج راسها مهرس ودير عقلها !!

غانم … حمر فيه لعين ضرب على الطبلة تا تهزات ، ونطق بصوت عالي ~ نخليها ؟ حتى نموووووووووت عاد نخليها ، هاديك موتها معايا وحياتها معايا بغات ولا كرهات ، نهار قرررات تزوج بيا ودارتني فراسها كان خاصها تعرف من قبل شكون أنا ، دابا أنا لي دايرها فراسي متصلاحش ليا ولكن حياتها معايا بغات ولا كرهات

نايف … خنزز فيه حيت مفهم والو من كلامو ~ شكتخور ؟ مكتيييييقش فيها ؟ وعلاش ملصقها معاك ؟

غانم … نتر نترة طويلة وشاف بعيد كيحاول يتكالما ~ المرأة لي غادي نولد معاها وتكون بنت قلبي ، خاصني قبل نتييييق بيييييها مئة فالمئة ، ماشي وحدة مقنتها صاحبي حدى طواليط ، وكانت كل ليلة مع واحد ناصبة عليه وعلم الله اش دارت آخر ، كرز على يديه كيف تفكر شحال من واحد يكون باسها وشحال من واحد يكون قاص فيها كيف بغى ، حس براسو زند عليه ، وعينيه زادو غماقو ، واحد العرق كيضرب فجبهتو بعنف ومنفووخ ، ضرب برجلييييه الكرسي لي حداه حتى تهرس وناض واقف كيمشي ويجي بحال الهبيل ~ وحدة بحالها كيفاش بغيتيني نأمن ليها ؟

نايف … حس بيه شعل وعارفو مزيان إلى شعل كيهرس الدنيا ، عرف بلي شهد بالنسبة لغانم شي حاجة غامضة وبزاف وحاول يفهم ولكن مع سكرة راسو ضرو~ ريح اصاحبي صافي فهمنا ، دابا معندك مدير ، البنت طارت معرفناها فين زادت لقاوها ويكون خير

غانم … قوص عينيه فيه حوووومر بحال الدم ونطق قبل ما يخرج يبدل ساعة بختها حاس براسو بصح غادي يطرطرق ~ حتى نموووووت ودفنوووني ، عاد طير مع طيور ، إلى كانت هي طير فأنا نسر

خرج مع الباب ، ضاربو بركلة ، كيصوط بحال شي عافية ، وخاصو شكون يتشاد معاه فهاد ليل ، دور ابيل لشي شخص ، كيسولو على الجديد ، وكيف قاليييه والو ، ضرب يديه مع باب الطوموبيل بقوة ، تا وجعاتو ، ركب وزاد مكسيري غير عادي فالطريق ، صوتها وصورتها محفورة فعقلو بحبر من القطران ، غمض عييينيه صورتها زارته وغير فتحهم بانت ليه فالشاريع ، بحال الحمق بدأ يكسيري ويعاود ، كيبان ليه خيالها حداه ، حس براسو غادي يطرطق عينيه حومر ويديه عاصرهم ، زاد كسيرى بقوة غير غادي ، حتى وقف الطوموبيل فران سيك ، تا تهز ، ورجع حط راسو على الڤولا كيفكر ويعاود ، حاس براسو فوت وسكر ديال بصح …

مور مواصلها الشيفور لمكناس ، قالت ليه شكرا ونزلات تسناتو حتى مشى ، عاد تمشات لأقرب طيليبوتيك صونات على نمرة ، وغير قطعات جلسات فمطعم تآكل ، غادي تموت بالجوع ، متاقتش بيه واخا واعدها ، وفضلات غير تبعد على فاس ، وتكمل طريقها بلى حد ميعرفها هي فين ، بعد مرور ساعتين وصل عندها وسيم لمكان لي علماتو بيه ، نزل مخلوووع عليها ، كيف شافها عنقها بقوة ، كيطبطب عليها ويعاود ، ويرجع يشوف فوجهها كيفليها بعيينيه ، مفهمش اش وقع ليها وشنو كدير فمكناس ، جلسات حداه كيدوز على شعرها ، ويتنهد ،

وسيم … بحيرة سولها ~ فهمييييني الله يرضي عليك اش مخرجك فهاد الليل ؟ وفمكناس غادي تقتليني بالخلعة عليك

شهد … تخشات فيه كيف حسات شوية بالبرد وبدات تعاود ليه من لول حتى لتالي ~ هادشي لي وقع

وسيم … كرز على يديييه بقوة عاصرهم ، ونطق بعصبية ~ ولد القح*** كيطول يديه علييييييك والله تنوري لقح** دمو غير بلاتي ، خنزز فشهد ونفضها من يديها لي شادة فيه ~ ياك قلت ليك نصيفط ليه تصاور سحارة دمراتو ، قلتي نراقبها ونصورها ، علاش بدلتي رأيك كون بعدا شوهناها

شهد … رجعات عنقاتو من كرشه ونطقات ~ بغيتيه باش يلصق فيا ؟ نمشي أنا نحطها قدامهم كاملين ، يطلقها ونلصقو فيا بزز ، أنا بغييييييت تجي بحال هاكذا باش يطلقني ويمشي بحالو ! حسابليك تسوقت لكلامو ولا لضربو ليا ؟ أنا فقط مكنحملش نشوف حاجتي عند غيري وهي جبداتني وانا ميكت عليها ورجعات جبداتني ولكن باش تبلاني ليا باقة مكتعرفني مزيان

وسيم … شد فيديها غادي بيها لجهة طوموبيل ونطق ~ مكنضنش يفرقك عليه اشهد بانلي لاصق هاد خينة

شهد … طلعات كتفكر ورجعات كرزات على يديها بقوة ~ غادي نورييييه الماكرة علاش قادة اوسيم إلى بقى لاصق غادي نذمو تيق بيا ،

وسيم …. ديمارا الطوموبيل وشعل گارو كيفكر ~ مديري والو بعدي من طريقو والسلام ، يطلقك ويمشي بحالو

شهد … ضرباتها ريحة الگارو وهي تبدأ تكح ~ طفي زمر خنقتيني

وسيم .. قوص حجبانو فيها مفاهم والو ، كانت تكمي ودابا مبقاتش قادة حتى تشم ريحتو ، لاحو من سرجم ونطق كيسولها ~ سمعت أمال قالت كيقلب بحال شي هبيل وحاضي الحي ، كنظن تأكد دابا بلي انتي مكايناش معانا ولا مع مي رحمة ، فين نتحركو دابا ؟

شهد …غمضات عينيها بتعب ~ دينا لشي مدينة رتاحو ونعسو شوية ومن بعد ديريكت لمي رحمة يكون تأكد مزيان بلي مكايناش ، أنا بغيييتو مينعسش خليييه يقلب حتى يمل ويعيا

بعد تلاثة أيام …

من بعد ثلاث ايام لي دازو عليه بحال العام والنعمة لي معرفاتش طريق لحلقو ،جالس وكيحس براسو مكتف معارف مايدير الرموش متلاقاوش مع بعضياتهم لمدة هذه الثلاث ايام كلها مخلاش شي باب مدقش فيه والو مكاين خبار عليها تقول الارض تشقات وبلعاتها،مبقات عندو ݣانة لحتى واحد جوهرة من ديك الليلة سيفطها لدار مها وخلاها لا خبار ومعطىحتى تبرير لواليديه ،،،،دارهم مزطمش فيها من نهار مشات شهد وحرم يدخلها إلا وهي فيديه كلف نايف يحضي أمال ووسيم

وكلف رجال اخرين يحظيو مي رحمة ولكن بدون نتيجة مكاين خبار هي غابرة وهو عايش غير بالنيكوتين ݣارو مور ݣارو بلاما تهمو صحتو وعلاش غاتهمو وهي سكناتو كليا ،،،،هرسات داك غانم لي كلشي كيضرب ليه الف حساب غبرات والمشكل الكبير هو انه خايف تكون طاحت بين يدين مهدي وهذه الفكرة الأخيرة كتبغي تجننو ،،، أمير كلف لي يحضيه ، وعندو أمل أنها ممشاتش عندو عارفها مديرهاش ، وباغي ينهي أي فكرة من بالو خايبة حيت كيحس براسو شوية ويتسطى….

صونات ليه لطيفة وكان منو الرفض على الاتصال ديالها …ككل نهار حيت عارف نفس السيناريو غايتعاود وغاتسب شهد وغاتشكر جوهرة لي طلقات سمها وتبوحيطها على لطيفة ودموعها ديال التماسيح….

لابسة كسيوة مزيرة عليها بالوريدات ، وطالقة شعرها دماغها فبعيييد كيفكر ويخمم ، من نهار وسيم وصلها عند مي رحمة رجع باش ميتبعوهش ولا يعرفو عليها شي حاجة ،،، مي رحمة تلقاتها بدراع مفتوووحين بكات معاها وفالأخير حنات عليها ، مسولاتهاش على الماضي الخبيث ديالها ، ومقالتش ليها علاش ولا كيفاش تزوجتي بغانم ، خلات الأمر هاكاك حتى هي لراسها تعاود ليها ، وقت الغذا مطيبة كسكسو حيت الجمعة ، فصالون معاها مروان لي مين جات وهو معلق فيها خائفها تمشي وتخليه ، كانت ساهية كتفكر وراسها كيحلل ، من نهار جات وهي على هاد الحال ، حتى دخلات عليها مي رحمة ….

مي رحمة …. تبسمات وهي كتشم ريحة الكسكسو ~ بنتي حداگت لينا اليوم ، هاي هاي على روايح

شهد … باست يديها بحنان وتكات عليها ~ بغيت نطيب ليك كسكسو ياك كيعجبك ؟

مي رحمة … كتملس على شعرها ~ من هاد اليديدات بالضبط كيعجبني

شهد … تبسمات وغمضات عينيها ~ الله شحال توحشتك دوزي على شعري اميمتي

مي رحمة … تنهدات كتحاول متسولهاش ولكن كاتلقى راسها فمها سابقها~ بنتي ! مغاديش تقولي ليا مالك مع راجلك ؟ اش واقع بيناتكم ؟

شهد … حلات عينيها فيها لثواني قبل ماتنطق ~ مابقيتش بغيييتو امي بغيت نطلق صافي هو مزوج الله يسهل عليه أنا غير طريق بيناتهم

مي رحمة … باعتراض ~ لا ابنتي اعوذ بالله تفاهمو وصلحو اموركم ، علاش تفارقي معاه ؟ ياك انتي تزوجتيه من لول وقبلتي بيه ، وراجل ابنتي مكيبغيش البنت نگارة ولي فيها كترة المشاكل ، وغير مخيبة سيفتها ، أنا كنعرفك مزيان ، عجينة يدي ماشي غير جا وتزوج عليك يعلم الله اش درتي ليه

شهد .. ناضت جالسة كتشوف فيها تمنات تعاود ليها حقيقتها ولكن فالأخير تراجعات وحنات ليها راسها ، آخر شخص ممكن تخصرو هو مي رحمة لي بالنسبة ليها هي كل شي فحياتها~ تا دابا مقلت عيب ندفع طلاقي يطلقني ويمشي بحالو…

مي رحمة … قربات ليها شادة بيديها ، عارفة راسها قصح من الصخر ~ تفاهمي معاه ابنتي اللول وانتما عاد تزوجتو طلقو ميمكنش عيطي راجلك علميه يجي وخليييه يشوفك وتفاهمو ، راه ابنتي مايدوملك غير راجلك ، هو باينة فيه ولد الناس غير انتي الله يهديك

شهد … وقفات غادة للكزينة ~ لا هي لا مي رحمة معندي مندير بيه سالينا

تنهدات مي رحمة كتنعل الشيطآن ، وتفكر ، عارفاها دارت أشياء غالطة فحياتها ، ولي لحد الأن تاواحد مباغي يعترف بيهم منهم ، سكتات لتواني كتفكر ، نزلات دمعة حارة من عينيها يتيمة وبريئة ، وتفكرات كلام المرحومة ليها …

فلاش باك

يديها عامرين بالدم وشفايفها كيترعدو ، غمضات عينيها بحرارة ، ورجعات فتحاتهم ، الموت طالعة معاها ، وجهها صفر ويديها فاشلين ، نطقات بكلامها وهي شادة فمي رحمة فيديها وكتنفض آخر أنفاسها …

___ علميها تبغي الحياة وتشوفها زويييينة قولي ليها ماماك كتبغييييك بزااف ، عطيها المذكرة لي خليت ليها ، رحمة سمييييها شهد بنتي أمانة عندك كوني ليها الأم كوني ليها ركيزة باش تعيش ….وغمضات عينيها تا دا مول الأمانة أمانتو

~نهاية_فلاش_باك

مسحات دموع هما نزلوووو ، ورجعات فتحات مجر كان حداها ، فيه صورة شهد مع شخص أخر فاش كانت يالله عندها ربع السنين … ضاحكة وفرحانة ، وهو بدورو ضاحك وفرحان ، دوزات عليها بيديها بحزن ورجعات نطقات ..

مي رحمة …. تأملات صورة بحزن كبير ~ كون غير بقيتي حتى انت معاها

نهار مشحون داز عليه ، تحت عينيه كوحل بقلة النعاس ، وعينيه كيف دم حومر لحيته كتافت وكبرات … داز وقت قليل وهو يجيه اتصال من نايف كيخبرو بلي لقاوها.. كان فحالة غريبة ، مخلطة بين الصدمة والفرحة ، ممتيقش واش بالصح لقاها ولا غير كيحلم حيد التيلي من وذنيه كيتأكد واش بالصح داكشي لي سمع وبالصح الاتصال كاين ولا لا، نطق كلمة وحدة كانت كافية تبين لنايف معزاه ، مطولش عليه الهدرة وعطاه البلاصة فيه هي ،ظهرات شبه ابتسامة على وجه فكات ديك تغوبيشة … وركب فطوموبيلتو مكسيري ، حتى تحكو الروايض مع بعضهم وخلاو الأثر ديالهم ،

لحظات كثيرة دازو وهو مزال كيخبط فالطريق حيت المدينة لي هما فيها جاية بعيدة بزااااف على فين هو ،وصل ونزل بكل شموخ وهو كيلوح نظراتو الحومة لي هما فيها وللدار لي قالو نايف بلي وسيم كراها ليها هي ومي رحمة،شاف فرجالو واقفين وعطاهم إشارة باش يبعدو من تمكاك ودق فالباب لحظات حتى تفتح فوجهو ، مروان لي عقل عليه شكون وشكون يكون …

كيف حطات الگصعة ديال كسكتو ، حاطة على راسها زيف حياتي ، مغطية شعرها واللور مطلوق ، باش زغب ميدخلش لمأكلة، مروان حل لباب كيف سمع دقان ، حتى لقاتو واقف حداها ، قلبها بدأ يضرب فالألف ، مصدومة كيف لقاها ، مي رحمة تبسمات فاش شافتو ، وقفات كترحب بيه …

مي رحمة … مرحبا بيك اولدي دخل متبقاش واقف دار داركم

غانم … مكانش كيسمع ليها كتر ما عينيه لي كانو مستقرين على شهد ، تفاصيلها وزيف دحياتي لي على راسها ، متبت عينيه عليها ، قرب جوج خطرات منها ، خلاها تراجع ونطق ~ براك الله وفيك امي رحمة

مي رحمة … كتشوف فيه عينيه منزلوش عليها تبسمات وهي طبطب على كتافو لعراض ~ جلس اولدي دخلتي ونعمة ربي محطوطة دير يديك معانا تاخد الأجر ، هاد الخير من يدين بنتي شهد

شهد … طرطقات عينيها فيه وبحال شي اللبؤة خرجات عينيها وهزات يديها حاطاهم على جنابها ~ شكدبر هنا؟ وكيفاش لقيتيني ؟

غانم … قوص عينيه وهو متبع حركات يديها لي على خصرها حاطاهم ، ورجع كيشوف فتفاصيلها بهيام ~ گلسي لأرض ونزلي صوووووتك جاي وباغي ندي مراتي فيدي صحيحة وماشي من شي قنت مهرسة

مي رحمة … قبل ما تحاوبو شهد لي مكشرة على نيابها نطقات ~ گلسي ابنتي خلينا ندوقو هاد النعمة براحة ومن بعد وكملو كلامكم الله يرضي عليك

جلسات ماشي هي هاديك محاملاش تشوفو ، وجا ولقاها كيفاش الله واعلم ، جلس أونفاص معاها ، كيشوف فيها حتى مدات ليها مي رحمة المعلقة وسمات بالله ، عاد بداو ، مروان غير حاضي الفيلم وكيتبسم ، معرفش علاش عجبو غانم ، شخصيتو غريبة عجباتو ، شكلو بديك الوشمة وديك الحروشية والطولة ، بحال دوك الممتلين نگالزة ، كياكل يشوف فيه ، فحين غانم كلاها ميكرهش ينقض عليها وياخد منها ديك السهيير وديك الفقصة يبرد شوقو منها ، ويعصرها بين يديه

العقاب النفسي صعيب ،،، ممكن الإنسان يمووت جراء عدم الأكل ، وفقط الشراب والنيكوتين ، هذا بحد راسو انتحار ماشي غير عقاب ، غير هنا الأمر مختلف ، غانم الشخصية الغامضة ، علاش فاش مشات عاد حس بهاد شعور القهرة ، علاش من الأول ملتازمش بكلامو وسمعها ، ولا فقط نبهها للطريق الصحيحة ، وراها الغلط من الصحيح ؟ انقووولكم حيت شخصية شهد شخصية ماكرة ، الفلوس هما الهوى والحب باش كتنفس وتعيش ، فكضنو كلام غانم غادي يأتر عليها ؟ ولا يخليها تحس ولو شوية بالحزن وعدم راحة ؟ انقولكم شهد خرجات من دار فقط حيت متسرطاتش ليها أنه شي حاجة ملكها ختارتها بشوقها شراها وعطاها لعدوة لي كتكرهها ، هنا شهد فقدت سيطرة على راسها ، ولات كتفكر وتخمم فجوهرة ، لي لعباتها عليها صحيحة ، وضمصات ليها بلان الفيديو ، خلاتها تراجع على أنها تأتر عليه بكلامها، لقات راسها مع واحد مقطعيييين ليه بصح الوراق ، وشي نهار يضربها يقتلها ، يعني اللعب معاه لا محالة ، يا الموت يا الحبس أخرة واحد فيهم …

رغم التعب لي مسيطر عليه ، فرحته كبيرة كيف شافها بين عينيه ، صحيحة ولباس ، نزلات لقلبه راحة غريبة ، عينيه نايمين فيييها كيقول بزاااف ، ولكن روحه مكسوورة ، كيتعذب وكيحس براسو سكناته بكل شي ديالها ، عينيه كلاوها ميكرهش ينقض عليها وياخد منها ديك السهيير وديك الفقصة يبرد شوقو منها ، ويعصرها بين يديه ، طعم كسكسو عجبو ، كان باغي غير يشوفها صددق معمر كرشو لي هادي تلات ايام محط فيها نعمة ،، فحين هي غير كتصوط وفاش كتهز عينيها كتلقاه كيشوف فيها كتزيد تعصب …كملو الغذاء فجو مشحون ، كلها وفين عقلو كلها وشنو كيفكر ، شوقو ليها فات الحدود ، غير سالات مي رحمة ومروان ، كان باقي باغي يزيد يأكل وهي تهز الگصعة مخلاتوش يكمل ، ودخلات الكوزينة كتنگر ، شافتها هاكاك مي رحمة وهي تنوض تبعها ، قوص حجبانو ذاتو كاملة كضرو وتحت عينيه كوحل بقلة النعاس ، حالته حالة،،، وقف باغي يتبعها وبزز ولا بالخاطر باغي يديها معاه ، حس بيديدات صغار شوية كيقيصو فيه ، حنى عينيه وهو كيشوف فمروان هاز صورتها بين يديه وكيضحك …

مروان … قاص الوشام لي على يديه بفرحة ، ونطق ~ دابا أنا ختي كارما مزوجة بيييك انت؟

غانم … قرد حداه كيشوف فيه زعيعر وكبير مكايبانش عندو 16 العام ، قوص عينيه وجاوبه ~ شحال فعمرك ،؟

مروان … بفخر ~ سطااااش العام وباغي نكون قائد كبير فالمخابرات السرية

غانم … تبسم بخفوت وخربق ليه شعرو ~ متبقاش تعيط ليها كارما اسمها شهد ، شهد خت القائد ديالنا مروان

مروان … ضرب كف معاه بفرحة ~ الله يسمع منك ، حط صورة حداه وهز كفووفه

غانم … بغى ينوووض وهو يسمع مروان كيهضر - اجي جابك الله تشوفها كيف كانت ، شكرودة ولوييين فصغرها ههههههه عنداك تحصلك نباتو اليوم بجوج فزنقة

غانم … ضحك بخفوت من كلامه ورجع باهتمام شاد من عندو صورة ~ ارى نشوفو خت مروان المسرارة ههه

حط صورة بين عينيه ، كيحقق فيها ويعاود ، ويرجع يسول مروان واش شهد لي فصورة ، حس بالصهدة نزلات عليه ، عينيه خرجو ، وعقلو رافض شنو كيشوف ، بلع رييقو مرة وجوج وتلاتة ، ورجع وقف كيشوف فالشخص لي هاز شهد بين يديييه وكيضحك ، خليل بنكيران ، خو لطيفة بنكيران ، مفهم والو ، وشنو كيدير مع شهد فصورة ، دخل فدوامة كبيرة دالأسئلة ، حتى سمع مي رحمة موراه كتنطق بيها..

مي رحمة … بحزن ~ هداك أب شهد اولدي سي خليل ، ارى ليا ديك صورة قبل ماتشوفها وتنوض عاود تغوت جا مسكتها عليا

جاتو تقيلة يسمع كلامها .. وذنيه بداو يصفرو ، وجهو رجع حمر ، ويديه كيترعدو ، حتى طاحت الصورة فالأرض تشتتات ،،، زاجها تزلع وتشتت فالأرض بحال قلبو لي تهرس وعقلو لي دخل فصدمة كبيرة …

للأسف فمجتمعنا هذا ، بزاااف ديال الناس عاشو بدون أباء ، نتيجة أخطاء واليديهم، كاين لي سمحات فيه مو وكاين لي سمح فيه باه ، تحت تعريف متخلفييين ، وعديمين المسؤولية ، جاهلين بالمعنى الصحيح ، منافقين وكذابين ، كيغلطو وكيرمييو ولادهم للزنقة تربيهم ، معندهمش حس الضمير ، كينساو بلي ديك الطفل ولا ديك الطفلة تقدر تكبر ، وتزوج خوها، ولا ديك الطفل يكبر ويتزوج خته، وللأسف هادو كيوقعو منهم عداد فمجتمعنا ، كلمة الوالديين مكتعطاش لكل شي كتعطى فقط لأباء لي بصح يستحقو وماشي لجميع … والأم ماشي فقط هي لي كتولد الأم هي لي كتربي، هي لي كتسهر، هي لي كتبكي لبكاك، وهي لي كتفرح لفرحك ، الأب هو ديك الركيزة التقيل لي كيركزو عليه الأولاد ، الأب هو الدفئ ، هو الراحة ، بل هو السند فحياتك .

صورة بين عينيه ، كيحقق فيها ويعاود ، ويرجع يسول مروان واش شهد لي فصورة ، حس بالصهدة نزلات عليه ، عينيه خرجو ، وعقلو رافض شنو كيشوف ، بلع رييقو مرة وجوج وتلاتة ، ورجع وقف كيشوف فالشخص لي هاز شهد بين يديييه ، خليل بنكيران ، خو لطيفة بنكيران ، مفهم والو ، وشنو كيدير مع شهد فصورة ، دخل فدوامة كبيرة ، حتى سمع مي رحمة موراه كتنطق بيها..

مي رحمة … بحزن ~ هداك أب شهد اولدي سي خليل ، ارى ليا ديك صورة قبل ماتشوفها وتنوض عاود تغوت حا مسكتها عليا

جاتو تقيلة يسمع كلامها .. وذنيه بداو يصفرو ، وجهو رجع حمر ، ويديه كيترعدو ، حتى طاحت الصورة فالأرض تشتتات زاجها تزلع وتشتت فالأرض بحال قلبو لي تهرس وعقلو لي دخل فصدمة … كانت مي رحمة كتسولو وتعاود ، وهو كان مصدوم ممركزش معاها ، عقلو غاب ، كيفكر ويحلل، حس بالسخانة قاصتو وفالنفس الوقت الباردة ،

مي رحمة … هزات صورة ورجعات زعزعاته كتحاول تفهم مالو ~ ولدي ياك لباس مالك ؟

غانم … هز عينيه فيها فيهم لمعة غريبة وصدمة ورجع سولها ~ كتعرفي بات شهد ؟

مي رحمة … تنهدات بحزن ورجعات جاوباته ~ كنعرفو اولدي كنعرفو مزيان

ضحك على راسو باستهزاء ، عينيه كيلمعو بالطريقة غريبة ، دليل على الصدمة ، كان محتاج للهواء ، محتاج يتنفس كيحس براسو طاقته نفدات ورجع فارغ ، طاح فبالو بلي جوهرة خت شهد وبلي جمع بين خواتات كيفاش شهد بنتو وفيناهيا مها وشحال من سؤال كيدور فراسو ملقى ليه جواب ، مستوعبش هادشي وخرج لى برا … كيطلع النفس ويخرجها ، ويرجع يزفر، كيحاول يدخل كمية الهواء لريته، دماغو كيدور ويحلل ويناقش غينفاجر ، ذاتو شعلات مزيان واش جا مبردها كمى گارو تابع خوه وكيخمم وعقلو ممعاهش ، موصيبة وطاحت عليه من سما ، عمرو حبى ونهار حبى طاح على راسو ، سخرية القدر فين لاحتو ولا مخالف شرع الله وجامع بين زوج خواتاتو ، زواجو وحياتو باطل لمن غيعاود هادشي واشمن عقل غيتقبلها ، اسئلة كثيرة ومطارق هما فدماغو خاص مي رحمة تجاوب عليهم رجع وتفك خيوطهم ، رجع دخل لداخل ، بانت ليه مي رحمة جالسة كتخمم تا هي ..

غانم … بصوت عيان نطق ~ مي رحمة اجي خرجي معايا شوية لبرا بغيت نهضر معاك ،،، حدى الدار بالضبط واقفين ، كرز على يديه بقوة ، جاتو صعيبة يسولها ، خايف ولأول مرة يخاف ، حس براسو طاقتو صافي خوات، ورجع شاف فيها عينيه حومر بحال دم ، جبد تيليفون دياله من جيبو وجبد صور ديالو مع العائلة ، زوما صورت خليل وحطها بين عينيها كيسولها ~ واش هو هذا ؟

مي رحمة … وحلها الكلام فحلقها وهي كتحقق فيه وتعاود ، واخا كبر ملامحو متبدلاتش أبدا ، نفس العيون الملونة ونفس الطولة و سمورية ، رجعووو يديها كيترعدو وفمها كذالك ، عينيها بقاو على الصورة للحظة، نزلات بسرعة دمعة من عينيها ~ ش ك ك ف ه هو ه هذا فين ك كتعرفو؟

غانم … بلع ريقو وتفاحة ادم كتحرك، ورجع دخل تيليفون فجيييبه حاس براسو غادي يطرطق لدرجة عينيه عمرو بغشاوة دموع ، حس بقلبو تهرس ، ورجلييه خواو بيييه ، صدمة خلاته يضرب يديييه بقوة مع الحيط تا حس بيها وعتاتو ورجع ضرب مرة خرى ~ عاوديلي كيفاش خلاها ؟ واش عارفها عايشة ؟ فين هي مها ، رجع نزل بوكس مع الحيط كيحاول يخوي أعصابو، مبقاش قادر يستحمل، ونزل علييها تا سالت بالدم ~ شرحيلي غادي نحمااااق

مي رحمة … خلعها المنظر ديالو، غمضات عينيها بحزن دمعة نزلات منهم ، ورجعات للماضي كتفكر…

فلاش_باك

بانت ليها شابة دالخير واقفة لابسة جلابة ، طويلة وسالفها حرييييير طويل نازل على مؤخرتها، بحال شي مودل زينها غرييييييب ، حنطية لدرجة تقتل، سموريتها خلاتها تبقى كتشوف فيها ، كرشها لفمها ، وهي واقفة فالشمس كتجمع الخبز الكارم ، كانت رحمة ديما كتشوفها حدى الخيرية كتجمع الخبز ، تبسمات وهزات لي كتب الله وهي كتعيط ليييها

مي رحمة … بنتي البنية اجي هاكي

___ … كتمشى غير بالشوية حيت متقلة ونطقات وهي كتاخذ من عندها داكشي لي قسم الله ~ الله يرحم ليك الواليدين

كيف مشات بقات متبعاها بعينيها تا درگات ، كتشوف بنية صغيرة متقلة وزوينة باينة فيها باقا صغيرة ..دخلات وهي كتدعي معاها فخاطرها..ونهار على نهار تقويبا يوميا كتجي ومي رحمة كتعطيها داكشي لي ربي قسمو، حتى لواحد النهار كانت كدور وعيات ، جلسات على واحد العتبة ، وهي كتشوف باب الخيرية ، يديها حطاهم على كرشها كدوز عليهم ، والعطش قتلها، كانت مي رحمة كيف العادة كتسناها فالنفس الوقيتة، بانت ليها جالسة صهد قتلها وبايينة فيها عيات ، هزات الماء وخرجات عندها ، كيف ديما تلقات ليها بابتسامة، وهاد المرة باغا تعرف شكون هي وفين كتسكن…

مي رحمة … مدان ليها قريعة دالماء وشوية الماكلة~ بنتي شربي عتقي راسك ، تبسمات وهزات القرعة نزلات عليها ، وهي كتشكرها ، طبطبات عليها مي رحمة بعفوية ونطقات وهي كتسولها ~ بنتي منييين نتيا؟ شنو سماك الله بعدا

~~ هزات عويناتها فيها كبار مشفرين بونيييين مغلوقين ولكن متيرين لدرجة كبيرة ونطقات ~ جوهرة

مي رحمة … هزات يديها كدوز على شعرها بحنان ونطقات ~ ماشاء الله شحال غزالة ، الله يحجبك من العين ابنتي ، عاوديلي اش مخرجك فهاد شمس وانتي متقلة بكرشك ابنتي ؟

جوهرة…. رمشات زوج دالمرات ونطقات بغصة فقلبها ~ زمان اخالتي حگار وانا إلى مخرجتش مكاينش لي يوكلني

مي رحمة … نطقات بحزن ~ علاش ابنتي فين واليديك ؟

جوهرة …حسات براحة معاها فالهضرة، نزلات دمعة من عينيها دغيا مسحاتها محسات براسها غير وهي كتعاود ليها قصتها ~ واليدية جراو عليا حيت جبت ليهم الحرام ، شهقات تا نفسها مشات ورجعات كتصوووط وهي كتبكي بحرقة ~ ضحك عليا اخالتي ، قاليا كنبغيييك وغادي نتزوج بيك ، صدق كيكذب عليا ، سمح فيا وفهادشي لي فكرشي مرحمنيش تيق ديكشي لي بغى وقالي سيري شوفي هاد الحرام مين جبتيه … بقات تبكي وتشهق بصوت عالي تا تقجات وهي مي رحمة تعنقها كتبكي معاها …

مي رحمة … لمسات شعرها كدوز عليه ونطقات ~ شحال فعمرك ابنتي

جوهرة … شهقات واحلين فحلقها باقين كيقجوووها نطقات بخفوت~ 19 العام ،

مي رحمة …. بقات فيها نطقات بحزن ~ كملي ابنتي لا حولة ولا قوة إلا بالله

ورجعات كتعاود ليها بحال إلى كانت تسنى صدر حنين تكى عليه ولقات مي رحمة هي ديك المرأة لي كانت محتاجة تعاود ليها ،

جوهرة … كنا مصاحبين لمدة عام ، مين كانت عندي 18 العام ، كيهزني من المدرسة ويديني معاه ، كنت كنبغيه، حرقني اخالتي ضحك عليا، نهار عيد ميلادي قالي غادي نتزوج بيك ، حتى خدى لي بغى مني وفتالي لاحني نهار عرفني حاملة قالي سيري شوفي منين جبتي هاد الحرام ، بكيييت وطلبتو قلت ليه عائلتي غادي تقتلني عرفتي شنو قالي ؟ ضحكات بمرارة وضربات على صدرها ~ قالي انتما الفقراء ديما كتبغيييو تلصقو فالناس لي لاباس عليهم ، قالي عقلتي ميييين كنت نجييبلك الحوايج وروايح ونعطيك الفلوس كان كيعجبك الحال….

جوهرة … شهقات واحلين فحلقها باقين كيقجوووها نطقات بخفوت~ 19 العام ، ورجعات كتعاود ليها بحال إلى كانت تسنى صدر حنين تكى عليه ولقات مي رحمة هي ديك المرأة لي كانت محتاجة تعاود ليها ، كنا مصاحبين لمدة عام ، مين كانت عندي 18 العام ، كيهزني من المدرسة ويديني معاه ، كنت كنبغيه، حرقني اخالتي ضحك عليا، نهار عيد ميلادي قالي عادي نتزوج بيك ، حتى خدى لي بغى مني وفتالي لاحني قالي سيري شوفي منين حاملة ، بكيييت وطلبتو قلت ليه عائلتي غادي تقتلني عرفتي شنو قالي ؟ ضحكات بمرارة وضربات على صدرها ~ قالي انتما الفقراء ديما كتبغيييو تلصقو فالناس لي لاباس عليهم ، قالي عقلتي ميييين كنت نجييبلك الحوايج وروايح ونعطيك الفلوس كان كيعجبك الحال ، حسات بالدوخة وهي تسكت لمهلة كتشوف بعييييد ~ نهار كرشي بدات تبان ، قلت لماما حاملة قالت لي خرجي قبل ماطلقييني وتصيفطيلي ولادي الحبس ، جرات عليا ، ضربات على صدرها مرة خرى ~ محناتش فيا فديك الليل جرات عليا وقالت لي سيري معندي بنت أنا

مي رحمة … عنقاتها كتمسح ليها دموعها ورجعات سولاتها بفضول ~ فين ساكنة ابنتي دابا ؟

جوهرة … شربات مييهة باقة كتشهق ونطقات ~ كتعرفي السيد لي كيسيرجي صبابط، ديك الراجل الكبير لي عندو براكة مووور هاد الخيرية ، أنا تما عايشة معاه ، كنعاونو وكنبات تما

مي رحمة … حرقها قلبها عليييها كتشوف بنييتة صغيرة عاد لاحت رجليها للدنيا ، وزوينة كتقاصي بوحدها ، ضرها خاطرها وقلبها عليها ~ اي حاجة بغيتيها ابنتي أنا موجودة ، ديريني بحال ماماك، غذا اجي فالنفس الوقت نعطيك لي كتب الله وسيري شبعانة

عنقاتها كطبطب عليها ، تا مشات وكيف كل ليلة كتجي لعندها وتعاود معاها ، تبكي عليها وضحك معاها ، حتى جا نهار ولادتها لي جاتها صعيبة ، مي رحمة غير ساقت الخبار ، جابت لييها قابلة ولداتها، كانت بنيتة غزالة ماشاء الله ، كتشبه لمها ، سماتها شهد بين نفسها ، وكيف هي تمنات، مي رحمة لي هزاتها ديك الساعة ، جوهرة حسات بإحساس غريب انها خاصها تعلم خليل بأن بنتو تزادت يكبرها ويقد بيها ، حيت مسؤوليتها هي متقدرش عليها ، ديكشي لي دارت بدات تصيفط ليه ، تكتب وتصيفط تصاور ، تعاود ليه عطاتو حتى مكان بنته، وقالت ليه هاديك بنتك ولحمك وانت عارفها، هي محتاجااك معاها ، كانت ديك الوقيتة جوهرة مرضات مرضة طويلة ، مكاملش شهر بدات تقيا دم من فمها ، وتحس بالدوخة، فالأول بدأها داكشي شوية ، ولكن من بعد كتر عليها وقوى المرض ، حتى لقات راسها عندها هيباتيت C المرض لي مكيتشافاش منه الواحد ، كانت كاتكتب ديما فمدكرة خاصة بيها حكايات لبنتها ،

وفالديك الليلة المشؤومة كانت شتاء خيط من سما، صونا ليها تيليفون مي رحمة ، وكانت جوهرة ، طلباتها تجي لعندها ، وداكشي لي كان ، وجها صفر وشاحب ، وتربية صغيرة فجنبها، تخلعات مي رحمة وهي كتشوفها فديك المنظر،

مي رحمة … ضربات على فخاضها وقربات منها كتسمع شهد كتغوت وجوهرة بعيدة عليها ، مشات هزاتها وسبحان الله سكتات فدقيقة ~ بنتي تزاد عليك الحال نديبك الطبيب وجهك معجبنيش ابنتي

جوهرة … نزلات دمعة سخونة من عينيها ونطقات وهي كتشوف فبنتها مقادراش تهزها وتشم ريحتها هزات مذكرة مداتها ليها ، ومعاها ضرف صغير مكتوب ~ مي رحمة عطي هادي لبنتي فاش تبدأ تكبر ، أنا مبقاليش بزاااف

مي رحمة … دمعو عينيها تا نزلو دموعها ورجعات كترعد عارفة هاد المرض معندوووش دوا ~ لا بنتي متقوليش هاكدا دابا تنوووضي وتصحي انشاء الله

جوهرة .. تبسمات فوجه بنتها حتى نزلات دمعة يتيمة ورجعات نطقات شفايفها يابسين ويديها بداو يبردووو، كحات حتى عمر فمها بالدم ورجعات نطقات ~ لا الميمة جا وقتي وحقي خديتو، أنا لي فقصت واليدية وبكييتهم ، وغضب الله صعيب هاني خديت جزائي ،

مي رحمة … مسحات دموعها كتشوفها ذبالت فالبلاصة ، ورييحة دالمووت عاطية منها ، دموعها بداو شلال طايحين ~ بالعكس ابنتي متقوليش هاكدا تبيقي بيا غادي يتعذبو فحياتهم أي واحد أذاك غادي ياخد حقو

جوهرة … بقات تكحب تا دم قوى وبدأ يسيح من فمها ، مسحاتو بيديها و شافت فالظرف ونطقات ~ خليل باها خليه يشوفها ويعرفها كاينة ، قولي ليه يجي شوف بنته أنا علمته والباقي عليك امي رحمة متخليش بنتي بلا اب يكفي غادي تعيش بلا بيا …واعديني ! واعديني بلي تخليه يشوفها

مي رحمة … غمضات عينيها بألم وهي كتنطقها ~ كنواعدك ابنتي

جوهرة …يديها عامرين بالدم وشفايفها كيترعدو ، غمضات عينيها بحرارة ، ورجعات فتحاتهم ، الموت طالعة معاها ، وجهها صفر ويديها فاشلين ، نطقات بكلامها وهي كتشوف فبنتها وكتنفض آخر أنفاسها ~ علميها تبغي الحياة وتشوفها زويييينة قولي ليها ماماك كتبغييييك بزااف ، عطيتها مذكرة لي خليت ليها ، رحمة سمييييها شهد، بنتي أمانة عندك كوني ليها الأم كوني ليها ركيزة باش تعيش ….وغمضات عينيها تا دا مول الأمانة أمانتو

نهاية فلاش باك

حالتو كانت ربي لي عالم بيها ، دموع تجمعو فعينيه ، وهو كيسمع القذارة ديال خالو، كيفاش قدر يقهر بنت تسعطاش العام ، باقا عاد بدات حياتها ، سمح فيها وفلي فكرشها ، يديه كتنزف، ولكن قلبووو كيبكي، محروق وكيته هاد المرة قوية ، الأعصاب تجمعو فيه ، ولكن باش ايفييدوه؟ خالو لي حطهم فهاد المشكيل ، وغانم لي خلص خطاياه، جمع النفس كيخرجها بقوة ، ويعاود يتنفس بجهد حاس بنفسو بصح ضياقت، وعينيه ظلامه وعليييهم الضبابة، مبقاش قادر يتحمل ، ونطق وهو باغي يعرف اش وقع من بعد …

غانم … بألم كيتنفس بجهد ~ واش عارف عندو بنت ؟

مي رحمة … مسحات دموعها كتشوف فيه كيف ولا الصدمة على وجهو واضحة، وكيتنفس بصعوووبة ~ ولدي واش انت لاباس ؟

غانم … دمعة باهتة مسحها من عينيه وهو كيسولها ~ جاوبيني امي رحمة ، واش عارف عندو بنت ؟

مي رحمة … تنهدات بحرقة وهي كتقوليه اااه ~ عارف اولدي عارف عندو بنت وكان يجي يزورها حتى دارت ربع سنين ، ومن بعد تقطعات أخبارو فخطرة ، بدل رقمو وبدل حتى عنوانو، عيييت نقلب ملقيت عليه خبار … تأكدت بلي تخلى عليها تا هو ومشى

غانم … كرز على يديه بقوة الأعصاب ، حتى قطرات يديه بالدم ، ورجع كيسولها ~ معرفتيهش علاش غبر؟ شنو سبب لي خلاه ينكر بنته ويخليها بلى ميهزها بين سنانو؟

مي رحمة … بقهرة نطقات ~ خليل اولدي كان شاك بلي شهد بنته فالأول ، بعد عام قرر يجي يقلب عليها ، ومن بعد بدأ يزورها ويغبر مدة طوييييلة ، حتى كنقول صافي مشى ، وفالتالي كيرجع ، ونهار قلت ليه هز بنتك ديرها فالحالة المدنية ، مابغاش قالي خليها هنا والى حتاجت شي حاجة صونيلي، منكذبش عليك اولدي كون ماشي وعدي لي عطيييتو لأم ديالها كان عمرو يشوفها ولا يسمع عليها خيار ، حيت ميستاهلش ولكن الوعد دين على مولاه ، مبغيتش نخلي تقلييد على رقبتي نهار يدي مول الأمانة أمانته نتحاسب عليه ، سكتات شوية كتنهد ورجعات كتعاود ليه ~ باقة عاقلة اولدي واحد المرة جا فشي شكل مرون ومبرزط وحالته حالة ، بقى معاها نهار كامل ، كيلعب معاها ، ويوكلها، بقيت نتساأل علاش مداش بنته معاه يربيها ، ويعطيها حنان الأم لي تحرمات منه ، يكونها ويدير ليها مستقبلها، ميخلييهاش فالخيرية تكرفص بلى حنين ولا رحيم ، و كلن لحد الأن ملقيتش جواب لسؤالي اولدي ، حيت هداك كان آخر نهار غادي نشوفو فيه …

باش أنك تعيشي عيشة زنقة وتجمعي الخبز الكارم لي بازقين عليه الطيور ، وتاكلي شياطة، ديال الناس ، وانتي كنتي فهمتك وشانك معززة ومكرمة فالدار واليديك ، فهادي بحد تاتها عقاب ، علاش كنرمييييو راسنا للناس مستحيل يكونو لينا ، واش غير تحت اسم الحب ؟ ولا شي شي مرض مراض بيه ؟ علاش نعطيه راسي ونخلييييه يلووحني من بعد ، غادي نجاوبكم، جوهرة كانت فسن المراهقة وكيف أي بنت حبات وطاحت على راسها ، وخصوصا فشاب بحال خليل زييين والطولة، ولباس عليه ، يبين ليك الحب ويعطيك ويفششك، ويديك يوكلك ويساريك، هادشي بالضبط لي وقع ليها تغمضو ليها عينيها ، حتى نهار وقعات ليها الواقعة معاه ، ولقات راسها حاملة ، شنو بغيتيه يقوليك مثلا ؟ يفرح ويمشي يخطبك ويتزوج بيك ؟ لا طبعا غادي يعييفك ويكرهك ويمرمد بيك الأرض وفتالي يجري عليك ، أنا ضد أي بنت تعطي لصاحبها راسها قبل زواج تحت ما يسمى بالحب !!!! بغي راسك وعطي قيمة لرأسك ، خليه هو يتبعك ويطلبك ويرغبك باش تكوني ليه ، عمرك تبيني ضعفك، حيت غايجي نهار لي يعايرك بيه ، كوني قوية ، بل كوني انتي …

مي رحمة … حسات بشعور غريب وهي كتشوف حالو، ترعدو يديها وشفايفها وهي كتسوولو ~ كتعرفو؟

غانم … طلع نفس وهبطها بصعوبة ، حاس براسو مزير ونطق بألم ~ خليل بن كيران هو خالي امي رحمة

بقوة الصدمة خلاتها طيح جالسة فالأرض ، مصدوومة، وحداها مروان لي سمع كل شي نزل شاد فيديها ، مقدراتش تستوعب هاد اللعبة القدر ، بقات غير كتشوف بلى مترمش، يديها كيترعدو عليها ، ورأسها عاطيها الحريق ، عويناتها كيسيلو بالدموع، ومروان كيمسحهم ليها ، فالنفس الوقت كيسولها، ولكن هي مرفوووعة، كتشوف مسخرة الحياة ، تلعبات بالعائلة كاملة، بصغيرها وكبيرها ، بقات تنطق بأستغفر الله العضيم ، وكتعاود فيها ، حاسة بكمية الصدمة لي خدات صعيبة عليها ، كيفاش زوج شهد صدق من عائلة شهد ، وخليل هو خالو، معضرهم كيقوليييك دنيا صغيرة ، وفعلا صغيرة ، اليوم عليك وغدا عليا ، ديرها غير زوينة مع ربي ، ومع واليديك، نهار تحصل تودي وتخلص قبل الأخرة ….

غانم … يبس ليه ريق فحلقو، وطاح تيليفون من يديه فاشل وصورة خليل باقة مفتووحة ، نزل الأرض جالس مصدوووم، وهو كيردد كلامو بصدمة ~ صدقات بنت خالي !!! يعني خت جوهرة ، دابا أنا مزوج جوج خواتات لا ميمكنش ، غووووووت بصوت عالي شيء لي خلى شهد تنقز مفزوعة من الكزينة ونطق مكمل كلامو ~ يا ربي غادي نحمااااااااااااق يا ربي عااااااوني ، ضياق عليه صدرو، ونفسو قلالت لدرجة حيد التريييكو صدرو كيطلع ويهبط بعنف ، وسخون لدرجة لون لحمو رجع حمر ….

لكل ضالم أو مضلوم حقو عند الله تعالى مقبول ، سوى بالقتل ، أو بالغدر ، ربي كيفضحك فأخر المطاف ، وخا تعيا تخبي وتكذب ، مكشوف مكشوف ،

للأسف مجتمعنا مكيرحمش المرأة ، إلى غلطات كتخلص واخا تكون ماشي بوحدها الغالطة ، حتاخد دقة كتر من شخص لي مشارك معاها الخطيئة ، لا انت ولا غيرك يقدر يبدل هادشي ، لهذا قبل الإنسان ميرتاكب الغلط خاص يفكر مزيان ، واش هادشي مسلكني ؟ وأش إلى غلطت غادي نتحاسب ولا قاد بمسؤوليته غلطي ، منبقاوش غير غاديييين فالغلط هاص نفيييقو ماشي إلى جابلي وردة وقالي كنبغييك صافي راه كيموت عليا نعطيه راسي ، تعلمو من أغلاط الناس ، متخليييوش أي حاجة تأتي عليييكم ، حلمووو ولكن قد حالكم ، متفووتوووش حدوودكم حيت بعد نهار تبكي مغاديش يمسح دموووعك ،

خرجات كتجري كتسمع الغوات مخلط مع ديال مي رحمة ، فشلو ليها رجليها بالخوف ، غير خرجات بانت ليها مي رحمة دموعها سقاية ، وغانم فحالة صدمة كيغوت، قربات مخلوعة، وشدات فمي رحمة كتسولها وعينيها عليها بخوف ..

شهد …بخوف ~ مي مالكم ؟ مالك متخلعينيش علاش كتغوتو ؟ قالييييك شي حاجة ؟ شنو دار ليك ؟ جاوبيني ، مين مجاوبتهاش شافت فغانم بكره وهي تقرب ليه ~ خررررج علييييييينا نووووض سير بحالللك ، شنو درتي ليها ؟

مروان … شدها من يديها كيهدنها عينيه حميمرين مفاهمش كل شي ، ولكن سامع كلامهم ونطق ~ ختي مدار ليها والو ، هو غير شاف صورتك مع باباك و تصدم ، قاليك انتي بنت خالو

شهد … هزات حجبانها عاقداهم معصبة ونطقات ~ كيفاش بنت خالو ؟ شنو كتخربق؟

مي رحمة … مسحات دموعها وشدات فيديها بخزن وبصعوبة نطقات ~ ربي كيختابرك ابنتي ، سكتات شوية وفتالي نطقات بالمكشوووف …. خليل بابك صدق هو خال غانم ابنتي ،

دفعات يديها برجفة ، وقفات مصدومة ،هاد الموضوع بالضبط عندها حساس لدرجة كبيرة ، عمرها ضمان تعرف باها ، أو بالأحرى حتى شي أمل مرودها فمخيلتها ، كانت عندها رغبة قوية تلاقاه ، وتشووفه وتعرفه شكون هو ، وتقوووليه كلام ، من الطفووولتها وهي موجداه ليه …. كتشوف فيها وترجع تشوف فغانم لي ساكت ، دقة فقلبه خداها قوية ، ملقى ميقول ، ربي كيختابرو تا هو ، كيشوف راسو مزوج زوج خوت ، وحدة كدعي بيه حاملة ، وتانية رغم انه مقاسهاش كتبقى شافها عريانة وتقرب منها وبأسها ، حس بالعروق ديالو تعصرو قريب يطرطقو، غمض عينيه وناض واقف كيشوف فيها غير كترمش بدون كلمة ، صدمة خلاتها تبقى ساكتة ومتنطق بوالو ، شاف فمي رحمة ومروان ، ورجع شدها من يديها شابكهم معاه ، وجرها ، باقي يطرطق الرمانة ، ومباغيش يخليها ولو تانية بعيدة عليه ،،،كانت جسد بدون روح ، فقط غادة ، عقلها غايب ، ودماغها كيفكر قداماي لي دوزات وعاشت ، وداكشي لي سمعات ، كانت عندها أحلام باغا تحققهم ، ولكن فات لفوت عاشت القهرة والحگرة عاشت الظلم ، وعاشت شي حوايج خلاوها تكون كارما ،

~ليس كل ما يلمع ذهبا ~

غانم … وجه كلامو لرحمة~ خاص هادشي يتكشف كلها يعرف حقيقته ، وخباياه تبعيني مي رحمة ،..اليوم نفكو هاد الفيلم

كانت ساكتة كتفكر بزااااف دالحوايج ، مكانتش متوقعة بعد هاد السنين الطويلة يبان الشخص لي كتكره فحياتها ، ولي كانت تمنى تلاقاك وتشوف فوجهه وتقول ليه بزاااف بالكلام واحل ليها فحلقها و فقلبها ، ومقدراش تخطاهم لدابا ، لهذا مامتانعاتش فاش جرها دايها معاه ، كانت تقول مستحيل هو ، حيت عمرها شافته، ولا سمعات عليه، قلبها كيتسارع وعقلها فصدمة غايب ، صايگ بسرعة ، مناعسش وغير كيكمي، ودابا صدمة خلاته يصحى، ويفكر ، هذا امتخان من ربي عطاه ، واش عقاب على فعل دارو، ولا الله واعلم ، علاش تختابر هاد الإختبار الصعيب ، طاح بين جوج خواتات، والضحية فهادشي كيشوف هي شهد وجوهرة ، غادي وكيفكر ويخمم فيها ، ربي كتب علييه يعيش هادشي ، ويتعذب وهو بين نارين ، دابا حالهم عاد زادت تعقدات ورجعات غير مستقرة، جبد عليها الطريق الطويلة كل واحد فيهم حاط راسو فقنت وكيفكر،…

بعد_ساعات

هزات عينيها فالڤيلا لي خلات وحلفات متعاود تحط فيها رجليييها ، ها هي دابا رجعات ليها ، مهزووومة فحرب كبيرة ، كتشوف القدرة الإهية قداش ، وربي كيبيتها فشان ويصبحها فشان ، سعداتك أفاعل الخير ، هزات عينيها كتشوف فسراجم، وعقلها بعيد كيفكر ، شحال تمنات كون كانت من عائلة كبيرة ، متسرق متنصب على رجال ، شحال تمنات كون عاشت دفئ العائلي لي تحرمات منه ، ولي العقدة ديالو لحد الأن تابعاها، ولكن إحساسها بأنها تشوفه وتسمع صوته كان قوى من أي حاجة …. تمشى قدامها وهي حداه ساكنة منطقات بحتى حرف ، مرفوعة، فتح الباب ودخل ، وجهووو صفر ، وعيان بزااااف ، لقاهم فصالون ، مجمعين، وحتى جوهرة جالسة معاهم ، من وجها باينة كانت كتبكي على لطيفة ،،،، غير شافت غانم ، وهي تبسم نايضة واقفة باغا تصافحو وطلب منه السماحة ، ولكن صدمها فاش بعد عليها خلاها واقفة مفاهمة والو ، و شد يد شهد وجلسها حداهم ، كيشوف فيهم ، ولطيفة كتشوف فمي رحمة ومروان معاجبها حال ، كحلات بالعمى فاش شافتها حداها واقفة ولكن مكتشوفش فيها شهد بمرة

لطيفة …..تمتمات بين شفايفها مفقوصة ~ مافيه نفس مشى جابهالي عاود تا لقلب داري بلى حشمة ..

عبد القادر … تبسم بفرحة فاش شاف شهد وناض عنقها كيطبطب عليها ~ بنتي توحشتك خلعتيينا علييك انتي لاباس ؟

شهد … هزات عينيها كتشوف فلطيفة إحساس غريب تملكها ، ورأسها مرفوع سلمات على عبد القادر ~ معرفتش يمكن لاباس اعمي

غانم … جلس مقادرش يهز عينيه فجوهرة حاس براسو غادي يطرطق ، هز عينيه وسول مه ~ هادي شكادير هنا الواليدة ؟

لطيفة … نطقات فرحانة وهي كتشوف فجوهرة تعنق وتبوووس فيها ~ لي خلى غذاتو لعشاتو ما تشفات فيه عداتو..اوى اولدي نعل الشيطان ، مراتك حاملة ، وانت خاصك ترد ليها البال ماشي تقلق منها قول الله ينعل الشيطان ويخزيييه اولدي راه غير شياطين لي معانا كيوسوسو ليك ، راه لي مخيط كساتو ، ومطيب غداتو ، ومحلب شاتو ، موتو حسن من حياتو ، كتمعني على شهد لي مدايهاش حتى فيها

غانم … زفر بصوت مجهد مخنزز وقلب وجهو على مه مغذذ من كلامها ، وهو كيشوف فباه ومي رحمة ~ الواليد واخا تخرج معانا أنا ومي رحمة باغييين نقضيييو شي غراض ومحتاجينك معانا

عبد القادر … هز راسو كيعرف ولدو مزيان فاش مكيكونش على برجه رجع شاف فمي رحمة وشهد ، هاد الأخيرة لي لونها مخطووووف نتيجة الصدمة وغير ساكتة ~ ايييه اولدي مرحبا

خرجوووو للزنقة ، قايل لباه نتحركو من هنا ، وديك شي لي كان داه هو ومي رحمة لبلاصة فين يهضرو مرتاحين ومن بعد غايشدو طريق لعند خليل يجيبوووه ، معزم اليوم يفضح سرو ،،،،

يتبع...